﻿<?xml version="1.0" encoding="UTF-8"?>
<bible translation="Garhwali (GHMNT) (गढवली नयो नियम) 2020" link="https://www.bible.com/bible/3164/MAT.1.GHMNT" status="Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License">
	<testament name="New">
		<book number="40">
			<chapter number="1">
				<verse number="1">या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।</verse>
				<verse number="2">अब्राहम बट्टी इसहाक पैदा हवे, इसहाक बट्टी याकूब पैदा हवे अर याकूब बट्टी यहूदा, अर वेका भैय पैदा हवेनि।</verse>
				<verse number="3">यहूदा अर तामार, पेरेस अर जेरह की ब्वे छै अर फरिसि बट्टी हिस्रोन पैदा हवे अर हिस्रोन बट्टी एराम पैदा हवे</verse>
				<verse number="4">एराम बट्टी अम्मीनादाब पैदा हवे अर अम्मीनादाब बट्टी नहशोन अर नहशोन बट्टी सलमोन पैदा हवे।</verse>
				<verse number="5">सलमोन बोआज कु बुबा अर रहाब वेकी ब्वे छै अर बोआज ओबेद कु बुबा अर रूत वेकी ब्वे छै अर ओबेद बट्टी यिशै पैदा हवे।</verse>
				<verse number="6">अर यिशै बट्टी दाऊद राजा पैदा हवे। अर दाऊद राजा बट्टी राजा सुलैमान वीं जनन बट्टी पैदा हवे ज्वा पैली उरिय्याह कि जनन छै।</verse>
				<verse number="7">राजा सुलैमान बट्टी रहबाम पैदा हवे अर रहबाम बट्टी अबिय्याह पैदा हवे अर अबिय्याह बट्टी आसा पैदा हवे।</verse>
				<verse number="8">आसा बट्टी यहोशाफात पैदा हवे यहोशाफात बट्टी योराम पैदा हवे अर योराम बट्टी उज्जियाह पैदा हवे।</verse>
				<verse number="9">अर उज्जियाह बट्टी योताम पैदा हवे योताम बट्टी आहाज पैदा हवे अर हिजकिय्याह आहाज बट्टी पैदा हवे।</verse>
				<verse number="10">अर हिजकिय्याह बट्टी मनश्शे पैदा हवे मनश्शे बट्टी आमोन पैदा हवे अर आमोन बट्टी योशिय्याह पैदा हवे।</verse>
				<verse number="11">योशिय्याह, यकुन्याह अर वेका भैय को दादा छो, जु इस्राएलियों तैं बाबेल देश मा बंधि बणै के लिजांण से पैली पैदा हवेनि।</verse>
				<verse number="12">यकुन्याह बट्टी शालतियेल पैदा हवे अर शालतियेल बट्टी जरुबाबेल पैदा हवे अर बाबेल देश बट्टी बंधुवै मा जांणा का बगत से लेकर यीशु का जन्म तक वेका पूर्वज छा।</verse>
				<verse number="13">अर जरुबाबेल बट्टी अबीहूद पैदा हवे, अबीहूद बट्टी इल्याकीम पैदा हवे अर इल्याकीम बट्टी अजोर पैदा हवे।</verse>
				<verse number="14">अजोर बट्टी सदोक पैदा हवे सदोक बट्टी अखीम पैदा हवे अर अखीम बट्टी इलीहूद पैदा हवे।</verse>
				<verse number="15">इलीहूद बट्टी इलियाजार पैदा हवे, इलियाजार बट्टी मत्तान पैदा हवे अर मत्तान बट्टी याकूब पैदा हवे।</verse>
				<verse number="16">अर याकूब बट्टी यूसुफ पैदा हवे जु मरियम को आदिम छो अर मरियम ल परमेश्वर की आत्मा बट्टी गर्भवती हवे के यीशु तैं जन्म दींनि, जैकु मसीह बुल्दींनि।</verse>
				<verse number="17">अब्राहम बट्टी राजा दाऊद तक चौदह पीढ़ी हवेनि, राजा दाऊद का बगत बट्टी लेकर वे बगत तक जब इस्राएल का लुखुं तैं बंधि बणै के बाबेल देश लिजांण तक चौदह पीढ़ी हवेनि, अर बंधि हवे कै बाबुल देश तक पहुँचाए जांणा का बगत बट्टी लेकर मसीह तक चौदह पीढ़ी हवेनि।</verse>
				<verse number="18">यीशु मसीह कु पैदा हूंण से पैली इन हवे कि जब वेकी ब्वे मरियम कि मंगण यूसुफ दगड़ी हवे छै त ऊंका ब्यो हूंण से पैली जब व कुँवारी छै, तब व पवित्र आत्मा कि सामर्थ बट्टी गर्भवती हवे।</verse>
				<verse number="19">अर वीं को मंगेतर यूसुफ जु कि धर्मी आदिम छो अर उ मरियम तैं बदनाम नि कनु चांदु छो अर वेल चुपके से वीं तैं छुड़ण कु विचार कैरी, किलैकि उ ब्यो से पैली ही गर्भवती पये गै जु कि व्यवस्था का विरुद्ध मा छो।</verse>
				<verse number="20">जब यूसुफ यूं बातों तैं सुचणु ही छो त प्रभु को स्वर्गदूत वेका सुपन्या मा ऐ के बुल्ण लगि गै यूसुफ, राजा दाऊद का वंशज, तू अपड़ी मंगेतर मरियम तैं अपड़ी जनन बनांण से नि डैर किलैकि जु वीं का गर्भ मा बच्चा च उ पवित्र आत्मा कि सामर्थ बट्टी च।</verse>
				<verse number="21">व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”</verse>
				<verse number="22">यु सब इलै हवे कि सब पूरो हो, यशायाह जु परमेश्वर का तरपां बट्टी बुल्ण वलो छो वेका द्वारा परमेश्वर ल यीशु का जन्म का बारा मा बोलि छो,</verse>
				<verse number="23">देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”</verse>
				<verse number="24">तब यूसुफ निंद मा बट्टी बिजि के प्रभु का स्वर्गदूत कि आज्ञा का अनुसार अपड़ी मंगेतर दगड़ी ब्यो कैरी की मरियम तैं अपड़ा घौर ली गै।</verse>
				<verse number="25">अर जब तक वीं ल नौंना तैं जन्म नि दींनि तब तक ब्यो कु कुई सम्बंध नि रखि “अर यूसुफ ल वे नौंना कु नौं यीशु रखि।”</verse>
			</chapter>
			<chapter number="2">
				<verse number="1">जब राजा हेरोदेस यहूदिया प्रान्त पर शासन कनु छो, त यीशु को जन्म वे प्रान्त का बैतलहम शहर मा हवे, त पूरब का देश बट्टी कथग ही ज्योतिषि यरूशलेम शहर मा ऐ के पुछण लगि गैनी</verse>
				<verse number="2">कि, “यहूदियों कु राजा जै को जन्म हवे उ कख च? किलैकि हम ल पूरब दिशा मा वेका जन्म का बारा मा आराधना कन वलो गैंणो देखि अर वे तैं प्रणाम कनु कु अयां छा।”</verse>
				<verse number="3">यहूदियों का राजा का जन्म का बारा मा यु सूंणि के राजा हेरोदेस अर वेका दगड़ा मा यरूशलेम शहर का भौत सा लोग घबरै गैनी।</verse>
				<verse number="4">तब वेल सभि प्रधान याजकों अर मूसा की व्यवस्था तैं सिखांण वलो तैं कठ्ठा कैरी कै ऊं बट्टी पूछि कि, मसीह कख पैदा होलो?</verse>
				<verse number="5">“ऊंल वेमा बोलि” मसीह कु जन्म यहूदिया प्रान्त का बैतलहम शहर मा होलो, किलैकि मीका जु परमेश्वर का तरपां बट्टी बुल्ण वलो छो वेका द्वारा इन लिखै गै।</verse>
				<verse number="6">“कि हे यहूदिया प्रान्त का, बैतलहम शहर का लुखुं तु जु यहूदिया प्रान्त का प्रदेश मा छै तु कनके भि यहूदा का अधिकारियों मा सबसे छुटो नि छै किलैकि त्वे मा बट्टी एक आदिम आलो जु अधिपति बणालो जु मेरी प्रजा इस्राएल का लुखुं कि रखवली करलो।”</verse>
				<verse number="7">राजा हेरोदेस ल वे बच्चा की उम्र जनणु कु ज्योतिषियों तैं चुपके से बुलै के पूछि, कि गैंणो ठिक कै बगत मा दिखै गै छो।</verse>
				<verse number="8">अर वेल यु बोलि के ऊं तैं बैतलहम भेजि, “जावा अर वे बच्चा का बारा मा ठिक-ठिक पता कैरा अर जब उ मिली जौ त मि मा वापिस ऐ के जु कुछ तुम ल देखि वे तैं मि तैं बतावा कि मि भि ऐ के वे तैं प्रणाम कर वेकी आराधना कैरू।”</verse>
				<verse number="9">उ राजा कि बात सूंणि के चलि गैनी अर जु गैंणो ऊंल पूर्व मा देखि छो उ ऊंका अगनैं-अगनैं चलि अर जख उ बच्चा छो वीं जगह का मथि पौंछि के ठैरिगे।</verse>
				<verse number="10">वे गैंणो तैं देखि के उ भौत खुश हवेनि।</verse>
				<verse number="11">ऊंल वेका घौर मा वेकी ब्वे मरियम अर यीशु देखि, त अपड़ा मुंड़ो तैं झुखै के वेकी आराधना अर प्रणाम कैरी अर अपड़ा-अपड़ा थैलों तैं खोलि के वे तैं सोना अर लोबान अर गन्धरस भेंट चड़ै।</verse>
				<verse number="12">तब ऊंल सुपन्या मा या चेतावनी पै कि राजा हेरोदेस का संमणी फिर नि जयां अर उ बगैर बतयां दुसरा बट्टा बट्टी अपड़ा देशों कु चलि गैनी।</verse>
				<verse number="13">ऊंका जांणा का बाद प्रभु का एक स्वर्गदूत ल यूसुफ का सुपन्या मा ऐ के बोलि, “उठ वे बच्चा तैं अर वेकी ब्वे तैं ले के मिस्र देश कु भागि जा, अर जब तक मि त्वे मा नि बोलु तब तक उखि रै किलैकि राजा हेरोदेस यु बच्चा तैं ढुंडणु च कि वे तैं मरवै द्यो।”</verse>
				<verse number="14">तब उ राती उठि के बच्चा तैं अर वेकी ब्वे तैं ले के मिस्र देश कु चलि गै।</verse>
				<verse number="15">अर राजा हेरोदेस का मुरण तक मिस्र देश मा ही रै, इलै की उ वचन जु होशे जु परमेश्वर का तरपां बट्टी बुल्ण वलो का द्वारा भौत पैली बोलि छो उ पूरो हो कि, “मिल अपड़ा नौंना तैं मिस्र बट्टी बुलै।”</verse>
				<verse number="16">तब राजा हेरोदेस गुस्सा हवे, कि ज्योतिषियों ल वे दगड़ी धोखा कैरी अर लुखुं तैं भेजि के ज्योतिषियों का द्वारा ठिक-ठिक बतयां बगत का अनुसार बैतलहम शहर अर वेका अमणी-संमणी का सभि जगह का सब नौंनो तैं जु द्वी बरस से कम उम्र का छुटा नौंना छा मरवै दींनि।</verse>
				<verse number="17">तब जु वचन यिर्मयाह जु परमेश्वर का तरपां बट्टी बुल्ण वलो छो, उ पूरो हवे।</verse>
				<verse number="18">“ रामाह नगर मा एक दुःख-नाद सुंणै गै रूण अर बिजां चिल्लाहट राहेल अपड़ा नौंनो कु रूंणी छै अर शांत हूंण चाँदि छै किलैकि उ अब नि रैनी।”</verse>
				<verse number="19">जब युसूफ, मरियम अर बालक यीशु मिस्र मा ही छा तब राजा हेरोदेस का मुरणा का बाद प्रभु का स्वर्गदूतों ल मिस्र देश मा यूसुफ का सुपन्या मा ऐ के बोलि,</verse>
				<verse number="20">“उठ नौंना तैं अर वेकी ब्वे तैं ले के इस्राएल देश मा चलि जा किलैकि राजा हेरोदेस जु नौंना तैं मरण चांणु छो उ अब मोरि गै।”</verse>
				<verse number="21">तब यूसुफ उठि अर बालक अर वेकी ब्वे मरियम तैं दगड़ा मा मिस्र देश तैं छोड़ी के इस्राएल देश मा ऐ।</verse>
				<verse number="22">इलै जब युसूफ ल यु सूंणि के कि अरखिलाउस अपड़ा बुबा राजा हेरोदेस जगह मा यहूदिया प्रान्त पर राज्य कनु च उख जांण से डौर गै अर सुपन्या मा परमेश्वर बट्टी चेतावनी पै के गलील जिला मा चलि गै</verse>
				<verse number="23">अर नासरत नौं का गौं मा बसी गै इलै की उ वचन पूरो हो जु परमेश्वर का तरपां बट्टी बुल्ण वलो का द्वारा यीशु का बारा मा बुलै गै छो “कि वे तैं नासरत नगर बट्टी औंण वलो बुलै जालो।”</verse>
			</chapter>
			<chapter number="3">
				<verse number="1">ऊं दिनों मा यूहन्ना बपतिस्मा दींण वलो यहूदिया प्रान्त का एकांत जंगल मा ऐ के पापों का रस्ता बट्टी मन फिराव को बपतिस्मा कु प्रचार करदो छो</verse>
				<verse number="2">कि, “पापों तैं मांणी कै मन फिरावा किलैकि स्वर्ग कु राज्य नजदीक ऐ गै।”</verse>
				<verse number="3">यु उ ही च जैकी चर्चा यशायाह जु परमेश्वर का तरपां बट्टी बुल्ण वलो छो का द्वारा करे गै, “एकांत जंगल मा एक पुकारण वला कु शब्द सूनेणु च कि प्रभु को बट्टो तैं तैयार कैरा वेकी सड़कों तैं सीधि कैरा।”</verse>
				<verse number="4">यु यूहन्ना ऊंट का रोम का कपड़ा पैंरयुं अर अपड़ी कमर मा चमड़ा को पठुगा बंधि के रौंदु छो अर टिड्डी अर जंगल कु सौद खांदु छो। अर वेको खांणु टिड्डी अर जंगल को सौद छो।</verse>
				<verse number="5">तब यरूशलेम शहर अर सैरा यहूदिया प्रान्त अर यरदन गाड का अमणी-संमणी का सभि जगह का लोग वेमा ऐनी।</verse>
				<verse number="6">अर अपड़ा पापों तैं मांणी के यरदन गाड मा वे बट्टी बपतिस्मा लींनि।</verse>
				<verse number="7">जब वेल भौत फरीसियों तैं अर सदूकियों तैं बपतिस्मा लींणु कु अपड़ा नजदीक औंण देखि त ऊं बट्टी बोलि, “हे गुरो का बच्चों” तुम तैं कैल जतै कि औंण वला गुस्सा बट्टी भागा।</verse>
				<verse number="8">इलै मन फिराव का योग्य काम कैरा।</verse>
				<verse number="9">अर अपड़ा मन मा यु न सोच कि हम अब्राहम का वंशज छा, इलै हम पाप बट्टी बचि जौला किलैकि मि तुम मा बुल्णु छौं कि परमेश्वर यूं ढुंगो बट्टी अब्राहम कु वंशजों तैं पैदा कैरी सकद।</verse>
				<verse number="10">इलै अब तुम परमेश्वर का न्याय कु तैयार रावा अब कुल्हड़ो डाला का जौड़ा मा रख्युं च इलै जु-जु डालो अच्छो फल नि लौंदु उ कटे अर आग मा झोंके जांद।</verse>
				<verse number="11">मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।</verse>
				<verse number="12">वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं को बीज तैं अपड़ा भंडार मा कट्ठा करलो पर भूसा तैं आग मा फूंकी दयाला ज्वा बुझी नि सकदी।”</verse>
				<verse number="13">ऊं दिनों मा यीशु ल गलील जिला का नासरत नगर बट्टी ऐ के यरदन गाड मा ऐ के यूहन्ना से बपतिस्मा लींनि।</verse>
				<verse number="14">पर यूहन्ना यु बोलि, के ऊं तैं रुकण लगि गै “मि तैं त तेरा हथ बट्टी बपतिस्मा लींण जरूरत च अर तु मि मा बपतिस्मा लींणु कु अईं छै।”</verse>
				<verse number="15">यीशु ल वे तैं यु जवाब दींनि “अब त इन ही हूंण दे किलैकि हम तैं येइ ढंग से सब धार्मिकता तैं पूरो कन ठिक च।” तब वेल ऊंकी बात मांणी लींनि।</verse>
				<verse number="16">अर जब यीशु बपतिस्मा लै के पांणी बट्टी भैर निकली के मथि ऐ अर वेल स्वर्ग तैं खुल्यूं देखि अर परमेश्वर की आत्मा तैं कबूतर का रूप मा अपड़ा मथि औंण देखि।</verse>
				<verse number="17">“अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”</verse>
			</chapter>
			<chapter number="4">
				<verse number="1">यीशु मसीह का बपतिस्मा लींणा का बाद तब पवित्र आत्मा यीशु मसीह तैं एकांत जंगल मा ली गै अर एकांत जंगल मा चालिस दिन अर रात तक शैतान यीशु तैं लालच दींणु रै।</verse>
				<verse number="2">ऊं चालिस दिन अर चालिस रात यीशु ल कुछ भि नि खै, पर तब वेका बाद वे तैं भूख लगि।</verse>
				<verse number="3">तब शैतान ल वेका संमणी ऐ के बोलि, “जु तु परमेश्वर कु नौंनो छै त यूं ढुंगो कु बोल कि यु रुट्टि बंणि जौ अर साबित कैर कि तू ऊं तैं खै साको।”</verse>
				<verse number="4">पर यीशु ल जवाब दींनि की परमेश्वर का वचन इन लिख्युं च कि, मनिख भस रुट्टि ही बट्टी न “पर परमेश्वर का बणयां हरेक वचन तैं मनण से ज्यूँदो रालो।”</verse>
				<verse number="5">तब शैतान यीशु तैं पवित्र नगर यरूशलेम शहर मा ली गै अर यरूशलेम शहर का मन्दिर का ऊँचा गुमट पर खड़ो कैरी।</verse>
				<verse number="6">अर शैतान ल यीशु कु बोलि, “जु तु परमेश्वर कु नौंनो छै त इख बट्टी मूड़ी कूदी के साबित कैर त्वे तैं चोट नि लगली किलैकि परमेश्वर का वचन मा लिख्युं च उ अपड़ा स्वर्गदूतों तैं आज्ञा दयाला अर उ त्वे तैं हथौं-हथ संभाली दयाला कखि इन नि हो कि तेरा खुट्टों मा ढुंगो से चोट नि लगालो।”</verse>
				<verse number="7">यीशु ल वेमा बोलि, “परमेश्वर का वचन मा यु भि लिख्युं च कि तु प्रभु अपड़ा परमेश्वर की अजमैश नि कैर।”</verse>
				<verse number="8">फिर शैतान वे तैं एक भौत ऊंचा पौड़ पर ली गै अर सैरा जगत का राज्य अर ऊंको धन दौलत तैं दिखै के</verse>
				<verse number="9">शैतान ल यीशु कु बोलि, “जु तु मि तैं झुकि के प्रणाम कर आराधना करली त मि यु सब कुछ त्वे तैं दे दयुलु।”</verse>
				<verse number="10">तब यीशु ल वेमा बोलि, “हे शैतान दूर हवे जा” किलैकि परमेश्वर का वचन मा लिख्युं च “तु प्रभु अपड़ा परमेश्वर तैं प्रणाम कैर अर भस वेकी आराधना कैर।”</verse>
				<verse number="11">तब शैतान वेका संमणी बट्टी चलि गै अर स्वर्गदूत वेकी सेवा-टहल करदा छा।</verse>
				<verse number="12">जब यीशु ल यु सूंणि कि यूहन्ना पकड़ी के जेल मा बंद किये गै त तब यीशु गलील मा ऐ अर लुखुं तैं परमेश्वर का राज्य कु शुभ सन्देश कु प्रचार कैरी।</verse>
				<verse number="13">अर नासरत नगर तैं छोड़ी के यीशु अर वेका चेला कफरनहूम शहर मा जु झील का छाला कफरनहूम क्षेत्र का गलील जिला का समुद्री छाला पर छो जख जबूलून अर नप्ताली का गोत्र रौंन्दा छा।</verse>
				<verse number="14">इलै की जु यशायाह परमेश्वर का तरपां बट्टी बुल्ण वला का द्वारा बुलै गै छो उ पूरो हवे जौ</verse>
				<verse number="15">“जु लुखुं मा लोग जु जबूलून गोत्र का अधिकार वलो क्षेत्र मा अर नप्ताली को गोत्र का अधिकार वली जमींन पर रौंन्दा छा झील का बट्टा बट्टी यरदन गाड का छाला अन्यजातियों कु गलील जिला</verse>
				<verse number="16">जु लोग अंधेरा मा रौंन्दा छा ऊंल बड़ो उज्यला देखि, जु परमेश्वर तैं नि जंणदा छा अर अनन्त मृत्यु कु जन्दा छा ऊंल मुक्ति कु मार्ग देखि।”</verse>
				<verse number="17">वे बगत बट्टी यीशु ल प्रचार कन अर यु बुल्ण शुरू कैरी “मन फिरावा किलैकि स्वर्ग कु राज्य नजदीक ऐ गै।”</verse>
				<verse number="18">एक दिन गलील जिला कि झील का छाला ही छाला जै के यीशु ल शमौन पतरस अर वेको भैय अन्द्रियास तैं झील मा जाल डल्द देखि “किलैकि उ मछेर छा।”</verse>
				<verse number="19">अर यीशु ल ऊंकु बोलि, “मेरा पिछनैं आवा, मि तुम तैं लुखुं तैं मेरा शिष्य बनणै की शिक्षा दयुलु ठिक उन ही जनकै तुम माछा पकड़दियां।”</verse>
				<verse number="20">उ अपड़ा कामों अर जालों तैं छोड़ी के वेका चेला बंणि के वेका पिछनै चलि गैनी।</verse>
				<verse number="21">अर यीशु जरा अगनैं बड़ी के अर वेल देखि कि, जब्दी का नौंना, दुई भैय जै कु नौं याकूब अर यूहन्ना छो ऊं तैं नाव मा जालों तैं सुधरद देखि। अर यीशु ल ऊं तैं भि बुलै।</verse>
				<verse number="22">अर उ अपड़ा बुबा जब्दी अर मजदूरों तैं नाव मा जालों दगड़ी छोड़ी के वेका शिष्य बनण कु यीशु का पिछनै चलि गैनी।</verse>
				<verse number="23">अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।</verse>
				<verse number="24">अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।</verse>
				<verse number="25">गलील जिला अर दिकापुलिस जैकु मतलब च दस शहर यरूशलेम शहर, यहूदिया प्रान्त अर यरदन गाड का छाला बट्टी एक भौत बड़ी भीड़ वेका पिछनैं हवे गै।</verse>
			</chapter>
			<chapter number="5">
				<verse number="1">यीशु भीड़ तैं देखि के डांडा पर थोड़ा मथि की तरपां गै, अर ऊं तैं शिक्षा दींण लगि गै त यीशु का चेला वेका संमणी ऐनी।</verse>
				<verse number="2">अर तब ऊं तैं शिक्षा दींण लगि गै,</verse>
				<verse number="3">धन्य छिन उ, जु मन मा परमेश्वर का प्रति अपड़ी जरुरत का एहसास करदींनि, किलैकि स्वर्ग कु राज्य ऊंको ही च।</verse>
				<verse number="4">“धन्य छिन उ जु शोक करदींनि, किलैकि परमेश्वर ऊं तैं शान्ति दयालो।”</verse>
				<verse number="5">“धन्य छिन उ जु नम्र छिन, किलैकि उ पूरी धरती तैं प्राप्त करला।”</verse>
				<verse number="6">“धन्य छिन उ जु धार्मिकता से जीवन जीणै की सच्ची इच्छा रखदींनि, किलैकि परमेश्वर ऊं तैं तृप्त करलो।”</verse>
				<verse number="7">“धन्य छिन उ जु दयावन्त छिन, किलैकि परमेश्वर उ पर दयावन्त होलो।”</verse>
				<verse number="8">“धन्य छिन उ जौं का मन शुद्ध छिन, किलैकि उ परमेश्वर तैं दिखला।”</verse>
				<verse number="9">“धन्य छिन उ जु दुश्मनों तैं आपस मा मेल करौंदिन, किलैकि ऊंकु परमेश्वर की संतान बुलै जालो।”</verse>
				<verse number="10">“धन्य छिन उ जु धर्मी जीवन जींण का कारण से सतै जंदींनि, किलैकि स्वर्ग को राज्य ऊंको ही च।”</verse>
				<verse number="11">“धन्य छा तुम जब मनिख तुम तैं मेरा चेला हूंण का वजह से तुम्हरी बुरै कैरा अर तुम तैं सतौनु अर झूठ बोलि-बोलि के तुमारा विरोध मा बनि-बनि किस्मै की बात बुलुनु।”</verse>
				<verse number="12">तब खुश अर मगन हुयां किलैकि तुम कु स्वर्ग मा बड़ो फल च। इलै की ऊंल ऊं परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।</verse>
				<verse number="13">“तुम ईं दुनिया का लुखुं कु लूंण का जन छा, पर जु लूंण कु स्वाद बिगड़ि जौं त उ फिर कनके ल्युणणो करे जालो? फिर उ कै काम को नि च भस यांका कि भैर फिंकै जौ अर मनिख्युं का खुट्टों तौला रौंदे जौं।”</verse>
				<verse number="14">तुम पूरी दुनिया कु उज्यला का जन छा। जु गौं डांडा पर बस्युं च उ छिपी नि सकदु।</verse>
				<verse number="15">अर लोग दिवडा बालि के खाट का मूड़ि नि रखदींनि पर ब्यांरा पर रखदींनि तब वां बट्टी घौर का सभि लुखुं तैं उज्यलो मिल्द।</verse>
				<verse number="16">उन ही तुमारो उज्यलो भि मनिख्युं का संमणी चमकु कि उ तुमारा कामों तैं देखि के तुमारा बुबा कि जु स्वर्ग मा च बड़ै कैरा।</verse>
				<verse number="17">“इन नि समझा कि मूसा द्वारा लिखीं परमेश्वर की व्यवस्था या परमेश्वर का तरपां बट्टी बुल्ण वलो कि किताबों तैं मिटाणु कु अयुं छौं, मि ऊं तैं मिटाणु कु न पर ऊं सभि बातों तैं पूरो कनु कु अयुं छौं। ”</verse>
				<verse number="18">किलैकि मि तुम मा सच बुल्ण छौं कि जब तक आसमान अर धरती टलि नि जंदींनि तब तक मूसा द्वारा लिखीं परमेश्वर की व्यवस्था मा बट्टी कुछ भि यख तक की एक भि मात्रा या एक बिंदु भि बगैर पूरी हुयां नि टललो।</verse>
				<verse number="19">इलै जु कुई यूं छुटी से छुटी आज्ञाओं मा बट्टी कैं एक तैं उल्लंघन कैर त अर उन ही लुखुं तैं सिखौ, तब उ स्वर्ग का राज्य मा सबसे छुटो मणेलो पर जु कुई ऊं आज्ञाओं को पालन करलो अर ऊं तैं सिखालो उ स्वर्ग का राज्य मा बड़ो मणेलो।</verse>
				<verse number="20">मि तुम मा बुल्ण छौं कि तुम स्वर्ग का राज्य मा तभि प्रवेश कैर सकदा जब तक तुम्हरी धार्मिकता मूसा की व्यवस्था तैं सिखांण वलो अर फरीसियों की धार्मिकता बट्टी बढ़ि कै नि हो।</verse>
				<verse number="21">तुम ल सूंणि येल कि परमेश्वर ल हमारा पैल्या का लुखुं तैं बतै छो, कि हत्या नि करयां अर जु कुई हत्या करलो उ न्याय की जांच कु महासभा मा दंड पालो।</verse>
				<verse number="22">पर मि तुम मा यु बुल्ण छौं कि जु कुई अपड़ा भैय पर गुस्सा करलो पिता परमेश्वर पंचयती मा वेकी जांच के न्याय करलो, अर जु कुई अपड़ा भैय तैं निकम्मों बुललो उ महासभा मा दंड कु हकदार होलो अर जु कुई बोलु “अरे मूर्ख” उ नरक की आग का दंड कु हकदार होलो।</verse>
				<verse number="23">इलै जब तु अपड़ी भेंट वेदी पर लौ अर उख त्वे तैं याद औ कि तेरु भैय का मन मा मेरी तरपां बट्टी कु कुछ विरोध च</verse>
				<verse number="24">त अपड़ी भेंट उखि वेदी का संमणी छोड़ दे अर जै के पैली अपड़ा भैय दगड़ी मेल मिलाप कैर अर तब ऐ के अपड़ी भेंट प्रभु तैं चड़ौ।</verse>
				<verse number="25">जब तक तु अपड़ा विरोधी का दगड़ा बट्टा मा छै त वे बट्टी चम मेल मिलाप कैरी ले कखि इन नि हो कि उ विरोधी त्वे तैं न्यायाधीश तैं सौंपु अर न्यायाधीश त्वे तैं सिपैय्युं मा सौंपी दयूंनु अर तु बन्दीगृह मा डले जै।</verse>
				<verse number="26">मि तुम मा सच बुल्णु छो, कि जब तक तुम पाई-पाई कु भुगतान नि कैर दीला, जु तुम पर बकाया च, तब तक तुम जेलखना बट्टी कभी नि छुटण पैली।</verse>
				<verse number="27">तुम परमेश्वर का वचन मा सूंणि चुकि ग्यां कि परमेश्वर ल आज्ञा दींनि कि, “व्यभिचार नि करयां”</verse>
				<verse number="28">पर मि तुम मा यु बुल्णु छौं कि जु कुई कीं जनन पर कुदृष्टि डालो उ अपड़ा मन मा वीं दगड़ी व्यभिचार करि चुकि गै।</verse>
				<verse number="29">जु तेरी दैंणि आँख त्वे तैं उतेडो लगौ त वे तैं निकाली के अफ बट्टी फेंकी दे, किलैकि त्वे कु यु ही भलो च की तेरा अंगों मा बट्टी एक नाश हवे जौ और तेरी सैरी देह नरक मा नि डलै जौ।</verse>
				<verse number="30">अर जु तेरु दैंणो हाथ त्वे तैं ठोकर खिलौ त वे तैं काटि कै अफ बट्टी फेंक दे किलैकि त्वे कु यु ही भलो च, की तेरु अंगों बट्टी एक नाश हवे जु अर तेरी पूरी देह नरक मा नि डलै जौ।</verse>
				<verse number="31">मूसा का नियम मा यु भि बुलै गै छो जु कुई अपड़ी जनन तैं तलाक दींण चौ त वीं तैं त्यागपत्र द्यो।</verse>
				<verse number="32">पर मि तुम कु यु बुल्णु छौं कि, “जु कुई आदिम अपड़ी घरवलि तैं व्यभिचार का सिवै कै और कारण ल तलाक द्यो त उ वीं बट्टी व्यभिचार करौंदो अर जु कुई वीं छुड़ी घरवलि दगड़ा मा ब्यो कैर त व भि व्यभिचार करद।”</verse>
				<verse number="33">फिर तुम ल परमेश्वर का वचन मा यु भि सूंणि कि पैला का लुखुं बट्टी बुलै गै छो कि, झूठी सौं नि खयां पर परमेश्वर कु अपड़ी सौं तैं पूरी करयां।</verse>
				<verse number="34">पर मि तुम मा यु बुल्ण छौं कि कभि स्वर्ग कि सौं नि खय्यां किलैकि उ परमेश्वर कु सिहासन च।</verse>
				<verse number="35">न धरती कि, किलैकि उ अपड़ा खुट्टों तैं रखद, न ही यरूशलेम शहर की, किलैकि उ महान राजा परमेश्वर कु शहर च।</verse>
				<verse number="36">अपड़ा मुंड कि भि सौं नि खय्यां किलैकि तु एक बाल तैं भि न सफेद अर न कालो कैरी सकदी।</verse>
				<verse number="37">पर तुम्हरी बात हाँ कि हाँ या न कि न हो, किलैकि जु यां बट्टी जादा हूंद उ दुष्ट शैतान का तरपां बट्टी हूंद।</verse>
				<verse number="38">तुम ल परमेश्वर का वचन मा सूंणेलि कि, व्यवस्था मा लिख्युं च, की आंख का बदला आंख अर दांत का बदला दांत।</verse>
				<verse number="39">पर मि तुम मा बुल्ण छौं कि दुष्टता का बदला नि ले पर जु कुई तेरु दैंणा गल्लोड़ा पर थपड़ी मारु त वेकी तरपां दुसरु भि फेरी दे।</verse>
				<verse number="40">जु कुई त्वे पर जांच को न्याय कैरी कै तेरु कुर्ता लींण चौ दुसरा चोला भि लींण दे।</verse>
				<verse number="41">अर जु रोमी सिपै त्वे तैं मजबूर कैरी के अफ दगड़ी एक मील ली जाला त वेका दगड़ी द्वी मील चलि जै।</verse>
				<verse number="42">जु कुई त्वे बट्टी मांगो वे तैं दे अर जु त्वे बट्टी उधार लींण चौ वेको मना नि कैरा अर वे बट्टी मुक नि फरकौ।</verse>
				<verse number="43">“तुम ल परमेश्वर का वचन मा सूंणेलि कि, व्यवस्था मा लिख्युं च, कि अपड़ा पड़ोसी बट्टी प्रेम करयां अर अपड़ा बैरी बट्टी बैर।</verse>
				<verse number="44">पर मि तुम मा यु बुल्ण छौं कि अपड़ा बैरियों से प्रेम रखा अर अपड़ा सतौंण वलो कु पिता परमेश्वर बट्टी प्रार्थना कैरा।</verse>
				<verse number="45">जनके तुम अपड़ा स्वर्गीय बुबा कि संतान ठैरिल्या किलैकि उ सभि लुखुं पर अपड़ो सूर्य उगौंदु अर धर्मी अर अधर्मी लुखुं पर बरखा बरसौंदु।</verse>
				<verse number="46">किलैकि जु तुम अपड़ा ही प्रेम रखण वलो का दगड़ी प्रेम रखा त परमेश्वर तुम तैं प्रतिफल नि दयाला किलैकि चुंगि लींण वला भि इन ही करदींनि?</verse>
				<verse number="47">अर जु तुम भस अपड़ा विश्वासी भयों तैं प्रणाम करदी, त कौन सी बड़ो काम करदी, यु त गैर-यहूदी भि जु परमेश्वर की नियम कु पालन नि करदींनि उ भि इन ही करदींनि?</verse>
				<verse number="48">इलै तुम तैं ऊं बट्टी प्रेम कन चयणु च जु तुम बट्टी प्रेम नि करदा अर इन के तुम सिद्ध बंणि के जन तुमारो स्वर्गीय बुबा जु स्वर्ग मा च अर सिद्ध च बणा।”</verse>
			</chapter>
			<chapter number="6">
				<verse number="1">“सावधान रावा तुम लुखुं तैं दिखौणु कु अपड़ा भले का काम नि कैरा, नथिरी अपड़ा स्वर्गीय बुबा बट्टी कुछ भि प्रतिफल नि पैल्या।”</verse>
				<verse number="2">इलै जब तुम दान कैरा त अपड़ा अगनैं तुरै बजै के दिखावा नि कैरा जन कपटि यहूदियों का मिलणा का भवन मा अर गलियों मा करदींनि, इलै की ऊं लुखुं का द्वारा ऊं की प्रशंसा हो, मि तुम मा सच बुल्ण छौं कि उ अपड़ो प्रतिफल पै चुकि गैनी।</verse>
				<verse number="3">पर जब तु दान कैर त तेरु दान गुप्त हो जु की लुखुं तैं भि पता नि हो।</verse>
				<verse number="4">इलै की तेरु दान गुप्त रौ अर तब तेरु बुबा जु गुप्त मा दिखदो च त्वे तैं प्रतिफल दयाला।</verse>
				<verse number="5">जब तु पिता परमेश्वर बट्टी प्रार्थना कैर त कपटि का समान नि हो किलैकि लोग ऊं तैं देखि अर ऊंकी प्रशंसा कैरा इन ही यहूदियों का मिलणा का भवन मा अर सड़कों का मोडो पर खड़ो हवे के ऊं तैं परमेश्वर बट्टी प्रार्थना कन अच्छो लगदु, मि तुम मा सच बुल्ण छौं कि उ अपड़ो प्रतिफल पै चुकि गैनी।</verse>
				<verse number="6">पर जब तु पिता परमेश्वर बट्टी प्रार्थना कैर त अपड़ी कोठरी मा जा अर द्वार बन्द कैर के अपड़ा परमेश्वर पिता बट्टी जु गुप्त म च जै तैं आज तक कैल नि देखि परमेश्वर बट्टी प्रार्थना कर और तब तेरु परमेश्वर पिता जु गुप्त मा बट्टी दिखद, त्वे तैं प्रतिफल दयालो।</verse>
				<verse number="7">पिता परमेश्वर बट्टी प्रार्थना कन दफा अन्यजातियों का जन बबड़ट नि कर किलैकि उ समझदींनि कि ऊंका भौत बबड़ट कन ल परमेश्वर ऊंकी सुणलो।</verse>
				<verse number="8">इलै तुम ऊं जन नि बंणा किलैकि तुमारो बुबा तुमारा मंगण से पैली ही जंणदो च कि तुमारी क्य जरूरत छिनी।</verse>
				<verse number="9">इलै तुम इन कै पिता परमेश्वर बट्टी प्रार्थना कैरा करा, हे हमारा बुबा तु जु स्वर्ग मा छै तेरु नौं पवित्र मणै जौ</verse>
				<verse number="10">तेरु राज्य औ। तेरी इच्छा जन स्वर्ग मा पूरी हूंदी च उन ही धरती पर भि पूरा हो।</verse>
				<verse number="11">हम तैं आवश्यकता का अनुसार हमारी दिन भरै कि रुट्टि दे।</verse>
				<verse number="12">और जनकै हम ल अपड़ा अपराधियों तैं माफ कैरी उन ही कै तू भि हमारा पापों तैं माफ कैर।</verse>
				<verse number="13">अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।</verse>
				<verse number="14">“इलै जु तुम मनिख्युं का पाप माफ करिल्या जु उ तुमारा विरोध मा करदींनि त तुमारो बुबा जु स्वर्ग मा च उ भि तुमारा पाप माफ करलो।”</verse>
				<verse number="15">अर जु तुम मनिख्युं का पापों तैं माफ नि करिल्या त तुमारो बुबा भि तुमारा पापों माफ नि करलो।</verse>
				<verse number="16">“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”</verse>
				<verse number="17">पर जब तु उपवास कैरी त अपड़ा मुंड पर तेल लगौ अर मुक धो।</verse>
				<verse number="18">कि लोग न पर तेरु परमेश्वर पिता जै तैं तु देख नि सकदी, त्वे तैं उपवासी जांणो। ईं दशा मा तेरु परमेश्वर पिता जु गुप्त मा दिखद कि लोग न पर तेरु परमेश्वर पिता त्वे तैं प्रतिफल दयालो।</verse>
				<verse number="19">अफ कु धरती पर धन कठ्ठा नि कैरा जख कीड़ा अर कुरय्यो बिगड़दा छिन अर जख चोर सेंध लगौंदिनि अर चोरी करदींनि।</verse>
				<verse number="20">पर भलै कैरी के स्वर्ग मा अफ कु प्रतिफल कठ्ठा कैरा जख न त कीड़ो अर न कुरय्यो बिगड़दो अर जख न चोर सेंध लगौंदिनि अर न चोरी करदींनि।</verse>
				<verse number="21">किलैकि तेरु मन हमेशा उखि लग्युं रालो जख तेरु धन च।</verse>
				<verse number="22">“आंखा देह कु दिवडा का जन च इलै जु तेरु आंखा खूब छिनी त तेरु सैरी देह भि उज्यलो होलो।”</verse>
				<verse number="23">पर जु तेरु आंखा बुरा हूंनु त तेरु सैरी देह भि अंधेरो होलो इलै जु उज्यलो त्वे मा च जु अंधकार हो त उ अंधकार कन बड़ो होलो।</verse>
				<verse number="24">कुई मनिख एक ही बगत पर द्वी स्वामियों कि सेवा नि कैरी सकद, किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।</verse>
				<verse number="25">इलै मि तुम मा बुल्णु छौं कि हर रोज यु चिंता नि करयां कि हम क्य खौला अर क्य प्यूला अर न अपड़ा देह कु कि क्य पैरुला क्य प्राण खांणु से अर देह कपड़ोंं से बढ़ि के नि च?</verse>
				<verse number="26">आसमान का चलखुडों तैं देखा उ न त बुतदा छिनी अर न लौंदा छिन करदींनि अर न अपड़ा खलियन मा बटोरदिन फिर भि तुमारो स्वर्गीय बुबा ऊं तैं खिलांदु च सच मा तुम चखलो बट्टी भि बढि कै छा।</verse>
				<verse number="27">तुम मा बट्टी कुई भि चिंता कैरी कै अपड़ा जीवनकाल म एक छुटा छण तैं भि नि बढ़ै सकद।</verse>
				<verse number="28">“कपड़ा कु किलै चिन्ता करदां? एकांत जंगली फूलों पर ध्यान कैरा कि उ कन कै बड़दिन उ न त मेहनत करदींनि न कपड़ा बणौ दींनि।”</verse>
				<verse number="29">तब भि मि तुम मा बुल्ण छौं कि राजा सुलैमान भि अपड़ी सैरी धन दौलत मा बट्टी कैका जन भि कपड़ा पैरदो नि छो।</verse>
				<verse number="30">इलै जब परमेश्वर जंगली घास तैं इन बड़ौदूं कि ज्वा आज च अर भोल आग मा झोंके जालि सुन्दर कपड़ा पैरान्दो, त हे अल्पविश्वासियों, जरुर तुम्हरी भि देखभाल करलो।</verse>
				<verse number="31">“इलै तुम चिन्ता कैरी कै इन नि बुल्यां कि हम क्य खौला य क्य प्यूला या क्य पैरुला।”</verse>
				<verse number="32">किलैकि अन्यजाति का लोग यूं सभि चीजों कि खोज मा रौदींनि पर तुमारो स्वर्गीय बुबा जंणदु च कि तुम तैं यूं सभि चीजों कि जरूरत च इलै चिंता नि करयां।</verse>
				<verse number="33">इलै पैली तुम परमेश्वर का राज्य अर धर्मी जीवन जींण की कोशिश कैरा त यु सभि चीज तुम तैं मिली जालि।</verse>
				<verse number="34">त भोल का बारा मा चिन्ता नि कैरा आज कु आज को दुःख भौत च।</verse>
			</chapter>
			<chapter number="7">
				<verse number="1">“दूसरों कु जांच कैरी के न्याय नि कैरा त परमेश्वर भि तुमारो न्याय नि करलो।”</verse>
				<verse number="2">किलैकि जन कै तुम दुसरो की जांच कैरी के न्याय करद्यां उन ही कै परमेश्वर तुमारो न्याय करलो अर जै नाप से तुम नपदा छा वे ही नाप से तुम कु भि नपे जालो।</verse>
				<verse number="3">तु एक छुट्टा पाप कु अपड़ा दगड़ा विश्वासी कु न्याय किलै कनि छै जु वेकी आँख मा कुछ गंदगी क जन च जब तेरु जीवन मा एक बड़ो पाप च जु तेरा अपड़ा आँखा मा एक लठ्ठे का समान च।</verse>
				<verse number="4">जब तेरु खुद का भितर भौत बड़ा भंगार च त त्वे तैं खुद से छुट्टा भंगार वला मनिख की भि मदद कनै कि कोशिश नि कन चयणी च।</verse>
				<verse number="5">हे कपटि पैली अपड़ी आंख बट्टी भंगार तैं सुधारी ले, फिर तु साफ रीति ल अपड़ा भैय कि आंख का खोड तैं खूब कै देखि के निकाली सकली अर दूसरों तैं ऊंका छुटा दोषों तैं सुधरण मा मदद कैरी सकली।</verse>
				<verse number="6">“उ लुखुं तैं परमेश्वर का सन्देश नि सुंणौ जु यु तैं सुनण नि चंदिनी पर तुम जब इन करद्यां त यु इन होलो जनकै पवित्र वस्तु तैं कुत्तों का अगनैं ढुलण अर जन सुंगरु का अगनैं मोती ढुलण जु भस वे तैं रौंदी दयाला अर फिर तुम पर हमला करला।”</verse>
				<verse number="7">“तुम तैं जु चयणु च वे तैं परमेश्वर बट्टी माँगा अर उ तुम तैं दयालो, खुज्येला त पैला, खटखटैल्या त तुम कु खुलै जालो।”</verse>
				<verse number="8">किलैकि जु कुई मंगदु च वे तैं मिल्द च अर खुज्योंद च उ पौंदु च अर जु खटखटौंदु च वेको खुलै जालो।</verse>
				<verse number="9">तुम मा बट्टी इन कु आदिम च की जु वेको नौंना तैं जु वे बट्टी रुठी मानगो त उ वे तैं ढुंगो दयालो।</verse>
				<verse number="10">इन्ही कुई भि आदिम अपड़ा नौंना तैं माछा मांग त वे तैं जहरीला गुरो नि दींद।</verse>
				<verse number="11">जब तुम बुरा हवे के अपड़ा नौंना बालों तैं भलि चीज दींण जंणदा छा त तुमारो स्वर्गीय बुबा अपड़ा मंगण वलो तैं भलि वस्तु किलै नि दयाला?</verse>
				<verse number="12">ये कारण जु कुछ तुम चांदा छा कि मनिख तुम दगड़ी कैरा, तुम भि ऊंका दगड़ी उन ही कैरा, किलैकि मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो का लेखों कु मतलब यु ही च।</verse>
				<verse number="13">“तुम परमेश्वर का राज्य मा संगड़ा फाटक ल ही प्रवेश कैरा, किलैकि चौड़ु च उ बट्टो अर सरल च उ फाटक जु विनाश की तरपां लिजांद, अर भौत सैरा लोग यां बट्टी प्रवेश करदींनि।”</verse>
				<verse number="14">किलैकि संकुरु च उ फाटक अर कठिन च उ बट्टो जु अनन्त जीवन कु पौंछौदु अर कुछ ही छिन जु वे तैं पौदींनि।</verse>
				<verse number="15">“झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”</verse>
				<verse number="16">ऊंका कमों बट्टी तुम ऊं तैं पैछांणि लील्या क्य लोग झिबलांण बट्टी अंगूर या कांडो बट्टी बेडू तोड़दिनं?</verse>
				<verse number="17">इन कै ही हर एक अच्छो डालो फल लौंदु अर निकम्मों डालो बुरो फल लौंदु।</verse>
				<verse number="18">अच्छो डालो बुरो फल नि लै सकद अर न निकम्मों डालो अच्छो फल लै सकद।</verse>
				<verse number="19">जु-जु डालो अच्छो फल नि लौंदु उ कटे अर झूठा लोग जु अपड़ा आप तैं परमेश्वर को संदेश दींणवलों बुल्दिन ऊं तैं भि इन ही दण्ड दिये जलो।</verse>
				<verse number="20">इन कै ऊंका कामों ल तुम ऊं तैं पैछांणि लील्या।</verse>
				<verse number="21">“जु मि कु हे प्रभु”हे प्रभु बुल्द ऊंमा बट्टी हर एक स्वर्ग का राज्य मा भितर नि जांण पालो पर उ ही जु मेरा स्वर्गीय बुबा कि मनसा पर चलदो।</verse>
				<verse number="22">न्याय का दिन भौत सी लोग मि बट्टी बुलला हे प्रभु हे प्रभु क्य हम ल तेरु नौं से संदेश नि दे अर तेरा नौं से दुष्टात्मा तैं नि निकाली अर तेरा नौं से भौत सी चमत्कार नि करिनी?</verse>
				<verse number="23">तब मि ऊं बट्टी खुलि के बोलि दयुलु मिल तुम तैं कभि नि जांणि। हे अधर्म कन वलो मेरा संमणी बट्टी चलि जा।</verse>
				<verse number="24">“इलै जु कुई मेरी यूं बातों तैं सूंणि के मंणदु च उ वे बुद्धिमान मनिख जन होलो जैल अपड़ो घौर पौड़ की नींव पर बंणै।</verse>
				<verse number="25">अर बरखा ऐ अर गदेरा ऐनी अर आंधी तुफान ऐ अर वे घौर पर टकरै फिर भि उन ही गिरी किलैकि वेकी नींव पौड़ पर डाली छै।</verse>
				<verse number="26">पर जु कुई मेरी यूं बातों तैं सुणदु च अर ऊं पर नि चलदो त उ वे निर्बुद्धि मनिख का जन होलो जैल अपड़ो घौर बल्ला पर बंणै।</verse>
				<verse number="27">अर बरखा ऐ अर गदेरा ऐनी अर आंधी तुफान चलि अर वे घौर पर टकरै अर उ गिरि के छत्यानाश हवे गै।”</verse>
				<verse number="28">जब यीशु यूं बातों तैं करि चुकि गैनी त इन हवे कि भीड़ वेका उपदेश से चकित हवेनि।</verse>
				<verse number="29">किलैकि उ, ऊं तैं मूसा की व्यवस्था तैं सिखांण वला जनन, पर बड़ा अधिकारी जन उपदेश दींदु छो।</verse>
			</chapter>
			<chapter number="8">
				<verse number="1">जब उ वे डांडा बट्टी उतरी त एक बड़ी भीड़ वेका पिछनै हवे गै।</verse>
				<verse number="2">अर एक कोढ़ी ल यीशु का संमणी ऐ प्रणाम कैरी अर बोलि, “हे प्रभु तु जु चै त मि तैं शुद्ध कैरी सकदी छै।”</verse>
				<verse number="3">यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा अर उ तुरंत कोढ़ बट्टी खूब हवे गै।”</verse>
				<verse number="4">यीशु ल वेकु बोलि, “देख कै मा भि कुछ नि बोलि, कि मिल त्वे तैं ठिक कैरी पर जै के अफ तैं यहूदी याजक तैं दिखौ, अर अपड़ा कोढ़ बट्टी शुद्ध हूंणा का बारा मा जु कुछ चढ़ावा मूसा ल ठैरे उ सब परमेश्वर तैं भेंट चढ़ौ, कि ऊं पर गव्है हो।”</verse>
				<verse number="5">जब उ कफरनहूम शहर मा ऐ त एक रोमी सुबदार वेका संमणी ऐ के यीशु बट्टी बिनती कैरी</verse>
				<verse number="6">“हे प्रभु मेरू सेवक घौर मा लकवा का रोग का कन हिलडुली भि नि सकदा अर भौत दुख मा पोड़य्युं च।”</verse>
				<verse number="7">यीशु वेमा बोलि, “मि ऐ के वे तैं खूब करुलु।”</verse>
				<verse number="8">सुबदार ल जवाब दींनि, “हे प्रभु मि यु लैक नि छों की तु मेरा घौर ऐ, पर भस गिच्चा ल बोल दे त मेरू सेवक खूब हवे जालो।”</verse>
				<verse number="9">किलैकि मि जंणदु छो की मि एक पराधीन मनिख छौं अर सिपै मेरा अधिकार मा छिन जब मि एक बट्टी बुल्द जा त उ जांदु च अर हैंका बट्टी बुल्द कि औ त उ औंदु च अर जब अपड़ा सेवक बट्टी बुल्द कि यु कैर त करदो च।</verse>
				<verse number="10">यु सूंणि के यीशु भैंचक हवे गै अर जु वेका पिछनैं औणा छा ऊं बट्टी बोलि, “मि तुम मा सच बुल्णु छौं कि मिल पूरा इस्राएल का लुखुं का घराना मा एक भि इन आदिम नि मिली जु यु गैर-यहूदी आदिम का जन मि पर विश्वास करदो हो।</verse>
				<verse number="11">अर मि तुम मा बुल्णु छौं कि भौत सैरा अन्यजातियों का लोग पूर्व अर पश्चिम बट्टी ऐ के अब्राहम अर इसहाक अर याकूब का दगड़ी स्वर्ग का राज्य मा खांणु खाला।</verse>
				<verse number="12">पर परमेश्वर का राज्य की संतान समझण वला यहूदी भैर अंधेरा मा डलै जाला उख रूंण अर दांतों को पिसंण होलो।”</verse>
				<verse number="13">तब यीशु ल सुबदार मा बोलि, “घौर जा, जन तेरु विश्वास च उन ही त्वे कु हो” अर वेको सेवक वे ही बगत खूब हवे गै।</verse>
				<verse number="14">यीशु जब पतरस का घौर मा ऐ तब वेल पतरस की सास तैं जौर मा पड़ीं देखि।</verse>
				<verse number="15">तब यीशु ल बिस्तर का संमणी मा जै के वीं को हथ पकड़ी के वीं तैं उठै अर वीं को जौर उतरी गै, अर व ठिक हवे गै अर ऊं सभियूं कि सेवा पांणी कन लगि गै।</verse>
				<verse number="16">जब रुमुक हवे तब लोग यीशु का संमणी भौतों लुखुं तैं लैनि जौं मा दुष्टात्मा लगिं छै अर वेल ऊं आत्माओं तैं अपड़ा वचन से निकाली दींनि अर सब बिमारों तैं खूब कैरी।</verse>
				<verse number="17">इलै की जु वचन यशायाह परमेश्वर का तरपां बट्टी बुल्ण वला का द्वारा बुलै गै छो उ पूरो हो, “कि वेल अपड़ा मथि हमारी कमजोरियों तैं लींनि अर हमारी बिमारियों तैं अपड़ा मथि उठैनि।”</verse>
				<verse number="18">यीशु ल जब अपड़ा चारों तरपां एक बड़ी भीड़ देखि त चेलों कु बोलि, आवा हम गलील झील का दुसरा छाला कु चला।</verse>
				<verse number="19">जब उ जांणु कु तैयार हूंणा छा तब एक मूसा की व्यवस्था तैं सिखांण वलो संमणी ऐ के वेमा बोलि, “हे गुरु जख कखि भि तु जैलि मि तेरु चेला बंनाणु कु तेरु अनुसरण करलो।”</verse>
				<verse number="20">यीशु ल वेमा बोलि, “स्यालुं का उडयारुं अर आसमान का चलखुडों का घोल हूंदींनि पर मि मनिख कु नौंना कु स्यूंणु कु एक घौर भि नि च जख मि स्ये साको।”</verse>
				<verse number="21">एक और चेला ल वेमा बोलि, “हे प्रभु मि तैं पैली घौर वापिस जांण दे कि मेरा बुबा का मुरण का बाद की मि वे तैं दफ्नोंण अर फिर ऐ के मि तेरु चेला बंणुल।”</verse>
				<verse number="22">यीशु ल वेमा बोलि, “तु मेरा चेला बनण कु मेरा पिछनैं औ, अर जु लोग आत्मिक रूप से मुर्युं छिनी ऊं तैं अपड़ा मुर्दा दफनौंण दे।”</verse>
				<verse number="23">जब यीशु नाव पर चड़ी त वेका चेला ऊंका पिछनैं ऐनी।</verse>
				<verse number="24">अर देखा झील मा एक इथग बड़ो अतरोळ-बतरोळ हवे कि नाव बौछारयुंनं ढकंण लगि गै अर यीशु सियूं छो</verse>
				<verse number="25">तब चेलों ल संमणी ऐ के वे तैं बिजालि अर बोलि, “हे प्रभु हम तैं बचौ हम डुबि कै मुरण वला छा।”</verse>
				<verse number="26">यीशु ल ऊं बट्टी बोलि, “हे अधुरा विश्वासियों” किलै डरणा छा? तब वेल उठि के अतरोळ-बतरोळ से उठयां लहरों तैं झिड़की अर सब शान्त हवे गै।</verse>
				<verse number="27">अर चेला हकदक हवे के बुल्ण लगि गैनी यु कन्दरो आदिम च, “जु कि अतरोळ-बतरोळ तैं भि अर लहर भि वेको बुल्युं मणदींनि।”</verse>
				<verse number="28">जब यीशु झील का पल्या छाला गदरेनियों का लुखुं का क्षेत्र मा पौंछिंनी त द्वी मनिख जौं मा दुष्टात्मा छै उ कब्रों बट्टी निकली के वेमा ऐनी उ इथग खुंखार छा, कि कुई भि वे बट्टा बट्टी नि जै सकदा छा।</verse>
				<verse number="29">ऊंल चिल्लै कै बोलि, “हे परमेश्वर का नौंनो” मेरू तेरु कुई लिणु दींणु नि च क्य तु बगत से पैली हम तैं दुःख दींणु कु इख अईं छै?</verse>
				<verse number="30">ऊं बट्टी कुछ दूर बिजां सुंगरु को एक बड़ो झुण्ड चरणु छो।</verse>
				<verse number="31">दुष्टात्मा ल यीशु मा बिनती कैरी कै बोलि, कि “जु तु हम तैं निकलणी छै त ऊं सुंगरुं का झुण्ड मा भेज दे।”</verse>
				<verse number="32">यीशु ल ऊं बट्टी बोलि, “जावा अर व दुष्टात्मा निकली के सुंगरु मा बैठी गै अर देखा ऊं सुंगरुं को सैरो झुण्ड पोड पर बट्टी झपटी के पांणि मा जै पोड़ि गै अर डुबि के मोरि गै।”</verse>
				<verse number="33">सुंगरु का चरवाहा भागि के शहर मा गैनी अर यु सब बात अर जौं मा दुष्टात्मा छै ऊंको सैरो हाल सुंणै।</verse>
				<verse number="34">तब सैरा शहर का लोग यीशु बट्टी भेंट कनु कु ऐनी अर वे तैं देखि के बिनती कैरी कि हमारा सरहद बट्टी भैर चलि जा।</verse>
			</chapter>
			<chapter number="9">
				<verse number="1">फिर यीशु नाव पर चढ़ी के छाला पर गै अर अपड़ा शहर मा ऐ।</verse>
				<verse number="2">अर देखा कथग ही लोग एक लकवा का रोगी तैं चार मनिख खाटलो मा उठवै के वेका संमणी लैनि यीशु ल ऊंका विश्वास तैं देखि के बोलि, “हे नौंना ढाडस रख तेरा पाप माफ हवे गैनी।”</verse>
				<verse number="3">ईं बात पर कई मूसा की व्यवस्था तैं सिखांण वलो ल सोचि “यु त परमेश्वर की बुरै कनु च भस परमेश्वर ही पाप माफ कैरी सकदु?”</verse>
				<verse number="4">यीशु ल ऊंका मन की बात जांणि के बोलि, तुम लोग अपड़ा-अपड़ा मन मा बुरा किलै कना छा?</verse>
				<verse number="5">सौंगु क्य च? इन बुल्ण कि तेरा पाप माफ हवेनि या इन बुल्ण कि उठ अर चल फिर?</verse>
				<verse number="6">ज्यां बट्टी तुम जांणि जां कि, “मि मनिख कु नौंनो धरती पर पाप माफ कनु कु भि अधिकार रखदु छों तब वेल लकवा का रोगी कु बोलि मि त्वे कु बुल्णु छौं उठ अपड़ी खाट उठै के घौर चलि जा।”</verse>
				<verse number="7">अर उ उठि के अर अपड़ी खाट उठै के अर सभियूं का संमणी बट्टी निकली अपड़ा घौर चलि गै।</verse>
				<verse number="8">सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कन लगि गैनी कि जैल मनिख्युं तैं इन अधिकार दींनि।</verse>
				<verse number="9">उख बट्टी अगनैं बढ़ि के यीशु ल मत्ती नौं का एक मनिख तैं चुंगि की चौकी पर बैठय्युं देखि, अर वेकु बोलि मेरा पिछनैं हवे ले अर उ अपड़ो काम-काज छोड़ी के वेका पिछनै हवे गै।</verse>
				<verse number="10">जब यीशु अर वेका चेला वेका घौर मा खांणु-खांण कु बैठिनि अर भौत सा चुंगि लींण वलो अर पापी भि यीशु अर वेका चेलों का दगड़ा मा खांणु कु बैठयां छा।</verse>
				<verse number="11">यु देखि के फरीसियों ल यीशु का चेलों मा बोलि, “तुमारो गुरु चुंगि लींण वलो का अर पापियों का दगड़ी खांणु किलै खांदु”</verse>
				<verse number="12">यीशु ल यु सूंणि के ऊंमा बोलि, “भला चंगों तैं वैध की जरूरत नि च पर बिमारों तैं च।</verse>
				<verse number="13">इलै तुम जै के यांको मतलब सीखी ल्या मि बलिदान न पर दया चांदु छौं किलैकि मि धर्मियों कु न बल्कि पापियों तैं बुलांण कु अयुं छौं।”</verse>
				<verse number="14">तब यूहन्ना का चेलों ल यीशु का संमणी ऐ के बोलि, “क्य बात च कि हम अर फरीसी उपवास रखदां पर तेरा चेला उपवास नि रखदींनि।”</verse>
				<verse number="15">यीशु ल ऊंमा बोलि, “जब तक ब्योला बरातियों का दगड़ी रौंदु त क्य उ उपवास रखि सकदींनि? पर हां उ दिन आला कि ब्योला ऊंका बीच बट्टी अलग करे जालो त वे बगत उ उपवास रखला।</verse>
				<verse number="16">नया कपड़ा कु टल्ला पुरणा कपड़ा पर कुई नि लगांदु नथिरी उ टल्ला वामु बट्टी कुछ खींचि दयालो अर नयो पुरणा बट्टी इन कै उ और भि जादा फटि जालो।</verse>
				<verse number="17">अर लोग नई दाखमधु तैं पुरणी छाकल मा कुई नि रखदु नथिरी दाखमधु छाकल तैं फाड़ी दयालो अर दाखमधु अर मश्क द्वी बरबाद हवे जालि पर नई दाखमधु नई चमड़ा कि थैलि मा भुरदिन अर उ द्वी बचि रंदिन।”</verse>
				<verse number="18">यीशु ऊं बट्टी यूं बातों तैं बुल्णु ही छो कि एक आदिम जु यहूदी सभा को सरदारों मा बट्टी एक छो यीशु मा ऐ के प्रणाम कैरी अर बोलि, “मेरी छुटी नौंनि मुरण वली च तु ऐ के वीं तैं छू, कि व खूब हवे के ज्यूंदी रौ।”</verse>
				<verse number="19">यीशु उठि के अपड़ा चेलों समेत वेका पिछनै हवे के चलि गै।</verse>
				<verse number="20">अर देखा एक जनन जै तैं बारह बरस बट्टी ल्वे बंगणौ को रोग छो वीं ल यीशु का पिछनै बट्टी ऐ के वेका चौला का किनारा तैं छवे।</verse>
				<verse number="21">किलैकि व अपड़ा मन मा बुल्दी छै “जु मि वेका चौला का किनारा तैं भि छवे दयुलु त मेरू उद्धार हवे जालो।”</verse>
				<verse number="22">यीशु ल फरकि के वीं तैं देखि अर बोलि, “हे नौंनि, तेरु भरोसो छो की मि त्वे तैं खूब कैर सकदु इलै तु पूरा ढंग से खूब हवे गै” त तब व जनन वे बगत ही बची गै।</verse>
				<verse number="23">जब यीशु वे सरदार का घौर मा पौंछि त बंसुरी बजौण वलो अर भौत लुखुं तैं रूंण अर चिल्लांण देखि</verse>
				<verse number="24">तब यीशु ल बोलि, हटि जावा नौंनि मुरीं नीच पर सीणी च यु सूंणि के लोग वेको ठट्टा कन लगि गैनी।</verse>
				<verse number="25">पर जब भीड़ छंटे गै त वेल भितर जै के नौंनि को हथ पकड़ी अर व ज्यूंदी हवे गै।</verse>
				<verse number="26">अर ईं बात की चर्चा वे सैरा देश मा फैली गै।</verse>
				<verse number="27">जब यीशु उख बट्टी अगनैं बड़ी त द्वी अंधा वेका पिछनै यु चिल्लांदि ऐनी कि “हे यीशु, राजा दाऊद की संतान हम पर दया कैरा।”</verse>
				<verse number="28">जब उ घौर मा पौंछिनी त तब उ अंधा ऊंका संमणी ऐनी अर यीशु ल ऊंमा बोलि “क्य तुम तैं विश्वास च कि मि त्वे तैं खूब कैर सकदु छौं” ऊं अन्धो ल यीशु मा बोलि, हाँ प्रभु हम तैं विश्वास च की आप हम तैं खूब कैर सकदा छा।</verse>
				<verse number="29">तब वेल ऊंका आंखा छवे के बोलि, तुम विश्वास करदयां की मि खूब कैर सकदो ई ले तुम ल खूब हवे जांण।</verse>
				<verse number="30">अर उ दिखण लगिनि यीशु ल ऊं तैं चितै के बोलि, खबरदार तुम के तैं नि बतयां की मिल तुम तैं खूब कैरी।</verse>
				<verse number="31">पर ऊंल निकली के सैरा देश मा वेकी हाम फैलै दींनि।</verse>
				<verse number="32">जब उ दुई अंधा मनिख भैर जांणा छा त कुछ लोग यीशु का संमणी एक मनिख लैनि जु बोल नि सकदा छा किलैकि वेमा एक दुष्टात्मा लगि छै।</verse>
				<verse number="33">अर जब यीशु ल दुष्टात्मा तैं वे मनिख बट्टी भैर निकाली दींनि त गूंगो मनिख बुल्ण लगि गै ईं बात पर भीड़ भैंचक हवे के बुल्ण लगि गै “कि इस्राएल का लुखुं का घराना मा पैली इन कभि नि दिखै गै।”</verse>
				<verse number="34">पर फरीसियों ल बोलि, “कि यु दुष्टात्मा का सरदार शैतान की मदद ल दुष्टात्मा तैं निकलदु च।”</verse>
				<verse number="35">अर तब यीशु अर वेका चेला गलील जिला का भौत शहरों मा हवे के गैनी अर यहूदियों का मिलणा का भवन मा वचन की शिक्षा दींद अर परमेश्वर का राज्य को शुभ सन्देश प्रचार करदी अर लुखुं कि सभि बिमारी अर कमजोरि तैं दूर करदी।</verse>
				<verse number="36">जब वेल भीड़ तैं देखि त वे तैं लुखुं पर तरस खै किलैकि उ, ऊं ढिबरों का जन छिनी जौं को कुई देखभाल कन वलो चरवाहा नि छो जु कि घबरैंया सी अर हरच्यां सी छा।</verse>
				<verse number="37">तब वेल अपड़ा चेलों बट्टी बोलि, जन कि पुंगड़ा मा बिजां फसल हूंदी इन भि लोग छिनी जु परमेश्वर का सन्देश तैं सुनणु कु तैयार छिन पर परमेश्वर का राज्य का बारा मा बातोण वला लोग कम छिन।</verse>
				<verse number="38">इलै फसल का स्वामि पिता परमेश्वर बट्टी प्रार्थना कैरा कि उ अपड़ा पुंगड़ा मा काम कनु कु मजदूर तैं भेजि द्यो।</verse>
			</chapter>
			<chapter number="10">
				<verse number="1">फिर यीशु ल बारह चेलों तैं अफ मा बुलै के अर ऊं तैं दुष्टात्मा तैं निकलण को अधिकार दींनि की उ सब प्रकार की बिमारियों अर सब प्रकार की कमजोरियों तैं दूर कैरो।</verse>
				<verse number="2">यूं बारह प्रेरितों का नौं यु छिन पैलो शमौन पतरस अर वेको भैय अन्द्रियास जब्दी को नौंनो याकूब अर वेको भैय यूहन्ना।</verse>
				<verse number="3">फिलिप्पुस अर बरतुल्मै, थोमा अर चुंगि लींण वलो मत्ती, हलफई को नौंनो याकूब अर तद्दी।</verse>
				<verse number="4">शमौन कनानी अर यहूदा इस्करियोती जैल यीशु तैं वेका दुश्मनों का हथों मा पकड़वै दींनि।</verse>
				<verse number="5">यीशु ल बारह चेलों तैं पैली ही इन आज्ञा दे के भेजि, “अन्यजातियों कि तरपां नि ज्यां अर सामरी जाति मा नि ज्यां। ”</verse>
				<verse number="6">इस्राएल का लुखुं मा जावा, जु पिता परमेश्वर बट्टी दूर हवे गैनी, जन हरचि ढिबरो अपड़ा रखवला बट्टी दूर हवे जांद।</verse>
				<verse number="7">अर चलद-चलद यु प्रचार कैरा कि स्वर्ग कु राज्य नजदीक ऐ गै।</verse>
				<verse number="8">बिमारों तैं खूब कैरा मुर्दों तैं ज्यूँदो कैरा कोढ़ियों तैं शुद्ध कैरा अर दुष्टात्मा तैं निकलै तुम ल मुफ्त मा पै तुम भि मुफ्त मा द्या।</verse>
				<verse number="9">अपड़ा पटुकूं मा सोना, चांदी अर तांमु का सिक्का जमा नि करयां।</verse>
				<verse number="10">बट्टा कु न त झोला रखा, न द्वी-द्वी कुर्ता, न जुत्ता अर न लाठो रखा किलैकि मजदूर तैं वेको खांणु मिलण चयणु च।</verse>
				<verse number="11">जै कै शहर य गौं जैला त पता लगा कि उख कु काबिल च? अर तब तक उख बट्टी विदा नि हुयां वेका इख रावा।</verse>
				<verse number="12">घौर मा भितर जांण दफा वे तैं आशीष दियां।</verse>
				<verse number="13">जु वे घौर का लोग काबिल होला त तुमारो कल्याण ऊं पर होलो पर जु उ काबिल नि होला त तुमारो कल्याण तुम मा वापिस ऐ जालो।</verse>
				<verse number="14">जु कुई तुम तैं स्वीकार नि कैरो अर तुम्हरी बातों तैं नि सुंणौ त वे घौर य वे शहर बट्टी निकली के अपड़ा खुट्टों की धूल उखि झाड़ी दियां।</verse>
				<verse number="15">मि तुम मा सच बुल्णु छौं कि न्याय का जांच का दिन वे शहर की दशा से सदोम अर अमोरा शहर कि दशा जादा सैंण जुगुत हवेलि।</verse>
				<verse number="16">“देखा मि तुम तैं ढिबरों का जन भेड़ियों का बीच मा भिजद इलै गुरो जन बुद्धिमान अर कबूतर जन भोला बंणा।”</verse>
				<verse number="17">पर लुखुं बट्टी सचेत रावा किलैकि उ तुम तैं यहूदियों का मिलणा का भवन मा सौंपला अर अपड़ी महासभा मा तुम पर कोड़ा मरला।</verse>
				<verse number="18">तुम मि कु राज्यपालों का अर राजाओं का संमणी अर अन्य-जाति पर गव्है हूंणु कु पेश किये जैला।</verse>
				<verse number="19">जब उ तुम तैं पकड़वाला त तुम फिकर नि करयां कि हम ल कन कै बुल्ण किलैकि जु कुछ तुम ल बुल्ण होलो उ वे बगत तुम तैं बतये जालो।</verse>
				<verse number="20">किलैकि बुल्ण वला तुम नि होल्या पर तुमारी परमेश्वर की आत्मा तुमारा द्वारा बुलली।</verse>
				<verse number="21">भैय, अपड़ा भैय तैं, अर बुबा नौंना तैं, मरणु कु द्याला, अर नौंना बाला ब्वे-बुबा का विरोध मा उठि के ऊं तैं मरवै डलला।</verse>
				<verse number="22">मेरा नौं का वजह से सब लोग तुम बट्टी बैर रखला पर जु आखिर तक धीरज रखलो वेको ही उद्धार होलो।</verse>
				<verse number="23">जब उ तुम तैं एक शहर मा सताला त तब तुम हैंका शहर मा चलि ज्यां। मि तुम मा बुल्णु छौं कि तुम इस्राएल देश का सभि शहर मा नि जै सकिल्या कि तब तक मि मनिख कु नौंनो ऐ जौलु।</verse>
				<verse number="24">“चेला अपड़ा गुरु से बड़ो नि हूंद अर न सेवक अपड़ा स्वामि से।”</verse>
				<verse number="25">चेला का गुरु से अर दासों कु गुरु का समान हूंण बराबर च अर जब उ मि तैं घौर का मालिक कु शैतान बुल्दा छिन, त मेरा घौर का लुखुं तैं अर भि बुरा नौं बट्टी बुलाला।</verse>
				<verse number="26">इलै ऊं लुखुं बट्टी नि डरयां जु तुम तैं धमकी दींद उ बगत आंणु च जब सब कुछ जु ढँकुयों च उ संमणी ऐ जालो, अर जु कुछ गुप्त च उ सब तैं पता चलि जालो।</verse>
				<verse number="27">जु कुछ भि मि अंधेरा मा बुल्दो छौं, वे तैं उज्यला मा बोला; जु कुछ तुम बट्टी कन्दूड़ो मा बुलै गै, वेकु प्रचार हर जगह कैरा।</verse>
				<verse number="28">जु देह तैं मारि सकदींनि, पर आत्मा तैं नि मारि सकदींनि ऊं बट्टी नि डरयां पर परमेश्वर बट्टी डैरा जु प्राण अर देह द्वीयूं तैं नरक मा नाश कैरी सकदु</verse>
				<verse number="29">क्य एक पैसा मा द्वी गौरैयों नि बिकदिंन? तब भि तुमारा बुबा कि इच्छा बगैर ऊंमा बट्टी एक भि धरती पर नि गिरि सकिदि।</verse>
				<verse number="30">परमेश्वर तुम्हरी जीवन का बारा मा चिंता करदो च उ यु भि जंणदु च की तुमारा मुंड मा कथग बाल छिनी।</verse>
				<verse number="31">इलै डैरा न तुम्हरी कीमत भौत गौरेयों से भि बढ़ि के छा।</verse>
				<verse number="32">जु कुई भि लुखुं का संमणी इन बोलु की मि यीशु को चेला छों त मि भि वे तैं अपड़ा स्वर्गीय बुबा का संमणी स्वीकार करलो।</verse>
				<verse number="33">जु उ दूसरों का संमणी यु बुल्ण से डरदु च की उ मेरा चेला छिन, त मि अपड़ा बुबा जु स्वर्ग मा च बोलि दयुलु की यु मेरा चेला नि छिन।</verse>
				<verse number="34">“इन नि सोचा कि मि धरती पर लुखुं का बीच मा शान्ति लांणु कु अयुं छौं, मि लुखुं का बीच मा शान्ति नि बल्कि लड़ै करवांणु कु अयुं छौं।”</verse>
				<verse number="35">मि त इलै अयुं छौं कि मनिख तैं वेका बुबा बट्टी अर नौंनि तैं वीं कि ब्वे बट्टी अर ब्वारि तैं वीं कि सासु का विरुद्ध कैर द्यो</verse>
				<verse number="36">मनिख्युं का बैरी ऊंका वे अपड़ा परिवार का ही लोग होला।</verse>
				<verse number="37">“जु ब्वे-बुबा तैं मि से जादा प्रेम करद उ मेरा लैख नि च अर जु नौंना य नौंनि तैं मि से जादा प्रेम करद उ भि मेरा चेला बनण का लैख नि च। ”</verse>
				<verse number="38">अर जु मेरा चेला हूंण का कारण अपड़ी सूली उठांण अर मुरण कु भि तैयार हो अर मेरा पिछनैं नि चलो उ मेरू चेला हूंणा का लैख नि च।</verse>
				<verse number="39">जु कुई अपड़ो जीवन बचौण चौ उ वे तैं गवांलू पर जु कुई मेरा बाना अर शुभ सन्देश का बाना अपड़ा आत्मा तैं गवांलू उ अनन्त जीवन तैं पालो।</verse>
				<verse number="40">“जु तुम तैं स्वीकार करदो उ मि तैं स्वीकार करदो अर जु मि तैं स्वीकार करदो उ मेरा भिजण वला तैं स्वीकार करदो।”</verse>
				<verse number="41">जु परमेश्वर का तरपां बट्टी बुल्दो तैं परमेश्वर का तरपां बट्टी बुल्दो जांणि के स्वीकार कैर उ परमेश्वर का तरपां बट्टी बुल्ण वलो का समान ईनाम पालो अर जु धर्मी आदिम तैं धर्मी जांणि के स्वीकार कैर उ धर्मी को ईनाम पालो।</verse>
				<verse number="42">जु कुई यूं छुटो मा बट्टी एक तैं भि मेरू चेला जांणि कै भस एक गिलास ठंड़ो पांणी पिलालो की तुम मसीह का चेला कहलांदा छा त मि तुम मा सच बुल्ण छौं उ निश्चित रूप से ईनाम पालो।</verse>
			</chapter>
			<chapter number="11">
				<verse number="1">जब यीशु ल अपड़ा बारह चेलों तैं उपदेश दियेलि छै त तब यीशु भि ऊंका गलील जिला का नगरों मा शिक्षा अर प्रचार कनु कु उख बट्टी चलि गै।</verse>
				<verse number="2">यूहन्ना ल बन्दीगृह मा यीशु मसीह का कामों कु समाचार सूंणि अर अपड़ा चेलों तैं वेमा यु पुछणु कु भेजि</verse>
				<verse number="3">“क्य तु ही उ मसीह छै, जै तैं भिजणो को वादा परमेश्वर कु करयूँ छो य हम कै दूसरो कु इन्तेजार कैरा।”</verse>
				<verse number="4">यीशु ल जवाब दींनि, “जु कुछ तुम सुनणा छा अर दिखणां छा उ सब जै के यूहन्ना मा बोलि द्या।</verse>
				<verse number="5">कि अंधा दिखणा छिन अर लूला लंगड़ा हिटणा छिन कोढ़ी शुद्ध कि यु जांणा छिन अर बैहरा सुनणा छिन मुर्दा ज्यूंदा कि यु जांणा छिन अर गरीबों तैं शुभ सन्देश प्रचार सुंणये जांणु च।</verse>
				<verse number="6">अर धन्य च उ जु मि पर शक नि करदींनि।”</verse>
				<verse number="7">जब यूहन्ना का चेला उख बट्टी चलि गैनी त तब यीशु लुखुं मा यूहन्ना का बारा मा बुल्ण लगि गै “तुम एकांत जंगल मा क्य दिखणु कु गै छा? क्य हवा से हिलण वला निंगला तैं?”</verse>
				<verse number="8">तब तुम क्य दिखणु कु गै छा? जैल मंहगा कपड़ा पैरयां छा वे तैं की।</verse>
				<verse number="9">त फिर किलै गै छा? क्य कै परमेश्वर का तरपां बट्टी बुल्ण वलो तैं दिखणु कु? हाँ मि तुम मा बुल्णु छौं कि परमेश्वर का तरपां बट्टी बुल्दो से भि बड़ा तैं।</verse>
				<verse number="10">यूहन्ना उ मनिख च जु परमेश्वर का वचन जैका बारा मा बतांद कि देखा, मि अपड़ा दूत तैं तेरा अगनैं भिजणु छौं जु तेरा अगनैं तेरा आंणु कु लुखुं तैं तैयार करलो।</verse>
				<verse number="11">मि तुम मा सच बुल्णु छौं कि जु जनन बट्टी जन्मी छिनी ऊंमा बट्टी यूहन्ना बपतिस्मा दींण वला से कुई बड़ो नि हवे पर जु स्वर्ग का राज्य मा छुटो से छुटो च उ वे बट्टी बड़ो च।</verse>
				<verse number="12">और तब बट्टी यूहन्ना बपतिस्मा दींण वला ल प्रचार शुरू कैरी, वे बगत बट्टी अब तक स्वर्ग का राज्य जबरदस्ती अगनैं बडणु च अर हिंसक लोग यु पर हमला कना छिन।</verse>
				<verse number="13">यूहन्ना तक परमेश्वर का तरपां बट्टी बुल्ण वलो की सभि किताबों अर मूसा द्वारा लिखीं परमेश्वर की व्यवस्था मा यूहन्ना बप्तिस्मा दींणवलों का आंण तक परमेश्वर का राज्य का बारा मा पैली बट्टी बतये गै।</verse>
				<verse number="14">अर जु तुम मेरी बातों तैं मनणु चांदा छा, एलिय्याह जु औंण वलो छो उ यु ही च।</verse>
				<verse number="15">जै को यु सुनण को मन च, उ ध्यान दे के यूं बातों तैं सुंणौ अर समझ भि ल्यो।</verse>
				<verse number="16">“मि यु बगत का लुखुं तैं क्य से सुबारु? उ, ऊं नौंनो का जन छिनी जु बाजारों मा बैठी के एक दुसरा बट्टी बुल्दींनि।”</verse>
				<verse number="17">“हम ल तुम कु खुशी का गीत गैनी अर तुम नि नचयां हम रौवे छा अर शोक का गीत गैनी पर तुम ल छाति नि पीटि।”</verse>
				<verse number="18">किलैकि यूहन्ना बार-बार उपवास करदो छो अर दाखमधु नि पींदों छो अर उ बुल्दींनि कि वे पर दुष्टात्मा च।</verse>
				<verse number="19">पर जब मि मनिख कु नौंनो खांदी-पींदु ऐ अर उ बुल्दींनि “देखा पेटू अर पियक्कड़ मनिख चुंगि लींण वलो अर पापियों कु दगड़िया पर एक मनिख का काम दिखाला की बुद्धिमान वलो कु च।”</verse>
				<verse number="20">तब यीशु ल ऊं लुखुं तैं डांटी जु ऊं शहरों मा रौंदा छा जौंमा वेल भौत सा चमत्कार का काम कैरी छा किलैकि ऊंल अपड़ा कामों कु पश्चाताप नि कैरी छो।</verse>
				<verse number="21">“हाय खुराजीन शहर अर बैतसैदा नगर का लुखुं जु चमत्कार का काम तुम मा किये गैनी जु उ सूर अर सीदोन शहरों मा किये जांदा त उख का लोग कबारि ही टाट ओड़िके अर अपड़ा मथि छारो छिडकी दीन्दा यु दिखांणु कु की हम ल अपड़ा पापों बट्टी पश्चाताप कैरेली।</verse>
				<verse number="22">पर मि तुम मा बुल्णु छौं कि न्याय का जांच का दिन तुमारी दशा से वे सजा जु परमेश्वर सूर अर सीदोन शहर तैं दयालो व वीं सजा से कम हवेलि जु उ तुम तैं दयालो।</verse>
				<verse number="23">हे कफरनहूम शहर का लुखुं क्य तु स्वर्ग तक ऊंचो किये जैलि? तु त नरक तक मूड़ि किये जैलि जु चमत्कार का काम त्वे मा किये गैनी जु सदोम शहर मा किये जांदा त उ शहर आज तक बणयुं रौंदु।</verse>
				<verse number="24">पर मि तुम मा बुल्णु छौं कि न्याय का जांच का दिन तुमारी दशा से वे सजा जु परमेश्वर सदोम अर सैदा शहर का लुखुं की वीं सजा से कम हवेलि जु उ तुम तैं दयालो।”</verse>
				<verse number="25">वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।</verse>
				<verse number="26">हाँ, बुबा जी त्वे तैं यु ही खूब लगि।</verse>
				<verse number="27">“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”</verse>
				<verse number="28">हे सब मेनत कन वलो अर बोझ से दबयां लुखुं मि मा आवा, मि तुम तैं विश्राम दयुलु।</verse>
				<verse number="29">मेरू जूआ अपड़ा मथि उठै ल्या अर मि बट्टी सीखा किलैकि मि नम्र अर आत्मा मा दीन छौं अर तुम अपड़ा मन मा विश्राम पैल्या।</verse>
				<verse number="30">किलैकि मेरू जूआ उठाणु कु सौंगु अर मेरू बोझ हल्को च।</verse>
			</chapter>
			<chapter number="12">
				<verse number="1">जब यीशु यहूदियों का विश्राम का दिन जब यीशु अर वेका चेला पुंगड़ों का बीच मा बट्टी जांणा छा अर वेका चेलों तैं भूख लगि त तब उ बलड़ो तैं तोड़ी-तोड़ी के खांण लगि गैनी।</verse>
				<verse number="2">फरीसियों ल वे मा बोलि, “देख तेरु चेला उ काम कना छिनी जु कि यहूदियों का विश्राम का दिन कन ठिक नि च।”</verse>
				<verse number="3">यीशु ल ऊंमा बोलि, “क्य तुम ल परमेश्वर का वचन मा कभि नि पढ़ी कि जब राजा दाऊद तैं जरूरत छै त वेल क्य कैरी? जब उ अर वेका दगड़िया भूखा छा।”</verse>
				<verse number="4">उ कनके परमेश्वर का वाचा वला तम्बू मा गै अर भेंट कि रुट्टि खैनि जौं तैं परमेश्वर की व्यवस्था का अनुसार खांण न त वे तैं अर न वेका दगड़ियों तैं ठिक छो पर जबकि भस ऊं तैं यहूदी याजक लोग ही खै सकदा च?</verse>
				<verse number="5">अर क्य तुम ल मूसा द्वारा लिखीं परमेश्वर की व्यवस्था मा नि पढ़ी कि यहूदी याजक यहूदियों का विश्राम का दिन यरूशलेम शहर का मन्दिर मा वे दिन की विधि तैं तोड़ण पर भि निर्दोष ठैरौंदींनि?</verse>
				<verse number="6">मि तुम तैं बुल्णु छौं कि यांको क्य मतलब च मि तुमारा संमणी अयुं छों अर मि यरूशलेम शहर का मन्दिर से भि जादा बढ़कै छों।</verse>
				<verse number="7">जु तुम यांको मतलब जंणदा कि मि कु बलिदान चढ़ाणे कि बजाय, “मि चंदु छों की तुम दूसरों का प्रति दयालु बणा त तुम मेरा यूं निर्दोष शिष्यों की निंदा नि करदा। ”</verse>
				<verse number="8">मि मनिख कु नौंनो त यहूदियों का विश्राम का दिन कु भि प्रभु छों।</verse>
				<verse number="9">उख बट्टी चलि के यहूदियों का मिलणा का भवन मा ऐ।</verse>
				<verse number="10">उख एक आदिम छो जैको हथ सुखी गै छो, कुछ फरीसी ल यीशु पर भंगार लगांणु कु वेमा पूछि, क्य यहूदियों का विश्राम का दिन वे तैं चंगा कन ठिक च?</verse>
				<verse number="11">यीशु ल ऊंमा बोलि, मांणी ल्या की तुम मा बट्टी कैकी एक ही ढिबरो च अर व यहूदियों का विश्राम का दिन एक गड्डा मा पोड़ि जौं त तुम निश्चित रूप से वे तैं?</verse>
				<verse number="12">भला मनिख कि कीमत ढिबरा बट्टी कथग बढ़ि के च इलै यहूदियों का विश्राम का दिन चंगा कन ठिक च।</verse>
				<verse number="13">तब यीशु ल वे मनिख कु बोलि अपड़ो हथ बढो अर वेल बड़ै अर वेको दुसरा हथ जन उ हथ भि ठिक हवे गै।</verse>
				<verse number="14">तब फरीसियों ल भैर जै के वेका खिलाफ मा सलाह कैरी कि यीशु तैं कै ढंग से मरै जौ।</verse>
				<verse number="15">यु जांणि के यीशु उख बट्टी चलि गै। अर भौत लोग वेका पिछनैं हवे गैनी अर वेल सभियूं तैं खूब कैरी।</verse>
				<verse number="16">यीशु ल ऊं तैं भौत चितै कि मि तैं प्रगट नि करयां की मि परमेश्वर कु नौंनो छौं।</verse>
				<verse number="17">इलै की जु वचन यशायाह परमेश्वर का तरपां बट्टी बुल्ण वला का द्वारा बुलै गै छो उ वचन पूरो हो</verse>
				<verse number="18">“देखा यु मेरू सेवक च जै तैं मिल चुणि मेरू प्रिय जै बट्टी मेरू ज्यू खुश च मि अपड़ो आत्मा वे पर डलुलु अर उ सभि जातियों तैं न्याय को शुभ संदेश प्रचार दयालो।</verse>
				<verse number="19">उ न झगड़ा करलो अर न चिल्लट, मचालु अर न बाजारों मा कुई वेकी आवाज सुंणलो।</verse>
				<verse number="20">उ कुच्ल्याँ सरकंडा तैं नि तुड़लो मतलब कि कै तैं भि कुई परेशानी च उ वे तैं सुलगती हूंई बातों का जन च ऊं तैं नुकसान नि पौंछांलो, अर धुवां दींण वला दिवडा तैं नि बुझालो, जब तक कि उ न्याय तैं मजबूत नि कैरी द्यो।</verse>
				<verse number="21">अर अन्य-जाति वेका नौं पर आस रखली।</verse>
				<verse number="22">तब लोग एक अंधा-गूंगा मनिख तैं जै पर दुष्टात्मा छै यीशु का संमणी लैनि अर वेल वे तैं खूब कैरी अर उ गूंगो बुलांण लगि गै अर अंधों दिखण लगि गै।</verse>
				<verse number="23">ईं बात पर सब लोग भैंचक मा पोड़ि के बुल्ण लगि गैनी यु क्य यु मनिख राजा दाऊद का वंशज मसीह हवे सकदो च जैकी हम उम्मीद कना छा।”</verse>
				<verse number="24">पर फरीसियों ल यु सूंणि के बोलि, “यु त दुष्टात्माओं का सरदार शैतान बालजबूल की मदद ल दुष्टात्माओं तैं निकलदु च।”</verse>
				<verse number="25">यीशु ल ऊंका मन की बात जांणि के ऊंमा बोलि जै कै राज्य मा क्लेश हूंद त तब उ उजड़ी जांदु अर कै शहर य परिवार मा जै मा क्लेश हूंद उ बणयुं नि रौंदु।</verse>
				<verse number="26">अर जु शैतान ही दुष्टात्मा तैं निकालु त तब उ अपड़ो ही विरोधी हवे गै त फिर वेको राज्य कन कै बणयुं रालो?</verse>
				<verse number="27">ठिक च जु मि शैतान की मदद से दुष्टात्माओं तैं निकलदु छौं त तुमारा अनुयायियों कैकी मदद से दुष्टात्माओं तैं निकलदींनि? इलै उ ही तुमारो न्याय करला।</verse>
				<verse number="28">पर जु मि परमेश्वर की आत्मा की मदद से दुष्टात्माओं तैं निकलदु त फिर परमेश्वर कु राज्य तुमारा बीच मा ऐ गै।</verse>
				<verse number="29">कुई आदिम कै बलिष्ठ का घौर मा घुसि के वेकी सम्पति लूछि नि सकदु, जब तक कि उ पैली वे बलिष्ठ तैं बंधि नि ल्यो अर तब उ वेका घौर तैं लूछि सकद च।</verse>
				<verse number="30">जु मि दगड़ी नि च उ मेरा विरोध मा च, अर जु मि दगड़ी नि बटोरदु उ छिलारदु च।</verse>
				<verse number="31">इलै मि तुम मा सच बुल्णु छौं कि मनिख्युं की सन्तान का सभि पाप अर बुरै जु उ परमेश्वर का विरुद्ध मा करदां छिन परमेश्वर ऊं पापों तैं माफ कैरी सकद, पर जु पवित्र आत्मा का खिलाफ बुरै करलो उ सदनी पाप कु अपराधी ठैरुदो ऊं तैं परमेश्वर कभि भि माफ नि करलो।</verse>
				<verse number="32">जु कुई मि मनिख कु नौंनो का विरोध मा कुई बात बुललु वेको यु अपराध माफ किये जालो पर जु पवित्र आत्मा विरोध मा कुछ बुललो त वेको यु अपराध न त ये लोक मा अर न औंण वला लोक मा माफ करे जालो।</verse>
				<verse number="33">“जु कुई डालो अच्छो च त वेका फल तैं भि अच्छो ही होलो इलै जु डालो तैं खराब बुलै गै त वेका फल तैं भि खराब बुलेलो किलैकि डालो फल बट्टी ही पैछांणे जांदु।”</verse>
				<verse number="34">हे लुखुं तुम जु जहरीला गुरो का बच्चों का जन छा तुम बुरा हवे के कन कै अच्छी बात बोलि सकदां? किलैकि जु मन मा भुर्युं रौंदु उ ही गिच्चा मा औंदो।</verse>
				<verse number="35">एक भलो मनिख दिल का भला भण्डार बट्टी भलि बातों तैं निकलदु अर बुरो मनिख बुरा दिल का भण्डार बट्टी बुरी बातों तैं निकलदु।</verse>
				<verse number="36">अर मि तुम मा बुल्णु छौं कि लोग जु-जु निकम्मी बातों तैं बुलला त न्याय का जांच का दिन उ हर एक वीं बात कु हिसाब दयाला।</verse>
				<verse number="37">किलैकि परमेश्वर न्याय करलो, अर हर एक मनिख तैं वेका द्वारा बुलै गै बातों का कारण ही भंगारी अर निर्दोष ठैरे जालो।</verse>
				<verse number="38">ईं बात पर कुछ फरीसियों ल अर मूसा की व्यवस्था तैं सिखांण वलो ल यीशु मा बोलि, “हे गुरु हम त्वे बट्टी एक चमत्कार को चिन्ह दिखण चांणा छा जै बट्टी यु पता लगै जालो की त्वे तैं परमेश्वर ल भिज्युं च।”</verse>
				<verse number="39">इलै यीशु ल ऊं तैं जवाब दींनि तुम चिन्ह चांदा छा किलैकि तुम बुरा छा अर विश्वास नि करदा इलै जु एकमात्र चिन्ह तुम तैं मिलालो उ परमेश्वर का तरपां बट्टी बुल्ण वला योना का दगड़ी जु हवे छो वे तैं छोड़ी कै और कुई चमत्कार अर चिन्ह नि दिए जालो।</verse>
				<verse number="40">योना तीन रात अर तीन दिन पांणि का महामाछ का पुटगा का भितर रै उन मि मनिख कु नौंनो भि तीन रात दिन धरती का भितर रालो।</verse>
				<verse number="41">नीनवे का लुखुं का न्याय का दिन यु बगत का लुखुं दगड़ी खड़ा हवे के ऊं तैं भंगारी ठैराला किलैकि ऊंल त योना प्रचार सूंणि के मन फिरै पर तुम मन फिरण से माना करद्यां अर देखा इख उ च जु योना बट्टी भि बड़ो च।</verse>
				<verse number="42">दक्षिण देश की राणी न्याय का दिन ये बगत का लुखुं का दगड़ी खड़ी हवे के ऊं तैं भंगारी ठैरालि किलैकि व राजा सुलैमान ज्ञान सुंणु कु धरती का एक छोड़ बट्टी ऐ पर तुम मन फिरण से माना करद्यां।</verse>
				<verse number="43">“जब दुष्टात्मा कै मनिख बट्टी निकली जांदी त व सुखीं जगह मा विश्राम ढुंडदि अर नि पौंदि।”</verse>
				<verse number="44">तब व अपड़ा आप मा बुल्दी कि जै मनिख बट्टी मि ऐ छो, जख बट्टी मि निकली छौं अर वापिस लौटि जौलु ऐ के वे मनिख का जीवन तैं वे घौर का जन पांदी जै तैं साफ-सुथरु कैर गै हो।</verse>
				<verse number="45">तब दुष्टात्मा जै के अफ बट्टी सात बुरी दुष्टात्मा तैं अफ दगड़ी लौंदि अर उ वेमा मनिख मा घुस के वास करदी, वे मनिख की पिछली दशा पैली दशा से भि बुरी हवे जांदी यु बगत का लुखुं का दगड़ी इन ही हवेलि।</verse>
				<verse number="46">जब यीशु भीड़ से बात कना ही छा त वेकी ब्वे अर भैय भैर खड़ा छा अर वे बट्टी बात कन चांणा छा।</verse>
				<verse number="47">कैल वेकु बोलि, “देख तेरी ब्वे अर तेरा भैय भैर खड़ा छिन अर त्वे बट्टी बात कन चांणा छिन।”</verse>
				<verse number="48">यु सूंणि के वेल बुल्ण वलो तैं जवाब दींनि, “कि मेरी ब्वे अर मेरा भैय कु छिन?” अर जु वेका अमणी-संमणी बैठयां छा ऊं तैं देखि के बोलि,</verse>
				<verse number="49">“देखा मेरी ब्वे अर मेरा भैय ऊं छिन” जु चेला परमेश्वर की मनसा पर चलदो जु परमेश्वर चौ, “उ ही मेरा भैय अर बैंण अर ब्वे छिन।”</verse>
				<verse number="50">किलैकि, “जु कुई मेरा स्वर्गीय बुबा कि मनसा पर चलो उ ही मेरा भैय अर मेरी बैंण अर मेरी ब्वे छिन।”</verse>
			</chapter>
			<chapter number="13">
				<verse number="1">वे दिन यीशु घौर बट्टी निकली के झील का छाला मा बैठी गै।</verse>
				<verse number="2">अर वेका संमणी इथग बड़ी भीड़ जमा हवे गै कि यीशु एक नाव पर चढ़ी के बैठी गै अर सैरी भीड़ झील का छाला पर खड़ी रै।</verse>
				<verse number="3">अर वेल ऊं दगड़ी मिसाल दे के भौत सी बात करिनी एक बुतै कन वलो बीज बुतुणु कु अपड़ा पुंगडा मा गै।</verse>
				<verse number="4">अर बुतुण बगत कुछ बीज त बट्टा का किनारा पर छिलरेनी अर आकाश का चलखुडों ल ऐ के ऊं बीजों तैं खै दींनि।</verse>
				<verse number="5">अर कुछ बीज पथरीली भूमि पर छिलरेनी जख ऊं तैं जादा माटो नि मिली अर गैहरु माटो नि मिलणा वजह से जल्दी जमि गैनी।</verse>
				<verse number="6">अर जब घाम निकली त वे फुके गैनी अर जौड़ा कमजोर हूंण का कारण जल्दी सूखि गैनी।</verse>
				<verse number="7">कुछ झिबलांण मा छिलारेनी अर जख झिबलाड़न ल बढ़ि के ऊं तैं दबै दींनि।</verse>
				<verse number="8">पर कुछ बीज अच्छी भूमि मा पोड़िन अर फल लैंनि कुई सौ गुणा कुई साठ गुणा अर कुई तीस गुणा।</verse>
				<verse number="9">अर वेल बोलि जु कुई ईं बात तैं सूंणि सकदु जु मि बुल्ण छौं उ यु तैं समझ भि ल्यो।</verse>
				<verse number="10">अर चेलों ल संमणी ऐ के ऊंमा बोलि, “तु लुखुं तैं दगड़ी मिसाल दे के किलै बात कनी छै”</verse>
				<verse number="11">यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”</verse>
				<verse number="12">किलैकि जै मा थोड़ी भि मेरी बातों तैं समझणै की इच्छा छैं च वे तैं और दिये जालि अर वेमा भौत हवे जलो पर जै मा थोड़ा भि नि च वेमा बट्टी उ भि लिये जालि जु वेमा छैं च।</verse>
				<verse number="13">मि ऊं दगड़ी मिसाल दे के इलै बात करदु किलैकि उ देखि के दिखुनु पर ऊं तैं पछांण नि सकदा अर सूंणि के भि सुणुनु पर समझ भि नि सकुनु।</verse>
				<verse number="14">ऊंका बारा मा यशायाह कि य भविष्यवाणि पूरी हूंदी तुम कंदूड़ों त सुंणिल्या पर नि समझिल्या अर आँखों ल त देखि ल्या पर तुम नि पैछाणिल्या।</verse>
				<verse number="15">किलैकि यूं लुखुं का दिल जिद्दी हवे गैनी, अर उ कंदूड़ों ल ऊंचो सुणदींनि अर ऊंल अपड़ा आंखा बूजिनि कखि इन नि हो कि उ आँखों ल दिखुनु, अर कंदूड़ों ल सुंणुनु अर मन से समझण, अर अपड़ा पापों से मन फिरौनु अर मि ऊं तैं खूब कैरु।</verse>
				<verse number="16">पर धन्य छिन तुमारा आंखा कि उ दिखदा छिन अर तुमारा कंदूड़ कि उ सुंणदा छिनी।</verse>
				<verse number="17">किलैकि मि तुम मा सच बुल्णु छौं किलैकि कथग ही परमेश्वर का तरपां बट्टी बुल्ण वलो ल अर धर्मियों ल चै कि जौं बातों तैं तुम दिखणा छा देखा पर नि देखि अर जौं बातों तैं तुम सुनणा छा सुनणु पर नि सुंणिनि।</verse>
				<verse number="18">अब तुम बीज बुतंण वला मिसाल कु मतलब सूंणा</verse>
				<verse number="19">जु कुई परमेश्वर को वचन सूंणि के नि संमझुदो वेका मन मा जु कुछ बुतै गै छो वे तैं उ दुष्ट शैतान ऐ के लूछि के लिजांदु यु उ ही च जु बट्टा किनारा बुतै गै छो।</verse>
				<verse number="20">कुछ लोग वीं पथरीली भूमि जन छिन ज्यां पर बीज गिरदो पर यु उ छिनी कि जु वचन तैं सूंणि के वे बगत खुशी से स्वीकार कैरी दे दींनि।</verse>
				<verse number="21">पर अफ मा जौड़ा नि रखणा वजह से उ कुछ ही दिनों कु रांदो यांका बाद जब ऊं पर क्लेश या बिपदा औंदि त तब उ तुरंत ठोकर खै दींनि।</verse>
				<verse number="22">जु झिबलांण मा बुतै गैनी उ यु छिनी जौं ल वचन तैं सूंणि, पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह ऊंमा समैके वचन तैं दबै दींदु अर वे तैं कुछ फैदा नि हुंदा।</verse>
				<verse number="23">अर जु अच्छी भूमि मा बुतै गैनी उ यु छिनी जु वचन तैं सूंणि के स्वीकार करदींनि अर फल लंदिनि उ भि कुई सौ गुणा, कुई साठ गुणा, अर कुई तीस गुणा।</verse>
				<verse number="24">यीशु ल ऊं तैं एक और मिसाल दींनि स्वर्ग कु राज्य वे किसान जन च जैल अपड़ा पुंगड़ा मा अच्छो बीज बूति।</verse>
				<verse number="25">पर जब लोग सिणा छा त वेका दुश्मन शैतान ल पुंगड़ा मा ऐ के ग्यूं का बीज का बीच जंगली बीज बूतिके चलि गै।</verse>
				<verse number="26">जब अंकुर निकलीनि अर बलड़ा लगिनि त जंगली घास कि बिज्वाड़ भि दिखै गै।</verse>
				<verse number="27">जु पुंगड़ा कु स्वामि छो वेका सेवकों ल वेमा ऐ के बोलि, हे स्वामि क्य तिल अपड़ा पुंगड़ा मा अच्छो बीज नि बूति छो? त फिर जंगली बीज कि बिज्वाड़ वेमा कख बट्टी ऐ?</verse>
				<verse number="28">वेल ऊंमा बोलि, यु कै दुश्मन शैतान कु काम च सेवकों ल वेमा बोलि, क्य तेरी मनसा च कि हम जै के जंगली बीजों तैं जौड़ा बट्टी उखाड़ि दियां?</verse>
				<verse number="29">वेल बोलि, न इन नि कैरा कि जंगली बीज कि बिज्वाड़ जौड़ा बट्टी उखड़दा दफा तुम ऊं दगड़ी ग्यूं को बीज भि उखाड़ि द्या।</verse>
				<verse number="30">लवैइ तक द्वी तैं दगड़ी बढण द्या अर लवैइ का बगत मि लवैइ कन वलो बट्टी बुललु कि पैली जंगली बीज कि बिज्वाड़ बटोरी के फुकणु कु ऊंका पूला बंधि ल्या अर ग्यूं का बीज तैं मेरा कुठार मा कठ्ठा कैरा।</verse>
				<verse number="31">यीशु ल ऊं तैं एक और मिसाल दींनि परमेश्वर कु राज्य रैई का बीज जन च जै तैं कै मनिख ल ले के अपड़ा पुंगड़ा मा बूति दींनि।</verse>
				<verse number="32">उ सब बाजों से छुटो त हूंद पर जब बड़ी जांदु त तब सब साग-पात से बड़ो हवे जांदु अर वेका इन बड़ो डालो हवे जंदींनि कि आसमान का चलखुडा भि वेका फौंकों मा घोल बणै के बसेरा कैरी सकदींनि।</verse>
				<verse number="33">यीशु ल एक और मिसाल ऊं तैं सुंणै कि स्वर्ग कु राज्य खमीर का जन च जै तैं एक जनन ल ले के तीन पथा आटा मा मिलै दींनि अर होंद-होंद उ सब खमीर हवे गै।</verse>
				<verse number="34">यु सब बात यीशु लुखुं तैं मिसाल का रूप मा ही शिक्षा दींदो छो अर बगैर मिसाल का परमेश्वर का राज्य का बारा मा कुछ नि बुल्द छो।</verse>
				<verse number="35">कि जु वचन परमेश्वर का तरपां बट्टी बुल्ण वलो का द्वारा बुलै गै छो उ पूरो हवे जौं “मि मिसाल दींणु कु अपड़ो गिच्चु खुललो मि ऊं बातों तैं जु दुनिया की रचना बट्टी छिपी रैनी ऊं बातों तैं मि प्रगट करुलो।”</verse>
				<verse number="36">तब यीशु भीड़ तैं छोड़ी के घौर मा ऐ अर वेका चेलों ल वेका संमणी ऐ के बोलि, पुंगड़ा मा कु जंगली बीज की मिसाल हम तैं समझै दे।</verse>
				<verse number="37">वेल ऊं तैं जवाब दींनि अच्छा बीज तैं बुतंण वलो मि मनिख कु नौंनो छों।</verse>
				<verse number="38">पुगड़ा यु दुनिया का लोग छिनी अर अच्छो बीज राज्य का लोग अर जंगली बीज दुष्ट शैतान कि सन्तान च।</verse>
				<verse number="39">अर जै दुष्ट ल ऊं तैं बूति उ शैतान च लवैइ यु दुनिया कु अन्त च अर लवैइ कन वला स्वर्गदूत छिन।</verse>
				<verse number="40">जन जंगली बीज बटोरे जंदींनि अर फुके जंदींनि उन ही यु दुनिया का अन्त मा होलो।</verse>
				<verse number="41">मि मनिख कु नौंनो अपड़ा स्वर्गदूतों तैं भिजलु अर उ वेका राज्य मा बट्टी सब ठोकर खांण वलो तैं अर अधर्म अर पाप कन वलो तैं कठ्ठा करला</verse>
				<verse number="42">अर स्वर्गदूत ऊं तैं आग का कुण्ड मा डललो जख रूंण अर दांतों कु पिसंण होलो।</verse>
				<verse number="43">वे बगत मा धर्मी अपड़ा बुबा का राज्य मा सूरज जन चमकलो जु कुई ईं बात तैं सूंणि सकदु जु मि बुल्णु छौं उ यु तैं समझ भि ल्यो।</verse>
				<verse number="44">“स्वर्ग कु राज्य कै पुंगड़ा मा छिप्यां धन का समान च जै तैं कै मनिख पै अर छिपै दींनि अर खुशी ल जै के अपड़ो सब कुछ बेचि दींनि अर वे पुंगड़ा तैं मोल ले लींनि।”</verse>
				<verse number="45">“फिर स्वर्ग कु राज्य एक व्यापारी जन च जु अच्छा मोतियों कि खोज मा छो।”</verse>
				<verse number="46">जब वे तैं एक कीमती मोति मिली गै त वेल जै के अपड़ो सब कुछ बेचि के वे तैं मोल ले लींनि।</verse>
				<verse number="47">“फिर स्वर्ग कु राज्य वे माछा पकड़ण वला जाल का समान च जु समुद्र मा डले गै अर बनि-बनि किस्मै का माछों तैं घेरि के लै।”</verse>
				<verse number="48">अर जब जाल भुरे गै त मछवै वे तैं छाला पर खींचि के लैनि अर बैठी के भलि-भलि त ठेकि हुंद कठ्ठा कैरी अर निकम्मा माछा फेंकि दींनि।</verse>
				<verse number="49">दुनिया का अन्त मा भि इन ही होलो स्वर्गदूत ऐ के दुष्टों तैं धर्मियों बट्टी अलग करला</verse>
				<verse number="50">अर दुष्टों लुखुं तैं आग का कुण्ड मा डलला जख रूंण अर दांतों कु पिसंण होलो।</verse>
				<verse number="51">“यीशु ल ऊंमा बोलि क्य तुम ल यूं बातों तैं समझेलि, चेलों ल वेमा बोलि, हाँ।”</verse>
				<verse number="52">यीशु ल ऊंमा बोलि, “इलै हर एक मूसा की व्यवस्था तैं सिखांण वला जु स्वर्ग का राज्य कु चेला बंणि उ वे घौर का स्वामि जन च जु अपड़ा भण्डार बट्टी नई अर पुरांणि चीजों तैं निकालदु च।”</verse>
				<verse number="53">जब यीशु ल यु सभि मिसाल दियेलि छै त तब उख बट्टी चलि गै।</verse>
				<verse number="54">अर अपड़ा घौर नासरत नगर मा ऐ के उख परमेश्वर बट्टी यहूदियों का मिलणा का भवन मा ऊं तैं परमेश्वर का वचन की शिक्षा दींण लगि गै कि उ भैंचक मा पड़ी के बुल्ण लगि गैनी “यु तैं यु ज्ञान अर चमत्कार का काम कैल दींनि?”</verse>
				<verse number="55">क्य यु बड़ई कु नौंनो नि च? क्य ये कि ब्वे कु नौं मरियम अर येका भयों कु नौं याकूब यूसुफ शमौन अर यहूदा नि च?</verse>
				<verse number="56">अर क्य वेकी बैंण इख हमारा बीच मा नि रौदींनि? त फिर ये तैं यु सब कख बट्टी मिली?</verse>
				<verse number="57">इलै ऊंल वे तैं स्वीकार नि कैरी पर यीशु ल ऊंमा बोलि, कि परमेश्वर का तरपां बट्टी बुल्ण वलो कु अपड़ा देश अर अपड़ा कुटुम्ब अर अपड़ा घौर तैं छोड़ी के ऊं तैं सब जगह आदर हूंद।</verse>
				<verse number="58">अर ऊंका अविश्वास का कारण यीशु ल और कुछ चमत्कार का काम कैर साकी।</verse>
			</chapter>
			<chapter number="14">
				<verse number="1">ईं घटना का बाद जब राजा हेरोदेस चौथाई देश कु राजा छो वेला यीशु कि चर्चा सूंणि</verse>
				<verse number="2">अर वेल अपड़ा सेवकों कु बोलि, कि “यूहन्ना बपतिस्मा दींण वलो मुरयां लुखुं मा बट्टी ज्यूँदो हवे गै इलै वे बट्टी यु सामर्थ का काम का चमत्कार प्रगट हूंदींनि।”</verse>
				<verse number="3">किलैकि हेरोदेस ल अपड़ा भैय फिलिप्पुस की जनन हेरोदियास का बानौं से यूहन्ना तैं पकड़ी के बंधि अर जेल मा डालवै छो।</verse>
				<verse number="4">किलैकि यूहन्ना बपतिस्मा दींणवला ल हेरोदेस कु बोलि छो कि, “अपड़ा भैय कि जनन तैं रखण त्वे कु ठिक नि च।”</verse>
				<verse number="5">इलै हेरोदेस यूहन्ना तैं मरण चांदु छो पर लुखुं से डरदु छो किलैकि उ वे तैं परमेश्वर का तरपां बट्टी बुल्ण वलो मंणदु छो।</verse>
				<verse number="6">पर जब राजा हेरोदेस अपड़ा जन्मदिन ऐ त हेरोदियास की नौंनि भितर ऐ अर नाचि के हेरोदेस तैं अर वे दगड़ी बैठण वला मेहमनों तैं खुश कैरी।</verse>
				<verse number="7">त तब वेल खुश हवे के अर वीं बट्टी सौं खै “कि जु कुछ तु मि बट्टी चैलि मि त्वे तैं दयुलु।”</verse>
				<verse number="8">तब वीं ल अपड़ी ब्वे का उखसौंण से बोलि, मि कु इखि यूहन्ना बपतिस्मा दींण वला को मुंड काटि के मि कु मंगवै दे।</verse>
				<verse number="9">राजा भौत उदास हवे पर अपड़ी सौं का कारण अर दगड़ा मा बैठण वला मेहमनों का कारण अपड़ा सेवकों तैं आज्ञा दींनि कि ईं नौंनि कु यूहन्ना कु मुंड कटवे दिये जौ।</verse>
				<verse number="10">तब राजा ल तुरंत एक सिपै तैं आज्ञा दे के भेजि कि यूहन्ना कु मुंड कटवै के लौ।</verse>
				<verse number="11">वेल जेल मा जै के वेको मुंड काटि अर एक थाळ मा रखि के लै अर वीं नौंनि तैं दे दींनि अर वीं नौंनि ल अपड़ी ब्वे तैं दींनि।</verse>
				<verse number="12">जब यूहन्ना का चेलों तैं यु पता चलि त ऐनी अर वेकी लांश तैं ली गैनी अर कब्र मा रखि अर जै के यीशु तैं यु समाचार दींनि।</verse>
				<verse number="13">जब यीशु ल यु सूंणि त तब उ नाव मा चढ़ी के एकांत जंगल मा चलि गै अर लोग भि यु सूंणि के गौं-गौं बट्टी पैदल ही वेका पिछनैं चलण लगि गैनी।</verse>
				<verse number="14">वेल उख बट्टी निकली के एक बड़ी भीड़ देखि अर ऊं पर तरस खै अर ऊंका बिमारों तैं खूब कैरी।</verse>
				<verse number="15">जब शाम हवे गै त वेका चेला वेमा ऐ के बुल्ण लगि गैनी “यु एकांत जंगल च अर रुमुक हवे गै ऊं तैं विदा कैर कि चारों तरपां का गौं मा अर बस्तियों मा जै के अफ कु कुछ खांणु मोल ल्या।”</verse>
				<verse number="16">पर यीशु ल ऊंकु बोलि, “ऊंको जांण जरूरी नि च तुम ही ऊं तैं खांणु कु द्या।”</verse>
				<verse number="17">ऊंल यीशु मा बोलि, “इख हम मा पाँच रुट्टि छिन अर द्वी माछों तैं छोड़ी के और कुछ नि च।”</verse>
				<verse number="18">यीशु ल बोलि “ऊं तैं इख मि मा ल्या।”</verse>
				<verse number="19">तब वेल लुखुं तैं घास मा बैठुणु कु बोलि अर ऊं पाँच रुट्टियुं तैं अर द्वी माछों तैं अपड़ा हथ मा लींनि अर स्वर्ग जनै देखि के परमेश्वर कु धन्यवाद कैरी अर रुट्टि द्वी टुकड़ों मा तोड़ी-तोड़ी के चेलों तैं दींदी गैनी अर चेलों ल लुखुं तैं दींनि।</verse>
				<verse number="20">जब सभि खै के तृप्त हवे गैनी त चेलों ल बचयां टुकड़ो से भुरयां ठुपरा भरिके उठैनि।</verse>
				<verse number="21">अर खांण वला जनन अर बच्चों तैं छोड़ी के पाँच हजार आदिम का लगभग छा।</verse>
				<verse number="22">तब वेल वे बगत अपड़ा चेलों तैं नाव पर चढ़ौणु कु मजबूर कैरी कि उ, ऊं बट्टी पैली छाला पर चलि जौनु जब तक कि उ लुखुं तैं विदा कैर।</verse>
				<verse number="23">उ लुखुं तैं विदा कैरी कै उ एक एकांत डांडा मा पिता परमेश्वर बट्टी प्रार्थना कनु कु गै अर अफी-अफी रुमुक जुग तक उखि रै।</verse>
				<verse number="24">त नाव गलील झील का बीच मा लैहरुं मा डगमगाणि छै किलैकि हव्वा संमणी बट्टी आंणि छै।</verse>
				<verse number="25">अर यीशु राती खुलणा का बगत उ गलील झील पर चलदी ऊंका संमणी ऐ।</verse>
				<verse number="26">चेला यीशु तैं झील मा चलद देखि के घबरै गैनी अर बुल्ण लगि गैनी कि “यु दुष्टात्मा च” अर भौत डौर के चिलांण लगि गैनी।</verse>
				<verse number="27">तब यीशु ल तुरंत ऊं दगड़ी बात कैरी अर बोलि “ढाडस बांधा: मि छौं डैरा न।”</verse>
				<verse number="28">पतरस ल ऊं तैं जवाब दींनि, कि “हे प्रभु जु तु छै त मि तैं अफ मा पांणी पर चलणै की आज्ञा दे।”</verse>
				<verse number="29">वेल बोलि, “औ तब पतरस नाव पर बट्टी उतरी के यीशु का संमणी जांणु कु पांणि पर चलण लगि गै।”</verse>
				<verse number="30">पर बथौं तैं देखि के डौर गै अर जब डुबंण लगि गै त चिल्लै कै बुल्ण लगि गै “हे प्रभु मि तैं बचौ”</verse>
				<verse number="31">यीशु ल तुरंत अपड़ो हथ बड़ै के वे तैं थामि दींनि अर वेकु बोलि, “हे अधुरा विश्वासी तिल शक किलै कैरी”</verse>
				<verse number="32">जब उ नाव पर चढ़ी गैनी त बथौं थमि गै।</verse>
				<verse number="33">ईं बात पर ऊंल जु नाव मा बैठयां छा यीशु तैं आराधना अर प्रणाम कैरी कै बोलि, “तु सच्ची मा परमेश्वर कु नौंनो छै।”</verse>
				<verse number="34">तब उ छाला पर उतरी के गन्नेसरत मा पौंछिनी।</verse>
				<verse number="35">उख लुखुं ल वे तैं पछयांणी दींनि अर अमणी-संमणी का सभि देशों मा यु खबर भेजि अर सभि बिमारों तैं वेका संमणी लैंनि</verse>
				<verse number="36">अर लोग यीशु बट्टी बिनती कन लगि गैनी कि उ, ऊं तैं अपड़ा कपड़ा का चौला तैं छूंण द्यो अर जथग वे तैं छूंदा छा उ सभि खूब हवे गैनी।</verse>
			</chapter>
			<chapter number="15">
				<verse number="1">तब यरूशलेम शहर बट्टी फरीसियों अर मूसा की व्यवस्था तैं सिखांण वला यीशु मा ऐ के बुल्ण लगि गैनी।</verse>
				<verse number="2">तेरा चेला पुरखों कि रीति रिवाज पर किलै नि चलदिन अर बगैर हथ धुयां अर अशुद्ध हथ रुट्टि खंदींनि?</verse>
				<verse number="3">यीशु ल ऊं तैं जवाब दींनि “कि तुम भि अपड़ी रीति-रिवाजों का कारण परमेश्वर की आज्ञा किलै टालि दींदां”</verse>
				<verse number="4">किलैकि परमेश्वर ल बोलि छो कि अपड़ा बुबा अर अपड़ी ब्वे कु आदर करयां अर जु क्‍वे ब्वे या बुबा खुणे बुरो बुललो उ मरै जौ।</verse>
				<verse number="5">पर तुम बोलद्यां कि जु क्‍वे अपड़ा बुबा या ब्वे कु बुललो कि जु कुछ तुम तैं मि बट्टी फैदा हवे सकदु छो उ परमेश्वर तैं चढ़ै गै।</verse>
				<verse number="6">त वे तैं अपड़ा ब्वे-बुबा की सेवा कने कुई जरूरत नि रौंदी इन कैरी के तुम अपड़ी रीतियों ल मूसा द्वारा लिखीं परमेश्वर की व्यवस्था तैं टाली दींदां।</verse>
				<verse number="7">यीशु ल ऊंमा बोलि, “हे कपटि लुखुं यशायाह जु परमेश्वर का तरपां बट्टी बुल्दो छो वेल तुमारा बारा मा या भविष्यवाणी ठिक कैरी।”</verse>
				<verse number="8">यु लोग ओंठु ल त मेरू आदर करदींनि पर यूंकु मन मि से दूर रौंदु।</verse>
				<verse number="9">यु लोग बेकार मा ही मेरी आराधना करदींनि किलैकि यु मनिख्युं कि रीत तैं इन सिखौदिनि जन कि परमेश्वर कि आज्ञा हूंनु।</verse>
				<verse number="10">फिर यीशु ल लुखुं तैं अपड़ा संमणी बुलै के ऊंमा बोलि, “तुम सभि मेरी बातों तैं सूंणा अर समझा।”</verse>
				<verse number="11">इन कुई बात नि च जु मनिख्युं तैं भैर बट्टी समैके वे तैं अशुद्ध कैर पर जु चीज मनिख्युं का भितर बट्टी निकलदींनि उ ही वे तैं अशुद्ध करदींनि।</verse>
				<verse number="12">तब चेलों ल ऐ के यीशु मा बोलि, “क्य तु जंणदी छै कि फरीसियों ल यु वचन सूंणि के ठोकर खै”</verse>
				<verse number="13">वेल जवाब दींनि “हरेक व डाली ज्वा मेरा स्वर्गीय बुबा ल नि लगै व उखाड़े जालि।”</verse>
				<verse number="14">ऊं तैं जांण द्या उ अंधा बट्टो का बतौंण वला छिन अर जु अंधा तैं बट्टो दिखालो त द्वी गड्डा मा पड़ि जाला।</verse>
				<verse number="15">यु सूंणि के पतरस ल वेमा बोलि, “ई मिसाल हम तैं समझै दे।”</verse>
				<verse number="16">यीशु ल ऊंमा बोलि, “क्य तुम भि इन न समझ छा?”</verse>
				<verse number="17">क्य तुम नि समझदां कि जु कुछ गिच्चा मा जांदु उ पुटगा मा जांदु अर सुबेर संडास मा निकली जांदी।</verse>
				<verse number="18">पर “यु बुरी सोच ही छिनी जु कै मनिख्युं का दिमाक बट्टी निकलदी जु वे तैं अपवित्र करदी।”</verse>
				<verse number="19">किलैकि बुरा विचार, हत्या, परस्त्रीगमन, व्यभिचार, चोरी झूठी गव्है, अर बुरा मन बट्टी ही निकलदींनि।</verse>
				<verse number="20">यु उ ही छिनी जु मनिख तैं अशुद्ध करदींनि पर बगैर हथ धुयां खांणु खांण मनिख तैं अशुद्ध नि करदो।</verse>
				<verse number="21">यीशु उख बट्टी निकली के सूर अर सीदोन का शहर मा चलि गै।</verse>
				<verse number="22">वे प्रदेश मा एक कनानी जाति कि एक जनन छै व चिल्लै कै बुल्ण लगि गै, “हे प्रभु दाऊद कि सन्तान मि पर दया कैर मेरी नौंनि तैं दुष्टात्मा भौत सतौंणी च।”</verse>
				<verse number="23">पर वेल वीं तैं कुछ जवाब नि दींनि तब वेका चेलों ल ऐ के वे बट्टी बिनती कैरी कि “ईं तैं विदा कैर किलैकि व हमारा पिछनैं चिलौन्दी आंणि च।”</verse>
				<verse number="24">वेल जवाब दींनि, “इस्राएल का लुखुं का घराना कि हरचिं ढिबरा तैं छोड़ी के मि और कै मा नि भिजे ग्यों।”</verse>
				<verse number="25">पर उ यीशु का संमणी ऐ के अर यीशु तैं प्रणाम कैरी के बुल्ण लगि गै “हे प्रभु मेरी मदद कैर।”</verse>
				<verse number="26">वेल जवाब दींनि, “नौंनो कि रुट्टि ले के कुकरों का अगनैं डलण ठिक नि च।”</verse>
				<verse number="27">वीं ल बोलि, “हां प्रभु सच च प्रभु तब भि कुकुर भि त वे छोड़य्यां तैं खंदींनि जु ऊंका स्वामि कु जूठो हूंदों।”</verse>
				<verse number="28">ईं बात पर यीशु ल वीं तैं जवाब दींनि “हे नौंनि तेरु विश्वास भौत बड़ो च जन तु चाँदि छै उन ही त्वे कु हवे जौं” अर वीं कि नौंनि वीं घड़ी खूब हवे गै।</verse>
				<verse number="29">यीशु उख बट्टी गलील जिला कि झील का संमणी ऐ अर डांडा पर चढ़ी के बैठी गै।</verse>
				<verse number="30">तब भीड़ कि भीड़ वेका संमणी ऐ उ अफ दगड़ी लंगड़ों, अंधों, गूंगो तैं अर डूंडो तैं अर भौतों तैं वेमा लैनि अर ऊं तैं यीशु का खुट्टा मा डाली दींनि अर यीशु ल ऊं तैं खूब कैरी।</verse>
				<verse number="31">जब लुखुं ल देखि कि गूंगा बुल्णा छिनी अर लूला-लंगड़ा खूब हवे के हिटणां छिनी अर अंधा दिखणा छिनी त भैंचक मा पोड़ि के इस्राएल का लुखुं का परमेश्वर कि बड़ै कन लगि गैनी।</verse>
				<verse number="32">यीशु ल अपड़ा चेलों तैं अफ मा बुलै अर बोलि, “मि तैं ईं भीड़ पर दया औणि च किलैकि यु लोग तीन दिन बट्टी बराबर मि दगड़ी छिन अर अब ऊंमा खांण कु भि कुछ नि च, जु मि ऊं तैं भुखी ऊंका घौर भेजि दयुलु त उ बट्टा मा थकि के उखि रै जाला।”</verse>
				<verse number="33">चेलों ल यीशु मा बोलि, “हम तैं यु जंगल मा इथग रुट्टि कख बट्टी मिलण कि हम इथग बड़ी भीड़ तृप्त हवे जौनु।”</verse>
				<verse number="34">यीशु ल ऊंमा पूछि, तुम मा कथग रुट्टि छिन ऊंल बोलि, “हम मा सात रुट्टि अर जरा सी माछा छिन।”</verse>
				<verse number="35">तब यीशु ल लुखुं तैं धरती पर बैठणैं कि आज्ञा दींनि।</verse>
				<verse number="36">अर ऊं सात रुट्टि अर माछों तैं अपड़ा हथ मा लींनि अर परमेश्वर कु धन्यवाद कैरी कै तोड़ी अर अपड़ा चेलों तैं दींनि अर ऊंल लुखुं का अगनैं परोसि दींनि।</verse>
				<verse number="37">त इन कै सभि लुखुं खै के तृप्त हवे गैनी अर चेलों ल बचयां टुकड़ों ल भुरयां सात ठुपरा उठैनि।</verse>
				<verse number="38">खांण वला जनन अर बच्चों तैं छोड़ी के चार हजार आदिम छा।</verse>
				<verse number="39">तब यीशु ल भीड़ तैं विदा कैरी के नाव मा चढ़ी के अर मगदन नौं का मुल्क का क्षेत्र मा ऐ।</verse>
			</chapter>
			<chapter number="16">
				<verse number="1">फरीसियों ल अर सदूकियों ल संमणी ऐ के यीशु कि अजमैश कनु कु वेकु बोलि “हम तैं स्वर्गीय चमत्कार का चिन्ह दिखौ।”</verse>
				<verse number="2">वेल ऊं तैं जवाब दींनि “रुमुक जुग तुम बुल्दा कि मौसम ठिक रालो किलैकि आसमान लाल च।”</verse>
				<verse number="3">अर सूबेर बुल्दा कि आज तुफान आलो किलैकि आसमान लाल अर बदल्युं च तुम स्वर्ग का लक्षण देखि के वेको भेद बतै सकदा छा पर बगत का चिन्ह का भेदों तैं किलै नि बतै सकदां?</verse>
				<verse number="4">यु युग का बुरा अर व्यभिचारी लोग चमत्कार का चिन्ह ढुंडणा छिन पर योना परमेश्वर का तरपां बट्टी बुल्ण वला का चिन्ह तैं छोड़ी के कुई और चिन्ह ऊं तैं नि दिये जालो अर उ, ऊं तैं छोड़ी के चलि गै।</verse>
				<verse number="5">चेला झील का पल्या छाला मा पौंछिनी पर उ रुट्टि लिजांण बिसरी गै छा।</verse>
				<verse number="6">यीशु ल ऊंमा बोलि, “देखा तुम फरीसियों का अर सदूकियों का खमीर बट्टी सचेत रयां।”</verse>
				<verse number="7">उ आपस मा विचार कन लगि गैनी “हम मा रुट्टि नि च इलै उ बुल्णु च।”</verse>
				<verse number="8">यु जांणि के यीशु ल ऊंमा बोलि, “हे अधुरा विश्वासियों, तुम आपस मा किलै यु विचार कना छा कि हम मा रुट्टि नि च?”</verse>
				<verse number="9">क्य तुम अभि तक नि समझयां? क्य तुम तैं ऊं पाँच हजार मनिख्युं कि पाँच रुट्टि याद नि च अर क्य यु भि याद नि च कि तुम ल टुकड़ों का कथग ठुपरा कठ्ठा करिनी?</verse>
				<verse number="10">अर न तुम तैं ऊं चार हजार मनिख्युं कि सात रुट्टि याद छिन अर न यु भि कि तुम ल कथग ठुपरा भोरिके उठै छा?</verse>
				<verse number="11">कि तुम अभि तक भि नि समझयां कि मिल तुम मा रुट्टि का बारा मा नि बोलि, पर यु कि तुम फरीसियों ल अर सदूकियों का खमीर बट्टी सचेत रैयां।</verse>
				<verse number="12">तब ऊंकी समझ ऐ गै कि यीशु ल रुट्टि का खमीर से न बल्कि फरीसियों कि अर सदूकियों कि झूठी शिक्षा से सचेत रौंणु कु बोलि छो।</verse>
				<verse number="13">यीशु कैसरिया अर फिलिप्पी नगर मा ऐ अर अपड़ा चेलों बट्टी पुछण लगि गै “कि लोग मि मनिख कु नौंनो कु क्य बुल्दींनि”</verse>
				<verse number="14">ऊंल बोलि “कुछ त यूहन्ना बपतिस्मा दींण वलो बुल्दींनि अर कुछ एलिय्याह अर कुछ यिर्मयाह जु परमेश्वर का तरपां बट्टी बुल्ण वला मा बट्टी कुई एक भि बुल्दींनि।”</verse>
				<verse number="15">यीशु ल ऊंमा बोलि पर तुम मेरा बारा मा कि सुचदियां की मि कु छो?</verse>
				<verse number="16">शमौन पतरस ल जवाब दींनि “तु ज्यूँदो परमेश्वर कु नौंनो मसीह छै।”</verse>
				<verse number="17">यीशु ल वे तैं जवाब दींनि, “हे शमौन पतरस योना का नौंना तु धन्य छै किलैकि न मांस अर न ल्वे ल पर मेरा बुबा ल जु स्वर्ग मा च वेल य बात त्वे पर प्रगट कैरी।”</verse>
				<verse number="18">अर मि भि त्वे मा बुल्णु छौं कि तु पतरस छै अर तु यु ढुंगा पर अपड़ी मण्डलि बंणौलु अर अधोलोक का फाटक वेको मुकाबला नि कैरी सकला।</verse>
				<verse number="19">मि त्वे तैं स्वर्ग राज्य कि चाबी दयुलु: अर जु कुछ तु धरती पर बंधिलि उ स्वर्ग मा बंधे जालो अर जु कुछ तु धरती पर खोलिलि उ स्वर्ग मा खुलै जालो।</verse>
				<verse number="20">तब यीशु ल चेलों तैं चितै के बोलि, कि मेरा बारा मा यु कै मा नि बुल्यां की मि मसीह छो।</verse>
				<verse number="21">वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”</verse>
				<verse number="22">ईं बात पर पतरस वे तैं अलग मा लिजै के झिड़कंण लगि गै अर बुल्ण लगि गै कि “हे प्रभु परमेश्वर नि कैर कि कभि त्वे दगड़ी इन हो।”</verse>
				<verse number="23">वेल पिछनैं फरकि के पतरस तैं झिड़की के बोलि, “हे शैतान मेरा संमणी बट्टी दूर हवे जा त्वे बट्टी मि तैं ठोकर मिलणी च किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”</verse>
				<verse number="24">तब यीशु ल अपड़ा चेलों मा बोलि, “जु कुई मि दगड़ी आंण चौ उ अपड़ी इच्छाओं तैं छोड़ी के अर अपड़ी सूली उठै के मेरा पिछनैं औ।”</verse>
				<verse number="25">किलैकि जु कुई अपड़ो जीवन बचौण चौ उ वे तैं गवांलू पर जु कुई मेरा बाना अर शुभ सन्देश का बाना अपड़ी आत्मा तैं गवांलू उ अनन्त जीवन तैं पालो।</verse>
				<verse number="26">जु मनिख सैरा दुनिया तैं पै ल्यो अर अपड़ा आत्मा तैं ख्वे द्यो य मनिख अपड़ा प्राण का बदला क्य दे सकद?</verse>
				<verse number="27">जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।</verse>
				<verse number="28">मि तुम मा सच बुल्णु छौं कि, “जु इख म खड़ा छिन ऊंमा बट्टी कुई-कुई इन छिन कि जब तक मि मनिख कु नौंनो परमेश्वर का राज्य का सामर्थ का दगड़ा आंण नि दिखला तब तक ऊंल मुरण भि नि च।”</verse>
			</chapter>
			<chapter number="17">
				<verse number="1">एक हफ्ता का बाद यीशु ल पतरस याकूब अर यूहन्ना तैं अपड़ा दगड़ा मा लींनि अर सुनसान जगह मा उ दगड़ी एक डांडा पर चलि गैनी।</verse>
				<verse number="2">जब ऊंल वे जनै देखि त वेकु रुप बदली गै अर वेको मुक सूरज जन चमकि अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा।</verse>
				<verse number="3">अर मूसा का दगड़ा एलिय्याह दिखेनि जु यीशु का दगड़ा बातचित कन दिखै गैनी।</verse>
				<verse number="4">त ईं बात पर पतरस ल यीशु कु बोलि, “हे गुरु हमारो इख रांण अच्छो च, जु तेरी मनसा हो त हम इख तीन डेरा बणौला एक त्वे कु, एक मूसा कु अर एक एलिय्याह कु।”</verse>
				<verse number="5">उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”</verse>
				<verse number="6">चेला यु सूंणि के धरती पर पोड़ि गैनी अर भौत डैरी गैनी।</verse>
				<verse number="7">यीशु ल ऊंका संमणी ऐ के ऊं तैं छवे अर बोलि “उठा डैरा न।”</verse>
				<verse number="8">तब ऊंल चौतरफी नजर डाली पर ऊंल भस यीशु का अलावा अपड़ा दगड़ा मा कुई नि देखि।</verse>
				<verse number="9">जब उ डांडा बट्टी उतरंणा छा, तब यीशु ल उंद आंदी बगत ऊं तैं यु आज्ञा दींनि, “जब तक मि मनिख कु नौंनो मुर्दों म बट्टी ज्यूँदो नि हवे जौ, तब तक जु कुछ भि तुम ल डांडा मा देखि वांका बारा मा कै मा नि बुल्यां।”</verse>
				<verse number="10">तब ईं बात पर वेका चेलों ल वेमा पूछि, मूसा की व्यवस्था तैं सिखांण वला किलै बुल्दींनि कि एलिय्याह को पैली आंण जरूरी च?</verse>
				<verse number="11">यीशु ल जवाब दींनि देख एलिय्याह जरुर आलो अर सचमुच मा पैली ऐ के सब कुछ सुधारुलो।</verse>
				<verse number="12">पर मि तुम मा बुल्णु छौं कि एलिय्याह पैली त ऐ गै अर लुखुं ल वे तैं नि पछयांणी पर जन ऊंल यहूदी अगुवों कु जु कुछ चै उन ही वे दगड़ी वेका दगड़ा कैरी उन ही मि मनिख कु नौंनो भि ऊंका हथ बट्टी दुःख उठालो।</verse>
				<verse number="13">तब चेलों ल समझी कि वेल हम मा यूहन्ना बपतिस्मा दींण वला का बारा म बोलि।</verse>
				<verse number="14">जब उ भीड़ का संमणी पौंछिनी त एक मनिख यीशु का संमणी ऐ अर वेल घुंढा टेकि के बोलि</verse>
				<verse number="15">“हे प्रभु, मेरा नौंना पर दया कैर किलैकि वे तैं मिर्गि औंदि अर वेकी या बिमारी वे तैं भौत दुःख दींण ज्यां बट्टी उ कई बार कभि आग मा कभि पांणी मा दुष्टात्मा वे तैं डोल दींनि।”</verse>
				<verse number="16">मि वे तैं तेरा चेलों म लै छो पर उ वे तैं खूब नि कैरी सकिनि।</verse>
				<verse number="17">यीशु ल ऊं तैं जवाब दे के बोलि, हे अविश्वासी लुखुं मि कब तक तुम दगड़ी रौलु? अर कब तक तुमारा अविश्वास तैं सैंण रौलु वे तैं इख मि मा लावा।</verse>
				<verse number="18">तब यीशु ल दुष्टात्मा तैं इन बोलि के घुड़कि अर व वेमा बट्टी निकली गै अर उ नौंनो तुरंत खूब हवे गै।</verse>
				<verse number="19">तब चेला यीशु का दगड़ी यखुली छो तब ऊंल वे तैं पूछि हम ल व दुष्टात्मा किलै नि निकाली साक?</verse>
				<verse number="20">यीशु ल ऊंमा बोलि, “अपड़ा विश्वास कि कमी का कारण से, किलैकि मि तुम मा सच-सच बुल्णु छौं, की जु तुमारो विश्वास रैई का बीज बराबर भि हो, त यु डांडा कु बोलि सकिल्या, तु उखड़ि जा, अर समुद्र मा पोड़ि जा, जन बुल्दी, त उन ही वेको हवे जालो।”</verse>
				<verse number="21">पर य जाति बगैर परमेश्वर बट्टी प्रार्थना अर बगैर उपवास का नि निकली सकदी।</verse>
				<verse number="22">जब उ गलील जिला म छा त यीशु ल ऊंमा बोलि, “मि मनिख कु नौंनो मनिख्युं मा पकड़वे जालो।”</verse>
				<verse number="23">अर ऊंल ऊं मारि दींण अर वेल मृत्यु का तीन दिन बाद ज्यूँदो हवे जांण ईं बात पर चेला भौत दुखी हवेनि।</verse>
				<verse number="24">जब उ कफरनहूम शहर पौंछिनी त मन्दिर मा कर लींण वलो ल पतरस का संमणी ऐ के पूछि “क्य तुमारो गुरु मन्दिर को कर नि दींदु।”</verse>
				<verse number="25">वेल बोलि, “हाँ दींदु च जब उ घौर मा ऐ त यीशु ल वेका पुछण से पैली वे मा बोलि हे शमौन पतरस तु क्य सुचणी छै? धरती का राजा चुंगि या कर कै बट्टी लिंदिनि अपड़ा नौंनो बट्टी य परायुं बट्टी?”</verse>
				<verse number="26">पतरस ल यीशु मा बोलि, “कि परायुं बट्टी त यीशु ल वेमा बोलि त नौंना बचि गैनी।”</verse>
				<verse number="27">फिर भि इलै कि हम ऊं तैं ठोकर नि द्यां तु झील का छाला जै के बलस तैं डाल अर ज्वा माछि पैली निकलली वीं तैं ली वीं को गिच्चा खुलण पर त्वे तैं एक सिक्का मिललो वे तैं ले के मेरा अर अपड़ा बदला कु कर ऊं तैं देये दे।</verse>
			</chapter>
			<chapter number="18">
				<verse number="1">तब तुरंत चेला यीशु का संमणी ऐ के पुछण लगि गैनी “स्वर्ग का राज्य म बड़ो कु च?”</verse>
				<verse number="2">ऊंका यु सवाल का जवाब मा वेल एक बच्चा तैं ऊंका नजीक मा खड़ो कैरी।</verse>
				<verse number="3">अर बोलि, “मि तुम मा सच बुल्ण छौं कि तुम मनों तैं फिरैल्या अर बच्चों का जन बंणिल्या तब तुम ल स्वर्ग का राज्य मा जै सकण।”</verse>
				<verse number="4">जु कुई अफ तैं ये बच्चा की तरौं नम्र बणालु उ परमेश्वर का राज्य मा सबसे बड़ो होलो।</verse>
				<verse number="5">अर जु कुई मेरा नौं से एक इन बच्चा तैं स्वीकार करदो उ मि तैं स्वीकार करदो।</verse>
				<verse number="6">पर जु कुई यूं छुटों मा बट्टी जु मि पर विश्वास करदींनि ऊं तैं उतेडो लगौ त वेकु त यु भलो च कि उ अपड़ा गौळा मा जंदरा को पाट लटकाये जौं अर उ समुद्र मा डाले जौं।</verse>
				<verse number="7">ठोकर का कारण से दुनिया पर हाय ठोकर को लगंण जरूरी च पर हाय च वे मनिख पर जैकी तरपां बट्टी ठोकर का कारण पाप हुंद।</verse>
				<verse number="8">पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरु हथ त्वे तैं ठोकर लगौ त वे तैं काटि दे बगैर हथ त्वे तैं स्वर्ग मा जांण यां बट्टी भलो च कि द्वी हथ हवे कै भि नरक की अनन्त आग मा डाले जै।</verse>
				<verse number="9">पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरा आँखों त्वे तैं उतेडो लगौ त वे तैं निकाली दे कांणो हवे कै परमेश्वर का राज्य मा जांण त्वे कु भलो होलो कि द्वी आँखा हवे कै भि तु नरक मा डाले जै।</verse>
				<verse number="10">“देखा तुम मा यूं छुटों मा बट्टी कै तैं भि तुच्छ नि जणयां किलैकि मि तुम मा बुल्णु छौं, कि स्वर्ग मा ऊँका स्वर्गदूत मेरा बुबा की उपस्थिति मा रौंदा छिन।”</verse>
				<verse number="11">किलैकि मि मनिख कु नौंनो हरच्यां लुखुं तैं बचांणु कु ऐ।</verse>
				<verse number="12">“तुम क्य समझदियां? जु कै मनिख कि सौ ढिबरा हो अर ऊंमा बट्टी एक हरचि जौं त उ निन्यानबे तैं एक सुरक्षित जगह मा छोड़ी के उ न पौड़ो पर जै के वीं हरचिं ढिबरा तैं नि खुज्यालो?</verse>
				<verse number="13">अर जु इन हो कि व मिली जौं त मि तुम मा सच बुल्णु छौं कि उ ऊं निन्यानबे ढिबरों कु जु हरचि नि छै इथग खुशी नि मंणालु जथग कि ईं हरचिं ढिबरा कु खुशी मंणालु।</verse>
				<verse number="14">इन ही तुमारा बुबा जु स्वर्ग मा च या मनसा च कि यूं छुटों मा बट्टी कै एक को भि नाश न हो।</verse>
				<verse number="15">जु तेरु विश्वासी भैय तेरा विरुद्ध अपराध कैर त जा अर यखुली मा बात कैरी कै वे तैं समझौ अर पश्चाताप कैर, त तु अपड़ा विश्वासी भैय तैं वापिस पयेलि।</verse>
				<verse number="16">जु उन ही सूंणु त एक या द्वी आदमियों तैं अफ दगड़ी ली जा, किलैकि मूसा की व्यवस्था का अनुसार हरेक पाप कु द्वी या ऊं से जादा गवाहों का द्वारा पक्की हवे जौं।”</verse>
				<verse number="17">जु उ ऊंकी भि नि मांणु त मण्डलि मा जै कै बोलि दे पर जु उ मण्डलि कि भि नि मांणु त वेका दगड़ी वे जन ही बरतौ किये जौं तुम कै अन्यजाति या चुंगी लींण वलो का दगड़ी किये जौ।</verse>
				<verse number="18">“मि तुम मा सच बुल्णु छौं कि जु कुछ तुम धरती मा बन्धिल्या उ स्वर्ग मा बंधे जालो अर जु कुछ तुम धरती मा खोलिल्या उ स्वर्ग मा खुलै जालो।</verse>
				<verse number="19">फिर मि तुम मा बुल्णु छौं जु तुम मा बट्टी द्वी आदिम कैं बात कु एक मन हवे के वीं बात तैं मगिल्या त व मेरा बुबा कि तरपां बट्टी जु स्वर्ग मा च उन ही तुम कु हवे जालो।</verse>
				<verse number="20">किलैकि जख द्वी या तीन आदिम मेरा शिष्य हूंणु कु कठ्ठा हूंदींनि उख मि ऊंका बीच मा हूंद किलैकि तुम मेरा शिष्य छा।”</verse>
				<verse number="21">तब पतरस ल संमणी ऐ के वेमा बोलि, “हे प्रभु जु मेरू विश्वासी भैय अपराध कनु रौ त मि वे तैं कथग बार माफ कैर?” क्य सात बार तक</verse>
				<verse number="22">यीशु ल वेमा बोलि, “मि त्वे मा यु नि बुल्णु कि सात बार तक बल्कि सात का सत्तर बार का तुम वे तैं माफ कर दींण चयणु च।”</verse>
				<verse number="23">इलै स्वर्ग राज्य वे मिसाल का जन च जै ल अपड़ा सेवकों बट्टी हिसाब किताब लींण चै।</verse>
				<verse number="24">जब उ हिसाब लींणु छो त एक मनिख वेका संमणी लये गै जु दस हजार तोडों कु कर्जदार छो।</verse>
				<verse number="25">जबकि वे मा चुकौंणु कु कुछ नि छो त वेका स्वामि ल बोलि यु अर ये कि घरवलि अर बाल-बच्चा अर यु मा जु कुछ भि च सब बिके जौं अर फिर कर्ज चुकाये जौं।</verse>
				<verse number="26">ईं बात पर वे सेवक ल झुकि के वे तैं प्रणाम कैरी अर बोलि, हे स्वामि जरा कुछ दिन और ठैर मि तेरु सब कुछ चुकै दयुलु।</verse>
				<verse number="27">तब वेका स्वामि तैं वे पर दया ऐ अर वे तैं छोड़ी दींनि अर वेको कर्ज भि माफ कैरी दींनि।</verse>
				<verse number="28">“पर जब उ सेवक भैर निकली त वे दगड़िया सेवकों मा बट्टी एक वे तैं मिली जु वेको सौ दिन की मजदूरी को कर्जदार छो वेल वे तैं पकड़ी के वेको गौला घोंटी अर बोलि जु कुछ त्वे पर कर्ज च भोरि दे।”</verse>
				<verse number="29">ईं बात पर उ सेवक झुकि के वे बट्टी बिनती कन लगि गै कि जरा कुछ दिन और ठैर मि सब भोरि दयुलु।</verse>
				<verse number="30">वेल नि मांणि पर जै के वे तैं जेलखना मा डाली दींनि कि जब तक कर्ज नि भोरि द्यो तब तक उखि रौ।</verse>
				<verse number="31">वेका दगड़िया यु जु कुछ हवे छो देखि के भौत दुखी हवेनि अर जै के अपड़ा स्वामि तैं ईं बात कु समाचार दे दींनि।</verse>
				<verse number="32">तब दास स्वामि ल वे तैं बुलै के वेमा बोलि हे दुष्ट सेवक तिल जु मि बट्टी गिड़गिड़ाहट कैरी छो त मिल तेरु सैरो कर्ज माफ कैरी दींनि।</verse>
				<verse number="33">इलै की जन मिल त्वे पर दया कैरी, जन मिल त्वे पर दया दिखै अर तेरु कर्ज़ तैं माफ कैर दिया?</verse>
				<verse number="34">अर वेका स्वामि ल गुस्सा मा ऐ के वे तैं दण्ड दींण वलो का हथ मा सौंपी दींनि कि जब तक उ सब कर्ज नि भोरि द्यो तब तक ऊंका हथ मा रौ।</verse>
				<verse number="35">“इलै इन ही कुई तुम मा बट्टी हर एक अपड़ा विश्वासी भैय का पापों तैं मन से माफ नि करलो त मेरा बुबा जु स्वर्ग मा च, तुम दगड़ी भि उन ही करलो।”</verse>
			</chapter>
			<chapter number="19">
				<verse number="1">जब यीशु ल यु सैरी बात बोलि येलि छै त तब उ गलील जिला बट्टी चलि गै; अर यहूदिया प्रान्त मा यरदन गाड का पल्या छाला पर ऐनी जख फिर एक बार एक भीड़ वेका नजदीक फिर कठा हवे गै अर वेल उख बिमारों तैं खूब कैरी।</verse>
				<verse number="2"></verse>
				<verse number="3">तब फरीसियों ल वेकी अजमैश कनु कु वेमा पूछि, क्य मूसा की व्यवस्था मा एक आदिम तैं अपड़ी घरवलि तैं छुड़णै की अनुमति छैं?</verse>
				<verse number="4">यीशु ल जवाब दींनि “क्य परमेश्वर का वचन मा नि पैढ़ी कि जैल ऊं तैं बंणै वेल शुरू बट्टी नर अर नारी कैरी के बणै।”</verse>
				<verse number="5">इलै आदिम अपड़ा ब्वे-बुबा से अलग रै के अपड़ी घरवलि दगड़ी रालो अर उ द्वी एक तन होला</verse>
				<verse number="6">अर उ द्वी एक तन होला इलै उ अब द्वी न पर एक तन च इलै “जै तैं परमेश्वर ल जोड़ेलि वे तैं मनिख अलग नि करयुं।”</verse>
				<verse number="7">लुखुं ल यीशु मा बोलि, “त फिर मूसा ल किलै ठैरे कि चाम्रपत्र दे के वीं तैं छोड़ दे।”</verse>
				<verse number="8">यीशु ल ऊंकु बोलि, “तुमारा जिद्दी हूंण का कारण मूसा तुम तैं यु आज्ञा दींनि।”</verse>
				<verse number="9">वेल ऊंमा बोलि, “जु कुई आदिम अपड़ी घरवलि तैं तलाक दे के हैंकी जनन का दगड़ा मा ब्यो करलो त तब उ वीं पैली का खिलाफ व्यभिचार करदो अर जु घरवलि अपड़ा आदिम तैं छोड़ी के हैंका आदिम का दगड़ा मा ब्यो कैर त व भि व्यभिचार करदी।”</verse>
				<verse number="10">चेलों ल ऊंमा बोलि, “कै आदिम कै जनन का दगड़ी इन सम्बन्ध हो, तब त यु ही ठिक च की ब्यो कि यु ही नि जौं।”</verse>
				<verse number="11">वेल चेलों मा बोलि, “सब यु वचन तैं स्वीकार नि कैरी सकदींनि भस उ ही इन कैर सकदा जौं तैं परमेश्वर ल वे ढंग से जीणै क्षमता दीं च।”</verse>
				<verse number="12">किलैकि कुछ नपुंसक इन छिनी जु ब्वे का ही गर्भ बट्टी इन पैदा हवीनि अर कुछ नपुंसक इन छिनी “जौं तैं मनिख्युं ल नपुंसक बंणै अर कुछ नपुंसक इन छिनी जौं ल स्वर्ग का राज्य कु अफ तैं नपुंसक बंणै जु वे जु समझण म सक्षम छिन, उ समझ ल्या।”</verse>
				<verse number="13">तब लोग नौन्याळु तैं वेमा लाणा रैनी कि यीशु ऊंका मुंड मा हथ रखि के अर पिता परमेश्वर बट्टी प्रार्थना करे पर चेलों ल लोग घुड़कि दींनि।</verse>
				<verse number="14">यीशु ल यु देखि त गुस्सा हवे कै ऊंकु बोलि, “बच्चों तैं मि मा आंण द्या ऊंकु मना नि कैरा किलैकि यु ही लोग जु बच्चों जन विश्वासयोग्य अर विनम्र छिनी परमेश्वर कु राज्य यूंको ही च।”</verse>
				<verse number="15">अर ऊं पर हथ रखि के, उख बट्टी चलि गै</verse>
				<verse number="16">एक मनिख वेमा दौड़ि के ऐ अर वेका संमणी घुंडा टेकी के वेमा पूछि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु?”</verse>
				<verse number="17">पर यीशु ल वे मा बोलि, “तु मि मा भलै का बारा म किलै पुछंणि छै? भलो त एक ही च पर तु जु सदनी का जीवन मा जांण चांणि छै त आज्ञाओं तैं मांणा कैर।”</verse>
				<verse number="18">वेल वेमा पूछि, “कु आज्ञा?” यीशु ल बोलि, “यु कि हत्या नि कैरी व्यभिचार नि कैरी चोरी नि कैरी झूठी गव्है नि दियां”</verse>
				<verse number="19">अपड़ा ब्वे-बुबा कु आदर करयां अर अपड़ा पड़ोसी बट्टी अफ जन प्रेम रखयां।</verse>
				<verse number="20">पर वे जवान आदिम ल यीशु मा बोलि “यूं सभि बातों तैं मि मंणदु छौं” अब मि मा कैं बात की कमी च?</verse>
				<verse number="21">यीशु ल वेमा बोलि “तु जु सिद्ध हूंण चांणि छै त जा अर अपड़ी चीज बस्ति तैं बेचि के गरीब गरबों तैं देदि अर त्वे तैं स्वर्ग का राज्य मा धन मिललो अर मेरू चेला बंणि के मेरा पिछनैं हवे जा।</verse>
				<verse number="22">पर वे जवान आदिम ल जब या बात सूंणि त दुखी हवे के चलि गै किलैकि उ भौत सेठ छो।</verse>
				<verse number="23">तब यीशु ल अपड़ा चेलों मा बोलि मि तुम मा सच-सच बुल्णु छौं कि सेठ धनवान लुखुं को परमेश्वर का राज्य मा जांण भौत मुश्किल च।”</verse>
				<verse number="24">मि तुम मा फिर बुल्णु छौं कि परमेश्वर का राज्य मा सेठ शौकारुं कु जांण से ऊंट को स्यूंण का छेद बट्टी निकलण जादा सरल च।</verse>
				<verse number="25">जब चेलों ल यु सूंणि त उ भैचक हवे के आपस मा बुल्ण लगि गै की यांको मतलब च की कै तैं भि पापों का दंड बट्टी उद्धार नि मिल सकद।</verse>
				<verse number="26">यीशु ल ऊंकी तरपां देखि के बोलि, “यु मनिख्युं बट्टी त नि हवे सकदु पर परमेश्वर कु सब कुछ संभव च।”</verse>
				<verse number="27">ईं बात पर पतरस ल यीशु म बोलि, “हमारो क्य होलो हम त तेरा चेला बंणि के सभि कुछ छोड़ी के तेरा पिछनै औणा छा।”</verse>
				<verse number="28">यीशु ल ऊंमा बोलि मि तुम मा सच बुल्णु छौं कि नई सृष्टि मा जब मि मनिख कु नौंनो अपड़ी महिमा का सिहासन पर बैठुलो त तुम भि जु मेरा पिछनैं हवे ग्यां बारह सिंहासन मा बैठी के इस्राएल का लुखुं का बारह गोत्र कु न्याय करिल्या।</verse>
				<verse number="29">अर जैल घौरबार भैय बैणा, ब्वे-बुबा, बाल बच्चा, पुंगड़ा तक छोड़ेनी सताव का दगड़ा स्वर्गलोक मा सौ गुणा अनन्त जीवन भि पाला।</verse>
				<verse number="30">पर भौत सैरा लोग छिनी जु अभि महान अर अगनैं छिनी, वे बगत पिछनै होला अर जु पिछनै होला उ वे बगत अगनैं होला।</verse>
			</chapter>
			<chapter number="20">
				<verse number="1">“स्वर्ग कु राज्य वे मिसाल का जन च एक स्वामि जु सुबेर अपड़ा घौर बट्टी निकली के अपड़ा अंगूर का बगिचा मा मजदूरों तैं लगौ।”</verse>
				<verse number="2">अर वेल दिन की मजदूरी तैं भुगतान पर ठैरयूं ऊं तैं अपड़ा अंगूर का बगिचा मा भेजि।</verse>
				<verse number="3">फिर सुवेर 9 बजै जब दिन शुरू हवे त घौर बट्टी निकली के वेल कुछ और लुखुं तैं बजार मा बेकार खड़ो देखि</verse>
				<verse number="4">अर वेल ऊंकु बोलि, तुम भि मेरा अंगूर का बगिचा मा जावा अर जु कुछ ठिक रालो उ मि तुम तैं दयुलु। तब उ भि काम कन कु गैनी।</verse>
				<verse number="5">फिर वेल दिन का दोपहरा का अर शाम तीन बजि का बगत का नजदीक घौर बट्टी निकली के उन ही कैरी।</verse>
				<verse number="6">अर लगभग शाम पाँच बजी फिर निकली के दूसरों तैं खड़ो पै अर वेल ऊंकु बोलि तुम इख दिन भर बेकार खड़ा किलै छा? ऊंल वेमा बोलि, इलै कि कैल भि हम तैं मजदूरी पर नि लगै।</verse>
				<verse number="7">तब वेल ऊंकु बोलि तुम भि अंगूर का बगिचा मा काम कनु कु जावा।</verse>
				<verse number="8">रुमुक बगत अंगूर का बगिचा का स्वामि ल अपड़ा भण्डारी कु बोलि, मजदूरों तैं बुलै के जु सबसे आखिर मा काम कनु कु अयां छा ऊं बट्टी लेकर पैली तक काम पर ल्यां मजदूरों तैं मजदुरी दे।</verse>
				<verse number="9">जब उ ऐनी जौं तैं लगभग शाम पाँच बजि त ऊं तैं मजदूरों दिन की मजदूरी तैं भुगतान करलो।</verse>
				<verse number="10">जु मजदूर सुबेर-सुबेर ऐ छा ऊंल यु समझी कि हम तैं जादा मिललो पर ऊं तैं भि पूरा दिन की मजदूरी मिली।</verse>
				<verse number="11">जब ऊं तैं ऊंकी मजुरी मिली गै त तब उ वे स्वामि पर बबड़ाण लगि गैनी अर बुल्ण लगि गैनी</verse>
				<verse number="12">कि जौं ल एक घंटा काम कैरी अर तिल ऊं तैं भि उदगा ही मजदूरी द्ये जथगा हम तैं द्ये जु हम ल दिन भर बोझ उठै और घाम सै?</verse>
				<verse number="13">अर तब बगीचा का मालिक ल ऊंमा बट्टी एक तैं जवाब दींनि, “हे दगड़िया मि त्वे दगड़ी कुई अन्यो नि कनु छौं क्य तिल पूरा दिन काम कनु कु एक दिन की मजदूरी एक दीनार नि ठैरे छो?”</verse>
				<verse number="14">अपड़ी मज़दूरी उठौ अर अपड़ा घौर जा मेरी मनसा या च कि जथग त्वे तैं द्यो उथग यु बाद वला तैं भि द्यो।</verse>
				<verse number="15">निश्चित रूप से मि मा यु अधिकार च कि मि अपड़ा पैसा तैं अपड़ी मर्ज़ी मा अनुसार खर्च कैर? क्य मेरा भला हूंण का वजह से तु बुरी नजर से दिखणी छै?</verse>
				<verse number="16">पर भौत सैरा लोग छिनी जु अभि महान छिन ऊं तैं तब नम्र बणये जालो अर जु नम्र छिन ऊं तैं महान बण जाला।</verse>
				<verse number="17">जब यीशु यरूशलेम शहर जांदी बगत बट्टा मा छो तब उ अपड़ा बारह चेलों तैं एकांत मा लै के गै अर बट्टा मा ऊंमा बोलि</verse>
				<verse number="18">“देखा हम यरूशलेम शहर जनै जांणा छा अर मि मनिख कु नौंनो प्रधान याजक अर मूसा की व्यवस्था तैं सिखांण वलो का हथ पकड़वये जालो अर उ वे तैं मरण जुगुत ठैराला।”</verse>
				<verse number="19">अर उ वे तैं गैरजाति लुखुं का हथ पकड़वये जालो कि उ वे तैं मजाक मा उड़ौनु अर कोड़ा मरुनु अर सूली पर चड़ौनुं पर उ तिसरा दिन का बाद मा ज्यूँदो हवे जालो।</verse>
				<verse number="20">तब जब्दी का नौंनो कि ब्वे ल अपड़ा नौंनो का दगड़ा यीशु का संमणी ऐ के यीशु का संमणी ऐ के प्रणाम कैरी अर वेमा कुछ मंगण लगि गै।</verse>
				<verse number="21">वेल ऊंकु बोलि तुम “क्य चदयां कि मि तुम कु कैरु?” ऊंल यीशु मा बोलि, “कि मेरा यु द्वी नौंना तेरा राज्य मा एक तेरी दैंणि अर एक तेरी बैंं तरपां बैठो।”</verse>
				<verse number="22">यीशु ल जवाब दींनि “तु नि जंणदयां कि क्य मंगणा छा जु कटोरा मि पिण पर छौं क्य तुम पी सकदा छा, ऊंल वेमा बोलि हां हम प्ये सकदां।”</verse>
				<verse number="23">यीशु ल ऊंमा बोलि “तुम मेरा कटोरा तैं पैल्या पर अपड़ा दैं अर बैंं तरपां कै तैं बैठौंण मेरू काम नि च पर जौं कु मेरा बुबा कि तरपां बट्टी तैयार करयूं च व जगह ऊंकु ही च।”</verse>
				<verse number="24">इन सूंणि के दस का दस चेला याकूब अर यूहन्ना पर गुस्सा कन लगि गैनी।</verse>
				<verse number="25">यीशु ल ऊं तैं नजीक बुलै के ऊंकु बोलि, “तुम जंणदा छा कि जु गैर जातियों का राज्यपाल उ, ऊं पर अपड़ो अधिकार चलौंदींनि अर जु बड़ा छिनी उ, ऊं पर अधिकार चलौंदींनि।”</verse>
				<verse number="26">पर तुम मा इन नि होलो पर जु कुई बढि के महान हूंण चौ त सब मा नम्र अर छुटो अर सभियूं कि सेवा टहल कन वलो बणो।</verse>
				<verse number="27">अर जु कुई तुम मा प्रधान हूंण चौ उ सेवक बणु।</verse>
				<verse number="28">जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।</verse>
				<verse number="29">जब उ यरीहो शहर बट्टी निकलणा छा त एक बड़ी भीड़ ऊंका पिछनै हवे गै।</verse>
				<verse number="30">अर द्वी अंधा जु सड़क का किनारा पर बैठयां छा यु सूंणि के कि यीशु जांणु च पुकारी के बुल्ण लगि गैनी “हे प्रभु यीशु दाऊद का वंशज हम पर दया कैरा।”</verse>
				<verse number="31">भौत लुखुं ल उ घुड़कि कि चुप रौ पर उ और भि जादा चिल्लांण लगि गैनी “हे प्रभु दाऊद कि संतान हम पर दया कैर”</verse>
				<verse number="32">तब यीशु ल खड़ो हवे के ऊं तैं बुलै अर बोलि, “तुम क्य चांणा छा कि मि तुम कु कैर?”</verse>
				<verse number="33">अंधों ल यीशु मा बोलि “तु क्य चाँदि कि मि त्वे कु कैर” अंधा ल वेको बोलि “हे प्रभु यु कि मि दिखण लगि जौं।”</verse>
				<verse number="34">यीशु ल तरस खै के ऊंका आँखों तैं छवे अर उ तुरंत दिखण लगि गै उ वेका पीछेने हवे गै।</verse>
			</chapter>
			<chapter number="21">
				<verse number="1">जब उ यरूशलेम शहर का नजीक पौंछिनी त उ जैतून डाला का डांडा का किनारा पर बैतफगै का संमणी ऐनी यीशु ल द्वी चेलों तैं इन बोलि के भेजि</verse>
				<verse number="2">कि अगनैं का गौं मा जावा। उख पौंछिदि तुम तैं ज्यूंडों पर बंधि एक गदही बंधि च अर वेका दगड़ा मा गधा कु बच्चा तुम तैं मिललो ऊं तैं खोल के मि मा लावा।</verse>
				<verse number="3">जु कुई तुम मा कुछ बुललो त इन बुल्यां कि हमारा प्रभु तैं यु कि जरुरत च तब उ तुरंत ऊं तैं भेजि दयालो।</verse>
				<verse number="4">यु इलै हवे कि जु वचन परमेश्वर का तरपां बट्टी बुल्ण वला का द्वारा बुलै गै छो उ पूरो हवे जौ</verse>
				<verse number="5">“सिय्योन कि नौंनि मा बोला देख तेरु राजा त्वे मा औणु च उ नम्र च अर गधा कु बच्चा पर बैठय्युं च इख तक कि लादु का बच्चा पर बैठी कै त्वे मा आंणु च”</verse>
				<verse number="6">चेलों ल जै के जन यीशु ल ऊंमा बोलि छो उन ही कैरी।</verse>
				<verse number="7">अर उ गधा का बच्चा तैं यीशु मा लै के ऐनी अर वे पर अपड़ा भैरा का कपड़ा डलिनि अर यीशु वेमा बैठी गै।</verse>
				<verse number="8">तब भौत सैरा लुखुं ल अपड़ा कपड़ा बट्टा मा बिछै कै वेको सम्मान कैरी अर भौत ल खजूर का डालो का फौंका काटि-काटि के बिछै कै वेको सम्मान कैरी।</verse>
				<verse number="9">जु भीड़ अगनैं-अगनैं अर पिछनै-पिछनै बट्टी आंणि छै उ सभि पुकार-पुकार के बुल्ण लगि गैनी राजा दाऊद का वंशज की “होशाना” हो धन्य च उ जु पिता परमेश्वर का सामर्थ बट्टी आंदो, स्वर्ग मा “होशाना।”</verse>
				<verse number="10">तब यीशु ल यरूशलेम शहर मा प्रवेश कैरी त सैरा शहर मा हलचल मचि गै अर लोग बुल्ण लगि गैनी कि यु कु च?</verse>
				<verse number="11">लुखुं ल बोलि, “यु गलील जिला का नासरत नगर को परमेश्वर का तरपां बट्टी बुल्ण वलो यीशु च।”</verse>
				<verse number="12">यीशु ल परमेश्वर बट्टी यरूशलेम शहर का मन्दिर मा ऐ के ऊं सभियूं तैं जु परमेश्वर बट्टी मन्दिर मा पैसा को लींण दींण कना छा निकाली दींनि अर साहूकारों का मेज तैं अर कबूतर बिचण वलो कि चौकि तैं भि फरकै दींनि।</verse>
				<verse number="13">अर ऊंमा बोलि कि, “पिता परमेश्वर का वचन मा लिख्युं च कि मेरू घौर तैं सभि जातियों का लुखुं कु प्रार्थना कु मन्दिर बुलयालो पर तुम ल ये तैं डकैतों कु उडयार बणैयेलि।”</verse>
				<verse number="14">तब अंधा अर लंगड़ा परमेश्वर बट्टी यरूशलेम शहर का मन्दिर मा वेका संमणी ऐनी अर यीशु ल ऊं तैं खूब कैरी।</verse>
				<verse number="15">प्रधान याजक ल अर मूसा की व्यवस्था तैं सिखांण वला यूं चमत्कार का कामों तैं जु यीशु कैरी छा अर नौंनो तैं परमेश्वर बट्टी यरूशलेम शहर का मन्दिर मा दाऊद की सन्तान कु होशाना बुलांण देखि त तब उ गुस्सा हवे गैनी</verse>
				<verse number="16">अर उ यीशु मा बुल्ण लगि गैनी, “तु सुणनी छै कि यु क्य बुल्णा छिन” यीशु ल ऊंमा बोलि, “हां क्य तुम ल परमेश्वर का वचन मा यु कभि नि पढ़ी कि नौंनो बट्टी अर दूध पीण वला बच्चों का मुक बट्टी तिल अपार स्तुति करे”</verse>
				<verse number="17">तब उ, ऊं तैं छोड़ी के शहर का भैर बैतनिय्याह गाँव कु गै अर राती उखि रै।</verse>
				<verse number="18">सुबेर मा जब यीशु शहर कु वापिस जांणा छा त तब वे तैं भूख लगि।</verse>
				<verse number="19">अर सड़क का किनारा पर एक बेडु को डालो देखि कै यीशु वेका नजदीक गै, अर पत्तों तैं छोड़ी के वे मा और कुछ नि पै यीशु ल वे डाला कु दंड दे के बोलि, “अब बट्टी त्वे पर कभि फल नि लगुनु”अर उ बेडु को डाला तुरंत सूखि गै।</verse>
				<verse number="20">यु देखि के चेला भैंचक मा पड़ि गैनी अर ऊंल बोलि “यु बेडु को डालो एकदम से कनके सूखि गै”</verse>
				<verse number="21">यीशु ल वे तैं जवाब दे “परमेश्वर पर विश्वास रखा अर संदेश नि कैरा की जु तुम ल मांगि वे तैं परमेश्वर ल पूरो कन मि तुम मा सच-सच बुल्णु छौं जु कुई यु बेडु को डाला कु बुललो तू उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि भरोसो कैर कि जु बुल्णु छौं उ हवे जालो त वेको उन ही हवे जालो।”</verse>
				<verse number="22">“अर जु कुछ तुम पिता परमेश्वर बट्टी प्रार्थना विश्वास से मांगिल्या त उ तुम तैं मिललो।”</verse>
				<verse number="23">उ यरूशलेम शहर का मन्दिर मा जै के उपदेश दींणा छो त प्रधान याजक, अर दाना-सयाणों ल ऊंमा ऐ के पूछि “तु यूं कामों तैं कै अधिकार ल करदी? अर यु अधिकार दे के कैल त्वे तैं दे कि तु यु काम कैरी।”</verse>
				<verse number="24">यीशु ल ऊं तैं जवाब दींनि “मि भि तुम मा एक बात पुछणु छौं जु तुम मि तैं जवाब द्या त मि तुम तैं बतौलु कि यु काम मि कै अधिकार से करदु।”</verse>
				<verse number="25">यूहन्ना तैं बपतिस्मा दींण कु कैल भेजि? स्वर्ग बट्टी या मनिख्युं बट्टी “तब उ आपस मा बातचित कन लगि गैनी कि जु हम बुलुला कि स्वर्ग बट्टी त वेल हम मा बुल्ण फिर तुम ल वेको विश्वास किलै नि कैरी?</verse>
				<verse number="26">अर जु हम इन बुलुला मनिख्युं की तरपां बट्टी त हम तैं ईं भीड़ को भय च किलैकि यु सभि यूहन्ना तैं परमेश्वर का तरपां बट्टी बुल्ण वलो मणदींनि।”</verse>
				<verse number="27">तब ऊंल यीशु तैं जवाब दे “हम नि जंणदा” यीशु ल ऊंमा बोलि, मि भि तुम तैं नि बतौंणु छौं, कि मि यु काम तैं कैका अधिकार से करदु।</verse>
				<verse number="28">तुम ईं मिसाल का बारा मा क्य सुचदियां? कै आदिम का द्वी नौंना छा वेल पैला मा जै के बोलि, “हे नौंना आज अंगूर का बगिचा मा काम कैर।”</verse>
				<verse number="29">वेल जवाब दींनि मिल नि जांण पर बाद मा पछतै के चलि गै।</verse>
				<verse number="30">फिर बुबा ल दुसरा मा जै के इन ही बोलि वेल जवाब दींनि जि हां जांणु छौं पर नि गै।</verse>
				<verse number="31">यूं द्वीयूं मा बट्टी कैल बुबा कि मनसा पूरी कैरी? ऊंल बोलि “पैली वला ल” यीशु ल ऊंमा बोलि “मि तुम मा सच बुल्णु छौं कि चुंगि लींण वला अर वैश्या तुम से पैली परमेश्वर का राज्य मा प्रवेश करदींनि।”</verse>
				<verse number="32">किलैकि जब बपतिस्मा दींणवलों यूहन्ना ल तुम तैं बतै की कन कै धार्मिकता से सै ढंग से जींण च त तुम ल वे पर विश्वास नि कैरी पर चुंगि लींण वलो ल अर वैश्याओं ल पश्चाताप कैरी अर वेको विश्वास कैरी अर तुम यु दिखणा का बाद मा भि नि पछ्तयां कि वेको विश्वास कैरी लींदा।</verse>
				<verse number="33">“एक और मिसाल सूंणा एक घौर कु स्वामि छो जैल अंगूर कु बगिचा लगै वेका चारों तरपां बाड़ बंधि वेमा रस को कुंड भि खैणि अर गुम्मट बणै अर किसानों तैं वेको ठेका दे के एक लम्बी यात्रा मा परदेश चलि गै।”</verse>
				<verse number="34">जब फल कु बगत नजदीक ऐ त वेल अपड़ा सेवकों तैं जौ कु बगिचा को ठेका लियुं छो। वेको फल लींणु कु किसानों मा भेजि।</verse>
				<verse number="35">पर किसानों ल सेवकों तैं पकड़ी के, कै तैं पीटि, कै तैं मारि अर कै तैं ढुंगा ल मारि दींनि।</verse>
				<verse number="36">फिर वेल पैली से भि जादा सेवकों तैं भेजि अर ऊंल ऊं दगड़ी भि उन ही कैरी।</verse>
				<verse number="37">आखिर मा वेल वे नौंना तैं भि इन सोचि के की उ वेको आदर करला।</verse>
				<verse number="38">पर किसानों ल नौंना तैं देखि की आपस मा बोलि, यु त वारिस च आवा यु तैं मारि दींदां अर तब सभि जयजाद हमारो हवे जालो।</verse>
				<verse number="39">अर किसानों ल वे तैं पकड़ी अर अंगूर का बगिचा बट्टी भैर निकाली के मारि दींनि।</verse>
				<verse number="40">इलै जब अंगूर का बगिचा कु स्वामि आलो त ऊं किसानों दगड़ी क्य करलो?</verse>
				<verse number="41">ऊंल यीशु मा बोलि कि “बगिचा को स्वामि ऊं बुरा लुखुं तैं बुरी ढंग से नाश करलो अर अंगूर का बगिचा कु ठेका दुसरा किसानों तैं दयालो जु बगत-बगत पर वे तैं फल दींणा राला।”</verse>
				<verse number="42">यीशु ल ऊंमा बोलि “क्य तुम ल कभि परमेश्वर का वचन मा यु नि पढ़ी; जै ढुंगा तैं राजमिस्त्रियों ल निकम्मु ठैरे छो उ ही कोंणा को ढुग्गो हवे गै यु प्रभु कि तरपां बट्टी हवे अर हमारो दिखण मा अनोखु च।</verse>
				<verse number="43">इलै मि तुम मा बुल्णु छौं कि परमेश्वर कु राज्य तुम मा बट्टी लिये जालो अर अन्य-जाति तैं दिये जालो ऊं मांग करला।</verse>
				<verse number="44">जु यु ढुंगा पर लमडलो उ चकनाचूर हवे जालो अर जै पर उ गिरलो वे तैं पीसि दयालो।”</verse>
				<verse number="45">प्रधान याजक अर फरीसियों ल ऊंका मिसाल तैं सूंणि के समझी गैनी कि यु हमारा बारा मा बुल्णु च।</verse>
				<verse number="46">अर ऊंल वे तैं पकड़न चै पर उ लुखुं से डरिनि अर वे तैं छोड़ी के चलि गैनी किलैकि उ वे तैं परमेश्वर का तरपां बट्टी बुल्ण वलो मंणदा छा।</verse>
			</chapter>
			<chapter number="22">
				<verse number="1">यीशु ऊं लुखुं दगड़ी फिर से मिसाल दे के बात कन लगि गै।</verse>
				<verse number="2">स्वर्ग का राज्य वीं मिसाल का समान च, एक राजा जैल अपड़ा नौंना को ब्यो कैरी।</verse>
				<verse number="3">अर वेल अपड़ा सेवकों तैं भेजि कि ब्यो मा आमंत्रित लुखुं तैं ब्यो का भोज मा बुलौनु पर ऊंल औंण नि चै।</verse>
				<verse number="4">फिर वेल और सेवकों तैं यु बोलि के भेजि आमंत्रित लुखुं मा बोला देखा मिल खांणु तैयार कैरेली इलै तुम ब्यो का खांणु मा आवा।</verse>
				<verse number="5">अनदेखो कैरी के चलि गै कुई अपड़ा पुंगड़ों तैं, त कुई अपड़ा व्यापार तैं।</verse>
				<verse number="6">बकि लुखुं ल जु बचि गै छा ऊंल वेका सेवकों तैं पकड़ी अर ऊंको अनादर कैरी अर ऊं तैं मारि डाली।</verse>
				<verse number="7">जब राजा ल यु सूंणि त गुस्सा ऐ गै अर वेल अपड़ी सेना तैं भेजि के ऊं हत्यारुं को नाश कैरी दींनि अर ऊंका शहरों तैं फूंकी दींनि।</verse>
				<verse number="8">तब वेल अपड़ा सेवकों मा बोलि ब्यो कु खांणु त तैयार च पर जु लोग बुलै छा उ वे खांणु का लैख नि ठैरिनि।</verse>
				<verse number="9">इलै तुम चौराहों मा जाओ अर जथग लोग तुम तैं मिलुनु ऊं सभियूं तैं ब्यो का बड़ा खांणु पर बुलावा।</verse>
				<verse number="10">तब ऊं सेवकों ल अर दासों ल सड़कों पर जै के क्य भला क्य बुरा जथग भि लोग मिलिनि ऊं सभियूं तैं कठ्ठा कैरी अर जै घौर मा ब्यो हूंणु छो उ घौर मेहमनों से भुरीं गै।</verse>
				<verse number="11">अर जब राजा ल मेहमान लुखुं तैं दिखणु कु भितर ऐ त वेल उख एक आदिम तैं देखि जैका ब्यो कु सै ठिक कपड़ा नि पैरय्यां छा।</verse>
				<verse number="12">राजा ल वे तैं पूछि हे दगड़िया तु बगैर ब्यो कु ठिक कपड़ा पैरय्यां इख किलै ऐ? अर वे तैं मनिख्युं न कुछ भि जवाब नि दींनि।</verse>
				<verse number="13">तब राजा ल सेवकों मा बोलि येका हथ खुट्टा बंधि के यु तैं भैर अंधेरा मा डाली द्या उख रूंण अर दांतों को पिसंण होलो।</verse>
				<verse number="14">किलैकि बुलयां त भौत छिनी पर चुणयां थोड़ा ही छिन।</verse>
				<verse number="15">तब फरीसियों ल आपस मा विचार कैरी कि यीशु तैं कैं बात मा फसां।</verse>
				<verse number="16">अर ऊंल अपड़ा चेलों तैं हेरोदियों मा यु बुल्णु कु भेजि कि, “हे गुरु हम जंणदा छा कि तुम हमेशा सच बुल्दियां अर परमेश्वर का बारा मा सचै से सिखांदि अर त्वे तैं कैकी कुई परवाह नि च किलैकि तु मनिख्युं का मुक देखि के बात नि करदी।</verse>
				<verse number="17">इलै हम तैं बतौ तु क्य समझदी? क्य कैसर तैं कर दींण ठिक च या ठिक नि च।”</verse>
				<verse number="18">यीशु ल ऊंका मन की दुष्टता तैं जांणि के बोलि “हे कपटियों तुम मि तैं किलै परखंणा छा?”</verse>
				<verse number="19">अर जै पैसा तुम कर मा दिन्दीयां वे पैसा तैं मि मा ल्यावा तब उ वेमा दिन की मजदूरी लैनि।</verse>
				<verse number="20">यीशु ल ऊंमा पूछि या आकृति अर यु नौं कैकु च?</verse>
				<verse number="21">ऊंल यीशु मा बोलि, “कैसर को तब यीशु ल ऊंमा बोलि जु कैसर कु च वे तैं कैसर तैं द्यावा अर जु परमेश्वर कु च उ परमेश्वर तैं द्यावा।”</verse>
				<verse number="22">यु सूंणि के उ भैंचक्क मा पड़ी गैनी अर यीशु तैं छोड़ी के चलि गैनी।</verse>
				<verse number="23">वे ही दिन सदूकी जु बुल्दिन, कि मोरि के ज्यून्दो हूंण नि हवे सकद यीशु मा ऐ के पुछण लगि गैनी</verse>
				<verse number="24">“हे गुरु मूसा ल बोलि छो कि कुई मनिख जु बगैर सन्तान का मोरि जौं त वेको भैय वेकी घरवलि दगड़ी ब्यो कैरी कै अपड़ा भैय कु वंश पैदा कैर।”</verse>
				<verse number="25">अब हमारा इख सात भैय छा अर सबसे बड़ो भैय ब्यो कैरी निसंतान मोरि गै अर सन्तान नि हूंण का कारण से अपड़ी घरवलि तैं अपड़ा भैय कु छोड़िगे।</verse>
				<verse number="26">इन ही दुसरा ल अर तिसरा ल भि कैरी अर सातों भैय बट्टी कैकी भि संतान नि हवे।</verse>
				<verse number="27">अर सभियूं का बाद व जनन भि मोरि गै।</verse>
				<verse number="28">तब मुरयां का ज्यून्दो हूंण पर व ऊं सात का सात मा बट्टी कैकी जनन हवेलि? किलैकि व सातों भैय कि जनन हवे गै छै।</verse>
				<verse number="29">यीशु ल ऊंकु बोलि, “तुम परमेश्वर का वचन की सामर्थ तैं नि जंणदा क्य तुम इलै भूल मा नि पुड़यां छा।</verse>
				<verse number="30">किलैकि जब उ मुरयां मा बट्टी ज्यून्दो हूंण होलो त ऊंल न त ब्यो कन न ब्यो मा दिये जांण पर स्वर्ग मा स्वर्गदूत कि तरौं होला।</verse>
				<verse number="31">मुरयां कु ज्यून्दो हूंण का बारा मा क्य तुम ल यु परमेश्वर का वचन मा नि पैढ़ी जु परमेश्वर ल तुम मा बोलि छो</verse>
				<verse number="32">कि मि अब्राहम कु परमेश्वर, इसहाक कु परमेश्वर, याकूब कु परमेश्वर छौं? परमेश्वर मुरयां मनिख्युं कु न बल्कि ज्यूंदों कु परमेश्वर च।”</verse>
				<verse number="33">लोग यीशु का उपदेश सूंणि के हकदक रै गैनी।</verse>
				<verse number="34">जब फरीसियों ल सूंणि कि यीशु ल सदूकियों को गिच्चो बंद कैरेली त तब उ कठ्ठा हवे गैनी।</verse>
				<verse number="35">ऊंमा बट्टी मूसा की व्यवस्था तैं सिखांण वलो ल जु वेकी अजमैश कनु कु वेमा पूछि</verse>
				<verse number="36">हे गुरु मूसा द्वारा लिखीं परमेश्वर की व्यवस्था मा बड़ी आज्ञा क्य च?</verse>
				<verse number="37">यीशु ल वेमा बोलि या च कि “तु प्रभु अपड़ा परमेश्वर तैं अपड़ा सैरा मन, अर अपड़ा सैरा प्राण, अर अपड़ी सैरी बुद्धि से प्रेम कैरा।</verse>
				<verse number="38">या सबसे बड़ी अर पैली आज्ञा च।</verse>
				<verse number="39">अर वीं आज्ञा जन एक हैंकी आज्ञा भि च कि तु अपड़ा पड़ोसी से अफ जन प्रेम कैर।</verse>
				<verse number="40">यु उ ही द्वी आज्ञा मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो को आधार च।”</verse>
				<verse number="41">जब फरीसी कठ्ठा छा त यीशु ल ऊंमा पूछि</verse>
				<verse number="42">मसीह का बारा मा तुम क्य सुचदियां उ कै को नौंनो च ऊंल वेमा बोलि, “दाऊद कु वंशज च।”</verse>
				<verse number="43">यीशु ल ऊंमा पूछि “त दाऊद आत्मा मा हवे के वे तैं प्रभु किलै बुल्द?</verse>
				<verse number="44">कि प्रभु ल मेरा प्रभु कु बोलि मेरी दैंणि तरपां बैठ जब तक कि मि तेरा बैरय्युं तैं तेरा खुट्टों तौला नि कैरी द्यो।</verse>
				<verse number="45">जब राजा दाऊद ही मसीह कु प्रभु बुल्दो त फिर उ वेको वंशज कनके ठैरी?</verse>
				<verse number="46">अर तब वे दिन कै तैं की फिर वे बट्टी कुछ भि पुछणो कु सासो नि हवे।”</verse>
			</chapter>
			<chapter number="23">
				<verse number="1">तब यीशु ल लुखुं कु अर अपड़ा चेलों कु बोलि</verse>
				<verse number="2">मूसा की व्यवस्था तैं सिखांण वलो अर फरीसी अधिकार का दगड़ी मूसा की व्यवस्था की व्याख्या कन की क्षमता रखदा छिन</verse>
				<verse number="3">इलै उ तुम मा जु कुछ भि बुलुनु उ न करयां अर न मणयां पर उ जु करदा छिन ऊं तुम नि करयां किलैकि उ उपदेश त दींद छिनी पर पालन नि करदींनि।</verse>
				<verse number="4">उ सब प्रकार का कानूनों तैं बतौंदा छिन जु मन मा लुखुं कु कठिन च उ लुखुं बट्टी जबरदस्ती ऊं नियमों कु पालन करवंदा छिन पर उ अफ वे तैं नि मणदींनि अर अफ वे तैं अपड़ी अंगुली बट्टी भि नि सरकौंण चंदींनि।</verse>
				<verse number="5">उ अपड़ा सभि काम लुखुं तैं दिखांणु कु करदींनि उ अपड़ा जौं पर परमेश्वर कु वचन हूंद छो त उ ऊं तैं मुंड पर अर हथों पर पैरदा छा अर अपड़ा कपड़ोंं का किनारों तैं बढादिनि।</verse>
				<verse number="6">भोज मा उ महत्वपूर्ण जगहों पर बैठण पसंद करदींनि अर यहूदियों का मिलणा का भवन मा मुख्य-मुख्य आसण चयोंदिनि</verse>
				<verse number="7">अर बाजारों मा सम्मान का दगड़ी प्रणाम अर मनिख्युं का बीच ऊं तैं गुरु कहलांण अच्छो लगदु।</verse>
				<verse number="8">पर तुम अफ तैं गुरु नि समझयां किलैकि तुमारो एक ही गुरु च अर तुम सभि विश्वासी भयों जन छा।</verse>
				<verse number="9">अपड़ा बुबा तैं छोड़ी कै कुई भि धरती मा बुबा का पद तैं आदर नि दींदां किलैकि तुमारो एक ही बुबा च जु कि स्वर्ग मा च।</verse>
				<verse number="10">अर अफ तैं गुरु जी भि नि बुल्यां किलैकि तुमारो एक ही गुरु च जु कि मसीह च।</verse>
				<verse number="11">जु तुम मा बड़ो हो उ तुमारो सेवक बंणि जौ।</verse>
				<verse number="12">जु कुई अफ तैं बड़ो बंणालु उ छुट्टा किये जालो अर जु कुई अफ तैं छुटो बंणालु उ बड़ो बणैये जालो।</verse>
				<verse number="13">हे कपटि मूसा की व्यवस्था तैं सिखांण वलो अर फरीसियों हाय च तुम पर, तुम लुखुं कु स्वर्ग का राज्य मा प्रवेश कने की अनुमति नि दींदां त अफ वे द्वार बट्टी भितर जंदा अर वां बट्टी भितर जांण वलो तैं भि भितर नि जांण दींदां।</verse>
				<verse number="14">हे कपटि मूसा की व्यवस्था तैं सिखांण वलो हाय च तुम पर विधओं का घौर तैं लुटदा छा अर दिखांणु कु तुम धर्मी छा अर बिजां देर तक परमेश्वर बट्टी प्रार्थना करद्यां इलै तुम तैं जादा दण्ड मिललो।</verse>
				<verse number="15">“हे कपटि मूसा की व्यवस्था तैं सिखांण वलो अर फरीसियों हाय च तुम पर तुम एक मनिख तैं अपड़ा मत मा लौंणु कु लिये हर जगह यात्रा करदींनि अर जब उ विश्वास करदींनि त वे तैं दुगणा नरक मा जांण का लैक बंणि जंदींनि जु की तुम खुद छा।”</verse>
				<verse number="16">“हे अंधा अगुवों हाय च तुम पर भि तुम जु बुल्दा कि जु कुई यरूशलेम शहर का मन्दिर की सौं खौ त कुछ न पर जु कुई यरूशलेम शहर का मन्दिर का सोना कि सौं खौ त वीं सौं से बंधि जालो।”</verse>
				<verse number="17">हे मूर्खों अर हे अंधों बड़ो कु च सोना या उ यरूशलेम शहर को मन्दिर ज्यां बट्टी सोना पवित्र हूंद?</verse>
				<verse number="18">फिर बुल्दा कि जु कुई वेदी की सौं खौ त कुछ न पर ज्वा भेंट वां मा च जु कुई वांकी सौं खौ त बंधि जालो।</verse>
				<verse number="19">हे अंधों कु बड़ो च भेंट या वेदी ज्यांसे भेंट पवित्र हूंदी?</verse>
				<verse number="20">इलै जु वेदी की सौं खांदु उ वांकी अर जु कुछ वां मा च वांकी भि सौं खांदु।</verse>
				<verse number="21">जु यरूशलेम शहर का मन्दिर की सौं खांदु उ वे परमेश्वर की जु व वेकी अर वे परमेश्वर की जु वे मा रौंदो च की भि सौं खांदु।</verse>
				<verse number="22">जु स्वर्ग की सौं खांदु उ परमेश्वर का सिहासन की अर वां मा बैठण वला कि भि सौं खांदु।</verse>
				<verse number="23">“हे कपटि, मूसा द्वारा लिखीं परमेश्वर की व्यवस्था तैं सिखांण वलो अर फरीसियों हाय च तुम पर तुम पुदीना अर सौंफ अर जीरा कु दसवां अंश दींदां त छैं छा पर तुम ल नियमशास्त्र कि गहरी गम्भीर बातों तैं जन न्याय अर कृपा अर विश्वासयोग्य हूंण अर अपड़ा दशमांश दींणु चयणु च इलै की इन अन्य महत्वपूर्ण चीजों की उपेक्षा नि कैरा।”</verse>
				<verse number="24">हे अंधा अगुवों, तुम छुटा नियमों का पालन कन का बारा मा त भौत सावधान छा जन कि तुम मच्छर तैं त छांणि दींदां, पर ऊंट तैं निगलि जंदियां।</verse>
				<verse number="25">“हे कपटि, मूसा की व्यवस्था तैं सिखांण वलो अर फरीसियों हाय च तुम पर तुम इन भांडा छा जु भैर बट्टी त साफ पर भितर बट्टी भि गंदा अर उ इन छा की अफ तैं अच्छा लुखुं का जन दिखोंदा छिन धर्मी पर इलै तुमारा दिलों मा तुम लोभ अर स्वार्थ च।”</verse>
				<verse number="26">हे अंधा फरीसी पैली अपड़ा लालची अर स्वार्थी हूंण बंद कैर दींण चयणु च तब तुम उ ही कैर पैला जु पवित्र च यु एक इन थाली का जन हूंण जु भैर अर भितर द्वीयूँ जहग साफ हो।</verse>
				<verse number="27">“हे कपटि, मूसा की व्यवस्था तैं सिखांण वलो अर फरीसियों हाय च तुम पर तुम चुना फिरीं कब्रों जन छा ज्वा मथि बट्टी त सुंदर दिखेंदि पर भितर बट्टी मुर्दों का हडगूं ल अर सब प्रकार कि गंध से भरीं च।”</verse>
				<verse number="28">अर इन कै तुम भि भैरी-भैर त लुखुं का संमणी बड़ा धर्मी दिखेन्द्यां पर भितर बट्टी अधर्म अर कपट से भुरयां छा।</verse>
				<verse number="29">“हे कपटि, मूसा की व्यवस्था तैं सिखांण वलो अर फरीसियों हाय च तुमारा पूर्वजों न जु परमेश्वर का तरपां बट्टी बुल्ण वलो तैं तुम ल मारि छो ऊंकी कब्रों तैं सजदां अर धर्मी लुखुं का कब्रों तैं सम्मनित करदा छा</verse>
				<verse number="30">अर बुल्दा जु हम अपड़ा बाप-दादों का दिनों मा रांदा त परमेश्वर का तरपां बट्टी बुल्ण वलो का ल्वे मा ऊंका साझा नि हूंद।”</verse>
				<verse number="31">वंशज से त उ खुद का खिलाफ गव्है दींदां छा कि तुम परमेश्वर का तरपां बट्टी बुल्ण वलो का हत्यारो का वंशज छा।</verse>
				<verse number="32">तुम वे बुरै तैं पूरो कन वला छा जै तैं तुमारा बाप-दादों ल शुरू कैरी छो।</verse>
				<verse number="33">हे गुरो का जन जहर रखण वलो लुखुं तुम नरक का दण्ड से कनके बचिल्या?</verse>
				<verse number="34">इलै देखा मि तुम मा परमेश्वर का तरपां बट्टी बुल्ण वलो तैं अर बुद्धिमानों तैं अर मूसा की व्यवस्था तैं सिखांण वलो तैं भिजणु छौं अर तुम ऊंमा बट्टी कुछ तैं मारि डलिल्या अर सूली पर चड़ैल्या अर कुछ तैं अपड़ा परमेश्वर बट्टी यहूदियों का मिलणा का भवन मा कोड़ा मरिल्या अर एक शहर बट्टी हैंका शहर मा भगौंदी रैल्या।</verse>
				<verse number="35">ज्यां बट्टी धर्मी हाबिल से ले के बिरिक्याह का नौंना जकर्याह तक जै तैं तुम ल परमेश्वर बट्टी यरूशलेम शहर का मन्दिर अर वेदी का बीच मा ल्वे बुगै के मारि डालेल छो सभि धर्मी लुखुं की हत्या धरती मा कैरी उ सब तुम तैं भंगारी ठैरे जाला।</verse>
				<verse number="36">मि तुम मा सच बुल्णु छौं यु सभि हत्याओं की सजा इन पीढ़ी का लुखुं पर ऐ पोड़िलि।</verse>
				<verse number="37">“हे यरूशलेम शहर का लुखुं तु परमेश्वर का तरपां बट्टी बुल्ण वलो तैं मारि डलदि अर जु त्वे मा भिजे गैनी ऊं पर ढुंग्यो करदी। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करदा उन ही मि भि तेरा नौंनो तैं कठ्ठा कैरी दियूं पर तुम ल इन नि चै।</verse>
				<verse number="38">देखा मन्दिर घौर तुम कु खन्द्वार छुड़े जांणु च।</verse>
				<verse number="39">किलैकि मि तुम मा बुल्णु छौं कि अब बट्टी जब तक तुम नि बोलिल्या कि धन्य च उ जु प्रभु का अधिकार का दगड़ी च तब तक तुम मि तैं फिर कभि नि देखि ल्या।”</verse>
			</chapter>
			<chapter number="24">
				<verse number="1">जब यीशु यरूशलेम शहर का मन्दिर बट्टी भैर जांणु छो त वेका चेला वे तैं मन्दिर की रचना दिखांणु कु वेका संमणी ऐनी।</verse>
				<verse number="2">यीशु ल वेकु बोलि, “तुम मा सच बुल्णु छौं दिखणा छा इख ढुंगा मा ढुंगा भि नि रांण जु ढोळे नि जालो।”</verse>
				<verse number="3">जब उ जैतून डाला का डांडा पर बैठयां छा त चेलों ल एकुंत मा वेका संमणी ऐ के बोलि, “हम तैं बतौ कि यूं बातों ल कब हूंण? तेरु औणो को अर दुनिया कु अंत को क्य चिन्ह होलो?”</verse>
				<verse number="4">यीशु ल ऊं तैं जवाब दींनि, “सचेत रावा कुई तुम तैं भरमै नि सैकु।”</verse>
				<verse number="5">भौत लोग मेरा नौं का अधिकार कैरी के आला अर ऐ के बुलला मि मसीह छो अर भौत लुखुं तैं ऊं का विश्वास बट्टी भरमै दयाला।</verse>
				<verse number="6">जब तुम लड़ै अर लड़ैयूं कि चर्चा सुणल्या त घबरैयां न किलैकि यूं बातों कु हूंण जरूरी च पर वे बगत अंत नि होलो।</verse>
				<verse number="7">किलैकि एक जाति दुसरी जाति पर अर एक राज्य हैंका राज्य पर राज्य कनु कु चड़ै करलो अर जगह-जगह अकाल पड़ुलो अर भ्यूंचोळ होला।</verse>
				<verse number="8">यु सब शुरुवाती पिड़ा की होलि जन बच्चा पैदा हूंण से पैली हूंदी।</verse>
				<verse number="9">तब उ लोग जु तुमारा विरोध करदा छिन क्लेश दिलांण कु तुम तैं पकड़वाला अर किलैकि तुम मि पर विश्वास करदा छा सभि जातियों का लोग तुम से बैर रखला।</verse>
				<verse number="10">तब भौत सैरा मि पर विश्वास कन बंद कैर दयाला अर एक दुसरा तैं पकड़वाला अर एक दुसरा से बैर रखला।</verse>
				<verse number="11">भौत सा परमेश्वर कु संदेश दींणवला आला अर भौत सा लुखुं तैं धोखा दयाला।</verse>
				<verse number="12">अर अधर्म का बढंण से बहुत लोग दुसरा से प्रेम नि करला।</verse>
				<verse number="13">पर जु अपड़ा जीवन का अंत तक मि पर विश्वास रखला, वेको उद्धार हवे जालो।</verse>
				<verse number="14">अर पिता परमेश्वर का राज्य का बारा मा शुभ सन्देश सैरा दुनिया मा प्रचार किये जालो की सभि जातियों पर गव्है हो तब दुनिया कु अंत हवे जालो।</verse>
				<verse number="15">“इलै जब तुम वीं उजड़ण वलि तुच्छ मूर्ति तैं ज्यां कि चर्चा दनिय्येल परमेश्वर का तरपां बट्टी बुल्ण वला ल कैरी छै वीं तैं पवित्र जगह मा खड़ी देखि ल्या जु पढ़ो उ समझी ल्यो।”</verse>
				<verse number="16">तब जु यहूदिया प्रान्त मा हूंनु उ डांडों मा भाजि जालो।</verse>
				<verse number="17">जु छत पर हूंनु उ अपड़ा घौर बट्टी कुछ समान लींणु कु मूड़ी घौर का भितर नि उतरुनु अर उख बट्टी भागि जा।</verse>
				<verse number="18">अर जु पुंगड़ा मा हो उ अपड़ा कपड़ा लींणु कु घौर कु पिछनै नि लौटु।</verse>
				<verse number="19">यु ऊं महिलाओं कु भौत भयानक बगत होलो जु दुबस्ता हवेलि अर जु दूध पिलांदि हवेलि ऊंकु भगण भौत मुश्किल होलो।</verse>
				<verse number="20">इलै पिता परमेश्वर बट्टी प्रार्थना करयां कि यु जाड़ों मा यहूदियों का विश्राम का दिन नि हो जब कखि भि जांण कठिन हो।</verse>
				<verse number="21">किलैकि उ दिन इन कलेश का होला कि यु दुनिया का बनांण बट्टी जु कुछ परमेश्वर ल रचि न त अभि तक न हवे नि अगनैं हूंण।</verse>
				<verse number="22">जु यु आंण वला दिन घटैये नि जांदा त कै भि प्राणि कु उद्धार नि हूंण छो पर ऊं चुणयां मनिख्युं का खातिर जौं तैं वेल चुणि ऊं दिनों तैं घटैये गै।</verse>
				<verse number="23">वे बगत मा जु कुई तुम कु बुललो “देखा मसीह इख च” या देखा उख च त यकीन नि करयां।</verse>
				<verse number="24">किलैकि झूठा मसीह अर परमेश्वर कु संदेश दींणवला झूठा लोग आला अर चिन्ह अर शैतान का झूठा चमत्कार दिखाला कि हवे साको त परमेश्वर का चुणयां लुखुं तैं भि भरमै द्याला।</verse>
				<verse number="25">पर तुम चकडैति से रयां मिल सभि घटनाओं तैं तुम तैं पैली बट्टी बतयले।</verse>
				<verse number="26">इलै जु उ तुम मा बुलुनु देखा उ एकांत जंगल मा च त भैर नि निकलयां या इन बुलुनु देखा उ कोठरियों मा च त विश्वास नि करयां।</verse>
				<verse number="27">किलैकि जन बिजली पूरब बट्टी पश्चिम तक चमकदी उन ही मि मनिख कु नौंनो को औंण भि होलो।</verse>
				<verse number="28">जख लांश हो, उखि गरुड़ कठ्ठा हवाला।</verse>
				<verse number="29">ऊं दिनों मा वे कलेश खत्म हूंणा का बाद सूरज अर जून अपड़ो उज्यला दींण बंद कैरी द्याला अर आसमान बट्टी गैणा मूड़ि पोड़न लगि जाला अर आकाश कि सैरी शक्ति अर चिन्ह हिलैये जाला।</verse>
				<verse number="30">मि मनिख कु नौंनो कु चिन्ह आसमान मा दिखै जालो अर तब धरती का सब जाति का लोग अपड़ी छाति पिटला अर मि मनिख कु नौंनो तैं सैरी सामर्थ, सैरी शक्ति अर महिमा का दगड़ा मा आसमान का बादलों पर औंण दिखला।</verse>
				<verse number="31">उ तुरै कि बड़ी आवाज का दगड़ा अपड़ा स्वर्गदूतों तैं भिजलु अर उ धरती का यु छोर बट्टी आसमान का वे छोर तक चौदिशों बट्टी अपड़ा चुणयां लुखुं तैं कठ्ठा करलो।</verse>
				<verse number="32">बेडु का डाला बट्टी इन सीखा जब वेकी फौंकि कुंगळी हवे जंदींनि अर वे पर मौलयार आंण लगि जांदु त तुम जांणि जणदां कि गर्मी कु मौसम आंण वलो च।</verse>
				<verse number="33">अर इन ही कै जब तुम यूं बातों हूंण दिखल्या त जांणि लियां कि मि मनिख कु नौंनो को आंण नजीक च बल्कि ऐ ही गै।</verse>
				<verse number="34">मि तुम मा सच बुल्णु छौं जब तक यु सभि बात नि हवेलि तब तक यूं लुखुं मा बट्टी भौत स इन छिनी जु ईं घटना का हूंण तक नि मुरला।</verse>
				<verse number="35">आसमान अर धरती टळि जालि पर मेरी बोलि बात कभि भि नि टळदि।</verse>
				<verse number="36">अर कै तैं भि वीं दिन अर सै बगत कु पता नि जब मि दुबारा औलु न स्वर्गदूत अर न मि जु नौंनो छो भस परमेश्वर पिता वे बगत तैं जंणदु।</verse>
				<verse number="37">जन नूह का दिन छा उन ही मि मनिख कु नौंनो को औंण भि होलो।</verse>
				<verse number="38">किलैकि जन जलप्रलय से पैली का दिनों मा जै दिन तक कि नूह जहाज पर नि चैड़ि छो वे दिन तक लोग खांदा पींदा छा अर ऊंमा ब्यो हूंदों छा।</verse>
				<verse number="39">अर जब तक जलप्रलय ऊं सभियूं तैं बुगै के नि लीगे तब तक ऊं तैं कुछ भि पता नि चैलि उन ही मि मनिख कु नौंनो को औंण भि होलो।</verse>
				<verse number="40">वे बगत मा द्वी माबुत पुंगड़ा मा होला ऊंमा बट्टी एक लिये जालो अर हैंको छुड़े जालो।</verse>
				<verse number="41">द्वी जनन जंदरु पिसंणि राली ऊंमा बट्टी एक लिये जालि अर हैंकी छुड़े जालि।</verse>
				<verse number="42">इलै चैतल रावा तुम नि जंणदयां कि तुमारा प्रभु कै दिन आलो।</verse>
				<verse number="43">पर यु जणिल्यो कि जु घौर कु स्वामि जांणि जांदु कि चोर कैं बगत आलो त बिज्यूं रौंदो अर अपड़ा घौर मा चोरी नि हूंण दींदो।</verse>
				<verse number="44">इलै तुम भि तैयार रावा किलैकि जैं बगत का बारा मा तुम सुचदा भि नि छा वीं बगत मा मि मनिख कु नौंनो ऐ जालो।</verse>
				<verse number="45">“अर उ भरोसो का लैख अर बुद्धिमान सेवक कु च जै तैं स्वामि ल अपड़ा नौकर-चाकरों पर मुखिया ठैरे, कि बगत पर ऊं तैं खांणु द्यो?”</verse>
				<verse number="46">धन्य च उ सेवक जै तैं वेको स्वामी ऐ के इन ही करदु दिखलु।</verse>
				<verse number="47">मि तुम मा सच बुल्णु छौं उ वे तैं अपड़ी सैरी सम्पति पर अधिकारी बंणालु।</verse>
				<verse number="48">पर जु दुष्ट सेवक सुचण लगि कि मेरा स्वामि का औंण मा देर च</verse>
				<verse number="49">अर अफ दगड़िया सेवकों तैं पिटण लगि जौं अर पियक्कड़ु का दगड़ा मा खान्दो-पीन्दु।</verse>
				<verse number="50">त वे सेवक को स्वामी इन दिन मा वापिस आलो जब उ वे तैं नि जुगल्णु रालो अर इन बगत मा जै तैं उन ही जंणदु हो</verse>
				<verse number="51">तब उ वे तैं भौत कड़ी सजा दयालो अर वेको भाग बांटो कपटि लुखुं का दगड़ा मा ठैरालो उख रूंण अर दांतों कु पिसंण होलो।</verse>
			</chapter>
			<chapter number="25">
				<verse number="1">फिर यीशु ल अपड़ा चेलों मा बोलि जब मि मनिख कु नौंनो वापिस आलो तब स्वर्ग की ऊं दस कुँवारियों का जन होलो जु अपड़ा दिवडा लै के ब्योला दगड़ी मुलाकात कनु कु गैनी।</verse>
				<verse number="2">ऊंमा बट्टी पाँच त मूर्ख छै अर पाँच समझदार छै।</verse>
				<verse number="3">पाँच मूर्ख अणबिवाकों ल अपड़ी दिवडों तैं ले छैं पर अफ दगड़ी जैतून कु तेल नि लैंनि</verse>
				<verse number="4">पर समझदा अणबिवाकों ल अपड़ा दिवडों का दगड़ा अपड़ी कुप्पियुं मा जैतून कु तेल भि भोरि दींनि।</verse>
				<verse number="5">जब ब्योला का औंण मा देर हवे त तब उ सभि जमाण लगि गैनी अर सै गैनी।</verse>
				<verse number="6">“पर अधा राती मा कैल धै लगै कि देखा ब्योला औणु च वे तैं मिलणु कु चला।”</verse>
				<verse number="7">तब उ सभि अणबिवाक बिजनी अर अपड़ा-अपड़ा दिवडों तैं ठिक कन लगि गैनी।</verse>
				<verse number="8">अर मूर्ख अणबिवाकों ल समझदार अणबिवाकों कु बोलि अपड़ा जैतून कु तेल मा बट्टी कुछ हम तैं भि द्या किलैकि हमारा दिवडा बुझंण वला छिन।</verse>
				<verse number="9">पर समझदार अणबिवाकों ल बोलि “न त यु तेल ल हम कु पूरो हूंण अर न तुम कु। ठिक त यु च कि तुम बजार जै के अफ कु तेल मोल ल्यावा।”</verse>
				<verse number="10">जब उ मोल ल्योंणु कु जांणा छा त ब्योला ऐ गै अर जु तैयार छा उ वे दगड़ी ब्यो का घौर मा चलि गैनी अर तब द्वार बंद किये गै।</verse>
				<verse number="11">वेका बाद उ दुसरी कुँवारियाँ भि वापिस ऐनी रूंदा अर ब्योला तैं बुल्ण लगि गै “हे स्वामी, हे स्वामी हम कु द्वार खोल।”</verse>
				<verse number="12">पर वेल बोलि, “मि तुम मा सच बुल्णु छौं कि मि तुम तैं नि जंणदु।”</verse>
				<verse number="13">इलै बिंज्या रावा किलैकि तुम नि जंणदयां मेरा वापिस औंण का उ दिन अर उ बगत कब आलो।</verse>
				<verse number="14">या वे मनिख कि सी दशा च जु मनिख एक लंबी यात्रा मा जांणु छो अपड़ा दासों तैं बुलै के अपड़ी सम्पति ऊं तैं सौंपी दींनि।</verse>
				<verse number="15">वेल एक तैं पाँच चांदी का सिक्का अर दुसरा तैं द्वी अर तिसरा तैं एक हरेक तैं वेकी सामर्थ का अनुसार दींनि अर तब परदेश चलि गै।</verse>
				<verse number="16">तब जै तैं सौ साल की मजदूरी दीं छै पाँच चांदी का सिक्का मिली छा वेल तुरंत जै के वां ल लेन-देन कैरी अर पाँच चांदी का सिक्का और कमै।</verse>
				<verse number="17">इन ही जै तैं द्वी चांदी का सिक्का मिली छा वेल भि द्वी और कमै।</verse>
				<verse number="18">पर जै तैं एक मिली छो वेल जै के धरती खोदि अर अपड़ा मालिक का रूपया तैं लुकै दींनि।</verse>
				<verse number="19">भौत दिनों का बाद ऊं सेवकों कु स्वामि ऐ के ऊं बट्टी हिसाब लींण लगि गै।</verse>
				<verse number="20">जै तैं पाँच दीनार मिली छा, वेल पाँच दीनार तैं लैई के बोलि, “हे स्वामि तिल मि तैं पाँच दीनार सौंपी छा देख मिल पाँच दीनार और कमै।”</verse>
				<verse number="21">वेका मालिक ल वेकु बोलि, धन्य च अच्छा अर ईमानदार सेवक तु थोडी धन राशि तैं संभलण मा ही विश्वासयोग्य रै मि त्वे तैं भौत चीजों कु अधिकारी बंणौलु। औ अर अपड़ा स्वामी की खुशी मा शामिल हवे जा।</verse>
				<verse number="22">अर जै तैं द्वी चांदी का सिक्का मिली छा वेल भि ऐ के बोलि, हे स्वामी तिल मि तैं द्वी चांदी का सिक्का दे छा देख मिल द्वी चांदी का सिक्का और कमै।</verse>
				<verse number="23">वेका स्वामी ल वेकु बोलि, धन्य अच्छा अर ईमानदार सेवक तु जरासी धन राशि का संभलण मा विश्वासयोग्य रै मि त्वे तैं भौत चीजों कु अधिकारी बंणौलु। अपड़ा स्वामी कि खुशी मा शामिल हवे जा।</verse>
				<verse number="24">तब जै तैं एक चांदी का सिक्का मिली छो वेल ऐ के बोलि, हे स्वामी मि त्वे तैं जंणदु छो कि तु कठोर मनिख छै: तु एक इन मनिख जन छै जु दुसरा लुखुं का काम बट्टी फायदा कमाणै की उम्मीद करदी छै।</verse>
				<verse number="25">इलै की जु मिल तेरु पैसा हर्चेदीनि त तु मि तैं सज़ा दीलि मि डैरी ग्यों चांदी का सिक्का धरती मा लुकै दींनि। देख जु तेरु च उ यु च।</verse>
				<verse number="26">वेका स्वामी ल वे तैं जवाब दींनि, हे दुष्ट अर अलकसी सेवक जब तु यु जंणदी छै कि मि भौत कठोर मनिख छै अर एक इन मनिख जन छै जु दुसरा लुखुं का काम बट्टी फायदा कमाणै की उम्मीद करदो छै</verse>
				<verse number="27">त त्वे तैं यु कन चयणु छो कि मेरा रुप्या तैं लेंन देन कन वलो तैं दे दींण तब मि ऐ के अपड़ा धन तैं ब्याज समेत ले लींदु।</verse>
				<verse number="28">तब स्वामी ल अन्य दासों मा बोलि, इलै उ चांदी का सिक्का तैं वे बट्टी ले ल्या अर जै मा दस चांदी का सिक्का छिनी वे तैं दे द्या।</verse>
				<verse number="29">किलैकि जै मा थोड़ी भि मेरी बातों तैं समझणु की समझ छैं च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च।</verse>
				<verse number="30">अर यु निकम्मा सेवक तैं का अंधेरा मा डाली द्या जख रूंण अर दांतों को पिसंण होलो।</verse>
				<verse number="31">जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।</verse>
				<verse number="32">अर सब जातियों का लोग मेरा संमणी कठ्ठा करे जालि अर जन बकरोलु ढिबरा तैं बकरुं बट्टी अलग कैरी दींदु उन ही उ, ऊं तैं एक हैंका बट्टी अलग करलो।</verse>
				<verse number="33">अर मि धर्मी लुखुं तैं अपड़ी दैंणि तरपां बखरा जन, अर अधर्मी लुखुं तैं बैंं तरपां ढिबरा जन करलो।</verse>
				<verse number="34">तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”</verse>
				<verse number="35">किलैकि जब मि भुखी छो त तुम ल मि तैं खांणु कु दींनि, जब मि तिस्सलो छो, त तुम ल मि तैं पांणि पिलै, जब मि परदेशी छो, त तुम ल मि तैं अपड़ा घौर मा ठैरे</verse>
				<verse number="36">जब मि नंगि छो, त तुम ल मि तैं कपड़ा पैरेनि, “जब मि बिमार छो त तुम ल मेरी देख रेख कैरी” जब मि जेल का भितर छो त तुम मि तैं मिलणु कु अयां।</verse>
				<verse number="37">तब धर्मी लोग वे तैं जवाब द्याला हे प्रभु हम ल कब त्वे तैं भुखी देखि अर त्वे तैं खिलै? या तिस्सलु देखि अर त्वे तैं पांणी पिलै?</verse>
				<verse number="38">हम ल कब त्वे तैं परदेशी देखि अर अपड़ा घौर मा ठैरे? या नंगि देखि अर कपड़ा पैरुणु कु दींनि?</verse>
				<verse number="39">हम ल कब त्वे तैं बिमार या बन्दीगृह मा देखि अर त्वे तैं मिलणु कु अयां?</verse>
				<verse number="40">तब मि राजा ऊं तैं जवाब दयालो मि तुम मा सच बुल्णु छौं कि तुम ल जु मेरा यूं छुटा से छुटा मेरा चेला विश्वासी भयों मा बट्टी कै एक का दगड़ा भि कैरी उ सब मि ही दगड़ी कैरी।</verse>
				<verse number="41">तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।</verse>
				<verse number="42">किलैकि जब मि भुखी छो अर तुम ल मि तैं खांणु सुध नि लींनि मि तिस्सलु छो अर तुम ल मि तैं पांणी नि पिलै</verse>
				<verse number="43">मि परदेशी छो अर तुम ल मि तैं अपड़ा घौर मा नि ठैरे मि नंगि छो अर तुम ल मि तैं कपड़ा पैरुणु कु नि दींनि मि बिमार अर जेल मा छो अर तुम ल मेरी सुध नि लींनि।</verse>
				<verse number="44">तब उ जवाब द्याला हे प्रभु हम ल त्वे तैं कब भूखो या तिस्सलु या परदेशी या नंगी या बिमार या जेल मा देखि अर तेरी सेवा टहल नि कैरी?</verse>
				<verse number="45">तब मि ऊं तैं जवाब दयालो मि तुम मा सच बुल्णु छौं कि तुम ल जु यूं छुटा से छुटुं मा बट्टी कै एक का दगड़ा मा नि कैरी उ सब मि दगड़ी भि नि कैरी।</verse>
				<verse number="46">अर उ जु बैंं अर छा अनन्त विनाश की सजा भुगला पर धर्मी लोग अनन्त जीवन मा वास करला।</verse>
			</chapter>
			<chapter number="26">
				<verse number="1">जब यीशु ल यु सभि बात बोलेलि छै त तब अपड़ा चेलों मा बुल्ण लगि गै</verse>
				<verse number="2">“तुम जंणदा छा कि द्वी दिन का बाद फसह कु त्यौहार च अर मि मनिख कु नौंनो सूली पर चड़ौंणु कु पकड़वाये जौलु।”</verse>
				<verse number="3">तब सब प्रधान याजक अर प्रजा का दाना-सयाणा कैफा नौं का महायाजक का चौका मा कठ्ठा हवेनि</verse>
				<verse number="4">अर आपस मा विचार कन लगि गैनी कि यीशु तैं धोखा से पकड़ी के मारि दींदां।</verse>
				<verse number="5">पर उ बुल्णा छा “त्योहार का बगत मा न कखि इन नि हो कि लुखुं मा हल्ला मचि जौं।”</verse>
				<verse number="6">जब यीशु बैतनिय्याह मा शमौन कोढ़ी का घौर मा छो जै तैं यीशु ल खूब कैरी छो।</verse>
				<verse number="7">तब एक जनन संगमरमर का भांडा मा कीमती इत्र लै के यीशु का संमणी ऐ अर जब यीशु खांणु कु बैठयूं छो त वीं ल उ इत्र यीशु का मुंड मा खणै दींनि।</verse>
				<verse number="8">यु देखि के वेका चेला खिंसे के बुल्ण लगि गैनी “यांको किलै सत्यानाश करे गै?</verse>
				<verse number="9">यु त अच्छा दाम मा बेचि के कंगालों मा बंटे सक्योंदु छो।”</verse>
				<verse number="10">यु जांणि के यीशु ल ऊंमा बोलि “ईं जनन तैं किलै सतांणा छा? वीं ल मि दगड़ी भलै कैरी।</verse>
				<verse number="11">गरीब त तुम दगड़ी सदनी रौदींनि पर मिल तुम दगड़ी सदनी नि रौंण।</verse>
				<verse number="12">वीं ल जु मेरा देह पर यु इत्र खणै यु वीं ल मेरा दफनौंणु कु कैरी।</verse>
				<verse number="13">मि तुम मा सच बुल्णु छौं कि जख कखि भि शुभ सन्देश प्रचार करे जालो उख ये कामों को भि जिक्र होलो जु ईंल मि दगड़ी कैरी अर लोग ईं बात तैं याद रखला।”</verse>
				<verse number="14">तब यहूदा इस्करियोती ल जु बारह चेलों मा बट्टी एक छो प्रधान याजक मा जै के बोलि,</verse>
				<verse number="15">“जु मि वे तैं तुमारा हथ मा पकड़वै द्यो त मि तैं क्य दीला” ऊंल वे तैं तीस चाँदि का सिक्का तोली के दे दींनि।</verse>
				<verse number="16">अर उ वे ही बगत बट्टी वे तैं पकड़ाण को ठिक मौका खुज्योंण लगि गै।</verse>
				<verse number="17">अखमीरी रुठी का त्यौहार का पैला दिन चेला यीशु का संमणी ऐ के पुछण लगि गैनी “कि तु क्य चांदी की हम कख फसह कु भोज तैयार करयां की हम वे तैं खा सका।”</verse>
				<verse number="18">वेल बोलि, “शहर मा फलणा मनिख मा जै के बोला कि गुरु बुल्णु च मेरू बगत नजदीक च मि अपड़ा चेलों का दगड़ा फसह कु त्यौहार मणै साको।”</verse>
				<verse number="19">अर चेलों ल यीशु कि बात मांणि अर फसह कु भोज कि तैयारी कैरी।</verse>
				<verse number="20">जब रुमुक हवे त तब उ बारह चेलों का दगड़ा मा खांणु कु बैठी।</verse>
				<verse number="21">जब उ बैठी कै खांणु खांणा छा त यीशु ल ऊंमा बोलि, “मि तुम मा सच बुल्णु छौं कि तुम मा बट्टी एक मि तैं पकड़वालो।”</verse>
				<verse number="22">ईं बात पर उ भौत दुखी हवेनि अर हरेक चेला वे मा पुछण लगि गैनी “क्य मि नि छौं कखि तु त नि?”</verse>
				<verse number="23">वेल जवाब दींनि “जैकु मि दगड़ा मेरा रुट्टि का कटोरा मा हथ डलयूं च उ ही मि तैं पकड़वालो।</verse>
				<verse number="24">मि मनिख कु नौंनो त जन वेका बारा मा जन परमेश्वर का वचन मा लिख्युं च उ उन ही चलदो पर वे आदिम कु रूंण अर शोक कन च जैका द्वारा मि मनिख कु नौंनो जेंते मरणु कु पकड़वये जालो, वेको जन्म ये दुनिया मा नि हूंद त वे मनिख की स्थिति कु भलो हूंदू।”</verse>
				<verse number="25">तब वेका पकड़ौण वला यहूदा ल पूछि गुरु, “क्य मि नि छौं?” वेल बोलि तिल त अफी बोलेलि।</verse>
				<verse number="26">जब उ सभि खांणु खांणा छा त तब यीशु ल रुट्टि हथ मा लींनि अर आशीष मागि के तोड़ी अर चेलों तैं दे के बोलि, “ल्या खावा यु मेरी देह च।”</verse>
				<verse number="27">फिर वेल कटोरा हथ मा लींनि अर धन्यवाद कैरी अर ऊं तैं दे के बोलि, “तुम सब यु मा बट्टी प्यावा।”</verse>
				<verse number="28">किलैकि या प्राण कु मेरू ल्वे च जु भौतों का पापों का माफी की नई प्रतिज्ञा कु बुगाये जांदी।</verse>
				<verse number="29">मि तुम मा सच बुल्णु छौं कि यांका बाद अंगूरों कु रस कभि नि प्यूलु जब तक कि परमेश्वर का राज्य मा नयो नि प्यों।</verse>
				<verse number="30">तब यीशु अर वेका चेला परमेश्वर की स्तुति करदींनि अर यरूशलेम शहर बट्टी निकिली के जैतून डाला का डांडा पर चलि गैनी।</verse>
				<verse number="31">तब यीशु ल ऊंमा बोलि, “तुम सभि आज की राती मेरा बारा मा अपड़ा विश्वास बट्टी भटकी जैला किलैकि परमेश्वर का वचन मा लिख्युं च मि बखरोला तैं मरुलु अर झुण्ड की ढिबरा तितर-बितर हवे जालि।”</verse>
				<verse number="32">जब मि मुर्दों बट्टी ज्यूँदो हवे जौलु त मिल तुम से पैली गलील जिला मा पौंछि जांण।</verse>
				<verse number="33">ईं बात पर पतरस ल यीशु कु बोलि, “जु सभि तेरु बानु ठोकर खौनु त खौनु पर मि कभि भि ठोकर नि खौलु।”</verse>
				<verse number="34">यीशु ल वेको बोलि, “मि त्वे मा सच बुल्णु छौं कि आज ही राती द्वी बार मैर का बंसण से पैली तिल तीन बार मि तैं पछ्यण बट्टी मुकरी जांण।”</verse>
				<verse number="35">पर पतरस ल अर भि जोर दे के बोलि, जु तेरा दगड़ा मि तैं मुरण भि पुड़लो तब भि मि त्वे तैं पछ्यण बट्टी इन्कार नि करुलु इन ही और सभि चेलों भि बोलि।</verse>
				<verse number="36">तब यीशु अपड़ा चेलों का दगड़ी गतसमनी नौं का बाग मा ऐ अर वेल अपड़ा चेलों कु बोलि, “इख बैठयां रावा जब तक मि उख जै के पिता परमेश्वर बट्टी प्रार्थना कैरो।”</verse>
				<verse number="37">अर यीशु पतरस अर जब्दी का नौंना याकूब अर यूहन्ना तैं अफ दगड़ी लीगि अर भौत दुखी अर व्याकुल हूंण लगि गै।</verse>
				<verse number="38">तब यीशु ल चेलों कु बोलि, “मेरू मन भौत उदास च इख तक कि मि लगदु मि मुरण वलो छौं तुम इख ठैरा अर बिज्यां रावा।”</verse>
				<verse number="39">फिर उ जरासी अगनैं बढ़ि अर भुयां भूमि मा पोड़ी कै पिता परमेश्वर बट्टी प्रार्थना कन लगि गै कि, हे मेरा बुबा जु हवे सैकु त यु दुःख बट्टी बचो जु मि पर आंण वली च आप कु सब कुछ हवे सकदु च फिर भि बुबा तेरी ही इच्छा पूरी हो मेरी न।</verse>
				<verse number="40">फिर यीशु ल चेलों का संमणी ऐ के ऊं तैं सियूं देखि त पतरस कु बोलि, “क्य तुम मि दगड़ी एक पल भि बिज्यूं नि रै सैकी?”</verse>
				<verse number="41">बिज्यां रावा अर पिता परमेश्वर बट्टी प्रार्थना करदी रावा कि तुम अजमैश मा नि पोड़ा आत्मा त तैयार च पर देह कमजोर च।</verse>
				<verse number="42">यीशु एक बार फिर से वापिस चलि गै अर उन ही पिता परमेश्वर बट्टी प्रार्थना कैरी, “हे मेरा बुबा जु यु मेरा पियां बगैर नि हटि सकदु त तेरी मनसा पूरी हो।”</verse>
				<verse number="43">फिर ऐ के चेलों तैं सियूं देखि किलैकि उ भौत थक गै छा अर वेका जगांण पर नि जांणि सकिनि।</verse>
				<verse number="44">ऊं तैं छोड़ी के उ फिर चलि गै अर उन ही फिर तिसरी बार पिता परमेश्वर बट्टी प्रार्थना कैरी।</verse>
				<verse number="45">फिर तिसरी बार ऐ के चेलों मा बोलि “अब सिय्यां रावा अर आराम कैरा देखा उ बगत ऐ गै अर मि मनिख कु नौंनो पापी लुखुं का हथ मा पौंछण वलो च।</verse>
				<verse number="46">उठा चला देखा मेरू पकड़वाण वलो नजीक ऐ गै।</verse>
				<verse number="47">उ इन बुल्णु ही छो कि यहूदा जु बारहों चेलों मा बट्टी एक छो ऐ अर वे दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी भि जै गैनी अर उ भौत बड़ी भीड़ अर तलवार अर लाठा लै के ऐनी।</verse>
				<verse number="48">यहूदा यीशु का पकड़वाण मा मदद कनवळा कु ऊं तैं इन बतायूं छो कि जै तैं मि प्यार से भुकि पीलू उ ही च वे तैं पकड़ी दियां।”</verse>
				<verse number="49">यहूदा ऐ अर वेल यीशु का संमणी ऐ के बोलि, “गुरु प्रणाम” अर वेकी भौत भुकि पीनि।</verse>
				<verse number="50">यीशु ल वेमा बोलि, “हे दगड़िया जै काम कु तु ऐ छै वे तैं कैर” तब ऊंल नजदीक ऐ के यीशु पर हथ डलिनि अर वे तैं पकड़ी दींनि।</verse>
				<verse number="51">यीशु का दगड़ियों म बट्टी एक चेला ल हथ बड़ै के अपड़ी तलवार खींचि के महायाजक का सेवक कु कंदूड़ काटि दींनि।</verse>
				<verse number="52">तब यीशु ल वेमा बोलि, “अपड़ी तलवार तैं मियान मा रखि दे किलैकि जु तलवार चलौंदींनि उ सभि तलवार ल नष्ट करे जाला।”</verse>
				<verse number="53">क्य तु नि जंणदी कि मि अपड़ा बुबा बट्टी कैरी सकदु छौं अर उ बारह सिपै का झुंडों बट्टी भि जादा स्वर्गदूतों की पलटन तैं मि मा अभि भेजि दयालो।</verse>
				<verse number="54">पर परमेश्वर का वचन की उ बात पूरी कनके हवेलि जै मा इन लिख्युं च कि इन ही हूंण जरूरी च?</verse>
				<verse number="55">तुरंत यीशु ल भीड़ कु बोलि, “क्य तुम मि तैं डाकु समझी कै पकड़णु अयां छा जु लाठा अर तलवार लीकै अयां छा? मि हर दिन परमेश्वर बट्टी यरूशलेम शहर का मन्दिर मा बैठी के उपदेश दींणु रौंदु छो अर तब तुम ल मि तैं नि पकड़ी।”</verse>
				<verse number="56">पर यु इलै हवे कि परमेश्वर का तरपां बट्टी बुल्ण वलो का वचन कि बात पूरी हूंनु “तब सभि चेला वे तैं छोड़ी के भागि गैनी।”</verse>
				<verse number="57">तब जौ ल यीशु तैं पकड़ी छो उ यीशु तैं कैफा नौं का महायाजक का घौर मा ली गैनी सभि याजकों अर दाना-सयाणों अर उख मूसा की व्यवस्था तैं सिखांण वला कठ्ठा हवे गैनी।</verse>
				<verse number="58">पतरस दूर-दूर हवे कै यीशु का पिछनै महायाजक का चौक का भितर तक सैनिको का दगड़ा मा बैठी गै।</verse>
				<verse number="59">प्रधान याजक अर सैरी महासभा का अन्य सदस्य यीशु तैं खत्म कनु कु वेका खिलाफ गवाह खुज्याणा छा पर ऊं तैं गवाह नि मिलिनि किलैकि उख भौत सैरा वेका खिलाफ झूठी गव्है दींणा छा पर जु कुछ ऊंल बोलि उ अन्य गव्है एक जन नि छै तब कुछ लुखुं ल उठि के यीशु का खिलाफ या गव्है दींनि।</verse>
				<verse number="60"></verse>
				<verse number="61">“हम ल यु तैं इन बुल्द सूंणि, मि यु परमेश्वर का मन्दिर तैं डोल दयुलु अर तीन दिनों मा हैंको बणै दयुलु, जु लुखुं का हथ ल नि बण्यूं होलो।”</verse>
				<verse number="62">तब महायाजक ल सभा का बीच मा खड़ो हवे कै यीशु तैं पूछि, “तु कुई जवाब नि दींणि छै यु लोग तेरा खिलाफ क्य बुल्णा छिन”</verse>
				<verse number="63">पर यीशु चुप रै तब महायाजक ल वेमा बोलि, “मि त्वे तैं ज्यून्दा परमेश्वर की सौं दींणु कि तु जु परमेश्वर कु नौंनो मसीह छै त हम तैं बतै दे।”</verse>
				<verse number="64">यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”</verse>
				<verse number="65">ईं बात पर महायाजक ल अपड़ा कपड़ा फड़िनि अर बोलि, अब हम तैं और गवाहों कि जरुरत नि च तुम ल परमेश्वर की या बुरै सूंणि च</verse>
				<verse number="66">तुम क्य समझदियां छा “लुखुं ल जवाब दींनि कि यु मृत्यु दण्ड का लैक च।”</verse>
				<verse number="67">तब ऊंल यीशु का मुक पर थूकि अर वे पर मुक्का मना अर कुछों ल थप्पड़ मारि के बोलि</verse>
				<verse number="68">भविष्यवाणि कैर “हे मसीह बतौ” कि कैल त्वे तैं मारि?</verse>
				<verse number="69">पतरस भैर चौका मा बैठय्युं छो कि इथग मा एक दासी वेका संमणी ऐ अर वीं ल बोलि, “तू भि यीशु गलीली का दगड़ा मा छै।”</verse>
				<verse number="70">वेल सभियूं का संमणी यु बोलि के मना कैरी “मि नि जंणदु कि तु क्य बुंनि छै।”</verse>
				<verse number="71">जब उ भैर दयाली मा गै त हैंकी दासी ल वे तैं देखि के ऊंमा जु उख छा बोलि, “यु भि त यीशु नासरत वला का दगड़ा मा छो।”</verse>
				<verse number="72">वेल सौं खै के फिर मना कैरी “कि मि वे मनिख तैं नि जंणदु।”</verse>
				<verse number="73">जरा देर बाद लुखुं ल जु उख खड़ा छा पतरस मा ऐ के बोलि, “सच मा तू भि ऊंमा बट्टी एक छै किलैकि तेरी बोलि-भाषा तेरु भेद प्रकट कनि च।”</verse>
				<verse number="74">तब उ मना कन लगि गै अर सौं सिरगत खांण लगि गै मि वे आदिम तैं नि जंणदु अर तुरंत मैर ल बांग दे दींनि।</verse>
				<verse number="75">तब पतरस तैं व बात ज्वा यीशु ल वेमा बोलि छै याद ऐ गै, “कि मैर का बसण से पैली तीन बार मेरा बारा मा तिल मुकरी जांण।” अर तब उ भैर जै के भकोर-भकोर के रूंण लगि गै।</verse>
			</chapter>
			<chapter number="27">
				<verse number="1">अर सुबेर लै के प्रधान याजक ल दाना-सयाणों अर मूसा की व्यवस्था तैं सिखांण वलो ल बल्कि सैरी महासभा का लुखुं ल यीशु तैं मरणै की सलाह कैरी कि</verse>
				<verse number="2">ऊंल यीशु तैं बन्धवै दींनि अर न्याय कनु कु यहूदिया जिला का रोमी राज्यपाल मा लिजै कै पिलातुस मा सौंपी दींनि।</verse>
				<verse number="3">जब वेका पकड़ौण वला यहूदा तैं उ पता चलि की उ मरवांणु कु भंगारी ठैरे गै त तब उ भौत पछतै अर ऊं तीस चाँदी का सिक्कों तैं प्रधान याजक मा अर दाना-सयाणों मा वापिस दींणु कु गै।</verse>
				<verse number="4">अर बोलि निर्दोष आदिम तैं मरणु कु पकड़वै के पाप कैरी पर ऊंल बोलि यां बट्टी हमारो कुई लींण दींण नि च या त तेरी आफत च अर तु जांण।</verse>
				<verse number="5">तब उ ऊं सिक्कों तैं यरूशलेम शहर का मन्दिर का चौक मा फेंकी के चलि गै अर भैर जै के अफ फांस खै दींनि।</verse>
				<verse number="6">प्रधान याजक ल ऊं सिक्कों तैं ले के बोलि “मूसा कि व्यवस्था का अनुसार यूं पैसों तैं मन्दिर का भण्डार मा रखण ठिक नि च, किलैकि यु एक मनिख की ल्वे बुगांण कु दिये गै दाम च।”</verse>
				<verse number="7">अर ऊंल सलाह कैरी कै ऊं सिक्कों से परदेशी लुखुं तैं दफनौंणु कु माटा का भांडा बंणौण वला को पुंगड़ो मोल ले दींनि।</verse>
				<verse number="8">ये कारण से उ पुंगड़ो आज तक ल्वे को पुंगड़ो मंणै जांदु।</verse>
				<verse number="9">तब जु वचन यिर्मयाह जु परमेश्वर का तरपां बट्टी बुल्ण वला मा बट्टी बोलि छो उ पूरो हवे ऊंल उ तीस सिक्का वीं ठैरैइं कीमत तैं जै तैं इस्राएल का लुखुं ल वे कु दींणु कु सहमत हवे छा ले लींनि।</verse>
				<verse number="10">अर जन प्रभु ल मि तैं आज्ञा दे छै उन ही ऊं तैं माटा का भांडा बंणौण वला पुंगड़ा कीमत मा दे दींनि।</verse>
				<verse number="11">जब यीशु राज्यपाल का संमणी खड़ो छो त पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि “सचै यु ही च जु तू बुल्णी छै।”</verse>
				<verse number="12">जब प्रधान याजक अर दाना-सयाणों यीशु पर भौत बातों कु भंगार लगांणा छा। त वेल कुई भि जवाब नि दींनि।</verse>
				<verse number="13">“ईं बात पर पिलातुस ल वेकु बोलि” क्य तु नि सुंनि कि यु तेरा खिलाफ मा कथग गव्है दींणा छिनी?</verse>
				<verse number="14">पर यीशु ल फिर कुई जवाब नि दे किलैकि उ शांत छो यु देखि के वेल कुछ नि बोलि इख तक की पिलातुस राज्यपाल भि भैचक मा पोड़ि गै।</verse>
				<verse number="15">राज्यपालों की या रीत छै कि फसह का त्योहार मा उ कै एक कैदी तैं जै तैं भि लोग चांदा छा छोड़ी दींदु छो।</verse>
				<verse number="16">वे बगत यीशु का इख, बरअब्बा नौं कु एक जंणयूं-मंणय्युं बंधि छो।</verse>
				<verse number="17">अर जब उ कठ्ठा हवेनि त पिलातुस ल ऊंमा बोलि “तुम कै तैं चांणा छा कि मि वे तुम कु छोड़ी द्यो” बरअब्बा तैं या यीशु तैं जु मसीह कैलादों च?</verse>
				<verse number="18">किलैकि उ जंणदु छो कि प्रधान याजक ल यीशु तैं जलन खोरि मा पकड़वे छो।</verse>
				<verse number="19">जब उ न्याय आसण पर बैठयूं छो त वेकी घरवलि ल वेकु सवाल भेजि कि “तु वे धर्मी का मामला मा हथ नि डाली किलैकि मिल आज सुपन्या मा वेका कारण भौत दुःख उठै।”</verse>
				<verse number="20">प्रधान याजक ल अर दाना-सयाणों ल लुखुं की भीड़ तैं उगसै कि उ पिलातुस बट्टी यीशु तैं छुड़णा का बदला बरअब्बा तैं मांगि ल्योनु अर यीशु को नाश करौंनु।</verse>
				<verse number="21">राज्यपाल ल लुखुं मा पूछि “यूं द्वीयूं मा बट्टी तुम कै तैं चांणा छा कि मि तुम कु वे तैं छोड़ी द्यों” अर ऊंल बोलि बरअब्बा तैं।</verse>
				<verse number="22">पिलातुस ल ऊंमा फिर पूछि, “जैकु तुम यहूदियों कु राजा यीशु मसीह बुल्णा छा वेको मिल क्य कन?” भीड़ फिर चिल्लै की “वे तैं सूली पर चढ़ै के मारि द्या”</verse>
				<verse number="23">हाकीमा ल बोलि, “किलै येल क्य बुरै कैरी पर भीड़ और जोर से चिल्लै यु तैं सूली पर चड़ैये जौं।”</verse>
				<verse number="24">जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।”</verse>
				<verse number="25">सभि लुखुं ल जवाब दींनि कि “यु कु ल्वे कु इल्जाम हम पर अर हमारी सन्तान पर औ।”</verse>
				<verse number="26">ईं बात पर पिलातुस ल बरअब्बा तैं ऊंकु छोड़ी दींनि अर यीशु तैं कोड़ा मरवै कै रोमी सैनिको तैं सौंपी दींनि कि उ सूली पर चड़ैये जौं।</verse>
				<verse number="27">तब राज्यपाल का सिपैयूं ल यीशु तैं किला मा लीके गैनी अर यीशु का चौतरफी सैरी पलटण तैं बुलै दींनि जु एक सैनिको को भौत बड़ो झुण्ड छो।</verse>
				<verse number="28">अर ऊंल यीशु का कपड़ा खोलि के वे तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी</verse>
				<verse number="29">अर झिबलांण कु मुगट बूणि कै वेका मुंड मा रखि अर वेका दैंणा हथ मा सरकंडा दे दींनि अर वेका अगनैं घुंडा टेकि के वेको मजाक बंणौण लगि गैनी अर इन बोलि के यीशु तैं प्रणाम कन लगि गैनी “हे यहूदियों का राजा प्रणाम”</verse>
				<verse number="30">अर वेका मुंड मा सरकंडा ल मरणा छा अर वेको अपमान कन कु वे पर कई बार थुकणा छा।</verse>
				<verse number="31">जब ऊंल यीशु को मजाक कैरेली छो त तब वे बागा तैं उतारी के फिर वेका कपड़ा वे तैं पैरेनि अर तब वे तैं सूली पर चढ़ाणु कु शहर बट्टी भैर ली गैनी।</verse>
				<verse number="32">भैर जांण दफा ऊं तैं शमौन नौं कु एक कुरेनि जु कै गौं को छो मिली। अर सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि।</verse>
				<verse number="33">वीं जगह पर ज्वा गुलगुता नौं जै कु खोपड़ी कि जगह बुल्दींनि उख पौंछि के</verse>
				<verse number="34">तब सैनिको ल यीशु तैं मुर मिल्युं दाखमधु दींनि जु दर्द तैं मैसूस नि हूंण मा मदद करद पर यीशु ल नि लींनि।</verse>
				<verse number="35">तब ऊंल यीशु तैं सूली पर कीलों ल ठोकी के चढ़ै दींनि अर वेका कपड़ोंं तैं बंटणु कु पर्ची बणैंनि कि जै तैं जु भि मिललो वे तैं आपस मा बांटि द्याला।</verse>
				<verse number="36">अर उख बैठी के वेको पैहरा दींण लगि गैनी।</verse>
				<verse number="37">अर यीशु की भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा यीशु च”</verse>
				<verse number="38">तब वेका दगड़ा मा अलग अलग सूली पर द्वी डाकूओं तैं एक दैंणि तरपां अर एक बैंं तरपां सूली पर चढ़ै दींनि।</verse>
				<verse number="39">आंण-जांणवला मुंड हिलै-हिलै के वेकी बुरै कना छा</verse>
				<verse number="40">अर बुल्दिन उ मन्दिर तैं ढुलण वला अर तीन दिनों मा बनांण वला अफ तैं त बचौ तु परमेश्वर कु नौंनो छै त सूली पर बट्टी उतरी के अफ तैं बचौ।</verse>
				<verse number="41">अर इन ही प्रधान याजक मूसा की व्यवस्था तैं सिखांण वला अर ऊं लुखुं का दाना-सयाणों समेत मजाक उड़ाणा छा।</verse>
				<verse number="42">“येल औरों तैं बचै पर अफ तैं नि बचै सकदु हे इस्राएल का लुखुं का राजा मसीह सूली बट्टी उतरी के औ हम भि त्वे तैं देखि कै विश्वास करुला।”</verse>
				<verse number="43">येल परमेश्वर पर भरोसो रखि जु उ यु तैं चांदु च त अब यु तैं छुड़ैल्यो किलैकि येल बोलि छो कि मि परमेश्वर कु नौंनो छौं।</verse>
				<verse number="44">इन ही उ डाकु भि जु यीशु का दगड़ा सूली पर चढैयां छा उ भि यीशु कि बुरै कना छा।</verse>
				<verse number="45">बारा बजि का लगभग बट्टी तीन बजि का लगभग तक सैरा मुल्क मा अंधेरो छयुं रै।</verse>
				<verse number="46">तीन बजि का लगभग यीशु ल पुकारी के बोलि “एली-एली लमा शबक्तनी” ज्यांको यु मतलब च हे मेरा परमेश्वर हे मेरा परमेश्वर तिल मि तैं किलै छोड़ेलि?</verse>
				<verse number="47">जु उख खड़ा छा ऊंमा बट्टी कुछों ल सूंणि पर नि समझणी अर एक दुसरा मा बोलि, “सूंणा यु एलिय्याह तैं अपड़ी मदद कु पुकारणू च।”</verse>
				<verse number="48">ऊंमा बट्टी एक सिपै भागि के एक स्पंज तैं सिरका मा डुबै के एक सरकंडा पर रखि के यीशु तैं चुसै।</verse>
				<verse number="49">पर औरों ल बोलि “ठैरी जा देखदां कि एलिय्याह वेको ल्वे का कारण बचौंणु कु औंदु च कि नि औंदु।”</verse>
				<verse number="50">तब यीशु ल बड़ा शब्द मा चिल्लै कै प्राण छोड़ी दींनि।</verse>
				<verse number="51">अर देखा यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै अर धरती हिलि गै अर चट्टान तड़कि गैनी।</verse>
				<verse number="52">अर कब्र खुलि गैनी अर सियां पवित्र लोग का भौत मुरयां देह ज्यूंदा हवे गै छा।</verse>
				<verse number="53">अर ज्यून्दो हूंण का बाद उ कब्रों मा बट्टी निकली के पवित्र शहर मा गैनी अर उ भौत लुखुं तैं दिखै गैनी।</verse>
				<verse number="54">तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो”</verse>
				<verse number="55">उख भौत जनन जु गलील जिला बट्टी यीशु की सेवा करदी ऐ छै उ भि दूर बट्टी यु सब दिखणा छा।</verse>
				<verse number="56">ऊंमा मरियम जु मगदल गौं की छै अर याकूब अर योसेस कि ब्वे मरियम अर जब्दी का नौंनो कि ब्वे छै।</verse>
				<verse number="57">जब रुमुक हवे त यूसुफ नौं को अरिमतियाह को एक सेठ मनिख जु अफ भि यीशु को चेला छो।</verse>
				<verse number="58">तब वेल पिलातुस मा जै के यीशु को मुर्युं देह मांगि वेका मंगण पर पिलातुस ल दींणै की आज्ञा दे दींनि।</verse>
				<verse number="59">तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा छै रखि दींनि अर कब्र का द्वार पर एक गोल ढुंगों लगै दींनि।</verse>
				<verse number="60"></verse>
				<verse number="61">मरियम जु मगदल गौं की छै अर याकूब अर योसेस कि ब्वे मरियम उख कब्र का संमणी बैठी छै।</verse>
				<verse number="62">दुसरा दिन जु कि यहूदियों को विश्राम को दिन जु परमेश्वर कु पवित्र दिन च, कु दिन छो प्रधान याजक अर कुछ फरीसियों ल पिलातुस का संमणी कठ्ठा हवे के बोलि।</verse>
				<verse number="63">“हे झूठा स्वामी हम तैं याद च कि वे झूठा बुल्ण वला ल जब उ ज्यूँदो छो त वेल बोलि छो कि मेरा मुरणा का तीन दिन का बाद ज्यूँदो हवे जौलु।</verse>
				<verse number="64">त आज्ञा दे कि तिसरा दिन तक कब्र की ध्यान से रखवलि करे जौ इन नि हो कि वेका चेला ऐ के वेका देह तैं चुरैके लिजौंणु अर लुखुं मा बुल्ण लगि जौनु कि उ मुर्दों मा बट्टी ज्यूँदो हवे गै तब पिछला धोका पैली बट्टी भि बुरो होलो।”</verse>
				<verse number="65">पिलातुस ल ऊंमा बोलि, “तुम कुछ पैहरदार या सैनिक ले जावा अर जथगा त्वे बट्टी संभव हो उथग कब्र की रखवलि कैरा।”</verse>
				<verse number="66">इलै उ जै कै कब्र पर अपड़ा निशान का दगड़ी प्रवेश द्वार तैं बंद कैरी के सुरक्षित बणै द्या कि कुई भि वे तैं अपड़ा जगह बट्टी हाटै नि सको।</verse>
			</chapter>
			<chapter number="28">
				<verse number="1">यहूदियों का विश्राम का दिन छो रात्बियां मा मरियम जु मगदल गौं की छै अर हैंकी मरियम जब उज्यलो हूंणु छो यु जनन कब्र पर ऐनी।</verse>
				<verse number="2">अर देखा एक बड़ो भ्युंडोल हवे किलैकि प्रभु को एक स्वर्गदूत स्वर्ग बट्टी उतरी अर कब्र का संमणी ऐ के वे ल कब्र का द्वार बट्टी बड़ो ढुंगो हटै दींनि अर वे ढुंगा पर बैठी गै।</verse>
				<verse number="3">वेको रूप बिजली का जन अर वेका कपड़ा पाला का समान उज्‍ज्वल हवे गैनी वेकी डौराल चौकिदार कांपी गैनी अर मुरयां जन हवे गैनी।</verse>
				<verse number="4"></verse>
				<verse number="5">स्वर्गदूत ल ऊंकु बोलि, “भैचक मा नि पोड़ा तुम यीशु नासरत वला जै तैं सूली पर चढ़ै गै छो ढुंडणा छा।”</verse>
				<verse number="6">उ इख नि च, पर अपड़ा वचन का अनुसार ज्यूँदो हवे गै, आवा ईं जगह तैं देखा, जख प्रभु तैं रख्युं छो।</verse>
				<verse number="7">अर चम जै के वेका चेलों मा बोला, कि यीशु ज्यून्दो हवे गै अर उ तुम से पैली गलील जिला म चलि जांण जन वेल तुम मा अपड़ा मुरण से पैली बोलि छो तुम ल उ उखि दिखण।</verse>
				<verse number="8">उ डैरी के अर भौत खुश हवे के कब्र बट्टी तुरंत लौटि के ऊंका चेलों तैं यु शुभ समाचार दींणु कु अटगी गैनी।</verse>
				<verse number="9">तब यीशु ऊं तैं मिली अर वेल बोलि सलाम चेलों ल संमणी ऐ के अर वेका खुट्टों मा मुंड झुकै के वेकी आराधना कैरी।</verse>
				<verse number="10">मेरा विश्वासी भयों तब यीशु ल ऊंमा बोलि “डैरा न जु वेका अपड़ा भयों मा बट्टी नि छा ऊंमा जै के बोलि, कि गलील जिला कु चलि ज्वा उख उ मि तैं दिखला।”</verse>
				<verse number="11">उ जनन चेलों तैं यु समाचार बतौंणु कु जांणा ही छा कि पहरेदारों ल जु कब्र कि रखवलि कना छा शहर मा ऐ के पूरो हाल प्रधान याजक तैं सुंणै दींनि।</verse>
				<verse number="12">प्रधान याजकों, दाना-सयाणों बट्टी मिली अर अपड़ी योजना की बात ऊंल सिपैयूं तैं घुस का रूप मा एक बड़ी धन राशि दींणु कु फैसला कैरी कि यु बतौंणु कि कब्र खाली किलै छै</verse>
				<verse number="13">ऊंल सिपैयूं कु बोलि, सभियूं तैं बता की राती कु जब हम सिणा छा त वेका चेला ऐनी अर वे तैं चुरैके लीगिनि।</verse>
				<verse number="14">अर जु तुम रखवली का बगत सै गै छा या बात राज्यपाल तक पौंछिलि त हम वे तैं समझै दयुला अर तुम कै भि बात की चिंता कनै की जरूरत नि च।</verse>
				<verse number="15">अर ऊंल भौत रुप्या लै के जन ऊं तैं सिखै छो ऊंल उन ही कैरी। अर य बात आज तक यहूदियों मा जंणै जांदी।</verse>
				<verse number="16">अर ग्यारह चेला गलील जिला मा वे डांडा पर गैनी जु यीशु ल ऊं तैं बतै छो।</verse>
				<verse number="17">चेलों ल वेका दर्शन पै के वे तैं प्रणाम कैरी के वेकी आराधना कैरी, कै तैं सन्देह हवे की उ ज्यूँदो हवे गै।</verse>
				<verse number="18">तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”</verse>
				<verse number="19">“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा</verse>
				<verse number="20">अर ऊं तैं सभि बात जु मिल तुम तैं आज्ञा दींनि मणन सिखावा अर देखा मि दुनिया का अंत तक हमेशा तुम दगड़ी रौलु।”</verse>
			</chapter>
		</book>
		<book number="41">
			<chapter number="1">
				<verse number="1">परमेश्वर कु नौंनो यीशु मसीह क बारा मा शुभ सन्देश की शुरुवात इन कै हुंद</verse>
				<verse number="2">जन कि यशायाह परमेश्वर का तरपां बट्टी बुल्ण वला कि किताब मा लिख्युं च “कि देख, मि अपड़ा दूत तैं तेरु अगनैं भिजणु छौं जु त्वे कु बट्टो सुधारुलो।</verse>
				<verse number="3">एकांत जंगल मा एक आदिम की पुकरणे की आवाज सुणौंणी च कि प्रभु कु अपड़ो मन तैयार कैरा वेको बट्टा तैं तैयार कैरा, अर वेकी सड़क तैं सीधी कैरा।”</verse>
				<verse number="4">यूहन्ना जु एकांत जंगल म बपतिस्मा दींद अर पापों कि माफी कु अर पापों का रस्ता बट्टी मन फिराव को बपतिस्मा कु प्रचार करदो छो ज्यांला परमेश्वर पापों की माफी दे साको।</verse>
				<verse number="5">अर भौत स लोग यहूदिया प्रान्त का अर यरूशलेम शहर का रौंण वला वेमा गैनी अर अपड़ा पाप तैं मांणी के यरदन गाड मा वे बट्टी बपतिस्मा लींनि।</verse>
				<verse number="6">यूहन्ना ऊंट का रोम का कपड़ा पैंरयुं अर अपड़ी कमर मा चमड़ा को पठुगा बंधि के रौंदु छो अर टिड्डी अर जंगल कु सौद खांदु छो।</verse>
				<verse number="7">अर यु प्रचार करदो छो, “कि मेरा बाद उ औंण वलो च, जु मि से भि जादा महान अर शक्तिशाली च मि त यु लैख भि नि छौं कि वेको दास बंणि के झुकि के वेका जुतों का तंणखा खोलु।</verse>
				<verse number="8">मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल जु परमेश्वर कु आत्मा च बपतिस्मा दयाला।”</verse>
				<verse number="9">ऊं दिनों मा यीशु ल गलील जिला का नासरत नगर बट्टी ऐ के यरदन गाड मा ऐ के यूहन्ना बट्टी बपतिस्मा लींनि।</verse>
				<verse number="10">अर जब यीशु पांणी बट्टी भैर निकली के मथि ऐ त तुरंत वेल स्वर्ग तैं खुल्यूं अर आत्मा तैं कबूतर का रूप मा अपड़ा मथि औंण देखि।</verse>
				<verse number="11">अर या आकाशवाणी हवे, “अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”</verse>
				<verse number="12">यीशु मसीह का बपतिस्मा लींणा का बाद तब पवित्र आत्मा ल तुरंत वे तैं एकांत जंगल कि तरपां भेजि।</verse>
				<verse number="13">अर एकांत जंगल मा चालिस दिन अर रात तक शैतान (गुरो) ल वेकी अजमैश कैरी अर उ जंगली जानवरों का दगड़ी रै अर स्वर्गदूत वेकी सेवा-टहल करदां छा।</verse>
				<verse number="14">यूहन्ना का पकड़े जांणा का बाद यीशु ल गलील मा ऐ अर लुखुं तैं परमेश्वर का राज्य को शुभ सन्देश कु प्रचार कैरी।</verse>
