﻿<?xml version="1.0" encoding="UTF-8"?>
<bible translation="Kamba (Mbivilia) 1956" status="God's word open for all ©Bible Society of Kenya, 1956" link="https://www.bible.com/bible/2772/PHP.2.MBIVLIA">
	<testament name="Old">
		<book number="1">
			<chapter number="1">
				<verse number="1">Mwambĩlĩlyonĩ Ngai nĩwatw’ĩkĩthisye matu na nthĩ.</verse>
				<verse number="2">Na nthĩ yaĩ ntheĩ na ndĩaĩ kĩndũ; na kĩvindu kyaĩ ĩũlũ wa ĩ kyũngũ: na Veva wa Ngai avw’ĩkĩte ĩũlũ wa manzĩ.</verse>
				<verse number="3">Na Ngai asya, Nĩkwĩthĩwe kyeni; na kweethĩwa kyeni.</verse>
				<verse number="4">Na Ngai oona kyeni, atĩ nĩ kĩseo: na Ngai avathan’ya kye ni na kĩvindu.</verse>
				<verse number="5">Na Ngai eeta kyeni Mũthenya, na kĩvindu akĩta Ũtukũ. Na kweethĩwa wĩoo na kweethĩwa kĩoko, mũthenya ũmwe.</verse>
				<verse number="6">Na Ngai asya, Nĩkwĩthĩwe yayaya katĩ wa manzĩ, nayo yĩvathan’ye manzĩ na manzĩ.</verse>
				<verse number="7">Na Ngai aseũvya yayaya, na avathan’ya manzĩ ala maĩ ĩtheo wa yayaya na manzĩ ala maĩ ĩũlũ wa yayaya: na kweethĩwa ũu.</verse>
				<verse number="8">Na Ngai eeta yayaya Ĩtu. Na kweethĩwa wĩoo na kweethĩwa kĩoko, mũthenya wa kelĩ.</verse>
				<verse number="9">Na Ngai asya, Manzĩ ala me ĩtheo wa matu nĩmasyokeanĩe vamwe, na nthĩ nyũmũ yumĩle: na kweethĩwa ũu.</verse>
				<verse number="10">Na Ngai eeta mũthanga mũmũ Nthĩ; na kũsyokeanĩa kwa manzĩ akwĩta Maũkanga: na Ngai oona nĩ ũseo.</verse>
				<verse number="11">Na Ngai asya, Nthĩ nĩmesye nyeki, nyũnyi ikĩsyaa mbeũ, na mĩtĩ yĩ mosyao ĩkĩsyaa mosyao o mũthemba wayo, ala me na mbeũ syamo nthĩnĩ wamo, ĩũlũ wa nthĩ: na kweethĩwa ũu.</verse>
				<verse number="12">Na nthĩ yamesya nyeki, nyũnyi ikĩsyaa mbeũ o mũthemba wasyo, na mĩtĩ ĩkĩsyaa mosyao, ala me na mbeũ syamo o mũthemba wayo nthĩnĩ wamo: na Ngai oona nĩ ũseo.</verse>
				<verse number="13">Na kweethĩwa wĩoo na kweethĩwa kĩoko, mũthenya wa katatũ.</verse>
				<verse number="14">Na Ngai asya, Nĩkwĩthĩwe syeni yayayanĩ ya ĩtu ivathanasye mũthenya na ũtukũ; na nĩsyĩthĩwe mawonan’yo, na mavinda, na matukũ na myaka:</verse>
				<verse number="15">nasyo syĩthĩwe syeni yayayanĩ ya ĩtu sya kũete kyeni ĩũlũ wa nthĩ: na kweethĩwa ũu.</verse>
				<verse number="16">Na Ngai aseũvya syeni ilĩ nene; kyeni kĩnene kya kũsumbĩka mũthenya, na kyeni kĩnini kya kũsumbĩka ũtukũ: o na ndata nasyo.</verse>
				<verse number="17">Na Ngai asia yayayanĩ ya ĩtu sya kũete kyeni ĩũlũ wa nthĩ,</verse>
				<verse number="18">na kũsumbĩka mũthenya na ũtukũ, na kũvathan’ya kyeni na kĩvindu: na Ngai oona nĩ ũseo.</verse>
				<verse number="19">Na kweethĩwa wĩoo na kweethĩwa kĩoko, mũthenya wa kana.</verse>
				<verse number="20">Na Ngai asya, Manzĩ nĩmausũwe nĩ wingĩ wa nyamũ syĩ thayũ, na nyũnyi iũlũkae ĩũlũ wa nthĩ yayayanĩ.</verse>
				<verse number="21">Na Ngai atw’ĩkĩthya mĩkũnga mĩnene, na syũmbe syonthe syĩ thayũ ila ithambĩaa, ila syusũĩte manzĩnĩ, o mũthemba wasyo, na kĩla nyũnyi ĩ nthwau o mũthemba wayo: na Ngai oona nĩ ũseo.</verse>
				<verse number="22">Na Ngai aiathima, akyasya, Ongelekai, mwingĩve, musũe manzĩ ma maũkanga, na nyũnyi singĩve kũũ nthĩ.</verse>
				<verse number="23">Na kweethĩwa wĩoo na kweethĩwa kĩoko, mũthenya wa katano.</verse>
				<verse number="24">Na Ngai asya, Nthĩ nĩyumye syũmbe syĩ thayũ o mũthemba wasyo, indo, na tũsamũ tũla tũtambũkaa, na nyamũ sya kũũ nthĩ o mũthemba wasyo: na kweethĩwa ũu.</verse>
				<verse number="25">Na Ngai oombie nyamũ sya kũũ nthĩ o mũthemba wasyo, na indo o mũthemba wasyo, na kĩla kĩndũ kĩtambũkaa ĩũlũ wa nthĩ o mũthemba wakyo: na Ngai oona nĩ ũseo.</verse>
				<verse number="26">Na Ngai asya, Nĩtũmbe mũndũ na mũvw’ano witũ, na kĩtutya kitũ: na methĩwe na ũsumbĩko ĩũlũ wa makũyũ ma ũkanganĩ, na ĩũlũ wa nyũnyi sya yayaya, na ĩũlũ wa indo, na ĩũlũ wa nthĩ yonthe, na ĩũlũ wa kĩla kasamũ katambũkaa, kala katambũkaa ĩũlũ wa nthĩ.</verse>
				<verse number="27">Na Ngaĩ atw’ĩkĩthya mũndũ na mũvw’ano wake, na mũvw’ano wa Ngai amũtw’ĩkĩthya; mũũme na mũka amatw’ĩkĩthya.</verse>
				<verse number="28">Na Ngai amaathima: na Ngai amea, Ongelekai, mwingĩve, mu-sũsye nthĩ, na kũmĩkĩlya vinya; na ĩthĩ-wai na ũsumbĩko ĩũlũ wa makũyũ ma ũkanga, na ĩũlũ wa nyũnyi sya yayaya, na ĩũlũ wa kĩla kĩndũ kĩ thayũ kĩendaa ĩũlũ wa nthĩ.</verse>
				<verse number="29">Na Ngai asya, Sisya, nĩnĩmũnengete kĩla nyũnyi ĩsyaaa mbeũ, yĩ ĩũlũ wa nthĩ yonthe, na kĩla mũtĩ wĩ ũsyao wa mũtĩ ũsyaaa mbeũ; ũkeethĩwa wĩ lĩu kwenyu:</verse>
				<verse number="30">na kĩla nyamũ ya kũũ nthĩ, na kĩla nyũnyi ya yayaya, na kĩla kĩndũ kĩtambũkaa ĩũlũ wa nthĩ, kĩla kĩ thayũ, nĩninengete nyũnyi nziũ syonthe sya ũya: na kweethĩwa ũu.</verse>
				<verse number="31">Na Ngai oona kĩla kĩndũ wombie, na, sisya, kyaĩ kĩseo mũno. Na kweethĩwa wĩoo na kweethĩwa kĩoko, mũthenya wa thanthatũ.</verse>
			</chapter>
			<chapter number="2">
				<verse number="1">Na matu na nthĩ syathela kũmbwa, na nguthu yonthe yasyo.</verse>
				<verse number="2">Na mũthenya wa mũonza Ngaĩ nĩwaminĩte wĩa wake ũla watethasya; nake athũmũa mũthenya wa mũonza ũndũ wa wĩa wake w’onthe ũla watethasya.</verse>
				<verse number="3">Na Ngaĩ aathima mũthenya wa mũonza, na oovathan’ya wĩthĩwe mũtheu; nũndũ nĩw’o wathũmũie ũndũ wa wĩa wake w’onthe ũla Ngai watw’ĩkĩthisye na wombie.</verse>
				<verse number="4">Ii nĩ nzyawa sya matu na nthĩ yĩla syatw’ĩkĩthiw’e, mũthenya ũla Yeova Ngai wombie nthĩ na ĩtu.</verse>
				<verse number="5">Na kutyaĩ kamũtĩ ka kĩthekanĩ kambĩte kwĩthĩwa nthĩ, o na nyũnyi sya kĩthekanĩ ityambĩte kũmea; nũndũ Yeova Ngai ndauĩtye mbua nthĩ: o na kũtyaĩ mũndũ wa kũĩma nthĩ:</verse>
				<verse number="6">ĩndĩ mũumbĩ wambataa kuma nthĩ, na kuasya manzĩ ĩũlũ wa nthĩ yonthe.</verse>
				<verse number="7">Na Yeova Ngai oomba mũndũ na kĩtoo kya nthĩ, na amũvevea mĩthũmũ ya thayũ manyiũũnĩ make; na mũndũ atw’ĩka kyuu kĩ thayũ.</verse>
				<verse number="8">Na Yeova Ngai avanda mũũnda ngalĩko ya wumĩlonĩ wa syũa, nthĩnĩ wa Etenĩ; na nĩkw’o wamwiie mũndũ ũla wombie.</verse>
				<verse number="9">Na Yeova Ngai amesya mũthanganĩ kĩla mũtĩ wendeeasya kwoneka, na mũseo wa kũya; mũtĩ wa thayũ naw’o mũũndanĩ katĩ, na mũtĩ wa kũmanyĩthya ũseo na ũthũku.</verse>
				<verse number="10">Na ũsĩ waumĩte Eteni wa kũnyithya mũũnda; na kuma vau wataanĩsya, watw’ĩka mbũsĩ inya.</verse>
				<verse number="11">Syĩtwa ya ũla wa mbee nĩ Visoni: nĩw’o ũthyũlũlũkĩte nthĩ yonthe ya Avila, kũla kwĩ thaavu;</verse>
				<verse number="12">na thaavu wa nthĩ ĩsu nĩ mũseo: ve veteliumu na tũvila twa nzumalati.</verse>
				<verse number="13">Na syĩtwa ya ũsĩ wa kelĩ nĩ Ngioni: nĩw’o ũthyũlũlũkĩte nthĩ yonthe ya Kusi.</verse>
				<verse number="14">Na syĩtwa ya ũsĩ wa katatũ nĩ Itekelĩ: nĩw’o ũvĩtĩle mbee wa Asũli. Na ũsĩ wa kana nĩ Euvalati.</verse>
				<verse number="15">Na Yeova Ngai oosa mũndũ, na amwia mũũndanĩ wa Eteni oseũvasye na kũsũvĩaa.</verse>
				<verse number="16">Na Yeova Ngai amwĩaĩa mũndũ, akĩmwĩa, Wa kĩla mũtĩ wa mũũndanĩ nũtonya ũya o ũndũ ũkwenda:</verse>
				<verse number="17">ĩndĩ wa mũtĩ wa kũmanyĩthya ũseo na ũthũku, ndũkaye: nĩkwĩthĩwa mũthenya ũla ũkaya waw’o ndũkatĩa ũkw’a.</verse>
				<verse number="18">Na Yeova Ngai asya, Ti ũseo mũndũ ethĩwe e weka; nĩngũmũmbĩa mũtetheesya ũmwaĩle.</verse>
				<verse number="19">Na kuma mũthanganĩ Yeova Ngai oombie kĩla nyamũ ya kĩthekanĩ, na kĩla nyũnyi ya yayaya; nake atwaĩa mũndũ one ũndũ wĩsyĩta: na o ũndũ wetie kĩla kyũmbe kĩ thayũ, noyo syĩtwa yakyo.</verse>
				<verse number="20">Na mũndũ atw’ĩĩa indo syonthe masyĩtwa, na nyũnyi sya yayaya, na kĩla nyamũ ya kĩthekanĩ; ĩndĩ kwondũ wa ũ mũndũ kũtyaaoneka mũtetheesya ũmwaĩle.</verse>
				<verse number="21">Na Yeova Ngai akomethya mũndũ too mũnene, na akoma; nake aumya wau ũmwe wake, na akwantan’ya nyama vandũ vaw’o:</verse>
				<verse number="22">na wau, ũla Yeova Ngaĩ waumisye mũndũnĩ, oombie mũndũ mũka, na amũtwaĩa ũ mũndũ.</verse>
				<verse number="23">Na mũndũ asya, Ũũ yu nĩ ĩvĩndĩ ya mavĩndĩ makwa, na nyama ya mwĩĩ wakwa: akeetwa Mũndũ mũka, nĩkwĩthĩwa nĩwaumiw’e nthĩnĩ wa Mũndũ mũũme.</verse>
				<verse number="24">Kwondũ wa ũu mũndũ mũũme akatia ĩthe na nyinyia, na akalũman’ya na mũka wake: nao makeethĩwa mwĩĩ ũmwe.</verse>
				<verse number="25">Na me elĩ maĩ athei, mũndũ mũũme na mũka, na maiaasonoka.</verse>
			</chapter>
			<chapter number="3">
				<verse number="1">Na ĩndĩ nzoka yaĩ nzeleke mũno kwĩ nyamũ o na yĩva ya kĩthekanĩ ĩla Yeova Ngai wombie. Na yamwĩa mũndũ mũka atĩĩ, Nĩ w’o, Ngai nĩwaisye, Mũtikaye ma mĩtĩ yonthe ya mũũndanĩ?</verse>
				<verse number="2">Na ĩndĩ mũndũ mũka eea nzoka, Mosyao ma mĩtĩ ya mũũndanĩ nĩtũtonya ũya:</verse>
				<verse number="3">ĩndĩ ũsyao wa mũtĩ ũla wĩ katĩ wa mũũnda, Ngai nĩwaisye, Mũĩkaye waw’o, o na mũikakiite, mũikese ũkw’a.</verse>
				<verse number="4">Na nzoka yamwia mũndũ mũka, Mũikakw’a nongĩ:</verse>
				<verse number="5">nũndũ Ngai nĩwĩsĩ kana mũthenya ũla mũkaya waw’o, nĩvo mũkasalukw’a metho, nenyu mũkeethĩwa ta Ngai, mũkĩmanya ũseo na ũthũku.</verse>
				<verse number="6">Na yĩla mũndũ mũka wonie kana mũtĩ nĩ mũseo wa ũya, na nĩ wa kwendeesya methonĩ, na nĩ mũtĩ wa kwendwa kwa kũĩvya mũndũ, atw’a ũsyao waw’o, aya; na ĩngĩ anenga mũũme, nake aya.</verse>
				<verse number="7">Na masalukw’a metho moo me elĩ, mamanya nĩ athei; na matuman’ya matũ ma mũkũyũ, meeseũvĩsya ngũa.</verse>
				<verse number="8">Na meew’a wasya wa Yeova Ngai aitambũka mũũndanĩ syũa yausya: na mũndũ mũũme na mũka wake meevitha katĩ wa mĩtĩ ya mũũnda Yeova Ngai ndakamone.</verse>
				<verse number="9">Na Yeova Ngai eeta ũ mũndũ mũũme, amũkũlya, Ũĩva we?</verse>
				<verse number="10">Nake asũngĩa, Nĩneew’a wasya waku mũũndanĩ, na nakĩa, nũndũ nyie nĩĩ mũthei; na neevitha.</verse>
				<verse number="11">Nake amũkũlya, Nũũ ũkwĩie wĩĩ mũthei? Nũĩte wa mũti, ũla nakwĩaĩe ndũkaye?</verse>
				<verse number="12">Na mũndũ mũũme asũngĩa, Mũndũ mũka ũla wanengie ethĩwe nakwa, nĩwe ũnengie wa mũtĩ, na naya.</verse>
				<verse number="13">Na Yeova Ngai akũlya mũndũ mũka, Ũndũ ũũ wĩkie nata? Na mũndũ mũka asũngĩa, Nzoka nĩngengie, na naya.</verse>
				<verse number="14">Na Yeova Ngai eea nzoka, Nũndũ nĩwĩkie ũu, nũumanĩwe, we, kwĩ indo syonthe, na kwĩ nyamũ syonthe sya kĩthekanĩ; ũkaendaa na ĩvu, na ũkaĩsaa kĩtoo mĩthenya yonthe ya thayũ waku:</verse>
				<verse number="15">na ngeekĩa ũmaitha katĩ wenyu we na mũndũ mũka, na katĩ wa ũsyao waku na ũsyao wake: akatumba mũtwe waku, naku ũkatumba kĩtiinyo kyake.</verse>
				<verse number="16">Amwĩa mũndũ mũka, Ngaingĩvya mũno woo waku wa kũsyaa; woonĩ ũkasyaa syana; na kwenda kwaku kũkeethĩwa kwa mũemeu, nake akasumbĩka ĩũlũ waku.</verse>
				<verse number="17">Na amwĩa Atamu, Nũndũ, nĩweethukĩĩsye wasya wa mũkau, na ĩngĩ waya wa mũtĩ, ũla nakwĩaĩe, ngĩkwĩa, Ndũkaaye waw’o: nthĩ nĩumanĩwe nũndũ waku; ũkaĩsaa wayo woonĩ matũkũ onthe ma thayũ waku;</verse>
				<verse number="18">mĩw’a nayo na thangila ĩkakũmeesya; naku ũkaĩsaa nyũnyi sya mũũndanĩ;</verse>
				<verse number="19">yuutĩanĩ ya ũthyũ waku ũkaĩsaa lĩu, kũvika yĩla ũkasyoka mũthanganĩ; nũndũ nĩvo waumiw’e: nũndũ wĩ kĩtoo, na nũkasyoka kĩtoonĩ.</verse>
				<verse number="20">Na mũndũ mũũme atw’ĩĩa mũka wake syĩtwa Eva; nũndũ nĩwe inyia wa onthe me thayũ.</verse>
				<verse number="21">Na Yeova Ngai amaseũvĩsya Atamu na mũka wake ngũa sya mbũa, na amavw’ĩka.</verse>
				<verse number="22">Na Yeova Ngai asya, Sisya, mũndũ nũtw’ĩkĩte ta ũmwe wa ithyĩ, kũmanya ũseo na ũthũku; na yu, ndakese kũtambũũkya kw’oko, ose wa mũtĩ wa thayũ naw’o, na kũya, na kwĩkalaa tene na tene—</verse>
				<verse number="23">kwondũ wa ũu Yeova Ngai amumya mũũndanĩ wa Eteni, aĩme nthĩ vala waumiw’e.</verse>
				<verse number="24">Na ĩndĩ alũngya ũla mũndũ; na aia ngalĩ ya wumĩlonĩ wa syũa ya mũũnda wa Eteni Akeluvi, na ũlĩlĩnzĩku wa ũvyũ ũla weethyũũaa ngalĩko syonthe, kũsũvĩaa nzĩa ya mũtĩ wa thayũ.</verse>
			</chapter>
			<chapter number="4">
				<verse number="1">Na Atamu amanya Eva mũka wake; nake aya ĩvu, na asyaa Kaini, asya, Nĩnoosa mũndũ mũũme kwa kũtethw’a nĩ Yeova.</verse>
				<verse number="2">Na ĩngĩ asyaa mwana‐a‐inyia Aveli. Na Aveli aĩ mũĩthi wa malondu, ĩndĩ Kaini aĩ mũĩmi wa nthĩ.</verse>
				<verse number="3">Na kweethĩwa matukũ amwe mathela, Kaini aetee Yeova nthembo ya ũsyao wa nthĩ.</verse>
				<verse number="4">Nake Aveli aete mosyao ma mbee ma ĩĩthya yake na mathunya mamo. Na Yeova eetĩkĩla Aveli na nthembo yake:</verse>
				<verse number="5">ĩndĩ ndaaĩtĩkĩla Kaini na nthembo yake. Na Kaini aĩ mũthilĩku mũno, na aluta ũthyũ wake.</verse>
				<verse number="6">Na Yeova amwĩa Kaini, Ũthilĩkĩte nĩkĩ? Na ũlutĩte ũthyũ nĩkĩ?</verse>
				<verse number="7">Weeka nesa, ndwĩĩtĩkĩlwa? Na ethĩwa ndwĩĩka nesa, naĩ yovesyaa mũomonĩ; na kwenda kwayo kũkeethĩwa kwaku; ĩndĩ naku ũmĩsumbĩke.</verse>
				<verse number="8">Na Kaini aneena na mwana‐a‐inyia Aveli. Na kweethĩwa, yĩla maĩ kĩsesinĩ, Kaini amũkĩlĩla mwana‐a‐inyia Aveli, na amũaa.</verse>
				<verse number="9">Na Yeova akũlya Kaini, Aĩva Aveli, mwana‐a‐mwenyu? Nake asũngĩa, ndyĩsĩ: ninyie mũsũvĩi wa mwana‐a‐ia?</verse>
				<verse number="10">Nake akũlya, Wĩkie ata? Wasya wa nthakame ya mwana‐a‐mwenyu nũĩngaĩla kuma nthĩ.</verse>
				<verse number="11">Na yu ĩndĩ nũumanĩwe kuma nthĩ, ĩla yathamisye kanyw’a wayo kwosa nthakame ya mwana‐a‐mwenyu kuma kw’okonĩ kwaku;</verse>
				<verse number="12">ũkĩĩma nthĩ, ndĩkakũnengae ĩngĩ vinya wayo; ũkeethĩwa mũkĩi na mwangangi kũũ nthĩ.</verse>
				<verse number="13">Na Kaini amũsũngĩa Yeova, Kũsilĩlwa kwakwa nĩ kũnene mbee wa ũndũ ndonya kũmĩĩsya.</verse>
				<verse number="14">Sisya, ũmũnthĩ nĩwandũngya kuma ĩũlũ wa nthĩ; o na ũthyũnĩ waku ngavithĩka; na ngeethĩwa mũkĩi na mwangangi, kũũ nthĩ; na kũkeethĩwa, o ũla ũkambĩthĩa nũkambũaa.</verse>
				<verse number="15">Na Yeova amwĩa, Kwondũ wa ũu o ũla ũkoaa Kaini, nũkaĩvanĩw’a kũndũ mũonza. Na Yeova amwĩkĩa Kaini ũvano, kana o ũla ũkamwĩthĩa ndakaamũae.</verse>
				<verse number="16">Na Kaini auma mbee wa Yeova, na atũa nthĩ ya Noti, ngalĩ ya wumĩlonĩ wa syũa ya Eteni.</verse>
				<verse number="17">Na Kaini amanya mũka wake; nake aya ĩvu, na asyaa Enoko: na aaka ndũa, na eeta syĩtwa ya ndũa, o ta syĩtwa ya mwana wake, Enoko.</verse>
				<verse number="18">Na Enoko asyaa Ilati; na Ilati asyaa Meuyaeli; na Meuyaeli asyaa Methusaeli; na Methusaeli asyaa Lameki.</verse>
				<verse number="19">Na Lameki atwaa aka elĩ; syĩtwa ya ũmwe eetawa Ata, na syĩtwa ya ũla ũngĩ eetawa Nzila.</verse>
				<verse number="20">Na Ata asyaa Yavali: nĩwe ĩthe wa ala matũaa maeemanĩ na me indo.</verse>
				<verse number="21">Na syĩtwa ya mwana‐a‐inyia eetawa Yuvali: nĩwe ĩthe wa onthe ala makwataa mbeve na mũtũlilũ.</verse>
				<verse number="22">Na Nzila nake asyaa Tuvali‐kaini, nĩwe mũmanyĩsya wa atwii onthe ma mĩio myũĩ ya ũthuku na kĩaa: na mwĩĩtu‐a‐inyia wa Tuvali‐kaini aĩ Naama.</verse>
				<verse number="23">Na Lameki amea aka make: Ata na Nzila, ĩw’ai wasya wakwa; Inyw’ĩ aka ma Lameki, ĩthukĩĩsyei kũneena kwakwa: Nũndũ nĩnooaa mũndũ nũndũ wa ũngũna, O na mwanake nũndũ wa ũndumba:</verse>
				<verse number="24">Ethĩwa Kaini akaĩvanĩw’a kũndũ mũonza, Nĩ w’o Lameki nĩ kũndũ mĩongo mũonza na mũonza.</verse>
				<verse number="25">Na Atamu amanya mũka ĩngĩ; nake asyaa mwana, na amwĩta syĩtwa yake Sethi: akyasya, Nũndũ Ngai nũmbiĩe ũsyao ũngĩ vandũ va Aveli; nũndũ Kaini nĩwamũaie.</verse>
				<verse number="26">Na Sethi o nake asyaĩwa mwana; amwĩta syĩtwa yake Enosi. Ĩvinda yĩu andũ mambĩlĩlya kwĩkaĩla syĩtwa ya Yeova.</verse>
			</chapter>
			<chapter number="5">
				<verse number="1">Yĩĩ nĩyo ĩvuku ya mosyaanĩo ma Atamu. Mũthenya ũla Ngai watw’ĩkĩthisye mũndũ, amũmbie na kĩtutya kya Ngai;</verse>
				<verse number="2">mũũme na mũka amatw’ĩkĩthya, na amaathima, na ameta syĩtwa yoo Atamu, mũthenya ũla wamatw’ĩkĩthisye.</verse>
				<verse number="3">Na Atamu ekala myaka ĩana na mĩongo ĩtatũ, na asyaa mwana ũmũtutĩtye, e na mũvw’ano wake; na amwĩta syĩtwa yake Sethi:</verse>
				<verse number="4">na matukũ ma Atamu ĩtina wa kũsyaa Sethi maĩ myaka maana nyanya: o akĩsyaa ana na eĩtu.</verse>
				<verse number="5">Na matukũ onthe ala Atamu wekalile maĩ myaka maana kenda na mĩongo ĩtatũ: na akw’a.</verse>
				<verse number="6">Na Sethi ekala myaka ĩana na ĩtano, na asyaa Enosi:</verse>
				<verse number="7">na Sethi ekala ĩtina wa kũsyaa Enosi myaka maana nyanya na mũonza, o akĩsyaa ana na eĩtu:</verse>
				<verse number="8">na matukũ onthe ma Sethi maĩ myaka maana kenda na ĩkũmi na ĩlĩ: na akw’a.</verse>
				<verse number="9">Na Enosi ekala myaka mĩongo kenda, na asyaa Kenani:</verse>
				<verse number="10">na Enosi ekala ĩtina wa kũsyaa Kenani myaka maana nyanya na ĩkũmi na ĩtano, o akĩsyaa ana na eĩtu:</verse>
				<verse number="11">na matukũ onthe ma Enosi maĩ myaka maana kenda na ĩtano: na akw’a.</verse>
				<verse number="12">Na Kenani ekala myaka mĩongo mũonza, na asyaa Maalaleli:</verse>
				<verse number="13">na Kenani ekala ĩtina wa kũsyaa Maalaleli myaka maana nyanya na mĩongo ĩna, o akĩsyaa ana na eĩtu:</verse>
				<verse number="14">na matukũ onthe ma Kenani maĩ myaka maana kenda na ĩkũmi: na akw’a.</verse>
				<verse number="15">Na Maalaleli ekala myaka mĩongo thanthatũ na ĩtano, na asyaa Yaleti:</verse>
				<verse number="16">na Maalaleli ekala ĩtina wa kũsyaa Yaleti myaka maana nyanya na mĩongo ĩtatũ, o akĩsyaa ana na eĩtu:</verse>
				<verse number="17">na matukũ onthe ma Maalaleli maĩ myaka maana nyanya na mĩongo kenda na ĩtano: na akw’a.</verse>
				<verse number="18">Na Yaleti ekala myaka ĩana na mĩongo thanthatũ na ĩlĩ, na asyaa Enoko:</verse>
				<verse number="19">na Yaleti ekala ĩtina wa kũsyaa Enoko myaka maana nyanya, o akĩsyaa ana na eĩtu:</verse>
				<verse number="20">na matukũ onthe ma Yaleti maĩ myaka maana kenda na mĩongo thanthatũ na ĩlĩ: na akw’a.</verse>
				<verse number="21">Na Enoko ekala myaka mĩongo thanthatũ na ĩtano, na asyaa Methusela:</verse>
				<verse number="22">na Enoko aendanasya na Ngai ĩtina wa kũsyaa Methusela myaka maana atatũ, o akĩsyaa ana na eĩtu:</verse>
				<verse number="23">na matikũ onthe ma Enoko maĩ myaka maana atatũ na mĩongo thanthatũ na ĩtano:</verse>
				<verse number="24">na Enoko aendanasya na Ngai: na ndaĩ vo; nũndũ Ngai nĩwamwosie.</verse>
				<verse number="25">Na Methusela ekala myaka ĩana na mĩongo nyanya na mũonza, na asyaa Lameki:</verse>
				<verse number="26">na Methusela ekala ĩtina wa kũsyaa Lameki myaka maana mũonza na mĩongo nyanya na ĩlĩ, o akĩsyaa ana na eĩtu:</verse>
				<verse number="27">na matukũ onthe ma Methusela maĩ myaka maana kenda na mĩongo thanthatũ na kenda: na akw’a.</verse>
				<verse number="28">Na Lameki ekala myaka ĩana na mĩongo nyanya na ĩlĩ, na asyaa mwana:</verse>
				<verse number="29">na amwĩta syĩtwa yake Noa, akyasya, Nĩwe ũkatũkiakisya wĩanĩ wĩtũ na thĩnanĩ wa moko maitũ, kwondũ wa nthĩ ĩla Yeova waumanĩe.</verse>
				<verse number="30">Na Lameki ekala ĩtina wa kũsyaa Noa myaka maana atano na mĩongo kenda na ĩtano, o akĩsyaa ana na eĩtu:</verse>
				<verse number="31">na matukũ onthe ma Lameki maĩ myaka maana mũonza na mĩongo mũonza na mũonza: na akw’a.</verse>
				<verse number="32">Na Noa aĩ wa myaka maana atano: na Noa asyaa Semu na Amu na Yavethi.</verse>
			</chapter>
			<chapter number="6">
				<verse number="1">Na kweethĩwa, yĩla andũ mambĩlĩlye kwĩngiva ĩũlũ wa nthĩ, na masyaĩwa eĩtu,</verse>
				<verse number="2">ana ma Ngai moona kana eĩtu ma andũ maĩ aseo; na meetwaĩa aka, onthe ala manyuvie.</verse>
				<verse number="3">Na Yeova asya, Veva wakwa ndakakĩlan’ya vinya na mũndũ tene na tene, nũndũ we nake nĩ mwĩĩ: ĩndĩ matukũ make makeethĩwa myaka ĩana na mĩongo ĩlĩ.</verse>
				<verse number="4">Nevilimu maĩ kũũ nthĩ matukũ asu, o na ĩtina wa ĩvinda yĩu, yĩla ana ma Ngai malikile kwa eĩtu ma andũ, na mamasyaĩa syana: syo syaĩ ngũmbaũ tene, andũ me nguma.</verse>
				<verse number="5">Na Yeova oona kana ũthũku wa mũndũ waĩ mũnene kũũ nthĩ, na kĩla kĩsũanĩo kya malilikano ma ngoo yake kyaĩ kyathe vyũ mavinda onthe.</verse>
				<verse number="6">Na Yeova eelila nũndũ nĩwombie mũndũ ĩũlũ wa nthĩ, na eew’ĩthw’a woo ngoonĩ yake.</verse>
				<verse number="7">Na Yeova asya, Ngaananga mũndũ ũla natw’ĩkĩthisye aume ĩũlũ wa nthĩ; mũndũ, vamwe na nyamũ, na kĩla kasamũ katambũkaa, na nyũnyi sya yayaya; nĩkwĩthĩwa nĩngwĩlila nũndũ nĩnasyũmbie.</verse>
				<verse number="8">Ĩndĩ Noa nĩwendeesye mbee wa Yeova.</verse>
				<verse number="9">Mosyaanĩo ma Noa nĩmo aa. Noa aĩ mũndũ mũlũngalu, na mwĩanĩu nzyawanĩ sya ĩvinda yake: Noa aendanasya na Ngai.</verse>
				<verse number="10">Na Noa asyaa ana atatũ, Semu na Amu na Yavethi.</verse>
				<verse number="11">Na nthĩ yaĩ nthũku mbee wa Ngai, na nthĩ yausũĩte ũng’endu.</verse>
				<verse number="12">Na Ngai oona nthĩ, na, sisya, yaĩ nthũku; nũndũ mĩĩ yonthe nĩyathũkisye nzĩa yoo ĩũlũ wa nthĩ.</verse>
				<verse number="13">Na Ngai amwĩa Noa, Mũminũkĩlyo wa mĩĩ yonthe nĩwooka mbee wakwa; nũndũ nthĩ nĩyusũĩtwe nĩ ũng’endu kwondũ woo; na, sisya, ngamananga vamwe na nthĩ.</verse>
				<verse number="14">Ĩyakĩe ngalawa ya mũtĩ wa mũkova; na ũtilanga tũsũmba ngalawanĩ, na ũivaka ngalĩ ya nthĩnĩ na ngalĩ ya nza kĩsia.</verse>
				<verse number="15">Na ũũ nĩw’o wĩaka: ũasa wa ngalawa mĩkono maana atatũ, na ũthanthau wayo mĩkono mĩongo ĩtano, na ũtũlu wayo mĩkono mĩongo ĩtatũ.</verse>
				<verse number="16">Ũkaseũvye vandũ va kũete kyenĩ ngalawanĩ, na ũkaseũvye va mũkono ũmwe kuma ĩũlũ; na mũomo wa ngalawa ũkekĩe ũteenĩ wayo; nyũmba ya nthĩ, na ya katĩ, na ya ĩũlũ, nĩw’o wĩseũvya.</verse>
				<verse number="17">Nakwa, sisya, nĩngũete kĩw’ũ kingĩ ĩũlũ wa nthĩ, kyanange mĩĩ yonthe, yĩ na mĩvevo ya thayũ nthĩnĩ wayo, ungu wa ĩtu, kyonthe kĩla kĩ kũũ nthĩ kĩkakw’a.</verse>
				<verse number="18">Ĩndĩ ngalũlũmĩlya ũtianĩo wakwa naku; naku ũkalika ngalawanĩ, we, na ana maku, na mũkau, na aka ma ana maku vamwe naku.</verse>
				<verse number="19">Na kĩla kĩndũ kĩ thayũ kya mĩĩ yonthe, ilĩ sya kĩla mũthemba ũkaete nthĩnĩ wa ngalawa, kũsyĩkalya thayũ vamwe naku; ikeethĩwa nũme na nga.</verse>
				<verse number="20">Nyũnyi o mũthemba wasyo, na indo o mũthemba wasyo, na kĩla kasamũ katambũkaa ka nthĩ o mũthemba wako, ili sya kĩla mũthemba w’onthe ikakũkĩa, ũsyĩkalye thayũ.</verse>
				<verse number="21">Naku ũkeyosee lĩu w’onthe ũla ũĩsawa, wĩyũmbanĩsye; na ũkeethĩwa wĩ lĩu waku, na wasyo.</verse>
				<verse number="22">Noa eeka ũu; kwĩanana na w’onthe ũla Ngai wamwĩaĩe, nĩw’o wekie.</verse>
			</chapter>
			<chapter number="7">
				<verse number="1">Na Yeova amwĩa Noa, Lika, we, na andũ maku onthe ngalawanĩ; nũndũ we nĩngwonete wĩ mũlũngalu mbee wakwa nzyawanĩ ĩno.</verse>
				<verse number="2">Sya kĩla nyamũ ntheu ũkeyosee mũonza, mũonza, nũme na nga yayo; na sya nyamũ ila ite ntheu ilĩ, nũme na nga yayo:</verse>
				<verse number="3">na ĩngĩ sya nyũnyi sya yayaya, mũonza, mũonza, nũme na nga, kwĩkalya ũsyao wĩ thayũ ĩũlũ wa nthĩ yonthe.</verse>
				<verse number="4">Nũndũ vatiele matukũ mũonza, na ĩndĩ ngausya mbua nthĩ mĩthenya mĩongo ĩna na matukũ mĩongo ĩna; na kyonthe kĩ thayũ kĩla noombie ngaananga vyũ kuma ĩũlũ wa nthĩ.</verse>
				<verse number="5">Na Noa eeka w’onthe ũla Yeova wamwĩaĩe.</verse>
				<verse number="6">Nake Noa aĩ wa myaka maana thanthatũ yĩla kĩla kĩw’ũ kingĩ kyai ĩũlũ wa nthĩ.</verse>
				<verse number="7">Na Noa alika ngalawanĩ, we, na ana make, na mũka wake, na aka ma ana make, nũndũ wa manzĩ ma kĩla kĩw’ũ kingĩ.</verse>
				<verse number="8">Syalika sya nyamũ ntheu, na sya nyamũ ite ntheu, na sya nyũnyi, na sya kĩla kĩndũ kĩtambũkaa ĩũlũ wa nthĩ,</verse>
				<verse number="9">ilĩ, ilĩ ngalawanĩ kwa Noa, nũme na nga, o tondũ Ngai weaĩe Noa.</verse>
				<verse number="10">Na kweethĩwa ĩtina wa mĩthenya ĩsu mũonza, manzĩ ma kĩla kĩw’ũ kingĩ meethĩwa ĩũlũ wa nthĩ.</verse>
				<verse number="11">Mwaka wa maana thanthatũ wa thayũ wa Noa, mwei wa kelĩ, mũthenya wa ĩkũmi na mũonza wa mwei, mũthenya o ũsu kwavingũka nthongo syonthe sya kyũngũ kyu kĩnene, na mbũthĩ sya ĩtu syavingũka.</verse>
				<verse number="12">Na kweethĩwa mbua ĩũlũ wa nthĩ mĩthenya mĩongo ĩna na matukũ mĩongo ĩna.</verse>
				<verse number="13">Mũthenya o ũsu malika ngalawanĩ Noa, na Semu na Amu na Yavethĩ, ana ma Noa, na mũka wa Noa, na aka atatũ ma ana make vamwe nao;</verse>
				<verse number="14">mo na kĩla nyamũ o mũthemba wayo, na indo syonthe o mũthemba wasyo, na kĩla kasamũ katambũkaa, kala katambũkaa ĩũlũ wa nthĩ o mũthemba wako, na kĩla nyũnyi o mũthemba wayo, kĩla nyũnyi ya kĩla mũthemba.</verse>
				<verse number="15">Na syalika kwa Noa ngalawanĩ, ilĩ, ilĩ sya mĩĩ yonthe ĩla yĩ na mĩthũmũ ya thayũ.</verse>
				<verse number="16">Na ila syalikile, syalika nũme na nga sya mĩĩ yonthe, o tondũ Ngai wamwĩaĩe: na Yeova amũvingĩa nthĩnĩ.</verse>
				<verse number="17">Na kĩla kĩw’ũ kingĩ kyeethĩwa ĩũlũ wa nthĩ matukũ mĩongo ĩna; na manzĩ mongeleka, na mookĩlya ngalawa, na yookĩlĩtw’e ĩũlũ wa nthĩ.</verse>
				<verse number="18">Na manzĩ makĩlya vinya, na mongeleka mũno ĩũlũ wa nthĩ; na ngalawa yaendaa ĩũlũ wa manzĩ.</verse>
				<verse number="19">Na manzĩ makĩlya vinya mũno mũnene ĩũlũ wa nthĩ; na iĩma syonthe ndũlu ila syaĩ ungu wa ĩtu yonthe syavw’ĩkwa.</verse>
				<verse number="20">Manzĩ makĩlya vinya kwambata ĩũlũ mĩkono ĩkũmi na ĩtano; na iĩma syavw’ĩkwa.</verse>
				<verse number="21">Na mĩĩ yonthe yakw’a ĩla ĩendaa ĩũlũ wa nthĩ, nyũnyi, o na indo, na nyamũ, na kĩla kasamũ katambũkaa, kala katambũkaa ĩũlũ wa nthĩ, na kĩla mũndũ:</verse>
				<verse number="22">syonthe ila syaĩ na mĩthũmũ ya veva wa thayũ manyiũũnĩ masyo, sya syonthe ila syaĩ mũthanganĩ mũmũ, syakw’a.</verse>
				<verse number="23">Na kĩla kĩndũ kyaĩ thayũ ĩũlũ wa nthĩ kyaanangwa, andũ, o na indo, na tũsamũ tũla tũtambũkaa, na nyũnyi sya yayaya; na nĩsyanangiwe kuma nthĩ: no Noa watiiwe, na ala maĩ nake ngalawanĩ.</verse>
				<verse number="24">Na manzĩ makĩlya vinya ĩũlũ wa nthĩ matukũ ĩana na mĩongo ĩtano.</verse>
			</chapter>
			<chapter number="8">
				<verse number="1">Na Ngai alilikana Noa, na nyamũ syonthe, na indo syonthe ila syaĩ nake ngalawanĩ: na Ngai avĩtĩlya kĩseve ĩũlũ wa nthĩ, na manzĩ manyivanga;</verse>
				<verse number="2">nasyo nthongo sya kyũngũ kyu na mbũthi sya ĩtunĩ syavingwa, na mbua kuma ĩtunĩ yasiĩĩwa;</verse>
				<verse number="3">na manzĩ maendeea na kũolekanga nthĩ: na mũminũkĩlyo wa matukũ ĩana na mĩongo ĩtano manzĩ manyiva.</verse>
				<verse number="4">Na mwei wa mũonza, mũthenya wa ĩkũmi na mũonza wa mwei, ngalawa yekala ĩũlũ wa iĩma sya Alalati.</verse>
				<verse number="5">Na manzĩ maendeea na kũnyiva kũvika mwei wa ĩkũmi; na mwei wa ĩkũmi, mũthenya wa mbee wa mwei, mĩthya ya iĩma yooneka.</verse>
				<verse number="6">Na kweethĩwa mũminũkĩlyo wa matukũ mĩongo ĩna, Noa avingũa mbũthi ya ngalawa ĩla waseũvisye:</verse>
				<verse number="7">na aumya ngũngũũ, nayo yathi kũũ na kũũ, mũvaka yĩla manzĩ mang’alile ĩũlũ wa nthĩ.</verse>
				<verse number="8">Na aumya ĩvũĩ vala ũĩ, amanye kana manzĩ nĩmanyivĩte ĩũlũ wa nthĩ;</verse>
				<verse number="9">ĩndĩ ĩvũĩ yĩtyaona ũthũmũo wa kĩlata kyayo, na yamũsyokea ngalawanĩ; nũndũ manzĩ maĩ ĩũlũ wa nthĩ yonthe: na atambũũkya kw’oko, ayosa, ayĩlikya vala ũĩ ngalawanĩ.</verse>
				<verse number="10">Na ekalanga ĩngĩ matukũ angĩ mũonza; na aumya ĩngĩ yĩla ĩvũĩ ngalawanĩ;</verse>
				<verse number="11">na ĩvũĩ yamũsyokea wĩoo; na, sisya, kanyw’anĩ wayo ĩtũ ya mũthata yĩtw’ĩte; na ĩndĩ Noa amanya kana manzĩ nĩmanyivĩte kuma nthĩ.</verse>
				<verse number="12">Na ekalanga ĩngĩ matukũ angĩ mũonza, na aumya yĩla ĩvũĩ; na yĩtyaamũsyokea ĩngĩ nongi.</verse>
				<verse number="13">Na kweethĩwa mwaka wa maana thanthatũ na ũmwe, mwei wa mbee, mũthenya wa mbee wa mwei, manzĩ nĩmang’alĩte kuma nthĩ: na Noa athasya vandũ ngalawanĩ ĩũlũ, na oona, na, sĩsya, ĩũlũ wa nthĩ nĩkũnyiaĩte.</verse>
				<verse number="14">Na mwei wa kelĩ, mũthenya wa mĩongo ĩlĩ na mũonza wa mwei, nthĩ yaĩ nyũmũ.</verse>
				<verse number="15">Na Ngai aneena na Noa, akĩmwĩa,</verse>
				<verse number="16">Uma ngalawanĩ, we, na mũkau, na ana maku, na aka ma ana maku vamwe naku.</verse>
				<verse number="17">Vamwe naku umya kĩla kĩ thayũ kyonthe kĩ vamwe naku kya mĩĩ yonthe, nyũnyi, o na indo, na kĩla kĩtambũkaa kyonthe, kĩla kĩtambũkaa ĩũlũ wa nthĩ; nĩ kana isyaanĩe mũno nthĩ, na kwongeleka, na kwingĩva ĩũlũ wa nthĩ.</verse>
				<verse number="18">Na Noa aumaala, na ana make, na mũka wake, na aka ma ana make vamwe nake:</verse>
				<verse number="19">na kĩla nyamũ, na kĩla kasamũ katambũkaa, na kĩla nyũnyi, o kĩla kĩendaa ĩũlũ wa nthĩ, o mĩthemba yasyo, syauma ngalawanĩ.</verse>
				<verse number="20">Na Noa aakĩa Yeova kĩthembeo, na oosa ya kĩla nyamũ ntheu, na kĩla nyũnyi ntheu, na athemba nthembo sya kũvĩvw’a kĩthembeonĩ.</verse>
				<verse number="21">Na Yeova eew’a mũuke mũseo; na Yeova asya ngoonĩ yake, Ndĩkaumanĩa nthĩ ĩngĩ nongi kwondũ wa mũndũ, nũndũ kĩsũanĩo kya ngoo ya mũndũ nĩ kĩthũku kuma wana wake; o na ndikakũna ĩngĩ kyonthe kĩla kĩ thayũ, tondũ nĩkĩte.</verse>
				<verse number="22">Ĩvinda yĩla nthĩ ĩĩkalaa, kũvanda na kũketha, na mbevo na muutĩa, na ĩvinda ya syũa na ĩvinda ya mbevo, na mũthenya na ũtukũ itikathela.</verse>
			</chapter>
			<chapter number="9">
				<verse number="1">Na Ngai aathima Noa na ana make, na amea, Ongelekai, mwingĩve, na mũyusũsya nthĩ.</verse>
				<verse number="2">Na kũkĩwa kwenyu na kwĩw’ĩwa w’ĩa kwenyũ kũkeethĩwa ĩũlũ wa kĩla nyamũ ya nthĩ, na ĩũlũ wa kĩla nyũnyi ya yayaya; nasyo syonthe ila syusũĩte nthĩ, na makũyũ onthe ma ũkanganĩ, ninenganĩtwe mokonĩ menyu.</verse>
				<verse number="3">Kĩla kĩndũ kĩendaa kĩ thayũ kĩkeethĩwa lĩu kwenyu; o ta nyũnyi nziũ nĩnĩmũnengete syonthe.</verse>
				<verse number="4">Ĩndĩ nyama ĩ na thayũ wayo, nĩw’o nthakame yayo, mũtikaye.</verse>
				<verse number="5">Na vate ndĩi nthakame yenyu, nthakame ya mathayũ menyu, ngaandũa; kw’okonĩ kwa kĩla nyamũ ngaandũa: na kw’okonĩ kwa mũndũ, o kw’okonĩ kwa mwana‐a‐inyia wa kĩla mũndũ, ngaandũa thayũ wa mũndũ.</verse>
				<verse number="6">Ũla ũketa nthakame ya mũndũ, nthakame yake ĩketwa nĩ mũndũ: nũndũ mũvw’anonĩ wa Ngaĩ nĩwombie mũndũ.</verse>
				<verse number="7">Nenyu, ongelekai, mwingĩve; syaanai mũno kũũ nthĩ, na mũyingĩva ĩũlũ wayo.</verse>
				<verse number="8">Na Ngai aneena na Noa, na ana make vamwe nake, akĩmea,</verse>
				<verse number="9">Nakwa, sisya, nĩngũlũlũmĩlya ũtianĩo wakwa nenyu, na ũsyao wenyu ĩtina wenyu;</verse>
				<verse number="10">o na kĩla kyũmbe kĩ thayũ kĩ vamwe nenyu, na nyũnyi, na indo, na kĩla nyamũ ya nthĩ vamwe nenyu; syonthe ila syumĩte ngalawanĩ, o kĩla nyamũ ya nthĩ.</verse>
				<verse number="11">Na ngalũlũmĩlya ũtianĩo wakwa nenyu; o na mĩĩ yonthe ndĩkanangwa ĩngĩ nĩ manzĩ ma kĩla kĩw’ũ kingĩ; o na kũikethĩwa kĩw’ũ kingĩ ĩngĩ, kya kwananga nthĩ.</verse>
				<verse number="12">Na Ngai asya, Ũũ nĩw’o ũvano wa ũtianĩo ũla ngũtianĩa katĩ wakwa nenyu na kĩla kĩndũ kĩ thayũ kĩ vamwe nenyu, nzyawa na nzyawa:</verse>
				<verse number="13">nyie nĩngwia ũtaathi wakwa ĩthweonĩ, naw’o ũkeethĩwa ũvano wa ũtianĩo katĩ wakwa na nthĩ.</verse>
				<verse number="14">Na kũkeethĩwa, yĩla ngaete ĩthweo ĩũlũ wa nthĩ, ũtaathĩ ũkoonekaa ĩthweonĩ,</verse>
				<verse number="15">nakwa ngalilikana ũtianĩo wakwa, ũla wĩ katĩ wakwa nenyu na kĩla kyũmbe kĩ thayũ kya mĩĩ yonthe; na manzĩ maikethĩwa kĩla kĩw’ũ kingĩ ĩngĩ kya kwananga mĩĩ yonthe.</verse>
				<verse number="16">Na ũtaathi ũkeethĩwa ĩthweonĩ; nakwa ngoosisya, nĩ kana nĩlilikanae ũtianĩo wa tene na tene ũla wĩ katĩ wa Ngai na kĩla kyũmbe kĩ thayũ kya mĩĩ yonthe kĩ ĩũlũ wa nthĩ.</verse>
				<verse number="17">Na Ngai amwĩa Noa, Ũsu nĩ ũvano wa ũtianĩo ũla nalũlũmĩlya katĩ wakwa na mĩĩ yonthe ĩla yĩ ĩũlũ wa nthĩ.</verse>
				<verse number="18">Na ana ma Noa, ala maumie ngalawanĩ, nĩ Semu na Amu na Yavethi: na Amu nĩ ĩthe wa Kanaani.</verse>
				<verse number="19">Asu atatũ nĩo ana ma Noa: na nũndũ wa asu nthĩ yonthe yausũa.</verse>
				<verse number="20">Na Noa ambĩlĩlya kwĩthĩwa mũĩmi, na avanda mũũnda mĩsavivũ:</verse>
				<verse number="21">na anyw’a mbinyu, akwatwa nĩyo: na eethĩwa evuĩte e ĩeemanĩ yake.</verse>
				<verse number="22">Na Amu, ĩthe wa Kanaani, oona ĩthe wake e mũthei, na atavya ana‐a‐inyia make elĩ me nza.</verse>
				<verse number="23">Na Semu na Yavethi moosa ngũa, mailĩĩla ituonĩ syoo me elĩ, na mathi na kyamũtete, mavw’ĩka ĩthe woo e mũthei; na mothyũ moo melekele ĩtina, na matyaona ĩthe woo e mũthei.</verse>
				<verse number="24">Na Noa aamũka kuma mbinyunĩ yake, na amanya ũndũ wĩkiwe nĩ mwana wake ũla mũnini.</verse>
				<verse number="25">Nake asya, Naumanĩwe Kanaani; Mũthũkũmi wa athũkũmi akeethĩwa kwa ana‐a‐inyia make.</verse>
				<verse number="26">Na asya, Nataĩwe Yeova, Ngai wa Semu; Na Kanaani nĩethĩwe mũthũkũmi wake,</verse>
				<verse number="27">Ngai anenevye Yavethi, Nake nĩekale maeemanĩ ma Semu; Na Kanaani nĩethĩwe mũthũkũmi wake.</verse>
				<verse number="28">Na Noa ekala ĩtina wa kĩla kĩw’ũ kingĩ myaka maana atatũ na mĩongo ĩtano.</verse>
				<verse number="29">Na matukũ onthe ma Noa maĩ myaka maana kenda na mĩongo ĩtano: na akw’a.</verse>
			</chapter>
			<chapter number="10">
				<verse number="1">Na ĩndĩ aa nĩo mosyaanĩo ma ana ma Noa, ma Semu na Amu na Yavethi: na masyaĩwa ana ĩtina wa kĩla kĩw’ũ kingĩ.</verse>
				<verse number="2">Ana ma Yavethi: Ngomeli, na Makoki, na Matai, na Yavani, na Tuvali, na Meseki, na Tilasi.</verse>
				<verse number="3">Na ana ma Ngomeli: Asikenasi, na Livathi, na Tokalima.</verse>
				<verse number="4">Na ana ma Yavani: Elisaa, na Talisisi, na Kitimu, na Alotani.</verse>
				<verse number="5">Na kwa asu ithama sya mbaĩ syaaanw’a katĩ wa nthĩ syoo, kĩla ũmwe na kĩthyomo kyake, kũatĩĩa mĩvĩa yoo, mbaĩnĩ syoo.</verse>
				<verse number="6">Na ana ma Amu: Kusi, na Misili, na Vutu, na Kanaani.</verse>
				<verse number="7">Na ana ma Kusi: Seva, na Avila, na Savita, na Laama, na Saviteka; na ana ma Laama: Sieva, na Ndetani.</verse>
				<verse number="8">Na Kusi asyaa Nimiloti: ambĩlĩlya kwĩthĩwa ũmwe wĩ vinya kũũ nthĩ.</verse>
				<verse number="9">Aĩ mũsyĩmi wĩ vinya mbee wa Yeova: kwa ũu kwaaw’a, Ta Nimiloti mũsyĩmi wĩ vinya mbee wa Yeova.</verse>
				<verse number="10">Na wambĩlĩyo wa ũsumbĩ wake weethĩwa Mbaveli, na Eleku, na Akati, na Kalene, nthĩ ya Sinali.</verse>
				<verse number="11">Nthĩ ĩsu nĩkw’o waumie athi Asuli, na aaka Nineva, na LeovothiIli, na Kala,</verse>
				<verse number="12">na Leseni katĩ wa Nineva na Kala (nĩyo ĩla ndũa nene).</verse>
				<verse number="13">Na Misili asyaa Aluti, na Aanami, na Aleavi, na Anavitui,</verse>
				<verse number="14">na Avathilusi, na Akasilui (vala Avilisiti maumie), na Akavitoli.</verse>
				<verse number="15">Na Kanaani asyaa Sitoni ĩkithathi yake, na Ethi,</verse>
				<verse number="16">na Mũyevusĩ, na Mũamoli, na Mũngilikasi,</verse>
				<verse number="17">na Mũivi, na Mũaliki, na Mũsini,</verse>
				<verse number="18">na Mũalivati, na Mũnzemali, na Mũamathi: na ĩtina mĩvĩa ya Mũkanaani yanyaĩĩka.</verse>
				<verse number="19">Na mũvaka wa Mũkanaani waĩ kuma Sitoni, ũendete Ngelali, kũvika Ngasa; ũendete Sotomo na Ngomola na Atima na Nzevoiimu, kũvika Lasa.</verse>
				<verse number="20">Asu nĩo ana ma Amu, kũatĩĩa mĩvĩa yoo, na kũatĩĩa ithyomo syoo, katĩ wa nthĩ syoo, mbaĩnĩ syoo.</verse>
				<verse number="21">Na Semu, ĩthe wa ana onthe ma Eveli, mũkũũwe wa Yavethi, nake asyaĩwa syana.</verse>
				<verse number="22">Ana ma Semu: Elamu, na Asuli, na Alivakasati, na Luti, na Alamu.</verse>
				<verse number="23">Na ana ma Alamu: Usi, na Uli, na Ngetheli, na Masi.</verse>
				<verse number="24">Na Alivakasati asyaa Siela; na Siela asyaa Eveli.</verse>
				<verse number="25">Na Eveli asyaĩwa ana elĩ: syĩtwa ya ũmwe eetawa Veleki; nũndũ nthĩ yaaaniw’e matukũnĩ make; na syĩtwa ya mwana‐a‐inyia wake eetawa Yokitani.</verse>
				<verse number="26">Na Yokitani asyaa Alimotati, na Selevu, na Asalimavethi, na Yela,</verse>
				<verse number="27">na Aatolamu, na Usali, na Ndikila,</verse>
				<verse number="28">na Ovali, na Avimaeli, na Sieva,</verse>
				<verse number="29">Ovilu, na Avila, na Yovavu: asu onthe maĩ ana ma Yokitani.</verse>
				<verse number="30">Na ũtũo woo waĩ kuma Mesa, ũendete Sevali, kĩĩma kya wumĩlonĩ wa syũa.</verse>
				<verse number="31">Asu nĩ ana ma Semu, kũatĩĩa mĩvĩa yoo, na kũatĩĩa ithyomo syoo, katĩ wa nthĩ yoo, kũatĩĩa mbaĩ syoo.</verse>
				<verse number="32">Ĩsu nĩyo mĩvĩa ya ana ma Noa, kũatĩĩa mosyaanĩo moo, mbaĩnĩ syoo: na nũndũ wa asu mbaĩ syaaanw’a katĩ wa nthĩ ĩtina wa kĩla kĩw’ũ kingĩ.</verse>
			</chapter>
			<chapter number="11">
				<verse number="1">Na nthĩ yonthe yaĩ ya kĩthyomo kĩmwe na kĩneeno kĩmwe.</verse>
				<verse number="2">Na kweethĩwa, yĩla maendete kyalo wumĩlonĩ wa syũa, moona ũiĩ nthĩ ya Sinali; na matũa vo.</verse>
				<verse number="3">Na meeana, Ũkai, tũmbe mavali, na tũimavĩvya vyũ. Na meethĩwa na mavali vandũ va mavia, na lami vandũ va ndaka.</verse>
				<verse number="4">Na masya, Ũkai, twĩyakĩe, ndũa, na mwako mũtũlu wa mũnyoolo, ũla mũthya waw’o ũtonya ũvika ĩtunĩ, na twĩmanthĩe syĩtwa; tũikese kũnyaĩĩkw’a ĩũlũ wa nthĩ yonthe.</verse>
				<verse number="5">Na Yeova atheea one ndũa na mwako ũsu mũtũlu, ũla ana ma andũ makĩte.</verse>
				<verse number="6">Na Yeova asya, Sisya, mo nĩ ũko ũmwe, na onthe me na kĩthyomo kĩmwe; na ũũ nĩ ũndũ mambĩlĩlya kwĩka; namo yu maikasiĩĩwa ũndũ meũsũanĩa kwĩka.</verse>
				<verse number="7">Ũkai, tũtheee, na tũithokoan’ya kĩthyomo kyoo vo, maikew’ane ũneeni.</verse>
				<verse number="8">Na ĩndĩ Yeova amanyaĩĩkya ĩũlũ wa nthĩ yonthe kuma vau: na maeka kwaka ndũa.</verse>
				<verse number="9">Kwondũ wa ũu syĩtwa yayo yeetwa Mbaveli; nũndũ nĩvo Yeova wathokoanĩsye kĩthyomo kya nthĩ yonthe: na kuma vau Yeova amanyaĩĩkya ĩũlũ wa nthĩ yonthe.</verse>
				<verse number="10">Aa nĩo mosyaanĩo ma Semu. Semu aĩ wa myaka ĩana, na asyaa Alivakasati myaka ĩlĩ ĩtina wa kĩla kĩw’ũ kingĩ:</verse>
				<verse number="11">na Semu ekala ĩtina wa kũsyaa Alivakasati myaka maana atano, o akĩsyaa ana na eĩtu.</verse>
				<verse number="12">Na Alivakasati ekala myaka mĩongo ĩtatũ na ĩtano, na asyaa Siela:</verse>
				<verse number="13">na Alivakasati ekala ĩtina wa kũsyaa Siela myaka maana ana na ĩtatũ, o akĩsyaa ana na eĩtu.</verse>
				<verse number="14">Na Siela ekala myaka mĩongo ĩtatũ, na asyaa Eveli:</verse>
				<verse number="15">na Siela ekala ĩtina wa kũsyaa Eveli myaka maana ana na ĩtatũ, o akĩsyaa ana na eĩtu.</verse>
				<verse number="16">Na Eveli ekala myaka mĩongo ĩtatũ na ĩna, na asyaa Veleki:</verse>
				<verse number="17">na Eveli ekala ĩtina wa kũsyaa Veleki myaka maana ana na mĩongo ĩtatũ, o akĩsyaa ana na eĩtu.</verse>
				<verse number="18">Na Veleki ekala myaka mĩongo ĩtatũ, na asyaa Leu:</verse>
				<verse number="19">na Veleki ekala ĩtina wa kũsyaa Leu myaka maana elĩ na kenda, o akĩsyaa ana na eĩtu.</verse>
				<verse number="20">Na Leu ekala myaka mĩongo ĩtatũ na ĩlĩ, na asyaa Seluki:</verse>
				<verse number="21">na Leu ekala ĩtina wa kũsyaa Seluki myaka maana elĩ na mũonza, o akĩsyaa ana na eĩtu.</verse>
				<verse number="22">Na Seluki ekala myaka mĩongo ĩtatũ, na asyaa Naoli:</verse>
				<verse number="23">na Seluki ekala ĩtina wa kũsyaa Naolĩ myaka maana elĩ, o akĩsyaa ana na eĩtu.</verse>
				<verse number="24">Na Naoli ekala myaka mĩongo ĩlĩ na kenda, na asyaa Tela:</verse>
				<verse number="25">na Naoli ekala ĩtina wa kũsyaa Tela myaka ĩana na ĩkũmi na kenda, o akĩsyaa ana na eĩtu.</verse>
				<verse number="26">Na Tela ekala myaka mĩongo mũonza, na asyaa Avalamu, na Naoli, na Aalani.</verse>
				<verse number="27">Na ĩndĩ aa nĩo mosyaanĩo ma Tela. Tela asyaa Avalamu, na Naoli, na Aalani; na Aalani asyaa Loto.</verse>
				<verse number="28">Na Aalani nĩwakw’ĩĩe nthĩ ĩla wasyaĩwe nthĩ ya Ulu wa Akalitei, ĩthe wake Tela atanakw’a.</verse>
				<verse number="29">Na Avalamu na Naoli meetwaĩa aka: syĩtwa ya mũka wa Avalamu eetawa Salai; na syĩtwa ya mũka wa Naoli, eetawa Milika, mwĩĩtu wa Aalani, ĩthe wa Milika, na ĩthe wa Isika.</verse>
				<verse number="30">Na Salai aĩ ngũngũ; ndaĩ mwana.</verse>
				<verse number="31">Na Tela oosa Avalamu mwana wake, na Loto mwana wa Aalani, mwĩsũkũũe, na Salai mũka wa mwana, o mũka wa mwana wake Avalamu; na mathi nao kuma Ulu wa Akalitei, kũlika nthĩ ya Kanaani; na mavika Aalani, na matũa vo.</verse>
				<verse number="32">Na matukũ ma Tela maĩ myaka maana elĩ na ĩtano: na Tela akw’ĩa Aalani.</verse>
			</chapter>
			<chapter number="12">
				<verse number="1">Na ĩndĩ Yeova amwĩa Avalamu, Uma, we, nthĩ yaku, na kwa ũko waku, na nyũmba ya au, kũvika nthĩ ĩla nĩkwon’ya:</verse>
				<verse number="2">na ngakũtw’ĩkĩthya mbaĩ nene, na ngakũathima, na kũnenevya syĩtwa yaku; naku wĩthĩwe ũathimo:</verse>
				<verse number="3">nakwa ngamaathima ala makũathimaa, na ũla ũkũumanĩaa ngamũumanĩa: na nthĩnĩ waku, we, mĩvĩa yonthe ya nthĩ ĩkaathimwa.</verse>
				<verse number="4">Na ĩndĩ Avalamu athi, o tondũ Yeova wamwĩie; na Loto athi nake: na Avalamu aĩ wa myaka mĩongo mũonza na ĩtano yĩla waumie Aalani.</verse>
				<verse number="5">Na Avalamu oosa Salai mũka wake, na Loto mwana wa mwana‐a‐inyia, na syĩndũ syoo syonthe ila moombanĩtye, na andũ ala masyaĩwe Aalani; na mauma nĩ kana maende nthĩ ya Kanaani; na mavota nthĩ ya Kanaani.</verse>
				<verse number="6">Na Avalamu avĩtĩla ĩ nthĩ avika vandũ vetawa Sekemu, kũvika mũtĩ wa mwaloni wĩ Mole. Na ĩvinda yĩu Mũkanaani atũaa nthĩ ĩsu.</verse>
				<verse number="7">Na Yeova aumĩlĩla Avalamu, na asya, Nganenga ũsyao waku nthĩ ĩno: na vau aakĩa Yeova, ũla wamumĩlĩle, kĩthembeo.</verse>
				<verse number="8">Na auma vau avika kĩĩmanĩ ngalĩ ya wumĩlonĩ wa syũa ya Mbethi‐eli, na amba ĩeema yake, Mbethi‐eli yĩ ngalĩ ya ũthũĩlonĩ wa syũa, na Ai yĩ ngalĩ ya wumĩlonĩ wa syũa: na vau aakĩa Yeova kĩthembeo, na eekaĩla syĩtwa ya Yeova.</verse>
				<verse number="9">Na Avalamu athi kyalo, aendeea elekele ngalĩ ya Ĩtheo.</verse>
				<verse number="10">Na kwaĩ yũa nthĩ ĩsu: na Avalamu atheea Misili ekale ũeni kw’o: nũndũ yũa yaĩ ĩnene nthĩ ĩsu.</verse>
				<verse number="11">Na kweethĩwa, yĩla wathengeeie kũlika Misili, amwĩa Salai mũka wake, Na yu ĩndĩ, nĩnĩsĩ wĩ mũndũ mũka mwanake mũno kwa kũsiw’a:</verse>
				<verse number="12">na kũkeethĩwa, yĩla Amisili mekwona, makasya, Ũũ nĩ mũka wake: na makambũaa, ĩndĩ we makakũeka wĩ thayũ.</verse>
				<verse number="13">Nĩngũkwĩsũva, asya wĩ mwĩĩtũ‐a‐ia; nĩ kana kwĩthĩwe kwĩ kũseo kwakwa kwondũ waku, na kyuu kyakwa kĩkale thayũ kwondũ waku.</verse>
				<verse number="14">Na kweethĩwa, Avalamu avika Misili, Amisili moona mũka wake kana nĩ mwanake mũno.</verse>
				<verse number="15">Na anene me mbee ũsumbĩnĩ ma Valao mamwona, na mamũkatha kwa Valao: na mũndũ mũka atwawa nyũmbanĩ ya Valao.</verse>
				<verse number="16">Na amwĩka Avalamu nesa kwondũ wake: na aĩ na malondu, na ng’ombe, na mang’oi maũme, na athũkũmi aũme na eĩtu, na mang’oi maka, na ngamĩle.</verse>
				<verse number="17">Na Yeova athĩn’ya Valao na nyũmba yake mothĩn’yo manene kwondũ wa Salai, mũka wa Avalamu.</verse>
				<verse number="18">Na Valao amwĩta Avalamu, na amũkũlya, Ũu ũmbĩkĩte nata? Nĩkĩ ndwaandavya kana nĩ kĩveti kyaku?</verse>
				<verse number="19">Nĩkĩ waisye, Nĩ mwĩĩtu‐a‐ia, ũndũ nĩmũtwaie ethĩwe mũka wakwa? Yu ĩndĩ sisya mũka waku, mwose, ũkwate nzĩa ũthi.</verse>
				<verse number="20">Na Valao eeaĩa andũ ũndũ wake: nao mamumaasya nzĩanĩ, na mũka wake, na syonthe ila waĩ nasyo.</verse>
			</chapter>
			<chapter number="13">
				<verse number="1">Na Avalamu ambata kuma Misili, we, na mũka wake, na syonthe ila waĩ nasyo, na Loto vamwe nake, kũvika ngalĩ ya Ĩtheo.</verse>
				<verse number="2">Na Avalamu aĩ mũthwii mũno na indo, na vetha, na thaavu.</verse>
				<verse number="3">Na aenda kyalo kuma ngalĩ ya Ĩtheo kũvika Mbethi‐eli, vandũ vala ĩeema yake yaĩ mbee, katĩ wa Mbethi‐eli na Ai,</verse>
				<verse number="4">kũvika vandũ va kĩthembeo, kĩla waseũvĩtye vo mbee: na vau Avalamu eekaĩla syĩtwa ya Yeova.</verse>
				<verse number="5">Nake Loto, ũla waendanasya vamwe na Avalamu, aĩ na ndĩthya sya mbũi na malondu, na sya ng’ombe, na maeema.</verse>
				<verse number="6">Na nthĩ ndĩaatonya kũmeanĩa, mekalae vamwe: nũndũ ũthwii woo waĩ mwingĩ, ũndũ mataatonya kwĩkala vamwe.</verse>
				<verse number="7">Na kwaĩ iteta katĩ wa aĩthĩ ma indo sya Avalamu na aĩthi ma indo sya Loto: na ĩvinda yĩu Mũkanaani na Mũvelisi matũaa nthĩ ĩsu.</verse>
				<verse number="8">Na Avalamu amwĩa Loto, Nĩngũkwĩsũva, kũikethĩwe iteta katĩ wakwa naku, na katĩ wa aĩthi makwa na aĩthi maku; nũndũ twĩ ana‐a‐asa.</verse>
				<verse number="9">Nthĩ yonthe ndĩ mbee waku? Nĩngũkwĩsũva, ũtaanĩsye nakwa: wenda kũthi ngalĩ ya kw’oko kwa aka, nakwa ngathi ngalĩ ya kw’oko kwa aũme; kana wathi ngalĩ ya kw’oko kwa aũme, nakwa ngathi ngalĩ ya kw’oko kwa aka.</verse>
				<verse number="10">Na Loto ookĩlya metho, oona Ũiĩ wa Yolotani w’onthe, kana wĩ na manzĩ ngalĩ syonthe, Yeova atanamba kwananga Sotomo na Ngomola, o ta ũla mũũnda wa Yeova, ta nthĩ ya Misili, ũendete Nzoali.</verse>
				<verse number="11">Na ĩndĩ Loto eenyuvĩa Ũiĩ w’onthe wa Yolotani; na Loto athi kyalo ngalĩ ya wumĩlonĩ wa syũa: na mataanĩsya ene kwa ene.</verse>
				<verse number="12">Avalamu ekala nthĩ ya Kanaani na Loto ekala ndũanĩ sya ũla Ũiĩ, na athamĩĩsya ĩeema yake kũvika Sotomo.</verse>
				<verse number="13">Na ĩndĩ andũ ma Sotomo maĩ athũku na athe mũno kwa Yeova.</verse>
				<verse number="14">Na Yeova amwĩa Avalamu, ĩtina wa kũtaanĩsya na Loto, Yu ũkĩlya metho maku, ũsisye kuma vandũ vala ũĩ, ngalĩ ya ĩũlũ na ngalĩ ya ĩtheo na wumĩlonĩ wa syũa na ũthũĩlonĩ wa syũa:</verse>
				<verse number="15">nũndũ nthĩ yonthe ĩla ũkwona, ngakũnenga we, na ũsyao waku tene na tene.</verse>
				<verse number="16">Na ũsyao waku ngootw’ĩkĩthya ta kĩtoo kya nthĩ: nũndũ ethĩwa mũndũ nũtonya kũtala kĩtoo kya nthĩ, nĩvo ĩndĩ ũsyao waku ũtonya kũtalĩka.</verse>
				<verse number="17">Ukĩla, ũtambũke katĩ wa nthĩ ũasanĩ wayo na ũthanthaunĩ wayo, nũndũ ngakũnenga yo.</verse>
				<verse number="18">Na Avalamu athamya ĩeema yake, ooka ekala mĩtĩnĩ ya myaloni yĩ Mamile, ĩla yĩ Evilonĩ, na vau aakĩa Yeova kĩthembeo.</verse>
			</chapter>
			<chapter number="14">
				<verse number="1">Na kweethĩwa matukũ ma Amulaveli mũsumbĩ wa Sinali, na Alioko mũsumbĩ wa Elasali, na Ketololaomeli mũsumbĩ wa Elamu, na Titali mũsumbi wa Ngoiimu,</verse>
				<verse number="2">makwatya kaũ na Vela mũsumbĩ wa Sotomo, na Mbilisa mũsumbĩ wa Ngomola, na Sinavu mũsumbĩ wa Atima, na Semeveli mũsumbĩ wa Nzevoiimu, na mũsũmbĩ wa Mbela (nĩyo Nzoali).</verse>
				<verse number="3">Asu onthe makomanĩa mwandanĩ wa Sitimi (nĩw’o Ũkanga wa Mũnyũ).</verse>
				<verse number="4">Myaka ĩkũmi na ĩlĩ mathũkũmaa Ketololaomeli, na mwaka wa ĩkũmi na ĩtatũ mamũng’endea.</verse>
				<verse number="5">Na mwaka wa ĩkũmi na ĩna Ketololaomeli ooka na asũmbĩ ala maĩ nake, na makũnĩa Alevai nthĩnĩ wa Asetelothi‐kalinaimu, na Asusi nthĩnĩ wa Amu, na Aemi nthĩnĩ wa Save‐kiliathaimu.</verse>
				<verse number="6">Na Aoli kĩĩmanĩ kyoo Seili, kũvika Eli‐valani, ĩla yĩ ũtee wa weũ.</verse>
				<verse number="7">Na masyoka, na mavika Eni‐misivati (nĩyo Katesi), makũna nthĩ yonthe ya Aamaleki, o na ya Aamoli, ala matwĩe Asasoni‐tamali.</verse>
				<verse number="8">Na mũsũmbĩ wa Sotomo, na mũsumbĩ wa Ngomola, na mũsũmbĩ wa Atima, na mũsumbĩ wa Nzevoiimu, na mũsumbĩ wa Mbela (nĩyo Nzoali) maumaala; na maselelya ita mamelekele mwandanĩ wa Sitimi;</verse>
				<verse number="9">mokite na Ketololaomeli mũsũmbĩ wa Elamu, na Titali mũsumbĩ wa Ngoiimu, na Amulaveli mũsumbĩ wa Sinali, na Alioko mũsumbĩ wa Elasali; asumbĩ ana mokite na atano.</verse>
				<verse number="10">Na ĩndĩ mwanda wa Sitimi wausũĩte maima ma lami; na asumbĩ ma Sotomo na Ngomola makũka, na mavalũka vo, na ala matialile makũka maelete kĩĩmanĩ.</verse>
				<verse number="11">Na makua ũthwii w’onthe wa Sotomo na Ngomola, na lĩu woo w’onthe, na makwata nzĩa mathi.</verse>
				<verse number="12">Na moosa Loto, mwana wa mwana‐a‐inyia wa Avalamu, ũla watwĩe Sotomo, na ũthwii wake, na mathi.</verse>
				<verse number="13">Na ũmwe ũla wavonokie ooka, na atavya Avalamu Mũevelania: nake atwĩe mĩtĩnĩ ya myaloni yĩ Mamile, Mũamoli, mwana‐a‐inyia wa Esikoli, na mwana‐a‐inyia wa Aneli; nao nĩmeew’anĩte na Avalamu.</verse>
				<verse number="14">Na yĩla Avalamu wewie kana mwana‐a‐ĩthe nũtavĩtwe, aumya andũ make ala wamamanyĩĩtye, ala masyaĩwe nyũmbanĩ yake, maana atatũ na ĩkũmi na nyanya, na amaatĩĩa kũvika Ndani.</verse>
				<verse number="15">Na ũtukũ eeyĩaan’ya okite nao, we na athũkũmi make, na amakũna, na amaatĩĩa kũvika Ova, ĩla yĩ ngalĩ ya kw’oko kwa aka ya Ndamasiku.</verse>
				<verse number="16">Nake atũnga ũthwii w’onthe, na ĩngĩ atũnga mwana‐a‐ĩthe Loto, na ũthwii wake, na aka nao na andũ.</verse>
				<verse number="17">Na mũsumbĩ wa Sotomo athi kũmũthaũa, ĩtina wa kũsyoka kwake kuma kũaa Ketololaomeli na asumbĩ ala maĩ vamwe nake, mwandanĩ wa Save (nĩw’o Mwanda wa Mũsumbĩ).</verse>
				<verse number="18">Na Melikiseteki mũsumbĩ wa Saleme aete kĩmũtũ na mbinyu: nake aĩ mũthembi wa Ngai Ũla Wĩ Ĩũlũ wa Onthe.</verse>
				<verse number="19">Na amũathima, na asya, Naathimwe Avalamu wa Ngai Ũla Wĩ Ĩũlũ wa Onthe, mwene wa ĩtu na nthĩ:</verse>
				<verse number="20">na nataĩwe Ngai Ũla wĩ Ĩũlũ wa Onthe, ũla ũnenganĩte amaitha maku kw’okonĩ kwaku. Na amũnenga kĩlungu kya ĩkũmi kya syonthe.</verse>
				<verse number="21">Na mũsumbĩ wa Sotomo amwĩa Avalamu, Nenga andũ, na ũkĩyosea ũthwii.</verse>
				<verse number="22">Na Avalamu amwĩa mũsumbĩ wa Sotomo, Nĩnookĩlya kw’oko kwakwa kwa Yeova, Ngai Ũla Wĩ Ĩũlũ wa Onthe, mwene wa ĩtu na nthĩ,</verse>
				<verse number="23">kana ndikosa ũlii, kana ũlii wa kĩatũ, kana kĩndũ o na kĩva kyaku, ndũkese kwasya, Nĩthuĩtye Avalamu:</verse>
				<verse number="24">ate o kĩla anake maĩe, na kĩlungu kya andũ ala maendie nakwa, Aneli, na Esikoli, na Mamile; asu nĩmose kĩlungu kyoo.</verse>
			</chapter>
			<chapter number="15">
				<verse number="1">Ĩtina wa maũndũ asu ndeto ya Yeova yamũkĩa Avalamu woninĩ, ĩkĩmwĩa, Ndũkakĩe, Avalamu: ninyie ngao yaku, na ĩtuvi yaku ĩnene mũno mbee.</verse>
				<verse number="2">Na Avalamu akũlya, Ame Mwĩaĩĩ Yeova, ũkanenga kĩ, nĩkwĩthĩwa nĩendaa nde mwana, na ũla ũkethĩwa e mwene wa nyũmba yakwa nĩ Elieseli wa Ndamasiku?</verse>
				<verse number="3">Na Avalamu amwĩa, Nĩ w’o, ndwaanenga ũsyao: na, sisya, ũmwe wasyaĩwe nyũmbanĩ yakwa nĩ mũtiĩwa wakwa.</verse>
				<verse number="4">Na, sisya, ndeto ya Yeova yamũkĩa, ĩkĩmwĩa, Mũndũ ũsu ndakethĩwa mũtiĩwa waku; ĩndĩ ũla ũkauma kĩnyunyunĩ kyaku mwene nĩwe ũkethĩwa mũtiĩwa waku.</verse>
				<verse number="5">Na amumaalya nza, na amwĩa, Sisya yu kwelekela ĩtunĩ, ũtale ndata, ethĩwa nũtonya kwitala: na amwĩa, Ũsyao waku ũkeethĩwa o ta ũu.</verse>
				<verse number="6">Nake aĩkĩĩa Yeova; nake amũtalĩla ũndũ ũsu kwĩthĩwa ũlũngalu.</verse>
				<verse number="7">Na amwĩa, Ninyie Yeova ũla nakumisye Ulu wa Akalitei, nĩkũnenge nthĩ ĩno ũtiĩwe yo.</verse>
				<verse number="8">Na akũlya, Ame Mwĩaĩĩ Yeova, nĩmanya ata kana ngatiĩwa yo?</verse>
				<verse number="9">Nake amwĩa, Mbosea moi ya myaka ĩtatũ, na mbũi nga ya myaka ĩtatũ, na ndũũme ya myaka ĩtatũ, na ndumbũ, na ĩswii ya ĩvũĩ.</verse>
				<verse number="10">Na eeyosea ii syonthe, na aatũan’ya katĩ, na aia kĩla nyunzu yelekele ĩla ĩngĩ: ĩndĩ nyũnyi ndaatũan’ya.</verse>
				<verse number="11">Na ndei syatheeea ila nyama, na Avalamu ailũngya.</verse>
				<verse number="12">Na syũa yĩkĩthũa, Avalamu akwatwa nĩ too mũnene; na, sisya, w’ĩa mũnene wa kĩvindu kĩnene wamũkwata.</verse>
				<verse number="13">Nake amwĩa Avalamu, Manya vyũ kana ũsyao waku ũkeethĩwa mũeni nthĩ ĩte yoo, na makamathũkũma: na makamathĩn’ya myaka maana ana;</verse>
				<verse number="14">o na mbaĩ ĩsũ, ĩla makathũkũma, ngamĩsilĩla: na ĩtina makauma na ũthwii mwingi.</verse>
				<verse number="15">Ĩndĩ, we, ũkathi kwa aasa maku na mũuo; ũkathikwa wĩ na ũtumĩu mũseo.</verse>
				<verse number="16">Na nzyawanĩ ya kana makasyoka kũũ ĩngĩ: nũndũ ũthũku wa Mũamoli ndũnamba kwĩanĩa.</verse>
				<verse number="17">Na kweethĩwa, syũa yathũa, na kwaya kĩvindu, sisya, iko yĩ syũki, na kĩsinga kyakanu kyavĩtĩla katĩ wa myondo ĩsu.</verse>
				<verse number="18">Mũthenya ũsu Yeova atianĩa ũtianĩo na Avalamu, akĩmwĩa, Nĩnanenga ũsyao waku nthĩ ĩno, kuma ũsĩ wa Misili kũvika ũsĩ mũnene, ũsĩ wa Euvalati:</verse>
				<verse number="19">Mũkeni, na Mũkenisi, na Mũkatimoni,</verse>
				<verse number="20">na Mũititi, na Mũvelisi, na Mulevai,</verse>
				<verse number="21">na Mũamoli, na Mũkanaani, na Mũngilikasi, na Mũyevusi.</verse>
			</chapter>
			<chapter number="16">
				<verse number="1">Na ĩndĩ Salai, mũka wa Avalamu, ndaamũsyaĩa syana: nake aĩ na mũthũkũmi mwĩĩtu, Mũmisili, syĩtwa yake eetawa Akali.</verse>
				<verse number="2">Na Salai amwĩa Avalamu, Sisya yu, Yeova nũnziĩĩe ndikasyae; nĩngũkwĩsũva ĩndĩ, lika kwa mũthũkũmi wakwa, mwĩĩtu; nokwĩthĩwa ngosa syana kwake. Na Avalamu eethukĩĩsya wasya wa Salai.</verse>
				<verse number="3">Na Salai, mũka wa Avalamu, oosa Akali, Mũmisili, mũthũkũmi wake, mwĩĩtu, ĩtina wa Avalamu ekala myaka ĩkũmi nthĩ ya Kanaani, na amũnenga Avalamu, mũũme wake, atw’ĩke mũka.</verse>
				<verse number="4">Na alika kwa Akali, nake aya ĩvu: na yĩla wonie kana e ĩvu, avũthya vivi wake methonĩ make.</verse>
				<verse number="5">Na Salai amwĩa Avalamu, Ũthũku wakwa wĩthĩwe kwaku: nĩngũnengete mũthũkũmi wakwa, mwĩĩtu, kĩthũinĩ kyaku; na yĩla wonie kana e ĩvu, ambũthya methonĩ make: Yeova nasile katĩ wakwa naku.</verse>
				<verse number="6">Ĩndĩ Avalamu amwĩa Salai, Sisya, mũthũkũmi waku, mwĩĩtu, e kw’okonĩ kwaku; mwĩke ũndũ ũkwona wĩ ũseo methonĩ maku. Na Salai amũthĩn’ya, nake akĩa auma mbee wa ũthyũ wake.</verse>
				<verse number="7">Na mũlaĩka wa Yeova amwĩthĩa nthongonĩ ya manzĩ weũnĩ, ĩla nthongo yĩ nzĩanĩ ya Suli.</verse>
				<verse number="8">Nake akũlya, Akali, mũthũkũmi mwĩĩtu wa Salai, wauma va? Na wĩthi kũ? Na asũngĩa, Nĩngĩĩte nume mbee wa ũthyũ wa vivi wakwa Salai.</verse>
				<verse number="9">Na mũlaĩka wa Yeova amwĩa, Mũsyokee vivi waku, na ũyĩnyivya mokonĩ make.</verse>
				<verse number="10">Na mũlaĩka wa Yeova amwĩa, Ngaingĩvya mũno ũsyao waku, ũndũ ũtakatalĩka nũndũ wa kwingĩva.</verse>
				<verse number="11">Na mũlaĩka wa Yeova amwĩa, Sisya, wĩ ĩvu, na ũkasyaa mwana; na ũkamwĩta syĩtwa yake Isumaeli, nũndũ Yeova nĩwew’a thĩna waku.</verse>
				<verse number="12">Nake akeethĩwa ta ĩng’oi ya kĩthekanĩ katĩ wa andũ; kw’oko kwake kũkeethĩwa ĩũlũ wa kĩla mũndũ, na kw’oko kwa kĩla mũndũ ĩũlũ wake; nake akatũa elekanĩle na ana‐a‐ĩthe make onthe.</verse>
				<verse number="13">Na eeta syĩtwa ya Yeova ũla waneenie nake, Nue Ngai ũla wonaa: nũndũ aisye, O na vaa nĩnamwonea ũla ũnziasya?</verse>
				<verse number="14">Kwondũ wa ũu kĩthima kyeetwa Mbeeli‐laai‐loi; sisya, kĩ katĩ wa Katesi na Mbeleti.</verse>
				<verse number="15">Na Akalĩ amũsyaĩa Avalamu mwana: na Avalamu amwĩta mwana wake Isumaeli, ũla Akali wasyaie.</verse>
				<verse number="16">Na Avalamu aĩ wa myaka mĩongo nyanya na thanthatũ, yĩla Akali wamũsyaĩe Avalamu Isumaeli.</verse>
			</chapter>
			<chapter number="17">
				<verse number="1">Na yĩla Avalamu waĩ wa myaka mĩongo kenda na kenda, Yeova amumĩlĩla Avalamu, na amwĩa, Ninyie Ngai Mwene Vinya W’onthe; endaa mbee wakwa, na ĩthĩwa wĩ mwĩanĩu.</verse>
				<verse number="2">Nakwa ngatianĩa ũtianĩo wakwa katĩ wakwa naku, na ngakwingĩvya mũno.</verse>
				<verse number="3">Na Avalamu avalũka na ũthyũ wake: na Ngai aneena nake, akĩmwĩa,</verse>
				<verse number="4">Nyie, sisya, ũtianĩo wakwa wĩ naku, na ũkeethĩwa ĩthe wa mbaĩ mbingĩ mũno.</verse>
				<verse number="5">O na ndũketwa ĩngĩ syĩtwa yaku Avalamu, ĩndĩ syĩtwa yaku yĩkeethĩwa Avalaamu; nũndũ nĩnakũtw’ĩkĩthya ĩthe wa mbaĩ mbingĩ mũno.</verse>
				<verse number="6">Na ngakwingĩvya mũno mũnene, na ngakũtw’ĩkĩthya mbaĩ, na asumbĩ makauma kwaku.</verse>
				<verse number="7">Na ngalũlũmĩlya ũtianĩo wakwa katĩ wakwa naku na ũsyao waku ĩtina waku mosyaanĩonĩ moo wĩthĩwe wĩ ũtianĩo wa tene na tene, nĩthĩwe nĩ Ngai kwaku na kwa ũsyao waku ĩtina waku.</verse>
				<verse number="8">Na ngakũnenga we, na ũsyao waku ĩtina waku, nthĩ ĩla wĩkalaa wĩ mũeni, nthĩ yonthe ya Kanaani, yĩthĩwe ng’ũndũ yenyu tene na tene; nakwa ngeethĩwa Ngai woo.</verse>
				<verse number="9">Na Ngai amwĩa Avalaamu, Naku, lũmya ũtianĩo wakwa, we, na ũsyao waku ĩtina waku mosyaanĩonĩ moo.</verse>
				<verse number="10">Ũũ nĩ ũtianĩo wakwa, ũla mwĩkwata, katĩ wakwa naku na ũsyao waku ĩtina waku: kĩla mũndũ mũũme katĩ wenyu akaĩkwa.</verse>
				<verse number="11">Mũkaĩkwa nyama ya ikonde sya mbinũ: nayo ĩkeethĩwa ũvano wa ũtianĩo katĩ wakwa naku.</verse>
				<verse number="12">Na ũla wa matukũ nyanya katĩ wenyu akaĩkwa, kĩla mũndũ mũũme mosyaanĩonĩ menyu, ũla ũsyaĩtwe nyũmbanĩ, kana ũla ũthooetwe na mbesa kwa mũeni o na wĩva w’onthe ũte wa ũsyao waku.</verse>
				<verse number="13">Ũla ũsyaĩtwe nyũmbanĩ kwaku, na ũla ũthooetwe na mbesa syaku, ndakatĩa kwaĩkwa: na ũtianĩo wakwa ũkeethĩwa mwĩĩnĩ wenyu wĩthĩwe ũtianĩo wa tene na tene.</verse>
				<verse number="14">Na mũndũ mũũme ũte mwaĩke ũtanaĩkwa nyama ya kĩkonde kya mbinũ yake, mũndũ ũsu akavetwa kuma andũnĩ make: nũtũlĩte ũtianĩo wakwa.</verse>
				<verse number="15">Na Ngai amwĩa Avalaamu, Nake Salai mũka waku, ndũkamwĩte Salai, ĩndĩ syĩtwa yake yĩkeethĩwa Sala.</verse>
				<verse number="16">Nakwa ngamũathima, na ĩngĩ ngakũnenga mwana kuma kwake: ĩĩ, ngamũathima, nake akeethĩwa inyia wa mbaĩ; asumbĩ ma andũ makauma kwake.</verse>
				<verse number="17">Na ĩndĩ Avalaamu avalũka na ũthyũ wake, na atheka, na akũlya ngoonĩ yake, Ũla wĩ myaka ĩana akasyaĩwa mwana? Na Sala, ũla wĩ myaka mĩongo kenda, akasyaa?</verse>
				<verse number="18">Na Avalaamu amwĩa Ngai, Ame, kethĩwa Isumaeli nĩwĩkalaa thayũ mbee waku!</verse>
				<verse number="19">Na Ngai asũngĩa, Aiee, ĩndĩ Sala mũka waku akakũsyaĩa mwana; naku ũkeeta syĩtwa yake Isaka: na ngalũlũmĩlya ũtianĩo wakwa nake wĩthĩwe ũtianĩo wa tene na tene kwondũ wa ũsyao wake ĩtina wake.</verse>
				<verse number="20">Na Isumaeli ũndũ wake, nĩnakwĩw’a: sisya, nĩnamũathima, na ngamwongeleela, na kũmwingĩvya mũno mũnene; akasyaa anene ĩkũmi na elĩ, nakwa ngamũtw’ĩkĩthya mbai nene.</verse>
				<verse number="21">Ĩndĩ ngalũlũmĩlya ũtianĩo wakwa na Isaka, ũla Sala ũkakũsyaĩa ĩvinda ta yĩĩ mwaka ũla ũngĩ.</verse>
				<verse number="22">Na Ngai amina ũneena nake, na ambata kuma kwa Avalaamu.</verse>
				<verse number="23">Na Avalaamu oosa Isumaeli mwana wake, na onthe ala masyaĩwe nyũmbanĩ kwake, na onthe mathooiwe na mbesa syake, kĩla mũndũ mũũme katĩ wa nyũmba ya Avalaamu, na amaĩka nyama ya ikonde sya mbinũ syoo mũthenya ũsu, o tondũ Ngai wamũtavisye.</verse>
				<verse number="24">Nake Avalaamu aĩ wa myaka mĩongo kenda na kenda, yĩla waĩkiwe nyama ya kĩkonde kya mbinũ yake.</verse>
				<verse number="25">Na Isumaeli mwana wake aĩ wa myaka ĩkũmi na ĩtatũ, yĩla waĩkiwe nyama ya kĩkonde kya mbinũ yake.</verse>
				<verse number="26">Mũthenya o ũsu ũmwe Avalaamu aĩkwa, na Isumaeli mwana wake.</verse>
				<verse number="27">Na aũme onthe ma nyũmba yake, ala masyaĩwe nyũmbanĩ yake, na ala mathooiwe na mbesa kwa mũeni, nĩmaĩkiwe vamwe nake.</verse>
			</chapter>
			<chapter number="18">
				<verse number="1">Na Yeova amumĩlĩla mĩtĩnĩ ya myaloni yĩ Mamile, ekalĩte mũomonĩ wa ĩeema mũthenya kwavyũva;</verse>
				<verse number="2">na ookĩlya metho na oona, na, sisya andũ atatũ nĩmaũngamĩte mbee wake; na amona, asemba kuma mũomonĩ wa ĩeema amathaũe, na eekunamya kũvika nthĩ,</verse>
				<verse number="3">na asya, Mwĩaĩĩ wakwa, yu ethĩwa nĩnonete ũseo mbee waku, nĩngũkwĩsũva, ndũkavĩte kuma kwa mũthũkũmi waku:</verse>
				<verse number="4">manzĩ manini maetwe yu, na mũithambya maũũ, na kwĩthũmũsya ĩtina wa kĩtĩ:</verse>
				<verse number="5">nakwa ngaete lĩu mũnini, mũvuũkye ngoo; ĩtina wa ũu mũkavĩta: nũndũ mwamũkĩa mũthũkũmi wenyu. Na masya, Ĩka, o tondũ wasya.</verse>
				<verse number="6">Na Avalaamu aenda mĩtũkĩ ĩeemanĩ vala ve Sala, na amwĩa, Seũvya mĩtũkĩ mũtu mũseo wa ithimi itatũ, wũmbe, ũseũvye tũmũtũ.</verse>
				<verse number="7">Na Avalaamu asemba ndĩthyanĩ, aete kasaũ kololo na kaseo, anenga mũthũkũmi; nake akalaata kũthĩnza.</verse>
				<verse number="8">Na oosa mauta, na ĩia, na kasaũ kala wathĩnza, na aia mbee woo; na aũngama ũtee woo ĩtina wa kĩtĩ, nao maya.</verse>
				<verse number="9">Na mamũkũlya, Aĩva Sala mũka waku? Nake asũngĩa, Sisya, e ĩeemanĩ.</verse>
				<verse number="10">Nake amwĩa, Nĩ w’o ngakũsyokea kyathĩ kyavĩka; na, sisya, Sala mũka waku akeethĩwa na mwana. Na Sala eew’a e mũomonĩ wa ĩeema, yĩla yaĩ ĩtina wa ũsu.</verse>
				<verse number="11">Na ĩndĩ Avalaamu na Sala maĩ akũu, na ma myaka mingĩ; waĩ ũnaeka kwĩthĩwa na Sala mwĩkalĩle wa aka.</verse>
				<verse number="12">Na Sala atheka ngoonĩ yake, akĩkũlya, Nĩ mũtumĩu ngeethĩwa na mũyo, mwĩaĩi wakwa nake e mũtumĩu?</verse>
				<verse number="13">Na Yeova akũlya Avalaamu, Sala atheka nĩkĩ, akĩkũlya, Nĩ w’o ngasyaa mwana, nĩ mũkũu?</verse>
				<verse number="14">Kwĩ ũndũ ũtatonyeka kwa Yeova? Ĩvinda yĩtw’ĩtwe ngakũsyokea, kyathĩ kyavika, na Sala akeethĩwa na mwana.</verse>
				<verse number="15">Na ĩndĩ Sala akaĩa, akyasya, Ndinatheka; nũndũ aĩ na w’ĩa. Nake asya, Aiee; ĩndĩ nĩwatheka.</verse>
				<verse number="16">Na ala andũ mauma vau, masisya ngalĩ ya Sotomo: na Avalaamu aendan’ya nao amaumaaĩtye.</verse>
				<verse number="17">Na Yeova eekũlya, Nĩmũvithe Avalaamu ũndũ ngwĩka:</verse>
				<verse number="18">nũndũ vate ndĩi Avalaamu akeethĩwa mbaĩ nene yĩ vinya, na mbaĩ syonthe sya nthĩ ikaathimwa nthĩnĩ wake?</verse>
				<verse number="19">Nũndũ nĩnĩmwĩsĩ, nĩ kana eaĩae syana syake na andũ make ĩtina wake, makwate nzĩa ya Yeova, mekae ũlũngalu na ũsili wa katĩ; nĩ kana Yeova amũetee Avalaamu ũndũ ũla waneenie ũndũ wake.</verse>
				<verse number="20">Na Yeova asya, Nũndũ kĩĩo kya Sotomo na Ngomola nĩ kĩnene, na nũndũ naĩ yoo yongelekete mũno:</verse>
				<verse number="21">nĩngũtheea yu, none kana nĩw’o mekĩte o ũndũ kĩĩo kyayo kĩmbikĩe; na ethĩwa ti w’o ngamanya.</verse>
				<verse number="22">Na ala andũ meethyũũa kuma vau, mathi melekele Sotomo: ĩndĩ Avalaamu no waũngyĩ mbee wa Yeova.</verse>
				<verse number="23">Na Avalaamu athengeea, na akũlya, Ũkamina alũngalu vamwe na ala athũku?</verse>
				<verse number="24">Nokwĩthĩwa kwĩ alũngalu mĩongo ĩtano ndũanĩ: ũkamina o na ndũeka a vandũ kwondũ wa alũngalu mĩongo ĩtano ala me vo nthĩnĩ?</verse>
				<verse number="25">Ũu wĩthĩwe kũasa naku kwĩka ta ũu, kũaa alũngalu vamwe na ala athũku, nĩ kana alũngalu methĩwe ta athũku; ũu wĩthĩwe kũasa naku: Mũsili wa nthĩ yonthe ndakeka ũlũngalu?</verse>
				<verse number="26">Na Yeova asũngĩa, Noona nthĩnĩ wa Sotomo alũngalu mĩongo ĩtano ndũanĩ, nĩw’o nĩeka vandu vonthe kwondũ woo.</verse>
				<verse number="27">Na Avalaamu asũngĩa asya, Na ĩndĩ sisya, nĩnakwata kũneena na Mwĩaĩi, nakwa nĩ o kĩtoo na mũu:</verse>
				<verse number="28">nokwĩthĩwa maoleka atano kwa ala alũngalu mĩongo ĩtano: ũkaananga ndũa yonthe kwondũ wa ala atano aoleku? Nake amwĩa, Ndikamyananga, noona vo mĩongo ĩna na atano.</verse>
				<verse number="29">Na aneena nake ĩngĩ, na asya, Nokwĩthĩwa vakoneka vo mĩongo ĩna. Nake asũngĩa, Ndikeka ũu kwondũ wa asu mĩongo ĩna.</verse>
				<verse number="30">Nake asya, Ame Mwĩaĩi ndakathate, nakwa nĩngũneena: nokwĩthĩwa vakoneka vo mĩongo ĩtatũ. Na asya, Ndikeka ũu, noona vo mĩongo ĩtatũ.</verse>
				<verse number="31">Na amwĩa, Sisya yu, nĩnakwata kũneena na Mwĩaĩi: nokwĩthĩwa vakoneka vo mĩongo ĩlĩ. Nake asũngĩa, Ndikamyananga kwondũ wa asu mĩongo ĩlĩ.</verse>
				<verse number="32">Nake asya, Ame Mwĩaĩi ndakathate, nakwa nĩngũneena no ĩvinda yĩĩ yĩmwe yoka: nokwĩthĩwa ĩkũmi makoneka vo. Nake asũngĩa, Ndikamyananga kwondũ wa asu ĩkũmi.</verse>
				<verse number="33">Na Yeova athi na nzĩa yake, mamina kũneenan’ya e na Avalaamu: na Avalaamu asyoka vandũ vake.</verse>
			</chapter>
			<chapter number="19">
				<verse number="1">Na ala alaĩka elĩ mooka Sotomo wĩoo; na Loto ekalĩte mbingĩlonĩ ya Sotomo: na Loto amona, na ookĩla amathaũe; na eekunamya na ũthyũ wake kũvika nthĩ,</verse>
				<verse number="2">na amea, Na yu ĩndĩ, eaĩi makwa, nĩngũmũvoya, elelũkai mũlike nyũmbanĩ ya mũthũkũmi wenyu, na kwĩkala ũtukũ w’onthe, na mũithambya maũũ menyu, na mũkookĩla kĩoko tene, mũkwate nzĩa yenyu mũthi. Nao masũngĩa, Aiee, ĩndĩ tũkekala nzĩanĩ ũtukũ w’onthe.</verse>
				<verse number="3">Na amathetheesya mũno; na maathũkĩĩa kwake, malika nyũmbanĩ yake; na amavokea mboka na aua kĩmũtũ kĩte ĩlawa, nao maya.</verse>
				<verse number="4">Ĩndĩ matanakoma, andũ ma ndũa, o andũ ma Sotomo, mathyũlũlũka nyũmba, ala anini o na ala akũũ, andũ onthe kuma ngalĩ syonthe;</verse>
				<verse number="5">na meeta Loto, na mamũkũlya, Maĩva andũ ala mooka kwaku wĩoo ũũ? Tumaalĩlye mo, tũmamanye.</verse>
				<verse number="6">Na Loto aumaala mũomonĩ vala maĩ, na avinga mũomo ĩtina wake.</verse>
				<verse number="7">Na amea, Nĩngũmwĩsũva, ana‐a‐asa, mũikeke ũthũku ta ũu.</verse>
				<verse number="8">Sisya yu, nĩ na eĩtu elĩ mataamanya mũndũ mũũme; nĩngũmwĩsũva, nĩmumĩsye mo, mũmeke ũla mwĩona wĩ ũseo: ĩndĩ andũ aa mũikameke ũndũ, nĩkwĩthĩwa nĩmooka muunyĩnĩ wa kĩala kyakwa.</verse>
				<verse number="9">Na mamwĩa, Ĩvete. Na masya, Mũndũ ũũ ũmwe alikile kwitũ kwĩkala ũeni, na kaĩ akeethĩwa mũsili: na yu ĩndĩ nĩtũũkwĩka naĩ, kwĩ aa. Na mamũvivinya mũndũ ũsu Loto mũno, na mathengeea matũle mũomo.</verse>
				<verse number="10">Ĩndĩ ala andũ matambũũkya moko moo, malikya Loto vala maĩ nyũmbanĩ, na mavinga mũomo.</verse>
				<verse number="11">Na mamekĩa metho mbindu andũ ala maĩ mũomonĩ wa nyũmba, anini o na anene, na ĩndĩ meenosya makĩmantha mũomo.</verse>
				<verse number="12">Na andũ asu mamũkũlya Loto, Vaa wĩ na ũngĩ ate o aa? Mũthonuu, na ana maku, na eĩtu maku, na o ũla wĩ nake nthĩnĩ wa ndũa, ũmaumye vandũ vaa:</verse>
				<verse number="13">nũndũ tũkaananga vandũ vaa nũndũ ũkayo woo nĩwingĩvĩte mbee wa Yeova; na Yeova nũtũtũmĩte tũvanange.</verse>
				<verse number="14">Na Loto aumaala, na aneena na athoni make, ala matwaĩte eĩtu make, amea, Ũkĩlai, mume vandũ vaa; nũndũ Yeova akaananga ndũa. Ĩndĩ kwa athoni make ethĩwa ta ũmwe ũla ũnũũmavũĩa ngũĩ.</verse>
				<verse number="15">Na kũikya, nĩvo alaĩka makalaatile Loto, makĩmwĩa, Ũkĩla, wose mũka waku, na eĩtu maku elĩ ala me vaa, ndũkese kwanangĩkĩa kũsilĩlwanĩ kwa ndũa.</verse>
				<verse number="16">Ĩndĩ ekalanga; na ala andũ mamũkwata kw’oko, na kw’oko kwa mũka wake, na kw’oko kwa eĩtu make elĩ, kwondũ wa Yeova kũmwĩw’ĩa tei: na mamumaalya, mamwia ũtee wa ndũa.</verse>
				<verse number="17">Na kweethĩwa, mamaumaalya ũtee, asya, Vonokya thayũ waku; ndũkasisye na ĩtina, o na ndũkekale Ũiĩnĩ w’onthe; ĩthae ũvike kĩĩmanĩ, ndũkese kwanangĩka.</verse>
				<verse number="18">Na Loto amea, Ai, ndũkasye ũu, mwĩaĩi wakwa:</verse>
				<verse number="19">sisya yu, mũthũkũmi waku nĩwona ĩnee methonĩ maku, na nĩwaingĩvya ũseo waku wĩ wendo, ũla ũmbonisye ũitangĩĩa thayũ wakwa; na nditonya kwĩthaa kũvika kĩĩmanĩ, ũthũku ndũkese kũngwata, na ngĩkw’a:</verse>
				<verse number="20">sisya yu, ndũa ĩno yĩ vakuvĩ nĩindũkĩĩe vo, nayo nĩ nini. Ame nĩvonokesye vo (tĩ nini?), Na kyuu kyakwa kĩkekala.</verse>
				<verse number="21">Na amwĩa, Sisya, nĩnakwĩtĩkĩla o na ũndũnĩ ũũ, kana ndikang’uthũla ndũa ĩla waweta.</verse>
				<verse number="22">Ĩkalaate, wĩvonokesye vo; nũndũ nditonya kwĩka ũndũ o na wĩva mũvaka yĩla wĩlika vo. Kwondũ wa ũu syĩtwa ya ndũa ĩsu yeetwa Nzoali.</verse>
				<verse number="23">Syũa yaĩ yĩnambata ĩũlũ wa nthĩ yĩla Loto walikile Nzoali.</verse>
				<verse number="24">Nĩvo Yeova wauisye ĩũlũ wa Sotomo na ĩũlũ wa Ngomola mũvĩlĩtĩ na mwaki kuma ĩtunĩ kwa Yeova;</verse>
				<verse number="25">na ang’uthũlanga ndũa isu, na Ũiĩ w’onthe, na andũ onthe ala matwĩe ndũanĩ, na kĩla kyameete ĩũlũ wa nthĩ.</verse>
				<verse number="26">Ĩndĩ mũka wake asisya na ĩtina e ĩtina wake, na atw’ĩka kĩtuĩ kya mũnyũ.</verse>
				<verse number="27">Na Avalaamu ambata kĩoko tene kũvika vandũ vala ũnaũngamĩte mbee wa Yeova:</verse>
				<verse number="28">nake asisya ngalĩ ya Sotomo na Ngomola na ngalĩ ya nthĩ yonthe ya Ũiĩ, na oona, na, sisya, syũki ya nthĩ yambatĩte ta syũki ya iko ĩnene.</verse>
				<verse number="29">Na kweethĩwa, Ngai akyananga ndũa sya Ũiĩ, Ngai alilikana Avalaamu, na amumya Loto katĩ wa wanangĩko, yĩla wang’uthũlile ndũa vala Loto watwĩe.</verse>
				<verse number="30">Na Loto ambata kuma Nzoali, na ekala kĩĩmanĩ, na eĩtu make elĩ vamwe nake; nũndũ nĩwakĩie kwĩkalaa Nzoali: na ekala ngunganĩ, we na eĩtu make elĩ.</verse>
				<verse number="31">Na ũla mũkũũ amwĩa ũla mũnini, Nau nĩ mũkũũ, na kũti mũndũ kũũ nthĩ wa kũlika kwitũ kũatĩĩa ũndũ kwĩkawa nthĩ yonthe:</verse>
				<verse number="32">ũka, tũnyw’ĩthye nau mbinyu, tũkome nake, tũmwiĩe nau ũsyao.</verse>
				<verse number="33">Na mamũnyw’ĩthya ĩthe mbinyu ũtukũ ũsu: na ũla mũkũũ alika, na akoma na ĩthe wake; na ndaamanya yĩla wakomie, kana yĩla wokĩlile.</verse>
				<verse number="34">Na kweethĩwa ũnĩ ũsu, ũla mũkũũ amwĩa ũla mũnini, Sisya, nĩnĩnakomie ũtukũ wa ĩoo na nau: tũmũ-nyw’ĩthye mbinyu ĩngĩ ũtukũ ũũ naw’o; ũlike, ũkome nake, twiĩe nau ũsyao.</verse>
				<verse number="35">Na mamũnyw’ĩthya ĩthe mbinyu ĩngĩ ũtukũ ũsu naw’o; na ũla mũnini ookĩla, akoma nake; o na ndaamanya yĩla wakomie, o na yĩla wokĩlile.</verse>
				<verse number="36">Na ĩndĩ eĩtu asu elĩ ma Loto maitava ũndũ wa ĩthe woo.</verse>
				<verse number="37">Na ũla mũkũũ asyaa mwana, na amwĩta syĩtwa yake Moavi: nĩwe ĩthe wa Amoavi kũvika mũnthĩ ũũ.</verse>
				<verse number="38">Na ũla mũnini, nake asyaa mwana, na amwĩta syĩtwa yake Mbeni‐ami: nĩwe ĩthe wa ana ma Amimoni kũvika mũnthĩ ũũ.</verse>
			</chapter>
			<chapter number="20">
				<verse number="1">Na Avalaamu athi kyalo kuma vo aende nthĩ ya ngalĩ ya Ĩtheo, na ekala katĩ wa Katesi na Suli; na ekala ũeni kũu Ngelali.</verse>
				<verse number="2">Na Avalaamu asya ũndũ wa Sala mũka wake, Nĩwe mwĩĩtuwa‐ia: na Avimeleki mũsumbĩ wa Ngelali atũmana, na amwosa Sala.</verse>
				<verse number="3">Ĩndĩ Ngai amũkĩa Avimeleki ndotonĩ ya ũtukũ, na amwĩa, Sisya, we wĩ o mũndũ mũkw’ũ, kwondũ wa mũndũ mũka ũla wosete; nĩkwĩthĩwa nĩ mũka wa mũndũ.</verse>
				<verse number="4">O na Avimeleki ndaĩ anamũthengeea: nake asya, Mwĩaĩi, ũkooaa o na mbaĩ ndũ-ngalu?</verse>
				<verse number="5">We mwene ndanambĩa, Nĩwe mwĩĩtu‐a‐ia? O nake, we mwene asya, We nĩ mwana‐a‐ia: nĩneeka ũu na ũlũngalu wa ngoo yakwa na ũtheu wa moko makwa.</verse>
				<verse number="6">Na Ngai amwĩa ndotonĩ, Ĩĩ, nĩnĩsĩ kana nĩweeka ũu na ũlũngalu wa ngoo yaku, o nakwa nĩnakũsiĩĩa ndũkambĩtanĩsye; kwondũ wa ũu ndinakũeka ũmũkiite.</verse>
				<verse number="7">Na yu ĩndĩ mũtũngĩe mũũme mũka wake; nũndũ nĩ mwathani, nake akakũvoyea, na ũkekala thayũ: na ethĩwa ndwĩmũtũngĩa, we, manya atĩĩ, ndwĩtĩa ũkw’a, we, na onthe ala maku.</verse>
				<verse number="8">Na Avimeleki ookĩla kĩoko tene, na ameta athũkũmi make onthe, na amatavya maũndũ asu onthe matũnĩ moo: na andũ makĩa mũno.</verse>
				<verse number="9">Na ĩndĩ Avimeleki amwĩta Avalaamu, na amũkũlya, Ũtwĩkie ata? Nakwa ngũvĩtanĩsye ũndũnĩ wĩva, kana ũndetee nyie na ũsumbĩ wakwa naĩ nene? Nũmbĩkie meko mataĩle kwĩkwa.</verse>
				<verse number="10">Na Avimeleki akũlya Avalaamu, Wonie kyaũ, ũkĩka ũndũ ũũ?</verse>
				<verse number="11">Na Avalaamu asũngĩa, Nũndũ naisye, Nĩ w’o kũkĩa Ngai kũi vandũ vaa; nao makambũaa kwondũ wa mũka wakwa.</verse>
				<verse number="12">Na ĩngĩ nĩ w’o nĩ mwĩĩtu‐a‐ia, mwĩĩtu wa nau, ĩndĩ ti mwĩĩtu wa mwaitũ; na atw’ĩka mũka wakwa:</verse>
				<verse number="13">na kweethĩwa, yĩla Ngai watumie nĩthi kyalo kuma nyũmbanĩ ya nau, namwĩa, Ũseo waku ũla wĩmbĩkaa nĩ ũũ: kĩla vandũ vala twĩvikaa, ũndũ wakwa aasya, Nĩ mwana‐a‐ia.</verse>
				<verse number="14">Na Avimeleki oosa malondu na ng’ombe, na athũkũmi aũme na eĩtu, amũnenga Avalaamu, na amũtũngĩa Sala mũka wake.</verse>
				<verse number="15">Na Avimeleki amwĩa, Sisya, nthĩ yakwa yĩ mbee waku: ĩkala vala ũkwenda.</verse>
				<verse number="16">Nake amwĩa Sala, Sisya, nĩnanenga mwana‐a‐au ilungu ngili sya vetha: sisya, kwaku nĩ sya ũkũvw’ĩka metho kwa onthe ala me vamwe naku; na ĩngĩ nũlũngalĩtw’e kwa onthe.</verse>
				<verse number="17">Na Avalaamu avoya Ngai: na Ngai avosya Avĩmeleki, na mũka wake, na athũkũmi make eĩtu; na masyaa syana.</verse>
				<verse number="18">Nũndũ Yeova nĩwavingĩte vyũ mavu ma onthe ma nyũmba ya Avimeleki, kwondũ wa Sala, mũka wa Avalaamu.</verse>
			</chapter>
			<chapter number="21">
				<verse number="1">Na Yeova amũkĩa Sala tondũ waisye, na Yeova amwĩka Sala tondũ waneenie.</verse>
				<verse number="2">Na Sala aya ĩvu, na amũsyaĩa Avalaamu mwana ũkũunĩ wake, ĩvinda yĩtw’e yĩla watavĩw’e nĩ Ngai.</verse>
				<verse number="3">Na Avalaamu eeta syĩtwa ya mwana wake ũla wasyaiwe, ũla Sala wamũsyaĩe, Isaka.</verse>
				<verse number="4">Na Avalaamu amwaĩka Isaka mwana wake e wa matukũ nyanya, o tondũ Ngai wamwĩaĩe.</verse>
				<verse number="5">Na Avalaamu aĩ wa myaka ĩana, yĩla wasyaĩwe mwana wake Isaka.</verse>
				<verse number="6">Na Sala asya, Ngai nũtumie nĩtheka; kĩla ũmwe wĩĩw’aa akathekaa vamwe nakwa.</verse>
				<verse number="7">Nake asya, Nũũ ũla waĩ atavya Avalaamu, atĩ Sala nũkongya syana? Nũndũ nĩnamũsyaĩa mwana ũkũunĩ wake.</verse>
				<verse number="8">Na mwana eana, na aaĩw’a: na Avalaamu avoka mboka nene mũthenya ũla Isaka waaĩw’e.</verse>
				<verse number="9">Na Sala oona mwana wa Akali, Mũmisili, ũla wamũsyaĩe Avalaamu, aivũa ngũĩ.</verse>
				<verse number="10">Kwondũ wa ũu amwĩa Avalaamu, Lũngya mũthũkũmi ũũ, mwĩĩtu, na mwana wake: nũndũ mwana wa mũthũkũmi ũũ, mwĩĩtu, ndakethĩwa e mũtiĩwa vamwe na mwana wakwa, o ũũ Isaka.</verse>
				<verse number="11">Na ũndũ ũsu waĩ ũthũku mũno methonĩ ma Avalaamu kwondũ wa mwana wake.</verse>
				<verse number="12">Na Ngai amwĩa Avalaamu, Ndũkethĩwe wĩ ũthũku methonĩ maku nũndũ wa mwana, na nũndũ wa mũthũkũmi waku, mwĩĩtu; nthĩnĩ wa w’onthe ũla Sala ũnũũkũtavya, wĩthukĩĩsye wasya wake; nũndũ ũsyao waku ũkeetwa nthĩnĩ wa Isaka.</verse>
				<verse number="13">O na mwana wa mũthũkũmi, mwĩĩtu, ngamũtw’ĩkĩthya mbaĩ, nũndũ nake nĩ ũsyao waku.</verse>
				<verse number="14">Na Avalaamu ookĩla kĩoko tene, na oosa kĩmũtũ na kathatwa ka manzĩ, na amũnenga Akali, amwaĩkya kĩtuonĩ kyake, na amũnenga mwana, na amwĩa athi: nake athi, na anganga weũnĩ wa Mbeeli‐sieva.</verse>
				<verse number="15">Na manzĩ mathela kathatwanĩ, na aia mwana ungu wa kakuthu kamwe.</verse>
				<verse number="16">Nake aenda, na ekala nthĩ amwelekele e kũasa, ta yĩkwa ya ũta: nũndũ asya, Ndikone kĩkw’ũ kya mwana. Na ekala amwelekele, na ookĩlya wasya wake, na aĩa.</verse>
				<verse number="17">Na Ngai eew’a wasya wa kĩvĩsĩ; na mũlaĩka wa Ngai amwĩta Akali e ĩtunĩ, na amũkũlya, Wĩ na ũndũ mwaũ, Akali? Ndũkakĩe; nũndũ Ngai nĩwew’a wasya wa kĩvĩsĩ vala kĩĩ.</verse>
				<verse number="18">Ũkĩla wũkĩlye kĩvĩsĩ, na ũkĩkĩkwata kw’okonĩ kwaku; nũndũ ngakĩtw’ĩkĩthya mbaĩ nene.</verse>
				<verse number="19">Na Ngai amũsalukya metho make, na oona kĩthima kya manzĩ; na athi, na ausũsya kathatwa manzĩ, na akĩnenga kĩvĩsĩ kĩnyw’e.</verse>
				<verse number="20">Na Ngai aĩ vamwe na kĩvĩsĩ, nakyo kyeana; na kyekalaa kũu weũnĩ, na kĩkĩana, kyatw’ĩka mũndũ wa ũta.</verse>
				<verse number="21">Na atũaa ũiĩnĩ wa Valani: na inyia wake amumĩsye mũka nthĩ ya Misili.</verse>
				<verse number="22">Na kweethĩwa ĩvinda yĩu, Avimeleki na Vikoli kavuteni wa nguthu yake maneena na Avalaamu, makĩmwĩa, Ngai e vamwe naku maũndũnĩ onthe ala wĩkaa:</verse>
				<verse number="23">na yu ĩndĩ ĩmbĩtĩe vaa na Ngai kana ndũkambĩka na ũkengani, o na mwana wakwa, o na mwĩsũkũũwa: ĩndĩ kwĩanana na ũseo ũla nakwĩkie, we ũkambĩka nyie, na nthĩ ĩla wĩkalĩte ũeni.</verse>
				<verse number="24">Na Avalaamu asũngĩa, Nĩngwĩvĩta.</verse>
				<verse number="25">Na Avalaamu amũkan’ya Avimeleki nũndũ wa kĩthima kya manzĩ, kĩla athũkũmi ma Avimeleki mavenanie.</verse>
				<verse number="26">Na Avimeleki amwĩa, Ndyĩsĩ ũla wekie ũndũ ũũ: o na ndwaandavya, o na ndyaaĩw’a nyie, ate o ũmũnthĩ.</verse>
				<verse number="27">Na Avalaamu oosa malondu na ng’ombe, na amũnenga Avimeleki; na me elĩ matianĩa ũtianĩo.</verse>
				<verse number="28">Na Avalaamu aia tũmyati mũonza twa ĩĩthya twĩ tw’oka.</verse>
				<verse number="29">Na Avimeleki amũkũlya Avalaamu, Nĩ twa kĩ tũmyati tũũ mũonza wiĩte tw’oka?</verse>
				<verse number="30">Nake asũngĩa, Tũmyati tũũ mũonza ũtwose kw’okonĩ kwakwa, wĩthĩwe ũkũsĩ kwakwa, kana ninyie nĩnzĩte kĩthima kĩĩ.</verse>
				<verse number="31">Kwondũ wa ũu eeta vandũ vau Mbeeli‐sieva; nũndũ nĩvo meevĩtĩe me elĩ.</verse>
				<verse number="32">Na ĩndĩ matianĩa ũtianĩo vu Mbeeli‐sieva: na Avimeleki ookĩla, na Vikoli kavuteni wa nguthu yake, na masyoka nthĩ ya Avilisiti.</verse>
				<verse number="33">Na Avalaamu avanda mũtĩ wa mweseli vau Mbeeli‐sieva, na eekaĩlĩla syĩtwa ya Yeova kũu, Ngai Wa Tene Na Tene.</verse>
				<verse number="34">Na Avalaamu ekala ũeni nthĩ ya Avilisiti matukũ maingĩ.</verse>
			</chapter>
			<chapter number="22">
				<verse number="1">Na kweethĩwa ĩtina wa maũndũ asu, Ngai atata Avalaamu, na amwĩa, Avalaamu; nake asũngĩa, Ninyioo.</verse>
				<verse number="2">Na amwĩa, Osa yu mwana waku, mwana waku e ũmwe, ũla wendete, o Isaka, ũende nthĩ ya Molia; na ũkamũthembee vo ethĩwe nthembo ya kũvĩvw’a ĩũlũ wa kĩĩma kĩmwe kĩla ngakũtavya.</verse>
				<verse number="3">Na Avalaamu ookĩla kĩoko tene, na atandĩka ĩng’oi yake, na oosa anake elĩ make mathi nake, na Isaka mwana wake; na aalya ngũ sya nthembo ya kũvĩvw’a, na ookila, na aenda vandũ vala Ngai ũmũtavisye.</verse>
				<verse number="4">Mũthenya wa katatũ Avalaamu ookĩlya metho make, oona vala vandũ ve kũasa.</verse>
				<verse number="5">Na Avalaamu amea anake make, Inyw’ĩ ĩkalai vaa na ĩng’oi, nakwa na mwana nĩtũũthi kũya; na tũkathaitha, na kũmũsyokea ĩngĩ.</verse>
				<verse number="6">Na Avalaamu oosa ngũ sya nthembo ya kũvĩvw’a, amwaĩkya Isaka mwana wake; na akua kw’okonĩ kwake mwaki na kavyũ; na maendan’ya me elĩ.</verse>
				<verse number="7">Na Isaka aneena na Avalaamu ithe wake, na amwĩa, Nau: nake asũngĩa, Ninyioo, mwana wakwa. Na asya, Sisya, mwaki na ngũ: ĩndĩ kaĩva katena ka ĩlondu ka nthembo ya kũvĩvw’a?</verse>
				<verse number="8">Na Avalaamu asũngĩa, Ngai akeemanthĩa katena ka ĩlondu ka nthembo ya kũvĩvw’a, mwana wakwa: na ĩndĩ maendan’ya me elĩ.</verse>
				<verse number="9">Na mavika vandũ vala Ngai wamũtavĩtye; na Avalaamu aaka kĩthembeo vo, na aĩĩa ngũ, na amwova Isaka mwana wake, na amwia kĩthembeonĩ, ĩũlũ wa ngũ.</verse>
				<verse number="10">Na Avalaamu atambũũkya kw’oko kwake, oosa kavyũ oae mwana wake.</verse>
				<verse number="11">Na mũlaĩka wa Yeova amwĩta kuma ĩtunĩ, na amwĩa, Avalaamu, Avalaamu: nake asũngĩa, Ninyioo.</verse>
				<verse number="12">Na amwĩa, Ndũkailĩĩle mwana kw’oko kwaku, o na ndũkamwĩke ũndũ; nũndũ yu nĩnĩsĩ kana nũmũkĩĩte Ngai, nũndũ ndũnambata mwana waku, mwana waku e ũmwe.</verse>
				<verse number="13">Na Avalaamu ookĩlya metho, oona, na, sisya, ĩtina wake ndũũme ĩkwetwe mbya syayo nĩ kĩkuthu: na Avalaamu aenda na oosa ndũũme, na amĩthemba nthembo ya kũvĩvw’a vandũ va mwana wake.</verse>
				<verse number="14">Na Avalaamu eeta vandũ vau syĩtwa yavo Yeova‐yile: o tondũ kwaaw’a kũvika mũnthĩ ũũ, Kĩĩmanĩ kya Yeova kĩkooneka.</verse>
				<verse number="15">Na mũlaĩka wa Yeova amwĩta Avalaamu ya kelĩ e ĩtunĩ,</verse>
				<verse number="16">na amwĩa, Nyie mwene nĩneevĩta, Yeova easya ũu, nũndũ nĩweeka ũndũ ũũ, na ndũnambata mwana waku, mwana waku e ũmwe,</verse>
				<verse number="17">kana kũathima ngakũathima, na kwingĩvya ngaingĩvya ũsyao waku ta ndata sya matunĩ, na ta kĩthangathĩ kĩ ũtee wa ũkanga; na ũsyao waku ũkatiĩwa mbingĩlo ya amaitha maw’o;</verse>
				<verse number="18">na ũsyaonĩ waku mbaĩ syonthe sya nthĩ ikaathimwa; nũndũ nĩweew’a wasya wakwa.</verse>
				<verse number="19">Na ĩndĩ Avalaamu amasyokea anake make, na mookĩla maendan’ya kũvika Mbeeli‐sieva; na Avalaamu atũa Mbeeli‐sieva.</verse>
				<verse number="20">Na kweethĩwa ĩtina wa maũndũ asu, Avalaamu atavw’a, kũineenwa, Sisya, Milika, nake nũsyaĩe mwana‐a‐mwenyu Naoli syana:</verse>
				<verse number="21">Usi ĩkithathi yake, na Mbusi mwana‐a‐inyia, na Kemueli ĩthe wa Alamu,</verse>
				<verse number="22">na Keseti, na Aso, na Vilitasi, na Yitilavu, na Mbethueli.</verse>
				<verse number="23">Na Mbethueli asyaa Leveka: asu nyanya Milika asyaĩa Naoli, mwana‐a‐inyia wa Avalaamu.</verse>
				<verse number="24">Na mũka wake ngombo, syĩtwa yake Leuma, nake asyaa Teva, na Ngaamu, na Taasi, na Maaka.</verse>
			</chapter>
			<chapter number="23">
				<verse number="1">Na Sala ekalile thayũ myaka ĩana na mĩongo ĩlĩ na mũonza: nĩyo myaka ya thayũ wa Sala.</verse>
				<verse number="2">Na Sala akw’ĩa Kiliathi‐aliva (nĩyo Eviloni), kũu nthĩ ya Kanaani: na Avalaamu ooka kũmũmetea Sala, na kũmũĩĩa.</verse>
				<verse number="3">Na Avalaamu ookila kuma mbee wa mũkw’ũ wake, na aneena na ana ma Ethi, akĩmea,</verse>
				<verse number="4">Nĩ mũeni na mwĩkali wa ũeninĩ kwenyu: nengai vandũ va mbũa kwenyu, nĩthike mũkw’ũ wakwa nĩeke ũmwona.</verse>
				<verse number="5">Na ana ma Ethi masũngĩa Avalaamu, makĩmwĩa,</verse>
				<verse number="6">Twĩthukĩĩsye, mwĩaĩi wakwa; wĩ mũnene katĩ waitũ wa Ngai: ngunganĩ sitũ ila nzeo mbee thika mũkw’ũ waku; vai ũmwe katĩ waitũ wĩkũvata ngunga yake, ndũkathike mũkw’ũ waku.</verse>
				<verse number="7">Na Avalaamu ookĩla, eekunamĩsya andũ ma nthĩ ĩsu, ala andũ ma Ethi.</verse>
				<verse number="8">Nake aneenan’ya nao, akĩmea, Ethĩwa nĩ kĩsũanĩo kyenyu nĩthike mũkw’ũ wakwa nĩeke ũmwona, mbĩthukĩĩsyai, na mboyeai kwa Eveloni mwana wa Nzooali,</verse>
				<verse number="9">nĩ kana anenge ngunga yĩ Makivela, ĩla wĩ nayo, ĩla yĩ mũthyanĩ wa kĩsesi kyake; na thooa mwĩanĩu anengee katĩ wenyu yĩthĩwe vandũ va mbũa.</verse>
				<verse number="10">Na ĩndĩ Eveloni ekalĩte katĩ wa ana ma Ethi: na Eveloni, ũla Mũititi, asũngĩa Avalaamu ana ma Ethi makĩw’a, o na onthe ala malikaa mbingĩlonĩ ya ndũa yake, akĩmwĩa,</verse>
				<verse number="11">Aiee, mwĩaĩi wakwa, mbĩthukĩĩsya: kĩsesi nĩngũũnenga, na ngunga ĩla yĩ vo, nĩngũũnenga; ana ma andũ makwa me vaa nĩngũũnenga: thika mũkw’ũ waku.</verse>
				<verse number="12">Na Avalaamu eekunamĩsya andũ ma nthĩ ĩsu.</verse>
				<verse number="13">Na aneena na Eveloni andũ ma nthĩ ĩsu makĩwa’, aimwĩa, Ĩndĩ wenda, nĩngũkwĩsũva, mbĩthukĩĩsya: nĩngũũnenga thooa wa kĩsesi; osa kwakwa, nakwa nĩngũthika mũkw’ũ wakwa vo.</verse>
				<verse number="14">Na Eveloni asũngĩa Avalaamu, akĩmwĩa,</verse>
				<verse number="15">Mwĩaĩi wakwa mbĩthukĩĩsya: kĩlungu kya nthĩ kĩanĩe thooa wa sekeli sya vetha maana ana, isu nĩ myaũ katĩ wakwa naku? Thika ĩndĩ mũkw’ũ waku.</verse>
				<verse number="16">Na Avalaamu eethukĩĩsya Eveloni; na Avalaamu athimĩa Eveloni vetha ila wawetie ana ma Ethi makĩw’a, sekeli sya vetha maana ana, ila itandĩthasya na mũthoosya.</verse>
				<verse number="17">Na ĩndĩ kĩsesi kya Eveloni, kĩla kyaĩ nthĩnĩ wa Makivela, kĩla kyaĩ mbee wa Mamile, kĩsesi, na ngunga ĩla yaĩ nthĩnĩ wakyo, na mĩtĩ yonthe ĩla yaĩ kĩsesinĩ, ĩla yaĩ nthĩnĩ wa mĩvaka yakyo yonthe, kyalũlũmĩlw’a</verse>
				<verse number="18">kyatw’ĩka kya Avalaamu ki, ana ma Ethi me vo, mbee wa onthe ala malikaa mbingilonĩ ya ndũa yake.</verse>
				<verse number="19">Na ĩtina wa ũu, Avalaamu athika Sala mũka wake ngunganĩ ya kĩsesi kĩ Makivela mbee wa Mamile (nĩyo Eviloni), kũu nthĩ ya Kanaani.</verse>
				<verse number="20">Na kĩsesi, na ngunga ĩla yaĩ nthĩnĩ wakyo, kyalũlũmĩlw’a kwa Avalaamu nĩ ana ma Ethi kĩthĩwe vandũ va mbũa.</verse>
			</chapter>
			<chapter number="24">
				<verse number="1">Na Avalaamu aĩ mũkũu, na wa myaka mingĩ: na Yeova ethĩwa aathimĩte Avalaamu maũndũnĩ onthe.</verse>
				<verse number="2">Na Avalaamu amwĩa mũthũkũmi wake, ũla waĩ mũkũu nyũmbanĩ yake, ũla waiĩtwe ĩũlũ wa syonthe ila waĩ nasyo, Nĩngũũvoya, ĩkĩa kw’oko kwaku ungu wa waswa wakwa:</verse>
				<verse number="3">nakwa nĩngũkwĩavĩthya kwa Yeova, Ngai wa ĩtu na Ngai wa nthĩ, ndũkatwaĩe mwana wakwa mũka eĩtunĩ ma Akanaani, ala nĩtũaa katĩ woo:</verse>
				<verse number="4">ĩndĩ ũkaenda kũvika nthĩ yakwa, na ũkonĩ wakwa, ũtwaĩe mwana wakwa Isaka mũka.</verse>
				<verse number="5">Na mũthũkũmi amwĩa, Nokwĩthĩwa mũndũ mũka ndakenda kũmbikĩla kũvika nthĩ ĩno: no mũvaka nĩmũtũnga ĩngĩ mwana waku nthĩ ĩla waumie?</verse>
				<verse number="6">Na Avalaamu amwĩa, Ĩsũvĩe ndũkaamũtũnge mwana wakwa kũu ĩngĩ.</verse>
				<verse number="7">Yeova, Ngai wa ĩtu, ũla wanumisye nyũmbanĩ ya asa wakwa, na kuma nthĩ ĩla nasyaĩwe, ũla waneenie nakwa, na eembĩtĩa, akyasya, Ũsyao waku ngoonenga nthĩ ĩno; we akatũma mũlaĩka wake mbee waku, naku ũkatwaĩa mwana wakwa mũka kuma kw’o.</verse>
				<verse number="8">Na ethĩwa mũndũ mũka ndekwenda ũkũvikĩla, ũkaekewa wĩvĩto ũũ wakwa: ĩndĩ ndũkaamũtũnge mwana wakwa kũu ĩngĩ.</verse>
				<verse number="9">Na mũthũkũmi eekĩa kw’oko kwake ungu wa waswa wa Avalaamu vwana wake, na amwĩavĩa ũndũnĩ ũsu.</verse>
				<verse number="10">Na mũthũkũmi oosa ngamĩle ĩkũmi, ngamĩlenĩ sya vwana wake, na akũsya e na syĩndũ syonthe nzeo sya vwana wake kw’okonĩ kwake: na ookĩla, na aenda Mesovotamia, kũvika ndũanĩ ya Naoli.</verse>
				<verse number="11">Na atulĩthya ngamĩle ndu ũtee wa ndũa kĩthimanĩ ĩvinda ya wĩoo, ĩvinda yĩla aka maendaa kũtava manzĩ.</verse>
				<verse number="12">Nake asya, Ame Yeova, Ngai wa vwana wakwa Avalaamu, nĩngũũvoya, mbaĩlĩlya ũmũnthĩ, wĩke vwana wakwa Avalaamu nesa.</verse>
				<verse number="13">Sisya, nyie nĩũngamĩte nthongonĩ ya manzĩ; na eĩtu andũ ma ndũa nĩmekũka kũtava manzĩ:</verse>
				<verse number="14">nĩkwĩthĩwe, mwĩĩtu ũla ngũmũtavya, Aũa kĩtete kyaku kya yũmba, nĩngũũvoya, nĩnyw’e; nake akambĩa, Nyw’a, na nĩngũnyithya ngamĩle syaku nasyo: ũsu nĩethĩwe ũla wamũnyuvĩe mũthũkũmi waku Isaka; nĩw’o nĩmanya kana nũmwĩkĩte vwana wakwa nesa.</verse>
				<verse number="15">Na kweethĩwa, atanamina kũneena, sisya, Leveka aumaala, ũla wasyaĩwe Mbethueli mwana wa Milika, mũka wa Naoli, mwana‐a‐inyia wa Avalaamu, e na kĩtete kyake kĩtuonĩ kyake.</verse>
				<verse number="16">Na mwĩĩtu aĩ mwanake mũno kwa kũsiw’a, mũtheu, o na vatyaĩ mũndũ mũũme waamũmanya; nake atheea nthongonĩ, ausũsya kĩtete kyake, na ambata.</verse>
				<verse number="17">Na mũthũkũmi asemba kũmũthaũa, amwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku.</verse>
				<verse number="18">Nake asũngĩa, Nyw’a, mwĩaĩi wakwa: nake eekalaata, na atheesya kĩtete kyake kw’okonĩ kwake, na amũnenga anyw’e.</verse>
				<verse number="19">Na amina ũmũnenga anyw’e, amwĩa, Nĩngũtavĩa ngamĩle syaku nasyo, mũvaka ilaũke.</verse>
				<verse number="20">Na eekalaata, oonosya kĩtete kyake mũvalatĩnĩ, na asemba ĩngĩ kĩthimanĩ kũtava, na atavĩa ngamĩle syake syonthe.</verse>
				<verse number="21">Na ũla mũndũ amũketeea, akilĩtye, amanye kana Yeova nũmwaĩlĩlye kyalo kyake kana ti w’o.</verse>
				<verse number="22">Na kweethĩwa, ngamĩle syalaũka, ũla mũndũ oosa ngome ya thaavu, ũito wayo nyunzu ya sekeli, na itang’a ilĩ kwondũ wa moko make ũito wa thaavu wa sekeli ĩkũmi,</verse>
				<verse number="23">akũlya, Wĩ mwĩĩtu waũ, we? Nĩngũkwĩsũva, ndavya. Ve ũthei nyũmbanĩ ya au wa ũtũ-komya?</verse>
				<verse number="24">Nake amũsũngĩa, Nĩ mwĩĩtu wa Mbethueli mwana wa Milika, ũla wamũsyaĩe Naoli.</verse>
				<verse number="25">Na ĩngĩ amwĩa, Twĩ na ũa o na ũĩthyo mwĩanĩu, na ũthei wa kũmũkomya.</verse>
				<verse number="26">Na ũla mũndũ akunamya mũtwe, na athaitha Yeova.</verse>
				<verse number="27">Nake asya, Nataĩwe Yeova, Ngai wa vwana wakwa Avalaamu, ũla ũtaaeka ũseo wake wĩ wendo na w’o wake kwa vwana wakwa: nakwa, Yeova nũndongoesye nzĩanĩ kũvika nyũmba ya ana‐a‐inyia ma vwana wakwa.</verse>
				<verse number="28">Na mwĩĩtu asemba, atavan’ya nyũmbanĩ ya inyia wake o ndeto isu.</verse>
				<verse number="29">Na Leveka aĩ na mwana‐a‐inyia, na syĩtwa yake eetawa Lavani: na Lavani asemba vala ve ũla mũndũ, kũvika nthongonĩ.</verse>
				<verse number="30">Na kweethĩwa, yĩla wonie ngome, na itang’a mokonĩ ma mwĩĩtu‐a‐inyia, na eew’a ndeto sya Leveka, mwĩtũ‐a‐inyia, akyasya, Ũla mũndũ andavya ũna na ũna; ooka vala ve ũla mũndũ; na, sisya, aũngamĩte na ngamĩle nthongonĩ.</verse>
				<verse number="31">Na amwĩa, Lika, we, ũathimĩtwe nĩ Yeova; ũũngamĩte nza nĩkĩ? Nũndũ nĩnzeũvisye nyũmba, na vandũ va ngamĩle.</verse>
				<verse number="32">Na ũla mũndũ avota nyũmbanĩ, na athasya ngamĩle; na anenga ngamĩle ũa na ũĩthyo, na manzĩ ma ũthambya maũũ make na maũũ ma andũ ala maĩ nake.</verse>
				<verse number="33">Na vaiwa lĩu mbee wake aye: ĩndĩ asya, Ndiya, ndanatavan’ya ũndũ ndũmiwe. Na asũngĩa, Neena ĩndĩ.</verse>
				<verse number="34">Nake asya, Nyie nĩ mũthũkũmi wa Avalaamu.</verse>
				<verse number="35">Na Yeova nũathimĩte vwana wakwa mũno; na nũtw’ĩkĩte mũnene: nũmũnengete ndĩthya sya mbũi na malondu na sya ng’ombe, na vetha na thaavu, na athũkũmi aũme na eĩtu, na ngamĩle na mang’oi.</verse>
				<verse number="36">Na Sala mũka wa vwana wakwa nĩwamũsyaĩe vwana wakwa mwana yĩla waĩ mũkũu: nake amũnengete syonthe ila wĩ nasyo.</verse>
				<verse number="37">Na vwana wakwa nĩwatumie nĩvĩta, akĩmbĩa, Ndũkaamũtwaĩe mwana wakwa mũka eĩtunĩ ma Akanaani, ala nĩtwĩe nthĩ yoo:</verse>
				<verse number="38">ĩndĩ ũkathi nyũmbanĩ ya asa wakwa, kwa ũko wakwa, na ũkamũtwaĩe mwana wakwa mũka.</verse>
				<verse number="39">Nakwa namwĩa vwana wakwa, Nokwĩthĩwa mũndũ mũka atakambikĩla.</verse>
				<verse number="40">Nake ambĩa, Yeova, ũla nĩendaa mbee wake, akatũma mũlaĩka wake vamwe naku, akwaĩlĩlye nzĩa yaku; naku ũkamũtwaĩa mwana wakwa mũka wa ũko wakwa, na wa nyũmba ya asa wakwa:</verse>
				<verse number="41">nĩvo wĩekewa wĩvĩto wakwa, wavika kwa ũko wakwa; na malea ũkũnenga, ũkaekewa wĩvĩto wakwa.</verse>
				<verse number="42">Na nĩnũkie mũnthĩ ũũ nthongonĩ, nasya, Ame Yeova, Ngai wa vwana wakwa Avalaamu, ethĩwa yu nũũmbaĩlĩlya nzĩa yakwa ĩla nĩendaa:</verse>
				<verse number="43">sisya, nĩũngamĩte nthongonĩ ya manzĩ; na nĩkwĩthĩwe, mwĩĩtu ũla ũnũũka kũtava, ũla ngũmwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku:</verse>
				<verse number="44">nake akambĩa, Nyw’a, we, na ngamĩle syaku nasyo nĩngwitavĩa: ũsu nĩethĩwe mũndũ mũka ũla Yeova ũnyuvĩe mwana wa vwana wakwa.</verse>
				<verse number="45">Na ndanamina kũneena ngoonĩ yakwa, sisya, Leveka aumaala na kĩtete kyake kĩtuonĩ kyake; na atheea nthongonĩ, na atava: nakwa namwĩa, Nenga nĩnyw’e, nĩngũkwĩsũva.</verse>
				<verse number="46">Nake eekalaata, atheesya kĩtete kyake kuma kĩtuonĩ kyake, na ambĩa, Nyw’a, na nĩngũnyithya ngamĩle syaku nasyo: nakwa nanyw’a, na anyithya ngamĩle nasyo.</verse>
				<verse number="47">Na namũkũlya, nasya, Wĩ mwĩĩtu waũ, we? Nake asũngĩa, Nĩ mwĩĩtu wa Mbethueli, mwana wa Naoli, ũla Milika wamũsyaĩe: nakwa namwĩkĩa ngome ĩnyiũũ, na itang’a moko.</verse>
				<verse number="48">Nakwa nakunamya mũtwe, nathaĩtha Yeova, na nataĩa Yeova, Ngai wa vwana wakwa Avalaamu, ũla wandongoesye nzĩanĩ ya w’o nĩmũtwaĩe mwana wa vwana wakwa mwĩĩtu wa mwana‐a‐inyia wake.</verse>
				<verse number="49">Na yu ĩndĩ ethĩwa mũkeeka vwana wakwa nesa na w’o, ndavyai: na ethĩwa ti w’o, ndavyai; nĩthyũũe kw’okonĩ kwa aũme, kana kwa aka.</verse>
				<verse number="50">Nĩvo Lavani na Mbethueli masũngĩie na masya, Ũndũ ũũ wumĩte kwa Yeova: tũitonya kũneena naku ũthũku kana ũseo.</verse>
				<verse number="51">Sisya, Leveka e mbee waku, mwose, ũende, ethĩwe mũka wa mwana wa vwana waku, o tondũ Yeova waĩtye.</verse>
				<verse number="52">Na kweethĩwa, mũthũkũmi wa Avalaamu eew’a ndeto syoo, eekunamĩsya Yeova kũvika nthĩ.</verse>
				<verse number="53">Na ũla mũthũkũmi aumya mĩio ya wanake ya vetha, na thaavu, na ngũa, na amũnenga Leveka: o na mwana‐a‐inyia na inyia amanenga syĩndũ syĩ vata mũno.</verse>
				<verse number="54">Nao maya na manyw’a, we na andũ ala maĩ vamwe nake, na mekala ũtukũ w’onthe; na mookĩla kĩoko, nake asya, Ekai nĩthi kwa vwana wakwa.</verse>
				<verse number="55">Na mwana‐a‐inyia na inyia masya, Mwĩĩtu ekale naitũ matukũ mavũthũ, ta ĩkũmi; ĩtina wa ũu akathi.</verse>
				<verse number="56">Na amea, Mũikanziĩĩe, nũndũ Yeova nũmbaĩlĩlye nzĩa yakwa; ekai nĩthi kwa vwana wakwa.</verse>
				<verse number="57">Nao masya, Nĩtũkwĩta mwĩĩtu, tũmũkũlye ũndũ ũnũkwasya.</verse>
				<verse number="58">Na mamwĩta Leveka, mamũkũlya, Nũkũenda na mũndũ ũũ? Nake asũngĩa, Nĩngũthi.</verse>
				<verse number="59">Na maeka Leveka mwĩĩtu‐a‐inyia woo athi, na mũei wake, na mũthũkũmi wa Avalaamu, na andũ make.</verse>
				<verse number="60">Na maathima Leveka, mamwĩa, We mwĩĩtu‐a‐ia, wĩthĩwe wĩ inyia wa ngili kũndũ ngili makũmi, na ũsyao waku nĩũmesye mbingĩlo ya ala mamamenaa.</verse>
				<verse number="61">Na Leveka ookĩla, na athũkũmi make eĩtu, na matũla ngamĩle, mamũvikĩla ũla mũndũ: na mũthũkũmi oosa Leveka, akwata nzĩa yake athi.</verse>
				<verse number="62">Na Isaka ooka na nzĩa ya Mbeeli‐laai‐loi; nũndũ atũaa nthĩ ya ngalĩ ya Ĩtheo.</verse>
				<verse number="63">Na Isaka aumaala akasũanĩe kĩsesinĩ wĩoo: na ookĩlya metho, oona, na, sisya, kwaĩ ngamĩle syũkĩte.</verse>
				<verse number="64">Na Leveka ookĩlya metho, na oona Isaka, auma ngamĩlenĩ.</verse>
				<verse number="65">Na amũkũlya mũthũkũmi, Mũndũ ũya nũũ ũnũkũtambũka kĩsesinĩ atũthaũĩte? Na ũla mũthũkũmi amwĩa, Nĩwe vwana wakwa: na oosa suka wake mũvũthũ, eekunĩkĩlya.</verse>
				<verse number="66">Na ũ mũthũkũmi atavya Isaka maũndũ onthe ala wĩkĩte.</verse>
				<verse number="67">Na Isaka amũete ĩeemanĩ ya inyia wake Sala, na oosa Leveka, na atw’ĩka mũka wake; na amwenda: na Isaka akiakiw’a ĩtina wa kĩkw’ũ kya inyia wake.</verse>
			</chapter>
			<chapter number="25">
				<verse number="1">Na Avalaamu atwaa mũka ũngĩ, na syĩtwa yake eetawa Ketula.</verse>
				<verse number="2">Nake amũsyaĩa Nzimilani, na Yokisani, na Metani, na Mitiani, na Isivaki, na Suua.</verse>
				<verse number="3">Na Yokisani asyaa Sieva, na Ndetani. Na ana ma Ndetani maĩ Aasuli, na Aletusi, na Aleumi.</verse>
				<verse number="4">Na ana ma Mitiani: Evaa, na Evieli, na Anoki, na Avita, na Elitaa. Asu onthe maĩ ana ma Ketula.</verse>
				<verse number="5">Na Avalaamu anenga Isaka syonthe ila waĩ nasyo.</verse>
				<verse number="6">Ĩndĩ ana ma aka ngombo, ala Avalaamu waĩ nao, Avalaamu amanenga mĩthĩnzĩo; nake e thayũ, amea mathi kũasa na Isaka mwana wake, melekele wumĩlonĩ wa syũa, kũvika nthĩ ya wumĩlonĩ wa syũa.</verse>
				<verse number="7">Aa nĩmo matukũ ma myaka ya thayu wa Avalaamu ala wekalile, myaka ĩana na mĩongo mũonza na ĩtano.</verse>
				<verse number="8">Na Avalaamu aumwa nĩ veva, akw’a ũkũunĩ mũseo, e mũtumĩu mũno, na wa myaka mingĩ, na oombanw’a vamwe na andũ make.</verse>
				<verse number="9">Na Isaka na Isumaeli, ana make, mamũthika ngungani yĩ Makivela, kĩsesinĩ kya Eveloni mwana wa Nzooali, Mũititi, kĩla kĩ mbee wa Mamile;</verse>
				<verse number="10">kĩsesi kĩla Avalaamu wathooee ana ma Ethi: nĩvo Avalaamu wathikiwe, na Sala mũka wake.</verse>
				<verse number="11">Na kweethĩwa, ĩtina wa kĩkw’ũ kya Avalaamu, Ngai aathima Isaka mwana wake: na Isaka atũaa ku Mbeeli‐laai‐loi.</verse>
				<verse number="12">Na yu ĩndĩ aa nĩmo mosyaanĩo ma Isumaeli, mwana wa Avalaamu, ũla Akali, Mũmisili, mũthũkũmi wa Sala mwĩĩtu, wamũsyaĩe Avalaamu:</verse>
				<verse number="13">na aa nĩmo masyĩtwa ma ana ma Isumaeli, masyĩtwa moo, kũatĩĩa mosyaanĩo moo: ĩkithathi ya Isumaeli, Nevaiothi; na Ketali, na Ativeeli, na Mivisamu,</verse>
				<verse number="14">na Misima, na Nduma, na Masa,</verse>
				<verse number="15">na Aatati, na Tema, na Yetuli, na Navisi, na Ketema:</verse>
				<verse number="16">asu nĩo ana ma Isumaeli, na asu nĩo masyĩtwa moo, kũatĩĩa mĩsyĩ yoo, na motũo moo; anene ĩkũmi na elĩ kũatĩĩa mbaĩ syoo.</verse>
				<verse number="17">Na ĩno nĩyo myaka ya thayũ wa Isumaeli, myaka ĩana na mĩongo ĩtatũ na mũonza: nake aumwa nĩ veva na akw’a, an oombanw’a vamwe na andũ make.</verse>
				<verse number="18">Na matũaa kuma Avila kũvika Suli ũla welekele Misili, ũendete Asuli: atũaa elekanĩle na ana‐a‐inyia make onthe.</verse>
				<verse number="19">Na aa nĩmo mosyaanĩo ma Isaka, mwana wa Avalaamu: Avalaamu asyaa Isaka:</verse>
				<verse number="20">na Isaka aĩ wa myaka mĩongo ĩna yila wamũtwaie Leveka, mwĩĩtu wa Mbethueli, Mũsilia wa Vatani‐alamu, mwĩĩtu‐a‐inyia wa Lavani, Mũsilia, ethĩwe mũka wake.</verse>
				<verse number="21">Na Isaka eesũva Yeova kwondũ wa mũka wake, nũndũ aĩ ngũngũ: na Yeova eesũvĩka, na Leveka mũka wake aya ĩvu.</verse>
				<verse number="22">Na syana syakĩlan’ya vinya nthĩnĩ wake; na asya, Ethĩwa nũu, nĩkĩ ngwĩkala thayũ? Na aenda akũlya Yeova.</verse>
				<verse number="23">Na Yeova amwĩa, Mbaĩ ilĩ syĩ ĩvunĩ yaku, Na ngo ilĩ sya andũ ikauma ĩvunĩ yaku ivathũkanĩte: Na ũko ũmwe ũkeethĩwa na vinya kũte ũko ũla ũngĩ; Na ũla mũkũũ akathũkũma ũla mũnini.</verse>
				<verse number="24">Na yĩla matukũ make ma kũsyaa meanĩie, sisya, vaĩ mavatha ĩvunĩ yake.</verse>
				<verse number="25">Na ũla wa mbee auma e mũtune, ta ngũa ya w’ĩa, kw’onthe; na mamwĩta syĩtwa yake Esau.</verse>
				<verse number="26">Na ĩtina wa ũu mwana‐a‐inyia auma, na kw’oko kwake kwakwete Esau kĩtiinyo; na syĩtwa yake eetwa Yakovo: na Isaka aĩ wa myaka mĩongo thanthatũ yĩla Leveka wamasyaie.</verse>
				<verse number="27">Na ivĩsĩ syeana: na Esau aĩ mũsyĩmi mwai, mũndũ wa kĩsesi; na Yakovo ai mũndũ mũuu, ekalaa maeemanĩ.</verse>
				<verse number="28">Na ĩndĩ Isaka amwendaa Esau, nũndũ aĩsaa nyama sya nzyĩma yake: na Leveka amwendaa Yakovo.</verse>
				<verse number="29">Na Yakovo aua ũsũũ: na Esau auma kĩthekanĩ, na aĩ mũnyalu:</verse>
				<verse number="30">na Esau amwĩa Yakovo, Ngathĩsya, nĩngũkwĩsũva, ũsũũ ũsu mũtune; nũndũ nĩ mũnyalu: kwondũ wa ũu syĩtwa yake eetwa Etomu.</verse>
				<verse number="31">Na Yakovo amwĩa, Amba ũnthooesya ũkithathi waku.</verse>
				<verse number="32">Na Esau asũngĩa, Sisya, ngilĩlye ũkw’a: na ũkithathi ũkanguna na kyaũ?</verse>
				<verse number="33">Na Yakovo amwĩa, Amba kwĩmbĩtĩa; nake amwĩvĩtĩa: na athooesya Yakovo ũkithathi wake.</verse>
				<verse number="34">Na Yakovo amũnenga Esau kĩmũtũ na ũsũũ wa ndengũ; nake aya na anyw’a, na ookĩla, na akwata nzĩa yake, na athi: ũu nĩw’o Esau wavũthisye ũkithathi wake.</verse>
			</chapter>
			<chapter number="26">
				<verse number="1">Na kwaĩ yũa nthĩ, eka yũa ya mbee yĩla yaĩ matukũ ma Avalaamu. Na Isaka aenda kwa Avimeleki mũsumbĩ wa Avilisiti, kũvika Ngelali.</verse>
				<verse number="2">Na Yeova amumĩlĩla, na amwĩa, Ndũkatheee Misili; tũa nthĩ ĩla ngũũtavya:</verse>
				<verse number="3">ĩkalaa ũeni nthĩ ĩno, nakwa ngeethĩwa vamwe naku, na ngakũathima; nũndũ nthĩ ii syonthe ngakũnenga, we na ũsyao waku, na ngalũlũmĩlya wĩvĩto ũla neevĩtĩe Avalaamu ĩthe waku;</verse>
				<verse number="4">na ngaingĩvya ũsyao waku ta ndata sya ĩtunĩ, na nganenga ũsyao waku nthĩ ii syonthe; na ũsyaonĩ waku mbaĩ syonthe sya nthĩ ikaathimwa;</verse>
				<verse number="5">nĩkwĩthĩwa Avalaamu nĩwew’aa wasya wakwa, na asũvĩaa wĩaĩo wakwa, na myamũlo yakwa, na motw’ĩo makwa, na mĩao yakwa.</verse>
				<verse number="6">Na Isaka atũaa Ngelali:</verse>
				<verse number="7">na andũ ma vandũ vau mamũkũlya ũndũ wa mũka wake; nake amea, Nĩ mwĩĩtu‐a‐ia: nũndũ akĩaa kwasya, Nĩ mũka wakwa; akĩsũanĩa, andũ ma vandũ vau maikese ũmbũaa nũndũ wa Leveka; nũndũ aĩ mwanake kwa kũsiw’a.</verse>
				<verse number="8">Na kweethĩwa, ekalĩte vo ĩvinda ĩasa, Avimeleki mũsumbĩ wa Avilisiti asyaĩlya mbũthinĩ, na oona, na, sisya, Isaka nĩwathaũkaa na Leveka mũka wake.</verse>
				<verse number="9">Na Avimeleki amwĩta Isaka, amwĩa, Sisya, nĩ w’o ũsu nĩ mũka waku: nũndũ wa kĩ waisye, Nĩ mwĩĩtu‐a‐ia? Na Isaka amwĩa, Nũndũ nĩnaisye, Ndikese ũkw’a nũndũ wake.</verse>
				<verse number="10">Na Avimeleki akũlya, Nata ũndũ ũsu ũtwĩkĩte? Ũmwe wa kwitũ anaĩ atonya kũkoma na mũka waku, naku wĩthĩwa watũetee ũthũku kwitũ.</verse>
				<verse number="11">Na Avimeleki ameaĩa andũ onthe, akĩmea, Ũla ũkakiita mũndũ ũũ kana mũka wake ndakatĩa kũawa.</verse>
				<verse number="12">Na Isaka avanda nthĩ ĩsu, na oona mwaka ũsu kũndũ ĩana: na Yeova amũathima.</verse>
				<verse number="13">Na mũndũ ũsu aingĩvĩwa mũno, na aendeea kwingĩvĩwa mũvaka atw’ĩka mũnene mũno:</verse>
				<verse number="14">na aĩ na ũthwii wa ndĩthya sya mbũi na malondu, na ũthwii wa ndĩthya sya ng’ombe, na andũ aingĩ ma nyũmba: na Avilisiti mamwĩw’ĩa kĩwĩu.</verse>
				<verse number="15">Na ĩndĩ ithima syonthe ila athũkũmi ma ĩthe wake menzie matukũ ma ĩthe wake Avalaamu, Avilisiti nĩmailindĩte, na kũsyusũsya mũthanga.</verse>
				<verse number="16">Na Avimeleki amwĩa Isaka, Uma kwitũ; nũndũ wĩ vinya mũno kwĩ ithyĩ.</verse>
				<verse number="17">Na Isaka auma kũu, na aaka maeema mwandanĩ wa Ngelali, na atũa kw’o.</verse>
				<verse number="18">Na Isaka avukũa ĩngĩ ithima sya manzĩ, ila menzĩte matukũ ma Avalaamu ĩthe wake; nũndũ Avilisiti nĩmailindile Avalaamu akw’a: na asyĩta masyĩtwa masyo kũatĩĩa masyĩtwa ala syeetawa nĩ ĩthe.</verse>
				<verse number="19">Na athũkũmi ma Isaka menza mwandanĩ, na vo moona kĩthima kya manzĩ meũvulutya.</verse>
				<verse number="20">Na aĩthi ma Ngelali matetan’ya na aĩthi ma Isaka, makĩmea, Manzĩ nĩ maitũ: na akĩta kĩthima syĩtwa yakyo Esekĩ, nĩkwĩthĩwa nĩmatetanisye nake.</verse>
				<verse number="21">Na menza kĩthima kĩngĩ, nakyo makĩtetanĩsya: na akĩta syĩtwa yakyo Sitina.</verse>
				<verse number="22">Na auma ku, enza kĩthima kĩngĩ; na kyu maiaakĩtetanĩsya: na akĩta syĩtwa yakyo Leovothi; na asya, Nũndũ yu Yeova nũtwonee ũthei, naitũ tũkongeleka ĩ nthĩ.</verse>
				<verse number="23">Na ambata kuma vau kũvika Mbeeli‐sieva.</verse>
				<verse number="24">Na Yeova amumĩlĩla o ũtukũ ũsu, na amwĩa, Ninyie Ngai wa Avalaamu ĩthe waku: ndũkakĩe, nũndũ nĩ vamwe naku, nakwa ngakũathima, na kwingĩvya ũsyao waku kwondũ wa muthũkũmi wakwa Avalaamu.</verse>
				<verse number="25">Na aaka kĩthembeo vau, na eekaĩla syĩtwa ya Yeova, na amba ĩeema yake vo: na athũkũmi ma Isaka menza kĩthima vo.</verse>
				<verse number="26">Na ĩndĩ Avimeleki aenda vala ũĩ kuma Ngelali, e na Ausathi mũnyanyae, na Vikoli kavuteni wa nguthu yake.</verse>
				<verse number="27">Na Isaka amakũlya, Mwambũkĩa nyie nĩkĩ, nũndũ nĩmũũmena, na nĩmwanumisye kwenyu?</verse>
				<verse number="28">Nao masũngĩa, Nĩtwoonie ki kana Yeova aĩ vamwe naku: na twasya, Vethĩwe wĩvĩto katĩ waitũ, o katĩ waitũ naku, na tũtianĩe ũtianĩo naku,</verse>
				<verse number="29">kana ndũkatwĩka ũthũku, tondũ ithyĩ tũtaakũkiita, na tondũ ithyĩ tũtaakwĩka ũndũ ate o ũseo, na twakumya kwitũ na mũuo: naku yu wĩ mũathimwa wa Yeova.</verse>
				<verse number="30">Na amavokea mboka, na maya na manyw’a.</verse>