				<verse number="15">अर बोलि, “बगत पूरो हवे गै, अर परमेश्वर को राज्य नजदीक ऐ गै मन फिरावा अर शुभ सन्देश पर विश्वास कैरा।”</verse>
				<verse number="16">एक दिन गलील जिला कि झील का छाला ही छाला जै के यीशु ल शमौन पतरस अर वेको भि अन्द्रियास तैं झील मा जाल डल्द देखि “किलैकि उ मछेर छा।”</verse>
				<verse number="17">अर यीशु ल ऊंकु बोलि, “मेरा पिछनैं चला मि तुम तैं शिष्य बणोलू अर मनिख्युं तैं शिष्य बंणौण सिखौलु जन तुम माछों तैं पकड़िदयां।”</verse>
				<verse number="18">उ अपड़ा कामों अर जालों तैं छोड़ी के वेका चेला बंणि के वेका पिछनै चलि गैनी।</verse>
				<verse number="19">अर जरा अगनैं बढ़ी कै अर यीशु ल देखि कि, जब्दी का नौंना, दुई भैय जै को नौं याकूब अर यूहन्ना छा ऊं तैं नाव मा जालों तैं सुधरद देखि।</verse>
				<verse number="20">वेल तुरंत ऊं तैं बुलै अर उ अपड़ा बुबा जब्दी अर मजदूरों तैं नाव मा जालों दगड़ी छोड़ी के वेका शिष्य बनण कु यीशु का पिछनै चलि गैनी।</verse>
				<verse number="21">यीशु अर वेका शिष्य कफरनहूम शहर मा ऐनी, अर यीशु तुरंत यहूदियों का विश्राम का दिन जु परमेश्वर कु पवित्र दिन यहूदियों का मिलणा का भवन मा जै के उपदेश दींण लगि गै।</verse>
				<verse number="22">अर लोग वेका उपदेश से चकित हवेनि किलैकि उ, ऊं तैं मूसा की व्यवस्था तैं सिखांण वला जन न, पर बड़ा अधिकार ल जन उपदेश दींदु छो।</verse>
				<verse number="23">अर तभि, यहूदियों का मिलणा का भवन मा एक आदिम छो, जै पर दुष्टात्मा लगिं छै।</verse>
				<verse number="24">वेल चिल्लै कै बोलि, “हे यीशु नासरी हम तैं त्वे बट्टी क्य काम? क्य तु हम तैं नाश कनु कु अयीं छै? मि त्वे तैं जंणदु छौं कि तु कु छै? तु परमेश्वर को पवित्र नौंनो छै जु परमेश्वर का तरपां बट्टी अईं छै।”</verse>
				<verse number="25">यीशु ल दुष्टात्मा तैं झिड़की के बोलि, “चुप रौ अर वेमा बट्टी दूर हो अर निकली जा।”</verse>
				<verse number="26">तब दुष्टात्मा वे तैं मरोड़ि के, अर ऊंची आवाज मा चिल्लै कै वे बट्टी दूर हवे के भैर निकली गै।</verse>
				<verse number="27">ईं बात पर सब लोग अचम्भो कैरी कै आपस मा एक दुसरा तैं पुछण लगि गैनी, “कि या क्य बात च? यु त कुई नयो उपदेश च जु बड़ा अधिकार का दगड़ी दुष्टात्मा तैं भि झिड़की दींणु च अर उ वेकी झिड़की मणदी छिन।”</verse>
				<verse number="28">अर वेको नौं तुरंत गलील का अमणी-संमणी का प्रदेश मा हर जगह फैली गै।</verse>
				<verse number="29">अर उ तुरंत यहूदियों का मिलणा का भवन मा बट्टी भैर निकली के, याकूब अर यूहन्ना का दगड़ी शमौन पतरस अर अन्द्रियास का घौर मा ऐनी अर याकूब, यूहन्ना भि वेका दगड़ी छा।</verse>
				<verse number="30">अर शमौन पतरस की सास जौर का कारण पड़ीं छै, अर तब चेलों ल यीशु मा बोलि कि शमौन कि सास बिमार च।</verse>
				<verse number="31">तब यीशु ल बिस्तर का संमणी मा जै के वीं को हथ पकड़ी के वीं तैं उठै अर वीं को जौर उतरी गै अर व ठिक हवे गै अर ऊं सभियूं कि सेवा पांणी कन लगि गै।</verse>
				<verse number="32">वे दिन शाम बगत जब की विश्राम को दिन बीति गै छो सूरज डुबि गै त वे नगर का भौत सारा लोग जु बिमार छा अर ऊं तैं, भि जौं पर दुष्टात्मा लगिं छै ऊं सभियूं तैं यीशु मा लैनि।</verse>
				<verse number="33">अर सैरा लोग शमौन अर अन्द्रियास का घौर का फाटक पर कठ्ठा हवेनि।</verse>
				<verse number="34">अर यीशु ल भौतों तैं जु कई किस्मै की बिमारियों से दुखी छा, ऊं तैं खूब कैरी अर भौत दुष्टात्मा तैं निकाली अर दुष्टात्माओं तैं बुल्ण नि दींनि किलैकि दुष्टात्मा, वे तैं पैछाणदी छै की उ परमेश्वर कु पवित्र नौंनो च।</verse>
				<verse number="35">अर सुबेर दिन निकलण से भौत पैली, यीशु उठि के निकली, अर एक एकांत जंगल मा गै जख उ पिता परमेश्वर बट्टी प्रार्थना कन लगि गै।</verse>
				<verse number="36">तब शमौन पतरस अर वेका दगड़ियों तैं पता चलि कि यीशु उख नि च त उ यीशु तैं खुज्योणु कु गैनी।</verse>
				<verse number="37">जब उ मिली त ऊंल वेमा बोलि, कि भौत लोग त्वे तैं खुज्योंणा छिन।</verse>
				<verse number="38">यीशु ल चेलों मा बोलि, “आवा हम तैं और भि कई इना उनै का गौं मा जांण चयणु च कि मि उख भि शुभ संदेश कु प्रचार कैरू किलैकि मि इलै निकलयूं छो।”</verse>
				<verse number="39">अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के प्रचार करदी अर दुष्टात्मा तैं निकलदी रैनी।</verse>
				<verse number="40">“एक दिन एक आदिम यीशु का संमणी ऐ, उ आदिम कोढ़ की बिमारी ल पीड़ित छो” वेमा बिनती कैरी, अर वेका अगनैं घुंडा टेकि के वेमा बोलि, “तु जु चै त मि तैं शुद्ध कैरी सकदी छै।”</verse>
				<verse number="41">यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा।”</verse>
				<verse number="42">अर तुरंत वेको कोढ़ खूब हवे गै अर उ शुद्ध हवे गै।</verse>
				<verse number="43">तब वेल वे तैं सचेत कैरी के तुरंत विदा कैरी दींनि।</verse>
				<verse number="44">अर वेल बोलि, “देख, कै मा भि कुछ नि बोलि, कि मिल त्वे तैं ठिक कैरी पर जै के अफ तैं यहूदी याजक तैं दिखौ, अर अपड़ा कोढ़ बट्टी शुद्ध हूंणा का बारा मा जु कुछ मूसा ल ठैरे उ सब परमेश्वर तैं बलिदान चढ़ौ, कि ऊं पर गव्है हो।”</verse>
				<verse number="45">पर उ भैर जै के यूं बातों कु भौत सारा लुखुं मा प्रचार कन लगि गै, कि यीशु फिर खुलि के और शहरों मा नि जै सैकी, पर भैर एकांत जंगली जगहों मा रै अर सभि जगह बट्टी लोग वेमा औंणा रैनी।</verse>
			</chapter>
			<chapter number="2">
				<verse number="1">भौत दिनों का बाद यीशु फिर कफरनहूम शहर मा वापिस ऐ अर या खबर उख का लुखुं मा फैली गै, कि उ घौर अयुं च।</verse>
				<verse number="2">फिर उख भौत सारा लोग कठ्ठा हवेनि, कि फाटक का संमणी लुखुं त जगह भि नि मिली किलैकि उ, ऊं तैं परमेश्वर कु वचन सुनांणु छो।</verse>
				<verse number="3">अर कुछ लोग एक लकवा का रोगी तैं चार मनिख्युं मा उठवै के वेका संमणी नि लै सकिनि।</verse>
				<verse number="4">पर जब उ भीड़ का कारण वे तक नि पौंछि सकिनि, त ऊंल वीं छत्त तैं जैका मूड़ी उ छो, उधेड़ि दींनि अर जब त वीं खाट तैं जैं पर लकवा को रोगी पुड़यूँ छो, लटकै दींनि।</verse>
				<verse number="5">जब यीशु ल यु जांणि की ऊंको भरोसो मि पर च त लकवा का रोगी कु बोलि, हे नौंना मि तेरु पाप तैं माफ करदु।</verse>
				<verse number="6">तब कई यहूदी मूसा की व्यवस्था तैं सिखांण वला जु उख घौर मा बैठयां छा अपड़ा-अपड़ा मन मा विचार कन लगि गैनी।</verse>
				<verse number="7">कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु?</verse>
				<verse number="8">यीशु ल तुरंत अपड़ा आत्मा मा जांणि दींनि कि उ अपड़ा मन मा इन विचार कना छिन अर ऊंमा बोलि, तुम अपड़ा-अपड़ा मन मा यु विचार किलै कना छा?तुम तैं इन नि सुचण चयणु च</verse>
				<verse number="9">सरल क्य च? क्य लकवा का रोगी कु इन बुल्ण कि तेरु पाप माफ हवेनि या इन बुल्ण कि उठ अपड़ी खाट उठै के चलि?</verse>
				<verse number="10">मि चांदु छो की तुम जांणि जां कि मि मनिख कु नौंनो धरती पर पाप माफी कनु कु भि अधिकार रखदु वेल वे लकवा का रोगी कु बोलि।</verse>
				<verse number="11">मि त्वे कु बुल्णु छौं उठ अपड़ी खाट उठै के घौर चलि जा।</verse>
				<verse number="12">अर उ उठि अर अपड़ी खाट उठै के अर सभियूं का संमणी बट्टी निकली के चलि गै उ सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कैरी के बुल्ण लगि गैनी कि हम ल इन कभि नि देखि।</verse>
				<verse number="13">यीशु फिर निकली के झील का छाला पर गैनी अर भौत सारा लोग वेका संमणी ऐ अर उ परमेश्वर का वचन बट्टी ऊं तैं उपदेश दींण लगि गै।</verse>
				<verse number="14">जब उ जांणु छो वे बगत यीशु ल हलफई का नौंना लेवि तैं जु चुंगि लींण वलो कु सरदार छो चौकी पर बैठय्युं देखि अर वेकु बोलि मेरा पिछनैं औ। अर उ अपड़ो काम-काज छोड़ी के वेका पिछनै हवे गै।</verse>
				<verse number="15">अर बाद मा यीशु अर वेका चेला वेका घौर मा राती कु खांणु-खांण कु बैठिनि अर भौत सा चुंगि लींण वलो अर पापी भि वेका दगड़ी खांणु-खांण कु बैठयां छा किलैकि भौत सा लोग छा जु वेका पिछनै अयां छा।</verse>
				<verse number="16">अर मूसा की व्यवस्था तैं सिखांण वलो ल अर फरीसियों ल यु देखि, कि उ त पापियों अर चुंगि लींण वलो दगड़ी खांणु-खांणु च, अर वेका चेलों मा बोलि, उ त चुंगि लींण वलो का अर पापियों का दगड़ी खांणु पींणु च।</verse>
				<verse number="17">यीशु ल यु सूंणि के ऊंमा बोलि, भला चंगों तैं वैध की जरूरत नि च पर बिमारों तैं च ऊंल जु अफ तैं धर्मी समझदींनि पर, “मि पाप से भुरयां लुखुं तैं बुलांण कु अयुं छौं।”</verse>
				<verse number="18">एक दिन कुछ लोग यीशु मा ऐनी अर पूछि यूहन्ना का चेला अर व्यवस्था का सिखांण वला उपवास रखदा छा ज्यांमा उ कुछ नि खांदा छा, त ऊंल ऐ के वेमा यु बोलि, कि यूहन्ना का चेला अर फरीसियों का चेला किलै उपवास रखदींनि? पर तेरु चेला उपवास नि रखदींनि?</verse>
				<verse number="19">यीशु ल ऊंमा बोलि, मि एक ब्योला अर मेरा चेला ब्यो मा बाराती जन छिनी, “जब तक ब्योला बरातियों का दगड़ी रौंदु त क्य उ उपवास रखि सकदींनि? त जब तक ब्योला ऊं दगड़ी च तब तक उ उपवास नि रखि सकदींनि।”</verse>
				<verse number="20">पर हां उ दिन आला कि ब्योला ऊंका बीच बट्टी अलग करे जालो त वे बगत उ उपवास रखला।</verse>
				<verse number="21">यीशु ल ऊंकु बोलि, नया कपड़ा कु टल्ला पुरणा कपड़ा पर कुई नि लगांदु नथिरी उ टल्ला वामु बट्टी कुछ खींचि दयालो अर नयो पुरणा बट्टी इन कै उ और भि जादा फटि जालो; यु इन ही च जन कुई मेरी शिक्षा तैं पुरणा रीति-रिवाजों दगड़ी मिलौंदु।</verse>
				<verse number="22">अर इन ही नई दाखमधु तैं पुरणी छाकल मा कुई नि रखदु नथिरी दाखमधु छाकल तैं फाड़ी दयालो अर दाखमधु अर मश्क द्वी बरबाद हवे जालि पर दाखरस नई छाकुलों मा भरे जांद।</verse>
				<verse number="23">यहूदियों का विश्राम का दिन जु परमेश्वर कु पवित्र दिन छो जब यीशु अर वेका चेला पुंगड़ों का बीच मा बट्टी जांणा छा अर वेका चेला चलदी चलद बलड़ो तैं तोड़ी-तोड़ी के खांण लगि गैनी</verse>
				<verse number="24">तब फरीसियों ल वे मा बोलि देख तेरु चेला इन गलत काम किलै करदींनि जु यहूदियों का विश्राम का दिन जु परमेश्वर कु पवित्र दिन ठिक नि च?</verse>
				<verse number="25">यीशु ल ऊंमा बोलि, क्य तुम ल परमेश्वर का वचन मा कभि नि पढ़ी कि जब राजा दाऊद तैं जरूरत छै अर जब उ अर वेका दगड़िया भूखा छा तब वेल क्य कैरी छो?</verse>
				<verse number="26">वेल कनके अबियातार महायाजक का बगत मा परमेश्वर का वाचा वला तम्बू मा जै के भेंट कि रुट्टि खैनि अर अपड़ा दगड़ियों तैं भि दींनि जौं तैं खांण यहूदी याजक लुखुं का अलावा और कै तैं ठिक नि छो।</verse>
				<verse number="27">अर यीशु ल ऊंमा बोलि, परमेश्वर ल यहूदियों का विश्राम का दिन जु परमेश्वर कु पवित्र दिन च मनिख्युं कु बंणये न कि मनिख यहूदियों का विश्राम का दिन जु परमेश्वर कु पवित्र दिन कु।</verse>
				<verse number="28">इलै मि मनिख कु नौंनो यहूदियों का विश्राम का दिन जु परमेश्वर कु पवित्र दिन च पर भि अधिकार रखदु छौं।</verse>
			</chapter>
			<chapter number="3">
				<verse number="1">फिर यीशु एक और यहूदियों का विश्राम का दिन जु परमेश्वर कु पवित्र दिन छो यहूदियों का मिलणा का भवन मा गै जख एक आदिम छो जै को हथ सुखी गै छो।</verse>
				<verse number="2">अर ऊंमा बट्टी कुछ फरीसी यीशु पर भंगार लगांणु कु ईं ताक मा लगयां छा कि वे तैं ध्यान से देखदां कि उ यहूदियों का विश्राम का दिन जु परमेश्वर कु पवित्र दिन च वे तैं खूब करदु च कि नि करदो।</verse>
				<verse number="3">ऊंल वे सुख्यां हथ वला आदिम कु बोलि, सभियूं का बीच मा खड़ो हवे जा।</verse>
				<verse number="4">अर यीशु ल ऊंमा बोलि, क्य परमेश्वर हम तैं यहूदियों का विश्राम का दिन जु परमेश्वर कु पवित्र दिन च भलो कन य ठिक कनै की आज्ञा दींद च कि बुरो कनै की आज्ञा दींद य कैका प्राण तैं बचांद य मरण की आज्ञा दींद फिर उ चुप रैनी।</verse>
				<verse number="5">यीशु ऊंका मन कि कठोरता से उदास हवे के ऊं तैं गुस्सा मा चौतरफी देखि अर वे मनिख कु बोलि, अपड़ो हथ बढो अर वेल बड़ै अर वेको हथ ठिक हवे गै।</verse>
				<verse number="6">तब फरीसियों ल भैर जै के तुरंत हेरोदियों राजा का समर्थक दगड़ी वेका खिलाफ मा सलाह कन लगि गैनी कि यीशु तैं कै ढंग से नाश कैरा।</verse>
				<verse number="7">येका बाद यीशु अपड़ा चेलों का दगड़ी झील का छाला पर चलि गै अर गलील जिला अर यहूदिया प्रान्त बट्टी एक भौत बड़ी भीड़ वेका पिछनैं हवे गै।</verse>
				<verse number="8">अर यहूदिया जिला अर यरूशलेम शहर अर इदुमिया जिला बट्टी अर यरदन गाड का पूर्वी क्षेत्र पार बट्टी अर सूर अर सीदोन शहरों का अमणी-संमणी बट्टी एक बड़ी भीड़ यीशु तैं सुनणु कु वेका पिछनैं हवे गै कि उ कन चमत्कार का काम करदु।</verse>
				<verse number="9">यीशु ल अपड़ा चेलों मा बोलि, “भीड़ का वजह से मि कु बैठण कु एक छुटी नाव तैयार कैरा किलैकि लोग भौत छिनी उ मि तैं दबै नि सकुनु।”</verse>
				<verse number="10">किलैकि यीशु ल वे दिन भौतों तैं खूब कैरी इलै जथग लोग रोगों मा पुड़यां छा उ वे तैं छूणु कु वे पर गिरदा पड़दा छा।</verse>
				<verse number="11">जब भि दुष्टात्मा बट्टी पीड़ित लोग वे तैं दिखदा छा त वेका अगनैं गिरदा पड़दा छा अर चिल्लै कै बुल्दी छै कि तु परमेश्वर कु नौंनो छै।</verse>
				<verse number="12">यीशु ल ऊं तैं भौत चितै कि मेरा बारा मा कै मा कुछ नि बुल्यां की मि परमेश्वर कु नौंनो छौं।</verse>
				<verse number="13">तब यीशु डांडा पर चढ़ी गै अर जौं तैं उ चांदु छो ऊं तैं अपड़ा संमणी बुलै अर उ वेका संमणी ऐ गैनी।</verse>
				<verse number="14">तब यीशु ल ऊं बट्टी बारह लुखुं तैं छांटी अर ऊं तैं प्रेरितों बोलि कि उ वेका दगड़ी रौनु अर उ, ऊं तैं भेजु कि उ प्रचार कैरा।</verse>
				<verse number="15">अर उ अफ मा दुष्टात्मा तैं निकलणों को अधिकार रखा।</verse>
				<verse number="16">अर यु उ बारह चेला छिन जौं तैं यीशु ल चुणि छो शमौन पतरस जैको नौं वेल पतरस रखि।</verse>
				<verse number="17">अर जब्दी को नौंनो याकूब अर वेको भैय यूहन्ना जौं को नौं वेल बुअनरगिस मतलब गर्जन समान आदिम छो।</verse>
				<verse number="18">अर अन्द्रियास अर फिलिप्पुस अर बरतुल्मै अर मत्ती अर थोमा अर हलफई को नौंनो याकूब अर तद्दी अर शमौन कनानी जै कु मतलब च जोशिला।</verse>
				<verse number="19">यहूदा इस्करियोती जैल यीशु तैं वेका दुश्मनों का हथों मा पकड़वै दींनि।</verse>
				<verse number="20">यीशु जब कैका घौर मा छो अर इन भीड़ कठ्ठा हवे गै छै कि वे तैं रुट्टि खांणो कु भि बगत नि मिली।</verse>
				<verse number="21">जब वेका कुटुम्बियों ल यु सूंणि त वे तैं पकड़नु कु निकलनी किलैकि उ बुल्दा छा कि वेको चित ठिकाणा मा नि अर उ पागल च इलै उ वे तैं घौर लिजांण चांणा छा।</verse>
				<verse number="22">यु लोग मूसा की व्यवस्था तैं सिखांण वला छा जु यरूशलेम शहर बट्टी ऐ छा यु बुल्णा छा कि वे पर शैतान लग्युं च अर यु भि कि उ दुष्टात्मा का सरदार शैतान की मदद ल दुष्टात्मा तैं निकलदु च।</verse>
				<verse number="23">अर यीशु उ सभि लुखुं तैं अपड़ा संमणी बुलै के ऊंमा मिसाल दे के बुल्ण लगि गै कि क्य शैतान अपड़ा ही दुष्टात्मा तैं लुखुं मा बट्टी भैर निकलणु कु मजबूर कैर सकद?</verse>
				<verse number="24">अर जै राज्य का लोग छुट्टा टुकड़ा मा बटयां हो अर आपस मा लड़ै कन रौनु तब उ राज्य कनके ठिक रै सकदु?</verse>
				<verse number="25">जै घौर का लोग आपस मा बंणयां हो त उ परिवार का लोग दगड़ा मा नि रै सकद?</verse>
				<verse number="26">अर जु शैतान अपड़ो ही विरोधी हवे के अफ मा फूट डालो त तब उ कनके बणयुं रै सकदु? वेको त अंत ही हवे जांदु।</verse>
				<verse number="27">यीशु ल तुलना कैरी के बोलि, “कि क्य कुई आदिम कै बलिष्ठ का घौर मा घुसि के वेकी सम्पति लूछि नि सकदु, जब तक कि उ पैली वे बलिष्ठ तैं बंधि नि ल्यो अर तब वेका घौर तैं लूछि सकद।”</verse>
				<verse number="28">मि तुम मा सच बुल्णु छौं कि मनिख्युं की सन्तान का सभि पाप अर बुरै जु उ परमेश्वर का विरुद्ध करदींनि परमेश्वर ऊं पापों तैं माफ कैरी सकद।</verse>
				<verse number="29">पर जु पवित्र आत्मा का खिलाफ बुरै करलो उ सदनी पाप को अपराधी ठैरुदो परमेश्वर ऊं तैं कभि भि माफ नि करलो।</verse>
				<verse number="30">यीशु ल यु इलै बोलि, किलैकि उ यु बुल्दा छा कि वे पर दुष्टात्मा च।</verse>
				<verse number="31">“फिर यीशु की ब्वे अर भैय ऐनी अर भैर खड़ा हवे के वे तैं बुलावा भेजि।”</verse>
				<verse number="32">अर भीड़ वेका अमणी-संमणी बैठी छै, अर ऊंल वेकु बोलि, “देख तेरी ब्वे अर तेरु भैय त्वे तैं भैर खुज्योंणा छिन।”</verse>
				<verse number="33">यीशु ल ऊं तैं जवाब दींनि, “कि मेरी ब्वे अर मेरा भैय कु छिन?”</verse>
				<verse number="34">अर जु वेका अमणी-संमणी बैठयां छा ऊं तैं देखि के बोलि, “देखा मेरी ब्वे अर मेरा भैय यु छिन।”</verse>
				<verse number="35">जु कुई परमेश्वर की मनसा पर चलो जु परमेश्वर चौ त उ करदां, “उ ही मेरा भैय अर बैंण अर ब्वे छिन।”</verse>
			</chapter>
			<chapter number="4">
				<verse number="1">यीशु फिर गलील की झील का छाला पर उपदेश दींण लगि गै; अर इन बड़ी भीड़ वेका संमणी कठ्ठा हवे गै अर एक नाव पर चढ़ी के बैठी गै अर सैरी भीड़ झील का छाला पर सुखीं भूमि मा खड़ी छै।</verse>
				<verse number="2">अर उ, ऊं तैं मिसाल दे के भौत सैरी बात सिखौण लगि गै, अर अपड़ा उपदेश का द्वारा ऊंमा बोलि।</verse>
				<verse number="3">सूंणा एक बुतै कन वलो बीज बुतुणु कु अपड़ा पुंगडा मा गै।</verse>
				<verse number="4">अर बुतुण बगत कुछ बीज त बट्टा का किनारा पर छिलरेनी अर चलखुडों ल ऐ के ऊं बीजों तैं खै दींनि।</verse>
				<verse number="5">अर कुछ बीज पथरीली जगह पर छिलरेनी जख ऊं तैं जादा माटो नि मिली अर गैहरु माटो नि मिलण का वजह से जल्दी जमि गैनी।</verse>
				<verse number="6">अर जब सूरज की गर्मी निकली त फुके गैनी अर जौड़ा कमजोर हूंण का कारण जल्दी सूखि-सूखि गैनी।</verse>
				<verse number="7">अर कुछ झिबलांण मा छिलारेनी अर जख झिबलाड़न ल बढ़ि के ऊं तैं दबै दींनि अर उ बीज फलि नि सकिनि।</verse>
				<verse number="8">पर कुछ बीज अच्छी भूमि मा पोड़िन अर उ जमि के अर बड़ी के फलवन्त हवेनि कुई तीस गुणा कुई साठ गुणा अर कुई सौ गुणा फल लै।</verse>
				<verse number="9">अर वेल बोलि, जु कुई ईं बात तैं सूंणि सकदु जु मि बुल्ण छौं उ यु तैं समझ भि ल्यो।</verse>
				<verse number="10">जब यीशु यखुली रै गै त वेका दगड़ियों ल उ जु वेका नजीक छा अर ऊं बारहों चेलों समेत वे बट्टी ईं मिसाल का बारा मा पूछि की यांको क्य मतलब च।</verse>
				<verse number="11">यीशु ल ऊंमा बोलि तुम तैं त परमेश्वर का राज्य कि सचै की समझ दियीं च पर मि पर भरोसो नि रखण वलो कु सब बात मिसाल मा हूंदी।</verse>
				<verse number="12">इलै जु परमेश्वर का वचन मा लिख्युं च, उ देखि के दिखुनु पर ऊं तैं समझी नि सकुनु अर सूंणि के भि सुणुनु पर बींगी नि सकुनु इन नि हो कि उ अपड़ा पापों से फिरुनु अर माफ करे जलो।</verse>
				<verse number="13">फिर यीशु ल ऊंमा बोलि, जु तुम ईं मिसाल तैं नि समझयां? त फिर और मिसालों तैं कनि कै समझिला?</verse>
				<verse number="14">एक बीज बुतण वलो इन च जन लुखुं तैं परमेश्वर को वचन तैं बतौंण।</verse>
				<verse number="15">कुछ लोग वे बट्टा जन छिन जख कि वचन को बीज बुतै जांद उ यु छिनी कि जब ऊंल सूंणि त शैतान तुरंत ऐ के वे वचन तैं जु ऊंमा बुतै छो उठै के ले के चलि जांदु।</verse>
				<verse number="16">कुछ लोग उ ही पथरीली भूमि जन छिन ज्यां पर बीज गिरदो पर यु उ छिनी कि जु वचन तैं सूंणि के तुरंत खुशी से स्वीकार कैरी दींदीनी।</verse>
				<verse number="17">पर यु अपड़ा भितर दिल मा परमेश्वर का वचन तैं जौड़ा बट्टी पकड़ण नि दींदीनी एलै वचन कुछ ही दिनों कु रांदो यांका बाद जब ऊं पर क्लेश या बिपदा औंदि त तब उ तुरंत छोड़ी दींदिनि।</verse>
				<verse number="18">कुछ जु झिबलांण मा बुतै गैनी उ यु छिनी जु परमेश्वर को वचन तैं सूंणि दींनि।</verse>
				<verse number="19">पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह, परमेश्वर का वचन मा ए के दबै जांदी, अर ऊंका जीवन मा कुछ भि फैदा नि हूंद।</verse>
				<verse number="20">कुछ जु अच्छी जगह मा बुतै गैनी उ यु छिनी जु वचन तैं सूंणि के स्वीकार करदींनि अर फल लंदिनि कुई तीस गुणा डाला जन कुई साठ गुणा डाला जन अर कुई सौ गुणा डाला जन।</verse>
				<verse number="21">यीशु ल ऊंमा बोलि, क्य दिवडा तैं इलै बलदिन कि ब्यांरा तौळा या खाटि का तौळा रखे जौं? या फिर ज्यां ल कि ब्यांरा पर रखे जौं इलै की सब लुखुं तैं वेको उज्यला फूंजी साको</verse>
				<verse number="22">इन ही जु कुछ छिपयूं च प्रगट हवे जौं अर हर गुप्त बात प्रगट हवे जौं</verse>
				<verse number="23">यीशु ऊंमा बोलि, जु कुई ईं बात तैं सूंणि सकदु जु मि बुल्ण छौं उ यु तैं समझ भि ल्यो।</verse>
				<verse number="24">फिर यीशु ल ऊंमा बोलि, सचेत रावा कि क्य सुंणदा? जै नाप से तुम नपदा छा वे ही नाप से तुम कु भि नपे जालो अर तुम तैं बिजां दिये जालो।</verse>
				<verse number="25">जु कुई भि या बात समझणै की इच्छा रखद कि मि क्य बुल्णु छों, पिता परमेश्वर वे तैं और जादा समझणै की समझ दयालो; पर जै मा थोड़ा भि नि च वेमा बट्टी उ भि लिये जालो जु वेमा छैं च।</verse>
				<verse number="26">फिर यीशु ल बोलि, परमेश्वर कु राज्य इन च जन कि एक बीज बुतण वलो पुंगड़ा मा बीज बूतो।</verse>
				<verse number="27">हर राती सेइ जौं अर हर दिन मा बिंज्यु रौ अर काम कैरी अर उ बीज इन जमौ अर बड़ो कि उन ही जंणदु कि उ कब बढ़दो।</verse>
				<verse number="28">जमींन अफी इन फल लौंदि कि पैली अंकुर तब बलड़ा अर तब बलडों मा ग्यूं का बीज अर वे बट्टी तैयार बीज।</verse>
				<verse number="29">पर जब फसल पक्की जंदींनि तब उ तुरंत दथड़ो लगौंदु किलैकि लवैइ कु बगत ऐ गै।</verse>
				<verse number="30">फिर यीशु ल बोलि, “हम परमेश्वर का राज्य कि तुलना इन कै कैर सकद्यां मि एक मिसाल दे के तुम तैं सुणौदु।</verse>
				<verse number="31">परमेश्वर कु राज्य धरती पर सभि बीजों मा सबसे छुटा बीज का जन च जन रैई कु बीज कि जब धरती मा बुतै जांदु त धरती का सभि बाजों से छुटो हूंद।</verse>
				<verse number="32">पर जब बुतै गै त उगि के सब सागपात से भि बड़ो हवे जांदु अर वेका इन बड़ा फौंका निकली जंदींनि कि आसमान का चलखुडा भि वेका छैल मा घोल बणै के बसेरा कैरी सकदींनि।”</verse>
				<verse number="33">अर उ, ऊं तैं इन ही भौत सैरी मिसाल दे के ऊंकी समझ का अनुसार वचन सुंणौदु छो।</verse>
				<verse number="34">उ भीड़ तैं मिसाल मा ही शिक्षा दींदो छो अर बगैर मिसाल का परमेश्वर का राज्य का बारा मा कुछ नि बुल्द छो पर एकुंत मा अपड़ा चेलों तैं सब बातों कु मतलब बतौंदु छो।</verse>
				<verse number="35">वे दिन जब रुमुक हवे त यीशु ल ऊंमा बोलि, आवा हम गलील झील का दुसरा छाला पर जन्द्यां।</verse>
				<verse number="36">अर उ वीं भीड़ तैं पिछनै छोड़ी के चेला भि वीं नाव मा ए गैनी ज्यांमा यीशु बैठयूँ छो अर उ चलि गै छा, अर कुछ और लुखुं मा और भि नाव छै।</verse>
				<verse number="37">तब बड़ी आंधी का कारण नाव म अतरोळ-बतरोळ हवे अर बौछार इख तक लगिनि कि नाव पांणी ल भुरेण लगि गै छै अर नाव डुबण लगि गै छो।</verse>
				<verse number="38">अर यीशु अफ पिछनै कि तरपां गद्दी पर सियूं छो, तब ऊंल वे तैं बिजालि के वेमा बोलि “हे गुरु नाव डुबण वली च अर हम ल भि डुबी जांण क्य त्वे तैं कुछ भि चिंता नि च?”</verse>
				<verse number="39">तब यीशु उठि अर वेल अतरोळ-बतरोळ से उठयां लहरों तैं झिड़की, अर बोलि, शांत रौ थमि जा, अर अतरोळ-बतरोळ थमि गै अर समुद्र शांत हवे गै।</verse>
				<verse number="40">तब यीशु ल चेलों तैं पूछि तुम किलै डरणा छा? क्य तुम तैं अभि तक विश्वास नि च?</verse>
				<verse number="41">अर उ भौत डौर गैनी अर आपस मा बुल्ण लगि गैनी यु कन्दरो आदिम च जु कि अतरोळ-बतरोळ भि अर लहर भि वेको आज्ञा तैं मणदींनि।</verse>
			</chapter>
			<chapter number="5">
				<verse number="1">तब यीशु अर वेका चेला झील का छाला पर गिरासेनियों का लुखुं का क्षेत्र मा पौंछिंनी।</verse>
				<verse number="2">अर जब यीशु नाव बट्टी उतरी त दुष्टात्मा से पीड़ित एक आदिम जु कब्रों बट्टी निकली के वेमा ऐ।</verse>
				<verse number="3">उ कब्रों मा रौंदु छो लोग वे तैं संगळु ल भि नि बंधि सकदा छा।</verse>
				<verse number="4">किलैकि उ कई बार बेड़ियों ल अर संगळु ल बंधे गै छो, पर वेल संगळु तैं तोड़ी दींनि अर संगुळों का टुकड़ा-टुकड़ा कैरी दींनि अर कुई वे तैं अपड़ा वश मा नि कैरी सकदु छो।</verse>
				<verse number="5">उ सदनी रात-दिन कब्रों अर डांडों मा चिलांदु अर अफ तैं ढुंगो ल नुकसान पौंछै के घायल कैरी दींदो छो।</verse>
				<verse number="6">उ यीशु तैं दूर ही बट्टी देखि के अटगी अर वे तैं खुट्टों मा पोड़ि के आराधना कैरी।</verse>
				<verse number="7">हे यीशु सर्वशक्तिमान परमेश्वर का नौंना तेरु मि बट्टी क्य काम? मि त्वे तैं परमेश्वर की सौं दींदु कि तु मि तैं पिड़ा नि दीलि</verse>
				<verse number="8">किलैकि यीशु ल वे तैं देखि की बोलि, हे दुष्टात्मा यु आदिम बट्टी निकली जा।</verse>
				<verse number="9">वेल वेमा पूछि तेरु नौं क्य च? वेल यीशु मा बोलि, मेरू नौं सेना च किलैकि हम बिजां छा।</verse>
				<verse number="10">अर दुष्टात्माओं ल यीशु मा भौत बिनती कैरी कि हम तैं यु प्रदेश बट्टी भैर नि भेज।</verse>
				<verse number="11">उख पौड़ पर सुंगरु कु एक बड़ो झुण्ड चरणु छो।</verse>
				<verse number="12">अर दुष्टात्माओं ल यीशु मा बिनती कैरी कै बोलि, कि हम तैं ऊं सुंगरु मा भेज दे कि हम ऊंका भितर जांवा।</verse>
				<verse number="13">अर वेल ऊं तैं आज्ञा दींनि अर दुष्टात्मा निकली के भैर ऐ गै अर सुंगरु मा बैठी गै अर उ झुण्ड जु कुई द्वी हजार का लगभग रै होलो उ डांडा पर बट्टी झपटी के झील मा पड़ि गै अर डुबि के मोरि गै।</verse>
				<verse number="14">अर ऊंका चरवाहों ल भागि के शहर मा ईं बात तैं सुंणै अर जु कुछ हवे छो लोग वे तैं दिखणु कु ऐनी।</verse>
				<verse number="15">अर लोग यीशु का संमणी ऐ के वे आदिम तैं जै पर भौत सी दुष्टात्मा समायी छै वे तैं अच्छा कपड़ा पैरयुं अर सुद बुद मा बैठय्युं देखि के डौर गैनी अर सोच म पोड़ी गैनी।</verse>
				<verse number="16">अर दिखण वलो ल वेको जै पर बिजां दुष्टात्मा लगिं छै अर सुंगरु कु पूरो हाल जु हवे छो ऊं तैं सुणै।</verse>
				<verse number="17">अर उ लोग यीशु बट्टी बिनती कैरी कै बुल्ण लगि गैनी कि हमारा सरहद बट्टी भैर चलि जा।</verse>
				<verse number="18">अर जब यीशु नाव पर जांणु कु बैठण लगि गै त, तब उ जै पर पैली बिजां दुष्टात्मा लगिं छै उ वेमा बिनती कन लगि गै कि मि तैं अफ दगड़ी आंण दे।</verse>
				<verse number="19">पर यीशु ल वे तैं अफ दगड़ी रौंणे की अनुमति नि दींनि अर वेमा बोलि अपड़ा घौर जै के अपड़ा लुखुं तैं बथौ कि त्वे पर दया कैरी के प्रभु ल त्वे कु कन बड़ा काम करिनी।</verse>
				<verse number="20">तब उ आदिम दिकापुलिस जांको मतलब च दस शहरों का संमणी कु क्षेत्र मा ईं बात कु प्रचार कन लगि गै कि यीशु ल मि कु कन बड़ा काम करिनी अर सब अचम्भो करदां छा।</verse>
				<verse number="21">“जब यीशु फिर नाव बट्टी पली छाला गै, त एक बड़ी भीड़ वेका संमणी कठ्ठा हवे गै छै अर यीशु गलील झील का छाला पर ही खड़ो छो।”</verse>
				<verse number="22">अर याईर नौं को एक आदिम जु यहूदियों का मिलणा का भवन का सरदार मा बट्टी एक छो यीशु मा ऐ के वेका खुट्टों मा पौड़ि गै।</verse>
				<verse number="23">अर वेल यु बोलि, के भौत बिनती कैरी कि मेरी छुटी नौंनि मुरण वली च तु ऐ के वीं तैं छू, कि व खूब हवे के ज्यूंदी रौ, अर मोरू न।</verse>
				<verse number="24">तब उ वे दगड़ी गै अर बड़ी भीड़ वेका पिछनै हवे गै इख तक कि लोग वे पर फरकेंदा छा।</verse>
				<verse number="25">अर भीड़ मा एक जनन छै जीं तैं बारह बरस बट्टी ल्वे बंगणो कु रोग छो ।</verse>
				<verse number="26">अर वीं ल भौत वैधों बट्टी इलाज करवै पर दुःख ही उठै अर अपड़ी सब सम्पति खर्च कैरी कै भि कुई फैदा नि पै पर और भि बिमार हवे गै छै।</verse>
				<verse number="27">किलैकि व बुल्दी छै जु मि प्रभु यीशु कु चौला को किनारा तैं भि छवे दयुलु त खूब हवे जौलु।</verse>
				<verse number="28">जब वीं ल यीशु कि कामों की चर्चा सूंणि त व भीड़ का पिछनै बट्टी ऐ अर वेका चोला तैं छवे दींनि, किलैकि व बुल्दी छै कि जु मि मसीह का चौला तैं छवि भि दयुलु त खूब हवे जौलु।</verse>
				<verse number="29">अर तुरंत वीं को ल्वे बंगण बंद हवे गै अर वीं ल अपड़ा देह मा जांणि लींनि कि मि वीं बिमारी से खूब हवे ग्यों।</verse>
				<verse number="30">यीशु भीड़ मा पिछनै घूमी अर पूछि मेरा चौला तैं कै ल छवे? किलैकि वेल वे ही बगत अफ मा जांणि लींनि कि मि मा बट्टी सामर्थ निकली।</verse>
				<verse number="31">यीशु का चेलों ल वेमा बोलि, “तु दिखणी छै कि भीड़ त्वे पर गिरदि पड़दि अर तु बुल्णी छै कि कै ल मि तैं छवे?”</verse>
				<verse number="32">तब यीशु ल चौतरफी देखि की जांणि साको की कै ल मि तैं छवे।</verse>
				<verse number="33">तब व जनन यु जांणि गै कि मि ठिक हवे ग्यों अर मि पर कन भलै हवे व डरदि अर कंपदि वेका संमणी ऐ अर वेका खुट्टों मा पड़िके वे तैं प्रणाम कैरी अर सैरो हाल सच-सच बतै दींनि की मिल ही त्वे तैं छवै छो।</verse>
				<verse number="34">यीशु ल वीं मा बोलि, “हे नौंनि तेरु भरोसो छो की मि त्वे तैं खूब कैर सकदु, इलै तु पूरा ढंग से खूब हवे गै इलै शान्ति से चलि जा अर अपड़ी ईं बिमारी से बचिं रौ। ”</verse>
				<verse number="35">जब यीशु वीं बट्टी बात कनु ही छो त यहूदियों का मिलणा का भवन का सरदार का घौर बट्टी लुखुं न ऐ के बोलि, कि तेरी नौंनि त मोरि गै अब गुरु तैं परेशान नि कर।</verse>
				<verse number="36">जु बात उ बुल्णा छा वीं बात तैं यीशु ल अणसूंणि कैरी कै यहूदियों का मिलणा का भवन का सरदार मा बोलि, डैर न भस मि पर भरोसो रख।</verse>
				<verse number="37">तब यीशु ल पतरस अर याकूब अर वेका भैय यूहन्ना तैं ही अफ दगड़ी औंण दींनि</verse>
				<verse number="38">अर यहूदियों का मिलणा का भवन का सरदार का घौर मा पौंछि के वेल लुखुं तैं भौत रूंण अर चिल्लांण देखि।</verse>
				<verse number="39">तब यीशु ल कमरा का भितर जै के वेमा बोलि, तुम किलै हल्ला मचौंणा अर रूंणा छा? नौंनि मोरि नि च पर सींणी च।</verse>
				<verse number="40">यु सूंणि के लोग वेको ठट्टा कन लगि गैनी पर वेल सभियूं तैं भैर जांणु कु बोलि, नौंनि का ब्वे-बुबा तैं अर अपड़ा तीन चेलों तैं भितर ले के गै जख नौंनि पुड़ीं छै।</verse>
				<verse number="41">अर नौंनि कु हथ पकड़ी के वीं मा बोलि तलीता कूमी ज्यांकु मतलब यु च कि हे नौंनि मि त्वे मा बुल्णु छौं उठ।</verse>
				<verse number="42">अर व नौंनि तुरंत उठि के चलण फिरण लगि गै अर व बारह बरस कि छै अर ईं बात पर लोग भौत भैचक मा पड़ी गैनी।</verse>
				<verse number="43">फिर यीशु ल ऊं तैं चितै के बोलि, कि ईं बात तैं कुई नि जंणन पौ अर वीं का ब्वे-बाबा मा बोलि, कि वीं तैं कुछ खांण कु दिये जौं।</verse>
			</chapter>
			<chapter number="6">
				<verse number="1">तब यीशु कफरनहूम गौं बट्टी निकली के अपड़ा घौर नासरत नगर मा ऐ अर वेका चेला भि वेका पिछनै औंणा छा।</verse>
				<verse number="2">यहूदियों का विश्राम का दिन जु परमेश्वर कु पवित्र दिन यीशु यहूदियों का मिलणा का भवन मा परमेश्वर का वचन की शिक्षा दींण लगि गै अर भौत लोग भैंचक मा पड़ी गैनी अर बुल्ण बैठी गैनी कि येल यु बात कख बट्टी सिखिनि? अर यु ज्ञान अर चमत्कार का काम कनै की सामर्थ यु तैं कैल दींनि?</verse>
				<verse number="3">यीशु कु अपमान कैरी के ऊंल यु बोलि, क्य यु उ ही बड़ैइ नि च जु मरियम कु नौंनो अर याकूब अर योसेस अर यहूदा अर शमौन को बड़ो भैय नि च? अर क्य वेकी बैंण इख हमारा बीच मा नि रौदींनि? इलै ऊंल वे तैं अस्वीकार कैरी।</verse>
				<verse number="4">यीशु ल ऊंमा बोलि, कि परमेश्वर का तरपां बट्टी बुल्ण वलो कु अपड़ा देश अर अपड़ा कुटुम्ब अर अपड़ा घौर तैं छोड़ी के ऊंको सब जगह आदर हूंद।</verse>
				<verse number="5">अर ऊंका अविश्वास का कारण, और कुछ सामर्थ का काम का चमत्कार नि कैर साकी यीशु ऊं पर हथ रख कर भस कुछ ही लुखुं तैं ठिक नि कैरी साकी।</verse>
				<verse number="6">अर यीशु ऊंका अविश्वास तैं देखि के भैंचक हवे के चारों तरपां गौं बट्टी दुसरा गौं मा वचन की शिक्षा दींद फिरी।</verse>
				<verse number="7">अर यीशु ल बारह चेलों तैं अफ मा बुलै के ऊं तैं द्वी-द्वी कैरी कै अलग-अलग गौं मा भिजण लगि गै अर ऊं तैं दुष्टात्मा तैं निकलण कु अधिकार दींनि।</verse>
				<verse number="8">अर यीशु ल ऊं तैं निर्देश दींनि कि बट्टा म कु भस लाठो रखा और न खांणु कु रुट्टि न झोला अर न पठुका मा पैसा।</verse>
				<verse number="9">पर जुत्ता पैरा अर द्वी कुर्ता नि रखा।</verse>
				<verse number="10">अर वेल यीशु ल ऊंमा बोलि, जब तुम कै घौर मा बुलै जैला त तब तक उख बट्टी विदा नि हुयां अर उखि ठैरंय्यां रावा।</verse>
				<verse number="11">जीं जगह का लोग तुम तैं स्वीकार नि कैरो अर तुम्हरी नि सुनणु त जब तुम वीं जगह तैं छोड़ी कै जा त उख बट्टी निकली कै अपड़ा खुट्टों की धूल उखि झाड़ी दियां ज्यां ल मिलण वली सजा का उ जु परमेश्वर दींद उ अफी जिम्मेदार छिन।</verse>
				<verse number="12">अर चेलों ल जै के लुखुं तैं प्रचार कैरी कि दुखी हवे के अर अपड़ा पाप बट्टी अर अपड़ा बुरा कामों से मन फिरावा अर परमेश्वर मा आवा।</verse>
				<verse number="13">अर भौत दुष्टात्मा तैं निकाली अर भौत बिमारों पर जैतून को तेल मळी के ऊं तैं खूब कैरी।</verse>
				<verse number="14">तब राजा हेरोदेस ल भि ऊंकी कामों की चर्चा सूंणि जु यीशु कनु छो किलैकि भौत लोग यीशु का बारा मा जंणदा छा अर वेका कामों की चर्चा कना छा, ऊंकु नौं फैली गै छो अर वेल बोलि, कि “यूहन्ना बपतिस्मा दींण वलो मुरयां लुखुं मा बट्टी ज्यूँदो हवे गै किलैकि वेमा चमत्कार कनै की सामर्थ च।”</verse>
				<verse number="15">बकि और लुखुं ल बोलि, “यु परमेश्वर का तरपां बट्टी बुल्ण वलो पैली बगत को एलिय्याह च या परमेश्वर का तरपां बट्टी बुल्ण वलो मा बट्टी कुई एक च।”</verse>
				<verse number="16">राजा हेरोदेस ल यु सूंणि अर बोलि, “जै यूहन्ना बपतिस्मा दींण वलो को मुंड मिल कटवै छो उ ही मुरयां बट्टी ज्यूँदो हवे गै”</verse>
				<verse number="17">किलैकि हेरोदेस ल अपड़ा भैय फिलिप्पुस की जनन हेरोदियास का बानौं जैं बट्टी वेल ब्यो कैरेली छो अर मूसा का व्यवस्था का अनुसार भैय का ज्यून्दा हूंण पर वेकी जनन तैं रखण पापा छो ईं बात का कारण हेरोदेस का भितर यूहन्ना कु बैरी छो, तब वेला लुखुं तैं भेजि के यूहन्ना तैं पकड़वै के जेल मा डाळेली छो किलैकि यूहन्ना ल हेरोदेस कु बोलि, छो कि “अपड़ा भैय कि जनन तैं रखण त्वे कु ठिक नि च।”</verse>
				<verse number="18"></verse>
				<verse number="19">इलै हेरोदियास यूहन्ना बट्टी बैर रखदि छै कि वे तैं मरवै डालो पर इन नि हवे सैकी</verse>
				<verse number="20">किलैकि राजा हेरोदेस यूहन्ना तैं धर्मी अर पवित्र मनिख जांणि के वे बट्टी डरदु छो अर वेकी रक्षा करद छो अर वेकी बातों तैं सूंणि के भौत घबरांदु छो फिर भि खुशी से वे तैं सुंणदु छो।</verse>
				<verse number="21">पर एक दिन जब ठिक बगत ऐ जबकि हेरोदेस अपड़ा जन्मदिन पर अपड़ा प्रधान अर सेनापतियों कु अर गलील जिला का बड़ा लुखुं तैं आमंत्रण दींनि।</verse>
				<verse number="22">त हेरोदियास की नौंनि भितर ऐ अर नाचि के हेरोदेस तैं अर वे दगड़ी बैठण वला मेहमनों तैं खुश कैरी तब राजा ल वीं नौंनि कु बोलि, “तु जु चांणि छै मि बट्टी मांग मि त्वे तैं दयुलु।”</verse>
				<verse number="23">अर वीं बट्टी सौं खै “मि अपड़ा राज्य कु अधा तक भि जु कुछ तु मि बट्टी चैलि मि त्वे तैं दयुलु।”</verse>
				<verse number="24">वीं ल भैर जै के अपड़ी ब्वे बट्टी पूछि मि क्य मांगो? त वीं ल बोलि, “वेकु बोल यूहन्ना बपतिस्मा दींण वला को मुंड काटि के मि तैं दे।”</verse>
				<verse number="25">व तुरंत राजा का संमणी भितर ऐ अर वे बट्टी बिनती कैरी कि “मि चांणु छौं कि तु अभि यूहन्ना बपतिस्मा दींण वला को मुंड काटि के एक थाळ मा मि कु मंगवै दे।”</verse>
				<verse number="26">तब यु सूंणि के राजा भौत उदास हवे पर अपड़ी सौं का कारण अर दगड़ा मा बैठण वला मेहमनों का कारण वीं कि बात से मना नि कैरी साकी।</verse>
				<verse number="27">तब राजा ल तुरंत एक सिपै तैं आज्ञा दे के भेजि कि वेको मुंड कटवै के लौ।</verse>
				<verse number="28">वेल जेल मा जै के वेको मुंड काटि अर एक थाळ मा रखि के लै अर वीं नौंनि तैं दे दींनि अर वीं नौंनि ल अपड़ी ब्वे तैं दींनि।</verse>
				<verse number="29">जब यूहन्ना का चेलों तैं यु पता चलि अर उ वेकी लांश तैं ली गैनी अर कब्र मा रखि।</verse>
				<verse number="30">जु प्रेरित भेजि छा उ यीशु मा वापिस ऐनी, अर यीशु का संमणी कठ्ठा हवे के जु कुछ ऊंल कैरी अर सिखै छो सब यीशु तैं बतै।</verse>
				<verse number="31">किलैकि भौत लोग आंणा-जांणा छा अर ऊं तैं खांणु खांण को भि बगत नि मिलणु छो यीशु ल ऊंमा बोलि, “आवा की एकांत जंगल मा जै के जरा आराम करुला।”</verse>
				<verse number="32">इलै उ नाव मा चढ़ी के एकांत जंगल मा चलि गैनी।</verse>
				<verse number="33">अर भौत लुखुं ल ऊं तैं जांण देखि के पछयांणी दींनि की उ कख जांणा छा अर सब शहरों बट्टी कट्ठा हवे के उख पैदल अटगिनि अर यीशु अर वेका चेलों से पैली पौंछि गैनी।</verse>
				<verse number="34">जब यीशु नाव बट्टी उतरी, वेला एक बड़ी भीड़ देखि अर ऊं पर तरस खै किलैकि उ ऊं ढिबरों का जन छा जौं को कुई देखभाल कन वलो नि छो अर उ, ऊं तैं पिता परमेश्वर का राज्य बट्टी भौत सैरी बात सिखांण लगि गै।</verse>
				<verse number="35">जब शाम हवे गै त वेका चेला वेमा ऐ के बुल्ण लगि गैनी “यु एकांत जंगल च अर रुमुक हवे गै।</verse>
				<verse number="36">इलै लुखुं तैं विदा कैरा कि चारों तरपां का गौं मा अर बस्तियों मा जै के अफ कु कुछ खांणु मोल ल्योनु।”</verse>
				<verse number="37">यीशु ल जवाब दींनि तुम ही ऊं तैं खांणु कु द्या खास चेलों ल यीशु मा बोलि क्य हम रुट्टि मोल ल्यां अर ऊं तैं खिलां? यु त द्वी सौ दिन की मजदूरी से भि जादा च।</verse>
				<verse number="38">यीशु ल चेलों तैं पूछि, कि तुम मा कथग रुट्टि छिनी ऊंल पता कैरी कै बोलि “पाँच रुट्टि छिन अर द्वी माछा भि छिनी।”</verse>
				<verse number="39">तब यीशु ल ऊं सभियूं तैं हरयां घास का झुण्डों मा बांटि कै बैठण कु बोलि।</verse>
				<verse number="40">उ सौ-सौ कैरी के अर पचास-पचास कैरी के झुण्ड मा बैठी गैनी।</verse>
				<verse number="41">यीशु ल ऊं पाँच रुट्टियुं तैं अर द्वी माछों तैं अपड़ा हथ मा लींनि अर स्वर्ग जनै देखि के परमेश्वर कु धन्यवाद कैरी अर रुट्टियुं तैं टुकड़ों मा तोड़ी-तोड़ी के चेलों तैं दींद गै कि उ लुखुं तैं परोसुनु अर उ द्वी माछा भि ऊं सभियूं मा बांटि दींनि।</verse>
				<verse number="42">अर सभि खै के तृप्त हवे गैनी</verse>
				<verse number="43">अर जब ऊं सभियूं ल खांणु खएली छो तब चेलों ल रुठी अर माछों का बारह भुरयां ठुपरा उठैनि।</verse>
				<verse number="44">जौंन रुट्टि खै उ पाँच हजार आदिम छा ज्यांमा औरत अर छुटा नौंना गिनती मा नि छिनी।</verse>
				<verse number="45">तब यीशु ल तुरंत अपड़ा खास चेलों तैं नाव पर चढ़ौणु कु मजबूर कैरी, कि उ ऊं बट्टी पैली छाला बैतसैदा नगर कु चलि जौनु जब तक कि ऊंल लुखुं तैं विदा नि कैरी उ पिछनै नि हटीनि।</verse>
				<verse number="46">लुखुं तैं विदा कैरी कै उ एक एकांत डांडा मा पिता परमेश्वर बट्टी प्रार्थना कनु कु गै।</verse>
				<verse number="47">अर जब रुमुक हवे त नाव गलील झील का बीच मा छै अर यीशु इखुली झील का छाला मा नाव बट्टी काफी दूर पर छै।</verse>
				<verse number="48">जब यीशु ल देखि कि उ नाव तैं चलौंद-चलौंद घबराणा छिनी किलैकि बथौं ऊंका उल्टी तरपां छो त राती खुलणा का बगत उ गलील झील पर चलदी ऊंका संमणी ऐ अर ऊं दगड़ा जांण चांणु छो।</verse>
				<verse number="49">पर चेलों ल यीशु तैं झील मा चलद देखि के सोचि कि उ दुष्टात्मा च अर चिल्लांण लगि गैनी</verse>
				<verse number="50">किलैकि सब यीशु देखि के घबरै गै छा पर यीशु ल तुरंत ऊं दगड़ी बात कैरी अर बोलि, “ढाडस बांधा: मि छौं डैरा न”</verse>
				<verse number="51">तब यीशु ऊंकी नाव पर चढ़ी अर बथौं थमि गै अर उ भैंचक मा पड़ि गैनी।</verse>
				<verse number="52">ऊंल यीशु की सामर्थ तैं देखि छो, जब वेल पाँच हजार लुखुं तैं खांणु खिलै छो पर रुट्टियुं का बारा मा नि समझी छा किलैकि ऊंका ह्रदय कठोर हवे गै छा।</verse>
				<verse number="53">जब यीशु अर वेका चेला गलील की झील मा अगनैं बढिनि त उ गन्नेसरत का छाला मा पौंछिनी अर नाव तैं छाला पर लगै।</verse>
				<verse number="54">जब उ नाव मा बट्टी उतरिनि त लोग तुरंत वे तैं पछयांणी के</verse>
				<verse number="55">ऊंका अमणी-संमणी का पूरा जिला मा जल्दी-जल्दी गैनी अर बिमारों तैं खाटुं पर डाली के जख-जख समाचार पै कि यीशु उख च ऊं बिमारों तैं लैंनि।</verse>
				<verse number="56">अर जख कखि यीशु गौं मा शहरों मा य बस्तियों मा जांदु छो लोग बिमारों तैं बजारों मा रखि के वे मा बिनती करदां छा कि उ, ऊं तैं अपड़ा कपड़ा का चौला तैं छूंण द्यो अर जथग वे तैं छूंदा छा उ सभि खूब हवे जांदा छा।</verse>
			</chapter>
			<chapter number="7">
				<verse number="1">फिर एक दिन फरीसियों अर मूसा की व्यवस्था तैं सिखांण वला जु यरूशलेम शहर बट्टी वे तैं सुनणु कु ऐ छा उ वेका संमणी कट्ठा हवेनि</verse>
				<verse number="2">अर ऊंल वेका कुछ चेलों तैं यहूदी रीति रिवाज का अनुसार अशुद्ध छा अर ऊं बगैर हथ धुयां रुट्टि खांण देखि</verse>
				<verse number="3">फरीसियों अर सब यहूदियों पुरखों कि रीति पर तैं मणदींनि अर जब तक ठिक ढंग से हथ नि ध्वे दींदिनि तब तक नि खंदींनि</verse>
				<verse number="4">अर बजार बट्टी ऐ के जब तक नि न्ह्योंदींनि तब तक नि खंदींनि अर भौत सैरी और भि बात छिनी जु ऊंमा मणनु कु पौछंये गैनी जन कटोरों तैं अर लुटियों तैं अर तांबा का भांडा तैं मांजिके धुणौं।</verse>
				<verse number="5">इलै ऊं फरीसियों अर मूसा की व्यवस्था तैं सिखांण वला ल यीशु तैं पूछि तेरु चेला पुरखों कि रीति रिवाज तैं नि मणदींनि अर बगैर हथ धुयां अर अशुद्ध हथ रुट्टि खंदींनि?</verse>
				<verse number="6">यीशु ल, ऊंमा बोलि, “यशायाह जु परमेश्वर का तरपां बट्टी बुल्दो छो वेल तुम कपटियों का बारा मा ठिक ही भविष्यवाणी कैरी जन कि लिख्युं च” तुम लोग मेरा बारा मा भौत कुछ बुल्दा छा पर तुम सच मा मि बट्टी प्रेम नि करदयां।</verse>
				<verse number="7">यु त बैकार ही मेरी आराधना करदींनि किलैकि मनिख्युं कि आज्ञाओं तैं धर्म का उपदेश कैरी कै सिखाैंदींनि।</verse>
				<verse number="8">“किलैकि तुम परमेश्वर की आज्ञाओं तैं मनणु छोड़ी येले अर मनिख्युं कि रीति रिवाज तैं मंणदां छा।”</verse>
				<verse number="9">फिर यीशु ल ऊंमा बोलि, “तुम अपड़ी रीतियों तैं मंणनु कु परमेश्वर की आज्ञा तैं कथग अच्छी चालाकि से टाळि दींदां।”</verse>
				<verse number="10">किलैकि मूसा को बुल्युं च अपड़ा बुबा कु अर अपड़ी ब्वे कु आदर कैर अर जु कुई बुबा कु य ब्वे तैं शाप दयालो वे तैं मौत की सजा मिललि।</verse>
				<verse number="11">पर तुम बुल्दा कि लुखुं को अपड़ा बुबा य अपड़ी ब्वे कु यु बुल्ण ठिक च, कि मि तुम्हरी मदद नि कैरी सकद किलैकि जु धन मिल तुम तैं दयूण छो उ मिल परमेश्वर तैं दयूण की शपत खैई च इलै यु भेंट भस परमेश्वर कु ही च।</verse>
				<verse number="12">अर फिर तब से तुम वे आदिम तैं वेका ब्वे-बुबा की मदद कनै की अनुमति नि दींदयां।</verse>
				<verse number="13">इन कै तुम, जूं रीतियों तैं लुखुं तैं सिखौदियां, वेका द्वारा परमेश्वर का वचन का अधिकार तैं तुम नष्ट कैरी दींदयां।</verse>
				<verse number="14">फिर यीशु ल लुखुं तैं अपड़ा संमणी बुलै के ऊंमा बोलि, “तुम सभि मेरी बातों तैं सूंणा अर समझा।”</verse>
				<verse number="15">इन कुई बातें नि च जु मनिख्युं तैं भैर बट्टी समैके वे तैं अशुद्ध कैर पर ज्वा चीज मनिख्युं का भितर बट्टी निकलदींनि व ही वे तैं अशुद्ध करदींनि।</verse>
				<verse number="16">जु कै मा सुनणु कु कंदूड़ हूंनु त सूंणि ल्यो।</verse>
				<verse number="17">जब यीशु वीं भीड़ तैं छोड़ी कै घौर गै त, वेका चेलों ल वेमा ईं मिसाल का मतलब का बारा मा पूछि।</verse>
				<verse number="18">यीशु ल ऊंमा बोलि, “क्य तुम भि इन न समझ छा? क्य तुम नि समझदां कि जु खांणु मनिख खांद वे कारण उ परमेश्वर का संमणी अशुद्ध नि ठैरदो।”</verse>
				<verse number="19">किलैकि व वेका मन न पर पुटगा मा जांदी अर संडास मा निकली जांदी, इन बोलि के वेल सभि चीजों तैं शुद्ध ठैरे।</verse>
				<verse number="20">फिर यीशु ल बोलि, “यु बुरी सोच ही छिनी जु मनिख्युं का दिमाक बट्टी निकलदी जु वे तैं अपवित्र करदी।”</verse>
				<verse number="21">किलैकि भितर बट्टी जन मनिख्युं का ह्रदय बट्टी बुरा-बुरा विचार व्यभिचार, चोरी, हत्या, परस्त्रीगमन</verse>
				<verse number="22">लोभ, दुष्टता, छल, लुचापन, कुदृष्टि एक हैंका बुरै कन घमण्ड अर मुर्खता निकलदी।</verse>
				<verse number="23">यु सभि बुरी बात ह्रदय का भितर बट्टी ही निकलदींनि अर मनिख तैं अशुद्ध करदींनि।</verse>
				<verse number="24">यांका बाद यीशु अर वेका चेला उख बट्टी निकली के सूर अर सीदोन का शहर मा ऐं अर एक घौर मा गै अर मि नि चांदु छो कि कुई जांणु की ऊख ठैरयूँ छो पर उ लुखुं बट्टी छिपी नि सैकी पर लुखुं तैं जल्दी ही पता चलि गै की उ इखी च।</verse>
				<verse number="25">अर तुरंत एक जनन वेकी चर्चा सूंणि के वेमा ऐ के अर वेका खुट्टों मा मुंड झुकै के वे तैं आदर दींनि किलैकि वीं कि कंणसी नौंनि दुष्टात्मा बट्टी पीड़ित छै।</verse>
				<verse number="26">या यूनानी जनन छै, अर सीरिया प्रान्त का फेनिशिया मा पैदा हवे छै वीं ल वे बट्टी बिनती कैरी कि मेरी नौंनि बट्टी दुष्टात्मा निकाली दे।</verse>
				<verse number="27">यीशु ल वीं मा बोलि, “पैली नौंनो तैं तृप्त हूंण दे किलैकि नौंनो कि रुट्टि ले के कुकरों का अगनैं डलण ठिक नि च किलैकि यहूदी लोग अन्य जाति तैं कुकुर बुल्दा छा।”</verse>
				<verse number="28">वीं ल वे तैं जवाब दींनि “सच च प्रभु तब भि कुकुर भि त मेज का तौळा नौंनो कि रुट्टियुं का चूर-चार खंदींनि।”</verse>
				<verse number="29">यीशु ल वीं तैं उत्तर दींनि, “ई बात का वजह से चलि जा दुष्टात्मा तेरी नौंनि बट्टी भैर निकली गै।”</verse>
				<verse number="30">वीं ल अपड़ा घौर मा ऐ के देखि कि नौंनि खाट मा पोंड़ि च अर वीं का भितर बट्टी दुष्टात्मा निकली गै।</verse>
				<verse number="31">यांका बाद फिर यीशु अर वेका चेला सूर अर सीदोन का शहरों बट्टी निकली के गलील जिला कि झील का शहर दिकापुलिस जै कु दस नगरों कु शहर भि बुल्दींनि पौंछि।</verse>
				<verse number="32">त लोग एक बैहरा तैं जु हकलांदु भि छो वेका संमणी लैके वे बट्टी बिनती कैरी कि अपड़ो हथ वे पर रख कि उ ठिक हवे जौ।</verse>
				<verse number="33">तब उ वे तैं भीड़ मा बट्टी अलग लै के अर अपड़ी अंगुली वेका कंदूड़ों मा डाली अर अपड़ी अंगुली पर अपड़ो थूक लगै के वेकी जीभ तैं छवे</verse>
				<verse number="34">अर यीशु ल स्वर्ग जनै देखि के परमेश्वर बट्टी गहरी सांस लै के प्रार्थना कैरी अर वेकु बोलि, “इफ्फत्तह” ज्यांकु यु मतलब च “खुलि जा”</verse>
				<verse number="35">अर तुरंत वेका कंदूड़ खुलि गैनी अर उ साफ-साफ सुनण बैठी गै वेकी जीभ की गांठ भि खुलि गै अर उ साफ-साफ बुल्ण लगि गै।</verse>
				<verse number="36">तब यीशु ल ऊं तैं चितै कि कै मा नि बुल्यां पर जथग वेल चितै उथग ही दुसरो मा और यु समाचार फैलांण लगि गैनी।</verse>
				<verse number="37">उ भौत भैंचक मा पोड़ि के बुल्ण लगि गैनी, “वेल सब कुछ अच्छो कैरी उ बैहरो तैं सुंनणै कि अर गूंगो तैं बुल्ण की शक्ति दींद।”</verse>
			</chapter>
			<chapter number="8">
				<verse number="1">एक दिन जब यीशु ल दिकापुलिस जै कु मतलब च दस शहर ऊख छो तब लोग वेमा ऐनी अर वेमा जमा हवे गैनी, अर ऊंमा कुछ खांण कु नि छो त वेल चेलों तैं अफ मा बुलै के ऊंमा बोलि</verse>
				<verse number="2">“मि तैं ईं भीड़ पर दया औंणि च किलैकि यु लोग तीन दिन बट्टी बराबर मि दगड़ी छिन अर अब ऊंमा खांण कु भि कुछ नि च।</verse>
				<verse number="3">जु मि ऊं तैं भुखी ऊंका घौर भेजि दयुलु त बट्टा मा थकि के उखि रै जाला किलैकि यूं मा बट्टी कुई-कुई त भौत दूर बट्टी अयां छिन।”</verse>
				<verse number="4">यीशु का चेलों ल वे तैं जवाब दींनि कुई भि इख सुनसान जंगल मा सब लुखुं कु रुट्टि कख बट्टी लौ कि उ तृप्त हवे जौनु?</verse>
				<verse number="5">यीशु ल ऊंमा पूछि, तुम मा कथग रुट्टि छिन ऊंल बोलि “सात।”</verse>
				<verse number="6">फिर वेल लुखुं तैं धरती पर भुय्यां बैठणैं कि आज्ञा दींनि अर उ बैठ गैनी यांका बाद ऊं तैं सात रुट्टियुं तैं अपड़ा हथ मा ले के परमेश्वर कु धन्यवाद कैरी कै रुट्टि तोड़ी के टुकड़ा वेल अपड़ा चेलों तैं दींनि अर ऊं लुखुं का अगनैं परोसि दींनि।</verse>
				<verse number="7">ऊंमा थोड़ा सी छुटा माछा भि छा तब यीशु ल परमेश्वर कु धन्यवाद कैरी कै रुठी अपड़ा चेलों तैं दींनि अर बोलि, यूं तैं लुखुं तैं बांटि द्या।</verse>
				<verse number="8">तब सभि लोग खै के तृप्त हवे गैनी अर चेलों ल फिर बाद मा बचयां रुटियों का टुकड़ों का सात ठुपरा कठ्ठा करिनी।</verse>
				<verse number="9">अर लोग चार हजार का लगभग छा तब यीशु ल ऊं तैं विदा कैरी फिर उ अर वेका चेला नाव पर चलि गै</verse>
				<verse number="10">यीशु तुरंत अपड़ा चेलों का दगड़ी नाव मा चढ़ी के दलमनूता जिला मा चलि गै।</verse>
				<verse number="11">फिर फरीसी वे दगड़ी बहस कन लगि गैनी अर वेमा सामर्थ का काम का चमत्कार कनु कु बोलि, अपड़ा अधिकार तैं साबित कनु कु हम तैं कुई स्वर्गीय चिन्ह देखो, किलैकि उ वे तैं फंसाण चांदा छा।</verse>
				<verse number="12">यीशु ल ऊंका अविश्वास का कारण निराश हवे के बोलि “यु बगत का लोग चमत्कार का काम का चिन्ह किलै खुज्योंदींनि? मि तुम मा सच बुल्णु छौं कि यु बगत का लुखुं तैं कुई चिन्ह नि दिये जालो।”</verse>
				<verse number="13">फिर वेल फरीसियों तैं छोड़ी के अपड़ा चेलों दगड़ी नाव पर चढ़ी के गलील झील का पल्या छाला पर चलि गै।</verse>
				<verse number="14">यीशु का चेला और रुट्टि लिजांण बिसरी गै छा अर नाव मा ऊंमा एक ही रुट्टि छै अर वीं रुट्टि का अलावा ऊंमा कुछ नि छो।</verse>
				<verse number="15">यीशु ल ऊं तैं चितै “देखा तुम फरीसियों का खमीर से अर राजा हेरोदेस का खमीर से सचेत रावा।”</verse>
				<verse number="16">उ आपस मा विचार कैरी कै बुल्ण लगि गैनी “वेल यु इलै बोलि, किलैकि हम मा रुट्टि नि च।”</verse>
				<verse number="17">यु जांणि के यीशु ल ऊंमा बोलि, “तुम आपस मा किलै यु विचार कना छा कि हम मा रुट्टि नि च? क्य तुम ल अपड़ा जिकुड़ा ढीट कैरेली की तुम अब तक नि समझ सक्यां?”</verse>
				<verse number="18">क्य तुमारा आँखा अंधा अर कंदूड़ बैहरा छिनी? क्य तुम तैं कुछ भि याद नि च।</verse>
				<verse number="19">जब मिल पाँच हजार लुखुं कु पाँच रुट्टि तोड़ी छै त तुम ल टुकड़ों का कथग ठुपरा कठ्ठा करिनी? चेलों ल यीशु मा बोलि कि, “बारह ठुपरा।”</verse>
				<verse number="20">अर जब चार हजार लुखुं कु सात रुट्टि छै त तुम ल टुकड़ो का कथग ठुपरा भोरिके उठै छा ऊंल यीशु मा बोलि सात ठुपरा।</verse>
				<verse number="21">तब यीशु ल ऊंमा बोलि, कि तुम अभि तक भि नि समझयां कि मि कु छो?</verse>
				<verse number="22">तब यीशु अर वेका चेला बैतसैदा नगर मा ऐ अर लोग एक अंधा आदिम तैं वेमा लैंनि अर वे बट्टी बिनती कैरी कि वे आदिम तैं छवे के ठिक कैरी दे।</verse>
				<verse number="23">यीशु वे अंधा आदिम का हथ पकड़ी के गौं का भैर लीगि अर वेका आँखों पर थूकी अर हथ रखिनि अर वेमा पूछि क्य तु कुछ दिखणी छै?</verse>
				<verse number="24">वेल आंखा उठै के बोलि, “मि मनिख्युं तैं देख सकदु छौं उ मि तैं जन कि डालो हिटणा होला उन दिखेंणा छिन।”</verse>
				<verse number="25">तब यीशु ल दुबारा वेका आँखों पर हथ रखिनि अर अंधा ल ध्यान से देखि कि उ खूब हवे गै अर सब कुछ साफ-साफ दिखण लगि गै।</verse>
				<verse number="26">यांका बाद यीशु ल वे तैं यु बोलि, कि अपड़ा घौर चलि जा अर “गौं का लुखुं तैं कुछ भि नि बतै।”</verse>
				<verse number="27">यीशु अर वेका चेला बैतसैदा शहर तैं छोड़ी के कैसरिया फिलिप्पी नगर का नजीक गौं मा चलि गैनी, बट्टा मा ऊंल अपड़ा चेलों मा पूछि, कि लोग मि कु क्य बुल्दींनि कि मि कु छो?</verse>
				<verse number="28">चेलों ल जवाब दींनि, कुछ लोग बुल्दा “तु यूहन्ना बपतिस्मा दींण वलो पर कुई-कुई सुचदींनि कि एलिय्याह परमेश्वर का तरपां बट्टी बुल्दो छो अर कुई-कुई पुणा जु परमेश्वर का तरपां बट्टी बुल्ण वला मा बट्टी कुई एक भि बुल्दींनि।”</verse>
				<verse number="29">फिर यीशु ल ऊंमा पूछि, कि तुम मेरा बारा मा कि सुचदियां की मि कु छो, पतरस ल वे तैं जवाब दींनि, “तू परमेश्वर कु भिज्युं मसीह छै।”</verse>
				<verse number="30">तब यीशु ल ऊं तैं चितै के बोलि, कि मेरा बारा मा यु कै मा नि बुल्यां की मि मसीह छो।</verse>
				<verse number="31">तब यीशु अपड़ा चेलों तैं सिखौंण लगि गै, “कि मि मनिख का नौंनो तैं जरूरी च कि उ भौत दुःख उठौ अर लुखुं का दाना-सयाणों अर प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद मौत से फिर ज्यूँदो हवे जालो।”</verse>
				<verse number="32">यीशु ल या बात अपड़ा चेलों मा साफ-साफ बोलि दींनि ईं बात पर पतरस वे तैं अलग मा लिजै के झिड़कंण लगि गै</verse>
				<verse number="33">पर यीशु ल पिछनै फरिकी के अपड़ा चेलों जनै देखि अर पतरस तैं झिड़की के बोलि, “हे शैतान मेरा संमणी बट्टी दूर हवे जा किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”</verse>
				<verse number="34">वेल भीड़ तैं अपड़ा चेलों का समेत अपड़ा संमणी बुलै के ऊंमा बोलि “जु कुई मेरा पिछनैं आंण चौ उ अपड़ी इच्छाओं तैं छोड़ी के अर अपड़ो सूली उठै के मेरा पिछनैं हवे जौं।</verse>
				<verse number="35">किलैकि जु कुई अपड़ो जीवन बचौण चौ त उ वे तैं गवांलू पर जु कुई मेरा बाना अर शुभ सन्देश का बाना अपड़ा आत्मा तैं गवांलू उ अनन्त जीवन तैं पालो।</verse>
				<verse number="36">ऊं कु कुई कीमत नि च जु मनिख सैरा दुनिया तैं पै ल्यो अर अपड़ा प्राण अर आत्मा तैं ख्वे द्यो।</verse>
				<verse number="37">क्य यु हवे सकद की मनिख अनन्त जीवन पांणु कु कुछ दे साको उ अपड़ा आत्मा का बदला क्य दे सकद?</verse>
				<verse number="38">जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”</verse>
			</chapter>
			<chapter number="9">
				<verse number="1">फिर यीशु ल भीड़ अर अपड़ा चेलों मा बोलि, मि तुम मा सच बुल्णु छौं कि जु इख म खड़ा छिन ऊंमा बट्टी कुई-कुई इन छिन कि जब तक परमेश्वर का राज्य तैं सामर्थ का दगड़ी आंण नि दिखला तब तक ऊंल नि मुरुला।</verse>
				<verse number="2">एक हफ्ता का बाद यीशु ल पतरस याकूब अर यूहन्ना तैं अफ दगड़ा मा लींनि अर सुनसान जगह मा जख उ यखुली छा ऊं दगड़ी एक डांडा पर चलि गैनी जब ऊंल वे जनै देखि त वेको रुप बदली गै।</verse>
				<verse number="3">अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा अर इथग उज्यलो हवे गै कि धरती मा कुई भि धोबी वेकी बराबरी नि कैर सकदु।</verse>
				<verse number="4">तब यूं तीन चेलों ल ऊं द्वी परमेश्वर का तरपां बट्टी बुल्ण वलो मूसा अर एलिय्याह तैं देखि जु भौत पैली छा अर यीशु का दगड़ा बातचित कना छा</verse>
				<verse number="5">यु देखि के पतरस ल यीशु कु बोलि, “हे गुरु हम इख छा यूं हम कु अच्छो च, हम इख तीन डेरा बणौला एक त्वे कु एक मूसा कु अर एक एलिय्याह कु।”</verse>
				<verse number="6">वेल बोलि कि, किलैकि उन ही जंणदा कि यूं तैं क्य जवाब द्यों अर क्य कैरा इलै कि उ भौत डौर गै छा।</verse>
				<verse number="7">तब एक बादल ल ऊं तैं घेरि कै ढकै दींनि, अर ऊंल बादल बट्टी परमेश्वर की आवाज सूंणि, “यु मेरू प्रिय नौंनो च यु जु भि बुल्द यु कि सूंणा।”</verse>
				<verse number="8">तब ऊंल चौतरफी नजर डाली पर ऊंल भस यीशु का अलावा अपड़ा दगड़ा मा कुई नि देखि किलैकि मुसा अर एलिय्याह चलि गै छा।</verse>
				<verse number="9">जब यीशु अर वेका तीन चेला डांडा बट्टी उंद आंदी बगत वेल ऊं तैं आज्ञा दींनि जब तक मि मनिख कु नौंनो मोरि कै जीवन मा वापिस नि ए जौं तब तक जु कुछ तुम ल डांडा मा देखि उ कै मा नि बुल्यां।</verse>
				<verse number="10">ऊंल डांडा मा जु हवे छो के तैं नि बतै की ऊंल क्य देखि पर उ आपस मा चर्चा कन लगि गैनी कि मोरि कै ज्यूँदो हूंण कु क्य मतलब च?</verse>
				<verse number="11">अर फिर चेलों ल वेमा पूछि, मूसा की व्यवस्था तैं सिखांण वला किलै बुल्दींनि कि एलिय्याह को मसीह से पैली आंण जरूरी च?</verse>
				<verse number="12">वेल ऊं तैं जवाब दे एलिय्याह ल सचमुच मा पैली ऐ के सब कुछ सुधारेली, पर मि मनिख कु नौंनो का बारा मा परमेश्वर का वचन मा किलै इन लिख्युं च कि वेल भौत दुख उठांण अर तुच्छ समझे जांण?</verse>
				<verse number="13">पर मि तुम मा बुल्णु छौं कि एलिय्याह त ऐ गै अर जन वेका बारा मा परमेश्वर का वचन मा लिख्युं च कि जन यहूदी अगुवों ल जु कुछ चै वेका दगड़ा कैरी।</verse>
				<verse number="14">जब यीशु अर वेका तीन चेला दुसरा और चेलों मा वापिस ऐनी त वेल देखि कि ऊंका चौतरफी बड़ी भीड़ लगिं च अर मूसा की व्यवस्था तैं सिखांण वला लोग ऊंका दगड़ा मा बहस कना छिन।</verse>
				<verse number="15">जन ही सभि लुखुं ल यीशु तैं देखि त सभि भैचक मा पोड़ि गैनी अर वेका संमणी जै कै वे तैं प्रणाम कैरी।</verse>
				<verse number="16">यीशु ल ऊं तैं पूछि, तुम यूंका दगड़ा मा क्य बहस कना छा?</verse>
				<verse number="17">भीड़ मा बट्टी एक आदिम ल वे तैं जवाब दे “हे गुरु मि अपड़ा नौंना तैं जै पर दुष्टात्मा च अर वीं दुष्टात्मा का कारण उ गूंगो च वे तैं कुछ भि बुल्ण नि दीन्दु इलै मि अपड़ा नौंना तैं त्वे मा लै छो।”</verse>
				<verse number="18">जख कखि भि उ दुष्टात्मा वे पर हमला करद त उ उखि वे तैं भुयां पटगि दींदु अर वेका गिच्चा बट्टी झाग निकलण लगि जांदु अर उ दांत रमकौंदु अर सुखदि जांणु च, मिल तेरु चेलों कु बोलि छो कि उ वे दुष्टात्मा तैं निकाली दयूंनु पर ऊं नि निकाली सकिनि।</verse>
				<verse number="19">इन सूंणि कै यीशु ल ऊं तैं जवाब दे के बोलि, “हे अविश्वासी लुखुं, तु मि पर विश्वास कनु कु मिल कब तक तुमारो इन्तजार कन? अर कब तक तुमारा अविश्वास तैं सौंण, वे लड़का तैं मि मा लेकै आवा।”</verse>
				<verse number="20">तब उ लड़का तैं यीशु मा लेकै ऐनी अर जब दुष्टात्मा ल यीशु तैं देखि त वीं दुष्टात्मा ल वे तैं मड़कै अर उ भुयां धरती मा पोड़ि गै अर गिच्चा बट्टी झाग निकाली अर उ लफड़ाण लगि गै।</verse>
				<verse number="21">यीशु ल वे लड़का का बुबा मा पूछि, यु तैं यु सब कब बट्टी हूंणु च वेल बोलि, बचपन बट्टी जब उ भौत छुटो छो।</verse>
				<verse number="22">दुष्टात्मा यु तैं खत्म कनु कु कभि आग मा कभि पांणी मा डोल दींनि पर जु तु कुछ कैरी सकदी छै त हम पर दया कैरी कै हमारो भलो कैर।</verse>
				<verse number="23">यीशु ल वेकु बोलि, क्य तू बुल्णी छै कि, जु तुम कैरी सकदां; क्य त्वे तैं विश्वास नि च? विश्वास कनवळा कु सभि कुछ हवे सकदु।</verse>
				<verse number="24">वे लड़का का बुबा ल तुरंत गंगजै कै बोलि, “हे प्रभु मि विश्वास करदु मेरा अविश्वास तैं दूर कैर।”</verse>
				<verse number="25">जब यीशु ल देखि कि लोग दौड़ि कै भीड़ मा जुड़णा छिन त वेल वीं दुष्टात्मा तैं इन बोलि के घुड़कि, हे अशुद्ध आत्मा जु यु लड़का तैं गुंगु अर बहरो बनांणी छै मि त्वे तैं आज्ञा दींणु छौं वे तैं छोड़ी के निकली जा अर फिर कभि यु मा नि समै।</verse>
				<verse number="26">तब उ दुष्टात्मा चिल्लै कै अर वे नौंना तैं मरोड़ कै निकली गै अर उ नौंनो हिली तक नीच अर मुरयां जन लगि इख तक कि भौत लोग बुल्ण लगि गैनी कि उ मोरि गै।</verse>
				<verse number="27">पर यीशु ल वेको हथ पकड़ी के वे तैं उठै अर उ खड़ो हवे गै।</verse>
				<verse number="28">बाद मा जब यीशु अपड़ा चेलों दगड़ा मा घौर मा ऐ त तब ऊंल वे तैं पूछि हम ल व दुष्टात्मा किलै नि निकाली साकी?</verse>
				<verse number="29">फिर यीशु ल उत्तर दे, “पिता परमेश्वर बट्टी प्रार्थना अर उपवास का अलावा यु जन दुष्टात्मा लुखुं बट्टी भैर नि ऐ सकदी।”</verse>
				<verse number="30">“फिर यीशु अर वेका चेलों, ल व जगह छोड़ी द्ये अर गलील जिला बट्टी हवे के जांणा छा यीशु नि चांदु छो कि कुई जांणु की उ ऊख च।”</verse>
				<verse number="31">किलैकि यीशु अपड़ा चेलों का दगड़ी मा और रांण चयणु छो अर ऊं तैं और शिक्षा दींण चांणु छो ऊंकु बुल्द छो कि “मि मनिख कु नौंनो मनिख्युं का हथ बट्टी पकड़वे जालो अर ऊंल मि तैं मारि दींण अर फिर मिल मौत का तीन दिन बाद ज्यूँदो हवे जांण।”</verse>
				<verse number="32">पर या बात चेलों की समझ मा नि ऐ कि वेल क्य बोलि, अर उ वे बट्टी पुछण से भि डरदा छा।</verse>
				<verse number="33">फिर यीशु अर वेका चेला कफरनहूम शहर वेका घौर मा ऐनी, यीशु ल ऊं तैं पूछि, बट्टा मा तुम की बात पर बहस कना छा</verse>
				<verse number="34">उ चुप हवे गैनी किलैकि बट्टा मा ऊंल आपस मा ईं बात पर बहस कैरी छै कि हम मा बट्टी बड़ो कु च?</verse>
				<verse number="35">तब यीशु ल अपड़ा बारह चेलों तैं बुलै के अपड़ा चौतरफी बैठे कै बोलि, जु कुई बढि के महान हूंण चौ त सबसे नम्र अर कम से कम अर सभियूं कि सेवा टहल कन वलो बणो।</verse>
				<verse number="36">तब यीशु ल एक बच्चा तैं जु ऊंका नजीक मा खड़ो छो वे तैं अपड़ा खुचल्या मा उठै कै ऊंकु बोलि।</verse>
				<verse number="37">जु कुई मनिख मि से प्रेम करदु अर मेरू सम्मान करद उ यूं बच्चों मा बट्टी कै भि एक तैं अपणांदु उ मि तैं न बल्कि परमेश्वर तैं जैल मि तैं भेजि अपणांदु।</verse>
				<verse number="38">तब यूहन्ना ल वेकु बोलि “हे गुरु हम ल एक मनिख तैं तेरु नौं की सामर्थ बट्टी दुष्टात्मा निकलण देखि अर हम वेको मना कना रां किलैकि उ हम जन तेरु चेला नि च।”</verse>
				<verse number="39">यीशु ल बोलि, “वेको मना नि कैरा किलैकि इन कुई नि च जु मेरा नौं से चमत्कार का काम नि कैर साको अर मि कु बुरो बोलि सैकु।”</verse>
				<verse number="40">किलैकि जु हमारा दुश्मन नि च उ हमारो दगड़िया ही च।</verse>
				<verse number="41">जु कुई एक गिलास पांणी तुम तैं इलै पिलालु किलैकि तुम मसीह का चेला कहलांदा छा त मि तुम मा सच बुल्ण छौं वेल अपड़ो प्रतिफल तैं जरुर पांण।</verse>
				<verse number="42">यु एक बड़ो दंड च की जु कुई यूं छुटों मा बट्टी जु मि पर विश्वास करदींनि ऊं तैं उतेडो लगौ त वेको त यु भलो च कि उ अपड़ा गौळा मा जंदरा को पाट लटकाये जौं अर उ समुद्र मा डाले जौं।</verse>
				<verse number="43">पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरु हथ त्वे तैं ठोकर लगौ त वे तैं काटि दे बगैर हथ त्वे तैं स्वर्ग मा जांण यां बट्टी भलो च कि द्वी हथ हवे कै भि नरक कि आग मा डाले जौ ज्वा कभि बुझदि नि च।</verse>
				<verse number="44">अर नरक मा जख वेको कीड़ो नि मोरदु अर आग नि बुझदि।</verse>
				<verse number="45">पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरु खुटा त्वे तैं ठोकर लगौ त वे तैं काटि दे बगैर खुट्टों त्वे तैं स्वर्ग मा जांण यां बट्टी भलो च कि द्वी खुट्टों हवे कै भि नरक कि आग मा डाले जै।</verse>
				<verse number="46">अर नरक मा जख ऊंकु कीड़ो नि मोरदु अर आग नि बुझदि।</verse>
				<verse number="47">पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरु आँखों त्वे तैं उतेडो लगौ त वे तैं निकाली दे कांणो हवे कै परमेश्वर का राज्य मा जांण त्वे कु भलो होलो कि द्वी आँखा हवे कै भि तु नरक मा डाले जै।</verse>
				<verse number="48">अर नरक मा जख वेको कीड़ो नि मोरद अर आग नि बुझदि।</verse>
				<verse number="49">किलैकि हरेक मनिख आग ल शुद्ध करे जालो जन बलिदान तैं लूंण ल शुद्ध करदींनि।</verse>
				<verse number="50">लूंण त खूब च पर जु वेको स्वाद बितड़ि जौं त वे तैं क्य ल ल्युणणो करिल्या? अफ मा लूंण जन गुण रखा अर आपस मा मेल मिलाप से रावा।</verse>
			</chapter>
			<chapter number="10">
				<verse number="1">फिर यीशु ल अपड़ा शिष्यों दगड़ी कपरनाहुम शहर छोड़ी दींनि, उख बट्टी उठि के उ यहूदिया प्रान्त बट्टी हवे के यरदन गाड का पल्या छाला पर ऐनी जख फिर एक बार एक भीड़ वेका नजदीक फिर कठा हवे गै अर उ फिर ऊं तैं अपड़ी रीत का अनुसार उपदेश दींण लगि गै।</verse>
				<verse number="2">तब फरीसियों ल वेकी अजमैश कनु कु वेमा पूछि क्य मूसा की व्यवस्था मा एक आदिम तैं अपड़ी घरवलि तैं छुड़णै की अनुमति छैं?</verse>
				<verse number="3">यीशु ल ऊं तैं जवाब दे, मूसा ल तुम तैं तलाक कु क्य व्यवस्था दियुं च?</verse>
				<verse number="4">ऊंल बोलि, “मूसा कु त त्यागपत्र कु चाम्रपत्र दे के जनन छोडणै की अनुमति दियुं च।”</verse>
				<verse number="5">यीशु ल ऊंकु बोलि, “तुमारा जिद्दी हूंण का कारण वेल तुम तैं या आज्ञा दींनि।</verse>
				<verse number="6">पर परमेश्वर का वचन मा लिख्युं च कि धरती कि शुरुवात बट्टी परमेश्वर ल मर्द अर औरत बोलि के ऊं तैं बणै।</verse>
				<verse number="7">इलै मनिख अपड़ा ब्वे-बुबा बट्टी अलग हवे के ब्यो कैरी कै अपड़ी घरवलि का दगड़ा मा रालो</verse>
				<verse number="8">अर उ द्वी एक तन होला इलै उ अब द्वी न पर एक तन च।</verse>
				<verse number="9">इलै जै तैं परमेश्वर ल जोड़ेलि वे तैं मनिख अलग नि कैरो जूं तैं परमेश्वर कु एक करयूं च।”</verse>
				<verse number="10">बाद मा जब यीशु चेलों दगड़ी घौर मा यखुली छो, त चेलों ल वे तैं यांका बारा मा और जादा पूछि।</verse>
				<verse number="11">तब यीशु ल ऊंमा बोलि, “जु कुई आदिम अपड़ी घरवलि तैं तलाक दे के हैंकी जनन का दगड़ा मा ब्यो करलो त तब उ वीं पैली का खिलाफ व्यभिचार करदो</verse>
				<verse number="12">अर जु घरवलि अपड़ा आदिम तैं छोड़ी के हैंका आदिम का दगड़ा मा ब्यो कैर त व भि व्यभिचार करदी।”</verse>
				<verse number="13">फिर लोग नौन्याळु तैं वेमा लाणा रैनी कि यीशु ऊंका मुंड मा हथ रखि के आशीष द्यो पर चेलों ल लोग घुड़कि दींनि।</verse>
				<verse number="14">यीशु ल यु देखि त गुस्सा हवे कै ऊंकु बोलि, “बच्चों तैं मि मा आंण द्या ऊंकु मना नि कैरा किलैकि यु ही लोग जु बच्चों जन विश्वासयोग्य अर विनम्र छिनी परमेश्वर कु राज्य यूंको ही च।</verse>
				<verse number="15">मि तुम मा सच बुल्ण छौं कि जु कुई परमेश्वर का राज्य तैं बच्चों जन अपणालो वेल ही परमेश्वर का राज्य मा जै सकण।”</verse>
				<verse number="16">अर वेल बच्चों तैं खुचल्या मा उठै अर ऊंका मुंड मा हथ रखि कै आशीष दींनि।</verse>
				<verse number="17">जब यीशु अर वेका चेला उख बट्टी निकली के बट्टा लगयां छा त एक मनिख वेमा दौड़ि के ऐ अर वेका संमणी घुंडा टेकी के ऊंमा पूछि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च।”</verse>
				<verse number="18">यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई भलो अर अच्छो नि च।”</verse>
				<verse number="19">तु परमेश्वर की आज्ञाओं तैं त जंणदी ही छै हत्या नि कन, व्यभिचार नि कन, चोरी नि कन, झूठी गव्है नि दींण, कै तैं अपड़ा फैदा कु धोखा नि दींण, अपड़ा बुबा अर ब्वे को आदरमान नि कन।</verse>
				<verse number="20">वेल बोलि, “गुरु जी यूं सभियूं आज्ञाओं तैं मि बचपन बट्टी मंणदी औंणु छौं।”</verse>
				<verse number="21">यीशु ल वे तैं प्यार से देखि अर वेकु बोलि, “एक काम च जु त्वे तैं अभि भि कन जरूरी च जु कुछ धन सम्पति तेरी च वे तैं बेचि के गरीबों तैं दे-दे अर त्वे तैं स्वर्ग का राज्य मा धन मिललो अर मेरू चेला बण के मेरा पिछनैं हवे जा।”</verse>
				<verse number="22">जब वेला यीशु की ई बात तैं सूंणि त वेका मुक पर उदासी छै गै अर उ दुखी हवे के चलि गै किलैकि उ भौत सेठ छो।</verse>
				<verse number="23">यीशु ल चौतरफी अपड़ा चेलों तैं देखि के बोलि “सेठ धनवान लुखुं कु परमेश्वर का राज्य मा जांण भौत मुश्किल च।”</verse>
				<verse number="24">चेला ऊंकी बात पर घंगतोळ मा पोड़ि गैनी यां पर यीशु ल फिर ऊंकु बोलि “हे भयों जु धन पर भरोसो रखदींनि ऊंको परमेश्वर का राज्य मा जांण भौत मुश्किल च।</verse>
				<verse number="25">परमेश्वर का राज्य मा सेठ शौकारुं कु जांण मुश्किल च, पर ऊंटो कु स्यूण का छेद बट्टी निकलण सौंगु च।”</verse>
				<verse number="26">जब चेलों ल यु सूंणि त उ भैचक हवे के आपस मा बुल्ण लगि गै की यांको मतलब च की कै तैं भि पापों का दंड बट्टी उद्धार नि मिल सकद।</verse>
				<verse number="27">यीशु ल ऊंकी तरपां देखि के बोलि, “यु मनिख्युं बट्टी त नि हवे सकदु पर परमेश्वर कु सब कुछ संभव च।”</verse>
				<verse number="28">पतरस ल यीशु म बोलि, “हमारो क्य होलो हम त तेरु चेला बंणि के सभि कुछ छोड़ी के तेरा पिछनै औंणा छा।”</verse>
				<verse number="29">यीशु ल चेलों म बोलि, “मि तुम मा सच बुल्णु छौं कि तुम बट्टी कुछ लुखुं ल मेरा अर शुभ सन्देश का खातिर घौरबार भैय बैणा, ब्वे-बुबा, बाल बच्चा, पुंगड़ा तक छोड़ेनी।”</verse>
				<verse number="30">अर अब मि पर विश्वास रखण का कारण अर लुखुं द्वारा सताव का दगड़ा स्वर्गलोक मा सौ गुणा अनन्त जीवन पाला।</verse>
				<verse number="31">पर भौत सैरा लोग छिनी जु अभि महान छिन ऊं तैं तब नम्र बणये जालो अर जु नम्र छिन ऊं तैं महान बणये जाला।</verse>
				<verse number="32">उ यरूशलेम शहर जांदी बगत बट्टा मा छो अर यीशु ऊंका अगनैं-अगनैं जांणु छो चेला भौचक मा पुड़यां छा जु वेका पिछनै चलणां छा अर दुश्मनो का कारण डरयां छा एक बार फिर ऊं बारहों चेलों तैं एक तरपां लै के ऊं चीजों की बात तैं कन लगि गै जु ऊं पर बितण वली छै।</verse>
				<verse number="33">ध्यान से सूंणा हम यरूशलेम शहर का जनै जांणा छा अर मि मनिख कु नौंनो प्रधान याजक अर मूसा की व्यवस्था तैं सिखांण वलो का हथ पकड़वये जौलु अर उ मि तैं मौत का लैख ठैराला अर अन्यजातियों का हथ मा सौंपी द्याला।</verse>
				<verse number="34">उ मेरू मजाक करला मि पर थुकला मि पर कोड़ा मरला मि तैं खत्म कैरी द्याला अर तिसरा दिन का बाद मि ज्यूँदो हवे जौलु।</verse>
				<verse number="35">तब जब्दी का नौंना, जै को नौं याकूब अर यूहन्ना छो दुई भैय छ वेमा ऐ के बोलि, “गुरु जी हम चदयां कि जु कुछ हम तुम बट्टी मांगा उ तुम हम कु कैरा।”</verse>
				<verse number="36">यीशु ल ऊंकु बोलि, तुम “क्य चदयां कि मि तुम कु कैरु?”</verse>
				<verse number="37">ऊंल यीशु मा बोलि, “हम कु इन कैर कि तेरी बढ़ै का राज्य मा हम मा बट्टी एक तेरी दैंणि अर हैंको बैं तरपां शानदार सिंहासन पर बैठो।”</verse>
				<verse number="38">यीशु ल ऊंकु बोलि, तुम नि जंणदयां कि क्य मंगणा छा; जन मि मुरुलु लोग तुम तैं भि मरला किलैकि उ मि तैं मारि दयाला क्य तुम दुःख उठांण चांणा छा जन कि मिल दुःख उठांण?</verse>
				<verse number="39">ऊंल यीशु मा बोलि, हम बट्टी हवे सकदु च; यीशु ल ऊंकु बोलि, तुम हकीकत मा पीड़ित हवेला जन कि मिल भुगतण; जन ही मि मोरि जौलु तुम भि मोरि जैला।</verse>
				<verse number="40">पर जौं कु तैयार करयूं च ऊं छोड़ी के और कै तैं अपड़ा दैंणा अर अपड़ा बैं तरपां बिठांण मेरू काम नि च।</verse>
				<verse number="41">इन सूंणि के और दस का दस चेला याकूब अर यूहन्ना पर गुस्सा कन लगि गैनी।</verse>
				<verse number="42">तब यीशु ल ऊं तैं नजीक बुलै के ऊंकु बोलि, “तुम जंणदा छा कि जु कि गैर जातियों का राज्यपाल उ, ऊं पर अपड़ो अधिकार चलौंदींनि अर अपड़ी बात मनवाणु कु ऊं पर अपड़ो अधिकार कु इस्तेमाल करदींनि।”</verse>
				<verse number="43">पर तुम मा इन नि च जु कुई तुम्हरा बीच मा बढि के महान हूंण चौ त सबसे नम्र अर कम से कम अर सभियूं कि सेवा टहल कन वलो बणो।</verse>
				<verse number="44">अर जु कुई तुम मा प्रधान हूंण चौ उ सेवक बणु।</verse>
				<verse number="45">मि इन इलै बुल्द किलैकि मि मनिख कु नौंनो इलै नि अयुं कि दुसरा मेरी सेवा-टहल कैरा पर इलै अयुं की दूसरों की सेवा टहल कैरू, मि अपड़ी मौत की कीमत द्ये के भौत लुखुं तैं ऊंका पापों बट्टी ऊं तैं छुटकारा दींणु कु अयुं छौं।</verse>
				<verse number="46">यरूशलेम शहर जांण बगत यीशु अर वेका चेला यरीहो शहर मा ऐ अर जब यीशु अर वेका चेला अर लुखुं की बड़ी भीड़ यरीहो बट्टी जांणि छै तब तिमाई कु नौंनो बरतिमाई एक अंधा भीख मंगण वलो सड़क का किनारा बैठयूं छो।</verse>
				<verse number="47">जब वेल सूंणि कि यीशु नासरी जु नासरत गौं का रस्ता जांणु च त वेल धै लगै-लगै के बोलि, “हे यीशु दाऊद कि संतान मि पर दया कैर।”</verse>
				<verse number="48">भौत लुखुं ल उ घुड़कि कि चुप रौ पर उ और भि जादा चिल्लांण लगि गै “हे दाऊद कि संतान मि पर दया कैर”</verse>
				<verse number="49">जब यीशु ल वे कि आवाज तैं सूंणि त रुकि के अमणी-संमणी का लुखुं तैं बोलि, “वे तैं मि मा ल” अर लोग वे अंधा तैं वे मा लैनि अर वेकु बोलि, “ढाडस बांध उठ उ त्वे तैं बुलांणु च।”</verse>
				<verse number="50">वे अंधा ल अपड़ो चौला एक तरपां डोल अर उछलि कै यीशु मा ऐ।</verse>
				<verse number="51">यीशु ल वे तैं पूछि, “तु क्य चाँदि कि मि त्वे कु कैरु” अंधा ल वेकु बोलि, “गुरु जी यु कि मि दिखण लगि जौं।”</verse>
				<verse number="52">यीशु ल वेकु बोलि, “जा अपड़ा घौर चलि जा तेरु विश्वास ल जु तेरु मि पर च त्वे तैं बचैयेले अर उ तुरंत दिखण लगि गै अर उ तुरंत वेका पीछेने हवे गै।”</verse>
			</chapter>
			<chapter number="11">
				<verse number="1">जब यीशु अर वेका चेला यरूशलेम शहर का नजीक पौंछिनी त उ जैतून डाला का डांडा का किनारा पर बैतफगै अर बैतनिय्याह का गौं मा ऐ, त वेल अपड़ा चेलों मा बट्टी द्वी चेलों तैं इन बोलि के भेजि,</verse>
				<verse number="2">“संमणी का गौं मा जावा अर उख पौंछि के तुम तैं एक गधा कु बच्चा जै पर अभि तक कैल भि सवारी नि कैरी तुम तैं बंधयूं मिललो वे तैं खोलि के इनै ल्यावा।”</verse>
				<verse number="3">जु तुम मा कुई पूछो कि इन किलै कना छा? त बुल्यां यीशु हमारा प्रभु तैं यु कि जरुरत च अर उ जल्दी ही वे तैं इख वापिस भेजि द्याला।</verse>
				<verse number="4">चेला उख गौं मा गैनी ऊं तैं एक घौर का द्वार का संमणी गधा कु बच्चा बंधयूं मिली अर उ वे तैं खुलण लगि गैनी।</verse>
				<verse number="5">उख जु लोग खड़ा छा ऊंमा बट्टी कै-कैन पूछि, “तुम यु क्य कना छा गधा का बच्चा तैं किलै खुलणां छा?”</verse>
				<verse number="6">जन यीशु ल ऊं कु बुल्युं छो चेलों ल उन ही ऊं लुखुं मा बोलि, तब ऊं लुखुं ल गधा तैं लिजांण दींनि।</verse>
				<verse number="7">ऊं द्वी चेला वे गधा का बच्चा तैं यीशु मा लै के ऐनी अर वे पर अपड़ा भैरा का कपड़ा डलिनि अर यीशु वेमा बैठी के जांण लगि गै।</verse>
				<verse number="8">जन ही यीशु गधा पर सवार हवे के यरूशलेम की तरपां ऐनी त भौत सारा लुखुं ल अपड़ा कपड़ा बट्टा मा बिछै कै वेको सम्मान कैरी अर भौतों ल खजूर की डाली काटि-काटि के बिछै वेको सम्मान कैरी।</verse>
				<verse number="9">जु वेका अगनैं-अगनैं अर पिछनै-पिछनै जांणा छा पुकारी-पुकारी के बुल्दी जांणा छा “होशाना” हो धन्य च उ जु परमेश्वर की सामर्थ से आंद।</verse>
				<verse number="10">हमारा पुरणों मा राजा दाऊद कु राज्य जु परमेश्वर की सामर्थ मा आंणु च परमेश्वर जु स्वर्ग मा रांदो वेकी होशाना हो।</verse>
				<verse number="11">जब यीशु यरूशलेम शहर मा पौंछि के यरूशलेम शहर का मन्दिर मा ऐ अर चौतरफी देखि की उख क्य चलणु च किलैकि रुमुक हवे गै छै इलै उ रात बितांणु कु अपड़ा बारह चेलों का दगड़ा मा बैतनिय्याह चलि गै।</verse>
				<verse number="12">हैंका दिन जब यीशु अर वेका चेला बैतनिय्याह गौं बट्टी यरूशलेम शहर गैनी त यीशु तैं भूख लगि।</verse>
				<verse number="13">वेल दूर एक पत्तों से भुर्युं बेडु को डालो देखि त तब उ वेका नजीक गै कि हवे सकदु वे पर कुछ फल हो पर पत्तों का सिवै वे पर वेल कुछ नि पै किलैकि फल लगणों को बगत नि छो।</verse>
				<verse number="14">यां पर यीशु ल वे डाला कु दंड दे के बोलि, “अब बट्टी त्वे पर कभि फल नि लगुनु” अर वेका चेला सुनणा छा।</verse>
				<verse number="15">फिर यांका बाद यीशु अर वेका चेला यरूशलेम शहर पौंछिंनी अर उ यरूशलेम शहर का मन्दिर म गै अर उख जु पैसों कु लींण दींण कना छा ऊं तैं भैर निकलण लगि गै अर सुनारु का ठिया अर कबूतर बिचण वलो कि चौकि तैं भि फरकै दींनि।</verse>
				<verse number="16">अर यीशु ल लुखुं तैं आज्ञा दींनि की उ यरूशलेम शहर का मन्दिर का अमणी-संमणी का क्षेत्र बट्टी चीजों तैं लिजांण बंद कैरी द्या।</verse>
				<verse number="17">अर ऊंकु बोलि “पिता परमेश्वर का वचन मा यु लिख्युं च कि मेरू घौर सभि जातियों का लुखुं कु पिता परमेश्वर बट्टी प्रार्थना कु मन्दिर बुलयालो? पर तुम ल यु तैं डकैतों को उडयार बणैयेलि।”</verse>
				<verse number="18">यु सूंणि के प्रधान याजक अर मूसा की व्यवस्था तैं सिखांण वला, कि यीशु क्य बुल्णु च अर क्य कनु च, त उ यीशु तैं नाश कनु को मौका खुज्योंण लगि गैनी किलैकि उ वेकी लोकप्रियता से डरदा छा, अर जु उ सिखांदु छो भीड़ का लोग वे तैं पसंद करदां छा इलै अर हकदक रै जांदा छा।</verse>
				<verse number="19">जब रुमुक हवे त यीशु अर वेका चेला उ शहर छोड़ी के बैतनिय्याह गौं मा सींणु कु चलि गैनी।</verse>
				<verse number="20">फिर दुसरा दिन सबेर मा जब यीशु अर वेका चेला वापिस यरूशलेम शहर की तरपां जांण छा त ऊंल वे बेडु का डाला तैं जौड़ा तक सुख्युं देखि।</verse>
				<verse number="21">पतरस तैं व बात याद ऐ अर वेल यीशु मा बोलि, “गुरु जी देख यु बेडु कु डालो जै तैं तिल श्राप दे छो उ जौड़ा बट्टी सूखि गै।”</verse>
				<verse number="22">यीशु ल वे तैं जवाब दे “परमेश्वर पर विश्वास रखा की जु तुम ल मांगि वे तैं परमेश्वर ल पूरो कन।”</verse>
				<verse number="23">मि तुम मा सच-सच बुल्णु छौं जु कुई यु डांडा कु बुललो तु उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि विश्वास कैर कि जु बुल्णु च उ हवे जालो त वेको उन ही हवे जालो।</verse>
				<verse number="24">इलै मि तुम मा बुल्णु छौं कि जु कुछ तुम पिता परमेश्वर बट्टी प्रार्थना कैरी के मांगिल्या त विश्वास कैरा कि उ तुम तैं मिली गै अर पिता परमेश्वर तुम तैं दयालो।</verse>
				<verse number="25">अर इन ही जब कभि तुम पिता परमेश्वर बट्टी प्रार्थना करदा अर जु तुमारा दिल मा कैका खिलाफ कुई बैर हो त माफ कैरा इलै कि पिता परमेश्वर जु स्वर्ग मा रौंद तुमारा पापों तैं भि माफ करलो।</verse>
				<verse number="26">अर जु तुम दुसरो की गलतियों तैं माफ नि करिल्या त तुमारो बुबा भि जु स्वर्ग मा च तुमारी गलतियों तैं माफ नि करलो।</verse>
				<verse number="27">यीशु फिर एक बार यरूशलेम शहर मा ऐ अर जब उ यरूशलेम शहर का मन्दिर मा टैलणु छो त प्रधान याजक, दाना-सयाणों अर मूसा की व्यवस्था तैं सिखांण वलो अर यहूदी अगुवा वेमा ऐ के पुछण लगि गैनी।</verse>
				<verse number="28">ऊंल यीशु कु बोलि, “यूं कामों तैं कनु कु त्वे तैं क्य अधिकार च? अर यु अधिकार त्वे तैं कैल दींनि कि तु यु काम कैरी।”</verse>
				<verse number="29">यीशु ल ऊंमा बोलि, “जु तुम मि तैं जवाब द्या त मि भि तुम मा एक बात पुछणु छौं, त मि तुम तैं बतौलु कि यु काम मि कै अधिकार से करदु।”</verse>
				<verse number="30">यूहन्ना तैं बपतिस्मा दींण कु कैल भेजि? क्य स्वर्ग बट्टी परमेश्वर ल या मनिख्युं ल मि तैं जवाब द्या?</verse>
				<verse number="31">तब उ आपस मा बातचित कन लगि गैनी पर जु हम लुखुं मा बोलुला त क्य होलो कि, यूहन्ना परमेश्वर का अधिकार ल बपतिस्मा दींद त वेल पुछण कि फिर तुम ल वेको विश्वास किलै नि कैरी?</verse>
				<verse number="32">उ डरदा छा कि जु इन बोला कि, यूहन्ना कु अधिकार मनिख्युं की तरपां बट्टी च त लोग ऊं कु परेशानी खड़ी कैरी दयाला किलैकि सभि जंणदा छा कि यूहन्ना सचमुच मा परमेश्वर का तरपां बट्टी बुल्ण वलो छो।</verse>
				<verse number="33">त तब ऊंल यीशु तैं जवाब दे “हम नि जंणदा की कैल भेजि” यीशु ल ऊंमा बोलि, मि भि तुम तैं नि बतौंदु कि यु काम कनु कु अधिकार वे तैं कख बट्टी मिली।</verse>
			</chapter>
			<chapter number="12">
				<verse number="1">फिर वेका बाद यीशु यहूदी अगुवों तैं मिसाल दे के ऊंका दगड़ा मा बात कन लगि गै, “एक आदिम ल अपड़ा अंगूर का बगिचा मा कुछ अंगूर लगैन अर वेका चौतरफी बाड़ भि बंधि अर रस कु कुंड भि खैणि अर गुम्मट बणै अर किसानों तैं किराया पर दे के एक लम्बी यात्रा मा परदेश चलि गै।”</verse>
				<verse number="2">फिर जब अंगूर का बगिचा मा अंगूरों की फसल कु बगत ए त वेल जूं किसानों तैं अंगूरों कु बगीचा किराया पर दे छो उ मुं एक नौकर भेजि कि अंगूरों कु लाभ कु हिस्सा ले के औ।</verse>
				<verse number="3">पर किसानों ल वे तैं पकड़ी के पीटि दींनि अर खालि हथ स्वामि मा लौटे दींनि।</verse>
				<verse number="4">फिर बगिचा का स्वामि न एक हैंको नौकर किसानों मा भेजि अर ऊंल वे तैं मारि के वेको कपाल फोड़ि दींनि अर वेकी बेज्जती कैरी दींनि।</verse>
				<verse number="5">फिर बगिचा का स्वामि ल एक और तैं भेजि अर जूं किसानों तैं अंगूरों को बगीचा किराया पर दे छो ऊंल वे तैं खत्म कैरी दींनि तब वेल और भि भौत भिजिनि ऊंमा बट्टी कथगों तैं ऊंल पीटि अर कथगों तैं खत्म कैरी दींनि।</verse>
				<verse number="6">अब भस एक रै गै छो जु वेको प्रिय नौंनो छो आखिर मा वेल वे नौंना तैं भि इन सोचि के कि उ वेको आदर करला किसानों म भेजि।</verse>
				<verse number="7">पर जब किसानों ल देखि की अब स्वामि को नौंनो ए त उ किसानों ल आपस मा बोलि, यु त वारिस च आवा यु तैं मारि दींदां अर तब सभि अंगूरों कु बगीचा हमारो हवे जालो।</verse>
				<verse number="8">अर किसानों ल वे तैं खत्म कैरी दींनि अर लांश तैं अंगूर का बगिचा का भैर डोल दींनि।</verse>
				<verse number="9">इलै अब अंगूर का बगिचा कु स्वामि क्य करुलु? उ ऐ के ऊं किसानों तैं जान से मारि दयालो अर अंगूरों का बगिचा तैं दुसरा किरायादारों तैं दे दयालो।</verse>
				<verse number="10">हकीकत मा तुम ल परमेश्वर का वचन पढ़ी, “कि जै ढुंगा तैं मिस्त्रियों ल निक्कमो ठैरे छो उ ही सबसे खास ढुंगो हवे गै।”</verse>
				<verse number="11">यु प्रभु परमेश्वर कि तरपां बट्टी हवे अर य हम कु भौत अद्भुत बात च।</verse>
				<verse number="12">तब यहूदी अगुवा समझी गै छा कि यीशु ल ऊंका बारा मा या मिसाल दींनि इलै उ वे तैं पकड़ण चांणा छा पर उ लुखुं से डरिनि अर वे तैं छोड़ी के चलि गैनी।</verse>
				<verse number="13">तब यहूदी अगुवों ल यीशु तैं बातों मा फंसाणु कु कुछ फरीसियों तैं अर कुछ हेरोदियों का समर्थकों तैं वे मा भेजि।</verse>
				<verse number="14">अर ऊंल ऐ के यीशु म बोलि, “हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां त क्य कैसर तैं कर दींण सै च?”</verse>
				<verse number="15">अर क्य हमारो दींण ठिक च, वेल ऊंकु कपट जांणि कै ऊंमा पूछि, तुम मि तैं कुछ गलत बुल्ण कु किलै फंसाणा छा? एक दिन की मजदूरी मि मा ल्यावा कि मि वे तैं दिखलु।</verse>
				<verse number="16">उ लैनी अर यीशु ल ऊंमा बोलि, य छाप अर नौं कै को च ऊंल बोलि, “कैसर रोम सम्राट को।”</verse>
				<verse number="17">यीशु ल ऊंमा बोलि, “जु कैसर बट्टी जुड़ियूं च वे तैं कैसर तैं द्यावा अर जु परमेश्वर बट्टी जुड़ियूं च वे तैं परमेश्वर तैं द्यावा तब उ, ऊं पर भौत भैचक कन लगि गैनी।”</verse>
				<verse number="18">फिर सदूकियों ल जु यहूदी शिक्षकों को एक झुण्ड छो भि जु बुल्दींनि कि, मुरयां मनिख्युं को ज्यून्दो हूंण हवे नि सकद यीशु मा ऐ के पूछि</verse>
				<verse number="19">“हे गुरु मूसा की व्यवस्था म लिख्युं च, जु कुई निसंतान मोरि जौं अर वेकी जनन रै जौं त वेको भैय वेकी विधवा घरवलि का दगड़ी ब्यो कैर अर ऊंको पैलो नौंनों वेका मुरयां आदिम कु संतान पैदा कैरो।”</verse>
				<verse number="20">एक परिवार म सात भैय छा अर सबसे बड़ो भैय ब्यो कैरी निसंतान मोरि गै।</verse>
				<verse number="21">तब दुसरा भैय ल वीं जनन का दगड़ा ब्यो कैरी दींनि अर उ भि निसंतान मोरि गै अर उन ही तिसरा ल भि कैरी।</verse>
				<verse number="22">अर सातों भैय बट्टी वीं को ब्यो हवे अर सती भैय बगैर बच्चों का ही मोरि गैनी अर सभियूं भैय का पिछनै व जनन भि मोरि गै।</verse>
				<verse number="23">त हम तैं बतौ, कि ज्यून्दो हूंण पर व ऊंमा बट्टी कैकी जनन हवेलि? किलैकि व सातों भैय कि जनन हवे गै छै।</verse>
				<verse number="24">यीशु ल ऊंकु बोलि, तुम द्वी कारण से भूल कना छा क्य तुम इलै भूल मा नि पुड़यां छा मोरि के ज्यूँदो हूंण का बारा मा परमेश्वर का वचन मा लिख्युं च न ही परमेश्वर कि सामर्थ तैं जु मुर्दों बट्टी ज्यून्दो करद?</verse>
				<verse number="25">किलैकि जब उ मुर्दों मा बट्टी ज्यूंदा होला त ऊंल न त ब्यो कन, न ब्यो मा दिये जांण पर स्वर्ग मा स्वर्गदूत कि तरौं होला।</verse>
				<verse number="26">मुर्दों का ज्यूंदा हूंण का बारा मा तुम ल मूसा कि व्यवस्था मा जलती झाड़ी की मिसाल नि पैढ़ी कि परमेश्वर ल वेकु बोलि, “मि अब्राहम कु परमेश्वर, इसहाक कु परमेश्वर, याकूब कु परमेश्वर छौं।”</verse>
				<verse number="27">परमेश्वर मुरयां मनिख्युं कु न बल्कि ज्यूंदों कु परमेश्वर च त तुम बड़ी भूल मा पुड़यां छा।</verse>
				<verse number="28">अर मूसा की व्यवस्था तैं सिखांण वलो जु मा बट्टी एक ल यहूदियों का शिक्षको कु एक झुण्ड छो आपस मा चर्चा करद सूंणि अर यु जांणि कि वेल यीशु तैं पूछि, “परमेश्वर की सभि आज्ञाओं मा जु परमेश्वर ल दे सबसे मुख्य आज्ञा क्य च?”</verse>
				<verse number="29">यीशु ल वे तैं जवाब दे सभि आज्ञाओं मा बट्टी या आज्ञा मुख्य च “हे इस्राएल का लुखुं सूंण प्रभु हमारो परमेश्वर जैकी हम भक्ति करदयां उ एक ही प्रभु च”</verse>
				<verse number="30">अर तु प्रभु अपड़ा परमेश्वर से अपड़ा सैरा मन से अर अपड़ा सैरा प्राण से अर अपड़ी सैरी बुद्धि से अर अपड़ी सैरी ताकत से प्रेम रखि।</verse>
				<verse number="31">अर दुसरी या च कि जन प्रेम रख तु अफ बट्टी रखदि उन ही तु दुसरा लुखुं बट्टी भि रखा अर यां बट्टी बड़ी और महान आज्ञा कुई नि च।</verse>
				<verse number="32">मूसा की व्यवस्था तैं सिखांण वलो ल वेमा बोलि, “हे गुरु भौत ठिक तुम ल सच बोलि, कि परमेश्वर एक ही च अर वे तैं छोड़ी के और कुई परमेश्वर नि च।”</verse>
				<verse number="33">अर वे एक ही परमेश्वर तैं तु अपड़ा सैरा मन, अपड़ा सैरी बुद्धि, अर अपड़ा सैरा प्राण अर अपड़ी सैरी ताकत से प्रेम रख, यु सैरा बलिदानों अर सैरा दानों मा दींण से बढ़ि के च।</verse>
				<verse number="34">जब यीशु ल देखि कि वेल समझदारी ल जवाब दे त यीशु ल बोलि, “तु परमेश्वर का राज्य मा प्रवेश पांणा का नजीक छै अर तब कै तैं भि अर ऊंमा कुछ सवालों तैं पुछणो कु हिम्मत नि हवे।”</verse>
				<verse number="35">फिर यीशु ल यरूशलेम शहर का मन्दिर मा उपदेश दींण बगत इन पूछि, कि “मूसा की व्यवस्था तैं सिखांण वला कनके बुल्दींनि कि मसीह दाऊद कु वंशज च?”</verse>
				<verse number="36">जब पवित्र आत्मा ल राजा दाऊद मा हवे के बोलि, “प्रभु परमेश्वर ल मेरा प्रभु कु बोलि, कि मेरा दैंणा तरपां सम्मान अर अधिकार का सिंहासन मा बैठ जब तक कि मि तेरा दुश्मनों तैं नि हरै द्यों।”</verse>
				<verse number="37">जब राजा दाऊद ही मसीह कु प्रभु बुल्दो त फिर उ वेको वंशज कनके ठैरी? अर भीड़ का लोग वेकी बातों तैं खुशी से सुणदा छा।</verse>
				<verse number="38">यीशु ल अपड़ा उपदेश म ऊंकु बोलि, मूसा की व्यवस्था तैं सिखांण वलो से चौकस रयां जु लम्बा-लम्बा चौला पैरी के समाज का बीच घुमण अर बाजारों मा सम्मान का दगड़ी प्रणाम</verse>
				<verse number="39">अर यहूदियों का मिलणा का भवन मा अर भोज मा भि सम्मान कु आसण चन्दिनि।</verse>
				<verse number="40">उ विधवों का घौर तैं खै जंदींनि जांको मतलब च बेमानी ल हर चीज पर अपड़ो कब्जा कैरी दींदिनि अर लुखुं तैं दिखांणु कु भौत देर तक पिता परमेश्वर बट्टी प्रार्थना करदींनि ऊं ल पिता परमेश्वर बट्टी जादा सजा पांण।</verse>
				<verse number="41">परमेश्वर बट्टी मन्दिर का भंडार का संमणी यीशु बैठी के दिखणु छो कि लोग मन्दिर का भंडार मा कन कै पैसा डलदींनि अर भौत सैरा सेठु ल भौत धन डाली छो।</verse>
				<verse number="42">इथग मा एक गरीब विधवा ल ऐ के द्वी दमड़ि ज्यांको मतलब द्वी तांबा का सिक्का छा जुंकि सभि लुखुं का संमणी कुई कीमत नि छै डलिनि।</verse>
				<verse number="43">वेल अपड़ा चेलों तैं नजीक बुलै के ऊंकु बोलि “मि तुम मा सच बुल्णु छौं कि परमेश्वर बट्टी मन्दिर का भंडार मा दान डलण वलो मा बट्टी ई विधवा ल सबसे जादा अर बड़ी के डाली।”</verse>
				<verse number="44">किलैकि सभियूं ल जु धनवान छा अपड़ा धन कि बढ़ती मा बट्टी जु कै कम डाली पर वीं ल अपड़ी घटति मा बट्टी जु कुछ वीं मा छो जै तैं व अपड़ा जरूरत कु इस्तेमाल कैरी सकदी छै डाली दींनि।</verse>
			</chapter>
			<chapter number="13">
				<verse number="1">जब यीशु यरूशलेम शहर का मन्दिर बट्टी भैर निकलणु छो त वेका चेलों मा बट्टी एक चेला ल वेमा बोलि, “गुरु जी देखा कन बड़ा ढुंगा से बंणि सुन्दर अर कथग बड़ी इमारत छिनी”</verse>
				<verse number="2">यीशु ल वेकु बोलि, “तुम जु यूं बड़ा-बड़ा ढुंगो की बड़ी-बड़ी इमारत तैं दिखणा छा इख ढुंगा मा ढुंगा भि नि रांण जु ढुलै नि जालो।”</verse>
				<verse number="3">जब यीशु वे जैतून डाला का डांडा बट्टी परमेश्वर बट्टी प्रार्थना कैरी के यरूशलेम शहर का मन्दिर का संमणी बैठयूं छो, अर जब यीशु, पतरस अर याकूब का दगड़ी मा कुई नि छो, तब यूहन्ना अर अन्द्रियास ऐनी अर ऊंल अलग मा जै कै वेमा पूछि,</verse>
				<verse number="4">“हम तैं बतौ कि यूं बातों ल कब हूंण? अर जब यु बात पूरी हूंण वली हवेलि वेको क्य चिन्ह होलो”</verse>
				<verse number="5">यीशु ल ऊंमा बोलि, “चौकस रावा कि कुई तुम तैं नि भरमै द्यो।”</verse>
				<verse number="6">भौत लोग मेरा नौं का अधिकार कैरी के आला अर ऐ के बुलला, मि मसीह छो अर भौत लुखुं तैं विश्वास बट्टी धोखा दींदिनि।</verse>
				<verse number="7">जब तुम लड़ै अर लड़ैयूं कि चर्चा सुणल्या त नि घबरैयां किलैकि यूंकु हूंण जरूरी च पर वे बगत तुरंत दुनिया कु अंत नि होलो।</verse>
				<verse number="8">किलैकि एक जाति दुसरी जाति अर राज्य पर राज्य एक दुसरा पर हमला करला हर कखि भ्यूंचोळ होला अर अकाल पुड़ला यु त शुरुवात पिड़ा होलि जन बच्चा पैदा हूंण से पैली हूंदी।</verse>
				<verse number="9">पर तुम अपड़ा बारा मा चौकस रयां किलैकि लोग तुम तैं पकड़ी के यहूदियों का मिलणा का भवन मा सौंपला अर तुम महासभा मा पिटे जैला किलैकि तुम मेरा चेला छा मेरा खातिर राज्यपालों का अर राजाओं का संमणी तुम्हरी अजमैश करे जाली कि ऊंकु गव्है हो।</verse>
				<verse number="10">मेरा बारा मा शुभ सन्देश दुनिया का खत्म हूंण से पैली जरूरी च कि सभि देशों का जातियों तैं पैली प्रचार करे जौं।</verse>
				<verse number="11">जब उ तुम तैं पकड़ी के ली जाला अर तुम तैं आधिकारियों मा सौंपला त तुम फिकर नि करयां कि हम ल क्य बुल्ण पर सै बगत पर तुम तैं जु कुछ तुम तैं वीं बगत पर बुल्ण तुम तैं बतै द्ये जालो उन ही बुल्यां किलैकि बुल्ण वला तुम नि हवीला बल्कि पवित्र आत्मा होलो।</verse>
				<verse number="12">भैय तैं भैय अर बुबा तैं नौंना मराणु कु सौंपला अर बच्चा अपड़ा ब्वे-बुबा की आज्ञाओं का खिलाफ हवे कै ऊं तैं मरवे द्याला।</verse>
				<verse number="13">अर मेरा चेला हूंणा का खातिर सभि लुखुं ल तुम बट्टी दुश्मनी कन पर जु आखिर तक जु धीरज रखि के मि पर विश्वास रखलो वे तैं ही परमेश्वर उद्धार दयालो।</verse>
				<verse number="14">एक दिन जब तुम वे तुच्छ मनिख तैं दिखल्या, जैका कारण प्रर्थान भवन तैं छोड़े जालो, उ उख खड़ो होलो जख वे तैं खड़ो हूंणो कु कुई अधिकार नि च, पढन वलो समझी ल्यो तब जु यहूदिया प्रान्त मा हूंनु उ डांडों मा भाजि जा।</verse>
				<verse number="15">जु छत पर हूंनु उ अपड़ा घौर बट्टी कुछ समान लींणु कु मूड़ी घौर का भितर नि उतरुनु अर उख बट्टी भागि जा।</verse>
				<verse number="16">अर जु पुंगड़ा मा हो उ अपड़ा कपड़ा लींणु कु घौर कु पिछनै नि लौटु।</verse>
				<verse number="17">यु ऊं महिलाओं कु भौत भयानक बगत होलो जु दुबस्ता हवेलि अर जु दूध पिलांदि हवेलि ऊंकु भगण भौत मुश्किल होलो।</verse>
				<verse number="18">ऊं दिनों मा लोग भौत बुरा ढंग से पीड़ित होला, लुखुं ल कभि इन दुःख नि देखि होलो पिता परमेश्वर का दुनिया बनांण से अब तक लुखुं पर इन पिड़ा कभि नि हवे होलि इलै पिता परमेश्वर बट्टी प्रार्थना करयां कि यु जाड़ों मा नि हो जब कखि भि जांण कठिन हो।</verse>
				<verse number="19">किलैकि उ दिन इन कलेश का होला कि ई धरती का बनांण बट्टी जु कुछ परमेश्वर ल रचि ल त अभि तक न हवे नि अगनैं हूंण।</verse>
				<verse number="20">जु परमेश्वर ल ऊं मुसिबतों का बगत तैं भौत जल्दी से खत्म कनु को फैसला नि ल्या हूंद त नथरी सब मुरण वला छा, प्रभु ऊं दिनों तैं घटालो त कै भि प्राणि को उद्धार नि हूंण छो पर ऊं चुणयां मनिख्युं का खातिर जौं तैं वेल चुणि ऊं दिनों तैं घटैये गै।</verse>
				<verse number="21">वे बगत मा जु कुई तुम कु बुललो “देखा मसीह इख च” या देखा उख च त यकीन नि करयां।</verse>
				<verse number="22">किलैकि झूठा मसीही अर झूठा भविष्य बतांण वला आला अर सामर्थ का चिन्ह अर शैतान का झूठा चमत्कार दिखाला कि हवे साको त परमेश्वर का चुणयां लुखुं तैं भि भरमै द्याला।</verse>
				<verse number="23">पर तुम चौकस रयां मिल सभि घटनाओं तैं तुम तैं पैली बट्टी बतयले।</verse>
				<verse number="24">ऊं दिनों मा वे कलेश खत्म हूंणा का बाद सूरज अर जून अपड़ो उज्यला दींण बंद कैरी दयाला।</verse>
				<verse number="25">अर आसमान बट्टी गैणा मूड़ि पोड़न लगि जाला अर आसमान कि सैरी शक्ति अर चिन्ह हिलैये जाला।</verse>
				<verse number="26">तब मि मनिख कु नौंनो बदलो मा दिख्योलू अर बड़ी सामर्थ अर महिमा का दगड़ा आंण दिखयोलू।</verse>
				<verse number="27">वे बगत उ अपड़ा स्वर्गदूत तैं भेजि के धरती का यु छोर बट्टी आसमान का वे छोर तक चौदिशों बट्टी अपड़ा चुणयां लुखुं तैं कठ्ठा करलो।</verse>
				<verse number="28">बेडु का डाला बट्टी सीखा जब वेकी फौंकि कुंगळी हवे जंदींनि अर पता निकलण लगि जंदींनि त तुम जांणि जणदां कि गर्मी कु मौसम आंण वलो च।</verse>
				<verse number="29">इन ही कै जब तुम यूं बातों तैं हूंण दिखल्या त जांणि लियां कि मि मनिख कु नौंनों कु आंण नजीक च ऐ ही गै।</verse>
				<verse number="30">मि तुम मा सच बुल्णु छौं जब तक यु सभि बात नि हवेलि तब तक यूं लुखुं मा बट्टी तब तक भौत स इन छिनी जु ईं घटना का हूंण तक नि मुरला।</verse>
				<verse number="31">आसमान अर धरती टळि जालि पर मेरी बुलीं बातों ल कभि भि नि टळण।</verse>
				<verse number="32">अर कै तैं भि वे दिन अर सै बगत कु नि पता जब मि दुबारा औलु न स्वर्गदूत अर न मि जु नौंनो छो भस परमेश्वर पिता वे बगत तैं जंणदु।</verse>
				<verse number="33">देखा बिज्यां रावा अर पिता परमेश्वर बट्टी प्रार्थना करदी रावा किलैकि तुम नि जंणदयां कि उ बगत कब आलो जब मि वापिस औलु।</verse>
				<verse number="34">मि तुम तैं एक मिसाल सुणांदु जु अब मेरा जांणा का बाद मेरा वापिस आंणु कु एक उदाहरण च या वे मनिख कि तरौं दशा च जु परदेश जांदी बगत अपड़ो घौर छोड़ी कै जौं अर अपड़ा नौकरों तैं हक दे द्यो अर हरेक तैं वेका काम बतै द्यो अर फटक का चौकिदार तैं सजग राणो कु आज्ञा द्यो।</verse>
				<verse number="35">यीशु अपड़ा चेलों मा बोलि, इलै सजग रावा तुम नि जंणदयां कि घौर का स्वामि ल कब वापिस आंण रुमुक बगत या अधा राती मा या सूरज निकलण से भौत पैली।</verse>
				<verse number="36">देखा इन नि हो कि उ अचानक ऐ जौं अर तुम तैं सियूं देखु।</verse>
				<verse number="37">अर जु मि तुम कु बुल्णु छौं उ ही सभियूं कु बुल्णु छौं चौकस रा।</verse>
			</chapter>
			<chapter number="14">
				<verse number="1">द्वी दिनों का बाद फसह कु त्यौहार अर बगैर खमीर कि रुटि कु त्योहार हूंण वलो छो, प्रधान याजक अर मूसा की व्यवस्था तैं सिखांण वला ई बात कि फिराक मा छा कि कनके यीशु तैं प्रपंच कैरी के पकड़ी के खत्म कैरी द्यां।</verse>
				<verse number="2">पर उ बुल्णा छा कि हम तैं त्योहार का बगत मा इन नि कन कखि इन नि हो कि लुखुं का बीच मा झगड़ा हवे जौ।</verse>
				<verse number="3">अर वे बगत जब यीशु बैतनिय्याह नगर मा शमौन कोढ़ी का घौर मा खांणु कु बैठयूं छा तब एक जनन संगमरमर का भांडा पर जटामांशि कु शुद्ध कीमती इत्र लै अर वीं ल भांडा कु मुक हथ ल तोड़ी के कि व यीशु तैं सम्मान दींणु कु सैरा इत्र वेका मुंड मा डाली दींनि।</verse>
				<verse number="4">पर कुई-कुई जु उख छा अपड़ा मन मा रिसमिसै कै बुल्ण लगि गैनी कि वीं तैं यु मंहगा इत्र तैं इन कै नि बर्बाद कन चयणु छो?</verse>
				<verse number="5">किलैकि यु इत्र त एक साल से भि जादा की दिन की मजदूरी मा बेचि के गरीबो मा बांटे जै सकदो छो अर ऊंल वीं तैं झिड़कण के अपड़ो गुस्सा दिखण लगि गैनी।</verse>
				<verse number="6">यीशु ल बोलि, वीं तैं यखुली छोड़ी द्या वीं तैं परेशान कन छोड़ी द्या वीं ल त मेरा दगड़ा भलै कैरी।</verse>
				<verse number="7">गरीब त तुमारा दगड़ा सदनी रौदींनि अर ऊं दगड़ी तुम जब चैल्या भलै कैरी सकद्यां पर मिल तुमारा दगड़ा सदनी नि रांण।</verse>
				<verse number="8">ईं महिला ल ज्वा व कैरी सकदी छै उ कैरी, मेरा मुरण से पैली मेरा मुंड मा इत्र डाली के मेरा देह तैं दफनांण कु तैयारी हवे साक इलै जु वीं ल कैरी अच्छो ही कैरी।</verse>
				<verse number="9">मि तुम मा सच बुल्णु छौं कि जख कखि भि शुभ सन्देश प्रचार करे जालो उख यु कामों कु भि जिक्र होलो जु ईंल मि दगड़ी कैरी अर लोग ईं तैं बात याद रखला।</verse>
				<verse number="10">यहूदा इस्करियोती जैल वे तैं पकड़वै भि दींनि जु बारहों चेलों मा बट्टी एक छो, उ प्रधान याजक मा गै कि यीशु तैं वेमा सौंपी द्यो।</verse>
				<verse number="11">उ इन सूंणि कै खुश हवेनि अर यीशु तैं धोखा से पकड़ण कु मौका खुज्योंण लगि गैनी कि वे तैं कन के भि पकड़वै द्या।</verse>
				<verse number="12">फसह कु भोज का पैला दिन जब फसह का ढिबरो कु बलिदान करे जांदु छो त यीशु का चेलों ल वेमा पूछि, “कि तु क्य चांदी की हम कख फसह कु खांणु तैयार करयां की हम वे तैं खा सका।”</verse>
				<verse number="13">यीशु ल अपड़ा चेलों मा बट्टी द्वी चेलों कु इन बोलि के भेजि, “यरूशलेम शहर मा जावा अर एक आदिम पांणी कु घौडो उठै कै लांण तुम तैं मिललो वेका पिछनै चलि जयां”</verse>
				<verse number="14">अर जख उ जालो वे घौर का स्वामि मा बुल्यां गुरु जी कु पूछयूँ च, “मेरू उ मेहमनों कु भितर कख च जै मा मि अपड़ा चेलों का दगड़ा फसह को भोज खै साको”</verse>
				<verse number="15">उ अफी तुम तैं एक बड़ो सी सज्यूं-धज्यूं ऐंच कु कमरा दिखै दयालो उख हम कु तैयारी करयां।</verse>
				<verse number="16">तब बारह चेला शहर मा गैनी अर ऊंल उन ही उख पै तब ऊं ल फसह का भोज कि तैयारी कैरी।</verse>
				<verse number="17">जब रुमुक हवे त तब यीशु अपड़ा बारह चेलों का दगड़ा मा उख शहर मा ऐ।</verse>
				<verse number="18">अर जब उ बैठी कै खांणु खांणा छा तब यीशु ल बोलि, मि तुम मा सच बुल्णु छौं तुम मा बट्टी एक जु मेरा दगड़ा खांणु-खांणु च उ मि तैं पकड़ण मा मेरा दुश्मनों की मदद करलो।</verse>
				<verse number="19">जब ऊंल य बात सूंणि त उ दुखी हवे गैनी अर एक-एक कैरी के एक हैंका तैं पुछण लगि गैनी, “क्य मि नि छौं कखि तु त नि?”</verse>
				<verse number="20">अर यीशु ल ऊंकु बोलि “उ बारहों चेलों मा बट्टी एक च जैको मि दगड़ा मेरा रुट्टि का कटोरा मा हथ डलयूं च।”</verse>
				<verse number="21">किलैकि मि मनिख कु नौंना का बारा मा जन परमेश्वर का वचन मा लिख्युं च उ त दुःख उठालो पर वे मनिख कु हाय च जैका द्वारा मनिख कु नौंनो पकड़वै जालो जु वेको जन्म यु दुनिया मा नि हूंद त वे मनिख की स्थिति कु भलो हूंदू।</verse>
				<verse number="22">जब उ खांणु खांणा छा त यीशु ल रुट्टि लींनि अर परमेश्वर तैं धन्यवाद दे के तोड़ी अर अपड़ा चेलों तैं दींनि अर बोलि, “ल्यावा अर खावा या मेरी देह च।”</verse>
				<verse number="23">फिर यीशु ल अंगूरों कु रस को कटोरा ली कै परमेश्वर कु धन्यवाद कैरी के अपड़ा चेलों तैं दींनि अर ऊं सभियूं ल वां मा बट्टी पीनि।</verse>
				<verse number="24">अर यीशु ल चेलों कु बोलि, “यु अंगूरों कु रस मेरू ल्वे च जु भौत सी लुखुं कु बलिदान का रूप मा बुगै जांद यु नई प्रतिज्ञा कु एक चिन्ह च जु परमेश्वर अपड़ा लुखुं कु कनु च।”</verse>
				<verse number="25">मि तुम मा सच बुल्णु छौं, कि यांका बाद अंगूरों कु रस कभि नि प्यूलु जब तक कि परमेश्वर का राज्य मा नयो नि प्यों।</verse>
				<verse number="26">तब यीशु अर वेका चेला परमेश्वर की स्तुति करदींनि अर यरूशलेम शहर बट्टी निकिली की जैतून डाला का डांडा पर चलि गैनी।</verse>
				<verse number="27">जब उ जैतून डांडा मा जांणा छा त यीशु ल ऊंकु बोलि, “तुम सभियूं ल ठोकर खांण अर मि तैं छोड़ी के भागि जांण किलैकि पिता परमेश्वर का वचन मा मि कु लिख्युं च मि अपड़ा लुखुं की देखभाल कन वला तैं मारि दयुलु अर ऊंकी ढिबरों तैं छिदरु-बिदरु लगि जालि।”</verse>
				<verse number="28">जब मि मुर्दों बट्टी ज्यूँदो हवे जौंलु त मिल तुम से पैली गलील जिला मा पौंछि जांण अर तुम तैं मिलण।</verse>
				<verse number="29">पतरस ल यीशु कु बोलि, “जु सभि त्वे तैं छोड़ी भागि जाला पर मिल त्वे तैं छोड़ी के नि जांण।”</verse>
				<verse number="30">यीशु ल वेकु बोलि, “मि त्वे मा सच बुल्णु छौं कि आज ही राती द्वी बार मैर का बंसण से पैली तिल तीन बार मि तैं पछ्यण बट्टी मुकरी जांण।”</verse>
				<verse number="31">पर पतरस ल और भि जोर दे के बोलि, जु तेरु दगड़ा मि तैं मुरण भि पुड़लो तब भि मि त्वे तैं पछ्यण बट्टी इन्कार नि करुलु इन ही और सभि चेलों ल भि बोलि।</verse>
				<verse number="32">फिर यीशु अर वेला चेला गतसमनी नौं का बाग मा ऐ अर वेल अपड़ा चेलों कु बोलि, “इख बैठयां रावा जब तक मि पिता परमेश्वर बट्टी प्रार्थना कैरी के औ।”</verse>
				<verse number="33">अर यीशु पतरस, याकूब अर यूहन्ना तैं अफ दगड़ी लीगि अर भौत दुखी अर व्याकुल हूंण लगि गै।</verse>
				<verse number="34">अर यीशु ल चेलों कु बोलि, “मेरू मन भौत उदास च इख तक कि मि लगदु मि मुरण वलो छौं तुम इख ठैरा अर बिज्यां रावा।”</verse>
				<verse number="35">फिर उ थोड़ा अगनैं बढ़ि अर भुय्यां धरती मा पोड़ी कै पिता परमेश्वर बट्टी प्रार्थना कन लगि गै कि, हे मेरा बुबा जु तेरी योजना मा यु सम्भव हो त मि तैं यु दुःख बट्टी बचो जु मि पर आंण वलो च आप कु सब कुछ सम्भव च फिर भि बुबा तेरी ही इच्छा पूरी हो मेरी न।</verse>
				<verse number="36"></verse>
				<verse number="37">फिर जब यीशु उख बट्टी वापिस ऐ अर चेलों तैं सियूं देखि त पतरस तैं पूछि, “हे शमौन पतरस तु सियूं छै? क्य तु मि दगड़ी एक पल भि बिज्यूं नि रै सैकी?”</verse>
				<verse number="38">बिज्यां रावा अर पिता परमेश्वर बट्टी प्रार्थना करदी रावा ज्यां बट्टी तुम अजमैश मा नि पुड़यां आत्मा त तैयार च पर देह कमजोर च।</verse>
				<verse number="39">यीशु एक बार फिर से वापिस चलि गै अर उन ही पिता परमेश्वर बट्टी प्रार्थना कैरी।</verse>
				<verse number="40">फिर ऐ के चेलों तैं सियूं देखि किलैकि उ भौत थक गै छा अर वेका जगांण पर नि जांणि सकिनि कि वे तैं क्य बोला।</verse>
				<verse number="41">फिर तिसरी बार ऐ के ऊंमा बोलि, “अब से जा अर आराम कैरा तुम बिज्यां सै ग्यां सूंणा अब बगत ऐ गै जब कुई मि मनिख का नौंनो तैं पापी लुखुं का हथ मा पकड़वाणू च।”</verse>
				<verse number="42">उठा चला देखा मेरू पकड़वाण वलो नजीक ऐ गै।</verse>
				<verse number="43">जब यीशु इन बुल्णु ही छो कि यहूदा जु बारहों चेलों मा बट्टी एक छो अफ दगड़ी प्रधान याजक, मूसा की व्यवस्था तैं सिखांण वला अर दाना-सयाणों कि तरपां बट्टी सिपैयूं की एक बड़ी भीड़ ले कै तुरंत तलवार अर लाठों ली कै उख वे तैं पकड़णु कु पौंछि गै।</verse>
				<verse number="44">यहूदा यीशु का पकड़वाण मा मदद कनवलों कु ऊं तैं इन बतायूं छो कि जै तैं मि प्यार से भुकि पीलू उ ही च अर वे तैं तुम जतन से लिजायां।</verse>
				<verse number="45">यहूदा ऐ अर वेल यीशु का संमणी ऐ के बोलि, “गुरु अर वेकी भौत भुकि पीनि।”</verse>
				<verse number="46">तब ऊंल यीशु तैं तंग कैरी अर वे तैं पकड़ी दींनि।</verse>
				<verse number="47">यीशु का दगड़ा उख जु भि छा ऊंमा बट्टी एक ल तलवार निकाली अर महायाजक का सेवक कु कंदूड़ काटि दींनि।</verse>
				<verse number="48">यीशु ल वीं भीड़ कु बोलि, “क्य तुम मि तैं डाकु समझी कै पकड़णु अयां छा जु लाठा अर तलवार ले कै अयां छा?”</verse>
				<verse number="49">मि त हरेक दिन यरूशलेम शहर का मन्दिर मा तुम दगड़ी रै के उपदेश दींदु छो तब तुम ल मि तैं नि पकड़ी पर यु इलै हवे कि परमेश्वर का वचन कि बात पूरी हूंनु।</verse>
				<verse number="50">ई बात हूंण से वेका सभि चेला वे छोड़ी के भाजि गैनी।</verse>
				<verse number="51">एक जवान अपड़ी नंगी देह पर चादरो ओढ़ी कै वेका पिछनै गै जब लुखुं ल वे तैं पकड़णै की कोशिश कैरी।</verse>
				<verse number="52">पर वेल चादरो छोड़ी अर नंगी भाजि गै।</verse>
				<verse number="53">फिर उ लोग यीशु तैं महायाजक का घौर मा ली गैनी अर प्रधान याजक अर दाना-सयाणों अर उख मूसा की व्यवस्था तैं सिखांण वला कठ्ठा हवे गैनी।</verse>
				<verse number="54">पतरस दूर-दूर हवे कै यीशु का पिछनै महायाजक का चौक का भितर तक चलि गै अर मंदिर का सिपैयूं का दगड़ा आग तपण बैठी गै।</verse>
				<verse number="55">प्रधान याजक अर महासभा का अन्य सदस्य यीशु तैं खत्म कनु कु वेका खिलाफ गवाह खुज्याणा छा पर ऊं तैं गवाह नि मिलिनि।</verse>
				<verse number="56">किलैकि उख भौत सैरा वेका खिलाफ झूठी गव्है दींणा छा पर जु कुछ ऊंल बोलि उ अन्य गव्है एक जन नि छै</verse>
				<verse number="57">तब कुछ लुखुं ल उठि के यीशु का खिलाफ या गव्है दींनि।</verse>
				<verse number="58">“हम ल यु तैं इन बुल्द सूंणि, मि लुखुं का हथ का बणायां यु मन्दिर तैं डोल दयुलु अर तीन दिनों मा हैंको बणै दयुलु, जु लुखुं का हथ ल नि बण्यूं होलो।”</verse>
				<verse number="59">पर यां पर भि जु कुछ ऊंल बोलि, उ हौर गव्है एक जन नि छै।</verse>
				<verse number="60">तब महायाजक ल सभा का बीच मा खड़ो हवे कै यीशु तैं पूछि, “तु कुई जवाब नि दींणि छै यु लोग तेरु खिलाफ क्य बुल्णा छिन”</verse>
				<verse number="61">पर यीशु चुप रै अर कुई जवाब नि दींनि महायाजक ल वेमा फिर पूछि, “क्य तु वे परमधन्य परमेश्वर कु नौंनो मसीह छै?”</verse>
				<verse number="62">यीशु ल बोलि, “हां मि छौं” अर तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।</verse>
				<verse number="63">जब महायाजक ल यु सूंणि त अपड़ा कपड़ा फड़िनि अर बोलि, अब हम तैं और गवाहों कि जरुरत नि च?</verse>
				<verse number="64">तुम ल परमेश्वर की या बुरै त सूणेलि हवेलि तुमारी क्य सलाह च, “उख का सभि सभा सदस्य सहमत छा की यीशु भंगारी च अर बोलि, यु त खत्म कन लैख च”</verse>
				<verse number="65">तब कुई त वे पर थुकण कुई वेको मुक ढकाण अर वे पर मुक्का मरण लगि गैनी अर बुल्ण लगि गैनी कि “भविष्यवाणि कैर”अर यु बोलि के वेको ठट्टा कन बैठी गैनी अर मंदिर का सिपैयूं ल वे तैं पकड़ी के थपड़ मरिनि।</verse>
				<verse number="66">जब पतरस मूड़ि चौक मा आग तपणु छो त महायाजक कि नौकराण्यूं मा बट्टी एक उख ऐ।</verse>
				<verse number="67">अर पतरस तैं आग तपद देखि त वे तैं देखि के बुल्ण लगि गै “तू भि त वे यीशु नासरी का दगड़ा मा छै।”</verse>
				<verse number="68">पतरस ल मना कैरी अर बोलि, “मि नि जंणदूं अर नि समझणु कि तु क्य बुल्णी छै”फिर उ भैर चौका का दयाली मा गै अर मैर बांसि गै।</verse>
				<verse number="69">व नौकराणि पतरस तैं खड़ो देखि कै लुखुं मा फिर बुल्ण लगि गै “यु भि त यीशु का चेलों मा बट्टी एक च।”</verse>
				<verse number="70">पर वेल फिर मना कैरी दींनि जरा देर बाद पतरस का नजीक वला लुखुं ल वेकु बोलि, तु पक्का वेका चेलों मा बट्टी एक छै किलैकि तेरु बुल्ण से पता चलणु च की तु गलीली छै।</verse>
				<verse number="71">तब पतरस अफ पर धिकार कन बैठी गै अर सौं सिरगत खांण लगि गै “मि वे आदिम तैं जैकी तुम चर्चा कना छा नि जंणदु।”</verse>
				<verse number="72">तब तुरंत दुसरी बार मैर बांसि गै पतरस तैं व बात ज्वा यीशु ल वेमा बोलि छै याद ऐ गै, कि मैर का द्वी बार बांसण से पैली तीन बार मेरा बारा मा तिल मुकरी जांण अर उ ई बात तैं सोचि के उ भकोर-भकोर के रूंण लगि गै।</verse>
			</chapter>
			<chapter number="15">
				<verse number="1">अर सुबेर लै के प्रधान याजकों ल दाना-सयाणों अर मूसा की व्यवस्था तैं सिखांण वलो ल बल्कि सैरी महासभा का लुखुं ल योजना की चर्चा कैरी के यीशु तैं बन्धवै दींनि अर न्याय कनु कु यहूदिया जिला का रोमी गवर्नर मा लिजै कै पिलातुस मा सौंपी दींनि।</verse>
				<verse number="2">पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि, “तु अफी बुल्णी छै मि उ ही छो।”</verse>
				<verse number="3">प्रधान याजक यीशु पर भौत बातों कु भंगार लगांणा छा।</verse>
				<verse number="4">पिलातुस ल वेमा फिर पूछि, तु कुछ जवाब किलै नि दींणि छै देख यु लोग त्वे पर कथग बातों कु भंगार लगांणा छिन?</verse>
				<verse number="5">यीशु शांत छो इख तक कि वेल कुछ नि बोलि पिलातुस भैचक रै गै।</verse>
				<verse number="6">हर साल पिलातुस फसह का त्योहार मा कै एक कैदी तैं जै तैं भि लोग चांदा छा ऊंकी खातिर छोड़ी दींदु छो।</verse>
				<verse number="7">वीं बगत बरअब्बा नौं कु एक मनिख छो जु झगड़ा कनवलों दगड़ा कैद मा छो जौन रोमी सरकार का खिलाफ विरोध मा कुछ सिपैयूं की हत्या कैरी छै।</verse>
				<verse number="8">अर भीड़ पिलातुस मा ऐ अर बिनती कन लगि गै कि जन तु हम कु करदी औंणि छै उन ही कैर अर वेमा बोलि, हम कु एक कैदी तैं मुक्त कैर दे।</verse>
				<verse number="9">पिलातुस ल ऊं बट्टी पूछि, “क्य तुम चदयां कि मि तुम कु यहूदियों का राजा तैं छोड़ी द्यों”</verse>
				<verse number="10">किलैकि उ जंणदु छो कि प्रधान याजक ल यीशु तैं जलन खोरि मा पकड़वे छो।</verse>
				<verse number="11">पर प्रधान याजक ल लुखुं की भीड़ तैं उगसै कि उ पिलातुस बट्टी यीशु तैं छुड़णा का बदला बरअब्बा तैं ऊंकी खातिर छोड़ी द्यो।</verse>
				<verse number="12">यु सूंणि के पिलातुस ल ऊंमा फिर पूछि, “जैकु तुम यहूदियों कु राजा बुल्णा छा वेको मिल क्य कन?”</verse>
				<verse number="13">भीड़ फिर चिल्लै कि, “वे तैं सूली पर मारि द्या”</verse>
				<verse number="14">पिलातुस ल पूछि, “किलै येल क्य बुरै कैरी”पर भीड़ और जोर से चिल्लै “यु तैं सूली पर चढ़ै द्या”</verse>
				<verse number="15">तब पिलातुस ल भीड़ तैं खुश कने मनसा से बरअब्बा तैं ऊंकी खातिर छोड़ी दींनि अर यीशु तैं कोड़ा मरवै कै रोमी सैनिको तैं सौंपी दींनि कि उ सूली पर चढ़ै जौ।</verse>
				<verse number="16">सिपै यीशु तैं किला का भितर का चौक मा ली गैनी जैकु प्रीटोरियुम बुल्दा छा अर सैरी पलटण तैं बुलै दींनि जु एक सैनिको को भौत बड़ो झुण्ड छो।</verse>
				<verse number="17">तब ऊंल यीशु तैं बैंगनी जु शाही कपड़ा छा पैरेनि जन राजा पैरदो छो अर वेको ठट्टा कैरी अर कांडों कु मुगट बणै कै वेका मुंड मा रखि</verse>
				<verse number="18">अर इन बोलि के यीशु तैं प्रणाम कन लगि गैनी, “हे यहूदियों का राजा प्रणाम”</verse>
				<verse number="19">उ बार-बार वेका मुंड मा सरकंडा ल मरणा छा अर वेको अपमान कन कु वे पर कई बार थुकणा छा अर घुंडा टेकि के वे तैं प्रणाम कनु कु नाटक करणा रैनी।</verse>
				<verse number="20">जब ऊंल यीशु को मखोल कैरेली छो त वे पर बट्टी बैंगनी कपड़ा उतारी दींनि अर वेका कपड़ा पैरे दींनि अर तब वे तैं सूली पर चढ़ाणु कु शहर बट्टी भैर ली गैनी।</verse>
				<verse number="21">जब उ शहर बट्टी भैर जांणा छा, तब शमौन नौं कु एक कुरेनि जु कै गौं बट्टी यरूशलेम शहर मा औंणु छो, सिकन्दर अर रुफुस कु बुबा छो अर उख बट्टी जांणु छो सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि।</verse>
				<verse number="22">सैनिको ल यीशु तैं पकड़ी के गुलगुता नौं कि जगा पर ली गैनी ज्यांकु नौं कु मतलब खोपड़ी छो।</verse>
				<verse number="23">तब सैनिको ल यीशु तैं मुर मिल्युं दाखमधु दींनि जु दर्द तैं मैसूस नि हूंण मा मदद करदु छो पर यीशु ल नि लींनि।</verse>
				<verse number="24">तब ऊंल यीशु तैं सूली पर कीलों ल ठोकी के चढ़ै दींनि अर वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।</verse>
				<verse number="25">अर सुबेर का नौं बजी का बगत जब ऊंल यीशु तैं सूली पर चढ़ै।</verse>
				<verse number="26">अर ऊंल यीशु को भंगार की एक तख्ती लिखीं के वेकी सूली का मथि ठोकी दींनि कि “यहूदियों कु राजा”</verse>
				<verse number="27">ऊंल यीशु का दगड़ा अलग अलग सूली पर द्वी डाकूओं तैं एक वेकी दैंणि तरपां अर हैंका तैं वेकी बैं तरपां सूली पर चढ़ै दींनि।</verse>
				<verse number="28">अर इन कै तब पवित्र शास्त्र कु उ वचन जु मसीह का बार च पूरो हवे कि उ परायूं का दगड़ा गणे गै।</verse>
				<verse number="29">अर आंण-जांण वला भि मुंड हलै-हलै कै इन बोलि के वेकी बुरै कना छावा मन्दिर तैं ढुलण वला अर तीन दिनों मा बनांण वला</verse>
				<verse number="30">सूली पर बट्टी उतरी के अफ तैं बचौ।</verse>
				<verse number="31">ई रीत से प्रधान याजक, मूसा की व्यवस्था तैं सिखांण वलो का समेत आपस मा मजाक उड़ाणा छा “येल औरों तैं बचै पर अफ तैं नि बचै सकदु।”</verse>
				<verse number="32">यु आदिम जु मसीह हूंणो कु दावा कनु छो, “हे इस्राएल का लुखुं का राजा मसीह सूली बट्टी उतरी के औ” हम भि त्वे तैं देखि कै विश्वास करुला जु द्वी मनिख यीशु का दगड़ा सूली पर चढैयां छा उ भि यीशु कि बुरै कना छा।</verse>
				<verse number="33">दोपहरा बारा बजि का लगभग बट्टी तीन बजि का लगभग तक, सैरा मुल्क मा अंधेरो छै गै।</verse>
				<verse number="34">अर तीन बजि का लगभग यीशु ल जोर से धै लगै के बोलि, “इलोई-इलोई लमा शबक्तनी ज्यांकु मतलब च मेरा परमेश्वर-मेरा परमेश्वर तिल मि तैं किलै छोडे़ले”</verse>
				<verse number="35">अर कुछ लोग जु उख नजीक खड़ा छा ऊंमा बट्टी कुछों ल सूंणि पर नि समझिनि अर एक दुसरा मा बोलि, “सूंणा यु एलिय्याह तैं अपड़ी मदद कु बुलांणु च।”</verse>
				<verse number="36">अर ऊंमा बट्टी एक सिपै भागि के एक स्पंज तैं सिरका मा डुबै के एक सरकंडा पर रखि के यीशु तैं चुसै अर बोलि, “ठैरा अभि कुछ नि कैरा दिखदां, एलिय्याह वे तैं भुयां उतनु कु औंदु च कि नि औंदु।”</verse>
				<verse number="37">तब यीशु बड़ा शब्द से चिल्लै कै मोर गै।</verse>
				<verse number="38">अर यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै।</verse>
				<verse number="39">अर जु सुबदार यीशु का संमणी खड़ो छो जब वेल यीशु तैं जोर से चिल्लै कै मुरण देखि त वेल बोलि, “सचमुच यु मनिख परमेश्वर कु नौंनो छो”</verse>
				<verse number="40">कथग ही जनन भि दूर बट्टी दिखणी छै: ऊंमा मरियम जु मगदल गौं की छै अर याकूब अर योसेस कि ब्वे मरियम अर सलोमी छै।</verse>
				<verse number="41">जब यीशु गलील जिला बट्टी हवे के जांणु छो त यु तीन जननों ल चेलों का रूप मा वचन सुनांणु कु वेका पिछनै चलदी छै अर वेकी सेवा भक्ति करदी छै अर और भि भौत जनन छै जु यीशु का दगड़ा यरूशलेम शहर बट्टी अयीं छै।</verse>
				<verse number="42">जै दिन यीशु तैं सूली पर चड़ै रुमुक हवे गै अर यु दिन यहूदियों का विश्राम कु दिन जु परमेश्वर को पवित्र दिन से पैली कु दिन छो जैकु तैयारी कु दिन बुल्दा छा</verse>
				<verse number="43">अरिमतियाह शहर कु रांण वलो एक आदिम जैकु नौं यूसुफ छो यु उखै कि महासभा कु सम्मनित सदस्य छो अर यु भि ऊंमा बट्टी एक छो जु चांदा छा की जल्द ही परमेश्वर कु राज्य औ, उ बगैर कि डौर से पिलातुस मा गै अर यीशु का देह तैं सूली बट्टी मुड़ी निकलणु कु अर खडयोण की अनुमति मांगि।</verse>
				<verse number="44">पिलातुस ल विश्वास नि कैरी की यीशु इथग जल्दी मोरि गै अर वेल सुबदार तैं बुलै कै पूछि, “क्य यु सच च की वे तैं मुरयां इथग देर हवे गै”</verse>
				<verse number="45">जब पिलातुस ल सुबदार बट्टी हाल चाल जांणि लींनि तब वेल यीशु कि लांश यूसुफ तैं दे दींनिणे की अनुमति द्ये दींनि।</verse>
				<verse number="46">तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा छै रखि दींनि अर कब्र का द्वार पर एक गोल ढुंगों लगै दींनि।</verse>
				<verse number="47">मरियम जु मगदल गौं की छै अर याकूब अर योसेस कि ब्वे मरियम दिखणी छै कि यीशु तैं ऊंल कख रखि।</verse>
			</chapter>
			<chapter number="16">
				<verse number="1">हैंका दिन शाम बगत जब यहूदियों का विश्राम का दिन जु परमेश्वर कु पवित्र दिन च अर जु त्योहार कु दिन छो बीति गै त मरियम जु मगदल गौं की छै अर याकूब कि ब्वे मरियम अर सलोमी यूं सभियूं ल खुशबूदार तेल मोल लींनि अर यहूदियों की रीति का अनुसार कि ऐ के यीशु कि लांश पर लगौन।</verse>
				<verse number="2">इतवार का दिन सुबेर हूंण से पैली यु जनन कब्र पर ऐनी।</verse>
				<verse number="3">अर आपस मा बुल्णी छै कि “हम कु कब्र का द्वार पर कु ढुंगो कु जि लमडालो”</verse>
				<verse number="4">पर जब ऊंल देखि कि कब्र पर बड़ो ढुंगो पैली ही एक तरपां हटियूं च अर यु ढुंगो भौत बड़ो छो।</verse>
				<verse number="5">पर जब उ कब्र पर पौछिनी अर भितर जै कै ऊं तैं एक जवान आदिम चमकदार सफेद कपड़ोंं मा दैंणि तरपां बैठयूं देखि त तब उ भैचक मा पोड़ि गैनी।</verse>
				<verse number="6">वे जवान आदिम ल ऊंकु बोलि, “भैचक मा नि पोड़ा तुम यीशु नासरी जै तैं सूली पर चढ़ै गै छो ढुंडणा छा उ ज्यूँदो हवे गै उ इख नि च या व जगा च जख वे तैं रखे गै छो।”</verse>
				<verse number="7">पर अब तुम जावा अर पतरस मा अर अन्य चेलों मा बोला, कि यीशु ज्यून्दो हवे गै अर उ तुम से पैली गलील जिला म चलि जांण जन वेल तुम मा अपड़ा मुरण से पैली बोलि छो तुम ल उ उखि दिखण।</verse>
				<verse number="8">अर उ जनन यीशु की कब्र बट्टी भाजि गैनी किलैकि डौर के उ कौंपणी छै अर ऊं पर घबराट छै गै ऊंल रस्ता मा पतरस तैं और कै तैं भि कुछ नि बतै किलैकि उ डरणी छै।</verse>
				<verse number="9">इतवार का दिन सुबेर ले के यीशु ज्यूँदो हवे सबसे पैली मरियम जु मगदल गौं की छै ल वे तैं देखि जैं बट्टी यीशु ल पैली सात दुष्टात्मा निकाली छै।</verse>
				<verse number="10">मरियम ल उख बट्टी जै के यीशु का चेलों तैं जु शोक मा डुबयां छा अर रूंणा बिब्याणा छा या खुशखबरी दींनि।</verse>
				<verse number="11">पर जब चेलों ल यु सूंणि कि यीशु ज्यूँदो हवे गै अर मरियम मगदलनी ल वे तैं देखि त ऊंल वीं को विश्वास नि कैरी।</verse>
				<verse number="12">यांका बाद यीशु अपड़ा द्वी चेलों तैं जु की यरूशलेम का इनै-उनै की जगह अपड़ा घौर जांणा छा दिखै पर उ वे तैं पैछाणी नि सकिनि।</verse>
				<verse number="13">जब ऊंल यीशु तैं पैछाणी तब उ द्वी चेला यरूशलेम मा वापिस गैनी अर हौरु तैं यु रैबार दींनि की क्य-क्य हवे पर ऊंकी बातों कु यकीन भि कैल नि कैरी।</verse>
				<verse number="14">बाद मा यीशु अपड़ा ग्यारा चेलों तैं भि दिखै जब उ खांणु खांणा छा यीशु ल ऊंका मन कि निठुरता पर ऊं तैं खिजे कि किलैकि ऊंल वेका ज्यूंदा हूंण पर वे तैं देखि छो पर भरोंसू नि कैरी।</verse>
				<verse number="15">तब यीशु ल ऊंकु बोलि, “तुम सैरा दुनिया मा हर जगह जै कै सभि रांण वलो तैं शुभ सन्देश कु प्रचार कैरा।”</verse>
				<verse number="16">जु कुई मि पर विश्वास कैरो वेको चिन्ह च की उ बपतिस्मा ल्यो अर परमेश्वर का द्वारा मि वे तैं पापों का मिलण वला दंड से उद्धार अर वेको जु विश्वास नि करुलु वे तैं परमेश्वर दंड दयालो।</verse>
				<verse number="17">अर मि पर विश्वास कन वलो मा यु चमत्कार का काम का चिन्ह होला उ मेरा नौं से दुष्टात्मा तैं निकलला अर मि ऊं तैं नई-नई बोलि भाषा बुलौलु।</verse>
				<verse number="18">जु उ जहरीला गुरो तैं उठै द्याला त गुरो भि ऊं तैं नुकसान नि पौछांला अर उ जु कुई जहरीली चीज भि प्ये द्याला तब भि ऊंकु कुई भि नुकसान नि होलो उ बिमारों पर हथ रखि के परमेश्वर बट्टी प्रार्थना करला अर उ खूब हवे जाला।</verse>
				<verse number="19">जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये।</verse>
				<verse number="20">तब यीशु ल चेलों तैं हरेक जगह प्रचार कनै की खुशखबरी द्ये अर प्रभु ऊंका दगड़ा काम कनु रै उ सामर्थ का काम द्वारा जु दगड़ा-दगड़ा हूंद छा अर प्रभु की सामर्थ चमत्कार दिखांणु रै अर वचन की सचै तैं मजबूत कनु रै, आमीन।</verse>
			</chapter>
		</book>
		<book number="42">
			<chapter number="1">
				<verse number="1">अति माननीय थियुफिलुस कु भौत लुखुं ल हमारा बीच मा हुईं घटनाओं का बारा मा एक चिठ्ठी लिखणै की कोशिश कैरी,</verse>
				<verse number="2">ऊंल ठिक उ ही लिखी जु हम तैं ऊं लुखुं बट्टी बतै गै छो जौं ल ऊं तैं प्रत्यक्ष रूप मा यीशु की सेवकाई की शुरुआत से देखि छो अर जु बाद मा परमेश्वर का वचन कु सेवक बंणि गै।</verse>
				<verse number="3">इलै हे श्रीमान थियुफिलुस मिल भि यूं सब बातों का ध्यान से अध्ययन कैरी अर मि तैं यु खूब लगि की मि तुम कु ईं घटनाओं तैं क्रमानुसार ठिक से लिख्युं।</verse>
				<verse number="4">किलैकि तु यु जांणि के मि यु इलै कनु छो कि तुम तैं हर उ बातों की पूरी सचै का बारा मा पता हो जु लुखुं का द्वारा तुम तैं बतै गै छो।</verse>
				<verse number="5">जब राजा हेरोदेस यहूदिया प्रान्त मा राज्य कनु छो, अबिय्याह का नौं पर बणयूं यहूदी याजक का दल मा जकर्याह नौं कु एक याजक छो अर वेकी जनन कु नौं एलीशिबा छो अर उ भि इस्राएल कु पैली याजक हारुन का वंश बट्टी छो।</verse>
				<verse number="6">अर उ द्वी परमेश्वर का संमणी धर्मी छा अर प्रभु कि सभि आज्ञा अर विधियों पर निर्दोष चलदा छा। अर ऊंकी कुई सन्तान नि छै</verse>
				<verse number="7">किलैकि एलीशिबा बांझ छै अर उ द्वी दाना छा।</verse>
				<verse number="8">एक दिन जब जकर्याह यरूशलेम मंदिर मा परमेश्वर का संमणी याजक का रूप मा सेवा कनु छो, किलैकि उ सप्ताह वेका दल का याजक सेवा बारी पर छा।</verse>
				<verse number="9">याजक चिठ्ठी डलण का अपड़ी रीति रिवाज कु पालन करदा छा यु निर्णय लिणु कु की यरूशलेम शहर का मन्दिर मा कु कै कर्तव्य कु पालन करलो कि परमेश्वर बट्टी मन्दिर मा जै के धूप जलौ।</verse>
				<verse number="10">अर धूप जलौंणा का बगत लुखुं कि सैरी मण्डलि मंदिर का चौका मा परमेश्वर बट्टी प्रार्थना कन छा।</verse>
				<verse number="11">वे बगत जकर्याह तैं परमेश्वर कु एक स्वर्गदूत धूप की वेदी की दैंणि तरपां खड़ो हुयुं दिखै।</verse>
				<verse number="12">जकर्याह वे देखि के घबरै गै अर वे तैं बिजां डैर लगि गै छै।</verse>
				<verse number="13">पर स्वर्गदूत ल वेकु बोलि, “हे जकर्याह भयभीत न हो किलैकि परमेश्वर ल तेरी प्रार्थना सूंणेलि अर तेरी जनन एलीशिबा एक नौंना तैं जन्म दयाली अर तु वेको नौं यूहन्ना रखि।”</verse>
				<verse number="14">अर त्वे तैं आनन्द अर हर्ष होलो; अर भौत लोग वेका जन्म से खुश होला।</verse>
				<verse number="15">किलैकि उ प्रभु का संमणी महान होलो अर दाखमधु कभि नि प्यालो अर अपड़ा जन्म का पैली बट्टी ही पवित्र आत्मा बट्टी भूरै जालो।</verse>
				<verse number="16">अर इस्राएल का लुखुं का घराना तैं ऊंका प्रभु परमेश्वर मा वापिस आलो।</verse>
				<verse number="17">उ एलिय्याह जन आत्मा अर सामर्थ मा हवे के वेका अगनैं-अगनैं हिटलो कि ब्वे-बुबा का मन तैं नौंना कि तरपां फिरालो अर आज्ञा नि मनण वलो तैं धर्मियों कि समझ पर लौ अर प्रभु कु एक लैखबर योग्य प्रजा तैयार कैर।</verse>
				<verse number="18">जकर्याह ल स्वर्गदूत बट्टी पूछि यु मि कनके जांणु की हम दगड़ी इन होलो? किलैकि मि त दानो छौं अर मेरी घरवलि भि दानी हवे गै।</verse>
				<verse number="19">स्वर्गदूत ल वे तैं जवाब दींनि, कि मि जिब्राएल छौं जु परमेश्वर का संमणी खड़ो रौंदु अर मि त्वे मा बात कनु कु अर त्वे तैं या शुभ सन्देश प्रचार सुंणौनु कु भिज्युं छौं।</verse>
				<verse number="20">अर देख जै दिन तक यु बात पूरी नि हवे जौं, वे दिन तक किलैकि तिल विश्वास नि कैरी इलै तु बोल नि सकली; मेरी बात जु अपड़ा बगत मा पूरी होलि, जब तक नौंनो पैदा नि होलो तब तक तु गूंगो रैलि।</verse>
				<verse number="21">अर लोग जकर्याह तैं जुगलणा रैनी अर भैंचक्क मा पड़ी गैनी कि वे तैं परमेश्वर का मन्दिर मा इथग बगत किलै लगि? ईं दौरान परमेश्वर बट्टी यरूशलेम शहर का मन्दिर का चौका मा जकर्याह कु इन्तेजार कना छा अर अचम्भो कन लगि गैनी की वे तैं परमेश्वर बट्टी मन्दिर मा इन देर किलै लगि</verse>
				<verse number="22">जब उ भैर ऐ त ऊं दगड़ी बचै नि सैकी अर उ जांणि गैनी कि वेल परमेश्वर बट्टी यरूशलेम शहर का मन्दिर मा कुई दर्शन पै अर उ, ऊं तैं संनकौंणु रै अर गूंगो हवे गै।</verse>
				<verse number="23">जब मंदिर मा जकर्याह याजक वेकी सेवा कु बगत पूरो हवे गै तब उ यरूशलेम शहर बट्टी अपड़ा घौर कु चलि गै।</verse>
				<verse number="24">कुछ बगत का बाद वेकी जनन एलीशिबा गर्भवती हवे अर पाँच मैना तक घौर बट्टी भैर नि निकली इलै उ हर बगत भितर की रै</verse>
				<verse number="25">वीं ल बोलि, प्रभु ल मेरा मथि कृपा कैरी के मि कु इन करयुं च अर प्रभु ल मि तैं सन्तान पैदा कन मा मदद कैरी च।</verse>
				<verse number="26">एलीशिबा की गर्भावस्था का छठ्वां मैना मा परमेश्वर की तरपां बट्टी जिब्राएल स्वर्गदूत गलील जिला का नासरत नगर मा</verse>
				<verse number="27">एक अणबिवाक नौंनि मा भिजे गै जैंकि मंगण राजा दाऊद का वंश का यूसुफ नौं का मनिख दगड़ी हुईं छै अर वीं अणबिवाक नौंनि को नौं मरियम छो।</verse>
				<verse number="28">अर स्वर्गदूत ल मरियम मा भितर ऐ के बोलि, आनन्द अर जै तेरी हवेलि त्वे पर परमेश्वर ल बहुतायत से आशीर्वाद दियुं च परमेश्वर त्वे दगड़ी च।</verse>
				<verse number="29">जब वेल वेका वचनों तैं सूंणि त उ भौत घबरै गै अर सुचण लगि गै कि ये अभिवादन कु मतलब क्य च?</verse>
				<verse number="30">स्वर्गदूत ल वीं मा बोलि, हे मरियम डैर न किलैकि परमेश्वर की कृपा त्वे पर हुईं च।</verse>
				<verse number="31">अर देख तु गर्भवती हवेलि अर तु एक नौंनो तैं जन्म दीलि तु वेको नौं यीशु रखि।</verse>
				<verse number="32">उ महान होलो अर वेको परमप्रधान परमेश्वर कु नौंनो बुलै जालो अर प्रभु परमेश्वर वेका पूर्वज राजा दाऊद का जन राजा बंणै दयालो।</verse>
				<verse number="33">अर याकूब का वंशजों पर सदनी राज्य करलो अर वेका राज्य कु अंत कभि नि होलो व हमेशा कु राजा का रूप मा राज्य करलो व हमेशा कु राजा का रूप मा राज्य करलो।</verse>
				<verse number="34">मरियम ल स्वर्गदूत मा बोलि, इन कनके होलो किलैकि मि अणबिवाक छो अर मेरा कभी वैवाहिक संबंध भि नि हवीनि।</verse>
				<verse number="35">स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।</verse>
				<verse number="36">अर सुन तेरा कुटुमैं एलीशिबा कु भि बुढेन दौं गर्भवती हवे यु वीं कु छठवां मैना च ज्वा कि बांझ जंणेदी छै।</verse>
				<verse number="37">परमेश्वर सब कुछ कैर सकद।</verse>
				<verse number="38">मरियम ल बोलि, देख मि प्रभु कि दासी जन तिल बोली उन ही मि दगड़ी हो तब स्वर्गदूत वीं का संमणी बट्टी चलि गै।</verse>
				<verse number="39">ऊं दिनों मा मरियम उठि के तुरंत यहूदिया प्रान्त का पहाड़ी क्षेत्र का एक नगर मा चलि गै।</verse>
				<verse number="40">अर जकर्याह का घौर मा जै के एलीशिबा तैं प्रणाम कैरी।</verse>
				<verse number="41">जनि एलीशिबा ल मरियम कु प्रणाम सूंणि उन ही बच्चा वीं का पुटगा मा उछलि अर एलीशिबा पवित्र आत्मा बट्टी भूरै गै।</verse>
				<verse number="42">अर वीं ल ऊंची आवाज मा बोलि, कि तु जननों मा धन्य छै अर वे नौंना जै तैं तु जन्म दयाली धन्य च।</verse>
				<verse number="43">मि त्वे तैं इख पै केअपड़ा आप तैं भौत धन्य समझलु मेरा प्रभु कि ब्वे मि तैं मिलणु कु आईं च?</verse>
				<verse number="44">अर देख जब मिल तेरु प्रणाम कु शब्द सूंणि उन ही बच्चा मेरा पुटगा मा खुशी से उछलि।</verse>
				<verse number="45">तु धन्य छै किलैकि तिल विश्वास कैरी कि प्रभु ल जु ऊंमा बोलि कि उ पूरो हो।</verse>
				<verse number="46">तब मरियम ल बोलि, मेरू मन परमेश्वर की बड़ै कनु च।</verse>
				<verse number="47">अर मेरी आत्मा मेरा उद्धारकर्ता परमेश्वर से खुश च।</verse>
				<verse number="48">यांकि परमेश्वर ल मि तैं अपड़ी दासी पर दीनता की नजर च इलै देखा अब बट्टी सब जुग-जुग का लोग मि तैं धन्य बुलला।</verse>
				<verse number="49">किलैकि वे शक्तिमान प्रभु ल मि कु बड़ा-बड़ा काम करिनि अर वेको नौं पवित्र च।</verse>
				<verse number="50">अर वेकी दया जु वे बट्टी डरण वला लुखुं पर पीढ़ी से पीढ़ी तक बंणि रौंदी।</verse>
				<verse number="51">वेल अपड़ी सामर्थ से शक्तिशाली महान काम करयां छिनी अर जु अफ तैं बड़ो समझदा छा ऊं तैं हरै दींनि।</verse>
				<verse number="52">वेल शासकों तैं वे शासन कनु कु अधिकार ले दींनि अर दीनों तैं सम्मानित करद।</verse>
				<verse number="53">वेल भूखों तैं भलि चीजों से तृप्त कैरी अर धनवानों तैं खाली हथ निकाली दींनि।</verse>
				<verse number="54">वेल हमारा पूर्वजो का प्रति अपड़ा वादा तैं याद कैरी अर अपड़ा सेवक जु इस्राएल की मदद कनु कु अयुं छो इस्राएल का लुखुं तैं सम्भालि कि अपड़ी वीं दया तैं याद कैर</verse>
				<verse number="55">वें अब्राहम तैं अर वेका सारा वंशजों तैं हमेशा कु दया दिखांणु कु याद कैरी जन कि वेल हमारा पुरखों मा बोलि छो।</verse>
				<verse number="56">मरियम लगभग तीन मैना वीं दगड़ी रै की अपड़ा घौर वापिस चलि गै।</verse>
				<verse number="57">तब एलीशिबा कु प्रसव कु बगत पूरो हवे गै अर वीं ल नौंना तैं जन्म दींनि।</verse>
				<verse number="58">वीं का पड़ोसियों ल अर कुटुम्बियों ल यु सूंणि के कि प्रभु ल वीं पर दया कैरी अर वीं दगड़ी खुशी मणै।</verse>
				<verse number="59">अर इन हवे कि आठवां दिन उ वे नौंना कु खतना कनु कु ऐनी अर वेको नौं वेका बुबा का नौं पर जकर्याह रखण लगि गैनी।</verse>
				<verse number="60">अर वेकी ब्वे एलीशिबा ल जवाब दींनि, कि न बल्कि वेको नौं यूहन्ना रखे जालो।</verse>
				<verse number="61">अर ऊंल वीं मा बोलि, तेरा कुटुम्ब मा कैकु यु नौं नि च।</verse>
				<verse number="62">तब ऊंल वेका बुबा तैं संकेत कैरी के पूछि कि तु वेको नौं क्य रखण चाँदि छै।</verse>
				<verse number="63">अर वेल लिखणु कु एक तख्ती मांगि अर लिखी कि वेको नौं यूहन्ना च अर सभियूं ल अचम्भो कैरी।</verse>
				<verse number="64">तब फिर वेकी जीभ ठिक हवे गै और उ बुल्ण लगि गै और परमेश्वर की बड़ै कन लगि गै।</verse>
				<verse number="65">अर वेका अमणी-संमणी का सब रांण वला लोग डैर गैनी अर ऊं सभि बातों कि चर्चा यहूदिया प्रान्त का सैरा पहाड़ी देशों मा फैली गै।</verse>
				<verse number="66">अर सब सुणन वलो ल अपड़ा-अपड़ा मन मा विचार कैरी के बोलि, यु नौंनों कन होलो प्रभु की सामर्थ वे पर छै।</verse>
				<verse number="67">अर वेको बुबा जकर्याह पवित्र आत्मा से प्रेरित हवे कै भविष्यवाणी कन लगि गै।</verse>
				<verse number="68">धन्‍य च प्रभु परमेश्वर कि वेल इस्राएल का लुखुं का घराना की सुधि लै अर वेको उद्धार कैरी।</verse>
				<verse number="69">अर जु वेका सेवक राजा दाऊद का वंशज च कि वेल हम कु एक सामर्थशाली उद्धारकर्ता तैं भेजि।</verse>
				<verse number="70">जन भौत पैली परमेश्वर प्रभु ल अपड़ा पवित्र जन जु परमेश्वर का तरपां बट्टी बुल्ण वलो छो का द्वारा बोलि, कि उ हमारा दुश्मनों से और उ सभि की शक्ति से बचालो जु हम बट्टी घृणा करदींनि।</verse>
				<verse number="71">जन कि हमारा दुश्मन बट्टी अर हमारा सब बैरियों का हथ बट्टी हमारो उद्धार कैरी।</verse>
				<verse number="72">कि हमारा पूर्वजों पर दया कैरी कै अपड़ी पवित्र करार तैं याद कैर।</verse>
				<verse number="73">अर वीं करार तैं जु वेल हमारा पूर्वज अब्राहम का दगड़ी भि खै छै।</verse>
				<verse number="74">कि उ हम दगड़ी इन करुलु कि हम अपड़ा बैरियों का हथ बट्टी बची जौला।</verse>
				<verse number="75">कि वेका संमणी पवित्र हवे के अर धर्मी हवे के अर जब तक हम जीवित छा निडर रै के वेकी सेवा करदी रावा।</verse>
				<verse number="76">अर तु हे नौंना परमप्रधान परमेश्वर कु परमेश्वर का तरपां बट्टी बुल्ण वलो जंणेलि किलैकि तु प्रभु की सेवा कनु कु वेका अगनैं-अगनैं हिटिलि</verse>
				<verse number="77">उ अपड़ा लुखुं का पापों तैं माफ कन का द्वारा वेका लुखुं तैं उद्धार कु ज्ञान दे ऊं तैं उद्धार का बारा मा ज्ञान दयालो।</verse>
				<verse number="78">यु हमारा परमेश्वर कि वीं बड़ी दया से होलो ज्यां बट्टी घाम हम तैं उज्यलो दींणु कु चमकदो उ न ही मसीह भि हम मा स्वर्ग बट्टी आलो</verse>
				<verse number="79">अंधेरा मा (पाप मा जींण वलो) अर मृत्यु का छाला (अनन्त मृत्यु कु खतरा मा च) मा बैठण वलो पर उज्यलो दींणु कु यु उज्यलो हम वे तैं जीवन मा मार्गदर्शन करदो, जु हम परमेश्वर का दगड़ी शान्ति प्राप्त करदा छा।</verse>
				<verse number="80">अर उ नौंनो यूहन्ना बढ़दी रै अर आत्मा मा मजबूत हूंदी रै अर उ इस्राएल का लुखुं का बीच मा उपदेश दींण का दिन तक एकांत जंगलों मा रै।</verse>
			</chapter>
			<chapter number="2">
				<verse number="1">ऊं दिनों मा रोमी सम्राट औगुस्‍तुस कैसर ल अपड़ा सारा साम्राज्‍य की जनगणना की राजाज्ञा निकली, की सारा रोमी साम्राज्‍य का सभि लुखुं का नौं लिखै जौं।</verse>
				<verse number="2">या पैली नौं लिखवाई वीं बगत हवे जब क्विरिनियुस सीरिया प्रान्त को राज्यपाल छो।</verse>
				<verse number="3">अर सब लोग अपड़ा नौं लिखौंणु कु अपड़ा पूर्वजों का नगरों कु गैनी।</verse>
				<verse number="4">अर यूसुफ भि इलै की उ राजा दाऊद का वंशज छो अर गलील जिला का नासरत नगर बट्टी यहूदिया प्रान्त मा राजा दाऊद का नगर बैतलहम शहर कु गै।</verse>
				<verse number="5">कि अपड़ी गर्भवती मंगेतर मरियम का दगड़ी नौं लिखाणु कु गै।</verse>
				<verse number="6">जब उ बैतलहम मा छा तब वीं का प्रसव का दिन पूरा हवेनि।</verse>
				<verse number="7">अर वीं ल अपड़ा पैला नौंना तैं जन्म दींनि अर वे तैं कपड़ा मा लपेटी के चौंरि मा रखि किलैकि वेकु धर्मशाला मा जगह नि छै।</verse>
				<verse number="8">अर वे देश मा कुछ बखरौल छा जु राती तपड़ मा रै की अपड़ा झुण्ड की रखवलि करदां छा।</verse>
				<verse number="9">अर प्रभु को एक स्वर्गदूत ऊंका संमणी खड़ो हवे अर प्रभु को महिमा को उज्ज्वल ऊंका चौतरफी चमकी अर तब उ भौत डैरी गैनी।</verse>
				<verse number="10">तब स्वर्गदूत ल ऊंमा बोलि डैरा न किलैकि देखा मि तुम तैं बड़ो आनन्द कु शुभ सन्देश प्रचार सुणौंणु छौं जु सब लुखुं कु होलो</verse>
				<verse number="11">कि आज बैतलहम शहर मा जु राजा दाऊद कु शहर च तुम कु एक उद्धारकर्ता जन्मीयूं च अर उ ही मसीह प्रभु च।</verse>
				<verse number="12">अर ये चिन्ह से तुम तैं पता चलि जालो की उ नौंनो कु च कि तुम एक नौंना तैं कपड़ा मा लिपटयुं अर चौंरि मा पोड़य्युं पैल्या।</verse>
				<verse number="13">तब एक-एक कैरी के वे स्वर्गदूत दगड़ी स्वर्गदूतों कु दल परमेश्वर की बड़ै करदी अर इन बुल्ण दिखेगे</verse>
				<verse number="14">सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”</verse>
				<verse number="15">जब स्वर्गदूत ऊंका संमणी बट्टी स्वर्ग कु चलि गैनी त गडरियों ल आपस मा बोलि, चला हम बैतलहम गाैं जै के यु शुभ संदेश प्रचार ज्वा हुईं च अर जै तैं प्रभु ल हम तैं बतै देखि।</verse>
				<verse number="16">अर ऊंल तुरंत जै के मरियम अर यूसुफ तैं अर नौंना तैं पोड़य्युं देखि।</verse>
				<verse number="17">यूं देखि के ऊंल व बात ज्वा यु नौंना का बारा मा ऊंमा बुलै छै प्रगट कैरी।</verse>
				<verse number="18">अर उ सभि जौं ल उ सूंणि के जु बखरौल ल ऊंमा बोलि उ भैंचक्क मा पड़ि गैनी।</verse>
				<verse number="19">पर मरियम यूं सब बातों तैं अपड़ा मन मा रखि के सुचणी रै।</verse>
				<verse number="20">अर बखरौल जन स्वर्गदूतों ल ऊंमा बोलि छो उन ही सब सूंणि के अर देखि के परमेश्वर की बड़ै कैरी कै वापिस चलि गैनी।</verse>
				<verse number="21">नौंना यीशु का जन्म का बाद आठ दिन पूरा हवेनि अर वे नौंना को खतना कु बगत ऐ त वेको नौं यीशु रखे गै जु स्वर्गदूत ल वेका औंण से पैली बोलि छो।</verse>
				<verse number="22">अर जब मूसा द्वारा लिखीं परमेश्वर की व्यवस्था का अनुसार वेका शुद्ध हूंणा का दिन पूरा हवेनि त तब यूसुफ और मरियम यरूशलेम शहर मा ली गैनी कि वे तैं परमेश्वर का संमणी लौनु।</verse>
				<verse number="23">जन कि मूसा द्वारा लिखीं परमेश्वर की व्यवस्था मा लिख्युं च कि हर एक पहिलौठो प्रभु कु पवित्र ठैरुलो।</verse>
				<verse number="24">अर मूसा द्वारा लिखीं परमेश्वर की व्यवस्था का अनुसार कबूतर का द्वी बच्चा लै कर बलिदान कैरा।</verse>
				<verse number="25">वे बगत यरूशलेम शहर मा शमौन नौं को एक आदिम छो अर उ आदिम धर्मी अर भक्त छो अर इस्राएल का लुखुं तैं शान्ति कि बाट जुगल्णु छो अर पवित्र आत्मा वेका दगड़ी छो।</verse>
				<verse number="26">पवित्र आत्मा ल वे तैं बतै कि जब तक तु प्रभु का मसीह तैं दिखण से पैली नि मुरलि।</verse>
				<verse number="27">अर वे दिन पवित्र आत्मा का द्वारा वेकी अगुवाई हवे अर उ परमेश्वर बट्टी यरूशलेम शहर का मन्दिर मा ऐ अर जब यूसुफ अर मरियम वे नौंना यीशु तैं भितर लैंनि कि वेकु मूसा द्वारा लिखीं परमेश्वर की व्यवस्था कि रीति का अनुसार भेंट चढ़ौणु।</verse>
				<verse number="28">त वेल नौंना तैं यीशु की खुचल्या मा पकड़ी के परमेश्वर कु धन्यवाद कैरी कै बोलि,</verse>
				<verse number="29">“हे प्रभु अब तु मि तैं अपड़ा सेवक तैं अपड़ा वचन का अनुसार शान्ति से विदा कैरी दे।</verse>
				<verse number="30">मिल वे उद्धारकर्ता तैं देखेलि जै तैं तिल सभि लुखुं तैं बचांणु कु भेजि, कु च।</verse>
				<verse number="31">जै तैं तिल सब देशों का लुखुं का संमणी तैयार कैरी।</verse>
				<verse number="32">उ अन्यजातियों पर परमेश्वर तैं प्रकट कन वलो उज्यला च अर इस्राएल का लुखुं का घराना कु प्रताप हूंनु।”</verse>
				<verse number="33">अर यीशु का ब्वे बुबा यूं बातों से वेका बारा मा शमौन ल बुलै के हकदक हवे गै छो।</verse>
				<verse number="34">तब शमौन ल ऊं तैं आशीष दे के वेकी ब्वे मरियम मा बोलि, “उ त इस्राएल का लुखुं का घराना मा भौत लुखुं का विनाश अर उद्धार अर उ परमेश्वर की तरपां से एक चिन्ह का रूप मा भि जै गै छो, इलै भौत लोग वेको विरोध करला जैका विरोध मा बात किये जाली।”</verse>
				<verse number="35">एक भयंकर दुःख, एक तलवार की ढंग वरन तेरा प्राण पर तलवार कि चोट पुड़ेली।</verse>
				<verse number="36">आशेर का गोत्र मा बट्टी हन्नाह नौं कि फ्नुएले की नौंनि एक परमेश्वर का तरपां बट्टी बुल्ण वली छै व भौत दानि छै अर ब्यो हूंणा का बाद सात बरस तक अपड़ा स्वामि दगड़ी रै सैकी।</verse>
				<verse number="37">व चौरासी बरसों बट्टी विधवा छै अर यरूशलेम शहर का मन्दिर तैं कभि नि छोड़िदि छै पर आराधना अर परमेश्वर बट्टी प्रार्थना कैरी कै रात दिन आराधना करदी छै।</verse>
				<verse number="38">अर व वे बगत पर उख ऐ के परमेश्वर कु धन्यवाद कन लगि गै अर ऊं सभियूं से जु यरूशलेम शहर का लुखुं तैं छुटकारा का मसीह तैं भिजणु कु परमेश्वर की जुगाल कन लगि गै।</verse>
				<verse number="39">अर जब यूसुफ अर मरियम मूसा द्वारा लिखीं परमेश्वर की व्यवस्था का अनुसार सब कुछ पूरो कैरेली छो त फिर गलील जिला का अपड़ा नासरत नगर कु चलि गैनी।</verse>
				<verse number="40">अर उ नौंनो बढ़दी अर मजबूत अर बुद्धि से परिपूण हूंणु रै अर परमेश्वर कि दया वे पर छै।</verse>
				<verse number="41">यीशु का ब्वे-बुबा हर साल फसह कु त्यौहार मा यरूशलेम शहर जांदा छा।</verse>
				<verse number="42">जब उ बारह बरस कु हवे त तब उ वे तैं त्योहार कि रीति का अनुसार यरूशलेम शहर कु गैनी।</verse>
				<verse number="43">अर जब यीशु का ब्वे-बुबा ऊं दिनों तैं पूरा कैरी कि आंण लगि गैनी त फिर उ नौंनो यीशु यरूशलेम शहर मा ही रै गै अर यु वेका ब्वे-बुबा नि जंणदा छा।</verse>
				<verse number="44">उ इन समझिके कि उ और यात्रियों का दगड़ा मा होलो त तब उ एक दिन को पड़ाव पूरो कैरी कि निकली गैनी अर वे तैं अपड़ा कुटुम्बियों अर जांण पैछाण वलो का इख खुज्योंण लगि गैनी।</verse>
				<verse number="45">पर जब नि मिली त खुज्योंद-खुज्योंद यरूशलेम शहर कु फिर वापिस लौटि गैनी।</verse>
				<verse number="46">अर तीन दिन का बाद ऊंल वे तैं यरूशलेम शहर का मन्दिर का चौक मा उपदेशकों का बीच मा बैठयूं अर ऊंकी सुणद अर ऊं बट्टी सवाल करद पै।</verse>
				<verse number="47">अर जथग वेकी सुनणा छा उ सब वेकी समझ अर वेका उत्तरों से हकदक रै गैनी।</verse>
				<verse number="48">तब वेका ब्वे-बुबा वे तैं देखि के हकदक हवे गैनी अर वेकी ब्वे ल वेमा बोलि, “हे नौंना तिल हम दगड़ी इन किलै कैरी? देख तेरु बुबा अर मि परेशान हवे के त्वे तैं खुज्योंणा छा।”</verse>
				<verse number="49">यीशु ल ऊंमा बोलि, “तुम मि तैं किलै खुज्योंणा छा? क्य नि जंणदा कि मि तैं अपड़ा बुबा का भवन मा रांण जरूरी च।”</verse>
				<verse number="50">पर जु बात वेल ऊंमा बोलि, ऊं बातों कु मतलब ऊं नि समझी सकिनि।</verse>
				<verse number="51">तब उ, ऊं दगड़ी नासरत नगर लौटि के ऐ गै अर ऊंका भस मा रै अर वेकी ब्वे ल यु सब बात अपड़ा मन मा रखिनि।</verse>
				<verse number="52">अर यीशु बुद्धि अर डील-डौल मा अर परमेश्वर अर मनिख्युं का कृपा मा बढ़दी गै।</verse>
			</chapter>
			<chapter number="3">
				<verse number="1">रोमी सम्राट तिबिरियुस कैसर का राज्य का पंद्रवां बरस मा जब पुन्तियुस पिलातुस यहूदिया प्रान्त को राज्यपाल छो, अर गलील जिला मा राजा हेरोदेस इतुरैया, अर त्रखोनीतिस मा वेको भैय फिलिप्पुस राजा हेरोदेस इतुरैया अर त्रखोनीतिस का क्षेत्रों पर शासन कनु छो अर लिसानियास अबिलेने का क्षेत्र मा राज्य कनु छो जब हेरोदेस गलील जिला पर राज्य कनु छो।</verse>
				<verse number="2">अर जब हन्ना अर कैफा महायाजक छा वे बगत मा परमेश्वर कु वचन एकांत जंगल मा जकर्याह का नौंना यूहन्ना मा पौंछि।</verse>
				<verse number="3">अर उ यरदन गाड का अमणी-संमणी का सभि देशों मा ऐ के पापों तैं माफ कनु को बपतिस्मा कु प्रचार करदो छो।</verse>
				<verse number="4">जन यशायाह परमेश्वर का तरपां बट्टी बुल्ण वला का बुल्यां वचनों कि किताब मा लिख्युं च कि एकांत जंगल मा एक पुकारण वला कु शब्द हूंणु च कि प्रभु का बट्टा तैं तैयार कैरा वेकी सड़कों तैं सीधि बंणा।</verse>
				<verse number="5">हरेक घाटि भुरे जालि अर हरेक डांडा अर टीला नीचा करे जाला अर जु टेढ़ो बंगु च उ सीधो करे जालो अर जु उंचु निसु च उ सीधो बाटु बंणि जालो।</verse>
				<verse number="6">उ जै तैं परमेश्वर ल अर सब लुखुं ल देखि, जै तैं परमेश्वर ल ऊं तैं उद्धार कु भिज्युं च।</verse>
				<verse number="7">जब भीड़ का भीड़ वेमा बपतिस्मा लींणु कु निकली के औंदि छै उ ऊंमा बुल्द छो कि “हे गुरो का बच्चों” तुम तैं कैल जतै कि औंण वला गुस्सा से भागा।</verse>
				<verse number="8">इलै मन फिराव का योग्य काम कैरा। अर अपड़ा-अपड़ा मन म यु नि सोचा कि हमारो बुबा अब्राहम च, इलै मि तुम बट्टी बुल्णु छौं कि परमेश्वर यूं ढुंगो बट्टी अब्राहम कु सन्तान पैदा कैरी सकद।</verse>
				<verse number="9">परमेश्वर हर कैकु न्याय कनु कु तैयार च जु पश्चाताप नि करद ठिक उन ही अब कुल्हड़ो डाला का जौड़ा पर रख्युं च इलै जु-जु डालो अच्छो फल नि लौंदु उ कटे जालो इलै हर एक आदिम जु वे डाला का जन च जु अच्छो फल नि लौंदु उ परमेश्वर का द्वारा भंगारी ठैरे जालो अर आग मा फिकें जालो।</verse>
				<verse number="10">अर लुखुं ल वेमा पूछि, “त हम ल परमेश्वर की सजा से बचणु कु की कन”</verse>
				<verse number="11">वेल ऊं तैं जवाब दींनि कि “जै मा द्वी कुर्ता छिन? उ एक तैं दे जै मा एक भि नि च, उ बांटि द्यो अर जै मा खांणु नि च उ भि इन ही कैर।”</verse>
				<verse number="12">अर चुंगी लींण वला भि बपतिस्मा लींणु कु ऐनी अर वे बट्टी पूछि कि “हे गुरु हम क्य करां”</verse>
				<verse number="13">यूहन्ना ल ऊंमा बोलि, “जु तुम कु अधिकारियों बट्टी ठैरैयुं च वां बट्टी जादा चुंगी नि लियां।”</verse>
				<verse number="14">अर सिपाहियों ल भि वे बट्टी पूछि कि “हम ल क्य कन” वेल ऊंमा बोलि, “कै पर अन्यो नि करयां अर न झूठो भंगार लगयां अर अपड़ी कमै पर संतुष्ट रयां।”</verse>
				<verse number="15">जब लोग मसीह का आंणै की आस लगयां छा अर सब अपड़ा-अपड़ा मन मा यूहन्ना का बारा मा विचार कना छा कि “कखि यु ही मसीह त नि च।”</verse>
				<verse number="16">तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।”</verse>
				<verse number="17">वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं का बीज तैं अपड़ा भंडार मा कट्ठा करलो पर भूसा तैं वीं आग मा फूंकी दयाला जु कभी नि बुझदि।</verse>
				<verse number="18">अर उ भौत सी शिक्षा दे के लुखुं तैं शुभ सन्देश प्रचार सुणौंदी रै।</verse>
				<verse number="19">पर जब यूहन्ना ल गलील जिला का इलाका कु राजा हेरोदेस तैं वेका भैय फिलिप्पुस की जनन हेरोदियास का बारा मा अर सब कुकर्मों का बारा मा जु वेल कैरी छा उ सब वे तैं जतलैनि।</verse>
				<verse number="20">इलै हेरोदेस ल ऊं सभियूं से बढ़ि के यु कुकर्म भि कैरी कि यूहन्ना तैं बन्दीगृह मा डाली दींनि।</verse>
				<verse number="21">जब यीशु पांणी बट्टी बपतिस्मा लै के परमेश्वर बट्टी प्रार्थना कनु छो त तुरंत वेल स्वर्ग तैं खुल्यूं देखि</verse>
				<verse number="22">अर पवित्र आत्मा तैं कबूतर का रूप मा अपड़ा मथि औंण देखि। अर या आकाशवाणी हवे, “अर परमेश्वर ल स्वर्ग बट्टी बोलि, कि तु मेरू प्रिय नौंनो छै मि त्वे बट्टी भौत खुश छौं।”</verse>
				<verse number="23">जब यीशु अफ उपदेश दींण लगि गै जु कि लगभग तीस बरस को छो अर जन समझे जांदु छो कि उ यूसुफ कु नौंनो च अर उ एली को।</verse>
				<verse number="24">अर उ मत्तात को अर उ लेवी को अर उ मलकी को अर उ यन्ना को अर उ यूसुफ को।</verse>
				<verse number="25">अर उ मत्तित्याह को अर उ आमोस कु अर उ नहूम को अर उ असल्याह को अर उ नग्गई को।</verse>
				<verse number="26">ऊं मात को अर उ मत्तित्याह को अर उ शिमी को अर उ योसेख को अर योदाह को।</verse>
				<verse number="27">उ यूहन्ना को अर उ रेसा को अर उ जरुबाबेल को अर उ शालतियेल को अर उ नेरी को।</verse>
				<verse number="28">अर उ मलकी को अर उ अद्दी को अर उ कोसाम को अर इलमोदाम को अर उ अर को।</verse>
				<verse number="29">अर उ येशू को अर उ एलीएजेर को अर उ योरीम को अर उ मत्तात को अर उ लेवी को।</verse>
				<verse number="30">उ शमौन को अर उ यहूदा को अर उ यूसुफ को अर उ योनान को अर उ एलयाकीम को।</verse>
				<verse number="31">उ मलेआह को अर उ मिन्नाह को अर उ मत्तता को अर उ नातान को अर उ राजा दाऊद को।</verse>
				<verse number="32">अर उ यिशै को अर उ ओबेद का, अर उ बोआज का, अर उ सलमोन का अर उ नहशोन का।</verse>
				<verse number="33">उ अम्मीनादाब को अर उ अरनी को अर उ हिस्रोन को अर उ फरिसि को ऐ उ यहूदा को।</verse>
				<verse number="34">उ याकूब को अर उ इसहाक को अर उ अब्राहम को अर उ तेरह को अर उ नाहोर को।</verse>
				<verse number="35">अर उ सरूग को अर उ रऊ को अर उ पैलेग को अर उ एबेर को अर उ शिलह को।</verse>
				<verse number="36">उ केनान को अर उ अरफक्षद को अर उ शेम को अर उ नूह को अर उ लेमेक‍ को।</verse>
				<verse number="37">उ मतूशेलह को अर उ हनोक को अर उ यिरिद को अर उ महललेल को अर उ केनान को।</verse>
				<verse number="38">अर उ एनोश को अर उ शेत को अर उ आदम को अर उ परमेश्वर को नौंनो च।</verse>
			</chapter>
			<chapter number="4">
				<verse number="1">फिर यीशु मसीह का यरदन गाड मा बपतिस्मा लींणा का बाद तब पवित्र आत्मा ल तुरंत वे तैं एकांत जंगल कि तरपां भेजि।</verse>
				<verse number="2">अर जंगल मा चालिस दिन रात तक शैतान ल वेकी अजमैश कैरी अर दिन मा यीशु ल कुछ नि खै अर जब उ दिन पूरा हवे गैनी त तब वे तैं भूख लगि।</verse>
				<verse number="3">अर शैतान ल यीशु मा बोलि, तु जु परमेश्वर का नौंनो छै त ये ढुंगा कु बोल कि रुट्टि बंणि जौं अर साबित कैर कि तू ऊं तैं खै साकि।</verse>
				<verse number="4">यीशु ल वे तैं जवाब दींनि कि “परमेश्वर का वचन मा लिख्युं च मनिख भस रुट्टि से ही ज्यूँदो नि रालो।”</verse>
				<verse number="5">तब शैतान वे तैं एक भौत ऊंचा पौड़ पर ली गै अर सैरा जगत का राज्य अर ऊंको धन दौलत तैं दिखै।</verse>
				<verse number="6">शैतान ल यीशु कु बोलि, “यु सब धन दौलत अर अधिकार मि तैं सौंप्युं च अर मि जै तैं चौं वे तैं ही दे दींदु।</verse>
				<verse number="7">इलै जु तु मि तैं झुकि के प्रणाम कर आराधना कैरेली त मि यु सब कुछ त्वे तैं दे दयुलु।”</verse>
				<verse number="8">यीशु ल वे तैं जवाब दींनि “परमेश्वर का वचन मा लिख्युं च कि तु परमेश्वर अपड़ा परमेश्वर तैं प्रणाम कैर अर भस वेकी आराधना कैर। ”</verse>
				<verse number="9">तब शैतान यीशु तैं पवित्र यरूशलेम शहर का मन्दिर का ऊँचा गुमट पर खड़ो कैरी अर शैतान ल यीशु कु बोलि, “जु तु परमेश्वर कु नौंनो छै त अपड़ा आप तैं मूड़ी गिरै के साबित कैर त्वे तैं चोट नि लगली</verse>
				<verse number="10">किलैकि परमेश्वर का वचन मा लिख्युं च, उ अपड़ा स्वर्गदूतों तैं आज्ञा दयालो अर उ त्वे तैं हथौं-हथ बचै दयाला कखि।</verse>
				<verse number="11">इन नि हो कि तेरु खुट्टों मा ढुंगो ल चोट लगो।”</verse>
				<verse number="12">यीशु ल वे तैं जवाब दींनि, “परमेश्वर का वचन मा इन लिख्युं च कि तु प्रभु अपड़ा परमेश्वर कि परख नि कैर।</verse>
				<verse number="13">जब शैतान ल यीशु कि अजमैश कैरेली छै त तब कुछ बगत कु वेका संमणी बट्टी चलि गै।</verse>
				<verse number="14">फिर यीशु आत्मा कि सामर्थ मा हवे के गलील मा ऐ अर वेकी चर्चा अमणी-संमणी का सभि मुल्को मा फैली गै।</verse>
				<verse number="15">अर यहूदियों का मिलणा का भवन मा जै के प्रचार करदी अर सब वेकी बढ़ै करदा छा।</verse>
				<verse number="16">अर यीशु अपड़ा घौर नासरत नगर मा ऐ जख उ पले गै छो अर अपड़ी रीति का अनुसार यहूदियों का विश्राम का दिन जु परमेश्वर कु पवित्र दिन मा परमेश्वर बट्टी यहूदियों का मिलणा का भवन मा जै के परमेश्वर कु वचन पढ़णु कु खड़ो हवे गै।</verse>
				<verse number="17">यशायाह परमेश्वर का तरपां बट्टी बुल्ण वला की किताब वे तैं दिये गै, अर वेल चाम्रपत्र खोलि के व जगह निकाली जख इन लिख्युं छो,</verse>
				<verse number="18">परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।</verse>
				<verse number="19">अर प्रभु का खुश रौंणो को साल कु प्रचार कैर।”</verse>
				<verse number="20">तब वेल चाम्रपत्र बंद कैरी के सेवक का हथ मा दे दींनि अर बैठी गे: अर यहूदियों का मिलणा का भवन मा सब लुखुं का आंखा वे पर लगयां छा।</verse>
				<verse number="21">तब उ ऊंमा बुल्ण लगि गैनी तुमारा सुनण से “आज परमेश्वर का वचन कु यु लेख तुमारा संमणी पूरो हवे गै।”</verse>
				<verse number="22">अर सभियूं ल वेकी बढ़ै कैरी अर जु दया कि बात वेका गिच्चा बट्टी निकली छै वां बट्टी हकदक हवे के बुल्ण लगि गैनी “क्य यु यूसुफ को नौंनो नि च? ”</verse>
				<verse number="23">यीशु ल ऊंमा बोलि, “तुम मेरा बारा मा ईं मिसाल जरुर दीला कि हे वैद अफ तैं खूब कैर जु कुछ हम ल सूंणि कि कफरनहूम शहर मा क्य कियेगे उन ही इख अपड़ा मुल्क मा भि कैर।”</verse>
				<verse number="24">पर यीशु ल ऊंमा बोलि, “मि तुम मा सच बुल्णु छौं कुई भि परमेश्वर का तरपां बट्टी बुल्ण वलो को अपड़ा देश तैं छोड़ी के उंको सब जगह आदर हूंद।”</verse>
				<verse number="25">अर मि तुम मा सच बुल्णु छौं मेरी बात सूंणा उ सच छिनी की ऊख भौत विधवा छै कि परमेश्वर की तरपां बट्टी बुल्ण वलो एलिय्याह का दिनों मा जब साढ़े तीन बरसों तक स्वर्ग बंद रै अर बरखा नि हवे कि सैरा इस्राएल का लुखुं का घराना मा बड़ो अकाल पड़ि।</verse>
				<verse number="26">पर एलिय्याह तैं इस्राएल मा कै भि विधवा का सीदोन शहर का संमणी सारपत का इलाका मा एक गैर-यहूदी विधवा मा भिजे।</verse>
				<verse number="27">अर एलीशा परमेश्वर का तरपां बट्टी बुल्ण वला का बगत मा इस्राएल का लुखुं का घराना मा भौत कोढ़ी छा पर सीरिया देश का एक गैर-यहूदी नामान तैं छोड़ी के ऊंमा बट्टी कुई शुद्ध नि करे गै।</verse>
				<verse number="28">यूं बातों तैं सुंणद ही जथग यहूदियों का मिलणा का भवन मा छा सब गुस्सा मा भरि गैनी।</verse>
				<verse number="29">अर उठि के यीशु तैं शहर बट्टी भैर निकाली अर जै डांडा मा ऊंको शहर बस्युं छो वेका डांडा मा ली गै कि यीशु तैं उख बट्टी मूड़ि गिरै कै मार द्या।</verse>
				<verse number="30">पर उ ऊंका बीच मा बट्टी निकली के चलि गै।</verse>
				<verse number="31">फिर यीशु अर वेका शिष्य गलील का कफरनहूम शहर मा ऐनी, अर यीशु तुरंत यहूदियों का विश्राम का दिन जु परमेश्वर कु पवित्र दिन यहूदियों का मिलणा का भवन मा जै के उपदेश दींण लगि गै।</verse>
				<verse number="32">उ यीशु का वेका उपदेश से चकित हवेनि किलैकि वेको वचन अधिकार का दगड़ा मा छो।</verse>
				<verse number="33">यहूदियों का मिलणा का भवन मा एक आदिम छो, जै पर दुष्टात्मा लगिं छै।</verse>
				<verse number="34">वेल चिल्लै कै बोलि, “हे यीशु नासरी हम तैं त्वे बट्टी क्य काम? क्य तु हम तैं नाश कनु कु अयीं छै? मि त्वे तैं जंणदु छौं कि तु कु छै? तु परमेश्वर को पवित्र नौंनो छै जु परमेश्वर का तरपां बट्टी अईं छै।”</verse>
				<verse number="35">यीशु ल दुष्टात्मा तैं झिड़की के बोलि, “चुप रौ अर वेमा बट्टी दूर हो अर निकली जा।” तब दुष्टात्मा वे तैं बीच मा पटकी के बगैर कुई नुकसान पौंछयां वे बट्टी दूर हवे के भैर निकली गै।</verse>
				<verse number="36">ईं बात पर सभियूं तैं अचम्भो हवे अर उ आपस मा बुल्ण लगि गैनी “यु कन वचन च? यु त कुई नयो उपदेश च जु बड़ा सामर्थ का दगड़ी दुष्टात्मा तैं भि झिड़की दींणु च अर उ वेकी डांट सूंणि के मनिख्युं बट्टी भैर निकली जांद।”</verse>
				<verse number="37">अर वेको नौं तुरंत गलील जिला का अमणी-संमणी का प्रदेश मा हर जगह फैली गै।</verse>
				<verse number="38">उ यहूदियों का मिलणा का भवन मा बट्टी उठि के शमौन पतरस का घौर मा ऐनी अर शमौन पतरस कि सास जौर मा पड़ीं छै, अर ऊंल वीं कु यीशु बट्टी बिनती कैरी।</verse>
				<verse number="39">वेल वीं का संमणी खड़ो हवे के जौर तैं झिड़की अर वीं को जौर उतरी गै अर व तुरंत उठि के ऊं सभियूं कि सेवा पांणी कन लगि गै।</verse>
				<verse number="40">सूरज डुबण का बगत जौं-जौं का इख लोग बनि-बनि किस्मै कि बिमारी मा पुड़यां छा उ सब ऊं तैं वेका संमणी लैनि अर वेल एक-एक पर हथ रखि के ऊं तैं खूब कैरी।</verse>
				<verse number="41">अर भौतों मा बट्टी दुष्टात्मा चिल्लांदि अर यु बोलि के निकली गै की, “तु परमेश्वर कु नौंनो छै” पर उ, ऊं तैं खिज्योंदा अर बुल्ण नि दींदु छो किलैकि उ जंणदी छै कि यु मसीह च।</verse>
				<verse number="42">जब दिन हवे त उ निकली के एक एकांत जंगल मा गै अर भीड़ कि भीड़ वे तैं खुज्योंदि-खुज्योंदि वेमा ऐ अर यीशु तैं रुकण लगि गैनी कि हमारा संमणी बट्टी नि जा।</verse>
				<verse number="43">यीशु ल चेलों मा बोलि, “मि तैं और-और शहरों मा भि परमेश्वर कु राज्य कु शुभ सन्देश प्रचार सुनौंण जरूरी च किलैकि मि इलै भिज्युं छौं।”</verse>
				<verse number="44">अर उ गलील जिला बट्टी हवे के यहूदिया प्रान्त मा यहूदियों का मिलणा का भवन मा जै के प्रचार करदी रै।</verse>
			</chapter>
			<chapter number="5">
				<verse number="1">जब भीड़ यीशु पर गिरदि पुड़दी छै अर परमेश्वर का वचन तैं सुंणदि छै अर उ गन्नेसरत कि झील का किनारा पर खड़ो छो त इन हवे।</verse>
				<verse number="2">कि ऊंल तलौ का किनारा पर द्वी नाव लगिं देखि अर मछेर ऊंमा बट्टी उतरी के माछा पकड़ण का जाल धुंणा छा।</verse>
				<verse number="3">ऊं नाव मा बट्टी एक पर ज्वा शमौन पतरस कि छै वेल वे बट्टी बिनती कैरी कि किनारा बट्टी जरा सी हटै के अगनैं ली जा तब उ नाव पर बैठी के लुखुं तैं उपदेश दींण लगि गै।</verse>
				<verse number="4">जब वेल भीड़ का दगड़ी बात पूरी कैरेली छै त शमौन पतरस कु बोलि, “गैहरा पांणी मा ली जा अर माछा पकड़नु कु अपड़ा जाल डाला।”</verse>
				<verse number="5">शमौन पतरस ल वे तैं जवाब दींनि, “हे स्वामि हम ल सैरी रात मेहनत कैरी अर कुछ नि पकड़ी फिर भि किलैकि तु मि कु इन कनु कु बुल्णी छै इलै मि जाल डललु।”</verse>
				<verse number="6">जब पतरस अर वेका दगड़ियों ल जाल डाली त बिजां माछा घेरिनि अर ऊंका जालो कु फटण कु खतरा लगणु छो।</verse>
				<verse number="7">तब ऊंल, अपड़ा दगड़ियों तैं जु दुसरी नाव पर छा इशारा कैरी कि ऐ के हमारी मदद कैरा: अर ऊंल द्वी नाव इख तक भोरि दींनि कि उ डुबण वला छा।</verse>
				<verse number="8">यु देखि के शमौन पतरस यीशु का खुट्टों मा गिरि अर बोलि, “हे प्रभु मेरा संमणी बट्टी जा किलैकि मि पापी मनिख छौं।”</verse>
				<verse number="9">किलैकि इथग माछा पकड़िणां कारण उ अर वेका दगड़िया भौत हकदक हवे गै छा।</verse>
				<verse number="10">अर शमौन पतरस का दगड़िया, याकूब अर यूहन्ना जु जब्दी का नौंनो छो उ भि हकदक रै गै तब यीशु ल ऊंकु बोलि, “मेरा पिछनै चला मि तुम तैं शिष्य बणोलू अर मनिख्युं तैं शिष्य बंणौण सिखौलु।”</verse>
				<verse number="11">अर उ नाव तैं किनरा पर लैंनि अर सब कुछ छोड़ी के वेका चेला बंणि के वेका पिछनै चलि गैनी।</verse>
				<verse number="12">जब यीशु कै शहर मा छो अर देखा उख कोड़ से भुर्युं एक मनिख छो अर उ यीशु तैं देखि के वेमा बिनती कैरी, अर वेका अगनैं घुंडा टेकि के वेमा बोलि, “हे प्रभु तु जु चै त मि तैं शुद्ध कैरी सकदी छै।”</verse>
				<verse number="13">यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा” अर वेको कोड़ वे ही बगत ठिक हवे गै।</verse>
				<verse number="14">तब वेल वे तैं चितै, “कि कै मा नि बोलि, पर जै के अफ तैं यहूदी याजक तैं दिखौ, अर अपड़ा शुद्ध हूंणा का बारा मा जु कुछ मूसा ल चढ़ावा ठैरे उ सब परमेश्वर तैं बलिदान चढ़ौ, कि ऊंकी संमणी गव्है हवे जौ।”</verse>
				<verse number="15">पर यीशु चर्चा और भि फैलदी गै अर भीड़ कि भीड़ यीशु तैं सुनांणु कु अर अपड़ी बिमारियों बट्टी खूब हूंणु कु कट्ठा हवे।</verse>
				<verse number="16">पर यीशु एकांत जंगल मा अलग जै के परमेश्वर बट्टी प्रार्थना कनु रौंदु छो।</verse>
				<verse number="17">अर एक दिन इन हवे कि उ उपदेश दींणु छो अर फरीसी अर मूसा की व्यवस्था तैं सिखांण वला उख बैठयां छा जु गलील जिला अर यहूदिया प्रान्त का हरेक गौं बट्टी अर यरूशलेम शहर बट्टी ऐ छा अर खूब कनु कु प्रभु कि सामर्थ यीशु का दगड़ी छै।</verse>
				<verse number="18">अर देखा भौत लोग एक लकवा का रोगी तैं चार मनिख्युं मा उठवै के यीशु का संमणी रखणों उपाय खुज्योंणा छा।</verse>
				<verse number="19">अर जब भीड़ का कारण वे तैं भितर नि लिजै साकी त ऊंल छत मा चढ़ै के अर पठाला हटै दींनि, वीं खाट तैं बीच मा यीशु का संमणी उतार दींनि।</verse>
				<verse number="20">यीशु ल ऊंकु विश्वास देखि के वेमा बोलि, “हे मनिख तेरा पाप माफ हवे गैनी।”</verse>
				<verse number="21">तब कई मूसा की व्यवस्था तैं सिखांण वला अर फरीसी अपड़ा मन मा विचार कन लगि गैनी कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु।</verse>
				<verse number="22">यीशु ल ऊंका मन कि बात जांणि के ऊंमा बोलि, “तुम लोग अपड़ा-अपड़ा मन मा बुरा विचार किलै कना छा?”</verse>
				<verse number="23">ठिक क्य च? क्य लकवा का रोगी कु इन बुल्ण कि तेरा पाप माफ हवेनि या इन बुल्ण कि उठ अपड़ी खाट उठै के चल?</verse>
				<verse number="24">पर इलै की तुम जांणि जां कि मि मनिख कु नौंनो धरती पर पाप माफ कनु को भि अधिकार रखदु च तब यीशु ल लकवा का रोगी कु बोलि, “मि त्वे कु बुल्णु छौं उठ अपड़ी खाट उठै के घौर चलि जा।”</verse>
				<verse number="25">उ तुरंत उठि के ऊं सब का संमणी अर जैं खाट पर उ पुड़यूँ छो वीं तैं उठै के परमेश्वर कि बढ़ै करदु अपड़ा घौर चलि गै।</verse>
				<verse number="26">तब सब ईं बात पर भैचक हवे गै छा अर परमेश्वर कि बढ़ै कन लगि गैनी कि आज हम ल भैवचक्क बात दिखिनि।</verse>
				<verse number="27">अर यांका बाद यीशु भैर गै अर लेवि नौं कु एक चुंगि लींण वला चुंगि कि चौकि पर बैठयूं देखि अर वे कु बोलि, “मेरा पिछनैं हो ले।”</verse>
				<verse number="28">अर उ अपड़ो काम-काज छोड़ी के यीशु का पिछनै हवे गै।</verse>
				<verse number="29">अर लेवि ल अपड़ा घौर मा राती कु खांणु-खांण कु वेको बड़ी दावत कैरी अर भौत सा चुंगि लींण वलो अर पापी भि यीशु अर वेका चेलों का दगड़ा मा खांणु कु बैठयां छा एक बड़ी भीड़ छै।</verse>
				<verse number="30">अर मूसा की व्यवस्था तैं सिखांण वला ल अर फरीसियों यीशु का चेलों बट्टी यु बोलि के कुड़कुड़ाण लगि गैनी “तुम चुंगि लींण वलो अर पापियों का दगड़ी किलै खांदी पींदा।”</verse>
				<verse number="31">यीशु ल ऊं तैं जवाब दींनि, “भला चंगों तैं वैध की जरूरत नि च पर बिमारों तैं च।”</verse>
				<verse number="32">किलैकि मि धर्मियों कु न बल्कि पाप से भुरयां लुखुं तैं बुलांण कु अयुं छौं।</verse>
				<verse number="33">अर ऊंल यीशु मा बोलि, “यूहन्ना का चेला त बराबर उपवास रखदींनि अर परमेश्वर बट्टी प्रार्थना कना रदिंन अर उन ही फरीसियों का भि पर तेरा चेला त खांदा पींदा छिन”</verse>
				<verse number="34">यीशु ल ऊंमा बोलि, “जब तक ब्योला बरातियों का दगड़ी रौंदु त क्य उ उपवास रखि सकदींनि”</verse>
				<verse number="35">पर हां उ दिन आला कि ब्योला ऊंका बीच बट्टी अलग करे जालो त वे बगत उ उपवास रखला।</verse>
				<verse number="36">यीशु ल एक और भि मिसाल ऊं तैं दींनि कि “कुई मनिख नया झुलड़ा तैं फाड़ी के पुरणा झुलड़ा मा टल्ला कुई नि लगांदु, जु कुई इन करदु तब नयो झुलड़ा धुणौं का बाद छुटू हवे जांदु, जै बट्टी पुरणा झुलड़ा अर जादा फटि जालो अर उ पुरणा झुलड़ा वे दगड़ी मेल नि खान्दो।</verse>
				<verse number="37">अर कुई नई दाखमधु तैं पुरणी छाकल मा कुई नि रखदु नथिरी दाखरस छाकल तैं फाड़ी दयालो अर दाखरस अर मश्क द्वी बरबाद हवे जालि</verse>
				<verse number="38">पर नई दाखरस नई चमड़ा कि थैलि मा भुरदिन।</verse>
				<verse number="39">कुई मनिख पुरणो दाखरस तैं पीके नयो नि चांदु किलैकि उ बुल्द कि पुरणो ही अच्छो च।”</verse>
			</chapter>
			<chapter number="6">
				<verse number="1">फिर यहूदियों का विश्राम का दिन जु परमेश्वर कु पवित्र दिन यीशु अर वेका चेला पुगड़ा मा बट्टी हवे के जांणा छा अर वेका चेला बलड़ा तोड़ी-तोड़ी के अर हथ मांड़िके खंदि जांणा छा।</verse>
				<verse number="2">तब फरीसियों मा बट्टी कई लोग बुल्ण लगि गैनी “तुम उ काम किलै करदां जु यहूदियों का विश्राम का दिन जु परमेश्वर कु पवित्र दिन ठिक नि च।”</verse>
				<verse number="3">यीशु ल ऊं तैं जवाब दींनि “क्य तुम ल परमेश्वर का वचन मा कभि नि पढ़ी कि जब राजा दाऊद अर वेका दगड़िया भूखा छा त क्य कैरी?”</verse>
				<verse number="4">उ किलै परमेश्वर का वाचा वला तम्बू मा गै अर भेंट कि रुट्टि खैनि अर अपड़ा दगड़ियों तैं भि दींनि जौं तैं खांण यहूदी याजक लुखुं का अलावा और कै तैं ठिक नि छो।</verse>
				<verse number="5">अर वेल ऊंमा बोलि, “मि मनिख कु नौंनो त यहूदियों का विश्राम का दिन जु परमेश्वर कु पवित्र दिन को भि प्रभु च।”</verse>
				<verse number="6">अर इन हवे कि कै और यहूदियों का विश्राम का दिन जु परमेश्वर कु पवित्र दिन उ यहूदियों का मिलणा का भवन मा जै के उपदेश दींण लगि गै अर जख एक आदिम छो जै को हथ सुखी गै छो।</verse>
				<verse number="7">कुछ मूसा की व्यवस्था तैं सिखांण वला अर फरीसी यीशु पर भंगार लगांणु कु ईं ताक मा लगयां छा कि वे तैं ध्यान से देखदां कि उ यहूदियों का विश्राम का दिन जु परमेश्वर कु पवित्र दिन म वे तैं खूब करदो च कि नि करदो।</verse>
				<verse number="8">पर उ ऊंका मनों का विचार जंणदु छो इलै वेल सुख्यां हथ वला आदिम कु बोलि, “उठ बीच मा खड़ो हो अर उ खड़ो हवे गै।”</verse>
				<verse number="9">यीशु ल ऊंमा बोलि, “मि तुम मा यु पुछदूं कि यहूदियों का विश्राम का दिन जु परमेश्वर कु पवित्र दिन क्य ठिक च भलो कन या बुरो कन प्राण तैं बचौंण या नाश कन”</verse>
				<verse number="10">अर वेल चारों तरपां ऊं सभियूं तैं देखि के वे मनिख कु बोलि, “अपड़ो हथ बढो अर वेल बड़ै अर वेको हथ फिर ठिक हवे गै।”</verse>
				<verse number="11">पर उ यु देखि के फरीसी अर शास्त्री गुस्सा मा फुकैण लगि गैनी अर आपस मा झगड़ण लगि गैनी कि हम यीशु का दगड़ी क्य कैरा?</verse>
				<verse number="12">अर ऊं दिनों मा यीशु डांडा पर परमेश्वर बट्टी प्रार्थना कनु कु गै अर परमेश्वर बट्टी प्रार्थना कन मा सैरी रात बितै।</verse>
				<verse number="13">जब दिन हवे त वेल अपड़ा बारह प्रेरित तैं बुलै के ऊंमा बट्टी बारह चेला चुणिनि अर ऊं तैं प्रेरित बोलि।</verse>
				<verse number="14">अर उ यु छिन शमौन पतरस जै कु नौं वेल पतरस रखि अर वेको भैय अन्द्रियास अर याकूब अर वेको भैय यूहन्ना अर फिलिप्पुस अर बरतुल्मै।</verse>
				<verse number="15">अर मत्ती अर थोमा अर हलफई को नौंनो याकूब अर शमौन कनानी जु जेलोतेस कहलांद।</verse>
				<verse number="16">अर यहूदा कु नौंनो याकूब अर यहूदा इस्करियोती जु वेको पकड़ौंण वलो बंणि।</verse>
				<verse number="17">तब उ वेका दगड़ी उतरी के सैंणि जगह मा खड़ो हवे अर वेका चेलों कि भौत बड़ी भीड़ अर सैरा यहूदिया प्रान्त अर यरूशलेम शहर अर सूर अर सीदोन शहर का समुद्र छाला भौत बड़ी भीड़,</verse>
				<verse number="18">जु वेकी सुनणु कु अर अपड़ी बिमारियों बट्टी खूब हूंणु कु वेमा ऐ छा उ सब उख छा अर दुष्टात्मा का सतयां लोग भि खूब करे जांदा छा।</verse>
				<verse number="19">अर सभि यीशु तैं छूंण चांदा छा किलैकि वेमा बट्टी सामर्थ निकली के सभियूं तैं खूब करदी छै।</verse>
				<verse number="20">अर तब चेलों तैं शिक्षा दींण लगि गै, धन्य छिन उ, “जु मन मा परमेश्वर का प्रति अपड़ी जरुरत का ख्याल करदींनि किलैकि स्वर्ग को राज्य ऊंको च।”</verse>
				<verse number="21">“धन्य छा तुम जु अब भूखा छा किलैकि तृप्त किये जाला धन्य छा तुम जु अभि रूंदा छा किलैकि हैंसिल्या।”</verse>
				<verse number="22">धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।</verse>
				<verse number="23">तब खुश अर मगन हुयां किलैकि तुम कु स्वर्ग मा बड़ो प्रतिफल च ऊंका बाप-दादा परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।</verse>
				<verse number="24">पर तुम कु भयानक दण्ड होलो जु सैठ छा किलैकि तुम ल अपड़ी खुशी पयले।</verse>
				<verse number="25">पर हाय तुम पर जौं मा उ सब कुछ च जु तुम चांदा छा किलैकि भुखी रैल्या हाय तुम पर जु अभि हैंसणा छा किलैकि दुखी करिल्या अर रुवैल्या।</verse>
				<verse number="26">हाय तुम पर जब सब लोग तुम तैं भलो बुलला किलैकि तुमारा पूर्वजों ल भि झूठा परमेश्वर का तरपां बट्टी बुल्दोओं की तारीफ का बारा मा अच्छी बात बुलीं च।</verse>
				<verse number="27">पर मि तुम मा यु बुल्ण छौं कि अपड़ा बैरियों से प्रेम रखा जु तुम दगड़ी बैर रखदींनि ऊंकु भलो कैरा।</verse>
				<verse number="28">जु तुम तैं गलि द्ये ऊं तैं आशीष द्या, जु तुमारो अपमान करदो ऊं कु परमेश्वर बट्टी प्रार्थना कैरा।</verse>
				<verse number="29">जु कुई तेरा दैंणा गल्लोड़ा पर थपड़ी मारु त वेकी तरपां दुसरु भि फेरी दे कुई त्वे पर मुकदमा कैरी कै तेरु कुर्ता लींण चौ त वे तैं फ्त्यु भि लींण दे।</verse>
				<verse number="30">जु कुई त्वे बट्टी मांगो वे तैं दे अर जु त्वे बट्टी उधार लींण चौ वे बट्टी मुक नि फरकौ।</verse>
				<verse number="31">अर जन तुम चांदा छा कि लोग तुम दगड़ी कैरो तुम भि ऊं दगड़ी उन ही कैरा।</verse>
				<verse number="32">जु तुम अपड़ा ही प्रेम रखण वलो का दगड़ी प्रेम रखिल्या त तुमारी क्य बढ़ै? किलैकि पापी भि अपड़ा प्रेम कन वलो बट्टी प्रेम करदींनि।</verse>
				<verse number="33">अर जु तुम अफ दगड़ी भलै कन वलो का ही दगड़ी भलै करदां त लोग तुमारी बढ़ै किया कैरा? किलैकि पापी भि इन ही करदींनि।</verse>
				<verse number="34">जु तुम ऊं तैं उधार दिया जौं बट्टी फिर पौणे आस रखदां कुई लोग तुमारी बढ़ै किया कैरा? किलैकि पापी पापियों तैं उधार दींद कि उथग ही फिर पौनु।</verse>
				<verse number="35">पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।</verse>
				<verse number="36">जन तुमारो स्वर्गीय बुबा दयालु च उन ही तुम भि दयालु बंणा।</verse>
				<verse number="37">दूसरों कु जांच कैरी के न्याय नि कैरा त परमेश्वर भि तुमारो न्याय नि करलो अर भंगार नि लगावा त परमेश्वर भि तुम पर भंगार नि लगालो दूसरों तैं माफ कैरा त परमेश्वर भि तुम तैं माफ करलो।</verse>
				<verse number="38">दींणा रावा अर तुम तैं भि दिये जालो: लोग पूरो नाप-नाप अर दबै-दबै के अर हिलै-हिलै के अर तुमारा खुचल्या मा डलला किलैकि जै नाप से तुम नपदा छा वे ही नाप से तुम कु भि नपे जालो अर तुम तैं बिजां दिये जालो।</verse>
				<verse number="39">फिर यीशु ल ऊं तैं एक मिसाल सुणैं “क्य कांणो-कांणो तैं बाटु बतै सकदु? क्य द्वी गड्डा मा नि पुड़ला?”</verse>
				<verse number="40">चेला अपड़ा गुरु से बड़ो नि च पर जु कुई सिद्ध होलो उ अपड़ा गुरु का समान होलो।</verse>
				<verse number="41">तु एक छुट्टा पाप कु अपड़ा दगड़िया विश्वासी का न्याय किलै कनि छै जु वेकी आँख मा छुटी-छुटी गलतियों का जन च, अर अपड़ी बड़ी-बड़ी गलतियों तैं नि दिखदी।</verse>
				<verse number="42">जब तेरी ही आँख मा लट्ठा च, त तु अपड़ा भैय बट्टी कनके बोल सकदी छै, “लौ मि तेरा आँख बट्टी तिनका निकाली दियुं हे कपटि पैली अपड़ी आँख मा बट्टी लट्ठा निकाली लै तब तू अपड़ा भैय की आँखा का तिनका तैं भला ढंग बट्टी देखि के निकाली सकली।”</verse>
				<verse number="43">कुई अच्छो डालो इन नि हूंद जु निकमो फल लौ अर न त निकमो डालो अच्छो फल लांद।</verse>
				<verse number="44">हरेक डालो अपड़ा फल से पैछाणे जांदु किलैकि लोग झाड़ियों बट्टी बेडु नि तोड़दिनि अर न झिबलांण बट्टी अंगूर।</verse>
				<verse number="45">भलो मनिख अपड़ा मन का भला भण्डार बट्टी भलि बात निकलदु अर बुरो मनिख अपड़ा मन का बुरा भण्डार बट्टी बुरी बात निकलदु किलैकि जु मन मा भुर्युं च उ ही वेका गिच्चा मा औंदु।</verse>
				<verse number="46">जब तुम मेरू बुल्युं नि मणदा त मि कु “हे प्रभु हे प्रभु किलै बुल्दा? ”</verse>
				<verse number="47">जु कुई मि मा औंणु अर मेरी बातों तैं सूंणि के ऊं तैं मंणदु मि तुम तैं बतौंणु छौं कि उ कै मनिख जन च?</verse>
				<verse number="48">उ वे मनिख का समान च जै ल घौर बनांण का बगत जमीन गैरि कैरी के चट्टान पर नींव डाली अर जब बाड़ ऐ त धारा वे पर लगिनि पर वे तैं हिलै नि सकिनि किलैकि उ पक्को बणयूं छो।</verse>
				<verse number="49">पर जु सूंणि के नि मंणदु उ वे मनिख का समान च जै ल धरती पर बगैर बुनियाद को घौर बणैं। जब वे पर पांणी का धारा लगिनि अर उ वे बगत गिरिगे अर उ गिरि के छत्यनाश हवे गै।</verse>
			</chapter>
			<chapter number="7">
				<verse number="1">जब वेल लुखुं तैं अपड़ी सैरी बात सुणैयेलि छै तब उ कफरनहूम शहर मा ऐ।</verse>
				<verse number="2">अर कै सुबदार का एक सेवक ल जु वेको प्रिय छो बिमारी का कारण मुरण वलो छो।</verse>
				<verse number="3">वेल यीशु कि चर्चा सूंणि के यहूदियों का कई दाना-सयाणों तैं ऊंमा या बिनती कनु कु भिजिनि कि ऐ के मेरा सेवक तैं बचौ।</verse>
				<verse number="4">उ यीशु मा ऐ के बड़ी बिनती कैरी कै बुल्ण लगि गै कि उ यु लैख च कि तु वेको यु काम कैर।</verse>
				<verse number="5">किलैकि उ हमारी जाति बट्टी प्रेम करदो अर वेल हमारा यहूदियों का मिलणा का भवन तैं बंणवै।</verse>
				<verse number="6">यीशु ऊंका दगड़ा मा चलि पर जब उ घौरा का संमणी छा तब सुबदार ल वेमा कई दगड़ियों मा यु सवाल भेजि हे प्रभु दुःख न उठा मि इथग योग्य नि छो की तू मेरा छत मुड़ी औ</verse>
				<verse number="7">इलै मिल अफ तैं ये लै नि समझी कि मि त्वे मा औं पर वचन ही बुल्दी दे त मेरू सेवक खूब हवे जालो।</verse>
				<verse number="8">मि एक पराधीन मनिख छौं अर सिपै मेरा अधिकार मा छिन जब मि एक बट्टी बुल्द जा त उ जांदु च अर हैंका बट्टी बुल्द कि औ त उ औंद च अर जब अपड़ा सेवक बट्टी बुल्द कि यु कैर त करदो च।</verse>
				<verse number="9">यु सूंणि के यीशु हकदक रै गै अर वेल मुक फेरी के वीं भीड़ कु ज्वा वेका पिछनै औंणि छै बोलि, “मिल इस्राएल का लुखुं का घराना मा भि इन विश्वास नि देखि।”</verse>
				<verse number="10">अर भिज्यां दगड़ियों ल घौर लौटि के वे सेवक तैं खूब पै।</verse>
				<verse number="11">कुछ दिनों का बाद उ नाईन नौं का शहर कु गै अर वेका चेला अर बड़ी भीड़ वे दगड़ी जांणि छै।</verse>
				<verse number="12">जब उ शहर का फाटक का संमणी पौंछिनी त देखा लोग एक मुर्दा तैं भैर लिजांणा छा जु अपड़ी ब्वे कु एक ही नौंनो छो अर व विधवा छै: अर शहर का भौत लोग वीं दगड़ी छा।</verse>
				<verse number="13">वीं देखि के प्रभु दया से भरि गै अर वेल इन बोलि, नि रु।</verse>
				<verse number="14">तब वेल संमणी ऐ के मुर्दे की अर्थी तैं छवे अर उठौंण वला रुकि गैनी तब वेल बोलि, “हे जवान मि त्वे बट्टी बुल्णु छौं उठि जा।”</verse>
				<verse number="15">तब उ मुर्दा उठि के बैठी अर बुल्ण लगि गे: अर वेल वे तैं वेकी ब्वे मा सुपुर्द कैरी दींनि।</verse>
				<verse number="16">ईं बात से सब लोग डौर से भुरे गैनी अर उ परमेश्वर कि बढ़ै कैरी के बुल्ण लगि गैनी कि हमारा बीच मा परमेश्वर का तरपां बट्टी बुल्ण वलो अयुं च अर परमेश्वर अपड़ा लुखुं की मदद कनु कु अयुं च।</verse>
				<verse number="17">अर वेका बारा मा य बात सैरा यहूदिया प्रान्त मा अर अमणी-संमणी का सैरा मुल्क मा फैली गै।</verse>
				<verse number="18">अर यूहन्ना तैं वेका चेलों ल यूं सभि बातों कु समाचार दींनि।</verse>
				<verse number="19">तब यूहन्ना ल अपड़ा चेलों मा बट्टी द्वी चेलों तैं बुलै के प्रभु मा यु पुछणु कु भिजिनि “क्य तु ही उ मसीह छै जै तैं भिजणो कु वादा परमेश्वर ल करयुं छो, या हम कै दुसरा का बाट जुगाल्ला?</verse>
				<verse number="20">ऊंल यीशु मा ऐ के बोलि, यूहन्ना बपतिस्मा दींण वला ल हम तैं त्वे मा यु पुछणु कु भेजि, कि क्य तु ही उ मसीह छै जै तैं भिजणो कु वादा परमेश्वर ल करयुं छो, या हम कै दुसरा का बाट जुगाल्ला?</verse>
				<verse number="21">वे ही बगत वेल भौतों तैं बिमारियों बट्टी अर पिड़ा अर दुष्टात्माओं बट्टी छुड़ै अर भौत अंधों का आंखा खुलींनि</verse>
				<verse number="22">अर यीशु ल ऊंमा बोलि जु कुछ तुम ल देखि अर सूंणि जै के यूहन्ना मा बोलि दियां कि अंधा दिखणा छिन अर लूला-लंगड़ा चलणां फिरणा छिन, कोढ़ी खूब करे जांणा छिन अर कंगालों तैं शुभ सन्देश प्रचार सुणै जांणु च।</verse>
				<verse number="23">अर धन्य छिन उ जु मि पर विश्वास करदीं”</verse>
				<verse number="24">जब यूहन्ना का भिज्यां दूत चलि गैनी तब यीशु, यूहन्ना का बारा मा लुखुं मा बुल्ण लगि गै तुम उख एकांत जंगल मा क्य दिखणु कु ग्यां छा? क्य बथौं बट्टी हिल्दा पत्तों तैं?</verse>
				<verse number="25">त तुम फिर क्य दिखणु कु गै छा? क्य मलमल का कपड़ा पैर्यां आदिम तैं? देखा जु भड़किला झुलड़ा पैरदिनि अर सुख विलास मा रौदींनि उ राजभवनों मा रौदींनि।</verse>
				<verse number="26">त फिर क्य दिखणु कु गै छा? क्य कै परमेश्वर का तरपां बट्टी बुल्ण वला तैं? हां मि तुम मा बुल्द बल्कि मा परमेश्वर का तरपां बट्टी बुल्दो से भि बड़ा तैं।</verse>
				<verse number="27">यु उ ही च जैका बारा मा परमेश्वर का वचन मा लिख्युं च कि देख मि अपड़ा दूत तैं तेरा अगनैं-अगनैं भिजणु छौं जु तेरु अगनैं बट्टा तैं सैंणु करलो।</verse>
				<verse number="28">मि तुम मा बुल्णु छौं कि जु जनन बट्टी जन्मयां छिन ऊंमा बट्टी यूहन्ना से बड़ो कुई नि च पर जु परमेश्वर का राज्य मा छुटो से छुटो च उ वे बट्टी भि बड़ो च।</verse>
				<verse number="29">अर सब साधारण लुखुं ल जब यीशु की बुलीं बातों तैं सूंणि, त सब लुखुं ल, यां तक की चुंगि लींण वलो ल भि बोलि, कि परमेश्वर धर्मी च यूहन्ना को बपतिस्मा ले के परमेश्वर तैं सच्चो मांणि।</verse>
				<verse number="30">पर फरीसियों ल अर मूसा की व्यवस्था तैं सिखांण वलो ल यूहन्ना बट्टी बपतिस्मा लींण से इन्कार कैर दींनि अर परमेश्वर कि मनसा तैं अपड़ा बारा मा टालि दींनि।</verse>
				<verse number="31">अर मि ये युग का लुखुं कि तुलना कै बट्टी द्यों कि उ कै जन छिन?</verse>
				<verse number="32">उ, ऊं नौंनो का जन छिन जु बजार मा बैठी के एक दुसरा मा पुकारी कै बुल्दींनि कि हम ल तुम कु बंसुरी बजै अर तुम नि नचयां हम ल शोक मणैं अर तुम नि रुयां।</verse>
				<verse number="33">किलैकि यूहन्ना बार-बार उपवास करदु छो अर दाखमधु नि पींदों छो अर उ बुल्दींनि कि वे पर दुष्टात्मा च।</verse>
				<verse number="34">मि मनिख कु नौंनो खांदी-पीद अयुं छों अर तुम बुल्दियां, मि पेटू अर पियक्कड़ मनिख, चुंगि लींण वलो कु अर पापियों कु दगड़िया छों।</verse>
				<verse number="35">पर ज्ञान अपड़ी सब सन्तानोंं बट्टी सच्चो ठैरे गै।</verse>
				<verse number="36">फिर फरीसी ल यीशु से बिनती कैरी कि मि दगड़ी खांणु खा अर उ वे फरीसी का घौर मा जै के खांणु-खांण कु बैठिनि।</verse>
				<verse number="37">अर देखा वे शहर कि एक पापी ल जनन यु जांणि के कि यीशु फरीसी का घौर मा खांणु-खांणु कु बैठयूं छो व संगमरमर का एक भांडा मा मंहगा इत्र लै।</verse>
				<verse number="38">अर वेका खुट्टा का संमणी पिछनै खड़ी हवे के रुंदि-रुंदि यीशु का खुट्टा तैं आँसू ल भिगौंण अर अपड़ा लटुलों ल पोछण लगि गै अर वेका खुट्टा कि बराबर भुकि ले के ऊं पर इत्र मलि।</verse>
				<verse number="39">यु देखि के उ फरीसी जैल यीशु बुलै छो अपड़ा मन मा सुचण लगि गै जु यु परमेश्वर का तरपां बट्टी बुल्ण वलो हूंद त जांणि जांदु कि या ज्वा च व क्य अर कन जनन च? किलैकि व त पापी छै।</verse>
				<verse number="40">यीशु ल वेका विचारों तैं जांणि के वे तैं जवाब मा बोलि, “हे शमौन फरीसी मिल त्वे बट्टी कुछ बुल्ण छो” वेल बोलि, “हे गुरु बोल।”</verse>
				<verse number="41">तब यीशु ल यु मिसाल दे के आदिम का द्वी देंणदार छा एक पाँच सौ दिन की मजदूरी का अर दुसरो पचास एक दिन की मजदूरी को देंणदार छो।</verse>
				<verse number="42">जबकि ऊंमा चुकौणु कु कुछ नि छो त वेल द्वीयूँ को कर्ज माफ कैरी दींनि त ऊं द्वीयूँ मनिख मा बट्टी कै से जादा प्रेम करलो?</verse>
				<verse number="43">शमौन फरीसी ल जवाब दींनि “मेरी समझ मा उ जैकु वेल अधिक कर्ज माफ कैरी दींनि यीशु ल ऊंकु बोलि ति ल ठिक उत्तर द्ये।”</verse>
				<verse number="44">अर वीं जनन कि तरपां मुड़ी के वेल शमौन फरीसी बट्टी बोलि, क्य तिल देखि ईं जनन ल क्य कैरी? मि तेरा घौर मा अयुं पर हमारा रीति रिवाज का अनुसार तिल मि तैं खुट्टा धुणौं कु भि पांणी नि दींनि पर ईंल मेरा खुट्टा आँसू ल भिगैनी अर अपड़ा लटुलों ल फुजिनि।</verse>
				<verse number="45">रिवाज का अनुसार तिल मेरी भुकि नि लींनि पर जब बट्टी मि ऐ छौं तब बट्टी ईंल मेरा खुट्टा तैं चुमण नि छोड़ी।</verse>
				<verse number="46">तिल जैतून को तेल मेरा मुंड पर नि लगै पर ईंल मेरा खुट्टा पर मंहगा इत्र मलि।</verse>
				<verse number="47">इलै मि त्वे मा बुल्णु छौं, “भौत सारा पाप जु ईंल कैरी छा माफ हवेनि किलैकि ईंल भौत प्रेम कैरी पर जैकु जरा माफ हवे उ जरा प्रेम करदो।”</verse>
				<verse number="48">अर ऊंल वीं जनन मा बोलि, “तेरा पाप माफ हवे गैनी।”</verse>
				<verse number="49">तब जु लोग वे दगड़ी खांणु-खांणु कु बैठयां छा उ अपड़ा-अपड़ा मन मा सुचण लगि गैनी यु कु च जु भस परमेश्वर कैर सकदो च पापों तैं भि माफ करदो?</verse>
				<verse number="50">पर यीशु ल वीं जनन मा बोलि, परमेश्वर ल त्वे तैं बचैयले किलैकि तिल मि पर विश्वास कैरी इलै शान्ति से चलि जा।</verse>
			</chapter>
			<chapter number="8">
				<verse number="1">यांका का बाद यीशु शहर-शहर अर गौं-गौं मा प्रचार करदी अर परमेश्वर का राज्य कु शुभ सन्देश प्रचार सुंणौदि फिरण लगि अर बारह चेला वेका दगड़ी छा।</verse>
				<verse number="2">अर उ भैर वे दगड़ी छा अर भौत सी जनन भि जु दुष्टात्माओं बट्टी अर बिमारियों बट्टी छुड़ैये गै छै अर उ ही छिन मरियम जु मगदल गौं की छै अर जीं मा बट्टी सात दुष्टात्मा निकली छै।</verse>
				<verse number="3">अर राजा हेरोदेस का भण्डारी खोजा जनन यूहन्ना अर सूसन्नाह अर भौत जनन यु त अपड़ी धन सम्पति ल यीशु अर वेका चेलों की सेवा करदी छै।</verse>
				<verse number="4">जब बड़ी भीड़ कट्ठा हवे अर गौं-गौं का लोग वेमा औंदा छा त यीशु ल ऊंमा मिसाल दे के बोलि।</verse>
				<verse number="5">“एक बुतै कन वलो बीज बुतुणु कु अपड़ा पुंगडा मा गै। अर बुतुण बगत कुछ बीज त बट्टा का किनारा पर छिलरेनी अर रौंदे गैनी अर आसमान का चलखुडों ल ऐ के ऊं बीजों तैं खै दींनि।”</verse>
				<verse number="6">अर कुछ पौड़ पर गिरिनि अर उगिनी पर तरौटि नि मिलणा कारण जल्दी सूखि गैनी।</verse>
				<verse number="7">कुछ झिबलांण मा छिलारेनी अर जख झिबलाड़न ल दगड़ी-दगड़ी बढ़ि के ऊं तैं दबै दींनि</verse>
				<verse number="8">पर कुछ बीज अच्छी भूमि मा पोड़िन अर उगि के सौ गुणा फल लै यु बोलि के वेल ऊंची आवाज मा बोलि, “जु कुई ईं बात तैं सूंणि सकदु जु मि बुल्ण छौं उ यु तैं समझ भि ल्यो।”</verse>
				<verse number="9">वेका चेलों ल वेमा पूछि ईं मिसाल कु मतलब क्य च?</verse>
				<verse number="10">यीशु ल बोलि, “तुम तैं त परमेश्वर का राज्य कि सचै की समझ दियीं च अर सुनण का बाद भि नि समझदियां औरों तैं मिसाल दे के सुंणै जांणु च इलै की उ दिखण का बाद भि नि देखि सकदींनि अर सुनण का बाद भि नि समझीनि।”</verse>
				<verse number="11">“मिसाल या च बीज त परमेश्वर कु वचन च।”</verse>
				<verse number="12">बट्टा का किनारा का यु छिन जौं ल वचन सूंणि तब शैतान ऐ के ऊंका मन बट्टी वचन चुरा लिजांदु कि कखि इन नि हो कि उ विश्वास कैरी के उद्धार पौनु।</verse>
				<verse number="13">पौड़ पर का उ छिन कि जब सुणदींनि त खुशी से वचन तैं स्वीकार कैरी दींदिनि पर अफ मा जौड़ा नि रखणा वजह से जरा देर तक विश्वास रखदींनि अर अजमैश औंदि त तब उ तुरंत पिछनै हवे जंदींनि।</verse>
				<verse number="14">जु झिबलांण मा गिरी उ यु छिनी जौं ल वचन तैं सुणदा त छिन पर बडद-बडद चिंता अर धन दौलत का सुख का फैर मा फंसि जंदींनि अर वे तैं कुछ फैदा नि हुंदा।</verse>
				<verse number="15">पर अच्छी जगह मा बुतै गैनी उ यु छिनी जु वचन तैं सूंणि के भला अर उत्तम मन मा सम्भालि के रखदींनि अर धीरज से फल लंदिनि।</verse>
				<verse number="16">कुई दिवडा बालि के भांडा उन्द नि ढकन्डो अर न खाटि का तौला रखदु पर ब्यांरा पर रखदु इलै की भितर औंण जांणवला उज्यलो पौनु।</verse>
				<verse number="17">कुछ छिपयूं नि च, जु प्रगट नि हो, अर न कुछ गुप्त च, जु जणै न जौं, अर प्रगट न हो।</verse>
				<verse number="18">इलै चौकस रावा कि तुम कनके सुंणदा? किलैकि जै मा थोड़ी भि मेरी बातों तैं समझणु की समझ च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च जै तैं उ अपड़ो समझुदु।</verse>
				<verse number="19">यीशु कि ब्वे अर भैय वेमा ऐनी पर भीड़ हूंणा का कारण वे बट्टी भेंट नि कैरी सैकी।</verse>
				<verse number="20">अर वेमा बोलि, “तेरी ब्वे अर तेरा भैय भैर खड़ा छिन अर त्वे बट्टी मिलण चांणा छिन।”</verse>
				<verse number="21">यीशु ल वांका जवाब मा ऊंमा बोलि, “मेरी ब्वे अर मेरा भैय यु छिन”जु कुई परमेश्वर की मनसा पर चलो जु परमेश्वर चौ त उ करद, “उ ही मेरा भैय अर बैंण अर ब्वे छिन।”</verse>
				<verse number="22">फिर एक दिन उ अर वेका चेला नाव पर चड़नि अर यीशु ल ऊंमा बोलि, “आवा झील का दुसरा छाला पर जंदा”अर तब चेलों ल नाव खोलि दींनि।</verse>
				<verse number="23">पर जब नाव चलिणि छै तब यीशु सेगे अर झील मा अतरोळ-बतरोळ ऐ अर नाव पांणी ल भुरेण लगि गै छै अर उ विपदा मा छा।</verse>
				<verse number="24">तब ऊंल यीशु का संमणी ऐ के वे तैं बिजालि अर बोलि, “हे स्वामी! हे स्वामी! हम नाश हूंण वला छा” तब वेल उठि के अतरोळ-बतरोळ से उठदा लहरों तैं झिड़की अर उ थमि गैनी अर तब भौत चैन हवे गै।</verse>
				<verse number="25">अर यीशु ल ऊंमा बोलि, “क्य तुम तैं अभि तक विश्वास नि च? पर उ डैरी गैनी अर हकदक हवे के आपस मा बुल्ण लगि गैनी यु कन्दरो आदिम च जु कि अतरोळ-बतरोळ तैं भि अर लहर भि वेको बुल्युं मणदींनि।”</verse>
				<verse number="26">फिर उ गिरासेनियों का लुखुं का देश मा पौंछिंनी जु पल्या छाला गलील जिला का संमणी च।</verse>
				<verse number="27">जब यीशु छाला पर उतरी त वे गौं कु एक आदिम ऊं तैं मिली जै पर दुष्टात्मा छै अर उ भौत दिनों बट्टी न झुलड़ा पैरुद छो अर न घौर मा रौंदु छो पर कब्रों मा रौंदु छो।</verse>
				<verse number="28">उ यीशु तैं देखि के चिल्लै अर वेका खुट्टों मा पोड़ि के ऊंची आवाज मा बोलि, “हे यीशु सर्वशक्तिमान परमेश्वर का नौंना यीशु मेरू तेरु कुई लींण दींण नि च मि त्वे बट्टी बिनती कनु छौं मि तैं पिड़ा नि दे।”</verse>
				<verse number="29">किलैकि उ वीं दुष्टात्मा तैं वे मनिख बट्टी निकलणै की आज्ञा दींणु छो इलै की व आत्मा वे पर बार-बार औंदि छै अर जबकि लोग वे तैं संगलों ल बंधदा छा तब भि उ बन्धनों तैं तोड़ी दींदु छो अर अशुद्ध आत्मा वे तैं एकांत जंगल मा भगौंदि छै।</verse>
				<verse number="30">यीशु ल दुष्टात्मा तैं पूछि, तेरु नौं क्य च? वेल यीशु मा बोलि, मेरू नौं सेना च किलैकि हम बिजां छा।</verse>
				<verse number="31">अर ऊंल यीशु मा भौत बिनती कैरी कि, “हम तैं अथाह कुण्ड मा जांणै कि आज्ञा नि दे।”</verse>