				<verse number="31">Na mookĩla kĩoko tene, meeavanĩa kĩla mũndũ na ũla ũngĩ: na Isaka amaeka mathi, na mauma kwake na mũuo.</verse>
				<verse number="32">Na kweethĩwa mũthenya o ũsu athũkũmi ma Isaka mooka, na mamũtavya ũvoo wa kĩthima kĩla menzie, mamwĩa, Nĩtwonie manzĩ.</verse>
				<verse number="33">Na akĩta Siva: kwondũ wa ũu syĩtwa ya ndũa ĩsu nĩ Mbeeli‐sieva kũvika mũnthĩ ũũ.</verse>
				<verse number="34">Na yĩla Esau waĩ wa myaka mĩongo ĩna atwaa Yutithi mwĩĩtu wa Veeli, Mũititi, na Mbasemathi mwĩĩtu wa Eloni, Mũititi:</verse>
				<verse number="35">na asu maĩ woo vevanĩ kwa Isaka na kwa Leveka.</verse>
			</chapter>
			<chapter number="27">
				<verse number="1">Na kweethĩwa, yĩla Isaka waĩ mũkũu, na metho make me mbindu, atona, amwĩta Esau mwana wake mũkũũ, na amwĩa, Mwana wakwa: na asũngĩa, Nĩ vaa.</verse>
				<verse number="2">Na amwĩa, sisya yu, nĩ mũkũu, o na ndyĩsĩ mũthenya wa kũkw’a kwakwa.</verse>
				<verse number="3">Na yu ĩndĩ, nĩngũkwĩsũva, osa mĩio yaku, thyaka waku na ũta waku, ũende weũnĩ ũnzyĩmĩe;</verse>
				<verse number="4">naku ũnzeũvĩsye lĩu mũseo, tondũ nendete ũndetee, nĩye; nĩ kana ngoo yakwa ĩkũathime ndanakw’a.</verse>
				<verse number="5">Na Leveka eew’a Isaka akĩneena na Esau mwana wake. Na Esau athi weũnĩ kũsyĩma nyama sya nzyĩma, na kwiete.</verse>
				<verse number="6">Na Leveka aneena na Yakovo mwana wake, akĩmwĩa, Sisya, nĩneew’a au aineena na Esau mwana‐a‐mwenyu, akĩmwĩa,</verse>
				<verse number="7">Ndetee nyama sya nzyĩma, ũnzeũvĩsye lĩu mũseo, nĩye, na ngĩkũathimĩa mbee wa Yeova, ndanakw’a.</verse>
				<verse number="8">Yu ĩndĩ, mwana wakwa, ĩw’a wasya wakwa o ũndũ ngũkwĩaĩa.</verse>
				<verse number="9">Enda yu ndĩthyanĩ ya mbũi na malondu, na ndatĩlya vo tũtena twĩlĩ tũseo twa mbũi: nakwa nĩngũtũseũvya lĩu mũseo nũndũ wa au, o tondũ wendete:</verse>
				<verse number="10">naku ũkamũtwaĩa au, aye, nĩ kana akũathime atanakw’a.</verse>
				<verse number="11">Na Yakovo amwĩa Leveka inyia wake, Sisya, Esau mwana‐a‐ia nĩ mũndũ wĩ na maw’ĩa, nakwa nĩ mũndũ mũtendeu.</verse>
				<verse number="12">Nokwĩthĩwa nau ambavata, na ngeethĩwa kwake ta mũkengani; na ĩndĩ ngĩyĩetee kĩumo, na ti ũathimo.</verse>
				<verse number="13">Na inyia wake amwĩa, Kĩumo kyaku nĩkĩthĩwe ĩũlũ wakwa, mwana wakwa; ĩndĩ ĩw’a wasya wakwa, na enda ũndatĩlye tw’o.</verse>
				<verse number="14">Na athi, na alatya, na atũetee inyia wake: na inyia wake aseũvya lĩu mũseo, o tondũ ĩthe wake wendete.</verse>
				<verse number="15">Na Leveka oosa ngũa nzeo sya Esau mwana wake mũkũũ, ila syaĩ kwake nyũmbanĩ, na eekĩa Yakovo mwana wake mũnini:</verse>
				<verse number="16">na mbũa sya tũtena twa mbũi asyĩkĩa mokonĩ make, na ũtendeunĩ wa ngingo yake:</verse>
				<verse number="17">na amũnenga mwana wake Yakovo kw’okonĩ kwake lĩu mũseo na kĩmũtũ kĩla ũseũvisye.</verse>
				<verse number="18">Na ooka kwa ĩthe, na amwĩa, Nau; nake asũngĩa, Nĩ vaa; nue ũũ, mwana wakwa?</verse>
				<verse number="19">Na Yakovo amwĩa ĩthe, Ninyie Esau ĩkithathi yaku; nĩneeka o tondũ ũmbĩie; nĩngũkwĩsũva ũkĩla, wĩkale nthĩ ũye nyama syakwa sya nzyĩma, nĩ kana ngoo yaku ĩngathime.</verse>
				<verse number="20">Na Isaka amũkũlya mwana wake, Wasyona na mĩtũkĩ ĩana ũu ata, mwana wakwa? Na asũngĩa, Nĩkwĩthĩwa Yeova Ngai waku nĩwambaĩlĩlya.</verse>
				<verse number="21">Na Isaka amwĩa Yakovo, Nĩngũkwĩsũva, mwana wakwa, thengeea, nĩkũvavate, kana nue mwana wakwa Esau, kana tiwe.</verse>
				<verse number="22">Na Yakovo amũthengeea Isaka ĩthe wake; nake amũvavata, na asya, Wasya nĩ wasya wa Yakovo, ĩndĩ moko nĩ moko ma Esau.</verse>
				<verse number="23">Na ndaamũmanya, nĩkwĩthĩwa moko make maĩ na maw’ĩa, ta moko ma Esau mwana‐a‐inyia: na ĩndĩ amũathima.</verse>
				<verse number="24">Na akũlya, Nue ki mwana wakwa Esau? Nake asũngĩa, Ninyie.</verse>
				<verse number="25">Na amwĩa, Ndetee vakuvĩ, nakwa nĩngũya nyama sya nzyĩma sya mwana wakwa, nĩ kana ngoo yakwa ĩkũathime. Na amũetee vakuvĩ, nake aya: na amũetee mbinyu na anyw’a.</verse>
				<verse number="26">Na Isaka ĩthe wake amwĩa, Mwana wakwa, thengeea yu, ũmumunye.</verse>
				<verse number="27">Nake athengeea, amũmumunya: na anyungĩa mũuke wa ngũa syake, na amũathima, na asya, Sisya, mũuke wa mwana wakwa Nĩ ta mũuke wa kĩsesi kĩathimĩtwe nĩ Yeova:</verse>
				<verse number="28">Na Ngai akũnenge sya ĩmwe ya ĩtunĩ, Na sya ũnou wa nthĩ, Na wingĩ wa lĩu wa mbaa ngetha na mbinyu mbĩthĩ:</verse>
				<verse number="29">Ngo sya andũ ikũthũkũme, Na mbaĩ ikũkunamĩe: Ĩthĩwa mwĩaĩi ĩũlũ wa ana‐a‐au, Na ana‐a‐mwenyu nĩmakũkunamĩae: Naumanĩwe o ũla ũkũumanĩaa, Na naathimwe o ũla ũkũathimaa.</verse>
				<verse number="30">Na kweethĩwa, kavinda kala Isaka waminie kũmũathima Yakovo, na Yakovo eethĩwa akyuma mbee wa Isaka ĩthe wake, Esau mwana‐a‐inyia ooka aumĩte nzyĩmanĩ yake.</verse>
				<verse number="31">Nake aseũvya lĩu mũseo, amũtwaĩa ĩthe; na amwĩa ĩthe, Nau okĩle, aye nyama sya nzyĩma sya mwana wake, nĩ kana ngoo yaku ĩngathime.</verse>
				<verse number="32">Na Isaka ĩthe wake amũkũiya, Nue ũũ? Nake asũngĩa, Ninyie mwana waku, ĩkithathi yaku, Esau.</verse>
				<verse number="33">Na Isaka atetema mũno mũnene, na akũlya, Nũũ ĩndĩ ũsu wosie nyama sya nzyĩma, na andetee, nakwa nĩnaya syonthe mbee wa ũtanoka, na namũathima? Ĩĩ, nake akaathimwa.</verse>
				<verse number="34">Esau eew’a ndeto sya ĩthe, aĩa kĩĩo kĩnene mũno kĩ woo, na amwĩa ĩthe, Ngathima, nyie nakwa, ame nau.</verse>
				<verse number="35">Na amwĩa, Mwana‐a‐mwenyu nĩwũkie na ũĩ wa ũkengani, na akũvena ũathimo waku.</verse>
				<verse number="36">Nake asya, Ndetawa w’o syĩtwa yake Yakovo? Nũndũ nũngũanĩsye mavinda asu elĩ: nĩwosie ũkithathi wakwa; na, sisya, yu nĩwambena kũathimwa kwakwa. Na akũlya, Ndũnandialĩlya nyie ũathimo?</verse>
				<verse number="37">Na Isaka asũngĩa na amwĩa Esau, Sisya, namũtw’a mwĩaĩi waku, na ana‐a‐ĩthe onthe nĩnamũnenga methĩwe athũkũmi; na namwĩkalya na lĩu wa mbaa ngetha na mbinyu mbĩthĩ: naku yu, mwana wakwa, nĩkwĩke ata?</verse>
				<verse number="38">Na Esau akũlya ĩthe, Wĩ na ũathimo o ũmwe tũ, we nau? Ngathima nyie, o nakwa, ame nau. Na Esau ookĩlya wasya, aĩa.</verse>
				<verse number="39">Na Isaka ĩthe wake asũngĩa amwĩa, Sisya, kũla kũnou kwa nthĩ kũkeethĩwa wĩkalo waku, Na sya ĩmwe ya ĩtunĩ kuma ĩũlũ;</verse>
				<verse number="40">Na kwondũ wa ũvyũ waku ũkeethĩwa thayũ, naku ũkamũthũkũma mwana‐a‐mwenyu; Na kũkeethĩwa, yĩla ũkavonoka, Ũkathingithya ĩsoki yake yume ngingonĩ yaku.</verse>
				<verse number="41">Na ĩndĩ Esau amũmena Yakovo kwondũ wa ũathimo ũla ĩthe wamũathimie: na Esau asya ngoonĩ yake, Mĩthenya ya kũmũĩĩa nau yĩ vakuvĩ; nĩvo ngoaa mwana‐a‐ia Yakovo.</verse>
				<verse number="42">Na Leveka atavw’a ndeto sya Esau mwana wake mũkũũ; nake atũmana amwĩta Yakovo mwana wake mũnini, na amwĩa, Sisya, Esau, mwana‐a‐mwenyu, nũkwĩkiakisya ũndũ waku, akĩtw’ĩĩa kũkũaa.</verse>
				<verse number="43">Na yu ĩndĩ, mwana wakwa, Ĩw’a wasya wakwa; ũkĩla, ũkĩĩe Aalani kwa mwana‐a‐ia Lavani;</verse>
				<verse number="44">ũkekale kwake matukũ mavũthũ, mũvaka ũthatu mwai wa mwana‐a‐mwenyu ũlike;</verse>
				<verse number="45">mũvaka ũthatu wa mwana‐a‐mwenyu wume kwaku, nake oolwa nĩ ũla wamwĩkie: nĩvo ngatũmana, nĩkũete kuma kũu; nũndũ wa kĩ nĩkwĩĩw’e nĩ inyw’ĩ elĩ mũthenya ũmwe?</verse>
				<verse number="46">Na Leveka amwĩa Isaka, Nĩngũnow’a thayũ wakwa nũndũ wa eĩtu ma Ethi: ethĩwa Yakovo akatwaa mũka wa eĩtu ma Ethi, ta asu, ma eĩtu ma nthĩ ĩno, thayũ wakwa ũkambaĩla kyaũ?</verse>
			</chapter>
			<chapter number="28">
				<verse number="1">Na Isaka amwĩta Yakovo, na amũathima, na amwĩaĩa, na amwĩa, Ndũkaatwae mũka wa eĩtu ma Kanaani.</verse>
				<verse number="2">Ũkĩla, ũende Vatani‐alamu, nyũmbanĩ ya Mbethueli ĩthe wa mwenyu; na ũketwaĩe mũka kuma kũu eĩtunĩ ma Lavani mwana‐a‐inyia wa mwenyu.</verse>
				<verse number="3">Na Ngai Mwene Vinya W’onthe akũathime, na akwongeleele, na akwingĩvye, wĩthĩwe wĩ nguthu sya ngo sya andũ;</verse>
				<verse number="4">na akũnenge ũathimo wa Avalaamu, we, na ũsyao waku vamwe naku; nĩ kana ũtiĩwe nthĩ ya kwĩkala ũeni kwaku, ĩla Ngai wamũnengie Avalaamu.</verse>
				<verse number="5">Na Isaka amwĩa Yakovo athi: nake aenda Vatani‐alamu kwa Lavani, mwana wa Mbethueli, Mũsilia, mwana‐a‐ĩthe wa Leveka, inyia wa Yakovo na Esau.</verse>
				<verse number="6">Na ĩndĩ Esau oona kana Isaka nĩwamũathima Yakovo na amũtũma Vatani‐alamu, akatwae mũka kuma kũu; nake akĩmũathima, amwĩaĩa, akĩmwĩa, Ndũkaatwae mũka wa eĩtu ma Kanaani;</verse>
				<verse number="7">na kana Yakovo nĩwew’a ĩthe na nyinyia, nake athi Vatani‐alamu:</verse>
				<verse number="8">na Esau oona kana Isaka ĩthe wake ndaaendeew’a nĩ eĩtu ma Kanaani;</verse>
				<verse number="9">na ĩndĩ Esau athi kwa Isumaeli, atwaa Maalathi mwĩĩtu wa Isumaeli mwana wa Avalaamu, mwĩĩtu‐a‐inyia wa Nevaiothi, ethĩwe mũka wake vamwe na aka ala waĩ nao.</verse>
				<verse number="10">Na Yakovo auma Mbeeli‐sieva, na athi elekele Aalani.</verse>
				<verse number="11">Na avika vandũ vamwe, na ekala vo ũtukũ mũima, nũndũ syũa yaĩ yĩnathũa; na oosa ĩvia yĩmwe ya vandũ vau, aia ungu wa mũtwe, na akoma o vo.</verse>
				<verse number="12">Na aota; na, sisya, mbasya ĩũngamĩtw’e ĩũlũ wa nthĩ, na mũthya wayo wavikĩte ĩtunĩ; na, sisya, alaĩka ma Ngai makyambata na makĩtheea nayo.</verse>
				<verse number="13">Na, sisya, Yeova aũngamĩte ĩũlangũ wayo, na amwĩa, Ninyie Yeova, Ngai wa Avalaamu ĩthe waku, na Ngai wa Isaka: nthĩ ĩla ũkomete, ngakũnenga we, na ũsyao waku;</verse>
				<verse number="14">na ũsyao waku ũkeethĩwa ta kĩtoo kya nthĩ, naku ũkanyaĩĩka ngalĩ ya ũthũĩlonĩ wa syũa, na wumĩlonĩ wa syũa, na ngalĩ ya ĩũlũ, na ngalĩ ya ĩtheo: na nthĩnĩ wakũ, we, na ũsyaonĩ waku mĩvĩa yonthe ya nthĩ ĩkaathimwa.</verse>
				<verse number="15">Na, sisya, nyie nĩ vamwe naku, na ngakũsũvĩa o kũla wĩendaa, na ngakũtũnga ĩngĩ nthĩ ĩno; nũndũ ndikakũtia, mũvaka neeka ũla nakũtavisye.</verse>
				<verse number="16">Na Yakovo aamũka kuma toonĩ, na asya, Nĩ w’o, Yeova nĩ voĩ vaa; nakwa ndyĩĩsĩ.</verse>
				<verse number="17">Na akĩa, na asya, Vandũ va ũtĩsya nĩ vaa! Ti vangĩ vaa ate o nyũmba ya Ngai, na ĩno nĩ mbingĩlo ya ĩtunĩ.</verse>
				<verse number="18">Na Yakovo ookĩla kĩoko tene, na oosa ĩvia yĩla waiĩte ungu wa mũtwe wake, ayĩũngamya ta kĩtuĩ, na etĩkĩsya mauta mũthyanĩ ĩũlũ.</verse>
				<verse number="19">Na eeta syĩtwa ya vandũ vau, Mbethi‐eli: ĩndĩ mbee syĩtwa ya ndũa ĩsu yeetawa Lusu.</verse>
				<verse number="20">Na Yakovo eevĩta, akyasya, Ethĩwa Ngai akeethĩwa vamwe nakwa, na akĩnzũvĩa nzĩanĩ ĩno ĩla nĩendele, na kũnenga lĩu nĩye, na ngũa sya kwĩkĩa,</verse>
				<verse number="21">nĩ kana nĩsyoke ĩngĩ na mũuo nyũmbanĩ ya nau, nĩvo ĩndĩ Yeova ũkethĩwa Ngai wakwa,</verse>
				<verse number="22">nayo ĩvia yĩĩ yĩla naũngamya ta kĩtuĩ, yĩkeethĩwa nyũmba ya Ngai: na ndikatĩa ũkũnengae, we, kĩlungu kya ĩkũmi kya kyonthe kĩla ũkanenga.</verse>
			</chapter>
			<chapter number="29">
				<verse number="1">Nĩvo Yakovo wakwatie nzĩa, na avika nthĩ ya ana ma wumĩlonĩ wa syũa.</verse>
				<verse number="2">Nake oona, na, sisya, kĩthĩma kĩsesinĩ, na, sisya, ndĩthya itatũ sya malondu itindiĩte ũtee wakyo; nũndũ kĩthimanĩ kyu nĩmanyithasya ndĩthya: na ĩvia yĩla yaĩ mũomonĩ wa kĩthima yaĩ ĩnene.</verse>
				<verse number="3">Na ndĩthya syonthe syoombanĩaw’a vo: na mavingilitasya ĩvia kuma mũomonĩ wa kĩthima, na mainyithya malondu, na maitũnga ĩvia mũomonĩ wa kĩthima vandũ vayo.</verse>
				<verse number="4">Na Yakovo amakũlya, Ana‐a‐asa, inyw’ĩ mwĩ ma va? Nao masũngĩa, Twĩ ma Aalani ithyĩ.</verse>
				<verse number="5">Na akũlya, Nĩmũmwĩsĩ Lavani mwana wa Naoli? Nao masũngĩa, Nĩtũmwĩsĩ.</verse>
				<verse number="6">Na amakũlya, Nĩ kũseo kwake? Nao masũngĩa, Nĩ kũseo: na, sisya, Lakeli mwĩĩtu wake wũkĩte na malondu.</verse>
				<verse number="7">Nake amea, Sisya, no kũkye, na ti ĩvinda ya kũmban’ya indo: nyithyai malondu, na ĩndĩ endai mũkaĩthye.</verse>
				<verse number="8">Na masũngĩa, Tũitonya, mũvaka ndĩthya syonthe syũmbanw’e, na maivingilitya ĩvia yume mũomonĩ wa kĩthima; nĩvo ĩndĩ tũnyithasya malondu.</verse>
				<verse number="9">Akĩneena nao, Lakeli ooka na malondu ma ĩthe; nũndũ nĩwe waĩthasya.</verse>
				<verse number="10">Na kweethĩwa Yakovo oona Lakeli mwĩĩtu wa Lavani mwana‐a‐ĩthe wa inyia wake, na malondu ma Lavani mwana‐a‐inyia wa inyia wake, Yakovo athengeea, na avingilitya ivia yume mũomonĩ wa kĩthima, na anyithya malondu ma Lavani mwana‐a‐inyia wa inyia wake.</verse>
				<verse number="11">Na Yakovo amũmumunya Lakeli, na ookĩlya wasya, na aĩa.</verse>
				<verse number="12">Na Yakovo atavya Lakeli kana we nĩ mwana‐a‐ĩthe wa ĩthe, na nĩ mwana wa Leveka: nake asemba na atavya ĩthe.</verse>
				<verse number="13">Na kweethĩwa, Lavani eew’a ũvoo wa Yakovo mwana wa mwĩĩtu‐a‐inyia aemba amũthaũe, na amwĩvĩtĩĩsya, na amũmumunya, na amũete kwake nyũmbanĩ. Nake amũtavya Lavani maũndũ asu onthe.</verse>
				<verse number="14">Na Lavani amwĩa, Nĩ w’o wĩ ĩvĩndĩ yakwa na mwĩĩ wakwa. Na ekala kwake ĩvinda ya mwei.</verse>
				<verse number="15">Na Lavani amwĩa Yakovo, Nĩkwĩthĩwa wĩ mwana‐a‐asa, we, kwondũ wa ũu ũnthũkũme mana? Ndavya, ĩtuvi yaku yĩkeethĩwa kyaũ?</verse>
				<verse number="16">Na ĩndĩ Lavani aĩ na eĩtu elĩ: ũla mũkũũ syĩtwa yake eetawa Lea, na ũla mũnini syĩtwa yake eetawa Lakeli.</verse>
				<verse number="17">Na Lea, metho make matyaĩ na vinya, ĩndĩ Lakeli aĩ mwanake na aĩ na wũmbe mũseo.</verse>
				<verse number="18">Na Yakovo amwendete Lakeli; nake asya, Ngakũthũkũma myaka mũonza kwondũ wa Lakeli mwĩĩtu waku ũla mũnini.</verse>
				<verse number="19">Na Lavani amwĩa, Kavaa nĩkũnenge we, kwĩ kũmũnenga mũndũ ũngĩ: ĩkalaa kwakwa.</verse>
				<verse number="20">Na Yakovo athũkũma myaka mũonza kwondũ wa Lakeli; na kwake yeethĩwa o ta matukũ mavũthũ, nũndũ wa wendo ũla wamwendaa.</verse>
				<verse number="21">Na Yakovo amwĩa Lavani, Nenga mũka wakwa, nĩlike kwake nũndũ matukũ makwa nĩ meanĩu.</verse>
				<verse number="22">Na Lavani oomban’ya andũ onthe ma vandũ vau, avoka mboka.</verse>
				<verse number="23">Na kweethĩwa wĩoo, oosa Lea mwĩĩtu wake, amũtwaĩa; nake alika kwake.</verse>
				<verse number="24">Na Lavani amũnenga Lea Nziliva mũthũkũmi wake mwĩĩtu, ethĩwe mũthũkũmi wake.</verse>
				<verse number="25">Na kweethĩwa kĩoko, sisya, nĩ Lea: nake amwĩa Lavani, Ũndũ ũũ ũmbĩkie nata? Ndiũthũkũmĩte kwondũ wa Lakeli? Nĩkĩ ĩndĩ wangenga?</verse>
				<verse number="26">Na Lavani asũngĩa, Ũũ ndwĩkawa kwitũ, kũnengane ũla mũnini kwĩ ũla wambie kũsyawa.</verse>
				<verse number="27">Ĩanĩĩsya kyumwa kya ũsu, na tũkaũnenga ũla ũngĩ nake kwondũ wa ũthũkũmi ũla ũkanthũkũma myaka ĩngĩ mũonza.</verse>
				<verse number="28">Na Yakovo eeka ũu, eanĩĩsya kyumwa kyake: na amũnenga Lakeli mwĩĩtu wake ethĩwe mũka.</verse>
				<verse number="29">Na Lavani amũnenga Lakeli mwĩĩtu weke, Mbila mũthũkũmi wake mwĩĩtu, ethĩwe mũthũkũmi wake.</verse>
				<verse number="30">Na alika kwa Lakeli nake, na ĩndĩ amwendaa Lakeli kwĩ Lea, na athũkũma kwake myaka ĩngĩ mũonza.</verse>
				<verse number="31">Na Yeova oona kana Lea nĩ mũmene, na amũnenga kũsyaa: ĩndĩ Lakeli aĩ ngũngũ.</verse>
				<verse number="32">Na Lea aya ĩvu, na asyaa mwana, na amwĩta syĩtwa yake Leuveni: nũndũ asya, Nĩkwĩthĩwa Yeova nĩwona thĩna wakwa; nũndũ yu mũemewa akambenda.</verse>
				<verse number="33">Na aya ĩvu ĩngĩ, na asyaa mwana: na asya, Nĩkwĩthĩwa Yeova nĩwew’a kana nyie nĩ mũmene, kwondũ wa ũu anenga mwana ũũ nake: na amwĩta syĩtwa yake Simeoni.</verse>
				<verse number="34">Na aya ĩvu ĩngĩ, na asyaa mwana; na asya, Yu ĩvinda yĩĩ mũemewa akalũman’ya nakwa, nũndũ namũsyaĩa ana atatũ: kwondũ wa ũu syĩtwa yake eetwa Livai.</verse>
				<verse number="35">Na aya ĩvu ĩngĩ, na asyaa mwana: na asya, ĩvinda yĩĩ nĩngũtaĩa Yeova: kwondũ wa ũu amwĩta syĩtwa yake Yuta; nake aeka ũsyaa.</verse>
			</chapter>
			<chapter number="30">
				<verse number="1">Na Lakeli oona kana ndaamũsyaĩa Yakovo syana, Lakeli amwĩw’ĩa mwĩĩtu‐a‐inyia kĩwĩu; na amwĩa Yakovo, Nenga syana, ethĩwa ti ũu ngakw’a nyie.</verse>
				<verse number="2">Na Yakovo amũthatĩa Lakeli: na akũlya, Nyie nĩ vandũ va Ngai, ũla ũkũvatĩte ũsyao wa ĩvu?</verse>
				<verse number="3">Nake asya, Sisya, Mbila, mũthũkũmi wakwa mwĩĩtu, lika kwake; nĩ kana asyaĩe maunĩ makwa, nose syana nũndũ wake.</verse>
				<verse number="4">Na amũnenga Mbila mũthũkũmi wake mwĩĩtu, ethĩwe mũka wake: na Yakovo alika kwake.</verse>
				<verse number="5">Na Mbila aya ĩvu, na amũsyaĩa Yakovo mwana.</verse>
				<verse number="6">Na Lakeli asya, Ngai nĩwanzilĩla katĩ, na ĩngĩ nĩwew’a wasya wakwa, na anenga mwana: kwondũ wa ũu anwĩta syĩtwa yake Ndani.</verse>
				<verse number="7">Na Mbila mũthũkũmi wa Lakeli, mwĩĩtu, aya ĩvu ĩngĩ, na amũsyaĩa Yakovo mwana wa kelĩ.</verse>
				<verse number="8">Na Lakeli asya, Nakĩlan’ya na mwĩĩtu‐a‐ia na mokĩlan’yo manene, nakwa nakĩlya: na amwĩta syĩtwa yake Navitali.</verse>
				<verse number="9">Nake Lea oona kana nũekete ũsyaa, oosa Nziliva mũthũkũmi wake, mwĩĩtu, anenga Yakovo ethĩwe mũka wake.</verse>
				<verse number="10">Na Nziliva mũthũkũmi wa Lea, mwĩĩtu, amũsyaĩa Yakovo mwana.</verse>
				<verse number="11">Na Lea asya, Nĩ ĩvuso yakwa! Na amwĩta syĩtwa yake Ngati.</verse>
				<verse number="12">Na Nziliva mũthũkũmi wa Lea, mwĩĩtu, amũsyaĩa Yakovo mwana wa kelĩ.</verse>
				<verse number="13">Na Lea asya, Nĩ mũtanu nyie! Nũndũ eĩtu makambĩta mũtanu: na amwĩta syĩtwa yake Aseli.</verse>
				<verse number="14">Na mĩthenya ya ũketha nganũ, Leuveni athi oona mũũndanĩ mosyao ma kwendana, na amũetee Lea inyia wake. Nĩvo Lakeli wamwĩie Lea, Ame, nenga ala mosyao ma kwendana ma mwana waku.</verse>
				<verse number="15">Nake amwĩa, Nĩ ũndũ ũnini we kũmbena mũũme wakwa? Na ĩngĩ nũkwenda kwosa mosyao ma kwendana ma mwana wakwa namo? Na Lakeli asũngĩa, Kwa ũu akakoma naku ũtukũ ũũ nũndũ wa mosyao ma kwendana ma mwana waku.</verse>
				<verse number="16">Na wĩoo Yakovo ooka aumĩte mũũndanĩ, na Lea athi kũmũthaũa, na amwĩa, Mũvaka ũlike kwakwa: nũndũ nĩ w’o nĩkumĩsye ĩtuvi ya mosyao ma kwendana ma mwana wakwa. Na akoma nake ũtukũ ũsu.</verse>
				<verse number="17">Na Ngai amwĩthukĩĩsya Lea, nake aya ĩvu, na amũsyaĩa Yakovo mwana wa katano.</verse>
				<verse number="18">Na Lea asya, Ngai nĩwanenga ĩtuvi yakwa, nĩkwĩthĩwa nĩnĩmũnengete mũemewa mũthũkũmi wakwa, mwĩĩtu: na amwĩta syĩtwa yake Isakali.</verse>
				<verse number="19">Na Lea aya ĩvu ĩngĩ, na amũsyaĩa Yakovo mwana wa thanthatũ.</verse>
				<verse number="20">Na Lea asya, Ngai nĩwanenga mũthĩnzĩo mũseo; yu mũemewa akekalaa nakwa, nũndũ nĩnĩmũsyaĩe ana thanthatũ: na amwĩta syĩtwa yake Nzevuluni.</verse>
				<verse number="21">Na ĩtina asyaa mwĩĩtu, na amwĩta syĩtwa yake Ndina.</verse>
				<verse number="22">Na Ngai amũlilikana Lakeli, na Ngai amwĩthukĩĩsya, na amũnenga kũsyaa.</verse>
				<verse number="23">Nake aya ĩvu, na asyaa mwana: na asya, Ngai nũmbetee nthoni syakwa:</verse>
				<verse number="24">na amwĩta syĩtwa yake Yosevu, akyasya, Yeova nambongele mwana ũngĩ.</verse>
				<verse number="25">Na kweethĩwa, Lakeli asyaa Yosevu, Yakovo amwĩa Lavani, Eka nĩthĩ, nĩ kana nĩende vandũ vakwa mwene, na nthĩ yakwa.</verse>
				<verse number="26">Nenga aka makwa na syana syakwa ila nakũthũkũmĩe, noindeka nĩthi: nũndũ nĩwĩsĩ ũthũkũmi wakwa ũla nakũthũkũmie.</verse>
				<verse number="27">Na Lavani amwĩa, Ethĩwa ĩndĩ nĩnonete ũseo methonĩ maku, ĩkala: nũndũ nĩnamanyie kana Yeova nũngathimĩte kwondũ waku.</verse>
				<verse number="28">Na asya, Weta ĩtuvi yaku, nakwa nĩngumya.</verse>
				<verse number="29">Nake amwĩa, Nĩwĩsĩ ũndũ nakũthũkũmie, na ũndũ indo syaku syekalile nĩ nasyo.</verse>
				<verse number="30">Nũndũ mbee wa ndanoka waĩ na nini, nasyo syongeleka syeethĩwa nyingĩ; na Yeova nũkũathimĩte o kũla naendie nyie: na yu ĩndĩ ngamombanĩsya ĩndĩĩ asu ma nyũmba yakwa mwene nao?</verse>
				<verse number="31">Nake akũlya, Ngũnenge kyaũ? Na Yakovo asũngĩa, Ndũkanenge kĩndũ: ethĩwa ũkambĩka ũndũ ũũ, ngaĩthya ndĩthya yaku ya mbũi na malondu.</verse>
				<verse number="32">Ũmũnthĩ ngavĩtĩla ndĩthyanĩ yaku yonthe, ngyumya vo kĩla ĩmwe yĩ kĩtathe na yĩ maa, na kĩla yĩmwe yiũ malondunĩ, na ila syĩ maa na ila syĩ kĩtathe mbũinĩ: nĩsyo ikeethĩwa ĩtuvi yakwa.</verse>
				<verse number="33">O ta ũu ũlũngalu wakwa ũkangũsĩĩa ĩtina, yĩla wĩũka kwondũ wa ĩtuvi yakwa yĩla yĩ mbee waku: kĩla ĩmwe ĩte kĩtathe kana maa mbũinĩ, kana yĩte yiũ malondunĩ, ĩkyoneka kwakwa, ĩsu ĩkatalwa nĩyoyiwe.</verse>
				<verse number="34">Na Lavani asũngĩa, Sisya, nenda kwĩthĩwe o ta ndeto yaku.</verse>
				<verse number="35">Na mũthenya ũsu aumya nthenge ila syaĩ matw’ana na maa, na mbũi nga syonthe ila syaĩ kĩtathe na maa, o kĩla ĩmwe yaĩ na weũ, o na maiũ onthe malondunĩ, ainengane mokonĩ ma ana make:</verse>
				<verse number="36">nake ataanĩsya na Yakovo mũendo wa matukũ atatũ: na Yakovo aĩthya ndĩthya sya mbũi na malondu sya Lavani ila syatialile.</verse>
				<verse number="37">Na Yakovo oosa ndata sya mĩtĩ ya mĩlivina mĩũ, na ya mĩlosi na ya mĩalamoni; na aisyũlya nzoa nzaũ, na atuma weũ ũla waĩ ndatanĩ woneka.</verse>
				<verse number="38">Na aia ndata ila wasyũlĩtye tũmĩtalũnĩ mĩvalatĩnĩ kwelekela ndĩthya sya mbũi na malondu, vala ndĩthya syokaa kũnyw’a; na syaya mavu yĩla syookaa kũnyw’a.</verse>
				<verse number="39">Na i ndĩthya syaya mavu syĩ o mbee wa ila ndata, na i ndĩthya syasyaa tũtena twĩ matw’ana, na kĩtathe, na maa.</verse>
				<verse number="40">Na Yakovo avathan’ya tũtena twa malondu, na ekalya mothyũ ma ndĩthya melekele ila syaĩ matw’ana na ila nziũ syonthe sya ndĩthya ya Lavani: nake avathan’ya maĩthya make mwene, o na ndaavulan’ya na ndĩthya ya Lavani.</verse>
				<verse number="41">Na kweethĩwa, ila sya ndĩthya ila syaĩ na vinya mbee syaya mavu, Yakovo aia ila ndata mbee wa metho ma ndĩthya tũmĩtalũnĩ, nĩ kana iye mavu syĩ katĩ wa ila ndata;</verse>
				<verse number="42">ĩndĩ yĩla ĩĩthya yĩtaĩ na vinya, ndaayiĩa: na ĩndĩ ila itaĩ na vinya syeethĩwa sya Yakovo.</verse>
				<verse number="43">Na mũndũ ũsu ongeleka mũno, na aĩ na ndĩthya nene sya mbũi na malondu, na athũkũmi eĩtu na aũme, na ngamĩle na mang’oi.</verse>
			</chapter>
			<chapter number="31">
				<verse number="1">Nake eew’a ndeto sya ana ma Lavani, makyasya, Yakovo nũtwaĩte syonthe ila syaĩ sya asa waitũ; nake nĩwĩyoseete ũthwii ũũ w’onthe kuma ũla waĩ wa asa waitũ.</verse>
				<verse number="2">Na Yakovo asisya ũthyũ wa Lavani, na, lĩlĩ, ndwailyĩ kwake ta tene.</verse>
				<verse number="3">Na Yeova amwĩa Yakovo, Syoka nthĩ ya aau, na kwa ũko waku; nakwa ngeethĩwa vamwe naku.</verse>
				<verse number="4">Na Yakovo atũmana ameta Lakeli na Lea moke kĩsesinĩ ndĩthyanĩ yake,</verse>
				<verse number="5">na amea, Nĩngwona ũthyũ wa ĩthe wenyu, kana ndũilyĩ kwakwa ta tene; ĩndĩ Ngai wa nau eĩ nakwa.</verse>
				<verse number="6">Na inyw’ĩ nĩmwĩsĩ kana nĩthũkũmĩte ĩthe wenyu na vinya wakwa w’onthe.</verse>
				<verse number="7">Na ĩthe wenyu nũngengete, na kũalyũla ĩtuvi yakwa mavinda ĩkũmi; ĩndĩ Ngai ndaamũeka ambĩke naĩ.</verse>
				<verse number="8">Ethĩwa nĩwaisye ũũ, Ila syĩ kĩtathe ikeethĩwa ĩtuvi yaku; nĩvo ndĩthya yonthe yasyaie syĩ kĩtathe: na ethĩwa nĩwaisye ũũ, Ila syĩ matw’ana ikeethĩwa ĩtuvi yaku; nĩvo ndĩthya yonthe yasyaie syĩ matw’ana.</verse>
				<verse number="9">Ũu nĩw’o Ngai waumisye indo sya ĩthe wenyu, na anenga.</verse>
				<verse number="10">Na kweethĩwa yĩla ndĩthya yaĩe mavu, nookĩlya metho, noona ndotonĩ, na, sisya, nthenge ila syatũlĩĩlaa ndĩthya syaĩ matw’ana, na kĩtathe, na ĩumbĩ.</verse>
				<verse number="11">Na mũlaĩka wa Ngai ambĩa ndotonĩ, Yakovo: nakwa nasũngĩa, Nĩ vaa.</verse>
				<verse number="12">Nake ambĩa, Yu ũkĩlya metho, wone: nthenge syonthe ila itũlĩĩlaa ndĩthya syĩ matw’ana, na kĩtathe, na ĩumbĩ: nũndũ nĩnonete w’onthe ũla Lavani ũkwĩkĩte.</verse>
				<verse number="13">Ninyie Ngai wa Mbethi‐eli, vala wetĩkĩsye kĩtuĩ mauta, vala weembĩtĩe wĩvĩto: yu ũkĩla, wume nthĩ ĩno, ũsyoke nthĩ ĩla wasyaĩwe.</verse>
				<verse number="14">Na Lakeli na Lea masũngĩa mamwĩa, Kwĩ kĩanda kĩngĩ kana ũtiĩwa witũ nyũmbanĩ ya asa waitũ?</verse>
				<verse number="15">Tũtitalawa nĩwe ta andũ ma nthĩ ĩngĩ? Nũndũ nũtũthooetye, nake aya vyũ thooa witũ.</verse>
				<verse number="16">Nũndũ ũthwii w’onthe ũla Ngai wosie kwa asa waitũ, nĩw’o witũ na wa syana sitũ: na yu ĩndĩ, o ũla Ngai ũkũtavĩtye, wĩke.</verse>
				<verse number="17">Nĩvo Yakovo wokĩlile, na atũlya ana make na aka make ĩũlũ wa ngamĩle;</verse>
				<verse number="18">na atwaa indo syake syonthe, na ũthwii wake w’onthe ũla wombanisye, indo ila weyosee, ila wombanĩsye kũu Vatani‐alamu, nĩ kana aende nthĩ ya Kanaani kwa Isaka ĩthe wake.</verse>
				<verse number="19">Na ĩndĩ Lavani ethĩwe anaenda kũtila malondu make w’ĩa: na Lakeli nĩwoyie telavimu ya ĩthe wake.</verse>
				<verse number="20">Na Yakovo nĩwamwĩvithĩie Lavani Mũsilia na athi, nĩkwĩthĩwa ndaamũtavya kana nũnũũkĩa.</verse>
				<verse number="21">Na ĩndĩ akĩa we na syonthe ila waĩ nasyo; na ookĩla, na ainga ũla Ũsĩ, na eelekelya ũthyũ kĩĩmanĩ kya Ngileati.</verse>
				<verse number="22">Na mũthenya wa katatũ Lavani atavw’a kana Yakovo nũkĩĩte.</verse>
				<verse number="23">Na aendan’ya na ana‐a‐ĩthe, na amũatĩĩa mũendo wa matukũ mũonza; na amwĩthĩa kĩĩmanĩ kya Ngileati.</verse>
				<verse number="24">Na Ngai amũkĩa Lavani Mũsilia ndotonĩ ya ũtukũ, na amwĩa, Ĩsũvĩe ndũkaneene na Yakovo ũseo kana ũthũku.</verse>
				<verse number="25">Na Lavani avika vala ve Yakovo. Na Yakovo ethĩwe anamba ĩeema yake kĩĩmanĩ: na Lavani vamwe na ana‐a‐ĩthe make amba maeema kĩĩmani kya Ngileati.</verse>
				<verse number="26">Na Lavani amwĩa Yakovo, Wĩkĩte ata, we, wathi wĩmbithĩte, na watwaa eĩtu makwa wathi nao ta mĩtavo ya ũvyũ?</verse>
				<verse number="27">Nĩkĩ ũkĩie kĩmbithĩ, na kwĩmbũyĩa, o na ndũneendavya, nĩ kana nĩkumaasye na ũtanu na mbathi, na tũthembe na mbeve;</verse>
				<verse number="28">o na ndũneenenga ũthei nĩmamumunye ana makwa na eĩtu makwa? Yu ĩndĩ nĩwĩkĩte ũtumanu.</verse>
				<verse number="29">Nĩ na ũtonyi kw’okonĩ kwakwa wa ũkwĩka naĩ: ĩndĩ Ngai wa au nũneenie nakwa ũtukũ, akĩmbĩa, Ĩsũvĩe ndũkaneene na Yakovo ũseo kana ũthũku.</verse>
				<verse number="30">Na yu ĩndĩ, o na ethĩwa nũkwenda kũthi, nĩkwĩthĩwa wĩ na mea mũno ma nyũmba ya au, nĩkĩ ĩndĩ ũnooyie ngai syakwa?</verse>
				<verse number="31">Na Yakovo asũngĩa na amwĩa Lavani, Nĩkwĩthĩwa nĩnĩnakũkĩaa: nũndũ nĩnaasya, Nokwĩthĩwa ũkambena eĩtu maku na vinya.</verse>
				<verse number="32">O ũla ũkwona e na ngai syaku, ũsu ndakekala thayũ: ana‐a‐asa maitũ me vo manya kĩla kyaku kĩ kwakwa, wĩyosee. Nũndũ Yakovo ndaamanya kana Lakeli nũnasyũyĩte.</verse>
				<verse number="33">Na Lavani avota ĩeemanĩ ya Yakovo, na ĩeemanĩ ya Lea, na ĩeemanĩ ya athũkũmi elĩ eĩtu; ĩndĩ ndaasyona. Na auma ĩeemanĩ ya Lea, na avota ĩeemanĩ ya Lakeli.</verse>
				<verse number="34">Nake Lakeli nĩwosete telavimu, na akaia nthĩnĩ wa matandĩko ma ngamĩle, na akamĩkalĩla. Na Lavani avavata ĩeemanĩ kw’onthe, o na ndaamyona.</verse>
				<verse number="35">Nake amwĩa ĩthe, Mwĩaĩi wakwa ndakanthatĩe nũndũ nditonya kũkĩla mbee waku; nũndũ mwĩkalĩle wa aka wĩ nakwa. Nake amantha mũno o na ndaaona ĩla telavimu.</verse>
				<verse number="36">Na Yakovo aĩ mũthilĩku mũno, na akandanĩa na Lavani: na Yakovo asũngĩa na amwĩa Lavani, Ĩvĩtyo yakwa nĩ yaũ? Naĩ yakwa nĩ myaũ, ũndũ wangatĩĩa na ũthatu?</verse>
				<verse number="37">Ũndũ wavavata mĩionĩ yonthe yakwa, wona mũio mwaũ wa nyũmba yaku yonthe? Ia vaa mbee wa anaasa na ana‐au nĩ kana matũsilan’ye ithyĩ elĩ.</verse>
				<verse number="38">Myaka ĩno mĩongo ĩlĩ naĩ kwaku; malondu maka maku na mbũi nga syaku ityaavuna, o na ndũũme sya ndĩthya syaku sya malondu ndyaaya.</verse>
				<verse number="39">Ĩla yavũnyangiwe nĩ nyamũ mbai ndyaakũetee; nyie nĩnoosie wasyo wayo; kw’okonĩ kwakwa nĩwamĩandũie, ethĩwa yooyiwe mũthenya kana ethĩwa yooyiwe ũtukũ.</verse>
				<verse number="40">Nethĩiwe ũu; mũthenya mũnyao nĩwaminie, na mbevo ũtukũ; na too nĩwanthelile methonĩ.</verse>
				<verse number="41">Myaka ĩno mĩongo ĩlĩ naĩ nyũmbanĩ kwaku; nĩnakũthũkũmie myaka ĩkũmi na ĩna kwondũ wa eĩtu maku elĩ, na myaka thanthatũ kwondũ wa ndĩthya yaku ya mbũi na malondu: naku nũalyũlĩte ĩtuvi yakwa mavinda ĩkũmi.</verse>
				<verse number="42">Keka Ngai wa asa wakwa, Ngai wa Avalaamu, na Kĩkĩo kya Isaka, kwĩthĩwa vamwe nakwa, nĩ w’o yu wĩthĩwa wandũngilye nde na kĩndũ. Ngai nĩwonete thĩna wakwa na wĩa wa moko makwa, nake akũkan’ya ũtukũ ũũ.</verse>
				<verse number="43">Na Lavani asũngĩa na amwĩa Yakovo, Eĩtu nĩ eĩtu makwa, na syana nĩ syana syakwa, na ndĩthya nĩ ndĩthya syakwa, na syonthe ila ũkwona nĩ syakwa: na eĩtu aa makwa ndonya kũmeka ata ũmũnthĩ, o na syana syoo ila masyaie?</verse>
				<verse number="44">Na yu ĩndĩ ũka, tũtianĩe ũtianĩo, nyie naku; naw’o wĩthĩwe ũkũsĩ katĩ wakwa naku.</verse>
				<verse number="45">Na Yakovo oosa ĩvia, ayĩũngamya kĩtuĩ.</verse>
				<verse number="46">Na Yakovo amea ana‐a‐ĩthe, Ũmban’yai mavia; na moosa mavia, moomban’ya mbumbu: na maĩsanĩĩa vu mbumbunĩ.</verse>
				<verse number="47">Na Lavani amĩta Yekali‐saatutha: ĩndĩ Yakovo amĩta Ngaleeti.</verse>
				<verse number="48">Na Lavani asya, Mbumbu ĩno nĩ ũkũsĩ katĩ wakwa naku ũmũnthĩ. Kwondũ wa ũu syĩtwa yayo yeetwa Ngaleeti;</verse>
				<verse number="49">na Misiva, nũndũ aisye, Yeova nasyaĩĩsye katĩ wakwa naku, twataanĩsya ũmwe na ũngĩ.</verse>
				<verse number="50">Ethĩwa ũkathĩn’ya eĩtu makwa, na ethĩwa ũkatwaanĩsya aka angĩ vamwe na eĩtu makwa, vati mũndũ wĩ vamwe naitũ; sisya, Ngai nĩwe ngũsĩ yakwa naku.</verse>
				<verse number="51">Na Lavani amwĩa Yakovo, Sisya mbumbu ĩno, na sisya kĩtuĩ, kĩla naũngamya katĩ wakwa naku.</verse>
				<verse number="52">Mbumbu ĩno ĩthĩwe ũkũsĩ, na kĩtuĩ kĩĩ nakyo kĩthĩwe ũkũsĩ, kana nyie ndikakĩla mbumbu ĩno nũke kwaku, o naku we ndũkakĩla mbumbu ĩno o na kĩtuĩ kĩĩ wũke kwakwa, kwondũ wa ũthũku.</verse>
				<verse number="53">Ngai wa Avalaamu, na Ngai wa Naoli, nake nĩwe Ngai wa ĩthe woo, asile katĩ waitũ. Na Yakovo eevĩta kwa Kĩkĩo kya ĩthe wake Isaka.</verse>
				<verse number="54">Na Yakovo athemba nthembo kĩĩmanĩ, na ameta ana‐a‐ĩthe moke maye lĩu: nao maya lĩu, na mekala ũtukũ mũima kĩĩmanĩ.</verse>
				<verse number="55">Na kĩoko tene Lavani ookĩla, na amamumunya ana make na eĩtu make na amaathima: na Lavani auma vau, asyoka kwake.</verse>
			</chapter>
			<chapter number="32">
				<verse number="1">Na Yakovo eeyĩendea, na alaĩka ma Ngai makomana nake.</verse>
				<verse number="2">Na Yakovo amona asya, Nguthu ya Ngai nĩ ĩno: na aveta vandũ vau syĩtwa yavo Maanaimu.</verse>
				<verse number="3">Na Yakovo atũma atũmwa mbee wake kwa Esau mwana‐a‐inyia kũvika nthĩ ya Seili, ũiĩnĩ wa Etomu.</verse>
				<verse number="4">Na ameaĩa, akĩmea, Mũtavyei mwĩaĩi wakwa Esau ũũ: Mũthũkũmi waku Yakovo easya atĩĩ, Nĩnekalĩte nĩ mũeni kwa Lavani, na nĩtwĩe kw’o kũvika o na yu:</verse>
				<verse number="5">nakwa nĩ na ng’ombe, na mang’oi, na ndĩthya sya mbũi na malondu na athũkũmi aũme na eĩtu: nakwa nĩnatũmana nĩmũtavye mwĩaĩi wakwa, nĩ kana none ũseo methonĩ maku.</verse>
				<verse number="6">Na atũmwa mamũsyokea Yakovo, makĩmwĩa, Nĩtũvikie kwa mwana‐a‐mwenyu Esau, nake nĩwũkĩte akũthaũe, e na andũ maana ana vamwe nake.</verse>
				<verse number="7">Nĩvo Yakovo wakĩie mũno na aũũya: na aan’ya nguthu ilĩ andũ ala maĩ nake, na ndĩthya sya mbũi na malondu, na sya ng’ombe, na ngamĩle;</verse>
				<verse number="8">na asya, Ethĩwa Esau akooka kwa nguthu ya mbee, na kũmĩkũna, nguthu ĩla yĩtiala ĩkavonoka.</verse>
				<verse number="9">Na Yakovo asya, Ame Ngai wa asa wakwa Avalaamu, na Ngai wa asa wakwa Isaka, ame Yeova, ũla wambĩie, Syoka nthĩ yaku, na kwa ũko waku, nakwa ngakwĩka nesa:</verse>
				<verse number="10">ndyaĩlwe nyie nĩ kanini mbee ka moseo maku me wendo, na w’o w’onthe ũla wamwonisye mũthũkũmi waku; nĩkwĩthĩwa nĩnaingie Yolotani ũũ na ndata yakwa; na yu nĩnĩtw’ĩkĩte nguthu ilĩ.</verse>
				<verse number="11">Nĩngũkwĩsũva, ndangĩĩa kuma kw’okonĩ kwa mwana‐a‐ia, kw’okonĩ kwa Esau: nũndũ nyie nĩngũmũkĩa, ndakese kũka na kũngũna, o na inyia vamwe na syana.</verse>
				<verse number="12">Naku waisye, Nditĩa kũkwĩka nesa, na kũtw’ĩkĩthya ũsyao waku ta kĩthangathĩ kya ũkanga, kĩla kĩtatalĩka nĩ kwingĩva.</verse>
				<verse number="13">Na akoma vo ũtukũ ũsu, na kuma katĩ wa ila waĩ nasyo oosa mũthĩnzĩo kwondũ wa Esau, mwana‐a‐inyia:</verse>
				<verse number="14">mbũi nga maana elĩ na nthenge mĩongo ĩlĩ, na malondu maka maana elĩ na ndũũme mĩongo ĩlĩ,</verse>
				<verse number="15">na ngamĩle ikwongya mĩongo ĩtatũ na tũtena twasyo, na ng’ombe nga mĩongo ĩna na nzaũ ĩkũmi, na mang’oi maka mĩongo ĩlĩ na tũtena twamo ĩkũmi.</verse>
				<verse number="16">Na anengane mokonĩ ma athũkũmi make, kĩla ĩĩthya yĩ yoka, na amea athũkũmi make, Ingai mbee wakwa, na tiai ũthei katĩ wa ĩĩthya na ĩĩthya.</verse>
				<verse number="17">Na amwĩaĩa wa mbee, akĩmwĩa, Mwana‐a‐ia Esau akomana naku, na akũkũlya, akyasya, Wĩ waũ? Na wĩthi kũ? Na nĩ syaũ ii syĩ mbee wakũ?</verse>
				<verse number="18">Nĩvo wĩasya, Nĩ sya mũthũkũmi waku Yakovo: nĩsyo mũthĩnzĩo waetwe kwa mwĩaĩi wakwa Esau: na, sisya, nake mwene e ĩtina waitũ.</verse>
				<verse number="19">Na eaĩa wa kelĩ nake, na wa katatũ, na onthe ala maatĩĩe maĩthya, akĩmea, Mũkaneene na Esau o ta ũu, mwoonana nake;</verse>
				<verse number="20">na mũkasya, Na ĩngĩ, sisya, mũthũkũmi waku Yakovo e ĩtina waitũ. Nũndũ nĩwaisye, Ngamũvoovya na mũthĩnzĩo ũla ũendete mbee wakwa, na ĩtina ngoona ũthyũ wake; nokwĩthĩwa embĩtĩkĩla nyie.</verse>
				<verse number="21">Na ĩndĩ ũla mũthĩnzĩo wainga mbee wake: nake mwene akoma ũtukũ ũsu vamwe na nguthu.</verse>
				<verse number="22">Na ookĩla ũtukũ ũsu, na oosa aka make elĩ, na athũkũmi make elĩ, eĩtu, na ana make ĩkũmi na ũmwe, ainga ĩsyũko ya Yavoki.</verse>
				<verse number="23">Na amatwaa, amaingya ũsĩ, na aingya ila waĩ nasyo.</verse>
				<verse number="24">Na Yakovo atiwa e weka; na kweethĩwa mũndũ akĩthĩan’ya nake mũvaka kũikya.</verse>
				<verse number="25">Na oona ndamũtonya, amũkiita kĩna kya waswa; na kĩna kya waswa wa Yakovo kyakitũka, akĩthĩan’ya nake.</verse>
				<verse number="26">Nake amwĩa, Ndeka nĩthi, nũndũ nĩkũũkya. Na asũngĩa, Ndikũeka, ũtangathimĩte.</verse>
				<verse number="27">Nake amũkũlya, Syĩtwa yaku nata? Na asũngĩa, Yakovo.</verse>
				<verse number="28">Nake amwĩa, Syĩtwa yaku ndũketwa Yakovo ĩngĩ, ĩndĩ Isilaeli: nũndũ nĩwakĩlan’ya vinya na Ngai na ĩngĩ na andũ, na wakĩlya vinya.</verse>
				<verse number="29">Na Yakovo amũkũlya na asya, Nĩngũũvoya, ndavya syĩtwa yaku. Nake asũngĩa, Wĩngũlya syĩtwa yakwa nĩkĩ? Na amũathimĩa o vau.</verse>
				<verse number="30">Na Yakovo aveta syĩtwa ya vandũ vau Venieli: asya, Nũndũ nĩnamwona Ngai ũthyũ kwa ũthyũ, na nĩnatangĩĩwa thayũ wakwa.</verse>
				<verse number="31">Na syũa yamumĩa akĩinga Venueli, nake nĩwathuaa waswa.</verse>
				<verse number="32">Kwondũ wa ũu ana ma Isilaeli matiĩsaa kaliilii ka nthũnũ kala ke kĩnanĩ kya waswa, kũvika mũnthĩ ũũ: nũndũ nĩwakiitie kĩna kya waswa wa Yakovo vala ve kaliilii ka nthũnũ.</verse>
			</chapter>
			<chapter number="33">
				<verse number="1">Na Yakovo ookĩlya metho, na oona, na, sisya, Esau okĩte, na andũ maana ana vamwe nake. Na amaaĩa syana Lea, na Lakeli, na ala athũkũmi elĩ eĩtu.</verse>
				<verse number="2">Na ekalya ala athũkũmi eĩtu, na syana syoo mbee, na Lea na syana syake ĩtina woo, na Lakeli na Yosevu ĩtina.</verse>
				<verse number="3">Nake mwene ainga mbee woo, na eekunamya nthĩ kũndũ mũonza, mũvaka athengeea mwana‐a‐inyia.</verse>
				<verse number="4">Na Esau asemba kũmũthaũa, na amwĩvĩtĩĩsya, na amũvalũkĩla ngingo, amũmumunya: na maĩanĩa.</verse>
				<verse number="5">Na ĩndĩ ookĩlya metho, oona aka na syana; na akũlya, Naaũ aa me naku? Na asũngĩa, Nĩ syana ila Ngai wanengie mũthũkũmi waku kwa ĩnee.</verse>
				<verse number="6">Na ĩndĩ athũkũmi eĩtu, mathengeea, mo na syana syoo, nao meekunamya.</verse>
				<verse number="7">Na Lea nake na syana syake mathengeea, na meekunamya: na ĩtina Yosevu athengeea e na Lakeli, na meekunamya.</verse>
				<verse number="8">Na akũlya, Wĩasya ata na nguthu ino nene ĩla nakomana nayo? Na asũngĩa, Nĩ kana none ĩnee methonĩ ma mwĩaĩi wakwa.</verse>
				<verse number="9">Na Esau amwĩa, Nĩnĩanĩwe, mwana‐a‐ia; syĩthĩwe syaku ila wĩ nasyo.</verse>
				<verse number="10">Na Yakovo asya, Aiee, nĩngũkwĩsũva, yu ĩndĩ ethĩwa nĩnoona ĩnee methonĩ maku, osa mũthĩnzĩo wakwa kw’okonĩ kwakwa; nĩkwĩthĩwa nĩnoona ũthyũ waku, o ta kwona ũthyũ wa Ngai, naku nĩwendeew’e ninyie.</verse>
				<verse number="11">Nĩngũkwĩsũva, osa mũthĩnzĩo wakwa ũla ũetewe; nĩkwĩthĩwa Ngai nũmbĩw’ĩĩte ĩnee, nũndũ nĩnĩanĩwe. Na amũthetheesya, na awosa.</verse>
				<verse number="12">Na asya, Tũkwate kyalo, tũthi, nakwa nĩngũendaa mbee waku.</verse>
				<verse number="13">Na amwĩa, Mwĩaĩi wakwa nĩwĩsĩ kana syana nĩ masanga, na ndĩthya sya mbũi na malondũ na sya ng’ombe ila nĩ nasyo nikwongya: na ikakalaatwa mũthenya ũmwe, ndĩthya syonthe sya mbũi na malondu no ũkw’a.</verse>
				<verse number="14">Nĩngũkwĩsũva, mwĩaĩi wakwa nainge mbee wa mũthũkũmi wake: nakwa ngooka mbola, mũendo wĩanĩe indo ila syĩ mbee wakwa na mũendo wĩanĩe syana, mũvaka yĩla ngavika Seili kwa mwĩaĩi wakwa.</verse>
				<verse number="15">Na Esau asya, Nĩngũtiĩe andũ amwe ala me nakwa. Nake akũlya, Ma kĩ? Nĩnone ũseo methonĩ ma mwĩaĩi wakwa.</verse>
				<verse number="16">Na ĩndĩ Esau asyoka mũthenya ũsu na nzĩa yake ya kũthi Seili.</verse>
				<verse number="17">Na Yakovo athi kyalo kũvika Sukothi, na eeyakĩa nyũmba, na aakĩa indo syake malwanda: na kwa ũu syĩtwa ya vandũ vau vetawa Sukothi.</verse>
				<verse number="18">Na Yakovo ooka na mũuo ndũa ya Sekemu, ĩla yĩ nthĩ ya Kanaani, yĩla waumie Vatani‐alamu; na amba maeema mbee wa ndũa.</verse>
				<verse number="19">Na vala wambie ĩeema yake, athooa na ilungu ĩana sya vetha, kĩlungu kya nthĩ, kw’okonĩ kwa ana ma Amolu, ĩthe wa Sekemu.</verse>
				<verse number="20">Na vau aakĩa kĩthembeo, na akĩta Eli‐EloeIsilaeli.</verse>
			</chapter>
			<chapter number="34">
				<verse number="1">Na Ndina mwĩĩtu wa Lea, ũla wamũsyaĩe Yakovo, aumaala kũsisya eĩtu ma nthĩ ĩsu.</verse>
				<verse number="2">Na Sekemu mwana wa Amolu Mũivi, mũnene wa nthĩ ĩsu, amwona; na amwosa, na akoma nake, na amũthũkya.</verse>
				<verse number="3">Na ngoo yake yalũman’ya na Ndina mwĩĩtu wa Yakovo, na amwenda ũla mwĩĩtu, na amũneenea ũla mwĩĩtu nesa.</verse>
				<verse number="4">Na Sekemu aneena na Amolu ĩthe wake, akĩmwĩa, Mbĩvaĩsya mwĩĩtu ũũ.</verse>
				<verse number="5">Na ĩndĩ Yakovo eew’a kana nũvukĩtye mwĩĩtu wake Ndina; na ana make maĩ na indo syake kĩsesinĩ: na Yakovo akilya kũvika masyoka.</verse>
				<verse number="6">Na Amolu ĩthe wa Sekemu aumaala athi kwa Yakovo kũneenan’ya nake.</verse>
				<verse number="7">Na ana ma Yakovo mooka kuma kĩsesinĩ yĩla meewie ũu: na aũme asu meew’a woo, na maĩ athilĩku mũno, nũndũ nĩwĩkĩte ũtumanu kwa Isilaeli akĩkoma na mwĩĩtu wa Yakovo; ũndũ ũtaĩle kwĩkwa.</verse>
				<verse number="8">Na Amolu aneenan’ya nao, akĩmea, Ngoo ya mwana wakwa Sekemu yĩ na wendi wa mwĩĩtu waku: nĩngũkwĩsũva, ũmũnenge ethĩwe mũka wake.</verse>
				<verse number="9">Tũtwaanĩei; inyw’ĩ mũtũnenge eĩtu menyu, na mũitwaa eĩtu maitũ.</verse>
				<verse number="10">Nenyu mũkatũaa naitũ: na ĩ nthĩ ĩkeethĩwa mbee wenyu; tũai mũtandĩthĩsye kw’o, mwĩmanthĩe ũthwii kw’o.</verse>
				<verse number="11">Na Sekemu amwĩa ĩthe wa Ndina na ana‐a‐ĩthe make, Nĩnone ĩnee methonĩ menyu, na kĩla mwĩndavya nĩngumya.</verse>
				<verse number="12">Mbĩtyai ngasya na mũthĩnzĩo o na syaingĩva ata, nakwa ngamũnenga o ũndũ mwĩndavya: ĩndĩ nengai mwĩĩtu ndwae.</verse>
				<verse number="13">Na ana ma Yakovo mamasũngĩa na ũĩ wa ũkengani Sekemu na Amolu ĩthe wake, na masya, nĩkwĩthĩwa nĩwanangĩte Ndina mwĩĩtu‐a‐inyia woo,</verse>
				<verse number="14">na mamea, Tũitonya kwĩka ũndũ ũũ, kũmũnenga mwĩĩtu‐wa‐inyia waitũ ũmwe ũte mwaĩke; nũndũ ũndũ ũsu kwitũ nĩ nthoni.</verse>
				<verse number="15">Kwondũ wa ũndũ ũũ w’oka ithyĩ tũkamwĩtĩkĩla inyw’ĩ; ethiwa ĩnyw’ĩ mũkeethĩwa taitũ, kana kĩla mũndũ mũũme wĩ kwenyu nĩaĩkwe;</verse>
				<verse number="16">nĩvo twĩmũnenga inyw’ĩ eĩtu maitũ, naitũ tũkatwaa eĩtu menyu, na tũkatũaa vamwe nenyu, naitũ tũkeethĩwa mbaĩ ĩmwe.</verse>
				<verse number="17">Ĩndĩ ethĩwa mũitwĩw’a, na kwaĩkwa; nĩvo ĩndĩ twĩosa mwĩĩtu waitũ, na tũkathi.</verse>
				<verse number="18">Na ĩndĩ ndeto syoo syendeesya Amolu, na Sekemu mwana wa Amolu.</verse>
				<verse number="19">O na mwanake ũsu ndaaĩkala ataneka ũndũ ũsu, nĩkwĩthĩwa amũtanĩaa mwĩĩtu wa Yakovo mũno: nake ataĩawa kwĩ onthe ma nyũmba ya ĩthe.</verse>
				<verse number="20">Na Amolu na Sekemu mwana wake mooka mbingĩlonĩ ya ndũa yoo, na maneenan’ya na aũme ma ndũa yoo, makĩmea,</verse>
				<verse number="21">Andũ aa me na mũuo naitũ; kwondũ wa ũu nĩmatũae nthĩ ĩno, matandĩthĩasye kw’o; nũndũ, sisya, nthĩ ĩno nĩmeanĩe; naitũ tũtwaae eĩtu moo methĩwe aka maitũ, na ĩndĩ tũimanenga eĩtu maitũ.</verse>
				<verse number="22">Kwondũ wa ũndũ ũũ w’oka andũ asu makatwĩtĩkĩla matũae naitũ, twĩthĩwe mbaĩ ĩmwe, ethĩwa kĩla mũndũ mũũme katĩ waitũ akaĩkwa, tondũ mo maĩkawa.</verse>
				<verse number="23">Indo syoo na ũthwii woo na nyamũ syoo syonthe itikethĩwa sitũ? Ĩndĩ nĩtũmetĩkĩlĩle ũndũ ũũ, na makatũa naitũ.</verse>
				<verse number="24">Na onthe ala maumie mbingĩlonĩ ya ndũa yake mamwĩw’a Amolu na mwana wake Sekemu; na kĩla mũndũ mũũme aĩkwa, onthe ala maumie mbingĩlonĩ ya ndũa yake.</verse>
				<verse number="25">Na kweethĩwa mũthenya wa katatũ, yĩla maalaw’a mũno, ana elĩ ma Yakovo, Simeoni na Livai, ana‐a‐inyia ma Ndina, moosa kĩla mũndũ ũvyũ wake, na mookĩa ĩla ndũa mevithĩte, na mooaa aũme onthe.</verse>
				<verse number="26">Na mooaa Amolu na Sekemu mwana wake kwa kũmatemanga na ũvyũ, nao maumya Ndina nyũmbanĩ ya Sekemu, na maumaala mathi.</verse>
				<verse number="27">Ana ma Yakovo mooka vala ve ala moaĩtwe, matava ĩla ndũa, nĩkwĩthĩwa nĩmavukĩtye mwĩĩtu‐a‐inyia woo.</verse>
				<verse number="28">Matava ndĩthya syoo sya mbũi na malondu na ndĩthya syoo sya ng’ombe na mang’oi moo, na kĩla kyaĩ ndũanĩ, na kĩla kyaĩ kĩsesinĩ;</verse>
				<verse number="29">na ũthwii woo w’onthe, na syana syoo syonthe nini na aka moo, mamatava matw’ĩka mũtavo, o na kyonthe kĩla kyaĩ nyũmbanĩ.</verse>
				<verse number="30">Na Yakovo amea Simeoni na Livai, Inyw’ĩ nĩmwanthĩn’ya, mwatuma nĩnyunga naĩ kwa ala matwĩe ĩ nthĩ, kwa Akanaani na Avelisi: nakwa, nĩkwĩthĩwa ũtalonĩ wakwa nĩ mũvũthũ, makambũmbanĩa na kũngũna; na ngaanangwa, nyie na nyũmba yakwa.</verse>
				<verse number="31">Na masya, Akeeka na mwĩĩtu wa mwaitũ ta ĩlwaya?</verse>
			</chapter>
			<chapter number="35">
				<verse number="1">Na Ngai amwĩa Yakovo, Ũkĩla, wambate kũvika Mbethi‐eli, ũkatũe kw’o: na ũimwakĩa Ngai kĩthembeo kũu, ũla wakumĩlĩle yĩla wakĩie kuma mbee wa ũthyũ wa Esau mwana‐a‐mwenyu.</verse>
				<verse number="2">Na ĩndĩ Yakovo amea ala ma nyũmba yake, na onthe ala maĩ vamwe nake, Vetai ngai ngeni ila syĩ katĩ wenyu, mwĩthesye, na kũkũan’ya ngũa syenyu:</verse>
				<verse number="3">na ĩndĩ tũkĩle, twambate kũvika Mbethi‐eli; nakwa ngamwakĩa Ngai kĩthembeo kw’o, we ũla wanzũngĩie mũthenya wa thĩna wakwa, nake aĩ vamwe nakwa nzĩanĩ ĩla naendele.</verse>
				<verse number="4">Na mamũnenga Yakovo ngai ngeni syonthe ĩla syaĩ mokonĩ moo, na ngome ila syaĩ matũnĩ moo; na Yakovo aivitha ĩtina wa mũtĩ wa mwaloni ũla waĩ Sekemu.</verse>
				<verse number="5">Na makwata kyalo: na w’ĩa mũnene wa Ngai waĩ ndũanĩ ila syamathyũlũlũkĩte, na maiaamaatĩĩa ana ma Yakovo.</verse>
				<verse number="6">Na ĩndĩ Yakovo avika Lusu, ĩla yĩ nthĩ ya Kanaani (nĩyo Mbethi‐eli), we na andũ onthe ala maĩ nake.</verse>
				<verse number="7">Na aaka kĩthembeo vau, na aveeta vandũ vau Eli‐Mbethi‐eli; nĩkwĩthĩwa nĩvo Ngai weyonanĩsye kwake, yĩla wakĩĩte kuma mbee wa ũthyũ wa mwana‐a‐inyia.</verse>
				<verse number="8">Na Ndevola mũei wa Leveka akw’a, na athikwa ĩtheo wa Mbethi‐eli ĩtina wa mũtĩ wa mwaloni: na syĩtwa yaw’o weetawa Mwaloni‐mbakuthi.</verse>
				<verse number="9">Na Ngai amumĩlĩla Yakovo ĩngĩ, auma Vatani‐alamu, na amũathima.</verse>
				<verse number="10">Na Ngai amwĩa, Syĩtwa yaku nĩ Yakovo: ndũketwa ĩngĩ syĩtwa yaku Yakovo, ĩndĩ Isilaeli nĩyo yĩĩthĩwa syĩtwa yaku: na amwĩta syĩtwa yake Isilaeli.</verse>
				<verse number="11">Na Ngai amwĩa, Ninyie Ngai Mwene Vinya W’onthe: ongeleka wingĩve; mbaĩ na nguthu ya mbaĩ ikauma kwaku, na asumbĩ makauma kĩnyunyunĩ kyaku;</verse>
				<verse number="12">na nthĩ ĩla namanengie Avalaamu na Isaka, ngakũnenga we, na ũsyao waku ĩtina waku ngaũnenga nthĩ ĩsu.</verse>
				<verse number="13">Na Ngai ambata kuma vala ũĩ o vandũ vala waneenee nake.</verse>
				<verse number="14">Na Yakovo aũngamya kĩtuĩ vandũ vala waneenee nake, kĩtuĩ kya ĩvia: na etĩkĩsya nthembo ya kũnyuwa ĩũlũ wakyo, na etĩkĩsya mauta ĩũlũ wakyo.</verse>
				<verse number="15">Na Yakovo eeta vandũ vau vala Ngai waneenee nake, Mbethi‐eli.</verse>
				<verse number="16">Na mathi kyalo kuma Mbethi‐eli; na vatiele kĩlungu kya mũendo mavike Evilathi: na Lakeli akwatwa nĩ woo wa kũsyaa, na aũnya na vinya.</verse>
				<verse number="17">Na kweethĩwa, akyaũnya na vinya, mwĩsikya amwĩa, Ndũkakĩe; nũndũ yu nũkwĩthĩwa na mwana ũngĩ.</verse>
				<verse number="18">Na kweethĩwa, veva wake ũkyuma (nũndũ nĩwakwie), amwĩta syĩtwa yake Mbenioni: ĩndĩ ĩthe wake amwĩta Mbenyamini.</verse>
				<verse number="19">Na Lakeli akw’a, na athikwa nzĩanĩ ya kũthi Evilathi (nĩyo Mbethi‐leemu).</verse>
				<verse number="20">Na Yakovo aũngamya kĩtuĩ ĩũlũ wa mbũa yake: nĩkyo Kĩtuĩ kya mbũa ya Lakeli kũvika mũnthĩ ũũ.</verse>
				<verse number="21">Na Isilaeli athi kyalo, na amba ĩeema yake mbee wa mwako mũtũlu wa mũnyoolo wa Eteli.</verse>
				<verse number="22">Na kweethĩwa yĩla Isilaeli watũĩte nthĩ ĩsu, Leuveni aenda na akoma na Mbila mũka ngombo wa ĩthe wake: na Isilaeli eew’a ũvoo ũsu. Na ĩndĩ ana ma Yakovo maĩ ĩkũmi na elĩ:</verse>
				<verse number="23">ana ma Lea: Leuveni, ĩkithathi ya Yakovo, na Simeoni, na Livai, na Yuta, na Isakali, na Nzevuluni;</verse>
				<verse number="24">ana ma Lakeli: Yosevu na Mbenyamini;</verse>
				<verse number="25">na ana ma Mbila, mũthũkũmi mwĩĩtu wa Lakeli: Ndani na Navitali;</verse>
				<verse number="26">na ana ma Nziliva, mũthũkũmi mwĩĩtu wa Lea: Ngati na Aseli; asu nĩo ana ma Yakovo, ala wasyaĩwe Vatani‐alamu.</verse>
				<verse number="27">Na Yakovo avika kwa Isaka ĩthe wake kũvika Mamile, kũu Kiliathi‐aliva (nĩyo Eviloni), vala Avalaamu na Isaka mekalaa ũeni.</verse>
				<verse number="28">Na matukũ ma Isaka maĩ myaka ĩana na mĩongo nyanya.</verse>
				<verse number="29">Na Isaka aumwa nĩ veva, na akw’a, na oombanw’a vamwe na andũ make, e mũkũũ, na wa matukũ maingĩ: na Esau na Yakovo ana make mamũthika.</verse>
			</chapter>
			<chapter number="36">
				<verse number="1">Aa nĩmo mosyaanĩo ma Esau (nĩwe Etomu).</verse>
				<verse number="2">Esau atwaa aka make eĩtunĩ ma Kanaani: Ata mwĩĩtu wa Eloni Mũititi, na Oolivama mwĩĩtu wa Anaa, mwĩĩtu wa Nziveoni Mũivi,</verse>
				<verse number="3">na Mbasemathi mwĩĩtu wa Isumaeli, mwĩĩtu‐a‐inyia wa Nevaiothi.</verse>
				<verse number="4">Na Ata amũsyaĩa Esau Elivasi; na Mbasemathi asyaa Leueli;</verse>
				<verse number="5">na Oolivama asyaa Yeusu, na Yalamu, na Kola: aa nĩo ana ma Esau, ala wasyaĩwe nthĩ ya Kanaani.</verse>
				<verse number="6">Na Esau oosa aka make, na ana make, na eĩtu make, na andũ onthe ma nyũmba yake, na indo syake, na nyamũ syake syonthe, na ũthwii wake w’onthe, ũla weyũmbanĩsye nthĩ ya Kanaani; na aenda nthĩ yĩ kũasa na mwana‐a‐inyia Yakovo.</verse>
				<verse number="7">Nũndũ ũthwii woo waingĩvie mũno ũndũ matatonya kũtũan’ya; na nthĩ ya kwĩkala kwoo ũeninĩ ndĩaatonya kũmeanĩa nũndũ wa indo syoo.</verse>
				<verse number="8">Na Esau atũaa kĩĩmanĩ kya Seili: Esau nĩwe Etomu.</verse>
				<verse number="9">Na aa nĩmo mosyaanĩo ma Esau ĩthe wa Aetomu ma kĩima kya Seili:</verse>
				<verse number="10">aa nĩmo masyĩtwa ma ana ma Esau: Elivasi mwana wa Ata mũka wa Esau, na Leueli mwana wa Mbasemathi mũka wa Esau.</verse>
				<verse number="11">Na ana ma Elivasi maĩ Temani, na Omali, na Nzevo, na Ngatamu, na Kenasĩ.</verse>
				<verse number="12">Na Timina aĩ mũka ngombo wa Elivasi mwana wa Esau; nake amũsyaĩa Elivasi Amaleki: asu nĩo ana ma Ata, mũka wa Esau.</verse>
				<verse number="13">Na aa nĩo ana ma Leueli: Naathi, na Nzela, na Samama, na Misa: asu nĩo maĩ ana ma Mbasemathi, mũka wa Esau.</verse>
				<verse number="14">Na aa maĩ ana ma Oolivama mwĩĩtu wa Anaa, mwĩĩtu wa Nziveoni, mũka wa Esau: na amũsyaĩa Esau Yeusu, na Yalamu, na Kola.</verse>
				<verse number="15">Aa nĩo anene ananĩ ma Esau: ana ma Elivasi ĩkithathi ya Esau: mũnene Temani, na mũnene Omali, na mũnene Nzevo, na mũnene Kenasi,</verse>
				<verse number="16">na mũnene Kola, na mũnene Ngatamu, na mũnene Amaleki: asu nĩo anene ala maĩ ma Elivasi, nthĩ ya Etomu; asu nĩo ana ma Ata.</verse>
				<verse number="17">Na aa nĩo ana ma Leueli, mwana wa Esau: mũnene Naathi, na mũnene Nzela, na mũnene Samama, na mũnene Misa: asu nĩo anene ala maĩ ma Leueli nthĩ ya Etomu; asu nĩ ana ma Mbasemathi, mũka wa Esau.</verse>
				<verse number="18">Na aa nĩo ana ma Oolivama, mũka wa Esau: mũnene Yeusu, na mũnene Yalamu, na mũnene Kola: asu nĩo anene ala maĩ ma Oolivama mwĩĩtu wa Anaa, mũka wa Esau.</verse>
				<verse number="19">Asu nĩo ana ma Esau, na nĩo anene moo: ũsu nĩwe Etomu.</verse>
				<verse number="20">Aa nĩo ana ma Seili Mũoli, ala matwĩe nthĩ ĩsu: Lotani na Sovali na Nziveoni na Anaa,</verse>
				<verse number="21">na Ndisoni na Eseli na Ndisani: asu nĩo anene ala ma Aoli, ana ma Seili nthĩ ya Etomu.</verse>
				<verse number="22">Na ana ma Lotani maĩ Oli na Emani; na mwĩĩtu‐a‐inyia wa Lotani aĩ Timina.</verse>
				<verse number="23">Na aa nĩo ana ma Sovali: Alivani na Manaathi na Evali, na Sevo na Onamu.</verse>
				<verse number="24">Na aa nĩo ma Nziveoni: Aia na Anaa; nĩwe Anaa ũla wonie mbuluti sya manzĩ mavyũ weũnĩ, yĩla waĩthasya mang’oi ma Nziveoni ĩthe wake.</verse>
				<verse number="25">Na aa nĩo ana ma Anaa: Ndisoni na Oolivama mwĩĩtu wa Anaa.</verse>
				<verse number="26">Na aa nĩo ana ma Ndisoni: Emitani na Esivani na Ithilani na Kelani.</verse>
				<verse number="27">Aa nĩo ana ma Eseli: Mbĩliani na Nzaavani na Akani.</verse>
				<verse number="28">Aa nĩo ana ma Ndisani: Usi na Alani.</verse>
				<verse number="29">Aa nĩo anene ma Aoli: mũnene Lotani, na mũnene Sovali, na mũnene Nziveoni, na mũnene Anaa,</verse>
				<verse number="30">na mũnene Ndisoni, na mũnene Eseli, na mũnene Ndisani: asu nĩo anene ma Aoli, kũatĩĩa anene moo nthĩ ya Seili.</verse>
				<verse number="31">Na aa nĩo asumbĩ ala masumbĩkie nthĩ ya Etomu, mbee wa kũtanasumbĩka mũsumbĩ o na wĩva ĩũlũ wa ana ma Isilaeli.</verse>
				<verse number="32">Na Mbela mwana wa Mbeoli asumbĩka Etomu; na syĩtwa ya ndũa yake yeetawa Ndiniava.</verse>
				<verse number="33">Na Mbela akw’a, na Yovavu mwana wa Nzela wa ku Mbosila asũmbĩka vandũ vake.</verse>
				<verse number="34">Na Yovavu akw’a, na Usamu wa nthĩ ya Atemani asumbĩka vandũ vake.</verse>
				<verse number="35">Na Usamu akw’a, na Aatati mwana wa Mbetati, ũla wakũnĩe Mitiani ũiĩnĩ wa Moavi, asumbĩka vandũ vake: na syĩtwa ya ndũa yake yeetwa Avithi.</verse>
				<verse number="36">Na Aatati akw’a, na Samala wa Maseleka asumbĩka vandũ vake.</verse>
				<verse number="37">Na Samala akw’a, na Sauli wa ku Leovothi vakuvĩ na ũla Ũsĩ asumbĩka vandũ vake.</verse>
				<verse number="38">Na Sauli akw’a, na Mbaali‐aanani mwana wa Akivoli asumbĩka vandũ vake.</verse>
				<verse number="39">Na Mbaali‐aanani mwana wa Akivoli akw’a, na Aatali asumbĩka vandũ vake: na syĩtwa ya ndũa yake yeetawa Vau, na syĩtwa ya mũka eetawa Meetaveli, mwĩĩtu wa Matileti, mwĩĩtu wa Menzaavu.</verse>
				<verse number="40">Na aa nĩo masyĩtwa ma anene ala maĩ ma Esau, kũatĩĩa mĩvĩa yoo, kwĩanana na kũndũ kwoo, na masyĩtwa moo: mũnene Timina, na mũnene Aliva, na mũnene Yethethi,</verse>
				<verse number="41">na mũnene Oolivama, na mũnene Ela, na mũnene Vinoni,</verse>
				<verse number="42">na mũnene Kenasi, na mũnene Temani, na mũnene Mivisalu,</verse>
				<verse number="43">na mũnene Makitieli, na mũnene Ilami: asu nĩo anene ma Etomu, kwĩanana na mawĩkalo moo nthĩ ya ng’ũndũ yoo. Ũsũ nĩwe Esau, ĩthe wa Aetomu.</verse>
			</chapter>
			<chapter number="37">
				<verse number="1">Na Yakovo atũaa nthĩ ĩla ĩthe wake wekalaa ũeni, nthĩ ya Kanaani.</verse>
				<verse number="2">Mosyaanĩo ma Yakovo nĩmo aa. Yosevu, e wa myaka ĩkũmi na mũonza, aĩthasya ndĩthya ya mbũi na malondu vamwe na ana‐a‐ĩthe; na aĩ kĩmwana vamwe na ana ma Mbila, na vamwe na ana ma Nziliva, aka ma ĩthe: na Yosevu atwaĩa ĩthe ũvoo woo mũthũku.</verse>
				<verse number="3">Na ĩndĩ Isilaeli amwendaa Yosevu kwĩ ana make onthe, nũndũ nĩwe mwana wa ũkũu wake: na amũseũvĩsya kanzũ wĩ langi wa mĩthemba mingĩ.</verse>
				<verse number="4">Na ana‐a‐ĩthe moona kana ĩthe woo nũmwendete kwĩ ana‐a‐ĩthe onthe; nao nĩmamũmenaa, o na maiaatonya kũneena nake na mũuo.</verse>
				<verse number="5">Na Yosevu aota ndoto, na atavya ana‐a‐ĩthe: nao mongela kũmũmena.</verse>
				<verse number="6">Na amea, Nĩngũmwĩsũva, ĩthukĩĩsyei ndoto ĩno nĩotie:</verse>
				<verse number="7">nũndu, sisya, ĩthyĩ twĩthĩiwe tũkyova syove sya ngetha mũũndanĩ, nakyo kyove kyakwa kyookĩla na ĩngĩ kyaũngama kĩlũngele; na, sisya, syove syenyu syathyũlũlũka, na syeekunamĩsya kyove kyakwa.</verse>
				<verse number="8">Na ana‐a‐ĩthe mamwĩa, Ai nĩ w’o ũkatũsumbĩka? Kana ũu nĩ w’o ũkeethĩwa na ũsumbĩko ĩũlũ waitũ? Nao mongela mũno kũmũmena nũndũ wa ndoto syake, na nũndũ wa ndeto syake.</verse>
				<verse number="9">Na aota ndoto ĩngĩ, na atavya ana‐a‐ĩthe, na amea, Sisya, nĩnĩotie ndoto ĩngĩ; na, sisya, syũa na mwei na ndata ĩkũmi na ĩmwe syeengunamĩsya.</verse>
				<verse number="10">Na atavya ĩthe, na ana‐a‐ĩthe; na ĩthe amũkan’ya, na amwĩa, Ndoto ĩsu nĩ myaũ ĩla ũotie? Nĩ w’o tũkooka nyie na mwenyu na ana‐a‐au tũkwĩkunamĩsye kũvika nthĩ?</verse>
				<verse number="11">Na ana‐a‐ĩthe mamwĩw’ĩa kĩwĩu; ĩndĩ ĩthe aia ĩla ndeto ngoonĩ.</verse>
				<verse number="12">Na ana‐a‐ĩthe maenda Sekemu kũĩthya ndĩthya ya mbũi na malondu ya ĩthe woo.</verse>
				<verse number="13">Na Isilaeli amwĩa Yosevu, Ana‐a‐au matikũĩthya ndĩthya ya mbũi na malondu Sekemu? Ũka, nĩngũũtũma vala maĩ. Na amwĩa, Nĩ vaa.</verse>
				<verse number="14">Nake amwĩa, Enda yu, ũsisye kana ana‐a‐au nĩ aseo, na ndĩthya kana nĩ nzeo; na ũindetee ũvoo. Na ĩndĩ amũtũma kuma mwandanĩ wa Eviloni, nake avika Sekemu.</verse>
				<verse number="15">Na mũndũ ũmwe amwĩthĩa, na, sisya, angangaa weũnĩ: na ũla mũndũ amũkũlya, akyasya, Wĩmantha kĩ?</verse>
				<verse number="16">Na asũngĩa, Nĩmanthaa ana‐a‐asa makwa: nĩngũkwĩsũva, ndavya vala meũĩthya.</verse>
				<verse number="17">Na ũla mũndũ amwĩa, Nĩmaumie vaa; nũndũ nĩneewie makyasya, Tũthii Ndothani. Na Yosevu amaatĩĩa ana‐a‐ĩthe na amethĩa Ndothani.</verse>
				<verse number="18">Nao mamwona e kũasa, na mbee wa atanamathengeea, mamũsũanĩĩa mamũae.</verse>
				<verse number="19">Na maneenan’ya ene kwa ene, Sisya, ũla mũoti nĩwũkĩte.</verse>
				<verse number="20">Ũkai ĩndĩ, tũmũae, na tũimwĩkya nthĩnĩ wa ĩima yĩmwe, naitũ tũkasya, Nũlĩkĩte nĩ nyamũ mbai: na ĩndĩ tũkasisya ũndũ ndoto syake ikethĩwa.</verse>
				<verse number="21">Na Leuveni eew’a ũu, na amũtangĩĩa kuma mokonĩ moo, na amea, Tũikamũae.</verse>
				<verse number="22">Na Leuveni amea, Mũtikete nthakame; mwĩkyei ĩimanĩ yĩĩ yĩ vaa weũnĩ, ĩndĩ mũikamwilĩĩle kw’oko: nĩ kana amũtangĩĩe kuma kw’okonĩ kwoo, amũtũnge kwa ĩthe.</verse>
				<verse number="23">Na kweethĩwa, Yosevu avika kũla ana‐a‐ĩthe maĩ, mamumya Yosevu ũla kanzũ wake, kanzũ wa langi wa mĩthemba mingĩ ũla wekĩe;</verse>
				<verse number="24">na mamwosa, na mamwĩkya ĩimanĩ: na ĩima yaĩ ĩthei, yĩtyaĩ na manzĩ.</verse>
				<verse number="25">Na mekala nthĩ maye lĩu; na mookĩlya metho na moona, na, sisya, kyalo kya Aisumaeli maumĩte Ngileati, na ngamĩle syoo ikuĩte mĩtĩ ĩnyungaa nesa na seli na manemane, maendete matheeetye Misili.</verse>
				<verse number="26">Na Yuta amea ana‐a‐ĩthe, Ve ũtandĩthyo mwaũ twooaa mwana‐a‐asa na kũvitha nthakame yake?</verse>
				<verse number="27">Ũkai, tũmũthoosye we kwa Aisumaeli, o na kw’oko kwitũ kũtikethĩwe ĩũlũ wake; nũndũ nĩ mwana‐a‐asa, mwĩĩ witũ. Na ana‐a‐ĩthe mamwĩw’a.</verse>
				<verse number="28">Na kwavĩta Amitiani, atandĩthya; na mamũkusya na mamumya Yosevu ĩimanĩ, na mamũthoosya Yosevu kwa Aisumaeli ilungu mĩongo ĩlĩ sya vetha. Nao mamũvikya Yosevu Misili.</verse>
				<verse number="29">Na Leuveni asyoka ĩimanĩ; na, sisya, Yosevu ndaĩ ĩimanĩ; na atembũa ngũa syake.</verse>
				<verse number="30">Na asyoka kwa ana‐a‐ĩthe, na amea, Mwana nde vo; nakwa, nĩela va?</verse>
				<verse number="31">Na moosa kanzũ wa Yosevu, na mooaa nthenge, na mainda kanzũ nthakamenĩ;</verse>
				<verse number="32">na matwaa kanzũ wa langi wa mĩthemba mingĩ, mamũetee ĩthe woo, na mamwĩa, Tũnawĩthĩie ũũ: manya ĩndĩ kana nĩ kanzũ wa mwana waku kana ti w’o.</verse>
				<verse number="33">Na oomanya, na asya, Nĩ kanzũ wa mwana wakwa; nũlĩkĩte nĩ nyamũ mbai; vate nzĩka Yosevu nũtilangĩtwe ilungu.</verse>
				<verse number="34">Na Yakovo atembũa ngũa syake, na eevotoa makunia kĩnyunyu, na amũĩĩa mwana wake matukũ maingĩ.</verse>
				<verse number="35">Na ana make onthe na eĩtu make onthe mookĩla mamũkiakisye; ĩndĩ we alea kũkiakiĩka; na asya, Nũndũ ngamũtheeea mwana wakwa Seoli ngĩmũĩa. Na ĩthe nĩwamũĩĩaa.</verse>
				<verse number="36">Na Amitiani mamũthoosya Misili kwa Votivali, mũnene ũmwe wa kwa Valao, kavuteni wa nguthu ya asũvĩi.</verse>
			</chapter>
			<chapter number="38">
				<verse number="1">Na kweethĩwa ĩvinda yĩu, Yuta atheea kuma kwa ana‐a‐ĩthe, aathũkĩla kwa Mũatulamu ũmwe, ũla syĩtwa yake wetawa Iila.</verse>
				<verse number="2">Na Yuta oona mwĩĩtu kũu wa Mũkanaani ũmwe ũla syĩtwa yake wetawa Suua; nake amũtwaa, na alika kwake.</verse>
				<verse number="3">Nake aya ĩvu, na asyaa mwana; na amwĩta syĩtwa yake Eeli.</verse>
				<verse number="4">Na aya ĩvu ĩngĩ, na asyaa mwana; na amwĩta syĩtwa yake Onani.</verse>
				<verse number="5">Na ongela ũsyaa mwana ũngĩ, na amwĩta syĩtwa yake Siela: na akĩmũsyaa, Yuta aĩ Kesivu.</verse>
				<verse number="6">Na Yuta atwaĩa Eeli ĩkithathi yake mũka, na syĩtwa yake eetawa Tamali.</verse>
				<verse number="7">Nake Eeli, ĩkithathi ya Yuta, aĩ mwathe methonĩ ma Yeova; na Yeova amũaa.</verse>
				<verse number="8">Na Yuta amwĩa Onani, Lika kwa mũka wa mwana‐a‐mwenyu, ũmwĩke ũndũ waĩle kwĩkawa kwa mwana‐a‐inyia wa mũũme, na ũkimũũngamĩsya mwana‐a‐mwenyu ũsyao.</verse>
				<verse number="9">Na Onani amanya kana ũsyao ndũkethĩwa wake; na kweethĩwa, alika kwa mũka wa mwana‐a‐inyia, eta nthĩ, ndakanenge mwana‐a‐inyia ũsyao.</verse>
				<verse number="10">Na ũndũ ũla wekie waĩ ũthũku methonĩ ma Yeova: na amũaa o nake.</verse>
				<verse number="11">Na ĩndĩ Yuta amwĩa Tamali mũka‐a‐mwana, Ĩkala wĩ ndiwa nyũmbanĩ ya au, kũvika yĩla Siela mwana wakwa ũkeana; nũndũ aisye, Nake ndakese ũkw’a, ta ana‐a‐inyia. Na Tamali athi ekala nyũmbanĩ kwa ĩthe wake.</verse>
				<verse number="12">Na matukũ amwe mathela mwĩĩtu wa Suua, mũka wa Yuta, akw’a; na Yuta akiakiw’a, na ambata kũvika Timina kwa atili ma w’ĩa wa malondu make, we na mũnyanyae Iila ũla Mũatulamu.</verse>
				<verse number="13">Na Tamali atavw’a, kũineenwa, Sisya, ĩthe wa mũemeu nũkwambata Timina kũtila malondu make w’ĩa.</verse>
				<verse number="14">Nake aumya ngũa sya ũtiwa wake, na eevw’ĩka suka wake mũvũthũ, na eekunĩkĩlya, na ekala mbingĩlonĩ ya Enaimu, ĩla yĩ nzĩanĩ ya Timina; nũndũ oonie kana Siela aĩ aneana, nake ndaanenganwe kwake ethĩwe mũka.</verse>
				<verse number="15">Yila Yuta wamwonie, atalĩlya kana nĩ ĩlwaya; nũndũ eevw’ĩkĩte ũthyũ.</verse>
				<verse number="16">Na aathũkĩla vala ũĩ kuma nzĩanĩ, na amwĩa, Nĩngũkwĩsũva, ũka, nĩlike kwaku: nũndũ ndaamanya kana nĩ mũka‐a‐mwana. Na akũlya, ũkanenga kyaũ, nĩ kana ũtonye ũlika kwakwa?</verse>
				<verse number="17">Nake asũngĩa, Ngakũetee katena ka mbũi kuma ĩĩthyanĩ. Na akũlya, Ũkanenga ngwatĩlĩlyo mũvaka wĩete?</verse>
				<verse number="18">Nake akũlya, Nĩkũnenge ngwatĩlĩlyo myaũ? Na asũngĩa, Ngome yaku ya ũvana ũsiĩlo, na ũlii waku, na ndata yaku yĩ kw’okonĩ kwaku. Na amũnenga, na alika kwake, nake aya ĩvu nũndũ wake.</verse>
				<verse number="19">Na ookĩla, athi, na aumya suka wake mũvũthũ, na eekĩa ngũa sya ũtiwa wake.</verse>
				<verse number="20">Na Yuta atwaa katena ka mbũi na kw’oko kwa mũnyanyae Mũatulamu, nĩ kana ose ngwatĩlĩlyo kw’okonĩ kwa ũla mũndũ mũka: ĩndĩ ndaamwĩthĩa.</verse>
				<verse number="21">Nĩvo ĩndĩ wamakũlilye andũ ma vandũ vake, akyasya, Yĩĩva ĩlwaya, yĩla yaĩ Enaimu ũtee wa nzĩa? Nao masũngĩa, Vaa vatyaaĩthĩwa ĩlwaya.</verse>
				<verse number="22">Na asyoka kwa Yuta, na amwĩa, Ndineeyona; na andũ ma vandũ vau nao masya, Vaa vatyaaĩthĩwa ĩlwaya.</verse>
				<verse number="23">Na Yuta asya, Nĩeyosee, tũikese ũsonokw’a. Sisya, nĩtwaĩte katena kaa, o na ndũneeyona.</verse>
				<verse number="24">Na kweethĩwa myei ĩtatu yathela, Yuta atavw’a, kũineenwa, Tamali mũkawa‐mwana waku nĩwekie ũmalwaya; na mũndũ ũngi, sisya, e na ĩvu kwondũ wa ũmalwaya. Na Yuta asya, Mumaalyei, avĩvw’e.</verse>
				<verse number="25">Aumaalw’a, atũmana kwa ĩthe wa mũũme, akyasya, Kwa mũndũ mwene ii, nyie nĩ ĩvu: na asya, Nĩngũkwĩsũva, manya, ii nĩ syaũ, ngome ya ũvana ũsiĩlo, na ndii, na ndata.</verse>
				<verse number="26">Na Yuta asyĩtĩkĩla, na asya, Nĩwe mũlũngalu kwĩ nyie, nĩkwĩthĩwa ndyaamũnenga Siela mwana wakwa. Nake ndaamũmanya ĩngĩ nongi.</verse>
				<verse number="27">Na kweethĩwa ĩvinda ya kwaũnya kwake, sisya, mavatha maĩ ĩvunĩ yake.</verse>
				<verse number="28">Na kweethĩwa, akĩsyaa, kamwe kaumĩlya kw’oko: na mwĩsikya oosa ũlii mũtune na ooveea kw’oko kwako, akyasya, Kaa nĩko kauma mbee.</verse>
				<verse number="29">Na kweethĩwa, kakĩtũnga kw’oko kwako, sisya, mwana‐a‐inyia auma: na asya, Nĩkĩ weevũthũĩa? Kwondũ wa ũu syĩtwa yako keetwa Velesi.</verse>
				<verse number="30">Na ĩtina mwana‐a‐inyia auma, ũsu waĩ na ũlii mũtune kw’okonĩ: na syĩtwa yako keetwa Nzela.</verse>
			</chapter>
			<chapter number="39">
				<verse number="1">Na Yosevu atheew’a Misili; na Votivali, mũnene ũmwe wa kwa Valao, kavuteni wa nguthu ya asũvĩi, Mũmisili, amũthooa kw’okonĩ kwa Aisumaeli, ala mamũtheeisye kũu.</verse>
				<verse number="2">Na Yeova aĩ vamwe na Yosevu, nake aĩ mũndũ mũathime; na aĩ nyũmbanĩ ya vwana wake Mũmisili.</verse>
				<verse number="3">Na vwana wake oona kana Yeova aĩ vamwe nake, na w’onthe ũla wekaa Yeova nĩwaĩlasya kw’okonĩ kwake.</verse>
				<verse number="4">Na Yosevu endeesya methonĩ make, nake amũthũkũma: na amũtw’a mũsyaĩĩsya ĩũlũ wa nyũmba yake, na kyonthe kĩla waĩ nakyo aia kw’okonĩ kwake.</verse>
				<verse number="5">Na kweethĩwa kuma ĩvinda yĩla wamũtwie mũsyaĩĩsya nyũmbanĩ yake, na ĩũlũ wa kyonthe kĩla waĩ nakyo, Yeova aathima nyũmba ya Mũmisili kwondũ wa Yosevu; na ũathimo wa Yeova waĩ ĩũlũ wa kyonthe kĩla waĩ nakyo, nyũmbanĩ na mũũndanĩ.</verse>
				<verse number="6">Na kyonthe kĩla waĩ nakyo aia kw’okonĩ kwa Yosevu; o na ndaamanya kĩndũ o na kĩva kĩla kyaĩ nake, ate o lĩu ũla waĩsaa. Na Yosevu aĩ mwanake, na aĩ na wũmbe mũseo.</verse>
				<verse number="7">Na kweethĩwa ĩtina wa maũndũ asu, mũka wa vwana wake amũtemethya Yosevu metho; na amwĩa, Koma nakwa.</verse>
				<verse number="8">Ĩndĩ alea, na amwĩa mũka wa vwana wake, Sisya, vwana wakwa ndesĩ kĩla nĩ nakyo nyũmbanĩ, na aiĩte kyonthe kĩla wĩ nakyo kw’okonĩ kwakwa:</verse>
				<verse number="9">nake ti mũnene nyũmbanĩ ĩno kwĩ nyie; o na ndaambata kĩndũ o na kĩva ate o we, nĩkwĩthĩwa, we, wĩ mũka wake: ndonya ata kwĩka ũthũku ũsu mũnene, na kũmũvĩtanĩsya Ngai?</verse>
				<verse number="10">Na kweethĩwa, akĩneena na Yosevu mũthenya na mũthenya, ndaamwĩthukĩĩsya, akome nake, kana kwĩthĩwa nake.</verse>
				<verse number="11">Na kweethĩwa ĩvinda o ta yĩu, avota nyũmbanĩ atethye wĩa wake; na kũtyaĩ ũmwe wa aũme ma nyũmba ku nthĩnĩ.</verse>
				<verse number="12">Na amũkwata ngũa yake, akĩmwĩa, Koma nakwa: na atia ngũa yake kw’okonĩ kwake, na akuthũka athi nza.</verse>
				<verse number="13">Na kweethĩwa, yĩla wonie nĩwatia ngũa yake kw’okonĩ kwake, na akuthũka, athi nza,</verse>
				<verse number="14">eetana kwa aũme ma nyũmba yake, na aneena nao, akĩmea, Sisyai, nũtũetee Mũevelania atũvũĩae ngũĩ: alikile kwakwa akome nakwa, nakwa nakaya na wasya mũnene:</verse>
				<verse number="15">na kweethĩwa yĩla wewie kana nĩnookĩlya wasya na kũkaya, atia ngũa yake kwakwa, na akuthũka, athi nza.</verse>
				<verse number="16">Na aia ngũa yake kwake, kũvika yĩla vwana wake wenũkie.</verse>
				<verse number="17">Na aneena nake kwĩanana na ndeto ii, akĩmwĩa, Mũthũkũmi Mũevelania, ũla watũetee, avotie kwakwa ambũĩe ngũĩ:</verse>
				<verse number="18">na kweethĩwa, ngyũkĩlya wasya na kũkaya, atia ngũa yake kwakwa, na akuthũka athi nza.</verse>
				<verse number="19">Na kweethĩwa, vwana wake eew’a ndeto sya mũka, ila wamũtavisye, akĩmwĩa, Mũthũkũmi waku nũmbĩkie ũndũ ũilyĩ ũu; ũthilĩku wake wookĩla.</verse>
				<verse number="20">Na vwana wa Yosevu amwosa, amwĩkĩa kolokolonĩ, vandũ vala ovwa ma mũsumbĩ mooveawa: nake ekala vau kolokolonĩ.</verse>
				<verse number="21">Ĩndĩ Yeova aĩ vamwe na Yosevu, na amwĩka nesa, na amũnenga kwona ũseo methonĩ ma mũsũvĩi wa kolokolo.</verse>
				<verse number="22">Na mũsũvĩi wa kolokolo aia kw’okonĩ kwa Yosevu ovwa onthe ala maĩ kolokolonĩ; na ũndũ o na wĩva w’onthe ũla meekaa vo, nĩwe waĩ mwĩkĩthya waw’o.</verse>
				<verse number="23">Mũsũvĩi wa kolokolo ndaasisya ũndũ o na wĩva ũla waĩ kw’okonĩ kwake, nĩkwĩthĩwa Yeova aĩ vamwe nake; na ũla wekie Yeova nĩwaĩlasya.</verse>
			</chapter>
			<chapter number="40">
				<verse number="1">Na kweethĩwa ĩtina wa maũndũ asu, mũnengani wa mbinyu wa mũsumbĩ wa Misili na mũui wake wa mĩkate mamwĩw’ĩthya woo, mwĩaĩi woo, mũsumbĩ wa Misili.</verse>
				<verse number="2">Na Valao amathilĩkĩla ala anene elĩ ma kwake, mũnene wa anengani ma mbinyu, na mũnene wa aui.</verse>
				<verse number="3">Nake amekĩa ũsũvĩonĩ nyũmbanĩ ya kavuteni wa nguthu ya asũvĩi, nthĩnĩ wa kolokolo, vala Yosevu wovewe.</verse>
				<verse number="4">Na kavuteni wa asũvĩi amwia Yosevu ĩũlũ wa asu, nake amathũkũma: nao mekala ũsũvĩonĩ ĩvinda.</verse>
				<verse number="5">Nao maota ndoto me elĩ, kĩla mũndũ ndoto yake, ũtukũ o ũmwe, kĩla mũndũ kwĩanana na ũalyũlo wa ndoto yake, mũnengani wa mbinyu na mũui wa mũsumbĩ wa Misili, ala mooviwe kolokolonĩ.</verse>
				<verse number="6">Na Yosevu athĩ vala maĩ kĩoko, na amona, na, sisya, maĩ na woo.</verse>
				<verse number="7">Nake akũlya anene ma kwa Valao ala maĩ vamwe nake ũsũvĩonĩ nyũmbanĩ ya vwana wake, akyasya, Nĩkĩ mũkwoneka mwĩ na woo ũmũnthĩ?</verse>
				<verse number="8">Na mamũsũngĩa, Nĩtũotie ndoto, na vai ũmwe ũtonya kũmĩalyũla. Na Yosevu amea, Moalyũlo ti ma Ngai? Nĩngũmwĩsũva, ndavyai syo.</verse>
				<verse number="9">Na mũnenganĩ mũnene wa mbinyu atavya Yosevu ndoto yake, na amwĩa, Ndotonĩ yakwa, sisya, mũsavivũ waĩ mbee wakwa;</verse>
				<verse number="10">na mũsavivũnĩ kwaĩ mbonge itatũ: naw’o wailyĩ ta ũũete wenze, na malaa maw’o malaũka; na ĩtũngo syaw’o syasyaa nzavivũ mbĩu:</verse>
				<verse number="11">na kĩkombe kya Valao kyaĩ kw’okonĩ kwakwa; nakwa noosa nzavivũ, navivĩĩa kĩkombenĩ kya Valao, nakwa nanengane kĩkombe kw’okonĩ kwa Valao.</verse>
				<verse number="12">Na Yosevu amwĩa, Ũalyũlo wayo nĩ ũũ: ila mbonge itatũ nĩ matukũ atatũ;</verse>
				<verse number="13">o ĩtina wa matukũ atatũ Valao akookĩlya mũtwe waku, na akakũtũnga wĩanĩ waku: naku ũkanengane kĩkombe kya Valao kw’okonĩ kwake, o tondũ weekaa mbee yĩla waĩ mũnengani wake wa mbinyu.</verse>
				<verse number="14">Ĩndĩ nĩngũkwĩsũva, ũkandilikane nyie yĩla kwaku kwĩĩthĩwa kũseo, ũkambĩke nesa, na ũingweta kwa Valao, na kũnumya nyũmbanĩ ĩno:</verse>
				<verse number="15">nũndũ nĩ w’o noyiwe kuma nthĩ ya Aevelania: o na kũũ ndyaaĩka ũndũ nĩ kana nĩkĩwe kasũmbanĩ ke nthĩnĩ wa nthĩ.</verse>
				<verse number="16">Mũui mũnene oona kana ũalyũlo waĩ mũseo, amwĩa Yosevu, Nakwa naĩ ndotonĩ yakwa, na sisya, ikavũ itatũ sya imũtũ nzaũ syĩĩ mũtwenĩ wakwa:</verse>
				<verse number="17">na kĩkavũnĩ kĩla kĩĩ ĩũlũ kĩĩ lĩu mũue wa mĩthemba yonthe kwondũ wa Valao; na nyũnyi syaĩĩa kĩkavũnĩ ĩũlũ wa mũtwe wakwa.</verse>
				<verse number="18">Na Yosevu asũngĩa na asya, Ũalyũlo wayo nĩ ũũ: ila ikavũ itatũ nĩ matukũ atatũ;</verse>
				<verse number="19">o ĩtina wa matukũ asu atatũ Valao akookĩlya mũtwe waku kuma kwaku, na akakũsũsya mũtĩnĩ; na nyũnyi ikaya nyama syaku mwĩĩnĩ waku.</verse>
				<verse number="20">Na kweethĩwa mũthenya wa katatũ, mũthenya ũla waĩ wa kũsyawa kwa Valao, amavokea athũkũmi make onthe mboka: na ookĩlya mũtwe wa mũnengani mũnene wa mbinyu na mũtwe wa mũui mũnene katĩ wa athũkũmi make.</verse>
				<verse number="21">Na atũnga mũnengani mũnene wa mbinyu wĩanĩ wake wa kũnengane mbinyu; nake anengane kĩkombe kw’okonĩ kwa Valao:</verse>
				<verse number="22">ĩndĩ asũsya mũui mũnene: o tondũ Yosevu wamaalyũlĩle.</verse>
				<verse number="23">Ĩndĩ mũnengani mũnene wa mbinyu ndaamũlilikana Yosevu, ĩndĩ oolwa nĩwe.</verse>
			</chapter>
			<chapter number="41">
				<verse number="1">Na kweethĩwa mũminũkĩlyo wa myaka ĩlĩ mĩima, Valao aota: na, sisya, aũngama ũtee wa ũsĩ.</verse>
				<verse number="2">Na, sisya, syambata kuma ũsĩnĩ ng’ombe nga mũonza, nzeo na nou; na syeeĩthya kĩtothyanĩ.</verse>
				<verse number="3">Na, sisya, ng’ombe nga ingĩ mũonza syambata ĩtina wasyo kuma ũsĩnĩ, ite nzeo na mosu, na syaũngama ũtee wa ng’ombe ila ingĩ ũtee wa ũsĩ.</verse>
				<verse number="4">Na ila ng’ombe ite nzeo na mosu syaya ila ng’ombe mũonza nzeo na nou. Na ĩndĩ Valao aamũka.</verse>
				<verse number="5">Na akoma na aota ĩngĩ ya kelĩ: na, sisya, iia mũonza sya nganũ syamea mũtĩnĩ ũmwe, nene na nzeo.</verse>
				<verse number="6">Na, sisya, ila mũonza ntheke, syũmanĩlĩtw’e nĩ kĩseve kyumĩte wumĩlonĩ wa syũa, syamea ĩtina wasyo.</verse>
				<verse number="7">Na iia ntheke syamelya ila iia mũonza nene na nima. Na Valao aamũka, na, sisya, yaĩ ndoto.</verse>
				<verse number="8">Na kweethĩwa kwakya veva wake nĩwaũũyaa; na atũmana eki onthe ma syama ma Misili, na andũ oĩ onthe mayo: na Valao amatavya ndoto yake; ĩndĩ kũtyaĩ ũmwe ũla waĩ atonya kũmũalyũlĩla Valao syo.</verse>
				<verse number="9">Na ĩndĩ ũla mũnengani mũnene wa mbinyu aneena na Valao, akĩmwĩa, Mũnthĩ ũũ nĩngũlilikana mavĩtyo makwa:</verse>
				<verse number="10">Valao amathilĩkĩle athũkũmi make, na ambĩkĩa ũsũvĩonĩ nyũmbanĩ ya kavuteni wa nguthu ya asũvĩi, nyie na mũui mũnene:</verse>
				<verse number="11">na twaota ndoto ũtukũ o ũmwe, nyie nake; twaota kĩla mũndũ o ta ũalyũlo wa ndoto yake.</verse>
				<verse number="12">Na vo vamwe naitũ vaĩ mwanake, Mũevelania, mũthũkũmi wa kavuteni wa nguthu ya asũvĩi; na twamũtavya, nake atũalyũlĩla ila ndoto sitũ; amũalyũlĩla kĩla mũndũ kwĩanana na ndoto yake.</verse>
				<verse number="13">Na kweethĩwa, o tondũ watũalyũlĩla, nĩw’o kweethĩiwe; nyie andũnga wĩanĩ wakwa, na ũsu amũsũsya.</verse>
				<verse number="14">Nĩvo Valao watũmanie amwĩta Yosevu, na mamũete na mĩtũkĩ kuma kasũmbanĩ ke nthĩnĩ wa nthĩ: nake eeyenza, na eekĩa ngũa ingĩ, na avota kwa Valao.</verse>
				<verse number="15">Na Valao amwĩa Yosevu, Nĩnĩotie ndoto, o na vai ũmwe ũla ũtonya kũmĩalyũla: nakwa nĩneew’a kũineenwa ũndũ waku, yĩla ũkwĩw’a ndoto nũtonya kũmĩalyũla.</verse>
				<verse number="16">Na Yosevu amũsũngĩa Valao, akĩmwĩa, Ti nthĩnĩ wakwa: Ngai akamũnenga Valao ũsũngĩo wa mũuo.</verse>
				<verse number="17">Na Valao amwĩa Yosevu, Ndotonĩ yakwa, sĩsya, naũngyĩ ũtee wa ũsĩ:</verse>
				<verse number="18">na, sisya, kwambata kuma ũsĩnĩ ng’ombe nga mũonza, nou na nzeo: na syeeĩthya kĩtothyanĩ:</verse>
				<verse number="19">na, sisya, ng’ombe nga ingĩ mũonza syambata ĩtina wasyo, mbonzu na ite nzeo nongi na mosu, o na kũthũka ndyaaona ta isu o na ĩndĩĩ, nthĩ yonthe ya Misili:</verse>
				<verse number="20">na ng’ombe ila mosu na ite nzeo syaya ila ng’ombe nou sya mbee:</verse>
				<verse number="21">na syamina kwiya, kũiaamanyĩka kana niĩte; ĩndĩ syeethĩwa ite nzeo, o ta mbee. Na ĩndĩ naamũka.</verse>
				<verse number="22">Na noona ndotonĩ yakwa, na, sisya, iia mũonza, syamea mũtĩnĩ ũmwe, nima na nzeo:</verse>
				<verse number="23">na, sisya, iia mũonza, mbovu, na ntheke, na syũmanĩlĩtw’e nĩ kĩseve kyumĩte wumĩlonĩ wa syũa, syamea ĩtina wasyo:</verse>
				<verse number="24">na iia ntheke syamelya iia mũonza nzeo: na ĩndĩ natavya eki ma syama; ĩndĩ kũtyaĩ ũmwe ũla waĩ atonya kũmanyĩthya.</verse>
				<verse number="25">Na Yosevu amwĩa Valao, Ndoto ya Valao nĩ ĩmwe: ũndũ Ngai ũkilĩlye kwĩka nĩwamanyĩthya Valao.</verse>
				<verse number="26">Ng’ombe mũonza nzeo nĩ myaka mũonza; na iia mũonza nzeo nĩ myaka mũonza: ndoto nĩ ĩmwe.</verse>
				<verse number="27">Na ng’ombe mũonza mosu na ite nzeo ila syambatie ĩtina wasyo nĩ myaka mũonza, nasyo iia mũonza nthei syũmanĩlĩtw’e nĩ kĩseve kyumĩte wumĩlonĩ wa syũa; isu ikeethĩwa myaka mũonza ya yũa.</verse>
				<verse number="28">Ũu nĩw’o ũndũ ũla namũtavya Valao: ũla Ngai ũkilĩlye kwĩka nĩwamwon’ya Valao.</verse>
				<verse number="29">Sisya, myaka mũonza nĩyũkĩte ya lĩu mwingĩ mũno katĩ wa nthĩ yonthe ya Misili:</verse>
				<verse number="30">na ĩtina wayo ĩkaumĩla myaka mũonza ya yũa; na lĩu mwingĩ w’onthe ũkoola nthĩ ya Misili; na yũa yĩkamina nthĩ;</verse>
				<verse number="31">na ũla lĩu mwingĩ ndũkamanyĩka nthĩ nũndũ wa yĩla yũa yĩatĩĩe; nũndũ yĩkeethĩwa yĩ ĩnene mũno.</verse>
				<verse number="32">Na nĩkwĩthĩwa ndoto ĩsu ĩmũkĩe Valao kelĩ, nĩ kwa kwĩthĩwa ũndũ ũsu ũlũlũmĩlwe nĩ Ngai, na Ngai akeanĩsya mĩtũkĩ.</verse>
				<verse number="33">Na ĩndĩ yuyu Valao namanthe mũndũ wĩ na kĩlĩko na ũĩ, na kũmwia ĩũlũ wa nthĩ ya Misili.</verse>
				<verse number="34">Valao nĩeke ũu, na ĩndĩ aie asyaĩĩsya ĩũlũ wa nthĩ, na kĩlungu kya katano kya nthĩ ya Misili kyoswe myakanĩ mũonza ya lĩu mwingĩ.</verse>
				<verse number="35">Na nĩmomban’ye lĩu w’onthe wa myaka ĩsu mĩseo ĩla yũkĩte, na maie nganũ kw’okonĩ kwa Valao kwondũ wa kya ũya kya i ndũa, nao mosũvĩe.</verse>
				<verse number="36">Na lĩu ũsu ũkeethĩwa wa kwĩanĩsya nthĩ ũndũ wa myaka mũonza ya yũa, ĩla ĩkethĩwa nthĩ ya Misili; nĩ kana nthĩ ndĩkanangĩke kwondũ wa yũa.</verse>
				<verse number="37">Na ũndũ ũsu Valao oona nĩ ũseo, na athũkũmi make onthe moona nĩ ũseo.</verse>
				<verse number="38">Na Valao akũlya athũkũmi make, Nĩtũtonya kũmwona ũmwe ũtilyĩ ũũ, mũndũ ũla wĩ na veva wa Ngai nthĩnĩ wake?</verse>
				<verse number="39">Na Valao amwĩa Yosevu, Nĩkwĩthĩwa Ngai nũkũmanyĩthĩtye ũu w’onthe, kũi ũmwe wĩ na kĩlĩko na ũĩ taku:</verse>
				<verse number="40">ũkeethĩwa wĩ ĩũlũ wa nyũmba yakwa, na kwĩanana na ndeto yaku nĩw’o andũ makwa onthe makeaĩwa: no kĩvĩlanĩ kya ũsumbĩ nĩĩthĩwa nĩ mũnene kwĩ we.</verse>
				<verse number="41">Na Valao amwĩa Yosevu, Sisya, nĩkwia ĩũlũ wa nthĩ yonthe ya Misili.</verse>
				<verse number="42">Na Valao aumya kyaanĩ kyake ngome yake ya ũvana ũsiĩlo, na amĩkĩa kyaanĩ kya Yosevu, na amwĩkĩa ngũa ya katane nzeo, na amwĩkĩa mũnyoo wa thaavu ngingo;</verse>
				<verse number="43">na amũtũlya ĩkasyanĩ ya kelĩ ĩla waĩ nayo; na maneena na wasya mũnene mbee wake, Tulyai ndu: na amwia ĩũlũ wa nthĩ yonthe ya Misili.</verse>
				<verse number="44">Na Valao amwĩa Yosevu, Ninyie Valao, naku ũte vo vai mũndũ nthĩ yonthe ya Misili ũla ũkokĩlya kw’oko kwake kana kũũ kwake.</verse>
				<verse number="45">Na Valao amwĩta Yosevu syĩtwa yake, Nzevenathivanea; na amũnenga Asenathi, mwĩĩtu wa Voti‐vela mũthembi wa Oni, ethĩwe mũka wake. Na Yosevu aumaala athi nthĩ yonthe ya Misili.</verse>
				<verse number="46">Na Yosevu aĩ wa myaka mĩongo ĩtatũ yĩla waũngamie mbee wa Valao mũsumbĩ wa Misili. Na Yosevu auma mbee wa Valao, na athi nthĩ yonthe ya Misili.</verse>
				<verse number="47">Na ĩla myakanĩ mũonza ya lĩu mwingĩ nthĩ yasyaa mbĩ syusĩe.</verse>
				<verse number="48">Nake oomban’ya lĩu w’onthe wa myaka ĩsu mũonza ĩla yaĩ nthĩ ya Misili, na aia lĩu ndũanĩ: lĩũ wa mĩũnda ĩla yathyũlũlũkĩte kĩla ndũa, aia nthĩnĩ wayo.</verse>
				<verse number="49">Na Yosevu aia lĩu wa mbaa ngetha ta kĩthangathĩ kya ũkanga, mwingĩ mũno, kũvika aeka ũtala; nũndũ ndwaĩ ũtalĩka.</verse>
				<verse number="50">Na Yosevu asyaĩwa ana elĩ mbee wa mwaka wa yũa ũtanoka, ala Asenathi, mwĩĩtu wa Voti‐vela mũthembi wa Oni, wamũsyaĩe.</verse>
				<verse number="51">Na Yosevu ayĩta ĩkithathi syĩtwa yayo Manase: asya, Nũndũ Ngai nũmbũlĩthĩtye thĩna wa wĩa wakwa w’onthe, na nyũmba yonthe ya nau.</verse>
				<verse number="52">Na ũla wa kelĩ amwĩta syĩtwa yake Evalaimu: Nũndũ Ngai ambingĩvĩsya nthĩ ya thĩna wakwa.</verse>
				<verse number="53">Na ĩla myaka mũonza ya lĩu mwingĩ, ĩla yaĩ nthĩ ya Misili, yathela.</verse>
				<verse number="54">Na myaka mũonza ya yũa yambĩlĩlya kũka, o tondũ Yosevu waisye: na kwaĩ yũa nthĩ syonthe; ĩndĩ nthĩ yonthe ya Misili kwaĩ lĩu.</verse>
				<verse number="55">Na yila nthĩ yonthe ya Misili yaĩ na nzaa nene, andũ mamwĩkaĩla Valao nũndũ wa lĩu: na Valao amea Amisili onthe, Endai kwa Yosevu; o ũndũ wĩmũtavya, wĩkei.</verse>
				<verse number="56">Na yũa yaĩ ĩũlũ wa nthĩ yonthe vyũ: na Yosevu avingũa makũmbĩ onthe, na amathooesya Amisili, na yũa yaĩ ĩnene nthĩ ya Misili.</verse>
				<verse number="57">Na nthĩ syonthe syooka Misili kwa Yosevu kũthooa nganũ, nũndũ yũa yaĩ ĩnene nthĩ yonthe.</verse>
			</chapter>
			<chapter number="42">
				<verse number="1">Na Yakovo oona kana kwĩ lĩu wa mbaa ngetha Misili, na Yakovo amea ana make, Nũndũ wa kĩ mũũsian’ya?</verse>
				<verse number="2">Na amea, Sisya, nĩnĩw’ĩte kana kwĩ lĩu wa mbaa ngetha Misili: theeai kw’o, mũkatũthooee kuma kũu; nĩ kana twĩkale thayũ, tũtikakw’e.</verse>
				<verse number="3">Na ana‐a‐ĩthe ĩkũmi ma Yosevu matheea mathooe lĩu Mĩsili.</verse>
				<verse number="4">Ĩndĩ Mbenyamini, mwana‐a‐ĩthe wa Yosevu, Yakovo ndaamũtũmanĩsya vamwe na ana‐a‐ĩthe; nũndũ aisye, Ndakese ũkwatwa nĩ ũndũ ũthũku.</verse>
				<verse number="5">Na ana ma Isilaeli mooka kũthooa vamwe na ala mookie: nũndũ yũa yaĩ nthĩ ya Kanaani.</verse>
				<verse number="6">Na Yosevu aĩ ngavana ĩũlũ wa nthĩ; nĩwe ũla wathooesye andũ onthe ma nthĩ. Na ana‐a‐ĩthe ma Yosevu mooka, na mamwĩkunamĩsya mothyũ moo melekele nthĩ.</verse>
				<verse number="7">Na Yosevu oona ana‐a‐ĩthe, na amamanya, ĩndĩ eeyĩkalya ta mũeni kwoo, na aneena nao na vinya; na amakũlya, Mwauma va? Na masũngĩa, Twauma nthĩ ya Kanaani nĩ kana tũthooe lĩu.</verse>
				<verse number="8">Na Yosevu amanya ana‐a‐ĩthe, ĩndĩ mo maiaamũmanya.</verse>
				<verse number="9">Na Yosevu alilikana ndoto ila waotie ũndũ woo, na amea, Mwĩ athiani inyw’ĩ; nĩmwooka kũsisya ũthei wa nthĩ.</verse>
				<verse number="10">Nao masũngĩa, Aiee, mwĩaĩi wakwa, ĩndĩ ithyĩ athũkũmi maku twoka kũthooa lĩu.</verse>
				<verse number="11">Ithyonthe twĩ ana ma mũndũ ũmwe; ithyĩ twĩ andũ ma w’o, athũkũmi maku ti athianĩ.</verse>
				<verse number="12">Na amea, Aiee, ĩndĩ nĩmwooka kũsisya ũthei wa nthĩ.</verse>
				<verse number="13">Nao masya, Ithyĩ athũkũmi maku twĩ ana‐a‐asa ĩkũmi na elĩ, ana ma mũndũ ũmwe nthĩ ya Kanaani; na, sisya, mũnthĩ ũũ ĩlumaita yĩ vamwe na asa waitũ, na ũmwe ti vo ũĩ.</verse>
				<verse number="14">Na Yosevu amea, Ũu nĩw’o naneena nenyu, ngĩmwĩa, Mwĩ athiani:</verse>
				<verse number="15">nĩmũũtatwa na ũndũ ũũ: kwa thayũ wa Valao inyw’ĩ mũikauma kũũ, ate o ĩlumaita yenyu yooka kũũ.</verse>
				<verse number="16">Tũmai ũmwe wenyu, na alatye mwana‐a‐ĩthe wenyu, nenyu mũkoovwa, nĩ kana ndeto syenyu itatwe, ethĩwa w’o nĩ vo ũĩ kwenyu: kana ethĩwa tĩ w’o, kwa thayũ wa Valao nĩw’o mwĩthĩwa athiani.</verse>
				<verse number="17">Na amekĩa onthe vamwe ũsũvĩonĩ matukũ atatũ.</verse>
				<verse number="18">Na mũthenya wa katatũ Yosevu amea, Ĩkai ũũ, na mũkĩkala thayũ; nĩkwĩthĩwa nyie nĩngũkĩa Ngai:</verse>
				<verse number="19">ethĩwa mwĩ andũ ma w’o, ũmwe wa ana‐a‐ĩthe menyu nĩovwe nyũmbanĩ yenyu vala mwovewe: ĩndĩ endaĩ, mũkue lĩu kwondũ wa yũa ya nyũmba syenyu:</verse>
				<verse number="20">na mũindetee ĩlumaita yenyu; na ĩndĩ ndeto syenyu ikamanyĩka kana nĩ sya w’o, nenyu mũikakw’a. Nao meeka ũu.</verse>
				<verse number="21">Na maneenan’ya ene kwa ene, Nĩ w’o twĩ avitan’ya ũndũ wa mwana‐a‐asa waitũ, nĩkwĩthĩwa nĩtwoonie thĩna wa ngoo yake, yĩla watwĩsũvie, o na tũtyaaĩthukĩĩsya; kwondũ wa ũu thĩna ũũ nĩwatũkwata.</verse>
				<verse number="22">Na Leuveni amasũngĩa, akyasya, Ndyaaneena nenyu, ngĩmwĩa, Mũikamwĩke mwana naĩ: o na mũtyaaĩthukĩĩsya? Na ĩngĩ, kwondũ wa ũu, sisya, nthakame yake nĩnĩkũandũwa.</verse>
				<verse number="23">Na maiaamanya kana Yosevu nĩwamew’a; nũndũ mũalyũli aĩ katĩ woo.</verse>
				<verse number="24">Na eethyũũa auma vala maĩ, na aĩa; na amasyokea, na aneena nao, na oosa Simeoni amumya katĩ woo, na amwova mene.</verse>
				<verse number="25">Na ĩndĩ Yosevu eeaa mĩio yoo yusũwe lĩu, na kĩla mũndũ natũngĩwe mbesa syake ĩkunianĩ yake, na kũnengwa kya ũya kya nzĩanĩ: na nĩw’o meekiwe.</verse>
				<verse number="26">Na maĩkya mang’oi moo mĩio yoo ya lĩu, na mauma kũu.</verse>
				<verse number="27">Na ũmwe woo akĩthasya ĩkunia yake anenge ĩng’oi yake lĩu vandũ vala maee, asyona mbesa syake; na, sisya, syaĩ kanyw’anĩ wa ĩkunia yake.</verse>
				<verse number="28">Na amea ana‐a‐ĩthe, Mbesa syakwa nĩnatũngĩwa; na, sisya, syĩ vo o ĩkunianĩ yakwa: na ngoo syoo syakw’a, na masian’ya na kũtetema, makyasya, Ũndũ ũũ nĩ ata Ngai ũtwĩkie?</verse>
				<verse number="29">Na mooka kwa Yakovo ĩthe woo nthĩ ya Kanaani, na mamũtavya ũvoo w’onthe ũla wamakĩtĩkĩe, makĩmwĩa,</verse>
				<verse number="30">Mũndũ ũsu, mwĩaĩi wa nthĩ ĩsu, aneenie naitũ na vinya, atwona twĩ athiani ma ĩ nthĩ.</verse>
				<verse number="31">Naitũ twamwĩa, Twĩ andũ ma w’o; tũi athiani:</verse>
				<verse number="32">twĩ ana‐a‐asa ĩkũmi na elĩ, ana ma asa waitũ; ũmwe ti vo ũĩ, na mũnthĩ ũũ ĩlumaita yĩ vamwe na asa waitũ nthĩ ya Kanaani.</verse>
				<verse number="33">Na ũla mũndũ, mwĩaĩi wa nthĩ ĩsu, atwĩa, Ngamanya kana mwĩ andũ ma w’o na nzĩa ĩno: tiai ũmwe wa ana‐a‐ĩthe menyu nakwa, na kuai lĩu kwondũ wa yũa ya nyũmba syenyu, na mũithi;</verse>
				<verse number="34">na mwĩndetee ĩlumaita yenyu: nĩvo nĩmanya kana mũi athiani, ĩndĩ mwĩ andũ ma w’o: na ĩndĩ ngamũnenga mwana‐a‐ĩthe wenyu, nenyu mũkatandĩthĩsya ĩ nthĩ.</verse>
				<verse number="35">Na kweethĩwa makĩtulũla makunia moo, sisya, kyove kya mbesa kya kĩla mũndũ kyaĩ nthĩnĩ wa ĩkunia yake: nao na ĩthe woo, yĩla moonie syove syoo sya mbesa, makĩa.</verse>
				<verse number="36">Na Yakovo ĩthe woo amea, Nĩnakw’ĩĩwe nĩ syana syakwa nũndũ wenyu: Yosevu nde vo, o na Simeoni nde vo, na Mbenyamini mũkamũtwaa: maũndũ aa onthe nĩmeũmbũkĩa.</verse>
				<verse number="37">Na Leuveni aneena na ĩthe, akĩmwĩa, Ũaa ana makwa elĩ ethĩwa ndimũete kwaku: nenga we kw’okonĩ kwakwa, nakwa ngamũete kwaku ĩngĩ.</verse>
				<verse number="38">Nake amea, Mwana wakwa ndakatheea nenyu; nũndũ mwana‐a‐inyia nĩ mũkw’ũ, nake atiele e weka: ethĩwa we akakwatwa nĩ ũndũ ũthũku nzĩanĩ ĩla mwĩendela, nĩvo mwĩtheesya mbũĩ syakwa na woo Seoli.</verse>
			</chapter>
			<chapter number="43">
				<verse number="1">Na yũa yaĩ ĩnene nthĩ.</verse>
				<verse number="2">Na kweethĩwa, yĩla maminie ũya lĩu ũla maumisye Misili, ĩthe woo amea, Syokai, mũkatũthooee lĩu mũnini.</verse>
				<verse number="3">Na Yuta aneena nake, akĩmwĩa, Ũla mũndũ nĩwatũkũsĩĩe mũno, akĩtwĩa, Mũikona ũthyũ wakwa, mwana‐a‐ĩthe wenyu ate vamwe nenyu.</verse>
				<verse number="4">Ethĩwa ũkamũtũma mwana‐a‐asa naitũ, tũkatheea kũkũthooea lĩu:</verse>
				<verse number="5">ĩndĩ ethĩwa ndũũmũtũma, tũikatheea; nũndũ ũla mũndũ nĩwatwĩie, Mũikona ũthyũ wakwa, mwana‐a‐ĩthe wenyu ate vamwe nenyu.</verse>
				<verse number="6">Na Isilaeli akũlya, Nĩkĩ mwambĩka ũthũku ta ũu, kũtavya mũndũ ũsu kana mwĩ na mwana‐a‐au ũngĩ?</verse>
				<verse number="7">Nao masũngĩa, Mũndũ ũsu atũkũlilye mũno ũvoo witũ, na ũvoo wa ũko witũ, akyasya, Au e o thayũ? Mwĩ na mwana‐a‐ĩthe ũngĩ? Naitũ twamũtavisye ũvoo kwĩanana na ndeto isu: twaĩ tũtonya kũmanya o na vanini kana akasya, Theeai na mwana‐a‐au?</verse>
				<verse number="8">Na Yuta amwĩa Isilaeli ĩthe wake, Tũma kĩmwana vamwe nakwa, naitũ tũkookĩla tũende; nĩ kana twĩkale thayũ, tũikakw’e, ithyĩ, o naku, na syana sitũ nini nasyo.</verse>
				<verse number="9">Ngeethĩwa nĩ mũĩkĩĩwa kwondũ wake; kw’okonĩ kwakwa ũkamũkũlya: ethĩwa ndimũete kwaku, na kũmwia mbee waku, nĩvo nĩĩthĩwa nĩkũvĩtanĩsye tene na tene:</verse>
				<verse number="10">nũndũ keka twĩkalangĩte, nĩ w’o twĩthĩwa yu tũsyokete ĩvinda ya kelĩ.</verse>
				<verse number="11">Na ĩthe woo Isilaeli amea, Ethĩwa nĩ ũu yu, ĩkai ũũ: osai mosyao ma nthĩ maseo mbee mĩionĩ yenyu, mũmũkuĩe ũla mũndũ mũthĩnzĩo, seli mũnini, na ũkĩ wa nzũkĩ mũnini, na mĩtĩ ĩnyungaa nesa na manemane, na mbĩndĩ sya mbatani, na malosi:</verse>
				<verse number="12">na mũitwaa mbesa kũndũ kwĩlĩ kw’okonĩ kwenyu; na mbesa ila syatũngĩiwe makanyw’anĩ ma makunia menyu mũkue ĩngĩ kw’okonĩ kwenyu; nokwĩthĩwa waĩ ĩvĩtyo:</verse>
				<verse number="13">na ĩngĩ mwosei mwana‐a‐au nake, na ũkĩlai, mũsyokee ũla mũndũ:</verse>
				<verse number="14">na Ngai Mwene Vinya W’onthe namwĩw’ĩe tei kwa ũla mũndũ, nĩ kana amũthaĩsye mwana‐a‐ĩthe wenyu ũla ũngĩ na Mbenyamini. Na ethĩwa ngakw’ĩĩwa nĩ syana syakwa, nĩnakw’ĩĩwa.</verse>
				<verse number="15">Na ala andũ moosa mũthĩnzĩo ũsu, na moosa mbesa kũndũ kwĩlĩ kw’okonĩ kwoo, na Mbenyamini; na mookĩla, na matheea Misili, na maũngama mbee wa Yosevu.</verse>
				<verse number="16">Na Yosevu amwona Mbenyamini e vamwe nao, amwĩa mũsyaĩĩsya wa nyũmba yake, Ete andũ asu nyũmbanĩ, noithĩnza, na kũseũvya; nũndũ andũ asu nĩmeũya vamwe nakwa syũa yaũngama.</verse>
				<verse number="17">Na ũla mũndũ eeka o ũndũ Yosevu wamwĩaĩe; na mũndũ ũsu aete ala andũ nyũmbanĩ ya Yosevu.</verse>
				<verse number="18">Na andũ asu meew’a w’ĩa, nũndũ maetiwe nyũmbanĩ ya Yosevu; na masya, Nũndũ wa mbesa ila syatũngĩiwe makunianĩ maitũ ĩvinda ya mbee nĩtwaetwe nthĩnĩ; nĩ kana amanthe ũndũ wa ũtwilĩĩla, na kũtũvalũkĩla, atũthũkũmĩthye ithyĩ, na mang’oi maitũ.</verse>
				<verse number="19">Na mamũthengeea mũsyaĩĩsya wa nyũmba ya Yosevu, na maneena nake me mũomonĩ wa nyũmba,</verse>
				<verse number="20">na mamwĩa, Atĩ, mwĩaĩi wakwa, nĩ w’o nĩtwatheeie ĩvinda ya mbee kũthooa lĩu:</verse>
				<verse number="21">na kweethĩwa, twavika vandũ vala twaee, twathasya makunia maitũ, na, sisya, mbesa sya kĩla mũndũ syaĩ kanyw’anĩ wa ĩkunia yake, mbesa sitũ ũito wasyo wĩanĩe: naitũ nĩtwaitũnga na moko maitũ.</verse>
				<verse number="22">Na mbesa ingĩ twaete na moko maitũ tũthooe lĩu: tũyĩsĩ nũũ wekĩie mbesa sitũ makunianĩ maitũ.</verse>
				<verse number="23">Na amasũngĩa, Mũuo wĩthĩwe kwenyu, mũikakĩe: Ngai wenyu, na Ngai wa ĩthe wenyu, nĩwamũnengie ũthwii makunianĩ menyu: nyie naĩ na mbesa syenyu. Na amaumĩlĩlya Simeoni.</verse>
				<verse number="24">Na ũla mũndũ aete andũ asu nyũmbanĩ ya Yosevu, na amanenga manzĩ, na mathambya maũũ moo; na anenga mang’oi moo lĩu.</verse>
				<verse number="25">Na ũla mũthĩnzĩo maia wũmbanĩtw’e Yosevu akyũka syũa yaũngama: nũndũ nĩmeewie kana nĩmeũya lĩu kw’o.</verse>
				<verse number="26">Na Yosevu enũka, mamũetee mũthĩnzĩo nyũmbanĩ ũla waĩ mokonĩ moo, na mamwĩkunamĩsya nthĩ.</verse>
				<verse number="27">Na amakũlya ũvoo woo, na asya, Ĩthe wenyu no mũvoo, ũla mũtumĩa mwaneenie ũndũ wake? E thayũ o na yu?</verse>
				<verse number="28">Na mamũsũngĩa, Mũthũkũmi waku asa waitũ no mũvoo, e thayũ o na yu. Na makunamya mĩtwe yoo, na meekunamya kũvika nthĩ.</verse>
				<verse number="29">Nake ookĩlya metho make, na oona mwana‐a‐inyia Mbenyamini, ũla wasyaanĩw’e nake, na akũlya, Yĩĩ nĩ ĩlumaita yenyu, yĩla mwaneenie nakwa ũndũ wayo? Na ayĩa, Ngai nakwĩke nesa, mwana wakwa.</verse>
				<verse number="30">Na Yosevu eekalaata; nũndũ ngoo yake yaĩ na mea ma mwana‐a‐inyia: na amantha vandũ va kũĩĩa; na alika kasũmbanĩ kake, aĩĩa vo.</verse>
				<verse number="31">Na athamba ũthyũ, na aumaala; na eeyũmĩĩsya, na asya. Iai lĩu mesanĩ.</verse>
				<verse number="32">Na maia kwondũ wake weka, na kwondũ woo me oka, na kwondũ wa Amisili, ala maĩsaa vamwe nake, me oka: nĩkwĩthĩwa Amisili matitonya kũya lĩu vamwe na Aevelania; nũndũ ũu nĩ ũthatyo kwa Amisili.</verse>
				<verse number="33">Na mekala mbee wake, ĩkithathi kwĩanana na ũkithathi wayo, na ĩlumaita kwĩanana na ũlumaita wayo: na ala andũ maseng’a ene kwa ene.</verse>
				<verse number="34">Na matwaĩwa lĩu kuma mbee wake: ĩndĩ lĩu wa Mbenyamini waĩ mwingĩ kũndũ kũtano kwĩ lĩu w’onthe wa ũmwe. Na manyw’a, na matana vamwe nake.</verse>
			</chapter>
			<chapter number="44">
				<verse number="1">Na amwĩaĩa mũsyaĩĩsya wa nyũmba yake, akĩmwĩa, Usũsya makunia ma andũ lĩu, o ũndũ matonya ũkua, noyĩkĩa mbesa sya kĩla mũndũ kanyw’anĩ wa ĩkunia yake.</verse>
				<verse number="2">Na kĩkombe kyakwa, kĩla kĩkombe kya vetha, ĩkĩa kanyw’anĩ wa ĩkunia ya ĩlumaita, o na mbesa syake sya lĩu. Nake eeka kwĩanana na ndeto ĩla Yosevu waneenete.</verse>
				<verse number="3">Na kĩoko kũikya, ala andũ maekwa mathi, mo na mang’oi moo.</verse>
				<verse number="4">Nao meethĩwa mauma ndũanĩ, o na matanaendeea mũno, Yosevu amwĩa mũsyaĩĩsya wa nyũmba yake, Ũkĩla, atĩĩa andũ asu; na wamawĩla, makũlye, Mwatũnga ũthũku vandũ va ũseo nĩkĩ?</verse>
				<verse number="5">Kyu tikyo kĩla mwĩaĩi wakwa ũnyusaa nakyo, o na tikyo wathanaa nakyo? Nĩmwĩkie naĩ mweeka ũu.</verse>
				<verse number="6">Na amawĩla amatavya ndeto isu.</verse>
				<verse number="7">Nao mamwĩa, Mwĩaĩi wakwa eneena ndeto ta isu nĩkĩ? Kwĩthĩwe kũasa na athũkũmi maku kwĩka ũndũ ta ũsu.</verse>
				<verse number="8">Sisya, mbesa, ila tweethĩie makanyw’anĩ ma makunia maitũ, nĩtwatũngie kwaku kuma nthĩ ya Kanaani: twĩũya ata ĩndĩ vetha kana thaavu kuma nyũmbanĩ ya mwĩaĩi waku?</verse>
				<verse number="9">O na wĩva wa athũkũmi maku ũla ũkwoneka e nakyo, nakw’e, o naitũ tũkeethĩwa twĩ ngombo sya mwĩaĩi wakwa.</verse>
				<verse number="10">Nake asya, Yu nĩkwĩthĩwe o kwĩanana na ndeto syenyu: we ũla ũnũkwoneka e nakyo akeethĩwa ngombo yakwa; nenyu mũkeethĩwa mũte na ĩvĩtyo.</verse>
				<verse number="11">Na ĩndĩ meekalaata, na maũa kĩla mũndũ ĩkunia yake nthĩ, mathasya kĩla mũndũ ĩkunia yake.</verse>
				<verse number="12">Nake amantha, ambĩlĩlya kwa ũla mũkũũ, o na kũminĩa kwa ũla mũnini: na kĩla kĩkombe kyooneka ĩkunianĩ ya Mbenyamini.</verse>
				<verse number="13">Na ĩndĩ matembũa ngũa syoo, na maĩkya kĩla mũndũ ĩng’oi yake mũio, na masyoka ndũanĩ.</verse>
				<verse number="14">Na Yuta na ana‐a‐ĩthe mavika nyũmbanĩ ya Yosevu; nake aĩ o vo: nao mavalũka nthĩ mbee wake.</verse>
				<verse number="15">Na Yosevu amea, Ũndũ ũũ nata mwĩkie? Mũyĩsĩ kana mũndũ takwa nũtonya kwathana ki?</verse>
				<verse number="16">Na Yuta akũlya, Tũmwĩe mwĩaĩi wakwa ata? Tũneene ata? O na twĩtw’ĩe ũlũngalu ata? Ngai nĩwonete ũthũku wa athũkũmi maku: sisya, twĩ ngombo sya mwĩaĩi wakwa, ithyĩ, ona ũsu nake ũla kĩkombe kyonekie kw’okonĩ kwake.</verse>
				<verse number="17">Nake asũngĩa, Kwĩthĩwe kũasa nakwa kwĩka ũndũ ta ũsu: mũndũ ũla kĩkombe kyonekie kw’okonĩ kwake, ũsu akeethĩwa ngombo yakwa; ĩndĩ inyw’ĩ ambatai na mũuo kwa ĩthe wenyu.</verse>
				<verse number="18">Na nĩvo ĩndĩ Yuta wamũthengeeie, na amwĩa, Ame, mwĩaĩi wakwa, nĩngũkwĩsũva, eka mũthũkũmi waku aneene ndeto ĩmwe matũnĩ ma mwĩaĩi wakwa, na ũthatũ waku ndũkakanĩe mũthũkũmi waku; nũndũ we wĩ o ta Valao.</verse>
				<verse number="19">Mwĩaĩi wakwa akũlilye athũkũmi make, akyasya, Mwi na au, kana mwana‐a‐au?</verse>
				<verse number="20">Naitũ twamwĩa mwĩaĩi wakwa, Twĩ na asa, mũtumĩa mũkũũ, na mwana wa ũkũũ wake, mũnini; na mwana‐a‐inyia wake nĩ mũkw’ũ, nake atiele e weka wa inyia wake; na ĩthe wake nũmwendete.</verse>
				<verse number="21">Naku watavisye ithyĩ athũkũmi maku, Mwĩmũtheesya kwakwa nĩmwone na metho.</verse>
				<verse number="22">Na twamwĩa mwĩaĩi wakwa, Kĩmwana kĩitonya kũtia ĩthe: nũndũ ethĩwa kĩkatia ĩthe, ĩthe akakw’a.</verse>
				<verse number="23">Naku wamatavya athũkũmi maku, Ate o ĩlumaita yenyu kũtheea vamwe nenyu, mũikambona ũthyũ ĩngĩ.</verse>
				<verse number="24">Na kweethĩwa twambata kwa nau mũthũkũmi waku, twamũtavya ndeto sya mwĩaĩi wakwa.</verse>
				<verse number="25">Na asa waitũ asya, Syokai, mũkatũthooee lĩu mũnini.</verse>
				<verse number="26">Na twasũngĩa, Tũitonya kũtheea: ethĩwa ĩlumaita yĩ vamwe naitũ, nĩvo tũũtheea; nũndũ tũitonya kwona ũthyũ wa ũla mũndũ, ate o ĩlumaita yĩ vamwe naitũ.</verse>
				<verse number="27">Na mũthũkũmi waku, asa wakwa, atwĩa, Nĩmwĩsĩ kana mũka wakwa nĩwanzyaĩe ana elĩ:</verse>
				<verse number="28">na ũmwe wauma kwakwa, na nasya, Nĩ w’o atilangĩtwe ilungu; o na kuma ĩvinda yĩu ndyaamwona:</verse>
				<verse number="29">na ethĩwa ũsu nake mũkamumya kwakwa, na ũthũku ũkamũkwata, mũkatheesya mbuĩ syakwa Seoli na woo.</verse>
				<verse number="30">Na yu ĩndĩ navika kwa mũthũkũmi waku, ĩthe wakwa, na kĩmwana kĩte vamwe naitũ; nĩkwĩthĩwa thayũ wake nĩwovanĩte na thayũ wa kĩmwana;</verse>
				<verse number="31">kũkeethĩwa, oona kana kĩmwana kĩti vamwe naitũ, akakw’a: na athũkũmi maku makatheesya mbuĩ sya mũthũkũmi waku, asa waitũ, Seoli na woo.</verse>
				<verse number="32">Nũndũ mũthũkũmi waku nĩwetwie mũĩkĩĩwa kwa ĩthe wakwa kwondũ wa kĩmwana, ngĩmwĩa, Ethĩwa ndimũete kwaku, nĩvo nĩĩthĩwa nĩvĩtanĩsye nau tene na tene.</verse>
				<verse number="33">Na yu ĩndĩ, nĩngũkwĩsũva, eka mũthũkũmi waku ekale ngombo kwa mwĩaĩi wakwa vandũ va kĩmwana; na eka kĩmwana kyambate vamwe na ana‐a‐ĩthe makyo.</verse>
				<verse number="34">Nũndũ ngatonya ata kwambata kwa ĩthe wakwa, ethĩwa kĩmwana kĩti vamwe nakwa? Ndikese kwona ũthũku ũla wĩmũkwata asa wakwa.</verse>
			</chapter>
			<chapter number="45">
				<verse number="1">Na ĩndĩ Yosevu ndaatonya kwĩyũmĩĩsya mbee wa onthe ala maũngamĩte nake; na aneena na wasya mũnene, Umaalyai kĩla mũndũ aume vaa nĩĩ. O na vaiaaũngama mũndũ vamwe nake, Yosevu akĩĩmanyĩthya kwa ana‐a‐ĩthe.</verse>
				<verse number="2">Na aĩa na wasya mũnene: na Amisili meew’a, na ala ma nyũmba ya Valao meew’a.</verse>
				<verse number="3">Na Yosevu amea ana‐a‐ĩthe make, Ninyie Yosevu; nau e o thayũ? Na ana‐a‐ĩthe maiaatonya kũmũsũngĩa; nũndũ maĩ na kĩũũyũ mbee wake.</verse>
				<verse number="4">Na Yosevu amea ana‐a‐ĩthe, Nĩngũmwĩsũva, thengeeaĩ vakuvĩ nakwa. Na mathengeea. Na asya, Ninyie Yosevu mwana‐a‐ĩthe wenyu, ũla mwathooisye Misili.</verse>
				<verse number="5">Na yu ĩndĩ mũikew’e woo, o na mũikethatĩe ene, nũndũ mwanthooisye kũũ: nĩkwĩthĩwa Ngai nĩwandũmie mbee wenyu kũtangĩĩa thayũ.</verse>
				<verse number="6">Nũndũ myaka ĩno ĩlĩ kũnaĩ yũa nthĩ: na vatiele myaka ĩtano, ĩla nthĩnĩ wayo kũtakethĩwa kwĩnza kana kũketha.</verse>
				<verse number="7">Na Ngai nĩwandũmie mbee wenyu kũmwiĩa ũtialo kũũ nthĩ, na kũmwovosya na wovosyo mũnene mwĩthĩwe thayũ.</verse>
				<verse number="8">Na yu ĩndĩ ti inyw’ĩ mwandũmie kũũ, ĩndĩ nĩ Ngai: na andwie ĩthe wa Valao, na mwĩaĩi wa onthe ma nyũmba yake, na mũsumbĩki ĩũlũ wa nthĩ yonthe ya Misili.</verse>
				<verse number="9">Ĩkalaatei, mwambate kwa nau, mũmwĩe, Yosevu mwana waku asya ũũ, Ngai nĩwandwie mwĩaĩi wa Misili yonthe: theea kwakwa, ndũkekalange;</verse>
				<verse number="10">na ũkatũa nthĩ ya Ngoseni, na ũkeethĩwa wĩ vakuvĩ nakwa, we, na ana maku, na esũkũũu, na ndĩthya syaku sya mbũi na malondu, na ndĩthya syaku sya ng’ombe, na syonthe ila wĩ nasyo:</verse>
				<verse number="11">na vau ngakũĩthĩsya; ndũkese kwĩthĩwa na ũkya, we, na andũ ma nyũmba yaku, na syonthe ila wĩ nasyo; nũndũ vatiele myaka ĩtano ya yũa.</verse>
				<verse number="12">Na, sisya, metho menyu nĩmekwona, na metho ma mwanaa‐mwaitũ Mbenyamini, kana nĩ kanyw’a wakwa ũũneena nenyu.</verse>
				<verse number="13">Na mũkatavya nau ũvoo wa ndaĩa yakwa yonthe kũũ Misili, na ũvoo wa onthe ala mwonete: nenyu mũkekalaate kũmũtheesya nau kũũ.</verse>
				<verse number="14">Na amũvalũkĩla ngingo mwana‐a‐inyia Mbenyamini, na aĩa; na Mbenyamini amũĩĩa ngingonĩ.</verse>
				<verse number="15">Na amamumunya ana‐a‐ĩthe make onthe, amaĩĩa: na ĩtina wa ũu ana‐a‐ĩthe make maneenan’ya nake.</verse>
				<verse number="16">Na ũvoo ũsu nĩweew’ĩkie nyũmbanĩ ya Valao, kũineenwa, Ana‐a‐ĩthe ma Yosevu nĩmooka: na Valao endeew’a mũno, o na athũkũmi make.</verse>
				<verse number="17">Na Valao amwĩa Yosevu, Tavya ana‐a‐au, Ĩkai ũũ: aĩkyai nyamũ syenyu mĩio, na endai, mũthi nthĩ ya Kanaani;</verse>
				<verse number="18">na mũiosa ĩthe wenyu na andũ ma nyũmba syenyu, na mũimbũkĩa: nakwa ngamũnenga ũseo wa nthĩ ya Misili, na mũkaya ũnou wa nthĩ.</verse>
				<verse number="19">Na ĩndĩ nĩweeaĩwa, ĩkai ũũ: mumye makasya nthĩ ya Misili, kwondũ wa syana syenyu nini, na kwondũ wa aka menyu, na mũkamũete au, na mũyũka.</verse>
				<verse number="20">O na mũikaketeee syĩndũ syenyu; nũndũ ũseo wa nthĩ yonthe ya Misili nĩ wenyu.</verse>
				<verse number="21">Na ana ma Isilaeli meeka o ta ũu: na Yosevu amanenga makasya, kwĩanana na mwĩao wa Valao, na amanenga lĩu wa nzĩanĩ.</verse>
				<verse number="22">Nao onthe anenga kĩla mũndũ ngũa sya ũkũan’ya; ĩndĩ Mbenyamini amũnenga ilungu maana atatũ sya vetha, na ngũa sya ũkũan’ya katano.</verse>
				<verse number="23">Na atwaĩa ĩthe ta ũũ: mang’oi ĩkũmi makuĩthĩtw’e syĩndũ nzeo sya Misili, na mang’oi maka ĩkũmi makuĩthĩtw’e lĩu wa mbaa ngetha na imũtũ na kya ũya kya ithe kya nzĩanĩ.</verse>
				<verse number="24">Na ĩndĩ amea ana‐a‐ĩthe mathi, na makũsya: na amea, Sisyai mũikatetan’ye mwĩ nzĩanĩ.</verse>
				<verse number="25">Na mambata kuma Misili, na malika nthĩ ya Kanaani kwa Yakovo ĩthe woo.</verse>
				<verse number="26">Na mamũtavya, makyasya, Yosevu e o thayũ, nake nĩ mũsumbĩki ĩũlũ wa nthĩ yonthe ya Misili. Na ngoo yake yakw’a, nũndũ ndaametĩkĩla.</verse>
				<verse number="27">Na mamũtavya ndeto syonthe sya Yosevu, ila wamatavĩtye: na yĩla wonie makasya ala maetetwe nĩ Yosevu sya kũmũkua, veva wa Yakovo ĩthe woo wavuũka:</verse>
				<verse number="28">na Isilaeli asya, Nũũ; Yosevu mwana wakwa e o thayũ: ngaenda ngamwone ndanakw’a.</verse>
			</chapter>
			<chapter number="46">
				<verse number="1">Na Isilaeli aenda kyalo na syonthe ila waĩ nasyo, na avika Mbeeli‐sieva, na athembea Ngai wa ĩthe wake Isaka nthembo.</verse>
				<verse number="2">Na Ngai aneena na Isilaeli mawoninĩ ma ũtukũ, na amwĩa, Yakovo, Yakovo. Nake asũngĩa, Nĩ vaa.</verse>
				<verse number="3">Na amwĩa, Ninyie Ngai, Ngai wa ĩthe waku: ndũkakĩe kũtheea Misili; nĩkwĩthĩwa nyie ngakũtw’ĩkĩthĩsya mbaĩ nene kũu:</verse>
				<verse number="4">nyie ngatheea vamwe naku kũvika Misili; nakwa vate ndĩi ngakwambatya ĩngĩ: na Yosevu akailĩĩla kw’oko kwake methonĩ maku.</verse>
				<verse number="5">Na Yakovo ookĩla auma Mbeeli‐sieva: na ana ma Isilaeli makua Yakovo ĩthe woo na makasya ala Valao waetie mamũkue, e na syana syoo nini, na aka moo.</verse>
				<verse number="6">Na moosa indo syoo, na ũthwii woo, ũla moosie nthĩ ya Kanaani, na mavika Misili, Yakovo, na ũsyao wake w’onthe vamwe nake:</verse>
				<verse number="7">ana make, na esũkũũe, vamwe nake, na eĩtu make, na esũkũũe make eĩtu, na ũsyao wake w’onthe athi vamwe naw’o kũvika Misili.</verse>
				<verse number="8">Na aa nĩo masyĩtwa ma ana ma Isilaeli, ala mookie Misili, Yakovo na ana make: Leuveni, ĩkithathi ya Yakovo.</verse>
				<verse number="9">Na ana ma Leuveni: Anoki, na Valu, na Esiloni, na Kalimi.</verse>
				<verse number="10">Na ana ma Simeoni: Yemueli, na Yamini, na Oati, na Yakini, na Nzooali, na Sauli mwana wa mũndũ mũka Mũkanaani.</verse>
				<verse number="11">Na ana ma Livai: Ngelisoni, na Koathi, na Melali.</verse>
				<verse number="12">Na ana ma Yuta: Eeli, na Onani, na Siela, na Velesi, na Nzela; ĩndĩ Eeli na Onani nĩmakw’ĩĩe nthĩ ya Kanaani. Na ana ma Velesi maĩ Esiloni na Amuli.</verse>
				<verse number="13">Na ana ma Isakali: Tola, na Vuva, na Yovu, na Similoni.</verse>
				<verse number="14">Na ana ma Nzevuluni: Seletu, na Eloni, na Yaleeli.</verse>
				<verse number="15">Aa nĩo ana ma Lea, ala wamũsyaĩe Yakovo Vatani‐alamu, vamwe na mwĩĩtu wake Ndina: syuu syonthe sya ana make na eĩtu make syaĩ mĩongo ĩtatũ na itatũ.</verse>
				<verse number="16">Na ana ma Ngati: Nzivioni, na Aki, na Suni, na Esevoni, na Eeli, na Aloti, na Aleli.</verse>
				<verse number="17">Na ana ma Aseli: Imina, na Isiva, na Isivi, na Mbelia, na Selaa mwĩĩtu‐wa‐inyia woo; na ana ma Mbelia: Eeveli, na Malikieli.</verse>
				<verse number="18">Aa nĩo ana ma Ngiliva, ũla Lavani wamũnengie Lea mwĩĩtu wake; na amũsyaĩa Yakovo asu, syuu ikũmi na thanthatũ.</verse>
				<verse number="19">Ana ma Lakeli mũka wa Yakovo: Yosevu na Mbenyamini.</verse>
				<verse number="20">Na nthĩ ya Misili Yosevu asyaĩwe Manase na Evalaimu, ala Asenathi, mwĩĩtu wa Voti‐vela mũthembi wa Oni, wamũsyaĩe.</verse>
				<verse number="21">Na ana ma Mbenyamini: Mbela, na Mbekeli, na Asiveli, na Ngela, na Naamani, na Ei, na Losi, na Muvimu, na Uvimu, na Aliti.</verse>
				<verse number="22">Aa nĩo ana ma Lakeli, ala masyaĩwe Yakovo: syuu syonthe syaĩ ĩkũmi na inya.</verse>
				<verse number="23">Na ana ma Ndani: Usimu.</verse>
				<verse number="24">Na ana ma Navitali: Yaseeli, na Nguni, na Yeseli, na Silemu.</verse>
				<verse number="25">Aa nĩo ana ma Mbila, ũla Lavani wamũnengie Lakeli mwĩĩtu wake, na aa nĩo wamũsyaĩe Yakovo: syuu syonthe syaĩ mũonza.</verse>
				<verse number="26">Syuu syonthe ila syookie Misili vamwe na Yakovo, ila syaumie kĩnyunyuni kyake, eka aka ma ana ma Yakovo, syuu syonthe syaĩ mĩongo thanthatũ na thanthatũ;</verse>
				<verse number="27">na ana ma Yosevu, ala wasyaĩwe Misili, syaĩ syuu ilĩ: syuu syonthe sya nyũmba ya Yakovo, ala malikile Misili, syaĩ mĩongo mũonza.</verse>
				<verse number="28">Na atũma Yuta mbee wake kwa Yosevu, amũtongoesye kũvika Ngoseni; na mavika nthĩ ya Ngoseni.</verse>
				<verse number="29">Na Yosevu aseũvya ĩkasya yake ya kĩũsumbĩ, na ambata amũthaũe Isilaeli ĩthe wake, kũvika Ngoseni; na eeyonan’ya kwake, na amũvalũkĩla ngingo, na aĩĩa ngingonĩ yake ĩvinda ĩasa.</verse>
				<verse number="30">Na Isilaeli amwĩa Yosevu, Yu ĩndĩ nĩkw’e, nĩkwĩthĩwa nĩnakwona ũthyũ waku, kana wĩ o thayũ.</verse>
				<verse number="31">Na Yosevu amea ana‐a‐ĩthe, na andũ ma nyũmba ya ĩthe, Nyie nĩngwambata, nĩmũtavye Valao, nĩmwĩe, Ana‐a‐asa makwa, na andũ ma nyũmba ya asa, ala maĩ nthĩ ya Kanaani, nĩmambũkĩe;</verse>
				<verse number="32">na andũ asu nĩ aĩthi, nĩkwĩthĩwa wĩa woo waĩ kũĩthya; na nĩmaetie ndĩthya syoo sya mbũi na malondu na ndĩthya syoo sya ng’ombe, na syonthe ila me nasyo.</verse>
				<verse number="33">Na kũkeethĩwa, yĩla Valao wĩmwĩta, na kũkũlya, Wĩa wenyu nĩ mwaũ?</verse>
				<verse number="34">Inyw’ĩ mwĩasya, Athũkũmi maku nĩ aĩthi kuma wana witũ kũvika o na yu, ithyĩ, o na aasa maitũ: nĩ kana mwĩkale nthĩ ya Ngoseni; nũndũ kĩla mũĩthi nĩ ũthatyo kwa Amisili.</verse>
			</chapter>
			<chapter number="47">
				<verse number="1">Na ĩndĩ Yosevu alika na atavya Valao, na amwĩa, Nau na ana‐a‐asa, na ndĩthya syoo sya mbũi na malondu, na ndĩthya syoo sya ng’ombe, na syonthe ila me nasyo, nĩmaumĩte nthĩ ya Kanaani; na, sisya, me nthĩ ya Ngoseni.</verse>
				<verse number="2">Na oosa andũ atano kuma katĩ wa ana‐a‐ĩthe make, amonan’ya kwa Valao.</verse>
				<verse number="3">Na Valao akũlya ana‐a‐ĩthe make, Wĩa wenyu nĩ mwaũ? Na mamwĩa Valao, Athũkũmi maku nĩ aĩthi, ithyĩ, o na aasa maitũ.</verse>
				<verse number="4">Na mamwĩa Valao, Tũkĩte kwĩkala ũeni nthĩ; nĩkwĩthĩwa vati ũĩthyo wa ndĩthya sya mbũi na malondu sya athũkũmi maku; nũndũ yũa nĩ ĩnene nthĩ ya Kanaani: na yu ĩndĩ, nĩtũũkũvoya, athũkũmi maku matũe nthĩ ya Ngoseni.</verse>
				<verse number="5">Na Valao aneena na Yosevu, akĩmwĩa, Au na ana‐a‐au nĩmakũkĩe;</verse>
				<verse number="6">nthĩ ya Misili yĩ mbee waku; tũsya au na ana‐a‐au nthĩ ĩla nzeo mbee: nĩmatũe nthĩ ya Ngoseni: na ethĩwa nĩwĩsĩ andũ amwe me ũtonyi katĩ woo, matw’e ĩndĩ anene ĩũlũ wa indo syakwa.</verse>
				<verse number="7">Na Yosevu aete Yakovo ĩthe wake nthĩnĩ, na amwia mbee wa Valao: na Yakovo amũathima Valao.</verse>
				<verse number="8">Na Valao akũlya Yakovo, Nĩ meana ata matukũ ma myaka ya thayũ waku?</verse>
				<verse number="9">Na Yakovo asũngĩa Valao, Matukũ ma myaka ya ũeni wakwa nĩ myaka ĩana na mĩongo ĩtatũ: matukũ ma myaka ya thayũ wakwa meethĩwe mavũthũ na mathũku, o na matyaaĩanĩa matukũ ma myaka ya thayũ wa aasa makwa matukũnĩ ma kwĩkala ũeni kwoo.</verse>
				<verse number="10">Na Yakovo amũathima Valao, na auma vala ve Valao.</verse>
				<verse number="11">Na Yosevu amekalya ĩthe na ana‐a‐ĩthe make, na amanenga wĩkalo nthĩ ya Misili, katĩ wa nthĩ ĩla nzeo mbee, nthĩ ya Lamesesi, o tondũ Valao weaie.</verse>
				<verse number="12">Na Yosevu aĩthya ĩthe, na ana‐a‐ĩthe, na andũ onthe ma ĩthe wake na lĩu, kwĩanana na mĩvĩa yoo.</verse>
				<verse number="13">Na kũtyaĩ lĩu nthĩ ĩsu yonthe; nũndũ yũa yaĩ ĩnene mũno, o na nthĩ ya Misili na nthĩ ya Kanaani nĩsyanyalĩte kwondũ wa yũa.</verse>
				<verse number="14">Na Yosevu oomban’ya mbesa syonthe ila syoonekie nthĩ ya Misili, na nthĩ ya Kanaani, kwondũ wa lĩu wa mbaa ngetha ũla mathooie: na Yosevu atwaa ila mbesa nyũmbanĩ ya Valao,</verse>
				<verse number="15">Na yĩla mbesa syonthe syathelile nthĩ ya Misili, na nthĩ ya Kanaani, Amisili onthe mamũkĩa Yosevu, na mamwĩa, Tũnenge lĩu: tũkw’e wene nĩkĩ? Nũndũ mbesa sitũ nĩ nthelu.</verse>
				<verse number="16">Na Yosevu amea, Umyai indo syenyu: nakwa ngamũnenga kwondũ wa indo syenyu, ethĩwa mbesa nĩ nthelu.</verse>
				<verse number="17">Na mamũetee Yosevu indo syoo; na Yosevu amanenga lĩu vandũ va mbalasi, na va ndĩthya sya mbũi na malondu, na va ndĩthya sya ng’ombe, na va mang’oi: na amanenga lĩu vandũ va indo syoo syonthe mwaka ũsu.</verse>
				<verse number="18">Na mwaka ũsu wathela, mamũkĩa mwaka wa kelĩ, na mamwĩa, Tũtiũmũvitha mwĩaĩi wakwa, ũndũ mbesa sitũ ĩthelete vyũ; na ndĩthya sya indo nĩ sya mwĩaĩi wakwa; vati kĩndũ kĩtiele mbee wa mwĩaĩi wakwa; ate o mĩĩ yaitũ, na nthĩ sitũ:</verse>
				<verse number="19">tũkw’e wene nĩkĩ, ithyĩ o na nthĩ yaitũ? Tũthooe ithyĩ na nthĩ yaitũ kwondũ wa lĩu, na ithyĩ na nthĩ yaitũ tũkeethĩwa athũkũmi ma Valao: naku tũne mbeũ, nĩ kana twĩkale thayũ, tũikakw’e, na nthĩ ndĩkethĩwe nthei.</verse>
				<verse number="20">Na ĩndĩ Yosevu amũthooea Valao nthĩ yonthe ya Misili; nũndũ Amisili mathooisye kĩla mũndũ mũũnda wake, nũndũ yũa yamakwatie mũno: na nthĩ yatw’ĩka ya Valao.</verse>
				<verse number="21">Nao andũ, amathamĩĩsya ndũanĩ kuma ũtee ũmwe wa mũvaka wa Misili kũvika ũtee ũla ũngĩ wayo.</verse>
				<verse number="22">No nthĩ ya athembi ũtaathooa: nũndũ athembi maĩ na kya ũya kyoo kuma kwa Valao, na maya kya ũya kyoo kĩla Valao wamanengie; kwondũ wa ũu matyaathoosya nthĩ yoo.</verse>
				<verse number="23">Na ĩndĩ Yosevu amea andũ, Sisya, mũnthĩ ũũ nĩnamũthooa inyw’ĩ, na nthĩ yenyu kwondũ wa Valao: sisya, vaa ve mbeũ kwondũ wenyu, nenyu mũkavanda nthĩ.</verse>
				<verse number="24">Na kũkeethĩwa ngethanĩ, mũkanenga Valao kĩlungu kya katano, na ilungu inya ikeethĩwa syenyu ene, sya mbeũ sya mĩũnda, na sya lĩu wenyu, na wa ala ma nyũmba syenyu, na sya lĩu wa syana syenyu nini.</verse>
				<verse number="25">Nao mamwĩa, Nũtũtangĩĩĩte mathayũ maitũ; twone ũseo mbee wa mwĩaĩi wakwa, naitũ tũkeethĩwa athũkũmi ma Valao.</verse>
				<verse number="26">Na Yosevu atw’a mwĩao kũvika ũmũnthĩ ũũ ũndũ wa nthĩ ya Misili, kana Valao ethĩwe na kĩlungu kya katano; no nthĩ ya athembi yoka ĩtaatw’ĩka ya Valao.</verse>
				<verse number="27">Na Isilaeli atũa nthĩ ya Misili, nthĩ ya Ngoseni; na meeyosea mothwii kw’o, na mongeleka na maingĩva mũno.</verse>
				<verse number="28">Na Yakovo ekala nthĩ ya Misili myaka ĩkũmi na mũonza: na ĩndĩ matukũ ma Yakovo, myaka ya thayũ wake, yaĩ myaka ĩana na mĩongo ĩna na mũonza.</verse>
				<verse number="29">Na ĩvinda ya kũkw’a kwa Isilaeli yathengeea: na amwĩta mwana wake Yosevu, na amwĩa, Ethĩwa yu nĩnona ũseo mbee waku, nĩngũkwĩsũva, ia kw’oko kwaku ungu wa waswa wakwa, ũmbĩke nesa na w’o: nĩngũkwĩsũva, ndũkaanthike kũũ Misili;</verse>
				<verse number="30">ĩndĩ nakoma vamwe na aasa makwa, ũkangua kuma Misili, ũkanthike vandũ voo va ũthikwa. Na asũngĩa, Ngeeka ũndũ wasya.</verse>
				<verse number="31">Nake amwĩa, Ĩndavĩe: nake amwĩavĩa. Na Isilaeli eekunamya mũtwenĩ wa ũkomo.</verse>
			</chapter>
			<chapter number="48">
				<verse number="1">Na kweethĩwa ĩtina wa maũndũ asu, mũndũ ũmwe amwĩa Yosevu, Sisya, au nĩ mũwau: nake aenda na ana make elĩ, Manase na Evalaimu.</verse>
				<verse number="2">Na ũmwe atavya Yakovo, na asya, Sisya, mwana waku Yosevu nũnũũkũkĩa: na Isilaeli eevandĩĩa, ekala ĩũlũ wa ũkomo.</verse>
				<verse number="3">Na Yakovo amwĩa Yosevu, Ngai Mwene Vinya W’onthe anumĩlĩle Lusu nthĩ ya Kanaani, na angathima,</verse>
				<verse number="4">na ambĩa, Sisya, ngakwongela, na ngakwingĩvya, na ngakũtw’ĩkĩthya nguthu ya mbaĩ, na nthĩ ĩno nganenga ũsyao waku ĩtina waku yĩthĩwe ng’ũndũ tene na tene.</verse>
				<verse number="5">Na yu ĩndĩ ana maku elĩ, ala wasyaĩwe nthĩ ya Misili ndanoka kwaku Misili, nĩ makwa; Evalaimu na Manase, makeethĩwa makwa, o ta Leuveni na Simeoni.</verse>
				<verse number="6">Na ũsyao waku, ũla ũkasyaa ĩtina wa aa, ũkeethĩwa waku; makeetawa kũatĩĩa syĩtwa ya ana‐a‐ĩthe moo ũtiĩwanĩ woo.</verse>
				<verse number="7">Nakwa, yĩla naumĩte Vatani, nakw’ĩĩwe nĩ Lakeli nzĩanĩ nthĩ ya Kanaani, yĩla vatiele o mũendo nĩvike Evilathi: na namũthikie vo nzĩanĩ ya Evilathi (nĩyo Mbethi‐leemu).</verse>
				<verse number="8">Na Isilaeli oona ana ma Yosevu, na akũlya, Aa naaũ?</verse>
				<verse number="9">Na Yosevu amwĩa ĩthe, Aa nĩ ana makwa, ala Ngai wanengee kũũ. Na amwĩa, Nĩngũkwĩsũva, maete vaa nĩĩ, nakwa nĩngũmaathima.</verse>
				<verse number="10">Na ĩndĩ metho ma Isilaeli maĩ mbindu nũndũ wa kũkũa, ũndũ ũtatonya kwona. Na amathengeesya kwake, na amamumunya, na amevĩtĩĩsya.</verse>
				<verse number="11">Na Isilaeli amwĩa Yosevu, Ndyaatalĩlya kwona ũthyũ waku: na, sisya, Ngai nũnengete kwona ũsyao waku naw’o.</verse>
				<verse number="12">Na Yosevu amaumya katĩ wa mau make; na eekunamya ũthyũ wake welekele nthĩ.</verse>
				<verse number="13">Na Yosevu amatwaa me elĩ, Evalaimu kw’okonĩ kwake kwa aũme elekele kw’oko kwa aka kwa Isilaeli, na Manase kw’okonĩ kwake kwa aka elekele kw’oko kwa aũme kwa Isilaeli, amathengeesya vala ũĩ.</verse>
				<verse number="14">Na Isilaeli atambũũkya kw’oko kwake kwa aũme, ailĩĩla mũtwenĩ wa Evalaimu, ũla waĩ mũnini, na kw’oko kwake kwa aka ailĩĩla mũtwenĩ wa Manase, aivĩtan’ya moko make kwa kũmanya; nũndũ Manase aĩ ĩkithathi.</verse>
				<verse number="15">Na amũathima Yosevu, na asya, Ngai ũla aasa makwa Avalaamu na Isaka maendaa mbee wake, Ngai ũla wandĩthisye thayũ wakwa w’onthe kũvika mũnthĩ ũũ,</verse>
				<verse number="16">mũlaĩka ũla wambovoisye kuma ũthũkunĩ w’onthe, aathime imwana; na syĩtwa yakwa yĩtanĩaw’e nasyo, na syĩtwa ya aasa makwa Avalaamu na Isaka; nao nĩmeane methĩwe nguthu katĩ wa nthĩ.</verse>
				<verse number="17">Na Yosevu oona kana ĩthe wake ailĩĩla kw’oko kwake kwa aũme mũtwenĩ wa Evalaimu, ndaendeew’a: na ookĩlya kw’oko kwa ĩthe, nĩ kana akumye mũtwenĩ wa Evalaimu, ailĩĩle mũtwenĩ wa Manase.</verse>
				<verse number="18">Na Yosevu amwĩa ĩthe, Ti w’o, nau; nũndũ ũũ nĩwe ĩkithathi; ilĩĩla kw’oko kwaku kwa aũme mũtwenĩ wake.</verse>
				<verse number="19">Na ĩthe alea, na amwĩa, Nĩnĩsĩ, mwana wakwa, nĩnĩsĩ; nake we akatw’ĩka mbaĩ, nake we akeethĩwa mũnene: ĩndĩ nĩ w’o mũinae akeethĩwa mũnene kwĩ we, na ũsyao wake ũkatw’ĩka mbaĩ mbingĩ mũno.</verse>
				<verse number="20">Na mũthenya ũsu amaathima, akyasya, Kwaku nthĩnĩ waku Isilaeli makaathimaa, makyasya, Ngai namũtw’ĩkĩthye ta Evalaimu na ta Manase: na amwia Evalaimu mbee wa Manase.</verse>
				<verse number="21">Na Isilaeli amwĩa Yosevu, Sisya, nĩngũkw’a: ĩndĩ Ngai akeethĩwa vamwe nenyu, na akamũtũnga ĩngĩ nthĩ ya aaĩthe menyu.</verse>
				<verse number="22">Nakwa nĩnakũnenga kĩlungu kĩmwe mbee wa ana‐a‐au, kĩla naumisye kw’okonĩ kwa Mũamoli na ũvyũ wakwa na ũta wakwa.</verse>
			</chapter>
			<chapter number="49">
				<verse number="1">Na Yakovo ameta ana make, na amea, Ũmbanai vamwe, nĩmũtavye maũndũ ala makamũkĩtĩkĩa mĩthenya ya mũminũkĩlyo.</verse>
				<verse number="2">Ũmbanai, na ĩw’ai, inyw’ĩ ana ma Yakovo; Na mwĩthukĩĩsyei Isilaeli ĩthe wenyu.</verse>
				<verse number="3">Leuveni, nue ĩkithathi yakwa, vinya wakwa, na mwambĩlĩlyo wa ũtonyi wakwa; Ũnene wa kũkathwa, na ũnene wa ũtonyi.</verse>
				<verse number="4">Mũtheũkangi ta manzĩ, ndũkethĩwa na ũnene; Nĩkwĩthĩwa nĩwatũlile ũkomonĩ wa aũ; Na ĩndĩ woovukya: atũla ũkomonĩ wakwa.</verse>
				<verse number="5">Simeoni na Livai nĩ ma ĩthe ũmwe; Mĩio ya ũng’endu nĩ mbyũ syoo.</verse>
				<verse number="6">We ngoo yakwa, ndũkalike nzamanĩ yoo; We ndaĩa yakwa, ndũkalũman’ye na ũmbano woo; Nũndũ nĩmooaie mũndũ ũthatunĩ woo, Na nũndũ wa ngũlũ syoo matema nzaũ mũlangũ.</verse>
				<verse number="7">Nũumanĩwe ũthatu woo, nũndũ waĩ mwai; Na ũthilĩku woo, nũndũ waĩ ũng’endu: Ngamaan’ya nthĩnĩ wa Yakovo, Na kũmanyaĩĩkya katĩ wa Isilaeli.</verse>
				<verse number="8">Yuta, nue ũkataĩawa nĩ ana‐a‐au: Kw’oko kwaku kũkakwataa ngingo ya amaitha maku; Ana ma au makakwĩkunamĩasya.</verse>
				<verse number="9">Yuta nĩ ĩswii ya mũnyambũ; Nĩwambata, mwana wakwa, kuma nzyĩmanĩ: Amamĩlĩla, oovesya ta mũnyambũ, Na ta mũnyambũ mũka; nũũ ũkamũamũkya?</verse>
				<verse number="10">Ndata ya ũsumbĩ ndĩkauma kwa Yuta, O na ndata ya mũsumbĩki ndĩkauma katĩ wa maũũ make, Kũvika yĩla Silo ũkoka; Na kwĩw’awa nĩ ngo sya andũ kũkeethĩwa kwake we.</verse>
				<verse number="11">Akyova katena kake mũsavivũnĩ, Na ndena ya ĩng’oi yake mũsavivũnĩ mũseo; Nũthambĩtye ngũa syake mbinyunĩ, Na ngũa yake ndasa nthakamenĩ ya nzavivũ:</verse>
				<verse number="12">Metho make makeethĩwa me matune nũndũ wa mbinyu, Na maeo make meũ nũndũ wa ĩia.</verse>
				<verse number="13">Nzevuluni akekala kĩthũmũonĩ ũkanganĩ; Nake akeethĩwa e kĩthũmũo kya ngalawa; Na mũvaka wake ũkeethĩwa Sitoni.</verse>
				<verse number="14">Isakali nĩ ĩng’oi yĩ vinya, Akyoveesya katĩ wa syengo sya malondu:</verse>
				<verse number="15">Nake oona vandũ va ũthũmũo atĩ nĩ vaseo, Na nthĩ atĩ nĩyendeesye; Na akunamya kĩtuo kyake akue, Na atw’ĩka mũthũkũmi wĩanĩ wĩ vinya.</verse>
				<verse number="16">Ndani akasilĩla andũ make, Ta mbaĩ ĩmwe ya Isilaeli.</verse>
				<verse number="17">Ndani akeethĩwa nzoka nzĩanĩ, Kĩmbuva ũendelonĩ, Ĩla ĩũmaa mbalasi mathaio, Na kwondũ wa ũu mũtũli wayo akĩvalũka na ngala.</verse>
				<verse number="18">Ame Yeova, nĩneteelete ũtangĩĩo waku.</verse>
				<verse number="19">Ngati, nguthu ĩkamũvivinya; Ĩndĩ akavivinya kĩtiinyo kyayo.</verse>
				<verse number="20">Kuma kwa Aseli lĩu wake ũkeethĩwa wĩ mũnou, Nake akaumya kya ũya kĩseo kya kĩũsumbĩ.</verse>
				<verse number="21">Navitali nĩ ndaatai ĩla yathaiw’e: Aumasya ndeto nzeo.</verse>
				<verse number="22">Yosevu nĩ ũvonge wĩ na ũsyao, Ũvonge wĩ na ũsyao vakuvĩ na nthongo; Nthanzu syake ing’okelaa ũvainĩ.</verse>
				<verse number="23">Andũ ma mata nĩmamwĩw’ĩthĩtye woo mũno, Na mamũatha, na kũmũthĩn’ya:</verse>
				<verse number="24">Ĩndĩ ũta wake wekala na vinya, Na moko ma itaa syake meekĩwa vinya Nĩ moko ma Ũla Mwene Vinya wa Yakovo (Kuma kũu nĩ ũla mũĩthi, nĩwe ĩvia ya Isilaeli),</verse>
				<verse number="25">O kwondũ wa Ngai wa au, ũla ũkakũtethya, Na kwondũ wa Mwene Vinya W’onthe ũla ũkakũathima, Na moathimo ma ĩtunĩ ĩũlũ, Moathimo ma syũngũ ila syĩkalaa ĩtheo, Moathimo ma nondo, na ma ĩvu.</verse>
				<verse number="26">Moathimo ma au Nĩmakĩlĩtye vinya mbee wa moathimo ma aasa makwa Kũvika mũthelelo wa iĩma sya tene na tene: Makeethĩwa mũtwenĩ wa Yosevu, Na lolotyanĩ wa ũsu ũla wataanĩtw’e na ana‐a‐ĩthe make.</verse>
				<verse number="27">Mbenyamini nĩ nzũi ĩla ĩtembũangaa: Kwakya akaya sya nzyĩma, Na wĩoo akaaan’ya mũtavo.</verse>
				<verse number="28">Isu syonthe nĩ mbaĩ ĩkũmi na ilĩ sya Isilaeli: na ũu nĩw’o ũla ĩthe woo waneenie nao na amaathima, kĩla ũmwe kwaĩnana na ũathimo wake amaathima.</verse>
				<verse number="29">Na ameaĩa, na amea, Nyie nĩngũmbanw’a vamwe na andũ makwa: mũnthikei vamwe na aasa makwa ngũnganĩ ĩla yĩ kĩsesinĩ kya Eveloni Mũititi,</verse>
				<verse number="30">nguganĩ ĩla yĩ kĩsesinĩ kĩ Makivela, ĩla yĩ mbee wa Mamile, nthĩ ya Kanaani, ĩla Avalaamu wamũthooee Eveloni Mũititi vamwe na kĩsesi vethĩwe vandũ vake va mbũa.</verse>
				<verse number="31">Kũu mathikie Avalaamu na Sala mũka wake; kũu mathikie Isaka na Leveka mũka wake; na kũu nathikie Lea—</verse>
				<verse number="32">kĩsesi na ngunga ĩla yĩ nthĩnĩ wakyo, ĩla namathooee ana ma Ethi.</verse>
				<verse number="33">Na yĩla Yakovo waminie kũmeaĩa ana make, aluta maũũ make ũkomonĩ, na aumwa nĩ veva, na oombanw’a vamwe na andũ make.</verse>
			</chapter>
			<chapter number="50">
				<verse number="1">Na Yosevu amũvalũkĩla ĩthe wake ũthyũ, na amũĩĩa, na amũmumunya.</verse>
				<verse number="2">Na Yosevu ameaĩa athũkũmi make aiiti mekĩe kimba kya ĩthe wake mũtĩ: na ala aiiti meekĩa kimba kya Isilaeli mũtĩ.</verse>
				<verse number="3">Na matukũ mĩongo ĩna meanĩw’a kwondũ wake; nĩkwĩthĩwa nĩw’o meanĩw’a matukũ ma kwĩkĩa kimba mũtĩ: na Amisili mamũĩĩa matukũ mĩongo mũonza.</verse>
				<verse number="4">Na matukũ ma kũmũĩĩa mathela, Yosevu aneena na andũ ma nyũmba ya Valao, akĩmea, Ethĩwa yu nĩnonete ũseo methonĩ menyu, nĩngũmwĩsũva, neenai matũnĩ ma Valao, mũkĩmwĩa,</verse>
				<verse number="5">Nau nĩwambĩavĩthisye, akĩmbĩa, Sisya, nĩngũkw’a: mbũanĩ yakwa ĩla neeyĩnzĩe nthĩ ya Kanaani, kũu mũkanthika. Na yu ĩndĩ, nĩngũkwĩsũva, eka nambate nĩthike nau, na ngĩsyoka ĩngĩ.</verse>
				<verse number="6">Na Valao amwĩa, Ambata, ũthike au, kwĩanana na ũndũ wakwĩavĩthisye.</verse>
				<verse number="7">Na Yosevu ambata athike ĩthe wake; na athũkũmi onthe ma Valao mambata vamwe nake, atumĩa ma nyũmba yake, na atumĩa onthe ma nthĩ ya Misili,</verse>
				<verse number="8">na andũ onthe ma nyũmba ya Yosevu, na ana‐a‐ĩthe make, na andũ ma nyũmba ya ĩthe wake: no syana syoo nini, na ndĩthya syoo sya mbũi na malondu na ndĩthya syoo sya ng’ombe, matiie nthĩ ya Ngoseni.</verse>
				<verse number="9">Na vambata vamwe nake makasya o na ala matũlĩte mbalasi: na meethĩwa nguthu nene mũno.</verse>
				<verse number="10">Na mavika kĩvũĩoni kya Atati, kĩla kĩ mũingo wa Yolotani, kw’o maĩĩa kĩĩo kĩnene mũno kĩ woo: na aseũvya maĩo kwondũ wa ĩthe wake matukũ mũonza.</verse>
				<verse number="11">Na ala matwĩe nthĩ ĩsu, Akanaani, moona ala maĩo kĩvũĩonĩ kya Atati, masya, Aa nĩ maĩo me woo kwa Amisili: kwondũ wa wa ũu syĩtwa ya vo veetwa Aveli‐misili, na vo nĩ mũingo wa Yolotani.</verse>
				<verse number="12">Na ana make mamwĩka kwĩanana na ũndũ wameaĩe:</verse>
				<verse number="13">nũndũ ana make nĩmamũkuie mamũtwaa nthĩ ya Kanaani, na mamũthika ngunganĩ ya kĩsesi kĩ Makivela, ĩla Avalaamu wamũthooee Eveloni Mũititi, vu mbee wa Mamile, vamwe na kĩsesi, vethĩwe vake va mbũa.</verse>
				<verse number="14">Na Yosevu asyoka Misili ĩtina wa kũthika ĩthe wake, we na ana‐a‐ĩthe na onthe ala mambatie vamwe nake kũthika ĩthe wake.</verse>
				<verse number="15">Na yĩla ana‐a‐ĩthe ma Yosevu moonie kana ĩthe woo nũnakwie, masya, Nokwĩthĩwa Yosevu atũmena, na kwĩĩvanĩsya vyũ ũthũku w’onthe ũla twamwĩkie.</verse>
				<verse number="16">Na matũma ũtũmane kwa Yosevu, makĩmwĩa, Au atanakw’a eaie, akyasya,</verse>
				<verse number="17">Neenai ũũ na Yosevu, Nĩngũkwĩsũva yu, ekea ana‐a‐au ĩvĩtyo na naĩ yoo, nĩkwĩthĩwa nĩmakwĩkie ũthũku. Na yu ĩndĩ, nĩtũũkwĩsũva, ekea athũkũmi ma Ngai wa au ĩvĩtyo yoo. Na Yosevu aĩa yĩla maneenie nake.</verse>
				<verse number="18">Na ĩngĩ ana‐a‐ĩthe mathi na mavalũka nthĩ mbee wa ũthyũ wake; na mamwĩa, Sisya, ithyĩ twĩ athũkũmi maku.</verse>
				<verse number="19">Na Yosevu amea, Mũikakĩe: nũndũ nyie nĩ vandũ va Ngai?</verse>
				<verse number="20">Nenyu nĩmwanzũanĩĩe ũthũku; ĩndĩ Ngai asũanĩa wĩthĩwe ũseo, kwĩkĩke, o tondũ kũilyĩ mũnthĩ ũũ, nĩtangĩĩe andũ aingĩ mekale thayũ.</verse>
				<verse number="21">Kwondũ wa ũu mũikakĩe: ngamũĩthya inyw’ĩ, na syana syenyu nini. Na amakiakisya, na aneena nesa nao.</verse>
				<verse number="22">Na Yosevu atũa Misili, we, na andũ ma nyũmba ya ĩthe: na Yosevu ekala myaka ĩana na ĩkũmi.</verse>
				<verse number="23">Na Yosevu oona syana sya Evalaimu kũvika nzyawa itatũ: syana sya Makili mwana wa Manase nasyo syaasyaĩwe maunĩ ma Yosevu.</verse>
				<verse number="24">Na Yosevu amea ana‐a‐ĩthe, Nyie nĩngũkw’a; ĩndĩ nĩ w’o Ngai akamũkĩa inyw’ĩ, na kũmwambatya kuma nthĩ ĩno kũvika nthĩ ĩla wevĩtĩe Avalaamũ, na Isaka, na Yakovo.</verse>
				<verse number="25">Na Yosevu eeavĩthya ana ma Isilaeli, akĩmea, Nĩ w’o Ngai akamũkĩa na mũkakua mavĩndĩ makwa mwambatye kuma kũũ.</verse>
				<verse number="26">Na ĩndĩ Yosevu akw’a, e wa myaka ĩana na ĩkũmi ũkũũ wake: na meekĩa kimba kyake mũtĩ, na eekĩĩwa ĩsandũkũnĩ Misili.</verse>
			</chapter>
		</book>
		<book number="2">
			<chapter number="1">
				<verse number="1">Na masyĩtwa ma ana ma Isilaeli ala malikile Misili nĩmo aa (o kĩla mũndũ na andũ ma nyũmba yake mookie na Yakovo):</verse>
				<verse number="2">Leuveni, na Sĩmeoni, na Livai, na Yuta,</verse>
				<verse number="3">na Isakali, na Nzevuluni, na Mbenyamini,</verse>
				<verse number="4">na Ndani, na Navitali, na Ngati, na Aseli.</verse>
				<verse number="5">Na andũ onthe ala maumie kĩnyunyunĩ kya Yakovo maĩ andũ mĩongo mũonza: nake Yosevu aĩ o ku Misili.</verse>
				<verse number="6">Na Yosevu akw’a, na ana‐a‐ĩthe make onthe, na nzyawa ĩsu yonthe.</verse>
				<verse number="7">Na ana ma Isilaeli masyaanie, na maingĩva mũno, na kwongelela, na maendeea na kũya vinya mũno; na nthĩ yausũwa nĩo.</verse>
				<verse number="8">Na ĩndĩ kwookĩla mũsumbĩ ũngĩ Misili, ũla ũtamwĩsĩ Yosevu.</verse>
				<verse number="9">Na amea andũ make, Sisyai, andũ ma ana ma Isilaeli nĩ aingĩ na me na vinya kwĩ ithyĩ:</verse>
				<verse number="10">yuyu ĩndĩ tũmekei na ũĩ, matikese kwingĩva, na kũkeethĩwa, yĩla kaũ o na wĩva ũkokĩla, nao makeevulan’ya na amaitha maitũ, na kũkita naitũ, na makyuma nthĩ ĩno.</verse>
				<verse number="11">Kwondũ wa ũu mamaiĩa aũngamĩi nĩ kana mamathĩn’ye na mĩio yoo. Nao mamwakĩa Valao ndũa sya kwia mĩio, Vithomu na Lamesesi.</verse>
				<verse number="12">Ĩndĩ makĩendeea na kũmathĩn’ya, namo maendeea kwingĩva na kusũa nthĩ. Na maĩ na woo kwondũ wa ana ma Isilaeli.</verse>
				<verse number="13">Na Amĩsili mamathũkũmĩthya ana ma Isilaeli na vinya mũno:</verse>
				<verse number="14">na meekĩa ũũ mathayũnĩ moo kwondũ wa ũthũkũmi wi vinya, wa ndaka, na wa mavali, na wĩa w’onthe wa mĩũndanĩ, ũthũkũmi woo w’onthe ũla mamathũkũmĩthisye na vinya mũno.</verse>
				<verse number="15">Na mũsumbĩ wa Misili aneena na esikya Aevelania, syĩtwa ya ũmwe eetawa Sivila, na syĩtwa ya ũngĩ eetawa Vua:</verse>
				<verse number="16">na amea, Yĩla mũkwĩsikya aka ma Aevelania, na kũmona makĩsyaa; ethĩwa nĩ kavĩsĩ, koaei ĩndĩ; ethĩwa nĩ kelĩtu, nĩkaekwe kekale thayũ.</verse>
				<verse number="17">Ĩndĩ esikya mamũkĩa Ngai, na maiaaĩka tondũ mũsumbĩ wa Misili wameaĩe, ĩndĩ maeka twana twa tũvĩsĩ twĩ thayũ.</verse>
				<verse number="18">Na mũsumbĩ wa Misili eeta esikya, na amakũlya, Mwĩkĩte ũndũ ũũ nĩki, mũkĩeka twana twa tũvĩsĩ twĩ thayũ?</verse>
				<verse number="19">Na esikya mamwĩa Valao, Nĩkwĩthĩwa aka ma Aevelania matiilyĩ aka ma Amisili; nũndũ nĩ athangaau, na nĩmasyaaa mwĩsikya atanavika.</verse>
				<verse number="20">Na Ngai ameka esikya nesa: na andũ maingĩva, na maya vinya mũnene.</verse>
				<verse number="21">Na kweethĩwa, nũndũ esikya mamũkĩaa Ngaĩ, amanenga ũsyao.</verse>
				<verse number="22">Na Valao ameaĩa andũ make onthe, akĩmea, Kĩla kana ka kavĩsĩ kasyawa kekasyei ũsĩnĩ, na kĩla kana ka kelĩtu kaekaei kekale thayũ.</verse>
			</chapter>
			<chapter number="2">
				<verse number="1">Na kwaenda mũndũ wa nyũmba ya Livai, na amũtwaa mwĩĩtu wa a Livai.</verse>
				<verse number="2">Na mũndũ mũka ũsu aitava, na asyaa mwana: na oona kana nĩ kana kaseo, akavitha myei ĩtatũ.</verse>
				<verse number="3">Na yĩla ũtaatonya kũkavithĩkya, akosea kakalawa ka malula na akavaka lami na kĩsia; na eekĩa kala kana nthĩnĩ, na aia makangaanĩ ũtee wa ũsĩ.</verse>
				<verse number="4">Na mwĩĩtu‐a‐inyia wako aũngama kũasa amanye ũndũ keĩkwa.</verse>
				<verse number="5">Na mwĩĩtu wa Valao atheea ũsĩnĩ atuunye; na athũkũmi make eĩtu matambũka ũtee wa ũsĩ; nake oona kakalawa nthĩnĩ wa makangaa, na atũma mũthũkũmi wake mwĩĩtu aete.</verse>
				<verse number="6">Na akavingũa, na oona kala kana: na, sisya, kana nĩkaĩaa. Na akew’ĩa ĩnee, na asya, Kaa nĩ kamwe ka ana ma Aevelania.</verse>
				<verse number="7">Na ĩndĩ mwĩĩtu‐ainyĩa wako akũlya mwĩĩtu wa Valao, Nĩende nĩkwĩtĩe mũei akanĩ ma Aevelania, akũee kana?</verse>
				<verse number="8">Na mwĩĩtu wa Valao amwia, Enda. Na ũla mwĩĩtu athi, eeta inyia wa kala kana.</verse>
				<verse number="9">Na mwĩĩtu wa Valao amwĩa, Kua kana kaa ũthi nako ũkandee, na ngaũnenga ĩtuvi yaku. Na ũla mũndũ mũka akua kana, na akaea.</verse>
				<verse number="10">Na kana keana, na akaete kwa mwĩĩtu wa Valao, na katw’ĩka mwana wake. Na syĩtwa yake amwĩta Mose, na asya, Nĩkwĩthĩwa nĩnamumisye manzĩnĩ.</verse>
				<verse number="11">Na kweethĩwa mĩthenya ĩsũ, yĩla Mose weanie, aenda kwa ana‐a‐ĩthe make, na asisya mĩio yoo: na oona Mũmisili akĩmũkũna Mũevelania, ũmwe wa ana‐a‐ĩthe make.</verse>
				<verse number="12">Na asisya kũũ na kũũ, na yĩla wonĩe atĩ vati mũndũ, amũaa ũla Mũmisili, na amumbĩka kĩthangathĩnĩ.</verse>
				<verse number="13">Na aumaala ũnĩ ũsu, na, sĩsya, andũ elĩ ma Aevelania nĩmokitaa ene kwa ene: na amwĩa ũla ũmũtheie ũngĩ, Wĩmũkũna mũtindan’ya waku nĩkĩ?</verse>
				<verse number="14">Nake amũkũlya, Ũla ũkũtw’ĩte mũnene na mũsili ĩũlũ waitũ nũũ? Wĩsũanĩa kũmbũaa, o tondũ ũnamũaie ũla Mũmisili? Na Mose atelema, na asya, Kaĩ ũndũ ũsu nĩ ũmanyĩku.</verse>
				<verse number="15">Na ĩndĩ yĩla Valao wewie ũndũ ũsu, enda kũmũaa Mose. Ĩndĩ Mose akĩa, auma kwa Valao, na atũa nthĩ ya Mitiani: na ekala nthĩ ũtee wa kĩthima.</verse>
				<verse number="16">Na ĩndĩ mũthembi wa Mitiani aĩ na eĩtu mũonza: nao mooka na matava manzĩ, na mausũsya mĩvalati manzĩ manyithye ndĩthya ya mbũi na malondu ya ĩthe woo.</verse>
				<verse number="17">Na aĩthi mooka na mamalũngya; ĩndĩ Mose ookĩla na amatethya, na anyĩthya ndĩthya yoo.</verse>
				<verse number="18">Na yila mookie vala Leueli ĩthe woo ũĩ, amakũlya, Ũmũnthĩ mwooka mĩtũkĩ ũũ ata?</verse>
				<verse number="19">Na mamwĩa, Mũmisili nũtũvonokisye mokonĩ ma aĩthi, o na ĩngĩ nũtũtavĩĩe manzĩ, na anyithya ndĩthya.</verse>
				<verse number="20">Na akũlya eĩtũ make, Na aĩva? Mũtiie mũndũ ũsu nĩkĩ? Mwĩtei, aye lĩu.</verse>
				<verse number="21">Na Mose eanĩwa nĩ kwĩkala na mũndũ ũsu: na amũnenga Mose Nzivola mwĩĩtu wake.</verse>
				<verse number="22">Na asyaa mwana, nake amwĩta syĩtwa yake Ngelisoni; nũndũ aisye, Nĩnaĩ mwĩkali wa ũeninĩ nthĩ ĩngĩ.</verse>
				<verse number="23">Na kweethĩwa matukũ asu maingĩ mathela, mũsumbĩ wa Misili akw’a: na ana ma Isilaeli mavevũũka kwondũ wa ũkombo ũsu, na maĩa, na kĩĩo kyoo kwondũ wa ũla ũkombo kyavika kwa Ngai.</verse>
				<verse number="24">Na Ngai eew’a kũluma kwoo, na Ngai alilikana ũtianĩo wake na Avalaamu, na Isaka, na Yakovo.</verse>
				<verse number="25">Na Ngai oona ana ma Isilaeli, na Ngaĩ asisya ũndũ woo.</verse>
			</chapter>
			<chapter number="3">
				<verse number="1">Na ĩndĩ Mose eethĩwa akĩĩthya ndĩthya ya mbũi na malondu ya Yethilo mũthoni wake, mũthembi wa Mitiani: na atongoesya ĩla ndĩthya avĩtĩlya weũnĩ, na avika kĩĩma kya Ngai o Olevu.</verse>
				<verse number="2">Na mũlaĩka wa Yeova amumĩlĩla ũlĩlĩnzĩnĩ wa mwaki ũla wakanĩte kakuthunĩ katĩ: na oona, na, sisya, kakuthu nĩkakanĩte mwaki, na kakuthu katyavĩsaa.</verse>
				<verse number="3">Na Mose asya, Nĩngwathũka yu none ũndũ ũũ ũnene, na kĩla kĩũtuma kakuthu katavya.</verse>
				<verse number="4">Na yĩla Yeova wonie kana nĩwathũka ũtee one, Ngai amwĩta kuma kakuthunĩ katĩ, na amwĩa, Mose, Mose. Nake eetĩka, Ninyioo.</verse>
				<verse number="5">Na amwĩa, Ndũkathengeee vaa: umya iatũ syaku maũũnĩ maku, nũndũ vau ũũngeme nĩ vandũ vatheu.</verse>
				<verse number="6">Na ĩngĩ amwĩa, Nyie ninyie Ngai wa ĩthe waku, Ngai wa Avalaamu, na Ngai wa Isaka, na Ngai wa Yakovo. Na Mose avitha ũthyũ wake; nũndũ akĩa kũmũsisya Ngai.</verse>
				<verse number="7">Na Yeova amwĩa, Nĩ w’o, nĩnonete thĩna wa andũ makwa ala me Misili, na ngew’a ũkayo woo kwondũ wa aũngamĩi moo; nũndũ nĩnĩsĩ mathĩna moo;</verse>
				<verse number="8">nakwa nĩtheete nĩmavonokye mokonĩ ma Amisili, na kũmaumya nthĩ ĩsu nĩmatwae nthĩ nzeo na nene, nthĩ yusũĩte ĩia na ũkĩ wa nzũkĩ; o kũndũ kwa Mũkanaani, na Mũititi, na Mũamoli, na Mũvelisi, na Mũivi, na Mũyevusi.</verse>
				<verse number="9">Na yu sisya, kĩĩo kya ana ma Isilaeli nĩkĩvikĩte kwakwa: na ĩngĩ nĩnonete mathĩna ũndũ Amisili mamathĩnasya.</verse>
				<verse number="10">Ũkĩla ĩndĩ yu, na nĩngũũtũma kwa Valao, nĩ kana wumye andũ makwa, ana ma Isilaeli, Misili.</verse>
				<verse number="11">Na Mose amwĩa Ngai, Nyie nĩ ũũ, nĩende kwa Valao, na nĩ kana nyie numye ana ma Isilaeli Misili?</verse>
				<verse number="12">Na amwĩa, Vate ndĩi ngeethĩwa vamwe naku; na ũndũ ũũ ũkeethĩwa kĩmanyĩthya kwaku kana nĩngũtũmĩte: waumya andũ Misili, mũkathũkũma Ngai kĩĩmanĩ kĩĩ.</verse>
				<verse number="13">Na Mose amwĩa Ngai, Sisya, yĩla nĩendea ana ma Isilaeli, na ngĩmea, Ngai wa aaĩthe menyu nũndũmĩte kũla mũi namo makangũlya, Syĩtwa yake nata? Ngamea ata?</verse>
				<verse number="14">Na Ngai amwĩa Mose, NINYIE ŨLA NINYIE: na amwĩa, Ũũ nĩw’o wĩtavya ana ma Isilaeli, NINYIE nĩwe ũndũmĩte kũla mũĩ.</verse>
				<verse number="15">Na ĩngĩ Ngai amwĩa Mose, Ũũ nĩw’o wĩtavya ana ma Isilaeli, Yeova, Ngai wa aaĩthe menyu, Ngai wa Avalaamu, na Ngai wa Isaka, na Ngai wa Yakovo, nũndũmĩte kũla mũĩ: yĩu nĩyo syĩtwa yakwa kũvika tene na tene, nayo nĩ ya kũndilikana kũvika nzyawa syonthe.</verse>
				<verse number="16">Enda, ũkomban’ye atumĩa ma Isilaeli, ũmee atĩĩ, Yeova, Ngai wa aaĩthe menyu, Ngai wa Avalaamu, na wa Isaka, na wa Yakovo, nĩwanumĩlĩle, akĩmbĩa, Nĩ w’o, nĩnamũkĩie na noona ũla mweekĩwe Misili:</verse>
				<verse number="17">nakwa nĩneenete atĩĩ, Ngamumya monyamaonĩ ma Misili na kũmũvikya nthĩ ya Mũkanaani, na Mũititi, na Mũamoli, na Mũvelisi, na Mũivi, na Mũyevusi, o nthĩ yusũĩte ĩia na ũkĩ wa nzũkĩ.</verse>
				<verse number="18">Na makeethukĩĩsya wasya waku: naku we na atumĩa ma Isilaeli mũkathi kwa mũsumbĩ wa Misili, na mũkĩmwĩa, Yeova, Ngai wa Aevelania, nĩwakomanie naitũ: na yu nĩtũũkwĩsũva, tũnenge ũtheĩ wa kũthi weũnĩ kyalo kya mĩthenya ĩtatũ, tũmũthembee Yeova Ngai waitũ.</verse>
				<verse number="19">Nakwa nĩnĩsĩ kana mũsumbĩ wa Misili ndakamũlekya mũthi, aiee, o na kwa kw’oko kwĩ vinya.</verse>
				<verse number="20">Na ngatambũũkya kw’oko kwakwa, na ngĩkũna Misili na syama syakwa syonthe ila ngeka katĩ wayo: na ĩtina wa ũu akamũlekya mũthi.</verse>
				<verse number="21">Na ngamendethya andũ aa kũla kwĩ Amisili: na kũkeethĩwa, mũkĩthi, mũtikaenda mwĩ athei:</verse>
				<verse number="22">ĩndĩ kĩla mũndũ mũka akakũlya mũtũi wake, na ũla wĩkalaa ũeni nyũmbanĩ yake, mĩio ya wanake ya vetha, na mĩio ya wanake ya thaavu, na ngũa: na mũkasyĩkĩa ana menyu, na eĩtu menyu; na mũkatavĩa Amisili.</verse>
			</chapter>
			<chapter number="4">
				<verse number="1">Na Mose asũngĩa na amwĩa, Ĩndĩ, sisya, matikambĩtĩkĩla, kana kwĩthukĩĩsya wasya wakwa: nũndũ makasya, Yeova ndaakumĩlĩla.</verse>
				<verse number="2">Na Yeova amũkũlya, Kĩla kĩ kw’okonĩ kwaku nĩ kyaũ? Na asũngĩa, Nĩ ndata.</verse>
				<verse number="3">Na amwĩa, Mĩkye nthĩ. Na amĩkya nthĩ, na yatw’ĩka nzoka; na Mose amĩkĩa.</verse>
				<verse number="4">Na Yeova amwĩa Mose, Tambũũkya kw’oko kwaku ũmĩkwate mwĩthe (na atambũũkya kw’oko amĩkwata, na yatw’ĩka ndata ĩ kw’okonĩ kwake);</verse>
				<verse number="5">nĩ kana metĩkĩle atĩ Yeova, Ngaĩ wa aaĩthe moo, Ngai wa Avalaamu, na Ngai wa Isaka, na Ngai wa Yakovo, nũkumĩlĩle.</verse>
				<verse number="6">Na ĩngĩ Yeova amwĩa, Yu likya kw’oko kwaku kĩthũinĩ kyaku. Na alikya kw’oko kwake kĩthũinĩ kyake: na yĩla wakumisye, sisya, kw’oko kwake kweethĩwa na mangũ, kwĩ kweũ ta ĩa.</verse>
				<verse number="7">Na amwĩa, Likya kw’oko kwaku kĩthũinĩ kyaku ĩngĩ. (Na alikya kw’oko kwake kĩthũinĩ kyake ĩngĩ; na yĩla wakumĩsye kĩthũinĩ kyake, sisya, kwaĩ kũalyũku ĩngĩ kũilyĩ mwĩĩ wake ũla ũngĩ.)</verse>
				<verse number="8">Na kũkeethĩwa, ethĩwa matikakwĩtĩkĩla, o na kwĩthukĩĩsya wasya wa kyama kya mbee, makeetĩkĩla wasya wa kyama kya kelĩ.</verse>
				<verse number="9">Na kũkeethĩwa, ethĩwa matiketĩkĩla o na syama isu ilĩ, o na kwĩthukĩĩsya wasya waku, nĩvo wĩtava manzĩ ma ũsĩnĩ ũmatulũle nthĩ nyũmũ: na manzĩ ala wĩtava ũsĩnĩ makatw’ĩka nthakame ĩũlũ wa nthĩ nyũmũ.</verse>
				<verse number="10">Na Mose amwĩa Yeova, Ame Mwĩaĩi, ndi mũneeni, kuma tene, o na yu waneena na mũthũkũmi waku; nũndũ nĩ mũndũ ũneenaa mbola, na ũĩmĩ wakwa nĩ mũito.</verse>
				<verse number="11">Na Yeova amwĩa, Ũla wombie kanyw’a wa mũndũ nũũ? O na nũũ ũtumaa mũndũ ũtaneena, kana kwĩw’a, kana nũũ ũtumaa ona, kana kũlea kwona? Ti nyie, Yeova?</verse>
				<verse number="12">Yu ĩndĩ, enda, nakwa ngeethĩwa nĩ vamwe na kanyw’a waku, na ngĩkũmanyĩsya ũndũ ũkaneena.</verse>
				<verse number="13">Na amwĩa, Ame Mwĩaĩi, nĩngũkũvoya, tũma na kanyw’a wa ũla wĩtũma.</verse>
				<verse number="14">Na ũthatu wa Yeova wamwakanĩa Mose, na amwĩa, Mwana‐a‐mwenyu Alunĩ, Mũlivai, nde vo? Nĩnĩsĩ atĩ nũtonya kũneena nesa. Na ĩngĩ, sisya, nĩwũkĩte akũthaũe: na akwona, akeew’a mũyo ngoonĩ yake.</verse>
				<verse number="15">Na ũkaneene nake, na kwĩkĩa i ndeto kanyw’anĩ wake: nakwa ngeethĩwa na kanyw’a waku, na kanyw’a wake, na ngĩmũmanyĩsya ũla mwaĩle kwĩka.</verse>
				<verse number="16">Nake akeethĩwa e mũneeni waku andũnĩ: na kũkeethĩwa, atĩ akeethĩwa ta kanyw’a kwaku, naku ũkeethĩwa ta Ngai kwake.</verse>
				<verse number="17">Na ũkakue ndata ĩno kw’okonĩ kwaku ĩla wĩkaa syama isu nayo.</verse>
				<verse number="18">Na Mose athi asyokea mũthoni Yethilo, na amwĩa, Nĩngũkwĩsũva, nenga ũthei nĩthi, nĩsyokee ana‐a‐ia makwa ala me Misili, nĩmanye ethĩwa me o thaũ. Na Yethilo amwĩa Mose, Enda na mũuo.</verse>
				<verse number="19">Na Yeova amwĩĩa Mose ku Mitiani, Thi, ũsyoke Misili; nũndũ andũ onthe ala mamanthaa thayũ waku nĩ akw’ũ.</verse>
				<verse number="20">Na Mose oosa mũka na ana make, na amatũlya ĩng’oinĩ, na asyoka nthĩ ya Misili: na Mose akua ndata ya Ngai kw’okonĩ kwake.</verse>
				<verse number="21">Na Yeova amwĩa Mose, Yĩla wĩsyoka Misili, ndũkatĩe kwĩka syama syonthe ila neekĩa kw’okonĩ kwaku, Valao ene: ĩndĩ ngoomya ngoo yake, na ndakalekya andũ mathĩ.</verse>
				<verse number="22">Naku ũkamwĩe Valao, Ũũ nĩw’o Yeova ũnũkwasya, Isilaeli nĩ mwana wakwa, ĩkithathi yakwa:</verse>
				<verse number="23">na nĩkũtavĩtye, Lekya mwana wakwa athi, anthũkũme; na nũleete kũmũlekya athi: sisya, ngooaa mwana waku, ĩkithathi yaku.</verse>
				<verse number="24">Na kweethĩwa, me nzĩanĩ vandũ va ũkoma, Yeova akomana nake, akyenda kũmũaa.</verse>
				<verse number="25">Nĩvo ĩndĩ Nzivola wosie ĩvia yũmũ yũĩ, na atila kĩkonde kya mbinũ ya mwana wake, na ekya maũũnĩ ma Mose; na amwĩa, Nĩ w’o, wĩ mũtwaani wa nthakame kwakwa.</verse>
				<verse number="26">Na kwondũ wa ũu Ngai amũeka. Nĩvo ĩndĩ Nzivola wamwĩie, Wĩ mũtwaani wa nthakame we, nũndũ wa nzaĩko.</verse>
				<verse number="27">Na Yeova amwĩa Aluni, Enda weũnĩ ũmũthaũe Mose. Na athi, na amũthaũĩa kĩĩmanĩ kya Ngai, na amũmumunya.</verse>
				<verse number="28">Na Mose atavya Alunĩ ndeto syonthe sya Yeova ila ũnamũtũmie nasyo, na syama syonthe ila ũnamwĩaĩe.</verse>
				<verse number="29">Na Mose na Aluni maenda na mamomban’ya atumĩa onthe ma ana ma Isilaeli:</verse>
				<verse number="30">na Aluni aneena ndeto syonthe ila Yeova ũnamũtavisye Mose, na eeka syama andũ mene.</verse>
				<verse number="31">Na andũ meetĩkĩla: na yĩla meewie kana Yeova nĩwũkĩte kũsisya ana ma Isilaeli, na kana nĩwonete monyamao moo, nĩvo ĩndĩ makunamisye mĩtwe yoo na mathaitha.</verse>
			</chapter>
			<chapter number="5">
				<verse number="1">Na ĩtina wa ũu Mose na Alunĩ maenda, na mamwĩa Valao, Ũũ nĩw’o Yeova, Ngai wa Isilaeli, ũnũkwasya, Lekya andũ makwa mathi, methĩwe na mboka weũnĩ kwondũ wakwa.</verse>
				<verse number="2">Na Valao asya, Yeova nũũ, nĩthukĩĩsye wasya wake nĩlekya Isilaeli mathi? Ndimwĩsĩ Yeova, o na ndikalekya Isilaeli mathi.</verse>
				<verse number="3">Na mamwĩa, Ngai wa Aevelania nũnakomanie naitũ: nĩtũũkwĩsũva, ũtũlekye tũthi weũnĩ kyalo kya mĩthenya ĩtatũ, tũthembee Yeova, Ngai waitũ, ndakese kũtũvalũkĩlya mũimũ, kana ũvyũ.</verse>
				<verse number="4">Na mũsumbĩ wa Misili amea, Nĩ ũndũ wa kĩ inyw’ĩ, Mose na Aluni, mũũtuma andũ matia mawĩa moo? Endai mũsyokee mĩio yenyu.</verse>
				<verse number="5">Na Valao amea, Sisya, andũ ma nthĩ yu nĩ aingĩ, na nĩmũũtuma mathũmũia mĩio yoo.</verse>
				<verse number="6">Na mũthenya o ũsu Valao ameaĩa aũngamĩi ma andũ, na anene moo, akĩmea,</verse>
				<verse number="7">Mũikanenge andũ ũa ĩngĩ ta tene, wa kũmba mavali: nĩmaende memanthĩe ũa mo ene.</verse>
				<verse number="8">Na ũtalo wa mavali, ala mombaa tene, manengei o w’o; mũtikanyivye o na vanini: nĩkwĩthĩwa nĩ atulu; kwondũ wa ũu nimeũlonzan’ya, na kwasya, Tũendei tũmũthembee Ngai waitũ.</verse>
				<verse number="9">Andũ nĩmanengwe wĩa wĩ vinya mbee, motethye; na matikethukĩĩsye ndeto sya ũvũngũ.</verse>
				<verse number="10">Na aũngamĩi ma andũ, na anene moo, maumaala, na maneena na andũ, makĩmea, Ũũ nĩw’o Valao ũnũkwasya, Ndimũnenga ũa.</verse>
				<verse number="11">Endai inyw’ĩ, mũkemanthĩe ũa o vala mũtonya kũwona; nũndũ wĩa wenyu o na wĩva ndũkaoleka.</verse>
				<verse number="12">Kwondũ wa ũu andũ manyaĩĩkwa nthĩ yonthe ya Misili mamanthe mavuthĩ vandũ va ũla ũa.</verse>
				<verse number="13">Na aũngamĩi mamakalaata mũno, makĩmea, Ianĩsyai mawĩa menyu, mawĩa ma kĩla mũthenya, o ta yĩla ũa waĩ vo.</verse>
				<verse number="14">Na anene ma ana ma Isilaeli, ala aũngamĩi ma Valao mamaiĩte, makũnwa, makĩwa, Nĩ ũndũ wa kĩ muineanĩsya wĩa wenyu wa kũmba mavali ĩoo, o na ũmũnthĩ, ta tene?</verse>
				<verse number="15">Nĩvo ĩndĩ anene ma ana ma Isilaeli mathi manũĩĩa Valao, makĩmũkũlya, Wĩĩka na athũkũmi maku ũu nĩkĩ?</verse>
				<verse number="16">Ithyĩ athũkũmi maku tũtinengawe ũa, nao metwĩa, Ũmbai mavali: na, sisya, athũkũmi maku nĩtũkũnawa; ĩndĩ ĩvĩtyo yĩ kwa andũ maku mwene.</verse>
				<verse number="17">Ĩndĩ amea, Mwĩ atulu, mwĩ atulu: kwondũ wa ũu mwĩasya, Tũendei tũmũthembee Yeova.</verse>
				<verse number="18">Endai yu ĩndĩ, mũtethye wĩa; nĩkwĩthĩwa mũikanengwa ũa, ĩndĩ mũkeanĩsye ũla ũtalo wa mavali.</verse>
				<verse number="19">Na anene ma ana ma Isilaeli moona atĩ me ũndũnĩ ũthũku, yĩla matavĩw’e, Mũtikaole o na vanini mavali menyu, ũtalo wa kĩla mũthenya.</verse>
				<verse number="20">Na makyuma kwa Valao makomana na Mose na Aluni, ala maũngeme nzĩani:</verse>
				<verse number="21">na mamea, Yeova amũsisye, na kũsila; nũndũ nĩmũtũnyungĩtye naĩ kũla kwĩ Valao, na kũla kwĩ athũkũmi make, kũmanenga ũvyũ mokonĩ moo matũae.</verse>
				<verse number="22">Na Mose amũsyokea Yeova, na amwĩa, Mwĩaĩi, ũmekĩte andũ aa naĩ nĩkĩ? Ũndũmĩte nĩkĩ?</verse>
				<verse number="23">Nũndũ kuma navika kwa Valao nĩneene syĩtwanĩ yaku, nũmekĩte andũ aa naĩ; o naku ndũmathonoketye andũ maku nongi.</verse>
			</chapter>
			<chapter number="6">
				<verse number="1">Na Yeova amwĩa Mose, Yu ũkoona ũndũ nĩmwĩka Valao: nũndũ akamalekya mathi kwondũ wa kw’oko kwĩ vinya, na akamalũngya nthĩ yake na kw’oko kwĩ vinya.</verse>
				<verse number="2">Na Ngai aneena na Mose, na amwĩa, Ninyie Yeova:</verse>
				<verse number="3">nakwa namũmĩlĩle Avalaamu, na Isaka, na Yakovo, nĩ Ngai Mwene Vinya W’onthe; ĩndĩ na syĩtwa yakwa Yeova ndyaamanyĩka kwoo.</verse>
				<verse number="4">Na ĩngĩ nĩnĩlũlũmĩlye ũtianĩo wakwa namo, nĩmanenge nthĩ ya Kanaani, ĩla nthĩ ya kwĩkala ũeni kwoo, ĩla mekalile me ũeninĩ.</verse>
				<verse number="5">Na ĩngĩ nĩnĩw’ĩte kũluma kwa ana ma Isilaeli, ala Amisili mekalasya ũkombonĩ; na nĩnĩlilikanĩte ũtianĩo wakwa.</verse>
				<verse number="6">Kwondũ wa ũu matavye ana ma Isilaeli, Ninyĩe Yeova, na ngamumya mume mĩionĩ ya Amisili, na ngatuma muma ũkombonĩ woo, nakwa ngamwovosya na kw’oko kũtambũũkĩtwe, na mosilĩlo manene:</verse>
				<verse number="7">na ngamwosa mwĩthĩwe andũ makwa, na ngeethĩwa nĩ Ngai wenyu; na mũkamanya ninyie Yeova Ngai wenyu; ũla ũnũũmumya mĩionĩ ya Amisili.</verse>
				<verse number="8">Na ngamũete nthĩ ĩla neevĩtĩe kũmanenga Avalaamu, na Isaka, na Yakovo; na ngamũnenga ĩthĩwe ũtiĩwa wenyu: ninyie Yeova.</verse>
				<verse number="9">Na Mose atavya ana ma Isilaeli ũu: ĩndĩ matyaamwĩthukĩĩsya Mose ũndũ wa woo mũnene wa veva, na ũndũ wa ũkombo mwai.</verse>
				<verse number="10">Na Yeova aneena na Mose, akĩmwĩa,</verse>
				<verse number="11">Lika, ũmwĩe Valao mũsumbĩ wa Misili, alekye ana ma Isilaeli maume nthĩ yake.</verse>
				<verse number="12">Na Mose aneena vala ve Yeova, akĩmwĩa, Sisya, ana ma Isilaeli matinaambĩtukĩĩsya; Valao akambĩw’a ata ĩndĩ, nyie ũla nĩ na ilomo ite mbaĩke?</verse>
				<verse number="13">Na Yeova aneena na Mose na Aluni, na amea meaĩe ana ma Isilaeli, o na Valao mũsumbĩ wa Misili, mamaumye ana ma Isilaeli nthĩ ya Misili.</verse>
				<verse number="14">Aa nĩo atongoi ma nyũmba sya aaĩthe moo. Ana ma Leuveni, ĩkithathi ya Isilaeli, nĩ Anoki, na Valu, na Esiloni, na Kalimi; asu nĩo mĩvĩa ya Leuveni.</verse>
				<verse number="15">Na ana ma Simeoni: Yemueli, na Yamini, na Oati, na Yakini, na Nzooali, na Sauli, mwana wa mũndũ mũka Mũkanaani: asu nĩo mĩvĩa ya Simeoni.</verse>
				<verse number="16">Na aa nĩ masyĩtwa ma ana ma Livai kũatĩĩa nzyawa syoo: Ngelisoni, na Koathi, na Melali: na myaka ya thayũ wa Livai yaĩ myaka ĩana na mĩongo ĩtatũ na mũonza.</verse>
				<verse number="17">Ana ma Ngelisoni: Livini, na Simei, kũatĩĩa mĩvĩa yoo.</verse>
				<verse number="18">Na ana ma Koathi: Amilamu, na Isali, na Eviloni, na Usieli; na myaka ya thayũ wa Koathi yaĩ myaka ĩana na mĩongo ĩtatũ na ĩtatũ.</verse>
				<verse number="19">Na ana ma Melali: Mali na Musi. Aa nĩo mĩvĩa ya Alivai kũatĩĩa nzyawa syoo.</verse>
				<verse number="20">Na Amilamu atwaa Yokeveti, mwendw’a‐ĩthe wake, atw’ĩke mũka; na amũsyaĩa Aluni na Mose: na myaka ya thayũ wa Amilamu yaĩ myaka ĩana na mĩongo ĩtatũ na mũonza.</verse>
				<verse number="21">Na ana ma Isali: Kola, na Neveki, na Nzikili.</verse>
				<verse number="22">Na ana ma Usieli: Misaeli, na Elisavani, na Sithili.</verse>
				<verse number="23">Na Aluni atwaa Elesieva, mwĩĩtu wa Aminatavu, mwĩĩtu‐a‐inyia wa Nasoni, atw’ĩke mũka; nake amũsyaĩa Natavu, na Aviu, na Eleasali, na Ithamali.</verse>
				<verse number="24">Na ana ma Kola: Asili, na Elikana, na Aviasavu; asu nĩo mĩvĩa ya Akola.</verse>
				<verse number="25">Na Eleasali, mwana wa Aluni, atwaa ũmwe wa eĩtu ma Vutieli atw’ike mũka; nake amũsyaĩa Vineasi. Asu nĩo atongoi ma nyũmba sya aaĩthe ma Alivai kũatĩĩa mĩvĩa yoo.</verse>
				<verse number="26">Asu, Mose na Aluni, nĩo ala Yeova watavisye atĩĩ, Umyai ana ma Isilaeli nthĩ ya Misili kwĩanana na nguthu syoo.</verse>
				<verse number="27">Asu nĩo ala maneenie na Valao mũsumbĩ wa Misili, nĩ kana maumye ana ma Isilaeli Misili: asu nĩ ala Mose na Aluni.</verse>
				<verse number="28">Na kweethĩwa mũthenya ũla Yeova waneenie na Mose nthĩ ya Misili,</verse>
				<verse number="29">Yeova aneena na Mose, akĩmwĩa, Ninyie Yeova: neena na Valao mũsumbĩ wa Misili maũndũ onthe ala ngũkũtavya.</verse>
				<verse number="30">Na Mose aneena vala ve Yeova, Sisya, nĩ na ilomo ite mbaĩke, na Valao akambĩthukĩĩsya ata?</verse>
			</chapter>
			<chapter number="7">
				<verse number="1">Na Yeova amwĩa Mose, Sisya, nĩkũtw’ĩkĩthĩtye ta Ngai kwa Valao; na Aluni, mwana‐a‐mwenyu, akeethĩwa mwathani waku.</verse>
				<verse number="2">Ũkaneene onthe ala ngũkwĩaĩa; na Aluni, mwana‐a‐mwenyu, akaneena na Valao, nĩ kana alekye ana ma Isilaeli maume nthĩ yake.</verse>
				<verse number="3">Nakwa ngoomya ngoo ya Valao, na ngingĩvya syama syakwa na moseng’yo makwa nthĩ ya Misili.</verse>
				<verse number="4">Ĩndĩ Valao ndakamwĩthukĩĩsya, nakwa ngailĩĩla kw’oko kwakwa Misili, na ngyumya nguthu syakwa, andũ makwa ana ma Isilaeli, kuma nthĩ ya Misili na mosilĩlo manene.</verse>
				<verse number="5">Na Amisili makamanya ninyie Yeova, yĩla nĩtambũũkya kw’oko kwakwa ĩũlũ wa Misili, na ngyumya ana ma Isilaeli katĩ woo.</verse>
				<verse number="6">Na Mose na Aluni meeka ũu; o tondũ Yeova wameaĩe, now’o meekie.</verse>
				<verse number="7">Na Mose aĩ wa myaka mĩongo nyanya, na Aluni wa myaka mĩongo nyanya na ĩtatũ, yĩla maneenie na Valao.</verse>
				<verse number="8">Na Yeova aneena na Mose na Aluni, akyasya,</verse>
				<verse number="9">Yĩla Valao wĩneena nenyu, akĩmwĩa, Onan’yai kyama kwondũ wenyu: nĩvo ĩndĩ wĩmwĩa Aluni, Osa ndata yaku, nokĩkya nthĩ mbee wa Valao ĩtw’ĩke nzoka.</verse>
				<verse number="10">Na Mose na Aluni malika kwa Valao, na meeka ũu, o tondũ Yeova wameaĩe: na Aluni ekya ndata yake nthĩ mbee wa Valao na mbee wa athũkũmi make, na yatw’ĩka nzoka.</verse>
				<verse number="11">Nĩvo ĩndĩ Valao nake wetie andũ oĩ na aoi: na asu nao, eki ma syama ma Misili, meeka o ta ũu na mowe moo.</verse>
				<verse number="12">Nũndũ mekya kĩla mũndũ ndata yake nthĩ, nasyo syatw’ĩka nzoka: ĩndĩ ĩla ndata ya Aluni yamelya ndata syoo.</verse>
				<verse number="13">Na ngoo ya Valao yoomwa, na ndaamethukĩĩsya; o tondũ Yeova ũneenete.</verse>
				<verse number="14">Na Yeova amwĩa Mose, Ngoo ya Valao nĩ nyũmũ, nũleete kũlekya andũ mathi.</verse>
				<verse number="15">Enda kwa Valao kwakya; sisya, ũkeethĩa aienda manzĩnĩ; naku ũkaũngame ũtee wa ũsĩ ũkomane nake; na ĩla ndata yalyũlilwe nzoka ũkethĩwe nayo kw’okonĩ kwaku.</verse>
				<verse number="16">Noimwĩa, Yeova, Ngai wa Aevelania, nũndũmĩte kũla ũĩ, akĩkwĩa, Lekya andũ makwa mathi, manthũkũme weũnĩ: na sisya, kũvika o na yu ndwaaĩthukĩĩsya.</verse>
				<verse number="17">Ũũ nĩw’o Yeova ũnũkwasya, Ũndũnĩ ũũ ũkamanya ninyie Yeova: sisya, ngakũna manzĩ ala me ũsĩnĩ na ndata ĩla yĩ kw’okonĩ kwakwa, na makaalyũka nthakame.</verse>
				<verse number="18">Na makũyũ ala me ũsĩnĩ makakw’a, na ũsĩ ũkanyunga naĩ; na Amisili makamena mũno kũnyw’a manzĩ ma ũsĩnĩ.</verse>
				<verse number="19">Na Yeova amwĩa Mose, Mwĩe Alunĩ, Osa ndata yaku, noitambũũkya kw’oko kwaku ĩũlũ wa manzĩ ma Misili, ĩũlũ wa mbũsĩ syoo, na ĩũlũ wa tũlũsĩ twoo, na ĩũlũ wa ndia syoo, na ĩũlũ wa maia moo onthe ma manzĩ, matw’ĩke nthakame; na kũkeethĩwa nthakame nthĩ yonthe ya Misili, syĩndũnĩ sya mĩtĩ o na syĩndũnĩ sya mavia.</verse>
				<verse number="20">Na Mose na Aluni meeka ũu, o tondũ Yeova weaie; na ookĩlya ndata, na akũna manzĩ ala maĩ ũsĩnĩ, Valao ene, o na athũkũmi make mene; na manzĩ onthe ala maĩ ũsĩnĩ maalyũka nthakame.</verse>
				<verse number="21">Na makũyũ ala maĩ ũsĩnĩ makw’a; na ũsĩ wanyunga naĩ, na Amisili matyaatonya kũnyw’a manzĩ ma ũsĩnĩ; nayo nthakame yakomana nthĩ yonthe ya Misili.</verse>
				<verse number="22">Na eki ma syama ma Misili meeka o ta ũu na mowe moo: na ngoo ya Valao yoomwa, na ndaamethukĩĩsya; o tondũ Yeova ũneenete.</verse>
				<verse number="23">Na Valao eethyũũa alika nyũmba kwake, o na ndaaona ũu ta ũndũ ngoonĩ yake.</verse>
				<verse number="24">Na Amisili onthe menzanga kũndũ kw’onthe ũtee wa ũsĩ mone manzĩ ma ũnyw’a; nũndũ matyaatonya kũnyw’a ala manzĩ ma ũsĩnĩ.</verse>
				<verse number="25">Na mĩthenya mũonza yathela, ĩtina wa Yeova akũna ũla ũsĩ.</verse>
			</chapter>
			<chapter number="8">
				<verse number="1">Na Yeova amwĩa Mose, Lika kwa Valao, noimwĩa, Ũũ nĩw’o Yeova ũnũkwasya, Lekya andũ makwa mathĩ, manthũkũme.</verse>
				<verse number="2">Na ethĩwa nũũlea ũmalekya mathi, sisya, ngakũna mĩvaka yaku yonthe na kũete syoa:</verse>
				<verse number="3">na ũsĩ ũkausũa syoa ki, ila ikambata ilike nyũmbanĩ yaku, o na nthĩnĩ wa kasũmba kaku ka kũkoma, na ũkomonĩ waku, na nthĩnĩ wa nyũmba ya athũkũmi maku, na ĩũlũ wa andũ maku, na nthĩnĩ wa maiko maku, na nthĩnĩ wa syĩndũ syaku ila iluĩlawa mũtu:</verse>
				<verse number="4">na ila syoa ikambata ĩũlũ waku, na ĩũlũ wa andũ maku, na ĩũlũ wa athũkũmi maku onthe.</verse>
				<verse number="5">Na Yeova amwĩa Mose, Mwĩe Aluni, Tambũũkya kw’oko kwaku kwĩ na ndata yaku ĩũlũ wa mbũsĩ, na ĩũlũ wa tũlũsĩ, na ĩũlũ wa ndia, ũkambatĩthye syoa nthĩ ya Misili.</verse>
				<verse number="6">Na Aluni atambũũkya kw’oko kwake ĩũlũ wa manzĩ ma Misili; na syoa syauma, syausũa nthĩ ya Misili.</verse>
				<verse number="7">Na eki ma syama nao meeka o ta ũu na mowe moo, na mambatĩthya syoa nthĩ ya Misili.</verse>
				<verse number="8">Nĩvo ĩndĩ Valao wametie Mose na Aluni, na amea, Mwĩsũvei Yeova, ambetee syoa kwakwa, na kwa andũ makwa; nakwa ngalekya andũ mathi, mamũthembee Yeova.</verse>
				<verse number="9">Na Mose amwĩa Valao, Ĩnenevye ĩndĩ vala nĩĩ: nĩ ĩvinda yĩva nĩũvoyea, na athũkũmi maku, na andũ maku, nĩ kana syoa syanangwe kuma kwaku na nyũmbanĩ syaku, na ikĩkala ũsĩnĩ wĩ w’oka?</verse>
				<verse number="10">Na amwĩa, Nĩ ũnĩ. Nake amwĩa, Kwĩthĩwe kwĩanana na ndeto yaku; nĩ kana ũmanye vati ũngĩ ũtilyĩ Yeova Ngaĩ waitũ.</verse>
				<verse number="11">Na syoa ikaũma kũla ũĩ, na kuma nyũmbanĩ syaku, na kuma athũkũminĩ maku na kuma andũnĩ maku; ikekala ũsĩni wĩ w’oka.</verse>
				<verse number="12">Na Mose na Alunĩ maumaala vala ve Valao: na Mose amwikaĩla Yeova ũndũ wa syoa ila wamũetee Valao.</verse>
				<verse number="13">Na Yeova eeka kwĩanana na ndeto ya Mose; na ila syoa syakw’a syathela nyũmbanĩ, na nza, na mĩũndanĩ.</verse>
				<verse number="14">Na masyũmban’ya mavumbu: na nthĩ yanyunga naĩ.</verse>
				<verse number="15">Ĩndĩ yĩla Valao wonie ũthũmũo, oomya ngoo yake, na ndaamethukĩĩsya; o tondũ Yeova ũneenete.</verse>
				<verse number="16">Na Yeova amwĩa Mose, Mwĩe Aluni, Tambũũkya ndata yaku, noĩkũna kĩtoo kya nthĩ, kĩtw’ĩke ndaa nthĩ yonthe ya Misili.</verse>
				<verse number="17">Na meeka ũu; na Aluni atambũũkya kw’oko kwake kwĩ na ndata yake, na akũna kĩtoo kya nthĩ, na kweethĩwa ndaa andũnĩ, na nyamũnĩ; kĩtoo kyonthe kya nthĩ kyatw’ĩka ndaa nthĩ yonthe ya Misili.</verse>
				<verse number="18">Na ala eki ma syama meeka o ta ũu na mowe moo maete ndaa, ĩndĩ matyaatonya: na kwaĩ ndaa andũnĩ, na nyamũnĩ.</verse>
				<verse number="19">Nĩvo ĩndĩ eki ma syama mamwĩie Valao, Kĩĩ nĩ kyaa kya Ngai: na ngoo ya Valao yaĩ nyũmũ, na ndaamethũkĩĩsya; o tondũ Ngai ũneenete.</verse>
				<verse number="20">Na Yeova amwĩa Mose, Ũkĩla kĩoko tene ũũngame mbee wa Valao; sisya, nĩwũkĩte manzĩnĩ; naku ũmwĩe, Ũũ nĩw’o Yeova ũnũkwasya, Lekya andũ makwa mathi, manthũkũme.</verse>
				<verse number="21">Kana ethĩwa ndũũlekya andũ makwa mathi, sisya, ngakũetee ngi mbingĩ, na athũkũmi maku, na andũ maku, na iilika nyũmbanĩ syaku: na nyũmba sya Amisili ikausũa ngi mbingĩ, o na nthĩ ĩla matwĩe.</verse>
				<verse number="22">Na mũthenya ũsu ngavathũkan’ya nthĩ ya Ngoseni ĩla andũ makwa matwĩe, kũtikethĩwe ngi isu mbingĩ vo; nĩ kana ũmanye ninyie Yeova katĩ wa nthĩ.</verse>
				<verse number="23">Na ngeekĩa kĩvathũkan’yo katĩ wa andũ makwa na andũ maku: na kyama kyu kĩkooneka ũnĩ.</verse>
				<verse number="24">Na Yeova eeka ũu; na kwalika ngi mbingĩ nyũmbanĩ ya Valao, na nyũmbanĩ sya athũkũmi make: na nthĩnĩ wa nthĩ yonthe ya Misili nthĩ yathũkwa mũno kwondũ wa ngi isu mbingĩ.</verse>
				<verse number="25">Na Valao eeta Mose na Aluni, na amea, Endai inyw’ĩ, mũthembee Ngai wenyu o nthĩ ĩno.</verse>
				<verse number="26">Na Mose amwĩa, Kũtyaĩle twĩke ũu; nũndũ tũkathembea Yeova Ngai waitũ nthembo ĩla ĩthatasya Amisili: sisya, tũkathemba ĩla ĩthatasya Amisili mene, namo matitũkima na mavia?</verse>
				<verse number="27">Tũkaenda weũnĩ kyalo kya mĩthenya ĩtatũ, na tũkĩthembea Yeova Ngai waitũ, o tondũ wĩtwĩaĩa.</verse>
				<verse number="28">Na Valao amea, Ngamũlekya mũthi, mũthembee Yeova Ngai wenyu weũnĩ; ĩndĩ mũtikaende kũasa mũno: nenyu mboyeai.</verse>
				<verse number="29">Na Mose asya, Sisya nĩnguma kũla ũĩ, na ngamwĩsũva Yeova nĩ kana ila ngi mbingĩ syume ũnĩ kwa Valao, na kwa athũkũmi make, na andũ make: no ĩndĩ, Valao ndakasyoke kũkengana ĩngĩ ũndũ wa kũlea kũlekya andũ mathi mathembee Yeova.</verse>
				<verse number="30">Na Mose aumaala kwa Valao, na amwĩsũva Yeova.</verse>
				<verse number="31">Na Yeova eeka kwĩanana na ndeto ya Mose; na amũvetea Valao, na athũkũmi make, na andũ make ngi isu mbingĩ; o na kũtyaatiala kamwe.</verse>
				<verse number="32">Na Valao oomya ngoo yake ĩvinda yĩu nayo, na ndaalekya andũ mathi.</verse>
			</chapter>
			<chapter number="9">
				<verse number="1">Nĩvo ĩndĩ Yeova wamwĩie Mose, Lika kwa Valao, ũmwĩe, Ũũ nĩw’o Yeova, Ngai wa Aevelania, ũnũkwasya, Lekya andũ makwa mathi, manthũkũme.</verse>
				<verse number="2">Nũndũ ethĩwa nũkũlea kũmalekya mathi, na kũmekalangya,</verse>
				<verse number="3">sisya, kw’oko kwa Yeova kwĩ ĩũlũ wa ĩndo syaku ila syĩ isesinĩ, ĩũlũ wa mbalasi, na mang’oi, na ngamĩle, na ndĩthya sya ng’ombe, na ndĩthya sya mbũi na malondu: kũkeethĩwa mũimũ mũthũku mũno.</verse>
				<verse number="4">Na Yeova akavathũkan’ya katĩ wa indo sya Isilaeli na indo sya Misili: na kũikakw’a ĩmwe ya syonthe ĩla sya ana ma Isilaeli.</verse>
				<verse number="5">Na Yeova atw’a kyathĩ, akyasya, Ũnĩ nĩw’o Yeova wĩĩka ũndũ ũsu nthĩ ĩno.</verse>
				<verse number="6">Na ũnĩ ũsu Yeova eeka ũndũ ũsu, na indo syonthe sya Misili syakw’a: ĩndĩ indonĩ sya ana ma Isilaelĩ kũtyaakw’a o na ĩmwe.</verse>
				<verse number="7">Na Valao atũmana, na eethĩa kũtyaĩ o na ĩmwe ngw’ũ ya indo sya Aisilaeli. Ĩndĩ ngoo ya Valao yaĩ nyũmũ, na ndaalekya andũ mathi.</verse>
				<verse number="8">Na Yeova amea Mose na Aluni, Utai mũu ikonĩ mbĩ syusĩe, na Mose naũlũkye kwelekela ĩtunĩ Valao ene.</verse>
				<verse number="9">Na ũkatw’ĩka kĩtoo kĩvinyu nthĩ yonthe ya Misili, na kwĩthĩwa mĩimũ mimbu ĩkĩvũthũkanga ĩũlũ wa andũ na ĩũlũ wa nyamũ, nthĩ yonthe ya Misili.</verse>
				<verse number="10">Na mauta mũu ikonĩ, na maũngama mbee wa Valao; na Mose aũlũkya kwelekela ĩtunĩ; na watw’ĩka mĩimũ mimbu ĩkĩvũthũkanga ĩũlũ wa andũ na ĩũlũ wa nyamũ.</verse>
				<verse number="11">Na ala eki ma syama matyaatonya kũũngama mbee wa Mose nũndũ wa mĩimũ; nĩkwĩthĩwa eki ma syama maĩ na mĩlimũ ĩsu, o na Amisili onthe.</verse>
				<verse number="12">Na Yeova oomya ngoo ya Valao, na ndaamethukĩĩsya; o tondũ Yeova ũtavĩtye Mose.</verse>
				<verse number="13">Na Yeova amwĩa Mose, Ũkĩla kĩoko tene, ũũngame mbee wa Valao, na ũimwĩa, Ũũ nĩw’o Yeova, Ngai wa Aevelania, ũnũkwasya, Lekya andũ makwa mathi, manthũkũme.</verse>
				<verse number="14">Nũndũ ĩvinda yĩĩ ngaetee ngoo yaku mothĩn’yo makwa onthe, we na athũkũmi maku, na andũ maku; nĩ kana ũmanye kana vati ũngĩ ũtilyĩ takwa nthĩ yonthe.</verse>
				<verse number="15">Nũndũ yu nĩĩthĩwa ndambũũkĩtye kw’oko kwakwa, ngũkũne we na andũ maku na mũimũ, na ũivetwa kuma nthĩ:</verse>
				<verse number="16">ĩndĩ nĩ w’o, kwondũ wa ũndũ ũũ nĩngũũngamĩtye, nĩkwon’ye vinya wakwa, na nĩ kana syĩtwa yakwa yĩtavanw’e nthĩ yonthe.</verse>
				<verse number="17">O na yu, we, wĩneneveasya andũ makwa, ndũkamalekye mathi?</verse>
				<verse number="18">Sisya, ũnĩ ta yu ngausya mbua mbai mũno ya mavia, mũthemba ũla ũtaaoneka Misili kuma mũthenya ũla yambĩlĩlw’e o na kũvika yu.</verse>
				<verse number="19">Yu ĩndĩ tũmana, ũkalaate indo syaku na syonthe ila wĩ nasyo kĩsesinĩ syĩnũkw’e; nũndũ kĩla mũndũ na nyamũ ĩla ĩkakitw’a kĩsesinĩ, ĩte mbĩnũkye, mbua ĩsu ya mavia ĩkasyuĩa, na ikakw’a.</verse>
				<verse number="20">Ũla wakĩie ndeto ya Yeova athũkũminĩ ma Valao atuma athũkũmĩ make na indo syake ikũka ilike nyũmbanĩ:</verse>
				<verse number="21">nake ũla ũtaaona ndeto ya Yeova ta kĩndũ atia athũkũmi make na indo syake kĩsesinĩ.</verse>
				<verse number="22">Na Yeova amwĩa Mose, Tambũũkya kw’oko kwaku keelekela ĩtunĩ, kue, mbua ya mavia nthĩ yonthe ya Misili, mũndũnĩ, na nyamũnĩ, na nyũnyinĩ syonthe sya mũũndanĩ, nathĩ yonthe ya Misili.</verse>
				<verse number="23">Na Mose atambũũkya ndata yake kwelekela ĩtunĩ: na Yeova aete ĩtundumo na mbua ya mavia, na mwaki watheea wavika nthĩ; na Yeova ausya mbua ya mavia nthĩ ya Misili.</verse>
				<verse number="24">Na kwondũ wa ũu kweethĩwa mbua ya mavia, na mwaki ũvulene na ĩla mbua ya mavia, mbai mũno, mũthemba ũla ũtaaoneka nthĩ yonthe ya Misili kuma yĩla yambĩlĩlye kũtũwa nĩ andũ.</verse>
				<verse number="25">Na mbua ĩsu ya mavia yakũna syonthe ila syaĩ kĩsesinĩ, andũ o na nyamũ, nthĩ yonthe ya Misili; na mbua ĩsu ya mavia yakũna nyũnyi syonthe sya mũũndani, na yatũlanga kĩla mũtĩ wa kĩsesinĩ.</verse>
				<verse number="26">No nthĩ ya Ngoseni ĩ yoka, ĩla yatwĩe ana ma Isilaeli, ĩtaĩ mbua ya mavia.</verse>
				<verse number="27">Na Valao atũmana, na eeta Mose na Aluni, na amea, Nĩnĩvĩtĩtye ĩvinda yĩĩ: Yeova nĩ mwene ũlũngalu, nakwa nyie na andũ makwa twĩ athe.</verse>
				<verse number="28">Mwĩsũvei Yeova; nũndũ itundumo ii nene mũno na mbua ya mavia nĩsyĩanĩe; nakwa ngamũlekya mũthi, na mũtiendeea na kwĩkala kũũ.</verse>
				<verse number="29">Na Mose amwĩa, O yĩla nĩuma ndũanĩ, ngookĩlĩlya Yeova moko makwa; na itundumo ikathela, o na kũtikethĩwa mbua ya mavia ĩngĩ; nĩ kana ũmanye atĩ nthĩ nĩ ya Yeova.</verse>
				<verse number="30">Ĩndĩ ũndũ waku na athũkũmi maku, nĩnĩsĩ kana o na yu mũtikakĩa Yeova Ngai.</verse>
				<verse number="31">Na katane na mbaale syakũnwa: nũndũ mbaale syaĩ na iia, na katane kaĩ kalaũku.</verse>
				<verse number="32">Ĩndĩ nganũ na kusemethu ityaakũnwa: nũndũ ityaameete.</verse>
				<verse number="33">Na Mose auma ndũanĩ kwa Valao, na atambũũkĩsya Yeova moko make: na itundumo na mbua ya mavia syatĩa, na mbua ndĩaaua ĩũlũ wa nthĩ.</verse>
				<verse number="34">Na yĩla Valao wonie atĩ mbua na mbua ya mavia na itundumo nitĩĩte, aendeea kũvĩtya, na oomya ngoo yake, we na athũkũmi make.</verse>
				<verse number="35">Na ngoo ya Valao yoomĩthw’a, na ndaalekya ana ma Isilaeli mathi; o tondũ Yeova ũneenete na kanyw’a wa Mose.</verse>
			</chapter>
			<chapter number="10">
				<verse number="1">Na Yeova amwĩa Mose, Lika kwa Valao: nũndũ nĩnũmĩtye ngoo yake, na ngoo sya athũkũmi make, nĩ kana nonan’ye syama ii syakwa katĩ woo,</verse>
				<verse number="2">na nĩ kana ũtonye kũneena mwana waku akĩw’a, o na mwĩsũkũũu, maũndũ ala nĩkĩte Misili, na syama syakwa ila nĩkĩte katĩ woo: nĩ kana mũmanye ninyie Yeova.</verse>
				<verse number="3">Na Mose na Aluni malika kwa Valao, na mamwĩa, Ũũ nĩw’o Yeova, Ngaĩ wa Aevelania, ũnũkwasya, Wĩlea kwĩnyivya mbee wakwa kũvika ĩndĩĩ? Lekya andũ makwa mathi, manthũkũme.</verse>
				<verse number="4">Kana, ethĩwa nũũlea kũlekya andũ makwa mathĩ, sĩsya, ũnĩ ngaete ngie ilike mĩvakanĩ yaku:</verse>
				<verse number="5">na ikavw’ĩka ĩũlũ wa nthĩ, o ũndũ mũndũ ũtatonya kũmyona nthĩ: na ikaya kĩla kĩtiele kya kĩla kĩthonokete, kĩla kyamũtialĩle mbuanĩ ya mavia, na ikaya kĩla mũtĩ ũla ũmeaa kwondũ wenyu kĩsesinĩ:</verse>
				<verse number="6">na nyũmba syaku, na nyũmba sya athũkũmi maku onthe, na nyũmba sya Amisili onthe ĩkausũwa nĩsyo; o tondũ aaĩthe maku, o na aũmae maku mataaona, kuma mũthenya mambĩlĩlya kũsyawa kũũ nthĩ kũvika ũmũnthĩ. Na eethyũũa, na auma kwa Valao.</verse>
				<verse number="7">Na athũkũmi ma Valao mamũkũlya, Mũndũ ũũ akekala e mũtei kwitũ kũvika ĩndĩĩ? Lekya andũ mathi, mathũkũme Yeova Ngai woo: ndũnamba kũmanya kana Misili nĩ mbanangĩku?</verse>
				<verse number="8">Na Mose na Aluni matũngwa kwa Valao ĩngĩ: na amea, Endai, mũthũkũme Yeova Ngai wenyu: ĩndĩ ala methĩ naaũ?</verse>
				<verse number="9">Na Mose amwĩa, Tũkaenda na syana sitũ na akũũ maitũ; na tũkaenda na ana maitũ na eĩtu maitũ, na ndĩthya sitũ sya mbũi na malondu na ndĩthya sitũ sya ng’ombe; nĩkwĩthĩwa no mũvaka twĩthĩwe na mboka kwondũ wa Yeova.</verse>
				<verse number="10">Na amea, Yeova ethĩwe nenyu ĩndĩ, o tondũ ngũmũlekya mũthi na syana nini syenyu: sisyai; nũndũ kwĩ ũthũku mũsũanĩĩte.</verse>
				<verse number="11">Tiw’o: endai yu, inyw’ĩ andũ aima, mũthũkũme Yeova; nũndũ ũu nĩ ũla mũkwenda. Na malũngw’a kuma kwa Valao.</verse>
				<verse number="12">Na Yeova amwĩa Mose, Tambũũkya kw’oko kwaku ĩũlũ wa nthĩ ya Misili, nĩ kana ngie syũke syambate nthĩ ya Misili, na kũya nyũnyi syonthe sya nthĩ, o syonthe ila itialĩtw’e nĩ mbua ya mavia.</verse>
				<verse number="13">Na Mose atambũũkya ndata yake ĩũlũ wa nthĩ ya Misili, na Yeova aete kĩuutani kyumĩte wumĩlonĩ wa syũa ĩũlũ wa nthĩ mũthenya ũsu w’onthe, na ũtukũ w’onthe; na kwakya, kĩuutani kĩla kyumite wumiloni wa syũa kyaete ngie.</verse>
				<verse number="14">Na ila ngie syambata ĩũlũ wa nthĩ yonthe ya Misili, na syekala mĩvakanĩ yonthe ya Misili; syaĩ mbai mũno; kũtyaaoneka ĩngĩ ngie itilyĩ ta isu, o na kũtikethĩwa ĩngĩ tasyo.</verse>
				<verse number="15">Nũndũ syavw’ĩkie ĩũlũ wa nthĩ yonthe, mũvaka nthĩ yaya kĩvindu; nasyo syaya nyũnyi syonthe sya nthĩ, na ũsyao w’onthe wa mĩtĩ ũla mbua ya mavia yatialĩtye: na kũtyaatialwa kĩndũ kĩũ o na kĩmwe, kya mũtĩ kana nyũnyi sya mũũndanĩ, nthĩ yonthe ya Misili.</verse>
				<verse number="16">Nĩvo ĩndĩ Valao wetie Mose na Aluni na mĩtũkĩ; na amea, Nĩnĩmũvĩtanĩsye Yeova Ngai wenyu, o nenyu.</verse>
				<verse number="17">Na yu ĩndĩ, nĩngũmwĩsũva, ũndekee ĩvĩtyo yakwa ĩvinda o yĩĩ yĩmwe, na ũimwĩsũva Yeova Ngai wenyu, ambetee kĩkw’ũ kĩĩ kyoka.</verse>
				<verse number="18">Na auma kwa Valao, na amwĩsũva Yeova.</verse>
				<verse number="19">Na Yeova aalyũla kĩuutani kĩ vinya mũno kyumĩte ngalĩ ya ũthũĩlonĩ wa syũa, kĩla kyookĩlilye ila ngie, na kyaitwaa na vinya Ũkanganĩ Mũtune; kũtyaatialwa ngie o na ĩmwe mĩvakanĩ yonthe ya Misili.</verse>
				<verse number="20">Ĩndĩ Yeova oomya ngoo ya Valao, nake ndaalekya ana ma Isilaeli mathi.</verse>
				<verse number="21">Na Yeova amwĩa Mose, Tambũũkya kw’oko kwaku kwelekela ĩtuni, kwĩthĩwe kĩvindu ĩũlũ wa nthĩ ya Misili, o kĩvindu kĩla kĩtonya kũkwatangwa.</verse>
				<verse number="22">Na Mose atambũũkya kw’oko kwake kwelekela ĩtunĩ; na kweethĩwa kĩvindu kya ngokomi nthĩ yonthe ya Misili mĩthenya ĩtatũ;</verse>
				<verse number="23">matyoonanaa, o na kũtyaaũkĩla mũndũ ũmwe kwake mĩthenya ĩtatũ: ĩndĩ ana onthe ma Isilaeli maĩ na kyeni kũla matwĩe.</verse>
				<verse number="24">Na Valao amwĩta Mose, na amwĩa, Endai inyw’ĩ, mũthũkũme Yeova; ĩndĩ ndĩthya syenyu sya mbũi na malondu na ndĩthya syenyu sya ng’ombe nitiwe: syana syenyu nini nasyo iende nenyu.</verse>
				<verse number="25">Na Mose asya, Ndwĩ ndĩi ya kũlea ũtũnenga nthembo sya kũtonywa mokonĩ maitũ, na nthembo sya kũvĩvw’a, tũthembee Yeova Ngai waitũ.</verse>
				<verse number="26">Indo sitũ nasyo tũkathi nasyo; kũti ĩvũngũ yĩmwe yĩkatiwa ĩtina; nũndũ kuma nthĩnĩ wasyo mũvaka twose tuthũkũme Yeova Ngai waitũ; na tũtyĩsĩ mũvaka no twavika vo, ila twaĩle kũthũkũma Yeova nasyo.</verse>
				<verse number="27">Ĩndĩ Yeova oomya ngoo ya Valao, na alea ũmalekya mathi.</verse>
				<verse number="28">Na Valao amwĩa, Uma vaa nĩĩ, wĩsũvĩe, ndũkone ũthyũ wakwa ĩngĩ; nũndũ mũthenya o ũla wĩona ũthyũ wakwa ũkakw’a.</verse>
				<verse number="29">Na Mose, amwĩa, Nĩwaneena nesa; ndikona ũthyũ waku ĩngĩ nongi.</verse>
			</chapter>
			<chapter number="11">
				<verse number="1">Na Yeova amwĩa Mose, Kwĩ ũthĩn’yo ũngĩ o ũmwe nĩmũetee Valao, na Misili; ĩtina wa ũu akamũlekya mume kũũ: yĩla wĩmũlekya mũthi ndetĩa kũmũlũngya vyũ.</verse>
				<verse number="2">Neena yu matũnĩ ma andũ, namo metye kĩla mũndũ mũũme mũtũi wake, na kĩla mũndũ mũka mũtũi wake, mĩio ya wanake ya vetha, na mĩio ya wanake ya thaavu.</verse>
				<verse number="3">Na Yeova atuma andũ mona ũseo methonĩ ma Amisili. O na ĩngĩ, mũndũ ũsu Mose aĩ mũnene mũno nthĩ ya Misili, kũla kwĩ athũkũmi ma Valao, na kũla kwĩ andũ ma kw’o.</verse>
				<verse number="4">Na Mose asya, Ũũ nĩw’o Yeova ũnũkwasya, Ta ũtukũ katĩ ngathi mbĩtĩle Misili katĩ:</verse>
				<verse number="5">na makithathi onthe nthĩ ya Misili makakw’a, kuma ĩkithathi ya Valao ũla wĩkalĩte kĩvĩlanĩ kya ũsumbĩ, o na kũvika ĩkithathi ya mũthũkũmi mwĩĩtu ũla ũnũũthia; o na makithathi onthe ma indo.</verse>
				<verse number="6">Na kũkeethĩwa kĩĩo kĩnene nthĩ yonthe ya Misili, o ta kĩla kĩtaaĩthĩwa, o na kĩtakethĩwa ĩngĩ.</verse>
				<verse number="7">Ĩndĩ kwa ana ma Isilaeli o na ngitĩ ndikamakũnĩa o na ũmwe, mũndũ o na nyamũ: nĩ kana mũmanye ũndũ Yeova ũvathũkanasya katĩ wa Amisili na Isilaeli.</verse>
				<verse number="8">Na athũkũmi aa onthe maku makatheea moke vala mĩĩ, makĩndulĩlya ndu, makĩmbĩa, Uma vaa, we, na andũ onthe ala maatĩanĩe naku: na ĩtina wa ũu ngauma nĩthi. Na auma kwa Valao e mũthatu mũno.</verse>
				<verse number="9">Na Yeova amwĩa Mose, Valao ndakakwĩthukĩĩsya; nĩ kana syama syakwa syongeleke nthĩ ya Misili.</verse>
				<verse number="10">Na Mose na Aluni meeka syama isu syonthe vala ve Valao: na Yeova oomya ngoo ya Valao, na ndaalekya ana ma Isilaeli mathi maume nthĩ yake.</verse>
			</chapter>
			<chapter number="12">
				<verse number="1">Na Yeova aneena na Mose na Aluni nthĩ ya Misili, akĩmea,</verse>
				<verse number="2">Mwei ũũ ũkeethĩwa mwei wa mbee wa mwaka kwenyu.</verse>
				<verse number="3">Neenai na ũmbano w’onthe wa Isilaeli, mũkĩwĩa, Mũthenya wa ĩkũmi wa mwei ũũ nĩmeĩyosea kĩla mũndũ katena ka ĩlondu, kwĩanana na nyũmba sya aaĩthe moo, o kĩla nyũmba katena:</verse>
				<verse number="4">ne ethĩwa andũ ma nyũmba nĩ anini matamina katena, nĩvo ĩndĩ we na mũtũi wake ũla ũthengeanĩa na nyũmba yake meosa kamwe kwĩanana na ũtalo wa andũ; o kwĩanana na ũndũ kĩla mũndũ ũĩsaa mwĩtala ũndũ wa katena,</verse>
				<verse number="5">Katena kenyu kakethĩwe kate kĩema. Kaũme ka mwaka ũmwe: mwĩkaumya malondunĩ, kana mbũinĩ:</verse>
				<verse number="6">na mwĩkaia kũvika mũthenya wa ĩkũmi na ĩna wa mwei o ũsu: na ũmbano w’onthe wa ĩkomano ya Isilaeli wĩkoaa wĩoo.</verse>
				<verse number="7">Na meosa nthakame ĩmwe yako, na makĩmĩvaka mĩtĩnĩ ĩlĩ yĩ ndee sya mũomo, o na kĩthaku, nyũmbanĩ ila meũkaĩĩa.</verse>
				<verse number="8">Na meya nyama syako ũtukũ o ũsu, syĩ mbĩvye na mwaki, vamwe na kĩmũtu kĩte ĩlawa; maiĩsanĩsya na nyũnyi syĩ ũũ.</verse>
				<verse number="9">Mũtikaiye syĩ mbĩthĩ, o na syĩ ndue na manzĩ ĩndĩ syĩ mbĩvye na mwaki; mũtwe wako vamwe na maũũ mako na mavu.</verse>
				<verse number="10">Na mũtikatialye kendũ kamwe kako kũvika kĩoko; ĩndĩ kĩla kĩtiala kyako kũvika kĩoko mwĩvĩvya na mwaki.</verse>
				<verse number="11">Na mwĩkaya ũũ: mwĩĩthĩwa mwĩvotoete kĩnyunyunĩ kyenyu; mwĩ na iatũ syenyu maũũnĩ, na ndata syenyu mokonĩ: na mwĩkaya mwĩkalaatĩte: nĩ vasaka wa Yeova.</verse>
				<verse number="12">Nĩkwĩthĩwa ngavĩtĩla ũtukũ ũsu nthĩ ya Misili, na ngakũna makithathi onthe nthĩ ya Misili, ya mũndũ o na ya nyamũ; na ngasilĩla ngai syonthe sya Misili: ninyie Yeova.</verse>
				<verse number="13">Na nthakame ĩkeethĩwa ũvano kwenyu nyũmbanĩ ila mũĩ: na yĩla nĩona nthakame, ngavĩtĩla ĩũlũ wenyu, na kũtikethĩwa ũthĩn’yo kwenyu wa kũmwananga, yĩla nĩkũna nthĩ ya Misili.</verse>
				<verse number="14">Na mũthenya ũũ ũkeethĩwa ũlilikan’yo kwenyu, na mũkoovatha wĩthĩwe wa mboka kwondũ wa Yeova: mosyaanĩonĩ menyu onthe mũkoovatha wĩthĩwe wa mboka kwĩanana na ũtw’ĩo wa tene na tene.</verse>
				<verse number="15">Mũkaye kĩmũtũ kĩte ĩlawa mĩthenya mũonza; o mũthenya wa mbee mũkaumye ĩlawa myũmbanĩ syenyu: nĩkwĩthĩwa o ũla ũkaya kĩmũtũ kĩ ĩlawa kuma mũthenya wa mbee kũvika mũthenya wa mũonza, mũndũ ũsu akavetwa kuma kwa Isilaeli.</verse>
				<verse number="16">Na mũthenya wa mbee kũkethĩwe ũmbano mũtheu kwenyu, na ũmbano mũtheu mũthenya wa mũonza naw’o; kũtikethĩwe wĩa o na wĩva ũkatethw’a nthĩnĩ wayo, keka ũsu wa kwĩanĩsya vata wa kĩla mũndũ wa kũya, no ũsu mwĩ na ũthei wa kũtethya.</verse>
				<verse number="17">Na mũkalilikanae mboka ya kĩmũtũ kĩte ĩlawa: nĩkwĩthĩwa mũthenya o ũsu nĩnumĩtye nguthu syenyu nthĩ ya Misili: kwondũ wa ũu mũkalilikanae mũthenya ũsu mosyaanĩonĩ menyu kwĩanana na ũtw’ĩo wa tene na tene.</verse>
				<verse number="18">Mũthenya wa ĩkũmi na ĩna wĩoo, mwei wa mbee, mũkaye kĩmũtũ kĩte ĩlawa, kũvika mũthenya wa mĩongo ĩlĩ na ũmwe wĩoo.</verse>
				<verse number="19">Mĩthenya mũonza kũtikooneke ĩlawa nyũmbanĩ syenyu: nũndũ o ũla ũkaya kyu kĩ na ĩlawa, mũndũ ũsu akavetwa kuma ũmbanonĩ wa Ĩsilaeli, ethĩwa nĩ mwĩkali wa ũeninĩ, kana o ũmwe ũsyaĩtwe nthĩ ĩsu.</verse>
				<verse number="20">Mũtikaye kĩla kĩ na ĩlawa o na kĩmwe; mũkaye kĩmũtũ kĩte ĩlawa mawĩkalonĩ menyu onthe.</verse>
				<verse number="21">Nĩvo ĩndĩ Mose wametie atumĩa onthe ma Isilaeli, na amea, Thii mwose tũtena twa malondu kwĩanana na mĩvĩa yenyu, mũae vasaka.</verse>
				<verse number="22">Na osai ĩseve ya ĩsovo, na mũkĩinda nthakamenĩ ĩla ĩ ĩsaaninĩ ĩnene, na mũikũnanga kĩthaku na mĩtĩ ĩlĩ yĩ ndee sya mũomo na nthakame ĩla ĩ ĩsaaninĩ ĩnene; na kũtikethĩwe ũmwe wenyu wĩumaala mũomonĩ wa nyũmba kwake kũvika kĩoko.</verse>
				<verse number="23">Nũndũ Yeova akavĩtĩla nthĩ akũne Amisili; na yĩla wĩona nthakame kĩthakunĩ, na mĩtĩnĩ ĩlĩ yĩ ndee sya mũomo, Yeova akavĩtĩla ĩũlũ wa mũomo ũsu, na ndakanenga mwanangi ũthei alike nyũmbanĩ syenyu amũkũne.</verse>
				<verse number="24">Na mũkalilikana ũndũ ũũ ũtw’ĩke ũtw’ĩo kwaku na kwa ana maku kũvika tene na tene.</verse>
				<verse number="25">Na kũkeethĩwa, yĩla mũkavika nthĩ ĩla Yeova ũkamũnenga, kwĩanana na ũndũ wathĩte, mũkalilikanae ũthũkũmi ũũ.</verse>
				<verse number="26">Na kũkeethĩwa, yĩla syana syenyu ikamũkũlya, Ũthũkũmi ũũ nĩ ũndũ wa kĩ kwenyu?</verse>
				<verse number="27">Nĩvo ĩndĩ mũkasyĩa, Nĩ nthembo ya vasaka wa Yeova, ũla wavĩtĩle ĩũlũ wa nyũmba sya ana ma Isilaeli Misili, yĩla woaie Amisili, na avonokya nyũmba sitũ. Na andũ makunamya mĩtwe na kũthaitha.</verse>
				<verse number="28">Na ana ma Isilaeli maenda, na meeka ũu; o tondũ Yeova wameaĩe Mose na Aluni, now’o meekie.</verse>
				<verse number="29">Na kweethĩwa ũtukũ katĩ, kana Yeova akũna makithathi onthe me nthĩ ya Misili, kuma ĩkithathi ya Valao ũla wekalĩte kĩvĩlanĩ kya ũsumbĩ kũvika ĩkithathi ya ũla mwove wĩ kasũmbanĩ ke nthĩnĩ wa nthĩ; o na makithathi onthe ma ĩndo.</verse>
				<verse number="30">Na Valao ookĩla ũtukũ, we, na athũkũmi make onthe, na Amisili onthe; na kwaĩ kĩĩo kĩnene Misili; nũndũ kũtyaĩ nyũmba ĩtakw’ĩte mũndũ.</verse>
				<verse number="31">Na eeta Mose na Aluni ũtukũ, na amea, Ũkĩlai, mume andũnĩ makwa, inyw’ĩ o na ana ma Isilaeli; na mũithi, mũthũkũme Yeova, o tondũ mwaisye.</verse>
				<verse number="32">Osai ndĩthya syenyu sya mbũi na malondu na ndĩthya syenyu sya ng’ombe, o tondũ mwaisye, na mũithi; na mũingathima nakwa.</verse>
				<verse number="33">Na Amisili mamathing’ĩĩsya andũ mũno, mamaumye nthĩ na mĩtũkĩ; nũndũ maisye, Ithyonthe twĩ andũ akw’ũ.</verse>
				<verse number="34">Na andũ moosa ngũmbwa sya mũtu itaamba kwĩkĩwa ĩlawa, na syĩndũ syoo ila iluĩlawa mũtu syoveewe ngũanĩ syoo maikũa na ituo.</verse>
				<verse number="35">Na ana ma Isilaeli meeka kwĩanana na ndeto ya Mose; na meetya Amisili mĩio ya wanake ya vetha, na mĩio ya wanake ya thaavu, na ngũa:</verse>
				<verse number="36">na Yeova atuma andũ mona ũseo methonĩ ma Amisili, kũvika mamanenga o kĩla meetisye. Na mamavuta Amisili.</verse>
				<verse number="37">Na ana ma Isilaeli maenda kyalo kuma Lamesesi kũvika Sukothi, aũme ta ngili maana thanthatũ ala maendete na maũũ, eka syana.</verse>
				<verse number="38">Na nguthu ya elikya yambata vamwe namo; na ndĩthya sya mbũi na malondu, na sya ng’ombe, indo nyingĩ mũno.</verse>
				<verse number="39">Na maua tũmũtũ tũte ĩlawa kuma ngũmbwanĩ sya mũtu ila maumie nasyo Misili; nũndũ ityaĩ na ĩlawa, nũndũ nĩmalũngilw’e Misili na vinya, na matyaatonya kwĩkalanga, o na matyaaĩseũvĩsya lĩu o na wĩva.</verse>
				<verse number="40">Na ĩndĩ, ĩvinda yĩla ana ma Isilaeli mekalĩte Misili yaĩ myaka maana ana na mĩongo ĩtatũ.</verse>
				<verse number="41">Na kweethĩwa, myaka ĩsu maana ana na mĩongo ĩtatũ yathela, mũthenya o ũsu kweethĩwa atĩ nguthu syonthe sya Yeova syauma nthĩ ya Misili.</verse>
				<verse number="42">Nĩ ũtukũ wa ũlilikanĩlwa Yeova mũno nũndũ wa kũmaumya nthĩ ya Misili: ũũ nĩw’o ũtukũ ũsu wa Yeova, wa ũlilikanawa mũno nĩ ana onthe ma Isilaeli mosyaanĩonĩ moo.</verse>
				<verse number="43">Na Yeova amea Mose na Aluni, Ũũ nĩ ũtw’ĩo wa vasaka; mũndũ wa nthĩ ĩngĩ o na wĩva ndakaye w’o;</verse>
				<verse number="44">ĩndĩ mũthũkũmi wa kĩla mũndũ ũla ũthooetwe na mbesa, yĩla wĩmwaĩka, nĩvo wĩya w’o.</verse>
				<verse number="45">Mwĩkali wa ũeninĩ, na mũthũkũmi ũtuvawa matikaye w’o.</verse>
				<verse number="46">Ũkaĩĩwe nyũmbanĩ o ĩmwe; mũtĩkaumaalye kasama o na kamwe nza kuma nyũmbanĩ; o na mũtikatũle ĩvĩndĩ yao.</verse>
				<verse number="47">Ũmbano w’onthe wa Isilaeli ũkoolilikanae.</verse>
				<verse number="48">Na yĩla mũeni ũkekala ũeni kwaku, na akyenda kũlilikana vasaka kwondũ wa Yeova, aũme make onthe nĩmaĩkwe, na ĩndĩ nathengeee oolilikane; na akeethĩwa ta ũmwe ũsyaĩwe nthĩ ĩsu: ĩndĩ mũndũ o na wĩva ũte mwaĩke ndakaye w’o.</verse>
				<verse number="49">Kũkeethĩwa mwĩao ũmwe wa ũla ũsyaawa kwenyu, na wa mũeni ũla wĩkalaa ũeni kwenyu.</verse>
				<verse number="50">Now’o ana onthe ma Isilaeli meekie; o tondũ Yeova wameaĩe Mose na Aluni, now’o meekie.</verse>
				<verse number="51">Na kweethĩwa mũthenya o ũsu, Yeova nĩwaumisye ana ma Isilaeli nthĩ ya Misili nguthu na nguthu.</verse>
			</chapter>
			<chapter number="13">
				<verse number="1">Na Yeova aneena na Mose, akĩmwĩa,</verse>
				<verse number="2">Mbathĩa makithathi onthe, o yĩla yĩkamba kuma ĩvunĩ ya nyinyia ananĩ ma Isilaeli, yĩla ya mũndũ o na ya nyamũ: yĩu nĩ yakwa.</verse>
				<verse number="3">Na Mose amea andũ, Lilikanai mũthenya ũũ, ũla mumie Misili, kuma nyũmbanĩ ya ũkombo; nũndũ Yeova amumisye vandũ vaa na kw’oko kwĩ vinya: kĩmũtũ kĩ na ĩlawa kĩtikaĩwe.</verse>
				<verse number="4">Mũnthĩ ũũ wa mwei wa Avivu nĩmũkuma.</verse>
				<verse number="5">Na kũkeethĩwa, yĩla Yeova wĩmũete nthĩ ya Mũkanaani, na Mũititi, na Mũamoli, na Mũivi, na Mũyevusi, ĩla wamevĩtĩe aaĩthe maku ũkũnenga, nthĩ yusũĩte ĩia na ũkĩ wa nzũkĩ, nĩvo wĩlilikanae ũthũkũmi ũũ mwei o ũũ.</verse>
				<verse number="6">Mũkaye kĩmũtũ kĩte ĩlawa mĩthenya mũonza, na mũthenya wa mũonza ũkeethĩwa wa mboka kwondũ wa Yeova.</verse>
				<verse number="7">Kĩmũtũ kĩte ĩlawa kĩkaĩwe mĩthenya ĩsu mũonza; na kĩmũtũ kĩ na ĩlawa kĩtikooneke kwaku, o na ĩlawa yĩtĩkooneke kwaku, mĩvakanĩ yaku yonthe.</verse>
				<verse number="8">Na mũthenya ũsu ũkatavye mwana waku, ũkĩmwĩa, Nĩ kwondũ wa ũndũ ũla Yeova wambĩkie yĩla naumie nthĩ ya Misili.</verse>
				<verse number="9">Na ũkeethĩwa ũvano kwaku kw’okonĩ kwaku, na kwondũ wa ũlilikan’yo katĩ wa metho maku, nĩ kana mwĩao wa Yeova wĩthĩwe kanyw’anĩ waku: nũndũ Yeova akumisye Misili na kw’oko kwĩ vinya.</verse>
				<verse number="10">Kwondũ wa ũu ũkalilikanae ũtw’ĩo ũũ ĩvinda yaw’o mwaka na mwaka.</verse>
				<verse number="11">Na kũkeethĩwa, Yeova amũete nthĩ ya Mũkanaani, o tondũ wakwĩvĩtĩe we, na aaĩthe maku, na ũkũnenga,</verse>
				<verse number="12">atĩ ũkamũvathĩe Yeova onthe ala mambaa kuma ĩvunĩ ya nyinyia, o na kĩla ĩkithathi yĩla wĩ nayo yumaa nyamũnĩ; ila nũme ikeethĩwa syĩ sya Yeova.</verse>
				<verse number="13">Na kĩla ĩkithathi ya ĩng’oi ũkovosye na katena ka ĩlondu; na ethĩwa ndũkwenda kũyovosya, ũkayĩtũle ngingo ĩndĩ: na makithathi onthe ma andũ ananĩ maku ũkovosye.</verse>
				<verse number="14">Na kũkeethĩwa, o yĩla mwana waku ũkakũkũlya ĩvinda yĩla yũkĩte, aikwĩa, Ũũ nata? Ũkamwĩa, Yeova atumisye Misili, kuma nyũmbanĩ ya ũkombo na kw’oko kwĩ vinya:</verse>
				<verse number="15">na kweethĩwa, yĩla Valao womisye ngoo yake ndakatũlekye tũthi, Yeova nĩwoaie makithathi onthe nthĩ ya Misili, ĩkithathi ya mũndũ, o na ĩkithathi ya nyamũ: kwondũ wa ũu nĩthembee Yeova onthe ala mambaa kuma ĩvunĩ ya nyinyia, me maũme; ĩndĩ makithathi onthe ananĩ makwa nĩnovoasya.</verse>
				<verse number="16">Na ũndũ ũsu ũkeethĩwa ũvano kw’okonĩ kwaku, na ũlilikan’yo katĩ wa metho maku: nũndũ Yeova nĩwatumisye Misili na kw’oko kwĩ vinya.</verse>
				<verse number="17">Na kweethĩwa, yĩla Valao waĩ analekya andũ mathi; Ngai ndaamatongoesya na nzĩa ya nthĩ ya Avilisiti, o na kau yaĩ nguvĩ; nũndũ Ngai aisye, Andũ matikese kwĩalyũla moona kaũ, na makĩsyoka Misili:</verse>
				<verse number="18">ĩndĩ Ngai atongoesya andũ na nzĩa ya kĩthyũlũlũ, na nzĩa ya ya weũnĩ vakuvĩ na Ũkanga Mũtune: na ana ma Isilaeli mauma nthĩ ya Misili mekĩe mĩio ya kaũ.</verse>
				<verse number="19">Na Mose akua mavĩndĩ ma Yosevu: nũndũ we nĩwameavĩthisye na vinya ana ma Isilaeli, akĩmea, Ngai ndatia kũmũsisya; nenyu mũkakue mavĩndĩ makwa maume kũũ.</verse>
				<verse number="20">Na mathi kyalo kuma Sukothi, na mamba maeema Ethamu, mũvakanĩ wa weũnĩ.</verse>
				<verse number="21">Na Yeova aendaa mbee woo mũthenya e nthĩnĩ wa kĩtuĩ kya mũumbĩ, amatongoesye nzĩanĩ, na ũtukũ e nthĩnĩ wa kĩtuĩ kya mwaki, amanenge kyeni; nĩ kana maendae mũthenya na ũtukũ:</verse>
				<verse number="22">kĩla kĩtuĩ kya mũumbĩ mũthenya, na kĩtuĩ kya mwaki ũtukũ kĩtyaauma mbee wa andũ.</verse>
			</chapter>
			<chapter number="14">
				<verse number="1">Na Yeova aneena na Mose, akĩmwĩa,</verse>
				<verse number="2">Mee ana ma Isilaeli mealyũle mambe maeema kwelekela Vi‐ailothi, katĩ wa Mikitoli na ũkanga, kwelekela Mbaali‐nzevoni: mũkambe maeema vakuvĩ na ũkanga mũmyelekele.</verse>
				<verse number="3">Na Valao akaneena ũndũ wa ana ma Isilaeli atĩĩ, Nĩmalingisanĩlw’e nĩ nthĩ, weũ nũmavingĩĩte nzĩa.</verse>
				<verse number="4">Na ngoomya ngoo ya Valao, na akamaatĩĩa; nakwa ngeethĩwa na ndaĩa kũla kwĩ Valao, na kũla kwĩ nguthu yake yonthe; na Amisili makamanya ninyie Yeova. Na meeka ũu.</verse>
				<verse number="5">Na mũsumbĩ wa Misili atavw’a kana andũ nĩmakĩie: na ngoo ya Valao na sya athũkũmi make syaalyũka ũndũ wa ala andũ, na masya, Ũũ twĩkĩte nata, kũmalekya Isilaeli mathĩ maeka kũtũthũkũmaa?</verse>
				<verse number="6">Na oomban’ya ĩkasya yake ya kaũ, na athi na andũ make:</verse>
				<verse number="7">na athi na makasya manyuve ma kaũ maana thanthatũ, na makasya onthe ma kaũ ma Misili, na makavuteni masyo syonthe.</verse>
				<verse number="8">Na Yeova oomya ngoo ya Valao mũsumbĩ wa Misili, na aatĩĩa ana ma Isilaeli; nũndũ ana ma Isilaeli maumie na kw’oko kwĩ vinya.</verse>
				<verse number="9">Na Amisili mamaatĩĩa, mbalasi na makasya onthe ma kaũ ma Valao, na andũ make onthe ala matũlĩte mbalasi, na ĩta syake, na mamawĩla mambĩte maeema vakuvĩ na ũkanga, ũtee wa Vi‐ailothi, kwelekela Mbaali‐nzevoni.</verse>
				<verse number="10">Na Valao athengeea, ana ma Isilaeli mookĩlya metho moo, na sisya, Amisili maĩ mamaatĩĩe; na makĩa mũno: na ana ma Isilaeli mamwĩkaĩla Yeova.</verse>
				<verse number="11">Na mamũkũlya Mose, Nĩkwĩthĩwa kũtyaĩ mbũa Misili, nĩwatumĩsye tũkw’ĩe weũnĩ? Ũtwĩkĩte ũu nĩkĩ, kũtumya Misili?</verse>
				<verse number="12">Ĩsu ti ĩla ndeto twakũtavĩsye Misili, tũkĩkwĩa, Tũeke, tũmathũkũmae Amisili? Nũndũ kwĩ kavaa tũmathũkũmae Amisili, kwĩ tũikw’ĩa weũnĩ.</verse>
				<verse number="13">Na Mose amea andũ, Mũtikakĩe, ũngamai, na nĩmũkwona ũtangĩĩo wa Yeova, ũla wĩĩka kwondũ wenyu ũmũnthĩ, nũndũ Amisili ala mũmene ũmũnthĩ, mũtikamona ĩngĩ nongi.</verse>
				<verse number="14">Yeova akamũkitĩa, nenyu mũkavindya ki.</verse>
				<verse number="15">Na Yeova amwĩa Mose, Wĩmbĩkaĩla nĩkĩ? Mee ana ma Isilaeli maendeee na mbee.</verse>
				<verse number="16">Naku ũkĩlya ndata yaku, noitambũũkya kw’oko kwaku ĩũlũ wa ũkanga, ũaan’ye: na ana ma Isilaeli makalika ũkanganĩ katĩ makinyĩle nthĩ nyũmũ.</verse>
				<verse number="17">Nakwa, sisya, ngoomya ngoo sya Amisili, na makalika makĩmaatĩĩa: na ngeethĩwa na ndaĩa kũla kwĩ Valao, na kũla kwĩ nguthu yake yonthe, na makasya make ma kaũ, na andũ make matũlĩte mbalasi.</verse>
				<verse number="18">Na Amisili makamanya ninyie Yeova, yĩla nĩtaĩwa kũla kwĩ Valao, na makasya make ma kaũ, na andũ make ala matũlĩte mbalasi.</verse>
				<verse number="19">Na mũlaĩka wa Ngai, ũla watongoeasya nguthu ya Isilaeli, auma vo na asyoka ĩtina woo; na kĩla kĩtuĩ kya mũumbĩ kyauma mbee woo na kyaũngama ĩtina woo:</verse>
				<verse number="20">na kyooka katĩ wa nguthu ya Misili na nguthu ya Isilaeli; na kwaĩ mũumbĩ na kĩvindu, ĩndĩ kyakenaa ũtukũ: na nguthu ĩmwe ndĩaathengeea ĩla ĩngĩ ũtukũ w’onthe.</verse>
				<verse number="21">Na Mose atambũũkya kw’oko kwake ĩũlũ wa ũkanga; na Yeova atuma ũkanga ũtaanĩsya na kĩuutani kĩ vinya kyumĩte wumĩlonĩ wa syũa ũtukũ w’onthe, na atw’ĩkĩthya ũkanga nthĩ nyũmũ, na ĩw’ũ syaanw’a.</verse>
				<verse number="22">Na ana ma Isilaeli malika ũkanganĩ katĩ makinyĩle nthĩ nyũmũ: na iw’ũ syatw’ĩka ũvai kwoo kw’okonĩ kwoo kwa aũme na kwa aka.</verse>
				<verse number="23">Na Amisili mamaatĩĩa, na malika ũkanganĩ katĩ ĩtina woo, mbalasi syonthe sya Valao, na makasya make ma kaũ, na andũ make ala matũlĩte mbalasi.</verse>
				<verse number="24">Na kweethĩwa ũsyaĩĩsyonĩ wa kĩoko, Yeova asisya nguthu ya Amisili e kĩtuĩnĩ kya mwaki na mũumbĩ, na athĩn’ya nguthu ya Amisili.</verse>
				<verse number="25">Na aumya ndĩa sya makasya moo, na matwawa na vinya; na ĩndĩ Amisili masya, Tũkĩe tume ũthyũnĩ wa Isilaeli; nũndũ Yeova nũnũũmokitĩa kwa Amisili.</verse>
				<verse number="26">Na Yeova amwĩa Mose, Tambũũkya kw’oko kwaku ĩũlũ wa ũkanga, nĩ kana iw’ũ isyokeanĩe ĩngĩ ĩũlũ wa Amisili, na ĩũlũ wa makasya moo ma kaũ, na ĩũlũ wa andũ moo matũlĩte mbalasi.</verse>
				<verse number="27">Na Mose atambũũkya kw’oko kwake ĩũlũ wa ũkanga, na kwakya ũkanga wasyoka waenda na vinya o ũndũ waendaa; na Amisili mookĩa; na Yeova anangĩa Amisili ũkanganĩ katĩ.</verse>
				<verse number="28">Na iw’ũ syasyokeanĩa, syavw’ĩka makasya ma kaũ, na andũ ala matũlĩte mbalasi, o na nguthu yonthe ya Valao ĩla yamavikĩlĩle ũkanganĩ; kũtyaatialw’a o na ũmwe woo.</verse>
				<verse number="29">Ĩndĩ ana ma Isilaeli makinyĩla nthĩ nyũmũ ũkanganĩ katĩ; na ila iw’ũ syatw’ĩka ũvai kwoo kw’okonĩ kwoo kwa aũme na kwa aka.</verse>
				<verse number="30">Ũũ nĩw’o Yeova watangĩĩe Isilaeli mũthenya ũsu kũmaumya kw’okonĩ kwa Amisili; na Isilaeli moona Amisili me akw’ũ ũtee wa ũkanga.</verse>
				<verse number="31">Na Isilaeli moona ũndũ ũsu ũnene ũla Yeova wekie Amisili, na andũ makĩa Yeova: na meetĩkĩla Yeova, na mũthũkũmi wake Mose.</verse>
			</chapter>
			<chapter number="15">
				<verse number="1">Nĩvo ĩndĩ Mose na ana ma Isilaeli mamwinĩe Yeova wathi ũũ, na maina, makyasya, Nĩngũmwinĩa Yeova, nũndũ nĩwakĩlilye vinya na ũkĩlyo mũnene: Mbalasi na ũla ũmĩtũlĩte nĩwĩkĩtye ũkanganĩ.</verse>
				<verse number="2">Yeova nĩwe vinya wakwa, na wathi wakwa, Nake nũtw’ĩkĩte ũtangĩĩo wakwa. Ũsu nĩwe Ngai wakwa, na ngamũtaĩa we; Nĩ Ngai wa asa wakwa, na ngamũnenevya.</verse>
				<verse number="3">Yeova nĩ mũndũ wa kaũ: Yeova nĩ syĩtwa yake.</verse>
				<verse number="4">Makasya ma kaũ ma Valao na nguthu yake nũsyĩkĩtye ũkanganĩ; Na makavuteni make ala anyuve nĩmalikilw’e Ũkanganĩ Mũtane.</verse>
				<verse number="5">Manzĩ ma syũngũ nene nĩmamavw’ĩka: Nĩmalikile syũngũnĩ o ta ĩvia.</verse>
				<verse number="6">Ame Yeova, kw’oko kwaku kwa aũme nĩ kũnene vĩnyanĩ, Ame Yeova, kw’oko kwaku kwa aũme nĩkũng’atanasya ũla mũmaitha.</verse>
				<verse number="7">Na kwondũ wa wingĩ wa ũnene waku ũvĩtũkĩte nũmanangaa asu makũkĩlĩlaa: Nũwumasya ũthilĩku waku, naw’o ũmaminaa ta mavuthĩ.</verse>
				<verse number="8">Na ũndũ wa mĩthũmũ ya manyiũũ maku iw’ũ nĩsyookĩlanilye ĩũlũ, Iw’ũ nyingĩ syaũngama ta kĩvumbũ; Manzĩ ma syũngũ makama ũkanganĩ nthĩnĩ.</verse>
				<verse number="9">Ũla mũmaitha asya, Nyie nĩngũatĩĩa, nĩngũkwata, nĩngũaan’ya mũtavo: Wendi wakwa nũkwĩanĩw’a ku maĩ; Nĩngũkũa ũvyũ wakwa, kw’oko kwakwa kũkamananga.</verse>
				<verse number="10">Naku wauutan’ya kĩuutani kyaku, na ũkanga wamavw’ĩka: Malika o ta ĩvulũ manzĩnĩ maingĩ.</verse>
				<verse number="11">Ũla ũtilyĩ taku katĩ wa i ngai nũũ, ame Yeova? Nũũ ũtilyĩ taku, wĩ ndaĩa ũtheunĩ, Kũkĩwa ndaĩanĩ, ũkĩka moseng’yo?</verse>
				<verse number="12">Nũtambũũkisye kw’oko kwaku kwa aũme, Nthĩ yamamelya.</verse>
				<verse number="13">We, ũndũ wa ũseo waku wĩ wendo, nũtongoesye andũ ala wovoetye: Nũmatongoesye na vinya waku kũvika wĩkalonĩ waku mũtheu.</verse>
				<verse number="14">Ngo sya andũ nĩsyĩw’ĩte, nĩũtetema: Woo nũmakwatĩte ala matwĩe Vilisitia.</verse>
				<verse number="15">Nĩvo ĩndĩ anene ma Etomu matevie; Ngũmbaũ sya Moavi syakwatwa nĩ kũtetema: Onthe ala matwĩe Kanaani manyaĩĩka maaa.</verse>
				<verse number="16">Ũtĩsyo na w’ĩa mũnene niũmavalũkĩla; Kwondũ wa ũnene wa kw’oko kwaku nĩmavindĩtye ta ĩvia; Kũvika yĩla andũ maku meinga, ame Yeova, O kũvika yĩla andũ ala wathooete meinga.</verse>
				<verse number="17">Ũkamalikya, na kũmavanda kĩĩmanĩ kya ũtiĩwa waku, Vandũ vala weeseũvĩsye wĩkalae, ame Yeova, O vala vandũ vatheu, ame Mwĩaĩi, vala moko maku malũlũmĩlĩtye.</verse>
				<verse number="18">Yeova akasumbĩka tene na tene.</verse>
				<verse number="19">Nũndũ mbalasi sya Valao syalika ũkanganĩ syĩ vamwe na makasya make ma kaũ na andũ make ala matũlĩte mbalasi, na Yeova atũngĩanĩa manzĩ ma ũkanga mamavw’ĩka; ĩndĩ ana ma Isilaeli makinyĩle nthĩ nyũmũ ũkanganĩ katĩ.</verse>
				<verse number="20">Na Miliamu, mwathani, mwĩĩtu‐a‐inyia wa Aluni, oosa kathembe kw’okonĩ kwake; na aka onthe mamũatĩĩa me na tũthembe makina.</verse>
				<verse number="21">Na Miliamu ametĩkĩĩsya, Mwinĩei Yeova, nũndũ nĩwakĩlilye vinya na ũkĩlyo mũnene; Mbalasi na ũla ũmĩtũlĩte nĩwĩkĩtye ũkanganĩ.</verse>
				<verse number="22">Na Mose atongoesya Isilaeli maendeee kuma Ũkanga Mũtune, na maendeee weũnĩ wa Suli; na mathi mĩthenya ĩtatũ weũnĩ, matona manzĩ.</verse>
				<verse number="23">Na mavika Mala, matyaatonya kũnyw’a manzĩ ma Mala, nũndũ maĩ ũũ: kwondũ wa ũu veetwa Mala.</verse>
				<verse number="24">Na andũ mamũnyungunyĩĩsya Mose, makyasya, Twinyw’a kyaũ?</verse>
				<verse number="25">Nake amwĩkaĩla Yeova; na Yeova amwon’ya mũtĩ, nake awĩkya manzĩnĩ, na manzĩ maya mũyo. Vu amatw’ĩĩa mwamũlo na ũtw’ĩo, na nĩvo wamatatie;</verse>
				<verse number="26">na asya, Ethĩwa ũkew’aa wasya wa Yeova Ngai waku na kĩthing’ĩĩsyo, na kwĩkaa ũla wonaa wĩ ũlũngalu, na kũtea matũ mĩaonĩ yake, na kũkwataa myamũlo yake yonthe, ndĩkakũetee mowau o na ũmwe wa ala namaetee Amisili: nũndũ ninyie Yeova ũla ũkũvoasya.</verse>
				<verse number="27">Na mavika Elimu, vala vaĩ mbuluti ĩkũmi na ili sya manzĩ, na mĩtende mĩongo mũonza: na mamba maeema vu vakuvĩ na manzĩ.</verse>
			</chapter>
			<chapter number="16">
				<verse number="1">Na maenda kyalo kuma Elimu, na ũmbano w’onthe wa ana ma Isilaeli wavika weũnĩ wa Sini, ũla wĩ katĩ wa Elimu na Sinai, mũthenya wa ĩkũmi na ĩtano wa mwei wa kelĩ ĩtina wa mauma nthĩ ya Misili.</verse>
				<verse number="2">Na ũmbano w’onthe wa ana ma Isilaeli wamanyungunyĩĩsya Mose na Aluni weũnĩ:</verse>
				<verse number="3">na ana ma Isilaeli mamea, Twenda kethĩwa tũnakwie nĩ kw’oko kwa Yeova twĩ nthĩ ya Misili, yĩla twekalaa vakuvĩ na mbisũ sya nyama yĩla twaĩsaa imũtũ tũkavũna; nũndũ nĩmũtũetete weũnĩ ũũ, mũae ũmbano ũũ w’onthe na nzaa.</verse>
				<verse number="4">Nĩvo ĩndĩ Yeova wamwĩie Mose, Sisya, ngamuĩsya mbua ya imũtũ kuma ĩtunĩ; na andũ makaumaalaa kĩla mũthenya makolan’ye sya kũmeanĩa mũthenya o ũsu, nĩ kana nĩmatate, ethĩwa makakinya mwĩaonĩ wakwa, kana ti w’o.</verse>
				<verse number="5">Na kũkeethĩwa mũthenya wa thanthatũ, makaseũvye ila mekũete, nasyo ikeethĩwa kũndũ kwĩlĩ sya ila makolanasya mũthenya na mũthenya.</verse>
				<verse number="6">Na Mose na Aluni mamea ana ma Isilaeli atĩĩ, Wĩoo, nĩvo mwĩmanya atĩ Yeova nũmumĩtye nthĩ ya Misili;</verse>
				<verse number="7">na kĩoko, nĩvo ĩndĩ mwĩona ũnene wa Yeova; nĩkwĩthĩwa nĩwĩw’aa monyungunyĩsyo menyu ĩũlũ wa Yeova: na ithyĩ twĩ aaũ, ũndũ mũũtũnyungunyĩĩsya ithyĩ?</verse>
				<verse number="8">Na Mose amea, Ũũ ũkeethĩwa, yĩla Yeova wĩmũnenga wĩoo nyama ya kũya, na kĩoko imũtũ sya kũmũvũn’ya; nĩkwĩthĩwa Yeova nĩwĩw’aa monyungunyĩsyo menyu ala mũmũnyungunyĩĩasya: na ithyĩ twĩ aaũ? Monyungunyĩsyo menyu mati ĩũlũ waitũ, ĩndĩ nĩ ĩũlũ wa Yeova.</verse>
				<verse number="9">Na Mose amwĩa Aluni, Tavya ũmbano w’onthe wa ana ma Isilaeli atĩĩ, Thengeeai Yeova; nũndũ nĩwĩw’ĩte monyungunyĩsyo menyu.</verse>
				<verse number="10">Na kweethĩwa, Aluni akĩneena na ũmbano w’onthe wa ana ma Isilaeli, masisya kwelekela weũnĩ, na sisya, ũtheu mũtisu wa Yeova waumĩla ũla mũumbĩnĩ.</verse>
				<verse number="11">Na Yeova aneena na Mose, akĩmwĩa,</verse>
				<verse number="12">Nĩnĩw’ĩte monyungunyĩsyo ma ana ma Isilaeli: neena namo, ũkĩmea, Wĩoo mũkaya nyama, na kĩoko mũkavũnw’a na imũtũ; na mũkamanya ninyie Yeova Ngai wenyu.</verse>
				<verse number="13">Na kweethĩwa wĩoo, ngwae syaumĩla syavw’ĩka mwako wa maeema: na kĩoko ĩmwe yathyũlũlũka mwako wa maeema.</verse>
				<verse number="14">Na ĩmwe yĩla yaĩ nthĩ yatw’ĩka, sisya, kw’onthe weũnĩ kwaĩ kĩndũ kĩnini kĩlinge kĩ nthĩ, kĩnini ta ĩmwe yĩkamĩtw’e nĩ mbevo.</verse>
				<verse number="15">Na yĩla ana ma Isilaeli makyonie, makũlan’ya ene kwa ene, Nĩ kyaũ? Nũndũ matyaamanya nĩ kyaũ. Na Mose amea, Nĩ imũtũ ila Yeova ũmũnengete mũye.</verse>
				<verse number="16">Ũũ nĩ ũla Yeova wĩaĩte, Kolan’yai kwĩanana na ũndũ kĩla mũndũ ũĩsaa; mũkose kya ĩmisi kĩla mũndũ, kwĩanana na ũtalo wa andũ menyu, kĩla mũndũ kwondũ wa asu me ĩeemanĩ kwake.</verse>
				<verse number="17">Na ana ma Isilaeli meeka ũu, na amwe makolan’ya nyingĩ na angĩ nini.</verse>
				<verse number="18">Na yĩla mathima na ĩmisi, ũsu wakolan’ya nyingĩ ndaatialĩlwa nĩ kĩndũ, na ũsu wakolan’ya nini ndaanyivĩwa; makolanasya kĩla mũndũ kwĩanana na ũndũ ũĩsaa.</verse>
				<verse number="19">Na Mose amea, Mũndũ o na wĩva ndakaitialye kũvika kĩoko.</verse>
				<verse number="20">Ĩndĩ matyaamwĩthukĩĩsya Mose; ĩndĩ amwe moo maitialya kũvika kĩoko, na syaya iinyu na syanyunga naĩ: na Mose amathilĩkĩa mũno.</verse>
				<verse number="21">Na maikolanasya syo kĩoko na kĩoko, kĩla mũndũ kwĩanana na ũndũ ũĩsaa: na syũa yavyũva, syatweka.</verse>
				<verse number="22">Na kweethĩwa, mũthenya wa thanthatũ makolan’ya imũtũ isu kũndũ kwĩlĩ, mamisi elĩ kĩla ũmwe: na anene onthe ma ũla ũmbano mooka, matavya Mose.</verse>
				<verse number="23">Na amea, Ũũ nĩ ũndũ Yeova ũneenete, Ũnĩ nĩ ũthũmũo mũuu, savato mũtheu kwa Yeova: kaangai ila mwĩkaanga, na uai ila mwĩua; na syonthe ila itialw’a mwie ũndũ wenyu syĩkale kũvika kĩoko.</verse>
				<verse number="24">Na maia kũvika kĩoko, o tondũ Mose wameaĩe: na ityaanyunga naĩ, o na ityaĩ kĩinyu o na kĩmwe nthĩnĩ wasyo.</verse>
				<verse number="25">Na Mose amea, Yai isu ũmũnthĩ; nũndũ ũmũnthĩ nĩ savato kwondũ wa Yeova: ũmũnthĩ mũtisyona weũnĩ.</verse>
				<verse number="26">Mũkaikolanasya mĩthenya thanthatũ; ĩndĩ mũthenya wa mũonza nĩ savato, itikethĩwa mũthenya ũsu.</verse>
				<verse number="27">Na kweethĩwa mũthenya wa mũonza, andũ amwe maumaala makolan’ye, na matyaaona o na vanini.</verse>
				<verse number="28">Na Yeova amwĩa Mose, Mwĩlea kũsũvĩa motw’ĩo makwa na mĩao yakwa kũvika ĩndĩĩ?</verse>
				<verse number="29">Sisya, nĩkwĩthĩwa Yeova nũmũnengete savato, kwondũ wa ũu nũmũnengae mũthenya wa thanthatũ ĩmũtũ sya mĩthenya ĩlĩ; ĩkalai kĩla mũndũ vandũ vake, mũndũ o na wĩva ndakaumaale kwake mũthenya wa mũonza.</verse>
				<verse number="30">Na kwondũ wa ũu andũ mathũmũa mũthenya wa mũonza.</verse>
				<verse number="31">Na nyũmba ya Isilaeli yeeta kĩndũ kyu Mana: na kyaĩ kyeũ, ta mbeke ya kolianda; na ũsamo wakyo waĩ ta tũmĩkate tũvũthũ tũvulanĩtw’e na ũki wa nzũkĩ.</verse>
				<verse number="32">Na Mose asya, Ũũ nĩ ũla Yeova wĩaĩte, Ĩmisi yusĩe kyo yiwe yĩkale ũndũ wa mosyaanĩo menyu, nĩ kana mone lĩu namũathĩasya weũnĩ, yĩla namumisye nthĩ ya Misili.</verse>
				<verse number="33">Na Mose amwĩa Aluni, Osa kavisũ, wĩkĩe mana wa ĩmisi yusĩe nthĩnĩ wako, na ũkia mbee wa Yeova, ũsũvĩwe ũndũ wa mosyaanĩo menyu onthe.</verse>
				<verse number="34">O tondũ Yeova wamwĩaĩe Mose, Aluni awiie o ta ũu mbee wa Ĩsandũkũ ya Ũkũsĩ, ũsũvĩwe.</verse>
				<verse number="35">Na ana ma Isilaeli maĩsaa ũla mana myaka mĩongo ĩna, mũvaka mavika nthĩ yĩ andũ; nĩmaĩsaa ũla mana, mũvaka mavika mĩvakanĩ ya nthĩ ya Kanaani.</verse>
				<verse number="36">Na ĩndĩ ĩmisi yĩu nĩ kĩlungu kĩmwe kya ĩkũmi kya eva.</verse>
			</chapter>
			<chapter number="17">
				<verse number="1">Na ũmbano w’onthe wa ana ma Isilaeli waenda kyalo kuma weũnĩ wa Sini, o ũndũ syalo syoo syailyĩ, kwĩanana na mwĩao wa Yeova, na mamba maeema Levitimu; na kũtyaĩ manzĩ ma ũnyuwa nĩ andũ.</verse>
				<verse number="2">Kwondũ wa ũu andũ matetan’ya na Mose, na mamwĩa, Tũnenge manzĩ tũnyw’e. Na Mose amea, Mwĩtetan’ya nakwa nĩkĩ? Mwĩmũtata Yeova nĩkĩ?</verse>
				<verse number="3">Na andũ meew’ĩa waũni wa manzĩ vo; na andũ mamũnyungunyĩĩsya Mose, na mamwĩa, Watumisye Misili nĩkĩ, ũtũae na syana sitũ na indo sitũ na waũni?</verse>
				<verse number="4">Na Mose amwĩkaĩla Yeova, akyasya, Nĩĩka andũ aa ata? Makilĩlye kũngima na mavia.</verse>
				<verse number="5">Na Yeova amwĩa Mose, Vĩta we mbee wa andũ, na ũkĩthi na atumĩa amwe ma Isilaeli: na ndata yaku, ĩla wakũnie ũsĩ nayo, ũkue kw’okonĩ kwaku, noithi.</verse>
				<verse number="6">Sisya, nĩngũũngama ĩvianĩ mbee waku vu Olevu; naku ũkakũne ĩvia, nayo yĩkauma manzĩ, nĩ kana andũ manyw’e. Na Mose eeka ũu atumĩa ma Isilaeli mene.</verse>
				<verse number="7">Na eeta syĩtwa ya vandũ vau Masa, na ĩngĩ Meliva, nũndũ wa motetan’yo ma ana ma Isilaeli, na nũndũ nĩmatatie Yeova, makĩkũlya, Yeova e vamwe naitũ, kana tĩ w’o?</verse>
				<verse number="8">Nĩvo ĩndĩ Amaleki mookie, na mokitĩa na Isilaeli ku Levitimu.</verse>
				<verse number="9">Na Mose amwĩa Yosua, Tũnyuvĩe andũ, noithi wũkite na Amaleki: ũnĩ ngaũngama mũtumbĩnĩ wa kĩĩma nĩ na ndata ya Ngai kw’okonĩ kwakwa.</verse>
				<verse number="10">Na ĩndĩ Yosua eeka o tondũ Mose wamwĩe, na okita na Amaleki: na Mose, na Aluni, na Uulu mambata mũtumbĩnĩ wa kĩĩma.</verse>
				<verse number="11">Na kweethĩwa, yĩla Mose wokĩlilye kw’oko kwake, Isilaeli makĩlya vinya; na yĩla watheeisye kw’oko kwake, Amaleki makĩlya vinya.</verse>
				<verse number="12">Ĩndĩ moko ma Mose maĩ maito; namo moosa ĩvia, mamwiĩa nthĩ, nake ayĩkalĩla; na Aluni na Uulu matw’ĩĩka moko make mokĩlĩtye na ĩũlũ, ũmwe ngalĩ ĩmwe, na ũndĩ ngalĩ ĩla ĩngĩ; na moko make matw’ĩĩkwa kũvika syũa yathũa.</verse>
				<verse number="13">Na Yosua amakĩlya Amaleki na andũ make vinya kwa kũmatemanga na ũvyũ.</verse>
				<verse number="14">Na Yeova amwĩa Mose, Andĩka ũũ ĩvukunĩ wĩthĩwe ũlilikan’yo, noitavya Yosua kana ew’e: atĩ ngaananga vyũ ũlilikano wa Amaleki ĩtheo wa ĩtu.</verse>
				<verse number="15">Na Mose aaka kĩthembeo, na eeta syĩtwa yakyo Yeova‐nisi:</verse>
				<verse number="16">na asya, Yeova nĩwĩvĩtĩte: Yeova akeethĩawa na kaũ na Amaleki kuma nzyawa na nzyawa.</verse>
			</chapter>
			<chapter number="18">
				<verse number="1">Na ĩndĩ Yethilo, mũthembi wa Mitiani, mũthoni wa Mose, eew’a onthe ala Yeova wekĩte ũndũ wa Mose, na ũndũ wa Isilaeli andũ make, ũndũ Yeova waumĩtye Isilaeli Misili.</verse>
				<verse number="2">Na Yethilo, mũthoni wa Mose, oosa Nzivola, mũka wa Mose, ũla waĩ anatũnga kwa ĩthe,</verse>
				<verse number="3">na ivĩsĩ syake ilĩ; syĩtwa ya kĩmwe kyeetawa Ngelisoni; nũndũ aisye, Nĩnaĩ mwĩkali wa ũeninĩ nthĩ ĩngĩ:</verse>
				<verse number="4">na syĩtwa ya kĩngĩ kyeetawa Elieseli; nũndũ aisye, Ngai wa nau aĩ mũtethya wakwa, na andangĩĩa kuma ũvyũnĩ wa Valao.</verse>
				<verse number="5">Na Yethilo, mũthoni wa Mose, athi na ivĩsĩ syake na mũka wake kũla kwĩ Mose weũnĩ kũla wambĩte maeema, ku kĩĩmanĩ kya Ngai:</verse>
				<verse number="6">na amwĩa Mose, Nyie Yethilo, mũthonuu, nĩnũkĩte kũla ũĩ, o na mũka waku, vamwe na ivĩsĩ syake ilĩ.</verse>
				<verse number="7">Na Mose athi amũthaũe mũthoni, na eekunamya vyũ, na amũmumunya; na makũlan’ya ũvoo ene kwa ene; na malika ĩeemanĩ.</verse>
				<verse number="8">Na Mose atavya mũthoni onthe ala Yeova wekie Valao na Amisili kwondũ wa Isilaeli, na thĩna w’onthe ũla wamokĩie nzĩanĩ, na ũndũ Yeova wamatangĩĩe.</verse>
				<verse number="9">Na Yethilo atana ũndũ wa ũseo w’onthe ũla Yeova wamekie Isilaeli, nĩkwĩthĩwa nĩwamatangĩĩie kũmaumya mokonĩ ma Amisili.</verse>
				<verse number="10">Na Yethilo asya, Nataĩwe Yeova, ũla ũmũtangĩĩĩte kuma mokonĩ ma Amisili, na kuma kw’okonĩ kwa Valao; we ũla ũtangĩĩĩte andũ kuma mokonĩ ma Amisili.</verse>
				<verse number="11">Yu nĩnĩsĩ kana Yeova nĩ mũnene kwĩ ngai syonthe; ĩĩ, o na ũndũnĩ ũla syamekathĩĩe.</verse>
				<verse number="12">Na Yethilo, mũthoni wa Mose, amwosea Ngai nthembo ya kũvĩvw’a na nthembo sya kũtonywa: na Aluni ooka, e na atumĩa onthe ma Isilaeli, maĩĩe lĩu na mũthoni wa Mose mbee wa Ngai.</verse>
				<verse number="13">Na kweethĩwa ũnĩ ũsu, Mose ekala nthĩ asilan’ye andũ: nao andũ asu maũngama mamũthyũlũlũkĩte Mose kuma kĩoko kũvika wĩoo.</verse>
				<verse number="14">Na yĩla mũthoni wa Mose wonie onthe ala wekie andũ, amwĩa, Ũndũ ũũ wĩkaa andũ nĩ mwaũ? Nĩkĩ wĩkalaa wĩ weka, na andũ onthe makĩũngama makũthyũlũlũkĩte kuma kĩoko kũvika wĩoo?</verse>
				<verse number="15">Na Mose amwĩa mũthoni, Nĩkwĩthĩwa andũ nĩmandokeaa nĩ kana nĩmakũlĩlye kwa Ngai;</verse>
				<verse number="16">yĩla me na ũndũ, nĩmokaa kũla nĩĩ; na nĩngũmasilan’ya mũndũ na mũtũi wake, na ngĩmamanyĩthya myamũlo ya Ngai, na mĩao yake.</verse>
				<verse number="17">Na mũthoni wa Mose amwĩa, Ũndũ ũla wĩkaa ti ũseo.</verse>
				<verse number="18">Ũkanoa vate ndĩi wae vinya, naku, o na andũ aa ala me naku: nũndũ ũndũ ũũ nũvĩtũkĩte vinya waku; ndũtonya kũwĩka wĩ weka.</verse>
				<verse number="19">Ĩthukĩĩsye yu wasya wakwa, nĩngũũkũtaa, nake Ngai nĩethĩwe naku: ũmaneeneae andũ aa vala ve Ngai, na kũtwaaa maũvoo moo kwa Ngai:</verse>
				<verse number="20">na ũimamanyĩasya myamũlo na mĩao, na kũmon’ya nzĩa ĩla meendelaa nayo, na wĩa ũla meĩkaa.</verse>
				<verse number="21">Na ĩngĩ ũkamanthe andũ me na ũtonyi kuma andũnĩ onthe, ala mamũkĩaa Ngai, andũ ma w’o, mamenete ũtandĩthyo ũte wa w’o; na ũkĩmaia ta asu ĩũlũ woo, methĩwe me anene ma ngili ngili, na anene ma maana, na anene ma mĩongo ĩtano mĩongo ĩtano, na anene ma makũmi:</verse>
				<verse number="22">na nĩmasilanasye andũ mavinda onthe: na kũkeethĩwa, kĩla ũndũ ũnene makũeteae, ĩndĩ kĩla ũndũ ũnini matusae e mo: na ĩndĩ ũkavũthĩw’a nĩ wĩa, na makakuanaa naku.</verse>
				<verse number="23">Ethĩwa ũkeka ũndũ ũũ, nake Ngai akakwĩaĩa o ũu, nĩvo ĩndĩ wĩtonya kwĩkala wĩ na vinya we, na andũ aa onthe namo makaendaa kwoo na mũuo.</verse>
				<verse number="24">Kwondũ wa ũu Mose eethukĩĩsya wasya wa mũthoni, na eeka onthe ala ũnaneenĩe.</verse>
				<verse number="25">Na Mose anyuva andũ me na ũtonyi kuma kwa Isilaeli onthe, na amatw’ĩkĩthya atongoi ĩũlũ wa andũ, anene ma ngili ngili, na anene ma maana, na anene ma nĩongo ĩtano mĩongo ĩtano, na anene ma makũmi.</verse>
				<verse number="26">Namo masilanasya andũ mavinda onthe: maũndũ ala maĩ vinya mamũtwaĩaa Mose, ĩndĩ kĩla ũndũ ũnini nĩmatusaa e mo.</verse>
				<verse number="27">Na Mose atianĩa ũvoo na mũthoni; nake eeyĩendea enũka kwoo.</verse>
			</chapter>
			<chapter number="19">
				<verse number="1">Mweĩ wa katatũ wathela kuma ana ma Isilaeli mauma nthĩ ya Misili, mũthenya o ũsu mavika weũnĩ wa Sinai.</verse>
				<verse number="2">Na yĩla maumie Levitimu, na mavika weũnĩ wa Sinai, mamba maeema weũnĩ; na Isilaeli mamba maeema vu vakuvĩ na kĩĩma.</verse>
				<verse number="3">Na Mose ambata vala ve Ngaĩ, na Yeova amwĩta e kĩĩmanĩ, akĩmwĩa, Ũkaneene na ala ma nyũmba ya Yakovo, na kũtavya ana ma Isilaeli atĩĩ:</verse>
				<verse number="4">Nĩmwonete ũndũ neekie Amisili, na ũndũ namũkuie nthwaunĩ sya ndiũ, na kũmũete vala nĩĩ.</verse>
				<verse number="5">Na ĩndĩ yu, ethĩwa mũkew’a wasya wakwa w’o, na kũlũmya ũtianĩo wakwa, nĩvo ĩndĩ mwĩĩthĩawa makwa mwene kuma ngonĩ syonthe sya andũ: nũndũ nthĩ yonthe nĩ yakwa:</verse>
				<verse number="6">na mũkeethĩwa kwakwa ũsumbĩ wa athembĩ, na mbaĩ ntheu. Ndeto ila wĩmatavya ana ma Isilaeli nĩ isu.</verse>
				<verse number="7">Na Mose ooka, na eeta atumĩa ma andũ, na amavuanĩsya ndeto isu syonthe ila Yeova wamwĩaĩe.</verse>
				<verse number="8">Na andũ onthe masũngĩa vamwe, na masya, Onthe ala Yeova ũneenete tũkeeka. Na Mose atũngĩa Yeova ndeto syonthe sya andũ.</verse>
				<verse number="9">Na Yeova amwĩa Mose, Sisya, nĩnũkĩte kũla ũĩ nĩ ĩthweonĩ ĩkamu, nĩ kana andũ mew’e yĩla ngũneena naku, na ĩngĩ makwĩtĩkĩle tene na tene. Na Mose amũtavya Yeova ndeto sya andũ.</verse>
				<verse number="10">Na Yeova amwĩa Mose, Enda kwa andũ, ũmavathan’ye ũmũnthĩ na ũnĩ methĩwe atheu, na nĩmathambye ngũa syoo,</verse>
				<verse number="11">na meĩthĩwa meyũmbanĩtye mũthenya wa katatũ: nũndũ mũthenya wa katatũ Yeova akatheea kĩĩmanĩ kya Sinai andũ onthe mene.</verse>
				<verse number="12">Naku ũkamaiĩe andũ mĩvaka ĩthyũlũlũkĩte kw’onthe, ũkĩmea, Ĩsũvĩei ene, mũtikambate kĩĩmanĩ, o na kũkiita mũvaka wakyo: o ũla ũkakiita kĩĩma no mũvaka oawe:</verse>
				<verse number="13">mũndũ o na wĩva ndakamũkiite na kw’oko, ĩndĩ mũvaka akimangwe na mavia, kana kũathwa; ethĩwa nĩ nyamũ kana mũndũ, ndakekale thayũ: yĩla soo wĩvuvwa ĩvinda ĩasa nĩmakathengeee kĩĩma.</verse>
				<verse number="14">Na Mose auma kĩĩmanĩ atheea kũla kwĩ andũ, na avathan’ya andũ methĩwe atheu; namo mathambya ngũa syoo.</verse>
				<verse number="15">Na amea andũ, Mwĩthĩwe mwĩyũmbanĩtye mũthenya wa katatũ: mũtikathengeee mũndũ mũka.</verse>
				<verse number="16">Na kweethĩwa mũthenya wa katatũ, kwakya, kwaĩ itundumo na motisi, na ĩthweo ĩkamu kĩĩmanĩ ĩũlũ, na wasya wa soo mũnene mũno: na andũ onthe ala maĩ mwakonĩ wa maeema matetema.</verse>
				<verse number="17">Na Mose aumaalya andũ mwakonĩ wa maeema makomane na Ngai; namo maũngama ĩtheo wa kĩĩma.</verse>
				<verse number="18">Na kĩĩma kya Sinai, kyonthe, kyatoa syũki, nũndũ Yeova akĩtheea e mwakinĩ nthĩnĩ; na syũki yaw’o yambata ta syũki ya iko ĩnene, na kĩĩma kyonthe kyatetema mũno.</verse>
				<verse number="19">Na yĩla wasya wa soo wanenevangie mũno, Mose aneena, na Ngai amũsũngĩa na wasya.</verse>
				<verse number="20">Na Yeova atheea kĩĩmanĩ kya Sinai, mũtumbĩnĩ wa kĩĩma, na Yeova amwĩta Mose ambate mũtumbĩnĩ wa kĩĩma; na Mose ambata.</verse>
				<verse number="21">Na Yeova amwĩa Mose, Theea, ũmeaĩe andũ, matikeyalĩlye nzĩa ya kwa Yeova maketeee, na aingĩ moo makĩkw’a.</verse>
				<verse number="22">O na athembi namo, ala mathengeeaa Yeova, nĩmevathan’ye methĩwe atheu, Yeova ndakese kũmakitya.</verse>
				<verse number="23">Na Mose amwĩa Yeova, Ala andũ matitonya kwambata kĩĩmanĩ kya Sinai: nũndũ ũnatwĩaĩe, ũitwĩa, Ĩkĩai mĩvaka kũthyũlũlũka kĩĩma, na mũikĩvatha kĩthĩwe kĩtheu.</verse>
				<verse number="24">Na Yeova amwĩa, Enda, ũtheee; na ũkambate, we, na Aluni e naku; ĩndĩ athembi na andũ matikeyalĩlye nzĩa mambate kũla kwĩ Yeova, ndakese kũmakitya.</verse>
				<verse number="25">Kwondũ wa ũu Mose amatheeea andũ, na amatavya.</verse>
			</chapter>
			<chapter number="20">
				<verse number="1">Na Ngai aneena ndeto ii syonthe, akyasya,</verse>
				<verse number="2">Nyie ninyie Yeova Ngai waku, ũla wakumisye nthĩ ya Misili, kuma nyũmbanĩ ya ũkombo.</verse>
				<verse number="3">Ndũkethĩwe na ngai ingĩ ate o nyie.</verse>
				<verse number="4">Ndũkeseũvĩsye mũvw’anano mwasũvye, o na mũvw’ano o na wĩva wa kĩndũ kĩ ĩtunĩ ĩũlũ, kana kĩla kĩ kũũ nthĩ, kana kĩla kĩ manzĩnĩ ĩtheo wa nthĩ:</verse>
				<verse number="5">ndũkamĩkunamĩe, o na ndũkamĩthũkũme; nũndũ nyie Yeova Ngai waku nĩ Ngai wĩ kĩwĩu, ngĩĩvanĩsya kwa syana ũthũku wa aaĩthe, kũvika nzyawa ya katatũ o na ya kana sya ala mamenaa,</verse>
				<verse number="6">na ngyonan’ya ũseo wĩ wendo kũvika ngili na ngili sya ala mambendaa na kũkwataa mĩao yakwa.</verse>
				<verse number="7">Ndũkawete syĩtwa ya Yeova Ngai waku mana; nũndũ Yeova ndakasya ũsu nde ĩvĩtyo ũla ũwetaa syĩtwa yake mana.</verse>
				<verse number="8">Lilĩkana mũthenya wa savato, ũwĩkalye wĩ mũtheu.</verse>
				<verse number="9">Tethya wĩa mĩthenya thanthatũ, wĩke wĩa w’onthe:</verse>
				<verse number="10">ĩndĩ mũthenya wa mũonza nĩ savato wa Yeova Ngai waku: mũthenya ũsu ndũkatethye wĩa o na wĩva, we, o na mwana waku, o na mwĩĩtu waku, o na mũthũkũmi waku mũndũ mũũme, o na mũthũkũmi waku mwĩĩtu, o na indo syaku, o na mũeni waku ũla wĩ kwaku:</verse>
				<verse number="11">nũndũ mĩthenya thanthatũ Yeova nĩwombie ĩtu na nthĩ, na ũkanga, na syonthe ila syĩ nthĩnĩ wasyo, na aithũmũa mũthenya wa mũonza: kwondũ wa ũu aathima mũthenya wa savato, na oovathan’ya wĩthĩwe mũtheu.</verse>
				<verse number="12">Taĩaa au na mwenyu, nĩ kana matukũ maku maingĩve nthĩ ĩla Yeova Ngai waku ũkũnengae.</verse>
				<verse number="13">Ndũkoae.</verse>
				<verse number="14">Ndũkalaalae.</verse>
				<verse number="15">Ndũkoye.</verse>
				<verse number="16">Ndũkamũkũsĩĩe mũtũi waku ũvũngũ.</verse>
				<verse number="17">Ndũkew’ĩe nyũmba ya mũtũi waku ĩtomo, ndũkew’ĩe mũka wa mũtũi waku ĩtomo, o na mũthũkũmi wake mũndũ mũũme, o na mũthũkũmi wake mwĩĩtu, o na ng’ombe yake, o na ĩng’oi yake, o na kĩndũ o na kĩva kya mũtũi waku.</verse>
				<verse number="18">Na andũ onthe meew’a itundumo, na moona motisi, na meew’a wasya wa soo, na moona kĩĩma kĩkĩtoa syũki: na yĩla andũ moonie ũu, matetema, na maũngama kũasa.</verse>
				<verse number="19">Na mamwĩa Mose, Neena naitũ we, na tũkeew’a; ĩndĩ Ngai ndakaneene naitũ, tũtikakw’e.</verse>
				<verse number="20">Na Mose amea andũ, Mũtikakĩe: nũndũ Ngaĩ nĩwũkĩte amũtate, na nĩ kana kũmũkĩa kwĩthĩwe kwenyu, nĩ kana mũtikavĩtye.</verse>
				<verse number="21">Na andũ maũngama kũasa, na Mose athengeea kĩvindunĩ kĩ ngokomi, vala Ngai ũĩ.</verse>
				<verse number="22">Na Yeova amwĩa Mose, Ũũ nĩw’o wĩmatavya ana ma Isilaeli, Inyw’ĩ ene nĩmwonete kana nĩneenete nenyu nĩ ĩtunĩ.</verse>
				<verse number="23">Mũtikaseũvye ngai ingĩ sya kũthaithanĩw’a nakwa; mũtikeseũvĩsye ngai sya vetha, o na ngai sya thaavu.</verse>