				<verse number="32">उख पौड़ पर सुंगरु कु एक बड़ो झुण्ड चरणु छो अर दुष्टात्मा ल यीशु मा बिनती कैरी कै बोलि, कि हम तैं ऊं सुंगरु मा भेज दे कि हम ऊंका भितर जांवा।</verse>
				<verse number="33">तब दुष्टात्मा वे आदिम बट्टी निकली के सुंगरु मा गै अर उ झुण्ड झील मा पोड़ि के मोरि गै।</verse>
				<verse number="34">चरवाहा यु जु कुछ हवे छो देखि के भागि के अर शहर मा अर गौं मा जै के य बात बोलि।</verse>
				<verse number="35">अर लोग यु जु कुछ हवे छो दिखणु कु गैनी अर यीशु का संमणी ऐ के जै आदिम पर बट्टी दुष्टात्मा निकली छै वे तैं यीशु का खुट्टों का संमणी कपड़ा पैर्यां अर चेत ल बैठयूं देखि के डौर गैनी।</verse>
				<verse number="36">अर दिखण वलो ल ऊं तैं बतै कि उ दुष्टात्मा को सतयुं आदिम कनके खूब हवे।</verse>
				<verse number="37">तब गिरासेनियों का इख का सब लुखुं ल यीशु मा बिनती कैरी कि हमारा सरहद बट्टी भैर चलि जा किलैकि उ बिजां डौर गै छा अर उ नाव पर चैड़ि के वापिस चलि गै।</verse>
				<verse number="38">जै आदिम बट्टी बिजां दुष्टात्मा निकली छै उ यीशु बट्टी बिनती कन लगि गै कि मि तैं अफ दगड़ी रौंण दे पर यीशु ल वे तैं विदा कैरी कै बोलि।</verse>
				<verse number="39">अपड़ा घौर जै के अपड़ा लुखुं तैं बतौ कि परमेश्वर ल त्वे कु कन बड़ा काम करिनी अर उ जा के सैरा शहर मा प्रचार कन लगि गै कि यीशु ल मि कु कन बड़ा काम करिनी।</verse>
				<verse number="40">जब यीशु वापिस जांणु छो त लोग ऊं बट्टी खुशी से मिलिनि किलैकि उ सब वेकी बाट जुगलणा छा।</verse>
				<verse number="41">अर देखा याईर नौं कु एक आदिम जु यहूदियों का मिलणा का भवन मा सरदारों मा बट्टी एक छो, यीशु मा ऐ के वेका खुट्टों मा पोड़ि के वे बट्टी बिनती कन लगि गै कि मेरा घौर चल</verse>
				<verse number="42">किलैकि वेकी बारह बरस कि एकलौती नौंनि छै अर व मुरण वली छै, जब उ जांणु छो तब लोग वे पर फरकेंदा छा।</verse>
				<verse number="43">अर एक जनन तैं बारह बरस बट्टी ल्वे बुगंण को रोग छो अर वीं ल अपड़ी सैरी कमै वैद्यों पर खर्च कैरेली छै अर तब भि कैका हथ बट्टी खूब नि हवे सैकी।</verse>
				<verse number="44">अर वीं ल पिछनै बट्टी ऐ अर वेका चौला का किनारा तैं छवे अर तुरंत वीं ही बगत वीं को ल्वे बुगंण थमि गै।</verse>
				<verse number="45">इथग मा यीशु भीड़ मा पिछनै घूमी अर पतरस तैं पूछि मेरा चौला तैं कैल छवे किलैकि वेल वे ही बगत अफ मा जांणि लींनि कि मि मा बट्टी सामर्थ निकली।</verse>
				<verse number="46">तब पतरस अर वेका दगड़ियों ल बोलि, “हे स्वामि तु दिखणी छै कि भीड़ त्वे पर गिरदि पड़दि अर तु बुल्णी छै कि कैल मि तैं छवे? तब यीशु ल चौतरफी देखि की जांणि साको की कैल मि तैं छवे किलैकि वेल जांणयाली छो की वे बट्टी सामर्थ निकली।”</verse>
				<verse number="47">जब वीं जनन ल देखि कि मि ठिक हवे ग्यों अर मि पर कन भलै हवे व डरदि अर कंपदि वेका संमणी ऐ अर वेका खुट्टों मा पड़िके सब लुखुं का संमणी बतै “मिल कीं वजा से त्वे तैं छवे अर कनके एकदम से खूब हवे ग्यों।”</verse>
				<verse number="48">वेल वीं बट्टी बोलि, “हे नौंनि तेरु भरोसो छो की मि त्वे तैं खूब कैर सकदु, इलै तु पूरा ढंग से बची गै इलै शान्ति से चलि जा।”</verse>
				<verse number="49">जब यीशु वीं बट्टी बात कनु ही छो त यहूदियों का मिलणा का भवन का सरदार का घौर बट्टी लुखुं न ऐ के बोलि, “कि तेरी नौंनि त मोरि गै अब गुरु तैं परेशान नि कर।”</verse>
				<verse number="50">यीशु ल सूंणि के वे तैं जवाब दींनि “डैर न भस मि पर भरोसो रख त व खूब हवे जालि।”</verse>
				<verse number="51">घौर मा ऐ के तब यीशु ल भस पतरस, यूहन्ना अर याकूब अर वीं नौंनि का ब्वे-बुबा तैं छोड़ी के और कै तैं अफ दगड़ी भितर नि औंण दींनि।</verse>
				<verse number="52">अर सब लोग वीं कु रूंणा छा पर वेल बोलि, “व मोरि नि च पर सीं च।”</verse>
				<verse number="53">उ यु जांणि के कि व त मोरि गै उ वेको ठट्टा कन लगि गैनी।</verse>
				<verse number="54">पर वेल वीं को हथ पकड़ी अर पुकारी के बोलि, “हे नौंनि उठ”</verse>
				<verse number="55">तब वीं का प्राण फिर ऐ गैनी अर व तुरंत उठि फिर वेल आज्ञा दींनि कि वीं तैं कुछ खांणु कु दिये जौं</verse>
				<verse number="56">वीं का ब्वे-बुबा हकदक हवे गै छा “पर वेल ऊं तैं चितै कि यु जु कुछ भि हवे उ कै मा नि बुल्यां।”</verse>
			</chapter>
			<chapter number="9">
				<verse number="1">फिर यीशु ल बारह चेलों तैं अफ मा बुलै के ऊं तैं सब दुष्टात्मा अर बिमारियों तैं दूर कने सामर्थ अर अधिकार दींनि।</verse>
				<verse number="2">अर बारह चेलों तैं परमेश्वर का राज्य कु प्रचार कनु कु अर बिमारों तैं खूब कनु कु भेजि।</verse>
				<verse number="3">यीशु ल ऊं बट्टी बोलि, “बट्टा कु कुछ नि रख्यां न लाठो, न झोला, न रुट्टि, न रुप्या, अर न द्वी-द्वी कुर्ता।”</verse>
				<verse number="4">अर जब तुम कै घौर मा जा उखि रावा अर उख बट्टी विदा ह्वा।</verse>
				<verse number="5">जु कुई तुम तैं स्वीकार नि कैरो अर तुम्हरी नि सुणो त उख बट्टी निकली कै अपड़ा खुट्टों की धूल उखि झाड़ी दियां कि ऊं पर गव्है हो।</verse>
				<verse number="6">अर उ निकली के गौं-गौं शुभ सन्देश प्रचार सुंणौदि अर हर कखि लुखुं तैं खूब करदी फिरदी रैनी।</verse>
				<verse number="7">अर देश का चौथाई कु राजा हेरोदेस यु सब सूंणि के घबरै गै किलैकि कथगों ल बोलि, कि यूहन्ना मुर्दों मा बट्टी ज्यूँदो हवे गै।</verse>
				<verse number="8">अर कथगों ल यु बोलि, “एलिय्याह दिखेगे और ल यु कि परमेश्वर का तरपां बट्टी बुल्ण वलो मा बट्टी कुई एक पुरणो च जु ज्यूँदो हवे गै।”</verse>
				<verse number="9">पर राजा हेरोदेस ल बोलि, “यूहन्ना को मुंड मिल कटवै छो अब यु कु च जैका बारा मा इन बात सुनणु छो अर वेल वे तैं दिखणें इच्छा कैरी।”</verse>
				<verse number="10">फिर बारह प्रेरितों ल वापिस लौटि के जु कुछ ऊंल कैरी अर सिखै छो सब यीशु तैं बतै अर वेल ऊं तैं अलग कैरी कै बैतसैदा नगर मा लीगि।</verse>
				<verse number="11">यु जांणि के भीड़ वेका पिछनैं चलण लगि गै अर उ खुशी से वे बट्टी मिली अर ऊं बट्टी परमेश्वर का राज्य कि बात कन लगि गे: अर जु खूब हूंण चांणा छा ऊं तैं खूब कैरी।</verse>
				<verse number="12">जब शाम हवे गै त बारह चेला ल वेमा ऐ के बुल्ण लगि गैनी भीड़ तैं विदा कैर कि चारों तरपां का गौं अर बस्तियों मा जै के रौंणु कु जगह अर खांणु कु इंतजाम कैरो किलैकि हम इख एकांत जंगल म छा।</verse>
				<verse number="13">यीशु ल ऊंकु बोलि, “तुम ही ऊं तैं खांणु कु द्या” ऊंल बोलि, हम मा पाँच रुट्टि अर द्वी माछों तैं छोड़ी के और कुछ नि च पर हाँ जु हम जै के यूं सब लुखुं कु खांणु मोल ल्यां त हवे सकदु च उ लोग पाँच हजार बैखुं का लगभग छा।</verse>
				<verse number="14">यीशु ल अपड़ा चेलों मा बोलि, “ऊं तैं पचास-पचास कैरी के पांति मा बैठै द्या।”</verse>
				<verse number="15">ऊंल इन ही कैरी अर सभियूं तैं बैठै दींनि।</verse>
				<verse number="16">यीशु ल ऊं पाँच रुट्टियुं तैं अर द्वी माछों तैं अपड़ा हथ मा लींनि अर स्वर्ग जनै देखि के परमेश्वर कु धन्यवाद कैरी अर रुट्टि द्वी टुकड़ों मा तोड़ी-तोड़ी के चेलों तैं दींद गैनी कि उ लुखुं तैं परोसुनु।</verse>
				<verse number="17">अर सभि खै के तृप्त हवे गैनी त चेलों ल बचयां टुकड़ों से बारह भुरयां ठुपरा भरिके उठैनि।</verse>
				<verse number="18">जब उ एकांत मा परमेश्वर बट्टी प्रार्थना कनु छो अर चेला वे दगड़ी छा त वेल ऊं बट्टी पूछि कि लोग मि कु क्य बुल्दींनि?</verse>
				<verse number="19">ऊंल जवाब दींनि, यूहन्ना बपतिस्मा दींण वलो अर कुई-कुई एलिय्याह अर कुई यु कि पुरणा परमेश्वर का तरपां बट्टी बुल्ण वला मा बट्टी कुई ज्यूँदो हवे गै।</verse>
				<verse number="20">वेल ऊंमा पूछि, पर तुम मेरा बारा मा कि सुचदियां? पतरस ल जवाब दींनि, “परमेश्वर कु मसीह।”</verse>
				<verse number="21">तब यीशु ल ऊं तैं चितै के बोलि, कि यु कै मा नि बुल्यां।</verse>
				<verse number="22">अर वेल बोलि, “मि मनिख कु नौंनो कु जरूरी च कि उ भौत दुःख उठौ अर लुखुं का दाना-सयाणों, प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद फिर ज्यूँदो हवे जालो।”</verse>
				<verse number="23">वेल सभियूं बट्टी बोलि, “जु कुई मेरा पिछनैं आंण चौ उ अपड़ी इच्छाओं तैं छोड़ी के अर अपड़ो सूली उठै के मेरा पिछनैं हवे जौं।”</verse>
				<verse number="24">किलैकि जु कुई अपड़ो जीवन बचौण चौ उ वे तैं गवांलू पर जु कुई मेरा बाना अर शुभ सन्देश का बाना अपड़ा आत्मा तैं गवांलू उ अनन्त जीवन तैं पालो।</verse>
				<verse number="25">जु मनिख सैरा दुनिया तैं पै ल्यो अर अपड़ा प्राण अर आत्मा तैं ख्वे द्यो त वे तैं क्य फैदा होलो?</verse>
				<verse number="26">जु कुई मि अर मेरी बातों सै शर्मालो, मि मनिख कु नौंनो भि जब अपड़ी अर पिता कि अर पवित्र स्वर्गदूतों कि महिमा सहित आलो त तब मि भि ऊंको इन्कार कैरी दयुलु।</verse>
				<verse number="27">मि तुम मा सच बुल्णु छौं कि जु इख म खड़ा छिन ऊंमा बट्टी कुई-कुई इन छिन कि जब तक परमेश्वर का राज्य तैं सामर्थ का दगड़ा आंण नि दिखला तब तक ऊंल मुरण भि नि च।</verse>
				<verse number="28">यूं बातों का बाद कुई आठ दिन बाद यीशु ल पतरस, याकूब अर यूहन्ना तैं अपड़ा दगड़ा मा लींनि अर परमेश्वर बट्टी प्रार्थना कनु कु पौड़ पर गै।</verse>
				<verse number="29">जब उ परमेश्वर बट्टी प्रार्थना कनु छो त वेको चेहरा कु रूप बदलिगे अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा।</verse>
				<verse number="30">अर देखा मूसा का दगड़ा एलिय्याह दिखै जु यीशु का दगड़ा बातचित कना छा।</verse>
				<verse number="31">यु महिमा सहित दिखै अर वेका मरणे कि चर्चा कना छा जु यरूशलेम शहर मा हूंण वलो छो।</verse>
				<verse number="32">पतरस अर वेका दगड़िया निंद मा भुरयां छा अर जब ढंग ल चेत मा ऐनी त ऊंकी महिमा कु प्रकाश अर ऊं द्वी मनिख्युं तैं जु वे दगड़ी खड़ा छा देखि।</verse>
				<verse number="33">जब उ वेका संमणी बट्टी जांण गैनी त पतरस ल यीशु कु बोलि, “हे गुरु हमारो इख रांण अच्छो च हम इख तीन डेरा बणौला एक त्वे कु, एक मूसा कु, अर एक एलिय्याह कु।” उ जंणदु नि छो कि क्य बुल्णु च।</verse>
				<verse number="34">उ यु बुल्णु ही छो कि इथग मा एक बादल ल ऊं तैं घेरि कै ढकै दींनि अर जब उ वे बादल बट्टी घिरण लगि गैनी त डौर गैनी।</verse>
				<verse number="35">अर वे बादल बट्टी परमेश्वर की आवाज सूंणि, “यु मेरू प्रिय नौंनो च ये कि सूंणा।”</verse>
				<verse number="36">यु वचन हूंदी ही यीशु यखुली पये गे: अर उ चुप रै अर जु कुछ देखि छो वांकि कुई भि बात ऊं दिनों मा कै मा नि बोलि।</verse>
				<verse number="37">अर दुसरा दिन जब उ पौड़ बट्टी उतरिनि त एक बड़ी भीड़ ऊं बट्टी मिलणु कु ऐ।</verse>
				<verse number="38">अर देखा भीड़ मा बट्टी एक आदिम ल चिल्लै कै बोलि, “हे गुरु मि त्वे बट्टी बिनती कनु छौं कि मेरा नौंना पर दया कैर किलैकि उ मेरू एक ही नौंनो च।”</verse>
				<verse number="39">अर देख एक दुष्टात्मा वे तैं पकड़दी च अर उ बिजां चिल्लांदु अर व वे तैं इन मरोड़ि दींद कि उ वेका गिच्चा बट्टी झाग निकलण लगि जांदु अर वे तैं कुचलिके बड़ी मुश्किल से छुड़द।</verse>
				<verse number="40">अर मिल तेरा चेलों बट्टी बिनती कैरी छै कि वे तैं निकाला पर उ नि निकाली सकिनि।</verse>
				<verse number="41">यीशु ल ऊं तैं जवाब दे के बोलि, हे अविश्वासी लुखुं मि कब तक तुम दगड़ी रौलु अर तुमारी सौलु? अपड़ा नौंना तैं इख ले के औ।</verse>
				<verse number="42">उ औंणु ही छो कि दुष्टात्मा ल वे तैं पटकी के मरोड़ि पर यीशु ल दुष्टात्मा तैं झिड़की अर नौंना तैं खूब कैरी कै वेका पिता तैं सौंपी दींनि।</verse>
				<verse number="43">तब सब लोग परमेश्वर कि बड़ी सामर्थ से चकित हवेनि पर जब सब लोग ऊं सब कामों से जु यीशु ल कैरी छा अचम्भो कना छा त वेल अपड़ा चेलों मा बोलि।</verse>
				<verse number="44">यु बात तुमारा कंदुडू मा पोड़ि रौनु किलैकि “मि मनिख कु नौंनो” मनिख्युं का हथ से पकड़वे जौलु।</verse>
				<verse number="45">पर या बात चेलों की समझ मा नि ऐ, जु यीशु बुल्दो छो अर य वे बट्टी छिपी रै के उ वीं तैं नि जंणन पौनु अर उ ईं बातों का बारा मा वेमा पुछण से डरदा छा।</verse>
				<verse number="46">फिर ऊंमा यु बहस हूंण लगि गै कि हम मा बड़ो कु च?</verse>
				<verse number="47">पर यीशु ल ऊंका मन का विचार जांणि दींनि अर एक बच्चा तैं ऊंका नजीक मा खड़ो कैरी।</verse>
				<verse number="48">अर ऊं बट्टी बोलि, “जु कुई मेरा नौं से यु बच्चों तैं अपणांदु उ मि तैं अपणांदु।” उ मेरा भिजण वला तैं अपणांदु किलैकि जु तुम मा बट्टी सबसे छुटो से छुटो च उ ही बड़ो च।</verse>
				<verse number="49">तब यूहन्ना ल वेकु बोलि, “गुरु हम ल एक मनिख तैं तुमारा नौं की सामर्थ से दुष्टात्मा तैं निकलण देखि अर हम वेको मना कना रां किलैकि उ हम जन तेरु चेला नि च।”</verse>
				<verse number="50">यीशु ल बोलि, “वेकु मना नि कैरा किलैकि जु हमारो दुश्मन नि च उ हमारो दगड़िया ही च।”</verse>
				<verse number="51">जब वेका मथि उठौण का दिन पूरा हूंण पर छा जु वेल यरूशलेम शहर जांणो कु विचार पक्को कैरी छो।</verse>
				<verse number="52">अर वेल अपड़ा अगनैं दूत भिजिनि उ सामरी जाति का गौं मा गैनी कि वेकु जगह तैयार कैरो।</verse>
				<verse number="53">पर ऊं लुखुं ल वे तैं औंण नि दींनि किलैकि उ यरूशलेम शहर कु जांणा छा।</verse>
				<verse number="54">यु देखि के वेका चेला याकूब अर यूहन्ना ल बोलि, “हे प्रभु क्य तु चाँदि छै कि हम आज्ञा द्यां कि स्वर्ग बट्टी आग गिरि के ऊं तैं भस्म कैरी द्यो।”</verse>
				<verse number="55">पर वेल पलटी के ऊं तैं झिड़की अर बोलि, तुम नि जंणदा कि तुम कन आत्मा का छा किलैकि मनिख कु नौंनो लुखुं का प्राण तैं नाश कनु कु न पर बचौंणु कु ऐ।</verse>
				<verse number="56">अर उ कै और गौं मा चलि गैनी।</verse>
				<verse number="57">जब उ बट्टा मा जांणु छो त कैल वेमा बोलि, जख-जख तु जैलि मि तेरा पिछनैं औलु।</verse>
				<verse number="58">यीशु ल वेमा बोलि, “स्यालुं का उडियार अर आसमान का चलखुडों का बसेरा हूंदींनि मि मनिख कु नौंनो कु रौंणु कु भि घौर नि च जख उ सै साको।”</verse>
				<verse number="59">वेल दुसरा कु बोलि, मेरा पिछनैं हवेलि वेल बोलि “हे प्रभु पैली मि जांणि दे कि अपड़ा बुबा तैं खडै द्यों”</verse>
				<verse number="60">यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”</verse>
				<verse number="61">एक हैंका ल भि बोलि, हे प्रभु मि तेरा पिछनैं औलु पर पैली मि तैं जांण दे कि अपड़ा घौर का लुखुं से विदा ल्यो।</verse>
				<verse number="62">यीशु ल वेमा बोलि, जु कुई अपड़ो हथ हौल पर रखि के पिछनैं दिखदो, उ परमेश्वर का राज्य का लैख नि च।</verse>
			</chapter>
			<chapter number="10">
				<verse number="1">अर यूं बातों का बाद प्रभु यीशु ल अन्य चेला और मनिख चुणिनि अर जै-जै शहर अर जगह कु जख वेल जांणै की योजना बंणै छै उख ऊं तैं द्वी-द्वी कैरी कै अपड़ा अगनैं भेजि।</verse>
				<verse number="2">अर यीशु ल ऊंमा बोलि, “फसह कु त्योहार कु पक्याँ पुंगड़ा त बिजां छिन पर मजदूर कम छिन” इलै पुंगड़ा का स्वामि परमेश्वर बट्टी प्रार्थना कैरी कि उ अपड़ा पुंगड़ा लवैइ कनु कु मजदूर भेजि द्यो।</verse>
				<verse number="3">जावा देखा मि तुम तैं ढिबरों का समान भेड़ियों का बीच मा भिजणु छौं।</verse>
				<verse number="4">इलै न पटुकूं, न झोला, न जुत्ता ल्या, अर न बट्टा मा कै तैं प्रणाम करयां।</verse>
				<verse number="5">जैका भि घौर मा जैला त पैली बुल्यां कि यु घौर कु कल्याण हो।</verse>
				<verse number="6">परमेश्वर का दगड़ी शान्ति चांण वला मनिख उखी रौंदु च त तुमारो कल्याण वे पर ठैरुलो नथिरी तुम मा वापिस ऐ जालो</verse>
				<verse number="7">वे ही घौर मा रावा अर जु कुछ ऊं बट्टी मिलो उ ही खयां अर पियां किलैकि मजदूर तैं अपड़ी मजूरी मिलण चयणी च अर घौर-घौर नि फिरयां।</verse>
				<verse number="8">अर जै शहर मा जैला, अर उख का लोग तुम तैं स्वीकार कैरा त जु कुछ तुमारा अगनैं रखै जौं उ ही खैयां।</verse>
				<verse number="9">उख बीमारों तैं खूब करयां अर ऊंमा बुल्यां कि परमेश्वर कु राज्य नजदीक ऐ गै।</verse>
				<verse number="10">पर जै शहर मा जैला अर उख लोग तुम तैं स्वीकार नि कैरो त वे शहर का लुखुं मा जै के बुल्यां।</verse>
				<verse number="11">कि तुमारा शहर कि धूल भि जु हमारा खुट्टों मा लगिं च हम तुमारा संमणी झाड़ी दींदां तब भि यु जांणि जा कि परमेश्वर कु राज्य नजदीक ऐ गै।</verse>
				<verse number="12">मि तुम मा बुल्णु छौं कि वे दिन वे शहर कि दशा से सदोम शहर कि दशा सौण जुगुत हवेलि।</verse>
				<verse number="13">हाय खुराजीन शहर अर बैतसैदा नगर का लुखुं पर जु चमत्कार का काम तुम मा करे गैनी जु उ सूर अर सीदोन शहर मा करे जांदा त उ टाट ओड़िके अर छारा मा बैठी के भौत पैली बट्टी मन फिरै दींदां।</verse>
				<verse number="14">पर न्याय का जांच का दिन तुम्हरी दशा से सूर अर सीदोन शहरों का लुखुं कि दशा सैंण जुगुत हवेलि।</verse>
				<verse number="15">अर हे कफरनहूम शहर का लुखुं क्य तु स्वर्ग तक ऊंचो करे जैलि? तु त नरक तक मूड़ी जैलि।</verse>
				<verse number="16">जु तुम्हरी सुणदु उ मेरी सुणदु च अर जु तुम तैं तुच्छ जंणदु उ मि तैं तुच्छ जंणदु, उ मेरा भिजण वला तैं भि तुच्छ जंणदु।</verse>
				<verse number="17">उ सत्तर चेला खुशी से ऐ के बुल्ण लगि गैनी “हे प्रभु दुष्टात्माओं ल भि हमारी बात मांणी जब हम ल तेरा नौं से आज्ञा दींनि।”</verse>
				<verse number="18">वेल ऊं बट्टी बोलि, जब दुष्टात्माओं ल तुम्हरी आज्ञा मांणी, त मिल शैतान तैं अचानक स्वर्ग बट्टी बिजली का जन गिरदा देखि।</verse>
				<verse number="19">मिल तुम तैं गुरो अर बिच्छुओं तैं रौंदुणो को, अर शैतान की सैरी सामर्थ पर अधिकार दियूं च अर कै भि चीज बट्टी तुम तैं कुई नुकसान नि होलो।</verse>
				<verse number="20">पर आनन्द नि ह्वा किलैकि दुष्टात्माओं तुम्हरी आज्ञाओं तैं मणदी च पर यांसे खुश ह्वा कि तुमारा नौं स्वर्ग मा लिख्यां छिन।</verse>
				<verse number="21">वीं बगत यीशु पवित्र आत्मा मा हवे के खुशी से भरि गै अर बोलि, “हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार बट्टी छिपै के रखि अर बालकों पर प्रगट कैरी हां, हे पिता किलैकि त्वे तैं यु ही अच्छो लगि।”</verse>
				<verse number="22">मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।</verse>
				<verse number="23">तब यीशु ल चेलों कि तरपां फेरी के यखुली मा बोलि, धन्य छिन उ आंखा जु यूं बातों तैं दिखदा छिन।</verse>
				<verse number="24">किलैकि मि तुम मा बुल्णु छौं की भौत सा परमेश्वर का तरपां बट्टी बुल्ण वलो ल अर राजाओं ल चै कि जु बात तुम दिख्दां ऊं तैं दिखुनु पर नि देखि अर जौं बातों तैं तुम सुणदा छा ऊं तैं सुणुनु पर नि सुणि।</verse>
				<verse number="25">एक दिन जब यीशु लुखुं तैं शिक्षा दींणु छों त एक आदिम मूसा की व्यवस्था तैं सिखांण वलो उठि अर यु बोलि के यीशु की अजमैश कन लगि गै कि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च?”</verse>
				<verse number="26">यीशु ल ऊंमा बोलि, कि “मूसा द्वारा लिखीं परमेश्वर की व्यवस्था मा क्य लिख्युं च? तु ऊं तैं कन कै समझदी छै?”</verse>
				<verse number="27">वेल जवाब दींनि, कि तु अपड़ा प्रभु परमेश्वर तैं अपड़ा सैरा मन अर अपड़ी सैरा प्राण अर अपड़ी सैरी शक्ति अर अपड़ी सैरी बुद्धि का दगड़ी प्रेम रख अर अपड़ा पड़ोसी से अपड़ा समान प्रेम रख।</verse>
				<verse number="28">वेल वे बट्टी बोलि, तिल ठिक जवाब दींनि यु ही कैर त वे तैं सदनी को जीवन मिललो।</verse>
				<verse number="29">पर वेल यूं तथ्य तैं सही ठैरांणु कु की इच्छा बट्टी यीशु तैं पूछि, त मेरू पड़ोसी को च?</verse>
				<verse number="30">यीशु ल एक मिसाल दे के जवाब दींनि, कि एक मनिख यरूशलेम शहर बट्टी यरीहो शहर कु जांणु छो कि इथग मा कि डाकुओं ल वे पर हमला कैरी के वेका कपड़ा अर हर चीज जु वेमा छा वे तैं लुछी दींनि अर मारि पीटि के वे तैं अध्मोरयूँ छोड़ी के चलि गै।</verse>
				<verse number="31">अर इन हवे कि वे ही बट्टा बट्टी एक यहूदी याजक जांणु छो पर वे तैं देखि के बगैर वेकी मदद कैरी के चलि गै।</verse>
				<verse number="32">उन ही एक लेवि जु यहूदी मंदिर मा काम करदो छो उ वे जगह मा ऐ उ भि वे तैं देखि के बगैर वेकी मदद कैरी के दुसरी तरपां बट्टी अगनैं चलि गै।</verse>
				<verse number="33">पर एक सामरी जाति को एक आदिम जख घायल आदिम छो ऊख ऐ निकली, अर वे तैं देखि के तरस खै।</verse>
				<verse number="34">अर वेका संमणी ऐ के अर वेका घावों पर जैतून को तेल अर दाखमधु डाली अर फिर वेका घावों पर पट्टी बंधि अर अपड़ी सवारी पर चड़ै के धर्मशाला मा लीगि अर वेकी सेवा टहल कैरी।</verse>
				<verse number="35">दुसरा दिन वेल द्वी दीनार द्वी दिन की मजदूरी निकाली के भटियारा तैं दींनि अर बोलि, ये कि सेवा टहल कैरी अर जु कुछ तेरु और लगलो उ मि लौटण पर त्वे तैं दे दयुलु।</verse>
				<verse number="36">अब यीशु ल वे तैं पूछि, तेरी समझ मा जै पर डाकुओं का द्वारा हमला किये गै छो यूं तिन्युं मा बट्टी वेको पड़ोसी कु ठैरी?</verse>
				<verse number="37">वेल बोलि, उ ही जैल वे पर दया कैरी यीशु ल वेमा बोलि, “जा तू भि इन ही कैर।”</verse>
				<verse number="38">प्रभु यीशु अर वेका शिष्य एक दगड़ी यात्रा कन छा अर एक गाँव मा पौंछिनि जब उ उख पौंछिनि त मार्था नौं की एक जनन ल वेको घौर मा स्वागत कैरी।</verse>
				<verse number="39">अर मार्था की बैंण मरियम प्रभु का खुट्टा का संमणी बैठी के वेका शिक्षाओं तैं सुंणदि छै।</verse>
				<verse number="40">पर मार्था खांणु पकै-पकै के घबरै गै अर वेका संमणी ऐ के बुल्ण लगि गै “हे प्रभु क्य त्वे तैं कुछ भि चिंता नि च कि मेरी बैंण सभि काम कनु कु यखुली च? त वीं कु बोल कि मेरी मदद कैर।”</verse>
				<verse number="41">प्रभु यीशु ल वीं तैं जवाब दींनि, मार्था हे मार्था तु भौत बातों की चिंता करदी अर घबरांदि छै।</verse>
				<verse number="42">पर एक ही बात की चिंता कन जरूरी च मार्था की बैंण मरियम ल ईं बात तैं खोज्याली अर उ वे बट्टी दूर नि किये जालो।</verse>
			</chapter>
			<chapter number="11">
				<verse number="1">यीशु कीं जगह मा परमेश्वर बट्टी प्रार्थना कनु छो, अर जब वेल परमेश्वर बट्टी प्रार्थना कैरेली छै त वेका चेलों मा बट्टी एक चेला ल वेमा बोलि, हे प्रभु जन यूहन्ना ल अपड़ा चेलों तैं परमेश्वर बट्टी प्रार्थना कन सिखै उन ही तू हम तैं भि सिखै दे।</verse>
				<verse number="2">वेल ऊंमा बोलि, जब तुम परमेश्वर बट्टी प्रार्थना कैरा त बोला, हे हमारा बुबा तेरु नौं सब लुखुं मा पवित्र मणै जौं अर तेरु राज्य औ।</verse>
				<verse number="3">हमारी दिन भरै कि रुट्टि आज हम तैं दे।</verse>
				<verse number="4">अर हमारा पापों तैं माफ कैर किलैकि हम भि अपड़ा हरेक अपराधी तैं माफ करदां अर हम तैं शैतान द्वारा अजमैश मा नि लौ।</verse>
				<verse number="5">अर यीशु ल ऊंमा बोलि, “तुम मा बट्टी कु च” वेको एक दगड़िया हो, अर उ अधा राती मा बोलि, “हे दगड़िया, मि तैं तीन रुट्टि उधार दे।</verse>
				<verse number="6">किलैकि मेरू एक दगड़िया सफर मि मेरा यख अयुं च वे तैं खिलाणु कु मि मा कुछ नि च।</verse>
				<verse number="7">अर उ भितर बट्टी जवाब द्यो कि मि तैं दुःख नि दे अब त द्वार भि बंद छिन अर मेरा नौंना मेरा संमणी चारपै मा छिन, इलै मि उठि के त्वे तैं नि दे सकदु?</verse>
				<verse number="8">मि तुम मा बुल्णु छौं जु वेको दगड़िया हूंण पर भि वे तैं उठि के नि द्यो, तब भि अपड़ी शर्म छोड़ी के मंगणा का वजह से उ उठि के वेकी जरूरतों का अनुसार वे तैं जरूर दयाला।</verse>
				<verse number="9">तुम तैं जु चयणु च वे तैं परमेश्वर बट्टी माँगा अर उ तुम तैं दयालो, खुज्येला त पैला, खटखटैल्या त तुम कु खुलै जालो।</verse>
				<verse number="10">किलैकि जु कुई मंगदु च वे तैं मिल्द अर खुज्योंद च उ पौंदु च अर जु खटखटौंदु च वेकु खुलै जालो।</verse>
				<verse number="11">तुम मा बट्टी कुई भि आदिम, अपड़ा नौंना तैं रुट्टि मांग त, वे तैं ढुंगो नि द्यों यां जन कुई भि आदिम, अपड़ा नौंना तैं माछा मंगण पर वे तैं गुरो नि दींद।”</verse>
				<verse number="12">या अंडा मांगा त उ वे तैं बिच्छी नि दींद</verse>
				<verse number="13">जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?</verse>
				<verse number="14">यीशु ल एक गूंगि दुष्टात्मा तैं निकाली जब दुष्टात्मा निकली गै त गूंगो बुल्ण लगि गै अर लुखुं ल अचम्भो कैरी।</verse>
				<verse number="15">पर ऊंमा बट्टी कुछ लुखुं ल बोलि, “यु त दुष्टात्माओं कु सरदार शैतान की मदद ल दुष्टात्माओं तैं निकलदु च।”</verse>
				<verse number="16">औरों ल वेकी अजमैश कनु कु वे बट्टी स्वर्ग कु एक चमत्कार कु चिन्ह मांगि।</verse>
				<verse number="17">यीशु ल ऊंका मन की बात जांणि के ऊंमा बोलि, जु कै राज्य मा क्लेश हूंद त तब उ उजड़ी जांदु अर कै शहर य परिवार मा जैं मा क्लेश हूंद उ बणयुं नि रौंदु।</verse>
				<verse number="18">अर जु शैतान अपड़ो ही विरोधी हवे के अफ मा फूट डालो त तब उ कनके बणयुं रै सकदु? किलैकि तुम मेरा बारा मा त बुल्दा छा की यु शैतान की मदद से दुष्टात्मा तैं निकलदु च।</verse>
				<verse number="19">ठिक च जु मि शैतान कि मदद से दुष्टात्माओं तैं निकलदु छौं त तुमारी सन्तान कैकी मदद से निकलदी इलै उ ही तुमारो न्याय चुकाला।</verse>
				<verse number="20">पर जु मि परमेश्वर कि आत्मा की मदद से दुष्टात्माओं तैं निकलदु त फिर परमेश्वर कु राज्य तुमारा बीच मा ऐ गै।</verse>
				<verse number="21">क्य कुई आदिम कै बलिष्ठ का घौर मा घुसि के वेकी सम्पति लूछि सकदु च, जब तक कि उ पैली वे बलिष्ठ तैं बांधि नि ल्यो।</verse>
				<verse number="22">पर जब वे बट्टी भि जादा कुई और बलिष्ट चड़ै कैरी कै वे तैं जीति लींदु त वेका उ हथियार जौं पर वेको भरोसो छो लूछि दींदु अर वेकी सम्पति लूटि के बांटि दींदु।</verse>
				<verse number="23">जु मि दगड़ी नीच उ मेरा विरोध मा च, अर जु मि दगड़ी नि बटोरदु उ छिलारदु च।</verse>
				<verse number="24">जब दुष्टात्मा कै मनिख बट्टी निकली जांदी त व सुखीं जगह मा विश्राम ढुंडदि फिरदी, अर आराम नि पांदी, तब व अपड़ा आप मा बुल्दी, मि जै मनिख बट्टी अयुं छो, ऊखी वापिस लौटि जौलु।</verse>
				<verse number="25">अर जब उ औंदु, वे आदिम का जीवन तैं वे घौर का जन पांद, जु झड़युं-सौंप्युं अर सज्युं पांदी।</verse>
				<verse number="26">तब दुष्टात्मा जै के अफ बट्टी सात बुरी दुष्टात्मा तैं अफ दगड़ी लौंद अर उ वेमा मनिख मा घुस कर वास करदी, वे मनिख की पिछली दशा पैली दशा से भि बुरी हवे जांद।</verse>
				<verse number="27">जब यीशु यूं बातें तैं बुल्णु ही छो, त भीड़ मा बट्टी कीं जनन ल ऊंची आवाज मा बोलि, “धन्य च उ जनन जैल त्वे तैं जन्म दे अर त्वे तैं दूध पीलै।”</verse>
				<verse number="28">वेल बोलि, हां पर धन्य छिन उ जु परमेश्वर का वचन तैं सुणदींनि अर मणदींनि।</verse>
				<verse number="29">जब भीड़ कट्ठा हूंदी जांणि छै त यीशु बुल्ण लगि गै कि, “यु बगत का बुरा लोग चमत्कार का चिन्ह ढुंडदिनि पर योना परमेश्वर का तरपां बट्टी बुल्ण वला का दगड़ा जु हवे वे चिन्ह तैं छोड़ी के कुई और चिन्ह ऊं तैं नि दिये जालो।</verse>
				<verse number="30">जन योना नीनवे का लुखुं कु चिन्ह ठैरी उन ही मि मनिख कु नौंनो भि ये युग का लुखुं कु चिन्ह ठैरुलो।</verse>
				<verse number="31">दक्षिण देश की राणी न्याय का दिन यु बगत का लुखुं तैं भंगारी ठैरालि किलैकि व राजा सुलैमान का ज्ञान तैं सुनणु कु धरती का एक छोड़ बट्टी ऐ अर देखा इख उ च जु राजा सुलैमान से भि बड़ो च।</verse>
				<verse number="32">नीनवे का लुखुं का न्याय का दिन यु बगत का लुखुं दगड़ी खड़ा हवे के ऊं तैं भंगारी ठैराला किलैकि ऊंल त योना कु प्रचार सूंणि के मन फिरै अर देखा इख उ च जु योना से भि बड़ो च।</verse>
				<verse number="33">कुई दिवडा बालि के भांडा उन्द नि ढकन्डो अर न खाटि का तौला रखदु पर ब्यांरा पर रखदु इलै की भितर औंण जांणवला उज्यलो पौनु।</verse>
				<verse number="34">आंखा देह कु दिवडा का जन च इलै जु तेरा आंखा खूब छिनी त तेरी सैरी देह भि उज्यलो होली पर जब उ बुरी छिन त तेरु देह भि अंधेरो च।</verse>
				<verse number="35">इलै सचेत रौ कि जु उज्यलो त्वे मा च उ अंधेरो नि हवे जौ।</verse>
				<verse number="36">इलै जु तेरु सैरो देह उजलो हो अर वेकु कुई हिस्सा अंधेरो नि रौ त सभि इन उजलो होलो जन वे बगत हूंद जब दिवडा अपड़ी चमक से त्वे तैं उज्यलो दींदु।</verse>
				<verse number="37">जब मसीह यीशु ल अपड़ो उपदेश तैं खत्म कैरी येलि छों, त कै फरीसी ल वे बट्टी बिनती कैरी कि मेरा इख खांणु खा अर उ भितर जै के खांणु खांण कु बैठी।</verse>
				<verse number="38">फरीसियों तैं यु देखि के अचम्भो हवे कि उ खांणु खांण से पैली बगैर हथ धुयां अर अशुद्ध हथ रुट्टि खंदींनि।</verse>
				<verse number="39">फरीसियों हाय च तुम पर तुम इन भांडा छा जु भैर बट्टी त साफ पर तुमारा मन का भितर बट्टी अंधेर अर दुष्टता भुरीं च।</verse>
				<verse number="40">हे निर्बुद्धियों, जैल भैरो कु हिस्सा बणै, क्य वेल भितरो कु हिस्सा नि बणै?</verse>
				<verse number="41">अर गरीबों तैं दान दे कै भितर मन बट्टी साफ हवे जावा अर तुम पूरी रीति बट्टी पवित्र हवे जावा।</verse>
				<verse number="42">पर हे फरीसियों हाय च तुम पर तुम पुदीना अर सूदाबो को अर सब किस्मै का साग-पातों को दसवां अंश दींदां पर न्याय तैं अर परमेश्वर का प्रेम तैं टालि दींदयां।</verse>
				<verse number="43">हे फरीसियों हाय च तुम पर तुम यहूदियों का मिलणा का भवन मा मुख्य आसण बाजारों मा सम्मान का दगड़ी प्रणाम चदयां।</verse>
				<verse number="44">हाय च तुम पर किलैकि तुम छिपी कब्रों का समान छा जौं पर लोग चलदा छिन पर नि जणदींनि की कख जांणा छिनी।</verse>
				<verse number="45">तब एक मूसा की व्यवस्था तैं सिखांण वला ल वे तैं जवाब दींनि कि हे गुरु यूं बातों का बुल्ण से तु हमारी बुरै कनि छै।</verse>
				<verse number="46">ऊंल बोलि, हे मूसा की व्यवस्था तैं सिखांण वलो हाय च तुम पर भि तुम इन बोझ जौं तैं उठौण कठिन च मनिख्युं पर लादी दींदां पर तुम अफ ऊं बोझ तैं अपड़ी अंगुली भि नि सरकौंण चांदा।</verse>
				<verse number="47">तुम पर हाय च तुम ऊं परमेश्वर का तरपां बट्टी बुल्ण वलो कि कब्र बंणौदां छा जौं तैं तुमारा बाप-दादों ल मारि डाली छो।</verse>
				<verse number="48">इलै तुम अपड़ा पूर्वजों का कामों की गव्है दींदां छा, अर ऊं कामों बट्टी सहमत भि छा, किलैकि ऊंल ऊं तैं मार डाली अर तुम ऊंकी कब्रों तैं बंणौदा छा।</verse>
				<verse number="49">इलै परमेश्वर कि बुद्धि ल भि बोलि, कि मि ऊंमा परमेश्वर का तरपां बट्टी बुल्ण वलो अर प्रेरितों तैं भिजलु अर तुम ऊंमा बट्टी कुछ तैं मारि डलिल्या अर कथगु तैं दुःख दीला।</verse>
				<verse number="50">इलै की जथग परमेश्वर का तरपां बट्टी बुल्ण वलो को ल्वे दुनिया कि उत्पति बट्टी बुगै गै सभियूं कु लेखा ये युग का लुखुं बट्टी लिये जालो।</verse>
				<verse number="51">हाबिल कि हत्या का ल्वे से ले के जकर्याह परमेश्वर का तरपां बट्टी बुल्ण वला कि हत्या तक जु बेदि अर यरूशलेम शहर का मन्दिर का बीच मा घात किये गैनी मि तुम मा सच बुल्णु छौं ऊंकु लेखा ये ही बगत का लुखुं बट्टी लिये जालो।</verse>
				<verse number="52">हाय च तुम मूसा की व्यवस्था तैं सिखांण वलो पर, तुम लुखुं तैं स्वर्ग का राज्य मा प्रवेश कन से रुकदा छा, न त अफ तैं वे द्वार बट्टी भितर जंदा अर वां बट्टी भितर जांण वलो तैं भि भितर नि जांण दींदां।</verse>
				<verse number="53">जब उ उख बट्टी निकलनी त मूसा की व्यवस्था तैं सिखांण वलो अर फरीसी वेका भौत पिछनै पड़ि गैनी अर छिडण लगि गैनी कि उ भौत सी बातों कि चर्चा कैरा।</verse>
				<verse number="54">अर वेकी घात मा लगयां रैनी कि वेका गिच्चा कि कुई बात पकड़नु।</verse>
			</chapter>
			<chapter number="12">
				<verse number="1">इथग मा जब हजारों कि भीड़ लगि गै इख तक कि एक दुसरा पर गिरदा पड़दा छा त उ सबसे पैली अपड़ा चेलों मा बुल्ण लगि गै कि देखा तुम फरीसियों का कपटरूपी खमीर से सचेत रावा।”</verse>
				<verse number="2">इन ही जु कुछ छिपयूं च प्रगट हवे जौं अर हर गुप्त बात प्रगट हवे जौ।</verse>
				<verse number="3">इलै जु कुछ भि मि अंधेरा मा बुल्दो छौं वे तैं चेला सभियूं का संमणी बगैर कै डौरा का बोल सकदींनि।</verse>
				<verse number="4">मेरा दगड़ियों, मेरी सूंणा, ऊं बट्टी डरयां न जु देह तैं नशा करदींनि, पर वेका बाद वे बट्टी जादा अर कुछ नि नाश कैरी सकदो च।</verse>
				<verse number="5">मि तुम तैं चितौंदु कि तुम तैं कै बट्टी डरण चयणु च घात कना का बाद जै तैं नरक मा डलणो कु अधिकार च वे बट्टी ही डैरा बल्कि मा मि तुम मा बुल्णु छौं वे ही बट्टी डैरा।</verse>
				<verse number="6">क्य द्वी पैसा मा पाँच घींडुडी नि बिकद? फिर भि परमेश्वर ऊंमा बट्टी एक तैं भि नि भुलदो।</verse>
				<verse number="7">उ यु भि जंणदु च की तुमारा मुंड मा कथग बाल छिनी। इलै डैरा न किलैकि तुम भौत घींडुडी से भि बढ़ि के छा।</verse>
				<verse number="8">मि तुम मा बुल्णु छौं जु कुई भि लुखुं का संमणी इन बोलो, कि मि यीशु कु चेला छों, त मि मनिख कु नौंनो वे तैं परमेश्वर का स्वर्गदूतों का संमणी स्वीकार करलो।</verse>
				<verse number="9">पर जु कुई लुखुं का संमणी मेरू इन्कार करलो त मि मनिख कु नौंनो वे तैं परमेश्वर का स्वर्गदूतों का संमणी स्वीकार नि करलो।</verse>
				<verse number="10">जु कुई मि मनिख कु नौंनो का बारा मा बुरै करलो, वेका पाप त माफ किये जाला, पर जु पवित्र आत्मा की निंदा करलो, वेको अपराध माफ नि किये जालो।</verse>
				<verse number="11">जब लोग तुम तैं पकड़ी के यहूदियों का मिलणा का भवन मा ली जाला अर तुम तैं आधिकारियों मा सौंपला त तुम फिकर नि करयां कि हम ल क्य अपड़ा बचाओ मा बुल्ण, तुम ल की जवाब दींण या की बुल्ण।</verse>
				<verse number="12">किलैकि पवित्र आत्मा वे बगत तुम तैं सिखालो की तुम तैं क्य बुल्ण चयणु च।</verse>
				<verse number="13">फिर भीड़ मा बट्टी एक ल यीशु बट्टी बोलि, हे गुरु मेरा भैय बट्टी बोल कि पिता कि सम्पति मि तैं बांटि दे।</verse>
				<verse number="14">यीशु ल वे बट्टी बोलि, हे मनिख कैल मि तैं तुमारो न्यायी या बंटण वलो ठैरे?</verse>
				<verse number="15">अर यीशु ल ऊं बट्टी बोलि सचेत रावा अर हर प्रकार का लोभ बट्टी अफ तैं बचै के रखा किलैकि कै को जीवन वेकी सम्पति की बहुतायत बट्टी नि हूंद।</verse>
				<verse number="16">यीशु ल ऊं तैं एक मिसाल सुंणै कि कै धनवान कि खेती मा भौत जादा फसल हवे।</verse>
				<verse number="17">तब उ अपड़ा मन मा सुचण लगि गै कि मि तैं नि पता की क्य कन चयणु च किलैकि मि मा अपड़ी सैरी फसलों तैं जमा कैरी के रखणै की इदगा बड़ी जगह भि नि च।</verse>
				<verse number="18">अर वेल बोलि मि तैं पता च की मि तैं क्य कन चयणु मि अपड़ा ग्यूं का बीज का गोदामों तैं तोड़ी के ऊं बट्टी भि बड़ा बणौलु</verse>
				<verse number="19">यांका बाद अपड़ा आप तैं बुललु, कि त्वे मा भौत बरसों कु भौत सम्पति रखिं च विश्राम कैर, खा, पी, सुख से रै।</verse>
				<verse number="20">पर परमेश्वर ल वे बट्टी बोलि, हे मूर्ख! आज रात तिल मौर जांण, त ऊं चीजों तैं कैल लींण जु तिल अफ कु कठ्ठा कैरी छो?</verse>
				<verse number="21">इन ही वे आदिम का दगड़ी होलो जु सब कुछ अफ कु कठ्ठा करदो अर जु अफ कु धन बटोरदु च पर परमेश्वर कि सेवा कनु कु अपड़ी तागत अर धन कु इस्तेमाल नि करदो।</verse>
				<verse number="22">फिर वेल अपड़ा चेलों बट्टी बोलि, इलै मि तुम मा बुल्णु छौं, कि हरेक रोज यु चिंता नि करयां कि हम क्य खौला अर न अपड़ा देह कि क्य पैरुला क्य प्राण खांणु से अर देह कपड़ोंं से बढ़ि के नि च?</verse>
				<verse number="23">किलैकि खांणु से प्राण अर कपड़ोंं से देह बढ़ि के च।</verse>
				<verse number="24">चलखुडों तैं देखा उ न त बुतदा छिनी अर न लवैइ करदींनि अर न अपड़ा खत्तों मा बटोरदिन फिर भि तुमारो स्वर्गीय पिता परमेश्वर ऊं तैं खिलांदु तुम निश्चित रुप मा चलखुडों का तुलना मा भौत जादा मूल्यवान छा।</verse>
				<verse number="25">तुम मा बट्टी कु च जु चिंता कैरी कै अपड़ा जीवन मा एक घड़ी भि बढ़ै सकद?</verse>
				<verse number="26">इलै जब तुम सबसे छुटो काम भि नि कैरी सकदां त जीवन मा और बातों का बारा मा चिंता किलै करदां?</verse>
				<verse number="27">जंगली फूलों पर ध्यान कैरा कि उ कन कै बड़दिन उ न त मेहनत करदींनि न कपड़ा बंणौंदींनि। तब भि मि तुम मा बुल्ण छौं कि राजा सुलैमान भि अपड़ी सैरी धन दौलत मा बट्टी वे जन कपड़ा पैरदो नि छो।</verse>
				<verse number="28">इलै मैदान कि घास तैं, जु आज च, अर भोल आग मा जलै जाली, फिर भि परमेश्वर ल ऊं तैं इथग जादा सुन्दरता दींनि, त हे अल्पविश्वासियों, जरुर तुम्हरी भि देखभाल करलो।</verse>
				<verse number="29">अर तुम ईं बात कि खोज मा नि रावा कि क्य खौला, य क्य प्यूला, अर न सन्देह कैरा।</verse>
				<verse number="30">दुनिया कि अन्यजातियों जु परमेश्वर तैं नि जणदींनि सभि चीजों कि खोज मा रौदींनि पर तुमारो स्वर्गीय बुबा जंणदु च कि तुम तैं यूं सभि चीजों कि जरूरत च।</verse>
				<verse number="31">इलै पैली तुम परमेश्वर का राज्य अर धर्म कि खोज कैरा त यु सभि चीज भि तुम तैं मिली जालि।</verse>
				<verse number="32">तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।</verse>
				<verse number="33">अपड़ी संपत्ति बचै के दान कैरी दे अर अफ कु इन बटुवा बंणौ, जु पुराणो नि हूंद, पर भलै कैरी के स्वर्ग मा अफ कु धन कठ्ठा कैरा जु घटदो नि च, जैका संमणी चोर नि औंदु, अर कीड़ो नि बिगड़दो।</verse>
				<verse number="34">किलैकि तेरु मन हमेशा उखि लग्युं रालो जख तेरु धन च।</verse>
				<verse number="35">हमेशा सेवा कनु कु तैयार रावा अर सैरी रात तुमारा दिवडा जल्यां रो।</verse>
				<verse number="36">अर तुम ऊं मनिख्युं जन बणा जु अपड़ा स्वामि तैं जुगाल कि उ ब्यो बट्टी कब लौटलो कि जब उ ऐ के दरवजो खटखटालो त तुरंत खोले जालो।</verse>
				<verse number="37">धन्य च उ दास जौं तैं स्वामी ऐ के ऊंका वापिस आणौं कु जुगाल करद हो मि तुम मा सच बुल्णु छौं, कि एक सेवक का जन कपड़ा पैनिकै ऊं तैं खांणु खाणों कु बैठालो अर संमणी ऐ के वेकी सेवा करलो।</verse>
				<verse number="38">इलै उ अधा राती या सुबेर मा ऐ के ऊं तैं बिज्यूं पालो त उ दास धन्य च।</verse>
				<verse number="39">पर तुम यु जणिल्या कि जै घौर कु स्वामि जांणि जांदु कि चोर कै बगत आलो त बिज्यूं रौंद अर अपड़ा घौर मा चोरी नि हूंण दींदो।</verse>
				<verse number="40">तुम मेरा लौटण कु तैयार रावा किलैकि मि मनिख कु नौंनो जै बगत पर स्वर्ग बट्टी आलो जब तुम मेरा आंणै की भि उम्मीद नि करदा होला किलैकि वीं बगत तुम सुचदा भि नि होला।</verse>
				<verse number="41">तब पतरस ल बोलि, हे प्रभु क्य यु मिसाल तु हम मा या सभियूं मा बुलद्यां।</verse>
				<verse number="42">प्रभु ल बोलि, उ भरोसो का लैख अर बुद्धिमान सेवक कु च जै तैं स्वामि ल अपड़ा नौकर-चाकरों पर मुखिया ठैरे कि बगत पर ऊं तैं खांणु द्यो?</verse>
				<verse number="43">धन्य च उ सेवक जै तैं वेकु स्वामी ऐ के इन ही करद देखु।</verse>
				<verse number="44">मि तुम मा सच बुल्णु छौं उ वे तैं अपड़ी सैरी सम्पति पर अधिकारी बंणालु।</verse>
				<verse number="45">पर जु दुष्ट सेवक सुचण लगि जौं कि मेरा स्वामि का औंण मा देर च अर अफ दगड़िया सेवकों तैं पिटण लगि जौं अर पियक्कड़ु का दगड़ा मा खौ-प्यो।</verse>
				<verse number="46">त वे सेवक को स्वामी इन दिन मा वापिस आलो जब उ वे तैं नि जुगल्णु रालो अर इन बगत मा जै तैं उन ही जंणदु हो तब उ वे तैं भौत कड़ी सजा दयालो अर वेको भाग ढोंगि लुखुं का दगड़ा मा ठैरालो उख रूण अर दांतों को पिसंण होलो।</verse>
				<verse number="47">अर उ सेवक जु अपड़ा स्वामि कि मनसा जंणदु छै पर जैल तैयार हवे के वेकी मनसा का अनुसार काम नि कैरी उ भौत कोड़ा खालो।</verse>
				<verse number="48">पर जु बेसुद मा मार खांण लैख काम करलो उ जरा सी मार खालो इलै जै तैं भौत दिये गै वे बट्टी भौत मंगे जालो अर जै मा भौत सौंप्युं च वे बट्टी भौत मंगे जालो।</verse>
				<verse number="49">मि धरती मा आग लगांणु कु अयुं छौं अर क्य चांदु की या अभि सुलगी जौ।</verse>
				<verse number="50">मिल जल्द ही भयंकर पिड़ा तैं झिलण अर जब तक उ पिड़ा न हो तब तक मि भौत बेचैन छों?</verse>
				<verse number="51">क्य तुम समझदां कि मि धरती पर लुखुं का बीच मा शान्ति लांणु कु अयुं छौं, मि लुखुं का बीच मा शान्ति न बल्कि लड़ै करवांणु कु अयुं छौं।</verse>
				<verse number="52">किलैकि अब बट्टी एक घौर मा पाँच लोग हो त उ आपस मा बंटे हो, तीन लोग जु मि पर विश्वास नि करदा, उ द्वी लुखुं का विरोध करदींनि जु मि पर विश्वास करदा छिन द्वी, तीन भि हो।</verse>
				<verse number="53">बुबा नौंना से अर नौंना बुबा बट्टी विरोध रखला ब्वे नौंनि अर नौंनि ब्वे बट्टी, सास ब्वारि बट्टी अर ब्वारि सास बट्टी विरोध रखली।</verse>
				<verse number="54">वेल भीड़ बट्टी बोलि, जब तुम बादल तैं पश्चिम बट्टी उठदा दिखदा छा, त तुरंत बुल्दा की बरखा होलि, अर इन ही हूंद।</verse>
				<verse number="55">अर जब दक्षिणी बथौं चलदी दिखदा त बुल्दा की लूह चललि अर इन ही हूंद।</verse>
				<verse number="56">हे कपटियों तुम धरती अर आसमान का लक्षण देखि के वेको भेद बतै सकदा पर ये युग मा परमेश्वर की कनु च वेका बारा मा भेद किलै नि जंणदा?</verse>
				<verse number="57">तुम तैं अफी ही फैसला कन चयणु की तुम कु की कन ठिक च?</verse>
				<verse number="58">जब तु अपड़ा मदद का दगड़ा राज्यपाल मा जांणि रैलि त बट्टा मा वे बट्टी छुटणौ ब्यूंत कैर कखी इन नि हो कि न्यायी त्वे तैं राज्यपाल तैं सौंपु अर राज्यपाल त्वे तैं सिपैयूं मा सौंपी दयूंनु अर तु बन्दीगृह मा डले जौ।</verse>
				<verse number="59">मि तुम मा सच बुल्णु छो कि जब तक तुम उ सब कु भुगतान नि कैरी दयाला, जु तुम पर बकाया च, तब तक तुम बन्दीगृह बट्टी कभी नि छुटण पैली।</verse>
			</chapter>
			<chapter number="13">
				<verse number="1">वे बगत कुछ लोग ऐनी, अर ऊंल यीशु कु बोलि, की रोमी राज्यपाल पिलातुस ल गलीली का कुछ लुखुं कु ल्वे बुगै के मारि दींनि जब उ मन्दिर मा बलिदान चढ़ाणा छा।</verse>
				<verse number="2">यु सूंणि के यीशु ल ऊं तैं जवाब मा बोलि, “क्य तुम समझदां छा कि यु गलीली लोग पापी छिन की ऊं पर विपत्ति पोड़ि?”</verse>
				<verse number="3">मि तुम मा बुल्णु छौं जब तक तुम अपड़ा पापों तैं मांणी के मन नि फिरैला तब तुम सभियूं ल ईं रीति ल नाश हूंण।</verse>
				<verse number="4">यु क्य तुम समझदां छा कि उ अठारह लुखुं का बारा मा क्य बुलद्यां जु तब मोर गैनी जब शीलोह का गुम्मट उ पर पोड़ि गै छो? यरूशलेम शहर का अर सब रौंण वलो से जादा पापी छा?</verse>
				<verse number="5">मि मा बुल्णु छौं, न पर जब तक तुम अपड़ा पापों तैं मांणी के मन नि फिरैला तुम भि ईं रीति ल ही नाश हवीला।</verse>
				<verse number="6">उ एक मिसाल दींण लगि गै कै मनिख ल अंगूर का बगिचा मा एक बेडु को डालो भि लग्यूं छो हर साल वेमा फल ढुंडणु कु ऐ पर वे तैं कुछ नि मिली।</verse>
				<verse number="7">तब वेल मालि कु बोलि, देख मि तीन साल बट्टी ये बेडु को डाला पर फल ढुंडदि औं पर कुछ नि पै। यु तैं काटि दे की यु अच्छी भूमि तैं बर्बाद कना छिन?</verse>
				<verse number="8">वेल वे तैं जवाब दे स्वामि जी यु साल भि यु तैं रांण द्या मि येका चौतरफी खैणि कै खाद डाललु।</verse>
				<verse number="9">अगनैं यु फललु, नथिरी वे तैं काटि दियां।</verse>
				<verse number="10">यहूदियों का विश्राम का दिन जु परमेश्वर कु पवित्र दिन च यीशु एक यहूदियों का मिलणा का भवन मा उपदेश दींणु छो।</verse>
				<verse number="11">उख एक जनन छै जै तैं अठारह सालों बट्टी विकलांग कन वलि दुष्टात्मा लगि छै अर व कुबड़ि हवे गै छै अर कनके भि सीधि नि हवे सकदी छै।</verse>
				<verse number="12">यीशु ल वीं तैं देखि कै बुलै अर बोलि, हे नारी तु अपड़ी कमजोरी बट्टी छुटी गै।</verse>
				<verse number="13">तब ऊंल वीं मा हथ रखि अर व तुरंत सीधि हवे गै अर व परमेश्वर कि बढ़ै कन लगि गै।</verse>
				<verse number="14">इलै कि यीशु ल यहूदियों का विश्राम का दिन जु परमेश्वर कु पवित्र दिन च वीं तैं ठिक कैरी छो यहूदियों का मिलणा का भवन का सरदार रमशे के लुखुं बट्टी बुल्ण लगि गै, एक सप्ताह मा छै: दिन छिन हम तैं काम कन चयणु च, इलै ऊं दिनों मा ऐ के ठिक हो पर यहूदियों का विश्राम का दिन जु परमेश्वर कु पवित्र दिन च मा न।</verse>
				<verse number="15">यु सूंणि प्रभु यीशु ल जवाब दींनि, “हे कपटियों क्य यहूदियों का विश्राम का दिन जु परमेश्वर कु पवित्र दिन च तुम मा बट्टी हर एक अपड़ा बल्द या गधा तैं गुठ्यार बट्टी खोलि के पांणी पिलाणु कु नि लिजांदु?”</verse>
				<verse number="16">अर क्य ठिक नि छो कि या जनन ज्वा अब्राहम की वंशज च जै तैं शैतान ल अठारह साल बट्टी बंधि के रख्युं छो यहूदियों का विश्राम का दिन जु परमेश्वर कु पवित्र दिन च अपड़ा बंधन बट्टी छुड़ैये जांदी?</verse>
				<verse number="17">जब वेल या बात बोलि त वेका सभि विरोधी लज्जित हवे गैनी अर सैरी भीड़ वेकी बढ़ै का कामों से जु उ करदो छो खुश हवेनि।</verse>
				<verse number="18">फिर यीशु ल बोलि, परमेश्वर का राज्य कैका जन च, मि वेकी तुलना कै दगड़ी कैरू?</verse>
				<verse number="19">उ रैई का बीज का जन च, जै तैं मनिख ल लै कि अपड़ा पुंगडा मा बट्टी उ बड़ो हवे के इन डालो बंणि गै, अर आसमान का चलखुडा वेका फौंकों मा बसेरा करदींनि।</verse>
				<verse number="20">वेल फिर बोलि, मि परमेश्वर का राज्य तैं क्य दगड़ी सुबरयों?</verse>
				<verse number="21">स्वर्ग कु राज्य खमीर का जन च जै तैं एक जनन ल ले के तीन पथा आटा मा मिलै दींनि अर होंद-होंद उ सब खमीर हवे गै।</verse>
				<verse number="22">उ शहर-शहर अर गौं-गौं अपड़ा चेलों का दगड़ी हवे के उपदेश दींद यरूशलेम शहर जनै जांणु छो।</verse>
				<verse number="23">अर कैल वेमा पूछि, “क्य परमेश्वर कुछ ही लुखुं तैं अनन्तकाल का दण्ड बट्टी उद्धार करलो?”</verse>
				<verse number="24">परमेश्वर का राज्य मा प्रवेश कनु कु यत्न कैरा, किलैकि परमेश्वर का राज्य मा प्रवेश कन संगड़ा द्वार बट्टी प्रवेश कन का जन च मि तुम मा बुल्णु छौं, की भौत सा लोग प्रवेश कन चाला पर नि कैर सकदा।</verse>
				<verse number="25">जब परमेश्वर जु घौर का स्वामी उठि के द्वार बंद कैरी द्यो त जु तुम भैर खड़ा द्वार खटखटैके अर बिनती कैरी के बुल्ण लगि ग्यां “हे स्वामी हम कु द्वार खोल।” पर वेल बोलि, “मि तुम मा सच बुल्णु छौं कि मि तुम तैं नि जंणदु?”</verse>
				<verse number="26">तब तुम बोलिल्या कि हम ल तुमारा संमणी खै च प्ये च अर तुम ल हमारा बाजारों मा उपदेश दींनि।</verse>
				<verse number="27">पर उ बुललो मि तुम कु बुल्ण छौं मि नि जंणदु तुम कखा छा, हे कुकर्म कन वलो तुम सभि मि बट्टी दूर हवे जावा।</verse>
				<verse number="28">उख रूण अर दांतों कु पिसंण होलो जब तुम पूर्वजों अब्राहम अर इसहाक अर याकूब अर सभि परमेश्वर का तरपां बट्टी बुल्ण वलो तैं परमेश्वर का राज्य मा बैठयूं अर अफ तैं भैर निकल्यूं दिखल्या।</verse>
				<verse number="29">तब पूरा दुनिया मा बट्टी लोग अब्राहम अर इसहाक अर याकूब का दगड़ी परमेश्वर का राज्य का भोज मा बैठला।</verse>
				<verse number="30">पर भौत सैरा लोग छिनी जु अभि महान छिन ऊं तैं तब नम्र बणये जालो अर जु नम्र छिन ऊं तैं महान बण जाला।</verse>
				<verse number="31">वीं बगत कथग ही फरीसियों ल ऐ के ऊंमा बोलि, इख बट्टी निकली के चलि जा किलैकि राजा हेरोदेस त्वे तैं मारि के खत्म कन चांणु च।</verse>
				<verse number="32">वेल ऊंकु बोलि, जु वे आदिम जु एक शियाल का जन चालाक च बोल दियां कि देखि ले मि आज अर भोल दुष्टात्माओं तैं निकलणु छौं अर बिमारों तैं खूब कनु छौं, तिसरा दिन मा अपड़ा काम तैं पूरो कैरी दयुलु।</verse>
				<verse number="33">तभि मि तैं आज भोल अर परस्यों हिटण जरूरी च किलैकि हवे नि सकद कुई परमेश्वर का तरपां बट्टी बुल्ण वलो यरूशलेम शहर मा ही मोरि जौ।</verse>
				<verse number="34">हे यरूशलेम शहर का लुखुं! तु जु परमेश्वर का तरपां बट्टी बुल्ण वलो तैं मारि डलदि, जु भौत पैली रौंदा च अर ऊं लुखुं पर ढुंग्यो करदी जौं तैं त्वे मा भिजे गै छो। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करद उन ही मि भि तेरु नौंनो की रखवली कैरू पर तुम ल इन नि चै।</verse>
				<verse number="35">देखा तुमारो मन्दिर तुम कु खन्द्वार छुड़े जांण। किलैकि मि तुम मा बुल्णु छौं कि अब बट्टी जब तक तुम नि बोलिल्या कि धन्य च उ जु परमेश्वर की सामर्थ से औंदु।</verse>
			</chapter>
			<chapter number="14">
				<verse number="1">फिर यीशु यहूदियों का विश्राम का दिन जु परमेश्वर कु पवित्र दिन च फरीसियों कु सरदारों मा बट्टी कैका घौर मा खांणु कु गै अर यीशु की गलती खुजांणु कु फरीसियों ल ध्यान से दिखण लगि गै।</verse>
				<verse number="2">उख एक आदिम वेका संमणी जैकु हथ अर खुट्टा सूज गै छा तैं (जलोदर का रोग) छो।</verse>
				<verse number="3">ई बात पर यीशु ल मूसा की व्यवस्था तैं सिखांण वलो अर फरीसियों कु बोलि, “क्य यहूदियों का विश्राम का दिन जु परमेश्वर कु पवित्र दिन च कन ठिक च कि नि च?”</verse>
				<verse number="4">पर उ संट बंणि गैनी तब वेल वेका हथ तैं छवे कै ठिक कैरी अर जांण दींनि</verse>
				<verse number="5">अर ऊंमा बोलि, “जु तुमारो नौंनो या बल्द एक कुवां मा पड़ी जौं अर यहूदियों का विश्राम का दिन जु परमेश्वर कु पवित्र दिन च वे तैं निश्चित रूप से वे तैं बचैला?”</verse>
				<verse number="6">ऊंल यूं बातों कु कुई जवाब नि दे सैकी।</verse>
				<verse number="7">जब वेल देखि, कि न्यूत्यां लोग कनके जख सम्मानित लोग बैठदींनि अफ कु चुणिदींनि त एक मिसाल दे के ऊंकु बोलि।</verse>
				<verse number="8">“जब कुई भि त्वे तैं ब्यो का दावत मा आमंत्रित कैरी त जख सम्मानित लोग बैठदा छिन त नि बैठयां कखि इन नि हो कि कुई त्वे बट्टी भि बड़ा आदिम तैं वेको न्यूतो दियूं हो”</verse>
				<verse number="9">अर जैल त्वे अर वे तैं न्यूत्यूं हो त्वे मा ऐ के बोलु यूं तैं जगह देये दे अर तब त्वे तैं लज्जित हवे कै सबसे निसि जगह पर बैठण पोड़ु।</verse>
				<verse number="10">पर जब त्वे तैं बुलै जौ त सबसे निसि जगह मा बैठी कि जब उ जैकु तु न्यूत्यूं छै उख औ अर त्वे कु बोलु हे दगड़िया सम्मानित जगह पर औ तब तेरु दगड़ा बैठण वलो मा तेरी बढ़ै हवेलि।</verse>
				<verse number="11">जु कुई अफ तैं बड़ो बंणालु उ छुटु कि यु जालो अर जु कुई अफ तैं छुटु बंणालु उ बड़ो बणैये जालो।</verse>
				<verse number="12">तब वेल अपड़ा न्यूत्यां दींणवलों फरीसी बट्टी भि बोलि, जब तु दिन कु या राती कु भोज बणैलि त अपड़ा दगड़ियों या भयों, कुटुम्दारी वलो या सेठ पड़ोसियों तैं नि बुलै कखि इन नि हो कि उ भि त्वे तैं न्यूतुनु अर बदलो हवे जौ।</verse>
				<verse number="13">पर जब तु भोज बणै त कंगालों, लूला- लंगड़ों अर अंधों तैं बुलै।</verse>
				<verse number="14">तब तु धन्य हवे जैलि किलैकि ऊंमा त्वे तैं लौटाणु कु कुछ नि च, पर त्वे तैं जब धर्मी लुखुं कु ज्यून्दो हूंण होलो तब परमेश्वर तुम तैं प्रतिफल दयालो।</verse>
				<verse number="15">ऊंका दगड़ा खांणु खांण वलो मा बट्टी एक ल यूं बातों तैं सूंणि के वेमा बोलि, “धन्य च उ जु परमेश्वर का राज्य भोज मा शामिल होला।”</verse>
				<verse number="16">वेल वेकु बोलि, “स्वर्ग का राज्य वीं मिसाल का समान च मनिख ल बड़ो भोज दींनि अर भौतों तैं बुलै।”</verse>
				<verse number="17">जब भोज तैयार हवे गै त वेल अपड़ा सेवकों तैं भेजि कि ब्यो मा आमंत्रित लुखुं तैं ब्यो का भोज मा बुलौनु कि अब ऐ जावा भोज तैयार हवे गै।</verse>
				<verse number="18">पर उ सभि माफी मंगण लगि गैनी पैला आदिम ल बोलि, “मिल एक पुंगड़ो मोल लींनि अर यु जरूरी च कि मि वे तैं देखु मि त्वे मा बिनती करदु कि मि तैं माफ कैरी दे, मि नि ऐ सकदु।”</verse>
				<verse number="19">दुसरा ल बोलि, मेरा पाँच जोड़ी बल्द मोल लियां छिनी अर ऊं तैं परखणु कु जांणु छौं, मि त्वे बट्टी बिनती करदो मि तैं माफ कैरी दे।</verse>
				<verse number="20">एक हैंका आदिम ल भि बोलि, “मिल ब्यो कैरी इलै मि नि ऐ सकदु।”</verse>
				<verse number="21">वे नौकर ल अपड़ा मालिक मा ऐ के सभि बात सुणैनी त घौर का स्वामि ल गुस्सा मा हवे कै वे नौकर कु बोलि, शहर का बाजारों मा गलियों मा तुरंत जा अर कंगालों लूला लंगड़ों अर अंधों तैं इख ली कै औ।</verse>
				<verse number="22">नौकर ल फिर बोलि, हे स्वामि जी जन तुम ल बोलि छो उन ही करे गै अर फिर भि जगह बचिं च।</verse>
				<verse number="23">स्वामि ल नौकर कु बोलि, सड़कों मा अर चौबारों मा जा अर और जै कै लुखुं तैं जबरदस्ती ले औ ज्यां से मेरू घौर भरे जौं।</verse>
				<verse number="24">किलैकि मि तुम मा बुल्णु छौं कि उ पैली न्यूत्यां लोग मा बट्टी कैल भि मेरा भोज तैं नि चखण।</verse>
				<verse number="25">जब बड़ी भीड़ वेका दगड़ा मा जांणि छै त वेल पिछनै फरकि के ऊंकु बोलि,</verse>
				<verse number="26">जु कुई मि मा औं अर अपड़ा ब्वे-बुबा तैं मि से जादा प्रिय जंणदो उ मेरा लैख नि च अर जु नौंना य नौंनि तैं मि से जादा प्रिय जंणदो उ भि मेरा चेला बनण का लैख नि च।</verse>
				<verse number="27">अर जु मेरा चेला हूंण का कारण दुःख उठांण अर सूली पर मुरण कु भि तैयार हो अर मेरा पिछनै नि चलो उ मेरू चेला हूंणा का लैख नि च।</verse>
				<verse number="28">तुम मा इन कु होलो कि जु गढ बनांण चौ अर पैली खर्चा कु जोड़ नि कैर कि पूरो कने सामर्थ मि पर छैं भि च कि नि च।</verse>
				<verse number="29">जु उ इन नि कैर कि जब उ बुनियाद रखि द्यो अर बणै नि सैकु दिखण वला इन बोलि के वेकी हंसी कन लगि गैनी।</verse>
				<verse number="30">“यु मनिख बनांण त लग्यूं छो पर तैयार नि कै सैकी”</verse>
				<verse number="31">फिर इन कु राजा होलो जु हैंका राजा का दगड़ा मा लड़ै लड़णु कु जांणु हो पैली बैठी के विचार नि कैर कि जु बीस हजार कि फौज ले के मेरा दगड़ा मा लड़णु कु आंणु च क्य मि दस हजार ल वेको मुकाबला कैरी सकदु छों कि नि कैरी सकदु?</verse>
				<verse number="32">नथिरी वेका दूर रांण तक उ वेमा दूत भेजि के मिलाप कन चालो।</verse>
				<verse number="33">उ ही मेरू चेला च जु मि कु अपड़ो सब कुछ छोड़ी दींद।</verse>
				<verse number="34">लूंण त खूब च पर जु वेको स्वाद बितड़ि जौं त वे तैं क्य ल ल्युणणो करिल्या?</verse>
				<verse number="35">उ ल त जमींन का अर ल खाद का काम औंदु वे तैं त लोग भैर चुटये दींदिनि जु कुई ईं बात तैं सूंणि सकदु च जु मि बुल्ण छौं उ यु तैं समझ भि ल्यो।</verse>
			</chapter>
			<chapter number="15">
				<verse number="1">सभि चुंगि लींण वला अर पापी वेमा आंदा छा, कि वेकी सुनांणु।</verse>
				<verse number="2">पर फरीसी अर मूसा की व्यवस्था तैं सिखांण वला कुड़कड़ै कै बुल्ण लगि गैनी “यु त पापियों तैं मिल्द जुलदो च अर ऊंका दगड़ा मा खांणु भि खांदु।”</verse>
				<verse number="3">तब वेल ऊं तैं या मिसाल सुणै</verse>
				<verse number="4">तुम मा इन कु होलो जै मनिख कि सौ ढिबरा हो, अर ऊंमा बट्टी एक हरचि जौं त उ निन्यानबे तैं एक सुरक्षित एकांत जंगल मा छोड़ी के उ पौड़ो पर जै के वीं हरचिं ढिबरा तैं नि खुज्यालो, जब तक खुज्यालो, जब उ मिली जौ?</verse>
				<verse number="5">अर जु इन हो कि व मिली जौं त उ बड़ा आनन्द से वीं तैं कांध मा उठै दींदु</verse>
				<verse number="6">अर अपड़ा घौर मा ऐ के अपड़ा दगड़ियों तैं अर आस-पड़ोस तैं कट्ठा कैरी कै बुल्द मेरा दगड़ा मा खुशी मनावा किलैकि मेरी हरचयूं ढिबरो मिली गै।</verse>
				<verse number="7">मि तुम मा सच बुल्णु छौं कि इन कै एक मन फिराण वला पापी का बारा मा स्वर्ग मा इन ही आनन्द होलो जथग निन्यानबे धर्मियों का बारा मा भि नि हूंद जौं तैं मन फिरौंण कि जरुरत नि च।</verse>
				<verse number="8">जु क्य जनन मा दस चांदी का सिक्का हो अर ऊंमा बट्टी एक हरचि जौ त व दिवडा जलाली अर घौर मा झाडू लगाली अर तब तक ध्यान से खुजाली जब तक वे तैं खुज्यै नि द्यो अर उ मिली नि जौ?</verse>
				<verse number="9">अर जब उ मिली जांदु त व अपड़ा दगड़ियों अर अपड़ा आस-पड़ोस तैं कट्ठा कैरी के बुल्दी मि दगड़ी आनन्द मनावा किलैकि मेरू हरचियुं चांदी कु सिक्का मिली गै।</verse>
				<verse number="10">मि तुम मा बुल्णु छौं कि इन कै एक मन फिराण वला पापी का बारा मा परमेश्वर का स्वर्गदूतों का संमणी आनन्द हूंद।</verse>
				<verse number="11">फिर वेल एक अर मिसाल दे “एक मनिख का द्वी नौंना छा।”</verse>
				<verse number="12">ऊंमा बट्टी छुटा नौंना ल बुबा कु बोलि, “हे बुबा जी, जैजात मा कु जु भि हिस्सा मेरू हो उ मि तैं दे द्यावा” बुबा ल द्वीयूँ नौंनों तैं अपड़ी धन दोलत बांटि दींनि।</verse>
				<verse number="13">अर कुछ दिनों का बाद ही छुटा नौंना ल सभि कुछ कट्ठा कैरी अर दूर का मुल्क चलि गै अर उख बुरा कामों मा अपड़ी सैरी धन दौलत उड़ै बिछै दींनि।</verse>
				<verse number="14">जब वेल सभि कुछ खर्च कैरी दींनि त वे देश मा घौर अकाल पोड़ि गै वेमा खांणु कु कुछ नि बची।</verse>
				<verse number="15">अर उ एक मनिख का इख काम कनु कु गै जु वे देश कु नागरिक छो। वेल वे तैं अपड़ा पुंगडा मा सुंगरु चराणु कु भेजि दींनि।</verse>
				<verse number="16">अर उ इदगा भूखो छो की उ वे तैं भोज की फलियों तैं खांणु कु भि खुश छो जु सुंगरु खांदा छा वे तैं कुई भि कुछ नि दींदु छो।</verse>
				<verse number="17">जब वे तैं समझ ऐ त बुद्धिमानी से सुनण लगि गै तब बुल्ण लगि गै “मेरा बुबा का कथग ही मजदूरों तैं ये से जादा रुट्टि मिलदी छै इलै कि अर मि इख भुखी मुरण छौं।”</verse>
				<verse number="18">मि अब उठि के अपड़ा बुबा मा जौलु अर वेमा बुललु हे बुबा मिल परमेश्वर का विरोध मा अर तेरा खिलाफ मा पाप कैरी।</verse>
				<verse number="19">अब मि तेरा नौंना हूंण लैख भि नि रौं मि तैं एक मजदूर कि तरौं रखि दे।</verse>
				<verse number="20">तब उ वे देश तैं छोड़ी के अर अपड़ा बुबा मा जांणु कु वापिस चलि गै उ अभि दूर ही छो, कि वेका बुबा ल वे तैं देखि के तरस खै अर नौंना की अर दौड़ि कै वे तैं गौला लगै अर वेकी भुकि पीनि।</verse>
				<verse number="21">नौंनो ल बुबा कु बोलि, “पिता जी मिल परमेश्वर तक विरोध मा अर तेरा खिलाफ मा पाप कैरी अर अब मि तेरा नौंना हूंण का लैख नि रै ग्यों।”</verse>
				<verse number="22">पर वेका बुबा ल अपड़ा नौकरों कु बोलि, “झट से अच्छो कपड़ा निकलै वे तैं पैरावा अर वेका अंगुली मा अंगुंठी अर खुठौं मा जुता पैरावा।”</verse>
				<verse number="23">अर बछड़ा कु बड़ो भोज तैयार कैरी कि हम खां अर अनन्द मणां।</verse>
				<verse number="24">किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।</verse>
				<verse number="25">पर ये दौरान जब यु सब हूंणु छो वेको बड़ो नौंनो पुंगड़ा मा काम कनु छो। जब उ आंदी बगत घौर का नजीक पौंछि त वेल गाणा बजांण अर नाचणै की आवाज सूंणि।</verse>
				<verse number="26">त वेल एक नौकर बुलै अर पूछि यु क्य हूंणु च?</verse>
				<verse number="27">वेल वेकु बोलि, “तुमारो भुल्ला घौर वापिस अयुं च अर तुमारा बुबा ल पल्या बछड़ा तैं मारि किलैकि उ सूखि सन्ति घौर वापिस ऐ गै।”</verse>
				<verse number="28">यु सूंणि के उ गुस्सा मा भुरे गै अर घौर मा भितर नि जांणु छो अर इलै वेको बुबा भैर ऐ के वे तैं भितर जांणु कु मनांण लगि गै।</verse>
				<verse number="29">वेल बुबा कु बोलि, देखा मि इथग बरसों बट्टी तुमारी सेवा कनु छौं अर कभि भि तुमारो बुल्युं नि टाली तुम ल मि तैं कभि भि कुछ भि अच्छो नि दींनि कि मि भि अपड़ा दगड़ियों का दगड़ी आनन्द मणांदु।</verse>
				<verse number="30">पर जब तुमारो यु नौंनो ऐ, जैल तुमारी धन दौलत बुरा कामों मा उड़ैयेलि अर वापिस अयुं च त तुम ल वेको बछड़ा कु बड़ो भोज तैयार कयुं च।</verse>
				<verse number="31">बुबा ल बड़ा नौंना मा बोलि, हे मेरा नौंना तु त सदनी मेरा दगड़ा मा छै अर जु कुछ मेरू च उ सब तेरु ही त च।</verse>
				<verse number="32">पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।</verse>
			</chapter>
			<chapter number="16">
				<verse number="1">फिर वेल चेलों कु भि यु मिसाल मा बोलि, “कै सेठ को एक भंडारी छो अर लुखुं ल वेमा वेका भंडारी पर भंगार लगै कि उ तेरी सैरी धन दौलत उड़ाणु च।”</verse>
				<verse number="2">त धनवान ल भण्डारी तैं बुलै कै बोलि, यु क्य च जु मि तेरा बारा मा सुनणु छौं? तिल मेरा धन कु क्य कैरी अपड़ो हिसाब बतौ किलैकि अगनैं अब तिल भंडारी नि रांण।</verse>
				<verse number="3">तब भंडारी सुचण लगि गै कि अब मि क्य करलो? किलैकि मेरू स्वामि मि बट्टी भंडारी कु काम छिनणु च। माटु त मिल नि खैणि सकण अर भीख मंगण मा मि तैं शर्म आंदी।</verse>
				<verse number="4">अब मि समझी ग्यों कि मिल अब क्य कन कि जब मि भंडारी का काम बट्टी छुड़ैये जौलु त लोग मेरी मदद करला।</verse>
				<verse number="5">तब वेल अपड़ा स्वामि का देणदारों तैं एक-एक कैरी कै बुलै अर पैला तैं पूछि, त्वे पर मेरा स्वामि को कथग कर्ज च?</verse>
				<verse number="6">वेल बोलि, सौ मन जैतून कु तेल वेल बोलि, यु अपड़ो खाता बै बैठी इलै दुसरा नयो खाता मा बदली के पचास लिखीं दे।</verse>
				<verse number="7">फिर वेल हैंका तैं पूछि, त्वे पर कथग कर्ज च? वेल बोलि, सौ मन ग्यूं का बीज त वेल वेको बोलि, अपड़ो खाता बै पकड़ अर अस्सि लिखीं दे।</verse>
				<verse number="8">मालिक ल वे अधर्मी भंडारी कि पुलबैं कैरी कै कि वेल बड़ी चकड़ैति से काम यु सच च की यु जन यु दुनिया का लोग अपड़ा बगत का लुखुं का दगड़ी बरतौ कन मा उज्यला का लुखुं बट्टी जादा चालाक च।</verse>
				<verse number="9">अर मि तुम मा बुल्णु छौं कि अधर्म का छौंद अफ कु दगड़िया बणै इलै की जब तक पैसा कु इस्तेमाल नि कैर सकदु अर्थात जब तुम मौर जैला, त अनन्तकाल का डेरा मा तुमारो आदर किये जालो।</verse>
				<verse number="10">जु छुटी-छुटी बातों मा ईमानदार च, उ बड़ी बातों मा भि ईमानदार होलो अर जु भौत छुटी बातों मा बेमान च, उ बड़ी बातों मा भि बेमान ही च।</verse>
				<verse number="11">इलै जब सांसारिक धन मा ईमानदार न ठैरा, त स्वर्गीय धन तुम तैं कैल सौंपण?</verse>
				<verse number="12">अर जु तुम पराया धन मा ईमानदार नि ठैरला, त कैल तुम तैं अपड़ा आप तैं प्रबंध कनु कु कुछ दयाला?</verse>
				<verse number="13">कुई मनिख एक ही बगत पर द्वी स्वामियों कि सेवा नि कैरी सकद किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।</verse>
				<verse number="14">फरीसी जु लोभि छा यु सभि बात सूंणि के वेको मजाक कन लगि गैनी।</verse>
				<verse number="15">यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।”</verse>
				<verse number="16">जब तक यूहन्ना बप्तिस्मा दींणवलों ऐ, तब तक मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वला का तुम्हरो मार्गदर्शक च इलै अब स्वर्ग का राज्य कु शुभ सन्देश प्रचार किये जांद अर हर कुई भितर जांणु कु उत्सुक च।</verse>
				<verse number="17">आसमान अर धरती त टलि जाली पर मूसा द्वारा लिखीं परमेश्वर की व्यवस्था कि एक भि मात्रा या एक बिंदु भि बगैर पूरी हुयां नि टललो।</verse>
				<verse number="18">“उदाहरण कु कुई आदिम अपड़ी घरवलि तैं तलाक दे के हैंकी जनन का दगड़ा मा ब्यो करलो त तब उ वीं पैली का खिलाफ व्यभिचार करदो अर जु घरवलि अपड़ा आदिम तैं छोड़ी के हैंका आदिम का दगड़ा मा ब्यो कैर त व भि व्यभिचार करदी।”</verse>
				<verse number="19">यीशु ल एक और मिसाल सुणै एक धनवान मनिख छों जु मलमल का बैंगनी कपड़ा पैरदो छो अर हरेक दिन सबसे बढ़िया खांणु करदो छो।</verse>
				<verse number="20">वेका चौक मा लाजर नौं कु एक कंगाल जै की देह मा फोड़ा छा लये जान्दु छो अर धनवान मनिख का फाटक पर बठैये जान्दो छो।</verse>
				<verse number="21">अर उ चांदु छो कि धनवान मनिख का खांणा का बाद फिक्यां टुकड़ों ल अपड़ो पुटगा भोरु इख तक कि कुकुर भि वेका घौ चाटदा छा।</verse>
				<verse number="22">अर तब इन हवे कि उ गरीब मोरि गै अर स्वर्गदूत ल वे तैं अब्राहम मा सम्मान का जगह पर पौंछै दींनि, अर उ सेठ भि मोरि गै अर वे तैं दफनै दींनि।</verse>
				<verse number="23">अर तब नरकलोक मा दुख मा पोड़ी कै अपड़ा मथि देखि अर दूर बट्टी अब्राहम मा लाजर तैं देखि।</verse>
				<verse number="24">तब वेल ऊंची आवाज मा चिल्लै कै बोलि, हे बुबा अब्राहम मि पर दया कैरी कै लाजर तैं भेजि दे कि उ अपड़ी अंगुली तैं पांणी मा भिगै के मेरी जीभ तैं ठंड़ो करलो किलैकि मि ईं ज्वाला मा पिड़ा मा छों।</verse>
				<verse number="25">पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।”</verse>
				<verse number="26">यूं बातों का अलावा हमारा अर तुमारा बीच एक भौत बड़ी खाई च जु कुई इख बट्टी तैं छाला आंण चौ वेल नि जै सकण अर न तख बट्टी कैल ये छाला ऐ सकण।</verse>
				<verse number="27">त वेल बोलि, हे बुबा जी मि तुम मा बिनती करदु कि तुम लाजर तैं मेरा बुबा का घौर भेजा</verse>
				<verse number="28">किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ।</verse>
				<verse number="29">अब्राहम ल वेको बोलि, ऊं तैं चेतावनी दींणु कु मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो का लेख छिनी ऊं तैं वेकी सुनण चयण अर वेको पालन कैरी के मन फिराण चयणु च।</verse>
				<verse number="30">वेल बोलि, न हे बुबा अब्राहम पर कुई अर तुम तैं चेतावनी दे, त उ अपड़ा पापों कु पश्चाताप कैर अर मन फिरा।</verse>
				<verse number="31">वेल वेकु बोलि, “जब उ मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की आज्ञा नि मणदींनि त कुई भि मुरयां मा बट्टी ज्यूँदो हवे जौ, तब भि वेकी बातों पर विश्वास नि करिल्या।”</verse>
			</chapter>
			<chapter number="17">
				<verse number="1">फिर वेल अपड़ा चेलों मा बोलि, यु बात पक्की च अजमैश मनिख्युं मा जरुर आली जु ऊंको पाप का कारण बंणलि पर हाय वे मनिख पर जैका कारण उ आली।</verse>
				<verse number="2">जु कुई यूं छुटों मा बट्टी जु मि पर विश्वास करदींनि ऊं तैं उतेडो लगौ त वेको त यु भलो च कि उ अपड़ा गौळा मा जंदरा को पाट लटकाये जौं अर उ समुद्र मा डाले जौं।</verse>
				<verse number="3">सावधान रावा की तु क्य कनि छैं जु तेरा विश्वासी भैय ल अपराध कैर त वे तैं डांट अर जु उ पछतौ त वे तैं माफ कैर।</verse>
				<verse number="4">जु दिन भर मा उ सात बार भि अपराध अर सातों बार त्वे मा फिर ऐ के बोलु कै पछतांणु च त वे तैं माफ कैर।</verse>
				<verse number="5">तब प्रेरितों ल प्रभु यीशु मा बोलि हमारो विश्वास तैं और मजबूत कैर</verse>
				<verse number="6">मि तुम मा सच-सच बुल्णु छौं जु कुई यु डांडा कु बुललो तु उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि भरोसो कैर कि जु बुल्णु छौं उ हवे जालो त वेको उन ही हवे जालो।</verse>
				<verse number="7">जु तुमारा नौकर पुंगडा मा हौल लगै के या ढिबरों की देख रेख कैरी के घौर ऐ त क्य तुम बुल्या, तुरंत औ अर खांणु खांण बैठ?</verse>
				<verse number="8">न बल्कि उ बुलालो कि “मेरू खांणु बणौ अर जब तक मि खौलु प्यूलु तब तक मेरी सेवा कनु कु तैयार हवे जा।”</verse>
				<verse number="9">क्य उ वे नौकर को एहसान मानलु कि वेल उ ही काम करिनी ज्यां कि वे तैं आज्ञा दीं छै?</verse>
				<verse number="10">वे रीति से जब तुम ल उ सब कुछ कैरी याली जु तुम तैं कनु कु बुलै गै छो त तुम तैं यु बुल्ण चयणु च, हम निकम्मा दास छा की जु हम तैं कन चयणु च उ ही करयूं च।</verse>
				<verse number="11">जब यीशु अर वेका चेला यरूशलेम शहर की तरपां जांण वला रस्ता पर जांणा छा सामरिया प्रान्त अर गलील जिला का सीमा मा हवे के जांणु छो।</verse>
				<verse number="12">कै गौं मा जांदी बगत ऊं तैं दस कोढ़ी मिलिनि।</verse>
				<verse number="13">ऊंल दूर खड़ो हवे के धै लगै के बोलि, “हे यीशु हे स्वामि हम पर दया कैरा”</verse>
				<verse number="14">यीशु ल ऊं तैं देखि के बोलि, “जावा अर अफ तैं यहूदी याजक तैं दिखावा की तुम खूब हवे गै छा, अर उ जांदु ही खूब हवे गैनी। ”</verse>
				<verse number="15">तब ऊंमा बट्टी एक ल देखि कि मि खूब हवे गौं जोर से चिल्लै कै परमेश्वर कि बढ़ै कैरी के यीशु मा वापिस ऐ</verse>
				<verse number="16">अर यीशु का खुट्टों मा पोड़ि के धन्यवाद कन लगि गै अर यु आदिम सामरी जाति कु छो।</verse>
				<verse number="17">यां पर यीशु ल बोलि, “क्य दसों आदिम खूब नि हवे छा त फिर उ नौं कख गैनी?”</verse>
				<verse number="18">क्य यु गैर यहूदी तैं छोड़ी के और कुई नि निकली जु परमेश्वर की बढ़ै करदो?</verse>
				<verse number="19">तब यीशु ल वेकु बोलि, “उठि के चलि जा किलैकि तिल विश्वास कैरी इलै तु बचै गै।”</verse>
				<verse number="20">जब फरीसियों ल वेमा पूछि, कि परमेश्वर का राज्य ल कब आंण अर वेको क्य चिन्ह च त वेल ऊं तैं जवाब दे “परमेश्वर को राज्य दिख्योंदु नि च।”</verse>
				<verse number="21">अर लोग इन नि बुलला “देखा इख च या उख च। किलैकि देखा परमेश्वर कु राज्य तुमारा बीच मा च।”</verse>
				<verse number="22">फिर वेल चेलों कु बोलि, “उ दिन आला जौं मा तुम मि मनिख का नौंनो का दिनों मा बट्टी एक दिन तैं दिखण चैल्या अर नि देखि सकिल्या।”</verse>
				<verse number="23">लोग तुम मा बुलला “देखा मसीह उख च! देखा इख च! पर तुम चलि जयां अर ऊंकु पीछा नि करयां।”</verse>
				<verse number="24">किलैकि जन बिजली आसमान मा पूरब बट्टी पश्चिम तक चमकदी उन ही मि मनिख कु नौंनो कु औंण भि होलो।</verse>
				<verse number="25">पर पैली जरूरी च कि भौत जादा दुख उठै, अर ईं पीढ़ी का लोग वे तैं तुच्छ ठैराला।</verse>
				<verse number="26">जन पूर्वज नूह का दिन मा छा उन ही मि मनिख कु नौंनो को औंण भि होलो।</verse>
				<verse number="27">जै दिन तक कि नूह जहाज पर नि चैड़ि छो वे दिन तक लोग खांदा पींदा छा अर ऊंमा ब्यो-पग्नि हूंदी छा तब जल प्रलै ल ऐ के ऊं सभियूं तैं नाश कैरी दींनि।</verse>
				<verse number="28">अर उ जन हमारा पूर्वज लूत, जु सदोम शहर मा रौंदु छो कि लोग खांदा पींदा लेन देन करदां डाला लगांदा अर घौर बणांदा छा</verse>
				<verse number="29">पर जै दिन लूत सदोम बट्टी निकली वे दिन स्वर्ग बट्टी आग अर गंधक बरसि अर सब लोग जु शहर मा छा नाश कैरी दींनि।</verse>
				<verse number="30">अर वे दिन भि यु जन होलो जब मि मनिख कु नौंनो को अचानक से दुबारा वापिस आलो।</verse>
				<verse number="31">जु छत पर हूंनु उ अपड़ा घौर बट्टी कुछ समान लींणु कु मूड़ी घौर का भितर नि उतरुनु, अर जु पुंगड़ा मा हो उ अपड़ा कपड़ा लींणु कु घौर कु पिछनै नि लौटु।</verse>
				<verse number="32">हमारा पूर्वज लूत कि जनन तैं याद कैरा की वेकी जनन दगड़ी की हवे छो</verse>
				<verse number="33">किलैकि जु कुई अपड़ो जीवन बचौण चौ उ वे तैं गवांलू पर जु कुई मेरा बाना अर शुभ सन्देश का बाना अपड़ा आत्मा तैं गवांलू उ अनन्त जीवन तैं पालो।</verse>
				<verse number="34">मि तुम मा बुल्णु छौं वीं राती द्वी मनिख एक खाटि मा होला ऊंमा बट्टी एक लिये जालो अर हैंको छुड़े जालो।</verse>
				<verse number="35">द्वी जनन जंदरु पिसंणि राली ऊंमा बट्टी एक लिये जालि अर हैंकी छुड़े जालि।</verse>
				<verse number="36">द्वी आदिम पुंगड़ा मा होला त एक लिये जालो अर हैंको छोड़े जालो।</verse>
				<verse number="37">यु सूंणि कै ऊंल वेमा पूछि, “हे प्रभु यु कख हूंण? वेल ऊंमा बोलि, सभि तैं पता चलि जालि की इन कख हूंणु जन कि सभि तैं पता च जख शव हूंदु, उखि गरुड़ कठ्ठा हवाला।”</verse>
			</chapter>
			<chapter number="18">
				<verse number="1">यीशु ल अपड़ा चेलों मा बोलि, यांका बारा मा कि सदनी परमेश्वर बट्टी प्रार्थना कन, अर हिम्मत नि छोड़ण चयणी च इलै वेल यु मिसाल दींनि,</verse>
				<verse number="2">“कै शहर मा एक न्याय कन वलो रौंदो छो जु न त परमेश्वर से डरदु छो अर न ही लुखुं कि परवाह करदो छो।”</verse>
				<verse number="3">वे शहर मा एक विधवा भि रांदि छै ज्वा वेमा बार-बार ऐ के बुल्दी छै “मेरू न्याय चुकै के मि तैं दुश्मन बट्टी बचौ।”</verse>
				<verse number="4">वेल भौत दिनों तक त उन ही मांणी पर आखिर मा विचार कैरी के वेल बोलि, हालांकि मि परमेश्वर से नि डरदु अर न ही मनिख्युं कि परवाह करदु</verse>
				<verse number="5">तब भि या विधवा मि तैं सतौंणी रांदि इलै मिल ई को न्याय चुकाण कखि इन नि हो कि बार-बार ऐ के आखिर मा मेरी नाक मा दम कैरी द्यो।</verse>
				<verse number="6">प्रभु यीशु ल बोलि, “यु अन्यायी न्यायी बत्ति सबक सीखा?”</verse>
				<verse number="7">परमेश्वर अपड़ा चुणयां लुखुं कु जु दिन रात वेका संमणी रूंदा छिन न्याय करलो वे वेकी मदद कन मा देर नि करलो?</verse>
				<verse number="8">मि तुम मा बुल्णु छौं “उ तुरंत ऊंको न्याय चुकालो इलै तब मि मनिख कु नौंनो आलो त मि तैं धरती पर कथग लोग मिलला जु मि पर विश्वास करला?”</verse>
				<verse number="9">अर वेल ऊं लुखुं से जु अपड़ा बारा मा सुचदा छा कि हम धर्मी छा अर दूसरों तैं तुच्छ समझदा छा या मिसाल दींनि</verse>
				<verse number="10">द्वी आदिम यरूशलेम शहर का मन्दिर मा परमेश्वर बट्टी प्रार्थना कनु कु गैनी एक फरीसी छो अर हैंको चुंगी लींण वलो छो।</verse>
				<verse number="11">फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं।</verse>
				<verse number="12">मि हप्ता मा द्वी बार उपवास रखदु, मि अपड़ी सैरी कमै कु दसवां हिस्सा तुम तैं दींदु।</verse>
				<verse number="13">पर चुंगि लींण वला ल दूर खड़ो हवे के स्वर्ग की तरपां देखी भि नि चाह, पर अपड़ा दुःख का दगड़ी अपड़ी छाति पीट-पीट कै बोलि, “हे परमेश्वर मि एक पापी छों मि पर दया कैर अर मि तैं माफ कैर”</verse>
				<verse number="14">विश्वास कैरा, सच मा यु चुंगी लींण वला (परमेश्वर बट्टी) धर्मी घोषित किये जांण पर घौर लौटि, न की उ फरीसी, किलैकि हरेक, जु खुद तैं बड़ो बणांदों च, छुटो बणै दिये जालो पर “जु आदिम खुद बट्टी नम्र हवे जांदु उ ऊंचो उठै जांद।”</verse>
				<verse number="15">फिर लोग नौन्याळु तैं वेमा लाणा रैनी कि यीशु ऊंका मुंड मा हथ रखि के आशीष द्यो, पर चेलों ल लोग घुड़कि दींनि।</verse>
				<verse number="16">यीशु ल यु देखि कै गुस्सा मा ऊंकु बोलि, “बच्चों तैं मि मा आंण द्या ऊंकु मना नि कैरा किलैकि उ ही लोग जु बच्चों जन विश्वासयोग्य अर विनम्र छिनी परमेश्वर का राज्य ऊंको ही च, जु यूं बच्चों का जन च।”</verse>
				<verse number="17">मि तुम मा सच बुल्ण छौं कि, “जु कुई परमेश्वर का राज्य तैं बच्चों जन अपणालो वेल ही परमेश्वर का राज्य मा जै सकण।”</verse>
				<verse number="18">कै मुखिया ल वे तैं पूछि, “हे उत्तम गुरु जी अनन्त जीवन कु वारिस हूंणु कु मि क्य काम कैरू?”</verse>
				<verse number="19">यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई अच्छो नि च।”</verse>
				<verse number="20">तु परमेश्वर की आज्ञाओं तैं त जंणदी ही छै, हत्या नि कन, व्यभिचार नि कन, चोरी नि कन, झूठी गव्है नि दींण, कै तैं अपड़ा फैदा कु कै तैं धोखा नि दींण अपड़ा बुबा अर ब्वे कु आदरमान कन।</verse>
				<verse number="21">वेल बोलि, “गुरु जी यूं सभियूं आज्ञाओं तैं मि बचपन बट्टी मंणदी अयुं।”</verse>
				<verse number="22">यीशु ल वे तैं देखि, अर वेकु बोलि, “एक काम च जु त्वे तैं अभि भि कन जरूरी च जु कुछ धन सम्पति तेरु च वे तैं बेचि के गरीबों तैं बांटि दे, अर त्वे तैं स्वर्ग का राज्य मा धन मिललो अर मेरू चेला बण के मेरा पिछनैं हवे जा।”</verse>
				<verse number="23">वेल ई बात तैं सूंणि त वेका मुक पर उदासी छै गै अर उ दुखी हवे के चलि गै किलैकि उ भौत सेठ छो।</verse>
				<verse number="24">यीशु ल देखि के बोलि, “धनवान लुखुं को परमेश्वर का राज्य मा जांण भौत मुश्किल च।”</verse>
				<verse number="25">धनवान लुखुं को परमेश्वर का राज्य मा जांण भौत मुश्किल च पर, “ऊंट कु सुई का नाका मा बट्टी निकली जांण आसान च।”</verse>
				<verse number="26">जब चेलों ल यु सूंणि, “जु इन च त कुई भि अपड़ा पापों की सजा बट्टी बचि नि सकद।”</verse>
				<verse number="27">यीशु ल ऊंकी तरपां देखि के बोलि, “यु मनिख्युं बट्टी नि हवे सकद पर परमेश्वर कु सब कुछ संभव च।”</verse>
				<verse number="28">पतरस ल यीशु तैं पूछि, “हम त तेरु चेला बंणि के सभि कुछ छोड़ी के तेरा पिछनै औंणा छा।”</verse>
				<verse number="29">यीशु ल ऊंमा बोलि, “मि तुम मा सच बुल्णु छौं इन कुई नि च जैल परमेश्वर का राज्य कु अपड़ो घौर, भैय बैणा, ब्वे-बुबा, बाल बच्चा, छोड़ी दींनि।”</verse>
				<verse number="30">अर यु बगत पर सताव का दगड़ा स्वर्गलोक मा कई गुणा जादा मिलालो अर अनन्त जीवन पाला।</verse>
				<verse number="31">फिर वेल बारहों तैं दगड़ा लिजै के ऊंमा बोलि, “देखा यरूशलेम शहर जांदी बगत बट्टा मा जथग बात मि मनिख कु नौंनो का बार मा परमेश्वर का तरपां बट्टी बुल्ण वलो ल लिखीं छिन ऊं सभि पूरी होलि।”</verse>
				<verse number="32">किलैकि मि अन्यजातियों का हथ मा सौंपी द्याला। अर उ मेरू मजाक ऊडाला, अर वेको अपमान करला, वे पर थुकला।</verse>
				<verse number="33">अर उ मि तैं खत्म कैरी द्याला, अर मि तिसरा दिन का बाद ज्यूँदो हवे जौलु।</verse>
				<verse number="34">पर ऊंल यूं बातों मा बट्टी कुई भि बात नि समझी अर या बात ऊं बट्टी छिपी रै अर जु बुलै छो उ ऊंकी समझ मा नि ऐ।</verse>
				<verse number="35">जब उ यरीहो शहर का नजीक पौंछि त एक अंधा सड़क का किनारा बैठी कै भीख मंगणु छो।</verse>
				<verse number="36">वेल भीड़ कु हिटण कि आवाज सूंणि त तब उ पुछण लगि गै “यु क्य हूंणु च”</verse>
				<verse number="37">ऊंल वे तैं बतै “यीशु नासरत वलो जांणु च।”</verse>
				<verse number="38">तब वेल धै लगै के बोलि, “हे यीशु, राजा दाऊद का वंशज मि पर दया कैरा।”</verse>
				<verse number="39">जु अगनैं-अगनैं जांणा छा लुखुं ल वे तैं डाँटि कि चुप रौ पर उ और भि जादा चिल्लांण लगि गै “हे प्रभु, राजा दाऊद कि संतान मि पर दया कैर”</verse>
				<verse number="40">तब यीशु ल खड़ो हवे के आज्ञा दींनि कि वे तैं मि मा ल्यावा अर जब उ नजीक ऐ त यीशु ल वे तैं पूछि।</verse>
				<verse number="41">“तु क्य चाँदि कि मि त्वे कु कैर” अंधा ल वेकु बोलि “गुरु जी यु कि मि दिखण लगि जौं।”</verse>
				<verse number="42">यीशु ल वेकी आंखों तैं छवे के बोलि, “दिखण लग, तेरु विश्वास ल जु मि पर च त्वे तैं बचैयेले।”</verse>
				<verse number="43">तब उ तुरंत दिखण लगि गै अर परमेश्वर बढ़ै करदी वेका पिछनै चलण लगि गै अर सभि लुखुं ल यु देखि के परमेश्वर कु गुणगान कैरी।</verse>
			</chapter>
			<chapter number="19">
				<verse number="1">यीशु यरीहो शहर मा प्रवेश कैरी कै जांणु छो।</verse>
				<verse number="2">उख जक्कई नौं कु एक आदिम रौंदु छो। जु चुँगी लींण वलो को मुखिया छो अर भौत सेठ छो।</verse>
				<verse number="3">उ यीशु तैं दिखण चांदु छो कि उ कन च? पर भीड़ का कारण देखि नि सकदु छो किलैकि उ छुटो कद कु आदिम छो।</verse>
				<verse number="4">तब वे तैं दिखणु कु उ अगनैं दौड़ि के एक गूलर का डाला मा चड़िगे किलैकि यीशु वे बट्टा बट्टी जांण वलो छो।</verse>
				<verse number="5">जब यीशु वीं जगह पर पौंछि जख जक्कई छो यीशु ल मथि नजर कैरी कै वेको बोलि, “हे जक्कई झट भुयां उतरी के औ किलैकि आज मिल तेरा घौर मा रौण जरूरी च।”</verse>
				<verse number="6">उ जल्दी डाला बट्टी भुयां उतरी अर यीशु तैं अपड़ा घौर ली गै अर आनन्द से वेको स्वागत कैरी।</verse>
				<verse number="7">यु देखि के लोग बबड़ट कन लगि गैनी “यीशु त एक पापी मनिख का घौर चलि गै।”</verse>
				<verse number="8">जक्कई ल खांणा का बगत उठ खड़ो हवे के प्रभु यीशु मा बोलि, “हे प्रभु देख मि अपड़ा अधा सम्पत्ति कंगालों तैं दे दींदु त जु मिल लुखुं बट्टी अन्याय कैरी के लियुं च त मि वे तैं चार गुणा लौटे दयुलु।”</verse>
				<verse number="9">तब यीशु ल वेकु बोलि, “आज यु घौर मा उद्धार ऐ गै इलै कि यु भि अब्राहम कु वंशज च।”</verse>
				<verse number="10">किलैकि मि मनिख कु नौंनो हरच्यां लुखुं तैं खुज्योंणु कु अर ऊं तैं बचौणु कु अयुं छों।</verse>
				<verse number="11">जब लोग यूं बातों तैं सुनणा छा त तब यीशु ल अपड़ी बात जारी रखि अर वेल एक मिसाल दींनि अब उ यरूशलेम शहर का नजीक छा अर लुखुं तैं लगि कि परमेश्वर कु राज्य भस आंण वलो च।</verse>
				<verse number="12">त वेल बोलि, “एक धनवान मनिख दूर देश चलि गै कि उख वे तैं राजपद पै के लौटि के ऐ जौं।”</verse>
				<verse number="13">वेल अपड़ा नौकरों मा बट्टी दस नौकरों तैं अफ मा बुलै ऊं तैं तीन मैना की मजदूरी दीं छै, अर ऊंकु बोलि, मेरा लौटण तक लींण दींण करयां।</verse>
				<verse number="14">पर वेका शहर का रांण वला वे बट्टी दुश्मनी रखदा छा अर वेका पीठ पिछनै दूतों मा रैबार भेजि कि हम नि चांदा कि यु हम पर राज्य कैर।</verse>
				<verse number="15">जब उ बड़ो ओहदा पै के लौटि त इन हवे कि वेल तीन मैना की मजदूरी दीं छै अफ मा बुलै कि पता कैर कि ऊंल लींण दींण कैरी के क्य कमै।</verse>
				<verse number="16">तब पैला ल ऐ के बोलि, “हे स्वामि तेरु चांदी को मोहर ल मिल दस और चांदी कु मोहर कमै।”</verse>
				<verse number="17">वेल वेकु बोलि, “साबास भला सेवक तु भौत कम मा भि भरोसो बंद निकली अब दस शहरों पर हक जमौ।”</verse>
				<verse number="18">दुसरा ल ऐ के बोलि, “हे स्वामि तेरा चांदी कु मोहर ल मिल पाँच और चांदी को मोहर कमै।”</verse>
				<verse number="19">वेल वेकु बोलि “तू भि पाँच शहरों कु अधिकारी बंणि जा।”</verse>
				<verse number="20">तिसरा ल ऐ के बोलि, “हे स्वामि देखा तेरा चांदी कु मोहर यु च जु मेरू सांफा पर बांधि के रख्युं छो।”</verse>
				<verse number="21">किलैकि मि त्वे बट्टी डरदु छो किलैकि तुम सख्त आदिम छै तु जु नि रखदि वे तैं उठांदी छै अर जु बुतदी नि छै वे तैं कटदी छै।</verse>
				<verse number="22">मालिक ल वेकु बोलि, “हे दुष्ट सेवक मि तेरा मुके की बातों ल त्वे तैं भंगारी ठैरांदु, जब तु मि तैं जंणदी छै कि मि सख्त मनिख छौं जु मिल नि रखि वे तैं उठांदु छौं अर जु मिल नि बूति वे तैं लौंदु छौं।”</verse>
				<verse number="23">त फिर तिल मेरू रुप्या सुनारु मा किलै रखि मि ऐ के अपड़ा धन तैं ब्याज समेत ले लींदु।</verse>
				<verse number="24">अर जु लोग नजीक खड़ा छा मालिक ल ऊंकु बोलि, “वे चांदी कु मोहर तैं वे बट्टी ले ल्या अर जै मा दस चांदी को मोहर छिन वे तैं दे द्यावा।”</verse>
				<verse number="25">मालिक ल ऊंमा बोलि, “हे स्वामि वेमा दस चांदी कु सिक्का छिन।”</verse>
				<verse number="26">मालिक ल ऊंमा बोलि, मि तुम मा बुल्णु छौं कि किलैकि जै मा थोड़ी भि मेरी बातों तैं समझणु की समझ छैं च वे तैं और दिये जालि पर वे तैं भि जु मा थोड़ा च वे बट्टी लिये जालो।</verse>
				<verse number="27">पर मेरा ऊं बैरियों तैं जु नि चांदा छा कि मि राजा बणु ऊं तैं इख मेरा संमणी लावा अर खत्म कैरा।</verse>
				<verse number="28">यूं बातों तैं बोलि, के यीशु यरूशलेम शहर की तरपां अपड़ा चेलों का दगड़ी अगनैं-अगनैं हिटी।</verse>
				<verse number="29">जब उ जैतून डाला का डांडा का किनारा पर बैतफगै अर बैतनिय्याह का गौं मा ऐ, त वेल अपड़ा चेलों मा बट्टी द्वी चेलों तैं इन बोलि के भेजि</verse>
				<verse number="30">“संमणी का गौं मा जावा अर उख पौंछि के तुम तैं एक गधा कु बच्चा जै पर अभि तक कैल भि सवारी नि कैरी हो तुम तैं बंधयूं मिललो वे तैं खोलि के इनै ल्यावा।”</verse>
				<verse number="31">जु तुम मा कुई भि कुछ पूछो कि इन किलै कना छा? त हमारा प्रभु तैं यु कि जरुरत च।</verse>
				<verse number="32">जु भिजे गै छा ऊंल जै के उन ही कैरी जन-जन वेल ऊंकु बुल्युं छो उन ही पै।</verse>
				<verse number="33">जब उ गधा का बच्चा तैं खुलणां छा त वेका मालिक ल ऊं तैं पूछि, “यु बच्चा तैं किलै खुलणां छा”</verse>
				<verse number="34">ऊंल बोलि, “प्रभु तैं ये कि जरुरत च।”</verse>
				<verse number="35">उ गधा कु बच्चा तैं यीशु मा लै के ऐनी अर वे पर अपड़ा भैरा का कपड़ा डलिनि अर यीशु तैं वे पर बैठै दींनि।</verse>
				<verse number="36">जब गधा कु बच्चा बैठी कै जांणु छो त लुखुं ल अपड़ा कपड़ा बट्टा मा बिछांदि जांणा छा।</verse>
				<verse number="37">जब यीशु वीं जगह का ढलान पै पौंछि जख बट्टी रस्ता यरूशलेम शहर का जैतून डाला का डांडा बट्टी कि उंदार मा जान्दो च चेलों कि सैरी मण्डलि ऊं सभि चमत्कार का कामों का खतिर जु ऊंल देखि छा खुश हवे के जोर कि आवाज मा परमेश्वर कु गुणगान कन लगि गैनी।</verse>
				<verse number="38">“धन्य च उ राजा जु परमेश्वर की सामर्थ से औंदु स्वर्ग मा शान्ति अर आकाश मा बढ़ै हो।”</verse>
				<verse number="39">तब भीड़ मा बट्टी कुछ फरीसी वेमा बुल्ण लगि गैनी “हे गुरु अपड़ा चेलों तैं डांट।”</verse>
				<verse number="40">वेल जवाब दींनि “मि तुम मा बुल्णु छौं कि जु उ लोग चुप राला त ढुंगा चिल्लांण लगि जाला।”</verse>
				<verse number="41">जब यीशु नजीक ऐ त यरूशलेम शहर तैं देखि के रूण लगि गै।</verse>
				<verse number="42">अर बोलि, “तुम कु कथग भलो हूंद, कि तु, हां, तू ही, ये दिन परमेश्वर जु शान्ति दींदी की उ तेरी आँखों बट्टी लुकि रौंदी।</verse>
				<verse number="43">किलैकि ऊं दिनों ल त्वे पर बैरी आला तुमारा चौतरफी बैरियों तैं खड़ा करला अर चौतरफी बट्टी त्वे तैं दबाला।</verse>
				<verse number="44">तेरु बैरी त्वे तैं पूरा ढंग से नष्ट कैरी दयाला अर तेरु पूरो शहर का लुखुं तैं माटा मा मिलै दयाला अर तेरा ढुंगा मा ढुंगा भि नि राला जु ढोळे नि जालो किलैकि तिल वे मौका तैं जब त्वे पर कृपा की नजर करे गै छै नि पछयांणी।”</verse>
				<verse number="45">तब उ यरूशलेम शहर का मन्दिर मा जै के व्यापारियों तैं भैर निकलण लगि गै।</verse>
				<verse number="46">अर यीशु ल ऊंकु बोलि, “परमेश्वर का वचन मा लिख्युं च कि मेरू घौर परमेश्वर बट्टी प्रार्थना कु मन्दिर होलो? पर तुम ल ये तैं डकैतों कु उडयार बणैयेलि।”</verse>
				<verse number="47">उ हमेशा यरूशलेम शहर का मन्दिर मा उपदेश दींदु छो, अर प्रधान याजक अर मूसा की व्यवस्था तैं सिखांण वला अर लुखुं का मुखिया यीशु तैं नाश कनु कु मौका खुज्योंण लगि गैनी।</verse>
				<verse number="48">पर कुई ब्यूंत नि कैरी सकिनि कि यु कनके करुला किलैकि लोग बड़ी चाह से वेकी सुणदा छा।</verse>
			</chapter>
			<chapter number="20">
				<verse number="1">एक दिन इन हवे कि जब यीशु यरूशलेम शहर का मन्दिर मा लुखुं तैं उपदेश दींणु छो अर शुभ सन्देश प्रचार सुणौंणु छो त प्रधान याजक, दाना-सयाणों अर मूसा की व्यवस्था तैं सिखांण वला का दगड़ी ऐ के</verse>
				<verse number="2">अर बुल्ण लगि गैनी, “हम तैं बतौ तु यूं कामों तैं कनु कु त्वे तैं क्य अधिकार च अर यु अधिकार त्वे तैं कैल दींनि कि तु यु काम कैर।”</verse>
				<verse number="3">यीशु ल ऊं तैं जवाब दींनि, “मि भि तुम मा एक बात पुछणु छौं, मि तैं बतौ, त मि तुम तैं बतौलु कि यु काम मि कै अधिकार से करदु।”</verse>
				<verse number="4">यूहन्ना तैं बपतिस्मा दींणु कु कैल भेजि? स्वर्ग बट्टी परमेश्वर ल या मनिख्युं ल?</verse>
				<verse number="5">“तब उ आपस मा बातचित कन लगि गैनी कि जु हम बुलुला कि स्वर्ग बट्टी त वेल हम तैं पुछण, फिर तुम ल वेको विश्वास किलै नि कैरी?”</verse>
				<verse number="6">जु हम बोलुला कि मनिख्युं कि तरपां बट्टी छो सभि लुखुं ल हम पर ढुंग्यो लगाण किलैकि उ सच्ची कै जंणदा छिन कि यूहन्ना सचमुच मा परमेश्वर का तरपां बट्टी बुल्ण वलो छो।</verse>
				<verse number="7">तब ऊंल यीशु तैं जवाब दींनि, “हम नि जंणदा, की उ कख बट्टी छो।”</verse>
				<verse number="8">“यीशु ल ऊंमा बोलि, मि भि तुम तैं नि बतौंणु छौं कि मि यु काम तैं कैका अधिकार से करदु।</verse>
				<verse number="9">तब वेल लुखुं तैं या मिसाल दींनि कै एक आदिम ल अपड़ा अंगूर का बगिचा मा कुछ अंगूर लगैन अर किसानों तैं वेको ठेका दे के अर भौत दिनों कु दूर परदेश चलि गै।”</verse>
				<verse number="10">जब अंगूर का बगिचा कु पक्कणो कु बगत पूरो हवे त वेल ऊं किसानों मा एक सेवक तैं भेजि कि उ वे बगिचा का अंगूरों कु फलों का भाग वे तैं द्या पर किसानों ल सेवकों तैं पकड़ी के पीटि दींनि अर खालि हथ स्वामि मा लौटे दींनि।</verse>
				<verse number="11">फिर वेल एक और सेवक तैं भेजि अर ऊंल वेकु कपाल फोड़ि दींनि अर वेकी बेज्जती कैरी के खाली हथ लौटे दींनि।</verse>
				<verse number="12">फिर वेल तिसरो भेजि, अर ऊंल उ भि घैल कैरी कै भैर निकली दींनि।</verse>
				<verse number="13">तब वे अंगूर का बगिचा का स्वामि ल बोलि, “अब मि क्य जि कैरु? आखिर मा वेल अपड़ा प्रिय नौंनो तैं इन सोचि के भेजि, की शायद उ मेरा नौंना कु आदर करला।”</verse>
				<verse number="14">पर किसानों ल नौंना तैं देखि की आपस मा बोलि, यु त वारिस च आवा, हम वे तैं मारि दयूला अर तब वेकी सभि जयजाद हमारी हवे जालो।</verse>
				<verse number="15">अर किसानों ल वे तैं खत्म कैरी दींनि अर लांश तैं अंगूर का बगिचा का भैर डोल दींनि। इलै जब अंगूरों का बगिचा कु स्वामि आलो त ऊं किसानों दगड़ी क्य करलो?</verse>
				<verse number="16">उ ऐ के ऊं किसानों तैं बुरी रीति बट्टी नाश करलो अर अंगूर का बगिचा का ठेका और किसानों तैं दयालो, जु बगत पर वे तैं फल दींणा राला, यु सूंणि के ऊंल लुखुं कु बोलि, “परमेश्वर कैरो त इन नि हो।”</verse>
				<verse number="17">वेल फिर ऊंकी तरपां एकटक देखि के बोलि, “फिर परमेश्वर का वचन मा क्य लिख्युं च जै ढुंगा तैं राजमिस्त्रियों ल निक्कमो ठैरे छो उ ही कोणा कु सिरा हवे गै ”</verse>
				<verse number="18">जु कुई भि वे ढुंगा पर पुड़लो वेल कतर-कतर हवे जांण जै पर उ पुड़लो वे तैं पीसि दयालो।</verse>
				<verse number="19">वीं बगत मूसा की व्यवस्था तैं सिखांण वला अर प्रधान याजक ल ऊं तैं पकड़न चै किलैकि उ समझी गै छा कि वेल या मिसाल ऊं पर दींनि पर उ लुखुं से डौर गैनी।</verse>
				<verse number="20">अर उ यीशु कि ताक मा लगयां रैनी अर ऊंल गुप्तचर भिजिनि कि उ धर्म कु भेष रचि के यीशु तैं क्य-क्य बात पर पकड़नु अर वे तैं राज्यपाल का हथ मा अर अधिकार मा सौंपी द्ये।</verse>
				<verse number="21">“हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां?”</verse>
				<verse number="22">इलै हम तैं बतौ क्य हम तैं कैसर तैं कर दींण ठिक च, की नि च?</verse>
				<verse number="23">वेल ऊंकी चकड़ेति भांपि के ऊंकु बोलि</verse>
				<verse number="24">एक दीनार जु एक दिन की मजदूरी च मि तैं दिखावा ये पर कैकी छाप अर नौं च? ऊंल बोलि कैसर कु।</verse>
				<verse number="25">यीशु ऊंकु बोलि, “त जु कैसर कु च, वे तैं कैसर तैं द्यावा, अर जु परमेश्वर कु च, वे तैं परमेश्वर तैं द्या।”</verse>
				<verse number="26">उ लुखुं का संमणी ई बात पर यीशु तैं पकड़ी नि सकिनि बल्कि वेका जवाब से हक बक रै के चुप हवे गैनी।</verse>
				<verse number="27">फिर सदूकी जु बुल्दींनि कि मुर्दों कु कभि ज्यून्दो हूंण नि हवे सकद त ऊंमा बट्टी कुछ ल वेमा ऐ के पूछि,</verse>
				<verse number="28">“हे गुरु मूसा ल हम कु इन लिख्युं च जु कै को भैय अपड़ी घरवलि का छौंद बेऔलाद मोरि जौ त वेको भैय वेकी घरवलि का दगड़ा ब्यो कैर अर अपड़ा भैय कु वंश अगनैं बढ़ौ।”</verse>
				<verse number="29">एक घौर मा सात भैय छा, अर सबसे बड़ो भैय ब्यो कैरी निसंतान मोरि गै।</verse>
				<verse number="30">तब दुसरा ल भि इन ही कैरी अर उ भि मोरि गै।</verse>
				<verse number="31">अर तिसरा ल भि वीं जनन का दगड़ा मा ब्यो कैरी अर इन कै उ सात भैय बगैर औलाद मोरि गैनी।</verse>
				<verse number="32">आखिर मा व जनन भि मोरि गै।</verse>
				<verse number="33">ज्यून्दो हूंण पर व ऊंमा बट्टी कैकी जनन हवेलि? किलैकि व सातों भैय कि जनन हवे गै छै।</verse>
				<verse number="34">यीशु ल ऊंकु बोलि, “यु जुग का लुखुं मा त ब्यो हूंदो च, अर ब्यो कु दिये जांदी।</verse>
				<verse number="35">पर जु लोग ये लैख ठैराला वे जमना मा जाला अर मुरयां मा बट्टी ज्यून्दो हवे जाला, त ऊंल न त ब्यो कन न ब्यो मा दिये जांण।</verse>
				<verse number="36">ऊंल फिर मुरण भि नि च, किलैकि स्वर्ग मा स्वर्गदूत कि जन होला, अर उ मुरयां बट्टी ज्यून्दो हूंण से परमेश्वर कि संतान भि होला।</verse>
				<verse number="37">पर यु बात सच्ची च, कि मुरयां भि ज्यूँदो हवे जंदींनि, मूसा ल भि झाड़ि वलि मिसाल मा प्रगट कैरी कि वेल प्रभु कु अब्राहम कु परमेश्वर, इसहाक कु परमेश्वर, याकूब कु परमेश्वर बोलि।</verse>
				<verse number="38">परमेश्वर मुरयां मनिख्युं कु न बल्कि ज्यूंदों कु परमेश्वर च, वेको सब ज्यूंदों छिन।”</verse>
				<verse number="39">तब यु सूंणि के मूसा की व्यवस्था तैं सिखांण वलो मा बट्टी कुछों ल बोलि, “हे गुरु तुम ल ठिक बोलि।”</verse>
				<verse number="40">अर तब कै तैं भि ऊंमा कुछ सवालों तैं पुछणो कु हिम्मत नि हवे।</verse>
				<verse number="41">फिर यीशु ल ऊं तैं पूछि, मसीह कु दाऊद कु वंशज किलै बुल्दींनि?</verse>
				<verse number="42">राजा दाऊद अफी भजन संहिता कि किताब मा बुल्दो च। प्रभु ल मेरा प्रभु मा बोलि।</verse>
				<verse number="43">“मेरा दैंणा बैठ। जब तक कि मि तेरा बैरियों तैं तेरा खुट्टों का मूड़ी की चौकी नि कैर द्यों।”</verse>
				<verse number="44">जब राजा दाऊद ही मसीह कु प्रभु बुल्दो त फिर उ वेकु वंशज कनके ठैरी?</verse>
				<verse number="45">जब सभि लोग सुनणा छा त वेल अपड़ा चेलों कु बोलि।</verse>
				<verse number="46">“मूसा की व्यवस्था तैं सिखांण वलो बट्टी चौकस रयां, जु लम्बा-लम्बा चोला पैरी के समाज का बीच मा घुमण अर जौं तैं बाजारों मा प्रणाम अच्छो लगद, अर यहूदियों का मिलणा का भवन मा मुख्य आसण अर खांण मा मुख्य जगह प्रिय लगद।”</verse>
				<verse number="47">उ विधवों का घौर तैं खै जंदींनि जांको मतलब च बेमानी ल हर चीज पर अपड़ो कब्जा कैरी दींदिनि अर लुखुं तैं दिखांणु कु भौत देर तक परमेश्वर बट्टी प्रार्थना करदींनि यूं ल परमेश्वर बट्टी जादा सजा पांण।</verse>
			</chapter>
			<chapter number="21">
				<verse number="1">फिर वेल नजर उठै के सेठ शौकरों तैं अपड़ा-अपड़ा पैसों तैं दान भंडार मा डल्द देखि।</verse>
				<verse number="2">अर यीशु ल एक कंगाल विधवा तैं द्वी तांबा का सिक्का डल्द देखि, जुंकि कीमत भौत कम छै।</verse>
				<verse number="3">त यीशु ल बोलि, “मि तुम मा सच बुल्णु छौं कि ई कंगाल विधवा ल सबसे जादा अर बड़ी के डाली।”</verse>
				<verse number="4">किलैकि सभि लोग जु धनवान छा, अपड़ा धन कि बढ़ती मा बट्टी कम डाली पर वीं ल अपड़ी घटति मा बट्टी जु कुछ वीं मा जींणु कु छो, उ सब वीं ल डाली दींनि।</verse>
				<verse number="5">जब कुछ लोग यरूशलेम शहर का मन्दिर का बारा मा बात कना छा कि उ कथग सुन्दर ढुंगों बट्टी अर भेंट कि चीजों ल सजायूं च</verse>
				<verse number="6">यीशु ल ऊंकु बोलि, उ दिन आला जब यु सब कुछ जु तुम दिखणा छा ऊंमा बट्टी कै भि ढुंगा मा ढुंगो नि रौंण जु ढोळे नि जालो।</verse>
				<verse number="7">ऊंल यीशु तैं पूछि, “हम तैं बतौ कि यूं बातों ल कब हूंण? अर जब यु बात पूरी हूंण वली हवेलि वेको क्य चिन्ह होलो?”</verse>
				<verse number="8">यीशु ल ऊं तैं जवाब दींनि, “सचेत रावा कुई तुम तैं भरमै नि साको” भौत सा लोग मेरा नौं बट्टी ऐ के बुलला, “मि मसीह छो” अर बगत भि नजीक च, अर भौत तैं विश्वास बट्टी भरमै दयाला।</verse>
				<verse number="9">जब तुम लड़ै अर लड़ैयूं कि चर्चा सुणल्या त घबरैयां न किलैकि यूं बातों कु हूंण जरूरी च पर वे बगत तुरंत अंत नि होलो।</verse>
				<verse number="10">किलैकि एक जाति हैंकी जाति पर अर एक राज्य हैंका राज्य पर राज्य कनु कु चड़ै करलो।</verse>
				<verse number="11">अर जब जगह-जगह पर अकाल पोड़लो अर भ्यूंचोळ होला अर महामारी आली अर स्वर्ग मा भयंकर बात अर बड़ा-बड़ा चिन्ह प्रगट होला।</verse>
				<verse number="12">पर यूं बातों से पैली उ तुम तैं मेरा नौं कि खातिर पकड़ला, अर सताला, अर अधिकारियों मा सौंपे जाला, अर जेल मा डलवाला अर यहूदियों का मिलणा का भवन मा राज्यपालों का अर राजाओं का संमणी तुम्हरी अजमैश करे जाली।</verse>
				<verse number="13">पर यु तुम कु गव्है दींण कु मौका हो।</verse>
				<verse number="14">इलै अपड़ा-अपड़ा मन मा ठाणि कै रख्यां, तुम फिकर नि करयां कि हम ल क्य बुल्ण।</verse>
				<verse number="15">किलैकि मि तुम तैं इना बोल, अर बुद्धि दयुलु, कि तुमारा विरोधी सामना खंडन नि कैरी सकला।</verse>
				<verse number="16">तुमारा ब्वे-बुबा अर भैय कुटुम्दारी वला अर दगड़िया भि तुम तैं पकड़वाला इख तक कि तुम मा बट्टी कथगों तैं मरवै भि दयाला।</verse>
				<verse number="17">अर मेरा चेला हूंणा का खातिर सभि लुखुं ल तुम बट्टी दुश्मनी करला।</verse>
				<verse number="18">पर तुमारा मुंड कु एक बाल भि बांको नि होलो।</verse>
				<verse number="19">पर तुम अपड़ा धीरज ल, अपड़ा आत्मा तैं बचै कै रखिल्या।</verse>
				<verse number="20">जब तुम यरूशलेम शहर तैं सैनिकों ल घिरयूं देखि ल्या त जांणि लियां कि वेको उजड़ण नजीक च।</verse>
				<verse number="21">तब जु यहूदिया प्रान्त मा हो, उ डांडों मा भाजि जालो अर जु यरूशलेम शहर मा हो, उ भैर निकली जौ, अर जु गौं मा हो उ वे शहर मा नि जौं।</verse>
				<verse number="22">किलैकि यु बदला लींणु को इन दिन होला, जु पवित्र शास्त्र लिखीं सभि बात पूरी हवे जालि।</verse>
				<verse number="23">ऊं दिनों मा जननों कु भौत भयानक बगत होलि, जु दुबस्ता अर जु बच्चों तैं दूध पिलांदि होलि, ऊंकु दुखों कु बगत होलि, किलैकि वे बगत देश मा भयानक संकट होलि, अर यूं लुखुं मा भौत मुसिबत ऐ जाली।</verse>
				<verse number="24">ऊंल तलवार कु निवलो हवे जांण अर सभि देशों का लुखुं मा गिरफ्तार हवे के पौंछैंये जाला अर जब तक अन्य-जातियों कु बगत पूरो नि होलो तब तक यरूशलेम शहर अन्यजाति ल रौंदे जालो।</verse>
				<verse number="25">सूरज अर चांद, अर गैणों मा चिन्ह दिखेला अर धरती म देश-देश अर जाति-जाति का लुखुं कु संकट होलो किलैकि उ समुद्र का घमकण अर बौछट्यूं का स्यूंसाटन घबरै जाला।</verse>
				<verse number="26">डैर का कारण अईं दुनिया पर आंण वली बातों कि जुगाल करद-करद लुखुं का ज्यू मा ज्यू नि रांण अर आसमान कि सैरी शक्ति अर चिन्ह हिलैये जाला।</verse>
				<verse number="27">तब उ मि मनिख कु नौंनो तैं सामर्थ अर महिमा का दगड़ा बादलों पर औंण दिखला।</verse>
				<verse number="28">जब यु बात हूंण लगेलि त सीधु हवे कै अपड़ो मुंड उब उठैयां किलैकि तुमारो छुटकारो नजीक च।</verse>
				<verse number="29">तब वेल ऊंमा एक मिसाल भि दींनि बेडु का डाला अर सभि डालो तैं देखा।</verse>
				<verse number="30">जनि ऊं पर कुटमणा निकलदींनि त तुम जांणि जणदां कि गर्मी कु मौसम आंण वलो ऐ गैनी।</verse>
				<verse number="31">इन ही कै जब तुम यूं बातों हूंण दिखल्या त जांणि लियां कि परमेश्वर कु राज्य नजीक च।</verse>
				<verse number="32">मि तुम मा सच बुल्णु छौं जब तक यु सभि बात नि हवेलि तब तक ई पीड़ि कु अंत नि हूंण।</verse>
				<verse number="33">आसमान अर धरती टळि जालि पर मेरी बोलि बातों ल कभि भि नि टळण।</verse>
				<verse number="34">इलै सचेत रावा इन नि हो कि तुमारा मन खुमारि अर मतवला पन अर यु जीवन कि चिन्ता फिकर सुस्त हवे जौनु अर उ दिन तुम पर फंदा कि तरौं अचाणचक ऐ जौं।</verse>
				<verse number="35">किलैकि उ सैरी धरती का सभि रांण वलो पर इन कै ही आलो।</verse>
				<verse number="36">इलै बिज्यां रावा अर हर बगत परमेश्वर बट्टी प्रार्थना कना रावा कि तुम यूं आंण वली बातों, घटनाओं मा बट्टी बचणु कु तागत पांदा, अर मि मनिख कु नौंनो का संमणी खड़ो हूंण लैख बंणि जैला।</verse>
				<verse number="37">उ दिन मा यरूशलेम शहर का मन्दिर मा उपदेश दींण रै अर राती कु भैर जैतून डाला का डांडा पर रौंदु छो।</verse>
				<verse number="38">अर सुबेर मा सभि लोग वेकी सुनांणु कु यरूशलेम शहर का मन्दिर मा वेमा आंदा छा।</verse>
			</chapter>
			<chapter number="22">
				<verse number="1">बगैर खमीर कि रुटि कु त्योहार जैकु फसह कु त्यौहार बुल्दा छा नजीक छो।</verse>
				<verse number="2">अर प्रधान याजक अर मूसा की व्यवस्था तैं सिखांण वला लोग ईं बात कि फिराक मा छा कि यीशु तैं कनके खत्म कैरी दयुला, पर उ लुखुं बट्टी डरदा छा।</verse>
				<verse number="3">तब शैतान यहूदा मा समै जै कु इस्करियोती बुल्दा छा अर बुरा चेलों मा गणेंदु छो।</verse>
				<verse number="4">उ गै अर वेल प्रधान याजक अर पैरादारों का मुखियों का दगड़ा बातचित कैरी कि यीशु तैं कनके ऊंका हथ मा पकड़वालो।</verse>
				<verse number="5">उ खुश हवेनि अर वे तैं रुप्या दींण कि करार कैरी।</verse>
				<verse number="6">वेल मांणी दींनि, अर उ मौका खुज्योंण लगि गैनी कि जब भीड़ नि हो, त यीशु तैं ऊंका हथ मा पकड़वै द्यो।</verse>
				<verse number="7">तब अखमीरी की रुट्टि का त्यौहार कु दिन ऐ जै मा फसह कु भोज को ढिबरो कु बलिदान करे जांदु छो।</verse>
				<verse number="8">अर यीशु ल पतरस अर यूहन्ना कु बोलि, “जावा अर हमारा खांण कु बगैर फसह कु भोज तैयार कैरा।”</verse>
				<verse number="9">तब ऊंल यीशु तैं पूछि, “कि तु क्य चांदी की हम कख फसह कु खांणु तैयार करयां की हम वे तैं खा सका।”</verse>
				<verse number="10">तब यीशु ऊंमा बोलि, “शहर मा जांदी बगत तुम तैं एक मनिख पांणी कु घड़ा उठै कै मिललो। जै घौर मा उ जालो तुम वेका पिछनै चलि ज्यां।”</verse>
				<verse number="11">अर वे घौर का मालिक मा बुल्यां, “गुरु जी कु तुम कु बुल्युं च; कि उ खांणु खांण वलो भितर कु च जै मा मि अपड़ा चेलों का दगड़ा फसह कु भोज खै साको।”</verse>
				<verse number="12">उ अफी तुम तैं एक बड़ो सी सज्यूं-धज्यूं ऐंच कु कमरा दिखै दयालो उख हम कु तैयारी करयां।</verse>
				<verse number="13">ऊं जै कै जन यीशु ल बुल्युं छो, ऊं नि पै, अर उख फसह कु भोज खै।</verse>
				<verse number="14">जब बगत ऐ गै त उ बारह प्रेरितों का दगड़ा खांणु खांण बैटि गै।</verse>
				<verse number="15">अर यीशु ल ऊंकु बोलि, “मेरी भौत इच्छा छै की मि दुःख झिलण अर मुरण से पैली फसह कु भोज कु त्यौहार कु खांणु तुम दगड़ा खौलु।”</verse>
				<verse number="16">किलैकि मि तुम कु बुल्णु छौं कि जब तक उ परमेश्वर का राज्य मा पूरो नि फसह कु त्यौहार कु खांणु तब तक दुबरा खौंलु।</verse>
				<verse number="17">तब वेल अंगूरों कु रस कटोरा लींनि अर धन्यवाद दींनि अर बोलि, “यु तैं ल्या अर आपस मा बांटि द्या।”</verse>
				<verse number="18">किलैकि मि तुम मा सच बुल्णु छौं, जब तब परमेश्वर कु राज्य नि आलो तब तक मि अंगूरों को रस अब बट्टी कभि नि प्यूलु।</verse>
				<verse number="19">फिर वेल रुटि लींनि अर धन्यबाद कैरी कै तोड़ी अर ऊं तैं इन बोलि दींनि “यु मेरू बदन च ज्वा तुम कु दियेणी च मेरी याद मा इन ही करयां।”</verse>
				<verse number="20">ईं रीति बट्टी यीशु ल खांणु का बाद अंगूरों कु रस कु कटोरा लै, अर यीशु ल चेलों कु बोलि, “यु अंगूरों को रस मेरू ल्वे च मेरू ल्वे भौत सा लुखुं कु बलिदान का रूप मा बुगै जांदु जु तुम कु नई प्रतिज्ञा च। ”</verse>
				<verse number="21">पर देखा, मेरा पकड़वाण वला कु हथ मि दगड़ा मेज पर च।</verse>
				<verse number="22">किलैकि मि मनिख कु नौंनो का बारा मा जन परमेश्वर का वचन मा लिख्युं च, पर वे मनिख कु हाय च, जैका द्वारा मि मनिख कु नौंनो पकड़वै जांदु छों।</verse>
				<verse number="23">तब यु सूंणि के आपस मा पूछताछ कन लगि गैनी, “हम मा इन कु होलो जैल यु काम कन।”</verse>
				<verse number="24">ऊंमा इन बहस भि हवे गै; कि हम मा बट्टी बड़ो कु च?</verse>
				<verse number="25">तब यीशु ल ऊंकु बोलि, “अन्यजातियों का राजा का ऊं पर प्रभुता करदा छिन, अर जु ऊं पर अधिकार चलौंदींनि ऊंकु भलै कन वला बुल्दो।”</verse>
				<verse number="26">पर तुम इन नि हुयां; बल्कि जु कुई बढि के महान हूंण त सबसे नम्र अर छुटो अर सभियूं कि सेवा टहल कन वलो बणो।</verse>
				<verse number="27">किलैकि बड़ो कु च, उ जु खांणु पर बैठयूं च य उ जु सेवा करदो? क्य उन च जु खांणु पर बैठयूं च? पर मि तुमारा बीच नौकर कि तरौं छौं।</verse>
				<verse number="28">पर तुम ही छयां, जु मेरी अजमैश मा सदनी मेरा दगड़ा रयां।</verse>
				<verse number="29">अर जन मेरा बुबा ल मि कु एक राज्य ठैरयूं च, उन ही मि भि तुम कु एक राज्य ठैरांणु छौं।</verse>
				<verse number="30">कि तुम मेरा राज्य मा मेरी मेज पर खयां पियां सिंहासनों मा बैठी के इस्राएल का लुखुं का बारह गोत्र कु न्याय करिल्या।</verse>
				<verse number="31">शमौन, हे शमौन पतरस, शैतान ल परमेश्वर बट्टी तुम सभियूं की अजमैश कने की अनुमति मांगी च, अच्छा तैं बुरा बट्टी अलग कने, जन एक किसान ग्यूं का बीज तैं झाड़ बट्टी अलग करद।</verse>
				<verse number="32">पर मिल त्वे कु परमेश्वर बट्टी प्रार्थना कैरी कि तेरु विश्वास मि बट्टी चलि न जा अर जब तु पापों बट्टी पश्चाताप किये त अपड़ा विश्वासी भयों तैं भि मि पर विश्वास कनु कु मजबूत किये।</verse>
				<verse number="33">पतरस ल यीशु कु बोलि, “हे प्रभु मि तुमारा दगड़ा जेल मा जांणु कु बल्कि मुरण कु भि तैयार छौं।”</verse>
				<verse number="34">यीशु ल वेकु बोलि, “हे पतरस मि त्वे कु बुल्णु छौं, कि आज ही राती मैर का बंसण से पैली तिल तीन बार मुकरी जांण, की मि वे तैं नि जंणदो।”</verse>
				<verse number="35">फिर यीशु ल ऊंकु बोलि, जब मिल तुम तैं बटुवा, अर झोला, अर जुता मिल तुम तैं सुसमाचार प्रचार कनु कु बिगर भेजि छो त क्य तुम तैं कै चीज कि घटि हवे वेल बोलि, कै भि वस्तु की कमी नि होलि,</verse>
				<verse number="36">ऊंल यीशु कु बोलि, “पर अब जै मा बटुवा हो उ वे तैं ले ल्यो अर उन ही झोला भि रखु अर जै मा तलवार नि हो उ अपड़ा चोला बेचि कै मोल ली ल्यो।</verse>
				<verse number="37">किलैकि मि तुम मा बुल्ण छौं कि परमेश्वर का वचन मा मेरा बारा मा लिख्युं च उ पूरो हो, की उ अपराधियों का दगड़ी गिणे गै, यूं बातों को मि पूरो हूंण जरूरी च, किलैकि मेरा बारा मा लिखीं बातों को पूरो हूंण जरूरी च।”</verse>
				<verse number="38">ऊंल बोलि, “हे प्रभु, देखा इख द्वी तलवार छिन यीशु ल ऊं तैं जवाब दींनि भौत छिन।”</verse>
				<verse number="39">तब उ निकली के अपड़ी रीति का अनुसार जैतून डाला का डांडा पर गैनी अर चेला ऊंका पिछनै हवे गैनी।</verse>
				<verse number="40">वीं जगह पौंछि के यीशु ल ऊंकु बोलि, “परमेश्वर बट्टी प्रार्थना कैरा कि तुम अजमैश मा नि पुड़यां।”</verse>
				<verse number="41">अर यीशु ऊं बट्टी अलग एक थोड़ी दूरी पर गै, अर घुंडा टेकि कै परमेश्वर बट्टी प्रार्थना कन लगि गै।</verse>
				<verse number="42">“हे मेरा बुबा जु तु चहै त यु दुःख बट्टी बचो जु मि पर आंण वली च आप कु सब कुछ सम्भव च फिर भि बुबा तेरी ही इच्छा पूरी हो मेरी न।”</verse>
				<verse number="43">तब स्वर्ग बट्टी एक स्वर्गदूत ऊं तैं दिखै जु ऊं तैं सामर्थ दींणु छो।</verse>
				<verse number="44">उ भौत संकट मा दुखी हवे कै और भि दुख ल परमेश्वर बट्टी प्रार्थना कन लगि गैनी अर ऊंकु पसिना जन ल्वे कि बड़ी-बड़ी बुन्दौं जन धरती मा पोड़णू रै।</verse>
				<verse number="45">तब उ परमेश्वर बट्टी प्रार्थना बट्टी उठिनि अर अपड़ा चेलों मा ऐ अर उदास हवे कै चेलों तैं सियूं देखि।</verse>
				<verse number="46">अर यीशु ल ऊंकु बोलि, सिणा किलै छयां? उठा परमेश्वर बट्टी प्रार्थना कैरा कि अजमैश मा नि पुड़यां।</verse>
				<verse number="47">जब यीशु बुल्णु ही छो, कि यहूदा जु बारहों चेलों मा बट्टी एक छो अर यहूदा एक बड़ी भीड़ के अगनैं-अगनैं ऊंका दगड़ी आंणु छो, उ यीशु का संमणी ऐ कि उ यीशु की भुकि पै।</verse>
				<verse number="48">यीशु ल वेमा बोलि, हे यहूदा क्य तु भुकि प्ये कै मि मनिख कु नौंनो तैं पकड़वौंणी छै</verse>
				<verse number="49">ऊंका दगड़ियों ल जब देखि कि क्य हूंण वलो च त बोलि, “हे प्रभु क्य हम ल तलवार चलाण?”</verse>
				<verse number="50">अर ऊंमा बट्टी एक चेला ल हथ बड़ै के अपड़ी तलवार खींचि के महायाजक कु सेवक कु दैंणु कंदूड़ काटि दींनि।</verse>
				<verse number="51">यां पर यीशु न बोलि, “अब भस भि कैरा अर वेको कंदूड़ छवे कै खूब कैरी दींनि।”</verse>
				<verse number="52">तब यीशु ल प्रधान याजक यरूशलेम शहर का मन्दिर का पैरादारों का मुखियों अर दाना-सयाणों कु जु ऊं पर चड़ी कै ऐ गै छा यीशु ल भीड़ कु बोलि क्य तुम मि तैं डाकु समझी कै पकड़णु अयां छा जु लाठा अर तलवार लीकै अयां छा?</verse>
				<verse number="53">जब मि यरूशलेम शहर का मन्दिर मा हरेक दिन तुमारा दगड़ा छो तब तुम ल मि पर हथ नि डाली पर यु तुमारो बगत च अर अंधेरा कु अधिकार च।</verse>
				<verse number="54">फिर उ यीशु तैं पकड़ी के प्रधान याजक का घौर ली गै, महायाजक का चौक का भितर तक चलि गै, अर पतरस दूर-दूर हवे कै वेका पिछनै-पिछनै जाणों छो।</verse>
				<verse number="55">अर पतरस मंदिर का सिपैयूं का दगड़ा आग तपण बैठी गै।</verse>
				<verse number="56">तब एक नौकराणि वेकी तरपां इखरोड़ि देखि कै बुल्ण लगि गै “यु भि त यीशु का दगड़ी छो।”</verse>
				<verse number="57">पर पतरस इन बोलि, कै इन्कार कैरी दींनि “हे नारी मि वे तैं नि जंणदु।”</verse>
				<verse number="58">थोड़ा देर का बाद कै दुसरा ल भि वे देखि कै बोलि, तू भि त ऊंमा बट्टी छै पतरस ल बोलि, “हे मनिख मि नि छौं।”</verse>
				<verse number="59">कुछ घंटा का बाद एक अर मनिख बुल्ण लगि गै, “पक्की बात च यु भि त ऊंमा बट्टी एक च, किलैकि यु गलीली च।”</verse>
				<verse number="60">पतरस ल बोलि, “हे मनिख मि नि जंणदु कि तु क्य बुल्णी छै” उ बुल्णु गै छो कि मैर ल बांग दे दींनि।</verse>
				<verse number="61">तब प्रभु यीशु ल धूमके पतरस तैं देखि, “अर पतरस तैं प्रभु यीशु की उ बात याद ऐ जु वेल बोलि छो आज मैर का बांग दींण ऐ पैली तिल तीन बार मेरू इन्कार कन।”</verse>
				<verse number="62">अर तब उ भैर जै के भकोर-भकोर के रूंण लगि गै।</verse>
				<verse number="63">जौं मनिख्युं कु यीशु पकड़यूं छो उ वेकी मजाक उड़ै कै पिटण लगि गैनी।</verse>
				<verse number="64">अर ऊंका आँखों तैं ढकै कै ऊंकु बोलि, “भविष्यवाणि कैर बतौ ति त्वे तैं कैल मारि”</verse>
				<verse number="65">अर ऊंल भौत सैरी और भि बुरै कि बात ऊंका विरोध मा बुलिनि।</verse>
				<verse number="66">जब दिन कु बगत हवे त दाना-सयाणों अर प्रधान याजकों अर मूसा की व्यवस्था तैं सिखांण वला लोग कठा हवेनि अर यीशु तैं अपड़ी महासभा मा लै कै पूछि।</verse>
				<verse number="67">“जु तु परमेश्वर कु नौंनो मसीह छै त हम मा बोलि दे” यीशु ल ऊंकु बोलि, “जु मि तुम मा बुललु त तुम यकीन नि करिल्या”</verse>
				<verse number="68">जु मि तुम तैं पुछलु, त तुम ल जवाब नि दींनि।</verse>
				<verse number="69">पर अब तुम “मि मनिख कु नौंनो तैं सामर्थ का दगड़ी सर्वशक्तिमान परमेश्वर कि दैंणि तरपां बैठयूं दिखल्या।”</verse>
				<verse number="70">यां पर सभियूं ल बोलि, “त क्य तु परमेश्वर कु नौंनो छै?” यीशु ल ऊंकु बोलि, “तुम अफी बुल्णा छयां किलैकि मि छौं।”</verse>
				<verse number="71">तब ऊंल बोलि, “अब हम तैं और गवाहों कि जरुरत नि च? किलैकि हम ल वेका गिच्चा बट्टी सूणेलि।”</verse>
			</chapter>
			<chapter number="23">
				<verse number="1">यीशु तैं बन्धवै दींनि अर न्याय कनु कु यहूदिया जिला का रोमी गवर्नर पिलातुस मा ली गैनी।</verse>
				<verse number="2">अर इन बोलि, कै ऊं पर भंगार लगांणा रैनी “कि हम ल यु तैं लुखुं तैं बहकांण अर कैसर तैं कर दींणु कु मना करद अर अफ तैं मसीह राजा बुल्द सूंणि।”</verse>
				<verse number="3">पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि, “तु अफी बुल्णी छै मि उ ही छो।”</verse>
				<verse number="4">तब पिलातुस ल प्रधान याजक अर लुखुं कु बोलि, “मि त यु मनिख मा कुई भंगार नि पांणु छौं।”</verse>
				<verse number="5">पर उ अर भि पक्का ढंग ल बुल्ण लगि गैनी, “यु गलील जिला बट्टी अर इख तक सैरा यहूदिया प्रान्त का कूणा-कूणा मा अपड़ी उपदेश दे के कै लुखुं तैं भड़कांणु च।”</verse>
				<verse number="6">यु सूंणि कै पिलातुस न पूछि, क्य यु मनिख गलीली च?</verse>
				<verse number="7">अर यु जांणि के की यीशु राजा हेरोदेस का द्वारा शासन कि यु जांण वला प्रान्त बट्टी छो, इलै वेल यीशु तैं राजा हेरोदेस मा भेजि दींनि, किलैकि वे बगत मा उ भि यरूशलेम शहर मा छो।</verse>
				<verse number="8">राजा हेरोदेस यीशु तैं देखि के भौत खुश हवे, किलैकि उ भौत दिनों बट्टी ऊं तैं दिखण चांणु छो वेल ऊंका बारा मा सूंणि छो यीशु बट्टी कुछ चमत्कार दिखण की आस मा छो।</verse>
				<verse number="9">उ यीशु मा भौत सैरी बात पुछणु रै पर वेल कुई भि जवाब नि दींनि।</verse>
				<verse number="10">प्रधान याजक अर मूसा की व्यवस्था तैं सिखांण वला यीशु पर भौत बातों कु भंगार लगांणा छा।</verse>
				<verse number="11">तब राजा हेरोदेस ल अपड़ा सिपैयूं का दगड़ी यीशु कु अपमान कैरी कै मजाक उड़ै, अर भड़किला कपड़ा पैरेनि, अर वे तैं पिलातुस मा लौटे दींनि।</verse>
				<verse number="12">वे दिन बट्टी पिलातुस अर राजा हेरोदेस दगड़िया बंणि गैनी यां बट्टी पैली उ एक हैंका का दुश्मन छा।</verse>
				<verse number="13">पिलातुस प्रधान याजक ल ऊं कु बोलि, “क्य तुम चदयां कि मि तुम कु यहूदियों का राजा तैं छोड़ी द्यों”</verse>
				<verse number="14">तुम यु मनिख तैं लुखुं तैं बहकांण वलो ठैरे कै मि मा ली कै अयां अर देखा मिल तुमारा संमणी येको जांच अर न्याय कैरी पर जूं बातों कु तुम वे पर भंगार लगाण छा ऊं बातों का बारा मा मिल वेमा कुई भि भंगार नि पै।</verse>
				<verse number="15">राजा हेरोदेस ल भि वे तैं भंगारी नि पै, किलैकि वेल वे तैं मि मा वापिस लौटे दींनि, अर तुम दींणा छा, की ये मनिख ल इन कुई भि गलत काम नि करयुं च, जैका कारण यु तैं मृत्यु दण्ड का योग्य ठहरायों जौं।</verse>
				<verse number="16">इलै मि वे तैं कोड़ा ल पिटवै कै छोड़ी दींदु।</verse>
				<verse number="17">पिलातुस त्यौहार का बगत वे कु एक बंधि तैं छोड़ण कु मजबूर छो</verse>
				<verse number="18">तब सभि लोग मिली कै चिलांण लगि गैनी, यु कु काम तमाम कैर, “यीशु तैं छुड़णा का बदला, हमारा खातिर बरअब्बा तैं छोड़ी दे।</verse>
				<verse number="19">जु झगड़ा कनवलों दगड़ा कैद मा छो जौंन रोमी सरकार का खिलाफ विरोध मा कुछ सिपैयूं की हत्या कैरी छै।</verse>
				<verse number="20">पर पिलातुस ल यीशु जै तैं छुड़णै की इच्छा से लुखुं तैं फिर समझै?”</verse>
				<verse number="21">पर भीड़ फिर चिल्लै कै बोलि, “वे तैं सूली पर चढ़ै, सूली पर!”</verse>
				<verse number="22">वेल तिसरी दौं ऊंमा बोलि, “किलै येल क्य बुरै कैरी?” मिल मौत कि सजा का लैख कुई भि बात वेमा नि पै इलै मि वे तैं पिटवै कै छोड़ी दींदु।</verse>
				<verse number="23">पर भीड़ और जोर से चिल्लै कै पिछनै पोड़ि गैनी कि उ सूली पर चड़ैये जौं अर ऊंकु चिल्लांण भारी पोड़ि गै।</verse>
				<verse number="24">तब पिलातुस न हुकुम दींनि, कि ऊंकी बिनती का अनुसार करे जौं।</verse>
				<verse number="25">वेल उ मनिख जु झगड़ा अर हत्या का कारण जेल मा डाले गै छो अर जै तैं ऊं मंगणा छा, छोड़ी दींनि; अर यीशु तैं ऊंकी इच्छा का अनुसार सौंपी दींनि।</verse>
				<verse number="26">जब सिपै मसीह यीशु तैं लिजांणा छा त ऊंल शमौन नौं कु एक कुरेनि जु कै गौं बट्टी आंणु छो पकड़ी अर सूली वे पर लादी दींनि कि उ यीशु का पिछनै-पिछनै लिजांणु रौ।</verse>
				<verse number="27">लुखुं कि बड़ी भीड़ ऊंका पिछनै जांणि रै अर ऊंमा भौत सैरा जनन भि छा जु यीशु कु छाति भटकाणी अर दुःख कनि छै।</verse>
				<verse number="28">यीशु ल ऊंकी तरपां फरकि कै बोलि, “हे यरूशलेम शहर कि नौंनियों मि कु नि रोवा पर अपड़ा अर अपड़ो नौंना कु रोवा।”</verse>
				<verse number="29">किलैकि पिड़ा का दिन आंण छिनी, जौं मा लोग बुलला, धन्य च उ जनन, जौं ल कभि बच्चों तैं जन्म नि दींनि, अर जौं ल कभि बच्चों तैं दूध नि पिलै।</verse>
				<verse number="30">वे बगत ऊंल पोड़ो कु बुल्ण कि हम पर पोड़ा चुंटों कु कि हम तैं ढकै द्या।</verse>
				<verse number="31">जु ईंन कुई मनिख का दगड़ी हो त जु धर्मी च त उ सुचद की उ लुखुं का दगड़ी की होलो जु ईं सजा तैं पांण का योग्य च।</verse>
				<verse number="32">यीशु अर द्वी मनिख्युं तैं जु कुकर्मी छा, वेका दगड़ी सूली पर मनों कु ली गैनी।</verse>
				<verse number="33">जब उ वीं जगह पौंछिनी, जैकु खोपड़ी बुल्दींनि, त ऊंल द्वी डाकूओं तैं यीशु का एक तैं दैंणि तरपां अर दुसरा तैं बैं तरपां सूली पर चढ़ै दींनि।</verse>
				<verse number="34">तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।</verse>
				<verse number="35">लोग खड़ा खड़ी दिखणा छा अर मुखिया भि मजाक कैरी के बुल्णा छा “येल औरों तैं बचै जु यु परमेश्वर मसीह च अर वेको चुण्यूं च त अफ तैं बचै द्यो।”</verse>
				<verse number="36">सिपै भि नजीक ऐ के अर पींणु कु सिरका दे के ऊंकी मजाक करदा छा,</verse>
				<verse number="37">जु तु यहूदियों कु राजा छै त अफ तैं बचौ</verse>
				<verse number="38">अर ऊंका मथि एक भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा च”</verse>
				<verse number="39">जु कुकर्मी उख यीशु का दगड़ा सूली पर चढैयां छा ऊंमा बट्टी एक ल यीशु कि बुरै कैरी कै बोलि, “क्य तु मसीह नि छै? त फिर अफ तैं अर हम तैं बचावा।”</verse>
				<verse number="40">यां पर दुसरा ल वे तैं घुड़कि कै बोलि, “क्य तु परमेश्वर से भि नि डरदि?” तु भि त वीं सजा पांणी छै।</verse>
				<verse number="41">अर हम त न्याय का अनुसार सजा पांणा छा, किलैकि हम तैं अपड़ा कामों कु ठिक प्रतिफल पांणा छा, पर येल त कुई भि बुरो काम नि कैरी।</verse>
				<verse number="42">तब वेल बोलि, “हे यीशु जब तुम अपड़ा राज्य मा राजा हवे के ऐलि त मेरी सुधि लै।”</verse>
				<verse number="43">यीशु ल वेकु बोलि, “मि त्वे मा सच बुल्णु छौं, कि तु आज ही मेरा दगड़ा स्वर्गलोक मा होलि।”</verse>
				<verse number="44">लगभग बारह बजि बट्टी दिन का तीन बजि का लगभग तक सैरा मुल्क मा अंधेरो छयूँ रै।</verse>
				<verse number="45">अर सूरज कु उज्यलो चलि गै अर यरूशलेम शहर का मन्दिर मा लटकयूँ मोटू परदा बीच मा द्वी भाग मा फटि गै।</verse>
				<verse number="46">अर यीशु ल जोर से धै लगै के बोलि, “हे बुबा मि अपड़ी आत्मा तेरा हथ मा सौंपणु छौं अर इन बोलि, कै तब यीशु ल प्राण छोड़ी द्ये।”</verse>
				<verse number="47">सुबदार ल यु सब देखि के जु कुछ भि हवे छो, परमेश्वर बढ़ै कैरी अर बोलि, “सचमुच यु मनिख धर्मी छो।”</verse>
				<verse number="48">अर भीड़ जु यु सब दिखणु कु कठा हुईं छै ईं घटना तैं देखि के छाति भटकांदी लौटि गै।</verse>
				<verse number="49">पर ऊंका सब जांण पैछाण अर जु जनन ऊंका दगड़ा गलील जिला बट्टी वेका दगड़ी आयीं छै दूर खड़ी हवे कै जु कुछ भि हवे छो उ सब दिखणी छै।</verse>
				<verse number="50">उख महासभा कु एक सदस्य छो जैकु नौं यूसुफ छो, उ भलो अर धर्मी मनिख छो।</verse>
				<verse number="51">अर ऊंका विचार अर यहूदी अगुवों का योजना बट्टी ऊंका काम बट्टी खुश नि छो; उ यहूदियों का शहर अरिमतियाह कु रांण वलो अर परमेश्वर का राज्य कु इन्तेजार कन वला छा।</verse>
				<verse number="52">वेल पिलातुस मा जै कै यीशु कि लांश मांगि</verse>
				<verse number="53">तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा रखि दींनि अर कब्र का द्वार पर एक गोल ढुंगों लगै दींनि।</verse>
				<verse number="54">वे दिन शुक्रवार कु दिन छो अर यहूदियों का विश्राम का दिन जु परमेश्वर कु पवित्र दिन च शुरू हूंण वलो छो</verse>
				<verse number="55">मरियम जु मगदल गौं की छै अर याकूब अर योसेस कि ब्वे मरियम ऊंका दगड़ा गलील जिला बट्टी ऐ छा पिछनै-पिछनै जै कै वीं कब्र तैं देखि अर इन भि देखि कि ऊंकी लांश कख मा रखिं च।</verse>
				<verse number="56">अर अपड़ा घौर कु लौटि खुशबूदार चीज अर यीशु की देह पर लगांणु कु इत्र तैयार कैरी अर यहूदियों का विश्राम का दिन जु परमेश्वर कु पवित्र दिन च ऊंल हुकुम का अनुसार आराम कैरी।</verse>
			</chapter>
			<chapter number="24">
				<verse number="1">यहूदियों का विश्राम का दिन जु परमेश्वर कु पवित्र दिन च सुबेर लै के जब उज्यलो हूंणु छो ऊं खुशबूदार तेल मोल लींनि अर यहूदियों की रीति का अनुसार ऐ के यीशु कि लांश पर मळी।</verse>
				<verse number="2">अर जब उ उख फूंजी, तब ऊंल देखि कि कब्र का द्वार बट्टी भौत बड़ो ढुंगो जु पैली ही हटियूं छों।</verse>
				<verse number="3">पर जब उ कब्र पर पौछिनी अर भितर जै कै देखि त प्रभु यीशु की लांश नि पैई।</verse>
				<verse number="4">जब उ इन बात बट्टी भौचक्‍की हूंणा छा त देखा, द्वी आदिम सफेद कपड़ा पैरियां खड़ा छा।</verse>
				<verse number="5">जब उ डौर गैनी अर धरती कि तरपां मुक झुकै कै खड़ी रैनी त ऊंल ऊंकु बोलि, “तुम ज्यूँदो तैं मुर्दों मा किलै खुज्योंण छा?”</verse>
				<verse number="6">उ इख नि च, उ मुर्दों मा बट्टी ज्यूँदो हवे गै, याद कैरा जब उ तुम दगड़ी गलील जिला मा रौंणा का बगत, वेल तुम मा बोलि छो।</verse>
				<verse number="7">जरूरी च, कि मि मनिख कु नौंनो पापी लुखुं का हथ मा पकड़वे जौं अर सूली पर चड़ैये जौं अर तिसरा दिन ज्यूँदो हवे जौं।</verse>
				<verse number="8">तब यीशु की बात ऊं जननयों तैं याद ऐनी</verse>
				<verse number="9">अर कब्र बट्टी लौटि कै ऊंल ग्यारहों अर हौरि सभियूं तैं यु बात बतै।</verse>
				<verse number="10">जौंन बारह प्रेरितों तैं यु बात बतै उ मरियम जु मगदल गौं की छै अर यूहन्ना अर याकूब कि ब्वे मरियम अर ऊंका दगड़ा कि अर जनन भि छै।</verse>
				<verse number="11">पर ऊंकी बात ऊं तैं मिसाल सी लगणी छै अर ऊंल वीं पर विश्वास नि कैरी।</verse>
				<verse number="12">तब पतरस उठि अर कब्र पर दौड़ि कै गै, अर झुकि कै भस कपड़ा पुड़यां दिखिनि, अर जु कुछ हवे छो, वीं बात पर भैचक हवे कै, अपड़ा घौर चलि गै।</verse>
				<verse number="13">वे दिन यीशु का द्वी चेला इम्माउस नौं का एक गौं जांणा छा, जु यरूशलेम शहर बट्टी कुई ग्यारा कि.मि. की दूरी पर छो।</verse>
				<verse number="14">उ यूं सभि बातों पर जु हवे छै, आपस मा बातचित करदी जांणा छा।</verse>
				<verse number="15">अर जब उ आपस मा बातचित अर पूछताछ करदी जांणा छा, त यीशु खुद ही नजीक ऐ के वेका दगड़ा चलण लगि गै।</verse>
				<verse number="16">पर परमेश्वर ल ऊं तैं वे पहचाण से रोकि रखि, कि उ ऊं तैं पच्छ्याणि नि सकिनि।</verse>
				<verse number="17">यीशु ल ऊं तैं पूछि, “यु क्य बात च जौं तैं तुम चलदा-चलदा आपस मा कना छा उ उदास हवे कै खड़ा रैनी।”</verse>
				<verse number="18">यु सूंणि कै, ऊंमा बट्टी क्लियोपस नौं का एक मनिख ल बोलि, “क्य तुम यरूशलेम शहर मा यखुली परदेशी छा जु नि पिछला कुछ दिनों मा इख क्य-क्य हवे”</verse>
				<verse number="19">यीशु ल ऊं तैं पूछि, क्य बात? ऊंल ऊंकु बोलि, नासरी गौं कु यीशु का बारा मा जु परमेश्वर अर सभि लुखुं का नजीक काम अर वचन मा सामर्थी परमेश्वर का तरपां बट्टी बुल्ण वलो मा छा।</verse>
				<verse number="20">अर प्रधान याजक ल अर हमारा मुखियों वे तैं पकड़वे दींनि कि वे तैं मौत कि सजा दिये जौं अर सूली पर चढ़ै दींनि।</verse>
				<verse number="21">पर हम तैं आस छै कि रोमियों बट्टी इस्राएल का लुखुं का घराना तैं छुटकारो दयालो यूं सभि बातों का अलावा ई बात तैं हुयां तीन दिन हवे गैनी।</verse>
				<verse number="22">अर अब हमारा झुण्ड मा बट्टी कई जननों हम तैं घंघतोल मा डालेल जु आज सुबेर मा कब्र पर गै छै।</verse>
				<verse number="23">अर जब वेकी लांश नि पै त इन बुल्दी ऐनी कि हम ल स्वर्गदूतों कु दर्शन पै जौंन बोलि, कि यीशु ज्यूँदो च।</verse>
				<verse number="24">तब हमारा दगड़ियों मा बट्टी कब्र पर गैनी अर जन जननों ल बोलि, छो उन ही पै पर ऊं तैं यीशु नि दिखै।</verse>
				<verse number="25">तब यीशु ल द्वी चेलों कु बोलि, “हे कम समझ वलो अर परमेश्वर का तरपां बट्टी बुल्ण वलो ल परमेश्वर का वचन मा लिख्युं च तुम लुखुं तैं वे पर विश्वास कन भौत कठिन लगदो ”</verse>
				<verse number="26">यु जरूरी छा कि मसीह यु दुख तैं उठै अर फिर अपड़ी बढ़ै मा प्रवेश कैर,</verse>
				<verse number="27">यीशु ल ऊं तैं पूरा परमेश्वर का वचन मा, मूसा की व्यवस्था बट्टी शुरू कैरी सभि परमेश्वर का तरपां बट्टी बुल्ण वलो का द्वारा अपड़ा बारा मा दे गै उ बातों तैं समझै।</verse>
				<verse number="28">इथग मा उ सभि वे गौं का नजीक पौंछिनी जख उ जांणा छा अर ऊंका हो भौ इन लगण छ कि जन उ अगनैं बढ़ण चांणा होला।</verse>
				<verse number="29">पर ऊंल इन बोलि, कै ऊं तैं रोकि दींनि, “हमारा दगड़ा रावा किलैकि ब्यखुनि हवे गै अर दिन अब भौत ढलि गै तब उ ऊंका दगड़ा रौंणु कु भितर चलि गैनी।”</verse>
				<verse number="30">जब उ ऊंका दगड़ा खांणु-खांणु कु बैठिनि त ऊंल रुटि पकड़ी धन्यबाद दींनि, अर तोड़ी के ऊं तैं दींण लगि गैनी।</verse>
				<verse number="31">तब ऊंका आंखा खुलि गैनी अर ऊंल उ पच्छ्याणि दींनि अर यीशु ऊंकी नजर मा बट्टी छिपी गै।</verse>
				<verse number="32">ऊंल आपस मा बोलि, “जब उ हमारा दगड़ा बटा मा बातचित कना छा, अर परमेश्वर का वचन कु मतलब समझांणा छा त क्य हमारा मन मा उत्तेजना पैदा हवे गै छै”</verse>
				<verse number="33">तब उ बगत उठि के यरूशलेम शहर लौटि गैनी, अर ऊं ग्यारहों चेलों अर ऊंका दगड़ियों कठा देखि।</verse>
				<verse number="34">ग्यारहों जु कठ्ठा हवे के बुल्णा छा, “प्रभु सच मा ज्यूँदो हवे गैनी अर शमौन पतरस तैं दिखै छिन।”</verse>
				<verse number="35">तब ऊंल बट्टा कि बात वे तैं बतै दींनि अर यु भि कि जब उ रुटि तुड़नों छो त वे तैं वेल पच्छ्याणि येलि।</verse>
				<verse number="36">उ यूं बातों तैं कना ही छा कि उ अफी ऊंका बीच मा ऐ के प्रगट हवे गै अर ऊंकु बोलि, “तुम तैं शान्ति मिलो।”</verse>
				<verse number="37">पर उ घबरै गैनी अर डौर गैनी अर सुचण लगि गैनी कि हम कै दुष्टात्मा तैं दिखणा छा।</verse>
				<verse number="38">यीशु ल ऊंकु बोलि, “घबराणा किलै छा? अर तुमारा मन मा सन्देह किलै कनि छै?”</verse>
				<verse number="39">मेरा हथ अर मेरा खुटा देखा कि मि उ ही छौं। मि तैं छू कै देखा किलैकि दुष्टात्मा कु हड़का अर मांस नि हूंद जन तुम मि मा दिखणा छा।</verse>
				<verse number="40">इन बोलि के, यीशु ऊं तैं अपड़ा हथ अर खुटा दिखैनी।</verse>
				<verse number="41">जब आनन्द का कारण वे तैं विश्वास नि हूंणु छो की यीशु मुर्दों बट्टी ज्यूँदो हवे गै, अर आश्चर्य करदा छा, यीशु ल ऊं तैं पूछि, “क्य इख तुम मा कुछ खांणु च?”</verse>
				<verse number="42">ऊंल ऊं तैं भुरयां माछो का कतर दींनि।</verse>
				<verse number="43">यीशु ल, लै कि जबकि उ वे तैं दिखणी रै वेका संमणी खै।</verse>
				<verse number="44">फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”</verse>
				<verse number="45">तब यीशु ल परमेश्वर का वचन तैं जनणु कु ऊंकी समझ ऊं तैं समझण मा मदद कैरी।</verse>
				<verse number="46">तब यीशु ल ऊंकु बोलि, “परमेश्वर का वचन मा इन लिख्युं च कि मसीह कु दुख उठांण अर तिसरा दिन मुर्दों मा बट्टी ज्यूँदो हवे जांण। ”</verse>
				<verse number="47">अर यरूशलेम शहर बट्टी लै कि “तुम सैरा जातियों मा पापों की माफी कु पश्याताप कनु कु सुसमाचार प्रचार, वेका नौं बट्टी किये जालो।”</verse>
				<verse number="48">तुम सभियूं बातों का गवाह छयां।</verse>
				<verse number="49">अर मि स्वयं तुमारा मथि पवित्र आत्मा तैं भेजलो ज्यांको सौं मेरा पिता परमेश्वर लै छै, इलै तुम तब तक शहर मा जग्वाल कन रयां, जब तक तुम तैं स्वर्ग बट्टी सामर्थ नि दिये जालो।</verse>
				<verse number="50">तब यीशु ऊं तैं बैतनिय्याह गौं का नजिक तक शहर बट्टी भैर गैनी अर अपड़ा हथ उठै कै ऊं तैं आशीष दींनि।</verse>
				<verse number="51">अर आशीष दींद दौं उ ही ऊं बट्टी अलग हवे गै अर स्वर्ग मा उठै गै।</verse>
				<verse number="52">तब उ वे तैं दण्डवत कैरी के बड़ो आनन्द से यरूशलेम शहर मा लौटि गै।</verse>
				<verse number="53">अर चेला लगातार यरूशलेम शहर का मन्दिर मा हाजिर हवे कै परमेश्वर की बढ़ै करदां छा।</verse>
			</chapter>
		</book>
		<book number="43">
			<chapter number="1">
				<verse number="1">सैरा दुनिया की सृष्टि से पैली वचन छो, जै कु वचन बुलै गै छो, अर उ वचन परमेश्वर का दगड़ा मा छो अर उ वचन परमेश्वर छो।</verse>
				<verse number="2">उ शब्द आदि मा परमेश्वर का दगड़ा मा छो।</verse>
				<verse number="3">परमेश्वर ल सब कुछ वे बट्टी ही पैदा कैरी और जु सृजे गै छो वामा बट्टी कुई भि चीज वेका बगैर पैदा नि हवे।</verse>
				<verse number="4">उ हमारा शारीरिक अर आत्मिक जीवन कु स्रोत च अर उ ही च जु सब लुखुं तैं प्रकाश दींद।</verse>
				<verse number="5">उज्यलो अंधेरा मा चमकद अर अन्धकारा ल वे तैं नि बुझै साकी।</verse>
				<verse number="6">परमेश्वर ल यूहन्ना नौं कु एक आदिम तैं भेजि।</verse>
				<verse number="7">उ गव्है दींणु कु आई कि उज्यला की गव्है द्यो, कि सब लोग वेका द्वारा वीं उज्यला मा विश्वास कैरा।</verse>
				<verse number="8">यूहन्ना अफ त उ उज्यला नि छो पर उ वे उज्यला का बारा मा गव्है दींणु कु ऐ छो।</verse>
				<verse number="9">उ जु सच्चो उज्यलो च जु हर एक आदिम तैं उज्यलो दींद जगत मा औंण वलो छो।</verse>
				<verse number="10">उ दुनिया मा छो अर दुनिया वेका द्वारा पैदा हवे अर जगत का लुखुं ल वे तैं नि पैछांणि।</verse>
				<verse number="11">उ अपड़ा लुखुं का संमणी ऐ अर वेका अपड़ा लुखुं ल वे तैं ठुकरै दींनि।</verse>
				<verse number="12">पर जथगो ल वे तैं स्वीकार कैरी वेल ऊं तैं परमेश्वर कि सन्तान हूंणो कु अधिकार दींनि मतलब ऊं तैं जु वे पर विश्वास करदींनि।</verse>
				<verse number="13">उ ल त ब्वे-बुबा या पूर्वजो बट्टी, मनिख की इच्छा बट्टी, न एक आदिम की सन्तान इच्छा बट्टी जु परमेश्वर बट्टी पैदा हवेनि।</verse>
				<verse number="14">अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।</verse>
				<verse number="15">यूहन्ना ल वेका बारा मा गव्है दींनि और चिल्लै कै बोलि, “यु उ ही च जैकू मिल ब्यौरा कैरी छो कि जु मेरा बाद औणु च उ मि बट्टी बड़ी के च, किलैकि उ मि से पैली बट्टी छो।”</verse>
				<verse number="16">दया पर दया बट्टी वेकी परिपूर्णता का दगड़ी हम सभियूं ल प्राप्त कैरी मतलब आशीष पर आशीष।</verse>
				<verse number="17">मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।</verse>
				<verse number="18">परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।</verse>
				<verse number="19">यूहन्ना की गव्है या च कि जब यहूदियों ल यरूशलेम शहर बट्टी यहूदी याजक अर लेवियों तैं वेमा यु पुछणु कु भेजि, तु कु छै?</verse>
				<verse number="20">वेल बगैर दबाव बट्टी अर बगैर कै हिचकिचाहट के बोलि, “मि मसीह नि छौं।”</verse>
				<verse number="21">तब ऊंल यीशु बट्टी पूछि, तू कु छै क्य तु एलिय्याह परमेश्वर का तरपां बट्टी बुल्ण वलो छै? वेल बोलि, मि नि छौं जैका बारा मा परमेश्वर ल वादा कैरी छो, त क्य तु परमेश्वर का तरपां बट्टी बुल्ण वलो छै? अर वेल जवाब दींनि, न।</verse>
				<verse number="22">तब ऊंल वे बट्टी पूछि, फिर तु कु छै? किलैकि हम अपड़ा भिजण वलो तैं जवाब द्यां तु अपड़ा बार मा क्य बुल्णी छै?</verse>
				<verse number="23">यीशु ल ऊंमा बोलि, मि जन यशायाह परमेश्वर का तरपां बट्टी बुल्ण वला बोलि, एकांत जंगल मा एक पुकारण वला कु शब्द छो कि तुम प्रभु कु रस्ता सैणो कैरा।</verse>
				<verse number="24">यु लोग फरीसियों का तरपां बट्टी भिजे गै छा।</verse>
				<verse number="25">ऊंल यूहन्ना बट्टी यु सवाल पूछि, कि तु न मसीह छै अर न एलिय्याह अर न उ परमेश्वर का तरपां बट्टी बुल्ण वलो छै त फिर बपतिस्मा किलै दींदी?</verse>
				<verse number="26">यूहन्ना ल ऊं तैं जवाब दींनि, मि त पांणी ल बपतिस्मा दींदु छों, पर तुमारा बीच मा एक मनिख खड़ो च जै तैं तुम नि जंणदा।</verse>
				<verse number="27">पर जु मेरा बाद आंण वलो च, जैका जुतों का तंणखा खुलणा का लैक भि मि नि छों।</verse>
				<verse number="28">या बात यरदन गाड का पार बैतनिय्याह नगर मा हवे जख यूहन्ना लुखुं तैं बपतिस्मा दींदो छो।</verse>
				<verse number="29">दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।</verse>
				<verse number="30">यु उ ही च जैका बारा मा मिल बोलि छो, कि एक मनिख मेरा पिछनै औणु च जु मि बट्टी श्रेष्ठ च किलैकि उ मि बट्टी पैली छो।</verse>
				<verse number="31">अर मि त वे तैं पैछणदो नि छो की उ मसीह च पर इस्राएल का लुखुं तैं यु बतौंणु कु की उ को च मि पांणी बट्टी बपतिस्मा दींदु छों।</verse>
				<verse number="32">अर यूहन्ना ल या गव्है दींनि कि मिल पवित्र आत्मा तैं कबूतर का रूप स्वर्ग बट्टी उतरद देखि जु वे पर ठैरी गै।</verse>
				<verse number="33">अर मि त वे तैं पैछणदु नि छो की उ मसीह च पर जैल मि तैं पांणी बट्टी बपतिस्मा दींणु कु भेजि वेल ही मि बट्टी बोलि, कि जै पर तू आत्मा तैं उतरद अर ठैरदी देखि उ ही पवित्र आत्मा बट्टी बपतिस्मा दींण वलो च।</verse>
				<verse number="34">अर मिल देखि अर मि तुम मा सच बुल्णु छो कि “यु परमेश्वर कु नौंनो च।”</verse>
				<verse number="35">दुसरा दिन फिर यूहन्ना अर वेका द्वी चेला खड़ा हुयां छा।</verse>
				<verse number="36">अर यूहन्ना ल ऊं चेलों मा यीशु तैं जांण देखि के बोलि, देखा यु परमेश्वर कु चिनखो च।</verse>
				<verse number="37">तब यु द्वी चेला यु सूंणि के यीशु का पिछनै हवे गैनी।</verse>
				<verse number="38">यीशु ल फरिकि के ऊं तैं पिछनै औंण देखि के ऊं बट्टी बोलि, तुम कैकी खोज म छा? ऊंल यीशु मा पूछि, “हे रब्बी” मतलब हे गुरु तु कख रौंदि?</verse>
				<verse number="39">वेल ऊंकु बोलि, चला अर देखि ल्या दिन का बगत लगभग चार बजि गै छा जब उ वेका दगड़ी गै अर देखि की उ बुल्णु छो इलै उ बकि दिनों कु उखि रुकि गै।</verse>
				<verse number="40">ऊं द्वी मा से जु यूहन्ना कि बात सूंणि के यीशु का पिछनै हवे गै छा एक शमौन पतरस का भैय अन्द्रियास छो।</verse>
				<verse number="41">वेल पैली अपड़ा सगा भैय शमौन पतरस बट्टी मिलिके वेमा बोलि, कि हम तैं ख्रिस्त मसीह मिली गै।</verse>
				<verse number="42">अन्द्रियास शमौन पतरस यीशु का संमणी लैनि यीशु ल ऊं तैं देखि के बोलि, तु यूहन्ना कु नौंनो शमौन पतरस छै तु अब बट्टी कैफा मतलब पतरस कहलेली।</verse>
				<verse number="43">दुसरा दिन यीशु ल गलील जिला मा जांणु कु निर्णय कैरी अर फिलिप्पुस तैं मिली के बोलि, “मेरा पिछनै हवे जा।”</verse>
				<verse number="44">फिलिप्पुस त अन्द्रियास अर पतरस बैतसैदा नगर कु रौंण वलो छो।</verse>
				<verse number="45">फिलिप्पुस ल नतनएल तैं मिली के वेकु बोलि, “हम तैं उ मनिख मिल गै जैका बारा मा मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो ल लिख्युं छों नासरत नगर बट्टी यूसुफ का नौंनो यीशु छै।</verse>
				<verse number="46">नतनएल ल वे बट्टी बोलि, क्य कुई भलि चीज भि नासरत नगर बट्टी निकली सकदी च? फिलिप्पुस ल वेकु बोलि चलि के देखि ले।</verse>
				<verse number="47">यीशु ल नतनएल तैं अपड़ी तरपां औंण देखि कै वेका बारा मा बोलि, देखा यु इस्राएल का लुखुं का घराना कु विश्वासयोग्य वंशज च जु पूरा ढंग से ईमानदार च।</verse>
				<verse number="48">नतनएल ल वेमा बोलि, तु मि तैं कख बट्टी जंणदी छै? यीशु ल वे तैं जवाब दींनि यां बट्टी पैली कि फिलिप्पुस ल त्वे तैं बुलै जब तु बेडु का डाला तौला छै तब मिल त्वे तैं देखि छो।</verse>
				<verse number="49">नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।</verse>
				<verse number="50">यीशु ल वे तैं जवाब दे मिल जु त्वे मा बोलि, कि मिल त्वे तैं बेडु का डाला तौला देखि क्य तु इलै विश्वास कनी छै? तु यु से बड़ा-बड़ा काम तैं दिखली।</verse>
				<verse number="51">फिर वे बट्टी बोलि, मि तुम मा सच-सच बुल्णु छौं कि तुम स्वर्ग तैं खुल्यूं अर परमेश्वर का स्वर्गदूतों तैं मथि जांदा अर मि मनिख कु नौंनो का मथि उतरद दिखली।”</verse>
			</chapter>
			<chapter number="2">
				<verse number="1">फिर तिसरा दिन गलील जिला का काना नगर मा कै को ब्यो छो अर यीशु की ब्वे भि ऊखी छै।</verse>
				<verse number="2">अर यीशु अर वेका चेला भि वे ब्यो मा बुलै गै छा।</verse>
				<verse number="3">जब मेहमानों ल सैरी दाखमधु पै दींनि त यीशु कि ब्वे ल वेमा बोलि, वेमा दाखरस नि रै गै।</verse>
				<verse number="4">यीशु ल वीं मा बोलि, “हे नारी, तु मि तैं किलै बतांणी छै मसीह कु रूप तैं पछणै जांणु कु” अभि मेरू बगत नि आई।</verse>
				<verse number="5">पर वेकी ब्वे ल चेलों मा बोलि, जु कुछ उ तुम मा बोलु उ ही करियां।</verse>
				<verse number="6">यहूदियों का अपड़ा धार्मिक रीति का अनुसार हथ धुणौं कु रिवाज छो इन कनु कु ऊंल ऊख ढुंगो का छै, मटका धरयां छा हरेक मटका मा लगभग सौ लीटर समाँद छो।</verse>
				<verse number="7">यीशु ल ऊंमा बोलि, मटकों मा पांणी भोरि द्या; त ऊंल ऊं तैं तुल बुल कै भोरि दींनि।</verse>
				<verse number="8">तब वेल ऊंमा बोलि, अब पांणी निकाली कै भोज का प्रधान का संमणी ली जा सेवकों ल उन ही कैरी जन वेल ऊं कु कनु कु बोलि छो।</verse>
				<verse number="9">जब भोज का प्रधान ल उ पांणी चखि जु दाखमधु बण गै छो अर नि जंणदु छो कि उ कख बट्टी ऐ च पर जौं चेलों ल पांणी निकाली छो उ जंणदा छा त भोज का प्रधान ल ब्योला तैं बुलै के वेमा बोलि।</verse>
				<verse number="10">हरेक मेज़बान पैली सबसे अच्छो दाखमधु दींदो अर लुखुं का पूरी रूप से छक हवे जांण पर खराब दाखरस दींदो पर तेरु अच्छो दाखरस अभि तक रखि के छुड़ैयूं च।</verse>
				<verse number="11">यीशु ल गलील जिला का काना नगर मा अपड़ो यु पैलो चमत्कार का चिन्ह दिखै के अपड़ी महिमा प्रगट कैरी अर वेका चेलों ल वे पर विश्वास कैरी कि उ मसीह च।</verse>
				<verse number="12">यांका बाद उ अर वेकी ब्वे अर वेका भैय अर वेका चेला कफरनहूम शहर मा ऐनी अर कुछ दिन रैनी।</verse>
				<verse number="13">यहूदियों कु फसह कु त्यौहार नजदीक छो यीशु यरूशलेम शहर कु गै।</verse>
				<verse number="14">वेल यरूशलेम शहर का मन्दिर मा बल्दों, ढिबरों अर कबूतर बिचण वलो कि चौकि तैं भि फरकै दींनि।</verse>
				<verse number="15">तब वेल जूडूं को कोड़ा बणै के सब ढिबरों अर बल्दों तैं यरूशलेम शहर का मन्दिर बट्टी निकाली दींनि अर सराफों का पैसा छिलारी दींनि अर पिड़ों तैं फरकै दींनि</verse>
				<verse number="16">अर कबूतर बिचण वलो मा बोलि, “यूं तैं इख बट्टी लिजा। मेरा बुबा का घौर तैं (यरूशलेम शहर का मन्दिर) तुम व्यापार कु घौर नि बणावा।”</verse>
				<verse number="17">तब वेका चेलों तैं याद ऐ की परमेश्वर का वचन मा लिख्युं च “तेरु यरूशलेम शहर का मन्दिर की भक्ति मेरा भितर आग का जन जल्दी च”</verse>
				<verse number="18">यां पर यहूदियों ल वे बट्टी बोलि, “यु कामों पर अपड़ो अधिकार साबित कनु कु तुम हम तैं क्य चमत्कार का चिन्ह दिखै सकदा छा?”</verse>
				<verse number="19">यीशु ल ऊं तैं जवाब दे कि यु मन्दिर तैं ढोलि द्या अर मि वे दुबारा बणै दयुलु।</verse>
				<verse number="20">यहूदियों ल बोलि, यरूशलेम शहर का मन्दिर का बंणौण मा छियालिस साल लगि गैनी अर क्य तु वे तैं तीन दिन मा बणै दीलि?</verse>
				<verse number="21">पर यीशु जै मन्दिर का बारा मा बुल्णु छो उ देह च।</verse>
				<verse number="22">इलै जब यीशु मुर्दों म बट्टी ज्यूँदो हवे त वेका चेलों तैं याद आई कि वेल यु बोलि छो अर ऊंल परमेश्वर का वचन जु मसीह का पुनरुत्थान का बारा मा बतौंणु छो विश्वास कैरी।</verse>
				<verse number="23">जब यरूशलेम शहर मा फसह कु त्यौहार कु बगत छो त भौत लुखुं ल ऊं चमत्कार का चिन्हों तैं जु उ दिखांदु छो देखि कै वे पर विश्वास कैरी।</verse>
				<verse number="24">पर यीशु ल ऊं लुखुं पर विश्वास नि कैरी किलैकि यीशु आदिम का स्वभाव तैं जंणदु च।</verse>
				<verse number="25">अर वे तैं जरूरत नि छै कि लुखुं का बारा मा बतौ किलैकि उ जंणदु छो कि लुखुं का दिलों या इरादों मा क्य च?</verse>
			</chapter>
			<chapter number="3">
				<verse number="1">फरीसियों मा बट्टी नीकुदेमुस नौं कु एक आदिम छो जु यहूदियों कु धार्मिक अगुवा छो उ एक फरीसी छो।</verse>
				<verse number="2">वेल राती यीशु का संमणी ऐ के वेमा बोलि, हे गुरु हम जंणदा छा परमेश्वर ल त्वे तैं हम तैं सिखांण कु भिज्युं च किलैकि कुई भि यूं चमत्कार तैं जु तु दिखौंदि छै त जु परमेश्वर वे दगड़ी नि हो त नि दिखै सकदु।</verse>
				<verse number="3">यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद।</verse>
				<verse number="4">नीकुदेमुस ल वेमा बोलि, मनिख जब बुढया हवे गै त कनके जन्म ले सकद? निश्चित रूप बट्टी एक आदिम दुसरी बार पैदा हूंण कु अपड़ी ब्वे कि कोखी मा वापिस नि जै सकद?</verse>
				<verse number="5">यीशु ल जवाब द्ये, कि मि त्वे बट्टी सच-सच बुल्ण छौं जब तक कुई मनिख पांणी अर पवित्र आत्मा बट्टी नि जन्मो त उ परमेश्वर का राज्य मा प्रवेश नि कैर सकद।</verse>
				<verse number="6">मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो।</verse>
				<verse number="7">भैचक नि हो कि मिल त्वे बट्टी बोलि, त्वे तैं नया सिरा बट्टी पैदा हूंण जरूरी च।</verse>
				<verse number="8">हवा जनै चाँदि उख चलदी च अर तु वेकी आवाज सुंणदि छै पर नि जंणदी कि व कख बट्टी औणि अर कनै कु जांणि च? जु कुई पवित्र आत्मा बट्टी चलदो च उ इन ही च।</verse>
				<verse number="9">नीकुदेमुस ल वे तैं जवाब दींनि, कि यु बात कनके हवे सकदींनि?</verse>
				<verse number="10">यु सूंणि के यीशु ल वे तैं उत्तर दे, “तु इस्राएल का लुखुं का घराना मा एक महान शिक्षक छै त्वे तैं वास्तव मा यूं बातों तैं समझण चयणु च?</verse>
				<verse number="11">मि त्वे बट्टी सच-सच बुल्ण छौं, कि हम जु जंणदा छा उ ही बुल्दा छा, पर जै तैं हम ल देखि वेकी गव्है दींदां छा अर तुम हम जु बुल्दा छा वे पर विश्वास नि करदां।</verse>
				<verse number="12">जब मिल तुम बट्टी धरती पर हूंण वली बातों तैं बोलि, अर तुम विश्वास नि कैरी त मि तुम बट्टी स्वर्ग की बातों तैं बोलु की स्वर्ग मा कि होलो त फिर कनके विश्वास करिल्या?</verse>
				<verse number="13">कुई स्वर्ग पर नि गै पर भस मि मनिख कु नौंनो ही स्वर्ग बट्टी मुड़ी अयुं छों।</verse>
				<verse number="14">और जै ढंग से मूसा ल एकांत जंगल म पीतल कु गुरो तैं ऊँचा पर चड़ै वे ही ढंग से जरूरी च कि मि मनिख कु नौंनो भि ऊँचा पर चड़ै जौं।</verse>
				<verse number="15">इलै की जु कुई मि पर विश्वास कैरो उ अनन्त जीवन पालो।</verse>
				<verse number="16">किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।</verse>
				<verse number="17">किलैकि परमेश्वर ल अपड़ा नौंना तैं दुनिया का लुखुं पर दंड दींणु कु नि भेजि, पर इलै भेजि कि दुनिया का लोग वेका द्वारा उद्धार पां।</verse>
				<verse number="18">जु परमेश्वर का नौंना पर विश्वास करदो वे पर दंड की आज्ञा नि हूंदी पर जु वे पर विश्वास नि करदो उ अपराधी ठैरी चुकि गै इलै की वेल परमेश्वर का एकलौता नौंना का नौं पर विश्वास नि कैरी।</verse>
				<verse number="19">अर दंड कि आज्ञा कु कारण यु च कि उज्यला जगत मा ऐ, मनिख्युं ल अंधेरो तैं उज्यला बट्टी जादा अच्छो जांणि किलैकि ऊँका काम बुरा छा।</verse>
				<verse number="20">किलैकि जु कुई बुरै करदो उ उज्यला बट्टी बैर रखदु अर उज्यला मा नि औंदु कखी इन नि हो कि ऊंका कामों पर भंगार लगै जौं।</verse>
				<verse number="21">पर जु सच पर चलदो, उ उज्यला मा औंदु च किलैकि वेका काम प्रगट हूंनु कि उ जु परमेश्वर चांदु च कि उ कैरो किये गै छा।”</verse>
				<verse number="22">यांका बाद यीशु अर वेका चेला यहूदिया प्रान्त मा ऐनी अर उ उख ऊं दगड़ी रै के बपतिस्मा दींण लगि गै।</verse>
				<verse number="23">अर यूहन्ना भि ऐनोन गौं मा जु सामरिया क्षेत्र सालेम नगर का संमणी च मा बपतिस्मा दींदु छो किलैकि उख भौत पांणी छो अर लोग ऐ के बपतिस्मा ल्यून्दा छा।</verse>
				<verse number="24">किलैकि यूहन्ना वे बगत तक जेलखना म नि डले गै छो।</verse>
				<verse number="25">उख यूहन्ना का चेलों कु कै यहूदियों का अपड़ा धार्मिक रीति का अनुसार हथ धुणौं कु रिवाज छो येका बारा मा झगड़ा हवे।</verse>
				<verse number="26">अर यूहन्ना का चेला यूहन्ना का संमणी ऐ के वेमा बुल्ण लगी गैनी, “हे गुरु जु मनिख यरदन गाड का पूर्व दिशा मा त्वे दगड़ी छो अर जै की तिल गव्है दे छै, देख, उ बपतिस्मा दींणु च अर सब लोग संमणी औंदा छिन।”</verse>
				<verse number="27">यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद।</verse>
				<verse number="28">तुम तैं निश्चित रूप बट्टी याद च की मिल तुम तैं कन बतै छो, की मिल बोलि, मि मसीह नि छौं पर वेका अगनैं भिजे गै छौं।</verse>
				<verse number="29">ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै।</verse>
				<verse number="30">उ अर अधिक महत्वपूर्ण हवे जौ अर मि कम महत्वपूर्ण हवे जौं।</verse>
				<verse number="31">जु स्वर्ग बट्टी औंदु उ श्रेष्ट च जु धरती बट्टी औंणु उ धरती कु ही च अर धरती कि बात बुल्द जु स्वर्ग बट्टी औंणु उ सबसे बड़ी के च।</verse>
				<verse number="32">जु कुछ वेल देखि अर सूंणि वेकी गव्है दींद अर भौत कम लोग वेकी गव्है तैं स्वीकार करदींनि।</verse>
				<verse number="33">पर जैल वेकी गव्है स्वीकार कैरेली वेल ईं बात पर मोहर लगै दींनि कि परमेश्वर सचो च।</verse>
				<verse number="34">किलैकि जै तैं परमेश्वर ल भेजि उ परमेश्वर कि बात बुल्द किलैकि यु ऊई च जै तैं परमेश्वर ल पवित्र आत्मा पूरा ढंग से दीयूं च।</verse>
				<verse number="35">पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।</verse>
				<verse number="36">जु परमेश्वर का नौंना पर विश्वास करदो अनन्त जीवन वेको ही च पर जु नौंना कि नि मणदो वे तैं अनन्त जीवन नि मिलालो पर परमेश्वर कु दण्ड वे पर ही रालो।</verse>
			</chapter>
			<chapter number="4">
				<verse number="1">फिर जब प्रभु तैं पता चलि कि फरीसियों ल सूंणि कि यीशु, यूहन्ना से जादा चेला बंणौदु अर ऊं तैं बपतिस्मा दींदो च।</verse>
				<verse number="2">जबकि यीशु खुद न पर वेका चेला बपतिस्मा दींदां छा।</verse>
				<verse number="3">तब उ यहूदिया प्रान्त तैं छोड़ी के गलील जिला कु अपड़ा चेलों का दगड़ी वापिस चलि गैनी</verse>
				<verse number="4">अर वे तैं सामरिया प्रान्त बट्टी जांण जरूरी छो किलैकि परमेश्वर भि यु ही चांणु छो।</verse>
				<verse number="5">फिर यीशु सामरिया प्रान्त का सुखार शहर मा ऐ, जु वीं भूमि का संमणी च जै तैं याकूब ल अपड़ा नौंना यूसुफ तैं दे छो।</verse>
				<verse number="6">याकूब ल जु कुआँ खोदि छो, उ अब भि ऊखी च, यात्रा बट्टी थाक्युं मसीह यीशु कुआँ का संमणी बैठी गै. यु लगभग छटवां घण्टा कु बगत छो।</verse>
				<verse number="7">इथग मा एक सामरिया प्रान्त कि एक जनन पांणी भुनु कु ऐ। यीशु ल वीं कु बोलि, “मि तैं पींणु कु पांणी द्या”</verse>
				<verse number="8">किलैकि ऊंका चेला नगर मा खांणु मोल लींणु कु ग्यां छा।</verse>
				<verse number="9">वीं सामरी जाति की जनन ल वेमा बोलि, तु एक यहूदी छै अर मि एक सामरी जनन छों तु मि बट्टी पांणी किलै मंगणी छै? किलैकि यहूदियों अर सामरियों का दगड़ी कुछ भि बरतौ नि रखदा छा।</verse>
				<verse number="10">यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”</verse>
				<verse number="11">जनन ल वेको बोलि, “हे स्वामी, त्वे मा पांणी भुनु कु कुछ भि नि च अर कुआँ भौत गैरु च त फिर उ जीवन कु पांणी त्वे मा कख बट्टी ऐ?</verse>
				<verse number="12">क्य तु हमारा पूर्वज याकूब से बड़ो छै जैल हम तैं यु कुआँ दींनि अर उ अर वेकी सन्तान अर अपड़ा गोर बछरा समेत वेमा बट्टी पांणी पींदा छा?</verse>
				<verse number="13">यीशु ल वीं तैं जवाब दे जु कुई यु पांणी प्यालो उ फिर तिसालो नि होलो</verse>
				<verse number="14">पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।</verse>
				<verse number="15">वीं जनन ल यीशु मा बोलि, हे प्रभु वे पांणी मि तैं दे किलैकि मि तिसालो नि हों अर न पांणी भुनु कु इथग दूर कभि भि औं”</verse>
				<verse number="16">यीशु ल वीं से बोलि, जा अपड़ा जवें तैं इना बुलै के लौ।</verse>
				<verse number="17">वीं जनन ल जवाब दींनि मि बगैर जवें का छौं यीशु ल वीं से बोलि, तु ठिक बुल्णी छै कि तु बगैर जवें का छौं।</verse>
				<verse number="18">किलैकि तु पाँच आदिम कैरी चुकि गै अर अभि भि तु जै दगड़ी छै उ भि तेरु जवें नि च, यु तिल सच्ची ही बोलि।</verse>
				<verse number="19">जनन ल वेमा बोलि, हे प्रभु मि तैं लगदु कि तु परमेश्वर का तरपां बट्टी बुल्ण वलो छै।</verse>
				<verse number="20">हमारा सामरी पूर्वज परमेश्वर की आराधना करदा छा अर तुम यहूदी लोग बुल्दा छा कि व जगह जख भजन कन चयणु च व यरूशलेम शहर मा च।</verse>
				<verse number="21">यीशु ल वीं से बोलि, हे नारी मेरी बात कु विश्वास कैर कि उ बगत औणु च कि तुम न त यु डांडा पर परमेश्वर कि आराधना करिल्या न यरूशलेम शहर मा।</verse>
				<verse number="22">तुम सामरी लोग जै तैं नि जंणदा वेकी आराधना करदां छा अर जै तैं जंणदा छा हम यहूदी लोग जै तैं जंणदा छा वेकी आराधना करदां छा, किलैकि लुखुं को उद्धार कन वलो यहूदियों मा बट्टी औंदु च।</verse>
				<verse number="23">पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।</verse>
				<verse number="24">परमेश्वर आत्मा च इलै जरूरी च कि वेकी आराधना कन वला आत्मा अर सचै से वेकी आराधना कैरा।</verse>
				<verse number="25">वीं जनन ल वे बट्टी बोलि, मि जंणदु छौं कि मसीह जु ख्रिस्त कहलांद औंण वलो च जब उ आलो त हम तैं सब बात बतै दयालो।</verse>
				<verse number="26">यीशु ल वीं कु बोलि, मि जु त्वे मा बुल्ण छौं उ ही छौं।</verse>
				<verse number="27">इथग मा यीशु का चेला ऐ गैनी अर चौंकि गैनी कि यीशु वीं सामरी जाति कि जनन दगड़ी बात कनु च तब भि कैल नि पूछि कि तु क्य चाँदि छै? य किलै वीं दगड़ी बात कनी छै?</verse>
				<verse number="28">तब व जनन अपड़ो घड़ा छोड़ी के नगर मा चलि गै अर लुखुं बट्टी बुल्ण लगी गै</verse>
				<verse number="29">अवा एक मनिख तैं देखा जैल सब कुछ जु मिल कैरी छो मि तैं बतेयेले कखि यु ही त मसीह नि च?</verse>
				<verse number="30">तब उ नगर बट्टी निकली के यीशु तैं दिखणु कु संमणी औंण लगि गैनी।</verse>
				<verse number="31">इथग मा यीशु का चेला ल यु बिनती कन लगि गैनी हे गुरु कुछ खै ले।</verse>
				<verse number="32">पर यीशु ल ऊंमा बोलि, मि मा खांण कु इन खांणु च जै तैं तुम नि जंणदा।</verse>
				<verse number="33">तब चेलों ल आपस म बोलि, क्य कुई वे कु कुछ खांण कु लै?</verse>
				<verse number="34">यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।</verse>
				<verse number="35">क्य तुम नि बुल्दा लवैइ हूंण मा अभि भि चार मैना पुड़यां छिन? देखा मि तुम मा बुल्ण छौं अपड़ा आंखों तैं खोला, आंण वला लुखुं तैं देखा उ एक पुंगडा का जन छिन जु लवैइ तैं देखा कि उ लवैइ कु तैयार छिन।</verse>
				<verse number="36">कठ्ठा कन वला अपड़ी मजदूरी पै कै अनन्त जीवन कु फसल कठ्ठा कनु च की किसान अर कठ्ठा कन वला द्वी मिल के आनन्द करुनु।</verse>
				<verse number="37">किलैकि इख म या बात ठिक च कि बुतण वलो कुई और च अर लवैइ कन वलो कुई और।</verse>
				<verse number="38">मिल तुम तैं उ पुगड़ो लौंणु कु भेजि जै मा तुम ल मेहनत नि कैरी दूसरों ल मेहनत कैरी तुम वे फसल तैं कठ्ठा कैरा जैकु ऊंल मेहनत कैरी।</verse>
				<verse number="39">वे गौं का छक सामरी जाति का लुखुं ल वीं जनन का बुल्यां से यीशु पर विश्वास कैरी जैल यु बोलि छो कि वेल सब कुछ जु मिल कैरी छो मि तैं बतै दींनि।</verse>
				<verse number="40">इलै जब यु सामरी जाति का लोग वेका संमणी ऐनी त वे बट्टी बिनती कन लगि गैनी कि हमारा इख रौ त उ उख द्वी दिन तक रै।</verse>
				<verse number="41">अर वेका संदेश का कारण अर भि भौतों ल यीशु पर विश्वास कैरी</verse>
				<verse number="42">अर वीं जनन म बोलि, अब हम तेरु ही बुल्यां से विश्वास नि करदां किलैकि हम ल अफी सूणेलि अर जंणदा छा कि यु ही सचमुच म दुनिया कु उद्धारकर्ता च।</verse>
				<verse number="43">फिर द्वी दिनों का बाद उ, उख बट्टी निकली के गलील जिला कु गै</verse>
				<verse number="44">किलैकि यीशु ल अफी गव्है दींनि कि परमेश्वर का तरपां बट्टी बुल्ण वलो कु अपड़ा देश तैं छोड़ी के उंको सब जगह आदर हूंद।</verse>
				<verse number="45">जब यीशु गलील जिला मा ऐ त गलीली लोग खुश हवे के ऊं बट्टी मिलिनि किलैकि जथग काम यीशु ल यरूशलेम शहर मा त्यौहार का बगत मा कैरी छा ऊंल ऊं सभियूं तैं देखि छो किलैकि उ सभि लोग भि त्योहार मा गै छा।</verse>
				<verse number="46">तब यीशु फिर गलील जिला का काना नगर मा ऐ जख वेल पांणी तैं दाखमधु बणै छो। उख राजा कु एक नौकर छो जैकु नौंनो कफरनहूम शहर म बिमार छो।</verse>
				<verse number="47">उ यु सूंणि के कि यीशु यहूदिया प्रान्त बट्टी गलील जिला मा ऐ गैनी तब यीशु मा गै अर वेमा बिनती कन बैठी गै कि चलि के मेरा नौंना तैं ठिक कैरी दे किलैकि उ मुरण वलो च।</verse>
				<verse number="48">यीशु ल वेमा बोलि, तुम चिन्ह चमत्कार दिखण चांदा तब तक मि पर विश्वास नि करदां।</verse>
				<verse number="49">राजा का सेवका ल वेमा बोलि, हे प्रभु मेरा नौंनो कि मौत हूंण से पैली चल।</verse>
				<verse number="50">यीशु ल वेमा बोलि, जा तेरु नौंनो ज्यूँदो च। वे मनिख ल यीशु कि बुलीं बातों कु विश्वास कैरी अर चलि गै।</verse>
				<verse number="51">काना नगर एक ऊंची जगह पर छो, इलै जब उ मुड़ी जांणा छा त वेका सेवक वे तैं मिलिनि अर बुल्ण लगि गैनी तेरु नौंनो ज्यूँदो च।</verse>
				<verse number="52">वेल ऊंमा पूछि, कै बगत उ ठिक हूंण लगि गै? ऊंल वेमा बोलि, ब्यालि दिन का एक बजि मा वेको जौर उतरी गै।</verse>
				<verse number="53">तब वे नौंना कु बुबा जांणि गै कि यु उ बगत मा हवे जै बगत यीशु ल वेमा बोलि, तेरु नौंनो ज्यूँदो रालो अर वेल अर वेका घौर मा जथग रौंदा छा ऊंल यीशु पर विश्वास कैरी।</verse>
				<verse number="54">यु दुसरो चमत्कार कु चिन्ह छो जु यीशु ल यहूदिया प्रान्त बट्टी गलील जिला मा वापिस ऐ के कैरी छो।</verse>
			</chapter>
			<chapter number="5">
				<verse number="1">यूं बातों का बाद यहूदियों कु एक त्योहार हवे अर यीशु यरूशलेम शहर मा गै।</verse>
				<verse number="2">अब यरूशलेम शहर मा, ढिबरा-फाटक का संमणी एक कुण्ड छो, जु इब्रानी भाषा मा बैतसैदा बुलेंदु छो, यु पाँच छत वला ओसारा बट्टी घिरयूं छो।</verse>
				<verse number="3">यूं मा बिजां बिमार जन कांणा, लूला, लंगड़ा, अर सुख्यां अंग वला पांणी का हिलणै कि उम्मीद मा पुड़यां रौंदा छा।</verse>
				<verse number="4">किलैकि सै बगत पर परमेश्वर का स्वर्गदूत कुण्ड मा उतरी के पांणी तैं हिलौंदा छा पांणी हिलै जांण का बाद जु कुई भि कुण्ड मा पैली प्रवेश करदु छो उ खूब हवे जांद छो चै वेकी कुई भि बिमारी किलै नि हो।</verse>
				<verse number="5">उख एक मनिख छो जु अड़तीस बरसों बट्टी बिमारी मा पुड़यूँ छो।</verse>
				<verse number="6">यीशु ल वे तैं पुड़यूँ देखि के अर यु जांणि के कि उ भौत दिनों बट्टी ईं दशा म पुड़यूँ च वेल वेमा पूछि, क्य तु ठिक हूंण चाँदि छै?</verse>
				<verse number="7">वे बिमार मनिख ल यीशु तैं जवाब दे, हे प्रभु मि दगड़ी कुई आदिम नीच, कि जब पांणी हिलये जांद मि कुण्ड मा प्रवेश कने की कोशिश त करदु छो पर कुई अर ही हमेशा पैली ही ऊख प्रवेश कैरी दींद।</verse>
				<verse number="8">यीशु ल वे लकवा का रोगी कु बोलि, मि त्वे कु बुल्णु छौं उठ अपड़ी खाट उठै के चल फिर।”</verse>
				<verse number="9">उ मनिख एकदम ठिक हवे के अर अपड़ी खाट उठै के सभियूं का संमणी बट्टी निकली के चलण फिरण लगि गै, जै दिन यु सब कुछ हवे वे दिन यहूदियों कु विश्राम कु दिन जु परमेश्वर को पवित्र दिन च छो।</verse>
				<verse number="10">इलै यहूदी अधिकारियों ल वे बट्टी जु ठिक हवे छो बुल्ण लगि गैनी “आज त यहूदियों कु विश्राम कु दिन जु परमेश्वर को पवित्र दिन च मूसा की व्यवस्था का अनुसार त्वे तैं खाट उठै कै लिजांण ठिक नि च।”</verse>
				<verse number="11">वेल ऊं तैं जवाब दींनि जैल मि तैं ठिक कैरी वेल मि बट्टी बोलि, अपड़ी खाट उठौ अर चल फिर।</verse>
				<verse number="12">ऊंल वेमा पूछि, उ कु आदिम च जैल त्वे मा बोलि, खाट उठौ अर चल फिर?</verse>
				<verse number="13">पर जु चंगा हवे गै छो उ नि जंणदु छो कि उ को च किलैकि यीशु भीड़ मा ओझल हवे गै छो।</verse>
				<verse number="14">कुछ बगत का बाद उ यीशु तैं यरूशलेम शहर का मन्दिर का चौक मा मिली। यीशु ल वेमा बोलि, देख तु ठिक हवे गै दुबरा पाप नि कैरी इन नि हो कि यांसे कुई भारी विपदा त्वे पर ऐ जौ।</verse>
				<verse number="15">वे मनिख न जै के यहूदियों का अगुवों मा बोलि दींनि कि जैल मि तैं ठिक कैरी उ यीशु च।</verse>
				<verse number="16">यु कारण यहूदी अगुवा यीशु तैं सतौण लगि गैनी किलैकि उ इन-इन काम यहूदियों कु विश्राम कु दिन जु परमेश्वर को पवित्र दिन च करदु छो।</verse>
				<verse number="17">यां पर यीशु ल वेमा बोलि, मेरू पिता परमेश्वर हमेशा काम करदो अर मि तैं भि काम कन चयणु च।</verse>
				<verse number="18">किलैकि यीशु ल यु शब्द बोलि इलै यहूदियों का अगुवा ल अर भि जादा वे तैं मरणै की कोशिश कैरी कि उ भस यहूदियों कु विश्राम कु दिन जु परमेश्वर को पवित्र दिन च कि विधि तैं तुड़द, पर परमेश्वर तैं अपड़ो बुबा बोलि के अफ तैं परमेश्वर का तुल्या ठैरांदु च।</verse>
				<verse number="19">यां पर यीशु ल ऊंमा बोलि, “मि तुम मा सच-सच बुल्णु छौं, नौंनो खुद कुछ नि कैर सकद भस उ जु पिता परमेश्वर तैं करद दिखद किलैकि जौं-जौं कामों तैं उ करद च ऊं तैं मि भि वीं रीति से करदु</verse>
				<verse number="20">किलैकि पिता परमेश्वर मि से प्रेम करदु अर जु-जु काम उ अफ करदो ऊं सब वे तैं दिखोंदु अर उ यांसे भि बड़ा काम वे तैं दिखालो इलै की तुम अचम्भो कैरा।</verse>
				<verse number="21">किलैकि जन पिता परमेश्वर मुरयां लुखुं तैं ज्यूँदो करदु च उन ही नौंनो भि जै तैं चांदु ऊं तैं जिलौदु च।</verse>
				<verse number="22">इथग ही न पर पिता परमेश्वर कैकी जांच कैरी के न्याय नि करदो पर न्याय कनु कु सब काम नौंना तैं दियुं च।</verse>
				<verse number="23">पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।</verse>
				<verse number="24">मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।</verse>
				<verse number="25">मि तुम मा सच-सच बुल्णु छौं उ बगत औंणु च अर अब ही च ज्यांमा मुरयां लोग परमेश्वर का नौंना की आवाज सुणला अर जु सुणला उ हमेशा कु जीला।</verse>
				<verse number="26">किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु</verse>
				<verse number="27">अर किलैकि मि मनिख कु नौंनो छों पिता परमेश्वर ल मि तैं सभि लुखुं पर न्याय कनु कु अधिकार दियुं च इलै की मि मनिख कु नौंनो छों।</verse>
				<verse number="28">यांसे अचम्भो नि कैरा किलैकि उ बगत औंदु च कि जथग उ सब लोग जु मुरयां अर कब्रों मा छिन, उ सब, मि मनिख कु नौंना की आवाज सूंणि के ज्यूँदो हवे के उठ खड़ा होला।</verse>
				<verse number="29">जौं ल अच्छी जिंदगी जीं च उ अनन्त जीवन पांणु कु ज्यून्दो होला, अर उ जु बुरै मा जीवन बितांदा छा उ भंगारी ठैरे जांण कु जी उठला।</verse>
				<verse number="30">मि अपड़ा आप बट्टी कुछ नि कैरी सकदु मि लुखुं कु न्याय उन ही करदु जन पिता परमेश्वर मि तैं ऊंकु न्याय कनु कु बुल्दो अर मेरू न्याय सचो च किलैकि मि अपड़ी इच्छा न पर अपड़ा भिजण वला कि इच्छा चांदु छौं।</verse>
				<verse number="31">जु मि अफी अपड़ी गव्है द्यो त मेरी गव्है सच नि च।</verse>
				<verse number="32">एक च जु मेरा पिता परमेश्वर च उ भि मेरा बारा मा गव्है दींदु च अर मि जंणदु छौं कि मेरी जु गव्है उ दींदु च व सच च।</verse>
				<verse number="33">तुम ल यूहन्ना बप्तिस्मा दींणवला का संमणी संदेश वलो भेजि अर वेल सचै कि गव्है द्ये।</verse>
				<verse number="34">पर मि अपड़ा बारा मा मनिख कि गव्है नि चांदु फिर भि मिल तुम तैं व गव्है का बारा मा बतयूं च जु यूहन्ना ल दे छैं कि तुम उद्धार पै साका।</verse>
				<verse number="35">यूहन्ना एक दिवडा का जन च जु जलद अर चमकदु छो अर तुम तैं कुछ देर तक वेका उज्यला मा मगन हूंण अच्छो लगि।</verse>
				<verse number="36">मि मा यूहन्ना की गव्है से श्रेष्ठ गव्है च उ काम जु पिता परमेश्वर ल मि तैं पूरो कनु कु दियुं च उ ही मेरा बारा मा गव्है दींदो च जु काम मि करदो छौं उ मेरा गव्है दींदो च कि पिता परमेश्वर ल मि तैं भेजि।</verse>
				<verse number="37">अर पिता जैल मि तैं भेजि वेल मेरी गव्है द्ये। तुम ल न कभि वेकी आवाज सूंणि अर न ही वे तैं अमणी-संमणी देखि</verse>
				<verse number="38">अर वेका शिक्षा तैं मन मा स्थिर नि रखदां किलैकि तुम मि पर विश्वास नि करदां जै तैं परमेश्वर ल भेजि।</verse>
				<verse number="39">तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च</verse>
				<verse number="40">यु सब हूंण पर उ ही तुम अनन्त जीवन पांणु कु मि मा आंण नि चदयां।</verse>
				<verse number="41">मि मनिख्युं की प्रशंसा की आशा नि करदु।</verse>
				<verse number="42">किलैकि मि तुम तैं जंणदु छौं कि तुम परमेश्वर बट्टी प्रेम नि करद्यां।</verse>
				<verse number="43">मि अपड़ा पिता परमेश्वर का अधिकार से अयुं छौं अर तुम मि तैं स्वीकार नि करदां इलै कुई और अपड़ा अधिकार ल औ त वे तैं स्वीकार कैरी लील्या।</verse>
				<verse number="44">तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?</verse>
				<verse number="45">इन नि समझा कि मि पिता का संमणी तुम पर भंगार लगौलु तुम पर भंगार लगौंण वलो त मूसा द्वारा लिखीं परमेश्वर की व्यवस्था च जै पर तिल अपड़ी आस रखि च तुम पर भंगार लगाला।</verse>
				<verse number="46">जु तुम मूसा पर विश्वास करद्यां, त मि पर भि विश्वास करद्यां, इलै की वेल मेरा बारा मा परमेश्वर का वचन का लेखों मा लिख्युं च।</verse>
				<verse number="47">किलैकि तुम वेकी व्यवस्था पर विश्वास नि करद्यां त तुम जरुर यु पर भि विश्वास नि करिल्या की मि की बुल्णु छो?”</verse>
			</chapter>
			<chapter number="6">
				<verse number="1">यूं बातों का बाद यीशु गलील जिला कि झील मतलब तिबरियास कि झील का छाला मा गै।</verse>
				<verse number="2">अर एक बड़ी भीड़ ऊंका पिछनै हवे गै किलैकि जु चमत्कार यीशु बिमारों पर दिखांदु छों उ ऊं तैं दिखदा छा।</verse>
				<verse number="3">तब यीशु डांडा पर चढ़ी के अपड़ा चेलों का दगड़ी उख बैठी गैनी।</verse>
				<verse number="4">यहूदियों कु फसह कु त्यौहार नजदीक छो।</verse>
				<verse number="5">तब यीशु ल अपड़ा आंखा उठै के एक बड़ी भीड़ तैं अपड़ा संमणी औंण देखि त वेल फिलिप्पुस मा बोलि हम यूँका खांणु कु कख बट्टी रुट्टि मोल ल?</verse>
				<verse number="6">ऊंल या बात वे तैं परखणु कु बोलि, किलैकि उ अफ जंणदा छा कि मिल क्य कन।</verse>
				<verse number="7">फिलिप्पुस ल यीशु तैं जवाब दे, तीन रुट्टियुं की कीमत द्वी सौ दिन की मजदूरी का बराबर होली, यु भि यूं कु पूरी नि होलि, पर ऊंमा बट्टी हरेक तैं जर जरा मिली जौ।</verse>
				<verse number="8">वेका चेलों मा बट्टी शमौन पतरस का भैय अन्द्रियास ल वेमा बोलि,</verse>
				<verse number="9">इख एक नौंनो च जै मा जौं कि पाँच रुट्टि छिन अर द्वी माछा छिन पर इथग लुखुं कु उ क्य छिन?</verse>
				<verse number="10">यीशु ल बोलि, लुखुं तैं बैठे द्या। वीं जगह म भौत घास छै तब लोग जौं मा पाँच हजार आदिम लगभग छा उ सभि बैठी गैनी।</verse>
				<verse number="11">तब यीशु ल रुट्टियुं तैं पकड़ी अर धन्यवाद कैरी के बैठण वलो तैं बांटि दींनि अर उन ही माछों मा बट्टी जथग उ चांदा छा बांटि दींनि।</verse>
				<verse number="12">जब सभि खै के छक हवे गैनी त यीशु न अपड़ा चेलों म बोलि, बचयां टुकड़ों तैं बटोरी ल्या कि कुछ ढुलै नि जौं।</verse>
				<verse number="13">अर ऊंल बटोरी अर जौं कि पाँच रुट्टियुं का टुकड़ों बट्टी जु खांण वलो मा बट्टी बचि गै छा वांका बारह ठुपरा भुरिनि।</verse>
				<verse number="14">तब जु चमत्कार यीशु ल कैरी के दिखै वे तैं उ लोग देखि के बुल्ण लगि गैनी उ परमेश्वर का तरपां बट्टी बुल्ण वलो जु दुनिया मा औंण वलो छो पक्को यूई च।</verse>
				<verse number="15">यीशु यु जांणि के कि उ मि तैं राजा बनांणु कु पकड़ण चांणा छिन त डांडा पर यखुली चलि गै।</verse>
				<verse number="16">जब रुमुक हवे त ऊंका चेला झील का छाला गैनी</verse>
				<verse number="17">अर नाव पर चढ़ी के झील का छाला कफरनहूम शहर मा जांण बैठी गैनी। वे बगत अंधेरो हवे गै छो अर यीशु अभि तक ऊँका संमणी नि ऐ छा।</verse>
				<verse number="18">आंधी का कारण झील मा बौछार औंण बैठी गै छै।</verse>
				<verse number="19">जब उ पुंगड़ा-पुंगड़ा पाँच या छह किलोमीटर का लगभग निकली गैनी त ऊंल यीशु तैं झील मा चलदो अर नाव का संमणी औंदु देखि अर चेला घबरै गैनी।</verse>
				<verse number="20">पर यीशु ल ऊंमा बोलि, मि छौं डैरा न।</verse>
				<verse number="21">अर चेला यीशु तैं नाव पर चड़ौंणु कु राजि हवे गैनी अर एकदम व नाव वीं जगह मा जै पौंछि जख उ तैं जांण छा।</verse>
				<verse number="22">दुसरा दिन वीं भीड़ ल जु झील का छाला पर खड़ी छै यु देखि कि इख एक तैं छोड़ी के और कुई नाव नि च अर यीशु अपड़ा चेलों का दगड़ी वीं नाव पर नि चढ़ी पर भस ऊंका ही चेला गै छा।</verse>
				<verse number="23">तब दुसरी नाव तिबिरियास शहर बट्टी वीं जगह का संमणी ऐनी जख ऊंल प्रभु तैं धन्यवाद कना का बाद रुट्टि खै छै।</verse>
				<verse number="24">इलै जब भीड़ ल देखि कि इख न यीशु छिन अर न ऊंका चेला त उ भि नावों पर चढ़ी के यीशु तैं ढुंडदि कफरनहूम शहर पौंछिनी।</verse>
				<verse number="25">झील का छाला जब उ यीशु तैं मिलिनि त ऊंल बोलि, हे गुरु तु इख कब ऐ?</verse>
				<verse number="26">यीशु ल ऊं तैं जवाब दे मि तुम मा सच-सच बुल्ण छौं तुम मि तैं इलै नि ढुंडणा छा कि तुम ल चमत्कार दिखिनि पर इलै कि तुम रुट्टि खै के छकि गै छा।</verse>
				<verse number="27">खांणु कु मेहनत नि कैरा पर वे खांणु कु जु अनन्त जीवन तक ठैरद मि मनिख कु नौंनो तुम तैं यु खांणु दयुलु किलैकि पिता परमेश्वर ल मि तैं इन कनु कु अधिकार दियुं च।</verse>
				<verse number="28">ऊंल यीशु तैं पूछि, परमेश्वर का कामों तैं कनु कु हम क्य करां?</verse>
				<verse number="29">यीशु ल ऊं तैं जवाब दींनि परमेश्वर चांदु च की तुम वे पर विश्वास कैरा जै तैं वेल भेजि, वे पर विश्वास कैरा</verse>
				<verse number="30">तब ऊंल यीशु तैं पूछि, तु कु वलो चमत्कार को चिन्ह दिखौंदी कि हम वे तैं देखि के त्वे पर विश्वास कैरा? तु कु वलो काम दिखौंदि?</verse>
				<verse number="31">हमारा पूर्वजों ल एकांत जंगल मा मन्ना खै जन लिख्युं च, मूसा ल ऊं तैं खांणु कु स्वर्ग बट्टी रुट्टि दींनि</verse>
				<verse number="32">यीशु ल ऊंमा बोलि मि तुम मा सच-सच बुल्ण छौं कि तुम तैं व रुट्टि स्वर्ग बट्टी मूसा ल नि द्ये पर मेरू पिता परमेश्वर तुम तैं सच्ची रुट्टि स्वर्ग बट्टी दींदु च।</verse>
				<verse number="33">किलैकि परमेश्वर की रुट्टि उ ही च जु स्वर्ग बट्टी उतरी के दुनिया का लुखुं तैं जीवन दींद।</verse>
				<verse number="34">तब ऊंल यीशु मा बोलि, हे प्रभु ईं रुट्टि हम तैं सदनी दींणु रौ।</verse>
				<verse number="35">यीशु ल ऊंमा बोलि, अनन्त जीवन दींण वली रुट्टि मि छों जु मि मा औंणु च उ कभि भि भुखी नि होलो अर जु मि पर विश्वास करदो च उ कभि तिसलो नि होलो।</verse>
				<verse number="36">पर मिल तुम मा बोलि, कि भलै ही तुम मि तैं दिखदा छा पर तुम मि पर विश्वास नि करदां।</verse>
				<verse number="37">जु कुछ पिता परमेश्वर मि तैं दींद उ सब मि मा आलो अर जु कुई मि मा आलो वे तैं मि कभि नि निकललु।</verse>
				<verse number="38">किलैकि मि अपड़ी मनसा न पर अपड़ा भिजण वला कि मनसा पूरी कनु कु स्वर्ग बट्टी उतरयूँ छौं</verse>
				<verse number="39">अर मेरा भिजण वला कि मनसा या च कि जु कुछ वेल मि तैं दे वां बट्टी मि कुछ नि हरचौं पर वे तैं आखरी दिन फिर ज्यूँदो उठालो।</verse>
				<verse number="40">किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।</verse>
				<verse number="41">इलै यहूदियों का अगुवा यीशु पर कुड़कुड़ाण लगि गैनी किलैकि ऊंल बोलि छो ज्वा रुट्टि स्वर्ग बट्टी उतरी व मि छौं।</verse>
				<verse number="42">अर ऊंल बोलि क्य यु यूसुफ कु नौंनो यीशु नि च जैका ब्वे-बुबा तैं हम जंणदा छा? त उ कनके बुल्णु च कि मि स्वर्ग बट्टी उतरयूँ छौं?</verse>
				<verse number="43">यीशु ल ऊं तैं जवाब दींनि कि आपस मा नि कुड़कुड़ावा।</verse>
				<verse number="44">कुई मि मा नि ऐ सकद जब तक कि पिता जैल मि तैं भेजि वे तैं खींचि नि ल्यो अर मि वे तैं अंत का दिन मा ज्यूँदो उठै दयुलु।</verse>
				<verse number="45">परमेश्वर का तरपां बट्टी बुल्ण वलो का लेखों मा यु लिख्युं च कि उ सब परमेश्वर का तरपां बट्टी सिखयां होला। जु कैल पिता परमेश्वर बट्टी सूंणि अर सीखी उ मि मा आंणु च।</verse>
				<verse number="46">कैल पिता परमेश्वर तैं नि देखि मि यखुली छों जु परमेश्वर कि तरपां बट्टी अयुं छों जैल वे तैं देखि</verse>
				<verse number="47">मि तुम मा सच-सच बुल्ण छौं कि जु कुई मि पर विश्वास करदो अनन्त जीवन वेको ही च।</verse>
				<verse number="48">अनन्त जीवन दींण वली रुट्टि मि छों।</verse>
				<verse number="49">तुमारा बाप दादों ल एकांत जंगल मा मन्ना खै अर मोरि गैनी।</verse>
				<verse number="50">य व रुट्टि च ज्वा स्वर्ग बट्टी उतरदी इलै की मनिख वामा बट्टी खौ अर नि मोरू।</verse>
				<verse number="51">जीवन कि रुट्टि ज्वा स्वर्ग बट्टी उतरी मि छौं। जु कुई ईं रुट्टि मा बट्टी खौ त हमेशा ज्यूँदो रालो अर ज्वा रुट्टि मि दुनिया का जीवन कु दयुलु उ मेरी देह च।</verse>
				<verse number="52">ईं बात पर यहूदियों ल आपस मा बोलि के झगड़ा कन बैठी गैनी कि यु आदिम कनके हम तैं अपड़ो देह खांणु कु दे सकद?</verse>
				<verse number="53">यीशु ल ऊंमा बोलि, मि तुम मा सच-सच बुल्ण छौं कि जब तक मि मनिख कु नौंनो कु देह नि खांदो, अर मेरू ल्वे नि प्यूंदों, तुम मा जीवन नि च।</verse>
				<verse number="54">जु मेरी देह खांदो अर मेरू ल्वे प्यूंदों च अनन्त जीवन वेको च अर मि वे तैं न्याय का दिन ज्यूँदो कैरी दयुलु।</verse>
				<verse number="55">किलैकि मेरी देह सच मा खाणे कि चीज च अर मेरू ल्वे सच मा पीणैं कि चीज च।</verse>
				<verse number="56">जु मेरी देह खांदु अर मेरू ल्वे पींदु उ मि मा मजबूत बणयूँ रौंदु च अर मि वेमा बणयूँ रौंदु।</verse>
				<verse number="57">मेरा पिता परमेश्वर जैल मि तैं भेजि उ जीवन दींद जन वेल मि तैं जीवन दये वे जन मि भि वे आदिम तैं जीवन दयुलु जु मेरी देह तैं खांदु।</verse>
				<verse number="58">ज्वा रुट्टि स्वर्ग बट्टी उतरी च, पूर्वजों ल खै, अर मोरि गैनी, पर जु कुई ईं रुट्टि तैं खालो उ सदनी ज्यूँदो रालो।</verse>
				<verse number="59">यूं बातों तैं यीशु ल कफरनहूम शहर का एक यहूदियों का मिलणा का भवन मा उपदेश दींणा का बगत मा बुलिनि।</verse>
				<verse number="60">यीशु का चेलों मा बट्टी भौतों ल यु सूंणि के बोलि यु त कठिन शिक्षा च ईं तैं कु मांणी सकद?</verse>
				<verse number="61">यीशु ल अपड़ा मन मा यु जांणि के कि मेरा चेला आपस मा ईं बात पर कुड़कुड़ाणा छिन ऊं बट्टी पूछि क्य यु तुम तैं मि पर विश्वास कन से रुकदो च?</verse>
				<verse number="62">जु तुम मि मनिख कु नौंना तैं जख उ पैली छो उख मथि जांण देखि ल्या त क्य होलो?</verse>
				<verse number="63">परमेश्वर की आत्मा जु जीवन दींण वली च देह बट्टी कुछ फैदा नीच जु बात मिल तुम बट्टी बुलीं छिनी उ आत्मा च, अर जीवन भि दींद।</verse>
				<verse number="64">अर तुम मा कुछ इन छिन जु मि पर विश्वास नि करदींनि किलैकि यीशु पैली बट्टी जंणदु छो कि जु विश्वास नि करदींनि ऊं कु छिनी अर कु मि तैं पकड़वालो।</verse>
				<verse number="65">अर यीशु ल बोलि, इलै मिल तुम मा बोलि छो कि जब तक कै तैं पिता परमेश्वर कि तरपां बट्टी यु वरदान नि दिये जौं तब तक उ मि मा नि ऐ सकदु।</verse>
				<verse number="66">ईं बात पर यीशु का चेलों मा बट्टी भौत सी उल्टा फिरी गैनी अर वांका बाद ऊं दगड़ी नि गैनी।</verse>
				<verse number="67">तब यीशु ल ऊं बारहों बट्टी बोलि क्य तुम भि जांण चांणा छा?</verse>
				<verse number="68">शमौन पतरस ल यीशु तैं जवाब दे कि हे प्रभु हम कै मा जां? अनन्त जीवन त त्वे मा ही च</verse>
				<verse number="69">अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।</verse>
				<verse number="70">यीशु ल ऊं तैं जवाब दींनि क्य मिल तुम बारहों तैं नि चुणि? तब भि तुम मा बट्टी एक आदिम शैतान का वश मा च।</verse>
				<verse number="71">यु वेल शमौन इस्करियोती का नौंना यहूदा इस्करियोती का बारा मा बोलि, जबकि उ बारहों शिष्यों मा बट्टी एक छो उ यीशु का दगड़ी विश्वासघात कन वलो छो।</verse>
			</chapter>
			<chapter number="7">
				<verse number="1">यूं बातों का बाद यीशु गलील जिला मा घुमणा रैनी किलैकि यहूदियों का अगुवों ल ऊं तैं मरणै की कोशिश कना छा इलै यीशु यहूदिया प्रान्त मा घुमण नि चांणा छा।</verse>
				<verse number="2">यहूदियों कु झोपड़ियों का डेरा कु त्यौहार आंण वलो छो।</verse>
				<verse number="3">इलै यीशु का भयों ल ऊंमा बोलि, इख बट्टी यहूदिया प्रान्त कु जा कि जौं कामों तैं तु करली ऊं तैं तेरु चेला भि दिखा।</verse>
				<verse number="4">इलै उ चांदा छा की लोग तुमारा बारा मा जांणा, त त्वे तैं खुला तोर पर सब का संमणी कामों तैं कन चयणु च, जु तु यु काम करदो छै, त अफ तैं जगत मा प्रगट कैर।</verse>
				<verse number="5">किलैकि यीशु का भैय भि वे पर विश्वास नि करदा छा।</verse>
				<verse number="6">तब यीशु ल ऊंमा बोलि, मेरू बगत अभि तक नि ए, पर तुम कु कभि बगत ठिक च।</verse>
				<verse number="7">दुनिया का लोग तुम बट्टी बैर नि कैरी सकदींनि पर उ मि बट्टी बैर करदींनि किलैकि मि वेका विरोध मा ईं गव्है दींदु छौं कि वेका काम बुरा छिन।</verse>
				<verse number="8">तुम त्योहार मा जावा पर मि अभि यु त्योहार मा नि जांणु किलैकि अभि तक मेरू बगत पूरो नि हवे।</verse>
				<verse number="9">यीशु उ बट्टी यूं बातों तैं बोलि के गलील जिला मा ही रै गै।</verse>
				<verse number="10">पर जब यीशु का भैय त्योहार मा चलि गैनी, तब उ अफ भि प्रगट मा नि, पर बगैर कै तैं पता चल्यां गुप्त त्योहार मा चलि गै।</verse>
				<verse number="11">यहूदियों का त्योहार मा यीशु तैं यु बोलि के खुज्योंण बैठी गैनी कि उ कख च?</verse>
				<verse number="12">अर लुखुं का बीच यीशु का बारा मा चुप चुपिके भौत सी बात हवे गैनी: कुछ बुल्दा छा उ भलो मनिख च “अर कुछ बुल्दा छा न उ लुखुं तैं भरमांदु च”</verse>
				<verse number="13">यहूदियों का अगुवों का डौर का बाना कुई आदिम यीशु का बारा मा खुलि के नि बुल्दा छा।</verse>
				<verse number="14">जब त्योहार का अधा दिन बीति गैनी त यीशु यरूशलेम शहर का मन्दिर मा जै के उपदेश दींण बैठी गै।</verse>
				<verse number="15">तब यहूदियों ल चकित हवे के बोलि, यु तैं बगैर पैढ़ी कै परमेश्वर का वचन कु ज्ञान कख बट्टी मिली?</verse>
				<verse number="16">यीशु ल ऊं तैं जवाब दींनि मेरू उपदेश मेरू अपड़ा नि च पर यु परमेश्वर का तरपां बट्टी च जैल मि तैं भेजि।</verse>
				<verse number="17">इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।</verse>
				<verse number="18">जु अपड़ी तरपां बट्टी कुछ बोलु उ अपड़ी ही बड़ै चांद पर जु अपड़ा भिजण वला कि बड़ै चांद उ ही ईमानदार च अर वेमा बेमानी नि च।</verse>
				<verse number="19">क्य परमेश्वर का तरपां बट्टी बुल्ण वला मूसा ल व्यवस्था अफ दे? तब भि तुम मा बट्टी कुई मूसा द्वारा लिखीं परमेश्वर की व्यवस्था पर नि चलदो। तुम किलै मि तैं मरण चांणा छा?</verse>
				<verse number="20">लुखुं ल जवाब दे त्वे मा दुष्टात्मा च। कु त्वे तैं मरण चांणु च?</verse>
				<verse number="21">यीशु ल ऊं तैं जवाब दींनि यहूदियों का विश्राम का दिन जु परमेश्वर कु पवित्र दिन च मि एक चमत्कार कैरी अर तुम सब भैंचक्क छा।</verse>
				<verse number="22">इलै मूसा ल तुम तैं खतना कि आज्ञा दीं च इन नि च कि व मूसा कि तरपां बट्टी च पर बापदादों बट्टी चलदी औंणि च अर तुम यहूदियों का विश्राम का दिन जु परमेश्वर कु पवित्र दिन च मनिख्युं कु खतना करदां छा।</verse>
				<verse number="23">जब यहूदियों का विश्राम का दिन जु परमेश्वर कु पवित्र दिन च मनिख्युं को खतना करे जांदु किलैकि मूसा द्वारा लिखीं परमेश्वर की व्यवस्था कि आज्ञा टले नि जौं अर तुम मि पर किलै गुस्सा कना छा कि यहूदियों का विश्राम का दिन जु परमेश्वर कु पवित्र दिन च येल एक मनिख तैं पूरा ढंग से ठिक कैरी।</verse>
				<verse number="24">मुक देखि के न्याय नि करयां पर सचै देखि के न्याय कैरा।</verse>
				<verse number="25">तब कथग ही यरूशलेम शहर का रौंण वला बुल्ण लगि गैनी क्य यु हमारो अगुवा नि च जै तैं मरणै कि कोशिश किये जांणि च?</verse>
				<verse number="26">पर देखा उ त सभियूं का संमणी बात करदु अर कुई वेकु कुछ नि बुल्द क्य सम्भव च की ऊं सच-सच जांणेली छो कि यु ही मसीह च?</verse>
				<verse number="27">यु तैं त हम जंणदा छा कि यु कखौ च। पर मसीह जब आलो त कुई नि जंणुलो कि उ कखौ च।</verse>
				<verse number="28">तब यीशु ल यरूशलेम शहर का मन्दिर मा उपदेश दींण बगत धै लगै के बोलि, तुम जंणदा छा अर यु भि जंणदा छा कि मि कखौ छौं। मि त अफ बट्टी नि अयुं पर मेरा भिजण वलो विश्वासयोग्य च वे तैं तुम नि जंणदा।</verse>
				<verse number="29">पर मि परमेश्वर तैं जंणदु छौं किलैकि मि वेकी तरपां बट्टी छौं अर वेल मि तैं भेजि।</verse>
				<verse number="30">यां पर अगुवों ल वे तैं पकड़ण चै तब भि कैल भि वे तैं गिरफ्तार नि कैरी साकी किलैकि वेको मुरण कु ठिक बगत अभि नि ऐ छो।</verse>
				<verse number="31">तब भि भीड़ मा बट्टी भौत सी लुखुं ल वे पर विश्वास कैरी अर बुल्ण लगी गैनी कि मसीह जब आलो त क्य यांसे जादा चमत्कार दिखालो जु येल दिखेनि?</verse>
				<verse number="32">फरीसियों ल लुखुं तैं यीशु का बारा मा ईं बात तैं सुरुक-सुरुक करद सूंणि अर प्रधान याजक अर फरीसियों ल यीशु तैं पकड़णु कु मन्दिर का रखवला भिजिनि।</verse>
				<verse number="33">ईं बात पर यीशु ल बोलि मि जरा देर तक और तुम दगड़ी छौं तब भिजण वला मा लौटि जौलु।</verse>
				<verse number="34">तुम मि तैं ढुंडिलया पर नि पैल्या अर जख मि छौं उख तुम नि ऐ सकदां।</verse>
				<verse number="35">यहूदियों का अगुवों ल आपस मा, “बोलि यु कख जालो कि हम यु तैं नि पौला? क्य उ, ऊं यहूदी लुखुं का बारा मा बुल्दो छो अर क्य अन्यजाति छा जु इस्राएल भैर बिखरी के रौंदा छा अर यूनानी छा क्य उ तैं भि उपदेश दयालो?</verse>
				<verse number="36">वेको क्य मतलब च की तुम मि तैं ढुंडिलया, पर नि पैल्या अर जख मि छौं उख तुम नि ऐ सकदां?”</verse>
				<verse number="37">त्योहार का आखिर दिन जु मुख्य दिन छो यीशु खड़ो हवे गै अर धै लगै के बोलि, जु कुई तिसलो च त मि मा औ अर प्यो।</verse>
				<verse number="38">जु मि पर विश्वास करलो जन परमेश्वर का वचन लिख्युं च, वेका हृदय मा बट्टी जीवन का पांणी की गाड जु जीवन दींद निकलली।</verse>
				<verse number="39">यीशु ल यु वचन पवित्र आत्मा का बारा मा बोलि, जै तैं विश्वास कन वला पांण वला छा किलैकि पवित्र आत्मा अभि तक नि उतरी छो, परमेश्वर ल अब तक यीशु की बड़ै तैं प्रगट नि कैरी छो।</verse>
				<verse number="40">तब भीड़ मा बट्टी कै कैल यूं बातों तैं सूंणि के बोलि, “सचमुच यु उ परमेश्वर का तरपां बट्टी बुल्ण वलो च जैकी हम जग्वाल कना छा।”</verse>
				<verse number="41">दुसरा लुखुं ल बोलि, कि यु मसीह च। पर कै कैल बोलि, किलै? क्य मसीह गलील जिला बट्टी आलो?</verse>
				<verse number="42">परमेश्वर का वचन मा लिख्युं च कि मसीह राजा दाऊद का वंश बट्टी अर बैतलहम गौं बट्टी आलो जख राजा दाऊद रौंदु छो।</verse>
				<verse number="43">अर यीशु का कारण लुखुं का बीच मा फूट पोड़ि गै।</verse>
				<verse number="44">ऊंमा बट्टी कथग वे तैं पकड़ण चांदा छा जु अगुवा छा, तब भि कैल वे तैं गिरफ्तार नि कैरी।</verse>
				<verse number="45">तब सिपै प्रधान याजक अर फरीसियों का संमणी ऐ, अर ऊंल ऊंमा बोलि, तुम वे तैं किलै नि ल्या?</verse>
				<verse number="46">सिपैयूं ल जवाब दींनि कै मनिख ल कभि इन बात नि बोलि?</verse>
				<verse number="47">तब फरीसियों ल ऊंकु बोलि, “क्य तुम भि भड़कै त नि ग्यां।</verse>
				<verse number="48">क्य शासक या फरीसियों मा बट्टी कैल भि वे पर विश्वास कैरी?</verse>
				<verse number="49">पर यु लोग जु मूसा द्वारा लिखीं परमेश्वर की व्यवस्था नि जणदींनि परमेश्वर का द्वारा श्रापित छिन।”</verse>
				<verse number="50">नीकुदेमुस ल, जु पैली यीशु का संमणी ऐ छो अर ऊंमा बट्टी एक छो वेल बोलि,</verse>
				<verse number="51">क्य हमारी व्यवस्था कै मनिख तैं तब तक भंगारी ठैरांदी जब तक कि पैली वे तैं सुणै नि जौ कि उ क्य करद।</verse>
				<verse number="52">ऊंल वे तैं जवाब दींनि, “क्य तू भि गलील जिला कु छै? परमेश्वर का वचन मा ढूँढ़ अर तू जंणिली कि गलील बट्टी कुई परमेश्वर का तरपां बट्टी बुल्ण वलो प्रगट नि हवे सकदु।”</verse>
				<verse number="53">तब सभि अपड़ा-अपड़ा घौर कु चली गैनी।</verse>
			</chapter>
			<chapter number="8">
				<verse number="1">यीशु अपड़ा चेलों का दगड़ा मा जैतून डाला का डांडा का पौड़ पर गै।</verse>
				<verse number="2">अर हैंकि सुबेर उ यरूशलेम शहर का मन्दिर का चौक मा वापिस ऐ अर भौत सैरा लोग वेका संमणी ऐनी अर उ बैठी गै अर ऊं तैं शिक्षा दींण लगि गै।</verse>
				<verse number="3">जब उ बुल्णु ही छों त धार्मिक व्यवस्था तैं सिखांण वला अर फरीसियों ल एक व्यभिचार मा पकड़ी जनन तैं ले के ऐनी अर वीं तैं भीड़ का संमणी खड़ी कैर दींनि</verse>
				<verse number="4">“तब ऊंल यीशु बट्टी बोलि, गुरु जी या जनन व्यभिचार कन मा पकड़े गै।</verse>
				<verse number="5">मूसा द्वारा लिखीं परमेश्वर की व्यवस्था मा जु कुई आदिम अर जनन इन काम करदु ऊं पर ढुंग्यो मारि कै मरणै की आज्ञा दीं च ऊंल यीशु बट्टी बोलि, तु ईं जनन का बारा मा कि बुल्दी? कि क्य कन चयणु च?”</verse>
				<verse number="6">ऊंल यीशु तैं परखणु कु या बात बोलि, कि यीशु पर भंगार लगांणु कु कुई बात मिलो, पर यीशु भस झुकि गै अर अंगुली ल धरती पर लिखण लगि गै।</verse>
				<verse number="7">जब उ यीशु बट्टी पुछदी रैनी त यीशु ल सीधा खड़ो हवे के ऊंमा बोलि तुम मा बट्टी जैल कभि पाप नि कैरी हो उ पैली वीं पर ढुंगो मारा।</verse>
				<verse number="8">अर यीशु फिर झुकि कै धरती पर लिखण बैठी गैनी।</verse>
				<verse number="9">पर उ यु सूंणि के बड़ों से ले के छुट्टों तक एक-एक कैरी कै यु जंणदा की उ सभि पापी छिन निकली गैनी, अर भस यीशु अर जनन ऊखी रै गै।</verse>
				<verse number="10">यीशु ल सीधा खड़ो हवे के वीं मा बोलि, हे नारी उ कख गैनी? क्य कैल त्वे पर दंड की आज्ञा नि दींनि?</verse>
				<verse number="11">वीं ल बोलि नि दींनि। यीशु ल बोलि, मि भि त्वे पर दंड कि आज्ञा नि दींदु अब घौर चलि जा अर अगनैं कु पाप मा जीवन नि बितै।</verse>
				<verse number="12">तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”</verse>
				<verse number="13">फरीसियों ल वेमा बोलि, किलैकि तु भस अपड़ी ही प्रशंसा करदु छै।</verse>
				<verse number="14">यीशु ल ऊं तैं जवाब दे भले ही मि अपड़ी गव्है अफी दींदु पर फिर भि मेरी गव्है ठिक च किलैकि मि जंणदु छौं कि मि कख बट्टी ऐ छौं अर कख जांणु छो पर तुम नि जंणदा की मि कख बट्टी औंदु छों या कख कु जांणु छों।</verse>
				<verse number="15">तुम मनिख्युं का अनुसार जांच के न्याय नि करदु।</verse>
				<verse number="16">अर जु मि जांच के न्याय भि कैरू त मेरू न्याय सच्चो च किलैकि मि अफी न पर मि पिता परमेश्वर का दगड़ी छों जैल मि तैं भेजि।</verse>
				<verse number="17">अर मूसा द्वारा लिखीं परमेश्वर की व्यवस्था मा ही लिख्युं च, कि द्वी जनों कि गव्है मिलिके ठिक हूंदी</verse>
				<verse number="18">एकता मि अफी अपड़ी गव्है दींदु अर हैंको पिता परमेश्वर मेरी गव्है दींदु जैल मि तैं भेजि।</verse>
				<verse number="19">ऊंल यीशु मा पूछि, तुमारो पिता परमेश्वर कख च? यीशु ल जवाब दे न तुम मि तैं जंणदा अर न मेरा पिता परमेश्वर तैं, जु मि तैं जंणदा त मेरा पिता परमेश्वर तैं भि जंणदा।</verse>
				<verse number="20">यु बातों तैं वेल यरूशलेम शहर का मन्दिर का चौक मा उपदेश दींण का भंडार घौर मा बोलि, अर कैन वे तैं नि पकड़ी किलैकि ऊंकु दुःख उठांण अर मुरण का बगत अभि तक नि ऐ छो।</verse>
				<verse number="21">यीशु ल फिर ऊंकु बोलि, “मि त जांणु छौं अर तुम मि तैं खुजैला अर तुम अपड़ा पाप माफ हुयां बगैर ही मोरि जैला जख मि जांणु छौं उख तुम नि ऐ सकदयां।”</verse>
				<verse number="22">ईं बात पर यहूदियों का अगुवों ल बोलि, क्य उ अपड़ा आप तैं मारि दयाला जु बुल्ण च कि जख मि जांणु छौं उख तुम नि ऐ सकदां?</verse>
				<verse number="23">यीशु ल ऊंमा बोलि, तुम यख ईं दुनिया मा पैदा हुयां छा पर मि स्वर्ग बट्टी अयुं छों तुम दुनिया का छा मि दुनिया कु नि छों।</verse>
				<verse number="24">इलै मिल तुम मा बोलि, कि तुम अपड़ा पापों का माफ हुयां बगैर ही मोरि जैला जु तुम मि पर विश्वास नि करिल्या कि मि वींई छौं, जु आंण वलो छों, जु मि बुल्दो छों, उ मि छों, त तुम अपड़ा पापों का कारण मोरि जैला अर तुमारा पाप माफ नि किये जाला।</verse>
				<verse number="25">तब ऊंल यीशु तैं पूछि, तू कु छै जब मिल तुम तैं उपदेश दींणो कु शुरू कैरी तब बट्टी मि बुल्दो छों कि, मि उ ही छों।</verse>
				<verse number="26">तुमारा बारा मा मि तैं भौत कुछ बुल्ण अर तुमारो न्याय कनु कु भौत कुछ बुल्णु कु च पर मेरू भिजण वलो सच्चो च अर जु मि ऊंमा बट्टी सूंणि च उ ही दुनिया का लुखुं बट्टी बुल्द छौं।</verse>
				<verse number="27">उ अब तक यु नि समझी कि उ हम बट्टी पिता परमेश्वर का बारा मा बुल्ण च।</verse>
				<verse number="28">तब यीशु ल बोलि, जब तुम, मि मनिख का नौंना तैं ऊँचा पर चड़ैल्या तब जणिल्या कि मि ऊई छौं अर उ जणिल्या की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी या मि अपड़ा तरपां बट्टी नि बुल्द पर जन मेरू बुबा ल मि तैं सिखै उन ही यूं बातों तैं बुल्द छों।</verse>
				<verse number="29">मेरू भिजण वलो मि दगड़ी च वेल मि तैं इखुली नि छोड़ी किलैकि मि सदनी ऊं कामों तैं करदु जौं बट्टी उ खुश हूंद।</verse>
				<verse number="30">भौत सा लुखुं ल यीशु की बातों तैं बुल्णा सूंणि के वे पर विश्वास कैरी।</verse>
				<verse number="31">तब यीशु ल ऊं यहूदियों बट्टी जौंन ऊं पर विश्वास कैरी छो बोलि, जु तुम मेरा वचन मा बणयां रैल्या त सच्ची मा मेरा चेला ठैरिल्या।</verse>
				<verse number="32">तुम सच तैं जणिल्या अर सच तुम तैं स्वतंत्र करुलो।</verse>
				<verse number="33">ऊंल यीशु तैं जवाब दींनि, कि हम त अब्राहम का वंशज बट्टी छा अर कभि कैका गुलाम नि हुयां। त फिर तु किलै बुल्णी छै कि तुम स्वतंत्र हवे जैला?</verse>
				<verse number="34">यीशु ल ऊं तैं जवाब दींनि, मि तुम मा सच-सच बुल्णु छौं कि जु कुई पाप करदो उ पाप का वश मा च।</verse>
				<verse number="35">गुलाम सदनी घौर मा नि रौंदु, पर नौंनो सदनी रौंदु च।</verse>
				<verse number="36">जु मि परमेश्वर कु नौंनो तुम तैं स्वतंत्र करदु छों त, तुम सच्ची मा स्वतंत्र हवे जैला।</verse>
				<verse number="37">मि जंणदु छौं कि तुम अब्राहम का वंशज छा तब भि मेरी शिक्षा तैं स्वीकार नि करदां इलै तुम मि तैं मरण चांदा छा।</verse>
				<verse number="38">मि ऊं चीजों तैं बतौंणु छों जै तैं मिल देखि जब मि अपड़ा पिता परमेश्वर का दगड़ी छों अर तुम ऊं नि करदां जु तुम ल बुबा बट्टी सूंणि च।</verse>
				<verse number="39">ऊंल यीशु तैं जवाब दींनि, हमारा पूर्वज अब्राहम छो। यीशु ल ऊंमा बोलि, जु तुम अब्राहम को वंशज हूंद, त अब्राहम का जन उ काम तुम भि करदां।</verse>
				<verse number="40">पर अब तुम मि तैं मरण चांदा छा किलैकि मिल तुम तैं उ सच बतायूं च जु मिल परमेश्वर बट्टी सूंणि इन त अब्राहम ल नि कैरी छो।</verse>
				<verse number="41">तुम अपड़ा बुबा जन काम करदां ऊंल यीशु मा बोलि, हम व्यभिचार बट्टी नि छा हमारो भस एक ही बुबा च अर उ परमेश्वर च।</verse>
				<verse number="42">यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।</verse>
				<verse number="43">मेरी बात तुम इलै नि मणदा, की तुम मेरा संदेश स्वीकार कन मा इंकार करदां छा।</verse>
				<verse number="44">तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।</verse>
				<verse number="45">मि सच बुल्णु छों इलै तुम मि पर विश्वास नि करदां।</verse>
				<verse number="46">तुम मा बट्टी कु मि तैं पापी साबित कैर सकदो? जु मि सच बुल्दो त तुम मेरू विश्वास नि करिद्यां?</verse>
				<verse number="47">जु कुई भि परमेश्वर बट्टी सम्बंध रखदु उ परमेश्वर कि बातों तैं सुणदु च अर तुम इलै नि सुणदां कि तुम परमेश्वर बट्टी जुड़यां नि छा।</verse>
				<verse number="48">यु सूंणि के यहूदियों ल वेमा बोलि, हम यु कन मा ठिक छा कि तु एक सामरी जाति कु छै अर त्वे मा एक दुष्टात्मा च?</verse>
				<verse number="49">यीशु ल जवाब दींनि, मि पर दुष्टात्मा नि च पर मि अपड़ा पिता परमेश्वर कु आदर करदु अर तुम मेरू निरादर करदां।</verse>
				<verse number="50">मि अपड़ो सम्मान नि चांदो इलै एक च जु चांदो च की मि तैं सम्मानित किये जौं अर उ ऊई च जु न्याय करद।</verse>
				<verse number="51">मि तुम मा सच-सच बुल्ण छौं कि जु कुई मनिख मेरा वचन कु पालन करलो, त उ अनन्तकाल तक कभि नि मुरल्या।</verse>
				<verse number="52">यहूदियों का अगुवों ल वेमा बोलि, अब हम ल जांणयाली कि त्वे मा दुष्टात्मा च अब्राहम मोरि गै अर परमेश्वर का तरपां बट्टी बुल्ण वला भि मोरि गैनी अर तु बुल्णी छै जु कुई मेरा वचन कु पालन करलो त उ अनन्तकाल तक नि मरिल्या।</verse>
				<verse number="53">हमारो पूर्वज अब्राहम त मोरि गै। क्य तु वे बट्टी बड़ो छै? अर परमेश्वर का तरपां बट्टी बुल्ण वला भि मोरि गैनी। तु अफ तैं क्य समझदी छै?</verse>
				<verse number="54">यीशु ल जवाब दींनि, जु मि अफी अपड़ो सम्मान करूं त जु मि तैं सम्मान दींद उ मेरू पिता परमेश्वर च अर तुम बुल्दा कि उ तुमारो परमेश्वर च।</verse>
				<verse number="55">तुम ल त वे तैं नि जांणि पर मि वे तैं जंणदु छौं। अर जु बुल्द कि मि वे तैं नि जंणदु, त मि तुमारा सम्मान झूठो ठैरुलु पर मि वे तैं जंणदु अर वेका आज्ञा मंणदु छौं।</verse>
				<verse number="56">तुमारा पूर्वज अब्राहम मेरू दिन दिखणा कि मनसा से भौत खुश छो अर वेल देखि अर खुशी मणै।</verse>
				<verse number="57">यहूदियों ल यीशु मा बोलि, अभि तक तु पचास बरसों कु भि नि छै फिर भि तिल अब्राहम तैं देखि?</verse>
				<verse number="58">यीशु ल ऊंमा बोलि, मि तुम मा सच-सच बुल्ण छौं कि मि अब्राहम का पैदा हूंण से पैली बट्टी छौं।</verse>
				<verse number="59">तब ऊंल यीशु तैं मरणु कु ढुंगा उठैनि पर यीशु छिपी कै यरूशलेम शहर का मन्दिर बट्टी निकली गै।</verse>
			</chapter>
			<chapter number="9">
				<verse number="1">जब यीशु अपड़ा चेलों का दगड़ी जांणु छो, त वेल एक मनिख तैं देखि, जु जन्म बट्टी अन्धो छो।</verse>
				<verse number="2">अर वेका चेलों ल वेमा पूछि, “हे गुरु, कैल पाप कैरी छो, कि यु अंधों जन्मी, ये मनिख ल या वेका ब्वे-बुबा ल?</verse>
				<verse number="3">यीशु ल जवाब दींनि, न येल पाप कैरी छो अर न वेका ब्वे-बुबा ल, पर यु इलै अंधों पैदा हवे कि परमेश्वर का काम वे पर प्रगट हूंनु।</verse>
				<verse number="4">जैल मि तैं भेजि, मि जल्दी से वेका द्वारा मि तैं सौंपी जाला कामों तैं पूरो कन च उ रात औंण वली च जैं मा कुई काम नि कैरी सकदु।</verse>
				<verse number="5">जब तक मि दुनिया मा छौं तब तक दुनिया कु उज्यला मि छों।</verse>
				<verse number="6">यु बोलि, के यीशु ल भूमि पर थूकि अर वे थूक ल माटो गून्दी अर ऊं माटो वे अंधा का आँखों पर लगै के</verse>
				<verse number="7">जा अर अपड़ो मुक शीलोह का कुण्ड मा ध्वे ले” (शीलोह को मतलब भिजे गै च) तब वेल जै के ध्वे अर दिखदी लौटि ऐ।</verse>
				<verse number="8">तब वे आदिम का पड़ोसी अर अन्य लुखुं जौं ल वे तैं भीख मंगद देखि छो एक दुसरा बट्टी बुल्ण लगि गै क्य यु उ ही नि च जु बैठी के भीख मंगणु रौंदु छो?</verse>
				<verse number="9">कुछ लुखुं ल बोलि, “यु उ ही च” और ल बोलि, “न, पर वे जन च” पर वेल बोलि, मि उ ही छौं जु बैठी कै भीख मंगदु छों।</verse>
				<verse number="10">तब उ वेमा पुछण लगि गैनी, त्वे तैं नजर कनके मिली?</verse>
				<verse number="11">वेल जवाब दींनि, यीशु नौं कु एक आदिम ल माटो गून्दी अर मेरा आँखों पर लगै के मि मा बोलि, शीलोह कुण्ड मा जै के ध्वे ले, मि कुण्ड ग्यूं अर मिल अपड़ा आँखा ध्वैनि अर दिखण लगि ग्यों।</verse>
				<verse number="12">ऊंल वेमा पूछि, उ आदिम कख च? वेल बोलि, “मि नि जंणदु।”</verse>
				<verse number="13">जै दिन यीशु ल माटो छाणी अर वे आदिम तैं खूब कैरी उ यहूदियों को विश्राम कु दिन जु परमेश्वर कु पवित्र दिन च छो इलै लोग वे आदिम तैं फरीसियों का संमणी ली गैनी।</verse>
				<verse number="14">जै दिन यीशु ल माटु छाणके वेका आँखा खोलि छा उ यहूदियों को विश्राम को दिन जु परमेश्वर को पवित्र दिन छो इलै।</verse>
				<verse number="15">फरीसियों ल भि वेमा पूछि, यु दिखण का योग्य कनके हवे वेल ऊंमा बोलि, वेल मेरा आँखों पर माटो लगै फिर मिल अपड़ा आँखा ध्वैनि अर अब दिखणु छौं।</verse>
				<verse number="16">ईं बात पर कुछ फरीसी यीशु का बारा मा बुल्ण बैठी गैनी कि यु मनिख परमेश्वर का तरपां बट्टी नि च किलैकि यु यहूदियों का विश्राम का दिन जु परमेश्वर कु पवित्र दिन च नि मंणदु। पर दुसरा लुखुं ल बोलि, पापी मनिख इन चिन्ह चमत्कार कनके दिखै सकदु? अर ऊंमा फूट पोड़ि गै।</verse>
				<verse number="17">ऊंल वे अंधा मा फिर बोलि, वेल तेरा आँखा तैं खोलि तु वेका बारा मा क्य बुल्दी? वेल बोलि, कि उ परमेश्वर का तरपां बट्टी बुल्ण वलो च।</verse>
				<verse number="18">पर यहूदियों का अगुवों तैं विश्वास नि हवे कि उ अन्धो छो अर अब दिखदु च जब तक कि ऊंल वेका ब्वे-बुबा तैं बुलै के</verse>
				<verse number="19">वेका ब्वे-बुबा बट्टी पूछि, “क्य यु तुमारो नौंनो च जै कु तुम बुल्दा छा कि अंधों जन्मी छो? फिर अब कनके दिखणु च?”</verse>
				<verse number="20">वेका ब्वे-बुबा जवाब ल दींनि हम त जंणदा छा कि यु हमारो नौंनो च अर अन्धो जन्मी छो</verse>
				<verse number="21">पर हम यु नि जंणदा कि अब कनके दिखद अर न यु जंणदा कि कैल वेका आँखा खुलींनि। उ खुद कु जवाब दींणु कु काफी बड़ो च; वेमा बट्टी पूछिल्या; उ अपड़ा बारा मा अफी बोलि दयालो।</verse>
				<verse number="22">यु बातों तैं वेका ब्वे-बुबा ल इलै बोलि, किलैकि उ यहूदी अगुवों बट्टी डरदा छा; किलैकि यहूदी अगुवा एकमत हवे गै छा कि जु विश्वास कैरी की यीशु ही मसीह च त यहूदियों का मिलणा का भवन मा बट्टी निकाले जौं।</verse>
				<verse number="23">इलै वेका ब्वे-बुबा ल बोलि, उ सवालों का उत्तर दींणु कु काफी बड़ो च वेमा बट्टी पूछिल्या।</verse>
				<verse number="24">तब यहूदी अगुवों ल वे मनिख कु जु अंधों छो दुसरी बार बुलै के वेमा बोलि, परमेश्वर का संमणी वादा कैरी के तु सच बतालो; हम त जंणदा छा कि उ मनिख पापी च।</verse>
				<verse number="25">पर वेल जवाब दींनि कि मि नि जंणदु कि उ पापी च कि नि च मि एक बात जंणदु छौं कि मि पैली अन्धो छो पर अब दिखणु छौं।</verse>
				<verse number="26">ऊंल वेमा फिर बोलि, वेल त्वे दगड़ी क्य कैरी? अर कनके तेरा आँखा खूब हवेनि?</verse>
				<verse number="27">वेल ऊंमा बोलि, मि त तुम मा बोलि चुकि ग्यों अर तुम ल नि सूंणि अब दुसरी बार किलै सुनण चांणा छा? क्य तुम भि वेका चेला हूंण चांणा छा?</verse>
				<verse number="28">तब उ वेको बुरो भलो बोलि कि तु ही वेकु चेला छै हम त परमेश्वर का तरपां बट्टी बुल्ण वला मूसा कु चेला छा।</verse>
				<verse number="29">हम जंणदा छा कि परमेश्वर मूसा बट्टी बात कैरी पर हम यु मनिख तैं नि जंणदा कि कख बट्टी अयुं च।</verse>
				<verse number="30">वेल ऊं तैं जवाब दींनि य त अचम्भो कन वलि बात च कि तुम नि जंणदा कि उ कखौ च तब भि वेल मेरा आँखा खुलींनि।</verse>
				<verse number="31">हम जंणदा छा कि परमेश्वर पापी लुखुं कि नि सुंणदो पर जु कुई परमेश्वर कु भक्त हो अर वेकी मनसा पर चलदो च त उ वेकी सुणदु च।</verse>
				<verse number="32">जब बट्टी दुनिया कि सृष्टि किये गै छै या कभि सुनण मा नि ऐ कि कैल जन्म का अंधा का नजर दींनि।</verse>
				<verse number="33">यु मनिख परमेश्वर कि तरपां बट्टी च इलै यु चमत्कार कनु च।</verse>
				<verse number="34">ऊंल वे तैं जवाब दींनि, “तु त बिल्कुल पापों मा जन्मीयूं छै तु हम तैं क्य सिखांणि छै?” तब ऊंल वे आदिम तैं यहूदियों का मिलणा की जगह बट्टी भैर निकाली दींनि।</verse>
				<verse number="35">यीशु ल जब यु सूंणि, कि ऊंल वे आदिम तैं यहूदियों का मिलण का भवन बट्टी भैर निकाली दींनि, अर जब यीशु की वे बट्टी भेंट हवे त यीशु ल बोलि, क्य तु मि मनिख कु नौंनो पर विश्वास करदी छै?</verse>
				<verse number="36">वेल जवाब दींनि, “श्रीमान, मि तैं बतौ की उ परमेश्वर कु नौंनो को च, कि मि वे पर विश्वास कैर सकु?”</verse>
				<verse number="37">यीशु ल वेमा बोलि, तु पैली ही वे तैं देख चुकि गै, अर मि ही परमेश्वर कु नौंनो छों, जु अब त्वे दगड़ी बात कनु छों।</verse>
				<verse number="38">वेल बोलि, “हे प्रभु, मि त्वे पर विश्वास करदु छों।” अर तेरी आराधना कर त्वे तैं दण्डवत करदु।</verse>
				<verse number="39">तब यीशु ल बोलि, मि ईं दुनिया मा जांच अर न्याय कनु कु अयुं छौं, बल्कि अंधा लोग दिखण लगि गैनी अर जु लोग दिखदा छिन उ अंधा हवे जां</verse>
				<verse number="40">जु फरीसी वेका दगड़ी छा ऊंल यु बात सूंणि के वेमा बोलि, क्य तु बुल्णी छै की हम भि अंधा छा?</verse>
				<verse number="41">यीशु ल ऊंमा बोलि, “जु तुम अंधा हूंद त पापी नि ठैरदा पर अब बुल्णा छा कि हम दिखदा छा अर इलै अब तुम्हरो पाप माफ नि किये जालो।”</verse>
			</chapter>
			<chapter number="10">
				<verse number="1">मि तुम मा सच-सच बुल्ण छौं, कि जु कुई ढिबरों की गोठ का द्वार बट्टी प्रवेश नि करदो पर कखि दुसरा तरपां बट्टी प्रवेश करद, त उ चोर अर डाकु च।</verse>
				<verse number="2">पर जु ढिबरो कु चरवाहा हूंद उ द्वार बट्टी आंदो।</verse>
				<verse number="3">वेकु द्वारपाल द्वार खोलि दींद अर ढिबरा वेका शब्द तैं पैछणदींनि, अर उ अपड़ी ढिबरों तैं नौं ले लेकर बुल्द अर भैर लिजांद।</verse>
				<verse number="4">अर जब उ अपड़ी सभि ढिबरों तैं भैर निकाली दींद त ऊंका अगनैं-अगनैं चलद अर ढिबरा वेका पिछनै-पिछनै हवे जंदींनि किलैकि उ वेको शब्द पैछणदींनि।</verse>
				<verse number="5">पर उ दुसरों का पिछनै नि जालि पर वे बट्टी भगलि किलैकि उ दुसरों कु शब्द नि पैछणदींनि।</verse>
				<verse number="6">यीशु ल ऊंमा यु मिसाल बोलि, पर उ नि समझिनि कि यांको क्य मतलब च।</verse>
				<verse number="7">तब यीशु ल ऊंमा फिर बोलि, मि तुम मा सच-सच बुल्ण छों, कि ढिबरों कु द्वार मि छौं।</verse>
				<verse number="8">जैल मि से पैली ऐ उ सब चोर अर डाकु छिन पर ढिबरों ल वेकी नि सूंणि।</verse>
				<verse number="9">मि द्वार छौं, मेरा द्वारा भितर आंण वलो कु परमेश्वर उद्धार करलो अर भितर भैर आंण जांण करलो अर खांण कु खांणु पालो।</verse>
				<verse number="10">चोर भस ढिबरों तैं चुरणु अर मरणु कु अर नष्ट कनु कु ही आंदो मि इलै अयुं कि उ जीवन पां अर बहुतायत को जीवन तैं पै।</verse>
				<verse number="11">अच्छो चरवाहा मि छौं, अच्छो चरवाहा ढिबरों कु अपड़ो प्राण दींद।</verse>
				<verse number="12">ढिबरों पर रख्युं नौकर भेड़िये तैं आंद दिखद त उ भागि जांदु उ ढिबरों तैं छोड़ी दींद किलैकि उ वेका चरवाहा नि छिन ढिबरा वेकी नि छिन इलै भेड़िया झुण्ड पर हमला करदो अर झुण्ड तैं तितर बितर कैरी दींद।</verse>
				<verse number="13">उ इलै भागि जांद किलैकि उ मजदूर च अर वे तैं ढिबरों कि चिन्ता नि च।</verse>
				<verse number="14">अच्छो चरवाहा मि छों जन बुबा मि तैं जंणदु च अर मि पिता परमेश्वर तैं जंणदु छौं मि अपड़ा ढिबरों तैं जंणदु छौं अर मेरी अपड़ा ढिबरा मि तैं जंणदी छिन।</verse>
				<verse number="15">अच्छो चरवाहा मि छों पिता परमेश्वर मि तैं जंणदु च अर उन ही मि बुबा तैं जंणदु छौं अर मि ढिबरों कु अर मि ऊं कु मुरण कु तैयार छों।</verse>
				<verse number="16">मेरा और भि ढिबरा छिन जु यु ढिबरा गोठ मा नि छिन। मि ऊं तैं भि लौण जरूरी च उ मेरू शब्द पैछणदींनि तब एक ही झुण्ड अर एक कि चरवाहा होलो।</verse>
				<verse number="17">मि अपड़ी इच्छा बट्टी अपड़ा प्राण दींदो छों अर इलै पिता परमेश्वर मि तैं प्रेम करद, पिता परमेश्वर की मि अपड़ा प्राण दींदु छों की वे तैं फिर ले लूँ।</verse>
				<verse number="18">कुई मेरा जीवन मि बट्टी छिणदु नि च पर मि अपड़ी मर्ज़ी से ही दींदु छों मि तैं वेको दींणु कु अधिकार च अर वे तैं फिर लींणु कु भि अधिकार च किलैकि या व ही आज्ञा च जु मेरा पिता परमेश्वर बट्टी मिली च।</verse>
				<verse number="19">यूं बातों का वजा से यहूदियों मा फिर फूट पोड़ि गै।</verse>
				<verse number="20">ऊंमा बट्टी भौत सी लोग बुल्ण बैठी गैनी वे पर दुष्टात्मा च अर उ पागल च वेकी किलै सुणदां</verse>
				<verse number="21">पर दुसरा लुखुं ल बोलि, यु बात इन मनिख कि नि च जै पर दुष्टात्मा हो एक दुष्टात्मा कभि भि एक अंधा आदिम तैं नजर नि दे सकद?</verse>
				<verse number="22">यरूशलेम शहर मा यहूदी मन्दिर का स्थापना कु त्यौहार छो अर ठंड़ियों कु मौसम छो।</verse>
				<verse number="23">अर यीशु यरूशलेम शहर का मन्दिर का चौक का भितर घुमणु छो जै तैं राजा सुलैमान कु ओसारा बुल्दा छा।</verse>
				<verse number="24">तब यहूदियों का अगुवों ल वे तैं ऐ के घेरि अर पूछि, तिल हम तैं लम्बा बगत तक दुविधा मा रखि अब हम तैं स्पष्ट रूप से बतै दे क्य तु मसीह छै।</verse>
				<verse number="25">यीशु ल ऊं तैं जवाब दींनि मिल तुम बट्टी बोलि छों अर तुम विश्वास नि करदां जु काम मि अपड़ा बुबा का अधिकार बट्टी करदु छों व ही मेरी उ ही मेरा गव्है च</verse>
				<verse number="26">पर तुम इलै विश्वास नि करदां किलैकि तुम मेरा ढिबरों मा बट्टी नि छा।</verse>
				<verse number="27">जन के कि मेरा ढिबरा अपड़ा असली चरवाहा की आवाज पैछणदींनि उन ही मेरा लोग मेरी बातों पर ध्यान दींदां छिन मि ऊं तैं जंणदु छौं अर उ मेरा चेला बण मेरा पिछनैं चलणां छिन</verse>
				<verse number="28">अर मि ऊं तैं अनन्त जीवन दींदो, उ कभि नष्ट नि होलि, अर कुई ऊं तैं मेरा हथ बट्टी नि लुछी सकदो।</verse>
				<verse number="29">मेरू पिता परमेश्वर जैल ऊं मि तैं दे उ ही सबसे बड़ो च अर कुई ऊं तैं पिता परमेश्वर का हथ बट्टी छीनि नि सकदु।</verse>
				<verse number="30">मि अर पिता परमेश्वर एक ही छा।</verse>
				<verse number="31">यहूदियों का अगुवों ल एक बार फिर वे पर ढुंग्यो कन कु फिर ढुंगा उठैनि।</verse>
				<verse number="32">ईं बात पर यीशु ल बोलि, मिल तुम तैं पिता परमेश्वर कि तरपां बट्टी भौत सी भला काम दिखेनि ऊंमा बट्टी कै कामों कु तुम मि पर ढुंग्यो करदां?</verse>
				<verse number="33">यहूदियों ल यीशु तैं जवाब दे, भला कामों कु हम त्वे पर ढुंग्यो नि करदां पर परमेश्वर कि बुरै कने का वजा से अर इलै की तु मनिख हवे के अपड़ा आप तैं परमेश्वर कु दावा करदु।</verse>
				<verse number="34">यीशु ल ऊं तैं जवाब दींनि, क्य परमेश्वर की व्यवस्था मा इन नि लिख्युं च कि परमेश्वर ल अपड़ा लुखुं का अगुवों तैं बोलि, कि तुम ईश्वर छा?</verse>
				<verse number="35">अर तुम जंणदा छा, कि परमेश्वर का वचन तैं बदलाव नि किये जै सकद, इलै जु वेका लुखुं का अगुवों तैं “ईश्वर” बुलै गै जै मा परमेश्वर कु वचन फूंजी (अर परमेश्वर की बात लोप नि हवे सकदो।)</verse>
				<verse number="36">त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि</verse>
				<verse number="37">जु मि अपड़ा पिता परमेश्वर का कामों तैं नि करदु त, तुम मेरू विश्वास नि कैरा।</verse>
				<verse number="38">पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु।</verse>
				<verse number="39">तब ऊंल फिर वे तैं पकड़णे की कोशिश कैरी पर उ वेका हथों बट्टी बचि के निकली गै।</verse>
				<verse number="40">फिर यीशु यरदन गाड का पूर्व का अर वीं जगह पर चलि गै जख यूहन्ना पैली बपतिस्मा दींदु छो अर उखि रैनी।</verse>
				<verse number="41">भौत सा लोग यीशु मा ऐ के बुल्दा छा, यूहन्ना ल त कुई चमत्कार नि दिखै पर जु कुछ यूहन्ना ल वेका बारा मा बोलि छो उ सब सच छो।</verse>
				<verse number="42">अर उख भौत लुखुं ल यीशु पर विश्वास कैरी।</verse>
			</chapter>
			<chapter number="11">
				<verse number="1">बैतनिय्याह गौं मा लाजर नौं कु एक मनिख बिमार छो ज्वा मार्था की बैंण मरियम द्वीयूँ कु भैय छो।</verse>
				<verse number="2">या व मार्था की बैंण मरियम छै जैल प्रभु पर इत्र डाली के यीशु का खुट्टा तैं अपड़ा लटुलोंन ल फूंजी छो वीं कु भैय लाजर बिमार छो।</verse>
				<verse number="3">इलै वेकी बैंण ऊंकु रैबार भेजि “हे प्रभु देखा जै बट्टी तु प्रेम रखदि छै उ बिमार च”</verse>
				<verse number="4">यु सूंणि के यीशु ल बोलि, “या बिमारी मुरण वली नि च, पर परमेश्वर कि बड़ै कु च की वेका द्वारा मि परमेश्वर का नौंना कि बढ़ै हो”</verse>
				<verse number="5">यीशु मार्था अर वीं कि बैंण अर ऊंका भैय लाजर तैं प्रेम करदु छो।</verse>
				<verse number="6">पर वेल सूंणि कि उ बिमार च त जख उ छा द्वी दिनों तक उखि रै गैनी।</verse>
				<verse number="7">द्वी दिनों का बाद यीशु ल चेलों मा बोलि, “आवा हम फिर यहूदिया प्रान्त कु जौला”</verse>
				<verse number="8">चेलों ल ऊंमा बोलि, “हे गुरु, अभि त यहूदी अगुवा त्वे पर ढ़ुग्यों कन चांणा छिन क्य तु फिर भि उखि जांण छै?”</verse>
				<verse number="9">यीशु ल जवाब दींनि, क्य दिन का बारह घंटा नि हुंदा?जु कुई दिन कु चलो, त ठोकर नि खान्दो, ईं जगत कु उज्यालो घाम का उज्यालो तैं दिखांदु।</verse>
				<verse number="10">पर जु कुई राती कु चलो, त ठोकर खान्दो, किलैकि वेमा उज्यला नि च।</verse>
				<verse number="11">ऊंल यु बात बोलि, अर यांका बाद ऊंमा बुल्ण लगि गैनी “हमारो दगड़िया लाजर सियूं च पर मि वे तैं बिजलणु कु जांणु छौं।”</verse>
				<verse number="12">तब चेलों ल ऊंकु बोलि, “हे प्रभु जु उ सियूं च त खूब हवे जालो”</verse>
				<verse number="13">यीशु ल त वेकी मौत का बारा मा बोलि छो पर ऊंल समझी कि वेका निंद मा सींण का बारा मा बोलि</verse>
				<verse number="14">तब यीशु ल ऊंमा साफ-साफ बोलि दींनि “लाजर मोरि गै”</verse>
				<verse number="15">अर मि तुमारा कारण से आनन्द मा छौं कि मि उख नि छो इलै की तुम विश्वास करयां। पर अब आवा हम वेमा जौला।</verse>
				<verse number="16">तब थोमा ल जैकु दिदुमुस बुल्दा छा अपड़ा दगड़ा का चेलों कु बोलि, “आवा हम भि ऊंका दगड़ी मुरण कु चलदां।”</verse>
				<verse number="17">जब यीशु बैतनिय्याह गौं मा ऐ त वे तैं यु हवे की वे तैं चार दिन पैली ही दफनये गै।</verse>
				<verse number="18">बैतनिय्याह गौं यरूशलेम शहर का संमणी कुई तीन मील बट्टी कम दूरी पर छों।</verse>
				<verse number="19">अर भौत सा यहूदी लोग मार्था की बैंण मरियम मा ऊंका भैय का बारा मा शान्ति दींणु कु ऐ छा।</verse>
				<verse number="20">जब मार्था ल यीशु कि औंणै की खबर सूंणि त वे बट्टी भेंट कनु कु चलि गै पर मार्था की बैंण मरियम का घौर मा ही छै।</verse>
				<verse number="21">मार्था ल यीशु कु बोलि, “हे प्रभु, त्वे तैं इख हूंण चयणु छो तब मेरा भैय की मृत्यु नि हूंद</verse>
				<verse number="22">अर अभि भि मि जंणदु छौं कि जु तु परमेश्वर बट्टी मंगिल्या, परमेश्वर त्वे तैं दयालो।”</verse>
				<verse number="23">यीशु ल वेकु बोलि, “तेरु भैय फिर से जी उठलो।”</verse>
				<verse number="24">मार्था न ऊंमा बोलि, “मि जंणदु न्याय का दिन मा उ ज्यून्दो हवे जालो।</verse>
				<verse number="25">यीशु ल वीं मा बोलि, मि ऊई छों जु मुरयां लुखुं तैं जीवन मा वापिस लांदु छों अर जु कुई मि पर विश्वास करदु जु उ मोरि भि जालो तब भि ज्यून्दो रालो।</verse>
				<verse number="26">अर जु मि मा ज्यूँदो च अर मि पर विश्वास करदु च उ कभि नि मुरुलो क्य तु ईं बात पर विश्वास करदी छै?”</verse>
				<verse number="27">वीं ल यीशु मा बोलि, “हे प्रभु हां मि विश्वास करदु छौं कि परमेश्वर कु नौंनो मसीह जु जगत मा आंण वला छो उ तु ही छै।”</verse>
				<verse number="28">इन बोलि के मार्था चलि गै अर मार्था की बैंण मरियम तैं चुपचाप बुलै के बोलि, “गुरु इखि छिनी त्वे तैं बुलांणा छिन।”</verse>
				<verse number="29">इन सूंणि के व वे बगत उठि के ऊंमा ऐ।</verse>
				<verse number="30">यीशु अभि भि गौं से भैर छो पर वीं जगह मा छो जख मार्था ल वे बट्टी भेंट कैरी छै।</verse>
				<verse number="31">तब जथग भि यहूदी लोग वेका दगड़ी घौर मा छो अर मार्था की बैंण मरियम तैं शान्ति दींणा छा ऊं देखि के उठि के भैर चलि गै तब ऊंल समझी कि व रौंणु कु कब्र मा जांणि च तब उ भि वीं का पिछनै चलि गैनी।</verse>
				<verse number="32">“जब मार्था की बैंण मरियम उख पौंछि जख यीशु छो त उ यीशु तैं दिखद त वेका खुट्टा मा गिरी कै बोलि” हे प्रभु जु तु इख हूंदी त मेरा भैय ल नि मुरण छो।</verse>
				<verse number="33">जब यीशु ल वीं को अर ऊं यहूदियों कु जु वेका दगड़ी ऐ छा रूंण देखि, वेल गैरि आह भौरि उ भौत दुखी हवे</verse>
				<verse number="34">अर बोलि, तुमारो उ कख दफनये? ऊंल वेमा बोलि, हे प्रभु चलि के तु ही देखि ल्यावा।</verse>
				<verse number="35">यीशु रूंण लगि गै।</verse>
				<verse number="36">तब यहूदी लोग बुल्ण लगि गैनी देखा उ वे तैं कथना प्रेम करदु।</verse>
				<verse number="37">पर ऊंमा बट्टी कथगों ल बोलि, येल त वे अंधा आदिम की आंखों तैं खूब कैरी, उ लाजर तैं मुरण बट्टी बचै सकदु छो?</verse>
				<verse number="38">यीशु ल गहरी आह भौरि उ भौत दुखी हवे अर कब्र पर ऐ उ एक गुफा छै अर एक ढुंगों बट्टी गुफा कु मुक बंद कैरी के रख्युं छो।</verse>
				<verse number="39">यीशु ल बोलि, “तैं पठाल हटै द्या” वे लाजर की बैंण मार्था ऊंमा बुल्ण लगि गै हे प्रभु वे बट्टी अब त बाश औंणि च किलैकि वे तैं मुरयां चार दिन हवे गैनी।</verse>
				<verse number="40">यीशु ल वेमा बोलि, “क्य मिल त्वे मा नि बोलि छो कि जु तू विश्वास करिली त परमेश्वर की महिमा तैं दिखली।”</verse>
				<verse number="41">तब ऊंल वे ढुंगों तैं हठै। फिर यीशु ल स्वर्ग जनै देखि के बोलि, “हे पिता मि तेरु धन्यवाद करदु कि तिल मेरी सूंणेलि।</verse>
				<verse number="42">मि जंणदु छौं, कि तु सदनी मेरी सुंणदि छै, पर मिल ईं भीड़ का कारण अमणी-संमणी खड़ी च, वे कारण मिल यु बोलि, की उ सब विश्वास कैरा कि तिल मि तैं भेजि।”</verse>
				<verse number="43">इन बोलि, के ऊंल जोर से धै लगै के बोलि, “हे लाजर भैर निकली के औ।”</verse>
				<verse number="44">जु मोरि गै छो उ दफनयां ही कपड़ा की पट्टियां ल बंधि ही भैर ऐ अर वेको मुक अँगोछा ल लपेटियूं छो यीशु ल वेकु बोलि, वे तैं जांणि द्या।</verse>
				<verse number="45">तब जु यहूदी लोग जु मार्था की बैंण मरियम का दगड़ी ऐ छा अर वेकु यु काम देखि, वेमा बट्टी भौत लुखुं ल वे पर विश्वास कैरी।</verse>
				<verse number="46">पर ऊंमा बट्टी कथगों ल फरीसियों का संमणी जै के यीशु का कामों कु समाचार दींनि।</verse>
				<verse number="47">यां पर प्रधान याजक अर फरीसियों ल महासभा का लुखुं तैं कठ्ठा कैरी कै कि हम क्य करला? यु मनिख त भौत चमत्कार दिखांणु च।</verse>
				<verse number="48">जु हम वे तैं यु जन कन दींणै की अनुमति द्या त हर कुई मसीह का रूप मा वे पर विश्वास कन लगला अर रोमी ऐ के हमारी जगह अर जाति द्वीयूँ पर हमारा मंदिर अर देश पर बट्टी हमारो अधिकार तैं लै दयाला।</verse>
				<verse number="49">तब ऊंमा बट्टी कैफा नौं यहूदी सभा का सदस्यों मा बट्टी एक ल जु वे साल कु महायाजक कैफा कु ससुर छो वेमा बोलि, “तुम कुछ भि नि जंणदां,</verse>
				<verse number="50">अर न कुछ समझदां, कि तुम कु भलो च, कि लुखुं कु एक मनिख मोरि अर नि यु हमारा सभि लुखुं कु नाश हवे।”</verse>
				<verse number="51">या बात वेल अपड़ा तरपां बट्टी नि बोलि, वे साल का महायाजक का रूप मा, वेल यु भविष्यवाणी कैरी कि यीशु इस्राएल का लुखुं कु मुरुलो।</verse>
				<verse number="52">पर भस वे कु ही नि उ परमेश्वर की अन्य सन्तानों कु भि मुरलि जु यु धरती मा बिखरयां छिन कि ऊं तैं कठ्ठा कैर साका।</verse>
				<verse number="53">इलै वे दिन बट्टी यहूदी अगुवा वे तैं खत्म कनै की योजना कना छा।</verse>
				<verse number="54">ये षड्‍यंत्र का कारण यीशु वे बगत बट्टी यहूदियों मा प्रगट हवे के नि फिरा, पर उख बट्टी एकांत जंगल का नजीक का प्रदेश का इफ्राईम नौं, एक नगर कु चलि गै अर अपड़ा चेलों का दगड़ी ऊखी रौंण लगि गै।</verse>
				<verse number="55">यहूदियों कु फसह कु त्यौहार का बगत नजीक छो अर भौत सैरा लोग फसह से पैली अपड़ा गौं बट्टी यरूशलेम शहर कु गैनी कि मंदिर मा अपड़ा आप तैं शुद्ध कैरा।</verse>
				<verse number="56">अर तब उ यीशु तैं ढुंढण लगि गैनी अर यरूशलेम शहर का मन्दिर मा खड़ा हवे के आपस मा बुल्ण लगि गैनी “तुम क्य सुचद्यां? क्य वेल ये त्योहार मा नि आंण?”</verse>
				<verse number="57">प्रधान याजक अर फरीसियों ल भि आज्ञा दीं छै कि जु कुई जंणदु च की यीशु कख च त बतौ की वे तैं पकड़ी सका।</verse>
			</chapter>
			<chapter number="12">
				<verse number="1">फिर यीशु फसह का त्यौहार बट्टी छै दिन पैली बैतनिय्याह मा ऐ जख वेल लाजर तैं मुर्दों मा बट्टी ज्यूँदो कैरी छो।</verse>
				<verse number="2">उख ऊंल वेको खांणु तैयार कैरी अर मार्था सेवा कनि छै, अर लाजर ऊंमा बट्टी एक छो जु यीशु दगड़ी खांणा खांणु कु बैठयूं छो।</verse>
				<verse number="3">तब मार्था की बैंण मरियम जटामांसी कु अधा लीटर का लगभग बहुमूल्य इत्र लेकै यीशु का खुट्टा मा डाली, अर अपड़ा लटुलों ल ऊंका खुट्टा पोंछैंनि, अर इत्र कि खुशबु ल घौर मैहकंण लगि गै।</verse>
				<verse number="4">पर ऊंका चेलों मा बट्टी यहूदा इस्करियोती जु वे तैं पकड़वौंण चांदु छो उ बुल्ण लगि गै।</verse>
				<verse number="5">यु इत्र त तीन सौ दिन की मजदूरी मा बेचि के वांका पैसा गरीब गरबों तैं किलै नि दिये गै?</verse>
				<verse number="6">वेल या बात इलै नि बोलि छै कि वे तैं गरीबों कि चिंता छै पर इलै की उ चोर छो अर वेमा ऊं सभियूं कि रुप्यों कि थैलि रांदि छै वीं थैलि मा जु कुछ भि डलेंदु छो उ निकाली दींदु छो।</verse>
				<verse number="7">यीशु ल बोलि, “वे तैं रैंण द्या। वे तैं मेरा दफनौंण का दिनौ कु रैंण द्या।</verse>
				<verse number="8">किलैकि गरीब त तुमारा दगड़ा मा सदनी रौदींनि पर मि तुम दगड़ी सदनी नि रांण।”</verse>
				<verse number="9">जब यहूदी लुखुं कि बड़ी भीड़ जांणि गै कि यीशु उख छिनी त उ उख यीशु का बानु नि गैनी पर उ लाजर तैं दिखण चांणा छा जै तैं ऊंल ज्यूँदो कैरी छो।</verse>
				<verse number="10">तब प्रधान याजक लाजर तैं खत्म कनु प्रपंच रचि।</verse>
				<verse number="11">किलैकि लाजर का कारण भौत सा यहूदी लोग ऊं तैं अस्वीकार कन लगी गैनी, अर ऊंल यीशु पर विश्वास कैरी।</verse>
				<verse number="12">दुसरा दिन उख फसह कु त्यौहार मा अयां भौत सा लुखुं ल सूंणि कि यीशु यरूशलेम शहर आंणु च।</verse>
				<verse number="13">इलै ऊंल खजूर कि फौंकि हथ मा रखिनि अर ऊंका दगड़ा भेंट कनु कु चलि गैनी अर बुल्ण लगि गैनी “होशाना” धन्य च उ जु इस्राएल का लुखुं का घराना जु परमेश्वर की सामर्थ से औंदु</verse>
				<verse number="14">जब यीशु तैं गधा कु एक बच्चा मिली तब उ वे पर बैठी के यरूशलेम शहर मा ऐ जन लिख्युं च उन ही हवे</verse>
				<verse number="15">“हे सिय्योन की नौंनि नि डैर देख तेरु राजा गधा का बच्चा पर बैठी के औंणु च।”</verse>
				<verse number="16">यीशु का चेला यु बातों तैं पैली नि समझी छा पर जब यीशु की बड़ै प्रगट हवे त ऊं तैं याद ऐ की जु कुछ भि यीशु का दगड़ी हवे उ ठिक उन ही छो जन कि परमेश्वर का वचन मा बुलै गै छो।</verse>
				<verse number="17">तब भीड़ का लुखुं ल जु वे बगत यीशु का दगड़ी छा उ दूसरो तैं बतांण लगि गैनी की वेल लाजर तैं कब्र मा बट्टी बुलै वे तैं ज्यूँदो कैरी।</verse>
				<verse number="18">इलै भौत सा लोग यीशु बट्टी मिलणु कु ऐनी किलैकि ऊंल यु चमत्कार का बारा मा सूंणि छो।</verse>
				<verse number="19">तब फरीसियों ल आपस मा बोलि, “सोचा, हम कुछ नि कैर सकदा छा देखा पूरो दुनिया वेका पिछनै हवे गै।”</verse>
				<verse number="20">उख कुछ अन्यजाति यूनानी छा जु फसह का त्यौहार का दौरान आराधना कनु कु यरूशलेम मा ऐ छा</verse>
				<verse number="21">ऊं गलील जिला का बैतसैदा नगर का रांण वला फिलिप्पुस का संमणी ऐ के बिनती कैरी, “कि श्रीमान जि हम यीशु का दगड़ा भेंट कन चांणा छा।”</verse>
				<verse number="22">फिलिप्पुस ल अन्द्रियास मा बोलि तब अन्द्रियास अर फिलिप्पुस ल यीशु मा बोलि।</verse>
				<verse number="23">ईं बात पर यीशु ल ऊंमा बोलि, मि मनिख कु नौंनो कि बड़ै कु बगत ऐ गै।</verse>
				<verse number="24">मि तुम मा सच-सच बुल्णु छौं जब तक ग्यूं का बीज जमींन का तौला मोरि नि जौं तब तक उ इखुली रौंदु पर जब मोरि जांदु त भौत फल लांदु।</verse>
				<verse number="25">किलैकि जु कुई अपड़ो जीवन बचौण चौ उ वे तैं गवांलू पर जु कुई मेरा बाना अर शुभ सन्देश का बाना अपड़ा आत्मा तैं गवांलू उ अनन्त जीवन तैं पालो।</verse>
				<verse number="26">जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।</verse>
				<verse number="27">अब मि भौत व्याकुल छों इलै अब मि क्य बोलु? हे बुबा, मि तैं पिड़ा का बगत बचै इलै मि दुनिया मा इलै अयुं कि कष्ट उठौ।</verse>
				<verse number="28">हे मेरा बुबा अपड़ा नौं कि बड़ै कैर “तब स्वर्ग बट्टी इन आकाशवाणी हवे मिल वेकी बड़ै कैरी अर फिर भि करुलु”</verse>
				<verse number="29">तब जु मनिख खड़ो हवे के सुनणा छा ऊंल बोलि, बादल धमकी दुसरों ल बोलि, कि स्वर्गदूतों न ऊं दगड़ी बात कैरी।</verse>
				<verse number="30">यां पर यीशु ल बोलि, “यु शब्द यु आवाज तुमारा लाभ कु छो मेरी न।</verse>
				<verse number="31">दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।</verse>
				<verse number="32">अर जु मि ईं धरती बट्टी ऊंची जगह पर चड़ाये जौलु त सभियूं तैं अपड़ी तरपां खिंचलो।”</verse>
				<verse number="33">इन बोलि के ऊंल यु जतलै छो कि वेल कन के मुरण छो।</verse>
				<verse number="34">यां पर लुखुं ल वेमा बोलि, हम ल यु परमेश्वर की व्यवस्था मा नि सूंणि कि मसीह सदनी ज्यूँदो रालो फिर तु किलै बुल्णी छै, की मि मनिख कु नौंनो तैं मथि चढ़ै जांण जरूरी च यु मनिख नौंनो कु च?</verse>
				<verse number="35">यीशु ल ऊंमा बोलि उज्यलो अब जरा देर तक तुमारा बीच मा च जब तक उज्यलो तुम दगड़ी च तब तक हिटिल्या इन नि हो कि अंधेरो तुम तैं घेरि द्यो जु अंधेरा मा हिटदु उन ही जंणदु कि कना जांणु</verse>
				<verse number="36">जब तक उज्यलो तुम दगड़ी च उज्यला पर विश्वास कैरा इलै की तुम उज्यला कि सन्तान बंणिल्या यूं बातों तैं बोलि के यीशु उख बट्टी चलि गै अर खुद तैं छिपयूं रखि।</verse>
				<verse number="37">अर वेल वेका संमणी इथग चमत्कार दिखैनी, तब भि ऊंल वे पर विश्वास नि कैरी।</verse>
				<verse number="38">इलै की यशायाह परमेश्वर का तरपां बट्टी बुल्ण वला कु वचन पूरा हो जु वेल बोलि छा। “हे प्रभु, कैल हमारा संदेश पर विश्वास नि कैरी? अर कुई नि समझदु च की यु तेरी पराक्रमी सामर्थ छै? अर परमेश्वर की भुजबल कै पर प्रगट हवे</verse>
				<verse number="39">यु कारण से ऊंल विश्वास नि कैरी सैकी किलैकि यशायाह ल इन भि बोलि,</verse>
				<verse number="40">वेल ऊंका आंखा अंधा करिनि इलै कि उ देख नि साका वेका मन कठोर कयूँ च कखि इन नि हो कि उ आँखों ल दिखुनु अर मन से समझुनु अर फिरुनु अर मि ऊं तैं चंगा कैरु।”</verse>
				<verse number="41">यशायाह ल यु बात इलै बोलि, कि वेल यीशु की बगत से पैली वेकी महिमा देखि अर वेल वेका बारा मा बात कैरी।</verse>
				<verse number="42">तब भि अधिकारियों मा बट्टी भि भौत ल वे पर विश्वास कैरी पर फरीसियों का कारण प्रगट मा नि मणदा छा यु डैर बट्टी की ऊं तैं यहूदियों का मिलणा का भवन मा बट्टी भैर निकलै जालो।</verse>
				<verse number="43">मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।</verse>
				<verse number="44">यीशु ल भीड़ तैं पुकारी के बोलि, जु मि पर विश्वास करदु च उ मि पर न, मेरा भिजणवला परमेश्वर पर विश्वास करदु।</verse>
				<verse number="45">अर जु कुई मि दिखद उ मेरा भिजण वला तैं दिखद।</verse>
				<verse number="46">मि यु जगत मा उज्यलो बंणि के अयुं छौं इलै की जु कुई भि मि पर विश्वास करुलु उ अंधेरा मा नि रौ।</verse>
				<verse number="47">जु कुई मेरी बात सूंणि के वेकी मंणदु नि च त मि वे तैं भंगारी नि ठैरालो, किलैकि मि दुनिया का लुखुं तैं भंगारी ठैरांण कु नि, पर दुनिया का लुखुं तैं बचौणु कु अयुं छौं।</verse>
				<verse number="48">जु मि तैं तुच्छ जंणदु च अर मेरी बात स्वीकार नि करदु च इन कुछ नि च जु मि तैं अस्वीकार कन वलो कु न्याय करलो मतलब जु वचन मिल बोलि छो, वे अंतिम दिनों मा वे तैं भंगारी ठैरालो।</verse>
				<verse number="49">किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?</verse>
				<verse number="50">अर मि जंणदु छौं कि वेकी आज्ञा अनन्त जीवन की च। इलै, मि तुम तैं ऊई बतौंदु छों जु पिता परमेश्वर उ मि मा बुल्द च।</verse>
			</chapter>
			<chapter number="13">
				<verse number="1">फसह कु त्यौहार से पैली जब यीशु ल जांणेली छो कि वेको जगत छोड़ी के बुबा मा लौटि जांणु कु उ बगत ऐ गै त अपड़ा अनुयायियों बट्टी जु जगत मा छा प्रेम रखदो छो उ अब ऊं तैं अपड़ा प्रेम की पूरी हद तक प्रेम करदो छो।</verse>
				<verse number="2">यीशु अर वेका चेला राती कु खांणु खांणा छा। शैतान ल पैली बट्टी ही यीशु तैं धोखा दींणु कु शमौन इस्करियोती का नौंना यहूदा इस्करियोती का मन मा डाली छो।</verse>
				<verse number="3">यीशु यु जंणदु छो कि बुबा ल हर चीज पर अधिकार वे तैं दियुं च अर यु की उ परमेश्वर मा बट्टी अयुं च अर परमेश्वर मा जांणु च अर मि परमेश्वर मा बट्टी अयुं छों अर परमेश्वर मा जांणु छों।</verse>
				<verse number="4">खांणा पर बट्टी उठि के यीशु ल अपड़ो चोला उतरी दींनि अर अँगोछा लैके अपड़ी कमर पर बंधि।</verse>
				<verse number="5">तब भांडा पर पांणी भोरि के अपड़ा चेलों का खुट्टा धूंण अर जै अँगोछा ल एक दास का जन वेकी कमर पर बंधि छै वे बट्टी फुंजंण लगि गै।</verse>
				<verse number="6">जब उ शमौन पतरस का संमणी ऐनी तब पतरस ल वेमा बोलि, “हे प्रभु, क्य तुम मेरा खुट्टा धूंणा छा?”</verse>
				<verse number="7">यीशु ल वे तैं जवाब दींनि, “जु मि कनु छौं तु अभि यांको मतलब नि जंणदा पर यांको बाद समझली।”</verse>
				<verse number="8">पतरस ल यीशु मा बोलि, “तुम मेरा खुट्टा कभि नि धूंण पैला” यु सूंणि के यीशु ल वेकु बोलि, जु मि तुमारा खुट्टा नि धूं त तुमारो मि दगड़ी कुई सम्बंध नि होलो।</verse>
				<verse number="9">शमौन पतरस ल ऊंमा बोलि, “हे प्रभु त मेरा खुट्टा ही न बल्कि मेरा हथ अर मुंड भि ध्वे द्या।”</verse>
				<verse number="10">यीशु ल वेमा बोलि, “एक आदिम जु नहे गै हो वे तैं भस अपड़ा खुट्टा तैं धुंणै की ही जरूरत च वेकी पूरो देह साफ च अर तुम सब शुद्ध छा, भस एक तैं छोड़ी के।”</verse>
				<verse number="11">उ अपड़ा पकड़वौंण वला तैं जंणदु छा इलै वेल इलै बोलि, अर तुम सब शुद्ध छा भस एक तैं छोड़ी के।</verse>
				<verse number="12">जब यीशु ल वेका खुट्टा ध्वे दींनि अर अपड़ा भैरा का कपड़ा पैरी के फिर बैठी गै त उ बुल्ण लगि गै, “क्य तुम समझयां कि मिल तुमारा दगड़ी क्य कैरी?</verse>
				<verse number="13">तुम मि कु गुरु अर प्रभु, बुल्दा अर जु तुम बुल्दा छा उ ठिक च किलैकि मि तुमारो गुरु अर प्रभु छों।</verse>
				<verse number="14">जु मि तुमारो गुरु अर प्रभु हवे के तुमारा खुट्टा ध्वे, त तुम तैं भि इन कन चयणु च अपड़ा आप तैं नम्र कैरी के एक दुसरा का खुट्टा धूंण चयणु च।</verse>
				<verse number="15">किलैकि मिल तुमारा संमणी एक मिसाल रखि कि जन मिल तुमारा दगड़ा मा कैरी तुम भि उन ही करयां।</verse>
				<verse number="16">मि तुम मा सच-सच बुल्णु छों, प्रेरित अपड़ा गुरु से बड़ी के नि हुंदू अर न ही कुई भिज्युं अपड़ा भिजणवला बट्टी।</verse>
				<verse number="17">अब जबकि तुम यूं बातों तैं जंणदा छा, त तुम इन कैरी के धन्य हवे जावा।</verse>
				<verse number="18">मि तुम सभियूं का बारा मा नि बुल्णु छौं जौं तैं मिल चुंणेलि ऊं तैं मि जंणदु छौं पर यु इलै हूंद कि परमेश्वर का वचन मा जु लिख्युं च उ सच हो जु मेरी रुट्टि खान्दो जैल मेरा दगड़ी खै वेल ही मि तैं धोखा द्ये।</verse>
				<verse number="19">अब मि वेका हूंण से पैली तुम तैं जतलै दींणु छौं कि जब यु हवे जौं त तुम विश्वास करयां कि मि उ ही छौं।</verse>
				<verse number="20">मि तुम मा सच-सच बुल्णु छौं कि जु मेरी भिजणै कि बात तैं मणदींनि अर मि तैं स्वीकार करद उ मेरा भिजण वला तैं स्वीकार करदो।”</verse>
				<verse number="21">या बात बुल्णा का बाद यीशु आत्मा मा व्याकुल हवे अर अपड़ा चेलों तैं बतै “मि तुम मा सच-सच बुल्णु छौं कि तुम मा बट्टी एक मि तैं पकड़वालो।”</verse>
				<verse number="22">चेला शंका मा पड़ि गैनी कि या बात कैका बारा मा बुल्णा छिनी अर उ एक हैंका जनै दिखण लगि गैनी।</verse>
				<verse number="23">ऊंका चेला मा बट्टी जै तैं यीशु भौत प्रेम करदां छा उ यीशु का बगल मा बैठयूं छो।</verse>
				<verse number="24">तब शमौन पतरस ल वेकी तरपां सनकै की पूछि “बतौ त, उ कैका बारा मा बुल्णु च?”</verse>
				<verse number="25">तब वेल यीशु कि तरपां झुकि के पूछि “हे प्रभु, उ को च?”</verse>
				<verse number="26">यीशु ल जवाब दींनि, जै तैं मि यु रुट्टि कु टुकड़ा तरी मा डुबै कै दयुलु उ ही च, अर वेल टुकड़ा तरी मा डुबै कै शमौन इस्करियोती का नौंना यहूदा इस्करियोती तैं दींनि।</verse>
				<verse number="27">जन ही यहूदा ल रुट्टि कु टुकड़ा खै यीशु ल वेकु बोलि, “तु जु कन चाणी छै, वे तैं तुरंत कैर, वे बगत शैतान वेमा समै गै।”</verse>
				<verse number="28">पर मेज पर बैठण वला अन्यों मा बट्टी कुई नि जंणदु छो की यीशु ल वेकु इन किलै बोलि।</verse>
				<verse number="29">यहूदा मा थैलि रांदि छै इलै कै कैल इन समझी यीशु वेकु बुल्णा छिनी जु कुछ हम तैं त्योहार कु चायेणु च उ मोल ली कै औ या इन कि गरीबों तैं कुछ दींद।</verse>
				<verse number="30">रुट्टि कु टुकड़ा खांण का बाद यहूदा तुरंत भैर चलि गै अर उ राती कु बगत छो।</verse>
				<verse number="31">जब उ भैर चलि गै त यीशु ल बोलि, “अब मि मनिख कु नौंनो कि बड़ै हवे गै अर परमेश्वर महिमा मि पर हवे</verse>
				<verse number="32">अर परमेश्वर भि अपड़ा मा नौंना की बड़ै करलो अर तुरंत करलो।</verse>
				<verse number="33">बालकों मि और थोड़ा देर तुमारा दगड़ा मा छौं फिर तुम मि तैं ढुंड़िल्या अर जन मिल यहूदियों कु बोलि, कि जख मि जांणु छौं उख तुम नि ऐ सकद्यां अर उन ही अब मि तुम मा भि बुल्णु छौं।</verse>
				<verse number="34">मि तुम तैं एक नई आज्ञा दींणु छौं कि तुम एक दुसरा बट्टी प्रेम रखा जन मि तुम बट्टी प्रेम रखदु छों उन ही तुम भि एक दुसरा बट्टी प्रेम रखा।</verse>
				<verse number="35">जु तुम एक दुसरा बट्टी प्रेम करिल्या, जु हर कुई जांणि ल्यालो कि तुम मेरा चेला छा।”</verse>
				<verse number="36">शमौन पतरस ल ऊंमा बोलि, हे प्रभु तुम कख जांणा छा? यीशु ल जवाब दींनि “जख मि जांणु छौं उख तू अभि मेरा पिछनै नि ऐ सकदी पर यांका बाद मेरा पिछनै ऐलि।”</verse>
				<verse number="37">पतरस ल यीशु कु बोलि, “हे प्रभु मि अभि तुमारा पिछनै किलै नि ऐ सकदु? मि त त्वे कु मुरण कु भि तैयार छों।”</verse>
				<verse number="38">यीशु ल जवाब दींनि “क्य तु मि कु मुरलि, मि त्वे मा सच-सच बुल्णु छौं कि मैर का बंसण से पैली तु तीन बार बुलली की तु मि तैं नि जंणदी।”</verse>
			</chapter>
			<chapter number="14">
				<verse number="1">“तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा।</verse>
				<verse number="2">मेरा पिता का घौर मा रौंणु कु भौत सी जगह छिनी जु नि हूंद त मि तुम बट्टी बोलि दींदु किलैकि मि तुम कु जगह तैयार कनु कु जांणु छौं।</verse>
				<verse number="3">मेरा जांण अर तैयारी कना का बाद तुम कु जगह तैयार करुलु कि फिर तुम मा ऐ के तुम मि दगड़ी रौंणु कु लिजौलु की जख मि रौलु उखि तुम भि रैल्या।</verse>
				<verse number="4">अर जख मि जांणु छौं तुम उख वीं जगह का बट्टा जख मि जांणु छों जंणदा छा।”</verse>
				<verse number="5">थोमा ल वेमा बोलि, “हे प्रभु हम नि जंणदा कि तुम कख जांणा छा त बाटु हम ल कनके जंणन?”</verse>
				<verse number="6">यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।</verse>
				<verse number="7">जु तुम ल मि जांणि हूंद त मेरा बुबा तैं भि जंणदा अर अब वे तैं जंणदा छयां अर वे तैं देखि भि च।”</verse>
				<verse number="8">फिलिप्पुस ल वेमा बोलि, “हे प्रभु पिता परमेश्वर तैं हम तैं दिखै द्यावा यु हम संतुष्ट हवे जां।”</verse>
				<verse number="9">यीशु ल वेमा बोलि, “हे फिलिप्पुस मि इथग दिनों बट्टी तुमारा दगड़ा मा छौं क्य तु मि तैं नि जंणदी? जैल मि देखु वेल बुबा तैं देखेलि। तू किलै बुल्णी छै कि बुबा हम तैं दिखै द्या?</verse>
				<verse number="10">मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च।</verse>
				<verse number="11">मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।</verse>
				<verse number="12">मि तुम मा सच-सच बुल्ण छौं जु मि पर विश्वास रखदु यूं कामों तैं जौं तैं मि करदु उ भि करलो बल्कि यां बट्टी भि बड़ा काम करुलु किलैकि मि बुबा मा जांणु छौं।</verse>
				<verse number="13">जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो।</verse>
				<verse number="14">जु तुम मि बट्टी मेरा नौं से कुछ भि मंगिल्या त मि उन कैरी दयुलु।</verse>
				<verse number="15">जु तुम मि बट्टी प्रेम करदां त मेरी आज्ञाओं कु पालन करिल्या।</verse>
				<verse number="16">मि पिता परमेश्वर बट्टी प्रार्थना करुलु अर उ तुम तैं एक और मददगार दयालो की उ सदनी तुमारा दगड़ा मा रालो।</verse>
				<verse number="17">या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।</verse>
				<verse number="18">मि तुम तैं अनाथ नि छोड़लु मि तुम मा आंणु छौं।</verse>
				<verse number="19">जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।</verse>
				<verse number="20">जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।</verse>
				<verse number="21">जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।”</verse>
				<verse number="22">वे यहूदा ल जु इस्करियोती नि छो बोलि, “हे प्रभु, क्य हवे कि तु अफ तैं हम पर प्रगट कन चांणि छै अर दुनिया का लुखुं पर न”</verse>
				<verse number="23">यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।</verse>
				<verse number="24">जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि।</verse>
				<verse number="25">“यु बात मिल तुमारा दगड़ा रौंद तुम मा बुलिनि।</verse>
				<verse number="26">पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।</verse>
				<verse number="27">मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।</verse>
				<verse number="28">तुम ल सुणैयेलि कि मिल तुम मा बोलि, मि जांणु छौं अर तुम मा फिर औलु जु तुम मि से प्रेम रखदा त ईं बात से खुश हूंद्यां कि मि बुबा मा जांणु छौं किलैकि बुबा मि से जादा बड़ो च।</verse>
				<verse number="29">अर मिल अब यूं बातों का हूंण से पैली तुम मा बोल्यालि छो की जब उ हवे जु त तुम मि पर विश्वास कैरा।</verse>
				<verse number="30">मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च।</verse>
				<verse number="31">मि उन ही करदु छों जन बुबा मि तैं आज्ञा दींनि कि दुनिया का लुखुं तैं पता चलि जौ की मि बुबा बट्टी प्रेम करदु छों।</verse>
			</chapter>
			<chapter number="15">
				<verse number="1">“सच्ची अंगूरों कि लगुली मि छौं, अर मेरू बुबा किसान च।</verse>
				<verse number="2">हर एक डाली जु मि बट्टी च पर फल नि दींदी, त वे तैं तोड़ी डल्द अर जु फल्दी च, वेकी कटाई करदु कि हरेक फलो।</verse>
				<verse number="3">जु शिक्षा मि तुम तैं दींदु, वेका का कारण तुम शुद्ध छा।</verse>
				<verse number="4">तुम मि मा बंणयां रा अर मि तुम मा। जन फौंकि अंगूरों कि लगुली पर नि रौ त व अफी नि फलि सकदी वे जन तुम मि मा बंणयां नि रौंदा, तुम कुछ भि नि कैर सकदा।</verse>
				<verse number="5">मि अंगूरों कि लगुली छौं अर तुम फौंकि छा जु मि मा बणयुं रौंदु अर मि वेमा उ भौत फल से फलदो किलैकि मि बट्टी अलग हवे के तुम कुछ भि नि कैरी सकद्यां।</verse>
				<verse number="6">जु कुई मि मा बणयुं नि रालो त उ फौंकि कि तरौं फुंड ढुलै जांदु अर सूखि जांदु” अर लोग वे तैं बटोरी कै आग मा झौंकि दींद अर उ फुके जांद।</verse>
				<verse number="7">जु तुम मि मा बंणयां रैल्या अर मेरू वचन तुम मा बणयूं रालो त जु चैल्या अर मंगिल्या उ तुम कु हवे जालो।</verse>
				<verse number="8">मेरा बुबा कि बड़ै यां बट्टी हूंदी कि तुम भौत सैरा फल ल्यां, तब तुम मेरा चेला हूंण कु सबूत छा।</verse>
				<verse number="9">जन बुबा ल मि बट्टी प्रेम रखि उन ही मिल भि तुम बट्टी प्रेम रखि मेरा प्रेम मा बंणया रा।</verse>
				<verse number="10">जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।</verse>
				<verse number="11">मिल यु बात तुम कु इलै बुलिनि तुम मा भि उ ही आनन्द हो जु मि मा च तुम मा बणयुं रौ अर तुमारो आनन्द पूरो हवे जौं।</verse>
				<verse number="12">“मेरी आज्ञा या च कि वे जन मिल तुम बट्टी प्रेम रखि उन ही तुम भि एक दुसरा बट्टी प्रेम रखा।</verse>
				<verse number="13">कै मा यु दिखणु कु की उ अपड़ा दगड़ियों बट्टी प्रेम करदु च, यां से बड़ो अर कुई ढंग नि च की उ अपड़ा दगड़ियों कु अपड़ो प्राण द्यो।</verse>
				<verse number="14">ज्वा आज्ञा मि तुम तैं दींणु छौं जु तुम वीं आज्ञा तैं मणिल्या त तुम मेरा दगड़िया छा।</verse>
				<verse number="15">अब बट्टी मि तुम कु सेवा कन वलो नि बुललो किलैकि दास नि जंणदु कि वेको स्वामि क्य करदो पर मिल तुम कु दगड़िया बोलि किलैकि मि जु शुभ संदेश प्रचार अपड़ा पिता परमेश्वर बट्टी सुंणिनि उ सभि बात तुम तैं बतैयनी।</verse>
				<verse number="16">तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।</verse>
				<verse number="17">यूं बातों कि आज्ञा मि तुम तैं इलै दींणु छौं कि तुम एक हैंका दगड़ी प्रेम रख्यां।</verse>
				<verse number="18">जु दुनिया तुम बट्टी बैर रखो त तुम जांणि लिया कि वेल तुम से पैली मि बट्टी भि बैर रखि।</verse>
				<verse number="19">जु तुम दुनिया का हूंद त दुनिया का लोग अपड़ो बट्टी प्रेम रखदु, पर यु कारण की दुनिया बट्टी सम्बंध नि रखदा पर मिल तुम तैं दुनिया मा बट्टी चुणयेली इलै दुनिया तुम बट्टी बैर रखली।</verse>
				<verse number="20">याद रखा की मिल तुम मा क्य बोलि दास अपड़ा स्वामि बट्टी बड़ो नि हूंद, वे तैं याद रखा ऊंल मि तैं सतै त तुम तैं भि सताला जु मेरी शिक्षा तैं मणिल्या त तुम्हरी भि मंणला।</verse>
				<verse number="21">पर यु सब लोग ये कारण तुम दगड़ी करला किलैकि तुम मेरा चेला छा अर उ मेरा भिजण वला परमेश्वर तैं नि जंणदु।</verse>
				<verse number="22">जु मि नि औंदु अर ऊंका दगड़ा मा बात नि करदो त उ पापी नि ठैरदा पर अब ऊं तैं ऊंका पापों कु कुई बाना नि च।</verse>
				<verse number="23">जु मि बट्टी बैर रखदु च, उ मेरा बुबा बट्टी भि बैर रखदु।</verse>
				<verse number="24">जु मि वेमा ऊं चमत्कार नि करदु, जु और कैल नि कैरी त उ पापी नि ठैरुदो, पर अब त ऊंल मि तैं देखेले, कि मिल जु कैरी, पर अब ऊंल मि तैं देखेले अर उ मि तैं अर मेरा पिता परमेश्वर बट्टी नफरत करदा छिन।</verse>
				<verse number="25">अर यु वे तैं पूरो करदु च जु वेका परमेश्वर की व्यवस्था मा लिख्युं च ऊंल बगैर वजह की मि बट्टी घृणा कैरी।</verse>
				<verse number="26">मि बुबा की तरपां बट्टी एक मददगार भिजुलू उ आत्मा वे जु पिता परमेश्वर की तरपां बट्टी औंद अर जु सच्चो च वे तैं प्रगट करद जब उ आलो, त उ तुम तैं मेरा बारा मा बतालो।</verse>
				<verse number="27">अर तुम दुनिया तैं मेरा बारा मा बतैला किलैकि तुम शुरू बट्टी मि दगड़ी ही रौंदा छा।”</verse>
			</chapter>
			<chapter number="16">
				<verse number="1">“यु बात मिल तुम मा इलै बोलि कि तुम विश्वास नि ख्वे द्या।</verse>
				<verse number="2">उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।</verse>
				<verse number="3">इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।</verse>
				<verse number="4">पर यु बात मिल तुम मा इलै बोलि कि जब ऊंको पूरो हूंणो कु बगत ऐ त तुम तैं याद ऐ जौ कि मिल तुम बट्टी पैली ही बोल्याली छो मिल यु सब तुम तैं शुरू मा इलै नि बोलि कि वे बगत मा तुम दगड़ी छो।”</verse>
				<verse number="5">पर अब मि अपड़ा भिजणवला मा जांणु छौं अर तुम मा बट्टी कुई मि मा इन नि पुछणु च कि मि कख जांणु छो?</verse>
				<verse number="6">पर मिल जु यु बात तुम मा बोलि इलै तुमारो मन भौत उदास हवे गै।</verse>
				<verse number="7">फिर भि मि तुम बट्टी सच बुल्णु छौं कि मेरू जांण तुम कु अच्छो च किलैकि जु मि नि जौं त उ मददगार तुम मा नि आलो, पर जु मि जौलु, त वे तैं तुम मा भिजलु।</verse>
				<verse number="8">अर वेल ऐ के दुनिया का लुखुं तैं पाप अर धार्मिकता अर न्याय का बारा मा यकीन दिलै।</verse>
				<verse number="9">उ पाप का बारा मा यकीन दिलालो की उ मि पर विश्वास कन से इन्कार करदींनि</verse>
				<verse number="10">यु साबित करद की यीशु धर्मी च अर वेका बारा मा इलै कि मि पिता परमेश्वर मा जांणु छौं अर तुम मि तैं फिर नि दिखल्या</verse>
				<verse number="11">अर न्याय का बारा मा भि यकीन दिलालो की यु दुनिया कु सरदार शैतान भंगारी ठैरे जालो।</verse>
				<verse number="12">मिल तुम मा और भि भौत सैरी बात बतांण चांणु छों पर अभि तुम ऊं तैं सै नि सकदा।</verse>
				<verse number="13">पर जब उ यानि पवित्र आत्मा आलो, परमेश्वर का बारा मा जु भि सच्चो च समझण का कारण बंणलो किलैकि ऊं अपड़ा अधिकार बट्टी नि बुल्दो, पर उ परमेश्वर की तरपां बट्टी सुणांलो, वे तैं ही बुलालो, अर आंण वली बात तुम तैं बतालो।</verse>
				<verse number="14">उ मेरी महिमा करला, किलैकि वे तैं मेरी तरपां बट्टी मिल्द च उ तुम तैं बतालो।</verse>
				<verse number="15">जु कुछ पिता परमेश्वर को च उ सब मेरू च इलै मिल बोलि, कि उ मेरी बातें मा बट्टी लै के तुम तैं बतालो।</verse>
				<verse number="16">“मि जरा देर तक और तुम दगड़ी छों तब अपड़ा भिजण वला मा लौटि जौलु।”</verse>
				<verse number="17">तब वेका चेलों ल आपस मा बोलि या क्य बात च जु उ हम मा बुल्णु च मि जरा देर तक अर तुम दगड़ी छों तब अपड़ा भिजण वला मा लौटि जौलु यु इलै कि मि पिता परमेश्वर मा जांणु छौं?</verse>
				<verse number="18">तब चेला एक दुसरा बट्टी पुछण छा “यु ‘थोड़ी देर’ जु उ बुल्द च क्य बात च? हम नि जंणदा, कि उ क्य बुल्द।”</verse>
				<verse number="19">यीशु ल यु की उ मि तैं यूं बातों कु मतलब पुछण चांणा छिन, वेल बोलि, क्य तुम आपस मा मेरी यूं बातों का बारा मा पूछताछ कना छा जरा देर मा तुम मि तैं नि देखि ल्या, अर फिर जरा देर मा मि तैं देखि ल्या?</verse>
				<verse number="20">मि तुम मा सच-सच बुल्णु छों मेरा मुरण का बाद तुम रुविला अर विलाप करिल्या, पर दुनिया का लोग आनन्द करला पर तुम तैं दुःख होलो।</verse>
				<verse number="21">जब जनन कु जन्म दींणु कु बगत औंद, त उ भौत पिड़ा मा हूंदी त वीं तैं पिड़ा हूंदी, किलैकि वींकी पिड़ा का बगत ऐ गै, पर तब उ नौंनो तैं जन्म दे दींदी त यु आनन्द बट्टी की जगत मा एक मनिख पैदा हवे, इलै उ जनन वीं पिड़ा तैं भूल जांदी।</verse>
				<verse number="22">इन ही रीति बट्टी, तुम तैं भि अब त शोक च, पर मि तुम तैं फिर मिललो तुम आनन्दित हवेला अर तुमारो आनन्द कुई तुम बट्टी छिन नि सकदो।</verse>
				<verse number="23">वे बगत जब तुम मि तैं फिर दिखला त तुम मि मा कुछ नि पुच्छिल्या; मि तुम मा सच-सच बुल्णु छौं जु पिता परमेश्वर बट्टी कुछ मगिल्या त उ मेरा अधिकार बट्टी तुम तैं दयालो।</verse>
				<verse number="24">अभि तक तुम ल मेरा नौं से पिता परमेश्वर बट्टी कुछ नि मांगी, मगिल्या त पैल्या कि तुमारो आनन्द पूरो हवे जौं।</verse>
				<verse number="25">“मिल यु बात तुम मा मिसाल दे के बोलि, पर उ बगत आंण वलो च कि तुम तैं मिसाल दे के नि बुललो पर खुलि के तुम तैं बुबा का बारा मा बतौलु।</verse>
				<verse number="26">वे बगत तुम मेरा नौं का अधिकार बट्टी मगिल्या अर मि तैं पिता परमेश्वर बट्टी प्रार्थना नि कन होलि की उ कैर जु तुम मांगदां छा</verse>
				<verse number="27">किलैकि पिता परमेश्वर त अफी ही तुम बट्टी प्रेम रखदु च इलै की तुम ल मि बट्टी प्रेम रख्युं च अर इन भि विश्वास कैरी कि मि पिता परमेश्वर कि तरपां बट्टी अयुं छौं।</verse>
				<verse number="28">मि पिता परमेश्वर कि तरपां बट्टी जगत मा अयुं छौं मि फिर जगत तैं छोड़ी के बुबा मा जांणु छौं।”</verse>
				<verse number="29">ऊंका चेलों ल बोलि, “देखा अब त तुम खुलि के बुल्ण छा अर कुई मिसाल दे के नि बुल्णा छा।</verse>
				<verse number="30">अब हम जांणि ग्यां कि तुम सब कुछ जंणद्यां त्वे तैं कैकी जरूरत ही नि च कि कुई तुम बट्टी सवाल पूछो, इलै हम विश्वास करदां छा कि तु परमेश्वर की तरपां बट्टी अयुं छै।”</verse>
				<verse number="31">यु सूंणि के यीशु ल ऊंमा बोलि, “क्य तुम अब अंत मा विश्वास करदां छा?</verse>
				<verse number="32">देखा उ बगत आंणु च बल्कि ऐ ही गयै कि तुम सब छिदरु-बिदरु हवे कै अपड़ा-अपड़ा मार्ग लील्या अर मि तैं यखुली छोड़ी दीला फिर भि मि यखुली नि किलैकि पिता परमेश्वर मि दगड़ी च।</verse>
				<verse number="33">मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”</verse>
			</chapter>
			<chapter number="17">
				<verse number="1">यीशु ल अपड़ा चेलों मा यु बात बुल्ण का बाद, अर स्वर्ग की तरपां देखि के बोलि, “हे बुबा, उ बगत ऐ गै, अपड़ा नौंना कि बड़ै कैर, कि नौंना भि तेरी बड़ै कैर”</verse>
				<verse number="2">किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।</verse>
				<verse number="3">अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।</verse>
				<verse number="4">जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।</verse>
				<verse number="5">अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।</verse>
				<verse number="6">मिल तेरु नौं ऊं चेलों पर प्रगट कैरी जु तिल दुनिया मा बट्टी मि तैं दींनि उ तेरा छा अर ऊंल तेरी शिक्षाओं तैं मांणी।</verse>
				<verse number="7">अब उ जांण गैनी, कि जु चमत्कार कनै की सामर्थ तिल मि तैं दींनि, सब तेरी तरपां बट्टी छिन</verse>
				<verse number="8">इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।</verse>
				<verse number="9">मि ऊंकु परमेश्वर बट्टी प्रार्थना करदु जै तैं तिल मि तैं दियुं च किलैकि उ तेरा छिन पर मि ऊंकु बिनती नि करदु जु दुनिया बट्टी सम्बंध रखदु।</verse>
				<verse number="10">अर जु कुछ मेरू च उ सभि तेरु च अर जु तेरु च उ मेरू च अर यूं बट्टी मेरी महिमा प्रगट हवे।</verse>
				<verse number="11">अब मि दुनिया मा नि रौंण, मि तुम मा आंणु छों पर मेरा चेला अभि भि दुनिया मा छिन; “हे पवित्र बुबा, अपड़ा नौं की सामर्थ बट्टी वेकी रक्षा कैर, की वेको एक ही मन होलो।</verse>
				<verse number="12">जब मि ऊंका दगड़ा मा छो त मिल तेरु वे नौं से जु तिल मि दींनि ऊंकी राग जुगाल कैरी अर विनाश का नौंना तैं छोड़ वेमा बट्टी कुई नाश नि होलो इलै परमेश्वर का वचन मा लिखीं बात पूरी हवे।</verse>
				<verse number="13">पर अब मि त्वे मा आंणु छौं दुनिया मा रौंदु छों, की उ मेरा आनन्द तैं पूरी ढंग बट्टी पै साका।</verse>
				<verse number="14">मिल तेरु संदेश ऊं तैं दियुं च अर दुनिया का लुखुं बट्टी बैर कैरी, किलैकि जन मि दुनिया बट्टी जुड़यां छो, उ दुनिया बट्टी जुड़यां नि च।</verse>
				<verse number="15">मिल परमेश्वर बट्टी प्रार्थना नि कैरी, की तु ऊं तैं जगत बट्टी उठै येले, पर यु की तु ऊं तैं वे दुष्ट शैतान बट्टी ऊं की रक्षा कैर।</verse>
				<verse number="16">जन मि दुनिया को नि छौं उन ही उ भि दुनिया का नि छिनी।</verse>
				<verse number="17">तेरु वचन सच्चो च ऊंल सचै मा अफ तैं अलग कैरी।</verse>
				<verse number="18">जन तिल मि तैं जगत मा भेजि, मिल ऊं तैं जगत मा भेजि</verse>
				<verse number="19">इन कै लाभ कु मि अफ तैं पवित्र करदु छों कि उ भि सचै का द्वारा पवित्र किये जाला।</verse>
				<verse number="20">मि भस अपड़ा चेलों कु परमेश्वर बट्टी प्रार्थना नि करदु, पर जु यूं शिक्षा बट्टी मि पर विश्वास करदींनि ऊं कु भि बिनती करदु छों</verse>
				<verse number="21">कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।</verse>
				<verse number="22">अर उ महिमा जु तिल मि तैं दे, मिल ऊं तैं दीं च की उ एक दगड़ी हों, जन हम एक छा</verse>
				<verse number="23">मि ऊंमा अर तु मि मा कि उ सिद्ध हवे की एक हवे जौं अर दुनिया जांणु कि तिल मि तैं भेजि छो, अर जन तिल मि बट्टी प्रेम रखि, उन ही ऊं बट्टी प्रेम रखयां।</verse>
				<verse number="24">हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।</verse>
				<verse number="25">हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।</verse>
				<verse number="26">मिल तेरु नौं कु शुभ संदेश प्रचार ऊं पर प्रकट कैरी, अर प्रगट करदु रौलु की जु प्रेम तेरु मि बट्टी छों, उ मि मा राला अर मि ऊंमा रौलु।”</verse>
			</chapter>
			<chapter number="18">
				<verse number="1">जब यीशु ल परमेश्वर बट्टी प्रार्थना कन खत्म कैरी य अपड़ा चेलों का दगड़ी किद्रोनं घाटी तैं पार कैरी। वीं जगह पर एक बगीचा छो अर उ वेका भितर गैनी।</verse>
				<verse number="2">ऊंको पकड़वाण वलो यहूदा भि वीं जगह जंणदु छो किलैकि यीशु उख अपड़ा चेलों का दगड़ी जांणा रौंदा छा।</verse>
				<verse number="3">तब यहूदा सिपैयूं का दल अर प्रधान याजक, फरीसियों का भिज्यां मनिख्युं तैं लै के हथों मा उज्यला का रांको लालटिनु अर तलवार अर लाठा लै के ऐनी।</verse>
				<verse number="4">तब यीशु ऊं बातों तैं जांणि कै जु ऊं पर आंण वलि छै उख बट्टी निकलीनि अर ऊं मनिख्युं मा पूछि “कै तैं खुजांणा छा”</verse>
				<verse number="5">ऊंल यीशु तैं जवाब दे, “नासरत नगर का यीशु तैं।” यीशु ल वेकु बोलि, “मि ही यीशु छों।” अर वेको पकड़ाण वलो यहूदा भि ऊंका दगड़ा खड़ो छो।</verse>
				<verse number="6">यीशु का इन बुल्द ही, “मि छो” उ पिछनै हटि कै भूमि मा लमडी गै।</verse>
				<verse number="7">तब यीशु ल ऊं तैं फिर पूछि “तुम कै तैं खुजांणा छा।” ऊंल बोलि “नासरत नगर का यीशु तैं।”</verse>
				<verse number="8">यीशु ल ऊं तैं जवाब दे, “मिल तुम कु बोलि कि मि उ ही छौं।”</verse>
				<verse number="9">इन इलै हवे कि यीशु ल जु पैली बोलि छो उ सच हवे जौं, “जौं तैं तिल मि तैं दींनि वेमा बट्टी मिल एक तैं भि नि ख्वे।”</verse>
				<verse number="10">तब शमौन पतरस ल अपड़ी तलवार खींचि के महायाजक का दास पर चलै की, वेको दैंणो कंदूड़ काटि दींनि वे दास कु नौं मलखुस छो।</verse>
				<verse number="11">तब यीशु ल पतरस कु बोलि, “अपड़ी तलवार तैं दूर कैर। काठी मा रख। जु कटोरा बुबा ल मि तैं दे क्य मि वे तैं नि प्यों”</verse>
				<verse number="12">तब सैनिको ल अर ऊंका सुबदार ल अर यहूदियों का सिपाहियों ल यीशु तैं पकड़ी के बंधि दींनि</verse>
				<verse number="13">अर पैली ऊं तैं हन्ना मा ली गैनी किलैकि उ हन्ना वे साल को महायाजक कैफा कु ससुर छो।</verse>
				<verse number="14">यु उ ही कैफा छो जैल यहूदियों तैं सलाह द्ये छै कि हमारा लुखुं कु एक मनिख को मुरण अच्छो च।</verse>
				<verse number="15">शमौन पतरस अर एक हैंको चेला भि यीशु का पिछनै हवे गै। यु चेला महायाजक का जांण पछयांण कु छो इलै उ यीशु का पिछनै प्रधान याजक का चौक तक चलि गै</verse>
				<verse number="16">पर पतरस भैर द्वार पर ही खड़ो रै। तब उ हैंको चेला जु महायाजक को जंणयूं पच्छयणु छो भैर ऐ अर द्वार कि चौकिदानि बट्टी बोलि, कि पतरस तैं भि भितर लै गै।</verse>
				<verse number="17">वे तैं जु द्वार पर नियुक्त दासि छै, पतरस बट्टी बोलि, “क्य तू भि ये मनिख का चेलों मा बट्टी छै” वेल बोलि, “मि नि छौं।”</verse>
				<verse number="18">प्रधान याजक अर मन्दिर का रखवला ठण्ड का कारण कुईला धधकै खड़ा आग तपणां छा अर पतरस भि ऊंका दगड़ा आग तपणु छो।</verse>
				<verse number="19">तब महायाजक यीशु मा ऊंका चेलों का बारा मा अर ऊंका उपदेश का बारा मा पूछताछ कैरी।</verse>
				<verse number="20">यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि।</verse>
				<verse number="21">तु मि बट्टी यु सवाल किलै पुछणी छै? सुनण वलो बट्टी पूछ की मिल ऊंमा क्य बोलि? देख उ जंणदा छिन; कि मिल क्य-क्य बोलि।”</verse>
				<verse number="22">जब यीशु ल इन बोलि त मन्दिर का रखवलों मा बट्टी एक ल जु संमणी खड़ो छों यीशु पर छकड़ मारि के बोलि, क्य तु महायाजक तैं इन कै जवाब दींणि छै?</verse>
				<verse number="23">यीशु ल वे तैं जवाब दे “जु मिल बुरो बोलि, त मेरी बातों तैं साबित कैर, कि यु की छो; पर जु भलो बोलि, त मि तैं किलै मरदी छै?”</verse>
				<verse number="24">यीशु अभि भि बंधियुं छों, अर हन्ना ल वे महायाजक कैफा मा भेजि दींनि।</verse>
				<verse number="25">शमौन पतरस खड़ो हवे कै आग तपणु छो तब वेका दगड़ी खड़ा लुखुं ल पतरस तैं पूछि, “कखि तू भि वेका चेलों मा बट्टी त नि छै” वेल इन्कार कैरी कै बोलि, उ मि नि छौं।</verse>
				<verse number="26">महायाजक का नौकरों मा बट्टी एक ल जु वेका कुटुंब बट्टी छो जैकु कंदूड़ पतरस ल काटि छो वेल बोलि, “क्य मिल त्वे तैं यीशु दगड़ा सगोड़ा मा नि देखि छो?”</verse>
				<verse number="27">पतरस ल फिर इन्कार कैरी दींनि अर वे बगत मैर ल बांग दे दींनि।</verse>
				<verse number="28">अर यहूदी लोग यीशु तैं कैफा का संमणी बट्टी य रोमी राज्यपाल, पिलातुस का महल कु ली गैनी अर सुबेर कु बगत छो, पर उ अफी किला का भितर नि गै जु वेमा बट्टी कुई भि भितर जांदु, त उ अशुद्ध हवे जांदु अर वे तैं फसह को भोज नि खै सकदा छा।</verse>
				<verse number="29">तब पिलातुस ऊंका संमणी भैर ऐ अर वेल बोलि, “तुम यु मनिख पर क्य कु भंगार लगांणा छा?”</verse>
				<verse number="30">ऊंल वे तैं जवाब दींनि, “जु उ कुकर्मी नि हूंदो त हम वे तैं त्वे मा नि लौंदा।”</verse>
				<verse number="31">पिलातुस ल ऊंकु बोलि, “तुम ही यु तैं लिजै कै अपड़ी व्यवस्था का अनुसार वेको न्याय कैरा।” यहूदियों का अगुवों ल वेमा बोलि, “हम मा कै तैं मनों को कुई अधिकार नि च की कैका प्राण लै।”</verse>
				<verse number="32">यु इलै हवे कि यीशु कि व बात पूरी हवे जु वेल यु दिखै के बोलि, की वे ढंग से मरलु।</verse>
				<verse number="33">तब पिलातुस फिर रोमी गवर्नर, पिलातुस का महल का भितर गै अर यीशु तैं महल का भितर बुलै, वे तैं पूछि, “क्य तु यहूदियों कु राजा छै?”</verse>
				<verse number="34">यीशु ल पिलातुस तैं जवाब दींनि “क्य तु यु बात अपड़ी तरपां बट्टी बुल्णी छै य और मेरा बारा मा त्वे कु बोलि।”</verse>
				<verse number="35">पिलातुस ल जवाब दींनि, “तु जंणदी छै की मि यहूदियों बट्टी नि छों? तेरी ही जाति अर प्रधान याजक ल त्वे तैं मेरा हथ सौंपी, तिल क्य कैरी?”</verse>
				<verse number="36">यीशु ल जवाब दे, “मेरू राज्य यु जगत कु नि, जु मेरू राज्य यु जगत कु हूंदो त मेरा चेला लड़दा, कि मि यहूदियों का अगुवों का द्वारा गिरफ्तार नि कैर जांदु पर अब मेरू राज्य इखौ नि च।”</verse>
				<verse number="37">पिलातुस ल ऊंकु बोलि, “त क्य तु राजा छै” यीशु ल जवाब दे, “तु बुल्णी छै, कि मि राजा छौं; मेरू जन्म लींण अर जगत मा आंणो कु कारण यु च की मि सचै का बारा मा सिखै साको। सचै कु पालन कन वला सब मेरी बातों तैं मणदा छिन।”</verse>
				<verse number="38">पिलातुस ल ऊंमा बोलि, “सचै क्य च?” अर इन बोलि के उ फिर यहूदियों का अगुवों मा निकली गै अर वेल बोलि, “मि त वेमा कुछ भि भंगार नि पांदु।</verse>
				<verse number="39">पर तुमारी या रीत च कि मि फसह का त्यौहार का खातिर तुम कु एक मनिख तैं छोड़ी द्यों त पिलातुस ल ऊं तैं बोलि, क्य तुम चदयां कि मि तुम कु यहूदियों का राजा तैं छोड़ी द्यों”</verse>
				<verse number="40">तब सभि मिल कै चिलांण लगि गैनी, “यीशु तैं छुड़णा का बदला बरअब्बा तैं छोड़ी द्ये।” अर बरअब्बा एक डाकु छो।</verse>
			</chapter>
			<chapter number="19">
				<verse number="1">यां पर पिलातुस ल सिपैयूं तैं आज्ञा दे के, की यीशु तैं लिजा अर वे पर कोड़ा मारा।</verse>
				<verse number="2">सिपैयूं ल यीशु तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी अर झिबलांण कु मुगट बूणि कै वेका मुंड मा रखि</verse>
				<verse number="3">अर इन बोलि के यीशु तैं प्रणाम कन लगि गैनी “हे यहूदियों का राजा प्रणाम” इन बोलि के वे तैं छकड़ भि मरिनि।</verse>
				<verse number="4">तब पिलातुस ल फिर भैर ऐ के लुखुं मा बोलि, “देखा मि वे तैं फिर तुमारा संमणी भैर लांदु इलै कि तुम तैं जांणि सक्यां कि मि वेमा कुई भंगार नि दिखणु छौं।”</verse>
				<verse number="5">तब यीशु कांडों कु मुकुट अर बैंगनी कपड़ा पैरी के भैर लैनि अर पिलातुस न ऊंकु बोलि, “यु मनिख तैं देखा”</verse>
				<verse number="6">जब प्रधान याजक ल अर मन्दिर का रखवला ल यीशु तैं देखि त चिल्लै कै बोलि, “वे तैं सूली पर चड़ौ सूली पर” पिलातुस न ऊं लुखुं मा बोलि “तुम ही वे तैं सूली पर चड़ा किलैकि मि त वे पर कुई भंगार नि पांणु छौं।”</verse>
				<verse number="7">यहूदियों का अगुवों ल वे तैं जवाब दे “हमारी भि व्यवस्था छिन अर ऊं व्यवस्था का अनुसार उ मरै जांण लैख च किलैकि वेल अफ तैं परमेश्वर को नौंनो बतै।”</verse>
				<verse number="8">जब पिलातुस न यु बात सुंणिनि त अर भौत ही जादा डौर गै</verse>
				<verse number="9">अर फिर राजा का महल का भितर गै अर यीशु मा बोलि, “तु कख बट्टी छै” पर यीशु ल कुई जवाब नि दे।</verse>
				<verse number="10">पिलातुस ल यीशु बट्टी बोलि “मि मा किलै नि बुल्णी छै? क्य तु नि जंणदी कि त्वे तैं छोड़णो कु अधिकार मि मा च अर त्वे तैं सूली पर चड़ाणो कु भि अधिकार मि तैं च।”</verse>
				<verse number="11">यीशु ल जवाब दे “जु मि तैं परमेश्वर की तरपां बट्टी नि दिये जांदु, त तेरु मि पर कुछ अधिकार नि हूंदो इलै जैल मि तैं तेरु हथ पकड़वै च वेको पाप जादा च।”</verse>
				<verse number="12">यु कारण बट्टी पिलातुस ल वे तैं छोड़ी दींण चै, पर यहूदियों ल चिल्लै-चिल्लै कै बोलि, “जु तु यु तैं छोड़ी दीलि त तु कैसर कु दगड़िया नि; जु कुई भि राजा हूंण का दावा करदु च उ कैसर कु दुश्मन च।”</verse>
				<verse number="13">यूं बातें तैं सूंणि कै पिलातुस यीशु तैं भैर लै, अर उ न्याय आसण पर बैठी, जु की ढुंगों कु एक चौंरि छै जैकु इब्रानी भाषा मा गब्बता बुल्दा छा वे जगह पर छों।</verse>
				<verse number="14">यु फसह को त्यौहार कु दिन छो अर दुफरा का बगत का लगभग छो; तब वेल यहूदियों मा बोलि, “देखा, यु ही च तुमारो राजा!”</verse>
				<verse number="15">पर उ चिलांण लगि गैनी “वे तैं मर डाला, वे तैं मर डाला!” वे तैं सूली पर चढ़ावा! पिलातुस ल ऊंमा बोलि, “क्य मि तुमारा राजा तैं सूली पर चढ़णै” प्रधान याजक ल जवाब दींनि, “कैसर तैं छोड़ी कै हमारो अर कुई राजा नि च।”</verse>
				<verse number="16">तब पिलातुस ल यीशु तैं सूली पर चढ़ाणा कु ऊंका हवाला कैरी दींनि कि उ सूली पर चढ़ै जौं।</verse>
				<verse number="17">तब उ यीशु तैं ली गैनी। अर उ अपड़ी सूली तैं उठै कै वीं जगह तक भैर लीगि जैकु, “खोपड़ी कि जगह” बुल्दा छिन अर इब्रानी भाषा मा गुलगुता बुलै जांदु।</verse>
				<verse number="18">उख ऊंल यीशु अर द्वी डाकूओं तैं सूली पर चढ़ै एक तैं दैंणि अर एक तैं बैं तरपां अर बीच मा यीशु चढ़ै दींनि।</verse>
				<verse number="19">अर राज्यपाल पिलातुस ल यीशु का मुंड का सूली का मथि एक भंगार की एक तख्ती लिखीं के ठोकी दींनि जै पर लिख्युं छो “नासरत को यीशु नासरी यहूदियों कु राजा।”</verse>
				<verse number="20">यु भंगार-चिठ्ठी भौत यहूदियों ल पैढ़ी किलैकि वीं जगह जख यीशु सूली पर चढै गै छो यरूशलेम शहर का संमणी छो अर चिठ्ठी इब्रानी भाषा अर लतीनी अर यूनानी भाषा मा लिख्युं छो।</verse>
				<verse number="21">तब यहूदियों का प्रधान याजक ल पिलातुस मा बोलि, “यहूदियों कु राजा नि लिख पर इन लिख कि येल बोलि, मि यहूदियों कु राजा छौं।”</verse>
				<verse number="22">पिलातुस ल न जवाब दे “मिल जु लिखीं येले, उ बदली नि सकदु।”</verse>
				<verse number="23">जब सिपै यीशु तैं सूली पर चढ़ै चुकि गैनी त ऊंल यीशु का अर चरी सिपैयूं ल एक-एक बांठा लै द्या अर कुर्ता भि लै द्या, कुर्ता तैं सिलियूं नि छो बल्कि उ मथि बट्टी मूड़ि तक बणयुं कपड़ा कु एक ही टुकड़ा बट्टी बणयुं छो।</verse>
				<verse number="24">इलै सिपैयूं ल एक दुसरा बट्टी बोलि, “हम यु तैं नि फडुला पर इलै चिठ्ठी डाली की यु कैकु होलो” यु इलै हवे कि परमेश्वर का वचन मा लिखै गै छो उ सच हो, ऊंल मेरा कपड़ा आपस मा बांटि दींनि अर मेरा कपड़ा पर चिठ्ठी डाली तब सिपैयूं ल इन ही कैरी।</verse>
				<verse number="25">पर यीशु का सूली का संमणी वेकी ब्वे अर वेकी ब्वे की बैंण, क्लोपास की जनन मरियम जु मगदल गौं की छै खड़ी छै।</verse>
				<verse number="26">जब यीशु ल अपड़ी ब्वे अर वे चेला तैं जै बट्टी उ प्रेम रखदु छो संमणी खड़ो देखि त ऊंल अपड़ी ब्वे कु बोलि, “हे नारी देख यु तेरु नौंनो।”</verse>
				<verse number="27">तब वेल चेला कु बोलि, “या तेरी ब्वे च।” तब उ चेला वीं तैं अपड़ा परिवार का हिस्सा बंणै कै अपड़ा घौर ली गै।</verse>
				<verse number="28">यांका बाद यीशु ल यु जांणि के की अब वेल अपड़ो सैरो काम खत्म कैरी येले इलै कि परमेश्वर का वचन मा लिखीं बात सच साबित हो, यीशु ल बोलि, “मि तिसलो छौं।”</verse>
				<verse number="29">उख एक सिरका ल भुर्युं एक भांडों रख्युं छो सिपैयूं ल सिरका मा भिज्युं रुवां कु एक गुंडो निंगला डगुला पर रखि के ऊंका गिच्चा पर लगै।</verse>
				<verse number="30">जब यीशु ल उ सिरका चूसि तब ऊंल बोलि, “पूरो हवे गै” अर वेल मुंड झुकै कै अपड़ा प्राण छोड़ी दींनि।</verse>
				<verse number="31">उ यहूदियों कु तैयारी कु दिन छो, अर हैंका दिन यहूदियों को विश्राम कु दिन छो जु परमेश्वर कु पवित्र दिन छो अर त्यौहार द्वी ही छा यु यहूदी लुखुं कु एक विशेष दिन च अर उन ही चांदा छा की यु दिन कु शव तैं सूली पर नि रो इलै ऊंल पिलातुस बट्टी बोलि, कि ऊं मनिख का टंगड़ा तुड़वै द्या कि ऊं जल्दी मोरि जौं अर शव तैं भुयां उतारे जै सका।</verse>
				<verse number="32">इलै सिपैयूं ल जै के जु यीशु का दगड़ा मा सूली पर चड़ाये गै छा ऊं द्वी का खुट्टा तोड़ी दींनि।</verse>
				<verse number="33">पर जब उ यीशु मा ऐनी अर ऊंल देखि कि उ मोरि गै त ऊंल वेका खुट्टा नि तुड़िनि।</verse>
				<verse number="34">पर एक सिपै ल वेकी पंणकोखि पर भाला कि चोट मारि अर उख बट्टी वे बगत ल्वे अर पांणी निकली।</verse>
				<verse number="35">जै आदिम ल यु सब देखि, वेल गव्है दींनि, कि तुम भि यीशु पर विश्वास कैर सका अर वेकी गव्है सच हो। अर उ जंणदु च कि उ सचै बट्टी बुल्दो की तुम विश्वास कैरा।</verse>
				<verse number="36">यु बात इलै हवे कि परमेश्वर का वचन मा जु लिख्युं च ऊं सच हवे जौ, “वेकी कुई हड्डी तुड़ै नि जालि।”</verse>
				<verse number="37">फिर एक अर जगह पर परमेश्वर का वचन मा यु भि लिख्युं च “जैल वे तैं बेधि छो वे पर नजर कैरा।”</verse>
				<verse number="38">यूं बातों का हूंण का बाद अरिमतियाह गौं का यूसुफ ल जु यीशु को चेला छो पर यहूदियों का अगुवों का डर से यूं बातें तैं छिपै के रखि, पिलातुस बट्टी बिनती कैरी, कि मि यीशु का शव तैं लै जौं, पिलातुस ल वेकी बिनती सूंणि, अर उ ऐ के ऊंका शव ली गै।</verse>
				<verse number="39">अर नीकुदेमुस जु कि राती का बगत यीशु मा ऐ छो तैंतीस किलोग्राम का लगभग मिल्युं, भीनी खुशबुदार चिज्युं अर एल्वा लै ऐ।</verse>
				<verse number="40">तब ऊंल यीशु की लांश तैं यहूदियों का दफनौंणै की रीति का अनुसार, वे पर खुशबुदार चिज्युं तैं लगै के कपड़ै की पटियों ल लपैटि।</verse>
				<verse number="41">वीं जगह का संमणी जख यीशु सूली पर चढ़ै गै छो, एक बगिचा छो; वे बगिचा मा एक नई कब्र छै पैली कभि इस्तेमाल नि किये गै छो।</verse>
				<verse number="42">इलै ऊंल यीशु का शव तैं वे कब्र की गुफा मा रख दींनि किलैकि उ संमणी मा छै अर यहूदियों का सब्त कु तैयारी को दिन भि छो।</verse>
			</chapter>
			<chapter number="20">
				<verse number="1">इतवार की सुबेर मा मरियम जु मगदल गौं की छै सुबेर अंधेरो ही छो कब्र मा ऐ, अर ढुंगा तैं कब्र का प्रवेश द्वार बट्टी वीं ल हटियूं देखि।</verse>
				<verse number="2">तब व दौड़ि कै शमौन पतरस अर वे दुसरा चेला मा गै जै तैं यीशु प्रेम रखदु छो वीं ल ऐ के बोलि, “उ प्रभु की देह तैं कब्र मा बट्टी निकली के ली गैनी; अर हम नि जंणदा, कि वे तैं कख रखि।”</verse>
				<verse number="3">तब पतरस अर उ हैंको चेला निकली के कब्र जनै चलि गैनी।</verse>
				<verse number="4">उ द्वी दगड़ी दगड़ा दौड़णा छा पर दुसरा चेलों ल पतरस से भि तेज दौड़ि कै कब्र पर पैली पौंछि गै</verse>
				<verse number="5">अर झुकि कै भितर कफन पुड़यूं देखि पर उ भितर नि गै।</verse>
				<verse number="6">तब शमौन पतरस वेका पिछनै-पिछनै पौंछि अर कब्र का भितर गै अर कफन पुड़यां देखि</verse>
				<verse number="7">अर चेहरा पर लपेटियूं अँगोछा जु वेका मुंड पर बंधयूं छो कपड़ोंं का दगड़ी नि छो पर अलग हैंकी जगह मा लपेटी कै धरयूं छो।</verse>
				<verse number="8">तब हैंको चेला भि जु कब्र पर पैली पौंछि छो भितर गै अर देखि कै विश्वास कैरी की यीशु मुर्दों मा बट्टी जी उठि गै।</verse>
				<verse number="9">परमेश्वर का वचन मा यीशु का बारा मा यु निश्चित रूप बट्टी लिखै गै छो की उ मुरण बट्टी फिर ज्यूँदो हवे जालो, पर उ अभि तक यां तैं समझ नि पै छा।</verse>
				<verse number="10">तब यु चेला अपड़ा घौर लौटि गैनी।</verse>
				<verse number="11">पर मरियम जु मगदल गौं की छै रूंणी छै अर उखि कब्र का नजदीक खड़ी रै अर रुंदि-रुंदि कब्र जनै झुकि छै</verse>
				<verse number="12">द्वी स्वर्गदूतों तैं उज्यला कपड़ा पैर्यां छा एक तैं सिरांणा अर दुसरा तैं पैथणा बैठयूं देखि, जख यीशु कु शव रखै गै छो।</verse>
				<verse number="13">स्वर्गदूतों ल ऊंकु बोलि, “हे नारी तु रूंणी किलै छै” मरियम ल ऊंमा बोलि, “उ मेरा प्रभु की देह तैं उठै के ली गैनी अर मि तैं पता नि च कि उ कख रख्यां छिन।”</verse>
				<verse number="14">इन बोलि के व पिछनै फरकि अर यीशु तैं खड़ो देखि पर नि पच्छयांणी कि यु यीशु च।</verse>
				<verse number="15">यीशु ल वीं कु बोलि, “हे नारी तु रूंणी किलै छै” तु कै तैं खुज्यांणि छै वीं ल ऊं मालि समझी के बोलि, “हे श्रीमान, जु तिल वेकी देह तैं उठै येलि त मि बट्टी बोलि, की वे तैं कख रख्युं च अर मि वे तैं लिजौलु।”</verse>
				<verse number="16">यीशु ल वीं कु बोलि, “मरियम”मरियम जु मगदल गौं की छै अपड़ो नौं सूंणि के पिछनै मुड़ी अर इब्रानी भाषा मा बोलि, रब्बूनी “गुरु जी।”</verse>
				<verse number="17">यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।</verse>
				<verse number="18">मरियम जु मगदल गौं की छै वीं जै के चेलों तैं बतांण लगि गै “मिल प्रभु तैं देखि अर ऊंल मि बट्टी यु-यु बात बुलिनि।”</verse>
				<verse number="19">वे इतवार कि शाम कु जब वेका द्वार जख चेला छा सब चेला एक दगड़ी कठ्ठा हुयां; ऊंल द्वार बंद करयां छा किलैकि उ यहूदियों का अगुवों बट्टी डरयां छा। तब यीशु ऐ अर बीच मा खड़ो हवे की ऊंमा बोलि, “तुम तैं शान्ति मिलो।”</verse>
				<verse number="20">अर इन बोलि, वेल ऊं तैं अपड़ा हथों अर पंणकोखि का घाव दिखैनी; तब चेला प्रभु तैं देखि के आनन्दित हवेनि।</verse>
				<verse number="21">यीशु ल फिर ऊंकु बोलि, “तुम तैं शान्ति मिलो; जै तरपां पिता परमेश्वर ल मि तैं दुनिया मा भेजि, ऊंल ही मि भि तुम तैं दुनिया मा भिजणु छौं।”</verse>
				<verse number="22">इन बोलि के ऊंल ऊं पर फूंक मारि अर ऊंकु बोलि, “पवित्र आत्मा ल्या।”</verse>
				<verse number="23">जौं का पाप तुम माफ करिल्या उ ऊंकु माफ करयां छिन जौं का तुम रखिल्या उ रखे गैनी।</verse>
				<verse number="24">पर बारह चेलों मा बट्टी एक आदिम बल्कि थोमा जु दिदुमुस कहलांद छो जब यीशु ऐ त वेका दगड़ा म छो।</verse>
				<verse number="25">जब अर चेला वेको बुल्ण लगि गै, “हम ल प्रभु तैं देखि।” तब वेल ऊंमा बोलि, “जब तक मि वेका हथों मा कील्युं का घाव नि देखलु, अर कील्युं का घावों मा अपड़ी अंगुली नि डललु, अर वेकी पंणकोखि मा अपड़ो हथ डाली कै नि देखू तब तक विश्वास नि करुलु की उ मुर्दों मा बट्टी जी उठि गै।”</verse>
				<verse number="26">आठ दिनों का बाद ऊंका चेला घौर का भितर छा अर थोमा भि ऊंका दगड़ा छो अर द्वार बंद छा। तब यीशु ऐ अर ऊंका बीच मा खड़ो हवे के बोलि, “तुम तैं शान्ति मिलो।”</verse>
				<verse number="27">तब वेल थोमा कु बोलि, “अपड़ी अंगुली इख लौ अर मेरा हथों तैं देख अर अपड़ो हथ बढ़ै के मेरी पंणकोखि पर डाल अर सन्देह कन बंद कैर, पर विश्वास कैर की मि मुर्दों मा बट्टी ज्यूँदो हवे ग्यों।”</verse>
				<verse number="28">यु सूंणि कै थोमा ल जवाब दींनि, “हे मेरा प्रभु, हे मेरा परमेश्वर।”</verse>
				<verse number="29">यीशु ल वेकु बोलि, तिल त मि तैं देखि कै विश्वास कैरी पर धन्य छिन उ, जौं ल मि तैं नि देखि पर फिर भि विश्वास कैरी।</verse>
				<verse number="30">यीशु ल और भि भौत सैरा चमत्कार चेलों का संमणी दिखैनी, जु ईं (चाम्रपत्र) किताब मा नि लिख्यां छिन।</verse>
				<verse number="31">पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।</verse>
			</chapter>
			<chapter number="21">
				<verse number="1">यूं बातों का बाद यीशु ल अपड़ा अफ तैं तिबरियास झील का छाला चेलों पर प्रकट कैरी अर इन रीति से प्रगट कैरी</verse>
				<verse number="2">शमौन पतरस अर थोमा जै कु दिदुमुस भि बुल्दा छा अर गलील का काना नगर को नतनएल अर जब्दी का नौंना अर वेका चेलों मा बट्टी द्वी और मनिख कठा हुयां च।</verse>
				<verse number="3">शमौन पतरस ल ऊंमा बोलि “मि माच्छा पकड़नु कु जांणु छौं।” ऊंल वे उ बोलि “हम भि तेरु दगड़ा चलदां। तब उ निकली के नाव मा चड़िनि पर वीं रात ऊंल कुछ नि पकड़ी।”</verse>
				<verse number="4">एक दिन सुबेर मा यीशु छाला पर खड़ो हवे गै; फिर भि चेलों ल नि पच्छयांणी कि उ यीशु च।</verse>
				<verse number="5">तब यीशु ल ऊंमा बोलि हे मेरा प्रियों, क्य तुम मा कुछ खांण कु च? ऊंल जवाब दींनि न।</verse>
				<verse number="6">यीशु ल ऊंकु बोलि “नाव का दैंणि तरपां जाल डाला त कुछ पैल्या।” अर तब ऊंल जाल डाली माछा जादा हूंण का कारण जाल तैं खींचि नि साकि।</verse>
				<verse number="7">इलै वे चेला ल जै बट्टी यीशु प्रेम रखदु छो पतरस बट्टी बोलि, “यु त प्रभु च।” जब शमौन पतरस ल यु सूंणि कि उ प्रभु च, त वेल अपड़ा उ कपड़ा पैनी जु वेका काम कना बगत उतार दींनि। अर पांणी मा कूदी गै।</verse>
				<verse number="8">पर और चेला डोंगि मा माछों ल भुरुयूं जालों तैं खैंचदि ऐनी, किलैकि उ छाला बट्टी जादा दूर नि, पर कुई सौ मीटर का लगभग दूरी पर छा।</verse>
				<verse number="9">जब उ छाला पर उतरी, त ऊंल कोयला की आग, अर वे पर माच्छा रख्यां छा अर संमणी रुट्टि देखि।</verse>
				<verse number="10">तब यीशु ल ऊंकु बोलि “जु माछा तुम ल अभि पकड़िनि ऊंमा बट्टी कुछ ल्यावा।”</verse>
				<verse number="11">तब शमौन पतरस ल डोंगि मा चड़ी कै एक सौ तिरपन बड़ा माछों ल भुरुयूं जाल छाला पर खैंचि अर इथग माछा हूंण पर भि जाल नि फटि।</verse>
				<verse number="12">यीशु ल ऊंकु बोलि “आवा खांणु खौला।” चेलों मा बट्टी कै तैं भि सासो नि हवे कि ऊं तैं पुछनु कि “तुम कु छा” किलैकि उ जंणदा छा कि उ प्रभु ही छिन।</verse>
				<verse number="13">यीशु ल अर रुटि लै कि वे तैं दींनि अर उन ही माछा भि दींनि।</verse>
				<verse number="14">इन तिसरी बार हवे कि यीशु मुरयां बट्टी मोरि के ज्यूंदा हूंणा का बाद चेलों तैं दिखेनि।</verse>
				<verse number="15">खांणु खांणा का बाद यीशु ल शमौन पतरस बट्टी बोलि, हे यूहन्ना का नौंना “शमौन” क्य जथग यु और चेला मि तैं प्रेम करदा छिन? तु ऊं बट्टी भि जादा मि तैं प्रेम करदी छै? वेल वेमा बोलि, हां प्रभु तु त जंणदी छै, कि मि त्वे बट्टी प्रेम रखदु छों वेल वेको बोलि, “मेरा चिनखो की देखभाल कैर।”</verse>
				<verse number="16">यीशु ल फिर दुसरी बार वेको बोलि, “हे यूहन्ना का नौंना शमौन पतरस क्य तु मि बट्टी प्रेम रखदि छै?” वेल ऊंमा बोलि, “हां प्रभु, तु जंणदी छै, कि मि त्वे बट्टी प्रेम करदु छों।” वेल वेको बोलि, “मेरा ढिबरों की रखवली कैर।”</verse>
				<verse number="17">यीशु ल फिर तिसरी दौं वेको बोलि, “हे यूहन्ना का नौंना शमौन पतरस क्य तु मि से प्रेम रखदि” पतरस उदास हवे गै कि वेल तिसरी दौं इन पूछि कि “क्य तुम मि से प्रेम रखदि” अर पतरस ल यीशु कु बोलि “हे प्रभु तुम सब कुछ जंणदा छा तुम यु भि जंणदा कि तुम बट्टी प्रेम रखदो यीशु ल वेको बोलि मेरा ढिबरों तैं चरौ।</verse>
				<verse number="18">मि त्वे बट्टी सच-सच बुल्णु छौं, जब तु जवान छै, त अपड़ी कमर बंधि के जख चाँदि छै, उख फिरदी छै; पर जब तु बुढ्या हवे जैलि, त तु अपड़ा हथों तैं फैलैली अर कुई अर त्वे तैं बंधि दयालो अर उख लिजाला जख तु जांण नि चैलि।”</verse>
				<verse number="19">यीशु ल इन बोलि, कि पतरस कन मुरुलो अर परमेश्वर की बड़ै करलो अर इन बोलि, वेको बोलि, मेरू चेला बण मेरा पिछनैं चलणु रौ।</verse>
				<verse number="20">पतरस ल फरकि कै वे चेला मा बट्टी एक जै तैं यीशु भौत प्रेम रखदु छो, अर जैल फसह का खांणु खांणा का बगत यीशु का संमणी मा बैठी के पुछणु छों। “हे प्रभु, तेरु पकड़वांण वलो को च”</verse>
				<verse number="21">वे तैं देखि कै पतरस ल यीशु मा बोलि, “हे प्रभु, येका दगड़ी क्य होलो”</verse>
				<verse number="22">यीशु ल वेको बोलि, “जु मि चौं कि उ मेरा लौटण तक ज्यूँदो रौ, त त्वे तैं क्य? तु मेरू चेला बंणि रै।”</verse>
				<verse number="23">इलै विश्वासी भयों मा या बात फैली गै कि की उ दुसरा चेला नि मुरलि; तभि यीशु ल वेमा इन नि बोलि, कि यु नि मुरलि, पर यु कि “जु मि चौं कि उ मेरा आंण तक ठैरयूं रौ, त त्वे यां बट्टी क्य”</verse>
				<verse number="24">यु उ चेला यूहन्ना च, जै आदिम ल यूं सब कुछ देखि, वेल गव्है द्या च, कि तुम भि यीशु पर विश्वास कैरी साका। अर हम जंणदा छा उ सचै से बुल्द।</verse>
				<verse number="25">अर भि कुई काम च जु यीशु ल करिनी। इलै जु हम ऊं तैं एक-एक कैरी कै लिखै, त मि तैं लगदु च कि सैरा दुनिया मा भि यूं चाम्रपत्र तैं संभलणु कु इथग जगह नि हूंदु जु लिखै जांदी।</verse>
			</chapter>
		</book>
		<book number="44">
			<chapter number="1">
				<verse number="1">प्रिय थियुफिलुस मेरी पैली किताब मा मिल त्वे तैं ऊं सभि बातों का बारा मा बतै जौं तैं यीशु ल कन अर सिखांण शुरू कैरी स्वर्ग मा उठै जांण से पैली</verse>
				<verse number="2">पर यांसे पैली की यीशु स्वर्ग मा पिता परमेश्वर का द्वारा उठै जांदु वेल अपड़ा बारह प्रेरितों तैं पवित्र आत्मा का सामर्थ ल आज्ञा द्ये जौं तैं वेल चुणि छो।</verse>
				<verse number="3">यीशु का दुख उठौंणा अर मौत का बाद भौत सैरा पक्का सबूतों का द्वारा अफ तैं ज्यूँदो दिखै अर चालिस दिनों तक उ प्रेरितों तैं दिखेंणु रैं अर परमेश्वर का राज्य कि बात कनु रैं।</verse>
				<verse number="4">एक बार जब उ दगड़ा मा छा त यीशु ल ऊं तैं आज्ञा दींनि कि “यरूशलेम शहर तैं नि छुड़यां पर वे दान की जग्वाल करयां जु मेरा पिता परमेश्वर ल तुम तैं दींण की करार कैरी च ज्यांका बारा मा तुम ल मि बट्टी पैली सूंणि येले।</verse>
				<verse number="5">यूहन्ना बपतिस्मा दींणवला ल त तुम तैं पांणी ल बपतिस्मा दींनि पर कुछ दिनों का बाद तुम तैं पवित्र आत्मा का द्वारा बपतिस्मा दिये जालो।”</verse>
				<verse number="6">अर बाद मा जब प्रेरित दुबारा यीशु बट्टी मिलींनि, त ऊंल यीशु मा पूछि “हे प्रभु क्य इस्राएलियों तैं आजाद कनु कु अर हमारा राज्य तैं दुबारा से आजाद कनु कु तेरु बगत ऐ गै?”</verse>
				<verse number="7">यीशु ल ऊंमा बोलि, “ऊं बगतों अर ऊं बातों तैं जनण किलैकि उ भस मेरा पिता परमेश्वर मा ही छिनी वे तैं तय कनु को अधिकार च यु तुम तैं जनणै की जरूरत नि च।”</verse>
				<verse number="8">पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।</verse>
				<verse number="9">इन बोलि के देखदी-दिखद पिता परमेश्वर ल यीशु तैं स्वर्ग मा ले लींनि अर एक बादल का कारण उ यीशु तैं और नि देख सकिनि।</verse>
				<verse number="10">वेका जांणा बगत जब उ स्वर्ग जनै दिखंणा छा त अचानक द्वी आदिम, सफेद कपड़ा पैरी के प्रेरितों का संमणी खड़ा हवेनि</verse>
				<verse number="11">अर ऊंमा बोलि “हे गलील जिला का मनिख्युं तुम किलै खड़ो हवे के आकाश जनै दिखणा छा? यु उ ही यीशु च जै तैं पिता परमेश्वर ल तुम मा बट्टी स्वर्ग मा ली येलि ठिक इन ही के दुबारा आलो, जन के तुम ल वे तैं स्वर्ग मा जांण देखि।”</verse>
				<verse number="12">जब द्वी आदिम चलि गैनी, तब सभि प्रेरित जैतून नौं का डांडा बट्टी जु यरूशलेम शहर बट्टी लगभग एक किलोमीटर की दूरी पर छो अर यहूदियों का विश्राम का दिन सीमित दूरी छै यरूशलेम वापिस ऐ गैनी।</verse>
				<verse number="13">जब उ शहर मा पौंछिनी त वीं मथि का कोठरी मा गैनी। यूं प्रेरित पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई को नौंनो याकूब, शमौन जु रोमी कानून को विरोधी छो अर याकूब को नौंनो यहूदा जु उख उपस्थित छा।</verse>
				<verse number="14">यु सभि जनन जु उख छै जौं ल यीशु की मदद कैरी छै, अर यीशु की ब्वे मरियम अर यीशु का भैय प्रेरित का दगड़ा अक्सर एकटक पिता परमेश्वर बट्टी प्रार्थना कन मा लगयां छा।</verse>
				<verse number="15">ऊं दिनों मा पतरस सभि विश्वासी भयों का बीच मा जु लगभग एक सौ बीस मनिख छा खड़ो हवे के बुल्ण लगि गै</verse>
				<verse number="16">“हे विश्वासी भयों, पवित्र आत्मा ल बहुत पैली राजा दाऊद का द्वारा यहूदा का बार मा बतये छो, जु कि यीशु तैं गिरफ्तार कन वला लुखुं को मार्ग दर्शने कन वलो बंणि गै यु जरूरी छो कि यहूदा का बारा मा परमेश्वर का वचन मा लिख्युं लेख पूरो हो।</verse>
				<verse number="17">जबकि उ हम मा बट्टी एक छो अर ई सेवा मा भागिदार भि हवे।</verse>
				<verse number="18">जन कि तुम जंणदा छा कि यहूदा ल एक पुंगड़ो मोल लींणु कु यीशु तैं धोखा दींण का अपड़ा बुरा काम कु मिल्यां पैसों को इस्तेमाल कैरी छो। उ उख ही भुयां लमडी और मोरि गै, वेको पुटगा फटी गै अर वेका सभि अंदडा भैर ऐ गै छा।</verse>
				<verse number="19">ई बात तैं यरूशलेम शहर का लोग जांणि गैनी अर इलै उ लोग वीं जगह कु ऊंकी भाषा मा हकलदमा यानि ल्वे कु पुगड़ा बुल्ण लगि गै।</verse>
				<verse number="20">राजा दाऊद ल भजन संहिता की किताब मा लिख्युं च ‘वेको घौर उजड़ी जौं अर वेमा कुई नि बसो’ अर राजा दाऊद दुसरी जगह मा इन बुल्द, ‘अर वेको पद कुई और ले ल्यो’</verse>
				<verse number="21">इलै यु जरूरी च की एक इन आदिम हमारा बीच मा बट्टी चुणै जौ यीशु मसीह का सभि कामों को गवाह हो प्रभु यीशु को यूहन्ना का बपतिस्मा बट्टी अर वेका हमारा बीच मा बट्टी स्वर्ग मा उठै जांण तक यु आदिम हमारा दगड़ी प्रभु यीशु का मुर्दों मा बट्टी ज्यून्दा हूंणो कु गवाह बणौ!”</verse>
				<verse number="22"></verse>
				<verse number="23">तब ऊंल द्वी मनिख्युं को सुझाव द्ये एक यूसुफ तैं जैकु नौं बरसब्बास छो जैकु नौं यूसतुस छो, अर हैंको मतियाह छो।</verse>
				<verse number="24">अर या पिता परमेश्वर बट्टी प्रार्थना कैरी, “हे प्रभु तु जु सभियूं का मन तैं जंणदी छै इन प्रगट कैर कि यूं द्वीयूँ मा बट्टी तेरु कु चुणयूं।”</verse>
				<verse number="25">इलै की उ ई सेवा कु अर मसीह का प्रेरिताई हूंणु कु जै तैं यहूदा छोड़ी के व मोरि गै अर वीं जगह चलि गै जख वे तैं हूंण चयणु छो।</verse>
				<verse number="26">तब ऊंल ऊंका बारा मा चिट्टी डलिनि अर चिट्ठी मतियाह का नौं पर निकली। तब यु ऊं ग्यारा प्रेरितों का दगड़ी गिणेगे।</verse>
			</chapter>
			<chapter number="2">
				<verse number="1">यहूदियों का पिन्तेकुस्त का त्यौहार का दिन, त सभि चेला एक जगह मा कट्ठा हुयां छा।</verse>
				<verse number="2">अर अचानक स्वर्ग बट्टी बड़ा औडल-पौडल जन स्वींस्याट की सी आवाज हवे अर वीं आवाज ल सैरो घौर जख उ कट्ठा हुयां छा गूंजी गै।</verse>
				<verse number="3">तब ऊँका समणी इन ज्वाला प्रकट हवे जैको आकार जीभ का जन छो, जु अलग हवे के ऊंमा बट्टी हरेक आदिम पर ए के ठैरदी गै।</verse>
				<verse number="4">उ सभि पवित्र आत्मा से भुरे गैनी अर पवित्र आत्मा ल ऊं तैं योग्यता दींनि वेका अनुसार उ बनि-बनि भाषा बुल्ण लगि गैनी।</verse>
				<verse number="5">वे बगत आसमान का मूड़ी रौंण वला हर अन्य-जाति को जु पिता परमेश्वर का भय मनणवला कई यहूदी छा जु कि दुनिया का हरेक देश बट्टी त्यौहार मनांण कु अयां छा अर यरूशलेम शहर मा रौंणा छा।</verse>
				<verse number="6">जब आवाज हवे त भौत बड़ी भीड़ लगि गै अर लोग हकदक रै गैनी किलैकि हरेक अपड़ी-अपड़ी भाषा मा शिष्यों तैं बुल्द सुणै द्ये।</verse>
				<verse number="7">उ लोग बड़ा हकदक हवे के बुल्ण लगि गैनी “देखा यु जु बुल्णा छिनी क्य यु सभि लोग गलील मा रौंण वला नि छिन?</verse>
				<verse number="8">त यु क्य हूंणु च, जु हम मा बट्टी हरेक यूं तैं अपड़ी-अपड़ी मातृभाषा मा बात करद सुनणु च?</verse>
				<verse number="9">हम मा बट्टी कुछ लोग पारथी क्षेत्र बट्टी छिनी कुछ मादी, एलामी अर मेसोपोटामिया, यहूदिया प्रान्त, कप्प्दूकिया, पुन्तुस, एशिया,</verse>
				<verse number="10">अर पंफूलिया प्रदेश, फ्रूगिया प्रदेश अर मिस्र देश कुरेन शहर का नजीक लीबिया देश का कुछ हिस्सा, यूं सभि देशों का यहूदियों ल अर रौंण वला अर रोम शहर मा दिखण वला अन्यजाति,</verse>
				<verse number="11">जौनु यहूदी धर्म अपणैयले छो क्रेते अर अरब मुल्क का निवासी हम सभि अपड़ी-अपड़ी भाषा मा यूं बट्टी पिता परमेश्वर का बड़ा चमत्कार का कामों की चर्चा सुंणदां।”</verse>
				<verse number="12">अर उ सभि समझी नि सकिनि हकदक हवे के एक हैंका बट्टी बुल्ण लगि गैनी कि “यु क्य हूंणु च”</verse>
				<verse number="13">पर हौरु ल ऊं की मजाक बणै के बोलि, “यु त दाखमधु का नशा मा छिन।”</verse>
				<verse number="14">पर तब पतरस ऊं ग्यारह प्रेरितों दगड़ी खड़ो हवे अर ऊंची आवाज मा ऊंकु बुल्ण लगि गै, “हे यहूदी भयों अर हे यरूशलेम शहर वासियों तुम मेरी बातों तैं सूंणा।</verse>
				<verse number="15">तुम मा बट्टी कुछ लोग इन सुचणा छिनी कि हम लोग नशा मा छा पर हम नि छा किलैकि अभि त सुबेर का नौं बजि च।”</verse>
				<verse number="16">जु हम दगड़ी हवे छो यु वे बात की पूर्ति च जु योएल परमेश्वर का तरपां बट्टी बुल्ण वला का द्वारा पिता परमेश्वर का वचन मा बुलै गै छो</verse>
				<verse number="17">परमेश्वर इन बुल्दो कि “आखिर दिनों मा इन होलो कि मि अपड़ी आत्मा सभि मनिख्युं तैं दयुलु तुम्हरा नौंना अर तुम्हरी नौंनि परमेश्वर की तरपां बट्टी बुलला अर तुम्हरा जवान दर्शन दिखला अर तुम्हरा दाना सयाणा मनिख सुपन्या दिखला</verse>
				<verse number="18">ऊं दिनों मा, मि अपड़ा दास, अर दासियों तैं अपड़ा आत्मा दयुलु अर ऊं परमेश्वर का तरपां बट्टी बुलला।</verse>
				<verse number="19">मि मथि आसमान मा सैरी शक्ति अर मुड़ी धरती पर चिन्ह दिखौलु यानि ल्वे, आग, अर धुंआ का बादल।</verse>
				<verse number="20">प्रभु कु दिन औंण से पैली सूरज अंधेरो हवे जालो अर जून ल्वे का जन हवे जालो। ऊं दिन महान अर तेजस्वी दिन होलो</verse>
				<verse number="21">अर जु कुई प्रभु को नौं ल्यालु उ बचै जालो।”</verse>
				<verse number="22">“हे इस्राएलियों यु बातों तैं कि नासरत वासी यीशु एक मनिख छो जु परमेश्वर की तरपां बट्टी हूंणु का प्रमाण ऊं सामर्थ का कामों अर चमत्कार का काम अर चिन्हों बट्टी प्रगट च, जु परमेश्वर ल तुमारा बीच वेका द्वारा कैरी के दिखै जै तैं तुम अफ ही जंणदा छा।</verse>
				<verse number="23">यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।</verse>
				<verse number="24">पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।</verse>
				<verse number="25">किलैकि राजा दाऊद यीशु बारा मा इन बुल्द, ‘मि प्रभु तैं हमेशा अपड़ा संमणी दिख्दी रयूं किलैकि उ मेरी दैंणी तरपां च मि ऊं लुखुं से नि डरदु जु मि तैं नुकसान पौंछांण चंदींनि।</verse>
				<verse number="26">मि आनन्द से भुरे ग्यों अर बुल्दो छों, अर मेरू शहर भि आस मा बणयुं रालो।</verse>
				<verse number="27">किलैकि तू मि तैं मुर्दों मा नि रौंण दीलि अर अपड़ा पवित्र जन तैं अधोलोक मा सड़ण भि नि दीलि।</verse>
				<verse number="28">तिल मि तैं जीवन को बट्टो बतै अर तू मि तैं अपड़ी उपस्थिति मा रौंण से आनन्द बट्टी भोरि दीलि’</verse>
				<verse number="29">हे विश्वासी भयों, मि तुम मा कुलपिता राजा दाऊद का बारा मा तुम बट्टी साहस का दगड़ी बोल सकदु छों कि उ त मोरि गै अर दफनाये भि गै अर वेकी कब्र आज तक भि हमारा इख मौजूद च।</verse>
				<verse number="30">पर उ त परमेश्वर का तरपां बट्टी बुल्ण वलो छो अर जंणदु छो कि पिता परमेश्वर ल सौं खै छै कि मि तेरु कुल बट्टी एक आदिम तैं तेरु सिहासन पर बैठौलु।</verse>
				<verse number="31">यु जांणि के भविष्य मा पिता परमेश्वर क्य कन जांणु च, राजा दाऊद ल यीशु मसीह का मुरदों मा बट्टी ज्यून्दा हूंणै की बात कैरी वेल बोलि, कि यीशु तैं न त अधोलोक मा छोड़ी जालो अर न पिता परमेश्वर वेकी देह तैं सड़ण दयालो।</verse>
				<verse number="32">परमेश्वर ल यु यीशु ज्यूँदो कैरी जैका हम सभि गवाह छा।</verse>
				<verse number="33">यु ही यीशु तैं परमेश्वर ल अपड़ी दैणी तरपां सबसे ऊंची जगह बैठै अर पिता ल जन वे बट्टी करार कैरी छै वे तैं पवित्र आत्मा दे अर वेल उ ही पवित्र आत्मा हम तैं दींनि जन कि आज तुम जु दिखणा अर सुचणा छा।</verse>
				<verse number="34">किलैकि राजा दाऊद त स्वर्ग पर नि चैड़ि उ अफी बुल्णु च कि ‘प्रभु परमेश्वर ल मेरा प्रभु बट्टी बोलि कि मेरा दैंणि तरपां बैठ</verse>
				<verse number="35">जब तक मि तेरु बैरियों तैं तेरु खुट्टों की चौकी का समान बणै द्यों’</verse>
				<verse number="36">इलै इस्राएलियों जांणि ल्या कि पिता परमेश्वर ल यु ही यीशु तैं जै तैं तुम ल सूली पर चड़ै प्रभु और मसीह द्वी वे ठैरे।”</verse>
				<verse number="37">जब ऊंल इन सूंणि त ऊंका मन बहुत दुखी गैनी अर उ पतरस तैं अर और प्रेरितों तैं पुछण लगि गैनी कि “हे विश्वासी भयों, अब इन बता कि हम ल क्य कन?”</verse>
				<verse number="38">पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।</verse>
				<verse number="39">किलैकि य करार तुम कु अर तुम्हरी सन्तान कु अर ऊं सब दूर-दूर तक रौंण वला लुखुं कु भि च ऊं सभियूं कु जौं तैं हमारो परमेश्वर अफ मा बुलांदु।”</verse>
				<verse number="40">पतरस ल भौत सैरी बातों से भि गव्है दे-दे के यु बात बार-बार बोलि के उ बट्टी बिनती कैरी, कि अफ तैं ई टेढ़ी जाति बट्टी बचावा।</verse>
				<verse number="41">जु कुछ पतरस ल बोलि, जौनु भि वेका संदेश पर विश्वास कैरी ऊंल बपतिस्मा लये अर वे ही दिन करीब तीन हजार लोग ऊं दगड़ी मिली गैनी।</verse>
				<verse number="42">उ प्रेरितों बट्टी वचन की शिक्षा पांण मा अर संगति रखण मा उ प्रभु भोज मा सहभागी हूंदा छा अर विश्वासी एक दगड़ी अपड़ो खांणु खांदा छा अर पिता परमेश्वर बट्टी प्रार्थना कन मा लौलीन रौंदा छा।</verse>
				<verse number="43">यरूशलेम शहर मा सभि लुखुं पर डौर अर हैरानी छै गै, अर भौत सा चमत्कार का काम और चिन्ह प्रेरितों का द्वारा प्रगट हूंदा छा।</verse>
				<verse number="44">अर सब विश्वासी लोग एक जगह मा कठ्ठा हूंदा छा अर ऊं की सभि चीज-बस्ति साझा मा छै।</verse>
				<verse number="45">उ अपड़ी सम्पति अर चिज्युं बिकै-बिकै के जन जै तैं जरूरत हूंदी छै उन ही सभियूं मा बांटि दींद छा।</verse>
				<verse number="46">उ हरेक दिन एक मन हवे के पिता परमेश्वर बट्टी यरूशलेम शहर का मन्दिर मा कट्ठा हूंद छा अर घौर-घौर मा प्रभु भोज लींदा छा अर सच्चा मन दगड़ी रै के खांणु खांदा छा।</verse>
				<verse number="47">अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।</verse>
			</chapter>
			<chapter number="3">
				<verse number="1">एक दिन पतरस अर यूहन्ना दुफरा मा तीन बजी का लगभग परमेश्वर बट्टी प्रार्थना का बगत मा परमेश्वर बट्टी यरूशलेम शहर का मन्दिर मा जांणा छा।</verse>
				<verse number="2">लोग एक जन्म बट्टी का लंगड़ा तैं लांणा छा जै तैं उ रोज यरूशलेम शहर का मन्दिर का संमणी फाटक पर बैठै दींद छा जै को नौं सुंदर छो इलै की उ परमेश्वर बट्टी यरूशलेम शहर का मन्दिर मा जांण वलो बट्टी भीख मांगो।</verse>
				<verse number="3">तब वेल पतरस अर यूहन्ना तैं यरूशलेम शहर का मन्दिर मा जांण देखि त ऊं बट्टी भीख मंगण लगि गै।</verse>
				<verse number="4">पतरस अर यूहन्ना ल सीधा वे तैं देखि के बोलि, “हम जनै देख”</verse>
				<verse number="5">वेल ऊं बट्टी कुछ पौणे की आस लगै के ऊं जनै दिखण लगि गै।</verse>
				<verse number="6">तब पतरस ल बोलि “चाँदी अर सोना त मि मा छैं नि च पर जु मि मा छैं च उ त्वे तैं दींदु यीशु मसीह नासरी का नौं से उठ अर चलि फिर।”</verse>
				<verse number="7">अर पतरस ल वे लंगड़ा को दैंणों हथ पकड़ी के वे तैं उठै अर तुरंत वेका खुट्टा अर घुंडों मा ताकत ऐ गै।</verse>
				<verse number="8">तब उ उचड़फलि मारि के खड़ो हवे गै अर हिटण लगि गै अर हिटी अर उचड़फलि मारि के अर पिता परमेश्वर की भक्ति करदी पतरस अर यूहन्ना दगड़ी यरूशलेम शहर का मन्दिर का चौक मा चलि गै।</verse>
				<verse number="9">सब लुखुं ल वे तैं चलद फिरद अर परमेश्वर कि भक्ति कन देखि के,</verse>
				<verse number="10">वे तैं पैछांणि दींनि कि यु उ ही लंगड़ा भिखारी च जु यरूशलेम शहर का मन्दिर का सुंदर फाटक पर बैठी के भीख मंगणु रौंदो छो अर वीं घटना से ज्वा वे दगड़ी हवे छै उ बिजां भैंचक्क मा पड़ी गैनी।</verse>
				<verse number="11">जब उ पतरस अर यूहन्ना तैं पकड़ी के खड़ो हुयुं छो त सभि लोग बिजां हकदक हवे के उ ही जगह मा जु राजा सुलैमान की कुठड़ी बुल्दा छा ऊंमा भागि के ऐनी।</verse>
				<verse number="12">यु देखि के पतरस ल लुखुं मा बोलि, “हे इस्राएलियों तुम यु मनिख देखि के किलै हकदक हूंणा अर तुम हम जनै इन कै किलै घुरणा छा कि जन हम ल यु तैं अपड़ी सामर्थ या भक्ति से चलण-फिरण लैख बंणै हो?”</verse>
				<verse number="13">अब्राहम कु परमेश्वर इसहाक कु परमेश्वर याकूब कु परमेश्वर छौं हमारा बापदादा का परमेश्वर अपड़ा सेवक यीशु कि महिमा कैरी पर तुम ल वे तैं मरणु कु अधिकारियों का हथ मा सौंपे ली अर जब पिलातुस ल वे तैं छोडणो विचार कैरी तब तुम ल वेका संमणी वेको इंकार कैरी।</verse>
				<verse number="14">तुम ल वे पवित्र अर धर्मी को इंकार कैरी अर बिनती कैरी की एक हत्यारो तुम कु छुड़े जौं</verse>
				<verse number="15">अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।</verse>
				<verse number="16">यीशु का नौं मा विश्वास का कारण यु आदिम को जै तैं तुम जंणदा छा जै तैं तुम दिखणां छा शक्ति दिए गै। यु आदिम यीशु का नौं से अर यीशु मा विश्वास का कारण बिल्कुल ठिक अर चंगा हवे गै जन कि तुम अफी देख सकदियां।</verse>
				<verse number="17">और अब, “हे विश्वासी भयों, मि जंणदु छौं कि जब तुम ल अर तुम्हरा अगुवों ल यीशु तैं मार डाली तुम तैं नि पता छों की उ मसीह छो।</verse>
				<verse number="18">पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै।</verse>
				<verse number="19">इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,</verse>
				<verse number="20">अर उ यीशु तैं भेजु जु तुम कु पैली बट्टी मसीह ठैरय्युं च।</verse>
				<verse number="21">यीशु तैं स्वर्ग मा वीं बगत तक रखण जरूरी च जब पिता परमेश्वर उ सभि चिज्युं तैं नयो बणै दयालो जु वे ल बणईं छिनी अर बहुत बगत पैली पिता परमेश्वर ल लुखुं तैं यूं बतौंणु कु परमेश्वर का तरपां बट्टी बुल्ण वलो का द्वारा इन कनु को सौ खै छै।”</verse>
				<verse number="22">जन कि मूसा ल बोलि, प्रभु परमेश्वर तुमारा विश्वासी भयों मा बट्टी तुम कु मि जन एक परमेश्वर का तरपां बट्टी बुल्ण वलो भिजलो अर जु कुछ उ तुम बट्टी बुललो वेकी सुणयां।</verse>
				<verse number="23">पर हर एक आदिम जु वे परमेश्वर का तरपां बट्टी बुल्ण वलो की नि सुणो त लुखुं मा बट्टी नाश कि यु जालो</verse>
				<verse number="24">“अर पिता परमेश्वर का तरपां बट्टी बुल्ण वलो शमूएल बट्टी लेकर वेका बाद वलो तक जथग भि पिता परमेश्वर का तरपां बट्टी बुल्ण वलो ल बात कैरी ऊं सभियूं ल यु दिन को शुभ संदेश प्रचार द्ये।</verse>
				<verse number="25">तुम सब परमेश्वर का तरपां बट्टी बुल्ण वलो कि सन्तान अर वीं करार का हकदार छा ज्वा पिता परमेश्वर ल तुमारा बाप-दादों बट्टी बंधि ‘जब वेल अब्राहम मा बोलि छो तेरु वंश का द्वारा धरती का सैरा घराना आशीष पौनु’</verse>
				<verse number="26">परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”</verse>
			</chapter>
			<chapter number="4">
				<verse number="1">जब पतरस अर यूहन्ना लुखुं मा यु बुल्णा छा त यहूदी याजक अर यरूशलेम शहर का मन्दिर का सरदार अर सदूकी ऊं पर रब रबा-तब तबा हवे गैनी।</verse>
				<verse number="2">उ भौत गुस्सा हवे कि पतरस अर यूहन्ना यीशु का बारा मा लुखुं तैं सिखाैंदी छा कि जु लोग मुरयां छिनी पिता परमेश्वर ऊं तैं फिर से ज्यूँदो कैरी दयालो जन वेल यीशु तैं मुरयां बट्टी ज्यून्दो कैरी।</verse>
				<verse number="3">ऊंल ऊं द्वीयूँ तैं गिरफ्तार कैरी कै दुसरा दिन तक हवालात मा रखि किलैकि रुमुक हवे गै छै।</verse>
				<verse number="4">पर वचन का सुनण वलो मा बट्टी भौत लुखुं यीशु पर विश्वास कैरी अर ऊं की गिणती पाँच हजार मनिख्युं कि छै जु यीशु मा विश्वास कन वला बण गैनी।</verse>
				<verse number="5">हैंका दिन ऊंका अगुवा, दाना-सयाणों अर यहूदी व्यवस्था तैं सिखांण वला यरूशलेम शहर मा एक जगत कठ्ठा हवेनि</verse>
				<verse number="6">अर वीं सभा मा जु मौजूद छा उ महायाजक हन्ना अर वेका कुटम्ब का कैफा, यूहन्ना अर सिकन्दर छा।</verse>
				<verse number="7">अर पतरस अर यूहन्ना तैं बीच मा खड़ो कैरी कै पुछण लगि गैनी आदिम तैं ठिक कनु कु कै ल त्वे तैं सामर्थ अर अधिकार दियुं च।</verse>
				<verse number="8">तब पतरस ल पवित्र आत्मा से भरिके ऊंमा बोलि, हे लुखुं का मुखियों अर दाना-सयाणों</verse>
				<verse number="9">हम ल एक दुखी मनिख की भलै कैरी च अर आज हम बट्टी वेका बारा मा लोग पूछताछ कैरी के जांच कना छिनी की उ कन के बचये गैनी।</verse>
				<verse number="10">त तुम सब लोग अर सैरा इस्राएलियों तैं जांणि जांण चयणु च की यीशु मसीह नासरी जै तैं तुम ल सूली पर चड़ै अर पिता परमेश्वर ल यीशु तैं मुर्दों मा बट्टी दुबारा ज्यूँदो कैरी अर आज यीशु का नौं बट्टी यु मनिख तुमारा संमणी अच्छो भलो खड़ो च।</verse>
				<verse number="11">मसीह यीशु ही उ ढुंगो च अर जै तुम मिस्त्रियों ल फुंड ढोलयुं समझी अर देखा उ ही कोंणा की कोढ़ी को ढुंगो बंणि गै।</verse>
				<verse number="12">यीशु का अलावा कै और दुसरा का द्वारा उद्धार अर बचाव नि च किलैकि आसमान का तौला अर मनिख्युं मा और कुई हैंको नौं नि दिये गै जैका द्वारा हम मुक्ति पै सैका।</verse>
				<verse number="13">जब ऊंल पतरस अर यूहन्ना को साहस देखि अर यु जांणि की यु साधारण मनिख छिन अर परमेश्वर के वचन का कुछ खास शिक्षा नि पै छै उ हकदक हवे गैनी। अगुवों ल ऊं तैं पैछांणि यु सम्भव इलै हवे साकी किलैकि उ यीशु का दगड़ी रौंदा छा।</verse>
				<verse number="14">ऊंल वे मनिख तैं जु खूब हवे छो पतरस अर यूहन्ना का दगड़ी खड़ो देखि के वे झुण्ड का लोग ऊँका विरोध मा कुछ नि बोलि सकिनि।</verse>
				<verse number="15">यांका बाद ऊंल पतरस अर यूहन्ना तैं महासभा बट्टी भैर जांणै की आज्ञा दे, अर उ आपस मा बात कन लगि गैनी,</verse>
				<verse number="16">“हम यूं मनिख्युं का दगड़ी क्य कैरा? किलैकि यरूशलेम शहर का सब रौंण वलो पर प्रगट च कि यूंका द्वारा एक बकि बातों चमत्कार का काम दिखाये गै अर हम वांको इंकार नि कैरी सकदां।</verse>
				<verse number="17">पर लुखुं मा यु समाचारों कु अर प्रचार नि हवे अर ऊं तैं धमकांवां कि उ यु नौं से फिर कै हैंका मनिख दगड़ी बात नि कैरो कखि या बात लुखुं मा और जादा नि फैली जौं।”</verse>
				<verse number="18">तब ऊंल पतरस अर यूहन्ना तैं बुलै अर ऊं तैं धमकी दे के बोलि “यीशु का नौं से कुछ भि नि बुल्य्यां अर न कुछ सिखायां।”</verse>
				<verse number="19">पर पतरस अर यूहन्ना ल ऊं तैं जवाब दींनि “तुम ही न्याय कैरा क्य यु परमेश्वर का नजर मा भलो च कि हम परमेश्वर कि आज्ञा से बढ़ि के तुमारी आज्ञा तैं मांणा।</verse>
				<verse number="20">किलैकि यु त हम बट्टी हवेनि सकदु कि जु हम ल देखि च अर जु सूंणि उन ही बुलयां।”</verse>
				<verse number="21">तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।</verse>
				<verse number="22">किलैकि जु मनिख चमत्कार का काम का द्वारा खूब हुयुं च उ चालिस बरस से जादा उम्र को छो।</verse>
				<verse number="23">तब उ छुटी के अपड़ा दगड़ियों मा ऐनी अर जु कुछ प्रधान याजक ल अर लुखुं का दाना-सयाणों ल ऊंमा बोलि छो उ सब ऊं तैं सुंणै दींनि।</verse>
				<verse number="24">यु सूंणि के ऊंल एक चित हवे के ऊंची आवाज मा पिता परमेश्वर बट्टी बिनती कैरी “हे स्वामि तु उ ही छै जै ल आसमान अर धरती अर समुद्र अर जु कुछ वां मा च उ सब कुछ तिल ही बंणै।”</verse>
				<verse number="25">तिल पवित्र आत्मा का द्वारा अपड़ा सेवक अर हमारा पूर्वज राजा दाऊद का गिच्चा बट्टी यु बोलि, “अन्यजातियों ल हल्ला किलै मचै? अर देश-देश का लुखुं ल बेकार अर बेमतलब कि बातों को किलै ध्यान कैरी?</verse>
				<verse number="26">प्रभु अर वेका मसीह का विरोध मा धरती का राजा अर राज्यपाल एक दगड़ी कठ्ठा खड़ा हवे गैनी।</verse>
				<verse number="27">किलैकि सच मा तेरु पवित्र सेवक यीशु का विरोध मा जै को तिल अभिषेक कैरी राजा हेरोदेस अर पुन्तियुस पिलातुस राज्यपाल भि अन्यजातियों का अर इस्राएलियों का दगड़ा यरूशलेम शहर मा कट्ठा हवेनि</verse>
				<verse number="28">ऊंल उ ही कैरी जु कुछ तेरी सामर्थ अर मनसा से ठैरयूं छो उन कैर!</verse>
				<verse number="29">अब हे प्रभु धर्म का अधिकारियों की धौंस तैं सुनण अर अपड़ा सेवकों तैं यु वरदान दे की तेरु उ वचन बड़ा साहस से सुंणौनु।</verse>
				<verse number="30">खूब कनु कु अपड़ो हथ बड़ो की अद्भुत काम अर चमत्कार का काम तेरु पवित्र सेवक यीशु का नौं से करे जौनु।”</verse>
				<verse number="31">जब ऊंल पिता परमेश्वर बट्टी प्रार्थना कैरेले छै त व जगह जख उ बैठयां छा हिली गै अर उ सभि पवित्र आत्मा से भुरे गैनी अर परमेश्वर का वचन तैं साहस से सुणौंणा रैनी।</verse>
				<verse number="32">विश्वास कन वलो कि मण्डलि एक मनसा कि छै इख तक कि कुई भि अपड़ी धन सम्पति कु अपड़ी नि बुल्दो छो पर सब सम्पत्ति साझा की छै।</verse>
				<verse number="33">प्रेरितों बड़ी सामर्थ का दगड़ी प्रभु यीशु कि फिर से ज्यून्दा होंणै गव्है दींण रैनी अर ऊं सभियूं पर बड़ी कृपा छै।</verse>
				<verse number="34">ऊंमा कुई भि गरीब नि छो किलैकि जौं मा जमींन या घौर छा उ ऊं तैं बेचि-बेचि के बिकीं चिज्युं कि कीमत लैके वे तैं चेलों तैं दे दीन्दा छा</verse>
				<verse number="35">अर जथग भि जै तैं जरूरत हूंदी छै प्रेरितों वांका अनुसार सभियूं मा बांटि दींद छा।</verse>
				<verse number="36">यूसुफ नौं को साइप्रस द्वीप का रौंण वलो एक लेवि छो जै को प्रेरित बरनबास नौं बट्टी बुलौन्दा छा जै को मतलब च, एक इन आदिम जु दूसरों तैं उत्साहित करदो।</verse>
				<verse number="37">वेकी कुछ जमींन छै ज्वा वेल बेचि दींनि अर मोल का रुप्या लैके लुखुं मा बंटणु कु प्रेरितों तैं दे दींनि।</verse>
			</chapter>
			<chapter number="5">
				<verse number="1">हनन्याह नौं का एक आदिम अर वेकी घरवलि सफीरा ल अपड़ी सम्पति कु एक भाग बेचि।</verse>
				<verse number="2">हनन्याह ल वेका दाम मा बट्टी कुछ आप कु रख छोड़ी अर ईं बात तैं वेकी जनन भि जंणदी छै अर एक हिस्सा लैके ऊं प्रेरितों तैं दे दींनि।</verse>
				<verse number="3">पर पतरस ल बोलि, “हे हनन्याह किलै शैतान तैं तिल मौका द्ये कि उ तेरु दिल मा पवित्र आत्मा बट्टी झूठ बुल्णों को विचार डालो। किलै तिल वेकी बात सूंणि अर तिल अपड़ी बिकीं भूमि को एक भाग अफ कु रखि द्ये”</verse>
				<verse number="4">क्य बिकै जांण का बाद उ भूमि तेरी नि छै? अर जब बिकी गै त वेको दाम क्य तेरु वश मा नि छो? तेरु मन मा इन बुरा कामों कु विचार किलै ऐ? तिल मनिख्युं मा न बल्कि परमेश्वर बट्टी झूठ बोलि।</verse>
				<verse number="5">यूं बातों तैं सुंणदा ही हनन्याह भूमि मा भुयां लमडी, अर वेकी मौत हवे गै अर सब सुनण वलो पर बड़ो डौर छै गै।</verse>
				<verse number="6">फिर कुछ जवानों ल ऐ के वेकी लांश तैं कपड़ा मा लपेटी के अर भैर लिजै के खडै दींनि।</verse>
				<verse number="7">लगभग तीन घंटा बाद वेकी घरवलि जु कुछ हवे छो नि जांणि के भितर ऐ।</verse>
				<verse number="8">तब पतरस ल वीं मा बोलि, “क्य तुम द्वीयूँ ल भूमि तैं इथग मा ही बेचि छो” वीं ल बोलि “हाँ इथग मा ही बेचि।”</verse>
				<verse number="9">पतरस ल वीं मा बोलि, “या क्य बात च कि तुम दुयूं ल प्रभु कि आत्मा कि अजमैश कु एक मनसा कैरी? देख तेरु आदिम का दफनौंण वला द्वार पर ही खड़ा छिन अर अब उ त्वे तैं भि भैर ली जाला।”</verse>
				<verse number="10">तब व तुरंत भूमि पर लमडी गै, उ मोरि गै अर जवानों ल भितर ऐ कि वे तैं मुर्युं पै अर भैर लिजै के वीं का आदिम का संमणी दफनै दींनि।</verse>
				<verse number="11">अर सैरी मण्डलि जु यरूशलेम शहर मा छै, यूं बातों का सब सुनण वलो पर भौत डौर छै।</verse>
				<verse number="12">प्रेरितों का द्वारा भौत चिन्ह अर चमत्कार का काम लुखुं का बीच मा दिखै जांदा छा अर मसीह का विश्वासी सब एक चित हवे कै राजा सुलैमान का चौका मा कट्ठा हूंद छा।</verse>
				<verse number="13">जौं ल अब तक यीशु पर विश्वास नि कैरी छो कै तैं यु साहस नि हूंद छो कि ऊं दगड़ी मिली जौंन तब भि लोग ऊं की बड़ै करदां छा।</verse>
				<verse number="14">प्रभु मा विश्वास कन वला की गिनती बढ़दी गै।</verse>
				<verse number="15">प्रेरित जु कुछ कना छा वेका ऊं कामों तैं देख लोग बिमारों तैं बट्टा मा लै-लै के खाट पर लिटै दींद छा कि जब पतरस औ, त वेकी छाया ऊंमा बट्टी कै पर पड़ी जौं।</verse>
				<verse number="16">अर यरूशलेम शहर का अमणी-संमणी का शहरों बट्टी भि भौत लोग बिमारों तैं अर दुष्टात्माओं का सतायां छा ऊं तैं लै-लै के, प्रेरितों का संमणी कट्ठा हुंदा छा, अर उ सब खूब हुंदा जांदा छा।</verse>
				<verse number="17">तब महायाजक अर वेका सब जु सदूकियों का झुण्ड का छा, उ प्रेरितों बट्टी जलन कन लगि गैनी।</verse>
				<verse number="18">अर महायाजक अर सदूकियों ल प्रेरितों तैं गिरफ्तार कैरी कै जेलखना मा बंद कैरी दींनि।</verse>
				<verse number="19">पर राती प्रभु का एक स्वर्गदूत ल जेलखना का द्वार खोलि के ऊं तैं भैर लै के ऊंमा बोलि</verse>
				<verse number="20">“जावा यरूशलेम शहर का मन्दिर मा खड़ा लुखुं तैं यु नया अनन्त जीवन का बारा मा बतावा।”</verse>
				<verse number="21">प्रेरित बड़ी सुबेर मा उठि के यरूशलेम शहर का मन्दिर मा गै जन ऊं तैं स्वर्गदूत ल बतै छो अर शिक्षा दींण शुरू कैरी। फिर जब महायाजक अर वेका दगड़िया उख पौछिनी त ऊंल यहूदी झुण्ड अर इस्राएल का दाना सयाणों की पूरी महासभा बुलै अर जेलखना कु रैबार भेजि कि ऊं प्रेरितों तैं इख लौनु।</verse>
				<verse number="22">पर मन्दिर का रखवलों ल उख पौंछि कै ऊं तैं जेलखना मा नि पै अर लौटि के बतै</verse>
				<verse number="23">“हम ल जेलखना बड़ी चौकसी ल बंद करयूं देखि अर पैैरादारों तैं भैर फाटक पर खड़ो होंयुं देखि पर जब जेलखना तैं खोलि त भितर कुई नि छो।”</verse>
				<verse number="24">जब यरूशलेम शहर का मन्दिर का रखवलों का सरदार अर प्रधान याजक ल या बात सूंणि त ऊं चेलों का बारा मा भौत चिंता मा पड़ी गैनी कि यांको क्य परिणाम होलो</verse>
				<verse number="25">इथग मा कैन ऐ के ऊं तैं बतै “देखा जौं तैं तुम ल जेलखना मा बंद कैरी छो उ यरूशलेम शहर का मन्दिर मा खड़ा हवे के लुखुं तैं उपदेश दींण छिन।”</verse>
				<verse number="26">जब ऊंल यु सूंणि, तब मन्दिर का रखवलों का सरदार का दगड़ी मन्दिर मा गैनी, अधिकारियों का दगड़ी जै कै, प्रेरितों तैं महासभा का संमणी लै ऐनी, पर जोर जबरदस्ती ल न उ लुखुं बट्टी डरदा छा कि लोग ढुंग्यो मार-मारि के ऊं की हत्या कैरी दयाला।</verse>
				<verse number="27">ऊंल प्रेरितों तैं फिर लै के महासभा का संमणी खड़ो कैरी दींनि तब महायाजक ल ऊंमा पूछि,</verse>
				<verse number="28">“क्य हम ल तुम तैं चितै के आज्ञा नि दे छै कि यीशु का नौं से उपदेश नि दियां? तब भि देखा तुम ल सैरा यरूशलेम शहर तैं अपड़ा उपदेश से भोरियाली अर तुम यु मनिख कि ल्वे कु भंगार जबरदस्ती हम पर लगौंण चांणा छा।”</verse>
				<verse number="29">तब पतरस अर बकि प्रेरितों ल जवाब दींनि “मनिख्युं कि आज्ञा से बढ़ि के परमेश्वर कि आज्ञा को पालन कन हमारो फर्ज च।</verse>
				<verse number="30">हमारा पूर्वजों का पिता परमेश्वर ल यीशु तैं मुर्दों मा बट्टी ज्यूँदो कैरी द्ये जै तैं तुम ल सूली पर लटकै के मारि डाली छो।</verse>
				<verse number="31">वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।</verse>
				<verse number="32">हम यूं बातों का गवाह छा अर उन ही पवित्र आत्मा भि जु परमेश्वर ल ऊं तैं दियुं च जु वेकी आज्ञा मणदींनि।”</verse>
				<verse number="33">जब महासभा का सदस्यों ल यु सूंणि त उ भौत गुस्सा हवे गैनी, अर प्रेरितों तैं मरण चांदा छा।</verse>
				<verse number="34">पर गमलीएल नौं को एक फरीसी अर मूसा की व्यवस्था तैं सिखांण वलो अर सब लुखुं मा जंणयूं-मंणयूं छो वेल महासभा मा खड़ो हवे के चेलों तैं जरा देरो कु भैर लिजांणै आज्ञा दे दींनि।</verse>
				<verse number="35">तब वेल महासभा का सदस्यों मा बोलि, “हे इस्राएलियों तुम यूं मनिख्युं का दगड़ा मा जु कुछ भि कना छा सोचि समझी के करयां।</verse>
				<verse number="36">किलैकि यूं दिनों से पैली थियूदास यु बोलि के प्रगट हवे, लुखुं तैं बतै की उ एक महान आदिम च अर लगभग चार सौ लोग वे दगड़ी हवे गैनी पर उ मरै गै अर जथग लोग वे तैं मंणदा छा सब तितर-बितर हवीनि अर हरचि गैनी।</verse>
				<verse number="37">वांका बाद जनगणना का दिनों मा गलील वासी यहूदा ऐ, अर कुछ लुखुं तैं अपड़ी अर कैरी द्ये उ भि मरै गै, अर जथग लोग वे तैं मनणवला छा उ भि तितर-बितर हवे गैनी।</verse>
				<verse number="38">इलै मि अब तुम मा बुल्णु छौं इंदरा लुखुं बट्टी दूर रावा अर यूं बट्टी कुछ भि काम नि रखा किलैकि जु यु योजना या काम मनिख्युं कि तरपां बट्टी होलो त मिट जालो</verse>
				<verse number="39">पर जु परमेश्वर कि तरपां बट्टी च त तुम ऊं तैं कभि नि मिटै सकिल्या। कखि इन नि हो कि तुम परमेश्वर दगड़ी भि लड़णा वला ठैरा।”</verse>
				<verse number="40">तब ऊंल वेकी बात मांणी अर प्रेरितों तैं बुलै के पिटवै अर ऊं यु आज्ञा दे कि उ अब बट्टी यीशु का नौं मा कुछ नि बोलि अर फिर ऊं तैं मुक्त कैरी द्ये।</verse>
				<verse number="41">प्रेरित ईं बात से खुश हवे के महासभा का संमणी बट्टी चलि गैनी की उ यीशु की खातिर निरादर हूंण का लैक त ठैरयां।</verse>
				<verse number="42">यांका बाद हरेक दिन, यरूशलेम शहर का मन्दिर मा अर घौर-घौर मा, प्रेरित हर बगत सिखांण अर शुभ सन्देश प्रचार करदा छा कि यीशु ही मसीह च।</verse>
			</chapter>
			<chapter number="6">
				<verse number="1">ऊं दिनों मा जब चेलों कि गिणती बिज्यां बढण लगि गै छै तब यूनानी भाषा बुल्ण वला यहूदी विश्वासी इब्रानी भाषा बुल्ण वला यहूदी विश्वासियों का विरुद्ध कुड़कुड़ाण लगि गै कि हरेक दिनों कु खांणु की सेवकाई मा ऊंकी विधवाओं कि सुध नि लिये जांद।</verse>
				<verse number="2">तब ऊं बारह चेलों ल यरूशलेम शहर का अन्य विश्वासियों तैं अपड़ा संमणी बुलै कि बोलि, “हम प्रेरित तैं अपड़ो बगत परमेश्वर का वचन सिखांण मा बितांण चयणु च, न की खिलांण-पिलांण कि सेवा कन मा रौनु।”</verse>
				<verse number="3">इलै हे विश्वासी भयों, अफ मा बट्टी सात भला आदिम तैं जु पवित्र आत्मा अर बुद्धि बट्टी भरपूर छिनी, चुणि ल्या, कि हम ऊं तैं यु काम पर ठैरे द्या।</verse>
				<verse number="4">पर हम त पिता परमेश्वर बट्टी प्रार्थना अर वचन कु प्रचार अर शिक्षा दींणु कु लगयां रौल्ला।</verse>
				<verse number="5">या बात सैरी मण्डलि तैं ठिक लगि, अर ऊंल स्तिफनुस नौं का एक जवान तैं जु विश्वास अर पवित्र आत्मा बट्टी भुरयुं छो फिलिप्पुस, प्रुखुरुस, नीकानोर, तीमोन, परमिलास अर अन्ताकिया वासी नीकुलाउस तैं जु यहूदी मत मा ऐ गै छा, चुणि।</verse>
				<verse number="6">अर यूं तैं प्रेरितों का संमणी लैंनि अर ऊं चुणयां लुखुं तैं प्रार्थना कैरी कै कि उ काम तैं कनु कु ऊं पर हाथ रखि के नियुक्त कैरी।</verse>
				<verse number="7">अर पिता परमेश्वर को वचन फैलदी गै, यरूशलेम शहर मा चेलों कि गिणती भौत बढ़दी गै; अर भौत यहूदी याजकों ल भि यीशु पर विश्वास का यु संदेश तैं स्वीकार कैरी।</verse>
				<verse number="8">स्तिफनुस परमेश्वर कि कृपा अर सामर्थ मा हवे के लुखुं का बीच मा बड़ा-बड़ा चमत्कार का काम अर अद्भुत काम दिखौंणु रौंदु छो।</verse>
				<verse number="9">पर कुछ लुखुं ल स्तिफनुस कु विरोध कैरी, जु दासत्व-मुक्त यहूदियों का मिलणा का भवन को सदस्य छा। उ लोग कुरेन अर सिकन्दरिया शहरों बट्टी अर किलिकिया अर एशिया प्रान्तों बट्टी भि छा, यु लोग स्तिफनुस का दगड़ी वाद-विवाद कन लगि गैनी।</verse>
				<verse number="10">पर वेल जु कुछ भि बोलि, उ वेको कुछ जवाब नि दे साकी किलैकि पवित्र आत्मा ल वे तैं बड़ी बुद्धिमानी से बुल्ण मा मदद कैरी।</verse>
				<verse number="11">ईं बात पर दासत्व-मुक्त लुखुं तैं कुछ मनिख्युं तैं स्तिफनुस का बारा मा झूठ बुल्णु कु उख बट्टी, “हम ल यु तैं मूसा द्वारा लिखीं परमेश्वर की व्यवस्था का विरोध मा बुरै कि बातों तैं बुल्द सूंणि।”</verse>
				<verse number="12">ऊंल स्तिफनुस का विरुद्ध भीड़, दाना-सयाणों, अर व्यवस्था तैं सिखांण वला तैं उख बट्टी अर ऊं ऐ के स्तिफनुस तैं पकड़ी अर वे तैं महासभा का संमणी ली गैनी।</verse>
				<verse number="13">उख ऊंल झूठा गवाह लैनी जु स्तिफनुस पर यु भंगार लगैनी जौं ल बोलि, “यु मनिख यु पवित्र जगह अर मूसा की व्यवस्था का बुरै मा बुल्ण नि छुड़दा।</verse>
				<verse number="14">किलैकि हम ल वे तैं इन बुल्ण सूंणि, कि नासरत नगर को यीशु यु मन्दिर तैं नाश कैरी दयालो, अर यूं रीति-रिवाजों तैं बदली दयालो जु मूसा ल हम तैं सौंपी छो।”</verse>
				<verse number="15">तब सब लुखुं ल जु महासभा मा बैठयां छा वेका तरपां देखि वेको मुक स्वर्गदूत का मुक का जन चमकणु छो।</verse>
			</chapter>
			<chapter number="7">
				<verse number="1">तब महायाजक ल सवाल कैरी, “क्य यु भंगार सच च”</verse>
				<verse number="2">वेल बोलि, “हे विश्वासी भयों, अर पुरणों सूंणा। हमारा पूर्वज अब्राहम तैं वेका हारान नगर मा ए के बसण से पैली, जब उ मेसोपोटामिया प्रदेश मा छो; तब तेजोमय पिता परमेश्वर ल वे तैं अपड़ी महिमा को दर्शन द्ये”</verse>
				<verse number="3">अर वेमा बोलि, तु अपड़ा मुल्क बट्टी अर अपड़ा कुटुम्ब बट्टी निकली के वे मुल्क मा जा जै तैं मि त्वे तैं दिखौलु।</verse>
				<verse number="4">तब उ कसदियों का मुल्क बट्टी निकली के हारान नगर मा भस गै। वेका बुबा का खत्म हूंण का बाद परमेश्वर ल वे तैं उख बट्टी लैके यु मुल्क मा बसै जै मा अब तुम बसयां छा।</verse>
				<verse number="5">पर पिता परमेश्वर ल वे तैं कुछ भि हिस्सा नि दींनि, अर खुट्टा रखणै की भि जगह नि दींनि। वे बगत वेको कुई नौंनो भि नि छों फिर भि पिता परमेश्वर ल अब्राहम दगड़ी करार कैरी, कि मि यु देश तेरु अर तेरु बाद तेरु वंश का हथ मा कैरी दयुलु</verse>
				<verse number="6">अर पिता परमेश्वर ल इन बोलि, “तेरी सन्तान का लोग बिंरणा देश मा परदेशी हवे के राला, अर उ लोग ऊं तैं अपड़ा गुलाम बनांण लगि गै अर चार सौ बरस तक ऊं दगड़ी बुरो बरतौ करला।”</verse>
				<verse number="7">फिर पिता परमेश्वर ल बोलि, “जीं जाति का उ आराधना कन वला होला वीं जाति तैं मि दंड दयुलु अर उ वे देश बट्टी निकली के ईं जगह मा मेरी सेवा करला।”</verse>
				<verse number="8">तब पिता परमेश्वर ल अब्राहम दगड़ी करार बंधि, अर वेको बोलि, कि उ अपड़ा घौरा का सभि आदिमों तैं खतना कन होलो जु सौं को चिन्ह होलो यु दिखांणु कु की उ करार बट्टी रजामंद छिनी। इलै ही जब इसहाक पैदा हवे, त अब्राहम ल आठवां दिन वेको खतना कैरी। अर इसहाक ल अपड़ा नौंना याकूब को खतना कैरी, अर याकूब ल अपड़ा बारह नौंनो को खतना कैरी जु हमारा यहूदी जाति का पूर्वज छिनी ।</verse>
				<verse number="9">अर कुलपतियों ल अपड़ा भैय यूसुफ बट्टी जलन कैरी कै वे तैं मिस्र देश जांण वलो का हथ बेचि दींनि; पर परमेश्वर वे दगड़ी छो।</verse>
				<verse number="10">अर पिता परमेश्वर ल यूसुफ तैं सभि विपत्तियों बट्टी छुड़ै के जु वेका जीवन मा ऐ छै अर वे तैं बुद्धि दींनि अर मिस्र देश का राजा फिरौन की नजरों मा वेको बरतौ अच्छो बणै, तब राजा फिरौन ल यूसुफ तैं मिस्र देश पर अर अपड़ा सैरा घराना पर अधिकारी ठैरे।</verse>
				<verse number="11">जब यूसुफ अधिपति छो, तब सैरा मिस्र देश अर कनान देश मा अकाल पोड़ि; ज्यां बट्टी बड़ो क्लेश हवे, अर हमारा बाप दादाओं तैं खांणु नि मिल्दो छो।</verse>
				<verse number="12">पर याकूब ल यु सूंणि के, कि मिस्र देश मा खांणु च, त वेल हमारा बाप दादाओं तैं भेजि कि जां अर उख बट्टी खांणु कु अनाज खरीदा, उख उ यूसुफ बट्टी मिलिनि अर अनाज खरीदी पर ऊंल यूसुफ तैं नि पछयांणी।</verse>
				<verse number="13">दुसरी बार, जब उ खांणु तैं लींणु कु गैनी त यूसुफ ल खुद अफ तैं अपड़ा भयों का संमणी प्रगट कैरी अर तब यूसुफ कि गोत्र राजा फिरौन तैं पता चलि गै।</verse>
				<verse number="14">तब यूसुफ ल संदेश भेजि के अपड़ा बुबा याकूब तैं अर अपड़ा कुटुम्ब तैं, जु पिचहत्तर आदिम छा, मिस्र देश मा आंणु कु बुलावा भेजि।</verse>
				<verse number="15">तब याकूब मिस्र देश मा गै; अर कुछ बगत बाद उख उ अर हमारा बाप-दादा मोरि गैनी।</verse>
				<verse number="16">उ याकूब अर वेका नौंनो को लांश तैं हमारा देश कनान मा ले ऐनी, अर ऊंल याकूब की लांश तैं वीं कब्र मा दफनै, जै तैं अब्राहम ल एक निश्चित दाम दे के खरीदी छो। अर ऊंल याकूब का नौंनो तैं शकेम शहर की वीं जमींन मा दफनै, जै तैं याकूब ल हामोर का नौंनो बट्टी खरीदी छों।</verse>
				<verse number="17">पर जब वीं करार को पूरो हूंणो बगत संमणी ऐ, ज्वा पिता परमेश्वर ल अब्राहम दगड़ी कैरी छै, त मिस्र देश मा हमारा पूर्वज बढ़ण लगि गैनी; अर भौत जादा हवे गैनी।</verse>
				<verse number="18">तब मिस्र देश मा दुसरो राजा शासन मा ऐ जु यूसुफ तैं नि जंणदु छो।</verse>
				<verse number="19">वेल हमारी जाति बट्टी चालाकी कैरी हमारा बाप-दादों का दगड़ी इथग बुरो बरतौ कैरी, किलैकि ऊं तैं मजबूर कैरी कि इलै ऊंका ब्वे-बुबा अपड़ा नौंना तैं ढुलण बैठी गैनी कि उ मोरि जौं।</verse>
				<verse number="20">वे बगत मूसा को जन्म हवे; अर उ पिता परमेश्वर कि नजर मा भरि सुंदर छो; अर तीन मैना तक वेको पालन पोषण वेका बुबा का घौर मा छिपै के हवे।</verse>
				<verse number="21">पर जब उ मूसा तैं और नि छुपै सकिनि, त ऊंल वे तैं घौर का भैर रखदींनि तब मिस्र देश का राजा फिरौन कि नौंनि ल वे तैं गोद ले अर वीं ल वेको पालन-पोषण अपड़ा नौंना जन कैरी।</verse>
				<verse number="22">अर मूसा तैं मिस्री विद्या पढैये गै, अर उ बातचित अर काम द्वीयूँ मा सामर्थी छो।</verse>
				<verse number="23">जब मूसा चालिस बरस को हवे, त वेका मन मा यु विचार ऐ कि उ अपड़ा इस्राएलियों विश्वासी भयों बट्टी भेंट कैरू।</verse>
				<verse number="24">जब वेल देखि कि वेकी जाति का एक भैय पर एक मिस्री आदिम अन्यो कनु च त वेल अपड़ा भैय तैं बचै, अर वेको बदला ले के वे मिस्र वला आदिम तैं मारि दींनि।</verse>
				<verse number="25">मूसा ल सोचि कि वेका अपड़ा विश्वासी भयों ल इन समझण, कि पिता परमेश्वर वेका द्वारा ल ऊं तैं गुलामी बट्टी उद्धार करलो पर ऊंल इन नि समझी।</verse>
				<verse number="26">हैंका दिन मूसा ल देखि कि द्वी इस्राएली आपस मा लणना छिन, त तब उ इस्राएली ऊंमा ऐ; अर यु बोलि के ऊं तैं मेल कनु कु ऊंमा बोलि, कि, “हे दगड़ियों तुम त आपस मा विश्वासी भयों जन छा, त एक हैंका पर अन्यो किलै कना छा”</verse>
				<verse number="27">“पर जु अपड़ा पड़ोसी भैय पर अन्यो कनु छो, वेल मूसा तैं फुंड़ै धिकै के, त्वे तैं हमारो न्यायी अर निसाब कन वलो कैल बंणै?</verse>
				<verse number="28">क्य जन तिल ब्यालि मिस्री आदिम तैं मारि, क्य उन ही तु मि तैं भि मरण चांणि छै?”</verse>
				<verse number="29">ईं बात सूंणि के, मूसा डैरी गै अर इलै उ मिस्र देश बट्टी भागि गै, अर मिधान देश मा परदेशी बंणि के रौंण लगि गै, उख वेका द्वी नौंनो को जन्म हवे।</verse>
				<verse number="30">मिद्यान देश का सीनै डांडा मा मूसा का चालिस बरस बितणा का बाद, वेल एकांत जंगल मा जगदी झाड़ी मा एक स्वर्गदूत तैं देखि।</verse>
				<verse number="31">जब मूसा ल देखि झाड़ी जगणी च, त वे तैं आश्चर्य हवे। जब उ दिखणु कु संमणी गै त वेल स्वर्गदूत का द्वारा बुलै जांण वली प्रभु की आवाज तैं सूंणि।</verse>
				<verse number="32">पिता परमेश्वर ल बोलि, “मि तेरु पुरखों, अब्राहम कु परमेश्वर, इसहाक कु परमेश्वर, याकूब कु परमेश्वर छौं” तब मूसा डौर ल कांपी गै, इख तक कि वे तैं दिखणु को कुई हिम्मत भि नि रै।</verse>
				<verse number="33">“तब प्रभु ल वेमा बोलि, मेरा आदर कु अपड़ा खुट्टा बट्टी जुत्ता निकाली दे, किलैकि जैं जगह मा तु खड़ो छै, व पवित्र जगह च।</verse>
				<verse number="34">मिल सचमुच अपड़ा लुखुं कि दशा तैं जु मिस्र देश मा छिनी देखेलि; अर ऊंको रौंण अर कणाण सूंणि यले; इलै अब मि ऊं तैं छुड़ौण कु अयुं छौं। अब औ मि त्वे तैं मिस्र देश मा भिजलु”</verse>
				<verse number="35">यु उ ही मूसा च जै तैं इस्राएलियों ल अस्वीकार कैरी छो, अर जौनु बोलि छो, “कि त्वे तैं हमारो न्यायी अर निसाब कन वलो कैल बंणै?” वे मूसा तैं पिता परमेश्वर ल न्यायी अर निसाब कन वलो बणै के स्वर्गदूत का द्वारा भेजि जैल वे तैं झाड़ी मा दर्शन दे छो।</verse>
				<verse number="36">मूसा ल मिस्र देश बट्टी इस्राएली लुखुं तैं अद्भुत काम अर चमत्कार का काम का द्वारा भैर निकाली, अर लाल समुद्र मा अर एकांत जंगल मा चालिस बरस तक और भि भौत चमत्कार का काम करिनी</verse>
				<verse number="37">“यु उ ही मूसा च, जैल इस्राएलियों कु बोलि, पिता परमेश्वर तुमारा विश्वासी भयों मदि तुम कु मि जन एक परमेश्वर का तरपां बट्टी बुल्ण वला बंणालु”</verse>
				<verse number="38">यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।</verse>
				<verse number="39">पर हमारा बाप-दादों ल वेकी बात नि मनणु चै; पर वे तैं धिकै के अपड़ो मन मिस्र देश जनै वापिस जांण मा लगै।</verse>
				<verse number="40">अर मूसा का भैय हारुन मा बोलि, “हम कु इन देबता बंणौ, जु मिस्र देश मा वापिस जांणु कु हमारा अगनैं-अगनैं चलो; किलैकि यु मूसा जु हम तैं मिस्र देश बट्टी निकाली के लै, हम नि जंणदा की वे तैं क्य हवे”</verse>
				<verse number="41">ऊं दिनों मा एक बछड़ा कि मूर्ति बणै के, वेका अगनैं बलि चड़ै; अर अपड़ा हथ का कामों से खुश हूंण लगि गैनी।</verse>
				<verse number="42">यां से पिता परमेश्वर ल भि ऊं बट्टी मुक फेरी दींनि कि उ आसमान मा सूरज, चांद अर गैणों तैं अपड़ा देबतों का रूप मा आराधना कनु कु छोड़ी दींनि, जन कि परमेश्वर का तरपां बट्टी बुल्ण वलो कि किताबों मा लिख्युं च, हे इस्राएलियों क्य तुम ल एकांत जंगल मा चालिस बरसों तक जानवरों कि “बलि अर अन्नबलि चड़ै?”</verse>
				<verse number="43">तुम ल वे तम्बू तैं ढोये जै मा तुम्हरा देबता मोलेक की मूर्ति अर तुम्हरा देबता रिफान का गैंणा की प्रतिमा छै। जन कि ऊं मूर्तियों तैं जौं तैं तुम ल आराधना कनु कु बंणै छो। इलै मि तुम तैं बाबेल देश बट्टी दूर लिजै के बसौलु।</verse>
				<verse number="44">“पिता परमेश्वर का गव्है वला तम्बू एकांत जंगल मा हमारा बाप-दादों का बीच मा छो जन पिता परमेश्वर ल ठैरे जै ल मूसा मा बोलि, जु आकार ति ल देखि, वेका अनुसार यु तैं बंणौ”</verse>
				<verse number="45">भौत सालों का बाद वे तम्बू तैं हमारा बाप-दादा पुरणा बट्टी पै अर उ वे तैं अफ दगड़ी ली गैनी, जब उ यहोशू का दगड़ा मा गैनी अर अन्य-जातियों का धरती पर अधिकार पै, जौं तैं पिता परमेश्वर ल हमारा बाप-दादों का संमणी बट्टी निकालेली छो जन उ अगनैं बढ़णा। अर उ राजा दाऊद का बगत तक उख ही रै।</verse>
				<verse number="46">राजा दाऊद बट्टी पिता परमेश्वर खुश छो। वेल ल याकूब का पिता परमेश्वर कु रौंणु कु डेरा बनांणु कु पूछि</verse>
				<verse number="47">पर वेका नौंना राजा सुलैमान ल पिता परमेश्वर कु मन्दिर बंणै।</verse>
				<verse number="48">पर परमप्रधान परमेश्वर हथ का बंणया मन्दिर मा नि रौंदु, जन कि यशायाह की किताब मा परमेश्वर का तरपां बट्टी बुल्ण वला ल लिखीं,</verse>
				<verse number="49">कि पिता परमेश्वर बुल्द, “स्वर्ग मेरू सिंहासन अर धरती मेरा खुट्टों तौला कि चौकि च, मि कु तुम कन मन्दिर बंणैल्या? मेरा आराम कने कि कुई जगह हवेलि?</verse>
				<verse number="50">क्य मिल अफी यूं सभि चीजों तैं नि बणै?</verse>
				<verse number="51">हे जिद्दी लुखुं, तुम वेकी बात मनणु से इंकार करदां, तुम हमेशा पवित्र आत्मा को विरोध करदा; जन तुम्हरा पुरणो ल कैरी, उन ही तुम भि करदा।</verse>
				<verse number="52">परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।</verse>
				<verse number="53">तुम ल स्वर्गदूतों का द्वारा ठहराई व्यवस्था त पै, पर वे तैं मांणी नि च।”</verse>
				<verse number="54">यूं बातों तैं सूंणि के यहूदी अगुवा भौत गुस्सा हवीनि अर स्तिफनुस पर ऊं की दाड़ी रमसाण लगि गैनी।</verse>
				<verse number="55">पर स्तिफनुस ल पवित्र आत्मा से भरपूर हवे के स्वर्ग जनै देखि अर पिता परमेश्वर कि महिमा अर यीशु तैं पिता परमेश्वर कि दैंणी तरपां खड़ो हुयुं देखि।</verse>
				<verse number="56">अर वेल बोलि, “देखा मि स्वर्ग तैं खुल्यूं अर मि मनिख कु नौंनो तैं पिता परमेश्वर कि दैंणी तरपां खड़ो हुयुं दिखणु छौं।”</verse>
				<verse number="57">तब ऊंल जोर से चिल्लै कै अपड़ा कन्दूड़ बूजि दींनि, अर सभि एक मन हवे के वे पर झपटिनि।</verse>
				<verse number="58">अर स्तिफनुस तैं पकड़ी अर घसीट के यरूशलेम शहर बट्टी भैर लै के वे पर ढुंग्यो कैरी। अर स्तिफनुस पर भंगार लगै अर अपड़ा कपड़ा शाऊल नौं का एक जवान का खुट्टों का संमणी रखदींनि।</verse>
				<verse number="59">अर उ स्तिफनुस तैं ढुंग्यो कना ही रैनी, अर उ यु बोलि के प्रार्थना कनु रै “हे प्रभु यीशु मेरी आत्मा तैं स्वीकार कैर।”</verse>
				<verse number="60">फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।</verse>
			</chapter>
			<chapter number="8">
				<verse number="1">शाऊल स्तिफनुस की हत्या कन मा पूरा ढंग से सहमत छो। ऊं दिनों का बाद यरूशलेम शहर का विश्वासियों की मण्डलि पर भौत जादा अत्याचार हूंण लगि गै छो अर प्रेरितों तैं छोड़ उ सभि यहूदिया प्रान्त अर सामरिया प्रान्त मा छिल-बिल हवे गैनी।</verse>
				<verse number="2">तब कुछ विश्वासी लुखुं ल स्तिफनुस तैं ली जै कै खडै दींनि; अर वेको भौत दुःख कैरी।</verse>
				<verse number="3">अर शाऊल विश्वासियों की मण्डलि तैं सतौंणु छो; अर उ घौरों मा बट्टी विश्वासी आदिमों अर जननों तैं घसीट-घसीट कै जेलखना मा डाली दींद छा।</verse>
				<verse number="4">पर विश्वासी लोग जु छिल-बिल हवे गै छा, उ घूमी-घूमी के शुभ सन्देश प्रचार करदी रैनी।</verse>
				<verse number="5">अर फिलिप्पुस सामरिया प्रान्त का एक शहर मा जै के यीशु मसीह का बारा मा प्रचार कन लगि गै।</verse>
				<verse number="6">जु बात फिलिप्पुस ल बोलि ऊं तैं लुखुं ल सूंणि के अर जु चमत्कार का काम उ दिखौंदो छो ऊं तैं देखि, तब उन ल एक मन हवे के वेकी बातों मा ध्यान लगै।</verse>
				<verse number="7">जब फिलिप्पुस ल आज्ञा द्ये त भौत लुखुं मा बट्टी दुष्टात्मा चिलै के निकली गै, अर भौत लकवा का रोगी अर लंगड़ा भि खूब किये गैनी।</verse>
				<verse number="8">अर वे शहर का भौत सैरा लोग खुश हवे गैनी।</verse>
				<verse number="9">यु नगर मा शमौन नौं को एक आदिम रौंदो छो, जु अपड़ा जादु-टोणा ल सामरिया प्रान्त का अन्य-जाति लुखुं तैं चकित कनु छो अर उ दावा करदो छो कि उ एक बड़ो आदिम छों।</verse>
				<verse number="10">अर छुटा से ले के बड़ा तक वेको आदर करदा छा अर बुल्दा छा, “यु आदिम परमेश्वर की एक सामर्थ च, जु महान कहलांद च।”</verse>
				<verse number="11">वेल भौत दिनों बट्टी अपड़ी जादूगरी का द्वारा लुखुं तैं चकित करयूं छो, इलै उ वेकी तैं मणदा छा।</verse>
				<verse number="12">पर जब लुखुं ल पिता परमेश्वर का राज्य अर यीशु मसीह का नौं को फिलिप्पुस को शुभ सन्देश प्रचार सूंणि अर जौं जननों ल अर आदिमों ल विश्वास कैरी ऊं बपतिस्मा लै।</verse>
				<verse number="13">अर शमौन ल फिलिप्पुस का संदेश पर विश्वास कैरी अर बपतिस्मा ले। अर शमौन ल फिलिप्पुस को अनुसरण कैरी अर उ सभि चमत्कार अर बड़ा-बड़ा सामर्थ का अद्भुत काम तैं हूंद देखि के चकित हूंदो छो।</verse>
				<verse number="14">जब यरूशलेम शहर मा प्रेरितों तैं मालूम हवे कि सामरिया प्रान्त का लुखुं ल पिता परमेश्वर का वचन तैं मांणी येले तब ऊंल पतरस अर यूहन्ना तैं ऊंमा भेजि।</verse>
				<verse number="15">अर उ द्वी उख गैनी अर ऊंल सामरिया प्रदेश का लुखुं कु पिता परमेश्वर बट्टी प्रार्थना कैरी की ऊं तैं पवित्र आत्मा मिलो।</verse>
				<verse number="16">किलैकि अब तक ऊंल पवित्र आत्मा नि पै छो, भस ऊंल यीशु का नौं मा बपतिस्मा लियुं छो।</verse>
				<verse number="17">तब पतरस अर यूहन्ना ल लुखुं पर हाथ रखि अर ऊंल पवित्र आत्मा पै।</verse>
				<verse number="18">जब शमौन ल देखि कि प्रेरितों का हथ रखण ल पवित्र आत्मा मिल जांद, त व पैसा ले के ऊंमा ऐ के ऊंमा बुल्ण लगि गै,</verse>
				<verse number="19">“य सामर्थ मि तैं भि दया, कि जै पर मि हथ रखु, ऊं तैं पवित्र आत्मा मिली जौं।”</verse>
				<verse number="20">पर पतरस ल ऊंकु बोलि, “तेरु पैसा को नाश हवे जौं, किलैकि तिल पिता परमेश्वर का वरदानों तैं पैसों मा मोल लींण को विचार कैरी।</verse>
				<verse number="21">इलै तू ईं सेवा को भागिदार नि हवे सकदी; किलैकि पिता परमेश्वर का संमणी तेरु मन सचो नि च।</verse>
				<verse number="22">इलै तू अपड़ी ईं बुरै बट्टी अपड़ो मन फिरौ के पिता परमेश्वर बट्टी प्रार्थना कैर, त हवे सकद पिता परमेश्वर तेरु बुरा विचारों तैं माफ कैरी द्यो।</verse>
				<verse number="23">अपड़ा बुरा कामों तैं छोड़ी द्ये किलैकि मि दिखणु छों कि त्वे मा भौत जलन भुरीं च अर तू पापों की गुलामी मा छै।”</verse>
				<verse number="24">शमौन ल जवाब दींनि, “तुम, मि कु पिता परमेश्वर बट्टी प्रार्थना कैरा कि जु बात तुम ल बुलिनि, ऊंमा बट्टी कुई भि मि पर नि ओ।”</verse>
				<verse number="25">तब पतरस अर यूहन्ना ल लुखुं तैं, प्रभु यीशु की बातों तैं सुणै के, यरूशलेम शहर वापिस चलि गैनी, अर अपड़ा यात्रा का दौरान, सामरी जाति का भौत गौं मा शुभ सन्देश प्रचार कैरी।</verse>
				<verse number="26">फिर एक स्वर्गदूत ल फिलिप्पुस बट्टी बोलि, “उठ अर दक्षिण कु वे रस्ता बट्टी हवे के जा, जु यरूशलेम शहर बट्टी गाजा शहर कु जांद, यु एकांत रेगिस्तान कु बट्टो च।”</verse>
				<verse number="27">तब फिलिप्पुस दक्षिण की तरपां जांण लगि गै, अर बट्टा मा वे तैं इथोपिया देश को एक अधिकारी मिली। उ महारानी को एक बड़ो खजांची छो अर उ पिता परमेश्वर की आराधना कनु कु यरूशलेम शहर मा ग्यूं छो।</verse>
				<verse number="28">अर वापिस अपड़ा देश जांणु छो अर रथ मा बैठी के, परमेश्वर का तरपां बट्टी बुल्ण वला यशायाह की किताब तैं जोर से पढ़णु छो।</verse>
				<verse number="29">तब पवित्र आत्मा ल फिलिप्पुस बट्टी बोलि, “अगनैं जै के रथ का दगड़ी-दगड़ी चलि।”</verse>
				<verse number="30">फिलिप्पुस के रथ का संमणी दौड़ि के पौंछि गै, अर वे तैं परमेश्वर का तरपां बट्टी बुल्ण वला यशायाह की किताब तैं पढ़दी सूंणि, अर पूछि, “क्य तू जु पढ़णी छै वे तैं समझदी भि छै?”</verse>
				<verse number="31">वेल बोलि, “जब तक कुई मि तैं नि समझालो की यांको मतलब क्य च, तब तक मिल कन कै समझण?” अर वेल रथ तैं रोकि के फिलिप्पुस तैं अफ दगड़ी बैठण कु बोलि।</verse>
				<verse number="32">परमेश्वर का वचन को जु अध्याय उ पढ़णु छो वेमा इन लिख्युं छो; “उ बलि चढ़यां ढिबरा का जन पहुचये गै, अर जन ढिबरो अपड़ा ऊंल मुडांण का दफा कतनवला का संमणी चुपचाप खड़ी रौंदी, उन ही जब लुखुं ल वे तैं दुःख दींनि त वेल भि अपड़ो मुक नि खोलि,</verse>
				<verse number="33">वेको अपमान किये गै अर वे तैं न्याय नि मिली; कुई भि वेका वंशजों का बारा मा नि बतै सकद, किलैकि यां से पैली कि धरती पर वेको कुई वंशज हूंदो, लुखुं ल वे तैं मारि दींनि।”</verse>
				<verse number="34">तब मंत्री ल फिलिप्पुस बट्टी बोलि, “कृपा कैरी के मि तैं बतौ कि पिता परमेश्वर का तरपां बट्टी बुल्ण वलो यु कै बारा मा बुल्णु च, अपड़ा बारा मा या कै दुसरा का बारा मा?”</verse>
				<verse number="35">तब फिलिप्पुस ल वे तैं परमेश्वर का वचन बट्टी समझै कि पिता परमेश्वर का तरपां बट्टी बुल्ण वलो यशायाह जैल पिता परमेश्वर को शुभ सन्देश प्रचार सुणै, अर भविष्यवाणी कैरी के यीशु का बारा मा बोलि। अर वे खजांची ल यु बात समझीनि अर यीशु पर विश्वास कैरी।</verse>
				<verse number="36">उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”</verse>
				<verse number="37">(फिलिप्पुस ल बोलि, “जु तू अपड़ा पूरा मन से विश्वास करदी छै, तब त ले सकदी छै” यु सूंणि के वेल जवाब दींनि, “मि पूरो विश्वास करदु छो की यीशु मसीह ही पिता परमेश्वर को नौंनो च”)</verse>
				<verse number="38">तब रथ तैं रोकि के खजांची अर फिलिप्पुस द्वी पांणी का तालाब मा गैनी; अर फिलिप्पुस ल खजांची तैं बपतिस्मा दींनि।</verse>
				<verse number="39">जब उ पांणी बट्टी भैर ऐनी, तब पिता परमेश्वर की आत्मा फिलिप्पुस तैं उठै के ली गै; खजांची ल वे तैं फिर दुबरा नि देखि, पर पिता परमेश्वर ल वे तैं बचै लियेले ईं बात का कारण खुश हवे के उ अपड़ा देश कु वापिस चलि गै।</verse>
				<verse number="40">अर फिलिप्पुस ल अपड़ा आप तैं अश्‍दोद शहर मा पै, अर जब तक उ कैसरिया शहर मा नि पौछिनी, तब तक सभि नगरों अर गौं मा शुभ सन्देश प्रचार करदी गैनी।</verse>
			</chapter>
			<chapter number="9">
				<verse number="1">यांका बाद शाऊल ल बार-बार लुखुं तैं बोलि कि उ सभि विश्वासी लुखुं तैं मारि दयालो जु प्रभु यीशु पर विश्वास करदींनि अर चेला छिनी। तब उ महायाजक मा गै अर चिठ्ठी मांगी</verse>
				<verse number="2">अर दमिश्क शहर का यहूदियों का मिलणा का भवन की चिठ्ठी लिखीं छै, कि जु भि प्रभु का रस्ता की शिक्षा मा शाऊल तैं मिलो, चाहे उ आदिम अर जनन शाऊल ऊं तैं पकड़ी के यरूशलेम शहर मा ली जै साको।</verse>
				<verse number="3">जब शाऊल यरूशलेम शहर बट्टी दमिश्क शहर का नजदीक पौंछि, तब अचानक स्वर्ग बट्टी एक उज्यलो वेका चौतरफ चमकी।</verse>
				<verse number="4">तब शाऊल धरती पर लमडी गै, अर वे तैं य आवाज सुणै, “हे शाऊल, हे शाऊल, तू मि तैं दुःख किलै दींणि छै?”</verse>
				<verse number="5">तब शाऊल ल बोलि, “हे प्रभु, तू कु छै?” वेल जवाब दींनि, “मि यीशु छों, जै तैं तू सतांणी छै।</verse>
				<verse number="6">अब उठि के नगर मा जा, उख त्वे तैं बतौलु कि त्वे तैं क्य कन चयणु च।”</verse>
				<verse number="7">जु लोग शाऊल का दगड़ी छा, यु सब सूंणि के चकित रै गैनी, किलैकि ऊंल भस आवाज सूंणि अर उख कै तैं नि देखि।</verse>
				<verse number="8">जब शाऊल धरती बट्टी उठि, तब वे तैं कुछ नि दिख्योणु छो। इलै वेका दगड़िया वेको हथ पकड़ी के दमिश्क शहर मा ली गैनी।</verse>
				<verse number="9">वेल तीन दिन तक देख नि साकी अर वेल कुछ खै-पये भि नि च।</verse>
				<verse number="10">दमिश्क शहर मा हनन्याह नौं को एक विश्वासी चेला आदिम छो, वे तैं प्रभु यीशु ल दर्शन दे के बोलि, “हे हनन्याह!” वेल बोलि, हाँ प्रभु।</verse>
				<verse number="11">तब प्रभु ल वे बट्टी बोलि, उठि के, सीधी नौं वली गली मा जा, उख यहूदा का घौर मा शाऊल नौं को एक तरसुस शहर को रौंण वला का बारा मा पता लगौ; किलैकि उ उख प्रार्थना कनु च,</verse>
				<verse number="12">अर शाऊल ल अपड़ा दर्शन मा हनन्याह नौं का एक आदिम तैं भितर आंण अर अपड़ा मथि हथ रखदि देखि; कि उ दुबारा दिखण लगि जौं।</verse>
				<verse number="13">पर हनन्याह ल बोलि, “प्रभु, मिल भौत लुखुं बट्टी यु आदिम का बारा मा सूंणि, कि येल यरूशलेम शहर मा तुम्हरा विश्वासी लुखुं तैं दुःख द्ये;</verse>
				<verse number="14">अर इख भि प्रधान याजक की तरपां बट्टी अधिकार मिल्युं च, कि जु लोग त्वे पर विश्वास करदींनि, ऊं सभियूं तैं बंधि के यरूशलेम शहर मा ली जौं।”</verse>
				<verse number="15">पर प्रभु ल वे बट्टी बोलि, “तू जा, मिल वे तैं अन्यजातियों अर राजाओं अर इस्राएलियों का संमणी मेरा बारा मा प्रचार कनु कु मेरू चुणयूं जन च।</verse>
				<verse number="16">अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”</verse>
				<verse number="17">तब हनन्याह उठि के वेका घौर का भितर गै जख शाऊल छो, अर वे पर हथ रखि के बोलि, “हे भैय शाऊल, प्रभु यीशु जैल त्वे तैं रस्ता मा दर्शन दींनि, वेल मि तैं भेजि, कि तू दुबरा दिखण लगि जा अर पवित्र आत्मा बट्टी भरपूर हवे जा।”</verse>
				<verse number="18">तब तुरंत शाऊल का आँखों बट्टी छिल्का जन कुछ निकलीनि अर वेका बाद उ दुबारा दिखण लगि गै अर शाऊल ल उठि के बपतिस्मा लींनि।</verse>
				<verse number="19">तब शाऊल ल खांणु खै के तागत पै, अर कुछ दिनों तक उ विश्वासी चेलों का दगड़ी ही दमिश्क शहर मा रै।</verse>
				<verse number="20">अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।</verse>
				<verse number="21">तब सभि लोग यु सूंणि के हैरान हवे गैनी अर बुल्ण लगी गैनी, कि यु उ ही च, जु यरूशलेम शहर मा यीशु का विश्वासी तैं नाश कनु छो, अर इख भि इलै ही अयूँ च, कि ऊं तैं बंधि के प्रधान याजकों मा ली जौं।</verse>
				<verse number="22">पर शाऊल और भि जादा सामर्थी हवे के यु प्रचार कन लगि गै अर उ सबूत दे के बतौंणु रै कि यीशु ही मसीह च, अर दमिश्क शहर मा रौंण वला यहूदियों को गिच्चो बंद कनु रै।</verse>
				<verse number="23">जब शाऊल तैं दमिश्क शहर मा रौंद भौत दिन हवे गैनी, त यहूदियों ल मिली के वे तैं मरणै की योजना बणै</verse>
				<verse number="24">उ त वे तैं मरणु कु नगर का फाटक का संमणी रात-दिन वेको जग्वाल करदींनि। पर ऊंकी योजना का बारा मा शाऊल तैं कैल बतै दींनि,</verse>
				<verse number="25">एक रात वेका चेलों ल शाऊल तैं वे ढुंगो की ऊंची दीवार पर ली गैनी, जु शहर का चौतरफ छै। तब ऊंल दीवार मा एक खुली जगह बट्टी एक रस्सी ल एक ठुपरो बंधि के शाऊल तैं वेमा बैठा के मूड़ी उतारी, इन कै शाऊल दमिश्क शहर बट्टी बचि के निकली गै।</verse>
				<verse number="26">यांका बाद शाऊल ल यरूशलेम शहर का चेलों मा पौंछि के विश्वासियों का दगड़ी मिलणै की कोशिश कैरी पर उ सब वे तैं देखि के डैरी गैनी, किलैकि ऊं तैं विश्वास नि हवे कि उ भि ऊंका ही जन एक विश्वासी च।</verse>
				<verse number="27">पर एक चेला जु बरनबास कहलांदो छो अफ दगड़ी वे तैं प्रेरितों मा ली गै, अर ऊं तैं बतै, कि कन कै दमिश्क शहर का रस्ता मा प्रभु यीशु ल दर्शन दे के बात कैरी; अर दमिश्क शहर मा इलै हिम्मत कैरी के यीशु को नौं को प्रचार कैरी।</verse>
				<verse number="28">प्रेरितों ल बरनबास की बातों पर यकीन कैरी, अर इलै शाऊल ऊं दगड़ी रौंदो छो, अर निडर हवे के पूरा यरूशलेम शहर मा यीशु को प्रचार करदो छो।</verse>
				<verse number="29">अर यूनानी भाषा बुल्ण वला यहूदी लुखुं का दगड़ी बातचित अर वाद-विवाद करदो छो; पर उ वे तैं मरणे की कोशिश कन लगि गैनी।</verse>
				<verse number="30">तब हैंका विश्वासी चेलों तैं ईं बात का बारा मा पता चलि त उ शाऊल तैं कैसरिया शहर मा ली गैनी, अर उख उ वेको पांणी का जहाज ल तरसुस शहर कु जांणै की व्यवस्था कैरी, जु वेको अपड़ो शहर छो।</verse>
				<verse number="31">इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।</verse>
				<verse number="32">फिर इन हवे कि पतरस ऊं सभि प्रदेशों मा घुमणु रै, अर ऊं पवित्र लुखुं तैं मिलणु कु गै, जु लुद्दा नगर मा रौंदा छा।</verse>
				<verse number="33">उख वे तैं एक लकुवा पुड़यूँ एक आदिम मिली, जैको नौं एनियास छो। अर उ आठ साल बट्टी खाट पर पुडयूं छो।</verse>
				<verse number="34">जब पतरस ल वे बट्टी बोलि, “हे एनियास! यीशु मसीह त्वे तैं ठिक करदो। उठ, अपड़ो बिस्तरा उठौ!” तब उ तुरंत उठि गै।</verse>
				<verse number="35">अर लुद्दा नगर, शारोन नगर मा रौंण वला, सभियूं ल वे तैं देखि के यीशु पर विश्वास कैरी।</verse>
				<verse number="36">याफा नगर मा तबिता नौं की एक विश्वासी जु चेलों मा बट्टी एक छै रौंदी छै, यूनानी भाषा मा वीं को नौं दोरकास छो; व भौत सा भला-भला काम अर गरीब लुखुं की मदद करदी छै।</verse>
				<verse number="37">वे बगत जब पतरस लुद्दा मा छो, वे ही दिन व बिमार हवे के मोरि गै; अर ऊंल वीं तैं नहलै धुले के घौरा का मथि वला कमरा मा रखदींनि।</verse>
				<verse number="38">लुद्दा नगर याफा नगर का संमणी ही छो चेलों ल यु सूंणि के की पतरस उख च, तब ऊंल तुरंत द्वी आदिमों तैं भेजि के उख औणे की बिनती करे, “कि हम मा आंण मा देर नि कर।”</verse>
				<verse number="39">यु सूंणि के जब पतरस ऊंका दगड़ी याफा नगर मा ऐ, तब उ वे तैं कमरा मा ली गैनी, जख मुरीं तबिता तैं रख्युं छो, उख सब विधवा जनन पतरस का चौतरफी खड़ी हवे गैनी अर रूंण लगि गैनी, अर ऊं कपड़ोंं तैं दिखांण लगि गैनी, जौं तैं दोरकास ल ऊंकु बणै छो।</verse>
				<verse number="40">तब पतरस ल सभियूं तैं भैर भेज दींनि अर वेका बाद घुंडा टेकी के पिता परमेश्वर बट्टी प्रार्थना कैरी, अर लांश की तरपां देखि के बोलि, “तबिता, उठ!” अर व आँखा खोलि पतरस तैं दिखण लगि गै अर बैठी गै।</verse>
				<verse number="41">तब पतरस ल अपड़ा हथों ल सहारा दे के वीं तैं खड़ो कैरी अर विश्वासियों तैं अर विधवाओं तैं बुलै के दिखै कि तबिता ज्यूंदी अर बिल्कुल ठिक ठाक च।</verse>
				<verse number="42">य बात पूरा याफा नगर मा फैली गै; अर उख का भौत लुखुं ल प्रभु यीशु पर विश्वास कैरी।</verse>
				<verse number="43">अर पतरस याफा नगर मा भौत दिनों तक शमौन नौं का एक चमड़ा को काम कन वला आदिम का घौर मा रै।</verse>
			</chapter>
			<chapter number="10">
				<verse number="1">कैसरिया नगर मा कुरनेलियुस नौं को एक आदिम छो, उ रोमी पलटन को सुबदार छो।</verse>
				<verse number="2">उ अर वेको परिवार धर्मी अर पिता परमेश्वर को भक्त छो, येका अलावा उ यहूदी गरीब आदिमों तैं दान दींदो छो अर हर बगत प्रार्थना मा लग्युं रौंदो छो।</verse>
				<verse number="3">वेल एक दिन दोपहरा मा लगभग तीन बजी दर्शन मा साफ रूप बट्टी देखि कि पिता परमेश्वर को एक स्वर्गदूत ल वेमा ऐ के बोलि, “कुरनेलियुस!”</verse>
				<verse number="4">कुरनेलियुस ल स्वर्गदूत तैं ध्यान से देखि अर डौरी के बोलि, “हे प्रभु, क्य बात च?” स्वर्गदूत ल बोलि, “पिता परमेश्वर ल तेरी प्रार्थना सूंणेली, अर दान दींण से उ खुश च।</verse>
				<verse number="5">इलै तू याफा नगर मा आदिम भेजि के शमौन जै तैं पतरस भि बुल्दींनि, वे तैं बुलै ले।</verse>
				<verse number="6">व चमड़ा का काम कन वला शमौन का घौर मा मेहमान च, जैको घौर समुद्र का छाला म च।”</verse>
				<verse number="7">येका बाद व स्वर्गदूत उख बट्टी चलि गै, अर कुरनेलियुस ल द्वी सेवकों जु वेका दगड़ी रौंदा छा, अर वेकी लगातार सेवा का कनु कु जु भक्त सिपै छो तैं बुलै,</verse>
				<verse number="8">अर ऊं तैं सब बात बतै कै याफा नगर पतरस तैं लींणु कु भेजि।</verse>
				<verse number="9">दुसरा दिन तीन आदिमों तैं जौं तैं कुरनेलियुस को भिज्युं छो, उ दोपहरा मा उख पौंछि। तब वे बगत पतरस घौर का छत पर पिता परमेश्वर बट्टी प्रार्थना कन लगि गै।</verse>
				<verse number="10">वेका बाद वे तैं भूख लगि अर उ कुछ खांण चांदो छो, पर जब खांणु पक्कांणा छा, वे बगत उ बेसुद हवे गै।</verse>
				<verse number="11">वेल देखि कि, स्वर्ग खुली गै; अर एक बड़ी चदरा जन चीज जु कूणो बट्टी लटकी धरती पर उतरदी देखि।</verse>
				<verse number="12">जै मा धरती का उ चार खुट्टों का रिंगणवला जानवर अर आसमान का चलखुडा, जौका बारा मा मूसा की व्यवस्था मा लिख्युं च की उ अशुद्ध अर अपवित्र च अर जु यूं यहूदियों तैं खांण से मना करयूं च।</verse>
				<verse number="13">तब पतरस ल य आवाज सूंणि, “हे पतरस, उठ अर यूं चीजों तैं मारि के खा।”</verse>
				<verse number="14">पर पतरस ल बोलि, “प्रभु, मि इन नि कैरी सकदु, किलैकि मिल कभी अपवित्र अर अशुद्ध चीजों तैं नि खै।”</verse>
				<verse number="15">फिर वेल दुसरी बार य आवाज सूंणि, “जै तैं पिता परमेश्वर ल शुद्ध कैरेले, तू वे तैं अशुद्ध नि बोल।”</verse>
				<verse number="16">तीन बार इन ही हवे, वेका बाद तुरंत व चदरो स्वर्ग मा उठै गै।</verse>
				<verse number="17">जब पतरस यु दर्शन का बारा मा सुचणु छो कि यांको मतलब क्य होलो, तब कुरनेलियुस का भिज्यां आदिम शमौन का घौर को पता लगै के द्वार का समणी खड़ा हवे के पुछण लगि गै।</verse>
				<verse number="18">“शमौन, जै तैं पतरस बुल्दींनि, क्य उ इख मेहमान च?”</verse>
				<verse number="19">पतरस वे दर्शन का बारा मा सुचणु छो, कि पवित्र आत्मा ल पतरस बट्टी बोलि, “देख, तीन आदिम त्वे तैं खुजांणा छिनी।</verse>
				<verse number="20">भले ही उ अन्यजाति बट्टी च, उठि के मूड़ी जा, अर बगैर सुचयां वे दगड़ी चलि जा; मिल ही भेजि।”</verse>
				<verse number="21">तब पतरस ल मूड़ी जै के वे बट्टी बोलि, “देख, जैका बारा मा तुम पुछणा छा, उ मि छों, तुम लुखुं को आंणो को क्य कारण च?”</verse>
				<verse number="22">तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”</verse>
				<verse number="23">यु सूंणि के पतरस ल ऊं तैं भितर बुलै, अर ऊंको खातिरदारी कैरी। अर हैंका दिन पतरस ऊंका दगड़ी गै, अर याफा नगर का कुछ विश्वासी भैय वे दगड़ी गैनी।</verse>
				<verse number="24">तिसरा दिन ऊं कैसरिया नगर मा पौंछि जख कुरनेलियुस अपड़ा पूरा परिवार अर दगड़ियों का दगड़ी ऊंको इन्तजार कनु छो।</verse>
				<verse number="25">जब पतरस भितर जांण वलो ही छो, तब कुरनेलियुस ल पतरस का दगड़ी मुलाकात कैरी, अर वेका खुट्टों मा पोड़ि के प्रणाम कैरी के आराधना कैरी।</verse>
				<verse number="26">पर पतरस ल वे तैं उठै के बोलि, “मेरी आराधना नि कैर, मि भि त एक आदिम छो।”</verse>
				<verse number="27">तब पतरस कुरनेलियुस दगड़ी बात-चीत कनु कु भितर गै, अर उख भौत लुखुं तैं जमा देखि।</verse>
				<verse number="28">अर बुल्ण लगि गै, “तुम जंणदा छा कि यहूदियों कु कुई अन्य-जाति का दगड़ी रिश्ता रखण या ऊंका घौर मा जांण मना च यूं हम यहूदी लुखुं का कानून का खिलाफ च, पर पिता परमेश्वर ल मि तैं बतै कि मि कै आदिम तैं अशुद्ध नि बोलु।</verse>
				<verse number="29">इलै जब तुम ल मि तैं बुलै, तब मि बेझिझक औं; अब बतौ, तुम ल मि तैं इख किलै बुलै?”</verse>
				<verse number="30">तब कुरनेलियुस ल बोलि, “आज बट्टी चार दिन पैली यु ही बगत, जब मि अपड़ा घौर मा दोपहरा मा तीन बजी प्रार्थना कनु छो, तब एक चमकिला कपड़ा पैरयूं आदिम मेरा संमणी ऐ”</verse>
				<verse number="31">अर वेल मि बट्टी बोलि, “हे कुरनेलियुस पिता परमेश्वर ल तेरी प्रार्थना सूंणि येले अर तेरु दान दींण से पिता परमेश्वर खुश च।</verse>
				<verse number="32">इलै कै तैं याफा नगर भेजि के शमौन जै तैं पतरस भि बुल्दींनि, वे तैं इख बुलै ले; उ समुद्र का छाला चमड़ा को काम कन वला शमौन का घौर मा मेहमान च जब उ आलो, त त्वे तैं पिता परमेश्वर की तरपां बट्टी एक सन्देश बतालो।”</verse>
				<verse number="33">“तब मिल त्वे तैं इख बुलै अर अपड़ा इख ऐ के बड़ी कृपा कैरी; अब हम सभि इख पिता परमेश्वर का संमणी छा कि जु बात वेल तुम तैं बतै, हम सभि भि वेका बारा मा जांण सका।”</verse>
				<verse number="34">तब पतरस ल बोलि, “अब मेरी समझ मा ऐ गै कि पिता परमेश्वर कै दगड़ी भि भेद-भाव नि करद।</verse>
				<verse number="35">पर हर अन्य-जाति जु पिता परमेश्वर बट्टी डरदु च अर धार्मिकता को काम करदो, पिता परमेश्वर ऊं तैं स्वीकार करद।</verse>
				<verse number="36">तुम तैं यु सन्देश पता च, जु पिता परमेश्वर ल हम कु मतलब इस्राएलियों तैं दीं च; वेल शान्ति का बारा मा शुभ सन्देश प्रचार सुणै जु लुखुं तैं यीशु मसीह पर विश्वास कना का द्वारा मिल सकदी च; उ सभि लुखुं कु प्रभु च।</verse>
				<verse number="37">तुम तैं वे वचन का बारा मा पता च, जु यूहन्ना का बपतिस्मा का प्रचार का बाद गलील प्रदेश बट्टी शुरू हवे के सैरा यहूदिया प्रान्त मा फैली गै।</verse>
				<verse number="38">पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।</verse>
				<verse number="39">अर हम प्रेरित लुखुं तैं ऊं सभि कामों का बारा मा बतौंदयां, जु हम ल यीशु तैं यहूदिया अर यरूशलेम शहर मा करदी देखि छा, अर यहूदी अगुवों ल यीशु तैं सूली पर चढै कै मारि दींनि।</verse>
				<verse number="40">पर पिता परमेश्वर ल वे तैं तिसरा दिन मुर्दों मा बट्टी ज्यूँदो कैरी के सभि लुखुं तैं दिखै।</verse>
				<verse number="41">सब मनिख्युं ल वे तैं नि देखि पर हम प्रेरितों ल गवाहों का रूप मा जु तैं पिता परमेश्वर ल पैली चुणि लियेले छो। अर मुर्दों मा बट्टी ज्यून्दा हूंणा का बाद हम ल वे दगड़ी खै-पये।</verse>
				<verse number="42">अर हम तैं यु हुकुम भि द्ये, कि हम लोग वेका बारा मा बतां अर वेकी गव्है दया कि पिता परमेश्वर ल वे तैं ज्यून्दों अर मुर्दों को न्यायी ठैरे।</verse>
				<verse number="43">वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”</verse>
				<verse number="44">जब पतरस बुल्णु छो, तब पवित्र आत्मा सभि सुनण वलो पर ऐ गै।</verse>
				<verse number="45">जु यहूदी विश्वासी जूंको खतना हुयुं छो पतरस का दगड़ी अयुं छा, व सभि यु देखि के दंग होला कि पवित्र आत्मा को भांडो अन्यजातियों तैं भि मिली।</verse>
				<verse number="46">किलैकि यहूदी विश्वासियों ल ऊं तैं अलग-अलग भाषा मा बुल्ण अर पिता परमेश्वर कि आराधना कन सूंणि। तब पतरस ल बोलि,</verse>
				<verse number="47">“क्य कुई यु लुखुं तैं पांणी बट्टी बपतिस्मा लींण से रोक सकद जूं तैं हम जन पवित्र आत्मा मिल्युं च?”</verse>
				<verse number="48">यांका बाद पतरस ल ऊं तैं जु लोग कुरनेलियुस का घौर मा कठ्ठा छा। पांणी ल अर मसीह यीशु का नौं मा बपतिस्मा लींणु कु बोलि। अर ऊंल पतरस बट्टी बिनती कैरी कि उ थोड़ा दिनों तक उ दगड़ी रौ, अर ऊंल इन ही कैरी।</verse>
			</chapter>
			<chapter number="11">
				<verse number="1">फिर प्रेरितों ल अर विश्वासी भयों ल जु यहूदिया प्रान्त मा छा, ऊंल सूंणि कि अन्यजातियों ल पिता परमेश्वर का वचन तैं मनणु लगि गैनी।</verse>
				<verse number="2">अर जब पतरस ऊंमा यरूशलेम शहर मा ऐ, त यहूदी विश्वासी लोग जु को खतना हुयुं छो वे पर भंगार लगांण लगि गैनी,</verse>
				<verse number="3">कि “तिल अन्यजातियों का घौर मा जै के खांणु किलै खै?”</verse>
				<verse number="4">तब पतरस ल ऊं तैं शुरू बट्टी जु बात हवे छै सब पूरा ढंग से ऊं तैं सुणैनी।</verse>
				<verse number="5">“वेल बोलि जब मि याफा का नगर मा पिता परमेश्वर बट्टी प्रार्थना कनु छो, वे बगत मिल बेसुद हवे के देखि कि एक बड़ा चदरा का समान कुई चीज चारों तरपां बट्टी लटकी स्वर्ग बट्टी मूड़ी उतरी अर व ठिक मेरा संमणी ऐ।</verse>
				<verse number="6">अर जब मिल वे तैं ध्यान से देखि, वेमा धरती का सभि किस्म का पालतू, जंगली जानवर अर सब रिंगण वला गुरो, जीव-जन्तु अर आसमान का चलखुडा दिखिनि।</verse>
				<verse number="7">अर फिर मिल या आवाज सूंणि, ‘हे पतरस, उठ अर यूं तैं मारि के खा’</verse>
				<verse number="8">पर मिल बोलि, ‘प्रभु, मिल कभी अपवित्र अर अशुद्ध चीजों तैं नि खै’</verse>
				<verse number="9">तब दुसरी बार स्वर्ग बट्टी या आवाज ऐ, ‘जै तैं पिता परमेश्वर ल शुद्ध कैरेले, तू वे तैं अशुद्ध नि बोल’</verse>
				<verse number="10">तीन बार इन ही हवे, वेका बाद सभि स्वर्ग मा खिंचे गै।</verse>
				<verse number="11">वे ही बगत कैसरिया नगर बट्टी एक आदिम जै को नौं कुरनेलियुस छो वेल एक आदिम तैं मि मा भेजि, तीन आदिम वे घौर का संमणी जख हम रुकयां छा पौंछि गैनी अर खड़ा हवे गैनी।</verse>
				<verse number="12">तब पवित्र आत्मा ल मि बट्टी बोलि, ‘बेझिझक हवे के यूं दगड़ी जा’ फिर यु छह विश्वासी भैय भि मि दगड़ी एनि, अर हम वे आदिम का घौर का भितर अयां।</verse>
				<verse number="13">तब वेल हम तैं बतै, कि वेल एक स्वर्गदूत तैं अपड़ा घौर मा देखि, जैल ऊंमा बोलि, ‘तू कै तैं याफा नगर भेजि के शमौन जु पतरस कहलांद बुलौ।</verse>
				<verse number="14">उ त्वे तैं इन बात बतालो, जै बट्टी पिता परमेश्वर त्वे तैं अर तेरु पूरा परिवार तैं बचालो’</verse>
				<verse number="15">जब मिल वे तैं यीशु का बारा मा बतै, तब पवित्र आत्मा ऊं पर ऐ, जन पैली हम पर ऐ।</verse>
				<verse number="16">तब मि तैं उ वचन याद ऐ जु यीशु ल हम बट्टी बोलि छो, कि यूहन्ना ल त पांणी ल बपतिस्मा दींनि, पर कुछ दिनों का बाद पिता परमेश्वर तुम दगड़ी रौंण कु पवित्र आत्मा तैं भिजलो।</verse>
				<verse number="17">इलै पिता परमेश्वर ल ऊं तैं यु वरदान दींनि, जु हम तैं प्रभु यीशु मसीह मा विश्वास कन से मिली; त मि कु छों जु पिता परमेश्वर का खिलाफ जौं? जब पिता परमेश्वर ल ऊं दगड़ी कुई भेदभाव नि कैरी, तब मि भि किलै कैरू?”</verse>
				<verse number="18">यु सूंणि के उ शांत हवे गै; अर ऊंल यु बोलि के पिता परमेश्वर की महिमा कैरी, “पिता परमेश्वर ल अन्यजातियों तैं यु वरदान दियूं च कि उ भि पापों तैं छोड़ी द्या अर अनन्त जीवन पै साका।”</verse>
				<verse number="19">स्तिफनुस की हत्या का बाद, कई विश्वासियों ल यरूशलेम शहर तैं छोड़ी दींनि, अर उ घुमदी-घुमदी फीनीके प्रदेश, साइप्रस द्वीप अर सीरिया प्रदेश का अन्ताकिया शहर मा पौछिनी; पर यहूदी लुखुं तैं छोड़ी के कै और तैं पिता परमेश्वर का वचन नि सुणदा छा।</verse>
				<verse number="20">पर ऊंमा बट्टी थोड़ा ही विश्वासी साइप्रस द्वीप का रौंण वला अर कुरेनी शहर का रौंण वला छा, जब उ अन्ताकिया शहर मा छा यूनानी भाषा बुल्ण वला तैं प्रभु यीशु को शुभ सन्देश प्रचार कन लगि गैनी।</verse>
				<verse number="21">अर प्रभु को सामर्थ ऊं पर छो, अर भौत स अन्यजाति लुखुं ल ऊं की खबर पर विश्वास कैरी अर प्रभु यीशु तैं स्वीकार कैरी।</verse>
				<verse number="22">जब ऊंका बारा मा यरूशलेम शहर का विश्वासियों की मण्डलि ल सूंणि, तब ऊंल बरनबास तैं अन्ताकिया शहर मा भेजि।</verse>
				<verse number="23">बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।</verse>
				<verse number="24">बरनबास एक अच्छो आदिम अर विश्वास अर पवित्र आत्मा बट्टी भुरयां आदिम छो, वे तैं देखि के भौत लोग पिता परमेश्वर मा विश्वास कैरी के वेमा ऐ मिलिनि।</verse>
				<verse number="25">तब बरनबास अन्ताकिया शहर छोड़ी के शाऊल तैं ढुँढ़णु कु तरसुस शहर कु चलि गै।</verse>
				<verse number="26">अर जब उ वे तैं उख मिलिनि त वे तैं अफ दगड़ी अन्ताकिया शहर ले एनि। अर इन हवे कि शाऊल अर बरनबास अन्ताकिया शहर मा एक साल तक प्रभु यीशु का बारा मा मण्डलि का लुखुं तैं सिखाैंदी रैनी। तब पैली बार अन्ताकिया शहर मा चेला “मसीही” कहलै गैनी।</verse>
				<verse number="27">वे बगत कुछ विश्वासी जु पिता परमेश्वर का संदेश दींणवला छा यरूशलेम शहर बट्टी अन्ताकिया शहर मा एनि।</verse>
				<verse number="28">ऊंमा बट्टी एक पिता परमेश्वर का तरपां बट्टी बुल्ण वलो आदिम जै को नौं अगबुस छो, उ खड़ो हवे अर पवित्र आत्मा की सामर्थ बट्टी ऊं तैं बतै कि पूरी दुनिया मा अकाल पुडण वलो च; अर सच मा यु अकाल सम्राट क्लौदियुस का बगत मा पोड़ी।</verse>
				<verse number="29">तब विश्वासी चेलों ल फैसला कैरी, कि यहूदिया प्रान्त मा रौंण वला विश्वासी भैय-बैंणों तैं मदद कनु कु अपड़ी-अपड़ी कमै का अनुसार उ पैसा जमा कैरी के भिजुला।</verse>
				<verse number="30">ऊंल इन कैरी; अर बरनबास अर शाऊल का हथ अर विश्वासियों का पुरणा अगुवों का हथ दान भेजि।</verse>
			</chapter>
			<chapter number="12">
				<verse number="1">वे बगत हेरोदेस राजा ल विश्वासियों की मण्डलि मा बट्टी कई लुखुं तैं सतौंणु कु ऊं तैं बन्धी बणै दींनि।</verse>
				<verse number="2">ऊंल प्रेरितों मा बट्टी यूहन्ना का भैय याकूब तैं तलवार ल मरवै दींनि,</verse>
				<verse number="3">अर जब वेल देखि कि यहूदी यु देखि के खुश हूंदींनि, तब वेल पतरस तैं पकड़ी दींनि; वे दिन अखमीरी रुठी को त्यौहार छो।</verse>
				<verse number="4">अर हेरोदेस राजा ल पतरस तैं पकड़ी के जेल मा डाली दींनि, अर वेल चार-चार पहरेदारों तैं चार दल मा देख-रेख मा रख्युं छो, इलै की उ फसह का त्यौहार बाद ऊंको न्याय सभि लुखुं का संमणी कन वलो छो।</verse>
				<verse number="5">जेल मा पतरस तैं बन्द रखै गै, पर विश्वासी लुखुं की मण्डलि पतरस कु ध्यान लगै के पिता परमेश्वर बट्टी प्रार्थना कनी छै।</verse>
				<verse number="6">अर जब हेरोदेस राजा, पतरस तैं लुखुं का संमणी लांण वलो छो, वेका पैली रात पतरस जंजीरों बट्टी बंधयूं, अर द्वी सिपैयूं का बीच मा पुडयूं छो अर चौकीदार द्वार पर जेल की रखवली कना छा।</verse>
				<verse number="7">तब अचानक प्रभु को एक स्वर्गदूत पतरस का संमणी उख ऐ, अर वे कोठरी मा उज्यालो हवे गै; फिर स्वर्गदूत ल पतरस तैं निंद मा हिलै के उठै अर बोलि, “जल्दी उठ।” अर जन ही पतरस निंद बट्टी जागि, अर वेकी हथों की जंजीर खुली के धरती पर लमडी गै।</verse>
				<verse number="8">अर स्वर्गदूत ल पतरस बट्टी बोलि, “अपड़ो कमर बाँध के जुत्ता पैरी।” अर वेल उन ही कैरी, फिर स्वर्गदूत ल वे बट्टी बोलि, “अपड़ो कुर्ता पैरी के मेरा पिछनै हो ले।”</verse>
				<verse number="9">जब पतरस वेका पिछनै-पिछनै भैर निकली त, तब वे तैं समझ मा नि ऐ, कि जु कुछ स्वर्गदूत द्वारा किये जांणु छो यु सभि कुछ हकीकत च या सुपिन्यो।</verse>
				<verse number="10">जब उ पैली एक अर फिर दुसरा चौकीदार तैं पार कैरी के निकली के लूहा का बणयां द्वार तक पौंछि, जु कि नगर का तरपां छो, तब उ द्वार ऊंकु अफी खुली गै। अर उ निकली के एक गली का अंत तक पौंछिनी, अर तुरंत स्वर्गदूत पतरस तैं छोड़ी के चलि गै।</verse>
				<verse number="11">तब पतरस होश मा ऐ अर बोलि, “अब मि तैं विश्वास हवे गै कि पिता परमेश्वर ल अपड़ा स्वर्गदूत तैं भेजि के मि तैं हेरोदेस राजा का हथों छुड़ै दींनि, अर यहूदी अगुवों की उम्मीद तोड़ी दींनि।”</verse>
				<verse number="12">अर यु जांणि के कि पिता परमेश्वर ल वे तैं बचैयले, पतरस वे यूहन्ना का, जैको नौं मरकुस भि छो, की ब्वे मरियम का घौर भि ऐ, उख भौत सा विश्वासी कठ्ठा हवे कर प्रार्थना कना छा।</verse>
				<verse number="13">जब पतरस ल भैरो को द्वार खट-खटये, तब रूदे नौं की दासी ऐ।</verse>
				<verse number="14">अर पतरस की आवाज तैं पहचाणी के खुश हवे के बगैर द्वार खुल्यां भितर ऐ, अर सभियूं तैं बतांण लगि गै कि पतरस द्वार पर खड़ो च।</verse>
				<verse number="15">यु सूंणि के ऊंल वे बट्टी बोलि, “तू पागल छै नौंनि।” पर वीं ल और भि जोर दे के बोलि, “मि सच बुल्णु छो, उ पतरस ही च।” पर ऊंल वेकी बात पर विश्वास नि कैरी अर वे बट्टी बोलि, “उ पतरस को स्वर्गदूत होलो।”</verse>
				<verse number="16">यु बीच जब पतरस द्वार खट-खटाणु छो, तब ऊंल द्वार खोलि अर पतरस तैं देखि के हैरान हवे गैनी।</verse>
				<verse number="17">पर पतरस ल ऊं बट्टी इशारा कैरी के चुप रौंणु कु बोलि, अर बतै कि पिता परमेश्वर ल वे तैं जेल मा बट्टी कन के भैर निकाली। फिर वेल बोलि कि, “तुम याकूब अर विश्वासी भयों तैं खबर भेजि दियां कि मि जेल मा बट्टी भैर ऐ ग्यूं।” येका बाद पतरस उख बट्टी दुसरी जगा चलि गै।</verse>
				<verse number="18">सुबेर मा जब जेल का सिपै ल पतरस तैं जेलखना मा नि पै, तब वेमा हड़बड़ाट मचि गै कि पतरस कख गै?</verse>
				<verse number="19">तब हेरोदेस राजा ल पतरस तैं खुजांणु को आज्ञा दींनि अर वे तैं सभि जगह जांच कैरी पर नि पै। त वेल पैरादारों बट्टी सवाल जवाब कैरी अर जब उ वेको जवाब नि दे सकिनि तब वेल आज्ञा द्ये कि पैरादारों मरै जौनु; अर उ यहूदिया प्रान्त छोड़ी के कुछ बगत कैसरिया शहर मा बितै।</verse>
				<verse number="20">हेरोदेस राजा सूर अर सैदा का लुखुं बट्टी भौत नराज छो, इलै ऊं शहरों का लोग हेरोदेस राजा बट्टी मिलणु कु एक मन से वेमा ऐनी। सबसे पैली वेल बलास्तुस बट्टी मदद मांगी जु राजा को एक मुख्य अधिकारी छो। तब ऊंल हेरोदेस राजा बट्टी समझौता कनु कु बोलि किलैकि राजा का देश बट्टी ऊंका देश को पालन-पोषण हूंदो छो।</verse>
				<verse number="21">जै दिन हेरोदेस राजा ल ऊं शहर का लुखुं बट्टी मिलणै की योजना बणै, अर राजवस्त्र पैरी के अपड़ा न्याय आसण पर बैठी के भाषण दींण लगि गै।</verse>
				<verse number="22">वेकी बात सूंणि के उख का लोग जोर-जोर से चिलांणा रैनी, “यु कुई आदिम नि च, पर दिबता की आवाज च।”</verse>
				<verse number="23">वे ही बगत पिता परमेश्वर का एक स्वर्गदूत ल वे तैं घायल कैरी, किलैकि वेल पिता परमेश्वर की महिमा नि कैरी; वेकी देह मा कीड़ा पुड़ीनि अर उ मोरि गैनी।</verse>
				<verse number="24">पर पिता परमेश्वर को वचन बढ़णु अर और भि जादा फैलण लगि गै, अर विश्वासियों की ताकत बढण लगि गै।</verse>
				<verse number="25">यहूदिया प्रदेश मा यहूदी विश्वासियों की मदद कनु कु पैसा दींण का बाद, बरनबास अर शाऊल यरूशलेम शहर बट्टी अन्ताकिया शहर कु लौटि ऐनी, अर यूहन्ना जैको नौं मरकुस भि छो ऊं दगड़ी छो।</verse>
			</chapter>
			<chapter number="13">
				<verse number="1">अन्ताकिया शहर का विश्वासियों की मण्डलि मा कई परमेश्वर का तरपां बट्टी बुल्ण वला अर कई शिक्षक छा। उ शिक्षक बरनबास अर शमौन, जैको दुसरो नौं नीगर भि छो, अर लूकियुस कुरेनी, अर देश का चौथाई भाग का हेरोदेस राजा को मुहबोला भैय जु दगड़ी बड़ा हवीनि मनाहेम, अर शाऊल।</verse>
				<verse number="2">जब उ उपवास मा रै के पिता परमेश्वर की आराधना कना छा, त पवित्र आत्मा ल बोलि, “मि कु बरनबास अर शाऊल तैं वीं सेवा कु अलग कर जै कु मिल ऊं तैं बुलै।”</verse>
				<verse number="3">तब ऊंल उपवास अर पिता परमेश्वर बट्टी प्रार्थना कैरी के शाऊल अर बरनबास का मुंड मा हथ रखि के ऊं तैं पिता परमेश्वर की सेवा कु भेजि दींनि।</verse>
				<verse number="4">इलै शाऊल अर बरनबास पवित्र आत्मा का द्वारा अन्ताकिया शहर बट्टी सिलूकिया बंदरगाह तक भिजै गैनी; अर उ उख बट्टी समुद्री जहाज मा बैठी के साइप्रस टापू का सलमीस बंदरगाह कु चलि गैनी।</verse>
				<verse number="5">अर सलमीस शहर मा पौंछि के, पिता परमेश्वर का वचन यहूदियों का मिलणा का भवन मा जै के सुनांण लगि गै; अर यूहन्ना मरकुस वेकी मदद कनु कु वे दगड़ी छा।</verse>
				<verse number="6">यांका बाद ऊंल पूरा टापू बट्टी हवे के पाफुस शहर मा पौंछि गैनी। उख ऊंकी मुलाकात बार-यीशु नौं का एक यहूदी जादूगर का दगड़ी हवे, जु झूठो दावा करदो छो की उ परमेश्वर का तरपां बट्टी बुल्ण वला च।</verse>
				<verse number="7">उ सिरगियुस शाऊल का दगड़ी भि काम करदो छो जु वे द्वीप को राज्यपाल छो, जु बुद्धिमान आदिम छो। वे राज्यपाल ल बरनबास अर शाऊल तैं बुलै के पिता परमेश्वर को वचन सुनांण चाहे।</verse>
				<verse number="8">पर जादूगर बार-यीशु जै को यूनानी नौं इलीमास छो, अर ऊंको विरोध कैरी के वे राज्यपाल तैं प्रभु यीशु पर विश्वास कन से रुकण चाहे।</verse>
				<verse number="9">तब शाऊल ल जैको नौं पौलुस भि च, पवित्र आत्मा बट्टी पूर्ण हवे के इलीमास जादूगर का तरपां गौर से देख के बोलि,</verse>
				<verse number="10">“हे कपटी अर चकड़ैति ल पूर्ण शैतान की सन्तान, अर हर एक अच्छी बातों को भि दुश्मन छै, क्य तू प्रभु का सीधा रस्ता तैं टेढ़ा कन नि छुड़ली?</verse>
				<verse number="11">अब प्रभु त्वे तैं सजा दयालो; तू थोड़ा बगत तक कु अंधो हवे जाली अर सूरज का उज्यला तैं नि देख सकली।” तब एकदम वेकी आँखों का संमणी अंधेरो हवे गै, अर फिर उ लाचार हवे के इने-उनै ढुंढण लगि गै कि कुई वेको हथ पकड़ी के वेकी मदद कैरो।</verse>
				<verse number="12">तब राज्यपाल ल जु कुछ हवे छो, देखि के अर प्रभु का उपदेश बट्टी चकित हवे के वेल प्रभु यीशु पर विश्वास कैरी।</verse>
				<verse number="13">पौलुस अर वेका दगड़िया पाफुस शहर बट्टी समुद्री जहाज मा यात्रा शुरू कैरी, अर पंफूलिया प्रदेश का पिरगा शहर मा जै के पौंछि गैनी; अर यूहन्ना मरकुस ऊं तैं छोड़ी के यरूशलेम शहर कु वापिस ऐ गै।</verse>
				<verse number="14">अर पिरगा शहर बट्टी अगनैं बढ़ि के गलातिया प्रान्त का पिसिदिया जिला का नजदीक अन्ताकिया शहर मा पौछिनी; अर यहूदियों को विश्राम को दिन यहूदियों का मिलणा का भवन मा जै के बैठी गैनी।</verse>
				<verse number="15">मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो की किताब बट्टी पढ़ण का बाद यहूदियों का मिलणा का भवन को सरदारों ल ऊंमा संदेश भेजि, “हे विश्वासी भयों, जु लुखुं का उत्साह कु तुम्हरा मन मा कुई बात हो त बोला।”</verse>
				<verse number="16">तब पौलुस ल खड़ो हवे के अर हाथ बट्टी इशारा कैरी के ऊं तैं शान्त कैरी के बोलि, हे इस्राएलियों, अर पिता परमेश्वर बट्टी डरण वलो अन्यजातियों, सूंणा!</verse>
				<verse number="17">यूं इस्राएलियों का पिता परमेश्वर ल हमारा पूर्वजों तैं चुणि, अर जब यु मिस्र देश मा परदेशी हवे के रौंदा छा, तब ऊंकी गिणती मा उन्नति हवे; अर पिता परमेश्वर ल ऊं तैं मिस्र देश बट्टी बड़ी महान सामर्थ ल भैर निकली।</verse>
				<verse number="18">अर उ कुई चालीस साल तक एकांत जंगल मा ऊं तैं सहन कनु रै, जबकि ऊंल बार-बार ऊंका हुकुम को अणबुलयूं कैरी।</verse>
				<verse number="19">अर पिता परमेश्वर ल कनान देश मा सात अन्य-जाति को नाश कैरी के हमारा पूर्वजों का कब्जा मा कैरी दींनि।</verse>
				<verse number="20">हमारा पूर्वजों ल ऊंका पूर्वजों का मिस्र देश मा पौंछि जांण तक लगभग चार सौ पचास साल बाद कनान पर अधिकार कन शुरू कैरी; “पिता परमेश्वर का तरपां बट्टी बुल्ण वला शमूएल तक इस्राएल का लुखुं पर राज्य कनु कु अगुवा नियुक्त करिनि।</verse>
				<verse number="21">जब शमूएल अभि तक ऊंको अगुवा ही छो, तब ऊंल एक राजा की माँग कैरी, त पिता परमेश्वर ल बिन्यामीन का गोत्र मा एक मनिख, मतलब कीश का नौंना शाऊल तैं ऊंल राजा बणये, अर वेल इस्राएली लुखुं पर चालीस साल तक शासन कैरी।</verse>
				<verse number="22">फिर पिता परमेश्वर ल शाऊल तैं राजा की गद्दी बट्टी हटै के राजा दाऊद तैं ऊंको राजा बणै; जैका बारा मा वेल गव्है दींनि, मि तैं एक आदिम, यिशै को नौंनो राजा दाऊद, जु मेरा मन का अनुसार च मिली गै उ ही मेरी सैरी इच्छा तैं पूरी करलो।”</verse>
				<verse number="23">वेका ही वंश मा बट्टी पिता परमेश्वर ल अपड़ी सौं का अनुसार इस्राएलियों मा एक उद्धारकर्ता, मतलब यीशु तैं भेजि।</verse>
				<verse number="24">जैका आंण से पैली यूहन्ना ल सभि इस्राएलियों तैं अपड़ा पापों को पश्चाताप कनु अर पिता परमेश्वर की तरपां मुड़णु अर बपतिस्मा लींणे की जरूरत च।</verse>
				<verse number="25">अर जब यूहन्ना अपड़ी सेवा पूरी कन पर छो, त वेल बोलि, “तुम कि सुचदियां की मि कु छो? मि मसीह नि छो; पर देखा, जु मेरा बाद एक आंण वलो च, उ मि बट्टी भौत जादा महान च अर मि यु योग्य भि नि छो कि वेका जुत्ता का तस्मों तैं खोल साको।”</verse>
				<verse number="26">“हे विश्वासी भयों, तुम जु अब्राहम की सन्तान छा; अर पिता परमेश्वर बट्टी डरण वलो अन्यजाति लुखुं, सूंणा, पिता परमेश्वर ल हम मा यीशु का बारा मा यु सन्देश भेजि कि जु लुखुं तैं ऊंका पापों बट्टी उद्धार कनु कु अयुं च।”</verse>
				<verse number="27">यरूशलेम शहर का लुखुं ल अर ऊंका अगुवों ल यीशु मसीह तैं नि पछयांणी अर ऊंल पिता परमेश्वर का तरपां बट्टी बुल्ण वला लुखुं का ऊं वचनों तैं नि समझी जौं तैं उ हर यहूदियों को विश्राम को दिन पढ़दा छा; इलै ऊंल बोलि यीशु मौत का लैक च अर इन कै पिता परमेश्वर का तरपां बट्टी बुल्ण वला लुखुं का वचनों तैं पूरो कैरी।</verse>
				<verse number="28">ऊंल मारि डलणा का योग्य कुई भंगार वेमा नि पै, फिर भि राज्यपाल पिलातुस बट्टी बिनती कैरी, कि उ मरै जौं।</verse>
				<verse number="29">अर जब ऊंल उ सब कैरी जु पिता परमेश्वर के वचन मा लिखै गै छो, ज्यांमा वे तैं वे सूली पर मुरण शामिल छो जु उ उठै के लीगि छो।</verse>
				<verse number="30">पर पिता परमेश्वर ल वे तैं मुरयां मा बट्टी फिर से ज्यूँदो कैरी,</verse>
				<verse number="31">अर उ ऊं तैं जु वे दगड़ी गलील प्रदेश बट्टी यरूशलेम शहर ऐ छा, भौत दिनों तक अपड़ा शिष्यों तैं दिखै दींणु रै; यु उ ही च जु हम यहूदियूं कु गवाह च।</verse>
				<verse number="32">अर हम तुम तैं वीं सौं का बारा मा जु हमारा पुरणो बट्टी पिता परमेश्वर ल कैरी छै, यु शुभ सन्देश प्रचार सुनांणा छा।</verse>
				<verse number="33">पिता परमेश्वर ल यीशु तैं मुरयां बट्टी ज्यूँदो कैरी, उ ही वादा वेल ऊंका वंशजों कु पूरा कैरी। जन कि भजन संहिता की किताब वेका दुसरा संख्या मा नौंनो का बारा मा पिता परमेश्वर ल बोलि, “कि तू मेरू नौंनो छै अर आज बट्टी मि तेरु बुबा बंणि ग्यूं”</verse>
				<verse number="34">पिता परमेश्वर ल अपड़ा वचन मा वे तैं मुर्दों मा बट्टी ज्यूँदो अर कभी भि नि सड़ण का बारा मा बोलि। पिता परमेश्वर ल बोलि, “मि त्वे तैं पवित्र अर पक्की आशीष दियुलु, जैको वादा मिल दाऊद राजा बट्टी कैरी छो”</verse>
				<verse number="35">इलै दाऊद राजा ल एक और भजन मा भि लिखीं, “तू अपड़ा पवित्र आदिम तैं सड़ण नि दीलि”</verse>
				<verse number="36">दाऊद राजा त पिता परमेश्वर की इच्छा का अनुसार अपड़ा बगत मा सेवा कैरी के मोरि गै, अर अपड़ा पुरणों का दगड़ी खडै गै, अर वेकी देह सैड़ी भि गै। यां बट्टी हम जणदां कि दाऊद राजा यु भजन मा अपड़ा बारा मा बात नि कनु च।</verse>
				<verse number="37">पर उ यीशु का बारा मा बात कनु च, जै तैं पिता परमेश्वर ल मुर्दों मा बट्टी ज्यूँदो कैरी, अर उ सैड़ी नि सकदु।</verse>
				<verse number="38">इलै, हे विश्वासी भयों; तुम जांणि ल्या कि यीशु का द्वारा पापों की माफी को शुभ संदेश तुम तैं दिए गै अर जूं बातों बट्टी तुम मूसा की व्यवस्था का द्वारा निर्दोष नि ठैरे सकदा छा।</verse>
				<verse number="39">पर व व्यवस्था ऊं लुखुं कु यीशु पर विश्वास कना का द्वारा निर्दोष ठैरदींनि।</verse>
				<verse number="40">इलै चौकस रावा, इन नि हो, कि जु परमेश्वर का तरपां बट्टी बुल्ण वलो का तरपां बट्टी किताब मा लिख्युं च, तुम पर भि ऐ जौं।</verse>
				<verse number="41">ऊंल बोलि, “हे निंदा कन वलो, देखा, अर चकित व, अर मोरि हवे जावा! किलैकि मि तुम्हरा दिनों मा एक काम करुलु; जैका बारा मा जु कुई तुम बट्टी वेका बारा मा बात करलो, त तुम कभी विश्वास नि करला”</verse>
				<verse number="42">जब पौलुस अर बरनबास मन्दिर बट्टी निकलणा छा, तब लोग ऊं बट्टी बिनती कन लगिनि, कि हैंका यहूदियों को विश्राम को दिन हम तैं यु बात फिर सुणये जौं।</verse>
				<verse number="43">अर जब यहूदियों का मिलणा का भवन मा बट्टी यहूदी सभा उठि गै त यहूदियों अर यहूदी मत मा बदलियां अन्यजाति भक्तों मा बट्टी बहुत सा पौलुस अर बरनबास का पिछनै हवे गैनी; अर ऊंल पौलुस अर बरनबास बट्टी बात कैरी के समझै, कि पिता परमेश्वर की कृपा मा बणयां रा।</verse>
				<verse number="44">हैंका हफ्ता यहूदियों को विश्राम को दिन शहर का लगभग सभि लोग पिता परमेश्वर को वचन सुनणु कु कठ्ठा हवीनि।</verse>
				<verse number="45">पर यहूदी अगुवा भीड़ तैं देखि के रमसे गैनी, अर अपमान कैरी के पौलुस की बातों का विरोध मा बुल्ण लगि गैनी।</verse>
				<verse number="46">तब पौलुस अर बरनबास ल निडर हवे के बोलि, “जरूरी छो, कि पिता परमेश्वर को वचन पैली तुम तैं सुणये जांदु; किलैकि जब तुम वे तैं मना कैरी दींद, अर अफ तैं अनन्त जीवन का योग्य नि ठैरांदा, त अब, हम अन्यजाति लुखुं मा जौला।”</verse>
				<verse number="47">किलैकि प्रभु ल हम तैं य आज्ञा द्ये, “मिल त्वे तैं अन्य-जाति लुखुं कु उज्यलो ठैरे, कि तुम तैं दुनिया मा हर जगह लुखुं तैं उद्धारकर्ता का बारा मा बतांण चयणु च”</verse>
				<verse number="48">यु सूंणि के अन्यजाति लोग भौत खुश हवीनि, अर पिता परमेश्वर का वचन की बड़ै कन लगि गैनी, अर जथग अनन्त जीवन कु ठैरिनि, ऊंल विश्वास कैरी।</verse>
				<verse number="49">तब प्रभु को वचन वे सैरा मुल्क मा फैलण लगि गै।</verse>
				<verse number="50">पर यहूदियों का अगुवों ल ऊंची कुल की भक्त जननों तैं अर शहर का खास आदिमों तैं भड़कै। अर पौलुस अर बरनबास का खिलाफ जुल्म किये के ऊं तैं अपड़ा इलाका बट्टी भैर निकाली दींनि।</verse>
				<verse number="51">तब पौलुस अर बरनबास ल ऊंका संमणी खुट्टों की धूल उखि झाड़ी दींनि, ऊं तैं यु दिखांणु कु कि पिता परमेश्वर ल ऊं तैं अस्वीकार कैरेले छो अर ऊं तैं दंड दयालो; फिर उ इकुनियुम शहर कु चलि गैनी।</verse>
				<verse number="52">अर अन्ताकिया शहर मा चेला खुशी ल अर पवित्र आत्मा बट्टी भुरदी गैनी।</verse>
			</chapter>
			<chapter number="14">
				<verse number="1">इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।</verse>
				<verse number="2">पर जूं यहूदी लुखुं ल विश्वास न बट्टी मना कैर दींनि अर अन्यजाति लुखुं का मन विश्वासी भयों का खिलाफ भड़कै, अर बड़ी नफरत पैदा कैरी दींनि।</verse>
				<verse number="3">पौलुस अर बरनबास भौत दिन तक उखी रैनी, अर प्रभु का भलै का बारा मा हिम्मत का दगड़ी बात करदा छा; अर प्रभु ऊं बट्टी चमत्कार अर अद्भुत काम करवै के साबित कैरी कि ईं दया का बारा मा ऊंको संदेश सचो छो।</verse>
				<verse number="4">पर शहर का लुखुं मा फूट पोड़ी गै छै; यां बट्टी कई त यहूदियों की तरपां, अर कथग ही प्रेरितों की तरपां हवे गैनी।</verse>
				<verse number="5">तब अन्यजाति अर यहूदी लोग अपड़ा अधिकारियों का मदद ल प्रेरितों का दगड़ी बुरो बरतौ कैरी के अर ऊं पर ढुगलयो कने की योजना बणै।</verse>
				<verse number="6">त पौलुस अर बरनबास ईं बात तैं जांणि गैनी, अर लुकाउनिया प्रदेश का लुस्त्रा अर दिरबे शहरों मा, अर अमणी-संमणी का प्रदेशों मा भागि गैनी।</verse>
				<verse number="7">अर उख मसीह को शुभ सन्देश प्रचार तैं सुनांण लगि गैनी।</verse>
				<verse number="8">लुस्त्रा शहर मा एक आदिम बैठयूं छो, जु पैदा हूंदी ही लंगड़ो छो, अर चलि फिर नि सकदो छो।</verse>
				<verse number="9">उ पौलुस की बातों तैं ध्यान से सुनणु छो अर पौलुस वे जने एकटक लगै के देखि कि यु तैं खूब हवे के बची जांणो को पूरो विश्वास च।</verse>
				<verse number="10">तब पौलुस ल जोर से बोलि, “अपड़ा खुट्टों का बल सीधो खड़ो हो।” तब यु सूंणि के उ एकदम खड़ो हवे गै अर चलण फिरण लगि गै।</verse>
				<verse number="11">लुखुं ल पौलुस को यु काम देखि के लुकाउनिया भाषा मा जोर से बोलि, “देबता आदिमों का रूप मा हवे के हम मा उतरी ऐ।”</verse>
				<verse number="12">ऊंल बरनबास तैं यूनानी मुख्य देबता ज्यूस को नौं दींनि। अर पौलुस तैं हिर्मेस को नौं दींनि, किलैकि उ बुल्ण मा खास छो।</verse>
				<verse number="13">अर ज्यूस देबता का वे मन्दिर को पुजारी जु ऊंका शहर का संमणी छो, बल्दों अर फूलों का हार फाटकों पर लै के किलैकि पुजारी लुखुं का दगड़ी पौलुस अर बरनबास कु बलिदान कन चांदु छो।</verse>
				<verse number="14">पर प्रेरित बरनबास अर पौलुस ल जब यु सूंणि, त उ भौत परेशान हवे अर इलै ऊंल अफी ही अपड़ा कपड़ा फाड़ी दींनि, अर भीड़ का बीच ऐ गैनी अर जोर से बुल्ण लगि गैनी,</verse>
				<verse number="15">“हे लुखुं, तुम क्य कना छा? हम भि त तुम जन दुख-सुख भुगण वला आदिम छा, अर तुम तैं शुभ सन्देश प्रचार सुनांणा छा, कि तुम यूं बेकार की चीजों बट्टी दूर हवे के ज्यून्दा पिता परमेश्वर की तरपां आ। वेल ही आसमान अर धरती अर जु कुछ वां मा च सभि कुछ बणये।</verse>
				<verse number="16">वेल पिछला बगत मा सभि जातियों का लुखुं तैं अपड़ा-अपड़ा रस्ता पर चलण दींनि।</verse>
				<verse number="17">फिर भि उ भला काम कैरी के अपड़ा बारा मा गव्है दींदी रैनी; उ तुम कु स्वर्ग बट्टी पांणी बरसांद अर अपड़ा मौसम मा हर एक फसल तैं पैदा करद। उ तुम तैं अन्न दे के तुम्हरी भूख मिटोंदु अर तुम्हरा मनों तैं खुशी दींद।”</verse>
				<verse number="18">यु बोलि के भि ऊंल लुखुं तैं बड़ी मुश्किल से रोकि कि ऊंकु बलिदान नि कैरी।</verse>
				<verse number="19">पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।</verse>
				<verse number="20">पर जब चेला वेका चौ तरपां ऐ के खड़ा हवीनि, त उ उठि के शहर मा गैनी अर दुसरा दिन बरनबास का दगड़ी दिरबे शहर कु चलि गैनी।</verse>
				<verse number="21">वेका बाद पौलुस अर बरनबास वे शहर का लुखुं तैं शुभ सन्देश प्रचार सुणै के, अर भौत चेला बणैंनि; यांका बाद पौलुस अर बरनबास अपड़ा रस्ता लौटण लगि गैनी; उ फिर लुस्त्रा शहर गैनी, अर उ फिर उख बट्टी इकुनियुम शहर कु गैनी, अर फिर उ पिसिदिया प्रदेश का अन्ताकिया शहर कु गैनी।</verse>
				<verse number="22">अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”</verse>
				<verse number="23">अर ऊंल हरेक विश्वासियों की मण्डलि मा बट्टी पौलुस अर बरनबास ल पुरणा अगुवा बनांणु कु लुखुं तैं चुणै। अर उपवास का दगड़ी प्रार्थना कैरी के ऊं तैं प्रभु तैं सौंपी द्या, जै पर ऊंल विश्वास कैरी छो।</verse>
				<verse number="24">अर पिसिदिया जिला बट्टी हवे के उ पंफूलिया प्रदेश मा पौछिनी;</verse>
				<verse number="25">अर ऊंल पंफूलिया जिला का पिरगा शहर मा पिता परमेश्वर को वचन सूंणि के अत्तलिया शहर मा ऐनी।</verse>
				<verse number="26">अर उख बट्टी उ समुद्री जहाज पर बैठी के सीरिया प्रदेश का अन्ताकिया शहर वापिस ऐनी, जख बट्टी ऊं तैं पिता परमेश्वर की कृपा मा सौंपी के वे काम कु भिजै गै छो जै तैं उ अब पूरो कैरी के वापिस ऐ छा।</verse>
				<verse number="27">अर अन्ताकिया शहर मा फूंजी कै ऊंल विश्वासियों की मण्डलि तैं कठ्ठा कैरी के बतै, कि पिता परमेश्वर ल ऊंका द्वारा हवे कै कन बड़ा-बड़ा काम करिनि, अर कन कै पिता परमेश्वर ल अन्यजाति लुखुं तैं प्रभु यीशु पर विश्वास कना का योग्य बणै।</verse>
				<verse number="28">उख पौलुस अर बरनबास चेलों का दगड़ी भौत दिनों तक रैनी।</verse>
			</chapter>
			<chapter number="15">
				<verse number="1">फिर कथग ही मनिख यहूदिया प्रान्त बट्टी ऐ के विश्वासी भैय-बंधों तैं सिखांण लगि गैनी कि जु मूसा की व्यवस्था बट्टी तुम्हरा खतना नि होलो त तुम्हरो उद्धार अर बचाव नि हवे सकदो।</verse>