				<verse number="24">Mũkanzeũvĩsye kĩthembeo kya mũthanga, na kũthembea vo nthembo syaku sya kũvĩvw’a, na nthembo syaku sya mũuo, malondu maku, na ng’ombe syaku: kĩla vandũ vala nĩtuma syĩtwa yakwa yĩlilikanw’a ngooka vala ũĩ na ngakũathima.</verse>
				<verse number="25">Na ethĩwa ũkanzeũvĩsya kĩthembeo kya ĩvia, ndũkakyake na mavia masũvye; nĩkwĩthĩwa wookĩlya mũio waku wa wĩa ĩũlũ wakyo, nĩwakĩvukya.</verse>
				<verse number="26">O na ndũkambate kĩthembeonĩ kyakwa na mbasya, nĩ kana ndũkonekee vo wĩ mũthei.</verse>
			</chapter>
			<chapter number="21">
				<verse number="1">Na ĩndĩ motw’ĩo ala wĩia mbee woo nĩ aa.</verse>
				<verse number="2">Ethĩwa ũkathooa ngombo, Mũevelania, ĩkũthũkũme myaka thanthatũ: na wa mũonza ĩkauma yĩ nthasye mana.</verse>
				<verse number="3">Ethĩwa nĩyookie yĩ yoka, ĩkauma yĩ yoka: ethĩwa yaĩ na mũka, nĩvo ĩndĩ mũka wayo ũkauma nayo.</verse>
				<verse number="4">Ethĩwa vwana wayo nĩwe wĩmĩnenga mũka, na akamĩsyaĩa ana kana eĩtu; ũla mũka na syana syake makeethĩwa ma vwana wake, nayo ĩkauma yĩ yoka.</verse>
				<verse number="5">Ĩndĩ ethĩwa ĩla ngombo ĩkasya vyũ, Nĩnĩmwendete vwana wakwa, na mũka wakwa, na syana syakwa; ndyĩtĩkĩla kũthaw’a:</verse>
				<verse number="6">nĩvo ĩndĩ vwana wayo wĩmĩtwaa vala ve Ngai, na akĩmĩtwaa mũomonĩ, kana mũtĩnĩ wĩ ũtee wa mũomo; na vwana wayo akamĩtonya kũtũ na mũkuva; nayo ĩkamũthũkũmaa ĩndĩ yonthe.</verse>
				<verse number="7">Na ethĩwa mũndũ akathoosya mwĩĩtu wake ethĩwe ngombo, ndĩkauma tondũ ngombo nũme syumaa.</verse>
				<verse number="8">Ethĩwa ndĩũmwendeesya vwana wayo, ũla ũmĩtwaĩte ĩtw’ĩke yake mwene, akamĩnenga ĩndĩ ũthei wa kwovow’a: ndakatonya kũmĩthooesya andũ ma nthĩ ĩngĩ, nũndũ nũmĩkengete.</verse>
				<verse number="9">Na ethĩwa akamĩnenga mwana wake, namĩke o tondũ eĩtu make mekawa.</verse>
				<verse number="10">Ethĩwa akatwaa mũka ũngĩ; lĩu wayo, na ngũa syayo, na maũndũ maĩle kwĩkwa mũtwawa, ndakamĩnyivĩsye.</verse>
				<verse number="11">Na alea kũmĩka maũndũ asu atatũ, nĩvo yĩuma mana, vate kũĩvĩwa.</verse>
				<verse number="12">Ũla wĩkũna mũndũ, na aikw’a, no mũvaka oawe.</verse>
				<verse number="13">Na ethĩwa mũndũ ndeĩmwoveesye, ĩndĩ Ngai aimũnengane kw’okonĩ kwake; nĩvo ĩndĩ nyie ngakwon’ya vandũ vala ũkakĩĩa.</verse>
				<verse number="14">Na ethĩwa mũndũ eũkĩa mũtũi wake na ngũlũ, amũae na ũĩ wa ũkengani; no mũvaka mũkamumya kĩthembeonĩ kyakwa, akw’e.</verse>
				<verse number="15">Na ũla wĩkũna ĩthe, kana nyinyia, no mũvaka oawe.</verse>
				<verse number="16">Na ũla wĩũya mũndũ, na aimũthoosya, kana ethĩwa akooneka kwake, no mũvaka oawe.</verse>
				<verse number="17">Na ũla wĩmũuma ĩthe kana nyinyia, no mũvaka oawe.</verse>
				<verse number="18">Na ethĩwa andũ makatetan’ya, na ũmwe aimũkima ũla ũngĩ na ĩvia, kana ngundĩ, nake ailea ũkw’a, ĩndĩ akĩkala ũkomonĩ wake;</verse>
				<verse number="19">ethĩwa akookĩla, na aienda nza ethukĩtye na ndata, nĩvo ĩndĩ ũla wamũkimĩte ũtakethĩwa e na ũndũ: ĩndĩ no mũvaka aĩvĩe ĩvinda yĩla wekalĩte mana, na kũmũiitĩthya avoe vyũ.</verse>
				<verse number="20">Na ethĩwa mũndũ ekũna ngombo yake ya mũndũ mũũme kana mwĩĩtu na ndata, na ĩikw’ĩa vo; no mũvaka asilĩlwe.</verse>
				<verse number="21">Ĩndĩ ethĩwa ĩkekala mũthenya ũmwe kana ĩlĩ, ndakasilĩlwa: nũndũ nĩ mali yake.</verse>
				<verse number="22">Na ethĩwa andũ makokita, na makĩw’ĩthya mũndũ mũka woo e mũito, ĩvu yake yume, ĩndĩ ate kũwaa: no mũvaka aumye nthĩnzwa, kwĩanana na ũndũ mũũme wa mũndũ mũka ũsu wĩmũtw’ĩĩa; na akĩĩva o tondũ asili metw’a.</verse>
				<verse number="23">Ĩndĩ ethĩwa ũthũku o na wĩva ũkooneka, nĩvo ĩndĩ wĩumya thayũ vandũ va thayũ,</verse>
				<verse number="24">itho vandũ va itho, ĩeo vandũ va ĩeo, kw’oko vandũ va kw’oko, kũũ vandũ va kũũ,</verse>
				<verse number="25">ĩvya vandũ va ĩvya, wũkite vandũ va wũkite, ĩkũna vandũ va ĩkũna.</verse>
				<verse number="26">Na ethĩwa mũndũ ekũna ngombo yake ya mũndũ mũũme itho, kana ngombo yake ya mwĩĩtu itho, na akĩyĩvũthũa; akamĩthasya kwondũ wa itho yayo.</verse>
				<verse number="27">Na ethĩwa akakũna ĩeo ya ngombo yake ya mũndũ mũũme yĩkũke, o na ĩeo ya ngombo yake ya mwĩĩtu; akamĩthasya kwondũ wa ĩeo yayo.</verse>
				<verse number="28">Na ethĩwa ng’ombe yĩmũkima mũndũ mũũme kana mũndũ mũka na mbya, akw’e, ng’ombe ĩsũ no mũvaka yũawe na mavia, na nyama syayo itikaĩwe; ĩndĩ mwene wa ng’ombe ĩsu ndakatw’ĩĩwa e na ĩvĩtyo.</verse>
				<verse number="29">Ĩndĩ ethĩwa ĩla ng’ombe nĩkimanaa na mbya kuma tene, na mwene wayo nĩwataviw’e, nake ndaamĩsiĩĩa, ĩndĩ nĩyũaĩte mũndũ mũũme kana mũndũ mũka; ng’ombe ĩsu ĩkooawa na mavia, na mwene wayo nake akooawa.</verse>
				<verse number="30">Ethĩwa akatw’ĩĩwa mbovosya, nĩvo ĩndĩ wĩumya kwondũ wa wovosyo wa thayũ wake ũndũ wĩtw’ĩĩwa.</verse>
				<verse number="31">Ethĩwa nĩkimĩte mwana, kana nĩkimĩte mwĩĩtu, akeekwa kwĩanana na ũtw’ĩo ũsu.</verse>
				<verse number="32">Ethĩwa ng’ombe ĩkakima ngombo mũndũ mũũme kana ngombo mwĩĩtu, vwana wayo akanengwa sekeli mĩongo ĩtatũ sya vetha, na ĩla ng’ombe ĩkooawa na mavia.</verse>
				<verse number="33">Na ethĩwa mũndũ akakũnũa ĩima, kana ethĩwa mũndũ akenza ĩima na ailea kũyĩkũnĩka, na ng’ombe kana ĩng’oi ĩkĩvalũka nthĩnĩ wayo,</verse>
				<verse number="34">mwene wa ĩima akaĩva; akanenga mwene wayo mbesa, na ĩla ngw’ũ ĩkeethĩwa yake.</verse>
				<verse number="35">Na ethĩwa ng’ombe ya mũndũ ũmwe ĩkatũla ya ũngĩ ũndũ ĩkw’a, nĩvo ĩndĩ methoosya ng’ombe ĩla ĩ thayũ, na makiaana thooa wayo; na ĩla ngw’ũ nayo makyatũana.</verse>
				<verse number="36">Kana ethĩwa nĩkũmanyĩka atĩ ĩla ng’ombe nĩyakimanaa na mbya kuma tene, na mwene wayo ndaamĩvingĩa; no mũvaka aĩve ng’ombe vandũ va ng’ombe, na ĩla ngw’ũ ĩkĩthĩwa yake.</verse>
			</chapter>
			<chapter number="22">
				<verse number="1">Ethĩwa mũndũ akoya ng’ombe, kana ĩlondu, na aiyũaa, kana aithoosya; akaĩvĩa ng’ombe ĩmwe itano, na ĩlondu yĩmwe malondu ana.</verse>
				<verse number="2">Ethĩwa kĩng’ei kyu kĩkooneka kĩivũthũa, na kĩikũnwa ũndũ kĩkw’a, kũikethĩwa kũĩvanĩsya nthakame kwondũ wakyo.</verse>
				<verse number="3">Ethĩwa nĩkyakeewa ũndũnĩ ũsu, kũkeethĩwa kũĩvanĩsya nthakame kwondũ wakyo; kĩkaĩva: ethĩwa kĩti na kĩndũ, nĩvo ĩndĩ kĩtewa kwondũ wa ũng’ei wakyo.</verse>
				<verse number="4">Ethĩwa kĩla kyoyiwe kĩkooneka kĩ thayũ kw’okonĩ kwakyo, ethĩwa nĩ ng’ombe, kana ĩng’oi, kana ĩlondu; kĩkaĩvĩa kũndũ kwĩlĩ.</verse>
				<verse number="5">Ethĩwa mũndũ akaĩthya mũũnda kana mũũnda wa mĩsavivũ wa mũndũ ũngĩ, na akathasya ng’ombe yake, nayo ĩithi kũya mũũndanĩ wa mũndũ ũngĩ; akaĩvĩa ila nzeo mbee sya mũũnda wake mwene, na ila nzeo mbee sya mũũnda wake wa mĩsavivũ.</verse>
				<verse number="6">Ethĩwa mwaki ũkakana, noikwata mĩw’anĩ, ũndũ syove sya nganũ, o na lĩu ũtũĩtye, o na mũũnda, iivya; ũsu wakwatĩsye mwaki no mũvaka aĩve.</verse>
				<verse number="7">Ethĩwa mũndũ akanenga mũtũi wake mbesa kana mĩio ĩngĩ asũvĩe, na ĩkyũyĩwa nyũmbanĩ ya mũndũ ũsu; kĩng’ei kyooneka, kĩkaĩvĩa kũndũ kwĩlĩ.</verse>
				<verse number="8">Kĩng’ei kyalea kwoneka, nĩvo ĩndĩ mwene wa nyũmba wĩthengeea vala ve Ngai, nĩ kana kũmanyĩke ethĩwa nokwĩthĩwa oyĩte mĩio ya mũtũi wake.</verse>
				<verse number="9">Kwondũ wa kĩla ũndũ wa kũvĩtya, ethĩwa nĩ ũndũ wa ng’ombe, kana ĩng’oi, kana ĩlondu, kana ngũa, o na mũthemba o na wĩva wa kĩndũ kĩla kyaĩte, na mũndũ akyasya ũndũ wakyo, Nĩkyo kĩĩ, ũvoo wa andũ asu me elĩ wĩetwe vala ve Ngai; o ũla Ngai wĩmũtw’a mũvĩtan’ya akaĩvĩa mũtũi wake kũndũ kwĩlĩ.</verse>
				<verse number="10">Ethĩwa mũndũ akamũvithya mũtũi wake ĩng’oi, kana ng’ombe, kana ĩlondu, kana nyamũ o na yĩva, asũvĩe; na ĩikw’a, kana kwĩkwa ũndũ ũthũku, kana kũtwawa, mũndũ o na wĩva atene:</verse>
				<verse number="11">makeeavĩa vala ve Yeova me elĩ, ethĩwa nokwĩthĩwa ndaatambũũkya kw’oko kwake amũvute mũtũi wake syĩndũ syake; na mwene wasyo akawĩtĩkĩla, nake ndakaĩva.</verse>
				<verse number="12">Ĩndĩ ethĩwa ĩkoyĩwa kwake, akaĩvĩa mwene wayo.</verse>
				<verse number="13">Ethĩwa ĩkalĩka ĩkĩtilangwa ilungu, namĩete ĩthĩwe ũkũsĩ; na ndakaĩva ũndũ wa ĩla ĩlĩkĩte.</verse>
				<verse number="14">Na ethĩwa mũndũ akavoya nyamũ kwa mũtũi wake, na ĩkĩkwa ũndũ ũthũku, kana kũkw’a, mwene wayo ate nayo, no mũvaka aĩve.</verse>
				<verse number="15">Ethĩwa mwene wayo e nayo ndakamĩĩvĩa: ethĩwa nĩ ngomboe, nikomboetwe yonee mwene wayo mbesa.</verse>
				<verse number="16">Na ethĩwa mũndũ akakuua mwĩĩtu ũte mwĩvasye, na aikoma nake, no mũvaka aumye indo amũthooe atw’ĩke mũka wake.</verse>
				<verse number="17">Ethĩwa ĩthe wake akalea vyũ kũmũnengane kwake, akaĩva mbesa kwĩanana na ũndũ eĩtu maasaw’a.</verse>
				<verse number="18">Ndũkaeke mũndũ mũka mũoi ekale thayũ.</verse>
				<verse number="19">O ũla ũkakoma na nyamũ no mũvaka oawe.</verse>
				<verse number="20">Ũla ũkathembea ngai ĩngĩ o na yĩva nthembo ate o Yeova e weka, no mũvaka anangwe vyũ.</verse>
				<verse number="21">Na ndũkamwĩke mwĩkali wa ũeninĩ naĩ, o na ndũkamũthĩn’ye: nĩkwĩthĩwa mwaĩ ekali ma ũeninĩ nthĩ ya Misili.</verse>
				<verse number="22">Mũtikathĩn’ye mũndũ mũka ndiwa o na wĩva, o na kana kakw’ĩĩwe nĩ ĩthe.</verse>
				<verse number="23">Ethĩwa ũkamathĩn’ya na ũndũ o na wĩva, na makeengaĩla o na ata, nditĩa kwĩw’a kũkaya kwoo;</verse>
				<verse number="24">na ũthilĩku wakwa ũkavyũva, na ngamũaa na ũvyũ; na iveti syenyu ikeethĩwa ndiwa, na syana syenyu ikakw’ĩĩwa nĩ aaĩthe.</verse>
				<verse number="25">Ethĩwa ũkakovethya mbesa ũmwe wa andũ makwa ala ngya o na mekũ ala matwĩe naku, ndũkatinde ũkĩmũandũa; o na ndũkamwĩtye ũtandĩthyo wasyo.</verse>
				<verse number="26">Ethĩwa ũkathi na ngũa o na yĩva ya mũtũi waku ĩtw’ike ngwatĩlĩlyo, ũkamũtũngĩa syũa yĩtanathũa:</verse>
				<verse number="27">nũndũ nĩyo wĩ nayo yoka ya kwĩvw’ĩka, nĩ ngũa yake ya kũvw’ika mwĩĩ wake: akakoma na kĩ? Na kũkeethĩwa, eĩngaĩla, ngeew’a; nũndũ nyie nĩ mũseo.</verse>
				<verse number="28">Ndũkamũume Ngai, o na kũuma mũnene wa andũ maku.</verse>
				<verse number="29">Ndũkekale mũno ũtekumya kĩlungu kya ngetha yaku, o na kya wingĩ wa syĩndũ syaku sya kũnyw’a. Ĩkithathi ananĩ maku aũme ũkanengae.</verse>
				<verse number="30">Na mwĩĩka o ta ũu na ng’ombe syaku, na malondu maku: ĩkekale na nyinyia matukũ mũonza; mũthenya wa nyanya ũkanengae.</verse>
				<verse number="31">Na mũkeethĩwa andũ atheu kwakwa: kwondũ wa ũu mũtikaye nyama ya ĩla ĩlĩkĩle kĩthekanĩ nĩ nyamũ; mũkamĩkĩsya ngitĩ.</verse>
			</chapter>
			<chapter number="23">
				<verse number="1">Ndũkatwae ũvoo wa ũvũngũ: ndũkakwatane kw’oko kwaku na ala athũku ũtw’ĩke ngũsĩ ĩte ya ũlũngalu.</verse>
				<verse number="2">Ndũkaatĩanĩe na wingĩ wa andũ wĩke naĩ; o na ndũkaneene ũkũsĩ ũndũnĩ ũalyũle kũatĩĩa wingĩ wa andũ nĩ kana welelũkye sila wa katĩ:</verse>
				<verse number="3">o na ndũkendeesye mũndũ ngya ũndũnĩ wake.</verse>
				<verse number="4">Ethĩwa ũkakomana na ng’ombe ya ũla wĩ ũthũ naku, kana ĩng’oi yake yaĩte, ndũkatĩe kũmũtũngĩa yo kwake ĩngĩ.</verse>
				<verse number="5">Ethĩwa ũkoona ĩng’oi ya ũla ũkũmenete yĩvalũkĩte na mũio wayo, ndũkamũtiĩe, no mũvaka ũmũtethye.</verse>
				<verse number="6">Ndũkalelũkye sila wa katĩ kwa ũla ngya waku ũndũnĩ wake.</verse>
				<verse number="7">Ĩyĩkalye kũasa na ũndũ wĩ ũvũngũ; na ndũkoae ũla ũte na ĩvĩtyo wĩkĩte, o na ũla mũlũngalu: nũndũ ndikatala mwĩki wa naĩ mũlũngalu.</verse>
				<verse number="8">Na ndũkose ĩvaki o na ata: nũndũ ĩvaki nĩyĩlindaa metho ma asu mekwona, na kwelelũkya ndeto sya ũla mũlũngalu.</verse>
				<verse number="9">Na ndũkathĩn’ye mwĩkali wa ũeninĩ: nũndũ nĩmwĩsĩ ngoo ya mwĩkali wa ũeninĩ, nĩkwĩthĩwa mwaĩ ekali ma ũeninĩ nthĩ ya Misili.</verse>
				<verse number="10">Na myaka thanthatũ ũkavande nthĩ yaku, na ũiketha ũsyao wayo:</verse>
				<verse number="11">ĩndĩ mwaka wa mũonza mĩtie ĩthũmũe na kwĩkala yĩ maei, nĩ kana ala ngya ma andũ maku mone kya ũya: na kĩla meũtialya nyamũ ya kĩtheka ĩkaya. Ũkeke o ta ũu na mũũnda waku wa mĩsavivũ, o na mũũnda waku wa mĩthata.</verse>
				<verse number="12">Ũkatethye wĩa waku mĩthenya thanthatũ, na mũthenya wa mũonza ũkathũmũe; nĩ kana ng’ombe yaku na ĩng’oi yaku syone ũthũmũo, na mwana wa ngombo yaku mwĩĩtu, na mwĩkali wa ũeninĩ, manooke.</verse>
				<verse number="13">Na maũndũ onthe ala nĩmwĩĩte masisyei: na mũtikawete syĩtwa ya ngai ingĩ, o na yĩtikew’ĩke yĩkyuma kanyw’anĩ waku.</verse>
				<verse number="14">Mavinda atatũ mwaka ũkeethĩwa na mboka kwondũ wakwa.</verse>
				<verse number="15">Lilikana mboka ya kĩmũtũ kĩte ĩlawa: ũkaye kĩmũtũ kĩte ĩlawa mĩthenya mũonza, o tondũ nĩkwĩaĩĩte, ĩvinda yĩtw’ĩtwe mwei wa Avivu (nũndũ mwei ũsu nĩwaumie Misili); na ndakoneke o na ũmwe wĩũka mbee wakwa e na moko mathei:</verse>
				<verse number="16">na mboka ya ngetha, ũsyao wa mbee wa kũthĩnĩa wĩa kwaku, ũla ũvandĩte mũũndanĩ: na mboka ya kũmina ngetha, mwaka wathela, o yĩla wĩketha ũsyao wa wĩa waku w’onthe ũ wĩ mũũndanĩ.</verse>
				<verse number="17">Mavinda atatũ mwaka aũme maku onthe makaumĩla mbee wa Mwĩaĩi Yeova.</verse>
				<verse number="18">Ndũkathembanĩsye nthakame ya nthembo yakwa na kĩmũtũ kĩ ĩlawa; o na mathunya ma mboka yakwa matikekale ũtukũ w’onthe kũvika kĩoko.</verse>
				<verse number="19">Ũsyao wa mbee ki wa ũsyao wa nthĩ yaku ũkaete nyũmbanĩ ya Yeova Ngai waku. Ndũkaue katena ka mbũi na ĩia ya nyinyia wako.</verse>
				<verse number="20">Sisya, nĩngũtũma mũlaĩka akũtongoesye, akũsũvĩe nzĩanĩ na ũkũete vandũ vala nĩseũvĩtye.</verse>
				<verse number="21">Ĩsũvĩei vala ũĩ, na mũkĩthukĩĩsya wasya wake; mũtikamũthatye; nĩkwĩthĩwa ndakamũekea kũvĩtya kwenyu: nũndũ syĩtwa yakwa yĩ nthĩnĩ wake.</verse>
				<verse number="22">Ĩndĩ ethĩwa ũkethukĩĩasya wasya wake w’o, na kwĩkaa onthe ala ngũneena; nĩvo ĩndĩ nĩĩthĩawa nĩ mũmaitha kwa amaitha maku, na nthũ kwa nthũ syaku.</verse>
				<verse number="23">Nũndũ mũlaĩka wakwa akamũtongoeasya, na ũkũete kwa Mũamoli, na Mũititi, na Mũvelisi, na Mũkanaani, na Mũivi, na Mũyevusĩ: na ngamamina vyũ.</verse>
				<verse number="24">Ndũkakunamĩe ngai syoo, o na kwithũkũma, o na kwĩka kũatĩĩa meko masyo: ĩndĩ ũkaing’uthũlange vyũ, na kũtũlanga ituĩ syasyo ilungu.</verse>
				<verse number="25">Nenyu mũkathũkũmae Yeova Ngai wenyu, nake akaathimaa lĩu waku, na manzĩ maku; nakwa ngaveta ũwau kuma katĩ waku.</verse>
				<verse number="26">Kũti ũkaumya ĩvu, kana kwĩthĩwa ngũngũ, nthĩ yaku: ngeanĩsya ũtalo wa matukũ maku.</verse>
				<verse number="27">Ngatũma ũtĩsyo wakwa ũtongoasye mbee waku, na ngaananga andũ onthe kũla ũkavika, na ngatuma amaitha maku onthe makwon’ya mĩongo.</verse>
				<verse number="28">Na ngatũma mauĩ mbee waku, ala makalũngya Mũivi, na Mũkanaani, na Mũititi maume mbee waku.</verse>
				<verse number="29">Ndikamalũngya maume mbee waku nthĩnĩ wa mwaka ũmwe, nthĩ ndĩkatw’ĩke nthei, na nyamũ sya kĩtheka ikingĩva imũthĩn’ye.</verse>
				<verse number="30">Ngamalũngya maume mbee waku kavola na kavola, mũvaka yĩla mũkaingĩva, na kwosa nthĩ ĩsu yĩthĩwe yenyu.</verse>
				<verse number="31">Nakwa ngaatũa mũvaka waku kuma Ũkanganĩ Mũtune kũvika ũkanga wa Avilisiti, na kuma weũ kũvika ũla Ũsĩ: nũndũ nganengane ala matwĩe nthĩ ĩsu kw’okonĩ kwaku; na ũkamalũngya maume mbee waku.</verse>
				<verse number="32">Ndũkatianĩe ũtianĩo namo, kana na ngai syoo.</verse>
				<verse number="33">Matikatũe nthĩ yaku, matikese kũtuma mũmbĩtanĩsya; nũndũ ethĩwa ũkaithũkũma ngai syoo, ũndũ ũsu ndũkatĩa kwĩthĩwa kĩtei kwaku.</verse>
			</chapter>
			<chapter number="24">
				<verse number="1">Na amwĩa Mose, Ambata wũke kũla kwĩ Yeova, we, na Alunĩ, na Natavu, na Aviu, na atumĩa mĩongo mũonza ma Isilaeli; na mũkĩthaitha mwĩ kũasa:</verse>
				<verse number="2">na Mose e weka akamũthengeea Yeova; ĩndĩ mo matikathengeee; o na andũ matikambate nake.</verse>
				<verse number="3">Na Mose athi na atavya andũ ndeto syonthe sya Yeova, na motw’ĩo onthe: na andũ onthe masũngĩa na wasya ũmwe, na masya, Ndeto syonthe ila Yeova ũneenete tũkeeka.</verse>
				<verse number="4">Na Mose aandĩka ndeto syonthe sya Yeova, na ookĩla kĩoko tene, na aaka kĩthembeo, na ituĩ ĩkĩĩmi na ilĩ ĩtina wa kĩĩma, kwĩanana na mbaĩ ĩkũmi na ili sya Isilaeli.</verse>
				<verse number="5">Na atũma anake ma ana ma Isilaeli, ala mathembie nthembo sya kũvĩvw’a, na kũthembea Yeova nthembo sya mũuo sya ng’ombe.</verse>
				<verse number="6">Na Mose oosa nyunzu ya ĩla nthakame, na amĩkĩa masaaninĩ manene; na nyunzu ya nthakame aminzangĩsya kĩthembeonĩ.</verse>
				<verse number="7">Na oosa ĩvuku ya ũtianĩo, na asoma andũ makĩw’a: namo masya, Tũkekaa onthe ala Yeova ũneenete, na kwĩkalaa twĩ ewi.</verse>
				<verse number="8">Na Mose oosa ĩla nthakame, na aminzangĩsya andũ, na amea, Sisyai nthakame ya ũtianĩo, ũla Yeova ũtianĩĩte nenyu ũndũ wa ndeto ii syonthe.</verse>
				<verse number="9">Nĩvo ĩndĩ Mose, na Aluni, na Natavu, na Aviu, na atumĩa mĩongo mũonza ma Isilaeli mambatie:</verse>
				<verse number="10">na moona Ngai wa Isilaeli; na kwaĩ ta vandũ vaseũvĩtw’e na tũvila twa savili, na ta ĩtu yo yene ũndũ wa kũthea, vala wakinyĩle.</verse>
				<verse number="11">Na ndaailĩĩla kw’oko kwake anene me ndaĩa ma ana ma Isilaeli: namo mamwona Ngai, na maya na manyw’a.</verse>
				<verse number="12">Na Yeova amwĩa Mose, Ambata vala nĩĩ kĩĩmanĩ, na wĩthĩwe vo: na ngakũnenga masengea ma mavia, na ĩla mĩao na motw’ĩo, ala nĩandĩkĩte, nĩ kana ũtonye kũmamanyĩsya.</verse>
				<verse number="13">Na Mose ookĩla, na Yosua mũthũkũmi wake: na Mose ambata kĩĩmanĩ kya Ngai.</verse>
				<verse number="14">Na amea ala atumĩa, Tweteelei vaa, kũvika twaalũka vala mũĩ ĩngĩ: na, sisyai, Aluni na Uulu me vamwe nenyu: o ũla wĩ na ũndũ, nathi vala maĩ.</verse>
				<verse number="15">Na Mose ambata kĩĩmanĩ, na ũla mũumbĩ wavw’ĩka kĩĩma.</verse>
				<verse number="16">Na ũtheu mũtisu wa Yeova wekala kĩĩmanĩ kya Sinai ĩũlũ, na ũla mũumbĩ wakĩvw’ĩka mĩthenya thanthatũ: na mũthenya wa mũonza amwĩta Mose e mũumbĩnĩ katĩ.</verse>
				<verse number="17">Na kwoneka kwa ũtheu mũtisu wa Yeova mũtumbĩnĩ wa kĩĩma, ana ma Isilaeli moona ta mwaki ũla ũvĩvasya.</verse>
				<verse number="18">Na Mose avota mũumbĩnĩ katĩ, na ambata kĩĩmanĩ: na Mose ekala kĩĩmanĩ mĩthenya mĩongo ĩna na matukũ mĩongo ĩna.</verse>
			</chapter>
			<chapter number="25">
				<verse number="1">Na Yeova aneena na Mose, akĩmwĩa,</verse>
				<verse number="2">Matavye ana ma Isilaeli mambũmbanĩsye nthembo: mũkose nthembo yakwa kwa kĩla mũndũ ũla wĩ na ngoo ya kwenda.</verse>
				<verse number="3">Na nthembo ĩla mwĩosa kũla maĩ nĩ ĩno: thaavu, na vetha, na ũthuku,</verse>
				<verse number="4">na langi wa vuluu, na ũla ũtilyĩ ta mũtune, na ũla mũtune mũno, na katane nzeo, na maw’ĩa ma mbũi,</verse>
				<verse number="5">na mbũa sya ndũũme syĩkĩĩtwe langĩ mũtune, na mbũa sya vomboo, na mĩtĩ ya mũea,</verse>
				<verse number="6">na mauta ma kwakan’ya taa, na mĩtĩ ĩla ĩnyungaa nesa kwondũ wa mauta ma kwĩtĩkĩsya, na ma kũtoeesya ũvani ũla ũnyungaa nesa,</verse>
				<verse number="7">na tũvila twa nzumalati, na tũvila twa kũlũmanĩthw’a iĩndĩnĩ syatw’o, ngũanĩ yĩtawa evoti, na kakalonĩ ka kĩthũi.</verse>
				<verse number="8">Na nĩmanzeũvĩsye vandũ vatheu, nĩkalae katĩ woo.</verse>
				<verse number="9">Kwĩanana na onthe ala nĩkwon’ya, ngelekan’yo ya wĩkalo, na ngelekan’yo ya mĩio yonthe yaw’o, mũkavaseũvye o ta ũu.</verse>
				<verse number="10">Na makaseũvye ĩsandũkũ ya mĩtĩ ya mũea: ũasa wayo ũkeethĩwa mĩkono ĩlĩ na nyunzu, na ũthanthau wayo mũkono na nyunzu, na ũtũlu wayo mũkono na nyunzu.</verse>
				<verse number="11">Na ũkayĩvw’ĩke thaavu mũtheu, nthĩnĩ na ũtee ũkayĩvw’ĩke, na kũseũvya ĩũlũ wayo ũengo mũtũlu wa thaavu ũyĩlingĩle.</verse>
				<verse number="12">Na ũkayĩtũĩĩe ngome inya sya thaavu, na ũkĩsyĩkĩa maũũnĩ ana mayo; na ngome ilĩ ikethĩwe ngalĩ ĩmwe yayo, na ngome ilĩ ngalĩ ĩla ĩngĩ yayo.</verse>
				<verse number="13">Na ũkaseũvye mĩtĩ ya mũea, na ũkĩmĩvw’ĩka thaavu.</verse>
				<verse number="14">Na ũkĩkĩa ĩla mĩtĩ ngomenĩ ila syĩ mavavanĩ ma yĩla ĩsandũkũ, ya ũkua ĩsandũkũ nayo.</verse>
				<verse number="15">Ĩla mĩtĩ ĩkeethĩwa ngomenĩ sya ĩsandũkũ: ndĩkaumw’e vo.</verse>
				<verse number="16">Na ũkekĩe nthĩnĩ wa ĩsandũkũ ũkũsĩ ũla nĩkũnenga.</verse>
				<verse number="17">Na ũkaseũvye wĩkalo wa tei wa thaavu mũtheu: ũasa waw’o ũkeethĩwa mĩkono ĩlĩ na nyunzu, na ũtanthau waw’o mũkono na nyunzu.</verse>
				<verse number="18">Na ũkaseũvye akeluvi elĩ ma thaavu; ũkamaseũvye na kũmatua, ngalĩ syelĩ sya ũla wĩkalo wa tei.</verse>
				<verse number="19">Noiseũvya mũkeluvi ũmwe ngalĩ ĩmwe, na mũkeluvi ũngĩ ngalĩ ĩla ĩngĩ: ũkatuanĩsye ala akeluvi kĩlungunĩ kĩmwe na ũla wĩkalo wa tei ngalĩ syelĩ syaw’o.</verse>
				<verse number="20">Na akeluvi makatambũũkye nthwau syoo ĩũlũ, makĩvw’ika wĩkalo wa tei na nthwau syoo, mothyũ moo masianĩtye; mothyũ ma akeluvi makelekele wĩkalo wa tei.</verse>
				<verse number="21">Na ũkaie ũ wĩkalo wa tei ĩsandũkũnĩ ĩũlũ; na nthĩnĩ wa ĩsandũkũ ũkĩkĩa ũkũsĩ ũla nĩũnenga.</verse>
				<verse number="22">Na nĩvo nĩkomanĩaa naku, na nganeenanasya naku nĩ wĩkalonĩ wa tei ĩũlũ, o katĩ wa akeluvi elĩ ala me ĩũlũ wa ĩsandũkũ ya ũkũsĩ, ũndũ wa maũndũ onthe ala ngakwĩaĩaa kwondũ wa ana ma Isilaeli.</verse>
				<verse number="23">Na ũkaseũvye mesa ya mĩtĩ ya mũea: ũasa wayo ũkeethĩwa mĩkono ĩlĩ, na ũthanthau wayo mũkono, na ũtũlu wayo mũkono na nyunzu.</verse>
				<verse number="24">Na ũkamĩvw’ĩke thaavu mũtheu, noimĩseũvĩsya ũengo mũtũlu wa thaavu ũmĩlingĩle.</verse>
				<verse number="25">Na ũkamĩseũvĩsye ũengo ũmĩlingĩle, ũthanthau waw’o nĩ ta wa kĩtaa kya kw’oko; na ũkaseũvye ũengo mũtũlu wa thaavu ũengonĩ wayo ũmĩlingĩle.</verse>
				<verse number="26">Na ũkamĩseũvĩsye ngome inya sya thaavu, na ũkĩkĩa ngome mĩthyanĩ ĩna ya ĩũlũ ĩla yĩ maũũnĩ ana mayo.</verse>
				<verse number="27">Ngome ikethĩwe vakuvĩ na ũengo, syĩthĩwe kũndũ kwa kwĩkĩa mĩtĩ ya kũkua mesa.</verse>
				<verse number="28">Na ũkaseũvye ĩla mĩtĩ ya mũea, noimĩvw’ĩka thaavu, nĩ kana mesa ĩkuwe nayo.</verse>
				<verse number="29">Na ũkaseũvye masaani mayo, na syĩko syayo, na ikombe syayo, na mbakũli syayo, ila sya kwĩtĩkĩasya: ũkaiseũvye na thaavu mũtheu.</verse>
				<verse number="30">Na ũkaie mesanĩ imũtũ sya kwiawa mbee wakwa matukũ onthe.</verse>
				<verse number="31">Na ũkaseũvye kĩndũ kĩla kĩkĩawa mataa kya thaavu mũtheu: kĩla kĩndũ kĩkĩawa mataa kĩkaseũvw’e na kũtua, o ĩtina yakyo, na mũtĩ wakyo; ikombe syakyo, na mĩkauti yakyo, na malaa makyo, ikethĩwe sya kĩlungu kĩmwe nakyo:</verse>
				<verse number="32">na vakethĩwe mbonge thanthatũ ikyuma ndee syakyo; mbonge itatũ sya kĩla kĩndũ kĩkĩawa mataa kuma ngalĩ ĩmwe yakyo, na mbonge itatũ sya kĩla kĩndũ kĩkĩawa mataa kuma ngalĩ ĩla ĩngĩ yakyo:</verse>
				<verse number="33">ikombe itatũ iseũvĩtw’e ta malaa ma mũlosi ũvongenĩ ũmwe, mũkauti na ĩlaa; na ikombe itatũ iseũvitw’e ta malaa ma mũlosi ũvongenĩ ũla ũngĩ, mũkauti na ĩlaa: o ta ũu kwa ila mbonge thanthatũ ikyuma kĩla kĩndũnĩ kĩkĩawa mataa:</verse>
				<verse number="34">na nthĩnĩ wa kĩla kĩndũ kĩkĩawa mataa ikombe inya iseũvĩtw’e ta malaa ma mũlosi, mĩkauti yakyo, na malaa makyo;</verse>
				<verse number="35">na mũkauti ĩtheo wa mbonge ilĩ kĩlungunĩ kĩmwe nakyo, na mũkauti ĩtheo wa mbonge ilĩ kĩlungunĩ kĩmwe nakyo, na mũkauti ĩtheo wa mbonge ilĩ kĩlungunĩ kĩmwe nakyo, kwa ila mbonge thanthatũ ikyuma kĩla kĩndũnĩ kĩkĩawa mataa.</verse>
				<verse number="36">Mĩkauti yakyo na mbonge syakyo ikethĩwe sya kĩlungu kĩmwe nakyo: kĩndũ kyu kĩima kya thaavu mũtheu ũla mũtue.</verse>
				<verse number="37">Na ũkaseũvye mataa makyo, mũonza: na makakwatasye mataa makyo, maumasye kyeni vu kĩĩ.</verse>
				<verse number="38">Na mĩkasi yakyo, na masaani ma makaa makyo, ikethĩwe sya thaavu mũtheu.</verse>
				<verse number="39">Kĩkaseũvw’e kya talendi ya thaavu mũtheu, vamwe na mĩio ĩsu yonthe.</verse>
				<verse number="40">Na sisya kana ũkaitue kwĩanana na ngelekan’yo yayo, ĩla woonew’e kĩĩmanĩ.</verse>
			</chapter>
			<chapter number="26">
				<verse number="1">Na ĩngĩ, ũkaseũvye ũla wĩkalo wĩthĩwe na masuka ĩkũmi; ũkamatume ma ndii sya katane nzeo mbokothe, na sya vuluu, na ila itilyĩ ta ndune, na ila ndune mũno, ũkamatumĩĩe ngelekan’yo ya akeluvi, o wĩa wa mũtethya wa wĩa ũla mũĩ.</verse>
				<verse number="2">Ũasa wa kĩla suka ũkeethĩwa mĩkono mĩongo ĩlĩ na nyanya, na ũthanthau wa kĩla suka mĩkono ĩna: masuka onthe makathimwe ũndũ ũmwe.</verse>
				<verse number="3">Masuka atano nĩmakakwatanwe, ũmwe na ũla ũngĩ; na masuka atano ala angĩ nĩmakakwatanwe, ũmwe na ũla ũngĩ.</verse>
				<verse number="4">Na ũkaseũvye ikwatũ sya vuluu ũteenĩ wa suka ũmwe ũtiivonĩ vala makwatanĩlwe; na ũkeke o ta ũu ũteenĩ wa suka ũla wĩ mũminũkĩlyo wa vala vakwatanĩlwe va kelĩ.</verse>
				<verse number="5">Ikwatũ mĩongo ĩtano ũkaseũvye sukanĩ ũla ũmwe, na ikwatũ mĩongo ĩtano ũkaseũvye ũteenĩ wa suka ũla wĩ vala vakwatanĩlwe va kelĩ; kĩla kĩkwatũ kĩmwe kyelekele kĩla kĩngĩ.</verse>
				<verse number="6">Na ũkaseũvye tũvoloi mĩongo ĩtano twa thaavu, noikwatan’ya masuka ũmwe na ũla ũngĩ na tũvoloi tũu: na wĩkalo ũkatw’ĩka ũmwe.</verse>
				<verse number="7">Na ũkatume masuka ma maw’ĩa ma mbũi matw’ĩke ĩeema ĩũlũ wa wĩkalo ũsu: ũkamatume masuka ĩkũmi na ũmwe.</verse>
				<verse number="8">Ũasa wa kĩla suka ũkeethĩwa mĩkono mĩongo ĩtatũ, na ũthanthau wa kĩla suka mĩkono ĩna: masuka asu ĩkũmi na ũmwe makathimwe ũndũ ũmwe.</verse>
				<verse number="9">Na ũkakwatan’ye masuka atano me oka, na masuka thanthatũ me oka, na kũtũlanĩla ũla suka wa thanthatũ ngalĩ ya mbee ya ĩeema.</verse>
				<verse number="10">Na ũkaseũvye ikwatũ mĩongo ĩtano ũteenĩ wa suka ũmwe ũla wĩ mũminũkĩlyo wa vala vakwatanĩlwe, na ĩkwatũ mĩongo ĩtano ũteenĩ wa suka ũla wĩ mũminũkĩlyo wa vala vakwatanĩlwe va kelĩ.</verse>
				<verse number="11">Na ũkaseũvye tũvoloi mĩongo ĩtano twa ũthuku, noikolan’ya tũvoloi na ikwatũ, na kũkwatan’ya ĩeema vamwe, nĩ kana yĩthĩwe yĩ yĩmwe.</verse>
				<verse number="12">Na kĩlungu kĩla kĩtialĩte kĩniinĩte kya masũka ma ĩeema, o ĩla nyunzu ya suka ĩla ĩtialĩte, kĩkaniine wĩkalonĩ mbĩlĩlo.</verse>
				<verse number="13">Na mũkono ngalĩ ĩmwe, na mũkono ngalĩ ĩla ĩngĩ, wa ũasa ũla ũtialĩte wa masuka ma ĩeema, ũkaniine ngalĩ syelĩ sya wĩkalo, ngalĩ ĩno na ngalĩ ĩla ĩngĩ, nĩ kana wũvw’ĩke.</verse>
				<verse number="14">Na ũkaseũvye kĩndũ kya kũvw’ĩka ĩeema kya mbũa sya ndũũme syĩkĩĩtwe langi mũtune, na ĩũlũ wakyo kĩngĩ kya mbũa sya vomboo.</verse>
				<verse number="15">Na ũkaseũvye mbwaũ sya wĩkalo sya mĩtĩ ya mũea, iũngamĩtw’e.</verse>
				<verse number="16">Ũasa wa kĩla ũvwaũ ũkeethĩwa mĩkono ĩkũmi, na ũthanthau wa kĩla ũvwaũ mũkono na nyunzu.</verse>
				<verse number="17">Kĩla ũvwaũ wĩthĩwe na isinĩko ilĩ isinĩkanĩtw’e ũmwe na ũla ũngĩ: ũkeke ũu ũndũ wa mbwaũ syonthe sya ũla wĩkalo.</verse>
				<verse number="18">Na ũkaseũvye mbwaũ sya wĩkalo, mbwaũ mĩongo ĩlĩ ũndũ wa ngalĩ ya ĩtheo kwelekela ĩtheo.</verse>
				<verse number="19">Na ũkaseũvye iĩndĩ mĩongo ĩna sya vetha ungu wa ila mbawũ mĩongo ĩlĩ; iĩndĩ ilĩ ungu wa ũvwaũ ũmwe ũndũ wa isinĩko ilĩ syaw’o, na iĩndĩ ilĩ ungu wa ũvwaũ ũngĩ ũndũ wa isinĩko ilĩ syaw’o:</verse>
				<verse number="20">na ũndũ wa ngalĩ ya kelĩ ya wĩkalo, ngalĩ ya ĩũlũ, mbwaũ mĩongo ĩlĩ,</verse>
				<verse number="21">na iĩndĩ syasyo mĩongo ĩna sya vetha; iĩndĩ ilĩ ungu wa ũvwaũ ũmwe, na iĩndĩ ilĩ ungu wa ũvwaũ ũngĩ.</verse>
				<verse number="22">Na ũkaseũvye mbwaũ thanthatũ ũndũ wa ngalĩ ya mbĩlĩlo ya wĩkalo kwelekela ũthũĩlonĩ wa syũa.</verse>
				<verse number="23">Na ũkaseũvye mbwaũ ilĩ ũndũ wa ikoto sya ũ wĩkalo ngalĩ ya mbĩlĩlo.</verse>
				<verse number="24">Na ikethĩwe ilĩ ilĩ ikwatene kuma nthĩ, na ikethĩwe ikwatene o ta ũu kũvika mũthya wĩ ĩũlũ wasyo, kũvika ngomenĩ ĩmwe: kũkethĩwe ũu ũndũ wasyo syelĩ; ikeethĩwa sya ila ikoto ilĩ.</verse>
				<verse number="25">Na kũkethĩwe mbwaũ nyanya, na iĩndĩ syasyo sya vetha, iĩndĩ ĩkũmi na thanthatũ: iĩndĩ ilĩ ungu wa ũvwaũ ũmwe, na iĩndĩ ilĩ ungu wa ũvwaũ ũngĩ.</verse>
				<verse number="26">Na ũkaseũvye mĩamba ya mĩtĩ ya mũea; ĩtano ũndũ wa mbwaũ sya ngalĩ ĩmwe ya wĩkalo,</verse>
				<verse number="27">na mĩamba ĩtano ũndũ wa mbwaũ sya ngalĩ ĩla ĩngĩ ya wĩkalo, na mĩamba ĩtano ũndũ wa mbwaũ sya wĩkalo ngalĩ ya mbĩlĩlo kwelekela ũthũĩlonĩ wa syũa.</verse>
				<verse number="28">Na mũamba ũla wĩ katĩ, o ũla wĩvĩtĩlaa mbwaũnĩ katĩ, ũkavĩtĩlaa kuma mũthya kũvika mũthya ũla ũngĩ.</verse>
				<verse number="29">Na ũkavw’ĩke mbwaũ thaavu, na kũseũvya ngome syasyo sya thaavu sya kũtonyeesya ĩla mĩamba: na ũkavw’ĩke mĩamba thaavu.</verse>
				<verse number="30">Na ũkaũngamye wĩkalo kwĩanana na ngelekan’yo yaw’o ĩla woonew’e kĩĩmanĩ.</verse>
				<verse number="31">Na ũkaseũvye tũtũ wa ndii sya vuluu, na ila itilyĩ ta ndune, na ila ndune mũno, na katane nzeo mbokothe: ũkatumĩĩwa ngelekan’yo ya akeluvi, wĩa wa mũtethya wa wĩa ũla mũĩ:</verse>
				<verse number="32">na ũkawanĩke itũĩnĩ inya sya mĩtĩ ya mũea ivw’ĩkĩtwe thaavu; syambo syasyo ikethĩwe sya thaavu, ĩũlũ wa iĩndĩ inya sya vetha.</verse>
				<verse number="33">Na ũkanĩke ũla tũtũ ĩtheo wa tũvoloi, noiete vu nthĩnĩ wa tũtũ yĩla ĩsandũkũ ya ũkũsĩ: na ũla tũtũ ũkamũvathũkanĩsya vala vandũ vatheu na vala vandũ vatheu mbee.</verse>
				<verse number="34">Na ũkaie ũla wĩkalo wa tei ĩũlũ wa ĩsandũkũ ya ũkũsĩ nthĩnĩ wa vala vandũ vatheu mbee.</verse>
				<verse number="35">Na ũkaie ĩla mesa ũtee wa tũtũ, na kĩla kĩndũ kĩkĩawa mataa kyelekele mesa ngalĩ ya wĩkalo kwelekela ngalĩ ya ĩtheo: na ũkaie mesa ngalĩ ya ĩũlũ.</verse>
				<verse number="36">Na ũkaseũvye tama wa mũomonĩ wa yĩla Ĩeema, wa ndii sya vuluu, na ila itilyĩ ta ndune, na ila ndune mũno, na katane nzeo mbokothe, wĩa wa mũtumi mũĩ wa ndii.</verse>
				<verse number="37">Na ũkaseũvĩsye tama ituĩ itano sya mĩtĩ ya mũea, na kwivw’ĩka thaavu: syambo syasyo ikethĩwe sya thaavu: na ũkaiseũvĩsye iĩndĩ itano sya ũthuku.</verse>
			</chapter>
			<chapter number="27">
				<verse number="1">Na ũkaseũvye kĩthembeo kya mĩtĩ ya mũea, ũasa wakyo mĩkono ĩtano, na ũthanthau wakyo mĩkono ĩtano; kĩthembeo kĩkethĩwe kĩanene ngalĩ inya: na ũtũlu wakyo ũkethĩwe mĩkono ĩtatũ.</verse>
				<verse number="2">Na ũkaseũvye mbya syakyo ĩũlũ wa ikoto ĩnya syakyo: mbya syakyo ikethĩwe kĩlungu kĩmwe nakyo: na ũkakĩvw’ĩke ũthuku.</verse>
				<verse number="3">Na ũkaseũvye mĩio yakyo ya kwokaa mũu wakyo, na mĩko yakyo, na masaani manene makyo, na itonyi sya nyama syakyo, na tũvũngũlyũ twa ũkua makaa: ũkaseũvye mĩio yonthe yakyo ya ũthuku.</verse>
				<verse number="4">Na ũkakĩseũvĩsye seng’eng’e wa ũthuku; na ĩũlũ wa seng’eng’e ũkaseũvye ngome inya sya ũthuku ikotonĩ inya syaw’o.</verse>
				<verse number="5">Na ũkawĩkĩe ĩtheo wa ũengo ũla wĩlingĩlĩte kĩthembeo ngalĩ ya ungu, nĩ kana seng’eng’e wambate ũvike kĩthembeonĩ katĩ.</verse>
				<verse number="6">Na ũkaseũvĩsye kĩthembeo mĩtĩ, mĩtĩ ya mũea, na ũimĩvw’ĩka ũthuku.</verse>
				<verse number="7">Na ĩla mĩtĩ yakyo yĩkĩawe ngomenĩ, na ĩla mĩtĩ ĩkethĩwe ngalĩ syelĩ sya kĩthembeo, kĩkĩkuwa.</verse>
				<verse number="8">Ũkakĩseũvye na mbwaũ, kĩ na ĩima nthĩnĩ katĩ: o tondũ woonew’e kĩĩmanĩ, o ta ũu makakĩseũvye.</verse>
				<verse number="9">Na ũkaseũvye nza ya ũla wĩkalo: ngalĩ ya ĩtheo kwelekela ĩtheo kũkethĩwe ngũa sya kũniinw’a sya nza sya katane nzeo mbokothe, ũasa wasyo mĩkono ĩana ngalĩ ĩmwe:</verse>
				<verse number="10">na ituĩ syasyo ikethĩwe mĩongo ĩlĩ, na iĩndĩ syasyo mĩongo ĩlĩ, sya ũthuku; syambo sya ituĩ na mĩkunzu ikethĩwe sya vetha.</verse>
				<verse number="11">Na o ta ũu ngalĩ ya ĩũlũ kũkethĩwe ngũa sya kũniinw’a, ũasa wasyo mĩkono ĩana, na ituĩ syasyo mĩongo ĩlĩ, na iĩndĩ syasyo mĩongo ĩlĩ, sya ũthuku; syambo sya ituĩ, na mĩkunzu yasyo, ikethĩwe sya vetha.</verse>
				<verse number="12">Na kwondũ wa ũthanthau wa nza ngalĩ ya ũthũĩlonĩ wa syũa kũkethĩwe ngũa sya kũniinw’a, ũasa wasyo mĩkono mĩongo ĩtano; ituĩ syasyo ĩkũmi, na iĩndĩ syasyo ĩkũmi.</verse>
				<verse number="13">Na ũthanthau wa nza ngalĩ ya wumĩlonĩ wa syũa kwelekela wumĩlonĩ wa syũa ũkethĩwe mĩkono mĩongo ĩtano.</verse>
				<verse number="14">Ngũa sya kũniinw’a ila sya ngalĩ ĩmwe ya mbingĩlo ikethĩwe sya mĩkono ĩkũmi na ĩtano; itui syasyo itatũ, na iĩndĩ syasyo itatũ.</verse>
				<verse number="15">Na ngalĩ ĩla ĩngĩ kũkethĩwe ngũa sya kũniinw’a sya mĩkono ĩkũmi na ĩtano; ituĩ syasyo itatũ, na iĩndĩ syasyo itatũ.</verse>
				<verse number="16">Na kwondũ wa mbingĩlo ya nza kũkethĩwe tama wa mĩkono mĩongo ĩlĩ, wa ndii sya vuluu, na ila itilyĩ ta ndune, na ila ndune mũno, na katane nzeo mbokothe, wĩa wa mũtumi mũĩ wa ndii; ituĩ syaw’o inya, na iĩndĩ syaw’o inya.</verse>
				<verse number="17">Ituĩ syonthe syĩlingĩle ĩla nza ikakwatanw’e na mũkunzu wa vetha; syambo syasyo ikethĩwe sya vetha, iĩndĩ syasyo sya ũthuku.</verse>
				<verse number="18">Ũasa wa nza ũkethĩwe wa mĩkono ĩana, na ũthanthau wayo mĩongo ĩtano kw’onthe, na ũtũlu wayo mĩkono ĩtano, yĩthĩwe ya katane nzeo mbokothe, na iĩndĩ syayo sya ũthuku.</verse>
				<verse number="19">Mĩio yonthe ya ũla wĩkalo ũthũkũminĩ waw’o w’onthe, na syambo syaw’o syonthe, na syambo syonthe sya nza, ikethĩwe sya ũthuku.</verse>
				<verse number="20">Na ũkeaĩe ana ma Isilaeli, makũetee mauta matheu ma mosyao ma mĩthata makimĩtwe mũno kwondũ wa kyeni, makanasye taa, nĩ kana matume taa wakana ĩndĩ yonthe.</verse>
				<verse number="21">Aluni na ana make makoseũvasye kuma wĩoo kũvika kĩoko vala ve Yeova ĩeemanĩ ya kũmbanĩa, ũtee wa tũtũ ũla wĩ ngalĩ ya mbee ya ĩsandũkũ ya ũkũsĩ: ũkeethĩwa mwamũlo kwondũ wa ana ma Isilaeli kũvika tene na tene mosyaanĩonĩ moo.</verse>
			</chapter>
			<chapter number="28">
				<verse number="1">Naku mwĩte Aluni, mwana‐a‐mwenyu, oke vala ũĩ, na ana make vamwe nake, kuma ananĩ ma Isilaeli, nĩ kana anthũkũmae wĩanĩ wa ũthembi, Aluni, o na Natavu, na Aviu, na Eleasali, na Ithamali, ana ma Aluni.</verse>
				<verse number="2">Na ũkaseũvĩsye Aluni, mwana‐a‐mwenyu, ngũa ntheu, kwondũ wa kũmũtaĩĩthya na kũmwanakavya.</verse>
				<verse number="3">Na ũkaneene na onthe ala me na ũĩ ngoonĩ, ala nusũĩtye na veva wa ũĩ, nĩ kana maseũvye ngũa sya Aluni sya ũmũvathan’ya ethĩwe mũtheu, nĩ kana anthũkũmae wĩanĩ wa ũthembi.</verse>
				<verse number="4">Na ii nĩsyo ngũa ila metuma: kakalo ka kĩthũi, na evoti, na ngũa ndasa, na kanzũ wa kũngũlũ, na ngutw’a, na mũsivi: na makamaseũvĩsye Aluni mwana‐a‐mwenyu, na ana make, ngũa ntheu, nĩ kana anthũkũmae wĩanĩ wa ũthembi.</verse>
				<verse number="5">Na nĩmakose ũla thaavu, na ila ndii sya vuluu, na ila itilyĩ ta ndune, na ila ndune mũno, na katane nzeo.</verse>
				<verse number="6">Na makaseũvye yĩla evoti ya thaavu, na ya ndii sya vuluu, na ila itilyĩ ta ndune, na ila ndune mũno, na katane nzeo mbokothe, wĩa wa mũtethya wa wĩa ũla mũĩ.</verse>
				<verse number="7">Yĩkethĩwe na ikwatũ ilĩ sya ituonĩ ikwatene na mĩthya ĩlĩ yayo, nĩ kana yĩkwatanw’e vamwe.</verse>
				<verse number="8">Na ũla mũsivi ũtũmĩtwe na ũĩ, ũla wĩ ĩũlũ wayo, o ũla wa kũyova yĩlũme, ũkaseũvw’e ũndũ ũmwe nayo na wa kĩlungu kĩmwe nayo; wa thaavu, na wa ndii sya vuluu, na ila itilyĩ ta ndune, na ila ndune mũno, na katane nzeo mbokothe.</verse>
				<verse number="9">Na ũkose tũvila twĩlĩ twa nzumalati, noitũvana masyĩtwa ma ana ma Isilaeli:</verse>
				<verse number="10">masyĩtwa thanthatũ moo kavilanĩ kamwe, na masyĩtwa thanthatũ ala matiala kavilanĩ kala kangĩ, kwĩanana na mosyaanĩo moo.</verse>
				<verse number="11">Ũkavane tũvila tũu twĩlĩ kwĩanana na wĩa wa mũvani wa tũvila, o ta movano me ngomenĩ ya kũsiĩla, kũatĩĩa masyĩtwa ma ana ma Isilaeli: ũkaseũvye tũlũmanĩthw’e iĩndĩnĩ sya thaavu.</verse>
				<verse number="12">Na ũkekĩe tũla tũvila twĩlĩ ikwatũnĩ sya ituo sya evoti, twĩthĩwe tũvila twa ũlilikan’yo kwondũ wa ana ma Isilaeli: na Aluni akakuĩaa masyĩtwa moo vu mbee wa Yeova ituonĩ syake kwondũ wa ũlilikan’yo.</verse>
				<verse number="13">Na ũkaseũvye iĩndĩ sya thaavu,</verse>
				<verse number="14">na mĩnyoo ĩlĩ ya thaavu mũtheu; ũkamĩseũvye ta tũkanda, twa wĩa wa kũvĩnda: na ũkekĩe ĩla mĩnyoo mĩvĩnde iĩndĩnĩ.</verse>
				<verse number="15">Na ũkaseũvye kakalo ka kĩthũi ka kũtw’a sila, wĩa wa mũtethya wa wĩa ũla mũĩ; ũkakaseũvye o ta evoti; ũkakaseũvye ka thaavu, na ka ndii sya vuluu, na ila itilyĩ ta ndune, na ila ndune mũno, na katane nzeo mbokothe.</verse>
				<verse number="16">Kakethĩwe keanene ngalĩ inya, katũlanĩlwa; ũasa wako ũkeethĩwa wa ĩkwata yĩmwe ya kĩtaa, na ũthanthau wayo ĩkwata yĩmwe ya kĩtaa.</verse>
				<verse number="17">Na ũkekĩe nthĩnĩ wako tũvila tũlũmanĩthw’e iĩndĩnĩ syatw’o, mĩsoa ĩna ya tũvila: mũsoa wa mbee wa salitũ, na tovasi, na alimasi ndune;</verse>
				<verse number="18">na mũsoa wa kelĩ sumalati, na savili, na salitonyi;</verse>
				<verse number="19">na mũsoa wa katatũ samawi, na yasimu, na amethusito;</verse>
				<verse number="20">na mũsoa wa kana nzumalati ntheu, na nzumalati, na yasivi: tũlũmanĩthw’e na thaavu iĩndĩnĩ syatw’o.</verse>
				<verse number="21">Na tũvila tũu tũkeethĩwa tũkĩatĩĩa masyĩtwa ma ana ma Isilaeli, ĩkũmi na elĩ, kwĩanana na masyĩtwa moo; o ta movano me ngomenĩ ya kũsiĩla, kĩla kamwe kwĩanana na syĩtwa yake, nĩtũkethĩwa kwondũ wa ila mbaĩ ĩkũmi na ilĩ.</verse>
				<verse number="22">Na ũkaseũvye mĩnyoo ĩtilyĩ tũkanda kakalonĩ ka kĩthũi ĩũlũ, ya thaavu mũtheu wĩ mũvĩnde.</verse>
				<verse number="23">Na ũkaseũvye kakalonĩ ka kĩthũi ĩũlũ ngome ilĩ sya thaavu, na kwĩkĩa ngome isu ilĩ mĩthyanĩ ĩlĩ ya kakalo ka kĩthũi.</verse>
				<verse number="24">Na ũkĩkĩa ĩla mĩnyoo ĩlĩ mĩvĩnde ya thaavu ila ngomenĩ ilĩ ila syĩ mĩthyanĩ ya kakalo ka kĩthũi.</verse>
				<verse number="25">Na mĩthya ĩla ĩngĩ ĩlĩ ya ĩla mĩnyoo ĩlĩ mĩvĩnde ũkekĩe ĩũlũ wa ila iĩndĩ ilĩ, na kũkolelya ikwatũnĩ sya ituo sya evoti ngalĩ ya mbee yayo.</verse>
				<verse number="26">Na ũkatue ngome ilĩ sya thaavu, na ũikolelya mĩthyanĩ ĩlĩ ya kakalo ka kĩthũi, ũtiivonĩ wako, ũla welekele ngalĩ ya nthĩnĩ ya evoti.</verse>
				<verse number="27">Na ũkatue ngome ilĩ sya thaavu, na ũikolelya ikwatũnĩ ilĩ sya ituo sya evoti ungu, ngalĩ ya mbee yayo, vakuvĩ na vala vakwatanĩlwe vayo, ĩũlũ wa ũla mũsivi wa evoti ũtumĩtwe na ũĩ.</verse>
				<verse number="28">Na makalũmanye kakalo ka kĩthũi na ngome syako ngomenĩ sya evoti na ũlii wa vuluu, nĩ kana kethĩwe ĩũlũ wa ũla mũsivi wa evoti ũtumĩtwe na ũĩ, na nĩ kana kala kakalo ka kĩthũi kaikathaw’e yĩla evotinĩ.</verse>
				<verse number="29">Na Aluni akakuae masyĩtwa ma ana ma Isilaeli kakalonĩ ka kĩthũi ka kũtw’a sila ĩũlũ wa ngoo yake, yĩla wĩvotaa vala vandũ vatheu, kwondũ wa ũlilikan’yo vu mbee wa Yeova ĩndĩ yonthe.</verse>
				<verse number="30">Na ũkekĩe kakalonĩ ka kĩthũi ka kũtw’a sila Ulimu na Thumimu; nasyo ikeethĩwa ĩũlũ wa ngoo ya Aluni, yĩla wĩvotaa vala ve Yeova: na Aluni akakuĩaa ũsilĩlo wa ana ma Isilaeli ĩũlũ wa ngoo yake vu mbee wa Yeova ĩndĩ yonthe.</verse>
				<verse number="31">Na ũkaseũvye ĩla ngũa ndasa ya evoti yonthe ya vuluu.</verse>
				<verse number="32">Nayo ĩkethĩwe na ĩima katĩ, ya kũlikya mũtwe: ĩkethĩwe na ũtaami mũtume wĩlingĩle ĩimanĩ yayo, yĩilyĩ ta ĩima yĩkĩwe kakotĩ ka kaũ, nĩ kana ndĩkatembũke.</verse>
				<verse number="33">Na motiivonĩ mayo ũkaseũvye makũngũmanga ma ndii sya vuluu, na ila itilyĩ ta ndune, na ila ndune mũno, kwĩlingĩla ũtiivonĩ wayo; na tũtilili twa thaavu katĩ wamo twĩlingĩlĩte:</verse>
				<verse number="34">katilili ka thaavu na ĩkũngũmanga, katilili ka thaavu na ĩkũngũmanga, kwĩlingĩla ngũa ũtiivonĩ wayo.</verse>
				<verse number="35">Nayo ĩkekĩwe nĩ Aluni nĩ kana athũkũmae: na wasya watw’o ũkeew’ĩka yĩla wĩvotaa nthĩnĩ wa vala vandũ vatheu vala ve Yeova, na yĩla wĩumĩlaa, nĩ kana ndakakw’e.</verse>
				<verse number="36">Na ũkaseũvye kĩlaũnĩ kya thaavu mũtheu, noivana ĩũlũ wakyo, o ta movano me ngomenĩ ya kũsiĩla, MŨTHEU KWA YEOVA.</verse>
				<verse number="37">Na ũkakĩkĩe ũliinĩ wa vuluu, na kĩkeethĩwa ngutw’anĩ; kĩkethĩwe ngutw’anĩ ngalĩ ya mbee.</verse>
				<verse number="38">Na kĩkeethĩwa kĩtulyanĩ kya Aluni, na Aluni akakuaa ũthũku wa ila syĩndũ ntheu, ila ana ma Isilaeli makavathan’ya syĩthĩwe ntheu mĩthĩnzĩonĩ yoo yonthe mĩtheu; na kĩkeethĩwa kĩtũlyanĩ kyake ĩndĩ yonthe, nĩ kana metĩkĩlwe kwa Yeova.</verse>
				<verse number="39">Na ũkatume ũla kanzũ wa kũngũlũ wa katane nzeo, na kũseũvya ngutw’a ya katane nzeo, na kũseũvya mũsivi, wĩa wa mũtumi mũĩ wa ndii.</verse>
				<verse number="40">Na ũkaseũvĩsye ana ma Aluni makanzũ, na kũmaseũvĩsya mĩsivi, na kũmaseũvĩsya tũkovila, kwondũ wa kũmataĩĩthya na kũmanakavya.</verse>
				<verse number="41">Na ũkasyĩkĩe Aluni mwana‐a‐mwenyu, na ana make, na kũmetĩkĩsya mauta, na kũmavathan’ya methĩwe atheu, na kũmathesya, nĩ kana manthũkũmae wĩanĩ wa ũthembi.</verse>
				<verse number="42">Na ũkamaseũvĩsye masulũalĩ ma katane mevw’ĩkae mĩĩ yoo, ĩeke kwĩthĩwa mĩthei; makaume inyunyu kũvika matako:</verse>
				<verse number="43">na makeekĩwa nĩ Aluni, na ana make, yĩla meũlika ĩeemanĩ ya kũmbanĩa, kana yĩla meũthengeea kĩthembeonĩ mathũkũme nthĩnĩ wa vala vandũ vatheu; nĩ kana matikakue ũthũku na makĩkw’a: ũkeethĩwa mwamũlo kũvika tene na tene kwake na kwa ũsyao wake ĩtina wake.</verse>
			</chapter>
			<chapter number="29">
				<verse number="1">Na ũũ nĩ ũndũ ũla wĩmeka nĩ kana ũmavathan’ye methĩwe atheu, manthũkũmae wĩanĩ wa ũthembi: osa kasalũ kamwe na ndũũme ilĩ ĩte kĩema,</verse>
				<verse number="2">na kĩmũtũ kĩte ĩlawa, na tũmũtũ tũte ĩlawa tũvulanĩtw’e na mauta, na tũmĩkate tũvũthũ tũte ĩlawa tũvakĩtwe mauta: natw’o ũkatũseũvye twa mũtu wa nganũ mũvinyu mũno.</verse>
				<verse number="3">Na ũkatwikĩe kĩkavũnĩ kĩmwe, na ũkĩtũete twĩ kĩkavũnĩ, twĩ vamwe na kala kasalũ na ila ndũũme ilĩ.</verse>
				<verse number="4">Na ũkaete Aluni na ana make mũomonĩ wa yĩla ĩeema ya kũmbanĩa, na ũimathambya na manzĩ.</verse>
				<verse number="5">Na ũkose ila ngũa, na ũkĩkĩa Aluni ũla kanzũ, na ĩla ngũa ndasa ya evoti, na yĩla evoti, na kala kakalo ka kĩthũi, na ũimũvotoa na ũla mũsivi wa evoti ũtumĩtwe na ũĩ;</verse>
				<verse number="6">na ũkamwĩkĩe ĩla ngutw’a mũtwenĩ wake, na ũkĩkĩa ĩla ngovia ntheu ya ũsumbĩ iũlũ wa ĩ ngutw’a.</verse>
				<verse number="7">Nĩvo ĩndĩ wĩosa mauta ma kwĩtĩkĩsya, na ũitulũĩla mũtwe wake, na kũmwĩtĩkĩsya mauta.</verse>
				<verse number="8">Na ũkaete ana make, na kũmekĩa makanzũ.</verse>
				<verse number="9">Na ũkamavotoe na ĩla mĩsivi Aluni na ana make, na kũmekĩa tũkovila mĩtwe: na makeethĩwa na wĩa wa ũthembi kwĩanana na mwamũlo wa tene na tene: na ũkamavathan’ye Aluni na ana make methĩwe atheu.</verse>
				<verse number="10">Na ũkaete kala kasalũ ngalĩ ya mbee ya ĩeema ya kũmbanĩa: na Aluni na ana make makailĩĩle moko moo mũtwenĩ wa kala kasalũ.</verse>
				<verse number="11">Na ũkoaĩe kala kasalũ vu mbee wa Yeova, mũomonĩ wa yĩla ĩeema ya kũmbanĩa.</verse>
				<verse number="12">Na ũkose nthakame ĩmwe ya kala kasalũ, na ũkĩvaka mbyanĩ sya kĩthembeo na kyaa kyaku; na ũkatulũĩle nthakame yonthe ĩtinanĩ ya kĩthembeo.</verse>
				<verse number="13">Na ũkose mathunya onthe ala me ĩũlũ wa mavu, na koa mũvũthũ ũla ũvw’ĩkĩte ĩtema, na ila mbio ilĩ, na mathunya ala me ĩũlũ wasyo, na ũivĩvĩsya ĩũlũ wa kĩthembeo.</verse>
				<verse number="14">Ĩndĩ nyama ya kala kasalũ, na kĩthuma kyako, na mũyoo wako, ũkavĩvĩsye na mwaki ũtee wa mwako wa maeema: nĩ nthembo kwondũ wa naĩ.</verse>
				<verse number="15">Na ĩngĩ ũkose ĩla ndũũme ĩmwe; na Aluni na ana make makailĩĩle moko moo mũtwenĩ wa ĩla ndũũme.</verse>
				<verse number="16">Na ũkoae ĩla ndũũme, na ũkyosa nthakame yayo, na ũkĩmĩminzangĩsya ĩũlũ wa kĩthembeo kw’onthe.</verse>
				<verse number="17">Na ũkatilange ndũũme ilungu syayo, na ũithambya mavu mayo, na maũũ mayo, na kwia vamwe na ilungu syayo, na vamwe na mũtwe wayo.</verse>
				<verse number="18">Na ũkavĩvĩsye ndũũme yonthe ĩũlũ wa kĩthembeo: nĩ nthembo ĩvĩvĩaw’a Yeova; nĩ mũuke mũseo, nthembo ĩvĩvĩaw’a Yeova na mwaki.</verse>
				<verse number="19">Na ũkose ndũũme ĩla ĩngĩ: na Aluni na ana make makailĩĩle moko moo mũtwenĩ wa ĩla ndũũme.</verse>
				<verse number="20">Nĩvo ĩndĩ wĩũaa ĩla ndũũme, nokyosa nthakame ĩmwe yayo, na kwĩkĩa mũthyanĩ wa kũtũ kwa aũme kwa Aluni, na mũthyanĩ wa matũ ma aũme ma ana make, na kyani kĩla kĩnene kya moko moo ma aũme, na kyaanĩ kĩla kĩnene kya maũũ moo ma aũme, na kũminzanĩsya ĩla nthakame ĩũlũ wa kĩthembeo kw’onthe.</verse>
				<verse number="21">Na ũkose nthakame ĩmwe ĩla yĩ ĩũlũ wa kĩthembeo, na mauta amwe ma kwĩtĩkĩsya, na ũimĩminzangĩsya Aluni, na ngũanĩ syake, na ĩũlũ wa ana make, na ngũanĩ sya ana make vamwe nake: nake akavathanĩka, na ngũa syake, na ana make, na ngũa sya ana make vamwe nake.</verse>
				<verse number="22">Na ĩngĩ ũkose mathunya amwe ma ĩla ndũũme, na mwĩthe wayo, na mathunya ala mavw’ĩkĩte mavu, na koa mũvũthũ ũla ũvw’ĩkĩte ĩtema, na ila mbio ilĩ, na mathunya ala me ĩũlũ wasyo, na kũũ kwa kw’oko kwa aũme (nũndũ nĩ ndũũme ya kũmavathan’ya methĩwe atheu),</verse>
				<verse number="23">na kĩmũtũ kĩmwe, na kamũtũ kamwe kala kavulene na mauta, na kamũkate kamwe kavũthũ, kuma kĩkavũnĩ kya imũtũ ite ĩlawa ila syĩ mbee wa Yeova:</verse>
				<verse number="24">na ũkaie syonthe ĩũlũ wa moko ma Aluni, na ĩũlũ wa moko ma ana make, na ũivyũlangya syĩthĩwe nthembo ya kũvyũlw’a mbee wa Yeova.</verse>
				<verse number="25">Na ũkaumye mokonĩ moo, na ũivĩvĩsya kĩthembeonĩ ĩũlũ wa nthembo ya kũvĩvw’a, yĩthĩwe mũuke mũseo kwa Yeova: nĩ nthembo ĩvĩvĩaw’a Yeova na mwaki.</verse>
				<verse number="26">Na ũkose kĩng’eng’eto kya ndũũme ya Aluni ya ũvathan’yo, na ũivyũlangya kĩthĩwe nthembo ya kũvyũlw’a mbee wa Yeova: na kĩkeethĩwa kĩlungu kyaku.</verse>
				<verse number="27">Na ũkakĩvathe kĩthĩwe kĩtheu kĩla kĩng’eng’eto kya nthembo ya kũvyũlangw’a, na kũla kũũ kwa nthembo ya kũkĩlw’a, o kũla kũvyũlangaw’a, na kĩla kyũkĩlaw’a, kya ndũũme ya ũvathan’yo, o kyu kĩla kya Aluni, na kĩla kya ana make:</verse>
				<verse number="28">na kĩkeethĩwa kya Aluni na ana make, kĩthĩwe kĩlungu kyoo kũvika tene na tene kĩla kyumaw’a kwa ana ma Isilaeli; nũndũ nĩ nthembo ya kũkilw’a: na kĩkeethĩwa nthembo ya kũkĩlw’a kyumaw’a kwa ana ma Isilaeli kya nthembo sya nthembo syoo sya mũuo, o nthembo yoo ya kũkĩlĩlw’a Yeova.</verse>
				<verse number="29">Na ngũa ila ntheu sya Aluni ikeethĩwa sya ana make ĩtina wake, nĩ kana metĩkĩw’e mauta masyĩkĩĩte, na mavathanw’e methĩwe atheu masyĩkĩĩte.</verse>
				<verse number="30">Mwana ũla wĩtw’ĩka mũthembi vandũ vake akasyĩkĩe mĩthenya mũonza, yĩla wĩũka ĩeemanĩ ya kũmbanĩa athũkũme nthĩnĩ wa vala vandũ vatheu.</verse>
				<verse number="31">Na ũkose ĩla ndũũme ya ũvathan’yo, na ũiuĩa nyama syayo vandũ vatheu.</verse>
				<verse number="32">Na Aluni na ana make makaye nyama sya ĩla ndũũme, na kĩmũtũ kĩla kĩ kĩkavũnĩ, mũomonĩ wa ĩeema ya kũmbanĩa.</verse>
				<verse number="33">Nao makaye syĩndũ isu ila wĩw’anĩthyo woonekie nũndũ wasyo, imavathan’ye methĩwe atheu na kũmathesya: ĩndĩ mũeni ndakaiye, nĩkwĩthĩwa nĩ ntheu.</verse>
				<verse number="34">Na ethĩwa nyama o na yĩva ya ĩla ĩvathĩtwe yĩthĩwe ntheu, kana kĩmũtũ o na kĩva, ikatiala kũvika kĩoko, nĩvo ĩndĩ wĩvĩvya ila itialĩte na mwakĩ: itikaĩwe, nĩkwĩthĩwa nĩ ntheu.</verse>
				<verse number="35">Na ũkeke Aluni na ana make o ta ũu, kwĩanana na onthe ala nĩkwĩaĩĩte: ũkamavathan’ye mĩthenya mũonza methĩwe atheu.</verse>
				<verse number="36">Na ũkathembe kasalũ ka nthembo kwondũ wa naĩ kĩla mũthenya ĩthĩwe ya wĩw’anĩthyo: na ũkathesya kĩla kĩthembeo, yĩla wumasya nthembo ũndũ wa wĩw’anĩthyo kwondũ wakyo; na ũkakĩtĩkĩsye mauta, ũkĩvathan’ye kĩthĩwe kĩtheu.</verse>
				<verse number="37">Ũkaumye nthembo ya wĩw’anĩthyo mĩthenya mũonza kwondũ wa kĩthembeo, ũkĩvathan’ye: na kĩthembeo kĩkeethĩwa kĩ kĩtheu mũno vyũ; kĩndũ o na kĩva kĩla kĩkakiita kĩthembeo kĩkeethĩwa kĩ kĩtheu.</verse>
				<verse number="38">Na ĩndĩ ii nĩ ila ũkathemba kĩthembeonĩ: tũtena twa ĩlondu twĩlĩ twa mwaka ũmwe kĩla mũthenya ĩndĩ yonthe.</verse>
				<verse number="39">Katena ka ĩlondu kamwe ũkathembe kĩoko; na katena ka ĩlondu kala kangĩ ũkathembe wĩoo:</verse>
				<verse number="40">na vamwe na kala katena ka ĩlondu kamwe mũtu mũvinyu wa kĩlungu kya ĩkũmi kya eva ũvulanĩtw’e na kĩlungu kya kana kya ini ya mauta makime; na kĩlungu kya kana kya ini ya mbinyu kĩthĩwe nthembo ya kũnyuwa.</verse>
				<verse number="41">Na katena ka ĩlondu kala kangĩ ũkathembe wĩoo, na ũkakeke o tondũ wĩkie nthembo ya mũtu ya kĩoko, na ta nthembo ya kũnyuwa ya kũthembanĩsya nayo, ĩthĩwe mũuke mũseo, nthembo ĩvĩvĩaw’a Yeova na mwaki.</verse>
				<verse number="42">Ikethĩwe nthembo ya kũvĩvw’a ĩtatw’ĩkanaa mosyaanĩonĩ menyu onthe vu mbee wa Yeova mũomonĩ wa ĩeema ya kũmbanĩa, vala nĩkomanĩaa naku, nĩneeneae naku vo.</verse>
				<verse number="43">Na nĩvo nĩkomanĩaa na ana ma Isilaeli; na yĩla Ĩeema yĩkavathwa yĩthĩwe ĩtheu nĩ ũtheu mũtisu wakwa.</verse>
				<verse number="44">Na ngavathan’ya ĩeema ya kũmbanĩa yĩthĩwe ĩtheu, o na kĩla kĩthembeo: o na Aluni na ana make ngamavatha, nĩ kana manthũkũmae wĩanĩ wa ũthembi.</verse>
				<verse number="45">Nakwa ngekalaa katĩ wa ana ma Isilaeli, na ngeethĩwa nĩ Ngai woo.</verse>
				<verse number="46">Namo makamanya ninyie Yeova Ngai woo, ũla wamaumisye nthĩ ya Misili, nĩ kana nĩkalae katĩ woo: ninyie Yeova Ngai woo.</verse>
			</chapter>
			<chapter number="30">
				<verse number="1">Naku ũkaseũvye kĩthembeo kya kũtoeeasya ũvani ĩũlũ wakyo: ũkakĩseũvye kya mĩtĩ ya mũea.</verse>
				<verse number="2">Ũasa wakyo ũkeethĩwa mũkono, na ũthanthau wakyo mũkono, ngalĩ inya syĩanene; na ũtũlu wakyo ũkeethĩwa mĩkono ĩlĩ: mbya syakyo ikethĩwe kĩlungu kĩmwe nakyo.</verse>
				<verse number="3">Na ũkakĩvw’ĩke thaavu mũtheu, ĩũlũ wakyo, na mavava makyo onthe, na mbya syakyo; na ũkakĩseũvĩsye ũengo mũtũlu wa thaavu ũkĩlingĩle.</verse>
				<verse number="4">Na ũkakĩtuĩe ngome ilĩ sya thaavu ungu wa ũengo mũtũlu wakyo; ikotonĩ ilĩ syakyo, ngalĩ syelĩ syakyo ũkaitue; na ikeethĩwa sya kũtonyeesya mĩtĩ ĩla ya kũkĩkuaa.</verse>
				<verse number="5">Na ũkaseũvye ĩla mĩtĩ ya mũea, na ũimĩvw’ĩka thaavu.</verse>
				<verse number="6">Na ũkakie ngalĩ ya mbee ya tũtũ ũla wĩ vakuvĩ na yĩla ĩsandũkũ ya ũkũsĩ, o mbee wa wĩkalo wa tei ũla wĩ ĩũlũ wa yĩla ĩsandũkũ ya ũkũsĩ, vala nĩkomanĩaa naku.</verse>
				<verse number="7">Na Aluni akatoeeasye ĩũlũ wakyo ũvani wa mĩtĩ ĩla ĩnyungaa nesa: kĩla kĩoko, yĩla ũnũũseũvya mataa, akotoeeasye.</verse>
				<verse number="8">Na yĩla Aluni ũnũũkwatya mataa wĩoo, akotoeeasye, wĩthĩwe ũvani wa kũtoeeasya ĩvinda yonthe vala ve Yeova mosyaanĩonĩ menyu onthe.</verse>
				<verse number="9">Mũtikatoeesye ũvani wa mũthemba ũngĩ ĩũlũ wakyo, o na nthembo ya kũvĩvw’a, o na nthembo ya mũtu; na mũtikete nthembo ya kũnyuwa ĩũlũ wakyo.</verse>
				<verse number="10">Na Aluni akaumĩsye nthembo ya wĩw’anĩthyo mbyanĩ syakyo ĩvinda yĩmwe mwaka: na nthakame ya ĩla nthembo kwondũ wa naĩ ya kwĩw’anĩthya akaumye nthembo ya wĩw’anĩthyo kwondũ wakyo o ĩvinda yĩmwe mwaka mosyaanĩonĩ menyu onthe: nĩ kĩtheu mũno vyũ kwa Yeova.</verse>
				<verse number="11">Na Yeova aneena na Mose, akĩmwĩa,</verse>
				<verse number="12">Yĩla ũũtala ũtalo wa ana ma Isilaeli, kwĩanana na ala matalawa katĩ woo, nĩvo ĩndĩ makanengane mbovosya kwa Yeova kĩla mũndũ mũũme kwondũ wa thayũ wake, o yĩla ũũmatala; nĩ kana kũtikethĩwe ũthĩn’yo katĩ woo, yĩla ũũmatala.</verse>
				<verse number="13">Kĩla makanengane nĩ kĩĩ, o kĩla ũmwe ũla wĩvĩtũkaa e mũtale athi kũla kwĩ asu atale: nyunzu ya sekeli kwĩanana na sekeli ya vala vandũ vatheu (ĩla sekeli nĩ ngela mĩongo ĩlĩ), nyunzu ya sekeli kwondũ wa nthembo kwa Yeova.</verse>
				<verse number="14">O ũla wĩvĩtũkaa e mũtale athi kũla kwĩ asu atale, ma myaka mĩongo ĩlĩ na mbee, akaumya nthembo kwa Yeova.</verse>
				<verse number="15">Athwii matikaumye kũvĩtũkya, na ala ngya matikaumye nini kwĩ ĩla nyunzu ya sekeli, yĩla maumasya ĩla nthembo kwa Yeova, nĩ kana mwone wĩw’anĩthyo kwondũ wa mathayũ menyu.</verse>
				<verse number="16">Na ũkaumye mbesa sya wĩw’anĩthyo kuma kwa ana ma Isilaeli, na kwitw’ĩĩa kwondũ wa ũthũkũmi wa yĩla ĩeema ya kũmbanĩa; nĩ kana ikethĩwe ũlilikan’yo kwa ana ma Isilaeli vala ve Yeova, sya wĩw’anĩthyo kwondũ wa mathayũ menyu.</verse>
				<verse number="17">Na Yeova aneena na Mose, akĩmwĩa,</verse>
				<verse number="18">Na ĩngĩ ũkaseũvye kĩndũ kya kũthambĩaa kya ũthuku, na ĩtina yakyo ya ũthuku, kĩla kya ũthambĩaa. Na ũkakie katĩ wa ĩeema ya kũmbanĩa na kĩthembeo, na ũkekĩe manzĩ nthĩnĩ wakyo.</verse>
				<verse number="19">Na Aluni na ana make makathambĩasye moko na maũũ vo:</verse>
				<verse number="20">yĩla meũlika ĩeemanĩ ya kũmbanĩa, makethambye na manzĩ, matikakw’e; o na yĩla meũthengeea kĩthembeonĩ mathũkũme, mavĩvĩsye Yeova nthembo ĩvĩvaw’a na mwaki.</verse>
				<verse number="21">Ũu nĩw’o methambya moko na maũũ, matikakw’e: na ũkeethĩwa mwamũlo kwoo tene na tene, o kwake na kwa ũsyao wake mosyaanĩonĩ moo onthe.</verse>
				<verse number="22">Na ĩngĩ Yeova aneena na Mose, akĩmwĩa,</verse>
				<verse number="23">Na ĩngĩ ĩyosee mĩtĩ yĩ mũuke mũseo mbee: manemane matweku ma sekeli maana atano, na mũtalasini wĩ mũuke mũseo nyunzu ya sekeli isu, o maana elĩ na mĩongo ĩtano, na ithua syĩ mũuke mũseo maana elĩ na mĩongo ĩtano,</verse>
				<verse number="24">na kalavuu maana atano, kwĩanana na sekeli ya vala vandũ vatheu, na mauta ma mosyao ma mũthata ma ini:</verse>
				<verse number="25">na ũkaiseũvye itw’ĩke mauta matheu ma kwĩtĩkĩsya, kĩndũ kĩnyungaa nesa kĩseũvĩtw’e kwĩanana na ũĩ wa mũseũvya wa manukato: makeethĩwa mauta matheu ma kwĩtĩkĩsya.</verse>
				<verse number="26">Na ũkametĩkĩsye yĩla ĩeema ya kũmbanĩa na yĩla ĩsandũkũ ya ũkũsĩ,</verse>
				<verse number="27">na ĩla mesa na mĩio yayo yonthe, na kĩla kĩndũ kĩkĩawa mataa na mĩio yakyo, na kĩla kĩthembeo kya kũtoeeasya ũvani,</verse>
				<verse number="28">na kĩla kĩthembeo kya nthembo ya kũvĩvw’a na mĩio yakyo yonthe, na kĩla kĩndũ kya kũthambĩa na ĩtina yakyo.</verse>
				<verse number="29">Na ũkaivathan’ye nĩ kana syĩthĩwe syĩ ntheu mũno vyũ: o kĩla kĩkaikiita kĩkeethĩwa kĩ kĩtheu.</verse>
				<verse number="30">Na ũketĩkĩsye Aluni na ana make mauta, na kũmavathan’ya methĩwe atheu, nĩ kana manthũkũmae wĩanĩ wa ũthembi.</verse>
				<verse number="31">Na ũkaneene na ana ma Isilaeli, ũkĩmea, Aa makeethĩwa kwakwa mauta matheu ma kwĩtĩkĩsya mosyaanĩonĩ menyu onthe.</verse>
				<verse number="32">Matiketĩkĩĩw’e mwĩĩ wa mũndũ, o na mũtikaseũvye angĩ mailyĩ asu, o tondũ asu maseũvaw’a: nĩ matheu, na makeethĩwa me matheu kwenyu.</verse>
				<verse number="33">O ũla ũkaseũvya mailyĩ asu o na meva, o na ũla ũkamavaka mũeni, ũsu akavetwa kuma andũnĩ make.</verse>
				<verse number="34">Na Yeova amwĩa Mose, Ĩyosee mĩtĩ ĩla ĩnyungaa nesa, sitakiti, na onuka, na ngalivani; o mĩtĩ ĩla ĩnyungaa nesa vamwe na ũvumba mũtheu: kĩla ũmwe ũthimĩtwe ũndũ ũnwe na ũla ũngĩ;</verse>
				<verse number="35">na ũkaseũvye ũvani nasyo, kĩndũ kĩla kĩnyungaa nesa kĩseũvĩtw’e kwĩanana na ũĩ wa mũseũvya wa manukato, kĩvulanĩtw’e na mũnyũ, kĩkelemu na kĩtheu:</verse>
				<verse number="36">na ũkakime ũmwe wĩthĩwe mũvinyu mũno, na kũwia mbee wa yĩla ĩsandũkũ ya ũkũsĩ ieemanĩ ya kũmbanĩa, vala nĩkomanĩaa naku: ũkeethĩwa kwaku mũtheu mũno vyũ.</verse>
				<verse number="37">Na ũvani ũla ũkaseũvya, mũtikeseũvĩsye kwĩanana na ũndũ ũseũvaw’a: ũkeethĩwa kwaku mũtheu kwondũ wa Yeova.</verse>
				<verse number="38">O ũla ũkaseũvya ũilyĩ ũsu, anyungae, akavetwa kuma andũnĩ make.</verse>
			</chapter>
			<chapter number="31">
				<verse number="1">Na Yeova aneena na Mose, akĩmwĩa,</verse>
				<verse number="2">Sisya, nĩnaweta na syĩtwa Mbesaleli, mwana wa Ulĩ, mwana wa Uulu, wa mbaĩ ya Yuta:</verse>
				<verse number="3">na nĩnĩmusũĩtye Veva wa Ngai, ũĩnĩ, na ũmanyinĩ, na ũmanyĩsyonĩ, na wĩanĩ wa mĩthemba yonthe,</verse>
				<verse number="4">kũmantha kwĩka mawĩa ma ũĩ, nĩ kana aseũvye thaavu, na vetha, na ũthuku,</verse>
				<verse number="5">na kwasũvya tũvila twa kũlũmanĩthw’a iĩndĩnĩ syatw’o, na kwasũvya mbwaũ, o na kũtethya mawĩa ma mĩthemba yonthe.</verse>
				<verse number="6">Na sisya, nyie, o nakwa nĩniĩte Ooliavu, mwana wa Aisamaki, wa mbaĩ ya Ndani, ethĩwe nake; na ngoonĩ sya onthe ala me na ũĩ ngoonĩ nĩnĩkĩĩte ũĩ, nĩ kana maseũvye syonthe ila nĩkwĩaĩĩte:</verse>
				<verse number="7">yĩla ĩeema ya kũmbanĩa, na yĩla ĩsandũkũ ya ũkũsĩ, na wĩkalo wa tei ũla wĩ ĩũlũ wayo, na mĩio yonthe ya yĩla ĩeema,</verse>
				<verse number="8">na ĩla mesa na mĩio yayo, na kĩla kĩndũ kĩtheu kĩkĩawa mataa na mĩio yakyo yonthe, na kĩla kĩthembeo kya ũvani,</verse>
				<verse number="9">na kĩla kĩthembeo kya nthembo ya kũvĩvw’a na mĩio yakyo yonthe, na kĩla kĩndũ kya kũthambĩaa na ĩtina yakyo,</verse>
				<verse number="10">na ngũa ila ndume nesa, na ila ngũa ntheu sya mũthembi Aluni, na ngũa sya ana make, mathũkũmae wĩanĩ wa ũthembi,</verse>
				<verse number="11">na mauta ma kwĩtĩkĩsya, na ũvani wa mĩtĩ ĩla ĩnyungaa nesa wa vala vandũ vatheu: o kwĩanana na onthe ala nĩkwĩaĩĩte nĩmakeke.</verse>
				<verse number="12">Na Yeova aneena na Mose, akĩmwĩa,</verse>
				<verse number="13">Na ĩngĩ, neena na ana ma Isilaeli, ũkĩmea, Mũikatĩe kũlilikanaa masavato makwa: nũndũ nĩ ũvano katĩ wakwa nenyu mosyaanĩonĩ menyu onthe; nĩ kana mũtonye kũmanya ninyie Yeova ũla ũmũvathanasya mwĩthĩwe atheu.</verse>
				<verse number="14">Kwondũ wa ũu mũkalilikanae savato; nũndũ nĩ mũtheu kwenyu: kĩla mũndũ wĩũthũkya no mũvaka oawe; nĩkwĩthĩwa o ũla wĩtethya wĩa o na wĩva nthĩnĩ waw’o, mũndũ ũsu akavetwa kuma andũnĩ make.</verse>
				<verse number="15">Wĩa ũtethawe mĩthenya thanthatũ; ĩndĩ mũthenya wa mũonza nĩ savato wa ũthũmũo mũuu, mũtheu kwa Yeova: o ũla wĩtethya wĩa o na wĩva mũthenya wa savato, no mũvaka oawe.</verse>
				<verse number="16">Kwondũ wa ũu ana ma Isilaeli makalilikanae savato, nĩ kana masũvĩe savato mosyaanĩonĩ moo onthe, wĩthĩwe ũtianĩo wa tene na tene.</verse>
				<verse number="17">Nĩ ũvano katĩ wakwa na ana ma Isilaeli kũvika tene na tene: nũndũ nthĩnĩ wa mĩthenya thanthatũ Yeova nĩwombie ĩtu na nthĩ, na mũthenya wa mũonza athũmũa, na kũnooka.</verse>
				<verse number="18">Na yĩla waminie kũneena nake kĩĩmanĩ kya Sinai, amũnenga Mose masengea elĩ me ũla ũkũsĩ, masengea ma mavia, maandĩkĩtwe na kyaa kya Ngai.</verse>
			</chapter>
			<chapter number="32">
				<verse number="1">Na yĩla andũ moonie kana Mose nĩwekalile mũno ateũtheea kuma kĩĩmanĩ, ala andũ mamũmbanĩa Aluni, na mamwĩa, Ũkĩla, tũseũvĩsye ngai, ila ikatũtongoesya, nĩkwĩthĩwa ũndũ wa Mose ũsu, ũla mũndũ watumisye nthĩ ya Misili, tũtyĩsĩ ũndũ ũmũkwatĩte.</verse>
				<verse number="2">Na Aluni amea, Thalũlangai ngome sya thaavu, ila syĩ matũnĩ ma iveti syenyu, na ma ana menyu, na ma eĩtu menyu, na mũindetee.</verse>
				<verse number="3">Na andũ onthe mathalũlanga ngome sya thaavu ila syaĩ matũnĩ moo, na mamũetee Aluni.</verse>
				<verse number="4">Nake asyosa mokonĩ moo, na aitwekethya, na asũvya na ngesa, syatw’ĩka mũvw’anano wa kasaũ: na masya, Ii nĩsyo ngai syaku, we Isilaeli, ila syakumisye nthĩ ya Misili.</verse>
				<verse number="5">Na yĩla Aluni wonie ũndũ ũsu, aaka kĩthembeo mbee wako; na Aluni atavan’ya, na asya, Ũnĩ kũkeethĩwa mboka kwondũ wa Yeova.</verse>
				<verse number="6">Na mookĩla ũnĩ ũsu tene, na mathemba nthembo sya kũvĩvw’a, na maete nthembo sya mũuo; na andũ mekala nthĩ maye na kũnyw’a, na makyũkĩla mathaũke.</verse>
				<verse number="7">Na Yeova amwĩa Mose, Ũkĩla, ũtheee; nũndũ andũ maku, ala waumisye nthĩ ya Misili, nĩmethũkĩtye:</verse>
				<verse number="8">nĩmathũkĩte mĩtũkĩ nzĩanĩ ĩla nameaĩe: nĩmeseũvĩsye mũvw’anano wa kasaũ na thaavu matwekethetye, na makathaitha, na kũkathembea, na kwasya, Ĩi nĩsyo ngai syaku, we Isilaeli, ila syakumisye nthĩ ya Misili.</verse>
				<verse number="9">Na Yeova amwĩa Mose, Nĩnonete andũ aa, na sisya, nĩ andũ me na ngingo nyũmũ:</verse>
				<verse number="10">na yu kwondũ wa ũu ndeka, ũthilĩku wakwa wakane ĩũlũ woo, na nĩ kana nĩmamine: na ngakũtw’ĩkĩthya mbaĩ nene.</verse>
				<verse number="11">Na Mose amwĩsũva Yeova Ngai wake, na amwĩa, Yeova, ũthilĩku waku wakanĩte ĩũlũ wa andũ maku nĩkĩ, ala wumĩtye nthĩ ya Misili na ũtonyi mũnene na kw’oko kwĩ vinya?</verse>
				<verse number="12">Ũkaeka Amisili maneene nĩkĩ, makyasya, Nĩwamaumisye ameke naĩ, akamoaĩe iĩmanĩ, na kũmamina kuma ĩũlũ wa nthĩ? Ĩthyũũe ũtie ũthilĩku waku, na kwĩtũnga ũndũ wa ũthũku ũũ ĩũlũ wa andũ maku.</verse>
				<verse number="13">Lilikana Avalaamu, na Isaka, na Isilaeli, athũkũmi maku, ala wamevĩtĩe na thayũ waku mwene, na wamea, Ngaingĩvya ũsyao wenyu ta ndata sya ĩtunĩ, na nthĩ ĩno yonthe ĩla nĩwetete nganenga ũsyao wenyu, na ĩkeethĩwa ũtiĩwa woo kũvika tene na tene.</verse>
				<verse number="14">Na Yeova eetũnga ũndũ wa ũthũku ũla waisye akeeka andũ make.</verse>
				<verse number="15">Na Mose eethyũũa, na atheea kuma kĩĩmanĩ, e na masengea elĩ ma ũla ũkũsĩ kw’okonĩ kwake; masengea ala maandĩkĩtwe ngalĩ syelĩ syamo; nĩmaandĩkĩtwe ngalĩ ĩmwe na ngalĩ ĩla ĩngĩ nayo.</verse>
				<verse number="16">Na ala masengea maĩ wĩa wa Ngai, na ũla ũandĩko waĩ ũandĩko wa Ngai, ũvanĩtwe masengeanĩ.</verse>
				<verse number="17">Na yĩla Yosua wewie kĩlonzo kya andũ makĩneena mũno, amwĩa Mose, Kwĩ kĩlonzo kya kaũ mwakonĩ wa maeema.</verse>
				<verse number="18">Nake asya, Ti wasya wa ala meũlonzan’ya kwondũ wa kũkĩlya vinya, o na ti wasya wa ala makaya kwondũ wa kũkĩlw’a vinya; ĩndĩ wasya ũla ngwĩw’a nĩ wa ala mekwĩna.</verse>
				<verse number="19">Na kweethĩwa, o yĩla wathengeeie mwakonĩ wa maeema, oona kala kasaũ nao makĩsũnga: na ũthatu wa Mose wakana mũno, na ekya ala masengea kuma mokonĩ make, na amoaĩa ĩtina wa kĩĩma.</verse>
				<verse number="20">Na oosa kasaũ kala maĩ manaseũvya, na akavĩvya na mwaki, na akathia katw’ĩka mũtu, na akyũnyaĩĩkya ĩũlũ wa manzi, na anywĩthya ana ma Isilaeli.</verse>
				<verse number="21">Na Mose akũlya Aluni, Andũ aa makwĩkĩte ata, ũndũ ũmaeteete naĩ nene?</verse>
				<verse number="22">Na Aluni amwĩa, Ũthatu wa mwĩaĩi wakwa ndũkakane mũno: nĩwĩsĩ andũ aa, ũndũ me na kwenda kwa kwĩka naĩ.</verse>
				<verse number="23">Nũndũ manambĩie, Tũseũvĩsye ngai, ila ikatũtongoesya; nĩkwĩthĩwa ũndũ wa Mose ũsu, ũla mũndũ watumisye nthĩ ya Misili, tũtyĩsĩ ũndũ ũmũkwatĩte.</verse>
				<verse number="24">Na namea, O ũla wĩ na thaavu nothalũle: na ĩndĩ manenga w’o; nakwa nekya mwakinĩ, na vaumĩla kasaũ kaa.</verse>
				<verse number="25">Na yĩla Mose wonie kana andũ nĩ ang’endu (nũndũ Aluni nĩwe wamang’endisye mathekw’e nĩ amaitha moo),</verse>
				<verse number="26">nĩvo ĩndĩ Mose waũngamie mbingĩlonĩ ya mwako wa maeema, na asya, O ũla wĩ ngalĩ ya Yeova, nĩoke va nĩĩ. Na ana onthe ma Livai meeyũmbanisya vala ũĩ.</verse>
				<verse number="27">Na amea, Ũũ nĩw’o Yeova, Ngai wa Isilaeli, ũnũkwasya, Kĩla mũndũ wa inyw’ĩ evotoe ũvyũ wake kĩnyunyunĩ kyake, na aienda kũũ na kũũ kuma mbingĩlonĩ kũvika mbingĩlonĩ ĩla ĩngĩ mwakonĩ w’onthe wa maeema, na akyũaa kĩla mũndũ mwana‐a‐inyia, na kĩla mũndũ mũtindan’ya wake, na kĩla mũndũ mũtũi wake.</verse>
				<verse number="28">Na ana ma Livai meeka kwĩanana na ndeto ya Mose: na mũthenya ũsu mooaie ma andũ asu ta andũ ngili itatũ.</verse>
				<verse number="29">Na Mose amea, Ĩvathei ene ũmũnthĩ mwĩthĩwe ma Yeova, ĩĩ, kĩla mũndũ ailea mwana wake, na mwana‐a‐inyia wake; nĩ kana Yeova amũnenge ũmũnthĩ ũathimo.</verse>
				<verse number="30">Na kweethĩwa ũnĩ ũsu, Mose amea andũ, Nĩmũvĩtĩtye ĩvĩtyo ĩnene: na yu ngambata nĩthi kwa Yeova; nokwĩthĩwa ngaseũvya wĩw’anĩthyo ũndũ wa ĩvĩtyo yenyu.</verse>
				<verse number="31">Na Mose asyokea Yeova, na amwĩa, Ame, andũ aa nĩmavĩtĩtye ĩvĩtyo ĩnene, na meeseũvĩsye ngai sya thaavu.</verse>
				<verse number="32">Ĩndĩ yu, ethĩwa ũkaekea ĩvĩtyo yoo—; na ethĩwa ti w’o, nĩngũkũvoya, ũmbute ĩvukunĩ yaku yĩla ũandĩkĩte.</verse>
				<verse number="33">Na Yeova amwĩa Mose, O ũla ũmbĩtanĩsye, ũsu ngavuta ĩvukunĩ yakwa.</verse>
				<verse number="34">Na yu thi, ũtongoesye ala andũ kũvika vala nakũtavisye: sisya, mũlaĩka wakwa akakũtongoesya; ĩndĩ mũthenya ũla ngasilĩla, nĩngamasilĩla ũndũ wa naĩ yoo.</verse>
				<verse number="35">Na Yeova akũna andũ asu, nĩkwĩthĩwa nĩmaseũvisye kasaũ, kala Aluni waseũvisye.</verse>
			</chapter>
			<chapter number="33">
				<verse number="1">Na Yeova amwĩa Mose, Enda, wambate, we na andũ ala waumisye nthĩ ya Misili kũvika nthĩ ĩla neevĩtĩe Avalaamu, na Isaka, na Yakovo, ngĩmea, Ngamĩnenga ũsyao waku:</verse>
				<verse number="2">na ngatũma mũlaĩka athi mbee waku; na ngalũngya Mũkanaani, na Mũamoli, an Mũititi, na Mũvelisi, na Mũivi, na Mũyevusi:</verse>
				<verse number="3">o kũvika nthĩ yusũĩte ĩia na ũkĩ wa nzũkĩ: nũndũ ndiambatan’ya nĩ naku; nĩkwĩthĩwa wĩ ũko wa andũ me na ngingo nyũmũ; ndikamũminĩe nzĩanĩ.</verse>
				<verse number="4">Na yĩla andũ meewie ũvoo ũsu mũthũku, maĩa: na vatyaĩ mũndũ waaĩkĩa mawanake make.</verse>
				<verse number="5">Na Yeova amwĩa Mose, Matavye ana ma Isilaeli, Inyw’ĩ mwĩ andũ mwĩ na ngingo nyũmũ; kethĩwa ngambata katĩ wenyu o kavinda kanini kamwe, ngamũmina: kwondũ wa ũu ĩtusei yu mawanake menyu, nĩ kana nĩmanye ũndũ wa kũmwĩka.</verse>
				<verse number="6">Na ana ma Isilaeli meetusĩa mawanake moo vyũ ku kĩĩmanĩ kya Olevu.</verse>
				<verse number="7">Na ĩndĩ Mose akothaa kũkua ĩeema na kũyamba ũtee wa mwako wa maeema, vaasa na mwako wa maeema; na ayĩta, Ĩeema ya kũmbanĩa. Na kweethĩwa, kana o mũndũ ũla wendaa ũndũ kwa Yeova aumaalaa akaenda yĩla ĩeemanĩ ya kũmbanĩa, yĩla yaĩ ũtee wa mwako wa maeema.</verse>
				<verse number="8">Na kweethĩwa, yĩla Mose waumaalile athi yĩla Ĩeemanĩ, andũ onthe mookĩla, na kũũngama, kĩla mũndũ mũomonĩ wa ĩeema yake, na kũmũsyaĩĩsya Mose, kũvika avota Ĩeemanĩ.</verse>
				<verse number="9">Na kweethĩwa, yĩla Mose wavotaa yĩla Ĩeemanĩ, kĩla kĩtuĩ kya mũumbĩ kyatheea, na kũũngama mũomonĩ wa Ĩeema: na Yeova aneena na Mose.</verse>
				<verse number="10">Na andũ onthe moona kĩla kĩtuĩ kya mũumbĩ kĩũngeme mũomonĩ wa Ĩeema: na andũ onthe mookĩla na mathaitha, kĩla mũndũ mũomonĩ wa ĩeema yake.</verse>
				<verse number="11">Na Yeova aneena na Mose ũthyũ kwa ũthyũ, o ta mũndũ aineena na mũnyanyae. Na asyoka ĩngĩ mwakonĩ wa maeema: ĩndĩ mũthũkũmi wake Yosua, mwana wa Nuni, mwanake ndaauma Ĩeemanĩ.</verse>
				<verse number="12">Na Mose amwĩa Yeova, Sisya, ũmbĩĩte, Kua andũ aa: na ndũnamanyĩthya nũũ ũla wĩtũma vamwe nakwa. Ĩndĩ nũneenete, Nĩngwĩsĩ na syĩtwa yaku, na ĩngĩ nĩwonete ũseo methonĩ makwa.</verse>
				<verse number="13">Yu ĩndĩ, nĩngũkũvoya, ethĩwa nĩnonete ũseo methonĩ maku, mbon’ya yu mĩendele yaku, nĩkũmanye, nĩ kana none ũseo methonĩ maku: na sũanĩa kana mbaĩ ĩno nĩ andũ maku.</verse>
				<verse number="14">Nake amwĩa, Nyie mwene ngathi naku, na ngakũnenga ũthũmũo.</verse>
				<verse number="15">Nake amwĩa, Ethĩwa ndũũthi nakwa, ndũkatumye vaa.</verse>
				<verse number="16">Nũndũ kũkamanyĩka ata ĩndĩ, atĩ nĩnonete ũseo methonĩ maku, nyie na andũ maku? Ti atĩ nũndũ ũendanasya naitũ, nĩ kana nyie na andũ maku tũvathũkanw’e na andũ onthe ala me ĩũlũ wa nthĩ yonthe?</verse>
				<verse number="17">Na Yeova amwĩa Mose, Ngeeka ũndũ ũsu naw’o ũla ũneenete; nũndũ nĩwonete ũseo methonĩ makwa, na nĩngwĩsĩ na syĩtwa yaku.</verse>
				<verse number="18">Nake amwĩa, Nĩngũkũvoya, mbon’ya ũtheu mũtisu waku.</verse>
				<verse number="19">Nake amwĩa, Ngatuma ũseo wakwa w’onthe ũvĩtĩla mbee waku na ngatavan’ya syĩtwa ya Yeova vala ũĩ; na ngekaa nesa ũla nĩĩkaa nesa, na ngew’ĩaa tei o ũla nĩw’ĩaa tei.</verse>
				<verse number="20">Na amwĩa, Ndũtonya kwona ũthyũ wakwa; nũndũ mũndũ ndakambona na kwĩkala thayũ.</verse>
				<verse number="21">Na Yeova asya, Sisya, ve vandũ vaa nĩĩ, naku ũkaũngame ĩvianĩ ĩũlũ:</verse>
				<verse number="22">na kũkeethĩwa, ũtheu mũtisu wakwa ũkĩvĩta, ngakwĩkĩa mũvatĩnĩ wa ĩvia, na ngĩkũvw’ĩka na kw’oko kwakwa kũvika navĩtũka:</verse>
				<verse number="23">na ngaumya kw’oko kwakwa, na ũkambona mũongo; ĩndĩ ũthyũ wakwa ndũkoneka.</verse>
			</chapter>
			<chapter number="34">
				<verse number="1">Na Yeova amwĩa Mose, Asũvya masengea elĩ ma ĩvia mailyĩ ala ma mbee: nakwa ngaandĩka masengeanĩ ndeto ila syaĩ masengeanĩ ma mbee, ala ũnooaie.</verse>
				<verse number="2">Na wĩthĩwe wĩyũmbanĩtye kĩoko, nokyambata kĩĩmanĩ kya Sinai o kĩoko, na kumĩla vala nĩĩ ku mũtumbĩnĩ wa kĩĩma.</verse>
				<verse number="3">Na mũndũ o na wĩva ndakoke naku; o na mũndũ ndakoneke kĩĩmanĩ kyonthe; o na ndĩthya sya mbũi na malondu kana sya ng’ombe itikaĩthw’e vakuvĩ na kĩĩma kyu.</verse>
				<verse number="4">Nake asũvya masengea elĩ ma ĩvia mailyĩ ala ma mbee; na Mose ookĩla kĩoko tene, na ambata kĩĩmanĩ kya Sinai, o tondũ Yeova wamwĩaĩĩte, na atwaa masengea elĩ ma ĩvia kw’okonĩ kwake.</verse>
				<verse number="5">Na Yeova atheea mũumbĩnĩ, na aũngama e nake vo, na atavan’ya syĩtwa ya Yeova.</verse>
				<verse number="6">Na Yeova avĩtĩla mbee wake, na atavan’ya, Yeova, Yeova, Ngai wĩ tei na mũseo, ũtathataa mĩtũkĩ, na wĩ na wingĩ wa ũseo wĩ wendo na w’o;</verse>
				<verse number="7">ũla ũmaiĩaa ngili ngili ũseo wĩ wendo, na akĩekea ũthũku na ĩvĩtyo na naĩ; na ũla ũtakatw’a mũvĩtan’ya kwĩthĩwa ti mũvĩtan’ya o na ata, na akĩĩvanĩsya kwa syana ũthũku wa aaĩthe, o na kũvika nzũkũlũ, kũvika nzyawa ya katatũ na ya kana.</verse>
				<verse number="8">Na Mose eekalaata, na akunamya mũtwe, nthĩ, na athaitha.</verse>
				<verse number="9">Na asya, Ethĩwa yu nĩnonete ũseo methonĩ maku, ame Mwĩaĩi, nĩngũkũvoya, Mwĩaĩi naende katĩ waitũ; nũndũ nĩ andũ me na ngingo nyũmũ; naku tũekee ũthũku witũ na naĩ yaitũ, na ũitwosa twĩthĩwe ũtiĩwa waku.</verse>
				<verse number="10">Nake amwĩa, Sisya, nĩngũtianĩa ũtianĩo: ngeeka maũndũ ma ũseng’ya andũ maku onthe mene, o ala mataaĩkĩka nthĩ yonthe, kana mbaĩnĩ o na yĩkũ; na andũ onthe ala ũtwĩe katĩ woo makoona wĩa wa Yeova; nĩkwĩthĩwa nĩ ũndũ wa ũtĩsya ũla nĩĩka naku.</verse>
				<verse number="11">Sũvĩa ũla ngũkwĩaĩa mũnthĩ ũũ: sisya, nĩngũmalũngya maume mbee waku Mũamoli, na Mũkanaani, na Mũititi, na Mũvelisi, na Mũivi, na Mũyevusi.</verse>
				<verse number="12">Ĩsũvĩe mwene, ndũkatianĩe ũtianĩo na andũ ala matũaa nthĩ ĩla ũendete, ndũkese ũkũtw’ĩkĩa kĩtei:</verse>
				<verse number="13">ĩndĩ mũkanange ithembeo syoo, na kũtũlanga ilungu ituĩ syoo, na mũkateme Aselimu yoo ĩvalũke</verse>
				<verse number="14">(nĩkwĩthĩwa, we, ndũkaathaithe ngai ĩngĩ o na yĩva: nũndũ Yeova, ũla wĩtawa Wĩ‐kĩwĩu, nĩ Ngai wĩ kĩwĩu);</verse>
				<verse number="15">nĩ kana ndũkese kũtianĩa ũtianĩo na andũ ala matũaa ĩ nthĩ, na makeeka ũmalwaya makĩatĩĩa ngai syoo, na kũthembea ngai syoo, na ũmwe akakwĩta naku ũkaya nthembo yake;</verse>
				<verse number="16">na kũmevaĩsya ana maku eĩtu moo, na eĩtu moo makeeka ũmalwaya makĩatĩĩa ngai syoo, na kũtuma ana maku meka ũmalwaya makĩatĩĩa ngai syoo.</verse>
				<verse number="17">Ndũkeseũvĩsye ngai na syĩndũ ila ũtwekethetye.</verse>
				<verse number="18">Ũkalilikanae mboka ya kĩmũtũ kĩte ĩlawa. Ũkaĩsae kĩmũtũ kĩte ĩlawa mĩthenya mũonza, o tondũ nĩkwĩaĩĩte, ĩvinda yĩtw’ĩtwe mwei wa Avivu; nũndũ mwei wa Avivu nĩwaumie Misili.</verse>
				<verse number="19">Onthe ala mambaa kuma ĩvunĩ ya nyinyia nĩ makwa; o na ĩndo syaku ila nũme, o yĩla yĩsyawa mbee ya ng’ombe kana ĩlondu.</verse>
				<verse number="20">Na yĩla yĩsyawa mbee nĩ ĩng’oi ũkovosye na katena ka ĩlondu: na ethĩwa ndũkwenda kũyovosya ũkayĩtũle ngingo ĩndĩ. Makithathi onthe ma ana maku ũkamovosye. Na vati ũmwe o na wĩva ũkoka vala nĩĩ e na moko mathei.</verse>
				<verse number="21">Ũkatethasye wĩa mĩthenya thanthatũ, ĩndĩ mũthenya wa mũonza ũkathũmũae: ũkathũmũa ĩvinda ya kũĩma na ya kũketha.</verse>
				<verse number="22">Na ũkalilikanae mboka ya syumwa, o ya ũsyao wa mbee wa ngetha ya nganũ, na mboka ya ngetha mũminũkĩlyo wa mwaka.</verse>
				<verse number="23">Mavinda atatũ kĩla mwaka aũme maku onthe makonekae vala ve Mwĩaĩi Yeova, Ngai wa Isilaeli.</verse>
				<verse number="24">Nũndũ ngakũlũngĩlya mbaĩ syume mbee waku, na ngyongela mĩvaka yaku: o na vatikethĩwa mũndũ o na wĩva ũkew’ĩa nthĩ yaku ĩtomo, yĩla ũkambataa kwoneka vala ve Yeova Ngai waku mavinda atatũ mwaka.</verse>
				<verse number="25">Ndũkathembanĩsye nthakame ya nthembo yakwa na kĩmũtũ kĩ ĩlawa; o na nthembo ya mboka ya vasaka ndĩkatialw’e kũvika kĩoko.</verse>
				<verse number="26">Wa mbee wa ũsyao wa mbee wa nthĩ yaku ũkaete nyũmbanĩ ya Yeova Ngai waku. Ndũkaue katena ka mbũi na ĩia ya nyinyia wako.</verse>
				<verse number="27">Na Yeova amwĩa Mose, Andĩka ndeto ii: nũndũ kwĩanana na ndeto ii nĩnatianĩa ũtianĩo naku vamwe na Isilaeli.</verse>
				<verse number="28">Na aĩ vo vamwe na Yeova mĩthenya mĩongo ĩna na matukũ mĩongo ĩna; ndaaya kĩmũtũ, o na kũnyw’a manzĩ. Na aandĩka ala masengeanĩ ila ndeto sya ũtianĩo, o ĩla mĩao ĩlũmi.</verse>
				<verse number="29">Na kweethĩwa, yĩla Mose watheeie kuma kĩĩmanĩ kya Sinai e na ala masengea elĩ ma ũla ũkũsĩ kw’okonĩ kwa Mose, yĩla watheeie kuma kĩĩmanĩ, Mose ndaamanya kana kĩkonde kya ũthyũ wake nĩkyatisatisaa kwondũ wa kũneena nake.</verse>
				<verse number="30">Na yĩla Aluni na ana onthe ma Isilaeli moonie Mose, sisya, kĩkonde kya ũthyũ wake kyatisatisaa; na makĩaa kũmũthengeea.</verse>
				<verse number="31">Na Mose ameta; na Aluni na asumbĩki onthe ma ũmbano mamũsykea: na Mose aneena nao.</verse>
				<verse number="32">Na ĩtina ana onthe ma Isilaeli mathengeea: na ameaĩa onthe ala Yeova ũnaneenete nake kĩĩmanĩ kya Sinai.</verse>
				<verse number="33">Na yĩla Mose waminie kũneena nao, eevw’ĩka ũthyũ wake suka mũvũthũ.</verse>
				<verse number="34">Ĩndĩ yĩla Mose walikaa kwa Yeova aneene nake, aumya ũla suka, kũvika aumaala; na aumaala, na atavya ana ma Isilaeli o ũndũ wiaĩĩtwe.</verse>
				<verse number="35">Na ana ma Isilaeli moona ũthyũ wa Mose, atĩ kĩkonde kya ũthyũ wa Mose kyatisatisaa; na Mose eevw’ĩka ũthyũ wake ũla suka ĩngĩ, kũvika yĩla walika aneene nake.</verse>
			</chapter>
			<chapter number="35">
				<verse number="1">Na Mose oomban’ya ũmbano w’onthe wa ana ma Isilaeli, na awĩa, Ii nĩsyo ndeto ila Yeova wĩaĩte, nĩ kana mũsyĩkae.</verse>
				<verse number="2">Mĩthenya thanthatũ wĩa ũkatethaw’e; ĩndĩ mũthenya wa mũonza kũkeethĩwa kwenyu mũthenya mũtheu, o savato wa ũthũmũo mũuu kwa Yeova: o ũla wĩtethya wĩa o na wĩva nthĩnĩ waw’o mũvaka oawe.</verse>
				<verse number="3">Mũikakan’ye mwaki motũinĩ menyu onthe mũthenya wa savato.</verse>
				<verse number="4">Na Mose aneena na ũmbano w’onthe wa ana ma Isilaeli, akĩwĩa, Ũũ nĩw’o ũla Yeova wĩaĩte, akyasya,</verse>
				<verse number="5">Mumĩsyei Yeova nthembo kuma kwenyu; o ũla wĩ na ngoo ya kwenda, namĩete, nthembo ya Yeova: thaavu, na vetha, na ũthuku,</verse>
				<verse number="6">na langi wa vuluu, na ũla ũtilyĩ ta mũtune, na ũla mũtune mũno, na katane nzeo, na maw’ĩa ma mbũi,</verse>
				<verse number="7">na mbũa sya ndũũme syĩkĩĩtwe langi mũtune, na mbũa sya vomboo, na mĩtĩ ya mũea,</verse>
				<verse number="8">na mauta ma kwakan’ya taa, na mĩtĩ ĩla ĩnyungaa nesa kwondũ wa mauta ma kwĩtĩkĩsya, na kwondũ wa ũvani ũla ũnyungaa nesa,</verse>
				<verse number="9">na tũvila twa nzumalati, na tũvila twa kũlũmanĩthw’a iĩndĩnĩ syatw’o, evotinĩ na kakalonĩ ka kĩthũi.</verse>
				<verse number="10">Na kĩla mũndũ wĩ na ngoo yĩ na ũĩ katĩ wenyu nĩoke, na kũseũvya syonthe ila Yeova wĩaĩte:</verse>
				<verse number="11">ũla wĩkalo, na ĩeema yaw’o, na kĩla kyaw’o kya kũvw’ĩka, na tũvoloi twaw’o, na mbwaũ syaw’o, na mĩamba yaw’o, na ituĩ syaw’o, na iĩndĩ syaw’o;</verse>
				<verse number="12">na yĩla ĩsandũkũ, na mĩtĩ yayo, na ũla wĩkalo wa tei, na ũla tũtũ wa kũtilan’ya;</verse>
				<verse number="13">na ĩla mesa, na mĩtĩ yayo, na mĩio yayo yonthe, na ila imũtũ sya kwiĩawa Yeova;</verse>
				<verse number="14">na kĩla kĩndũ kĩkĩawa mataa nakyo kwondũ wa kũmulĩka, na mĩio yakyo, na mataa makyo, na ala mauta ma kwakan’ya taa;</verse>
				<verse number="15">na kĩla kĩthembeo kya kũtoeeasya ũvani, na mĩtĩ yakyo, na ala mauta ma kwĩtĩkĩsya, na ũla ũvani ũnyungaa nesa, na ũla tama wa mũomonĩ, o mũomonĩ wa wĩkalo;</verse>
				<verse number="16">na kila kĩthembeo kya nthembo ya kũvĩvw’a, vamwe na ũla seng’eng’e wakyo wa ũthuku, na mĩtĩ yakyo, na mĩio yakyo yonthe, na kĩla kĩndũ kya kũthambĩaa na ĩtina yakyo;</verse>
				<verse number="17">na ila ngũa sya kũniinw’a sya nza, na ituĩ syasyo, na iĩndĩ syasyo, na ũla tama wa mbingĩlonĩ ya nza;</verse>
				<verse number="18">na ila syambo sya wĩkalo, na ila syambo sya nza, na makanda masyo;</verse>
				<verse number="19">na ila ngũa ndume nesa kwondũ wa kũthũkũmĩa vala vandũ vatheu, ngũa ila ntheu sya mũthembi Aluni, na ngũa sya ana make, sya kũthũkũmĩa wĩanĩ wa ũthembi.</verse>
				<verse number="20">Na ũmbano w’onthe wa ana ma Isilaeli wauma vala Mose ũĩ.</verse>
				<verse number="21">Na mooka kĩla ũmwe ũla ngoo yake yamũthangaasya, na kĩla ũmwe ũla veva wake watumaa enda, na maete nthembo ya Yeova, kwondũ wa wĩa wa ĩeema ya kũmbanĩa, na kwondũ wa ũthũkũmi w’onthe wayo, na kwondũ wa ila ngũa ntheu.</verse>
				<verse number="22">Na mooka, aũme o na aka, o ala maĩ na ngoo ya kwenda, na maete mavĩnĩ, na ngome sya matũ, na ngome sya ũvana ũsiĩlo, na itang’a, mĩio yonthe ya wanake ya thaavu; o kĩla mũndũ ũla waumĩsye Yeova nthembo ya thaavu.</verse>
				<verse number="23">Na kĩla mũndũ ũla wonekie e na langi wa vuluu, na ũla ũtilyĩ ta mũtune, na ũla mũtune mũno, na katane nzeo, na maw’ĩa ma mbũi, na mbũa sya ndũũme syĩkĩtwe langi mũtune, na mbũa sya vomboo, aete.</verse>
				<verse number="24">Kĩla ũmwe ũla waumisye nthembo ya vetha na ya ũthuku aetee Yeova nthembo; na kĩla mũndũ, ũla wonekie e na mĩtĩ ya mũea ũndũ wa wĩa o na wĩva wa ũla ũthũkũmi, aete.</verse>
				<verse number="25">Na aka onthe ala maĩ na ngoo syĩ na ũĩ mokothaa na moko moo, na makĩete kĩla mokothie, ila ndii sya vuluu, na ila itilyĩ ta ndune, na ila ndune mũno, na katane nzeo.</verse>
				<verse number="26">Na aka onthe ala ngoo syoo syamathangaasya methĩwe oĩ mokothaa maw’ĩa ma mbũi.</verse>
				<verse number="27">Na asumbĩki maete tũla tũvila twa nzumalati, na tũvila twa kũlũmanĩthw’a iĩndĩnĩ syatw’o, evotinĩ, na kakalonĩ ka kĩthũi;</verse>
				<verse number="28">na ĩla mĩtĩ ĩnyungaa nesa, na ala mauta; kwondũ wa kwakan’ya taa, na kwondũ wa mauta ma kwĩtĩkĩsya, na kwondũ wa ũvani ũla ũnyungaa nesa.</verse>
				<verse number="29">Ana ma Isilaeli manũetee Yeova nthembo na ngoo ya kwenda; o kĩla mũndũ mũũme na mũndũ mũka, ũla ngoo yake yaĩ na kwenda kwa kũete kwondũ wa wĩa ũsu w’onthe, ũla Yeova weaĩte wĩkwe nĩ Mose.</verse>
				<verse number="30">Na Mose amea ana ma Isilaeli, Sisya, Yeova nũmũwetete na syĩtwa yake Mbesaleli, mwana wa Ulĩ, mwana wa Uulu, wa mbaĩ ya Yuta;</verse>
				<verse number="31">na amusũĩtye Veva wa Ngai, ũĩnĩ, na ũmanyinĩ, na ũmanyĩsyonĩ, na wĩanĩ wa mĩthemba yonthe;</verse>
				<verse number="32">kũmantha kwĩka mawĩa ma ũĩ, nĩ kana aseũvye thaavu, na vetha, na ũthuku,</verse>
				<verse number="33">na kwasũvya tũvila twa kwĩkĩwa nthĩnĩ wa syĩndũ, na kwasũvya mbwaũ, o na kũthethya mawĩa ma ũĩ ma mĩthemba yonthe.</verse>
				<verse number="34">Na nĩwĩkĩĩte ngoonĩ yake nĩ kana amanyĩsye, we, o na Ooliavu, mwana wa Aisamaki, wa mbaĩ ya Ndani.</verse>
				<verse number="35">Asu amausũĩtye ũĩ wa ngoo, wa kũtethya wĩa wa mĩthemba yonthe, wa mũvani, na wa mũtethya wa wĩa ũla mũĩ, na wa mũtumi mũĩ wa ndii sya vuluu, na ila itilyĩ ta ndune, na ila ndune mũno, na katane nzeo, na wa mũtumi wa ngũa, o asu matethasya wĩa wa mũthemba o na wĩva, na wa ala mamanthaa kwĩka mawĩa ma ũĩ.</verse>
			</chapter>
			<chapter number="36">
				<verse number="1">Na Mbesaleli na Ooliavu makatethye wĩa, na kĩla mũndũ wĩ na ũĩ ngoonĩ, ũla Yeova wĩkĩĩte ũĩ na ũmanyi amanye kũtethya wĩa w’onthe wa ũthũkũmi wa vala vandũ vatheu, o kwĩanana na onthe ala Yeova wĩaĩte.</verse>
				<verse number="2">Na Mose eeta Mbesaleli na Ooliavu, na kĩla mũndũ wĩ na ũĩ ngoonĩ, ũla ngoonĩ yake Yeova wekĩĩte ũĩ, o kĩla ũmwe ũla ngoo yake yamũthangaaĩtye oke wĩanĩ otethye:</verse>
				<verse number="3">na moosa mokonĩ ma Mose nthembo yonthe ĩla ana ma Isilaeli maetete ũndũ wa wĩa wa ũthũkũmi wa vala vandũ vatheu, moseũvye. Na ĩngĩ, mamũetee kĩla kĩoko nthembo sya kwenda kwa ngoo.</verse>
				<verse number="4">Na andũ oĩ onthe, ala matethisye wĩa w’onthe wa vala vandũ vatheu, mauma kĩla mũndũ wĩanĩ wake ũla watethasya;</verse>
				<verse number="5">na maneena na Mose, makĩmwĩa, Andũ nĩmeũete nyingĩ mũno kũvĩtũka vata wa ũthũkũmi wa wĩa ũla Yeova weaĩte ũtethw’e.</verse>
				<verse number="6">Na Mose aumya mwĩao, na matuma ũtavanw’a mwakonĩ wa maeema w’onthe, makyasya, Mũndũ mũũme o na mũndũ mũka ndakatethye wĩa ũngĩ kwondũ wa nthembo ya vala vandũ vatheu. Na ĩndĩ andũ masiĩĩwa matikaete.</verse>
				<verse number="7">Nũndũ syĩndũ ila maĩ nasyo mĩsyeanĩe kũtethya wĩa ũsu w’onthe, o na kũthonoka.</verse>
				<verse number="8">Na andũ onthe me na ũĩ ngoonĩ ma ala matethasya wĩa maseũvĩsya ũla wĩkalo masuka ĩkũmi: Mbesaleli amaseũvya ma ndii sya katane nzeo mbokothe, na ila sya vuluu, na ila itilyĩ ta ndune, na ila ndune mũno, amatumĩĩa ngelekan’yo ya akeluvi, wĩa wa mũtethya wa wĩa ũla mũĩ.</verse>
				<verse number="9">Ũasa wa kĩla suka waĩ mĩkono mĩongo ĩlĩ na nyanya, na ũthanthau wa kĩla suka mĩkono ĩna: masuka onthe nĩmathimĩtwe ũndũ ũmwe.</verse>
				<verse number="10">Na akwatan’ya masuka atano ũmwe na ũla ũngĩ: na masuka ala angĩ atano akwatan’ya ũmwe na ũla ũngĩ.</verse>
				<verse number="11">Na aseũvya ikwatũ sya vuluu ũteenĩ wa suka ũmwe ũtiivonĩ vala makwatanĩlw’e: na aseũvya o ta ũu ũteenĩ wa suka ũla wĩ mũminũkĩlyo wa vala vakwatanĩlw’e va kelĩ.</verse>
				<verse number="12">Aseũvya ikwatũ mĩongo ĩtano sukanĩ ũmwe, na aseũvya ikwatũ mĩongo ĩtano ũteenĩ wa suka ũla waĩ vala vakwatanilw’e va kelĩ: kĩkwatũ kĩmwe kyelekele kĩla kĩngĩ.</verse>
				<verse number="13">Na aseũvya tũvoloi mĩongo ĩtano twa thaavu, na akwatan’ya masuka, ũmwe na ũla ũngĩ, na tũvoloi tũu: na ĩndĩ ũla wĩkalo watw’ĩka ũmwe.</verse>
				<verse number="14">Na aseũvya masuka ma maw’ĩa ma mbũi matw’ĩke ĩeema ĩũlũ wa wĩkalo ũsu: amaseũvya masuka asu ĩkũmi na ũmwe.</verse>
				<verse number="15">Ũasa wa kĩla suka waĩ mĩkono mĩongo ĩtatũ, na ũthanthau wa kĩla suka mĩkono ĩna: masuka asu ĩkũmi na ũmwe nĩmathimĩtwe ũndũ ũmwe.</verse>
				<verse number="16">Na akwatan’ya masuka atano me oka, na masuka thanthatũ me oka.</verse>
				<verse number="17">Na aseũvya ikwatũ mĩongo ĩtano ũteenĩ wa suka ũla waĩ mũminũkĩlyo wa vala vakwatanĩlw’e, na aseũvya ikwatũ mĩongo ĩtano ũteenĩ wa suka ũla waĩ mũminũkĩlyo wa vala vakwatanĩlw’e va kelĩ.</verse>
				<verse number="18">Na aseũvya tũvoloi mĩongo ĩtano twa ũthuku twa kũkwatan’ya ĩeema yĩthĩwe yĩmwe.</verse>
				<verse number="19">Na aseũvya kĩla kya kũvw’ĩka ĩeema kya mbũa sya ndũũme syĩkĩtwe langi mũtune, na ĩũlũ wakyo kĩngĩ kya mbũa sya vomboo.</verse>
				<verse number="20">Na aseũvya mbwaũ sya wĩkalo sya mĩtĩ ya mũea, iũngamĩtw’e.</verse>
				<verse number="21">Ũasa wa ũvwaũ waĩ mĩkono ĩkũmi, na ũthanthau wa kĩla ũvwaũ mũkono na nyunzu.</verse>
				<verse number="22">Kĩla ũvwaũ waĩ na isinĩko ilĩ isinĩkanĩtw’e: eekie ũu ũndũ wa mbwaũ syonthe sya wĩkalo.</verse>
				<verse number="23">Na aseũvya mbwaũ sya wĩkalo: mbwaũ mĩongo ĩlĩ kwondũ wa ngalĩ ya ĩtheo kwelekela ĩtheo;</verse>
				<verse number="24">na aseũvya iĩndĩ mĩongo ĩna sya vetha ungu wa ila mbwaũ mĩongo ĩlĩ; iĩndĩ ilĩ ungu wa ũvwaũ ũmwe ũndũ wa isinĩko syaw’o ilĩ, na iĩndĩ ilĩ ungu wa ũvwaũ ũngĩ ũndũ wa isinĩko syaw’o ilĩ.</verse>
				<verse number="25">Na ũndũ wa ngalĩ ya kelĩ ya wĩkalo, ngalĩ ya ĩũlũ, aseũvya mbwaũ mĩongo ĩlĩ,</verse>
				<verse number="26">na iĩndĩ syasyo mĩongo ĩna; iĩndĩ ilĩ ungu wa ũvwaũ ũmwe, na iĩndĩ ilĩ ungu wa ũvwaũ ũngĩ.</verse>
				<verse number="27">Na ũndũ wa ngalĩ ya mbĩlĩlo wa wĩkalo kwelekela ũthũĩlonĩ wa syũa aseũvya mbwaũ thanthatũ.</verse>
				<verse number="28">Na aseũvya mbwaũ ilĩ ũndũ wa ikoto sya wĩkalo ngalĩ ya mbĩlĩlo.</verse>
				<verse number="29">Na syeethĩwa ikwatene kuma nthĩ; na syeethĩwa ikwatene o ta ũu kũvika mũthya wĩ ĩũlũ wasyo kũvika ngomenĩ ĩmwe: asyĩka isu syelĩ ta ũu ikotonĩ syelĩ.</verse>
				<verse number="30">Na kwaĩ mbwaũ nyanya, na iĩndĩ syasyo sya vetha, iĩndĩ ĩkũmi na thanthatũ; ungu wa kĩla ũvwaũ iĩndĩ ilĩ.</verse>
				<verse number="31">Na aseũvya mĩamba ya mĩtĩ ya mũea; ĩtano ũndũ wa mbwaũ sya ngalĩ ĩmwe ya wĩkalo,</verse>
				<verse number="32">na mĩamba ĩtano ũndũ wa mbwaũ sya ngalĩ ĩla ĩngĩ ya wĩkalo, na mĩamba ĩtano ũndũ wa mbwaũ sya wĩkalo sya ngalĩ ya mbĩlĩlo kwelekela ũthũĩlonĩ wa syũa.</verse>
				<verse number="33">Na aseũvya mũamba ũla wĩ katĩ ũvĩtĩle mbwaũnĩ katĩ kuma mũthya ũmwe kũvika ũla ũngĩ.</verse>
				<verse number="34">Na avw’ĩka mbwaũ thaavu, na atua ngome syasyo sya thaavu syĩthĩwe sya kwĩkĩa mĩamba, na akĩvw’ĩka mĩamba thaavu.</verse>
				<verse number="35">Na aseũvya ũla tũtũ na ndii sya vuluu, na ila itilyĩ ta ndune, na ila ndune mũno, na katane nzeo mbokothe: ootumĩĩa ngelekan’yo ya akeluvi, wĩa wa mũtethya wa wĩa ũla mũĩ.</verse>
				<verse number="36">Na ooseũvĩsya ituĩ inya sya mĩtĩ ya mũea, na aivw’ĩka thaavu: syambo syasyo syaĩ sya thaavu; na aitũĩsya iĩndĩ inya sya vetha.</verse>
				<verse number="37">Na ooseũvĩsya mũomo wa Ĩeema tama na ndii sya vuluu, na ila itilyĩ ta ndune, na ila ndune mũno, na katane nzeo mbokothe, wĩa wa mũtumi mũĩ wa ndii;</verse>
				<verse number="38">na ituĩ itano syaw’o vamwe na syambo syasyo; na avw’ĩka ngovia syasyo na mĩkunzu yasyo thaavu; na iĩndĩ syasyo itano syaĩ sya ũthuku.</verse>
			</chapter>
			<chapter number="37">
				<verse number="1">Na Mbesaleli aseũvya yĩla ĩsandũkũ ya mĩtĩ ya mũea: ũasa wayo waĩ mĩkono ĩlĩ na nyunzu, na ũthanthau wayo mũkono na nyunzu, na ũtũlu wayo mũkono na nyunzu.</verse>
				<verse number="2">Na ayĩvw’ĩka nthĩnĩ na ũtee thaavu mũtheu, na ayĩseũvĩsya ũengo mũtũlu wa thaavu ũyĩlingĩle.</verse>
				<verse number="3">Na ayĩtũĩsya ngome inya sya thaavu, maũũnĩ mayo ana; o ngome ilĩ ngalĩ ĩmwe yayo, na ngome ilĩ ngalĩ ĩla ĩngĩ yayo.</verse>
				<verse number="4">Na aseũvya mĩtĩ ya mũea, na amĩvw’ĩka thaavu.</verse>
				<verse number="5">Na eekĩa ĩla mĩtĩ ngomenĩ syĩ mavavanĩ ma yĩla ĩsandũkũ, ya ũkua yĩ ĩsandũkũ.</verse>
				<verse number="6">Na aseũvya wĩkalo wa tei wa thaavu mũtheu: ũasa waw’o waĩ mĩkono ĩlĩ na nyunzu, na ũthanthau waw’o mũkono na nyunzu.</verse>
				<verse number="7">Na aseũvya akeluvi elĩ ma thaavu; amaseũvya na kũmatua, ngalĩ syelĩ sya wĩkalo wa tei;</verse>
				<verse number="8">mũkeluvi ũmwe ngalĩ ĩmwe, na mũkeluvi ũmwe ngalĩ ĩla ĩngĩ: amaseũvya o kĩlungunĩ kĩmwe na ũla wĩkalo wa tei ngalĩ syelĩ syaw’o.</verse>
				<verse number="9">Na ala akeluvi matambũũkya nthwau syoo ĩũlũ, makĩvw’ĩka wĩkalo wa tei na nthwau syoo, mothyũ moo masianĩtye; mothyũ ma akeluvi melekele wĩkalo wa tei.</verse>
				<verse number="10">Na aseũvya ĩla mesa ya mĩtĩ ya mũea: ũasa wayo waĩ mĩkono ĩlĩ, na ũthanthau wayo mũkono, na ũtũlu wayo mũkono na nyunzu.</verse>
				<verse number="11">Na amĩvw’ĩka thaavu mũtheu; na amĩseũvĩsya ũengo mũtũlu wa thaavu ũmĩlingĩle.</verse>
				<verse number="12">Na amĩseũvĩsya ũengo ũmĩlingĩle; ũthanthau waw’o ta wa kĩtaa kya kw’oko, na aseũvya ũengo mũtũlu wa thaavu ũengonĩ wayo ũmĩlingĩle.</verse>
				<verse number="13">Na amĩtuĩsya ngome inya sya thaavu, na eekĩa ila ngome mĩthyanĩ ĩna ya ĩũlũ ĩla yaĩ maũũnĩ mayo ana.</verse>
				<verse number="14">Ila ngome syaĩ vakuvĩ na ũla ũengo, syĩthĩwe kũndũ kwa kwĩkĩa ĩla mĩtĩ ya kũkua mesa.</verse>
				<verse number="15">Na aseũvya ĩla mĩtĩ ya mũea ya ũkua mesa, na aimĩvw’ĩka thaavu.</verse>
				<verse number="16">Na aseũvya ĩla mĩio ya kwĩkĩa mesanĩ, masaani mayo, na syĩko syayo, na mbakũli syayo, na ikombe syayo, ila sya kwĩtĩkĩasya, sya thaavu mũtheu.</verse>
				<verse number="17">Na aseũvya kĩla kĩndũ kĩkĩawa mataa kya thaavu mũtheu: aseũvya kĩla kĩndũ kĩkĩawa mataa na kũtua, o ĩtina yakyo, na mũtĩ wakyo; ikombe syakyo, na mĩkauti yakyo, na malaa makyo syeethĩwa sya kĩlungu kĩmwe nakyo.</verse>
				<verse number="18">Na kwaĩ mbonge thanthatũ syumĩte ndeenĩ syakyo; mbonge itatũ sya kĩla kĩndũ kĩkĩawa mataa kuma ngalĩ ĩmwe yakyo, na mbonge itatũ sya kĩla kĩndũ kĩkĩawa mataa kuma ngalĩ ĩla ĩngĩ yakyo:</verse>
				<verse number="19">ikombe itatũ iseũvĩtw’e ta malaa ma mũlosi ũvongenĩ ũmwe, mũkauti na ĩlaa; na ikombe itatũ iseũvĩtw’e ta malaa ma mũlosi ũvongenĩ ũla ũngĩ, mũkauti na ĩlaa: mbongenĩ isu thanthatũ syumite o ta ũu kĩla kĩndũnĩ kĩkĩawa mataa.</verse>
				<verse number="20">Na kĩndũnĩ kĩla kĩkĩawa mataa kwaĩ ikombe inya iseũvĩtw’e ta malaa ma mũlosi, mĩkauti yakyo, na malaa makyo:</verse>
				<verse number="21">na mũkauti weethĩwa ĩtheo wa mbonge ilĩ kĩlungunĩ kĩmwe nakyo, na mũkauti ĩtheo wa mbonge ilĩ kĩlungunĩ kĩmwe nakyo, na mũkauti ĩtheo wa mbonge ilĩ kĩlungunĩ kĩmwe nakyo, kwa ila mbonge thanthatũ syumĩte nthĩnĩ wakyo.</verse>
				<verse number="22">Mĩkauti yakyo na mbonge syakyo syeethĩwa sya kĩlungu kĩmwe nakyo: kĩndũ kyu kĩima kyaĩ kya thaavu mũtheu ũla mũtue.</verse>
				<verse number="23">Na aseũvya mataa makyo, mũonza, na mĩkasi yakyo, na masaani ma makaa makyo, sya thaavu mũtheu.</verse>
				<verse number="24">Akĩseũvya kya talendi ya thaavu mũtheu, vamwe na mĩio yonthe yakyo.</verse>
				<verse number="25">Na aseũvya kĩla kĩthembeo kya kũtoeeasya ũvani kya mĩtĩ ya mũea: ũasa wakyo waĩ mũkono, na ũthanthau wakyo mũkono, ngalĩ inya syĩanene; na ũtũlu wakyo waĩ mĩkono ĩlĩ; mbya syakyo syaĩ sya kĩlungu kĩmwe nakyo.</verse>
				<verse number="26">Na akĩvw’ĩka thaavu mũtheu, ĩũlũ wakyo, na mavava makyo onthe, na mbya syakyo: na akĩseũvĩsya ũengo mũtũlu wa thaavu ũkĩlingĩle.</verse>
				<verse number="27">Na akĩtuĩsya ngome ilĩ sya thaavu ungu wa ũengo mũtũlu wakyo, ikotonĩ ilĩ syakyo, ngalĩ syelĩ syakyo, syĩthĩwe kũndũ kwa kũtonyesya ĩla mĩtĩ ya kũkĩkua.</verse>
				<verse number="28">Na aseũvya ĩla mĩtĩ ya mũea, na amĩvw’ĩka thaavu.</verse>
				<verse number="29">Na aseũvya ala mauta matheu ma kwĩtĩkĩsya, na ũla ũvani mũtheu wa mĩtĩ ĩla ĩnyungaa nesa, kwĩanana na ũĩ wa mũseũvya wa manukato.</verse>
			</chapter>
			<chapter number="38">
				<verse number="1">Na aseũvya kĩla kĩthembeo kya nthembo ya kũvĩvw’a kya mĩtĩ ya mũea: ũasa wakyo waĩ mĩkono ĩtano, na ũthanthau wakyo mĩkono ĩtano, ngalĩ inya syĩanene; na ũtũlu wakyo mĩkono ĩtatũ.</verse>
				<verse number="2">Na aseũvya mbya syakyo ĩũlũ wa ikoto inya syakyo; mbya syakyo syaĩ sya kĩlungu kĩmwe nakyo: na akĩvw’ĩka ũthuku.</verse>
				<verse number="3">Na aseũvya mĩio yonthe ya kĩla kĩthembeo, ĩla mĩio ya kwokaa mũu, na ĩla mĩko, na ala masaani manene, na ila itonyi sya nyama, na tũla tũvũngũlyũ twa ũkua makaa: mĩio yonthe yakyo aseũvya ya ũthuku.</verse>
				<verse number="4">Na aseũvĩsya kĩla kĩthembeo seng’eng’e wa ũthuku, ĩtheo wa ũengo ũla wĩkĩlingĩlĩte ngalĩko ya ungu, ũkĩambata ũvike kĩthembeonĩ katĩ.</verse>
				<verse number="5">Na atua ngome inya ũndũ wa mĩthya ĩna ya ũla seng’eng’e wa ũthuku, syĩthĩwe kũndũ kwa kũtonyeesya ĩla mĩtĩ.</verse>
				<verse number="6">Na aseũvya ĩla mĩtĩ ya mũea, na amĩvw’ĩka ũthuku.</verse>
				<verse number="7">Na eekĩa ĩla mĩtĩ ngomenĩ syĩ mavavanĩ ma kĩthembeo, yĩthĩwe ya ũkĩkua; akĩseũvya na mbwaũ kĩ na ĩima nthĩnĩ katĩ.</verse>
				<verse number="8">Na aseũvya kĩla kĩndũ kya kũthambĩaa kya ũthuku, na ĩtina yakyo ya ũthuku, wa isisyo sya aka athũkũmi ala mathũkũmĩaa mũomonĩ wa ĩeema ya kũmbanĩa.</verse>
				<verse number="9">Na aseũvya ĩla nza: ngalĩ ya ĩtheo kwelekela ĩtheo ngũa ila sya kũniinw’a sya nza syaĩ sya katane nzeo mbokothe, ũasa wasyo mĩkono ĩana;</verse>
				<verse number="10">ituĩ syasyo syaĩ mĩongo ĩlĩ, na iĩndĩ syasyo mĩongo ĩlĩ, sya ũthuku; syambo sya ituĩ isu na mĩkunzu yasyo syaĩ sya vetha.</verse>
				<verse number="11">Na ngalĩ ya ĩũlũ, ũasa wasyo mĩkono ĩana, ituĩ syasyo mĩongo ĩlĩ, na iĩndĩ syasyo mĩongo ĩlĩ, sya ũthuku; syambo sya ituĩ, na mĩkunzu yasyo, syaĩ sya vetha.</verse>
				<verse number="12">Na ngalĩ ya ũthũĩlonĩ wa syũa kwaĩ ngũa sya kũniinw’a, ũasa wasyo mĩkono mĩongo ĩtano, ituĩ syasyo ĩkũmi, na iĩndĩ syasyo ĩkũmi; syambo sya ituĩ, na mĩkunzu yasyo, syaĩ sya vetha.</verse>
				<verse number="13">Na ngalĩ ya wumĩlonĩ wa syũa kwelekela wumĩlonĩ wa syũa syaĩ sya mĩkono mĩongo ĩtano.</verse>
				<verse number="14">Ngũa ila sya kũniinw’a sya ngalĩ ĩmwe ya mbingĩlo syaĩ sya mĩkono ĩkũmi na ĩtano; ituĩ syasyo itatũ, na iĩndĩ syasyo itatũ;</verse>
				<verse number="15">na no ta ũu ũndũ wa ngalĩ ĩla ĩngĩ: kw’oko kũũ na kw’oko kũla kũngĩ ũtee wa mbingĩlo ya ĩla nza kwaĩ ngũa sya kũniinw’a, ũasa wasyo mĩkono ĩkũmi na ĩtano; ituĩ syasyo itatũ, na iĩndĩ syasyo itatũ.</verse>
				<verse number="16">Ngũa syonthe sya kũniinw’a sya kwĩlingĩla nza syaĩ sya katane nzeo mbokothe.</verse>
				<verse number="17">Na iĩndĩ sya ituĩ syaĩ sya ũthuku; ila syambo sya ituĩ, na mĩkunzu yasyo, syaĩ sya vetha; na kĩla kyavw’ĩkĩte ngovia syasyo, kyaĩ kya vetha; na ituĩ syonthe sya ĩla nza syakwatanw’a na mũkunzu wa vetha.</verse>
				<verse number="18">Na ũla tama wa mbingĩlonĩ ya nza waĩ wĩa wa mũtumi mũĩ wa ndii sya vuluu, na ila itilyĩ ta ndune, na ila ndune mũno, na katane nzeo mbokothe: ũasa waw’o waĩ mĩkono mĩongo ĩlĩ, na ũtũlu waw’o, now’o ũthanthau waw’o, waĩ mĩkono ĩtano, o ta ila ngũa sya kũniinw’a sya nza.</verse>
				<verse number="19">Na ituĩ syasyo syaĩ inya, na iĩndĩ syasyo inya, sya ũthuku; syambo syasyo syaĩ sya vetha, na kĩla kyavw’ĩkĩte ngovia syasyo, na mĩkunzu yasyo, syaĩ sya vetha.</verse>
				<verse number="20">Na syambo syonthe sya ũ wĩkalo, na ila sya nza syĩlingĩlĩte, syaĩ sya ũthuku.</verse>
				<verse number="21">Ũsu nĩw’o ũtalo wa isamũ sya wĩkalo, o wĩkalo ũsu wa ũkũsĩ, o ũndũ syatalilwe, kwĩanana na mwĩao wa Mose, ũndũ wa ũthũkũmi wa Alivai, nĩ Ithamali, mwana wa mũthembi Aluni.</verse>
				<verse number="22">Na Mbesaleli, mwana wa Ulĩ, mwana wa Uulu, wa mbaĩ va Yuta, aseũvya syonthe ila Yeova wamwĩaĩe Mose.</verse>
				<verse number="23">Na vamwe nake kwaĩ Ooliavu, mwana wa Aisamaki, wa mbaĩ ya Ndani, mũvani, na mũtethya wa wĩa ũla mũĩ, na mũtumi mũĩ wa ndii sya vuluu, na ila itilyĩ ta ndune, na ila ndune mũno, na katane nzeo.</verse>
				<verse number="24">Thaavu w’onthe ũla waumiw’e kwondũ wa wĩa ũsu wĩanĩ w’onthe wa vala vandũ vatheu, o thaavu ũsu waumiw’e wa nthembo, waĩ wa telendi mĩongo ĩlĩ na kenda, na sekeli maana mũonza na mĩongo ĩtatũ, kwĩanana na sekeli ya vala vandũ vatheu.</verse>
				<verse number="25">Na vetha wa asu matalilwe ma ũmbano waĩ talendi ĩana, na sekeli ngili ĩmwe na maana mũonza na mĩongo mũonza na itano, kwĩanana na sekeli ya vala vandũ vatheu:</verse>
				<verse number="26">veka o kĩla mũndũ, nĩyo nyunzu ya sekeli, kwĩanana na sekeli ya vala vandũ vatheu, kwondũ wa kĩla ũmwe ũla wavĩtũkie e mũtale athi kwa asu atale, ala mavikĩtye myaka mĩongo ĩlĩ na mbee, kwondũ wa andũ ngili maana thanthatũ na itatũ na maana atano na mĩongo ĩtano.</verse>
				<verse number="27">Na talendi isu ĩana sya vetha syaĩ kwondũ wa kũtua iĩndĩ sya vala vandũ vatheu, na iĩndĩ isu sya ũla tũtũ; iĩndĩ ĩana kuma ila talendi ĩana, talendi ĩmwe kwondũ wa kĩla kĩĩndĩ.</verse>
				<verse number="28">Na aseũvya syambo sya ituĩ isu kuma ila sekeli ngili ĩmwe na maana mũonza na mĩongo mũonza na itano, na avw’ĩka ila ngovia syasyo, na aseũvya mĩkunzu ũndũ wasyo.</verse>
				<verse number="29">Na ũthuku wa ĩla nthembo waĩ wa talendi mĩongo mũonza, na sekeli ngili ilĩ na maana ana.</verse>
				<verse number="30">Na aseũvya iĩndĩ o w’o sya mũomo wa yĩla ĩeema ya kũmbanĩa, na kĩla kĩthembeo kya ũthuku, na ũla seng’eng’e wa ũthuku wakyo, na mĩio yonthe ya kĩthembeo kyu,</verse>
				<verse number="31">na iĩndĩ sya nza ĩthyũlũlũkĩte, na iĩndĩ sya mbingĩlonĩ ya nza, na syambo syonthe sya ũla wĩkalo, na syambo syonthe sya ĩla nza ĩthyũlũlũkĩte.</verse>
			</chapter>
			<chapter number="39">
				<verse number="1">Na maseũvya ngũa ndume nesa mũno sya ila ndii sya vuluu, na ila itilyĩ ta ndune, na ila ndune mũno, ũndũ wa wĩa wa kũthũkũmĩaa vala vandũ vatheu, na maseũvya ila ngũa ntheu kwondũ wa Aluni; o tondũ Yeova weaĩe Mose.</verse>
				<verse number="2">Na aseũvya yĩla evoti na ndii sya thaavu, na ila sya vuluu, na ila itilyĩ ta ndune, na ila ndune mũno, na katane nzeo mbokothe.</verse>
				<verse number="3">Nao mamanda thaavu ũsu wavũtha mũno, na mawatũanga watw’ĩka tũmĩkunzu, nĩ kana motuman’ye na ila sya vuluu, na ila itilyĩ ta ndune, na ila ndune mũno, na katane nzeo, wĩa wa mũtethya wa wĩa ũla mũĩ.</verse>
				<verse number="4">Mayĩseũvĩsya ikwatũ sya ituonĩ, ikwatene: yaĩ ĩkwatan’ye mĩthyanĩ ĩlĩ yayo.</verse>
				<verse number="5">Na ũla mũsivi ũtũmĩtwe na ũĩ, ũla waĩ ĩũlũ wayo, ũla wa kũyova yĩlũme, waĩ wa kĩlungu kĩmwe nayo na ũtũmĩtwe ũndũ ũmwe nayo; wa ndii sya thaavu, na ila sya vuluu, na ila itilyĩ ta ndune, na ila ndune mũno, na katane nzeo mbokothe; o tondũ Yeova weaĩe Mose.</verse>
				<verse number="6">Na maseuvya tũla tũvila twa nzumalati, tũlũmanĩthw’e iĩndĩnĩ sya thaavu, mavanĩtwe na movano me ngomenĩ ya kũsiĩla, kwĩanana na masyĩtwa ma ana ma Isilaeli.</verse>
				<verse number="7">Na amekĩa ikwatũnĩ sya ituonĩ sya yĩla evoti, methĩwe tũvila twa ũlilikan’yo kwondũ wa ana ma Isilaeli; o tondũ Yeova weaĩe Mose.</verse>
				<verse number="8">Na aseũvya kala kakalo ka kĩthũi, wĩa wa mũtethya wa wĩa ũla mũĩ, o ta wĩa wa yĩla evoti; ka ndii sya thaavu, na ila sya vuluu, na ila itilyĩ ta ndune, na ila ndune mũno, na katane nzeo mbokothe.</verse>
				<verse number="9">Keethĩwa keanene ngalĩ inya; maseũvya kala kakalo ka kĩthũi makĩkatulanĩla: ũasa wako waĩ ĩkwata yĩmwe ya kĩtaa, na ũthanthau wako ĩkwata yĩmwe ya kĩtaa, ke katulanĩle.</verse>
				<verse number="10">Na meekĩa mĩsoa ĩna ya tũvila nthĩnĩ wako. Mũsoa wa mbee waĩ wa salitũ, na tovasi, na alimasi ndune;</verse>
				<verse number="11">na mũsoa wa kelĩ, sumalati, na savili, na salitonyi;</verse>
				<verse number="12">na mũsoa wa katatũ, samawi, na yasimu, na amethusito;</verse>
				<verse number="13">na mũsoa wa kana, nzumalati ntheu, na nzumalati, na yasivi: tũlũmanĩthw’a na thaavu iĩndĩnĩ syatw’o.</verse>
				<verse number="14">Na tũvila tũu twaĩ kwĩanana na masyĩtwa ma ana ma Isilaeli, ĩkũmi na elĩ, o kwĩanana na masyĩtwa moo; ta movano me ngomenĩ ya kũsiĩla, kĩla mũndũ kwĩanana na syĩtwa yake, kwondũ wa ila mbaĩ ĩkũmi na ilĩ.</verse>
				<verse number="15">Na maseũvya mĩnyoo ĩtilyĩ tũkanda kakalonĩ ka kĩthũi ĩũlũ, ya thaavu mũtheu wĩ mũvĩnde.</verse>
				<verse number="16">Na maseũvya iĩndĩ ilĩ sya thaavu, na ngome ilĩ sya thaavu, na meekĩa ngome isu ilĩ mĩthyanĩ ilĩ ya kala kakalo ka kĩthũi.</verse>
				<verse number="17">Na meekĩa minyoo ĩsu ĩlĩ mĩvĩnde ya thaavu nthĩnĩ wa ngome ilĩ mĩthyanĩ ya kakalo ka kĩthũi.</verse>
				<verse number="18">Na mĩthya ĩla ĩngĩ ĩlĩ ya mĩnyoo ĩsu ĩlĩ mĩvĩnde meekĩa ĩĩndĩnĩ isu ilĩ, na mamĩkolelya ila ikwatũnĩ isu sya ituonĩ sya evoti, ngalĩ ya mbee yayo.</verse>
				<verse number="19">Na matua ngome ilĩ sya thaavu, na makolelya mĩthyanĩ ĩlĩ ya kakalo ka kĩthũi, ũteenĩ wako, ũla welekele ngalĩ ya nthĩnĩ ya evoti.</verse>
				<verse number="20">Na matua ngome ilĩ sya thaavu, na makolelya ikwatũnĩ isu ilĩ sya ituonĩ sya evoti ungu, ngali ya mbee yayo, vakuvĩ na vala vakwatanĩlw’e vayo ĩũlũ wa ũla mũsivi, wa evoti ũtumĩtwe na ũĩ.</verse>
				<verse number="21">Na malũman’ya kakalo ka kĩthũi na ngome syako ngomenĩ sya evoti na ũlii wa vuluu, nĩ kana kethĩwe ĩũlũ wa ũla mũsivi wa evoti ũtumĩtwe na ũĩ, na nĩ kana kakalo ka kĩthũi kaikathaw’e yĩla evotinĩ; o tondũ Yeova weaĩe Mose.</verse>
				<verse number="22">Na aseũvya ĩla ngũa ndasa ya evoti ya ngũa ndume, yonthe ya vuluu;</verse>
				<verse number="23">yi na ĩima ya kũlikya mũtwe ya ĩla ngũa ndasa nthĩnĩ wayo katĩ, yĩilyĩ ĩima yĩkĩwe kakotinĩ ka kaũ, yĩ na ũtaami wĩlingĩle ĩimanĩ yayo, nĩ kana ndĩkatembũke.</verse>
				<verse number="24">Na motiivonĩ ma ĩla ngũa ndasa maseũvya makũngũmanga ma ndii sya vuluu, na ila itilyĩ ta ndune, na ila ndune mũno, na katane mbokothe.</verse>
				<verse number="25">Na maseũvya tũtilili twa thaavu mũtheu, na meekĩa tũtilili tũu katĩ wa makũngũmanga motiivonĩ ma ĩla ngũa ndasa twĩlingĩlĩte, katĩ wa ala makũngũmanga;</verse>
				<verse number="26">o katilili na ĩkũngũmanga, katilili na ĩkũngũmanga, motiivonĩ ma ĩla ngũa ndasa twĩlingĩlĩte, kwondũ wa kũthũkũmaa ekĩe; o tondũ Yeova weaĩe Mose.</verse>
				<verse number="27">Na maseũvĩsya Aluni, na ana make, ala makanzũ ma katane nzeo matume,</verse>
				<verse number="28">na ĩla ngutw’a ya katane nzeo, na tũla tũkovila twanakavye twa katane nzeo, na ala masulualĩ ma katane, katane nzeo mbokothe,</verse>
				<verse number="29">na ũla mũsivi wa ndii sya katane nzeo mbokothe, na ila sya vuluu, na ila itilyĩ ta ndune, na ila ndune mũno, o wĩa wa mũtumi mũĩ wa ndii; o tondũ Yeova weaĩe Mose.</verse>
				<verse number="30">Na maseũvya kĩla kĩlaũnĩ kya ĩla ngovia ya ũsumbĩ ntheu kya thaavu mũtheu, na maandĩka ĩũlũ wakyo ũandĩko, ũilyĩ movano me ngomenĩ ya kũsiĩla, atĩĩ, MŨTHEU KWA YEOVA.</verse>
				<verse number="31">Na makyoveea ũlii wa vuluu, nĩ kana makĩlũman’ye na ngutw’a ĩũlũ wakyo; o tondũ Yeova weaĩe Mose.</verse>
				<verse number="32">Ũu nĩw’o wĩa w’onthe wa ũla wĩkalo wa ĩeema ya kũmbanĩa wathelile: na ana ma Isilaeli meeka kwĩanana na onthe ala Yeova weaĩe Mose; ũu nĩw’o meekie.</verse>
				<verse number="33">Na mamũetee Mose ũla wĩkalo, o yĩla Ĩeema, na mĩio yaw’o yonthe, tũvoloi twaw’o, na mbwaũ syaw’o, na mĩamba yaw’o, na ituĩ syaw’o, na iĩndĩ syaw’o;</verse>
				<verse number="34">na kĩla kya kũvw’ĩka ĩeema kya mbũa sya ndũũme syĩkĩtwe langi mũtune, na kĩla kĩngĩ kya ũvw’ĩka kya mbũa sya vomboo, na ũla tũtũ wa kũtilan’ya;</verse>
				<verse number="35">na yĩla ĩsandũkũ ya ũkũsĩ, na ĩla mĩtĩ yayo, na ũla wĩkalo wa tei;</verse>
				<verse number="36">na ĩla mesa, na mĩio yayo yonthe, na ila imũtũ sya kwiĩawa Yeova;</verse>
				<verse number="37">na kĩla kĩndũ kĩkĩawa mataa kĩtheu, na mataa makyo, o mataa ala maiawa vandũ vamo, na mĩio yakyo yonthe, na mauta ma kwakan’ya taa;</verse>
				<verse number="38">na kĩla kĩthembeo kya thaavu, na ala mauta ma kwĩtĩkĩsya, na ũla ũvani ũnyungaa nesa, na tama ũla wa mũomonĩ wa yĩla Ĩeema;</verse>
				<verse number="39">na kĩla kĩthembeo kya ũthuku, na seng’eng’e wakyo wa ũthuku, na mĩtĩ yakyo, na mĩio yakyo yonthe, na kĩla kĩndũ kya kũthambĩaa na ĩtina yakyo;</verse>
				<verse number="40">na ila ngũa sya kũniinw’a sya nza, na ituĩ syasyo, na iĩndĩ syasyo, na ũla tama wa mbingĩlonĩ ya nza, na makanda maw’o, na syambo syaw’o, na mĩio yonthe ya ũthũkũmi wa ũla wĩkalo, kwondũ wa yĩla ĩeema ya kũmbanĩa;</verse>
				<verse number="41">na ila ngũa ndume nesa kwondũ wa kũthũkũmĩaa vala vandũ vatheu, na ila ngũa ntheu sya mũthembi Aluni, na ngũa sya ana make, sya kũthũkũmaa wĩanĩ wa ũthembi.</verse>
				<verse number="42">O kwĩanana na onthe ala Yeova weaĩe Mose, ana ma Isilaeli matethisye wĩa w’onthe o ta ũu.</verse>
				<verse number="43">Na Mose oona wĩa ũsu w’onthe, na sisya, mawĩkĩte; o tondũ Yeova weaĩte, ũu nĩw’o mekĩte: na Mose amaathima.</verse>
			</chapter>
			<chapter number="40">
				<verse number="1">Na Yeova aneena na Mose, akĩmwĩa,</verse>
				<verse number="2">Mũthenya wa mbee wa mwei wa mbee ũkaũngamye ũla wĩkalo wa ĩeema ya kũmbanĩa.</verse>
				<verse number="3">Na ũkekĩe nthĩnĩ yĩla ĩsandũkũ ya ũkũsĩ, na ũkavw’ĩke ĩsandũkũ yĩu na ũla tũtũ.</verse>
				<verse number="4">Na ũkaete ĩla mesa nthĩnĩ, na kwia nesa syĩndũ ĩla sya ĩũlũ wayo; na ũkaete kĩla kĩndũ kĩkĩawa mataa, noikwatya mataa makyo.</verse>
				<verse number="5">Na ũkaie kĩla kĩthembeo kya thaavu kya kũtoeeasya ũvani ngalĩ ya mbee ya yĩla ĩsandũkũ ya ũkũsĩ, na kwikĩa tama ũla wa mũomonĩ wa ũ wĩkalo.</verse>
				<verse number="6">Na ũkaie kĩla kĩthembeo kya nthembo ya kũvĩvw’a ngalĩ ya mbee ya mũomo wa ũla wĩkalo wa ĩeema ya kũmbanĩa.</verse>
				<verse number="7">Na ũkaie kĩla kĩndũ kya kũthambĩaa katĩ wa yĩla ĩeema ya kũmbanĩa na kĩthembeo kyu, na kwĩkĩa manzĩ vo nthĩnĩ.</verse>
				<verse number="8">Na ũkaiie nza ũlingĩlĩte, na kwanĩka ũla tama wa mbingĩlo ya nza.</verse>
				<verse number="9">Na ũkose ala mauta ma kwĩtĩkĩsya, na ũiwĩtĩkĩsya ũ wĩkalo, na syonthe ila syĩ nthĩnĩ, na ũkovathan’ye wĩthĩwe mũtheu, na mĩio yonthe yaw’o; na ũkeethĩwa wĩ mũtheu.</verse>
				<verse number="10">Na ũketĩkĩsye kĩthembeo kya nthembo ya kũvĩvw’a mauta, na mĩio yonthe yakyo, na kũvathan’ya kĩla kĩthembeo kĩthĩwe kĩtheu: na kĩthembeo kĩkeethĩwa kĩtheu mũno vyũ.</verse>
				<verse number="11">Na ũketĩkĩsye kĩla kĩndũ kya kũthambĩaa na ĩtina yakyo mauta, na ũikĩvathan’ya kĩthĩwe kĩtheu.</verse>
				<verse number="12">Na ũkaete Aluni na ana make mũomonĩ wa ĩeema ya kũmbanĩa, na ũimathambya na manzĩ.</verse>
				<verse number="13">Na ũkekĩe Aluni ila ngũa ntheu; na ũkamwĩtĩkĩsye mauta, na kũmũvathan’ya ethĩwe mũtheu, nĩ kana anthũkũmae wĩanĩ wa ũthembĩ.</verse>
				<verse number="14">Na ũkaete ana make, na kũmekĩa makanzũ;</verse>
				<verse number="15">na ũkametĩkĩsye mauta, o tondũ wetĩkĩsye ĩthe woo mauta, nĩ kana manthũkũmae wĩanĩ wa ũthembi: na kwĩtĩkĩw’a kwoo kũkeethĩwa kwoo kwondũ wa wĩa wa ũthembi kũvika tene na tene mosyaanĩonĩ moo onthe.</verse>
				<verse number="16">Nake Mose eeka o ta ũu; kwĩanana na onthe ala Yeova wamwĩaĩe, ũu nĩw’o wekie.</verse>
				<verse number="17">Na kweethĩwa mwei wa mbee wa mwaka wa kelĩ, mũthenya wa mbee wa mwei, ũla wĩkalo nĩwaũngamĩtw’e.</verse>
				<verse number="18">Na Mose aũngamya ũ wĩkalo, na aia iĩndĩ syaw’o, na aũngamya mbwaũ syaw’o, na eekĩa mĩamba yaw’o, na aũngamya ituĩ syaw’o.</verse>
				<verse number="19">Na alan’ya ĩeema ĩũlũ wa ũ wĩkalo, na eekĩa kĩla kya kũvw’ĩka ĩeema ĩũlũ wayo; o tondũ Yeova wamwĩaĩe Mose.</verse>
				<verse number="20">Na oosa ũla ũkũsĩ na eekĩa nthĩnĩ wa yĩla ĩsandũkũ, na eekĩa ĩla mĩtĩ ĩsandũkũnĩ, na eekĩa ũla wĩkalo wa tei ĩsandũkũnĩ ĩũlũ:</verse>
				<verse number="21">na aete yĩla ĩsandũkũ nthĩnĩ wa ũ wĩkalo, na anĩka ũla tũtũ wa kũtĩlan’ya, na avw’ĩka yĩla ĩsandũkũ ya ũkũsĩ; o tondũ Yeova wamwĩaĩe Mose.</verse>
				<verse number="22">Na eekĩa ĩla mesa ĩeemanĩ ya kũmbanĩa, ngalĩ ya wĩkalo ya ĩũlũ, ũtee wa tũtũ.</verse>
				<verse number="23">Na aia ila imũtũ vandũ vasyo ĩũlũ wayo mbee wa Yeova; o tondũ Yeova wamwĩaĩe Mose.</verse>
				<verse number="24">Na eekĩa kĩla kĩndũ kĩkĩawa mataa ĩeemanĩ ya kũmbanĩa ngalĩ ya wĩkalo ya ĩtheo, kwelekela ĩ mesa.</verse>
				<verse number="25">Na akwatya mataa mbee wa Yeova; o tondũ Yeova wamwĩaĩe Mose.</verse>
				<verse number="26">Na eekĩa kĩla kĩthembeo kya thaavu ĩeemanĩ ya kũmbanĩa ngalĩ ya mbee ya ũla tũtũ:</verse>
				<verse number="27">na atoeesya ũvani wa mĩtĩ ĩla ĩnyungaa nesa ĩũlũ wakyo; o tondũ Yeova wamwĩaĩe Mose.</verse>
				<verse number="28">Na eekĩa ũla tama wa mũomonĩ wa wĩkalo.</verse>
				<verse number="29">Na aia kĩthembeo kya nthembo ya kũvĩvw’a mũomonĩ wa wĩkalo wa ĩeema ya kũmbanĩa, na athemba ĩũlũ wakyo ĩla nthembo ya kũvĩvw’a na nthembo ya mũtu; o tondũ Yeova wamwĩaĩe Mose.</verse>
				<verse number="30">Na aia kĩla kĩndũ kya kũthambĩaa katĩ wa ĩeema ya kũmbanĩa na kĩthembeo kyu, na eekĩa manzĩ nthĩnĩ wakyo, ma kũthamba.</verse>
				<verse number="31">Na Mose na Aluni na ana make mathambĩsya moko moo na maũũ moo vo;</verse>
				<verse number="32">o yĩla malikile ĩeemanĩ ya kũmbanĩa, na yĩla mathengeee kĩla kĩthembeo, nĩmathambaa; o tondũ Yeova wamwĩaĩe Mose.</verse>
				<verse number="33">Na aiia ĩla nza alingĩlĩte ũla wĩkalo na kĩla kĩthembeo, na anĩka ũla tama wa mbingĩlonĩ ya nza. Na ĩndĩ, Mose amina wĩa ũsu.</verse>
				<verse number="34">Nĩvo ĩndĩ ũla mũumbĩ wavw’ĩkie yĩla ĩeema ya kũmbanĩa, na ũtheu mũtisu wa Yeova wausũa ũla wĩkalo.</verse>
				<verse number="35">Na Mose ndaatonya kũlika ĩeemanĩ ya kũmbanĩa, nĩkwĩthĩwa ũla mũumbĩ wekalaa ĩũlũ wayo, na ũtheu mũtisu wa Yeova wausũa wĩkalo.</verse>
				<verse number="36">Na yĩla ũla mũumbi wookĩlilw’e kuma ĩũlũ wa wĩkalo, ana ma Isilaeli nĩmaendaa, syalonĩ syoo syonthe:</verse>
				<verse number="37">ĩndĩ ũla mũumbĩ walea kũkĩlw’a, matyaendaa kyalo ĩndĩ, mũvaka mũthenya ũla wĩũkĩlw’a.</verse>
				<verse number="38">Nũndũ ũla mũumbĩ wa Yeova waĩ ĩũlũ wa ũla wĩkalo mũthenya, na kwaĩ mwaki nthĩnĩ waw’o ũtukũ, andũ onthe ma nyũmba ya Isilaeli mene, syalonĩ syoo syonthe.</verse>
			</chapter>
		</book>
		<book number="3">
			<chapter number="1">
				<verse number="1">Na Yeova amwĩta Mose, na aneena nake e ĩeemanĩ ya kũmbanĩa, akĩmwĩa,</verse>
				<verse number="2">Neena na ana ma Isilaeli, noimea, Mũndũ o na wĩva wenyu aithembea Yeova nthembo, mwĩthemba nthembo yenyu ya indo, ya ndĩthya ya ng’ombe na ya mbũi na malondu.</verse>
				<verse number="3">Ethĩwa nthembo yake nĩ nthembo ya kũvĩvw’a ya ndĩthya ya ng’ombe, akathembe nũme ĩte kĩema: na akamĩthembee mũomonĩ wa ĩeema ya kũmbanĩa, nĩ kana etĩkĩlwe nĩ Yeova.</verse>
				<verse number="4">Nake akailĩĩle kw’oko mũtwenĩ wa nthembo ya kũvĩvw’a; na ĩkeetĩkĩlwa kwondũ wake yĩthĩw’e nthembo ya kwĩw’anĩthw’a kwake.</verse>
				<verse number="5">Akakoaĩe kasalũ ka mũew’a mbee wa Yeova: na ana ma Aluni, ala athembi, makaete ĩla nthakame, na kũminzangĩsya nthakame ĩũlũ wa kĩthembeo kw’onthe kĩla kĩ vakuvĩ na mũomo wa ĩeema ya kũmbanĩa.</verse>
				<verse number="6">Nake akathĩnze ĩla nthembo ya kũvĩvw’a, na kũmĩtilanga ilungu syayo.</verse>
				<verse number="7">Na ana ma mũthembi Aluni makekĩe mwaki kĩthembeonĩ, na kwaĩĩa ngũ ĩũlũ wa mwaki;</verse>
				<verse number="8">na ana ma Aluni, ala athembi, makaie ila ilungu, vamwe na mũtwe, na mathunya, maĩĩe ĩũlũ wa ngũ ila syĩ mwakinĩ ũla wĩ kĩthembeonĩ:</verse>
				<verse number="9">ĩndĩ mavu mako na maũũ mako akathambye na manzĩ. Na mũthembi akavĩvĩsye konthe kĩthembeonĩ, kethĩwe nthembo ya kũvĩvw’a, nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="10">Na ethĩwa nthembo yake nĩ ya ndĩthya, ya malondu, kana ya mbũi, yĩthĩwe nthembo ya kũvĩvw’a; akathembe nũme ĩte kĩema.</verse>
				<verse number="11">Akamyũaĩe ũtee wa kĩthembeo kwelekela ngalĩ ya ĩũlũ mbee wa Yeova: na ana ma Aluni, ala athembi, makaminzangĩsye nthakame yayo ĩũlũ wa kĩthembeo kw’onthe.</verse>
				<verse number="12">Na akamĩtilange ilungu syayo, vamwe na mũtwe wayo na mathunya mayo; na mũthembi akasyaĩĩe ngũnĩ ila syĩ mwakinĩ ũla wĩ kĩthembeonĩ:</verse>
				<verse number="13">ĩndĩ mavu na maũũ akathambye na manzĩ. Na mũthembi akathembe yonthe, na kũmĩvĩvĩsya kĩthembeonĩ: nayo nĩ nthembo ya kũvĩvw’a, nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="14">Na ethĩwa nthembo yake ya kũmũthembea Yeova nĩ nthembo ya kũvĩvw’a ya nyũnyi, nĩvo wĩthemba nthembo yake ya ndumbũ, kana ya maswii ma ĩvũĩ.</verse>
				<verse number="15">Na mũthembi akamĩete kĩthembeonĩ, na kũmila mũtwe wayo ngingo ĩtilĩke, na kũmĩvĩvĩsya kĩthembeonĩ; na nthakame yayo ĩkamenew’e ngalĩ ĩmwe ya kĩthembeo;</verse>
				<verse number="16">nake akaumye kĩmoeo kyayo vamwe na ũvuku wakyo, na kwĩkya ũtee wa kĩthembeo ngalĩ ya wumĩlonĩ wa syũa, vandũ va kwĩta mũu:</verse>
				<verse number="17">na akatũanĩlye nthwaunĩ syayo, ĩndĩ ndakatilan’ye ilungu ilĩ. Na mũthembi akamĩvĩvĩsye kĩthembeonĩ, ĩũlũ wa ngũ syĩ mwakinĩ: nayo nĩ nthembo ya kũvĩvw’a, nthembo ĩvĩvaw’a na mwaki, yĩ mũuke mũseo kwa Yeova.</verse>
			</chapter>
			<chapter number="2">
				<verse number="1">Na yĩla mũndũ o na wĩva wĩthemba Yeova nthembo ya mũtu, nthembo yake yĩthĩwe ya mũtu mũvinyu: na akatulũĩle mauta ĩũlũ waw’o, na kwĩkĩa ũvumba ĩũlũ:</verse>
				<verse number="2">na akamĩetee ana ma Aluni athembi; na akaute ũvĩ wake wa ũla mũtu mũvinyu wayo, na amwe ma mauta mayo, vamwe na ũvumba w’onthe wayo. Na mũthembi akamĩvĩvĩsye kĩthembeonĩ yĩthĩwe ũlilikan’yo wayo, nthembo ĩvĩvaw’a na mwaki, yĩ mũuke mũseo kwa Yeova:</verse>
				<verse number="3">na kĩla kĩtiala kya nthembo ya mũtu kĩkeethĩwa kya Aluni na ana make: nĩ kĩndũ kĩtheu mũno kya nthembo sya Yeova ila ivĩvaw’a na mwaki.</verse>
				<verse number="4">Yĩla wĩthemba nthembo ya mũtu ũla ũkaangĩwe nthĩnĩ wa iko, yĩthĩwe tũmũtũ tũte ĩlawa twa mũtu mũvinyu ũvulanĩtw’e na mauta, kana tũmĩkate tũvũthũ tũte ĩlawa tũvakĩtwe mauta.</verse>
				<verse number="5">Na ethĩwa nthembo yaku nĩ nthembo ya mũtu ya kũkaangwa na ĩtandaa ya kĩaa, yĩthĩwe ya mũtu mũvinyu ũte ĩlawa, ũvulanĩtw’e na mauta.</verse>
				<verse number="6">Ũkatũtilange tũlungu, na kũtulũĩla mauta ĩũlũ watw’o: nĩ nthembo ya mũtu.</verse>
				<verse number="7">Na ethĩwa nthembo yaku nĩ nthembo ya mũtu ya kũkaangwa kĩkaanginĩ, ĩseũvw’e na mũtu mũvinyu na mauta.</verse>
				<verse number="8">Na ũkamũetee Yeova nthembo ya mũtu ĩla ĩseũvĩtw’e na syĩndũ isu: na ĩkanengwe mũthembi, nake akamĩete kĩthembeonĩ.</verse>
				<verse number="9">Na mũthembi akaumye nthembonĩ ya mũtu ũlilikan’yo wayo, na kũvĩvĩsya kĩthembeonĩ, nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="10">Na kĩla kĩtiala kya nthembo ya mũtu kĩkeethĩwa kya Aluni na ana make: nĩ kĩndũ kĩtheu mũno kya nthembo sya Yeova ila ivĩvaw’a na mwaki.</verse>
				<verse number="11">Nthembo ya mũtu o na wĩva, ĩla mwĩmũthembeaa Yeova, ndĩkekĩwe ĩlawa; nũndũ nĩkũvatane kũvĩvya ĩlawa, kana ũkĩ wa nzũkĩ, syĩthĩwe nthembo ĩvĩvĩaw’a Yeova na mwaki.</verse>
				<verse number="12">Mũkaithembee Yeova syĩthĩwe nthembo ya mosyao ma mbee: ĩndĩ itikethĩwe kĩthembeonĩ syĩthĩwe mũuke mũseo.</verse>
				<verse number="13">Na kĩla kĩthembawa kya nthembo yaku ya mũtu kĩkĩae mũnyũ; o na ndũketĩkĩle nthembo yaku ya mũtu yĩthĩwe ĩte na mũnyũ wa ũtianĩo wa Ngai waku: thembaa mũnyũ vamwe na nthembo syaku syonthe.</verse>
				<verse number="14">Na ethĩwa wĩmũthembea Yeova nthembo ya mũtu ya mosyao ma mbee, thembaa nganũ yĩ iianĩ syayo ĩkaangĩtwe na mwaki, nganũ nthokoe ya iia mbĩũ, yĩthĩwe nthembo ya mũtu ya mosyao maku ma mbee.</verse>
				<verse number="15">Na ĩkĩa mauta ĩũlũ wayo, noyia ũvumba ĩũlũ: nĩ nthembo ya mũtu.</verse>
				<verse number="16">Na mũthembi akavĩvye ũlilikan’yo wayo, kĩlungu kya nganũ nthokoe yayo, na kĩlungu kya mauta mayo, vamwe na ũvumba w’onthe wayo: nĩ nthembo ĩvĩvĩaw’a Yeova na mwaki.</verse>
			</chapter>
			<chapter number="3">
				<verse number="1">Na ethĩwa nthembo yake nĩ nthembo ya nthembo sya mũuo; ethĩwa ethemba ng’ombe, o na ethĩwa nĩ nũme kana nga, akamĩthembe ĩte kĩema mbee wa Yeova.</verse>
				<verse number="2">Nake akailĩĩle kw’oko mũtwenĩ wa nthembo yake, na kũmyũaĩa mũomonĩ wa ĩeema ya kũmbanĩa: na ana ma Aluni ala athembi makaminzangĩsya nthakame ĩũlũ wa kĩthembeo kw’onthe.</verse>
				<verse number="3">Nake akamũthembee Yeova nthembo na mwaki kuma nthembonĩ ya nthembo sya mũuo; koa ũla ũvw’ĩkĩte mavu, na mathunya onthe ala me ĩũlũ wa mavu,</verse>
				<verse number="4">na mbio syelĩ, na mathunya ala makwatene nasyo, ala me vakuvĩ na kĩnyunyu, na koa mũvũthũ ũla ũvw’ĩkĩte ĩtema, vamwe na mbio, akaumye.</verse>
				<verse number="5">Na ana ma Aluni makamĩvĩvĩsye kĩthembeonĩ ĩũlũ wa nthembo ya kũvĩvw’a, ĩla yĩ ĩũlũ wa ngũ ila syĩ mwakinĩ: nĩ nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="6">Na ethĩwa nthembo yake ya kũmũthembea Yeova yĩthĩwe nthembo sya mũuo nĩ ya ndĩthya ya mbũi na malondu; nũme kana nga, akathembe ĩte kĩema.</verse>
				<verse number="7">Ethĩwa akathemba katena ka ĩlondu kethĩwe nthembo yake, nĩvo ĩndĩ wĩkathemba mbee wa Yeova;</verse>
				<verse number="8">na akailĩĩle kw’oko mũtwenĩ wa nthembo yake, na kũkoaĩa mbee wa ĩeema ya kũmbanĩa: na ana ma Aluni makaminzangĩsye nthakame yako ĩũlũ wa kĩthembeo kw’onthe.</verse>
				<verse number="9">Nake akamũthembee Yeova nthembo na mwaki kuma nthembonĩ ya nthembo sya mũuo; mathunya mayo, mwĩthe w’onthe, akotilĩle vakuvĩ na ĩvĩndĩ ya mũongo; na koa ũla ũvw’ĩkĩte mavu, na mathunya onthe ala me ĩũlũ wa mavu,</verse>
				<verse number="10">na mbio syelĩ, na mathunya ala makwatene nasyo, ala me vakuvĩ na kĩnyunyu, na koa mũvũthũ ũla ũvw’ĩkĩte ĩtema, vamwe na mbio, akaumye.</verse>
				<verse number="11">Na mũthembi akamĩvĩvĩsye kĩthembeonĩ: nĩ lĩu wa nthembo ĩla ĩvĩvĩaw’a Yeova na mwaki.</verse>
				<verse number="12">Na ethĩwa nthembo yake nĩ mbũi, nĩvo ĩndĩ wĩmĩthemba mbee wa Yeova:</verse>
				<verse number="13">na akailĩĩle kw’oko mũtwenĩ wayo, na kũmyũaĩa mbee wa ĩeema ya kũmbanĩa; na ana ma Aluni makaminzangĩsye nthakame yayo ĩũlũ wa kĩthembeo kw’onthe.</verse>
				<verse number="14">Na kuma nthĩnĩ wayo akathembe nthembo yake, nayo nĩ nthembo ĩvĩvĩaw’a Yeova na mwaki; koa ũla ũvw’ĩkĩte mavu, na mathunya onthe ala me ĩũlũ wa mavu,</verse>
				<verse number="15">na mbio syelĩ, na mathunya ala makwatene nasyo, ala me vakuvĩ na kĩnyunyu, na koa mũvũthũ ũla ũvw’ĩkĩte ĩtema, vamwe na mbio, akaumye.</verse>
				<verse number="16">Na mũthembi akaivĩvĩsye kĩthembeonĩ: nĩ lĩu wa nthembo ĩla ĩvĩvaw’a na mwaki, yĩthĩwe mũuke mũseo; mathunya onthe nĩ ma Yeova.</verse>
				<verse number="17">Ũũ nĩ mwĩao wa tene na tene mosyaanĩonĩ menyu onthe nyũmbanĩ syenyu syonthe, atĩ mũtikaaye mathunya kana nthakame.</verse>
			</chapter>
			<chapter number="4">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, ũkĩmea, Ethĩwa mũndũ o na wĩva akeeka naĩ atesĩ, ũndũnĩ o na wĩva ũla Yeova weaie ndũkekwe, na akeeka ũndũ o na wĩva wa asu:</verse>
				<verse number="3">o na ethĩwa mũthembi ũla wetĩkĩw’e mauta akeeka naĩ na kwondũ wa ũu aiete ũthũkũ ĩũlũ wa andũ, nĩvo ĩndĩ namũthembee Yeova kwondũ wa naĩ yake ĩla wavĩtisye, kasalũ kate kĩema kethĩwe nthembo ya naĩ.</verse>
				<verse number="4">Na akaete kasalũ kau mũomonĩ wa ĩeema ya kũmbanĩa mbee wa Yeova; na akailĩĩle kw’oko mũtwenĩ wa kasalũ kau, na kũaĩa kasalu mbee wa Yeova.</verse>
				<verse number="5">Na mũthembi ũla wetĩkĩw’e mauta akose nthakame ya kasalũ, na kũmĩete ĩeemanĩ ya kũmbanĩa:</verse>
				<verse number="6">na mũthembi akatolye kyaa kyake nthakamenĩ, na kũminzangĩsya nthakame maminzangĩsya mũonza mbee wa Yeova, mbee wa tũtũ wa vala vandũ vatheu.</verse>
				<verse number="7">Na mũthembi akavake nthakame mbyanĩ sya kĩthembeo kya kũtoeesya ũvani wĩ mũuke mũseo mbee wa Yeova, kĩla kĩ ĩeemanĩ ya kũmbanĩa; na nthakame yonthe ya kala kasalũ akatulũĩle ĩtinanĩ ya kĩthembeo kya nthembo ya kũvĩvw’a, kĩla kĩ mũomonĩ wa ĩeema ya kũmbanĩa.</verse>
				<verse number="8">Na akaumye mathunya onthe ma kala kasalũ ka nthembo ya naĩ; koa ũla ũvw’ĩkĩte mavu, na mathunya onthe ala me ĩũlũ wa mavu,</verse>
				<verse number="9">na mbio syelĩ, na mathunya ala makwatene nasyo, ala me vakuvĩ na kĩnyunyu, na koa mũvũthũ ũla ũvw’ĩkĩte ĩtema, vamwe na mbio, akaumye,</verse>
				<verse number="10">o tondũ maumaw’a ng’ombenĩ ya nthembo ya nthembo sya mũuo: na mũthembi akamavĩvĩsye kĩthembeonĩ kya nthembo ya kũvĩvw’a.</verse>
				<verse number="11">Na kĩthuma kya kasalũ kau, na nyama syako syonthe, vamwe na mũtwe wako, na maũũ mako, na mavu mako, na mũyoo wako,</verse>
				<verse number="12">o kasalũ kau konthe akatwae ũtee wa mwako wa maeema vandũ vatheu, vala mũu wĩtawa, na kũkavĩvĩsya ĩũlũ wa ngũ na mwaki: vala mũu wĩtawa nĩvo kevĩvĩw’a.</verse>
				<verse number="13">Na ethĩwa ũmbano w’onthe wa Isilaeli ũkavĩtya, na ũndũ ũsu ũivithwa methonĩ ma ũmbano, na ethĩwa mekĩte ũndũ o na wĩva wa maũndũ ala Yeova weaie matikekwe, na nĩmatw’ĩka avĩtan’ya;</verse>
				<verse number="14">yĩla naĩ ĩla mavĩtisye yĩmanyĩka, nĩvo ĩndĩ ũmbano ũkathembe kasalũ kethĩwe nthembo ya naĩ, na kũkaete mbee wa ĩeema ya kũmbanĩa.</verse>
				<verse number="15">Na atumĩa ma ũmbano makailĩĩle moko mũtwenĩ wa kasalũ kau mbee wa Yeova; na kasalũ kakoaĩwe mbee wa Yeova.</verse>
				<verse number="16">Na mũthembi ũla wetĩkĩw’e mauta akaete nthakame ya kala kasalũ ĩeemanĩ ya kũmbanĩa:</verse>
				<verse number="17">na mũthembi akatolye kyaa kyake nthakamenĩ, na kũmĩminzangĩsya maminzangĩsya mũonza mbee wa Yeova, mbee wa ũla tũtũ.</verse>
				<verse number="18">Na akavake nthakame mbyanĩ sya kĩthembeo kĩla kĩ mbee wa Yeova, kĩla kĩ ĩeemanĩ ya kũmbanĩa; na nthakame yonthe akatulũĩle ĩtinanĩ ya kithembeo kya nthembo ya kũvĩvw’a, kĩla kĩ mũomonĩ wa ĩeema ya kũmbanĩa.</verse>
				<verse number="19">Na akaumye mathunya onthe mako, na kũmavĩvĩsya kĩthembeonĩ.</verse>
				<verse number="20">Ũu nĩw’o ũkeka na kala kasalũ; otondũ wekie na kala kasalũ ka nthembo ya naĩ, o ta ũu akeke na kau; na mũthembi akathembe nthembo ya wĩw’anĩthyo kwondũ woo, na makaekewa.</verse>
				<verse number="21">Na akatwae kala kasalũ ũtee wa mwako wa maeema, na kukavĩvya o tondũ wavĩvisye kasalũ ka mbee: nĩ nthembo ya naĩ kwondũ wa umbano.</verse>
				<verse number="22">Yĩla mũsumbĩki ũkeka naĩ, na kwĩka atesĩ ũndũ o na wĩva wa maũndũ onthe ala Yeova Ngai wake weaie matikekwe, na nĩwatw’ĩka mũvĩtan’ya;</verse>
				<verse number="23">ethĩwa akamanyĩthw’a naĩ yake ĩla wavĩtisye, akaete mbũi, nthenge ĩte kĩema, yĩthĩwe nthembo yake.</verse>
				<verse number="24">Na akailĩĩle kw’oko mũtwenĩ wa nthenge, na kũmyũaĩa vala moaĩaa nthembo ya kũvĩvw’a mbee wa Yeova: nĩ nthembo ya naĩ.</verse>
				<verse number="25">Na mũthembi akose na kyaa kyake nthakame ya nthembo ya naĩ, na kũmĩvaka mbyanĩ sya kĩthembeo kya nthembo ya kũvĩvw’a; na nthakame yayo akatulũĩle ĩtinanĩ ya kĩthembeo kya nthembo ya kũvĩvw’a.</verse>
				<verse number="26">Na mathunya onthe mayo akavĩvĩsye kĩthembeonĩ, o ta mathunya ma nthembo ya nthembo sya mũuo; na mũthembi akathembe nthembo ya kũmwĩw’anĩthya ũsu nũndũ wa naĩ yake, nake akaekewa.</verse>
				<verse number="27">Na ethĩwa mũndũ, o mũndũ, akeeka naĩ atesĩ, akĩka ũndũ o na wĩva wa maũndũ asu ala Yeova weaie matikekwe, na nĩwatw’ĩka mũvĩtan’ya;</verse>
				<verse number="28">ethĩwa akamanyĩthw’a naĩ yake ĩla wavĩtisye, nĩvo ĩndĩ aete mbũi yĩthĩwe nthembo yake, mbaika ĩte kĩema, kwondũ wa naĩ yake ĩla wavĩtisye.</verse>
				<verse number="29">Na akailĩĩle kw’oko mũtwenĩ wa nthembo ya naĩ, na kũaĩa nthembo ya naĩ vandũ vau va nthembo ya kũvĩvw’a.</verse>
				<verse number="30">Na mũthembi akose na kyaa kyake nthakame yayo, na kũmĩvaka mbyanĩ sya kĩthembeo kya nthembo ya kũvĩvw’a; na nthakame yonthe akamĩtulũĩle ĩtinanĩ ya kĩthembeo.</verse>
				<verse number="31">Na mathunya onthe mayo akaumye, o tondũ mathunya maumaw’a nthembonĩ ya nthembo sya mũuo; na mũthembi akamavĩvĩsye kĩthembeonĩ methĩwe mũuke mũseo kwa Yeova; na mũthembi akathembe nthembo ya kũmwĩw’anĩthya ũsu, nake akaekewa.</verse>
				<verse number="32">Na ethĩwa akaete katena ka ĩlondu kethĩwe nthembo yake ya naĩ, naete kamwatĩ kate kĩema.</verse>
				<verse number="33">Na akailĩĩle kw’oko mũtwenĩ wa nthembo ya naĩ, na kũkoaĩa vala moaĩaa nthembo ya kũvĩvw’a kethĩwe nthembo ya naĩ.</verse>
				<verse number="34">Na mũthembi akose na kyaa kyake nthakame ya nthembo ya naĩ, na kũmĩvaka mbyanĩ sya kĩthembeo kya nthembo ya kũvĩvw’a; na nthakame yonthe yako akamĩtulũĩle ĩtinanĩ ya kĩthembeo.</verse>
				<verse number="35">Na mathunya onthe mako akaumye, o tondũ mathunya ma katena ka ĩlondu maumaw’a nthembonĩ ya nthembo sya mũuo; na mũthembi akamavĩvĩsye kĩthembeonĩ, ĩũlũ wa nthembo sya Yeova ila ivĩvaw’a na mwaki; na mũthembi akathembe nthembo ya kũmwĩw’anĩthya ũsu nũndũ wa naĩ yake ĩla wavĩtisye, nake akaekewa.</verse>
			</chapter>
			<chapter number="5">
				<verse number="1">Na ethĩwa mũndũ o na wĩva akeeka naĩ, akĩw’a wasya wa wĩvĩto, nake nĩ ngũsĩ, ethĩwa nĩwonete kana kũmanya, ethĩwa ndeũtavan’ya ũndũ ũsu, nĩvo ĩndĩ wĩkua naĩ yake mwene.</verse>
				<verse number="2">Kana ethĩwa mũndũ o na wĩva akakiita kĩndũ kĩvuku, ethĩwa nĩ nyamũ ngw’ũ mbuku, kana indo ngw’ũ mbuku, kana tũsamũ tũkw’ũ tũvuku tũla tũtambũkaa, na ũndũ ũsu ndawĩsĩ, nake aivukw’a, nĩvo ĩndĩ nĩwatw’ĩka mũvĩtan’ya.</verse>
				<verse number="3">Kana ethĩwa akakiita ũvuku wa mũndũ, o ũndũ ũvuku wake ũilyĩ ũla ũvukĩtw’e nĩw’o, na ũndũ ũsu ndawĩsĩ; yĩla wĩũmanya, nĩvo ĩndĩ nĩwatw’ĩka mũvĩtan’ya.</verse>
				<verse number="4">Kana ethĩwa mũndũ o na wĩva akeevĩta ateũsũanĩa aineena na ilomo syake kwĩka naĩ, kana kwĩka nesa, ũndũ o na wĩva ũla mũndũ ũkevĩta ateũsũanĩa, na ũndũ ũsu ndawĩsĩ; yĩla wĩũmanya, nĩvo ĩndĩ wĩĩthĩwa e na ĩvĩtyo ya ũmwe wa maũndũ asu.</verse>
				<verse number="5">Na kũkeethĩwa, yĩla wĩĩthĩwa e na ĩvĩtyo ũndũnĩ ũmwe wa asu, akaumbũle ũndũ ũsu ũla wavĩtisye:</verse>
				<verse number="6">na akamũetee Yeova nthembo yake ya ĩvĩtyo kwondũ wa naĩ yake ĩla wavĩtisye, kamwatĩ kana mbaika, kuma ndĩthyanĩ yĩthĩwe nthembo ya naĩ; na mũthembi akathembe nthembo ya kũmwĩw’anĩthya ũsu ũndũ wa naĩ yake.</verse>
				<verse number="7">Na ethĩwa ndatonya kwona katena ka ĩlondu, nĩvo ĩndĩ wĩmũetee Yeova nthembo yake ya ĩvĩtyo kwondũ wa ũndũ ũla wavĩtisye, ndumbũ ilĩ, kana maswii elĩ ma ĩvũĩ; ĩmwe yĩthĩwe nthembo ya naĩ, na ĩla ĩngĩ yĩthĩwe nthembo ya kũvĩvw’a.</verse>
				<verse number="8">Na akaietee mũthembi, nake akambe kũthemba ĩla ya nthembo ya naĩ, na kũmila mũtwe wayo ngingo ĩtilĩke, ĩndĩ ndakamyatũan’ye:</verse>
				<verse number="9">na akaminzangĩsye nthakame ĩmwe ya nthembo ya naĩ ngalĩ ya kĩthembeo; na nthakame ĩla yĩtiala ĩkamenew’e ĩtinanĩ ya kĩthembeo: nĩ nthembo ya naĩ.</verse>
				<verse number="10">Na akathembe ĩla ya kelĩ yĩthĩwe nthembo ya kũvĩvw’a, kwĩanana na ũtw’ĩo; na mũthembi akathembe nthembo ya kũmwĩw’anĩthya ũsu ũndũ wa naĩ yake ĩla wavĩtisye, nake akaekewa.</verse>
				<verse number="11">Ĩndĩ ethĩwa ndatonya kwona ndumbũ ilĩ, kana maswii elĩ ma ĩvũĩ, nĩvo ĩndĩ wĩete nthembo yake kwondũ wa naĩ ĩla wavĩtisye, kĩlungu kya ĩkũmi kya eva ya mũtu mũvinyu wĩthĩwe nthembo ya naĩ: ndakawĩkĩe mauta, o na ndakawĩkĩe ũvumba ĩũlũ waw’o; nũndũ nĩ nthembo ya naĩ.</verse>
				<verse number="12">Na akamũetee mũthembi, na mũthembi akauta ũvĩ wake waw’o wĩthĩwe ũlilikan’yo wayo, na kũvĩvĩsya kĩthembeonĩ, ĩũlũ wa nthembo sya Yeova ila ivĩvaw’a na mwaki: nayo nĩ nthembo ya naĩ.</verse>
				<verse number="13">Na mũthembi akathembe nthembo ya kũmwĩw’anĩthya ũsu nũndũ wa naĩ yake ĩla wavĩtisye ũndũnĩ o na wĩva wa maũndũ aa, nake akaekewa: na kĩla kĩtiala kĩkeethĩwa kya mũthembi, o ta nthembo ya mũtu.</verse>
				<verse number="14">Na Yeova aneena na Mose, akĩmwĩa,</verse>
				<verse number="15">Ethĩwa mũndũ o na wĩva akavĩtya, na kwĩka naĩ afesĩ, maũndũnĩ matheu ma Yeova; nĩvo ĩndĩ wĩmũetee Yeova nthembo yake ya ĩvĩtyo, ndũũme ya ndĩthya ĩte kĩema, kwĩanana na ũndũ wĩona thooa wayo wĩana vethanĩ wa sekeli, kwĩanana na sekeli ya vala vandũ vatheu, yĩthĩwe nthembo ya ĩvĩtyo:</verse>
				<verse number="16">nake akaĩve kwondũ wa ĩvĩtyo yake yĩla wavĩtisye ũndũnĩ mũtheu, na akwongeleele kĩlungu kya katano, na kũmũnenga mũthembi; na mũthembi akamwĩw’anĩthya kwondũ wa ĩla ndũũme ya nthembo ya ĩvĩtyo, nake akaekewa.</verse>
				<verse number="17">Na ethĩwa mũndũ o na wĩva akeeka naĩ, na kwĩka ũndũ o na wĩva ũla Yeova weaie ndũkekwe; o na ethĩwa ndesĩ nake nĩwatw’ĩka mũvĩtan’ya, na akakua ũthũku wake.</verse>
				<verse number="18">Na akamũetee mũthembi ndũũme ĩte kĩema kuma ndĩthyanĩ, kwĩanana na ũndũ wĩona thooa wayo wĩana, yĩthĩwe nthembo ya ĩvĩtyo; na mũthembi akathembe nthembo ya kũmwĩw’anĩthya ũsu ũndũ wa ĩvĩtyo wavĩtisye atesĩ na ndaamanya nĩ ĩvĩtyo, nake akaekewa.</verse>
				<verse number="19">Nayo nĩ nthembo ya ĩvĩtyo: vate ndĩi nĩ mũvĩtan’ya mbee wa Yeova.</verse>
			</chapter>
			<chapter number="6">
				<verse number="1">Na Yeova aneena na Mose, akĩmwĩa,</verse>
				<verse number="2">Ethĩwa mũndũ o na wĩva akeeka naĩ, na kũmũvĩtanĩsya Yeova, na kũkenga mũtũi wake kwondũ wa kĩndũ wiĩte kwake, kana kwondũ wa wĩw’ano, kana kũvutana, kana kũmũthĩn’ya mũtũi wake,</verse>
				<verse number="3">kana kwona kĩndũ kyau, na kũkengana ũndũ wakyo, na kwĩvĩta ũvũngũ; ũndũnĩ ũmwe wa maũndũ aa onthe ũla mũndũ wĩkaa, akĩvĩtya ũndũnĩ ũsu;</verse>
				<verse number="4">nĩvo kũkethĩwa, ethĩwa nĩwekie naĩ, na atw’ĩka mũvĩtan’ya, akatũnge kĩla wosie kwondũ wa kũvutana, kana kĩndũ kĩla wosie kwondũ wa kũthĩn’ya ũngĩ, kana kĩndũ kiĩtwe kwake, kana kĩndũ kĩla wonie kyaĩte,</verse>
				<verse number="5">kana kĩndũ o na kĩva wevĩtie ũvũngũ ũndũ wakyo; akatũnge o kyo, na kũkyongeleela kĩlungu kya katano: akamũnenge ũsu mwene wakyo, mũthenya ũla wĩmanyĩka nĩ mũvĩtan’ya.</verse>
				<verse number="6">Na akamũetee Yeova nthembo yake ya ĩvĩtyo, ndũũme ya ndĩthya ĩte kĩema, kwĩanana na ũndũ wĩona thooa wayo wĩana, yĩthĩwe nthembo ya ĩvĩtyo, ĩetwe kwa mũthembi:</verse>
				<verse number="7">nake mũthembi akamwĩw’anĩthya ũsu mbee wa Yeova; na akaekewa ũndũ o na wĩva ũla watumie ethĩwa mũvĩtan’ya.</verse>
				<verse number="8">Na Yeova aneena na Mose, akĩmwĩa,</verse>
				<verse number="9">Ĩaĩe Aluni na ana make, ũkĩmea, Ũũ nĩw’o mwĩao wa nthembo ya kũvĩvw’a: nthembo ya kũvĩvw’a yĩthĩwe ĩũlũ wa ngũ syĩ ĩũlũ wa kĩthembeo ũtukũ w’onthe kũvika kĩoko; na mwaki wakanae kĩthembeonĩ.</verse>
				<verse number="10">Na mũthembi akekĩe ĩla ngũa yake ya katane, na sulualĩ wake wa katane akekĩe mwĩĩnĩ wake; na akoke mũu wa mwaki ũla wavĩvĩsye nthembo ya kũvĩvw’a kĩthembeonĩ, na kũwia ũtee wa kĩthembeo.</verse>
				<verse number="11">Na akaumye ngũa syake, na kwĩkĩa ngũa ingĩ, na kũtwaa mũu ũtee wa mwako wa maeema vandũ vatheu.</verse>
				<verse number="12">Na mwaki wakanae kĩthembeonĩ, ndũkaavoe; na mũthembi akavĩvasye ngũ ĩũlũ wakyo kĩla kĩoko: na kwaĩĩa nthembo ya kũvĩvw’a ĩũlũ wasyo, na akavĩvĩsye mathunya ma nthembo sya mũuo vo ĩũlũ.</verse>
				<verse number="13">Mwaki wakanae kĩthembeonĩ ũtatw’ĩkanaa; ndũkaavoe.</verse>
				<verse number="14">Na ũũ nĩw’o mwĩao wa nthembo ya mũtu: ana ma Aluni makamĩthembe mbee wa Yeova, mbee wa kĩthembeo.</verse>
				<verse number="15">Na akaute ũvĩ wake wa mũtu mũvinyu wa nthembo ya mũtu, na wa mauta mayo, na ũvumba w’onthe ũla wĩ ĩũlũ wa nthembo ya mũtu, na kũvĩvĩsya kĩthembeonĩ yĩthĩwe mũuke mũseo kwa Yeova, ũlilikan’yo wayo.</verse>
				<verse number="16">Na kĩla kĩtiala kyaw’o Aluni na ana make makaye: ũkaĩwe vate ĩlawa vandũ vatheu; nza ya ĩeema ya kũmbanĩa nĩvo meĩĩa.</verse>
				<verse number="17">Ndũkaauwe wĩ na ĩlawa. Nĩnĩmanengete wĩthĩwe kĩlungu kyoo kya nthembo syakwa ila ivĩvaw’a na mwaki; ni ntheu mũno, o ta nthembo ya naĩ, na ta nthembo ya ĩvĩtyo.</verse>
				<verse number="18">Kĩla mũndũ mũũme wa ana ma Aluni akaye, kuma nthembonĩ sya Yeova ila ivĩvaw’a na mwaki, nĩ kĩlungu kyake tene na tene mosyaanĩonĩ menyu: o ũla ũkaikiita akeethĩwa e mũtheu.</verse>
				<verse number="19">Na Yeova aneena na Mose, akĩmwĩa,</verse>
				<verse number="20">Ĩno nĩyo nthembo ya Aluni na ya ana make, ĩla makamũthembea Yeova mũthenya ũla ũmwe wĩĩtĩkĩw’a mauta: kĩlungu kya ĩkũmi kya eva ya mũtu mũvinyu wĩthĩwe nthembo ya mũtu mavinda onthe, nyunzu yaw’o kĩoko, na nyunzu yaw’o wĩoo.</verse>
				<verse number="21">Ũkakaangwe na mauta ĩtandaanĩ ya kĩaa; na wakaangwa, ũkaete nthĩnĩ: ũkamũthembee Yeova nthembo ya mũtu ya ilungu isu ikaangĩtwe yĩthĩwe mũuke mũseo.</verse>
				<verse number="22">Na mũthembi ũla wetĩkĩw’e mauta, ũla ũkethĩwa vandũ vake wa ana make nĩwe ũkamĩthemba: ĩkavĩvĩw’e Yeova vyũ kwondũ wa mwamũlo wa tene na tene.</verse>
				<verse number="23">Na kĩla nthembo ya mũthembi ĩvĩvw’e vyũ: ndĩkaĩwe.</verse>
				<verse number="24">Na Yeova aneena na Mose, akĩmwĩa,</verse>
				<verse number="25">Neena na Aluni na ana make, ũkĩmea, Ũũ nĩw’o mwĩao wa nthembo ya naĩ: vandũ vala nthembo ya kũvĩvw’a yũaĩawa nĩvo nthembo ya naĩ ĩkoaĩawa mbee wa Yeova: nĩ ntheu mũno.</verse>
				<verse number="26">Mũthembi ũla wĩmĩthemba ũndũ wa naĩ akamĩye: ĩkaĩsĩawe vandũ vatheu, nza ya ĩeema ya kũmbanĩa.</verse>
				<verse number="27">Kĩla kĩkakiita nyama syayo kĩkeethĩwa kĩtheu; na yĩla nthakame yayo ĩtalĩkĩla ngũanĩ o na yĩva, ngũa ĩla yatalĩkĩlwe ũkathambĩsye vandũ vatheu.</verse>
				<verse number="28">Ĩndĩ mbisũ ya yũmba ĩla yĩmĩua nĩyũawe; na ethĩwa ĩkauĩwa ĩsilianĩ ya ũthuku, yĩkutwe, na kũthambũkwa na manzĩ.</verse>
				<verse number="29">Kĩla mũndũ mũũme wa athembi akaye: nĩ ntheu mũno.</verse>
				<verse number="30">Na nthembo ya naĩ o na yĩva, ĩla nthakame yayo ĩetawe ĩeemanĩ ya kũmbanĩa yĩthĩwe ya wĩw’anĩthyo nthĩnĩ wa vala vandũ vatheu, ndĩkaĩwe: ĩvĩvw’e na mwaki.</verse>
			</chapter>
			<chapter number="7">
				<verse number="1">Na ũu nĩw’o mwĩao wa nthembo ya ĩvĩtyo: nĩ ntheu mũno.</verse>
				<verse number="2">Vandũ vala moaĩaa nthembo ya kũvĩvw’a nĩvo meũaĩaa nthembo ya ĩvĩtyo; na nthakame yayo akaminzangĩsye ĩũlũ wa kĩthembeo kw’onthe.</verse>
				<verse number="3">Na akathembe mathunya mayo onthe: mwĩthe, na mathunya ala mavw’ĩkaa mavu,</verse>
				<verse number="4">na mbio syelĩ, na mathunya ala makwatene nasyo, ala me vakuvĩ na kĩnyunyu, na koa mũvũthũ ũla ũvw’ĩkĩte ĩtema, vamwe na mbio, akaumye;</verse>
				<verse number="5">na mũthembi akaivĩvĩsye kĩthembeonĩ syĩthĩwe nthembo ya kũmũvĩvĩsya Yeova na mwaki: nĩ nthembo ya ĩvĩtyo.</verse>
				<verse number="6">Kĩla mũndũ mũũme wa athembi akaye: nĩĩwe vandũ vatheu: nĩ ntheu mũno.</verse>
				<verse number="7">O ũndũ ĩilyĩ nthembo ya naĩ, nĩw’o ĩilyĩ nthembo ya ĩvĩtyo; mwĩao wasyo nĩ ũmwe: mũthembi ũla wĩthemba nthembo ya wĩw’anĩthyo nayo, ĩkeethĩwa yake.</verse>
				<verse number="8">Na mũthembi ũla wĩthemba nthembo ya kũvĩvw’a ya mũndũ o na wĩva, o mũthembi ũsu eyosee kĩthuma kya nthembo ya kũvĩvw’a ĩla wathembie.</verse>
				<verse number="9">Na kĩla nthembo ya mũtu ĩla ĩkaangĩwe ikonĩ nthĩnĩ, na yonthe ĩla ĩkaangĩwe kĩkaanginĩ, na ĩla ĩkaangĩwe ĩtandaanĩ ya kĩaa, ĩkeethĩwa ya mũthembi ũla wamĩthembie.</verse>
				<verse number="10">Na kĩla nthembo ya mũtu, ũvulanĩtw’e na mauta, kana mũmũ, ĩkeethĩwa ya ana onthe ma Aluni, meanen’ye.</verse>
				<verse number="11">Na ũu nĩw’o mwĩao wa nthembo ya nthembo sya mũuo, ĩla mũndũ wĩmũthembea Yeova.</verse>
				<verse number="12">Ethĩwa emĩthemba ũndũ wa mũvea, nĩvo ĩndĩ wĩthemba vamwe na nthembo ya mũvea tũmũtũ tũte ĩlawa tũvulanĩtw’e na mauta, na tũmĩkate tũvũthũ tũte ĩlawa tũvakĩtwe mauta, na tũmũtũ twa mũtu mũvinyu ũvulanĩtw’e na mauta, na tũkakaangwa.</verse>
				<verse number="13">Vamwe na tũmũtũ tũla twĩ na ĩlawa akathembe nthembo yake o vamwe na nthembo ya nthembo syake sya mũuo kwondũ wa mũvea.</verse>
				<verse number="14">Na kuma nthĩnĩ wayo akathembe kamwe ka kĩla nthembo kethĩwe nthembo ya kũkĩlĩw’a Yeova; ĩkeethĩwa ya mũthembi ũla ũminzangĩasya nthakame ya nthembo sya mũuo.</verse>
				<verse number="15">Na nyama sya nthembo ya nthembo syake sya mũuo kwondũ wa mũvea ikaĩwe mũthenya ũla wĩthemba nthembo yake; ndakatialye kũvika kĩoko.</verse>
				<verse number="16">Ĩndĩ ethĩwa nthembo ya kĩndũ kyake kĩla wĩthemba nĩ ya wĩvĩto, kana nthembo ya kumya na ngoo ya kwenda, ĩkaĩwe mũthenya ũla wĩthemba nthembo yake; na ũnĩ ũsu kĩla kĩtiala kyayo kĩĩwa:</verse>
				<verse number="17">ĩndĩ kĩla kĩtiala kya nyama sya nthembo ĩsu mũthenya wa katatũ kĩvĩvw’e na mwaki.</verse>
				<verse number="18">Na ethĩwa nyama o na syĩva sya nthembo ya nthembo syake sya mũuo ikaĩwa mũthenya wa katatũ, ndĩketĩkĩlwa, o na ndĩkatalĩlwa ũsu ũla wĩmĩthemba: ĩkeethĩwa ũthatyo, na mũndũ ũla wĩmĩya akakua ũthũku wake.</verse>
				<verse number="19">Nyama ila syĩkiita kĩndũ kĩvuku itikaĩwe; ivĩvw’e na mwaki. Na ũndũ wa nyama, kĩla mũndũ mũtheu nũtonya kwiya:</verse>
				<verse number="20">ĩndĩ mũndũ ũla wĩya nyama sya nthembo ya nthembo sya mũuo, ila sya Yeova, e mũvuku, mũndũ ũsu akavetwe andũnĩ make.</verse>
				<verse number="21">Na yĩla mũndũ o na wĩva wĩkiita kĩndũ o na kĩva kĩvuku, ũvuku wa mũndũ, kana nyamũ mbuku, kana kĩndũ o na kĩva kĩvuku kya kũthatya, na kũya nyama sya nthembo ya nthembo sya mũuo, ila sya Yeova, mũndũ ũsu akavetwe andũnĩ make.</verse>
				<verse number="22">Na Yeova aneena na Mose, akĩmwĩa,</verse>
				<verse number="23">Neena na ana ma Isilaeli, ũkĩmea, Mũtikaye mathunya o na meva, ma ng’ombe, kana ĩlondu, kana mbũi.</verse>
				<verse number="24">Na mathunya ma nyamũ ya kũkw’a, na mathunya ma ĩla yalĩkile nĩ nyamũ, nĩmatonya kũtethya wĩa ũngĩ o na wĩva; ĩndĩ mũikamaye nongi.</verse>
				<verse number="25">Nũndũ o ũla wĩya mathunya ma nyamũ, ala andũ mamũthembeaa Yeova methĩwe nthembo ya kũvĩvw’a na mwaki, o mũndũ ũla wĩmaya akavetwe andũnĩ make.</verse>
				<verse number="26">Motũonĩ menyu onthe mũikaaye nthakame o na yĩva yonthe, ethĩwa nĩ ya nyũnyĩ kana ya nyamũ.</verse>
				<verse number="27">O ũla wĩya nthakame o na yĩva, mũndũ ũsu akavetwe andũnĩ make.</verse>
				<verse number="28">Na Yeova aneena na Mose, akĩmwĩa,</verse>
				<verse number="29">Neena na ana ma Isĩlaelĩ, ũkĩmea, Ũla wĩmumĩsya Yeova nthembo ya nthembo syake sya mũuo akamũetee Yeova nthembo yake kuma nthĩnĩ wa nthembo ya nthembo sya mũuo:</verse>
				<verse number="30">moko make mwene makaete nthembo sya Yeova ila ivĩvaw’a na mwaki; akaete mathunya vamwe na kĩng’eng’eto, nĩ kana kĩng’eng’eto kĩvyũlangw’e kĩthĩwe nthembo ya kũvyũlw’a mbee wa Yeova.</verse>
				<verse number="31">Na mũthembi akavĩvĩsye mathunya kĩthembeonĩ; ĩndĩ kĩng’eng’eto kĩkeethĩwa kya Aluni na ana make.</verse>
				<verse number="32">Na kũũ kwa ngalĩ ya kw’oko kwa aũme mũkanenge mũthembi kwĩthĩwe nthembo ya kũkĩlw’a kumw’a nthĩnĩ wa nthembo sya nthembo syenyu sya mũuo.</verse>
				<verse number="33">Ũla wa ana ma Aluni ũla ũthembaa nthakame ya nthembo sya mũuo, na mathunya, kũũ kwa ngalĩ ya kw’oko kwa aũme kũkeethĩwa kĩlungu kyake.</verse>
				<verse number="34">Nũndũ kĩng’eng’eto kya kũvyũlw’a na kũũ kwa kũkĩlw’a nĩnaumisye nthĩnĩ wa nthembo sya nthembo sya mũuo sya ana ma Isilaeli, na nĩmũnengete mũthembi Aluni na ana make syĩthĩwe ilungu syoo tene na tene kuma kwa ana ma Isilaeli.</verse>
				<verse number="35">Kĩĩ nĩkyo kĩlungu kya Aluni, na kĩlungu kya ana make, kwondũ wa kwĩtĩkĩw’a mauta kwoo, kumw’a nthĩnĩ wa nthembo sya Yeova ila ivĩvaw’a na mwaki, mũthenya ũla wamanenganie mamũthũkũme Yeova wĩanĩ wa ũthembi;</verse>
				<verse number="36">kĩla Yeova weaie manengwe kya ana ma Isilaeli, mũthenya ũla wametĩkĩsye mauta. Nĩ kĩlungu kyoo tene na tene mosyaanĩonĩ moo onthe.</verse>
				<verse number="37">Ũũ nĩw’o mwĩao wa nthembo ya kũvĩvw’a, na wa nthembo ya mũtu, na wa nthembo ya naĩ, na wa nthembo ya ĩvĩtyo, na wa kũvathan’ya, na wa nthembo ya nthembo sya mũuo;</verse>
				<verse number="38">ũla Yeova wamwĩaĩe Mose kĩĩmanĩ kya Sinai, mũthenya ũla wameaĩe ana ma Isilaeli mamũthembee Yeova nthembo syoo, weũnĩ wa Sinai.</verse>
			</chapter>
			<chapter number="8">
				<verse number="1">Na Yeova aneena na Mose, akĩmwĩa,</verse>
				<verse number="2">Osa Aluni na ana make vamwe nake, na ila ngũa, na mauta ma kwĩtĩkĩsya, na kala kasalũ ka nthembo ya naĩ, na ndũũme ilĩ, na kĩkavũ kya kĩmũtũ kĩte ĩlawa;</verse>
				<verse number="3">na ũmban’ya ũmbano w’onthe mũomonĩ wa ĩeema ya kũmbanĩa.</verse>
				<verse number="4">Na Mose eeka o tondũ Yeova wamwĩaĩe; na ũmbano woombanw’a mũomonĩ wa ĩeema ya kũmbanĩa.</verse>
				<verse number="5">Na Mose awĩa ũmbano, Ũũ nĩw’o ũla Yeova wĩaĩte wĩkwe.</verse>
				<verse number="6">Na Mose amaete Aluni na ana make, na amathambya na manzĩ.</verse>
				<verse number="7">Na amwĩkĩa ũla kanzũ, na amũvotoa mũsivi, na amwĩkĩa ngũa ndasa, na amwĩkĩa ngũa yĩtawa evotĩ, na amũvotoa mũsivi wa evoti ũla watumĩtwe na ũĩ, na kũmwoveea evoti naw’o.</verse>
				<verse number="8">Na amwĩkĩa kakalo ka kĩthũi: na kakalonĩ ka kĩthũi eekĩa Ulimu na Thumimu.</verse>
				<verse number="9">Na eekĩa ngutw’a mũtwenĩ wake; na ngutw’anĩ, ngalĩ ya mbee, eekĩa kĩlaũni kya thaavu, ngovĩa ntheu ya ũsumbĩ; o tondũ Yeova wamwĩaĩe Mose.</verse>
				<verse number="10">Na Mose oosa mauta ma kwĩtĩkĩsya, na awĩtĩkĩsya mauta ũla wĩkalo na syĩndũ syonthe ila syaĩ nthĩnĩ waw’o, kwivathan’ya syĩthĩwe ntheu.</verse>
				<verse number="11">Na aminzangĩsya amwe kĩthembeonĩ maminzangĩsya mũonza, na akĩtĩkĩsya kĩthembeo mauta na mĩio yakyo yonthe, na kĩndũ kya kũthambĩa na ĩtina yakyo, aivathan’ya syĩthĩwe ntheu.</verse>
				<verse number="12">Na etĩkĩsya mauta ma kwĩtĩkĩsya mũtwenĩ wa Aluni, na amwĩtĩkĩsya mauta, amũvathan’ye ethĩwe mũtheu.</verse>
				<verse number="13">Na Mose aete ana ma Aluni, na amavw’ĩka makanzũ, na amavotoa mĩsivi, na amekĩa tũkovila; o tondũ Yeova wamwĩaĩe Mose.</verse>
				<verse number="14">Na aete kala kasalũ ka nthembo ya naĩ: na Aluni na ana make mailĩĩla moko mũtwenĩ wa kala kasalũ ka nthembo ya naĩ.</verse>
				<verse number="15">Na akoaa; na Mose oosa nthakame, na amĩvaka mbyanĩ sya kĩthembeo ngalĩ syonthe na kyaa kyake, na athesya kĩthembeo, na atulũĩla nthakame ĩtinanĩ ya kĩthembeo, na akĩvatha kĩthĩwe kĩtheu, kũthemba nthembo ya wĩw’anĩthyo kwondũ wakyo.</verse>
				<verse number="16">Nake oosa mathunya onthe ala me ĩũlũ wa mavu, na koa mũvũthũ ũla ũvw’ĩkĩte ĩtema, na mbio syelĩ, na mathunya masyo; na Mose aivĩvĩsya kĩthembeonĩ.</verse>
				<verse number="17">Ĩndĩ kala kasalũ, na kĩthuma kyako, na nyama syako, na mũyoo wako, aivĩvĩsya na mwaki ũtee wa mwako wa maeema; o tondũ Yeova wamwĩaĩe Mose.</verse>
				<verse number="18">Na aete ndũũme ya nthembo ya kũvĩvw’a: na Aluni na ana make mailĩĩla moko mũtwenĩ wa ĩla ndũũme.</verse>
				<verse number="19">Na amyũaa; na Mose aminzangĩsya nthakame ĩũlũ wa kĩthembeo kw’onthe.</verse>
				<verse number="20">Na atilanga ndũũme ilungu syayo; na Mose avĩvya mũtwe, na ilungu, na mathunya.</verse>
				<verse number="21">Na athambya mavu na maũũ na manzĩ; na Mose avĩvĩsya ndũũme yonthe kĩthembeonĩ: yaĩ nthembo ya kũvĩvw’a yĩ mũuke mũseo: nthembo ĩla ĩvĩvĩaw’a Yeova na mwaki; o tondũ Yeova wamwĩaĩe Mose.</verse>
				<verse number="22">Na aete ndũũme ĩla ĩngĩ, ĩla ndũũme ya ũvathan’yo: na Aluni na ana make mailĩĩla moko mũtwenĩ wa ndũũme.</verse>
				<verse number="23">Na amyũaa; na Mose oosa nthakame yayo, na amĩvaka mũthyanĩ wa kũtũ kwa Aluni kwa ngalĩ ya kw’oko kwa aũme, na kyaanĩ kĩnene kya kw’oko kwa aũme, na kyaanĩ kĩnene kya kũũ kwa ngalĩ ya kw’oko kwa aũme.</verse>
				<verse number="24">Na aete ana ma Aluni; na Mose avaka nthakame mũthyanĩ wa matũ moo ma ngalĩ ya kw’oko kwa aũme, na kyaanĩ kĩnene kya moko moo ma aũme, na kyaanĩ kĩnene kya maũũ moo ma ngalĩ ya kw’oko kwa aũme: na Mose aminzangĩsya nthakame ĩũlũ wa kĩthembeo kw’onthe.</verse>
				<verse number="25">Na oosa mathunya na mwĩthe, na mathunya onthe ala me ĩũlũ wa mavu, na koa mũvũthũ ũla ũvw’ĩkĩte ĩtema, na mbio syelĩ, na mathunya masyo, na kũũ kwa ngalĩ ya kw’oko kwa aũme:</verse>
				<verse number="26">na aumya nthĩnĩ wa kĩla kĩkavũ kya kĩmũtũ kĩte ĩlawa, kĩla kiĩtwe mbee wa Yeova, kamũtũ kamwe kate ĩlawa, na kamũtũ kamwe kavakĩtwe mauta, na kamũkate kamwe kavũthũ, na atwilĩĩla ĩũlũ wa mathunya, na ĩũlũ wa kũla kũũ kwa ngalĩ ya kw’oko kwa aũme:</verse>
				<verse number="27">na ailĩĩla syonthe ĩũlũ wa moko ma Aluni, na ĩũlũ wa moko ma ana make, na aivyũlangya mbee wa Yeova syĩthĩwe nthembo ya kũvyũlw’a.</verse>
				<verse number="28">Na Mose asyumya mokonĩ moo, na aivĩvĩsya kĩthembeonĩ ĩũlũ wa nthembo ya kũvĩvw’a: nĩ syĩndũ syavathiwe syĩthĩwe mũuke mũseo: nĩ nthembo ĩvĩvĩaw’a Yeova na mwaki.</verse>
				<verse number="29">Na Mose oosa kĩng’eng’eto, na akĩvyũlangya kĩthĩwe nthembo ya kũvyũlw’a mbee wa Yeova: kyaĩ kĩlungu kya Mose kya ĩla ndũũme ya ũvathan’yo; o tondũ Yeova wamwĩaĩe Mose.</verse>
				<verse number="30">Na Mose oosa mauta amwe ma kwĩtĩkĩsya, na nthakame ĩmwe ĩla yaĩ kĩthembeonĩ, na amũminzangĩsya Aluni, na ngũa syake, na ana make, na ngũa syoo vamwe nake, na amũvathan’ya Aluni ethĩwe mũtheu, vamwe na ngũa syake, na ana make, na ngũa syoo vamwe nake.</verse>
				<verse number="31">Na Mose amwĩa Aluni na ana make, Uĩai nyama ĩsu mũomonĩ wa ĩeema ya kũmbanĩa: na mũkamĩye vo vamwe na kĩmũtũ kĩla kĩ kĩkavũnĩ kĩla kya ũvathan’yo, o tondũ nĩaie, ngyasya, Aluni na ana make mamĩye.</verse>
				<verse number="32">Na ĩla yĩtiala ya nyama ĩsu na ya kĩmũtũ vĩvyai na mwaki.</verse>
				<verse number="33">Na mũtikaaumaale mũomonĩ wa ĩeema ya kũmbanĩa mĩthenya mũonza, kũvika mĩthenya ya kũvathwa kwenyu yĩanĩe: nũndũ akamũvathan’ya vandũ va mĩthenya mũonza mwĩthĩwe atheu.</verse>
				<verse number="34">O ũndũ kweekwa ũmũnthĩ, now’o Yeova wĩaĩte kwĩkwe, kũthemba nthembo ya wĩw’anĩthyo kwondũ wenyu.</verse>
				<verse number="35">Mũomonĩ wa ĩeema ya kũmbanĩa mũkekala ũtukũ na mũthenya vandũ va mĩthenya mũonza, na kũsũvĩaa wĩaĩo wa Yeova, nĩ kana mũikakw’e: nũndũ nĩw’o nĩaĩĩtwe.</verse>
				<verse number="36">Na Aluni na ana make meeka maũndũ onthe ala Yeova weaie na kanyw’a wa Mose.</verse>
			</chapter>
			<chapter number="9">
				<verse number="1">Na kweethĩwa mũthenya wa nyanya, Mose ameta Aluni na ana make, na atumĩa ma Isilaeli;</verse>
				<verse number="2">na amwĩa Aluni, Osa kasaũ ka ndĩthya kethĩwe nthembo ya naĩ, na ndũũme yĩthĩwe nthembo ya kũvĩvw’a, ĩte kĩema, noithemba mbee wa Yeova.</verse>
				<verse number="3">Na neena na ana ma Isilaeli, ũkĩmea, Osai nthenge yĩthĩwe nthembo ya naĩ; na kasaũ na katena ka ĩlondu, twa mwaka ũmwe, tũte kĩema twĩthĩwe nthembo ya kũvĩvw’a;</verse>
				<verse number="4">na ng’ombe na ndũũme syĩthĩwe nthembo sya mũuo, sya kũthembwa mbee wa Yeova; na nthembo ya mũtu ũvulanĩtw’e na mauta: nũndũ ũmũnthĩ Yeova nũnũkũmumĩlĩla.</verse>
				<verse number="5">Na maete ila Mose weaie mbee wa ĩeema ya kũmbanĩa: na ũmbano w’onthe wathengeea na waũngama mbee wa Yeova.</verse>
				<verse number="6">Na Mose asya, Ũũ nĩw’o ũla Yeova weaie mwĩke: na ũtheu mũtisu wa Yeova ũkamumĩlĩla inyw’ĩ.</verse>
				<verse number="7">Na Mose amwĩa Aluni, Thengeea kĩthembeo, ũthembe nthembo yaku ya naĩ, na nthembo yaku ya kũvĩvw’a, ũthembe nthembo ya wĩw’anĩthyo kwondũ waku mwene, na kwondũ wa andũ; na themba nthembo ya andũ, na kumya nthembo ya wĩw’anĩthyo kwondũ woo; o tondũ Yeova weaie.</verse>
				<verse number="8">Kwondũ wa ũu Aluni athengeea kĩthembeo, na ooaa kasaũ ka nthembo ya naĩ, ĩla yaĩ kwondũ wake mwene.</verse>
				<verse number="9">Na ana ma Aluni mamũetee nthakame; nake atolya kyaa kyake nthakamenĩ, na amĩvaka mbyanĩ sya kĩthembeo, na atulũĩla nthakame ĩtinanĩ ya kĩthembeo:</verse>
				<verse number="10">ĩndĩ mathunya, na mbio, na koa mũvũthũ ũla waumiw’e ĩtemanĩ ya nthembo ya naĩ, avĩvĩsya kĩthembeonĩ; o tondũ Yeova wamwĩaĩe Mose.</verse>
				<verse number="11">Na nyama na kĩthuma avĩvĩsya na mwaki ũtee wa mwako wa maeema.</verse>
				<verse number="12">Nake ooaa nthembo ya kũvĩvw’a; na ana ma Aluni mamũetee nthakame, na amĩminzangĩsya ĩũlũ wa kĩthembeo kw’onthe.</verse>
				<verse number="13">Na mamũetee nthembo ya kũvĩvw’a, kĩlungu, kĩlungu, na mũtwe: nake aivĩvĩsya kĩthembeonĩ.</verse>
				<verse number="14">Na athambya mavu na maũũ, na amavĩvĩsya ĩũlũ wa nthembo ya kũvĩvw’a kĩthembeonĩ.</verse>
				<verse number="15">Na aete nthembo ya andũ, na oosa mbũi ya nthembo ya naĩ ĩla yaĩ kwondũ wa andũ, na amyũaa, na amĩthemba kwondũ wa naĩ, o ta ĩla ya mbee.</verse>
				<verse number="16">Na aete nthembo ya kũvĩvw’a, na amĩthemba kwĩanana na ũtw’ĩo.</verse>
				<verse number="17">Na aete nthembo ya mũtu, na auta ũvĩ ũmwe, na oovĩvĩsya kĩthembeonĩ, vamwe na nthembo ya kũvĩvw’a ya kĩoko.</verse>
				<verse number="18">O na ooaa ng’ombe na ndũũme, nthembo ya nthembo sya mũuo, ĩla yaĩ kwondũ wa andũ: na ana ma Aluni mamũetee nthakame, na amĩminzangĩsya ĩũlũ wa kĩthembeo kw’onthe,</verse>
				<verse number="19">na mathunya ma ĩla ng’ombe na ma ĩla ndũũme, na mwĩthe, na mathunya ala mavw’ĩkĩte mavu, na mbio, na koa mũvũthũ ũla ũvw’ĩkĩte ĩtema:</verse>
				<verse number="20">na mailĩĩla mathunya ĩũlũ wa ing’eng’eto, na avĩvĩsya mathunya kĩthembeonĩ:</verse>
				<verse number="21">na ing’eng’eto na kũũ kwa ngalĩ ya kw’oko kwa aũme Aluni avyũlangya syĩthĩwe nthembo ya kũvyũlw’a mbee wa Yeova; o tondũ Mose weaie.</verse>
				<verse number="22">Na Aluni ookĩlya moko make kwelekelya andũ, na amaathima; na atheea amina kũthemba nthembo ya naĩ, na nthembo ya kũvĩvw’a, na nthembo sya mũuo.</verse>
				<verse number="23">Na Mose na Aluni malika ĩeemanĩ ya kũmbanĩa, na maumaala, na maathima andũ: na ũtheu mũtisu wa Yeova wamaumĩlĩla andũ onthe.</verse>
				<verse number="24">Na kwauma mwaki mbee wa Yeova, na wavĩvĩsya nthembo ya kũvĩvw’a na mathunya kĩthembeonĩ: na yĩla andũ onthe mawonie, mookĩlya mawasya, na mavalũka na mothyũ moo.</verse>
			</chapter>
			<chapter number="10">
				<verse number="1">Na Natavu na Aviu, ana ma Aluni, kĩla ũmwe osa kĩtoeesya kyake, na eekĩa mwaki nthĩnĩ wakyo, na eekĩa ũvani ĩũlũ waw’o, na mamũthembea Yeova na mwaki ũte wa vo, ũla ũtaameaĩa.</verse>
				<verse number="2">Na mwaki wauma mbee wa Yeova, na wamavĩvya, na makw’ĩa mbee wa Yeova.</verse>
				<verse number="3">Na ĩndĩ Mose amwĩa Aluni, Ũũ nĩw’o ũla Yeova waneenie, akyasya, Ngoonanw’a kwa ala manthengeeaa atĩ nĩ mũtheu, na ngataĩwa mbee wa andũ onthe. Na Aluni avindya ki.</verse>
				<verse number="4">Na Mose ameta Misaeli na Elisavani, ana ma Usieli mwendw’a ĩthe wa Aluni, na amea, Thengeeai, mũkue ana‐a‐ĩthe menyu kũmaumya mbee wa vala vandũ vatheu mũmatwae ũtee wa mwako wa maeema.</verse>
				<verse number="5">Kwondũ wa ũu mathengeea, na mamakua me o na makanzũ moo mamatwaa ũtee wa mwako wa maeema, o tondũ Mose waisye.</verse>
				<verse number="6">Na Mose amwĩa Aluni, na Eleasali na Ithamali, ana make, Mũikaivue nzw’ĩĩ sya mĩtwe yenyu, o na mũikatembũe ngũa syenyu; nĩ kana mũikakw’e, na kana ndakathatĩe ũmbano w’onthe: indĩ ana‐a‐ĩthe menyu, nyũmba nima ya Isilaeli, maĩe ũndũ wa kũvĩvya kũla Yeova ũvĩvisye.</verse>
				<verse number="7">Na mũikaumaale mũomonĩ wa ĩeema ya kũmbanĩa, mũikakw’e; nũndũ mauta ma kwĩtĩkĩsya ma Yeova me ĩũlũ wenyu. Na meeka kwĩanana na ndeto sya Mose.</verse>
				<verse number="8">Na Yeova aneena na Aluni, akĩmwĩa,</verse>
				<verse number="9">Ndũkanyw’e mbinyu kana kĩla kĩtoonasya, we, kana ana maku vamwe naku, yĩla mwĩlika ĩeemanĩ ya kũmbanĩa, mũtikese kũkw’a: ũu ũkeethĩawa mwamũlo wa tene na tene mosyaanĩonĩ menyu onthe:</verse>
				<verse number="10">nĩ kana mũvathũkan’ye katĩ wa kĩla kĩtheu na kĩla kĩte kĩtheu, na kĩla kĩvuku na kĩla kĩte kĩvuku;</verse>
				<verse number="11">na nĩ kana mũmanyĩsye ana ma Isilaeli myamũlo yonthe ĩla Yeova ũneenete nao na kanyw’a wa Mose.</verse>
				<verse number="12">Na Mose aneena na Aluni, na Eleasali na Ithamali, ana make ala matialile, Osai nthembo ya mũtu ĩla yatiala ya nthembo sya Yeova ila ivĩvaw’a na mwaki, na mũimĩya ĩte na ĩlawa ũtee wa kĩthembeo; nũndũ nĩ ntheu mũno;</verse>
				<verse number="13">nayo ĩkaĩĩwa vandũ vatheu, nĩkwĩthĩwa nĩ kĩlungu kyaku, na kĩlungu kya ana maku, kya nthembo sya Yeova ila ivĩvaw’a na mwaki: nũndũ ũu nĩw’o nĩaĩĩtwe.</verse>
				<verse number="14">Na kĩng’eng’eto kya kũvyũlw’a na kũũ kwa kũkĩlw’a mũkaĩĩa vandũ vatheu, we, na ana maku, na eĩtu maku vamwe naku: nũndũ ninenganĩtwe syĩthĩwe kĩlungu kyaku, na kĩlungu kya ana maku, kumw’a nthĩnĩ wa nthembo sya nthembo sya mũuo sya ana ma Isilaeli.</verse>
				<verse number="15">Kũũ kwa kũkĩlw’a na kĩng’eng’eto kya kũvyũlw’a makaetanĩsye na nthembo sya mathunya ila ivĩvaw’a na mwaki, kũmĩvyũlangya ĩthĩwe nthembo ya kũvyũlw’a mbee wa Yeova: na ĩkeethĩwa yaku, na ya ana maku vamwe naku, kĩlungu kya tene na tene; o tondũ Yeova weaie.</verse>
				<verse number="16">Na Mose amantha na kĩthing’ĩĩsyo ĩla mbũi ya nthembo ya naĩ, na, sisya, yaĩ ĩnamina kũvĩvw’a: na amathatĩa Eleasali na Ithamali, ana ma Aluni ala matialile, akĩmea,</verse>
				<verse number="17">Nũndũ wa kĩ mũtinaĩa nthembo ya naĩ vala vandũ vatheu, nũndũ nĩ ntheu mũno, nake nũmũnengete ya kũveta naĩ ya ũmbano, yĩthĩwe nthembo ya wĩw’anĩthyo kwondũ woo mbee wa Yeova?</verse>
				<verse number="18">Sisya nthakame yayo ndĩnaetwe nthĩnĩ wa vala vandũ vatheu: vate ndĩĩ nĩmwaĩlwe nĩ kũmĩya mwĩ vala vandũ vatheu, o tondũ nĩaie.</verse>
				<verse number="19">Na Aluni amwĩa Mose, Sisya, ũmũnthĩ nĩmamũthembea Yeova nthembo yoo ya naĩ na nthembo yoo ya kũvĩvw’a; na maũndũ aa nĩo mangwata: kethĩwa nĩĩe nthembo ya naĩ ũmũnthĩ, wĩthĩwa ũndũ wa kwendeesya methonĩ ma Yeova?</verse>
				<verse number="20">Na Mose eew’a ũu, wamwendeesya.</verse>
			</chapter>
			<chapter number="11">
				<verse number="1">Na Yeova aneena na Mose na Aluni, akĩmea,</verse>
				<verse number="2">Neenai na ana ma Isilaeli, mũimea, Ii nĩsyo syĩndũ syĩ thayũ ila mũtonya kũya nyamũnĩ syonthe ila syĩ kũũ nthĩ.</verse>
				<verse number="3">O ĩla yĩ na ĩvũngũ yatũe, na mathaio matũku katĩ, na ĩthaumasya, nyamũnĩ syonthe, nĩyo mũtonya kũya.</verse>
				<verse number="4">Ĩndĩ ii mũikaaye sya ila ithaumasya, kana sya ila syĩ na ĩvũngũ yatũe: ngamĩle, nĩkwĩthĩwa nĩthaumasya ĩndĩ ndĩ na ĩvũngũ yatũe, nĩ mbuku kwenyu.</verse>
				<verse number="5">Na kĩnyowe, nĩkwĩthĩwa nĩkĩthaumasya ĩndĩ kĩti na ĩvũngũ yatũe, nĩ kĩvuku kwenyu.</verse>
				<verse number="6">Na mbũkũ, nĩkwĩthĩwa nĩthaumasya ĩndĩ ndĩ na ĩvũngũ yatũe, nĩ mbuku kwenyu.</verse>
				<verse number="7">Na ngũlũe, nĩkwĩthĩwa yĩ na ĩvũngũ yatũe, na mathaio matũku katĩ, ĩndĩ ndĩthaumasya, nĩ mbuku kwenyu.</verse>
				<verse number="8">Mũikaaye nyama syasyo, na mũikaakiite syĩ ngw’ũ: nĩ mbuku kwenyu.</verse>
				<verse number="9">Ii nĩsyo mũtonya kũya sya syonthe ila syĩ manzĩnĩ: o ĩla yĩ na nthwau na makwaũ manzĩnĩ, maũkanganĩ, na mbũsĩnĩ, isu nĩmũtonya kũya.</verse>
				<verse number="10">Na syonthe ila ite na nthwau na makwaũ maũkanganĩ, na mbũsĩnĩ, sya syonthe ila ithambĩaa manzĩnĩ, na sya syonthe ila syĩ thayũ ila syĩ manzĩnĩ, nĩ ũthatyo kwenyu,</verse>
				<verse number="11">na ikeethĩwa ũthatyo kwenyu; mũtikaaye nyama syasyo, na syĩ ngw’ũ ikeethĩwa ũthatyo kwenyu.</verse>
				<verse number="12">O ĩla yĩ manzĩnĩ ĩte na nthwau kana makwaũ, nayo nĩ ũthatyo kwenyu.</verse>
				<verse number="13">Na ii nĩsyo sya nyũnyi ila ikeethĩwa ũthatyo kwenyu; itikaaĩwe, nasyo nĩ ũthatyo: ndiũ, na ndiũ ya ĩthingi, na ndei,</verse>
				<verse number="14">na kĩmangaũ, na kĩvaalala o mũthemba wakyo,</verse>
				<verse number="15">na kĩla ngũngũũ o mũthemba wayo,</verse>
				<verse number="16">na nyaa, na ĩowe, na ĩng’aa, na mbolosya o mũthemba wayo,</verse>
				<verse number="17">na mũnyũũ, na ĩvutavutĩlya, na ndundu nene,</verse>
				<verse number="18">na ndundu yĩ mbya, na ngunĩ, na ndei ya ĩthingi,</verse>
				<verse number="19">na ĩsaũ, na ĩkuthakũthĩi o mũthemba wayo, na ĩlumi, na ũvuvu.</verse>
				<verse number="20">Na tũsamũ tw’onthe tũla twĩ na nthwau na tũtambũkaa o tũla tũendaa na maũũ ana nĩ ũthatyo kwenyu.</verse>
				<verse number="21">Ĩndĩ tũũ nĩtw’o mũtonya kũya twa tũsamũ tw’onthe tũla twĩ na nthwau na tũtambũkaa o tũla tũendaa na maũũ ana, twĩ na maũũ maasa, ma kũthaanyũkanga ĩũlũ wa nthĩ namo;</verse>
				<verse number="22">tũla mũtonya kũya twatw’o nĩ tũũ: ngie o mũthemba wayo, na ngie nene o mũthemba wayo, na ndandalĩka o mũthemba wayo, na kĩtooli o mũthemba wakyo.</verse>
				<verse number="23">Ĩndĩ tũsamũ tw’onthe tũla twĩ na nthwau na tũtambũkaa, tũla twĩ na maũũ ana, nĩ ũthatyo kwenyu.</verse>
				<verse number="24">Na kwondũ wa isu mũkeethĩwa avuku: o ũla wĩikiita syĩ ngw’ũ akeethĩwa mũvuku kũvika wĩoo;</verse>
				<verse number="25">o na ũla ũkakua kĩlungu kyasyo syĩ ngw’ũ akathambya ngũa syake, na kwĩthĩwa mũvuku kũvika wĩoo.</verse>
				<verse number="26">Kĩla nyamũ yĩ na ĩvũngũ yatũe, na mathaio mate matũku katĩ, na ndĩthaumasya, nĩ mbuku kwenyu: kĩla mũndũ ũla wĩikiita akeethĩwa mũvuku.</verse>
				<verse number="27">Na o ĩla ĩendaa na ithu syayo, nyamũnĩ syonthe ila iendaa na maũũ ana, nĩ mbuku kwenyu: o ũla wĩikiita syĩ ngw’ũ akeethĩwa mũvuku kũvika wĩoo.</verse>
				<verse number="28">Na ũla wĩikua syĩ ngw’ũ akathambya ngũa syake, na kwĩthĩwa mũvuku kũvika wĩoo: nĩ mbuku kwenyu.</verse>
				<verse number="29">Tũsamũnĩ tũla tũtambũkaa ĩũlũ wa nthĩ tũũ nĩtw’o tũvuku kwenyu: kamũũngũu, na kavĩla, na ndĩlya nene o mũthemba wayo,</verse>
				<verse number="30">na mwilũ, na ngusw’ĩ, na ĩtelembũ, na nzana, na kĩmbu.</verse>
				<verse number="31">Tũu nĩtw’o tũvuku kwenyu twa tw’onthe tũla tũtambũkaa: o ũla ũkatũkiita twĩ tũkw’ũ, akeethĩwa mũvuku kũvika wĩoo.</verse>
				<verse number="32">Na kamwe katw’o ke kakw’ũ kakavalũkĩla kĩndũ o na kĩva, kĩkeethĩwa kĩvuku: ethĩwa nĩ kĩndũ kĩseũvĩtw’e kya mũtĩ, kana ngũa, kana kĩthuma, kana ĩkunia, kĩndũ o na kĩva, kĩla kĩtetheaw’a wĩa o na wĩva, mũvaka kĩkĩwe manzĩnĩ, na kĩkeethĩwa kĩvuku kũvika wĩoo; nĩvo ĩndĩ kĩĩthĩwa kĩtheu.</verse>
				<verse number="33">Kĩla kĩndũ kyũmbĩtwe kya yũmba, kĩla kamwe katw’o kakavalũka nthĩnĩ wakyo, o kĩla kĩ nthĩnĩ wakyo kĩkeethĩwa kĩvuku, na mũkakyũaa.</verse>
				<verse number="34">Lĩu w’onthe nthĩnĩ wakyo ũla ũtonya kũĩwa, ũla manzĩ asu meĩkĩwa ĩũlũ waw’o, ũkeethĩwa mũvuku; na kya ũnyw’a kyonthe kĩla kĩtonya kũnyw’ĩwa kĩ mũionĩ ũilyĩ ũu kĩkeethĩwa kĩvuku.</verse>
				<verse number="35">Na kĩla kĩndũ kĩkavalũkĩlwa nĩ kĩlungu o na kĩva kyatw’o twĩ tũkw’ũ kĩkeethĩwa kĩvuku; ethĩwa nĩ iko, kana mbisũ, ĩkooawa ilungu: nĩ mbuku, na ikeethĩwa mbuku kwenyu.</verse>
				<verse number="36">Ĩndĩ nthongo kana ĩima yĩla manzĩ mombanĩe yĩkeethĩwa yĩ ĩtheu: ĩndĩ o ũla ũkatũkiita twĩ tũkw’ũ akeethĩwa mũvuku.</verse>
				<verse number="37">Na ethĩwa kĩlungu kyatw’o twĩ tũkw’ũ kĩkavalũkĩla mbeũ ila sya ũvandwa, nĩ ntheu.</verse>
				<verse number="38">Ĩndĩ ethĩwa mbeũ ikeekĩwa manzĩ, na kĩlungu kyatw’o twĩ tũkw’ũ kĩkaivalũkĩla, nĩ mbuku kwenyu.</verse>
				<verse number="39">Na ethĩwa nyamũ o na yĩva, ĩla mũtonya kũya, ĩkakw’a; ũla wĩmĩkiita yĩ ngw’ũ akeethĩwa mũvuku kũvika wĩoo.</verse>
				<verse number="40">Na ũla wĩya nyama syayo yĩ ngw’ũ akathambya ngũa syake, na kwĩthĩwa mũvuku kũvika wĩoo: o nake ũla wĩmĩkua yĩ ngw’ũ akathambya ngũa syake, na kwĩthĩwa mũvuku kũvika wĩoo.</verse>
				<verse number="41">Na kĩla kasamũ katambũkaa, kala katambũkaa ĩũlũ wa nthĩ nĩ ũthatyo, katikaĩwe.</verse>
				<verse number="42">O kĩla kĩendaa na ĩvu, na kĩla kĩendaa na maũũ ana, kana kĩla kĩ na maũũ maingĩ, o tũsamũ tw’onthe tũla tũtambũkaa ĩũlũ wa nthĩ, tũu mũtikatũye; nũndũ nĩ ũthatyo.</verse>
				<verse number="43">Mũtiketw’ĩkĩthye ũthatyo ũndũ wa kasamũ o na keva kala katambũkaa, o na mũikevukye ũndũ watw’o, mũvukw’e nĩtw’o.</verse>
				<verse number="44">Nũndũ nyie nĩ Yeova Ngai wenyu: kwondũ wa ũu ĩvathan’yei, na ĩthĩwai atheu; nũndũ nyie nĩ mũtheu: o na mũikevukye na kasamũ o na keva kala katambũkaa kala kaendaa ĩũlũ wa nthĩ.</verse>
				<verse number="45">Nũndũ ninyie Yeova ũla wamumisye nthĩ ya Misili, nĩthĩwe Ngai wenyu: kwondũ wa ũu ĩthĩwai atheu, nũndũ nyie nĩ mũtheu.</verse>
				<verse number="46">Ĩsu nĩyo mĩao ya nyamũ, na ya nyũnyi, na ya kĩla kyũmbe kĩ thayũ kĩthambĩaa manzĩnĩ, na ya kĩla kyũmbe kĩla kĩtambũkaa ĩũlũ wa nthĩ;</verse>
				<verse number="47">kũvathũkan’ya katĩ wa kĩla kĩvuku na kĩla kĩtheu, na katĩ wa kĩla kĩ thayũ kĩtonya kũĩwa, na kĩla kĩ thayũ kĩtatonya kũĩwa.</verse>
			</chapter>
			<chapter number="12">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, ũkĩmea, Ethĩwa mũndũ mũka akaitava, na kũsyaa kavĩsĩ, nĩvo ĩndĩ wĩĩthĩwa mũvuku mĩthenya mũonza; o ta mĩthenyanĩ ya kũvathwa kwake kwondũ wa kwĩalũla kwake akeethĩwa mũvuku.</verse>
				<verse number="3">Na mũthenya wa nyanya kakaĩkwe ĩkonde ya mbinũ yako.</verse>
				<verse number="4">Na mũndũ mũka akekale nthakamenĩ ya kwĩthesya kwake mĩthenya mĩongo ĩtatũ na ĩtatũ; ndakakiite kĩndũ kĩvathe, kana kũlika vala vandũ vatheu, kũvika mĩthenya ya kwĩthesya kwake yĩanĩe.</verse>
				<verse number="5">Ĩndĩ ethĩwa akasyaa kelĩtu, nĩvo ĩndĩ wĩĩthĩwa mũvuku syumwa ilĩ, ta ĩvinda ya kũvathwa kwake, na akekala nthakamenĩ ya kwĩthesya kwake mĩthenya mĩongo thanthatũ na thanthatũ.</verse>
				<verse number="6">Na mĩthenya yake ya kwĩthesya kwake yeanĩa, ũndũ wa kavĩsĩ, kana ũndũ wa kelĩtu, akamũetee mũthembi, mũomonĩ wa ĩeema ya kũmbanĩa, katena ka ĩlondu ka mwaka ũmwe kethĩwe nthembo ya kũvĩvw’a, na ĩswii ya ĩvũĩ, kana ndumbũ, yĩthĩwe nthembo ya naĩ:</verse>
				<verse number="7">na akamĩthembe mbee wa Yeova, yĩthĩwe nthembo ya wĩw’anĩthyo kwondũ wake; nake akathew’a kwondũ wa nthongo ya nthakame yake. Ũu nĩw’o mwĩao wa ũla ũsyaaa, ethĩwa nĩ kũsyaa kavĩsĩ kana kelĩtu.</verse>
				<verse number="8">Na ethĩwa ndatonya kwona katena ka ĩlondu, nĩvo ĩndĩ wĩosa ndumbũ ilĩ, kana maswii elĩ ma ĩvũĩ; yĩmwe yĩthĩwe nthembo ya kũvĩvw’a, na yĩla yĩngĩ yĩthĩwe nthembo ya naĩ: na mũthembi akathembe ĩ nthembo ya wĩw’anĩthyo kwondũ wake, na akeethĩwa mũtheu.</verse>
			</chapter>
			<chapter number="13">
				<verse number="1">Na Yeova aneena na Mose na Aluni, akĩmea.</verse>
				<verse number="2">Yĩla mũndũ wĩĩthĩwa na vandũ vaimbu, kana ngũsĩ, kana vandũ vaw’engu kĩkondenĩ kya mwĩĩ wake, na vakatw’ĩka ũthĩn’yo wa mangũ kĩkondenĩ kya mwĩĩ wake, nĩvo ĩndĩ wĩetwe kwa mũthembi Aluni, kana kwa mwana ũmwe wake mũthembi:</verse>
				<verse number="3">na mũthembi akasisya ũla ũthĩn’yo kĩkondenĩ kya mwĩĩ wake: na ethĩwa maw’ĩa ala me ũthĩn’yonĩ nĩ maalyũku makethĩwa meũ, na ũthĩn’yo wooneka ũlikĩte nthĩnĩ kũthonoka kĩkonde kya mwĩĩ wake, nĩ ũthĩn’yo wa mangũ; na mũthembi akamũsisya, na kwasya nĩ mũvuku.</verse>
				<verse number="4">Na ethĩwa vandũ vau vaw’engu nĩ veũ kĩkondenĩ kya mwĩĩ wake, na vandũ vau vationeka ve valiku kũthonoka kĩkonde kya mwĩĩ wake, na maw’ĩa ma vo ti maalyũku makethĩwa meũ, nĩvo ĩndĩ mũthembi wĩmũvatha ũla wĩ na ũthĩn’yo mĩthenya mũonza:</verse>
				<verse number="5">na mũthembi akamũsisya mũthenya wa mũonza: na, sisya, ethĩwa nũkwona ũthĩn’yo ũũngamĩte, na ũthĩn’yo ndũendeee kĩkondenĩ, nĩvo ĩndĩ mũthembi wĩmũvatha mĩthenya ĩngĩ mũonza:</verse>
				<verse number="6">na mũthembi akamũsisya ĩngĩ mũthenya wa mũonza; na, sisya, ethĩwa ũthĩn’yo nĩwambĩlĩlye kũvoa, na ũthĩn’yo ndũendeee kĩkondenĩ, nĩvo ĩndĩ mũthembi wĩasya nĩ mũtheu: ve ngũsĩ: nake akathambye ngũa syake, na akeethĩwa mũtheu.</verse>
				<verse number="7">Ĩndĩ ethĩwa ngũsĩ ĩkaendeea kĩkondenĩ, ĩtina wa kwĩyonan’ya kwake kwa mũthembi kwondũ wa kũthew’a kwake, akeeyonan’ye ĩngĩ kwa mũthembi:</verse>
				<verse number="8">na mũthembi akasisya: na, sisya, ethĩwa ngũsĩ nĩendeee kĩkondenĩ, nĩvo ĩndĩ mũthembi wĩasya nĩ mũvuku: nĩ mangũ.</verse>
				<verse number="9">Yĩla mũndũ wĩ na ũthĩn’yo wa mangũ, nĩvo wĩetwe kwa mũthembi;</verse>
				<verse number="10">na mũthembi akasisya; na, sisya, ethĩwa ve vandũ vaimbũ veũ kĩkondenĩ, na maw’ĩa nĩ maalyũku makethĩwa meũ, na vandũnĩ vau vaimbu vakethĩwa nyama yumĩlĩte,</verse>
				<verse number="11">nĩ mangũ ma tene kĩkondenĩ kya mwĩĩ wake, na mũthembi akasya nĩ mũvuku: ndakamũvathe; nũndũ nĩ mũvuku.</verse>
				<verse number="12">Na ethĩwa mangũ makaumĩla na kũendeea kĩkondenĩ, na mangũ asu makeekunĩkĩlya kĩkonde kyonthe kya ũla wĩ na ũthĩn’yo ũsu kuma mũtwe kũvika maũũ make, o ũndũ mũthembi wĩona;</verse>
				<verse number="13">nĩvo ĩndĩ mũthembi wĩsisya; na, sisya, ethĩwa mangũ nĩmekunĩkĩlĩtye mwĩĩ wake w’onthe, akasya nĩ mũtheu ũla wĩ na ũthĩn’yo ũsu: w’onthe ũalyũkĩte ũkethĩwa mweũ: nake nĩ mũtheu.</verse>
				<verse number="14">Ĩndĩ o yĩla nyama yumĩlĩte ĩkoneka mũndũnĩ ũsu akeethĩwa mũvuku.</verse>
				<verse number="15">Na mũthembi akasisya nyama ĩsu yumĩlĩte, na kwasya nĩ mũvuku: nyama ĩsu yumĩlĩte nĩ mbuku: nĩ mangũ.</verse>
				<verse number="16">Kana ethĩwa nyama ĩsu yumĩlĩte ĩkaalyũka ĩngĩ, ĩkethĩwa nzaũ, nĩvo ĩndĩ wĩenda kwa mũthembi;</verse>
				<verse number="17">na mũthembi akamũsisya; na, sisya, ethĩwa ũthĩn’yo ũsu nĩ mũalyũku ũkethĩwa mweũ, nĩvo ĩndĩ mũthembi wĩasya nĩ mũtheu ũla wĩ na ũthĩn’yo: nake nĩ mũtheu.</verse>
				<verse number="18">Na yĩla mwĩĩ wĩĩthĩwa na mũimũ kĩkondenĩ kyaw’o, naw’o ũivoa,</verse>
				<verse number="19">na vandũ vala vaĩ mũimũ ũsu ve vandũ vaimbu veũ, kana vandũ vaw’engu vatune vanini, akamwon’ye mũthembi vandũ vau;</verse>
				<verse number="20">na mũthembi akasisya; na, sisya, ethĩwa kwoneka kwa vo nĩ valiku kũthonoka kĩkonde, na maw’ĩa ma vo nĩ maalyũku makethĩwa meũ, nĩvo ĩndĩ mũthembi wĩasya nĩ mũvuku: nĩ ũthĩn’yo wa mangũ, nĩwumĩlĩte mũimũnĩ.</verse>
				<verse number="21">Ĩndĩ ethĩwa mũthembi akavasisya, na, sisya, vati maw’ĩa meũ nthĩnĩ wa vo, na ethĩwa tĩ valiku kũthonoka kĩkonde, ĩndĩ nĩvambĩlĩlye kũvoa; nĩvo ĩndĩ mũthembi wĩmũvatha mĩthenya mũonza:</verse>
				<verse number="22">na ethĩwa vakaendeea kĩkondenĩ, nĩvo ĩndĩ mũthembi wĩasya nĩ mũvuku: nĩ ũthĩn’yo.</verse>
				<verse number="23">Ĩndĩ ethĩwa vandũ vau vaw’engu vakekalaa o vamwe, na vaikaendeea, nĩ ĩlanga ya mũimũ; na mũthembi akasya nĩ mũtheu.</verse>
				<verse number="24">Kana yĩla mwĩĩ wĩ na vandũ veũlalaka kĩkondenĩ kyaw’o, na nyama ĩla yumĩlĩte vala veũlalaka ĩkatw’ĩka vandũ vaw’engu, vatune vanini, kana veũ;</verse>
				<verse number="25">nĩvo ĩndĩ mũthembi wĩvasisya; na, sisya, ethĩwa maw’ĩa ala me nthĩnĩ wa vandũ vau vaw’engu nĩ maalyũku makethĩwa meũ, na kwoneka kwa vo nĩ valiku kũthonoka kĩkonde; nĩ mangũ, nĩmaumĩlĩte nthĩnĩ wa vandũ veũlalaka: na mũthembi akasya nĩ mũvuku: nĩ ũthĩn’yo wa mangũ.</verse>
				<verse number="26">Ĩndĩ ethĩwa mũthembi akavasisya, na, sisya, vati maw’ĩa meũ nthĩnĩ wa vandũ vau vaw’engu, na ti valiku kũthonoka kĩkonde, ĩndĩ nĩvambĩlĩlye kũvoa; nĩvo ĩndĩ mũthembi wĩmũvatha mĩthenya mũonza:</verse>
				<verse number="27">na mũthembi akamũsisya mũthenya wa mũonza: na ethĩwa nĩveũendeea kĩkondenĩ, nĩvo ĩndĩ mũthembi wĩasya nĩ mũvuku: nĩ ũthĩn’yo wa mangũ.</verse>
				<verse number="28">Na ethĩwa vandũ vau vaw’engu vekalaa vamwe, na vatĩendeee kĩkondenĩ, ĩndĩ nĩvambĩlĩlye kũvoa; nĩ wimbu wa vala veũlalaka, na mũthembi akasya nĩ mũtheu: nũndũ nĩ ĩlanga ya vala veũlalaka.</verse>
				<verse number="29">Na yĩla mũndũ mũũme kana mũndũ mũka wĩ na ũthĩn’yo mũtwenĩ kana kĩng’ew’anĩ,</verse>
				<verse number="30">nĩvo ĩndĩ mũthembi wĩsisya ũthĩn’yo; na, sisya, ethĩwa kwoneka kwaw’o nĩ mũliku kũthonoka kĩkonde, na nthĩnĩ waw’o ve nzw’ĩĩ mbalaanĩku iilyĩ ĩuuku, nĩvo ĩndĩ mũthembi wĩasya nĩ mũvuku: ve kĩea, nĩ mangũ ma mũtwe kana ma kĩng’ew’a.</verse>
				<verse number="31">Na ethĩwa mũthembi akasisya ũthĩn’yo ũsu wa kĩea, na, sisya, kwoneka kwakyo ti kĩliku kũthonoka kĩkonde, na vati nzw’ĩĩ nziũ nthĩnĩ wakyo, nĩvo ĩndĩ mũthembi wĩmũvatha ũla wĩ na ũthĩn’yo wa kĩea kyu mĩthenya mũonza:</verse>
				<verse number="32">na mũthenya wa mũonza mũthembi akasisya ũthĩn’yo ũsu; na, sisya, ethĩwa kĩea kĩtiendeee, na nthĩnĩ wakyo vati nzw’ĩĩ iilyĩ ĩuuku, na kwoneka kwa kĩea ti kĩliku kũthonoka kĩkonde,</verse>
				<verse number="33">nĩvo ĩndĩ wĩenzwa, ĩndĩ ndakenzwe vala ve kĩea; na mũthembi akamũvathe ũla wĩ na kĩea mĩthenya mũonza ĩngĩ:</verse>
				<verse number="34">na mũthenya wa mũonza mũthembi akasisya kĩea; na, sisya, ethĩwa kĩea kĩtinaendeea kĩkondenĩ, na kwoneka kwakyo ti kĩliku kũthonoka kĩkonde; nĩvo ĩndĩ mũthembi wĩasya nĩ mũtheu: na akathambye ngũa syake, nake akeethĩwa mũtheu.</verse>
				<verse number="35">Ĩndĩ ethĩwa kĩea nĩkĩendeee kĩkondenĩ ĩtina wa kũthew’a kwake,</verse>
				<verse number="36">nĩvo mũthembi wĩmũsisya; na, sisya, ethĩwa kĩea nĩkĩendeee kĩkondenĩ, mũthembi ndakamanthe nzw’ĩĩ iilyĩ ĩuuku; nĩ mũvuku.</verse>
				<verse number="37">Ĩndĩ ethĩwa nũnũkwona kĩea kĩũngamĩte, na nzw’ĩĩ nziũ nikũmea nthĩnĩ wa kĩea; kĩea nĩkĩvoete, nake nĩ mũtheu: na mũthembi akasya nĩ mũtheu.</verse>
				<verse number="38">Na yĩla mũndũ mũũme kana mũndũ mũka wĩ na kũndũ kũw’engu kĩkondenĩ kya mwĩĩ, o kũw’engu kweũ;</verse>
				<verse number="39">nĩvo mũthembi wĩsisya; na, sisya, ethĩwa kũndũ kũu kũw’engu kĩkondenĩ kya mwĩĩ kũkethĩwa kweu vanini, nĩ mũvĩvya, nĩwumĩlĩte kĩkondenĩ; nake nĩ mũtheu.</verse>
				<verse number="40">Na ethĩwa nzw’ĩĩ sya mũndũ nĩ ngunyũku mũtwe, e ũvaa; ĩndĩ nĩ mũtheu.</verse>
				<verse number="41">Na ethĩwa nzw’ĩĩ nĩ ngunyũku mũtwe kuma ũthyũnĩ, we e ũvaa wa kĩtulya; ĩndĩ nĩ mũtheu.</verse>
				<verse number="42">Ĩndĩ ethĩwa ve ũthĩn’yo mũtune vanini mũtwenĩ ũla wĩ ũvaa katĩ, kana kĩtulyanĩ kya ũthyũ kĩ ũvaa; nĩ mangũ maumĩlĩte mũtwenĩ wake wĩ ũvaa katĩ, kana kĩtulyanĩ kya ũthyũ kĩ ũvaa.</verse>
				<verse number="43">Nĩvo mũthembi wĩmũsisya; na, sisya, ethĩwa wimbu wa ũthĩn’yo nĩ mũtune vanini mũtwenĩ wake wĩ ũvaa, kana kĩtulyanĩ kyake kya ũthyũ kĩ ũvaa, ũkyoneka ta mangũ kĩkondenĩ kya mwĩĩ;</verse>
				<verse number="44">we nĩ mũndũ wĩ na mangũ, nĩ mũvuku; mũthembi ndatĩa kwasya nĩ mũvuku; ũthĩn’yo wake wĩ mũtwenĩ wake.</verse>
				<verse number="45">Na ũla wĩ na ũthĩn’yo ũsu, ngũa syake ikatembũangwe, na nzw’ĩĩ sya mũtwe wake ikavuwe, na akavw’ĩke kĩlomo kyake kya ĩũlũ, na kũneena na wasya mũnene, Mũvuku, mũvuku.</verse>
				<verse number="46">Mĩthenya yonthe ĩla wĩĩthĩwa na ũthĩn’yo akeethĩwa mũvuku; nake nĩ mũvuku: akekale e weka; ũtũo wake ũkeethĩwa ũtee wa mwako wa maeema.</verse>
				<verse number="47">Na ngũa ĩla yĩ na ũthĩn’yo wa mangũ nthĩnĩ wayo, ethĩwa nĩ ngũa ĩtumĩtwe ya maw’ĩa ma malondu, kana ngũa ya katane;</verse>
				<verse number="48">ethĩwa wĩ mbeinĩ, kana mbĩnonĩ; ngũanĩ ya katane, kana ya maw’ĩa ma malondu; ethĩwa wĩ kĩthumanĩ, kana kĩndũnĩ o na kĩva kĩseũvĩtw’e kya kĩthuma;</verse>
				<verse number="49">ethĩwa ũthĩn’yo ũilyĩ waiũ kana mũtune wĩ ngũanĩ, kana kĩthumanĩ, kana mbeinĩ, kana mbĩnonĩ, kana kĩndũnĩ o na kĩva kĩseũvĩtw’e kya kĩthuma; nĩ ũthĩn’yo wa mangũ, na mũvaka ũkonanw’e kwa mũthembi.</verse>
				<verse number="50">Na mũthembi akasisya ũthĩn’yo, na akavathe kĩla kĩ na ũthĩn’yo mĩthenya mũonza:</verse>
				<verse number="51">na akasisya ũthĩn’yo mũthenya wa mũonza: ethĩwa ũthĩn’yo nũendeee ngũanĩ, ethĩwa wĩ mbeinĩ, kana mbĩnonĩ, kana kĩthumanĩ, kĩthuma kya wĩa o na wĩva; ũthĩn’yo nĩ mangũ mai; nĩ mbuku.</verse>
				<verse number="52">Na akavĩvye ngũa, ethĩwa nĩ mbei kana mbĩno, ngũanĩ ya maw’ĩa ma ĩlondu kana ya katane, kana kĩndũnĩ o na kĩva kĩseũvĩtw’e kya kĩthuma, kĩla kĩ na ũthĩn’yo nthĩnĩ wakyo: nũndũ nĩ mangũ mai; kĩvĩvw’e na mwaki.</verse>
				<verse number="53">Na ethĩwa mũthembi akasisya, na, sisya, ũthĩn’yo ndũnaendeea ngũanĩ, mbeinĩ, kana mbĩnonĩ, kana kĩndũnĩ o na kĩva kĩseũvĩtw’e kya kĩthuma;</verse>
				<verse number="54">nĩvo mũthembi wĩtw’a mathambye kĩndũ kĩla kĩ na ũthĩn’yo nthĩnĩ wakyo, na akakĩvathe mĩthenya mũonza ĩngĩ:</verse>
				<verse number="55">na mũthembi akasisya, ĩtina wa kũthambw’a kwa ũthĩn’yo; na, sisya, ethĩwa ũthĩn’yo ndũnaalyũka langi waw’o, na ũthĩn’yo ndũnaendeea, nĩ mbuku; mĩvĩvye na mwaki: nĩ wai, ethĩwa ũvaa wĩ nthĩnĩ kana ũtee.</verse>
				<verse number="56">Na ethĩwa mũthembi akasisya, na, sisya, ũthĩn’yo nĩwambĩlĩlye kũvoa ĩtina wa kũthambw’a kwaw’o, nĩvo ĩndĩ wĩvatembũa aumye vala ve ũthĩn’yo ngũanĩ, kana kĩthumanĩ, kana mbeinĩ, kana mbĩnonĩ:</verse>
				<verse number="57">na ethĩwa ĩtina wa kwĩka ũu ũkooneka ngũanĩ, ethĩwa nĩ mbeinĩ kana mbĩnonĩ, kana kĩndũnĩ o na kĩva kĩseũvĩtw’e kya kĩthuma, nũkumĩla: vĩvya na mwaki kĩndũ kĩla kĩ na ũthĩn’yo.</verse>
				<verse number="58">Na ngũa, mbei kana mbĩno, kana kĩndũ o na kĩva kĩseũvĩtw’e kya kĩthuma, kĩla wĩthambya, ethĩwa ũthĩn’yo nĩwumĩte nthĩnĩ wasyo, kĩkathambwe ĩvinda ya kelĩ, na kĩkeethĩwa kĩtheu.</verse>
				<verse number="59">Ũsu nĩw’o mwĩao wa ũthĩn’yo wa mangũ ngũanĩ ĩtumĩtwe na maw’ĩa ma ĩlondu kana ya katane, mbeinĩ kana mbĩnonĩ, kana kĩndũnĩ o na kĩva kĩseũvĩtw’e kya kĩthuma, wa kwasya nĩ kĩtheu, kana kwasya nĩ kĩvuku.</verse>
			</chapter>
			<chapter number="14">
				<verse number="1">Na Yeova aneena na Mose, akĩmwĩa,</verse>
				<verse number="2">Ũũ ũkeethĩwa mwĩao wa ũla wĩ na mangũ mũthenya wa kũthew’a kwake: akaetwe kwa mũthembi:</verse>
				<verse number="3">na mũthembi akaumaale kuma mwakonĩ wa maeema; na mũthembi akasisya; na, sisya, ethĩwa ũthĩn’yo wa mangũ nũvoete mũndũnĩ ũla wĩ na mangũ,</verse>
				<verse number="4">nĩvo mũthembi wĩtw’a kana nyũnyi ilĩ ntheu syĩ thayũ ietwe kwondũ wa ũla wĩthew’a, vamwe na mũtĩ wa mũkũũ, na langi mũtune mũno, na ĩsovo:</verse>
				<verse number="5">na mũthembi akatw’a nyũnyi ĩmwe yũaĩwe kĩndũnĩ kya yũmba ĩũlũ wa manzĩ mavĩtĩte.</verse>
				<verse number="6">Na nyũnyi ĩla ĩngĩ yĩ thayũ, akamyose, vamwe na mũtĩ wa mũkũũ, na langi mũtune mũno, na ĩsovo, na akailikye vamwe na nyũnyi yĩ thayũ nthakamenĩ ya nyũnyi ĩla yũaĩwe ĩũlũ wa manzĩ mavĩtĩte:</verse>
				<verse number="7">na akamũminzangĩsye mũndũ ũla wa kũthew’a mangũ maminzangĩsya mũonza, na akasya nĩ mũtheu, na akalekye nyũnyi yĩ thayũ ĩthi weũnĩ.</verse>
				<verse number="8">Na ũla wa ũthew’a akathambye ngũa syake, na kwenza nzw’ĩĩ syake syonthe, na kũthamba manzĩnĩ; na akeethĩwa mũtheu: na ĩtina wa ũu akasyoka mwakonĩ wa maeema, ĩndĩ akekala ũtee wa ĩeema yake mĩthenya mũonza.</verse>
				<verse number="9">Na kũkeethĩwa mũthenya wa mũonza, akenze nzw’ĩĩ syake syonthe mũtwenĩ wake na kĩng’ew’a kyake na syĩnthakuva syake, o nzw’ĩĩ syake syonthe akenze: na akathambye ngũa syake, na akathambe mwĩĩ wake manzĩnĩ, na akeethĩwa mũtheu.</verse>
				<verse number="10">Na mũthenya wa nyanya akose tũtũlũme twĩlĩ tũte kĩema, na kamwatĩ kamwe ka mwaka ũmwe kate kĩema, na ilungu itatũ sya ĩkũmi sya eva ya mũtu mũvinyu wĩthĩwe nthembo ya mũtu, ũvulanĩtw’e na mauta, na kĩthimi kĩtawa loki ya mauta.</verse>
				<verse number="11">Na mũthembi ũla wĩmũthesya akamwĩkalya mũndũ ũla wĩthew’a, vamwe na syĩndũ isu, mbee wa Yeova, mũomonĩ wa ĩeema ya kũmbanĩa.</verse>
				<verse number="12">Na mũthembi akose kamwe ka tũla tũtũlũme, na kũkathemba kethĩwe nthembo ya ĩvĩtyo, vamwe na loki ya mauta, na kwivyũlangya syĩthĩwe nthembo ya kũvyũlw’a mbee wa Yeova:</verse>
				<verse number="13">na akoaĩe katũlũme vandũ vala moaĩaa nthembo ya naĩ na nthembo ya kũvĩvw’a, vala vandũ vatheu: o tondũ nthembo ya naĩ nĩ ya mũthembi, o ta ũu nthembo ya ĩvĩtyo nĩ yake: nĩ ntheu mũno.</verse>
				<verse number="14">Na mũthembi akose nthakame ĩmwe ya nthembo ya ĩvĩtyo, na mũthembi akamĩvaka mũthyanĩ wa kũtũ kwa ngalĩ ya kw’oko kwa aũme kwa ũla wa kũthew’a, na kyaanĩ kĩnene kya kw’oko kwake kwa aũme, na kyaanĩ kĩnene kya kũũ kwake kwa aũme.</verse>
				<verse number="15">Na mũthembi akose kĩthiminĩ kĩtawa loki ya mauta, na kwĩkĩa kĩtaanĩ kya kw’oko kwake kwa aka;</verse>
				<verse number="16">na mũthembi akatolye kyaa kyake kya kw’oko kwa aũme mautanĩ ala me kw’okonĩ kwa aka, na kũminzangĩsya mauta na kyaa kyake maminzangĩsya mũonza mbee wa Yeova.</verse>
				<verse number="17">Na ma mauta ala metiala kw’okonĩ kwake mũthembi akamavake mũthyanĩ wa kũtũ kwa ngalĩ ya kw’oko kwa aũme kwa ũla wĩthew’a, na kyaanĩ kĩnene kya kw’oko kwake kwa aũme, na kyaanĩ kĩnene kya kũũ kwake kwa aũme, vala ve nthakame ya nthembo ya ĩvĩtyo;</verse>
				<verse number="18">na mauta ala metiala kw’okonĩ kwa mũthembi akekĩe mũtwenĩ wa ũla wĩthew’a: na mũthembi akathembe nthembo ya wĩw’anĩthyo kwondũ wake mbee wa Yeova.</verse>
				<verse number="19">Na mũthembi akathembe nthembo ya naĩ, na kũmwĩw’anĩthya ũla wĩthew’a nũndũ wa ũvuku wake: na ĩtina akooaa nthembo ya kũvĩvw’a;</verse>
				<verse number="20">na mũthembi akathembe nthembo ya kũvĩvw’a na nthembo ya mũtu kĩthembeonĩ; na mũthembi akathembe nthembo ya wĩw’anĩthyo kwondũ wake, na akeethĩwa mũtheu.</verse>
				<verse number="21">Na ethĩwa nĩ ngya, na ndatonya kũsyona, nĩvo ĩndĩ wĩtwaa katũlũme kamwe kethĩwe nthembo ya ĩvĩtyo ka kũvyũlangw’a, ka wĩw’anĩthyo kwondũ wake, na kĩlungu kya ĩkũmi kya eva ya mũtu mũvinyu ũvulanĩtw’e na mauta wĩthĩwe nthembo ya mũtu, na loki ya mauta;</verse>
				<verse number="22">na ndumbũ ilĩ, kana maswii elĩ ma ĩvũĩ, o ũndũ ũtonya kwona; na ĩmwe ĩkeethĩwa nthembo ya naĩ, na ĩla ĩngĩ nthembo ya kũvĩvw’a.</verse>
				<verse number="23">Na mũthenya wa nyanya akaiete kwa mũthembi kwondũ wa kũthew’a kwake, mũomonĩ wa ĩeema ya kũmbanĩa, mbee wa Yeova:</verse>
				<verse number="24">na mũthembi akose katũlũme ka nthembo ya ĩvĩtyo, na loki ya mauta, na mũthembi akaivyũlangya syĩthĩwe nthembo ya kũvyũlw’a mbee wa Yeova.</verse>
				<verse number="25">Na akoae katũlũme ka nthembo ya ĩvĩtyo; na mũthembi akose nthakame ĩmwe ya nthembo ya ĩvĩtyo, na kũmĩvaka mũthyanĩ wa kũtũ kwa ngalĩ ya kw’oko kwa aũme kwa ũla wĩthew’a, na kyaanĩ kĩla kĩnene kya kw’oko kwake kwa aũme, na kyaanĩ kĩla kĩnene kya kũũ kwake kwa aũme.</verse>
				<verse number="26">Na mũthembi akekĩe mauta amwe kĩtaanĩ kyake kya kw’oko kwa aka;</verse>
				<verse number="27">na mũthembi akaminzangĩsye na kyaa kyake kya kw’oko kwa aũme mauta amwe me kw’okonĩ kwake kwa aka maminzangĩsya mũonza mbee wa Yeova:</verse>
				<verse number="28">na mũthembi akavake mauta amwe ala me kw’okonĩ kwake mũthyanĩ wa kũtũ kwa ngalĩ ya kw’oko kwa aũme kwa ũla wĩthew’a, na kyaanĩ kĩla kĩnene kya kw’oko kwake kwa aũme, na kyaanĩ kĩnene kya kũũ kwake kwa aũme, vala ve nthakame ya nthembo ya ĩvĩtyo:</verse>
				<verse number="29">na mauta ala metiala kw’okonĩ kwa mũthembi akekĩe mũtwenĩ wa ũla wĩthew’a, methĩwe ma wĩw’anĩthyo kwondũ wake mbee wa Yeova.</verse>
				<verse number="30">Na akathembe ĩmwe ya ila ndumbũ, kana yĩmwe ya maswii ma ĩvũĩ, o ũndũ ũtonya kwona,</verse>
				<verse number="31">o ũndũ ũtonya kwona, ĩmwe yĩthĩwe nthembo ya naĩ, na ĩla ĩngĩ yĩthĩwe nthembo ya kũvĩvw’a, vamwe na nthembo ya mũtu: na mũthembi akathembe nthembo ya wĩw’anĩthyo kwondũ wa ũla wĩthew’a mbee wa Yeova.</verse>
				<verse number="32">Ũsu nĩw’o mwĩao wa ũla wĩ na ũthĩn’yo wa mangũ, ũla ũtatonya kwona kĩla kya kũthew’a kwake.</verse>
				<verse number="33">Na Yeova aneena na Mose na Aluni, akĩmea,</verse>
				<verse number="34">Mwalika nthĩ ya Kanaani, ĩla nĩmũnengae yĩthĩwe ng’ũndũ yenyu, na neekĩa ũthĩn’yo wa mangũ nyũmbanĩ yĩ nthĩ ya ng’ũndũ yenyu;</verse>
				<verse number="35">nĩvo ĩndĩ mwene nyũmba wĩthi kũtavya mũthembi, akĩmwĩa, Nĩngwona nyie kana ve ũthĩn’yo nyũmbanĩ.</verse>
				<verse number="36">Na mũthembi akatw’a maumaalye mĩio yonthe nyũmba ĩtiwe yĩ nthei, mũthembi atanalika kũsisya ũthĩn’yo, mĩio yonthe yĩ nyũmbanĩ ndĩkavukw’e: na ĩtina mũthembi akalika asisye nyũmba:</verse>
				<verse number="37">nake akasisya ũthĩn’yo; na, sisya, ethĩwa ũthĩn’yo wĩ mawakonĩ ma nyũmba wĩ myalĩkanĩ, yĩ langi wĩ waiũ kana mũtune, na kwoneka kwaw’o nĩ mũliku nthĩnĩ wakonĩ;</verse>
				<verse number="38">nĩvo mũthembi wĩuma nyũmbanĩ kũvika mũomonĩ wa nyũmba, na kũvinga nyũmba mĩthenya mũonza.</verse>
				<verse number="39">Na mũthembi akasyoka mũthenya wa mũonza, na akasisya; na, sisya, ethĩwa ũthĩn’yo nũendeee mawakonĩ ma nyũmba;</verse>
				<verse number="40">nĩvo ĩndĩ mũthembi wĩtw’a maumye mavia ala me na ũthĩn’yo nthĩnĩ, na kũmekya vandũ vavuku ũtee wa ndũa:</verse>
				<verse number="41">na akatuma nyũmba ĩsu ĩvalavalwa nthĩnĩ ngalĩ syonthe, na makete mũthanga ũla mavalavalile, ũtee wa ndũa vandũ vavuku:</verse>
				<verse number="42">na makose mavia angĩ, na kũmekĩa vandũ va mavia asu; na akose ndaka ĩngĩ, na kũvaka nyũmba.</verse>
				<verse number="43">Na ethĩwa ũthĩn’yo nũũsyoka, na kumĩla nyũmbanĩ, amina kumya mavia, na amina kũvalavala nyũmba, na yathela kũvakwa ndaka;</verse>
				<verse number="44">nĩvo mũthembi wĩlika na kũsisya; na, sisya, ethĩwa ũthĩn’yo nũendeee nyũmbanĩ, nĩ mangũ mai nyũmbanĩ: nĩ mbuku.</verse>
				<verse number="45">Na akamĩomboe nyũmba, mavia mayo, na mĩtĩ yayo, na ndaka yonthe ya nyũmba; na akaitwaa ũtee wa ndũa vandũ vavuku.</verse>
				<verse number="46">Na ĩngĩ ũla wĩlika nyũmbanĩ ĩvinda yonthe yĩ mbinge akeethĩwa mũvuku kũvika wĩoo.</verse>
				<verse number="47">Na ũla wĩkoma ĩ nyũmba akathambye ngũa syake; na ũla wĩĩa ĩ nyũmba akathambye ngũa syake.</verse>
				<verse number="48">Na ethĩwa mũthembi akalika, na kũsisya, na, sisya, ũthĩn’yo ndũnaendeea nyũmbanĩ, nyũmba yathela kũvakwa ndaka; nĩvo ĩndĩ mũthembi wĩasya nyũmba nĩ ntheu, nĩkwĩthĩwa ũthĩn’yo nĩ mũthelu.</verse>
				<verse number="49">Na akose nyũnyi ilĩ sya kũthesya nyũmba, na mũtĩ wa mũkũũ, na langi mũtune mũno, na ĩsovo:</verse>
				<verse number="50">na akoaĩe nyũnyi ĩmwe kĩndũnĩ kya yũmba ĩũlũ wa manzĩ mavĩtĩte:</verse>
				<verse number="51">na akose ũla mũtĩ wa mũkũũ, na ĩsovo, na langi mũtune mũno, na nyũnyi yĩ thayũ, na kũlikya nthakamenĩ ya nyũnyi ĩla mbũae, na manzĩnĩ mavĩtĩte, na kũminzangĩsya nyũmba maminzangĩsya mũonza:</verse>
				<verse number="52">na akathesye nyũmba na nthakame ya nyũnyi ĩsu, na manzĩ ala mavĩtĩte, na nyũnyi yĩ thayũ, na mũtĩ ũsu wa mũkũũ, na ĩsovo, na langi mũtune mũno:</verse>
				<verse number="53">ĩndĩ akamĩlekye nyũnyi yĩ thayũ ĩende ũtee wa ndũa weũnĩ: o ta ũu akathembe nthembo ya wĩw’anĩthyo kwondũ wa nyũmba; na ĩkeethĩwa ntheu.</verse>
				<verse number="54">Ũsu nĩw’o mwĩao kwondũ wa mĩthemba yonthe ya ũthĩn’yo wa mangũ na wa kĩea,</verse>
				<verse number="55">na wa mangũ me ngũanĩ, na wa nyũmba,</verse>
				<verse number="56">na wa vandũ vaimbu, na wa ngũsĩ, na wa vandũ vaw’engu;</verse>
				<verse number="57">kũmanyĩsya yĩla wĩĩthĩwa mũvuku, na yĩla wĩĩthĩwa mũtheu: ũu nĩw’o mwĩao wa mangũ.</verse>
			</chapter>
			<chapter number="15">
				<verse number="1">Na Yeova aneena na Mose na Aluni, akyasya,</verse>
				<verse number="2">Neenai na ana ma Isilaeli, noimea, Mũndũ o na wĩva e na mũluo kuma mwĩĩnĩ wake, nĩ mũvuku kwondũ wa mũluo wake.</verse>
				<verse number="3">Na ũvuku wake nĩ ũũ nthĩnĩ wa mũluo wake: ethĩwa mwĩĩ wake wĩumya mavia ma mũluo wake, kana ethĩwa mũluo wake nũsiĩĩwa mwĩĩnĩ wake, nĩ ũvuku wake.</verse>
				<verse number="4">Ũkomo o na wĩva ũla ũsu wĩ na mũluo ũkomee ũkeethĩwa wĩ mũvuku; na kĩla kĩndũ wĩĩkalĩla kĩkeethĩwa kĩ kĩvuku.</verse>
				<verse number="5">Na o ũla wĩkiita ũkomo wake mũvaka athambye ngũa syake, na akathamba na manzĩ, na akeethĩwa mũvuku kũvika wĩoo.</verse>
				<verse number="6">Na ũla wĩĩkalĩla kĩndũ kĩla kĩkalĩlwe nĩ ũla wĩ na mũluo mũvaka athambye ngũa syake, na akathamba na manzĩ, na akeethĩwa mũvuku kũvika wĩoo.</verse>
				<verse number="7">Na ũla wĩkiita mwĩĩ wa ũsu wĩ na mũluo mũvaka athambye ngũa syake, na akathamba na manzĩ, na akeethĩwa mũvuku kũvika wĩoo.</verse>
				<verse number="8">Na ethĩwa mũndũ ũsu wĩ na mũluo akamũtwĩla mata ũla mũtheu, nĩvo ĩndĩ wĩthambya ngũa syake, na akathamba na manzĩ, na akeethĩwa e mũvuku kũvika wĩoo.</verse>
				<verse number="9">Na ĩtandĩko o na yĩva ũla wĩ na mũluo wĩtũla yĩkeethĩwa yĩ ĩvuku.</verse>
				<verse number="10">Na o ũla wĩkiita kĩndũ kĩla ũsu eĩtũlĩte akeethĩwa e mũvuku kũvika wĩoo: na ũla wĩkua syĩndũ isu akathambye ngũa syake, na kũthamba na manzĩ, na akeethĩwa mũvuku kũvika wĩoo.</verse>
				<verse number="11">Na o ũla wĩkiitwa nĩ ũsu wĩ na mũluo, atathambĩte moko na manzĩ, mũvaka athambye ngũa syake, na akathamba na manzĩ, na akeethĩwa mũvuku kũvika wĩoo.</verse>
				<verse number="12">Na kĩndũ kya yũmba, kĩla ũla wĩ na mũluo wĩkiita, mũvaka kyũawe; na kĩla kĩndũ kya mũtĩ kĩkathambw’e na manzĩ.</verse>
				<verse number="13">Na ũsu wĩ na mũluo athew’a mũluo wake, nĩvo wĩĩtalĩla mwene matukũ mũonza ma kũthew’a kwake, na akathambye ngũa syake; na kũthamba mwĩĩ wake na manzĩ mavĩtĩte, na akeethĩwa e mũtheu.</verse>
				<verse number="14">Na mũthenya wa nyanya akeeyosea ndumbũ ilĩ, kana maswii elĩ ma mavũĩ, nake akathi mbee wa Yeova mũomonĩ wa ĩeema ya kũmbanĩa, na akamũnenga mũthembi:</verse>
				<verse number="15">nake mũthembi akaithembe, ĩmwe ĩthĩwe nthembo ya naĩ, na ĩla ĩngĩ ĩthĩwe nthembo ya kũvĩvw’a; na mũthembi akamwĩw’anĩthya ũsu na Yeova kwondũ wa mũluo wake.</verse>
				<verse number="16">Ethĩwa mũndũ akaumwa nĩ ũsamba wake, nĩvo ĩndĩ athambe mwĩĩ wake w’onthe na manzĩ, na akeethĩwa mũvuka kũvika wĩoo.</verse>
				<verse number="17">Na kĩla ngũa, na kĩla kĩthuma, kĩ na ũsamba, ikathambw’e na manzĩ, na ikeethĩwa syĩ mbuku kũvika wĩoo.</verse>
				<verse number="18">Na mũndũ mũka nake ũla wĩkoma na mũndũ mũũme e na ũsamba, no mũvaka mathambe me elĩ na manzĩ, na kwĩthĩwa avuku kũvika wĩoo.</verse>
				<verse number="19">Na ethĩwa mũndũ mũka eumwa nĩ kĩndũ, na kĩndũ kyake kĩla wĩ nakyo mwĩĩnĩ wake nĩ nthakame, kũvathwa kwake nĩ ĩvinda ya matukũ mũonza: na o ũla wĩmũkiita akeethĩwa mũvuku kũvika wĩoo.</verse>
				<verse number="20">Na kĩndũ o na kĩva kyonthe kĩla wĩkomea yĩla ũvathĩtwe kĩkeethĩwa kivuku: na kĩndũ o na kĩva nakyo kĩla wĩĩkalĩla kĩkeethĩwa kĩvuku.</verse>
				<verse number="21">Na mũndũ mũũme o ũla wĩkiita ũkomo wake akathambye ngũa syake, na kũthamba na manzĩ, na akeethĩwa mũvuku kũvika wĩoo.</verse>
				<verse number="22">Na o ũla wĩkiita kĩndũ o na kĩva ũkĩkalĩle no mũvaka athambye ngũa syake, na akathamba na manzĩ, na akeethĩwa mũvuku kũvika wĩoo.</verse>
				<verse number="23">Ethĩwa nĩ ĩũlũ wa ũkomo, kana ĩũlũ wa kĩndũ o na kĩva kĩla wĩĩkalĩla, mũndũ mũũme akĩkiita akeethĩwa mũvuku kũvika wĩoo.</verse>
				<verse number="24">Na ethĩwa mũndũ mũũme akakoma nake, na ũvuku wake ũkĩthĩwa ĩũlũ wake, ũ mũndũ mũũme akeethĩwa mũvuku matukũ mũonza; na kĩla ũkomo wĩkomeaa ũkeethĩwa mũvuku.</verse>
				<verse number="25">Na ethĩwa mũndũ mũka eumwa nĩ nthakame yake mĩthenya mingĩ, na ti ĩvinda ya kwĩalũla kwake, kana ethĩwa eumwa ni nthakame kũvĩtũka ivinda ya kwĩalũla kwake; mĩthenya yonthe ya kumwa nthakame ya ũvuku wake akeethĩwa o ta mĩthenyanĩ ya kwĩalũla kwake: nĩ mũvuku.</verse>
				<verse number="26">Kĩla ũkomo wĩkomeaa mĩthenya yonthe ya kumwa kwake kwa nthakame ũkeethĩwa kwake ta ũkomo wa kwĩalũla kwake: na kĩla kĩndũ wĩĩkalĩla kĩkeethĩwa kĩvuku, o ta ũvuku wa kwĩalũla kwake.</verse>
				<verse number="27">Na mũndũ mũũme o ũla wĩkiita syĩndũ isu akeethĩwa mũvuku, na akathambye ngũa syake, na kũthamba na manzĩ, na akeethĩwa mũvuku kũvika wĩoo.</verse>
				<verse number="28">Ĩndĩ ethĩwa akathew’a kwa kumwa kwake kwa nthakame, nĩvo ĩndĩ wĩĩtalĩla mwene mĩthenya mũonza, na ĩtina wa ũu akeethĩwa mũtheu.</verse>
				<verse number="29">Na mũthenya wa nyanya akeeyosea ndumbũ ilĩ, kana maswii elĩ ma ĩvũĩ, na kũmũtwaĩa mũthembi, mũomonĩ wa ĩeema ya kũmbanĩa.</verse>
				<verse number="30">Na mũthembi akathembe yĩmwe yĩthĩwe nthembo ya naĩ, na yĩla yĩngĩ yĩthĩwe nthembo ya kũvĩvw’a; na mũthembi akamwĩw’anĩthya ũsu mbee wa Yeova kwondũ wa kumwa kwa nthakame yake kwa ũvuku wake.</verse>
				<verse number="31">Ũu nĩw’o mwĩvathanasya ana ma Isilaeli na ũvuku woo, matikakw’e ũvukunĩ woo, o yĩla mevukya ũla wĩkalo wakwa ũla wĩ katĩ woo.</verse>
				<verse number="32">Ũsu nĩw’o mwĩao kwa ũla wĩ na mũluo, na kwa ũla wĩumwa nĩ ũsamba wake, ũndũ watumie avuka;</verse>
				<verse number="33">na kwa ũla wĩalũlĩte, na kwa ũla wĩumwa nĩ nthakame, kwa mũndũ mũũme, na kwa mũndũ mũka, na kwa ũla wĩkoma na mũndũ mũka mũvuku.</verse>
			</chapter>
			<chapter number="16">
				<verse number="1">Na Yeova aneena na Mose, ĩtina wa kĩkw’ũ kya ala ana elĩ ma Aluni, yĩla mamũthengeeie Yeova, na makw’a;</verse>
				<verse number="2">na Yeova amwĩa Mose, Neena na Aluni mwana‐a‐mwenyu, ndakalikae mavinda onthe vala vandũ vatheu nthĩnĩ wa tũtũ, mbee wa wĩkalo wa tei ũla wĩ ĩũlũ wa yĩla ĩsandũkũ; nĩ kana Ndakakw’e: nũndũ ngeeyonan’ya nĩ mũumbĩnĩ ĩũlũ wa wĩkalo wa tei.</verse>
				<verse number="3">Aluni akalikaa vala vandũ vatheu e na syĩndũ ii: kasalũ kethĩwe nthembo ya naĩ, na ndũũme yĩthĩwe nthembo ya kũvĩvw’a.</verse>
				<verse number="4">Akekĩaa ũla kanzũ mũtheu wa katane, na akekĩaa ũla sulualĩ wa katane mwĩĩnĩ wake, na akeevotoaa mũsivi wa katane, na akeekĩaa ngutw’a ya katane: isu nĩsyo ngũa ntheu; na akathambe mwĩĩ wake na manzĩ, na kũsyĩkĩa.</verse>
				<verse number="5">Na akose ũmbanonĩ wa ana ma Isilaeli nthenge ilĩ syĩthĩwe nthembo ya naĩ, na ndũũme ĩmwe yĩthĩwe nthembo ya kũvĩvw’a.</verse>
				<verse number="6">Na Aluni akaete kala kasalũ ka nthembo ya naĩ, nako nĩ kwondũ wake mwene, na kũkathemba kethĩwe wĩw’anĩthyo kwondũ wake mwene, na kwondũ wa nyũmba yake.</verse>
				<verse number="7">Na akose nthenge isu syelĩ, na kũsia mbee wa Yeova, mũomonĩ wa ĩeema ya kũmbanĩa.</verse>
				<verse number="8">Na Aluni akaliman’ye nthenge isu syelĩ; kũliman’ya kũmwe kwĩthĩwe kwondũ wa Yeova, na kũliman’ya kũla kũngĩ kwĩthĩwe kwondũ wa Asaseli.</verse>
				<verse number="9">Na Aluni akaete nthenge ĩla yavalũkĩlwe nĩ mũlimano yĩthĩwe ya Yeova, na kũmĩthemba yĩthĩwe nthembo ya naĩ.</verse>
				<verse number="10">Ĩndĩ nthenge, ĩla yavalũkĩlwe nĩ mũlimano yĩthĩwe ya Asaseli, ĩkaekwe yĩ thayũ mbee wa Yeova, yĩthĩwe nthembo ya wĩw’anĩthyo, ĩlekw’e ĩthi weũnĩ yĩthĩwe ya Asaseli.</verse>
				<verse number="11">Na Aluni akaete kala kasalũ ka nthembo ya naĩ, nayo nĩ kwondũ wake mwene, na kũkathemba kethĩwe wĩw’anĩthyo kwondũ wake mwene, na kwondũ wa nyũmba yake, na akooaa kasalũ kau ka nthembo ya naĩ, ĩla yĩ kwondũ wake mwene.</verse>
				<verse number="12">Na akose kĩtoeesya kyusũĩtw’e makaa me mwaki kuma kĩthembeonĩ mbee wa Yeova, na mbĩ syusĩe ũvani wĩ mũuke mũseo mũkimange, na kũtwaa nthĩnĩ wa tũtũ:</verse>
				<verse number="13">na akekĩe ũvani mwakinĩ mbee wa Yeova, nĩ kana syũki ya ũvani yĩvw’ĩke wĩkalo wa tei ũla wĩ ĩũlũ wa yĩla ĩsandũkũ ya ũkũsĩ, nĩ kana ndakakw’e:</verse>
				<verse number="14">na akose nthakame ĩmwe ya kala kasalũ, na kũmĩminzangĩsya na kyaa kyake wĩkalonĩ wa tei ngalĩ ya wumĩlonĩ wa syũa; na akaminzangĩsye nthakame na kyaa kyake maminzangĩsya mũonza mbee wa wĩkalo wa tei.</verse>
				<verse number="15">Nĩvo ĩndĩ wĩũaa ĩla nthenge ya nthembo ya naĩ, ĩla yĩ kwondũ wa andũ, na kũete nthakame yayo nthĩnĩ wa tũtũ, na kwĩka na nthakame yayo o tondũ wekie na nthakame ya kala kasalũ, na kũmĩminzangĩsya wĩkalonĩ wa tei, na mbee wa wĩkalo wa tei:</verse>
				<verse number="16">na akathembe nthembo ya wĩw’anĩthyo kwondũ wa vala vandũ vatheu, nũndũ wa movuku ma ana ma Isilaeli, na nũndũ wa mavĩtyo moo, o naĩ syoo syonthe: na now’o ũkeka kwondũ wa ĩeema ya kũmbanĩa, yĩla yĩkalaa namo movukunĩ moo.</verse>
				<verse number="17">Na vatikethĩwe mũndũ o na wĩva ĩeemanĩ ya kũmbanĩa yĩla mũthembi wĩlika kũthemba nthembo ya wĩw’anĩthyo vala vandũ vatheu, kũvika yĩla wĩumaala, amina kũthemba nthembo ya wĩw’anĩthyo kwondũ wake mwene, na kwondũ wa andũ ma nyũmba yake, na kwondũ wa ũmbano w’onthe wa Isilaeli.</verse>
				<verse number="18">Na akaumaale aende vala ve kĩthembeo kĩla kĩ mbee wa Yeova, na kũthemba nthembo ya wĩw’anĩthyo kwondũ wakyo, na akose nthakame ĩmwe ya kala kasalũ, na nthakame ĩmwe ya ĩla nthenge, na kũmĩvaka mbyanĩ sya kĩthembeo ngalĩ syonthe.</verse>
				<verse number="19">Na akakĩminzangĩsye nthakame na kyaa kyake maminzangĩsya mũonza, na kũkĩthesya, na kũkĩvatha kĩthĩwe kĩtheu kwondũ wa movuku ma ana ma Isilaeli.</verse>
				<verse number="20">Na amina kũthemba nthembo ya wĩw’anĩthyo kwondũ wa vala vandũ vatheu, na ĩeema ya kũmbanĩa, na kĩthembeo, akaete ĩla nthenge yĩ thayũ:</verse>
				<verse number="21">na Aluni akailĩĩle moko make elĩ mũtwenĩ wa nthenge yĩ thayũ, na kumbũlĩla ĩũlũ wayo mothũku onthe ma ana ma Isilaeli, na mavĩtyo moo onthe, o naĩ syoo syonthe; nasyo akailĩĩle mũtwenĩ wa ĩla nthenge, na akamĩtwaĩthye weũnĩ na kw’oko kwa mũndũ ũla mũnyuve:</verse>
				<verse number="22">na nthenge ĩsu ĩkakua ĩũlũ wayo naĩ syoo syonthe ĩende nthĩ ĩte andũ: na mũndũ ũsu akalekya ĩla nthenge weũnĩ.</verse>
				<verse number="23">Na Aluni akalike ĩeemanĩ ya kũmbanĩa, na kumya ngũa sya katane ila wĩkĩe ailika vala vandũ vatheu, na kwitia vo:</verse>
				<verse number="24">na akathambĩa mwĩĩ wake na manzĩ vandũ vatheu, na kwĩkĩa ngũa syake, na kumaala, na kũthemba nthembo yake ya kũvĩvw’a na nthembo ya kũvĩvw’a ya andũ, syĩthĩwe wĩw’anĩthyo kwondũ wake mwene na kwondũ wa andũ.</verse>
				<verse number="25">Na mathunya ma nthembo ya naĩ akavĩvĩsye kĩthembeonĩ.</verse>
				<verse number="26">Na ũla wĩlekya nthenge ĩla yĩ kwondu wa Asaseli akathambye ngũa syake, na kũthamba mwĩĩ wake na manzĩ, na ĩtina akalika mwakonĩ wa maeema.</verse>
				<verse number="27">Na kala kasalũ ka nthembo ya naĩ, na ĩla nthenge ya nthembo ya naĩ, ila nthakame yasyo yaetiwe nthĩnĩ yĩthĩwe nthembo ya wĩw’anĩthyo nthĩnĩ wa vala vandũ vatheu, ikatwawe ũtee wa mwako wa maeema; na makavĩvye na mwaki ithuma syasyo, na nyama syasyo, na mũyoo wasyo.</verse>
				<verse number="28">Na ũla wĩivĩvya akathambye ngũa syake, na kũthamba mwĩĩ wake na manzĩ, na ĩtina wa ũu akasyoka mwakonĩ wa maeema.</verse>
				<verse number="29">Na ũũ ũkeethĩwa mwamũlo wa tene na tene kwenyu; mwei wa mũonza, mũthenya wa ĩkũmi wa mwei, mũkathĩn’ya ngoo syenyu, na mũtikatethye wĩa o na wĩva, ũla ũsyaawa kwenyu, kana mũeni ũla wĩkalaa ũeni kwenyu:</verse>
				<verse number="30">nũndũ mũthenya ũsu mũkathembewa nthembo ya wĩw’anĩthyo, ya kũmũthesya; mũkathew’a naĩ syenyu syonthe mbee wa Yeova.</verse>
				<verse number="31">Nĩ savato wa ũthũmũo mũuu kwenyu, na mũkathĩn’ye ngoo syenyu; nĩ mwamũlo wa tene na tene.</verse>
				<verse number="32">Na mũthembi, ũla wĩĩtĩkĩw’a mauta na kũvathanw’a ethĩwe mũthembi vandũ va ĩthe wake, akathembe nthembo ĩsu ya wĩw’anĩthyo, na kwĩkĩa ila ngũa sya katane, o ngũa isu ntheu:</verse>
				<verse number="33">na kũthemba nthembo ya wĩw’anĩthyo kwondũ wa vala vandũ vatheu; na akathembe nthembo ya wĩw’anĩthyo kwondũ wa ĩeema ya kũmbanĩa na kwondũ wa kĩthembeo; na akathembe nthembo ya wĩw’anĩthyo kwondũ wa athembi na kwondũ wa andũ onthe ma ũmbano.</verse>
				<verse number="34">Na ũsu ũkeethĩwa mwamũlo wa tene na tene kwenyu, kũthemba nthembo ya wĩw’anĩthyo kwondũ wa ana ma Isilaeli nũndũ wa naĩ syoo syonthe ĩvinda yĩmwe kĩla mwaka. Nake eeka o tondũ Yeova wamwĩaĩe Mose.</verse>
			</chapter>
			<chapter number="17">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na Aluni, na ana make, na ana onthe ma Isilaeli, noimea: Ũũ nĩw’o ũla Yeova weaie, akyasya,</verse>
				<verse number="3">Mũndũ o na wĩva wa nyũmba ya Isilaeli, ũla wĩũaĩa ng’ombe, kana katena ka ĩlondu, kana mbũi, mwakonĩ wa maeema, kana kũmyũaĩa ũtee wa mwako wa maeema,</verse>
				<verse number="4">na ndanamĩete mũomonĩ wa ĩeema ya kũmbanĩa, kũmĩnengane yĩthĩwe nthembo ya kũmũthembea Yeova mbee wa wĩkalo wa Yeova: nthakame ĩkatalĩlwa mũndũ ũsu; nake nĩwĩtĩte nthakame; na mũndũ ũsu akavetwe andũnĩ make:</verse>
				<verse number="5">nĩ kana ana ma Isilaeli maete nthembo syoo, ila mathembeaa weũnĩ, o kana maietee Yeova, mũomonĩ wa ĩeema ya kũmbanĩa, vala ve mũthembi, na kwithembea Yeova syĩthĩwe nthembo sya nthembo sya mũuo.</verse>
				<verse number="6">Na mũthembi akaminzangĩsya nthakame kĩthembeonĩ kya Yeova mũomonĩ wa ĩeema ya kũmbanĩa, na kũmũvĩĩvĩsya Yeova mathunya methĩwe mũuke mũseo.</verse>
				<verse number="7">Na matikaithembee nthembo syoo nthenge, ila meekie ũmalwaya nasyo wa kwiatĩĩa. Ũsu ũkeethĩwa mwamũlo wa tene na tene kwoo mosyaanĩonĩ moo.</verse>
				<verse number="8">Naku matavye, Mũndũ o na wĩva wa nyũmba ya Isilaeli, kana wa aeni ala mekalaa ũeni kwoo, ũla wĩthemba nthembo ya kũvĩvw’a kana nthembo ya kũtonywa,</verse>
				<verse number="9">na ndanamĩete mũomonĩ wa ĩeema ya kũmbanĩa, kũmĩthembea Yeova; mũndũ ũsu akavetwe andũnĩ make.</verse>
				<verse number="10">Na mũndũ o na wĩva wa nyũmba ya Isilaeli, kana wa aeni ala mekalaa ũeni kwoo, ũla wĩya nthakame o na yĩva, ngamũlutĩla ũthyũ wakwa mũndũ ũsu ũla wĩya nthakame, na ngamũveta andũnĩ make.</verse>
				<verse number="11">Nũndũ thayũ wa mwĩĩ wĩ nthakamenĩ; na nĩnĩmũnengete yo kĩthembeonĩ yĩthĩwe ya wĩw’anĩthyo kwondũ wa mathayũ menyu: nũndũ nthakame nĩyo yĩw’anĩthasya mũndũ nũndũ yĩ thayũ.</verse>
				<verse number="12">Kwondũ wa ũu namea ana ma Isilaeli, Mũndũ o na wĩva wenyu ndakaye nthakame, o na mũeni o na wĩva ũla wĩkalaa ũeni kwenyu ndakaye nthakame.</verse>
				<verse number="13">Na mũndũ o na wĩva wa ana ma Isilaeli, o na wa aeni ala mekalaa ũeni kwoo, ũla wĩũaa nyamũ o na yĩva akĩsyĩma kana nyũnyi o na yĩva ĩla ĩtonya kũĩwa; akete nthakame yayo, na kũmĩvw’ĩka na mũthanga.</verse>
				<verse number="14">Nũndũ thayũ wa mĩĩ yonthe, nthakame yayo nĩ ũndũ ũmwe na thayũ wayo: nũndũ wa ũu namea ana ma Isilaeli, Mũtikaye nthakame ya nyama o na yĩva yonthe, nũndũ thayũ wa mĩĩ yonthe nĩ nthakame yayo: o ũla wĩmĩya akavetwe.</verse>
				<verse number="15">Na kĩla mũndũ ũla wĩya nyama ya kũkw’a, kana ĩla yalĩkile nĩ nyamũ, ethĩwa nĩ mũndũ ũla ũsyaawa kwoo kana mwĩkali wa ũeninĩ, akathambya ngũa syake, na kũthamba na manzĩ, na kwĩthĩwa mũvuku kũvika wĩoo: nĩvo ĩndĩ wĩĩthĩwa mũtheu.</verse>
				<verse number="16">Ĩndĩ ethĩwa ndakaithambya, kana kũthamba mwĩĩ wake, nĩvo wĩkua naĩ yake.</verse>
			</chapter>
			<chapter number="18">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, noimea, Ninyie Yeova Ngai wenyu.</verse>
				<verse number="3">Mũtikeke kũatĩĩa meko ma nthĩ ya Misili, vala mwatwĩe: na mũtikeke kũatĩĩa meko ma Kanaani, vala nĩmũtwaĩte; o na mũtikaaende myamũlonĩ yoo.</verse>
				<verse number="4">Motw’ĩo makwa mũkekaa, na myamũlo yakwa mũkasũvĩaa, mũendae nthĩnĩ wayo: ninyie Yeova Ngai wenyu.</verse>
				<verse number="5">Kwondũ wa ũu mũkasũvĩaa myamũlo yakwa, na motw’ĩo makwa; ala mũndũ ethĩwa nũmekaa, akekala thayu kwondũ wamo: ninyie Yeova.</verse>
				<verse number="6">Kũtikethĩwe mũndũ o na wĩva wenyu kũthengeea ũmwe wa ala ma mũvĩa wake, amũvue amwone e mũthei: ninyie Yeova.</verse>
				<verse number="7">Ndũkavue ĩthe waku ũmwone e mũthei, ũu nĩ kũvua inyia waku, nake nĩ inyia waku; ndũkamũvue ũmwone e mũthei.</verse>
				<verse number="8">Ndũkavue mũka wa au ũmwone e mũthei; nĩ kũvua au.</verse>
				<verse number="9">Ndũkavue mwĩĩtu wa au ũmwone e mũthei kana mwĩĩtu wa mwenyu, ethĩwa nĩwasyaĩwe kwenyu, kana nĩwasyaĩwe kũngĩ, ndũkamavue ũmone me athei.</verse>
				<verse number="10">Ndũkavue mwĩĩtu wa mwana waku, kana mwĩĩtu wa mwĩĩtu waku, ũmone me athei: nũndũ kũmavua ũmone me athei nĩ kwĩvua mwene.</verse>
				<verse number="11">Ndũkavue mwĩĩtu wa mũka wa au ũmwone e mũthei, ũla wasyaiwe nĩ au, nake nĩ mwĩĩtu wa au.</verse>
				<verse number="12">Ndũkavue mwĩĩtu‐a‐inyia wa au ũmwone e mũthei: nake nĩ wa mũvĩa wa au ũla wa vakuvĩ.</verse>
				<verse number="13">Ndũkavue mwĩĩtu wa inyia wa mwenyu ũmwone e mũthei: nũndũ nĩ wa mũvĩa wa mwenyu ũla wa vakuvĩ.</verse>
				<verse number="14">Ndũkavue mwana‐a‐inyia wa au ũmwone e mũthei, ndũkathengeee kĩveti kyake: nĩ inyia waku.</verse>
				<verse number="15">Ndũkavue kĩveti kya mwana waku ũmwone e mũthei: nĩ kĩveti kya mwana waku; ndũkakĩvue ũkyone kĩ kĩthei.</verse>
				<verse number="16">Ndũkavue kĩveti kya mwana‐a‐mwenyu ũkyone kĩ kĩthei: ũu nĩ kũvua mwana‐a‐mwenyu.</verse>
				<verse number="17">Ndũkavue mũndũ mũka na mwĩĩtu wake ũmone me athei; ndũkatwae mwĩĩtu wa mwana wa mũndũ mũka ũsu, kana mwĩĩtu wa mwĩĩtu wake, ũmũvue ũmwone e mũthei; nĩ aka ma ũko ũmwe: nĩ ũthũku mũno.</verse>
				<verse number="18">Ndũkatwaĩĩe mũndũ mũka mwĩĩtu‐a‐inyia wake, ethĩwe mũmũthĩn’ya, ũmũvue ũmwone e mũthei, ũla ũngĩ e thayũ.</verse>
				<verse number="19">Na ndũkathengee mũndũ mũka ũmũvue ũmwone e mũthei, yĩla ũvathĩtwe ũndũ wa kwĩalũla.</verse>
				<verse number="20">Na ndũkalaalae na kĩveti kya mũtũi waku, wĩvukye wĩ nakyo.</verse>
				<verse number="21">Na ndũkanengane ũmwe wa ũsyao waku ũmũvĩtĩlye mwakinĩ kwondũ wa Moleki; o na ndũkavukye syĩtwa ya Ngai waku: ninyie Yeova.</verse>
				<verse number="22">Ndũkakome na mbaa aũme, o ta mbaa aka: nĩ ũthatyo.</verse>
				<verse number="23">Na ndũkakome na nyamũ o na yĩva wĩvukye nayo; o na mũndũ mũka o na wĩva ndakaũngame mbee wa nyamũ, ĩmũlĩse: nĩ kĩthokoo.</verse>
				<verse number="24">Mũtikevukye maũndũnĩ asu o na meva: nũndũ nthĩnĩ wa asu onthe mbaĩ ila nalũngilye mbee wenyu nĩ mbukye;</verse>
				<verse number="25">na nthĩ nĩ mbukye: kwondũ wa ũu nĩngũmĩsilĩla ũndũ wa ũthũku wayo, na nthĩ nĩnĩũmatavĩka ala mamĩtwĩe.</verse>
				<verse number="26">Kwondũ wa ũu sũvĩai myamũlo yakwa na motw’ĩo makwa, na mũtikeke mothatyo asu o na meva; ũla wasyaĩwe kwenyu, o na mũeni ũla wĩkalaa ũeni katĩ wenyu</verse>
				<verse number="27">(nũndũ mothatyo asu onthe aũme ma ĩ nthĩ, ala maĩ mbee wenyu, nĩmamekĩte, na ĩ nthĩ nĩvukĩtw’e);</verse>
				<verse number="28">nĩ kana nthĩ ndĩkaamũtavĩke inyw’ĩ, yĩla mwĩmĩvukya, o tondũ yatavĩkie mbaĩ ĩla yaĩ mbee wenyu.</verse>
				<verse number="29">Nũndũ o ũla ũkeka mothatyo asu o na meva, o andũ ala makameka makavetwe andũnĩ moo.</verse>
				<verse number="30">Kwondũ wa ũu mũkasũvĩe wĩaĩo wakwa, mũtikekae syĩthĩo isu sya kũthatya, ila syeekawa mũte kw’o, na mũtikevukye maũndũnĩ asu: ninyie Yeova Ngai wenyu.</verse>
			</chapter>
			<chapter number="19">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ũmbano w’onthe wa ana ma Isilaeli, na matavye, Ĩthĩwai atheu; nũndũ nyie Yeova Ngai wenyu nĩ mũtheu.</verse>
				<verse number="3">Kĩla mũndũ namũkĩe inyia wake na ĩthe wake; na lilikanai masavato makwa: ninyie Yeova Ngai wenyu.</verse>
				<verse number="4">Mũikethyũũĩe mĩvw’anano, kana mũikeseũvĩsye ngai na syĩndũ mũtwekethetye: ninyie Yeova Ngai wenyu.</verse>
				<verse number="5">Na mwamũthembea Yeova nthembo ya nthembo sya mũuo, mĩthembei nĩ kana mwĩtĩkĩlwe.</verse>
				<verse number="6">Ĩiwe o mũthenya ũsu mwĩmĩthemba, na ũnĩ ũsu: na ethĩwa ĩkatiala kũvika mũthenya wa katatũ, ĩvĩvw’e na mwaki.</verse>
				<verse number="7">Na ethĩwa ĩkaĩwa o na kanini mũthenya wa katatũ, nĩ ũthatyo; ndĩketĩkĩlwa:</verse>
				<verse number="8">ĩndĩ kĩla mũndũ ũla wĩmĩya akakua naĩ yake, nũndũ nũvukĩtye kĩndũ kĩtheu kya Yeova: na mũndũ ũsu akavetwe andũnĩ make.</verse>
				<verse number="9">Na mwaketha ngetha ya nthĩ yenyu, ndũkakethe ndee sya mũũnda waku, o na ndũkethĩan’ye ũtialyo wa ngetha yaku.</verse>
				<verse number="10">Na ndũkethĩan’ye mũũnda waku wa mĩsavivũ, o na ndũkakolan’ye ũsyao ũla mwĩtĩku wa mũũnda waku wa mĩsavivũ; ũeke kwondũ wa ngya na mwĩkali wa ũeninĩ: ninyie Yeova Ngai waku.</verse>
				<verse number="11">Mũikoye; o na mũikakengane, na mũikaneene movũngũ inyw’ĩ kwa inyw’ĩ.</verse>
				<verse number="12">Mũikevĩte ũvũngũ na syĩtwa yakwa, na kũvukya syĩtwa ya Ngai waku: ninyie Yeova.</verse>
				<verse number="13">Ndũkathĩn’ye mũtũi waku, kana kũmũvuta: ĩtuvi ya mũthũkũmi ũtuvawa yĩtikekale kwaku ũtukũ mũima kũvika kĩoko.</verse>
				<verse number="14">Ndũkaumanĩe ala mate matũ, kana kwĩkĩa kĩndũ kya kũlulutĩkya mbee wa ala matonaa nthĩ; ĩndĩ mũkĩe Ngai waku: ninyie Yeova.</verse>
				<verse number="15">Mũtikeke ũndũ ũte ũlũngalu mũisila: mũtikendeesye ngya, kana kũtaĩa ala me na ũtonyi; ĩndĩ tusĩaa mũtũi waku na ũlũngalu.</verse>
				<verse number="16">Ndũkaende kũũ na kũũ ta mwilĩanĩli andũnĩ maku: ndũkaũngamĩe ũvũngũ wa nthakame ya mũtũi waku: ninyie Yeova.</verse>
				<verse number="17">Ndũkamũmene mwana‐a‐au ngoonĩ yaku: ndũkatĩe kũkan’ya mũtũi waku, ndũkakue naĩ nũndũ wake.</verse>
				<verse number="18">Ndũkeĩvanĩsye, kana kwĩthĩwa na ũthũ na ana ma andũ maku; ĩndĩ mwende mũtũi waku o tondũ wĩyendete: ninyie Yeova.</verse>
				<verse number="19">Kwatai myamũlo yakwa. Ndũkaeke indo syaku kũsyaanaa na mũthemba ũngĩ: ndũkavande mũũnda waku mbeũ sya mĩthemba ĩlĩ: o na ndũkekĩe mwĩĩnĩ waku ngũa ĩvulanĩtw’e ndii sya mĩthemba ĩlĩ.</verse>
				<verse number="20">Na o ũla ũkalaalaa na mũndũ mũka, ngombo, wĩvaĩtw’e, nake ti mwovosye nongi, kana kũthaw’a; makasilĩlwe; maikoawe, nĩkwĩthĩwa mũndũ mũka ndaĩ mũthasye.</verse>
				<verse number="21">Na mũndũ mũũme ũsu akamũetee Yeova nthembo yake ya ĩvĩtyo, mũomonĩ wa ĩeema ya kũmbanĩa, o ndũũme yĩthĩwe nthembo ya ĩvĩtyo.</verse>
				<verse number="22">Na mũthembi akathembe nthembo ya kũmwĩw’anĩthya ũsu mbee wa Yeova, kwondũ wa ĩla ndũũme ya nthembo ya ĩvĩtyo kwondũ wa naĩ yake ĩla wavĩtisye: nake akaekewa naĩ ĩla wavĩtisye.</verse>
				<verse number="23">Na yĩla mwĩlika nthĩ ĩsu, na kũvanda mĩthemba yonthe ya mĩtĩ ĩla ĩĩsawa, nĩvo ĩndĩ mwĩtala mosyao mayo methĩwe ta ĩte myaĩke: myaka ĩtatũ ĩkeethĩwa kwenyu ta ĩte myaĩke; maikaĩwe.</verse>
				<verse number="24">Ĩndĩ mwaka wa kana mosyao onthe mayo makeethĩwa matheu, methĩwe ma kũmũtaĩa Yeova.</verse>
				<verse number="25">Na mwaka wa katano mũkaya mosyao mayo, nĩ kana ĩmwingĩvĩsye ũsyao wayo: ninyie Yeova Ngai wenyu.</verse>
				<verse number="26">Mũtikaye kĩndũ o na kĩva vamwe na nthakame yakyo: o na mũtikeke maũndũ ma mowe, o na mũikaingasye nyũnyi.</verse>
				<verse number="27">Mũikenze ithũkũ mĩtwenĩ yenyu, o na mũikatile mĩthya ya ing’ew’a syenyu.</verse>
				<verse number="28">Mũiketemange mĩĩ yenyu ũndũ wa akw’ũ, kana kwĩvana ũvano mĩĩnĩ yenyu: ninyie Yeova.</verse>
				<verse number="29">Ndũkatume mwĩĩtu waku atw’ĩka ĩlwaya; nthĩ ndĩkese kũatĩĩa ũlwaya, na nthĩ ĩkyusũwa nĩ ũthũku mũnene.</verse>
				<verse number="30">Lilikanai masavato makwa, na kũtaĩa vandũ vakwa vatheu: ninyie Yeova.</verse>
				<verse number="31">Mũikakũlye ala mesene na maveva, kana ala mombasya ithitũ; mũikamamanthe, mũvukw’e nĩo: ninyie Yeova Ngai wenyu.</verse>
				<verse number="32">Mũkĩlĩle ũla wĩ mũtwe wĩ mbuĩ, na kũtaĩa ũthyũ wa mũtumĩa, na mũkĩe Ngai waku: ninyie Yeova.</verse>
				<verse number="33">Na ethĩwa mũeni akekala ũeni kwaku nthĩ yaku, ndũkamwĩke naĩ.</verse>
				<verse number="34">Mũeni ũla wĩkalaa ũeni kwenyu akeethĩwa kwenyu ta ũla ũsyaawa kwenyu, na ũkamwende o tondũ wĩyendete; nũndũ inyw’ĩ mwaĩ ekali ma ũeninĩ nthĩ ya Misili: ninyie Yeova Ngai wenyu.</verse>
				<verse number="35">Ndũkeke ũndũ ũte ũlũngalu ũisila, kana kũthimanĩ kwa ũasa, kana kwa latili, kana kwa kĩvava.</verse>
				<verse number="36">Ĩthĩwai na ithimi sya w’o, na mavia ma w’o, na eva ya w’o, na ini ya w’o: nyie nĩ Yeova Ngai wenyu, ũla wamumisye nthĩ ya Misili.</verse>
				<verse number="37">Na kwatai myamũlo yakwa yonthe, na motw’ĩo makwa onthe, na kũmeka: ninyie Yeova.</verse>
			</chapter>
			<chapter number="20">
				<verse number="1">Na Yeova aneena na Mose, akĩmwĩa,</verse>
				<verse number="2">Na ĩngĩ, tavya ana ma Isilaeli, O ũla wa ana ma Isilaeli, kana wa aeni ala mekalaa ũeni nthĩnĩ wa Isilaeli, ũla ũkanenga Moleki ũmwe wa ũsyao wake; no mũvaka oawe: andũ ma ĩ nthĩ makamũkimanga na mavia.</verse>
				<verse number="3">Nakwa ngamũlutĩla mũndũ ũsu ũthyũ wakwa, na ngamũveta andũnĩ make; nĩkwĩthĩwa nũnengete Moleki ũmwe wa ũsyao wake, avukye vala vandũ vakwa vatheu, na kũvukya syĩtwa yakwa ĩtheu.</verse>
				<verse number="4">Na ethĩwa andũ ma ĩ nthĩ makalalya metho moo matikone mũndũ ũsu, yĩla ũkũnenga Moleki ũmwe wa ũsyao wake, na makalea kũmũaa;</verse>
				<verse number="5">nĩvo ĩndĩ nĩmũlutĩla mũndũ ũsu ũthyũ wakwa, o na nyũmba yake, na ngamũveta, na onthe ala mekaa ũmalwaya kwa kũmũatĩĩa, kwĩkaa ũmalwaya na Moleki, kuma andũnĩ moo.</verse>
				<verse number="6">Na mũndũ ũla ũmethyũũĩaa ala mesene na maveva, na ala mombasya ithitũ, eke ũmalwaya kwa kũmaatĩĩa, o nakwa ngamũlutĩla mũndũ ũsu ũthyũ wakwa, na ngamũveta andũnĩ make.</verse>
				<verse number="7">Kwondũ wa ũu ĩvathan’yei, na ĩthĩwai atheu; nũndũ ninyie Yeova Ngai wenyu.</verse>
				<verse number="8">Na mũkasũvĩe myamũlo yakwa, na mũkĩmĩka: ninyie Yeova ũla ũmũvathanasya mwĩthĩwe atheu.</verse>
				<verse number="9">Nũndũ kĩla mũndũ ũla wĩmũuma ĩthe kana nyinyia, no mũvaka oawe: nũumĩte ĩthe kana nyinyia; nthakame yake ĩkeethĩwa ĩũlũ wake.</verse>
				<verse number="10">Na mũndũ ũla ũkeka ulaalai na kĩveti kya mũndũ ũngĩ, o ũsu ũkeka ũlaalai na kĩveti kya mũtũi wake, no mũvaka ilaalai isu mũndũ mũũme na mũndũ mũka moawe.</verse>
				<verse number="11">Na mũndũ ũla ũkakoma na kĩveti kya ĩthe wake nũvuĩte ĩthe wake amwone e mũthei: no mũvaka me elĩ moawe; nthakame yoo ĩkeethĩwa ĩũlũ woo.</verse>
				<verse number="12">Na ethĩwa mũndũ akakoma na mũka wa mwana wake, no mũvaka me elĩ moawe: nĩmekĩte kĩthokoan’yo; nthakame yoo ikeethĩwa ĩũlũ woo.</verse>