				<verse number="2">जब पौलुस अर बरनबास को ऊंका दगड़ा मा भौत झगड़ा अर बैहस हवे त तब ठैरे गै की पौलुस अर बरनबास अर अन्ताकिया का कुछ विश्वासी यरूशलेम शहर जां अर प्रेरितों अर पुरणा अगुवों का दगड़ी बातचित कैरा।</verse>
				<verse number="3">मण्डलि का लुखुं ल ऊं तैं यात्रा कु पैसा अर खांणु दगड़ा मा दींनि। जबकि पौलुस, बरनबास अर विश्वासियों ल फीनीके प्रदेश अर सामरिया प्रान्त बट्टी हवे के यात्रा कैरी, ऊंल विश्वासियों तैं बतै कि कन कै हैंका जगह का अन्यजाति ल सुसमाचार सूंणि के मसीह पर विश्वासी कैरी अर यां बट्टी सभि विश्वासी भयों तैं भौत आनन्दित कैरी।</verse>
				<verse number="4">जब यरूशलेम शहर मा पौंछिनी त मण्डलि अर प्रेरित अर पुरणा अगुवों ल ऊं तैं खुशी से मिलणै अर पौलुस अर बरनबास ल बतै की पिता परमेश्वर ल ऊं दगड़ी रै के कन-कन काम कैरी छा।</verse>
				<verse number="5">पर फरीसियों का रस्ता मा बट्टी जौं ल भि विश्वास कैरी छो ऊं बट्टी कथगों ल उठि के बोलि कि अन्यजातियों कु खतना कनै की अर मूसा की व्यवस्था मनणै आज्ञा दींण चयणी च।</verse>
				<verse number="6">तब प्रेरित अर पुरणा अगुवों ल ईं बात का बारा मा विचार कनु कु कट्ठा हवीनि।</verse>
				<verse number="7">तब पतरस ल भौत बातचित का बाद खड़ो हवे के ऊंमा बोलि हे विश्वासी भयों, तुम जंणदा छा की भौत बगत हवेनि की परमेश्वर ल तुम्हरा बीच बट्टी मेरू चुनाव कैरी की मेरा द्वारा अन्यजातियों का लोग शुभ सन्देश को वचन सुणै के विश्वास कैरा।</verse>
				<verse number="8">अर मन तैं जंचण वला परमेश्वर ल ऊं तैं भि हमारी तरौं पवित्र आत्मा दे के ऊंकी गव्है दींनि।</verse>
				<verse number="9">अर विश्वास का द्वारा परमेश्वर ऊंका मन शुद्ध कैरी के हम मा अर ऊंमा कुछ भेद नि रखि।</verse>
				<verse number="10">त फिर, अब तुम किलै परमेश्वर तैं गुस्सा दिलांण छा अर अन्यजाति विश्वासी चेला लुखुं तैं मूसा की व्यवस्था को पालन कनु को भार डलणा छा। जैको पालन हम अर हमारा पूर्वज भि नि कैर सकिनि।</verse>
				<verse number="11">इन कन ठिक नि च, हमारो यु निश्चय च कि जीं रीति बट्टी उ प्रभु यीशु की दया बट्टी उद्धार पाला अर बचला; वीं रीति बट्टी हम भि पौला; न की मूसा की व्यवस्था कु पालन कैरी के।</verse>
				<verse number="12">तब सैरी सभा सन्ट हवे के बरनबास अर पौलुस की बात सुणन लगि गै की परमेश्वर ल ऊंका द्वारा अन्यजातियों मा कन-कन बड़ा चिन्ह, अर चमत्कार का काम दिखैनी।</verse>
				<verse number="13">जब ऊंल बुल्ण बंद कैरी, त याकूब बुल्ण लगि गै, हे विश्वासी भयों, मेरी सूंणा।</verse>
				<verse number="14">शमौन पतरस ल समझै, कि परमेश्वर ल पैली-पल अन्यजातियों पर कन दया की नजर कैरी, अर ऊंमा बट्टी अपड़ा लोग हूंणु कु चुणि।</verse>
				<verse number="15">अन्यजातियों कु यु बदलौ ऊं बात बट्टी सहमत हुंदा जैका बारा मा परमेश्वर का तरपां बट्टी बुल्ण वलो ल परमेश्वर का वचन मा भौत पैली लिख्युं छों,</verse>
				<verse number="16">जै मा परमेश्वर ल बोलि, मि फिर ऐ के राजा दाऊद का राज्य जु वेका दुश्मनो का द्वारा नाश किये गै वे डेरा तैं फिर बंणौलु, अर वेका खन्द्वार तैं फिर बणौलु अर वे तैं खड़ो करुलु।</verse>
				<verse number="17">इलै सभि अन्य-जातियों का लोग, जौं तैं मिल अपड़ा लोग हूंण कु बुल्यां छा प्रभु तैं खुज्यां</verse>
				<verse number="18">यु प्रभु बुल्द जु दुनिया की शुरुवात बट्टी यूं प्रकट करदी ऐ।</verse>
				<verse number="19">इलै की मेरू विचार इन च की अन्य-जातियों मा बट्टी जु लोग परमेश्वर का नजदीक औंदो ऊं तैं दबाव दे के की ऊं तैं सैरी यहूदी व्यवस्था अर रिवाजों कु पालन कन च, हम ऊं तैं दुःख नि द्या।</verse>
				<verse number="20">पर हम ऊं तैं एक चिठ्ठी लिखीं कै भेजा, कि उ वे मांस तैं नि खये जै तैं लुखुं ल मूर्तियों तैं चढ़ायूं च अर व्यभिचार अर गौलो घोंटी कै मर्यां जानवरों कु मांस नि खयां अर जानवरों को ल्वे नि खयां।</verse>
				<verse number="21">किलैकि मूसा की ईं व्यवस्था को प्रचार कन वला लोग पुरणा बगत बट्टी शहर-शहर मा पये जंदींनि अर उ हर यहूदियों को विश्राम को दिन यहूदियों का मिलणा का भवन मा पढ़ै जांदी छै।</verse>
				<verse number="22">तब यरूशलेम शहर मा सैरी मण्डलि सहित प्रेरितों अर पुरणा अगुवों तैं अच्छो लगि कि अफ मा बट्टी कुछ विश्वासी लुखुं तैं चुणि मतलब यहूदा, जु बरसब्बास बुलै जांद, अर सिलास तैं जु विश्वासियों का बीच भौत जादा सम्मानित छो; अर ऊंल पौलुस अर बरनबास का दगड़ी अन्ताकिया शहर मा कलीसिया मा भेजि।</verse>
				<verse number="23">अर ऊंल यु चिठ्ठी तैं वेका दगड़ी भेजि “अन्ताकिया शहर, सीरिया अर किलिकिया प्रान्तों मा अन्यजाति विश्वासी भयों कु कि प्रेरितों अर पुरणा अगुवा भयों की तरपां बट्टी प्रणाम!</verse>
				<verse number="24">हम ल सूंणि की हम मा बट्टी कुछ लुखुं ल तुम मा ऐ के अर तुम तैं अपड़ी बातों ल घबरै दींनि अर तुम्हरा मन तैं बेचैन कैर दींनि पर हम ल ऊं तैं आज्ञा नि दे छै।</verse>
				<verse number="25">इलै हम ल एक मन हवे के ठिक समझी कि हम ल कुछ मनिख्युं तैं चुणि के निर्णय कैरी कि अपड़ा प्रिय भैय बरनबास अर पौलुस का दगड़ी तुम मा भेजि।</verse>
				<verse number="26">यु त इन मनिख छिनी जौन अपड़ा प्राण हमारा प्रभु यीशु मसीह का नौं का खतरा मा डलिनि।</verse>
				<verse number="27">अर हम ल यहूदा अर सिलास तैं भेजेले जु तुम तैं व्यक्तिगत रूप ल यूं बातों तैं बतै द्याला।</verse>
				<verse number="28">पवित्र आत्मा तैं अर हम तैं यु ठिक लगणु च कि यूं खास बातों तैं छोड़ी के तुम पर जादा बोझ नि डाला।</verse>
				<verse number="29">कि तुम वे मांस तैं नि खये जै तैं लुखुं ल मूर्तियों तैं बलिदान चढ़ायूं च अर ल्वे बट्टी अर गोला घुटयां वलो का मांस बट्टी अर व्यभिचार बट्टी दूर रावा। यूं बट्टी दूर रावा त तुम्हरो भलो होलो अगनैं बधै। ”</verse>
				<verse number="30">फिर ऊं चार आदिम विदा हवे के अन्ताकिया शहर मा पौंछिनी अर भीड़ तैं कट्ठा कैरी के व चिठ्ठी ऊं तैं दे दींनि।</verse>
				<verse number="31">अर उ पढ़ी के वे उपदेश कि बात बट्टी भौत आनन्द मगन हवेनि।</verse>
				<verse number="32">अर यहूदा अर सिलास ल जु अफ भि परमेश्वर का तरपां बट्टी बुल्दो छो भौत बातों ल विश्वासी भयों तैं उपदेश दे के मजबूत कैरी।</verse>
				<verse number="33">यहूदा अर सिलास कुछ बगत रै के विश्वासी भयों बट्टी शान्ति का दगड़ी आशीर्वाद दे के विदा हवीनि कि अपड़ा भिजण वलो मा वापिस जां।</verse>
				<verse number="34">पर सिलास ल अन्ताकिया शहर मा रौंण कु फैसला कैरी, इलै यहूदा यखुली ही यरूशलेम शहर कु वापिस चलि गै।</verse>
				<verse number="35">अर पौलुस अर बरनबास अन्ताकिया मा रुकि गैनी अर भौत लुखुं दगड़ी प्रभु यीशु का वचन की शिक्षा करदी अर शुभ सन्देश प्रचार सुणौंदी रैनी।</verse>
				<verse number="36">कुछ बगत बाद पौलुस ल बरनबास मा बोलि कि “जूं-जूं शहरों मा हम ल प्रभु को वचन सुणै छो आवा फिर उख जै के अपड़ा विश्वासी भयों तैं दिखा की उ कन छिन।”</verse>
				<verse number="37">तब बरनबास ल यूहन्ना तैं जु मरकुस भि बुलै जांदु छो दगड़ा मा लिजांणु विचार कैरी।</verse>
				<verse number="38">पर पौलुस ल वें तैं अफ दगड़ी लिजांण ठिक नि समझी, किलैकि बरनबास ल ऊं तैं पंफूलिया प्रदेश मा छोडे़ले छो अर ऊंका काम मा ऊंको दगड़ी नि दींनि।</verse>
				<verse number="39">ऊंका बीच इथग बड़ो घपरौल हवे कि पौलुस अर बरनबास एक दुसरा बट्टी अलग हवे गै; अर बरनबास, मरकुस तैं ले के जहाज मा साइप्रस द्वीप कु चलि गै।</verse>
				<verse number="40">पर पौलुस ल सिलास तैं छांटी अर विश्वासी भयों का द्वारा परमेश्वर की कृपा मा सौंपी के अन्ताकिया शहर बट्टी चलि गै।</verse>
				<verse number="41">फिर उ पूरा सीरिया अर किलिकिया प्रान्तों मा गै अर मण्डलि का विश्वासियों तैं प्रोत्साहित करदी गै।</verse>
			</chapter>
			<chapter number="16">
				<verse number="1">फिर उ दिरबे अर लुस्त्रा द्वी शहरों मा भि गै अर देखा उख तीमुथियुस नौं को एक चेला छो जु कैं विश्वासी यहूदिनी कु नौंनो छो पर वेको बुबा यूनानी अन्यजाति देश को छो।</verse>
				<verse number="2">उ लुस्त्रा शहर अर इकुनियुम का विश्वासी भयों मा सुनाम छो।</verse>
				<verse number="3">पौलुस ल चै कि तीमुथियुस मि दगड़ी चलो। वेको बुबा एक यूनानी अन्यजाति को छो अर पौलुस ल तीमुथियुस को खतना कैरी किलैकि वीं जगह का यहूदी वे तैं स्वीकार कैरी साका।</verse>
				<verse number="4">पौलुस अर वेका दगड़िया शहर-शहर जांदी बगत ऊं विधियों तैं जु यरूशलेम शहर का प्रेरितों अर पुरणा अगुवों ल ठैरयीं छै, मनणु कु अन्यजाति विश्वासियों तैं पौंछांदी जांदा छा।</verse>
				<verse number="5">इन कै मण्डलि का लोग विश्वास मा मजबूत हूंदी गैनी अर गिणती मा दिनौ दिन बढ़दी गैनी।</verse>
				<verse number="6">अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी।</verse>
				<verse number="7">अर ऊंल मूसिया प्रान्त का नजीक पौंछि, के बितूनिया प्रान्त मा जांणै की कोशिश कैरी पर यीशु की आत्मा ल ऊं तैं जांण नि दींनि।</verse>
				<verse number="8">तब उ मूसिया प्रान्त बट्टी हवे के बंदरगाह वला शहर त्रोआस मा ऐ।</verse>
				<verse number="9">अर पौलुस ल राती एक दर्शन देखि की एक मकिदुनिया प्रान्त का रौंण वला एक आदिम खड़ो हुयुं, वेमा बिनती कैरी के बोलि छों “समुद्र का पार उतरी कै मकिदुनिया प्रान्त मा ऐ, अर हमारी मदद कैर।”</verse>
				<verse number="10">पौलुस का यूं दर्शन देखदी ही हम ल झट मकिदुनिया प्रान्त जांणै की योजना बंणै, इन समझी कै कि परमेश्वर ल हम तैं ऊं तैं शुभ सन्देश प्रचार सुणौंणु कु बुल्युं च।</verse>
				<verse number="11">इलै की त्रोआस शहर बट्टी जहाज खोलि के जलमार्ग द्वारा हम सीधा सुमात्राके द्वीप अर दुसरा दिन नियापुलिस बंदरगाह मा अयां।</verse>
				<verse number="12">उख बट्टी हम मकिदुनिया प्रान्त का फिलिप्पी शहर पौंछयां जु रोमियों की बस्ति कु खास नगर च। अर हम वे नगर मा कुछ दिन रयां।</verse>
				<verse number="13">यहूदियों को विश्राम को दिन हम नगर का द्वार का भैर गाड का छाला यु समझी के ग्यां कि इख यहूदियों कु प्रार्थना की जगह हवेलि। अर बैठी कै ऊं जननियों बट्टी जु कट्ठा हवे छा बात कन लगि गैनी।</verse>
				<verse number="14">अर लुदिया नौं एक थुआतीरा शहर की बैंगनी कपड़ा बिचण वली जु प्रभु परमेश्वर की एक भक्त छै जु ध्यान से सुनण छै, अर प्रभु ल वीं का मन तैं खोलि इलै की पौलुस की बातों पर ध्यान लगौ।</verse>
				<verse number="15">अर जब वीं ल अपड़ी कुटुम्दारी समेत बपतिस्मा लींनि त वीं ल बिनती कैरी कि जु तुम मि तैं प्रभु की विश्वासी समझदा छा त चला अर मेरा घौर मा रावा अर व हम तैं मणै के ली गै।</verse>
				<verse number="16">एक दिन जब हम पिता परमेश्वर बट्टी प्रार्थना कने जगह मा जांणा छा त हम तैं एक दासी मिली, जैं पर एक इन दुष्टात्मा छै, जै की मदद ल उ भविष्य प्रकट कैर दींदी छै, अर इन कै व अपड़ा स्वामियों कु भौत कुछ कमै कै लांदी छै।</verse>
				<verse number="17">व पौलुस अर हमारा पिछनै ऐ के चिलांण लगि गै, “कि यु मनिख परमप्रधान परमेश्वर पिता का दास छिनी, उ हम तैं बतांणा छिनी की कनके उद्धार हवे सकद।”</verse>
				<verse number="18">व भौत दिन तक इन ही करदी रै, पर पौलुस दुखी हवे, अर मुड़ी के वीं दुष्टात्मा बट्टी बोलि, “मि त्वे तैं यीशु मसीह का नौं से आज्ञा दींदु, कि वीं बट्टी निकली जा अर व आत्मा तुरंत निकली गै।”</verse>
				<verse number="19">जब वीं का स्वामियों ल देखि कि हमारी कमै कि आस जांणि च त पौलुस अर सिलास तैं पकड़ी के चौक मा प्रधानों मा खैंचि के लैनी।</verse>
				<verse number="20">अर ऊं तैं रोमी न्यायाधीश मा लिजै के बोलि, “यु लोग जु यहूदी छिनी हमारा शहर मा भरि उधम मचाणां छिनी।</verse>
				<verse number="21">अर इन बात बतांणा छिनी जै तैं अपनौंण या मनणु हम रोम शहर मा रौंण वलो कु ठिक नि च।”</verse>
				<verse number="22">तब भीड़ बट्टी लोग पौलुस अर सिलास खिलाफ मा कट्ठा हवे के ऐनी, अर राज्यपालों ल ऊंका कपड़ा फाड़ी के उतारी दींनि, अर ऊं पर बेत मरणै की आज्ञा दींनि।</verse>
				<verse number="23">अर भौत बेत मारि के ऊं तैं जेल मा डाली अर दरोगा तैं आज्ञा दींनि कि ऊं तैं सम्भालि के रखयां।</verse>
				<verse number="24">वेल इन आज्ञा पै के ऊं तैं भितरा खण्ड मा रखि अर ऊंका खुटा तैं लखड़ो का बेड़ियों मा जकड़ी दींनि।</verse>
				<verse number="25">अधा राती का लगभग पौलुस अर सिलास पिता परमेश्वर बट्टी प्रार्थना करदी अर परमेश्वर का भजन गाणा छा, अर कैदी ऊंकी सुनणा छा।</verse>
				<verse number="26">त इथग मा अचानक बड़ो भ्वींचलु हवे, इख तक कि जेल कि बुनियाद हिली गै, अर चम सभि द्वार खुली गैनी; अर सभियूं का बन्दखण भि खुली गैनी।</verse>
				<verse number="27">अर दरोगा बिजि गै, अर जेल का द्वार खुल्यां देखि के समझी कि कैदी भाजि गैनी, त वेल तलवार खैंचि के अफ तैं मरणु कु तैयार हवे गै।</verse>
				<verse number="28">पर पौलुस ल जोर से चिल्लै कै बोलि, कि “अफ तैं कुई नुकसान नि पौंछो, किलैकि हम सभि इखि छा।”</verse>
				<verse number="29">तब उ दिवडा मंगवै के दौड़ि के भितर ऐ अर डरदि, कौंपदी पौलुस अर सिलास का खुट्टों मा पोड़ी गै।</verse>
				<verse number="30">अर ऊं तैं भैर लै के बोलि, “हे सज्जनों उद्धार पांणु कु अर बचणु कु मि क्य कैरू”</verse>
				<verse number="31">ऊंल बोलि “प्रभु यीशु मसीह पर विश्वास कैर त तु अर तेरी कुटुम्दारी उद्धार पालि अर बची जाली।”</verse>
				<verse number="32">अर ऊंल वे तैं अर वेका घौर का सभि लुखुं तैं प्रभु को वचन सुणै।</verse>
				<verse number="33">अर राती को तुरंत वेल ऊं तैं लिजै के ऊंका घाव ध्वैनि अर वेल अपड़ा सभि लुखुं समेत झट बपतिस्मा लींनि।</verse>
				<verse number="34">वेल ऊं तैं झट अपड़ा घौर लिजै के ऊंका अगनैं खांणु रखि अर सैरी कुटुम्दारी समेत परमेश्वर पर विश्वास कैरी के उ सभि भौत आनन्दित छा।</verse>
				<verse number="35">दुसरी सुबेर तब रोमी न्यायधीश ल दरोगा कु सिपैयूं द्वारा संदेश भेजि, कि ऊं मनिख्युं तैं छोड़ी द्या।</verse>
				<verse number="36">दरोगा ल यु बात पौलुस तैं सुणैनी कि न्यायधीश ल तुम तैं छोडणै कि आज्ञा भेजेले त अब निकली के शान्ति से चलि जावा।</verse>
				<verse number="37">पर पौलुस ल ऊंकु बोलि, “रोम शहर का रौंण वला छा भंगारी नि हूंण पर भि लुखुं का संमणी मारि अर जेल मा डाली दींनि, अर क्य अब उ हम तैं सुरुक कै निकलण चांणा छिनी? इन कै न पर उ खुद ऐ के हम तैं भैर लिजौनु।”</verse>
				<verse number="38">जब सिपैयूं ल यूं बातों तैं रोमी न्यायधीश तैं बतै दींनि, अर उ यु सूंणि के कि उ रोमी छिनी उ डैरी गैनी।</verse>
				<verse number="39">अर ऐ के वे बट्टी माफी मांगी, अर जेल बट्टी भैर लिजै के बिनती कैरी, कि नगर बट्टी चलि जा।</verse>
				<verse number="40">उ जेल बट्टी निकली के लुदिया का इख गैनी, विश्वासी भयों से भेंट कैरी के ऊं तैं शान्ति दींनि, अर चलि गैनी।</verse>
			</chapter>
			<chapter number="17">
				<verse number="1">फिर पौलुस अर सिलास अम्फिपुलिस, अपुल्लोनिया शहरों बट्टी हवे के थिस्सलुनीके शहर मा ऐनी, जख यहूदियों का मिलणा को भवन छो।</verse>
				<verse number="2">अर पौलुस अपड़ी रीति का अनुसार यहूदियों का मिलणा का भवन मा गै अर तीन यहूदियों को विश्रामदिन तक परमेश्वर का वचन बट्टी ऊं दगड़ी बातचित कैरी।</verse>
				<verse number="3">वेल परमेश्वर का वचन बट्टी पूरा ढंग से साबित कैरी के बतै, कि मसीह तैं दुख उठांण अर मुरण अर मुर्दों मा बट्टी ज्यूँदो हूंण जरूरी छो अर यु यीशु जैका बारा मा मि तुम तैं सुणांदु छों मसीह च।</verse>
				<verse number="4">कुछ यहूदियों ल, अर परमेश्वर कु डौर मनणवला भौत सैरा अन्यजाति (यूनानियों) लुखुं अर भक्त मुख्य जननियों ल जु बात सूंणि छै वे पर विश्वास कैरी, अर पौलुस अर सिलास का दगड़ी मिली गैनी।</verse>
				<verse number="5">पर कुछ यहूदियों ल खार खै के बजार बट्टी भौत दुष्ट लुखुं तैं अफ दगड़ी लैनी अर भीड़ लगै के शहर मा झगड़ा कन लगि गैनी, अर ऊंल यासोन का घौर पर हमला कैरी के पौलुस अर सिलास तैं लुखुं का संमणी लांण चै।</verse>
				<verse number="6">पर ऊं तैं नि पै कै, त यासोन अर कुछ विश्वासी भयों तैं शहर का अधिकारी का संमणी खींचि के लैनी। अर ऊंल चिलै के बोलि, “यु लोग जौं ल हरेक जगह परेशानी फैलै दींनि इख भि अयां छिनी,</verse>
				<verse number="7">अर यासोन ल ऊं तैं अपड़ा घौर मा खातिरदारी कैरी यु सभि का सभि इन बुल्दींनि कि यीशु राजा च अर रोमी कैसर की आज्ञा कु विरोध करदींनि।”</verse>
				<verse number="8">ऊंल लुखुं तैं अर नगर का अधिकारियों तैं इन सुणै के घबरै दींनि।</verse>
				<verse number="9">इलै ही ऊंल यासोन अर बकि लुखुं बट्टी डांड ले के ऊं तैं छोड़ी दींनि।</verse>
				<verse number="10">विश्वासी भयों ल झट रत्म रात पौलुस अर सिलास तैं बिरीया नगर भेजि दींनि, अर उ उख पौंछि के यहूदियों का मिलणा का भवन मा गैनी।</verse>
				<verse number="11">यु लोग त थिस्सलुनीके शहर का यहूदियों बट्टी भि सिखणु कु जादा इच्छुक छिनी। अर ऊंल बड़ी इच्छा से वचन स्वीकार कैरी अर हर दिन परमेश्वर का वचन मा खुजै के जांच कन रैनी कि जु बात पौलुस ल सिखैनी इन ही छिन की न।</verse>
				<verse number="12">इलै ऊंमा बट्टी भौतों ल, अर मुख्य यूनानी जननों मा बट्टी अर आदिमों मा बट्टी भि भौतों ल विश्वास कैरी।</verse>
				<verse number="13">पर जब थिस्सलुनीके शहर का यहूदी जांणि गैनी की पौलुस बिरीया नगर मा भि परमेश्वर को वचन सुनांणु च त उख भि ऐ के लुखुं तैं गुस्सा हूंणु कु उकसाणा रैनी।</verse>
				<verse number="14">तब विश्वासी भयों ल झट पौलुस तैं विदा कैरी के समुद्र का छाला पर चलि जा; पर सिलास अर तीमुथियुस बिरीया शहर मा ही रै गैनी।</verse>
				<verse number="15">कुछ आदिम पौलुस का दगड़ी एथेंस शहर तक गैनी, पर पौलुस की ईं आज्ञा का दगड़ी उ बिरीया चलि गैनी की सिलास अर तीमुथियुस जल्दी ही वे म भेजि दिये जाला।</verse>
				<verse number="16">जब पौलुस एथेंस शहर मा ऊंकी जग्वाल कनु छो, त शहर मा मूर्तियों कि भरमार देखि कै पौलुस को मन भौत उदास हवे।</verse>
				<verse number="17">इलै पौलुस यहूदियों का मिलणा का भवन मा यहूदियों अर परमेश्वर कु भय मनणवला अन्यजाति भक्तों बट्टी अर चौक (बजार) मा जु आंण-जांणवला लोग वे बट्टी मिल्दा छा। अर ऊं बट्टी हर दिन वाद-विवाद कनु रांदो छो।</verse>
				<verse number="18">तब उ शिक्षक जु इपिकूरि या स्तोईकी कैरी कै जंणै जांदा छा ऊंमा बट्टी कुछ वे दगड़ी बात कन लगि गैनी, अर कुछ ल बोलि, “यु बकवास कन वलो क्य बुल्ण चांणु च?” पर दूसरों ल बोलि, “उ विदेशी देबता को प्रचारक लगणु च” किलैकि उ यीशु को ज्यून्दा हूंणो को शुभ सन्देश प्रचार सुनांणु छो।</verse>
				<verse number="19">तब उ पौलुस तैं अरियुपगुस नौं को एक महासभा का संमणी लैनी अर पूछि कि हम जांणि सकदां कि या नई शिक्षा जु तु सुणौंणी छै क्य च?</verse>
				<verse number="20">किलैकि तू जु अनोखी बात हम तैं सुणौंणी छै, इलै हम जनण चांणा छा कि यूंको मतलब क्य च?</verse>
				<verse number="21">इलै की अब एथेंस वासी अर परदेशी जु उख रांदा छा नयी-नयी बात बुल्ण अर सुनण छोड़ी के दुसरा कै काम मा बगत नि बितांदा छा।</verse>
				<verse number="22">तब पौलुस ल अरियुपगुस की महासभा का बीच खड़ो हवे के बोलि, “हे एथेंस का लुखुं मि देखुणु छौं कि तुम हर बात मा देबतों तैं भौत मनणवला छा।”</verse>
				<verse number="23">किलैकि मि चलदी फिरदी तुम्हरी पुजणैं की चिज्यों तैं दिखणुं छो, त एक इन वेदी भि देखि ज्यां पर लिख्युं छो, अजांण परमेश्वर कु। इलै जै तैं तुम बगैर जणयां आराधना करदा मि तुम तैं वे परमेश्वर कु समाचार सुनांणु छौं।</verse>
				<verse number="24">“यूं उ ही पिता परमेश्वर च जैल दुनिया अर वेकी सब चीजों तैं बणै उ आसमान अर धरती कु स्वामी हवे के हथ का बणैयां मन्दिरों मा नि रांदो।</verse>
				<verse number="25">न कैं चीजों का द्वारा वे तैं मनिख की मदद की जरूरत च, किलैकि उ अफ ही सभियूं तैं जीवन अर सांस अर सभि कुछ दींद।</verse>
				<verse number="26">वेल एक ही मूल मनिख बट्टी ही सभि जातियों का सैरी धरती पर रौंणु कु बणै; अर ऊंका ठैरयां बगत अर निवास की सीमा इलै ही तय कैरी।</verse>
				<verse number="27">परमेश्वर ल इन इलै कैरी कि लोग पिता परमेश्वर तैं खुज्यां, अर आस का द्वारा वे तक पौंछि साका, फिर भि, ऊं हम मा बट्टी कै बट्टी भि दूर नि च।</verse>
				<verse number="28">जन कि कै को लिख्युं च, उ हम दगड़ी च इलै कि हम ज्यूंदा रै के चलदी फिरदी कि हमारो अस्तित्व बणयूँ रों तुम्हरा कवियों ल भि बोलि, हम वेका वंशज छा”</verse>
				<verse number="29">इलै परमेश्वर की संतान हवे के हम तैं यु समझण ठिक नि च, कि परमेश्वर को रूप सोना या रूपा या ढुंगा का समान च, जु मनिख्युं का हथ ल अर सोच ल बणयां छिनी।</verse>
				<verse number="30">पैली बगत मा परमेश्वर ल लुखुं का कामों पर ध्यान नि दींनि किलैकि लोग वे तैं नि जंणदा छा, पर अब सभि लुखुं तैं मन फिराव कि आज्ञा दींद।</verse>
				<verse number="31">किलैकि वेको एक दिन ठैरयूं च, जयां मा उ वे मनिख का द्वारा धर्म ल दुनिया को न्याय का द्वारा जांच करुलो, जु वेल ठैरयूं च अर वे तैं मुर्दों मा बट्टी ज्यूँदो कैरी के, ईं बात को प्रमाण सभि लुखुं तैं दींनि।</verse>
				<verse number="32">मुर्दों कि ज्यून्दा हूंणै कि बात सूंणि के कुछ लुखुं ल ठट्टा कैरी अर कुछ ल बोलि, “यूं बातों तैं हम त्वे बट्टी फिर कभि सुणला।”</verse>
				<verse number="33">ईं बात पर पौलुस ऊंका बीच मा बट्टी चलि गै।</verse>
				<verse number="34">पर कुछ लोग वे दगड़ी मिली गैनी, अर प्रभु पर विश्वास कैरी; जौं मा बट्टी दियुनुसियुस जु अरियुपगुस का सदस्य छा, अर दमरिस नौं की एक जनन छै अर वीं का दगड़ी और भि कुछ लोग छा।</verse>
			</chapter>
			<chapter number="18">
				<verse number="1">यांका बाद पौलुस एथेंस शहर तैं छोड़ी के कुरिन्थुस शहर मा ऐ।</verse>
				<verse number="2">उख वे तैं अक्विला नौं को एक यहूदी आदिम मिली जैको जन्म पुन्तुस प्रान्त मा हवे छो; उ अपड़ी घरवलि प्रिस्किल्ला का दगड़ी हाल ही मा इटली देश बट्टी ऐ छो, किलैकि सम्राट क्लौदियुस ल सभि यहूदियों तैं रोम शहर बट्टी निकली जंणै की आज्ञा दे छै, वे कानून का कारण, उ कुरिन्थुस शहर मा ऐनी।</verse>
				<verse number="3">पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।</verse>
				<verse number="4">अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।</verse>
				<verse number="5">जब सिलास अर तीमुथियुस मकिदुनिया प्रान्त बट्टी एनि, तब वेल तम्बू बनांण बंद कैरी दींनि अर अपड़ो सैरो बगत परमेश्वर का वचन सुनांण मा लगै दींनि। अर पौलुस यहूदियों तैं गव्है दींद छो कि यीशु ही मसीह च।</verse>
				<verse number="6">पर जब यहूदी विरोध अर पौलुस का बेजती कन लगि गैनी, त वेल अपड़ा कपड़ा बट्टी धूल झाड़ि कै वेमा बोलि, “तुम खुद ही वे ल्वे का कारण दण्ड कु जिम्मेदार छा, जु तुम्हरो परमेश्वर की तरपां बट्टी मिलालो मि भंगारी नि छों। अब बट्टी मि अन्यजातियों मा जौलु अर अन्यजातियों का बीच परमेश्वर कु संदेश कु प्रचार करुलु।</verse>
				<verse number="7">अर यहूदियों का मिलणा का भवन मा बट्टी चलि के उ तीतुस यूस्तुस नौं का एक अन्यजाति भक्त जु पिता परमेश्वर की आराधना करदु छो अर अन्यजातियों तैं सिखांण कु अयुं छो, जै कु घौर यहूदियों का मिलणा का भवन का बाद छों।”</verse>
				<verse number="8">तब यहूदियों का मिलणा का भवन को सरदार क्रिस्पुस ल अपड़ी सैरी कुटुम्दारी समेत प्रभु पर विश्वास कैरी; अर भौत सैरा कुरिन्थ शहर मा रांण वला सूंणि कै विश्वास कन लगि गैनी अर तब ऊंल बपतिस्मा लींनि।</verse>
				<verse number="9">अर प्रभु ल राती दर्शन का द्वारा पौलुस बट्टी बोलि, “डैर न, बुल्दी रौ चुप नि रौ;</verse>
				<verse number="10">किलैकि मि तेरु दगड़ा मा छौं, अर भि त्वे पर हमला कैरी के तेरु नुकसान नि करलो; किलैकि यु शहर मा भौत लोग छिनी जु मेरा चेला बंणला।”</verse>
				<verse number="11">इलै पौलुस वे शहर मा रै के डेढ़ बरस तक परमेश्वर को वचन सिखांदी रै।</verse>
				<verse number="12">जब गल्लियों जु अखाया प्रान्त को राज्यपाल छो, त यहूदी लोग कट्ठा हवे के पौलुस पर हावि हवे गैनी, अर वे तैं राज्यपाल का न्याय आसण का संमणी लै के ऐनी।</verse>
				<verse number="13">ऊंल बोलि, “यु लुखुं तैं समझांणु च कि पिता परमेश्वर की आराधना इन रीति से कैरा, ज्वा व्यवस्था का अनुसार नि च।”</verse>
				<verse number="14">जब पौलुस बुल्ण वलो छो, त गल्लियों ल यहूदियों कु बोलि, “हे यहूदियों, जु यु कुछ अन्यो या बुरै कि बात हूंदी त ठिक छो कि मि तुम्हरी सुणदु।</verse>
				<verse number="15">पर जब यु बैहस शब्दों, नौं अर तुम्हरी अपड़ी व्यवस्था का बारा मा च त तुम ही समझा किलैकि मि यूं बातों को न्यायी नि बनांण चांणु छौं।”</verse>
				<verse number="16">अर गल्लियों ल आज्ञा दींनि की उ ऊं तैं न्याय आसण का संमणी बट्टी निकल्वै दींनि।</verse>
				<verse number="17">तब सभि लुखुं ल यहूदियों का मिलणा का भवन का सरदार सोस्थिनेस तैं पकड़ी के अर वे तैं न्याय आसण का संमणी मारि। पर गल्लियों ल यूं बातों कि कुई भि चिन्ता नि कैरी।</verse>
				<verse number="18">यांका बाद पौलुस कुछ बगत तक कुरिन्थुस शहर मा रै, फिर वे विश्वासी भयों बट्टी विदा हवे के नजदीक का किंख्रिया शहर मा चलि गै। उख जै के पौलुस ल यहूदी रीति का अनुसार अपड़ा मुंडन कैरे दींनि, ईं रीति का अनुसार वेल अपड़ी सौं पूरी कैरी। फिर जहाज मा बैठी के सीरिया प्रदेश चलि गै अर प्रिस्किल्ला अर अक्विला तैं अफ दगड़ी ली गै।</verse>
				<verse number="19">वेल इफिसुस शहर पौंछि के प्रिस्किल्ला अर अक्विला तैं उख छोड़ी। अर इफिसुस शहर तैं छुड़ण से पैली उ यहूदियों का मिलणा का भवन मा जै के यहूदी लुखुं दगड़ी बातचित कन लगि गै।</verse>
				<verse number="20">जब लुखुं ल वे बट्टी पूछि कि, “कुछ दिन और हम दगड़ी रौ” पर वेल नि मांणी।</verse>
				<verse number="21">पर इन बोलि के ऊं बट्टी विदा हवे “कि जु परमेश्वर चालो त मि तुम मा फिर से औलु।” तब इफिसुस शहर बट्टी जहाज खोलि के चलि गै;</verse>
				<verse number="22">अर कैसरिया शहर मा उतरी के यरूशलेम कु गै अर उख मण्डलियों को दौरा कैरी अर अन्ताकिया नगर मा ऐ।</verse>
				<verse number="23">फिर कुछ दिनों तक अन्ताकिया नगर रै के उख बट्टी भि निकली गै अर नगर-नगर यात्रा कैरी के गलातिया प्रदेश अर फ्रूगिया प्रदेश मा सभि चेलों तैं हिम्मत बढ़ौदी गै।</verse>
				<verse number="24">अपुल्लोस नौं को एक यहूदी जैको जन्म सिकन्दरिया शहर मा हवे छो, जु जांणकार आदिम छो अर परमेश्वर का वचन तैं अच्छी तरौं से जंणदो छो उ इफिसुस शहर मा ऐ।</verse>
				<verse number="25">वेल परमेश्वर का रस्ता पर चलणै की शिक्षा पै छै अर मन लगै के उ यीशु का बारा मा ठिक-ठिक सुणांद अर सिखांदु छो, पर उ भस यूहन्ना का बपतिस्मा का बारा मा ही जंणदो छो।</verse>
				<verse number="26">उ यहूदियों का मिलणा का भवन मा निडर हवे के बुल्ण लगि गै, पर प्रिस्किल्ला अर अक्विला वेकी बात सूंणि कै वे तैं अपड़ा इख ली गैनी अर परमेश्वर को रस्ता वे तैं ठिक ढंग से बतै।</verse>
				<verse number="27">जब वेल ठांणी दींनि कि पल्या छाला उतरी के अखाया प्रान्त जौं त विश्वासी भयों ल वे तैं जांण कु प्रोत्साहित कैरी चेलों कु लिखीं कि उ वे तैं अच्छी तरौं से मिलुनु, अर वेल उख पौंछि के ऊं लुखुं कि भौत मदद कैरी जौनु पिता परमेश्वर की दया मिलण से विश्वास कैरी छो।</verse>
				<verse number="28">अपुल्लोस ल अपड़ी शक्ति अर कौशल का दगड़ी यहूदियों तैं साजा रूप बट्टी खंड़ित कैरी के, परमेश्वर का वचन बट्टी प्रमाण दे के कि यीशु ही मसीह च।</verse>
			</chapter>
			<chapter number="19">
				<verse number="1">जब अपुल्लोस कुरिन्थुस शहर मा छो, त पौलुस दूर का प्रदेशों बट्टी हवे के इफिसुस शहर मा ऐ। अर उख वे तैं कुछ चेला उख मिलिनि।</verse>
				<verse number="2">ऊंकु बोलि, “क्य तुम ल विश्वास करदी बगत पवित्र आत्मा पै” ऊंल वेमा बोलि, “हम ल त पवित्र आत्मा का बारा तक नि सूंणि।”</verse>
				<verse number="3">पौलुस ल ऊंमा बोलि, “त फिर तुम ल कन कै बपतिस्मा लींनि?” ऊंल बोलि, “हम ल उ ही बपतिस्मा लींनि जु यूहन्ना दींदो छो।”</verse>
				<verse number="4">पौलुस ल बोलि, “यूहन्ना ल ऊं लुखुं तैं बपतिस्मा द्ये जैल पाप कन बंद कैर द्ये अर परमेश्वर की तरपां मुड़ी गैनी, पर वेल इस्राएल का लुखुं बट्टी बोलि, कि ऊं यीशु पर विश्वास कैरा जु वेका बाद आलो।”</verse>
				<verse number="5">इन सूंणि के ऊंल प्रभु यीशु का नौं मा बपतिस्मा लींनि।</verse>
				<verse number="6">जब पौलुस ल ऊं पर हथ रखि त पवित्र आत्मा ऊं पर ऐ गै अर उ बनि-बनि भाषा बुल्ण लगि गैनी अर भविष्यवाणी कन लगि गैनी।</verse>
				<verse number="7">यु सभि लगभग बारह आदिम छा।</verse>
				<verse number="8">अर तब पौलुस यहूदियों का मिलणा का भवन मा जै के तीन महीना तक निडर हवे के बुल्दी रै अर परमेश्वर का राज्य का बारा मा बातचित कनु रै अर यकीन दिलौंण की कोशिश कनु रै।</verse>
				<verse number="9">पर जब कुछ लुखुं ल ढीट हवे के वेको विश्वास कन से मना कैरी द्ये बल्कि लुखुं का संमणी प्रभु का रस्ता की शिक्षा तैं बुरो बुल्ण लगि गैनी, त वेल ऊं तैं छोड़ी दींनि अर चेलों तैं अफ दगड़ी ली गै। अर रोज उ विश्वासियों का दगड़ी तुरत्रुस कि पाठशाला मा विचार-विमर्श करदु छो।</verse>
				<verse number="10">द्वी बरसों तक इन ही हूंणु रै इलै इख तक कि एशिया प्रदेश का रांण वला चै उ यहूदी छा, चै अन्यजाति (यूनानियों) का छा सभियूं ल प्रभु कु वचन सूंणि।</verse>
				<verse number="11">परमेश्वर पौलुस का द्वारा सामर्थ का भौत बड़ा-बड़ा चमत्कार का काम दिखांदु छो।</verse>
				<verse number="12">इख तक कि रुमाल अर सांफा वेकी देह पर छवे के बीमारों पर डलदा छा, अर लोग अपड़ी बिमारियों बट्टी खूब हवे जांदा छा; अर दुष्टात्माएँ वेमा बट्टी निकली जांदी छै।</verse>
				<verse number="13">पर कुछ यहूदी मनिख जु दुष्टात्माएँ तैं भैर निकळदा छा, इन कन लगि गैनी कि जौं मा दुष्टात्मा हो ऊं पर प्रभु यीशु कु नौं बुल्ण लगि गैनी, “यीशु का नौं मा, जैको प्रचार पौलुस करदु, मि तुम तैं भैर आंणै की आज्ञा दींदो छों।”</verse>
				<verse number="14">स्क्किवा नौं का एक यहूदी जु प्रधान याजक कु मुखिया छो वेका सात नौंना भि इन ही कना छा।</verse>
				<verse number="15">पर दुष्टात्मा ल ऊं तैं जवाब दे, “यीशु तैं मि जंणदी छौं, अर पौलुस तैं भि मि जंणदी छौं पर तुम कु छा?”</verse>
				<verse number="16">अर वे मनिख ल जै पर दुष्टात्मा लगि छै ऊं पर झपटी कै, अर ऊं तैं अपड़ा वश मा कैरी के, ऊं पर इन हमला कैरी, कि उ नंगी अर घायल हवे के वे घौर बट्टी निकली भगिनि।</verse>
				<verse number="17">अर ई बात इफिसुस शहर का रांण वला सभि यहूदी अर अन्यजाति (यूनानियों) भि जांणि गैनी अर ऊं सभियूं पर डौर छै गै अर यीशु का नौं की बढ़ै कैरी।</verse>
				<verse number="18">जौं ल विश्वास कैरी छो ऊंल ऊंमा बट्टी भौत लुखुं ल ऐ के खुलाआम अपड़ा बुरा कामों तैं मांणी लींनि।</verse>
				<verse number="19">जादु-टोणा कन वलो मा बट्टी भौतों ल अपड़ी-अपड़ी पोथि कट्ठा करिनि अर सभियूं का संमणी फूंकी दींनि। अर जब ऊं पोथि कु मोल जुड़ै गै, त तब उ पच्चास हजार चांदी का सिक्कों का बराबर निकली।</verse>
				<verse number="20">इन कै प्रभु को वचन दूर-दूर तक फैलणु रै अर वेको एक सामर्थ को प्रभाव छो।</verse>
				<verse number="21">जब यु बात हवे गैनी त पौलुस ल मकिदुनिया प्रान्त अर अखाया प्रान्त का विश्वासियों बट्टी मिलणा का बाद यरूशलेम शहर जांणो को फैसला कैरी। अर बोलि, “मि तैं यरूशलेम जांणा का बाद रोम शहर जांण भि जरुरी च।”</verse>
				<verse number="22">इलै अपड़ी सेवा कन वलो मा बट्टी तीमुथियुस अर इरास्तुस तैं मकिदुनिया प्रान्त ऊंल अपड़ा अगनैं भेजि द्ये अर अफ कुछ बगत एशिया प्रान्त का इफिसुस नगर मा ही रै गै।</verse>
				<verse number="23">वे बगत प्रभु का रस्ता की शिक्षा का बारा मा भौत घपरौल हवे।</verse>
				<verse number="24">उख एक सुनार छो जैको नौं दिमेत्रियुस छो उ एक यूनानी देवी अरतिमिस का मन्दिर को चांदी का जन ढांचा बणांदु छो। उ यु तैं बंणवै कै अर बेचि कै भौत लाभ कमौदो छो।</verse>
				<verse number="25">दिमेत्रियुस ल अपड़ा कारीगरों तैं बुलै अर इन चीजों कु कारीगरों तैं कट्ठा कैरी के बोलि, “हे भयों तुम जंणदा छा की यु काम ल हम तैं कथग रुप्या मिलदींनि।</verse>
				<verse number="26">तुम देखदां अर सुणदा छा की भस इफिसुस शहर ही मा न, पर एशिया प्रान्त का सभि गौ मा यु बोलि-बोलि के यु पौलुस ल भौत लुखुं तैं समझै अर भरमै भि च की जु हथों की कारीगरी छिन उ ईश्वर नि छिनी।</verse>
				<verse number="27">इलै अब भस ईं बात कि डौर नि च की हमारो यु काम खत्म हवे जालो बल्कि महान देवी अरतिमिस को मन्दिर सुद्दी मणै जालो अर जै तैं सैरो एशिया प्रान्त मा अर दुनिया भर मा आराधना करदा छा वेको महत्व भि जांदु रालो।”</verse>
				<verse number="28">सभि कारीगर इन सूंणि के गुस्सा से भारी गैनी अर चिल्लै चिलै कि बुल्ण लगि गैनी इफिसुस वासियों कि अरतिमिस देवी महान च।</verse>
				<verse number="29">शहर का दुसरा और लुखुं ल चिल्लांण की आवाज तैं सूंणि अर जै के भीड़ मा मिली गै अर शहर मा घपरौल मचि गै। अर लुखुं ल गयुस अर अरिस्‍तर्खुस, मकिदुनिया प्रान्त का रौंण वलो तैं जु पौलुस का दगड़िया छा ऊं तैं पकड़ी दींनि अर एक दगड़ी रंगशाला मा दौड़ि गैनी।</verse>
				<verse number="30">जब पौलुस भि रंगशाला मा भितर जै कै लुखुं बट्टी बात कन चांणु छो त दुसरा चेलों ल वे तैं जांण नि दींनि।</verse>
				<verse number="31">इख तक की आसिया प्रदेश का कुछ अधिकारियों ल भि जु पौलुस का दगड़िया छा ऊंल भि बोलि, अर बिनती कैरी, “कि रंगशाला का भितर जै कै अपड़ी जान तैं खतरा मा नि डलण चयणु च।”</verse>
				<verse number="32">रंगशाला का भितर, सभि लोग चिल्लांणा छा, कि कुई एक चीज अर कुई कुछ और। सभि कुछ गड़बड़ छा, अर भौत लोग त इन जंणदा भि नि छा कि उ किलै कट्ठा हुयां छा।</verse>
				<verse number="33">भीड़ मा बट्टी कुछ यहूदियों ल सिकन्दर तैं भीड़ का संमणी धकै द्ये अर चिलै आज्ञा दींण लगि गैनी, अर सिकन्दर ल हथ बट्टी चुप रौंण कु सनकै के लुखुं का संमणी समझणु कु यत्न कैरी की यु क्य हूंणु च।</verse>
				<verse number="34">पर जब ऊंल जांणेले छो, कि यहूदी लोग (मसीही लुखुं का जन मूर्तिपूजा नि करदा छा) त सभि का सभि एक आवाज मा लगभग द्वी घण्टा तक चिलांणा रैनी कि इफिसुस वासियों कि अरतिमिस देवी की जय हो।</verse>
				<verse number="35">तब नगर का अध्यक्ष ल लुखुं तैं चुप कैरी के बोलि, “हे इफिसुस वासियों, दुनिया का सभि लोग जंणदु च कु कि इफिसुस शहर की महान देवी अरतिमिस का मन्दिर की लोग देखभाल कना छिनी अर व स्वर्ग बट्टी गिरी छै।</verse>
				<verse number="36">इलै जब यूं बातों को विरोध भि नि हवे सकदो त ठिक च कि तुम चुप रा अर बगैर सुचयां समझयां कुछ नि कैरा।</verse>
				<verse number="37">किलैकि तुम यूं मनिख्युं तैं ले के अयां छा जु न मन्दिर तैं लुटण वला छिनी अर न हमारी देवी की बुरै कन वला छिनी।</verse>
				<verse number="38">जु दिमेत्रियुस अर वेका दगड़िया कारीगरों तैं कै बट्टी झगड़ा हो त उ कचहरी मा जै सकदु च, ऊंको मुकदमा कु न्याय कनु कु लोग; ऊख मा एक दुसरा पर भंगार लगै सकदा छिनी।</verse>
				<verse number="39">पर जु तुम कै दुसरी बात का बारा मा पुछणां छा त पंचयती मा फैसला करे जालो।</verse>
				<verse number="40">मि तैं डौर च कि हम रोमी सरकार द्वारा हंगामा शुरू कना का भंगार लगै जांणा का खतरा मा छा। यांको कुई कारण नि च, त हम ईं भीड़ का कठ्ठा हूंणो को कुई जवाब नि द्ये सकलो।”</verse>
				<verse number="41">अर इन बोलि कि वेल सभा तैं विदा कैरी दींनि।</verse>
			</chapter>
			<chapter number="20">
				<verse number="1">जब घपरौल थमि गै तब पौलुस ल चेलों तैं बुलै के ऊंको हिम्मत बढ़ै, अर ऊं बट्टी विदा हवे के मकिदुनिया प्रान्त की तरपां चलि गै।</verse>
				<verse number="2">वे सैरा प्रदेश मा बट्टी हवे अर चेलों तैं भौत हिम्मत बढ़ै कै उ यूनान प्रान्त, जै तैं अखाया प्रान्त भि बुलै जांदु चलि गै।</verse>
				<verse number="3">जब तीन महीना तक रै के जब उ पांणी का जहाज मा सीरिया प्रान्त जांण वलो छो त पर वेल सूंणि की कुछ यहूदियों ल वे तैं बट्टा मा मरणै की जाल-साजी कना छा अर इलै वेल मकिदुनिया प्रान्त बट्टी हवे कै सीरिया प्रान्त जांणो को विचार कैरी।</verse>
				<verse number="4">ईं यात्रा मा बिरीयावासी पुरूर्स का नौंनो सोपत्रुस अर थिस्सलुनीकियों शहर को अरिस्‍तर्खुस अर सिकुन्दुस अर दिरबे नगर को गयुस, अर तीमुथियुस अर आसिया प्रान्त को तुखिकुस अर त्रुफिमुस, आसिया तक वे दगड़ी यात्री छा।</verse>
				<verse number="5">यूं दगड़िया यात्री हम बट्टी अगनैं चलि गै छा अर त्रोआस नगर फूंजी कै हमारो जग्वाल कना छा!</verse>
				<verse number="6">पर हम ल मकिदुनिया प्रान्त का फिलिप्पी शहर कि यात्रा कैरी। अर अखमीरी रुट्टि का त्योहार का बाद फिलिप्पी शहर बट्टी पांणी का जहाज मा बैठी के पाँच दिन मा त्रोआस तक पौंछयां अर सात दिन तक उखी रयां।</verse>
				<verse number="7">हप्ता का पैला दिन जब हम प्रभु भोज कु कट्ठा हुयां त पौलुस ल जु दुसरा दिन जांण वलो छो, ऊं बट्टी बात कैरी, अर अधा राती तक शिक्षा दींणु रै।</verse>
				<verse number="8">जै मंजयूल मा हम कट्ठा हुयां छा, उख भौत सैरा दिवडा बलयां छा।</verse>
				<verse number="9">यूतुखुस नौं को एक जवान आदिम खिड़की मा बैठयूं छो, अर उ गहरी निंद मा ढक-ढक टुटगो हूंणु छो पौलुस अबेर तक शिक्षा दींणु रै। त तब उ जवान आदिम निंद का ढक ढयाक मा तिसरी मंजिल बट्टी मूड़ी पोड़ी गै अर तब कुछ लोग मुड़ी भगिनि अर जै के वे तैं उठै, त उ मोरि गै छो।</verse>
				<verse number="10">पर मूड़ी ऐ के पौलुस वे पर लिपटी गै, अर वे तैं भिटे के लुखुं कु बोलि, “घबरावा न किलैकि उ अब भि ज्यूँदो च।”</verse>
				<verse number="11">तब ऊं सभियूं ल मथि जै कै दुबरा प्रभु भोज ले अर ऊं सभियूं ल मिली कै खांणु खै, दिन निकलण तक बातचित कना रैनी सुबेर हूंदी ही; फिर उ चलि गै।</verse>
				<verse number="12">लोग वे जवान आदिम तैं ज्यूँदो लैनी, अर ऊं तैं ज्यूँदो देखि के भौत आनन्दित हवीनि।</verse>
				<verse number="13">हम पांणी का जहाज सवार हवे कै अस्सुस नगर कु अगनैं बढ़यां, जख बट्टी हम पौलुस तैं दगड़ी लै के अगनैं चल्यां, पौलुस ऊख धरती का रस्ता बट्टी पौंछि किलैकि यु वेकी पैली बट्टी ठहरयूं छो।</verse>
				<verse number="14">जब उ अस्सुस नगर मा हम तैं मिली त हम वे तैं पांणी का जहाज मा बैठे के मितुलेने नगर मा ऐ ग्यां।</verse>
				<verse number="15">दुसरा दिन उख बट्टी यात्रा कैरी कै हम खियुस नगर का नजीक बट्टी हवे की सामुस नगर पौंछयां अर वेका हैंका दिन मीलेतुस शहर मा अयां।</verse>
				<verse number="16">पौलुस ल इफिसुस शहर मा नि उतरणु को फैसला कैरी किलैकि उ एशिया प्रान्त मा और जादा बगत नि बितांण चांदु छो, उ जल्दी मा छो कि जु इन हवे साको उ पिन्तेकुस्त का त्योहार का दिन यरूशलेम शहर मा रै सकुनु।</verse>
				<verse number="17">जब हम मीलेतुस शहर मा उतरियां, तब पौलुस ल इफिसुस शहर की मण्डलि तैं पुरणा अगुवों कु संदेश भिजवै। अर तब वेल मण्डलि का पुरणों तैं बुलै।</verse>
				<verse number="18">जब उ वेमा ऐनी, त ऊंमा बोलि, “तुम जंणदा छा, कि पैली ही दिन बट्टी जब मि एशिया प्रान्त मा पौंछु, मि हरेक बगत तुम दगड़ी कै ढंग से रौं।</verse>
				<verse number="19">बड़ी दया ल अर रौवे-रौवे के, अर ऊं अजमैश मा भि जु यहूदियों की चालबाजी ल जु मि पर पोड़िनि तब भि मि प्रभु की सेवा करदी रयूं।</verse>
				<verse number="20">मि जु-जु बात तुम्हरा फैदा की छै तुम तैं बतांण मा, अर लुखुं का संमणी अर घौर-घौर सिखांण मा कभि भि नि झिजक्यूं।</verse>
				<verse number="21">बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।</verse>
				<verse number="22">अर अब, मि पवित्र आत्मा का द्वारा मजबूर हवे कै, यरूशलेम शहर कु जांणु छौं अर नि जंणदु, कि उख मि पर क्य-क्य बितलो</verse>
				<verse number="23">मि भस इथग जंणदु कि पवित्र आत्मा हरेक शहर मा चितै के मि बट्टी बुल्णु च कि जेलखना अर क्लेश त्वे कु तैयार छिनी।</verse>
				<verse number="24">पर मि अपड़ा प्राण तैं कुछ नि समझदु कि वे तैं प्रिय जांणु, बल्कि यु कि मि अपड़ी दौड़ तैं, चांदु छो कि मि अपड़ी वीं सेवा तैं पूरी कैरू, जु मिल पिता परमेश्वर की दया का शुभ सन्देश पर गव्है दींणु कु जु मिल प्रभु यीशु बट्टी पैईं च।</verse>
				<verse number="25">अर अब मि जंणदु छों, कि तुम सभि जौं मा परमेश्वर का राज्य कु प्रचार करयूं च, तुम मि तैं दुबरा नि दिखल्या।</verse>
				<verse number="26">इलै मि तुम मा सच-सच बुल्णु छौं, कि जु तुम मा बट्टी कुई भि यीशु पर विश्वास करयां बगैर मोरि जांद, त या मेरी गलती नि च अर मि वेका ल्वे बट्टी निर्दोष छो।</verse>
				<verse number="27">किलैकि मेरू तुम तैं उ सब कुछ बतयूं च जु परमेश्वर चांदु च कि तुम जांणा छा कि मेरू तुम बट्टी कुछ भि नि छुपयूं च।</verse>
				<verse number="28">इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।</verse>
				<verse number="29">मि जंणदु छौं कि मेरा जांणा का बाद झूठा शिक्षक आला अर विश्वासियों तैं भौत दुःख पौंछांला उ वे फड़ण वला भेड़ियों का जन होला जु ढिबरों तैं मारि दींदिनि।</verse>
				<verse number="30">यख तक कि तुम्हरा अपड़ा विश्वासियों का दल बट्टी, इन लोग आला, जु चेलों तैं अपड़ा पिछनै खिंचणु कु उल्टी सीधी शिक्षा द्याला।</verse>
				<verse number="31">इलै सचेत रावा, अर याद रखा कि मि तीन साल तक रात दिन रौवे-रौवे के हरेक तैं चितांण नि छोड़ी।</verse>
				<verse number="32">अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।</verse>
				<verse number="33">मिल कैका सोना चांदी या कपड़ोंं को लोभ नि कैरी।</verse>
				<verse number="34">तुम त जंणदा ही छा कि मिल मेहनत कैरी के अपड़ा अर अपड़ा दगड़ियों की जरूरत तैं पूरो कैरी।”</verse>
				<verse number="35">मिल तुम तैं सभि कुछ कैरी के दिखै, कि कनके मेहनत कैरी के कमजोर लुखुं तैं सम्भलण चयणु च, अर प्रभु यीशु की वचन याद रखण जरूरी च, जु कि वेल अफ ही बोलि, “लींण से दींण जादा धन्य च।”</verse>
				<verse number="36">इन बोलि के वेल ल अपड़ा घुंडा टेकी के अर ऊं सभियूं का दगड़ी पिता परमेश्वर बट्टी प्रार्थना कैरी।</verse>
				<verse number="37">तब उ सभि भौत रवीनि अर पौलुस का गोला भिटे के चुमण लगि गैनी।</verse>
				<verse number="38">उ खास कैरी के ईं बात को दुःख कना छा, जु पौलुस ल बोलि छै, कि “उ वे तैं दुबरा नि दिखला।” तब उ वे तैं जहाज तक छुड़ण कु गैनी।</verse>
			</chapter>
			<chapter number="21">
				<verse number="1">यांका बाद हम ल इफिसुस शहर का पुरणों तैं विदा कैरी के सीधा रस्ता बट्टी कोस द्वीप का तरपां समुद्री यात्रा तैं शुरू कैरी। अर हैंका दिन हम रुदुस द्वीप अर उख बट्टी पतरा शहर अयां।</verse>
				<verse number="2">अर एक जहाज फीनीके प्रदेश कु जांदु मिली, अर हम ल वेमा चैढी कै, यात्रा शुरू कैरी।</verse>
				<verse number="3">हम तैं बैं तरपां साइप्रस द्वीप दिखै द्ये। हम उख बट्टी हवे कैरी के सीरिया प्रदेश की तरपां बढ़दी रां अर सूर शहर तक पौंछि ग्यां, किलैकि उख जहाज बट्टी समान उतरै जांण छो।</verse>
				<verse number="4">उख हम ल ढूंडी अर कुछ चेला हम तैं मिलिनि, अर हम उख सात दिन तक रैयां। तब ऊंल पवित्र आत्मा का आज्ञा पर पौलुस बट्टी यरूशलेम शहर नि जांणै की बिनती कैरी।</verse>
				<verse number="5">सात दिन का बाद जब उख बट्टी हमारो जांणो को बगत ऐ, जब हम उख बट्टी जांण छा। तब उ सभि जनन अर बच्चों समेत हम दगड़ी शहर बट्टी भैर गैनी, अर हम ल छाला पर घुंडा टेकी के पिता परमेश्वर बट्टी प्रार्थना कैरी।</verse>
				<verse number="6">तब एक हैंका बट्टी विदा हवे के हम त जहाज मा बैठी ग्यां, अर उ सभि अपड़ा-अपड़ा घौर कु लौटि गैनी।</verse>
				<verse number="7">सूर शहर बट्टी शुरू किये गै यात्रा पूरी कैरी के हम पतुलिमयिस नगर पौंछयां, अर विश्वासी भयों बट्टी मुलाकात कैरी के उख ऊं दगड़ी एक दिन तक रयां।</verse>
				<verse number="8">दुसरा दिन हम उख बट्टी चलि के कैसरिया शहर मा पौंछि, अर फिलिप्पुस सुसमाचार प्रचारक का घौर मा उ, ऊं सात आदिमों मा बट्टी एक छो, जौं तैं यरूशलेम शहर मा प्रेरितों ल विधवाओं की देखभाल कु चुणयूं छो, जै के वेका यख रै।</verse>
				<verse number="9">वेकी चार कुँवारी नौंनि छै; जु परमेश्वर की तरपां बट्टी बुल्दी छै।</verse>
				<verse number="10">जब हम उख भौत दिन तक रयां, त अगबुस नौं को एक परमेश्वर का तरपां बट्टी बुल्ण वला यहूदिया प्रान्त बट्टी ऐ।</verse>
				<verse number="11">वेल हम मा ऐ के पौलुस को पठुको लींनि, अर अपड़ा हथ खुट्टा बंधि के बोलि, “पवित्र आत्मा इन बुल्णु च, कि जै आदिम को यु पठुका च, वे तैं यरूशलेम शहर मा यहूदी इन ही कै बंधला, अर अन्यजाति लुखुं का सुपुर्द कैरी द्याला।”</verse>
				<verse number="12">जब हम ल यु बात सूंणि त, हम ल अर उख रांण वला लुखुं ल पौलुस बट्टी बिनती कैरी, कि यरूशलेम शहर मा नि जा।</verse>
				<verse number="13">पर पौलुस ल बोलि, “तुम कन छा, कि रौवे-रौवे के मेरू दिल किलै दुखांणा छा? मि प्रभु यीशु का नौं कु न भस यरूशलेम शहर मा बंधे जांणु कु बल्कि मुरण कु भि तैयार छौं।”</verse>
				<verse number="14">पर जब वेल हमारी बात नि मांणी त, हम इन बोलि के चुप हवे ग्यां कि, “प्रभु की मनसा पूरी हो।”</verse>
				<verse number="15">कुछ दिनों का बाद हम ल तैयारी कैरी, अर यरूशलेम शहर जनै चलि ग्यां।</verse>
				<verse number="16">कैसरिया नगर का भि कुछ चेला हम दगड़ी हवे गैनी, अर मनासोन नौं को साइप्रस द्वीप का रौंण वला का घौर लिजये गै। उ सभि शिष्यों मा बट्टी एक छो।</verse>
				<verse number="17">जब हम यरूशलेम शहर मा पौंछि गै, तब विश्वासी भयों ल बड़ो आनन्द का दगड़ी हमारो स्वागत कैरी।</verse>
				<verse number="18">हैंका दिन पौलुस हम तैं ले के याकूब मा गै, जख मण्डलि का सब पुरणा अगुवा कट्ठा हुयां छा।</verse>
				<verse number="19">तब पौलुस ल ऊं तैं प्रणाम कैरी के, जु-जु काम परमेश्वर ल वेकी सेवा का द्वारा अन्यजातियों मा कैरी छा, उ सब एक-एक कैरी के सभि बतै दींनि।</verse>
				<verse number="20">ऊं बातों तैं सूंणि के ऊं सभियूं ल परमेश्वर की बढ़ै कैरी, फिर ऊंल पौलुस कु बोलि, “हे भयों, तु जंणदी छै कि यहूदियों मा बट्टी कई हजारों ल विश्वास कैरी; अर उ सभि मूसा की व्यवस्था को पालन विश्वासयोग्यता बट्टी करदा छा।</verse>
				<verse number="21">अर उन यहूदी विश्वासियों ल तेरु बारा मा ऊं तैं दूसरों का द्वारा बतै गै, कि तु अन्यजाति का बीच मा रांण वला यहूदियों तैं मूसा की व्यवस्था तैं छोड़ी दींण सिखांदी, अर बुल्णी छै, कि अपड़ा बच्चों को खतना करावा अर न यहूदी रीति-रिवाजों पर चला।</verse>
				<verse number="22">त फिर क्य करे जौं? लुखुं ल जरूर सुनण कि तु इख ऐ छै।</verse>
				<verse number="23">इलै जन हम त्वे कु बुल्णा छा, तु उन ही कैर। हमारा इख चार आदिम छिनी, ऊंल व मन्नत पूरी कन जु ऊंल परमेश्वर का संमणी मणी च।</verse>
				<verse number="24">ऊं तैं लिजै के ऊं दगड़ी तु अफ तैं भि शुद्ध कनै की विधि पूरी कैर; अर ऊंकु खर्च दे, कि उ अपड़ा मुंड मुंड़ौनु। तब सभि लोग जांणि जाला, कि जु बात ऊंल तेरु बारा मा सुणये गै, कि ऊंकी कुई जड़ नि च पर तु अफ भि मूसा की व्यवस्था तैं मांणी के वेका अनुसार चलदी छै।</verse>
				<verse number="25">अर ऊं अन्यजाति का लुखुं का बारा मा जौं ल विश्वास कैरी, ऊंकु हम ल यु फैसला कैरी अर लिखीं के भेजि कि ऊं मूरतों का संमणी बलि चढ़ैईं मांस बट्टी, अर ल्वे से अर गोला घोंटी के मांस बट्टी, अर व्यभिचार बट्टी, दूर रैयां।”</verse>
				<verse number="26">दुसरा दिन पौलुस ल ऊं मनिख्युं का दगड़ी जै के अफ तैं शुद्ध कैरी, तब उ यरूशलेम शहर का मन्दिर गैनी, अर यु प्रचार कैरी की शुद्ध हूंणा का दिन कब खत्म होला, अर ऊंमा बट्टी हरेक कु बलिदान चढ़ै जाली।</verse>
				<verse number="27">जब सात दिन पूरा हूंण वला छा, त एशिया प्रान्त का यहूदियों ल पौलुस तैं यरूशलेम शहर का मन्दिर मा देखि के ऊंल सैरी भीड़ तैं भड़कै अर पौलुस तैं पकड़ी दींनि अर चिल्लांण लगि गैनी,</verse>
				<verse number="28">“हे इस्राएलियों हमारी मदद कैरा। किलैकि यु उ ही आदिम च जु सभि जगह हमारा लुखुं का खिलाफ मा तैं अर व्यवस्था का खिलाफ मा अर ईं जगह का विरोध मा सिखाणु च, इख तक कि अन्यजाति (यूनानियों) तैं भि यरूशलेम शहर का मन्दिर मा लै के वेल यु पवित्र जगह तैं अपवित्र कैरी।”</verse>
				<verse number="29">ऊंल इन बोलि, किलैकि यां बट्टी पैली इफिसुस वासी त्रुफिमुस तैं पौलुस दगड़ी शहर मा देखि छो, इलै ऊंल इन समझी कि पौलुस वे तैं यरूशलेम शहर का मन्दिर मा लै गै।</verse>
				<verse number="30">तब सैरा नगर मा घपरौल मचि गै, अर लोग दौड़ि-दौड़ि के कट्ठा हवे गैनी, अर तैं पकड़ी के पौलुस तैं यरूशलेम शहर का मन्दिर का भैर घसीट लैनी, अर झट कैरी के द्वार बंद कैरी दींनि।</verse>
				<verse number="31">जब उ वे तैं मरण चांणा छा, त रोमी पलटण का सेनापति मा खबर पौंछि कि यरूशलेम शहर मा भौत सैरा लुखुं मा घपरौल मचणु च।</verse>
				<verse number="32">तब उ झट कैरी के अपड़ा सिपैयूं दगड़ी उख गै अर सुबदारों तैं ले के वेमा दौड़ि ऐ; अर लुखुं की भीड़ सिपैयूं का झुण्ड का सरदार तैं अर सिपैयूं तैं देखि के पौलुस तैं मरण पिटण बंद कैरी दींनि।</verse>
				<verse number="33">तब पलटण का सेनापति ल पौलुस का नजदीक ऐ के वे तैं गिरफ्तार कैरी के द्वी संगलों बट्टी बंधि के भीड़ तैं पुछण लगि गै; “यु आदिम कु च, अर येल क्य कैरी?”</verse>
				<verse number="34">पर भीड़ मा बट्टी लोग अलग-अलग बात कन लगि गैनी अर जब हला कि वजह ल उ असली बात नि जांणि सकिनि, त वेल पौलुस तैं किला का भितर लिजांणै कि आज्ञा दींनि।</verse>
				<verse number="35">जब उ सीड़ियूं मा पौंछिनी, त तब भीड़ इथग भड़की गै छै कि सिपै पौलुस तैं किला का भितर उठै लिजांण पोड़ी।</verse>
				<verse number="36">किलैकि लुखुं कि भीड़ इन चिल्लांणी छै, वेका पीछेने पोड़ी, “वे तैं मारि द्या।”</verse>
				<verse number="37">जब उ पौलुस तैं किला का भितर लिजांण वला छा, त वेल पलटण का सेनापति कु बोलि, “क्य मि त्वे बट्टी कुछ बोलि सकदु” पलटण का सेनापति ल बोलि, “क्य तु यूनानी भाषा जंणदी छै?”</verse>
				<verse number="38">“क्य तु मिस्री नि छै?, जु कुछ बगत पैली सरकार का खिलाफ विद्रोह कैरी, चार हजार हथियारबंद लुखुं तैं एकांत जंगल मा ली गै छो?”</verse>
				<verse number="39">अर पौलुस ल बोलि, “न, मि एक यहूदी छों, मि किलिकिया प्रदेश का तरसुस नगर को निवासी छों, जु एक मुख्य शहर च, अर मि त्वे बट्टी बिनती करदो छों, कि मि तैं लुखुं दगड़ी बात कन दे।”</verse>
				<verse number="40">जब वेल आज्ञा दींनि, त पौलुस ल सीड़ियूं मा खड़ो हवे के लुखुं तैं चुप रौंण कु सनकै। जब उ चुप हवे गैनी, त उ इब्रानी भाषा मा बुल्ण लगि गै।</verse>
			</chapter>
			<chapter number="22">
				<verse number="1">“हे विश्वासी भयों, अर पुरणा लुखुं अपड़ा बचाव मा मि जु कुछ भि तुम बुल्णु छौं वे तैं तुम ध्यान से सूंणा।”</verse>
				<verse number="2">वे तैं इब्रानी भाषा मा बुल्द सूंणि के, उ एकदम चुप हवे गैनी तब वेल बोलि;</verse>
				<verse number="3">“मि यहूदी छौं, मेरू जन्म किलिकिया प्रदेश का तरसुस शहर मा हवे अर यु शहर मा बड़ो हुयुं छौं। मिल अपड़ा पुरखों की व्यवस्था का अनुसार गमलीएल का खुट्टों मा बैठी के बड़ी लगन से शिक्षा पै छै, अर परमेश्वर कु इन धुन लगि, जन कि तुम सभियूं ल आज लगईं च।”</verse>
				<verse number="4">मिल प्रभु का रस्ता मा लुखुं तैं इथग सतै कि जनन अर आदिमों तैं बंधि-बंधि के जेलखना म का भितर बंद कैरी दींनि, अर ऊं तैं मरवै भि दींनि।</verse>
				<verse number="5">स्वयं महायाजक अर दाना-सयाणों कि सभा भि ईं बात की गव्है दे सकदी च। ऊंमा बट्टी मिल दमिश्क शहर का विश्वासी भयों कु चिठ्ठी ले, जु ऊख छिनी सजा दिलांणु कु बंधि बणै कै यरूशलेम शहर मा ली जै साको।</verse>
				<verse number="6">अर जब मि यात्रा कैरी के दमिश्क शहर का नजदीक पौंछू, त इन हवे की दुफरा का लगभग अचानक एक बड़ी उज्यलो स्वर्ग बट्टी मेरा चौतरफी चमकी।</verse>
				<verse number="7">अर मि धरती मा पोड़ी ग्यों; अर मिल एक आवाज सूंणि ज्वा मि कु बुल्णी छै कि, “शाऊल, हे शाऊल, तु मि तैं दुःख किलै दींणि छै?”</verse>
				<verse number="8">तब मिल जवाब दींनि, “हे प्रभु, तु कु छै?” वेल बोलि, मि नासरत नगर को रौंण वलो यीशु छौं, जै तैं तू दुःख दींणि छै</verse>
				<verse number="9">अर मेरा दगड़ियों ल उज्यलो त देखि, पर जु मि बट्टी बुल्णु छो ऊं तैं एक आवाज सुणै, पर ऊं तैं नि समझ मा ऐ कि आवाज ल मि बट्टी क्य बोलि।</verse>
				<verse number="10">तब मिल बोलि, “हे प्रभु, मिल क्य कन?” प्रभु ल मि कु बोलि, उठ अर दमिश्क शहर मा जा अर जु काम त्वे तैं कनु कु ठैरयूं च उ सब त्वे तैं उखि बतैये जालो।</verse>
				<verse number="11">जब वेका महिमा का तेज का कारण मि तैं कुछ नि दिखै, त मि अपड़ा दगड़ियों को हथ पकड़ी के दमिश्क शहर मा चलि ग्यों।</verse>
				<verse number="12">उख हनन्याह नौं को एक आदिम छो उ व्यवस्था का अनुसार धर्मी छो, अर उख रांण वला यहूदी लुखुं मा आदरमान छो।</verse>
				<verse number="13">वेल मि मा ऐ के बोलि, “हे भैय शाऊल तु दुबरा दिखण लगि जा” अर तुरंत वेका आंखा खुली गैनी अर मिल उ देखि।</verse>
				<verse number="14">“तब वेल बोलि, हमारा पूर्वजों का परमेश्वर ल त्वे तैं इलै ठैरयूं च की तु वेकी इच्छा तैं जांणि लये, अर तू वे धर्मी आदिम मसीह तैं देख अर वेकी आवाज तैं सूंण।</verse>
				<verse number="15">किलैकि तु वेकी तरपां बट्टी सभि लुखुं का संमणी यूं बातों को गवाह हवेलि, जु तिल देखिनी अर सुंणिनि।</verse>
				<verse number="16">अब तु देर किलै कनी छै? उठ, बपतिस्मा ले, अर वे बट्टी प्रार्थना का द्वारा अपड़ा पापों बट्टी शुद्ध हूंणु कु माफी मांग”</verse>
				<verse number="17">जब मि फिर यरूशलेम शहर का मन्दिर मा ऐ के पिता परमेश्वर बट्टी प्रार्थना कनु छो, तब मि बेसुद हवे ग्यूं।</verse>
				<verse number="18">अर मिल प्रभु यीशु की आवाज सूंणि, जल्दी कैरी कै “यरूशलेम शहर बट्टी झट निकली जा किलैकि उ लोग जु यख छिनी मेरा बारा मा तेरी गव्है नि मणला”</verse>
				<verse number="19">“मिल प्रभु मा बोलि, हे प्रभु यु लोग जंणदा छिनी, कि मि एक यहूदियों का मिलणा का भवन मा बट्टी दुसरा यहूदियों का मिलणा का भवन मा ग्यूं ऊं लुखुं तैं बंधि बनांणु कु अर मरणु कु जु त्वे पर विश्वास करदींनि इलै, मि तैं यु समझ मा नि आंद कि यरूशलेम शहर मा यहूदी लोग मि पर विश्वास किलै नि करदींनि।</verse>
				<verse number="20">अर जब तेरु गव्हा स्तिफनुस को ल्वे बुगैये जांणु छो, त मि भि उख ही मा खड़ो हुयुं छो, अर मि ईं बात मा राजि छो अर वे तैं मरण वलो का कपड़ोंं कि देखभाल कनु छो”</verse>
				<verse number="21">“अर प्रभु ल मि कु बोलि, चलि जा; किलैकि मि त्वे तैं अन्य-जातियों का लुखुं मा दूर-दूर तक भिजलु”</verse>
				<verse number="22">इख तक त लोग पौलुस की बातों तैं ध्यान से सुनणा रैनी पर तब ऊंचा शब्द बट्टी चिल्लैनी, “इन्दरा आदिम तैं मारि द्या; यु ज्यूंदा रांण का लैख नि च!”</verse>
				<verse number="23">तब उ चिल्लांणा अर अपड़ो चोला तैं फड़दींनि अर अपड़ो गुस्सा दिखांणु कु आसमान मा धूल उडाणा छा।</verse>
				<verse number="24">तब रोमी पलटण का सेनापति ल बोलि, “यु तैं किला का भितर लिजावा; अर कोड़ा मारि के परखा, ज्यां बट्टी मि तैं पता चलि जौं कि लोग किलै येका खिलाफ चिल्लांणा छिनी।”</verse>
				<verse number="25">पर जन ऊंल वे तैं जूड़ों ल बंधि त तब पौलुस ल उख मा खड़ा हुयां सेनापति कु बोलि, “क्य यु ठिक च कि तुम एक रोमी मनिख तैं बगैर के भंगार का कोड़ा मारा?”</verse>
				<verse number="26">सुबदार ल इन सूंणि के पलटण का सेनापति मा जै के बोलि, “तु क्य कनि छै? यु आदिम त रोमी मनिख च।”</verse>
				<verse number="27">तब रोमी पलटण का सेनापति ल पौलुस मा ऐ के बोलि, “मि तैं बतौ कि क्य तु रोमी छै?” वेल बोलि, “हां।”</verse>
				<verse number="28">तब रोमी पलटण का सेनापति ल बोलि, “मिल त रोमी नागरिकता भौत रुप्या दे के पै।” तब पौलुस ल बोलि, “मि त जन्म से ही रोमी छौं।”</verse>
				<verse number="29">तब जु लोग वे तैं परखणवला छा, उ वेमा बट्टी दूर हवे गैनी अर रोमी पलटण को सेनापति भि इन जांणि के कि यु रोमी च, अर वेको वे तैं बंधयूं छो ईं बात से उ डैरी गै।</verse>
				<verse number="30">हैंका दिन इन जनणु कु कि यहूदी लोग यु पर भंगार किलै लगांणा छिनी सुबदार ल पौलुस का बंधन खोलि दींनि; अर प्रधान याजक अर सैरी महासभा तैं एक ही जगह मा कट्ठा हूंणु कु आज्ञा दींनि, अर पौलुस तैं मुड़ी लिजै के ऊंका संमणी खड़ो कैरी दींनि।</verse>
			</chapter>
			<chapter number="23">
				<verse number="1">पौलुस ल महासभा जनै एकटक लगै के देखि, अर बोलि, “हे विश्वासी भयों मिल, आज तक परमेश्वर कु सच्चा मन बट्टी अपड़ो जीवन बसर कैरी।”</verse>
				<verse number="2">पौलुस ल जु बोलि, उ सूंणि के हनन्याह महायाजक ल, वे तैं जु वेका संमणी खड़ा छा, वेका मुक पर थप्पड़ मरणे की आज्ञा दींनि।</verse>
				<verse number="3">पौलुस ल वेको बोलि, “हे पाखंडी परमेश्वर त्वे तैं मरलो। तू व्यवस्था का अनुसार मेरू न्याय कनु कु बैठी छै, अर फिर क्य व्यवस्था का खिलाफ मि तैं मरणै कि आज्ञा भि दींणि छै?”</verse>
				<verse number="4">उ आदिम जु नजदीक मा खड़ा हुयां छा, ऊंल पूछि, “क्य तु परमेश्वर का महायाजक की बेजती कनी छै?”</verse>
				<verse number="5">पौलुस ल बोलि, “हे विश्वासी भयों मि यु नि जंणदु कि यु महायाजक च। किलैकि परमेश्वर का वचन मा लिख्युं च, कि तु अपड़ा लुखुं का प्रधान तैं गलत नि बोलि”</verse>
				<verse number="6">जब पौलुस ल देखि, कि कुछ सदूकी अर कुछ फरीसी आदिम उख छा, महासभा मा पुकारी के बोलि, “हे विश्वासी भयों, मि फरीसी अर फरीसियों कु वंश को छों, मेरी जांच इलै हूंणी च, किलैकि मेरी आस च की पिता परमेश्वर मुरयां लुखुं तैं फिर ज्यून्दो करलो।”</verse>
				<verse number="7">जब वेल या बात बोलि फरीसियों अर सदूकियों मा झगड़ा हूंण लगि गै; अर सभा मा फुट पोड़ी गै।</verse>
				<verse number="8">किलैकि सदूकी लोग यु विश्वास करदा छा कि लोग मुरणा का बाद ज्यून्दा नि होला, अर न स्वर्गदूत अर न दुष्टात्मा छिनी; पर फरीसी लोग यूं सभि बातों पर विश्वास करदा छा।</verse>
				<verse number="9">तब भौत बड़ो घपरौल हवे गै अर मूसा की व्यवस्था तैं सिखांण वलो का कुछ शिक्षकों ल, जु फरीसी छा, उठि के यु बोलि के बहस कन लगि गैनी, “हम यु आदिम मा कुई भि बुरै नि पांणा छा; अर दुष्टात्मा या स्वर्गदूत ल वे बट्टी बात कैरी त फिर क्य?”</verse>
				<verse number="10">जब उख भौत घपरौल हवे अर रोमी पलटण का सेनापति तैं डौर लगि गै कि उ पौलुस का टुकड़ा-टुकड़ा नि कैरी द्यां, सिपै का झुंडों तैं आज्ञा दींनि कि उतरी के सभा का लुखुं का बीच बट्टी पौलुस तैं जबरदस्ती निकली, अर किलै मा ली आवा।</verse>
				<verse number="11">वीं रात प्रभु यीशु ल पौलुस का संमणी खड़ो हवे के बोलि, “हे पौलुस, हिम्मत रख; किलैकि जन तिल यरूशलेम शहर मा मेरी गव्है दींनि, उन ही त्वे तैं रोम शहर मा भि गव्है दींण होली।”</verse>
				<verse number="12">जब दिन हवे, त कुछ यहूदी लुखुं ल साजिश रचि अर सौं खै कि जब तक उ पौलुस तैं जान से नि मारि दयूला तब तक उ कुछ नि खाला अर न कुछ प्याला।</verse>
				<verse number="13">जौं ल या सौं खै उ चालिस से भि जादा लोग छा।</verse>
				<verse number="14">ऊंल प्रधान याजक अर दाना-सयाणों मा ऐ के बोलि, “हमारी सौं खै च कि जब तक हम पौलुस तैं मारि नि दयूला, तब तक हम कुछ भि नि खौला।</verse>
				<verse number="15">इलै अब तुम अर महासभा मिली के पलटण का सेनापति तैं समझावा, कि पौलुस तैं तुम मा लौनु माना कि तुम वेका बारा मा ठिक-ठिक जांच-पड़ताल कन चंदींनि हम वेका पौंछण से पैली ही बट्टा मा पौलुस तैं मरूणु कु तैयार राला।”</verse>
				<verse number="16">पर जब पौलुस का भंणजा ल सूंणि कि यहूदी लोग पौलुस तैं मरणै की योजना बनांणा च, त किला मा जै के पौलुस तैं संदेश दींनि।</verse>
				<verse number="17">पौलुस ल सुबदारों मा बट्टी एक तैं अफ म बुलै के बोलि, “यु जवान तैं पलटण का सेनापति मा लिजा यु वे बट्टी कुछ बुल्ण चांणु च।”</verse>
				<verse number="18">इलै सुबदार पौलुस का भणजा तैं सिपैयूं का झुण्ड का सेनापति का संमणी लिजै के बोलि, “बंधि पौलुस ल मि तैं बुलै के पूछि कि, यु जवान आदिम तैं त्वे मा लौ किलैकि उ त्वे बट्टी कुछ बुल्ण चांणु च।”</verse>
				<verse number="19">पलटण का सेनापति ल वेको हथ पकड़ी अर अलग मा लिजै के वेमा पूछि, “तुम मि बट्टी क्य बुल्ण चांणि छै?”</verse>
				<verse number="20">वेल बोलि, “यहूदी अगुवों इन जाल-साझी करीं च कि त्वे बट्टी बिनती कैरी के कि, पौलुस तैं भोल महासभा का बीच मा लै, किलैकि माना उ वेका बारा ठिक-ठिक जांच-पड़ताल कन चांणा छा।</verse>
				<verse number="21">पर कृपा कैरी के ऊंकी ईं बिनती का तरपां ध्यान नि द्ये, किलैकि ऊंमा बट्टी चालिस से भि जादा आदिम पौलुस तैं मरणै ताक मा छिनी जौं का कि इन सौं खयां छिन कि जब तक उ पौलुस तैं जान से नि मारि दयूला तब तक हम कुछ भि नि खौला-प्यूला अर तेरु जवाब को इन्तजार कना छिनी।”</verse>
				<verse number="22">तब पलटण का सेनापति ल वे जवान तैं इन समझै के भेजि दींनि, “कै मा नि बोलि कि तिल मि तैं यु बात बतै।”</verse>
				<verse number="23">तब सेनापति ल सुबदारों मा बट्टी द्वी लुखुं तैं बुलै के बोलि, “आज राती नौं बजि तक कैसरिया शहर जांणु कु द्वी सौ सिपै, सत्तर घुड़सवार अर द्वी सौ भाला वला तैयार रखिनि।</verse>
				<verse number="24">अर पौलुस की सवारी कु घोड़ा तैयार रखा कि वे तैं फेलिक्स राज्यपाल मा सूखी शान्ति बचै के पौंछये जौं।”</verse>
				<verse number="25">फिर वेल इन्दरी छिट्टी भि लिखीं;</verse>
				<verse number="26">महाप्रतापी फेलिक्स राज्यपाल को क्लौदियुस लूसियास की तरपां बट्टी प्रणाम लिखणु छो।</verse>
				<verse number="27">यहूदियों यु आदिम तैं पकड़ी के मरण वला छा, पर जब मि तैं मालुम हवे कि यु रोमी च, तब पलटण का द्वारा छुड़ै के वे तैं लै के औं।</verse>
				<verse number="28">अर इन जनणु कु, कि उ वे पर भंगार किलै लगांणा छिनी, मि पौलुस तैं ऊंकी महासभा मा ली ग्यों।</verse>
				<verse number="29">तब मि तैं मालुम हवे गै, कि उ ऊंका यहूदी व्यवस्था कि बातों का बारा मा वे पर भंगार लगांणा छिनी, पर मरै जांण या बंधे जांण लैक वे पर कुई भि भंगार नि च।</verse>
				<verse number="30">अर अब मि तैं बतैये गै, कि उ यु आदिम तैं मरण चांणा छिनी, इलै मिल वे तुरंत त्वे मा भेजि दींनि, अर उन यहूदियों तैं जौला वे पर भंगार लग्युं च आज्ञा दींनि, कि तेरु संमणी वे पर भंगार लगौनु।</verse>
				<verse number="31">वीं राती ही सिपैयूं तैं दिये गै आदेशों तैं पूरो कैरी; उ पौलुस तैं यरूशलेम शहर बट्टी ली गैनी अर वे तैं अन्तिपत्रिस शहर मा लैनी।</verse>
				<verse number="32">हैंका दिन सिपै घुड़सवरों तैं पौलुस का दगड़ी कैसरिया नगर जांणु कु छोड़ी के अपड़ा किला यरूशलेम शहर कु लौटि गैनी।</verse>
				<verse number="33">ऊंल कैसरिया नगर मा पौंछि के राज्यपाल तैं चिट्ठी दींनि; अर पौलुस तैं भि वेका संमणी खड़ो कैरी।</verse>
				<verse number="34">राज्यपाल ल पैढ़ी के पूछि, “तू कै प्रदेश को च अर जब वे तैं पता लगि कि यु किलिकिया प्रदेश को च?”</verse>
				<verse number="35">तब वेको बोलि, “जब तेरु दुश्मन भि आला, त मि तेरु मुकदमा करुलु।” अर वेल पौलुस तैं राजा हेरोदेस का किला मा, पहरा मा रखणै की आज्ञा दींनि।</verse>
			</chapter>
			<chapter number="24">
				<verse number="1">पाँच दिन का बाद हनन्याह महायाजक कुछ दाना-सयाणों अर तिरतुल्लुस नौं का एक वकील तैं अफ दगड़ी ले के कैसरिया नगर ऐ; ऊंल राज्यपाल का संमणी पौलुस पर भंगार लगै।</verse>
				<verse number="2">जब पौलुस बुलै गै तब तिरतुल्लुस वे पर भंगार लगै के बुल्ण लगि गै, “हे सामर्थी फेलिक्स, तेरु द्वारा हम तैं बड़ी कुशल हुंद; अर तेरु प्रबंध बट्टी ईं जाति की कथग बुरै सुधरदी जांणि छिनी।</verse>
				<verse number="3">सबसे बड़ो राज्यपाल फेलिक्स तैं हम हरेक जगह अर हरेक प्रकार बट्टी धन्य मणदयां।</verse>
				<verse number="4">पर इलै की मि तेरु जादा बगत नि लींण चांणु छों, मि त्वे बट्टी बिनती करदु, कि कृपा कैरी के हमारी एक-द्वी बात तैं सूंणि ले।</verse>
				<verse number="5">हम ल यु आदिम तैं घपरौल, अर दुनिया भर का सभि यहूदियों मा झगड़ा करदो-फिरदो, अर नासरी कुपंथ को मुखिया च।</verse>
				<verse number="6">वेल यरूशलेम शहर का मन्दिर तैं भि अशुद्ध कन चै (पर हम ल यु पकड़ी दींनि। अर हम वे तैं अपड़ी व्यवस्था का अनुसार दण्ड दियुं हूंदो;</verse>
				<verse number="7">पर सिपै का झुंडों का सेनापति लूसियास ल ऐ के वे तैं जोर जबरदस्ती ल हमारा हथों बट्टी लूछि लींनि,</verse>
				<verse number="8">अर यु पर भंगार लगांण वलो तैं तेरु संमणी औंणो को आज्ञा दींनि। तु खुद ही वे तैं जांच के जांणि लीली अर त्वे तैं ऊं सभि बातों का बारा मा पता चलि जालो जीं बात मा हम वे पर भंगार लगांणा छा”)</verse>
				<verse number="9">यहूदियों ल भि वेकी तरफदरी कैरी के बोलि, “यु बात इन ही छिनी।”</verse>
				<verse number="10">जब राज्यपाल ल पौलुस तैं बुल्णु कु हथ ल सनकै त वेल जवाब दींनि; “मि जंणदु छौं कि तू भौत सालों बट्टी यु देश का लुखुं को न्यायी कनी छै, इलै मि खुशी से अपड़ा जवाब दींणु छौं।”</verse>
				<verse number="11">तू अफी जांणि सकदी छै, की जब बट्टी मि यरूशलेम शहर मा आराधना कनु कु मंदिर मा औं, मि तैं अभि बारह दिन बट्टी जादा नि हवीनि।</verse>
				<verse number="12">ऊंल मि तैं न यरूशलेम शहर का मन्दिर मा, न यहूदियों का मिलणा का भवन मा, न नगर मा कैका विवाद करदा या भीड़ तैं उकसांणु पै।</verse>
				<verse number="13">अर न त उ ऊं बातों तैं, ज्यांका बारा मा उ मि पर भंगार लगांणा छिन, तेरु संमणी ऊं तैं सच साबित कैरी सकदींनि।</verse>
				<verse number="14">मि तेरु संमणी यु अंगीकार करदु, कि मि प्रभु का रस्ता कु शिष्य हवे के अपड़ा पूर्वजों का पिता परमेश्वर की आराधना करदु, जै तैं यु झूठा यहूदी अगुवों को दल बुल्दींनि, अर जु बात मूसा द्वारा लिखीं परमेश्वर की व्यवस्था मा छै अर परमेश्वर का तरपां बट्टी बुल्ण वलो कि किताबों मा लिखीं छिनी, ऊं सभियूं पर मि विश्वास करदु।</verse>
				<verse number="15">अर परमेश्वर पर आस रखदु जैं आस उ खुद भि रखदींनि, कि धर्मियों अर अधर्मियों द्वीयूँ को परमेश्वर मुर्दों तैं ज्यून्दो कैरी दयालो।</verse>
				<verse number="16">इलै मि खुद भि कोशिश कनु छौं, कि परमेश्वर अर लुखुं कि तरपां बट्टी मेरू मन हमेशा निर्दोष रौ।</verse>
				<verse number="17">“भौत सालों का बाद मि अपड़ा गरीब लुखुं कु भेंट पौछोलु, अर पिता परमेश्वर तैं बलिदान चढ़ांणु कु यरूशलेम शहर मा अयुं छो।</verse>
				<verse number="18">मि शुद्ध हूंणा की रीति का बलिदान का बाद यरूशलेम शहर का मन्दिर मा छो, यहूदियों ल मि तैं उख देखि; अर उख न कुई भीड़ छै अर न गड़बड़ी,</verse>
				<verse number="19">पर उख एशिया प्रदेश का कुछ यहूदी लोग छा। जु ऊं तैं लगदो कि मिल कुछ गलत करयूं च, किलैकि ऊंल देखि की मंदिर मा क्य हवे छो, त मि पर भंगार लगांणु कु ऊं तैं इख तेरु संमणी हूंण चयणु छो।</verse>
				<verse number="20">या यु लोग अफी बतौ कि जब मि महासभा का संमणी खड़ो हुयुं छो त यूं ल मि पर क्य भंगार पै,</verse>
				<verse number="21">इलै एकमात्र भंगार जु उ मेरा खिलाफ लगै सकदा छिनी, उ यु च जब मिल कचहरी मा पुकारी के बोलि छो, किलैकि मि विश्वास करदु छों कि परमेश्वर ऊं लुखुं तैं जु मुरयां छिनी ज्यून्दो करलो इलै मेरू मुकदमा हूंणु च”</verse>
				<verse number="22">फेलिक्स राज्यपाल जु प्रभु का रस्ता का बारा मा ठिक ढंग से जंणदु छो, इलै वेल इन बोलि के या बात खत्म कैरी दींनि कि, “जब सेनापति लूसियास आलो, त मि तुम्हरा मुकदमा की जांच कैरी के न्याय करुलु।”</verse>
				<verse number="23">अर वेल सुबदार तैं आज्ञा दींनि कि, पौलुस तैं कुछ छूट मा रखि के रखवली करयां, पर वेका दगड़ियों मा बट्टी कै तैं भि वेकी सेवा कन से नि रुकयां।</verse>
				<verse number="24">कुछ ही दिन का बाद फेलिक्स राज्यपाल अपड़ी घरवलि द्रुसिल्‍ला तैं अफ दगड़ी लै के ऐ अर व यहूदी छै अर उ पौलुस तैं मिलणु कु ऐ छा। ऊंल पौलुस तैं बुलै के वे विश्वास का बारा मा जु मसीह यीशु पर च, वे बट्टी सूंणि।</verse>
				<verse number="25">पर जब पौलुस धार्मिकता अर सयंम अर औंण वला जांच के न्याय की विचार कनु छो, तब फेलिक्स ल डैरी के जवाब दींनि, “इलै अभि त तु जै सकदी छै पर मौका मिललो त मि त्वे तैं फिर बुलौलु।”</verse>
				<verse number="26">जबकि फेलिक्स ऊं बातों का बारा मा डरदु छो जु पौलुस ल बोलि छै, फिर भि उ अक्सर वे तैं बुल्दो छो अर वे दगड़ी बात करदो छो किलैकि उ आस करदो छो अर सुचद छो कि पौलुस जेलखना बट्टी भैर निकलण कु वे तैं कुछ रूपया दयालो।</verse>
				<verse number="27">इन ही कै जब द्वी साल बीति गैनी त फेलिक्स का जगह पुरकियुस फेस्तुस राज्यपाल बंणि गै, अर फेलिक्स यहूदियों तैं खुश कनै की इच्छा ल पौलुस तैं बंधि ही छोड़ी गै।</verse>
			</chapter>
			<chapter number="25">
				<verse number="1">फेस्तुस राज्यपाल का रूप मा यहूदिया प्रान्त मा अयां तीन दिन हवीनि, फिर उ कैसरिया शहर बट्टी यरूशलेम शहर कु चलि गै।</verse>
				<verse number="2">वे बगत प्रधान याजक ल, अर यहूदी अगुवों ल, अर पौलुस का खिलाफ मुकदमा द्ये।</verse>
				<verse number="3">अर वे बट्टी बिनती कैरी के पौलुस तैं यरूशलेम शहर मा बुलै, किलैकि उ वे तैं बट्टा मा ही मरणै कि ताक मा छा।</verse>
				<verse number="4">पर फेस्तुस ल जवाब दींनि, “पौलुस कैसरिया शहर कि जेल मा कैदी च, अर मि खुद जल्द उख जौलु।</verse>
				<verse number="5">तुम मा जु खास आदिम छिनी उ मि दगड़ी ऐ सकदींनि, अर जु यु आदिम ल कुई गलत काम कैरी हो त तभि वे पर भंगार लगयां।”</verse>
				<verse number="6">फेस्तुस कुई आठ दस दिन यरूशलेम शहर मा रै के कैसरिया शहर कु लौटि गै, हैंका ही दिन न्याय आसण पर बैठी के पौलुस तैं लौंणे कि आज्ञा दींनि।</verse>
				<verse number="7">जब पौलुस ऐ, त जु यरूशलेम शहर बट्टी यहूदी अगुवा ऐ छा, उ वेका चौतरफी खड़ा हवे के वे पर भौत बुरा-बुरा भंगार लगैनी, जौं को उ सबूत भि नि दे सकदा छा।</verse>
				<verse number="8">पर पौलुस ल जवाब दींनि, “मिल न त यहूदियों की व्यवस्था तैं अर न यरूशलेम शहर का मन्दिर को, अर न कैसर का विरुद्ध कुई अपराध कैरी।”</verse>
				<verse number="9">तब फेस्तुस ल यहूदी अगुवों तैं खुश कने कि मनसा ल पौलुस बट्टी पूछि, “क्य तु चांणि छै कि यरूशलेम शहर कु जां; अर उख मेरा संमणी तेरु न्याय किये जौं?”</verse>
				<verse number="10">पौलुस ल बोलि, “मि कैसर का न्याय आसण का संमणी खड़ो छो; अर मेरी पेशी को न्याय इख ही हूंण चयणु च। जन कि तू भि ठिक ढंग ल जंणदी छै कि मिल यहूदियों का विरोध मा कुई अपराध नि कैरी।</verse>
				<verse number="11">जु मि अपराधी छौं अर जु मिल मृत्यु दण्ड लैक कुई अपराध करयूं च, त मि तैं मृत्यु दण्ड स्वीकार च; जु यूं यहूदियों का द्वारा लगयां अपराध सै नि च, त कै तैं भि यु अधिकार नि च कि उ मि तैं यूं तैं सौंपी द्यो। मेरी बिनती च कि मेरू न्याय खुद कैसर का द्वारा किये जांण चयणु च।”</verse>
				<verse number="12">तब फेस्तुस ल मंत्रियों कि सभा दगड़ी बात कैरी के जवाब दींनि, “तिल कैसर का द्वारा न्याय किये जांणै की मांग कैरी, तब तिल अब कैसर मा ही जांण।”</verse>
				<verse number="13">कुछ दिनों का बाद राजा अग्रिप्पा अर वेकी छुटी बैंण बिरनीके कैसरिया शहर मा ऐ, कि फेस्तुस राज्यपाल का दगड़ी मुलाकात कैरो।</verse>
				<verse number="14">उ उख भौत दिन तक रैनी फेस्तुस ल पौलुस को मामला राजा तैं बतै, “यख एक आदिम च जै तैं फेलिक्स ल कैदी बणै के छोड़ी येले।”</verse>
				<verse number="15">जब मि यरूशलेम शहर मा छौं उख प्रधान याजक ल अर यहूदी दाना-सयाणों ल मि पर भंगार लगै, अर ऊं मि तैं मृत्यु दण्ड दींणै की मांग कैरी।</verse>
				<verse number="16">“पर मिल ऊं तैं जवाब दींनि, कि रोमियों कि या रीति नि, कि कै भि आदिम तैं दण्ड कु सौंपी द्ये, कि भंगारी तैं न्यायधीश का संमणी अपड़ा भंगार लगांण वलो का संमणी मुलाकात हो कि भंगारी तैं जवाब दींणु को मौका मिलो ज्यांको वे पर भंगार लग्युं हो।</verse>
				<verse number="17">इलै जब यहूदी अगुवा मि दगड़ी इख कैसरिया शहर मा ऐनी, त मिल जरा भि अबेर नि कैरी, पर दुसरा ही दिन न्याय आसण पर बैठी के आज्ञा दींनि, पौलुस तैं अदालत मा लै के आवा।</verse>
				<verse number="18">जब वेका विरोधी खड़ा हवीनि त तब ऊंल इथग बुरी बातों को भंगार नि लगै जथग कि मि सुचणु छौं।</verse>
				<verse number="19">पर ऊंका बीच अपड़ा धर्म तैं लै के अर यीशु नौं को एक आदिम का बारा मा कुछ झगड़ा छो, जु मोरि गै छो; पर पौलुस दावा कनु च कि उ ज्यूँदो च।</verse>
				<verse number="20">किलैकि मि तैं पता नि छो, यूं बातों की खोज कनके कैरू, इलै मिल पौलुस तैं पूछि, क्य तु यरूशलेम शहर जैलि कि उख यूं बातों को न्याय कन चयणु च?</verse>
				<verse number="21">पर जब पौलुस ल बिनती कैरी, वेकी जांच खुद कैसर का द्वारा करये जांण चयणु च; त मिल आज्ञा दींनि, कि जब तक वे तैं कैसर मा नि भेजि दियुं, वेकी रखवली किये जौं।”</verse>
				<verse number="22">तब राजा अग्रिप्पा ल फेस्तुस बट्टी बोलि, “मि भि वे आदिम कि सुनण चांणु छों” तब फेस्तुस राज्यपाल ल बोलि, “तु भोल सूंणि लीली।”</verse>
				<verse number="23">इलै दुसरा दिन, राजा अग्रिप्पा अर छुटी बैंण बिरनीके बड़ी धूम-धाम ल कि सिपैयूं का दल का सेनापतियों अर शहर का खास आदिमों का दगड़ी कचहरी मा पौंछिन। जब फेस्तुस ल आज्ञा दींनि, कि वे पौलुस तैं लै आवा।</verse>
				<verse number="24">फेस्तुस ल बोलि, “हे राजा अग्रिप्पा अर सैरा लुखुं जु इख हम दगड़ी छिनी, तुम यु आदिम तैं दिखणा छा, जैका बारा मा सैरा यहूदियों ल यरूशलेम शहर मा अर इख भि चिल्लै-चिल्लै के हम बट्टी बिनती कैरी की येको ज्यूँदो रांण ठिक नि च।</verse>
				<verse number="25">पर मि जांणि ग्यों कि येल इन कुछ भि नि कैरी जु कि मरै जौं; अर जब वेल खुद ही कैसर बट्टी बिनती कैरी, त मिल वे तैं रोम शहर मा भिजणै की ठांणी दींनि।</verse>
				<verse number="26">पर मि तैं वेका बारा मा कुछ भंगार नि मिली जु मि कैसर तैं लिख साको, इलै मि यु तैं तुम्हरा संमणी अर खास कैरी के हे राजा अग्रिप्पा तेरु संमणी लै के अयुं छों, कि जांच का बाद मि तैं कुछ लिखणु कु मिलो।</verse>
				<verse number="27">किलैकि कैदी तैं भिजण अर जु भंगार वे पर लगै गैनी, ऊं तैं नि बतयां, मि तैं यु ठिक नि लगणु च।”</verse>
			</chapter>
			<chapter number="26">
				<verse number="1">राजा अग्रिप्पा ल पौलुस मा बोलि, “त्वे तैं अपड़ा बचाव मा बुनै कि पूरी छूट च” तब पौलुस ल अपड़ो हथ उठै के बुल्ण शुरू कैरी,</verse>
				<verse number="2">“हे राजा अग्रिप्पा जथग बातों को यहूदी अगुवा मि पर भंगार लगांणा छिनी, तेरु संमणी ऊं बातों को जवाब दींणु कु मि अफ तैं धन्य समझणु छौं।”</verse>
				<verse number="3">खास कैरी के इलै कि तु यहूदियों का रीति-रिवाजों तैं अर जौं बातों पर यहूदी लोग बहस करदींनि तु ऊं बातों तैं जंणदी छै, इलै मि बिनती करदु। कि सब्र रखि के मेरी बात सूंण।</verse>
				<verse number="4">मेरी चाल-चलण ज्वनी बट्टी अभि तक कन रै, अर मिल अपड़ा जीवन की शुरू बट्टी अपड़ी जातिवलों का दगड़ी अर यरूशलेम शहर मा कन छो जै तैं सभि यहूदी जणदींनि।</verse>
				<verse number="5">उ मेरा बारा मा भौत पैली बट्टी जणदींनि अर जु चाह त ईं बात की गव्है भि दे सकदींनि, कि मिल अपड़ा धर्म का सबसे पक्का रस्ता का अनुसार फरीसी का जन रै करे के जीवन बसर कैरी।</verse>
				<verse number="6">पर अब मेरू न्याय हूंणु च, किलैकि मि वीं करार तैं पूरा हूंण पर आस रखदो, ज्वा पिता परमेश्वर ल हमारा बाप-दादाओं दगड़ी कैरी छै।</verse>
				<verse number="7">ईं करार तैं पूरी हूंणै आस लगयां हमारा बारह गोत्र अपड़ा सैरा मन से रात दिन पिता परमेश्वर कि आराधना करदी ऐनी। हे राजा यु यहूदी वे ही आशा का कारण मि पर भंगार लगौंदींनि।</verse>
				<verse number="8">तब पौलुस ल भीड़ मा सभि यहूदियों बट्टी बोलि, “तुम लोग विश्वास करदा कि पिता परमेश्वर मुरयां लुखुं तैं फिर से ज्यूँदो कैरी सकद, त फिर तुम लोग ईं बात पर विश्वास कन से इंकार किलै करदा कि वेल यीशु तैं मुर्दों मा बट्टी ज्यूँदो कैरी?</verse>
				<verse number="9">मिल तैं खुद भि विश्वास च, कि नासरत गौ का यीशु नौं का खिलाफ मा मि तैं भौत कुछ कन चयणु च।</verse>
				<verse number="10">अर मिल यरूशलेम शहर मा इन कैरी भि च; अर प्रधान याजक बट्टी अधिकार पै के भौत सैरा भक्त लुखुं तैं जेल भितर डाली अर जब उ मरै जांदा छा, त मि भि वे काम मा राजी छो।</verse>
				<verse number="11">हरेक यहूदियों का मिलणा का भवन मा, मि ऊं तैं दंड़ित कैरी के मजबूर करदो छो कि यीशु कि बुरै कैरा। इख तक कि गुस्सा मा मि इथग पागल हवे गै छो कि दुसरा शहरों मा जै के भि ऊं तैं सतौंदू छो।</verse>
				<verse number="12">ईं धुन मा मि एक प्रधान याजकों बट्टी अधिकार अर आज्ञा पै के दमिश्क शहर जनै जांणु छो।</verse>
				<verse number="13">त हे राजा बट्टा मा दोफरा का बगत पर मिल स्वर्ग बट्टी सूरज का उज्यला बट्टी भि तेज उज्यलो अपड़ा अर अफ दगड़ी जांण वलो का चौतरफी चमकद देखि।</verse>
				<verse number="14">हम सभि धरती पर पोड़ी ग्यां त मिल इब्रानी भाषा मा एक आवाज तैं इन बुल्द सूंणि कि, ‘शाऊल हे शाऊल, तू मि तैं दुःख किलै दींणि छै? कील की नौक पर लथि मरण त्वे कु सौंगु नि च’</verse>
				<verse number="15">मिल बोलि, ‘हे प्रभु तु कु छै?’ प्रभु ल बोलि, ‘मि यीशु छौं जै तैं तु सतौंणी छै।</verse>
				<verse number="16">पर उठ अपड़ा खुट्टों पर खड़ो हवे जा। मिल त्वे तैं दर्शन इलै दींनि कि त्वे तैं अपड़ो सेवक अर अपड़ी बातों को जु तिल दिखिनि अर दिखौलु वेको गवाह बणौ।</verse>
				<verse number="17">त्वे तैं यहूदी लुखुं अर अन्यजाति मा भिजणु छौं अर ऊं बट्टी त्वे तैं मि छुड़ौलु,</verse>
				<verse number="18">कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’</verse>
				<verse number="19">इलै हे राजा अग्रिप्पा, मिल वे स्वर्गीय दर्शन को बुल्युं नि टाली।</verse>
				<verse number="20">अर पैली दमिश्क का अर फिर यरूशलेम शहर का रौंण वलो अर तब पूरा यहूदिया प्रान्त मा अर अन्यजाति तैं समझाणु रयूं कि उ मन फिरावा अर पिता परमेश्वर मा ऐ के मन फिरौंण का लैख काम कैरा।</verse>
				<verse number="21">यूं बातों कि वजह से यहूदियों ल यरूशलेम शहर का मन्दिर मा, मि तैं पकड़वै अर मि तैं मरणै की कोशिश कैरी।</verse>
				<verse number="22">पर पिता परमेश्वर कि दया ल मि आज का दिन तक ज्यूँदो छौं अर छुटा-बड़ा सभियूं का संमणी गव्है दींणु छौं। परमेश्वर का तरपां बट्टी बुल्ण वलो ल अर मूसा द्वारा लिखीं परमेश्वर की व्यवस्था ल जूं-जूं हूंण वली बातों का बारा मा बतै ऊं बातों का अलावा मि कुछ नि बुल्दो,</verse>
				<verse number="23">कि मसीह तैं दुःख उठांण पुड़लो, अर उ ही सबसे पैली मुर्दों मा बट्टी ज्यूँदो हवे के, यहूदियों अर अन्यजातियों का बीच मा यु प्रचार कनु कु कि उ बचि सकदींनि, जु की उज्यला का जन छिनी।”</verse>
				<verse number="24">जब पौलुस ईं रीति से जवाब दींणु छो तब फेस्तुस ल चिल्लै के बोलि, “पौलुस तु पागल छै, जादा विद्या ल त्वे तैं पागल कैरेले।”</verse>
				<verse number="25">पौलुस ल बोलि, “महाप्रतापी फेस्तुस मि पागल नि छौं बल्कि सचो अर समझदार छौं।</verse>
				<verse number="26">राजा भि यूं बातों तैं जंणदो छो, इलै मि वेका संमणी निडर हवे के बुल्णु छौं। अर मि तैं विश्वास च, कि यूं बातों बट्टी ल कुई बात राजा बट्टी छिपी नि च, किलैकि या बात चुपचाप बट्टी नि हवे।</verse>
				<verse number="27">हे राजा अग्रिप्पा क्य तु परमेश्वर का तरपां बट्टी बुल्ण वलो कि बात पर विश्वास करदी छै? हां मि जंणदु छौं कि तु विश्वास करदी छै।”</verse>
				<verse number="28">तब अग्रिप्पा ल पौलुस मा बोलि, “क्य तु मि तैं थोड़ा सी बगत मा मसीही बनौण चांणि छै?”</verse>
				<verse number="29">पौलुस ल बोलि, “पिता परमेश्वर ल मेरी या प्रार्थना च कि, क्य थोड़ा मा या भौत मा बगत मा भस तु ही न बल्कि जथग भि लोग मेरी बात सुनणा छिनी उ सभि सिवाय यूं संगलों का मि जन मसीह विश्वासी बंणि जां।”</verse>
				<verse number="30">तब राजा अग्रिप्पा अर राज्यपाल फेस्तुस अर वेकी छुटी भुल्ली बिरनीके अर ऊं दगड़ी बैठण वला लोग सभि खड़ा हवे गैनी अर चलि गैनी।</verse>
				<verse number="31">जब उ भैर जांणा छा, उ एक दुसरा बट्टी बुल्ण लगि गैनी, “यु आदिम ल मृत्यु दण्ड या जेल जांणा का योग्य कुई अपराध नि कैरी।”</verse>
				<verse number="32">राजा अग्रिप्पा ल फेस्तुस राज्यपाल कु बोलि, “जु यु आदिम ल यु मांग नि कैरी हूंदी कि कैसर वेको न्याय कैरो, त छुटी सकदो छो।”</verse>
			</chapter>
			<chapter number="27">
				<verse number="1">जब फेस्तुस राज्यपाल का द्वारा यु तय हवे कि हम समुद्री जहाज मा इटली प्रदेश कु जां, त वेल पौलुस अर कुछ अन्य कैदियों तैं भि यूलियुस का नौं का एक आदिम का हवाला कैर दींनि, जु सम्राट औगुस्‍तुस की सेना को सुबदार छो।</verse>
				<verse number="2">हम अद्रमुत्तियुम का एक जहाज पर बैठी ग्यां उ जहाज एशिया प्रान्त का छाला ही छाला जांण वलो छो, मकिदुनिया प्रान्त का थिस्सलुनीकियों शहर को अरिस्‍तर्खुस हम दगड़ा मा छो।</verse>
				<verse number="3">हैंका दिन हम सीदोन शहर मा उतरी ग्यां, अर यूलियुस ल पौलुस पर कृपा कैरी के वे तैं वेका दगड़ियों का दगड़ी जांण दींनि ज्यां बट्टी वेकी जरूरत पूरी हवे साको।</verse>
				<verse number="4">उख बट्टी समुद्र मा जहाज चलैइ के उल्टा बथौं हूंण का वजह से हम साइप्रस टापू का छाला ही छाला हवे के ग्यां जै बट्टी हम बथौं बट्टी बची साका।</verse>
				<verse number="5">हम समुद्र तैं पार कैरी के किलिकिया प्रदेश अर पंफूलिया प्रदेश का छाला ही छाला लूसिया प्रदेश का मूरा शहर मा पौंछयां।</verse>
				<verse number="6">उख सुबदार तैं सिकन्दरिया शहर को एक जहाज इटली प्रदेश कु जांद मिली, अर वेल हम तैं वे जहाज पर चढ़ै दींनि।</verse>
				<verse number="7">अर समुद्री जहाज का द्वारा हम धीरे-धीरे भौत बगत का बाद बड़ी मुश्किल ल कनिदुस नगर मा पौंछयां। त बथौं ल हम तैं वीं दिशा मा अगनैं जांण नि दींनि, इलै हम सलमोने बट्टी क्रेते टापू हवे के छाला ही छाला चलि ग्यां कि बथौं बट्टी बची साका।</verse>
				<verse number="8">अर वेका छाला ही छाला जहाज चलैइ के बड़ी मुश्किल से हम सुन्दरबन्दरगाह नौं कि एक जगह मा पौंछयां जख बट्टी लसया शहर नजदीक ही छो।</verse>
				<verse number="9">जब भौत दिन बीती गैनी, अर समुद्री यात्रा मा जोखिम इलै हूंद छो, किलैकि पापों बट्टी प्रायश्चित को दिन को त्यौहार समाप्त हवे गै छो, अर यु ही उ मौसम च जब समुन्द्र भौत तूफानी हवे जांद। इलै, पौलुस ल ऊं सभियूं बट्टी बोलि;</verse>
				<verse number="10">“भयों मि दिखणु छौं कि ईं यात्रा मा ल भस माल अर जहाज को नुकसान च बल्कि हमारा जीवन भि खतरा मा पोड़ी सकदींनि।”</verse>
				<verse number="11">पर सुबदार ल पौलुस कि बात से जादा जहाज चलौंण वला कि जहाज का स्वामि कि बात पर ध्यान दींनि।</verse>
				<verse number="12">सुन्दरबन्दरगाह नौं को बंदरगाह ह्यूंद कटणु कु अच्छो नि च; इलै भौतों को विचार हवे कि उख बट्टी जहाज खोलि के अगनैं बड़ी जां जु कै रीति से हवे साको त फीनिक्स बंदरगाह मा पौंछि के ह्यूंद को बगत कटे जौं। यु त क्रेते टापू को एक बंदरगाह च जु दक्षिण-पश्चिम अर उत्तर-पश्चिम दिशा मा च।</verse>
				<verse number="13">जब दक्षिण बट्टी जरा-जरा बथौं औंण लगि गै त तब ऊंल सोचि कि हमारो काम पूरो हवे जालो तब ऊंल जहाज चलै अर क्रेते टापू का छाला ही छाला जांण लगि गैनी।</verse>
				<verse number="14">थोड़ी देर मा वे टापू बट्टी उत्तर पूर्वी बथौं को एक बड़ो तूफान ऐ।</verse>
				<verse number="15">अर जब जहाज वे तूफान मा फंसी गै त तब उ तूफान का संमणी टिकी नि सैकी इलै हम ल जहाज तैं बथौं का रुख मा जांण दींनि।</verse>
				<verse number="16">तब कौदा नौं का एक टापू कि आड़ मा बुगदी-बुगद वीं तरपां जु बथौं बट्टी थोड़ा बच्युं छो, हम ल बड़ी मुश्किल से जहाज पर की बचाव कि किश्ती वश मा कैरी।</verse>
				<verse number="17">फिर जहाज का नाविकों ल बचाव कि नावों तैं उठै के, जहाज तैं चौतरफी बट्टी रस्सों बट्टी कसी के बंधि दींनि की उ जहाज बट्टी मजबूत ढंग ल पकड़यूं रौ। अर सुरतिस की खाड़ी का बल्ला का दलदल का पांणी मा फंसी जांण का डौर का कारण ऊंल लंगर तैं थोड़ा मूड़ी कैरी कै जहाज तैं जु धीमो कैरी दींद बथौं का दगड़ी-दगड़ी बुगण कु छोड़ी दींनि।</verse>
				<verse number="18">अर जब तुफान हम ल भौत धक्का खैनि त दुसरा दिन उ जहाज पर को समान फिकण लगि गैनी।</verse>
				<verse number="19">अर तिसरा दिन ऊंल अपड़ा हथों ल जहाज चलौंण मा काम औंण वलो समान भि फेंकी दींनि।</verse>
				<verse number="20">भौत दिन तक सूरज अर गैंणा नि दिखेनि अर भौत जादा तुफान औंणु रै त आखिर मा हमारो बचणै कि आस भि नि रै गै छै।</verse>
				<verse number="21">जब ऊंल भौत दिन तक खांणु नि खै छो तब पौलुस ल ऊंका बीच मा खड़ो हवे के बोलि, “हे भयों तुम तैं मेरी बात मणन चयणी छै अर क्रेते टापू बट्टी जहाज नि चलौंण चयणु छो तब न या बिपदा औंदी अर न इथग नुकसान हूंदु।”</verse>
				<verse number="22">अब मि तुम तैं सलाह दींण चांणु छौं कि हिम्मत रखा किलैकि तुम मा बट्टी कुई भि नि मुरुलो भस जहाज को ही नाश होलो।</verse>
				<verse number="23">किलैकि जै पिता परमेश्वर को मि छौं, अर जै कि मि आराधना कनु छौं वेको स्वर्गदूत पिछली रात मि मा ऐ।</verse>
				<verse number="24">अर बोलि, “पौलुस नि डैर त्वे तैं कैसर का संमणी खड़ो हूंण जरूरी च। अर जथग भि लोग त्वे दगड़ी यात्रा कना पिता परमेश्वर ल ऊं सभियूं पर कृपा कैरेले।”</verse>
				<verse number="25">इलै हे भला आदमियों हिम्मत रखा किलैकि मि पिता परमेश्वर पर विश्वास करदो छौं अर जु मि से बुलै गै उन ही होलो।</verse>
				<verse number="26">अर बथौं हमारा जहाज तैं कै टापू पर पौंछि जौला।</verse>
				<verse number="27">जब चौदह वीं रात हवे अर हम अद्रिया का समुद्र मा भटकणा छा त अधा रात का करीब जहाज चलौंण वला तैं इन लगि कि हम कै धरती का नजदीक छा।</verse>
				<verse number="28">जब पांणी कि गहराई नापी त ऊंल एक सौ बीस फुट गहरू पै जरा अगनैं जै के ऊंल फिर गहराई नापी अर तब नब्बे फुट पै।</verse>
				<verse number="29">तब पोड वली जगह पर टकरांण की डौर का कारण ऊंल जहाज का पिछला वला हिस्सा बट्टी चार लंगर डलिनि, अर सुबेर हूंणु कु प्रार्थना कना रां।</verse>
				<verse number="30">पर जहाज चलौंण वला जहाज पर बट्टी भगण चांणा छा अर ऊंल जहाज का अगनैं का हिस्सा मा लंगर डलणा बहाना से बचाव कि किश्ती समुद्र मा उतारी दींनि।</verse>
				<verse number="31">तब पौलुस ल सुबदार अर सिपैयूं कु बोलि, “जु यु लोग जहाज मा नि राला त तुम नि बचि सकद्यां।”</verse>
				<verse number="32">तब सिपैयूं ल बचाव कि किश्ती को जूड़ो काटि दींनि, अर किश्ती पांणी मा चुटै दींनि।</verse>
				<verse number="33">जब सुबेर हूंण वली छै तब पौलुस ल सभियूं तैं खांणु-खांण कि सलाह दींनि अर बोलि, “आज चौदह दिन हवे गैनी अर तुम फिकर का कारण तुम ल कुछ नि खै।</verse>
				<verse number="34">इलै मि तुम बट्टी बिनती कनु छौं, कि तुम कुछ खैल्या, कि तुम्हरो उद्धार हवे सकद किलैकि तुमारो मुंड को एक बाल भि नि उपड़ोलु।”</verse>
				<verse number="35">अर इन बोलि, के वेल रुट्टि लींनि अर सभियूं का संमणी पिता परमेश्वर को धन्यवाद कैरी, अर रुट्टि तोड़ी के खांण लगि गैनी।</verse>
				<verse number="36">इन कै ऊं सभियूं पर हिम्मत ऐ गै अर तब ऊंल भि खै।</verse>
				<verse number="37">हम सब जहाज पर कुल द्वी सौ छिहत्तर आदिम छा।</verse>
				<verse number="38">जब ऊंल पुटगो भोरिके खै त सब ग्यूं समुद्र मा ढोलि के जहाज तैं हलकु कैरी दींनि।</verse>
				<verse number="39">अर जब सुबेर हवे त तब उ वीं जगह तैं नि पछयांणी सकिनि पर ऊं तैं एक खाड़ी दिखै जैको बल्लो वलो तट छो, अर ऊंल तय कैरी कि जु हवे साको त जहाज तैं यु ही छाला खड़ो कैरी दींदयां।</verse>
				<verse number="40">तब ऊंल लंगरों तैं खोलि के समुद्र मा छोड़ी दींनि, अर वे ही बगत पाल का रस्सा भि ढीला कैरी दींनि। तब ऊंल बथौं का संमणी अगनैं को पाल चढ़ै के छाला का तरपां जांण लगिनि अर हम छाला का तरपां बढ़ण लगि ग्यां।</verse>
				<verse number="41">पर जहाज बल्ला का एक पोड पर मा जै के फंसी गै। इलै ऊंल जहाज खड़ो कैरी दींनि जहाज को अगनैं वलो हिस्सा धक्का खै के फंसी गै अर हिली भि नि सैकी पर पिछनै को हिस्सा पांणी कि बौछारयूं ल टुटण लगि गै।</verse>
				<verse number="42">तब सिपैयूं ल कैदियों तैं मरणु को फैसला कैरी कि कुई भि तैरी के भागि नि जौं।</verse>
				<verse number="43">पर सुबदार ल पौलुस तैं बचौणे कि मनसा से ऊं तैं इन कन से रोकि अर आज्ञा दींनि कि जु तैरी सकदींनि उ फाल मारि के पैली छाला पर चलि जौनु।</verse>
				<verse number="44">अर बकि लोग कुई पटेलों पर अर जहाज का टुटयां हिस्सों कि मदद ल चलि जौनु अर इन कै हम सभि बचि के छाला पर पौंछि ग्यां।</verse>
			</chapter>
			<chapter number="28">
				<verse number="1">जब हम सभि बचि के छाला पौंछयां तब हम तैं मालुम हवे कि यु टापू को नौं माल्टा च।</verse>
				<verse number="2">उख लुखुं ल हम पर बड़ी कृपा कैरी, बरखा लगिं छै अर जडो लगणु छो इलै ऊंल आग जगै के हमारो प्रेम का दगड़ी स्वागत कैरी।</verse>
				<verse number="3">जब पौलुस ल लखड़ा कट्ठा कैरी के आग मा रखिनि तब हाल लगण से एक गुरो निकली अर उ पौलुस का हथ पर लिपटी गै।</verse>
				<verse number="4">जब उख लुखुं ल वेका हथ पर गुरो (जानवर) लिपटयुं देखि त ऊंल एक हैंका बट्टी बोलि, “जरूर यु आदिम खूनि च हलांकि यु समुद्र बट्टी बचि के ऐ गै पर हमारी न्याय की देवी बट्टी नि बचि सकद।”</verse>
				<verse number="5">पर पौलुस ल उ गुरो (जानवर) आग मा फेंकी दींनि अर वे तैं कुछ भि नुक्सान नि हवे।</verse>
				<verse number="6">पर लुखुं ल सोचि, कि उ उसै जालो या झट पोड़ि के मोरि जालो पर काफी अबेर तक इन्तेजार कना बाद भि जब ऊंल देखि कि वे तैं कुछ नि हवे त ऊंल अपड़ा विचार बदली के बोलि, “जरूर यु कुई देबता च।”</verse>
				<verse number="7">वीं जगह का नजदीक वे टापू का नजदीक पर प्रधान शासक पुबलियुस कि जमींन छै, वेल अपड़ा घौर लिजै के तीन दिन तक हमारी प्रेम का दगड़ी खूब इज्जत खातिर कैरी।</verse>
				<verse number="8">अब इन हवे कि पुबलियुस को बुबा जौर ल अर करासी ल बिमार पुड़यूँ छो। पौलुस ल कमरा का भितर जै के पिता परमेश्वर बट्टी प्रार्थना कैरी अर वे पर अपड़ा हथ रखि के उ खूब कैरी दींनि।</verse>
				<verse number="9">जब लुखुं तैं या बात मालुम हवे त वे टापू का और बकि बिमार लोग भि पौलुस मा ऐनी अर उ सभि खूब करे गैनी।</verse>
				<verse number="10">ऊंल हमारी खूब इज्जत खातिर कैरी अर तीन मैना बाद जब हम जांणु कु तैयार छा त उख बट्टी जहाज मा बैठी ग्यां त जु कुछ हम तैं चयणु छो उ ऊंल जहाज मा रखि दींनि।</verse>
				<verse number="11">तीन मैना बाद हम ल सिकन्दरिया का जहाज पर यात्रा शुरू कैरी, यु पांणी कु जहाज ठण्ड का कारण यु टापू पर ठहरयूं छो, यु पांणी का जहाज का अगनैं वला भाग पर एक जोड़ी यूनानी देबतों की आकृति गढी छै, “दियुसकूरी” बंणि छै।</verse>
				<verse number="12">अर हम सुरकूसा शहर मा पौंछयां उख हम उख तीन दिन तक रैयां।</verse>
				<verse number="13">उख बट्टी हम जहाज का द्वारा यात्रा कैरी के रेगियुम शहर मा अयां, अर एक दिन बाद दक्षिण बट्टी बथौं ऐ तब दुसरा दिन हम पुतियुली शहर मा ऐ ग्यां।</verse>
				<verse number="14">उख हम तैं मसीह विश्वासी भैय मिलिनि अर ऊंल हम तैं निमंत्रण दींनि कि सात दिन तक हमारा इख रावा अर वेका बाद, हम ल धरती मार्ग का रस्ता रोम शहर की तरपां अपड़ी यात्रा शुरू कैरी।</verse>
				<verse number="15">तब रोम शहर का मसीह विश्वासी भैय हमारा औंणै कि खबर सूंणि के अप्पियुस का चौक तक अर तीन धर्मशाला वली जगह तक हम तैं मिलुणु कु ऐनी। ऊं तैं देखि के पौलुस ल पिता परमेश्वर तैं धन्यवाद दींनि अर हिम्मत बंधि।</verse>
				<verse number="16">जब हम रोम शहर मा ऐ ग्यां तब पौलुस तैं इखुली रौंणो को आज्ञा दिये गै अर एक सिपै वेकी देखभाल कनु कु रखे गै।</verse>
				<verse number="17">तीन दिन का बाद पौलुस ल यहूदियों का बड़ा सम्मानित लोग कट्ठा करिनी अर जब उ कट्ठा हवीनि तब पौलुस ल ऊंकु बोलि “मेरा विश्वासी भयों मिल हमारा लुखुं या पुरखों की रीति-रिवाजों का खिलाफ कुछ नि कैरी फिर भि यरूशलेम शहर बट्टी कैदी बणै के मि रोमी सरकार का हथों मा सौंपे ग्यों।</verse>
				<verse number="18">रोमी राज्यपालों ल मि तैं जांच मा परखु अर मि तैं छुड़ण चै किलैकि मरौंण लैख मि पर कुई भंगार नि छो।</verse>
				<verse number="19">पर जब यहूदी अगुवा यांका विरोध मा बुल्ण लगी गैनी, त मि तैं कैसर की दुहाई दींण पोड़ी; इलै न कि मि तैं अपड़ा लुखुं पर कुई भंगार लगांण छो।</verse>
				<verse number="20">यु कारण ही मिल तुम बुल्यां कि तुम दगड़ी मुलाकात कैरी के अर तुम दगड़ी बातचित कैरी साको किलैकि यीशु इस्राएलियों की आस च, जै कारण मि यूं संगलों ल बंधयूं छौं।”</verse>
				<verse number="21">ऊंल वेको बोलि, “न हम तैं तेरु बारा मा यहूदिया प्रान्त का लुखुं बट्टी चिट्टी मिलिनि, अर न विश्वासी भयों ल ऐ के तेरु बारा मा कुछ बतै, अर न कुछ बुरो बोलि।</verse>
				<verse number="22">पर हम तेरु विचार सुणन चांणा छा किलैकि हम जंणदा छा कि हरेक जगह यु झुण्ड का खिलाफ लोग बात कना छिनी।”</verse>
				<verse number="23">अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।</verse>
				<verse number="24">तब कुछ लुखुं ल पौलुस की बातों पर विश्वास कैरी पर कुछ लुखुं ल विश्वास नि कैरी।</verse>
				<verse number="25">उ आपस मा एकमत नि हवीनि अर विदा हूंण लगि गैनी पौलुस का बुल्णा का बाद, कि पवित्र आत्मा ल परमेश्वर का तरपां बट्टी बुल्ण वला यशायाह का द्वारा तुम्हरा बाप-दादाओं बट्टी ठिक ही बोलि,</verse>
				<verse number="26">कि तु जै के यूं लुखुं बट्टी बोलि दे, “कि सुनांणु कु त सूंणि ल्या पर नि समझिल्या देखुणु कु त दिखल्या पर नि जणिल्या ”</verse>
				<verse number="27">किलैकि यूं लुखुं का दिल निठुर हवे गैनी अर यूंका कन्दूड़ बुझै गैनी यूं ल अपड़ा आंखा बूजेनी कखि इन नि हो कि उ आँखों ल दिखुनु अर कन्दूड़ो ल सुनांणु दिल मा समझी जौनु अर अपड़ा मन फिरौनु अर मि ऊं तैं खूब कैरी द्यों।</verse>
				<verse number="28">इलै, मि चांदु छो तुम यु जणिल्यो कि पिता परमेश्वर को उद्धार को यु शुभ संदेश अन्यजाति का लुखुं मा भिजे गै अर उ सुणला।</verse>
				<verse number="29">जब वेल इन बोलि, त यहूदी आपस मा बहस करदी-करदी उख बट्टी चलि गैनी।</verse>
				<verse number="30">पौलुस पूरा द्वी साल तक अपड़ा किराया का घौर मा रै अर जु वेमा औंदा छा उ ऊं सभियूं को स्वागत करदो छो।</verse>
				<verse number="31">अर उ बगैर कैं रुकावट का निडर हवे के पिता परमेश्वर को राज्य को प्रचार करदो छो अर प्रभु यीशु मसीह का बारा मा शिक्षा दींदु छो।</verse>
			</chapter>
		</book>
		<book number="45">
			<chapter number="1">
				<verse number="1">या चिट्ठी पौलुस कि तरपां बट्टी जु यीशु मसीह को सेवक च, अर जु परमेश्वर कि तरपां बट्टी प्रेरित हूंणु कु चुणै गै, अर परमेश्वर कु शुभ सन्देश प्रचार कनु कु भिजै गै।</verse>
				<verse number="2">पिता परमेश्वर ल यु शुभ संदेश की सौं भौत पैली बट्टी परमेश्वर का वचन मा परमेश्वर का तरपां बट्टी बुल्ण वलो का द्वारा कैरी छै,</verse>
				<verse number="3">यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।</verse>
				<verse number="4">अर पवित्र आत्मा का भाव बट्टी मुरयां मा बट्टी ज्यून्दा हूंण का कारण सामर्थ का दगड़ी पिता परमेश्वर कु नौंनो ठैरी, उ यीशु मसीह हमारो प्रभु च।</verse>
				<verse number="5">मसीह का द्वारा मि पौलुस तैं दया अर प्रेरिताई परमेश्वर का द्वारा दिये गै कि मसीह यीशु का नौं का कारण सब अन्य-जाति का लोग मसीह का बारा मा शुभ संदेश पर विश्वास कैरी कै अर वेकी आज्ञाओं कु पालन कैरा,</verse>
				<verse number="6">तुम जु रोम शहर मा रौंदयां तुम भि यूं लुखुं मा शामिल छा जौं तैं यीशु मसीह का ही हूंणु कु बुलै छा।</verse>
				<verse number="7">या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।</verse>
				<verse number="8">पैली मि तुम सभियूं कु यीशु मसीह का द्वारा अपड़ा पिता परमेश्वर कु धन्यवाद करदु छों, किलैकि यीशु मसीह मा तुमारा विश्वास कि चर्चा सैरी दुनिया मा हूंणी च।</verse>
				<verse number="9">पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।</verse>
				<verse number="10">अर रोज अपड़ी प्रार्थनाओं मा बिनती करदु, कि परमेश्वर की मनसा बट्टी कुई न कुई ढंग मि तैं अंत मा तुमारा नजीक औंणु कु मौका मिलो।</verse>
				<verse number="11">किलैकि मि तुम बट्टी मिलणै कि इच्छा करदु, कि मि पिता परमेश्वर की कृपा बट्टी तुम तैं कुछ आत्मिक वरदान दयूं ज्यां बट्टी तुम मजबूत हवे जावा,</verse>
				<verse number="12">मेरू बुल्णों कु मतलब यु च कि जब मि तुम मा औं, तब तुम अर मि दगड़ा मा एक-दुसरा का विश्वास का द्वारा प्रोत्साहित हों।</verse>
				<verse number="13">अर हे मेरा विश्वासी भयों, मि चांदु कि तुम जणिल्या कि मि बार-बार तुम मा औंण चै, कि जन मिल अन्यजातियों का बीच मा मसीह कु शिष्य बणैंनि, उन ही के तुम मा भि बणौं, पर अब तक यांमा रुकावट ही हवे।</verse>
				<verse number="14">मेरी जिम्मेदारी सभि लुखुं तैं शुभ संदेश सुनांणै कि च, चै उ यूनानी अन्यजाति भाषा जनण वला हो या नि जनण वला हो अर चै समझदार हो या न समझ हो।</verse>
				<verse number="15">इलै मि तुम तैं जु रोम शहर मा रौंदयां, शुभ सन्देश प्रचार कनु कु भरसक तैयार छों।</verse>
				<verse number="16">किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।</verse>
				<verse number="17">किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”</verse>
				<verse number="18">पिता परमेश्वर कु गुस्सा त ऊं लुखुं कि सभि प्रकार कि परमेश्वर-रहित अर अधर्मी काम जु लोग करदा छिनी ऊं पर स्वर्ग बट्टी प्रगट हूंद, लोग वे बुरै का द्वारा जु उ करदींनि, दूसरों तैं पिता परमेश्वर का बारा मा सचै जनणु कु रुकदा छिनी।</verse>
				<verse number="19">इलै कि यु सभि मनिख जातियों कु प्रगट च कि पिता परमेश्वर कन च, किलैकि परमेश्वर ल खुद ऊं पर वे तैं प्रगट कैरी।</verse>
				<verse number="20">किलैकि परमेश्वर कि अनन्त सामर्थ अर गुणों तैं नि देखै जै सकद। बल्कि यूं बातों तैं पिता परमेश्वर ल दुनिया की रचना बट्टी शुरू कैरी सभि चीजों का द्वारा दर्शयूं च। इलै ऊं लुखुं का संमणी कुई बहाना नि हवे कि उ परमेश्वर तैं नि जणदींनि।</verse>
				<verse number="21">ये कारण कि पिता परमेश्वर तैं जनण पर भि ऊंल वे तैं परमेश्वर का रूप मा सम्मान नि दे, अर धन्यवाद नि कैरी, बल्कि बेकार विचार कन लगि गैनी, इख तक कि उ उन नि सुचदा जन ऊं तैं सुचण चयणु च, उ सै रीति बट्टी नि सुचदींनि।</verse>
				<verse number="22">उ अपड़ा आप तैं समझदार जतै कै मूर्ख बंणि गैनी।</verse>
				<verse number="23">अर हमेशा ज्यूँदो रौंण वला पिता परमेश्वर कि महिमा का उ लोग जु हमेशा ज्यूंदा नि रै सकण वला मनिख, अर चलखुडोंं, अर चौपायों, अर रिंगण वला जानवरों कि मूर्तियों का समानता मा बदली गैनी।</verse>
				<verse number="24">ये कारण पिता परमेश्वर ल ऊं तैं ऊंका मन कि अभिलाषाओं का अनुसार यौन अशुद्धता कु छोड़ी येले, कि उ आपस मा बुरा कामों मा अपड़ा देह कु अनादर कैरा।</verse>
				<verse number="25">उ परमेश्वर का बारा मा सचै पर विश्वास कन छोड़ी दींदिनि, अर उ वे तैं स्वीकार करदींनि जु झूठ च, ऊंल परमेश्वर का बजाय सृष्टि की आराधना अर सेवा कैरी; परमेश्वर जु सभि चीजों कु सृष्टिकर्ता च वेकी महिमा हमेशा हूंदी रौ। आमीन।</verse>
				<verse number="26">इलै परमेश्वर ऊं तैं घृणित वासनाओं तैं कनु कु छोड़ी दींनि इख तक कि ऊंका जननों ल आदिमों तैं चांण बंद कैरी येले अर यांका अलावा उ अन्य जननियों तैं चांण लगी गैनी।</verse>
				<verse number="27">ऊं ही आदिम भि जननों का दगड़ा मा स्वभाविक बरतौ छोड़ी कै आपस मा कामातुर हवे के जलण लगि गैनी, अर आदिमों ल आदिमों का दगड़ा मा कुकर्म कैरी कै अपड़ा मथि अपड़ी ही गलतियों कि सजा तैं लौदींनि।</verse>
				<verse number="28">किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।</verse>
				<verse number="29">उ सभि किस्मै कि अधर्म, अर दुष्टता, लोभ, अर बैरभाव बट्टी भूरै गैनी; अर डाह, अर हत्या, अर झगड़ा, अर छल, अर जलन बट्टी भूरै गैनी, अर चुगलखोरि,</verse>
				<verse number="30">गपशप कन वला, निंदा कन वला, परमेश्वर बट्टी घृणा कन वला, हिंसक, बड़ा मौनया, डींगमार, बुरी-बुरी बात बनांण वला, ब्वे-बुबा कि आज्ञा कु उल्लंघन कन वला,</verse>
				<verse number="31">निर्बुद्धि, विश्वासघाती, प्रेम अर दया का बगैर छिनी अर निर्दयी हवे गैनी।</verse>
				<verse number="32">उ त परमेश्वर की यूं विधि तैं जंणदा छिनी कि इन-इन काम कन वला मौत का दण्ड का हकदार छिनी, अर फिर भि इन काम करदींनि अर कन वलो बट्टी खुश भि हूंदींनि।</verse>
			</chapter>
			<chapter number="2">
				<verse number="1">इलै तुम इन सुचदा कि तुम इन लुखुं पर भंगार लगै सकदा छा, पर तु जु दूसरों पर भंगार लगौंदी, तू बगैर जवाब को छै, किलैकि जीं बात पर तु दूसरों पर भंगार लगौंदी, वीं बात मा अपड़ा आप तैं भि भंगारी ठैरांदी छै, इलै कि तु जु भंगार लगौंदी, खुद भि ऊं ही कामों तैं करदी।</verse>
				<verse number="2">अर हम जंणदा छा, कि पिता परमेश्वर सै च जब भि उ ऊं लुखुं कु न्याय करदो, जु इन काम करदींनि।</verse>
				<verse number="3">हे मनिख, तु जु इन बुरा-बुरा काम कन वलो पर भंगार लगौंदी, अर खुद भि ऊं कामों तैं करदी; क्य तु इन समझदी कि तू पिता परमेश्वर का दण्ड कि आज्ञा बट्टी बचि जैलि?</verse>
				<verse number="4">क्य तु परमेश्वर कि भलै, अर सहनशीलता, धीरजरूपी धन तैं तुच्छ समझणी छै? अर क्य तू इन नि समझणी छै कि पिता परमेश्वर कि भलै त्वे तैं पाप बट्टी मन फिराण तैं सिखांदी?</verse>
				<verse number="5">पर तू ढीट छै अर अपड़ा पापों बट्टी पश्चाताप कन से मना करदी वे दिन जब पिता परमेश्वर अपड़ो गुस्सा दिखालो, ज्यां मा परमेश्वर कु सचो न्याय प्रगट होलो, परमेश्वर और जादा गम्भीर हवे के तुम्हरो न्याय करलो।</verse>
				<verse number="6">पिता परमेश्वर हरेक मनिख तैं वेका कामों का अनुसार प्रतिफल दयालो।</verse>
				<verse number="7">जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;</verse>
				<verse number="8">पर जु कुई भि स्वार्थी छिनी अर सच तैं नि मणदींनि, बल्कि कुकर्म कु पालन करदींनि, ऊं पर पिता परमेश्वर अपड़ो गुस्सा अर प्रकोप दिखालो।</verse>
				<verse number="9">क्लेश अर संकट हरेक मनिख पर जु बुरै करदो वे पर आलो, पिता परमेश्वर पैली यहूदी लुखुं कु न्याय करलो अर फिर यूनानी अन्यजाति अर अब ऊंको जु यहूदी नि छिनी;</verse>
				<verse number="10">पर बड़ै अर आदर अर शान्ति कु आत्मा सभियूं तैं मिललो, जु भलै करदो, पिता परमेश्वर सबसे पैली यहूदी लुखुं तैं दयालो अर फिर वे तैं जु यूनानी अन्यजाति छिनी अर फिर जु अन्यजाति छिनी।</verse>
				<verse number="11">किलैकि “पिता परमेश्वर सभि लुखुं कु न्याय एक समान बरतौ से करदो।”</verse>
				<verse number="12">इलै कि जौं ल बगैर मूसा कि व्यवस्था पयां पाप कैरी, उ बगैर व्यवस्था का पिता परमेश्वर का द्वारा दंड पाला, यहूदी जौं ब्वे मूसा कि व्यवस्था च ऊंल व्यवस्था तैं पै कै भि पाप ही कैरी, ऊंको दंड व्यवस्था का अनुसार होलो।</verse>
				<verse number="13">किलैकि पिता परमेश्वर का इख व्यवस्था कु सुनण वला धर्मी न, पर व्यवस्था पर चलणवला धर्मी ठैरे जाला।</verse>
				<verse number="14">फिर जब अन्यजाति लोग जौं मा मूसा कि व्यवस्था नि च, उ अपड़ा ही आप वेका आज्ञाओं कु पालन करदींनि, त मूसा की व्यवस्था ऊंमा नि हूंण पर भि उ यु साबित करदींनि कि ऊंका मन मा व्यवस्था च।</verse>
				<verse number="15">उ दिखोंदा छिनी कि परमेश्वर का द्वारा दिये गै मूसा कि व्यवस्था ऊंका मनों मा लिखीं छिनी, किलैकि ऊंको विवेक दिखांद, कि यु सच्चा छिनी, किलैकि ऊंका विचार ऊं तैं भंगारी ठैरौंदींनि अर ऊं तैं निर्दोष ठैरौंदींनि।</verse>
				<verse number="16">जै दिन पिता परमेश्वर वे शुभ सन्देश जै कु मि प्रचार करदु छों, का अनुसार यीशु मसीह का द्वारा मनिख्युं कि गुप्त बातों कु न्याय करलो।</verse>
				<verse number="17">जु तू खुद तैं यहूदी बुल्दी, अर पिता परमेश्वर की व्यवस्था मा भरोसो रखदि छै अर परमेश्वर का खास हूंणो कु घमण्ड करदी,</verse>
				<verse number="18">तुम तैं पिता परमेश्वर कि मनसा पता च, अर तुम भलि-भलि चीजों का भागिदार छा, किलैकि तुम तैं यांका बारा मा मूसा की व्यवस्था बट्टी सिखै गै;</verse>
				<verse number="19">जु तू अफ पर भरोसो रखदि छै, कि तु इन ही छै जु अंधा लुखुं तैं परमेश्वर कु बट्टो दिखांण चयणु च, कि तुम ऊं लुखुं कु उज्यला का जन च जु अंधेरा मा छिनी।</verse>
				<verse number="20">अर बुद्धिहीनों तैं सिखौंण वलो, अर बालकों को उपदेशक च, तू निश्चित हो कि पिता परमेश्वर की व्यवस्था तुम तैं पूरो ज्ञान अर सचै प्रदान कैरो।</verse>
				<verse number="21">इलै तु, जु दुसरों तैं शिक्षा दींदी, खुद तैं शिक्षा किलै नि दींदी? क्य तू जु चोरी नि कने कि शिक्षा दींदी, अर खुद ही चोरी करदी छै?</verse>
				<verse number="22">तु जु बुल्दी छै, “व्यभिचार नि करयां” क्य तू खुद ही व्यभिचार करदी? तू जु मूर्तियों बट्टी घीणांदी छै, क्य तु खुद ही यरूशलेम शहर का मन्दिर तैं लुटदी छै?</verse>
				<verse number="23">तुम तैं अफ मा पिता परमेश्वर की व्यवस्था को हूंणो को घमण्ड च, क्य पिता परमेश्वर कु वचन नि मांणी के, तुम वेको अनादर करदां?</verse>
				<verse number="24">“तुम यहूदियों का कारण, अन्यजातियों लोग पिता परमेश्वर का बारा मा बुरी-बुरी बात बुल्णा छिनी” जन कि पिता परमेश्वर का वचन मा भि लिख्युं च।</verse>
				<verse number="25">तेरु खतना किये जांणु कु फैदा भस तभि च जब तु मूसा कि व्यवस्था मंणदी छै। पर जु तू मूसा कि व्यवस्था कु पालन नि कैर, त तुम खतना करयां यहूदी लोग ऊं लुखुं का जन ही छा जु यहूदी नि छिनी अर जौं को खतना नि हुयुं च।</verse>
				<verse number="26">त जु खतनारहित मनिख मूसा कि व्यवस्था को पालन कैरा, त पिता परमेश्वर इन मनिख तैं वे मनिख का जन दिखद जै को खतना हुयुं च।</verse>
				<verse number="27">अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?</verse>
				<verse number="28">किलैकि यु इन नि च की तू यहूदी पैदा हवे अर किलैकि तुम्हरो खतना हुयुं च उ तुम तैं सच्चों यहूदी बणांद।</verse>
				<verse number="29">एक सचो यहूदी उ च, जैको मन पिता परमेश्वर का दगड़ी जुड़यूं च, अर सचो खतना भस मूसा कि व्यवस्था कु पालन कन ही नि च; बल्कि यु मन कु बदलाव च, जु परमेश्वर कि आत्मा का द्वारा ही पैदा हूंद। इन मनिख लुखुं बट्टी न, बल्कि परमेश्वर बट्टी बड़ै पांदो।</verse>
			</chapter>
			<chapter number="3">
				<verse number="1">जु कुई पूछो, क्य यहूदियों तैं अन्यजातियों बट्टी जादा फैदा च या खतना कु क्य फैदा?</verse>
				<verse number="2">एक यहूदी हूंणो कु भौत फैदा च। सबसे खास यु कि परमेश्वर कु वचन ऊं तैं सौंप्ये गै।</verse>
				<verse number="3">जु कुछ यहूदी पिता परमेश्वर का प्रति विश्वासयोग्य नि छा त क्य हवे? त क्य यांको मतलब यु च कि पिता परमेश्वर ऊंका दगड़ी अपड़ा वादों तैं पूरो कन मा अविश्वासयोग्य होलो?</verse>
				<verse number="4">न! बिल्कुल न! बल्कि पिता परमेश्वर हमेशा सच बुल्द, अर हरेक मनिख झूठो ठैरलो, जन परमेश्वर का वचन मा लिख्युं च, “ज्यांसे कि तु अपड़ी बातों मा धर्मी ठैरा अर न्याय कन बगत तु जय पै।”</verse>
				<verse number="5">पर जु हमारा दुष्ट काम पिता परमेश्वर की धार्मिकता ठैरे दींदीनी, त हम क्य बोला? त क्य पिता परमेश्वर कु गुस्सा हूंण अर हम तैं दंड दींण गलत च (यु त मि मनिख्युं की रीति पर बुल्णु छो)</verse>
				<verse number="6">न! बिल्कुल न! जु पिता परमेश्वर यहूदियों को न्याय कन मा ठिक नि च, त उ निश्चित रूप बट्टी सैरी दुनिया का लुखुं कु न्याय नि कैरी सकद।</verse>
				<verse number="7">कुछ लोग बोलि सकदींनि, “पर जु मेरी बेमानी पिता परमेश्वर कि सचै तैं प्रगट करदी और वे तैं और जादा बड़ै मिलदी, त उ कन कै मेरू न्याय कैरी सकद अर मि तैं एक पापी का रूप मा भंगारी ठैराये सकदो च?”</verse>
				<verse number="8">कुछ लोग इन बोलि के हम पर भंगार लगौंदींनि कि हम ल बोलि, “आवा हम बुरै कैरा, बल्कि यां बट्टी भलै निकली” जन हम पर यु भंगार लगाये भि जांद, अर कुछ बुल्दींनि कि यूंको यु ही बुल्ण च। जु लोग मेरा बारा मा इन बात बुल्दा छिनी, उ भंगारी ठैराये जांण का लैक छिनी।</verse>
				<verse number="9">त क्य हम यहूदी लोग, यूनानी अन्यजाति लुखुं बट्टी बड़िया छा? क्य हम यहूदी अन्यजातियों बट्टी भि मजबूत छा? लगदु त नि च; किलैकि हम यहूदियों अर अन्यजातियों दुयूं पर भंगार लगै येलि कि उ सब लोग पाप का अधीन छिनी।</verse>
				<verse number="10">जन परमेश्वर का वचन मा लिख्युं च; परमेश्वर कि नजरों मा कुई भि धर्मी नि च, एक भि न।</verse>
				<verse number="11">इन एक भि मनिख नि च जु सच मा समझदु हो कि क्य सै च; कुई भि परमेश्वर तैं जनणु कु खुजणवलो नि च।</verse>
				<verse number="12">सभियूं ल पिता परमेश्वर तैं छोडे़ले, सब का सब पिता परमेश्वर कु निकम्मा बंणि गैनी; भलै कन वलो कुई नि च, एक भि नि च।</verse>
				<verse number="13">ऊंको गिच्चो खुल्यां बाश मरण वली कब्रों का जन च, किलैकि जु बात उ बुल्दा छिनी उ बुरै की ही हूंदींनि उ अपड़ा शब्दों कु इस्तेमाल लुखुं तैं धोखा दींणु कु करदींनि; जु कुछ उ बुल्दींनि उ गुरो का विष का जन विनाशकारी हूंद।</verse>
				<verse number="14">अर ऊंकी बातचित श्राप अर कड़वाहट ल भुरीं छिनी।</verse>
				<verse number="15">उ नुकसान ल्वे बुगांण अर हत्या कनु कु जल्दीबाजी करदींनि।</verse>
				<verse number="16">उ जख भि जंदींनि उख लुखुं तैं नाश कैरी दींदिनि अर अपड़ा पिछनै दुःख छोड़ी जंदींनि।</verse>
				<verse number="17">उ शान्ति का दगड़ा मा रौंण नि जणदींनि।</verse>
				<verse number="18">“ऊंमा पिता परमेश्वर की डौर ही नि च।”</verse>
				<verse number="19">हम जंणदा छा, कि परमेश्वर की व्यवस्था जु कुछ बुल्दी, ऊंमा ही बुल्दी, जु परमेश्वर का वचन का अधीन छिनी, कि लुखुं तैं बहाना बनांण बट्टी रोक साका, अर दुनिया का सभि लोग पिता परमेश्वर का संमणी भंगारी छिनी।</verse>
				<verse number="20">मूसा की व्यवस्था कु पालन कैरी के लोग पिता परमेश्वर का दगड़ी धर्मी साबित नि होलो, इलै कि मूसा की व्यवस्था का द्वारा हम स्पष्ट रूप से जंणदा कि हम ल पाप कैरी।</verse>
				<verse number="21">पर अब सभि मूसा द्वारा लिखीं परमेश्वर की व्यवस्था कु पालन करयां बगैर पिता परमेश्वर ल हम तैं धर्मी ठैरे, जैका बारा मा मूसा की व्यवस्था अर पिता परमेश्वर का तरपां बट्टी बुल्ण वलो की किताबों मा भौत पैली बट्टी लिख्युं च कि हम पिता परमेश्वर का दगड़ी धर्मी कन कै बंणि सकदियां</verse>
				<verse number="22">मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;</verse>
				<verse number="23">इलै की सभियूं ल पाप कैरी अर वे बड़ै तक नि पौंछि सकिनि जु पिता परमेश्वर दींद,</verse>
				<verse number="24">पर पिता परमेश्वर की दया बट्टी वेल हम तैं यीशु मसीह का द्वारा हम तैं पापों का दंड बट्टी छुड़ै, अर हमारा कुछ करयां बगैर ही पिता परमेश्वर घोषित करद कि हम धर्मी छा।</verse>
				<verse number="25">वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो।</verse>
				<verse number="26">बल्कि यु ही बगत वेकी धार्मिकता प्रगट हो कि ज्यांसे उ अफी धर्मी ठैरु, अर जु यीशु पर विश्वास कैरो, वेको भि धर्मी ठैरांण वलो हो।</verse>
				<verse number="27">त क्य इन कुछ च, जैका बारा मा हम घमण्ड कैर सकदा? वेकी त कुई जगह ही नि च। कै नियम का कारण बट्टी? यु क्य कारण च कि हम परमेश्वर की व्यवस्था कु पालन करदां? न, पर यु यीशु मसीह मा हमारा विश्वास का कारण बट्टी च।</verse>
				<verse number="28">इलै हम जंणदा छा कि हम यीशु मसीह मा भस विश्वास ही बट्टी पिता परमेश्वर का दगड़ी धर्मी ठैरदा, न कि मूसा कि व्यवस्था का पालन कना का द्वारा।</verse>
				<verse number="29">किलैकि पिता परमेश्वर भस यहूदियों कु ही परमेश्वर नि च, बल्कि उ अन्यजातियों कु भि परमेश्वर च।</verse>
				<verse number="30">किलैकि एक ही पिता परमेश्वर च, जु खतनावला तैं विश्वास बट्टी अर खतनाराहितों तैं भि विश्वास का द्वारा धर्मी ठैरांद।</verse>
				<verse number="31">त क्य हम मूसा की व्यवस्था पर विश्वास का द्वारा अंत कैरी दींदयां? न! बिल्कुल न! पर हम त व्यवस्था तैं वेको सही महत्व दींणा छा जु पिता परमेश्वर ल मूसा का द्वारा द्ये।</verse>
			</chapter>
			<chapter number="4">
				<verse number="1">अब हम ल यहूदी हूंणा का खातिर अपड़ा पूर्वज अब्राहम का बारा मा क्य बुल्ण? कि उ कै कारण से धर्मी गिणे गै?</verse>
				<verse number="2">किलैकि जु अब्राहम अच्छा कामों बट्टी धर्मी ठैरे गै, त वे तैं घमण्ड कनु कु कारण हूंद, उ अपड़ा अच्छा कामों का बारा मा पिता परमेश्वर का संमणी घमण्ड नि कैर सकद।</verse>
				<verse number="3">परमेश्वर कु वचन क्य बुल्द? परमेश्वर ल जु वादो कैरी छो वे पर अब्राहम ल विश्वास कैरी अर यां पर परमेश्वर ल वे तैं धर्मी ठैरे।</verse>
				<verse number="4">काम कन वलो कि मजदूरी दींण दान न, बल्कि हक समझे जांद।</verse>
				<verse number="5">पर जु पिता परमेश्वर का दगड़ी लायक ठैरे जांण कु काम नि करदो बल्कि बुरा लुखुं कु धर्मी ठैरांण वला पिता परमेश्वर पर विश्वास करदो, वे मनिख कु विश्वास वेको धार्मिकता गिणे जांद।</verse>
				<verse number="6">इन कै ही राजा दाऊद कु लिख्युं च, कि परमेश्वर कन वे मनिख तैं आशीष दींद, जै बट्टी पिता परमेश्वर कामों का बगैर धर्मी ठैैरांदो।</verse>
				<verse number="7">“धन्य छिन उ, जौं का अधर्म परमेश्वर ल माफ कैरेनी, अर जौं का पाप माफ किये गैनी।</verse>
				<verse number="8">धन्य च उ मनिख जै को पापों कु लैख पिता परमेश्वर नि ल्यो।”</verse>
				<verse number="9">त यु धन्य वचन, क्य खतना वलो कु ही च, या खतनारहित वलो कु भि? हम उ ही बुल्ण छा जु परमेश्वर कु वचन बुल्दो, “अब्राहम ल विश्वास कैरी, अर इलै परमेश्वर ल वे तैं धर्मी ठैरे।”</verse>
				<verse number="10">त यु कब हवे? उ अब्राहम को खतना किये जांण से पैली हवे, न कि वेको खतना हूंणा का बाद; खतना की दशा मा न पर खतना हूंण से पैली हवे छो।</verse>
				<verse number="11">पिता परमेश्वर ल वे तैं पैली ही अपणैयले छो अर वे तैं धर्मी मांणी येलि छों, जबकि उ अभि भि खतनारहित ही छो। खतना कु चिन्ह स्वीकार कनु कु मुहर च। इलै उ ऊंको आत्मिक बुबा च, जु विश्वास करदींनि। पर ऊंको खतना नि हवे उ अपड़ा विश्वास का कारण धर्मी गिणै जयदींनि।</verse>
				<verse number="12">अर अब्राहम खतना करयां लुखुं कु पूर्वज च, जु न भस खतना पर आस रखदा हो, पर जौं मा उन ही विश्वास हो, जन हमारा पूर्वज अब्राहम कु छो, जु वेल खतना कन से पैली कैरी छो।</verse>
				<verse number="13">पिता परमेश्वर ल अब्राहम अर वेका वंशजों बट्टी करार कैरी छै कि उ ऊं तैं या दुनिया दयालो। यु वादा इलै नि कैरी किलैकि अब्राहम व्यवस्था कु पालन कैरी, पर पिता परमेश्वर ल वेका विश्वास का कारण वे तैं धर्मी मंणै गै छो।</verse>
				<verse number="14">जु अब्राहम अर वेका वंशजों तैं यु करार यु कारण दिये गै किलैकि ऊंल भि व्यवस्था कु पालन कैरी, त विश्वास बेकार अर करार बेकार ही रै।</verse>
				<verse number="15">परमेश्वर वे पर गुस्सा हूंद जु यु तैं पूरी ढंग से नि मंणदु; अर जख व्यवस्था नि च उख व्यवस्था कु उल्लंघन भि नि हूंद।</verse>
				<verse number="16">इलै लुखुं तैं विश्वास का द्वारा पिता परमेश्वर की करार मिली। इन इलै हूंद कि करार दया बट्टी मिलो। तब अब्राहम की सभि सन्तानोंं तैं व करार प्राप्त हवे सकद। यु भस ऊं कु नि च जु मूसा कि व्यवस्था का अधीन रौंदो, बल्कि हर वे मनिख कु च जु अब्राहम का जन विश्वास बट्टी ज्यूंदींनि, जु हम सभियूं कु पूर्वज च।</verse>
				<verse number="17">जन पिता परमेश्वर का वचन मा लिख्युं च, “मिल त्वे तैं भौत सी अन्य-जाति कु पूर्वज ठैरे” परमेश्वर कि नजरों मा अब्राहम हमारो पिता च। वेल वे परमेश्वर पर भरोसो कैरी, जु मुर्दों तैं ज्यून्दों करदो अर ऊं चीजों तैं भि अस्तित्व मा लांदो जै को कुई अस्तित्व ही नि च।</verse>
				<verse number="18">पिता परमेश्वर ल अब्राहम मा बोलि कि वेका भौत वंशज होला अर उ भौत सी अन्य-जातियों कु बुबा होलो, बल्कि सब कुछ यु दिखांणु च कि उ भौत लुखुं कु बुबा नि बंणि सकदो, पर वेल विश्वास कन नि छोड़ी अर आस नि ख्वै।</verse>
				<verse number="19">अब्राहम ल देखि कि उ सन्तान पैदा कनु कु भौत बुढया च किलैकि उ लगभग सौ बरस कु हवे गै छो। सारा भि अब सन्तान तैं जन्म नि दे सकदी छै, पर अब्राहम अपड़ा विश्वास मा कमजोर नि पोड़ी।</verse>
				<verse number="20">अर न अविश्वासी हवे के पिता परमेश्वर की करार पर शक कैरी बल्कि विश्वास मा मजबूत हवे के पिता परमेश्वर कि बड़ै कैरी।</verse>
				<verse number="21">पर निश्चित जांणि की जैं बात कि पिता परमेश्वर ल करार कैरी छै, उ वे तैं पूरो कन मा भि सामर्थी च।</verse>
				<verse number="22">वेका विश्वास का कारण, यु वेकु धार्मिकता गिणै गै।</verse>
				<verse number="23">अर यु वचन, “विश्वास वेकु धार्मिकता गिणै गै” न बल्कि वे कु लिखै गै,</verse>
				<verse number="24">बल्कि हम कु भि जूं कु विश्वास धार्मिकता गिणै जौं, मतलब हम कि जु परमेश्वर पर विश्वास करुला, जैल हमारा प्रभु यीशु तैं मुर्दों मा बट्टी ज्यूँदो कैरी, त हम भि विश्वास का कारण धर्मी मंणै जौला।</verse>
				<verse number="25">मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।</verse>
			</chapter>
			<chapter number="5">
				<verse number="1">इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,</verse>
				<verse number="2">हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।</verse>
				<verse number="3">भस यु ही न, बल्कि जब हम क्लेश मा हुंदा, तब भि आनन्दित हवे सकदा, किलैकि हम जंणदा छा कि हम दुःख उठौदयां त अच्छा ढंग से सब्र रखण सिखदा भि छा,</verse>
				<verse number="4">अर परमेश्वर हम तैं अपणौद किलैकि हम ल धीरज रखण सिख्यूं च, इलै हम तैं आस च;</verse>
				<verse number="5">अर आस बट्टी निराशा नि हूंदी, किलैकि पवित्र आत्मा जु पिता परमेश्वर ल हम तैं दीं च, वेका द्वारा परमेश्वर कु प्रेम हमारा मनों तैं अपड़ा प्रेम बट्टी भुरद।</verse>
				<verse number="6">किलैकि जब हम कमजोर ही छा त मसीह ठिक बगत मा पापियों कु मोरि।</verse>
				<verse number="7">कै धर्मी जन कु कुई मोरो, यु त असम्भव च; पर कि जांण कै भला मनिख कु कुई मुरणो कु हिम्मत दिखौ।</verse>
				<verse number="8">पर पिता परमेश्वर हम पर अपड़ा प्रेम कि भलै की ईं रीति तैं प्रगट करदो, कि जब हम पापी ही छा तभि मसीह हम कु मोरि।</verse>
				<verse number="9">किलैकि हम परमेश्वर का दगड़ी धर्मी ठैरला किलैकि मसीह हम कु मोरि अर हमारा पापों कु अपड़ो ल्वे बुगै। त मसीह हम तैं निश्चित रूप बट्टी पिता परमेश्वर का गुस्सा बट्टी बचालो।</verse>
				<verse number="10">किलैकि जब हम पिता परमेश्वर का दुश्मन छा त वेका नौंना मसीह यीशु कि मौत का द्वारा हमारो मेल मिलाप परमेश्वर का दगड़ी हवे, इलै हम निश्चित रूप बट्टी यु जांणि सकदा छा कि अब जबकि हमारो वे दगड़ी मेल मिलाप च त उ हम तैं बचालो किलैकि मसीह ज्यूंदों च।</verse>
				<verse number="11">अर भस इथग ही न, अब त हमारा प्रभु यीशु मसीह का द्वारा पिता परमेश्वर बट्टी हमारो मेल हवे गै; इलै हम पिता परमेश्वर मा आनन्दित छा।</verse>
				<verse number="12">इलै कि जन एक मनिख का द्वारा पाप दुनिया मा ऐ मतलब आदम का द्वारा, उ पैलो मनिख जै तैं पिता परमेश्वर ल बंणै, किलैकि आदम ल पाप कैरी, अर उ मोरि गै, अर इन ही बट्टी मृत्यु सब लुखुं मा फैली गै, किलैकि सभि लोग आदम कि सन्तान छिनी, इलै जब आदम ल पाप कैरी त सभियूं ल पाप कैरी अर पापमय स्वभाव कु संचार हूंदी गै।</verse>
				<verse number="13">मूसा की व्यवस्था दिये जांण से पैली भि लुखुं ल पाप कैरी, पर यु तैं पाप का रूप मा नि गिणै गै किलैकि अब तक उल्लंघन कनु कु कुई व्यवस्था नि छै।</verse>
				<verse number="14">तब भि आदम बट्टी लै के मूसा तक लुखुं ल व्यवस्था का विरुद्ध पाप कैरी अर उ सब मोरि गैनी, आदम का पापों ल सब लुखुं तैं प्रभावित कैरी, ठिक उन ही जन मसीह ल कैरी, जु बाद मा ऐ, उ भि सभि लुखुं तैं प्रभावित करद।</verse>
				<verse number="15">पर आदम कु पाप वे वरदान का जन नि च जु पिता परमेश्वर हम तैं अपड़ा दया ल दींद। किलैकि एक मनिख कु पाप भौत लुखुं कु मृत्यु ले के ऐ पर परमेश्वर कि दया अर धार्मिकता कु वरदान जु वेल हम तैं द्ये, वेको दाम भौत लुखुं कु वे बट्टी कई जादा च। अर यीशु मसीह ल एक मनिख का रूप मा अपड़ी दया बट्टी जु कैरी, वेल यु तैं सम्भव कैरी।</verse>
				<verse number="16">पिता परमेश्वर ल जु वरदान हम तैं दियुं च उ आदम का पाप का जन नि च, किलैकि एक मनिख कु पाप भंगार लै, पर चै हम ल भौत पाप कैरी, फिर भि पिता परमेश्वर ल हम तैं अपड़ी दया से इन वरदान दींनि जैल हम तैं वे नजरों मा धर्मी बणै दींनि।</verse>
				<verse number="17">किलैकि जब एक मनिख का पाप का कारण सभि लुखुं कु मृत्यु ऐ, त जु लोग दया अर धर्मी हूंण कु वरदान बिज्यां पौदींनि, उ एक मनिख का यानि यीशु मसीह का द्वारा पाप अर मृत्यु पर जीत पाला।</verse>
				<verse number="18">इलै जन एक पाप सभि मनिख्युं कु दण्ड कि आज्ञा का कारण हवे, उन ही एक धार्मिकता कु काम भि सभि मनिख्युं कु धर्मी बनण का अर अनन्त जीवन पांण कु कारण बंणि।</verse>
				<verse number="19">किलैकि जन एक मनिख का आज्ञा नि मनणा का कारण भौत लोग पापी ठैरिनि, उन ही एक मनिख की आज्ञा मणनं से भौत लोग धर्मी ठैराये जाला।</verse>
				<verse number="20">परमेश्वर ल व्यवस्था इलै दींनि कि लोग अर जादा पाप कैरा, जब लुखुं ल जादा से जादा पाप कैरी, पिता परमेश्वर ल जु दया दिखै उ जादा से जादा हवे,</verse>
				<verse number="21">कि जन सभि लुखुं ल पाप कैरी अर उ सभि मोरि गैनी, उन ही हमारा प्रभु यीशु मसीह का द्वारा पिता परमेश्वर की दया ऊं तैं धर्मी अर ऊं तैं अनन्त जीवन द्याली।</verse>
			</chapter>
			<chapter number="6">
				<verse number="1">त हम यूं बातों का बार मा क्य बोला? पिता परमेश्वर अपड़ी दया का कारण हमारा पापों तैं माफ करदु। पर हम ल इन नि बुल्ण कि चला हम पाप कना रौला कि दया भौत हो?</verse>
				<verse number="2">न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।</verse>
				<verse number="3">क्य हम जंणदा छा कि हम सभियूं ल यीशु मसीह का दगड़ी एक हूंणु कु बपतिस्मा लये त यु इन च कि जन हम मसीह का दगड़ी मोरि ग्यां।</verse>
				<verse number="4">इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।</verse>
				<verse number="5">किलैकि जु हम बपतिस्मा का द्वारा वेकी मौत मा वेका दगड़ी कठ्ठा हुयां, त निश्चय मुर्दों मा बट्टी भि ज्यून्दा हूंण कु उठांण का समानता मा भि वेका दगड़ी कठ्ठा हवे जौला।</verse>
				<verse number="6">किलैकि हम जंणदा छा कि हमारो पुराणो पापमय स्वभाव मसीह यीशु का दगड़ी सूली पर चड़ाये गै, कि हमारी देह मा पापमय स्वभाव नाश हवे जौं, अर हम अगनैं कु पाप का गुलामी मा नि रां।</verse>
				<verse number="7">जब हम मसीह का दगड़ी मोरि ग्यां त हम पाप का वश बट्टी भि मुक्त हवे ग्यां।</verse>
				<verse number="8">इलै जु हम मसीह का दगड़ी मोरि ग्यां, त हमारो विश्वास यु च कि वेका दगड़ी ज्यूंदा भि रौला।</verse>
				<verse number="9">किलैकि हम जंणदा छा कि मसीह मुर्दों मा बट्टी ज्यूँदो हवे अर फिर कभि नि मुरुलो; मौत कु वे पर कुई कब्जा नि च।</verse>
				<verse number="10">किलैकि मसीह जु मोरि ग्यां, त पाप कु एक ही बार मोरि गै; पर जु जीवन उ अब ज्यूँदो च त पिता परमेश्वर कि सेवा कनु कु ज्यूँदो।</verse>
				<verse number="11">इन ही तुम भि अपड़ा आप तैं पाप का जकड़ मा मुरयूं समझा, पर परमेश्वर कु मसीह यीशु मा परमेश्वर की सेवा कनु कु ज्यून्दा छा समझा।</verse>
				<verse number="12">इलै पापमय इच्छाओं तैं अपड़ा जीवन पर राज्य नि कन द्यां, कि तुम अपड़ा पापमय इच्छाओं का अनुसार काम नि कैरा।</verse>
				<verse number="13">अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।</verse>
				<verse number="14">तब तुम पर पाप कु कुई अधिकार नि होलो, किलैकि अब तुम मूसा की व्यवस्था का अधीन नि छा पर पिता परमेश्वर की दया का अधीन जीवन ज्यून्दा।</verse>
				<verse number="15">त क्य हवे? किलैकि हम व्यवस्था का अधीन न, पर पिता परमेश्वर की दया का अधीन छा, इलै हम तैं पाप नि कन चयणु च।</verse>
				<verse number="16">तुम जंणदा छा कि जब तुम अपड़ा आप तैं कैका गुलाम हूंणु कु दे दींदयां त उ मनिख तुमारो स्वामी हवे जांद, अर तुम तैं इन ही कन चयणु च जु उ बुल्द; तुम पाप का दास हवे सकदा छा जु मृत्यु का तरपां लीजांद, या फिर तुम परमेश्वर की आज्ञा कु पालन कनु कु चुनाव कैरी सकदां, जु धर्मी जीवन कि तरपां लीजांद।</verse>
				<verse number="17">तुम पाप का गुलाम छा, पर अब तुम ल ऊं शिक्षाओं कु पालन कैरी, जु तुम तैं मिली। इलै मि पिता परमेश्वर कु धन्यवाद करदु,</verse>
				<verse number="18">परमेश्वर ल तुम तैं पाप की जकड़ बट्टी छुड़यूँ च, अर तुम परमेश्वर का दास बंणि ग्यां की उ कैरा जु सै च।</verse>
				<verse number="19">मेरा द्वारा गुलामी कु विचार कु इस्तेमाल कनु को कारण यु च कि जु मि तुम तैं सिखांणु छों वे तैं तुम आसानी से समझी साका। जन तुम ल अपड़ा देह का अंगों तैं मनिख्युं कु अधर्म का कारण अपवित्र अर कुकर्म का गुलाम कैरी कै सौपैले, उन ही अब अपड़ा अंगों तैं पवित्रता कु धर्मी जीवन जींणु कु गुलाम कैरी कै सौंपी द्या।</verse>
				<verse number="20">जब तुम पाप का गुलाम छा, त तुम्हरा भितर धार्मिक काम कनै कि कुई इच्छा नि छै।</verse>
				<verse number="21">अपड़ा पुरणा जीवन बट्टी तुम तैं क्य फैदा हवे? तुम वेका कारण भस शर्मांदा हुंदा छा, किलैकि ऊं कामों कु नतीजा मौत च।</verse>
				<verse number="22">पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।</verse>
				<verse number="23">किलैकि पापमय कामों कि मजदूरी त मौत च, पर जु वरदान पिता परमेश्वर हम तैं दया का द्वारा दींद, उ त अनन्त जीवन च, जु हमारा प्रभु यीशु मसीह मा मिल्दु।</verse>
			</chapter>
			<chapter number="7">
				<verse number="1">हे विश्वासी भयों, तुम जंणदा छा (मि मूसा की व्यवस्था तैं जनण वलो बट्टी बुल्द) कि लुखुं तैं व्यवस्था कु पालन तभि तक कन जब तक उ ज्यूंदा छिनी।</verse>
				<verse number="2">बिवई जनन व्यवस्था का अनुसार अपड़ा आदिम का बचयां रौंण तक बधि रौंदी, पर जु वींको आदिम मोरि जांदु, त उ अपड़ा आदिम की व्यवस्था बट्टी छुटी जांद।</verse>
				<verse number="3">इलै जु कुई अपड़ा आदिम का ज्यूंदा हूंण पर भि कै दुसरा आदिम की हवे जौं, त व्यभिचारिणी कहलांदी, पर जु आदिम मोरि जौं, त व वीं व्यवस्था बट्टी छुटी गै, इख तक कि जु कै हैंका आदिम की हवे जौं त उ व्यभिचारिणी नि ठैरली।</verse>
				<verse number="4">त हे मेरा विश्वासी भयों, जब तुम मसीह का दगड़ी मोरि ग्यां, त तुम व्यवस्था का अधिकार कु भि मोरि ग्यां। अब तुम मसीह का छा, जु मुर्दों मा बट्टी ज्यूँदो हवे गै कि तुम परमेश्वर का फलदार जीवन जी सका।</verse>
				<verse number="5">किलैकि जब हम अपड़ा पापी स्वभाव का कब्जा मा छा, व्यवस्था का द्वारा जाग्रत पापमय इच्छा हमारा देह मा काम कनि छै, मौत का फल पैदा कनु कु हमारा देह का अंगों मा काम करदी छै।</verse>
				<verse number="6">पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।</verse>
				<verse number="7">त हम यूं बातों का बार मा क्य बोला? क्य व्यवस्था पाप च? न! बिल्कुल न! पर व्यवस्था का द्वारा मि पाप तैं जांण साको। मिल जांणि की लालच कन पाप च, किलैकि व्यवस्था मा इन लिख्युं च, कि “लालच नि कैर।”</verse>
				<verse number="8">पर पाप ल इन आज्ञा कु इस्तेमाल कैरी के सभि किस्मै का लालच पैदा कैरी, किलैकि व्यवस्था का बगैर पाप मुरयूं च।</verse>
				<verse number="9">पैली मि व्यवस्था तैं बगैर समझयां रौंदु छो, पर जब मिल व्यवस्था तैं जांणि, त पाप कि शक्ति बढण लगि गै, अर मि पिता परमेश्वर बट्टी दूर हवे ग्यों।</verse>
				<verse number="10">अर व आज्ञा ज्वा मेरू जींण कु कारण बनण वली छै, मि तैं पिता परमेश्वर बट्टी अलग कैरी दींनि।</verse>
				<verse number="11">पर पाप ल ईं आज्ञा कु इस्तेमाल कैरी कै मि तैं धोखा द्या, अर वेका द्वारा ही मि तैं मारि भि दींनि।</verse>
				<verse number="12">त हम यु बोलि सकदा कि व्यवस्था पवित्र च, अर आज्ञा पवित्र, धर्मी, अर अच्छी च।</verse>
				<verse number="13">क्य व्यवस्था ल, जु अच्छी च, मि तैं पिता परमेश्वर बट्टी दूर कैरी? न! बिल्कुल न! यु पाप च जैल इन कैरी। पाप ल वीं व्यवस्था जु अच्छी छै इस्तेमाल कैरी अर मि तैं पिता परमेश्वर बट्टी दूर कैरी। ईं रीति बट्टी पाप ल दिखै कि उ सच मा क्य च, अर आज्ञा ल दिखै कि पाप पूरी रीति ल बुरी च।</verse>
				<verse number="14">किलैकि हम जंणदा छा कि व्यवस्था त आत्मिक च, पर मि सांसारिक मनिख छौं अर पाप कु गुलाम छो।</verse>
				<verse number="15">अर जु मि करदु छौं वे तैं नि जंणदु, किलैकि जु मि चांदु छौं उन ही करदु, पर ज्यां बट्टी मि तैं नफरत च ऊई करदु छों।</verse>
				<verse number="16">अर जु मि नि चांदु ऊई बुरा काम करदु छों, त मि मांणी लींदु की व्यवस्था भलि च।</verse>
				<verse number="17">त इन दशा मा बुरो कन वलो मनिख मि न, पर पाप च जु मि मा बस्युं च।</verse>
				<verse number="18">किलैकि मि जंणदु छौं, कि मि मा यानि मेरा पापमय मनिख स्वभाव मा कुछ भि नि च, भला काम कने की इच्छा त मि मा च पर ऊं तैं कन मि बट्टी नि हूंदो।</verse>
				<verse number="19">किलैकि जै अच्छा काम कनै कि मि इच्छा करदु, उ त मि नि करदु, पर जीं बुरै कि इच्छा नि करदु, ऊई करदु।</verse>
				<verse number="20">पर जु मि ऊई करदु जै कि इच्छा नि करदु, त वेको कन वलो मि नि छो, पर पाप जु मि मा बस्युं च।</verse>
				<verse number="21">त मि या व्यवस्था पौंदु कि जब मि भलै कने कि इच्छा करदु, त मि उ करदु जु बुरो च।</verse>
				<verse number="22">किलैकि मि अपड़ा पूरा मन बट्टी पिता परमेश्वर कि व्यवस्था बट्टी भौत खुश रौंदु।</verse>
				<verse number="23">पर मि तैं अपड़ा देह का अंगों मा हैंका ढंग का काम दिखै दींदिनि, जु मेरा मन कि व्यवस्था तैं सै मंणदु अर लड़ै करदी अर यु मि तैं पाप कु कैदी बंणौंदींनि, जु अभि भि मेरा देह का अंगों मा काम करदी।</verse>
				<verse number="24">मि भौत अभागि मनिख छौं; मि तैं यु देह बट्टी कु छुडालो, जु मि तैं पिता परमेश्वर बट्टी अलग करदो।</verse>
				<verse number="25">इलै मि अफी बुद्धि बट्टी त परमेश्वर की व्यवस्था कु, पर देह बट्टी पाप की व्यवस्था की सेवा करदु, मि पिता परमेश्वर कु धन्यवाद करदु, जैल प्रभु यीशु मसीह का द्वारा मि तैं बचै।</verse>
			</chapter>
			<chapter number="8">
				<verse number="1">यु कारण अब जु मसीह यीशु मा च, ऊं पर दंड की आज्ञा नि च।</verse>
				<verse number="2">पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।</verse>
				<verse number="3">किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।</verse>
				<verse number="4">इलै व्यवस्था कि मांग हम मा बट्टी जु पापमय स्वभाव का अनुसार नि च बल्कि पवित्र आत्मा का अनुसार चलदींनि, पूरी कैरे जाली।</verse>
				<verse number="5">उ लोग जु पापमय स्वभाव का अनुसार काबू मा हूंदींनि उ पापमय बातों का बारा मा सुचदींनि, पर उ जु पवित्र आत्मा का द्वारा नियंत्रित हूंदींनि ऊं बातों का बारा मा सुचदींनि जु पवित्र आत्मा तैं खुश करदी।</verse>
				<verse number="6">अपड़ा पापमय स्वभाव तैं अर अपड़ा मन तैं काबू कन दींण मौत कि तरपां लिजांद; पर पवित्र आत्मा तैं अपड़ा मन तैं काबू कन बट्टी जीवन अर शान्ति मिलदी।</verse>
				<verse number="7">किलैकि पापी स्वभाव का अनुसार जीवन जींण पिता परमेश्वर बट्टी बैर रखण च, किलैकि न त पापी स्वभाव पिता परमेश्वर की व्यवस्था का अधीन च, अर न व्यवस्था कु पालन कैर सकद।</verse>
				<verse number="8">अर जु पापमय स्वभाव का काबू मा च, उ पिता परमेश्वर तैं खुश नि कैर सकदींनि।</verse>
				<verse number="9">पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।</verse>
				<verse number="10">जु मसीह तुम मा च, त पाप का कारण देह का मुरयां हूंण पर भि धार्मिकता का कारण तुम्हरी आत्मा ज्यूंदी च।</verse>
				<verse number="11">अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।</verse>
				<verse number="12">त हे विश्वासी भयों, हम तैं आज्ञा मनणु चयणी च पर वे तैं न जु हमारो पापी स्वभाव चांद की हम कैरा।</verse>
				<verse number="13">किलैकि जु तुम अपड़ा पापमय स्वभाव का अनुसार ज्यून्दा, त आत्मिक मृत्यु का अनुसार मुरला, पर जु आत्मा की सामर्थ का द्वारा तुम उ कन बंद कैरी दींद जु तुम्हरो पापमय स्वभाव चांद, त ज्यूंदा रैल्या।</verse>
				<verse number="14">इलै कि जथग लोग परमेश्वर की आत्मा का अनुसार चलये चलदींनि, उ ही पिता परमेश्वर की सन्तान छिनी।</verse>
				<verse number="15">किलैकि तुम तैं गुलामी की आत्मा नि मिली, गुलाम जु पिता परमेश्वर बट्टी डरदा छिनी, पर जब पिता परमेश्वर ल तुम तैं अपड़ी सन्तान का रूप मा स्वीकार कैरी त तुम तैं परमेश्वर कि आत्मा मिली, ज्यां बट्टी हम हे बुबा, हे पिता बोलि के बुलौंदियां।</verse>
				<verse number="16">पवित्र आत्मा अफी हमारी आत्मा का दगड़ी गव्है दींद, कि हम परमेश्वर कि सन्तान छा।</verse>
				<verse number="17">अर जु सन्तान छा, त वारिस भि छा, बल्कि परमेश्वर का वारिस अर मसीह का संगी वारिस छा। जु हम यीशु का जन दुःख सौला, त हम वेकी बड़ै मा भि हकदार हूला।</verse>
				<verse number="18">मि तैं पता च, कि मि कु या बात साफ च कि जु बडै पिता परमेश्वर हम तैं बाद मा दयालु, उ दुःख वे बट्टी बड़ो च जु हम अब सौणा छा।</verse>
				<verse number="19">किलैकि सैरी सृष्टि बड़ा आशा का दगड़ी वे बगत कु इन्तेजार कनी च, जब पिता परमेश्वर अपड़ी सच्ची सन्तानों तैं प्रगट करलो।</verse>
				<verse number="20">किलैकि जु कुछ भि पिता परमेश्वर ल बंणै वेल अपड़ी कीमत खोयले, इलै कि उ खुद इन नि चांदा छा, पर इलै कि पिता परमेश्वर ल इन कैरी अर हम तैं आस भि च।</verse>
				<verse number="21">सृष्टि वे दिनों कु जग्वाल कनि च जब उ मृत्यु अर विनाश बट्टी छुटी के पिता परमेश्वर की सन्तानोंं का दगड़ी महिमामय आजादी मा शामिल हवे जाली।</verse>
				<verse number="22">किलैकि हम जंणदा छा, कि सबसे पैली आदम ल पाप कैरी, तब बट्टी ले के अब तक पिता परमेश्वर द्वारा किये गै सैरी सृष्टि एक जनन का जन पिड़ा सौणी च जन पिड़ा वीं तैं बच्चा तैं जन्म दींण पर हूंदी।</verse>
				<verse number="23">अर उ भस दुनिया ही न जु कि कणांणी च, न पर हम भि, जै मा हूंण वली बडै का पैली बट्टी स्वाद चखण का रूप मा पवित्र आत्मा कु निवास च, अफी अपड़ा मा कणांणी च; हम भि वे दिन कु उत्सुकता का दगड़ी जग्वाल कना छा जब परमेश्वर हम तैं अपड़ा गोद लियां बच्चों का रूप मा हम तैं पूरो हक दयालो, मतलब की अपड़ा देह का छुटकारा की जग्वाल कना छा।</verse>
				<verse number="24">अब जब पिता परमेश्वर ल हम तैं बचै, त हम मा य आस च। पर जब तुम कुछ पांणै की इच्छा कना छा जु तुम मा पैली बट्टी च, त उ आस नि च। कुई भि वीं चीज तैं पांणै की इच्छा नि करद जु पैली बट्टी ही वेमा ही छिनी।</verse>
				<verse number="25">पर हम तैं कुछ इन मिलणै की आस च जु हम मा अभि तक नि च, इलै हम धीरज का दगड़ी तब तक इन्तेजार करद्यां जब तक ही हम वे तैं नि पै ल्या।</verse>
				<verse number="26">ईं रीति ल पवित्र आत्मा भि हमारी मदद करद; जब परमेश्वर मा हमारो भरोसो कमजोर हूंद, किलैकि हम नि जंणदा, कि प्रार्थना कन कै कन चयणी च; पर पवित्र आत्मा अफी इन्दरी आह भौरि-भौरि के जु कि बतांण से भैर च, हम कु बिनती करद।</verse>
				<verse number="27">अर पिता परमेश्वर जु मनों तैं जंणदु च, कि पवित्र आत्मा कि क्य मनसा च? किलैकि उ पवित्र लुखुं कु पिता परमेश्वर कि मनसा का अनुसार बिनती करदो।</verse>
				<verse number="28">हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,</verse>
				<verse number="29">किलैकि जौं तैं वेल पैली बट्टी ही चुणयली ऊं तैं पैली बट्टी ही ठैराये गै कि वेका नौंना का स्वरूप मा हो कि उ सभि विश्वासी भयों मा पैलो नौंना का जन हवे जौं।</verse>
				<verse number="30">फिर जौं तैं वेल पैली बट्टी ठैराये, ऊं तैं चुणि भि च, अर जौं तैं चुणयूं च, ऊं तैं धर्मी भि ठैराये, अर जौं तैं धर्मी ठैराये, ऊं तैं अपड़ी बडै मा भि हकदार बंणै।</verse>
				<verse number="31">त हम यूं बातों का बारा मा क्य बोला? जु पिता परमेश्वर हमारी तरपां च, त कुई भि हम तैं हरै नि सकद।</verse>
				<verse number="32">पिता परमेश्वर ल अपड़ा एकलौता नौंना यीशु मसीह तैं भि नि रख छोड़ी, पर वे तैं हम पर कृपा कैरी के अपड़ा दुश्मनों तैं सौंपी दींनि, उ हम तैं उ सब कुछ भि दयालो जु वेल हम बट्टी करार कैरी छै।</verse>
				<verse number="33">कुई भि हम पर पिता परमेश्वर का संमणी भंगार नि लगै सकदो किलैकि उ ऊई च जु हम तैं अफ दगड़ी धर्मी ठैरांण वलो च।</verse>
				<verse number="34">कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।</verse>
				<verse number="35">कुई भि हम तैं मसीह का प्रेम बट्टी अलग नि कैर सकद। क्य क्लेश, या संकट, या घपरौल, या अकाल, या नंगुपन, या खतरा, यूं मा बट्टी एक भि हम तैं मसीह का प्रेम बट्टी अलग नि कैर सकलो।</verse>
				<verse number="36">जन परमेश्वर का वचन मा लिख्युं च, “पिता परमेश्वर का वचन कु लोग हम तैं हर दिन जान से मरणै की धमकी दींदिनि; हम बलि हूंण वला ढिबरों का जन गिणै ग्यां।”</verse>
				<verse number="37">पर यूं सभि बुरी बातों मा हम वेका द्वारा जैल हम बट्टी प्रेम कैरी, इलै जीत पूरा ढंग से हमारी च।</verse>
				<verse number="38">किलैकि मि निश्चित छौं, कि कुछ भि अर कुई भि हम तैं मसीह का प्रेम बट्टी कनु दूर ली जांण मा सक्षम नि च; इलै कुछ फर्क नि पुड़दो कि हम मुरणा छा या हम ज्यूंदा छा; स्वर्गदूत, शासक अर सामर्थ जु स्वर्ग मा च हम तैं वेका प्रेम बट्टी अलग नि कैर सकद, अर वे बट्टी भि जु अब हूंणु च अर भविष्य मा जु होलो, सैरी सृष्टि मा सब कुछ हम तैं वेका प्रेम बट्टी अलग नि कैर सकदो।</verse>
				<verse number="39">न गहराई, न सृष्टि, न कुई, हम तैं पिता परमेश्वर का प्रेम बट्टी, जु हमारा प्रभु यीशु मसीह मा च, अलग नि कैर सकली।</verse>
			</chapter>
			<chapter number="9">
				<verse number="1">मि मसीह तैं गव्हा मांणी कै सच बुल्णु छौं। जैको पवित्र आत्मा अर मेरू विवेक गव्है दींणु च की यु झूठ नि च।</verse>
				<verse number="2">कि मि तैं ऊंकु भौत दुःख च, अर हमेशा मेरा दिल मा मेरा लुखुं कु हर बगत मि तैं पिड़ा महसूस हूंदी।</verse>
				<verse number="3">किलैकि मि इख तक चांदु छो, कि अपड़ा यहूदी विश्वासी भयों उद्धार पांण कु जु मेरा अपड़ा कुटुंब का भाव बट्टी मेरा कुटुंब छिनी, अफी ही मसीह बट्टी परमेश्वर मि तैं श्राप द्ये अर अलग हवे जांदु।</verse>
				<verse number="4">उ इस्राएली ही छिनी, ऊं तैं पिता परमेश्वर ल गोद लियुं च अर ऊं तैं सन्तानोंं का रूप मा चुणै गै अर महिमा, वाचा, मूसा द्वारा लिखीं परमेश्वर की व्यवस्था, उ सचै बट्टी पिता परमेश्वर कि आराधना करदींनि, अर प्रतिज्ञा ऊंकी ही छिनी।</verse>
				<verse number="5">अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।</verse>
				<verse number="6">पर इन न, कि पिता परमेश्वर कु वादा पूरो नि हवे साकी, किलैकि सभि इस्राएल का वंशज सच मा पिता परमेश्वर का लोग नि छिनी;</verse>
				<verse number="7">अर अब्राहम का वंश मा जन्म लींण से ही सभि ऊंकी सच सन्तान नि हवे जंदींनि, किलैकि पिता परमेश्वर ल अब्राहम बट्टी बोलि, जु इसहाक का वंश मा जन्म लींदींनि उ ही तेरु वंशज मंणै जाला।</verse>
				<verse number="8">इलै जु वंश देह का अनुसार जन्म लींदींनि उ पिता परमेश्वर की संतान नि छिनी, पर भस करार की संतान ही अब्राहम की संतान मंणै जयदींनि।</verse>
				<verse number="9">किलैकि करार कु वचन यु च, “मि हैंका साल यु बगत ही दुबरा औलु अर तब सारा कु एक नौंनो होलो।”</verse>
				<verse number="10">अर भस यु ही न, पर रिबका का गर्भ मा एक ही पुरुष, मतलब हमारा पूर्वज इसहाक बट्टी जवांलयां नौंना हवेनि।</verse>
				<verse number="11">पैदा हूंण बट्टी पैली पिता परमेश्वर ल रिबका बट्टी बोलि छों, कि ऊंको बड़ो नौंनो छुटा की सेवा करलो। प्रभु अपड़ी पसंद खुद बंणौदु यु दिखांणु कु वेल यु बोलि, कि जु ऊंल कैरी यु कै भि काम का कारण नि छों पर परमेश्वर कु उद्देश्य ऊंकी ही इच्छा का अनुसार बुलांण वलो पर बंणि रौ।</verse>
				<verse number="12">वेल बोलि, “जेठो नौंनो कंणसा नौंनो कु दास होलो।”</verse>
				<verse number="13">जन परमेश्वर का वचन मा लिख्युं च, “मिल याकूब बट्टी प्रेम कैरी, पर एसाव तैं अप्रिय जांणि।”</verse>
				<verse number="14">त हम ल यूं बातों का बारा मा क्य बुल्ण? क्य पिता परमेश्वर अन्यायी च जब उ जै तैं चौ चुणदो? न! बिल्कुल न।</verse>
				<verse number="15">किलैकि पिता परमेश्वर मूसा बट्टी बुल्द, “मि जै कै पर दया कन चौलु, वे पर दया करुलु, अर जै कै पर कृपा कन चौं वे पर ही कृपा करुलु।”</verse>
				<verse number="16">त पिता परमेश्वर वे मनिख तैं चुणलो जै पर उ दया दिखांणु कु फैसला लींद; वेकी पसंद ईं बात पर निर्भर नि करदी कि लोग की चंदींनि या क्य कने की कोशिश करदींनि।</verse>
				<verse number="17">किलैकि पिता परमेश्वर का वचन मा मिस्र देश का राजा फिरौन बट्टी बुलै गै, “मिल त्वे तैं इलै राजा नियुक्त कैरी, कि त्वे तैं अपड़ी सामर्थ दिखौं अर मेरा नौं कु प्रचार ईं दुनिया का सैरा लुखुं का बीच मा हो।”</verse>
				<verse number="18">त फिर, उ जै पर चांदो, वे पर दया करदो; अर जै तैं चांदो वे तैं जिद्दी बंणै दींद।</verse>
				<verse number="19">तब कुछ लोग मि बट्टी बुलला; “जु इन च त पिता परमेश्वर कन बोलि सकदो कि हम गलत छा? किलैकि उ जु चांदो वे तैं कनु कु कुई नि रोक सकदो।”</verse>
				<verse number="20">हे दगड़िया, तु कु छै? जु पिता परमेश्वर बट्टी सवाल कनी छै, क्य बंणई चीज बनांण वला बट्टी पूछि सकदी, “तिल मि तैं इन किलै बंणै?”</verse>
				<verse number="21">क्य कुमार तैं माटा पर अधिकार नि च, कि एक ही चाक मा बट्टी, एक भांडों अच्छा काम कु, अर दूसरो अनादर का काम कु?</verse>
				<verse number="22">कि पिता परमेश्वर ल अपड़ो गुस्सा दिखांणु अर अपड़ी सामर्थ प्रगट कने की इच्छा बट्टी गुस्सा का मनिख्युं तैं जु भांडों का जन छिनी, जौं तैं नाश कन तय कैरे गै।</verse>
				<verse number="23">वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।</verse>
				<verse number="24">यानि हम पर जौं तैं वेल न भस यहूदियों मा बट्टी बल्कि अन्यजातियों मा बट्टी भि चुणि।</verse>
				<verse number="25">अन्यजातियों का बारा मा, पिता परमेश्वर कि तरपां बट्टी बुल्ण वला होशे की किताब मा लिख्युं च, “ज्वा मेरी प्रजा नि छै, ऊं वीं तैं मि अपड़ी प्रजा बुललु, अर ज्वा प्यारी नि छै, वीं तैं प्यारी बुललु;</verse>
				<verse number="26">अर जैं जगह मा पिता परमेश्वर ल बोलि, तुम मेरा लोग नि छा, उखि मा ज्यूँदो परमेश्वर ऊं तैं अपड़ी सन्तान बुललो।”</verse>
				<verse number="27">इस्राएल का लुखुं का बारा मा परमेश्वर कि तरपां बट्टी बुल्ण वलो यशायाह चिल्लै कै बुल्णु च, “चै इस्राएल का लुखुं की गिणती समुद्र का किनारा बल्ला का जन हो, तब भि ऊंमा जरा ही बचला।</verse>
				<verse number="28">किलैकि प्रभु जल्द ही, अर एक ही बार मा हमेशा कु, धरती पर का सभि लुखुं कु न्याय करलो।”</verse>
				<verse number="29">जन परमेश्वर कि तरपां बट्टी बुल्ण वला यशायाह ल पैली भि बोलि छो, “जु प्रभु सर्वशक्तिमान ल हम तैं वंशज हूंणै कि अनुमति नि दीं हूंदी, त हम सदोम अर अमोरा शहरों का लुखुं का जन बंणि जांदा, जौं तैं परमेश्वर ल पूरा ढंग से नष्ट कैरी द्ये।”</verse>
				<verse number="30">त हम ल यांका बारा मा क्य बुल्ण? अन्यजाति अफ तैं पिता परमेश्वर का दगड़ी धर्मी रखणै कि कोशिश नि कना छा, पर पिता परमेश्वर ल ऊं तैं खुद का दगड़ी धर्मी रखि किलैकि ऊंल वे पर भरोसो कैरी छों;</verse>
				<verse number="31">पर इस्राएल का लोग, उ मूसा की व्यवस्था तैं मांणी कै पिता परमेश्वर का अनुसार धर्मी घोषित हूंण चंदींनि, ऊंल वीं धार्मिकता तैं नि पै।</verse>
				<verse number="32">यु कन कै हवे सकद? इलै कि उ विश्वास बट्टी न, पर भला कर्मों बट्टी वेकी खोज करदां छा; ऊंल मसीह तैं ठुकरै दे जु वे ढुंगा का जन च जु लुखुं तैं ठोकर दिलांद।</verse>
				<verse number="33">जन परमेश्वर का वचन मा लिख्युं च, “देखा मि सिय्योन मा ठोकर लगण वला ढुंगो, अर लुखुं तैं लमडांण वली चट्टान रखणु छो, अर जु वे पर विश्वास करलो, उ शर्मिंदा नि होलो।”</verse>
			</chapter>
			<chapter number="10">
				<verse number="1">हे विश्वासी भयों, मेरा मन कि इच्छा अर इस्राएल का लुखुं कु पिता परमेश्वर बट्टी मेरी प्रार्थना च, कि उ पिता परमेश्वर बट्टी उद्धार पौनु।</verse>
				<verse number="2">किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।</verse>
				<verse number="3">किलैकि उ नि जणदींनि, कि परमेश्वर की धार्मिकता क्य च, इलै उ अनजान हवे कै अपड़ा ढंग ल धर्मी बनणै की कोशिश कना छा, अर ऊंल अपड़ा आप तैं धार्मिकता का अधीन नि कैरी।</verse>
				<verse number="4">किलैकि मसीह मा पैली बट्टी ही वे मकसद तैं पूरो कैरी ज्यांकु व्यवस्था दिये गै छै। इलै, जु कुई भि वे पर विश्वास करदो पिता परमेश्वर का दगड़ी धर्मी बंणि जांद।</verse>
				<verse number="5">किलैकि मूसा की व्यवस्था बट्टी प्राप्त धार्मिकता का बारा मा परमेश्वर का वचन मा यु लिख्युं च; “जु मनिख वांको पालन करदो, उ वां बट्टी ज्यूंदों रालो।”</verse>
				<verse number="6">पर ज्वा धार्मिकता विश्वास बट्टी च, वेका बारा मा पिता परमेश्वर कु वचन यु बुल्द, अपड़ा आप बट्टी इन नि बोला “मसीह तैं मूड़ी धरती पर लांणु कु स्वर्ग तक मथि जालो?”</verse>
				<verse number="7">या “अधोलोक मा कु उतरलो” (यानि मसीह तैं मुर्दों मा बट्टी ज्यूंदों कैरी मथि लांणु कु)</verse>
				<verse number="8">यूं बातों कु मतलब यु च कि, “तुम अपड़ा होंठों ल यु संदेश तैं अंगीकार कैरी सकदा अर अपड़ा दिल मा स्वीकार कैरी सकदा।”</verse>
				<verse number="9">कि जु तु अपड़ा गिच्चा बट्टी यीशु तैं अपड़ो प्रभु जांणि कै पूरी रीति बट्टी स्वीकार करिली अर अपड़ा मन बट्टी विश्वास कैरा कि परमेश्वर ल यीशु तैं मुर्दों मा बट्टी ज्यूंदों कैरी, त पिता परमेश्वर तेरु उद्धार कैरी के त्वे तैं बचालो।</verse>
				<verse number="10">किलैकि हम अपड़ा मन बट्टी विश्वास करदां, अर इलै हम पिता परमेश्वर का दगड़ी धर्मी बणदां। अर हमारा गिच्चो कु अंगीकार हमारा विश्वास तैं दिखांद जै बट्टी हम उद्धार पै के बचये जणदां।</verse>
				<verse number="11">किलैकि परमेश्वर का वचन तैं बुल्ण वला यशायाह ल मसीह का बारा मा लिख्युं छो, “जु कुई वे पर विश्वास करलो उ निराश नि होलो।”</verse>
				<verse number="12">यहूदियों अर यूनानी अन्यजाति लुखुं मा कुई फर्क नि च, इलै की पिता परमेश्वर ऊं सभियूं कु प्रभु च; अर जु वे बट्टी प्रार्थना करदींनि ऊंकु दयालु भि च।</verse>
				<verse number="13">किलैकि परमेश्वर कु वचन यु बुल्द, “प्रभु ऊं सभियूं तैं बचालो जु वेका नौं तैं पुकरदींनि।”</verse>
				<verse number="14">पर मसीह पर जौं लुखुं ल विश्वास नि कैरी, उ वे बट्टी प्रार्थना किलै कैरा? अर जु ऊंल वेका बारा मा नि सूंणि त वे पर कन के विश्वास कैरी सकदींनि? जु कुई प्रचारक नि हो, त उ वेका बारा मा कन कै सूंणि सकदींनि?</verse>
				<verse number="15">अर यां बट्टी पैली की कुई जै कै ऊं तैं बतै साको, वे मनिख तैं भिजै जांण चयणु च; जन परमेश्वर का वचन मा लिख्युं च, “यु इथग अद्भुत च कि शुभ सन्देश प्रचार कन वला लोग आंणा छिनी।”</verse>
				<verse number="16">पर सभियूं ल वे शुभ सन्देश पर विश्वास नि कैरी। परमेश्वर की तरपां बट्टी बुल्ण वलो यशायाह बुल्दो, “हे प्रभु, कैल भि हमारा द्वारा दिये जांणवला शुभ संदेश पर विश्वास नि कैरी।”</verse>
				<verse number="17">इलै विश्वास तब आंद जब हम शुभ संदेश सुणदा छा, अर यु शुभ संदेश मसीह का द्वारा बुलै गै बात छिनी।</verse>
				<verse number="18">पर मि पुछणु छों, “कि यहूदियों ल निश्चित रूप मा मसीह का बारा मा शुभ संदेश सुणयूं च, ऊंल जरूर सूंणि किलैकि परमेश्वर का वचन मा लिख्युं च, ऊंका शब्द सैरा धरती पर, अर ऊंका वचन दुनिया मा हरेक जगह पौंछि गैनी।”</verse>
				<verse number="19">फिर मि बुल्दो, यु सच च कि, इस्राएल का लुखुं तैं मसीह का बारा मा संदेश समझ मा ऐ। पैली त परमेश्वर की तरपां बट्टी बुल्ण वला मूसा का द्वारा परमेश्वर ल यु बोलि, “मि तुम तैं ऊं अन्य-जातियों बट्टी जलन कनु कु कारण बंणौलु जु एक राष्ट्र नि च, मि तुम तैं ऊं लुखुं बट्टी गुस्सा हूंणु कु कारण बंणौलु जौं तैं यहूदी मूर्ख समझदींनि।”</verse>
				<verse number="20">फिर परमेश्वर की तरपां बट्टी बुल्ण वलो यशायाह बड़ी हिम्मत ल प्रभु कु वचन सुणै कि, “जु मि तैं नि खुज्योंदा छा, ऊंल मि तैं पयले; अर जु मि तैं पुछदा भि नि छा, ऊं पर मि प्रगट हवे ग्यों।”</verse>
				<verse number="21">पर इस्राएल का लुखुं का बारा मा परमेश्वर यु बुल्द, “मि सैरा दिन अपड़ा हथ आज्ञा नि मनणु वली अर जिद्द कन वली प्रजा की तरपां बडयूं रौं।”</verse>
			</chapter>
			<chapter number="11">
				<verse number="1">इलै मि पुछणु छौं, क्य परमेश्वर ल अपड़ी प्रजा तैं छोडे़ले? न! बिल्कुल न! मि भि त इस्राएली छौं; अब्राहम कु वंशज अर बिन्यामीन का गोत्र मा बट्टी छौं।</verse>
				<verse number="2">परमेश्वर ल अपड़ी वीं प्रजा तैं नि छोड़ी, जै तैं वेल पैली बट्टी ही चुणि; तुम जंणदा छा की परमेश्वर कु वचन मा एलिय्याह की मिसाल मा क्य बुल्दो; कि इस्राएल का लुखुं का विरोध मा पिता परमेश्वर बट्टी शिकैत करदो।</verse>
				<verse number="3">वेल बोलि, “हे प्रभु, ऊंल परमेश्वर का तरपां बट्टी बुल्ण वला तैं मारि दींनि, अर तेरी वेदियों तैं तोड़ी दींनि; मि ही भस यखुली बच्युं छो जु अभि भि तेरु पिछनै चलणु छों अर उ मेरा भि प्राण लींण चांणा छिनी।”</verse>
				<verse number="4">पर पिता परमेश्वर ल एलिय्याह बट्टी बोलि, “मिल अफ कु सात हजार आदिमों तैं रख्युं च, जौं ल झूठा बाल देबता का अगनैं वेकी आराधना कनु कु घुंडा नि टिकनी।”</verse>
				<verse number="5">ईं रीति ल यु बगत भि, पिता परमेश्वर की दया का कारण, यूं यहूदियों कु एक छुटो सी हिस्सा च जौं तैं पिता परमेश्वर ल अपड़ा सच्चा लुखुं का रूप मा चुणि यले।</verse>
				<verse number="6">जु पिता परमेश्वर ल ऊं तैं चुणि उ दया का कारण ही हवे, या भाला कामों का कना का अनुसार न। जु कामों का द्वारा च, त दया फिर दया नि रै।</verse>
				<verse number="7">यांको परिणाम यु हवे की इस्राएली परमेश्वर तैं खुश कनै की खोज मा छिनी, उ ऊं तैं नि मिली; पर चुणयां लुखुं तैं मिली अर बकि लुखुं कु मन कठोर बंणी गै।</verse>
				<verse number="8">जन कि परमेश्वर का तरपां बट्टी बुल्ण वला यशायाह की किताब मा लिख्युं च, “परमेश्वर ल ऊं तैं आज दिन तक सुस्त दिमाक द्ये अर इन आँखा दींनि जु न देखा, अर इन कन्दूड़ जु नि सूंणा।”</verse>
				<verse number="9">अर राजा दाऊद बुल्द, “ऊंको खांणु ऊंकु तैं जाल, अर फंदा, अर ठोकर, अर दण्ड कु कारण हवे जालो।</verse>
				<verse number="10">ऊंका आँखा अंधा हवे जौनु कि उ देखि नि साका, अर तु हमेशा ऊं की कमर तैं झुकै के रख।”</verse>
				<verse number="11">त मि पुछणु छौं, “क्य यहूदी ठोकर लगणा का कारण हमेशा कु पाप मा गिरी गैनी?” न! बिल्कुल न! पर ऊंका अविश्वास का कारण अन्यजातियों तैं उद्धार मिली, कि इस्राएल का लुखुं तैं जलन हो।</verse>
				<verse number="12">अब जु इस्राएल का लुखुं को पाप मा ठोकर खांण दुनिया की अन्यजातियों कु भलै को कारण बंणद, त भौत जादा भलो होलो की इस्राएल का लोग पिता परमेश्वर मा लौटि आं।</verse>
				<verse number="13">मि तुम अन्यजातियों बट्टी यूं बातों तैं बुल्ण छौं। जबकि मि अन्यजातियों कु यीशु मसीह कु प्रेरित छौं, त मि अपड़ी सेवकाई पर घमंड करुलु।</verse>
				<verse number="14">कि कैं भि ढंग बट्टी मि अपड़ा दगड़िया यहूदी कुटुंबियूं बट्टी जलन करवै कै ऊंमा बट्टी कुछ कु त बचाव करुलु।</verse>
				<verse number="15">किलैकि जब इस्राएल का लुखुं कु छुड़ै जांणा दुनिया का लुखुं कु मेल कु कारण हवे, त जब उ यीशु तैं मसीह का रूप मा अपणैयला अर परिणाम का रूप मा इन होलो जन की परमेश्वर ऊं तैं मरणा का बाद फिर ज्यूंदों कनु हो।</verse>
				<verse number="16">जब हम रुट्टि बनांणु कु आटो उलदयां, त हम परमेश्वर तैं दींणु कु मुठी भर आटो लींदयां अर उ पवित्र हवे जांद। जु उ एक मुठी पिता परमेश्वर कु पवित्र च, त यांको मतलब च की पूरो आटो भि वेकु पवित्र च; अर जब जौड़ो पवित्र ठैरी, त फौंकी भि इन ही होली।</verse>
				<verse number="17">इस्राएल का लोग एक अच्छा जैतून डाला का फौंका का जन छिनी अर पिता अब्राहम, इसहाक अर याकूब वे डाला का जौड़ा का जन छिनी। अन्यजाति जंगली जैतून का डाला का फौंका जन च अर तुम यहूदियों बट्टी वे जन फैदा प्राप्त करदयां जन की जंगली जैतून का डाला का फौंका अच्छा जैतून का डाला बट्टी फैदा प्राप्त करदींनि।</verse>
				<verse number="18">ऊं फौंकों का बारा मा जु कटै गै छा घमंड नि करयां; अर जु तु घमंड कैर त, जांणि लै, कि तु जौड़ा तैं न, बल्कि जड़ त्वे तैं सम्भलदी।</verse>
				<verse number="19">तुम शायद बोलि सकदा छा, “यु हम छा कि जै तैं पिता परमेश्वर ल पसंद कैरी, किलैकि उ यहूदियों मा बट्टी कुछ तैं अस्वीकार कैरी दींनि की तुम वेकी जगह ले सकदा छा जन फौंका इलै तुड़ै गैनी, कि मि जुड़ै जौं।”</verse>
				<verse number="20">यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,</verse>
				<verse number="21">जु पिता परमेश्वर ल असली फौंकियूं पर दया नि कैरी, त उ तुम पर भि दया नि करलो।</verse>
				<verse number="22">इलै, तुम तैं यां पर ध्यान दींण चयणु च! परमेश्वर की मयलदु-पन अर कठोरता तैं, जु गिरी गैनी, ऊं पर कठोरता, पर तुम पर दया त हवे, तुम वेकी दया मा बंणयां रा, नथिरी तुम भि कटै जैला।</verse>
				<verse number="23">अर इस्राएल का लोग भि जु विश्वास कन शुरू कैरा, त ऊं तैं वापिस डाला मा फौंकी का जन फिर से लगै दिये जालो किलैकि पिता परमेश्वर ऊं तैं फिर संटे सकदो।</verse>
				<verse number="24">कै जंगली फौंकि को कै अच्छो डालो कु हिस्सा बनण स्वभाविक नि च। अर तुम जु यहूदी नि छा एक जंगली जैतून डाला बट्टी कटयां फौंकि का जन छा, अर एक अच्छा जैतून का डाला मा शामिल हो। बल्कि उ यहूदी एक फौंकि का जन च जु अच्छा डाला बट्टी भि बढि छै निश्चित रूप बट्टी ऊं तैं फिर से अपड़ा डाला बट्टी मिलै जै सकदो च।</verse>
				<verse number="25">हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।</verse>
				<verse number="26">अर यु हूंणा का बाद सैरा इस्राएल का लोग उद्धार पाला; जन परमेश्वर का वचन मा लिख्युं च, “बचांण वलो सिय्योन बट्टी आलो, अर अभक्‍ति तैं याकूब का वंश बट्टी दूर करलो</verse>
				<verse number="27">अर ऊंका दगड़ी मेरी या नई प्रतिज्ञा हवेलि, जबकि मि ऊंका पापों तैं माफ करुलु।”</verse>
				<verse number="28">यहूदी पिता परमेश्वर का बैरी छिनी, किलैकि उ शुभ सन्देश पर विश्वास नि कन चंदींनि, अर यु तुम कु फैदा बंणि गै। पर चुणै जांणा का नजर बट्टी पूर्वजों कु प्रियजन।</verse>
				<verse number="29">किलैकि पिता परमेश्वर अपड़ा वरदानों बट्टी, अर बुलाहट बट्टी दया का कारण कभि भि अपड़ो मन नि बदलद।</verse>
				<verse number="30">किलैकि जन अन्यजातियों ल पैली पिता परमेश्वर की आज्ञा नि मांणी ठिक उन ही यहूदियों ल भि नि मांणी छै, पर ऊंका आज्ञा नि मनणु बट्टी अब तुम पर दया हवे।</verse>
				<verse number="31">उन ही ऊंल भि आज्ञा नि मांणी कि, इलै तुम पर जु दया हवे किलैकि यां बट्टी ऊं पर भि दया हो।</verse>
				<verse number="32">किलैकि पिता परमेश्वर सभि लुखुं तैं आज्ञा नि मनणै की अनुमति दींद, कि उ सभि लुखुं पर अपड़ी दया दिखै साको।</verse>
				<verse number="33">पिता परमेश्वर की दया कु धन, बुद्धि अर ज्ञान सच मा भौत महान च! कुई भि ऊंकी निर्णय की व्याख्या नि कैर सकद अर न ही कुई वेका रस्तों तैं समझी सकदो।</verse>
				<verse number="34">“प्रभु कु मन कुई नि जांणि सकद, या, कु ऊंको सलाहकार बंणि गै?</verse>
				<verse number="35">अर कैल पिता परमेश्वर तैं कुछ नि द्ये की पिता परमेश्वर तैं वे तैं उ लौटांण पोडो।”</verse>
				<verse number="36">किलैकि सब कुछ पिता परमेश्वर बट्टी आंदो। वेल सब कुछ बणै याली, अर सभि कुछ वेको ही च। वेकी बडै जुग-जुग तक हूंणी रौ, आमीन।</verse>
			</chapter>
			<chapter number="12">
				<verse number="1">इलै हे विश्वासी भयों, मि तुम बट्टी परमेश्वर कि दया याद दिलै के बिनती कनु छौं, कि अपड़ा जीवन तैं ज्यूँदो, अर पवित्र, अर पिता परमेश्वर तैं अच्छो लगण वलो बलिदान कैरी के चढ़ावा; अर यु ही पिता परमेश्वर की आराधना, सेवा कनु को सै ढंग च।</verse>
				<verse number="2">अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।</verse>
				<verse number="3">किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।</verse>
				<verse number="4">किलैकि जन हमारी देह मा भौत सी अंग छिनी, अर सभि अंगों कु एक ही जन काम नि च;</verse>
				<verse number="5">वे जन ही, हम भि जु मसीह मा विश्वासी छा, हम सभि मसीह का देह का अंग छा, अर हम सभि एक-दुसरा बट्टी जुड़यां छा।</verse>
				<verse number="6">अर जबकि वीं दया का अनुसार ज्वा परमेश्वर ल हम तैं दीं च, हम तैं अलग-अलग वरदान मिल्यां छिनी, त जै तैं भविष्यवाणी कनु कु वरदान मिल्युं च, वे तैं ऊं बातों तैं बुल्ण चयणु च जै पर उ विश्वास करदो च की परमेश्वर ल वे तैं बतयूं च।</verse>
				<verse number="7">जु तैं दूसरों की मदद कनु को वरदान मिल्युं हो, त मदद कन मा लग्युं रो, जु कुई सिखांण वलो हो, त सिखौंण मा ही लग्यूं रौ;</verse>
				<verse number="8">जु प्रोत्साहित कनु कु उपदेशक हो, उ उपदेश दींण मा लग्यूं रौ; जु दूसरों की जरूरतों तैं पूरो कनु कु वरदान हों, त उदारता ल द्ये; या जु अगुवाई कनु कु वरदान हो, त वे तैं पूरा ढंग बट्टी कैरा अर जु दया कैरो, उ खुश हवे के कैरो।</verse>
				<verse number="9">दूसरों बट्टी प्रेम कनु कु दिखावा नि कैरा; बुरै बट्टी घृणा कैरा; भलै कन मा लगयां रावा।</verse>
				<verse number="10">परिवार का जन एक दुसरा बट्टी प्रेम कैरा; एक दुसरा कु आदर कन मा बढ़दी रावा।</verse>
				<verse number="11">भौत परिश्रम कैरा अर आलसी नि बणा पूरा उत्साह का दगड़ी पिता परमेश्वर की सेवा करदी रावा।</verse>
				<verse number="12">हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।</verse>
				<verse number="13">पवित्र लुखुं तैं जु कुछ जरूरी हो, वेमा ऊंकी मदद कैरा; मेहमानदरी कन मा लगयां रावा।</verse>
				<verse number="14">अपड़ा सतौंण वलो तैं आशीष द्यावा; आशीष द्यावा पर श्राप नि द्यावा।</verse>
				<verse number="15">खुशी मनांण वलो का दगड़ा मा खुशी मणांवा अर रूंण वलो का दगड़ा मा रौवे ल्यावा।</verse>
				<verse number="16">एक दुसरा कु उथग ही ध्यान रखा जथग अपड़ो रखद्यां; घमण्ड नि कैरा पर सीधा लुखुं का दगड़ा मा संगति रखा; अर अपड़ी नजर मा बुद्धिमान नि हो।</verse>
				<verse number="17">बुरै का बदला मा कै दगड़ी बुरै नि कैरा; जु बात सभि लुखुं कु भलि च, ऊंकी चिंता कैरा।</verse>
				<verse number="18">जख तक हवे साको, तुम पूरी कोशिश ल सभि मनिख्युं का दगड़ी मेल-मिलाप रखा।</verse>
				<verse number="19">हे प्रियों बदला नि लियां; पर परमेश्वर तैं अपड़ो बदला लींण द्या, किलैकि परमेश्वर का वचन मा लिख्युं च, “बदला लींण मेरू काम च, प्रभु बुल्द मि ही बदला दयुलु।”</verse>
				<verse number="20">पर जन परमेश्वर का वचन मा लिख्युं च, “जु तेरु बैरी भूखो हो त वे तैं खांणु खिलौ, जु तिसलो हो, त वे तैं पांणी पिलौ; किलैकि इन कै तु वे तैं लज्जित कैरी दीलि।”</verse>
				<verse number="21">बुरै तैं अपड़ा मथि जीत हासिल नि कन द्या, पर भलै बट्टी बुरै तैं जीत ल्यावा।</verse>
			</chapter>
			<chapter number="13">
				<verse number="1">हरेक मनिख शासन कन वला अधिकारियों का अधीन रौ; किलैकि सैरा अधिकार पिता परमेश्वर का तरपां बट्टी छिनी, जु परमेश्वर का तरपां बट्टी नि हो; अर जु अधिकार च, उ परमेश्वर का द्वारा ही ठैरयां छिनी।</verse>
				<verse number="2">इलै जु कुई इन लुखुं कु विरोध करदो, जौं मा शासन कनु कु अधिकार च, उ परमेश्वर की विधियों कु विरोध करदो, अर विरोध कन वला दण्ड पाला।</verse>
				<verse number="3">किलैकि जु कुई अच्छा काम करदींनि, त वे तैं अधिकारियों बट्टी डनै की जरुरत नि च; पर जु उ बुरा काम करदींनि त वे तैं डनै की जरुरत च; त अच्छा काम कैर अर वेकी तरपां बट्टी उ तुम तैं आदर दयालो;</verse>
				<verse number="4">किलैकि तुम्हरी मदद कनु कु परमेश्वर की तरपां बट्टी सेवक छिनी। पर जु तु बुरै कैर, त डैर; किलैकि अधिकारियों मा वे तैं सजा दींणो कु अधिकार च अर उ परमेश्वर का दास छिनी, जौं तैं यु कारण बट्टी ही भिजै गै कि ऊं लुखुं तैं सजा द्या जु गलत काम कना छिनी।</verse>
				<verse number="5">इलै तुम तैं इन भस पिता परमेश्वर का तरपां बट्टी मिलण वली सजा बट्टी बचौणु कु नि कन चयणु च, बल्कि इलै भि की तुम्हरो विवेक शुद्ध रौ।</verse>
				<verse number="6">इलै कैरी भि द्या, किलैकि शासन कन वला पिता परमेश्वर का सेवक छिनी, अर हमेशा अपड़ी जिम्मादरियों तैं निभांणु कु उ अपड़ा आप तैं समर्पित करदींनि।</verse>
				<verse number="7">इलै जै तैं जु मिलण चयणु च तुम तैं उ चुकांण चयणु च; वे तैं चुंगी द्यावा जौं तैं चुंगी चयणी च, सभि अधिकारियों कु आदर कैरा।</verse>
				<verse number="8">तुम सभियूं तैं भस एक बात कु कर्जदार हूंण चयणु च अर उ या च की तुम सभि एक दुसरा बट्टी प्रेम रखा; किलैकि जु दुसरा बट्टी प्रेम रखदु, वेल ही व्यवस्था तैं पूरो कैरी।</verse>
				<verse number="9">किलैकि मूसा की व्यवस्था मा भौत आज्ञा छिनी जन कि, “व्यभिचार नि करयां, हत्या नि करयां, चोरी नि करयां, लालच नि करयां” अर यूं तैं छोड़ी अर कुई भि आज्ञा हो त सभियूं कु निचोड़ ईं आज्ञा मा मिल्दो, “अपड़ा पड़ोसी बट्टी अपड़ा समान प्रेम रख।”</verse>
				<verse number="10">प्रेम पड़ोसी की कुई बुरै नि करदो, इलै की हम एक दुसरा बट्टी प्रेम करद्यां त हम परमेश्वर की व्यवस्था तैं पूरो करदां।</verse>
				<verse number="11">तुम मा बट्टी हरेक तैं एक दुसरा बट्टी प्रेम करदी रौंण चयणु च, किलैकि उ बगत नजीक च जब पिता परमेश्वर तुम तैं ईं बुरी दुनिया बट्टी बचालो, जब हम पैली बार मसीह मा विश्वास करदा छा, वे बगत बट्टी त यु हमारो उद्धार अब नजीक च। यां तैं समझी कै, तुम तैं अपड़ी निंद बट्टी बिजण चयणु च अर सावधान रांण चयणु च।</verse>
				<verse number="12">ईं बुरी दुनिया मा रौंणो को अब हमारो बगत खत्म हवे गै एक रात का जन जु लगभग खत्म हवे गै, अर उ बगत भि नजीक च जब मसीह वापिस आलो; इलै हम तैं ऊं कामों तैं कन बंद कैरी दींण चयणु च जु अंधकार बट्टी जुड़यूं च; अर हम तैं ऊं हथियारों तैं इस्तेमाल कन चयणु च जौं तैं उज्यला मा इस्तेमाल किये जांद।</verse>
				<verse number="13">आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।</verse>
				<verse number="14">पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।</verse>
			</chapter>
			<chapter number="14">
				<verse number="1">जु विश्वासी भैय विश्वास मा कमजोर च, वेकी मान्यताओं का बारा मा कै भि शक अर बगैर जांच के वे तैं अपणैयला, वेका दगड़ी बहस नि कैरा की क्य कन चयणु च या क्य नि कन चयणु च।</verse>
				<verse number="2">किलैकि एक तैं विश्वास च, कि सब कुछ खांण ठिक च, पर जु विश्वास मा कमजोर च, उ भस सागपात ही खांद।</verse>
				<verse number="3">अर जु मांस खांद, ऊं मांस नि खांण वला तैं तुच्छ नि समझो अर मांस नि खांण वला पर भंगार नि लगौ; किलैकि परमेश्वर दुयूं तैं स्वीकार करदो।</verse>
				<verse number="4">इलै तुम तैं कैका दास कु न्याय नि कन चयणु च; चाहे उ भलो कैरो या बुरो कैरो, यु वेका मालिक की जिम्मेदारी च। पर उ भलो ही करलो, किलैकि प्रभु भलो कन मा वेकी मदद करदो।</verse>
				<verse number="5">वे ढंग से ही एक दिन तैं दुसरा बट्टी बड़ी के मंणदु अर कुई सब दिनों तैं एक समान मंणदु च हरेक अपड़ा ही मन मा निश्चय कैरी ल्यो।</verse>
				<verse number="6">जु कै दिन तैं मंणदु, उ यु इलै ही करदो किलैकि उ प्रभु कु समान कन चांणु च, जु मांस भि खंदींनि, उ प्रभु कु खंदींनि, किलैकि उ पिता परमेश्वर कु धन्यवाद करदींनि, जु मांस नि खंदींनि, उ प्रभु कु नि खंदींनि अर पिता परमेश्वर कु धन्यवाद करदींनि।</verse>
				<verse number="7">हम सभि प्रभु का छा इलै, की हमारा जीवन मा अर हमारी मौत मा, हम तैं पिता परमेश्वर तैं खुश कन चयणु च पर खुद तैं न।</verse>
				<verse number="8">किलैकि हम ज्यूंदा छा, त प्रभु कु ज्यूंदा छा; अर जु मोरि भि जां, त प्रभु कु मुर्दा; फिर हम ज्यूंदा रां या मोरि भि जां, हम प्रभु का ही छा।</verse>
				<verse number="9">किलैकि मसीह इलै मोरि अर ज्यूंदों हवे गै, कि उ ऊई च जै तैं ज्यूंदों अर मुरयां लुखुं द्वी प्रभु का रूप मा स्वीकार करदींनि।</verse>
				<verse number="10">त तुम किलै अपड़ा दगड़िया विश्वासी भैय पर भंगार लगांणु छै? या तु फिर अपड़ा दगड़िया विश्वासी भैय तैं तुच्छ किलै समझंणि छै? हम सभियूं कु न्याय आसण मा बैठयां पिता परमेश्वर बट्टी होलो।</verse>
				<verse number="11">किलैकि परमेश्वर का वचन मा लिख्युं च, “प्रभु बुल्द, मि अपड़ा जीवन की सौं खांदु, कि हरेक मेरा संमणी घुंडा टिकलो, अर हरेक मनिख पिता परमेश्वर तैं स्वीकार करलो।”</verse>
				<verse number="12">त फिर, हम मा हरेक तैं अपड़ो-अपड़ो कामों कु लेखा पिता परमेश्वर तैं दींण होलो।</verse>
				<verse number="13">इलै अगनैं कु हम एक हैंका पर भंगार नि लगयां पर तुम यु ही ठांणी ल्यावा की कुई भि अपड़ा भैय का संमणी पाप कन या ठोकर खांणु कु कारण नि रख्यां।</verse>
				<verse number="14">मि जंणदु छौं अर प्रभु यीशु बट्टी मि तैं निश्चय हवे, कि सभि खांणु खांण कु ठिक च, पर जु सभि खांणु तैं अशुद्ध समझद, वेको अशुद्ध च।</verse>
				<verse number="15">जु तेरु भैय तेरु खांणु का कारण उदास हूंद, त फिर तु प्रेम की रीति बट्टी नि चलदी; त त्वे तैं सावधान रौंण चयणु च कि हम खांणु का वजह बट्टी हमारा दगड़िया विश्वासी कु विश्वास नष्ट नि कैरा, किलैकि मसीह वेको भि मोरि छों।</verse>
				<verse number="16">इलै भले ही तुम जु कना छा उ भलो च, पर जु कुई अर वे तैं बुरो मणदींनि, त वे तैं नि कैरा।</verse>
				<verse number="17">किलैकि पिता परमेश्वर का राज्य मा, खांण-पींण जरुरी नि च। जरुरी बात य च कि पिता परमेश्वर का दगड़ी सै जीवन जियां, अर पवित्र आत्मा मा शान्ति अर आनन्द च।</verse>
				<verse number="18">जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।</verse>
				<verse number="19">इलै हम ऊं बातों की कोशिश नि कैरा, जु लुखुं तैं शान्ति का दगड़ी रौंणो कु कारण बंणौंदींनि अर एक दुसरो कु विश्वास मजबूत कन मा मदद कैरा।</verse>
				<verse number="20">तुम तैं कुछ खांणै की चीज कु पिता परमेश्वर का कामों तैं नि बिगड़ण चयणु च; सभि खांणु खांण कु ठिक च, पर कुछ इन चीज खांण गलत च जु दुसरा आदिम तैं पाप मा पुड़णों को कारण बणद।</verse>
				<verse number="21">भलो त यु च, की तु न मांस खा अर न दाखमधु पी अर न कुछ इन कैर ज्यां बट्टी तेरु विश्वासी भैय पाप कैरो।</verse>
				<verse number="22">तेरु जु विश्वास च, उ तेरु अर तेरु परमेश्वर का बिचै की बात च; धन्य च उ, जु वीं बात मा, जै तैं उ ठिक समझदु हो, अपड़ा आप तैं भंगारी नि ठैरौंद।</verse>
				<verse number="23">जु तु ईं बात तैं लै के शक करदी छै कि त्वे तैं कुछ खांण चयणु च या न, त तु यु तैं खै के पाप कनि छै, किलैकि तु अपड़ा विश्वास कु पालन नि कनि छै, किलैकि उ विश्वास बट्टी नि खांदो, अर हम जु भि करद्यां, जु यु प्रभु मा विश्वास का दगड़ी नि च, त उ हम कु पाप च।</verse>
			</chapter>
			<chapter number="15">
				<verse number="1">हम जु विश्वास मा मजबूत छा यु जंणदा छा, कि यूं बातों बट्टी हम तैं कुई फर्क नि पुड़दो, बल्कि हम भस अपड़ा आप तैं खुश कनु कु इन नि कैर सकदा। हम तैं ऊं लुखुं का सन्देह तैं अर निसंदेह पर विचार कन चयणु च, जु यूं बातों तैं गलत मणदींनि, कि जु कमजोर छिनी ऊं की मदद कैरा अर ऊंका दगड़ी धीरज रखा, न कि अपड़ा आप तैं खुश कैरा।</verse>
				<verse number="2">हम मा बट्टी हरेक अपड़ा दगड़िया विश्वासी पड़ोसी का दगड़ी इन कन चयणु च, जु दुसरा का दिल तैं खुश कैरो अर दूसरों कु विश्वास मजबूत कन मा मदद कैरा।</verse>
				<verse number="3">किलैकि मसीह ल अपड़ा आप तैं खुश नि कैरी, पर जन परमेश्वर का वचन मा लिख्युं च, “तेरी निंदा कन वलो ल मेरी भि निंदा कैरी।”</verse>
				<verse number="4">जथग बात पैली बट्टी परमेश्वर का वचन मा लिखै गैनी, उ हमारी ही शिक्षा कु लिखै गैनी, कि हम धीरज अर हिम्मत बट्टी जु हम तैं पिता परमेश्वर का वचन मा मिल्दो आस रखा की पिता परमेश्वर ल जु करार कैरी छै, उ वे तैं पूरो करलो।</verse>
				<verse number="5">मि प्रार्थना करदु छों, कि धीरज अर हिम्मत कु पिता परमेश्वर तुम तैं मसीह यीशु कु अनुसरण कैरी के एक-दुसरा का दगड़ी शान्ति बट्टी रौंण मा मदद कैरो।</verse>
				<verse number="6">कि तुम सभि एक दगड़ी मिली कै, हमारा प्रभु मसीह यीशु को पिता परमेश्वर की बढ़ै कैरा।</verse>
				<verse number="7">इलै, एक दुसरा तैं यु ढंग से स्वीकार कैरा, जन मसीह ल हम तैं स्वीकार कैरी; इलै लोग पिता परमेश्वर की स्तुति कैरा।</verse>
				<verse number="8">इलै बुल्णु छों, कि ज्वा करार पुरणो तैं दिये गै छै, ऊं वादों तैं सच कनु कु मसीह, यु दिखांणु कु कि परमेश्वर विश्वासयोग्य च अर उ खतना करयां यहूदी लुखुं कु सेवक बंणि।</verse>
				<verse number="9">अर अन्य-जाति भि पिता परमेश्वर की दया का कारण बढ़ै कैरो जन परमेश्वर का वचन मा लिख्युं च, “इलै मि अन्यजातियों मा तेरी बढ़ै करुलु, अर तेरु नौं का भजन गौलु।”</verse>
				<verse number="10">फिर कीं जगह मा परमेश्वर का वचन मा यु भि लिख्युं च, “हे अन्यजातियों का सभि लुखुं, परमेश्वर की प्रजा का दगड़ी आनन्द कैरा।”</verse>
				<verse number="11">अर फिर से परमेश्वर कु वचन बुल्दो, “हे अन्यजातियों का सभि लुखुं, प्रभु की बढ़ै कैरा; अर हे राज्य-राज्य का सभि लुखुं; वेकी बढ़ै कैरा।”</verse>
				<verse number="12">फिर परमेश्वर की तरपां बट्टी बुल्ण वलो यशायाह बुल्दो, “यिशै कु एक वंशज प्रगट होलो जु एक जौड़ा जन होलो, अर उ अन्य-जातियों पर अधिपति का जन राज्य करलो, वे पर अन्यजाति आस रखली कि उ ऊं तैं बचालो।”</verse>
				<verse number="13">मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।</verse>
				<verse number="14">हे मेरा विश्वासी भयों; मि तैं पूरा विश्वास च, कि तुम आप भलै ल भुरयां छा अर तुम यु अच्छा ढंग से जंणदा छा की तुम तैं क्य कन चयणु च अर एक दुसरा तैं सिखांणा रावा।</verse>
				<verse number="15">तब भि मिल कखि-कखि याद दिलौंणु कु तुम तैं जु भौत हिम्मत कैरी कै लिखीं, यु वीं दया का कारण हवे जु पिता परमेश्वर ल मि तैं द्ये।</verse>
				<verse number="16">कि मि अन्यजातियों कु मसीह यीशु कु सेवक हवे के एक याजक का जन पिता परमेश्वर बट्टी मिलीं शुभ सन्देश तैं सुनांणै की सेवा करदु छों; कि अन्यजाति पिता परमेश्वर तैं एक भेंट का रूप मा दिये जां ज्यां ल उ खुश हो अर जौं तैं पवित्र आत्मा, पवित्र बणौ।</verse>
				<verse number="17">इलै मि यीशु मसीह कारण ही पिता परमेश्वर की सेवा पर घमंड कैरी सकदु छों।</verse>
				<verse number="18">किलैकि मसीह ल मेरा द्वारा जु कैरी च मि यु बुल्ण कु साहसी छों, मि अन्यजाति लुखुं तैं पिता परमेश्वर कि आज्ञा को पालन करवांण मा अर कन मा लैक छों। जब ऊंल मेरा शब्दों तैं सूंणि अर मेरा कामों तैं देखि, त ऊंल यीशु मसीह पर भरोसो कैरी।</verse>
				<verse number="19">अर पिता परमेश्वर की पवित्र आत्मा का द्वारा मि तैं दिये गै सामर्थ बट्टी मि अद्भुत काम अर चमत्कार करदु इलै जख भि मि यरूशलेम शहर बट्टी इल्लुरिकुम तक ग्यूं छों, मिल उख सभि लुखुं तैं यीशु मसीह का बारा मा शुभ सन्देश सुणै।</verse>
				<verse number="20">पर मेरा मन कि अभिलाषा या च, कि शुभ सन्देश प्रचार उ ही जगह मा हो, जख यीशु मसीह का बारा मा अभि तक सुंणै नि गै, उख ही शुभ सन्देश प्रचार सुणो; मि वे घौर बनांण वला मिस्त्री का जन छों, जु कै और की बुनियाद पर निर्माण नि करदो।</verse>
				<verse number="21">पर मि वीं बात तैं पूरो कन चांणु छों जु परमेश्वर का वचन मा लिख्युं च, “जौं तैं वेका बारा मा कभि नि बतै गै उ दिखला, अर जौं ल कभि वेका बारा मा नि सूंणि हो उ समझला।”</verse>
				<verse number="22">इलै मि तुम मा रोम शहर आंण बट्टी बार-बार रुकै ग्यों।</verse>
				<verse number="23">पर अब यरूशलेम शहर बट्टी इल्लुरिकुम प्रान्तों मा मिल अपड़ो काम पूरो कैरेले, अर भौत सालों बट्टी मि तैं तुम मा आंणै की इच्छा च।</verse>
				<verse number="24">इलै जब स्पेन देश कु जौलु त तुम मा हवे के जौलु किलैकि मि तैं आस च, कि वीं यात्रा मा तुम बट्टी भेंट कैरू, अर जब तुम्हरी संगति बट्टी मि खुश हवे जौं, मि जांदु छों कि तुम मि तैं मेरी स्पेन देश की यात्रा कु मदद कैरा।</verse>
				<verse number="25">पर अभि त मि पिता परमेश्वर का विश्वासी लुखुं की सेवा कनु कु यरूशलेम शहर कु जांणु छो।</verse>
				<verse number="26">किलैकि मकिदुनिया प्रान्त अर अखाया प्रान्त का लुखुं तैं इन कन एक अच्छी बात लगि, कि जु यरूशलेम शहर मा पिता परमेश्वर का लोग जु गरीब छिनी ऊंकु कुछ दान द्या।</verse>
				<verse number="27">ऊंल यु खुशी ल कैरी, अर उ ऊंका कर्जदार भि छिनी, किलैकि अन्यजातियों ल यरूशलेम शहर का रौंण वला विश्वासियों बट्टी शुभ संदेश की आत्मिक आशीष पैनी, इलै ऊं तैं लगदो कि यांका बदला मा उ कम से कम ऊंकी आर्थिक मदद कैरी सकदा छिनी।</verse>
				<verse number="28">इलै, मि सबसे पैली यरूशलेम शहर जांणु छौं, कि ऊं तैं कठ्ठा किये गै मदद कु धन राशि दियुं। वांका बाद, फिर मि रोम शहर मा ऐ के तुम तैं मिलणा का बाद स्पेन देश जौलु।</verse>
				<verse number="29">अर मि जंणदु छों, कि जब मि तुम मा औलु, अर वेका कारण मसीह पूरा ढंग से तुम तैं आशीष दयालो।</verse>
				<verse number="30">हे विश्वासी भयों; मि तुम तैं हमारा प्रभु यीशु मसीह का नौं बट्टी बिनती कनु छों कि उ मि कु पिता परमेश्वर बट्टी प्रार्थना कैरी कै मेरा संघर्ष मा सहभागी हो, इन तुम पवित्र आत्मा का द्वारा मि कु तुम अपड़ा प्रेम का कारण कैरा।</verse>
				<verse number="31">कि मि यहूदिया प्रान्त इलाका का अविश्वासियों बट्टी बच्युं रों, कि पिता परमेश्वर का लोग जु यरूशलेम शहर मा छिनी मेरी पौंछाई मदद बट्टी खुश हवे जौं, अर जु पवित्र लुखुं कु स्वीकार हो।</verse>
				<verse number="32">अर मि पिता परमेश्वर की इच्छा बट्टी तुम मा आनन्द का दगड़ी ऐ के तुम दगड़ी विश्राम पौं।</verse>
				<verse number="33">मि प्रार्थना करदु, कि पिता परमेश्वर जु शान्ति दींद, तुम सभियूं का दगड़ा मा हो। आमीन।</verse>
			</chapter>
			<chapter number="16">
				<verse number="1">मि तुम बट्टी फीबे कु, जु हमारी दगड़िया विश्वासी बैंण अर किंख्रिया शहर का मण्डलि की सेविका च, मि चांदु छों कि तुम वींको समान कैरा।</verse>
				<verse number="2">कि जन तुम पवित्र लुखुं तैं चयणु च, जु प्रभु कु च, वेको स्वागत कैरा; अर जु कै बात मा वे तैं जु मदद तुम लुखुं बट्टी चयणु च, वेकी मदद कैरा; किलैकि उ भि भौतों की बल्कि मेरी भि उपकार कन वली हवे।</verse>
				<verse number="3">प्रिस्किल्ला भुल्ली अर वीं का आदिम अक्विला तैं जु यीशु मा मेरू दगड़िया च, मेरू प्रणाम।</verse>
				<verse number="4">जौनु मेरा प्राण बचांणु कु अपड़ा प्राण खतरा मा डालेल छा, अर भस मि ही न, बल्कि अन्यजातियों की सैरी मण्डलि भि ऊंको धन्यवाद करदींनि।</verse>
				<verse number="5">मेरा प्रिय इपैनितुस तैं मेरू प्रणाम, जु एशिया का प्रान्त बट्टी मसीह पर विश्वास कन वला पैलो आदिम च अर वीं मण्डलि तैं भि प्रणाम ज्वा ऊंका घौर मा कठ्ठा हूंद।</verse>
				<verse number="6">मरियम तैं जींल तुम कु भौत मेहनत कैरी, प्रणाम।</verse>
				<verse number="7">अन्द्रुनीकुस अर यूनियास तैं जु मेरा दगड़िया यहूदी छिनी, अर मि दगड़ी जेलखना मा कैद हवे छा, अर प्रेरित ऊं तैं अच्छा ढंग से जणदींनि, अर मि बट्टी पैली मसीह का चेला बंणि गै छा, मेरू प्रणाम।</verse>
				<verse number="8">अम्पलियातुस तैं, जु प्रभु मा मेरू प्रिय च, प्रणाम।</verse>
				<verse number="9">उरबानुस तैं, जु मसीह मा हमारो सहकर्मी च, अर मेरू प्रिय इस्तखुस तैं, प्रणाम।</verse>
				<verse number="10">अपिल्लेस तैं, परखे जांण का बाद भि जैको विश्वास मसीह मा सचो निकली, प्रणाम। अरिस्तुबुलुस का परिवार तैं, प्रणाम।</verse>
				<verse number="11">मेरा कुटुम्बी हेरोदियोन तैं प्रणाम। नरकिस्सुस का परिवार तैं जु लोग मसीह पर विश्वास करदींनि, ऊं तैं प्रणाम।</verse>
				<verse number="12">त्रूफेना अर त्रूफोसा बैणयूं तैं जु प्रभु मा मेहनत करदींनि, प्रणाम। प्रिय पिरसिस बैंण तैं जींल प्रभु मा भौत मेहनत कैरी, प्रणाम।</verse>
				<verse number="13">रुफुस तैं प्रभु की सेवा मा ऊंका खास काम कु चुणयूं च, अर वेकी ब्वे मि कु भि ब्वे का जन च, द्वीयूँ तैं प्रणाम।</verse>
				<verse number="14">असुंक्रितुस अर फिलगोन अर हिर्मेस, पत्रुबास, हिर्मास अर ऊं दगड़िया विश्वासी भयों तैं मेरू प्रणाम।</verse>
				<verse number="15">फिलुलुगुस अर यूलिया अर नेर्युस अर वेकी बैंण अर उलुम्पास अर ऊं दगड़ा का सभि पवित्र लुखुं तैं, प्रणाम।</verse>
				<verse number="16">आपस मा मसीह प्रेम बट्टी प्रणाम कैरा; तुम तैं मसीह की सैरी मण्डलियों की तरपां बट्टी प्रणाम।</verse>
				<verse number="17">अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।</verse>
				<verse number="18">किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।</verse>
				<verse number="19">तुम्हरा आज्ञा मंनणै की चर्चा सभि लुखुं मा फैली गै; इलै मि तुम्हरा बारा मा खुश हूंदु; पर मि इन चांदु छों, कि तुम भलै कु बुद्धिमान, पर बुरै कु भोला बंणयां रावा।</verse>
				<verse number="20">शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।</verse>
				<verse number="21">तीमुथियुस मेरा सहकर्मी अर लूकियुस अर यासोन अर सोसिपत्रुस मेरा दगड़िया यहूदी लुखुं, तुम तैं प्रणाम।</verse>
				<verse number="22">मि तिरतियुस जु पौलुस कु ईं चिट्ठी तैं लिखणु छौं तुम सभियूं तैं प्रणाम लिखणु छौं।</verse>
				<verse number="23">गयुस जै दगड़ी मि रौंणु छो, उ भि तुम कु प्रणाम बुल्णु च। सैरी मण्डलि ऊंका घौर मा इख मिलदी। इरास्तुस जु यु शहर को खजांचि च अर क्वारतुस हमारो भैय भि तुम कु प्रणाम बुल्णु च।</verse>
				<verse number="24">मि प्रार्थना करदु, कि हमारा प्रभु यीशु मसीह की दया तुम दगड़ी रौ।</verse>
				<verse number="25">अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।</verse>
				<verse number="26">पर अब प्रगट हवे कै सनातन पिता परमेश्वर की आज्ञा बट्टी अर परमेश्वर की तरपां बट्टी बुल्ण वला की किताबों का द्वारा सभि अन्य-जातियों तैं प्रचार किये गै, कि उ विश्वास बट्टी परमेश्वर का वचन तैं मनणवला हवे जौं।</verse>
				<verse number="27">वीं एकमात्र अद्वैत बुद्धिमान परमेश्वर की यीशु मसीह का द्वारा जुग-जुग बढ़ै हूंणी रौ। आमीन।</verse>
			</chapter>
		</book>
		<book number="46">
			<chapter number="1">
				<verse number="1">मि पौलुस ईं चिट्टी तैं लिखणु छों, जु पिता परमेश्वर कि मनसा से यीशु मसीह का प्रेरित हूंणु कु बुलै गै, मि इख अपड़ा विश्वासी भैय सोस्थिनेस का दगड़ा मा छों।</verse>
				<verse number="2">मि य चिठ्ठी पिता परमेश्वर कि वीं विश्वासी मण्डलि कु ज्वा कुरिन्थुस शहर मा छिनी; जु हर जगह हमारा प्रभु अर ऊंका प्रभु मसीह यीशु की स्तुति करदा।</verse>
				<verse number="3">मि प्रार्थना करदु हमारो पिता परमेश्वर अर प्रभु यीशु मसीह तुम तैं कृपा अर शान्ति द्यो।</verse>
				<verse number="4">मि तुमारा बारा मा अपड़ा पिता परमेश्वर कु धन्यवाद सदनी करदु, इलै की पिता परमेश्वर की या दया तुम पर मसीह यीशु मा कठ्ठा हूंणा का कारण हवे।</verse>
				<verse number="5">किलैकि तुम यीशु मसीह का दगड़ी जुड़यांं छा, पिता परमेश्वर ल तुम तैं बहुत सी बात मा सक्षम बणयूँ च, यांमा वेका शुभ संदेश तैं प्रचार कने की क्षमता अर वेकी आत्मा का द्वारा सब कामों तैं कने की बुद्धि भि शमिल च।</verse>
				<verse number="6">इन ही कै पिता परमेश्वर ल तुम तैं यु साबित कैरी की मसीह कु शुभ संदेश सचो च।</verse>
				<verse number="7">इन ही कै तुम मा हरेक आत्मिक वरदान च, ज्यांकी तुम तैं जरूरत च, अर तुम तैं हमारा प्रभु यीशु मसीह का वापिस आंण कु इन्तेजार करदां।</verse>
				<verse number="8">पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।</verse>
				<verse number="9">पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।</verse>
				<verse number="10">हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।</verse>
				<verse number="11">किलैकि हे मेरा विश्वासी भयों, खलोए का परिवार का लुखुं ल मि तैं तुम्हरा बारा मा बतै, कि तुम मा लड़ै-झगड़ा हूंणा छिनी।</verse>
				<verse number="12">मेरू बुल्णों कु मतलब यो च, कि तुम मा बट्टी कुई त अफ तैं बुल्द की, “मि पौलुस कु चेला छों” अर कुई “मि अपुल्लोस कु” त कुई मि कैफा कु, या “मि मसीह कु चेला छों।”</verse>
				<verse number="13">य बात अच्छी नि च, किलैकि मसीह झुण्ड मा नि बटयूं च। शायद तुम गलती कैरी के यु सुचदा कि मि, पौलुस तुम तैं आजाद कनु कु सूली पर चैढी छो। अर शायद तुम गलती कैरी के यु भि सुचणा छा कि तुम तैं इलै बपतिस्मा दिए गै कि तुम मेरा चेला बण साका।</verse>
				<verse number="14">मि पिता परमेश्वर कु धन्यवाद करदु, कि मिल क्रिस्पुस अर गयुस भयों तैं छोड़ी कै तुम लुखुं मा बट्टी कै तैं भि बपतिस्मा नि दींनि।</verse>
				<verse number="15">फिर, कुई इन नि बोलि सकद कि तुम मेरा चेलों का रूप मा बपतिस्मा लींणा छा।</verse>
				<verse number="16">अर हाँ, अब मि तैं याद च, कि मिल स्तिफनुस का परिवार का लुखुं तैं भि बपतिस्मा द्ये; यूं तैं छोड़ी के, मि नि जंणदु कि मिल और कै तैं बपतिस्मा द्ये।</verse>
				<verse number="17">किलैकि मसीह ल मि तैं बपतिस्मा दींणु कु न बल्कि शुभ संदेश सुणौंणु कु भेजि, जब मि शुभ सन्देश प्रचार सुणांदु, त मि बुल्ण मा अपड़ी निपुर्णता कु इस्तेमाल नि करदु। नथरी, लोग मि तैं भस मेरी निपुर्णता का कारण ही मणदा, अर उ सूली पर मसीह की मौत की सामर्थ तैं नि जणदींनि।</verse>
				<verse number="18">किलैकि सूली कि मिसाल त नाश हूंण वला कु मूर्खता च पर हम बचण अर उद्धार पांण वलो कु पिता परमेश्वर की सामर्थ नजदीक च।</verse>
				<verse number="19">किलैकि परमेश्वर का वचन मा लिख्युं च, कि जु ई दुनियां का बुद्धिमान लोग छिनी, मि दिखौलू की ऊंका विचार हकीकत मा मूर्खता का विचार छिनी। मि साबित करुलु की उ हकीकत मा बुद्धिमान नि छिनी।</verse>
				<verse number="20">फिर एक कुशल प्रतिद्वंधी जु ई दुनिया मा छिनी, बुद्धिमान आदिम अर मूसा की व्यवस्था तैं सिखांण वलो की स्थिति क्य च? किलैकि पिता परमेश्वर ल पैली ही साबित कैरी दींनि कि ऊंकी सांसारिक बुद्धि को कुई कीमत नि च।</verse>
				<verse number="21">मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।</verse>
				<verse number="22">यूं यहूदी जातियों का लुखुं तैं एक मूर्खता लगद, किलैकि उ स्वर्ग का चमत्कार का कामों का चिन्ह चंदींनि, अर यु यूनानी अन्यजाति लुखुं कु भि च जु मानवीय ज्ञान कि खोज मा छिनी।</verse>
				<verse number="23">पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।</verse>
				<verse number="24">पर जु यूं तैं पिता परमेश्वर ल बुलै, क्य यहूदी, क्य यूनानी अन्यजाति, यु ही मसीह, पिता परमेश्वर की सामर्थ अर पिता परमेश्वर कु ज्ञान च।</verse>
				<verse number="25">जु पिता परमेश्वर की मूर्खता जन लगद उ मनिख का ज्ञान से जादा ज्ञानवान च, अर जु पिता परमेश्वर की निर्बलता जन लगद उ भि मनिख की तागत से जादा तागतबर च।</verse>
				<verse number="26">हे विश्वासी भयों, याद रखा कि जब पिता परमेश्वर ल तुम तैं मसीह कु पीछा कनु कु बुलै तब तुम कन कै जीवन जींणा छा, दुनिया की रीति ल, तुम मा बट्टी भौत ज्ञानवान नि छा, न ही खास छा न ही भौतों का पूर्वज राजा छा।</verse>
				<verse number="27">पर पिता परमेश्वर ल दुनिया का मूर्खों तैं चुणि कि बुद्धिमानों तैं शर्मिंदा करुनु अर पिता परमेश्वर ल दुनिया का कमजोरों तैं चुणि, कि तागतबरों तैं शर्मिंदा करुनु।</verse>
				<verse number="28">अर पिता परमेश्वर ल दुनिया का नीच अर तुच्छु तैं, जौं तैं कुछ भि नि समझै जांद ऊं तैं भि चुणि, अर ऊंकु इस्तेमाल शून्य पर लांणु कु जै तैं दुनिया मा जरुरी समझै जांद।</verse>
				<verse number="29">पिता परमेश्वर ल इन इलै कैरी कि कुई भि प्राणी पिता परमेश्वर का संमणी घमण्ड नि कैर साको।</verse>
				<verse number="30">पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।</verse>
				<verse number="31">किलैकि पिता परमेश्वर का वचन मा लिख्युं च, उन ही हो, “जु बड़ो मोन कैरो उ प्रभु पर कैरो।”</verse>
			</chapter>
			<chapter number="2">
				<verse number="1">हे विश्वासी भयों, जब मि तुम तैं पिता परमेश्वर का बारा मा सन्देश सुणै, त मि बड़ा-बड़ा ज्ञान का अक्षरों कु इस्तेमाल नि कैरी अर न ही समझदार लगणो कु दिखावा कैरी।</verse>