				<verse number="13">Na ethĩwa mũndũ mũũme akakoma na mbaa aũme, o ta mbaa aka, me elĩ nĩmekĩte ũthatyo; no mũvaka moawe; nthakame yoo ĩkeethĩwa ĩũlũ woo.</verse>
				<verse number="14">Na ethĩwa mũndũ mũũme akatwaanĩsya mwĩĩtu na nyinyia, nĩ ũthũku mũno: makavĩvw’a na mwaki, we namo; nĩ kana kũtikethĩwe ũthũku katĩ wenyu.</verse>
				<verse number="15">Na ethĩwa mũndũ mũũme akakoma na nyamũ, no mũvaka oawe; na no mũvaka mũae ĩ nyamũ.</verse>
				<verse number="16">Na ethĩwa mũndũ mũka akathengeea nyamũ, na ĩkĩmũlĩsa, no mũvaka ũae ũ mũndũ mũka, o na nyamũ; no mũvaka mũndũ mũka oawe o na ĩ nyamũ: nthakame yoo ĩkeethĩwa ĩũlũ woo.</verse>
				<verse number="17">Na ethĩwa mũndũ akatwaa mwĩĩtua‐ĩthe, kana mwĩĩtu‐a‐inyia, na kũmwona e mũthei, na ũ mũndũ mũka akona ũ mũndũ mũũme e mũthei; nĩ ũndũ wĩ nthonĩ na makavetwe methonĩ ma ana ma andũ moo: nũvuĩte mwĩĩtu‐a‐inyia amwone e mũthei; akakua ũthũku wake.</verse>
				<verse number="18">Na ethĩwa mũndũ akakoma na mũndũ mũka ũla wealũlĩte, na akamũvua amwone e mũthei; nũvuĩte nthongo yake na ũ mũndũ mũka nĩwĩvuĩte nthongo ya nthakame yake: me elĩ makavetwe andũnĩ moo.</verse>
				<verse number="19">Na ndũkavue mwĩĩtu‐a‐inyia wa mwenyu, kana mwĩĩtu‐a‐inyia wa au ũmwone e mũthei; nũndũ nake nũvuĩte ũla wa mũvĩa wake wa vakuvĩ nake: makakua ũthũku woo.</verse>
				<verse number="20">Na ethĩwa mũndũ akakoma na kĩveti kya mwendw’a ĩthe, nũvuĩte mwendw’a ĩthe amwone e mũthei: makakua naĩ syoo; makakw’a mate kana.</verse>
				<verse number="21">Na ethĩwa mũndũ akatwaa kĩveti kya mwana‐a‐inyia, nĩ ũvuku: nũvuĩte mwana‐a‐inyia amwone e mũthei; makeethĩwa mate kana.</verse>
				<verse number="22">Kwondũ wa ũu sũvĩai myamũlo yakwa yonthe, na motw’ĩo makwa onthe, mũkĩmeka; nĩ kana nthĩ ĩla nĩmũtwaĩte mũmĩtũe, ndĩkaamũtavĩke.</verse>
				<verse number="23">Na mũtikaaende syĩthĩonĩ sya mbaĩ, ĩla nalũngilye mbee wenyu: nũndũ nĩmeekaa maũndũ asu onthe, na kwondũ wa ũu namathĩtha.</verse>
				<verse number="24">Ĩndĩ nĩnĩmũtavĩtye, Mũkatiĩwa nthĩ yoo, na ngamũnenga mũmĩmesye, nthĩ yusũĩte ĩia na ũkĩ wa nzũkĩ: ninyie Yeova Ngai wenyu, ũla ũmũvathanĩtye na ngo sya andũ.</verse>
				<verse number="25">Kwondũ wa ũu vathũkanyai katĩ wa nyamũ ntheu na ĩla mbuku, na katĩ wa nyũnyi mbuku na ĩla ntheu: na mũtikaatw’ĩkĩthye mathayũ menyu kĩla kĩthatasya nũndũ wa nyamũ, kana nyũnyi, kana nũndũ wa kĩndũ o na kĩva kĩla kyusũĩte ĩũlũ wa nthĩ, kĩla nakĩvathĩte kwenyu kĩthĩwe kĩte kĩtheu.</verse>
				<verse number="26">Nenyu mũkeethĩwe atheu kwakwa: nũndũ nyie, Yeova, nĩ mũtheu, na nĩmũvathanĩtye na ngo sya andũ, nĩ kana mwĩthĩwe makwa.</verse>
				<verse number="27">Mũndũ mũũme kana mũndũ mũka ũla wĩsene na veva, kana ũla ũmbasya ithitũ, no mũvaka oawe: makamakimange na mavia; nthakame yoo ĩkeethĩwa ĩũlũ woo.</verse>
			</chapter>
			<chapter number="21">
				<verse number="1">Na Yeova amwĩa Mose, Neena na athembi, ana ma Aluni, noimea, Mũthembi o na wĩva ndakevukye kwondũ wa akw’ũ andũnĩ make;</verse>
				<verse number="2">ate o kwondũ wa andũ ma mũvĩa wake, ala me vakuvĩ nake, kwondũ wa nyinyia, na ĩthe wake, na mwana wake, na mwĩĩtu wake, na mwana‐a‐inyia wake,</verse>
				<verse number="3">na mwĩĩtu‐a‐inyia ũla mũtheu, ũla wĩ vakuvĩ nake, ũla ũtaaĩthĩwa na mũũme; kwondũ wake nũtonya kwĩvukya.</verse>
				<verse number="4">Ndakevukye, na kwasya ũtheu wake, nũndũ nĩ mũndũ mũnene andũnĩ make.</verse>
				<verse number="5">Maikenze mũtwe ũvaa, o na maiketile mithya ya ing’ew’a syoo, kana kwĩtemanga mĩĩ yoo.</verse>
				<verse number="6">Methĩwe atheu kwa Ngai woo, na matikaavukye syĩtwa ya Ngai woo; nũndũ nĩmathembaa nthembo sya Yeova ila ivĩvaw’a na mwaki, lĩu wa Ngai woo: kwondũ wa ũu makeethĩwa atheu.</verse>
				<verse number="7">Matikatwae mũndũ mũka ĩlwaya, kana mũvukye; o na matikatwae mũndũ mũka ũeketwe nĩ mũũme: nũndũ mũthembi nĩ mũtheu kwa Ngai wake.</verse>
				<verse number="8">Kwondũ wa ũu mũvathe ethĩwe mũtheu; nũndũ nũthembaa lĩu wa Ngai waku; akeethĩwa mũtheu kwaku; nũndũ nyie Yeova, ũla ũkũvathanasya, nĩ mũtheu.</verse>
				<verse number="9">Na mwĩĩtu wa mũthembi o na wĩva, ethĩwa akeevukya kwondũ wa kũtw’ĩka ĩlwaya, nũvukasya ĩthe wake: akavĩvw’e na mwaki.</verse>
				<verse number="10">Na ũla mũthembi mũnene katĩ wa ana‐a‐ĩthe make, ũla wetĩkĩw’e mauta mũtwenĩ wake, na kũvathanw’a ethĩwe mũtheu ekĩe ila ngũa, ndakavue nzw’ĩĩ sya mũtwe wake, kana kũtembũanga ngũa syake;</verse>
				<verse number="11">o na ndakalike vala ve mũndũ mũkw’ũ, kana kwĩvukya kwondũ wa ĩthe wake, kana nyinyia;</verse>
				<verse number="12">o na ndakaume vala vandũ vatheu, kana kũvukya vandũ vatheu va Ngai wake; nũndũ kũvathanw’a kwondũ wa kwĩtĩkĩw’a mauta ma Ngai wake kwĩ ĩũlũ wake: ninyie Yeova.</verse>
				<verse number="13">Nake akatwae mwĩĩtu mũtheu ethĩwe mũka wake.</verse>
				<verse number="14">Mũndũ mũka ndiwa, kana ũla ũeketwe, kana ũla mũvukye, kana ĩlwaya, asu ndakatwae: ĩndĩ natwae mwĩĩtu mũtheu wa andũ make mwene ethĩwe mũka wake.</verse>
				<verse number="15">Ndakavukye ũsyao wake andũnĩ make: nũndũ ninyie Yeova ũla ũmũvathanasya ethĩwe mũtheu.</verse>
				<verse number="16">Na Yeova aneena na Mose, akĩmwĩa,</verse>
				<verse number="17">Neena na Aluni, ũkĩmwĩa, O ũla wa ũsyao waku mosyaanĩonĩ moo ũla wĩ kĩema, ndakathengeee kũthemba lĩu wa Ngai wake.</verse>
				<verse number="18">Mũndũ o na wĩva wĩ kĩema, ndakathengeee: ethĩwa nĩ kĩlilinda, kana ũla ũthuaa, kana ũla wĩ ĩnyiũũ ĩmandĩku, kana ũla wĩ ĩmutha yongeleku,</verse>
				<verse number="19">kana mũndũ ũla wĩ kũũ kũtũlĩku, kana kw’oko kũtũlĩku,</verse>
				<verse number="20">kana ũla wĩ ngathĩ mũongo, kana mũndũ ũteanaa, kana ũla wĩ ĩlai, kana ũla wĩ na mũvolekango, kana ũla wĩ na ngũsĩ, kana ũla wĩ mee mavevenze;</verse>
				<verse number="21">mũndũ o na wĩva wa ũsyao wa mũthembi Aluni, ũla wĩ kĩema, ndakathengeee kũthemba nthembo sya Yeova ila ivĩvaw’a na mwaki: e kĩema; ndakathengeee kũthemba lĩu wa Ngai wake.</verse>
				<verse number="22">Akaĩsaa lĩu ũla mũtheu mũno, na ũla mũtheu, wa Ngai wake:</verse>
				<verse number="23">ĩndĩ ndakalike vala ve ũla tũtũ, kana kũthengeea kĩthembeo, nĩkwĩthĩwa e kĩema; ndakavukye kũndũ kwakwa kũtheu: nũndũ ninyie Yeova ũla ũmavathanasya methĩwe atheu.</verse>
				<verse number="24">O ta ũu Mose aneena na Aluni, na ana make, na ana onthe ma Isilaeli.</verse>
			</chapter>
			<chapter number="22">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na Aluni na ana make, mevathane na syĩndũ ntheu sya ana ma Isilaeli, ila mambathĩaa syĩthĩwe ntheu, na matĩkavukye syĩtwa yakwa ĩtheu: ninyie Yeova.</verse>
				<verse number="3">Matavye, O ũla wa ũsyao wenyu w’onthe mosyaanĩonĩ menyu, ũla wĩthengeea ila syĩndũ ntheu, ila ana ma Isilaeli mamũvathĩaa Yeova, e na ũvuku wake, mũndũ ũsu akavetwe mbee wakwa: ninyie Yeova.</verse>
				<verse number="4">Mũndũ o na wĩva wa ũsyao wa Aluni ũla wĩ na mangũ, kana wĩ na mũluo; ndakaye syĩndũ ntheu, mũvaka yĩla wĩĩthĩwa mũtheu. Na o ũla wĩkiita kĩndũ kĩvuku kwondũ wa akw’ũ, kana mũndũ ũla wĩumwa nĩ ũsamba wake;</verse>
				<verse number="5">kana o ũla wĩkiita kasamũ o na keva katambũkaa, kala katonya kũmũvukya, kana mũndũ ũngĩ ũla ũtonya kũmũkwatya ũvuku, ũvuku o na wĩva ũla wi naw’o;</verse>
				<verse number="6">mũndũ ũla wĩkiita kĩndũ o na kĩva kĩilyĩ ũu akeethĩwa mũvuku kũvika wĩoo, na ndakaye syĩndũ ntheu, atanamba kũthamba mwĩĩ wake na manzĩ.</verse>
				<verse number="7">Na syũa yathũa, akeethĩwa mũtheu; na ĩtina akaya syĩndũ ntheu, nĩkwĩthĩwa nĩ lĩu wake.</verse>
				<verse number="8">Nyamũ ya ũkw’a, kana ĩla yalĩkile nĩ nyamũ, ndakaye, ndakevukye nayo: ninyie Yeova,</verse>
				<verse number="9">Kwondũ wa ũu makwate wĩaĩo wakwa, matikakue naĩ kwondũ waw’o, na kũkw’ĩa nthĩnĩ wayo, ethĩwa makoovukya: ninyie Yeova ũla ũmavathanasya methĩwe atheu.</verse>
				<verse number="10">Mũeni ndakaye kya kĩla kĩndũ kĩtheu: mwĩkali wa ũeninĩ kwa mũthembi, kana mũthũkũmi ũtuvawa, ndakaye kĩndũ kĩtheu.</verse>
				<verse number="11">Ĩndĩ ethĩwa mũthembi akathooa mũndũ o na wĩva na mbesa syake, ũsu nũtonya kwiya; na ala masyaĩwe nyũmbanĩ yake, nao makaya lĩu wake.</verse>
				<verse number="12">Na ethĩwa mwĩĩtu wa mũthembi akatwawa nĩ mũeni, ndakaye nthembo ya kũkĩlw’a ya syĩndũ ntheu.</verse>
				<verse number="13">Na ethĩwa mwĩĩtu wa mũthembi nĩ ndiwa, kana aeketwe nĩ mũũme, na nde na kana, na asyokete nyũmbanĩ ya ĩthe wake, o tondũ wailyĩ e mwĩĩtu, akaĩsaa lĩu kwa ĩthe wake: ĩndĩ mũeni o na wĩva ndakaye lĩu ũsu.</verse>
				<verse number="14">Na ethĩwa mũndũ mũũme akaya kĩndũ kĩtheu atesĩ, nĩvo wĩkyongeleela kĩlungu kya katano, na kũmũnenga mũthembi kĩla kĩndũ kĩtheu.</verse>
				<verse number="15">Maikavukye syĩndũ ntheu sya ana ma Isilaeli, ila mamũthembeaa Yeova,</verse>
				<verse number="16">na kwondũ wa ũu makĩmakũĩthya ũthũku ũla ũetae ũsilĩlo, yĩla meya syĩndũ syoo ntheu: nũndũ ninyie Yeova ũla ũmavathanasya methĩwe atheu.</verse>
				<verse number="17">Na Yeova aneena na Mose, akĩmwĩa,</verse>
				<verse number="18">Neena na Aluni, na ana make, na ana onthe ma Isilaeli, noimatavya, O ũla wa nyũmba ya Isilaeli, kana wa ekali ma ũeninĩ nthĩnĩ wa Isilaeli, ũla wĩumya nthembo yake, ethĩwa nĩ kwondũ wa mawĩvĩto moo o na meva, kana nthembo syoo o na syĩva sya kũthemba na ngoo ya kwenda, ila mamũthembeaa Yeova syĩthĩwe nthembo sya kũvĩvw’a;</verse>
				<verse number="19">nĩ kana mwĩtĩkĩlwe, etei ĩla nũme ĩte kĩema, ya tũsalũ twa mũew’a, kana ya malondu, kana ya mbũi.</verse>
				<verse number="20">Ĩndĩ o ĩla yĩ kĩema, mũikamĩthembe: nũndũ ndĩketĩkĩlwa kwondũ wenyu.</verse>
				<verse number="21">Na o ũla wĩumĩsya Yeova nthembo ya nthembo sya mũuo ya kwĩanĩsya wĩvĩto, kana yĩthĩwe nthembo ya kũthemba na ngoo ya kwenda, ethĩwa nĩ ya ndĩthya ya ng’ombe kana ya mbũi na malondu, nĩ kana ĩtĩkĩlwe mũvaka yĩthĩwe mbĩanĩu; ndĩkethĩwe kĩema.</verse>
				<verse number="22">Ĩla ĩte metho, kana ndũlĩku vandũ, kana ĩla yĩ kĩthu, kana ĩla yĩ itau, kana ĩla yĩ na mũvolekango, kana ĩla yĩ na ngũsĩ, isu mũikamũthembee Yeova, kana kũmũvĩvĩsya Yeova isu na mwaki kĩthembeonĩ.</verse>
				<verse number="23">Kasalũ ka mũew’a kana katena ka ĩlondu kala ke na ĩmutha yongeleku kana ĩmutha yĩte vo mwĩĩnĩ wako, nũtonya kũkathemba kethĩwe nthembo ya kumya na ngoo ya kwenda; ĩndĩ itiketĩkĩlwe kwondũ wa wĩvĩto.</verse>
				<verse number="24">Na ĩla yĩ na mee mavakũe, kana makũnange, kana makanyange, kana matile, mũikaithembee Yeova; o na mũikeke ũu mwavika nthĩ yenyu.</verse>
				<verse number="25">O na kuma kw’okonĩ kwa mũndũ wa nthĩ ĩngĩ mũikathembe lĩu wa Ngai wenyu wa ĩmwe ya isu; nĩkwĩthĩwa ũvuku wasyo wĩ nthĩnĩ wasyo, ve kĩema nthĩnĩ wasyo; itiketĩkĩlwa kwondũ wenyu.</verse>
				<verse number="26">Na Yeova aneena na Mose, akĩmwĩa,</verse>
				<verse number="27">Yĩla kasalũ ka mũew’a, kana ĩlondu, kana mbũi ĩkasyawa, nĩyĩkale mĩthenya mũonza na nyinyia; na kuma mũthenya wa nyanya na mbee wa vau ĩketĩkĩlwa yĩthĩwe nthembo ya kũvĩvĩw’a Yeova na mwaki.</verse>
				<verse number="28">Na ethĩwa nĩ ng’ombe nga kana ĩlondu ĩka, mũikoaanĩsye na katena kayo mũthenya ũmwe.</verse>
				<verse number="29">Na mwamũthembea Yeova nthembo ya mũvea, mũkamĩthemba nĩ kana mwĩtĩkĩlwe.</verse>
				<verse number="30">Ĩĩwe mũthenya o ũsu; mũikatialye kũvika kĩoko: ninyie Yeova.</verse>
				<verse number="31">Kwondũ wa ũu kwatai mĩao yakwa, na kũmĩka: ninyie Yeova.</verse>
				<verse number="32">Na mũikavukye syĩtwa yakwa ĩtheu: ĩndĩ mũvaka nonanw’e nĩ mũtheu ananĩ ma Isilaeli: ninyie Yeova ũla ũmũvathaa mwĩthĩwe atheu,</verse>
				<verse number="33">ũla wamumisye nthĩ ya Misili, nĩthĩwe Ngai wenyu: ninyie Yeova.</verse>
			</chapter>
			<chapter number="23">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, noimea, Mboka ila itw’ĩtwe sya Yeova, ila mũkatavan’ya atĩ nĩ maũmbano matheu, o ii nĩsyo mboka syakwa itw’ĩtwe.</verse>
				<verse number="3">Tethyai wĩa mĩthenya thanthatũ: ĩndĩ mũthenya wa mũonza nĩ savato wa ũthũmũo mũuu, ũmbano mũtheu; mũikatethye wĩa o na wĩva: nĩ savato wa Yeova motũonĩ menyu onthe.</verse>
				<verse number="4">Ii nĩsyo mboka itw’ĩtwe sya Yeova, o maũmbano matheu, ila mũkatavanasya ĩvinda yĩla yĩtw’ĩtwe yasyo.</verse>
				<verse number="5">Mwei wa mbee, mũthenya wa ĩkũmi na ĩna wa mwei wĩoo, nĩ vasaka wa Yeova.</verse>
				<verse number="6">Na mũthenya wa ĩkũmi na ĩtano mwei o ũsu nĩ mboka kwondũ wa Yeova ya kĩmũtũ kĩte ĩlawa: yai kĩmũtũ kĩte ĩlawa mĩthenya mũonza.</verse>
				<verse number="7">Mũthenya wa mbee mũkeethĩwa na ũmbano mũtheu: mũikatethye wĩa o na wĩva.</verse>
				<verse number="8">Ĩndi mũkamũthembee Yeova nthembo ya kũvĩvw’a na mwaki mĩthenya mũonza: mũthenya wa mũonza nĩ ũmbano mũtheu; mũikatethye wĩa o na wĩva.</verse>
				<verse number="9">Na Yeova aneena na Mose, akĩmwĩa,</verse>
				<verse number="10">Neena na ana ma Isilaeli, noimea, Mwalika nthĩ ĩla nĩmũnengae, na mwaketha ngetha yayo, nĩvo ĩndĩ mwĩmũetee mũthembi kyove kya mosyao ma mbee ma ngetha yenyu:</verse>
				<verse number="11">nake akavyũlangya kyove mbee wa Yeova, kĩtĩkĩlwe kwondũ wenyu: savato ũnĩ usu mũthembi akakĩvyũlangya.</verse>
				<verse number="12">Na mũthenya ũla mwĩvyũlangya kyove, mũkamũthembea Yeova katũlũme kate kĩema ka mwaka ũmwe kethĩwe nthembo ya kũvĩvw’a.</verse>
				<verse number="13">Na nthembo ya mũtu ya kũthembanĩsya nayo ĩkeethĩwa ilungu ilĩ sya ĩkũmi sya eva ya mũtu mũvinyu ũvulanĩtw’e na mauta, nthembo ĩvĩvĩaw’a Yeova na mwaki yĩthĩwe mũuke mũseo; na nthembo ya kũnyuwa ya kũthembanĩsya nayo ĩkeethĩwa ya mbinyu, kĩlungu kya kana kya ini.</verse>
				<verse number="14">Na mũtikaye kĩmũtũ, kana lĩu wa mbaa ngetha ũkaangĩtwe na mwaki, kana iia mbĩu, kũvika mũthenya o ũsu, kũvika yĩla mwĩete nthembo ya Ngai wenyu: nĩ mwamũlo wa tene na tene mosyaanĩonĩ menyu motũonĩ menyu onthe.</verse>
				<verse number="15">Na mũketalĩle kwambĩlĩlya ũnĩ ũsu savato wathela, kuma mũthenya ũla mwaetie kyove kya nthembo ya kũvyũlw’a; masavato mũonza makeethĩwa meanĩe:</verse>
				<verse number="16">mũkatale mĩthenya mĩongo ĩtano o kũvika ũnĩ ũsu savato wa mũonza wathela; na mũkathembee Yeova nthembo ya mũtu mweũ.</verse>
				<verse number="17">Mũkaete kuma motũonĩ menyu imũtũ ilĩ sya kũvyũlw’a sya ilungu ilĩ sya ĩkũmi sya eva: ikeethĩwa sya mũtu mũvinyu, na ikauwa syĩ ĩlawa, syĩthĩwe mosyao ma mbee kwa Yeova.</verse>
				<verse number="18">Na vamwe na imũtũ mũkaete tũtena mũonza twa malondu tũte kĩema twa mwaka ũmwe, na kasalũ, na ndũũme ilĩ: ikeethĩwa nthembo ya kũvĩvĩw’a Yeova, na nthembo ya mũtu ya kũthembanĩsya nasyo, na nthembo sya kũnyuwa sya kũthembanĩsya nasyo, o nthembo ĩla ĩvĩvaw’a na mwaki, yĩ mũuke mũseo kwa Yeova.</verse>
				<verse number="19">Na mũkathembe nthenge ĩmwe yĩthĩwe nthembo ya naĩ, na tũtũlũme twĩlĩ twa mwaka ũmwe twĩthĩwe nthembo ya nthembo sya mũuo.</verse>
				<verse number="20">Na mũthembi akaivyũlangye vamwe na kĩmũtũ kya mosyao ma mbee syĩthĩwe nthembo sya kũvyũlw’a mbee wa Yeova, vamwe na tũla tũtũlũme twĩlĩ: ikeethĩwa ntheu kwa Yeova kwondũ wa mũthembi.</verse>
				<verse number="21">Na mũkatavan’ye o mũthenya ũsu; kũkeethĩwa ũmbano mũtheu kwenyu; mũikatethye wĩa o na wĩva: nĩ mwamũlo wa tene na tene motũonĩ menyu onthe mosyaanĩonĩ menyu.</verse>
				<verse number="22">Na mwaketha ngetha ya nthĩ yenyu, ndũkakethe vyũ ndee sya mũũnda waku, o na ndũkethĩan’ye ngetha yaku: ũkatiĩa ngya, na mwĩkali wa ũeninĩ: ninyie Yeova Ngai waku.</verse>
				<verse number="23">Na Yeova aneena na Mose, akĩmwĩa,</verse>
				<verse number="24">Neena na ana ma Isilaeli, ũkĩmea, Mwei wa mũonza, mũthenya wa mbee wa mwei, ũkeethĩwa ũthũmũo mũuu kwenyu, ũlilikan’yo wa kũvuva masoo, ũmbano mũtheu.</verse>
				<verse number="25">Mũikatethye wĩa o na wĩva; na mũkamũthembea Yeova nthembo ya kũvĩvw’a na mwaki.</verse>
				<verse number="26">Na Yeova aneena na Mose, akĩmwĩa,</verse>
				<verse number="27">Na ĩngĩ mũthenya wa ĩkũmi wa mwei ũsu wa mũonza nĩ mũthenya wa wĩw’anĩthyo: ũkeethĩwa ũmbano mũtheu kwenyu, na mwĩthĩn’ye ngoo syenyu; na mũkamũthembee Yeova nthembo ya kũvĩvw’a na mwaki.</verse>
				<verse number="28">Na mũikatethye wĩa o na wĩva mũthenya ũsu; nũndũ nĩ mũthenya wa wĩw’anĩthyo, wa kũthemba nthembo ya wĩw’anĩthyo kwondũ wenyu mbee wa Yeova Ngai wenyu.</verse>
				<verse number="29">Nũndũ mũndũ o na wĩva ũla ũteĩthĩn’ya mũthenya o ũsu, akavetwe andũnĩ make.</verse>
				<verse number="30">Na mũndũ o na wĩva ũla wĩtethya mũthemba o na wĩva wa wĩa mũthenya ũsu, mũndũ ũsu ngamwananga aume andũnĩ make.</verse>
				<verse number="31">Mũikatethye wĩa o na wĩva: nĩ mwĩao wa tene na tene mosyaanĩonĩ menyu motũonĩ menyu onthe.</verse>
				<verse number="32">Mũthenya ũsu ũkeethĩwa kwenyu savato wa ũthũmũo mũuu, na mwĩthĩn’ye ngoo syenyu: mũthenya wa kenda wa mwei wĩoo, kuma wĩoo kũvika wĩoo, mũkalilikane savato wenyu.</verse>
				<verse number="33">Na Yeova aneena na Mose, akĩmwĩa,</verse>
				<verse number="34">Neena na ana ma Isilaeli, ũkĩmea, Mũthenya wa ĩkũmi na ĩtano wa mwei wa mũonza nĩ mboka ya malwanda kwondũ wa Yeova vandũ va mĩthenya mũonza.</verse>
				<verse number="35">Mũthenya wa mbee kũkeethĩwa ũmbano mũtheu: mũikatethye wĩa o na wĩva.</verse>
				<verse number="36">Mĩthenya mũonza mũkamũthembee Yeova nthembo ĩvĩvaw’a na mwaki: mũthenya wa nyanya kũkeethĩwa ũmbano mũtheu kwenyu; na mũkamũthembee Yeova nthembo ĩvĩvaw’a na mwaki: nĩ ũmbano ũkilĩtye; mũikatethye wĩa o na wĩva.</verse>
				<verse number="37">Ii nĩsyo mboka itw’ĩtwe sya Yeova, ila mũkatavanasya syĩthĩwe maũmbano matheu, kũmũthembea Yeova nthembo ĩvĩvaw’a na mwaki, nthembo ya kũvĩvw’a, na nthembo ya mũtu, na nthembo ya ũtonywa, na nthembo sya kũnyuwa, kĩla ĩmwe mũthenya wayo;</verse>
				<verse number="38">vamwe na isu masavato ma Yeova, na mĩthĩnzĩo yenyu, na mawĩvĩto menyu onthe, na nthembo syenyu syonthe sya kumya na ngoo ya kwenda, ila mũmũnengae Yeova.</verse>
				<verse number="39">Na ĩndĩ mũthenya wa ĩkũmi na ĩtano wa mwei wa mũonza, mwamina kũmban’ya mosyao ma nthĩ, mũkalilikane mboka ya Yeova mĩthenya mũonza: mũthenya wa mbee kũkeethĩwa ũthũmũo mũuu, na mũthenya wa nyanya kũkeethĩwa ũthũmũo mũuu.</verse>
				<verse number="40">Na mũthenya wa mbee mũkeeyosea ũsyao wa mĩtĩ mĩseo, mathangũ ma mĩtende, na mbonge sya mĩtĩ mĩthungu, na mĩtĩ ĩla ĩmeaa kalũsĩnĩ; na mũkatana mbee wa Yeova Ngai wenyu mĩthenya mũonza.</verse>
				<verse number="41">Na mũkethĩawa na mboka kwondũ wa Yeova mĩthenya mũonza kĩla mwaka: nĩ mwamũlo wa tene na tene mosyaanĩonĩ menyu; mũkamĩlilikanaa mwei wa mũonza.</verse>
				<verse number="42">Mũkekale malwandanĩ mĩthenya mũonza; onthe ala masyaawa kwa Isilaeli makekale malwandanĩ;</verse>
				<verse number="43">nĩ kana nzyawa syenyu imanye kana nyie namekalilye ana ma Isilaeli malwandanĩ, yĩla namaumisye nthĩ ya Misili: ninyie Yeova Ngai wenyu.</verse>
				<verse number="44">Na Mose amatavya ana ma Isilaeli mboka isu ila syatwiwe sya Yeova.</verse>
			</chapter>
			<chapter number="24">
				<verse number="1">Na Yeova aneena na Mose, akĩmwĩa,</verse>
				<verse number="2">Ĩaĩe ana ma Isilaeli makũetee mauta matheu ma mosyao ma mĩthata makimĩte kwondũ wa kyeni, makanasya taa mavinda onthe.</verse>
				<verse number="3">Ũtee wa tũtũ wa ĩsandũkũ ya ũkũsĩ, ĩeemanĩ ya kũmbanĩa, Aluni akoseũvasye kuma wĩoo kũvika kĩoko mbee wa Yeova mavinda onthe: ũsu ũkeethĩwa mwamũlo wa tene na tene mosyaanĩonĩ menyu.</verse>
				<verse number="4">Akaseũvasye mataa ala me kĩndũnĩ kĩtheu kyamo mbee wa Yeova mavinda onthe.</verse>
				<verse number="5">Na ũkose mũtu mũvinyu, na kũua tũmũtũ ĩkũmi na twĩlĩ twaw’ö ilungu ilĩ sya ĩkũmi sya eva ikeethĩwa nthĩnĩ wa kĩla kamũtũ.</verse>
				<verse number="6">Na ũkatwie mĩsoa ĩlĩ, thanthatũ kĩla mũsoa, mesanĩ ntheu mbee wa Yeova.</verse>
				<verse number="7">Na ũkekĩe ũvumba mũtheu ĩũlũ wa kĩla mũsoa, wĩthĩwe ĩũlũ wa tũmũtũ kwondũ wa ũlilikan’yo, o nthembo ya kũvĩvĩaw’a Yeova na mwaki.</verse>
				<verse number="8">Kĩla mũthenya wa savato akatwiae nesa mbee wa Yeova mavinda onthe; nĩ kwondũ wa ana ma Isilaeli, ũtianĩo wa tene na tene.</verse>
				<verse number="9">Na tũkeethĩwa twa Aluni na ana make; na makatũĩsĩaa vandũ vatheu: nũndũ nĩ tũtheu mũno kwake katĩ wa nthembo sya Yeova ila ivĩvaw’a na mwaki ũndũ wa mwamũlo wa tene na tene.</verse>
				<verse number="10">Na mwana wa mũndũ mũka Mũisilaeli, ũla ĩthe wake waĩ Mũmisili, aenda ananĩ ma Isilaeli; na mwana ũsu wa mũndũ mũka Mũisilaeli na mũndũ mũũme wa Isilaeli mokitĩa mwakonĩ wa maeema:</verse>
				<verse number="11">na mwana ũsu wa mũndũ mũka Mũisilaeli ayĩuma yĩla Syĩtwa, na kũumanĩa; na mamũete vala ve Mose. Syĩtwa ya inyia wake eetawa Selomithi, mwĩĩtu wa Ndivili, wa mbaĩ ya Ndani.</verse>
				<verse number="12">Na mamwĩkĩa ũsũvĩonĩ, nĩ kana matavw’e ndeto ĩla yĩuma kanyw’anĩ wa Yeova.</verse>
				<verse number="13">Na Yeova aneena na Mose, akĩmwĩa,</verse>
				<verse number="14">Mumaalye ũsu ũla waumanie ũtee wa mwako wa maeema; na onthe ala mamwĩwie nĩmailĩlĩle moko moo mũtwenĩ wake, na ũmbano w’onthe ũmũkime na mavia.</verse>
				<verse number="15">Na ũkaneena na ana ma Isilaeli, ũkĩmea, O ũla wĩmũuma Ngai wake akakue naĩ yake.</verse>
				<verse number="16">Na ũla wĩyĩuma syĩtwa ya Yeova, ndatĩa kũawa; mũvaka ũmbano w’onthe ũmũkime na mavia: mwĩkali wa ũeninĩ nĩ ũndũ ũmwe na ũla ũsyaawa kwenyu, auma syĩtwa ya Yeova, mũvaka oawe.</verse>
				<verse number="17">Na ũla wĩkũna mũndũ akw’e mũvaka oawe.</verse>
				<verse number="18">Na ũla wĩkũna nyamũ ĩkw’e akaĩva, thayũ vandũ va thayũ.</verse>
				<verse number="19">Na ethĩwa mũndũ akamwĩkĩa mũtũi wake kĩema; o ũndũ wekie, now’o wĩĩkwa:</verse>
				<verse number="20">ĩkũna vandũ va ĩkũna, itho vandũ va itho, ĩeo vandũ va ĩeo; o ũndũ wamwĩkĩie mũndũ kĩema, now’o wĩĩkwa.</verse>
				<verse number="21">Na ũla wĩũaa nyamũ akaĩva: na o ũla wĩũaa mũndũ akoawa.</verse>
				<verse number="22">Mũkeethĩwa na mwĩao wa mũthemba ũmwe ki, wa mwĩkali wa ũeninĩ ũndũ ũmwe na wa ũla ũsyaawa kwenyu: nũndũ ninyie Yeova Ngai wenyu.</verse>
				<verse number="23">Na Mose aneena na ana ma Isilaeli; na mamumaalya ũla waumanie kũmumya mwakonĩ wa maeema, na mamũkimanga na mavia. Na ana ma Isilaeli meeka o tondũ Yeova wamwĩaĩe Mose.</verse>
			</chapter>
			<chapter number="25">
				<verse number="1">Na Yeova aneena na Mose kĩĩmanĩ kya Sinai, akĩmwĩa,</verse>
				<verse number="2">Neena na ana ma Isilaeli, noimea, Yĩla mwĩlika nthĩ ĩla nĩmũnengae, nĩvo ĩndĩ nthĩ yĩkwata savato kwondũ wa Yeova.</verse>
				<verse number="3">Myaka thanthatũ ũkavande mũũnda waku, na myaka thanthatũ ũkasee mũũnda waku wa mĩsavivũ, na kũketha mosyao maw’o;</verse>
				<verse number="4">ĩndĩ mwaka wa mũonza ũkeethĩwa savato wa ũthũmũo mũuu kwondũ wa nthĩ, savato wa Yeova: ndũkavande mũũnda waku, kana kũsea mũũnda waku wa mĩsavivũ.</verse>
				<verse number="5">Kĩla kĩĩmesya mũũndanĩ waku ndũkakethe, na nzavivũ sya mĩsavivũ yaku ũtaseete ndũkakethe: ũkeethĩwa mwaka wa ũthũmũo mũuu kwondũ wa nthĩ.</verse>
				<verse number="6">Na savato wa nthĩ ũkeethĩwa kwondũ wenyu ũndũ wa lĩu; kwondũ waku na kwondũ wa mũthũkũmi waku mũndũ mũũme na mũthũkũmi waku mwĩĩtu, na kwondũ wa mũthũkũmi waku ũtuvawa na mũeni waku, ũla wĩkalaa ũeni kwaku.</verse>
				<verse number="7">Wingĩvo w’onthe wayo ũkeethĩwa lĩu kwondũ wa indo syaku, na kwondũ wa nyamũ ila syĩ nthĩ yaku.</verse>
				<verse number="8">Na ũketalĩle masavato mũonza ma myaka, myaka mũonza kũndũ mũonza; na mĩthenya ya masavato mũonza ma myaka ĩkeethĩwa kwaku, o myaka mĩongo ĩna na kenda.</verse>
				<verse number="9">Nĩvo ĩndĩ wĩvuva soo wĩ wasya mũnene mũthenya wa ĩkũmi wa mwei wa mũonza; mũthenya wa wĩw’anĩthyo now’o mũkavuva soo nthĩ yenyu yonthe.</verse>
				<verse number="10">Na mũkavathe mwaka wa mĩongo ĩtano wĩthĩwe mũtheu, na kũtavan’ya ũthasyo nthĩ yonthe kwa andũ onthe ala mamĩtwĩe: ũkeethĩwa kwenyu mwaka wa kũtana wĩtawa yuvilii; na kĩla mũndũ wenyu akasyokea ng’ũndũ yake, na kĩla mũndũ akasyokea mũvĩa wake.</verse>
				<verse number="11">Mwaka ũsu wa mĩongo ĩtano ũkeethĩwa kwenyu mwaka wa kũtana wĩtawa yuvilii: mũikavande, na mũikakethe kĩla kĩĩmesya mwaka ũsu, kana kũtw’a nzavivũ sya mĩsavivũ ĩla ĩtaasewa mwaka ũsu.</verse>
				<verse number="12">Nũndũ nĩ yuvilii; ũkeethĩwa mũtheu kwenyu: mũkaya wingĩvo waw’o wumĩte mũũndanĩ.</verse>
				<verse number="13">Mwakanĩ ũsu wa yuvilii kĩla mũndũ wenyu akasyokeaa ng’ũndũ yake.</verse>
				<verse number="14">Na ethĩwa ũkamũthooesya mũtũi waku kĩndũ, kana kũthooa kĩndũ kwĩ kw’okonĩ kwa mũtũi waku, mũikakengane ene kwa ene.</verse>
				<verse number="15">Kwĩanana na ũndũ myaka yĩana ĩtina wa mwaka wa yuvilii ũkathooa kwa mũtũi waku, na kwĩanana na ũndũ myaka yĩana ya ngetha akathoosya kwaku.</verse>
				<verse number="16">Kwĩanana na wingĩ wa myaka ũkongela thooa wayo, na kwĩanana na ũvũthũ wa myaka ũkaola thooa wayo; nũndũ eũthooesya kwĩanana na ngetha o ũndũ yĩana.</verse>
				<verse number="17">Mũikakengane ene kwa ene; ĩndĩ kĩa Ngai waku: nũndũ ninyie Yeova Ngai wenyu.</verse>
				<verse number="18">Kwondũ wa ũu ĩkaai myamũlo yakwa, na sũvĩaai motw’ĩo makwa na kũmekaa; na mũkatũaa nthĩ vate mũisyo.</verse>
				<verse number="19">Na nthĩ ĩkasyaaa ũsyao wayo, na mũkaya na kũvũna, na kũtũa vo vate mũisyo.</verse>
				<verse number="20">Na ethĩwa mwĩasya, Tũkaya kyaũ mwaka wa mũonza? Sisya, tũikavanda, kana kũketha ngetha sitũ;</verse>
				<verse number="21">nĩvo nĩmwĩaĩĩa inyw’ĩ ũathimo wakwa mwaka wa thanthatũ, na mwaka ũsu ũkamũsyaĩa ũsyao vandũ va myaka ĩtatũ.</verse>
				<verse number="22">Na mũkavanda mwaka wa nyanya, na mũkaĩsaa o ala makũũ; kũvika mwaka wa kenda, kũvika mosyao maw’o makethwa, mũkaĩsaa o asu makũũ.</verse>
				<verse number="23">Na nthĩ ndĩkaathoow’e vyũ; nũndũ nthĩ nĩ yakwa: nũndũ inyw’ĩ mwĩ aeni na ekali ma ũeninĩ vamwe nakwa.</verse>
				<verse number="24">Na nthĩ yonthe ĩla ya ng’ũndũ yenyu mũketĩkĩle kwovoanĩasya nthĩ.</verse>
				<verse number="25">Ethĩwa mwana‐a‐au akatw’ĩka ngya, na kũthoosya kĩlungu kya ng’ũndũ yake, nĩvo ĩndĩ mũndũ wa mũvĩa wake ũla wa vakuvĩ nake wĩũka, na kwovosya kĩla mwana‐a‐ĩthe wathooisye.</verse>
				<verse number="26">Na ethĩwa mũndũ nde na mũndũ wake wa kũkyovosya, na esa kũtw’ĩka mũthwii na kwona ũthwii wĩanĩe wa kũkyovosya;</verse>
				<verse number="27">nĩvo ĩndĩ natale myaka ĩla ĩvĩtĩte kuma athoosya, na kũmũtũngĩa ũla mũndũ wamũthooee ũtandĩthyo wayo; nake akasyokea ng’ũndũ yake.</verse>
				<verse number="28">Ĩndĩ ethĩwa ndatonya kwĩyovoesya, nĩvo kĩla wathooisye kĩkekala kw’okonĩ kwa ũla wakĩthooie kũvika mwaka wa yuvilii: na mwaka ũsu wa yuvilii kĩkathaw’a, nake akasyokea ng’ũndũ yake.</verse>
				<verse number="29">Na ethĩwa mũndũ akathoosya nyũmba ya kwĩkala yĩ ndũanĩ mbiie, nĩvo wĩ na ũthei wa kũmyovosya mwaka ũmwe mũima ĩtina wa kũmĩthoosya; vandũ va mwaka mũima akeethĩwa na ũthei wa kũmyovosya.</verse>
				<verse number="30">Na ethiwa ndĩkovow’a vandũ va mwaka mũima, nĩvo nyũmba ĩla yĩ ndũanĩ mbiie ĩkalũmw’a yĩtw’ĩka vyũ ya ũla wamĩthooie, mosyaanĩonĩ make: ndĩkathaw’e mwaka wa yuvilii.</verse>
				<verse number="31">Ĩndĩ nyũmba ila syĩ mĩsyĩ ĩla ĩte miie ikatalwa vamwe na mĩũnda ya nthĩ: nitonya kwovow’a, na ikathaw’a mwaka wa yuvilii.</verse>
				<verse number="32">Ĩndĩ ndũa sya Alivai, nyũmba sya ndũa sya ng’ũndũ syoo, Alivai matonya kwovosya yĩla mekwenda.</verse>
				<verse number="33">Na ethĩwa mũndũ akoovosya kwa Alivai, nĩvo nyũmba ĩla yathooiw’e, na ndũa ya ng’ũndũ yake, ikathaw’a mwaka wa yuvilii; nũndũ nyũmba syĩ ndũanĩ sya Alivai nĩ ng’ũndũ sya Alivai katĩ wa ana ma Isilaeli.</verse>
				<verse number="34">Ĩndĩ mĩũnda yĩ syengonĩ sya ndũa syoo ititonya kũthoow’a; nũndũ nĩ ng’ũndũ yoo tene na tene.</verse>
				<verse number="35">Na ethĩwa mwana‐a‐au akatw’ĩka ngya mũno, na ndatonya kwĩyonea kĩndũ na kw’oko kwake e kwaku; nĩvo ĩndĩ mũtethye: akatũe naku ta mũeni na mwĩkali wa ũeninĩ.</verse>
				<verse number="36">Ndũkamwĩtye ũtandĩthyo kana wongeleko, ĩndĩ mũkĩe Ngai waku; nĩ kana mwana‐a‐au ekale naku.</verse>
				<verse number="37">Ndũkamũkovethye mbesa syaku kana wone ũtandĩthyo wasyo, kana kũmũmenga lĩu waku wone wongeleko waw’o.</verse>
				<verse number="38">Ninyie Yeova Ngai wenyu, ũla wamumisye nthĩ ya Misili, nĩmũnenge nthĩ ya Kanaani, nĩthĩwe Ngai wenyu.</verse>
				<verse number="39">Na ethĩwa mwana‐a‐au akatw’ĩka ngya atwĩe naku, na kwĩthoosya mwene kwaku; ndũkamũthũkũmĩthye ta ngombo.</verse>
				<verse number="40">Akekale naku ta mũthũkũmi ũtuvawa, na ta mwĩkali wa ũeninĩ; akakũthũkũme kũvika mwaka wa yuvilii:</verse>
				<verse number="41">nĩvo ĩndĩ wĩuma kwaku, we na syana syake vamwe nake, na akasyokea mũvĩa wake mwene, na akasyokea ng’ũndũ ya aaĩthe make.</verse>
				<verse number="42">Nũndũ nĩ athũkũmi makwa, ala naumisye nthĩ ya Misili: maikathoow’e methĩwe ngombo.</verse>
				<verse number="43">Ndũkamũsumbĩke na vinya, ĩndĩ mũkĩe Ngai waku.</verse>
				<verse number="44">Na ũndũ wa ngombo syaku aũme, na eĩtu, ila ũkethĩwa nasyo; sya mbaĩ ila imũthyũlũlũkĩte, kwasyo mũkathooa ngombo sya aũme na eĩtu.</verse>
				<verse number="45">O na ĩngĩ sya syana sya aeni ala mekalaa ũeni kwenyu mũkathooa kwasyo, na mĩvĩanĩ yasyo ĩla yĩ kwenyu, ila masyaĩe nthĩ yenyu: nasyo ikeethĩwa syenyu.</verse>
				<verse number="46">Na mũkamatw’ĩkĩthye ũtiĩwa wa syana syenyu ĩtina wenyu, methĩwe masyo; kuma andũnĩ asu mũkose ngombo syenyu tene na tene: ĩndĩ mũikasumbĩke ana‐a‐au, ana ma Isilaeli, ũmwe aisumbĩka ũngĩ na vinya.</verse>
				<verse number="47">Na ethĩwa mũeni kana mwĩkali wa ũeninĩ e kwaku akatw’ĩka mũthwii, na mwana‐a‐au aitw’ĩka ngya e vakuvĩ nake, na kwĩthooesya mũeni kana mwĩkali wa ũeninĩ ũla wĩ kwaku, kana andũ ma mũvĩa wa mũenĩ ũsu;</verse>
				<verse number="48">ve ũthei wa kwovow’a ĩtina wa kwĩthoosya kwake: ũmwe wa ana‐a‐ĩthe make nũtonya kũmwovosya;</verse>
				<verse number="49">kana mwendw’a ĩthe, kana mwana wa mwendw’a ĩthe, matonya kũmwovosya, kana mũndũ o na wĩva ũla wĩ vakuvĩ nake mbaĩnĩ yake nũtonya kũmwovosya; kana ethĩwa we mwene akatw’ĩka mũthwii, nũtonya kwĩyovosya.</verse>
				<verse number="50">Na akatalana na ũla wamũthooie kuma mwaka ũla wethooisye kwake kũvika mwaka wa yuvilii: na mbesa sya kwĩthoosya kwake ikeethĩwa kwĩanana na ũndũ myaka yĩana; akeethĩwa nake kwĩanana na ĩvinda ya mũthũkũmi ũtuvawa.</verse>
				<verse number="51">Ethĩwa kũkeethĩwa kũtiele myaka mingĩ, kwĩanana na ũndũ yĩana, akaĩva mbesa sya wovosyo wake kũsyumya mbesanĩ ila wathooiwe nasyo.</verse>
				<verse number="52">Na ethĩwa no myaka mĩvũthũ ĩtiele kũvika mwaka wa yuvilii, nĩvo wĩtalana nake; kwĩanana na myaka yake ũndũ yĩana akaĩve mbesa sya wovosyo wake.</verse>
				<verse number="53">Akekale nake ta mũthũkũmi ũtuvawa mwaka na mwaka: na ũsu ndakamũsumbĩke na vinya wene.</verse>
				<verse number="54">Na ethĩwa ndakovow’a myaka ĩsu, nĩvo ĩndĩ wĩuma mwaka wa yuvilii, we, na syana syake vamwe nake.</verse>
				<verse number="55">Nũndũ ana ma Isilaeli nĩ athũkũmi makwa; nĩ athũkũmi makwa ala naumisye nthĩ ya Misili: ninyie Yeova Ngai wenyu.</verse>
			</chapter>
			<chapter number="26">
				<verse number="1">Mũikeseũvĩsye mĩvw’anano o na yĩva, o na mũikeũngamĩsye mũvw’anano mwasũvye, kana kĩtuĩ, o na mũikaie ĩvia o na yĩva yĩvanĩtwe nthĩ yenyu, nĩ kana mũyĩkunamĩe: nũndũ ninyie Yeova Ngai wenyu.</verse>
				<verse number="2">Lilikanai masavato makwa, na kũtaĩa vandũ vakwa vatheu: ninyie Yeova.</verse>
				<verse number="3">Ethĩwa mũkaendaa myamũlonĩ yakwa, na kũkwataa mĩao yakwa, na kũmĩkaa;</verse>
				<verse number="4">nĩvo ngaete mbua yenyu ivinda yayo, na nthĩ ĩkasyaaa ũsyao wayo, na mĩtĩ ya mũũnda ĩkasyaaa ũsyao wayo.</verse>
				<verse number="5">Na ngetha yenyu ya ũvũa ĩkekaala kũvika ngetha ya mĩũnda ya mĩsavivũ, na ngetha ĩsu ya mĩsavivũ ĩkekalaa kũvika ĩvinda ya kũvanda; na mũkaĩsaa lĩu wenyu na kũvũna, na kwĩkalaa nthĩ yenyu vate mũisyo.</verse>
				<verse number="6">Nakwa ngamĩnenga nthĩ mũuo, na mũkakomaa, na vaiĩ ũla wĩtuma mũkĩa: ngamina nyamũ mbai nthĩ yenyu, o na ũvyũ ndũkavĩtĩle nthĩ yenyu.</verse>
				<verse number="7">Mũkalũngya amaitha menyu, na makavalũkw’a mbee wenyu na ũvyũ.</verse>
				<verse number="8">Andũ atano menyu makalũngya ĩana, na ĩana menyu makalũngya ngili ĩkũmi; na amaitha menyu makavalũkw’a mbee wenyu na ũvyũ.</verse>
				<verse number="9">Na ngamwĩtĩkĩla, na ngamwongeleela, na kũmwingĩvya, na ngalũlũmĩlya ũtianĩo wakwa nenyu.</verse>
				<verse number="10">Mũkaĩsaa lĩu ũla mũkũũ wa mbio mĩthenya mingĩ, na mũkaumaalya ũla mũkũũ nũndũ wa ũla mweũ.</verse>
				<verse number="11">Na ngaaka wĩkalo wakwa katĩ wenyu: na ngoo yakwa ndĩkamũthĩtha.</verse>
				<verse number="12">Na ngaendaa katĩ wenyu, na ngeethĩwa Ngai wenyu, nenyu mũkeethĩwa andũ makwa.</verse>
				<verse number="13">Ninyie Yeova Ngai wenyu, ũla wamumisye nthĩ ya Misili, nĩ kana mũtikethĩwe ngombo syoo; na nĩndũlĩte mĩtĩ ya ĩsoki yenyu, na kũmũendethya mũlũngalĩte.</verse>
				<verse number="14">Ĩndĩ ethĩwa mũikambĩthukĩĩsya, na mũikakwata mĩao ĩno yonthe;</verse>
				<verse number="15">na ethĩwa mũkalea myamũlo yakwa, na ngoo yenyu ĩkathĩtha motw’ĩo makwa, ũndũ mũteka mĩao yakwa yonthe, ĩndĩ mũkyananga ũtianĩo wakwa;</verse>
				<verse number="16">nakwa ngamwĩka ũũ: ngeeaĩa w’ĩa ĩũlũ wenyu, ũwau wa ũkooa na ndetema, ũla wanangaa metho, na kũtuma thayũ ũsonzoma; na mũkavanda mbeũ syenyu mana, nũndũ amaitha menyu makaiya.</verse>
				<verse number="17">Ngamũlutĩla ũthyũ wakwa, na mũkakũnwa mbee wa amaitha menyu: ala mamũmenaa makamũsumbĩka; na mũkasemba yĩla vate mũndũ ũmũatĩĩĩte.</verse>
				<verse number="18">Na ethĩwa ĩtina wa maũndũ asu mũtikambĩthukĩĩsya, nĩvo ĩndĩ ngamũkũna makũna angĩ mũonza nũndũ wa naĩ syenyu.</verse>
				<verse number="19">Ngaananga ngathĩĩo ya vinya wenyu: na ngatw’ĩkĩthya ĩtu yenyu yĩthĩwe ta kĩaa, na nthĩ yenyu ta ũthuku;</verse>
				<verse number="20">na mũkananga vinya wenyu ta ũthuku; na mũkananga vinya wenyu mana; nũndũ nthĩ yenyu ndĩkasyaa ũsyao wayo, o na mĩtĩ ya nthĩ ndĩkasyaa ũsyao wayo.</verse>
				<verse number="21">Na ethĩwa mũkaendea na kũndea, na mũikambĩthukĩĩsya, ngamũetee mothĩn’yo kũndũ mũonza kwĩanana na naĩ syenyu.</verse>
				<verse number="22">Na ngaete nyamũ sya kĩtheka kwenyu, ila ikamũvuta syana syenyu, na kwananga indo syenyu, na mũkatiwa mwĩ avũthũ ũtalonĩ wenyu; na nzĩa syenyu ikaekwa.</verse>
				<verse number="23">Na ethĩwa kwondũ wa maũndũ asu mũtikaalyũlwa ninyie, ĩndĩ mũkaendeea na kũndea;</verse>
				<verse number="24">nĩvo ĩndĩ ngamũlea; na ngamũkũna, o nyie, makũna mũonza kwondũ wa naĩ syenyu.</verse>
				<verse number="25">Na ngaete ũvyũ wũke ĩũlũ wenyu, ũla ũkaĩvanĩsya ũĩvanĩsyo kwondũ wa ũtianĩo; na mũkoombanĩw’a ndũanĩ syenyu: na ngaete mũimũ katĩ wenyu; na mũkanenganwe kw’okonĩ kwa mũmaitha.</verse>
				<verse number="26">Yĩla nĩtũla ndata yenyu ya kĩmũtũ, aka ĩkũmi makauĩa kĩmũtũ kyenyu ikonĩ yĩmwe, na makamũnenga ĩngĩ kĩmũtũ kyenyu kwondũ wa kũthima: na mũkaya, na mũikavũna.</verse>
				<verse number="27">Na ethĩwa ĩtina wa ũu w’onthe mũkalea kũmbĩthukĩĩsya, ĩndĩ mũkaendeea na kũndea;</verse>
				<verse number="28">nĩvo ĩndĩ nakwa ngamũlea nĩ mũthilĩku; o na ngamũkũna makũna mũonza kwondũ wa naĩ syenyu.</verse>
				<verse number="29">Na mũkaya nyama sya ana maku, na nyama sya eĩtu maku mũkaya.</verse>
				<verse number="30">Na ngaananga kũndũ kwenyu kũtũlu, na kũtema mĩvw’anano yenyu ya syũa, na kwĩkya simba syenyu ĩũlũ wa mĩĩ ya mĩvw’anano yenyu; na ngoo yakwa ĩkamũthĩtha inyw’ĩ.</verse>
				<verse number="31">Na ngatw’ĩkĩthya ndũa syenyu maanzo, na ngaananga kũndũ kwenyu kũtheu, na ndikanyungĩa mĩuke yenyu mĩseo.</verse>
				<verse number="32">Na ngatw’ĩkĩthya nthĩ nthei; na amaitha menyu ala memĩtũa makaseng’a nũndũ wayo.</verse>
				<verse number="33">Nenyu ngamũnyaĩĩkya i mbaĩnĩ, na ngamũatĩĩa nĩkũĩte ũvyũ: na nthĩ yenyu ĩkeethĩwa nthei, na ndũa syenyu ikeethĩwa maanzo.</verse>
				<verse number="34">Nĩvo ĩndĩ nthĩ ĩkatanĩa masavato mayo, o ĩvinda yĩla yĩ nthei, na inyw’i mwĩ nthĩ ya amaitha menyu; o ĩvinda yĩu nthĩ ĩkathũmũa, na kũtanĩa masavato mayo.</verse>
				<verse number="35">O yĩla yĩ nthei ĩkeethĩwa na ũthũmũo, o ũthũmũo ũla ĩtaĩ naw’o masavatonĩ menyu, yĩla mwamĩtwĩe.</verse>
				<verse number="36">Na ũndũ wa ala menyu metiala, ngeekĩa ũleelu ngoonĩ syoo me nthĩ sya amaitha moo: na wasya wa ĩtũ yĩkĩthingithangw’a ũkatuma masemba; na makakĩa, ta mũndũ ũkĩĩte ũvyũ; na makavalũka yĩla vate mũndũ ũmaatĩĩĩte.</verse>
				<verse number="37">Na makavalũkangan’ya ene kwa ene, o ta makĩĩte mbee wa ũvyũ, yĩla vate mũndũ ũmaatĩĩĩte: na mũtikethĩwa na vinya wa kũũngama mbee wa amaitha menyu.</verse>
				<verse number="38">Na mũkaanangĩka mbaĩnĩ sya nthĩ, na nthĩ ya amaitha menyu ĩkamũmina.</verse>
				<verse number="39">Na ala menyu metiala makasonzomea naĩnĩ yoo me nthĩ sya amaitha menyu: o na mothũkũnĩ ma aaĩthe moo makasonzomea vamwe nao.</verse>
				<verse number="40">Na makaumbũla ũthũku woo, na ũthũku wa aaĩthe moo, ũndũ wa ĩvĩtyo yoo yĩla mambĩtanĩsye, na ĩngĩ, nũndũ maendeeie makĩndea,</verse>
				<verse number="41">nakwa naendeea ngĩmalea, na namatwaa nthĩ ya amaitha moo: ethĩwa ĩndĩ ngoo yoo ĩte mbaĩke ĩkeenyivya, na kwĩtĩkĩla ũsilĩlo wa ũthũku woo;</verse>
				<verse number="42">nĩvo ĩndĩ ngalilikana ũtianĩo wakwa na Yakovo; o na ũtianĩo wakwa na Isaka, o na ũtianĩo wakwa na Avalaamu ngalilikana; na ngalilikana ĩ nthĩ.</verse>
				<verse number="43">Nthĩ nayo ĩkatiwa nĩo, na ĩkatanĩa masavato mayo, yĩla yĩĩthĩwa nthei nao mate vo: na makeetĩkĩla ũsilĩlo wa ũthũku woo, nĩkwĩthĩwa, ĩĩ nĩkwĩthĩwa nĩmaleile motw’ĩo makwa, na ngoo syoo nĩsyathĩthie myamũlo yakwa.</verse>
				<verse number="44">Ĩndĩ o na ũu w’onthe, yĩla me nthĩ ya amaitha moo, nyie ndikamalea, o na ndikamathĩtha, nĩmanange vyũ, na kwananga ũtianĩo wakwa nao; nũndũ nyie nĩ Yeova Ngai woo;</verse>
				<verse number="45">ĩndĩ kwondũ woo ngalilikana ũtianĩo wa aaĩthe moo, ala naumisye nthĩ ya Misili mbaĩ sya nthĩ syene, nĩ kana nĩthĩwe Ngai woo: ninyie Yeova.</verse>
				<verse number="46">Myamũlo na motw’ĩo na mĩao, nĩyo ĩsu, ĩla Yeova watwie katĩ wake na ana ma Isilaeli kĩĩmanĩ kya Sinai na kanyw’a wa Mose.</verse>
			</chapter>
			<chapter number="27">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, noimea, Yĩla mũndũ wĩĩvĩta wĩvĩto, andũ makeethĩwa ma Yeova kwĩanana na ũndũ wĩmatalĩla wovosyo.</verse>
				<verse number="3">Na ũtalo waku ũkethĩwe ũũ: wa mũndũ mũũme kuma ũla wa myaka mĩongo ĩlĩ kũvika ũla wa myaka mĩongo thanthatũ, ũtalo waku ũkethĩwe sekeli mĩongo ĩtano ya vetha, kwĩanana na sekeli ya vala vandũ vatheu.</verse>
				<verse number="4">Na ethĩwa nĩ mũndũ mũka, nĩvo ũtalo waku ũkethĩwe sekeli mĩongo ĩtatũ.</verse>
				<verse number="5">Na ethĩwa nĩ kuma myaka ĩtano kũvika myaka mĩongo ĩlĩ, nĩvo ũtalo waku wa mũndũ mũũme ũkethĩwe sekeli mĩongo ĩlĩ, na wa mũndũ mũka sekeli ĩkũmi.</verse>
				<verse number="6">Na ethĩwa nĩ kuma mwei ũmwe kũvika myaka ĩtano, nĩvo ũtalo waku wa mũndũ mũũme ũkethĩwe sekeli itano sya vetha, na wa mũndũ mũka ũtalo waku ũkethĩwe sekeli itatũ sya vetha.</verse>
				<verse number="7">Na ethĩwa nĩ kuma myaka mĩongo thanthatũ na mbee; ethĩwa nĩ mũndũ mũũme, ũtalo waku ũkethĩwe sekeli ĩkũmi na itano, na wa mũndũ mũka sekeli ĩkũmi.</verse>
				<verse number="8">Ĩndĩ ethĩwa nĩ ngya ũndũ ũtatonya kumya ũtalo ũsu waku, nĩvo ĩndĩ wĩetwe mbee wa mũthembi, na mũthembi akamũtw’ĩĩe thooa; kwĩanana na ũtonyi wa ũla wevĩtie nĩw’o mũthembi wĩmũtw’ĩĩa thooa.</verse>
				<verse number="9">Na ethĩwa nĩ nyamũ, ĩla andũ mamũthembeaa Yeova nthembo nayo, syonthe sya isu ila andũ mamũnengae Yeova ikeethĩwa ntheu.</verse>
				<verse number="10">Ndakamĩalyũle kana kũmĩkũan’ya, nzeo vandũ va nthũku, kana nthũku vandũ va nzeo: na ethĩwa akakũan’ya nyamũ kwa nyamũ, nĩvo ĩndĩ ĩsu na ĩla ngũan’ye syelĩ ikeethĩwa ntheu.</verse>
				<verse number="11">Na ethĩwa nĩ nyamũ mbuku o na yĩva, ĩla matamũthembeaa Yeova, nĩvo ĩndĩ akaete nyamũ mbee wa mũthembi;</verse>
				<verse number="12">na mũthembi akatw’e thooa wayo, ethĩwa nĩ nzeo kana nthũku: o tondũ we mũthembi wĩtw’a thooa wayo, kũkeethĩwa ũu.</verse>
				<verse number="13">Ĩndĩ ethĩwa nĩ w’o akamyovosya, akongeleele ũtalo waku kĩlungu kya katano kyaw’o.</verse>
				<verse number="14">Na yĩla mũndũ wĩmũvathĩa Yeova nyũmba yake yĩthĩwe ntheu, nĩvo mũthembi wĩtw’a thooa wayo, ethĩwa nĩ nzeo kana nthũku; o ũndũ mũthembi wĩtw’a thooa wayo, o ũu thooa ũkekala.</verse>
				<verse number="15">Na ethĩwa ũla wamĩvathie yĩthĩwe ntheu akenda kwovosya nyũmba yake, akawongeleele ũtalo waku kĩlungu kya katano kya mbesa, na ĩkeethĩwa yake.</verse>
				<verse number="16">Na ethĩwa mũndũ akamũvathĩa Yeova kĩlungu kya mũũnda wake wa ng’ũndũ yake kĩthĩwe kĩtheu, nĩvo ũtalo waku ũkethĩwe kwĩanana na kũvandwa kwaw’o: kũvandwa kwa omeli ya mbaale kũkatalwe thooa wakw’o sekeli mĩongo ĩtano sya vetha.</verse>
				<verse number="17">Ethĩwa akavatha mũũnda wake wĩthĩwe mũtheu kuma mwaka wa yuvilii, ũtalo waku o ũndũ wĩana ũkekale.</verse>
				<verse number="18">Ĩndĩ ethĩwa akavatha mũũnda wake wĩthĩwe mũtheu mwaka wa yuvilii wathela, nĩvo mũthembi ũkamũtalĩle mbesa kwĩanana na ũndũ myaka yĩana ĩla yĩtialĩte ya kũvika mwaka wa yuvilii; na ikaolwe ũtalonĩ waku.</verse>
				<verse number="19">Na ethĩwa ũla wavathie mũũnda wĩthĩwe mũtheu akenda kũwovosya, akongeleele ũtalo waku kĩlungu kya katano kya mbesa syaw’o, na ũkeethĩwa wake.</verse>
				<verse number="20">Na ethĩwa ndekwenda kwovosya mũũnda, kana ethĩwa nũmũthooesye mũndũ ũngĩ mũũnda ũsu, ndũtonyeka kwovow’a ĩngĩ:</verse>
				<verse number="21">ĩndĩ mũũnda, yĩla wĩekwa mwaka wa yuvilii, ũkeethĩwa wĩ mũtheu kwa Yeova, o ta mũũnda wavathiwe; ũkeethĩwa wa mũthembi.</verse>
				<verse number="22">Na ethĩwa akavatha mũũnda ũla wathooie wĩthĩwe mũtheu kwa Yeova, na ti mũũnda wa ng’ũndũ yake;</verse>
				<verse number="23">nĩvo ĩndĩ mũthembi wĩmũtalĩla thooa kwĩanana na ũtalo waku kũvika mwaka wa yuvilii: na mũthenya ũsu akanengane thooa ũla ũtalĩte, wĩthĩwe kĩndũ kĩtheu kwa Yeova.</verse>
				<verse number="24">Mwaka wa yuvilii mũũnda nũsyokee ũla wathooisye, o ũsu ũla ĩ nthĩ nĩ yake.</verse>
				<verse number="25">Na motalo maku onthe makethĩwe kwĩanana na sekeli wa vala vandũ vatheu: ngela mĩongo ĩlĩ ĩkeethĩwa sekeli.</verse>
				<verse number="26">Ĩndĩ kĩla kĩsyaawa mbee nĩ nyamũ, kĩla kĩvathĩwe Yeova kĩthĩwe ũsyao wa mbee, mũndũ o na wĩva ndakavathe kĩthĩwe kĩtheu; ethĩwa nĩ ng’ombe kana ĩlondu, nĩ ya Yeova.</verse>
				<verse number="27">Na ethĩwa nĩ kya nyamũ mbuku, nĩvo akakyovosya kwĩanana na ũtalo waku, na akakyongeleele kĩlungu kya katano kyakyo: kana ethĩwa kĩtiovow’a, nĩvo kĩkathoow’a kwĩanana na ũtalo waku.</verse>
				<verse number="28">Ĩndĩ, kĩndũ o na kĩva kĩvathe, kĩla mũndũ ũvathĩe Yeova kya syonthe ila wĩ nasyo, ethĩwa nĩ mũndũ kana nyamũ, kana mũũnda wa ng’ũndũ yake, kĩtikathoow’e kana kwovow’a: kĩla kĩndũ kĩvathe nĩ kĩtheu mũno kwa Yeova.</verse>
				<verse number="29">Mũndũ o na wĩva mũvathe, ũla ũkavathwa kuma andũnĩ, ndakovow’e; no mũvaka oawe.</verse>
				<verse number="30">Na kĩlungu kyonthe kya ĩkũmi kya nthĩ, ethĩwa nĩ kya mbeũ sya nthĩ, kana ũsyao wa mũtĩ, nĩ kya Yeova: nĩ kĩtheu kwa Yeova.</verse>
				<verse number="31">Na ethĩwa mũndũ akenda kwovosya kĩlungu kyake kya ĩkũmi, akakyongeleele kĩlungu kya katano.</verse>
				<verse number="32">Na kĩlungu kyonthe kya ĩkũmi kya ndĩthya ya ng’ombe kana ya mbũi na malondu, o kĩla kĩvĩtĩlaa ĩtheo wa ndata, kĩlungu kya ĩkũmi kĩkeethĩwa kĩtheu kwa Yeova.</verse>
				<verse number="33">Ndakasisye ethĩwa nĩ nzeo kana nthũku, na ndakakũan’ye: na ethĩwa akakũan’ya, nĩvo ĩndĩ ĩsu na ĩla ngũan’ye syelĩ ikeethĩwa ntheu; ndĩkovow’a.</verse>
				<verse number="34">Ĩsu nĩyo mĩao, ĩla Yeova wamwĩaĩe Mose kwondũ wa ana ma Isilaeli kĩĩmanĩ kya Sinai.</verse>
			</chapter>
		</book>
		<book number="4">
			<chapter number="1">
				<verse number="1">Na Yeova aneena na Mose weũnĩ wa Sinai, ĩeemanĩ ya kũmbanĩa, mũthenya wa mbee wa mwei wa kelĩ, mwaka wa kelĩ ĩtina wa mauma nthĩ ya Misili, aimwĩa,</verse>
				<verse number="2">Tala ũmbano w’onthe wa ana ma Isilaeli, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, kĩla mũndũ mũũme, o mũndũ na mũndũ;</verse>
				<verse number="3">ala mavikĩtye myaka mĩongo ĩlĩ na mbee, onthe ma Isilaeli ala matonya kũthi kaũnĩ, we na Aluni mũkamatale kũatĩĩa nguthu syoo.</verse>
				<verse number="4">Na mũndũ ũmwe wa kĩla mbaĩ akethĩwe vamwe nenyu; kĩla ũmwe mũtongoi wa nyũmba ya aaĩthe make.</verse>
				<verse number="5">Na aa nĩ masyĩtwa ma andũ ala makaũngama nenyu. Wa Leuveni nĩ Elisuli mwana wa Seteuli.</verse>
				<verse number="6">Wa Simeoni: Selumieli mwana wa Nzulisatai.</verse>
				<verse number="7">Wa Yuta: Nasoni mwana wa Aminatavu.</verse>
				<verse number="8">Wa Isakali: Nethaneli mwana wa Nzuali.</verse>
				<verse number="9">Wa Nzevuluni: Eliavu mwana wa Eeloni.</verse>
				<verse number="10">Ma ana ma Yosevu: Wa Evalaimu: Elisama mwana wa Amiuti. Wa Manase: Ngamalieli mwana wa Vetasuli.</verse>
				<verse number="11">Wa Mbenyamini: Avitani mwana wa Kiteoni.</verse>
				<verse number="12">Wa Ndani: Aieseli mwana wa Amisatai.</verse>
				<verse number="13">Wa Aseli: Vakieli mwana wa Okalani.</verse>
				<verse number="14">Wa Ngati: Eliasavu mwana wa Ndeueli.</verse>
				<verse number="15">Wa Navitali: Aila mwana wa Enani.</verse>
				<verse number="16">Asu nĩo meetiwe nthĩnĩ wa ũla ũmbano, anene ma mbaĩ sya aaĩthe moo; nĩmo maĩ atongoi ma ngili sya Isilaeli.</verse>
				<verse number="17">Na Mose na Aluni moosa andũ asu ala mawetiwe na masyĩtwa moo:</verse>
				<verse number="18">nao moomban’ya ũmbano w’onthe mũthenya wa mbee wa mwei wa kelĩ; na matavan’ya mosyaanĩo moo kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ũla ũvikĩtye myaka mĩongo ĩlĩ na mbee, mũndũ na mũndũ.</verse>
				<verse number="19">O tondũ Yeova wamwĩaĩe Mose, nĩw’o wamatalĩle weũnĩ wa Sinai.</verse>
				<verse number="20">Na ana ma Leuveni, ĩkithathi ya Isilaeli, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, mũndũ na mũndũ, kĩla mũndũ mũũme ũvikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="21">ala matalilwe, ma mbaĩ ya Leuveni, maĩ ngili mĩongo ĩna na thanthatũ na maana atano.</verse>
				<verse number="22">Ma ana ma Simeoni, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, ala matalilwe, kwĩanana na ũtalo wa masyĩtwa, mũndũ na mũndũ, kĩla mũndũ mũũme ũvikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="23">ala matalilwe, ma mbaĩ ya Simeoni, maĩ ngili mĩongo ĩtano na kenda na maana atatũ.</verse>
				<verse number="24">Ma ana ma Ngati, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="25">ala matalilwe, ma mbaĩ ya Ngati, maĩ ngili mĩongo ĩna na itano na maana thanthatũ na mĩongo ĩtano.</verse>
				<verse number="26">Ma ana ma Yuta, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="27">ala matalilwe, ma mbaĩ ya Yuta, maĩ ngili mĩongo mũonza na inya na maana thanthatũ.</verse>
				<verse number="28">Ma ana ma Isakali, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="29">ala matalilwe, ma mbaĩ ya Isakali, maĩ ngili mĩongo ĩtano na inya na maana ana.</verse>
				<verse number="30">Ma ana ma Nzevuluni, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="31">ala matalilwe, ma mbaĩ ya Nzevuluni, maĩ ngili mĩongo ĩtano na mũonza na maana ana.</verse>
				<verse number="32">Ma ana ma Yosevu, nao nĩ ma ana ma Evalaimu, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="33">ala matalilwe, ma mbaĩ ya Evalaimu, maĩ ngili mĩongo ĩna na maana atano.</verse>
				<verse number="34">Ma ana ma Manase, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="35">ala matalilwe, ma mbaĩ ya Manase, maĩ ngili mĩongo ĩtatũ na ilĩ na maana elĩ.</verse>
				<verse number="36">Ma ana ma Mbenyamini, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũni;</verse>
				<verse number="37">ala matalilwe, ma mbaĩ ya Mbenyamini, maĩ ngili mĩongo ĩtatũ na itano na maana ana.</verse>
				<verse number="38">Ma ana ma Ndani, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="39">ala matalilwe, ma mbaĩ ya Ndani, maĩ ngili mĩongo thanthatũ na ilĩ na maana mũonza.</verse>
				<verse number="40">Ma ana ma Aseli, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="41">ala matalilwe, ma mbaĩ ya Aseli, maĩ ngili mĩongo ĩna na ĩmwe na maana atano.</verse>
				<verse number="42">Ma ana ma Navitali, nzyawa syoo, kũatĩĩa mĩvĩa yoo, kũatĩĩa nyũmba sya aaĩthe moo, kwĩanana na ũtalo wa masyĩtwa, ala mavikĩtye myaka mĩongo ĩlĩ na mbee, onthe ala maĩ matonya kũthi kaũnĩ;</verse>
				<verse number="43">ala matalilwe, ma mbaĩ ya Navitali, maĩ ngili mĩongo ĩtano na itatũ na maana ana.</verse>
				<verse number="44">Asu nĩo ala matalilwe, ala Mose na Aluni matalile, na anene ma Isilaeli, andũ ĩkũmi na elĩ: kĩla ũmwe aĩ vandũ va nyũmba ya aaĩthe make.</verse>
				<verse number="45">Na ĩndĩ onthe ala matalilwe ma ana ma Isilaeli kũatĩĩa nyũmba sya aaĩthe moo, ala mavikĩtye myaka mĩongo ĩlĩ na mbee, onthe ma Isilaeli ala maĩ matonya kũthi kaũnĩ;</verse>
				<verse number="46">onthe nao ala matalilwe maĩ ngili maana thanthatũ na itatũ na maana atano na mĩongo ĩtano.</verse>
				<verse number="47">Ĩndĩ Alivai kũatĩĩa mbaĩ ya aaĩthe moo matyaatalanĩlw’a na asu.</verse>
				<verse number="48">Nũndũ Yeova nĩwaneenie na Mose, akĩmwĩa,</verse>
				<verse number="49">No mbaĩ ya Livai ĩtetalwa, o na ndũkamatalanĩlye na ana ma Isilaeli;</verse>
				<verse number="50">ĩndĩ maie Alivai asyaĩĩsya ma wĩkalo wa ũkũsĩ, na asyaĩĩsya ma mĩio yonthe yĩ nthĩnĩ waw’o, na asyaĩĩsya ma syĩndũ syonthe syaw’o: makakuae wĩkalo, na mĩio yaw’o yonthe; na makothũkũmae, na makambae maeema moo mathyũlũlũkĩte wĩkalo.</verse>
				<verse number="51">Na yĩla wĩkalo wĩtwawa mbee, Alivai makothasye; na yĩla wĩkalo wĩũngamw’a, Alivai makawakae: na mũeni ũla wĩthengeea mũvaka oawe.</verse>
				<verse number="52">Na ana ma Isilaeli makambae maeema moo, kĩla mũndũ vala ve mwako wa maeema wake mwene, na kĩla mũndũ vala ve kĩvevelo kyake mwene, o ũndũ nguthu syoo itilyĩ.</verse>
				<verse number="53">Ĩndĩ Alivai makambae maeema moo mathyũlũlũkĩte wĩkalo wa ũkũsĩ, nĩ kana vaikethĩwe ũthilĩku ĩũlũ wa ũmbano wa ana ma Isilaeli: na Alivai makasũvĩae wĩaĩo wa wĩkalo wa ũkũsĩ.</verse>
				<verse number="54">Ũu nĩw’o ana ma Isilaeli meekie; kwĩanana na onthe ala Yeova wamwĩaĩe Mose, nĩw’o meekie.</verse>
			</chapter>
			<chapter number="2">
				<verse number="1">Na Yeova aneena na Mose na Aluni, akĩmea,</verse>
				<verse number="2">Ana ma Isilaeli makambae maeema moo kĩla mũndũ vakuvĩ na kĩvevelo kyake mwene, kĩ na ũvano wa nyũmba sya aaĩthe make: kũyelekela ĩeema ya kũmbanĩa, nĩvo meambaa maeema moo mayĩthyũlũlũkĩte ngalĩ syonthe.</verse>
				<verse number="3">Na ala meambaa maeema moo ngalĩ ya wumĩlonĩ wa syũa kwelekela vala syũa yumĩlaa makeethĩwa ala ma kĩvevelo kya mwako wa maeema wa Yuta, kwĩanana na nguthu syoo: na mũnene wa ana ma Yuta akeethĩwa Nasoni mwana wa Aminatavu.</verse>
				<verse number="4">Na nguthu yake, na ala matalilwe mayo maĩ ngili mĩongo mũonza na inya na maana thanthatũ.</verse>
				<verse number="5">Na ala meambaa maeema moo vakuvĩ nake makeethĩwa ma mbaĩ ya Isakali: na mũnene wa ana ma Isakali akeethĩwa Nethaneli mwana wa Nzuali.</verse>
				<verse number="6">Na nguthu yake, na ala matalilwe mayo, maĩ ngili mĩongo ĩtano na inya na maana ana.</verse>
				<verse number="7">Na mbaĩ ya Nzevuluni: na mũnene wa ana ma Nzevuluni akeethĩwa Eliavu mwana wa Eeloni.</verse>
				<verse number="8">Na nguthu yake, na ala matalilwe mayo, maĩ ngili mĩongo ĩtano na mũonza na maana ana.</verse>
				<verse number="9">Onthe ala matalilwe ma mwako wa maeema wa Yuta maĩ ngili ĩana na mĩongo nyanya na thanthatũ na maana ana, kwĩanana na nguthu syoo. Asu nĩo meambaa kũthi.</verse>
				<verse number="10">Ngalĩ ya ĩtheo kũkethĩwe kĩvevelo kya mwako wa maeema wa Leuveni kwĩanana na nguthu syoo: na mũnene wa ana ma Leuveni akeethĩwa Elisuli mwana wa Seteuli.</verse>
				<verse number="11">Na nguthu yake, na ala matalilwe mayo, maĩ ngili mĩongo ĩna na thanthatũ na maana atano.</verse>
				<verse number="12">Na ala meambaa maeema moo vakuvĩ nake makeethĩwa ma mbaĩ ya Simeoni: na mũnene wa ana ma Simeoni akeethĩwa Selumieli mwana wa Nzuli‐satai.</verse>
				<verse number="13">Na nguthu yake, na ala matalilwe mayo, maĩ ngili mĩongo ĩtano na kenda na maana atatũ.</verse>
				<verse number="14">Na mbaĩ ya Ngati: na mũnene wa ana ma Ngati akeethĩwa Eliasavu mwana wa Leueli.</verse>
				<verse number="15">Na nguthu yake, na ala matalilwe mayo, maĩ ngili mĩongo ĩna na itano na maana thanthatũ na mĩongo ĩtano.</verse>
				<verse number="16">Onthe ala matalilwe ma mwako wa maeema wa Leuveni maĩ ngili ĩana na mĩongo ĩtano na ĩmwe na maana ana na mĩongo ĩtano, kwĩanana na nguthu syoo. Asu nĩo ma kelĩ ma kũthi.</verse>
				<verse number="17">Nĩvo ĩndĩ ĩeema ya kũmbanĩa yĩendaa, yĩ vamwe na mwako wa maeema ma Alivai katĩ wa myako ya maeema yonthe: o ũndũ mambaa maeema moo, now’o makathi, kĩla mũndũ vandũ vake, vakuvĩ na kĩvevelo kyoo.</verse>
				<verse number="18">Ngalĩ ya ũthũĩlonĩ wa syũa kũkethĩwe kĩvevelo kya mwako wa maeema wa Evalaimu kwĩanana na nguthu syoo: na mũnene wa ana ma Evalaimu akeethĩwa Elisama mwana wa Amiuti.</verse>
				<verse number="19">Na nguthu yake, na ala matalilwe mayo maĩ ngili mĩongo ĩna na maana atano.</verse>
				<verse number="20">Na vakuvĩ nake kũkeethĩwa mbaĩ ya Manase: na mũnene wa ana ma Manase akeethĩwa Ngamalieli mwana wa Vetasuli.</verse>
				<verse number="21">Na nguthu yake na ala matalilwe mayo, maĩ ngili mĩongo ĩtatũ na ilĩ na maana elĩ.</verse>
				<verse number="22">Na mbaĩ ya Mbenyamini: na mũnene wa ana ma Mbenyamini akeethĩwa Avĩtani mwana wa Kiteoni.</verse>
				<verse number="23">Na nguthu yake, na ala matalilwe mayo, maĩ ngili mĩongo ĩtatũ na itano na maana ana.</verse>
				<verse number="24">Onthe ala matalilwe ma mwako wa maeema wa Evalaimu maĩ ngili ĩana na nyanya na ĩana yĩmwe, kwĩanana na nguthu syoo. Asu nĩo ma katatũ ma kũthi.</verse>
				<verse number="25">Ngalĩ ya ĩũlũ kũkethĩwe kĩvevelo kya mwako wa maeema wa Ndani kwĩanana na nguthu syoo: na mũnene wa ana ma Ndani akeethĩwa Aieseli mwana wa Amisatai.</verse>
				<verse number="26">Na nguthu yake, na ala matalilwe mayo, maĩ ngili mĩongo thanthatũ na ilĩ na maana mũonza.</verse>
				<verse number="27">Na ala meambaa maeema moo vakuvĩ nake makeethĩwa ma mbaĩ ya Aseli: na mũnene wa ana ma Aseli akeethĩwa Vakieli mwana wa Okalani.</verse>
				<verse number="28">Na nguthu yake, na ala matalilwe mayo, maĩ ngili mĩongo ĩna na ĩmwe na maana atano.</verse>
				<verse number="29">Na mbaĩ ya Navitali: na mũnene wa ana ma Navitali akeethĩwa Aila mwana wa Enani.</verse>
				<verse number="30">Na nguthu yake, na ala matalilwe mayo, maĩ ngili mĩongo itano na itatũ na maana ana.</verse>
				<verse number="31">Onthe ala matalilwe ma mwako wa maeema wa Ndani maĩ ngili ĩana na mĩongo ĩtano na mũonza na maana thanthatũ. Asu nĩo ma ĩtina ma kũthi maatĩĩe ivevelo syoo.</verse>
				<verse number="32">Asu nĩmo ala matalilwe ma ana ma Isilaeli kũatĩĩa nyũmba sya aaĩthe moo; onthe ala matalilwe ma myako ya maeema kwĩanana na nguthu syoo maĩ ngili maana thanthatũ na itatũ na maana atano na mĩongo ĩtano.</verse>
				<verse number="33">Ĩndĩ Alivai matyaatalanĩlw’a katĩ wa ana ma Isilaeli; o tondũ Yeova wamwĩaĩe Mose.</verse>
				<verse number="34">Now’o ana ma Isilaeli meekie; kwĩanana na onthe ala Yeova wamwĩaĩe Mose, now’o mambaa maeema moo vakuvĩ na ivevelo syoo, na now’o maendaa, kĩla mũndũ kũatĩĩa mĩvĩa yoo, kwĩanana na nyũmba sya aaĩthe moo.</verse>
			</chapter>
			<chapter number="3">
				<verse number="1">Na ĩndĩ ii nĩsyo nzyawa sya Aluni na Mose mũthenya ũla Yeova waneenee na Mose kĩĩmanĩ kya Sinai.</verse>
				<verse number="2">Na aa nĩmo masyĩtwa ma ana ma Aluni: Natavu ĩkithathi, na Aviu, na Eleasali, na Ithamali.</verse>
				<verse number="3">Nĩmo masyĩtwa ma ana ma Aluni, athembi ala metĩkĩiwe mauta, ala wamavathie methĩwe atheu mathũkũmae wĩanĩ wa ũthembi.</verse>
				<verse number="4">Na Natavu na Aviu makw’ĩa vu mbee wa Yeova, yĩla maumĩsye Yeova mwaki ũte wa vo, weũnĩ wa Sinai, nao matyaĩ na syana; na Eleasali na Ithamali mathũkũmaa wĩanĩ wa ũthembi Aluni ĩthe woo e vo.</verse>
				<verse number="5">Na Yeova aneena na Mose, akĩmwĩa,</verse>
				<verse number="6">Thengeesya mbaĩ ya Livai, na maie mbee wa mũthembi Aluni mamũthũkũmae.</verse>
				<verse number="7">Nao makasũvĩae wĩaĩo wake, na wĩaĩo wa ũmbano w’onthe vu mbee wa ĩeema ya kũmbanĩa, mathũkũmae wĩanĩ wa wĩkalo.</verse>
				<verse number="8">Nao makasũvĩae mĩio yonthe ya ĩeema ya kũmbanĩa, na ũla wĩaĩo wa ana ma Isilaeli, mathũkũmae wĩanĩ wa wĩkalo.</verse>
				<verse number="9">Namo Alivai ũkanenge Aluni na ana make: na nĩmanenganĩtwe kwake vyũ kwondũ wa ana ma Isilaeli.</verse>
				<verse number="10">Naku ũkamaie Aluni na ana make, na makasũvĩae ũthembi woo: na mũeni ũla wĩthengeea mũvaka oawe.</verse>
				<verse number="11">Na Yeova aneena na Mose, akĩmwĩa,</verse>
				<verse number="12">Nakwa, sisya, nĩnĩmaumĩtye Alivai nthĩnĩ wa ana ma Isilaeli vandũ va makithathi onthe ala mambaa kuma ĩvunĩ ya nyinyia ma ana ma Isilaeli; na Alivai makeethĩwa makwa:</verse>
				<verse number="13">nũndũ makithathi onthe nĩ makwa; mũthenya ũla nooaie makithathi onthe nthĩ ya Misili nĩnavathie makithathi onthe nthĩnĩ wa Isilaeli methĩwe atheu kwakwa, mũndũ o na nyamũ; makeethĩwa makwa; ninyie Yeova.</verse>
				<verse number="14">Na Yeova aneena na Mose weũnĩ wa Sinai, akĩmwĩa,</verse>
				<verse number="15">Tala ana ma Livai kũatĩĩa nyũmba sya aaĩthe moo, kũatĩĩa mĩvĩa yoo: kĩla mũndũ mũũme ũvikĩtye mwei ũmwe na mbee ũkamatale.</verse>
				<verse number="16">Na Mose amatala kwĩanana na ndeto ya Yeova, o ũndũ weaĩwe.</verse>
				<verse number="17">Na aa nĩo ana ma Livai na masyĩtwa moo: Ngelisoni, na Koathi, na Melali.</verse>
				<verse number="18">Na masyĩtwa ma ana ma Ngelisoni kũatĩĩa mĩvĩa yoo nĩ aa: Livini na Simei.</verse>
				<verse number="19">Na ana ma Koathi kũatĩĩa mĩvĩa yoo: Amilamu, na Isali, na Eviloni, na Usieli.</verse>
				<verse number="20">Na ana ma Melali kũatĩĩa mĩvĩa yoo: Mali na Musi. Ĩsu nĩyo mĩvĩa ya Alivai kũatĩĩa nyũmba sya aĩĩthe moo.</verse>
				<verse number="21">Kwa Ngelisoni kwaumie mũvĩa wa Alivini, na mũvia wa Asimei: ĩsu nĩ mĩvĩa ya Ngelisoni.</verse>
				<verse number="22">Ala matalilwe moo, kwĩanana na ũtalo wa aũme onthe, o na tũvĩsĩ tũla tũvikĩtye mwei ũmwe na mbee, o asu ala matalilwe moo maĩ ngili mũonza na maana atano.</verse>
				<verse number="23">Mĩvĩa ya Angelisoni makambae maeema moo mbĩlĩlo wa wĩkalo kwelekela ngalĩ ya ũthũĩlonĩ wa syũa.</verse>
				<verse number="24">Na mũnene wa nyũmba ya aaĩthe ma Angelisoni akeethĩwa Eliasavu mwana wa Laeli.</verse>
				<verse number="25">Na wĩaĩo wa ana ma Angelisoni ĩeemanĩ ya kũmbanĩa ũkeethĩwa wa kũsũvĩaa wĩkalo, na Ĩeema, na kĩla kya ũyĩvw’ĩka, na tama wa mũomonĩ wa ĩeema ya kũmbanĩa,</verse>
				<verse number="26">na ila ngũa sya kũniinw’a sya nza, na tama wa mũvĩanĩ wa nza, ĩla yĩ vakuvĩ na wĩkalo, na vakuvĩ na kĩthembeo kũkĩthyũlũlũka ngalĩ syonthe, na makanda mayo kwondũ wa ũthũkũmi w’onthe wayo.</verse>
				<verse number="27">Na kwa Koathi kwaumie mũvĩa wa Aamilamu, na mũvĩa wa Aisali, na mũvĩa wa Aeviloni, na mũvĩa wa Ausieli: ĩsu nĩyo mĩvĩa ya Akoathi.</verse>
				<verse number="28">Kwĩanana na ũtalo wa aũme onthe, o na tũvĩsĩ tũla tũvikĩtye mwei ũmwe na mbee, maĩ ngili nyanya na maana thanthatũ, makĩsũvĩaa wĩaĩo wa vala vandũ vatheu.</verse>
				<verse number="29">Mĩvĩa ya ana ma Koathi makambae maeema moo ngalĩ ya ĩtheo ya wĩkalo.</verse>
				<verse number="30">Na mũnene wa nyũmba ya aaĩthe ma mĩvĩa ya Akoathi akeethĩwa Elisavani mwana wa Usieli.</verse>
				<verse number="31">Na wĩaĩo woo ũkeethĩwa wa kũsũvĩaa yĩla ĩsandũkũ, na mesa, na kĩla kĩndũ kĩkĩawa mataa, na ithembeo, na mĩio ya vala vandũ vatheu ĩla mathũkũmaa nayo, na ũla tama, na ũthũkũmi wa vo w’onthe.</verse>
				<verse number="32">Na Eleasali mwana wa mũthembi Aluni akeethĩwa mũnene wa anene ma Alivai, akeethĩwa mũsyaĩĩsya wa ala masũvĩaa wĩaĩo wa vala vandũ vatheu.</verse>
				<verse number="33">Kwa Melali kwaumie mũvĩa wa Amali, na mũvĩa wa Amusi: ĩsu nĩyo mĩvĩa ya Melali.</verse>
				<verse number="34">Na ala matalilwe moo, kwĩanana na ũtalo wa aũme onthe, o na tũvĩsĩ tũla tũvikĩtye mwei ũmwe na mbee, maĩ ngili thanthatũ na maana elĩ.</verse>
				<verse number="35">Na mũnene wa nyũmba ya aaĩthe ma mĩvĩa ya Melali aĩ Nzulieli mwana wa Aviaili: asu makambae maeema moo ngalĩ ya ĩũlũ ya wĩkalo.</verse>
				<verse number="36">Na wĩaĩo ũla ana ma Melali meaĩĩtwe ũkethĩwe wa kũsũvĩaa mbwaũ sya wĩkalo, na mĩamba yaw’o, na ituĩ syaw’o, na iĩndĩ syaw’o, na mĩio yonthe yaw’o, na ũthũkũmi wa vo w’onthe,</verse>
				<verse number="37">na ituĩ sya nza ila ithyũlũlũkĩte ngalĩ syonthe, na iĩndĩ syasyo, na syambo syasyo, na makanda masyo.</verse>
				<verse number="38">Na ala meambaa maeema moo ngalĩ ya mbee ya wĩkalo ngalĩ ya wumĩlonĩ wa syũa, mbee wa ĩeema ya kũmbanĩa kwelekela vala syũa yumĩlaa, makethĩwe Mose, na Aluni na ana make, makĩsũvĩaa wĩaĩo wa vala vandũ vatheu, o wĩaĩo wa ana ma Isilaeli; na mũeni ũla wĩthengeea mũvaka oawe.</verse>
				<verse number="39">Onthe ala matalilwe ma Alivai, ala Mose na Aluni matalile nũndũ wa mwĩao wa Yeova, kũatĩĩa mĩvĩa yoo, aũme onthe o na tũvĩsĩ tũla tũvikĩtye mwei ũmwe na mbee, maĩ ngili mĩongo ĩlĩ na ilĩ.</verse>
				<verse number="40">Na Yeova amwĩa Mose, Tala makithathi onthe aũme ma ana ma Isilaeli o na tũvĩsĩ tũla tũvikĩtye mwei ũmwe na mbee, noitala masyĩtwa moo.</verse>
				<verse number="41">Na ũkambosee Alivai (ninyie Yeova) vandũ va makithathi onthe ma ana ma Isilaeli; na indo sya Alivai vandũ va makithathi ma indo ma ana ma Isilaeli.</verse>
				<verse number="42">Na Mose atala makithathi onthe ma ana ma Isilaeli, o tondũ Yeova wamwĩaĩe.</verse>
				<verse number="43">Na makithathi onthe aũme kwĩanana na ũtalo wa masyĩtwa, o na tũvĩsĩ tũla tũvikĩtye mwei ũmwe na mbee, ma ala matalilwe moo, maĩ ngili mĩongo ĩlĩ na ilĩ na maana elĩ na mĩongo mũonza na atatũ.</verse>
				<verse number="44">Na Yeova aneena na Mose, akĩmwĩa,</verse>
				<verse number="45">Osa Alivai vandũ va makithathi onthe ma ana ma Isilaeli, na indo sya Alivai vandũ va indo syoo; na Alivai makeethĩwa makwa: ninyie Yeova.</verse>
				<verse number="46">Na ũndũ wa wovosyo wa ala maana elĩ na mĩongo mũonza na atatũ ma makithathi ma ana ma Isilaeli, ala mavĩtũkĩte ũtalo wa Alivai,</verse>
				<verse number="47">ũkose sekeli itano kwa kĩla mũndũ; kwĩanana na sekeli ya vala vandũ vatheu ũkasyosa (sekeli nĩ ngela mĩongo ĩlĩ):</verse>
				<verse number="48">na ũkanenge Aluni na ana make mbesa isu, ila syovoisye ala mavĩtũkĩte Alivai.</verse>
				<verse number="49">Na Mose amaumya asu ala mathonokie ala movoiwe nĩ Alivai mbesa sya wovosyo;</verse>
				<verse number="50">na oosa mbesa isu kwa makithathi ma ana ma Isilaeli, sekeli ngili imwe na maana atatũ na mĩongo thanthatũ na itano, kwĩanana na sekeli ya vala vandũ vatheu:</verse>
				<verse number="51">na Mose anenga Aluni na ana make mbesa isu sya wovosyo, kwĩanana na ndeto ya Yeova, o tondũ Yeova wamwĩaĩe Mose.</verse>
			</chapter>
			<chapter number="4">
				<verse number="1">Na Yeova aneena na Mose na Aluni, akĩmea,</verse>
				<verse number="2">Vetai ũtalo wa ana ma Koathi vala ve ana ma Livai, kũatĩĩa mĩvĩa yoo, kũatĩĩa nyũmba sya aaĩthe moo,</verse>
				<verse number="3">ala mavikĩtye myaka mĩongo ĩtatũ na mbee o kũvika myaka mĩongo ĩtano, onthe ala malikaa ũthũkũminĩ, matethye wĩa ĩeemanĩ ya kũmbanĩa.</verse>
				<verse number="4">Ũũ nĩw’o ũthũkũmi wa ana ma Koathi ĩeemanĩ ya kũmbanĩa, syĩndũnĩ ila ntheu mbee:</verse>
				<verse number="5">yĩla maeema meambũawa mathi, Aluni na ana make makalike na kumya ula tũtũ wa kũtilan’ya, na kũvw’ĩka ĩsandũkũ ya ũkũsĩ naw’o,</verse>
				<verse number="6">na makavw’ĩke ĩũlũ wayo ũa wa vomboo, na makalan’ye ĩũlũ waw’o ngũa ya vuluu mũthei, na makĩkĩa mĩtĩ yayo ya ũyĩkua.</verse>
				<verse number="7">Na mesanĩ ya imũtũ ila siĩawa Yeova makalan’ye ngũa ya vuluu, na kwia masaani ĩũlũ wayo, na syĩko, na mbakũli na ikombe sya kwĩtĩkĩasya; na imutu ila itatw’ĩkanaa ikeethĩwa ĩũlũ wayo:</verse>
				<verse number="8">na makalan’ye ĩũlũ wasyo ngũa ndune mũno, na kũvw’ĩka ngũa ĩsu na ũa wa vomboo, na makekĩe mĩtĩ yayo.</verse>
				<verse number="9">Na makose ngũa ya vuluu na kũvw’ĩka kĩla kĩndũ kĩkĩawa mataa ala mamulĩkaa, na mataa makyo, na mĩkasĩ yakyo, na masaani makyo ma makaa, na mĩio yonthe ya mauta makyo, ĩla matethasya wĩa wakyo nayo:</verse>
				<verse number="10">na makakĩkĩe vamwe na mĩio yonthe yakyo nthĩnĩ wa ũa wa vomboo, na makia ĩũlũ wa mĩtĩ ya ũkua nayo.</verse>
				<verse number="11">Na ĩũlũ wa kĩthembeo kya thaavu makalan’ye ngũa ya vuluu, na maimĩvw’ĩka ũa wa vomboo, na kwĩkĩa ĩla mĩtĩ yakyo:</verse>
				<verse number="12">na makose mĩio yonthe ya ũthũkũmi ĩla mathũkũmaa nayo nthĩnĩ wa vala vandũ vatheu, na kũmĩkĩa ngũanĩ ya vuluu, na kũmĩvw’ĩka ũa wa vomboo, na kũmia ĩũlũ wa mĩtĩ ya kũkua nayo.</verse>
				<verse number="13">Na makooke mũu kĩthembeonĩ, na kwalan’ya ngũa ĩtilyĩ ta ndune ĩũlũ wakyo:</verse>
				<verse number="14">nao makaie ĩũlũ wayo mĩio yonthe yayo, ĩla mathũkũmaa nayo, tũvũngũlyũ twa ũkua makaa, na itonyi sya nyama, na mĩko, na masaani manene, mĩio yonthe ya kĩla kĩthembeo; na makalan’ye ĩũlũ wayo ũa wa vomboo, na kwĩkĩa mĩtĩ yakyo.</verse>
				<verse number="15">Na yĩla Aluni na ana make memina kũvw’ĩka vala vandũ vatheu, na mĩio yonthe ya vala vandũ vatheu, o yĩla meambũa maeema mathi; ĩtina wa ũu, ana ma Koathi makooka kũkua: ĩndĩ matikakiite vala vandũ vatheu, matikakw’e. Syĩndũ isu nĩ mĩio ya ana ma Koathi ĩeemanĩ ya kũmbanĩa.</verse>
				<verse number="16">Na wĩaĩo wa Eleasali mwana wa mũthembi Aluni ũkethĩwe wa kũsũvĩaa mauta ma kwakan’ya taa, na ũvani ũla ũnyungaa nesa, na nthembo ya mũtu ĩtatw’ĩkanaa, na mauta ma kwĩtĩkĩsya, o wĩaĩo wa wĩkalo w’onthe, na wa mĩio yonthe ĩla yĩ nthĩnĩ waw’o, vala vandũ vatheu, na mĩio ya vo.</verse>
				<verse number="17">Na Yeova aneena na Mose na Aluni, akĩmea,</verse>
				<verse number="18">Mũikavete mbaĩ ya mĩvĩa ya Akoathi kuma katĩ wa Alivai:</verse>
				<verse number="19">ĩndĩ mekaei ũndũ ũũ, nĩ kana mekalae thayũ, maikakw’e, yĩla meũthengeea syĩndũ ntheu mbee; Aluni na ana make makalike nthĩnĩ na kũmwiĩa kĩla mũndũ ũthũkũmi wake na mũio wake;</verse>
				<verse number="20">ĩndĩ asu matikalike kũsisya vala vandũ vatheu o na kavinda kanini, matikakw’e.</verse>
				<verse number="21">Na Yeova aneena na Mose, akĩmwĩa,</verse>
				<verse number="22">Tala ana ma Ngelisoni, kũatĩĩa nyũmba sya aaĩthe moo, kũatĩĩa mĩvĩa yoo;</verse>
				<verse number="23">ala mavikĩtye myaka mĩongo ĩtatũ na mbee kũvika myaka mĩongo ĩtano ũkamatale; onthe ala malikaa kũthũkũma, matethye wĩa ĩeemanĩ ya kũmbanĩa.</verse>
				<verse number="24">Ũũ nĩw’o ũthũkũmi wa mĩvĩa ya Angelisoni wa kũthũkũma na kũkua mĩio:</verse>
				<verse number="25">makakuae masuka ma wĩkalo, na ĩeema ya kũmbanĩa, na kĩndũ kya kũyĩvw’ĩka, na kĩngĩ kya kũvw’ĩka kya ũa wa vomboo kĩ ĩũlũ wayo, na tama wa mũomonĩ wa ĩeema ya kũmbanĩa;</verse>
				<verse number="26">na ngũa sya kũniinw’a sya nza, na tama wa mũomonĩ wa mbingĩlo ya nza, ũla wĩ vakuvĩ na wĩkalo na vakuvĩ na kĩthembeo kũkĩthyũlũlũka ngalĩ syonthe, na makanda masyo, na mĩio yonthe ya ũthũkũmi wasyo, na w’onthe o na wĩva ũla ũkekwa nasyo: makathũkũmae wĩanĩ ũsu.</verse>
				<verse number="27">Ũthũkũmi w’onthe wa ana ma Angelisoni, ũndũ wa mĩio yoo yonthe, na ũndũ wa ũthũkũmi woo w’onthe, ũkeethĩwa ũkĩaĩwa nĩ Aluni na ana make; nenyu mũkamaiĩe mĩio yoo yonthe mamĩsũvĩae.</verse>
				<verse number="28">Ũsu nĩw’o ũthũkũmi wa mĩvĩa ya ana ma Ngelisoni ĩeemanĩ ya kũmbanĩa: kwĩaĩwa kwoo kũkethĩwe kw’okonĩ kwa Ithamali mwana wa mũthembi Aluni.</verse>
				<verse number="29">Ũndũ wa ana ma Melali, ũkamatale kũatĩĩa mĩvĩa yoo, kũatĩĩa nyũmba sya aaĩthe moo;</verse>
				<verse number="30">ala mavikĩtye myaka mĩongo ĩtatũ na mbee o kũvika myaka mĩongo ĩtano ũkamatale, kĩla ũmwe ũlikaa ũthũkũminĩ ũsu, kũtethya wĩa wa ĩeema ya kũmbanĩa.</verse>
				<verse number="31">Kwĩaĩwa kwoo kwondũ wa mĩio yoo, kwĩanana na ũthũkũmi woo w’onthe ĩeemanĩ ya kũmbanĩa nĩkw’o kũũ: mbwaũ sya wĩkalo, na mĩamba yaw’o, na ituĩ syaw’o, na iĩndĩ syaw’o;</verse>
				<verse number="32">na ituĩ sya nza sya kũthyũlũlũka ngalĩ syonthe, na iĩndĩ syasyo, na syambo syasyo, na makanda masyo, vamwe na mĩio yasyo yonthe, na vamwe na ũthũkũmi wasyo w’onthe: ũkamũwetee kĩla mũndũ mĩio yake na masyĩtwa mayo ĩla weaĩwe asũvĩae.</verse>
				<verse number="33">Ũsu nĩw’o ũthũkũmi wa mĩvĩa ya ana ma Melali, kwĩanana na ũthũkũmi woo w’onthe, ĩeemanĩ ya kũmbanĩa, ũkĩsiaĩĩw’a nĩ Ithamali mwana wa mũthembi Aluni.</verse>
				<verse number="34">Na Mose na Aluni na anene ma ũmbano matala ana ma Akoathi kũatĩĩa mĩvĩa yoo, na kũatĩĩa nyũmba sya aaĩthe moo,</verse>
				<verse number="35">ala mavikĩtye myaka mĩongo ĩtatũ na mbee o kũvika myaka mĩongo ĩtano, kĩla mũndũ ũla walikaa ũthũkũminĩ ũsu, kwondũ wa wĩa ĩeemanĩ ya kũmbanĩa;</verse>
				<verse number="36">na ala matalilwe moo kũatĩĩa mĩvĩa yoo maĩ ngili ilĩ na maana mũonza na mĩongo ĩtano.</verse>
				<verse number="37">Asu nĩo ala matalilwe ma mĩvĩa ya Akoathi, onthe ala mathũkũmaa ĩeemanĩ ya kũmbanĩa, ala Mose na Aluni matalile o tondũ Yeova wamwĩaĩe Mose.</verse>
				<verse number="38">Na ala matalilwe ma ana ma Ngelisoni, kũatĩĩa mĩvĩa yoo, na kũatĩĩa nyũmba sya aaĩthe moo,</verse>
				<verse number="39">ala mavikĩtye myaka mĩongo ĩtatũ na mbee o kũvika myaka mĩongo ĩtano, kĩla ũmwe ũla walikaa ũthũkũminĩ ũsu wa wĩa ĩeemanĩ ya kũmbanĩa,</verse>
				<verse number="40">o asu ala matalilwe moo, kũatĩĩa mĩvĩa yoo, kũatĩĩa nyũmba sya aaĩthe moo, maĩ ngili ili na maana thanthatũ na mĩongo ĩtatũ.</verse>
				<verse number="41">Asu nĩo ala matalilwe ma mĩvĩa ya ana ma Ngelisoni, onthe ala mathũkũmaa ĩeemanĩ ya kũmbanĩa, ala Mose na Aluni matalile kwĩanana na mwĩao wa Yeova.</verse>
				<verse number="42">Na ala matalilwe ma mĩvĩa ya ana ma Melali, kũatĩĩa mĩvĩa yoo, kũatĩĩa nyũmba sya aaĩthe moo,</verse>
				<verse number="43">ala mavikĩtye myaka mĩongo ĩtatũ na mbee o kũvika myaka mĩongo ĩtano, kĩla ũmwe ũla walikaa ũthũkũminĩ ũsu wa wĩa ĩeemanĩ ya kũmbanĩa,</verse>
				<verse number="44">o asu ala matalilwe ma mĩvĩa yoo, maĩ ngili itatũ na maana elĩ.</verse>
				<verse number="45">Asu nĩo ala matalilwe ma mĩvĩa ya ana ma Melali, ala Mose na Aluni matalile o tondũ Yeova wamwĩaĩe Mose.</verse>
				<verse number="46">Onthe ala matalilwe ma Alivai, ala Mose na Aluni na anene ma Isilaeli matalile, kũatĩĩa mĩvĩa yoo, na kũatĩĩa nyũmba sya aaĩthe moo,</verse>
				<verse number="47">ala mavikĩtye mayaka mĩongo ĩtatũ na mbee o kũvika myaka mĩongo ĩtano, kĩla ũmwe ũla walikaa kũtethya wĩa wa ũthũkũmi ũsu, na wĩa wa kũkua mĩio ĩeemanĩ ya kũmbanĩa,</verse>
				<verse number="48">o asu matalilwe moo maĩ ngili nyanya na maana atano na mĩongo nyanya.</verse>
				<verse number="49">Matalilwe nĩ Mose kwĩanana na mwĩao wa Yeova, kĩla mũndũ o ũndũ ũthũkũmi wake ũilyĩ, na ũndũ mĩio yake ĩilyĩ: ũu nĩw’o matalilwe nĩwe, o tondũ Yeova wamwĩaĩe Mose.</verse>
			</chapter>
			<chapter number="5">
				<verse number="1">Na Yeova aneena na Mose, akĩmwĩa,</verse>
				<verse number="2">Meaĩe ana ma Isilaeli, mavete mwakonĩ wa maeema kĩla mũndũ ũwaĩte mangũ, na kĩla mũndũ ũwaĩte mũluo, na o ũla ũvukĩtwe nĩ kimba:</verse>
				<verse number="3">aũme o na aka mũkamaumaalye, na mũkamaie ũtee wa mwako wa maeema; matikavukye mwako wa maeema woo, ũla nĩkalaa nthĩnĩ waw’o.</verse>
				<verse number="4">Na ana ma Isilaeli mekaa ũu, na mamaumaalasya ũtee wa mwako wa maeema; o tondũ Yeova wamũtavisye Mose, nĩw’o ana ma Isilaeli mekaa.</verse>
				<verse number="5">Na Yeova aneena na Mose, akĩmwĩa,</verse>
				<verse number="6">Matavye ana ma Isilaeli atĩĩ, Yĩla mũndũ mũũme kana mũndũ mũka meĩka naĩ o na yĩva yĩkawa nĩ andũ, na kũmũvĩtanĩsya Yeova, na mũndũ ũsu akethĩwa e mũvĩtan’ya;</verse>
				<verse number="7">nĩvo ĩndĩ wĩumbũlaa naĩ yake ĩla wĩkĩte: na akaĩva vyũ kwondũ wa ũvĩtan’yo wake, na kwongeleela kĩlungu kya katano na kũmũnenga ũla wamũvĩtanĩsye.</verse>
				<verse number="8">Ĩndĩ ethĩwa mũndũ ũsu nde na mũndũ wa mũvĩa wake ũla ũtonya kũĩvĩwa ũvĩtan’yo ũsu, kĩla kĩkũĩvĩwa ĩvĩtyo yake kwa Yeova kĩkeethĩwa kya mũthembi; eka ndũũme ya wĩw’anĩthyo, ĩla wĩw’anĩthw’a kwondũ wayo.</verse>
				<verse number="9">Na kĩla nthembo ya kũkĩlw’a ya syĩndũ syonthe ntheu sya ana ma Isilaeli, ĩla memũtwaĩa mũthembi, ĩkeethĩwa yake.</verse>
				<verse number="10">Na syĩndũ ivathĩtwe nĩ mũndũ syĩthĩwe ntheu ikeethĩwa sya mũthembi: o kĩla mũndũ o na wĩva ũnengae mũthembi kĩkeethĩwa kyake.</verse>
				<verse number="11">Na Yeova aneena na Mose, akĩmwĩa,</verse>
				<verse number="12">Neena na ana ma Isilaeli, ũmatavye, Ethĩwa mũka wa mũndũ o na wiva nũnũũtambũka na kũmũvĩtanĩsya mũũme,</verse>
				<verse number="13">na mũndũ akĩkoma nake na kũlaalaa, na ũndũ ũsu ũivĩthwa mũũme ndakone, na kũvithwa ki, nake nĩwĩvukitye, na vati ngũsĩ yĩsĩ, na ndaaoneka akĩka ũu,</verse>
				<verse number="14">na mũũme aikwatwa nĩ nzika ngoonĩ yake, na kwĩw’a nzika ũndũ wa mũka wake, nake nĩwĩvukĩtye: kana ethĩwa akakwatwa nĩ nzika ngoonĩ, na kwĩw’a nzika ũndũ wa mũka, nake ndevukitye:</verse>
				<verse number="15">nĩvo ĩndĩ ũla mũndũ wĩtwaa mũka wake vala ve mũthembi, na aitwaa nthembo ũndũ wake, kĩlungu kya ĩkũmi kya eva ya mũtu wa mbaale; ndakekĩe mauta ĩũlũ waw’o, kana kwĩkĩa ũvumba ĩũlũ waw’o; nũndũ nĩ nthembo ya mũtu kwondũ wa nzika, nthembo ya mũtu ya ũlilikan’yo, ya kũlilikan’ya ũthũku.</verse>
				<verse number="16">Na mũthembi akamũthengeesye na kũmwĩkalya mbee wa Yeova:</verse>
				<verse number="17">na mũthembi akekĩe manzĩ matheu ĩsaaninĩ ya yũmba; na akyosa kĩtoo kĩla kĩ vo nthĩ wĩkalonĩ, na kũkĩkĩa manzĩnĩ.</verse>
				<verse number="18">Na mũthembi akamwĩkalye ũla mũndũ mũka mbee wa Yeova, na kwithalĩkya nzw’ĩĩ sya mũtwe wa mũndũ mũka, na kwĩkĩa nthembo ya mũtu ya ũlilikan’yo mokonĩ make, nayo nĩ nthembo ya mũtu kwondũ wa nzika: na mũthembi akethĩwe na manzĩ asu me ũũ kw’okonĩ kwake ala maetae kĩumo.</verse>
				<verse number="19">Na mũthembi akamũavĩthye, na kwĩa ũla mũndũ mũka, Ethĩwa mũndũ mũũme ndaakoma naku, na ethĩwa ndwaalika wathavunĩ, wĩ mwĩaonĩ wa mũemeu, manzĩ aa me ũũ ala maetae kĩumo maikakũkwate.</verse>
				<verse number="20">Ĩndĩ ethĩwa nũlikĩte wathavunĩ, wĩ mwĩaonĩ wa mũemeu, na ethĩwa nĩwĩvukĩtye, na mũndũ nũkomete naku ũte mũemeu:</verse>
				<verse number="21">nĩvo ĩndĩ mũthembi wĩmũavĩthya ũla mũndũ mũka na wĩvĩto wa kwĩvĩta, na mũthembi akee mũndũ mũka ũsu, Yeova akũtw’ĩkĩthye kĩumo na wĩvĩto andũnĩ maku, yĩla Yeova ũkakwonzethya ĩtako yaku, na kwimbĩthya ĩvu yaku;</verse>
				<verse number="22">na manzĩ aa ala maetae kĩumo makalika nda yaku, na kwimbĩthya ĩvu yaku, na kwonzethya ĩtako yaku. Na mũndũ mũka ũsu akasye, Ameni, Ameni.</verse>
				<verse number="23">Na mũthembi akaandĩke iumo isu ĩvukunĩ, na akaithambĩsya nthĩnĩ wa ala manzĩ me ũũ:</verse>
				<verse number="24">na akamũkundye ũla mũndũ mũka manzĩ asu me ũũ ala maetae kĩumo; na manzĩ ala maetae kĩumo makalika nthĩnĩ wake nao makeethĩwa me ũũ.</verse>
				<verse number="25">Mũthembi akaumye ĩla nthembo ya mũtu kwondũ wa nzika kw’okonĩ kwa mũndũ mũka, na akavyũlangya nthembo ya mũtu mbee wa Yeova, na kũmĩtwaa kĩthembeoni:</verse>
				<verse number="26">na mũthembi akaute ũvĩ wa nthembo ya mũtu, wĩthĩwe ũlilikan’yo wayo, na kũvĩvĩsya kĩthembeonĩ, na ĩtina akamũkundye ũ mũndũ mũka manzĩ asu.</verse>
				<verse number="27">Na amina kũmũkundya ala manzĩ, nĩvo ĩndĩ kwĩthĩwa, ethĩwa nĩwĩvukĩtye, na kũmũvĩtanĩsya mũũme, manzĩ ala maetae kĩumo makalika nthĩnĩ wake na makeethĩwa me ũũ, na ĩvu yake yĩkaimba, na ĩtako yake yĩkonza: na ũ mũndũ mũka akeethĩwa e kĩumo andũnĩ make.</verse>
				<verse number="28">Na ethĩwa mũndũ mũka ndevukĩtye, ĩndĩ nĩ mũtheu; nĩvo ĩndĩ wĩthĩwa ate na ũndũ, nake akaitava.</verse>
				<verse number="29">Ũsu nĩw’o mwĩao wa nzika, yĩla mũndũ mũka, e mwĩaonĩ wa mũũme, wĩlika wathavunĩ na kwĩvukya;</verse>
				<verse number="30">kana yĩla nzika syĩmũkwata mũndũ mũũme ngoonĩ, na ailikwa nĩ nzika ũndũ wa mũka; nĩvo ĩndĩ wĩmwĩkalya mũka mbee wa Yeova, na mũthembi akamwĩka maũndũ onthe ma mwĩao ũsu.</verse>
				<verse number="31">Na mũndũ mũũme ũsu akeethĩwa ate na ũthũku, na mũndũ mũka ũsu akakua ũthũku wake.</verse>
			</chapter>
			<chapter number="6">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, ũmatavye, Yĩla mũndũ mũũme kana mũndũ mũka ũkevĩta wĩvĩto, wĩvĩto wa Mũnasali, nĩ kana evathe ethĩwe wa Yeova,</verse>
				<verse number="3">akevathane na mbinyu na kĩla kĩtoonasya; ndakanyw’e siki wa mbinyu, kana siki wa kĩla kĩtoonasya, o na ndakanyw’e ngoyoo o na yĩva ya nzavivũ, kana kũya nzavivũ mbĩu kana mbovu.</verse>
				<verse number="4">Mĩthenya yonthe ya kwĩvatha kwake ndakaye kĩndũ kĩseũvĩtw’e kya mũsavivũ, kuma mbĩndĩ o na kũvika makonde.</verse>
				<verse number="5">Mĩthenya yonthe ya wĩvĩto wake wa kwĩvathan’ya, wenzi ndũkaavike mũtwe wake: kũvika yĩla mĩthenya yĩĩanĩa, ĩla wevathanisye ethĩwe wa Yeova, akeethĩwa e mũtheu; akaeke nzw’ĩĩ sya mũtwe wake iasave.</verse>
				<verse number="6">Mĩthenya yonthe ĩla wevathanisye ethĩwe wa Yeova ndakathengeee kimba.</verse>
				<verse number="7">Ndakevukye kwondũ wa ĩthe, kana kwondũ wa nyinyia, kana kwondũ wa mwana‐a‐inyia, kana kwondũ wa mwĩĩtũa‐inyia, yĩla makw’a; nũndũ kwĩvatha kwake ethĩwe wa Ngai kwĩ mũtwenĩ wake.</verse>
				<verse number="8">Mĩthenya yonthe ya kwĩvathan’ya kwake nĩ mũtheu kwa Yeova.</verse>
				<verse number="9">Na ethĩwa mũndũ o na wĩva akatũmũkĩa vakuvĩ nake, na akavukya mũtwe wa kwĩvatha kwake; nĩvo ĩndĩ wĩenza mũtwe wake mũthenya wa kwĩthesya kwake, mũthenya wa mũonza akawenze.</verse>
				<verse number="10">Na mũthenya wa nyanya akamũtwaĩe mũthembi ndumbũ ilĩ, kana maswii elĩ ma ĩvũĩ mũomonĩ wa ĩeema ya kũmbanĩa:</verse>
				<verse number="11">na mũthembi akathembe ĩmwe yĩthĩwe nthembo kwondũ wa naĩ, na ĩla ĩngĩ yĩthĩwe nthembo ya kũvĩvw’a, amwĩw’anĩthye, nũndũ nĩwavĩtisye nũndũ wa kimba, na akavathan’ye mũtwe wake mũthenya o ũsu.</verse>
				<verse number="12">Nake akamũvathĩa Yeova mĩthenya ya kwĩvatha kwake, na akaete katũlũme ka mwaka ũmwe kethĩwe nthembo kwondũ wa ĩvĩtyo: ĩndĩ mĩthenya ĩla mĩvĩtu ndĩkatalwa, nĩkwĩthĩwa kwĩvatha kwake nĩ kũvukye.</verse>
				<verse number="13">Na ũũ nĩw’o mwĩao wa Mũnasali, yĩla mĩthenya ya kwĩvatha kwake yeanĩa: akaetwe mũomonĩ wa ĩeema ya kũmbanĩa:</verse>
				<verse number="14">na akamũthembee Yeova nthembo yake, katũlũme kamwe kate kĩema ka mwaka ũmwe kethĩwe nthembo ya kũvĩvw’a, na kamwatĩ kamwe ka mwaka ũmwe kate kĩema kethĩwe nthembo kwondũ wa naĩ, na ndũũme ĩmwe ĩte kĩema yĩthĩwe nthembo ya mũuo,</verse>
				<verse number="15">na kĩkavũ kya kĩmũtũ kĩte ĩlawa, na tũmũtũ twa mũtu mũvinyu ũvulanĩtw’e na mauta, na tũmĩkate tũvũthũ tũte ĩlawa tũvakĩtwe mauta, na nthembo ya mũtu ya kũthembanĩsya nasyo, na nthembo sya kũnyuwa sya kũthembanĩsya nasyo.</verse>
				<verse number="16">Na mũthembi akaitwaĩe Yeova, na akathembe nthembo yake kwondũ wa naĩ, na nthembo yake ya kũvĩvw’a:</verse>
				<verse number="17">na akathembee Yeova ĩla ndũũme yĩthĩwe yĩ nthembo ya nthembo sya mũuo, vamwe na kĩkavũ kya kĩmũtũ kĩte ĩlawa: na ĩngĩ mũthembi akathembe nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="18">Na Mũnasali akenzee mũtwe wa kwĩvathan’ya kwake mũomonĩ wa ĩeema ya kũmbanĩa, na akose nzw’ĩĩ sya mũtwe wa kwĩvathan’ya kwake, na kwĩkĩa mwakinĩ ũla wĩ ungu wa nthembo ya nthembo sya mũuo.</verse>
				<verse number="19">Na mũthembi akose kw’oko kũue kwa ndũũme, na kamũtũ kamwe kate ĩlawa kĩkavũnĩ, na kamũkate kamwe kavũthũ kate ĩlawa, na kwĩkĩa mokonĩ ma Mũnasali, amina kwenza mũtwe wa kwĩvathan’ya kwake;</verse>
				<verse number="20">na mũthembi akaivyũlangye syĩthĩwe nthembo ya kũvyũlw’a mbee wa Yeova; kyu nĩ kĩndũ kĩtheu kwondũ wa mũthembi, vamwe na kĩng’eng’eto kya kũvyũlw’a na kũũ kwa kũkĩlw’a: na ĩtina wa ũu ũla Mũnasali nũtonya kũnyw’a mbinyu.</verse>
				<verse number="21">Ũsu nĩw’o mwĩao wa Mũnasali ũla ũnũkwĩvĩta, na wa nthembo yake kwondũ wa Yeova ũndũ wa kwĩvathan’ya kwake, o vamwe na syĩndũ ila ũtonya kwosa: kwĩanana na wĩvĩto wake ũndũ wĩvĩtĩte, mũvaka eke ũu aiatĩĩa mwĩao wa kwĩvathan’ya kwake.</verse>
				<verse number="22">Na Yeova aneena na Mose, akĩmwĩa,</verse>
				<verse number="23">Neena na Aluni na ana make, ũkĩmea, Ũũ nĩw’o mũkaathima ana ma Isilaeli: mũkamee atĩĩ,</verse>
				<verse number="24">Yeova nakũathime, na ukũsũvĩa:</verse>
				<verse number="25">Yeova nakũtisĩasye ũthyũ wake, na ũkwĩka nesa:</verse>
				<verse number="26">Yeova akũkĩlĩlye ũthyũ wake, na ũkũnenga mũuo.</verse>
				<verse number="27">Ũu nĩw’o makaia syĩtwa yakwa ananĩ ma Isilaeli; nakwa ngamaathima.</verse>
			</chapter>
			<chapter number="7">
				<verse number="1">Na kweethĩwa mũthenya ũla Mose waminie kũngamya wĩkalo, na kũwĩtĩkĩsya mauta, na kũvathan’ya wĩthĩwe wĩ mũtheu, na mĩio yonthe yaw’o, na kĩthembeo na mĩio yonthe yakyo, na kũsyĩtĩkĩsya mauta na kwivathan’ya syĩthĩwe syĩ ntheu;</verse>
				<verse number="2">nĩvo ĩndĩ anene ma Isilaeli, atongoi ma nyũmba sya aaĩthe moo, maetie moelo. Aa maĩ anene ma ila mbaĩ, aa nĩo maĩ anene ma ala matalilwe:</verse>
				<verse number="3">na mamũetee Yeova moelo moo, makasya thanthatũ ala maĩ mavw’ĩke ĩũlũ, na ng’ombe ĩkũmi na ilĩ; kĩla ĩkasya yaumiw’e nĩ anene elĩ, na ng’ombe ĩmwe yaumaw’a nĩ kĩla mũnene: na maiete mbee wa wĩkalo.</verse>
				<verse number="4">Na Yeova aneena na Mose, akĩmwĩa,</verse>
				<verse number="5">Osa syĩndũ isu maete syĩthĩwe sya kũthũkũmaa nasyo ũthũkũminĩ wa ĩeema ya kũmbanĩa; na ũkamanenge Alivai syĩndũ isu, kĩla mũndũ kwĩanana na ũthũkũmi wake.</verse>
				<verse number="6">Na Mose oosa makasya asu na ng’ombe isu na amanenga Alivai.</verse>
				<verse number="7">Anenga ana ma Ngelisoni makasya elĩ na ng’ombe inya, kwĩanana na ũthũkũmi woo;</verse>
				<verse number="8">na anenga ana ma Melali makasya ana na ng’ombe nyanya, kwĩanana na ũthũkũmi woo, makĩsyaĩĩw’a nĩ Ithamali mwana wa mũthembi Aluni.</verse>
				<verse number="9">Ĩndĩ ana ma Koathi ndaamanenga kĩndũ, nĩkwĩthĩwa ũthũkũmi wa vala vandũ vatheu waĩ woo; nĩmakuaa na ituo syoo.</verse>
				<verse number="10">Na ala anene maumya moelo kwondũ wa kũvatha kĩthembeo kĩthĩwe kĩ kĩtheu mũthenya ũla kyetĩkĩw’e mauta, asu anene maete moelo moo kĩthembeonĩ.</verse>
				<verse number="11">Na Yeova amwĩa Mose, Makaete moelo moo, kĩla mũnene mũthenya wake, kwondũ wa kũvatha kĩthembeo kĩthĩwe kĩ kĩtheu.</verse>
				<verse number="12">Na ũla waetie ũelo wake mũthenya wa mbee nĩ Nasoni mwana wa Aminatavu, wa mbaĩ ya Yuta:</verse>
				<verse number="13">na ũelo wake waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="14">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="15">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="16">na nthenge ĩmwe yĩthĩwe nthembo kwondũ wa naĩ;</verse>
				<verse number="17">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Nasoni mwana wa Aminatavu.</verse>
				<verse number="18">Mũthenya wa kelĩ Nethaneli mwana wa Nzuali, mũnene wa Isakali, aete ũelo wake:</verse>
				<verse number="19">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="20">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="21">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="22">na nthenge ĩmwe yĩthĩwe nthembo kwondũ wa naĩ;</verse>
				<verse number="23">na nthembo ya nthembo sya mũuo ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Nethaneli mwana wa Nzuali.</verse>
				<verse number="24">Mũthenya wa katatũ Eliavu mwana wa Eeloni, mũnene wa ana ma Nzevulunĩ, aete ũelo wake:</verse>
				<verse number="25">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="26">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="27">na kasalũ kamwe, na ndũũme ĩmwe, na katũlũme ka mwaka ũmwe, syĩthĩwe nthembo ya kũvĩvw’a;</verse>
				<verse number="28">na nthenge ĩmwe yĩthĩwe nthembo kwondũ wa naĩ;</verse>
				<verse number="29">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Eliavu mwana wa Eeloni.</verse>
				<verse number="30">Mũthenya wa kana Elisuli mwana wa Seteuli, mũnene wa ana ma Leuveni, aete ũelo wake:</verse>
				<verse number="31">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="32">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="33">na kasalũ kamwe, na ndũũme ĩmwe, na katũlũme ka mwaka ũmwe, syĩthĩwe nthembo ya kũvĩvw’a;</verse>
				<verse number="34">na nthenge ĩmwe yĩthĩwe nthembo kwondũ wa naĩ;</verse>
				<verse number="35">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Elisuli mwana wa Seteuli.</verse>
				<verse number="36">Mũthenya wa katano Selumieli mwana wa Nzuli‐satai, mũnene wa ana ma Simeoni, aete ũelo wake:</verse>
				<verse number="37">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syeli syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="38">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="39">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="40">na nthenge ĩmwe yĩthĩwe nthembo kwondũ wa naĩ;</verse>
				<verse number="41">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Selumieli mwana wa Nzulisatai.</verse>
				<verse number="42">Mũthenya wa thanthatũ Eliasavu mwana wa Ndeueli, mũnene wa ana ma Ngati, aete ũelo wake:</verse>
				<verse number="43">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="44">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="45">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="46">na nthenge ĩmwe yĩthĩwe nthembo kwondũ wa naĩ;</verse>
				<verse number="47">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Eliasavu mwana wa Ndeueli.</verse>
				<verse number="48">Mũthenya wa mũonza Elisama mwana wa Amiuti, mũnene wa ana ma Evalaimu, aete ũelo wake:</verse>
				<verse number="49">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="50">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="51">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="52">na nthenge ĩmwe yĩthĩwe nthembo kwondũ wa naĩ;</verse>
				<verse number="53">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe; isu nĩsyo syaĩ ũelo wa Elisama mwana wa Amiuti.</verse>
				<verse number="54">Mũthenya wa nyanya Ngamalieli mwana wa Vetasuli, mũnene wa ana ma Manase, aete ũelo wake:</verse>
				<verse number="55">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="56">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="57">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="58">na nthenge ĩmwe yĩthĩwe nthembo kwondũ wa naĩ;</verse>
				<verse number="59">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Ngamalieli mwana wa Vetasuli.</verse>
				<verse number="60">Mũthenya wa kenda Avitani mwana wa Kiteoni, mũnene wa ana ma Mbenyamini, aete ũelo wake:</verse>
				<verse number="61">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="62">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="63">na kasalũ kamwe, na ndũũme ĩmwe, na katũlũme kamwe ka mwaka ũmwe syĩthĩwe nthembo ya kũvĩvw’a;</verse>
				<verse number="64">na nthenge ĩmwe yĩthĩwe nthembo kwondũ wa naĩ;</verse>
				<verse number="65">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Avitani mwana wa Kiteoni.</verse>
				<verse number="66">Mũthenya wa ĩkũmi Aieseli mwana wa Amisatai, mũnene wa ana ma Ndani, aete ũelo wake:</verse>
				<verse number="67">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="68">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="69">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="70">na nthenge ĩmwe yĩthĩwe nthembo kwondũ wa naĩ;</verse>
				<verse number="71">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe; isu nĩsyo syaĩ ũelo wa Aieseli mwana wa Amisatai.</verse>
				<verse number="72">Mũthenya wa ĩkũmi na ũmwe Vakieli mwana wa Okalani, mũnene wa ana ma Aseli, aete ũelo wake:</verse>
				<verse number="73">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="74">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="75">na kasalũ kamwe, na ndũũme ĩmwe, na katũlũme kamwe ka mwaka ũmwe syĩthĩwe nthembo ya kũvĩvw’a;</verse>
				<verse number="76">na nthenge ĩmwe yĩthĩwe nthembo kwondũ wa naĩ;</verse>
				<verse number="77">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Vakieli mwana wa Okalani.</verse>
				<verse number="78">Mũthenya wa ĩkũmi na ĩlĩ Aila mwana wa Enani, mũnene wa ana ma Navitali, aete ũelo wake:</verse>
				<verse number="79">ũelo wake ũla waetie waĩ ĩsaani yĩmwe ya vetha, ũito wayo waĩ sekeli ĩana yĩmwe na mĩongo ĩtatũ, na mbakũli ĩmwe ya vetha ya sekeli mĩongo mũonza, kwĩanana na sekeli ya vala vandũ vatheu; isu syelĩ syusĩe mũtu mũvinyu ũvulanĩtw’e na mauta wĩthĩwe nthembo ya mũtu;</verse>
				<verse number="80">na kĩko kĩmwe kya thaavu kya sekeli ĩkũmi, kyusĩe ũvani;</verse>
				<verse number="81">na kasalũ kamwe, na ndũũme ĩmwe, na katũlũme kamwe ka mwaka ũmwe, syĩthĩwe nthembo ya kũvĩvw’a;</verse>
				<verse number="82">na nthenge ĩmwe yĩthĩwe nthembo kwondũ wa naĩ;</verse>
				<verse number="83">na nthembo ya nthembo sya mũuo, ng’ombe ilĩ, na ndũũme itano, na nthenge itano, na tũtũlũme tũtano twa mwaka ũmwe: isu nĩsyo syaĩ ũelo wa Aila mwana wa Enani.</verse>
				<verse number="84">Moelo asu nĩmaumiw’e nũndũ wa kũvatha kĩthembeo kĩthĩwe kĩ kĩtheu, mũthenya ũla kyetĩkĩw’e mauta nĩ anene ma Isilaeli: masaani ĩkũmi na elĩ ma vetha, na mbakũli ikũmi na ĩlĩ sya vetha, na syĩko ĩkũmi na ĩlĩ sya thaavu;</verse>
				<verse number="85">kĩla ĩsaani ya vetha ũito wayo waĩ sekeli ĩana yĩmwe na mĩongo ĩtatũ, na kĩla mbakũli, sekeli mĩongo mũonza; vetha w’onthe wa mĩio waĩ sekeli ngili ilĩ na maana ana, kwĩanana na sekeli ya vala vandũ vatheu;</verse>
				<verse number="86">na syĩko ĩkũmi na ilĩ sya thaavu syusĩe ũvani, ũito wa kĩla kĩmwe waĩ sekeli ĩkũmi, kwĩanana na sekeli ya vala vandũ vatheu; thaavu w’onthe wa syĩko waĩ sekeli ĩana yĩmwe na mĩongo ĩlĩ;</verse>
				<verse number="87">ng’ombe syonthe sya nthembo ya kũvĩvw’a syaĩ tũsalũ twa mũew’a ĩkũmi na twĩlĩ, na ndũũme ĩkũmi na ilĩ, na tũtũlũme twa mwaka ũmwe ĩkũmi na twĩlĩ, na nthembo ya mũtu ya kũthembanĩsya nasyo; na nthenge ĩkũmi na ilĩ sya nthembo kwondũ wa naĩ;</verse>
				<verse number="88">na ng’ombe syonthe sya nthembo ya nthembo sya mũuo syaĩ tũsalũ twa mũew’a mĩongo ĩlĩ na tũna, na ndũũme mĩongo thanthatũ na nthenge mĩongo thanthatũ na tũtũlũme twa mwaka ũmwe mĩongo thanthatũ. Moelo asu nĩmaumiw’e nũndũ wa kũvatha kĩthembeo kĩthĩwe kĩ kĩtheu, kyamina kwĩtĩkĩw’a mauta.</verse>
				<verse number="89">Na yĩla Mose walikile ĩeemanĩ ya kũmbanĩa aneene nake, nĩvo ĩndĩ wewie ũla Wasya ũkĩneena nake ũkyuma wĩkalonĩ wa tei ũla waĩ ĩũlũ wa ĩsandũkũ ya ũkũsĩ, kuma katĩ wa ala akeluvi elĩ: na Yeova aneena nake.</verse>
			</chapter>
			<chapter number="8">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na Aluni, noimũtavya, Yĩla wĩkwatasya mataa, ala mataa mũonza makamulĩkaa vu mbee wa kĩla kĩndũ kĩkĩawa mataa.</verse>
				<verse number="3">Na Aluni eeka ũu; akwatya mataa makyo nĩ kana mamulĩke vu mbee wa kĩla kĩndũ kĩkĩawa mataa, o tondũ Yeova wamwĩaĩe Mose.</verse>
				<verse number="4">Na ũũ waĩ mũtuĩle wa kĩla kĩndũ kĩkĩawa mataa, mũtuĩle wa thaavu; o ĩtina yakyo o na malaa makyo, kyaĩ kĩtue: kwĩanana na ngelekan’yo ĩla Yeova wamwonisye Mose, ũu nĩw’o waseũvisye kĩla kĩndũ kĩkĩawa mataa.</verse>
				<verse number="5">Na Yeova aneena na Mose, akĩmwĩa,</verse>
				<verse number="6">Maumye Alivai nthĩnĩ wa ana ma Isilaeli, ũmathesye.</verse>
				<verse number="7">Na ũũ nĩw’o wĩmeka ũmathesye: maminzangĩsye manzĩ ma kũmathesya, nao meyenze mĩĩ yoo yonthe, na mathambye ngũa syoo, na kwĩthesya ene.</verse>
				<verse number="8">Nĩvo ĩndĩ mose kasalũ, na nthembo ya mũtu ya kũthembanĩsya nako, mũtu mũvinyu ũvulanĩtw’e na mauta; na ũkose kasalũ kangĩ kethĩwe nthembo kwondũ wa naĩ.</verse>
				<verse number="9">Na ũkamaete Alivai ngalĩ ya mbee ya ĩeema ya kũmbanĩa: na ũkomban’ye ũmbano w’onthe wa ana ma Isilaeli:</verse>
				<verse number="10">na ũkamaete Alivai vu mbee wa Yeova. Na ana ma Isilaeli makamailĩĩle Alivai moko moo:</verse>
				<verse number="11">na Aluni akamũetee Yeova asu Alivai methĩwe nthembo ya kũvyũlw’a vandũ va ana ma Isilaeli methĩwe ma kũthũkũmaa Yeova.</verse>
				<verse number="12">Na Alivai makailĩĩle moko moo mĩtwenĩ ya tũla tũsalũ: naku ũkamũthembee Yeova kamwe kethĩwe nthembo kwondũ wa naĩ, na kala kangĩ kethĩwe nthembo ya kũvĩvw’a, kwondũ wa wĩw’anĩthyo wa Alivai.</verse>
				<verse number="13">Na ũkaie Alivai mbee wa Aluni, na mbee wa ana make, na kũmũnenga Yeova methĩwe nthembo ya kũvyũlw’a.</verse>
				<verse number="14">Ũu nĩw’o wĩmavathan’ya Alivai na ana ma Isilaeli; na Alivai makeethĩwa makwa.</verse>
				<verse number="15">Na ĩtina wa ũu Alivai makalika nthĩnĩ kũtethasya wĩa wa ĩeema ya kũmbanĩa: na ũkamathesye na kũmanengane methĩwe nthembo ya kũvyũlw’a.</verse>
				<verse number="16">Nũndũ nĩnĩnengetwe andũ asu vyũ kuma nthĩnĩ wa ana ma Isilaeli; nĩnĩmosete methĩwe makwa vandũ va onthe ala mambaa kuma ĩvunĩ ya nyinyia, o makithathi ma ana onthe ma Isilaeli.</verse>
				<verse number="17">Nũndũ makithathi onthe ma ana ma Isilaeli nĩ makwa, mũndũ o na nyamũ: mũthenya ũla nooaie makithathi onthe nthĩ ya Misili nĩnamavathie methĩwe makwa.</verse>
				<verse number="18">Nakwa nĩnĩmosete Alivai vandũ va makithathi onthe ma ana ma Isilaeli.</verse>
				<verse number="19">Na nĩnĩmũnengete Aluni na ana make asu Alivai kuma nthĩnĩ wa ana ma Isilaeli, matethye wĩa wa ana ma Isilaeli ĩeemanĩ ya kũmbanĩa, mamathembeae ana ma Isilaeli nthembo ya wĩw’anĩthyo; nĩ kana vatikethĩwe ũthĩn’yo kwa ana ma Isilaeli, yĩla ana ma Isilaeli meũthengeea vala vandũ vatheu.</verse>
				<verse number="20">Ũu nĩw’o Mose na Aluni na ũmbano w’onthe wa ana ma Isilaeli mamekie Alivai: kwĩanana na onthe ala Yeova wamwĩaĩe Mose ũndũ wa Alivai, ũu nĩw’o ana ma Isilaeli mamekie.</verse>
				<verse number="21">Na Alivai meethesya naĩ, na mathambya ngũa syoo: na Aluni amũnenga Yeova mo methĩwe nthembo ya kũvyũlw’a; na Aluni athemba nthembo ya wĩw’anĩthyo kwondũ woo amathesya.</verse>
				<verse number="22">Na ĩtina wa ũu Alivai nĩmalikile kũthũkũmaa ĩeemanĩ ya kũmbanĩa makĩsiw’a nĩ Aluni na ana make: o tondũ Yeova wamwĩaĩe Mose ũndũ wa Alivai, nĩw’o mamekie.</verse>
				<verse number="23">Na Yeova aneena na Mose, akimwĩa,</verse>
				<verse number="24">Maũndũ ala maĩle kwikwa nĩ Alivai nĩ aa: ala mavikitye myaka mĩongo ĩlĩ na ĩtano na mbee makalike nthĩnĩ kũthũkũmaa wĩanĩ wa ĩeema ya kũmbanĩa:</verse>
				<verse number="25">na ala mavikĩtye myaka mĩongo ĩtano makaeke ũtethya wĩa ũsu, na maikathũkũma ĩngĩ,</verse>
				<verse number="26">ĩndĩ makatethanasya na ana‐a‐ĩthe moo ĩeemanĩ ya kũmbanĩa, makĩsũvĩaa wĩaĩo, na maikatethya wĩa nongi. Uu nĩw’o wĩmeka Alivai ũndũ wa mawĩaĩo moo.</verse>
			</chapter>
			<chapter number="9">
				<verse number="1">Na Yeova aneena na Mose weũnĩ wa Sinai, mwei wa mbee wa mwaka wa kelĩ ĩtina wa mauma nthĩ ya Misili, akĩmwĩa,</verse>
				<verse number="2">Na ĩngĩ, ana ma Isilaeli nĩmalilikanae vasaka ĩvinda yĩla yĩtw’ĩtwe yaw’o.</verse>
				<verse number="3">Mũthenya wa ĩkũmi na ĩna wa mwei ũũ, wĩoo, mũkalilikane ĩvinda yĩla yĩtw’ĩtwe yaw’o: kwĩanana na myamũlo yonthe yaw’o, na kwĩanana na motw’ĩo onthe maw’o, mũkolilikane.</verse>
				<verse number="4">Na Mose aneena na ana ma Isilaeli malilikane vasaka.</verse>
				<verse number="5">Na malilikanĩla vasaka mwei wa mbee, mũthenya wa ĩkũmi na ĩna wa mwei, wĩoo, weũnĩ wa Sinai: kwĩanana na onthe ala Yeova wamwĩaĩe Mose, ũu nĩw’o ana ma Isilaeli meekie.</verse>
				<verse number="6">Na kwaĩ andũ amwe ala maĩ avuku nũndũ wa kimba kya mũndũ, na kwondũ wa ũu maiaatonya kũlilikana vasaka mũthenya ũsu: nao mathi vala ve Mose na Aluni mũthenya ũsu:</verse>
				<verse number="7">na andũ asu mamwĩa, Ithyĩ twĩ avuku nũndũ wa kimba kya mũndũ: twĩsiĩĩwa nĩkĩ tũikamũthembee Yeova ĩvinda yĩla yĩtw’ĩtwe ananĩ ma Isilaeli?</verse>
				<verse number="8">Na Mose amea, Eteelai, nĩw’e ũndũ Yeova ũnũkwĩaa ũndũ wenyu.</verse>
				<verse number="9">Na Yeova aneena na Mose, akĩmwĩa,</verse>
				<verse number="10">Neena na ana ma Isilaeli, ũkĩmea, Ethĩwa mũndũ o na wĩva wa inyw’ĩ kana wa nzyawa syenyu akethĩwa mũvuku nũndũ wa kimba, kana akethĩwa e kũasa kyalonĩ, ĩndĩ akalilikana vasaka kwondũ wa Yeova.</verse>
				<verse number="11">Mwei wa kelĩ mũthenya wa ĩkũmi na ĩna wĩoo makolilikane; makaye na kĩmũtũ kĩte ĩlawa na nyũnyi syĩ ũũ:</verse>
				<verse number="12">matikatialye kĩndũ kyaw’o kũvika kĩoko, o na maikatũle ĩvĩndĩ yayo: kwĩanana na mwamũlo w’onthe wa vasaka nĩw’o meya.</verse>
				<verse number="13">Ĩndĩ mũndũ ũla mũtheu, na nde kyalonĩ, na ailea kũlilikana vasaka, mũndũ ũsu akavetwa kuma andũnĩ make; nĩkwĩthĩwa ndaathemba nthembo ya Yeova ĩvinda yĩla yĩtw’ĩtwe, mũndũ ũsu akakua naĩ syake.</verse>
				<verse number="14">Na ethĩwa mũeni akekala ũeni kwenyu, na enda kũlilikana vasaka kwondũ wa Yeova; kwĩanana na mwamũlo wa vasaka, na kwĩanana na ũtw’ĩo waw’o, nĩw’o wĩĩka: mũkeethĩwa na mwamũlo ũmwe, ũndũ wa mwĩkali wa ũeninĩ, o na ũndũ wa ũla wasyaĩwe nthĩ yenyu</verse>
				<verse number="15">Na mũthenya ũla wĩkalo waũngamiw’e mũumbĩ wavw’ĩka wĩkalo, naw’o nĩ ĩeema ya ũkũsĩ: na wĩoo waĩ ĩũlũ wa wĩkalo ũilyĩ mwaki, kũvika kĩoko.</verse>
				<verse number="16">Wailyĩ ũu mavinda onthe: mũumbĩ ũkyũvw’ĩka, na wailyĩ mwaki ũtukũ.</verse>
				<verse number="17">Na o yĩla mũumbĩ wookĩlw’a kuma Ĩeemanĩ, nĩvo ĩndĩ ĩtina wa ũu ana ma Isilaeli maendaa kyalo: na vandũ vala mũumbĩ waũngama, vau nĩvo ana ma Isilaeli mambaa maeema moo.</verse>
				<verse number="18">Kwondũ wa mwĩao wa Yeova ana ma Isilaeli nĩmaendaa kyalo, na kwondũ wa mwĩao wa Yeova nĩmambaa maeema moo: o yĩla mũumbĩ wekalaa ĩũlũ wa wĩkalo mekalaa maeemani moo.</verse>
				<verse number="19">Na yĩla mũumbĩ wekalaa ĩũlũ wa wĩkalo mĩthenya mingĩ, nĩvo ĩndĩ ana ma Isilaeli masũvĩaa wĩaĩo wa Yeova, na matyaendaa kyalo.</verse>
				<verse number="20">Na mavinda amwe mũumbĩ waĩ ĩũlũ wa wĩkalo mĩthenya mĩvũthũ; na ĩndĩ kwĩanana na mwĩao wa Yeova nĩmekalaa maeemanĩ, moo, na kwĩanana na mwĩao wa Yeova nĩmaendaa kyalo.</verse>
				<verse number="21">Na mavinda amwe mũumbĩ waĩ vo kuma wĩoo kũvika kĩoko; na mũumbĩ wookĩlw’a kĩoko, nĩmaendaa kyalo: kana ethĩwa nĩwekalaa mũthenga na ũtukũ, o yĩla mũumbĩ wookĩlw’a, nĩmaendaa kyalo.</verse>
				<verse number="22">Ethĩwa nĩ mĩthenya ĩlĩ, kana mwei, kana mwaka, mũumbĩ waũngama ĩũlũ wa wĩkalo, ũkĩkala ĩũlũ waw’o, ana ma Isilaeli nĩmekalaa maeemanĩ moo, na matyaendaa kyalo; ĩndĩ yĩla wookĩlw’a nĩmaendaa kyalo.</verse>
				<verse number="23">Meaĩwa nĩ Yeova nĩmambaa maeema, na meaĩwa nĩ Yeova nĩmaendaa kyalo: nĩmasũvĩaa wĩaĩo wa Yeova, kwĩanana na mwĩao wa Yeova ũla weaĩe Mose.</verse>
			</chapter>
			<chapter number="10">
				<verse number="1">Na Yeova aneena na Mose, akĩmwĩa,</verse>
				<verse number="2">Ĩseũvĩsye masoo elĩ ma vetha; ũkamaseũvye na kũtua: na makeethĩwa ma kũmban’ya ũmbano, na ma syalo sya myako ya maeema.</verse>
				<verse number="3">Na yĩla mevuva, ũmbano w’onthe ũkoombana vala ũĩ mũomonĩ wa ĩeema ya kũmbanĩa.</verse>
				<verse number="4">Na ethĩwa mavuva o ũmwe, nĩvo ĩndĩ anene, atongoi ma ngili sya Isilaeli, makoombana vala ũĩ.</verse>
				<verse number="5">Na yĩla mwĩvuva soo wĩ wasya wa kũtĩsya, myako ya maeema ya ngalĩ ya wumĩlonĩ wa syũa ĩkathi kyalo.</verse>
				<verse number="6">Na yĩla mwĩvuva soo wĩ wasya ũsu ĩvinda ya kelĩ, myako ya maeema ya ngalĩ ya ĩtheo ĩkathi kyalo: makavuve soo wĩ wasya wa ũtĩsya kwondũ wa syalo syoo.</verse>
				<verse number="7">Ĩndĩ yĩla ũmbano ũkũmbanw’a, mũkavuve, ĩndĩ mũtikavuve na wasya wa kũtĩsya.</verse>
				<verse number="8">Na ana ma Aluni, ala athembi, nĩo mevuva masoo; na ũndũ ũsu ũkeethĩwa mwamũlo kwenyu mosyaanĩonĩ menyu tene na tene.</verse>
				<verse number="9">Na yĩla mũkakwatya kaũ na mũmaitha ũla ũnũũmũnyamasya nthĩ yenyu, mũkavuve masoo asu me wasya wa kũtĩsya; na mũkalilikanwa nĩ Yeova Ngai wenyu, na mũkatangĩĩwa kuma amaithanĩ menyu.</verse>
				<verse number="10">Na ĩngĩ mũthenya wa ũtanu wenyu, na mavinda ma mboka syenyu itw’ĩtwe, na myambĩlĩlyo ya myei yenyu, mũkavuve masoo ĩũlũ wa nthembo syenyu sya kũvĩvw’a, na ĩũlũ wa nthembo sya nthembo syenyu sya mũuo; na ikeethĩwa kwenyu ũlilikan’yo vala ve Ngai wenyu: ninyie Yeova Ngai wenyu.</verse>
				<verse number="11">Na kweethĩwa mwaka wa kelĩ, mwei wa kelĩ, mũthenya wa mĩongo ĩlĩ wa mwei, mũumbĩ wookĩlw’a kuma ĩũlũ wa wĩkalo wa ũkũsĩ.</verse>
				<verse number="12">Na ana ma Isilaeli makũsya makĩthi o ũndũ maendaa syalo kuma weũnĩ wa Sinai; na ũla mũumbĩ waũngama weũnĩ wa Valani.</verse>
				<verse number="13">Na mamba kũthi kyalo o tondũ Yeova wamwĩaĩe Mose.</verse>
				<verse number="14">Na kya mbee kya kũkũsya kyaĩ kĩvevelo kya mwako wa maeema wa ana ma Yuta kwĩanana na nguthu syoo: na mũnene wa nguthu yake aĩ Nasoni mwana wa Aminatavu.</verse>
				<verse number="15">Na mũnene wa nguthu ya mbaĩ ya ana ma Isakali aĩ Nethaneli mwana wa Nzuali.</verse>
				<verse number="16">Na mũnene wa nguthu ya mbai ya ana ma Nzevuluni aĩ Eliavu mwana wa Eeloni.</verse>
				<verse number="17">Na wĩkalo wathaw’a; na ana ma Ngelisoni na ana ma Melali, ala makuaa wĩkalo, makũsya.</verse>
				<verse number="18">Na kĩvevelo kya mwako wa maeema wa Leuveni kyakũsya kwĩanana na nguthu syoo: na mũnene wa nguthu yake aĩ Elisuli mwana wa Seteuli.</verse>
				<verse number="19">Na mũnene wa nguthu ya mbaĩ ya ana ma Simeoni aĩ Selumieli mwana wa Nzuli‐satai.</verse>
				<verse number="20">Na mũnene wa nguthu ya mbaĩ ya ana ma Ngati aĩ Eliasavu mwana wa Ndeueli.</verse>
				<verse number="21">Na Akoathi makũsya makuĩte vala vandũ vatheu: na asu angĩ maĩ manaũngamya wĩkalo Akoathi matanavika.</verse>
				<verse number="22">Na kĩvevelo kya mwako wa maeema wa Evalaimu kyakũsya kwĩanana na nguthu syoo: na mũnene wa nguthu yake aĩ Elisama mwana wa Amiuti.</verse>
				<verse number="23">Na mũnene wa nguthu ya mbaĩ ya ana ma Manase aĩ Ngamalieli mwana wa Vetasuli.</verse>
				<verse number="24">Na mũnene wa nguthu ya mbaĩ ya ana ma Mbenyamini aĩ Avitani mwana wa Kiteoni.</verse>
				<verse number="25">Na kĩvevelo kya mwako wa maeema wa ana ma Ndani, ũla waĩ ĩtina wa myako ya maeema yonthe, kyakũsya kwĩanana na nguthu syoo: na mũnene wa nguthu yake aĩ Aieseli mwana wa Amisatai.</verse>
				<verse number="26">Na mũnene wa nguthu ya mbaĩ ya ana ma Aseli aĩ Vakieli mwana wa Okalanĩ.</verse>
				<verse number="27">Na mũnene wa nguthu ya mbaĩ ya ana ma Navitali aĩ Aila mwana wa Enani.</verse>
				<verse number="28">Ũu nĩw’o ana ma Isilaeli maendaa syalo kwĩanana na nguthu syoo; na makũsya.</verse>
				<verse number="29">Na Mose amwĩa Ovavu, mwana wa Leueli Mũmitiani, mũthoni wa Mose, atĩĩ, Nĩtũendete kyalo vandũ vala Yeova waisye ũndũ wa vo, Ngamũnenga inyw’ĩ: ũka ũendan’ye naitũ, na tũkakwĩka nesa; nũndũ Yeova nĩwaĩtye kana akeeka Isilaeli nesa.</verse>
				<verse number="30">Na amwĩa, Ndithi; ĩndĩ nĩngũthi nthĩ yakwa, na kwa ũko wakwa.</verse>
				<verse number="31">Nake asya, Ndũkatũtie, nĩngũkwĩsũva; nĩkwĩthĩwa nĩwĩsĩ ũndũ twĩambaa maeema maitũ weũnĩ, naku ũkeethĩwa kwitũ vandũ va metho.</verse>
				<verse number="32">Na kũkeethĩwa, wathi naitũ, ĩĩ, kũkeethĩwa kana ũseo o na wĩva ũla Yeova ũkatwĩka, o ũsu tũkakwĩka we.</verse>
				<verse number="33">Na makũsya kuma kũmanĩ kya Yeova kyalo kya mĩthenya ĩtatũ; na ĩsandũkũ ya ũtianĩo ya Yeova yaenda mbee wamo kyalo kya mĩthenya ĩtatũ, kũmamanthĩa vandũ va ũthũmũo.</verse>
				<verse number="34">Na mũumbĩ wa Yeova waĩ ĩũlũ woo mũthenya, yĩla makũasya makyuma mwakonĩ wa maeema.</verse>
				<verse number="35">Na kweethĩwa yĩla ĩsandũkũ yakũisye, Mose asya, Ũkĩla, ame Yeova, na amaitha maku nĩmanyaĩĩkw’e; na ala makũmenaa nĩmakũke makũkĩe.</verse>
				<verse number="36">Nayo yaũngama, asya, Ame Yeova, syokea ngili ĩkũmi sya ngili sya Isilaeli.</verse>
			</chapter>
			<chapter number="11">
				<verse number="1">Na andũ manyungunyĩasya, makĩneena ũthũku matũnĩ ma Yeova: na Yeova eew’a ũu, ũthatu wake wakana; na mwaki wa Yeova wakana katĩ woo, na wavĩvya kũvika mũminũkĩlyo wa mwako wa maeema.</verse>
				<verse number="2">Na andũ asu mamwĩkaĩla Mose; na Mose amũvoya Yeova, na mwaki wanyiva.</verse>
				<verse number="3">Na syĩtwa ya vandũ vau veetwa Tavela: nĩkwĩthĩwa mwaki wa Yeova wakana katĩ woo.</verse>
				<verse number="4">Na nguthu ya elikya yĩla yaĩ katĩ wamo maya ĩtomo mũno: na ana ma Isilaeli namo maĩa ĩngĩ, na masya, Nũũ wĩtũnenga nyama tũye?</verse>
				<verse number="5">Nĩtũũlilikana makũyũ ma manzĩnĩ ala twaĩsaa Misili mana; na mongũ, na matikitiki, na ĩtũngũũ sya liki, na itũngũũ, na itũngũũ sya sumu:</verse>
				<verse number="6">ĩndĩ yu ngoo sitũ nĩ ndevu; na vati kĩndũ nongi kya kũsisya ate o lĩu ũũ wĩtawa mana.</verse>
				<verse number="7">Na mana ũsu wailyĩ ta mbeke ya kolianda, na kwoneka kwaw’o wailyĩ ta veteliumi.</verse>
				<verse number="8">Andũ nĩmangangaa, na makyũkolan’ya, na kũthiĩa ithiinĩ, kana kũkima na ndĩĩ, na kũua na mbisũ, na maiseũvya tũmũtũ naw’o: na ũsamo waw’o waĩ ta ũsamo wa mauta ma mĩtũkĩ.</verse>
				<verse number="9">Na yĩla kwaya ĩmwe ũtukũ mwakonĩ wa maeema, mana ũsu nĩwavalũkaa ĩũlũ wayo.</verse>
				<verse number="10">Na Mose eew’a andũ ma mĩvĩa yonthe makĩĩa, kĩla mũndũ mũomonĩ wa ĩeema yake: na ũthatu wa Yeova wakana mũno; nake Mose eew’a woo.</verse>
				<verse number="11">Na Mose amwĩa Yeova, Nũndũ wa kĩ kũmbĩka naĩ nyie mũthũkũmi waku? Na nũndũ wa kĩ ndekwona ũseo methonĩ maku, ũndũ ũũmbaĩkya mũio wa andũ aa onthe?</verse>
				<verse number="12">Ninyie namaitavie andũ aa onthe? Ninyie namasyaie, ũndũ ũũmbĩa, Makue kĩthũinĩ kyaku, o tondũ ĩthe ũla ũeaa syana ũkuaa kana kala kongaa, kũvika nthĩ ĩla weevĩtie kũmanenga aaĩthe moo?</verse>
				<verse number="13">Nĩumya nyama va sya kũnenga andũ aa onthe? Nũndũ nĩmeũndĩĩa, makĩmbĩa, Tũnenge nyama, tũye.</verse>
				<verse number="14">Nditonya kũkua andũ aa onthe nĩ nyioka, nũndũ nĩ mũio mũito kũthonoka ũndũ ndonya.</verse>
				<verse number="15">Na ethĩwa nũũmbĩka ũu, mbũaa vyũ, nĩngũkwĩsũva, ethĩwa nĩnonete ũseo methonĩ maku; nĩeke kwona mathĩna aa nĩ namo.</verse>
				<verse number="16">Na Yeova amwĩa Mose, Mbũmbanĩsya andũ mĩongo mũonza ma atumĩa ma Isilaeli, ala wĩsĩ nĩ atumĩa ma andũ, na anene kwoo; na ũimaete ĩeemanĩ ya kũmbanĩa, nĩ kana maũngame vo vamwe naku.</verse>
				<verse number="17">Nakwa ngatheea na kũneenea naku vo: na ngoosa kĩlungu kya Veva ũla wĩ nake na ngamekĩa mo; namo makakuan’ya naku mũio ũsu wa andũ, nĩ kana ndũkokue wĩ weka.</verse>
				<verse number="18">Matavye andũ, Ivathan’yei mwĩthĩwe mwĩ atheu ũnĩ, na mũkaya nyama; nũndũ nĩmũnaĩie matũnĩ ma Yeova, mũkĩmwĩa, Nũũ wĩtũnenga nyama sya ũya? Nũndũ twaĩ na ũseo kũya Misili: kwondũ wa ũu Yeova akamũnenga nyama, na mũkaya.</verse>
				<verse number="19">Mũtiiya mũthenya ũmwe, kana mĩthenya ĩlĩ, kana mĩthenya ĩtano, kana mĩthenya ĩkũmi, kana mĩthenya mĩongo ĩlĩ,</verse>
				<verse number="20">ĩndĩ mũkaya mwei mũima, kũvika yĩla ikaumĩla manyiũũnĩ menyu, na kwĩw’a tiiki nĩsyo; nũndũ nĩmwaleile Yeova ũla wĩ katĩ wenyu, na mwamũĩĩa, mũkyasya, Nĩ ũndũ wa kĩ twaumie Misili?</verse>
				<verse number="21">Na Mose asya, Andũ ala nĩ namo nĩ andũ ngili maana thanthatũ ala maendaa na maũũ; naku waĩtye, Ngamanenga nyama, maye mwei mũima.</verse>
				<verse number="22">Ndĩthya sya mbũi na malondu na ndĩthya sya ng’ombe ikoawa ũndũ woo, nĩ kana imeanĩe? Kana makũyũ onthe me ũkanganĩ makombanw’a ũndũ woo, nĩ kana mameanĩe?</verse>
				<verse number="23">Na Yeova amũkũlya Mose, Kw’oko kwa Yeova nĩkũkuvĩvĩte? Yu ũkoona ethĩwa ndeto yakwa ĩkeanĩw’a kwaku kana ti w’o.</verse>
				<verse number="24">Na Mose aumaala, na atavya andũ ndeto sya Yeova: na aumya andũ mĩongo mũonza ma atumĩa ma andũ, na amaia mathyũlũlũkĩte yĩla Ĩeema.</verse>
				<verse number="25">Na Yeova atheea mũumbĩnĩ na aneena nake, na oosa kĩlungu kya Veva ũla Mose waĩ nake, na amekĩa ala atumĩa mĩongo mũonza: na kweethĩwa, yĩla Veva wekalile ĩũlũ wamo, mathana, ĩndĩ matyaambĩla kwĩka ũu ĩngĩ.</verse>
				<verse number="26">Ĩndĩ matiala andũ elĩ mwakonĩ wa maeema, syĩtwa ya ũmwe eetawa Elitati, na syĩtwa ya ũla ũngĩ eetawa Metati: na Veva amekalĩla; maĩ ma asu ala maandĩkĩtwe, ĩndĩ matyaĩ manaenda Ĩeemanĩ; na mathanĩa mwakonĩ wa maeema.</verse>
				<verse number="27">Na kwasemba mwanake ũmwe, na atavya Mose, na amwĩa, Elitati na Metati nĩmekwathanĩa mwakonĩ wa maeema.</verse>
				<verse number="28">Na Yosua mwana wa Nuni, mũthũkũmi wa Mose, ũmwe wa andũ make anyuve, asũngĩa na amwĩa, Vwana wakwa Mose, mavate.</verse>
				<verse number="29">Na Mose amũkũlya, Wĩ na kĩwĩu nũndũ wakwa? Nenda kethĩwa andũ onthe ma Yeova nĩ athani, na kethĩwa Yeova nũmekĩa Veva wake!</verse>
				<verse number="30">Na Mose athi alika mwakonĩ wa maeema, we na atumĩa ma Isilaeli.</verse>
				<verse number="31">Na kĩuutani kyaumie vala ve Yeova kĩuutanĩte, na kyaumya ngwae ũkanganĩ, nakyo kyaitiĩla iũlũkae vakuvĩ na mwako wa maeema, ta mũendo wa mũthenya ũmwe ngalĩ ĩno na mũendo wa mũthenya ũmwe ngalĩ ĩla ĩngĩ, kũthyũlũlũka mwako wa maeema, na vakĩthimwa kuma nthĩ kũvika ĩũlũ ta mĩkono ĩlĩ.</verse>
				<verse number="32">Na andũ mookĩla mũthenya ũsu mũima, na ũtukũ mũima, na ũnĩ ũsu w’onthe, na moomban’ya ngwae: ũla wombanisye nini ombanasya sya omeli ĩkũmi: na masyanĩka maithyũlũlũkĩtye mwako wa maeema syĩthĩwe syoo ene.</verse>
				<verse number="33">O yĩla nyama syaĩ maeonĩ moo, mataitanyukĩte, ũthatu wa Yeova wamakanĩa, na Yeova akũna andũ na ũthĩn’yo mũnene.</verse>
				<verse number="34">Na syĩtwa ya vandũ vau veetwa Kivilothi‐ataava; nĩkwĩthĩwa nĩvo menzĩe nthĩ andũ ala maĩ na ĩtomo.</verse>
				<verse number="35">Kuma Kivilothi‐ataava andũ maenda kyalo kũvika Aaselothi; na mekala kũu Aaselothi.</verse>
			</chapter>
			<chapter number="12">
				<verse number="1">Na Miliamu na Aluni mamũneenea Mose naĩ nũndũ wa mũndũ mũka Mũkusi ũla watwaĩte: nũndũ atwaĩte mũndũ mũka Mũkusi.</verse>
				<verse number="2">Na masya, Nĩ w’o, Yeova aneenaa na Mose e weka? Ndaaneena o naitũ? Na Yeova eew’a ũu.</verse>
				<verse number="3">Na mũndũ ũsu Mose aĩ mũuu mũno, kũvĩtũka andũ onthe ala maĩ ĩũlũ wa nthĩ.</verse>
				<verse number="4">Na kavenya o kau Yeova aneena na Mose, na Aluni, na Miliamu, Umaalai mwĩ atatũ mũthi ĩeemanĩ ya kũmbanĩa. Na asu atatũ maumaala.</verse>
				<verse number="5">Na Yeova atheea e kĩtuĩnĩ kya mũumbĩ, na aũngama mũomonĩ wa yĩla Ĩeema, na ameta Aluni na Miliamu; na me elĩ maumaala.</verse>
				<verse number="6">Nake amea, Yu ĩw’ai ndeto syakwa: ethĩwa ve mwathani katĩ wenyu, nyie Yeova ngeemanyĩthya kwake woninĩ, nganeena nake ndotonĩ.</verse>
				<verse number="7">Mũthũkũmi wakwa Mose ndailyĩ ũu; nake e na kĩthito nyũmbanĩ yakwa yonthe:</verse>
				<verse number="8">nganeenaa nake kanyw’a kwa kanyw’a, o ũtheinĩ, na ti ndetonĩ sya nthimo; na mũvw’ano wa Yeova akawona: nũndũ wa kĩ ĩndĩ mũtaneekĩa kũneenea mũthũkũmi wakwa naĩ, kũneenea Mose?</verse>
				<verse number="9">Na ũthatu wa Yeova wamakanĩa; na athi.</verse>
				<verse number="10">Na mũumbĩ wauma ĩũlũ wa Ĩeema; na, sisya, Miliamu aĩ na mangũ, mweũ ta ĩa: na Aluni amũketeea Miliamu, na, sisya, aĩ na mangũ.</verse>
				<verse number="11">Na Aluni amwĩa Mose, Ame vwana wakwa, nĩngũkwĩsũva, ndũkatwiĩe naĩ, nũndũ twĩkĩte na ũtumanu, na nũndũ twĩkĩte naĩ.</verse>
				<verse number="12">Nĩngũkwĩsũva, ndakethĩwe ta ũmwe mũkw’ũ, ũla nyunzu ya mwĩĩ nĩ mwanangĩku akyuma ĩvunĩ ya nyinyia.</verse>
				<verse number="13">Na Mose amwĩkaĩla Yeova, akĩmwĩa, Mũvosye, ame Ngai, nĩngũkwĩsũva.</verse>
				<verse number="14">Na Yeova amwĩa Mose, Ethĩwa ĩthe wake nowamũtwĩlile mata ũthyũnĩ wake, ndeĩthĩwa aisonoka mĩthenya mũonza? Navingĩwe ũtee wa mwako wa maeema mĩthenya mũonza, na ĩtina wa ũu akaetwe nthĩnĩ ĩngĩ.</verse>
				<verse number="15">Na Miliamu avingĩwa ũtee wa mwako wa maeema mĩthenya mũonza: na andũ matyaathi kyalo kũvika Miliamu aetwe nthĩnĩ ĩngĩ.</verse>
				<verse number="16">Na ĩtina wa ũu andũ mauma Aaselothi mathi kyalo, na mamba maeema moo weũnĩ wa Valani.</verse>
			</chapter>
			<chapter number="13">
				<verse number="1">Na Yeova aneena na Mose, akĩmwĩa,</verse>
				<verse number="2">Tũma andũ mathi makathiane nthĩ ya Kanaani, ĩla ngũmanenga ana ma Isilaeli: ũkatũme mũndũ wa kĩla mbaĩ ya aaĩthe moo, kĩla ũmwe mũnene nthĩnĩ wamo.</verse>
				<verse number="3">Na Mose amatũma kuma weũnĩ wa Valani kwĩanana na mwĩao wa Yeova: onthe maĩ andũ ala maĩ atongoi ma ana ma Isilaeli.</verse>
				<verse number="4">Na masyĩtwa moo nĩ aa: Wa mbaĩ ya Leuveni, Samua mwana wa Nzakuli.</verse>
				<verse number="5">Wa mbaĩ ya Simeoni, Savati mwana wa Oli.</verse>
				<verse number="6">Wa mbaĩ ya Yuta, Kalevu mwana wa Yevune.</verse>
				<verse number="7">Wa mbaĩ ya Isakali, Ikali mwana wa Yosevu.</verse>
				<verse number="8">Wa mbaĩ ya Evalaimu, Osea mwana wa Nuni.</verse>
				<verse number="9">Wa mbaĩ ya Mbenyamini, Valiti mwana wa Lavu.</verse>
				<verse number="10">Wa mbaĩ ya Nzevuluni, Ngatieli mwana wa Soti.</verse>
				<verse number="11">Wa mbaĩ ya Yosevu wa mbaĩ ya Manase, Ngatiti mwana wa Susi.</verse>
				<verse number="12">Wa mbaĩ ya Ndani, Amieli mwana wa Ngemali.</verse>
				<verse number="13">Wa mbaĩ ya Aseli, Sethuli mwana wa Mikaeli.</verse>
				<verse number="14">Wa mbaĩ ya Navitali, Navi mwana wa Vovisi.</verse>
				<verse number="15">Wa mbaĩ ya Ngati, Ngeueli mwana wa Maki.</verse>
				<verse number="16">Asu nĩmo masyĩtwa ma andũ ala Mose watũmie mathi mathiane nthĩ. Na Osea mwana wa Nuni, Mose amwĩta Yosua.</verse>
				<verse number="17">Na Mose amatũma mathi kũthiana nthĩ ya Kanaani, na amea, Ambatai na nzĩa ĩno ya ngalĩ ya Ĩtheo, na ambatai mũvike nthĩ yĩ iĩma:</verse>
				<verse number="18">mwone nthĩ, ũndũ ĩilyĩ; na andũ ala matwĩe vo, ethĩwa me na vinya kana mati na vinya, ethĩwa nĩ avũthũ kana aingĩ;</verse>
				<verse number="19">na nthĩ ũndũ ĩilyĩ ĩla matwĩe, ethĩwa nĩ nzeo kana nĩ nthũku; na ndũa ila matwĩe ũndũ iilyĩ, ethĩwa matũaa myakonĩ ya maeema, kana ngomenĩ syĩ vinya;</verse>
				<verse number="20">na ũndũ nthĩ ĩilyĩ, ethĩwa nĩ nou kana nĩ mosu, ethĩwa yĩ na mĩtĩ kana ndĩĩ. Na ĩthĩwai na ũkũmbaũ mũnene, na mũiete ũsyao wa nthĩ ĩsu. Na ĩndĩ ĩvinda yĩu yaĩ ĩvinda ya nzavivũ kwambĩlĩlya kwĩw’a.</verse>
				<verse number="21">Na kwondũ wa ũu mambata, na mathiana nthĩ kuma weũ wa Nzini kũvika Leovu, kũvika ũlikĩlonĩ wa Amathi.</verse>
				<verse number="22">Na mambata ngalĩ ya Ĩtheo, na mavika Eviloni; na Aimani na Sesai na Talimai, ana ma Anaki maĩ vo. (Na ĩndĩ Eviloni nĩyakiwe myaka mũonza Nzoani ku Misili ĩtanamba kwakwa.)</verse>
				<verse number="23">Na mavika kyandanĩ kya Esikoli, na matema vo mũkoi wĩ na kĩtũngo kĩmwe kya nzavivũ, na andũ elĩ makĩkua na mũtĩ makwatanĩe; na maete o na makũngũmanga na makũyũ.</verse>
				<verse number="24">Vandũ vau veetwa kyanda kya Esikoli, nũndũ wa kĩtũngo kĩla ana ma Isilaeli matemie vo.</verse>
				<verse number="25">Na matukũ mĩongo ĩna mathela masyoka kuma kũthiana nthĩ.</verse>
				<verse number="26">Na mathi na mavika vala ve Mose, na Aluni, na ũmbano w’onthe wa ana ma Isilaeli, kũvika Katesi weũnĩ wa Valani; na mamatavya ũvoo, vamwe na ũmbano w’onthe, na mamon’ya ũsyao wa nthĩ ĩsu.</verse>
				<verse number="27">Na mamũtavya, makĩmwĩa, Twavika nthĩ ĩla watũtũmie; na nĩ w’o, yusũĩte ĩia na ũkĩ wa nzũkĩ; na ũũ nĩ ũsyao wayo.</verse>
				<verse number="28">Ĩndĩ andũ ala matwĩe nthĩ ĩsu me na vinya, na ndũa nithyũlũlũkĩtwe nĩ maũvai, na nĩ nene mũno: na ũndũ ũngĩ twoonie ana ma Anaki kw’o.</verse>
				<verse number="29">Amaleki nũtwĩe nthĩ ya ngalĩ ya Ĩtheo: na Mũititi na Mũyevusi na Mũamoli matwĩe nthĩ yĩ iĩma; na Mũkanaani nũtwĩe vakuvĩ na ũkanga, na ũtee wa ũsĩ wa Yolotani.</verse>
				<verse number="30">Na Kalevu avindĩthya andũ me mbee wa Mose, na amea, Twambatei oyu, na kũmĩmesya: nũndũ nĩtũtonya mũno kũmĩkĩlya vinya.</verse>
				<verse number="31">Ĩndĩ andũ ala mambatie nake masya, Tũtitonya kwambata kũkita na andũ asu; nũndũ me na vinya kwĩ ithyĩ.</verse>
				<verse number="32">Na mamaetee ana ma Isilaeli ũvoo mũthũku wa nthĩ ĩsu ĩla manathianaa, makĩmea, Nthĩ ĩla tũnangangaa tũkĩmĩthiana, nĩ nthĩ ĩla ĩthelelaa andũ ala mamĩtũaa; na andũ onthe ala twoonie vo nĩ andũ aasa mũno.</verse>
				<verse number="33">Na vo twoonie Nevilimu, ana ma Anaki, ala maumaa kwa Nevilimu; naitũ tweeyonie ta itooli, nao now’o matwonie.</verse>
			</chapter>
			<chapter number="14">
				<verse number="1">Na ũmbano w’onthe wookĩlya wasya woo, na kũĩa; na andũ asu maĩa ũtukũ ũsu.</verse>
				<verse number="2">Na ana onthe ma Isilaeli mamanyungunyĩĩsya Mose na Aluni: na ũmbano w’onthe wamea, Twenda kethĩwa twakw’ĩĩe nthĩ ya Misili! Kana twenda kethĩwa twakw’ĩĩe weũnĩ ũũ!</verse>
				<verse number="3">Na nũndũ wa kĩ Yeova watũetie nthĩ ĩno, tũvalũkw’e na ũvyũ? Iveti sitũ na syana sitũ nini ikeethĩwa syĩ syĩndũ sya mbuta: ti kavaa kwitũ tũsyoke Misili?</verse>
				<verse number="4">Na maneenan’ya, Twie ũmwe ethĩwe kavuteni, na tũkĩsyoka Misili.</verse>
				<verse number="5">Nĩvo ĩndĩ Mose na Aluni mavalũkile na mothyũ moo mbee wa ũmbano w’onthe ũla wũmbanĩte wa ana ma Isilaeli.</verse>
				<verse number="6">Na Yosua mwana wa Nuni na Kalevu mwana wa Yevune, ala maĩ na asu ala mathianie nthĩ, matembũanga ngũa syoo:</verse>
				<verse number="7">na maneena na ũmbano w’onthe wa ana ma Isilaeli, makyasya, Nthĩ, ĩla tũnangangaa tũkĩmĩthiana, nĩ nthĩ nzeo mũno.</verse>
				<verse number="8">Ethĩwa Yeova nĩwendeeaw’a nĩ ithyĩ, akatũtwaa nthĩ ĩsu, na kũtũnenga yo; nthĩ ĩla yusũĩte ĩia na ũkĩ wa nzũkĩ.</verse>
				<verse number="9">Ĩndĩ mũtikamũng’endee Yeova, o na mũtikakĩe andũ ma nthĩ ĩsu; nũndũ nĩo kya ũya kitũ: muunyĩ ũla melingĩtye ũla waĩ ĩũlũ woo nĩ mũvete, na Yeova e vamwe naitũ: mũikamakĩe.</verse>
				<verse number="10">Ĩndĩ ũmbano w’onthe wasya makimangwe na mavia. Na ũtheu mũtisu wa Yeova wamaumĩlĩla ana onthe ma Isilaeli ĩeemanĩ ya kũmbanĩa.</verse>
				<verse number="11">Na Yeova amwĩa Mose, Andũ aa makambũthya kũvika ĩndĩĩ? Na makalea kũndĩkĩĩa ĩvinda yĩana ata, nũndũ wa syama syonthe ila neekie katĩ wamo?</verse>
				<verse number="12">Ngamakũna na mũimũ, na kũmavata ũtĩĩwa woo, na ngakũtw’ĩkĩthya mbaĩ nene na yĩ vinya kwĩ mo.</verse>
				<verse number="13">Na Mose amwĩa Yeova, Nĩvo ĩndĩ Amisili meĩw’a ũu; nũndũ nĩwaumisye andũ aa kwoo na vinya waku;</verse>
				<verse number="14">nao makatavya andũ ala matwĩe nthĩ ĩno. Nĩmwew’ĩte kana we Yeova wĩ katĩ wa andũ aa; nũndũ we Yeova nĩwonawa ũthyũ kwa ũthyũ, na mũumbĩ waku ũũngamaa ĩũlũ woo, na nũendaa ũmatongoesye kĩtuĩnĩ kya mũumbĩ mũthenya, na kĩtũĩnĩ kya mwaki ũtukũ.</verse>
				<verse number="15">Na yu ethĩwa ũkooaa andũ aa o ta kũaa mũndũ ũmwe, nĩvo ĩndĩ mbaĩ ila syeewie nguma yaku ikaneena, ikyasya,</verse>
				<verse number="16">Nĩkwĩthĩwa Yeova ndaatonya kũtwaa andũ aa nthĩ ĩla wameavĩe, kwondũ wa ũu amoaĩa weũnĩ.</verse>
				<verse number="17">Na yu, nĩngũkũvoya, vinya wa Mwĩaĩi wĩthĩwe wĩ mũnene, kwĩanana na ũndũ waneenie, ũkyasya,</verse>
				<verse number="18">Yeova ndathataa na mĩtũkĩ, e na wingĩ wa ũseo wĩ wendo, akĩekea ũthũku na ĩvĩtyo; na ũla ũtakatw’a mũvĩtan’ya kwĩthĩwa ti mũvĩtan’ya o na ata, na akĩĩvanĩsya kwa syana ũthũku wa aaĩthe moo, kũvika nzyawa ya katatũ na ya kana.</verse>
				<verse number="19">Ekea, nĩngũkũvoya, ũthũku wa andũ aa kwĩanana na ũnene wa ũseo waku wĩ wendo, na kwĩanana na ũndũ wamaekeaa andũ aa, kuma Misili kũvika o na yu.</verse>
				<verse number="20">Na Yeova amwĩa, Nĩnamaekea kwĩanana na ndeto yaku:</verse>
				<verse number="21">ĩndĩ nĩ w’o, o tondũ nĩ thayũ, na o tondũ nthĩ yonthe ĩkausũwa nĩ ndaĩa ya Yeova;</verse>
				<verse number="22">nĩkwĩthĩwa andũ asu onthe ala moonie ũnene wakwa, na syama syakwa, ila neekie Misili na weũnĩ, ĩndĩ mandatie mavinda aa ĩkũmi, na matyaaĩthukĩĩsya wasya wakwa;</verse>
				<verse number="23">vate ndĩi matikona nthĩ ĩla nameavĩe aaĩthe moo, o na vai ũmwe wa asu ala mambũthisye ũkamyona:</verse>
				<verse number="24">ĩndĩ mũthũkũmi wakwa Kalevu, nĩkwĩthĩwa aĩ na veva ũngĩ nthĩnĩ wake, na nũmbikĩlĩte vyũ, ũsu ngamũtwaa nthĩ vala walikile, na ĩkeethĩwa yĩ ng’ũndũ ya ũsyao wake.</verse>
				<verse number="25">Na ĩndĩ Mũamaleki na Mũkanaani matũaa mwandanĩ: ũnĩ ĩthyũũei na mũithi weũnĩ na nzĩa ĩelete Ũkanganĩ Mũtene.</verse>
				<verse number="26">Na Yeova aneena na Mose na Aluni, aimea,</verse>
				<verse number="27">Ngoomĩĩsya ũmbano ũũ mũthũku ũla ũnyungunyĩĩasya ĩvinda yĩana ata? Nĩneewie monyungunyĩsyo ma ana ma Isilaeli ala manyungunyĩĩasya.</verse>
				<verse number="28">Matavyei, O tondũ nĩ thayũ, easya ũu Yeova, nĩ w’o, o tondũ mũneenete matũnĩ makwa, ngamwĩka o ta ũu:</verse>
				<verse number="29">simba syenyu ikavalũka weũnĩ ũũ; na inyw’onthe ala mũtalilwe, kwĩanana na ũtalo wenyu w’onthe, ala mũvikĩtye myaka mĩongo ĩlĩ na mbee, ala mũnyungunyĩĩasya,</verse>
				<verse number="30">nĩ w’o mũtikalika nthĩ ĩsu, ĩla neeavĩe ngamwĩkalya vo, ate o Kalevu mwana wa Yevune, na Yosua mwana wa Nuni.</verse>
				<verse number="31">Ĩndĩ syana syenyu nini, ila mwaisye ikeethĩwa syĩndũ sya mbuta, isu nĩsyo ngaitwaa vo, nasyo ikamanya nthĩ ĩla mũleete.</verse>
				<verse number="32">Ĩndĩ ũndũ wenyu, simba syenyu ikavalũka weũnĩ ũũ.</verse>
				<verse number="33">Na syana syenyu ikeethĩwa angangi weũnĩ myaka mĩongo ĩna, na ikakua mũio wa ũmalwaya wenyu, kũvika yĩla simba syenyu ikanangĩkĩa weũnĩ.</verse>
				<verse number="34">O ta ũtalo wa mĩthenya ĩla mũnathianie nthĩ, o mĩthenya mĩongo ĩna, mwaka vandũ va kĩla mũthenya, mũkakua ũthũku wenyu, o myaka mĩongo ĩna, na mũkamanya kũtaanĩsya nakwa ũndũ kũilyĩ.</verse>
				<verse number="35">Nyie, Yeova, nĩneenete, nditĩa kwĩka ũu ũmbano ũũ w’onthe mũthũku, ũla wambũmbanĩe: makanangĩkĩa weũnĩ ũũ, na nĩvo makakw’ĩa.</verse>
				<verse number="36">Na andũ, ala Mose watũmie kũthiana nthĩ, ala masyokie, na matuma ũmbano w’onthe ũmũnyungunyĩĩsya, kwondũ wa kũete ũvoo mũthũku ũndũ wa nthĩ,</verse>
				<verse number="37">o andũ asu ala maetie ũvoo mũthũku wa nthĩ, makwie na ũ mũimũ Yeova ene.</verse>
				<verse number="38">Ĩndĩ Yosua mwana wa Nuni, na Kalevu mwana wa Yevune, nĩmo mekalile thayũ, ma andũ asu ala maendie kũthiana nthĩ.</verse>
				<verse number="39">Na Mose atavya ana onthe ma Isilaeli ndeto isu: na andũ maĩa mũno.</verse>
				<verse number="40">Na mookĩla kĩoko tene, na mambata mũtumbĩnĩ wa kĩĩma, makyasya, Sisya, twĩ vaa, na tũkambata tũthi vandũ vala Yeova watwathie: nũndũ nĩtwavĩtisye.</verse>
				<verse number="41">Na Mose amea, Yu nũndũ wa kĩ mũũvĩtya mwĩao wa Yeova, nũndũ ũndũ ũsu ndũkaathimĩka?</verse>
				<verse number="42">Mũtikambate, nũndũ Yeova nde vamwe nenyu; mũikakũnwe mũvalũkw’e nthĩ nĩ amaitha menyu.</verse>
				<verse number="43">Nũndũ Mũamaleki na Mũkanaani me vo mbee wenyu, nenyu mũkavalũkw’a na ũvyũ: nĩkwĩthĩwa nĩmũsyokete na ĩtina mũkaeka kũmũatĩĩa Yeova, kwondũ wa ũu Yeova ndakethĩwa vamwe nenyu.</verse>
				<verse number="44">Ĩndĩ maema na mambata mũtumbĩnĩ wa kĩĩma: ĩndĩ ĩsandũkũ ya ũtianĩo ya Yeova yĩtyaauma mwakonĩ wa maeema, o na Mose nake ndaauma.</verse>
				<verse number="45">Nĩvo ĩndĩ Mũamaleki na Mũkanaani ala matwĩe kĩĩmanĩ kyu matheeie, na mamakũna na mamavalũkya nthĩ, o na kũvika Olima.</verse>
			</chapter>
			<chapter number="15">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, na ũmatavye, Yĩla mwĩlika nthĩ ĩla mwĩtũa, ĩla nĩmũnenga,</verse>
				<verse number="3">na mũkenda kũmũthembea Yeova nthembo ĩvĩvaw’a na mwaki, nthembo ya kũvĩvw’a, kana nthembo ya kwĩanĩsya wĩvĩto, kana nthembo ya kumya na ngoo ya kwenda, kana mbokanĩ syenyu ila itw’ĩtwe sya kũmumĩsya Yeova nthembo yĩ mũuke mũseo, ya ndĩthya ya ng’ombe, kana ya mbũi na malondu;</verse>
				<verse number="4">nĩvo ĩndĩ ũla ũetae nthembo yake ũkamũthembea Yeova nthembo ya mũtu ya kĩlungu kya ĩkũmi kya eva ya mũtu mũvinyu ũvulanĩtw’e na kĩlungu kya kana kya ini ya mauta:</verse>
				<verse number="5">na kwondũ wa kĩla katena ka ĩlondu ũkaseũvye mbinyu yĩthĩwe nthembo ya kũnyuwa, kĩlungu kya kana kya ini, vamwe na nthembo ya kũvĩvw’a, kana nthembo ya kũtonywa.</verse>
				<verse number="6">Kana kwondũ wa ndũũme, ũkaseũvye nthembo ya mũtu ya ilungu ilĩ sya ĩkũmi sya eva ya mũtu mũvinyu ũvulanĩtw’e na kĩlungu kya katatũ kya ini ya mauta:</verse>
				<verse number="7">na ũndũ wa nthembo ya kũnyuwa ũkathembe kĩlungu kya katatũ kya ini ya mbinyu, yĩthĩwe mũuke mũseo kwa Yeova.</verse>
				<verse number="8">Na yĩla wĩseũvya kasalũ ka mũew’a kethĩwe nthembo ya kũvĩvw’a, kana kethĩwe nthembo ya kũtonywa, ya kwĩanĩsya wĩvĩto, kana kethĩwe nthembo sya mũuo kwa Yeova;</verse>
				<verse number="9">nĩvo ĩndĩ wĩthembanĩsya na kala kasalũ nthembo ya mũtu ya ilungu itatũ sya ĩkũmi sya eva ya mũtu mũvinyu ũvulanĩtw’e na nyunzu ya ini ya mauta:</verse>
				<verse number="10">na ũkathembe ũndũ wa nthembo ya kũnyuwa nyunzu ya ini ya mbinyu, yĩthĩwe nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="11">Ũu nĩw’o wĩĩkwa kwondũ wa kĩla kasalũ ka mũew’a, kana kĩla ndũũme, kana kĩla katũlũme, kana kĩla katena ka mbũi.</verse>
				<verse number="12">Kwĩanana na ũndũ syĩana ila mũkaseũvya, ũu nĩw’o mwĩĩka kĩla imwe kwĩanana na ũndũ syĩana.</verse>
				<verse number="13">Onthe ala masyaawa kwenyu makeke maũndũ asu kwĩanana na ũu, makĩthemba nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="14">Na ethĩwa mũeni ekalaa ũeni kwenyu, kana mũndũ o na wĩva ũla ũkethĩwa e kwenyu mosyaanĩonĩ menyu, nake enda kũthemba nthembo ĩvĩvaw’a na mwaki, yĩ mũuke mũseo kwa Yeova; o tondũ inyw’ĩ mwĩkaa, nake now’o wĩĩka.</verse>
				<verse number="15">Nthĩnĩ wa ũmbano kũkeethĩwa mwamũlo ũmwe kwondũ wenyu, na kwondũ wa mũeni ũla wĩkalaa ũeni kwenyu, mwamũlo wa tene na tene mosyaanĩonĩ menyu: o tondũ mũilyĩ, ũu nĩw’o mũeni wĩĩthĩwa ailyĩ vala ve Yeova.</verse>
				<verse number="16">Kũkeethĩwa mwĩao ũmwe na ũtw’ĩo umwe kwondũ wenyu na kwondũ wa mũeni ũla wĩkalaa ũeni kwenyu.</verse>
				<verse number="17">Na Yeova aneena na Mose, akĩmwĩa,</verse>
				<verse number="18">Neena na ana ma Isilaeli, na ũmatavye, Yĩla mwĩlika nthĩ ĩla nĩmũtwaĩte,</verse>
				<verse number="19">nĩvo ĩndĩ kwĩĩthĩwa, atĩ, yĩla mwĩya lĩu wa nthĩ ĩsu, mũkamũthembee Yeova nthembo ya kũkĩlw’a.</verse>
				<verse number="20">Mũkathembe kamũtũ kamwe kethĩwe nthembo ya kũkĩlw’a kuma mũtunĩ wenyu wa mbee; o tondũ mwĩkaa na nthembo ya kũkĩlw’a ya kĩvũĩonĩ, mũkamyũkĩlye o ta ũu.</verse>
				<verse number="21">Mũkanenge Yeova nthembo ya kukĩlw’a ya mũtu wenyu wa mbee mosyaanĩonĩ menyu onthe.</verse>
				<verse number="22">Na yĩla mũkavĩtya, na kũlea kũkwata mĩao ĩsu yonthe ĩla Yeova wamũtavisye Mose,</verse>
				<verse number="23">o maũndũ onthe ala Yeova wamwĩaĩe na kanyw’a wa Mose, kuma mũthenya ũla Yeova weaie, o na ĩtina wa ũu mosyaanĩonĩ menyu onthe;</verse>
				<verse number="24">nĩvo ĩndĩ kũkethĩwa, ethĩwa kweekiwe kwa kũlea kũmanya, ũmbano ũtesĩ, kana ũmbano w’onthe ũkathembanĩsya kasalũ kamwe kethĩwe nthembo ya kũvĩvw’a, yĩ mũuke mũseo kwa Yeova, na nthembo ya mũtu ya kũthembanĩsya nako, na nthembo ya kũnyuwa ya kũthembanĩsya nako, kwĩanana na ũtw’ĩo, na nthenge ĩmwe yĩthĩwe nthembo kwondũ wa naĩ.</verse>
				<verse number="25">Na mũthembi akathemba nthembo ya wĩw’anĩthyo kwondũ wa ũmbano w’onthe wa ana ma Isilaeli, na makaekewa; nĩkwĩthĩwa kweekiwe kwa kũlea kũmanya, namo maetie nthembo yoo, o nthembo ya kũmũvĩvĩsya Yeova na mwaki, na nthembo yoo kwondũ wa naĩ kwa Yeova kwondũ wa kũlea kũmanya kwoo:</verse>
				<verse number="26">na ũmbano w’onthe wa ana ma Isilaeli ũkaekewa, na mũeni ũla wĩkalaa ũeni katĩ woo: nũndũ kwa andũ asu onthe ũndũ ũsu weekiwe kwa kũlea kũmanya.</verse>
				<verse number="27">Na ethĩwa mũndũ ũmwe akavĩtya ateũmanya, nĩvo ĩndĩ wĩthemba mbaika ya mwaka ũmwe yĩthĩwe nthembo kwondũ wa naĩ.</verse>
				<verse number="28">Na mũthembi akathemba nthembo ya wĩw’anĩthyo kwondũ wa mũndũ ũla ũnũũvĩtya, yĩla wĩmũvĩtanĩsya Yeova ateũmanya, amwĩw’anĩthye; na akaekewa.</verse>
				<verse number="29">Mũkeethĩwa na mwĩao ũmwe ũndũ wa ũla wĩkaa ũndũ o na wĩva ateũmanya, ũndũ wa ũla wasyaĩwe nthĩ yenyu ananĩ ma Isilaeli, na ũndũ wa mũeni ũla wĩkalaa ũeni kwoo.</verse>
				<verse number="30">Ĩndĩ mũndũ ũla wĩkaa ũndũ na ngũlũ, ethĩwa nĩ mũndũ ũla wasyaĩwe nthĩ yenyu kana mwĩkali wa ũeninĩ, ũsu aumĩte Yeova; na mũndũ ũsu akavetwa andũnĩ make.</verse>
				<verse number="31">Nĩkwĩthĩwa nũvũthĩtye ndeto ya Yeova, na kũtũla mwĩao wake, mũndũ ũsu akavetwa vyũ; ũthũku wake ũkeethĩwa ĩũlũ wake.</verse>
				<verse number="32">Na yĩla ana ma Isilaeli maĩ weũnĩ, moona mũndũ aikolan’ya ngũ mũthenya wa savato.</verse>
				<verse number="33">Na ala mamwonie aikolan’ya ngũ mamũtwaa vala ve Mose na Aluni, na ũmbano w’onthe.</verse>
				<verse number="34">Na mamwĩkĩa ũsũvĩonĩ, nĩkwĩthĩwa kũtyaĩ kũnamba ũneenw’a ũndũ wĩĩkwa.</verse>
				<verse number="35">Na Yeova amwĩa Mose, Mũndũ, ũsu ndatĩa kũawa: ũmbano w’onthe ũkamũkimangĩe na mavia ũtee wa mwako wa maeema.</verse>
				<verse number="36">Na ũmbano w’onthe wamũtwaa ũtee wa mwako wa maeema, na wamũkimanga na mavia akw’a; o tondũ Yeova weaĩe Mose.</verse>
				<verse number="37">Na Yeova aneena na Mose, akĩmwĩa,</verse>
				<verse number="38">Neena na ana ma Isilaeli, na matavye meseũvĩsye manyenze motiivonĩ ma ngũa syoo mosyaanĩonĩ moo onthe, na mekĩe manyenzenĩ ma kĩla ũtiivo ũlii wa vuluu:</verse>
				<verse number="39">naw’o ũkeethĩwa kwenyu manyenze, nĩ kana mũtonye kũmasiasya, na kũlilikanaa mĩao yonthe ya Yeova, na kũmĩkaa: na nĩ kana mũtikaatĩĩe ngoo syenyu ene na metho menyu ene, ala mwamaatĩĩaa na kwĩkaa ũmalwaya namo;</verse>
				<verse number="40">nĩ kana mũlilikanae na kwĩkaa mĩao yakwa yonthe, na mwĩthĩwe atheu kwa Ngai wenyu.</verse>
				<verse number="41">Ninyie Yeova Ngai wenyu, ũla wamumisye nthĩ ya Misili, nĩthĩwe Ngai wenyu: ninyie Yeova Ngai wenyu.</verse>
			</chapter>
			<chapter number="16">
				<verse number="1">Na ĩndĩ Kola, mwana wa Isali, mwana wa Koathi, mwana wa Livai, vamwe na Ndathani na Avilamu, ana ma Eliavu, na Oni, mwana wa Velethi, ana ma Leuveni, moosa andũ:</verse>
				<verse number="2">na mookĩla mathi vala ve Mose, vamwe na ana amwe ma Isilaeli, anene maana elĩ na mĩongo ĩtano ma ũmbano, ala meetiwe maende ũmbanonĩ, andũ me nguma;</verse>
				<verse number="3">na mamombanĩa Mose na Aluni, na mamea, Nĩtwamũkola, nũndũ ũmbano w’onthe nĩ mũtheu, kĩla ũmwe wamo, na Yeova e katĩ woo: nũndũ wa kĩ ĩndĩ mũkwĩtũlya ĩũlũ wa ũmbano wa Yeova?</verse>
				<verse number="4">Na Mose eew’a ũu, avalũka na ũthyũ wake:</verse>
				<verse number="5">na aneena na Kola na nguthu yake yonthe, akĩmea, Ũnĩ kĩoko Yeova akoonan’ya naaũ ala make na nũũ ũla mũtheu, na ũsu akamũthengeesya vakuvĩ nake: o ũla wĩnyuva akamũthengeesya vakuvĩ nake.</verse>
				<verse number="6">Ĩkai ũũ: we Kola, na inyw’ĩ ma nguthu yake yonthe, osai itoeesya;</verse>
				<verse number="7">nokĩkĩa mwaki nthĩnĩ wasyo, nokĩkĩa ũvani ĩũlũ wasyo vu mbee wa Yeova ũnĩ: na kũkeethĩwa atĩ mũndũ ũla Yeova wĩnyuva, nĩwe wĩĩthĩwa e mũtheu: nĩtwamũkola, inyw’ĩ ana ma Livai.</verse>
				<verse number="8">Na Mose amwĩa Kola, Ĩthukĩĩsyei yu, inyw’ĩ ana ma Livai:</verse>
				<verse number="9">nĩmũkwona nĩ ũndũ ũnini kana Ngai wa Isilaeli nũmũvathĩte inyw’ĩ kũmumya ũmbanonĩ wa Isilaeli, amũete vakuvĩ nake, mũthũkũmae wĩa wa wĩkalo wa Yeova, na kũũngamaa mbee wa ũmbano mũmathũkũmae;</verse>
				<verse number="10">na ĩngĩ kana akũete vakuvĩ, na ana‐a‐ĩthe maku onthe ana ma Livai vamwe naku? Nenyu nĩmũkwenda ũthembi naw’o?</verse>
				<verse number="11">Kwondũ wa ũu we na nguthu yaku yonthe nĩmũmũmbanĩe Yeova: na Aluni, nĩwe ũũ ũndũ mũmũnyungunyĩĩsya?</verse>
				<verse number="12">Na Mose atũmana Ndathani na Avilamu, ana ma Eliavu, metwe; na masya, Tũtiũka:</verse>
				<verse number="13">nĩ ũndũ ũnini atĩ nĩwatumisye nthĩ yusũĩte ĩia na ũkĩ wa nzũkĩ, ũtũaĩe weũnĩ, ĩndĩ vamwe na ũu wĩtw’ĩĩa mwene wĩthĩwe mũnene ĩũlũ waitũ?</verse>
				<verse number="14">O na mbee wa ũu ndwaatũtwaa nthĩ yusũĩte ĩia na ũkĩ wa nzũkĩ, kana kũtũnenga ũtiĩwa wa mĩũnda na mĩũnda ya nzavivũ: naku nũkwenda kũtonya metho ma andũ aa? Tũtiũka.</verse>
				<verse number="15">Na Mose athilĩka, na amwĩa Yeova, Ndũketĩkĩle nthembo yoo: ndyaamavuta ĩng’oi yĩmwe yoo, o na ndyaamwĩka ũmwe wamo ũthũku.</verse>
				<verse number="16">Na Mose amwĩa Kola, We na nguthu yaku yonthe mũkethĩwe mbee wa Yeova, we, namo, na Aluni, ũnĩ:</verse>
				<verse number="17">na kĩla mũndũ wenyu natwae kĩtoeesya kyake, na kwĩkĩa ũvani ĩũlũ wasyo, na kĩla mũndũ naete mbee wa Yeova kĩtoeesya kyake, itoeesya maana elĩ na mĩongo ĩtano; we naku, na Aluni, kĩla ũmwe kĩtoeesya kyake.</verse>
				<verse number="18">Na kĩla mũndũ oosa kĩtoeesya kyake, na eekĩa mwaki nthĩnĩ wakyo, na eekĩa ũvani ĩũlũ waw’o, na maũngama mũomonĩ wa ĩeema ya kũmbanĩa vamwe na Mose na Aluni.</verse>
				<verse number="19">Na Kola oombanĩsya ũmbano w’onthe mũomonĩ wa ĩeema ya kũmbanĩa: na ũtheu mũtisu wa Yeova waumĩlĩla ũmbano w’onthe.</verse>
				<verse number="20">Na Yeova aneena na Mose na Aluni, akĩmea,</verse>
				<verse number="21">Ĩvathei inyw’ĩ mume ũmbanonĩ ũũ, nĩ kana nĩmamine o ĩmwe.</verse>
				<verse number="22">Na mavalũka na mothyũ moo, na masya, Ame Ngai, Ngai wa maveva ma mĩĩ yonthe, mũndũ ũmwe eeka naĩ, naku ũkathilĩkĩla ũmbano w’onthe?</verse>
				<verse number="23">Na Yeova aneena na Mose, akĩmwĩa,</verse>
				<verse number="24">Neena na ũmbano, ũkĩwĩa, Ũkĩlai, mume vakuvĩ na wĩkalo wa Kola, na Ndathani, na Avilamu.</verse>
				<verse number="25">Na Mose ookĩla na amaendea Ndathani na Avilamu; na atumĩa ma Isilaeli maatĩanĩa nake.</verse>
				<verse number="26">Nake aneena na ũmbano, akĩwĩa, Nĩngũmwĩsũva, umai maeemanĩ ma andũ aa athũku, na mũikakiite kĩndũ o na kĩva kyoo, mũikese kwanangwa naĩnĩ syoo syonthe.</verse>
				<verse number="27">Kwondũ wa ũu mookĩla kuma vakuvĩ na wĩkalo wa Kola, na Ndathani, na Avilamu, ngalĩ syonthe: na Ndathani na Avilamu maumaala, na maũngama mũomonĩ wa maeema moo, me na iveti syoo, na ana moo, na syana syoo nini.</verse>
				<verse number="28">Na Mose amea, Kwondũ wa ũũ mũkamanya kana Yeova nũndũmĩte nĩke mawĩa aa onthe; nũndũ ndimekĩte kwondũ wa kũsũanĩa kwakwa mwene.</verse>
				<verse number="29">Ethĩwa andũ aa nĩmeũkw’a kĩkw’ũ kĩla kĩkusawa nĩ andũ onthe, kana ethĩwa nĩmeũkwatwa nĩ maũndũ o tondũ andũ onthe makwatawa nĩmo; nĩvo ĩndĩ Yeova ndaandũma.</verse>
				<verse number="30">Ĩndĩ ethĩwa Yeova akeeka ũndũ weũ, na nthĩ ĩkathamya kanyw’a wayo, na kũmamelya, vamwe na syonthe ila me nasyo, na matheea me thayũ Seoli; nĩvo ĩndĩ mwĩmanya kana andũ aa mamũvũthĩtye Yeova.</verse>
				<verse number="31">Na kweethĩwa, aimina kũneena ndeto isu syonthe, nthĩ vala maũngamĩte yaatũka;</verse>
				<verse number="32">na nthĩ yaathamya kanyw’a wayo, na yamamelya, vamwe na andũ ma nyũmba syoo, o na andũ onthe ala maĩ na Kola, na syĩndũ syoo syonthe.</verse>
				<verse number="33">Kwondũ wa ũu mo, na onthe ala maĩ namo, nĩmatheeie me thayũ Seoli: na nthĩ yamatumĩsya, namo maaa kuma ũmbanonĩ.</verse>
				<verse number="34">Na Isilaeli onthe ala mamathyũlũlũkĩte makĩa ũndũ wa kũkaya kwoo; nũndũ masya, Nthĩ ndĩkatũmelye ithyĩ.</verse>
				<verse number="35">Na mwaki wauma kwa Yeova, na wamamina andũ asu maana elĩ na mĩongo ĩtano ala matoeeasya ũvani.</verse>
				<verse number="36">Na Yeova aneena na Mose, akĩmwĩa,</verse>
				<verse number="37">Neena na Eleasali mwana wa mũthembi, Aluni, aumye itoeesya mwakinĩ, naku nyaĩĩkya mwaki na ku; nũndũ syo nĩ ntheu,</verse>
				<verse number="38">o itoeesya isu sya andũ asu athe ala mavĩtĩsye mathayũ moo ene, na imandwe mũno ikavũtha syĩthĩwe kĩndũ kya kũvw’ĩka kĩthembeo: nũndũ nĩmainenganĩte vala ve Yeova: kwondũ wa ũu nĩ ntheu; nasyo ikeethĩwa wonan’yo kwa ana ma Isilaeli.</verse>
				<verse number="39">Na mũthembi Eleasali oosa itoeesya isu sya ũthuku, ila andũ ala mavĩviwe mainenganie; na maimanda syĩthĩwe sya kũvw’ĩka kĩthembeo:</verse>
				<verse number="40">syĩthĩwe syĩ ũlilikan’yo kwa ana ma Isilaeli, nĩ kana mũeni o na wĩva, ũla ũte wa ũsyao wa Aluni, ndakathengee atoeesye ũvani vala ve Yeova; ndakethĩwe ailyĩ ta Kola, na ta nguthu vake: o tondũ Yeova waneenie nake na kanyw’a wa Mose.</verse>
				<verse number="41">Ĩndĩ ũnĩ ũsu ũmbano w’onthe wa ana ma Isilaeli mamanyungunyĩĩsya Mose na Aluni, makĩmea, Inyw’ĩ nĩmũnooaie andũ ma Yeova.</verse>
				<verse number="42">Na kweethĩwa, yĩla ũmbano wamombanĩe Mose na Aluni, masisya kwelekela ĩeemanĩ ya kũmbanĩa: na, sisya, ũla mũumbĩ wayĩvw’ĩka, na ũtheu mũtisu wa Yeova wooneka.</verse>
				<verse number="43">Na Mose na Aluni maenda ngalĩ ya mbee ya ĩeema ya kũmbanĩa</verse>
				<verse number="44">Na Yeova aneena na Mose, akĩmwĩa,</verse>
				<verse number="45">Ũkĩlai mume ũmbanonĩ ũũ, nĩ kana nĩmanange o ĩmwe. Nao mavalũka na mothyũ moo.</verse>
				<verse number="46">Na Mose amwĩa Aluni, Osa kĩtoeesya kyaku, nokĩkĩa mwaki nthĩnĩ wakyo kĩthembeonĩ, nokia ũvani ĩũlũ waw’o, ũkakue mĩtũkĩ vala ve ũmbano, ũkathembe nthembo ya wĩw’anĩthyo kwondũ woo: nũndũ ũthilĩku nĩwumĩte kwa Yeova; mũimũ nĩwambĩlĩlw’e.</verse>
				<verse number="47">Na Aluni oosa o tondũ Mose waneenie, na asemba nthĩnĩ wa ũmbano; na, sisya, mũimũ waĩ ũnambĩlĩlya andũnĩ: nake eekĩa ũvani, na athemba nthembo ya wĩw’anĩthyo kwondũ wa andũ asu.</verse>
				<verse number="48">Na aũngama katĩ wa ala akw’ũ na ala maĩ thayũ; na mũimũ ũsu wasiĩĩwa.</verse>
				<verse number="49">Na ĩndĩ ala makwie nĩ ũ mũimũ maĩ ngili ĩkũmi na inya na maana mũonza, eka ala makwie ũndũ wa ũvoo wa Kola.</verse>
				<verse number="50">Na Aluni asyoka vala ve Mose mũomonĩ wa ĩeema ya kũmbanĩa: na mũimũ wasiĩĩwa.</verse>
			</chapter>
			<chapter number="17">
				<verse number="1">Na Yeova aneena na Mose, akĩmwĩa,</verse>
				<verse number="2">Neena na ana ma Isilaeli, na osa ndata kwoo, ĩmwe ya kĩla nyũmba ya aaĩthe, ya anene moo onthe kwĩanana na nyũmba sya aaĩthe moo, o ndata ĩkũmi na ilĩ: andĩka syĩtwa ya kĩla mũndũ ndatanĩ yake.</verse>
				<verse number="3">Na ũkaandĩke syĩtwa ya Aluni ndatanĩ ya Livai; nũndũ kũkeethĩwa ndata ĩmwe ya kĩla mũtongoi wa nyũmba sya aaĩthe moo.</verse>
				<verse number="4">Na ũkasia ĩeemanĩ va kũmbanĩa ngalĩ ya mbee ya ĩsandũkũ ya ũkũsĩ, vala nĩkomanĩaa nenyu.</verse>
				<verse number="5">Na kũkeethĩwa, kana ndata ya mũndũ ũla nĩnyuva ĩkeethongoosya: na ngamina kwakwa monyungunyĩsyo ma ana ma Isilaeli, ala makũnyungunyĩĩasya.</verse>
				<verse number="6">Na Mose aneena na ana ma Isilaeli; na anene moo onthe mamũnenga ndata, ĩmwe ya kĩla mũnene, kwĩanana na nyũmba sya aaĩthe moo, o ndata ĩkũmi na ilĩ: na ndata ya Aluni yaĩ vamwe na ndata syoo.</verse>
				<verse number="7">Na Mose aia ndata vala ve Yeova ĩeemanĩ ya ũkũsĩ.</verse>
				<verse number="8">Na kweethĩwa ũnĩ ũsu, Mose alika ĩeemanĩ ya ũkũsĩ; na, sisya, ndata ya Aluni ĩla yaĩ ya nyũmba ya Livai yaĩ nthongoou, na kũete wenze, na yalaũka malaa, na yasyaa malosi meũ.</verse>
				<verse number="9">Na Mose aumaalya nza ndata syonthe kuma vala ve Yeova na amatwaĩa ana onthe ma Isilaeli: na masisya, na kĩla mũndũ oosa ndata yake.</verse>
				<verse number="10">Na Yeova amwĩa Mose, Tũnga ndata ya Aluni ngalĩ ya mbee ya ĩsandũkũ ya ũkũsĩ, ĩsũvĩwe yĩthĩwe wonan’yo wa kũlilikan’ya ana ma ũng’endu; nĩ kana ũmine kũnyungunyĩsya kwoo kũla manyungunyĩĩasya, matikakw’e.</verse>
				<verse number="11">Na Mose eeka ũu: o tondũ Yeova wamwĩaĩe, nĩw’o wekie.</verse>
				<verse number="12">Na ana ma Isilaeli maneena na Mose, makĩmwĩa, Sisya, nĩtũũkw’a, ithyĩ nĩtũkwaa, ithyonthe nĩtũkwaa.</verse>
				<verse number="13">Kĩla mũndũ ũla ũnũũthengeea, ũla ũnũũthengeea vakuvĩ na wĩkalo wa Yeova, nũnũũkw’a; kaĩ, nĩtũũthela ithyonthe?</verse>
			</chapter>
			<chapter number="18">
				<verse number="1">Na Yeova amwĩa Aluni, We na ana maku na nyũmba ya aaĩthe maku vamwe naku mũkakua ũthũku wa vala vandũ vatheu; na we na ana maku vamwe naku mũkakua ũthũku wa ũthembi wenyu.</verse>
				<verse number="2">Na ana‐a‐ĩthe maku nao, mbaĩ ya Livai, mbaĩ ya ĩthe waku, mathengeesye methĩwe vakuvĩ naku, makwatanw’e vamwe naku, na ũkũthũkũmaa: ĩndĩ we na ana maku vamwe naku mũkeethĩawa vu mbee wa ĩeema ya ũkũsĩ.</verse>
				<verse number="3">Namo makasũvĩaa wĩaĩo waku, na wĩaĩo wa Ĩeema yonthe: no matikathengeee mĩio ya vala vandũ vatheu o na kĩthembeo, matikakw’e, mo, o nenyu.</verse>
				<verse number="4">Na makakwatanw’a naku, na kũsũvĩaa wĩaĩo wa ĩeema ya kũmbanĩa, kwondũ wa ũthũkũmi w’onthe wa Ĩeema: na mũeni ndakamũthengeee inyw’ĩ.</verse>
				<verse number="5">Na mũkasũvĩaa wĩaĩo wa vala vandũ vatheu, na wĩaĩo wa kĩthembeo; kũikethĩwe ĩngĩ ũthilĩku ĩũlũ wa ana ma Isilaeli</verse>
				<verse number="6">Na nyie, sisya, nĩnoosie ana‐a‐ĩthe menyu Alivai kũmaumya nthĩnĩ wa ana ma Isilaeli: kwenyu andũ asu nĩ mũthĩnzĩo wanengĩwe Yeova, mathũkũmae wĩa wa ĩeema ya kũmbanĩa.</verse>
				<verse number="7">Na we na ana maku vamwe naku makasũvĩaa ũthembi wenyu kwondũ wa kĩla ũndũnĩ wa kĩthembeo, na kwondũ wa kĩla kĩ nthĩnĩ wa tũtũ; na mũkathũkũmaa: nĩngũmũnenga ũthembi wĩthĩwe ũthũkũmi wa mũthĩnzĩo; na mũeni ũla wĩthengeea mũvaka oawe.</verse>
				<verse number="8">Na Yeova amwĩa Aluni, Nyie, sisya, nĩkũnengete wĩaĩo wa kũsũvĩaa nthembo syakwa sya kũkĩlw’a, o syĩndũ syonthe ivathĩtwe sya ana ma Isilaeli; nĩkũnengete we na ana maku kwondũ wa kwĩtĩkĩw’a mauta, mwĩao wa tene na tene.</verse>
				<verse number="9">Syĩndũ ii nĩsyo ikeethĩwa syaku nthĩnĩ wa syĩndũ ntheu mũno mbee, ila itialĩtw’e itavĩvĩtw’e na mwaki: kĩla kĩthembeawa nĩo, o kĩla nthembo yoo ya mũtu, na kĩla nthembo yoo kwondũ wa naĩ, na kĩla nthembo yoo kwondũ wa ĩvĩtyo, ila makanthembea, ikeethĩwa syĩ ntheu mũno kwondũ waku we na kwondũ wa ana maku.</verse>
				<verse number="10">Ũkaya syĩndũ ntheu mũno mbee; kĩla mũndũ mũũme akaiya: ikeethĩwa syĩ ntheu kwaku.</verse>
				<verse number="11">Na kĩĩ nĩ kyaku: nthembo ya kũkĩlw’a ya mũthĩnzĩo woo, o nthembo syonthe sya kũvyũlw’a sya ana ma Isilaeli; ii nĩnĩkũnengete we, na ana maku na eĩtu maku vamwe naku, kĩlungu kya tene na tene; kĩla mũndũ mũtheu nyũmbanĩ yaku akaiya.</verse>
				<verse number="12">Mauta onthe ala maseo mbee, na ngetha yonthe ya nzavivũ ĩla nzeo mbee, na ya lĩu wa mbaa ngetha, ũsyao wa mbee wa syĩndũ ila mamũnengae Yeova, isu nĩkũnengete we.</verse>
				<verse number="13">Mosyao ma mbee meũ ma kĩla kĩndũ kĩ nthĩ yoo, ala mamũeteae Yeova, makeethĩwa me maku; kĩla mũndũ mũtheu nyũmbanĩ yaku, akamaya.</verse>
				<verse number="14">Kĩla kĩndũ kĩvathĩtwe kĩthĩwe kĩtheu nthĩnĩ wa Isilaeli kĩkeethĩwa kyaku.</verse>
				<verse number="15">Kyonthe kĩla kyambaa kuma ĩvunĩ ya nyinyia kya mĩĩ yonthe, kĩla memũnenga Yeova, mũndũ o na nyamũ kĩkeethĩwa kyaku: ĩndĩ ĩkithathi ya mũndũ mũvaka wovosye, na ĩkithathi ya nyamũ ĩte ntheu ũkayovosye.</verse>
				<verse number="16">Na ala ma kwovow’a katĩ woo ala mavikĩtye mwei ũmwe na mbee ũkovosye, kwĩanana na ũndũ wĩmatalĩla wovosyo, na mbesa sya sekeli itano, kwĩanana na sekeli ya vala vandũ vatheu (nayo nĩ ngela mĩongo ĩlĩ).</verse>
				<verse number="17">Ĩndĩ ĩkithathi ya ng’ombe, kana ya ĩlondu, kana ya mbũi, ndũkovosye; nĩ ĩtheu: ũkaminzangĩsye nthakame yayo kĩthembeonĩ na kũvĩvya mathunya mayo methĩwe nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="18">Na nyama syayo ikeethĩwa syaku, o ta kĩng’eng’eto kya kũvyũlw’a, na ta kũũ kwa ngalĩ ya kw’oko kwa aũme, ikeethĩwa syaku.</verse>
				<verse number="19">Nthembo syonthe sya kũkĩlw’a sya syĩndũ ntheu, ila ana ma Isilaeli mamũthembeaa Yeova, nĩngũnengete, na ana maku na eĩtu maku vamwe naku, kĩlungu kya tene na tene: nĩ ũtianĩo wa mũnyũ wa tene na tene vala ve Yeova kwondũ waku na kwondũ wa ũsyao waku vamwe naku.</verse>
				<verse number="20">Na Yeova amwĩa Aluni, Ndũkethĩwa na ũtiĩwa nthĩ yoo, o na ndũkethĩwa na kĩanda o na kĩva katĩ woo: ninyie kĩanda kyaku na ũtiĩwa waku katĩ wa ana ma Isilaeli.</verse>
				<verse number="21">Na, sisya, nao ana ma Livai nĩnĩmanengete kĩlungu kya ĩkũmi kyonthe kya Isilaeli kĩthĩwe ũtiĩwa woo, ũndũ wa ũthũkũmi woo ũla mathũkũmaa, naw’o nĩ ũthũkũmi wa ĩeema ya kũmbanĩa.</verse>
				<verse number="22">Na kuma yu ana ma Isilaeli matikathengeee ĩeema ya kũmbanĩa, maikevĩtĩthye, na kũkw’a.</verse>
				<verse number="23">Ĩndĩ Alivai makathũkũmaa wĩa wa ĩeema ya kũmbanĩa, na makakua naĩ syoo ene: ũu ũkeethĩwa mwamũlo wa tene na tene mosyaanĩonĩ maku onthe; na katĩ wa ana ma Isilaeli matikethĩwa na ũtiĩwa.</verse>
				<verse number="24">Nũndũ kĩlungu kya ĩkũmi kya ana ma Isilaeli, kĩla manenganae kĩthĩwe nthembo ya kũkĩlĩlw’a Yeova, nĩnĩmanengete Alivai kĩthĩwe ũtiĩwa woo: kwondũ wa ũu nĩmatavĩtye, Katĩ wa ana ma Isilaeli matikethĩwa na ũtiĩwa o na wĩva.</verse>
				<verse number="25">Na Yeova aneena na Mose, akĩmwĩa,</verse>
				<verse number="26">Na ĩngĩ ũkaneene na Alivai, na kũmea, Yĩla inyw’ĩ mũkosa kwa ana ma Isilaeli kĩlungu kya ĩkũmi kĩla nĩmũnengete kuma kwoo kĩthĩwe ũtiĩwa wenyu, nĩvo ĩndĩ mũkathemba nthembo ya kũkĩlw’a yakyo yĩthĩwe ya Yeova, kĩlungu kya ĩkũmi kya kĩlungu kyu kya ikũmi.</verse>
				<verse number="27">Na nthembo yenyu ya kũkilw’a ĩkatalwa kwenyu ta yĩthĩwa nĩyo lĩu wa mbaa ngetha wa kĩvũĩonĩ, na ta kusũa kwa mbinyu kĩangĩonĩ kya nzavivũ.</verse>
				<verse number="28">Ũu nĩw’o mũkamũthembea Yeova nthembo ya kũlĩlw’a ya ilungu syenyu syonthe sya ĩkũmi, ila mwosaa kuma kwa ana ma Isilaeli; na nthĩnĩ wasyo mũkamũnenge mũthembi Aluni nthembo ya kũkĩlĩlw’a Yeova.</verse>
				<verse number="29">Kuma mĩthĩnzĩonĩ yenyu yonthe mũkanengane kĩla nthembo ya kũkĩlĩlw’a Yeova, kya kĩla kiseo kyonthe kyayo, o kĩlungu kĩvathitwe kĩthĩwe kĩtheu kyayo.</verse>
				<verse number="30">Kwondũ wa ũu ũkamea, Yĩla mũkokĩlya kyu kĩseo mbee kyayo, nĩvo ĩndĩ kĩkatalĩlwa kwa Alivai ta wingĩvo wa kĩvũio, na ta wingĩvo wa kĩangĩo kya nzavivũ.</verse>
				<verse number="31">Na mũkamĩya kĩla vandũ, inyw’ĩ na andũ ma nyũmba syenyu: nũndũ nĩ ĩtuvi yenyu ũndũ wa ũthũkũmi wenyu ĩeemanĩ ya kũmbanĩa.</verse>
				<verse number="32">Na mũtikakua naĩ kwondũ wayo, yĩla mwamina kũkĩlya kĩla kĩseo mbee kyayo; na mũtikavukye syĩndũ ntheu sya ana ma Isilaeli, mũtikakw’e.</verse>
			</chapter>
			<chapter number="19">
				<verse number="1">Na Yeova aneena na Mose na Aluni, akĩmea,</verse>
				<verse number="2">Ũũ nĩw’o mwamũlo wa mĩao ĩla Yeova weaie, akyasya, Neena na ana ma Isilaeli, makũetee moi ndune ĩte ĩlanga, na ĩte kĩema, na ĩla ĩtaaĩkĩwa ĩsoki.</verse>
				<verse number="3">Na mũkamĩnenge mũthembi Eleasali, nake akamĩtwae ũtee wa mwako wa maeema, na mũndũ ũmwe akamyũaĩa vu mbee wa ũthyũ wake:</verse>
				<verse number="4">na mũthembi Eleasali akose nthakame yayo na kyaa kyake, na kũminzangĩsya nthakame ĩsu kwelekela ngalĩ ya mbee ya ĩeema ya kũmbanĩa maminzangĩsya mũonza.</verse>
				<verse number="5">Na mũndũ ũmwe akavĩvye moi ĩsu Eleasali asyaĩtye; kĩthuma kyayo, na nyama syayo, na nthakame yayo, vamwe na mũyoo wayo, akavĩvye:</verse>
				<verse number="6">na mũthembi akose mũtĩ wa mũkũũ, na wa ĩsovo, na langi mũtune mũno, na kwĩkya mwakinĩ ũla ũũvĩvya ĩla moi.</verse>
				<verse number="7">Nĩvo ĩndĩ mũthembi wĩthambya ngũa syake, na kũthamba mwĩĩ wake manzĩnĩ, na ĩtina wa ũu akalika mwakonĩ wa maeema, na mũthembi akeethĩwa e mũvuku kũvika wĩoo.</verse>
				<verse number="8">Na ũla wĩmĩvĩvya akathambye ngũa syake manzĩnĩ, na kũthamba mwĩĩ wake manzĩnĩ, na akeethĩwa e mũvuku kũvika wĩoo.</verse>
				<verse number="9">Na mũndũ ũla mũtheu akoke mũu wa ila moi, na kũwia ũtee wa mwako wa maeema vandũ vatheu; na ũkasũvĩwe kwondũ wa ũmbano wa ana ma Isilaeli wĩthĩwe wa kũseũvasya manzĩ ma kũthesya ũvuku: nĩ nthembo kwondũ wa naĩ.</verse>
				<verse number="10">Na ũla wĩoka mũu wa moi ĩsu akathambye ngũa syake, na kwĩthĩwa e mũvuku kũvika wĩoo; na ũu ũkethĩwa mwamũlo wa tene na tena kwa ana ma Isilaeli, na kwa mũeni ũla wĩkalaa ũeni kwoo.</verse>
				<verse number="11">Ũla ũkakiita kimba kya mũndũ o na wĩva akeethĩwa e mũvuku matukũ mũonza:</verse>
				<verse number="12">ũsu akethesya namo mũthenya wa katatũ, na mũthenya wa mũonza akeethĩwa e mũtheu: ĩndĩ ethĩwa ndeĩthesya mũthenya wa katatũ, ĩndĩ mũthenya wa mũonza ndakethĩwa e mũtheu.</verse>
				<verse number="13">O ũla ũkakiita kimba, o mwĩĩ wa mũndũ ũla ũkw’ĩte, nake ndeĩthesya mwene, nũvukasya wĩkalo wa Yeova; na mũndũ ũsu akavetwa kuma nthĩnĩ wa Isilaeli: nũndũ manzĩ asu ma kũthesya ũvuku matyaaminzangĩw’a ĩũlũ wake, akeethĩwa e mũvuku; ũvuku wake ũkeethĩwa o ĩũlũ wake.</verse>
				<verse number="14">Ũũ nĩw’o mwĩao yĩla mũndũ ũkakw’ĩa ĩeemanĩ: kĩla mũndũ ũla wĩlika ĩeemanĩ, na kĩla mũndũ ũla wĩ nthĩnĩ wa ĩeema, akeethĩwa e mũvuku matukũ mũonza.</verse>
				<verse number="15">Na kĩla kĩndũ kĩkunũe, kĩla kĩte kĩkunĩke na ngunĩko, nĩ kĩvuku.</verse>
				<verse number="16">Na mũndũ o na wĩva ũla wĩ weũnĩ ũla ũkakiita ũla woaiwe na ũvyũ, kana kimba, kana ĩvĩndĩ ya mũndũ, kana mbũa, ũsu akeethĩwa e mũvuku matukũ mũonza.</verse>
				<verse number="17">Na kwondũ wa ũla wĩ mũvuku makose mũu ũsu wa kũvĩvw’a kwa ĩla nthembo kwondũ wa naĩ; na manzĩ ala mavĩtĩte makavulanw’a naw’o ĩsaaninĩ:</verse>
				<verse number="18">na mũndũ ũte mũvuku akose mũtĩ wa ĩsovo, na kũvotya manzĩnĩ asu, na kũmaminzangĩsya ĩũlũ wa ĩeema, na mĩionĩ yonthe, na andũnĩ ala me vo, na mũndũnĩ ũla ũnakiitie yĩla ĩvĩndĩ, kana ũsu woaiwe, kana ũsu mũkw’ũ, kana mbũa:</verse>
				<verse number="19">na mũndũ mũtheu akamũminzangĩĩsye ũsu mũvuku mũthenya wa katatũ, na mũthenya wa mũonza: na mũthenya wa mũonza akamũthesya; nake akathambya ngũa syake, ina kũthamba manzĩnĩ, na akeethĩwa e mũtheu wĩoo.</verse>
				<verse number="20">Ĩndĩ mũndũ ũla ũkethĩwa e mũvuku na akalea kwĩthesya, mũndũ ũsu akavetwa kuma ũmbanonĩ, nĩkwĩthĩwa nũvukĩtye vala vandũ vatheu va Yeova: manzĩ ma kũthesya ũvuku mainaminzangĩw’a ĩũlũ wake; nake nĩ mũvuku.</verse>
				<verse number="21">Naw’o ũkeethĩwa mwamũlo wa tene na tene kwoo: na ũla ũkaminzanĩsya manzĩ ma kũthesya ũvuku akathambye ngũa syake; na ũla ũkakiita manzĩ ma kũthesya ũvuku akeethĩwa e mũvuku kũvika wĩoo.</verse>
				<verse number="22">Na kĩndũ o na kĩva kĩla mũndũ ũla wĩ mũvuku ũkakiita kĩkeethĩwa kĩvuku; na mũndũ ũla ũkakĩtiita akeethĩwa e mũvuku kũvika wĩoo.</verse>
			</chapter>
			<chapter number="20">
				<verse number="1">Na ana ma Isilaeli, o ũmbano w’onthe, malika weũnĩ wa Nzini mwei wa mbee: na andũ mekala Katesi; na Miliamu akw’ĩa vo, na enzĩwa nthĩ vo.</verse>
				<verse number="2">Na vatyaĩ manzĩ ũndũ wa ũmbano: na mamombanĩa Mose na Aluni.</verse>
				<verse number="3">Na andũ matetan’ya na Mose, na maneena, makĩmwĩa, Twenda kethĩwa twakwie yĩla ana‐a‐ĩthe maitũ makw’ĩĩe vu mbee wa Yeova!</verse>
				<verse number="4">Na nũndũ wa kĩ mwaetie ũmbano wa Yeova weũnĩ ũũ, tũkw’ĩe vo, ithyĩ na ndĩthya sitũ.</verse>
				<verse number="5">Na nũndũ wa kĩ mwatwambatisye kũtumya Misili, kũtũete vandũ vaa vanthũku? Ti vandũ va kũvanda mbeũ, kana va makũyũ, kana mĩsavivũ, kana makũngũmanga; o na ĩngĩ kũiĩ manzĩ ma ũnyuwa.</verse>
				<verse number="6">Na Mose na Aluni mauma vala ve ũmbano na maenda mũomonĩ wa ĩeema ya kũmbanĩa, na mavalũka na mothyũ moo: na ũtheu mũtisu wa Yeova wamaumĩlĩla.</verse>
				<verse number="7">Na Yeova aneena na Mose, akĩmwĩa,</verse>
				<verse number="8">Osa ĩla ndata, na ũmban’ya ũmbano, we, na Aluni mwana‐a‐mwenyu, na neenai na yĩla ĩvia mene, yumye manzĩ mayo; na ũkamaumĩsya manzĩ ĩvianĩ; na ĩndĩ ũkanenga ũmbano na indo syoo manzĩ ma ũnyw’a.</verse>
				<verse number="9">Na Mose oosa ĩla ndata kuma vu mbee wa Yeova, o tondũ wamwĩaĩe.</verse>
				<verse number="10">Na Mose na Aluni moombanĩsya ũmbano vu mbee wa ĩvĩa, na amea, Ĩthukĩĩsyei yu, inyw’ĩ ang’endu; nĩtũũmumĩsya manzĩ ĩvianĩ yĩĩ?</verse>
				<verse number="11">Na Mose ookĩlya kw’oko kwake, na akũna ĩvia na ndata yake kelĩ: na manzĩ maingĩ mauma, na ũmbano wanyw’a, na indo syoo.</verse>
				<verse number="12">Na Yeova amea Mose na Aluni, Nĩkwĩthĩwa mũinandĩkĩĩa, mwonan’ye methonĩ ma ana ma Isilaeli atĩ nĩ mũtheu, kwondũ wa ũu mũtikatwaa ũmbano ũũ mũlikye nthĩ ĩla namanengie.</verse>
				<verse number="13">Asu nĩ manzĩ ma Meliva; nũndũ ana ma Isilaeli matetanisye na Yeova, nake eeyonan’ya kwoo atĩ nĩ mũtheu.</verse>
				<verse number="14">Na Mose atũma atũmwa maume Katesi mathi kwa mũsumbĩ wa Etomu, mamwĩe, Ũũ nĩw’o mwana‐a‐au Isilaeli ũnũkwasya, Nĩwĩsĩ mathĩna onthe ala matũkwatie:</verse>
				<verse number="15">ũndũ aaĩthe maitũ matheeie Misili, na twatũa Misili ĩvinda ĩasa; na Amisili matwĩka naĩ, o na aaĩthe maitũ:</verse>
				<verse number="16">na yĩla twamwĩkaĩlile Yeova, nĩwewie wasya witũ, na atũma mũlaĩka, na atumya Misili: na, sisya, twĩ vaa Katesi, ndũa yĩ mũminũkĩlyonĩ wa mũvaka waku.</verse>
				<verse number="17">Nĩngũkwĩsũva, tũeke tũvĩtĩle nthĩ yaku: tũivĩtĩla mũũndanĩ kana mũũndanĩ wa mĩsavivũ, o na tũinyw’a manzĩ ma ithima; tũkavĩtĩla lelũnĩ wa mũsumbĩ; tũiathũka ũtee ngalĩ ya kw’oko kwa aũme kana kw’oko kwa aka, kũvika yĩla twakĩla mũvaka waku.</verse>
				<verse number="18">Na Etomu amwĩa, Ndwĩvĩtĩla nthĩ yakwa, ndikese ũkumĩlĩla na ũvyũ.</verse>
				<verse number="19">Na ana ma Isilaeli mamwĩa, Tũkambata na lelũ; na ethĩwa tũkanyw’a manzi kwaku, nyie na indo syakwa, nĩvo ĩndĩ nĩũnenga thooa wamo: ndeka no kũvĩtĩla na nyaĩĩ syakwa, vate ũndũ ũngĩ.</verse>
				<verse number="20">Nake asya, Ndwĩvĩtĩla. Na Etomu amumĩlĩla na andũ aingĩ, na kw’oko kwĩ vinya.</verse>
				<verse number="21">Ũu nĩw’o Etomu waleile kũnenga Isilaeli ũthei wa kũvĩtĩla mũvakanĩ wake: kwondũ wa ũu Isilaeli aalũka na aekana nake.</verse>
				<verse number="22">Na maenda kyalo kuma Katesi: na ana ma Isilaeli, o ũmbano w’onthe, mavika kĩĩma kya Olu.</verse>
				<verse number="23">Na Yeova aneena na Mose na Aluni kĩĩmanĩ kya Olu, vakuvĩ na mũvaka wa nthĩ ya Etomu, akĩmea,</verse>
				<verse number="24">Aluni akoombanw’a vamwe na andũ make; nũndũ ndakalika nthĩ ĩla nanengie ana ma Isilaeli, nĩkwĩthĩwa nĩmwang’endeie ndeto yakwa manzĩnĩ ma Meliva.</verse>
				<verse number="25">Osa Aluni na Eleasali mwana wake, na ũimaete kĩĩmanĩ kya Olu;</verse>
				<verse number="26">na mumye Aluni ngũa syake, na ũimwĩkĩa Eleasali mwana wake: na Aluni akakw’ĩa vo, na akoombanw’a vamwe na andũ make.</verse>
				<verse number="27">Na Mose eeka o tondũ Yeova weaie: na mambata kĩĩmanĩ kya Olu menekee nĩ ũmbano w’onthe.</verse>
				<verse number="28">Na Mose amumya Aluni ngũa syake, na amwĩkĩa Eleasali mwana wake; na Aluni akw’ĩa vo mũtumbĩnĩ wa kĩĩma: na Mose na Eleasali matheea kuma kĩĩmanĩ.</verse>
				<verse number="29">Na ũmbano w’onthe woona Aluni nũkwie, mamũĩĩa Aluni mĩthenya mĩongo ĩtatũ, o nyũmba yonthe ya Isilaeli.</verse>
			</chapter>
			<chapter number="21">
				<verse number="1">Na Mũkanaani, mũsumbĩ wa Alati, ũla watwĩe ngalĩ ya Ĩtheo, eew’a atĩ Isilaeli nĩmokĩte na nzĩa ya Athalimu; nake okita na Isilaeli, na atava amwe moo.</verse>
				<verse number="2">Na Isilaeli eevĩtĩa Yeova wĩvĩto, na asya, Ethĩwa nĩ w’o wĩnengane andũ aa kw’okonĩ kwakwa, nĩvo ĩndĩ nĩananga ndũa syoo vyũ.</verse>
				<verse number="3">Na Yeova eethukĩĩsya wasya wa Isilaeli, na anengane Akanaani; na mamananga na ndũa syoo vyũ: na syĩtwa ya vandũ vau veetwa Olima.</verse>
				<verse number="4">Na maenda kyalo kuma kĩĩma kya Olu na nzĩa ĩla ĩelete Ũkanga Mũtune, mathyũlũlũke nthĩ ya Etomu: na andũ asu makw’a ngoo nũndũ wa ĩ nzĩa.</verse>
				<verse number="5">Na andũ mamũneenea Ngai naĩ, na Mose nake, makyasya, Mwatumisye Misili tũkw’ĩe weũnĩ nĩkĩ? Nũndũ vaiĩ kya ũya, na vaiĩ manzĩ; na ngoo sĩtũ niemetwe nĩ kya ũya kĩĩ kĩvũthũ.</verse>
				<verse number="6">Na Yeova amaetee andũ asu nzoka iilyĩ ta mwaki, na syamaũma andũ; na andũ aingĩ ma Isilaeli makw’a.</verse>
				<verse number="7">Na andũ mooka vala ve Mose, na mamwĩa, Nĩtũvĩtĩtye, nũndũ twamũneenea Yeova naĩ, naku we; mũvoye Yeova, aumye nzoka vala tũĩ. Na Mose amavoyea andũ asu.</verse>
				<verse number="8">Na Yeova amwĩa Mose, Seũvya nzoka ĩilyĩ ta mwaki, ũmĩkĩe mũtĩnĩ: na kũkeethĩwa, kĩla mũndũ ũla wĩũmwa, amĩsisya, akekala thayũ.</verse>
				<verse number="9">Na Mose aseũvya nzoka ya ũthuku, na amĩkĩa mũtĩnĩ: na kweethĩwa ethĩwa nzoka nĩyaũma mũndũ o na wĩva, asisya ĩla nzoka ya ũthuku, akavĩta.</verse>
				<verse number="10">Na ana ma Isilaeli maenda kyalo, na mamba maeema moo Ovothi.</verse>
				<verse number="11">Na maenda kyalo kuma Ovothi, na mamba maeema moo Iye‐avalimu, weũnĩ ũla welekele Moavi, kwelekela wumĩlonĩ wa syũa.</verse>
				<verse number="12">Kuma vo maenda kyalo, na mamba maeema moo kyandanĩ kya Nzeleti.</verse>
				<verse number="13">Na kuma vu maenda kyalo, na mamba maeema moo mũingo ũla ũngĩ wa Alinoni, ũla wĩ weũnĩ, ũla wumite mũvakanĩ wa Aamoli: nũndũ Alinoni nĩ mũvaka wa Moavi, katĩ wa Moavi na Aamoli.</verse>
				<verse number="14">Kwondũ wa ũu kũneenetw’e ĩvukunĩ ya Makaũ ma Yeova atĩĩ, Vaevu nthĩnĩ wa Suva, Na syanda sya Alinoni,</verse>
				<verse number="15">Na kĩvaũũko kya syanda Kĩla kĩelete wĩkalonĩ wa Ali, Na kĩtinene mũvakanĩ wa Moavi.</verse>
				<verse number="16">Na kuma vau maenda kyalo kũvika Mbeeli: na nĩ kĩthima kĩla Yeova wamũtavisye Mose ũndũ wakyo, Ũmban’ya andũ na ngamanenga manzĩ.</verse>
				<verse number="17">Nĩvo ĩndĩ Isilaeli mainie wathi ũũ: Vulutya, we kĩthima; kinĩei:</verse>
				<verse number="18">Kĩthima, kĩla anene me mbee ũsumbĩnĩ menzie, Kĩla anene ma andũ me ndaĩa mavukũie, Na ndata sya ũsumbĩ, na ndata syoo. Na kuma weũnĩ maenda kyalo kũvika Matana;</verse>
				<verse number="19">na kuma Matana mavika Naalieli; na kuma Naalieli mavika Mbamothi;</verse>
				<verse number="20">na kuma Mbamothi mavika kyanda kĩla kĩ weũnĩ wa Moavi, kũvika mũtumbĩnĩ wa kĩĩma kya Visika, kĩla kyelekele na ku ĩtheo weũnĩ.</verse>
				<verse number="21">Na Isilaeli atũma atũmwa kwa Sioni mũsumbĩ wa Aamoli, akĩmwĩa,</verse>
				<verse number="22">Ndeka nĩvĩtĩle nthĩ yaku: tũiathũka ũtee mũũndanĩ, kana kũlika mũũndanĩ wa mĩsavivũ; tũinyw’a manzĩ ma ithima: tũkavĩtĩla lelũnĩ wa mũsumbĩ, kũvika twakĩla mũvaka waku.</verse>
				<verse number="23">Na Sioni ndaaĩtĩkĩla kũmaeka Isilaeli mavĩtĩle mũvakanĩ wake: ĩndĩ Sioni oomban’ya andũ make onthe, na amaumaalĩla Isilaeli weũnĩ, na avika Yaasa; na okita na Isilaeli.</verse>
				<verse number="24">Na Isilaeli mamũkũna kwa kũmũtemanga na ũvyũ, na mamesya nthĩ yake kuma ũsĩ wa Alinoni kũvika ũla wa Yavoki, o kũvika ana ma Amimoni; nũndũ mũvaka wa ana ma Amimoni waĩ na vinya.</verse>
				<verse number="25">Na Isilaeli makwata ndũa isu syonthe: na Isilaeli matwĩe ndũanĩ syonthe sya Aamoli, ndũanĩ ya Esivoni, na tũtũla twayo tw’onthe.</verse>
				<verse number="26">Nũndũ Esivoni yaĩ ndũa ya Sioni mũsumbĩ wa Aamoli, ũla wokitie na mũsumbĩ wa Moavi ũla waĩ mbeange wa ĩvinda yĩu, na amũvena nthĩ yake kw’okonĩ kwake, o kũvika Alinoni.</verse>
				<verse number="27">Kwondũ wa ũu ala maneenaa na nthimo measya, Ũkai Esivoni; Ndũa ya Sioni nĩyakwe na kũlũlũmĩlw’a:</verse>
				<verse number="28">Nũndũ mwaki wumĩte Esivoni, Ũlĩlĩnzĩ wa mwaki wumĩte ndũanĩ ya Sioni: Nĩwanangĩte ndũa ya Ali ya Moavi, Eaĩi ma kũndũ kũtũlu kwa ũ Alinoni.</verse>
				<verse number="29">Woo nĩ waku, Moavi! Nĩmwathela, inyw’ĩ andũ ma Kemosi: Anenganĩte ana make methĩwe akĩi, Na eĩtu make mũtavonĩ, Kwa Sioni mũsumbĩ wa Aamoli.</verse>
				<verse number="30">Nĩtũmekĩtye mĩsyĩ; Esivoni nĩyaaie o kũvika Ndivoni, Na nĩtwanangie o kũvika Novia, O na kũvika Meteva.</verse>
				<verse number="31">Na ĩndĩ Isilaeli matwĩe nthĩ ya Aamoli.</verse>
				<verse number="32">Na Mose atũma andũ kũthiana Yaseli; na makwata tũtũla twa vo, na mamalũngya Aamoli ala maĩ vo.</verse>
				<verse number="33">Na meethyũũa na mambata na nzĩa ya Mbasani: na Oku mũsumbĩ wa Mbasani amaumaalĩla, we na andũ make onthe, kũkitĩa namo Etilei.</verse>
				<verse number="34">Na Yeova amwĩa Mose, Ndũkamũkĩe: nĩkwĩthĩwa nĩnĩmũnenganĩte kw’okonĩ kwaku, na andũ make onthe, na nthĩ yake; na ũkamwĩka o tondũ wamwĩkie Sioni mũsumbĩ wa Aamoli, ũla watwĩe Esivoni.</verse>
				<verse number="35">Kwondũ wa ũu mamũkũna we, na ana make na andũ make onthe, kũvika vatyaatiala mũndũ o na wĩva wake: namo mamĩmesya nthĩ yake.</verse>
			</chapter>
			<chapter number="22">
				<verse number="1">Na ana ma Isilaeli maenda kyalo, na mamba maeema moo ndiĩnĩ sya Moavi mũingo wa Yolotani o vu Yeliko.</verse>
				<verse number="2">Na Mbalaki mwana wa Nzivoli oona ũu w’onthe ũla Isilaeli mekĩte Aamoli.</verse>
				<verse number="3">Na Moavi amakĩa andũ asu mũno, nũndũ maĩ aingĩ: na Moavi aũũya nũndũ wa ana ma Isilaeli.</verse>
				<verse number="4">Na Moavi amea atumĩa ma Mitiani, Yu nguthu ĩno ĩkanyenya kĩla kyonthe kĩtũthyũlũlũkĩte, o tondũ ng’ombe ĩnyenyaa nyeki ya weũ. Na Mbalaki mwana wa Nzivoli aĩ mũsumbĩ wa Moavi ĩvinda yĩu.</verse>
				<verse number="5">Na atũma atũmwa kwa Mbalaamu mwana wa Mbeoli, ku Vetholi, ĩla yĩ vakuvĩ na ũla Ũsĩ, nthĩ ya syana sya andũ make, mamwĩte, makĩmwĩa, Sisya, kwĩ andũ ala maumĩte Misili: sisya, mavw’ĩkĩte nthĩ, na mekalaa mambelekele nyie.</verse>
				<verse number="6">Ũka oyu ĩndĩ, nĩngũkwĩsũva, ũnumanĩĩe andũ aa: nũndũ nao me na vinya kũmbĩtũka nyie: nokwĩthĩwa nĩmakĩlya vinya, tũmakũne, nakwa nĩmalũngye maume nthĩ ĩno; nũndũ nĩnĩsĩ ũla ũmũathimaa we nĩ mũathime, na ũla ũumanĩaa nĩ mũumanĩe.</verse>
				<verse number="7">Na atumĩa ma Moavi na atumĩa ma Mitiani mathi makwete syĩndũ sya kũaũsya mokonĩ moo; nao mavika vala ve Mbalaamu, na mamũtavya ndeto sya Mbalaki.</verse>
				<verse number="8">Nake amea, Komai vaa ũtukũ ũũ, na ngamũetee ũvoo ĩngĩ, o tondũ Yeova wĩmbĩa: na ala anene me mbee ũsumbĩnĩ ma Moavi mekala kwa Mbalaamu.</verse>
				<verse number="9">Na Ngai ooka vala ve Mbalaamu, na amũkũlya, Andũ aa me kwaku naaũ?</verse>
				<verse number="10">Na Mbalaamu amwĩa Ngai, Mbalaki mwana wa Nzivoli, mũsumbĩ wa Moavi, nũtũmanĩte kwakwa, akĩmbĩa,</verse>
				<verse number="11">Sisya, andũ ala maumĩte Misili, nĩmavw’ĩkĩte nthĩ: oyu, ũka ũnumanĩĩe mo; nokwĩthĩwa ndonya kũkita namo, na kũmalũngya.</verse>
				<verse number="12">Na Ngai amwĩa Mbalaamu, Ndũkaende namo; ndũkaumanĩe andũ asu; nũndũ nĩ aathime.</verse>
				<verse number="13">Na Mbalaamu ookĩla kĩoko, na amea anene me mbee ũsumbĩnĩ ma Mbalaki, Alũkai nthĩ yenyu; nũndũ Yeova nũnũkũlea kũnenga ũthei wa kũthi nenyu.</verse>
				<verse number="14">Na anene me mbee ũsumbĩnĩ ma Moavi mookĩla na mamũsyokea Mbalaki, na mamwĩa, Mbalaamu nũleile kũkan’ya naitũ.</verse>
				<verse number="15">Na Mbalaki atũma ĩngĩ anene me mbee ũsumbĩnĩ aingangĩ, na me na ndaĩa kwĩ asu ma mbee.</verse>
				<verse number="16">Na mavika kwa Mbalaamu, na mamwĩa, Ũũ nĩw’o Mbalaki mwana wa Nzivoli ũnũkwasya, Nĩngũkwĩsũva, ndũkasiĩĩwe nĩ ũndũ o na wĩva kũka vala nĩĩ:</verse>
				<verse number="17">nũndũ ngakũnenevya wĩthĩwe na ndaĩa nene mũno, na o ũla wĩmbĩa ngawĩka: ũka ĩndĩ, nĩngũkwĩsũva, ũnumanĩĩe andũ aa.</verse>
				<verse number="18">Na Mbalaamu asũngĩa na amea athũkũmi ma Mbalaki, O na ethĩwa Mbalaki akanenga nyũmba yake yusũĩte vetha na thaavu, nditonya kũkĩla ndeto ya Yeova Ngai wakwa, kũmĩnyivya kana kũmyongelela.</verse>
				<verse number="19">Yu ĩndĩ, nĩngũmwĩsũva, ĩkalai vaa ũtukũ ũũ naw’o, nĩmanye ũndũ Yeova wĩongela kũmbĩa.</verse>
				<verse number="20">Na Ngai amũendea Mbalaamu ũtukũ, na amwĩa, Ethĩwa andũ nĩmooka ũkwĩta, ũkĩla, ũthi namo; ĩndĩ no ndeto ĩla nĩkũtavya, nĩyo wĩĩka.</verse>
				<verse number="21">Na Mbalaamu ookĩla kĩoko, na atandĩka ĩng’oi yake, na athi na anene me mbee ũsumbĩnĩ ma Moavi.</verse>
				<verse number="22">Na ũthatu wa Ngai wakana nũndũ nĩwathi; na mũlaĩka wa Yeova aũngama nzĩanĩ ethĩwe nthũ yake. Nake aenda akuĩtwe nĩ ĩng’oi yake na athũkũmi make elĩ maĩ vamwe nake.</verse>
				<verse number="23">Na ĩng’oi yoona mũlaĩka wa Yeova aũngeme nzĩanĩ, akũĩte ũvyũ wake wĩ kw’okonĩ kwake; na ĩng’oi yaathũka ũtee wa nzĩa, na yathi mũũndanĩ: na Mbalaamu akũna ĩng’oi, ayĩtũnge nzĩanĩ.</verse>
				<verse number="24">Nĩvo ĩndĩ mũlaĩka wa Yeova aũngama nzĩanĩ ntheke katĩ wa mĩũnda ya mĩsavivũ, ũvai wĩ ngalĩ ĩno, na ũvai ngalĩ ĩya.</verse>
				<verse number="25">Na ĩng’oi yoona mũlaĩka wa Yeova, na yeethũũan’ya na ũvai, na yavinyĩĩa kũũ kwa Mbalaamu ũvainĩ: nake ayĩkũna ĩngĩ.</verse>
				<verse number="26">Na mũlaĩka wa Yeova aenda mbee, na aũngama vandũ vatheke, vala vataĩ ũthei wa kwathũka ngalĩ ya kw’oko kwa aũme kana kw’oko kwa aka.</verse>
				<verse number="27">Na ĩng’oi yoona mũlaĩka wa Yeova, na yavalũka nthĩ yĩkuĩte Mbalaamu: na ũthatu wa Mbalaamu wakana, na akũna yĩla ĩng’oi na ndata yake.</verse>
				<verse number="28">Na Yeova aathamya kanyw’a wa ĩng’oi, nayo yamwĩa Mbalaamu, Nakwĩkie ata, ũndũ ũũngũna mavinda aa atatũ?</verse>
				<verse number="29">Na Mbalaamu ayĩa ĩng’oi, Nĩkwĩthĩwa nũũmbũĩa ngũĩ: nenda kethĩwa nĩĩ na ũvyũ kw’okonĩ kwakwa, nũndũ yu nĩthĩwa ngũaie.</verse>
				<verse number="30">Na ĩng’oi yakũlya Mbalaamu, Nyie ndi ĩng’oi yaku, yĩla yĩũkuaa matukũ maku onthe kũvika ũmũnthĩ? Nĩ ĩndĩĩ nakwĩkie ũu? Nake asũngĩa, Aiee.</verse>
				<verse number="31">Nĩvo ĩndĩ Yeova wasalukilye metho ma Mbalaamu, nake oona mũlaĩka wa Yeova aũngeme nzĩanĩ, e na ũvyũ wake akũĩte wĩ kw’okonĩ kwake; na akunamya mũtwe wake, na avalũka na ũthyũ wake.</verse>
				<verse number="32">Na mũlaĩka wa Yeova amwĩa, Wakũna ĩng’oi yaku mavinda aa atatũ nĩkĩ? Sisya, nĩnumie nĩthĩwe mũmaitha, nĩkwĩthĩwa nzĩa yaku nĩ ya ngũlũ vala nĩĩ:</verse>
				<verse number="33">na yĩ ĩng’oi yambona, na yaathũka ũtee mbee wakwa mavinda aa atatũ: kethĩwa yĩtyaathũka ũtee mbee wakwa, nĩthĩwa ngũaie vate ndĩi, na kũyĩeka yĩ thayu.</verse>
				<verse number="34">Na Mbalaamu amwĩa mũlaĩka wa Yeova, Nĩnĩvĩtĩtye; nũndũ ndyĩĩsĩ kana ũũngeme nzĩanĩ kũnziĩĩa: kwondũ wa ũu yu ethĩwa ũu ndũũkwendeesya, nĩngũalũka.</verse>
				<verse number="35">Na mũlaĩka wa Yeova amwĩa Mbalaamu, Enda na andũ aa; ĩndĩ no ndeto ĩla nĩũtavya, nĩyo wĩneena. Kwondũ wa ũu Mbalaamu athi na anene me mbee ũsumbĩnĩ ma Mbalaki.</verse>
				<verse number="36">Na yĩla Mbalaki wewie Mbalaamu nĩwooka, aumaala amũthaũe kũvika Ndũa ya Moavi, ĩla yĩ mũvakanĩ wa ũsĩ wa Alinoni, ũla wĩ mũminũkĩlyonĩ wa mũvaka.</verse>
				<verse number="37">Na Mbalaki akũlya Mbalaamu, Ndinatũmana na kĩthing’ĩĩsyo makwĩte? Ndũnoka vala nĩĩ nĩkĩ? Nditonya ũkũnenevya wĩthĩwe na ndaĩa?</verse>
				<verse number="38">Na Mbalaamu amwĩa Mbalaki, Sisya, nĩnooka vala ũĩ: nĩ na vinya o na wĩva o na yu ndonya ũneena ũndũ o na ũmwe? Ndeto ĩla Ngai wĩmbĩkĩa kanyw’anĩ wakwa, noyo nĩneena.</verse>
				<verse number="39">Na Mbalaamu athi na Mbalaki na mavika Kiliathiusothi.</verse>
				<verse number="40">Na Mbalaki athemba ng’ombe na malondu, na amwatũĩla Mbalaamu, na anene me mbee ũsumbĩnĩ ala maĩ nake.</verse>
				<verse number="41">Na kweethĩwa ũnĩ ũsu, Mbalaki amwosa Mbalaamu, na amwambatya kũndũ kũtũlu kwa Mbaali; na e kũu oona andũ onthe o vala mathelele.</verse>
			</chapter>
			<chapter number="23">
				<verse number="1">Na Mbalaamu amwĩa Mbalaki, Mbakĩa vaa ithembeo mũonza, na ũthĩnzĩe vaa tũsalũ mũonza twa mũew’a na ndũũme mũonza.</verse>
				<verse number="2">Na Mbalaki eeka o tondũ Mbalaamu waisye; na Mbalaki na Mbalaamu mathemba kasalũ ka mũew’a na ndũũme kĩla kĩthembeonĩ.</verse>
				<verse number="3">Na Mbalaamu amwĩa Mbalaki, Ũngama vakuvĩ na nthembo yaku ya kũvĩvw’a, nakwa nĩngũthi: nokwĩthĩwa Yeova ekũka tũkomane; na o ũla wĩmbon’ya ngaũtavya. Na athi kĩĩmanĩ vandũ vathei.</verse>
				<verse number="4">Na Ngai akomana na Mbalaamu: nake amwĩa, Nĩnzeũvĩtye ithembeo mũonza, na nĩnthembete kasalũ ka mũew’a na ndũũme kĩla kĩthembeonĩ.</verse>
				<verse number="5">Na Yeova eekĩa ndeto kanyw’anĩ wa Mbalaamu, na amwĩa, Mũsyokee Mbalaki, na ũkaneene ũna na ũna.</verse>
				<verse number="6">Na amũsyokea, na, sisya, aũngeme vakuvĩ na nthembo yake ya kũvĩvw’a, we, na anene me mbee ũsumbĩnĩ onthe ma Moavi.</verse>
				<verse number="7">Nake aneena ngelekan’yo yake, na asya, Mbalaki andetete kuma Alamu, Mũsumbĩ wa Moavi anumĩtye iĩmanĩ sya Wumĩlonĩ wa syũa: Ũka, ũnumanĩĩe Yakovo, Na ũka ũmavũthĩĩsye Isilaeli.</verse>
				<verse number="8">Ngamũumanĩa ata, ũla Ngai ũtaamũumanĩa? Na ngamũvũthĩĩsya ata, ũla Yeova ũtaamũvũthĩĩsya?</verse>
				<verse number="9">Nũndũ kuma vaa ĩũlũ wa maũvai nĩngũmwona, Na nĩ iĩmanĩ no ngũmwona: Sisya, asu nĩ andũ ala matwĩe me oka, Na matikatalanĩlw’a na mbaĩ ingĩ.</verse>
				<verse number="10">Nũũ ũla ũtonya kũtala kĩtoo kya Yakovo, Kana kũtala kĩlungu kya kana kya Isilaeli? Ndeka nĩkw’e kĩkw’ũ kya mũndũ mũlũngalu, Na mũminũkĩlyo wakwa nĩwĩthĩwe ta wake!</verse>
				<verse number="11">Na Mbalaki amwĩa Mbalaamu, Ũmbĩkĩte ata? Nĩkũetete ũumanĩe amaitha makwa, na, sisya, nũmaathimĩte ki.</verse>
				<verse number="12">Nake asũngĩa na amwĩa, Ti mũvaka nĩsũvĩe kũneena ndeto ila Yeova ũnũũmbĩkĩa kanyw’anĩ wakwa?</verse>
				<verse number="13">Na Mbalaki amwĩa, Ũka, nĩngũkwĩsũva, tũendan’ye vandũ vangĩ vala ũtonya kũmona; ũkoona o vala mathelele, na ndũkamona onthe: na ũnumanĩĩe andũ asu wĩ vo.</verse>
				<verse number="14">Na amũtwaa mũũndanĩ wa Nzovimu, mũtumbĩnĩ wa kĩĩma kya Visika, na aaka ithembeo mũonza, na athemba kasalũ ka mũew’a na ndũũme kĩla kĩthembeonĩ.</verse>
				<verse number="15">Na amwĩa Mbalaki, Ũngama vaa vakuvĩ na nthembo yaku ya kũvĩvw’a, yĩla ngũthi kũkomana na Yeova kũya.</verse>
				<verse number="16">Na Yeova akomana na Mbalaamu, na eekĩa ndeto kanyw’anĩ wake, na amwĩa, Mũsyokee Mbalaki, na ũneene nake ũna na ũna.</verse>
				<verse number="17">Na avika vala ũĩ, na, sisya, aũngeme vakuvĩ na nthembo yake ya kũvĩvw’a, na anene me mbee ũsumbĩnĩ ma Moavi vamwe nake. Na Mbalaki amũkũlya, Yeova akwĩa ata?</verse>
				<verse number="18">Nake aneena ngelekan’yo yake, na asya, Ũkĩla, Mbalaki, wĩw’e; Mbĩthukĩĩsya, we mwana wa Nzivoli:</verse>
				<verse number="19">Ngai ti mũndũ, ũndũ ũneena ũvũngũ; O na ti mwana wa mũndũ, kana etũnge: Nũneenete, na ndakeka? Kana nĩwaĩtye, na ndakeanĩsya?</verse>
				<verse number="20">Sisya, nĩnosete mwĩao wa kũathima: Nake nũathimĩte, nakwa nditonya kũalyũla.</verse>
				<verse number="21">Ndaaona ũthũku nthĩnĩ wa Yakovo; O na ndaaona ngũlũ nthĩnĩ wa Isilaeli: Yeova Ngai wake e vamwe nake, Na wasya mũtũlu wa mũsumbĩ wĩ katĩ wamo.</verse>
				<verse number="22">Ngai nũmaetete kuma Misili; E na vinya ũilyĩ ta vinya wa mboo.</verse>
				<verse number="23">Nĩ w’o, vati ũoi ũtonya Yakovo; O na vati kũaũsya kũtonya Isilaeli: Nĩkũũneew’a yu ũndũ wa Yakovo na ũndũ wa Isilaeli, Ai, Ngai nĩwĩkĩte!</verse>
				<verse number="24">Sisya, andũ nĩmekũkĩla ta mũnyambũ mũka, Na nũkwĩyũkĩlya ta mũnyambũ mũũme: Ndakatindia atanaya nyama ila sya nzyĩma, Na kũnyw’a nthakame ya ila syoaiwe.</verse>
				<verse number="25">Na Mbalaki amwĩa Mbalaamu, Ndũkamaumanĩe nongi, o na ndũkamaathime nongi.</verse>
				<verse number="26">Ĩndĩ Mbalaamu asũngĩa na amwĩa Mbalaki, Ndinakũtavya, ngyasya, Maũndũ onthe ala Yeova ũneenaa, nditĩa kũmeka?</verse>
				<verse number="27">Na Mbalaki amwĩa Mbalaamu, Ũka yu, ngakũtwaa vandũ vangĩ; nokwĩthĩwa Ngai akendeew’a ũnumanĩĩe mo vau.</verse>
				<verse number="28">Na Mbalaki amũtwaa Mbalaamu mũtumbĩnĩ wa kĩĩma kya Veoli, kĩla kyelekele na ku ĩtheo weũnĩ.</verse>
				<verse number="29">Na Mbalaamu amwĩa Mbalaki, Mbakĩa vaa ithembeo mũonza, na ũimbiĩa vaa tũsalũ mũonza twa mũew’a na ndũũme mũonza.</verse>
				<verse number="30">Na Mbalaki eeka o tondũ Mbalaamu wamwĩie, na athemba kasalũ ka mũew’a na ndũũme kĩla kĩthembeonĩ.</verse>
			</chapter>
			<chapter number="24">
				<verse number="1">Na Mbalaamu oona Yeova nũkwendeew’a nĩ kũathima Isilaeli, ndaathi, ta mavinda ala angi, kũmantha mowe, ĩndĩ eelekelya ũthyũ wake weũnĩ.</verse>
				<verse number="2">Na Mbalaamu ookĩlya metho make, na oona Isilaeli matũĩte kwĩanana na mbaĩ syoo; na Veva wa Ngai ooka ĩũlũ wake.</verse>
				<verse number="3">Na aneena ngelekan’yo yake, na asya, Mbalaamu mwana wa Mbeoli easya, Na mũndũ ũla ũnalalĩtye metho make easya;</verse>
				<verse number="4">Nake easya, ũla wĩw’aa ndeto sya Ngai, Ũla wonaa woni wa Mwene Vinya W’onthe, Akĩvalũka nthĩ, metho make masalukĩtye:</verse>
				<verse number="5">Ai! Maeema maku ko nĩ maseo, we Yakovo, Mawĩkalo maku, we Isilaeli!</verse>
				<verse number="6">Ta syanda nĩmalanĩtw’e, Ta mĩũnda ũtee wa ũsĩ, Ta mĩtĩ ya uuti ĩla Yeova ũvandĩte, Ta mĩtĩ ya mĩkũũ ũtee wa manzi.</verse>
				<verse number="7">Manzĩ makavulutasya kuma ndoonĩ syake, Na ũsyao wake ũkekala vala ve manzĩ maingĩ, Na mũsumbĩ wake akataĩwa kwĩ Akaki, Na ũsumbi wake ũkanenevw’a.</verse>
				<verse number="8">Ngai nũmũetete kuma Misili; E na vinya ũilyĩ ta vinya wa mboo: Akaimelya mbaĩ ila syĩ amaitha make, Na akatũlanga mavĩndĩ moo ilungu, Na akamaathanga mũkuthũ na mĩsyĩ yake.</verse>
				<verse number="9">Akunama, atindia ta mũnyambũ mũume, Na ta mũnyambũ mũka; ũla wĩmũtindiũkya nũũ? Naathimwe kĩla mũndũ ũla ũkũathimaa, Na naumanĩwe kĩla mũndũ ũla ũkũumanĩaa.</verse>
				<verse number="10">Na ũthatu wa Mbalaki wamwakanĩa Mbalaamu, na akũnangan’ya mbĩ; na Mbalaki amwĩa Mbalaamu, Nĩnĩnakwĩtie ũumanĩe amaitha makwa, na, sisya, nũmaathimĩte ki mavinda aa atatũ.</verse>
				<verse number="11">Kwondũ wa ũu yu kĩa ũende kwaku: nĩnasũanĩaa ũkũnenevya na ndaĩa nene; ĩndĩ, sisya, Yeova nĩwakũsiĩĩe ndũkethĩwe na ndaĩa.</verse>
				<verse number="12">Na Mbalaamu amwĩa Mbalaki, Ndyaaneena na atũmwa maku ala wamatũmie kwakwa, ngĩmea,</verse>
				<verse number="13">Ethĩwa Mbalaki akanenga nyũmba yake yusũĩte vetha na thaavu, nditonya kũvĩta ndeto ya Yeova, kwĩka ũseo kana ũthũku na kĩsũanĩo kyakwa mwene; ũla Yeova ũneenaa, nĩw’o nĩneena?</verse>
				<verse number="14">Na yu, sisya, nĩngũthi kwa andũ makwa: ũka, na ngakũmanyĩthya ũla andũ aa makameka andũ maku mĩthenya ya mũminũkĩlyo.</verse>
				<verse number="15">Na aneena ngelekan’yo yake, na asya, Mbalaamu mwana wa Mbeoli easya, Na mũndũ ũla ũnalalĩtye metho make easya;</verse>
				<verse number="16">Nake easya, we ũla wĩw’aa ndeto sya Ngai, Na wĩsĩ ũmanyi wa Ũla Wĩ Ĩũlũ wa Onthe, Ũla wonaa woni wa Mwene Vinya W’onthe, Akĩvalũka nthĩ, metho make masalukĩtye:</verse>
				<verse number="17">Nĩngũmwona, ĩndĩ ti yu; Nĩngũmũsisya, ĩndĩ ti vakuvĩ: Kũkauma ndata nthĩnĩ wa Yakovo, Na ndata ya ũsumbĩ ĩkookĩla kuma nthĩnĩ wa Isilaeli, Na ĩkakũnanga ikoto sya Moavi, Na kwavalũkya nthĩ ana onthe ma kĩtuu.</verse>
				<verse number="18">Na Etomu ĩkeethĩwa ng’ũndũ yake, O na Seili ĩkeethĩwa ng’ũndũ yake, asu ala maĩ amaitha make; Yĩla Isilaeli wĩkaa maũndũ na ũkũmbaũ.</verse>
				<verse number="19">Nthĩnĩ wa Yakovo vakauma ũla ũkasumbĩka, Nake akaananga ala matialile ndũanĩ.</verse>
				<verse number="20">Na amũsisya Amaleki, na aneena ngelekan’yo yake, na asya, Amaleki aĩ wa mbee wa ila mbaĩ; Ĩndĩ mũminũkĩlyo wake ũkeethĩwa wanangĩko.</verse>
				<verse number="21">Na asisya Mũkeni, na aneena ngelekan’yo yake, na asya, Ũtũo waku wĩ na vinya, Na ndala yaku yiĩtwe ĩvianĩ.</verse>
				<verse number="22">Ĩndĩ Keni akaanangwa, Kũvika yĩla Asuli ũkakũtwaa wĩ mũtave.</verse>
				<verse number="23">Na aneena ngelekan’yo yake, na asya, Ĩiaa! Nũũ ũla ũkavĩta yĩla Ngai wĩĩka ũu?</verse>
				<verse number="24">Ĩndĩ ngalawa ikooka kuma ndee sya Kitimu, Na ikathĩn’ya Asuli, na ikathĩn’ya Eveli; Nake akaanangwa vyũ.</verse>
				<verse number="25">Na Mbalaamu ookĩla, na athi enũka kwake; o nake Mbalaki eeyiendea.</verse>
			</chapter>
			<chapter number="25">
				<verse number="1">Na Isilaeli mekala Sitimu; na andũ mambĩlĩlya kwĩka ũmalwaya na eĩtu ma Moavi:</verse>
				<verse number="2">nũndũ nĩmeetie andũ maende nthembonĩ sya ngai syoo; na andũ maya, na makunamĩa ngai syoo.</verse>
				<verse number="3">Na Isilaeli meekwatan’ya na Mbaali‐veoli: na ũthatu wa Yeova wakanĩa Isilaeli.</verse>
				<verse number="4">Na Yeova amwĩa Mose, Osa anene onthe ma andũ, na ũmasũĩsye Yeova syũanĩ, nĩ kana ũthatu mwai wa Yeova wĩthyũũe wume kwa Isilaeli.</verse>
				<verse number="5">Na Mose amea asili ma Isilaeli, Inyw’ĩ, mũaei o kĩla mũndũ andũ make ala mekwatanĩtye na Mbaali‐veoli.</verse>
				<verse number="6">Na, sisya, mũndũ ũmwe wa ana ma Isilaeli ooka na amaetee ana‐a‐ĩthe make mũndũ mũka Mũmitiani Mose ene, o na ũmbano w’onthe wa ana ma Isilaeli wene, o yĩla maĩĩaa mũomonĩ wa ĩeema ya kũmbanĩa.</verse>
				<verse number="7">Na yĩla Vineasi, mwana wa Eleasali, mwana wa mũthembi Aluni, wonie uũ, ookĩla kuma katĩ wa ũmbano, na oosa ĩtumo kw’okonĩ kwake;</verse>
				<verse number="8">na amũatĩĩa mũndũ ũsu wa Isilaeli alika ĩeemanĩ, na amatonya me elĩ mũkuthũ, ũ mũndũ wa Isilaeli, na ũla mũndũ mũka ĩvunĩ yake. Na ĩndĩ mũimũ wasiĩĩwa ananĩ ma Isilaeli.</verse>
				<verse number="9">Na ala makwie nĩ mũimũ ũsu maĩ ngili mĩongo ĩlĩ na inya.</verse>
				<verse number="10">Na Yeova aneena na Mose, akĩmwĩa,</verse>
				<verse number="11">Vineasi, mwana wa Eleasali, mwana wa mũthembi Aluni, nũalyũlĩte ũthilĩku wakwa wume ĩũlũ wa ana ma Isilaeli, nũndũ nĩwewie kĩwĩu, o kĩwĩu kyakwa katĩ woo, ũndũ wa ũu ndyaananga ana ma Isilaeli kĩwĩunĩ kyakwa.</verse>
				<verse number="12">Kwondũ wa ũu neena atĩĩ, Sisya, nĩngũmũnenga ũtianĩo wakwa wa mũuo:</verse>
				<verse number="13">na ũkeethĩwa kwake, na kwa ũsyao wake ĩtina wake, ũtianĩo wa ũthembi wa tene na tene; nĩkwĩthĩwa aĩ na kĩwĩu kwondũ wa Ngai wake, na amew’anĩthya ana ma Isilaeli.</verse>
				<verse number="14">Na ĩndĩ syĩtwa ya mũndũ wa Isilaeli ũla woaiwe, ũla woaiwe vamwe na mũndũ mũka Mũmitiani, eetawa Nzimili, mwana wa Salu, mũnene wa nyũmba ya aaithe mũvĩanĩ wa Asimeoni.</verse>
				<verse number="15">Na syĩtwa ya mũndũ mũka Mũmitiani ũla woaiwe eetawa Kosivi, mwĩĩtu wa Nzuli; nake aĩ mũtongoi wa andũ ma nyũmba ya aaĩthe ku Mitiani.</verse>
				<verse number="16">Na Yeova aneena na Mose, akĩmwĩa,</verse>
				<verse number="17">Mathĩn’ye Amitiani, na kũmakũna;</verse>
				<verse number="18">nũndũ nĩmeũmũthĩn’ya na moseleke moo, ala mamũkengie nao ũvoonĩ wa Veoli, na ũvoonĩ wa Kosivi, mwĩĩtu wa mũnene wa Mitiani, mwĩĩtua‐inyia woo, ũla woaiwe mũthenya wa mũimũ ũndũnĩ ũsu wa Veoli.</verse>
			</chapter>
			<chapter number="26">
				<verse number="1">Na kweethĩwa ĩtina wa mũimũ ũsu, Yeova aneena na Mose na Eleasali mwana wa mũthembi Aluni, akĩmea,</verse>
				<verse number="2">Talai ũmbano w’onthe wa ana ma Isilaeli, ala mavikĩtye myaka mĩongo ĩlĩ na mbee, kũatĩĩa nyũmba sya aaĩthe moo, onthe ma Isilaeli ala matonya kũthi kaũnĩ.</verse>
				<verse number="3">Na Mose na mũthembi Eleasali maneenea nao ndiĩnĩ sya Moavi vakuvĩ na Yolotani ku Yeliko, makyasya,</verse>
				<verse number="4">Talai andũ onthe ala mavikĩtye myaka mĩongo ĩlĩ na mbee; o tondũ Yeova wamwĩaĩe Mose na ana ma Isilaeli, ala maumie nthĩ ya Misili.</verse>
				<verse number="5">Leuveni, ĩkithathi ya Isilaeli; ana ma Leuveni nĩ aa: ma Anoki, mũvĩa wa Aanoki; ma Valu, mũvĩa wa Avalu;</verse>
				<verse number="6">ma Esiloni, mũvĩa wa Aesiloni; ma Kalimi, mũvĩa wa Akalimi.</verse>
				<verse number="7">Ĩsu nĩyo mĩvĩa ya Aleuveni; na ala matalilwe moo maĩ ngili mĩongo ĩna na itatũ na maana mũonza na mĩongo ĩtatũ.</verse>
				<verse number="8">Na ana ma Valu: o Eliavu.</verse>
				<verse number="9">Na ana ma Eliavu: Nemueli, na Ndathani, na Avilamu. Ndathani na Avilamu nĩo asu, ala manyuviwe nĩ ũmbano, na ala makĩlanilye vinya na Mose na Aluni nguthunĩ ya Kola, yĩla makĩlanilye vinya na Yeova,</verse>
				<verse number="10">na nthĩ yaathamya kanyw’a wayo, na yamamelya vamwe na Kola, yila nguthu ĩsu yakwie; ĩvinda yĩla mwaki waminie andũ maana elĩ na mĩongo ĩtano, na matw’ĩkie wonan’yo.</verse>
				<verse number="11">Ĩndĩ ana ma Kola matyaakw’a.</verse>
				<verse number="12">Ana ma Simeoni kũatĩĩa mĩvĩa yoo nĩ aa: ma Nemueli, mũvĩa wa Anemueli; ma Yamini, mũvĩa wa Ayamini; ma Yakini, mũvĩa wa Ayakini;</verse>
				<verse number="13">ma Nzela, mũvĩa wa Anzela; ma Sauli, mũvĩa wa Asauli.</verse>
				<verse number="14">Ĩsu nĩyo mĩvĩa ya Asimeoni, ngili mĩongo ĩlĩ na ilĩ na maana elĩ.</verse>
				<verse number="15">Ana ma Ngati kũatĩĩa mĩvĩa yoo nĩ aa: ma Nzevoni, mũvĩa wa Anzevoni; ma Aki, mũvĩa wa Aaki, ma Suni, mũvĩa wa Asuni;</verse>
				<verse number="16">ma Osini, mũvĩa wa Aosini; ma Eeli, mũvĩa wa Aeeli;</verse>
				<verse number="17">ma Aloti, mũvĩa wa Aaloti; ma Aleli, mũvĩa wa Aaleli.</verse>
				<verse number="18">Ĩsu nĩyo mĩvĩa ya ana ma Ngati kwĩanana na ala matalilwe moo, ngili mĩongo ĩna na maana atano.</verse>
				<verse number="19">Ana ma Yuta nĩ aa: Eeli na Onani; na Eeli na Onani nĩmakw’ĩĩe nthĩ ya Kanaani.</verse>
				<verse number="20">Na ana ma Yuta kũatĩĩa mĩvĩa yoo nĩ aa: ma Siela, mũvĩa wa Asiela; ma Velesi, mũvĩa wa Avelesi; ma Nzela mũvĩa wa Anzela.</verse>
				<verse number="21">Na ana ma Velesi nĩ aa: ma Esiloni, mũvĩa wa Aesiloni; ma Amuli, mũvĩa wa Aamuli.</verse>
				<verse number="22">Ĩsu nĩyo mĩvĩa ya Yuta kwĩanana na ala matalilwe moo, ngili mĩongo mũonza na thanthatũ na maana atano.</verse>
				<verse number="23">Ana ma Isakali kũatĩĩa mĩvĩa yoo nĩ aa: ma Tola, mũvĩa wa Atola; ma Vuva, mũvĩa wa Avuni;</verse>
				<verse number="24">ma Yasuvu, mũvĩa wa Ayasuvu; ma Similoni, mũvĩa wa Asimiloni.</verse>
				<verse number="25">Ĩsu nĩyo mĩvĩa ya Isakali kwĩanana na ala matalilwe moo, ngili mĩongo thanthatũ na inya na maana atatũ.</verse>
				<verse number="26">Ana ma Nzevuluni kũatĩĩa mĩvĩa yoo ni aa: ma Seletu, mũvĩa wa Aseletu ma Eloni, mũvĩa wa Aeloni; ma Yaleeli, mũvĩa wa Ayaleeli.</verse>
				<verse number="27">Ĩsu nĩyo mĩvĩa ya Anzevuluni kwĩanana na ala matalilwe moo, ngili mĩongo thanthatũ na maana atano.</verse>
				<verse number="28">Ana ma Yosevu kũatĩĩa mĩvĩa yoo nĩ aa: Manase na Evalaimu.</verse>
				<verse number="29">Ana ma Manase nĩ aa: ma Makili, mũvĩa wa Amakili; na Makili asyaa Ngileati: ma Ngileati, mũvĩa wa Angileati.</verse>
				<verse number="30">Aa nĩo ana ma Ngileati: ma Ieseli, mũvĩa wa Aieseli; ma Eleki, mũvĩa wa Aeleki;</verse>
				<verse number="31">na ma Asilieli, mũvĩa wa Aasilieli; na ma Sekemu, mũvĩa wa Asekemu;</verse>
				<verse number="32">na ma Semita, mũvĩa wa Asemita; na ma Eevieli, mũvĩa wa Aeevieli.</verse>
				<verse number="33">Na Nzeloveati mwana wa Eevieli ndaĩ na ana aũme, ate o eĩtu: na masyĩtwa ma eĩtu ma Nzeloveati meetawa Maala, na Noa, na Okila, na Milika, na Tilisa.</verse>
				<verse number="34">Ĩsu nĩyo mĩvĩa ya Manase; na ala matalilwe moo maĩ ngili mĩongo ĩtano na ilĩ na maana mũonza.</verse>
				<verse number="35">Aa nĩo ana ma Evalaimu kũatĩĩa mĩvĩa yoo: ma Suthela, mũvĩa wa Asuthela; ma Mbekeli, mũvĩa wa Ambekeli; ma Taani, mũvĩa wa Ataani.</verse>
				<verse number="36">Na aa nĩo ana ma Suthela: ma Elani, mũvĩa wa Aelani.</verse>
				<verse number="37">Ĩsu nĩyo mĩvĩa ya ana ma Evalaimu kwĩanana na ala matalilwe moo, ngili mĩongo ĩtatũ na ilĩ na maana atano. Asu nĩo ana ma Yosevu kũatĩĩa mĩvĩa yoo.</verse>
				<verse number="38">Ana ma Mbenyamini kũatĩĩa mĩvĩa yoo nĩ aa: ma Mbela, mũvĩa wa Ambela; ma Asiveli, mũvĩa wa Aasiveli; ma Ailamu, mũvĩa wa Aailamu;</verse>
				<verse number="39">ma Suvamu, mũvĩa wa Asuvamu; ma Uvamu, mũvĩa wa Auvamu.</verse>
				<verse number="40">Na ana ma Mbela nĩ Aliti na Naamani: ma Aliti, mũvĩa wa Aaliti; ma Naamani, mũvĩa wa Anaamani.</verse>
				<verse number="41">Asu nĩ ana ma Mbenyamini kũatĩĩa mĩvĩa yoo; na ala matalilwe moo maĩ ngili mĩongo ĩna na itano na maana thanthatũ.</verse>
				<verse number="42">Aa nĩo ana ma Ndani kũatĩĩa mĩvĩa yoo: ma Suamu, mũvĩa wa Asuamu. Ĩsu nĩyo mĩvĩa ya Ndani kũatĩĩa mĩvĩa yoo.</verse>
				<verse number="43">Mĩvĩa yonthe ya Asuamu, kwĩanana na ala matalilwe moo maĩ ngili mĩongo thanthatũ na inya na maana ana.</verse>
				<verse number="44">Ana ma Aseli kũatĩĩa mĩvĩa yoo nĩ aa: ma Imina, mũvĩa wa Aimina; ma Isiva, mũvĩa wa Aisiva; ma Mbelia, mũvĩa wa Ambelia,</verse>
				<verse number="45">Ma ana ma Mbelia nĩ aa: ma Eeveli, mũvĩa wa Aeeveli; ma Malikieli, mũvĩa wa Amalikieli.</verse>
				<verse number="46">Na syĩtwa ya mwĩĩtu wa Aseli eetawa Selaa.</verse>
				<verse number="47">Ĩsu nĩyo mĩvĩa ya ana ma Aseli kwĩanana na ala matalilwe moo, ngili mĩongo ĩtano na itatũ na maana ana.</verse>
				<verse number="48">Ana ma Navitali kũatĩĩa mĩvĩa yoo nĩ aa: ma Yaseeli, mũvĩa wa Ayaseeli; ma Nguni, mũvĩa wa Anguni;</verse>
				<verse number="49">ma Yeseli, mũvĩa wa Ayeseli; ma Silemu, mũvĩa wa Asilemu.</verse>
				<verse number="50">Ĩsu nĩyo mĩvĩa ya Navitali kwĩanana na mĩvĩa yoo; na ala matalilwe moo maĩ ngili mĩongo ĩna na itano na maana ana.</verse>
				<verse number="51">Asu nĩo ala matalilwe ma ana ma Isilaeli, ngili maana thanthatũ na ĩmwe na maana mũonza na mĩongo ĩtatũ.</verse>
				<verse number="52">Na Yeova aneena na Mose, akĩmwĩa,</verse>
				<verse number="53">Andũ asu makaaanw’a nthĩ ĩno yĩthĩwe ũtiĩwa woo kwĩanana na ũtalo wa masyĩtwa moo.</verse>
				<verse number="54">Ala aingĩ ũkamanenge ũtiĩwa mwingĩ, na ala anini ũkamanenge ũtiĩwa mũnini: kĩla ũmwe akanengwe ũtiĩwa wake kwĩanana na ũndũ ũtalo wa andũ make wĩana.</verse>
				<verse number="55">Ĩndĩ nthĩ ĩkaaanw’a kwa kũlimana: kwĩanana na masyĩtwa ma mbaĩ sya aaĩthe moo makoosa ũtiĩwa woo.</verse>
				<verse number="56">O ũndũ kũlimana kũilyĩ nĩw’o ũtiĩwa woo ũkaaanw’a katĩ wa ala aingĩ na ala anini.</verse>
				<verse number="57">Na aa nĩo ala matalilwe ma Alivai kũatĩĩa mĩvĩa yoo; ma Ngelisoni, mũvĩa wa Angelisoni; ma Koathi, mũvĩa wa Akoathi; ma Melali, mũvĩa wa Amelali.</verse>
				<verse number="58">Ĩno nĩyo mĩvĩa ya Livai: mũvĩa wa Alivini, na mũvĩa wa Aeviloni, na mũvĩa wa Amali, na mũvĩa wa Amusi, na mũvĩa wa Akola. Na Koathi asyaa Amilamu.</verse>
				<verse number="59">Na syĩtwa ya mũka wa Amilamu eetawa Yokeveti, mwĩĩtu wa Livai, ũla wasyaĩwe Livai ku Misili: nake amũsyaĩa Amilamu, Aluni na Mose, na Miliamu mwĩĩtu‐a‐ĩnyia woo.</verse>
				<verse number="60">Na Aluni asyaa Natavu na Aviu na Eleasali na Ithamali.</verse>
				<verse number="61">Na Natavu na Aviu makw’a, yĩla maumĩsye Yeova mwaki ũte wa vo.</verse>
				<verse number="62">Na ala matalilwe moo maĩ ngili mĩongo ĩlĩ na itatũ, kĩla mũndũ mũũme o na tũvĩsĩ tũla tũvikĩtye mwei ũmwe na mbee: nũndũ matyaatalanĩlw’a vamwe na ana ma Isilaeli, nũndũ matyaanengwa ũtiĩwa ananĩ ma Isilaeli.</verse>
				<verse number="63">Asu nĩo ala matalilwe nĩ Mose na mũthembi Eleasali, ala matalile ana ma Isilaeli ndiĩnĩ sya Moavi, vakuvi na Yolotani ku Yeliko.</verse>
				<verse number="64">Ĩndĩ andũnĩ asu kũtyaĩ mũndũ ũmwe woo ũla watalilwe nĩ Mose na mũthembi Aluni, ala matalile ana ma Isilaeli weũnĩ wa Sinai.</verse>
				<verse number="65">Nũndũ Yeova nĩwaĩtye ũndũ woo, Vate ndĩi makakw’ĩa weũnĩ. Na vaiaatiwa mũndũ o na ũmwe woo, keka Kalevu mwana wa Yevune, na Yosua mwana wa Nuni.</verse>
			</chapter>
			<chapter number="27">
				<verse number="1">Nĩvo ĩndĩ eĩtu mookie ma Nzeloveati, mwana wa Eevieli, mwana wa Ngileati, mwana wa Makili, mwana wa Manase, ma mĩvĩa ya Manase mwana wa Yosevu; na aa nĩo masyĩtwa ma eĩtu make: Maala, na Noa, na Okila, na Milika, na Tilisa.</verse>
				<verse number="2">Na maũngama mbee wa Mose, na mbee wa mũthembi Eleasali, na mbee wa anene na ũmbano w’onthe, mũomonĩ wa ĩeema ya kũmbanĩa, makyasya,</verse>
				<verse number="3">Ĩthe waitũ nĩwakw’ĩĩe weũnĩ, na ndaĩ nguthunĩ ya ala mamũmbanĩe Yeova nguthunĩ ya Kola; ĩndĩ akw’ĩa naĩnĩ yake mwene; na ndaĩ na ana aũme.</verse>
				<verse number="4">Syĩtwa ya ĩthe waitũ yaĩlwe kũvetwa mũvĩanĩ wake nĩkĩ, nĩkwĩthĩwa ndaĩ na mwana? Tunengei ithyĩ ng’ũndũ katĩ wa ana‐a‐ĩthe ma ĩthe waitũ.</verse>
				<verse number="5">Na Mose amũtwaĩa Yeova ũvoo woo.</verse>
				<verse number="6">Na Yeova aneena na Mose, akĩmwĩa,</verse>
				<verse number="7">Eĩtu ma Nzeloveati nĩmeũneena w’o: ndũtĩa ũmanenga kĩlungu kya ũtiĩwa katĩ wa ana‐a‐ĩthe ma ĩthe woo; na nue wĩtuma mosa ũtiĩwa wa ĩthe woo.</verse>
				<verse number="8">Na ũkaneene na ana ma Isilaeli, ũkĩmea, Mũndũ akw’a ate na mwana mũndũ mũũme, nĩvo ĩndĩ mũkanenga mwĩĩtu wake ũtiĩwa wake.</verse>
				<verse number="9">Na ethĩwa nde na mwĩĩtu, mũkanenge ana‐a‐ĩthe make ũtiĩwa wake.</verse>
				<verse number="10">Na ethĩwa nde na ana‐a‐ĩthe, mũkanenge endw’a‐ĩthe ũtiĩwa wake.</verse>
				<verse number="11">Na ethĩwa nde na endw’a‐ĩthe, nĩvo ĩndĩ mũkanenga mũndũ wa mbaĩ yake ũla wĩ vakuvĩ nake mũvĩanĩ wake ũtiĩwa wake, nake akawosa wĩthĩwe wake: na ũsu ũkeethĩwa mwamũlo na ũtw’ĩo kwa ana ma Isilaeli, o tondũ Yeova wamwĩaĩe Mose.</verse>
				<verse number="12">Na Yeova amwĩa Mose, Ũkĩla wambate kĩĩmanĩ kĩĩ kya Avalimu, ũsisye nthĩ ĩla nĩnengete ana ma Isilaeli.</verse>
				<verse number="13">Na wamyona, naku ũkoombanw’a vamwe na andũ maku, o tondũ Aluni mwana‐a‐mwenyu wombaniwe;</verse>
				<verse number="14">nũndũ nĩmwang’endeie ndeto yakwa weũnĩ wa Nzini, yĩla ũmbano waĩ na ngananĩo, mũtekwonan’ya atĩ nyie nĩ mũtheu mene vau manzini. (Manzĩ asu nĩmo manzĩ ma Meliva ku Katesi, weũnĩ wa Nzini.)</verse>
				<verse number="15">Na Mose aneena na Yeova, akĩmwĩa,</verse>
				<verse number="16">Yeova, Ngai wa maveva ma mĩĩ yonthe, naie mũndũ ethĩwe mũnene wa ũmbano ũũ,</verse>
				<verse number="17">ũla ũtonya kumaalaa mene, na ũla ũtonya kũsyokaa nthĩnĩ mene, na ũla ũtonya kũmatongoeasya maumaale, na ũla ũtonya kũmatũngaa nthĩnĩ; nĩ kana ũmbano wa Yeova ndũkethĩwe ta malondu mate mũĩthi.</verse>
				<verse number="18">Na Yeova amwĩa Mose, Osa Yosua mwana wa Nuni, mũndũ ũla wĩ na Veva, na mwilĩĩle kw’oko kwaku;</verse>
				<verse number="19">na mwie mbee wa mũthembi Eleasali, na mbee wa ũmbano w’onthe; na mwĩaĩe mene.</verse>
				<verse number="20">Na ũkamũolela ndaĩa yaku, nĩ kana andũ onthe ma ũmbano wa ana ma Isilaeli mamwĩw’ae.</verse>
				<verse number="21">Nake akaũngama mbee wa mũthembi Eleasali, ũla ũkamũkũlĩlasya vala ve Yeova na sila wa Ulimu: kwondũ wa ndeto yake makaumaalaa, na kwondũ wa ndeto yake makasyokaa nthĩnĩ, we, na ana onthe ma Isilaeli vamwe nake, o ũmbano w’onthe.</verse>
				<verse number="22">Na Mose eeka o tondũ Yeova wamwĩaĩe; na amwosa Yosua, na amwia mbee wa mũthembi Eleasali, na mbee wa ũmbano w’onthe:</verse>
				<verse number="23">na amwilĩĩla moko make, na amwĩaĩa, o tondũ Yeova waneenie na kanyw’a wa Mose.</verse>
			</chapter>
			<chapter number="28">
				<verse number="1">Na Yeova aneena na Mose, akĩmwĩa,</verse>
				<verse number="2">Ĩaĩe ana ma Isilaeli, ũmatavye, Nthembo yakwa, lĩu wakwa wa nthembo syakwa ila ivĩvaw’a na mwaki, ila syĩ mũuke mũseo kwakwa, mũkasũvĩe kũnthembea ĩvinda yĩla yasyo.</verse>
				<verse number="3">Na ũkamea, Ĩno nĩyo nthembo ĩvĩvaw’a na mwaki ĩla mũkamũthembeaa Yeova: tutũlũme twa mwaka ũmwe tũte kĩema, twilĩ kĩla mũthenya, twĩthĩwe nthembo ya kũvĩvw’a ĩtatw’ĩkanaa.</verse>
				<verse number="4">Katũlũme kamwe ũkathembe kĩoko, na katũlũme kangĩ ũkathembe wĩoo;</verse>
				<verse number="5">vamwe na kĩlungu kya ĩkũmi kya eva ya mũtu mũvinyu wĩthĩwe nthembo ya mũtu, ũvulanĩtw’e na kĩlungu kya kana kya ini ya mauta makime.</verse>
				<verse number="6">Nĩ nthembo ya kũvĩvw’a ĩtatw’ĩkanaa, ĩla yatw’ĩĩwe kĩĩmanĩ kya Sinai yĩthĩwe yĩ mũuke mũseo, nthembo ĩla ĩvĩvĩaw’a Yeova na mwaki.</verse>
				<verse number="7">Na nthembo ya kũnyuwa ya kũthembanĩsya nayo ĩkeethĩwa kĩlungu kya kana kya ini kwondũ wa katũlũme kamwe: nthĩnĩ wa vala vandũ vatheu ũkamwĩtĩe Yeova nthembo ya kũnyuwa ya mbinyu mbĩu.</verse>
				<verse number="8">Na katũlũme kala kangĩ ũkathembe wĩoo: o tondũ nthembo ya mũtu ya kĩoko, na nthembo ya kũnyuwa ya kũthembanĩsya nayo syathembiwe, ũkakathembe o ta ũu, nthembo ĩvĩvaw’a na mwaki, yĩ mũuke mũseo kwa Yeova.</verse>
				<verse number="9">Na mũthenya wa savato ũkathembe tũtũlũme twĩlĩ twa mwaka ũmwe tũte kĩema, vamwe na ilungu ilĩ sya eva ya mũtu mũvinyu ũvulanĩtw’e na mauta, wĩthĩwe nthembo ya mũtu, na nthembo ya kũnyuwa ya kũthembanĩsya nayo:</verse>
				<verse number="10">ĩsu nĩyo nthembo ya kũvĩvw’a ya kĩla savato, o vamwe na nthembo ya kũvĩvw’a ĩtatw’ĩkanaa, na nthembo ya kũnyuwa ya kũthembanĩsya nayo.</verse>
				<verse number="11">Na myambĩlĩlyo ya myei yenyu mũkathembee Yeova nthembo ya kũvĩvw’a: tũsalũ twĩlĩ, na ndũũme ĩmwe, na tũtũlũme mũonza twa mwaka ũmwe tũte kĩema;</verse>
				<verse number="12">na ilungu itatũ sya ĩkũmi sya eva ya mũtu mũvinyu ũvulanĩtw’e na mauta, wĩthĩwe nthembo ya mũtu kwondũ wa kĩla kasalũ; na ilungu ilĩ sya mũtu mũvinyu ũvulanĩtw’e na mauta, wĩthĩwe nthembo ya mũtu kwondũ wa ĩla ndũũme;</verse>
				<verse number="13">na kĩlungu kya ĩkũmi kya mũtu mũvinyu ũvulanĩtw’e na mauta, wĩthĩwe nthembo ya mũtu kwondũ wa kĩla katũlũme; syĩthĩwe nthembo ya kũvĩvw’a yĩ mũuke mũseo, nthembo ĩvĩvĩaw’a Yeova na mwaki.</verse>
				<verse number="14">Na nthembo sya kũnyuwa sya kũthembanĩsya nasyo ikeethĩwa nyunzu ya ini ya mbinyu kwondũ wa kĩla kasalũ, na kĩlungu kya katatũ kya ini kwondũ wa ĩla ndũũme, na kĩlungu kya kana kya ini kwondũ wa kĩla katũlũme: ĩsu nĩyo nthembo ya kũvĩvw’a ya kĩla mwei, myei yonthe ya mwaka.</verse>
				<verse number="15">Na nthenge ĩmwe ĩkathembewe. Yeova yĩthĩwe nthembo kwondũ wa naĩ; nayo ĩkathembwa vamwe na nthembo ya kũvĩvw’a ĩtatw’ĩkanaa, na nthembo ya kũnyuwa ya kũthembanĩsya nayo.</verse>
				<verse number="16">Na mwei wa mbee, mũthenya wa ĩkũmi na ĩna wa mwei, nĩ vasaka wa Yeova.</verse>
				<verse number="17">Na mũthenya wa ĩkũmi na ĩtano wa mwei ũsu ũkeethĩwa wa mboka: kĩmũtũ kĩte ĩlawa kĩkaĩwe mĩthenya mũonza.</verse>
				<verse number="18">Mũthenya wa mbee kũkeethĩwa ũmbano mũtheu: mũikatethye wĩa o na wĩva w’onthe;</verse>
				<verse number="19">ĩndĩ mũkathembe nthembo ĩvĩvaw’a na mwaki, nthembo ya kũvĩvĩw’a Yeova: tũsalũ twĩlĩ, na ndũũme ĩmwe, na tũtũlũme mũonza twa mwaka ũmwe; ikethĩwe ite kĩema kwenyu;</verse>
				<verse number="20">na nthembo ya mũtu ya kũthembanĩsya nasyo, mũtu mũvinyu ũvulanĩtw’e na mauta: ilungu itatũ sya ĩkũmi mũkathembe kwondũ wa kĩla kasalũ, na ilungu ĩli sya ĩkũmi kwondũ wa ĩla ndũũme;</verse>
				<verse number="21">kĩlungu kya ĩkũmi ũkathembe kwondũ wa kĩla katũlũme ka tũla tũtũlũme mũonza;</verse>
				<verse number="22">na nthenge ĩmwe yĩthĩwe nthembo kwondũ wa naĩ, ya kwĩw’anĩthw’a kwenyu.</verse>
				<verse number="23">Mũkathembe isu o vamwe na nthembo ya kũvĩvw’a ya kĩoko, nayo nĩ nthembo ya kũvĩvw’a ĩtatw’ĩkanaa.</verse>
				<verse number="24">Ũu nĩw’o mwĩthemba kĩla mũthenya, ĩvinda ya mĩthenya mũonza, lĩu wa nthembo ĩvĩvaw’a na mwaki, yĩ mũuke mũseo kwa Yeova: ĩkathembwa vamwe na nthembo ya kũvĩvw’a ĩtatw’ikanaa, na nthembo ya kũnyuwa ya kũthembanĩsya nayo.</verse>
				<verse number="25">Na mũthenya wa mũonza mũkeethĩwa na ũmbano mũtheu; mũtikatethye wĩa o na wĩva w’onthe.</verse>
				<verse number="26">Na ĩngĩ mũthenya wa mosyao ma mbee, yĩla mwĩmũthembea Yeova nthembo ya mũtu mweũ mbokanĩ yenyu ya syumwa, mũkeethĩwa na ũmbano mũtheu; mũtikatethye wĩa o na wĩva w’onthe;</verse>
				<verse number="27">ĩndĩ mũkathembe nthembo ya kũvĩvw’a yĩthĩwe yĩ mũuke mũseo kwa Yeova: tũsalũ twĩlĩ, na ndũũme ĩmwe, na tũtũlũme mũonza twa mwaka ũmwe;</verse>
				<verse number="28">na nthembo ya mũtu ya kũthembanĩsya nasyo, mũtu mũvinyu ũvulanĩtw’e na mauta, ilungu itatũ sya ĩkũmi kwondũ wa kĩla kasalũ, na ilungu ilĩ sya ĩkũmi kwondũ wa ĩla ndũũme ĩmwe,</verse>
				<verse number="29">na kĩlungu kya ĩkũmi kwondũ wa kĩla katũlũme ka tũla tũtũlũme mũonza;</verse>
				<verse number="30">na nthenge ĩmwe yĩthĩwe nthembo ya kwĩw’anĩthw’a kwenyu.</verse>
				<verse number="31">O vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, mũkaithembe na nthembo sya kũnyuwa sya kũthembanĩsya nasyo (ikethĩwe ite kĩema kwenyu).</verse>
			</chapter>
			<chapter number="29">
				<verse number="1">Na mwei wa mũonza, mũthenya wa mbee wa mwei, mũkeethĩwa na ũmbano mũtheu; mũtikatethye wĩa o na wĩva w’onthe: kwenyu nĩ mũthenya wa kũvuva masoo.</verse>
				<verse number="2">Na mũkathembe nthembo ya kũvĩvw’a yĩthĩwe yĩ mũuke mũseo kwa Yeova: kasalũ kamwe, na ndũũme ĩmwe, na tũtũlũme mũonza twa mwaka ũmwe tũte kĩema;</verse>
				<verse number="3">na nthembo ya mũtu ya kũthembanĩsya nasyo, mũtu mũvinyu ũvulanĩtw’e na mauta, ilungu itatũ sya ĩkũmi kwondũ wa kala kasalũ, na ilungu ilĩ sya ĩkũmi kwondũ wa ĩla ndũũme,</verse>
				<verse number="4">na kĩlungu kĩmwe kya ĩkũmi kwondũ wa kĩla katũlũme ka tũla tũtũlũme mũonza;</verse>
				<verse number="5">na nthenge ĩmwe yĩthĩwe nthembo kwondũ wa naĩ, ya kwĩw’anĩthw’a kwenyu;</verse>
				<verse number="6">o vamwe na nthembo ya kũvĩvw’a ya mũtiso wa mwei, na nthembo ya mũtu ya kũthembanĩsya nayo, na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo sya kũnyuwa sya kũthembanĩsya nasyo, kwĩanana na ũtw’ĩo wasyo syĩthĩwe mũuke mũseo, nthembo ĩvĩvĩaw’a Yeova na mwaki.</verse>
				<verse number="7">Na mũthenya wa ĩkũmi wa mwei ũsu wa mũonza mũkeethĩwa na ũmbano mũtheu; na mwĩĩthĩn’ye ngoo syenyu: mũtikatethye wĩa o na wĩva;</verse>
				<verse number="8">ĩndĩ mũkamũthembee Yeova nthembo ya kũvĩvw’a yĩthĩwe yĩ mũuke mũseo: kasalũ kamwe, na ndũũme ĩmwe, na tũtũlũme mũonza twa mwaka ũmwe; ikethĩwe kwenyu ite kĩema;</verse>
				<verse number="9">na nthembo ya mũtu ya kũthembanĩsya nasyo, mũtu mũvinyu ũvulanĩtw’e na mauta, ilungu itatũ sya ĩkũmi kwondũ wa kala kasalũ, na ilungu ilĩ sya ĩkũmi kwondũ wa ĩla ndũũme,</verse>
				<verse number="10">na kĩlungu kya ĩkũmi kwondũ wa kĩla katũlũme ka tũla tũtũlũme mũonza:</verse>
				<verse number="11">na nthenge ĩmwe yĩthĩwe nthembo kwondũ wa naĩ; o vamwe na nthembo kwondũ wa naĩ ya kwĩw’anĩthya, na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo sya kũnyuwa sya kũthembanĩsya nasyo.</verse>
				<verse number="12">Na mũthenya wa ĩkũmi na ĩtano wa mwei wa mũonza mũkeethĩwa na ũmbano mũtheu; mũtikatethye wĩa o na wĩva w’onthe, na mũkeethĩwa na mboka mĩthenya mũonza kwondũ wa Yeova:</verse>
				<verse number="13">na mũkathembe nthembo ya kũvĩvw’a, nthembo ĩvĩvaw’a na mwaki, yĩ mũuke mũseo kwa Yeova; tũsalũ ĩkũmi na tũtatũ, na ndũũme ilĩ, na tũtũlũme ĩkũmi na tũna twa mwaka ũmwe; nasyo ikethĩwe ite kĩema;</verse>
				<verse number="14">na nthembo ya mũtu ya kũthembanĩsya nasyo, mũtu mũvinyu ũvulanĩtw’e na mauta, ilungu itatũ sya ĩkũmi kwondũ wa kĩla kasalũ ka tũla tũsalũ ĩkũmi na tũtatũ, na ilungu ilĩ sya ĩkũmi kwondũ wa kĩla ndũũme ya ila ndũũme ilĩ,</verse>
				<verse number="15">na kĩlungu kya ĩkũmi kwondũ wa kĩla katũlũme ka tũla tũtũlũme ĩkũmi na tũna;</verse>
				<verse number="16">na nthenge ĩmwe yĩthĩwe nthembo kwondũ wa naĩ; o vamwe na ĩla nthembo ya kũvivw’a ĩtatw’ĩkanaa, na nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="17">Na mũthenya wa kelĩ mũkathembe tũsalũ ĩkũmi na twĩlĩ, na ndũũme ilĩ, na tũtũlũme ĩkũmi na tũna twa mwaka ũmwe tũte kĩema:</verse>
				<verse number="18">na nthembo ya mũtu ya kũthembanĩsya nasyo na nthembo sya kũnyuwa sya kũthembanĩsya nasyo kwondũ wa tũsalũ tũu, na kwondũ wa ndũũme ĩsu, na kwondũ wa tũtũlũme tũu, kwĩanana na ũtalo wasyo, kũatĩĩa ũla ũtw’ĩo;</verse>
				<verse number="19">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo sya kũnyuwa sya kũthembanĩsya nasyo.</verse>
				<verse number="20">Na mũthenya wa katatũ mũkathembe tũsalũ ĩkũmi na kamwe, na ndũũme ilĩ, na tũtũlũme ĩkũmi na tũna twa mwaka ũmwe tũte kĩema;</verse>
				<verse number="21">na nthembo ya mũtu na nthembo sya kũnyuwa sya kũthembanĩsya nasyo kwondũ wa tũsalũ tũu, na kwondũ wa ndũũme isu, na kwondũ wa tũtũlũme tũu, kwĩanana na ũtalo wasyo, kũatĩĩa ũla ũtw’ĩo;</verse>
				<verse number="22">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="23">Na mũthenya wa kana mũkathembe tũsalũ ĩkũmi, na ndũũme ilĩ, na tũtũlũme ĩkũmi na tũna twa mwaka ũmwe tũte kĩema;</verse>
				<verse number="24">na nthembo ya mũtu na nthembo sya kũnyuwa sya kũthembanĩsya nasyo kwondũ wa tũsalũ tũu, na kwondũ wa ndũũme isu, na kwondũ wa tũtũlũme tũu, kwĩanana na ũtalo wasyo, kũatĩĩa ũla ũtw’ĩo;</verse>
				<verse number="25">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="26">Na mũthenya wa katano mũkathembe tũsalũ kenda, na ndũũme ilĩ, na tũtũlũme ĩkũmi na tũna twa mwaka ũmwe tũte kĩema;</verse>
				<verse number="27">na nthembo ya mũtu na nthembo sya kũnyuwa sya kũthembanĩsya nasyo kwondũ wa tũsalũ tũũ, na kwondũ wa ndũũme isu, na kwondũ wa tũtũlũme tũu, kwĩanana na ũtalo wasyo, kũatĩĩa ũla ũtw’ĩo;</verse>
				<verse number="28">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="29">Na mũthenya wa thanthatũ mũkathembe tũsalũ nyanya, na ndũũme ilĩ, na tũtũlũme ĩkũmi na tũna twa mwaka ũmwe tũte kĩema;</verse>
				<verse number="30">na nthembo ya mũtu na nthembo sya kũnyuwa sya kũthembanĩsya nasyo kwondũ wa tũsalũ tũu, na kwondũ wa ndũũme isu, na kwondũ wa tũtũlũme tũu, kwĩanana na ũtalo wasyo, kũatĩĩa ũla ũtw’ĩo;</verse>
				<verse number="31">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo sya kũnyuwa sya kũthembanĩsya nayo.</verse>
				<verse number="32">Na mũthenya wa mũonza mũkathembe tũsalũ mũonza, na ndũũme ilĩ, na tũtũlũme ĩkũmi na tũna twa mwaka ũmwe tũte kĩema;</verse>
				<verse number="33">na nthembo ya mũtu na nthembo sya kũnyuwa kwondũ wa tũsalũ tũu, na kwondũ wa ndũũme isu, na kwondũ wa tũtũlũme tũu, kwĩanana na ũtalo wasyo, kũatĩĩa ũla ũtw’ĩo;</verse>
				<verse number="34">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="35">Mũthenya wa nyanya mũkeethĩwa na ũmbano ũkilĩtye: mũtikatethye wĩa o na wĩva w’onthe;</verse>
				<verse number="36">ĩndĩ mũkathembe nthembo ya kũvĩvw’a, nthembo ĩvĩvaw’a na mwaki, yĩ mũuke mũseo kwa Yeova: kasalũ kamwe ka mũew’a, na ndũũme ĩmwe, na tũtũlũme mũonza twa mwaka ũmwe tũte kĩema;</verse>
				<verse number="37">na nthembo ya mũtu ya kũthembanĩsya nasyo na nthembo sya kũnyuwa sya kũthembanĩsya nasyo kwondũ wa kasalũ kau, na kwondũ wa ĩla ndũũme, na kwondũ wa tũtũlũme tũu, syĩthĩwe kwĩanana na ũtalo wasyo, kũatĩĩa ũla ũtw’ĩo:</verse>
				<verse number="38">na nthenge ĩmwe yĩthĩwe nthembo kwondũ wa naĩ; o vamwe na nthembo ya kũvĩvw’a ĩtatw’ĩkanaa, na nthembo ya mũtu ya kũthembanĩsya nayo, na nthembo ya kũnyuwa ya kũthembanĩsya nayo.</verse>
				<verse number="39">Isu mũkathembee Yeova ĩvinda ya mboka syenyu ila itw’ĩtwe, o vamwe na mawĩvĩto menyu, na nthembo syenyu ila mumasya na ngoo ya kwenda, syĩthĩwe nthembo syenyu sya kũvĩvw’a, na nthembo syenyu sya mũtu, na nthembo syenyu sya kũnyuwa, na nthembo syenyu sya mũuo.</verse>
				<verse number="40">Na Mose amatavya ana ma Isilaeli kwĩanana na w’onthe ũla Yeova wamwĩaĩe Mose.</verse>
			</chapter>
			<chapter number="30">
				<verse number="1">Na Mose aneena na atongoi ma mbaĩ sya ana ma Isilaeli, akĩmea, Ũũ nĩw’o Yeova weaie.</verse>
				<verse number="2">Yĩla mũndũ mũũme ũkevĩtĩa Yeova wĩvĩto kana kwĩyĩava wĩavo wa kwova ngoo yake na wovo, ndakaeke ndeto yake; akeke kwĩanana na w’onthe ũla wumaa kanyw’anĩ wake.</verse>
				<verse number="3">Na ĩngĩ yĩla mũndũ mũka ũkevĩtĩa Yeova wĩvĩto, na kwĩyova na wovo, e nyũmbanĩ ya ĩthe wake, wĩĩtunĩ wake,</verse>
				<verse number="4">na ĩthe wake akĩw’a wĩvĩto wake, na kwĩyova kwake kũla wĩyovete ngoo yake nakw’o, na ĩthe wake akamũvindĩsya; nĩvo ĩndĩ mawĩvĩto make onthe makekala, na kĩla wovo ũla wĩyovethetye ngoo yake naw’o ũkekala.</verse>
				<verse number="5">Ĩndĩ ethĩwa ĩthe wake akamũvata mũthenya o ũla wĩĩw’a, mawĩvĩto make o na ũmwe, kana mawovo make o na ũmwe, ala wĩyovethetye ngoo yake namo, matikekala: na Yeova akamũekea, nũndũ ĩthe wake nĩwamũvatie.</verse>
				<verse number="6">Na ethĩwa nake nĩ mũtwae, yĩla wĩ na mawĩvĩto make, kana ndeto sya ilomo syake ila ũneenete ateũsũanĩa, ila wĩyovethetye ngoo yake nasyo,</verse>
				<verse number="7">na mũũme akawĩw’a, na kũmũvindĩsya mũthenya ũla wĩĩw’a; nĩvo ĩndĩ mawĩvĩto make makekala, na mawovo make ala wĩyovethetye ngoo yake namo makekala.</verse>
				<verse number="8">Ĩndĩ ethĩwa mũũme akamũvata mũthenya o ũla wĩĩw’a, nĩvo ĩndĩ ũkatw’ĩkĩthya wĩvĩto wake ũla wĩ naw’o wĩthĩwe wa mana, na ndeto syake ila ũneenete na ilomo syake ateũsũanĩa, ila wĩyovethetye ngoo yake nasyo: na Yeova akamũekea.</verse>
				<verse number="9">Ĩndĩ wĩvĩto wa mũndũ mũka ndiwa, kana wa ũla ũtaanĩsye na mũũme, o kĩla ũndũ ũla weyovethisye ngoo yake naw’o, ũkekala.</verse>
				<verse number="10">Na ethĩwa nĩmevĩtĩie e kwa mũũme, kana nĩweyovethisye ngoo yake na wovo wa wĩvĩto,</verse>
				<verse number="11">na mũũme awĩw’a, na amũvindĩsya, na ndaamũvata; nĩvo ĩndĩ mawĩvĩto make onthe makekala, na kĩla wovo ũla wĩyovethetye ngoo yake naw’o ũkekala.</verse>
				<verse number="12">Ĩndĩ ethĩwa mũũme wake nĩwamatw’ĩkĩthisye ma mana vyũ mũthenya o ũsu ũla wamewie, nĩvo ĩndĩ ũndũ o na wĩva w’onthe ũla wumĩte ilomonĩ syake ũndũ wa mawĩvĩto make, kana ũndũ wa wĩyovethyo wa ngoo yake, ũteĩkala; mũũme wake nũmatw’ĩkĩthĩtye ma mana; na Yeova akamũekea.</verse>
				<verse number="13">Kĩla wĩvĩto, na kĩla wĩavo wa kwĩyovethya wa kũthĩn’ya ngoo, mũũme wake nũtonya kũwũlũmya, kana mũũme wake nũtonya kũwũtw’ĩkĩthya wa mana.</verse>
				<verse number="14">Ĩndĩ ethĩwa mũũme wake akamũvindĩsya ki mĩthenya yonthe, nĩvo ĩndĩ ũnũũlũlũmĩlya mawĩvĩto make onthe, kana mawĩyovethyo make onthe ala wĩ namo: nũmalũlũmĩlye nũndũ nĩwamũvindĩsye mũthenya ũla wamewie.</verse>
				<verse number="15">Ĩndĩ ethĩwa akamatw’ĩkĩthya ma mana vyũ ĩtina wa kũmew’a, nĩvo ĩndĩ wĩkua ũthũku wa mũka.</verse>
				<verse number="16">Asu nĩmo myamũlo, ala Yeova wamwĩaĩe Mose, katĩ wa mũndũ na mũka, na katĩ wa ĩthe na mwĩĩtu wake, e wĩĩtunĩ wake, kwa ĩthe wake.</verse>
			</chapter>
			<chapter number="31">
				<verse number="1">Na Yeova aneena na Mose, akĩmwĩa,</verse>
				<verse number="2">Ĩvanĩsya ana ma Isilaeli kwa Amitiani: ĩtina ũkoombanw’a vamwe na andũ maku.</verse>
				<verse number="3">Na Mose aneena na andũ, akĩmea, Mekĩei andũ ala mwĩumya katĩ wenyu mĩio ya kaũ, nĩ kana mathi kũkita na Amitiani, meanĩsye ũĩvanĩsyo wa Yeova ĩũlũ wa Mitiani.</verse>
				<verse number="4">Mũkatwae kaũnĩ andũ ngili ya kĩla mbaĩ, nthĩnĩ wa mbaĩ syonthe sya Isilaeli.</verse>
				<verse number="5">Kwondũ wa ũu nĩkwaumw’a nthĩnĩ wa ngili sya Isilaeli, ngili ĩmwe ya kĩla mbaĩ, andũ ngili ĩkũmi na ilĩ ila syĩkĩĩtwe mĩio ya kaũ.</verse>
				<verse number="6">Na Mose amatũma, ngili ĩmwe ya kĩla mbaĩ, mo na Vineasi mwana wa mũthembi Eleasali, maende kaũnĩ, e na mĩio ya vala vandũ vatheu na masoo me wasya wa kũtĩsya kw’okonĩ kwake.</verse>