				<verse number="2">किलैकि मिल यु ठांणेलि छो, कि मि यीशु मसीह अर सूली पर वेकी मौत का अलावा कै भि और बात तैं नि जांणु।</verse>
				<verse number="3">अर मि कमजोरी अर डैर का दगड़ी, अर भौत थरथरै के तुमारा दगड़ा मा रयूं।</verse>
				<verse number="4">अर मेरी शिक्षा, अर मेरू प्रचार मनिख्युं तैं लुभौण वली बात कु न, पर पवित्र आत्मा ल तुम तैं एक बड़ी सामर्थशाली ढंग ल दिखै कि जु संदेश मिल तुम तैं बतै उ सचो छो।</verse>
				<verse number="5">इलै की तुमारो विश्वास मनिख्युं का ज्ञान पर न पर पिता परमेश्वर कि सामर्थ पर निर्भर रौ।</verse>
				<verse number="6">फिर भि मि ऊं लुखुं का बीच ज्ञान का संदेश कु प्रचार करदु जु आत्मिक रूप मा मजबूत च; पर यु सांसारिक ज्ञान अर राज्यपालों का ज्ञान जन नि; ज्यांको नाश हूंण वलो च।</verse>
				<verse number="7">पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।</verse>
				<verse number="8">पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।</verse>
				<verse number="9">पर जन परमेश्वर का वचन मा लिख्युं च, “जु कैल कभी नि देखि, अर कभी कैल नि सूंणि, अर न कभी कै मनिख ल यूं अद्भुत चीजों का बार मा समझी, जु पिता परमेश्वर ल अपड़ा प्रेम रखण वलो कु तैयार कैरी।”</verse>
				<verse number="10">पर पिता परमेश्वर ल ऊं तैं अपड़ी पवित्र आत्मा का द्वारा हम प्रेरितों पर प्रगट कैरी, किलैकि पवित्र आत्मा बट्टी कुछ भि छिपयूं नि च, उ हर बातों तैं जंणदु च, इख तक की पिता परमेश्वर का भेद कि बातों तैं भि जंणदु, जु अभि तक मनिख्युं तैं पता नि च।</verse>
				<verse number="11">हम भस उ छा जु जंणदा छा कि हमारा खुद का मन मा क्य च, उन ही सिवाय पिता परमेश्वर का आत्मा का और कुई भि पिता परमेश्वर का विचारों तैं नि जांणि सकद।</verse>
				<verse number="12">पर हम उन ही नि सुचदियां जन और दुनिया का लोग सुचदींनि; पर हम ल दुनिया की आत्मा नि पै, पर व आत्मा पै जु पिता परमेश्वर की दया का तरपां बट्टी आंद, कि हम ऊं बातों तैं जंणयां जु पिता परमेश्वर ल हम तैं दींनि।</verse>
				<verse number="13">अर इलै हम यूं बातों तैं दुसरा लुखुं तैं बतौंदयां, त हम यूं शब्दों कु इस्तेमाल नि करदा, जु मनिख्युं का ज्ञान से मिल्दा, पर हम ऊं शब्दों कु इस्तेमाल करदा जु पिता परमेश्वर की आत्मा का द्वारा मिल्दा, जु आत्मिक ज्ञान का द्वारा आत्मिक बातों तैं समझद।</verse>
				<verse number="14">पर उ मनिख जैल परमेश्वर की आत्मा तैं नि पै, उ परमेश्वर की आत्मा की बातों तैं स्वीकार नि करदु, किलैकि उ वेकी नजर मा मूर्खता की बात च, किलैकि एक आदिम अपड़ी कीमत तभि जांणि सकद जब वेमा पवित्र आत्मा रौंदी।</verse>
				<verse number="15">उ लोग जु तैं पवित्र आत्मा मिली च, उ ऊं सभि चीजों तैं समझी सकदींनि जु पवित्र आत्मा सिखांद। पर जूं लुखुं मा पवित्र आत्मा नि च ऊं लुखुं की विचारों तैं नि समझी सकदींनि जु मा पवित्र आत्मा च।</verse>
				<verse number="16">यु सच च, किलैकि जन की परमेश्वर का वचन मा लिख्युं च, “कुई भि यु नि जांणि सकद कि प्रभु का मन मा क्य च; अर कुई भि वे तैं सिखै नि सकद।” पर हम विश्वासी लोग समझदियां कि मसीह का मन मा क्य च।</verse>
			</chapter>
			<chapter number="3">
				<verse number="1">हे विश्वासी भयों, तुम ईं दुनिया का लुखुं का जन दिखावा कना छा, इलै मि तुम बट्टी आत्मिक लुखुं का जन बोलि नि सकदु, किलैकि मसीह का विश्वास मा तुम बच्चों का जन छा।</verse>
				<verse number="2">वे बगत मिल तुम तैं परमेश्वर का वचन बट्टी भस बुनियादी शिक्षाओं का बारा मा सिखै, जु छुट्टा बच्चों तैं दूध पिलांण का जन च। मिल पिता परमेश्वर का वचन की गहरी सचै तैं नि सिखै, जु एक कठोर खांणु का जन च, किलै तुम यांको अभि तक तैयार नि छा।</verse>
				<verse number="3">किलैकि तुम अब भि अपड़ा पापी स्वभाव का अनुसार ही अपड़ो जीवन जींणा छा; इलै जब तुम मा जलन अर लड़ै-झगड़ा हूंदींनि, त क्य यु साबित नि हूंद कि तुम अपड़ा पापी स्वभाव का कब्जा मा छा? क्य तुम ईं दुनिया का लुखुं का जन ही जीवन नि जींणा छा?</verse>
				<verse number="4">इलै कि जब तुम मा बट्टी एक बुल्द कि, “मि पौलुस कु चेला छों” अर दूसरो, “मि अपुल्लोस कु चेला छों त क्य तुम ईं दुनिया का लुखुं का जन जीवन नि जींणा छा?”</verse>
				<verse number="5">आखिर मा, मि पौलुस अर अपुल्लोस भस सेवक ही छा, जूंका द्वारा तुम लुखुं ल मसीह पर विश्वास कैरी, हम मा बट्टी हर एक ल उ ही काम कैरी जु पिता परमेश्वर ल हम तैं कनु कु द्ये।</verse>
				<verse number="6">मि तुम तैं पिता परमेश्वर कु वचन बतांण वलो पैली आदिम छों, इलै मि एक इन आदिम जन छों जैल बीज लगै; वेका बाद, अपुल्लोस ल तुम तैं तुम्हरा विश्वास मा मजबूत बनण मा मदद कैरी, ठिक उन ही जन कि कुई दुसरो आदिम ऊं पौधों तैं पांणी डल्द जु अब बढण लगि गैनी। पर पिता परमेश्वर ल तुम तैं नयो जीवन दींनि अर इन कै तुम आत्मिकता मा बढ़णा छा, जन पिता परमेश्वर पौधों तैं बढांद।</verse>
				<verse number="7">इलै न त बीज लगांण वलो कुछ च, अर न पौधों तैं पांणी दींण वलो कुछ च, पर पिता परमेश्वर ही सब कुछ च, जु बढांद।</verse>
				<verse number="8">मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।</verse>
				<verse number="9">किलैकि हम पिता परमेश्वर कु काम कन वला छा, अर कुरिन्थ का विश्वासियों तुम एक सगोड़ा अर एक घौर जन छा, जै तैं पिता परमेश्वर बणद अर उ वेको ही च।</verse>
				<verse number="10">पिता परमेश्वर का वे वरदान का अनुसार, जु मि तैं दिए गै, मिल बुद्धिमान राजमिस्त्री का जन नींव डाली, अर अब कुई दूसरो वे घौर तैं बनांणु च। पर हर एक आदिम चौकनों रौ, कि उ वीं नींव पर वे घौर तैं कन कै बनांणु च।</verse>
				<verse number="11">जु यु घौर बणये जांणु च, यीशु मसीह ही वे घौर की नींव च; उ एकमात्र आधार च, यांको मतलब च, यीशु मसीह ही एकमात्र रस्ता च ज्यां बट्टी लोग पिता परमेश्वर तैं जांणि सकदींनि पर हर एक मनिख चौकस रौ, कि उ वीं बुनियाद पर वे घौर तैं कन के बनांणु च।</verse>
				<verse number="12">जु मसीह कु सेवक पिता परमेश्वर की सच शिक्षाओं तैं सिखांद, जु ऊं तैं पिता परमेश्वर की तरपां बट्टी मिली च, त उ वे घौर का बनांण वला मिस्त्री का जन च, जु घौर बनांण बगत नींव पर सोना, चांदी अर कीमती ढुंगों जन अच्छी चीजों कु इस्तेमाल करदींनि; पर जु उ झूठी शिक्षाओं तैं सिखांदींनि, त उ वे घौर बनांण वला मिस्त्री का जन च, जु घौर बनांण बगत नींव पर लखड़ा, भूसी अर घास जन खराब चीजों कु इस्तेमाल करद।</verse>
				<verse number="13">पर जब पिता परमेश्वर सभियूं कु न्याय करलो, त आग हर एक आदिम का कामों तैं प्रगट कैरी द्याली; अर व आग हर एक का कामों तैं परखैलि कि कन छिनी।</verse>
				<verse number="14">जैका काम वीं नींव पर जु वेल करीनि, जु उ फुकयो न, त उ ईनाम पालो।</verse>
				<verse number="15">जु कैका काम फुके जा, त वे आदिम तैं उ ईनाम नि मिललो; फिर भि उ बची जालो अर उ आदिम वे अनन्त जीवन तैं नि खोलो जु पिता परमेश्वर ल वे तैं द्ये।</verse>
				<verse number="16">सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।</verse>
				<verse number="17">जु कुई आदिम तुम तैं, जु पिता परमेश्वर का मन्दिर का जन च, पिता परमेश्वर बट्टी अलग करद, त पिता परमेश्वर वे तैं नाश करद; किलैकि पिता परमेश्वर कु मन्दिर पवित्र च, अर उ मन्दिर तुम छा।</verse>
				<verse number="18">जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।</verse>
				<verse number="19">किलैकि सच यु च, कि सांसारिक ज्ञान पिता परमेश्वर की नजर मा मूर्खता च, जन परमेश्वर का वचन मा लिख्युं च, “पिता परमेश्वर ही च, जु बुद्धिमानों तैं ऊं की चालाकी मा फंसै दींद।”</verse>
				<verse number="20">अर फिर परमेश्वर का वचन मा यु भि लिख्युं च, “प्रभु बुद्धिमानों का विचारों तैं जंणदु च, कि उ बेकार ही छिनी।”</verse>
				<verse number="21">इलै एक अगुवा कु बुल्युं मनणु का बारा मा बड़ो मोन कन बंद कैरा, किलैकि पिता परमेश्वर ल तुम तैं सब कुछ तुम्हरी ही भलै कु दयूं च।</verse>
				<verse number="22">मि पौलुस, क्य अपुल्लोस, क्य पतरस (कैफा) क्य दुनिया, क्य ईं दुनिया की चीज, चाहे तुम ज्यून्दा रा या मोरि भि जावा, क्य वर्तमान, क्य भविष्य कु, सब कुछ तुम्हरी ही भलै कु च,</verse>
				<verse number="23">अर तुम मसीह का अधिकार का अधीन छा, अर मसीह पिता परमेश्वर का अधिकार का अधीन च।</verse>
			</chapter>
			<chapter number="4">
				<verse number="1">इलै लुखुं ल हम तैं मसीह कु सेवक समझी, जु तैं परमेश्वर का वचन का गुप्त भेदों तैं समझणै की जिम्मेदारी सौंपे गै।</verse>
				<verse number="2">एक मनिख जै तैं अपड़ा मालिक द्वारा काम कनु कु दिए गै हो, वे तैं सच मा विश्वासयोग्य हूंण चयणु च कि जु काम वे तैं दिए गै वे तैं उ पूरो कैरो।</verse>
				<verse number="3">यु मि कु कुछ कीमत नि रखद, कि तुम या तुम मा बट्टी कुई भि मि कु विश्वासयोग्य बोलु, मि तैं ईं बात की कुई चिंता नि च, मि अपड़ा बारा मा भि नि बुल्दो की मि विश्वास का योग्य छो की न।</verse>
				<verse number="4">किलैकि मेरू जमीर भि मि तैं कै भि बात मा भंगारी नि ठैरांद, पर ईं बात से मि निर्दोष नि ठैरदु, किलैकि मेरू जांच कन वलो प्रभु च।</verse>
				<verse number="5">इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।</verse>
				<verse number="6">हे विश्वासी भयों, मिल तुम्हरा फैदा कु अपड़ा अर अपुल्लोस कु उदाहरण तुम तैं द्ये, कि तुम हमारा द्वारा यु सीखा कि परमेश्वर का वचन मा जु लिख्युं च, वे बट्टी अगनैं नि बढ़ा। यु ठिक नि च कि तुम एक अगुवा कु आदर कैरा अर दूसरों कु अपमान कैरा।</verse>
				<verse number="7">कु बुल्द कि तुम दूसरों बट्टी महान छा? जु कुछ भि तुम मा च, उ पिता परमेश्वर ल तुम तैं दियुं च, त तुम्हरो वे पर बड़ो मोन कनु कु कुई अधिकार नि बणद।</verse>
				<verse number="8">जु तुम तैं लगदु कि जु कुछ भि आत्मिक रूप मा जरुरी च अर उ सभि कुछ तुम मा च; जन की वरदान, जु पवित्र आत्मा लुखुं तैं दींद; जु तुम सुचदियां कि हमारा बगैर तुम ल राजाओं का जन राज्य कन शुरू कैरेले; त मि तैं भौत खुशी होली, तुम हक्कीकत मा राजाओं का जन राज्य कन शुरू कैरा, कि हम भि तुम दगड़ी राज्य कैरी साका।</verse>
				<verse number="9">मि तैं इन लगद, कि पिता परमेश्वर ल हम प्रेरितों तैं विजय-यात्रा मा मृत्यु दण्ड पांण वला कैदियों का जन सबसे आखरी जगह पर रख्युं च। हम सैरी सृष्टि, स्वर्गदूतों अर मनिख्युं का संमणी मजाक बंणि ग्यां।</verse>
				<verse number="10">लोग हम तैं मूर्ख मणदींनि किलैकि हम मसीह का बारा मा उपदेश दींदयां, पर तुम गलत सुचदा कि तुम इथग बुद्धिमान मसीह छा, भौत लोग मणदींनि कि हम मा कुई अधिकार नि च। पर तुम गर्व से बुल्दा कि तुम मा पिता परमेश्वर की शक्ति च। लोग हमारो आदर नि करदींनि पर उ तुम्हरो सम्मान करदींनि।</verse>
				<verse number="11">हम आज तक भि भुखी, तिस्सी छा अर फटयां पुरणा कपड़ोंं मा छा, अर हम दगड़ी बुरो बरतौ हूंणु च, अर हम मा रौंणु कु भि घौर भि नि च।</verse>
				<verse number="12">अर अपड़ा ही हथों का परिश्रम का द्वारा काम करदां; लोग बुरो बुल्दींनि, हम ऊं तैं आशीष दींदयां; उ हम तैं सतांदा छिनी, अर हम सौंदा छा।</verse>
				<verse number="13">दुनिया का लोग हम तैं बदनाम करदींनि; अर हम नम्र हवे के ऊं दगड़ी बात करदा, इख तक की अब भि उ लोग हमारा आदर नि करदींनि; उ बुल्दींनि कि हमारी कुई कीमत नि च।</verse>
				<verse number="14">मि तुम्हरी बेज्जती कनु कु यूं बातों तैं नि लिखणु छों, पर मेरू उद्देश्य च, कि तुम तैं शिक्षा दयूंनु, किलैकि तुम मेरा बच्चों का समान छा, जु मि बट्टी प्रेम रखदींनि मि तुम तैं चितांणु छो।</verse>
				<verse number="15">चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।</verse>
				<verse number="16">इलै मि तुम बट्टी बिनती कनु छों, कि मेरा जन मसीह मा अपड़ो जीवन जिया।</verse>
				<verse number="17">इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।</verse>
				<verse number="18">तुम्हरा बीच मा कुछ लोग सुचदींनि कि मिल तुम बट्टी मिलणु कु नि आंण, अर इलै उ बड़ो मोन का हवे गैनी।</verse>
				<verse number="19">पर जु प्रभु कि मनसा हवेलि त मि तुम म भौत जल्दी औलु, अर उ जु बड़ो मोन का हवे गैनी ऊं तैं न पर ऊंकी शिक्षाओं अर सामर्थ तैं भि जांणि जौलु।</verse>
				<verse number="20">किलैकि पिता परमेश्वर कु राज्य बातों म न पर पिता परमेश्वर का सामर्थ का द्वारा जीवन जींण च।</verse>
				<verse number="21">तुम क्य चांणा छा कि मि ऐ के तुम दगड़ी कि कैरू? जु तुम ल अभि भि अपड़ा बुरा कामों तैं नि छोड़ी, त मि तुम तैं सख्त हवे के फटकारी दयुलु। जु तुम ल अपड़ा बुरा कामों तैं कन छोड़ेले, त मि तुम्हरा प्रति नम्र बरतौ अर प्यार से काम करुलु।</verse>
			</chapter>
			<chapter number="5">
				<verse number="1">इख तक की कुछ लुखुं ल मि मा बोलि, कि तुम्हरी मण्डलि मा कुछ लोग व्यभिचार मा डुबयां छिनी, पर इन व्यभिचार त अन्यजाति लुखुं का बीच मा भि नि हूंद, जन कि एक आदिम अपड़ी सौतेली ब्वे तैं ही रखि लींद।</verse>
				<verse number="2">तुम तैं बल्कि दुःख बट्टी भुरे जांण चयणु च अर वे आदिम तैं जैल इन काम कैरी, वे तैं मण्डलि बट्टी भैर निकाली दींण चयणु च पर यांका बजाय तुम और भि जादा बड़ा मोन का हवे ग्यां।</verse>
				<verse number="3">जबकि, मि त तुम दगड़ी नि छो, पर मेरा विचार तुम दगड़ी छिनी, अर मि वे बुरा काम कन वला का विरुद्ध अपड़ो फैसला भि दियेले मांणा मि अफ भि उख मौजूद छो।</verse>
				<verse number="4">तुम तैं इन कन जरूरी च, कि तुम विश्वासियों का जन मसीह यीशु की सामर्थ मा कठ्ठा हवे जा, यु जांणि के भि कि तुम मा हमारा प्रभु यीशु मसीह कु अधिकार च; अर यु इन च कि जन मि भि तुम दगड़ी उख मा मौजूद छों; अर फिर प्रभु यीशु मसीह का अधिकार का द्वारा</verse>
				<verse number="5">उ आदिम जु पाप मा जीवन जींणु च, वे तैं अपड़ी मण्डलि बट्टी निकाली द्या, अर वे तैं शैतान की तागत मा वापिस दे द्या कि यु आस किये जा साक कि जु उ पापों बट्टी पश्चाताप कैरो, तब उ हक्कीकत मा जब प्रभु न्याय करलो वे दिन उ बचै जालो।</verse>
				<verse number="6">तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।</verse>
				<verse number="7">जन ही फसह कु त्यौहार मनांण से पैली यहूदी लोग अपड़ा घौरों बट्टी सभि खमीर तैं निकलदींनि, इलै तुम तैं यु अनैतिक आदिम तैं मण्डलि बट्टी भैर निकाली दींण चयणु च। फिर तुम रुठी जन हवे जांण ज्यांमा खमीर नि हूंद; ज्यांको मतलब च कि तुम एक विश्वासियों कु झुंड हवेला, जै झुंड मा पाप नि होलो किलैकि जब तुम ल मसीह पर विश्वास कैरी, तब पिता परमेश्वर ल तुम तैं भितर बट्टी शुद्ध कैरी। किलैकि मसीह ल हम तैं अपड़ा बलिदान का द्वारा हमारा पापों बट्टी छुटकारो द्ये।</verse>
				<verse number="8">इलै मि बुल्दो कि, हम तैं हमेशा पिता परमेश्वर का पवित्र लुखुं का जन बरतौ कन चयणु च; हम तैं बुरा ढंग ल अपड़ो जीवन नि जींण चयणु च, जन कि हम ल मसीह पर विश्वास कन से पैली कैरी छो, यांका बजाय, हम तैं पिता परमेश्वर की आज्ञाओं तैं मनण चयणु च अर हमेशा ईमानदार अर सचो हूंण चयणु च।</verse>
				<verse number="9">मिल अपड़ी चिट्ठी मा तुम कु लिख्युं च, कि व्यभिचारियों कु दगड़ी नि करयां।</verse>
				<verse number="10">इन नि च, कि तुम बिल्कुल भि ईं दुनिया का व्यभिचारियों, य लालचियों, य धोखा दींणवलों तैं, य मूर्तिपूजा कन वलो कु दगड़ो नि करयां; किलैकि इन कै त तुम तैं ईं दुनिया बट्टी निकली जांण ही पुड़दो।</verse>
				<verse number="11">पर मेरू बुल्ण इन च, कि जु कुई अपड़ा आप तैं विश्वासी बुल्ण वलो हो अर व्यभिचारी, य लोभि, य मूर्तियों तैं पुजण वलो, य गल्ली दींण वलो, य पियक्कड़, य धोखा दींण वलो हो त वेको दगड़ो नि करयां बल्कि इन मनिख का दगड़ा मा खांणु भि नि खैयां।</verse>
				<verse number="12">किलैकि जु लोग विश्वास नि करदींनि ऊं की निंदा कन मेरू काम नि च पर तुम तैं पूरा ढंग से अपड़ा ऊं लुखुं तैं डंटण चयणु च जु तुम्हरा मण्डलि का हिस्सादार छिनी।</verse>
				<verse number="13">पर जु लोग विश्वासी नि छिनी ऊंको न्याय पिता परमेश्वर करदो। पर जन परमेश्वर का वचन मा लिख्युं च, वे अनैतिक आदिम तैं अपड़ी मण्डलि का दगड़ी नि जुड़ण द्या।</verse>
			</chapter>
			<chapter number="6">
				<verse number="1">जु तुम मा बट्टी कै एक कु कै हैंका विश्वासी दगड़ी झगड़ा हवे जांद, त तुम तैं जांच कु कै अधर्मी न्यायाधीश मा नि जांण चयणु च। तुम तैं अपड़ी मण्डलि मा हैंका विश्वासियों बट्टी अपड़ा मामलों कु फैसला कनु कु बुल्ण चयणु च कि तुम मा बट्टी कु जी ठिक च।</verse>
				<verse number="2">तुम अच्छो के जंणदयां कि भविष्य मा पिता परमेश्वर का लोग ईं दुनिया मा लुखुं तैं जांच अर न्याय करला; इलै, जब तुम तैं ईं दुनिया का लुखुं कु फैसला कन त तुम तैं छुटा-छुटा मामलों कु फैसला कना का योग्य हूंण चयणु च।</verse>
				<verse number="3">तुम तैं पता च कि भविष्य मा हम ल दुष्टदूतों कु न्याय कन, कि पूरा ढंग ल हम यु जीवन की साधारण बातों कु न्याय कैर सका त यु जीवन का मामला खुद ही निपटे साका।</verse>
				<verse number="4">जु इन मामला समणी औंदींनि, त तुम तैं ऊं मामलों तैं ऊं लुखुं का द्वारा जांच कैरी के नि निपटांण चयणु च जु मण्डलि मा लुखुं का द्वारा सम्मान का लैक नि समझै जयदींनि।</verse>
				<verse number="5">मि तुम तैं शर्मिंदा कनु कु इन बुल्णु छौं। क्य तुम मा बट्टी एक भि बुद्धिमान नि मिल्दो, जु अपड़ा विश्वासी भैय कु जांच कु फैसला कैरी सैकु?</verse>
				<verse number="6">तुम मा एक विश्वासी भैय कु हैंका विश्वासी भैय का दगड़ी ही जांच कु मुकदमा हूंदो अर उ भि अन्यजातियों का संमणी।</verse>
				<verse number="7">सच मा जब तुम मा बट्टी एक विश्वासी आदिम अदालत मा जांद, त तुम विश्वासियों का रूप मा एक-हैंका का दगड़ी जांच मा रौंण मा हारी ग्यां; जु एक और मसीही आदिम ल तुम तैं धोखा द्ये कि तुम मा बट्टी कुछ छीनि ल्या, त वेका विरुद्ध कुछ नि कैरा।</verse>
				<verse number="8">पर यांको ठिक उलटो तुम, अपड़ा दगड़िया विश्वासी का दगड़ी गलत करदां अर ऊं तैं धोखा दींणा छा।</verse>
				<verse number="9">तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।</verse>
				<verse number="10">न चोर, न लोभि, न पियक्कड़, न गल्ली दींणवला, न अंधेर कन वला पिता परमेश्वर का राज्य का वारिस होला।</verse>
				<verse number="11">पैली तुम मा बट्टी कुछ इन कै बरतौ करदा छा, पर तुम प्रभु यीशु मसीह का नौं से अर हमारा पिता परमेश्वर का आत्मा बट्टी तुम्हरा पाप धवे गैनी, अर तुम तैं पवित्र बणै अर धर्मी ठैरे।</verse>
				<verse number="12">मि एक विश्वासी छों, इलै मि तैं सब कुछ कने की आजादी त च, पर सब कुछ लाभ कु नि च, जबकि सब कुछ कने की मि तैं आजादी त च, पर मि कै बात का भि अधीन नि छों।</verse>
				<verse number="13">मि एक विश्वासी छों, इलै मि तैं सब कुछ खांणै की आजादी त च, खांणु हमारा देह कु, अर पुटगो खांणु कु, यु सच च पर पिता परमेश्वर हमारा पुटगा अर खांणु दुयूं तैं नष्ट कैरी दयालो, देह व्यभिचार कु नि, हम तैं अपड़ा देह कु इस्तेमाल ऊं कामों कु कन चयणु च जु प्रभु चांद, अर हमारी देह भि प्रभु कु ही च।</verse>
				<verse number="14">यांका अलावा, हमारी देह बहुत खास छिनी, किलैकि जन कै पिता परमेश्वर ल प्रभु यीशु तैं मुर्दों मा बट्टी ज्यूँदो कनु कु अपड़ी सामर्थ कु इस्तेमाल कैरी छो, इलै उ हम तैं भि मुर्दों मा बट्टी ज्यूँदो करलो।</verse>
				<verse number="15">तुम तैं मालूम च, कि तुम्हरी देह मसीह का अंग छिनी, क्य एक आदिम तैं अपड़ा देह तैं ले के, जु की मसीह कु च, क्य यु तैं वेश्या का दगड़ी जुड़ण चयणु च? न! बिल्कुल भि न।</verse>
				<verse number="16">क्य तुम नि जणदां, कि पिता परमेश्वर का वचन मा लिख्युं च “उ द्वी एक देह होला” त तुम तैं पता हूंण चयणु च कि जु कुई भि वेश्या का दगड़ी जुड़द, उ वीं वेश्या का दगड़ी एक देह हवे जांद।</verse>
				<verse number="17">अर जु प्रभु की संगति मा हमेशा रौंद, त वेकी आत्मा अर प्रभु की पवित्र आत्मा एक हवे गै।</verse>
				<verse number="18">व्यभिचार बट्टी बचयां रावा, मनिख्युं द्वारा किये ग्यां और पाप वेकी देह तैं उथग प्रभावित नि करद जथग यु करद, पर व्यभिचार कन वलो अपड़ी ही देह का विरुद्ध मा पाप करद।</verse>
				<verse number="19">तुम जणदां छा, कि तुम्हरी देह पवित्र आत्मा कु मन्दिर च; जु तुम मा बसयूं च, अर तुम तैं पिता परमेश्वर का तरपां बट्टी मिल्द, अर अब तुम अपड़ा न पर पिता परमेश्वर का छा।</verse>
				<verse number="20">पिता परमेश्वर ल यीशु मसीह तैं भेजि के अर यीशु ल सूली पर अफ तैं बलिदान कैरी के, हम एक बड़ी कीमत चुकै के छुड़ै, इलै अपड़ी देह का द्वारा पिता परमेश्वर की महिमा कैरा।</verse>
			</chapter>
			<chapter number="7">
				<verse number="1">अब ऊं सवालों का बारा मा जु तुम ल अपड़ी चिठ्ठियूं मा पूछि छा, हम कु क्य यु ठिक च कि ब्यो नि कैरा?</verse>
				<verse number="2">पर व्यभिचार की अजमैश मा पुडण से बढ़िया च, कि हर आदिम ब्यो कैरी ल्यो, अर अपड़ी जनन दगड़ी वफादार रौ।</verse>
				<verse number="3">आदिम अपड़ी जनन कु अपड़ो कर्तव्य पूरो कैरो; अर उन ही जनन भि अपड़ा आदिम कु कर्तव्य पूरा करे।</verse>
				<verse number="4">जनन तैं अपड़ी देह पर अधिकार नि च, पर वेका आदिम कु अधिकार च; उन ही आदिम तैं भि अपड़ी देह पर अधिकार नि च, पर जनन कु अधिकार च।</verse>
				<verse number="5">तुम एक-दुसरा बट्टी अलग नि रावा; पर भस कुछ बगत कु अपड़ी आपसी बातचित ल कि पिता परमेश्वर बट्टी प्रार्थना कु छुट्टी मिलो, अर तब फिर साधारण ब्यो का आपसी संबंध तैं फिर से शुरू कैरा; कि शैतान अनैतिक जीवन जींणु कु तुम्हरी अजमैश नि कैरो, जु उ अजमैश करलो त तुम अपड़ी इच्छाओं तैं काबू मा नि रखि सकला।</verse>
				<verse number="6">पर मि यु जु बुल्द मेरी एक सलाह च, न कि आज्ञा।</verse>
				<verse number="7">मि यु चांदु कि, जन मिल ब्यो नि कैरी, उन ही सभि मनिख हूंनु; पर हर मनिख तैं पिता परमेश्वर की तरपां बट्टी विशेष वरदान मिलयां छिनी; पिता परमेश्वर कुछ लुखुं तैं ब्यो कनु कु वरदान दींद अर कुछ तैं ब्यो नि कनु कु वरदान दींद।</verse>
				<verse number="8">ब्यो नि कन वलो तैं अर विधवाओं तैं मेरी सलाह य च, कि उ मि जन ब्यो नि कैरा त ऊंकु यु उत्तम च।</verse>
				<verse number="9">पर जु उ आत्म-संयम नि रखि साका, त ब्यो कैरा; किलैकि ब्यो कन कमुकता कन से अच्छो च।</verse>
				<verse number="10">जौं कु ब्यो हवे गै, ऊं तैं मि न, पर प्रभु आज्ञा दींद, कि जनन अपड़ा आदिम से तलाक दे के अलग नि हो।</verse>
				<verse number="11">(अर जु तलाक दे के अलग भि हवे जु, त बगैर दुसरो ब्यो करयां रौ; या अपड़ा आदिम बट्टी फिर मेल कैरी ल्यो) अर न आदिम अपड़ी जनन तैं तलाक द्यो।</verse>
				<verse number="12">पर अब या प्रभु की आज्ञा नि च, पर मि वेका विश्वास कन वला लुखुं तैं बुल्ण चांणु छो, जौको ब्यो विश्वास नि कन वला लुखुं दगड़ी हवे गै; जु कै मसीह भैय की जनन मसीह पर विश्वास नि करदी अर वे दगड़ी रौंण चांदी, त उ आदिम वीं जनन तैं तलाक नि द्यो।</verse>
				<verse number="13">अर जीं जनन कु आदिम विश्वास नि रखद हो, अर उ वे दगड़ी रौंण मा खुश हो; उ अपड़ा आदिम तैं तलाक नि द्यो।</verse>
				<verse number="14">किलैकि जु तुम एक विश्वासी जनन छा जु अविश्वासी आदिम दगड़ी रौंदां, त तुम्हरो आदिम भि तुम्हरा विश्वासी हूंणा का कारण प्रभु कु च; अर जु तुम एक इन विश्वासी आदिम छा, जु अविश्वासी जनन दगड़ी रौंदो, त व जनन भि विश्वासी हूंणा का कारण प्रभु की च। जु यु सच नि हूंद कि अविश्वासी आदिम अर जनन पिता परमेश्वर का छिनी, त ऊंका बच्चा भि पिता परमेश्वर का नि हूंदा अर अशुद्ध हूंदा। पर अब तुम्हरा बच्चा भि पिता परमेश्वर का छिनी।</verse>
				<verse number="15">पर जु आदिम विश्वास नि करद, अर जु उ तलाक दे के अलग हूंण चौ, त वे तैं अलग हूंण द्या, जब इन हूंद त, विश्वासी वे ब्यो का सम्बंध बट्टी छुट्टी जांद, तब उ बंधन मा नि छिनी; पर पिता परमेश्वर ल त हम तैं मेल-मिलाप कु बुलै।</verse>
				<verse number="16">हे जननों तुम तैं याद रौंण चयणु च कि तुम्हरा कारण तुम्हरा आदिम भि बची जां अर हे आदिमों तुम तैं भि याद रौंण चयणु च, कि तुम्हरा कारण तुम्हरी जनन भि बची जां।</verse>
				<verse number="17">जु मि बुल्णु छों वेको मतलब यु च; कि, हरेक आदिम तैं वीं स्थिति मा बणयूं रौंण चयणु च, जै तैं पिता परमेश्वर ल मसीह पर विश्वास करदी बगत द्ये छै; उन ही उ चलो; अर मि सभि मण्डलियों मा इन ही ठैरांदु।</verse>
				<verse number="18">एक उदाहरण कु, जु कुई यहूदी प्रभु यीशु पर विश्वास करदो, त वे तैं अपड़ा यहूदी हूंणै की पहचाण छुड़णै की जरूरत नि च; अर उन ही जु कुई अन्यजाति का मनिख यीशु मसीह पर विश्वास कैरो त वे तैं यहूदी बनण कु खतना कनै की जरूरत नि च।</verse>
				<verse number="19">कै कु खतना हवे या नि हवे यां बट्टी कुई फर्क नि पुड़दो, पर पिता परमेश्वर की आज्ञाओं तैं मनणु भौत जरूरी च।</verse>
				<verse number="20">हर एक मनिख जीं दशा मा बुलै गै हो, वीं ही दशा मा रौ।</verse>
				<verse number="21">जु तुम दास की दशा मा बुलै ग्यां, त चिन्ता नि कैरा; पर जु तुम आजाद हवे साका, त इन ही काम कैरा।</verse>
				<verse number="22">किलैकि जु दास की हालत मा पिता परमेश्वर ल चुणि अर बुलै, त उ एक आजाद आदिम का जन च किलैकि प्रभु यीशु ल वे तैं वेका पापों बट्टी मुक्त कैरेले, अर उन ही जु आजादी की दशा मा बुलै गै, उ मसीह का दास बंणि गैनी।</verse>
				<verse number="23">पिता परमेश्वर ल तुम कु एक बड़ी कीमत चुकै के छुड़ै, मनिख्युं का दास नि बणा पर पिता परमेश्वर का दास बणा।</verse>
				<verse number="24">हे विश्वासी भयों, जु कुई जै भि दशा मा बुलै गै, उ वीं ही दशा मा पिता परमेश्वर का दगड़ी रौ।</verse>
				<verse number="25">अणबिवाकों नौंनियों का बार मा प्रभु की कुई भि आज्ञा मि तैं नि मिली, पर पिता परमेश्वर ल अपड़ी दया का अनुसार मि तैं ज्ञान द्ये, जै पर विश्वास किये जै सकद अर मि अपड़ी सलाह दींदु।</verse>
				<verse number="26">किलैकि यूं दिनों मा हर जगह विश्वासियों कु मुश्किल चीज हूंणी छिनी, मि तैं लगद कि तुम तैं इन कन ठिक च, कि अणबिवाकों लुखुं तैं मि यु सलाह दींणु छों कि उ अणबिवाक ही रा।</verse>
				<verse number="27">जु कै कु ब्यो हुयुं च अर वेकी जनन च, त वीं बट्टी तलाक ले के अलग हूंणो कु कोशिश नि कैर; अर जु तेरु ब्यो नि हवे अर जनन नि च, त जनन की खोज नि कैर।</verse>
				<verse number="28">पर जु तुम्हरो ब्यो हवे भि जौं, त पाप नि च; अर जु अणबिवाक नौंनि कु ब्यो करे जौं त कुई पाप नि च; ब्यो हुयां लुखुं तैं ईं दुनिया मा अपड़ा जीवन मा दर्दनाक चीजों कु अनुभव कन पुड़लो अर मि नि चांदु कि तुम यूं मुशीबतों मा पोड़ा।</verse>
				<verse number="29">हे विश्वासी भयों, मि बुल्दो कि, ईं दुनिया मा हम मा जादा बगत नि च, यु कारण की तुम्हरी जनन च या नि च, यांका बारा मा जादा परेशान नि व; पर प्रभु की सेवा कना का बारा मा सुचणां रा।</verse>
				<verse number="30">जु लोग रूंदा छिनी या जु लोग खुश छिनी या जु लोग अफ कु चीजों तैं खरीद दींनि ऊं तैं यूं सभि चीजों का बारा मा जादा चिंता नि कन चयणी च (किलैकि यु सभि बातों बट्टी तुम प्रभु की सेवा कनु कु भूली जैला)</verse>
				<verse number="31">अर ईं दुनिया मा जु कुछ भि हम म च, हम तैं वे तैं जादा कीमती नि समझण चयणु च, किलैकि उ सब ईं दुनिया मा जादा लम्बा बगत नि चललो।</verse>
				<verse number="32">मि चांदु, कि तुम यु जीवन का रोज का मसलों का बारा मा चिंता नि कन पोडो, अणबिवाक आदिम, पिता परमेश्वर की सेवा कन कै कैरो अर प्रभु तैं कन कै खुश रखो, ईं बातों की चिन्ता मा रौंदो।</verse>
				<verse number="33">पर जौं कु ब्यो हुयुं च उ मनिख दुनिया की बातों की चिन्ताओं मा रौंदो, कि अपड़ी जनन तैं कन कै खुश रखो।</verse>
				<verse number="34">अणबिवाक अर जूंको ब्यो हुयुं च द्वीयूँ मा भेद च; अणबिवाक प्रभु की सेवा कन कै कैरो ईं बात कि चिंता मा रौंदो, कि उ देह मा अर आत्मा द्वीयूँ मा पवित्र हो, पर जूंको ब्यो हुयुं च उ सांसारिक चिन्ताओं मा रौन्दींनि, कि व अपड़ा आदिम तैं कन कै खुश रखो।</verse>
				<verse number="35">मि यु बात तुम्हरा भलै कु बुल्णु छों, न कि तुम तैं फसांणु कु, पर जन की ठिक च; कि तुम एक मन हवे के प्रभु की सेवा मा लगयां रां।</verse>
				<verse number="36">जु कै तैं इन लगौ कि, उ अपड़ी नौंनि का ब्यो कन मा अबेर कना का कारण वीं नौंनि दगड़ी अन्यो कनु च, किलैकि वींकी उम्र जादा हवे गै, उ उन ही कैरो जु वे तैं ठिक लगद, अर वीं तैं ब्यो कन द्यो, यु कुई पाप नि च।</verse>
				<verse number="37">पर जु उ अपड़ा मन मा फैसला करद, कि वेकी नौंनि कु ब्यो नि कन बढ़िया च, अर कैल भि वे तैं इन कन कनु कु मजबूर नि कैरी, त वेमा उन कनु कु अधिकार च जु वेल तय करूं च। अर इलै जु उ वीं तैं अणबिवाक रखणों कु फैसला करद, त उ (पिता परमेश्वर की नजर मा) अच्छो काम कनु च।</verse>
				<verse number="38">त जु अणबिवाक नौंनि कु ब्यो करद, त उ ठिक करद अर जु ब्यो नि करद, उ भि ठिक करद।</verse>
				<verse number="39">जब तक कैं जनन कु आदिम ज्यूँदो रौंदु, तब तक व वे दगड़ी बंधन मा बंधि च, पर जु वीं कु आदिम मोरि जौं, त व जै दगड़ी चौ ब्यो कैरी सकदी च, पर भस वे बट्टी जु प्रभु मा विश्वास करदु हो।</verse>
				<verse number="40">पर जु व दुबरा ब्यो नि करदी, त मेरा विचारों मा व धन्य च, अर मि समझदु, कि जब मि तुम बट्टी यु बुल्द त मि पिता परमेश्वर का आत्मा का द्वारा तुम तैं सलाह दींणु छो।</verse>
			</chapter>
			<chapter number="8">
				<verse number="1">तुम्हरी चिठ्ठी मा तुम ल मूर्तियों का संमणी चढ़यूं बलि कु खांणु का बारा मा पूछि छों, कि हम सभि यु बारा मा जंणदा छा; पर ज्ञान बड़ा मोन तैं पैदा करद, पर अगनैं बढ़ण मा हम एक-दुसरा की मदद प्रेम का दगड़ी करदां।</verse>
				<verse number="2">जु तुम तैं लगद कि तुम कुछ जंणदा छा, त तुम हक्कीकत मा कुछ भि नि जणदां जन तुम तैं जनण चयणु च।</verse>
				<verse number="3">पर जु कुई पिता परमेश्वर बट्टी प्रेम रखद, त पिता परमेश्वर वे आदिम तैं जंणदु च।</verse>
				<verse number="4">त फिर, मि तैं मूर्तियों का संमणी चढ़यूं बलि का खांणु का बारा मा पुछयां सवालों कु जवाब दींण चयणु च; हम जंणदा छा कि भस एक ही ज्यूँदो पिता परमेश्वर च अर ईं दुनिया मा मूर्तियां बेजान छिनी।</verse>
				<verse number="5">पर फिर भि, आकाश अर धरती पर मा भौत स लुखुं तैं परमेश्वर अर प्रभु बुल्दींनि; पर हमारो एक ही पिता परमेश्वर च जु स्वर्ग मा च, वेल सभि कुछ बणै, अर हम वेका द्वारा ही ज्यून्दा छा; उन ही कै, हमारो एक ही प्रभु च अर उ यीशु मसीह च।</verse>
				<verse number="6"></verse>
				<verse number="7">पर हमारा कुछ विश्वासी अभि तक भि नि जणदींनि कि मूर्तियों मा कुई शक्ति नि च, किलैकि उ पैली ऊं मूर्तियों की पूजा करदा छा, अब जब उ ऊं मूर्तियों तैं चढ़यूं बलि कु खांणु खंदींनि, उ गलत सुचदींनि कि उ अभि भि ऊं मूर्तियों की पूजा मा शामिल छिनी, अर उ यूं सोचि के परेशान हुन्दींनि कि जु उ मूर्तियों तैं चढ़यूं खांणु खंदींनि त ऊंल पाप कैरेले।</verse>
				<verse number="8">पर खांणु हम तैं पिता परमेश्वर का नजीक नि लांद; अर खांणु खांण बट्टी मना कैरी कै भि हम पिता परमेश्वर तैं न खुश नि करदां, अर खांणु खांण अर नि खांण हमारा पिता परमेश्वर का नजर मा महत्व नि रखद।</verse>
				<verse number="9">पर चौकस रावा, इन नि हो, कि तुम्हरी य आजादी कखी ऊं लुखुं कु जु विश्वास मा कमजोर छिनी ठोकर कु कारण बंणि जां।</verse>
				<verse number="10">तुम जंणदा छा, कि यु मूर्तियां हक्कीकत मा परमेश्वर नि छिनी इलै तुम मूर्तियों का मन्दिर मा बलि कु खांणु भि खै सकदियां। पर जु कुई विश्वास मा कमजोर च उ तुम तैं जु उख खांणु खांण देखु त मूर्तियों तैं चढ़यूं मांस खांण कु प्रोत्साहित हूंद, जबकि उ सुचद कि इन कन गलत च।</verse>
				<verse number="11">इन कै तेरु ज्ञान का कारण जु विश्वासी भैय विश्वास मा कमजोर च उ मसीह मा विश्वास कन बन्द कैरी दयालो, जैकु यीशु मसीह ल अपड़ा आप तैं बलिदान कैरी।</verse>
				<verse number="12">जु हमारा यु काम कन का कारण हमारा विश्वासी दगड़िया अफ तैं भंगारी महसूस करद, त हम वेका अर मसीह का खिलाफ मा भि पाप करदां।</verse>
				<verse number="13">इलै, जु मेरा मूर्तियों का संमणी चढ़यूं खांणु बट्टी दुसरा विश्वासी भैय का विश्वास बट्टी पिछनै हटणों कु कारण बणद, त मि तैं उ खांणु कभी भि नि खांण चयणु च।</verse>
			</chapter>
			<chapter number="9">
				<verse number="1">जु कुछ भि मि कन चांदु, एक प्रेरित हूंणा का खातिर वे तैं कनु कु मि आजाद छों, मिल हमारा प्रभु यीशु तैं दिखयूं च, तुम प्रभु कु मेरी कि ईं सेवा का प्रतिफल छा।</verse>
				<verse number="2">जु कुई लोग यु स्वीकार नि करदींनि कि मि प्रभु यीशु कु प्रेरित छों, त तुम विश्वासी भयों तैं यु स्वीकार कन चयणु च; किलैकि मि उ ही छों जु तुम मा शुभ संदेश तैं ले के आं; तुम मसीह मा विश्वास कना छा, ईं बात से साबित हूंद कि मि तुम कु पिता परमेश्वर का तरपां बट्टी चुणयूं एक प्रेरित छो।</verse>
				<verse number="3">जु लोग मेरा प्रेरित हूंण का अधिकार पर जांच अर सवाल करदींनि, ऊंकु यु ही मेरू जवाब च।</verse>
				<verse number="4">मि अर बरनबास तैं, प्रेरित हूंणा का कारण अधिकार च, कि तुम बट्टी हमारा कामों कु आर्थिक मदद मिलणी रौ।</verse>
				<verse number="5">किलैकि हैंका प्रेरित अर प्रभु का भैय याकूब, यहूदा अर पतरस (कैफा) जब उ यात्रा करदींनि त उ अफ दगड़ी अपड़ी विश्वासी जननों तैं भि ली जयदींनि, त मि मा भि यु अधिकार च,</verse>
				<verse number="6">मि तैं अर बरनबास तैं भि प्रभु यीशु का हैंका प्रेरितों का जन आर्थिक मदद मिलणु कु अधिकार च अर हमारा जीवनों तैं ज्यूंणु कु काम कनै की जरुरत नि च।</verse>
				<verse number="7">एक सिपै तैं कभी भि अपड़ो खर्च अफी नि दींण पुड़दो; जब एक आदिम अंगूरों कु बगिचा लगौंद, त वे तैं वेको फल खांणो कु भि अधिकार हूंद; अर एक चरवाहा तैं अपड़ी ढिबरों बट्टी दूध पींणो कु भि अधिकार हूंद।</verse>
				<verse number="8">मि मनिख्युं की व्यवस्था का अनुसार यु बातों तैं नि बुल्णु छों।</verse>
				<verse number="9">मूसा द्वारा लिखीं परमेश्वर की व्यवस्था भि यु ही बातों तैं बुल्दी, किलैकि मूसा का आज्ञा मा लिख्युं च, कि तुम तैं वे बल्द को गिच्चो कभी भि नि बंधण चयणु च, जु बुखा तैं हटांणु कु अनाज तैं दवै करद; क्य तुम तैं इन लगद कि पिता परमेश्वर तैं भस बल्दों का बारा मा ही चिंता च? न! बिल्कुल भि न।</verse>
				<verse number="10">यु विशेष कैरी कै हम कु बुल्द; जन पिता परमेश्वर का वचन मा लिख्युं च, किलैकि पुगड़ो की जु तैं कन वलो कै आस ल ही पुगड़ो की जु तैं करद, अर चौका मा बुखा बट्टी अनाज तैं अलग कन वलो फसल कु कुछ भाग पांणै की आस त रखद ही च।</verse>
				<verse number="11">जु हम ल तुम तैं आध्यात्मिक बात सिखैनी, त हम तैं तुम बट्टी मदद लींण मा कुई बुरै नि च। हम तैं इन कन कनु कु अधिकार च।</verse>
				<verse number="12">किलैकि तुम ल हैंका प्रेरितों कि भि आर्थिक मदद कैरी, जौं ल तुम्हरा बीच मा प्रचार कैरी, जबकि हम मा बट्टी कै ल भि ईं बात पर जोर नि द्ये कि तुम हम तैं ऊं चीजों तैं द्या, जु हम तैं आर्थिक मदद कु चयणु च; यांका बजाय, हम कुछ भि सैणु कु तैयार छा, कि हम मसीह का बारा मा शुभ सन्देश पर विश्वास कना का कारण कै तैं भि मुसिबत मा नि डाला।</verse>
				<verse number="13">क्य तुम नि जणदां कि यरूशलेम शहर का मन्दिर मा काम कन वला आदिमों तैं मन्दिर बट्टी ही अपड़ो खांणु मिल्दा? हां, जु लोग वेदी पर कुर्बानि दींदिनि, ऊं तैं ऊं कुर्बानियों कु हिस्सा मिल्दा।</verse>
				<verse number="14">इन ही कै प्रभु ल भि ठैरे, कि जु लोग शुभ संदेश सुणौंदींनि, ऊंकी जीविका ऊं लुखुं बट्टी मिलण चयणी च, जु शुभ सन्देश तैं सुणौंदींनि।</verse>
				<verse number="15">पर मिल यां मा बट्टी एक भि अधिकार कु इस्तेमाल नि कैरी; मि यु नि लिखणु छों, कि अब तुम मि कु कुछ कैरा। यांका बजाय मि कु मुरण जादा बढ़िया च! किलैकि कुई भि मि तैं ईं बात मा बड़ो मोन कन से नि रोकि सकद कि मि अपड़ो ख्याल अफी ही रखदु।</verse>
				<verse number="16">जु मि शुभ सन्देश प्रचार सुणो, फिर मि मा कुछ भि नि च जैका बारा मा, मि बड़ो मोन कैरी साको; किलैकि यीशु मसीह ल वे तैं कनु कु मि तैं आज्ञा द्ये, अर जु मि शुभ सन्देश प्रचार नि सुणो, त मि पर धिक्कार च।</verse>
				<verse number="17">जु मि यु काम अपड़ी मर्जी से करदु त फिर मि तैं ईनाम मिललो। पर जु पिता परमेश्वर ल मि तैं य जिम्मेदारी दीं च, त मि ईनाम मा क्य उम्मीद कैरी सकदु? मि कै भि ईनाम की उम्मीद नि कैरी सकदु।</verse>
				<verse number="18">तब मेरू प्रतिफल क्य च? यु ही कि मि यीशु मसीह कु शुभ सन्देश कु प्रचार मुफ्त मा करदु रौ, य मेरी तनखा च, मि कु यु संभव च कि मि बगैर तनखा का शुभ सन्देश प्रचार सुंणौ, भले ही मि तैं अपड़ा खर्च कु मंगणु कु अधिकार च।</verse>
				<verse number="19">यांको मतलब यु च कि मि लुखुं की आज्ञा मनणु कु मजबूर नि छों, भस इलै कि उ मि तैं दान दींदिनि, फिर भि मि सभियूं कु दास बंणि ग्यों, कि मि जादा से जादा लुखुं तैं मसीह पर विश्वास कनु कु लै साको।</verse>
				<verse number="20">मतलब, जब मि यहूदियों का दगड़ी छों, त मि ऊं तैं मसीह मा लांणु कु एक यहूदी का जन रौंदु छो; उ यहूदी मूसा की व्यवस्था तैं मणदींनि, त मि भि वीं व्यवस्था का अधीन ही रौंदु छो; जबकि मि तैं इन कनै की जरूरत नि च, पर फिर भि मि यहूदियों कु यहूदी बणु, कि ऊं लुखुं तैं मसीह पर विश्वास मा लै साको।</verse>
				<verse number="21">ठिक उन ही के अन्य जातियों का दगड़ी छो, त ऊंका समान जीवन जीयूं, कि ऊं तैं भि मसीह मा लौ, पर मि जंणदु छो की मि पिता परमेश्वर की व्यवस्था का बगैर ज्यूँदो नि छो, किलैकि मि, मसीह की व्यवस्था का अधीन ही छो।</verse>
				<verse number="22">जब मि ऊं लुखुं दगड़ी हूंदु जूंको विश्वास कमजोर च, त मि ऊंका जन ही बरतौ करदु, कि मि ऊं तैं मसीह का पिछनै चलण मा मदद कैर साको मि हर एक ढंग से कुछ लुखुं को बचै के उद्धार कैरी साको।</verse>
				<verse number="23">अर मि सब कुछ मसीह का बारा मा शुभ सन्देश तैं प्रचार कनु कु ही करदु, कि मि दुसरों का दगड़ी शुभ सन्देश कु प्रचार कनु कु पिता परमेश्वर द्वारा मिलण वला ईनाम मा शामिल हवे जौं।</verse>
				<verse number="24">जन कि दौड़ मा त दौड़दा सभि छिनी, पर ईनाम एक ही लीजांद। तुम उन ही दौड़ा, कि तुम जीता। उन ही के हम सभियूं तैं उ काम कन चयणु च जै बट्टी हम पिता परमेश्वर तैं खुश कैरी साका। कि हम वे ईनाम तैं पै साका जु पिता परमेश्वर भविष्य मा हम तैं दयालो।</verse>
				<verse number="25">जु लोग दौड़ मा हिस्सा लींण चंदींनि, उ पैली अभ्यास करदींनि अर अपड़ी अभिलाषाओं मा नि डुबदींनि, उ इन इलै करदींनि, कि जीति साका अर आदर पै साका; उ त एक मुरझांण वला मुकुट तैं पांणु कु यु सब करदींनि, पर हम त वे मुकुट कु करदां, जु सुकद नि च।</verse>
				<verse number="26">जन एक दौड़ तैं दौड़ण वलो एक ही दिशा मा दौड़द या एक मुक्काबाज अपड़ा मुक्को तैं काबू मा रखद, उन ही मि अपड़ा मसीही जीवन मा मसीह का वश मा ज्यूँदो।</verse>
				<verse number="27">मि अपड़ा देह तैं काबू मा करदु, कि मि येकी बुरी अभिलाषाओं का अनुसार नि चलूं, कखी इन नि हो, कि मि जु दूसरों तैं शुभ संदेश कु प्रचार करदु, अफी ईनाम नि पौं।</verse>
			</chapter>
			<chapter number="10">
				<verse number="1">हे विश्वासी भयों, मि चांणु छों की तुम याद रखा, कि जंगल मा हमारा पुरणों का दगड़ी भौत पैली क्य हवे छो। पिता परमेश्वर ल ऊं सभियूं तैं एक बादल भेजि के बतै, जु ऊंका अगनैं-अगनैं, अर उ, ऊं सभियूं कु सूखी भूमि का जन लाल समुद्र का पांणी का बीच बट्टी बचै कै लै।</verse>
				<verse number="2">जन के प्रभु यीशु का चेला बनण कु बपतिस्मा लींणे की व्यवस्था च, उन ही के उ सभि भि बादल का छाया मा छा अर मूसा का चेला बनण कु लाल समुद्र बट्टी हवे के ग्यां।</verse>
				<verse number="3">सभि ल एक ही रुठी खै जु पिता परमेश्वर ल ऊंकु स्वर्ग बट्टी द्ये।</verse>
				<verse number="4">ऊं सभियूं ल उ ही पांणी पये जु पिता परमेश्वर ल ऊं तैं द्ये छो। ऊंल एक पोड बट्टी निकलण वला पांणी तैं पये, अर वे पोड की तुलना मसीह बट्टी किये जै सकद जै दगड़ी रै के ऊं तैं जीवन दिये गै।</verse>
				<verse number="5">पर पिता परमेश्वर ऊंमा बट्टी भौतों बट्टी खुश नि छो, इलै उ लोग एकांत जंगल मा ही मोरि गैनी।</verse>
				<verse number="6">भौत पैली हमारा पुरणो का दगड़ी किये गै यु बात हम कु चेतावनी छै कि जु हम ऊं दगड़ी बुरै कने की इच्छा रखदां त क्य होलो।</verse>
				<verse number="7">अर न तुम मूर्तियों का पुजण वला; जन कि ऊंमा बट्टी कथग ही बंणि गै छा, जन की पिता परमेश्वर का वचन मा लिख्युं च, “लोग खांण पीण कु दावत मा बैठ गैनी अर फिर नचण अर ऐश कनु कु उठ गैनी।”</verse>
				<verse number="8">अर न हम व्यभिचार कैरा; जन कि ऊंमा बट्टी कथगों ल कैरी, अर एक दिन मा तेईस हजार मोरि गैनी।</verse>
				<verse number="9">अर न हम प्रभु मसीह तैं परखा; जन ऊंमा बट्टी कथगों ल कैरी, अर गुरो का द्वारा मरै गैनी।</verse>
				<verse number="10">अर न तुम बबड़ट कैरा, जन कै ऊंमा बट्टी कथग ही बबड़ट कन लगी गैनी, अर पिता परमेश्वर का एक स्वर्गदूत जै तैं परमेश्वर ल भेजि छो, वेल ऊं तैं मारि दींनि।</verse>
				<verse number="11">पर यु सब बात, जु ऊंल दगड़ी हवे, ऊं तैं चितांण की रीति पर हवे छै; अर उ हम तैं चितांण कु जु ईं दुनिया का अंत का बगत मा रौंणा छिनी लिखै गैनी।</verse>
				<verse number="12">इलै जु कुई आदिम जु बुल्द कि पिता परमेश्वर पर वेको विश्वास मजबूत च, त वे तैं चौकनों रौंण चयणु च कि इन नि हो कि उ अचानक अजमैश बट्टी प्रभावित हवे जां अर पाप कैरा।</verse>
				<verse number="13">पाप कनै की इच्छा हम सभियूं मा जरुर आंदी; पर पिता परमेश्वर विश्वासयोग्य च; किलैकि उ तुम तैं एक भि इन अजमैश मा नि पुडण दींद, कि तुम वीं अजमैश बट्टी लैड़ि नि साका, पर पिता परमेश्वर तुम तैं व तागत दयालो, कि तुम पाप बट्टी बचयां रा।</verse>
				<verse number="14">इलै तुम, हे मेरा प्रिय भयों मूर्तियों की आराधना कन बट्टी बचयां रावा।</verse>
				<verse number="15">मि तुम लुखुं तैं समझदार जांणि के, यु बुल्णु छो; इलै ध्यान से सोचा कि जु मि बुल्ण छो व ठिक च या न।</verse>
				<verse number="16">जब हम प्रभु भोज मा अंगूरों कु रस पिदयां, जै कु हम पिता परमेश्वर कु धन्यवाद करदां, तैं हम हक्कीकत मा मसीह का ल्वे मा एक करदां। अर जब हम प्रभु भोज की रुठी तैं तुड़दा और खंदियां, त हम हक्कीकत मा मसीह का देह मा एक हूंदा।</verse>
				<verse number="17">किलैकि रुठी ईं बात की निशानी च, कि हम मसीह मा एक देह छा, किलैकि हम सभि एक ही रुठी बट्टी खांदा।</verse>
				<verse number="18">इस्राएल का लुखुं का रीतियों तैं देखा, जब सभि लोग पिता परमेश्वर तैं चढ़यूं जांणवला बलिदान का खांणु तैं खंदींनि त पिता परमेश्वर की महिमा मा हिस्सादार हूंदींनि। इन ही जु लोग मूर्तियों तैं चढ़यूं बलिदान कु खांणु तैं खंदींनि, उ भि ऊं मूर्तियों की महिमा मा हिस्सादार हूंदींनि।</verse>
				<verse number="19">मि यु बुल्णु छों, कि मूर्तियों तैं चढयां बलि का खांणु की कुछ कीमत नि च अर यु भि की मूर्तियों की कुछ कीमत नि च।</verse>
				<verse number="20">भस यु ही न, कि अन्यजाति जीं चीज तैं मूर्तियों का संमणी बलि कैरी के चढौदींनि, उ पिता परमेश्वर कु न, पर दुष्टात्माओं कु बलिदान करदींनि अर मि नि चांदु, कि तुम दुष्टात्माओं का दगड़ी दगड़ो कैरा।</verse>
				<verse number="21">यु नि हवे सकद कि तुम प्रभु का कटोरा मा बट्टी अर दुष्टात्मा का कटोरा मा बट्टी पिया; इन ही के यु भि नि हवे सकद कि तुम प्रभु की मेज मा अर दुष्टात्मा की मेज मा बट्टी भि हिस्सादार हो।</verse>
				<verse number="22">जु हम ल इन कैरी त हम प्रभु तैं भौत गुस्सा दिलौंदियां; अर हम प्रभु बट्टी जादा ताकतवर नि छा।</verse>
				<verse number="23">तुम बुल्दियां, हम सभि कुछ कनु कु आजाद छा; हां, पर हम कु सभि कुछ अच्छो नि च; किलैकि सभि कुछ पिता परमेश्वर मा हमारा विश्वास तैं मजबूत नि करद; अर सभि चिज्युं बट्टी उन्नति नि हुंद।</verse>
				<verse number="24">कुई अपड़ी ही भलै तैं नि चौ, पर दुसरों की भलै का बारा मा भि ध्यान द्यो।</verse>
				<verse number="25">पर जब तुम बजार मा मीट खरीददां त वे तैं खा ल्या। पर यु नि पूछा कि यु मूर्तियों तैं चढ़यूं च या न, अर इन कन से तुम्हरो जमीर परेशान नि होलो।</verse>
				<verse number="26">“तुम खै सकदा छा, किलैकि पिता परमेश्वर का वचन मा लिख्युं च, कि धरती अर वेमा जु कुछ भि च, उ प्रभु कु ही च।”</verse>
				<verse number="27">अर जु अविश्वासियों मा बट्टी कुई तुम तैं न्यूतेर कैरी के बुलौ, अर तुम जांण चांणा छा, त जु कुछ भि तुम्हरा संमणी खांणु कु रखै जौं वे तैं ही खावा; अर तब तुम तैं यु नि पुछण चयणु च, कि यु बलि चणयु खांणु त नि च, कि जु सच मा उ बलि कु खांणु हो, त तुम अफ तैं भंगारी महसूस नि करीला।</verse>
				<verse number="28">पर जु कुई तुम बट्टी बुल्द, कि “मूर्तियों तैं बलि कु खांणु चढै गै छो” त वे तैं नि खा, अपड़ी अंतरात्मा का कारण न, पर वे आदिम का विवेक का कारण जैल तुम तैं बतै छो; किलैकि मेरी आजादी तैं कै हैंको आदिम का विवेक का द्वारा न्याय नि किये जांण चयणु च।</verse>
				<verse number="29"></verse>
				<verse number="30">जु मि अपड़ो खांणु पिता परमेश्वर तैं धन्यवाद कना का बाद खांदु, त जै पर मि धन्यवाद करदु, वेका कारण मेरी बदनामी किलै हूंद?</verse>
				<verse number="31">आखिर मा, मि तुम बट्टी यु बुल्ण चांदु, कि तुम चै खावा, चै प्यावा, चै जु कुछ भि कैरा, सब कुछ पिता परमेश्वर की महिमा कु कैरा।</verse>
				<verse number="32">मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।</verse>
				<verse number="33"></verse>
			</chapter>
			<chapter number="11">
				<verse number="1">जन मि मसीह जन अपड़ो जीवन तैं ज्यून्दों, तुम भि मि जन जीवन तैं जियां।</verse>
				<verse number="2">मि तुम बट्टी खुश छों, किलैकि तुम मि तैं हर बगत याद करदां; अर जु शिक्षा मिल तुम तैं द्ये, ऊं तैं चौकसी ल पालन करदां।</verse>
				<verse number="3">पर मि चांदु, कि तुम यु जणिल्यो, कि हर आदिम कु मुंड मसीह च, अर एक जनन कु मुंड वेको आदिम च, अर मसीह कु मुंड पिता परमेश्वर च।</verse>
				<verse number="4">इलै जु कुई आदिम मण्डलि मा प्रार्थना करद बगत या पिता परमेश्वर का संदेश तैं सुणांद बगत अपड़ा मुंड तैं ढकांद, त उ मसीह कु अपमान करद जु वेको मुंड च।</verse>
				<verse number="5">पर जु जनन मण्डलि मा बगैर मुंड ढकै के प्रार्थना या पिता परमेश्वर का सन्देश तैं सुणांद, यांको मतलब यु च कि व अपड़ा आदिम को जु वींको मुंड च अपमान करदी। व वीं जनन का जन च जीं तैं शर्मिंदा कनु कु मुंडन किये गै।</verse>
				<verse number="6">जु जनन दुपट्टा नि ओढ़ो, त अपड़ा लटुलों तैं भि कटे द्यो; जु जनन बालों तैं कटांण या मुंडन कन मा शर्म समझदी, त दुपट्टा ओढ़ो।</verse>
				<verse number="7">हाँ आदिमों तैं अपड़ो मुंड ढाकांणै की जरूरत नि च, किलैकि आदिम तैं पिता परमेश्वर की स्वरूप मा बणै गै, अर यु पिता परमेश्वर की महिमा तैं बतांद; पर जनन आदिम की महिमा तैं दिखांद।</verse>
				<verse number="8">किलैकि शुरू मा जब पिता परमेश्वर ल पैली आदिम आदम अर फिर जनन हव्वा की रचना कैरी, तब जनन का देह बट्टी आदिम की रचना नि हवे, पर आदिम का देह बट्टी ही जनन की रचना हवे छै।</verse>
				<verse number="9">अर आदिम तैं जनन की मदद कु नि बणये गै, पर जनन तैं आदिम की मदद कु बणये गै छों।</verse>
				<verse number="10">ईं वजह से, कि एक जनन तैं अपड़ा मुंड तैं ढ़कण जरूरी च कि स्वर्ग मा ईश्वर का स्वर्गदूतों तैं भि पता चलि साका कि जनन अपड़ा आदिम कु बुल्युं मनणी च।</verse>
				<verse number="11">हम विश्वासियों का जीवन मा हलांकि न त जनन आदिम बट्टी आजाद च अर न ही आदिम जनन बट्टी आजाद च।</verse>
				<verse number="12">किलैकि, पिता परमेश्वर ल पैला आदिम बट्टी पैली जनन बणै, पर अब आदिम तैं जन्म दींण वली जनन ही छिनी, उन ही आदिम, जनन का द्वारा; पर सभि कुछ पिता परमेश्वर बट्टी ही छिनी।</verse>
				<verse number="13">मि चांदु कि तुम अफी ही तय कैरा; जु एक जनन मण्डलि मा वीं का मुंड ढ़कण का बगैर ही पिता परमेश्वर बट्टी प्रार्थना करदी, त क्य व एक शर्म कु बरतौ नि करदी?</verse>
				<verse number="14">क्य स्वभाविक रीति ल भि तुम नि जणदां, कि जु आदिम लम्बा बाल रखदो, त वेको यु अपमान च।</verse>
				<verse number="15">पर जु जनन लम्बा बाल रखो; त वीं कु शोभा च, जन की जननों तैं स्वभाविक रूप मा लंबा बाल दिए गैनी, उन ही सभियूं का संमणी पिता परमेश्वर की आराधना मा ऊं तैं अपड़ो मुंड ढकयूं रौंण चयणु च।</verse>
				<verse number="16">पर जु कुई सुचद कि जु कुछ मि बुल्णु छों उ गलत च, त यु जांणो कि न हमारी अर न पिता परमेश्वर की मण्डलि मा कुई रिवाज नि च।</verse>
				<verse number="17">पर यूं आदेशों का बारा मा जु मि बुल्णु छों, मि तुम्हरी बड़ै नि कैरी सकदु, इलै कि तुम्हरा कठ्ठा हूंण ल भलै न, पर बुरै ही हूंदी।</verse>
				<verse number="18">किलैकि पैली मि यु सुणदु छो, कि जब तुम मण्डलि मा पिता परमेश्वर की आराधना कनु कु कठ्ठा हुन्दा, त तुम मा मतभेद हुन्दींनि अर मि तैं विश्वास च की ऊं की कुछ बुलीं बात सच छिनी।</verse>
				<verse number="19">हाँ, यु सच च कि तुम्हरा बीच बंटवरो हूंण जरूरी च कि उ, जु पिता परमेश्वर द्वारा चुणयां छिनी, उज्यला मा ऐ जां।</verse>
				<verse number="20">जब तुम एक जगह मा कठ्ठा हून्दियां, तुम तैं ईं बात कि कुई चिंता नि हूंद कि हमारा प्रभु यीशु मसीह की मौत तैं याद कनु कु तुम तैं प्रभु भोज कन के खांण चयणु च।</verse>
				<verse number="21">किलैकि मि तैं पता चलि, कि तुम मा बट्टी कुछ दूसरों का दगड़ी खांणु तैं बगैर बटयां अपड़ो खांणु खांणै की जल्दी करद्यां। इलै ही, कुछ भूखा चलि जंदींनि अर कुछ लोग नशा मा हवे जंदींनि।</verse>
				<verse number="22">जु तुम तैं लगद, कि पिता परमेश्वर की मण्डलि जरूरी नि च त तुम अपड़ा घौर मा ही खै, पी सकदियां, अर तुम ऊं लुखुं तैं शर्मिंदा करदां जु गरीब छिनी; मि तैं तुम तैं क्य बतांण चयणु च? क्य मि तैं तुम्हरी बढ़ै कन चयणी च? मि इन कामों कु तुम्हरी बढ़ै नि कैरी सकदु।</verse>
				<verse number="23">किलैकि जु शिक्षा मिल तुम तैं द्ये छै, उ ही शिक्षा च जु मि तैं प्रभु बट्टी मिली; कि प्रभु यीशु जीं राती पकड़वै गै, त वेल रुठी लींनि,</verse>
				<verse number="24">अर पिता परमेश्वर कु धन्यवाद कैरी के रुठी तोड़ी, अर बोलि, “य मेरी देह च, ज्वा तुम्हरा उद्धार कु बलिदान किये जांद; मेरी मौत तैं याद कनु कु इन ही कैरा करा।”</verse>
				<verse number="25">इन ही खांणु का बाद वेला प्याला ले के बोलि, त यीशु ल एक अंगूरों कु रस बट्टी भुर्युं कटोरा भि ले, अर बोलि, “यु कटोरा मेरा ल्वे मा एक नई प्रतिज्ञा च; कि जब कभी तुम पिया, त मेरी याद मा इन कैरा करा।”</verse>
				<verse number="26">किलैकि हर बगत जब तुम ईं रुठी तैं खंदियां, अर यु कटोरा बट्टी अंगूरों कु रस तैं पिन्दयां, त प्रभु का आंण तक वेकी मौत कु प्रचार करदी रावा।</verse>
				<verse number="27">इलै जु कुई भि यु ढंग से जु मसीह तैं निरादर करद प्रभु की रुठी खौ, या वेका कटोरा मा बट्टी प्यो, उ प्रभु की देह अर ल्वे का विरुद्ध पापी ठैरद।</verse>
				<verse number="28">इलै मनिख अपड़ा आप तैं जाँची ल्यो कि क्य वेको अपड़ो विचार ठिक च, अर फिर उ ही रुठी बट्टी खाै, अर यु कटोरा मा बट्टी अंगूर कु रस प्यो।</verse>
				<verse number="29">किलैकि, जु कुई प्रभु का देह का दगड़ी अपड़ा रिश्तों तैं पहचनण का बगैर कटोरा मा बट्टी प्यो अर रुठी तैं खाै, उ यु खांण अर पींण से अपड़ा मथि दण्ड लांद।</verse>
				<verse number="30">यु ही कारण च, कि तुम मा बट्टी कई लोग बिमार छिनी, अर कई कमजोर अर कई लोग त मोरि भि गैनी, किलैकि य पिता परमेश्वर की सजा च।</verse>
				<verse number="31">इलै, जु हम पैली अपड़ा बरतौ की जांच कैरा, त प्रभु हम तैं दंड नि दयालो।</verse>
				<verse number="32">पर जु प्रभु हम तैं इन कै दंड दींद, त उ हम तैं सुधरणु च, कि न्याय का दिन हम दुनिया का दुसरा लुखुं का दगड़ी जांच मा दंड नि पां।</verse>
				<verse number="33">इलै, हे मेरा विश्वासी भयों, जब तुम प्रभु भोज खांणु कु कठ्ठा हूंदां, त एक-दुसरा कु ठैरा कैरा, कि तुम सभि कठ्ठा खै साका।</verse>
				<verse number="34">जु कुई भुखी हो, त अपड़ा घौर मा खाै, कि जब तुम कठ्ठा हूंदियां, तुम ठिक ढंग ल बरतौ करीला अर पिता परमेश्वर तुम्हरो न्याय नि करलो। अर दुसरी बातों तैं जब मि तुम मा औलु, तभि सुलझाैलु।</verse>
			</chapter>
			<chapter number="12">
				<verse number="1">हे विश्वासी भयों, पवित्र आत्मा का द्वारा ऊं मिलण वला वरदानों का बारा मा जु तुम ल मि बट्टी पूछि छा, मि चांदु छों तुम यांका बारा मा अच्छो के जांणा।</verse>
				<verse number="2">तुम जंणदा छा, कि तुम विश्वासी बनण से पैली कन जीवन ज्यूंदा छा, तुम ऊं बेजान मूर्तियों कि आराधना कन कु कई बातों का द्वारा प्रभावित हवे छा।</verse>
				<verse number="3">इलै मि तुम तैं चांदु छों कि तुम जणिल्या, कि जु कुई पिता परमेश्वर कि आत्मा कि अगुवाई बट्टी बुल्दो च, उ नि बुल्दो कि यीशु श्रापित च; पर पवित्र आत्मा ही च, अर पवित्र आत्मा का द्वारा ही उ बोलि सकद की “यीशु ही प्रभु च।”</verse>
				<verse number="4">बनि-बनि तरौं का वरदान छिनी, अर पिता परमेश्वर कि आत्मा ऊं सभि वरदानों तैं दींद।</verse>
				<verse number="5">अर अलग-अलग ढंग छिनी ज्यां बट्टी हम प्रभु की सेवा कैर सकदां, पर लोग एक ही प्रभु कि सेवा करदा छिनी।</verse>
				<verse number="6">पिता परमेश्वर का हमारा जीवन मा काम कना का अलग-अलग ढंग छिनी, पर यु उ ही पिता परमेश्वर च जु हम सभियूं का द्वारा काम करद।</verse>
				<verse number="7">पिता परमेश्वर ल हम सभियूं तैं एक दुसरा विश्वासी भैय-बैणयूं की मदद कनु कु वरदान द्ये, जु पवित्र आत्मा की हूजूरी तैं प्रगट करद।</verse>
				<verse number="8">पवित्र आत्मा एक मनिख तैं बुद्धि का द्वारा संदेश बुल्णु कु वरदान दींद, अर ऊई पवित्र आत्मा दुसरा मनिख तैं ज्ञान का द्वारा संदेश बुल्णु कु वरदान दींद।</verse>
				<verse number="9">उ एक मनिख तैं मसीह मा विश्वास कनु कु वरदान दींद; अर दुसरा मनिख तैं पवित्र आत्मा चंगाई कु वरदान दींद।</verse>
				<verse number="10">पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।</verse>
				<verse number="11">पर यु सब प्रभावशाली काम उ ही एक आत्मा करदो, अर उ हर एक तैं यु क्षमता व्यक्तिगत रूप से बांटि दींद।</verse>
				<verse number="12">किलैकि जन कै मनिख की देह एक च अर वेका अंग भौत छिनी, भौत हूंण पर भि सभि मिल कै एक ही देह च उन के ही मसीह भि अर वे पर विश्वास कन वला विश्वासी भि एक ही छिनी।</verse>
				<verse number="13">किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।</verse>
				<verse number="14">इलै कि हमारा देह मा एक ही अंग न, बल्कि भौत सा छिनी।</verse>
				<verse number="15">मणिल्या, जु खुट्टा बोला, कि मि हथ नि छौं इलै मि देह कु अंग नि छौं, त क्य वेको इन बुल्ण बट्टी उ देह कु अंग नि रौंद?</verse>
				<verse number="16">अर जु कन्दूड़ बोलु, “मि आंख नि इलै मि देह कु अंग नि छौं” त क्य वेको इन बुल्ण बट्टी उ देह कु अंग नि रौंद?</verse>
				<verse number="17">जु सैरा देह आंख ही हूंदी त सुनण कख बट्टी हूंद? जु सैरा देह कन्दूड़ ही हूंद त सुघंण कख बट्टी हूंद?</verse>
				<verse number="18">पर सचमुच मा पिता परमेश्वर ल हमारा देह का सभि अंगों तैं अपड़ी मनसा का अनुसार देह मा उन ही जगह द्ये।</verse>
				<verse number="19">जु एक ही अंग हो, त कुई देह नि होली?</verse>
				<verse number="20">इलै देह का कई अंग छिनी, फिर भि एक त एक ही च।</verse>
				<verse number="21">आंख हथ बट्टी नि बोलि सकदी, “मि तैं तेरी जरूरत नि च” अर न मुंड खुट्टा बट्टी बोलि सकदु, “मि तैं तेरी जरूरत नि च।”</verse>
				<verse number="22">पर देह का उ अंग जु दुसरों बट्टी कमजोर दिखयोदींनि, भौत ही जरुरी छिनी।</verse>
				<verse number="23">अर देह का जौं अंगों तैं हम कम आदरयोग्य समझदां ऊं तैं ही हम जादा आदर दींदयां; अर हमारा शोभाहीन अंग और भि भौत शोभयमान हवे जंदींनि, अर जौं अंगों तैं हम कम आदर का योग्य मंणदयां ऊं तैं सबसे जादा ध्यान ल कपड़ा पैरोदयां। इलै हम ध्यान से ऊं हिस्सों की रक्षा करदां जौं तैं नि दिखै जांण चयणु च, जबकि जादा आदरयोग्य हिस्सों तैं यु विशेष देखभाल की जरुरत नि हूंदी। इलै पिता परमेश्वर ल देह तैं यु हिसाब से बणै कि ऊं हिस्सों तैं जादा सम्मान अर देखभाल दिये जौं जौको महत्व कम च।</verse>
				<verse number="24"></verse>
				<verse number="25">पिता परमेश्वर ल इन इलै कैरी, कि देह का कुछ अंगों मा एक-दुसरा का दगड़ी झगड़ा नि हो, पर ऊं तैं एक-दुसरा कु चिंता भि हूंण चयणी च।</verse>
				<verse number="26">जु देह कु एक अंग दुःख पौंदु त वे दगड़ी देह का सभि अंग भि दुखी हूंदींनि। जु कै एक अंग कु सम्मान बढ़दो च त सभि अंग भि आनन्द मणौंदींनि।</verse>
				<verse number="27">इन कै तुम सभि मिलिके मसीह की देह छा अर तुम मा बट्टी हरेक वेका देह का अंग छा।</verse>
				<verse number="28">अर पिता परमेश्वर ल मण्डलि मा अलग-अलग आदिम नियुक्त करयां छिनी; पैला प्रेरित, दुसरा परमेश्वर का तरपां बट्टी बुल्ण वलो, तिसरा शिक्षक, फिर चमत्कार का काम कन वला, फिर चंगा कन वला, अर उपकार कन वला, अर प्रधान, अर बनि-बनि भाषा बुल्ण वला।</verse>
				<verse number="29">कुछ ही छिनी जु प्रेरित छिनी, अर कुछ ही छिनी जु परमेश्वर का तरपां बट्टी बुल्ण वला छिनी, अर कुछ ही छिनी जु उपदेशक छिनी, अर कुछ ही छिनी जु चमत्कार का काम कन वला छिनी।</verse>
				<verse number="30">कुछ ही छिनी, जौं तैं चंगा कनु कु वरदान मिल्युं च, कुछ ही छिनी जु बनि-बनि किस्मै की भाषा बुल्दींनि।</verse>
				<verse number="31">कुछ ही छिनी जु अनुवाद करदींनि, अर तुम तैं बड़ा सा बड़ा वरदानों कि इच्छा कन चयणी च, पर मि तुम तैं अर भि सबसे बढ़िया ढंग बतौंदु।</verse>
			</chapter>
			<chapter number="13">
				<verse number="1">मि भले ही मनिख्युं अर स्वर्गदूतों की भाषाओं मा बोलु; पर जु मिल लुखुं बट्टी प्रेम नि कैरी, त ऊं भाषाओं तैं बुल्ण मि कु ठनठनांदु पीतल, अर झंझनांद ढपली जन च।</verse>
				<verse number="2">अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।</verse>
				<verse number="3">अर जु मि अपड़ी सब धन-दौलत कंगालों तैं खिलांण मा खर्च कैरी द्यों, या यख तक की जु मि ऊं तैं मेरी देह तैं जलांणु कु दे द्या, अर दुसरो बट्टी प्रेम नि रखु त मि कु कुछ भि फैदा नि च।</verse>
				<verse number="4">जु लोग दुसरा बट्टी प्रेम करदींनि, उ धीरज ल अर दया का दगड़ी काम करदींनि, प्रेम जलन नि करद, अपड़ी बड़ै नि करद।</verse>
				<verse number="5">उ दुसरों का दगड़ी बुरो बरतौ नि करदींनि, प्रेम मतलबी नि हूंद, यु बल्कि खुद तैं खुश कना का बारा मा नि सुचदींनि, उ जल्दी गुस्सा नि हूंदींनि।</verse>
				<verse number="6">कुकर्म बट्टी आनन्दित नि हुंदा, पर सचै बट्टी आनन्दित हूंद।</verse>
				<verse number="7">उ सभि कुछ सै सकदींनि, प्रेम हम तैं हर हालत मा विश्वास रखणा का योग्य बणद, यु हम तैं पिता परमेश्वर मा अपड़ी आस बणै रखण मा लैक बणद, यु मुसिबतों अर पिड़ा का चलद भि धीरज रखण सिखांद।</verse>
				<verse number="8">उ बगत आलो जब लोग पिता परमेश्वर का शुभ संदेश कु प्रचार अजांण भाषाओं मा नि करला, अर पिता परमेश्वर का बारा मा गहरा ज्ञान की तब जरुरत नि होली, बल्कि प्रेम हमेशा कु बणयूं रालो।</verse>
				<verse number="9">किलैकि हमारो ज्ञान अधुरो च, अर हमारी भविष्यवाणी अधूरी।</verse>
				<verse number="10">पर जब सर्वसिद्ध आलो, त अधुरा भि पूरो हवे जालो।</verse>
				<verse number="11">यु मनिख का विकास का जन च; जब मि एक छुटो नौंनो छो, त मि एक छुटा बच्चों का जन बात करदु छों, सुचद छो अर विचार करदु छों। पर जब मि बड़ो हवे ग्यों त मिल अपड़ा बचपना बंद कैरी करदींनि।</verse>
				<verse number="12">यु जीवन मा हम सब कुछ पूरा ढंग से नि समझदां। यु कै चीज तैं अप्रत्यक्ष रूप मा शीशा मा दिखण जन च। पर जब हम स्वर्ग मा जौला, त हम सब कुछ स्पष्ट रूप मा समझुला। यु कै बट्टी अमणी-संमणी बात कन जन होलो। अब हम सब कुछ जंणदा छा जु पिता परमेश्वर हम तैं सिखांण चांद। तब हम सब कुछ पूरा ढंग से जांणि जौला, जन पिता परमेश्वर हम तैं पूरा ढंग से जंणदु च।</verse>
				<verse number="13">इलै, अब यु तीन काम छिनी जु हम तैं कन चयणु च; पिता परमेश्वर पर विश्वास कन, पिता परमेश्वर का वादों मा आस रखण, अर दूसरों बट्टी प्रेम कन; पर यु तिन्युं मा, एक-दूसरों बट्टी अर परमेश्वर बट्टी प्रेम कन बढ़ि के च।</verse>
			</chapter>
			<chapter number="14">
				<verse number="1">एक दुसरा बट्टी प्रेम कनै कि कोशिश किया कैरा, अर आत्मिक वरदानों तैं भि पाणै कि धुन मा रावा, खास कैरी कै यु कि भविष्यवाणी कैरा।</verse>
				<verse number="2">किलैकि जु अन्य भाषा मा बात करदो; उ मनिख्युं बट्टी न, पर पिता परमेश्वर बट्टी बात करदो; इलै की वेकी बातों तैं कुई नि समझद; किलैकि उ पवित्र आत्मा की सामर्थ का द्वारा गुप्त बातों तैं बुल्द।</verse>
				<verse number="3">पर जु भविष्यवाणी करद, उ (विश्वासियों) तैं विश्वास मा मजबूत कन मा मदद करदो, हिम्मत अर तसल्ली दींण कु मदद करद।</verse>
				<verse number="4">जु अन्य भाषा मा बात करदो, उ भस अपड़ा ही विश्वास तैं मजबूत करदो; पर जु भविष्यवाणी करदो, उ मण्डलि का सभि विश्वासियों का विश्वास तैं मजबूत करदो।</verse>
				<verse number="5">मि चांदु छों, कि तुम सब अन्य भाषाओं मा बात कैरा, पर ज्यादातर यु चांदु छों, कि भविष्यवाणी कैरा; किलैकि अन्य भाषा बुल्ण वलो मनिख ईं बातों कु अनुवाद नि करदु कि उ मण्डलि मा विश्वासियों का विश्वास तैं मजबूत कन कु क्य बुल्दो, त जु मनिख भविष्यवाणी करदो वे अन्य भाषा बुल्ण वला बट्टी, जु अनुवाद करयां बगैर अन्य भाषा मा बात करद, बढ़िया च किलैकि अनुवाद किये जांण पर ही मण्डलि की उन्नति सम्भव हवे सकद।</verse>
				<verse number="6">इलै हे मेरा विश्वासी भयों, जु मि तुम मा ऐ के अन्य भाषा मा बात कैरू, त मि तैं तुम बट्टी क्य फैदा होलो? पर जु मि तुम कु उ वचन द्यो जु पिता परमेश्वर ल मि तैं द्ये, यु सचो ज्ञान, या भविष्यवाणी अर शिक्षा प्रदान कैरी, त मेरा बुल्ण से तुम तैं क्य फैदा होलो?</verse>
				<verse number="7">इन ही कै जब तुम बंसुरी अर वींणा जन बाजों तैं बजंदयां, जु तुम धुन ठिक से नि बजंदयां, त दुसरों तैं पता नि चललो कि उ क्य धुन बजांणु च।</verse>
				<verse number="8">अर जु तुरै कु शब्द साफ नि सुणै द्यो, त कु लड़ै कु तैयारी नि करलो।</verse>
				<verse number="9">इन ही कै, जब तुम इन भाषा बुल्दा जु लोग समझ नि सकदींनि, त तुम बथौं मा बात कन वला ठैरिला अर जु तुम बुल्णा छा वेकी कुई कीमत नि होली।</verse>
				<verse number="10">ईं दुनिया मा भौत सैरा अलग-अलग किस्मै की भाषा छिनी अर हर भाषा कु मतलब च।</verse>
				<verse number="11">जु हम वे भाषा तैं नि समझदा जु दुसरा बुल्णा छिनी, त उ इन होला माना कि उ हम कु विदेशी छिनी, अर हम ऊंकु विदेशी होला।</verse>
				<verse number="12">इलै तुम भि जब आत्मिक वरदानों तैं पांणै की इच्छा रखदा, जु पवित्र आत्मा तुम तैं दींद, त ऊं वरदानों कु इस्तेमाल कनु कु इन कोशिश करदी रावा कि ऊं वरदानों का द्वारा विश्वासियों की मण्डलि पूरा ढंग से विश्वास मा मजबूत हवे जौ।</verse>
				<verse number="13">इलै जु अन्य भाषा बुल्दींनि, त उ प्रार्थना कैरा, कि जु उ बुल्दो वेको मतलब समझण का लैके भि हो।</verse>
				<verse number="14">जु मि अन्य भाषा मा प्रार्थना कनु छों, त मेरी आत्मा प्रार्थना करदी पर मेरी सोच मा यांको कु फैदा नि च, किलैकि मि यु तैं समझ नि सकदु।</verse>
				<verse number="15">ईं वजह से, मि पवित्र आत्मा का अनुसार प्रार्थना कन चांणु छों; अर मि यु भि चांणु छों; कि जु मि बुल्णु छों, वे तैं दुसरा समझ साक। अर जब मि गीत गांदु, त मि चांणु कि मेरा गीत पवित्र आत्मा बट्टी प्रेरित हूंनु, पर यु भि जरुरी च कि मि जु गांणु छों कि दुसरा वे तैं समझी जौं।</verse>
				<verse number="16">मांणा कि कुई सीधो आदिम तुम्हरी आराधना मा हो अर तुम अपड़ी आत्मा बट्टी परमेश्वर की आराधना कना हो। जु उ तुम्हरी बातों तैं नि समझो, त तुम्हरा परमेश्वर तैं धन्यवाद दींण का बाद, वे तैं कन कै पता चललो कि आमीन कब बोलु जैका बारा मा तुम ल बोलि।</verse>
				<verse number="17">पिता परमेश्वर कु तुमारो धन्यवाद अद्भुत हवे सकद, पर यु दूसरों तैं विश्वास मा मजबूत हूंणु कु मदद नि करदो।</verse>
				<verse number="18">मि हमारा पिता परमेश्वर कु धन्यवाद करदु, कि मि तुम बट्टी जादा अन्य भाषा मा बुल्दो छों।</verse>
				<verse number="19">जु मि विश्वासियों कि मण्डलि मा छों, त मि कु पाँच शब्दों तैं बुल्ण ठिक च, जु समझ मा ऐ साका अर सिखै जा साका, बजाय हजार शब्दों की भाषा बुल्ण से जु समझ मा नि ऐ साक।</verse>
				<verse number="20">हे विश्वासी भयों, यूं बातों तैं समझण मा छुटा बच्चों का जन नि बणा; जब बुरै कि बात औंद त एक बच्चा का जन निर्दोष रावा, पर समझण मा सयांणा बणा।</verse>
				<verse number="21">पिता परमेश्वर की व्यवस्था का वचनों मा लिख्युं च, कि प्रभु बुल्द, “मि परदेशियो का बीच मा बट्टी बात करुलु जु अन्य भाषा बुलला जु अलग भाषा बुलला, तभि भि उ मेरी बात नि सुणला।”</verse>
				<verse number="22">इलै, हम समझदियां, कि यु वरदान ऊं भाषाओं तैं बुल्णु कु जु पता ही नि च, उ पिता परमेश्वर दींद, कि अविश्वासियों तैं महसूस हवे जौं कि यु पिता परमेश्वर का तरपां बट्टी आंद। अर पिता परमेश्वर समझणु कु वरदान दींद उ यु इलै दींद, कि विश्वासियों तैं मजबूत किये जै साको।</verse>
				<verse number="23">त जु मण्डलि एक ही जगा कठ्ठा हो, अर सभि का सभि अन्य भाषा बोला, अर सीधा लोग या अविश्वासी लोग भितर ए जा त उ जरूर सुचला की तुम पागल छा।</verse>
				<verse number="24">पर जु सभि लोग पिता परमेश्वर का शुभ संदेश कु प्रचार कना छिनी, अर अविश्वासी या जु लोग यूं चीजों तैं नि समझदींनि, उ तुम्हरी सभा मा औंदींनि, त ऊं तैं एहसास होलो कि उ पापी छिनी, अर तुम जु बुल्दियां वेका कारण उ अपड़ा ढंग तैं बदलण चाला।</verse>
				<verse number="25">पिता परमेश्वर का शुभ संदेश का कारण वे तैं अपड़ी बुरी, गुप्त सोच कु एहसास होलो। अर वे तैं इन एहसास होलो कि उ पापी च अर उ पश्चाताप करलो, अर फिर उ घुंडों पर ऐ के पिता परमेश्वर की आराधना करलो अर मांणी ल्यालो, कि सच मा पिता परमेश्वर तुम्हरा बीच मा च।</verse>
				<verse number="26">हे विश्वासी भयों, सूंणा कि कामों तैं कन कै कन चयणु च, जब तुम पिता परमेश्वर की आराधना कु कठ्ठा हूंदा, त तुम मा बट्टी कुई त गीतों तैं गौ, कुई उपदेश द्यो, कुई प्रभु का द्वारा दियां ज्ञान तैं बांटो, जु कुई अन्य भाषा मा बात कैरो, त दुसरो आदिम वेको अनुवाद कैरो। यु सभि बातों कु उद्देश्य मण्डलि तैं विश्वास मा मजबूत हूंण कु मदद कन च।</verse>
				<verse number="27">जख तक अन्य भाषा मा बातों तैं कनु कु सवाल च, जादा से जादा द्वी या तीन आदिम ही एक-एक कैरी कै ही बोला अर कुई आदिम ऊं भाषाओं कु मतलब बतौंणु कु हूंण चयणु च।</verse>
				<verse number="28">पर जु अनुवाद कन वलो नि हो, त अन्य भाषा बुल्ण वलो मण्डलि मा चुप ही रौ, अर अफी मा पिता परमेश्वर का दगड़ी बात कैरो।</verse>
				<verse number="29">परमेश्वर की तरपां बट्टी बुल्ण वलो मा बट्टी द्वी या तीन ही बोला, अर यु जरुरी च कि हर कुई सुंणौ अर समझो अर जांचो कि जु बुलै गै उ पिता परमेश्वर का वचन का अनुसार सै च की न।</verse>
				<verse number="30">जु मण्डलि मा बैठयां कै आदिम तैं पिता परमेश्वर कु संदेश मिल्द, त जु बुल्णु च, त वे तैं रुकण चयणु च अर दुसरा आदिम तैं बुल्ण दींण चयणु च।</verse>
				<verse number="31">तुम सभि पिता परमेश्वर का संदेश कु प्रचार कैरी सकदियां, पर एक का बाद एक कैरी कै, कि हर कुई सिखौ अर प्रोत्साहित हो।</verse>
				<verse number="32">एक परमेश्वर का तरपां बट्टी बुल्ण वलो अफ तैं काबू मा कैर सकद, उ अपड़ी इच्छा का अनुसार बुल्ण या बुल्ण बंद भि कैरी सकद।</verse>
				<verse number="33">किलैकि पिता परमेश्वर गड़बड़ी कु न, पर शान्ति दींण वलो पिता परमेश्वर च; यु उ नियम च, जु पिता परमेश्वर का लुखुं की मण्डलि मा मणैं जांद।</verse>
				<verse number="34">जननियों मण्डलि कि सभा मा चुप रावा, किलैकि ऊं तैं बात कनै कि अनुमति नि च, पर अधीन रौंणे कि आज्ञा च; जन मूसा की व्यवस्था मा भि लिख्युं च।</verse>
				<verse number="35">जु व कुछ अर सिखांण चांणि च, त घौर मा अपड़ा-अपड़ा स्वामी बट्टी पूछा, किलैकि जनन कु मण्डलि मा बात कन शर्म कि बात च।</verse>
				<verse number="36">इन किलै च कि तुम मा बट्टी कुछ यूं पैली बट्टी दियां कानूनों कु पालन नि कन चांणा छिनी? क्य तुम तैं लगदो कि पिता परमेश्वर कु वचन भस तुम तैं ही दियुं च?</verse>
				<verse number="37">जु कुई मनिख अपड़ा आप तैं पिता परमेश्वर का तरपां बट्टी बुल्ण वलो या इन आदिम समझो जै तैं पवित्र आत्मा ल वरदान द्ये हो, त यु जांणि ल्या, कि जु बातों तैं मि तुम कु लिखणु छों, यु प्रभु कि आज्ञा छिनी।</verse>
				<verse number="38">पर जु उ मेरा यूं शब्दों पर विश्वास नि करलो, ऊं पर विश्वास नि करयां।</verse>
				<verse number="39">इलै हे विश्वासी भयों, भविष्यवाणी कनै कि उत्सुकता बट्टी इच्छा कैरा अर अन्य भाषा बुल्ण से मना नि कैरा।</verse>
				<verse number="40">जु कुछ भि तुम मण्डलि मा करदा छा सभ्यता अर क्रमानुसार किये जौं।</verse>
			</chapter>
			<chapter number="15">
				<verse number="1">हे विश्वासी भयों, मि तुम तैं उ ही शुभ सन्देश प्रचार याद दिलांणु छों, जु तुम ल पैली सुणैयेलि, जै संदेश पर तुम ल विश्वास भि कैरी छो, अर वेमा तुम अर भि मजबूत हूंदी ग्यां।</verse>
				<verse number="2">पिता परमेश्वर तुम तैं वे शुभ सन्देश प्रचार का द्वारा बचांद, जु तुम वे शुभ संदेश पर विश्वास कना रैला, जैको मिल तुम्हरा बीच मा प्रचार कैरी; जु तुम विश्वास कन बंद कैरी द्या त तुम्हरी कुई कीमत नि च, अर यु बेकार च।</verse>
				<verse number="3">इलै मिल तुम तैं उ सबसे जरुरी शुभ संदेश बतै जु मि तैं प्रभु यीशु बट्टी मिली छो; उ शुभ संदेश यु च; कि परमेश्वर का वचन का अनुसार यीशु मसीह हमारा पापों कु मोरि।</verse>
				<verse number="4">अर खडै गै; अर परमेश्वर का वचन का अनुसार तिसरा दिन पिता परमेश्वर ल वे तैं मुर्दों मा बट्टी ज्यूँदो कैर दींनि।</verse>
				<verse number="5">अर पतरस (कैफा) तब बारह चेलों तैं दिखै द्ये।</verse>
				<verse number="6">फिर पाँच सौ बट्टी भि जादा विश्वासी चेलों तैं एक दगड़ी दिखै, ज्यांमा बट्टी भौत सैरा अभि तक भि ज्यून्दा छिनी, अर कुछ मोरि गैनी।</verse>
				<verse number="7">फिर याकूब तैं दिखै, अर यांका बाद सभि प्रेरितों तैं दिखै।</verse>
				<verse number="8">अर सभियूं का बाद मि तैं भि दिखै, अर मि अचानक ही प्रभु यीशु कु प्रेरित बणु, ज्यां कि कुई उम्मीद भि नि छै, एक इन बच्चा का जन जु बगत पूरो हूंण से पैली ही पैदा हवे।</verse>
				<verse number="9">किलैकि मि प्रेरितों मा सभियूं मा सबसे कम खूबी रखदु, अर प्रेरित बुल्णा का लैक भि नि छौं, किलैकि मिल पिता परमेश्वर की मण्डलि मा विश्वासियों तैं सतै छो।</verse>
				<verse number="10">पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।</verse>
				<verse number="11">इलै चाहे मि छो या हैंका प्रेरित, हम सभियूं ल मसीह का बारा मा एक ही संदेश कु प्रचार कैरी, अर यां पर ही तुम ल विश्वास भि कैरी।</verse>
				<verse number="12">इलै अब मि तुम बट्टी पुछण चांणु छों; किलैकि हम सभियूं ल तुम्हरा बीच मा यु प्रचार कैरी कि जब मसीह मोरि त, पिता परमेश्वर ल वे तैं ज्यून्दो कैरी दींनि, त तुम मा बट्टी कुई भि यु नि बोलु, कि पिता परमेश्वर का विश्वासियों का मुरणा का बाद फिर से ज्यून्दो नि करलो!</verse>
				<verse number="13">जु मुरयां लुखुं कु फिर से ज्यून्दो हूंण मुश्किल च, त मसीह भि फिर से ज्यूँदो नि हवे।</verse>
				<verse number="14">अर जु मसीह तैं मुर्दों मा बट्टी ज्यून्दो नि किये गै, त जै संदेश कु हम प्रचार करदां अर मसीह मा तुम्हरा विश्वास कु कुई मतलब नि च।</verse>
				<verse number="15">जु मुर्दों तैं ज्यून्दो नि किये जांद, त हम परमेश्वर का झूठा गवाह ठैरदा; कि जु मुरयां हक्कीकत मा ज्यून्दा नि किये जांदा त परमेश्वर ल मसीह तैं भि जीवित नि कैरी।</verse>
				<verse number="16">जु मुरयां लोग मोरि कै ज्यून्दा नि हूंदींनि, त मसीह भि मोरि के ज्यून्दा नि हवे।</verse>
				<verse number="17">अर जु मसीह ज्यूँदो नि हवे, त तुम्हरा विश्वास कु कुई मतलब नि च; अर तुम अब भि अपड़ा पापों मा ही जीवन जींणा छा।</verse>
				<verse number="18">पर मसीह मा जु विश्वासी मोरि गैनी, उ बचै नि गैनी, बल्कि उ हरची गैनी, मतलब यु कि उ हमेशा कु पिता परमेश्वर बट्टी अलग हवे गैनी।</verse>
				<verse number="19">जु मसीह मा हमारी आस भस यु ही जीवन कु च, त हम पर दुनिया मा दुसरो की तुलना मा हमारी हालत और भि जादा बुरी च।</verse>
				<verse number="20">पर सच यो च, कि पिता परमेश्वर ल हक्कीकत मा मसीह तैं मौत बट्टी ज्यूँदो कैरी, त ऊं सभियूं तैं जु यीशु पर विश्वास करदींनि ऊं तैं दुबरा ज्यून्दा किये जालो।</verse>
				<verse number="21">पैला आदिम, आदम का कारण दुनिया मा मौत ए, अर इन ही के दुसरा आदिम मतलब यीशु मसीह का द्वारा मुरयां मा बट्टी ज्यून्दो हूंण भि ऐ, इलै ही जु लोग मसीह पर विश्वासी करदींनि, ऊं तैं मुर्दों मा बट्टी फिर ज्यून्दो किये जालो।</verse>
				<verse number="22"></verse>
				<verse number="23">पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।</verse>
				<verse number="24">फिर, जब मसीह पिता परमेश्वर कु विरोध कन वली सैरी बुरी सामर्थ कु नाश कैरी दयालो, वेका बाद दुनिया कु अन्त हवे जालो। तब मसीह अपड़ा पिता परमेश्वर तैं अपड़ो राज्य सौंपी दयालो कि उ वे पर पूरा ढंग से राज्य कैरो।</verse>
				<verse number="25">मसीह तैं वे राज्य पर तब तक राज्य कन चयणु च, जब तक कि पिता परमेश्वर वेका सभि दुश्मनों तैं नि हरै द्यो।</verse>
				<verse number="26">जै दुश्मन तैं आखिर मा लुप्त किये जालो, व मौत च।</verse>
				<verse number="27">परमेश्वर का वचन मा लिख्युं च, कि पिता परमेश्वर सब कुछ मसीह का अधिकार का अधीन कैरी दयालो; किलैकि पिता परमेश्वर ल ही मसीह तैं अधिकार द्ये।</verse>
				<verse number="28">जब सभि कुछ पिता परमेश्वर का नौंना का अधिकार मा हवे जालो, त मसीह अफ तैं पूरा ढंग ल पिता परमेश्वर का अधिकार का अधीन मा दे दयालो, जैल यीशु मसीह तैं यु अधिकार द्ये छो; फिर भस पिता परमेश्वर ही प्रभु च जु सभि कुछ अर सभि कामों तैं करद।</verse>
				<verse number="29">अब, जु मुर्दों तैं जीवित नि किये जांद, त जु लोग मौत कु बपतिस्मा लींदींनि, त उ क्य करला? जु मुर्दा ज्यून्दा ही नि हूंदींनि, त फिर किलै मुरयां लुखुं कु बपतिस्मा लिदींनि?</verse>
				<verse number="30">जख तक हमारी बात च, जु मुर्दों तैं फिर से ज्यूँदो नि किये जांद, त हम तैं अफ तैं जोखिम मा डलण एक मूर्खता च।</verse>
				<verse number="31">हे विश्वासी भयों, जन य बात सच च, कि मि तुम कु बढो मोन करदु, कि तुम हमारा प्रभु यीशु मसीह का दगड़ी एकजुट व, उन ही यु भि सच च, कि मि तैं हर दिन मुरण कु खतरा रौंदु।</verse>
				<verse number="32">इफिसुस शहर मा, मेरा दुश्मन भींगरियां जानवरों का जन छिनी, जु मि तैं नुकसान पौछांण चयदींनि; मि अभि भि यु सब किलै सैणु छों, जु मेरू प्रतिफल ईं दुनिया कु छै ही च, जु यु सच हूंदो, कि मि तैं आखरी दिनों मा फिर से ज्यूँदो नि किये जालो, त मि कु बढ़िया हूंद, कि मि मौज उड़ांदू, जन कि य मिसाल च, “आवा हम खां-पयां किलैकि शायद भोल हम मोरि जां अर हमारो अंत हवे जौं।”</verse>
				<verse number="33">जु लोग इन बात करदींनि, ऊंका द्वारा मूर्ख नि बणा, “बुरी संगति अच्छा चरित्र तैं भि बिगाड़ी दींदी।”</verse>
				<verse number="34">तुम तैं अपड़ी सुध-बुध मा ठिक ढंग से सुचण चयणु च, अर पाप कन बंद कैरी दींण चयणु च; किलैकि तुम मा बट्टी कुछ कु पिता परमेश्वर का दगड़ी सै रिश्ता नि च, मि तुम तैं शर्मिन्दा कनु कु यूं बुल्णु छो।</verse>
				<verse number="35">अर जु, उदाहरण द्ये के कुई कुछ पुछद, कि पिता परमेश्वर मुर्दों तैं कन कै ज्यूँदो करलो, अर उ कै देह मा आला?</verse>
				<verse number="36">जु भि यु ढंग का सवालों तैं पुछदो उ मूर्ख च। तुम जंणदा छा कि एक बीज जु धरती मा बुतै जांद, जब तक सैड़ी नि जौं तब तक अंकुरित नि हूंद।</verse>
				<verse number="37">जु तुम सठी कु या कुई और बीज लगौंदियां, त तुम पैली बट्टी ही जमयां डाला तैं नि लगौंदियां, बल्कि पैली बीज ही लगौंदियां चै उ ग्यूं हो या कुई और।</verse>
				<verse number="38">जब यु तैं लगै जांद तब पिता परमेश्वर यु तैं अपड़ी मर्जी का अनुसार बढांद, जब तक कि सठी या जु कुछ भि लगै वेकी एक डंठल नि दिखै जु तब बीज अपड़ा अनुसार बढ़द।</verse>
				<verse number="39">जु हम दुनिया मा रौंण वला सभि जानवरों का बारा मा भि सोचा त उ सभि भि एक जन नि छिनी; मनिख्युं कु अलग रूप च; चलखुडोंं कु दुसरो रूप हून्द; अर माछों कु एक हैंको ही रूप हून्द।</verse>
				<verse number="40">इलै आसमान की चीजों कु, जन सूर्य, जून अर गैणा, उ धरती पर की चीजों का समान नि छिनी, आकाश की चीजों मा एक अलग ही सुंदरता च, अर धरती की चीजों मा एक अलग ही सुंदरता च।</verse>
				<verse number="41">सूरज मा एक प्रकार कु तेज च, जबकि जून मा अर गैणों मा दुसरा ही प्रकार कु; अर इख तक कि गैणा भि एक-दुसरा बट्टी अलग छिनी।</verse>
				<verse number="42">त यु मुर्दों का फिर से ज्यून्दो हूंणा का बगत भि होलो; जीं देह तैं उ खडयोंदा छिनी व एक इन देह च, ज्वा सैड़ी जांदी, पर जब उ ज्यून्दा हूंदींनि, त य एक इन देह होली, जु कभी भि नि सड़लि।</verse>
				<verse number="43">जब हम मुरदियां, त देह कमजोर अर सैड़ी जांदी; पर जब दुबरा ज्यून्दा होला, त सामर्थी अर सुंदर होला।</verse>
				<verse number="44">एक आदिम की देह जै तैं खडये जांद, उ भस ईं दुनिया मा कै भि आदिम का जीवन का योग्य च। पर जब पिता परमेश्वर वे तैं ज्यूँदो करद, त वेको नयो देह स्वर्ग मा जीवन का योग्य होली। जु एक इन देह च जु भस दुनिया मा रौंणा का योग्य च, त एक इन देह भि होली जु स्वर्ग मा रौंणा का योग्य च।</verse>
				<verse number="45">परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।</verse>
				<verse number="46">उ जीवन जु स्वर्ग मा हमेशा कु च, पैली ही नि औंद; बल्कि ईं धरती कु जीवन पैली औंद, अर फिर वेका बाद, स्वर्ग कु जीवन औंद।</verse>
				<verse number="47">पैलो आदिम आदम छो, जु धरती मतलब की माटा ल बणयूँ छो मसीह जु कि दुसरो आदिम छो, स्वर्ग बट्टी ऐ।</verse>
				<verse number="48">जु लोग ईं धरती बट्टी जुड़यांं छिनी, उ धरती का पैला आदिम, आदम का जन छिनी; पर उ लोग जु स्वर्ग बट्टी जुड़यांं छिनी, उ स्वर्ग का आदिम, मसीह का जन छिनी</verse>
				<verse number="49">अर जन देह पिता परमेश्वर ल हम तैं दे, जन धरती का पैला आदिम की छै, उन ही हम विश्वासियों की मसीह का जन देह होली, जु अब स्वर्ग मा च।</verse>
				<verse number="50">हे विश्वासी भयों, मि यु बुल्दो, ईं धरती पर हमारी देह अर मांस अर ल्वे बट्टी बणयां छिनी; हम स्वर्ग मा पिता परमेश्वर का राज्य मा अपड़ी ईं देह का दगड़ी रै नि सकदियां जु मोरि जांद, किलैकि उख कुई मौत नि च।</verse>
				<verse number="51">सूंणा, मि तुम बट्टी भेद की बातों तैं बुल्दो, कि हम सभि विश्वासियों ल नि मुरण, पर हम सभियूं कु रूप बदली जालो।</verse>
				<verse number="52">यु अचानक होलो, इथग जल्दी जथग तेजी से कुई अपड़ी आँख तैं झपकांद; जब आखरी तुरै बजै जाली, त जु लोग मोरि गैनी उ हमेशा कु जीवन जींणु कु दुबारा ज्यून्दा किये जाला अर हम जु ज्यून्दा छा, हमारी देह बदली जाली।</verse>
				<verse number="53">किलैकि हमारो यु देह जु बड़ा आसानी ल मोरि जांद अर सैड़ी जांद, वे तैं एक इन देह मा बदली जांद जु न कभी मुरद अर न कभी सडद।</verse>
				<verse number="54">जब इन होलो, त उ पूरो हवे जालो, जु पिता परमेश्वर का वचन मा लिख्युं च, “मौत तैं पूरा ढंग से हरै जालो अर वेको कुई नामो-निशान नि रालो।”</verse>
				<verse number="55">उन ही यु भि पूरो होलो, जु परमेश्वर का वचन मा लिख्युं च, “हे मौत कख च तेरी जय? हे मौत कख रै तेरु डंक?” इन कै, पिता परमेश्वर का वचन मा जु लिख्युं च उ पूरो होलो।</verse>
				<verse number="56">किलैकि पाप इन डंक च, जैको नतीजा मौत च, अर व्यवस्था पाप तैं बढौंण मा सामर्थ दींद।</verse>
				<verse number="57">पर पिता परमेश्वर कु धन्यवाद हो, जु हमारा प्रभु यीशु मसीह ल हम कु कैरी वेका द्वारा पिता परमेश्वर ल हम तैं पाप अर मौत पर जीत द्ये।</verse>
				<verse number="58">इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।</verse>
			</chapter>
			<chapter number="16">
				<verse number="1">अब यरूशलेम शहर मा पिता परमेश्वर का पवित्र लुखुं कु कठ्ठा करे जांणवला धन का बारा मा, जन आज्ञा मिल गलातिया प्रदेश की मण्डलियों तैं द्ये, उन ही तुम भि कैरा।</verse>
				<verse number="2">हफ्ता का पैला दिन तुम मा बट्टी हर आदिम अपड़ी तनखा का अनुसार कुछ अफ मा रखा कैरा, कि मेरा आंण पर तुम तैं चन्दा कठ्ठा नि कन पोडो।</verse>
				<verse number="3">फिर, जब मि उख रौलु त मि ऊं लुखुं तैं भिजलु, जौं तैं तुम ल विश्वासयोग्य आदिमों का रूप मा चुणि छो, कि उ धन तैं यरूशलेम शहर कु ली जां; मि ऊं दगड़ी एक चिठ्ठी भि भेजि दयुलु, कि उख का विश्वासियों बट्टी ऊंको परिचय किये साको।</verse>
				<verse number="4">जु तुम तैं लगद कि मि तैं जांण चयणु च, त उ मि दगड़ी चला।</verse>
				<verse number="5">मकिदुनिया प्रान्त मा जांणा का बाद, मि तुम तैं मिलणु कु औलु, किलैकि मि तैं मकिदुनिया प्रान्त हवे कै जांण ही पुड़लो।</verse>
				<verse number="6">पर हवे सकद कि मि तुम दगड़ी जादा बगत कु रौ, या हवे सकद कि ह्यूंद तक, अर फिर जख भि मि जौलु, तुम मि तैं मेरी यात्रा पर भेजि सकदां।</verse>
				<verse number="7">जु यु पिता परमेश्वर की इच्छा हो, पर मि तैं आस च कि मि अभि भस एक छुटी सी मुलाकात कु रुकणा का बजाय बाद मा जादा बगत तक रौंणु कु औलु।</verse>
				<verse number="8">पर मि पिन्तेकुस्त का त्यौहार तक इफिसुस शहर मा रौलु।</verse>
				<verse number="9">किलैकि अब भि इख भौत स लोग छिनी, जु पिता परमेश्वर कु वचन सुनण चयदींनि, अर मेरू इख रौंण भौत अच्छो च, जब की इख मेरा भौत सी दुश्मन छिनी।</verse>
				<verse number="10">जु तीमुथियुस तुम मा कुरिन्थुस शहर ओ, त वेको अपड़ा बीच मा स्वागत करयां; किलैकि उ मि जन प्रभु कु काम करद।</verse>
				<verse number="11">इलै कुई भि ऊंको अपमान नि कैरो, पर वे तैं सभि कुछ शान्ति दगड़ी द्या, जु वेकी यात्रा कु जरुरी च, कि उ मि मा ए जौं; किलैकि मि वेको इन्तेजार कनु छों, कि उ विश्वासी भयों का दगड़ी औ।</verse>
				<verse number="12">अर विश्वासी भयों, अपुल्लोस बट्टी मिल भौत बिनती कैरी, कि हैंका विश्वासियों का दगड़ी जु तुम बट्टी मिलणु कु औ; पर वेल वे बगत जांण ठिक नि समझी, पर ठिक बगत आंण पर ए जालो।</verse>
				<verse number="13">चौकस रावा, अर लगातार विश्वास मा भि बणयां रावा, हिम्मतवला बणा, अर पिता परमेश्वर का दगड़ी अपड़ा रिश्ता तैं मजबूत रखा।</verse>
				<verse number="14">तुम सभि कुछ प्रेम से कैरा।</verse>
				<verse number="15">हे विश्वासी भयों, तुम स्तिफनुस अर वेका परिवार तैं जंणदा छा, कि उ अखाया प्रान्त बट्टी पैला छा, जौं ल मसीह पर विश्वास कैरी, अर पिता परमेश्वर का पवित्र लुखुं की मदद कनु कु तैयार रौंदींनि।</verse>
				<verse number="16">इलै मि तुम बट्टी बिनती करदु, कि इन अगुवों की आज्ञाओं तैं मांणा कैरा बल्कि हर एक की जु इन सच्ची भक्ति का दगड़ी सेवा करदींनि।</verse>
				<verse number="17">अर मि स्तिफनुस अर फूरतूनातुस अर अखइकुस का औंण से खुश छों, किलैकि उ मेरी मदद कना छिनी, जु तुम नि कैरी सकणा छा।</verse>
				<verse number="18">अर ऊंल मि तैं प्रोत्साहित कैरी, जन उ तुम कु भि करला, जब उ तुम मा वापिस आला, इलै तुम तैं ऊंका जन लुखुं कु सामना कन चयणु च।</verse>
				<verse number="19">एशिया प्रान्त की मंडलियों का विश्वासी लुखुं तुम तैं प्रणाम; अक्विला अर वेकी जनन प्रिस्किल्ला अर मण्डलि ज्वा ऊंका घौर मा कठ्ठा हूंदी ऊंका तरपां बट्टी भि तुम तैं प्रभु मा प्रणाम।</verse>
				<verse number="20">इख का सभि विश्वासी लोग तुम तैं प्रणाम बुल्णा छिनी तुम तैं एक दुसरा तैं पवित्र चुम्बन का रूप मा प्रणाम कन चयणु च, कि तुम एक दुसरा बट्टी प्रेम करद्यां।</verse>
				<verse number="21">मि, पौलुस यह प्रणाम अपड़ी चिठ्ठी मा अपड़ा हाथ ल लिखणु छों;</verse>
				<verse number="22">जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।</verse>
				<verse number="23">मि प्रार्थना करदु कि प्रभु यीशु मसीह की कृपा तुम पर हूंदी रौ।</verse>
				<verse number="24">मि तुम सभियूं बट्टी प्रेम करदु जौको यीशु मसीह का दगड़ी मजबूत रिश्ता च; आमीन।</verse>
			</chapter>
		</book>
		<book number="47">
			<chapter number="1">
				<verse number="1">मि पौलुस, जु प्रभु यीशु मसीह कु प्रेरित हूंणु कु पिता परमेश्वर की इच्छा ल चुणयूं अर मि इख हमारा विश्वासी भैय तीमुथियुस का दगड़ी छों जु मेरी मदद करद। मि या चिठ्ठी कुरिन्थुस शहर मा विश्वासियों की मण्डलि तैं, अर अखाया प्रदेश का सैरा लुखुं तैं लिखणु छों;</verse>
				<verse number="2">मि प्रार्थना करदु कि, हमारा पिता परमेश्वर अर प्रभु यीशु मसीह का तरपां बट्टी तुम तैं कृपा अर शान्ति मिलदी रौ।</verse>
				<verse number="3">हमारा प्रभु यीशु मसीह कु अर पिता परमेश्वर कु धन्यवाद हो, जु हम पर दया दिखांद, अर हम तैं हमेशा उत्साहित कन वलो पिता परमेश्वर च।</verse>
				<verse number="4">पिता परमेश्वर हमारी सब मुसिबतों मा हम तैं तसल्ली दींद; कि हम वे तसल्ली का कारण जु पिता परमेश्वर हम तैं दींद, ऊं तैं भि तसल्ली दे साक, जु हर ढंग की मुसिबत मा पुड़यां हूंनु।</verse>
				<verse number="5">किलैकि जन मसीह का दुःख जन के हम पिड़ा सौंदयां उन ही के मसीह ल भि पिड़ा सै, उन ही हम शान्ति मा भि मसीह का द्वारा जादा हिस्सादार हून्दियां।</verse>
				<verse number="6">जु हम पर मुसिबत आंदी, त य तुम्हरी शान्ति अर उद्धार कु च अर जु हम शान्ति पौंदयां, त यु तुम्हरी शान्ति कु च; जैका प्रभाव बट्टी तुम धीरज का दगड़ी ऊं दुःखों तैं सै लींदियां, जौं तैं हम ल भि सै।</verse>
				<verse number="7">अर हमारी आस तुम्हरा बारा मा मजबूत च; हम जंणदा छा कि जन के तुम हमारा दु:खों मा सहभागी छा, उन ही के तुम हमारी शान्ति मा भि सहभागी होला जै तैं हम ल परमेश्वर बट्टी पै।</verse>
				<verse number="8">हे विश्वासी भयों, मि चांदु छो कि तुम ऊं मुसिबतों का बारा मा जांणा जु एशिया प्रान्त मा हम पर पुड़ीनि, हम इन गरा बोझ बट्टी दबी गै छा, जु हमारी सामर्थ बट्टी भैर छै, इख तक कि हम ल जीणै की पूरी उम्मीद ही छोडे़ले छै।</verse>
				<verse number="9">अर हम ल अपड़ा मन मा समझी येले छो, कि हम मरै जौला, यु इलै हवे कि हम अफ पर न, पर पिता परमेश्वर पर भरोसा रखा, जु मुर्दों तैं ज्यूँदो कैरी सकद।</verse>
				<verse number="10">वेल ही हम तैं मौत का बड़ा जोखिम बट्टी बचै, अर वे पर ही हमारी आस च, कि उ अगनैं भि हम तैं बचालो।</verse>
				<verse number="11">जन तुम हम कु प्रार्थना कैरी के हमारी मदद करदा, उन ही भौत सैरा लुखुं की प्रार्थनाओं का द्वारा हम तैं पिता परमेश्वर की कृपा का द्वारा आशीष मिलीं छिनी, वेका कारण भौत लोग हमारी तरपां बट्टी पिता परमेश्वर कु धन्यवाद कैरा।</verse>
				<verse number="12">किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।</verse>
				<verse number="13">हम तुम कु भस उ ही लिखदयां जै तैं तुम पढ़ी अर समझी सकदियां। अर मि तैं आस च कि अन्त तक भि मणदी रैला। जबकि अब तुम हम तैं पूरा ढंग से नि समझदींनि, मि तैं आस च कि तुम हम तैं पूरा ढंग से समझी सकला, कि हमारा प्रभु यीशु का दुबरा आंण पर तुम हम पर उन ही गर्व करला जन हम तुम पर गर्व करदां।</verse>
				<verse number="14"></verse>
				<verse number="15">मि तैं विश्वास छो, कि तुम हम तैं समझदा छा अर इलै सबसे पैली तुम तैं मिलणै की योजना मिल बणै छै; इन कै तुम तैं हमारा द्वारा द्वी यात्राओं की आशीष मिलदी।</verse>
				<verse number="16">अर मेरी योजना छै कि मि तुम मा बट्टी हवे के मकिदुनिया प्रान्त मा जौं, अर फिर मकिदुनिया प्रान्त बट्टी वापिस ऐ के तुम मा ओ कि मि तुम मा बट्टी यहूदिया प्रान्त की यात्रा कु मदद पौं।</verse>
				<verse number="17">इलै जु मिल इन इच्छा रखि त क्य मिल कुछ चंचलता दिखै? या जु मि कन चांदु क्य दुनिया का लुखुं का जन कन चांदु, कि मि एक बगत मा हाँ अर बाद मा न बुल्दो?</verse>
				<verse number="18">पिता परमेश्वर पर विश्वास किये जै सकद अर इलै तुम हम पर भि विश्वास कैरी सकदा, जबकि हम तुम मा आंणो कु वादा कना छा।</verse>
				<verse number="19">किलैकि पिता परमेश्वर कु नौंनो यीशु मसीह जैको हमारा द्वारा मतलब कि मेरा अर सिलवानुस अर तीमुथियुस का द्वारा तुम्हरा बीच मा प्रचार हवे; जु एक बगत मा हाँ अर बाद मा न नि छै।</verse>
				<verse number="20">किलैकि पिता परमेश्वर का जथग प्रतिज्ञा छै, पिता परमेश्वर का उ सभि वादा मसीह मा पूरा हूंदींनि अर इलै हम “आमीन” बुल्दा, कि हमारा द्वारा पिता परमेश्वर की महिमा हो।</verse>
				<verse number="21">पिता परमेश्वर ही च, जु तुम्हरा दगड़ी हम तैं मसीह मा मजबूत करद; पिता परमेश्वर ल हम पर अपड़ी मोहर लगै के बयान का रूप मा अपड़ा आत्मा हमारा हृदय मा रखि के हम तैं अफ कु चुणि।</verse>
				<verse number="22"></verse>
				<verse number="23">पिता परमेश्वर मेरी ईं सचै कु गवाह च कि मि दुबारा कुरिन्थुस शहर इलै नि अयुं कि मेरा कारण तुम तैं कष्ट नि हो।</verse>
				<verse number="24">यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।</verse>
			</chapter>
			<chapter number="2">
				<verse number="1">मिल अपड़ा मन मा यु ही ठांणी छो कि फिर तुम मा उख ऐ के तुम तैं दुःख नि दयुलु।</verse>
				<verse number="2">किलैकि जु मि तुम तैं दुःखी कैरू, त तुम्हरा अलावा मि तैं खुशी दींण वलो और कुई नि च, भस तुम ही छा जै तैं मिल दुखी कैरी।</verse>
				<verse number="3">अर मिल यु ही बात तुम तैं इलै लिखीं, कि कखी इन नि हो, कि मेरा आंण पर जौं मा मि तैं खुशी मिलण चयणी च, मि वेमा दुखी नि हवे जौं; किलैकि मि तैं तुम सभियूं पर ईं बात कु विश्वास च कि जु मेरी खुशी च, व ही तुम सभियूं की भि खुशी च।</verse>
				<verse number="4">बड़ा क्लेश, अर मन का कष्ट से, मिल भौत सा आँसू बुगै-बुगै के मिल तुम तैं य चिठ्ठी लिखीं इलै न, कि तुम दुखी व, पर इलै कि तुम वे बड़ा प्रेम तैं जणिल्या, जु मि तैं तुम बट्टी च।</verse>
				<verse number="5">अर वेल कुछ हद तक तुम सभियूं तैं दुःख द्ये, पर कै सीमा तक तुम सभि कु दुःख कु कारण बंणि (मि यु से जादा और कुछ नि बुल्ण चांदु।)</verse>
				<verse number="6">इन आदिम कु जु दण्ड तुम मा बट्टी ज्यादातर विश्वासी भयों ल वे तैं द्ये, उ भौत च।</verse>
				<verse number="7">इलै यु से बढ़िया च कि वेका पापों तैं माफ कैरा; अर वे तैं प्रोत्साहित कैरा, जु तुम वे तैं माफ नि करदा त शायद उ इथग दुखी हवे जौं कि निराश हवे कर हार मांणी ल्यो।</verse>
				<verse number="8">इलै मि तुम बट्टी बिनती कनु छों, कि वे तैं बतावा कि तुम हकीकत मा वे बट्टी प्रेम करदा।</verse>
				<verse number="9">किलैकि मिल इलै भि लिखीं छो, कि तुम तैं परखि ल्यूं, कि तुम मेरी आज्ञाओं तैं मनणु कु तैयार छा, कि न।</verse>
				<verse number="10">जैको तुम कुछ पाप माफ करदा वे तैं मि ही माफ करदु, किलैकि जब मि तैं माफ कने की जरूरत हूंदी, त मि तुम्हरा फैदा कु मसीह का अधिकार का दगड़ी इन करदु।</verse>
				<verse number="11">कि शैतान हमारा हालत कु फैदा नि ले साको, किलैकि हम जंणदा छा कि वेकी चाल क्य च।</verse>
				<verse number="12">अर जब मि मसीह कु शुभ सन्देश तैं, सुनांणु कु त्रोआस शहर मा अयुं, अर पिता परमेश्वर ल मि तैं शुभ संदेश प्रचार कनु कु महान मौका दींनि।</verse>
				<verse number="13">त मिल अपड़ा विश्वासी भैय तीतुस तैं तुम्हरी तरपां बट्टी संदेश नि लांद देखि त मि तैं मन मा चैन नि मिली; इलै मिल त्रोआस शहर का विश्वासियों बट्टी विदा ले के भैय तीतुस तैं खुजांणु कु मकिदुनिया प्रान्त कु वापिस लौटि औं।</verse>
				<verse number="14">पर पिता परमेश्वर कु धन्यवाद हो, हमारा सम्बंध मसीह का दगड़ी हूंणा का कारण, उ हमेशा हम दगड़ी रौंद अर हम तैं जीत दिलांद। यांको मतलब च कि हम जख भि जांदा, हम शुभ संदेश का प्रचार की खुशबु तैं फैलौंदां कि सभि लोग पिता परमेश्वर तैं जांणा अर सूंणा।</verse>
				<verse number="15">किलैकि हम पिता परमेश्वर कु मसीह का द्वारा जल्यां धूप का जन छा; हमारा द्वारा जु प्रचार हूंद व खबर सभि लुखुं मा फैली खुशबु का जन च, ऊंका बीच जु लोग बच जंदींनि अर जु लोग नि बचदींनि।</verse>
				<verse number="16">पर ऊंकु जु विनाश का रस्ता पर छिनी, उ मौत की इन बाश छिनी जु ऊं तैं मौत की तरपां लिजांदी; पर ऊंकु जु उद्धार का रस्ता पर बढ़दी रौदींनि, यु जीवन की इन खुशबु छिनी जु जीवन का तरपां जंदींनि। हक्कीकत मा, कुई भि अपड़ा आप बट्टी ईं सुगंध तैं फैलांण का योग्य नि च।</verse>
				<verse number="17">किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।</verse>
			</chapter>
			<chapter number="3">
				<verse number="1">क्य हम दुबरा अपड़ी बढ़ै कना रां? या कुछ अन्य आदमियों का जन सिफारिश की चिठ्ठी तुम मा लांण या तुम मा बट्टी लींण चयणी च? बिल्कुल भि न।</verse>
				<verse number="2">तुम खुद ही एक चिठ्ठी का जन छा जु हम कु सिफारिश करद; जु हमारा दिल पर लिखीं च, अर हर कुई यु तैं पढ़ी सकद अर तुम्हरा बीच मा हमारा भला कामों तैं पैछाण सकद।</verse>
				<verse number="3">यु प्रगट च, कि तुम मसीह की तरपां बट्टी एक चिठ्ठी का जन छा अर य चिठ्ठी हमारी सेवकाई कु सबूत च; जु स्याही ल न, या ढुंगा की पटियों पर न, पर ज्यून्दा पिता परमेश्वर का आत्मा का द्वारा मनिख्युं का दिल की पटियों पर लिखै गै।</verse>
				<verse number="4">हम यु इलै बुल्दियां किलैकि हम तैं मसीह का द्वारा पिता परमेश्वर पर विश्वास च।</verse>
				<verse number="5">हम यु नि बुल्दियां कि हम मा खुद ही सब कुछ कने की क्षमता च; पर पिता परमेश्वर हम तैं यु क्षमता दींद।</verse>
				<verse number="6">जैल हम तैं नई प्रतिज्ञा का सेवक हूंणै की क्षमता द्ये, मूसा की व्यवस्था का सेवक हूंणै की न पर पवित्र आत्मा की; किलैकि मूसा की व्यवस्था तैं नि मनणु कु नतीजा त मौत च, पर पवित्र आत्मा अनन्त जीवन दींद।</verse>
				<verse number="7">जब मूसा की व्यवस्था ज्वा ढुंगा की पठालों पर लिखीं छै, दिये गै, वे बगत पिता परमेश्वर की महिमा दिखै द्ये; इस्राएल का लोग लंबा बगत तक मूसा का मुक तैं नि देखि सकिनि किलैकि उ चमकणु छो, जबकि य चमक जादा लम्बा बगत तक नि रै; इलै जु मूसा की व्यवस्था पर जुड़ीं सेवकाई मौत का तरपां लिजांदी त, जै की य महिमा च त वेकी आत्मा सेवकाई की महिमा बट्टी और जादा होली।</verse>
				<verse number="8"></verse>
				<verse number="9">किलैकि जब भंगारी ठैरांण वली वाचा तेजोमय छै, जु अपड़ा लुखुं तैं पिता परमेश्वर का संमणी धर्मी बणांद और भि जादा महिमामय च अर व और भि तेजोमय किलै नि होली?</verse>
				<verse number="10">अर व महिमा की चमक ज्वा मूसा की व्यवस्था का द्वारा छै, वेकी अब कुई चमक नि रै, किलैकि नई प्रतिज्ञा का अनुसार व जादा तेजोमय नि च।</verse>
				<verse number="11">किलैकि मूसा की व्यवस्था एक इन चमक का दगड़ी दिए गै ज्वा लम्बा बगत तक नि रै; पर नई प्रतिज्ञा की महिमा भौत जादा च किलैकि य हमेशा तक बंणि राली।</verse>
				<verse number="12">इलै इन आस रखि के हम हिम्मत का दगड़ी बोलि सकदा।</verse>
				<verse number="13">अर हम मूसा का जन न, जैल अपड़ा मुक पर परदा डाली कि इस्राएल का लोग वेका पर कम हूंद चमक तैं गायब हूंण तक नि देख ल्यां।</verse>
				<verse number="14">पर इस्राएल का लुखुं का मन ढीट हवे गै छा, किलैकि आज तक पुरणी वाचा तैं पढ़दी बगत ऊंका मन पर उ ही परदा पुड़यूँ रौंद; पर जब उ मसीह पर विश्वास करदींनि, पर तब ही परदा हटद।</verse>
				<verse number="15">अर आज तक जब कभी मूसा की व्यवस्था की किताब पढ़ै जांद, त ऊंका मनों मा परदा पुड़यूं रौंद अर इलै यु तैं पूरा ढंग से नि समझदींनि।</verse>
				<verse number="16">पर जब कभी ऊंको मन प्रभु यीशु पर विश्वास करद, तब उ परदा उठि जांद।</verse>
				<verse number="17">प्रभु त आत्मा च; अर जख कखी प्रभु कु आत्मा च उख पुरणी प्रतिज्ञा बट्टी आजादी च।</verse>
				<verse number="18">हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।</verse>
			</chapter>
			<chapter number="4">
				<verse number="1">इलै जब हम पर इन दया हवे, कि पिता परमेश्वर का शुभ संदेश कु प्रचार कने की सेवकाई कैरा, त हम हिम्मत नि छुड़दियां।</verse>
				<verse number="2">पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।</verse>
				<verse number="3">जु शुभ सन्देश हम प्रचार करदा जु उ छिपयूं च, त यु नाश हूंण वलो कु ही छिपयूं च।</verse>
				<verse number="4">अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।</verse>
				<verse number="5">किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।</verse>
				<verse number="6">इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।</verse>
				<verse number="7">पर अब हमारा दिलों मा यु उज्यलो चमकणु च, पर हम अफ माटा का ऊं कमजोर भांडा का जन छा जौं मा यु बड़ों खजाना भुर्युं च, कि या कभी खत्म नि हूंण वली सामर्थ हमारी तरपां बट्टी न, पर पिता परमेश्वर ही का तरपां बट्टी च।</verse>
				<verse number="8">हम सभि तरपां बट्टी क्लेश तैं भुगतदयां, पर संकट मा नि पुड़दां; बगैर उपाय का त छा, पर निराश नि हूंदा।</verse>
				<verse number="9">सतै त जणदां; पर छुड़ै नि जणदां; गिरै त जणदां, पर नाश नि हून्दियां।</verse>
				<verse number="10">हम यीशु का जन हर बगत लगातार मरै जांणा का खतरा मा त रौंदियां; कि हम हमारा देह का कामों बट्टी यु दिखै साका कि यीशु ल कन जीवन जिये।</verse>
				<verse number="11">किलैकि हम ज्यूंदा रै के हमेशा यीशु का कारण मरै जांणा का खतरा मा छा कि यीशु कु जीवन भि हमारा मुरण वली देह मा प्रगट हो।</verse>
				<verse number="12">इलै हम मौत का खतरा मा रौंदियां, पर येको नतीजा मा तुम तैं अनन्त जीवन मिली।</verse>
				<verse number="13">मिल पिता परमेश्वर पर विश्वास कैरी, इलै मिल बोलि, कि हम मा उ ही विश्वास की आत्मा च, जन कि परमेश्वर का वचन मा लिख्युं च, कि “मिल विश्वास कैरी, इलै मिल बोलि” हम भि विश्वास करदा, इलै बुल्दा छा।</verse>
				<verse number="14">किलैकि हम जंणदा छा, जैल प्रभु यीशु तैं मौत बट्टी ज्यूँदो कैरी, उ ही हम तैं भि यीशु मा हिस्सादार जांणि के मौत बट्टी ज्यूँदो करलो, अर पिता परमेश्वर तुम सभियूं का दगड़ी हम तैं भि लालो कि हम सभियूं तैं अपड़ा संमणी हाजिर कैरो।</verse>
				<verse number="15">किलैकि सभि दुःख जु हम ल तुम कु सैनी, कि पिता परमेश्वर की दया का द्वारा जादा से जादा लोग मसीह मा विश्वास कैरा, अर पिता परमेश्वर की महिमा कु धन्यवाद अर स्तुति कैरा।</verse>
				<verse number="16">इलै हम हिम्मत नि छुडदियां; जबकि हमारो भैरो कु मनुष्यत्व नाश भि हवे जांद, तब भि हमारी आत्मा हर दिन नई हूंदी जांदी।</verse>
				<verse number="17">किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।</verse>
				<verse number="18">अर हम त दिखीं चीजों तैं न पर अणदिखीं चीजों तैं दिखदी रौंदयां, किलैकि दिखीं चीज त थोड़ा ही दिनों की छिनी, पर अणदिखीं चीज सदनी बंणि रौंदींनि।</verse>
			</chapter>
			<chapter number="5">
				<verse number="1">किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।</verse>
				<verse number="2">ईं देह मा त हम कणौदयां, अर बड़ी इच्छा रखदां; कि हम स्वर्गीय देह तैं धारण कैरा।</verse>
				<verse number="3">कि जब हम तैं व स्वर्गीय देह मिललि, त हम नंगी नि रौला।</verse>
				<verse number="4">अर हम यु देह मा रै के बोझ बट्टी दबयां रौंदियां; किलैकि हम यूं सांसारिक देहों तैं छुड़ण नि चदयां, पर हम चदयां, कि पिता परमेश्वर हम तैं स्वर्गीय देह द्यो, कि हमारी नई देह जु हमेशा बंणि राली, व यूं देहों तैं बदल दयालो जु मोरि जाली।</verse>
				<verse number="5">अर जैल हमारा नई देहों तैं तैयार कैरी उ पिता परमेश्वर च, जैल हम तैं बयना मा पवित्र आत्मा भि द्ये जु यु पक्को करदा की पिता परमेश्वर वे तैं जरूर पूरो करलो।</verse>
				<verse number="6">इलै हम हमेशा निश्चित रौंदियां अर यु जंणदा; कि जब तक हम देह मा छा, तब तक हम प्रभु बट्टी दूर छा, जु स्वर्ग मा च।</verse>
				<verse number="7">जब हम अभि ईं दुनिया मा रौंणा छा, हम अपड़ा विश्वास का द्वारा प्रभु का पिछनै चलणा छा, न कि वे तैं देखि के।</verse>
				<verse number="8">इलै हम निश्चित रौंदियां, अर जब हम मुरुला त प्रभु का दगड़ी रौंण और भि उत्तम समझदियां।</verse>
				<verse number="9">इलै हमारी मन की मनसा य च, कि हम वे दगड़ी स्वर्ग मा रां, जब हम इख धरती पर रां तभि भि हम पिता परमेश्वर तैं खुश करदी रां।</verse>
				<verse number="10">किलैकि जरूरी च, कि हम सभियूं कु मसीह का द्वारा न्याय आसण पर बैठण का द्वारा न्याय किये जौं, कि हर एक आदिम अपड़ा-अपड़ा भला बुरा कामों का बदला जु वेल देह का द्वारा कैरी हूंनु, पौ।</verse>
				<verse number="11">इलै प्रभु की डौर मांणी के हम सत्य पर विश्वास कनु कु लुखुं बट्टी बिनती करदा अर पिता परमेश्वर हम तैं पूरा ढंग से जंणदु च; अर मेरी आस य च, कि तुम्हरो विवेक हम तैं अच्छा ढंग से जंणदु च।</verse>
				<verse number="12">हम फिर भि अपड़ी बड़ै तुम्हरा संमणी नि करदा पर हम अपड़ा बारा मा तुम तैं घमण्ड कनु कु मौका दींदयां, कि तुम ऊं तैं जवाब दे साका, जु मन मा न, पर भैरा का दिखावा पर घमण्ड करदींनि।</verse>
				<verse number="13">कुई बुल्द कि हम पागल छा, त पिता परमेश्वर कु; अर जु होश मा छा, त तुम्हरा भला कु ही छा।</verse>
				<verse number="14">किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।</verse>
				<verse number="15">अर इलै मसीह सभियूं कु मोरि, कि जु ज्यूँदो च, उ अगनैं बट्टी अफ तैं खुश कनु कु न जियो पर ऊं तैं मसीह कु जींण चयणु च। मसीह ऊंकु मोरि अर पिता परमेश्वर ल वे तैं ज्यूँदो कैरी।</verse>
				<verse number="16">इलै अब बट्टी हम कै तैं भि सांसारिक नजरिया का ढंग पर न्याय नि कैरा, अर जु हम ल मसीह तैं भि देह का अनुसार जांणि छो, त अब बट्टी वे तैं इन नि जंणुला।</verse>
				<verse number="17">इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।</verse>
				<verse number="18">अर सभि बात पिता परमेश्वर की तरपां बट्टी छिनी, जैल मसीह का द्वारा अफ दगड़ी हम तैं अफ मा मेल किये, अर लुखुं कु परमेश्वर का दगड़ी मेल मिलाप कनु कु काम दिये गै।</verse>
				<verse number="19">मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।</verse>
				<verse number="20">इलै हम मसीह का राजदूत छा; किलैकि पिता परमेश्वर शुभ संदेश तैं स्वीकार कनु कु हमारा द्वारा लुखुं बट्टी निवेदन करद, अर वेका हम तैं दूसरों का बीच शान्ति बनांण कु काम दियुं च कि पिता परमेश्वर दगड़ी मेल कैरी ल्या।</verse>
				<verse number="21">मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।</verse>
			</chapter>
			<chapter number="6">
				<verse number="1">हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।</verse>
				<verse number="2">किलैकि परमेश्वर का वचन मा परमेश्वर ल बोलि, “सै बगत पर मिल तेरी सूंणि येले, अर उद्धार का दिन मिल तेरी, मदद कैरी।” सूंणा; अभि सै बगत च; सूंणा, अभि उद्धार कु दिन च।</verse>
				<verse number="3">पिता परमेश्वर का सहभागी का रूप मा, हम कै बात मा ठोकर खांणा का कुई मौका नि दींदयां, कि हमारी सेवा पर कई भंगार नि लगौ।</verse>
				<verse number="4">पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,</verse>
				<verse number="5">कोड़ा खांण ल, बंधि हूंण पर भि, हला मा, मेहनत मा, बिज्यां रौंण मा, उपवास मा,</verse>
				<verse number="6">पवित्रता मा, ज्ञान मा, धीरज मा, दयालुता मा, पवित्र आत्मा की आज्ञा मनणु का द्वारा सच्चा प्रेम मा,</verse>
				<verse number="7">सत्य का वचन मा, पिता परमेश्वर की सामर्थ मा। हम दैंणा हथ मा धार्मिकता का हथियारों तैं हमला कनु कु अर बैं हथ मा रक्षा कनु कु इस्तेमाल करदा।</verse>
				<verse number="8">जब लोग हमारी प्रशंसा करदींनि या जब उ हम तैं नीच जणदींनि, जब लोग दूसरों तैं बतौंदींनि कि हम बुरा लोग छा या अच्छा लोग छा, हम कपटी समझै ग्यां, पर हम सच बुल्दा।</verse>
				<verse number="9">कुछ लोग हम तैं प्रसिद्ध समझदींनि, पर कुछ लोग हम तैं अनजान समझदींनि; हम मुरण वलो जन छा अर फिर भि देखा ज्यून्दा छा; मार खांण वलो का जन छा पर जान से नि मरै जंदींयां।</verse>
				<verse number="10">हम मा दुःख कु बगत भि छो, पर हम हमेशा खुश रां, हम कंगाल त छा, पर भौतों तैं आत्मिक रूप बट्टी धनवान बणै दींदयां; इन छा जन हम मा कुछ नि च फिर भि हम मा सब कुछ च।</verse>
				<verse number="11">हे कुरिन्थुस का विश्वासियों, हम ल खुलि के तुम बट्टी बात कैरी, हम तुम तैं अपड़ा पूरा दिल से प्रेम करदा।</verse>
				<verse number="12">तुम कु हम अपड़ा प्रेम तैं छुपांणा नि छा, पर तुम हमारा प्रति अपड़ा प्रेम तैं छुपांणा छा।</verse>
				<verse number="13">पर अपड़ा बच्चा समझी के तुम बट्टी बुल्णु छो, कि तुम भि ऊंका बदला मा अपड़ा पूरा दिल से प्रेम कैरा।</verse>
				<verse number="14">अविश्वासियों का दगड़ी सहभागी नि बणा, किलैकि धार्मिकता अर अधर्म कु क्य मेलजोल? या उज्यला अर अंधेरा की क्य संगति?</verse>
				<verse number="15">अर मसीह कु शैतान का दगड़ी क्य रिश्ता? या विश्वासी का दगड़ी अविश्वासी कु क्य नातो?</verse>
				<verse number="16">अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”</verse>
				<verse number="17">इलै प्रभु हम बट्टी अपड़ा वचन मा बुल्द, “ऊं लुखुं का बीच बट्टी भैर ऐ जा जु पिता परमेश्वर का पिछनै नि चलदींनि। अर जु रावा; अर उ चीज जु मिल अशुद्ध अर वर्जित करिनि ऊं बट्टी दूर रयां, त मि तुम तैं स्वीकार करुलु;</verse>
				<verse number="18">अर तुम्हरो पिता हुलु, अर तुम मेरा नौंना अर नौंनि हवेला; यु सर्वशक्तिमान प्रभु परमेश्वर कु वचन च।”</verse>
			</chapter>
			<chapter number="7">
				<verse number="1">हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।</verse>
				<verse number="2">हम तैं अपड़ा दिल से प्रेम कैरा; हम ल न कै बट्टी अन्यो कैरी, न कै तैं बिगाड़ी, अर न कै तैं ठगी।</verse>
				<verse number="3">मि तुम तैं भंगारी ठैरांणु कु यु नि बुल्णु छो, किलैकि मिल पैली ही बोललि छो, कि हम तुम तैं अपड़ा दिल से प्यार करदा कि हम अलग नि होला चाहे हम ज्यून्दा रां या मोरि भि जां।</verse>
				<verse number="4">मि तुम बट्टी भौत विश्वास से बुल्णु छो, मि तैं तुम पर बड़ो गर्व च; मि भौत प्रोत्साहित छो; अपड़ा सैरा क्लेश मा मि आनन्द से भौत भरपूर रौंदु।</verse>
				<verse number="5">किलैकि जब मिल त्रोआस शहर छोड़ी अर इख मकिदुनिया प्रान्त मा ओ, तब भि हम तैं बिल्कुल भि आराम नि छो; पर हम हर तरपां बट्टी परेशानियां झिलणां छा; अर हर जगह लड़ै ही लड़ै छै, हमारा मनों मा डौर छै।</verse>
				<verse number="6">तब भि उदास लुखुं तैं तसल्ली दींणवला पिता परमेश्वर ल तीतुस का आंण से हम तैं शान्ति दींनि।</verse>
				<verse number="7">अर न भस वेका आंण से पर वेकी वीं शान्ति बट्टी भि, जु तीतुस तैं तुम्हरी तरपां बट्टी मिली छै; अर वेल तुम्हरी इच्छा, अर तुम्हरा दुःख अर मि कु तुम्हरी धुन कु खबर हम तैं सुणै, ज्यां बट्टी हम तैं अर भि खुश हवे।</verse>
				<verse number="8">मि ईं बात बट्टी नि पछतांदु कि मिल तुम तैं चिठ्ठी लिखीं छै, चाहे यांल तुम दुखी भि हुयां; पैली मि तैं पछतावा हवे छो जब मिल देखि कि यांल तुम तैं थोड़ा बगत कु दुखी कैरेले छो।</verse>
				<verse number="9">पर अब मि खुश छो पर इलै न कि तुम तैं शोक हवे पर इलै कि तुम ल वे दुःख का कारण पापों बट्टी दूर कैरी, किलैकि जन कै पिता परमेश्वर चांदु छो, तुम उन ही उदास व, कि तुम तैं हमारा कारण कै भि बात मा तकलीफ नि हो।</verse>
				<verse number="10">इलै कि पिता परमेश्वर वे तैं छुडांद अर कै तैं भि वेका नतीजा बट्टी कभी दुख नि हूंद; जैको नतीजा उद्धार च अर फिर वे बट्टी पछतांण नि पुड़दो; पर दुनिया का दुःख लुखुं तैं अनन्त मौत का तरपां लिजांद।</verse>
				<verse number="11">ध्यान द्या कि पिता परमेश्वर की तरपां बट्टी अयां दुःख ल तुम मा क्य-क्य बदलाव कैरी; इन उत्सुकता भुरीं जल्दबाजी, अपड़ो पक्ष स्पष्ट कने की इन बड़ी इच्छा, अन्याय का प्रति इन गुस्सा, संकट का प्रति इन सावधानी, मि बट्टी मिलणै की इन जादा इच्छा, सेवा का प्रति इन उत्साह अर दुराचारी तैं दण्ड दींणु कु इन तेजी का द्वारा तुम ल यु साबित कैरेले कि सभि कुछ ठिक-ठाक कनु कु तुम ल कुई भि कमी नि छोड़ी।</verse>
				<verse number="12">फिर मिल जु गम्भीर चिठ्ठी तुम तैं लिखीं छो, उ न त वेका कारण लिखीं, जैल अन्यो कैरी, अर न वेका कारण जै पर अन्यो किये गै, पर इलै कि तुम्हरी उत्सुकता जु हम कु च, उ पिता परमेश्वर का संमणी तुम पर प्रगट हवे जौं।</verse>
				<verse number="13">इलै हम तैं हिम्मत हवे; अर हमारी ईं हिम्मत का दगड़ी तीतुस का खुशी का कारण और भि जादा खुशी हवे किलैकि वेको प्राण तुम सभियूं का कारण खुश हवे गै।</verse>
				<verse number="14">किलैकि जु मिल वेका संमणी तुम्हरा बारा मा कुछ गर्व दिखै, त लज्जित नि हुयां, पर जन हम ल तुम बट्टी सभि बात सच-सच बुलिनि, उन ही हमारो गर्व दिखांण तीतुस का संमणी भि सच निकली।</verse>
				<verse number="15">अर जब उ याद करद, कि तुम सभि बुल्युं मनणवला छा, अर तुम ल डरदि अर कंपदि वे तैं स्वीकार कैरी त तुम कु वेको प्रेम और भि जादा बढ़ि गै।</verse>
				<verse number="16">मि खुश हूंदु, कि तुम्हरी तरपां बट्टी मि तैं हर बात मा भरोसा हूंद।</verse>
			</chapter>
			<chapter number="8">
				<verse number="1">अब हे विश्वासी भयों, मि तुम लुखुं तैं वीं दया का बारा मा बतांण चांणु छो, जै तैं पिता परमेश्वर ल मकिदुनिया प्रान्त की मण्डलियों तैं द्ये।</verse>
				<verse number="2">जब बिज्यां मुशीबतों बट्टी ऊं की अजमैश हवे, त उ भौत खुश हवीनि अर जबकि उ भौत गरीब छा फिर भि ऊंल दुसरा विश्वासियों की मदद कनु कु भौत उदारता ल धन द्ये।</verse>
				<verse number="3">अर ऊंका बारा मा मेरी य गव्है च, कि ऊंल अपड़ी सामर्थ से भि बड़ी के अपड़ा मन से दान द्ये।</verse>
				<verse number="4">ऊंल त हम बट्टी भौत बिनती कैरी के मि बट्टी अनुमति मांगी कि ऊं तैं भि यरूशलेम शहर का विश्वासियों की मदद कनु कु सेवा कु काम कनु कु सौभाग्य मिलो।</verse>
				<verse number="5">अर हम ल यांकि आस बिल्कुल भि नि कैरी छै, पर ऊंल अपड़ा आप तैं पैली प्रभु तैं अर फिर हम तैं दे दींनि, ठिक उन ही कै जन पिता परमेश्वर चांदु छो कि उ कैरा।</verse>
				<verse number="6">इलै हम ल तीतुस तैं समझै, कि जन ऊंल पैली शुरू कैरी छो, उन ही तुम्हरा बीच मा यु दान का काम तैं पूरो भि कैरो।</verse>
				<verse number="7">पर जन हर बात मा मतलब विश्वास, शिक्षा दींणै की क्षमता, ज्ञान अर सब ढंग की कोशिश मा, अर वे प्रेम मा, जु हम बट्टी रखदां, बढ़दी जणदां, उन ही गरीब विश्वासियों कु दान का काम मा भि बढ़दी जावा।</verse>
				<verse number="8">मि आज्ञा की रीति पर त न, पर दुसरों का उत्साह बट्टी तुम्हरा प्रेम की सचै तैं परखणु कु बुल्णु छो।</verse>
				<verse number="9">तुम हमारा प्रभु यीशु मसीह की दया तैं जंणदा छा, कि उ धनी हवे के भि तुम कु कंगाल बंणि गै कि मसीह का कंगाल हूंण ल तुम सभि धनी हवे जावा।</verse>
				<verse number="10">अर पिछला साल तुम ल भस दींण मा ही न बल्कि इन कनै की इच्छा रखण मा भि पैला छा; यु बारा मा तुम कु सबसे अच्छो क्य च वेका बारा मा मेरी सलाह य च।</verse>
				<verse number="11">इलै अब जु तुम ल शुरू कैरी वे तैं पूरो कैर; शायद तुम भि यु तैं खत्म कनु कु उथग ही उत्सुक छा जथग कि तुम यु तैं शुरू कन मा छा।</verse>
				<verse number="12">जु कै मा दान दींणै की इच्छा च त जु कुछ वेमा च, वेका ही आधार पर वेको दान स्वीकार होलो अर वेका आधार पर न, जु वेमा नि च।</verse>
				<verse number="13">मि नि चांदु कि दूसरों का जीवन तैं आसान बनांण कु तुम्हरो अपड़ो जीवन कठिन हवे जौं; पर सभियूं मा बराबर हूंण चयणु च।</verse>
				<verse number="14">पर बराबरी का विचार से यु बगत तुम्हरी बढ़ती ऊं की घटि मा काम औ, कि आंण वला बगत मा वेकी बढ़ती भि तुम्हरी घटि मा काम औ, कि बराबरी हवे जौं।</verse>
				<verse number="15">जन कि परमेश्वर का वचन मा लिख्युं च, “जैल जादा जमा कैरी वेकु कुछ जादा नि निकली अर जैल थोड़ा जमा कैरी वेको कुछ कम नि निकली।”</verse>
				<verse number="16">पिता परमेश्वर कु धन्यवाद हो, जैल तुम कु उ ही चिंता तीतुस का मन मा डाली जु चिंता मि तैं तुम कु च।</verse>
				<verse number="17">कि जब हम ल वे तैं तुम मा जांणु कु बोलि, त वेल हमारा निवेदन कु सम्मान कैरी बल्कि भौत खुश हवे के उ अपड़ी ही इच्छा ल तुम मा ऐ।</verse>
				<verse number="18">अर हम ल वे दगड़ी हैंका विश्वासी भैय तैं भेजि जैको नौं शुभ सन्देश प्रचार कना का बारा मा सभि मण्डलि का विश्वासियों मा फैलयूं च;</verse>
				<verse number="19">अर इथग ही न, पर उ मण्डलि का लुखुं का द्वारा ठैरे भि गै कि यु दान का काम कु हम दगड़ी जौं अर यरूशलेम शहर मा विश्वासियों कु लिए जांणा वला दान की सेवा इलै करदा, कि प्रभु की महिमा अर यु दिखांणु कु कि हम यरूशलेम शहर मा विश्वासियों की मदद कनु कु उत्सुक छा।</verse>
				<verse number="20">हम ईं बात मा चौकस रां, कि तीतुस का दगड़ी वे विश्वासी दगड़िया तैं भिजणा का द्वारा यु उदारता का काम का बारा मा जै की सेवा हम करदा, कुई हम पर भंगार नि लगौंण पौ।</verse>
				<verse number="21">किलैकि जु बात भस प्रभु ही का नजीक न, पर मनिख्युं का भि नजीक अच्छी च हम ऊं कामों तैं अच्छा ढंग से कनु कु ध्यान दींदयां।</verse>
				<verse number="22">अर हम ल ऊं दगड़ी अपड़ा दुसरा भयों मा बट्टी भि कै तैं भिजणा छा, जै तैं हम ल बार-बार परखि के भौत सी बातों मा उत्साहित पै; पर अब तुम पर वे तैं भौत भरोसा च, इलै उ और भि जादा उत्साहित च।</verse>
				<verse number="23">जु कुई तीतुस का बारा मा पूछो, त उ मेरू दगड़िया च, अर तुम कु मेरू सहकर्मी प्रेरित च, अर जु हमारा विश्वासी भयों का बारा मा पूछो, जु उ मण्डलियों तैं भिज्यां छिनी अर ऊंको जीवन मसीह की महिमा कु च।</verse>
				<verse number="24">इलै अपड़ो प्रेम अर हमारो उ गर्व जु तुम्हरा बारा मा च मण्डलि का संमणी ऊं तैं साबित कैरी के दिखावा।</verse>
			</chapter>
			<chapter number="9">
				<verse number="1">अब यरूशलेम शहर मा विश्वासियों तैं दान दींण की सेवकाई का बारा मा जु पवित्र लुखुं कु किये जांद, मि तैं तुम तैं कुछ लिखणै की जरूरत नि च।</verse>
				<verse number="2">किलैकि मि तुम्हरी मन की दींणै की इच्छा तैं जंणदु छो, जैका कारण मि तुम्हरा बारा मा मकिदुनिया प्रान्त का विश्वासियों का संमणी गर्व दिखांदु, कि अखाया प्रान्त का तुम लोग पिछला बरस बट्टी तैयार हुयां छा, अर तुम्हरा उत्साह ल और भौतों तैं भि उभारी।</verse>
				<verse number="3">पर मि तीतुस अर द्वी हैंका विश्वासी भयों तैं तुम मा भिजणु छों कि जु गर्व मि तुमारा बारा करदु उ गर्व कन बेकार नि ठैरु; पर जन मिल बोलि, उन ही तुम यरूशलेम शहर मा विश्वासियों कु दान दींणु कु तैयार रावा।</verse>
				<verse number="4">कखि इन नि हो, कि जु कुई मकिदुनिया प्रान्त बट्टी कुछ विश्वासी मि दगड़ी आं, अर तुम्हरो दान तैयार नि पौं, त इन हवे सकदो च कि हम तुम्हरा मथि अपड़ा भरोसा का कारण शर्मिंदा हों, पर तुम और भि जादा शर्मिंदा हवेला।</verse>
				<verse number="5">इलै मिल विश्वासी भयों बट्टी इन बिनती कन जरूरी समझी कि उ पैली बट्टी तुम मा जां, अर तुमारा उदारता का फल ज्यांका बारा मा पैली बट्टी वचन दिये गै छो, तैयार कैरी के रखा, कि यु जोर-जबरदस्ती से न बल्कि उदारता की आशीष का जन तैयार हो।</verse>
				<verse number="6">पर बात त या च, जु जरा सी बुतलो उ जरा सी ही कटलो; अर जु जादा कै बुतलो उ जादा कै आशीष का दगड़ी कटलो।</verse>
				<verse number="7">हर कुई जन-जन अपड़ा मन मा ठांणी द्यो उ उन ही दान द्यो; न कि किच-किच कैरी कै, अर न जबरदस्ती से, किलैकि जु खुशी से दान दींदो वे बट्टी पिता परमेश्वर प्रेम रखदो।</verse>
				<verse number="8">पिता परमेश्वर सभि ढंग की दया तुम तैं जु भि तुम तैं जरूरत हो बहुतायत ल दे सकद। ज्यां बट्टी हर बात मा अर हर बगत, सब कुछ, जु तुम तैं जरूरी च, तुम मा रौ, तब तुम मा भला काम कनु कु जरूरत से जादा होलो।</verse>
				<verse number="9">जन परमेश्वर का वचन मा लिख्युं च, “पिता परमेश्वर जरूरतमंदों तैं उदारता ल दींदो, वेकी धार्मिकता हमेशा बंणि राली।”</verse>
				<verse number="10">किलैकि पिता परमेश्वर उ च जु किसान कु बीज अर फिर खांणु कु रुठी दींदो। उन ही, उ तुम्हरा स्रोतों तैं उपलब्ध करालो अर बढ़ालो अर फिर तुम मा उदारता की एक बड़ी फसल पैदा करालो।</verse>
				<verse number="11">तुम हर ढंग से आशीषित हवेला, अर इलै तुम हमेशा उदारता ल दींण का योग्य छा, अर जब हम तुम्हरा उदारता ल दियां दान तैं जरूरतमंद लुखुं तैं दीला, त उ लोग पिता परमेश्वर कु धन्यवाद करला।</verse>
				<verse number="12">किलैकि यु सेवा तैं पूरो कन से, न भस पवित्र लुखुं की कमी पूरी हूंदी, पर लुखुं कि तरपां बट्टी पिता परमेश्वर कु भि भौत धन्यवाद हूंद।</verse>
				<verse number="13">किलैकि दूसरों की मदद कनु कु दान दींणै की य सेवकाई प्रमाणित करली कि तुम सच्चा छा अर भौत लोग पिता परमेश्वर की महिमा प्रगट करदींनि, कि जब तुम ल बोलि कि मसीह कु शुभ सन्देश सचो छो अर तुम यु तैं मणला त तुम ल अफी अपड़ा शब्दों कु पालन कैरी, अर गरीब विश्वासियों की अर और विश्वासियों का दगड़ी ही सब विश्वासियों की मदद कन मा उदारता प्रगट कैरी।</verse>
				<verse number="14">उ तुम कु पिता परमेश्वर बट्टी प्रार्थना करला। उ तुम बट्टी प्रेम करदींनि, किलैकि उ जंणदा छिनी कि पिता परमेश्वर ल तुम लुखुं पर बड़ी कृपा कैरी।</verse>
				<verse number="15">आवा हम पिता परमेश्वर कु वेका नौंना कु धन्यवाद कैरा जैका बारा मा कुई भि पूरा ढंग से नि बतै सकद।</verse>
			</chapter>
			<chapter number="10">
				<verse number="1">मि उ ही पौलुस छों जु तुम्हरा संमणी डरपोक छो, पर तुम बट्टी दूर जांण पर हिम्मत वलो हवे जांदु; तुम तैं मसीह की नम्रता, अर कोमलता का कारण निवेदन करदु।</verse>
				<verse number="2">मि य बिनती करदु, कि कुछ लुखुं ल बोलि, कि हम ईं दुनिया का लुखुं का जन काम करदा; इलै जब मि औलु त मि तैं आस च कि मि तैं ऊं दगड़ी कठोर हूंण पुड़लो। मि दृढ़ता ल निवेदन करदु कि जब मि औलु त मि तैं तुम दगड़ी इन बरतौ नि कन पुड़लो।</verse>
				<verse number="3">किलैकि जब हम ईं दुनिया मा रौंदा, पर हम अपड़ा दुश्मनों बट्टी दुनिया का मनिख्युं का जन नि लड़दा।</verse>
				<verse number="4">किलैकि जै हथियारों बट्टी हम लड़दा, उ मनिख्युं वला हथियार नि छिनी, पर गढों तैं ढै दयूंणु कु पिता परमेश्वर का शक्तिशाली हथियार छिनी।</verse>
				<verse number="5">यांका द्वारा हम वे हर एक विरोध कु, अर वे हर एक घमण्डी तैं, जु पिता परमेश्वर का ज्ञान का विरुद्ध मा मुंड उठौंदी, गिरै दींद; अर हर एक भावनाओं तैं वश मा ले के मसीह का बुल्युं मनणवला बणै दींदु।</verse>
				<verse number="6">अर तैयार रौंदो कि जब तुम पूरा ढंग से मसीह का बुल्युं मनणवला हवे जा, त हर एक ढंग से बुल्युं नि मनणवला वे आदिम तैं दण्ड द्या।</verse>
				<verse number="7">तुम भैरा का दिखावा तैं दिखदा, जु आँखों का संमणी च, जु कै कु अपड़ा आप पर यु भरोसो हो, कि मि मसीह कु छो, त उ यु भि जांणि ल्यो, कि जन उ मसीह कु च, उन ही हम भि मसीह का छा।</verse>
				<verse number="8">किलैकि जु मि वे अधिकार का बारा मा और भि घमण्ड दिखौ, जु प्रभु ल तुम्हरा विश्वास तैं नाश कनु कु न पर तुम्हरा विश्वास तैं बढौंण मा मदद कनु कु हम तैं द्ये, त यु काम कनु कु लज्जित नि हुलु।</verse>
				<verse number="9">यु मि इलै बुल्णु छो, कि चिठ्ठी का द्वारा तुम तैं डरांण वलो नि ठैरु।</verse>
				<verse number="10">किलैकि तुम मा बट्टी कुछ बुल्दींनि, “वेकी चिठ्ठी त गम्भीर अर प्रभावशाली छिनी; पर जब दिखदा, त बुल्दींनि उ देह कु कमजोर आदिम अर वेकी बात बेकार ही छिनी।”</verse>
				<verse number="11">इलै जु इन बुल्द, कि उ यु समझो, कि जन पीठ पिछने चिठ्ठियों मा हमारा वचन छिनी, उन ही तुम्हरा संमणी हमारा काम भि होला।</verse>
				<verse number="12">किलैकि हम तैं य हिम्मत नि च कि हम अपड़ा आप तैं ऊं दगड़ी गिंणा, या ऊं बट्टी अफ तैं मिलां, जु अपड़ी बढ़ै करदींनि, अर अपड़ा आप तैं आपस मा नाप तोली के एक दुसरा बट्टी तुलना कैरी के अपड़ा आप तैं मूर्ख ठैरौदींनि।</verse>
				<verse number="13">हम त वे काम बट्टी भैर जु पिता परमेश्वर ल हम तैं दींनि घमण्ड कभी नि करुला, पर वीं सीमा तक जु पिता परमेश्वर ल हम कु ठैरे, अर वेमा तुम भि ऐ ग्यां अर वेका ही अनुसार घमण्ड भि करीला।</verse>
				<verse number="14">किलैकि हम अपड़ी सीमा बट्टी भैर अपड़ा आप तैं बढौंण नि चनदियां, जन कि तुम तक न पौछणै की दशा मा हूंद, पर तुम तैं मसीह का शुभ सन्देश सुनांणु कु कुरिन्थुस तक यात्रा कन वला हम पैला आदिम छा।</verse>
				<verse number="15">अर हम सीमा बट्टी भैर दुसरों की मेहनत पर घमण्ड नि करदा; पर हम तैं आस च, कि ज्यों-ज्यों तुम्हरो विश्वास बढ़दी जौं त्यों-त्यों हम अपड़ी सीमा का अनुसार तुम्हरा कारण अर तुम्हरा अमणी-संमणी और भौत लुखुं तक पौंछण मा सक्षम होला।</verse>
				<verse number="16">कि हम तुम्हरी सीमा बट्टी भैर दूर-दूर क्षेत्रों मा भि शुभ सन्देश प्रचार सूंणा, अर यु न, कि हम दुसरों की सीमा का भितर बणयां-बणयां कामों पर घमण्ड कैरा।</verse>
				<verse number="17">पर जन कि परमेश्वर जु वचन बुल्द जु घमण्ड कैरो, उ प्रभु पर घमण्ड कैरो।</verse>
				<verse number="18">किलैकि जु अपड़ी बड़ै करद, उ न, पर जै की बड़ै प्रभु करद, उ पिता परमेश्वर का द्वारा सचो कैरी के स्वीकार किये जालो।</verse>
			</chapter>
			<chapter number="11">
				<verse number="1">जु तुम वे तैं स्वीकार कैरी लींदियां जु अपड़ी तारीफ अफ ही करद अर इलै मि तैं आस च कि जु मि जरा मूर्खतापूर्ण बरतौ कैरो त वे तैं तुम सै लिला।</verse>
				<verse number="2">किलैकि मि तुम कु उन ही परेशान छों, जन पिता परमेश्वर च, इलै कि मिल तुम तैं मसीह तैं अर भस वे तैं ही दींणो कु वादा करयूं च; यु एक पिता का जन च जु अपड़ी नौंनि कु शुद्ध अर अणबिवाक का रूप मा वीं का आदिम तैं सौंपदु जब वीं कु ब्यो हूंद।</verse>
				<verse number="3">पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।</verse>
				<verse number="4">जब भि कुई तुम मा आंदो अर तुम तैं कै दुसरा एक यीशु का बारा मा बतांद जैको प्रचार हम ल नि कैरी त तुम वे नया आदिम तैं स्वीकार कनु कु भौत उत्सुक रौन्दियां; उ यीशु मसीह नि च जैका बारा मा हम ल तुम तैं बतै छो; अर तुम खुश हवे के वे पर ध्यान दींद जब तुम तैं एक इन आत्मा अर शुभ सन्देश मिल्दो जु वे आत्मा अर संदेश का जन नि च जु हम तुम मा लौंदियां त तुम गलत ढंग ल यु तैं पूरा मन से स्वीकार करदा।</verse>
				<verse number="5">मि तैं लगद कि मि ऊं लुखुं का जन अच्छो छों जु सुचदींनि की उ सभि प्रेरितों मा बट्टी सबसे महान छिनी।</verse>
				<verse number="6">जु मि खुल्ला रूप मा बुल्ण मा ज्ञानी नि छो, तब भि मसीह अर शुभ संदेश का बारा मा मि तैं जानकारी छै च; जबकि मिल अपड़ो ज्ञान ऊं सभि बातों मा प्रदर्शित कैरी जु मिल सिखैनी।</verse>
				<verse number="7">मिल तुम्हरा बीच पिता परमेश्वर कु शुभ सन्देश प्रचार मुफ्त मा प्रचार कैरी के सुणै अर अपड़ा आप तैं नम्र कैरी कि तुम्हरो सम्मान हो; क्य मिल इन कैरी के पाप कैरी?</verse>
				<verse number="8">मिल दुसरी मण्डलियों बट्टी मदद स्वीकार कैरी कि मि तुम तैं बगैर कै खर्च का सेवा दे साको। यु तैं तुम लुटण नि बोला।</verse>
				<verse number="9">अर जब तुम्हरा दगड़ी छो, अर मि तैं धन की कमी छै, त मिल कै पर भि बोझ नि डाली, किलैकि विश्वासी भयों ल, मकिदुनिया प्रान्त बट्टी ऐ के मेरी घटि तैं पूरो कैरी; अर मिल हर बात मा अपड़ा आप तैं कै भि ढंग ल तुम कु मुसिबत बनण ल बचु, अर मि भविष्य मा भि तुम पर बोझ नि बणलु।</verse>
				<verse number="10">उन ही के निश्चित रूप बट्टी जन की मसीह की सचै मि मा च, त अखाया प्रान्त का सैरा इलाका मा कै बट्टी भि पैसा नि लींनि, यु गर्व तैं कन से कुई हम तैं रोक नि सकद।</verse>
				<verse number="11">मिल तुम्हरा रूपया किलै नि लींनि? क्य मिल इन इलै कैरी किलैकि मि तुम बट्टी प्रेम नि करदु? पिता परमेश्वर जंणदु च कि मि तुम बट्टी प्रेम करदु छो।</verse>
				<verse number="12">पर जु मि करदु, उन ही करदी रौलु; कि मि ऊं झूठा प्रेरितों तैं हमारा बराबर समझै जांणो कु मौका मिलण से रुकु; उ सच मा यु मौका चयदींनि कि साबित कैर साका कि उ यु दावा कन मा सै छिनी कि उ हमारा बराबर छिनी।</verse>
				<verse number="13">किलैकि इन लोग झूठा प्रेरित, अर धोखा ल काम कन वला, अर उ मसीह हूंणो कु भि दावा करदींनि अर प्रेरित हूंणो कु भि झूठो दावा करदींनि।</verse>
				<verse number="14">अर यु कुछ चौंकणै की बात नि च किलैकि शैतान आप भि पिता परमेश्वर की महिमा कु एक स्वर्गदूत हूंणो कु दिखावा करद।</verse>
				<verse number="15">इलै जु शैतान का सेवक भि धार्मिकता का सेवकों का जन रूप धारा, त ऊंको अन्त ऊंका कामों का अनुसार होलो।</verse>
				<verse number="16">मि फिर बुल्णु छो, कि कुई मि तैं मूर्ख नि समझो; नथिरी त मूर्ख ही समझी के मेरी सै ल्या, कि थोड़ा मि भि घमण्ड कैरी साको।</verse>
				<verse number="17">यु बेधड़क मा जु कुछ मि बुल्णु छो, मि उन ही नि बुल्णु छो जन मसीह यीशु चांदो च कि मि बोलु; पर चला मांणी ल्या मूर्खता ही बट्टी बुल्णु छो।</verse>
				<verse number="18">जबकि भौत लोग ईं दुनिया का लुखुं का जन घमण्ड करदींनि, त मि भि घमण्ड करुलु।</verse>
				<verse number="19">तुम त समझदार हवे के खुश हवे के मूर्खों की सै लींदियां।</verse>
				<verse number="20">किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।</verse>
				<verse number="21">त क्य तुम सुचदा छा कि मि तैं शर्मिंदगी महसूस हूंण चयणी च, किलैकि मिल उन नि कैरी? पर जीं कीं बात मा कुई घमण्ड करद, मि मूर्खता ल बुल्दो त मि भि घमण्ड करदु।</verse>
				<verse number="22">क्य उ ही इब्रानी छिनी? मि भि छों। क्य उ ही इस्राएली छिनी? मि भि छों; क्य उ ही अब्राहम का वंश का छिनी? मि भि छों।</verse>
				<verse number="23">क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।</verse>
				<verse number="24">पाँच बार यहूदी अगुवों ल मि तैं उनतालीस कोड़ा मरिनि।</verse>
				<verse number="25">तीन बार मिल सिटगे की मार खै; एक बार मि पर ढुगलयो हवे; तीन बार पांणी का जहाज कै पर मि चढ़ी छो, टुट गै; एक दिन अर एक रात मिल समुद्र मा काटि।</verse>
				<verse number="26">मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;</verse>
				<verse number="27">पर मिल ऊं बट्टी कई जादा मेहनत कैरी; बार-बार बिज्यां रौंण मा; भूख-तीस मा; बार-बार भूखो रै के उपवास रखण मा भि; झाैड़ मा; बिज्यां रौंण मा।</verse>
				<verse number="28">अर यु सभियूं बातों का अलावा हर दिन सभि विश्वासी मण्डलि की चिन्ता मि तैं भौत परेशान करदी।</verse>
				<verse number="29">जब कुई कमजोर हूंद त मि भि कमजोर महसूस करदु; जब कुई पाप मा पोड़ जांद त मि भौत दुखी हूंदु।</verse>
				<verse number="30">जु घमण्ड कन जरूरी च, त मि अपड़ी कमजोरी की बातों पर घमण्ड करुलु।</verse>
				<verse number="31">परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।</verse>
				<verse number="32">दमिश्क शहर मा अरितास राजा का राज्यपाल ल मि तैं पकड़ाण कु दमिश्कियों का नगर पर पैहरा बैठयूं छो।</verse>
				<verse number="33">पर मेरा दगड़ियों ल एक बड़ा ठुपरा मा एक लम्बो रस्सा बंधि के अर मि तैं वेमा बैठे के अर वे तैं दीवार का एक खिड़की का समान छेद का द्वारा शहर का भैर जमींन पर उतार दींनि, अर मि राज्यपाल का हथों बट्टी निकली ग्यों।</verse>
			</chapter>
			<chapter number="12">
				<verse number="1">जबकि घमण्ड कन त मि कु ठिक नि च, फिर भि कन पुड़दो; पर मि प्रभु का दियां दर्शनों अर प्रकशनों की बात करुलु।</verse>
				<verse number="2">मि एक इन आदिम तैं जंणदु छो, जु मसीह पर विश्वास रखद, मसीह तैं चौदह साल पैली स्वर्ग मा उठै गै जख पिता परमेश्वर रौंद। मि नि जंणदु की उ अपड़ा देह मा छो, या भस आत्मा मा छो, यु भस पिता परमेश्वर ही जंणद।</verse>
				<verse number="3">मि दुबरा ईं बात तैं बुल्णु छो, मि जंणदु छो कि यु आदिम तैं स्वर्ग मा लिजये गै छो (फिर, मि यु नि जंणदु कि इन हक्कीकत मा हवे या यु एक दर्शन छो भस पिता परमेश्वर ही जंणदु)</verse>
				<verse number="4">कि स्वर्गलोक पर उठै गै, अर इन बात सुणि जु बुल्ण वली नि च; अर ज्यांका बारा मा दुसरा लुखुं तैं बतांणै की अनुमति नि च।</verse>
				<verse number="5">इन आदिम पर त मि घमण्ड करुलु, पर अपड़ी कमजोरियों तैं छोड़, अपड़ा बारा मा घमण्ड नि करुलु।</verse>
				<verse number="6">किलैकि जु मि घमण्ड कन चौ भि त मूर्ख नि होलो, किलैकि सच बुललु; पर मि यु घमण्ड कन से अफ तैं रुकदो छो, कखी इन नि हो, कि जन कुई मि तैं दिखद, या मि बट्टी सुणद, मि तैं वे बट्टी बढ़ि के समझो।</verse>
				<verse number="7">पर मि तैं ऊं अद्भुत चीजों का बारा मा घमण्ड नि कन चयणु च जु पिता परमेश्वर ल मि तैं दिखै; इलै यां बट्टी निपटणु कु मेरी देह मा एक कांडो ज्वा एक भौत कठिन समस्या च दिये गै; शैतान की तरपां बट्टी एक दूत मि तैं मरणु अर मि तैं घमण्डी हूंण बट्टी रुकणा का इरादा बट्टी दिए गै।</verse>
				<verse number="8">यांका बारा मा मिल प्रभु बट्टी तीन बार बिनती कैरी, कि मि बट्टी यु दूर हवे जौं।</verse>
				<verse number="9">अर वेल मि बट्टी बोलि, “मेरी कृपा त्वे कु भौत च; किलैकि मेरी सामर्थ कमजोरी मा सिद्ध हूंदी” इलै मि बड़ा आनन्द ल अपड़ी कमजोरियों पर घमण्ड करुलु, कि मसीह की सामर्थ मि पर छाया करदी रौ।</verse>
				<verse number="10">इलै मि मसीह की कमजोरियों, अर निन्दाओं मा, अर दरिद्रता मा, अर घपरौल मा, अर दुखों मा, खुश छों; किलैकि जब मि कमजोर हूंदु, तब मि मसीह की सामर्थ मा मजबूत हूंदु।</verse>
				<verse number="11">मि मूर्ख त बणु, पर यु तुम ही छा जौनु मि तैं इन कनु कु मजबूर कैरी; तुम तैं त मेरी बढ़ै कन चयणी छै, किलैकि मि कै भि लैक नि छो, फिर भि ऊं बड़ा से बड़ा प्रेरितों बट्टी कै भि बात मा कम नि छो।</verse>
				<verse number="12">सच्चा प्रेरित का लक्षण भि तुम्हरा बीच सब प्रकार का धीरज सहित चिन्हों, अर चमत्कार का कामों, अर सामर्थ का कामों बट्टी दिखै गैनी।</verse>
				<verse number="13">एक काम जु मिल तुम्हरा दगड़ी नि कैरी जु कि मिल हैंकी मण्डलियों बट्टी कैरी, उ यु च कि मि कभी भि तुम पर आर्थिक बोझ नि बणु; क्य यु बट्टी तुम तैं हीन भावना महसूस हूंदी? तुम्हरो यु सुचण गलत च कि मिल इन कैरी कै तुम्हरो विरुद्ध गलत ही कैरी इलै मि तैं माफ करयां।</verse>
				<verse number="14">अब, मि तिसरी बार तुम मा आंणु कु तैयार छो, अर मि तुम बट्टी कुई माँग नि करुलु; किलैकि मि तुम्हरी सम्पत्ति न, पर तुम तैं ही चांदु छो; किलैकि बच्चों तैं ब्वे-बुबा कु धन कठ्ठा नि कन चयणु च, पर ब्वे-बुबा तैं बच्चों कु धन कठ्ठा कन चयणु च।</verse>
				<verse number="15">मि तुम कु भौत खुशी ल अपड़ो सभि कुछ तुम तैं दे दयुलु, बल्कि अपड़ा आत्मा तैं भि दे दयूं, मि तुम बट्टी भौत प्रेम करदु, पर इन लगद कि तुम मि बट्टी थोड़ा ही प्रेम करदा।</verse>
				<verse number="16">इन हवे सकद, कि मिल तुम पर बोझ नि डाली, पर दूसरों तैं लगद कि मि चालाक छो अर मिल तुम तैं पूरा ढंग से धोखा द्ये, जु कि एक झूठ च।</verse>
				<verse number="17">मिल तुम बट्टी अफ कु धन लींणु कु तीतुस या कै और कु इस्तेमाल नि कैरी।</verse>
				<verse number="18">मिल तीतुस अर दुसरा भैय तैं समझै के भेजि, त क्य तीतुस ल धोखा दे के तुम बट्टी कुछ लये? क्य हम एक ही उद्देश्य का चलाए नि चल्यां? क्य एक ही जन काम नि कैरी?</verse>
				<verse number="19">तुम अभि तक समझणा होला कि हम तुम्हरा संमणी जवाब दींण होला, पर हम पिता परमेश्वर की मौजूदगी मा मसीह का द्वारा हमेशा सचै दगड़ी बात करदा, अर हे प्रियों, यु सभि बात तुम तैं विश्वास मा मजबूत कनु कु बुल्णा छा।</verse>
				<verse number="20">किलैकि मि तैं डौर च, कखी इन नि हो, कि मि ऐ के जन चांदु छो, उन ही तुम तैं नि पौ; अर मि तैं भि जन तुम नि चांदा उन ही पां, मि तैं डौर च, कि तुम मा झगड़ा, जलन, गुस्सा, लालच, जलन, चुगली, घमंड अर बखेड़ा हो।</verse>
				<verse number="21">अर कखी इन नि हो कि जब मि दुबरा तुम बट्टी मिलणु कु ओ, मेरू पिता परमेश्वर मि तैं बैजत कैरो; अर मि तैं भौत सी लुखुं कु फिर शोक कन पोडो, जौनु पैली पाप कैरी छो, जन गंदा काम अर यौन सम्बन्धी पाप अर शर्मनाक काम करिनि जु ऊंल करिनि, अर पापों कु पश्चाताप नि कैरी।</verse>
			</chapter>
			<chapter number="13">
				<verse number="1">परमेश्वर का वचन मा लिख्युं च, “कि हर एक मामला तैं द्वी या तीन गवाहों की गव्है का द्वारा सुलझये जौं।” मिल पैली ही ऊं लुखुं तैं चितै यले जु मेरी दुसरी यात्रा पर उख छा अर पाप कना छा, अब मि फिर से ऊं तैं अर दुसरा सभियूं तैं चितै दींदु, जन कि मिल पैली ईं चिट्ठी मा द्ये छै। अब मि तुम मा तिसरी बार आंण वलो छो अर जु ऊंल अभि भि पाप कन बंद नि कैरी, त कुई भि सजा बट्टी बचि नि सकलो।</verse>
				<verse number="2"></verse>
				<verse number="3">मि यु बुल्णु छों किलैकि तुम सबूत मंगणा छा, कि मसीह मेरा द्वारा बुल्द, अर मसीह तुम तैं सुधरदो च; त यु साबित हूंद की उ कमजोर नि च; पर तुम्हरा बीच मा शक्तिशाली च।</verse>
				<verse number="4">उ कमजोरी का कारण सूली पर चढ़ै त गै, फिर भि पिता परमेश्वर की सामर्थ बट्टी ज्यूँदो च, हम भि उन ही कमजोर छा जन मसीह छो; पर तुम अनुभव करला कि हम पिता परमेश्वर की सामर्थ का द्वारा मसीह का दगड़ी जीवित छा।</verse>
				<verse number="5">अपड़ा आप तैं परखा, यु दिखणु कु कि क्य तुम्हरो विश्वास सचो च या न, कि तुम विश्वास मा छा या न; अपड़ा आप तैं जांचा, क्य तुम अपड़ा बारा मा यु जंणदा छा, कि यीशु मसीह तुम मा च? नथरी तुम निकम्मा छा।</verse>
				<verse number="6">पर मेरी आस च, कि तुम जांणि ल्या, हम निकम्मा नि छा।</verse>
				<verse number="7">अर हम अपड़ा पिता परमेश्वर बट्टी प्रार्थना करदा, कि तुम कुई बुरै नि कैरा; हम या प्रार्थना करदा, यु दिखांणु कु न कि तुम्हरा बीच मा हमारी सेवकाई सफल रौ, बल्कि इलै कि हम चांदा छा कि तुम ठिक काम कैरा चाहे हम खुद असफल ही हवे जां।</verse>
				<verse number="8">किलैकि हम सचै का विरोध मा कुछ नि कैरी सकदा, पर सचै कु ही कैर सकदा।</verse>
				<verse number="9">जब हम कमजोर छा, अर तुम विश्वास मा तागतबर छा, त हम खुश हूंदियां, अर य प्रार्थना भि करदा, कि तुम विश्वास मा सिद्ध हवे जावा।</verse>
				<verse number="10">इलै मि तुम तैं य बात लिखणु छों यां से पैली कि मि तुम मा ओ कि तुम तैं दण्ड दे के मि तैं अपड़ो अधिकार कु इस्तेमाल नि कन पोडो जु प्रभु ल मि तैं द्ये; किलैकि मि अपड़ा अधिकार कु इस्तेमाल तुम्हरा विश्वास तैं मजबूत कनु कु कन चांणु च न कि नाश कनु कु।</verse>
				<verse number="11">हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।</verse>
				<verse number="12">एक दुसरा तैं मसीही अभिवादन बट्टी प्रणाम कैरा।</verse>
				<verse number="13">सभि यीशु मसीह का पवित्र लोग तुम तैं प्रणाम बुल्णा छिनी।</verse>
				<verse number="14">प्रभु यीशु मसीह की कृपा अर पिता परमेश्वर कु प्रेम अर पवित्र आत्मा की सहभागिता तुम सभियूं का दगड़ी हूंदी रौ।</verse>
			</chapter>
		</book>
		<book number="48">
			<chapter number="1">
				<verse number="1">मि पौलुस, एक प्रेरित छो, जु न मनिख्युं की तरपां बट्टी, बल्कि मि यीशु मसीह अर पिता परमेश्वर का द्वारा, जैल वे तैं मुरदों मा बट्टी ज्यूँदो कैरी,</verse>
				<verse number="2">अर ऊं विश्वासियों की तरपां बट्टी, जु यु बगत मि दगड़ी छिनी, गलातिया प्रदेश की मण्डलियों का नौं</verse>
				<verse number="3">मि प्रार्थना करदु कि हमारा पिता परमेश्वर अर प्रभु यीशु मसीह तुम तैं कृपा अर शान्ति द्यो।</verse>
				<verse number="4">हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।</verse>
				<verse number="5">मि प्रार्थना करदु कि लोग हमेशा-हमेशा तक पिता परमेश्वर की महिमा कैरा। आमीन।</verse>
				<verse number="6">मि तैं ईं बात बट्टी हैरानी हूंदू, कि पिता परमेश्वर ल तुम तैं मसीह की दया मा रौंणु कु बुलै, अर वे पिता परमेश्वर तैं छोड़ी के तुम ल नया ही शुभ सन्देश पर विश्वास कन शुरू कैरेले।</verse>
				<verse number="7">भस एक ही सचो शुभ सन्देश च। पर बात या च, कि कुछ लोग इन छिन जु तुम तैं भरमांणा छिन अर मसीह का शुभ सन्देश तैं बिगणनं चंदींनि।</verse>
				<verse number="8">पर जु हम मा बट्टी कुई अफ या स्वर्ग बट्टी मूड़ी अयुं एक स्वर्गदूत भि वेका शुभ सन्देश प्रचार तैं छोड़ी के, जु हम ल तुम तैं सुणै कुई हैंको शुभ सन्देश प्रचार तुम तैं सुंणौ त पिता परमेश्वर वे तैं दंड दयालो।</verse>
				<verse number="9">जन हम ल पैली बोलि छो, उन ही मि फिर बुल्णु छौं, कि जु शुभ सन्देश तुम ल स्वीकार कैरी, वे शुभ सन्देश प्रचार का आलावा कुई दूसरों शुभ सन्देश प्रचार तुम तैं सुंणौ त पिता परमेश्वर वे तैं दंड द्यो।</verse>
				<verse number="10">पक्का ढंग पर, मि लुखुं तैं खुश कनै की कोशिश नि कनु छों, पर मि पिता परमेश्वर तैं खुश कन चांणु छों। जु मि अभि तक मनिख्युं तैं ही खुश कनु रौं त मि मसीह कु सेवक नि हूंद।</verse>
				<verse number="11">हे विश्वासी भयों, मि तुम तैं बतौंणु छौं, कि जु शुभ सन्देश प्रचार मिल तुम तैं सुंणै, उ लुखुं का विचारों का हिसाब से नि च।</verse>
				<verse number="12">किलैकि उ मि तैं कै पुरणों बट्टी नि मिली अर न कै धार्मिक शिक्षक ल मि तैं यु सिखै; पर यीशु मसीह ल अपड़ा आप तैं मि पर प्रगट कैरी।</verse>
				<verse number="13">हे विश्वासी भयों, तुम जंणदा छा कि जब मि यहूदी नियम-कानूनों का अनुसार जीवन ज्यूँदो छो, त मेरा भौत सैरा दगड़िया जु मेरा ही उम्र का छा, उ भि यहूदी नियम-कानूनों कु पालन करदा छा, पर मिल ऊं सभियूं तैं पिछनै छोड़ दींनि, किलैकि मि अपड़ा पुरणों का रीति-रिवाजों को पूरा दिल बट्टी पालन करदु छो। वे बगत मि यीशु का पिछनै चलणवला मण्डलि का लुखुं तैं जु पिता परमेश्वर की आराधना करदा छा, ऊं तैं सतौंणु कु निकली छो, मिल ऊं सभियूं तैं नाश कने की कोशिश कैरी।</verse>
				<verse number="14"></verse>
				<verse number="15">पर तब पिता परमेश्वर ल फैसला कैरी कि अपड़ा नौंना तैं मि पर प्रकट कैरो कि मि अन्यजाति लुखुं का बीच मा यीशु का बारा मा शुभ सन्देश प्रचार कैर साको। पिता परमेश्वर ही च जैल मि तैं मेरा पैदा हूंण से पैली ही चुणि, अर अपड़ा दया का कारण वेल मि तैं वेकी सेवा कनु कु बुलै। जब परमेश्वर ल अपड़ा नौंना तैं मि पर प्रकट कैरी, तब मि सलाह लींणु कु कै मा नि गौ।</verse>
				<verse number="16"></verse>
				<verse number="17">अर जु मि से पैली प्रेरित चुणै गै छा ऊं बट्टी मिलणु कु मि यरूशलेम शहर नि गौं; पर तुरंत मि अरब देश चलि ग्यों अर फिर उख बट्टी दमिश्क शहर मा वापिस ऐ ग्यों।</verse>
				<verse number="18">अर तीन बरस का बाद पतरस जु कैफा कहलांद वे बट्टी मुलाकात कनु कु मि यरूशलेम शहर मा ग्यूं, अर वे दगड़ी पन्द्रह दिन तक रयूं।</verse>
				<verse number="19">पर मि भस एक प्रेरित अर प्रभु यीशु मसीह का भैय याकूब बट्टी मिल।</verse>
				<verse number="20">पिता परमेश्वर जंणदु च, कि जु मि तुम तैं लिखणु छों, उ पूरा ढंग से सच च।</verse>
				<verse number="21">यरूशलेम शहर मा ऊं प्रेरितों बट्टी मिलणा का बाद सीरिया अर किलिकिया प्रदेश कु गौ।</verse>
				<verse number="22">पर मसीह मा विश्वासी मण्डलि जु यहूदिया प्रान्त मा रौन्दींनि, मि तैं कभि नि देखि।</verse>
				<verse number="23">पर ऊंल बार-बार सूंणि, कि एक बगत पैली हमारो सतौंण वलो छो, अब यीशु मसीह मा ऊई वे विश्वास कु शुभ सन्देश प्रचार कनु च, जबकि यां से पैली उ लुखुं तैं मसीह पर विश्वास कन से रुकणै की कोशिश करदु छो।</verse>
				<verse number="24">इलै पिता परमेश्वर ल मि दगड़ी जु कैरी वेकी ऊंल पिता परमेश्वर की महिमा कैरी।</verse>
			</chapter>
			<chapter number="2">
				<verse number="1">चौदह बरस का बाद मि बरनबास दगड़ी फिर से यरूशलेम शहर ग्यूं अर तीतुस तैं भि अफ दगड़ी लीगू।</verse>
				<verse number="2">मि उख गौं किलैकि पिता परमेश्वर ल मि तैं जांणु कु बोलि, जब मि उख छों त मि अगुवों बट्टी एक-एक कैरी के मिल अर ऊं तैं वे शुभ सन्देश का बारा मा बतै जु मि अन्यजातियों का बीच मा प्रचार कनु छो। पर एकुंत मा ऊं तैं जु मण्डलि का अगुवा समझै जांदा छा, कखि मेरी यु बगत की या पिछला बगत की मेहनत बेकार नि चलि जौं।</verse>
				<verse number="3">तब भि कैल मेरा दगड़िया तीतुस, जु एक यूनानी अन्यजाति कु छो, वेको खतना कभी नि हवे फिर भि पर यरूशलेम शहर की मण्डलि का अगुवों ल वे तैं स्वीकार कैरी। अर ऊंल खतना कनु कु वे पर कुई दबाव नि डाली।</verse>
				<verse number="4">तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।</verse>
				<verse number="5">हम ऊं लुखुं का दगड़ी एक पल कु भि सहमत नि हुयां, कि तुम वे सच्चा शुभ सन्देश पर विश्वास करदी रावा जु हम ल तुम तैं सिखै।</verse>
				<verse number="6">यरूशलेम शहर की मण्डलि का ऊं अगुवों ल मेरी शिक्षाओं मा कुछ भि नि जोड़ी। ईं बात बट्टी मि तैं कुई फर्क नि पुड़दो कि उ अगुवा कु छिनी, किलैकि पिता परमेश्वर आदिम की सकल देखि के न्याय नि करद।</verse>
				<verse number="7">पर अगुवा समझी गैनी, कि जन पिता परमेश्वर ल मि तैं अधिकार दींनि, कि यहूदी लुखुं कु शुभ सन्देश कु प्रचार कनु कु काम पतरस तैं सौंपी दींनि, उन ही मि तैं अन्यजातियों कु जु खतनारहित छिनी ऊंकु शुभ सन्देश कु प्रचार कन सौंपे गै।</verse>
				<verse number="8">किलैकि पिता परमेश्वर ल पतरस तैं यहूदियों का बीच मा एक प्रेरित हूंणो कु चुणि, वेल मि तैं भि अन्यजातियों का बीच मा जु खतनारहित छिनी ऊं तैं प्रेरित हूंणो कु चुणि।</verse>
				<verse number="9">जु मनिख मण्डलि का अगुवा का रूप मा जंणै जांदा छा मतलब याकूब, पतरस जै कु कैफा भि बुलै जांद अर यूहन्ना ऊंल दया कु उ वरदान जांणि जु मि तैं मिल्युं च। ऊंल मि तैं अर बरनबास तैं अपड़ो दगड़िया समझी कै हमारी मदद कैरी। उ ईं बात कु राजी हवीनि कि हम अन्यजातियों मा जु खतनारहित छिनी शुभ संदेश सुणौंणु कु जावा अर उ यहूदियों मा।</verse>
				<verse number="10">ऊंल हम मा बट्टी भस इथग ही बिनती कैरी, कि यरूशलेम शहर मा गरीब विश्वासियों की मदद कैरा, अर यु वीं च जै तैं कन मा मि भौत खुश छों।</verse>
				<verse number="11">पर जब एक दिन कैफा जै कु पतरस बुल्दींनि अन्ताकिया शहर मा ऐ, त मिल वेको विरोध कैरी, किलैकि जु उ कनु छों उ गलत छो।</verse>
				<verse number="12">इलै कि उ पैली अन्यजातियों का दगड़ी खांणु खांदु छों; पर जब याकूब का द्वारा भेजि गै कुछ विश्वासी यरूशलेम शहर बट्टी ऐनी, त वेल यहूदी लुखुं का डौर का कारण जु को खतना हुयुं छो ऊं दगड़ी मेल-जोल रखण अर खांणु खांण बंद कैरी दींनि अर किनारा कन लगि गै।</verse>
				<verse number="13">अर वे दगड़ी अन्ताकिया शहर का कुछ यहूदी मसीहियों ल भि कपट कैरी, इख तक की बरनबास भि ऊंका बरतौ की नकल कन लगि गै।</verse>
				<verse number="14">जब मिल देखि, कि उ वीं सचै को अनुसरण नि कना छा जु शुभ सन्देश सिखांद, त मिल सभियूं का संमणी पतरस जै कु कैफा भि बुलै जांद छों वेको बोलि, “तु एक यहूदी हवे के भि, अन्यजातियों का रीति-रिवाजों को पालन करदु छै अर यहूदियों को रीति-रिवाजों को पालन नि कनु छै, जु तिल इन करयूं च, त फिर तु अन्यजातियों तैं हम यहूदियों का रीति-रिवाजों कु पालन कनु कु दबाव किलै डलणी छै?”</verse>
				<verse number="15">हम जु जन्म बट्टी ही यहूदी छा, अर अन्यजाति नि छा जूं तैं यहूदी पापी बुल्दींनि।</verse>
				<verse number="16">तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।</verse>
				<verse number="17">कुछ यहूदी सुचणा छिनी कि हम ल पाप कैरी, किलैकि हम मूसा की व्यवस्था कु पालन कन का बजाय, धर्मी ठैरे जांण कु मसीह पर भरोसा करदा। त क्य यांकू मतलब यु च कि मसीह ल हम बट्टी पाप किये? न! बिल्कुल न!</verse>
				<verse number="18">पर जु मि वीं चीज की तरपां वापिस जांदु छों, ज्यां तैं मिल लमडयले छों, त अपड़ा आप तैं अपराधी ठैरांदु।</verse>
				<verse number="19">मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।</verse>
				<verse number="20">मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।</verse>
				<verse number="21">मि ईं बातों कु इन्कार नि कैरी सकदु कि पिता परमेश्वर ल हमारा प्रति दया का कारण हम तैं बचै। किलैकि जु लोग मूसा की व्यवस्था कु पालन कैरी कै धर्मी बंणि सकदींनि, त मसीह तैं मुरण नि पुड़दो।</verse>
			</chapter>
			<chapter number="3">
				<verse number="1">हे गलातियों शहर का विश्वासी लुखुं क्य तुम न समझ छा, कैल तुम तैं भरमै? मिल तुम तैं ठिक से समझै की जब यीशु मसीह तैं सूली पर चढ़ै गै, त वेल कै काम तैं पूरो कैरी।</verse>
				<verse number="2">मि तैं एक बात बतौ क्य तुम तैं पवित्र आत्मा इलै मिली किलैकि तुम यहूदी मूसा की व्यवस्था कु पालन कना छा या इलै की तुम ल वे शुभ संदेश पर विश्वास कैरी जु हम ल तुम तैं बतै छों?</verse>
				<verse number="3">क्य तुम न समझ छा, कि तुम ल पवित्र आत्मा का द्वारा (मसीह का दगड़ी) अपड़ो नयो जीवन शुरू कैरी अर क्य अब तुम अपड़ी शक्ति बट्टी (अपड़ा जीवन तैं) खत्म कन चांणा छा?</verse>
				<verse number="4">विश्वासी बनांण का बाद हम ल भौत दुःख उठै। मि सच मा आशा करदु छों की या दुःख बेकार नि छों।</verse>
				<verse number="5">जु तुम तैं पवित्र आत्मा बहुतायत ल दान करदो अर तुम मा चमत्कार का काम करदु, क्य उ यु कारण च कि तुम ल मूसा की व्यवस्था कु पालन कैरी या उ यु कारण च किलैकि तुम ल मसीह का बारा मा शुभ संदेश तैं सूंणि अर वे पर विश्वास कैरी?</verse>
				<verse number="6">“अब अब्राहम का बारा मा सोचा वेल त पिता परमेश्वर पर विश्वास कैरी अर यु ऊंकु धार्मिकता गिणै गै।”</verse>
				<verse number="7">तुम तैं यु समझण चयणु च कि जु लोग अब्राहम का जन पिता परमेश्वर पर भरोसो करदींनि, उ अब्राहम का सच्चा वंशज छिनी।</verse>
				<verse number="8">अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”</verse>
				<verse number="9">त जु वे जन पिता परमेश्वर पर विश्वास करदींनि जन अब्राहम ल पिता परमेश्वर पर विश्वास कैरी, उन ही जु कुई भि यीशु मसीह पर विश्वास करदु उ निश्चित रूप बट्टी अब्राहम का दगड़ी पिता परमेश्वर बट्टी आशीष पालो।</verse>
				<verse number="10">मतलब जथग लोग मूसा द्वारा लिखीं परमेश्वर की व्यवस्था का कामों पर भरोसो रखदींनि, उ पिता परमेश्वर का श्राप का अधीन छिनी, किलैकि पिता परमेश्वर का वचन मा लिख्युं च, “जु कुई मूसा द्वारा लिखीं परमेश्वर की व्यवस्था कि किताब (चाम्रपत्र) मा लिख्यां सभि बातों तैं कन मा स्थिर नि रौंदो, ऊं पर पिता परमेश्वर कु दंड च।”</verse>
				<verse number="11">पर या बात सच च की मूसा की व्यवस्था का द्वारा पिता परमेश्वर का संमणी कुई धर्मी नि ठैरदो किलैकि पिता परमेश्वर का वचन मा लिख्युं च, “धर्मी जन विश्वास बट्टी ज्यूँदो रालो।”</verse>
				<verse number="12">पर मूसा की व्यवस्था कु पालन कैरी के जींण अर पिता परमेश्वर पर विश्वास कैरी के जींण एक जन नि च। जन कि पिता परमेश्वर का वचन मा लिख्युं च, “जु यूं सब बातों कु पालन करलो, वे तैं यूंका द्वारा जीवन मिललो।”</verse>
				<verse number="13">मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”</verse>
				<verse number="14">मसीह ल इन इलै कैरी, कि अब्राहम कि आशीष मसीह यीशु मा अन्यजातियों तक पौंछो, अर हम यीशु मसीह पर विश्वास कना से वे पवित्र आत्मा तैं पां, वे तैं हम तैं दींणै की करार परमेश्वर ल कैरी।</verse>
				<verse number="15">हे मेरा विश्वासी भयों, मि तुम लुखुं तैं साधारण जीवन कु उदाहरण दे के बुल्णु छों। जब द्वी लोग आपस मा समझौता करदींनि, त न कुई वे तैं टालि सकद अर न वेमा कुछ कुई जोड़ी सकद।</verse>
				<verse number="16">उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।</verse>
				<verse number="17">पर मि यु बुल्णु छौं, कि जु करार पिता परमेश्वर ल पैली बट्टी पक्की कैरी छै, वे तैं मूसा की व्यवस्था चार सौ तीस बरसों का बाद ऐ के नि टाली सकदी, कि प्रतिज्ञा बेकार ठैरु।</verse>
				<verse number="18">पिता परमेश्वर ल हम तैं आशीष इलै नि द्ये कि हम ल मूसा की व्यवस्था कु पालन कैरी छों, बल्कि वीं दया से, जु पिता परमेश्वर ल अब्राहम तैं द्ये किलैकि पिता परमेश्वर ल वे दगड़ी करार कैरी छै।</verse>
				<verse number="19">त फिर पिता परमेश्वर ल कै उद्देश्य बट्टी इस्राएल का लुखुं तैं मूसा की व्यवस्था द्ये? पिता परमेश्वर ल मूसा की व्यवस्था इलै द्ये, कि लोग जांण साका की पाप क्य च? मूसा की व्यवस्था अब्राहम का वे वंश तक बणयूं रौंण छो, जैका बारा मा पिता परमेश्वर ल करार कैरी छै। परमेश्वर ल व्यवस्था मूसा तैं स्वर्गदूतों का द्वारा द्ये, जु पिता परमेश्वर अर लुखुं का बीच जुड़ण वलो छों।</verse>
				<verse number="20">जब द्वी लुखुं का बीच समझौता हूंद, तब जुड़ण वले की जरूरत हूंद। पर पिता परमेश्वर एक ही च, अर जब वेल अब्राहम बट्टी वादा कैरी त ऊंका बीच मा कुई भि जुड़ण वलो नि छों।</verse>
				<verse number="21">त यांको मतलब यु च कि मूसा की व्यवस्था पिता परमेश्वर का करार का खिलाफ च? न! बिल्कुल न! किलैकि जु मूसा का कानून हम तैं अनन्त जीवन दे सकदा, त हम यांको पालन कैरी के पिता परमेश्वर का दगड़ी धर्मी ठैरे जै साका।</verse>
				<verse number="22">पर पिता परमेश्वर का वचनों बट्टी पता चलदु च कि हम सभि पापी छा, इलै यीशु मसीह पर विश्वास रखण बट्टी पिता परमेश्वर हम तैं उपहार दयालो ज्यांकी नई प्रतिज्ञा पिता परमेश्वर की करीं च।</verse>
				<verse number="23">पर मसीह कु औंण अर वे पर विश्वास कन से पैली मूसा की व्यवस्था ल हम यहूदी लुखुं तैं बंधि बणयुं छो, अर मूसा की व्यवस्था हमारी रखवली करदी छै, जब तक पिता परमेश्वर ल हम पर मसीह तैं प्रगट नि कैरी।</verse>
				<verse number="24">इलै मूसा की व्यवस्था मसीह तक औंण तक हम तैं रस्ता दिखांणु कु अर हमारी रखवली कनु कु दिये गै, कि हम यीशु मसीह पर विश्वास कना का द्वारा पिता परमेश्वर का संमणी धर्मी बंणै जै सका।</verse>
				<verse number="25">पर अब हम मसीह पर विश्वास करदा छा, त हमारी मदद कनु कु अर हम तैं रस्ता दिखांणु कु मूसा की व्यवस्था की जरूरत नि च।</verse>
				<verse number="26">जब तुम तैं मसीह का नौं बट्टी बपतिस्मा दिये गै, त तुम ल मसीह मा नयो जीवन तैं पैरी, जन एक आदिम नया कपड़ोंं तैं पैरदो। इलै, तुम सभि पिता परमेश्वर की संतान बंणि ग्यां जब तुम ल यीशु मसीह पर विश्वास कैरी।</verse>
				<verse number="27"></verse>
				<verse number="28">मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।</verse>
				<verse number="29">किलैकि जु तुम मसीह मा एक छा, त अब तुम अब्राहम का वंशज का हिस्सा छा, अर तुम तैं उ सभि कुछ मिललो, ज्यांको पिता परमेश्वर ल अब्राहम बट्टी करार कैरी छै।</verse>
			</chapter>
			<chapter number="4">
				<verse number="1">मि यु समझदु, कि एक अमीर मनिख कु एक नौंनो च। जब तक उ छुटो बच्चा च, तब तक वेमा अर एक दास का बीच मा कुई फर्क नि हूंद, जबकि उ एक बगत बाद अपड़ा बुबा की पूरी सम्पत्ति कु मालिक बंणि जालो।</verse>
				<verse number="2">जब तक पिता परमेश्वर का द्वारा तय करयूँ बगत नि आंद, तब तक उ नौंनो अपड़ा रक्षकों अर अधिकारियों का अधीन रौंद।</verse>
				<verse number="3">उन ही हम भि, बच्चों का जन छा, त हम ऊं रीति-रिवाजों अर नियमों का गुलाम छा जु यु दुनिया मा छा।</verse>
				<verse number="4">पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।</verse>
				<verse number="5">कि उ हम तैं छुड़ै साको, जु मूसा की व्यवस्था का अधीन रौंदा छा, अर वेल हम तैं अपड़ा ही नौंना का रूप मा खुचिली लै लींनि।</verse>
				<verse number="6">अर किलैकि हम वेकी संतान छा, इलै कि परमेश्वर ल अपड़ा नौंना कि पवित्र आत्मा तैं हमारा हृदय मा भेजि, जु आत्मा परमेश्वर तैं “हे बुबा, हे पिता बोलि के धै लगान्दो च।”</verse>
				<verse number="7">इलै, हम अब गुलाम नि छा, पर हम पिता परमेश्वर का नौंना बंणि ग्यां; अर इलै, उ हम तैं सभि कुछ दयालो जु कुछ वेल अपड़ा बच्चों कु रख्युं च।</verse>
				<verse number="8">जब तुम पिता परमेश्वर तैं नि जंणदा छा, तुम वे बगत ऊं देबतों का दास छा, जु असली मा परमेश्वर छैं ही नि छिनी।</verse>
				<verse number="9">पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?</verse>
				<verse number="10">तुम लोग कुछ खास दिनों या मैना या मौसमों या बरसों कु पालन कैरी के पिता परमेश्वर का पक्ष कनु कु यत्न कना छा।</verse>
				<verse number="11">जु कुछ तुम कना छा वेका कारण मि परेशान छों कि जु मेहनत मिल तुम कु कैरी उ बेकार नि ठैरु।</verse>
				<verse number="12">हे विश्वासी भयों, मि तुम बट्टी बिनती कनु छौं, अपड़ा आप तैं व्यवस्था बट्टी आजाद कैरा जन मिल कैरी, किलैकि मि व्यवस्था बट्टी उन ही आजाद हवे ग्यां जन तुम अन्यजाति स्वतंत्र हुयां तुम ल मेरी अच्छी देखभाल कैरी।</verse>
				<verse number="13">पर तुम तैं याद होलो, कि यु मेरी बिमारी का कारण छो कि मि पैली बार तुम मा ओ अर शुभ सन्देश प्रचार कैरी।</verse>
				<verse number="14">अर जबकि मेरी बिमारी तुम कु एक परेशानी छै, पर फिर भि तुम ल मि बट्टी घृणा नि कैरी अर न मि तैं दूर कैरी; पर तुम ल मि तैं उन ही स्वीकार कैरी जन तुम खुद यीशु मसीह तैं स्वीकार करदा छा, मांणा मि पिता परमेश्वर कु एक स्वर्गदूत छो, जन तुम अफ यीशु मसीह तैं स्वीकार करदा।</verse>
				<verse number="15">वे बगत तुम भौत खुश छा! तुम्हरी उ खुशी अब कख च? मि सच मा यु बोलि सकदु छों कि, तु मि कु सब कुछ बलिदान कैरी दींद, यख तक की अपड़ा आँखों तैं भि।</verse>
				<verse number="16">त क्य बट्टी तुम सच बुल्णा का कारण मि अब इन छों कि तुम मि तैं अपड़ो दुश्मन समझदियां?</verse>
				<verse number="17">झूठा शिक्षक बुल्दा त छिनी हम तुम तैं दगड़िया त बनांण चांणा छा, पर भलि इच्छा बट्टी न; ऊंको मतलब त तुम तैं मि बट्टी अलग कन च कि तुम ऊंका चेला बंणि जां।</verse>
				<verse number="18">हमेशा ही भला उद्देश्य कु खुश हूंण अच्छो हूंद अर भस वे ही बगत न, जब मि तुम दगड़ी रौंदु।</verse>
				<verse number="19">हे मेरा प्रियों, जन एक जनन प्रसव का बगत दर्द महसूस करदी, उन ही के मि एक बार फिर तुम कु पिड़ा सौणु छो। मि ईं पिड़ा मा तब तक रौलु जब तक तुम मसीह मा मजबूत नि हवे जणदां।</verse>
				<verse number="20">मि भौत चांदु छों कि अब तुम दगड़ी रौं, कि मि तुम बट्टी नम्र ढंग बट्टी बात कैर साको। किलैकि मि तुमारा प्रति भौत परेशान छौं।</verse>
				<verse number="21">अर तुम जु मूसा द्वारा लिखीं परमेश्वर की व्यवस्था का अधीन हूंण चांणा छा! मेरी बात सूंणा! मि तुम तैं बतौलु कि मूसा की व्यवस्था की किताब मा क्य लिख्युं च।</verse>
				<verse number="22">पिता परमेश्वर का वचन मा लिख्युं च, कि अब्राहम का द्वी नौंना छा; वेका एक नौंना कु जन्म हाजिरा बट्टी हवे छो, ज्वा एक दासी छै अर दुसरा नौंना कु जन्म सारा बट्टी हवे छो, ज्वा वेकी जनन छै।</verse>
				<verse number="23">पर दासी कु नौंनो, मनिख जाति की इच्छा का अनुसार साधारण नौंना का जन पैदा हवे छो पर वेकी जनन बट्टी पैदा हुयुं नौंना कु जन्म खुद पिता परमेश्वर की करार तैं पूरो कनु कु हवे छो।</verse>
				<verse number="24">या मिसाल कुछ और सिखांद; यु द्वी जनन (सारा अर हाजिरा) पिता परमेश्वर अर वेका लुखुं का बीच द्वी नियमों का जन छिनी। जु पिता परमेश्वर ल सीनै डांडा पर कैरी, अर जु लोग ईं करार का अधीन छिनी, उ नौकरों का जन छिनी। उ अरब मा सीनै डांडा का जन छिनी अर उ धरती पर यहूदी कु यरूशलेम शहर की एक तस्वीर च। यु शहर अर येका लोग, मतलब यहूदी, व्यवस्था दास छिनी।</verse>
				<verse number="25">आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।</verse>
				<verse number="26">पर स्वर्गीय यरूशलेम अब्राहम की जनन सारा का जन छिनी, अर वेका नौंना गुलाम नि छिनी। यु यरूशलेम हमारी ब्वे का जन च, जु विश्वास करद।</verse>
				<verse number="27">किलैकि पिता परमेश्वर का वचन मा लिख्युं च, “हे बांझ जनन, तु जींल कभी भि बच्चा तैं जन्म नि दींनि, तिल बच्चा का दर्द की पिड़ा तैं अनुभव नि कैरी; आनन्द बट्टी पुकार अर ऊंची आवाज बट्टी चिल्लो, किलैकि उ जनन जैका आदिम का वीं तैं छोड़ द्ये की सन्तान, वीं जनन की सन्तान, जु अपड़ा आदिम का दगड़ी रौंदी, वीं जनन की सन्तान बट्टी जादा च।”</verse>
				<verse number="28">हे विश्वासी भयों, अब्राहम कु नौंनो इसहाक का जन जु पिता परमेश्वर की करार का अनुसार पैदा हवे छों, हम भि वीं करार का अनुसार पिता परमेश्वर की सन्तान बंणि ग्यां।</verse>
				<verse number="29">पर अब तुम तैं ऊं लुखुं का द्वारा सतै जांणु च जु चांणा छा कि तुम मूसा की व्यवस्था कु पालन कैरा, उ ही जन इश्माएल ल, मतलब मनिख इच्छा बट्टी पैदा हुयां नौंना ल इसहाक तैं, मतलब आत्मा की सामर्थ बट्टी पैदा हुयां नौंना तैं सतै।</verse>
				<verse number="30">पर पिता परमेश्वर का वचन क्य बुल्द कि, “दासी जनन अर वेका नौंना तैं दूर भेजि द्ये, किलैकि दासी कु नौंनो अब्राहम की जायदात को हकदार नि होलो, बल्कि जु वेकी जनन बट्टी पैदा हवे छो उ जायदात को हकदार होलो”</verse>
				<verse number="31">इलै हे मेरा विश्वासी भयों, हम दासी जनन का बच्चा नि छा, जौं तैं मूसा की व्यवस्था तैं मनणु जरूरी च। पर हम वीं जनन का बच्चा छा, जु बुबा की जनन च अर अपड़ा विश्वास का कारण पिता परमेश्वर तैं ग्रहणयोग्य च।</verse>
			</chapter>
			<chapter number="5">
				<verse number="1">मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।</verse>
				<verse number="2">जु मि पौलुस तुम बट्टी बुल्णु छो, वे तैं टक लगै के सूंणा, कि पिता परमेश्वर का संमणी धर्मी बनण कु खतना करिल्या, त मसीह ल जु कैरी, वां बट्टी तुम तैं कुई फैदा नि होलो।</verse>
				<verse number="3">मि फिर से तुम तैं चितौंणु छौं कि जु आदिम इन सोच की खतना कन पिता परमेश्वर की नजरों मा ठिक समझे जांद, त वे तैं जु मूसा की व्यवस्था बुल्दी उ सब कुछ कन चयणु च।</verse>
				<verse number="4">तुम जु मूसा की व्यवस्था तैं मांणी के धर्मी ठैरण चदयां, तुम अपड़ा आप तैं मसीह बट्टी अलग कना छा। अर वेल अपड़ा आप तैं वीं दया बट्टी अलग कैरेले जै बट्टी पिता परमेश्वर वे तैं बचै सकद।</verse>
				<verse number="5">मि इन बोलि सकदु छो, किलैकि हम तैं पवित्र आत्मा का तरपां बट्टी पूरो विश्वास च कि पिता परमेश्वर हम तैं धर्मी का रूप मा स्वीकार करलो किलैकि हम यीशु मसीह पर आस रखदा।</verse>
				<verse number="6">जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।</verse>
				<verse number="7">तुम मसीह का दगड़ी अपड़ा आपसी सम्बन्ध मा इथग अच्छा ढंग से बढ़णा छा, अब कैल तुम तैं रोकि? कि तुम मसीह का बार मा सच्चा शुभ संदेश पर अब विश्वास नि कना छा।</verse>
				<verse number="8">य शिक्षा पिता परमेश्वर की तरपां बट्टी नि आंदी, जैल तुम तैं अपड़ी सन्तान हूंणु कु चुणि।</verse>
				<verse number="9">झूठी शिक्षा इन फैलणी च, जन की य कहावत बुल्दी, “जरा सी खमीर सब गुन्द्या आटा तैं खमीर कैरी दींद।”</verse>
				<verse number="10">मि प्रभु पर विश्वास करदु कि उ तुम तैं विश्वास कना का कारण झूठी शिक्षाओं बट्टी बचै के रखो; पर जु तुम तैं भरमंदींनि, उ कुई भि किलै नि हो, पिता परमेश्वर का द्वारा दण्ड पालो।</verse>
				<verse number="11">हे विश्वासी भयों, मि मसीह कु प्रचार करदु अर यु भि बुल्दो कि खतना कन जरूरी नि च (जन कि मूसा की व्यवस्था माँग करदी) अर यांका ही कारण मि तैं यहूदियों का द्वारा अब तक सतै जांणु च; जु मि सूली पर मसीह की मौत का बार मा प्रचार कना का बजाय यु प्रचार करदु कि लुखुं कु खतना किये जांण जरूरी च, त मि यहूदियों कु अपमान को कारण नि हूंदु।</verse>
				<verse number="12">अच्छो हूंदु, कि जु तुम तैं झूठी शिक्षाओं बट्टी भरमांणा छिन उ अपड़ा तैं नपुंसक ही बणै दींद।</verse>
				<verse number="13">हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।</verse>
				<verse number="14">किलैकि सैरी व्यवस्था कु निष्कर्ष ईं एक ही बात मा पूरो हवे जांद, “तु अपड़ा पड़ोसी बट्टी अफ जन प्रेम रख।”</verse>
				<verse number="15">पर जु तुम लगातार एक-हैंका बट्टी लड़दी रौंदा अर एक-हैंका तैं परेशान करदां त चौकस रावा, इन कै तुम एक-हैंका तैं नाश कैरी दीला।</verse>
				<verse number="16">पर मि तुम बट्टी बुल्णु छों, कि तुम पवित्र आत्मा तैं अपड़ा जीवन मा अगुवे कन द्या। तब तुम अपड़ा पापमय शारीरिक लालसाओं का अनुसार जीवन नि जीला।</verse>
				<verse number="17">किलैकि पापमय शारीरिक लालसा पवित्र आत्मा का खिलाफ म च, अर आत्मा देह का विरोध मा लालसा करद, अर यु एक हैंका का खिलाफ छिन; इलै कि जु तुम कन चांणा छा उन ही कैरी साका।</verse>
				<verse number="18">अर जु तुम पवित्र आत्मा का अनुसार जीवन ज्यून्दियां त तुम मूसा की व्यवस्था का अधीन नि छा।</verse>
				<verse number="19">देह का पाप का काम कुई भि देखि सकद, मतलब व्यभिचार, गंदा काम, लुचपन,</verse>
				<verse number="20">मूर्तिपूजा, जादु-टोंणा, अपड़ा दगड़ियों दगड़ी घींण, एक हैंका दगड़ी झगड़ा, जलन, गुस्सा, विरोध, फूट, अधर्म</verse>
				<verse number="21">एक-हैंका का प्रति जलन रखदींनि, उ पियक्कड़ (नशा मा) हवे जयदींनि, उ, ऊं दावतों मा जंदींनि जख लोग अपड़ी भूख तैं अपड़ा काबू मा नि रखि सकदींनि, अर उ इन कै दुसरा सभि बुरा काम करदींनि। मि तुम तैं चितांणु छो जु मिल तुम तैं पैली भि चितै छो, कि इन-इन कामों तैं कन वला पिता परमेश्वर का राज्य का वारिस नि होला।</verse>
				<verse number="22">उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,</verse>
				<verse number="23">नम्रता अर सयंम च; इन कुई भि व्यवस्था नि च जु यूं बातों का विरोध करदी हो।</verse>
				<verse number="24">उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।</verse>
				<verse number="25">किलैकि पिता परमेश्वर की पवित्र आत्मा ल हम तैं एक नयो जीवन दींनि, इलै हम तैं अपड़ा जीवन तैं पवित्र आत्मा की अगुवे का अनुसार जींण चयणु च।</verse>
				<verse number="26">हम तैं बड़ो मोन नि कन चयणु च, अर हम तैं एक-हैंका बट्टी जलन भि नि कन चयणी च।</verse>
			</chapter>
			<chapter number="6">
				<verse number="1">हे विश्वासी भयों, जु कुई मनिख कै पाप मा पकड़े जौं त तुम जु पवित्र आत्मा मा आत्मिक छा, त तुम मयळदु हवे के वे तैं धर्म का रस्ता मा वापिस लांण मा वेकी मदद कैरा अर अफ भि सचेत रावा कखि तुम भि अजमैश मा नि पोड़ी जावा।</verse>
				<verse number="2">अजमैश का बगत एक-हैंका की मदद कना रावा अर इन कै तुम यीशु मसीह की शिक्षाओं (व्यवस्था) तैं मणदियां अर वे तैं पूरो करदा।</verse>
				<verse number="3">जु कुई सुचद कि उ एक महान आदिम च, जबकि हक्कीकत मा उ छैं नि च, त उ अपड़ा आप तैं धोखा दींणु च।</verse>
				<verse number="4">तुम मा बट्टी हर एक तैं अपड़ा कामों की जाँच कन चयणी च। जु यु अच्छो च त जु कुछ तुम ल कैरी वे पर तुम बड़ो मोन कैरी सकदियां, पर कै और दगड़ी अपड़ा काम की तुलना नि कैरा।</verse>
				<verse number="5">किलैकि हम मा बट्टी हर एक आदिम अपड़ा कामों कु जिम्मेदार अफी च।</verse>
				<verse number="6">यु जरूरी च कि जु लोग पिता परमेश्वर का वचन तैं सिखांदींनि, ऊं तैं सिखण वला लुखुं बट्टी भौतिक मदद मिलण चयणी च।</verse>
				<verse number="7">अपड़ा आप तैं धोखा नि द्या, किलैकि कुई भि आदिम पिता परमेश्वर तैं धोखा नि द्ये सकद, किलैकि मनिख जु कुछ भि बुतद, ऊई कटद।</verse>
				<verse number="8">जु कुई आदिम अपड़ी बुरी इच्छाओं तैं पूरो करद त उ अनन्त मौत तैं पालो अर जु पवित्र आत्मा का अनुसार अपड़ो जीवन जांदु त उ अनन्त जीवन पालो।</verse>
				<verse number="9">हम भला कामों तैं कन मा निराश नि हों, किलैकि जु हम कभी हार नि मांणा, त पिता परमेश्वर का अपड़ा बगत पर हम ईनाम पौला।</verse>
				<verse number="10">इलै जख तक मौका मिलो, हम सभि लुखुं दगड़ी भलै कैरा; खास कैरी कै मसीह विश्वासी का भयों का दगड़ी।</verse>
				<verse number="11">ध्यान द्या कि कन बड़ा-बड़ा अक्षरों मा मिल तुम तैं अपड़ा हथों ल या चिठ्ठी लिखीं।</verse>
				<verse number="12">यहूदियों तैं खुश नि कैरा कि उ तुम तैं स्वीकार कैरा, उ ही लोग तुम तैं खतना कनु कु लाचार करदींनि भस इलै कि उ यीशु मसीह कि सूली का कारण सतै नि जौंन।</verse>
				<verse number="13">इख तक की यहूदी विश्वासी भि मूसा की सैरी व्यवस्था तैं नि मणदींनि, पर उ चदींनि कि तुम्हरो खतना किये जौ कि उ दुसरा यहूदियों का जन बड़ो मोन कैरी के यु बतै सका कि तुम्हरा खतना ऊंका कारण हवे।</verse>
				<verse number="14">मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।</verse>
				<verse number="15">किलैकि खतना करौंण अर खतना नि करौंण जरूरी नि च, पर पिता परमेश्वर का पवित्र आत्मा का कामों का द्वारा एक नयो जीवन ज्यूंण जरूरी च।</verse>
				<verse number="16">इलै जु लोग पिता परमेश्वर की आज्ञा तैं मणदींनि, पिता परमेश्वर ऊं सभि लुखुं पर दया कैरो अर ऊं तैं शान्ति द्यो, ऊं तैं जु पिता परमेश्वर का द्वारा चुणयां लोग छिनी अर ऊं जौं तैं उ इस्राएल बुल्द।</verse>
				<verse number="17">अगनैं कु कुई मि तैं दुःख नि द्यो, किलैकि मेरी देह पर जु दाग छिनी उ दिखदींनि कि मि यीशु मसीह कु एक प्रेरित छों।</verse>
				<verse number="18">हे विश्वासी भयों, मि प्रार्थना करदु कि हमारा प्रभु यीशु मसीह की कृपा तुम पर हमेशा हूंणी रौ। आमीन।</verse>
			</chapter>
		</book>
		<book number="49">
			<chapter number="1">
				<verse number="1">मि पौलुस, परमेश्वर की इच्छा बट्टी यीशु मसीह कु प्रेरित छो, या चिठ्ठी इफिसुस शहर मा रौंण वला परमेश्वर का पवित्र लुखुं कु लिखणु छो।</verse>
				<verse number="2">मि प्रार्थना करदु छों, कि हमारा पिता परमेश्वर अर प्रभु यीशु मसीह तुम पर कृपा कैरो अर शान्ति पांण मा हमारी मदद कैर।</verse>
				<verse number="3">हमारो परमेश्वर अर प्रभु यीशु मसीह कु बुबा कु धन्यवाद हो कि जैल हम तैं मसीह का द्वारा स्वर्ग बट्टी मिलण वलि, सभि किस्मै कि आत्मिक आशीष दिंयि च अर यु मसीह दगड़ी हमारी एकता का कारण हूंयुं च।</verse>
				<verse number="4">यु कि, पिता परमेश्वर ल दुनिया मा आकाश अर धरती बनौंण बट्टी पैली, मसीह का कारण हम तैं अपड़ा लोग हूंणु कु चुंणियेले; कि हम वेका संमणी पवित्र अर निर्दोष हवे सका।</verse>
				<verse number="5">किलैकि परमेश्वर ल हम बट्टी प्रेम कैरी वेल पैली बट्टी यु फैसला लियेले छों, कि यीशु मसीह का द्वारा किये गै कामों का कारण हम तैं अपड़ी खुद कि सन्तान बंणै दयालो, पिता परमेश्वर ल इन अपड़ी ही इच्छा अर आनन्द का अनुसार कैरी</verse>
				<verse number="6">कि ऊं की निराली दया कि बड़ै हो, जु वेल हम तैं मुफ्त मा दे द्या किलैकि हम वेका प्यारा नौंना का दगड़ी जुड़यां छा।</verse>
				<verse number="7">मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,</verse>
				<verse number="8">जन परमेश्वर ल सैरा बुद्धिमानी अर विवेक मा हम पर बहुतायत बट्टी कैरी।</verse>
				<verse number="9">पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।</verse>
				<verse number="10">जब ईं योजना कु पूरो कन कु बगत ऐ गै, त पिता परमेश्वर आसमान अर धरती कि सभि चीजों तैं मसीह का अधीन रालो, कि मसीह सभि चीजों कु मुखिया हो।</verse>
				<verse number="11">परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।</verse>
				<verse number="12">पिता परमेश्वर ल इन इलै कैरी कि हम यहूदी, जु कि मसीह मा आस रखण वला पैली लोग छा, वेकी महिमा, स्तुति कैरा।</verse>
				<verse number="13">अर तुम दगड़ी यु ही हूंयुं च। तुम ल सच्चा शुभ सन्देश का वचन सूंणिनि जु येका बारा मा बतांद, कि पिता परमेश्वर ही तुम्हरो उद्धार कैर सकदो। जब तुम ल मसीह पर विश्वास कैरी, त पिता परमेश्वर ल अपड़ो वादा जु करयुं पवित्र आत्मा तुम तैं दे द्यां यु दिखौंणु कु कि तुम परमेश्वर का छा, अर मसीह मा, परमेश्वर ल तुम मा अपड़ी मुहर लगै द्यां।</verse>
				<verse number="14">पवित्र आत्मा भि एक बयना का जन च जु ईं बात तैं निश्चित करदो कि पिता परमेश्वर ल हम तैं व छुटकारा की विरासत दयालो जै की वेल दींणै की सौं खैई च, वेकी महिमा अर स्तुति हो।</verse>
				<verse number="15">ऊं सभियूं का कारण जु पिता परमेश्वर ल करयुं च, मि भि वे विश्वास जु तुम लुखुं मा प्रभु यीशु पर च अर पवित्र लुखुं का प्रति हमारा प्रेम का बारा मा सूंणि कै,</verse>
				<verse number="16">मि सदनी तुम कु पिता परमेश्वर कु धन्यवाद करदु छों, अर अपड़ी प्रार्थनाओं मा तुम तैं याद करदु छों।</verse>
				<verse number="17">मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।</verse>
				<verse number="18">मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।</verse>
				<verse number="19">मि चांदु छों कि तुम वे महान अर परिक्रमा सामर्थ का बारा मा जांणा, जु पिता परमेश्वर मा हम कु च, जु वे मसीह पर विश्वास करदु, या उ महान शक्ति च ज्यांको इस्तेमाल परमेश्वर ल तब कैरी छों, जब वेल मसीह तैं फिर से ज्यूँदो कैरी, जब वेल मसीह तैं स्वर्ग मा अपड़ी दैंणि तरपां आदर का जगह पर बैठै।</verse>
				<verse number="20"></verse>
				<verse number="21">उख पिता परमेश्वर ल सभि किस्मै कि प्रधानता, अर अधिकार, अर सामर्थ, अर प्रभुता, जु हरेक नौं बट्टी मथि, जु न बल्कि लोक मा, पर आंण वला लोक मा भि लिये जाली;</verse>
				<verse number="22">अर पिता परमेश्वर ल सभि चीजों तैं मसीह का अधिकार का अधीन कैरी दये, अर उ वीं च, जै तैं परमेश्वर सभि विश्वास कन वलो की मण्डलि पर अगुवा का रूप मा नियुक्त करद</verse>
				<verse number="23">हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।</verse>
			</chapter>
			<chapter number="2">
				<verse number="1">पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।</verse>
				<verse number="2">वे बगत तुम यु दुनिया का ऊं लुखुं का तरीकों का अनुसरण करद जु परमेश्वर तैं नि जंणदा छा, अर शैतान कि आज्ञाओं कु पालन करदा छा मतलब वे प्रधान कु जु आकाश मा दुष्टात्मा पर शासन करदु च, जु अभि भि ऊं लुखुं तैं जकड़ कनै कि कोशिश करदो च जु परमेश्वर कि आज्ञा कु पालन नि करदो।</verse>
				<verse number="3">इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।</verse>
				<verse number="4">पर पिता परमेश्वर भौत दयालु च; अर अपड़ा वे बड़ा प्रेम का कारण ज्यां ल वेल हम बट्टी प्रेम कैरी,</verse>
				<verse number="5">जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,</verse>
				<verse number="6">किलैकि पिता परमेश्वर ल हम तैं यीशु मसीह का दगड़ी मुर्दों बट्टी ज्यूँदो कैरी, अर वेल मसीह का दगड़ी हमारा सम्बंध का कारण स्वर्ग मा हम तैं मसीह का दगड़ी जगह दीं च।</verse>
				<verse number="7">पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।</verse>
				<verse number="8">किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;</verse>
				<verse number="9">अर यु हमारा द्वारा कैर गै कै भि अच्छा काम का कारण नि च अर हम मा घमंड कनु कु कुई भि कारण नि च।</verse>
				<verse number="10">किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।</verse>
				<verse number="11">इलै याद कैरा, कि तुम जन्म बट्टी अन्यजाति छा अर यहूदी लुखुं यु बोलि के नीच जांणि कि तुम खतना नि करदां, पर ऊंकी या रीति भस ऊं देह पर ही किये जांद,</verse>
				<verse number="12">तुम लोग वे बगत मसीह तैं नि जंणदा छा, अर परमेश्वर का चुणयां लोग इस्राएल का जन नागरिक का रूप मा भागिदार नि छा, अर तुम ऊं भलि चीजों का भि भागिदार नि छा जौंकु वादा पिता परमेश्वर ल यहूदीयों बट्टी कैरी छों अर आस हीन हवे कै अर पिता परमेश्वर तैं बगैर जणयां ईं दुनिया मा रौंदा छा।</verse>
				<verse number="13">एक बगत छों जब तुम दूर छा, पर अब मसीह यीशु मा वेका ल्वे का द्वारा नजदीक ऐ ग्यां।</verse>
				<verse number="14">मसीह ल अफ ही हमारा बीच शान्ति स्थापित कैरी। पिछला बगत मा उ इन छा, एक दीवार ल यहूदियों अर अन्यजातियों तैं अलग कैरी दये छों, उ एक दुसरा बट्टी नफरत करदा छा, पर मसीह ल वीं दीवार तैं गिरै द्यां अर द्वी झुण्ड तैं एक कैरी दये।</verse>
				<verse number="15">सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,</verse>
				<verse number="16">अर सूली पर अपड़ा मृत्यु का द्वारा, मसीह ल द्वी झुण्ड तैं एक कैरी अर ऊंको मेल पिता परमेश्वर बट्टी करद्यां, इलै मसीह ल यहूदियों अर अन्यजातियों का बीच बैर तैं खत्म कैरी दये।</verse>
				<verse number="17">अर मसीह ल ऐ के तुम अन्यजातियों तैं, जु पिता परमेश्वर बट्टी दूर छा, अर यहूदियों तैं जु नजदीक छा मेल मिलाप अर शान्ति कु शुभ सन्देश प्रचार सुंणै।</verse>
				<verse number="18">मसीह ल हम कु जु कैरी वेका कारण अब हम सब उ एक पवित्र आत्मा का द्वारा पिता परमेश्वर का नजदीक ऐ सकदां छा।</verse>
				<verse number="19">इलै तुम अन्यजाति अर परदेशी मुसाफिर नि रयां, पर पवित्र लुखुं का दगड़ी नागरिक छा अर परमेश्वर का कुटुम्ब का लोग छा।</verse>
				<verse number="20">प्रेरितों अर परमेश्वर कि तरपां बट्टी बुल्ण वलो कि बुनियाद पर हम एक इमारत का जन छा अर जैकु जरुरी ढुंगो यीशु मसीह च।</verse>
				<verse number="21">मसीह ही उ च जु पूरी इमारत तैं एक दगड़ी जोड़ि रखणों कु कारण च। उ परमेश्वर कु एक पवित्र मंदिर बनांणु कु अपड़ा सभि लुखुं तैं एक दगड़ी जुड़दो।</verse>
				<verse number="22">हे अन्यजाति विश्वासियों, किलैकि तुम मसीह का दगड़ी एकजुट हो, इलै तुम तैं भि परमेश्वर का अन्य लुखुं का दगड़ी जुड़ै जांणु च, कि तुम एक इन घौर बंणि जावा जख परमेश्वर पवित्र आत्मा कि सामर्थ बट्टी रौंदो।</verse>
			</chapter>
			<chapter number="3">
				<verse number="1">किलैकि पिता परमेश्वर ल खुद अन्यजातियों कु यु सब कैरी, मि पौलुस, तुम कु प्रार्थना करदु। मि जेल मा छों किलैकि मि तुम कु मसीह यीशु कि सेवा करदु छों।</verse>
				<verse number="2">निश्चित रूप ल तुम ल सुणयूं च, कि परमेश्वर ल अपड़ा अनुग्रह बट्टी तुम तैं शुभ संदेश कु प्रचार कने की जिम्मेदारी मि तैं द्ये, जै तैं तुम ल सूंणि।</verse>
				<verse number="3">मतलब जन कि मिल तुम तैं विस्तार रूप मा तुम कु पैली लिखीं छों, पिता परमेश्वर ल खुद मि तैं वीं गुप्त योजना तैं प्रगट कैरी।</verse>
				<verse number="4">जन तुम चिट्ठी पढ़ल्या, तुम तैं यु भि पता लगालो कि मि सच मा मसीह का भेद का बारा मा समझदु छों।</verse>
				<verse number="5">जु पिछली बात छै, परमेश्वर ल लुखुं तैं यु भेद प्रगट नि कैरी छों, जन अब आत्मा का द्वारा पवित्र अब वेका अपड़ा पवित्र प्रेरितों तैं अर परमेश्वर का तरपां बट्टी बुल्ण वलो तैं शुभ संदेश कु खुलासा करयुं च।</verse>
				<verse number="6">यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।</verse>
				<verse number="7">अर मुफ्त उपहार बट्टी, बल्कि पिता परमेश्वर का अनुग्रह बट्टी जु वेल मि तैं दिईं च, पिता परमेश्वर का अनुग्रह अर चमत्कार का काम बट्टी जु मि तैं सौभाग्य दियुं च, कि वे शुभ सन्देश सेवक बंणि।</verse>
				<verse number="8">जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,</verse>
				<verse number="9">अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।</verse>
				<verse number="10">कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।</verse>
				<verse number="11">परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।</verse>
				<verse number="12">मसीह का दगड़ी हमारा जुड़णा का कारण अर वे पर हमारा विश्वास कि वजह बट्टी, अब हम परमेश्वर कि उपस्थिति मा हिम्मत अर आत्मा विश्वास बट्टी ऐ सकदा छा।</verse>
				<verse number="13">इलै मि बिनती कनु छौं कि जु दुख तुमारा बांनों मि तैं हूंणु च, वेका कारण तुम निराश नि हुयां, किलैकि यु सब तुमारा फैदा कु च।</verse>
				<verse number="14">इलै, मि पौलुस घुंडा टेकी के तुम कु पिता परमेश्वर बट्टी प्रार्थना करदु,</verse>
				<verse number="15">पिता परमेश्वर वीं च जु स्वर्ग अर धरती पर, हरेक कुटम्ब कु अस्तित्व हूंणो कु कारण बणद,</verse>
				<verse number="16">मि प्रार्थना करदु छों, कि उ अपड़ा महिमा का धन मा बट्टी तुम तैं जु दान दैं, कि वेकी आत्मा तुम तैं शान्ति द्याली कि अपड़ी आत्मा मा तुम सामर्थ पै के मजबूत हवे जावा,</verse>
				<verse number="17">अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।</verse>
				<verse number="18">अर पिता परमेश्वर का सभि लुखुं का दगड़ी, तुम यु जांणि पैल्या कि मसीह हम तैं भौत प्रेम करदु, वेको प्रेम कभी खत्म नि हूंण वलो च।</verse>
				<verse number="19">मि प्रार्थना करदु छों, कि तुम तैं मसीह का प्रेम का बारा मा पता चलि जौ जु मनिख्युं कि समझ बट्टी भैर च कि तुमारो बरतौ परमेश्वर कु बरतौ का जन बंणि जौ।</verse>
				<verse number="20">परमेश्वर जु इन सामर्थी च, कि हमारी बिनती अर समझ बट्टी बढ़ि के काम कैरी सकद, वीं सामर्थ का अनुसार जु हम मा काम करद।</verse>
				<verse number="21">मण्डलि मा, अर मसीह यीशु मा, वेकी बड़ै पीड़ि बट्टी पीड़ि तक सदनी हूंणी रौ। आमीन।</verse>
			</chapter>
			<chapter number="4">
				<verse number="1">इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,</verse>
				<verse number="2">मतलब सैरी दीनता अर नम्रता सहित, अर सब्र रखि के प्रेम बट्टी एक हैंका की गलतियों तैं सहन कैरी ल्या।</verse>
				<verse number="3">यु काम मा अपड़ा सभियूं कु अच्छो कनै की कोशिश कैरा, कि तुम हमेशा मेल मिलाप मा बंणयां रावा, किलैकि तुम परमेश्वर कि आत्मा का द्वारा एक किये ग्यां छा।</verse>
				<verse number="4">हम सब विश्वासी एक देह का अंगों का जन छा, अर हम सभियूं तैं एक ही पवित्र आत्मा मिल्युं च; जन तुम तैं एक आस दिये गै, जब तुम पिता परमेश्वर का लोग हूंणु कु चुणै ग्यां।</verse>
				<verse number="5">भस एक ही प्रभु च, मतलब यीशु मसीह, हम सब भस प्रभु यीशु मसीह पर विश्वास करद्यां, अर हम तैं भस मसीह का नौं पर ही बपतिस्मा दिये गै,</verse>
				<verse number="6">अर एक ही पिता परमेश्वर च जु सभि लुखुं कु बुबा च, उ हम सब पर राज्य करद, उ हम सभियूं का द्वारा काम करद, अर उ हम सभियूं मा रांदो।</verse>
				<verse number="7">पर मसीह ल हम मा बट्टी हरेक तैं वेका माप का अनुसार या उदारता बट्टी काम कनु कु अलग-अलग विशेष योग्यता दीं च।</verse>
				<verse number="8">इलै परमेश्वर का वचन मा लिख्युं च, “उ स्वर्ग मा मथि चैढी, अर उ अपड़ा दगड़ी कै कैदियों तैं ली गै, अर मनिख्युं तैं आशीषित कैरी।”</verse>
				<verse number="9">जब परमेश्वर का वचन मा लिख्युं च, यु भाव कु क्य मतलब च, कि “उ मथि चैड़ि?” बल्कि यु कि उ धरती का सभि मुड़ी जगहों मा उतरी छों।</verse>
				<verse number="10">मसीह जु मुड़ी ऐ, अर उ वीं च, जु स्वर्ग मा सब बट्टी बड़ी गद्दी पर च। मसीह ल सभि कुछ अपड़ी उपस्थिति बट्टी भुरण कु इन कैरी।</verse>
				<verse number="11">यु मसीह छों जैल यु जिम्मेदारी मण्डलि तैं द्ये; वेल कुछ तैं प्रेरित बनांणु कु चुणि, अर कुछ तैं परमेश्वर का तरपां बट्टी बुल्ण वलो ठैरे, अर कुछ तैं शुभ संदेश सुंणाण वला ठैरे, अर कुछ तैं रखवला अर उपदेशक दींण वला ठैरे दींनि।</verse>
				<verse number="12">वेल लुखुं तैं यु योग्यता इलै दींनि, कि उ पिता परमेश्वर का लुखुं तैं वे कु काम कनु कु तैयार कैरी अर मसीह का देह की रूप मा मजबूत अर पक्का हूंदा जावा।</verse>
				<verse number="13">यु तब तक जारी रालो जब तक कि हम अपड़ा विश्वास अर परमेश्वर का नौंना का बारा मा अपड़ी समझ मा एकजुट नि हवे जांदा। तब हम पक्का हवे जौला, जन मसीह च, अर हम पूरी रीति ल वेका समान हवे जौला।</verse>
				<verse number="14">कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।</verse>
				<verse number="15">बल्कि प्रेम मा सच बोलि के अर हर बात मा मजबूत अर मसीह का जन हवे जावा, जु अपड़ी देह मतलब मण्डलि कु मुंड च,</verse>
				<verse number="16">जनकै एक मनिख की देह वेका हरेक जोड़ का द्वारा एक दगड़ी जुड़यां रौदींनि अर देह कु हरेक अंग अच्छी ढंग काम करदु त देह बडद अर मजबूत हूंदी; वे जन जब हम मा हरेक वे काम तैं करदु जु मसीह ल हम तैं दियुं च त हम मजबूत बणुला अर एक दुसरा बट्टी अर जादा प्रेम करुला।</verse>
				<verse number="17">इलै कि वे अधिकार का दगड़ी जु प्रभु ल मि तैं दियुं च, कि मि तुम तैं यु बुल्णु छों कि जन अन्यजाति का लोग अपड़ा मन कि बेतुकी बातों कि चिंता करदींनि, तुम अब फिर नि चल्यां।</verse>
				<verse number="18">किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;</verse>
				<verse number="19">अर उ बुरा काम कनु कु भंगारी महसूस नि करदा, इलै ऊंल खुद तैं बुरै कनु कु दियेले, उ लगातार सभि किस्म का गंदा काम करदींनि, अर उ कभि भि यु चीजों तैं छुड़ण नि चंदींनि।</verse>
				<verse number="20">पर यु उन ही च, जु तुम ल मसीह कि शिक्षाओं मा बट्टी सीखी।</verse>
				<verse number="21">जु कुछ तुम ल यीशु मसीह का बारा मा सूंणि अर कुछ हमारा शिक्षकों ल तुम तैं सिखयूं च, उ निश्चित रूप बट्टी मसीह कु सच्चो शुभ संदेश च।</verse>
				<verse number="22">तुमारा शिक्षकों ल तुम तैं वे ढंग छुड़ौण कि शिक्षा द्यां, जैका अनुसार तुम बरतौ करदा छा, हमारी भुरीं इच्छा ल तुम तैं धोका द्यां अर तुमारा जीवन तैं बर्बाद कैरी द्या।</verse>
				<verse number="23">अर अब तुम तैं परमेश्वर तैं तुमारा सुचणो कु ढंग तैं बदल दींण चयणु च,</verse>
				<verse number="24">परमेश्वर ल तुम तैं एक नयो बरतौ दियुं च जु वेको खुद का बरतौ का जन च, इलै की यु नया बरतौ का अनुसार बरतौ कैरा, अर सचै मा धर्मी अर पवित्र बंणि।</verse>
				<verse number="25">यु कारण झूठ बुल्ण छोड़ी कै, हरेक अपड़ा दगड़िया विश्वासी पड़ोसी बट्टी सच बोला, किलैकि हम सभि एक ही देह का अंग छा।</verse>
				<verse number="26">जब तुम गुस्सा मा छा, त ध्यान रखा कि कखि तुम पाप नि कैरा; घाम अछ्योंण तक तुमारो गुस्सा नि रौ।</verse>
				<verse number="27">अर न शैतान तैं धोका दींणो कु मौका दयावा।</verse>
				<verse number="28">चोरी कन वलो फिर चोरी नि कैर; पर उ मेहनत कैरा कि हथों ल कैरे गै उपयोगी कामों का द्वारा अन्य लुखुं की भि मदद कैरी सका, जौं तैं कै भि किस्मै कि जरुरत च; इलै कि जै तैं मतलब हो, वे तैं दींणु कु कुछ नि हो।</verse>
				<verse number="29">कुई गंदी बात तुमारा गिच्चा बट्टी नि निकलो, बल्कि भस उ ही बोला जु लुखुं कि उन्नति कनै कि जरुरी च, कि जु कुछ भि तुम बुल्दा छा उ सुनण वलो तैं आत्मिक रूप बट्टी फैदा कैरी साको।</verse>
				<verse number="30">पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।</verse>
				<verse number="31">सब किस्मै कि कड़वाहट, रोष, गुस्सा, कलह, अर निंदा सब बुरै समेत तुम बट्टी दूर किये जौं।</verse>
				<verse number="32">एक दुसरा पर मयलदु, अर दयावन्त हो, अर जन परमेश्वर मसीह मा तुमारा पाप माफ करिनि, उन ही तुम भि एक दुसरा अपराध माफ कैरा।</verse>
			</chapter>
			<chapter number="5">
				<verse number="1">तुम परमेश्वर का बच्चा छा जौं बट्टी उ प्रेम करदु, इलै वे जन बनणै की कोशिश कैरा।</verse>
				<verse number="2">मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।</verse>
				<verse number="3">जन पवित्र लुखुं का लैख च, उन ही तुम मा व्यभिचार, अर कै भि किस्मै का गंदा काम, या लोभ कि चर्चा तक नि हो।</verse>
				<verse number="4">अर न बेशर्म हवे के बात कन, न मूर्खता कि बातचित कन, अर न ऊं बातों पर हैंसण जौं पर बेजती महसूस हूंदी, किलैकि यु बात शोभा नि दींदिनि, पर तुम तैं परमेश्वर तैं धन्यवाद ही दींण चयणु च।</verse>
				<verse number="5">किलैकि तुम अच्छा से जंणदा छा, कि कै व्यभिचारी, य अशुद्ध मनिख (जै मा दुष्टात्मा हो) य लोभि मनिख, एक मूर्तिपूजा कन वला का बराबर हूंद, जु ईं दुनिया का चीजों कि आराधना करदां, अर कभि भि मसीह अर पिता परमेश्वर का राज्य हिस्सा नि बंणला।</verse>
				<verse number="6">उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।</verse>
				<verse number="7">इलै तुम इन पापमय कामों तैं कन मा ऊंका दगड़िया नि बणा।</verse>
				<verse number="8">किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।</verse>
				<verse number="9">किलैकि जु कुई मनिख उज्यला मा च, त वेको बरतौ अच्छो अर धार्मिक हूंद अर वे पर भरोसो किये जै सकदु च,</verse>
				<verse number="10">जनणै कि कोशिश कैरा कि क्य पिता परमेश्वर तैं खुश करद।</verse>
				<verse number="11">इलै तुम यूं पापमय कामों तैं कन मा ऊंका दगड़िया नि बंणि, बल्कि लुखुं तैं दिखा कि यु काम बुरा छिनी।</verse>
				<verse number="12">किलैकि अविश्वासी का गुप्त कामों कि चर्चा कन भि शर्म कि बात च।</verse>
				<verse number="13">जब कै चीज पर उज्यलो चमकदु, त हर कुई देखि सकद कि उ चीज कन च किलैकि जब उज्यलो कै चीज तैं प्रकट करद त उ चीज खुद उज्यलो बंणि जांदु।</verse>
				<verse number="14">यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”</verse>
				<verse number="15">इलै ध्यान द्यावा, कि अपड़ा स्वभाव का बारा मा खास रूप बट्टी चौकस रावा; निर्बुद्धि का जन न पर बुद्धिमान जन चला।</verse>
				<verse number="16">अर हरेक मौका कु इस्तेमाल जु तुम करदां, भलै कनु कु कैरा।</verse>
				<verse number="17">पर यु जनणै कि कोशिश कैरी कै बुद्धिमान बणा कि प्रभु तुम बट्टी कि कन चांणु च अर वे तैं कैरा।</verse>
				<verse number="18">अर दाखमधु तैं पी कै धूत नि बंणयां रावा, किलैकि यु लुखुं कु रुखा, बेकाबू ढंग बट्टी बरतौ कनु कु कारण बणद, बल्कि पवित्र आत्मा तैं तुम तैं काबू मा कन द्यां।</verse>
				<verse number="19">अर आपस मा भजन अर स्तुतिगान अर आत्मिक गीतों तैं गाया कैरा, अर अपड़ा-अपड़ा मन मा प्रभु का संमणी गांदा अर स्तुति करदा रावा।</verse>
				<verse number="20">अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।</verse>
				<verse number="21">अर हम मसीह का प्रति श्रद्धा-भक्ति रखण का कारण एक दुसरा का अधीन रावा।</verse>
				<verse number="22">हे जननों, अपड़ा स्वामि का इन अधीन रावा जन तुम प्रभु का अधीन रौंदा।</verse>
				<verse number="23">किलैकि स्वामि त जनन कु मुंड च, जन मसीह मण्डलि कु मुंड च; अर मसीह मण्डलि कु उद्धारकर्ता च, जु कि वेकी खुद की देह च।</verse>
				<verse number="24">जन मण्डलि मसीह का अधीन च, उन ही जनन भि हरेक बातों मा अपड़ा-अपड़ा स्वामियों का अधीन रावा।</verse>
				<verse number="25">हे स्वामि, अपड़ी-अपड़ी जननियों बट्टी प्रेम रखा, जन मसीह ल भि मण्डलि बट्टी प्रेम कैरी कै अपड़ा आप तैं बलिदान कैरी दींनि,</verse>
				<verse number="26">कि वेको शुभ संदेश मण्डलि ल लुखुं पर प्रगट हवे के ऊंका पाप तैं शुद्ध कैरो, जन कुई आदिम कीं चीज तैं धवे के शुद्ध करद,</verse>
				<verse number="27">मसीह ल इन इलै कैरी कि उ हम सभि विश्वासी लुखुं की मण्डलि तैं एक इन महिमामय झुण्ड बंणै साका जु वे बट्टी जुड़यां छिनी, इन लोग जु मा कुई कमी नि हो, बल्कि उ पूरी रीति पवित्र हों जब उ हम तैं अपड़ा संमणी कठ्ठा करदु।</verse>
				<verse number="28">ईं रीति ल ठिक च, कि स्वामि अपड़ी-अपड़ी जनन बट्टी अपड़ा देह का जन प्रेम रखा, जु अपड़ी जनन बट्टी प्रेम रखदु, उ खुद अपड़ा आप बट्टी प्रेम रखदो।</verse>
				<verse number="29">किलैकि कै ल भि अपड़ा देह बट्टी बैर नि रखि बल्कि वांको पालन पोषण करदु, जन मसीह मण्डलि कि देखभाल करदो, उन ही एक मनिख भि खुद कि भि देखभाल करदु।</verse>
				<verse number="30">इलै कि हम सभि मसीह का देह का अंगों का जन छा।</verse>
				<verse number="31">जन कि परमेश्वर का वचन मा लिख्युं च, “आदिम अपड़ा ब्वे-बुबों तैं छोड़ी के अपड़ी जनन दगड़ी मिल्युं रालो, अर उ द्वी एक देह होला।”</verse>
				<verse number="32">या एक कीमती अर गम्भीर शिक्षा च जै बट्टी हम इन समझ सकद्यां, अर मि यांकि तुलना मसीह अर वे पर विश्वास कन वलो की मण्डलि का दगड़ी करदु।</verse>
				<verse number="33">पर यु तुम पर भि लागू हूंद, कि तुम बट्टी हरेक अपड़ी जनन बट्टी अपड़ा जन प्रेम रखा, अर जनन भि अपड़ा स्वामि कु आदर कैरो।</verse>
			</chapter>
			<chapter number="6">
				<verse number="1">हे नौंना, परमेश्वर का वचन मा लिख्युं च “अपड़ा ब्वे-बुबों कु आदर करयां” यु इलै हवे हे नौंना तुम जु प्रभु पर विश्वास करद्यां, हम कु ठिक च।</verse>
				<verse number="2">“अपड़ा ब्वे अर बुबा कु आदर करयां यु पैली आज्ञा च ज्यां तैं पिता परमेश्वर ल वादा का दगड़ी दियुं च।”</verse>
				<verse number="3">कि तब त्वे दगड़ी भलो होलो, अर धरती पर तेरु जीवन लंबो होलो।</verse>
				<verse number="4">अर हे बुब्बओं, अपड़ा नौंनों तैं गुस्सा नि दिलावा पर प्रभु कि शिक्षा, अर चेतावनी दे कै ऊंको पालन पोषण कैरा।</verse>
				<verse number="5">हे सेवक, जु लोग दुनिया का अनुसार हमारा स्वामि छिनी, चौकसी बट्टी ऊंको आदर अर समान कैरा, भक्ति अर कौंपदि, जन मसीह कि उन ही ऊंकी भि आज्ञा मांणा।</verse>
				<verse number="6">अर यु सभि दिखांणु कु पर ऊं तैं खुश कना का मकसद बट्टी न बल्कि मसीह का सेवक का जन काम कैरा, जु अपड़ा पूरा मन बट्टी उ ही करदींनि जु परमेश्वर चांदु उ कैरा,</verse>
				<verse number="7">अर खुशी का दगड़ी एक सेवा का रूप मा इन काम कैरा जन माना कि लुखुं कि न पर प्रभु सेवा कना छा।</verse>
				<verse number="8">किलैकि तुम जंणदा छा, कि जु कुई जन अच्छा काम करलो, चाहे दास हो, चाहे स्वतंत्र आदिम हो, त प्रभु बट्टी वेको प्रतिफल पालो।</verse>
				<verse number="9">ईं रीति बट्टी च स्वामियों, तुम तैं ऊं तैं धमकी नि दींण चयणी च, बल्कि तुम तैं अपड़ा सेवकों का दगड़ी वे ही रीति ल बरतौ कन चयणु च, जन मिल ऊं बट्टी बोलि छों, कि उ तुम दगड़ी बरतौ कैरा, किलैकि तुम जंणदा छा, कि ऊंको अर तुमारो दुयूं कु स्वामि स्वर्ग मा च, अर उ कैकी तरफदरी नि करदु।</verse>
				<verse number="10">एक आखिरी शब्द प्रभु कि शक्तिशाली सामर्थ बट्टी मजबूत बणा।</verse>
				<verse number="11">किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग म च, इलै सभि कवच पैरिल्यां जु परमेश्वर दींद। अर जब उ बुरा दिन आलो, त तुम शैतान की चालबाजी बट्टी अपड़ो बचाव कैरी सकदा छा। अर जब यु युद्ध खत्म हवे जालो, तब तुम मजबूती ल खड़ा रै सक्यां। किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग मा च।</verse>
				<verse number="12"></verse>
				<verse number="13"></verse>
				<verse number="14">इलै परमेश्वर कि सचै तैं अपड़ी कमर बैल्ट का जन बंदधिल्या, अर तुमारो बरतौ धार्मिकता कु हो, जु एक झीलम पैरण का जन च।</verse>
				<verse number="15">अर पिता परमेश्वर की शान्ति कु शुभ सन्देश सुनांणु कु तुम्हरी इच्छा ठिक उन ही हूंण चयणी च, जन एक सिपै लड़ै कु अपड़ा जुत्ता पैरी के तैयार हूंद;</verse>
				<verse number="16">यांका अलावा जन के एक सिपै ढाल ले के अपड़ा मथि आंण वलो दुश्मन तैं तीर बट्टी अपड़ा आप तैं बचांदु, वे ही मसीह पर मजबूत विश्वास रखा कि मसीह तुम तैं दुष्ट शैतान का द्वारा नुकसान पौंछण वला जगदा तीरों बट्टी बचै के रखो।</verse>
				<verse number="17">जन एक सिपै अपड़ा मुंड तैं युद्ध मा टोप पैरदो, उन ही परमेश्वर तुम तैं शैतान बट्टी बचालो। जन एक सिपै खुद कु बचाव कु एक तलवार लींदु, उन ही अपड़ा उद्धार कु पिता परमेश्वर का वचन इस्तेमाल कैरा, यु पवित्र आत्मा कि तरपां बट्टी च।</verse>
				<verse number="18">अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,</verse>
				<verse number="19">अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,</verse>
				<verse number="20">इलै कि मि संगलों बट्टी जकड़ियूं छो, अर राजदूत का जन सेवा कनु छों, प्रार्थना कैरा कि मि तैं जन बुल्ण चयणु च, बगैर डरयां शुभ संदेश कु प्रचार कैरी साको।</verse>
				<verse number="21">प्रभु कि संगति मा प्रिय भैय अर विश्वासी सेवक तुखिकुस तुम सभियूं तैं बतौ दयालो, कि तुम भि जांणि जा कि मि कन छों अर कि कनु छों।</verse>
				<verse number="22">वे तैं मिल तुम मा इलै भेजि, कि तुम हमारी दशा तैं जांणि जां, अर उ तुमारा मनों तैं बढ़ावा द्ये सका।</verse>
				<verse number="23">मि हमारा पिता परमेश्वर बट्टी अर प्रभु यीशु मसीह बट्टी प्रार्थना करदु कि उ तुम विश्वासियों तैं शान्ति द्यां, उ इन कैरा कि तुम एक दुसरा बट्टी प्रेम कैरा अर मसीह पर हमेशा विश्वास करदी रावा।</verse>
				<verse number="24">पिता परमेश्वर ऊं सभियूं तैं अपड़ी कृपा दिखौ जु हमारा प्रभु यीशु मसीह बट्टी प्रेम रखदींनि, उ प्रेम जु कभि खत्म नि हो।</verse>
			</chapter>
		</book>
		<book number="50">
			<chapter number="1">
				<verse number="1">मि पौलुस तीमुथियुस का दगड़ी या चिठ्ठी लिखणु छो अर हम मसीह यीशु का सेवक छा। ऊं अध्यक्ष अर सेवकों दगड़ी सभि पवित्र लुखुं कु जु मसीह यीशु मा हवे के फिलिप्पी शहर मा रौंदा छा।</verse>
				<verse number="2">मि प्रार्थना करदु कि हमारा पिता परमेश्वर अर प्रभु यीशु मसीह का तरपां बट्टी तुम तैं कृपा अर शान्ति मिलदी रौ।</verse>
				<verse number="3">पैली दिन बट्टी तुम ल यीशु मसीह का बारा मा यु शुभ सन्देश पर विश्वास कैरी, तुम पैली बट्टी मेरा दगड़िया रै चुकि ग्यां; ये कारण मि जब-जब तुम तैं याद करदु, उथग बार मि पिता परमेश्वर कु धन्यवाद करदु। अर जब मि तुम सभियूं कु पिता परमेश्वर बट्टी प्रार्थना करदु त सदनी खुशी हवे के प्रार्थना करदु।</verse>
				<verse number="4"></verse>
				<verse number="5"></verse>
				<verse number="6">मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।</verse>
				<verse number="7">यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।</verse>
				<verse number="8">ईं बात मा पिता परमेश्वर मेरू गवाह च कि मि मसीह यीशु जन प्रेम कैरी के तुम सभियूं तैं दिखणै की लालसा करदु।</verse>
				<verse number="9">अर मि तुम कु प्रार्थना करदु, कि एक दुसरो कु तुमारो प्रेम सदनी बढ़दी जौं, अर तुम तैं पूरो ज्ञान अर सब किस्मै कि बुद्धि अर विवेक मिली जौं।</verse>
				<verse number="10">इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।</verse>
				<verse number="11">यीशु मसीह का द्वारा पैदा हूंण वला धार्मिकता का कामों तैं अपड़ा भितर भोरि लय, जु यीशु मसीह मा पये जंदींनि ज्यां ल पिता परमेश्वर कि बड़ै हूंणी रौ।</verse>
				<verse number="12">हे विश्वासी भयों, मि इन चांदु, कि तुम यु जणिल्या कि जु मि पर बीति, भौत लुखुं कु शुभ सन्देश पर विश्वास कनु कु कारण बंणि।</verse>
				<verse number="13">इख तक कि कैसर का राजभवन कि सैरी पलटण अर बकि सभि लुखुं मा यु प्रगट हवे कि मि जेल मा बंधि छों किलैकि मि मसीह की सेवा करदु,</verse>
				<verse number="14">मि अभि भि कैद मा बंधि छौं, अर प्रभु मा जु विश्वासी भैय छिनी, किलैकि कि मि पिता परमेश्वर का वचन और अधिक हिम्मत ल अर बगैर कै डौर ल बोलि साको।</verse>
				<verse number="15">कुछ लोग त जलन रखि के अर कुछ झगड़ा कन वला लुखुं का बानौं, मसीह का बारा मा शुभ संदेश कु प्रचार अर कुछ त भली मनसा से यु काम तैं करदींनि।</verse>
				<verse number="16">उ सभि यु इलै करदींनि किलैकि उ मि बट्टी प्रेम करदींनि, अर उ जंणदा छिनी कि मसीह का बार मा जवाब दींण अर शुभ सन्देश का कारण मि तैं बंधि बणै के जेल मा डलला।</verse>
				<verse number="17">पर उ लोग जु जलन रखदींनि उ लोभ की इच्छाओं का दगड़ा मसीह का बार मा ईमानदरी ल प्रचार नि करदींनि, उ कैद मा रै कर भि मि कु और जादा परेशानी खड़ी कन चयदींनि।</verse>
				<verse number="18">त क्य हवे? भस यु, कि उ हर ढंग का गलत इरादा ल, चै उ सचै ल, मसीह का बार मा शुभ संदेश कु प्रचार करदींनि, अर मि ईं बात से खुश छौं अर मि तैं खुश हूंण भि चयणु च।</verse>
				<verse number="19">किलैकि मि जंणदु छौं कि तुम्हरी प्रार्थना का द्वारा, अर यीशु मसीह का द्वारा भिज्यां पवित्र आत्मा की मदद ल यांको प्रतिफल मि कु यु हो कि मि कैद बट्टी उद्धार पौं।</verse>
				<verse number="20">किलैकि मेरा मन कि मनसा अर आस या च कि मेरी कैं भि बात मा बेजती नि हो। पर मि तैं मसीह का बार मा बुल्ण की हिम्मत हो, जन कि मिल पैली बगत मा कैरी छो। चै मि ज्यूँदो रौं या फिर मोरि जौं, मि अपड़ा पूरा जीवन बट्टी मसीह कु सम्मान कनु रौलु।</verse>
				<verse number="21">किलैकि जु मि ज्यूँदो रौ, त मसीह कु च, अर जु मि मोरि जौं त यूं तैं कु फैदामन्द होलो किलैकि तब मि मसीह का दगड़ी रौलु।</verse>
				<verse number="22">पर जु देह मा ज्यून्दो रौंण मेरू मसीह का काम कु फैदामन्द च त मि इन नि जंणदु कि कै कु चुनाव करूं।</verse>
				<verse number="23">अर मि यूं द्वी का बीच नि जंणदु की कै तैं चुणु, ज्यू त इन बुल्णु च कि मोरि जौं अर सदनी कु यीशु मसीह का दगड़ा मा रौं, किलैकि यु त भौत ही अच्छो च</verse>
				<verse number="24">पर मेरू ज्यूँदो रौंण और भि जरूरी च, कि मि तुम्हरी मदद कैरी साको।</verse>
				<verse number="25">इलै मि तैं ईं बात कु पूरो भरोसो च। अर मि जंणदु भि छौं कि मि ज्यूँदो रौलु, बल्कि तुम सभियूं दगड़ी रौलु, मि तुम तैं विश्वास मा मजबूत हूंणु कु अर वेमा खुश रौंणु कु मदद करुलु।</verse>
				<verse number="26">कि जब मि फिर से तुम्हरा दगड़ा होलु त तुम मेरा बाना मसीह यीशु का बारा मा और भि जादा घमण्ड कैर साका।</verse>
				<verse number="27">भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।</verse>
				<verse number="28">अर कैं भि बात मा विरोधियों से नि डरदां। तुम्हरो सासो ऊं कु विंणास को साफ चिन्ह च, पर तुम कु उद्धार को चिन्ह च, अर यु पिता परमेश्वर कि तरपां बट्टी च।</verse>
				<verse number="29">किलैकि पिता परमेश्वर ल तुम तैं भस मसीह यीशु मा विश्वास कनु कु न बल्कि दुःख सौणो कु भि सौभाग्य दियुं च, किलैकि तुम वे पर विश्वास करद्यां।</verse>
				<verse number="30">अर तुम भि ऊं मुशीबतों का कामों जन जु तुम ल मि तैं फिलिप्पी शहर मा करद देखि, अर जूं मुशीबतों का बार मा तुम सुणदा छा उ मि पर जेल मा अब भि छिनी।</verse>
			</chapter>
			<chapter number="2">
				<verse number="1">तुम तैं हर्ष हो कि तुम मसीह बट्टी जुड़यां छा अर तुम तैं मसीही का प्रेम बट्टी तसल्ली मिलीं च, अर पवित्र आत्मा कु दगड़ो, अर किलैकि मसीह तुम कु दयालु अर मयलदु च,</verse>
				<verse number="2">त फिर मेरा यु आनन्द तैं इन कै पूरो कैरा कि एक मन रावा अर एक ही प्रेम अर एक ही मनसा रखा।</verse>
				<verse number="3">घमण्ड या अहंकार कु कुछ नि कैरा पर दीनता से एक हैंका तैं अफ से अच्छो समझा।</verse>
				<verse number="4">हर एक अपड़ी ही भलै की न पर दुसरों कि भलै कि भि चिंता कैर।</verse>
				<verse number="5">जन मसीह यीशु कु बरतौ छो उन ही तुमारो बरतौ भि हो;</verse>
				<verse number="6">उ हर ढंग से पिता परमेश्वर का जन छो फिर भि मसीह ल परमेश्वर दगड़ी अपड़ी बराबरी तैं बणये रखण सै नि समझी।</verse>
				<verse number="7">बल्कि वेल अपड़ो सभि कुछ ईश्वरीय अधिकार तैं भि छोड़ दींनि जन बुल्दींनि कि वेल सब कुछ पिछनै छोड़ी दींनि अर सेवक कु रूप धारण कैरी, अर उ मनिख बंणि गै।</verse>
				<verse number="8">अर मनिख का रूप मा प्रगट हवे के अपड़ा आप तैं दीन कैरी, अर पिता परमेश्वर की आज्ञाकारिता मा उ सूली पर एक भंगारी का जन मौत भि सै।</verse>
				<verse number="9">इलै पिता परमेश्वर ल वे तैं सबसे ऊँचा पद पर बैठै, अर वे तैं उ नौं दींनि जु सभि नौं मा बड़ो च।</verse>
				<verse number="10">इलै जु स्वर्ग मा, अर धरती पर, अर जु धरती का मूड़ी छिन; उ सभि यीशु का सम्मान कु घुंडा टेकुनु,</verse>
				<verse number="11">अर पिता परमेश्वर कि बड़ै कु सभि लोग अंगीकार कैरो कि यीशु मसीह ही प्रभु च।</verse>
				<verse number="12">जब मि तुम दगड़ी छो तब तुम ल हमेशा पिता परमेश्वर की आज्ञा कु पालन कैरी अब जब मि दूर हवे ग्यों, त तुम तैं और भि बात मनण चयणी च। पिता परमेश्वर डौर का दगड़ी तुम मा बट्टी हर एक तैं ऊं चीजों तैं कन चयणु च जूं ऊं लुखुं कु सै च जौं तैं पिता परमेश्वर ल उद्धार द्ये अर बचै।</verse>
				<verse number="13">किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।</verse>
				<verse number="14">सब काम बगैर बबड़य्यां अर बगैर झगड़ा ल कैरा करा;</verse>
				<verse number="15">किलैकि तुम निर्दोष अर सीधा हवे के टेढ़ा अर भ्रष्ट लुखुं का बीच मा पिता परमेश्वर कि निष्कलंक सन्तान बंणि के रै सक्यां, तुम ईं दुनिया का लुखुं का बीच मा आकाश का गैणों का जन चमका, जब तुम ऊं तैं उ वचन बतांद छा जु हमेशा कु जीवन दींदी,</verse>
				<verse number="16">कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।</verse>
				<verse number="17">प्रभु पर तुम्हरो विश्वास अर वेका प्रति तुम्हरी सेवा परमेश्वर तैं चढै गै बलिदान का जन च। जु उ मि तैं मारि भि डलला, त मि वे दाखरस का जन होलो जै तैं याजक तुम्हरा बलिदान का मथि एक पीणै की भेंट कैरी के अखणांद कि बलिदान तैं पूरो कैरो।</verse>
				<verse number="18">उन ही तुम भि खुश रावा, अर मि दगड़ी खुशी मंणावा।</verse>
				<verse number="19">मि तैं प्रभु यीशु मसीह पर आस च कि मि तुम मा तीमुथियुस तैं तुरंत भिजलु, कि वे बट्टी तुमारी दशा सूंणि के मि तैं खुशी मिलो।</verse>
				<verse number="20">किलैकि मि मा इन बरतौ कु कुई और नि च, जु सच्चा मन बट्टी तुमारी चिंता कैरो।</verse>
				<verse number="21">किलैकि सब अपड़ा स्वार्थ कि खोज मा रौदींनि, उ मसीह यीशु बट्टी जुड़ीं बातों का बारा मा परेशान नि छिनी।</verse>
				<verse number="22">पर तुम जंणदा छा कि तीमुथियुस ल कन कै दिखै की उ वफादार च कि जन नौंनो बुबा दगड़ी काम-काज करदो, उन ही वेल भि शुभ सन्देश का फैलांण मा मि दगड़ी मेहनत कैरी।</verse>
				<verse number="23">इलै मि तैं इन आस च कि जन मि तैं पता चललो कि मेरी क्य दशा होली, त उन ही मि वे तैं तुरंत भेजि दयुलु।</verse>
				<verse number="24">अर मि तैं प्रभु मा भरोसो च कि मि अफ भि जल्दी औलु।</verse>
				<verse number="25">मिल इपफ्रुदीतुस तैं तुम मा भिजण जरूरी समझी। उ मेरू भैय, अर ऊं शुभ संदेश कु विरोध कन वला लुखुं का विरुद्ध मा मि दगड़ी एक योद्धा का जन खड़ो छो जु तुम्हरो संदेश मि तैं पौछांण वलो एक प्रेरित च, अर जरूरी बातों मा मेरी सेवा कन वलो च</verse>
				<verse number="26">वेको ज्यू तुम सभियूं मा लग्युं छो, किलैकि तुम ल वेकी बिमारी कु हाल समाचार सूंणि, इलै उ तुमारी चिंता करदु।</verse>
				<verse number="27">सचमुच मा उ बिमार त हवे गै छो, इख तक कि मुरण पर छो, पर पिता परमेश्वर ल वे पर दया कैरी; अर वे पर ही न पर मि पर भि और भि बड़ो दुःख नि हूंण द्ये।</verse>
				<verse number="28">इलै मिल वे तैं भेजणै कि और भि जादा कोशिश कैरी कि तुम वे बट्टी मिली के खुश हवे जां अर मेरी भि चिंता कम हवे जौं।</verse>
				<verse number="29">इलै तुम प्रभु मा वे बट्टी भौत खुशी से मिल्यां, अर तुम वेको अर वेका जन लुखुं कु आदर कना रयां।</verse>
				<verse number="30">इलै की उ मसीह का कामों कु अपड़ा प्राण तैं भि खतरा मा डाली के मुरण कु तैयार हवे गै छो, कि उ, ऊं तरीकों ल मेरी मदद कैर साका, जु तुम नि कैरी सकणा छा किलैकि तुम भौत दूर छा।</verse>
			</chapter>
			<chapter number="3">
				<verse number="1">इलै हे मेरा विश्वासी भयों, प्रभु मा खुश रावा। एक ही बात तुम तैं बार-बार लिखण मा मि तैं कुई कष्ट नि हूंदो, मेरा द्वारा यूं बातों तैं दोहरांण तुम्हरी मदद करलो कि तुम भटकी नि जावा।</verse>
				<verse number="2">बुरा काम कन वलो बट्टी सचेत रावा जु कि कुत्तों जन खतरनाक छिनी, उ लुखुं बट्टी सचेत रावा जु बुल्दींनि कि तुम तैं बचै जांणु कु खतना कन जरूरी च।</verse>
				<verse number="3">किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।</verse>
				<verse number="4">जबकि, मि मा अपड़ा खुद का मानवीय कोशिशों पर निर्भर रौंणो कु भि कारण च। जु कुई इन सुचदा कि ऊंमा इन मानवीय कोशिशों पर निर्भर रौंणा कु और अच्छा कारण छिनी त मि वे बट्टी भि बड़ी के रखि सकदु।</verse>
				<verse number="5">किलैकि जब मि आठ दिन कु छो तब मेरू खतना हवे जन पिता परमेश्वर की आज्ञा दीं च, अर मि इस्राएली जाति कु छौं अर बिन्यामीन का गोत्र कु छौं; अर मेरा ब्वे-बुबा इब्रानी छा, इलै मि भि एक इब्रानी छों; अर जु मूसा द्वारा लिखीं परमेश्वर की व्यवस्था का बारा मा पालन कन वलो बोला त मि एक फरीसी छों।</verse>
				<verse number="6">अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।</verse>
				<verse number="7">पर जु-जु बात मेरा फैदा कि छिनी, ऊं तैं ही मिल यीशु मसीह का बानौ नुकसान कि बात समझी।</verse>
				<verse number="8">पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।</verse>
				<verse number="9">अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।</verse>
				<verse number="10">मि यु चांद कि मसीह तैं जांणि जौ। अर वेका मुर्दों मा बट्टी ज्यून्दो हूंण की सामर्थ कु अनुभव कैरी के अर वेका दुखों मा शामिल हवे के वेकी मौत मा वे जन बंणि जौं।</verse>
				<verse number="11">इलै ईं आस मा कि मि मुर्दों मा बट्टी मोरि के ज्यून्दो हूंणा कु अनुभव कैर साको।</verse>
				<verse number="12">मि यु दावा नि करदु, कि मिल यु सब कुछ पैली ही पयले, मि वीं सिद्धांता तैं पांणु कु भौत कोशिश कनु छो, अर मि वीं चीज तैं पांणु कु अगनैं बढ़दी जांणु छों, कि मि सिद्ध हवे जौं, ज्यांकु यीशु मसीह ल मि तैं चुणि छो।</verse>
				<verse number="13">हे विश्वासी भयों, मि यु दावा नि करदु, कि मिल उ लक्ष्य पयले; पर एक काम करदु कि जु पैली हवे गै मि वे तैं भूली के, भविष्य मा लक्ष्य कु कठोर मेहनत करदी रौंदु,</verse>
				<verse number="14">मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।</verse>
				<verse number="15">हम सभि जु आत्मिक रूप मा मजबूत विश्वासी मसीह पर विश्वास करदा, उ इन ही सोच अर जु कैं बात मा और कुछ सोच त पिता परमेश्वर वे तैं भि तुम पर प्रगट कैरी द्यायालु।</verse>
				<verse number="16">इलै हम तैं सचै ल जींण चयणु च जै तैं पिता परमेश्वर ल हम पर प्रगट कैरी।</verse>
				<verse number="17">हे विश्वासी भयों, मि जन बरतौ कु पीछो कैरा अर ऊं लुखुं पर ध्यान द्या जु मेरा बरतौ को पीछो करदींनि अर तुम ऊंको पीछो कैरा जन तुम ल हम तैं बरतौ करद देखि जब हम तुम दगड़ी छा।</verse>
				<verse number="18">किलैकि भौत सी लोग इन ही जीवन बसर करदींनि, जौं का बारा मा मिल तुम तैं कथगि बार बतै अर अभि भि रौवे-रौवे के बुल्णु छौं, कि उ अपड़ा बुरा बरतौ ल दिखौंदींनि जीं वजह से मसीह सूली पर मोरि उ वेको विरोध करदींनि।</verse>
				<verse number="19">ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।</verse>
				<verse number="20">पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।</verse>
				<verse number="21">उ अपड़ी वीं शक्ति का द्वारा ज्यां ल उ सब चीजों तैं अपड़ा वश मा करदो, वीं शक्ति का द्वारा उ हमारा कमजोर देह कु रूप बदली के अपड़ा प्रतापमय देह जन बंणै दयालो।</verse>
			</chapter>
			<chapter number="4">
				<verse number="1">मेरा प्रिय विश्वासी भयों जौं बट्टी मि प्रेम करदु, मि तैं तुम लुखुं बट्टी मिलणै की भौत इच्छा च, जु मेरू आनन्द अर मुकुट हो, हे विश्वासी प्रिय भयों, प्रभु मा इन ही कै विश्वास मा मजबूत बंणयां रावा।</verse>
				<verse number="2">मि यूओदिया अर सुन्तुखे द्वी बैंणों बट्टी बिनती करदु, कि उ प्रभु मा एक मन रौनु।</verse>
				<verse number="3">हे मेरा सच्चा दगड़िया सुन्तुखे, मि त्वे बट्टी बिनती कनु छौं, कि तु ऊं जननों कि आपस मा मेल-मिलाप कन मा मदद कैर, किलैकि ऊंल मि दगड़ी शुभ सन्देश प्रचार का काम मा, क्लेमेन्स अर मेरा और दगड़ियों दगड़ी भौत मदद कैरी, जौं का नौं जीवन कि किताब मा लिख्यां छिन।</verse>
				<verse number="4">प्रभु मा सदनी खुश रावा; मि फिर बुल्णु छौं कि खुश रावा।</verse>
				<verse number="5">तुमारो मयलदु बरतौ सब लुखुं पर प्रगट हो। प्रभु यीशु कु औंण नजदीक च।</verse>
				<verse number="6">कैं भि बात कि चिंता नि कैरा; पर हर एक स्थिति मा प्रार्थना अर बिनती ल धन्यवाद का दगड़ा मा पिता परमेश्वर का संमणी रखे जौनु।</verse>
				<verse number="7">तब पिता परमेश्वर कि शान्ति, ज्वा मनिख का सैरी समझ बट्टी भैर च, तुमारा ह्रदय अर तुमारा विचारों तैं मसीह यीशु मा सम्भालि के रखली।</verse>
				<verse number="8">इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।</verse>
				<verse number="9">जु तुम ल मि बट्टी सिखिनि, ऊं बातों तैं जु तुम ल मि बट्टी पैनी, अर ऊं उदाहरण तैं जु मिल अपड़ी बातचित अर कामों मा तुम्हरा संमणी रखिनि, तुम तैं ऊं पाठों कु अभ्यास करदी रौंण चयणु च। तब शान्ति कु स्रोत पिता परमेश्वर तुम दगड़ी हमेशा रौलो।</verse>
				<verse number="10">मि प्रभु मा भौत खुश छौं कि इथग दिन बाद मेरा प्रति तुमारा विचार फिर से मि तैं पैंसा भिजणा का द्वारा जाग्रत हवे गैनी; इन नि च कि तुम तैं मेरी चिंता पैली नि छै पर तुम तैं मौका नि मिली।</verse>
				<verse number="11">इन नि च कि जु मि तैं चयणु च वेकी मि तैं कुछ घटि च; किलैकि मिल सिखैले कि जैं दशा मा छौं वीं दशा मा संतुष्ट रौंण सिखै ल।</verse>
				<verse number="12">मि भौत थोड़ा मा भि रौंण जंणदु छौं अर जरूरत से भि जादा मा भि रौंण जंणदु छौं, अर हर एक बात मा अर हर हालत मा मिल तृप्त रौंण अर जब मि मा खांणु कम या जादा हो द्वी हालत मा रौंण सिखैले।</verse>
				<verse number="13">मसीह जु मि तैं सामर्थ दींद वेकी मदद बट्टी मि सब कुछ कैरी सकदु।</verse>
				<verse number="14">तब भि तुम ल भलो कैरी कि मेरा क्लेश मा तुम ल मि तैं पैसों बट्टी मदद कैरी।</verse>
				<verse number="15">हे फिलिप्पी शहर का लुखुं, तुम खुद भि जणदां कि तुमारा बीच मा जब मिल शुभ सन्देश प्रचार कु काम शुरू कैरी, अर जब मि तुम्हरी जगह बट्टी मकिदुनिया प्रान्त बट्टी विदा होंयुं त तुमारा आलावा और कै मसीह मण्डलि ल लींण-दींण मा मेरी मदद नि कैरी।</verse>
				<verse number="16">इन ही कै जब मि थिस्सलुनीके शहर मा छों; तुम ल अनेक बार मि कु दान भेजि के मेरी मदद कैरी।</verse>
				<verse number="17">मिल यु इलै नि लिखीं कि मि दान चांणु छौं, पर मि चांदु छों कि यु तैं ऊं अच्छी चीजों की सूची मा शामिल करे जौं, जु तुम ल पैली ही बट्टी कैरेले अर जै कु पिता परमेश्वर तुम तैं ईनाम दयालो</verse>
				<verse number="18">मि मा सब कुछ च, बल्कि बिज्यां च; जु दान तुम ल इपफ्रुदीतुस का हथ का द्वारा भेजि छो वे तैं पै के मि तृप्त हवे ग्यों, तुम ल पिता परमेश्वर तैं एक बलिदान चढ़ै जु मिठी सुगंध दींद उ यु तैं स्वीकार करदो, अर या वे तैं भौत खुश करदी।</verse>
				<verse number="19">अर मेरू पिता परमेश्वर भि अपड़ा वे धन का अनुसार जु महिमा का दगड़ी मसीह यीशु मा च तुमारी हर एक जरूरत तैं पूरी करलो।</verse>
				<verse number="20">हमारा पिता परमेश्वर कि बढ़ै जुग-जुग तक हूंणी रौ। आमीन।</verse>
				<verse number="21">यीशु मसीह मा सभि पवित्र लुखुं तैं मेरू प्रणाम बोला, जु विश्वासी भैय मि दगड़ी छिन उ तुम सभियूं कु प्रणाम बुल्णा छिनी।</verse>
				<verse number="22">सब पवित्र लोग, खास कैरी कै जु कैसर का कुटुंब का विश्वासी छिनी, उ भि तुम कु प्रणाम बुल्णा छिन।</verse>
				<verse number="23">हमारा प्रभु यीशु मसीह कि कृपा तुम सभियूं का दगड़ा मा रौ।</verse>
			</chapter>
		</book>
		<book number="51">
			<chapter number="1">
				<verse number="1">मि, पौलुस, य चिट्टी लिखणु छो। मि पिता परमेश्वर की मनसा ल मसीह यीशु कु एक प्रेरित छों, अर विश्वासी भैय तीमुथियुस कि तरपां बट्टी</verse>
				<verse number="2">मसीह मा ऊं विश्वासयोग्य पवित्र विश्वासी भयों का नौं तैं अर विश्वासयोग्य भयों तैं जु कुलुस्से शहर मा रौदींनि। हमारो पिता परमेश्वर तुम तैं कृपा अर शान्ति दींणु रौ।</verse>
				<verse number="3">हम तुम कु सदनी प्रार्थना कैरी कै अपड़ा प्रभु यीशु मसीह का पिता यानि पिता परमेश्वर कु धन्यवाद करदां</verse>
				<verse number="4">किलैकि हम ल सूंणि, कि यीशु मसीह पर तुमारो विश्वास च, अर उ सब पवित्र लुखुं बट्टी प्रेम रखदु।</verse>
				<verse number="5">तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।</verse>
				<verse number="6">यु शुभ संदेश पूरी दुनिया मा फैलणु च अर कई लोग विश्वासी बनांण छिनी। यु हर जगह जिन्दगियों तैं बदलणु च, ठिक उन ही जन कि तुम ल पैली बार दया का शुभ संदेश तैं सूंणि छो अर ईं सचै तैं समझी छो कि पिता परमेश्वर ऊं लुखुं का पापों तैं माफ करद जु मसीह पर विश्वास करदींनि।</verse>
				<verse number="7">वांकि शिक्षा तुम ल हमारा प्रिय दगड़िया इपफ्रास बट्टी सीखी छै, जु हम कु मसीह कु विश्वासयोग्य सेवक छो।</verse>
				<verse number="8">वेल हम तैं दुसरा लुखुं का प्रति तुम्हरा प्रेम का बारा मा बतै जु पवित्र आत्मा ल तुम तैं द्ये।</verse>
				<verse number="9">इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।</verse>
				<verse number="10">हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,</verse>
				<verse number="11">पिता परमेश्वर अपड़ी महिमामय अर सामर्थ कु इस्तेमाल कैरी के तुम तैं बिज्यां मजबूत बणौ कि, तुम धीरज अर खुशी ल अपड़ा दुखों तैं सह साका।</verse>
				<verse number="12">अर पिता परमेश्वर कु धन्यवाद करदी रावा, जैल हम तैं ये लैख बणै कि हम उज्यला का राज्य मा पवित्र लुखुं का दगड़ी हकदार बणयां।</verse>
				<verse number="13">किलैकि वेल ही हम तैं शैतान का वश बट्टी छुड़ै के अपड़ा प्रिय नौंना यीशु मसीह का राज्य मा लेकर ऐ।</verse>
				<verse number="14">पिता परमेश्वर ल हम तैं अपड़ा नौंना यीशु मसीह का बलिदान का ल्वे का द्वारा शैतान की शक्तियों बट्टी छुड़ै अर हमारा पापों तैं माफ कैरी।</verse>
				<verse number="15">कैल भि पिता परमेश्वर तैं नि देखि, पर जब वेको नौंनो यीशु मसीह एक मनिख बंणि, त वेल पिता परमेश्वर का लुखुं का समणी प्रकट कैरी दींनि, कि पिता परमेश्वर ल जु कुछ भि बणै, वे पर मसीह कु सबसे बड़ो अधिकार च।</verse>
				<verse number="16">किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।</verse>
				<verse number="17">कुछ भि बनांण से पैली, मसीह पैली बट्टी ही मौजूद छो अर सब चीज वेमा ही एक दगड़ी अच्छा ढंग से काम करदी।</verse>
				<verse number="18">उ ही देह यानि मण्डलि को मुंड च उ ही शुरुवात बट्टी च अर उ ही मुर्दों मा बट्टी ज्यून्दा हूंण वलो मा बट्टी पैलो च कि उ सभि बातों मा पैलो ठैरु।</verse>
				<verse number="19">किलैकि पिता परमेश्वर कि खुशी ईं बात मा च कि वेकी सैरी परिपूर्णता यीशु मसीह मा हो।</verse>
				<verse number="20">पिता परमेश्वर ल अपड़ा नौंना हमारा प्रभु यीशु तैं भेजि, जैल सूली पर मोरि के अपड़ो ल्वे बुगै। पिता परमेश्वर अपड़ा अर उ सब चीजों को अफ दगड़ी मेल मिलाप करवै, चै उ चीज धरती पर कि हो या चै आसमान पर कि हो।</verse>
				<verse number="21">यां बट्टी पैली तुम पिता परमेश्वर बट्टी भौत दूर छा अर तुम मसीह का दुश्मन छा किलैकि तुम्हरा विचार अर तुम्हरा काम बुरा छा।</verse>
				<verse number="22">पर पिता परमेश्वर अब मसीह शारीरिक देह मा सूली पर मृत्यु का द्वारा तुम्हरो भि मेल कैरेले कि तुम तैं अपड़ा संमणी पवित्र अर बेदाग अर निर्दोष बणै के उपस्थित कैर।</verse>
				<verse number="23">पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।</verse>
				<verse number="24">अब मि ऊं दुखों का कारण खुश छौं जौं तैं मि तुमारा कारण उठौंदु, यानि मण्डलियों कु अपड़ा देह मा पूरो करदु जन मसीह ल अपड़ा देह मा सै के पूरी कैरी।</verse>
				<verse number="25">पिता परमेश्वर ल मि तैं तुम कु वेको शुभ संदेश पूरा ढंग ल समझौण कु नियुक्त कैरी, अर इलै मि मण्डलि कु सेवक बंणि के पिता परमेश्वर का आदेशों तैं पूरो कैरी साको।</verse>
				<verse number="26">यानि, वे भेद कु प्रचार कैर जु भेद जुग-जुग बट्टी अर ऊं सभि लुखुं बट्टी जु पुरणा बगत मा रौंदा छा छिप्युं रखि पर अब पिता परमेश्वर का पवित्र लुखुं पर प्रकट हवे।</verse>
				<verse number="27">किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।</verse>
				<verse number="28">हम मसीह कु प्रचार कैरी कै हरेक मनिख तैं चितै दींद अर सैरा ज्ञान से हम हरेक मनिख तैं सिखौंदां, कि हम यु जांणि साका कि हर कुई मसीह मा एक पक्को विश्वासी हो जब उ पिता परमेश्वर का संमणी खड़ा हों।</verse>
				<verse number="29">यु तैं पूरो कनु कु मि मेहनत अर संघर्ष कनु छों, वीं सामर्थ कु इस्तेमाल कैरी के जु मसीह दींद अर जु मि मा काम करदी।</verse>
			</chapter>
			<chapter number="2">
				<verse number="1">मि इन चांणु छों कि तुम यु जांणि ल्यावा, कि मि तुम कु अर ऊंकु जु लौदीकिया शहर मा छिनी, अर ऊं सभियूं कु जौं तैं मि आज तक नि मिल, कन मेहनत करदु छों।</verse>
				<verse number="2">मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।</verse>
				<verse number="3">उ ऊई च जु पिता परमेश्वर की बुद्धि अर ज्ञान की पहचाण कराद जु कि वे खजाना जन च जु छिपायूं च।</verse>
				<verse number="4">यु मि इलै बुल्ण छौं, कि कुई मनिख तुम तैं ऊं की झूठी शिक्षाओं पर विश्वास कनु कु राजी कैरी के धोखा नि द्यो।</verse>
				<verse number="5">किलैकि मि तुम से दूर छौं, तब भि आत्मिक रूप बट्टी तुमारा नजदीक छौं, अर मि खुश छों कि तुम कठ्ठा छा अर तुम अपड़ा विश्वास मा जु यीशु मसीह मा जीवन जींणा छा।</verse>
				<verse number="6">इलै जन तुम ल मसीह यीशु तैं प्रभु मांणी के अपणे, उन ही वे दगड़ी चलदी रावा</verse>
				<verse number="7">जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।</verse>
				<verse number="8">सचेत रावा की कुई तुम तैं दुनिया का ज्ञान अर बेकार की बातों बट्टी धोखा का द्वारा फंसै नि द्यो, जु बात मनिख्युं कि रीतियों अर दुनिया की शिक्षा का अनुसार त च पर मसीह का अनुसार नि च।</verse>
				<verse number="9">यूं लुखुं तैं अफ तैं धोखा नि दींण द्या, किलैकि मसीह का मनिख देह मा वेमा पिता परमेश्वर कु पूर्ण स्वभाव छो।</verse>
				<verse number="10">मसीह हरेक शक्ति अर अधिकार मा प्रधान च। इलै जु तुम मसीह मा छा, त तुम तैं कै भि बात की घटि नि च।</verse>
				<verse number="11">जब तुम ल मसीह पर विश्वास कैरी, त तुम्हरो खतना मनिख्युं द्वारा नि किये गै जन यहूदी करदींनि पर उ खतना हवे जु मसीह का द्वारा किये गै, जु कि तुम्हरो पापमय स्वभाव तैं काटि कै दूर करद।</verse>
				<verse number="12">अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।</verse>
				<verse number="13">अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।</verse>
				<verse number="14">यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।</verse>
				<verse number="15">अर पिता परमेश्वर ल मसीह का सूली पर मुरण का कारण दुनिया की प्रधानताओं अर अधिकारों तैं हरै के ऊं तैं सभि का संमणी बेजती कैरी, अर ऊं पर जीत हासिल कैरी कै खुशी मणै।</verse>
				<verse number="16">इलै कुई तुम तैं धोखा नि द्यो अर खांण-पींण का बारा मा या त्योहार का बारा मा या नई जून का बारा मा या यहूदियों का विश्राम का दिन जु परमेश्वर कु पवित्र दिन च कुई तुमारो फैसला नि कैरो।</verse>
				<verse number="17">किलैकि यु सभि बात त आंण वलि बातों कु छैल च पर भली चीज त मसीह की ही छिनी।</verse>
				<verse number="18">कुई भि मनिख झूठी दीनता, अर स्वर्गदूतों की आराधना कैरी कै, तुम तैं तुम्हरी दौड़ कु प्रतिफल ल्योंणु कु भरमै नि द्यो, कखि तुम अपड़ा फल नि पै सैका। किलैकि इन मनिख दिखीं बातों मा लग्युं रौंदो अर अपड़ी शारीरिक समझ पर बेकार मा बड़ो मोन करदो।</verse>
				<verse number="19">उ मसीह से जुड़यूं नि रौंदो जु कि सैरी देह कु मुंड च, अर जै बट्टी सैरी देह जोड़ी रांदि अर पट्ठों का द्वारा खुराक पै के अर दगड़ी जुड़ी कै पिता परमेश्वर कि तरपां बट्टी बढ़दी जांद।</verse>
				<verse number="20">किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?</verse>
				<verse number="21">उ इन शिक्षाओं तैं बंणौंदींनि कि यु नि छुयां वीं चीज नि चख्यां अर वे पर हथ नि लगयां।</verse>
				<verse number="22">किलैकि यु सभि शिक्षाओं तैं काम मा लौंद-लौंद खराब हवे जालि, किलैकि यु मनिख्युं का आज्ञा का अर शिक्षा का अनुसार छिनी।</verse>
				<verse number="23">यूं शिक्षाओं मा अपड़ी इच्छा का अनुसार बणै आराधना का रिवाज, अर झूठी दीनता, अर अपड़ा देह का दगड़ी कठोर बरतौ कन ही एक ज्ञानी हूंण को ढोंग करद, पर हकीकत मा यु शिक्षा लुखुं तैं ऊंकी बुरी इच्छाओं तैं नियंत्रित कन मा मदद नि करदी।</verse>
			</chapter>
			<chapter number="3">
				<verse number="1">इलै जब तुम मसीह का दगड़ी ज्यून्दा किये ग्यां त स्वर्ग की चिज्युं कि खोज मा रावा, जख मसीह आज पिता परमेश्वर का दगड़ा मा सबसे सम्मानित जगह पर बैठयूं च।</verse>
				<verse number="2">धरती पर कि न पर स्वर्गीय चिज्युं कु ध्यान कैरा।</verse>
				<verse number="3">किलैकि, तुम अपड़ा पापी स्वभाव कु मोरि ग्यां, अर तुमारो नयो जीवन मसीह का दगड़ी पिता परमेश्वर मा छिप्युं च।</verse>
				<verse number="4">जब मसीह जु कि हमारो जीवन च दुनिया मा वापिस आलो, तब तुम भि वेका दगड़ा मा महिमा दगड़ी प्रगट किये जैला।</verse>
				<verse number="5">इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।</verse>
				<verse number="6">यूं ही बातों का कारण पिता परमेश्वर कु गुस्सा आज्ञा नि मणन वलो पर पुड़दो।</verse>
				<verse number="7">अर तुम भि जब यूं बुराईयों मा जीवन बसर करदां, त तुम भि यु ही काम करदां।</verse>
				<verse number="8">पर अब तुम भि रोष, बैर-भाव, गुस्सा बुरै कन, अर गल्ली दींण, यूं सभि बातों तैं छोड़ी द्यावा।</verse>
				<verse number="9">एक हैंका बट्टी झूठ नि बोला, किलैकि तुम ल अपड़ो पुरणो पापी स्वभाव अर वेका सभि बुरा कामों तैं छोड़ी लियेले।</verse>
				<verse number="10">अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।</verse>
				<verse number="11">इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।</verse>
				<verse number="12">इलै जबकि पिता परमेश्वर ल तुम तैं अपड़ा पवित्र लोग हूंण कु चुणयूं च, अर तुम बट्टी प्रेम करद, बड़ी कृपा, अर भलै, अर दीनता, अर नम्रता, अर सब्र रखण सीखा।</verse>
				<verse number="13">अर जु कै तैं, कै हैंका पर भंगार लगौंणौ कु कुई कारण हो, त एक हैंका कि सै ल्यावा, अर एक हैंका का अपराध माफ कैरा; जन प्रभु ल तुमारा अपराध माफ करिनी, उन ही तुम भि कैरा।</verse>
				<verse number="14">अर सबसे जरूरी काम जु तुम तैं कन चयणु च उ यूं च कि एक दुसरा बट्टी प्रेम कैरी के तुम पूरा ढंग से कठ्ठा हवे जावा।</verse>
				<verse number="15">उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।</verse>
				<verse number="16">मसीह का वचन तैं, अपड़ा मनों मा पूरा ढंग से बसण द्यावा, पूरा ज्ञान का दगड़ी एक हैंका तैं सिखावा अर चितांणा रावा, अपड़ा मनों मा धन्यवाद का दगड़ी पिता परमेश्वर कु भजन स्तुतिगान अर आत्मिक गीत गावा।</verse>
				<verse number="17">जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।</verse>
				<verse number="18">हे जनानों, तुम तैं अपड़ा-अपड़ा आदिमों का अधीन हूंण चयणु च, किलैकि प्रभु का अनुयायियों कु इन ही कन ठिक च, किलैकि तुम प्रभु यीशु का एक विश्वासी छा।</verse>
				<verse number="19">हे आदिमों, अपड़ी-अपड़ी घरवलि बट्टी प्रेम रखा, अर ऊं दगड़ी दयालुता ल बरतौ कैरा।</verse>
				<verse number="20">हे बच्चों, सब बातों मा अपड़ा ब्वे-बुबा की बातों कु बुल्युं मांणा, किलैकि इन कन से प्रभु खुश हूंद।</verse>
				<verse number="21">हे ब्वे-बुबों, अपड़ा बच्चों तैं तंग नि कैरा, कखि इन नि हो कि उ हार मांणी जां।</verse>
				<verse number="22">हे सेवकों, जु दुनिया मा तुमारा स्वामी छिन, सभि बातों मा ऊंको आज्ञा मांणा, अर मनिख्युं तैं खुश कन वलो का जन न, बल्कि सचै ल अर पिता परमेश्वर कि डैर भय बट्टी कैरा।</verse>
				<verse number="23">अर जु कुछ तुम करद्यां, उ पूरा मन से कैरा, इन समझी के न कि मनिख्युं कु करद्यां बल्कि इन समझी के कैरा कि प्रभु कु करद्यां।</verse>
				<verse number="24">किलैकि तुम यु जंणदा छा, कि यांका बदला मा प्रभु तुम तैं अपड़ो उत्तराधिकारी बणालो, तुम जै स्वामी की सेवा करदा उ प्रभु मसीह ही च।</verse>
				<verse number="25">किलैकि जु कुई बुरै कनु ही रौंदा, त पिता परमेश्वर वे तैं दंड दयालो, किलैकि पिता परमेश्वर कै को भि पक्षपात नि करद।</verse>
			</chapter>
			<chapter number="4">
				<verse number="1">हे स्वामियों, स्वर्ग मा तुमारो भि एक स्वामी च, इन समझै के, अपड़ा-अपड़ा सेवकों का दगड़ी न्याय अर एक समान बरतौ कैरा।</verse>
				<verse number="2">चौकस हवे के प्रार्थना मा लगयां रावा अर हमेशा पिता परमेश्वर कु धन्यवाद करदी रावा।</verse>
				<verse number="3">अर यांका दगड़ा-दगड़ी हम कु भि प्रार्थना करदी रावा, कि पिता परमेश्वर हम कु वचन सुणौणु कु इन मौका द्या, कि हम मसीह का वे भेद कु बखान कैरी साका, जै कु प्रचार मिल कैरी अर वे कारण मि कैद मा छौं।</verse>
				<verse number="4">इलै प्रार्थना कना रा, कि मि मसीह का सन्देश तैं ठिक ढंग से बतै साको, कि जु यु तैं सूंणा हकीकत मा यु तैं समझा भि।</verse>
				<verse number="5">हर एक मौका कु अच्छो इस्तेमाल कैरा, यु दिखणु कु कि तुम विश्वासी छा, अर जु लोग यीशु पर विश्वास नि करदींनि वे दगड़ी समझदारी दगड़ी बरतौ कैरा।</verse>
				<verse number="6">तुम्हरी बात सदनी नम्र अर सुणन मा अच्छी हो, कि तुम तैं हरेक मनिख तैं जवाब दींण ऐ जौं कि तुम क्य विश्वास करद्यां।</verse>
				<verse number="7">प्रिय विश्वासी भैय तुखिकुस, जु भरोसामन्द सेवक अर प्रभु मा हमारो दगड़िया च, उ ही तुम तैं मेरी सभि बात बतै दयालो।</verse>
				<verse number="8">मिल वे तैं तुम मा इलै भेजि, कि तुम तैं पता चलि जौं कि हम कन छा अर उ तुम तैं विश्वास मा और मजबूत कैरो।</verse>
				<verse number="9">वे दगड़ी उनेसिमुस तैं भि भेजि; जु भरोसा का लैख प्रिय विश्वासी भैय अर उ तुम्हरा ही नगर कु च, उ तुम तैं इखै कि सैरी बात बतै दयालो।</verse>
				<verse number="10">अरिस्‍तर्खुस जु मि दगड़ी जेलखना मा कैद च, अर मरकुस जु बरनबास कु भंणजो लगदो तुम कु प्रणाम बुल्णु च। जैका बारा मा तुम तैं पैली बट्टी ही मालूम च, कि जु उ तुम मा औ त वे दगड़ी अच्छो बरतौ करयां।</verse>
				<verse number="11">अर यीशु जै कु लोग यूस्तुस बुल्दींनि, तुम कु प्रणाम बुल्णा छिन। यहूदी विश्वासियों जूंको खतना हुयुं च ऊंमा बट्टी भस यु तीन मनिख ही पिता परमेश्वर का राज्य कु मेरा दगड़िया अर मेरू प्रोत्साहन को कारण च।</verse>
				<verse number="12">इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।</verse>
				<verse number="13">मि वेको गवाह छौं, कि उ तुम कु अर लौदीकिया अर हियरापुलिस शहर का लुखुं कु मन लगै के प्रार्थना कनु रौंदु।</verse>
				<verse number="14">प्रिय वैद्य लूका अर देमास तुम कु प्रणाम बुल्णा छिनी।</verse>
				<verse number="15">लौदीकिया शहर का विश्वासी भयों अर बैंणों अर नुमफास अर ऊं की घौर की मण्डलि कु प्रणाम बुल्यां।</verse>
				<verse number="16">अर जब या चिट्ठी तुम्हरा इख पढ़ै जौं, त तब इन करयां कि लौदीकिया शहर की मण्डलि मा भि पढ़ै जौं, अर ज्वा चिट्ठी लौदीकिया शहर बट्टी औ वीं तुम मा भि पढ़ै जौ।</verse>
				<verse number="17">फिर अरखिप्पुस मा बुल्यां कि, “ज्वा सेवा प्रभु मा त्वे तैं द्ये गै, वीं सेवा तैं सचेत हवे के पूरी कैरी।”</verse>
				<verse number="18">मि पौलुस अपड़ा हथ ल प्रणाम लिखणु छौं। याद रखयां मि कैद मा छों अर मि कु प्रार्थना करयां की पिता परमेश्वर की कृपा तुम पर हूंणी रौ। आमीन।</verse>
			</chapter>
		</book>
		<book number="52">
			<chapter number="1">
				<verse number="1">या चिट्ठी मि पौलुस, सिलवानुस अर तीमुथियुस की तरपां बट्टी च। जु थिस्सलुनीकियों शहर की विश्वासी मण्डलि का लुखुं कु हम लिखणां छा, जु पिता परमेश्वर अर प्रभु यीशु मसीह बट्टी जुड़यांं छिनी मि प्रार्थना करदु कि पिता परमेश्वर तुम पर अपड़ी कृपा कैरो अर तुम तैं शान्ति मिलदी रौ।</verse>
				<verse number="2">हम तुम सभि लुखुं कु पिता परमेश्वर कु धन्यवाद करदां अर अपड़ी प्रार्थनाओं मा तुम तैं सदनी याद करदां।</verse>
				<verse number="3">अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।</verse>
				<verse number="4">अर हे विश्वासी भयों, उ लोग जै तैं पिता परमेश्वर प्रेम करद हम जंणदा छा कि पिता परमेश्वर ल तुम तैं अपड़ा लोग हूंणु कु चुणयूं च।</verse>
				<verse number="5">किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।</verse>
				<verse number="6">तुम पर भौत क्लेश छा पर तुम ल पवित्र आत्मा का द्वारा दीं खुशी का दगड़ी शुभ संदेश तैं स्वीकार कैरी अर तुम ल प्रभु अर हमारो एक उदाहरण का रूप मा अनुसरण कैरी।</verse>
				<verse number="7">इख तक कि मकिदुनिया प्रान्त अर अखाया प्रान्त का सब विश्वासियों कु तुम आदर्श बणयां।</verse>
				<verse number="8">किलैकि तुमारा इख बट्टी न भस मकिदुनिया प्रान्त अर अखाया प्रान्त मा प्रभु कु वचन सुंणये गै पर तुमारा विश्वास कि जु पिता परमेश्वर पर च, वांकि वजह से, हम लुखुं तैं पिता परमेश्वर मा तुम्हरा विश्वास का बारा मा हम तैं बतांण दिखदियां। इलै हम तैं दूसरों तैं तुम्हरा बारा मा कुछ भि बतौंण की कुई जरूरत नि च।</verse>
				<verse number="9">किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।</verse>
				<verse number="10">अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।</verse>
			</chapter>
			<chapter number="2">
				<verse number="1">हे विश्वासी भयों, तुम अफी जंणदा छा कि हमारो तुम मा आंण बड़ो प्रभावशाली रै।</verse>
				<verse number="2">तुम जंणदा ही छा, कि पैली हम ल फिलिप्पी शहर मा दुःख अर अपमान सौण पर फिर भि हमारा पिता परमेश्वर ल हम तैं इन साहस दींनि, कि तुम्हरा शहर का लुखुं का कारण हमारो भारी विरोध हूंण पर फिर भि हम ल पिता परमेश्वर का शुभ सन्देश तैं और भि जादा तुम तैं सुंणै।</verse>
				<verse number="3">किलैकि हमारा उपदेश मा कुई धोखा दींण या गलत मनसा या छल कपट नि च।</verse>
				<verse number="4">पिता परमेश्वर ल हम तैं योग्य समझी के शुभ सन्देश द्ये। इलै हम मनिख्युं कु न, बल्कि हमारा दिल तैं परखणवला पिता परमेश्वर तैं खुश कनु कु उपदेश दींदयां।</verse>
				<verse number="5">तुम जंणदा छा, कि न त हम ल कभि चापलूसी की बात कैरी, अर हम ल तुम बट्टी धन पांणु कु भि इन नि कैरी पिता परमेश्वर ही गवाह च कि हम इन नि छा।</verse>
				<verse number="6">हम मनिख्युं बट्टी आदर नि चदयां, अर न तुम बट्टी, न और कै हैंका बट्टी अर जबकि मसीह का प्रेरित हूंण का कारण हमारो तुम बट्टी मदद पांण अधिकार छो।</verse>
				<verse number="7">पर जन ब्वे अपड़ा नौंनो कु पालन-पोषण करदी, उन ही हम ल भि तुमारा बीच मा रै के मसीह की दया भाव को बरतौ दिखै</verse>
				<verse number="8">भस पिता परमेश्वर कु शुभ सन्देश सुनांणु कु ही न पर अपड़ा प्राण भि तुम्हरा खातिर दींण कु तैयार छा, इलै की हम तुम बट्टी भौत प्रेम करदां।</verse>
				<verse number="9">हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।</verse>
				<verse number="10">तुम अफी गवाह छा, अर पिता परमेश्वर भि गवाह च कि तुम सभि विश्वासियों का बीच मा हमारो बरतौ कन सचो, अर धार्मिक अर निर्दोष रै।</verse>
				<verse number="11">जन तुम जंणदा छा, कि जन बुबा अपड़ा नौंनो का दगड़ी बरतौ करदो उन ही हम भि तुम मा बट्टी हरेक तैं तसल्ली दींद छा अर उपदेश दींद छा अर समझौंदा छा।</verse>
				<verse number="12">कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।</verse>
				<verse number="13">इलै हम भि पिता परमेश्वर कु धन्यवाद सदनी करदां; कि जब हमारा द्वारा पिता परमेश्वर कु शुभ संदेश कु वचन तुम ल सूंणि जु हम ल तुम्हरा बीच मा प्रचार कैरी तुम ल वे तैं मनिख्युं कु न बल्कि पिता परमेश्वर को वचन समझी के (अर सच मा यु इन ही च) स्वीकार कैरी अर उ तुम मा जु विश्वास रखद्यां काम करद।</verse>
				<verse number="14">हे विश्वासी भयों, इलै कि तुम, पिता परमेश्वर कि ऊं मण्डलियों कु सताव सै जु यहूदिया प्रान्त मा मसीह यीशु मा छिन किलैकि तुम ल अपड़ा लुखुं बट्टी उन ही दुःख पै जन ऊंल यहूदियों बट्टी पै छो</verse>
				<verse number="15">ऊं यहूदियों ल प्रभु यीशु तैं अर पिता परमेश्वर का तरपां बट्टी बुल्ण वलो तैं भि मार डाली अर हम तैं भि सतै अर पिता परमेश्वर ऊं बट्टी खुश नि च अर सभि मनिख्युं को विरोध करदींनि।</verse>
				<verse number="16">उ हम तैं अन्यजातियों तैं यु बतांण से रुकणै की कोशिश कना छिनी कि पिता परमेश्वर ऊं तैं कन कै बचै सकद अर उ अपड़ा पाप पर पाप जुड़दींनि अर अंत मा पिता परमेश्वर ऊं तैं जरूर दण्ड दयालो।</verse>
				<verse number="17">हे विश्वासी भयों, जब हम तुम्हरा दगड़ा मा नि छा, पर हम हमेशा तुम्हरा बारा मा सुचदा छा त हम ल बड़ी लालसा का दगड़ी तुम तैं दिखणु कु और भि जादा कोशिश कैरी।</verse>
				<verse number="18">इलै हम ल अर खासकर मि पौलुस ल कई बार तुम मा आंणै की कोशिश कैरी छै, पर शैतान ल मि तैं तुम मा औंण मा अड़चन डल्दी।</verse>
				<verse number="19">हमारी य आस या आनन्द या बड़ै कु मुकुट को च? यु तुम ही हवेला जब हमारा प्रभु यीशु मसीह फिर से वापिस आलो।</verse>
				<verse number="20">हमारी बड़ै अर खुशी तुम ही छा।</verse>
			</chapter>
			<chapter number="3">
				<verse number="1">“आखिरकार, किलैकि हम तुम बट्टी दूर रौंण और सै नि सक्यां” तब हम ल (पौलुस और सिलास) यूं तैं ठैरे कि एथेंस शहर मा इखुली रै जां</verse>
				<verse number="2">अर हम ल तीमुथियुस कु जु मसीह का शुभ सन्देश मा हमारो भैय, अर पिता परमेश्वर कु सेवक च, वे तैं तुम मा भेजि, कि उ तुम तैं मजबूत कैरो; अर तुम्हरा विश्वास का बारा मा तुम तैं मदद कैरो।</verse>
				<verse number="3">कि कुई भि यूं क्लेशों का कारण अपड़ा विश्वास मा डगमगै नि जौं; किलैकि तुम अफी जंणदा, कि हम तैं कष्ट उठांण पुड़लो।</verse>
				<verse number="4">पैली भि जब हम तुमारा इख छा, त तुम मा बुल्दा छा, कि हम पर क्लेश आलो, अर इन ही हवे, अर तुम जंणदा भि छा।</verse>
				<verse number="5">यु कारण से जब मि परेशान छो अर जब मि यूं जांणि बगैर रै नि साको कि तुम कन छा त मिल तीमुथियुस तैं तुमारा विश्वास कु हाल समाचार जनणु कु भेजि, किलैकि हम डरदा छा कि कखी इन नि हो, कि अजमैश कन वला शैतान तुम्हरी अजमैश कैरी हो, अर हमारी मेहनत बेकार हवे गै हो।</verse>
				<verse number="6">पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।</verse>
				<verse number="7">इलै हे विश्वासी भयों, हम ल अपड़ी सैरी मुसिबत अर क्लेश मा तुम्हरा बारा मा (तीमुथियुस बट्टी) सूंणि के प्रोत्साहित हुयां कि तुम अपड़ा विश्वास मा मजबूत छा।</verse>
				<verse number="8">किलैकि अब जु तुम प्रभु मा मजबूत रैल्या यूं हम कु नयो जीवन लांदो।</verse>
				<verse number="9">अर ज्वा खुशी हम तैं तुमारा कारण अपड़ा पिता परमेश्वर का संमणी मिलदी वीं खुशी का बदला मा हम पिता परमेश्वर तैं कै ढंग से धन्यवाद द्यां?</verse>
				<verse number="10">हम लगातार भौत प्रार्थना करदी रौंदा, कि तुम दगड़ी हम फिर से मिल सका अर जु तुम कु जरूरी च उ तुम तैं सिखै साका, कि तुम पूरा ढंग से प्रभु यीशु पर विश्वास कैरी साका।</verse>
				<verse number="11">“हम प्रार्थना करदां कि हमारा पिता परमेश्वर अर हमारा प्रभु यीशु तुमारा इख आंणु कु हमारो मार्गदर्शन कैरो।”</verse>
				<verse number="12">हम यु भि प्रार्थना करदां कि प्रभु इन कैरो कि, जन हम तुम बट्टी प्रेम करदा, उन ही तुम भि एक दुसरों बट्टी प्रेम कैरा अर सभि लुखुं का दगड़ा मा भौत बढ़दी जावा।</verse>
				<verse number="13">हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।</verse>
			</chapter>
			<chapter number="4">
				<verse number="1">हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।</verse>
				<verse number="2">तुम जंणदा छा, कि प्रभु यीशु ल हम तैं जु अधिकार द्ये, ऊंका द्वारा हम ल तुम तैं निर्देश दींनि।</verse>
				<verse number="3">पिता परमेश्वर कि मनसा या च कि तुम पवित्र बणा, मतलब कि तुम व्यभिचार नि करयां,</verse>
				<verse number="4">“तुम मा बट्टी हरेक आदिम धीरज रखि के अपड़ा देह पर भस रखण सीखा अर मसीह को समान कैरो।”</verse>
				<verse number="5">अर यु काम भोगविलास कि मनसा से न अर न ऊं अन्यजाति का लुखुं का जन कन चयणु च जु पिता परमेश्वर तैं नि जणदींनि।</verse>
				<verse number="6">कि ईं कै कुई भि अपड़ा विश्वासी भैय का विरोध मा पाप नि करो, किलैकि प्रभु यीशु ऊं तैं दण्ड दयालो जु इन सभि कामों तैं करदींनि; जन कि हम ल पैली तुम मा बोलि छो, अर चितै भि छो।</verse>
				<verse number="7">किलैकि पिता परमेश्वर ल हम तैं अशुद्ध जीवन ज्यूंणु कु न, पर पवित्र जीवन ज्यूंणु कु बुलै।</verse>
				<verse number="8">इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।</verse>
				<verse number="9">पर विश्वासी दगड़िया का प्रति प्रेम का बारा मा जरूरी नि च, कि मि तुम कु कुछ लिखु; किलैकि आपस मा प्रेम रखण तुम ल अफी पिता परमेश्वर बट्टी सीखी;</verse>
				<verse number="10">अर तुम सैरा मकिदुनिया प्रान्त मा रौंण वलो का सब विश्वासी भयों दगड़ी इन ही बरतौ करदां भि छा, पर हे भयों, हम तुम बट्टी बिनती कना छा, कि प्रेम का दगड़ी और भि बढ़दी जावा</verse>
				<verse number="11">अर जन हम ल तुम बट्टी बिनती कैरी उन ही शान्ति से जीवन बसर कैरा अर अपड़ा-अपड़ा कामकाज कैरा अर दूसरों का मामलों मा दखल नि द्या, अपड़ा-अपड़ा हथों ल कमै कने कोशिश कैरा।</verse>
				<verse number="12">कि अविश्वासी, देखा कि तुम हर दिन कन बरतौ करदां, अर तुम्हरो आदर कैरा, अर ज्यां भि चीजों की तुम तैं जरूरत च वां कु तुम तैं कै और पर भि निर्भर नि रौंण पुड़लो।</verse>
				<verse number="13">हे विश्वासी भयों, हम चांणा छा कि तुम यु जांणि लय कि ऊं विश्वासियों का दगड़ा क्य होलो जु पैली ही मोरि गैनी कखी इन नि हो कि तुम दुसरा लुखुं जन शोक कैरा जौं मा कुई आस नि च कि मुरणा का बाद उ फिर से ज्यून्दा हवे जाला।</verse>
				<verse number="14">जु हमारो यु विश्वास च, कि यीशु मोरि, अर ज्यूँदो भि हवे गै, त इन ही कै जु लोग यीशु पर विश्वास कैरी कै मोरि गैनी, ऊं तैं भि परमेश्वर यीशु का दगड़ा मा ल्यालु।</verse>
				<verse number="15">हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।</verse>
				<verse number="16">किलैकि प्रभु यीशु अफी ही स्वर्ग बट्टी उतरलो; वे बगत ऊंची आवाज, अर प्रधान स्वर्गदूत कु शब्द सुणेलु, अर पिता परमेश्वर को बिगुल गुंजलो, अर वे बगत जु लोग मसीह पर विश्वास कैरी के मोरि गैनी, उ पैली ज्यून्दा हवे उठला।</verse>
				<verse number="17">वेका बाद हम जु ज्यून्दा छा अर बचयां रौला, ऊंका दगड़ा मा प्रभु बट्टी मिलुणु कु बादलों पर मथि उठै जौला, अर वे बगत बट्टी हम सदनी प्रभु का दगड़ा मा रौला।</verse>
				<verse number="18">इलै यूं बातों बट्टी एक हैंका तैं तसल्ली दिया कैरा।</verse>
			</chapter>
			<chapter number="5">
				<verse number="1">हे विश्वासी भयों, तुम तैं यु सब बतौंण की जरूरत नि च कि प्रभु यीशु दुबरा कब आलो।</verse>
				<verse number="2">किलैकि तुम अफी अच्छी तरौं से जंणदा छा कि जन राती चोर अचानक औंद, उन कै ही प्रभु यीशु कु आंणौ को दिन भि अचानक आंण वलो च।</verse>
				<verse number="3">जब लोग इन बुलला, “सब कुशल च अर कुछ भि डैर भय नि च” तब अचानक से ऊं पर विणाश ऐ जालो जन कै गर्भवती जनन तैं अचानक से प्रसव कि पिड़ा उठदी; अर उ वे बड़ा क्लेश बट्टी बचि नि सकला।</verse>
				<verse number="4">पर हे विश्वासी भयों, तुम त अंधेरा मा नि छा, कि प्रभु यीशु का दुबारा आंणो कु दिन तुम पर चोर का जन अचानक ऐ जौं।</verse>
				<verse number="5">किलैकि तुम सभि उज्यला की सन्तान छा, अर दिन की सन्तान छा, हम राती बट्टी अर अंधेरा बट्टी सम्बन्धित नि छा।</verse>
				<verse number="6">इलै हम तैं अविश्वासियों जन सियूं नि रौंण चयणु च, पर बिज्यां अर सचेत रौंण चयणु च।</verse>
				<verse number="7">किलैकि जु सींदा छिनी, उ राती कु ही सिंदींनि, अर जु नशा मा मतवला हूंदींनि, उ राती कु ही मतवला हूंदींनि।</verse>
				<verse number="8">पर हम त उज्यला की सन्तान छा इलै हम तैं अपड़ा मथि काबू रखण चयणु च हमारी विश्वास अर प्रेम हमारी रक्षा कैरो जन सुरक्षा कवच एक सिपै की रक्षा करद अर य आस कि हम अनन्त दण्ड बट्टी बची ग्यां, वे उद्धार का टोप जन च जु एक सिपै की रक्षा करद।</verse>
				<verse number="9">किलैकि पिता परमेश्वर ल हम तैं इलै नि चुणि कि अपड़ा गुस्सा बट्टी हम तैं दंड द्यो, पर इलै ठैरे कि हम अपड़ा प्रभु यीशु मसीह का द्वारा उद्धार पै साका।</verse>
				<verse number="10">प्रभु यीशु हम कु इलै मोरि, कि हम चै ज्यून्दा रावा चै मोरि भि जावा, जब प्रभु यीशु ओ त हम सब मिली के वेका दगड़ा मा जीवन पां।</verse>
				<verse number="11">इलै एक हैंका तैं प्रोत्साहित कैरा, अर एक हैंका तैं मजबूत बणा, जन की तुम करदां भि छा।</verse>
				<verse number="12">हे विश्वासी भयों, हम तुम बट्टी बिनती कना छा, कि जु तुम कु भौत कड़ी मेहनत करदींनि, अर प्रभु मा तुमारा अगुवा छिनी, अर तुम तैं शिक्षा दींदिनि, ऊंको आदर कैरा।</verse>
				<verse number="13">जु कुछ उ तुम दगड़ी करदींनि, यु कारण ऊंको भौत आदर कैरा और ऊं तैं भौत प्रेम कैरा, तुम सब एक हैंका दगड़ी मेल से रावा।</verse>
				<verse number="14">हे विश्वासी भयों, हम तुम बट्टी बिनती कना छा, कि ऊं लुखुं तैं चिता जु आलसी छिनी, ऊं लुखुं तैं प्रोत्साहित कैरा जु डरपोक छिनी, ऊं तैं ढांढस द्यावा जु कमजोर छिनी, ऊं तैं सम्भाला सभियूं दगड़ी शहनशीलता कु बरतौ कैरा।</verse>
				<verse number="15">ईं बात को ध्यान रखा कि कुई भि कै दगड़ी बुरै का बदला मा बुरै नि कैर; पर सदनी भलै कनु कु तैयार रावा अर सभियूं दगड़ी भलै कने कोशिश कैरा।</verse>
				<verse number="16">सदनी खुश रावा।</verse>
				<verse number="17">सदनी प्रार्थना कन मा लगयां रावा।</verse>
				<verse number="18">हरेक हालत मा धन्यवाद द्यवा; किलैकि मसीह यीशु मा तुम कु पिता परमेश्वर कि या ही मनसा च।</verse>
				<verse number="19">पवित्र आत्मा का कामों तैं लुखुं का जीवन मा हूंण से नि रोका।</verse>
				<verse number="20">पिता परमेश्वर ल अपड़ा लुखुं तैं जु भविष्यवाणी दीं च वेको तिरस्कार नि कैरा।</verse>
				<verse number="21">पर हरेक संदेश की परख कैरा यु जनणु कु कि उ पिता परमेश्वर का तरपां बट्टी च य न, अच्छा संदेश तैं स्वीकार कैरा अर ऊंको पालन कैरा।</verse>
				<verse number="22">सब किस्मै कि बुरै बट्टी दूर रावा।</verse>
				<verse number="23">अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।</verse>
				<verse number="24">तुमारो बुलांण वलो विश्वासयोग्य च, इलै उ तुम तैं पवित्र हूंणु कु बुलांद, त उ तुम तैं पवित्र हूंणा का लैक भि बणालो।</verse>
				<verse number="25">हे विश्वासी भयों, हम कु प्रार्थना कैरा।</verse>
				<verse number="26">सभि विश्वासी भयों तैं प्रेम से प्रणाम कैरा।</verse>
				<verse number="27">मि तुम तैं आज्ञा दींणु छौं, कि या चिठ्ठी सब विश्वासी भयों तैं पढ़ी के सुणै जौं।</verse>
				<verse number="28">मि प्रार्थना करदु, कि हमारा प्रभु यीशु मसीह कि कृपा तुम पर हूंणी रौ।</verse>
			</chapter>
		</book>
		<book number="53">
			<chapter number="1">
				<verse number="1">या चिट्ठी मि पौलुस, सिलवानुस अर तीमुथियुस की तरपां बट्टी च। जु थिस्सलुनीकियों शहर की विश्वासी मण्डलि का लुखुं कु हम लिखणां छा, जु पिता परमेश्वर अर प्रभु यीशु मसीह बट्टी जुड़यांं छिनी।</verse>
				<verse number="2">हम प्रार्थना करदा कि, पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।</verse>
				<verse number="3">हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।</verse>
				<verse number="4">इलै हम पिता परमेश्वर कि मण्डलियों मा विश्वासियों का बारा मा घमण्ड करदां, कि जथग दुःख अर क्लेश तुम सिणा छा, फिर भि तुम यु तैं बड़ा धीरज का दगड़ी लगातार सहन करदां अर यीशु मसीह पर विश्वास पर विश्वास करदां।</verse>
				<verse number="5">यु पिता परमेश्वर कु सच्चो न्याय को प्रमाण च; कि तुम पिता परमेश्वर का राज्य का लैख बणा, ज्यांकु तुम दुःख भि उठौंणा छा।</verse>
				<verse number="6">किलैकि पिता परमेश्वर हमेशा धार्मिकता ल न्याय करद जु तुम तैं दुःख क्लेश दींदिनि पिता परमेश्वर ऊं तैं भि वांका बदला मा दुःख अर क्लेश दयालो।</verse>
				<verse number="7">अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।</verse>
				<verse number="8">अर जु पिता परमेश्वर तैं नि पछयंणदींनि, अर जु हमारा प्रभु यीशु का शुभ सन्देश तैं स्वीकार नि करदींनि ऊं तैं दंड दयालो।</verse>
				<verse number="9">उ हमेशा कु प्रभु बट्टी अलग हवे जाला अर ऊंकी महान महिमा की शक्ति मा भागिदार नि होलो अर पिता परमेश्वर ऊं तैं अनन्त विनाश का द्वारा दण्ड दयालो।</verse>
				<verse number="10">या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।</verse>
				<verse number="11">इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,</verse>
				<verse number="12">हम यु प्रार्थना करदयां कि लोग तुम्हरा कारण प्रभु यीशु की महिमा कैरा अर तुम भि महिमा पां किलैकि तुम भि प्रभु बट्टी जुड़यांं छा अर यु सब पिता परमेश्वर अर प्रभु यीशु मसीह का दया बट्टी होलो।</verse>
			</chapter>
			<chapter number="2">
				<verse number="1">हे विश्वासी भयों, अब हम अपड़ा प्रभु यीशु मसीह का फिर वापिस आंणा का अर वे बगत का बारा मा कुछ लिखणा छा, जब हम वे दगड़ी मिलुला।</verse>
				<verse number="2">तुम अचानक अपड़ा विवेक तैं कै भविष्यवाणी, कै उपदेश अर कै इन चिट्टी ल नि हरचयां जै तैं हमारा द्वारा लिख्युं समझी जान्दु हो अर ज्यांमा बतै गै हो कि प्रभु को दिन ए गै, तुम अपड़ा मन मा नि घबरैयां।</verse>
				<verse number="3">किलैकि प्रभु यीशु का वापिस औंण से पैली लोग पिता परमेश्वर कु विरोध करला अर उ दुष्ट अधर्मी आदिम जै तैं पिता परमेश्वर नरक मा नाश करलो, उ जरुर प्रकट करलो।</verse>
				<verse number="4">उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।</verse>
				<verse number="5">नि भूला कि मि हमेशा तुम तैं य बात बतौंदु छो, जब मि तुम दगड़ी छो।</verse>
				<verse number="6">उ दुष्ट आदिम अभि तक प्रकट नि हवे, किलैकि कुछ इन च जु वे तैं रुकणु च, इलै जब उ बगत आलो जु पिता परमेश्वर कु ठहरयूं च, तब उ दुष्ट आदिम प्रकट होलो।</verse>
				<verse number="7">वे दुष्ट शैतान की अधर्म का भेद की सामर्थ अभि भि ईं दुनिया मा गुप्त ढंग से काम कनी च, जु कुई वे तैं रोकि सकद; अर उ लगातार वे तैं रोकि के रखलो जब तक की वे तैं रस्ता बट्टी नि हटै द्यो।</verse>
				<verse number="8">तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।</verse>
				<verse number="9">शैतान अफी वे दुष्ट आदिम तैं अपड़ी सामर्थ दयालो उ हर किस्मा का झूठा चमत्कार, चिन्ह अर बनि-बनि किस्मा का काम करलो ज्यां बट्टी लोग यु सुचण लगला कि यु पिता परमेश्वर कनु च।</verse>
				<verse number="10">उ हर किस्मै की बुरै करलो अर ऊं लुखुं तैं धोखा दयालो जु पिता परमेश्वर का द्वारा नष्ट किये जाला; किलैकि उ ही सचै पर विश्वास कन से इंकार करदींनि जु ऊं तैं बचै सकद।</verse>
				<verse number="11">इलै पिता परमेश्वर ऊंका बीच मा बड़ों भ्रम डललो कि उ दुष्ट की बातों पर विश्वास कैरा, जु ऊं तैं सचै बट्टी दूर लीजांद।</verse>
				<verse number="12">पिता परमेश्वर ऊं सभि लुखुं तैं भंगारी ठैरालो, जु सच्चा संदेश पर विश्वास नि करदींनि, अर दुष्ट चीजों बट्टी प्रेम करदींनि।</verse>
				<verse number="13">हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।</verse>
				<verse number="14">पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।</verse>
				<verse number="15">इलै, हे विश्वासी भयों, ठिक राव़ा; ऊं बातों पर विश्वास करदी रावा जु हम ल तुम तैं सिखै छै जब हम तुम दगड़ी छा अर जब हम ल तुम कु चिठ्ठी भेजि छै।</verse>
				<verse number="16">हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।</verse>
				<verse number="17">मि प्रार्थना करदु कि उ तुम्हरा मनों तैं साहस ल भोरि द्यो अर जु ठिक च वे तैं हमेशा तुम कु मजबूत कैरो।</verse>
			</chapter>
			<chapter number="3">
				<verse number="1">आखिर मा, हे विश्वासी भयों, हम कु प्रार्थना कना रावा, कि हम जल्द ही हर जगह मा प्रभु यीशु मसीह का बारा मा संदेश तैं फैला सैका अर लोग यु पर उन ही विश्वास कैरा जन तुम ल कैरी छो।</verse>
				<verse number="2">यु भि प्रार्थना कैरा कि पिता परमेश्वर हम तैं दुष्ट अर बुरा लुखुं बट्टी नुकसान पौछांण से बचौ, किलैकि भौत स लोग जु शुभ संदेश सुणदींनि उ यु पर विश्वास नि करदींनि।</verse>
				<verse number="3">पर तुम पिता परमेश्वर पर पूरा ढंग से भरोसो कैरी सकदियां, उ तुम तैं आत्मिक रूप से मजबूत करलो अर तुम तैं दुष्ट शैतान बट्टी बचालो।</verse>
				<verse number="4">अर हम तैं प्रभु मा तुम पर भरोसो च, कि जु-जु हम ल तुम तैं कनु कु बोलि, ऊं तैं तुम मंणदां छ्यां अर अगनैं भि मंणदि रैल्या।</verse>
				<verse number="5">हम प्रार्थना करदा कि प्रभु यीशु मसीह तुम तैं यु समझण का लैक बणौ कि पिता परमेश्वर तुम तैं कथग प्रेम करद अर जब लोग तुम तैं सतौंदींनि त कन कै ठिक रावा उन ही जन प्रभु भि टिकयूं रै।</verse>
				<verse number="6">हे विश्वासी भयों, हम तुम तैं वे अधिकार ल जु प्रभु यीशु मसीह ल हम तैं द्ये; कि तुम हरेक इन्दारया भैय से अलग रावा जु ठिक से जीवन बसर नि करदो हो, जु ऊं आदेशों कु पालन नि करद जु हम ल तुम तैं सिखै छो।</verse>
				<verse number="7">किलैकि तुम अफी जंणदा छ्यां कि कनके हमारी सी तरौं जीवन बसर कन चयणु च जन हम बसर करदा छा; जब हम तुम्हरा बीच मा रौंदा छा, त हम अलकसी नि छा, पर काम करदा छा।</verse>
				<verse number="8">अर कैकी रुटि मुफ्त मा नि खै; पर कष्ट उठै के मेहनत ल रात-दिन कामकाज करदां छा, कि हम तैं अपड़ी जरूरतों कु तुम मा बट्टी कै पर भि निर्भर हूंण नि पोड़ो।</verse>
				<verse number="9">इन नि च कि तुम बट्टी मदद लींण हमारो अधिकार नि च, कि तुम हम जन जीवन बसर कैरी सक्यां।</verse>
				<verse number="10">किलैकि जब हम तुमारा इख छा तभि यु आज्ञा तुम तैं दींदां छा कि जु कुई काम नि कन चौ त खांणु भि नि खौ।</verse>
				<verse number="11">हम सुणदा छा, कि कथग लोग तुम्हरा बीच मा अलकस ल ज्यूदींनि; अर कुछ काम नि करदींनि, उ हमेशा दुसरा लुखुं का काम मा दखलंदाज करदींनि।</verse>
				<verse number="12">इन्दारया लुखुं तैं हम अधिकार ल जु हम तैं प्रभु यीशु मसीह बट्टी मिली आज्ञा दींणा अर समझौंणा छा, कि उ चुपचाप रै के अपड़ा कामकाज कैरी कै अर अपड़ी कमै कि रुटि खयां कैरा।</verse>
				<verse number="13">हे विश्वासी भयों, तुम भलै का काम कन मा कभी भि निराश नि व।</verse>
				<verse number="14">जु कुई हमारी ईं चिट्ठी का संदेश तैं नि मांणो, त वे तैं पहचनणै की कोशिश कैरा; सचेत रावा अर वेको दगड़ो नि कैरा, ज्यां ल उ शर्मिंदा हो।</verse>
				<verse number="15">तौ भि वे दगड़ी इन बरतौ नि कैरा जन कि उ तुम्हरो दुश्मन हो, पर भैय समझी के समझावा बुझावा।</verse>
				<verse number="16">मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।</verse>
				<verse number="17">मि पौलुस अपड़ा हथ से प्रणाम लिखणु छौं। मि अपड़ी सभि चिठ्ठियूं का आखिर मा इन ही लिखदु, कि सभियूं तैं पता चलि जै कि य चिठ्ठी मेरी ही लिखीं च।</verse>
				<verse number="18">मि प्रार्थना करदु कि हमारा प्रभु यीशु मसीह की कृपा तुम सभियूं पर हमेशा बंणि रौ।</verse>
			</chapter>
		</book>
		<book number="54">
			<chapter number="1">
				<verse number="1">मि पौलुस जु हमारा उद्धारकर्ता पिता परमेश्वर का अधिकार ल अर मसीह यीशु, जै मा हम आस रखदां, एक प्रेरित छो।</verse>
				<verse number="2">मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।</verse>
				<verse number="3">मि त्वे तैं फिर से बतौंणु छो कि मिल इफिसुस शहर तैं छोड़ी के मकिदुनिया प्रान्त मा जांण से पैली त्वे बट्टी क्य बिनती कैरी छै कि इफिसुस मा रै के ऊं झूठा अगुवों तैं आज्ञा द्ये के, कि उ झूठा नियमों तैं सिखांण बन्द कैरा जु गलत छिनी,</verse>
				<verse number="4">अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।</verse>
				<verse number="5">मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।</verse>
				<verse number="6">झूठा शिक्षकों ल यूं सभि चिज्युं तैं कन बंद कैरेले अर भस बेकार बातों पर ही बात करदींनि,</verse>
				<verse number="7">यु झूठा शिक्षक मूसा की व्यवस्था तैं सिखांण वला बनण चंदींनि, पर हकीकत मा उ कुछ भि नि जणदींनि कि उ क्य सिखौंण की कोशिश कना छिनी अर बड़ा आत्मविश्वास का दगड़ा अगनैं आंणा छिनी।</verse>
				<verse number="8">हम त जंणदा ही छा कि व्यवस्था तैं सिखांण अच्छो च पर तभि जब लोग व्यवस्था तैं ठिक से सीखा।</verse>
				<verse number="9">अर इन भि जंणदा कि व्यवस्था धर्मी लुखुं कु नि च, बल्कि अधर्मियों कु, बकवास कन वलो कु, भक्ति नि कन वलो कु, पापी लुखुं कु, अर अपवित्र लुखुं कु, अर अशुद्ध मनिख्युं कु, ब्वे-बुबा कि हत्या कन वलो कु, हत्या कन वलो कु,</verse>
				<verse number="10">व्यभिचारी अर पुरुषगामी लुखुं कु, मनिख्युं तैं बिचण वलो कु, झूठ बुल्ण वलो कु, अर झूठी सौं खांण वलो कु, ठैरैइं च अर यूं लुखुं का आलावा ऊंकु भि जु सच्चा उपदेश कु विरोध करदींनि।</verse>
				<verse number="11">य शिक्षा वे शुभ सन्देश पर जुड़ीं च जु वीं महिमा का बारा मा जु धन्य पिता परमेश्वर बट्टी जुड़यां छिनी, पिता परमेश्वर ल मि तैं यु शुभ संदेश दूसरो तैं बतौंणु कु दियुं च।</verse>
				<verse number="12">मि अपड़ा प्रभु मसीह यीशु को जै ल मि तैं सामर्थ दींनि, धन्यवाद करदु; कि वेल मि तैं विश्वास का लैख समझिके अपड़ी सेवा कु ठैरे।</verse>
				<verse number="13">प्रभु पर विश्वास कन से पैली मि मसीह का बारा मा बुरै कन वलो, अर विश्वासी लुखुं तैं सतौंण वलो, अन्यो कन वलो, तब भि पिता परमेश्वर ल मि पर कृपा कैरी, किलैकि मिल अविश्वासी कि दशा मा बगैर समझिके यु काम कैरी छा।</verse>
				<verse number="14">हमारा प्रभु ल हमेशा मि पर अपड़ी भरपूर दया दिखै, वेल मि तैं विश्वास अर प्रेम द्ये किलैकि मि मसीह यीशु का दगड़ी जुड़यूं छो।</verse>
				<verse number="15">या बात सच च अर जै तैं पूरा ढंग से स्वीकार अर विश्वास किये जांण चयणु च कि मसीह यीशु हम पापियों तैं बचांणु अर उद्धार कनु कु ईं दुनिया मा ऐ, जौं मा सबसे बड़ो पापी मि छौं।</verse>
				<verse number="16">पर मसीह यीशु ल मेरा प्रति दया दिखै मि तैं माफ कैरी, जैल सबसे जादा पाप कैरी, उ यु दिखांण चांदो छो कि उ कथग सहनशील च, यु ऊं लुखुं कु एक उदाहरण होलो जु बाद मा वे पर विश्वास करला अर अनन्त जीवन तैं प्राप्त करला।</verse>
				<verse number="17">अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।</verse>
				<verse number="18">हे नौंना तीमुथियुस, य आज्ञा जु मि त्वे तैं दींणु छो; मि त्वे तैं ऊं बातों तैं याद कनु कु बुल्णु छो जु पुरणा बगत मा परमेश्वर का तरपां बट्टी बुल्ण वलो ल बोलि उ त्वे दगड़ी होली; झूठा शिक्षकों का विरोध मा अर विश्वास का प्रति अच्छी लड़ै तैं लड़दी रौ।</verse>
				<verse number="19">कुछ लुखुं ल अपड़ा शुद्ध विवेक तैं छोडे़ले, अर ऊंल मसीह पर विश्वास कनै की अपड़ी योग्यता कु नाश कैरेले, ठिक उन ही जन एक जहाज का टकरांण जहाज कु नाश कैरी दींद।</verse>
				<verse number="20">ऊं मदि हुमिनयुस अर सिकन्दर च जौं तैं मिल विश्वासियों की मण्डलि बट्टी भैर कैरे ल शैतान का हथ मा सौंपैले, कि उ पिता परमेश्वर कि बुरै कन बंद कैरा।</verse>
			</chapter>
			<chapter number="2">
				<verse number="1">अब मि और सभि बातों बट्टी बढ़ि के, कि बिनती, प्रार्थना, निवेदन, धन्यवाद, सभि मनिख्युं कु किये जौं।</verse>
				<verse number="2">राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।</verse>
				<verse number="3">सभि लुखुं कु इन कै प्रार्थना कन ठिक च, अर हमारो उद्धारकर्ता पिता परमेश्वर यु तैं स्वीकार भि करद।</verse>
				<verse number="4">उ चांदो च कि सभियूं तैं सचै कु ज्ञान हो अर उ बचि जा।</verse>
				<verse number="5">किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।</verse>
				<verse number="6">मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।</verse>
				<verse number="7">इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।</verse>
				<verse number="8">मि इन चांणु छौं कि हरेक जगह मा जु आदिम पवित्र जीवन जींणु च, जब भि तुम पिता परमेश्वर की आराधना कनु कु मिलद्यां, बगैर गुस्सा अर झगड़ा का अपड़ा हथ उठै कै प्रार्थना किया कैरा।</verse>
				<verse number="9">उन ही मि चांदु कि विश्वासी जनन भि सही ढंग का कपड़ा पैरून, इन कपड़ा जु समाज मा योग्य हो; अर बनि-बनि किस्मै का बाल बणै के अर सोना अर मोतियों अर मैहंगा-मैहंगा कपड़ोंं बट्टी दुसरों तैं आकर्षित नि करुनु।</verse>
				<verse number="10">यांका बजाय, ऊं तैं दुसरा लुखुं कु भला काम कैरी के अफ तैं सुंदर बनौण चयणु च किलैकि विश्वासी जननों तैं इन कन अच्छो लगद।</verse>
				<verse number="11">जब आदिम ऊं तैं सिखांणु हो, त जननों तैं चुपचाप रै कर सुनण अर सिखण चयणु च।</verse>
				<verse number="12">मि जननों तैं आदिमों पर शिक्षा दींण या ऊं पर अधिकार रखणै अनुमति नि दींद; जब तुम प्रभु की आराधना कु कठ्ठा हो त जननों तैं चुप रौंण चयणु च।</verse>
				<verse number="13">मि यु इलै बुल्णु छो, किलैकि पिता परमेश्वर ल मनिख्युं मा पैली आदम अर बाद मा जनन हव्वा बणै ।</verse>
				<verse number="14">अर आदम शैतान का द्वारा भकलौंण मा नि, पर हव्वा भकलौंण मा ऐ के अपराधी बंणि।</verse>
				<verse number="15">पर पिता परमेश्वर जननों तैं बच्चों तैं जन्म दींण ल बचालो, जु वीं मा एक शुद्ध मन हो अर व मसीह पर अपड़ा विश्वास मा डगमांदी नि हो, अर व दूसरों बट्टी प्रेम करदी रौ, अर अपड़ा जीवन मा बगैर भंगार का हो।</verse>
			</chapter>
			<chapter number="3">
				<verse number="1">या बात सच च कि जु कुई आदिम मण्डलि मा अध्यक्ष बनण चौ, त उ अच्छा काम कने मनसा रखो।</verse>
				<verse number="2">इलै जरूरी च, कि अध्यक्षों तैं निर्दोष हूंण चयणु च, अर वेकी एक ही जनन हो, अर सब्र रखण वलो, समझदार, इज्जतदार, अर खातिरदारि कन वलो, अर पिता परमेश्वर का वचन तैं सिखांण म निपुण हो।</verse>
				<verse number="3">उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।</verse>
				<verse number="4">वे तैं अपड़ा परिवार कु मार्गदर्शन कन मा सक्षम हूंण चयणु च, अर उ अपड़ा बाल-बच्चों तैं सिखांण चयणु च कि उ हर बात मा वेकी आज्ञाओं कु पालन कैरो।</verse>
				<verse number="5">किलैकि जब कुई अपड़ा ही परिवार कु प्रबंध कन नि जंणदु हो, त उ पिता परमेश्वर कि मण्डलि कि देख-भाल कनके करलो?</verse>
				<verse number="6">फिर यु भि कि उ नयो-नयो विश्वासी चेला नि बणयुं हो, कखि इन नि हो कि उ घमंड कैरी कै उन ही दंड पां जन शैतान तैं दण्ड मिली छो।</verse>
				<verse number="7">अर उ मण्डलि का भैर वलो का बीच भि अच्छो अर इज्जतदार आदिम हो, कि वेकी बदनामी नि हो, अर उ शैतान का जाल मा नि फसिं जौं।</verse>
				<verse number="8">उन ही अध्यक्षों जन, मंडलि का सेवक लुखुं तैं भि गम्भीर अर इज्जतदार हूंण चयणु च, उ दुबंगला, दाखमधु पीण वला, अर ऊं तैं इन्दरो आदिम नि हूंण चयणु च जु रूपया पांणु कु कुछ भि कैरो।</verse>
				<verse number="9">ऊंमा एक साफ सुथरी सुचणै की क्षमता हो ज्वा विश्वास कन मा अर पिता परमेश्वर की ज्वा शिक्षा दीं च ऊं तैं सच मंणुन।</verse>
				<verse number="10">जब मंडलि का सेवक चुणै जा, त पैली ऊं तैं यु साबित कन द्या कि ऊंका भितर अच्छा गुण छिनी, जु वेमा कुई भि गलती नि हो त उ सेवक को काम कैरो।</verse>
				<verse number="11">इन ही कै सेवकों की जनन तैं भि गम्भीर हूंण चयणु च; कै पर भंगार लगौंण वलि नि हूंनु, पर चौकस अर सभि बातों मा विश्वास का लैख हूंनु।</verse>
				<verse number="12">सेवक लोग एक ही जनन का वफादार आदिम हूंनु, अर अपड़ा बाल-बच्चों कु अर अपड़ा परिवार का सभि लुखुं को अच्छो प्रबंध कन जंणदा हूंनु।</verse>
				<verse number="13">किलैकि जु सेवक कु काम तैं ठिक ढंग से कैरी सकदींनि, उ लुखुं बट्टी अफ कु अच्छी जगह अर उ मसीह यीशु पर विश्वास मा बड़ो साहस पौदींनि।</verse>
				<verse number="14">मि त्वे मा जल्दी औंणै कि आस रखण का बावजूद भि त्वे कु यूं बातों तैं इलै लिखणु छौं,</verse>
				<verse number="15">कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।</verse>
				<verse number="16">यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।</verse>
			</chapter>
			<chapter number="4">
				<verse number="1">पवित्र आत्मा साफ-साफ बतौंणु च कि आखरी बगत मा भौत सी लोग मसीही शिक्षाओं पर विश्वास कन बंद कैरी दयाला उ, दुष्टात्माओं की शिक्षाओं तैं स्वीकार करला जु ऊं तैं भटकांदी च, अर ऊं झूठी शिक्षाओं पर विश्वास करला,</verse>
				<verse number="2">यु ऊं झूठा मनिख्युं का कपट छिनी जु झूठी शिक्षाओं तैं सिखौंदींनि, किलैकि जु ऊंकी विवेक सै अर गलत मा फर्क करदी छै व मोरि गै, जन कि उ कै लूहा ल डमे गै हो,</verse>
				<verse number="3">यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।</verse>
				<verse number="4">किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;</verse>
				<verse number="5">किलैकि व चीज परमेश्वर का वचन अर प्रार्थना से शुद्ध हवे जांदी।</verse>
				<verse number="6">जु तू विश्वासी भयों अर बणौं तैं हमेशा याद दिलौणु रौ, कि ज्वा शिक्षा मिल त्वे तैं द्ये अर तिल मांणी भि छिनी, तू विश्वास का संदेश अर अच्छी शिक्षा का द्वारा मजबूत किये गै, त तू मसीह यीशु कु एक अच्छो सेवक छै अर यां बट्टी तेरु पालन-पोषण हमेशा हूंणु रौ।</verse>
				<verse number="7">पर बूढ-बुढ्यों कि बंणि-बणई कथाओं मा अपड़ो बगत खराब नि कर, वां बट्टी अलग रौ अर पिता परमेश्वर की भक्ति कैर।</verse>
				<verse number="8">किलैकि शारीरिक कशरत ल त देह तैं फैदा हूंद, पर भक्ति सभि बातों कु फैदामंद हूंदी, किलैकि तुम वे जीवन तैं पैला, किलैकि यु एक आदिम तैं ईनाम दींण को वादा करद जब उ ईं धरती पर जीवित रौदींनि अर मुरणा का बाद भि।</verse>
				<verse number="9">या बात सच च अर हर किस्मै से मणन का लैख च।</verse>
				<verse number="10">किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।</verse>
				<verse number="11">विश्वासियों तैं यूं बातों की शिक्षा दींण अर ईं बात पर बल दे कि उ यांको पालन कैरा।</verse>
				<verse number="12">कुई तेरी जवानि तैं बेकार नि समझु; पर तु बातचित मा, अच्छा बरतौ मा, दूसरों का प्रति प्रेम मा, मसीह पर तेरु विश्वास मा, अर तेरु निर्दोष जीवन मा, अर पवित्रता मा, विश्वासियों तैं अनुसरण कन कु नमूना बंणि जा।</verse>
				<verse number="13">जब तक मि नि औं तब तक, विश्वासियों तैं परमेश्वर का वचन कु मतलब अर उपदेश दींण अर सिखौंण मा लग्युं रौ।</verse>
				<verse number="14">वे वरदान ल जु त्वे मा च, अर भविष्यवाणी का द्वारा पुरणा अगुवों का हथ रखण बगत त्वे तैं मिली छो लापरवाह नि रौ।</verse>
				<verse number="15">यूं बातों कु ध्यान द्ये के अभ्यास कैर अर अपड़ा आप तैं पूरा ढंग ल ऊंकु समर्पित कैरी दे, कि हर कुई देख सको कि तू अपड़ा विश्वास मा बढ़णी छै।</verse>
				<verse number="16">यु बारा मा चौकस रौ, कि तू कन कै रौंदी, अर क्य सिखांदी; यूं बातों पर ठिक रौ, किलैकि तु जु इन कनि रैलि, त तू अपड़ा अर अपड़ा सुनण वलो कु भि न्याय का दिन बचांणों कु कारण हवेलि।</verse>
			</chapter>
			<chapter number="5">
				<verse number="1">अफ से बड़ा आदिम तैं अपमान का दगड़ी नि डांट; बल्कि वे तैं बड़ा आदर का दगड़ी सलाह दे, जन कि उ तेरु अपड़ो बुबा हो, अर अफ से छुटा आदमियों तैं, अपड़ा भयों जन सलाह दे।</verse>
				<verse number="2">त्वे तैं बुजुर्ग जननों तैं इन सलाह दींण चयणु च जन कि उ तेरी अपड़ी ब्वे हों, अर अफ बट्टी छुटी उम्र की जननों का दगड़ी उन ही बरतौ कैर, जन उ तेरी अपड़ी बैंण हों, अर इन शुद्ध मन से कैर।</verse>
				<verse number="3">ऊं विधवाओं का प्रति आदर दिखौ, जूं मा ऊंकी जरूरत पूरी कनु कु अर ऊं की देखभाल कनु कु कुई नि च।</verse>
				<verse number="4">अर जु कैं विधवा का बच्चा या नाति-नत्येण हूंनु, त ऊं तैं अपड़ा परिवार का सदस्यों की देखभाल कैरी के ईश्वरीय बरतौ कन सिखण चयणु च, अर अपड़ा ब्वे-बुबा कु हक दींण सिखुनु किलैकि यु परमेश्वर तैं अच्छो लगुदु।</verse>
				<verse number="5">ऊं विधवाओं का प्रति जूं मा ऊंकी जरूरत पूरी कनु कु अर ऊं की देखभाल कनु कु कुई नि च व भस पिता परमेश्वर पर आस रखदि अर दिन-रात बिनती अर प्रार्थना मा लगिं रौंदि</verse>
				<verse number="6">उ विधवा जु अपड़ा सैरो बगत सुख-सुविधाओं मा बितांदी, उ एक मुरयां मनिख जन च, जबकि व देह मा ज्यूंदी च, पर आत्मिक रूप मा मोरि गै।</verse>
				<verse number="7">तू विश्वासियों तैं यूं आज्ञाओं तैं दींद रौ ज्यां ल कुई भि ऊं पर भंगार नि लगौ।</verse>
				<verse number="8">पर जु कुई अपड़ा कुटुम्ब की, जरूरत पूरी नि कैरो, त उ अपड़ा विश्वास बट्टी भटकि गै, अर अविश्वासी बट्टी भि बुरो बण गै।</verse>
				<verse number="9">जब कुई विधवा साठ बरस बट्टी जादा हो, त तु वीं को नौं विधवाओं की सूची मा लिख द्ये, अर उ अपड़ा ही आदिम कि वफादार घरवलि हो,</verse>
				<verse number="10">भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।</verse>
				<verse number="11">पर जवान विधवाओं को नौं सूची मा नि लिखीं, किलैकि जब उ शारीरिक इच्छाओं का जाल मा फंसि के मसीह बट्टी दूर हवे जंदींनि अर ब्यो कन चयदींनि</verse>
				<verse number="12">अर दुबरा ब्यो कैरी के, उ अपड़ा आप तैं भंगारी बंणौंदींनि किलैकि ऊंल अपड़ा पैला वादा तैं पूरा नि कैरी।</verse>
				<verse number="13">अर यांका दगड़ी-दगड़ी उ घौर-घौर रीटिके अलकसी हवे जंदींनि, अर भस अलकसी ही न, पर दुसरा लुखुं का बारा मा चुगली करदी अर और का कामों मा दखल दींदिनि, अर इन बात बुल्दींनि जु बुल्ण लैख नि हूंदींनि।</verse>
				<verse number="14">इलै मि इन चांदु कि जवान विधवा ब्यो कैरो अर बच्चों तैं जन्म दयूंनु अर घरबार संभलुन अर कै शैतान तैं बुरै कनु को मौका नि दयूंनु।</verse>
				<verse number="15">मि यु इलै बुल्णु छो किलैकि कुछ ल पैली बट्टी ही पिता परमेश्वर की आज्ञाओं तैं मनणु बंद कैरेले और उ विधवा उ कनी छिनी जु शैतान ऊं बट्टी करौंण चांद।</verse>
				<verse number="16">जु कै विश्वासी जनन का परिवार मा विधवा जनन छिनी, त व ही ऊंकी मदद कैरो, कि मण्डलि पर भार नि पोड़ु, ज्यां ल मण्डलि ऊं विधवाओं कि मदद कैरी साको जूंको सच मा कुई मदद कन वलो नि च।</verse>
				<verse number="17">मण्डलि का जु पुरणा अगुवा अच्छो प्रबंध करदींनि, खास कैरी कै ऊंको जु प्रचार अर शिक्षा दींण कु काम करदींनि, ऊंको दुगनो आदर करे जौं।</verse>
				<verse number="18">किलैकि, पिता परमेश्वर का वचन मा लिख्युं च, “जुत्यां बलदुं कु गिच्चो नि बन्ध्यां, इन ही एक मजदूर तैं भि वे तैं नियुक्त कन वला बट्टी मज़दूरी लींण कु अधिकार च।”</verse>
				<verse number="19">एक पुरणा अगुवा का विरोध मा पाप कना का भंगार तैं तब त नि सूंणि जब तक द्वी या तीन लोग वे पर एक ही बात कु भंगार नि लगा।</verse>
				<verse number="20">अपराध कन वलो तैं सभियूं का संमणी फटकार लगौ, कि और विश्वासी लोग भि अपराध कन से डरुनु।</verse>
				<verse number="21">पिता परमेश्वर, अर मसीह यीशु, अर चुणयां स्वर्गदूतों तैं गवाह जांणि के मि त्वे तैं चितौंणु छौं, कि जु कुछ भि तु करदी, खुला मन बट्टी यूं बातों तैं मांणा कैर, अर कुई भि काम पक्षपात नि कैरा कर।</verse>
				<verse number="22">कै पर जल्दी हथ रखि के, वे तैं अध्यक्ष नियुक्त नि कैर, अर जु तु इन करदी त वेका पापों मा जिम्मेदार बणदी; अर अनुचित बातों मा अफ तैं दूर रख।</verse>
				<verse number="23">भविष्य मा भस पांणि को ही पींण वलो नि रै, पर अपड़ा पुटगा कु अर बार-बार बिमार हूंणा का कारण जरा-जरा दाखमधु भि पिया कैर।</verse>
				<verse number="24">मि त्वे बट्टी बुल्णु छो कि अध्यक्षों की नियुक्ति मा जल्दीबाजी नि कैरा किलैकि कुछ लोग खुला रूप मा पाप करदींनि, अर न्याय हूंण से पैली उ विश्वासियों का संमणी भंगारी छिनी पर और लुखुं का पाप बाद मा दिखेदिंनि।</verse>
				<verse number="25">इन ही कै, जब अच्छा काम करदींनि, त यु अन्य विश्वासियों का द्वारा साफ-साफ दिखै ज्यन्दींनि, अर जु उ, ऊं तैं एक बार मा साफ ढंग से नि देख सकदींनि, त आखिर मा उ ऊं तैं जांणि ही ज्यन्दींनि।</verse>
			</chapter>
			<chapter number="6">
				<verse number="1">जथग विश्वासी जु गुलाम छिन, उ अपड़ा-अपड़ा स्वामि कु बड़ो आदर कैरा, कि दुसरा लोग पिता परमेश्वर कु अर हमारी शिक्षाओं की बुरै नि कैरा।</verse>
				<verse number="2">अर जौं का स्वामि विश्वासी छिन, ऊं तैं उ विश्वासी भैय समझी के सही सम्मान द्या; बल्कि ऊंकी और भि सेवा कैरा, किलैकि यां बट्टी फैदा उठांण वला विश्वासी अर मसीह मा भैय का रूप मा प्रेम करदींनि। यूं बातों कु पालन कनु कु सभियूं तैं उत्साहित कनु रौ।</verse>
				<verse number="3">जु कुई झूठी शिक्षा दींद अर वे उपदेश तैं नि मंणदु जु हमारा प्रभु यीशु मसीह का भक्ति का अनुसार च,</verse>
				<verse number="4">त उ भौत घमण्डी छिनी अर कुछ नि जंणदो, बल्कि वे तैं बहस कन कि अर शब्दों पर तर्क कने कि बिमारी च ज्यां ल जलन झगड़ा अर बुरै की बात अर बुरा-बुरा शक पैदा हूंदींनि</verse>
				<verse number="5">अर ऊं लुखुं कु दिमाग शक की दुष्टता ल भुर्युं च, अर उ लगातार दूसरों दगड़ी झगड़ा करदींनि, अर उन ही जणदींनि की सचै क्य च अर जु इन समझदींनि उ सुचदींनि कि पिता परमेश्वर की सेवा कन अमीर बनणौ को एक ढंग च।</verse>
				<verse number="6">पर हम कु यु ही बड़िया च, कि हम उ कैरा जु पिता परमेश्वर तैं खुश करद अर जु उ हम तैं दींद हम वां मा ही संतुष्ट रां।</verse>
				<verse number="7">किलैकि जब हम पैदा हवे छा त न हम दुनिया मा कुछ लै छा, अर जब हम मुरुला त न कुछ लिजै सकदां।</verse>
				<verse number="8">जु हम मा खांणु कु अर पैहनु कु हो, त यूं पर ही सन्तोष कन चयणु।</verse>
				<verse number="9">पर जु धनवान हूंण चंदींनि, उ सभि किस्मा का पाप कनु कु भौत आसानी ल अजमैश बट्टी धोखा खै जयदींनि, अर एक जानवर जन फन्दा मा फंसी जयदींनि। उ, ऊं चीजों तैं कन चयदींनिं जु ऊंकु मूर्खता अर खतरनाक च अर या इच्छा ऊं तैं बर्बाद अर नाश कैरी दींदि।</verse>
				<verse number="10">किलैकि धन कु लोभ प्रेम सभि किस्मै की बुरै की जौड़ च, कुछ लुखुं ल जरा-जरा कैरी कै मसीह का बार मा शिक्षाओं पर विश्वास कन बंद कैरेले किलैकि उ पैसों तैं बहुत प्रेम करदींनि, अर उ भौत किस्म से दुखी छिनी, एक इन आदिम जन जैल अफ तैं एक हथियार ल नुकसान पौंछै हो।</verse>
				<verse number="11">पर हे पिता परमेश्वर का जन तीमुथियुस, तु यूं बातों से दूर रौ, अर धर्म, भक्ति, विश्वास, प्रेम, सब्र अर नम्रता जु ठिक च, भस वे तैं कनु कु हर किस्म की कोशिश कैर।</verse>
				<verse number="12">युद्ध मा एक अच्छा सिपै का जन, जु लड़ै मा कभी हार नि मणद, त्वे तैं भि, पिता परमेश्वर पर भरोसा कन अर वेकी आज्ञाओं तैं पालन कन नि छुड़ण चयणु च; अर वे अनन्त जीवन तैं मज़बूती ल पकड़ी ले ज्यांकु तु बुलै गै, अर जै को तिल मजबूत हवे के बोलि छो, कि तु मसीह पर भरोसो रखदि।</verse>
				<verse number="13">मि त्वे तैं इन आज्ञा दींणु छौं, कि पिता परमेश्वर को गवाह बंणि कै, जु हरेक को जीवनदाता च, अर दगड़ा मा मसीह यीशु कु भि गवाह बंणि कै, जैल मजबूत हवे के सच बोलि जब वे तैं पुन्तियुस, पिलातुस का समणी मुकदमा कु लये गै</verse>
				<verse number="14">कि तू हमारा प्रभु यीशु मसीह का दुबारा वापिस आंण तक ईं आज्ञा तैं निष्कलंक अर निर्दोष रख, कि कुई त्वे पर भंगार नि लगौ कि तु गलत कनि छै।</verse>
				<verse number="15">पिता परमेश्वर, जु एकमात्र राजा च, जु तारीफ का काबिल च, राजाओं कु राजा अर प्रभुओं कु प्रभु च, उ ही मसीह तैं ठिक बगत पर प्रगट करलो,</verse>
				<verse number="16">भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।</verse>
				<verse number="17">ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।</verse>
				<verse number="18">ऊं तैं, अर भला कामों तैं कनु कु अमीर बणा, अर मदद कनु कु भि बोल,</verse>
				<verse number="19">इन कैरी के उ अपड़ा अच्छा कामों तैं अफ कु एक खजाना जन जुड़दींनि जु भविष्य मा स्वर्ग मा ऊंकु एक मजबूत नींव जन च, अर उ सच्चा जीवन तैं प्राप्त करदींनि जु हमेशा कु होलो।</verse>
				<verse number="20">हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।</verse>
				<verse number="21">कथग ही लुखुं ल यु झूठा ज्ञान तैं अपणैयले, अर उ विश्वास बट्टी भटकि गैनी, मि प्रार्थना करदु कि पिता परमेश्वर की कृपा तुम सब पर बंणि रौ।</verse>
			</chapter>
		</book>
		<book number="55">
			<chapter number="1">
				<verse number="1">या चिट्ठी मि पौलुस कि तरपां बट्टी च, मि हमारा पिता परमेश्वर की तरपां बट्टी प्रभु यीशु मसीह का प्रेरित हूंणु कु चुणै ग्यूं। कि मि प्रचार कैर साको, की पिता परमेश्वर ल यीशु मसीह पर विश्वास कन पर अनन्त जीवन दींण को वादा कैरी।</verse>
				<verse number="2">हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।</verse>
				<verse number="3">जब भि मि पिता परमेश्वर बट्टी प्रार्थना करदु, मि हमेशा तेरु नौं को जिक्र कन याद रखदु, अर त्वे कु पिता परमेश्वर को धन्यवाद करदु। यु ऊई च जै की सेवा मिल शुद्ध विवेक का दगड़ी कैरी जन मेरा पुरणों ल कैरी।</verse>
				<verse number="4">जब हम अलग हवे छा, मि तैं याद च कि तू कथग रौवे छै, मि रात-दिन त्वे बट्टी मिलणै कि लालसा करदु कि त्वे बट्टी मिली के खुश हवे जौं।</verse>
				<verse number="5">मि तैं तेरी नन्नी, लोइस को सचो विश्वास याद च, अर तेरी ब्वे, यूनिके मा भि उन विश्वास छो, अर मि तैं यकीन च, कि त्वे मा भि इन ही विश्वास च।</verse>
				<verse number="6">इलै ही मि त्वे तैं याद दिलौंणु छौं, कि ऊं वरदानों तैं दुबारा जगौ जु पिता परमेश्वर का द्वारा त्वे तैं तब द्ये गै छो जब मिल तेरु मुंड पर अपड़ा हथ रखि के पिता परमेश्वर बट्टी त्वे कु प्रार्थना कैरी।</verse>
				<verse number="7">किलैकि पिता परमेश्वर ल हम तैं डरपोक नि बणै पर पिता परमेश्वर की आत्मा हम तैं सामर्थ बट्टी भरपूर बणै अर दुसरो तैं प्रेम कन मा मदद करदी अर हम तैं धीरज रखण सिखांद।</verse>
				<verse number="8">इलै तु हमारा प्रभु की गव्है दींण मा शर्मिन्दा नि हो, अर इलै भि शर्मिंदा नि हो कि मि वेकी सेवा कना का कारण कैद मा छो। बल्कि त्वे तैं वीं सामर्थ को इस्तेमाल कन चयणु च जु पिता परमेश्वर त्वे तैं दींद अर शुभ सन्देश कु मेरा दुखों मा मेरू दगड़ी दे।</verse>
				<verse number="9">पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।</verse>
				<verse number="10">पर अब हमारो उद्धारकर्ता, यीशु मसीह ए गै, जु हम पर अपड़ी कृपा दिखांद। वेल मौत की सभि शक्ति तैं हरै दींनि, अर हम तैं शुभ सन्देश अर अनन्त जीवन कु एक रस्ता दिखै।</verse>
				<verse number="11">इलै, पिता परमेश्वर ल मि तैं शुभ सन्देश को प्रचारक अर एक प्रेरित हूंणु कु ठैरे, अर लुखुं तैं उपदेश दींणु कु चुणयूं च।</verse>
				<verse number="12">यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।</verse>
				<verse number="13">जु सच्ची शिक्षा तिल मि बट्टी सुंणि ऊं तैं मसीह यीशु मा विश्वास अर प्रेम का दगड़ी अपड़ो नमूना बणै के रख।</verse>
				<verse number="14">वीं सचै की रखवली कैर जु पवित्र आत्मा की सामर्थ का द्वारा त्वे तैं दिए गै, अर जु हमारा भितर रौंदो भि च।</verse>
				<verse number="15">तु जंणदी छै कि एशिया (एशिया) प्रान्त का सब लोग मि तैं छोड़ी के चलि गैनी, जौं मा फूगिलुस अर हिरमुगिनेस छिन।</verse>
				<verse number="16">उनेसिफुरुस का कुटुम्ब पर प्रभु दया कैर, किलैकि उ भौत बार मि बट्टी मिलणु कु ऐ, अर कई बार मेरी मदद भि कैरी, अर इख कैद मा मि बट्टी मिलणु कु आंण मा शर्मिंदा नि हवे।</verse>
				<verse number="17">पर जब उ रोम शहर मा ऐ, त वेल हर जगह मि तैं ढूंडी कै मि बट्टी मिली।</verse>
				<verse number="18">न्याय का दिन प्रभु उनेसिफुरुस तैं अपड़ी महान दया दिखौ अर तुम खुद अच्छा ढंग ल जंणदियां कि वेल इफिसुस शहर मा मेरी कथग मदद कैरी।</verse>
			</chapter>
			<chapter number="2">
				<verse number="1">इलै हे मेरा नौंना तीमुथियुस तु वीं कृपा से ज्वा त्वे तैं मसीह यीशु दींद, वां मा मजबूत बंणि जा।</verse>
				<verse number="2">अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।</verse>
				<verse number="3">मसीह यीशु का अच्छा सिपै कि तरौं मि दगड़ी दुःख को सामना कैर।</verse>
				<verse number="4">जब कुई सिपै लड़ै पर जांदु त फिर उ अफ तैं दुनिया का कामों का जंजाल मा नि फसौंदु इलै कि उ अपड़ा भरति कन वला अधिकारी तैं खुश कैरी साको।</verse>
				<verse number="5">इन ही कै अखाड़ा मा लड़ै कन वलो पैलवान जु नियम का अनुसार नि लैड़ो त उ ईनाम नि पांदु।</verse>
				<verse number="6">जु जिमदार मेहनत करदो, फसल को हिस्सा वे तैं पैली मिलण चयणु।</verse>
				<verse number="7">जु मि बुल्ण छौं वे पर ध्यान दे, अर प्रभु त्वे तैं यूं सभि बातों तैं समझण मा मदद कैरो।</verse>
				<verse number="8">हमेशा यीशु मसीह तैं याद रख, जु राजा दाऊद को वंश च, अर पिता परमेश्वर ल वे तैं मुर्दों मा बट्टी ज्यूँदो कैरी; अर यूं उ ही शुभ सन्देश च, जु मि लुखुं का बीच मा प्रचार करदु।</verse>
				<verse number="9">किलैकि मि शुभ सन्देश कु प्रचार करदो, इलै मि एक कैदी जन जीवन ज्यूंणु छो; पर पिता परमेश्वर का शुभ संदेश तैं कुई भि फैलांण से रोकि नि सकद।</verse>
				<verse number="10">इलै मि ऊं लुखुं का फैदा कु, दुःख सौणु छो, जौं तैं पिता परमेश्वर ल चुणि, कि उ भि यीशु मसीह पर विश्वास कैरा अर उद्धार का द्वारा बचै जै सैका, अर वीं महिमा तैं पां जु हमेशा बंणि रौ।</verse>
				<verse number="11">या बात सच च, कि जु हम वे दगड़ी मोरि ग्यां त वे दगड़ी ज्यूंदा भि रौला।</verse>
				<verse number="12">जु हम सब्र रखि के दुःख सौंदयां त वे दगड़ी राज्य भि करला; अर जु हम वेको इन्कार करला त उ भि हम बट्टी इन्कार करलो।</verse>
				<verse number="13">जु हम मसीह का प्रति विश्वासयोग्य नि छा, तभि उ हमारा प्रति विश्वासयोग्य रालो, किलैकि उ अपड़ा सचै पर चलणा का बरतौ का खिलाफ काम नि कैरी सकदो।</verse>
				<verse number="14">यूं बातों तैं, विश्वासियों तैं बार-बार सिखौ, अर प्रभु का संमणी ऊं तैं चितै दे, कि शब्दो पर तर्क-वितर्क नि कना रौनु, जौं बट्टी कुछ फैदा नि हूंद, बल्कि यु ऊं लुखुं का विश्वास तैं नुकसान पहूंचो दींनि जु यु तैं सुणदींनि।</verse>
				<verse number="15">तु जथग जादा मेहनत कैरी सकदी उथग कैर, कि पिता परमेश्वर त्वे तैं एक इन सेवक का रूप मा पूरा ढंग ल स्वीकार कैर, जु अपड़ा कामों का कारण शर्मिंदा नि हूंद, अर जु सच्चा संदेश तैं ठिक ढंग से सिखांद।</verse>
				<verse number="16">पर बेकार की बकवास कन से बच्युं रौ, किलैकि इन लोग और भि जादा अधर्मी हवे जाला अर पिता परमेश्वर बट्टी दूर हवे जाला।</verse>
				<verse number="17">अर इन कै यु बात सड़यां घाव का जन फैली जालो, अर अंत मा ऊं लुखुं का विश्वास तैं नाश कैरी दयाला जु ऊं तैं सुणदींनि। ऊंमा बट्टी दुई हुमिनयुस अर फिलेतुस ऊं मदि छिनी</verse>
				<verse number="18">ऊंल सचै पर विश्वास कन बंद कैरेले, उ बुल्दींनि कि पिता परमेश्वर ल पैली बट्टी ही मुरयां विश्वासियों तैं अनन्त जीवन कु ज्यून्दो कैरेले, जै कारण, उ कुछ विश्वासियों तैं मसीह की शिक्षाओं पर विश्वास कन से रुकणा छिनी।</verse>
				<verse number="19">पिता परमेश्वर का लोग एक बुनियाद का जन छिनी, जु हिलदी नि च, यांका बारा मा “प्रभु जंणदु च कि वेका लोग कु छिनी” अर यु भि की “जु कुई पिता परमेश्वर की आराधना करद वे तैं बुरै कन बंद कैर दींण चयणु च।”</verse>
				<verse number="20">कै भि बड़ा घौर मा न भस सोना-चाँदी का ही बल्कि काठ अर माटा का भांडा भि हूंदींनि कुई आदर अर कुई अनादर पांणु कु।</verse>
				<verse number="21">इन ही, जु विश्वासी अपड़ा आप तैं ऊं सभि बुरा कामों बट्टी अलग कैरी ल्यो, जैको जीवन शुद्ध होलो उ एक कीमती भांडा का जन च, जु खास मौकों कु इस्तेमाल किये जांद, अर इलै वेको मालिक वेको इस्तेमाल करद।</verse>
				<verse number="22">इलै, ऊं पापी इच्छाओं बट्टी बच जु जवान लुखुं तैं आकर्षित करदींनि, अर जु लोग शुद्ध मन से प्रभु को नौं लिंदिनि ऊं दगड़ी धार्मिकता विश्वास प्रेम अर शान्ति अर मेल मिलाप को पीछा कैर।</verse>
				<verse number="23">पर मूर्खता, अर अज्ञान का झगड़ो से बच्युं रौ; किलैकि तु जंणदी छै, कि यां बट्टी झगड़ा पैदा हूंदींनि।</verse>
				<verse number="24">प्रभु का सेवक तैं झगड़ा कन वलो नि हूंण चयणु च, वे तैं सभियूं का प्रति दयालु, अर पिता परमेश्वर का वचन तैं अच्छा ढंग ल सिखांण वलो हूंण चयणु च अर लुखुं दगड़ी धीरज रखण चयणु च।</verse>
				<verse number="25">उ विरोधियों तैं नम्रता से समझौ, क्य पता पिता परमेश्वर ऊं तैं पश्चताप कनु को मन द्यो, कि उ भि मसीह का बारा मा सचै तैं जनण को मौका दे।</verse>
				<verse number="26">कि उ अपड़ा होश मा ऐ जौं, अर शैतान की शक्ति बट्टी बची सको, जैल ऊं तैं धोखा द्ये के उ करवै जु उ चांदो च कि उ कैरा।</verse>
			</chapter>
			<chapter number="3">
				<verse number="1">तीमुथियुस, जु बात मि त्वे तैं अब बतौलु, वीं तैं ध्यान से सुनण कि आखरी दिनों मा यीशु मसीह का वापिस आंण से पैली भौत कठिन बगत आलो।</verse>
				<verse number="2">किलैकि लोग भस अफ बट्टी प्रेम कन वला, लोभि, डींगमार, घमण्डी, बुरै कन वला, ब्वे-बुबा को आज्ञा टलण वला, अन्यो कैरी कै धन कमौण वला, अपवित्र, मतलबी</verse>
				<verse number="3">दया-भाव नि कन वला, दूसरों तैं माफ नि कन वला, भंगार लगांण वला, असंयमि, निठुर, भलै को बैरी,</verse>
				<verse number="4">विश्वासघात कन वला, ढीट, घमण्डी, अर पिता परमेश्वर का ही न बल्कि सुख विलास बट्टी प्रेम चाहण वला हवे जाला।</verse>
				<verse number="5">उ इन बरतौ करला जन उ पिता परमेश्वर का सम्मान करदा हो, पर उ पिता परमेश्वर की सामर्थ तैं ऊंका बुरा जीवनों तैं बदलण से इंकार करला; इन लुखुं बट्टी बचा।</verse>
				<verse number="6">यूं मदि उ लोग छिन जु चुपचाप से घौरों मा घुसि जंदींनि, अर ऊं विश्वास मा कमजोर जननों तैं अपड़ा वश मा कैरी दींदिनि, जु पापों मा दबिं रौदींनि अर हरेक किस्मै कि लालसाओं का वश मा रौदींनि</verse>
				<verse number="7">उ हमेशा नई चीज सिखणा रौन्दींनि पर उ मसीह का बारा मा सच्ची शिक्षाओं तैं कभी नि समझ सकदींनि।</verse>
				<verse number="8">यु झूठा शिक्षक, सच्चा संदेश को प्रचार कन से रुकदींनि, जन यन्नेस अर यम्ब्रेस ल मूसा को विरोध कैरी छो, ऊंको दिमाग भ्रष्ट च, अर उ सच मा मसीह पर विश्वास नि करदींनि।</verse>
				<verse number="9">ऊंकी सफलता भस जरा सी बगत की होली किलैकि जन यन्नेस अर यम्ब्रेस की अज्ञानता सब पर प्रगट हवे, उन ही ऊंकी भि होली।</verse>
				<verse number="10">पर हे तीमुथियुस, तु जणदी ही छै, कि मि क्य सिखांदु छो अर तिल मेरी सी चाल-चलण मा, अच्छी मनसा मा, विश्वास, सहनशीलता, प्रेम, सब्र रखण मा,</verse>
				<verse number="11">अर लुखुं ल मि तैं सतै, ज्यांका कारण मिल भौत दुःख उठै, तुम तैं पता च कि अन्ताकिया इकुनियुम अर लुस्त्रा नगरों मा मि पर कन-कन जुल्म हवीनि, फिर भि ऊं सभियूं मा प्रभु ल मि तैं निकाली।</verse>
				<verse number="12">तू ढंग से जणदी छै, कि लोग ऊं सभियूं तैं सताला जु मसीह यीशु का सेवक का रूप मा जीवन ज्यूंण चयदींनि।</verse>
				<verse number="13">पर दुष्ट लोग अर धोखाबाज लोग और भि जादा दुष्ट काम करला, उ लुखुं तैं धोखा दयाला अर उ अफ भि दूसरों बट्टी धोखा खाला।</verse>
				<verse number="14">पर हे तीमुथियुस, त्वे तैं ऊं बातों का विश्वास का दगड़ा मा पकड़ियूँ रौंण चयणु च, जु तिल लुखुं बट्टी सिखिनि, अर जूं पर तु विश्वास भि करदी, आखिर मा, तू जणली कि त्वे तैं सचै कैल सिखै,</verse>
				<verse number="15">छुटा बट्टी ही तिल पिता परमेश्वर का वचन तैं जांणि, जु त्वे तैं मसीह यीशु पर विश्वास कन अर उद्धार कु ज्ञान दींण लैक च।</verse>
				<verse number="16">सैरो परमेश्वर का वचन परमेश्वर कि प्रेरणा से रचे गै अर यु उपदेश दींणु कु अर समझौंणु कु अर सुधरणु कु अर धार्मिकता कि शिक्षा दींणु कु फैदामंद च</verse>
				<verse number="17">कि पिता परमेश्वर का जन सिद्ध बंणि जां अर हरेक भला काम कनु कु तैयार हवे जौं।</verse>
			</chapter>
			<chapter number="4">
				<verse number="1">जब प्रभु यीशु राजा का समान राज्य मा आलो, त उ ज्यून्दो को अर मुर्दों को न्याय करलो, अर पिता परमेश्वर, यीशु मसीह तैं गवाह जांणि कै वेका राज्य कि सुद दिलै के मि त्वे तैं आज्ञा दींणु छौं,</verse>
				<verse number="2">कि तू पिता परमेश्वर का वचन को प्रचार कु तैयार रौ, जब लोग त्वे बट्टी सुनण चदींनि अर जब लोग त्वे बट्टी नि भि सुनण च तब भि, जब तु देखि की लोग बुरै कना छिनी, अर पाप मा लगयां छिनी, पर त्वे तैं ऊं तैं बड़ा सब्र रखि के शिक्षा दे के झिड़क अर समझौण चयणु च।</verse>
				<verse number="3">किलैकि इन बगत आलो, जब लोग खरा उपदेश तैं स्वीकार नि करला पर अपड़ी लालसाओं का अनुसार अफ कु भौत सी धर्म-गुरुओं तैं कट्ठा करला जु ऊं तैं ऊंकी पसंद कि बात सुंणौनु।</verse>
				<verse number="4">अर सचै तैं सुनण नि चाला पर झूठी अर बनि-बणै मिसाल-कहानियों तैं सुनण चाला।</verse>
				<verse number="5">पर तू सभि बातों मा अफ तैं नियंत्रित रख अर सचेत रौ चाहे दुःख भि उठौ पोडो, शुभ सन्देश का प्रचार कु कठोर मेहनत कनु रौ, अर पिता परमेश्वर का एक सेवक का रूप मा अपड़ी सेवा तैं पूरी कैर जै कु तु चुणै गै।</verse>
				<verse number="6">मि त्वे तैं आज्ञा दींणु छो किलैकि पिता परमेश्वर कु मेरु जीवन अर सेवा बलि का रूप मा खत्म हूंण वली च, किलैकि मि जंणदु छो की अब मिल जल्द ही मोरि जांण।</verse>
				<verse number="7">जन एक अच्छो योद्धा लड़ै मा हार नि मणद उन ही मि भि प्रभु कु बड़ी मेहनत कन नि छुड़द। मिल मसीह को दियूं काम पूरो कैरी, मि प्रभु मा आखिर तक विश्वासयोग्य रों।</verse>
				<verse number="8">प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।</verse>
				<verse number="9">तिमुथियुस, तू मि मा जल्दी आंणै कि पूरी कोशिश कैर।</verse>
				<verse number="10">किलैकि देमास दुनिया कि मोह माया मा फंसिके मि तैं छोड़ी के थिस्सलुनीके शहर कु चलि गै। क्रेंसकेस भैय त गलातिया प्रदेश कु अर तीतुस भैय दलमतिया प्रदेश कु चलि गै।</verse>
				<verse number="11">भस लूका मि दगड़ी च, अर जब तु औ त अफ दगड़ी मरकुस तैं भि ले के ऐ, किलैकि सेवा का काम मा उ मेरू भौत मददगार च।</verse>
				<verse number="12">तुखिकुस तैं मेरू इफिसुस नगर मा भिज्युं च।</verse>
				<verse number="13">जब तू ऐलि, त मेरू चोला ले के ऐ, जु मेरू त्रोआस नगर मा करपुस का घौर मा छोड़्युं च, अर मेरी चिठ्ठियूं तैं भि खास कैरी कै चाम्रपत्र (जु चमड़ा का खलड़ो ल बंणि छिनी) तैं भि ले के ऐइ।</verse>
				<verse number="14">तांबा का भांडा बंणौण वला सिकन्दर टम्टा ल मि तैं भौत ढंग से दुःख दींनि, प्रभु वे तैं वेका बुरा कामों का अनुसार बदला द्यो।</verse>
				<verse number="15">तू भि वे बट्टी अफ तैं बचै के रख, किलैकि वेल प्रभु यीशु की शिक्षा दींण का कारण हमारो भौत विरोध कैरी।</verse>
				<verse number="16">रोम शहर का न्यायलय मा मेरी पैली पेशी कि बात-चित का बगत मा, कैल भि मेरू दगड़ी नि कैरी बल्कि सभियूं ल मि तैं छोड़ेलि छो, मि प्रार्थना करदु कि पिता परमेश्वर ऊं तैं मि तैं छोड़णु कु माफ कैरी द्यो।</verse>
				<verse number="17">पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।</verse>
				<verse number="18">अर प्रभु मि तैं हरेक बुरा काम बट्टी बचालो, अर अपड़ा स्वर्ग का राज्य मा मि तैं सुरक्षित लिजालो, वेकी महिमा जुग-जुग तक हूंणी रौ। आमीन।</verse>
				<verse number="19">प्रिस्किल्ला अर वीं का आदिम अक्विला तैं, अर उनेसिफुरुस का कुटुम्ब तैं मेरू प्रणाम।</verse>
				<verse number="20">इरास्तुस त कुरिन्थुस शहर मा रै गै, अर त्रुफिमुस तैं मि मीलेतुस शहर मा, छोड़ी के ऐ ग्यों, किलैकि उ बिमार छो।</verse>
				<verse number="21">ह्यूंद से पैली-पैली आंणै पूरी-पूरी कोशिश कैरी; यूबूलुस, अर पूंदेस, लीनुस अर क्लौदिया, का सब विश्वासी भैय त्वे कु प्रणाम बुल्णा छिन।</verse>
				<verse number="22">मि प्रार्थना करदु की पिता परमेश्वर त्वे दगड़ी हो, अर वेकी कृपा भि त्वे पर हूंणी रौ।</verse>
			</chapter>
		</book>
		<book number="56">
			<chapter number="1">
				<verse number="1">या चिट्ठी पौलुस कि तरपां बट्टी च, मि पिता परमेश्वर कु सेवक अर यीशु मसीह कु प्रेरित छो, मि तैं पिता परमेश्वर का चुणयां लुखुं का विश्वास तैं मजबूत कनु कु अर ऊं तैं यीशु मसीह की सच्ची शिक्षाओं तैं जनण मा मदद कनु कु चुणै गै, कि उ इन जीवन जियां जु पिता परमेश्वर तैं खुश करदो।</verse>
				<verse number="2">उ पिता परमेश्वर का दगड़ी हमेशा कु रौंणे की आस करदींनि, किलैकि पिता परमेश्वर, जु कभी झूठ नि बुल्द, वेल दुनिया की रचना कन से पैली वादा कैरी छो, कि वेका लोग अनन्त जीवन मा ज्यून्दा राला।</verse>
				<verse number="3">पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।</verse>
				<verse number="4">मि य चिठ्ठी तीतुस तैं लिखणु छों, तू मेरा अपड़ा नौंना जन छै, किलैकि तू भि मसीह पर विश्वास करदी छै जन मि करदु; परमेश्वर पिता अर हमारा उद्धारकर्ता मसीह यीशु कि तरपां बट्टी त्वे तैं कृपा अर शान्ति मिलदी रौ।</verse>
				<verse number="5">मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।</verse>
				<verse number="6">अगुवा तैं निर्दोष हूंण चयणु च, अर अपड़ी जनन का प्रति वफादार, जौं का नौंना बाला विश्वासी हूंनु, अर देह की इच्छाओं पर नि चलणवला, पर ब्वे-बुबा को आदर कन वलो हो।</verse>
				<verse number="7">किलैकि मण्डलि का अध्यक्ष तैं पिता परमेश्वर को भण्डारी हूंण का कारण निर्दोष हूंण चयणु च; न की जिद्दी, न गुस्सा-बाज, न पियक्कड़, न मार-पीट कन वलो, अर न गलत ढंग से कमयां धन कु लोभि हो।</verse>
				<verse number="8">पर प्रेम का दगड़ी मेहमानदरी कन वलो, भलै तैं चांण वलो, सब्र रखण वलो, ईमानदार, पवित्र अर अपड़ी इच्छा पर काबू रखण वलो।</verse>
				<verse number="9">वे तैं यीशु मसीह का बार मा विश्वासयोग्य संदेश पर मज़बूती ल विश्वास कन चयणु च, जु हम ल वे तैं सिखै कि उ दूसरों तैं सही शिक्षा को पीछा कनु कु उत्साहित कैर साको अर ऊं तैं ठिक कैर साको जु गलत छिनी।</verse>
				<verse number="10">मि यु इलै बुल्णु छों किलैकि, भौत सा लोग जु सही शिक्षा कु विरोध करला, उ जु क्रूरता की बकवास कन अर दुसरो तैं धोखा दींण, खास कैरी कै यहूदी लोग जु विश्वासी बंणि गैनी जु उद्धार कु खतना पर जोर दींदिनि,</verse>
				<verse number="11">यूं लुखुं तैं शिक्षा दींण की अनुमति नि दींण चयदींनि, किलैकि यु परिवारों का विश्वास तैं नाश कैरी दींदीनी, उ इन इलै करदींनि कि उ धन कमै साका।</verse>
				<verse number="12">क्रेते द्वीप को एक मनिख जु ऊंको ही कवि च बुल्द, कि क्रेते मा रौंण वला लोग सदनी झूठ बुल्दींनि, उ जंगली जानवरों का जन बरतौ करदींनि, उ अलकसी अर बहुत खांणु खांण वला छिनी।</verse>
				<verse number="13">वेकी या बात सच च, इलै ऊं तैं सख्तै से ताड़ना दे, कि उ यीशु मसीह की शिक्षाओं पर विश्वास मा मजबूत हवे जौनु।</verse>
				<verse number="14">अर यहूदियों कि बंणि-बणैई मिसाल-कहानियों अर सचै से भटक्यां लुखुं का आज्ञा पर ध्यान नि लगयां।</verse>
				<verse number="15">ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।</verse>
				<verse number="16">यु झूठा शिक्षक इन बुल्दींनि, कि हम पिता परमेश्वर तैं जंणदा छा, पर अपड़ा कामों से वेको इंकार करदींनि, किलैकि उ बुल्युं नि मणन वला छिन, अर पिता परमेश्वर ऊं बट्टी घृणा करद, अर उ कै भि भला काम का लैख नि छिन।</verse>
			</chapter>
			<chapter number="2">
				<verse number="1">पर तीतुस त्वे तैं, विश्वासियों तैं भस ऊई सिखांण चांणु च, जु यीशु मसीह का बारा मा सच्ची शिक्षाओं का अनुकूल हो।</verse>
				<verse number="2">मण्डलि का दानों तैं अफ पर काबू रखण चयणु च, इन बरतौ कन चयणु च, कि लोग ऊंको सम्मान कैरा, अर समझदारी ल बरतौ कन चयणु च, ऊं तैं पिता परमेश्वर पर मजबूत विश्वास कन चयणु च, दुसरा लुखुं बट्टी सचै का दगड़ा प्रेम अर सहनशील हूंण चयणु च।</verse>
				<verse number="3">इन ही कै दाना जननों तैं भि जीवन जींण चयणु च, जु पवित्र लुखुं का जन हो, उ कै पर भंगार लगौंण वली नि हूंनु अर दाखमधु पीण वला नि हूंनु; बल्कि अच्छी बात सिखौंण वली हूंनु।</verse>
				<verse number="4">कि उ एक अच्छा उदाहरण दे सका, अर जवान जननों तैं सलाह दींण का लैक हो, कि अपड़ा आदिमों का अर बच्चों का प्रति प्रेम कन वला कन कै बनण चयणु च।</verse>
				<verse number="5">अर संयमी, अर अपड़ा आदिम का प्रति ईमानदार हों, अर अपड़ा घौर की देखभाल कन वली, भलि अर अपड़ा-अपड़ा स्वामि का वश मा रौंण वली हूंनु कि परमेश्वर का वचन कि बुरै नि हो।</verse>
				<verse number="6">इन ही जवान आदमियों तैं भि समझाया कैर कि उ धीरजवान हूंनु।</verse>
				<verse number="7">सब बातों मा तु अफ तैं भला कामों को नमूना बंणौ; जब तू विश्वासियों का पिता परमेश्वर का बार मा सिखाैंदी छै, त त्वे तैं अच्छा उद्देश्यों का दगड़ी सिखांण चयणु च, अर इन जु आदर का योग्य हो,</verse>
				<verse number="8">तेरी शिक्षा हमेशा सचै अर विरोध बट्टी मथि हूंण चयणी च कि उ जु तेरु अर यीशु मसीह कु तेरु कामों का विरोध करदींनि, शर्मिंदा हूंनु किलैकि उ हमारा बार मा कुछ भि बुरो नि बोलि सकला।</verse>
				<verse number="9">विश्वासी जु दास छिनी, ऊं तैं सिखौ कि वे उ सब कैरा जु ऊंको मालिक ऊं तैं कनु कु बोलु, ऊं तैं बतौ कि उ हर बात मा अपड़ा मालिकों तैं खुश कनै की कोशिश कैरा अर ऊं दगड़ी वाद-विवाद नि करुनु।</verse>
				<verse number="10">चोरी नि कैरा; पर पूरा ढंग ल अफ तैं साबित कैरा, कि उ विश्वास का योग्य छिनी, कि लोग ऊंका अच्छा बरतौ पर ध्यान द्या अर जु कुछ भि उ करदींनि उ लुखुं का द्वारा हमारा उद्धारकर्ता प्रभु परमेश्वर का बारा मा शुभ संदेश सुनौंण कु कारण बणौ।</verse>
				<verse number="11">पिता परमेश्वर ल हरेक का उद्धार कु कैरी कै दिख्यालै कि उ कथग दयालु च।</verse>
				<verse number="12">अर ई दया बट्टी पिता परमेश्वर हम तैं सिखांद कि, हम तैं बुरो बरतौ कन बंद कन चयणु च, ज्यां बट्टी पिता परमेश्वर की इज्जत नि हूंदी, अर दुनिया की मोह-माया तैं छोड़ी द्या, अर वे ढंग से बरतौ कैरा की जु पिता परमेश्वर तैं खुश करद।</verse>
				<verse number="13">हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।</verse>
				<verse number="14">यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।</verse>
				<verse number="15">इलै, तीतुस मि चांणु छों कि तू क्रेते टापू का विश्वासियों तैं यूं बातों तैं सिखौ जु मिल त्वे तैं बतै, अपड़ा लुखुं तैं इन कनु कु प्रोत्साहित कैर; कुई भि तेरु अनादर नि कन पौ।</verse>
			</chapter>
			<chapter number="3">
				<verse number="1">विश्वासी लुखुं तैं ईं बात कि सुद दिलौ, कि शासकों अर अधिकारियों कु आदर कैरा, अर ऊंका आदेशों कु पालन कैरा, अर दूसरों कु हरेक अच्छा काम कनु कु तैयार रौनु,</verse>
				<verse number="2">कै तैं बदनाम नि कैरा; झगड़ा कन वलो नि हो, पर दूसरों का प्रति कृपा दिखौ, अर सब लुखुं का दगड़ा मा नम्र बरतौ कैरा।</verse>
				<verse number="3">किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।</verse>
				<verse number="4">पर फिर भि, हमारा उद्धारकर्ता परमेश्वर ल हमारा प्रति अपड़ी दया अर प्रेम दिखै,</verse>
				<verse number="5">वेल हम तैं पापों का दण्ड बट्टी छुड़ै, अर यु ऊं धर्म का कामों का कारण न जु हम ल अफ करिनी, पर अपड़ी वीं दया का अनुसार, वेल अपड़ी पवित्र आत्मा दे के हम तैं बचै, जैल हमारा पापों तैं अपड़ा ल्वे का द्वारा धवे अर हम तैं एक नया जीवन अर बरतौ कनु कु एक नयो मौका दे।</verse>
				<verse number="6">हमारा उद्धारकर्ता यीशु मसीह ल जु कैरी वेका द्वारा पिता परमेश्वर ल यु पवित्र आत्मा तैं हमारा भितर रौंणु कु दियेले अर बहुतायत ल भेजि, कि उ हम बट्टी सामर्थ का काम करवै साक।</verse>
				<verse number="7">ज्यां ल हम वे अनन्त जीवन तैं पांणै की आस रखि साका जु पिता परमेश्वर ल हम तैं अपड़ी संतान का रूप मा दींणै की सौं खै। अर यु बारा मा हम जांणि सकदां किलैकि पिता परमेश्वर ल अपड़ी दया का द्वारा हम तैं अफ दगड़ी सै ठैरे।</verse>
				<verse number="8">या बात सच च जु मिल तुम तैं अभि लिखीं अर मि इन चांणु छौं, कि तु यूं बातों का बारा मा विश्वासियों तैं सिखांण बगत सख्तै से बोल, इलै कि जौं लुखुं ल परमेश्वर पर विश्वास कैरी उ भला-भला काम कनु को ध्यान रखुनु; किलैकि सभियूं कु या बात भलि अर मनिख्युं कि फैदा कि छिन।</verse>
				<verse number="9">पर मूर्खतापूर्ण झगड़ों, वंशावलियों, मूसा की व्यवस्था का झगड़ों अर बखेड़ों से दूर रौ किलैकि उ फैदामन्द नि छिन बल्कि बेकार छिन।</verse>
				<verse number="10">कै ढोंगि तैं एक द्वी बार समझै बुझै के वे बट्टी दूर रौ</verse>
				<verse number="11">तुम यु जांणि ल्या कि इन आदिम जु जांणिबूजी के बुरै का बट्टा पर चलणु च, त वेका खुद का बुरा काम साबित करदींनि कि उ भंगारी च।</verse>
				<verse number="12">जब मि क्रेते द्वीप मा अरतिमास या तुखिकुस तैं त्वे मा भिजलु, त मि मा निकुपुलिस शहर औणे कि पूरी कोशिश कैरी; किलैकि मिल ठाणेलि कि मि ह्यूंद तक उखि रौं।</verse>
				<verse number="13">जब जेनास नौं को वकील (व्यवस्था तैं सिखांण वलो) अर अपुल्लोस नौं को एक दुसरो आदिम अपड़ी यात्रा कु निकललो, त जु कुछ तु ऊंकी मदद कु कैरी सकदी छै तु कैरी, अर ध्यान दे कि ऊंमा अपड़ी यात्रा कु जु कुछ भि ऊं तैं जरूरत च, ऊंमा जरुर हो।</verse>
				<verse number="14">भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।</verse>
				<verse number="15">मि दगड़ी इख का सभि विश्वासी जु विश्वास का कारण हम बट्टी प्रेम करदींनि त्वे तैं प्रणाम बुल्णा छिनी, मि प्रार्थना करदु की प्रभु तुम सभियूं पर कृपा कैरो।</verse>
			</chapter>
		</book>
		<book number="57">
			<chapter number="1">
				<verse number="1">मि, पौलुस ईं चिठ्ठी तैं लिखणु छो। मि यीशु मसीह की सेवा का कारण जेल मा बन्द छो। मि अर हमारा दगड़िया विश्वासी, तीमुथियुस तैं प्रणाम करदींनि। मि त्वे तैं, मतलब की हमारा प्रिय दगड़िया फिलेमोन कु लिखणु छों।</verse>
				<verse number="2">अर मि अपड़ी विश्वासी बैंण अफफिया अर हमारा विश्वासी भैय अरखिप्पुस, जु एक योद्धा का समान पिता परमेश्वर की सेवा करदो अर वीं मण्डलि की ज्वा तुमारा घौर मा जमा हूंदी ऊंकु भि लिखणु छो।</verse>
				<verse number="3">मि प्रार्थना करदु, कि हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।</verse>
				<verse number="4">मि जब भि त्वे कु प्रार्थना करदु, मि सदनी त्वे कु पिता परमेश्वर कु धन्यवाद करदु।</verse>
				<verse number="5">मि प्रभु यीशु मा तेरु विश्वास अर पिता परमेश्वर का सभि लुखुं का प्रति तेरु प्रेम का बारा मा सुंणोदु।</verse>
				<verse number="6">मि प्रार्थना करदु की विश्वासियों का दगड़ा मा तेरी जु प्रार्थना की संगति च, व बढ़दी जौं, तेरु उ सभि अच्छी चीजों तैं जनण का द्वारा जु पिता परमेश्वर ल हम तैं दीं च। यु सभि मसीह की बड़ै कु हो।</verse>
				<verse number="7">किलैकि हे विश्वासी भैय, मि दूसरों का प्रति तेरु प्रेम तैं देखि के, मि तैं भौत खुशी अर शान्ति मिली, इलै की तेरु द्वारा पिता परमेश्वर का पवित्र लोग उत्साहित हवे गैनी।</verse>
				<verse number="8">जबकि मि तैं मसीह मा तुम तैं आज्ञा दींण को अधिकार च कि तुमारो क्य कन ठिक च।</verse>
				<verse number="9">मि बुजर्ग पौलुस, मसीह यीशु की सेवा कना का कारण बंधि छो, प्रेम बट्टी तुम कु यु बगत बिनती कनु छौं।</verse>
				<verse number="10">मि उनेसिमुस का बारा मा त्वे बट्टी बिनती कनु छौं, जु मेरा नौंना जन च। जब मि कैद मा छौं तब उ मेरू नौंनो बंणि गै।</verse>
				<verse number="11">उ पैली त तेरु कुछ भि काम को नि छो, पर अब तेरु अर मेरा हम द्वीयूँ को बड़ा काम का लैक च।</verse>
				<verse number="12">मि उनेसिमुस तैं त्वे मा वापिस भिजणु छौं, जै तैं मि पूरा मन बट्टी प्रेम करदु।</verse>
				<verse number="13">मि वे तैं अफ दगड़ी रखण चांणु छों जबकि मि पिता परमेश्वर को शुभ सन्देश का प्रचार का बाना बंधि बंणि ग्यों। उ इख मेरी मदद कनु कु तेरी जगह ले सकदो, किलैकि मि जंणदु छों की तु मेरी मदद कन चाणी छै।</verse>
				<verse number="14">पर मिल तेरी मनसा का बगैर कुछ भि कन नि चै, कि तेरी या भलै जबरदस्ती ल न बल्कि तेरी खुशी बट्टी हो।</verse>
				<verse number="15">किलैकि हवे सकद कि उ त्वे बट्टी कुछ दिनों कु दूर भागि ग्यों कि उ पिता परमेश्वर पर विश्वास कैरी साको, ज्यां बट्टी ऊं तैं दगड़ी सदनी कु रै साको।</verse>
				<verse number="16">पर तू वे तैं अपड़ो गुलाम ही नि समझी, बल्कि उ एक गुलाम बट्टी भि बढ़ि कै च, अब उ एक विश्वासी दगड़िया च जै तैं तु प्रेम कैरी सकद्यां।</verse>
				<verse number="17">जब उनेसिमुस त्वे मा वापिस आलो तुम वे दगड़ी उन ही आनन्द कु बरतौ करयां जन कि तु मेरू स्वागत करिल्या।</verse>
				<verse number="18">अर वेल तेरु कुछ नुकसान कैरी हो, या उ तेरी कैं भि चीज को कर्जदार हो, त वे सब तैं तु मेरा नौं पर लिखीं दे।</verse>
				<verse number="19">मि पौलुस अपड़ा हथों ल लिखणु छौं, मि अफी वेको भुगतान कैरी दयुलु; जब की तु पैली बट्टी जणदी छै, कि जु मि तेरी मदद नि करदु, त तु खुद बट्टी नया जीवन तैं नि पै सकदी, इलै तु अपड़ा जीवन कु मेरू कर्जदार छै।</verse>
				<verse number="20">इलै हे मेरा दगड़िया, या खुशी प्रभु मसीह मा मि तैं तेरी तरपां बट्टी मिलो, जु एक विश्वासी दगड़िया का रूप मा इन कैरी के मि तैं उत्साहित कैरी।</verse>
				<verse number="21">मि यु भरोसा रखि के लिखणु छौं, कि तु मेरू बुल्युं मणिलि अर मि इन भि जंणदु कि जु कुछ भि मि बुल्ण छौं तु वां बट्टी भि बढ़ि कै करली।</verse>
				<verse number="22">अर एक और बात या भि च कि मेरा ठैरुणु कु अपड़ा घौर मा एक कमरा तैयार कैर; किलैकि मि तैं उम्मीद च, कि पिता परमेश्वर तुम्हरी प्रार्थनाओं कु उत्तर दयालो अर मि तैं ऐ के तुम तैं दिखणु को मौका दयालो।</verse>
				<verse number="23">इपफ्रास, जु मि दगड़ा मा बंधि च, किलैकि उ यीशु मसीह की सेवा करद, उ तुम कु प्रणाम बुल्णु च।</verse>
				<verse number="24">अर मरकुस, अरिस्‍तर्खुस, देमास अर लूका मि दगड़ी प्रभु को काम करदींनि; यूं सभियूं कु मि प्रणाम बुल्णु छों।</verse>
				<verse number="25">मि प्रार्थना करदु कि, प्रभु यीशु मसीह कि कृपा तुम पर बंणि रौ। आमीन।</verse>
			</chapter>
		</book>
		<book number="58">
			<chapter number="1">
				<verse number="1">पुरणा बगत मा पिता परमेश्वर ल पुरणों बट्टी अर कई प्रकार ल परमेश्वर का तरपां बट्टी बुल्ण वलो का द्वारा बात कैरी,</verse>
				<verse number="2">पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।</verse>
				<verse number="3">नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।</verse>
				<verse number="4">इलै पिता परमेश्वर ल नौंना तैं एक इन नौं दींनि जु स्वर्गदूतों बट्टी भि भौत जादा महान च, जैका द्वारा हम देख सकदां कि नौंनो ऊं बट्टी भौत जादा महान च।</verse>
				<verse number="5">परमेश्वर का वचन मा कभी कैल नि बतै कि पिता परमेश्वर ल उ सब कै स्वर्गदूत बट्टी बोलि, जु पिता परमेश्वर ल अपड़ा नौंना बट्टी बोलि, “तू मेरू नौंनो छै; आज मि त्वे तैं अपड़ा नौंना का रूप मा प्रगट करदु” अर फिर, पिता परमेश्वर ल इन अपड़ा कै भि स्वर्गदूत बट्टी नि बोलि, “मि वेको पिता बणलु, अर उ मेरू नौंनो बंणि जालो।”</verse>
				<verse number="6">अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”</verse>
				<verse number="7">अर स्वर्गदूतों का बारा मा पिता परमेश्वर बुल्द, “स्वर्गदूत मेरा सेवक ही त छिनी, जु मि चौ त ऊं तैं ब्थौं, अर धधकती, आग का जन बणै सकदु।”</verse>
				<verse number="8">पर नौंना का बारा मा बुल्द, “हे परमेश्वर, तेरु राज्य हमेशा तक बणयूँ रौ, उ अपड़ा राज्य का मथि न्याय से राज्य करद।</verse>
				<verse number="9">तू अच्छा कामों तैं कन वला दगड़ी प्रेम करदी पर अधर्म का कामों बट्टी नफरत करदी; यु ही कारण मि, तेरु पिता परमेश्वर ल, तेरु परमेश्वर बट्टी, त्वे तैं तेरु दगड़ियों का बीच मा चुणि अर जैतून का तेल बट्टी तेरु अभिषेक कैरी।”</verse>
				<verse number="10">पिता परमेश्वर यु भि बुल्द कि, हे प्रभु, शुरुआत मा तिल दुनिया की रचना कैरी, अर तिल उ सभि कुछ बणै जु आसमान मा च।</verse>
				<verse number="11">उ त खत्म हवे जाला; पर तू हमेशा ज्यूँदो रैलि अर उ सभि कपड़ोंं का जन पुरणा हवे जाला।</verse>
				<verse number="12">अर तू ऊं तैं चदरा का जन लपेटैली, अर उ “कपड़ोंं का जन बदली जाला; पर तू नि बदलली अर तू हमेशा ज्यूँदो रैलि।”</verse>
				<verse number="13">अर पिता परमेश्वर ल अपड़ा कै स्वर्गदूत बट्टी बोलि, “तू मेरा दैंणा हथ जु सम्मान की जगह च पर विराजमान हो, जब तक कि मि तेरु दुश्मनों तैं पूरा ढंग से तेरु अधीन नि कैरी द्यो”</verse>
				<verse number="14">तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।</verse>
			</chapter>
			<chapter number="2">
				<verse number="1">इलै चयणु च, कि जु हम तैं सिखै गै छो, वेको पीछा कनु कु हम जादा चौकस रांण चयणु च, तब हम सचै बट्टी नि भटकुला।</verse>
				<verse number="2">उ व्यवस्था जैका बारा मा पिता परमेश्वर ल स्वर्गदूतों का द्वारा बोलि वे तैं सच दिखै गै, अर जु कुई भि वे तैं नि मंणदु, वे तैं पिता परमेश्वर दण्ड दयालो।</verse>
				<verse number="3">इलै पक्का हम तैं भि दण्ड मिललो जु हम यु महान उद्धार कु विरोध करुला त, सबसे पैली प्रभु ल अफी यु उद्धार का बारा मा बतै, अर यु हम कु पिता परमेश्वर का द्वारा सच साबित हवे, जैल भि पिता परमेश्वर तैं सूंणि ऊंल हम तैं बतै कि यु सच च।</verse>
				<verse number="4">पिता परमेश्वर ल भि अद्भुत कामों, बड़ा-बड़ा चिन्हों, कई प्रकार का चमत्कारों का द्वारा अर पवित्र आत्मा का द्वारा लुखुं तैं वरदान दे कि यु तैं साबित कैरी, ठिक उन ही जन की पिता परमेश्वर चांदु च।</verse>
				<verse number="5">पिता परमेश्वर वे आंण वली दुनिया तैं जैका बारा मा हम बुल्णा छा, स्वर्गदूतों का अधीन न, पर प्रभु यीशु मसीह का अधीन कैरी।</verse>
				<verse number="6">जन परमेश्वर का वचन मा कखी, यु लिख्युं च, “मनिख क्य च, कि तू वेकी सुध लींदी? लोग की छिनी कि पिता परमेश्वर, ऊंकी चिंता कैरो या ऊंकी देखभाल कैरो? उ मनिख का नौंना बट्टी जादा कुछ भि नि च।</verse>
				<verse number="7">पिता परमेश्वर तिल मनिख तैं भस स्वर्गदूतों बट्टी थोड़ा ही कम शक्ति का दगड़ी बणै; पिता परमेश्वर तिल मनिख तैं एक राजा का समान महिमा अर सम्मान द्ये अर वे तैं अपड़ा हथों का कामों पर अधिकार द्ये।</verse>
				<verse number="8">पिता परमेश्वर तिल मनिख तैं सभि चिज्युं का मथि अधिकार द्ये।” इलै जबकि पिता परमेश्वर ल सब कुछ मनिख का भस मा दियेले, मतलब इन कुछ भि नि च, जु मनिख का भस मा नि हो, पर हम देखि सकदियां कि आज तक भि सभि कुछ मनिख का भस मा नि च।</verse>
				<verse number="9">पर हम प्रभु यीशु तैं दिखदियां, वे तैं कुछ बगत कु स्वर्गदूतों मा बट्टी थोड़ा सी कम करे गै, कि पिता परमेश्वर का दया ल उ सभियूं कु मोरि जौं अर इलै वेल यु दुःख उठै अर मोरि भि गै, पिता परमेश्वर ल वे तैं महिमा अर आदर द्ये।</verse>
				<verse number="10">किलैकि पिता परमेश्वर ल ही सभि कुछ बणै अर सभि कुछ वेको ही च, कि भौत स लुखुं तैं अपड़ी महिमा मा जोड़ो, पिता परमेश्वर ल यु फैसला कैरी कि यु ही ठिक च कि प्रभु यीशु दुःख उठै कै सिद्ध बण जौं; किलैकि यीशु ही च जु विश्वासी लुखुं तैं उद्धार की तरपां ली जै सकद।</verse>
				<verse number="11">किलैकि जु लुखुं तैं ऊंका पापों बट्टी शुद्ध करद अर जु पवित्र किये जयदींनि, द्वी एक ही पिता परमेश्वर की सन्तान छिनी, मतलब कि, परमेश्वर ही ऊंको पिता च, इलै ही प्रभु यीशु विश्वासी लुखुं तैं भैय अर बैंण बुल्ण से नि शर्मांद।</verse>
				<verse number="12">यांका बार मा मसीह पिता परमेश्वर बट्टी इन बुल्द, “जु भला काम तिल मि कु करिनि, उ मि अपड़ा विश्वासी लुखुं तैं बतौलु, जब उ तेरी आराधना कनु कु कठ्ठा होला, तब मि वेका संमणी तेरी महिमा करुलु।”</verse>
				<verse number="13">अर मसीह फिर बुल्द, “मि पिता परमेश्वर पर विश्वास रखुलु।” अर मसीह फिर बुल्द, “इख मि ऊं लुखुं दगड़ी छाैं जौं तैं पिता परमेश्वर ल मि तैं द्ये, उ बच्चों का जन छिनी।”</verse>
				<verse number="14">किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।</verse>
				<verse number="15">अर इन कै प्रभु यीशु ल ऊं सभियूं तैं आजाद कैरी दींनि जु अपड़ो पूरो जीवन मौत का डर मा हवे के गुलामों का जन जींणा छा।</verse>
				<verse number="16">किलैकि प्रभु यीशु त स्वर्गदूतों तैं न पर अब्राहम का वंश तैं संभलदो।</verse>
				<verse number="17">इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।</verse>
				<verse number="18">किलैकि जब वेल मुसिबत अर अजमैशों कु अनुभव कैरी, इलै उ जंणदु च कि ऊं सभि लुखुं की मदद कन कै कैरो जु-जु अजमैशों कु अनुभव करदींनि।</verse>
			</chapter>
			<chapter number="3">
				<verse number="1">इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।</verse>
				<verse number="2">यीशु पिता परमेश्वर का प्रति विश्वासयोग्य छो, जैल वे तैं चुणि, उन ही के, मूसा ल विश्वासयोग्य हवे के उ सभि कुछ कैरी जु पिता परमेश्वर ल वे तैं कनु कु द्ये छो।</verse>
				<verse number="3">जन के घौर बनांण वला आदिम तैं घौर बट्टी जादा सम्मान मिल्दा; उन ही के यीशु, मूसा की तुलना मा भौत जादा सम्मान का लैक च।</verse>
				<verse number="4">लोग घौर बंणौदींनि पर पिता परमेश्वर उ च, जैल सभि कुछ बणै।</verse>
				<verse number="5">मूसा त पिता परमेश्वर का घौर का सैरा लुखुं कु एक सेवक का जन विश्वासयोग्य रै, कि जु कुछ मूसा ल कैरी उ यु बतांद जु पिता परमेश्वर बाद मा बुल्ण वलो छो।</verse>
				<verse number="6">पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।</verse>
				<verse number="7">इलै, जन पवित्र आत्मा वचन मा बुल्द, “जु तुम आज पिता परमेश्वर की आवाज तैं सूंणा”</verse>
				<verse number="8">त अपड़ा मनों तैं ढीट नि बणा, जन की तुम्हरा पुरणों ल कैरी छो, अर जैल एकांत जंगल मा अजमैश का बगत पिता परमेश्वर कु विरोध कैरी।</verse>
				<verse number="9">उख ऊं पुरणों ल मेरा सब्र की अजमैश कैरी अर मि तैं परखि, अर जब की ऊंल चालीस सालों तक मेरा चमत्कारों तैं देखि छो।</verse>
				<verse number="10">यु कारण मि वे बगत का लुखुं बट्टी गुस्सा छो, अर बोलि, उ हमेशा बट्टी विश्वासघाती छा, अर “मिल जु कने की आज्ञा द्ये, वे तैं कना रौंदींनि।”</verse>
				<verse number="11">तब मिल गुस्सा मा ए के सौं खै, “उ मेरी वीं धरती मा जख मिल विश्राम दींण उ वीं जगह मा प्रवेश नि कैरी सकला।”</verse>
				<verse number="12">हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।</verse>
				<verse number="13">रोज एक दुसरा तैं प्रोत्साहित कैरा। पाप तुम तैं धोखा नि द्यो अर तुम जिद्दी नि बणा। इलै जब तक हम “आज” बोलि सकदा, तब तक रोज एक दुसरा तैं प्रोत्साहित करदी रा।</verse>
				<verse number="14">जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।</verse>
				<verse number="15">जन कि परमेश्वर का वचन मा लिख्युं च, “जु तुम आज पिता परमेश्वर की आवाज तैं सूंणा, त अपड़ा मनों तैं ढीट नि बणा” जन की तुम्हरा पुरणों ल कैरी छो, अर जैल जंगल मा अजमैश का बगत पिता परमेश्वर कु विरोध कैरी</verse>
				<verse number="16">कूं लुखुं ल पिता परमेश्वर की आवाज सूंणि अर वे तैं गुस्सा दिलै? उ इस्राएल का लोग छिनी जै तैं मूसा अगुवाई कैरी कै मिस्र देश बट्टी छुड़ै के भैर लै।</verse>
				<verse number="17">अर चालीस सालों तक पिता परमेश्वर पूरा ढंग से ऊं लुखुं बट्टी गुस्सा छो जौ ल पाप कैरी अर जु एकांत जंगल मा लमडी कै मोरि गैनी।</verse>
				<verse number="18">अर जब पिता परमेश्वर ल निश्चय कैरी कि, “उ कभी भि वीं धरती मा प्रवेश नि करला जख मि ऊं तैं विश्राम दयुलु” त पिता परमेश्वर पक्का ऊं लुखुं कु ही बुल्णु छो जौं लुखुं ल वेकी आज्ञाओं तैं नि मांणी।</verse>
				<verse number="19">“इन कै हम समझ सकदियां कि, ऊंल अविश्वास का कारण विश्राम की जगह मा प्रवेश नि कैरी साकी।”</verse>
			</chapter>
			<chapter number="4">
				<verse number="1">पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।</verse>
				<verse number="2">किलैकि जन हम ल यीशु मसीह का बारा मा शुभ सन्देश प्रचार सूंणि, उन ही इस्राएल का लुखुं ल भि विश्राम की जगह मा प्रवेश कनु कु शुभ सन्देश प्रचार सूंणि; पर ऊंल यु पर विश्वास नि कैरी; इलै, उ संदेश ऊंकु बेकार छो।</verse>
				<verse number="3">अर इलै हम लोग जु वीं बातों पर विश्वास करदां जु पिता परमेश्वर ल बोलि, विश्राम की जगह मा प्रवेश करुला; अर दूसरों का बारा मा, पिता परमेश्वर ल बोलि, “मिल अपड़ा गुस्सा मा सौं खै, कि उ मेरा विश्राम की जगह मा प्रवेश नि कैरी सकला।” फिर भि हम जंणदा छा कि य विश्राम की जगह जु अब उख च, उ दुनिया की रचना का बगत बट्टी ही छो।</verse>
				<verse number="4">किलैकि सातवां दिन का बारा मा पिता परमेश्वर ल अपड़ा वचन मा इन बोलि, “पिता परमेश्वर ल सातवां दिन अपड़ा सभि कामों तैं खत्म कैरी के विश्राम कैरी।”</verse>
				<verse number="5">अर फिर यु बुल्द, “उ मेरा विश्राम की जगह मा प्रवेश नि कैर सकला।”</verse>
				<verse number="6">इस्राएल का उ लोग, जैका बीच पैली बार शुभ सन्देश प्रचार सुणये गै, उ प्रवेश कन मा असफल हवे गैनी, किलैकि ऊंल पिता परमेश्वर की आज्ञा नि मांणी; पर लुखुं का प्रवेश कनु कु पिता परमेश्वर का विश्राम की जगह मा जांणो कु मौका अब भि च।</verse>
				<verse number="7">इलै पिता परमेश्वर ल अपड़ा विश्राम की जगह मा प्रवेश कनु कु एक और बगत तय कैरी, अर उ आज च; हमारा पुरणों का विरोध का लम्बा बगत का कई सालों बाद, वेल राजा दाऊद बट्टी यूं वचनों तैं बुलवै, जु पैली बट्टी बुलवै गै छा, “जु तुम आज पिता परमेश्वर की आवाज तैं सूंणा” “त अपड़ा मनों तैं ढीट नि बणा।”</verse>
				<verse number="8">हम यु भि जणदां कि पिता परमेश्वर ल जीं विश्राम की जगह कु वादा कैरी, उ कनान देश नि च, ज्यांमा जांणु कु यहोशू ल हमारा पुरणों की अगवै कैरी; किलैकि जु यु कनान देश हूंद त पिता परमेश्वर का बाद मा यु नि बुल्द कि यांको एक अलग ही बगत च।</verse>
				<verse number="9">इलै पिता परमेश्वर का लुखुं कु यु सब भि हवे सकद कि उ उन के ही विश्राम कैर साका जन पिता परमेश्वर ल दुनिया की रचना शुरू कना का बाद सातवां दिन विश्राम कैरी छो।</verse>
				<verse number="10">किलैकि जु कुई आदिम विश्राम की जगह पर जांद, त उ अपड़ो काम पूरो कना का बाद विश्राम करलो, जन पिता परमेश्वर ल अपड़ो काम पूरो कना का बाद विश्राम कैरी छो।</verse>
				<verse number="11">इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।</verse>
				<verse number="12">किलैकि पिता परमेश्वर कु वचन जीवन, सशक्त अर कै भि द्वी धार वली तलवार बट्टी भि जादा तेज च। व प्राण अर आत्मा तैं, मतलब की ग्रंथियों अर मज्जा का विच्छेद तक पहुचद अर हमारा मन का विचारों तैं परखद।</verse>
				<verse number="13">पिता परमेश्वर का नजरों मा ईं दुनिया का कुई भि आदिम छिपियां नि छिनी, हम तैं पिता परमेश्वर तैं वे हर काम कु हिसाब दींण पुड़लो, किलैकि पिता परमेश्वर का संमणी सभि बात खुलीं अर प्रगट छिनी।</verse>
				<verse number="14">इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।</verse>
				<verse number="15">किलैकि यु महायाजक, जु यीशु मसीह च, हमारी हर एक कमजोरी तैं समझदु; पर शैतान ल हमारी हर बात मा अजमैश कैरी; फिर भि प्रभु यीशु बगैर कै पाप कु च।</verse>
				<verse number="16">इलै आवा हम साहस का दगड़ी पिता परमेश्वर का संमणी आं, जु दयालु च, कि हम पर कृपा हो अर हम वीं कृपा तैं पां, जु जरूरत का बगत मा हमारी मदद करदी।</verse>
			</chapter>
			<chapter number="5">
				<verse number="1">पिता परमेश्वर हर एक महायाजक तैं इस्राएल का लुखुं मा बट्टी चुणदो, अर उ लुखुं की भलै कु पिता परमेश्वर का काम कनु कु चुणै जयदींनि; कि पापों की माफ कु भेंट अर बलि चढ़ांण कि पिता परमेश्वर लुखुं का पापों तैं माफ कैरी द्यो।</verse>
				<verse number="2">किलैकि उ अफ भि कमजोरियों का अधीन च, इलै उ न समझो अर भटक्यां लुखुं दगड़ी नम्र बरतौ करदो।</verse>
				<verse number="3">अर इलै वे तैं चयणु च, कि एक महायाजक का रूप मा वेकु यु जरूरी च कि उ लुखुं का पापों तैं दूर कनु कु बलिदान चढ़ौ, अर अपड़ा पापों तैं भि दूर कनु कु भि बलिदान चढ़ौ।</verse>
				<verse number="4">कुई भि आदिम अफी महायाजक हूंण का पद तैं अपड़ा मथि नि ले सकद; जन कै पिता परमेश्वर ल हारुन तैं पैली महायाजक का रूप मा बुलै अर चुणि, उन ही उ दुसरा महायाजक तैं बुलांद अर चुणदो।</verse>
				<verse number="5">उन ही के, मसीह ल भि अफ तैं महायाजक बनण कु नियुक्त कैरी के अपड़ो अफी सम्मान नि कैरी; बल्कि, पिता परमेश्वर ल मसीह बट्टी यु बोलि के नियुक्त कैरी जु वेल कै दुसरा याजक बट्टी कभी नि बोलि, जु कि परमेश्वर का वचन मा भजनकार लिखद, “तू मेरू नौंनो छै, आज मि यु बुल्दो कि मि तेरु बुबा छों।”</verse>
				<verse number="6">एक हैंकी जगह मा भि, पिता परमेश्वर ल वेकु दुबारा बोलि, “उन ही के जन मलिकिसिदक ल एक याजक का रूप मा काम कैरी तू हमेशा कु एक याजक रैलि।”</verse>
				<verse number="7">यीशु ल ईं धरती पर का जीवनकाल मा जु वे तैं मौत बट्टी बचै सकद छो, ऊँचा आवाज मा पुकारी कै अर रौवे के, पिता परमेश्वर बट्टी प्रार्थना अर बिनती कैरी अर बड़ा आदर का दगड़ी अपड़ा आप तैं परमेश्वर तैं सौंपणा का कारण पिता परमेश्वर ल यीशु की सूंणि।</verse>
				<verse number="8">जबकि, यीशु पिता परमेश्वर कु नौंनो छो, वेल ऊं दुखों का कारण जु वेल सैनी उ कन सीखी जु पिता परमेश्वर चांदो छो।</verse>
				<verse number="9">पिता परमेश्वर ल वे तैं एक महायाजक का रूप मा स्वीकार कैरी जु कि हर ढंग से सिद्ध छो; उ, ऊं सभि लुखुं कु उद्धार का द्वारा अनन्त जीवन दींणु कु बुनियाद का रूप मा खड़ो छो जु वेका वचन कु पालन करदींनि।</verse>
				<verse number="10">अर वे तैं पिता परमेश्वर का तरपां बट्टी महायाजक कु पद मिली जन मलिकिसिदक याजक तैं मिली छो।</verse>
				<verse number="11">यांका का बारा मा बतौंणु कु भौत कुछ च, पर यांका बारा मा विस्तार से बतौंण भौत मुश्किल च; किलैकि तुम पिता परमेश्वर का वचन का बारा मा सिखण मा आलसी हवे ग्यां।</verse>
				<verse number="12">तुम इथग लम्बा बगत बट्टी विश्वासी छा कि अब तुम तैं दूसरों तैं सिखांण चयणु च; यांका बजाय, तुम तैं कैकी जरूरत च जु तुम तैं पिता परमेश्वर का वचन की बुनियादी बात दुबरा बट्टी सिखौ; तुम ऊं बच्चों का जन छा जौं तैं दूध की जरूरत च अर उ कठोर खांणु नि खै सकदींनि।</verse>
				<verse number="13">किलैकि दूध पींण वलो तैं त पिता परमेश्वर का वचन की पहचाण नि हूंदी, किलैकि उ त छुटा बच्चा छिन।</verse>
				<verse number="14">ठोस खांणु त ऊं लुखुं कु च जु जवान अर मजबूत छिनी, जु अनुभव का द्वारा सै अर गलत की पछयांण कैरी सकदींनि।</verse>
			</chapter>
			<chapter number="6">
				<verse number="1">इलै आवा जु हम तैं सबसे पैली मसीह का बारा मा सिखै गै, ऊं बुनियादी शिक्षाओं तैं दोहरांणा नि रावा, आवा हम मजबूत शिक्षाओं का बारा मा चर्चा कैरा, अर पापमय कामों बट्टी पश्चाताप कना का बारा मा शिक्षाओं तैं जु मौत की तरपां अर पिता परमेश्वर मा विश्वास की तरपां लिजांदी,</verse>
				<verse number="2">अर बपतिस्मा अर विश्वासियों पर हथ रखि के आशीष दींण की विधि, अर मुरयां लुखुं का ज्यून्दो हूंण, अर अनन्त विनाश की शिक्षारूपी बुनियाद, दुबरा नि डाला।</verse>
				<verse number="3">अर जु पिता परमेश्वर हम तैं यांकि आज्ञा द्यो, त हम मजबूत शिक्षा का दगड़ी अगनैं बढुला।</verse>
				<verse number="4">जु लोग अपड़ा विश्वास तैं छोड़ी दींदिनि, ऊं तैं फिर से पछतांणै की स्थिति तक वापिस नि लये जा सकद; ऊंल एक बार पिता परमेश्वर का सत्य तैं पछयांणी जु पिता परमेश्वर की तरपां बट्टी आंद अर स्वर्ग बट्टी वरदान पांद अर ऊंल दूसरों दगड़ी मिल कै पवित्र आत्मा पै,</verse>
				<verse number="5">ऊंल अनुभव कैरी छो कि परमेश्वर की तरपां बट्टी आंण वलो संदेश अच्छो च अर ऊंल वे परमेश्वर की राज्य की सामर्थ कु अनुभव भि कैरी।</verse>
				<verse number="6">ऊं तैं फिर से वापिस लांणु कु कुई रस्ता नि च किलैकि ऊंल फिर भटकी जांण; त ऊं तैं मन फिराव कु फिर से नयो बनण बड़ी अनोखी बात च; किलैकि उ अफ पिता परमेश्वर का नौंना तैं दुबरा से सूली पर चढौदींनि अर वे तैं शर्मिंदा करदींनि, ज्यांका कारण दुसरा लोग मसीह कु मजाक बणांदा छा।</verse>
				<verse number="7">जु लुखुं तैं अच्छी शिक्षा मिली, उ वीं धरती जन छिनी ज्यां पर बार-बार बरखा हूंदी; जु धरती अच्छी च, त या किसान तैं अच्छी फसल दींदी अर यां पर पिता परमेश्वर की आशीष हूंदी।</verse>
				<verse number="8">पर दुसरा लोग वीं धरती का जन छिनी जु कांडों अर झिबलांण तैं पैदा करदींनि अर कै काम का नि छिनी; यु लोग पिता परमेश्वर का द्वारा श्रापित हूंणा का खतरा मा छिनी अर यु मा पैदा हूंण वली बेकार चीजों तैं आग मा फूंकी दयालो।</verse>
				<verse number="9">हे विश्वासी भयों, तुम अच्छा काम कना छा; किलैकि पिता परमेश्वर ल पैली ही तुम तैं बचैयले; इलै यु चेतावनियां तुम कु नि छिनी; तुम्हरा बारा मा हम यां से अच्छी चीजों तैं जु उद्धार का दगड़ी आंद तुम कु लौंदियां</verse>
				<verse number="10">किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।</verse>
				<verse number="11">अलकसी नि बणा; पर बड़ी मेहनत कन वलो का जन तुम तैं अंत तक धीरज अर विश्वास का दगड़ी आस रख के यु प्रेम का कामों तैं कन रा, कि पिता परमेश्वर का वादों तैं पै सका।</verse>
				<verse number="12"></verse>
				<verse number="13">अर पिता परमेश्वर ल अब्राहम दगड़ी करार कन दफा वे बट्टी बड़ो कुई नि छो, इलै वेल अपड़ा ही नौं की सौं खै,</verse>
				<verse number="14">“मि सच मा त्वे तैं आशीष दयुलु, अर तेरु वंशजों तैं बिज्यां बढ़ै दयुलु।”</verse>
				<verse number="15">अर अब्राहम ल धीरज का दगड़ी लम्बा बगत तक करार कु इन्तेजार कैरी; तब वे तैं उ मिली जु पिता परमेश्वर ल वे दगड़ी करार कैरी छै।</verse>
				<verse number="16">सौं खांण बगत लोग हमेशा अफ से बड़ा कै आदिम कु नौं लींदींनि; सौं य साबित करदी कि जु उ बुल्णु च उ सच च, अर यु हर एक विवाद तैं खत्म कैरी दींद।</verse>
				<verse number="17">इलै ही पिता परमेश्वर ल भि एक सौं खैई; ज्यांका द्वारा उ ऊं लुखुं तैं जौं बट्टी वादा किये गै छो, साफ-साफ दिखांण चांद कि उ वे वादा तैं पूरो करलो जैको वादा वेल कैरी छो।</verse>
				<verse number="18">त फिर यु द्वी बात छिनी परमेश्वर कु वादा अर दुसरा वेकी सौं जु कभी भि नि बदल सकदी अर पिता परमेश्वर कभी झूठ नि बुल्द; इलै जु हम पिता परमेश्वर का नजीक सुरक्षा पांणु कु अयां छा अर जु आस वेल हम तैं द्ये, वे तैं थामि के छा, अर भौत खुश छा।</verse>
				<verse number="19">जन एक बड़ी कील बट्टी बंधयूं ज्यूड़ो नाव तैं स्थिर अर मजबूत रखद, उन ही के य आस हमारा आत्मा तैं स्थिर अर मजबूत बणै कै रखद; ज्यांमा हमारी आस च कि उ यीशु ही च; जु स्वर्ग मा पवित्र तम्बू का पिछनै महापवित्र जगह मा पिता परमेश्वर का संमणी ग्यूं च।</verse>
				<verse number="20">जख यीशु ल हमारी तरपां बट्टी हम बट्टी पैली स्वर्ग मा प्रवेश कैरी; उ मलिकिसिदक याजक की रीति पर हमेशा कु महायाजक बंणि गै।</verse>
			</chapter>
			<chapter number="7">
				<verse number="1">यु मलिकिसिदक शालेम शहर कु राजा अर सबसे बड़ा पिता परमेश्वर कु याजक छो; वेको नौं कु मतलब छो “न्याय का दगड़ी शासन कन वलो राजा” अर शालेम का राजा कु मतलब च “शान्ति कु राजा” जब अब्राहम चार राजाओं तैं मारि के लौटि छो, तब मलिकिसिदक याजक वे तैं मिली अर वे तैं आशीष द्ये, अब्राहम ल मलिकिसिदक याजक तैं युद्ध मा जितण का बाद जु कुछ भि मिली छो, वेल वीं सभि चीजों कु दसवां हिस्सा (दशमांश) द्ये छो। जैको न त बुबा, न ब्वे, न वंशावली च, जै की न त दिनों की शुरुआत अर न जीवन कु अन्त च; पर पिता परमेश्वर का नौंनो का स्वरूप ठैरी कै उ हमेशा कु याजक बणयुं रै।</verse>
				<verse number="2"></verse>
				<verse number="3"></verse>
				<verse number="4">अब यु पर ध्यान कैरा कि मलिकिसिदक याजक कन महान छो जै तैं पुरखा अब्राहम ल अपड़ा दुश्मनों बट्टी युद्ध बट्टी जु कुछ लये छो वेको दसवां अंश द्ये।</verse>
				<verse number="5">मूसा की व्यवस्था सिखांद कि लेवी का वंशज, जु याजक बणदींनि, ऊं तैं इस्राएल देश का हैंका लोग, मतलब ऊंका अपड़ा विश्वासी लुखुं मा जु कुछ च, वेमा बट्टी दसवां हिस्सा लींण चयणु च; पर उ याजक अर हैंका लोग भयों का जन छिनी किलैकि उ सब अब्राहम का वंशज छिनी।</verse>
				<verse number="6">पर यु आदिम, मलिकिसिदक याजक, जु लेवी का वंशज भि नि छो, अब्राहम बट्टी दसवां अंश लै जबकि अब्राहम उ छो जै दगड़ी पिता परमेश्वर की करार कैरी, फिर भि मलिकिसिदक याजक ल वे तैं आशीष द्ये।</verse>
				<verse number="7">अर हम तैं पक्का पता च कि जु आशीष दींद उ आशीष पांण वला बट्टी भि बड़ो हूंद।</verse>
				<verse number="8">अर लेवी का वंशजों का याजक जु दशमांश लींदा छा, उ ऊई छा जु एक दिन मोरि जंदींनि, पर यु मलिकिसिदक याजक जैल दशमांश लै छो, वेका बारा मा परमेश्वर का वचन मा गव्है दिये गै कि उ अब भि जीवित च।</verse>
				<verse number="9">त हम यु भि बोलि सकदां, कि जब अब्राहम ल मलिकिसिदक याजक तैं दसवां हिस्सा द्ये, तब तक लेवी अब्राहम का कुटुम्ब मा पैदा नि हवे छो। पर फिर भि इन च कि अब्राहम का वंशज हूंणा का कारण लेवी ल अफ ही वे तैं उ दसवां हिस्सा द्ये।</verse>
				<verse number="10">किलैकि जै बगत मलिकिसिदक याजक ल अपड़ा बुबा बट्टी भेंट कैरी, वे बगत यु अपड़ा बुबा का देह मा ही छो।</verse>
				<verse number="11">लुखुं तैं याजकों की रीति का आधार पर ही मूसा की व्यवस्था दीं छै जब लेवी गोत्र का हारुन बट्टी ए छै, पर ऊं तैं उ ही रीति का द्वारा सिद्ध नि बणये गयै छो; इलै एक और याजक का आंणै की जरूरत छै, एक इन याजक जु हारुन का जन न बल्कि मलिकिसिदक याजक का जन हो।</verse>
				<verse number="12">किलैकि जब याजकों का वर्गों मा बदलाव हूंद, त व्यवस्था कु भि बदलाव हूंण जरूरी हूंद।</verse>
				<verse number="13">किलैकि हम या बात मसीह का बारा मा बुल्णा छा, जु एक अलग गोत्र बट्टी छो; वे गोत्र मा बट्टी कभी भि कै एक याजक का रूप मा वेदी पर सेवा नि कैरी छै।</verse>
				<verse number="14">त सभि जणदींनि, कि हमारो प्रभु यीशु यहूदा कु वंशज च अर मूसा ल यहूदा का कै भि वंशज का यहूदी याजक बनांण का बारा मा कुछ नि बतै अर न ही यहूदा कु कुई वंशज कभी याजक बंणि।</verse>
				<verse number="15">जै बारा मा मि बात कनु छो व बात और भि जादा साफ हवे गै, कि मूसा की व्यवस्था अर याजकों तैं बदली गै, किलैकि हमारो महायाजक जु अब ऐ, उ मलिकिसिदक याजक का जन च।</verse>
				<verse number="16">यीशु कै विशेष मनिख मतलब लेवी कु वंशज हूंणु कु या व्यवस्था अर विधियों का कारण याजक नि बंणि, पर उ अपड़ा जीवन का सामर्थ का कारण याजक बंणि गै जु कभी खत्म नि होला।</verse>
				<verse number="17">किलैकि वेका बारा मा परमेश्वर कु वचन गव्है दींद कि, “उ मलिकिसिदक याजक की रीति पर हमेशा कु महायाजक बंणि गयै।”</verse>
				<verse number="18">इन ही कै, पैली मूसा की व्यवस्था उन ही कैरी साकी जु कन चयणु छो; अर यांकि कुई कीमत नि छै इलै या बदली द्ये गै।</verse>
				<verse number="19">(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।</verse>
				<verse number="20">अर यांका दगड़ी ही जब पिता परमेश्वर ल यीशु तैं याजक का रूप मा नियुक्त कैरी त वेल एक नई प्रतिज्ञा लै।</verse>
				<verse number="21">किलैकि लेवी का वंशज त बगैर सौं लियां यहूदी याजक ठैरे गैनी पर यीशु सौं का दगड़ी पिता परमेश्वर की तरपां बट्टी चुणै गै ज्वा यीशु का बारा मा बुल्दी, “प्रभु परमेश्वर ल या नई प्रतिज्ञा लै, मि अपड़ा फैसला बट्टी नि पछतौलु, कि तु हमेशा कु मलिकिसिदक का समान एक याजक छै।”</verse>
				<verse number="22">इलै यीशु उ च जु हम तैं नई प्रतिज्ञा की आस दींद।</verse>
				<verse number="23">इख यीशु मसीह का याजक हूंणो कु एक और फैदा च, वे त भौत सी यहूदी याजक बणदी ऐनी, किलैकि ऊंमा बट्टी हर आदिम मोरि गै इलै उ अपड़ो काम तैं जारी नि रख सकिनि।</verse>
				<verse number="24">पर यीशु हमेशा ही कु रौंद; इलै कुई भि याजक का रूप मा वेकी जगह अब नि ल्यालो।</verse>
				<verse number="25">इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।</verse>
				<verse number="26">किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।</verse>
				<verse number="27">अर उ महायाजक जु हारुन का वंशज छा, ऊं जन यीशु तैं जरूरत नि च कि रोज पैली अपड़ा पापों अर फिर लुखुं का पापों का बलिदान चढ़ौण; किलैकि यीशु ल एक ही बार मा सभि लुखुं का पापों कु अपड़ा आप तैं बलि चढ़ै दींनि।</verse>
				<verse number="28">किलैकि मूसा की व्यवस्था त कमजोर लुखुं तैं महायाजक चुणदी; पर व नई प्रतिज्ञा जु मूसा की व्यवस्था का बाद ऐ वेल पिता परमेश्वर का नौंना हमारा यीशु मसीह तैं महायाजक का रूप मा चुणि ज्वा मूसा की व्यवस्था तैं बदली दींनि, अर यीशु तैं चुणदी जु हमेशा कु हम कु सिद्ध महायाजक बंणि गै।</verse>
			</chapter>
			<chapter number="8">
				<verse number="1">अब जु बात हम बुल्णा छा, वेमा सबसे बड़ी बात या च, कि हम मा निश्चय ही इन एक महायाजक च, जु स्वर्ग पर महामहिमन पिता परमेश्वर का सिंहासन का दैंणा बैठयूं च।</verse>
				<verse number="2">हमारो महायाजक परम पवित्र स्वर्गीय मन्दिर मा सेवा करद, मतलब की सच्चा मिलाप का तम्बू मा, जु मनिख्युं का द्वारा न बल्कि पिता परमेश्वर का द्वारा बणै गै।</verse>
				<verse number="3">किलैकि हर एक महायाजक तैं पापों की माफ कु भेंट अर बलिदान चढ़ौणे की जरूरत च, इलै ही जरूरी च, कि हमारा महायाजक, यीशु मा भि कुछ चढ़ौणु कु हो।</verse>
				<verse number="4">अर जु मसीह धरती पर हूंद त कभी यहूदी याजक नि हूंद, इलै कि धरती पर मूसा की व्यवस्था का अनुसार, पैली ही याजक च जु भेंट तैं चढौदींनि।</verse>
				<verse number="5">जु याजक का रूप मा उ काम करदींनि, उ भस वेकी एक नकल च जु स्वर्ग म च, पर यु उन नि च जन स्वर्ग म च, किलैकि जब मूसा मिलाप वला तम्बू तैं बनांणु कु तैयार हूंणु छो, तब पिता परमेश्वर ल वे तैं या चेतावनी द्ये, “देख स्वर्गीय मन्दिर कु जु नमूना त्वे तैं पोड पर दिखै गै छो, वेका हिसाब से सभि कुछ बणौ।”</verse>
				<verse number="6">पर जु याजक की सेवा कु काम हमारा महायाजक यीशु मसीह तैं मिली, उ वे काम से कई जादा बड़ो च जु दुसरा याजकों तैं दिये गै छो, किलैकि यीशु उ ही च जु नई प्रतिज्ञा का आधार पर, पिता परमेश्वर का संमणी हम कु एक भौत उत्तम वाचा तैं जुड़ण वलो च।</verse>
				<verse number="7">किलैकि जु व पैली वाचा निर्दोष हूंदी, त दुसरी वाचा की जरूरत ही नि हूंदी।</verse>
				<verse number="8">पर पिता परमेश्वर लुखुं पर भंगार लगै के बुल्द, “प्रभु बुल्द, देखा उ दिन औंदींनि, कि मि इस्राएल का लुखुं का दगड़ी, अर यहूदा का लुखुं का दगड़ी, मि एक नई प्रतिज्ञा बन्धुलु</verse>
				<verse number="9">व वाचा उन नि होली जन मिल ऊंका पुरखों दगड़ी वे बगत कैरी छै, जब मिल ऊंको हाथ मिस्र देश बट्टी निकलण दफा पकड़ी छो, किलैकि प्रभु बुल्द, उ मेरी वाचा का दगड़ी विश्वासी नि रैनी, अर मिल ऊं दगड़ी मुक फेरी दींनि।</verse>
				<verse number="10">फिर प्रभु बुल्द, कि जु नई प्रतिज्ञा आंण वला दिनों मा इस्राएल देश का लुखुं का दगड़ी मि करुलु, व या च, कि मि ऊं तैं मेरी व्यवस्था का बारा मा सुचण दयुलु, अर उ वे तैं अपड़ा मनों मा रखला, अर मि ऊंको पिता परमेश्वर बणलु उ मेरी आराधना करला, अर उ मेरा लोग होला।</verse>
				<verse number="11">अर हर एक अपड़ा देश का लुखुं तैं अर अपड़ा रिश्तेदारों तैं यु शिक्षा नि दयाला, कि तू प्रभु तैं पछयांण, किलैकि छुटा बट्टी बड़ा लुखुं तक, उ सभि स्वीकार कैरी दयाला कि मि ऊंको पिता परमेश्वर छों।</verse>
				<verse number="12">किलैकि मि ऊंका पापों तैं माफ कैरी दयुलु, अर ऊंका पापों तैं फिर याद नि करुलु।”</verse>
				<verse number="13">पिता परमेश्वर ल यु तैं एक नई प्रतिज्ञा बोलि, इलै वेल पैली वाचा तैं पुरणों कैरी; अर जु कुछ भि पुरणों छो अर घिसयूँ-पिटयूँ छो उ लुप्त हूंणु कु तैयार च।</verse>
			</chapter>
			<chapter number="9">
				<verse number="1">व पैली वाचा जु भौत बगत पैली, मूसा का द्वारा इस्राएल देश का लुखुं तैं दिये गै छै। वेमा परमेश्वर की आराधना कनु कु पूरा नियम-कानून छा अर ईं धरती पर आराधना कु लुखुं का द्वारा बणये गै मिलाप कु एक पवित्र तम्बू भि छो।</verse>
				<verse number="2">यु मिलाप वला तम्बू जानवरों की खाल ल बणयूँ छो; वे तम्बू का बीच मा, ऊंको एक पर्दा लटकयूँ छो अर द्वी भितरों मा बटयूं छो एक धूपदान वलो कमरा छो जै का सात फौंका छा; उख एक मेज छो जै पर पिता परमेश्वर तैं चढ़ै जांण वली रुठी रखै जांदी छै; यु कमरा तैं पवित्र जगह बुलै जांदु छो।</verse>
				<verse number="3">अर दुसरा मिलाप वला तम्बू मा जु पर्दा का पिछनै छो, वे तैं परम पवित्र जगह बुलै जांदु छो।</verse>
				<verse number="4">यु दुसरा कमरा मा, एक सोना की वेदी छै, जैको इस्तेमाल धूप जलांण कु किये जांदु छो, अर उख एक संदूक भि छो जु भितर-भैर सोना कु बणयूँ छो; वे संदूक तैं वाचा कु संदूक बुलै जांदु छो, संदूक का भितर तीन चीज छै; सबसे पैली, एक सोना कु भांडो छो जै मा एक विशेष किस्म को खांणु छो जै तैं “मन्ना” बुल्दा छा; यु मा हारुन की जांढी भि छै, जै मा अंकुरित पत्ता भि छा; आखिर मा, यु मा ढुंगा की द्वी पठाल भि छै, जै पर पिता परमेश्वर ल दस आज्ञाएँ लिखीं छै, जु वेल मूसा तैं द्ये छै।</verse>
				<verse number="5">यांका अलावा सोना का सन्दूक का मथि द्वी करूब छा, जूंका फांकुड वे सन्दूक का मथि फैलयां छा, जु ईं बात का चिन्ह छा कि पिता परमेश्वर की महिमा ईं जगह पर च; ऊंका खुल्यां फांकुड सन्दूक का ऊपरी हिस्सा तैं ढकदा छा जै पर ल्वे छिड़कै जांदु छो कि लुखुं का पापों तैं माफ किये जौं; पर हम यूं सभि चीजों तैं एक-एक कैरी कै नि बतै सकदा।</verse>
				<verse number="6">इन ही कै ऊंल ऊं सभि चीजों तैं मिलाप वला तम्बू का द्वी भितरों मा तैयार कैरी; यहूदी याजक रोज अपड़ी धार्मिक विधियों तैं पूरो कनु कु पैला कमरा मा जांद छा,</verse>
				<verse number="7">पर भस महायाजक पूरा साल मा एक बार परम पवित्र जगह मा जांदु छो; जब उ भितर जांदु छो त उ हमेशा अफ दगड़ी जानवरों कु ल्वे ले के जांदु छो अर उ यु तैं अपड़ा पापों की माफी कु अर लुखुं का पापों की माफी कु पिता परमेश्वर तैं बलिदान चढ़ांदु छो जु उ अनजाना मा करदा छा।</verse>
				<verse number="8">यूं रीतियों का द्वारा जु पिता परमेश्वर चांदो छो कि याजक कैरा, पवित्र आत्मा हम तैं कुछ बतांद; मतलब यु कि स्वर्ग मा पिता परमेश्वर की वास्तविक परम पवित्र यरूशलेम शहर कु मन्दिर तब तक लुखुं कु खुली नि च जब तक ईं धरती पर मिलाप वला तम्बू अर ऊंकी विधियों तैं मणदींनि, अर यांको दीं पूरी व्यवस्था जब तक की पूरी न किये जौं।</verse>
				<verse number="9">यु सभि चीज बसयूं बातों तैं बतौंदी जु कि अब मसीह का कारण पूरी हूंणी च; किलैकि उ सभि भेंट अर बलिदान जु ऊं लुखुं का द्वारा पिता परमेश्वर तैं चढै जांदी छै जु वेकी आराधना करदा छा अर भक्त छा, उ लुखुं का मनों अर दिलों तैं शुद्ध कना का लैक नि छै।</verse>
				<verse number="10">किलैकि व पुरणी व्यवस्था भस यूं बातों पर जुड़ीं छै मतलब य कि एक आदिम तैं क्य खांण-पीण चयणु च अर दुसरा शुद्धिकरण का बारा मा; या विधि जैको कै भि आदिम बट्टी कुछ भि लींण-दींण नि च; यु तैं तब तक अभ्यास मा रखै गयै जब तक कि एक बढ़िया व्यवस्था नि बंणि जौं।</verse>
				<verse number="11">पर जब मसीह महायाजक हवे के ऐ, जु नई वाचा की सभि अच्छी-अच्छी चीजों तैं दींद, जु पैली बट्टी ही छै, त वेल और भि जादा महान अर मिलाप वला तम्बू मा प्रवेश कैरी; यु मनिख्युं द्वारा नि बणै गै अर ई दुनिया बट्टी जुड़ियूं नि च।</verse>
				<verse number="12">अर मसीह ल परम पवित्र जगह मा भस एक बार अर हमेशा कु प्रवेश कैरी; उ अफ दगड़ी बखरों अर बछड़ों कु ल्वे ले के नि गै; वेको बलिदान वेका अपड़ा ल्वे कु छो, अर यांका द्वारा वेल हम तैं पापों बट्टी हमेशा कु छुड़ै।</verse>
				<verse number="13">मूसा की व्यवस्था का अनुसार, उ लोग जु विधि का अनुसार अशुद्ध हूंदा छा, उ पिता परमेश्वर की आराधना कना का योग्य नि हूंदा; फिर भि ऊं तैं साफ समझै जालो, जु ऊं पर बखरों अर बल्दों का ल्वे अर एक चढयां बछड़ों कु राखो छिड़कै जौं।</verse>
				<verse number="14">जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।</verse>
				<verse number="15">इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।</verse>
				<verse number="16">हम जंणदा छा कि जु कुई आदिम अपड़ी मौत से पैली अपड़ी दौलत कु बंटवरा की वसीहत लिखद, त यु जरूरी च कि पैली वेकी मौत हो कि वेका आज्ञाओं तैं पूरो किये जै साको।</verse>
				<verse number="17">तब वारिस उ सभि कुछ पै सकद जु वसीयत मा वे तैं दिए गै छै; किलैकि जु वसीयत लिखण वलो अभि ज्यूँदो हो, त यु संभव नि च कि वेका द्वारा दीं आज्ञाओं तैं पूरो किये जौं।</verse>
				<verse number="18">इलै इख तक कि पिता परमेश्वर का द्वारा दीं पैली वाचा पक्की हूंण से पैली एक ल्वे का द्वारा बलि को दींण जरूरी छो।</verse>
				<verse number="19">सबसे पैली, मूसा ल सब लुखुं तैं व्यवस्था की हर आज्ञा का बारा मा बतै; यांका बाद वेल बछड़ों कु ल्वे ले अर वे तैं पांणी मा मिलै; फिर वेल यु तैं व्यवस्था की किताब (चाम्रपत्र) अर सभि लुखुं पर छिड़कणु कु लाल ऊंन अर जूफा नौं का डाला का फौंको कु इस्तेमाल कैरी।</verse>
				<verse number="20">जब मूसा यु कनु छो, त वेल लुखुं कु बोलि, “यु ल्वे वीं वाचा तैं शुरू करद जै तैं मनणु की आज्ञा पिता परमेश्वर ल तुम तैं द्ये।”</verse>
				<verse number="21">अर ईं रीति ल ही मूसा ल मिलाप वला तम्बू अर आराधना की सेवा का सैरा सामान पर ल्वे छिड़की।</verse>
				<verse number="22">अर मूसा की व्यवस्था का अनुसार, लगभग हर चीज तैं विधि का अनुसार ल्वे बट्टी साफ किये जांण चयणु च; ल्वे बुगयां बगैर, पिता परमेश्वर लुखुं तैं ऊंका पापों बट्टी माफ नि कैरी सकद।</verse>
				<verse number="23">इलै यु जरूरी छो कि मिलाप वला तम्बू अर वेमा की सभि चीजों तैं विधि का अनुसार शुद्ध कनु कु पशुबलि दिए जौं अर यु स्वर्ग की चीजों की नकल च; पर स्वर्ग मा कि ऊं चीजों तैं विधि अनुसार साफ कनु कु, जानवरों का ल्वे बट्टी जादा बढ़िया बलिदान की जरूरत छै।</verse>
				<verse number="24">वेका कारण, मसीह वीं पवित्र जगह मा नि गै जै तैं लुखुं ल बणै, जु कि सच्चा स्वर्गीय मन्दिर की भस एक छवि च; पर उ स्वर्ग मा गै ज्यां बट्टी उ हमारा फैदा कु पिता परमेश्वर का संमणी मौजूद हवे साकी।</verse>
				<verse number="25">महायाजक हर साल एक जानवर कु ल्वे का दगड़ी परम पवित्र जगह मा जांद छो; पर मसीह अपड़ा आप तैं बार-बार बलिदान चढ़ौणु कु नि गै। जु वे तैं इन कन पुड़दो त फिर वे तैं दुनिया की रचना का बगत बट्टी कई बार दुःख उठांण पुड़दो; पर अब ई आखरी दुनिया मा, मसीह हम कु अपड़ा बलिदान की मौत का द्वारा पाप की शक्ति तैं हमेशा कु मिटाणु कु एक बार सभियूं कु प्रकट हवे।</verse>
				<verse number="26"></verse>
				<verse number="27">अर जन हरेक आदिम कु एक बार मुरण निश्चित च; उन ही मौत का बाद, पिता परमेश्वर हर एक आदिम कु न्याय का द्वारा जांच करलो।</verse>
				<verse number="28">उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।</verse>
			</chapter>
			<chapter number="10">
				<verse number="1">मूसा की व्यवस्था की पुरणी रीति भविष्य मा आंण वला चीजों की भस एक तस्वीर छै, न कि ऊं अच्छी चीजों की हकीकत जु मसीह ल हम कु कैरी; पुरणी रीति का अधीन चढै जांणवला बलिदान साल हर साल बार-बार चढै जांदा छा, पर उ, ऊं लुखुं तैं पूरी रीति से शुद्धता प्रदान कना का लैक नि छो, जु परमेश्वर की आराधना कनु कु वेका नजदीक औंदींनि।</verse>
				<verse number="2">जु मूसा की व्यवस्था ऊं तैं सिद्ध बणै सकद, त बलिदान चढ़ांण बंद हवे जांदा; आराधना कन वला जु भक्त हकीकत मा अपड़ा पापों बट्टी शुद्ध हवे जांदा अर उ अगनैं बट्टी पाप का भंगार तैं महसूस नि करदा।</verse>
				<verse number="3">पर जानवरों कु बलिदान को ल्वे पापों तैं दूर नि कैरी सकद; बल्कि, साल हर साल यु लुखुं तैं ऊंका पापों तैं याद दिलांद जु ऊंल कैरी छा।</verse>
				<verse number="4">किलैकि य बात अनोखी च, कि बल्द अर बखरों कु ल्वे पापों तैं दूर कैरो।</verse>
				<verse number="5">इलै मसीह दुनिया मा आंण बगत बुल्द, तू बलिदान अर भेंट नि चांदी; उ बलिदान जु जानवरों तैं पूरा ढंग से जलै कै चढै जांद, अर उ बलिदान जु पापों की माफी कु भेंट का रूप मा चढै जांद, उ पिता परमेश्वर त्वे तैं खुश नि करद। पर तिल मि तैं एक मनिख बणै।</verse>
				<verse number="6"></verse>
				<verse number="7">तब मसीह ल पिता परमेश्वर बट्टी बोलि, “हे पिता परमेश्वर, मि इख छों, कि तेरी इच्छा तैं पूरी कैरो, जन कि मेरा बारा मा परमेश्वर का वचन (चाम्रपत्र) मा लिख्युं च।”</verse>
				<verse number="8">मूसा की व्यवस्था सिखांदी, कि बलिदान अर भेंट पाप का कारण ही चढ़ै जांदी; पर मसीह ल यूं बातों कु जिक्र किलै कैरी अर बोलि कि पिता परमेश्वर यूं तैं नि चांद?</verse>
				<verse number="9">फिर वेल बोलि, “देख, मि उ ही कनु कु अयुं जु तू चांदी छै।” पिता परमेश्वर बलिदानों की पैली व्यवस्था तैं खत्म कैरी दींद कि उ एक नई व्यवस्था तैं स्थापित कैर साक। अर इलै ही, हम वे बलिदान का द्वारा पवित्र करे ग्यां जु यीशु मसीह ल अपड़ा देह का द्वारा एक बार अर हमेशा कु चढ़ै दींनि।</verse>
				<verse number="10"></verse>
				<verse number="11">हर एक यहूदी याजक हर-रोज वेदी का संमणी खड़ो हूंद अर लुखुं का पापों तैं दूर कनु कु रीतियों तैं पूरो करदो। उ लगातार एक ही जन बलिदानों तैं चढ़ौणु रौंदो जु कभी भि वे आदिम का पापों तैं दूर नि कैरी सकद, जु वेल कैरी।</verse>
				<verse number="12">पर मसीह ल पापों की माफी कु अपड़ा आप तैं हमेशा कु भस एक बलिदान का रूप मा चढ़ै; तब उ पिता परमेश्वर का दैंणा तरपां सिंहासन पर सबसे बड़ी सम्मान की जगह पर हमेशा कु बैठी गै।</verse>
				<verse number="13">किलैकि मसीह ल अपड़ा आप तैं भस एक बार बलिदान का रूप मा पिता परमेश्वर तैं दे दींनि अर इलै वेका लुखुं तैं पवित्र किये गै अर उ सच मा हमेशा कु धर्मी बंणि गैनी। अर उ उख अब अपड़ा सभि दुश्मनों तैं पूरा ढंग से अपड़ा अधीन कनु कु पिता परमेश्वर कु इन्तेजार कनु च।</verse>
				<verse number="14"></verse>
				<verse number="15">अर पवित्र आत्मा भि हम तैं यु ही बतांद कि यु सच च,</verse>
				<verse number="16">“प्रभु परमेश्वर ल अपड़ा वीं नई प्रतिज्ञा तैं याद कैरी के जैका बारा मा पैली बोलि छो; कि जु वाचा मि ऊं दिनों का बाद जु वाचा मि ऊं बट्टी बंधलु उ या च कि मि अपड़ी व्यवस्था तैं ऊंका हृदय मा लिखुलु अर मि ऊंका विवेक मा डललु।”</verse>
				<verse number="17">फिर प्रभु परमेश्वर बुल्द, “मि ऊंका पापों तैं, अर ऊंका अधर्मों का कामों तैं फिर कभी याद नि करुलु।”</verse>
				<verse number="18">अर पिता परमेश्वर हमारा पापों तैं माफ करद, त अब कुई भि दूसरो बलिदान दींणै की जरूरत नि च।</verse>
				<verse number="19">इलै, प्रिय विश्वासी भयों, किलैकि यीशु ल अपड़ा ल्वे का द्वारा हम कु अपड़ो जीवन बलिदान कैरेले, हम हिम्मत का दगड़ी स्वर्गीय मन्दिर मा परम पवित्र जगह मा प्रवेश कैरी सकदा।</verse>
				<verse number="20">जब मसीह मोरि त वेल हम कु एक नयो रस्ता खोलि कि हम इन ही जीवन जियां जैको कुई अंत नि च; वेल यु रस्ता अपड़ी देह मा बट्टी हवे के खोलि दींनि, येको मतलब यो च कि वेल अपड़ा आप तैं एक बलिदान के रूप मा चढै के हम कु यु सब कैरी।</verse>
				<verse number="21">अर किलैकि हमारो एक महान याजक च जु पिता परमेश्वर का स्वर्गीय मन्दिर पर राज्य करद।</verse>
				<verse number="22">त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।</verse>
				<verse number="23">अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।</verse>
				<verse number="24">आवा हम एक-दुसरा का प्रति प्रेम से रौंणो कु अर अच्छा कामों तैं कनु कु एक-दुसरा तैं प्रोत्साहित करदी रा।</verse>
				<verse number="25">आवा हम कुछ लुखुं का जन, पिता परमेश्वर की आराधना कनु कु कठ्ठा हूंण बंद नि कैरा, पर हम तैं एक-दुसरा तैं प्रोत्साहित कन चयणु च, अर चितांण चयणु च, ज्यादातर अब जबकि प्रभु को फिर से वापिस आंणो को दिन नजीक आंणु च।</verse>
				<verse number="26">हम तैं यूं कामों तैं कन चयणु च, किलैकि जब हम ल जांणि कि शुभ संदेश की सचै क्य च तब भि जु हम पाप करदी रां, त कुई और बलिदान नि च जु हमारा पापों तैं दूर कैर साको।</verse>
				<verse number="27">पर ऊं तैं भस भय का दगड़ी पिता परमेश्वर कु न्याय को अर तेज प्रचण्ड आग की ही उम्मीद कन चयणी च जु ऊं लुखुं कु नाश कैरी द्याली जु पिता परमेश्वर को विरोध करदींनि।</verse>
				<verse number="28">जबकि मूसा की व्यवस्था तैं नि मनणु वला द्वी या तीन लुखुं की गव्है पर, बगैर दया का मारि डलै जांद।</verse>
				<verse number="29">जु मूसा की व्यवस्था का अनुसार इन सजा छै, त वे आदिम की सजा भौत बड़ी होली जु पिता परमेश्वर का नौंनो कु तिरस्कार करदींनि; वेल पिता परमेश्वर का नौंनो तैं अपड़ा खुट्टों मुड़ी मींडी येले किलैकि वेल वेको सम्मान नि कैरी; वेल मसीह का ल्वे तैं पवित्र नि मांणी अर अशुद्ध ठैरे जैका द्वारा पिता परमेश्वर ल वे तैं पवित्र बनांणु कु नई प्रतिज्ञा शुरू कैरी; वेल पवित्र आत्मा कु अपमान कैरी जैका द्वारा वे पर दया हवे।</verse>
				<verse number="30">ऊं तैं बहुत कठोर दण्ड दिये जालो किलैकि यु पिता परमेश्वर च जैल य बात बोलि; “बदला लींण मेरू काम च, मि ही बदला लियुलु।” अर फिर यु कि, “प्रभु अपड़ा लुखुं कु न्याय करलो।”</verse>
				<verse number="31">जीवित पिता परमेश्वर का हथों बट्टी दण्ड पांण एक भौत ही भयानक बात च।</verse>
				<verse number="32">ऊं पिछला दिनों का बारा मा सोचा जब तुम ल पैली बार मसीह का बारा मा जांणि छो। याद कैरा कि तुम कन विश्वासयोग्य बणयां रयां चाहे तुम तैं यांका खातिर भयंकर कष्ट झिलण भि पोड़ी।</verse>
				<verse number="33">कभी-कभी त इन हवे, कि तुम्हरी बेजती हवे, अर अत्याचार सै के तमाशा बंणि, अर कई बार तुम अपड़ी इच्छा ल ऊं लुखुं मा शामिल हवे ग्यां जै की बेजती किये जांद अर जौं दगड़ी बुरो बरतौ हूंद छो।</verse>
				<verse number="34">तुम कैदियों का दुःख मा भि दुःखी हुयां, अर अपड़ी संपत्ति भि खुशी से लुटै दींनि; किलैकि तुम जंणदा छा कि तुम मा अब भि उ सब चीज छिनी जैको वादा पिता परमेश्वर ल कैरी छो, जु कि भौत खास च अर जु हमेशा कु बंणि रौंदी।</verse>
				<verse number="35">प्रभु पर यु विश्वास तैं नि हरचयां, चाहे कुछ भि हवे जौं; वे बड़ा प्रतिफल तैं याद रखा जु प्रभु तुम तैं दयालो।</verse>
				<verse number="36">अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।</verse>
				<verse number="37">“किलैकि परमेश्वर का वचन मा लिख्युं च; अब भौत ही कम बगत रै गै, जबकि आंणवलो आलो, अर देर नि करलो।</verse>
				<verse number="38">अर मेरू धर्मी जन विश्वास ल ज्यूँदो रालो, पर जु ऊंमा बट्टी कुछ मि तैं अस्वीकार कैरी दयाला, त मि हकीकत मा ऊं बट्टी खुश नि रौलु।”</verse>
				<verse number="39">पर हम ऊं लुखुं मा नि छा जु पिता परमेश्वर बट्टी पिछनै हटि जंदींनि अर नाश हवे जंदींनि; पर हम ऊं लुखुं मा छा जु विश्वास बणै रखदां अर जौंकी आत्मा बचि जयदींनि।</verse>
			</chapter>
			<chapter number="11">
				<verse number="1">जु लोग पिता परमेश्वर पर विश्वास करदींनि ऊं तैं यकीन च कि परमेश्वर ऊं तैं उ सभि कुछ दयालो ज्यांकी उ आस करदींनि; अर यु निश्चित च कि जूं चीजों तैं उ अभि तक नि दिखदींनि उ हकीकत मा छिनी।</verse>
				<verse number="2">हमारा पुरणा इन ही विश्वास करदा छा; इलै ही पिता परमेश्वर ऊं बट्टी खुश छो।</verse>
				<verse number="3">विश्वास ही ल हम जणदां, कि सैरी दुनिया की रचना पिता परमेश्वर का वचन का द्वारा हवे; इलै हम जु भि दिखदा उ वीं चीजों बट्टी नि बणयूं जौं तैं दिखै नि जै सकद।</verse>
				<verse number="4">विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।</verse>
				<verse number="5">हनोक नौं का आदिम का विश्वास का द्वारा पिता परमेश्वर वे तैं ज्यूँदो स्वर्ग मा ली गैनी; किलैकि विश्वास का द्वारा परमेश्वर ल वे तैं स्वर्ग मा उठै अर स्वर्ग मा ली जांण से पैली हनोक ल पिता परमेश्वर तैं खुश कैरी, जन कि परमेश्वर का वचन मा लिख्युं च।</verse>
				<verse number="6">अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।</verse>
				<verse number="7">विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।</verse>
				<verse number="8">विश्वास बट्टी ही अब्राहम ही जब पिता परमेश्वर ल वे तैं एक जगह पर जांणु कु बुलै त वेल आज्ञा मांणी अर पिता परमेश्वर ल वे तैं व जगह विरासत का रूप मा दींण वलो छो, अर परमेश्वर ल वे तैं नि बतै कि वे तैं कख जांण; फिर भि उ वीं जगह चलि गै।</verse>
				<verse number="9">वे देश मा जै की जैकी सौं पिता परमेश्वर ल खै छै, अब्राहम एक अजनबी का जन डेरों मा रौंदो छो; वे दगड़ी, वेको नौंनो इसहाक अर नाति याकूब भि डेरों मा रौंदो छा, जौं तैं पिता परमेश्वर की तरपां बट्टी करार मिली छै।</verse>
				<verse number="10">किलैकि उ स्वर्ग मा एक इन शहर मा रौंणो कु जग्वाल करदा छा जै की बुनियाद मजबूत छै, अर जैको रचणवलो अर बनांण वलो पिता परमेश्वर च।</verse>
				<verse number="11">विश्वास ल ही सारा ल अपड़ी बुढ़या अवस्था मा हूंण पर भि गर्भ धारण कने की सामर्थ पै; किलैकि वीं तैं विश्वास छो कि पिता परमेश्वर उ ही करलो जैको पिता परमेश्वर ल करार कैरी छै।</verse>
				<verse number="12">इलै जब अब्राहम संतान तैं पैदा कनु कु भौत बूढ़या छो, फिर भि वेका आसमान का गैणा अर समुन्द्र का छाला का बल्ला का जन गिणै नि जै सकण वला वंश वे बट्टी पैदा हवीनि।</verse>
				<verse number="13">यु सभि लोग जौ ल पिता परमेश्वर पर विश्वास कैरी, वीं चीज तैं बगैर पयां ही मोरि गैनी, ज्यांको वादा पिता परमेश्वर ल कैरी; पर ऊं तैं दूर बट्टी देखि के खुश हवीनि अर मांणी भि लींनि, अर ईं बात तैं समझी गैनी कि पिता परमेश्वर ल भविष्य मा क्य कन अर ईं बात तैं समझी गैनी कि हम ईं धरती पर अजनबी अर परदेशी छा।</verse>
				<verse number="14">जु इन बात बुल्दींनि, उ दिखौंदींनि, कि उ एक इन देश तैं पाला अर वेकी आस कना छिनी जु ऊंको होलो।</verse>
				<verse number="15">जु उ वे देश का बारा मा सुचदा जै बट्टी उ ऐ छा त उ वापिस जै सकद छा।</verse>
				<verse number="16">पर उ एक बढ़िया मतलब स्वर्ग की जांणै की इच्छा च, इलै पिता परमेश्वर तैं ऊंको परमेश्वर कहलांण मा गर्व छो, किलैकि पिता परमेश्वर ल ऊंकु एक नगर तैयार कैरी।</verse>
				<verse number="17">विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।</verse>
				<verse number="18">पिता परमेश्वर ल वे बट्टी बोलि, “इसहाक उ नौंनो च जैका द्वारा तेरु वंशज गिणै जाला। ”</verse>
				<verse number="19">अब्राहम ल सोचि कि जु इसहाक मोरि जौं तब भि, फिर भि पिता परमेश्वर वे तैं फिर से ज्यूँदो कन मा सामर्थी च; अर ये भाव मा अब्राहम ल सच मा अपड़ा नौंना तैं मौत बट्टी भि वापिस पै।</verse>
				<verse number="20">विश्वास ही बट्टी इसहाक ल अपड़ा द्वी नौंना याकूब अर एसाव तैं वादा किये गै बातों मा आशीष द्ये।</verse>
				<verse number="21">विश्वास ही बट्टी याकूब ल मुरण बगत यूसुफ का द्वी नौंनो मा बट्टी एक-एक तैं आशीष द्ये, अर अपड़ा डंडा का सहारा झुकि के वेल पिता परमेश्वर की आराधना कैरी।</verse>
				<verse number="22">विश्वास ही बट्टी यूसुफ ल, जब उ मुरण वलो छो, विश्वास का दगड़ी बोलि, कि इस्राएल का लोग मिस्र शहर बट्टी निकलला, अर इख तक कि वेल ऊं तैं आज्ञा द्ये कि जब उ मिस्र देश बट्टी जां तब त वेका हड्डकों तैं भि अफ दगड़ी कनान देश मा ली जां।</verse>
				<verse number="23">फिर जब मिस्र का राजा ल य आज्ञा द्ये कि जन्म हूंद ही सैरा इस्राएली नौंनो तैं मारि दींण चयणु च, तब भि विश्वास का कारण ही मूसा का ब्वे-बुबा ल वे तैं, पैदा हूंणा का बाद तीन मैना तक छिपै के रखि; किलैकि ऊंल देखि, कि मूसा साधारण नौंनो नि च, अर उ राजा की आज्ञाओं कु उल्लंघन कन से नि डरिनि।</verse>
				<verse number="24">मिस्र देश का राजा फिरौन की नौंनि ल मूसा तैं पालि छो; जब मूसा बड़ो हवे, त विश्वास ही बट्टी वेल नि चै कि लोग वे तैं राजकुमारी कु नौंनो बोला।</verse>
				<verse number="25">यु इलै हवे कि मूसा ल जरा बगत कु पाप का सुख कु आनन्द लींणा का बजाय पिता परमेश्वर का लुखुं का दगड़ी दुख भुकतण अच्छो समझी।</verse>
				<verse number="26">मूसा जंणदु छो कि मिस्र देश का भण्डार की तुलना मा मसीह कु दुख भुकतण बढ़िया च, किलैकि इन कन से पिता परमेश्वर वे तैं स्वर्ग मा ईनाम दयालो।</verse>
				<verse number="27">विश्वास बट्टी ही राजा का गुस्सा बट्टी नि डैरी के वेल मिस्र देश तैं छुड़ण मा इस्राएली लुखुं की अगवै कैरी, किलैकि उ समझी गै छो कि यु मांणा इन च जन वेल पिता परमेश्वर तैं देखि, जु अदृश च।</verse>
				<verse number="28">विश्वास बट्टी ही मूसा ल इस्राएली लुखुं तैं द्वार का मोर-संगाड पर चिनखो कु ल्वे लगांण कु अर फसह कु त्यौहार मनांणै की आज्ञा द्ये, कि पैली संतान तैं नाश कन वलो दूत, इस्राएल की पैली संतान तैं छवे भि नि साकी।</verse>
				<verse number="29">विश्वास बट्टी ही इस्राएल का लोग लाल समुद्र का पार इन उतरी के ऐनी, जन सूखी धरती पर; अर जब मिस्रियों ल भि उन ही कन चै, त उ सभि डूबी के मोरि गैनी किलैकि समुन्द्र की लहरों ल ऊं तैं बुगै दींनि।</verse>
				<verse number="30">किलैकि इस्राएल का लुखुं ल पिता परमेश्वर पर विश्वास कैरी, इलै उ सात दिनों तक यरीहो शहर की दीवार का चौतरफी घुमिनि; अर तब दीवार गिरी गै।</verse>
				<verse number="31">विश्वास बट्टी ही राहाब वेश्या पिता परमेश्वर की आज्ञा कु उल्लंघन कन वलो का दगड़ी नाश नि हवे; किलैकि वीं शान्ति का दगड़ी ऊं इस्राएली गुप्तचरों कु स्वागत कैरी जु छिपी के यरीहो शहर कु भेद लींणु कु ऐ छा।</verse>
				<verse number="32">मि तैं और कुछ भि बुल्ण की कुई जरूरत नि च; जु मि इन लुखुं का विश्वास का बारा मा भि बात कन लगु जन गिदोन, बाराक, शिमशोन, यिफतह की, अर राजा दाऊद की अर पिता परमेश्वर का तरपां बट्टी बुल्ण वला शमूएल जन, त मि मा बगत नि रालो।</verse>
				<verse number="33">ऊंल विश्वास ही का द्वारा राज्य जीतिनि; अर ठिक काम करीनि; वादा की चीजों तैं पै, शेरों ल ऊं तैं नि खै,</verse>
				<verse number="34">आग ल ऊं तैं नि फूंकी; तलवार ल ऊं तैं नि काटि, एक बार कमजोर हूंणा का बाद फिर ऊं तैं सामर्थशाली बणै गै; लड़ै कनु कु वीर पुरुष गैनी; अर ऊंल अपड़ी दुश्मनों की फौज तैं दूर तक भगै दींनि।</verse>
				<verse number="35">कुछ जननों ल अपड़ा मुरयां लुखुं तैं फिर से ज्यून्दो पै; कथग ही त मार खांदी-खांदी मोरि गैनी; अर उ अपड़ो विश्वास नि छुड़ण चांदा छा कि उ कैद बट्टी आजाद हवे जां; इलै मोरि के भि फिर से ज्यून्दा हूंणा का बाद उ एक भौत अच्छो जीवन पै साका।</verse>
				<verse number="36">कुछ लुखुं ल उपहास अर कोड़ों कु सामना कैरी जबकि कुछ लुखुं तैं जंजीरों ल जकड़ी कै जेल मा डलै गै।</verse>
				<verse number="37">ऊंमा बट्टी कुछ विश्वासियों तैं ढुगलयो कैरी के मरै गै; अर कुछों तैं द्वी हिस्सों मा कटे गै, ऊं तैं तलवार ल मौत का घाट उतारे गै। उ गरीब छा, ऊं तैं सतै गै अर ऊं दगड़ी बुरो बरतौ किये गै; उ ढिबरो-बखरों की खालो तैं ओढ़ी के इने-उनै भटकदी रैनी।</verse>
				<verse number="38">अर जंगलों, अर डांडों, अर उडयारों मा, अर पौड़ों की दरारों मा भटकदी रैनी; य बुरी दुनिया यूं विश्वासियों का लैक नि छै।</verse>
				<verse number="39">विश्वास बट्टी ही यूं सभियूं का बारा मा पिता परमेश्वर ल ऊं की तारीफ कैरी, तब भि उ ऊं तैं नि मिली ज्यांको वादा पिता परमेश्वर ल ऊं दगड़ी कैरी छो।</verse>
				<verse number="40">किलैकि पिता परमेश्वर मा भस ऊंकु, बल्कि हम कु भि एक बढ़िया योजना च; पिता परमेश्वर ऊं तैं भस हम दगड़ी मिल के ही सिद्ध बनांण चांद।</verse>
			</chapter>
			<chapter number="12">
				<verse number="1">हमारा अमणी-संमणी इन कई लोग छिनी जु की जिन्दगी हम तैं बतांद कि विश्वास कु मतलब क्य च; हर एक रुकण वली चीज, अर उलझांण वला पापों तैं दूर कैरी के हम वे बट्टा पर चला जै पर हम तैं जरूरी चलण चयणु च, उख चला।</verse>
				<verse number="2">अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।</verse>
				<verse number="3">इलै प्रभु यीशु का उदाहरणों पर ध्यान कैरा, कि अधर्मियों (पापियों) ल वे बट्टी कथग नफरत कैरी जु वे तैं सतौंदा छ; इलै तुम भि निराश हवे के साहस नि छोड़ा।</verse>
				<verse number="4">तुम ल बुरै की तागत दगड़ी लैड़ि के इन मुठभेड़ नि कैरी, कि तुम्हरी ल्वे बुगण ल मौत हवे हो।</verse>
				<verse number="5">अर पिता परमेश्वर तुम तैं बच्चों का रूप मा जु उत्साह उपदेश दींद तुम वे तैं भूली ग्यां; “हे मेरा नौंना, जब पिता परमेश्वर तुम तैं एहसास दिलांद कि तुम ल कुछ गलत कैरी त यु तैं हल्की बात नि समझ” अर जब पिता परमेश्वर त्वे तैं डांटो, त हिम्मत नि छोड़ी।</verse>
				<verse number="6">किलैकि प्रभु, जै बट्टी प्रेम करद, वे तैं अपड़ा सन्तान हूंणु कु डंटद भि च;</verse>
				<verse number="7">जब हम पिता परमेश्वर का यु दिव्य अनुशासन तैं सहन करदां, त हम तैं याद रखण चयणु च कि पिता परमेश्वर हम तैं अपड़ा सन्तान का रूप मा स्वीकार कनु च; पिता परमेश्वर हम तैं सन्तान मांणी के हम दगड़ी बरतौ करद, सभि बच्चों तैं ऊंका बुबा द्वारा अनुशासित किये जांद।</verse>
				<verse number="8">जु वीं डांट जैका भागि सभि हूंदींनि, अर तुम नि हूंयां, त हकीकत मा पिता परमेश्वर की सन्तान नि छा।</verse>
				<verse number="9">फिर जबकि हमारा दुनयावी बुबा भि हम तैं डंटद अर हम वेको आदर करदा, फिर हम तैं अपड़ा स्वर्गीय पिता कु कथग सम्मान कन चयणु च अर वेकी बातों तैं सुनण चयणु च अर जब उ हम तैं सुधरलो तब तक हम ज्यून्दा रौला।</verse>
				<verse number="10">हमारो दुनयावी बुबा त अच्छो कै जंणद कि कन के थोड़ा दिनों कु ही हम तैं डंटण, पर पिता परमेश्वर हमारी भलै कु ही हम तैं अनुशासित करद, कि हम वे जन पवित्र बंणि जां।</verse>
				<verse number="11">अर जै बगत डांट पुड़दी, वे बगत डांट अच्छी नि लगदि, बल्कि वां बट्टी दुख ही हूंद, पर वांका बाद ऊं परीक्षणों बट्टी सिखण वला तैं शान्ति अर धार्मिकता नौं कु प्रतिफल मिल्द।</verse>
				<verse number="12">इलै अपड़ा थकयां हथों तैं एक नई पकड़ दयावा अर अपड़ा कमजोर घुंडों तैं मजबूत कैरा।</verse>
				<verse number="13">अर इख अर उख दिखणां का बजाय, तुम यीशु का संमणी पौंछण वली सीधी सड़क पर चलदी रावा, कि हमारा बीच मा जु लोग आत्मिक रूप मा कमजोर छिनी, उ भटकी नि जां, पर ऊंको विश्वास मजबूत बंणि जौं।</verse>
				<verse number="14">सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।</verse>
				<verse number="15">अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।</verse>
				<verse number="16">इन नि हो, कि कुई आदिम व्यभिचारी, या अब्राहम का नाति, एसाव जन दुष्ट अर अधर्मी नि हो, किलैकि उ पैलो नौंनो छो, अर वे तैं पैलो नौंनो हूंणो कु अधिकार छो; पर वेल वे अधिकार को सम्मान नि कैरी अर इलै वेल अपड़ा छुटा भैय याकूब मा एक बार का खांणु कु अपड़ो जेठो नौंनो हूंण कु सब अधिकारों तैं बेचि दींनि।</verse>
				<verse number="17">तुम जंणद त छा, कि बाद मा जब वेल अपड़ो बुबा बट्टी आशीष पांण चै, त वेका बुबा ल वेकु मना कैरी दींनि, अर वेल आँसू बुगै-बुगै के आशीर्वाद कु बोलि पर उ अब वे तैं नि बदली सकदो छो जु वेल पैली कैरी छो।</verse>
				<verse number="18">तुम सीनै पोड जन जगह पर नि अयां, जै तैं देखि अर छवे जै सकद; जख आग या काला बादल या तूफान छो, अर लोग इन जगह पर छा जब पिता परमेश्वर ल ऊं तैं अपड़ी दस आज्ञा दींनि।</verse>
				<verse number="19">अर तुम तुरै का शोर मा नि अयां, अर बुल्ण वला का इन शब्द का संमणी नि अयां, जैका सुनण वलो ल बिनती कैरी, कि अब हम बट्टी और बात न किये जौं।</verse>
				<verse number="20">ऊंल यु बोलि किलैकि उ ईं आज्ञा तैं बर्दाश्त नि कैरी सकिनि कि पिता परमेश्वर ल ऊंकु बोलि, “जु कुई जानवर (गुरो) भि पोड तैं छवालो, त वे पर ढुगलयो किये जालो।”</verse>
				<verse number="21">अर उ दर्शन इन खतरनाक छो, इख तक कि मूसा ल भि बोलि, “मि भौत डरदु अर कंपदु छों।”</verse>
				<verse number="22">तुम सिय्योन डांडा पर अयां छा, जख स्वर्गीय यरूशलेम शहर च, जु ज्यून्दा परमेश्वर कु शहर च; अर जख लाखों स्वर्गदूत आनन्द-उत्सव मणौंदींनि,</verse>
				<verse number="23">तुम पिता परमेश्वर का पैला नौनों की सभा अर मण्डलि मा अयां छा, जु का नौं स्वर्ग मा लिख्यां छिनी; तुम अफी पिता परमेश्वर मा अयां छा, जु सभि चीजों पर न्याय कन वलो च, उ स्वर्ग मा धर्मी लुखुं की आत्मा छिनी जौं तैं अब सिद्ध बणये गै।</verse>
				<verse number="24">तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।</verse>
				<verse number="25">चौकस रावा, अर पिता परमेश्वर की बात सुनण से मना नि कैरा, किलैकि इस्राएल का लोग जब ऊंल मूसा की बात नि मांणी त पिता परमेश्वर ल ऊं तैं ईं बात की सजा दींनि, इलै यु हम कु और भि बुरो होलो जु हम पिता परमेश्वर तैं सुनण से इंकार करदां जु हम तैं स्वर्ग बट्टी चेतावनी दींद।</verse>
				<verse number="26">जब पिता परमेश्वर ल सीनै पोड मा बट्टी बोलि छो, त पिता परमेश्वर का शब्दों ल धरती तैं हिलये द्ये छो पर अब वेल यु वादा कैरी, “एक बार फिर मि धरती तैं बल्कि वे दगड़ी आसमान तैं भि हिलये दयुलु।”</verse>
				<verse number="27">अर यु वाक्य एक बार फिर ईं बात तैं दिखांद कि पिता परमेश्वर द्वारा बणईं चीज हिलये जाली अर हटै दे जाली; कि जु चीज हिलये नि जाली, उ हमेशा कु बंणि रौ।</verse>
				<verse number="28">इलै हम तैं जु राज्य मिली, उन ही हिलै जालो, हम तैं यांको पिता परमेश्वर कु आभारी हूंण चयणु च, जैका द्वारा हम भक्ति, अर डौर मांणी कै पिता परमेश्वर की इन आराधना कैरी साका जै बट्टी उ खुश हवे सकद।</verse>
				<verse number="29">किलैकि जन आग नष्ट कैरी दींदी, उन ही हमारो पिता परमेश्वर अपड़ा दुश्मनों तैं नाश कैरी दयालो।</verse>
			</chapter>
			<chapter number="13">
				<verse number="1">भैय-बैंणों का जन एक-दुसरा बट्टी प्रेम करदी रावा।</verse>
				<verse number="2">जु विश्वासी लोग तुम तैं पैली कभी भि नि मिलिनि, ऊं तैं अपड़ा घौर मा स्वागत कन नि भूला, किलैकि यांका द्वारा कथगों ल अनजाना मा स्वर्गदूतों कु आदर-सत्कार कैरी।</verse>
				<verse number="3">कैदियों की इन सुध ल्या, कि मांणा ऊं दगड़ी तुम भि कैद मा हो; अर जु सतयां लोग छिनी, ऊंकी भि यु समझी के सुध लिया कैरा, जन कि तुम अपड़ा देह मा ही ऊंका दर्द तैं महसूस कना हो।</verse>
				<verse number="4">ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।</verse>
				<verse number="5">अपड़ा जीवन तैं धन का लालच बट्टी दूर रखा, अर जु तुम म च, वे पर ही संतोष किया कैरा; किलैकि पिता परमेश्वर ल अफ ही बोलि, “मि त्वे तैं कभी भि नि छुडलु, अर न कभी भि त्वे तैं त्यगुलु।”</verse>
				<verse number="6">इलै हम बगैर कै डौर का बोलि सकदा, “प्रभु, मेरू मददगार च; मि तैं कैकी डौर नि च, कुई भि आदिम मेरू कुछ नि कैरी सकद।”</verse>
				<verse number="7">जु तुम्हरा अगुवा छा, अर जैल तुम्हरा पिता परमेश्वर कु वचन सुणै, ऊं तैं याद रखा; अर ध्यान रखा कि ऊंल अपड़ो जीवन कन कै जिये अर यु भि कि उ मुरण तक भि वफादार रैनी, इलै ही हम तैं ऊंका विश्वास का अनुसार चलि कै पिता परमेश्वर पर उन ही विश्वास कन चयणु च जन ऊंल कैरी छो।</verse>
				<verse number="8">यीशु मसीह ब्यालि अर आज अर हमेशा एक ही जन च, उ कभी नि बदलद।</verse>
				<verse number="9">भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।</verse>
				<verse number="10">जु याजक यहूदी रीति-रिवाजों का अनुसार पिता परमेश्वर की सेवा करदींनि, ऊं तैं यीशु द्वारा करयां बलिदान बट्टी कुई फैदा नि मिल्द जु मिलाप वला तम्बू की सेवा करदींनि; पर हम तैं फैदा मिल्दो च।</verse>
				<verse number="11">पैली वाचा का अनुसार, हर साल जौं जानवरों कु ल्वे महायाजक पाप-बलि कु यरूशलेम शहर का मन्दिर मा इस्राएली लुखुं का पापों की माफी कु लिजांदु छो, ऊं की देह छावनी का भैर जख लोग रौंदा छा जलै जांदी छै।</verse>
				<verse number="12">इलै ही, यीशु भि लुखुं कु अपड़ा ही ल्वे का द्वारा पवित्र कनु कु यरूशलेम शहर का फाटक का भैर पीड़ित हवे अर मोरि गैनी।</verse>
				<verse number="13">आवा हम यहूदी रीतियों तैं छोड़ी के छावनी का भैर जख लोग रौंदा छा ऊंमा चला अर यीशु पर विश्वास कैरी के; अर जन यीशु ल अनादर तैं सै, उन ही हम भि अनादर तैं सै ल्या।</verse>
				<verse number="14">किलैकि ईं दुनिया मा हमारो कुई स्थायी घौर नि च, पर हम वे स्वर्गीय घौर का खोज मा छा, जु हमेशा कु च।</verse>
				<verse number="15">इलै हम यीशु का द्वारा अपड़ा होंठों बट्टी पिता परमेश्वर की स्तुति करदी रां य ही वेको हमारो बलिदान च।</verse>
				<verse number="16">पर भलै कन, अर जरूरतमंद लुखुं का दगड़ी बंटण नि भूला जु तुम दगड़ी छिनी; किलैकि पिता परमेश्वर इन बलिदानों बट्टी खुश हूंद।</verse>
				<verse number="17">अपड़ा अगुवों की बात मांणा; अर ऊंका अधीन रावा, किलैकि उ तुम्हरा आत्मा तैं बचांणु कु सुचणा छिनी, कि तुम भटकी नि जावा; अर ऊं तैं पिता परमेश्वर तैं अपड़ी सेवकाई का बारा मा लेखा दींण पुड़लो, कि उ यु कामों तैं खुश हवे के करा, यु काम तैं उदासी ल नि कैरा, किलैकि उदास हवे के सेवकाई कन से कुई फैदा नि हूंद।</verse>
				<verse number="18">हम कु प्रार्थना करदी रावा, किलैकि हम तैं भरोसा च कि हमारो विवेक शुद्ध च; अर हम जु भि काम करदा ऊं सभियूं मा पिता परमेश्वर कु सम्मान कन चांदा छा।</verse>
				<verse number="19">तुम बट्टी मेरी विशेष बिनती च कि प्रार्थना कैरा कि मि जल्द ही तुम बट्टी मिल साको।</verse>
				<verse number="20">अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।</verse>
				<verse number="21"></verse>
				<verse number="22">हे मेरा विश्वासी भयों, मि तुम बट्टी बिनती करदु, कि ईं चिठ्ठी का संदेश की बातों तैं धीरज ल सुणदी रावा, जु मिल तुम तैं प्रोत्साहित कनु कु लिखीं छिनी। मिल तुम तैं ईं चिठ्ठी मा भौत जादा बात नि लिखिनि</verse>
				<verse number="23">तुम यु जांणि लय कि तीमुथियुस हमारो विश्वासी भैय जेल बट्टी छुटी गै अर जु उ जल्दी ऐ गै, त मि वे दगड़ी तुम बट्टी मिललो।</verse>
				<verse number="24">अपड़ा सभि अगुवों अर सभि पवित्र लुखुं तैं प्रणाम बोला; इटली देश बट्टी भि विश्वासी भैय तुम तैं प्रणाम बुल्णा छिनी।</verse>
				<verse number="25">मि प्रार्थना करदु कि, पिता परमेश्वर की कृपा तुम सभियूं पर हूंदी रौ। आमीन।</verse>
			</chapter>
		</book>
		<book number="59">
			<chapter number="1">
				<verse number="1">मि याकूब, ईं चिट्टी तैं लिखणु छों, मि पिता परमेश्वर अर प्रभु यीशु मसीह कु दास छों अर मि या चिट्टी इस्राएल का लोग जु बारह गोत्र दुनिया भर मा बिखरयां छिनी ऊं तैं प्रणाम बुल्णु छों।</verse>
				<verse number="2">हे मेरा विश्वासी भयों, जब तुम्हरा जीवन मा किस्मै-किस्मै की अजमैश औ त वीं अजमैश तैं भौत खुशी की बात समझयां</verse>
				<verse number="3">किलैकि तुम जणदां ही छा कि तुमारो विश्वास परखै जांण बट्टी तब तुमारो धीरज बढ़दु।</verse>
				<verse number="4">अर अपड़ी अजमैश का बगत यीशु पर अपड़ो विश्वास तैं बणै रखा, कि तुम आत्मिक ढंग बट्टी मजबूत अर पूर्ण अर तुम मा कै भि बात की कमी नि रौ।</verse>
				<verse number="5">पर जु तुम मा बट्टी कै तैं बुद्धि की कमी-घटि हो, त पिता परमेश्वर बट्टी मांगो, जु बगैर गलती खुज्ज्यां सभियूं तैं भरपूरी बट्टी दींद उ पिता परमेश्वर तुम तैं भि दयालो।</verse>
				<verse number="6">पर मंगण वलो विश्वास बट्टी पिता परमेश्वर बट्टी मांगो अर शक नि कैरो; पर जु शक करदो, उ अविश्वासी समुद्र की लहरों की तरौं च जु सदनी बदलणु रौंदो।</verse>
				<verse number="7">इन्दरा मनिख को मन सदनी बदलणु रौंदो, इन मनिख यु न समझो, कि मि तैं प्रभु बट्टी कुछ मिललो अर लोग वे पर निर्भर नि रै सकदींनि।</verse>
				<verse number="8">उ आदिम दुचितो च, अर अपड़ी सैरी बातों मा भि चंचल च।</verse>
				<verse number="9">जु विश्वासी भैय गरीब च, वे तैं खुश हूंण चयणु च, कि पिता परमेश्वर ल वेको सम्मान कैरी।</verse>
				<verse number="10">अर जु धनवान च ऊं तैं भि खुश हूंण चयणु च की पिता परमेश्वर नम्र बणै; किलैकि वेकी अमीरी जंगल की घास का फूलों का जन सूखि जाली।</verse>
				<verse number="11">जब सूरज निकलद अर तेज घाम पुड़दो त घास सुखै दींद, अर वेका फूल झड़ी जंदींनि, अर वेकी सुंदरता नष्ट हवे जांदी; उन ही धनवान आदिम भि धन कमौन्द-कमौन्द मोरि जालो।</verse>
				<verse number="12">धन्य च उ आदिम, जु अजमैश का बगत भि मजबूत रौंदो; किलैकि जब उ अजमैश तैं पार कैरी दींदो तब पिता परमेश्वर वे तैं अनन्त जीवन को मुकुट दयालो, ज्यांको वादा पिता परमेश्वर ल अपड़ा प्रेम रखण वलो दगड़ी करयूं च।</verse>
				<verse number="13">जब कै आदिम कि अजमैश हो, त तब उ इन नि बोलु, कि पिता परमेश्वर मि तैं अजमौणु च; किलैकि पिता परमेश्वर कु बुरी बातों बट्टी कै भि ढंग को लींण-दींण नि च, अर न ही पिता परमेश्वर कै तैं अजमैश मा डल्द।</verse>
				<verse number="14">पर हर एक आदिम अपड़ी ही बुरी लालसाओं का कारण फंसिके अजमैश मा पुड़दो।</verse>
				<verse number="15">यांका बाद, जब उ पाप कनै की योजना की कल्पना करदु, तब पाप कु जन्म हूंद। अर अंत मा, उ सदनी कु मोरि जांदु।</verse>
				<verse number="16">हे मेरा प्रिय विश्वासी भयों, अपड़ा जीवन मा धोखा नि खावा।</verse>
				<verse number="17">किलैकि हर एक अच्छो वरदान अर हर एक उत्तम दान पिता परमेश्वर बट्टी ही च अर वे बट्टी ही मिल्दो, जैल आसमान की ज्योतियों तैं बणै। पिता परमेश्वर हमेशा एक ही जन च अर कभि भि छैल का तरौं नि बदलद।</verse>
				<verse number="18">पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।</verse>
				<verse number="19">हे मेरा विश्वासी भयों, ईं बात तैं तुम जणिल्या हर एक आदिम तैं पिता परमेश्वर का वचन सुनणु कु तैयार रौंण वलो अर बुल्ण मा धीरज रखण वलो अर जल्दी गुस्सा कन वलो नि हूंण चयणु च।</verse>
				<verse number="20">किलैकि आदिम का गुस्सा बट्टी पिता परमेश्वर की धार्मिकता को उदेश्य पूरो नि हूंद।</verse>
				<verse number="21">इलै मनों को सैरो मैल अर बैर-भाव की बढ़ती तैं दूर कैरी कै, वे पिता परमेश्वर का वचन तैं नम्रता ल स्वीकार कैरी ल्या, जु तुमारा मन मा डलै गै, उ ही तुमारा आत्मा तैं बचै सकदो।</verse>
				<verse number="22">पिता परमेश्वर कु वचन को पालन कन वला बणा, न कि सुनण वला ही, जु अपड़ा आप तैं धोखा दींदीनी।</verse>
				<verse number="23">किलैकि जु आदिम वचन सूंणि के वेका अनुसार जीवन बसर नि करदो, उ वे आदिम का जन च जु अपड़ा असली मुक ऐना मा दिखदु।</verse>
				<verse number="24">अर जब उ अपड़ा मुक देखि के उख बट्टी चलि जांदु, अर वे ही बगत बिसरी जांद कि मि कन दिख्योणु छो।</verse>
				<verse number="25">अर जु मनिख पिता परमेश्वर की व्यवस्था तैं, जु पाप बट्टी आजाद करदो वे तैं ध्यान से सिखद अर सुणदु, उ मनिख इलै आशीष पालो कि सूंणि के बिसरदु नि च, पर उन ही काम करदु।</verse>
				<verse number="26">जु कुई अपड़ा आप तैं पिता परमेश्वर कु भक्त समझदु, पर बुरी बातों तैं बुल्ण मा अपड़ी जीभ पर काबू नि रखो, त उ अपड़ा आप तैं धोखा दींद, अर वेकी भक्ति बेकार ही च।</verse>
				<verse number="27">हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।</verse>
			</chapter>
			<chapter number="2">
				<verse number="1">हे मेरा विश्वासी भयों, तुम हमारा महिमामय प्रभु यीशु मसीह का शिष्य छा, इलै आपस मा भेदभाव नि रखा।</verse>
				<verse number="2">मंणिया, जु एक आदिम सोना की अंगूठी अर मंहगा कपड़ा पैरी के तुम्हरी मण्डलि मा औ, अर एक गरीब भि मैला कपड़ा पैरी के औ,</verse>
				<verse number="3">अर तुम वे मंहगा कपड़ा पैर्यां आदिम तैं देखि के आदरपूर्वक बुलयां कि “श्रीमान तुम इख अच्छी जगह मा बैठी जावा” अर वे गरीब आदिम तैं देखि के बोला “तु इना खड़ो रौ” या इख “मेरा खुट्टा का संमणी बैठी जा।”</verse>
				<verse number="4">त इन कैरी कै तुम आपस मा भेदभाव नि करद्यां, अर बुरा विचार कैरी के न्याय कन वला नि हुयां।</verse>
				<verse number="5">हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,</verse>
				<verse number="6">पर तुम ल वे गरीब को अपमान कैरी। तुम खुद भि यु जणदां छा, कि अमीर लोग ही छिनी जु तुम पर जुल्म करदींनि, अर जबरदस्ती कचहरियों की जांच मा ली जणदींनि।</verse>
				<verse number="7">उ ही छिनी जु यीशु मसीह का बारा मा बुरी बात बुल्दींनि, जै बट्टी तुम सम्बन्ध रखद्यां अर जु नौं तुम्हरी पहचाण च।</verse>
				<verse number="8">जु तुम पिता परमेश्वर का वचन का अनुसार कि, “तू अपड़ा पड़ोसी बट्टी अपड़ा समान प्रेम रख” सच मा वीं खास व्यवस्था तैं पूरो करदां, त ठिक ही करद्यां।</verse>
				<verse number="9">पर जु तुम भेदभाव करद्यां, त पाप करद्यां; अर मूसा द्वारा लिखीं परमेश्वर की व्यवस्था तुम तैं भंगारी ठैरांदी।</verse>
				<verse number="10">किलैकि जु कुई मूसा द्वारा लिखीं परमेश्वर की व्यवस्था को पालन करदो पर वेकी एक आज्ञा तैं मनणु मा चूक जांद त उ सभि बातों मा भंगारी ठैरदो।</verse>
				<verse number="11">इलै पिता परमेश्वर ल यु बोलि, “तू व्यभिचार नि कैरी” वेल ही यु भि बोलि, “तू हत्या नि कैरी” इलै जु तिल व्यभिचार त नि कैरी, पर हत्या कैरी त तब भि तु मूसा द्वारा लिखीं परमेश्वर की व्यवस्था तैं तुडण वलो ठैरी।</verse>
				<verse number="12">तुम यूं लुखुं का समान बोला अर काम भि कैरा, जैको न्याय पिता परमेश्वर की व्यवस्था का अनुसार होलो, जु हम तैं पापों बट्टी आजादी दींद।</verse>
				<verse number="13">किलैकि जु कुई दूसरों पर दया नि करलो, त पिता परमेश्वर भि वे पर दया नि करलो जब उ न्याय करलो। पर जु कुई दूसरों पर दया करलो, त पिता परमेश्वर भि वे पर दया करलो जब उ न्याय करलो।</verse>
				<verse number="14">हे मेरा विश्वासी भयों, जु कुई बोलु कि, मि तैं प्रभु यीशु मसीह पर विश्वास च पर उ दूसरों कु अच्छो कामों तैं नि कैरो, त यां बट्टी क्य फैदा? क्य इन विश्वास वेको उद्धार या बचाव कैरी सकद?</verse>
				<verse number="15">जु कै विश्वासी भैय-बैंण तैं कपड़ा अर खांणै की जरूरत हो,</verse>
				<verse number="16">अर तुम मा बट्टी कुई ऊंकु बोलु, शान्ति से चलि जा “पिता परमेश्वर तुम तैं आशीष दयालो, तुम गर्म-गर्म कपड़ा पैरा, अर पुटगो भोरि के खावा” पर जु चीज देह कु जरुरी हो उ तुम ऊं तैं न द्या, त या बट्टी कुछ भि फैदा नि च।</verse>
				<verse number="17">उन ही विश्वास भि, जु भला कामों का दगड़ी नि हो, त वेको विश्वास बेकार च।</verse>
				<verse number="18">जु एक आदिम प्रभु यीशु पर विश्वास करद अर दुसरो आदिम अच्छा काम करद त मि तुम कु बुल्दो, क्य तुम अच्छा कामों का बगैर मि तैं यीशु मसीह पर अपड़ा विश्वास तैं साबित कैर सकदा छा? मि अपड़ा अच्छा काम कना का द्वारा यु साबित कैर सकदु की मि प्रभु यीशु पर विश्वास करदु छो।</verse>
				<verse number="19">त्वे तैं विश्वास च कि एक ही पिता परमेश्वर च; त तू ठिक करदी, दुष्टात्मा भि विश्वास करदी, अर कंपदि च।</verse>
				<verse number="20">पर हे मूर्ख मनिख्युं क्य तू यूं भि नि जणदी, कि अच्छा कामों का बगैर विश्वास बेकार च?</verse>
				<verse number="21">जब हमारा पूर्वज अब्राहम ल अपड़ा नौंना इसहाक तैं वेदी पर चढ़ै, त वेल जु अच्छो काम कैरी वेका द्वारा ही उ पिता परमेश्वर का संमणी धर्मी ठैरे गै।</verse>
				<verse number="22">तिल देखेले कि विश्वास ल ऊंका कामों का दगड़ी मिली कै प्रभाव डाली अर वेको विश्वास वेका अच्छा कामों बट्टी सिद्ध हवे।</verse>
				<verse number="23">अर यु परमेश्वर का वचन का अनुसार ही हवे, “अब्राहम ल पिता परमेश्वर पर विश्वास कैरी, अर वेका विश्वास का कारण पिता परमेश्वर ल वे तैं धर्मी मनिख का रुप मा स्वीकार कैरी” अर उ पिता परमेश्वर को दगड़िया बुलै।</verse>
				<verse number="24">तुम ल देखि के कि मनिख विश्वास बट्टी ही न, पर अच्छा कामों का द्वारा एक धर्मी मनिख का रूप मा स्वीकार किये गै।</verse>
				<verse number="25">उन ही राहाब वेश्या भि, जब वीं ल भेद लींण वला दूत तैं अपड़ा घौर मा रौंणु कु जगह द्ये, अर वीं ल ऊंका दुश्मनों बट्टी बचौणु कु दुसरा रस्ता बट्टी ऊं तैं भेजि दींनि, त उ अच्छा कामों का कारण व धर्मी बंणि।</verse>
				<verse number="26">जन देह, सांसों बगैर मुरीं च, उन ही विश्वास भि अच्छा कामों का बगैर बेकार च।</verse>
			</chapter>
			<chapter number="3">
				<verse number="1">हे विश्वासी भयों, तुम मा बट्टी भौतों तैं विश्वासियों की मण्डलि मा गुरु नि बनण चयणु च, किलैकि तुम जणदां छा, कि हम पिता परमेश्वर का वचन सिखौंण वलो को न्याय और भि कठोरता ल किये जालो।</verse>
				<verse number="2">हम भौत बार गलती करद्यां। पर जु कुई बुल्ण मा गलती नि करदो, ऊई त सिद्ध मनिख च; अर उ अपड़ा आप तैं पूरा ढंग ल वश मा कैरी सकदो।</verse>
				<verse number="3">घोड़ों तैं अपड़ा वश मा कनु कु वेका गिच्चो पर लगाम लगौन्दा छा, तब हम ऊंका सैरा देह तैं अपड़ा वश मा कैरी सकद्यां।</verse>
				<verse number="4">देखा, समुद्रों का जहाज भि, भौत बड़ा हुन्दींनि, अर तेज बथौं बट्टी चलै जयदींनि, तभि भि एक छुटी सी पतवार ल चलौंण वलो माँझी का इच्छा का अनुसार ही घुमै जांदु।</verse>
				<verse number="5">उन ही जीभ भि देह को एक छुटो सी हिस्सा च अर व बड़ी-बड़ी डींग मरदी। देखा कन कै, जरा सी आग ल कथग बड़ा जंगल मा आग लग जांदी।</verse>
				<verse number="6">जीभ भि एक आग का जन च अर या बुरै की पूरी दुनिया च; यु देह कु उ अंग च जु भौत दुष्ट च जु एक आदिम का पूरा जीवन तैं नाश कैर सकदी। यु वे पर नरक की आग का जन च।</verse>
				<verse number="7">हर एक जाति का जंगली-जानवर, चलखुडा, अर रिंगण वला गुरो अर पांणी का जन्तु मनिख का वश मा किये जै सकद अर हवे भि गैनी।</verse>
				<verse number="8">पर जीभ तैं मनिख्युं मा बट्टी कुई अपड़ा वश मा नि कैरी सकद; या एक इन बला च जु कभी रुकदी ही नि च; व एक जहरीला गुरो का जन प्राणघातक हूंदी।</verse>
				<verse number="9">ईं जीभ ल ही हम प्रभु अर पिता परमेश्वर की स्तुति करदां। अर यां बट्टी ही मनिख्युं तैं जु पिता परमेश्वर का समानता मा बणयां छिनी ऊं तैं श्राप दींदयां।</verse>
				<verse number="10">एक ही गिच्चा बट्टी स्तुति अर श्राप दुई निकलदींनि। हे विश्वासी भयों, इन नि हूंण चयणु च।</verse>
				<verse number="11">एक ही कुवां बट्टी मिठो अर नमकीन पांणी द्वी नि निकली सकदींनि।</verse>
				<verse number="12">हे विश्वासी भयों, क्य बेडु को डाला मा जैतून, या अंगूर का लगुला मा बेडू लगि सकदींनि? उन ही नमकीन पांणी का कुवां बट्टी मिठो पांणी नि निकली सकदो।</verse>
				<verse number="13">तुम लुखुं मा बट्टी जु ज्ञानी अर समझदार हूंणो को दावा करदो, उ अपड़ा कामों अर अच्छा स्वभाव ल, अर वीं नम्रता का दगड़ा जु तुम्हरा ज्ञान बट्टी औंद, अच्छा काम कैरी कै दिखांण चयणु च।</verse>
				<verse number="14">जु तुम अपड़ा-अपड़ा मन मा बड़ी नफरत अर स्वार्थ रखद्यां, त अपड़ो ज्ञान को घमण्ड कैरी के सच का खिलाफ मा पाप नि कैरा।</verse>
				<verse number="15">यु ज्ञान उन ही, जु पिता परमेश्वर बट्टी मिल्दा पर सांसारिक, अर शारीरिक, अर शैतान का तरपां बट्टी च।</verse>
				<verse number="16">इलै कि जख नफरत अर स्वार्थ हूंदों, उख लड़ै अर हर किस्मै का बुरै का काम हुन्दींनि।</verse>
				<verse number="17">पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।</verse>
				<verse number="18">अर जु लोग मेल-जोल कन वला छिनी, उ शान्ति का बीज तैं बुतलो अर धार्मिकता को फसल तैं कटलो।</verse>
			</chapter>
			<chapter number="4">
				<verse number="1">तुमारा बीच मा लड़ै झगड़ा कख बट्टी औंदींनि? या ऊं बुरी लालसाओं बट्टी नि औंदींनि जु तुमारा मन मा लड़ै कना रौंदींनि।</verse>
				<verse number="2">तुम चीजों की लालसा करद्यां, पर वीं चीज तैं पौन्दा नि छा, इलै तुम हत्या कनु कु तैयार रौंदियां अर दूसरों की चीजों कु लालच करद्यां, पर इन कन बट्टी तुम तैं कुछ नि मिल्दा; इलै तुम लड़ै अर झगड़ा करद्यां। तुम तैं इलै नि मिल्दो, किलैकि तुम पिता परमेश्वर बट्टी यु तैं नि मंगदा।</verse>
				<verse number="3">तुम मंगदा छा अर पांदा नि छा, इलै कि बुरी इच्छा बट्टी मंगदा, कि अपड़ा भोग-विलास मा उड़ै द्या।</verse>
				<verse number="4">हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।</verse>
				<verse number="5">तुम क्य समझदियां, कि पिता परमेश्वर कु वचन क्य बुल्दो? “जै पवित्र आत्मा तैं वेल हमारा भितर बसयूँ च” इलै पिता परमेश्वर चांदु च कि हम वेकी ही आराधना कैरा।</verse>
				<verse number="6">पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”</verse>
				<verse number="7">इलै पिता परमेश्वर का अधीन हवे जावा; अर शैतान का तरपां बट्टी आंण वला बुरा कामों कु विरोध कैरा, त उ तुमारा संमणी बट्टी भागि जालो।</verse>
				<verse number="8">पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।</verse>
				<verse number="9">अपड़ा पापों का कारण दुखी व, अर दुःख कैरा, अर रवा, तुम्हरी हंसी दुःख मा अर तुम्हरी खुशी उदासी मा बदली जौं।</verse>
				<verse number="10">प्रभु का संमणी दीन बंणि जावा, त उ तुमारो आदर करलो।</verse>
				<verse number="11">हे विश्वासी भयों, एक हैंका की बदनामी नि कैरा जु अपड़ा भैय की बदनामी करदो या वे पर भंगार लगौंदु उ परमेश्वर का वचन की बदनामी करदो, अर परमेश्वर का वचन पर भंगार लगौंदु पर तू जु परमेश्वर का वचन पर भंगार लगांदी त तब तू परमेश्वर का वचन कु पालन नि करदी बल्कि तु अफी मूसा द्वारा लिखीं परमेश्वर की व्यवस्था पर न्यायी बण जांदी।</verse>
				<verse number="12">पिता परमेश्वर ही च जु व्यवस्था दींण वलो अर न्याय कन वलो च अर उ बचौण अर नाश कन मा सामर्थी च। पर तु कु छै, जु अपड़ा पड़ोसी पर भंगार लगांणु छै?</verse>
				<verse number="13">तुम जु इन बुलद्यां, “आज या भोल हम कै और नगर मा जै के उख एक साल बितौला, अर व्यापार कैरी कै फैदा उठालो।”</verse>
				<verse number="14">पर तुम यु नि जणद्यां भोल कि होलो। सूंणि त ल्या, तुमारो जीवन छै ही क्य च? तुम त मांणा कुयडा का जन छा, जु जरा देर दिखै दींद, अर फिर हर्ची जांदी।</verse>
				<verse number="15">इलै तुम तैं इन बुल्ण चयणु च कि, “जु प्रभु चौ त हम ज्यूंदा रौला, अर यु या उ काम भि करुला।”</verse>
				<verse number="16">जु तुम अपड़ी बणईं योजना पर घमण्ड करद्यां, इन्दरो सैरो घमंड बुरो हूंद।</verse>
				<verse number="17">इलै जु कुई भलै कन जंणदु अर नि करदो, वेको यु पाप च।</verse>
			</chapter>
			<chapter number="5">
				<verse number="1">हे अमीर लुखुं सूंणा; तुम अफ पर औंण वली मुसिबत पर चिल्लै-चिल्लै कै रुवैल्या।</verse>
				<verse number="2">तुमारो धन को नाश हवे जालो अर तुमारा कपड़ोंं तैं कीड़ा खै जाला।</verse>
				<verse number="3">तुम्हरा सोना अर चाँदी बेकार हवे गै; जै धन पर तुम विश्वास करदा उ तुम तैं आग का समान जलै दयालो, तुम्हरा द्वारा कट्ठा किये गै धन न्याय का दिन तुम्हरा खिलाफ सबूत का रूप मा खड़ो होलो।</verse>
				<verse number="4">देखा तुमारा पुगड़ा मा काम कन वला मजदूरों की ज्वा मजदूरी तुम्हरी धोका देये के रूकीं च, व मजदूरी तुमारा खिलाफ चिल्लै के गव्है दींणि च अर फसल कटण वला की पुकार तैं सर्वशक्तिमान पिता परमेश्वर ल सूंणि दींनि।</verse>
				<verse number="5">तुम धरती पर ऐश अर आराम को जीवन तैं ज्यून्दयां, अर इन कै, तुम ल अपड़ा आप तैं पिता परमेश्वर का तरपां बट्टी भयानक दंड कु अफ कु तैयार कैरी।</verse>
				<verse number="6">तुम ल धर्मी तैं भंगारी ठैरे कै वे तैं मारि डाली, जु कि तुमारो विरोध नि करदो।</verse>
				<verse number="7">इलै हे विश्वासी भयों, प्रभु का औंण वला दिन तक सब्र रखा, जन किसान खेती की मूल्यवान फसल तैं कन जुगल्णु रौंदो अर पैली अर आखिर बरखा तक सब्र रखदो; कि फसल बढ़ौ अर कटणु कु तैयार हो।</verse>
				<verse number="8">उन ही तुम भि सब्र रखा, अर उम्मीद नि छोड़ा किलैकि प्रभु को औंणो वलो दिन नजदीक च।</verse>
				<verse number="9">हे विश्वासी भयों, एक हैंका पर भंगार नि लगावा, ज्यां ल तुम पर भि भंगार नि लगाये जौं, देखा प्रभु को न्याय कनु को दिन नजदीक च।</verse>
				<verse number="10">हे विश्वासी भयों, जौं परमेश्वर का तरपां बट्टी बुल्ण वला लुखुं ल प्रभु का नौं बट्टी बात कैरी, ऊं तैं दुःख उठौण मा अर सब्र रखण मा तुम अफ कु एक नमूना समझा।</verse>
				<verse number="11">देखा जु लोग दुःख मा भि सब्र रखदींनि, ऊं तैं हम धन्य मणन्दा, तुम ल अय्यूब को सब्र का बारा मा त सूंणि ही च, अर तुम यु भि जंणदा छा की प्रभु ल वेकी अंत मा कन मदद कैरी ज्यां ल प्रभु की बड़ी कृपा अर दया प्रगट हूंद।</verse>
				<verse number="12">पर हे मेरा विश्वासी भयों, सबसे बड़ी बात त या च, कि कभि सौं नि खय्यां, न त स्वर्ग गै कि, किलैकि उ पिता परमेश्वर को सिंहासन च, अर न धरती कि, अर कै भि चीज कि पर तुम्हरी बात हां कि हां या न कि न हो, कि पिता परमेश्वर बट्टी तुम तैं दंड नि मिलो।</verse>
				<verse number="13">जु तुम मा बट्टी कुई दुखी च त उ प्रार्थना कैर; अर जु खुश च, त उ स्तुति का भजन गौ।</verse>
				<verse number="14">जु तुम मा बट्टी कुई बिमार च, त उ मण्डलि का पुरणा अगुवों तैं बुलौ, अर वे पर जैतून को तेल मळी के प्रभु का नौं से वेकु प्रार्थना कैरो।</verse>
				<verse number="15">अर विश्वास बट्टी कैरी प्रार्थना ल बिमार बचि जालो, अर प्रभु वे तैं ठिक करलो; जु वेका पाप भि करयां हो, तब भि पिता परमेश्वर वे तैं माफ कैरी दयालो।</verse>
				<verse number="16">इलै एक हैंका का संमणी अपड़ा-अपड़ा पापों तैं मंणिल्या; अर एक दुसरा कु प्रार्थना कैरा, ज्यां बट्टी बिमार ठिक हवे जौं; धर्मी जन की प्रार्थना मा भौत सामर्थी च अर वे बट्टी अद्भुत प्रणाम मिल्दा।</verse>
				<verse number="17">एलिय्याह परमेश्वर का संदेश दींण वलो भि त हमारा संमणी दुख-सुख भुगण वलो मनिख छो; वेल अपड़ा पूरा मन ल प्रार्थना कैरी, कि बरखा नि हो; अर साढ़े तीन साल तक धरती पर बरखा नि हवे।</verse>
				<verse number="18">वेल फिर प्रार्थना कैरी त स्वर्ग बरखि, अर धरती पर अच्छी फसल हवे।</verse>
				<verse number="19">हे मेरा विश्वासी भयों, जु तुम मा कुई विश्वासी सचै का बट्टा बट्टी भटकी जौं, अर जु कुई वेका मन फिराव कन मा मदद कैर।</verse>
				<verse number="20">त तुम तैं यु पता हूंण चयणु च, अर जु कुई वेका मन फिराव कन मा मदद कैर, त उ एक आत्मा तैं नरक की मौत बट्टी बचालो, अर पिता परमेश्वर वेका भौत पापों तैं माफ करलो।</verse>
			</chapter>
		</book>
		<book number="60">
			<chapter number="1">
				<verse number="1">मि पतरस, जु यीशु मसीह को प्रेरित छो, य चिठ्ठी लिखणु छो, मि य चिठ्ठी पिता परमेश्वर का चुणयां ऊं लुखुं तैं लिखणु छो जु कि पुन्तुस, गलातिया, कप्प्दूकिया, एशिया बितूनिया प्रान्तों का भौत सी शहरों मा परदेसियों का जन रौन्दींनि।</verse>
				<verse number="2">पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।</verse>
				<verse number="3">हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,</verse>
				<verse number="4">हम ऊं महान आशीषों तैं पांणु कु अगनैं का तरपां दिखदां जु पिता परमेश्वर अपड़ा लुखुं कु रखद। वेल ऊं तैं तुम कु स्वर्ग मा रख्युं च, जख उ सड़दी नि च, या खराब नि हूंद,</verse>
				<verse number="5">पिता परमेश्वर अपड़ी बड़ी सामर्थ बट्टी तुम तैं सुरक्षित रखण चांद किलैकि तुम यीशु पर विश्वास रखदा अर उ अंतिम दिन तक जब मसीह वापिस आलो, तुम तैं सुरक्षित रखणु रालो। तब तुम जांणि जैला कि पिता परमेश्वर ल तुम तैं पाप अर मौत बट्टी पूरा ढंग से उद्धार द्ये।</verse>
				<verse number="6">तुम तैं यूं सभि चीजों का बारा मा खुश हूंण चयणु च, चाहे अभि थोड़ा बगत कु ही किस्म-किस्म की परेशानियां तुम तैं दुखी कैरो,</verse>
				<verse number="7">यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।</verse>
				<verse number="8">तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।</verse>
				<verse number="9">(तुम खुश छा) किलैकि तुम्हरा आत्मा तैं पिता परमेश्वर पूरा ढंग से पाप का भंगार बट्टी उद्धार दींणु च। यु यीशु मसीह पर तुम्हरा विश्वास को प्रतिफल च।</verse>
				<verse number="10">यु उद्धार कुछ इन छो जैका बारा मा पिता परमेश्वर का तरपां बट्टी बुल्ण वला और जादा जनण चांणा छा। ऊंल भविष्यवाणी कैरी की कन पिता परमेश्वर तुम तैं बचांणु कु तुम्हरा प्रति दयालुता ल काम करलो जैका तुम योग्य नि छा। ऊंल उत्तरों तैं खुजांणु कु ध्यान लगै के अध्ययन कैरी अर भौत कोशिश भि कैरी।</verse>
				<verse number="11">मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।</verse>
				<verse number="12">पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।</verse>
				<verse number="13">इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।</verse>
				<verse number="14">पिता परमेश्वर की आज्ञाओं तैं मांणा जन अच्छा बच्चा अपड़ा बुबा की आज्ञाओं तैं मणदींनि। ऊं बुरा कामों तैं नि कैरा जौं तैं तुम तब कने की इच्छा रखदा, जब तुम पिता परमेश्वर की सचै तैं नि जंणदा।</verse>
				<verse number="15">पर अब तुम तैं हर काम मा जु तुम करदा पवित्र हूंण चयणु च, जन की पिता परमेश्वर पवित्र च जैल तुम तैं अपड़ा बच्चा हूंणु कु चुणि।</verse>
				<verse number="16">किलैकि पिता परमेश्वर का वचन मा लिख्युं च, “तुम तैं पवित्र हूंण चयणु च किलैकि मि पवित्र छो।”</verse>
				<verse number="17">जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।</verse>
				<verse number="18">तुम जंणदा छा कि पिछला बगत मा तुम एक निकम्मा ढंग ल जीवन जींणा छा, एक इन ढंग ल जु ऊं लुखुं का द्वारा तुम तैं दिये गै जु तुम बट्टी पैली रौंदा छा। पर तुम तैं वे बेकार जीवन बट्टी छुड़ै गै। तुम तैं सोना या चाँदी जन नाश हूंण वली चीजों बट्टी नि खरीदे गै, पर मसीह का बहुमूल्य ल्वे बट्टी, जु एक शुद्ध अर सिद्ध चिनखा का जन छो।</verse>
				<verse number="19"></verse>
				<verse number="20">ईं दुनिया का बणये जांण से पैली, पिता परमेश्वर ल पैली यु निर्धारित कैरेले छो कि यीशु मसीह छुड़ौण वलो होलो। पर उ तुम्हरी मदद कनु कु यूं अंतिम दिनों मा ईं दुनिया मा प्रगट हवे।</verse>
				<verse number="21">जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।</verse>
				<verse number="22">किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।</verse>
				<verse number="23">(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।</verse>
				<verse number="24">पिता परमेश्वर को वचन यु बुल्दो, “सभि लोग घास का जन छिनी अर वेकी सैरी सुंदरता जंगली फूलों का जन च। घास सूखि जालो अर फूल धरती पर झड़ी जाला।”</verse>
				<verse number="25">पर पिता परमेश्वर को वचन हमेशा बणयूँ रालो। यु वचन मसीह का बारा मा शुभ सन्देश प्रचार च जु तुम्हरा बीच प्रचार किये गै।</verse>
			</chapter>
			<chapter number="2">
				<verse number="1">इलै, हर प्रकार का बुरा बरतौ बट्टी छुटकारा पै। दूसरों तैं धोखा नि द्या, कपटी नि बणा। दूसरों बट्टी नि फुकया; दुसरा लुखुं का विरुद्ध बुरी बात नि बोला।</verse>
				<verse number="2">मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं।</verse>
				<verse number="3">किलैकि जन कि पिता परमेश्वर को वचन बुल्द, “तुम ल अनुभव बट्टी जांणि की प्रभु भलो च।”</verse>
				<verse number="4">अब तुम प्रभु यीशु का संमणी अयां छा। उ एक घौर का कूणा पर रखयां जरूरी ढुंगा का जन च, पर उ ज्यूँदो ढुंगा का जन च। कई लुखुं ल वे तैं अस्वीकार कैरेले छो, पर पिता परमेश्वर ल वे तैं चुणि अर वे तैं भौत अनमोल मणदो। अर जन के लोग ढुंगों ल घौर बंणौंदींनि, उन के ही पिता परमेश्वर तुम तैं एक दगड़ा मा एक झुण्ड मा जुड़णु च जै मा पिता परमेश्वर को आत्मा रौंद, कि जु यीशु मसीह ल हम कु कैरी, वेका द्वारा तुम ऊं याजकों का जन जु बलिदान चढ़ौदींनि, इन काम कैरा जु पिता परमेश्वर तैं खुश करदींनि।</verse>
				<verse number="5"></verse>
				<verse number="6">यु उन ही च जन पिता परमेश्वर का वचन मा लिख्युं च, “देखा, मिल एक बहुमूल्य ढुंगो चुणि; जु सिय्योन शहर मा घौर तैं मजबूत बनांणु कु इस्तेमाल किये जंदींनि। जु कुई भि वे पर विश्वास करदो, उ लज्जित नि होलो।”</verse>
				<verse number="7">यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि, ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि, वीं इमारत की नींव मा सबसे जरूरी ढुंगो बंणि गै।”</verse>
				<verse number="8">अर फिर पिता परमेश्वर कु वचन यु बुल्द, “यु ढुंगो लुखुं का ठोकर खांण को कारण होलो। य एक चट्टान जु ऊंको लमडणो को कारण होलो।” उ इन कै लम्ड़दींनि किलैकि उ पिता परमेश्वर का संदेश तैं मनणु से इंकार करदींनि। पिता परमेश्वर ल ऊं दगड़ी य ही योजना बणै।</verse>
				<verse number="9">पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।</verse>
				<verse number="10">(पिता परमेश्वर का तरपां बट्टी बुल्ण वलो होशे ल जु लिख्युं च उ तुम्हरा बारा मा सच च।) एक बगत पैली तुम पिता परमेश्वर का लोग नि छा, पर अब तुम पिता परमेश्वर का लोग छा; पैली तुम पिता परमेश्वर की दया तैं नि जंणदा छा पर अब तुम यु तैं जंणदा छा किलैकि वेल पैली बट्टी ही तुम पर अपड़ी दया दिखै।</verse>
				<verse number="11">हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।</verse>
				<verse number="12">जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।</verse>
				<verse number="13">प्रभु यीशु कु आदर कनु कु तुम तैं ऊं सभि आज्ञाओं को पालन कन चयणु च जु ईं दुनिया मा अधिकारी छिनी; मतलब, राजा जु की सबसे जरूरी अधिकारी च,</verse>
				<verse number="14">अर राज्यपालों का, जौं तैं ऊंका राजाओं का द्वारा नियुक्त किये जांद। ऊं तैं ऊं लुखुं तैं दण्ड दींण कु भिजे जांद जु गलत करदींनि अर ऊं लुखुं का सम्मान कनु कु जु सै करदींनि।</verse>
				<verse number="15">किलैकि पिता परमेश्वर की य इच्छा च, कि हमारा अच्छा बरतौ का द्वारा, जु लोग पिता परमेश्वर तैं नि जणदींनि, उ अगनैं कु हम पर गलत ढंग से भंगार लगौंण की हिम्मत नि कैरा, किलैकि य बात साफ च की ऊंका झूठा भंगार सच नि च।</verse>
				<verse number="16">तुम कु इन कुई भि नि च जु तुम तैं उ कन से रोक साको जु तुम कन चदयां किलैकि तुम हमारा प्रभु यीशु मसीह का द्वारा पैली ही आजाद करे ग्यां। पर बुरा काम कनु कु यु तैं एक बहाना नि बणा। पर तुम तैं अपड़ा कामों का द्वारा दिखांण चयणु च कि तुम सच मा पिता परमेश्वर का सेवक छा।</verse>
				<verse number="17">सभियूं को आदर कैरा, अपड़ा सभि दगड़िया विश्वासियों बट्टी प्रेम रखा, पिता परमेश्वर बट्टी डैरा, राजा को सम्मान कैरा।</verse>
				<verse number="18">हे सेवकों, तुम जु घौर मा काम करदा, जु विश्वासी छा, तुम तैं अपड़ा स्वामी की आज्ञाओं कु पालन कन चयणु च अर हमेशा ऊंको सम्मान कन चयणु च। इन हर ढंग का स्वामी का दगड़ी कैरा चाहे उ दयालु अर सही हो अर या क्रूर हों।</verse>
				<verse number="19">किलैकि जु हम दुःख सौंदा चाहे हमारी कुई गलती न हो, पर हम भस इलै सौंदा किलैकि हम जंणदा कि पिता परमेश्वर सभि कुछ जंणदु च, त पिता परमेश्वर हम बट्टी खुश हूंद।</verse>
				<verse number="20">पर जु तुम तैं गलत कनु कु पिटे जांद, त दण्ड मिलण पर धीरज रखण मा तुम्हरी प्रशंसा कनु कु कुई कारण नि च। पर जु भलै कना का कारण तुम दुःख सौंदयां अर धीरज रखदां, त पिता परमेश्वर खुश हूंद।</verse>
				<verse number="21">पिता परमेश्वर का द्वारा तुम तैं बुलै अर चुणै जांण का कारणों मा बट्टी एक कारण यु च कि तुम वेको दुःख सै लिला तुम वेको भला काम कैरी के दुःख सहन करदा। मसीह, जैल तुम कु दुःख सै, उ तुम कु एक उदाहरण च। इलै तुम तैं उन ही काम कन चयणु च जन मसीह ल कैरी।</verse>
				<verse number="22">पिता परमेश्वर को वचन बुल्द कि, “मसीह ल कभी पाप नि कैरी, मसीह ल कभी कुई झूठ नि बोलि।”</verse>
				<verse number="23">जब लुखुं ल यीशु को अपमान कैरी, त यीशु ल पलटी के ऊंको अपमान नि कैरी। जब लुखुं ल वे तैं दुःख द्ये, त वेल बदला मा ऊं तैं चोट पौछांणै की कोशिश नि कैरी। बल्कि, यीशु ल अपड़ी मदद कु पिता परमेश्वर पर विश्वास कैरी। उ जंणदु छो कि पिता परमेश्वर हमेशा न्यायपूर्ण ढंग से लुखुं को न्याय करद।</verse>
				<verse number="24">जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां</verse>
				<verse number="25">एक बगत पैली, तुम ढिबरों का जन छा जु गलत रस्ता पर जांणि छै जौनु अपड़ो रस्ता हरचै दींनि; पर अब तुम मसीह मा लौटि अयां जु तुम्हरा आत्मा को चरवाहा (अध्यक्ष) अर रखवलो च।</verse>
			</chapter>
			<chapter number="3">
				<verse number="1">हे जननों, अपड़ा स्वामि का इन अधीन रावा। कि जु ऊंमा बट्टी कुई भि पिता परमेश्वर का वचन पर विश्वास कन से इंकार करद, त जन के तुम जीवन ज्यून्दा, उ तुम्हरा कुछ बुल्यां बगैर ही ऊं तैं विश्वास कन मा मदद करलो जब उ तुम्हरा शुद्ध अर ईश्वरीय बरतौ तैं दिखला त उ मसीह पर विश्वास करला।</verse>
				<verse number="2"></verse>
				<verse number="3">उन ही मि चांदु कि विश्वासी जनन भि सै ढंग का कपड़ा पैरून, इन कपड़ा जु समाज मा योग्य हो; अर बनि-बनि किस्मै का बाल बणै के अर सोना अर मोतियों अर मैहंगा-मैहंगा कपड़ोंं से दूसरों तैं आकर्षित नि करुनु।</verse>
				<verse number="4">तुम्हरी सुंदरता ईं बात पर निर्भर हूंण चयणी च कि तुम हकीकत मा कु छा, यु एक विनम्र अर शान्त बरतौ च, जु कि पिता परमेश्वर कु भौत अनमोल च।</verse>
				<verse number="5">जु जनन भौत पैली रौंदी छै अर पिता परमेश्वर पर विश्वास करदी छै अर वे पर अपड़ी आस रखदि छै, उ अपड़ा आदिमों की आज्ञाओं तैं मांणी के अपड़ा आप तैं सुन्दर बणांदी छै।</verse>
				<verse number="6">जन सारा अब्राहम की आज्ञा मणदी छै अर वे तैं स्वामी बुल्दी छै। मतलब कि, जु तुम दूसरों की मदद कैरा अर तुम मा चिन्तापूर्ण डौर नि हो, त तुम सारा की नौंनियों जन होला।</verse>
				<verse number="7">उन ही हे आदिमों, अपड़ी जननों का दगड़ी मिल के रावा, अर ऊंकी मदद कना का बारा मा विचार कैरा, अर तुम तैं याद रखण चयणु च कि उ तुम बट्टी कमजोर च, इलै तुम तैं ऊंको आदर कन चयणु च। किलैकि तुम द्वी ही वे वरदान तैं कठ्ठा करदा जु पिता परमेश्वर ल दया का दगड़ी तुम तैं द्ये, मतलब अनन्त जीवन को वरदान। इन कैरी के जब तुम पिता परमेश्वर बट्टी प्रार्थना कैरा त उ तुम्हरी सुणो।</verse>
				<verse number="8">अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।</verse>
				<verse number="9">बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।</verse>
				<verse number="10">किलैकि पिता परमेश्वर को वचन बुल्दो, “जु कुई आदिम अपड़ा जीवन कु आनन्द लींण चौ अर अच्छा दिन चौ त वे तैं सावधान रौंण चयणु च कि उ बुरी बात नि बोलु अर वे तैं झूठ बुल्ण बंद कैरी दींण चयणु च।”</verse>
				<verse number="11">वे तैं निश्चय ही उ कन बंद कैरी दींण चयणु च जु बुरो च। यांका बदला, वे तैं उ ही कन चयणु च जु अच्छो च। दूसरों का दगड़ी शान्ति से रौंणो की कोशिश कैरा।</verse>
				<verse number="12">किलैकि प्रभु ऊं लुखुं की देखभाल करद जु उ ही करदींनि जु सही च अर उ हमेशा ऊंकी प्रार्थना सुनणु कु तैयार च। पर पिता परमेश्वर ऊं लुखुं का विरुद्ध मा काम करद जु बुरै करदींनि।</verse>
				<verse number="13">जु तुम हमेशा भला काम कने की कोशिश करदा, त कुई भि हकीकत मा तुम तैं चोट नि पौंछै सकद।</verse>
				<verse number="14">पर जु हम तैं अपड़ा धर्मी बरतौ का कारण दुःख मिल्दो भि च, त हकीकत मा हम धन्य होला। इलै, जु इन लोग छिनी जु हम तैं डरौंदींनि, त ऊं बट्टी नि डैरा अर नि घबरा।</verse>
				<verse number="15">पर अपड़ा मनों मा मसीह कु आदर-सत्कार रखा, अर प्रभु का रूप मा वे तैं सम्मान द्या, अर हमेशा हर कै तैं जवाब दींणु कु तैयार रावा जु तुम बट्टी वीं आस तैं समझणु कु पुछदींनि जु सैरा विश्वासी कठ्ठा करदींनि, पर यु तुम नम्र अर सम्मान का दगड़ी कैरा। हमेशा उ ही कैरा जु सही च। फिर जु लोग तुम्हरा विरुद्ध बुरो बुल्दींनि, त उ ही शर्मिंदा होला जब उ मसीह का दगड़ी तुम्हरा सम्बंध का कारण तुम्हरो अच्छो बरतौ तैं दिखला।</verse>
				<verse number="16"></verse>
				<verse number="17">कभी-कभी पिता परमेश्वर तुम पर परेशानियां अर दर्द आंण दींद जबकि तुम ल अच्छा काम करिनि। पर यु ऊं परेशानी अर दर्द बट्टी बढ़िया च जु यु कारण औंदींनि किलैकि तुम ल बुरा काम करिनि।</verse>
				<verse number="18">मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।</verse>
				<verse number="19">तब वेकी आत्मा ल जै के ऊं आत्माओं मा शुभ संदेश प्रचार कैरी जु वीं जगह पर पिता परमेश्वर का द्वारा कैद किये गै छा, जख मुरयां लुखुं की आत्माएँ छिनी।</verse>
				<verse number="20">यु ऊं लुखुं की आत्माएँ छिनी जौन भौत बगत पैली पिता परमेश्वर की आज्ञाओं कु उल्लंघन कैरी छो। जब नूह अपड़ो जहाज तैं बनांणु छो, त पिता परमेश्वर धीरज से इन्तेजार कनु छो कि देखो क्य उ लोग पछतौ करला। पर भस जहाज मा प्रवेश कन वला आठ लुखुं तैं वीं भयानक बाड़ मा डुबण से बचये गै।</verse>
				<verse number="21">पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।</verse>
				<verse number="22">अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।</verse>
			</chapter>
			<chapter number="4">
				<verse number="1">इलै, जब मसीह ल अपड़ा देह मा रै के दुःख सै, इलै तुम तैं भि वीं ही स्वभाव का दगड़ी दुःख सौणु कु तैयार रौंण चयणु च जु वेमा च। किलैकि जु तुम मसीह कु दुःख सौणु कु तैयार छा किलैकि तुम मसीह का छा, त तुम ल पाप नि कनु को फैसला कैरेले।</verse>
				<verse number="2">यांका बदला, उ आदिम अपड़ो जीवन ईं धरती पर अपड़ो पूरो जीवन अपड़ी पापमय मानवीय इच्छाओं तैं पूरो करदी नि जियो, पर उ व ही करलो जु पिता परमेश्वर चांदो कि उ कैरो।</verse>
				<verse number="3">पिछला बगत मा तुम ल उ सब कन मा भौत बगत बर्बाद कैरी जै तैं कैरी के गैर-विश्वासी खुश हूंदींनि, तुम्हरो जीवन अनैतिकता अर वासना, ऊंका खांणु अर पियक्कड़पन अर असभ्य दावतों, अर ऊंकी मूर्तियों की पूजा मा व्यतीत हूंणु च जै बट्टी पिता परमेश्वर घृणा करद।</verse>
				<verse number="4">यु ही कारण तुम्हरा पुरणा दगड़िया भौचक हवे जनदींनि जब तुम ऊं दगड़ी ऊं बुरी चीजों मा शामिल नि हूंदियां जु उ करदींनि। इलै उ तुम्हरी बदनामी करदींनि।</verse>
				<verse number="5">पर एक दिन उ पिता परमेश्वर का संमणी न्याय कु खड़ा होला, अर पिता परमेश्वर ऊंमा बट्टी हर एक बट्टी ऊंका द्वारा धरती पर किया ग्यां कामों का बारा मा पुछलो। पिता परमेश्वर ज्यून्दा अर मुरयां द्वी लुखुं तैं जांच के न्याय करलो।</verse>
				<verse number="6">यु ही कारण च कि मुरयां लुखुं ल भि मसीह का बारा मा शुभ सन्देश प्रचार सुणै। ऊंका देहों तैं सभि लुखुं जन मुरण पोड़ी, पर अब उ आत्मा मा हमेशा पिता परमेश्वर का दगड़ी राला।</verse>
				<verse number="7">सभि बातों कु अन्त तुरंत हूंण वलो च; इलै स्पष्ट रूप से सोचा अर अपड़ा आप तैं काबू मा रखि के प्रार्थना कु चौकस रा।</verse>
				<verse number="8">सबसे जरूरी, एक-दुसरा बट्टी ईमानदरी से प्रेम कैरा किलैकि जु तुम लुखुं बट्टी प्रेम करला त तुम हमेशा कै भि गलत काम तैं जु पाप च माफ कनु कु तैयार रैला जु ऊंल करिनि।</verse>
				<verse number="9">लुखुं को अपड़ा घौर मा स्वागत कैरा अर इन बगैर शिकैत किया कैरा।</verse>
				<verse number="10">हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।</verse>
				<verse number="11">उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।</verse>
				<verse number="12">हे प्रियों, ऊं दुख दींण वली चीजों का बारा मा भौचक न ह्वा जैका कारण तुम दुःख उठांणा छा किलैकि तुम मसीह का छा। पर यु चीज यु दिखांणु कु हूंणी छिनी कि क्य तुम सच मा पिता परमेश्वर पर विश्वास करदा छा। इलै, यु नि सोचा कि तुम दगड़ी कुछ अजीब घटना हूंणी हो।</verse>
				<verse number="13">भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।</verse>
				<verse number="14">फिर जु मसीह का नौं कु तुम्हरी निंदा किये जांद, त तुम धन्य छा; पिता परमेश्वर को महिमामय आत्मा तुम्हरा भितर रौंद।</verse>
				<verse number="15">तुम मा बट्टी कुई आदिम हत्यारो या चोर, या कुकर्मी हूंण, या पराया कामों मा हथ डलण का कारण दुःख नि पां।</verse>
				<verse number="16">पर जु कै तैं मसीही हूंणा का खातिर दुख सहन कन पोडो, त तुम यु तैं शर्म की बात नि समझा, बल्कि पिता परमेश्वर की महिमा कैरा कि तुम इलै दुख सहन कना छा किलैकि तुम मसीह का लोग छा।</verse>
				<verse number="17">किलैकि न्याय कनु को बगत ऐ गै, कि पैली पिता परमेश्वर का लुखुं को न्याय किये जालो, अर जबकि उ पैली हम विश्वासियों को न्याय करलो, इलै ऊं भयानक चीजों का बारा मा सोचा जु ऊं लुखुं का दगड़ी होलो जु वे शुभ सन्देश तैं नि मणौंदींनि जु वेका तरपां बट्टी औंदी।</verse>
				<verse number="18">जन कि पिता परमेश्वर को वचन बुल्द, “इख तक कि अच्छा लुखुं तैं पैली दुःख सौण चयणु च, अर वेका बाद ही ऊं तैं बचाव अर उद्धार मिललो, अर यां से भि जादा पापी लुखुं तैं दुःख होलो अर जु लोग पिता परमेश्वर का अधीन नि हूंदींनि!”</verse>
				<verse number="19">इलै, जु लोग उन ही दुःख सौंदींनि जन पिता परमेश्वर चांद, ऊं तैं पिता परमेश्वर पर विश्वास रखण चयणु च, जैल ऊंकी सृष्टि कैरी। पिता परमेश्वर हमेशा उ करद जै तैं कनु को पिता परमेश्वर को वादा करयूं छो अर इलै जु अच्छो च उ कना रा अर पिता परमेश्वर का हथों मा अपड़ा आत्मा तैं सौंपी द्या।</verse>
			</chapter>
			<chapter number="5">
				<verse number="1">कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो</verse>
				<verse number="2">जन के चरवाहा अपड़ा ढिबरों की रखवली करद, उन ही तुम तैं भि हर एक की रखवली कन चयणी च जन पिता परमेश्वर ल तुम तैं देखभाल मा रखि। इन तुम अपड़ी इच्छा ल कैरा, किलैकि पिता परमेश्वर यु ही चांद कि तुम इन ही कैरा। इन भस इलै नि कैरा किलैकि तुम तैं इन कनु कु मजबूर किये गै। यु काम इलै नि कैरा किलैकि तुम धन कमौण चदयां पर पिता परमेश्वर अर लुखुं की सेवा कने की इच्छा का दगड़ी किया कैरा।</verse>
				<verse number="3">अर जु लोग तुम तैं दियां छिनी, ऊं तैं आज्ञा दे के नि फेरा जन एक शासक अपड़ा लुखुं तैं आज्ञा दींद। बल्कि ऊंकु एक उदाहरण बणा।</verse>
				<verse number="4">जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।</verse>
				<verse number="5">इन ही के तुम जवान लुखुं तैं पुरणा अगुवा विश्वासी आदिमों का अधीन हूंण चयणु च। तुम सभियूं तैं नम्रता का दगड़ी एक-दुसरा की मदद कन चयणी च। किलैकि पिता परमेश्वर का वचन मा पढ़ै जा सकद कि, “परमेश्वर बड़ा मौनया लुखुं को विरोध करद, पर उ ऊं लुखुं पर कृपा करद जु विनम्र छिनी।”</verse>
				<verse number="6">इलै, अपड़ा आप तैं पिता परमेश्वर का संमणी नम्र कैरा जु रक्षा कन मा बलवान च कि उ सै बगत पर तुम तैं बहुतायत से सम्मान द्यो।</verse>
				<verse number="7">पिता परमेश्वर तैं अपड़ी सैरी परेशानियां अर चिन्ताओं तैं बतावा किलैकि उ तुम्हरी परवाह करद।</verse>
				<verse number="8">हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।</verse>
				<verse number="9">तुम तैं अपड़ा मजबूत विश्वास का दगड़ी वेको विरोध कन चयणु च, याद रखा की विश्वासी भैय-बैंण जु पूरा दुनिया मा रौंणा छिनी, इन ही के दुखों तैं सौणा छिनी जन तुम सौणा छा।</verse>
				<verse number="10">पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।</verse>
				<verse number="11">पिता परमेश्वर आदर का योग्य च किलैकि वेकी सामर्थ को कुई अंत नि च। आमीन।</verse>
				<verse number="12">मि या छुटी सी चिठ्ठी सिलवानुस (सिलास) का मदद ल लिखणु अर तुम तैं भिजणु छो। मि वे तैं मसीह मा एक विश्वासयोग्य भैय का रूप मा मंणदु छो। मेरू यु तैं लिखणौं को उद्देश्य तुम तैं उत्साहित कन अर तुम तैं आश्वस्त कन कि जु कुछ भि तुम अनुभव कना छा उ वास्तव मा तुम्हरा प्रति पिता परमेश्वर की कृपा को हिस्सा च। ईं कृपा मा स्थिर रावा।</verse>
				<verse number="13">बाबेल शहर जु रोम मा च उख विश्वासी तुम तैं प्रणाम बुल्णा छिनी, जौं तैं पिता परमेश्वर ल चुणि जन मसीह ल तुम तैं चुणि। मरकुस, जु मि कु एक नौंना जन च, उ भि तुम तैं प्रणाम बुल्णु च।</verse>
				<verse number="14">एक-दुसरा तैं हकीकत मा प्रेम से प्रणाम कैरा। मि प्रार्थना करदु कि पिता परमेश्वर वे हर आदिम तैं शान्ति द्यो जु मसीह को च।</verse>
			</chapter>
		</book>
		<book number="61">
			<chapter number="1">
				<verse number="1">मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।</verse>
				<verse number="2">मि प्रार्थना करदु की पिता परमेश्वर तुम तैं और जादा से जादा कृपा अर शान्ति दयालो जन-जन तुम पिता परमेश्वर अर हमारा प्रभु यीशु का ज्ञान मा बढ़दी जन्द्यां।</verse>
				<verse number="3">पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।</verse>
				<verse number="4">वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।</verse>
				<verse number="5">किलैकि तुम पिता परमेश्वर का स्वभाव मा सहभागी हूंणु कु बुलै ग्यां, तुम तैं भस मसीह पर विश्वास ही नि कन चयणु च, बल्कि तुम तैं हमेशा उ ही कनु को बड़ी कोशिश कन चयणी च जु दूसरों कु अच्छो च। अपड़ा विश्वास पर सद्गुण, अर सद्गुण पर समझ, तुम तैं न भस उ कन चयणु च जु अच्छो च, बल्कि तुम तैं इन लोग भि बनण चयणु च जु समझदारी ल बरतौ कन जंणदा छिनी।</verse>
				<verse number="6">तुम तैं समझदारी ल कन कै बरतौ कन चयणु च, बल्कि तुम तैं अपड़ा आप तैं भि वश मा भि कन चयणु च, अर तुम तैं न भस अपड़ा आप तैं वश मा कन चयणु च, बल्कि तुम तैं मुसिबत मा भि धीरज भि रखण चयणु च, अर तुम तैं न भस धीरज रखण चयणु च, बल्कि तुम तैं इन ढंग से जीवन जींण चयणु च जु पिता परमेश्वर तैं खुश करद।</verse>
				<verse number="7">तुम तैं न भस यु ढंग से जीवन जींण चयणु च जु पिता परमेश्वर तैं खुश करद, बल्कि तुम तैं एक-दुसरा विश्वासियों तैं अपड़ा खुद का परिवार का सदस्यों का जन प्रेम कन चयणु च, अर तुम तैं न भस एक दुसरा विश्वासियों का दगड़ी प्रेम कन चयणु च, बल्कि तुम तैं सभि लुखुं बट्टी प्रेम कन चयणु च।</verse>
				<verse number="8">जु यु सब बात तुम मा छिनी अर बढ़दी जौं त यु तुम तैं हमारा प्रभु यीशु मसीह का ज्ञान मा उपयोगी अर फलदार हूंण मा मदद करली।</verse>
				<verse number="9">पर जु कुई आदिम यु ढंग से अपड़ा जीवन तैं नि ज्यूँदो त उ एक इन आदिम का जन च जु ढंग से नि देख सकद या जु अंधो च। उ भूली गै की पिता परमेश्वर ल वे तैं ऊं पापों कु माफ कैरी जु वेल मसीह मा विश्वास कन से पैली कैरी छो।</verse>
				<verse number="10">इलै हे विश्वासी भयों, अपड़ा आप तैं अर हैंका लुखुं तैं यु दिखांणु कु और भि अच्छो बरतौ कनु को बड़ी कोशिश कैरी कि पिता परमेश्वर ल तुम तैं हकीकत मा चुणयूं च अर तुम तैं अपड़ा लोग हूंणु कु बुलै। जु तुम इन करला त तुम निश्चित ढंग से पिता परमेश्वर बट्टी अलग नि होला।</verse>
				<verse number="11">अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।</verse>
				<verse number="12">मि तुम तैं यूं बातों का बारा मा बार-बार याद दिलौंण चांणु छो, जबकि तुम पैली बट्टी ही ऊं तैं जंणदा छा अर मजबूती से आश्वस्त छा की उ सच छिनी।</verse>
				<verse number="13">मि जंणदु छो कि जब मि अभि ज्यूँदो छो त यु ठिक च ऊंका बारा मा तुम बट्टी अक्सर बात कनु रौ, कि तुम ऊं तैं भूल नि जावा।</verse>
				<verse number="14">किलैकि मि जंणदु छो कि मि जल्द ही मोरि जौलु, किलैकि हमारा प्रभु यीशु मसीह ल मि तैं स्पष्ट रूप मा यु बतै।</verse>
				<verse number="15">इलै मि यूं बातों तैं अभि लिखणु छो कि मि भौत कड़ी मेहनत कनु छो, कि मेरी मौत का बाद तुम हर बगत ईं बात तैं हमेशा याद रखि साका।</verse>
				<verse number="16">जब हम प्रेरितों ल तुम तैं हमारा प्रभु यीशु मसीह की सामर्थ अर वापिस आंणा का बारा मा प्रचार कैरी, त हम तुम तैं चालाकी ल कुछ बंणि बणै मिसाल नि बतांणा छा। बल्कि, हम ल मसीह का प्रताप तैं खुद भि देखि।</verse>
				<verse number="17">हम वे पवित्र पोड पर वेका दगड़ा मा छा जब वे तैं पिता परमेश्वर का द्वारा सम्मान अर महिमा दिये गै छै। तुम ल वे बगत परम पिता परमेश्वर की तरपां बट्टी य आवाज सूंणि, “यु मेरू प्रिय नौंनो च, जै बट्टी मि खुश छो। हम ल अफ भि स्वर्ग बट्टी आंण वली ईं आवाज तैं सूंणि”</verse>
				<verse number="18"></verse>
				<verse number="19">हम भि जंणदा छा कि मसीह का बारा मा पिता परमेश्वर का तरपां बट्टी बुल्ण वलो ल जु वचन लिखीं छा, उ बिल्कुल सच छा, अर जु हम ल तुम तैं मसीह की वापसी का बारा मा सिखै छो उ वेकी पुष्टि करदींनि। तुम तैं ऊं वचनों तैं अच्छा ढंग से सुनण चयणु च, किलैकि जन कै अंधेरा मा दिवडो चमकद उन ही यु वचन लुखुं तैं सै रस्ता दिखांण मा मदद करद कि सचै क्य च। हमारा प्रभु यीशु मसीह का लौटि के आंण तक तुम तैं ऊं वचनों तैं अच्छा ढंग से सुनण चयणु च। मसीह को आंण नया दिन की सुबेर का जन रोशनी लांद, अर उ सुबेर का गैंणा का जन होलो। वे बगत मसीह कु प्रकाश तुम्हरा दिलों मा चमकलो अर तुम्हरा संमणी पिता परमेश्वर तैं स्पष्ट रूप मा प्रकट करलो।</verse>
				<verse number="20">पर यु भौत जरूरी च कि तुम ईं बात तैं समझा कि पिता परमेश्वर का तरपां बट्टी बुल्ण वलो का वचन जु तुम पढ़दा छा उ ऊंका अपड़ा विचार नि छिनी।</verse>
				<verse number="21">किलैकि कुई भि पिता परमेश्वर का तरपां बट्टी वचन मा दिये गै कुई भि संदेश कभी भि आदिमों बट्टी पैदा नि हवे। पर पवित्र आत्मा ल लुखुं का मनों तैं उभारी जब ऊंल पिता परमेश्वर की तरपां बट्टी अयां संदेश तैं बोलि।</verse>
			</chapter>
			<chapter number="2">
				<verse number="1">जन के भौत पैली अफ तैं पिता परमेश्वर का तरपां बट्टी बुल्ण वला झूठा लोग इस्राएलियों का बीच दिखैनी, उन ही तुम्हरा बीच झूठा शिक्षक दिखैनी। उ झूठी शिक्षाओं तैं लुकि के फैलांदींनि, जु लुखुं तैं मसीह पर विश्वास कन से रोक दींदिनि। यूं झूठा शिक्षक मसीह तैं अपड़ा स्वामी मनणु से भि इंकार कैरी दीला जु ऊंको मालिक छिनी अर जैल ऊं तैं पाप की शक्ति बट्टी छुड़ै, इन कै उ अपड़ा आप तैं अचानक नाश करवै दींदिनि।</verse>
				<verse number="2">भौत सा लोग जु बुल्दींनि कि उ विश्वासी छिनी, उ यूं झूठा शिक्षकों का अनैतिक ढंग की नकल करला, अर हैंका लोग जु विश्वासी नि छिनी, पिता परमेश्वर का तरपां जांणवला रस्ता का बारा मा बुरी-बुरी बात बुलला।</verse>
				<verse number="3">यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।</verse>
				<verse number="4">तुम जंणदा छा कि भौत बगत पैली पिता परमेश्वर ऊं दुष्टदूतों तैं भि दण्ड दींण से नि रुकि जब ऊंल पाप कैरी, पर ऊं तैं मूड़ी नरक मा भेजि दींनि जख ऊं तैं अंधेरा मा जंजीरों मा बंधि के रखदींनि, जबकि उ न्याय कु दिन को इन्तेजार करदींनि जब ऊं तैं दण्ड मिललो जैका उ योग्य छिनी।</verse>
				<verse number="5">तुम यु भि जंणदा छा कि भौत बगत पैली रौंण वला लुखुं ल पिता परमेश्वर की डौर नि मांणी त पिता परमेश्वर ल ऊं बुरा कामों तैं नजरअंदाज नि कैरी जु उ कना छा। बल्कि पिता परमेश्वर ल पूरी दुनिया तैं भुरण कु पांणी भेजि के ऊं तैं इन दण्ड द्ये कि उ सभि डूबी के नाश हवे गैनी। पर पिता परमेश्वर ल नूह समेत ऊं आठ लुखुं तैं बचै, जौन पिता परमेश्वर का दगड़ी सै हूंण का बारा मा प्रचार कैरी छो।</verse>
				<verse number="6">तुम यु भि जंणदा कि भौत बगत पैली पिता परमेश्वर ल सदोम अर अमोरा शहर मा रौंण वला लुखुं तैं दण्ड़ित कैरी किलैकि ऊंल दुष्ट काम कैरी छा। इलै, पिता परमेश्वर ल ऊं तैं पूरा ढंग से भस्म कैरी दींनि जब तक कि राखो नि रै जौं। इन कैरी के पिता परमेश्वर ल दिखै की ऊं लुखुं को क्य होलो जु वेकी डौर नि मणदींनि।</verse>
				<verse number="7">पर यां से पैली कि पिता परमेश्वर ल सदोम को विनाश कैरी, वेल लूत तैं जु एक धर्मी आदिम छो, शहर बट्टी निकाली दींनि अर इन कै वे तैं बचै दींनि। लूत भौत परेशान छो किलैकि सदोम का लोग कै भि नियम तैं नि मणदा छा अर शर्मनाक काम करदा छा।</verse>
				<verse number="8">उ ऊं बुरा लुखुं का बीच रौंदा छा, अर उ हर दिन ऊं बुरा कामों तैं दिखदा छा जु उ करदा छा अर ऊं दुष्ट बातों तैं सुणदु छो जु उ बुल्दा छा, अर यु सब लूत तैं बहुत परेशान करदो छो, किलैकि उ एक धर्मी आदिम छो।</verse>
				<verse number="9">यु सब काम जु पिता परमेश्वर ल पुरणा बगत मा करिनि, उ हम तैं यु दिखांद कि जु लोग पिता परमेश्वर का अनुसार जीवन जंदींनि, जब उ मुसिबत मा हूंदींनि त पिता परमेश्वर निश्चित रूप से ऊं तैं सुरक्षित रखलो। अर हम यु भि निश्चय कैरी सकदा कि उ दुष्ट लुखुं तैं वे दिन तक लगातार दण्ड दयालो जब तक कि पिता परमेश्वर सभि लुखुं कु न्याय नि करद।</verse>
				<verse number="10">पिता परमेश्वर सैरा दुष्ट लुखुं तैं दण्ड दयालो जु अपड़ी बुरी, कामुक इच्छाओं का अनुसार काम करदींनि अर जु अपड़ा मथि पिता परमेश्वर का अधिकार तैं अस्वीकार करदींनि। उ ढीट अर घमण्डी छिनी उ महिमामय स्वर्गीय प्राणियों का बारा मा अपमान कैरी के बुरो बुल्ण से नि डरदींनि।</verse>
				<verse number="11">पर इख तक कि स्वर्गदूत जु यूं झूठा शिक्षकों बट्टी कई जादा सामर्थी अर शक्तिशाली च, उ भि ऊंको अपमान नि करदींनि जब उ पिता परमेश्वर का संमणी ऊं पर भंगार लगौंदींनि।</verse>
				<verse number="12">पर यु झूठा शिक्षक जंगली जानवरों का जन छिनी। यूं जानवरों तैं नि पता कि कन कै सुचण अर यूंको उद्देश्य भस पकड़ै जांण अर मरै जांण च। यु लोग कुछ भि करदींनि जु यूंका मन मा आंद, अर इख तक की यु ऊं चीजों को अपमान करदींनि जु यूं तैं समझ मा नि आंदी। उ जरुर नाश हवे जाला।</verse>
				<verse number="13">ऊंको विनाश वे नुकसान को प्रतिफल च जु ऊंल कैरी। उ दिन दोपहरा बुरा सुख-विलास मा पुड़यां रौंण पसंद करदींनि। उ तुम्हरा बीच मा एक कलंक अर दाग च। उ धोखा दींण मा खुशी मणौंदींनि, जबकि उ तुम्हरा प्रीति भोज मा तुम दगड़ी ही खंदींनि-पिदींनि।</verse>
				<verse number="14">उ हर एक जनन दगड़ी व्यभिचार कन चयदींनि, जै तैं उ दिखदींनि। उ पाप कना का मौका खुजंण से कभी नि चुकदींनि। उ कमजोर आत्माओं तैं लुभोदींनि अर ऊं लुखुं तैं धोखा दींदिनि जु मसीह पर मजबूत विश्वास नि करदींनि, अर उ ऊं तैं पाप का तरपां लिजांद। ऊंका जादा से जादा चीजों तैं पांणु कु हमेशा बढ़ण वला लालच का कारण पिता परमेश्वर ऊं तैं दण्ड दयालो।</verse>
				<verse number="15">ऊं उ कन बंद कैरेले जु सै च, अर ऊंल उ ही बुरो काम कन शुरू कैरेले, जु कि बओर का नौंना बिलाम ल भौत बगत पैली कैरी छो। वेल गलत काम कैरी के वेल पैसा कमौण पसंद कैरी।</verse>
				<verse number="16">पर पिता परमेश्वर ल बिलाम तैं वेका बुरा कामों को वेका ही गदही का द्वारा फटकार लगवै। जबकि गदहियां नि बुल्दींनि पर वीं गदही ल बिलाम बट्टी एक आदिम का जन बात कैरी, जब व बिलाम तैं राजा बट्टी मिलणु कु लादी के लिजांणी छै, अर वीं गदही ल वे बगत पिता परमेश्वर का तरपां बट्टी बुल्ण वला बिलाम तैं बेकूफी वलो काम कन से रोकि।</verse>
				<verse number="17">यु झूठा शिक्षक ऊं पांणी का स्रोतों का जन बेकार छिनी जु सूखी गैनी। उ निराशा दींणवला बादलों का जन च, जूं तैं तेज बथों उड़ै के लिजांदी, यां से पैली की बरखा हो। पिता परमेश्वर ल ऊंकु एक इन जगह तैयार कैरी जु पूरा ढंग से अंधेरी च।</verse>
				<verse number="18">जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।</verse>
				<verse number="19">झूठा शिक्षक लुखुं तैं बतौंदींनि कि उ जु कुछ भि कन चयदींनि वे तैं कनु कु आजाद छिनी, जबकि उ खुद गुलामों का जन छिनी किलैकि ऊंको अपड़ो पापमय स्वभाव ऊं तैं पाप वला काम कनु कु मजबूर करद। किलैकि जु कुछ भि तुम तैं वश मा करद तुम वेका दास बंणि जन्द्यां।</verse>
				<verse number="20">लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।</verse>
				<verse number="21">मेरू मतलब यु च, किलैकि पिता परमेश्वर ऊं लुखुं तैं जादा गंभीरता ल दण्ड दयालो जु मसीह तैं छोड़ी दींदिनि बजाय ऊंका जौनु वे तैं कभी स्वीकार नि कैरी। ऊंकु बढ़िया हूंद जु उ कभी यु जंणदा ही न कि अपड़ा जीवन तैं धार्मिकता का रस्ता पर चलंणों को क्य मतलब च। अब उ जंणदा छिनी कि सै क्य च पर ऊंल पिता परमेश्वर की ऊं आज्ञाओं तैं अस्वीकार कैरेले जु हम, प्रेरितों ल ऊं तैं सिखै छै।</verse>
				<verse number="22">ऊंल जु कैरी, बिल्कुल उ ही बात यु द्वी कहावत बुल्दींनि; “कुकुर उल्टी करद, अर फिर वे तैं खै दींद जु वेल उल्टी कैरी छै।” अर, “जब कुई आदिम एक सुंगर तैं धवे दींद, त उ सुंगर फिर दुबरा वे ही कीच मा लौटणु कु चलि जांद।”</verse>
			</chapter>
			<chapter number="3">
				<verse number="1">हे प्रियों, अब मि तुम तैं य दुसरी चिठ्ठी लिखणु छो, अर द्वी चिठ्ठियूं मा मि तुम तैं सै ढंग से सुचणु कु प्रोत्साहित कनै की कोशिश कनु छो, तुम तैं व ही चीज याद दिलांण का द्वारा जु तुम पैली ही सीख ज्ञा।</verse>
				<verse number="2">मि यु इलै बुल्णु छो किलैकि मि चांदु कि तुम ऊं वचनों तैं याद रखा, जु पिता परमेश्वर का तरपां बट्टी बुल्ण वलो ल भौत पैली बोलि छो अर हमारा उद्धारकर्ता, प्रभु यीशु मसीह की शिक्षाओं तैं याद रखा जु तुम तैं ऊं प्रेरितों ल सिखै जु तुम मा ऐ छा।</verse>
				<verse number="3">सबसे जरूरी बात, तुम तैं पता हूंण चयणु कि मसीह मा वापिस आंण से पैली आखरी दिनों मा इन लोग होला जु तुम्हरो मजाक उड़ाला किलैकि तुम विश्वास करदा कि मसीह फिर से वापिस आलो। उ आदतों का कारण बुरा काम करला जु ऊं तैं खुश करला।</verse>
				<verse number="4">अर उ बुलला, मसीह को आंणो को वादा सच नि च! उ कभी नि आलो किलैकि जु शुरुवाती बगत मा हमारा अगुवा छा, उ सब मोरि गैनी पर फिर भि कुछ भि नि बदली। चीज उन ही के हूंदी जन उ तब बट्टी हूंदी ऐनी जब पिता परमेश्वर ल दुनिया की सृष्टि कैरी।</verse>
				<verse number="5">उ इन बुलला किलैकि उ यु बात भुलण चयदींनि कि भौत बगत पैली पिता परमेश्वर की आज्ञा ल आसमान अर धरती बंणि छै। पिता परमेश्वर ल धरती तैं पांणी बट्टी भैर निकाली अर वे तैं पांणी बट्टी अलग कैरी दींनि।</verse>
				<verse number="6">यु पांणी का द्वारा पिता परमेश्वर ल वीं दुनिया तैं नाश कैरी दींनि जु वे बगत मौजूद छै। पिता परमेश्वर ल एक भारी बरखा भेजि के अर वेल धरती पर बाड़ लै दींनि अर सैरा जीवित प्राणियों तैं नाश कैरी दींनि।</verse>
				<verse number="7">जन के पिता परमेश्वर ल आसमान अर धरती की सृष्टि की आज्ञा द्ये छै, उन ही वेल आज्ञा दींनि कि ए बगत को ब्रह्मांड तब तक बणयूं रालो जब तक उ ऊं तैं आग बट्टी नि फूंकी द्यो। उ ऊं तैं वे दिन तक रखणु च जब तक की उ सभि लुखुं को न्याय करलो अर ऊं लुखुं तैं नाश कैरी दयालो जु वेकी आज्ञाओं तैं नि मणदींनि।</verse>
				<verse number="8">हे प्रियों, ईं बात तैं अनदेखो नि कैरा जु मि अब तुम तैं बतौलु; पिता परमेश्वर एक दिन तैं थोड़ा बगत का रूप मा नि दिखद अर न ही एक हजार साल तैं लंबा बगत का रूप मा। वेको एक दिन अर एक हजार साल सब एक बराबर च।</verse>
				<verse number="9">कुछ लोग सुचदींनि कि प्रभु अपड़ा वापिस आंणा का वादा तैं पूरो कन मा देर कनु च। पर प्रभु इलै देर नि कनु च। बल्कि, उ तुम दगड़ी धीरज धरणु च। किलैकि कै तैं भि नाश नि कन चांद। पर चांद कि हर कुई अपड़ा मन तैं पापों बट्टी फिरौ अर गलत काम कन बंद कैरी द्यो अर वेमा ऐ जा।</verse>
				<verse number="10">पर पिता परमेश्वर को दिन जरुर अचानक ही वापिस ऐ जालो जन कुई चोर अचानक ऐ जांद। वे बगत आसमान मा गर्जन को शोर होलो, अर आसमान हरची जालो। आसमान मा सब कुछ, मतलब सूरज, जून अर गैणा पूरा ढंग से फुके के पूरा ढंग से आग बट्टी नाश हवे जाला। वे दिन पिता परमेश्वर ऊं सभि कामों तैं प्रकट कैरी दयालो जु लुखुं ल करिनि कि ऊंको न्याय कैर साक।</verse>
				<verse number="11">जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।</verse>
				<verse number="12">इन कै बरतौ कैरा जबकि तुम वे दिन को इन्तेजार कना छा जु पिता परमेश्वर ल चुणि जब मसीह दुबरा वापिस आलो, अर यांका जल्दी आंणु कु अपड़ी तरपां बट्टी पूरी कोशिश कैरा। वे दिन पिता परमेश्वर आसमान तैं आग बट्टी नाश कैरी दयालो, वीं आग की गर्मी आसमान का पिंडों तैं गलै द्याली।</verse>
				<verse number="13">पर हम विश्वासी नया आसमान अर नई धरती को इन्तेजार कना छा जैको पिता परमेश्वर ल वादा कैरी, जख हरेक जगह का लोग पिता परमेश्वर की इच्छा का अनुसार राला।</verse>
				<verse number="14">इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।</verse>
				<verse number="15">यु जांणि लय की हमारो प्रभु हमारा प्रति धीरज रखदु, वेको कारण यु च कि उ लुखुं तैं पछतौ कनु को बगत दींण चांद कि उ ऊं तैं उद्धार दे साक। जब हमारा प्रिय दगड़िया-विश्वासी पौलुस ल, जै बट्टी हम प्रेम करदा, तुम तैं वे ज्ञान को इस्तेमाल कन चयणु च जु पिता परमेश्वर ल वे तैं द्ये, त वेल भि तुम तैं यु ही बात बतै, जु मिल तुम तैं बतै।</verse>
				<verse number="16">अपड़ी सभि चिठ्ठियूं मा जु वेल विश्वासियों तैं लिखीं, उ इन ही बात करदींनि जु वेल तुम तैं लिखिनि। पर कुछ बात जु वेल अपड़ी चिठ्ठियूं मा लिखिनि, ऊं तैं समझण मुश्किल च। जूं लुखुं ल अच्छी शिक्षा नि पैनी अर जौं तैं निश्चय नि च कि उ क्य विश्वास करदींनि उ यूं कठिन बातों का मतलब को गलत ढंग से व्याख्या करदींनि, उन ही जन उ पिता परमेश्वर का वचन का अन्य हिस्सों की भि गलत व्याख्या करदींनि। इन कैरी के उ अफ ही पिता परमेश्वर का द्वारा अपड़ो नाश हूंणो को कारण बणदींनि।</verse>
				<verse number="17">इलै हे प्रियों, तुम पैली ही बट्टी जंणदा छा कि यु बात होली। इलै, सावधान रावा कि जु लोग नियमों तैं नि मणदींनि उ तुम बट्टी झूठ बोलि के तुम तैं भटकै नि द्या। त तुम सच्ची बातों पर विश्वास कन बंद कैरी दीला जै पर तुम ल एक बगत मजबूती से विश्वास कैरी छो।</verse>
				<verse number="18">बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।</verse>
			</chapter>
		</book>
		<book number="62">
			<chapter number="1">
				<verse number="1">हम एक इन मनिख का बारा मा लिखणा छा, जु जीवन को वचन च, उ पैली बट्टी छो, जै तैं हम ल सूंणि, अर जै तैं अपड़ा आँखों ल देखि, बल्कि जै तैं हम ल ध्यान से देखि अर हथों ल भि छवे।</verse>
				<verse number="2">यु मनिख जु जीवन दींद दुनिया मा ऐ, अर हम ल वे तैं देखि, अर वेकी गव्है दींण छा, अर तुम तैं वे अनन्त जीवन का बारा मा प्रचार बतौंदयां जु पिता परमेश्वर का दगड़ा मा छो अर हम पर प्रगट हवे।</verse>
				<verse number="3">हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।</verse>
				<verse number="4">अर यूं बातों तैं हम इलै लिखणा छा, कि हमारी खुशी पूरी हवे जौ।</verse>
				<verse number="5">जु समाचार प्रचार हम ल यीशु बट्टी सूंणि, अर तुम तैं सुनौणा छा, उ यु च; कि पिता परमेश्वर उज्यला का जन अच्छो अर सचो च अर वेमा कुछ भि बुरै नि च।</verse>
				<verse number="6">जु हम बुलला, कि पिता परमेश्वर का दगड़ा हमारी दगड़ी च, पर बुरै करद्यां, त हम झूठ बुल्दियां अर सचै का अनुसार नि ज्यूंदा।</verse>
				<verse number="7">ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो।</verse>
				<verse number="8">जु हम बुल्दियां, कि हम ल कुछ भि पाप नि कैरी, त हम अपड़ा आप तैं धोखा दींदयां, अर हम वे पर विश्वास नि करद्यां कि पिता परमेश्वर जु बुल्दो उ सच च।</verse>
				<verse number="9">जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च।</verse>
				<verse number="10">जु हम बुलद्यां कि हम ल पाप नि कैरी, त हम झूठा छा, अर हम ल वेका वचन तैं जरा भि नि मांणी।</verse>
			</chapter>
			<chapter number="2">
				<verse number="1">मेरा प्रिय नौंनो, मि यूहन्ना यूं बातों तैं तुम कु इलै लिखणु छौं, कि तुम पाप नि कैरा; पर जु कुई पाप कैरो त पिता परमेश्वर मा हमारो एक मददगार यीशु मसीह च, जु धर्मी च अर हमारा पापों कि माफी कु पिता परमेश्वर बट्टी प्रार्थना करदो।</verse>
				<verse number="2">अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।</verse>
				<verse number="3">जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।</verse>
				<verse number="4">जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।</verse>
				<verse number="5">पर जु कुई पिता परमेश्वर की आज्ञाओं को पालन करदो, वेमा सच मा पिता परमेश्वर को प्रेम पूरो हुयुं च, यु बट्टी ही हम तैं मालुम हून्दो, कि पिता परमेश्वर का दगड़ी हमारो सम्बन्ध च।</verse>
				<verse number="6">जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।</verse>
				<verse number="7">हे प्रिय विश्वासी भयों, मि तुम कु कुई नई आज्ञा नि लिखणु छौं, पर वीं पुरणी आज्ञा ज्वा तुम तैं शुरुवात बट्टी ही मिलीं छै; जु वचन तुम ल सूंणि, जब तुम ल प्रभु यीशु मसीह पर विश्वास कैरी।</verse>
				<verse number="8">फिर भि जु आज्ञा मि तुम कु लिखणु छौं व नई आज्ञा च किलैकि; जन यीशु ल ईं आज्ञा की सचै तैं जी, अर तुम भि यु तैं जींणा छा किलैकि अंधेरो मिटदी जांणु च अर सचो उज्यला अभि चमकण लगि गै।</verse>
				<verse number="9">जु कुई इन बुल्दो, कि मि उज्यला मा जींणु छो, पर अपड़ा विश्वासी भैय बट्टी बैर रखदो, उ अभि तक भि अंधेरा मि ही जींणु च।</verse>
				<verse number="10">जु कुई अपड़ा विश्वासी भैय बट्टी प्रेम करदो, उ उज्यला मा रौन्दु, अर इलै वेमा इन कुछ भि नि च, जु कै और कु पाप को कारण बणो।</verse>
				<verse number="11">पर जु कुई अपड़ा विश्वासी भैय बट्टी बैर रखदो, उ अन्धेरा मा जींणु च अर अन्धेरा मा चल्दो; अर नि जंणदु, कि कख जांणु च, किलैकि अन्धेरा ल वेका आंखा अंधा कैरेनी।</verse>
				<verse number="12">हे नौंनो, मि तुम कु इलै लिखणु छौं, कि यीशु मसीह का नौं बट्टी तुमारा पाप माफ हवेनि।</verse>
				<verse number="13">हे पुरणों, मि तुम कु इलै लिखणु छौं, की यीशु मसीह पैली बट्टी च, तुम वे तैं जंणदा छा, हे जवानों, तुम कु इलै लिखणु छौं, कि तुम ल वे दुष्ट शैतान पर जै पै; हे नौंनो, मि तुम कु इलै लिखणु छौं, कि तुम पिता परमेश्वर तैं जांणि ग्यां।</verse>
				<verse number="14">हे पुरणों, मिल तुम कु इलै लिखणु छौं, कि यीशु मसीह जु पैली बट्टी च, तुम वे तैं जांणि ग्यां। हे जवानों, मिल तुम कु इलै लिखणु छौं, किलैकि तुम ताकतवर छयां, अर पिता परमेश्वर को वचन तुम मा बण्युं रौन्दु, अर तुम ल वे दुष्ट शैतान पर जै पै।</verse>
				<verse number="15">तुम न त दुनिया बट्टी अर न दुनिया की चिज्युं बट्टी प्रेम रखा, जु कुई दुनिया बट्टी प्रेम रखदो, त वेमा पिता परमेश्वर को प्रेम नि च।</verse>
				<verse number="16">किलैकि जु कुछ भि दुनिया मा च, मतलब देह की वासना, अर आंखों की अभिलाषा, अर रुप्यों कु घमण्ड, उ पिता परमेश्वर की तरपां बट्टी नि च, पर दुनिया की ही तरपां बट्टी च।</verse>
				<verse number="17">दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।</verse>
				<verse number="18">हे नौंनो, मसीह कु वापिस औंणु कु बगत नजदीक च, अर जन तुमारो सुणयूं च, कि मसीह को बैरी औंण वलो च, वेका हिसाब बट्टी अभि भि भौत सा मसीह का बैरी पैली बट्टी ही ऐ गैनी; ज्यां बट्टी हम जंणदा छा, यु आखरी बगत च।</verse>
				<verse number="19">उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।</verse>
				<verse number="20">पर तुम तैं त मसीह का द्वारा पवित्र आत्मा दियुं च, अर तुम सब सच जंणदा छयां।</verse>
				<verse number="21">मिल तुम कु इलै नि लिखीं, कि तुम सचै तैं नि जणद्यां, पर इलै, कि तुम मसीह तैं जणद्यां छा, अर इलै कि कुई झूठ, सचै की तरपां बट्टी नि च।</verse>
				<verse number="22">झूठो को च? उ जु यीशु तैं मसीह हूंणु बट्टी इन्कार करदो, अर मसीह कु बैरी ऊई च, जु पिता परमेश्वर को अर नौंना प्रभु यीशु कु इन्कार करद।</verse>
				<verse number="23">जु कुई नौंना प्रभु यीशु मसीह कु इन्कार करदो च वेमा पिता परमेश्वर भि नि च, जु नौंना प्रभु यीशु मसीह तैं मणदो च, वेमा पिता परमेश्वर भि च।</verse>
				<verse number="24">उ सच्चो संदेश जु तुम ल पैली बट्टी सूंणि छो, जब तुम ल मसीह पर विश्वास कैरी छो ऊई तुम मा बणयुं रौ, जु उ तुम मा बणयुं च, त तुम भि नौंना प्रभु यीशु मसीह मा, अर पिता परमेश्वर मा बंणया रैल्या।</verse>
				<verse number="25">अर ज्यांको पिता परमेश्वर ल हम बट्टी वादा करयुं च की उ हम तैं अनन्त जीवन दयालो।</verse>
				<verse number="26">मि तुम तैं ऊं लुखुं का बारा मा चितांणु छो, जु झूठी शिक्षा का द्वारा तुम तैं धोखा दींणै की कोशिश कना छिनी।</verse>
				<verse number="27">अर तुम कु, उ पवित्र आत्मा, जै तैं तुम ल मसीह बट्टी पयुं च, अर तुमारा भितर रांदो, अर इलै कै तैं भि तुम तैं सचै का बारा मा सिखौंण की जरुरत नि च, उ तुम तैं ऊं सभि बातों का बारा मा सैरी सचै तैं जनण मा मदद करदो किलैकि वेको अभिषेक तुम तैं उ सब कुछ सिखांदु ज्यां कि तुम तैं जरूरत च। जु भि पवित्र आत्मा तुम तैं सिखांदु च उ सच च अर झूठ नि अर इलै मसीह का दगड़ा मा एकता मा बणयां रावा जन कि पवित्र आत्मा ल तुम तैं कनु कु बुल्युं च।</verse>
				<verse number="28">इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।</verse>
				<verse number="29">किलैकि तुम जंणदा छा, कि मसीह धर्मी च, त यु भि जांणि ल्या, कि जु कुई धार्मिकता को काम करदो, उ पिता परमेश्वर कि सन्तान च अर वे बट्टी पैदा हुयुं च।</verse>
			</chapter>
			<chapter number="3">
				<verse number="1">सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।</verse>
				<verse number="2">हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।</verse>
				<verse number="3">अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।</verse>
				<verse number="4">जु कुई पाप करदो, उ व्यवस्था कु विरोध करदो; पाप कन व्यवस्था को उल्लंघन कन च अर अधर्म कु दगड़ो कन च।</verse>
				<verse number="5">अर तुम जंणदा छा, की यीशु मसीह इलै ऐ, कि हमारा पापों की सजा तैं हटै द्यों, अर वेमा कुई पाप नि च।</verse>
				<verse number="6">जु कुई वेमा बणयुं रौंदो, उ सदनी पाप नि करदु; जु कुई पाप करदो, वेल न त वे तैं समझी कि मसीह को च, अर न वे तैं जंणदु।</verse>
				<verse number="7">प्रिय नौंनो कैका भरमांण मा नि अयां; जु धार्मिकता को काम करदो, उ ही यीशु का जन धर्मी च।</verse>
				<verse number="8">जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।</verse>
				<verse number="9">जु कुई पिता परमेश्वर की संतान च उ सदनी पाप मा बणयूँ नि रौंद; किलैकि अफ भि पिता परमेश्वर को स्वभाव वेमा च; अर उ पाप कैरी ही नि सकदो, किलैकि उ पिता परमेश्वर की संतान च।</verse>
				<verse number="10">यां बट्टी ही पिता परमेश्वर की संतान, अर शैतान की संतान कु पता चल्दो; उ लोग जु धार्मिकता का काम करदींनि उ पिता परमेश्वर बट्टी छिनी, अर उ जु अपड़ा भैय बट्टी प्रेम करदो, उ भि पिता परमेश्वर बट्टी प्रेम करदो।</verse>
				<verse number="11">जु समाचार तुम ल पैली बट्टी सूंणि, उ यु च, कि हम एक दुसरा बट्टी प्रेम रखा।</verse>
				<verse number="12">अर आदम की संतान कैन की तरौं नि बणा, जु वे दुष्ट शैतान बट्टी छो, अर जैल अपड़ा भैय की हत्या कैरी। अर वेल कै कारण से अपड़ा भैय की हत्या कैरी? किलैकि वेका काम बुरा छा, अर वेका भैय का काम धार्मिक छा।</verse>
				<verse number="13">हे विश्वासी भयों, जु ईं दुनिया का लोग तुम बट्टी बैर करदींनि त ताजुब नि कैरा।</verse>
				<verse number="14">हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।</verse>
				<verse number="15">जु कुई अपड़ा विश्वासी भैय बट्टी बैर करदो, उ खूनी च; अर तुम जंणदा छा, कि कै भि खूनी मा अनन्त जीवन नि रौंदो।</verse>
				<verse number="16">हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।</verse>
				<verse number="17">जु कै मा दुनिया कि सम्पत्ति हो अर उ अपड़ा विश्वासी भैय तैं विपत्ति मा देखि के वे पर तरस नि खौ, त उ नि बोलि सकद की मि मा पिता परमेश्वर को प्रेम च।</verse>
				<verse number="18">हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।</verse>
				<verse number="19">जब हम दूसरों बट्टी प्रेम करद्यां, कि हम सचै का छा; अर जब भि हमारो मन हम तैं भंगारी ठैरांद तब हम अपड़ा मन तैं चैन दींणै की कोशिश करद्यां।</verse>
				<verse number="20">किलैकि पिता परमेश्वर हमारा मन बट्टी बड़ो च; अर उ सब कुछ जंणदु च।</verse>
				<verse number="21">हे प्रियों, जु हमारो मन हम तैं भंगार नि द्यो, त हम तैं परमेश्वर का संमणी साहस हो।</verse>
				<verse number="22">अर जु कुछ हम पिता परमेश्वर बट्टी मंगदा छा, उ हम तैं पिता परमेश्वर बट्टी मिल्दो; किलैकि हम वेकी आज्ञाओं तैं मणदां, अर जु वे तैं अच्छो लगदो हम उ ही करद्यां।</verse>
				<verse number="23">अर वेकी आज्ञा या च कि हम वेका नौंना यीशु मसीह का नौं पर विश्वास कैरा अर जन वेल हम तैं आज्ञा दींनि वेका अनुसार आपस मा प्रेम रखा।</verse>
				<verse number="24">अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।</verse>
			</chapter>
			<chapter number="4">
				<verse number="1">हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।</verse>
				<verse number="2">पिता परमेश्वर का आत्मा तैं तुम इन ही कै पछांण सकदियां, कि जु कुई आदिम मणी लींद, कि यीशु मसीह मनिख बंणि के ऐ, उ पिता परमेश्वर की तरपां बट्टी ऐ।</verse>
				<verse number="3">अर जु कुई आदिम यीशु तैं नि मंणदु, उ पिता परमेश्वर की तरपां बट्टी नि च; यु ही मसीह का बैरी की आत्मा च; जैका बारा मा तुम ल सूंणि येले, कि उ औंण वलो च अर अब भि दुनिया मा च।</verse>
				<verse number="4">हे प्रिय नौंनो, तुम पिता परमेश्वर का लोग छा अर तुम ल ऊं झूठा लुखुं पर जीत पयले; किलैकि जु पवित्र आत्मा तुम मा च, उ शैतान बट्टी भि बड़ो च, जु ईं दुनिया का लुखुं पर राज्य करदो।</verse>
				<verse number="5">उ झूठा संदेश दींणवला दुनिया का छिनी, उ दुनिया की बातों तैं बुल्दींनि, अर दुनिया का लोग वेकी सुणदींनि।</verse>
				<verse number="6">हम पिता परमेश्वर का तरपां बट्टी छा। जु पिता परमेश्वर तैं जंणदु च, उ हमारी सुणदो; जु पिता परमेश्वर तैं नि जंणदु उ हमारी नि सुणदो; इन्ही के हम सच की आत्मा तैं अर झूठ की आत्मा तैं पछांण सकदा छा।</verse>
				<verse number="7">हे प्रियों, हम आपस मा प्रेम रखा; किलैकि प्रेम पिता परमेश्वर की तरपां बट्टी च अर जु कुई दूसरों बट्टी प्रेम करदो, उ पिता परमेश्वर की सन्तान च अर पिता परमेश्वर तैं जंणदु च।</verse>
				<verse number="8">जु दूसरों बट्टी प्रेम नि करदो उ पिता परमेश्वर तैं नि जंणदु, किलैकि पिता परमेश्वर प्रेम च।</verse>
				<verse number="9">जु प्रेम पिता परमेश्वर हम बट्टी करदु, उ यां बट्टी प्रकट हवे कि पिता परमेश्वर ल अपड़ा इकलौता नौंना यीशु मसीह तैं दुनिया मा भेजि कि हम वेका द्वारा अनन्त जीवन पां।</verse>
				<verse number="10">सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।</verse>
				<verse number="11">हे प्रियों, जब पिता परमेश्वर ल हम बट्टी इन प्रेम कैरी, त हम तैं भि एक दुसरा बट्टी प्रेम रखण चयणु च।</verse>
				<verse number="12">पिता परमेश्वर तैं कभि कैल नि देखि; जु हम आपस मा प्रेम कैरा, त पिता परमेश्वर हम मा बणयूँ रौंद; अर पिता परमेश्वर को प्रेम हम मा सिद्ध होलो।</verse>
				<verse number="13">यां बट्टी ही हम जंणदा, कि पिता परमेश्वर हम मा, अर हम पिता परमेश्वर मा रौंदयां, किलैकि पिता परमेश्वर ल हम तैं अपड़ी पवित्र आत्मा मा बट्टी हम तैं दियूं च।</verse>
				<verse number="14">अर हम ल यीशु मसीह तैं देखि अर वेकी गव्है दींणा छा कि पिता परमेश्वर ल अपड़ो नौंना यीशु मसीह तैं दुनिया का लुखुं कु उद्धारकर्ता हूंणु कु भेजि।</verse>
				<verse number="15">जु कुई यु मणी लींद, कि यीशु पिता परमेश्वर को नौंनो च त पिता परमेश्वर वेमा रौंदो, अर उ पिता परमेश्वर मा रौंदो।</verse>
				<verse number="16">अर हम अच्छा ढंग ल जांणि ग्यां अर हम विश्वास भि करदां कि पिता परमेश्वर हम बट्टी प्रेम करदो। पिता परमेश्वर प्रेम च अर जु कुई प्रेम मा रौंदो उ पिता परमेश्वर मा रौंदो अर पिता परमेश्वर वेमा रौंद।</verse>
				<verse number="17">यां बट्टी ही प्रेम हम मा पूरा हवे कि, न्याय का दिन हम तैं हिम्मत मिलो की उ हम तैं दंड नि द्यो, किलैकि मसीह का जन हम दूसरों बट्टी प्रेम करदां अर ईं दुनिया मा मसीह ही जन रौंदयां।</verse>
				<verse number="18">प्रेम मा डौर नि हूंद, नथरी सच्चा प्रेम डौर तैं दूर कैरी दींद, किलैकि जु डरदु च उ दंड बट्टी ही डरदु, जु डरदु च, उ प्रेम मा सिद्ध नि हवे।</verse>
				<verse number="19">पिता परमेश्वर ल हम बट्टी प्रेम कैरी इलै हम पिता परमेश्वर अर एक दूसरों बट्टी प्रेम करद्यां।</verse>
				<verse number="20">जु कुई बोलु, मि पिता परमेश्वर बट्टी प्रेम करदु छो, पर अपड़ा विश्वासी भैय बट्टी बैर रखो; त उ झूठो च; किलैकि जब उ अपड़ा ही विश्वासी भैय बट्टी, जै तैं वेल दिखयूं च, प्रेम नि करदो, त उ पिता परमेश्वर बट्टी जै तैं वेल नि देखि प्रेम नि कैरी सकद।</verse>
				<verse number="21">अर मसीह बट्टी हम तैं य आज्ञा मिली च, कि जु कुई अपड़ा पिता परमेश्वर बट्टी प्रेम करद, उ अपड़ा विश्वासी भैय बट्टी भि प्रेम कैरो।</verse>
			</chapter>
			<chapter number="5">
				<verse number="1">जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।</verse>
				<verse number="2">जब हम पिता परमेश्वर बट्टी प्रेम करद्यां, अर वेकी आज्ञा तैं मणदा, त यां बट्टी ही हम जांणि लींदयां, कि हम पिता परमेश्वर की सन्तानोंं बट्टी प्रेम करद्यां।</verse>
				<verse number="3">पिता परमेश्वर बट्टी प्रेम कनु कु चिन्ह यो च, कि हम वेकी आज्ञाओं को पालन कैरा; अर वेकी आज्ञा मनण कठिन नि छिनी।</verse>
				<verse number="4">किलैकि जु कुई पिता परमेश्वर की सन्तान च, उ ईं दुनिया पर जीत हासिल करद, अर हमारा विश्वास बट्टी दुनिया पर जीत हासिल हूंदी।</verse>
				<verse number="5">दुनिया पर जीत हासिल कन वलो को च? उ ही जु विश्वास करद, कि यीशु ही पिता परमेश्वर को नौंनो च।</verse>
				<verse number="6">यु यीशु मसीह ही च, जै तैं पिता परमेश्वर का द्वारा ईं दुनिया मा भिजै गै, अर पांणी ल बपतिस्मा दिए गै छो, बल्कि जु ल्वे बुगै के सूली पर मोरि गै। पवित्र आत्मा बतांद कि यीशु मसीह पिता परमेश्वर बट्टी ऐ छो जु बतांद की उ सचो च।</verse>
				<verse number="7">गव्है य च कि यीशु मसीह हमारा पापों कु बलिदान हवे, यु तीन चीज यांकि गव्है दींदिनि।</verse>
				<verse number="8">पवित्र आत्मा, पांणी, अर ल्वे; अर तिन्युं की एक ही गव्है च।</verse>
				<verse number="9">जब हम मनिख्युं की गव्है मांणी लींदियां, त पिता परमेश्वर की गव्है त यां बट्टी भि बढ़कर च; अर पिता परमेश्वर की गव्है या च, कि पिता परमेश्वर ल अपड़ा नौंना का बारा मा गव्है दये।</verse>
				<verse number="10">जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।</verse>
				<verse number="11">अर व गव्है या च, कि पिता परमेश्वर ल हम तैं अनन्त जीवन दियुं च अर उ पिता परमेश्वर का नौंना यीशु मसीह का द्वारा च।</verse>
				<verse number="12">जु पिता परमेश्वर का नौंना यीशु मसीह तैं स्वीकार करदो, वेमा हमेशा कु जीवन च, अर जु पिता परमेश्वर का नौंना तैं स्वीकार नि करदो, वेमा हमेशा कु जीवन भि नि च।</verse>
				<verse number="13">मि या चिट्टी तुम कु लिखणु छो, जु पिता परमेश्वर का नौंना यीशु मसीह का नौं पर विश्वास करदो, कि तुम तैं पक्को मालूम हवे जौ कि अनन्त जीवन तुमारो ही च।</verse>
				<verse number="14">अर हम तैं पिता परमेश्वर का संमणी साहस हूंद, उ यु च; कि हम जु कुछ वेकी इच्छा अनुसार प्रार्थना मा मंगद्यां, त उ हमारी सुणदो च।</verse>
				<verse number="15">अर हम जंणदा छा, कि जु कुछ हम पिता परमेश्वर बट्टी प्रार्थना मा मंगदा उ हमारी सुणदो, त यु भि हम जंणदा छा, कि जु कुछ हम ल पिता परमेश्वर बट्टी मांगि, उ हम तैं मिल्द च।</verse>
				<verse number="16">जु कुई अपड़ा विश्वासी भैय तैं इन पाप करद देखो, जै को प्रतिफल मौत नि च, त उ पिता परमेश्वर बट्टी प्रार्थना कैरो, अर पिता परमेश्वर वे तैं जीवन दयालो। किलैकि पाप इन भि हूंदो जै को प्रतिफल मौत च यांका बारा मा मि पिता परमेश्वर बट्टी बिनती कनु कु नि बुल्दो।</verse>
				<verse number="17">सब अधर्म त पाप च, पर इन पाप भि च, जै को प्रतिफल मौत नि च।</verse>
				<verse number="18">हम जंणदा छा, कि जु कुई पिता परमेश्वर की सन्तान च, उ पाप मा नि बणयूँ रौंद; किलैकि जु कुई पिता परमेश्वर की सन्तान च, वे तैं उ बचै के रखद; अर उ दुष्ट शैतान वे तैं छू भि नि सकद।</verse>
				<verse number="19">हम जंणदा छा, कि हम पिता परमेश्वर की सन्तान छा, अर सैरी दुनिया वे दुष्ट शैतान का वश मा च।</verse>
				<verse number="20">हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।</verse>
				<verse number="21">हे प्रिय नौंनो, अपड़ा आप तैं हर एक इन मूर्तियों बट्टी दूर रखा जु तुम्हरा दिल मा पिता परमेश्वर की जगह बणो।</verse>
			</chapter>
		</book>
		<book number="63">
			<chapter number="1">
				<verse number="1">मि यूहन्ना, मंडलि का पुरणा अगुवा यु चिठ्ठी वीं जनन अर वीं का नौंना कु लिखणु छो, जै तैं पिता परमेश्वर ल चुणि। मि सच मा तुम बट्टी प्रेम रखदु छो, अर भस मि ही न; बल्कि उ सब भि तुम बट्टी प्रेम रखद, जु पिता परमेश्वर की सचै पर विश्वास रखदा छिनी।</verse>
				<verse number="2">हम तुम बट्टी वीं सचै का कारण प्रेम करदां जु हमारा भितर रौन्दु अर सदनी हम दगड़ी रालो।</verse>
				<verse number="3">जु हम सचै तैं मणदा अर दूसरों बट्टी प्रेम करदां, त हम तैं पिता परमेश्वर अर वेका नौंना यीशु मसीह की कृपा, दया, अर शान्ति मिलदी राली।</verse>
				<verse number="4">जब मिल सूंणि त मि भौत खुशी हवे कि तेरु कुछ नौंना वीं सचै तैं मांणी के जींणा छिनी, जै तैं हमारा पिता परमेश्वर ल हम तैं कनु कु बुल्युं च।</verse>
				<verse number="5">अब “हे नारी” मि त्वे बट्टी बिनती करदु, कि हम तैं एक दुसरा बट्टी प्रेम कन चयणु च। यु कुई नई आज्ञा नि च बल्कि वीं आज्ञा च, जै तैं हम वे बगत बट्टी जंणदा छा जब हम ल मसीह की आज्ञा कु पालन कन शुरू कैरी।</verse>
				<verse number="6">पिता परमेश्वर को सचो प्रेम यु च कि हम वेकी आज्ञाओं का अनुसार जीवन तैं जियां; वे बगत बट्टी तुम ल मसीह कु आज्ञा को पालन कन शुरू कैरी जब बट्टी तुम ल सूंणि की पिता परमेश्वर ल आज्ञा दीं च कि तुम तैं सदनी एक दुसरा बट्टी प्रेम कन चयणु च।</verse>
				<verse number="7">मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।</verse>
				<verse number="8">इलै तुम तैं चौकस रौंण चयणु च कि कखी यु लोग तुम तैं धोखा नि द्यां कि पिता परमेश्वर कि सेवा कु तुम्हरा द्वारा किये गै मेहनत बेकार नि हवे जौ अर पिता परमेश्वर तुम तैं तुम्हरी सेवा को पूरो प्रतिफल दयालो।</verse>
				<verse number="9">उ लोग जु सच्ची शिक्षा बट्टी भटकी जांद, अर मसीह की शिक्षा तैं नि मणदींनि, उ पिता परमेश्वर का दगड़ी संगति मा नि च। जु कुई मसीह की शिक्षा तैं मणदो उ पिता परमेश्वर का दगड़ी अर वेका नौंना यीशु मसीह का दगड़ी संगति मा च।</verse>
				<verse number="10">जु कुई तुम मा औ, अर मसीह शिक्षा नि द्ये वे तैं न त घौर औंण द्या अर न वे तैं प्रणाम कैरी के बढ़ावा द्या।</verse>
				<verse number="11">किलैकि जु कुई इन आदिम तैं प्रणाम करदो उ आदिम भि वेका द्वारा करयां बुरा कामों मा साझीदार हूंद।</verse>
				<verse number="12">और भि भौत सी बात छिनी, जु मि तुम कु लिखण चांणु छो, पर मि ऊं तैं यु जन एक चिठ्ठी मा नि लिखण चांदु। मि तैं आस च कि मि तुम मा ओ अर हमारा अमणी-संमणी बातचित कैर ज्यां बट्टी हमारो आनन्द पूरो हवे जौ।</verse>
				<verse number="13">तेरी बैंण का नौंना जूं तैं पिता परमेश्वर ल चुणयूं च, उ यख च, अर त्वे तैं प्रणाम बुल्णा छिनी।</verse>
			</chapter>
		</book>
		<book number="64">
			<chapter number="1">
				<verse number="1">मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।</verse>
				<verse number="2">हे प्रिय दगड़िया, मेरी या प्रार्थना च; कि जन तेरु आत्मिक जीवन (आत्मा) उन्नति कनु च, उन ही तू सभि बातों मा उन्नति कैर, अर तेरी देह मजबूत रौ।</verse>
				<verse number="3">किलैकि जब विश्वासी भयों ल ऐ के, मि तैं बतै की कनके तु विश्वासयोग्यता का दगड़ी सचै बट्टी जींणी छै, ज्यां पर तु सच मा चल्दी छै, त मि भौत ही खुश हुयुं।</verse>
				<verse number="4">जब भि मि यु सुणदु छो कि उ लोग जु मेरा नौंना का जन छिनी, अर उ उन के जीवन ज्यूदींनि, जु सच मा पिता परमेश्वर ल हम तैं बतै, त यां बट्टी मि तैं और भि जादा खुशी मिलदी।</verse>
				<verse number="5">हे प्रिय विश्वासी, तिल विश्वासयोग्यता का दगड़ी हमारा दगड़िया मसीहियों जु शुभ संदेश कु प्रचार कनु कु चौं तरपां यात्रा कना छिनी, ऊं की मदद कनु कु भौत काम करयूं च यख तक की तु ऊं लुखुं कि भि मदद करदी छै जौं तैं तु जंणदी भि नि छै।</verse>
				<verse number="6">ऊंमा बट्टी कुछ लुखुं ल मण्डलि का विश्वासियों का दगड़ी तेरा प्रेम का बारा मा बतै जु तु अपड़ा विश्वासियों बट्टी करदी। अब मि त्वे कु बुल्णु छो, कि तु इन विश्वासी दगड़ियों कि मदद कैरी जु एक जगह बट्टी दुसरी जगह शुभ संदेश कु प्रचार कनु कु यात्रा करदा छिनी, किलैकि इन कन पिता परमेश्वर तैं अच्छो लगद।</verse>
				<verse number="7">किलैकि उ वे नौं कु निकली छा, अर अविश्वासियों बट्टी कुछ भि मदद नि लींदा छा।</verse>
				<verse number="8">इलै इन लुखुं को अपड़ा घौर मा आदर कन चयणु च, अर जु ऊंकी जरूरत च ऊं तैं द्या, ज्यां बट्टी हम भि हिस्सादार बणा।</verse>
				<verse number="9">मिल पैली भि तुम्हरी मंडलि का विश्वासियों कु एक चिठ्ठी लिखीं छै, पर दियुत्रिफेस मेरा आज्ञाओं तैं मनणु बट्टी इंकार करदु च, किलैकि उ हमेशा बट्टी खुद ही मण्डलि का अगुवा बनण चांदु छो।</verse>
				<verse number="10">इलै जु मि औलु, त मि मंडलि का लुखुं बट्टी खुलि के बुलुलु कि उ कि कनु च। मतलब हम पर बुरा काम कनु को झूठो भंगार लगान्दो; इथग ही न, शुभ संदेश प्रचार कन वला विश्वासी भयों को आदर भि नि करदो अर उ, ऊं तैं मण्डलियों मा बट्टी भि भैर निकली दींद।</verse>
				<verse number="11">हे प्रिय, ऊं लुखुं कि नकल नि कैरा जु बुरा काम करदींनि, बल्कि ऊं लुखुं को आज्ञा कु पालन कैरा जु कुई अच्छो कर्म करदो, त यु बतांद कि उ परमेश्वर कि सन्तान च। पर जब कुई बुरा काम करदु, त उ दर्शादों कि उ परमेश्वर तैं नि जंणदो।</verse>
				<verse number="12">मंडलि मा हरेक बुल्दो कि दिमेत्रियुस एक अच्छो आदिम च किलैकि उ वेको बरतौ परमेश्वर का सच्चा संदेश का अनुसार च; अर हम यु बुल्दा कि उ एक अच्छो आदिम च, अर तू जणदि छै कि हमारी गव्है सच्ची च।</verse>
				<verse number="13">मिल त्वे कु भौत कुछ लिखण त छो; जु मि तुम कु लिखण चांदो छो, पर मि ऊं तैं यु जन एक चिठ्ठी मा नि लिखण चांदु।</verse>
				<verse number="14">मि तैं आस च कि मि तुम मा जल्दी ओलु अर तुम्हरा अमणी-संमणी बातचित करुलु।</verse>
				<verse number="15">मि प्रार्थना करदु, की पिता परमेश्वर त्वे तैं शान्ति द्यो। उख का मसीही दगड़ियों कु व्यक्तिगत रूप मा प्रणाम बोलि दे।</verse>
			</chapter>
		</book>
		<book number="65">
			<chapter number="1">
				<verse number="1">मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।</verse>
				<verse number="2">मि प्रार्थना करदु कि पिता परमेश्वर तुम तैं दया, शान्ति अर प्रेम बहुतायत ल दयालो।</verse>
				<verse number="3">हे विश्वासी भयों, मि तुम तैं वे नया जीवन का बारा मा लिखणु कु हर संभव कोशिश कनु छो जु यीशु मसीह का द्वारा पिता परमेश्वर की तरपां बट्टी आंद अर जै मा हम सभि शमिल छा। पर अब मि ईं चिठ्ठी मा वे उद्धार का बारा मा तुम तैं प्रोत्साहित कनु को दबाव महसूस कनु छो कि तुम मसीही विश्वास तैं पकड़ी के रौंणु कु और भि जादा कोशिश कैरा। पिता परमेश्वर ल अपड़ा लुखुं कु यु विश्वास एक ही बार मा हमेशा कु दे द्ये, अर यु तैं बदले नि जै सकद।</verse>
				<verse number="4">मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।</verse>
				<verse number="5">जु तुम सभि बातों तैं एक बार मा जांणि ग्यां, त मि भि तुम तैं ईं बात की सुधि दिलांण चांणु छो, कि प्रभु ल इस्राएलियों तैं गुलामी बट्टी बचै कै अर ऊं तैं मिस्र देश बट्टी भैर ले के ऐ, पर बाद मा वेल सभियूं तैं मारि दींनि, जौनु रेगिस्तान मा वे पर भरोसा नि कैरी।</verse>
				<verse number="6">याद कैरा कि प्रभु ल ऊं दुष्टदूतों तैं कन दण्ड द्ये, जौनु अपड़ा अधिकार तैं पूरो नि कैरी, बल्कि ऊंल अपड़ी नियत पदवियों अर जगहों तैं छोड़ी येले। प्रभु ल यूं दुष्टदूतों तैं अनन्त विनाश कु अंधेरा जगह मा रख्युं च, इन जंजीरों बट्टी बंधयूं च जौं तैं कुई नि तोड़ी सकद कि महान दिनों मा ऊंको न्याय हवे साक।</verse>
				<verse number="7">इलै इस्राएलियों अर स्वर्गदूतों का जन, ऊं लुखुं तैं भि याद रखा जु सदोम अर अमोरा शहर अर ऊंका अमणी-संमणी का कस्बों मा रांदा छा कि ऊं दगड़ी क्य हवे छो। उ लोग व्यभिचारी हवे गैनी अर हर किस्म का यौन भ्रष्टता बट्टी भुरे गैनी। इलै पिता परमेश्वर ल ऊं तैं आग बट्टी नाश कैरी दींनि। ऊं दगड़ी जु हवे उ झूठा शिक्षकों कु एक चेतावनी बंणि गै कि ऊं तैं भि अनन्त आग बट्टी दण्ड दिये जौं।</verse>
				<verse number="8">यूं उदाहरणों का बारा मा जनणा का बाद भि, यु ईश्वररहित आदिम इन कै ही पाप करदींनि, यु बोलि के कि ऊंल दर्शन दिखिनि। उ अपड़ा देह तैं भ्रष्ट करदींनि, सभि पिता परमेश्वर का अधिकारो तैं अस्वीकार करदींनि अर महिमामय स्वर्गीय प्राणियों को अपमान करदींनि।</verse>
				<verse number="9">इख तक की मीकाईल ल भि जु पिता परमेश्वर का मुख्य स्वर्गदूतों मा बट्टी एक छो, वेल अपमान नि कैरी जन यु अधर्मी लोग करदींनि। किलैकि जब वेल शैतान का दगड़ी विवाद कैरी अर पिता परमेश्वर का तरपां बट्टी बुल्ण वला मूसा की देह तैं लींणु कु अपड़ा अधिकार की चुनौती द्ये, त मीकाईल ल भि यु नि सोचि कि वेमा बुरी बात बोलि के शैतान पर जांच का द्वारा भंगार लगांण कु अधिकार च। बल्कि वेल बोलि, “प्रभु त्वे दगड़ी कड़ाई से बात कैरो।”</verse>
				<verse number="10">पर उ ईश्वररहित लोग कै भि इन बात कु खण्डन कनु कु अपमान वली भाषा कु इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जणदींनि ऊं तैं उ बगैर सोचि-समझी के करदींनि, त उ पिता परमेश्वर का तरपां बट्टी दण्ड भुगतला।</verse>
				<verse number="11">ऊं पर हाय! कि उ कैन का जन दुष्टता बट्टी अपड़ा जीवन तैं चलौंदींनि, जैल अपड़ा भैय की हत्या कैरी किलैकि उ वे बट्टी जलदो छो, किलैकि पिता परमेश्वर ल वेका भैय का बलिदान तैं स्वीकार कैरी छो पर वेका बलिदान तैं न। उ बिलाम का जन च, जैल पिता परमेश्वर का लुखुं तैं पाप कनु कु उकसांणै की कोशिश कैरी, कि उ धन तैं पै सैका जै की पेशकश वे तैं किये गै छै। उ कुयड़ा जन नाश हवे जाला, जैल वे अधिकार का विरुद्ध मा विद्रोह कैरी जु पिता परमेश्वर ल मूसा तैं द्ये छो।</verse>
				<verse number="12">जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।</verse>
				<verse number="13">जन समुन्द्र की प्रचण्ड लहर गन्दो झाग बंणौंदींनि, उन ही यु लोग शर्मनाक काम फैलांदींनि। उ कुछ गैणों का जन छिनी जु एक बणयां रस्ता पर नि चलदींनि, उ सै रस्ता नि दिखदींनि। प्रभु ऊं तैं एक जगह रखणु च जु पूरा ढंग से अंधेरी च जख ऊं तैं हमेशा कु रौंण पुड़लो।</verse>
				<verse number="14">अर हनोक जु आदम बट्टी (जु पैलो छो) सातवीं पीढ़ी मा पैदा हवे, यूं लुखुं का बारा मा भविष्यवाणी कैरी छै, जब वेल बोलि, देखा प्रभु निश्चित रूप बट्टी अपड़ा पवित्र स्वर्गदूतों की भौत बड़ी संख्या का दगड़ी आलो</verse>
				<verse number="15">कि सभि लुखुं को न्याय कनु कु अर सभि अधर्मी लुखुं पर ऊंका द्वारा किया अनैतिक अर बुरा कामों का कारण भंगार लगांणु कु अर ऊं सभि चोट पहुंचांण वली बातों का कारण जु पापी लुखुं ल ऊंका विरुद्ध मा नि बोलि।</verse>
				<verse number="16">यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।</verse>
				<verse number="17">पर हे विश्वासी भयों, तुम ऊं बातों तैं याद रखा; जु हमारा प्रभु यीशु मसीह का प्रेरित ल भौत पैली बतै छै।</verse>
				<verse number="18">उ तुम बट्टी बुल्दा छा, “आखरी दिनों मा हमारा प्रभु यीशु का लौटण से पैली, इन लोग होला जु प्रभु अर वेका अपड़ा लुखुं को मजाक उड़ाला। यु ही उ लोग छिनी जौका जीवन पर ऊंकी अपड़ी वासनाओं कु वश च।”</verse>
				<verse number="19">यु ही उ लोग छिनी जु तुम तैं अलग-अलग दलों मा बंटण को कारण बंणदींनि; ऊंकी बुरी स्वभाविक इच्छा ऊं तैं वश मा करदी, अर ऊंमा पवित्र आत्मा नि च।</verse>
				<verse number="20">पर हे विश्वासी भयों, तुम तैं एक-दुसरा की मदद करदी रौंण चयणु च कि ऊं पवित्र सच्चाईयों मा जौं पर तुम विश्वास करदा, एक दुसरा तैं बणै साका। तुम तैं पवित्र आत्मा की सामर्थ बट्टी मार्गदर्शन पै के प्रार्थना कन चयणी च।</verse>
				<verse number="21">तुम तैं यु जांणि के जीवन जींण चयणु च कि पिता परमेश्वर तुम बट्टी प्रेम करद; जबकि तुम वे दिन को जग्वाल करदा, जब हमारो प्रभु, यीशु मसीह वापिस लौटलो कि तुम तैं अनन्त जीवन मिललो किलैकि वेल हम पर दया कैरी।</verse>
				<verse number="22">ऊं लुखुं का प्रति दयालु बणा जु नि जणदींनि कि कै पर विश्वास कैरा।</verse>
				<verse number="23">कुछ हैंका लोग जूं तैं तुम जंणदा छा अर उ नरक का तरपां जांणा छिनी, ऊं तैं वीं हमेशा की आग मा बट्टी तुरंत खैंचि के बचै ल्या। अर इन हैंका लोग छिनी जौका प्रति तुम तैं दयालु हूंण चयणु च, पर दगड़ा मा दया दिखांण बगत भौत चौकस भि रा। तुम तैं ऊंका कपड़ोंं बट्टी भि घींण कन चयणी च, जन कि ऊंकी पापमय वासनाओं ल ऊं कपड़ोंं तैं भ्रष्ट कैरेले।</verse>
				<verse number="24">एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।</verse>
				<verse number="25"></verse>
			</chapter>
		</book>
		<book number="66">
			<chapter number="1">
				<verse number="1">पिता परमेश्वर ल यीशु मसीह तैं जु दिखै उ यु च, कि उ अपड़ा दासों तैं ऊं घटनाओं का बारा मा बतौ जु भौत जल्द होली। यीशु ल अपड़ा स्वर्गदूत तैं वे संदेश का दगड़ी मि मा मतलब कि अपड़ा दास यूहन्ना मा भेजि।</verse>
				<verse number="2">यूहन्ना ल उ सभि कुछ लिखी, जु वेल देखि, मतलब कि उ संदेश जु पिता परमेश्वर का तरपां बट्टी ऐ छो अर उ सभि कुछ जु यीशु मसीह ल बोलि छो।</verse>
				<verse number="3">पिता परमेश्वर हर वे आदिम तैं आशीष दयालो जु ईं भविष्यवाणी तैं दूसरों तैं पढ़ी के सुणांलो, अर उ हर वे आदिम तैं आशीष दयालो जु यु तैं सुणदो अर यु तैं मणद, किलैकि यु सब बात अर चीज भौत जल्द ही होली।</verse>
				<verse number="4">य चिठ्ठी यूहन्ना का तरपां बट्टी एशिया प्रान्त मा सात मण्डलियों कु च मि प्रार्थना करदु कि तुम तैं पिता परमेश्वर की तरपां बट्टी कृपा अर शान्ति मिलो, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद; अर ऊं सात आत्माओं का तरपां बट्टी, जु पिता परमेश्वर का सिंहासन का संमणी च,</verse>
				<verse number="5">अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।</verse>
				<verse number="6"></verse>
				<verse number="7">सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।</verse>
				<verse number="8">पिता परमेश्वर बुल्द, “मि अल्फा अर ओमेगा छो, मतलब कि, आदि अर अंत मि ही छो, जु हमेशा बट्टी छो, अर उ व ही पिता परमेश्वर च जु बगत की शुरुआत बट्टी लेकर अब तक अर कभी भि नि बदलद, मि सर्वशक्तिमान प्रभु परमेश्वर छो।”</verse>
				<verse number="9">मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।</verse>
				<verse number="10">मि विश्राम का दिन पिता परमेश्वर की आत्मा ल मेरी अगुवाई कैरी, अर मि तैं अपड़ा पिछनै एक आवाज बुल्द सुणै। य आवाज तुरै की आवाज का जन ऊंची छै।</verse>
				<verse number="11">वेल मि बट्टी बोलि, “जु कुछ तू दिखणी छै, वे तैं एक किताब (चाम्रपत्र) मा लिख दे जा यु ऊं सात मण्डलियों तैं भेज जु यु शहरों मा छिनी, मतलब कि इफिसुस, स्मुरना, पिरगमुन, थुआतीरा, सरदीस, फिलदिलफिया अर लौदीकिया शहर तैं।”</verse>
				<verse number="12">तब मि यु दिखणु कु मुडु कि कु मि दगड़ी बात कनु च, अर मिल सोना की सात दिवडा दिखिनि;</verse>
				<verse number="13">अर ऊं दिवडों का बीच एक मनिख का नौंना का जन कुई दिखै, उ लंबा कपड़ा पैरयूं छो जु वेका खुट्टों तक पौंछदो छो। वेल अपड़ी छती पर एक सोना को कमरबन्द पैरयूं छो।</verse>
				<verse number="14">वेका बाल भौत सफेद छा जन कपास हूंद, अर वेका आँखा, उ आग का लपटों का जन छा।</verse>
				<verse number="15">वेका खुटा पीतल का जन चमकणा छा जै तैं भट्टी मा तचये जांणु हो; अर जब वेल बोलि, त वेकी आवाज इन छै जन एक बड़ा झरना की आवाज।</verse>
				<verse number="16">उ अपड़ा दैंणा हथ मा सात गैणो तैं लियुं छो, अर वेका गिचा बट्टी तेज द्वी धार वली तलवार निकलदी छै; अर वेको मुक सामर्थ ल भुरयां दोफरा का बगत मा चमकण वला सूरज का जन चमकणु छो।</verse>
				<verse number="17">जब मिल वे तैं देखि त मि झट वेका खुट्टों मा गिर पोडु। मि एक मुरयां आदिम का जन हवे ग्यों पर वेल मि पर अपड़ो दैंणों हथ रखि के यु बोलि, नि डैर; मि पैलो अर आखरी छो, अर उ जै मा जीवन च, मि छो,</verse>
				<verse number="18">मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।</verse>
				<verse number="19">त्वे तैं यूं सभि बातों तैं किताब मा लिख लींण चयणु च, जै तैं तू अब दिखणी छै, अर उ बातों तैं जु निश्चित रूप मा भविष्य मा होली।</verse>
				<verse number="20">अब मि बतौलु कि मेरा दैंणा हथ का सात गैणो को क्य मतलब च अर सोना की सात दिवडों को क्य मतलब च जु कि पैली पता नि छो। यांको मतलब यु च सात गैणा ऊं स्वर्गदूतों तैं बतौंदींनि जु सात मण्डलियों की रखवली करदींनि अर सात दिवडा सात मण्डलियों तैं बतांद।</verse>
			</chapter>
			<chapter number="2">
				<verse number="1">वेल मि बट्टी यु भि बोलि, इफिसुस शहर की मण्डलि का दूत तैं यु संदेश लिख मि उ ही छो जु अपड़ा दैंणा हथ मा सात गैणों तैं रखदु अर जु सोना का सात दिवडा का बीच मा चलदु। मि तुम बट्टी यु बुल्णु छो;</verse>
				<verse number="2">मि जंणदु छो कि तू क्य करदी, तू कन परिश्रम करदी अर कभी भि हार नि मणदी; अर मि जंणदु छो कि तू बुरा लुखुं की झूठी शिक्षाओं तैं सहन नि करदी। तिल ऊं लुखुं तैं जाँची जु बुल्दींनि कि उ प्रेरित छिनी पर हकीकत मा नि छिनी, अर तिल ऊं तैं झूठो पै।</verse>
				<verse number="3">अर तिल धीरज से दुखों तैं सै किलैकि तू मि पर विश्वास करदी अर तिल कभी हार नि मांणी।</verse>
				<verse number="4">पर कुछ च जु मि तैं मा गलत पांदु अब तू मि बट्टी उन प्रेम नि करदी जन तू शुरुआत मा करदी छै।</verse>
				<verse number="5">इलै अब तू उन के नि जींदी जन तू शुरुआत मा जींदी छै। वेका बारा मा सोच। अब, त्वे तैं अपड़ा पापों बट्टी मुड़ी जांण चयणु च अर ऊं कामों तैं कन शुरू कन चयणु च जु तू शुरुआत का बगत मा करदी छै। अर मन फिरौ अर पैला का जन काम कैर; अर जु तू अपड़ो पापों बट्टी मन नि फिरौ अर अफ तैं नि बदलो त मि त्वे मा औलु अर जख मा तेरु दिवडो रख्युं च वे तैं उख बट्टी हटै के त्वे तैं दण्ड दयुलु।</verse>
				<verse number="6">पर मि त्वे बट्टी खुश भि छो किलैकि तू ऊं लुखुं का कामों बट्टी घीणांदी छै जु निकोलस कु अनुसरण करदी, उन ही के जन ऊंका कामों बट्टी मि घीणांदु।</verse>
				<verse number="7">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द उ लोग जु दुष्ट शक्तियों तैं हरौदींनि, ऊं तैं मि जीवन दींणवला डाला बट्टी फल खांणै की मंजूरी दयुलु, जु पिता परमेश्वर का स्वर्गीय बगीचा मा च।</verse>
				<verse number="8">स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो</verse>
				<verse number="9">मि जंणदु छो कि त्वे तैं सतै गै अर तू गरीब छै, पर आत्मिक मामलों मा तू भौत धनवान छै, मि ऊं लुखुं का बारा मा जंणदु छो जु दावा करदींनि कि उ पिता परमेश्वर का चुणयां यहूदी लोग छिनी, पर छै नि छिनी। उ तेरु बारा मा बुरी बात बुल्दींनि, पर हकीकत मा उ वे दल का सदस्य छिनी जु शैतान का छिनी।</verse>
				<verse number="10">ऊं दुखों बट्टी नि डैर जु त्वे तैं मिललो। शैतान लुखुं बट्टी तुम मा से कुछ तैं गिरफ्तार करालो अर तुम तैं कैद मा डलै जालो कि उ तुम्हरी अजमैश कैर साक। तुम दस दिनों तक बड़ी मुसिबतों कु अनुभव करली। पर मि पर विश्वास कन कभी नि छोड़ी, चाहे मुरण भि पोडो, किलैकि मि त्वे तैं तेरु जीत का प्रतिफल का रूप मा अनन्त जीवन दयुलु।</verse>
				<verse number="11">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द उ लोग जु बुरै तैं हरै दींदिनि, ऊं तैं वे दण्ड मा शामिल न किये जौं, जु कि दुसरी मौत च।</verse>
				<verse number="12">पिरगमुन शहर की मण्डलि का दूत तैं यु संदेश लिख “मि ही छो जै मा तेज द्वी धार वली तलवार च।” मि त्वे बट्टी यु बुल्दो;</verse>
				<verse number="13">मि जंणदु छो कि तेरु शहर शैतान का वश मा च, पर यांका बावजूद तिल मि पर अपड़ा विश्वास तैं कसी के पकड़ी के रखि अर तिल मेरी शिक्षाओं तैं नि छोड़ी, इख तक कि तब भि न जब भौत बगत पैली अन्तिपास की हत्या किये गै छै। उ मेरा वचनों का प्रचार कन मा विश्वासयोग्य छो, इलै वे तैं तेरा शहर मा मरै गै जु शैतान का वश मा च।</verse>
				<verse number="14">पर मि तैं तेरु बारा मा कुछ शिकैत च, किलैकि तू ऊं लुखुं कु विरोध नि करदी जु झूठी शिक्षा दींदिनि, जन के पिता परमेश्वर का तरपां बट्टी बुल्ण वला बिलाम ल पिछला बगत मा द्ये छै। बिलाम ल राजा बालाक तैं सिखै कि इस्राएल का लुखुं का पाप कनु कु उकसांणु कु क्य कन चयणु च। वेल ऊं तैं मूर्तियों की बलि चढ़यां खांणु, खांण अर अनैतिक रूप से जीवन जींण सिखै।</verse>
				<verse number="15">उन ही के, तुम्हरा बीच कुछ लोग छिनी जु निकोलस का दल की शिक्षाओं कु अनुसरण करदींनि।</verse>
				<verse number="16">मन फिरौ, जु तू इन कन बंद नि करिली त मि जल्द ही औलु अर ऊं लुखुं का विरुद्ध वीं तलवार से लडुलू, जु मेरू वचन च।</verse>
				<verse number="17">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द; उ लोग जु बुरै तैं हरौदींनि, मि ऊं तैं वे मन्ना बट्टी कुछ दयुलु जु छिपयूं च। मि वेमा बट्टी हर एक तैं एक सफेद ढुंगो दयुलु, जै पर एक नयो नौं लिख्युं होलो। जु आदिम वे तैं पालो, वे तैं छोड़ी के कुई भि वे नौं तैं नि जांणि सकलो।</verse>
				<verse number="18">वेल मि बट्टी यु भि बोलि, थुआतीरा शहर की मण्डलि का दूत तैं यु संदेश लिख; “पिता परमेश्वर का नौंना की तरपां यु संदेश च, वेका आँखा, उ आग का लपटों का जन छिनी, वेका खुटा पीतल का जन चमकणा छा जै तैं भट्टी मा तचये जांणु हो, उ यु भि बुल्द”</verse>
				<verse number="19">मि जंणदु छो कि तुम एक दुसरा बट्टी प्रेम करदा अर तुम मि पर मजबूत हवे के विश्वास करदा। मि जंणदु छो कि तुम ल कन के एक दुसरा की मदद कैरी, अर तुम्हरा सौणै की क्षमता भि जंणदु छो। मि जंणदु छो कि तुम अब यूं भला काम वे बगत बट्टी कना छा जब तुम ल मि पर विश्वास कैरी छो।</verse>
				<verse number="20">पर मि तैं तेरा बारा मा कुछ शिकैत च, कि तुम वीं जनन इजेबेल तैं झूठी शिक्षा फैलांण दींदयां। उ अपड़ा आप तैं पिता परमेश्वर का तरपां बट्टी बुल्ण वली बुल्द, पर अपड़ी शिक्षाओं बट्टी व मेरा लुखुं तैं व्यभिचार का पापों मा शामिल हूंण कु अर मूर्तियों तैं चढ़ै जांणवला बलिदान का खांणु कु भरमांदी।</verse>
				<verse number="21">मिल वीं तैं वीं का पापों बट्टी पछतौ कनु को मौका द्ये, पर व ऊं बुरा कामों तैं कन बंद कन से मना करदी।</verse>
				<verse number="22">इलै, मि वीं तैं बिमार कैरी दयुलु। अर जु वीं दगड़ी व्यभिचार करदींनि, मि ऊंका भयानक कष्ट सौणा का कारण बणलु, जब तक कि उ जु बुरा काम करदींनि, वे तैं रुकणु कु तैयार नि हवे जा।</verse>
				<verse number="23">मि ऊं लुखुं तैं मारि दयुलु जु वींकी शिक्षाओं कु अनुसरण करदींनि, अर सैरी मण्डलि जांणि जाली कि मि ही छो जु हर एक आदिम का विचारों अर उद्देश्यों की अजमैश करदु। मि तुम मा बट्टी हर एक तैं ऊंका करयां कामों का अनुसार ईनाम दयुलु।</verse>
				<verse number="24">पर थुआतीरा शहर मा तुम बकि लुखुं ल वीं झूठी शिक्षा कु अनुसरण नि कैरी। तुम ल वेमा भाग नि ले जै मा वेका चेला “शैतान की गहरी बात बुल्दींनि।” मि तुम बट्टी बुल्दो कि मि तुम पर कुई हैंकी जरूरी आज्ञा तैं नि थुपलू, सिवाय यांका कि जब तक मि नि औंदु तब तक मि पर मजबूत हवे के विश्वास कना रा।</verse>
				<verse number="25">पर हाँ, जु तुम म च वे तैं मेरा आंण तक पकड़ी थाका।</verse>
				<verse number="26">उ लोग जु बुरै तैं हरै दींदिनि, अर जु आखरी बगत तक मेरी आज्ञाओं तैं मणदींनि, मि ऊं तैं देशों की जातियों पर राज्य कनु कु अधिकार दयुलु।</verse>
				<verse number="27">मि ऊं तैं राज्य कनु को उन ही अधिकार दयुलु जन मेरा बुबा ल मि तैं दियूं च। ऊंको राज्य लूहा का जन मजबूत होलो जु टुटद नि च, अर उ, ऊं पर दया करयां बगैर राज्य करलो, अर ऊं तैं उन ही के चकनाचूर कैरी दयालो जन लोग माटा ल बणयां भांडों तैं तोड़ी दींदिनि।</verse>
				<verse number="28">अर मि वे तैं अपड़ी जीत तैं दिखांणु कु सुबेर को गैणा दयुलु।</verse>
				<verse number="29">हर कुई जु मेरा संदेश तैं समझण चांद, वे तैं ईं बात तैं ध्यान से सुनण चयणु च जु पवित्र आत्मा मण्डलि बट्टी बुल्द।</verse>
			</chapter>
			<chapter number="3">
				<verse number="1">सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”</verse>
				<verse number="2">इलै, जागि जा, अर मि पर अपड़ा विश्वास तैं मजबूत कैर जब तक त्वे मा कुछ विश्वास बच्युं च, कि यु पूरा ढंग से खत्म नि हवे जौं। मि जंणदु छो कि तेरी कमी भौत ही बड़ी च किलैकि जु तू कनी छै पिता परमेश्वर वे बट्टी खुश नि च।</verse>
				<verse number="3">वीं शिक्षा तैं याद कैर जु तिल भौत पैली सूंणि छै अर स्वीकार कैरी छै। जु त्वे तैं सिखै गै छै वेको अनुसरण कैर, अपड़ी लापरवाही बट्टी मन फिरौ। जु तू लापरवाही कनी रैलि त मि अचानक औलु, जन रात मा एक चोर आंद, अर तू वे बगत तैं भि नि जांणि सकली जब मि त्वे तैं दण्ड दींणु कु औलु।</verse>
				<verse number="4">पर सरदीस शहर मा तुम्हरा बीच मा कुछ ही लोग छिनी, जु पाप बट्टी अशुद्ध नि हवीनि। उ शुद्ध सफेद कपड़ा पैरी के मि दगड़ी चलला, किलैकि उ यु लैक छिनी।</verse>
				<verse number="5">उ जु जीत पौदींनि ऊं तैं भि ऊंका जन सफेद कपड़ा पैरे जाला। मि ऊंका नौं वीं किताब बट्टी नि हटौलु जै मा पिता परमेश्वर ल ऊं लुखुं का नौं लिख्यां छिनी जौं तैं अनन्त जीवन मिललो। मि अपड़ा पिता का संमणी अर वेका स्वर्गदूतों का संमणी यु बतौलु की उ मेरा छिनी।</verse>
				<verse number="6">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द।</verse>
				<verse number="7">फिलदिलफिया शहर की मण्डलि का दूत तैं लिख; मि ही उ छो जु पवित्र अर सचै छो, जै मा उ चाबी च जु राजा दाऊद की च। जब मि वीं चाबी तैं लींदु छो अर एक द्वार तैं खुलद त कुई भि वे तैं बंद नि कैर सकद, अर जब मि चाबी लींदु अर एक द्वार बंद कैरी दींदु त कुई भि वे तैं खोल नि सकद, जैका खुल्यां तैं कुई बन्द नि कैर सकद अर बन्द करयां तैं कुई खोल नि सकद, उ यु बुल्द,</verse>
				<verse number="8">सूंण, मि जंणदु छो कि तू क्य करदी। त्वे मा भस थोड़ी ही सामर्थ च, पर फिर भि तिल ईं बात बट्टी मना नि कैरी कि तू मि पर विश्वास करदी। इलै इन कुछ च जै की तुलना एक प्रवेश द्वार बट्टी किये गै जै तैं मिल त्वे कु खोलिलि, जै तैं कुई भि बंद नि कैर सकद।</verse>
				<verse number="9">सूंण, उ लोग जु एक इन झुण्ड का सदस्य छिनी जु शैतान बट्टी जुड़यां छिनी अर दावा करदींनि कि उ यहूदी छिनी पर उ सच्चा यहूदी नि छिनी अर उ झूठ बुल्दींनि मि ऊं तैं तेरा वश मा कैरी दयुलु जु यहूदी बंणि गैनी, पर छै नि छिनी अर झूठ बुल्दींनि मि इन करुलु, कि उ ऐ के तेरा संमणी ऐ के दण्डवत् करला, अर यु जांणि जाला, कि मिल त्वे बट्टी प्रेम रखि।</verse>
				<verse number="10">तिल मेरा संदेश कु पालन कैरी कि जब तू दुःख उठौ त वे तैं धैर्य दे के सै साकी। इलै, मि त्वे तैं वीं बड़ी अजमैश का बगत मा सुरक्षित रखलु जु ईं दुनिया का सभि लुखुं पर आली।</verse>
				<verse number="11">मि जल्दी ही आंण वलो छो; इलै त्वे तैं मि पर विश्वास करदी रौंण चयणु च कि कुई भि त्वे तैं तेरी जीत को ईनाम लींण से रोक नि साको जु मुकुट का समान च।</verse>
				<verse number="12">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च, जन के एक खम्बा घौर तैं मजबूत बणांद, उन ही के उ भि हमेशा कु पिता परमेश्वर का स्वर्गीय मन्दिर मा राला; और मि वे पर मेरा पिता परमेश्वर को नौं लिखुलु अर पिता परमेश्वर का यरूशलेम शहर को नौं लिखुलु। अर यु उ ही शहर च जु स्वर्ग मा च, मतलब की मेरा पिता परमेश्वर का तरपां बट्टी मूड़ी आंण। मि वे पर अपड़ो नयो नौं भि लिखुलु।</verse>
				<verse number="13">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द।</verse>
				<verse number="14">लौदीकिया शहर की मण्डलि का दूत तैं लिख “मि आमीन कहलांद, किलैकि मि विश्वासयोग्य छो अर मि पिता परमेश्वर का बारा मा जु भि प्रमाणित करदु उ सच च। जु कुछ भि वेल बणै मि वे सब कुछ को स्रोत भि छो, मि त्वे बट्टी यु बुल्दो।</verse>
				<verse number="15">मि जंणदु छो कि तेरा काम कन छिनी कि तू आलंकारिक रूप मा वे पांणी का जन छै जु न त गर्म च अर न ही ठंड़ो। मि चांदु छो कि जु तू मेरू अनुसरण करदी त हकीकत मा अनुसरण कैर, जु न, त बिल्कुल नि कैर।</verse>
				<verse number="16">इलै कि तू गुनगुनो छै, अर न ठंण्डो छै अर न गर्म, पर किलैकि आलंकारिक रूप मा मेरा बारा मा तेरी सोच दुविधा मा च जन कि गुनगुनो पांणी हूंद, इलै मि त्वे तैं पूरा ढंग से हटांणु कु तैयार छो।</verse>
				<verse number="17">तू बुल्दी छै कि तू धनवान छै अर त्वे मा उ सब कुछ च जै की त्वे तैं जरूरत च, पर सचै य च कि तू अंधा जन छै, तू नि जणदी कि तू हकीकत मा कन छै। त्वे पर तरस आंण चयणु। किलैकि तू गरीब छै, यांको मतलब यो च कि त्वे मा विश्वास की कमी च तू ऊं लुखुं का जन छै जौं मा कपड़ा नि छिनी।</verse>
				<verse number="18">इलै, मि त्वे तैं आग बट्टी शुद्ध करयां सोना तैं मि बट्टी खरीदण की सलाह दींदु कि तू हकीकत मा धनवान बण साक। त्वे तैं अपड़ा पैनणु कु अपड़ा सफेद कपड़ा भि मि बट्टी खरीदण चयणा छिनी कि तू लुखुं का द्वारा नंगो दिख्योणै की शर्मिंदगी ल बच साक। त्वे तैं अपड़ी आँखों मा डलणु कु थोड़ा काजल भि मि बट्टी खरीदण चयणु च, कि तू देख साक।</verse>
				<verse number="19">मि जै तैं भि प्रेम करदु, वे तैं मि सिखांदु अर सजा भि दींदु कि उ अच्छा बण जा। इलै मन फिरावा अर अच्छै कन मा लगयां रावा, पापमय काम कन बंद कैर द्या।</verse>
				<verse number="20">सूंणा, मि तुम्हरा दिल मा प्रवेश कनु कु वे मनिख का जन छो, जु तुम्हरा द्वार पर खटखटांण वला आदिम का जन खड़ाे छो, अर वे तैं खुलणु कु बुल्दो छो। जु कुई मेरी आवाज सुणद अर द्वार खुलद त मि भितर जौलु अर हम एक दुसरा का दगड़ी खांणु खौला।</verse>
				<verse number="21">उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।</verse>
				<verse number="22">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द।”</verse>
			</chapter>
			<chapter number="4">
				<verse number="1">जब यु सब बात हवे गैनी, त मि यूहन्ना ल देखि कि स्वर्ग मा एक द्वार खुल्यूं च; फिर मिल उ ही पैली आवाज दुबरा सूंणि जु कि एक तुरै की आवाज जन छै। वेल मि बट्टी बोलि, मि मा इख मथि औ, अर मि उ बात त्वे तैं दिखौलु, जौं बातों तैं यूं बातों का बाद पूरो हूंण जरूरी च।</verse>
				<verse number="2">मि मसीहियों कु आराधना का दिन पिता परमेश्वर की आत्मा ल मेरी अगुवाई कैरी; अर मिल स्वर्ग मा एक सिंहासन अर सिंहासन पर कै तैं बैठयूं देखि।</verse>
				<verse number="3">उ जु सिंहासन पर बैठयूं छो, उ भौत कीमती ढुंगों का जन दिखै दींदो छो, जौं तैं यशब अर माणिक्य ढुंगा बुल्दींनि। वे सिंहासन का चौ तरपां एक मेघधनुष छो, अर दिखण मा पन्ना ढुंगा का जन छा।</verse>
				<verse number="4">चौबीस सिंहासन वे तैं घेरी के छा; अर यूं सिंहासनों पर चौबीस दाना-सयाणा सफेद कपड़ा पैरी के बैठयां छा, अर ऊंका मुंड पर सोना का मुकुट छा।</verse>
				<verse number="5">वे सिंहासन मा बट्टी बिजलियां अर गिडगिडांण की आवाज निकलदी अर सिंहासन का संमणी आग का सात दिवडा जलणा छा, जु पिता परमेश्वर की सात आत्माएँ छिनी,</verse>
				<verse number="6">यांका अलावा, सिंहासन का संमणी कुछ छो जु कि बर्फ का जन स्पष्ट कांच से बणयां समुन्द्र जन दिखदो छो, अर उ बड़ो सिंहासन ऊं सब का बिल्कुल बीच मा छा, अर ऊंका चौ तरपां मिल चार ज्यून्दा प्राणियों तैं देखि जौका देह पूरा ढंग से आँखों बट्टी ढ़कयां छिनी।</verse>
				<verse number="7">यूं ज्यून्दा प्राणियों मा बट्टी पैलो प्राणी सिंह का जन दिख्योंदु छो, अर दूसरो ज्यूँदो प्राणी बछड़ा का जन छो, तिसरा ज्यून्दा प्राणी को मुक मनिख का जन छो, अर चौथो ज्यून्दो प्राणी उड़दा गरुड़ का समान छो।</verse>
				<verse number="8">अर चरी ज्यून्दा प्राणियों का छः-छः फांकुड छा, ऊं पर सभि जगह आँखा छा, इख तक कि ऊंका फंकुड़ों का मूड़ी भि; अर उ रात-दिन बगैर आराम करयां बुल्णा रौंदा छा, “पवित्र, पवित्र, पवित्र प्रभु परमेश्वर, सर्वशक्तिमान, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद जु आंण वलो च।”</verse>
				<verse number="9">जु सिंहासन पर बैठयूं छो, उ उन ही च जु हमेशा-हमेशा कु ज्यून्दो च। जब उ ज्यून्दो प्राणी वे तैं महिमा अर आदर अर धन्यवाद दींद। त उ चौबीस दाना-सयाणा सिंहासन पर बैठयां छिनी, वेका संमणी गिरी जंदींनि अर वेकी आराधना करदींनि। उ यु बोलि के अपड़ा-अपड़ा मुकुट सिंहासन का संमणी डाली दींदिनि,</verse>
				<verse number="10"></verse>
				<verse number="11">हे हमारा प्रभु परमेश्वर, तिल सभि चीजों की रचना कैरी, तेरी ही इच्छा का अनुसार, उ बणये गैनी अर उ मौजूद छिनी, इलै ही तू महिमा अर आदर अर सामर्थ पांणा का योग्य छै।</verse>
			</chapter>
			<chapter number="5">
				<verse number="1">अर जु सिंहासन पर बैठयूं छो, मिल ऊंका दैंणा हथ मा एक किताब (चाम्रपत्र) देखि, यु पर दुई तरपां मा लिख्युं छो, अर उ सात मुहर लगै के बन्द किये गै छै।</verse>
				<verse number="2">फिर मिल एक तागतबर स्वर्गदूत तैं देखि जु ऊँचा शब्द मा यु प्रचार करदु छो “ईं किताब (चाम्रपत्र) की मुहरों तैं तुडण या, यु तैं खुलणा का योग्य कु च?”</verse>
				<verse number="3">पर न स्वर्ग मा, न धरती पर, न धरती का मूड़ी कुई वीं किताब (चाम्रपत्र) तैं खुलणा या वेमा जु लिख्युं छो वे तैं दिखणा का योग्य निकली।</verse>
				<verse number="4">तब मि भौत जोर-जोर से रूंण लगि ग्यों, किलैकि वीं किताब (चाम्रपत्र) का खुलण, या वेमा जु लिख्युं छो वे तैं दिखण का योग्य कुई नि मिली।</verse>
				<verse number="5">यां पर ऊं दाना-सयाणों मा बट्टी एक ल मि बट्टी बोलि, “नि रो; देख, उ जु यहूदा का गोत्र कु सिंह कहलांद, जु राजा दाऊद को महान वंशज च, वीं किताब (चाम्रपत्र) की सात मुहरों तैं टुटण अर यूं तैं खुलणु कु सामर्थी च, वेल शैतान तैं हरै दींनि।”</verse>
				<verse number="6">फिर मिल चार ज्यून्दा प्राणियों अर चौबीस दाना-सयाणों का बीच सिंहासन का बगल मा एक चिनखा तैं खड़ो देखि। चिनखा पर बलिदान का निशान छा; जु वेका सात सींग अर सात आँखा छिनी जु परमेश्वर की आत्मा छिनी, जु सैरी धरती पर भिजे गैनी।</verse>
				<verse number="7">चिनखा ल अगनैं ऐ के जु सिंहासन पर बैठयूं छो, वेका दैंणा हथ बट्टी व किताब ले लींनि,</verse>
				<verse number="8">जब वेल किताब (चाम्रपत्र) लींनि, त उ चरी ज्यून्दा प्राणी अर चौबीसों दाना-सयाणों ल वे चिनखा का संमणी झुकि गैनी; हर एक दाना-सयणां ल एक वीणा अर सोना कु बणयुं कटोरा पकड़यूं छो। कटोरा धूप ल भुरयां छो जु ऊं लुखुं की प्रार्थनाओं तैं बतांद जु पिता परमेश्वर का छिनी।</verse>
				<verse number="9">अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।</verse>
				<verse number="10">“अर ऊं तैं हमारा पिता परमेश्वर कु तिल ऊं तैं राजा बणै, तिल ऊं तैं याजक बणै जु हमारा प्रभु परमेश्वर की आराधना कु काम करदींनि, अर उ धरती पर राजाओं का जन राज्य करदींनि।”</verse>
				<verse number="11">जब मिल फिर से देखि, त अचानक से मिल लाखों लाख स्वर्गदूतों की आवाज सूंणि, ऊं तैं गिणै नि जै सकद छो। उ राजा का वे सिंहासन का, ऊं चार ज्यून्दा प्राणियों का अर ऊं चौबीस दाना-सयाणों का चौ तरपां छा।</verse>
				<verse number="12">अर उ चिनखा की तारीफ कनु कु गीत गांणा छा, “योग्य च, उ चिनखो च जै तैं मरै गै छो। हम वेकी महान सामर्थ, धन, ज्ञान अर शक्ति का कारण वे तैं महिमा अर स्तुति दींण चयणु च।”</verse>
				<verse number="13">फिर मिल स्वर्ग मा, अर धरती पर, अर धरती का मूड़ी, अर समुद्र की सब रचि चीजों तैं, अर सभि कुछ तैं जु वेमा छिनी, यु बुल्द सूंणि, “आवा हम वेकी महिमा अर स्तुति कैरा जु सिंहासन पर बैठयूं च। आवा हम चिनखा की महिमा कैरा। आवा हम हमेशा कु वेको आदर कैरा अर वे तैं सम्मान द्या, किलैकि उ सबसे जादा शक्तिशाली च।”</verse>
				<verse number="14">अर चरी ज्यून्दा प्राणियों ल आमीन बोलि, अर दाना-सयाणों ल झुकि के वेकी आराधना कैरी।</verse>
			</chapter>
			<chapter number="6">
				<verse number="1">फिर मिल देखि कि चिनखा ल ऊं सात मुहरों मा बट्टी एक तैं खोलि; अर मिल चरी ज्यून्दा प्राणियों मा बट्टी एक तैं बुल्द सूंणि। वेकी आवाज गिडगिडांण का जन तेज छै, वेल बोलि, अब “औ।”</verse>
				<verse number="2">तब मिल एक सफेद घोड़ा देखि, अर वेको सवार धनुष ले के छो अर वे तैं एक मुकुट दिये गै, अर उ जय करद निकली कि और भि जय पै के उ स्वर्ग बट्टी भैर धरती पर चलि गै, अर उ एक विजेता का समान जीत हासिल करद निकली अर दुबरा भि उन ही जितलो।</verse>
				<verse number="3">जब चिनखा ल दुसरी मुहर खोलि, त मिल दुसरा ज्यून्दा प्राणी तैं यु बुल्द सूंणि, “औ।”</verse>
				<verse number="4">अर एक चमकदार लाल घोड़ा वीं जगह बट्टी भैर ऐ जख सिंहासन रख्युं छो। पिता परमेश्वर ल वे पर बैठी के धरती पर लुखुं तैं एक-दुसरा बट्टी लड़ौणे की अर शान्ति उठै लींणे की आज्ञा दिये गै, कि उ युद्ध मा एक-दुसरा तैं मारि डाला। यु उद्देश्य कु पिता परमेश्वर ल यु सवार तैं एक बड़ी तलवार भि द्ये।</verse>
				<verse number="5">जब चिनखा ल तिसरी मुहर खोलि, त मिल तिसरा ज्यून्दा प्राणी तैं यु बुल्द सूंणि, “औ।” अर तब मिल देखि कि एक कालो घोड़ा भैर ऐ; अर वेका सवार का हथ मा एक तराजू च।</verse>
				<verse number="6">मिल सूंणि कि ऊं चार ज्यून्दा प्राणियों का बीच बट्टी कुई बुल्णु छो जु एक आदिम का जन छो, “भविष्य मा धरती पर अकाल होलो अर इलै एक दिन की मजदूरी भस एक किलो चौंल, या भस तीन किलो ग्यूं खरीदण कु ही पूरो होलो। पर जैतून का तेल अर दाखमधु की कीमत नि बदलली।”</verse>
				<verse number="7">अर जब चिनखा ल चौथी मुहर खोलि, त मिल चौथा ज्यून्दा प्राणी तैं यु बुल्द सूंणि, “औ।”</verse>
				<verse number="8">तब मिल एक फीका पुडयूं हरयां रंग को घोड़ा देखि; अर वेका सवार को नौं मौत छो; अर अधोलोक वेका पिछने-पिछने चलणु छो अर ऊंल धरती पर रौंण वला हर एक चार लुखुं मा बट्टी एक तैं मरणों को अधिकार मिल्युं छो, अर ऊंल, लुखुं तैं तलवार से, भूख से अर बुरी-बुरी बिमारियों से अर ऊंल ऊं तैं जंगली जानवरों बट्टी भि मरवै डाली।</verse>
				<verse number="9">जब चिनखा ल पाँचवी मुहर खोलि, त मिल वेदी का मूड़ी मिल ऊं लुखुं की आत्माओं तैं देखि जौं तैं मरै गै छो किलैकि उ पिता परमेश्वर का वचन का प्रति अर वेका संदेश का प्रति विश्वासयोग्य छा जु ऊं तैं मिल्युं छो।</verse>
				<verse number="10">अर ऊंल बड़ा शब्द से पुकार के पिता परमेश्वर से बोलि, “हे पवित्र अर सच्चा प्रभु; तू धरती पर रौंण वला ऊं बुरा लुखुं तैं दण्ड दींण मा इथग लंबो जग्वाल किलै कनी छै? हम बिनती करदा कि तू ऊं लुखुं का बरतौ कु बदला लीली जौनु हमारो ल्वे बुगै अर मार डाली।”</verse>
				<verse number="11">ऊंमा बट्टी हर एक तैं एक सफेद कपड़ा दिए गै पिता परमेश्वर ल ऊं बट्टी बोलि, “अभि आराम कैरा, किलैकि अब भि तुम्हरो कुछ दगड़ी काम कन वला अर तुम्हरा दगड़िया विश्वासी छिनी जूं तैं तुम जन ही मरै जालो। जब मरै जांण वलो की गिणती पूरी हवे जाली, तब ही मि बदला ल्युलु।”</verse>
				<verse number="12">अर मिल चिनखा तैं छठवीं मुहर खुलद देखि; तब एक भौत बड़ो भूकम्प ऐ; अर सूरज एक खुरदुरा कंबला का जन कालो हवे गै, अर पूरी जून ल्वे का जन लाल हवे गै।</verse>
				<verse number="13">अर गैणा आसमान बट्टी धरती पर इन पुड़िनी जन बेडु का डाला बट्टी काचा फल पुडदींनि, जब बड़ो भारी बथौं चलद।</verse>
				<verse number="14">आसमान फटी गै अर एक किताब (चाम्रपत्र) का समान सिकुड़ के लिपटी गै; अर हर एक डांडों, अर टापू, अपड़ा-अपड़ा जगह बट्टी टलि गै।</verse>
				<verse number="15">यांको अनजाम, धरती का सभि लोग, जौं मा राजा, अर प्रधान, अर सरदार, अर अमीर अर सामर्थी लोग शामिल छा, अर हर एक दास, अर हर एक लोग गुलाम नि च, पोडो की उडियारों अर चट्टानों मा जै के छिपै गैनी;</verse>
				<verse number="16">अर पोडो, अर चट्टानों बट्टी बुल्ण लगि गैनी, “हम पर गिर पोड़ो अर हम तैं वे बट्टी छिपै ल्या जु सिंहासन पर बैठयूं च, हम तैं देख नि साको अर हम चिनखा का दंड बट्टी बच साका;</verse>
				<verse number="17">किलैकि उ भयानक दिन ऐ गै जब पिता परमेश्वर अर चिनखो सभियूं तैं दण्ड दयालो, अर कुई भि यु दण्ड बट्टी बचि नि सकलो।”</verse>
			</chapter>
			<chapter number="7">
				<verse number="1">यांका बाद, मिल चार स्वर्गदूतों तैं दुनिया का चरी कूंणों पर खड़ो देखि। ऊं स्वर्गदूतों तैं दुनिया तैं विपत्तियों बट्टी नुकसान पौछांण को पिता परमेश्वर का तरपां बट्टी अधिकार मिल्युं छो, चाहे उ समुन्द्र मा हो या धरती पर ऊंल दुनिया का चौ तरपां बट्टी डालों पर की हवा तैं रोक दींनि, कि समुन्द्र मा, अर धरती पर अर जंगल पर हवा नि चलो। मिल एक और स्वर्गदूत तैं पूर्व दिशा मा प्रकट हूंण देखि। वेमा पिता परमेश्वर की तरपां बट्टी एक मुहर छै जु हमेशा ज्यूँदो च, वे स्वर्गदूत ल ऊंची आवाज बट्टी ऊं चार स्वर्गदूतों तैं पुकारी अर बोलि,</verse>
				<verse number="2"></verse>
				<verse number="3">“जब तक हम अपड़ा पिता परमेश्वर का दासों का माथा पर मुहर नि लगै द्यो तब तक धरती अर समुद्र अर डालों तैं नुकसान नि पौंछयां, कि उ, ऊं विपत्तियों बट्टी दुखी नि हो।”</verse>
				<verse number="4">जब स्वर्गदूतों ल निशान लगांण पूरो कैर दींनि, त कैल मि तैं बतै कि उ लोग जौका माथा पर स्वर्गदूतों ल पिता परमेश्वर की मुहर बट्टी निशान लगै, ऊंकी संख्या एक लाख चवालीस हजार छै, यु लोग इस्राएल का सैरा बारह गोत्रों मा बट्टी छा।</verse>
				<verse number="5">स्वर्गदूतों ल यहूदा का गोत्र बट्टी बारह हजार लुखुं पर मुहर लगै, रूबेन का गोत्र बट्टी बारह हजार लुखुं पर, गाद का गोत्र मा बट्टी बारह हजार पर,</verse>
				<verse number="6">आशेर का गोत्र मा बट्टी बारह हजार पर, नप्ताली का गोत्र मा बट्टी बारह हजार पर; मनश्शे का गोत्र मा बट्टी बारह हजार पर,</verse>
				<verse number="7">शमौन का गोत्र मा बट्टी बारह हजार पर, लेवी का गोत्र मा बट्टी बारह हजार पर, इस्साकार का गोत्र मा बट्टी बारह हजार पर,</verse>
				<verse number="8">जबूलून का गोत्र मा बट्टी बारह हजार पर, यूसुफ का गोत्र मा बट्टी बारह हजार पर, अर बिन्यामीन का गोत्र मा बट्टी बारह हजार पर मुहर लगै गै।</verse>
				<verse number="9">यांका बाद मिल देखि कि लुखुं की एक इथग बड़ी भीड़ छै कि कुई भि ऊं सभियूं तैं नि गिणी सकदो छो। उ दुनिया का हर जाति, गोत्र, राष्ट्र अर भाषा बट्टी छा। उ सिंहासन अर चिनखा का संमणी खड़ा छा। ऊंका सफेद कपड़ा पैरयां छा अर हर एक आदिम को अपड़ा-अपड़ा हथ मा खजूर का फौका पकडयां छा जु कि एक आदर को चिन्ह छो।</verse>
				<verse number="10">अर ऊंची आवाज मा बुल्दी छै, “हमारा पिता परमेश्वर की स्तुति हो जु सिंहासन पर विराजमान च, अर चिनखा की स्तुति कैरा भस तू ही छै जु उद्धार दींदी।”</verse>
				<verse number="11">सैरा स्वर्गदूत सिंहासन का चौ तरपां अर दाना-सयाणों अर चार ज्यून्दा प्राणियों का चौ तरपां खड़ा छा, फिर उ सिंहासन का संमणी मुख का बल गिरिनि अर पिता परमेश्वर की आराधना कैरी, ऊंल बोलि,</verse>
				<verse number="12">“आमीन, हमारा पिता परमेश्वर, हम हमेशा तेरी महिमा अर स्तुति करदा, त्वे तैं धन्यवाद अर सम्मान दींदयां! हम मणदा छा कि तू सम्पूर्ण रीति से ज्ञानवान छै, अर सामर्थी छै, जु हमेशा कु सभि कामों तैं कन मा योग्य च, आमीन।”</verse>
				<verse number="13">यां पर दाना-सयाणों बट्टी एक ल मि बट्टी बोलि, यु सफेद कपड़ा पैरयूं को च? अर कख बट्टी ऐ?</verse>
				<verse number="14">मिल वे बट्टी बोलि, “हे स्वामी, मि नि जंणदु पर तू जणदी छै।” वेल मि बट्टी बोलि, “यु सफेद कपड़ा पैरयां लोग उ छिनी जौं की मौत कष्ट का बड़ा बगत मा हवे छै। यु उ लोग छिनी जौनु चिनखा का बलिदान का ल्वे बट्टी अपड़ा आप तैं पिता परमेश्वर की नजरों मा शुद्ध बणै दींनि।”</verse>
				<verse number="15">इलै ही उ पिता परमेश्वर का सिंहासन का संमणी खड़ा छा, अर उ हर बगत दिन अर रात पिता परमेश्वर का स्वर्गीय मन्दिर मा वेकी सेवा करदींनि; अर उ जु सिंहासन पर बैठद, ऊंका बीच रालो अर ऊंकी देखभाल करलो।</verse>
				<verse number="16">“उ फिर भूखा अर तिसला नि होला; अर सूरज ऊं तैं फिर कभी नि जलालो, न ही गर्मी ऊं तैं जलाली।</verse>
				<verse number="17">किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”</verse>
			</chapter>
			<chapter number="8">
				<verse number="1">जब चिनखा ल सातु मुहर खोलि, त उ सभि जु स्वर्ग मा छा अधा घण्टा कु शान्त हवे गैनी।</verse>
				<verse number="2">अर मिल ऊं सातों स्वर्गदूतों तैं जु पिता परमेश्वर का संमणी खड़ा रौदींनि, दिखिनि, अर ऊं तैं सात तुरहियां दिये गै छै।</verse>
				<verse number="3">उख बट्टी, एक और स्वर्गदूत ऐ अर धूप की वेदी का संमणी खड़ो हवे गै। वे स्वर्गदूत ल धूप जलांणु कु सोना से बणया कटोरा तैं लै अर वे तैं सभि लुखुं की प्रार्थनाओं का दगड़ी जलांणु कु भौत सी धूप द्ये गै। वेल धूप अर प्रार्थनाओं तैं वे सोना की धूप की वेदी का मथि जलै, जु पिता परमेश्वर का सिंहासन का संमणी छै।</verse>
				<verse number="4">अर स्वर्गदूत का द्वारा जलै धूप बट्टी निकलण वलो धुंआ पिता परमेश्वर बट्टी जुड़यां लुखुं की प्रार्थनाओं का दगड़ी स्वर्गदूत का हाथ बट्टी उठि के मथि पिता परमेश्वर का संमणी उठै।</verse>
				<verse number="5">तब स्वर्गदूत ल यु तैं वेदी का मथि बट्टी जल्यां अंगारों बट्टी भोरि दींनि, अर धरती पर डाली दींनि, अर बिजलियां अर गिडगिडांण की आवाज अर भूकम्प हूंण लगि गै।</verse>
				<verse number="6">अर उ सातों स्वर्गदूत जौं मा सात तुरहियां छै, ऊं तुरहियां तैं फुंकणु कु तैयार हवे।</verse>
				<verse number="7">पैला स्वर्गदूत ल तुरै फूंकी, तब तुरंत ल्वे से मिली भौत सी बर्फीली बरखा अर आग धरती पर पोड़ी, इलै एक तिहाई धरती फुके गै, अर धरती को एक तिहाई हिस्सा फुके गै, अर डालों कु एक तिहाई फुके गै अर हैरी घास भि फुके गै।</verse>
				<verse number="8">दुसरा स्वर्गदूत ल तुरै फूंकी, त इन कुछ हवे जु एक बड़ा जगदा डांडा का जन दिख्योंदु छो, उ समुन्द्र मा लमडी गै; इलै समुद्र भि एक तिहाई ल्वे हवे गै।</verse>
				<verse number="9">अर समुद्र मा रौंण वला एक तिहाई ज्यून्दा प्राणी मोरि गैनी अर यांका ल्वे ल समुद्र का एक तिहाई जहाजों तैं भि नष्ट कैरी दींनि।</verse>
				<verse number="10">तिसरा स्वर्गदूत ल तुरै फूंकी, अर एक बड़ो गैणो जु मशाल का समान फुकयोंदो छो, स्वर्ग बट्टी टुटी, इलै गाड़ो कु एक तिहाई पर, अर पांणी का पंदयरा पर ऐ पोड़ी।</verse>
				<verse number="11">वे गैणों को नौं “कड़ो” च, यांका बाद भि सभि पांणी जख पोड़ी, कड़ो हवे गै, अर भौत लोग मोरि गैनी किलैकि पांणी कड़ो हवे गै छो, अर भौत सा मनिख वे पांणी का कड़ो हवे जांणा का कारण मोरि गैनी।</verse>
				<verse number="12">चौथा स्वर्गदूत ल तुरै फूंकी, अर सूरज की एक तिहाई, अर जून की एक तिहाई अर गैणों की एक तिहाई पर कुछ टकरै अर नाश हवे गै कि ऊंको एक तिहाई भाग अंधेरो हवे गै, ज्यांका कारण दिन का एक तिहाई बगत तक सूरज ल अपड़ो प्रकाश नि द्ये, अर जून अर गैणा रात का एक तिहाई बगत तक नि चमकीनि।</verse>
				<verse number="13">जब मिल फिर देखि, त मिल एक गरुड़ तैं आसमान मा ऊंचो उड़दि देखि अर ऊँचा शब्द बट्टी यु बुल्द सूंणि, “जब आखिरी तीन स्वर्गदूत ऊं तुरैहियों तैं फूंकदींनि जु ऊं तैं दिये गै, तब दुनिया का सब लुखुं पर आंण वली विपत्तियां भौत भयानक छिनी। धरती का रौंण वलो पर हाय, हाय, हाय!”</verse>
			</chapter>
			<chapter number="9">
				<verse number="1">जब पाँचु स्वर्गदूत ल तुरै फूंकी, त मिल आसमान बट्टी धरती पर एक गैणो पुड़द देखि, अर गैणा तैं अथाह कुण्ड की चाबी दिए गै।</verse>
				<verse number="2">वेल अथाह कुण्ड तैं खोलि दींनि, अर कुण्ड मा बट्टी बड़ी भट्टी का जन धुंआ उठि, अर कुण्ड सूरज अर सैरो वातावरण वे गड्डा का धुवां ल कालो हवे गै।</verse>
				<verse number="3">वे धुवां मा बट्टी धरती पर टिड्डियाँ निकली, अर ऊं तैं लुखुं तैं डंक मरणै की शक्ति दीं छै, जन बिच्छी लुखुं तैं डंक मरदी।</verse>
				<verse number="4">जन कै तैं बिच्छी का डंक मरण बट्टी दर्द हूंद, उन ही यूं टिड्डियों तैं पाँच मैना तक ऊं लुखुं तैं तड़पांणै की अनुमति दिए गै छै, जैका कपाल पर पिता परमेश्वर की मुहर कु निशान नि छो। पर ऊं बट्टी बुलै गै छो कि ऊं तैं न त धरती की घास तैं, न कै पौधा तैं, अर न ही कै डाला तैं नुकसान पौंछयां।</verse>
				<verse number="5"></verse>
				<verse number="6">ऊं पाँच मैना मा लोग मुरणो को ढंग खुज्याला, पर उ मोरि नि सकला।</verse>
				<verse number="7">यु टिड्डियाँ लड़ै कन वला घोड़ों का जन दिखयोदींनि, जु लड़ै मा जांणु कु तैयार छिनी उ अपड़ा मुंड पर कुछ पैरयां छा जु सोना का मुकुट जन लगणु छो, ऊंको मुक लुखुं का मुक जन छा।</verse>
				<verse number="8">ऊंका बाल जननों का बालों का जन लम्बा छा अर ऊंका दांत शेर का दांतों का जन मजबूत छा।</verse>
				<verse number="9">अपड़ी छती पर ऊंल लोखर का बणयूं कवच पैरयूं छो। जब उ उड़िनि, त उ इन आवाज करदा छा जन कई घोड़ा लड़ै पर जांणवला रथों तैं खिचदींनि।</verse>
				<verse number="10">ऊंका बिच्छुओं का जन पूंछ अर डंक छा, उ अपड़ी पूंछ का डंक का दगड़ी पाँच मैना तक लुखुं तैं दुःख पौछांण मा सक्षम छा।</verse>
				<verse number="11">अथाह गड्डा को दूत ऊंकु राजा का जन छो जु ऊं तैं नियंत्रित करदु छो। उ उन ही दुष्टदूत च जैल अथाह कुण्ड तैं खोलि छो। इब्रानी भाषा मा वेको नौं अबद्दोन च, अर यूनानी भाषा मा, अपुल्लयोन च, जौको मतलब च, उ जु नाश करद।</verse>
				<verse number="12">पाँच मैना बाद य विपत्ति खत्म हवे जाली। पर यांका बाद भि द्वी और विपत्तियां आंण वली छिनी।</verse>
				<verse number="13">यांका बाद, छठवां स्वर्गदूत ल अपड़ी तुरै फूंकी। जब वेल यु तैं फूंकी त मिल पिता परमेश्वर का संमणी धूप जलांण की सोना की वेदी का चौ तरपां कूंणा बट्टी एक आवाज सूंणि जु चौ तरपां बट्टी बुल्णु छो,</verse>
				<verse number="14">अर आवाज ल छठवां दुष्टदूतों बट्टी बोलि, जौको तुरही तैं पकड़यूं छो, “अब ऊं चार स्वर्गदूतों तैं खोल दे जु फरात नौं की बड़ी गाड का छाला पर बंधयां छिनी।”</verse>
				<verse number="15">इलै तब उ चरी दुष्टदूतों खोले गैनी, उ पैली बट्टी ही तैयार छा अर ऊं तैं बुलै गै छो कि यु बगत, यु दिन, यु मैना अर यु साल इन्तेजार कैरा अर अब यु ऐ गै छो, ऊं तैं दुनिया का एक हिस्सा का लुखुं तैं मरण छो।</verse>
				<verse number="16">उख घुड़सवार सैनिकों की एक भौत बड़ी फौज कठ्ठा छै, जौंकी गणती मिल बीस करोड़ सूंणि।</verse>
				<verse number="17">उ घोड़ा अर ऊंका सवार जौं तैं मिल दर्शन मा देखि, उ इन दिख्योंदा छा ऊंकी झीलम आग का जन लाल, गहरा नीली अर गन्धक का जन पीला छा। घोड़ों का मुंड शेरों का मुंड का जन लगदा छा, ऊंका गिचा बट्टी आग, धुंआ अर गंधक निकलणी छै।</verse>
				<verse number="18">धरती की सैरा लुखुं मा बट्टी एक तिहाई लुखुं तैं यूं तीन भयानक विपत्तियों का द्वारा मरै गै, जु घोड़ों का गिचा बट्टी निकलदी छै मतलब की आग, धुंआ अर गन्धक।</verse>
				<verse number="19">पर ऊं घोड़ों मा लुखुं तैं मरणु कु द्वी अलग चीज छै, पैली त उ जु ऊंका मुक बट्टी निकलदी छै, दुसरी ऊंकी पूंछों मा छै। किलैकि ऊंकी पूंछ गुरो का जन छै, ऊंमा लुखुं तैं कटणु कु मुंड छा।</verse>
				<verse number="20">पर और लोग जु ऊं विपत्तियों बट्टी पैली नि मरै गै छा, ऊंल अभि भि अपड़ा बुरा कामों बट्टी पछतौ नि कैरी छो। ऊंल हत्या कन, टूणा-टुटगा, यौन अनैतिकता या चोरी कन बट्टी पछतौ नि कैरी। ऊंल दुष्टात्माओं अर अपड़ी हथों बट्टी बंणि चीजों की आराधना कन भि नि छोड़ी, जन कि सोना या चाँदी या पितले या ढुंगा अर लखड़ो ल बणईं मूर्तियां, उ मूर्तियां, न त दिखदी छिनी, न सुणदींनि, अर न ही चलदी छिनी।</verse>
				<verse number="21"></verse>
			</chapter>
			<chapter number="10">
				<verse number="1">फिर मिल एक और शक्तिशाली स्वर्गदूत तैं एक बादल बट्टी घिरयूं स्वर्ग बट्टी उतरदी देखि; अर एक मेघधनुष वेका मुंड का चौ तरपां छो, अर वेको मुक सूरज का जन चमकणु छो अर वेका खुटा जगदा खम्बों का जन छा;</verse>
				<verse number="2">अर वेको दैंणों खुट्टों समुद्र पर रखे गै, अर वेको बंयो खुट्टों धरती पर रखे गै। वेका हथ मा एक छुटी सी किताब छै जु खुली छै।</verse>
				<verse number="3">अर वे स्वर्गदूत ल जोर से पुकारी के अर वेकी आवाज शेर का घुरांण का जन छै। जब उ चिल्लै, त सात तेज आवाजो ल वे तैं जवाब द्ये, जु गिड़गिड़ाहट की आवाज का जन छा।</verse>
				<verse number="4">जब सातों घुरांण का शब्द सुणै दींनि त मि लिखणु कु तैयार छो, पर मिल स्वर्ग बट्टी यु शब्द सूंणि, “जु घुरांण ल बोलि वे तैं छिपै के रख, अर नि लिख।”</verse>
				<verse number="5">जै स्वर्गदूत तैं मिल देखि, जु समुद्र अर धरती पर खड़ो छो;</verse>
				<verse number="6">अर जु हमेशा-हमेशा तक ज्यून्दो रौंदो, जैल आसमान, धरती अर समुद्र अर वेमा रौंण वली सब चीजों तैं बणै, वेका नौं पर सौ खै वेल बोलि के, “अब कै भि बात कु और जादा जग्वाल नि कन पुड़लो। अब उ सभि पूरी हवे जाली।”</verse>
				<verse number="7">वे बगत, जब सातवां स्वर्गदूत को शब्द दिनों मा, जब उ तुरै बजांण वलो होलो, त पिता परमेश्वर की व योजना वे शुभ सन्देश प्रचार का अनुसार पूरी हवे जाली जु वेल ऊं परमेश्वर का तरपां बट्टी बुल्ण वला लुखुं तैं बतै छै जु वेकी सेवा करदा छा पर दुसरा लुखुं तैं नि बतै।</verse>
				<verse number="8">तब मिल फिर से व आवाज सूंणि जैल स्वर्ग बट्टी मि बट्टी बात कैरी छै, वीं आवाज ल मि बट्टी बोलि, “जा, वीं किताब (चाम्रपत्र) तैं ले-ले जु स्वर्गदूत का हथ मा खुली च, जु समुद्र अर धरती पर खड़ो च।”</verse>
				<verse number="9">अर मिल स्वर्गदूत मा जै के बोलि, “य छुटी किताब मि तैं दे” अर वेल मि बट्टी बोलि, “ले, ईं तैं खा ले; यांको स्वाद शैत का जन मिठो, पर बाद मा यांको कड़वाहट बट्टी तेरु पुटगो दुखलो। इलै मिल व छुटी किताब ले लींनि जु स्वर्गदूत ल पकड़ी छै अर वीं तैं खै दींनि। अर सच मा यांको स्वाद शैत का जन मिठो छो, पर जब मिल यु तैं घूली दींनि, त मेरू पुटगो दुखण लगि गै।”</verse>
				<verse number="10">मि व छुटी किताब वे स्वर्गदूत का हथ बट्टी ले के खै दींनि। व मेरा गिचा मा शैत जन मिठी त लगि, पर जब मिल वे तैं खै दींनि, त मेरू पुटगो कड़ो हवे गै।</verse>
				<verse number="11">तब मि बट्टी यु बुलै गै, “अलग-अलग झुंड, जातियों अर देश का लुखुं, अर अलग-अलग भाषाओं तैं बुल्ण वला लुखुं तैं अर राजाओं तैं एक बार फिर से बता, जु पिता परमेश्वर त्वे तैं बतांणु कु बुल्द।”</verse>
			</chapter>
			<chapter number="11">
				<verse number="1">फिर मि तैं नपणु कु एक सिटगी दिए गै अर पिता परमेश्वर ल मि बट्टी बोलि, “ज अर मेरा स्वर्गीय मन्दिर अर वेदी तैं नापी ले, अर ऊं लुखुं की गिणती कैर जु उख मेरी आराधना कना छिनी।”</verse>
				<verse number="2">पर स्वर्गीय मन्दिर का भैर का चौक तैं नि नाप; किलैकि उ, ऊं लुखुं तैं दिये गै जु पिता परमेश्वर तैं नि जणदींनि, अर उ बयालीस मैना तक मेरा पवित्र शहर पर राज्य करला।</verse>
				<verse number="3">“वे बगत मि अपड़ा द्वी गवाहों तैं यु अधिकार दयुलु कि टाट ओढ़ी के एक हजार द्वी सौ साठ दिन तक भविष्यवाणी करला।”</verse>
				<verse number="4">ऊं द्वी गवाहों कि तुलना द्वी जैतून डालों बट्टी अर द्वी दिवडों दगड़ी किये गै कि जु प्रभु का संमणी खड़ा रौन्दींनि जु पूरी दुनिया कु पिता परमेश्वर च।</verse>
				<verse number="5">अर जु कुई ऊं तैं नुकसान पौछांण चांद, त यांका मुक बट्टी आग निकली के ऊंका बैरियों तैं भस्म कैरी दींद, अर जु कुई ऊं तैं नुकसान पौछांण चौ, त जरुर इन कै ही मरै जौं।</verse>
				<verse number="6">पिता परमेश्वर ल ऊं तैं संदेश दींणै की घोषणा का दौरान स्वर्ग बट्टी बरखा तैं रुकणु को अधिकार दियुं च। ऊं तैं सभि पांणी पर अधिकार च, कि वे तैं ल्वे बणा, अर धरती पर सभि किस्म की भयानक आपदाओं तैं चोट पौछांणो कु अधिकार भि मिल्युं च। उ जथग बार भि चाहा उथग बार इन कैर सकदींनि।</verse>
				<verse number="7">जब द्वी गवाह पिता परमेश्वर का संदेश कु प्रचार कैरी दयाला, त उ खतरनाक जानवर जु अथाह कुण्ड मा बट्टी निकललो, उ, ऊं द्वीयूँ दगड़ी लड़लो, ऊं तैं हरालो अर ऊं तैं मारि दयालो।</verse>
				<verse number="8">ऊंका शवों तैं वे बड़ा शहर यरूशलेम कि सड़कों पर पुड़ियां राला, जख ऊंको प्रभु सूली पर टंगे गै छो। यु शहर तैं चिन्ह का रूप मा सदोम या मिस्र को नौं दिए गै, किलैकि यु शहर का लोग सदोम अर मिस्र देश का रौंण वला लोग का जन भौत खराब छिनी।</verse>
				<verse number="9">अर सभि कुलों अर भाषा, अर जातियों का सभि लोग ऊं द्वी गवाहों का शवों तैं साढ़े तीन दिन तक दिखणा राला, पर उ कै तैं भि ऊंका शवों तैं दफनौंणै की अनुमति नि दयाला।</verse>
				<verse number="10">ऊंकी मौत बट्टी पैली, ऊं द्वी गवाहों ल विपत्तियों का द्वारा लुखुं तैं इथग परेशान कैरी छो कि जब लुखुं ल सूंणि कि उ मोरि गैनी, त उ भौत खुश हवे गैनी। इथग कि उ खुशी ल जश्न मनांण लगि गैनी, अर एक-दुसरा तैं उपहार दींण लगि गैनी।</verse>
				<verse number="11">पर साढ़े तीन दिन का बाद पिता परमेश्वर की तरपां बट्टी जीवन की सांस मिली; अर उ खड़ा हवे गैनी, अर उ सभि जौनु देखि कि उ अब फिर से ज्यून्दा हवे गै छा, अर दिखण वला भौत डैर गैनी।</verse>
				<verse number="12">यांका बाद, ऊं द्वी ल स्वर्ग बट्टी एक बुल्ण वला तैं बुल्ण सूंणि, जैल ऊं तैं जोर से धै लगै के बोलि, “इख मथि आ!” जब ऊंका दुश्मनो ल देखि, तब उ एक बादल बट्टी लिपटै के मथि स्वर्ग मा चलि गैनी।</verse>
				<verse number="13">वे बगत, यरूशलेम शहर मा एक भौत बड़ो भूकम्प ऐ, अर शहर की इमारतों कु दसवां हिस्सा लमडी गै; अर वे भूकम्प बट्टी सात हजार मनिख मोर गैनी अर बचयां लोग जु मोरि नि छा, उ भौत डौर गैनी, इलै ऊंल स्वर्ग का पिता परमेश्वर की महिमा कैरी।</verse>
				<verse number="14">यु दुसरी विपत्ति को अंत छो पर अभि एक और च जु जल्द आंण वली च।</verse>
				<verse number="15">जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”</verse>
				<verse number="16">और चौबीसों दाना-सयाणों ल जु पिता परमेश्वर का संमणी अपड़ा-अपड़ा सिंहासन पर बैठयां छा, मुख का बल गिरिनि अर पिता परमेश्वर की आराधना कैरी,</verse>
				<verse number="17">यु बुल्ण लगि गैनी, “हे सर्वशक्तिमान प्रभु परमेश्वर, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद, हम सच मा तेरु धन्यवाद करदा किलैकि तिल अब अपड़ी महान सामर्थ दिखै अर तिल अब धरती पर अपड़ो राज्य शुरू कैर दींनि।</verse>
				<verse number="18">उ लोग जु त्वे पर विश्वास नि करदींनि भौत गुस्सा छिनी, किलैकि बगत ऐ गै कि तू अपड़ा गुस्सा दिखौ अर ऊं सभियूं तैं जांच के न्याय कनु को बगत ऐ गै जु मोरि गैनी, अब उ बगत भि च जब तू ऊं पिता परमेश्वर का तरपां बट्टी बुल्ण वलो तैं प्रतिफल दीलि जु तेरी सेवा करदींनि अर ऊं सभि जातियों का लुखुं तैं जु तेरु सम्मान करदींनि ऊं तैं जु विशेष मणै जंदींनि अर जु विशेष नि मणै जंदींनि, जबकि वे ही बगत तू ऊं तैं नाश कैरी दीलि जौनु धरती तैं विनाश कैरेले।”</verse>
				<verse number="19">अर पिता परमेश्वर कु जु स्वर्गीय मन्दिर च, उ खुलै गै, अर ऊंका मन्दिर मा ऊंकी वाचा कु सन्दूक दिखै द्ये, अर वे ही बगत बिजलियां, घुरांण अर भूकम्प हूंणा छा, अर आसमान मा बट्टी बड़ा-बड़ा ओलों की बरखा हूंणी छै।</verse>
			</chapter>
			<chapter number="12">
				<verse number="1">जब उ खत्म हवे गै, त उख एक अद्भुत चिन्ह छो जु आसमान मा देखि सकदु छो। किलैकि जून पर एक जनन खड़ी छै जीं का इन कपड़ा पैरयां छा जु सूरज का जन चमकणा छा। वेको अपड़ा मुक पर एक मुकुट पैरयूं छो जै मा बारह गैणा छा;</verse>
				<verse number="2">व जनन गर्भवस्था मा छै, अर वीं को वे बच्चा तैं जन्म दींणो को बगत ऐ गै छो। अर व जन्म दींण का दर्द का कारण कणांणी छै।</verse>
				<verse number="3">एक और चिन्ह आसमान मा दिखै द्ये, एक भौत बड़ो अजगर छो, जु कि शैतान च। वेका सात मुंड छा अर दस सींग छा, अर वेका सातों मुंड़ो पर सात मुकुट छा।</verse>
				<verse number="4">अर वेकी पूंछ ल आसमान का गैणों कु एक तिहाई हिस्सा तैं खैंचि कर धरती पर डाली दींनि, अर अजगर वीं जनन का संमणी खड़ो हवे गै कि वेका बच्चों तैं पैदा करद ही खै जौं।</verse>
				<verse number="5">तब वीं जनन ल एक लड़का तैं जन्म द्ये पर वे तैं अजगर नि खै साक किलैकि वे तैं तुरंत ही छीनि येल छो अर पिता परमेश्वर अर वेका सिंहासन पर लये गै। उ लड़का एक लूहा की सिटगी का दगड़ी सभि जातियों का लुखुं पर राज्य करलो।</verse>
				<verse number="6">अर व जनन वे एकांत जंगल का जनै भागि गै, जु जगह पिता परमेश्वर ल वेकु ही तैयार कैरी छै कि उख उ एक हजार द्वी सौ साठ दिन तक पलै जौं।</verse>
				<verse number="7">फिर स्वर्ग मा लड़ै हवे, पिता परमेश्वर का मुख्य स्वर्गदूत मा बट्टी एक ल जौको नौं मीकाईल च, अपड़ा अधीन आंण वला दूतों का दगड़ी, अजगर का विरोध मा अर दुष्टदूतों बट्टी लड़ै लैड़ि।</verse>
				<verse number="8">अजगर लड़ै हारी गै। अजगर अर वेका दुष्टदूत स्वर्ग मा नि रै सकदींनि। इलै वे तैं अर वेका दुष्टदूतों तैं धरती पर फेंक दींनि।</verse>
				<verse number="9">यु बड़ो अजगर, उ ही च जु भौत बगत पैली गुरो का रूप मा दिखै छो, जै तैं शैतान या भंगार लगांण वलो भि बुल्दींनि। यु उ ही च जु ईं दुनिया का लुखुं तैं धोखा दींद अर अपड़ा दुष्टदूतों का दगड़ी धरती पर पटकी गै।</verse>
				<verse number="10">फिर मिल स्वर्ग मा बट्टी यु बड़ो शब्द आंद सूंणि, अब हमारो पिता परमेश्वर अपड़ा विश्वासी लुखुं तैं उद्धार दयालो! अब उ अपड़ी सामर्थ को इस्तेमाल करलो अर राजा का रूप मा काम करलो! अब वेको मसीह दुनिया पर अपड़ो अधिकार को दावा करलो! किलैकि अब शैतान हमारा पिता परमेश्वर की उपस्थिति मा खड़ो हवे के हमारा दगड़िया सेवकों पर दिन-रात भंगार नि लगालो। किलैकि वे तैं स्वर्ग का राज्य बट्टी भैर फेंके द्ये गै!</verse>
				<verse number="11">हमारा विश्वासियों ल शैतान तैं हरै लियेले। ऊंल वे चिनखा का ल्वे की सामर्थ बट्टी हरै, जु ऊं तैं ऊंका पापों तैं छुडांणु कु मरै गै छो। किलैकि ऊंल यु अंगीकार नि कैरी कि चिनखो ऊंको प्रभु च। जबकि ऊं तैं सतै गै इख तक की मरै भि गै, पर उ अपड़ा वे अंगीकार बट्टी पिछनै नि हटीनि।</verse>
				<verse number="12">“तुम सब जु स्वर्ग मा रौंन्दा, तुम तैं खुश हूंण चयणु च। पर तुम जु धरती पर अर समुद्र मा रौंन्दा, भयानक ढंग से पीड़ित होला किलैकि शैतान तुम मा मूड़ी ऐ, अर वेको मन भौत गुस्सा च किलैकि उ जंणदु च कि वेमा काम कनु कु जादा बगत नि च।”</verse>
				<verse number="13">जब अजगर समझी गै, कि उ धरती पर ढुलै गै, त वीं जनन तैं जींल नौंना तैं जन्म द्ये छो, वींको पीछा कैरी।</verse>
				<verse number="14">पर वीं जनन तैं पिता परमेश्वर ल बड़ा गरूड़ का द्वी फांकुड दिए गैनी, कि व वीं जगह उड़ी जौं, जु एकांत जंगल मा वीं कु अर नौंना कु तैयार किये गै छो, अर उख साढ़े तीन साल तक वेकी देखभाल गै कि गुरो वीं तक नि पौंछ साक।</verse>
				<verse number="15">तब गुरो ल वीं जनन का तरपां अपड़ा गिचा ल गाड का समान पांणी उण्डेली कि बाड़ वीं तैं बुगै के ली जौं।</verse>
				<verse number="16">पर ठिक वे ही बगत उखै की जमींन फटी गै अर उ सभि पांणी जु अजगर का गिचा बट्टी निकली छो, धरती मा चलि गै अर जनन की मदद हवे।</verse>
				<verse number="17">यांका बाद, अजगर वीं जनन पर भौत गुस्सा हवे। इलै वेल जनन का वंशजों का विरुद्ध लड़ै की घोषणा कैरी दींनि। मतलब की ऊं लुखुं का विरुद्ध जु पिता परमेश्वर की आज्ञाओं तैं मणदींनि अर यीशु का द्वारा सिखै गै सच्ची शिक्षाओं कु पीछा कन मा मजबूत बणयां रौन्दींनि</verse>
				<verse number="18">तब उ अजगर चलि गै अर समुद्र का छाला पर खड़ो हवे गै।</verse>
			</chapter>
			<chapter number="13">
				<verse number="1">मिल एक जानवर तैं समुद्र मा बट्टी निकलद देखि, येका सात मुंड छा अर दस सींग छा अर वेका हर एक सींग पर राजमुकुट छा, अर वेका हर एक मुंड पर एक नौं लिख्युं छो जु पिता परमेश्वर की एक बुरै (निंदा) छै।</verse>
				<verse number="2">जु जानवर मिल देखि, उ चीता का जन छो; अर वेका खुटा रिख का जन छा, अर मुक सिंह का जन छो। अर वे अजगर ल यु जानवर तैं अपड़ी सामर्थ दे दींनि अर वे तैं धरती पर राज्य कनु को अधिकार दिए गै।</verse>
				<verse number="3">मिल वेका मुंड मा बट्टी एक पर इन भारी घाव लग्युं देखि, जन मांणा उ मुरण वलो हो; फिर वेको उ जान लींण वलो घाव खूब हवे गै, अर सैरी धरती का लोग वे जानवर का पिछनै भौचक हवे के चलण लगि गैनी।</verse>
				<verse number="4">अर उ वे जानवर की आराधना कन लगि गैनी, अर बुल्ण लगि गैनी, “कु जानवर का क जन च? अर कु वे दगड़ी लड़ै कैर सकद? अर लुखुं ल वे अजगर की भि पूजा कन शुरू कैरी दींनि, किलैकि वेल यु जानवर तैं अपड़ो अधिकार दियेले छो।”</verse>
				<verse number="5">पिता परमेश्वर ल जानवर तैं अपड़ा अधिकार का बारा मा शेखी बघारने की अनुमति दींनि कि इन कै उ पिता परमेश्वर की बुरै कैरा। पिता परमेश्वर ल वे तैं बयालीस मैना तक यु अधिकार रखणै की अनुमति द्ये।</verse>
				<verse number="6">जानवर ल पिता परमेश्वर की बुरै कन शुरू कैरी, उ वेका नौं का विरुद्ध, अर वीं जगह का विरुद्ध मतलब कि स्वर्ग का विरुद्ध बुल्ण लगी गै जख पिता परमेश्वर रौंद, अर ऊं सभि लुखुं का विरुद्ध जु स्वर्ग मा रौदींनि।</verse>
				<verse number="7">वे जानवर तैं यु अधिकार दिये गै, कि पवित्र लुखुं बट्टी लड़ो, अर ऊं तैं हरौ, अर वे तैं सभि लुखुं, कुलों, भाषाओं, अर जातियों पर अधिकार दिये गै।</verse>
				<verse number="8">अर सभि जु धरती पर रौन्दींनि उ जानवर की आराधना करला, मतलब कि, उ सभि लोग जु का नौं दुनिया की शुरुआत बट्टी चिनखा की जीवन की किताब (चाम्रपत्र) मा नि लिखै गैनी। चिनखो उ ही च जु मोरि गै छो।</verse>
				<verse number="9">हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च।</verse>
				<verse number="10">जु लुखुं तैं कैद किये जांण तय च, उ जरुर कैद किये जाला, अर जौं कु तय च कि उ तलवार बट्टी मरै जा उ निश्चित रूप मा तलवार से मरै जाला। इलै की जरूरी च कि पिता परमेश्वर का लोग ऊं मुसिबतों तैं सह जौको उ अनुभव करदींनि अर विश्वास कन मा मजबूत रा।</verse>
				<verse number="11">फिर मिल एक और जानवर तैं धरती मा बट्टी निकलद देखि, येका द्वी सींग छा जन की चिनखा का हूंदींनि। पर जब येल बोलि त यु अजगर का जन बुल्ण लगि गै।</verse>
				<verse number="12">वेल वीं शक्ति कु इस्तेमाल जु वे तैं वे जानवर का द्वारा द्ये गै छै जैको जान लींण वलो घाव खूब हवे गै छो वेल दुनिया का सभि लुखुं बट्टी जबरदस्ती वे पैला जानवर की आराधना कनु कु बोलि।</verse>
				<verse number="13">यु दुसरो जानवर मा झूठा चमत्कार छा जु स्वर्ग मा देखि सकदु छो, इख तक कि असमान बट्टी आग तैं मूड़ी लौंदु छो कि धरती पर पोडो, जबकि लोग दिखणा छा।</verse>
				<verse number="14">दुसरा जानवर तैं पिता परमेश्वर के द्वारा पैला जानवर की मौजूदगी मा झूठा चमत्कार दिखांणु की मंजूरी द्ये गै। यूं चमत्कारों का द्वारा उ धरती का सभि लुखुं तैं भटकांण मा सफल छो। वेल वे तैं पैला जानवर की एक मूर्ति बनांणै की आज्ञा द्ये, जु तलवार का द्वारा घायल हवे गै छो, पर फिर से ज्यूँदो हवे गै छो।</verse>
				<verse number="15">दुसरा जानवर तैं (पिता परमेश्वर का द्वारा) पैला जानवर की मूर्ति बणै के वे तैं ज्यूँदो कने की मंजूरी द्ये गै छै, कि जानवर की मूर्ति बोल भि साको अर ऊं लुखुं तैं मरवे द्यो जु वे जानवर की मूर्ति की आराधना नि करदींनि।</verse>
				<verse number="16">अर दुसरा जानवर ल महत्वपूर्ण अर महत्वहीन, साधारण अर विशेष, स्वामी या जु गुलाम छिनी मतलब सभि लुखुं तैं मजबूर कैरी कि उ पैला जानवर का नौं अपड़ा दैंणा हथ पर या अपड़ा माथा पर लिखा,</verse>
				<verse number="17">भस उ ही जौं पर य छाप छै कुछ खरीद या बेचि सकदा छा। उ छाप पैला जानवर का नौं की छै अर संख्या तैं बतांण वली छै।</verse>
				<verse number="18">यु चिन्हों की व्याख्या कनु कु तुम तैं बुद्धिमानी ल सुचण चयणु च पर जै तैं ज्ञान च, उ यु पता लगै सकद कि यु जानवर की संख्या को क्य मतलब च। किलैकि यु एक आदिम को नौं च अर या संख्या छह सौ छियासठ (666) च।</verse>
			</chapter>
			<chapter number="14">
				<verse number="1">यांका बाद, मिल कुछ और देखि, मिल सिय्योन डांडा पर चिनखा तैं खड़ो देखि। वे दगड़ी वेका एक लाख चवालीस हजार लोग छा, ऊंका कपाल पर चिनखा को नौं अर वेका बुबा को नौं लिख्युं छो।</verse>
				<verse number="2">अर मिल स्वर्ग मा कैकी आवाज सूंणि कि झरना की गर्जन का जन तेज, या गिडगिडांण की आवाज का जन ऊंची छै। य संगीतकारों का द्वारा ऊंकी वीणा बजांण की संगीत का जन लगणी छै।</verse>
				<verse number="3">एक लाख चवालीस हजार (144,000) लोग सिंहासन, चार ज्यून्दा प्राणियों अर दाना-सयाणों का संमणी खड़ा छा; उ एक नया गीत गांणा छा, जै तैं भस उ ही सीख सकदा छा। भस उ ही छिनी जौं तैं पिता परमेश्वर ल धरती पर रौंण वला लुखुं का बीच मा छुड़ै छो।</verse>
				<verse number="4">यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।</verse>
				<verse number="5">अर ऊंल कभी भि झूठ नि बोलि अर ऊंमा कुछ भि गलत नि च।</verse>
				<verse number="6">अर मिल एक और स्वर्गदूत तैं आसमान मा ऊँचा पर उड़दि देखि। वे स्वर्गदूत को वे शुभ सन्देश प्रचार तैं लियुं छो जु कभी भि नि बदलद, वेल दुनिया मा रौंण वली सभि जातियों का लुखुं, हर एक देश, हर एक गोत्र अर हर किस्म की भाषा मा यांकि बात बतै।</verse>
				<verse number="7">उ चिलै, “पिता परमेश्वर बट्टी डैरा अर वेको सम्मान कैरा किलैकि अब वेको लुखुं तैं जांच के न्याय कनु को बगत ऐ गै। वेकी आराधना कैरा किलैकि उ ही च जैल आसमान, धरती, समुद्र अर पांणी का स्रोतों की सृष्टि कैरी।”</verse>
				<verse number="8">फिर यांका बाद उख एक और स्वर्गदूत छो जु पैला स्वर्गदूत का पिछनै ऐ अर बोलि, “लमडी गै, उ बड़ो बाबेल लमडी गै, वेल सैरी मनिख जाति तैं अपड़ी दाखमधु का नशा ल धुत कैरेले, वेको भौत ही बुरो बरतौ यु च जु वेल सैरी धरती अर मनिख जाति तैं सिखै किलैकि वेल ऊं तैं मूर्तियों की पूजा कन सिखै।”</verse>
				<verse number="9">फिर यांका बाद एक और तिसरो स्वर्गदूत बड़ी आवाज मा यु बुल्द ऐ, “जु कुई वे जानवर अर वेकी मूर्ति की आराधना करलो, अर अपड़ा कपाल अर अपड़ा हाथ पर वेकी छाप ल्या,</verse>
				<verse number="10">त उ पिता परमेश्वर का प्रकोप की दाखमधु तैं बगैर मिलावट का, वेका गुस्सा का कटोरा मा डले गै, जु वे तैं पयालो अर पवित्र स्वर्गदूतों का संमणी अर चिनखा का संमणी आग अर गन्धक की पिड़ा मा पुड़लो।</verse>
				<verse number="11">आग को धुंआ जु ऊं तैं यातना दयालो उ हमेशा कु आसमान मा उडणु रालो। यु लोग जु जानवर की अर वे मूर्ति की आराधना करदींनि, जु जानवर तैं दर्शादी, अर उ जु जानवर का नौं की छाप लिदींनि, ऊं तैं वीं पिड़ा बट्टी न दिन न रात चैन मिललो।”</verse>
				<verse number="12">किलैकि यु बात हूंण वली छिनी, पिता परमेश्वर का लुखुं तैं धीरज रखण चयणु च। यु उ लोग छिनी जु पिता परमेश्वर की आज्ञाओं को पालन करदींनि अर ईमानदरी ल यीशु मसीह पर विश्वास रखदींनि।</verse>
				<verse number="13">दुबरा मिल स्वर्ग बट्टी कै तैं बुल्द सूंणि अर वेल मि बट्टी बोलि; यूं बातों तैं इख लिख अब बट्टी, उ लोग धन्य छिनी जु पिता परमेश्वर पर भरोसो कैरी के मोरि जंदींनि। तब पवित्र आत्मा यां बट्टी सहमत हवे, वेल बोलि, “यु सच च, उ धन्य छिनी किलैकि उ अपड़ा कठिन मेहनत बट्टी आराम पाला अर जु काम ऊंल करिनि ऊं तैं वांको प्रतिफल दिये जालो।”</verse>
				<verse number="14">फिर मिल एक सफेद बादल देखि, अर मिल कै तैं देखि जु एक मनिख का नौंना का जन छो, जु वे बादल पर बैठयूं छो। वेका मुंड पर सोना कु मुकुट छो अर हथ मा एक तेज दथड़ो छो।</verse>
				<verse number="15">तभि एक और स्वर्गदूत जु कि चौथो स्वर्गदूत च जु पिता परमेश्वर का संदेश तैं ले के स्वर्गीय मन्दिर बट्टी भैर ऐ। वेल बादल पर बैठयूं आदिम तैं जोर दे के बोलि, “धरती की फसल पक्की के तैयार हवे गै। इलै अब अपड़ो दथड़ो चलो, अर फसल काट।”</verse>
				<verse number="16">इलै, उ आदिम जु बादल मा बैठयूं छो, धरती पर अपड़ा दथडा ल कटण लगै गै अर वेल पूरा धरती की फसलों की लवैइ कैरी।</verse>
				<verse number="17">फिर पाँचु स्वर्गदूत स्वर्गीय मन्दिर मा बट्टी निकली, जु स्वर्ग मा च, अर वेमा भि उत्तम दथड़ो छो।</verse>
				<verse number="18">तभि एक और स्वर्गदूत जु कि छठो स्वर्गदूत च अर जु वेदी पर आग से धूप जलांण की जिम्मेदारी निभांद। वेल चिल्लै के वे स्वर्गदूत बट्टी जै मा तेज दथड़ो च बोलि, “धरती पर अंगूरों का गुच्छा पक्की गैनी! ऊं तैं अपड़ा दथडा ल काट ले।”</verse>
				<verse number="19">तब स्वर्गदूत ल ऊं अंगूरों तैं काटि दींनि जु धरती पर छा अर ऊं तैं कठ्ठा कैरी कि ऊं तैं निचोड़ै जै साको जांको मतलब च की पिता परमेश्वर भयंकर सजा दयालो।</verse>
				<verse number="20">अंगूरों तैं शहर बट्टी भैर निचोड़ै गै। उख-जख अंगूरों तैं निचोड़ै गै छो, उख बट्टी जु ल्वे निकली, उ एक इथग गहरा धारा मा बोगि कि घोड़ों का लगामों तक पौंछि गै, अर तीन सौ (300) किलोमीटर तक चलि गै।</verse>
			</chapter>
			<chapter number="15">
				<verse number="1">यांका बाद जब उ खत्म हवे गै, त मिल आसमान मा एक और अलग चिन्ह देखि जु कि भौत अद्भुत अर भौत डरांण वलो छो। उ सात स्वर्गदूत छा जु सात अलग-अलग ढंग की विपत्तियों तैं लियां छा। उ विपत्तियां आखरी छै किलैकि जब उ खत्म हवे जाली तब पिता परमेश्वर का गुस्सा भि पूरो हवे जालो।</verse>
				<verse number="2">तब मिल कुछ देखि जु समुद्र का जन दिख्यौन्दु छो अर कांच का जन चमकणु छो अर वेमा आग भि मिल गै छै। मिल ऊं लुखुं तैं भि देखि जु जानवर बट्टी नि हारी छा। ऊंल जानवर की अर वेकी मूर्ति की आराधना नि कैरी छै, अर ऊं पर जानवर का नौं की संख्या कु चिन्ह नि लगै गै छो। उख उ वे समुद्र का छाला पर खड़ा छा अर ऊं सभियूं की एक वीणा पकड़ी छै जु पिता परमेश्वर की ऊं तैं दीं छै।</verse>
				<verse number="3">अर उ पिता परमेश्वर का दास मूसा को गीत गांणा छा जु कि चिनखो का बारा मा च, “हे सर्वशक्तिमान प्रभु परमेश्वर, जु कुछ तिल कैरी उ कीमती अर अद्भुत च, तू सभि देशों को स्वामी छै, तू जु भि करदी उ सच अर धर्म कु च।”</verse>
				<verse number="4">“हे प्रभु, सभि जातियों का लुखुं का द्वारा तेरु आदर किये जौं, अर उ सब तेरु नौं को सम्मान कैरा, किलैकि भस तू ही पवित्र परमेश्वर छै, हर एक राज्य का सभि लोग तैं मा औंदींनि, अर उ तेरी आराधना करदींनि, किलैकि तेरु धर्म का काम सभियूं तैं अच्छा ढंग से मालूम छिनी।”</verse>
				<verse number="5">यांका बाद मिल देखि, कि जौं लुखुं ल गीत गांण बंद कैरेले छो, तब मिल देखि कि स्वर्गीय मन्दिर खुला छो। जु कि मिलाप वला तम्बू का जन छो,</verse>
				<verse number="6">अर फिर सात स्वर्गदूत जौं तैं आखरी सात विपत्तियों तैं लेकर जांण छो, वे स्वर्गीय मन्दिर बट्टी भैर निकलनी। उ चमकदार सफेद कपड़ा पैरयां छा अर ऊंकी छती का चौ तरपां सोना की पट्टियां भि छै। फिर चार ज्यून्दा प्राणियों मा बट्टी एक ल ऊं सात स्वर्गदूतों तैं पिता परमेश्वर की तरपां बट्टी जु हमेशा ही ज्यूँदो च, भयानक दण्ड बट्टी भुरयां एक-एक सोना को कटोरा द्ये।</verse>
				<verse number="7"></verse>
				<verse number="8">स्वर्गीय मन्दिर पिता परमेश्वर की महिमा अर सामर्थ बट्टी आंण वला धुवां बट्टी भुरे गै; तब तक कुई भि मन्दिर मा नि जै साकी जब तक कि उ सात विपत्तियां खत्म नि हवे गैनी जौं तैं सात स्वर्गदूत लै छा।</verse>
			</chapter>
			<chapter number="16">
				<verse number="1">वेका बाद मिल स्वर्गीय मन्दिर बट्टी एक तेज आवाज तैं सात स्वर्गदूतों बट्टी यु बुल्द सूंणि, “जावा दुनिया का लुखुं पर पिता परमेश्वर की तरपां बट्टी दण्ड तैं उण्डेली द्या जु ऊं दगड़ी सात कटोरों मा च।”</verse>
				<verse number="2">इलै पैला स्वर्गदूत ल कटोरा की चीजों तैं धरती पर उण्डेल द्ये। ऊं लुखुं पर भयानक अर दर्दनाक फोड़ा दिखै दींनि, जौं पर जानवर ल अपड़ी छाप लगै छो, अर जौला ऊंकी मूर्ति की आराधना कैरी छै।</verse>
				<verse number="3">दुसरा स्वर्गदूत ल कटोरा की चीजों तैं समुद्र पर उण्डेल दींनि। पर समुद्र एक मुरयां आदिम का ल्वे का जन छो अर इलै, समुद्र मा रौंण वलो सभि कुछ मोरि गै।</verse>
				<verse number="4">तिसरा स्वर्गदूत ल कटोरा की चीजों तैं गाड अर पांणी का स्रोतों पर उण्डेल दींनि अर उ ल्वे बंणि गै।</verse>
				<verse number="5">अर मिल वे स्वर्गदूत तैं जै तैं सैरा पांणी पर अधिकार च, पिता परमेश्वर बट्टी यु बुल्द सूंणि, “हे पवित्र, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद, यु दण्ड जु तू दुनिया पर भिजदी ठिक च।</verse>
				<verse number="6">किलैकि ऊंल तेरा लुखुं अर पिता परमेश्वर का तरपां बट्टी बुल्ण वलो तैं मार दींनि अर ऊंको ल्वे बुगै, इलै अब तू ऊं तैं ल्वे पींण कु दे। यु ऊंकु सै प्रतिफल च।”</verse>
				<verse number="7">मिल दुबरा कै तैं वेदी बट्टी बुल्द सूंणि, “हाँ, हे सर्वशक्तिमान प्रभु परमेश्वर, यु सच च कि जन के तू लुखुं तैं दंड दींदी सै अर सच च।”</verse>
				<verse number="8">चौथा स्वर्गदूत ल कटोरा की चीजों तैं सूरज पर उण्डेल दींनि, अर सूरज तैं और जादा गर्म हूंणै की आज्ञा दींनि अर इलै लोग यांकि भयानक तपिश ल झुलसी गैनी।</verse>
				<verse number="9">इलै मनिख पिता परमेश्वर तैं शाप दींनि, किलैकि उ ही छो जै मा वीं विपत्ति कु अधिकार छो। ऊंल अभि भि अपड़ा पापों बट्टी पश्चाताप नि कैरी छो, ऊंल अभि भि पिता परमेश्वर की महिमा कु अंगीकार स्वीकार नि कैरी छो अर बुरै करदींनि।</verse>
				<verse number="10">पाँचु स्वर्गदूत ल कटोरा की चीजों तैं जानवर का सिंहासन पर उण्डेल दींनि अर यांका बाद, वेको पूरा राज्य अंधेरो हवे गै। लुखुं ल वे बड़ा दर्द का कारण जु ऊंल महसूस कैरी छो अपड़ी जीभ कटण बैठी गैनी।</verse>
				<verse number="11">अर अपड़ी पिड़ाओं अर फोड़ों का कारण स्वर्ग का पिता परमेश्वर की निंदा कैरी; पर चाहे अब वेकी स्थिति इन छै, पर ऊंल निश्चित रूप से पश्चाताप नि कैरी अर न ऊं बुरा कामों तैं छोड़ी जु उ कना छा।</verse>
				<verse number="12">छठो स्वर्गदूत ल कटोरा की चीज भौत बड़ी गाड फरात मा उण्डेल दींनि अर यांका बाद, गाड को पांणी सूखी गै अर यु कारण पूर्व दिशा का राजा अपड़ी सेना लेकर वीं गाड तैं पार कैरी साका।</verse>
				<verse number="13">यांका बाद मिल तीन दुष्टात्माओं तैं देखि जु दिख्योण मा मिंढ़खा का जन छा। एक अजगर का गिचा बट्टी भैर ऐ, एक पैला जानवर का गिचा बट्टी, अर एक दुसरा जानवर का गिचा बट्टी भैर ऐ, मतलब की जौनु झूठो संदेश द्ये छो।</verse>
				<verse number="14">यूं दुष्टात्माओं मा झूठा चमत्कार कने की क्षमता छै अर ऊंल जै के ऊं लुखुं तैं कठ्ठा कैरी जु ईं दुनिया का सैरा देशों मा राज्य करदा छा कि उ सर्वशक्तिमान प्रभु परमेश्वर का महान दिन मा वेका विरुद्ध लड़ै लड़णु कु जां।</verse>
				<verse number="15">दुष्टात्माओं का शासकों तैं अर ऊंकी सेनाओं तैं वीं जगह पर कठ्ठा कैरी जै तैं इब्रानी भाषा मा हर-मगिदोन बुल्दींनि। इलै प्रभु यीशु ल बोलि, “य बात सूंणा। मेरू आंण चोर का जन अचानक होलो। धन्य च उ आदिम जु मेरा आंण पर बिज्यूं हो, अर अपड़ा कपड़ोंं तैं तैयार रखो। तब उ नंगी नि होला अर कुछ भि ऊं तैं शर्मिंदा नि करलो चाहे उ भैर भौत स लुखुं का बीच मा भि किलै नि जौं।”</verse>
				<verse number="16"></verse>
				<verse number="17">अर सातु स्वर्गदूत ल कटोरा की चीज हवा मा उण्डेल दींनि, अर मिल सूंणि, उख उ छो जु स्वर्गीय मन्दिर का भितर बट्टी पिता परमेश्वर का सिंहासन बट्टी बुल्णु छो, “पूरो हवे गै।”</verse>
				<verse number="18">अर वे बगत बिजलियां, अर गिड़गिड़ाहट अर बादल की गर्जन हूंण लगि गै छै अर एक इन खतरनाक भूकम्प ऐ, कि जब बट्टी मनिख दुनिया मा रौंणा हो, तब बट्टी इन विनाशकारी ढंग से भूकम्प कभी नि ऐ छो।</verse>
				<verse number="19">बाबेल को बड़ो शहर तीन हिस्सों मा बंटे गै, अर पूरी दुनिया का सैरा शहर नष्ट हवे गैनी। किलैकि पिता परमेश्वर ल उ पूरो कैरी जैको वेल बाबेल की जातियों का दण्ड का बारा मा वादा कैरी छो। यूं तैं पिता परमेश्वर की तरपां बट्टी कठोर दण्ड दिए जालो। यु इन होलो जन ऊंल बगैर पांणी मिल्युं दाखमधु तैं पियेले हो, जै तैं पिता परमेश्वर ल अफ ही वे प्याला मा उण्डेली हो जु वेका गुस्सा तैं बतांद।</verse>
				<verse number="20">वे बगत, समुद्र का सभि टापू अचानक डूबी के गायब हवे जाला।</verse>
				<verse number="21">बड़ा-बड़ा ओलों आसमान मा बट्टी लुखुं पर गिरिनि, ज्यांमा हर एक ओला को वजन करीब 50 किलो छो। यांका बाद ऊंल, स्वर्ग का पिता परमेश्वर की बुरै कैरी।</verse>
			</chapter>
			<chapter number="17">
				<verse number="1">जूं सात स्वर्गदूतों मा उ सात कटोरा छा, ऊंमा बट्टी एक ल ऐ के मि बट्टी यु बोलि, “मि त्वे तैं दिखौलु कि पिता परमेश्वर कन कै वीं बड़ी वेश्या तैं दण्ड दयालो, जु एक इन जगह पर बैठदी, जख बिजां गाड छिनी।</verse>
				<verse number="2">जीं दगड़ी धरती का राजाओं ल व्यभिचार कैरी, अर वेल सैरी मनिख जाति तैं अपड़ी दाखमधु का नशा ल धुत कैरेले।”</verse>
				<verse number="3">तब पवित्र आत्मा की मदद से, स्वर्गदूत मि तैं एकांत जंगल मा ली गै, आत्मा ल मि तैं अपड़ा वश मा लींनि, अर स्वर्गदूत ल मि तैं एक एकांत जंगल मा पौंछै, अर मिल उख मा एक जनन तैं देखि जु एक जानवर पर सवार छै अर जु लाल रंग को छो। वेका सात मुंड अर दस सींग छा। वेको देह ऊं नौं बट्टी ढकयूं छो जु पिता परमेश्वर की बुरै करदो छो।</verse>
				<verse number="4">य जनन बैंगनी अर लाल कपड़ा पैरी के छै। वीं ल अपड़ा देह तैं सोना का गौंणों, कीमती ढुंगो अर मंहगा मोतियों बट्टी सज्यूं छो। अपड़ा दैंणा हथों मा वीं को दाखमधु भुरयां एक सोना को प्याला पकड़यूं छो, जु वीं का तुच्छ अर गंदा यौन कामों तैं बतांद।</verse>
				<verse number="5">अर ऊंका कपालो पर, एक नौं लिख्युं छो जै की एक छिपी बात छै। य इन छै, “मि महान शहर बाबेल छो। मि सभि वेश्याओं की ब्वे छो अर उ छो जु दुनिया की सभि तुच्छ कामों को स्रोत छो।”</verse>
				<verse number="6">अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।</verse>
				<verse number="7">वे स्वर्गदूत ल मि बट्टी बोलि, “किलै चकित हवे? मि ईं जनन, अर वे जानवर, जै पर उ सवार च, अर जैका सात मुंड अर दस सींग छिनी, मि त्वे तैं यांको गुप्त मतलब बतौलु।</verse>
				<verse number="8">वे जानवर जै तैं तिल अभि तक नि देखि, एक बगत ज्यूँदो छो, पर अब ज्यूँदो नि च; उ गहरा अथाह कुण्ड बट्टी भैर आंण वलो छो अर पिता परमेश्वर वीं तैं पूरा ढंग से नाश कैरी दयालो। धरती पर रौंण वला जौका नौं पिता परमेश्वर दुनिया की सृष्टि कन से पैली जीवन की किताब (चाम्रपत्र) मा नि लिखै, उ सभि भौंचक हवे जाला जब उ यु जानवर तैं दिखला। एक बगत उ ज्यूँदो छो; पर अब उ ज्यूँदो नि च; पर उ दुबरा वापिस ऐ जालो।</verse>
				<verse number="9">यु चिन्हों तैं समझणु कु तुम तैं ज्ञान की जरूरत च। जानवर का सात मुंड वे शहर का सात डांडा तैं बतौंदींनि जख या जनन राज्य करदी। उ सात राजाओं तैं भि बतांद।</verse>
				<verse number="10">ऊंमा बट्टी पाँच त पैली ही मोर गैनी, अर छठो शासक अब राज्य कनु च; अर आखरी वलो अभि तक नि ऐ, पर जब तक उ आलो, त उ भस थोड़ा ही बगत कु ही राज्य करलो।</verse>
				<verse number="11">जु जानवर पैली छो, अर अब नि च, उ अफ ही आठु च; अर उ जानवर जु भौत बगत पैली रांदो छो अर यु बगत नि च, उ आठु राजा च। पर उ आठु राजा पैला सात राजाओं मा बट्टी एक च। अर अंत मा वे राजा तैं निश्चित रूप मा हमेशा कु दण्ड दिए जालो।</verse>
				<verse number="12">उ दस सींग जु तिल पैली देखि छा, ऊं दस राजाओं तैं बतौंदींनि जौनु अभि तक राज्य कन शुरू नि कैरी। ऊं दस राजाओं तैं वे जानवर का दगड़ी मिल के राज्य कने को अधिकार पाला, पर ऊंको राज्य भस एक घंटा का बगत कु ही होलो।</verse>
				<verse number="13">यूं सभि दस राजाओं को एक ही उद्देश्य च, अर उ अपड़ी-अपड़ी सामर्थ अर अधिकार जानवर तैं द्ये दयाला।</verse>
				<verse number="14">जानवर अर दस राजाओं चिनखा पर हमला करला, पर चिनखा अर वेका मनणवला ऊं तैं हरै दयाला। यु इलै च किलैकि उ जानवर का प्रभु अर राजाओं को राजा च। वे तैं मनणवला उ छिनी जौं तैं पिता परमेश्वर ल बुलै अर चुणि, अर जु वेका प्रति विश्वासयोग्य छिनी।”</verse>
				<verse number="15">स्वर्गदूत ल भि मि बट्टी यु भि बोलि; “जु पांणी तिल पैली भि देखि छो, ज्यां पर व वेश्या जनन बैठी छै, लोग, जातियों, देश अर भाषाओं तैं बतौंदींनि, कई देश का लुखुं तैं अर कई ढंग की भाषाओं तैं बुल्ण वला छिनी।</verse>
				<verse number="16">उ बगत आलो जब जानवर ऊं दस राजाओं का दगड़ी जु ऊं दगड़ी छिनी, वीं वेश्या बट्टी घृणा करलो जु वे पर बैठी छै। उ वीं पर हमला करला, वीं तैं नंगी करला, उ वीं को मांस का हिस्सा तैं खै जाला, अर बकि तैं उ फूंकी दयाला।</verse>
				<verse number="17">उ वीं जनन तैं जीं तैं तिल देखि छो, उ यु बड़ो शहर च जु धरती पर सभि राजाओं पर राज्य करद। यु चीज वे दगड़ी हवीनि, किलैकि पिता परमेश्वर ल अपड़ा उद्देश्यों तैं पूरो कनु कु ऊंका मनों को निर्देशन कैरी। यु ही कारण च कि ऊंल अपड़ो अधिकार जानवर तैं दे दींनि कि उ राज्य कैरो, जब तक कि उ सब पूरो नि हो जु पिता परमेश्वर ल बोलि छो।”</verse>
				<verse number="18"></verse>
			</chapter>
			<chapter number="18">
				<verse number="1">यांका बाद, मिल स्वर्ग बट्टी एक और स्वर्गदूत तैं मूड़ी औंद देखि। वेमा बड़ो अधिकार छो अर वेकी महिमा की चमक का कारण सैरी धरती प्रकाशित हवे गै।</verse>
				<verse number="2">वेका बड़ा शब्द ल पुकारी के बोलि, “लमडी गै, बड़ो बाबेल लमडी गै। आज हर किस्म की दुष्टात्माएँ उख रौंणु कु चलि जाली अर यु अशुद्ध जानवर अर घृणित चलखुडोंं को घोल बनणै की जगह बण गै।</verse>
				<verse number="3">यु इलै होलो किलैकि वीं जनन ल जु कि बाबेल शहर च, हर एक राज्य का सभि जातियों तैं दाखमधु पिलै जु कि वेकी मूर्तियों की पूजा करदा छा। सैरी धरती का राजा वेका गंदा कामों मा शामिल हवीनि। धरती का व्यापारी वीं जनन की मंहगी-मंहगी चीजों की इच्छा का कारण सामर्थी अर धनवान बंणि गैनी।”</verse>
				<verse number="4">फिर स्वर्ग बट्टी एक और आवाज सुणै, हे मेरा लुखुं, वे शहर बट्टी भैर निकला। ऊं लुखुं का पापों को पीछा नि कैरा, कि जु विपत्तियां वे पर आली, उ तुम्हरा मथि नि औ।</verse>
				<verse number="5">किलैकि ऊंका पाप भौत छिनी जन ऊंको पापों को ढेर स्वर्ग तक पौंछि गै हो, अर पिता परमेश्वर वीं बुरै तैं नि भुल्द जु ऊंल कैरी।</verse>
				<verse number="6">त्वे तैं बाबेल का दगड़ी उन ही बुरै कन चयणी च जन वेल दूसरों का दगड़ी कैरी। बल्कि, त्वे तैं वे दगड़ी दुगण बुरै कन चयणी च। त्वे तैं वेका प्याला मा इन दाखमधु डलण चयणी च जु वीं दाखमधु बट्टी दुगणी हो जु वीं ल दूसरों तैं पिलाणु कु तैयार कैरी छै।</verse>
				<verse number="7">तू वीं तैं निश्चय ही जादा पिड़ा अर दुःख दिलैली जु वीं का भोगविलास भुरयां जीवन अर वीं का अपड़ा आप का प्रति घमण्ड का बराबर च। वीं ल अपड़ा आप बट्टी बोलि, “मि एक राणी का जन छो अर मि लुखुं पर राज्य करुलु। मि एक विधवा नि छो अर मि दुःख को अनुभव नि करुलु।”</verse>
				<verse number="8">वीं का बड़ी-बड़ी बातों तैं बुल्णा का कारण वीं पर अचानक से विपत्तियां आली। भस एक ही दिन मा अचानक, बिमारी अर शोक अर अकाल वीं पर एक ही दगड़ी आला। अर वीं तैं आग मा भस्म किये जालो किलैकि प्रभु परमेश्वर शक्तिशाली च, अर उ वीं तैं दण्ड दे के वींको न्याय करलो।</verse>
				<verse number="9">“अर सैरी धरती का राजा जौनु वीं दगड़ी व्यभिचार, अर सुख-विलास कैरी जब वीं का शहर आग की लपटों बट्टी फुकेंद दिखिला त उ वीं कु रवाला अर विलाप करला।</verse>
				<verse number="10">अर ऊं तैं डौर च कि उ भि वीं का दण्ड मा फंसी जाला अर दूर बट्टी खड़ा हवे के बुलला, हे बड़ा शहर, बाबेल! हे मजबूत शहर, हाय! हाय! थोड़ा ही बगत मा पिता परमेश्वर ल त्वे तैं नाश कैरेले।”</verse>
				<verse number="11">अर धरती का व्यापारी वीं कु रवाला अर विलाप करला, किलैकि अब कुई भि नि च जु वे सामान तैं खरिदलो जु व बिकांणी च।</verse>
				<verse number="12">वींको माल कई किस्मों को छो। ज्यांमा सोना, चाँदी, रत्न अर मोती छा। वां मा बड़िया कपड़ा छा जु मंहगा धागा, चमकीला लाल अर बैंगनी कपड़ा का बणया छा। वां मा खुशबुदार लखड़ा का बंणि चीज, हाथी दांत ल बंणि चीज छै, और भि चीज छै जु मंहगा लखड़ा या पितला, लोखर, या संगमरमर से बणया छा,</verse>
				<verse number="13">अर दालचीनी, मसला, धूप, इत्र, लोबान, दाखमधु, जैतून कु तेल, मैदा, ग्यूं, गौड़ा-बल्द, ढिबरा-बखरा, घोड़ा, रथ, अर जु लोग सामान खरीददां अर बिकांदा छा, उ अब लुखुं तैं गुलाम का रूप मा नि बेचि सकदा छा।</verse>
				<verse number="14">व्यापारी वीं बट्टी बुलला, “उ सभि चीज जै की तू इच्छा करदी छै अब नि च। उ सभि भीनी खुशबु वली चीज जु त्वे तैं पसंद छै, उ सभि चीज जौं तैं तू अपड़ा देह तैं सुंदर बनांणु कु इस्तेमाल करदी छै उ सभि हरचि गै अर उ अब नि मिलदींनि।”</verse>
				<verse number="15">यूं चीजों का व्यापारी जु वेका द्वारा धनवान हवे गै छा, वीं का पिड़ा का डौर का खातिर दूर खड़ा हवेला, अर रौवे के अर विलाप कैरी के बुलला,</verse>
				<verse number="16">“हाय! हाय! यु बड़ो शहर जु मलमल, बैंगनी, लाल रंग का कपड़ा पैरयूं छो, अर सोना, रत्नों अर मोतियों बट्टी सज्यूं छो;</verse>
				<verse number="17">बाबेल ल अपड़ी सैरी संपत्ति अचानक ही ख्वे दींनि।” अर हर एक माँझी, अर जथग समुद्र बट्टी कमै करदींनि, सभि दूर खड़ा हवीनि,</verse>
				<verse number="18">अर जब उ वीं आग बट्टी निकलीनि त वे धुवां तैं दिखला जु शहर तैं जलांणु च, तब उ चिल्लाला, “यु जन महान शहर कभी नि हवे”</verse>
				<verse number="19">अर ऊंल अपड़ो दुःख दिखांणु कु अपड़ा मुंड पर धूल डाली, अर रौवे के अर विलाप कैरी के चिलै-चिलै के बुलला, “हाय! हाय! यु बड़ो शहर वीं का बड़ा धन का कारण, हर एक जै मा समुद्री जहाज छो, उ धनवान हवे गैनी। थोड़ा ही बगत मा, वींको सभि धन चलि गै।”</verse>
				<verse number="20">तू जु स्वर्ग मा रौंदी, अर हे पवित्र लुखुं, अर प्रेरितों, अर पिता परमेश्वर का तरपां बट्टी बुल्ण वलो, यु बारा मा भौत खुश व जु वीं दगड़ी हवे, “किलैकि पिता परमेश्वर ल बाबेल तैं ऊं बातों कु भंगारी ठैरे जु वीं ल तुम दगड़ी कैरी।”</verse>
				<verse number="21">फिर एक तागतबर स्वर्गदूत ल बड़ी चक्की का पाट का संमणी एक ढुंगो उठै, अर यु बोलि, के समुद्र मा ढोल दींनि, “महान शहर बाबेल तैं भौत हिंसा का दगड़ी नष्ट कैर दींनि। उ शहर दुबरा कभी वापिस नि बसलो। अर दुबरा फिर कभी वेको पता नि मिललो।</verse>
				<verse number="22">बाबेल शहर, तेरी गलियों मा दुबरा फिर कभी भि संगीत सुणै नि दयालो, वीणा अर गायकों का संगीत, बंसुरी अर तुरही को संगीत नि होलो। तेरा सभि कुशल काम कन वला गायब हवे जाला, अर तुम्हरी चक्की मा पिसणु कु अनाज नि होलो।</verse>
				<verse number="23">फिर कभी भि लोग त्वे मा एक दिवडा की रोशनी तैं चमकद नि दिखला; फिर कभी भि उ ब्यो हूंण वला एक आदिम अर जनन की आवाज नि सुणला। उख का व्यापारी पूरी दुनिया मा सबसे जादा शक्तिशाली छा अर दुनिया की सभि जातियों तैं उख का जादूगरों का द्वारा लुखुं तैं धोखा दिये गै।</verse>
				<verse number="24">पिता परमेश्वर ल बाबेल तैं इलै दण्ड द्ये किलैकि उ शहर पिता परमेश्वर का तरपां बट्टी बुल्ण वलो, अर दुसरा सैरा लुखुं तैं जु पिता परमेश्वर का छिनी अर सैरी दुनिया भर का लुखुं को ल्वे बुगाला अर मारि दयाला की उ भंगारी छा।</verse>
			</chapter>
			<chapter number="19">
				<verse number="1">जब तागतबर स्वर्गदूत ल बुल्ण खत्म कैरी त मिल सूंणि उ इन छो जन स्वर्ग मा भौत सैरा लोग बुल्णा हो; हल्‍लिलूय्याह! उद्धार अर महिमा अर सामर्थ हमारा परमेश्वर ही की च।</verse>
				<verse number="2">वेकी स्तुति कैरा किलैकि पिता परमेश्वर सा सभि फैसला सच्चा छिनी। वेल बदनाम वेश्या को न्याय कैरी किलैकि वेल दुनिया का लुखुं तैं पाप कनु कु उकसै। पिता परमेश्वर ल वेश्या को न्याय कैरी के बदला लये किलैकि वेका दास वीं का द्वारा ल्वे बुगांण का कारण मरै गै छा।”</verse>
				<verse number="3">फिर दुसरी बार ऊंल बोलि, पिता परमेश्वर की स्तुति हो, बाबेल तैं नाश कन वली आग बट्टी निकलण वला धुवां कभी भि बंद नि होलो।</verse>
				<verse number="4">अर चौबीसों दाना-सयाणों ल अर चरी ज्यून्दा प्राणियों ल गिरी के पिता परमेश्वर तैं दण्डवत् कैरी; जु सिंहासन पर बैठया छा, अर बोलि, “आमीन! पिता परमेश्वर की आराधना हो!”</verse>
				<verse number="5">अर फिर मिल कै तैं बुल्द सूंणि, अर इन लगि जन य आवाज पिता परमेश्वर का सिंहासन बट्टी ऐ हो। वेल बोलि, “हे हमारा पिता परमेश्वर का सेवकों तुम जु वेका नौं को सम्मान करदा, चाहे बड़ा हो या छुटा हो। परमेश्वर की स्तुति कैरा!”</verse>
				<verse number="6">फिर मिल जु सूंणि व भौत बड़ी संख्या लुखुं का चिल्लांण का जन लगद छै। यु एक बड़ा झरना की आवाज का जन जोरदार छो अर बादल का गिगडांण का जन छो। ऊंल बोलि, “परमेश्वर की स्तुति हो! सर्वशक्तिमान पिता परमेश्वर हमारो राजा च।”</verse>
				<verse number="7">आवा, हम आनन्दित अर मगन हो, अर वेकी स्तुति कैरा, किलैकि जु चिनखो च वेको ब्यो हूंण वलो च। ब्योली श्रंगार कैरी के अफ तैं सजै के वेको तैयार कैरेले।</verse>
				<verse number="8">चिनखा ल वे तैं साफ चमकदार मलमल का द्वारा बणयां कपड़ा पैरणु कु दींनि, जु शुद्ध च, जु विश्वास कन वलो कु अच्छा कामों को चिन्ह च। किलैकि वे चमकदार मलमल को मतलब, पिता परमेश्वर का लुखुं का धार्मिक काम छिनी।</verse>
				<verse number="9">स्वर्गदूत ल मि बट्टी बोलि, “यु लिख, कि धन्य छिनी उ, जु चिनखा का ब्यो का जश्न मनांणु कु दावत मा बुलै गैनी।” फिर वेल मि बट्टी बोलि, “यु सच्चा वचन च जु पिता परमेश्वर की तरपां बट्टी आंद।”</verse>
				<verse number="10">जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।</verse>
				<verse number="11">फिर मिल स्वर्ग तैं खुल्यूं देखि, अर दिखदु कि एक सफेद घोड़ा च; अर वे पर एक सवार च, उ जै पर तुम भरोसा कैर सकदा, उ जु झूठ नि बुल्द; उ वेका अनुसार जु पिता परमेश्वर की नजर मा सै च, परमेश्वर धार्मिकता का दगड़ी न्याय करद अर दुश्मनों का विरुद्ध लड़ै करद।</verse>
				<verse number="12">वेका आँखा आग की लपटों का जन चमकदार छै, अर उ भौत सैरा मुकुट पैरयूं छो। अर वेको एक और नौं वे पर लिख्युं छो, पर भस उ ही वे नौं को मतलब जंणदु छो।</verse>
				<verse number="13">उ ल्वे मा डुबयां चोला पैरयूं छो, अर वेको नौं “पिता परमेश्वर कु वचन” च।</verse>
				<verse number="14">स्वर्ग का भौत सैरा सैनिक, वेका पिछनै-पिछनै छा। उ भि सफेद घोड़ों पर सवार छा अर उ सफेद मलमल को कपड़ा पैरयां छा जै मा बिल्कुल भि दाग नि च।</verse>
				<verse number="15">सवार का गिचा बट्टी एक तेज तलवार निकलदी जैको इस्तेमाल ऊं जातियों तैं हरांणु कु करलो, अर उ लोखर का जांठा दगड़ी ऊं पर राज्य करलो। यूं तैं सर्वशक्तिमान परमेश्वर का भयानक गुस्सा की दाखमधु का कुण्ड मा अंगूरों तैं निचोड़ण जन होलो।</verse>
				<verse number="16">अर वेको चोला अर दे जांघ पर यु नौं लिख्युं छो “प्रभु अर राजाओं को राजा च।”</verse>
				<verse number="17">फिर मिल एक स्वर्गदूत तैं सूरज पर खड़ो देखि। अर वेल आसमान का बीच मा बट्टी उड़ाण वला सभि मांस खांण वला सभि चलखुडों तैं बड़ा शब्दों ल पुकारी के बोलि, “आवा पिता परमेश्वर की वीं बड़ी दावत कु कठ्ठा हवे जावा जु पिता परमेश्वर ल तुम कु तैयार कैरी,</verse>
				<verse number="18">आवा अर राजाओं, सिपै का झुंडों, अगुवों, ताकतवर सैनिकों, घोड़ों अर वेका सवारों कु मांस खा। तुम हर किस्म का मुरयां लुखुं को मांस खा सकदा मतलब, दास अर स्वतंत्र, बड़ा अर छुटा सभि कु मांस खावा।”</verse>
				<verse number="19">फिर मिल वे जानवर तैं देखि जु समुद्र बट्टी भैर ऐ छो, अर धरती का राजाओं अर ऊंका सेनाओं तैं देखि। उ घोड़ा पर बैठण वला अर वेकी सेना का विरुद्ध लड़ै कु एक दगड़ी ऐनी।</verse>
				<verse number="20">अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।</verse>
				<verse number="21">येका बाद, वेल जु घोड़ा पर बैठयूं छो अपड़ा गिचा बट्टी निकलण वली तलवार कु इस्तेमाल कैरी के दुसरा सभियूं तैं मार दींनि। तब आसमान का सभि चलखुडों ल तब तक शवों कु मांस खांदी रैनी जब तक कि ऊंको पुटगो पूरो नि भुरे गै।</verse>
			</chapter>
			<chapter number="20">
				<verse number="1">फिर मिल एक स्वर्गदूत तैं स्वर्ग बट्टी उतरद देखि; जैका हथ मा अथाह कुण्ड की चाबी अर एक बड़ी संगल छै।</verse>
				<verse number="2">वेल वे अजगर तैं पकड़ी दींनि जु उखी छो जु भौत बगत पैली एक गुरो का रूप मा प्रगट हवे छो, जै तैं शैतान भि बुल्दींनि। वेल वे तैं संगलों ल बंधि अर अथाह कुण्ड मा फेंक दींनि। यांका बाद वेल ऊं तैं बंद कैर दींनि अर भितर जांणवला द्वार पर मोहर लगै दींनि कि एक हजार साल पूरा हूंण तक वेमा जाति-जाति का लुखुं तैं धोखा दींण कु कुई ढंग नि हो। जब उ पूरो हवे जालो त वे तैं दुबरा आजाद किये जालो, पर भस थोड़ा देर कु।</verse>
				<verse number="3"></verse>
				<verse number="4">वेका बाद मिल कुछ सिंहासन दिखिनि अर जु लोग ऊं सिंहासनों पर बैठयां छा ऊं तैं राज्य कनु को अधिकार दिये गै छो। मिल ऊं लुखुं की आत्माओं तैं भि देखि, जूंका मुंड तैं काटेले छो किलैकि ऊंल यु अंगीकार कैरी छो कि यीशु ऊंको प्रभु छो, अर उ परमेश्वर का वचन पर विश्वास करदा छा। ऊं लुखुं ल जानवर या वेकी मूर्ति की आराधना नि कैरी छै, ऊंल अपड़ा माथा या हथों पर जानवर की छाप भि नि लगै छै। यु लोग दुबरा ज्यून्दा हवे गैनी अर एक हजार सालों तक मसीह का दगड़ी मिली के राज्य कैरी।</verse>
				<verse number="5">यु लोग मुर्दों मा बट्टी ज्यूंदा किये जांण मा सबसे पैला छा, अर उ विशेष रूप से धन्य अर पवित्र छिनी। दुसरी मौत को ऊं पर कुई अधिकार नि च। उ पिता परमेश्वर का अर मसीह का याजक होला अर ऊं दगड़ी एक हजार साल तक राज्य करला। यूं एक हजार साल बट्टी पैली कै दुसरा मुरयां लुखुं तैं ज्यून्दों नि किये जालो।</verse>
				<verse number="6"></verse>
				<verse number="7">जब हजार साल खत्म हवे जाला त स्वर्गदूत, शैतान तैं उख बट्टी जख उ बंधयूं च, आजाद कैरी दयालो, अर उ, ऊं देशों की जातियों तैं धोखा दींणु कु भैर ऐ जालो जु पूरी दुनिया मा बिखरयां छिनी। यूं देशों तैं गोग अर मागोग बुलै जांद शैतान ऊं सभियूं तैं एक जगह पर कठ्ठा करलो जख उ लड़ै करला। उ भौत सैरा होला इन कि कुई ऊं तैं समुद्र का किनारा की बल्ला का जन गिणी भि नि सकलो।</verse>
				<verse number="8"></verse>
				<verse number="9">अर उ धरती पर हर जगह गैनी। अर ऊंल वे शहर तैं घेर दींनि, जै बट्टी पिता परमेश्वर प्रेम करद, जख वेका लोग रौदींनि पर पिता परमेश्वर की तरपां बट्टी, स्वर्ग मा बट्टी आग भैर ऐ अर पूरी सेना तैं नष्ट कैरी दींनि।</verse>
				<verse number="10">फिर ऊंल शैतान तैं जैल यूं सभियूं तैं भरमयूं छो, वीं जगह पर ढोल दींनि जु आग अर गन्धक बट्टी फुकयोंदो। उ वीं जगह पर होलो जख ऊंल पैली बट्टी ही जानवर अर पिता परमेश्वर का तरपां बट्टी बुल्ण वला बुल्दींनि। आग ऊं सभियूं तैं दिन अर रात हमेशा कु दुःख द्याली।</verse>
				<verse number="11">फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।</verse>
				<verse number="12">अर मिल मुरयां लुखुं तैं वे सिंहासन का संमणी खड़ा दिखिनि, मतलब कि जु जरूरी च। उ लोग जु समुद्र मा डूबी कै मोरि गैनी, अर कब्रों म का सभि मुरयां लोग, अर उ सभि लोग जु मोरि के अधोलोक मा छा, उ सभि वे सिंहासन का संमणी खड़ा हवीनि। उ किताब (चाम्रपत्र) खुलै गै जै मा ऊं लुखुं को नौं लिख्यां छा जै मा उ जीवन छो जैको कुई अंत नि च। उ किताब भि खुलै गै जै मा लुखुं ल जु-जु कैरी छो उ लिखै गै छो, अर हर एक ल जु कुछ कैरी छो वेका अनुसार ऊंको जांच के न्याय किये गै, जु वीं किताब मा लिख्युं छो।</verse>
				<verse number="13"></verse>
				<verse number="14">उ सभि लोग जौका नौं जीवन की किताब मा नि लिख्यां छा, ऊं तैं आग की झील मा फेंक दिए गै। यांका बाद, अब कुई मौत नि च अर न अधोलोक च, किलैकि उ सभि लोग जौका नौं जीवन की किताब मा नि लिख्यां छिनी ऊं तैं आग की झील मा फेंक दींनि। यु तैं ही दुसरी मौत बुल्दींनि, जु कि आग की झील को दंड च।</verse>
				<verse number="15"></verse>
			</chapter>
			<chapter number="21">
				<verse number="1">फिर मिल नया आसमान अर नई धरती तैं देखि, किलैकि पुरणो स्वर्ग अर धरती अब नि छै अर अब समुद्र भि नि छो।</verse>
				<verse number="2">फिर मिल पवित्र शहर तैं भि देखि, जु कि नयो यरूशलेम शहर च, जु स्वर्ग बट्टी पिता परमेश्वर की तरपां बट्टी मूड़ी औणु च। वे शहर तैं एक ब्योली का जन तैयार किये गै छो, जि तैं कपड़ा पैरये गैनी अर साज-सिगांर किये गै अर जु ब्योला बट्टी ब्यो कनु कु तैयार छो।</verse>
				<verse number="3">फिर मिल एक आवाज सूंणि जु पिता परमेश्वर का सिंहासन बट्टी जोर से बोलि, “देख, अब बट्टी पिता परमेश्वर लुखुं का बीच अपड़ो डेरा बणालो। उ, ऊं दगड़ी रालो, अर उ वेका लोग होला, पिता परमेश्वर अफ, ऊं तैं अपड़ा लुखुं का रूप मा स्वीकार करला अर उ, ऊं दगड़ी रालो, अर उ भि वे तैं अपड़ा पिता परमेश्वर का रूप मा स्वीकार करलो।</verse>
				<verse number="4">अर पिता परमेश्वर ऊंकी आँखों बट्टी सभि आँसूओं तैं फूंजी दयालो; अर कुई भि आदिम कभी भि दुःख महसूस नि करलो या रूलो न, किलैकि पुरणी दुनिया अब अस्तित्व मा नि च।”</verse>
				<verse number="5">अर जु सिंहासन पर बैठयूं छो, वेल बोलि, “मि सब कुछ नयो कैर दींदु।” फिर वेल बोलि, “लिख ले, किलैकि जु मि बुल्दो तू वे पर विश्वास कैर सकदी कि या बात जरुर ही होली।”</verse>
				<verse number="6">फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।</verse>
				<verse number="7">जु जय पालो, उ मि बट्टी यूं सभि आशीषों तैं पालो; अर मि वेको पिता परमेश्वर हुलु, अर उ मेरू नौंनो होलो।</verse>
				<verse number="8">पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”</verse>
				<verse number="9">अर फिर ऊं सात स्वर्गदूतों मा बट्टी एक ल जौनु मनिख जाति पर सात आखरी यातनाओं बट्टी भुरयां सात कटोरा उण्डेली छा, मि बट्टी बात कैरी, वेल बोलि, “इनै औ, मि त्वे तैं ब्योली दिखौलू जैको जल्द ही चिनखा का दगड़ी ब्यो हवे जालो।”</verse>
				<verse number="10">अर पिता परमेश्वर की आत्मा ल मि पर अपड़ो काबू कैरी, अर स्वर्गदूत मि तैं एक भौत ऊँचा डांडा की चोटी पर ली गै अर पवित्र शहर यरूशलेम तैं स्वर्ग बट्टी पिता परमेश्वर मा उतरद देखि।</verse>
				<verse number="11">शहर पिता परमेश्वर कि तरपां बट्टी मिलण वली महिमा का तेज रोशनी ल चमकणु छो, अर वेको उज्यलो भौत ही कीमती ढुंगा, मतलब यशब नौं भौत कीमती ढुंगा का जन चमकणु छो, अर कांच का जन साफ छो।</verse>
				<verse number="12">अर वेका शहर का चौ तरपां एक भौत ऊंची दीवार छै, अर वेका बारह फाटक अर शहर की चकबंधी मा बारह प्रवेश द्वार छा अर ऊंमा बट्टी हर एक प्रवेश द्वार पर एक स्वर्गदूत को पैहरा छो अर ऊं फाटकों पर इस्राएलियों का बारह गोत्रों कु नौं लिख्युं छो।</verse>
				<verse number="13">शहर का हर एक दिशा मा तीन फाटक छा; पूर्व, पश्चिम, उत्तर अर दक्षिण।</verse>
				<verse number="14">ऊंल शहर की दीवार बारह बड़ा-बड़ा ढंगों का मथि बणै छै, अर हर एक ढुंगा पर चिनखा का बारह प्रेरितों मा बट्टी एक-एक को नौं लिख्युं छो।</verse>
				<verse number="15">उ स्वर्गदूत जैल वे बट्टी बात कैरी, वे शहर मा अर वेका फाटकों अर वेकी शहर की चकबंधी तैं नपणु कु एक सोना को गज छो।</verse>
				<verse number="16">वे शहर का चार मुंड छा अर चरी मुंड एक समान छा, स्वर्गदूत ल अपड़ी नपणै की सिटगी ल शहर तैं नापी; येकी लंबाई द्वी हजार चार सौ किलोमीटर छै। येकी चौड़ै अर ऊँचै यांकि लंबाई का बराबर ही छै।</verse>
				<verse number="17">यांका बाद स्वर्गदूत ल दीवार की ऊँचै नापी, वेल यु तैं उन के ही नापी जन के लोग चीजों तैं नापी छो; येकी दीवार छियासठ मीटर चौड़ी छै।</verse>
				<verse number="18">शहर खरा सोना बट्टी बणै गै छो जु कांच का जन चमकणु छो, अर येकी शहर की चकबंधी, यशब बट्टी बंणि छै, अर शहर इन शुद्ध सोना को छो, जु साफ कांच का सम्मान हो।</verse>
				<verse number="19">वे शहर की बुनियाद हर किस्म का कीमती ढुंगो ल सजै-संवरी छै, पैली नींव यशब की, दुसरी नीलमणि की, तिसरी लालड़ी की, चौथी मरकत की,</verse>
				<verse number="20">पाँचु गोमेदक की, छठवीं माणिक्य की, सातवीं पीतमणि की, आठवीं पेरोज की, नौवीं पुखराज की, दसवीं लहसनिए की, ग्यारहवीं धूम्रकान्त की, बारहवीं याकूत की छै।</verse>
				<verse number="21">बारह प्रवेश द्वार भि, एक-एक मोती का बणया छा, अर शहर की सड़क, उ खरा सोना ल बंणि गै छै जु कांच का जन चमकदी छै।</verse>
				<verse number="22">मिल यु शहर मा कुई मन्दिर नि देखि किलैकि सर्वशक्तिमान पिता परमेश्वर अर चिनखो वे शहर मा छिनी। इलै उख मन्दिर की कुई जरूरत नि च।</verse>
				<verse number="23">उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।</verse>
				<verse number="24">वे शहर की चमक दुनिया मा रौंण वला सभि जातियों तैं प्रकाश दींद अर धरती का सभि राजा अपड़ी-अपड़ी धन दौलत तैं वे शहर मा लौदींनि।</verse>
				<verse number="25">वे शहर का फाटक दिन भर खुल्यां रौदींनि। उ कभी बंद नि हूंदींनि किलैकि उख कभी रात नि हूंदी।</verse>
				<verse number="26">जातियां दुनिया की सैरी खूबसूरत चीजों तैं अर दुनिया का लुखुं की धन दौलत तैं वे शहर मा लौदींनि।</verse>
				<verse number="27">पर कुछ भि दुष्ट वे शहर मा प्रवेश नि करलो। कुई भि जु तुच्छ काम करद या जु झूठ बुल्द उख प्रवेश नि करलो। उख भस उ ही लोग प्रवेश कैर सकदींनि जैको नौं चिनखा की जीवन की किताब (चाम्रपत्र) मा लिख्युं च, इख उ किताब च जौं मा ऊं लुखुं का नौं छिनी जौं मा अनन्त जीवन च।</verse>
			</chapter>
			<chapter number="22">
				<verse number="1">तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।</verse>
				<verse number="2">गाड वे शहर की सड़क का बीचों-बीच बुगदी, अर पांणी का कै भि छाला पर जीवन दींणवला डालों तैं देखै जा सकद। अर हर मैना यु अलग-अलग किस्म का फलों तैं दींदिनि अर येका पत्ता इन दवै कु काम करदींनि जु धरती का जातियों का लुखुं तैं ठिक कैर सकदींनि।</verse>
				<verse number="3">जु कुछ भि पिता परमेश्वर का श्राप का अधीन च शहर मा नि होलो, अर पिता परमेश्वर अर चिनखा का सिंहासन का शहर मा होलो अर पिता परमेश्वर का सेवक वेकी आराधना करला।</verse>
				<verse number="4">उ पिता परमेश्वर तैं अपड़ा अमणी-संमणी दिखला, अर पिता परमेश्वर का नौं वेका कपाल पर लिख्युं होलो।</verse>
				<verse number="5">अर फिर कभी रात नि होली, अर जु लोग उख रौन्दींनि, ऊं तैं अपड़ा रस्ता मा उज्यलो कनु कु दिवड़ै की कुई जरूरत नि च। न ही ऊं तैं उज्यलो दींण कु सूरज की जरूरत च। किलैकि पिता परमेश्वर ही च जु लुखुं तैं उज्यलो दींद। अर यु लोग जु उख रौदींनि उ हमेशा कु राज्य करदींनि।</verse>
				<verse number="6">यांका बाद, स्वर्गदूत ल मि बट्टी बोलि; “उ सब पैली बुलै गै बात सच छिनी अर निश्चित रूप मा पूरी होली। पिता परमेश्वर का तरपां बट्टी बुल्ण वलो तैं परमेश्वर ल अपड़ा पवित्र आत्मा द्ये, उ व ही च जैल अपड़ा स्वर्गदूत तैं आज्ञा द्ये कि उ अपड़ा सेवकों तैं यु दिखणु कु, जु जल्द ही होलो।”</verse>
				<verse number="7">“अर देख, मि जल्द आंण वलो छो; धन्य च उ, जु ईं किताब (चाम्रपत्र) मा लिखीं भविष्यवाणी की बातों तैं मणदो च।”</verse>
				<verse number="8">मि, यूहन्ना, उ ही छो जैल यूं सभि बातों तैं देखि अर सूंणि, तब मि वे स्वर्गदूत की आराधना कनु कु वेका खुट्टों मा गिर ग्यों।</verse>
				<verse number="9">वेल मि कु बोलि, “मि तैं प्रणाम नि कैर। मि भस पिता परमेश्वर का तरपां बट्टी बुल्ण वलो एक सेवक छो अर तेरा विश्वासी भयों का जन जु ईं किताब (चाम्रपत्र) मा लिखीं अर यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं आराधना कन चयणी च।”</verse>
				<verse number="10">फिर वेल मि बट्टी बोलि, “ईं किताब (चाम्रपत्र) की भविष्यवाणी का संदेशों तैं गुप्त नि रख; किलैकि जादा बगत नि होलो जब यु पूरो होलो।”</verse>
				<verse number="11">“जु कुई भि बुरा अर घिनौना काम तैं करद, ऊं तैं बुरा अर घिनौना कामों तैं कन द्या इन कै ही जु कुई भि अच्छा अर पवित्र काम करद, ऊं तैं ऊंका अच्छा अर पवित्र कामों तैं कन द्या।”</verse>
				<verse number="12">“तब प्रभु यीशु ल बोलि; मि जल्द ही औलु; अर लुखुं ल जु-जु काम करिनि, मि ऊं तैं ऊंका कामों तैं देख के ईनाम अर सजा दयुलु।”</verse>
				<verse number="13">“मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो।”</verse>
				<verse number="14">धन्य छिनी उ, जौनु चिनखा का बलिदान बट्टी अपड़ा आप तैं पिता परमेश्वर की नजरों मा शुद्ध बणै दींनि, किलैकि ऊं तैं वे शहर का फाटकों बट्टी प्रवेश कनु कु अधिकार दिये जालो। अर ऊं तैं वे डाला का फल खांणु कु भि अधिकार दिये जालो जु जीवन दींद।</verse>
				<verse number="15">पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।</verse>
				<verse number="16">यीशु ल बोलि, मिल अपड़ा स्वर्गदूत तैं तुम मा अर मण्डलि मा यूं बातों कु प्रचार कनु कु भेजि जु पिता परमेश्वर का लुखुं का झुण्ड मा हो, मि राजा दाऊद कु वंशज छो; मि ही छो, मि तैं सुबेर को गैणो भि बुल्दींनि।</verse>
				<verse number="17">पिता परमेश्वर की आत्मा अर चिनखै की ब्योली (मण्डलि) द्वी बुल्दींनि, “औ!” अर सुनण वलो तैं भि बुल्दण चयणु च, “औ!” अर जु तिसलो हो, उ औ अर जु कुई चांद उ जीवन को पांणी मुफ्त मा ल्यो।</verse>
				<verse number="18">मि यूहन्ना, हर वे आदिम तैं चितांणु छो जु ईं किताब की भविष्यवाणी की बातों तैं सुणद जु अभि हूंणी छिनी अर भविष्य मा होली, जु ईं किताब मा लिख्युं छिनी जु कुई भि यु संदेश मा कुछ भि बढांद, त परमेश्वर ऊंको दण्ड तैं बढ़ै दयालो। परमेश्वर ऊं विपत्तियों बट्टी वे तैं मरलो ज्यांको जिक्र मिल ईं किताब (चाम्रपत्र) मा कैरी।</verse>
				<verse number="19">अर जु कुई इन आदिम हो जु ईं किताब मा भविष्यवाणी किये गै हो बातों मा बट्टी कुछ भि हटो, त पिता परमेश्वर भि वे तैं वे डाला बट्टी फल खांण का अधिकार बट्टी निकाली दयालो जु जीवन दींद अर वेका पवित्र शहर मा रौंण का अधिकार तैं भि हटै दयालो जैका बारा मा ईं किताब (चाम्रपत्र) मा बतये गै।</verse>
				<verse number="20">यीशु, जु यूं सभि बातों को गवाह च बुल्द, हाँ, मि यूहन्ना ल जवाब द्ये, “आमीन” हे प्रभु यीशु औ।</verse>
				<verse number="21">मि प्रार्थना करदु कि प्रभु यीशु पिता परमेश्वर का लुखुं पर कृपा कैरो। आमीन।</verse>
			</chapter>
		</book>
	</testament>
</bible>