				<verse number="7">Na mokita na Mitiani, o tondũ Yeova wamwĩaĩe Mose; na mooaa aũme onthe.</verse>
				<verse number="8">Na mooaa asumbi ma Mitiani vamwe na ala angĩ oae: nao nĩ Evi, na Lekemu, na Nzuli, na Uulu, na Leva, asumbĩ atano ma Mitiani: o na Mbalaamu mwana wa Mbeoli mamũaa na ũvyũ.</verse>
				<verse number="9">Na ana ma Isilaeli matava aka ma Mitiani na syana syoo nini; na ng’ombe syoo syonthe, na ndĩthya syoo syonthe sya mbũi na malondu, na syĩndũ syoo syonthe, matava mũtavo.</verse>
				<verse number="10">Na ndũa syoo syonthe kũndũ kũla matũaa, na myako yoo yonthe ya maeema, mavĩvya na mwaki.</verse>
				<verse number="11">Nao mamakũũta syĩndũ syonthe, na matava mũtavo, wa mũndũ na wa nyamũ.</verse>
				<verse number="12">Na maete andũ ala atave, na syĩndũ ila makũũtanĩte, na syĩndũ ila matavĩte, vala ve Mose, na vala ve mũthembi Eleasali, na vala ve ũmbano wa ana ma Isilaeli, mwakonĩ wa maeema ndiĩnĩ sya Moavi ila syĩ vakuvĩ na Yolotani ku Yeliko.</verse>
				<verse number="13">Na Mose, na mũthembi Eleasali, na anene onthe ma ũmbano, maumaala mamathaũe ũtee wa mwako wa maeema.</verse>
				<verse number="14">Na Mose amathilĩkĩa anene ma ĩla nguthu, o makavuteni ma ngili ngili na makavuteni ma maana, ala maumie wĩanĩ wa kaũ.</verse>
				<verse number="15">Na Mose amakũlya, Nĩmwavonokisye aka onthe, mũkĩmaeka me thayũ?</verse>
				<verse number="16">Sisyai, asu nĩo mavĩtĩthisye ana ma Isilaeli, nũndũ wa ũtao wa Mbalaamu, mamũvĩtanĩsye Yeova ũvoonĩ wa Veoli, na kwondũ wa ũu mũimũ waĩ ũmbanonĩ wa Yeova.</verse>
				<verse number="17">Yu ĩndĩno ũaai kĩla kana ka kavĩsĩ, na ũaai kĩla mũndũ mũka ũla wamanyie mũndũ mũũme ũndũ wa ũkoma nake.</verse>
				<verse number="18">Ĩndĩ twana tw’onthe twa twĩlĩtu, tũla tũtaamanya mũndũ mũũme ũndũ wa ũkoma nake, tũekei twĩ thayũ twĩthĩwe twenyu.</verse>
				<verse number="19">Na ĩkalai ũtee wa mwako wa maeema mĩthenya mũonza: o ũla ũaĩte mũndũ o na wĩva, na o ũla ũkiitĩte mũndũ o na wĩva ũla ũaĩtwe, ĩthesyei mũthenya wa katatũ na mũthenya wa mũonza, inyw’ĩ na ala mũtavĩte.</verse>
				<verse number="20">Na ũndũ wa kĩla ngũa, na kyonthe kĩla kĩtumĩtwe kya mbũa, na kyonthe kĩla kĩtumĩtwe kya w’ĩa wa mbũi, na syĩndũ syonthe iseũvĩtw’e sya mĩtĩ, mũkaithesye inyw’ĩ.</verse>
				<verse number="21">Na mũthembi Eleasali amea andũ ma kaũ ala maendie kũkita, Ũu nĩw’o mwamũlo wa mwĩao ũla Yeova wamwĩaĩte Mose:</verse>
				<verse number="22">ĩndĩ thaavu, na vetha, na ũthuku, na kĩaa, na kĩaa kya ivava, na ĩvulũ,</verse>
				<verse number="23">kĩla kĩndũ kĩtonya kũmĩĩsya mwaki, mũkakĩvĩtĩlye mwakinĩ, na kĩkeethĩwa kĩ kĩtheu; ĩndĩ kĩkathew’a nĩ manzĩ ala ma ũthesya ũvuku: na kyonthe kĩla kĩtatonya kũmĩĩsya mwaki mũkakĩvĩtĩlye manzĩnĩ.</verse>
				<verse number="24">Na mũkathambye ngũa syenyu mũthenya wa mũonza, na mũkeethĩwa mwĩ atheu; na ĩtina mũkasyoka mwakonĩ wa maeema.</verse>
				<verse number="25">Na Yeova aneena na Mose, akĩmwĩa,</verse>
				<verse number="26">Tala ũtalo wa mũtavo ũla wataviwe, wa andũ na wa nyamũ, we, na mũthembi Eleasali, na atongoi ma nyũmba sya aaĩthe ma ũmbano;</verse>
				<verse number="27">na aan’ya mũtavo ilungu ilĩ: katĩ wa andũ ala oĩ kaũnĩ ala maendie kũkita, na ũmbano w’onthe.</verse>
				<verse number="28">Na mumĩsye Yeova mũvothi wa andũ ma kaũ ala maendie kũkita: thayũ ũmwe nthĩnĩ wa mathayũ maana atano, nthĩnĩ wa andũ, o na nthĩnĩ wa ng’ombe, na nthĩnĩ wa mang’oi, na nthĩnĩ wa ndĩthya sya mbũi na malondu:</verse>
				<verse number="29">osa nthĩnĩ wa nyunzu yoo na mũnenge mũthembi Eleasali, wĩthĩwe nthembo ya kũkĩlĩlw’a Yeova.</verse>
				<verse number="30">Na nthĩnĩ wa nyunzu ya ana ma Isilaeli, osa ũmwe nthĩnĩ wa kĩla mĩongo ĩtano, nthĩnĩ wa andũ, na nthĩnĩ wa ng’ombe, na nthĩnĩ wa mang’oi, na nthĩnĩ wa ndĩthya sya mbũi na malondu, o nthĩnĩ wa indo syonthe, na ũimanenga Alivai, ala masũvĩaa wĩaĩo wa wĩkalo wa Yeova.</verse>
				<verse number="31">Na Mose na mũthembi Eleasali meeka o tondũ Yeova wamwĩaĩe Mose.</verse>
				<verse number="32">Na ĩndĩ matialyo ala matialile, mũtavo wavetwa ũla wosiwe nĩ andũ ma kaũ, maĩ malondu ngili maana thanthatũ na mĩongo mũonza na atano,</verse>
				<verse number="33">na ng’ombe ngili mĩongo mũonza na ilĩ,</verse>
				<verse number="34">na mang’oi ngili mĩongo thanthatũ na ĩmwe,</verse>
				<verse number="35">na aka ngili mĩongo ĩtatũ na ilĩ ala mataamanya mũndũ mũũme ũndũ wa ũkoma nake.</verse>
				<verse number="36">Na nyunzu, ĩla yaĩ ya ala maendie kaũnĩ, ĩkĩtalwa yaĩ malondu ngili maana atatũ na mĩongo ĩtatũ na mũonza na maana atano:</verse>
				<verse number="37">na mũvothi wa Yeova wa malondu waĩ maana thanthatũ na mĩongo mũonza na atano.</verse>
				<verse number="38">Na ng’ombe syaĩ ngili mĩongo ĩtatũ na thanthatũ; na mũvothi wa Yeova wa isu waĩ mĩongo mũonza na ilĩ.</verse>
				<verse number="39">Na mang’oi maĩ ngili mĩongo ĩtatũ na maana atano; na mũvothi wa Yeova wamo waĩ mĩongo thanthatũ na yĩmwe.</verse>
				<verse number="40">Na andũ maĩ ngili ĩkũmi na thanthatũ; na mũvothi wa Yeova wa asu waĩ andũ mĩongo ĩtatũ na elĩ.</verse>
				<verse number="41">Na Mose anenga mũthembi Eleasali ũla mũvothi, ũla waĩ nthembo ya kũkĩlĩlw’a Yeova, o tondũ Yeova wamwĩaĩe Mose.</verse>
				<verse number="42">Na nthĩnĩ wa nyunzu ĩla yaĩ ya ana ma Isilaeli, ĩla Mose wavathanisye kumya andũnĩ ala maĩ kaũnĩ</verse>
				<verse number="43">(na ĩndĩ nyunzu ĩla yaĩ ya ũmbano yaĩ malondu ngili maana atatũ na mĩongo ĩtatũ na mũonza na maana atano,</verse>
				<verse number="44">na ng’ombe ngili mĩongo ĩtatũ na thanthatũ</verse>
				<verse number="45">na mang’oi ngili mĩongo ĩtatũ na maana atano,</verse>
				<verse number="46">na andũ ngili ĩkũmi na thanthatũ),</verse>
				<verse number="47">o nthĩnĩ wa nyunzu ĩsu ĩla yaĩ ya ana ma Isilaeli, Mose oosa ũmwe nthĩnĩ wa kĩla mĩongo ĩtano, wa andũ na wa nyamũ, na amanenga Alivai ala masũvĩaa wĩaĩo wa wĩkalo wa Yeova, o tondũ Yeova wamwĩaĩe Mose.</verse>
				<verse number="48">Na anene ma ngili sya ĩ nguthu, o makavuteni ma ngili ngili, na makavuteni ma maana, mamũthengeea Mose;</verse>
				<verse number="49">na mamwĩa Mose, Ithyĩ athũkũmi maku, nĩtũtalĩte andũ ma kaũ ala me ĩtheo waitũ, na vati mũndũ o na ũmwe waitũ ũte vaa.</verse>
				<verse number="50">Na nĩtwaete ũelo wa kũmũthembea Yeova, o syĩndũ ila kĩla mũndũ wonete, mĩio ya wanake ya thaavu, mĩnyoo ya maũũ, na itang’a, na ngome sya ũvana ũsiĩlo na ngome sya matũ, na mĩnyoo ya ngingo, syĩthĩwe sya kũtwĩw’anĩthya mathayũ maitũ na Yeova.</verse>
				<verse number="51">Na Mose na mũthembi Eleasali moosa thaavu woo, o mĩio yonthe ya wanake ya thaavu ĩla ĩseũvĩtwe nesa</verse>
				<verse number="52">Na thaavu w’onthe wa nthembo ya kũkĩlw’a ũla mamũthembee Yeova, ũla wa makavuteni ma ngili ngili na wa makavuteni ma maana, waĩ sekeli ngili ĩkũmi na thanthatũ na maana mũonza na mĩongo ĩtano.</verse>
				<verse number="53">(Nũndũ andũ ma kaũ maĩ manoosa mũtavo, kĩla mũndũ wake mwene.)</verse>
				<verse number="54">Na Mose na mũthembi Eleasali moosa thaavu wa makavuteni ma ngili ngili na ma maana, na mootwaa nthĩnĩ wa ĩeema ya kũmbanĩa, wĩthĩwe ũlilikan’yo kwondũ wa ana ma Isilaeli vu mbee wa Yeova.</verse>
			</chapter>
			<chapter number="32">
				<verse number="1">Na ĩndĩ ana ma Leuveni na ana ma Ngati maĩ na indo nyingĩ mũno; na yĩla moonie nthĩ ya Yaseli, na nthĩ ya Ngileati, kana, sisya, nĩ vandũ va kũĩthĩsya indo;</verse>
				<verse number="2">ana ma Ngati na ana ma Leuveni mooka na maneena na Mose, na mũthembi Eleasali, na anene ma ũmbano, makĩmea,</verse>
				<verse number="3">Atalothi, na Ndivoni, na Yaseli na Nimila, na Esivoni, na Eleale, na Sevamu, na Nevo, na Mbeoni,</verse>
				<verse number="4">nthĩ ĩla Yeova wakũnie ũmbano wa Isilaeli wene, nĩ nthĩ ya ũĩthĩsya indo; na ithyĩ athũkũmi maku twĩ na indo.</verse>
				<verse number="5">Na masya, Ethĩwa nĩtwonete ũseo methonĩ maku, nthĩ ĩno ĩnengwe ithyĩ athũkũmi maku yĩthĩwe ng’ũndũ yaitũ; ndũkatũingye Yolotani.</verse>
				<verse number="6">Na Mose amakũlya ana ma Ngati na ana ma Leuveni, Ana‐a‐ĩthe menyu makathi kaũnĩ, na inyw’ĩ mũkekala vaa?</verse>
				<verse number="7">Na nũndũ wa kĩ mũũtuma ana ma Isilaeli makw’a ngoo matikainge malike nthĩ ĩla Yeova ũmanengete?</verse>
				<verse number="8">Ũu nĩw’o aaĩthe menyu meekie, yĩla namatũmie kuma Katesi‐mbalinea mathi mathiane nthĩ.</verse>
				<verse number="9">Nũndũ yĩla maendie na malika kyandanĩ kya Esikoli, na moona nthĩ, matuma ngoo sya ana ma Isilaeli ikw’a, matikalike nthĩ ĩla Yeova ũmanengete.</verse>
				<verse number="10">Na ũthatu wa Yeova wakana mũthenya ũsu, na eevĩta, akyasya,</verse>
				<verse number="11">Nĩ w’o, vati mũndũ o na ũmwe ũla waumie Misili, ũla ũvikĩtye myaka mĩongo ĩlĩ na mbee, ũkona nthĩ ĩla namathie Avalaamu, na Isaka, na Yakovo; nũndũ matyaambikĩla ki:</verse>
				<verse number="12">ate o Kalevu mwana wa Yevune Mũkenisi, na Yosua mwana wa Nuni; nĩkwĩthĩwa nĩmamũvikĩlaa Yeova ki.</verse>
				<verse number="13">Na ũthatu wa Yeova wakanĩa Isilaeli, na atuma manganga kũũ na kũũ weũnĩ myaka mĩongo ĩna, kũvika nzyawa ĩsu yonthe yathela ĩla yeekie naĩ Yeova ene.</verse>
				<verse number="14">Na, sisyai, inyw’ĩ nĩmũkĩlĩte vandũ va aaĩthe menyu, wingĩvo wa andũ athe, o kwongelela ũthatu mwai wa Yeova kwa Isilaeli.</verse>
				<verse number="15">Nũndũ ethĩwa mũkeethyũũa na kũeka kũmũatĩĩa, akamatia ĩngĩ weũnĩ; na inyw’ĩ mũkaananga andũ aa onthe.</verse>
				<verse number="16">Na mamũthengeea, na mamwĩa, Tũkaaka syengo vaa ũndũ wa indo sitũ, na ndũa ũndũ wa syana sitũ nini:</verse>
				<verse number="17">ĩndĩ ithyĩ ene tũkeeyũmban’ya twĩ na mĩio ya kaũ kũmatongoesya ana ma Isilaeli, kũvika yĩla twĩmavikya vandũ voo: na syana sitũ nini ikekala ndũanĩ isu mbiie nũndũ wa andũ ala matwĩe nthĩ ĩsu.</verse>
				<verse number="18">Tũtikasyoka nyũmbanĩ sitũ, kũvika ana ma Isilaeli o kĩla mũndũ akeethĩwa akwatĩte ũtiĩwa wake.</verse>
				<verse number="19">Nũndũ tũtikosa ũtiĩwa vamwe namo mũingo ũla ũngĩ wa Yolotani, na vau mbee; nũndũ kwatw’ĩkie ũtiĩwa witũ wĩ mũingo ũũ wa Yolotani kwelekela wumĩlonĩ wa syũa.</verse>
				<verse number="20">Na Mose amea, Ethĩwa mũkeeka ũu, ethĩwa mũkeekĩa mĩio ya kaũ mũthi kaũnĩ mwenekee nĩ Yeova,</verse>
				<verse number="21">na kĩla mũndũ wenyu ũla wĩ na mĩio ya kaũ akainga Yolotani enekee nĩ Yeova, kũvika amina kũlũngya amaitha make mbee wake,</verse>
				<verse number="22">na nthĩ ĩsu ĩkakĩlw’a vinya Yeova ene; ĩtina wa ũu ĩndĩ mũkasyoka, na mũkeethĩwa mũte na ĩvĩtyo vala ve Yeova, kana vala ve Isilaeli; na nthĩ ĩno ĩkeethĩwa ng’ũndũ yenyu Yeova ene.</verse>
				<verse number="23">Ĩndĩ ethĩwa mũtikeka ũu, sisyai, nĩmwamũvĩtanĩsya Yeova; na manyai vate ndĩi naĩ syenyu ikamũkwata.</verse>
				<verse number="24">Akĩai syana syenyu nini ndũa, na malondũ menyu syengo; na ĩkai o tondũ mwaisye na makanyw’a menyu.</verse>
				<verse number="25">Na ana ma Ngati na ana ma Leuveni maneena na Mose, makĩmwĩa, Ithyĩ athũkũmi maku tũkeeka o tondũ mwĩaĩi wakwa ũtwĩaĩĩte.</verse>
				<verse number="26">Syana sitũ nini, na iveti sitũ, na ndĩthya sitũ sya mbũi na malondu, na indo sitũ syonthe, ikekala vo ndũanĩ sya Ngileati;</verse>
				<verse number="27">ĩndĩ ithyĩ athũkũmi maku tũkainga, kĩla mũndũ ũla wĩkĩĩte mĩio ya kaũ, enekee nĩ Yeova, aendete kaũnĩ, o tondũ mwĩaĩi wakwa ũneenete.</verse>
				<verse number="28">Kwondũ wa ũu Mose eeaĩa mũthembi Eleasali, na Yosua mwana wa Nuni, na atongoi ma nyũmba sya aaĩthe ma mbaĩ sya ana ma Isilaeli, ũndũ woo.</verse>
				<verse number="29">Na Mose amea, Ethĩwa ana ma Ngati na ana ma Leuveni makainga Yolotani vamwe nenyu, kĩla mũndũ ũla wĩkĩĩte mĩio ya kaũ, enekee nĩ Yeova, na nthĩ ĩkakĩlw’a vinya nĩ inyw’ĩ; nĩvo ĩndĩ mũkamanenga nthĩ ya Ngileati ĩthĩwe ng’ũndũ yoo:</verse>
				<verse number="30">ĩndĩ ethĩwa matikainga nenyu mekĩe mĩio ya kaũ, makeethĩwa na ng’ũndũ syoo katĩ wenyu nthĩ ya Kanaani.</verse>
				<verse number="31">Na ana ma Ngati na ana ma Leuveni masũngĩa, makyasya, O ũndũ Yeova wameie athũkũmi maku, tũkeeka o ũu.</verse>
				<verse number="32">Tũkainga twĩkĩĩte mĩio ya kaũ twenekee nĩ Yeova tũlike nthĩ ya Kanaani, na ng’ũndũ ya ũtiĩwa witũ ĩkeethĩwa mũingo wa Yolotani.</verse>
				<verse number="33">Na Mose amanenga, o ana asu ma Ngati, na ana ma Leuveni, na nyunzu ya mbaĩ ya Manase mwana wa Yosevu, ũsumbĩ wa Sioni mũsumbĩ wa Aamoli, na ũsumbĩ wa Oku mũsumbĩ wa Mbasani, nthĩ ĩsu, kwĩanana na ndũa syayo vamwe na mĩvaka yasyo, o ndũa sya nthĩ ĩla ĩthyũlũlũkĩte ngalĩ syonthe.</verse>
				<verse number="34">Na ana ma Ngati maaka Ndivoni, na Atalothi, na Aloeli,</verse>
				<verse number="35">na Atilothi‐sovani, na Yaseli, na Yokivea,</verse>
				<verse number="36">na Mbethinimila, na Mbethi‐aalani: ndũa mbiie, na syengo sya malondu.</verse>
				<verse number="37">Na ana ma Leuveni maaka Esivoni, na Eleale, na Kiliathaimu,</verse>
				<verse number="38">na Nevo, na Mbaalimeoni, (masyĩtwa masyo makĩalyũlwa,) na Sivima: na ndũa ila maakie nĩmaitw’ĩĩe masyĩtwa angĩ,</verse>
				<verse number="39">Na ana ma Makili mwana wa Manase mathi Ngileati, na mamĩkwata, na malũngya Aamoli ala matwĩe vo.</verse>
				<verse number="40">Na Mose anenga Makili mwana wa Manase nthĩ ya Ngileati; nake atũa vo.</verse>
				<verse number="41">Na Yaili mwana wa Manase athi na akwata tũtũla twayo, na atwĩta Avothi‐yaili.</verse>
				<verse number="42">Na Nova athi na akwata Kenathi, na mĩsyĩ yayo, na amĩta Nova, aimĩtanĩsya na syĩtwa yake mwene.</verse>
			</chapter>
			<chapter number="33">
				<verse number="1">Ii nĩsyo syalo sya ana ma Isilaeli, yĩla maumie nthĩ ya Misili o ũndũ nguthu syoo syailyĩ syatongoew’e nĩ Mose na Aluni.</verse>
				<verse number="2">Na Mose aandĩka ũndũ maumie kwĩanana na syalo syoo o tondũ Yeova weaie: na ii nĩsyo syalo syoo o ũndũ kumaala kwoo kwailyĩ.</verse>
				<verse number="3">Na mathi kyalo kuma Lamesesi mwei wa mbee, mũthenya wa ĩkũmi na ĩtano wa mwei wa mbee; ũnĩ ũsu ĩtina wa vasaka ana ma Isilaeli mauma na kw’oko kwĩ vinya menekee nĩ Amisili onthe,</verse>
				<verse number="4">yĩla Amisili mathikaa makithathi moo onthe, ala Yeova wakũnĩte katĩ woo: o na ngai syoo Yeova aisilĩla.</verse>
				<verse number="5">Na ana ma Isilaeli mathi kyalo kuma Lamesesi, na mamba maeema moo Sukothi.</verse>
				<verse number="6">Na mathi kyalo kuma Sukothi, na mamba maeema moo Ethamu, kũla kwĩ ũtee wa weũ.</verse>
				<verse number="7">Na mathi kyalo kuma Ethamu, na masyoka kũvika Viailothi, ndũa ĩla yĩ vakuvĩ na Mbaalinzevoni: na mamba maeema moo vakuvĩ na Militoli.</verse>
				<verse number="8">Na mathi kyalo kuma vakuvĩ na Ailothi, na mavĩta ũkanganĩ katĩ malika weũnĩ: na mathi weũnĩ wa Ethamu kyalo kya mĩthenya ĩtatũ, na mamba maeema moo Mala.</verse>
				<verse number="9">Na mathi kyalo kuma Mala, na mavika Elimu: na vu Elimu vaĩ mbuluti ĩkũmi na ilĩ sya manzĩ, na mĩtende mĩongo mũonza; na mamba maeema moo vo.</verse>
				<verse number="10">Na mathi kyalo kuma Elimu, na mamba maeema moo vakuvĩ na Ũkanga Mũtune.</verse>
				<verse number="11">Na mathi kyalo kuma Ũkanga Mũtune, na mamba maeema moo weũnĩ wa Sini.</verse>
				<verse number="12">Na mathi kyalo kuma weũnĩ wa Sini, na mamba maeema moo Ndovika.</verse>
				<verse number="13">Na mathi kyalo kuma Ndovika, na mamba maeema moo Alusi.</verse>
				<verse number="14">Na mathi kyalo kuma Alusi, na mamba maeema moo Levitimu, vala vatai manzĩ ma kũnyuwa nĩ andũ.</verse>
				<verse number="15">Na mathi kyalo kuma Levitimu, na mamba maeema moo weũnĩ wa Sinai.</verse>
				<verse number="16">Na mathi kyalo kuma weũnĩ wa Sinai, na mamba maeema moo Kivilothi‐ataava.</verse>
				<verse number="17">Na mathi kyalo kuma Kivilothi‐ataava, na mamba maeema moo Aaselothi.</verse>
				<verse number="18">Na mathi kyalo kuma Aaselothi, na mamba maeema moo Lithima.</verse>
				<verse number="19">Na mathi kyalo kuma Lithima, na mamba maeema moo Limonivelesi.</verse>
				<verse number="20">Na mathi kyalo kuma Limonivelesi, na mamba maeema moo Livina.</verse>
				<verse number="21">Na mathi kyalo kuma Livina, na mamba maeema moo Lisa.</verse>
				<verse number="22">Na mathi kyalo kuma Lisa, na mamba maeema moo Keelatha.</verse>
				<verse number="23">Na mathi kyalo kuma Keelatha, na mamba maeema moo kĩĩmanĩ kya Sieveli.</verse>
				<verse number="24">Na mathi kyalo kuma kĩĩmanĩ kya Sieveli, na mamba maeema moo Alata.</verse>
				<verse number="25">Na mathi kyalo kuma Alata, na mamba maeema moo Makelothi.</verse>
				<verse number="26">Na mathi kyalo kuma Makelothi, na mamba maeema moo Taathi.</verse>
				<verse number="27">Na mathi kyalo kuma Taathi, na mamba maeema moo Tela.</verse>
				<verse number="28">Na mathi kyalo kuma Tela, na mamba maeema moo Mithika.</verse>
				<verse number="29">Na mathi kyalo kuma Mithika, na mamba maeema moo Asimona.</verse>
				<verse number="30">Na mathi kyalo kuma Asimona, na mamba maeema moo Moselothi.</verse>
				<verse number="31">Na mathi kyalo kuma Moselothi, na mamba maeema moo Mbene‐yaakani.</verse>
				<verse number="32">Na mathi kyalo kuma Mbene‐yaakani, na mamba maeema moo Olu‐akitikati.</verse>
				<verse number="33">Na mathi kyalo kuma Olu‐akitikati, na mamba maeema moo Yotivatha.</verse>
				<verse number="34">Na mathi kyalo kuma Yotivatha, na mamba maeema moo Avilona.</verse>
				<verse number="35">Na mathi kyalo kuma Avilona, na mamba maeema moo Esioni‐ngeveli.</verse>
				<verse number="36">Na mathi kyalo kuma Esioni‐ngeveli, na mamba maeema moo weũnĩ wa Nzini (naw’o nĩ Katesi).</verse>
				<verse number="37">Na mathi kyalo kuma Katesi, na mamba maeema moo kĩĩmanĩ kya Olu, mũvakanĩ wa nthĩ ya Etomu.</verse>
				<verse number="38">Na mũthembi Aluni ambata kĩĩmanĩ kya Olu ũndũ wa mwĩao wa Yeova, na akw’ĩa vo, myaka mĩongo ĩna ĩtina wa ana ma Isilaeli mauma nthĩ ya Misili, mwei wa katano, mũthenya wa mbee wa mwei.</verse>
				<verse number="39">Na Aluni aĩ wa myaka ĩana yĩmwe na mĩongo ĩlĩ na ĩtatũ yĩla wakw’ĩĩe kĩĩmanĩ kya Olu.</verse>
				<verse number="40">Na Mũkanaani, mũsumbĩ wa Alati, ũla watwĩe ngalĩ ya ĩtheo nthĩ ya Kanaani, eew’a ũvoo wa kũka kwa ana ma Isilaeli.</verse>
				<verse number="41">Na mathi kyalo kuma kĩĩmanĩ kya Olu, na mamba maeema moo Nzalimona.</verse>
				<verse number="42">Na mathi kyalo kuma Nzalimona, na mamba maeema moo Vunoni.</verse>
				<verse number="43">Na mathi kvalo kuma Vunoni, na mamba maeema moo Ovothi.</verse>
				<verse number="44">Na mathi kyalo kuma Ovothi, na mamba maeema moo Iye‐avalimu, mũvakanĩ wa Moavi.</verse>
				<verse number="45">Na mathi kyalo kuma Iimu, na mamba maeema moo Ndivoni‐ngati.</verse>
				<verse number="46">Na mathi kyalo kuma Ndivoni‐ngati, na mamba maeema moo Alimoni‐ndivilathaimu.</verse>
				<verse number="47">Na mathi kyalo kuma Alimoni‐ndivilathaimu, na mamba maeema moo iĩmanĩ sya Avalimu, vakuvĩ na Nevo.</verse>
				<verse number="48">Na mathi kyalo kuma iĩmanĩ sya Avalimu, na mamba maeema moo ndiĩnĩ sya Moavi vakuvĩ na Yolotani ku Yeliko.</verse>
				<verse number="49">Na mamba maeema moo vakuvĩ na Yolotani, kuma Mbethiyesimothi o kũvika Aveli‐sitimu ndiĩnĩ sya Moavi.</verse>
				<verse number="50">Na Yeova aneenea na Mose ndiĩnĩ sya Moavi vakuvĩ na Yolotani ku Yeliko, akĩmwĩa,</verse>
				<verse number="51">Neena na ana ma Isilaeli, ũkĩmea, Yĩla mwĩinga Yolotani mũlike nthĩ ya Kanaani,</verse>
				<verse number="52">nĩvo ĩndĩ mwĩlũngya andũ onthe ala matwĩe nthĩ ĩsu maume mbee wenyu, na kwananga mavia moo onthe ala mavanĩtwe mĩvw’anano, na kwananga mĩvw’anano yoo yonthe mĩseũvye na syĩndũ matwekethetye, na kwananga kũndũ kwoo kw’onthe kũla kũtũlu:</verse>
				<verse number="53">nenyu mũkamesya nthĩ ĩsu, na kũmĩtĩnĩka; nũndũ nĩnĩmũnengete inyw’ĩ nthĩ ĩsu mũmĩmesye.</verse>
				<verse number="54">Na inyw’ĩ mũkaaan’ya nthĩ ĩsu kwondũ wa kũlimana kwĩanana na mĩvĩa yenyu; ala aingĩ mũkamanenga ũtiĩwa mwingĩ, na ala anini mũkamanenga ũtiĩwa mũnini: o vala vakatw’ĩka va mũndũ kwondũ wa kũlimana, vau vakeethĩwa vake; kwĩanana na mbaĩ sya aaĩthe menyu now’o mũkosa ũtiĩwa.</verse>
				<verse number="55">Ĩndĩ ethĩwa mũtikalũngya andũ ala matwĩe nthĩ ĩsu maume mbee wenyu, nĩvo ĩndĩ ala mũkamaeka vo makeethĩwa ta tũmĩkuva twa kũtonya metho menyu, na ta mĩw’a mbaunĩ syenyu, na makamũthĩnĩsya nthĩ ĩsu ĩla mũtũĩte.</verse>
				<verse number="56">Na kũkeethĩwa, kana, o ũndũ nasũanĩa kũmeka, now’o ngamwĩka inyw’ĩ.</verse>
			</chapter>
			<chapter number="34">
				<verse number="1">Na Yeova aneena na Mose, akĩmwĩa,</verse>
				<verse number="2">Ĩaĩe ana ma Isilaeli, noimea, Yĩla mũkalika nthĩ ya Kanaani (nĩyo nthĩ ĩla ĩkethĩwa yenyu ya ũtiĩwa, o nthĩ ya Kanaani kwĩanana na mĩvaka yayo),</verse>
				<verse number="3">nĩvo ĩndĩ kĩlungu kyenyu kya ngalĩ ya ĩtheo kĩkethĩwa kuma weũ wa Nzini kũvĩtĩla ũtee wa Etomu, na mũvaka wenyu wa ngalĩ ya ĩtheo ũkeethĩwa kuma mũminĩo wa Ũkanga wa Mũnyũ kwelekela ngalĩ ya wumĩlonĩ wa syũa;</verse>
				<verse number="4">na mũvaka wenyu ũkasyoka kwelekela ngalĩ ya ĩtheo kyambatonĩ kya Akilavimu, na kũvĩta kũvika Nzini; na umĩlĩlo waw’o ũkeethĩwa ngalĩ ya ĩtheo ya Katesi‐mbalinea; noivĩta kũvika Asali‐atali, na kũvĩta kũvika Asimoni;</verse>
				<verse number="5">na mũvaka ũkasyoka kuma Asimoni kũvika kalũsĩ ka Misili, na ũmĩlĩlo waw’o ũkeethĩwa ũkanganĩ.</verse>
				<verse number="6">Na mũvaka wenyu wa ngalĩ ya ũthũĩlonĩ wa syũa ũkeethĩwa nĩ ũkanga mũnene o ngũkanĩ yaw’o: ũsu ũkeethĩwa mũvaka wenyu wa ũthũĩlonĩ wa syũa.</verse>
				<verse number="7">Na mũvaka wenyu wa ngalĩ ya ĩũlũ nĩ ũũ: kuma ũkanga mũnene mũkeekĩa mũvaka kũvika kĩĩma kya Olu;</verse>
				<verse number="8">kuma kĩĩmanĩ kya Olu mũkeekĩa mũvaka kũvika ũlikĩlonĩ wa Amathi; na ũmĩlĩlo wa mũvaka ũkeethĩwa Nzetati;</verse>
				<verse number="9">na mũvaka ũkavĩta na kũthi Nzĩviloni, na ũmĩlĩlo waw’o ũkeethĩwa Asali‐enani: ũu nĩw’o ũkethĩwa mũvaka wenyu wa ngalĩ ya ĩũlũ.</verse>
				<verse number="10">Na mũkeekĩa mũvaka wenyu wa ngalĩ ya wũmĩlonĩ wa syũa kuma Asali‐enani kũvika Seviamu;</verse>
				<verse number="11">na mũvaka ũkatheea kuma Seviamu kũvika Livila, ngalĩ ya wumĩlonĩ wa syũa ya Aini; na mũvaka ũkatheea, na kũvika ũtee wa ũkanga wa Kinelethi kwelekela ngalĩ ya wũmĩlonĩ wa syũa;</verse>
				<verse number="12">na mũvaka ũkatheelela Yolotani, na umĩlĩlo waw’o ũkeethĩwa Ũkanganĩ wa Mũnyũ. Ĩsu ĩkeethĩwa nthĩ yenyu kwĩanana na mĩvaka yayo ngalĩ syonthe.</verse>
				<verse number="13">Na Mose ameaĩa ana ma Isilaeli, akĩmea, Ĩno nĩyo nthĩ ĩla mũkatiĩwa kwondũ wa kũlimana, ĩla Yeova weaie ĩnengwe ila mbaĩ kenda, na nyunzu ya mbaĩ:</verse>
				<verse number="14">nũndũ mbaĩ ya ana ma Leuveni kwĩanana na nyũmba sya aaĩthe moo, na mbaĩ ya ana ma Ngati kwĩanana na nyũmba sya aaĩthe moo, nĩsyosete, na ĩla nyunzu ya mbaĩ ya Manase nĩyosete, utiĩwa wasyo:</verse>
				<verse number="15">mbaĩ isu syelĩ na ĩ nyunzu ya mbaĩ nĩsyosete ũtiĩwa wasyo mũingo wa Yolotani ku Yeliko ngalĩ ya wumĩlonĩ wa syũa, kwelekela vala syũa yumĩlaa.</verse>
				<verse number="16">Na Yeova aneena na Mose, akĩmwĩa,</verse>
				<verse number="17">Aa nĩo masyĩtwa ma andũ ala makamũaan’ya nthĩ yĩthĩwe ũtiĩwa wenyu: mũthembi Eleasali, na Yosua mwana wa Nuni.</verse>
				<verse number="18">Na mũkose mũnene ũmwe wa kĩla mbaĩ, maaan’ye nthĩ ĩsu yĩthĩwe ũtiĩwa.</verse>
				<verse number="19">Na aa nĩmo masyĩtwa ma andũ asu: Wa mbaĩ ya Yuta, Kalevu mwana wa Yevune.</verse>
				<verse number="20">Na wa mbaĩ ya ana ma Simeoni, Semueli mwana wa Amiuti.</verse>
				<verse number="21">Na wa mbaĩ ya Mbenyamini, Elitati mwana wa Kisiloni.</verse>
				<verse number="22">Na wa mbaĩ ya ana ma Ndani, mũnene Mbuki mwana wa Yokili.</verse>
				<verse number="23">Na wa ana ma Yosevu: wa mbaĩ ya ana ma Manase, mũnene Anieli mwana wa Evoti.</verse>
				<verse number="24">Na wa mbaĩ ya ana ma Evalaimu, mũnene Kemueli mwana wa Sivitani.</verse>
				<verse number="25">Na wa mbaĩ ya ana ma Nzevuloni, mũnene Elisavani mwana wa Valanaki.</verse>
				<verse number="26">Na wa mbaĩ ya ana ma Isakali, mũnene Valitieli mwana wa Asiani.</verse>
				<verse number="27">Na wa mbaĩ ya ana ma Aseli, mũnene Aiuti mwana wa Selomi.</verse>
				<verse number="28">Na wa mbaĩ ya ana ma Navitali, mũnene Vetaeli mwana wa Amiuti.</verse>
				<verse number="29">Asu nĩmo ala Yeova weaie mamaaan’ye ana ma Isilaeli ũtiĩwa nthĩ ya Kanaani.</verse>
			</chapter>
			<chapter number="35">
				<verse number="1">Na Yeova aneenea na Mose ndiĩnĩ sya Moavi vakuvĩ na Yolotani ku Yeliko, akĩmwĩa,</verse>
				<verse number="2">Meaĩe ana ma Isilaeli mamanenge Alivai ndũa sya kũtũa nthĩnĩ wa ũtiĩwa wa ng’ũndũ syoo; na mũkanenge Alivai syengo ila ithyũlũlũkĩtye ndũa ngalĩ syonthe.</verse>
				<verse number="3">Na ndũa isu ikeethĩwa syoo sya kũtũa; na syengo isu ikeethĩwa sya indo syoo, na sya ũthwii woo, na sya nyamũ syoo syonthe.</verse>
				<verse number="4">Na syengo sya ndũa isu, ila mũkanenga Alivai, ikeethĩwa kuma ũvainĩ wa ndũa kũthyũlũlũka ngalĩ syonthe mĩkono ngili ĩmwe.</verse>
				<verse number="5">Na mũkathime ũtee wa ndũa mĩkono ngili ili ngalĩ ya wumĩlonĩ wa syũa, na ngalĩ ya ĩtheo mĩkono ngili ilĩ, na ngalĩ ya ũthũĩlonĩ wa syũa mĩkono ngili ilĩ, na ngalĩ ya ĩũlũ mĩkono ngili ilĩ, na ndũa ĩkeethĩwa yĩ katĩ. Ũu nĩw’o syengo sya ndũa ikethĩwa iilyĩ kwoo.</verse>
				<verse number="6">Na ndũa ila mũkanenga Alivai, ikeethĩwa ndũa thanthatũ sya kwĩvitha, ila mũkanengane kwondũ wa mũndũ ũla ũkoaa ũngĩ akĩĩae vo: na vamwe na isu mũkanengane ndũa ingĩ mĩongo ĩna na ilĩ.</verse>
				<verse number="7">Ndũa syonthe ila mũkanenga Alivai ikeethĩwa mĩongo ĩna na nyanya; nĩsyo mũkamanenga vamwe na syengo syasyo.</verse>
				<verse number="8">Na ũndũ wa ndũa ila mũkanengane kuma nthĩnĩ wa ng’ũndũ ya ana ma Isilaeli, kuma kwa andũ aingĩ mũkoosa ndũa nyingĩ; na kuma kwa andũ anini mũkoosa nini: kĩla mũndũ akanenga Alivai ndũa imwe syake, kwĩanana na ũtiĩwa wake ũla watiĩwe.</verse>
				<verse number="9">Na Yeova aneena na Mose, akĩmwĩa,</verse>
				<verse number="10">Neena na ana ma Isilaeli, noimea, Yĩla mwĩinga Yolotani mũlike nthĩ ya Kanaani,</verse>
				<verse number="11">nĩvo ĩndĩ mwĩia ndũa syĩthĩwe ndũa sya kwĩvitha kwondũ wenyu, nĩ kana mũndũ ũla ũkoaa mũndũ o na wĩva na mbanga akĩĩae vo.</verse>
				<verse number="12">Na ndũa isu ikeethĩwa kwenyu kwondũ wa kũmwĩvitha mũĩvanĩsya, nĩ kana mũndũ ũla ũkoaa ũngĩ ndakoawe, atanaũngama mbee wa ũmbano asilĩlwe.</verse>
				<verse number="13">Na ndũa ila mũkanengane ikeethĩwa kwenyu ndũa thanthatũ sya kwĩvitha.</verse>
				<verse number="14">Mũkanengane ndũa itatũ mũingo wa Yolotani; na mũkanengane ndũa itatũ nthĩ ya Kanaani; isu ikeethĩwa ndũa sya kwĩvitha.</verse>
				<verse number="15">Ndũa isu thanthatũ ikeethĩwa sya kwĩvitha kwondũ wa ana ma Isilaeli, na kwondũ wa mũeni, na kwondũ wa mwĩkali wa ũeninĩ wĩ kwoo; nĩ kana kĩla mũndũ ũla ũkoaa mũndũ o na wĩva na mbanga akĩĩae vo.</verse>
				<verse number="16">Ĩndĩ ethĩwa nĩwamũkũna na kĩndũ kya kĩaa, na akw’a, ũsu mũkũnani nĩ mũaani: mũaani nde ndĩi ya kũlea kũawa.</verse>
				<verse number="17">Na ethĩwa nĩwamũkima na ĩvia akwete na kw’oko kwake, yĩla yĩtonya kũaa mũndũ, na akw’a, ũsu mũkimani nĩ mũaani: mũaani nde ndĩi ya kũlea kũawa.</verse>
				<verse number="18">Kana ethĩwa nĩwamũkũna na kĩndũ kya mũtĩ akwete kw’okonĩ, kĩla kĩtonya kũaa mũndũ, na akw’a, ũsu mũkũnani nĩ mũaani: mũaani nde ndĩi ya kũlea kũawa.</verse>
				<verse number="19">Mũĩvanĩsya wa nthakame we mwene akooaa mũaani ũsu: akomana nake akamũaa.</verse>
				<verse number="20">Na ethĩwa nĩwamũluuta nũndũ wa kũmũmena, kana kũmwĩkya kĩndũ, amwoveesye, na kwondũ wa ũu aikw’a,</verse>
				<verse number="21">kana ethĩwa nĩwamũkũna na kw’oko kwondũ wa ũthũ, na kwondũ wa ũu aikw’a; ũla wamũkũna nde ndĩi ya kũlea kũawa; ũsu mũkũnani nĩ mũaani: mũĩvanĩsya wa nthakame akoaa mũaani ũsu, o yĩla wĩkomana nake.</verse>
				<verse number="22">Ĩndĩ ethĩwa nĩwamũluuta na kĩthũlũmũkĩlo vate ũthũ, kana kũmwĩkya kĩndũ vate kũmwoveesya,</verse>
				<verse number="23">kana ĩvia o na yĩva, yĩla yĩtonya kũaa mũndũ, na akamwĩkya, atamwene, na kwondũ wa ũu aikw’a, na ti nthũ yake, o na ndaamantha kũmwĩka ũndũ ũthũku;</verse>
				<verse number="24">nĩvo ĩndĩ ũmbano ũkamasilan’ya ũla mũkũnani na mũĩvanĩsya wa nthakame, kwĩanana na motw’ĩo aa;</verse>
				<verse number="25">na ũmbano ũkamũvonokya mũaani kũmumya kw’okonĩ kwa mũĩvanĩsya wa nthakame, na ũmbano ũkamũtũnga ndũanĩ yake ya kwĩvitha, vala wakĩĩe: na akekala nthĩnĩ wayo kũvika yĩla mũthembi mũnene ũkakw’a ũla wetĩkĩw’e mauta matheu.</verse>
				<verse number="26">Ĩndĩ ethĩwa mũaani o na ĩndĩĩ akakĩla mũvaka wa ndũa yake ya kwĩvitha, vala wakĩĩe,</verse>
				<verse number="27">na mũĩvanĩsya wa nthakame akamwona akĩlĩte mũvaka wa ndũa yake ya kwĩvitha, na mũĩvanĩsya wa nthakame akoaa ũla mũaani; ndakethĩwae na ĩvĩtyo kwondũ wa nthakame ĩsu,</verse>
				<verse number="28">nĩkwĩthĩwa ũsu nĩwaĩlwe nĩ kwĩkala ndũanĩ yake ya kwĩvitha kũvika yĩla mũthembi mũnene ũkakw’a: ĩndĩ mũthembi mũnene akw’a ũla mũaani akasyoka nthĩ ĩla ya ng’ũndũ yake.</verse>
				<verse number="29">Na maũndũ asu makeethĩwa kwenyu mwamũlo na ũtw’ĩo mosyaanĩonĩ menyu onthe motũonĩ menyu onthe.</verse>
				<verse number="30">O ũla ũkoaa mũndũ o na wĩva, mũaani ũsu akooawa nũndũ wa makanyw’a ma ngũsĩ: ĩndĩ ngũsĩ ĩmwe yĩ yoka ndĩkamũkũsĩĩe mũndũ o na wĩva oawe.</verse>
				<verse number="31">Na ĩngĩ mũtikose mbovosya kwondũ wa thayũ wa mũaani, ũla wonekete nĩwaĩlwe nĩ kũawa; ĩndĩ mũndũ ũsu nde ndĩi ya kũlea kũawa.</verse>
				<verse number="32">Na mũtikose mbovosya kwondũ wa ũla wakĩĩe ndũanĩ yake ya kwĩvitha, nĩ kana asyoke kwĩkala nthĩ yake, mũthembi atanakw’a.</verse>
				<verse number="33">Na ĩndĩ mũtikavukye nthĩ ĩla mũtwĩe: nũndũ nthakame, nĩyo ĩvukasya nthĩ; na vai nthembo yumaw’a kwondũ wa nthĩ ũndũ wa nthakame ĩla yetĩkiwe vo, keka o nthakame ya ũla wamĩtĩkisye.</verse>
				<verse number="34">Na mũtikavukye nthĩ ĩla mũtũĩte, ĩla nyie nĩtũaa nthĩnĩ wayo: nũndũ nyie, Yeova, nĩtũaa katĩ wa ana ma Isilaeli.</verse>
			</chapter>
			<chapter number="36">
				<verse number="1">Na atongoi ma nyũmba sya aaithe ma mũvia wa ana ma Ngileati, mwana wa Makili, mwana wa Manase, ma mĩvĩa ya ana ma Yosevu, mathengeea, na maneena vala ve Mose, na vala ve anene, ala atongoi ma nyũmba sya aaĩthe ma ana ma Isilaeli:</verse>
				<verse number="2">na masya, Yeova amwĩaĩe mwĩaĩi wakwa amanenge ana ma Isilaeli nthĩ yĩthĩwe ũtiĩwa woo kwondũ wa kũlimana: na mwĩaĩi wakwa eeaĩwa nĩ Yeova atĩ ũtiĩwa wa Nzeloveati mwana‐a‐ĩthe waitũ ũnengwe eĩtu make.</verse>
				<verse number="3">Na ethĩwa makatwawa nĩ ana o na meva ma mbaĩ ila ingĩ sya ana ma Isilaeli, nĩvo ĩndĩ ũtiĩwa woo ũkoswa kumw’a nthĩnĩ wa ũtiĩwa wa aaĩthe maitũ, na ũkongelelwa ũtiĩwanĩ wa mbaĩ ĩla matwaĩtwe nĩyo: o ta ũu ũkoswa nthĩnĩ wa ũtiĩwa witũ, ũla twoosie kwondũ wa kũlimana.</verse>
				<verse number="4">Na yĩla yuvilii wa ana ma Isilaeli ũkavika, nĩvo ĩndĩ ũtiĩwa woo ũkongelelwa ũtiĩwanĩ wa mbaĩ ĩla matwaĩtwe nĩyo: kwondũ wa ũu ũtiĩwa woo ũkoswa kumw’a ũtiĩwanĩ wa mbaĩ ya aaĩthe maitũ.</verse>
				<verse number="5">Na Mose eeaĩa ana ma Isilaeli kwĩanana na ndeto ya Yeova, akĩmea, Mbaĩ ya ana ma Yosevu nĩnĩũneena w’o.</verse>
				<verse number="6">Ũũ nĩw’o ũla Yeova wĩaĩte ũndũ wa eĩtu ma Nzeloveati, akyasya, Nĩmatwawe nĩ aũme ala mekwenda: ĩndĩ no matwawe mũvĩani wa mbaĩ ya ĩthe woo.</verse>
				<verse number="7">Kwondũ wa ũu vai ũtiĩwa wa ana ma Isilaeli ũkaumw’a mbaĩnĩ ĩmwe kũthi mbaĩnĩ ĩngĩ; nũndũ ana ma Isilaeli makakwatana kĩla mũndũ na ũtiĩwa wa mbaĩ ya aaĩthe make.</verse>
				<verse number="8">Na kĩla mwĩĩtu ũla ũkethĩwa na ũtiĩwa mbaĩnĩ o na yĩva ya ana ma Isilaeli, akatwawa nĩ mũndũ wa mũvĩa wa mbaĩ ya ĩthe wake, nĩ kana ana ma Isilaeli kĩla mũndũ akwate ũtiĩwa wa aaĩthe make.</verse>
				<verse number="9">Kwondũ wa ũu kũikethĩwa ũtiĩwa o na wĩva ũkyumw’a mbaĩnĩ ĩmwe kũtwawa mbaĩnĩ ĩngĩ; nũndũ mbaĩ sya ana ma Isilaeli ikalũman’ya kĩla ĩmwe na ũtiĩwa wayo.</verse>
				<verse number="10">O ũndũ Yeova wamwĩaĩe Mose, now’o eĩtu ma Nzeloveati meekie:</verse>
				<verse number="11">nũndũ Maala, na Tilisa, na Okila, na Milika, na Noa, eĩtu ma Nzeloveati, nĩmatwaiwe nĩ ana ma endw’a‐ĩthe.</verse>
				<verse number="12">Nĩmatwaiwe mĩvĩanĩ ya ana ma Manase mwana wa Yosevu; na ũtiĩwa woo wekalile mbaĩnĩ ya mũvĩa wa ĩthe woo.</verse>
				<verse number="13">Ĩsu nĩyo mĩao na motw’ĩo ala Yeova weaĩe ana ma Isilaeli na kanyw’a wa Mose ndiĩnĩ sya Moavi vakuvĩ na Yolotani ku Yeliko.</verse>
			</chapter>
		</book>
		<book number="5">
			<chapter number="1">
				<verse number="1">Ii nĩsyo ndeto ila Mose waneenie na Isilaeli onthe mũingo wa Yolotani weũnĩ, mwandanĩ wa Alava ũla welekele Suvu, katĩ wa Valani, na Toveli, na Lavani, na Aaselothi, na Ndi‐saavu.</verse>
				<verse number="2">Nĩ mũendo wa mĩthenya ĩkũmi na ũmwe kuma Olevu kũthi na nzĩa ya kĩĩma kya Seili kũvika Katesi‐mbalinea.</verse>
				<verse number="3">Na kweethĩwa mwaka wa mĩongo ĩna, mwei wa ĩkũmi na ũmwe, mũthenya wa mbee wa mwei, Mose aneena na ana ma Isilaeli, kwĩanana na w’onthe ũla wataviw’e nĩ Yeova ameaĩe;</verse>
				<verse number="4">ĩtina wa kũmũkũna Sioni mũsumbĩ wa Aamoli, ũla watwĩe Esivoni, na Oku mũsumbĩ wa Mbasani, ũla watwĩe Asetalothi, vu Etilei.</verse>
				<verse number="5">Mũingo wa Yolotani, nthĩ ya Moavi, Mose ambĩlĩlya kũtavan’ya mĩao ĩno, akyasya,</verse>
				<verse number="6">Yeova Ngai waitũ nĩwaneenee naitũ Olevu, akyasya, Kũtũa kwenyu kwa kĩĩmanĩ kĩĩ nĩkweanĩa:</verse>
				<verse number="7">ĩthyũũei, mũkwate kyalo kyenyu, mũthi nthĩ ya Aamoli ĩla yĩ iĩma, na kũndũ kw’onthe kũla kwĩ vakuvĩ nayo, mwandanĩ wa Alava, nthĩ yĩ iĩma, na nthĩ ndindimalu, na ngalĩ ya Ĩtheo, na ũtee wa ũkanga, nthĩ ya Akanaani, na Levanoni, kũvika ũsĩ ũla mũnene, ũsĩ wa Euvalati.</verse>
				<verse number="8">Sisyai, nĩniĩte nthĩ mbee wenyu: likai na mũimĩmesya nthĩ ĩla Yeova wamevĩtĩe aaĩthe menyu, Avalaamu, na Isaka, na Yakovo, kũmanenga na ũsyao woo ĩtina woo.</verse>
				<verse number="9">Nakwa naneenie nenyu ĩvinda yĩu, ngyasya, Nditonya kũmũkua inyw’ĩ nĩ nyioka:</verse>
				<verse number="10">Yeova Ngai wenyu nũmwingĩvĩtye, na, sisyai, ũmũnthĩ mũilyĩ ta ndata sya ĩtunĩ ũndũ wa kwingĩva.</verse>
				<verse number="11">Yeova, Ngai wa aaĩthe menyu, namũtw’ĩkĩthye kũndũ ngili o ũndũ mwĩana yu, na kũmũathima, o ũndũ wamwathie!</verse>
				<verse number="12">Nyie nĩ nyioka ndonya ata kũkua kĩthokoo kwenyu, na mũio wenyu, na ĩteta yenyu?</verse>
				<verse number="13">Osai andũ oĩ, me na ũmanyi, na ala mesĩkĩwe, kwĩanana na mbaĩ syenyu, na ngamatw’ĩkĩthya atongoi menyu.</verse>
				<verse number="14">Na inyw’ĩ mwanzũngĩa na mwasya, Ũndũ ũla ũneenete nĩ ũseo twĩke.</verse>
				<verse number="15">Kwondũ wa ũu noosa atongoi ma mbaĩ syenyu, andũ oĩ, na ala mesĩkĩwe, na namaia methĩwe atongoi menyu, makavuteni ma ngili ngili, o makavuteni ma maana, na makavuteni ma mĩongo ĩtano mĩongo ĩtano, na makavuteni ma makũmi, na anene, kwĩanana na mbaĩ syenyu.</verse>
				<verse number="16">Na nameaĩa asili menyu ĩvinda yĩu, ngyasya, Ĩthukĩĩsyei maũndũ ma ana‐a‐ĩthe menyu, na silan’yai katĩ mũndũ na mwana‐a‐ĩthe, na mwĩkali wa ũeninĩ ũla wĩ kwake.</verse>
				<verse number="17">Mũikendeesye andũ mũkĩsila; methukĩĩsye ala anini na ala anene ũndũ ũmwe; mũtikakĩe ũthyũ wa mũndũ; nũndũ kũsilĩla nĩ kwa Ngai: na ũndũ ũla wĩmũema mwĩndetee, nakwa ngawĩthukĩĩsya.</verse>
				<verse number="18">Na ĩvinda yĩu namwĩaĩa maũndũ onthe ala mwaĩle kwĩka.</verse>
				<verse number="19">Na twakwata kyalo kuma Olevu, na twavĩtĩla weũnĩ ũsu w’onthe mũnene na wa ũtĩsya ũla mwoonie, tũkwete nzĩa ya nthĩ yĩ iĩma ya Aamoli, o tondũ Yeova Ngai waitũ watwĩaĩe; na twavika Katesi‐mbalinea.</verse>
				<verse number="20">Nakwa namwĩa, Nĩmũvikĩte nthĩ yĩ iĩma ya Aamoli, ĩla Yeova Ngai waitũ ũtũnengae.</verse>
				<verse number="21">Sisya, Yeova Ngai waku nĩwiĩte ĩ nthĩ mbee waku: ambata, noĩmĩmesya o tondũ Yeova, Ngai wa aaĩthe maku, ũneenete naku; ndũkakĩe, o na ndũkateve.</verse>
				<verse number="22">Ma mwanthengeea o kĩla mũndũ wenyu, na mwambĩa, Tũtũme andũ maende mbee waitũ, makatũthianĩe nthĩ, na maitũetee ũvoo wa nzĩa ĩla twĩambata nayo, na ndũa ila twĩvikĩa.</verse>
				<verse number="23">Na ũndũ ũsu wambendeesya mũno; na noosa andũ ĩkũmi na elĩ menyu, kĩla mbaĩ mũndũ ũmwe:</verse>
				<verse number="24">na methyũũa na mambata nthĩ yĩ iĩma, na mavika mwanda wa Esikoli, na moothiana.</verse>
				<verse number="25">Na moosa ũsyao wa nthĩ mokonĩ moo, na matũtheeesya, na matũetee ũvoo, na masya, Nĩ nthĩ nzeo ĩla Yeova Ngai waitũ ũtũnengae.</verse>
				<verse number="26">Ĩndĩ inyw’ĩ mwalea kwambata, na mwatũla mwĩao wa Yeova Ngai wenyu:</verse>
				<verse number="27">na mwanyungunyĩĩsya maeemanĩ menyu, na mwasya, Nũndũ Yeova nĩwatũmenie, nĩwatumisye nthĩ ya Misili, atũnengane mokonĩ ma Aamoli, matwanange.</verse>
				<verse number="28">Twĩambata va? Ana‐a‐ĩthe maitũ nĩmatũtũlĩte ngoo, maitwĩa, Andũ nĩ anene na aasa kwĩ ithyĩ; ndũa nĩ nene na mbiie kũvika ĩtunĩ; na ũndũ ũngĩ nĩtũnamonie ana ma Aanaki kw’o.</verse>
				<verse number="29">Nĩvo ĩndĩ namwĩa inyw’ĩ, Mũikethĩwe na kĩũũyũ, o na mũikamakĩe.</verse>
				<verse number="30">Yeova Ngai wenyu ũla ũendaa mbee wenyu, akamũkitĩa, kwĩanana na ũndũ w’onthe wamwĩkie Misili mwene na metho menyu,</verse>
				<verse number="31">na weũnĩ, vala wonete ũndũ Yeova Ngai waku wakũkuie, o tondũ mũndũ ũkuaa mwana wake, nzĩanĩ yonthe ĩla mwaendie nayo, kũvika yĩla mwavikie vaa.</verse>
				<verse number="32">Ĩndĩ ũndũnĩ ũũ mũtyaamwĩtĩkĩla Yeova Ngai wenyu,</verse>
				<verse number="33">ũla wamũtongoeasya nzĩanĩ, ũtukũ na mwaki wa kũmwon’ya nzĩa ĩla mũũendela, na mũthenya na mũumbĩ, nĩ kana amũmanthĩe vandũ va kwamba maeema menyu.</verse>
				<verse number="34">Na Yeova eew’a wasya wa ndeto syenyu, na athilĩka, na eevĩta, akyasya,</verse>
				<verse number="35">Vate ndĩi vati ũmwe wa andũ aa ma nzyawa ĩno nthũku ũkona nthĩ ĩla nzeo, ĩla neevĩtie kũnenga aaĩthe menyu,</verse>
				<verse number="36">ate o Kalevu mwana wa Yevune; nake akamyona; na ngamũnenga we na syana syake nthĩ ĩla wakinyĩle, nĩkwĩthĩwa nĩwamũatĩĩe Yeova ki.</verse>
				<verse number="37">Na Yeova anthatĩa kwondũ wenyu, akĩmbĩa, O naku ndũkalika kw’o:</verse>
				<verse number="38">Yosua mwana wa Nuni, ũla ũũngamaa mbee waku, akalika kw’o: mũkũmbaĩthye; nũndũ nĩwe ũkatuma Isilaeli mamĩtiĩwa.</verse>
				<verse number="39">Na ũndũ ũngĩ twana twenyu tũnini, tũla mwaisye tũkethĩwa twĩ tũtave, na syana syenyu, ila ũmũnthĩ ite na ũmanyi wa ũseo kana ũthũku, ikalika kw’o, nĩsyo nĩinenga, na ikamĩmesya.</verse>
				<verse number="40">Ĩndĩ inyw’ĩ, ĩthyũũei, na mũikwata kyalo kyenyu mũthi weũnĩ na nzĩa ĩla ĩelete Ũkanga Mũtune.</verse>
				<verse number="41">Nĩvo ĩndĩ mwanzũngĩie na mwambĩa, Nĩtũmũvĩtanĩsye Yeova, tũkambata na kũkita, kwĩanana na ũndũ w’onthe ũla Yeova Ngai waitũ watwĩaĩe. Na mweekĩa kĩla mũndũ mĩio yake ya kaũ, na mwoona ta ũndũ ũnini kwambata nthĩ yĩ iĩma.</verse>
				<verse number="42">Na Yeova ambĩa, Matavye, Mũtikambate, kana kũkita; nũndũ ndi vamwe nenyu: mũtikakũnwe nĩ amaitha menyu.</verse>
				<verse number="43">Kwondũ wa ũu naneena nenyu, na mũtyaambĩthukĩĩsya; ĩndĩ mwang’endea mwĩao wa Yeova, na mwaĩ na mĩtavyo, na mwambata nthĩ yĩ iĩma.</verse>
				<verse number="44">Na Aamoli, ala matwĩe nthĩ ĩsu yĩ iĩma, mamumĩlĩla inyw’ĩ, na mamũlũngya, o tondũ nzũkĩ ilũngasya, na mamũkũnĩa Seili, o na kũvika Olima.</verse>
				<verse number="45">Na mwasyoka na mwamũĩĩa Yeova; ĩndĩ Yeova ndaaĩthukĩĩsya wasya wenyu, o na ndaathyũũa kũtũ kwake amwĩw’e.</verse>
				<verse number="46">Kwondũ wa ũu mwekala Katesi mĩthenya mingĩ, kwĩanana na mĩthenya ĩla mwekalile vo.</verse>
			</chapter>
			<chapter number="2">
				<verse number="1">Nĩvo ĩndĩ tweethyũũie, twakwata kyalo kitũ tũendete weũnĩ na nzĩa ĩla ĩelete Ũkanga Mũtune, o tondũ Yeova waneenie nakwa; na twathyũlũlũka kĩĩma kya Seili mĩthenya mingĩ.</verse>
				<verse number="2">Na Yeova aneena nakwa, akĩmbĩa,</verse>
				<verse number="3">Kũthyũlũlũka kwenyu kwa kĩĩma kĩĩ nĩkweanĩa: ĩthyũũei ngalĩ ya ĩũlũ.</verse>
				<verse number="4">Na meaĩe andũ, ũkyasya, Mũitĩa kũvĩtĩla mũvakanĩ wa ana‐a‐ĩthe menyu ana ma Esau, ala matũaa Seili; na makamũkĩa. Kwondũ wa ũu ĩsũvĩei mũno;</verse>
				<verse number="5">mũikamathee; nũndũ ndikamũnenga kĩlungu kya nthĩ yoo, aiee, o na vandũ va ũkinya veana ĩkinya ya ũnyaĩĩ; nikwĩthĩwa nĩmũnengete Esau kĩĩma kya Seili kĩthĩwe ng’ũndũ yake.</verse>
				<verse number="6">Mũkathooa liu kwoo na mbesa, nĩ kana mũye; na mũkathooa manzĩ kwoo na mbesa, nĩ kana mũnyw’e.</verse>
				<verse number="7">Nũndũ Yeova Ngai waku nũkũathimĩte wĩanĩ w’onthe wa moko maku; nũmanyĩte kwanganga kwaku weũnĩ ũũ mũnene: myaka ĩno mĩongo ma Yeova Ngai waku nĩwĩkalĩte naku; ndwaanyivĩwa nĩ kĩndũ.</verse>
				<verse number="8">Na ĩndĩ twavita kuma vala vaĩ ana‐a‐ĩthe maitũ ana ma Esau, ala matũaa Seili, twaeka nzĩa va Alava, na Elathi, na ya Esioni‐ngeveli. Na tweethyũũa na twakwata nzĩa ya kũthi weũnĩ wa Moavi.</verse>
				<verse number="9">Na Yeova ambĩa, Ndũkathĩn’ye Amoavi, o na ndũkokite nao; nũndũ ndikaũnenga kĩlungu kya nthĩ yake kĩthĩwe ng’ũndũ yaku; nũndũ nĩnengete syana sya Loto nthĩ ya Ali yĩthĩwe ng’ũndũ yoo.</verse>
				<verse number="10">(Aemi matwie vo tene, andũ anene, na aingĩ, na aasa, o ta Aanaki:</verse>
				<verse number="11">o namo matalawa Alevai, o ta Aanaki; ĩndĩ Amoavi mametaa Aemi.</verse>
				<verse number="12">O na Aoli matwĩe Seili tene, ĩndĩ ana ma Esau mamalũngya; na mamamina vyũ mbee woo, na matũa vandũ voo; o tondũ Isilaeli wekie nthĩ ya ng’ũndũ yake, ĩla Yeova wamanengie.)</verse>
				<verse number="13">Yu ũkĩlai, mũinge kalũsĩ ka Nzeleti. Na twainga kalũsi ka Nzeleti.</verse>
				<verse number="14">Na mĩthenya ĩla twookie kuma Katesĩmbalinea, kũvika yĩla twaingie kalũsĩ ka Nzeleti, yaĩ myaka mĩongo ĩtatũ na nyanya; kũvika yĩla nzyawa yonthe ya andũ ma kaũ maminiwe kumw’a mwakonĩ wa maeema, o tondũ Yeova wamevĩtĩe.</verse>
				<verse number="15">Na ĩngĩ kw’oko kwa Yeova kwaĩ ĩũlũ woo, kũmananga kũmaumya mwakonĩ wa maeema, kũvika maminwa vyũ.</verse>
				<verse number="16">Kwondũ wa ũu kweethĩwa, yĩla andũ onthe ma kaũ maanangiwe na makw’a kuma andũnĩ,</verse>
				<verse number="17">nĩw’o Yeova waneenie nakwa, akĩmbĩa,</verse>
				<verse number="18">Ũmũnthĩ inga ũsĩ wa Ali mũvaka wa Moavi:</verse>
				<verse number="19">na yĩla wĩthengeea welekele ana ma Amimoni, ndũkamathĩn’ye, kana kũkita namo; nũndũ ndikaũnenga kĩlungu kya nthĩ ya ana ma Amimoni kĩthĩwe ng’ũndũ yaku; nĩkwĩthĩwa nĩmanengete ana ma Loto nthĩ ĩsu yĩthĩwe ng’ũndũ yoo.</verse>
				<verse number="20">(O na ĩsu ĩtalawa nĩ nthĩ ya Alevai: Alevai matwĩe vo tene; ĩndĩ Aamimoni mametaa Anzamisumi,</verse>
				<verse number="21">andũ anene, na aingĩ, na aasa, o ta Aanaki; ĩndĩ Yeova amananga mbee woo; na mamalũngya, na matũa vandũ voo;</verse>
				<verse number="22">o tondũ wekie kwondũ wa ana ma Esau, ala matũaa Seili, yĩla wanangie Aoli mbee woo; na mamalũngya, na matũaa vandũ voo kũvika ũmũnthĩ.</verse>
				<verse number="23">Na Aavi, ala matwĩe mĩsyĩ kũvika Ngasa, maanangwa nĩ Akavitoli, ala maumie Kavitoli, na matũa vandũ voo.)</verse>
				<verse number="24">Ũkĩlai, mũkwate kyalo kyenyu, mũkĩle mwanda wa Alinoni: sisya, nĩnenganĩte Sioni ũla Mũamoli, mũsumbĩ wa Esivoni, na nthĩ yake, kw’okonĩ kwaku; ambĩlĩlyai kũmyosa, na kũkita nake.</verse>
				<verse number="25">Ũmũnthĩ kwondũ waku nĩngwambĩlĩlya kũtĩsya ngo sya andũ ila syĩ ĩtheo wa ĩtu yonthe, na kũsyĩkĩa w’ĩa, ila ikew’a ũvoo waku, na ikatetemaa, na kũkwatwa nĩ woo kwondũ waku.</verse>
				<verse number="26">Na natũma andũ nĩ weũnĩ wa Ketemothi mathi kwa Sioni mũsumbĩ wa Esivoni na ndeto sya mũuo, ngyasya,</verse>
				<verse number="27">Ndeka nĩvĩtĩle nthĩ yaku: ngaendela lelũnĩ, ndikathũka ngalĩ ya kw’oko kwa aũme kana kw’oko kwa aka.</verse>
				<verse number="28">Ũkanthooesya lĩu mbesa, nĩye; na ũkanenga manzĩ ma mbesa, nĩnyw’e: ndeka no kũvĩta ngũvĩta na maũũ makwa;</verse>
				<verse number="29">o tondũ ana ma Esau ala matũaa Seili, na Amoavi ala matũaa Ali, mambĩkie; mũvaka ngainga Yolotani na kũlika nthĩ ĩla Yeova Ngai waitũ ũtũnengae.</verse>
				<verse number="30">Ĩndĩ Sioni mũsumbĩ wa Esivoni ndaaĩtĩkĩla tũvĩtĩle kwake; nũndũ Yeova Ngai waku nĩwomisye veva wake, na amũng’endethya ngoo, amũnengane kw’okonĩ kwaku, o tondũ kũilyĩ ũmũnthĩ.</verse>
				<verse number="31">Na Yeova ambĩa, Sisya, nĩnambĩlĩlya kũnengane Sioni na nthĩ yake mbee waku: ambĩlĩlya kwosa, nĩ kana ũtiĩwe nthĩ yake.</verse>
				<verse number="32">Nĩvo ĩndĩ Sioni watumĩlĩle, we na andũ make onthe, kũkita naitũ kũu Yaasa.</verse>
				<verse number="33">Na Yeova Ngai waitũ amũnengane mbee waitũ; na twamũkũna we, na ana make, na andũ make onthe.</verse>
				<verse number="34">Na twoosa ndũa syake syonthe ĩvinda yĩu, na twaananga vyũ kĩla ndũa yaĩ na andũ, vamwe na aka na twana tũnini; tũtyaatia mũndũ o na ũmwe;</verse>
				<verse number="35">no indo twoosie syĩthĩwe mũtavo witũ ene, vamwe na mĩio ya ndũa ila twoosie.</verse>
				<verse number="36">Kuma Aloeli, ĩla yĩ ũtee wa mwanda wa Alinoni, na kuma ndũanĩ ĩla yĩ mwandanĩ, o kũvika Ngileati, vatyaĩ ndũa o na ĩmwe yaĩ na ũvai mũtũlu ũtonya kũtũsiĩĩa; Yeova Ngai waitũ anengane syonthe mbee waitũ:</verse>
				<verse number="37">no nthĩ ya ana ma Amimoni ũtaamĩthengeea; ngalĩko yonthe ya ũsĩ wa Yavoki, na ndũa sya nthĩ yĩ iĩma, na o vala Yeova Ngai waitũ watũvatie.</verse>
			</chapter>
			<chapter number="3">
				<verse number="1">Na ĩndĩ tweethyũũa, na twakwata nzĩa ya Mbasani: na Oku mũsumbĩ wa Mbasani atumĩlĩla, we na andũ make onthe, okitĩe Etilei.</verse>
				<verse number="2">Na Yeova ambĩa, Ndũkamũkĩe; nũndũ nĩmũnenganĩte we, na andũ make onthe, na nthĩ yake, kw’okonĩ kwaku; na ũkamwĩka o ũndũ wamwĩkie Sioni mũsumbĩ wa Aamoli, ũla watwĩe Esivoni.</verse>
				<verse number="3">Kwondũ wa ũu Yeova Ngai waitũ atũnenga kw’okonĩ kwitũ o na Oku nake, mũsumbĩ wa Mbasani, na andũ make onthe: na twamũkũna mũvaka ndaatialĩlwa nĩ mũndũ o na ũmwe.</verse>
				<verse number="4">Na twakwata ndũa syake syonthe ĩvinda yĩu; vatyaĩ ndũa o na ĩmwe ĩla tũtaamavena; ndũa mĩongo thanthatũ, na nthĩ yonthe ya Alikovu, ũsumbĩ wa Oku nthĩ ga Mbasani.</verse>
				<verse number="5">Ndũa isu syonthe syaĩ mbiie na maũvai matũlu, na mbingĩlo, na ivingi; na vamwe na isu mĩsyĩ mingĩ ĩtaĩ miie.</verse>
				<verse number="6">Na twasyananga vyũ, o tondũ twamwĩkie Sioni mũsumbĩ wa Esivoni, tũkyananga vyũ kĩla ndũa yaĩ na andũ, vamwe na aka na twana tũnini.</verse>
				<verse number="7">Ĩndĩ indo syonthe, na mĩio yonthe ya ndũa isu, twoosa syĩthĩwe mũtavo witũ ene.</verse>
				<verse number="8">Na ĩvinda yĩu twoosa nthĩ kuma mokonĩ ma asumbĩ asu elĩ ma Aamoli ala maĩ mũingo wa Yolotani, kuma mwanda wa ũsĩ wa Alinoni, kũvika kĩĩma kya Elimoni</verse>
				<verse number="9">(kĩĩma kyu kya Elimoni, Asitoni makĩtaa Silioni, na Aamoli makĩtaa Senili);</verse>
				<verse number="10">ndũa syonthe sya ũiĩnĩ, na Ngileati yonthe, na Mbasani yonthe, kũvika Saleka na Etilei, ndũa sya ũsumbĩ wa Oku nthĩ ya Mbasani.</verse>
				<verse number="11">(Nũndũ no Oku weka mũsumbĩ wa Mbasani watialilw’e wa ũtialo wa Alevai; sisya, ũkomo wake waĩ ũkomo wa kĩaa; ndwĩ vo ndũanĩ ya Lava ya ana ma Amimoni? Ũasa waw’o waĩ mĩkono kenda, na ũthanthau waw’o waĩ mĩkono ĩna, o ũndũ mũkono wa mũndũ ũilyĩ.)</verse>
				<verse number="12">Na nthĩ ĩsu twamĩmesya ĩvinda yĩu: kuma ndũa ya Aloeli, ĩla yĩ vakuvĩ na mwanda wa ũsĩ wa Alinoni, na nyanzu ya nthĩ yĩ iĩma ya Ngileati, na ndũa syayo, nanenga Aleuveni na Angati:</verse>
				<verse number="13">na nthĩ ya Ngileati ĩla yatialile, na nthĩ yonthe ya Mbasani, ũsumbĩ wa Oku, nanenga nyunzu ya mbaĩ ya Manase; nthĩ yonthe ya Alikovu, nayo nĩ Mbasani yonthe. (Nthĩ ĩsu yĩtawa nthĩ ya Alevai.</verse>
				<verse number="14">Yaili mwana wa Manase oosa nthĩ yonthe ya Alikovu, kũvika mũvakanĩ wa Angesuli na Amaaka, na asyĩta, o Mbasanĩ, aisyĩtanĩsya na syĩtwa yake mwene, Avothi‐yaili, kũvika ũmũnthĩ.)</verse>
				<verse number="15">Na namũnenga Makili nthĩ ya Ngileati.</verse>
				<verse number="16">Na namanenga Aleuveni na Angati nthĩ kuma Ngileati kũvika mwanda wa ũsĩ wa Alinoni, mwandanĩ katĩ, wĩthĩwe mũvaka o kũvika ũsĩ wa Yavoki, naw’o nĩ mũvaka wa ana ma Amimoni;</verse>
				<verse number="17">o na Alava, na ũsĩ wa Yolotani wĩthĩwe mũvaka, kuma ndũa ya Kinelethi o kũvika ũkanga wĩ Alava, naw’o nĩ Ũkanga wa Mũnyũ, ĩtheo wa kĩvaũũko kya Visika kwelekela wumĩlonĩ wa syũa.</verse>
				<verse number="18">Na namwĩaĩa ĩvinda yĩu, ngyasya, Yeova Ngai wenyu nũmũnengete nthĩ ĩno mũmĩmesye: mũkainga mwĩkĩĩte mĩio ya kaũ mwĩ mbee wa ana‐a‐ĩthe menyu ana ma Isilaeli andũ onthe me na ũkũmbaũ.</verse>
				<verse number="19">Ĩndĩ iveti syenyu, na syana syenyu nini, na indo syenyu (nĩnĩsĩ mwĩ na indo nyingĩ), ikekala ndũanĩ syenyu ila nĩmũnengete,</verse>
				<verse number="20">kũvika yĩla Yeova wĩmathũmũsya ana‐a‐ĩthe menyu, o ũndũ wamũthũmũisye inyw’ĩ, na makamesya nthĩ ĩla Yeova Ngai wenyu ũmanengae mũingo wa Yolotani; nĩvo ĩndĩ mwĩsyoka kĩla mũndũ ng’ũndũnĩ yake, ĩla nĩmũnengete.</verse>
				<verse number="21">Na namwĩaĩa Yosua ĩvinda yĩu, ngyasya, Metho maku nĩmonete ũndũ w’onthe ũla Yeova Ngai waku ũmekĩte asumbĩ asu elĩ: now’o Yeova wĩmeka mosumbĩ onthe nthĩ ĩla wĩinga.</verse>
				<verse number="22">Mũtikamakĩe; nũndũ Yeova Ngai waku, nĩwe ũmũkitĩaa.</verse>
				<verse number="23">Na namwĩsũva Yeova ĩvinda yĩu, ngyasya,</verse>
				<verse number="24">Ame Mwĩaĩi Yeova, nĩwambĩlĩlye kwon’ya mũthũkũmi waku, ũnene waku na kw’oko kwaku kwĩ vinya: nũndũ nĩ ngai yĩva ĩtunĩ kana kũũ nthĩ, ĩtonya kwĩka kwĩanana na mawĩa maku, na kwĩanana na meko maku me vinya?</verse>
				<verse number="25">Ndeka nĩinge, nĩngũkwĩsũva, none nthĩ nzeo ĩla yĩ mũingo wa Yolotani, nthĩ ĩsu nzeo yĩ iĩma, na kĩĩma kya Levanoni.</verse>
				<verse number="26">Ĩndĩ Yeova anthatĩa kwondũ wenyu, na ndaambĩthukĩĩsya; na Yeova ambĩa, Ĩanĩwa nũu; ndũkaneene nakwa ĩngĩ ũvoo ũsu.</verse>
				<verse number="27">Ambata mũtumbĩnĩ wa kĩĩma Visika, na ũngalalya metho maku ũthũĩlonĩ wa syũa, na ngali ya ĩũlũ, na ngalĩ ya ĩtheo, na wumĩlonĩ wa syũa, ũiketeea na metho maku: nũndũ ndũkainga ũsĩ ũũ wa Yolotani.</verse>
				<verse number="28">Ĩndĩ mwĩaĩe Yosua, na ũimũkũmbaĩthya, na kũmwĩkĩa vinya; nũndũ nĩwe ũkamatongoesya andũ aa mainge, nake akatuma matiĩwa nthĩ ĩla wĩona.</verse>
				<verse number="29">Kwondũ wa ũu twekala mwandanĩ ũla welekele Mbethi‐veoli.</verse>
			</chapter>
			<chapter number="4">
				<verse number="1">Na yu, Isilaeli, ĩthukĩĩsyei myamũlo na motw’ĩo, ala nĩmũmanyĩasya, mũmeke; nĩ kana mwĩkale thayũ, na kũlika na kũmesya ĩ nthĩ ĩla Yeova, Ngai wa aaĩthe menyu, ũmũnengae.</verse>
				<verse number="2">Mũikamyongeleele ndeto ĩla nĩmwĩaĩaa, o na mũikamĩole, nĩ kana mũkwate mĩao ya Yeova Ngai wenyu ĩla nĩmwĩaĩaa.</verse>
				<verse number="3">Metho menyu nĩmonete ũndũ Yeova wekie nũndũ wa Mbethi‐veoli; nũndũ andũ onthe ala maatĩĩe Mbethi‐veoli, Yeova Ngai waku nũmanangĩte kũmaumya nthĩnĩ wenyu.</verse>
				<verse number="4">Ĩndĩ inyw’ĩ ala mwalũmanilye na Yeova Ngai wenyu mwĩ thayũ kĩla mũndũ ũmũnthĩ.</verse>
				<verse number="5">Sisyai, nĩmũmanyĩĩtye myamũlo na motw’ĩo, o tondũ Yeova Ngai wakwa wambĩaĩe, nĩ kana inyw’ĩ mwĩkĩae ũu nthĩ ĩla mwĩlika mũmĩmesye.</verse>
				<verse number="6">Kwondũ wa ũu mĩkwatei na mũimĩka; nĩkwĩthĩwa ũu nĩw’o ũĩ wenyu na ũmanyi wenyu methonĩ ma ngo sya andũ, ala makew’a mĩao ĩno yonthe, na kwasya, Nĩ w’o mbaĩ ĩno nene nĩ andũ oĩ na me na ũmanyi.</verse>
				<verse number="7">Nũndũ kwĩ mbaĩ yĩva nene, ĩla yĩ na ngai yĩ vakuvĩ namo, tondũ Yeova Ngai waitũ ũilyĩ o yĩla tũmwĩkaĩlaa?</verse>
				<verse number="8">Na kwĩ mbaĩ yĩva nene, yĩ na myamũlo na motw’ĩo malũngalu ta mĩao ĩno yonthe, ĩla niĩte mbee wenyu ũmũnthĩ?</verse>
				<verse number="9">Ĩsũvĩe mwene, na kũsyaĩĩsya na kĩthing’ĩĩsyo ngoo yaku, ndũkese kũlwa nĩ maũndũ ala metho maku moonie, maikese kuma ngoonĩ yaku mĩthenya yonthe ya thayũ waku; ĩndĩ manyĩthya mo syana syaku na esũkũũu;</verse>
				<verse number="10">na mũno mũthenya ũla waũngamie mbee wa Yeova Ngai waku Olevu, yĩla Yeova wambĩie, Mbũmbanĩsya andũ, nakwa ngatuma mew’a ndeto syakwa, nĩ kana memanyĩsye kũngĩa mĩthenya yonthe ĩla me thayũ kũũ nthĩ, na nĩ kana mamanyĩsye syana syoo.</verse>
				<verse number="11">Nenyu mwathengeea na kũũngama ĩtina wa kĩĩma; na kĩĩma kyakana mwaki kũvika ĩtunĩ nthĩnĩ, kweethĩwa kĩvindu, na mũumbĩ, na kĩvindu kya ngokomi.</verse>
				<verse number="12">Na Yeova aneena nenyu e nthĩnĩ, wa mwaki: mweew’a wasya wa ndeto, ĩndĩ mũtyaona mũvw’ano; no kwĩw’a wasya.</verse>
				<verse number="13">Nake amũtavya ũtianĩo wake, ũla wamwĩaĩe mwĩke, naw’o nĩ ĩla mĩao ĩkũmi; na amĩandĩka masengeanĩ elĩ ma mavia.</verse>
				<verse number="14">Na Yeova ambĩaĩa ĩvinda yĩu nĩmũmanyĩsye myamũlo na motw’ĩo, mũtonye kũmekĩaa nthĩ ĩla mwĩinga mũmĩmesye.</verse>
				<verse number="15">Kwondũ wa ũu ĩsũvĩei ene; nũndũ mũtyaona mũvw’ano o na wĩva mũthenya ũla Yeova waneenie nenyu e nthĩnĩ wa mwaki Olevu;</verse>
				<verse number="16">mũikese kwĩthũkya, na kwĩseũvĩsya mũvw’anano mwasũvye wa mũvw’ano wa kĩndũ o na kĩva, mũvw’ano wa mũndũ mũũme kana mũndũ mũka,</verse>
				<verse number="17">mũvw’ano wa nyamũ o na yĩva yĩ kũũ nthĩ, mũvw’ano wa nyũnyi o na yĩva yĩ nthwau yĩũlũkaa yayayanĩ,</verse>
				<verse number="18">mũvw’ano wa kĩndũ o na kĩva kĩla kĩtambũkaa mũthanganĩ, mũvw’ano wa ĩkũyũ o na yĩva yĩla yĩ manzĩnĩ ĩtheo wa nthĩ;</verse>
				<verse number="19">na ndũkese kũũngalalya metho maku kũsisya ĩtunĩ, na woona syũa na mwei na ndata, o nguthu yonthe yĩ ĩtunĩ, ũkakusw’a na kwithaitha, na kwithũkũma, ila Yeova Ngai waku wiaanĩĩtye ngonĩ syonthe sya andũ ila syĩ ĩtheo wa ĩtu yonthe.</verse>
				<verse number="20">Ĩndĩ Yeova nũmwosete, na kũmumya ikonĩ ĩnene ya kĩaa, kũmumya Misili, mwĩthĩwe kwake andũ ma ũtiĩwa, o ũndũ mũilyĩ ũmũnthĩ.</verse>
				<verse number="21">Na ũndũ ũngĩ Yeova anthatĩa kwondũ wenyu, na eevĩta ndikainga ũsĩ wa Yolotani, na ndikalika nthĩ ĩsu nzeo, ĩla Yeova Ngai waku ũkũnengae yĩthĩwe ũtiĩwa waku:</verse>
				<verse number="22">ĩndĩ mũvaka nĩkw’ĩe nthĩ ĩno, nditonya kũinga ũsĩ wa Yolotani; ĩndĩ inyw’ĩ mũkainga, na mũithi kũmĩmesya nthĩ ĩsu nzeo.</verse>
				<verse number="23">Ĩsũvĩei, mũtikese kũlwa nĩ ũtianĩo wa Yeova Ngai wenyu, ũla watianĩe nenyu, na kwĩseũvĩsya mũvw’anano mwasũvye wa mũvw’ano wa kĩndũ o na kĩva kĩla Yeova Ngai waku wakũvatie.</verse>
				<verse number="24">Nũndũ Yeova Ngai waku nĩ mwaki ũla ũĩsaa, Ngai wĩ kĩwĩu.</verse>
				<verse number="25">Wasyaa syana, na esũkũũu, na kwĩthĩwa mwĩkalĩte nthĩ ĩvinda ĩasa, na mũkevukya, na kũseũvya mũvw’anano mwasũvye wa mũvw’ano wa kĩndũ o na kĩva, na mũkeka ũndũ ũla Yeova Ngai wenyu wonaa wĩ ũthũku, na kũmũthatya;</verse>
				<verse number="26">ũmũnthĩ nĩngwĩta ĩtu na nthĩ imũkũsĩĩe, atĩ mĩtũkĩ mũkaanangĩka vyũ kumw’a nthĩ ĩsu ĩla mwĩinga Yolotani mũkamĩmesye; mũtikaingĩvya mĩthenya yenyu nthĩnĩ wayo, ĩndĩ mũkanangwa vyũ.</verse>
				<verse number="27">Na Yeova akamũnyaĩĩkya katĩ wa ngo sya andũ, na mũkatiala andũ anini ũtalonĩ katĩ wa i mbaĩ, kũla Yeova ũkamũtwaa.</verse>
				<verse number="28">Na kũu mũkaithũkũma ngai, mawĩa ma moko ma andũ, mĩtĩ na mavia, ila itonaa, kana kwĩw’a, kana kũya, kana kũnyungĩa.</verse>
				<verse number="29">Ĩndĩ mwĩ kũu mũkamantha Yeova Ngai waku, na ũkamwona, yĩla wĩmũmantha na ngoo yaku yonthe na thayũ waku w’onthe.</verse>
				<verse number="30">Yĩla wĩ ũnyamaonĩ, na maũndũ asu onthe makũkĩa, mĩthenya ya mũminũkĩlyo ũkamũsyokea Yeova Ngai waku, na kwĩthukĩĩsya wasya wake:</verse>
				<verse number="31">nũndũ Yeova Ngai waku nĩ Ngai wa tei; ndakakũeka, kana ũkwananga, kana kũlwa nĩ ũtianĩo wa aaĩthe maku ũla wamevĩtĩe.</verse>
				<verse number="32">Ĩndĩ kũlya yu ũvoo wa mĩthenya mĩvĩtu, ĩla yavĩtie mbee waku, kuma mũthenya ũla Ngai wombie mũndũ kũũ nthĩ, na kuma ngalĩ ĩmwe ya ĩtu kũvika ngalĩ ĩngĩ, ethĩwa kwaethĩwa ũndũ o na wĩva wailyĩ ũndũ ũũ ũnene, kana kwaew’ĩka ũndũ ũilyĩ taw’o?</verse>
				<verse number="33">Ve andũ maew’a wasya wa Ngai ũineena wĩ mwakinĩ tondũ weewie, na kwĩkala thayu?</verse>
				<verse number="34">Kana Ngai aatata kũthi na kwĩyosea mwene mbaĩ kuma nthĩnĩ wa mbaĩ ĩngĩ, kwondũ wa matatwa, na syama, na moseng’yo, na kaũ, na kw’oko kwĩ vinya, na kw’oko kũtambũũku, na motĩsyo manene, o ũndũ Yeova Ngai wenyu wamwĩkĩe nthĩ ya Misili mwene na metho menyu?</verse>
				<verse number="35">We nĩwooniw’e ũu, nĩ kana ũmanye atĩ Yeova nĩwe Ngai; vai ũngĩ ate o we.</verse>
				<verse number="36">E ĩtunĩ akwĩw’ĩthya wasya wake, nĩ kana akũmanyĩsye; na kũũ nthĩ akwonethya mwaki wake mũnene; naku weew’a ndeto syake e mwakinĩ.</verse>
				<verse number="37">Na nĩkwĩthĩwa nĩwamendie aaĩthe maku, kwondũ wa ũu anyuva ũsyao woo ĩtina woo, na akumya Misili e vamwe naku, kwondũ wa vinya wake mũnene;</verse>
				<verse number="38">kana alũngye mbee waku mbaĩ ila nene na syĩ vinya kwĩ we, akũlikye nthĩnĩ, na ũkũnenga nthĩ yoo yĩthĩwe ũtiĩwa o ũndũ kũilyĩ ũmũnthĩ.</verse>
				<verse number="39">Manya ĩndĩ ũmũnthĩ, na wĩkĩe ngoonĩ yaku, kana Yeova nĩwe Ngai ĩũlũ ĩtunĩ na ĩtheo kũũ nthĩ; vai ũngĩ.</verse>
				<verse number="40">Naku kwata myamũlo yake, na mĩao yake, ĩla ngũkwĩaĩa ũmũnthĩ, nĩ kana kwĩthĩwe ũseo kwaku, na kwa syana syaku ĩtina waku, na nĩ kana wingĩvye mĩthenya yaku wĩ nthĩ ĩla Yeova Ngai waku ũkũnengae, tene na tene.</verse>
				<verse number="41">Nĩvo Mose wavathie ndũa itatũ mũingo wa Yolotani kwelekela vala syũa yumĩlaa;</verse>
				<verse number="42">nĩ kana mũaani akĩĩae vo, ũla ũmũaa mũtũi wake na mbanga, na ndatwĩe e ũthũ nake; na ĩndĩ akeethĩwa thayũ akĩĩa ndũa ĩmwe ya isu:</verse>
				<verse number="43">nasyo nĩ, Mbeseli ĩla yĩ weũnĩ, nthĩ yĩ ũiĩ, ũndũ wa Aleuveni; na Lamothi nthĩ ya Ngileati, ũndũ wa Angati; na Ngolani nthĩ ya Mbasani, ũndũ wa Amanase.</verse>
				<verse number="44">Na ĩno nĩyo mĩao ĩla Mose wamaiĩe ana ma Isilaeli:</verse>
				<verse number="45">aa nĩmo mokũsĩ, na myamũlo, na motw’ĩo, ala Mose wamatavisye ana ma Isilaeli, yĩla maumie nthĩ ya Misili,</verse>
				<verse number="46">mũingo wa Yolotani, mwandanĩ ũla welekele Mbethi‐veoli, nthĩ ya Sioni mũsumbĩ wa Aamoli, ũla watwĩe Esivoni, ũla Mose na ana ma Isilaeli mamũkũnie, yĩla maumie Misili.</verse>
				<verse number="47">Na mamĩmesya nthĩ yake, na nthĩ ya Oku mũsumbĩ wa Mbasani, nĩmo asumbĩ elĩ ma Aamoli, ala maĩ mũingo wa Yolotani kwelekela vala syũa yumĩlaa;</verse>
				<verse number="48">kuma Aloeli, ĩla yĩ ũtee wa mwanda wa ũsĩ wa Alinoni, o kũvika kĩĩma kya Saioni (nĩkyo kĩĩma kya Elimoni),</verse>
				<verse number="49">na Alava w’onthe mũingo wa Yolotani kwelekela wumĩlonĩ wa syũa, o kũvika ũkanga wa Alava, ĩtheo wa ivaũũko sya Visika.</verse>
			</chapter>
			<chapter number="5">
				<verse number="1">Na Mose ameta Isilaeli onthe, na amea, Ĩthukĩĩsyei, we Isilaeli, myamũlo na motw’ĩo ala ngũneena matũnĩ menyu ũmũnthĩ, nĩ kana mwĩmanyĩsye, mũmasũvĩe na kũmekaa.</verse>
				<verse number="2">Yeova Ngai waitũ atianĩe ũtianĩo naitũ Olevu.</verse>
				<verse number="3">Ũtianĩo ũũ Yeova ndaatianĩa na aaĩthe maitũ, ĩndĩ nĩ ithyĩ, o ithyĩ ala twĩ thayũ vaa ithyonthe ũmũnthĩ.</verse>
				<verse number="4">Yeova aneena nenyu ũthyũ kwa ũthyũ kĩĩmanĩ e mwakinĩ</verse>
				<verse number="5">(nakwa naũngama katĩ wa Yeova nenyu ĩvinda yĩu, nĩmwon’ye ndeto ya Yeova: nĩkwĩthĩwa nĩmwakĩaa nũndũ wa mwaki, na mũtyaambata kĩĩmanĩ), akĩmwĩa,</verse>
				<verse number="6">Ninyie Yeova Ngai waku, ũla wakumisye nthĩ ya Misili, ũkumya nyũmbanĩ ya ũkombo.</verse>
				<verse number="7">Ndũkethĩwe na ngaĩ ingĩ ate o nyie.</verse>
				<verse number="8">Ndũkeseũvĩsye mũvw’anano mwasũvye, mũvw’ano o na wĩva wa kĩndũ kĩ ĩũlũ ĩtunĩ, kana kĩla kĩ kũũ nthĩ, kana kĩla kĩ manzĩnĩ ĩtheo wa nthĩ:</verse>
				<verse number="9">ndũkamĩkunamĩe, o na ndũkamĩthũkũme; nũndũ nyie, Yeova Ngai waku, nĩ Ngai wĩ kĩwĩũ, ngĩivanĩsya kwa syana ũthũku wa aaĩthe, kũvika nzyawa ya katatũ na ya kana sya ala mamenaa;</verse>
				<verse number="10">na ngyonan’ya ũseo wĩ wendo kũvika ngili na ngili sya ala mambendaa na kũkwataa mĩao yakwa.</verse>
				<verse number="11">Ndũkawete syĩtwa ya Yeova Ngai waku mana: nũndũ Yeova ndakasya ũsu nde ĩvĩtyo ũla ũwetaa syĩtwa yake mana.</verse>
				<verse number="12">Lilikana mũthenya wa savato, ũwĩkalye wĩ mũtheu, o tondũ Yeova Ngai waku wakwĩaĩe.</verse>
				<verse number="13">Tethya wĩa mĩthenya thanthatũ, wĩke mawĩa maku onthe;</verse>
				<verse number="14">ĩndĩ mũthenya wa mũonza nĩ savato wa Yeova Ngai waku: mũthenya ũsu ndũkatethye wĩa o na wĩva, we, kana mwana waku, kana mwĩĩtu waku, kana mũthũkũmi waku mũndũ mũũme, kana mũthũkũmi waku mwĩĩtu, kana ng’ombe yaku, kana ĩng’oi yaku, kana indo syaku o na syĩva, kana mũeni waku ũla wĩ kwaku; nĩ kana mũthũkũmi waku mũndũ mũũme na mũthũkũmi waku mwĩĩtu mathũmũe o taku.</verse>
				<verse number="15">Na lilikana atĩ waĩ mũthũkũmi nthĩ ya Misili, na Yeova Ngai waku akumya vo na kw’oko kwĩ vinya na kw’oko kũtambũũku: kwondũ wa ũu Yeova Ngai waku nĩwakwĩaĩe ũlilikane mũthenya wa savato.</verse>
				<verse number="16">Taĩa au na mwenyu, o tondũ Yeova Ngai waku wakwĩaĩe; nĩ kana matukũ maku maingĩve, na nĩ kana kwĩthĩwe ũseo kwaku, nthĩ ĩla Yeova Ngai waku ũkũnengae.</verse>
				<verse number="17">Ndũkoae.</verse>
				<verse number="18">O na ndũkalaalae.</verse>
				<verse number="19">O na ndũkoye.</verse>
				<verse number="20">O na ndũkamũkũsĩĩe mũtũi waku ũvũngũ.</verse>
				<verse number="21">O na ndũkamwĩw’ĩe ĩtomo mũka wa mũtũi waku; o na ndũkew’ĩe ĩtomo nyũmba ya mũtũi waku, kana mũũnda wake, kana mũthũkũmi wake mũndũ mũũme, kana mũthũkũmi wake mwĩĩtu, kana ng’ombe yake, kana ĩng’oi yake, kana kĩndũ o na kĩva kya mũtũi waku.</verse>
				<verse number="22">Ndeto isu Yeova aneena na ũmbano wenyu w’onthe kĩĩmanĩ e katĩ wa mwaki, na mũumbĩnĩ, na kĩvindunĩ kya ngokomi, na wasya mũnene: o na ndaongela. Na aiandĩka masengeanĩ elĩ ma mavia, na anenga nyie.</verse>
				<verse number="23">Na kweethĩwa, mweew’a wasya wĩ kĩvindunĩ, yĩla kĩĩma kyakanĩte mwaki, mwanthengeea, o atongoi onthe ma mbaĩ syenyu, na atumĩa menyu;</verse>
				<verse number="24">na mwanbĩa, Sisya, Yeova Ngai waitũ nũtwonetye ũtheu mũtisu wake na ũnene wake, na ithyĩ nĩtwĩw’ĩte wasya wake wĩ nthĩnĩ wa mwaki: ũmũnthĩ nĩtwoona kana Ngai nũneenaa na mũndũ, nake akekala thayũ.</verse>
				<verse number="25">Na yu ĩndĩ twĩkw’ĩa kĩ? Nũndũ mwaki ũũ mũnene ũkatũmina: ethĩwa tũkeew’a ĩngĩ wasya wa Yeova Ngai waitũ, tũkakw’a.</verse>
				<verse number="26">Nũndũ nĩ wĩva wa onthe me mĩĩ, ũla wewie wasya wa Ngai ũla wĩ thayũ akĩneena e katĩ wa mwaki, o tondũ tweew’a, nake akekala thayũ?</verse>
				<verse number="27">Thi ũthengeee, wĩw’e w’onthe ũla Yeova Ngai waitũ wĩneena: naku ũtũtavye w’onthe ũla Yeova Ngai waitũ wĩneena naku; naitũ tũkawĩw’a, na kũwĩka.</verse>
				<verse number="28">Na Yeova eew’a wasya wa ndeto syenyu, yĩla mwaneenie nakwa; na Yeova ambĩa, Nĩneew’a wasya wa ndeto sya andũ aa, ila makũtavya: nĩmaneena nesa w’onthe ũla maneena.</verse>
				<verse number="29">A! Kethĩwa me na ngoo ta ĩsu mavinda onthe, mangĩe na kũkwata mĩao yakwa yonthe, nĩ kana kwĩthĩwe ũseo kwoo, na kwa syana syoo tene na tene!</verse>
				<verse number="30">Enda ũmatavye, Syokai maeemanĩ menyu.</verse>
				<verse number="31">Ĩndĩ we, ũngama vaa vakuvĩ nakwa, na nĩngũkũtavya mwĩao w’onthe, na myamũlo, na motw’ĩo, ala wĩmamanyĩsya, nĩ kana matonye kũmekĩaa nthĩ ĩla nĩmanengae mamĩmesye.</verse>
				<verse number="32">Sũvĩai ĩndĩ mwĩke o tondũ Yeova Ngai wenyu wamwĩaĩe: mũtikathũke ngalĩ ya kw’oko kwa aũme kana kw’oko kwa aka.</verse>
				<verse number="33">Endaai na nzĩa yonthe ĩla Yeova Ngai wenyu wamwĩaĩe, nĩ kana mwĩthĩwe thayũ, na nĩ kana kwĩthĩwe ũseo kwenyu, na mwingĩvye mĩthenya yenyu mwĩ nthĩ ĩla mwĩmĩmesya.</verse>
			</chapter>
			<chapter number="6">
				<verse number="1">Ũũ nĩw’o mwĩao, na myamũlo, na motw’ĩo, ala Yeova Ngai wenyu weaĩe mũmanyĩwe, nĩ kana mũmekĩe nthĩ ĩla mwĩinga mũkamĩmesye;</verse>
				<verse number="2">nĩ kana ũmũkĩe Yeova Ngai waku, kũkwata myamũlo yake yonthe, na mĩao yake yonthe, ĩla nĩmwĩaĩaa, we, na mwana waku, na mwĩsũkũũu, mĩthenya yonthe ya thayũ waku; na nĩ kana mĩthenya yaku yingĩvw’e.</verse>
				<verse number="3">Kwondũ wa ũu ĩw’a, we Isilaeli, sũvĩa wĩke ũu; nĩ kana kwĩthĩwe ũseo kwaku, nĩ kana mũtonye kwingĩva mũno, o tondũ Yeova, Ngai wa aaĩthe maku, wakwathie, mwĩ nthĩ yusũĩte ĩia na ũkĩ wa nzũkĩ.</verse>
				<verse number="4">Ĩw’a, we Isilaeli: Yeova Ngai waitũ nĩ Yeova ũmwe:</verse>
				<verse number="5">naku mwende Yeova Ngai waku na ngoo yaku yonthe, na thayũ waku w’onthe, na vinya waku w’onthe.</verse>
				<verse number="6">Na ndeto ii, ila ngũkwĩaĩa ũmũnthĩ, ikeethĩwa ngoonĩ yaku;</verse>
				<verse number="7">naku imanyĩasye syana syaku na kĩthing’ĩĩsyo, na ineenae ndeto isu yĩla ũilyĩ nyũmbanĩ yaku, na yĩla ũendaa nzĩanĩ, na yĩla ũkomaa, na yĩla wũkĩlaa.</verse>
				<verse number="8">Na syoveee kw’okonĩ kwaku syĩthĩwe wonan’yo, na syĩthĩwe ũlilikan’yo katĩ wa metho maku.</verse>
				<verse number="9">Na iandĩke mĩtĩnĩ ĩla yĩ ndee sya mĩomo ya nyũmba yaku, na mbingĩlonĩ syaku.</verse>
				<verse number="10">Na kũkeethĩwa, yĩla Yeova Ngai waku wĩkũtwaa nthĩ ĩla wevĩtĩe aaĩthe maku, Avalaamu, na Isaka, na Yakovo, ũkũnenga, ndũa nene na nzeo, ila ũtaaka we,</verse>
				<verse number="11">na nyũmba syusĩe syĩndũ syonthe nzeo, ila ũtaausũsya, na ithima mbĩnze, ila ũtaaĩnza, na mĩũnda ya mĩsavivũ na mĩthata, ĩla ũtaavanda, naku ũkaya na kũvũna;</verse>
				<verse number="12">nĩvo ĩndĩ sũvĩa ndũkese kũlwa nĩ Yeova, ũla wakumisye nthĩ ya Misili, kũkumya nyũmbanĩ ya ũkombo.</verse>
				<verse number="13">Mũkĩe Yeova Ngai waku; na kũmũthũkũma, na kwĩvĩta na syĩtwa yake.</verse>
				<verse number="14">Mũtikaatĩĩe ngai ingĩ, ngai sya andũ ala mamũthyũlũlũkĩte;</verse>
				<verse number="15">nĩkwĩthĩwa Yeova Ngai waku ũla wĩ katĩ wenyu nĩ Ngai wĩ kĩwĩu; ũthatu wa Yeova Ngai waku ndũkese ũkwakanĩa, nake aikwananga wume ũthyũnĩ wa nthĩ.</verse>
				<verse number="16">Mũtikamũtate Yeova Ngai wenyu, o ũndũ mwamũtatie kũu Masa.</verse>
				<verse number="17">Kwatai na kĩthing’ĩĩsyo mĩao ya Yeova Ngai wenyu, na mokũsĩ make, na myamũlo yake, ĩla wakwĩaĩe.</verse>
				<verse number="18">Na ĩka ũla Yeova wonaa wĩ wa w’o na ũseo; nĩ kana kwĩthĩwe ũseo kwaku, na nĩ kana ũtonye kũlika na kũmesya nthĩ ĩsu nzeo ĩla Yeova wevĩtĩe aaĩthe maku,</verse>
				<verse number="19">kũlũngya amaitha maku onthe maume mbee waku, o tondũ Yeova ũneenete.</verse>
				<verse number="20">Yĩla mwana waku ũkakũkũlya ĩvinda yĩla yũkĩte, akyasya, Nĩ ma kĩ, mokũsĩ aa, na myamũlo ĩno, na motw’ĩo aa ala Yeova Ngai waitũ wamwĩaĩe?</verse>
				<verse number="21">Nĩvo ĩndĩ ũkamwĩa mwana waku, Twaĩ ngombo sya Valao nthĩ ya Misili: na Yeova atumya Misili na kw’oko kwĩ vinya;</verse>
				<verse number="22">na Yeova oonan’ya syama na moseng’yo manene na me woo, ĩũlũ wa Misili, na Valao, na nyũmba yake yonthe twene na metho maitũ;</verse>
				<verse number="23">na atumya kw’o, nĩ kana atũlikye kũũ, atũnenge nthĩ ĩla wamevĩtĩe aaĩthe maitũ.</verse>
				<verse number="24">Na Yeova atwĩaĩa twĩke myamũlo ĩsu yonthe, na kũkĩa Yeova Ngai waitũ, twĩthĩwe na ũseo mavinda onthe, nĩ kana atũsũvĩe twĩthĩwe thayũ, o ũndũ kũilyĩ ũmũnthĩ.</verse>
				<verse number="25">Na kũkeethĩwa ũlũngalu kwitũ, twasũvĩa na kwĩka mwĩao ũũ w’onthe mbee wa Yeova Ngai waitũ, o tondũ watwĩaĩe.</verse>
			</chapter>
			<chapter number="7">
				<verse number="1">Yĩla Yeova Ngai waku ũkakũlikya nthĩ ĩla wĩthi kũmĩmesya, na kũlũngya mbaĩ nyingĩ syume mbee waku, Mũititi, na Mũngilikasi, na Mũamoli, na Mũkanaani, na Mũvelisi, na Mũivi, na Mũyevusi, mbaĩ mũonza nene na syĩ vinya kwĩ we;</verse>
				<verse number="2">na yĩla Yeova Ngai waku ukainengane mbee waku, naku ũkaikũna; nĩvo ĩndĩ syanange vyũ: ndũkaethĩwe na wĩw’ano nao, kana kũmew’ĩa tei;</verse>
				<verse number="3">o na ndũkaatwaanĩe nao; mwĩĩtu waku ndũkaamũne mwana wake, kana mwĩĩtu wake ndũkaamũtwaĩe mwana waku.</verse>
				<verse number="4">Nũndũ akamwathũkya mwana waku aeke kũmbikĩla, nĩ kana mathũkũme ngai ingĩ: na kwondũ wa ũu ũthatu wa Yeova ũkakwakanĩa, na akakwananga mĩtũkĩ.</verse>
				<verse number="5">Ĩndĩ mekei ũũ: anangai ithembeo syoo, na tũlangai ituĩ syoo ilungu, na temangai Aselimu yoo, na vĩvyai na mwaki mĩvw’anano yoo myasũvye.</verse>
				<verse number="6">Nĩkwĩthĩwa we wĩ mbaĩ ntheu kwa Yeova Ngai waku: Yeova Ngai waku nũkũnyuvĩte wĩthĩwe mbaĩ yake mwene, kuma ngonĩ syonthe sya andũ syĩ ĩũlũ wa nthĩ.</verse>
				<verse number="7">Yeova ndaamwenda kana kũmũnyuva, nĩkwĩthĩwa mwaĩ aingĩ kũvĩtũka ũko wa andũ o na wĩva; nũndũ mwaĩ anini kũvĩtũka ngo syonthe sya andũ:</verse>
				<verse number="8">ĩndĩ nĩ kwĩthĩwa Yeova nũmwendaa, na nĩkwĩthĩwa nũkwenda kwĩanĩsya wĩvĩto ũla wamevĩtĩe aaĩthe menyu, nĩvo Yeova wamumisye na kw’oko kwĩ vinya, na kũmwovosya kũmumya nyũmbanĩ ya ũkombo, kuma kw’okonĩ kwa Valao mũsumbĩ wa Misili.</verse>
				<verse number="9">Manya ĩndĩ kana Yeova Ngai waku, nĩwe Ngai, Ngai wĩ kĩthito, ũla wĩanĩasya ũtianĩo na ũseo wĩ wendo kwa ala mamwendaa na kũkwata mĩao yake kũvika nzyawa ngili,</verse>
				<verse number="10">na kwĩĩvanĩsya ũthyũnĩ woo ala mamũmenaa, amanange: ndakethĩwa na kĩkono kwa ũla ũmũmenaa, akamũĩvanĩsya ũthyũnĩ wake.</verse>
				<verse number="11">Kwondũ wa ũu kwata mwĩao, na myamũlo, na motw’ĩo, ala ngũkwĩaĩa ũmũnthĩ, ũmeke.</verse>
				<verse number="12">Na kũkeethĩwa, nũndũ nĩmwĩthukĩĩasya motw’ĩo aa, na kũmakwata, na kũmeka, kana Yeova Ngai waku akeanĩsya naku ũtianĩo na ũseo wĩ wendo ũla wamevĩtĩe aaĩthe maku:</verse>
				<verse number="13">nake akakwenda, na ũkũathima, na ũkwingĩvya; na akaathima ũsyao wa mwĩĩ waku na ũsyao wa nthĩ yaku, lĩu waku wa mbaa ngetha na mbinyu yaku mbĩthĩ na mauta maku, wingĩvo wa ng’ombe syaku, na tũtena twa ndĩthya yaku ya mbũi na malondu, wĩ nthĩ ĩla wamevĩtĩe aaĩthe maku ũkũnenga.</verse>
				<verse number="14">Ũkaathimwa kũvĩtũka ngo syonthe sya andũ: vatikethĩwa mũndũ mũũme kana mũndũ mũka ũteũsyaa katĩ wenyu, kana ĩndonĩ syenyu.</verse>
				<verse number="15">Na Yeova akakũvetea ũwau w’onthe; na ndakakũetee ũwau o na ũmwe wa mowau mathũku ma Misili, ala wĩsĩ, ĩndĩ akamaetee onthe ala makũmenaa.</verse>
				<verse number="16">Naku mina ngo syonthe sya andũ ila Yeova Ngai waku ũkakũnenga; ĩtho yaku yĩtikaasyĩw’ĩe tei: o na ndũkaathũkũme ngai syoo; nũndũ ũu ũkethĩwa kĩtei kya ũkũkwatya.</verse>
				<verse number="17">Ethĩwa ũkaneena ngoonĩ yaku, Mbaĩ ii nĩ nyingĩ kwĩ nyie; ndonya ata kwilũngya?</verse>
				<verse number="18">Ndũkaikĩe: lilikana mũno ũndũ Yeova Ngai waku wamwĩkie Valao, na Misili yonthe;</verse>
				<verse number="19">matatwa manene ala metho maku moonie, na syama, na moseng’yo, na kw’oko kwĩ vinya, na kw’oko kũtambũũku, kũla Yeova Ngai waku wakumisye nakw’o: o ta ũu Yeova Ngai waku akasyĩka ngo syonthe sya andũ ila ũkĩaa.</verse>
				<verse number="20">Na ũndũ ũngĩ Yeova Ngai waku akatũma mauĩ katĩ woo, kũvika yĩla ala matialile mevithĩte, meanangwa maume mbee waku.</verse>
				<verse number="21">Ndũkatelemw’e nĩmo; nũndũ Yeova Ngai waku e vamwe naku, nake nĩ Ngai mũnene na wa ũtĩsya.</verse>
				<verse number="22">Na Yeova Ngai waku akalũngya mbaĩ isu syume mbee waku mbola na mbola: ndũkaimine o ĩmwe, nyamũ sya kĩtheka itikaingĩve kwaku.</verse>
				<verse number="23">Ĩndĩ Yeova Ngai waku akainengane mbee waku, na akaithokoan’ya na kĩthokoan’yo kĩnene, kũvika syaanangwa.</verse>
				<verse number="24">Na akanengane asumbĩ moo kw’okonĩ kwaku, na ũkatuma masyĩtwa moo manangwa kuma ĩtheo wa ĩtu: vatikethĩwa mũndũ o na wĩva ũkatonya kũũngama mbee waku, kũvika yĩla wĩmananga.</verse>
				<verse number="25">Mĩvw’anano myasũvye ya ngai syoo vĩvya na mwaki: ndũkawĩw’ĩe ĩtomo vetha kana thaavu ũla wĩ ĩũlũ wayo, kana kwĩyosea, ndũkese kũkwatw’a nĩw’o; nũndũ nĩ ũthatyo kwa Yeova Ngai waku.</verse>
				<verse number="26">Na ndũkaaete kĩndũ kya ũthatyo nyũmbanĩ yaku, na ũkĩtw’ĩka kĩndũ kĩumanĩe takyo: kĩmene vyũ, na kĩthĩthe vyũ; nũndũ nĩ kĩndũ kĩumanĩe.</verse>
			</chapter>
			<chapter number="8">
				<verse number="1">Mwĩao w’onthe ũla ngũkwĩaĩa ũmũnthĩ ũsũvĩe na kũwĩka, nĩ kana wĩthĩwe thayũ, na kwingĩva, na kũlika na kũmesya ĩ nthĩ ĩla Yeova wamevĩtĩe aaĩthe maku.</verse>
				<verse number="2">Na mĩlilikane nzĩa yonthe ĩla Yeova Ngai waku wakũtongoesye myaka ĩno mĩongo ĩna weũnĩ, nĩ kana akũnyivye, akũtate, amanye ũla wĩ ngoonĩ yaku, ethĩwa wendaa ũkwata mĩao yake kana ti w’o.</verse>
				<verse number="3">Na akũnyivya, na akũeka wĩthĩwe na nzaa, na akũvũnĩthya na lĩu wĩtawa mana, ũla ũtaamanya, o na aaĩthe maku mataomanya; nĩ kana akũmanyĩthye atĩ mũndũ ndethĩawa thayũ kwondũ wa imũtũ syoka, ĩndĩ ethĩawa thayũ kwondũ wa kĩla ũndũ wumaa kanyw’anĩ wa Yeova.</verse>
				<verse number="4">Ngũa syaku ila weekĩe ityaakũa, o na kũũ kwaku kũtyaaimba, myaka ĩno mĩongo ĩna.</verse>
				<verse number="5">Naku ũkamanya ngoonĩ yaku, kana, o ũndũ mũndũ ũkũnaa mwana wake, now’o Yeova Ngai waku ũkũkũnaa.</verse>
				<verse number="6">Mĩkwate mĩao ya Yeova Ngai waku, ũendae nzĩanĩ syake, na kũmũkĩa.</verse>
				<verse number="7">Nũndũ Yeova Ngai waku nũkũũlikya nthĩ nzeo, nthĩ yĩ tũlũsĩ twĩ manzĩ, na nthongo na mbuluti, syumasya manzĩ myandanĩ na iĩmanĩ;</verse>
				<verse number="8">nthĩ yĩ nganũ na mbaale, na mĩsavivũ na mĩkũyũ na makũngũmanga; nthĩ yĩ mĩthata na ũkĩ wa nzũkĩ;</verse>
				<verse number="9">nthĩ ĩla ũkaĩsĩaa kĩmũtũ ũteũnyivĩwa, ndũkaĩwa nĩ kĩndũ kw’o; nthĩ ĩla mavia mayo nĩ iaa, na iĩmanĩ syayo ũkenza ũthuku.</verse>
				<verse number="10">Na ũkaya na kũvũna, na ũkamũtaĩa Yeova Ngai waku nũndũ wa nthĩ nzeo ĩla ũkũnengete.</verse>
				<verse number="11">Sũvĩa ndũkese kũlwa nĩ Yeova Ngai waku, kwondũ wa kũlea kũkwata mĩao yake, na motw’ĩo make, na myamũlo yake, ĩla ngũkwĩaĩa ũmũnthĩ:</verse>
				<verse number="12">kũikethĩwe, waya na kũvũna, na waaka nyũmba nzeo, na kwĩkala vo;</verse>
				<verse number="13">na ndĩthya syaku sya ng’ombe na sya mbũi na malondu syaingĩva, na vetha waku na thaavu waku waingĩva, na syonthe ila wĩ nasyo syaingĩva;</verse>
				<verse number="14">ngoo yaku ĩndĩ ĩketũlya, naku ũkyũlwa nĩ Yeova Ngai waku, ũla wakumisye nthĩ ya Misili, ũkumya nyũmbanĩ ya ũkombo;</verse>
				<verse number="15">ũla wakũtongoesye kũvĩtĩla weũnĩ mũnene na wa ũtĩsya, ũla waĩ na nzoka iilyĩ mwaki na ing’auũ, na nthĩ yĩ waũni ĩte manzĩ; ũla wakumisye manzĩ ĩvianĩ yũmũ mũno;</verse>
				<verse number="16">ũla wakũvũnĩthasya lĩu wĩtawa mana weũnĩ, ũla aaĩthe maku matawĩsĩ; nĩ kana akũnyivye, na nĩ kana akũtate, akwĩke nesa mũminũkĩlyo waku:</verse>
				<verse number="17">naku ũkyasya ngoonĩ yaku, Vinya wakwa na ũtonyi wakwa nũmboneete ũthwii ũũ.</verse>
				<verse number="18">Ĩndĩ mũlilikane Yeova Ngai waku, nũndũ nĩwe ũkũnengae vinya wa kwĩyonea ũthwii; nĩ kana alũlũmĩlye ũtianĩo wake ũla wamevĩtĩe aaĩthe maku, o tondũ kũilyĩ ũmũnthĩ.</verse>
				<verse number="19">Na kũkeethĩwa, ethĩwa ũkoolwa nĩ Yeova Ngai waku, na kũatĩĩa ngai ingĩ, na kwithũkũma, na kwithaitha, nĩngũũkũsĩĩa ũmũnthĩ kana ndũtĩa kwanangĩka.</verse>
				<verse number="20">O tondũ Yeova wanangaa mbaĩ mbee wenyu, o ta ũu, inyw’ĩ mũkaanangĩka; nĩkwĩthĩwa nĩmwaleile kwĩthukĩĩsya wasya wa Yeova Ngai wenyu.</verse>
			</chapter>
			<chapter number="9">
				<verse number="1">Ĩw’a, we Isilaeli: ũmũnthĩ nũkũinga Yolotani, ũlike na kwosa nthĩ ya mbaĩ nene na syĩ vinya kwĩ we, ndũa nene na mbiie kũvika ĩtunĩ,</verse>
				<verse number="2">andũ anene na aasa, ana ma Aanaki, ala ũmesĩ, na ala weewie maiwetwa atĩĩ, Nũũ ũla ũtonya kũũngama mbee wa ana ma Anakĩ?</verse>
				<verse number="3">Manya ĩndĩ ũmũnthĩ, kana Yeova Ngai waku nĩwe ũla wĩinga mbee waku o ta mwaki ũla ũminaa; nake akamananga, na kũmanyivya mbee waku: kwondũ wa ũu ũkamalũngya, na kũmananga mĩtũkĩ, o tondũ Yeova ũneenete naku.</verse>
				<verse number="4">Yeova Ngai waku amina kũmalũngya mbee waku, ndũkaneene ngoonĩ yaku, ũkyasya, Nũndũ wa ũlũngalu wakwa Yeova nũndikĩtye nthĩ ĩno nĩmĩmesye; ĩndĩ nĩ kwondũ wa ũthũku wa mbaĩ isu Yeova ailũngya syume mbee waku.</verse>
				<verse number="5">Ti kwondũ wa ũlũngalu waku, kana kwondũ wa ũlũngalu wa ngoo yaku, wĩlika ũmesye nthĩ yoo; ĩndĩ kwondũ wa ũthũku wa mbaĩ isu Yeova Ngai waku ailũngya syume mbee waku, na nĩ kana alũlũmĩlye ndeto ĩla Yeova wamevĩtĩe aaĩthe maku, Avalaamu, na Isaka, na Yakovo.</verse>
				<verse number="6">Manya ĩndĩ, kana Yeova Ngai waku ndeũkũnenga nthĩ ĩno nzeo ũmĩmesye nũndũ wa ũlũngalu waku; nĩkwĩthĩwa wĩ mbaĩ yĩ ngingo nyũmũ.</verse>
				<verse number="7">Lilikana, ndũkolwe, ũndũ wamũthatisye Yeova Ngai waku weũnĩ: kuma mũthenya ũla waumie nthĩ ya Misili, mũvaka mwavika vandũ vaa, mwamũng’endeeaa Yeova.</verse>
				<verse number="8">O na vu Olevu mwamũthatĩsya Yeova, nake Yeova amũthatĩa enda kũmwananga.</verse>
				<verse number="9">Nambata kĩĩmanĩ kwosa masengea ma mavia, o masengea ma ũtianĩo ũla Yeova watianĩe nenyu, nĩvo nekalile kĩĩmanĩ mĩthenya mĩongo ĩna na matukũ mĩongo ĩna; ndyaaya lĩu kana kũnyw’a manzĩ.</verse>
				<verse number="10">Na Yeova anenga masengea elĩ ma mavia maandĩkĩtwe na kyaa kya Ngai; na kwaandĩkĩtwe ĩũlũ wamo kwĩanana na ndeto syonthe, ila Yeova waneenie nenyu kĩĩmanĩ e katĩ wa mwaki mũthenya wa ũmbano.</verse>
				<verse number="11">Na kweethĩwa mĩthenya mĩongo ĩna na matukũ mĩongo ĩna yathela, Yeova anenga ala masengea elĩ ma mavia, namo nĩ masengea ma ũtianĩo.</verse>
				<verse number="12">Na Yeova ambĩa, Ũkĩla, ũtheee mĩtũkĩ; nĩkwĩthĩwa andũ maku ala wamaumisye nthĩ ya Misili nĩmevukĩtye; mĩtũkĩ nĩmathũkĩte nzĩanĩ ĩla nameaĩe; nĩmeseũvĩsye mũvw’anano na syĩndũ matwekethetye.</verse>
				<verse number="13">Na ũndũ ũngĩ Yeova aneena nakwa, akĩmbĩa, Nĩnonete andũ aa, na, sisya, nĩ andũ me na ngingo nyũmũ:</verse>
				<verse number="14">ndeka, nĩmanange, na kwananga syĩtwa yoo yume ĩtheo wa ĩtu; na ngakũtw’ĩkĩthya mbaĩ yĩ vinya na nene kwĩ mo.</verse>
				<verse number="15">Kwondũ wa ũu neethyũũa na natheea kuma kĩĩmanĩ, na kĩĩma kyaĩ kyakanu mwaki: na masengea asu elĩ ma ũtianĩo maĩ mokonĩ makwa elĩ.</verse>
				<verse number="16">Na noona, na, sisya, mũmũvĩtanĩsye Yeova Ngai wenyu; mũseũvĩtye mũvw’anano wa kasaũ ka ng’ombe na syĩndũ ila mũtwekethetye: mwaathũka mĩtũkĩ nzĩanĩ ĩla Yeova wamwĩaĩe.</verse>
				<verse number="17">Na nakwete masengea asu elĩ, na namakiman’ya na nthĩ na moko makwa elĩ, namoaa mũsyaĩtye.</verse>
				<verse number="18">Na navalũka nthĩ mbee wa Yeova, o ta ĩvinda ya mbee, mĩthenya mĩongo ĩna na matukũ mĩongo ĩna; ndyaaya lĩu kana kũnyw’a manzĩ; nũndũ wa naĩ syenyu syonthe ila mwavĩtĩsye, ũndũ wa kwĩka ũndũ Yeova wonaa wĩ ũthũku, mũkĩmũthatya.</verse>
				<verse number="19">Nũndũ nakĩaa ũthatu na kũthilĩka, kũla Yeova wamũthilĩkĩle amwanange. Ĩndĩ Yeova ambĩthukĩĩsya ĩvinda yĩu nayo.</verse>
				<verse number="20">Na Yeova amũthatĩa Aluni mũno akyenda kũmũaa: nakwa ĩvinda yĩu namũvoyea Aluni nake.</verse>
				<verse number="21">Na noosa naĩ yenyu, nayo nĩ kasaũ kala mwaseũvĩtye, nakavĩvya na mwaki, nakatumbanga, nakathia kavinya, katw’ĩka ta kĩtoo: na neekĩa kĩtoo kyako kalũsĩnĩ kala katheeete kuma kĩĩmanĩ.</verse>
				<verse number="22">Na kũu Tavela, na Masa, na Kivilothi‐ataava, mwamũthatya Yeova.</verse>
				<verse number="23">Na yĩla Yeova wamũtũmie kuma Katesi‐mbalinea, akĩmwĩa, Ambatai mũmĩmesye nthĩ ĩla namũnengie; nĩvo mwaleile mwĩao wa Yeova Ngai wenyu, na mũtyaamwĩtĩkĩla, kana kwĩthukĩĩsya wasya wake.</verse>
				<verse number="24">Nĩmwamũng’endeie Yeova kuma mũthenya ũla namũmanyie inyw’ĩ.</verse>
				<verse number="25">Kwondũ wa ũu navalũka mbee wa Yeova mĩthenya mĩongo ĩna na matukũ mĩongo ĩna ala navalũkile, nũndũ Yeova nĩwaĩtye akamwananga.</verse>
				<verse number="26">Na namũvoya Yeova, ngyasya, Ame Mwĩaĩi Yeova, ndũkanange andũ maku na ũtiĩwa waku, ala wamovoisye kwondũ wa ũnene waku, ala wamaumisye Misili na kw’oko kwĩ vinya.</verse>
				<verse number="27">Lilikana athũkũmi maku, Avalaamu, na Isaka, na Yakovo; ndũkasisye ngũlũ sya andũ aa, kana ũthũku woo, kana naĩ yoo,</verse>
				<verse number="28">nthĩ ĩla watumisye ndĩkese kwasya, Nĩkwĩthĩwa Yeova ndaatonya kũmalikya nthĩ ĩla wamathie, na nĩkwĩthĩwa nĩwamamenaa, amaumisye akamoaĩe weũnĩ.</verse>
				<verse number="29">Ĩndĩ nĩ andũ maku na ũtiĩwa waku, ala wamaumisye na vinya waku mũnene na kw’oko kwaku kũtambũũku.</verse>
			</chapter>
			<chapter number="10">
				<verse number="1">Ĩvinda yĩu Yeova ambĩa, Asũvya masengea elĩ ma mavia mailyĩ ta ala ma mbee, na ambata vala nĩĩ kĩĩmanĩ, na tuma ĩsandũkũ ya mĩtĩ.</verse>
				<verse number="2">Na ngaandĩka masengeanĩ asu ndeto ila syaĩ masengeanĩ ma mbee ala wooaie, na ũkamekĩa ĩsandũkũnĩ yĩu.</verse>
				<verse number="3">Na ĩndĩ natuma ĩsandũkũ ya mũtĩ wa mũea, na nasũvya masengea elĩ ma mavia mailyĩ ta ala ma mbee, na nambata kĩĩmanĩ, nĩ na masengea asu elĩ kw’okonĩ kwakwa.</verse>
				<verse number="4">Nake aandĩka masengeanĩ asu, o ũndũ ũandĩko wa mbee wailyĩ, ĩla mĩao ĩkũmi, ĩla Yeova wamũtavĩsye kĩĩmanĩ, e katĩ wa mwaki mũthenya wa ũmbano: na Yeova anenga nyie.</verse>
				<verse number="5">Na neethyũũa na natheea kuma kĩĩmanĩ, na neekĩa masengea asu ĩsandũkũnĩ yĩla natumĩte; na me vo o tondũ Yeova wambĩaĩe.</verse>
				<verse number="6">(Na ana ma Isilaeli mauma Mbeelothi Mbene‐yaakani mathi kũvĩka Mosela. Aluni akw’ĩa kw’o, na athikwa kw’o; na Eleasali mwana wake athũkũma wĩanĩ wa ũthembi vandũ vake.</verse>
				<verse number="7">Kuma vau mathi kũvika Ngutokola; na kuma Ngutokola mathi kũvika Yotivatha, nthĩ ĩla yĩ tũlũsĩ twĩ manzĩ.</verse>
				<verse number="8">Ĩvinda yĩu Yeova avatha mbaĩ ya Livai, ĩkuae ĩsandũkũ ya ũtianĩo ya Yeova, na kũũngamaa mbee wa Yeova ĩmũthũkũme, na kũathimaa syĩtwanĩ yake, kũvika ũmũnthĩ.</verse>
				<verse number="9">Kwondũ wa ũu Livai nde na kĩanda kana ũtiĩwa vamwe na ana‐a‐ĩthe; Yeova nĩwe ũtĩĩwa wake, kwĩanana na ũndũ Yeova Ngai waku wamũtavisye.)</verse>
				<verse number="10">Na nekala kĩĩmanĩ, o ta ĩvinda ya mbee, mĩthenya mĩongo ĩna na matukũ mĩongo ĩna: na Yeova ambĩthukĩĩsya ĩvinda yĩu nayo; Yeova ndaenda ũkwananga.</verse>
				<verse number="11">Na Yeova ambĩa, Ũkĩla, kwata kyalo kyaku mbee wa andũ; nao makalika na kũmesya ĩ nthĩ, ĩla namevĩtĩe aaĩthe moo kũmanenga.</verse>
				<verse number="12">Na yu, Isilaeli, ũndũ ũla Yeova Ngai waku ũnũkũandũa kwaku nĩ mwaũ, ate o kũmũkĩaa Yeova Ngai waku, na kũendaa nzĩanĩ syake syonthe, na kũmwendaa, na kũthũkũmaa Yeova Ngai waku na ngoo yaku yonthe na thayũ waku w’onthe,</verse>
				<verse number="13">na kũkwataa mĩao ya Yeova, na myamũlo yake, ĩla ngũkwĩaĩa ũmũnthĩ nĩ kana wone ũseo?</verse>
				<verse number="14">Sisya, ĩtu nĩ ya Yeova Ngai waku, o na ĩtu yĩla yĩ ĩũlũ wa matu, na nthĩ, na syonthe syĩ kw’o.</verse>
				<verse number="15">Ĩndĩ Yeova nĩwatanĩe aaĩthe maku na kũmenda, na anyuva ũsyao woo ĩtina woo, naw’o nĩ inyw’ĩ kũmumya ngonĩ syonthe sya andũ, o ũndũ kũilyĩ ũmũnthĩ.</verse>
				<verse number="16">Kwondũ wa ũu aĩkai makonde ma ngoo syenyu, na mũikethĩwe na ngingo nyũmũ ĩngĩ.</verse>
				<verse number="17">Nũndũ Yeova Ngai waku, nĩwe Ngai wa i ngai, na Mwĩaĩi wa eaĩi, Ngai mũnene, na wĩ vinya, na wa ũtĩsya, ũla ũtendeeasya andũ, kana kwosa ĩtuvi ya wendeesyo.</verse>
				<verse number="18">Asilaa katĩ kwondũ wa ũla wakw’ĩĩwe nĩ ĩthe na aka ndiwa, na nũmwendaa mwĩkali wa ũeninĩ, aimũnenga kya ũya na kya kwĩvw’ĩka.</verse>
				<verse number="19">Kwondũ wa ũu inyw’ĩ mwendei mwĩkali wa ũeninĩ; nĩkwĩthĩwa inyw’ĩ mwaĩ ekali ma ũeninĩ nthĩ ya Misili.</verse>
				<verse number="20">Mũkĩe Yeova Ngai waku; mũthũkũme we; lũman’ya nake, na ĩvĩte na syĩtwa yake.</verse>
				<verse number="21">Nake nĩ ndaĩa yaku, na nĩ Ngai waku, ũla wakwĩkie maũndũ aa manene na ma ũtĩsya, ala metho maku monete.</verse>
				<verse number="22">Aaĩthe maku matheeie Misili me andũ mĩongo mũonza; na yu Yeova Ngai waku nũkwingĩvĩtye ta ndata sya ĩtunĩ.</verse>
			</chapter>
			<chapter number="11">
				<verse number="1">Kwondũ wa ũu mwende Yeova Ngai waku, na kwata wĩaĩo wake, na myamũlo yake, na motw’ĩo make, na mĩao yake, mavinda onthe.</verse>
				<verse number="2">Na manyai ũmũnthĩ: nũndũ ndiũneena na syana syenyu ila itesĩ, na itaona ũsilĩlo wa Yeova Ngai wenyu, na ũnene wake, na kw’oko kwake kwĩ vinya, na kw’oko kwake kũtambũũku,</verse>
				<verse number="3">na syama syake, na mawĩa make, ala wamwĩkie Valao mũsumbĩ wa Misili, na nthĩ yake yonthe, kũu Misili;</verse>
				<verse number="4">na ũndũ wasyĩkie ita sya Misili, mbalasi syoo, na makasya moo ma kaũ; ũndũ wamavw’ĩkie na manzĩ ma Ũkanga Mũtune makĩmũatĩĩa, na ũndũ Yeova wamanangie kũvika ũmũnthĩ;</verse>
				<verse number="5">na ũndũ wamwĩkie inyw’ĩ mwĩ weũnĩ, kũvika mwavika vaa;</verse>
				<verse number="6">na ũndũ wamekie Ndathani na Avilamu, ana ma Eliavu, mwana wa Leuveni; ũndũ nthĩ yathamisye kanyw’a wayo, na yamamelya, na andũ ma nyũmba syoo, na maeema moo, na kĩla kĩndũ kyaĩ thayũ maĩ nakyo, nthĩnĩ wa Isilaeli onthe:</verse>
				<verse number="7">ĩndĩ metho menyu nĩmonete wĩa w’onthe mũnene wa Yeova ũla wekie.</verse>
				<verse number="8">Kwondũ wa ũu kwatai mwĩao w’onthe ũla ngũmwĩaĩa ũmũnthĩ, nĩ kana mwĩthĩwe na vinya, na kũlika na kũmesya nthĩ, ĩla mwĩinga mũkamĩmesye;</verse>
				<verse number="9">na nĩ kana mwingĩvye mĩthenya yenyu nthĩ ĩsu, ĩla Yeova wamevĩtĩe aaĩthe menyu kũmanenga na ũsyao woo, nthĩ yusũĩte ĩia na ũkĩ wa nzũkĩ.</verse>
				<verse number="10">Nũndũ nthĩ, ĩla wĩlika ũmĩmesye, ndĩilyĩ nthĩ ya Misili vala mwaumie, vala wavandie mbeũ yaku, na kũmĩnyithya na kũũ kwaku, o ta mũũnda wa mboka;</verse>
				<verse number="11">ĩndĩ nthĩ, ĩla mwĩinga mũkamĩmesye, nĩ nthĩ yĩ iĩma na myanda, na ĩnyusaa manzĩ ma mbua ya ĩtunĩ,</verse>
				<verse number="12">nthĩ ĩla Yeova Ngai waku ũsũvĩaa: metho ma Yeova Ngai waku mamĩsyaĩĩsyaa mavinda onthe, kuma mwambĩlĩlyo wa mwaka kũvika mũminũkĩlyo wa mwaka.</verse>
				<verse number="13">Na kũkeethĩwa, ethĩwa mũkethukĩĩasya mũno mĩao yakwa ĩla ngũmwĩaĩa ũmũnthĩ, mũmwende Yeova Ngai wenyu, na kũmũthũkũma na ngoo yaku yonthe na thayũ waku w’onthe,</verse>
				<verse number="14">nĩvo ĩndĩ uganengane mbua ya nthĩ yenyu kyathĩ kyayo, mbua ya nthwa na mbua ya uũa, nĩ kana ũtonye kũketha lĩu waku wa mbaa ngetha, na mbinyu yaku mbĩthĩ, na mauta maku.</verse>
				<verse number="15">Ngamesya nyeki isesinĩ syaku kwondũ wa indo syaku, naku ũkaya na kũvũna.</verse>
				<verse number="16">Ĩsũvĩei, ngoo syenyu itikakengwe, na inyw’ĩ mũkyathũka, na kũthũkũma ngai ingĩ, na kwithaitha;</verse>
				<verse number="17">na ũthatu wa Yeova ũkĩmwakanĩa, nake aivinga matu, kũikethĩwe mbua, na nthĩ ĩilea kũsyaa ũsyao wayo; nenyu mũkyanangĩka mĩtũkĩ mume nthĩ nzeo ĩla Yeova ũmũnengae.</verse>
				<verse number="18">Kwondũ wa ũu iai ndeto ii syakwa ngoonĩ yenyu na mathayũnĩ menyu; na syoveei kw’okonĩ kwenyu syĩthĩwe wonan’yo, na syĩthĩwe ũlilikan’yo katĩ wa metho menyu.</verse>
				<verse number="19">Na imanyĩasye syana syenyu, mũkĩneena ũvoo wasyo, yĩla ũilyĩ nyũmbanĩ yaku, na yĩla ũendaa nzĩanĩ, na yĩla ũkomaa, na yĩla wũkĩlaa.</verse>
				<verse number="20">Na iandĩke mĩtĩnĩ ĩla yĩ ndee sya mĩomo ya nyũmba yaku, na mbingĩlonĩ syaku;</verse>
				<verse number="21">nĩ kana mĩthenya yaku yingĩvw’e, na mĩthenya ya syana syaku, wĩ nthĩ ĩla Yeova wamevĩtĩe aaĩthe maku kũmanenga, o ta mĩthenya ya matu me ĩũlũ wa nthĩ.</verse>
				<verse number="22">Nũndũ ethĩwa mũkakwata na kĩthing’ĩĩsyo mwĩao ũũ w’onthe ũla ngũkwĩaĩa, na kũwĩka, na kũmwendaa Yeova Ngai wenyu, na kũendaa nzĩanĩ syake syonthe, na kũlũman’ya nake;</verse>
				<verse number="23">nĩvo ĩndĩ Yeova wĩlũngya mbaĩ isu syonthe syume mbee wenyu, na mũkosa nthĩ ya mbaĩ nene na syĩ vinya kwĩ inyw’ĩ.</verse>
				<verse number="24">Kĩla vandũ vala ũnyaĩĩ wenyu ũkakinya vakeethĩwa venyu: kuma weũnĩ, na Levanoni, kuma ũsĩnĩ, naw’o nĩ ũsĩ wa Euvalati, o na kũvika ũkanga wa ũthũĩlonĩ wa syũa kũkeethĩwa mũvaka wenyu.</verse>
				<verse number="25">Vai mũndũ ũkatonya kũũngama mbee wenyu: Yeova Ngai wenyu akeekĩa w’ĩa kwondũ wenyu na ũtĩsyo kwondũ wenyu nthĩ yonthe ĩla mũkakinyĩla, o tondũ wamũtavisye.</verse>
				<verse number="26">Sisya, ũmũnthĩ nĩngwia mbee wenyu ũathimo na kĩumo:</verse>
				<verse number="27">ũathimo, ethĩwa mũkeethukĩĩasya mĩao ya Yeova Ngai wenyu, ĩla ngũmwĩaĩa ũmũnthĩ;</verse>
				<verse number="28">na kĩumo, ethĩwa mũtikethukĩĩasya mĩao ya Yeova Ngai wenyu, ĩndĩ mũkyathũka kuma nzĩanĩ ĩla ngũmwĩaĩa ũmũnthĩ, mũatĩĩe ngai ingĩ, ila mũtaaimanya.</verse>
				<verse number="29">Na kũkeethĩwa, yĩla Yeova Ngai waku wĩkũlikya nthĩ ĩla mwĩthĩ kũmĩmesya, nĩvo ũkaia ũathimo kĩĩmanĩ kya Ngelisimu, na kĩumo kĩĩmanĩ kya Evali.</verse>
				<verse number="30">Isu iti mũingo wa Yolotani, ĩtina wa nzĩa ya ũthũĩlonĩ wa syũa, nthĩ ya Akanaani ala matwĩe Alava, kwelekela Ngilikali, vakuvĩ na myaloni ya Mole?</verse>
				<verse number="31">Nĩkwĩthĩwa nĩmũinga Yolotani mũlike mũmesye nthĩ ĩla Yeova Ngai wenyu ũmũnengae, na mũkamĩmesya, na kũmĩtĩnĩka.</verse>
				<verse number="32">Na inyw’ĩ sũvĩai na mũyĩka myamũlo yonthe na motw’ĩo ala ngwia mbee wenyu ũmũnthĩ.</verse>
			</chapter>
			<chapter number="12">
				<verse number="1">Ĩno nĩyo myamũlo na aa nĩmo motw’ĩo ala mũkasũvĩaa na kũmekaa mwĩ nthĩ ĩla Yeova, Ngai wa aaĩthe maku, ũkũnengete ũmĩmesye, mĩthenya yonthe ĩla ũkethĩwa thayũ kũũ nthĩ.</verse>
				<verse number="2">Anangai vyũ kũndũ kw’onthe kũla mbaĩ ila mũkalũngya syathaithĩaa ngai syoo, na iĩmanĩ ndũlu, na tũlĩmanĩ, na ĩtina wa kĩla mũtĩ mwĩũ:</verse>
				<verse number="3">na anangai ithembeo syoo, na tũlangai ituĩ syoo ilungu, na vĩvyai na mwaki Aselimu yoo; na temangai mĩvw’anano myasũvye ya ngai syoo; na anangai syĩtwa yoo vandũ vau.</verse>
				<verse number="4">Mũtikamwĩke Yeova Ngai wenyu ũu.</verse>
				<verse number="5">Ĩndĩ vandũ vala Yeova Ngai wenyu wĩnyuva nthĩnĩ wa mbaĩ syenyu syonthe avaie syĩtwa yake, nĩvo ũtũo wake vala mwĩelekela, na vau nĩvo wĩendaa;</verse>
				<verse number="6">na vau mũkatwaaa nthembo syenyu sya kũvĩvw’a, na nthembo syenyu sya kũtonywa, na ilungu syenyu sya ĩkũmi, na nthembo ya kũkĩlw’a ya moko menyu, na mawĩvĩto menyu, na nthembo syenyu sya kumya na ngoo ya kwenda, na kĩla kĩsyawa mbee kya ndĩthya yenyu ya ng’ombe na ya mbũi na malondu:</verse>
				<verse number="7">na vau mũkaya mbee wa Yeova Ngai wenyu, na mũkatanĩa kĩla ũndũ ũla mwĩkaa na moko menyu, inyw’ĩ na andũ ma nyũmba syenyu, ũla Yeova Ngai waku ũkũathimĩe.</verse>
				<verse number="8">Mũtikeke mũkĩatĩĩa maũndũ onthe ala tũkwĩka vaa ũmũnthĩ, kĩla mũndũ o ũndũ wonaa wĩ ũseo methonĩ make;</verse>
				<verse number="9">nũndũ mũtyaamba kũlika ũthũmũonĩ na ũtiĩwanĩ, ũla Yeova Ngai waku ũkũnengae.</verse>
				<verse number="10">Ĩndĩ yĩla mwĩinga Yolotani, na kũtũa nthĩ ĩla Yeova Ngai wenyu wĩtuma ũmĩtiĩwa, nake aimũnenga kũthũmũa kuma amaithanĩ menyu ala mamũthyũlũlũkĩte, na ĩndĩ mũkikala mũte na mũisyo;</verse>
				<verse number="11">nĩvo ĩndĩ kũkeethĩwa kana vala Yeova Ngai wenyu wĩnyuva, ayĩkalye syĩtwa yake vo, o vau mũkatwaa syonthe ila ngũmwĩaĩa: nthembo syenyu sya kũvĩvw’a, na nthembo syenyu sya kũtonywa, na ilungu syenyu sya ĩkũmi, na nthembo ya kũkĩlw’a ya moko menyu, na mawĩvĩto menyu onthe maseo ala mũmwĩvĩtĩaa Yeova.</verse>
				<verse number="12">Tanai mbee wa Yeova Ngai wenyu, inyw’ĩ, na ana menyu, na eĩtu menyu, na athũkũmi menyu aũme, na athũkũmi menyu eĩtu, na Mũlivai ũla wĩ kwenyu, nũndũ nde na kĩanda kana ũtiĩwa vamwe nenyu.</verse>
				<verse number="13">Ĩsũvĩe ndũkathembe nthembo syaku sya kũvĩvw’a kĩla vandũ wonaa;</verse>
				<verse number="14">ĩndĩ vala Yeova wĩnyuva mbaĩnĩ ĩmwe yaku, vau nĩvo ũkathembea nthembo syaku sya kũvĩvw’a, na vau ũkeeka w’onthe ũla nĩkwĩaĩaa.</verse>
				<verse number="15">Ĩndĩ, weew’a mũmeo ngoonĩ yaku, nũtonya kũaa nyamũ na kũya wĩ kwaku, kwĩanana na ũathimo wa Yeova Ngai waku ũla wakũnengie: ala avuku na ala atheu matonya kũmĩya, ta nyama ya kĩlong’a, na ya ndaatai nzamba.</verse>
				<verse number="16">Ĩndĩ mũtikaye nthakame yasyo; mĩte nthĩ ta manzĩ.</verse>
				<verse number="17">Ndũkaĩe kwaku kĩlungu kya ĩkũmi kya lĩu waku wa mbaa ngetha, kana kya mbinyu waku mbĩthĩ, kana kya mauta maku, kana kya kĩla kĩsyawa mbee kya ndĩthya yaku ya ng’ombe kana ya mbũi na malondu, kana mawĩvĩto maku o na meva ala ũmevĩtaa, kana nthembo syaku sya kumya na ngoo ya kwenda, kana nthembo ya kũkĩlw’a ya kw’oko kwaku;</verse>
				<verse number="18">ĩndĩ ũkaiĩa mbee wa Yeova Ngai waku vala Yeova Ngai waku wĩnyuva, we, na mwana waku, na mwĩĩtu waku, na mũthũkũmi waku mũndũ mũũme, na mũthũkũmi waku mwĩĩtu, na Mũlivai ũla wĩ kwaku: na ũkatana mbee wa Yeova Ngai waku maũndũnĩ onthe ala mwĩkaa na moko maku.</verse>
				<verse number="19">Ĩsũvĩe ndũkaaũlwe nĩ Mũlivai mĩthenya yonthe ĩla wĩ thayũ wĩ nthĩ yaku.</verse>
				<verse number="20">Yĩla Yeova Ngai waku ũkongela mũvaka waku, o tondũ wakwathie, naku ũkasya, Ngaya nyama, nĩkwĩthĩwa ngoo yaku yĩ na mũmeo wa kũya nyama; nũtonya kũya nyama, o tondũ ngoo yaku ĩnĩkwenda.</verse>
				<verse number="21">Ethĩwa vandũ vala Yeova Ngai waku wĩnyuva, ekĩe syĩtwa yake vo, vethĩwa kũasa naku, nĩvo ĩndĩ wĩũaa kuma ndĩthyanĩ yaku ya ng’ombe na ya mbũi na malondu, ila Yeova ũkũnengete, o tondũ nakwĩaĩe; na nũtonya kũya wĩ kwaku, o tondũ ngoo yaku ĩnĩkwenda.</verse>
				<verse number="22">O tondũ kĩlong’a na ndaatai nzamba iĩsawa, o ta ũu ũkaiya: ala avuku na ala atheu matonya kwiya ũndũ ũmwe.</verse>
				<verse number="23">Kwata ũndũ ũũ vyũ ndũkaaye nthakame: nũndũ nthakame nĩyo thayũ; na ndũkaaĩsanĩsye thayũ na nyama.</verse>
				<verse number="24">Ndũkaamĩye; mĩte nthĩ ta manzĩ.</verse>
				<verse number="25">Ndũkaamĩye; nĩ kana kwĩthĩwe ũseo kwaku, na kwa syana syaku ĩtina waku, yĩla ũkeka ũla Yeova wonaa wĩ ũseo.</verse>
				<verse number="26">Ĩndĩ syĩndũ syaku ntheu ila wĩ nasyo, na mawĩvĩto maku, syose, na ũithi vala Yeova wĩnyuva;</verse>
				<verse number="27">na ũkathembe nthembo syaku sya kũvĩvw’a, nyama na nthakame, kĩthembeonĩ kya Yeova Ngai waku; na nthakame ya nthembo syaku sya kũtonywa ĩta kĩthembeonĩ kya Yeova Ngai waku; naku ũkaya i nyama.</verse>
				<verse number="28">Sũvĩa noyĩw’a ndeto ii syonthe ila nĩkwĩaĩaa, nĩ kana kwĩthĩwe ũseo kwaku, na kwa syana syaku ĩtina waku tene na tene, yĩla wĩĩkaa ũla Yeova Ngai waku wonaa wĩ ũseo na wa w’o.</verse>
				<verse number="29">Yĩla Yeova Ngai waku ũkaivetanga i mbaĩ syume mbee waku, vala wĩlika kwilũngya, naku ũkailũngya, na kwĩkalaa nthĩ yasyo;</verse>
				<verse number="30">ĩsũvĩe ndũkese kũkwatw’a wiatĩĩe, ĩtina wa kwanangwa kwasyo kumw’a mbee waku; na ndũkaakũlye ũvoo wa ngai syasyo, ũkyasya, Mbaĩ ii ithũkũmaa ngai syasyo ata? Nakwa nĩke o ta syo.</verse>
				<verse number="31">Ndũkamwĩke ũu Yeova Ngai waku: nĩkwĩthĩwa kĩla ũndũ wa ũmũthatya Yeova, ũla ũmenaa, nĩsyeekĩte ngai syasyo; nũndũ o na ana masyo na eĩtu masyo nivĩvĩasya na mwaki ngai syasyo.</verse>
				<verse number="32">Kĩla ndeto nĩmwĩaĩaa, mĩsũvĩe na kũmĩka: ndũkamyongele, kana kũmĩola.</verse>
			</chapter>
			<chapter number="13">
				<verse number="1">Ethĩwa kũkookĩla mwathani kwaku, kana mũoti wa ndoto, nake akĩkũathĩa kyama kana ũseng’yo,</verse>
				<verse number="2">na kyama kyu kana ũseng’yo ũsu ũkĩkĩka, ũla wakũathĩe, aikwĩa, Tũvikĩle ngai ingĩ, ila ũtaamanya, na twithũkũme;</verse>
				<verse number="3">ndũkethukĩĩsye ndeto sya mwathani ũsu, kana mũoti ũsu wa ndoto: nũndũ Yeova Ngai wenyu nũmũtataa, amanye ethĩwa nĩmũmwendaa Yeova Ngai wenyu na ngoo yenyu yonthe na thayũ wenyu w’onthe.</verse>
				<verse number="4">Mũatĩĩei Yeova Ngai wenyu, na mũkĩei we, na kũkwata mĩao yake, na kwĩw’a wasya wake, na mũthũkũmei, na kũlũman’ya nake.</verse>
				<verse number="5">Na mwathani ũsu, kana mũoti ũsu wa ndoto akooawa, nĩkwĩthĩwa aĩtye ũeke Yeova Ngai waku, ũla wakumisye nthĩ ya Misili, na ũkwovosya kuma nyũmbanĩ ya ũkombo, akwathũkye wume nzĩanĩ ĩla Yeova Ngai waku wakwĩaĩe ũendae nayo Ũu nĩw’o wĩvetaa ũthũku ũũ wume kwaku.</verse>
				<verse number="6">Ethĩwa mwana‐a‐mwenyu, kana mwana waku, kana mwĩĩtu waku, kana kĩveti kya kĩthũinĩ kyaku, kana mũnyanyau, ũla ũilyĩ thayũ waku mwene, akakũsengasenga kĩmbithĩ, aikwĩa, Tũthi tũthũkũme ngai ingĩ, ila ũtaamanya, we, kana aaĩthe maku;</verse>
				<verse number="7">ngai sya mbaĩ ila ikũthyũlũlũkĩte, ila syĩ vakuvĩ naku, kana syĩ kũasa naku, kuma ngalĩ ĩmwe ya nthĩ o kũvika ngalĩ ĩla ĩngĩ ya nthĩ;</verse>
				<verse number="8">ndũkamwĩtĩkĩle, o na ndũkamwĩthukĩĩsye; itho vaku yĩikamwĩw’ĩe tei; o na ndũkamũeke, o na ndũkamũvithe:</verse>
				<verse number="9">ĩndĩ ndũkatĩe kũmũaa; kw’oko kwaku kũkeethĩwa kwa mbee ĩũlũ wake kũmũaa, na ĩtina moko ma andũ onthe.</verse>
				<verse number="10">Na mũkimange na mavia akw’e, nĩkwĩthĩwa nũtatĩte ũkũkusya ũtaanĩsye na Yeova Ngai waku, ũla wakumisye nthĩ ya Misili, ũkumya nyũmbanĩ ya ũkombo.</verse>
				<verse number="11">Na Isilaeli onthe makeew’a, na kũkĩa, na maikeka ĩngĩ ũthũku wĩana ũu kwaku.</verse>
				<verse number="12">Ethĩwa ũkeew’a ndũanĩ ĩmwe yaku, ĩla Yeova Ngai waku ũkũnengae ũtũe vo, ũmwe akyasya,</verse>
				<verse number="13">Andũ ang’endu nĩmaumĩte kwaku, na nĩmakusĩtye andũ ma ndũa yoo, makyasya Tũthi tũthũkũme ngai ingĩ, ila mũtaamanya;</verse>
				<verse number="14">nĩvo ĩndĩ wĩkũlya, na kũmantha, na kũlya na kĩthing’ĩĩsyo; na, sisya, ethĩwa nĩ wa w’o, na nĩ w’o ki, kana ũthũku ũilyĩ ũu nĩwĩkĩtwe kwaku,</verse>
				<verse number="15">no mũvaka ũkũne andũ ma ndũa ĩsu kwa kũmatemanga na ũvyũ, ũkĩmyananga vyũ, na syĩndũ syonthe ila syĩ nthĩnĩ wayo na indo ila syĩ vo, kũtemanga na ũvyũ.</verse>
				<verse number="16">Na ũmban’ya mũtavo w’onthe wayo nzĩanĩ nene yayo katĩ, na kũmũvĩvĩsya Yeova Ngai waku ndũa ĩsu na mwaki, na mũtavo w’onthe wayo vyũ: na ĩkeethĩwa mbumbu kũvika tene na tene; ndĩkakwe ĩngĩ.</verse>
				<verse number="17">Kĩndũ o na kĩva kya kĩla kĩumanĩe kĩikalũman’ye na kw’oko kwaku; nĩ kana Yeova aeke wai wa ũthatu wake, na ũkwon’ya tei, na ũkwĩw’ĩa ĩnee, na ũkwingĩvya, o tondũ wamevĩtĩe aaĩthe maku;</verse>
				<verse number="18">yĩla ũkethukĩĩsya wasya wa Yeova Ngai waku, ũkwate mĩao yake yonthe ĩla ngũkwĩaĩa ũmũnthĩ, wĩke ũla Yeova Ngai waku wonaa wĩ ũseo.</verse>
			</chapter>
			<chapter number="14">
				<verse number="1">Inyw’ĩ mwĩ syana sya Yeova Ngai wenyu: mũikaetemange, kana kwenza mbaa katĩ wa metho menyu kwondũ wa akw’ũ.</verse>
				<verse number="2">Nũndũ wĩ mbaĩ ntheu kwa Yeova Ngai waku, na Yeova nũkũnyuvĩte wĩthĩwe mbaĩ yake mwene, kuma ngonĩ syonthe sya andũ ila syĩ ĩũlũ wa nthĩ.</verse>
				<verse number="3">Ndũkaaye kĩndũ o na kĩva kĩla kĩthatasya.</verse>
				<verse number="4">Ii nĩsyo nyamũ ila mũtonya kũya: ng’ombe, na ĩlondu, na mbũi,</verse>
				<verse number="5">ndaatai nzamba, na kĩlong’a, na nthwaĩa nzamba, na mbũi ya kĩthekanĩ, na nthia nzaũ, na ngondi, na ĩsũkũ.</verse>
				<verse number="6">Na kĩla nyamũ yĩ na ĩvũngũ yatũe, na yĩ mathaio matũku katĩ, na ĩthaumasya, nyamũnĩ syonthe, nĩyo mũtonya kũya.</verse>
				<verse number="7">Ĩndĩ ii mũikaaya sya ila ithaumasya, kana sya ila syĩ na ĩvũngũ yatũe: Ngamĩle, na mbũkũ, na kĩnyowe, nũndũ nithaumasya ĩndĩ iti na ĩvũngũ yatũe, isu nĩ mbuku kwenyu.</verse>
				<verse number="8">Na ngũlũe, nũndũ yĩ na ĩvũngũ yatũe ĩndĩ ndĩthaumasya, nayo nĩ mbuku kwenyu: mũikaaye nyama syasyo, na mũikaakiite syĩ ngw’ũ.</verse>
				<verse number="9">Ii nĩsyo mũtonya kũya ila syĩ manzĩnĩ: o ĩla yĩ na nthwau na makwaũ nĩmũtonya kũya:</verse>
				<verse number="10">na ĩla ĩte na nthwau na makwaũ mũikaaye; nĩ mbuku kwenyu.</verse>
				<verse number="11">Nyũnyi syonthe ntheu nĩmũtonya kũya.</verse>
				<verse number="12">Ĩndĩ ii nĩsyo ila mũtatonya kũya: ndiũ, na ndiũ ya ĩthingi, na ndei,</verse>
				<verse number="13">na kalũmalũmi, na kĩvaalala, na kĩmangaũ o mũthemba wakyo,</verse>
				<verse number="14">na ngũngũũ o mũthemba wayo</verse>
				<verse number="15">na nyaa, na ĩowe, na ĩng’aa, na mbolosya o mũthemba wayo,</verse>
				<verse number="16">na mũnyũũ, na ndundu nene, na ndundu yĩ mbya,</verse>
				<verse number="17">na ngunĩ, na ndei ya ĩthingi, na ĩvutavutĩlya,</verse>
				<verse number="18">na ĩsaũ, na ĩkũthakũthĩi o mũthemba wayo, na ĩlumi, na ũvuvu.</verse>
				<verse number="19">Na tũsamũ tw’onthe tũla twĩ na nthwau na tũtambũkaa nĩ tũvuku kwenyu: tũikaaĩwe.</verse>
				<verse number="20">Nyũnyi ntheu syonthe nĩmũtonya kũya.</verse>
				<verse number="21">Mũikaaye kĩndũ o na kĩva kya kũkw’a: nũtonya ũkĩnenga mwĩkali wa ũeninĩ wĩ kwaku, akaya; kana nũtonya ũkĩthooesya mũndũ wa nthĩ ĩngĩ: nũndũ wĩ mbaĩ ntheu kwa Yeova Ngai waku. Ndũkaaue katena ka mbũi na ĩia ya inyia wako.</verse>
				<verse number="22">Mũvaka wumye kĩlungu kya ĩkũmi kya wingĩvo wa mbeũ syaku, ila syumaa mũũndanĩ kĩla mwaka.</verse>
				<verse number="23">Naku ũkaĩa mbee wa Yeova Ngai waku, vala wĩnyuva, ekalye syĩtwa yake vo, kĩlungu kya ĩkũmi kya lĩu waku wa mbaa ngetha, na kya mbinyu yaku mbĩthĩ, na kya mauta maku, na ila isyaawa mbee sya ndĩthya yaku ya ng’ombe, na ya mbũi na malondu; nĩ kana wĩmanyĩsye kũmũkĩaa Yeova Ngai waku mavinda onthe.</verse>
				<verse number="24">Na ethĩwa nzĩa nĩ ndasa mũno kwaku, ũndũ ũtatonya kwikua, nĩkwĩthĩwa vandũ vau nĩ vaasa mũno na kwaku, vala Yeova Ngai waku wĩnyuva, ekĩe syĩtwa yake vo, yĩla Yeova Ngai waku ũkakũathima;</verse>
				<verse number="25">nĩvo ĩndĩ wĩikũan’ya itw’ĩke mbesa, noyoveea i mbesa kw’okonĩ kwaku, na enda vala Yeova Ngai waku wĩnyuva:</verse>
				<verse number="26">na mbesa isu ia kwondũ wa o kĩla ngoo yaku ĩnĩkwenda, kwondũ wa ng’ombe, kana malondu, kana mbinyu, kana kĩla kĩtoonasya, kana o kĩla ngoo yaku yĩkwĩtya; na ũkaĩa vau mbee wa Yeova Ngai waku, na ũkatana, we na ala ma nyũmba yaku.</verse>
				<verse number="27">Na Mũlivai ũla wĩ kwaku, ndakaakũle; nũndũ nde na kĩanda kana ũtiĩwa vamwe naku.</verse>
				<verse number="28">Kĩla myaka ĩtatũ yathela umasya kĩlungu kyonthe kya ĩkũmi kya wingĩvo wa syĩndũ syaku sya mwaka o ũsu, na ia kwaku:</verse>
				<verse number="29">na Mũlivai, nĩkwĩthĩwa nde na kĩanda kana ũtiĩwa vamwe naku, na mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa, ala me kwaku, makooka, na makaya na kũvũna; nĩ kana Yeova Ngai waku akũathime wĩanĩ w’onthe wa moko maku ũla ũtethasya.</verse>
			</chapter>
			<chapter number="15">
				<verse number="1">Kĩla myaka mũonza yathela ekanĩai.</verse>
				<verse number="2">Na ũekanĩo ũsu ũilyĩ ũũ: kĩla mũndũ ũmũkovethetye mũtũi wake namũekee kyu kĩla ũmũkovethetye; ndakamumĩthye mũtũi wake na mwana‐a‐ĩthe kyo na vinya; nĩkwĩthĩwa ũekanĩo wa Yeova nũtavanĩtw’e.</verse>
				<verse number="3">Nũtonya kũmumĩthya mũndũ wa nthĩ ĩngĩ: ĩndĩ kĩla kyaku mwana‐a‐au wĩ nakyo, kw’oko kwaku kũkakĩeke.</verse>
				<verse number="4">Ĩndĩ kũikethĩwa ngya kwaku (vate ndĩi Yeova akakũathima wĩ nthĩ ĩla Yeova Ngai waku ũkũnengae yĩthĩwe ũtĩiwa ũmĩmesye),</verse>
				<verse number="5">ethĩwa ũkeethukĩĩsya ki wasya wa Yeova Ngai waku, ũkwate na kwĩka mwĩao ũũ w’onthe ũla ngũkwĩaĩa ũmũnthĩ.</verse>
				<verse number="6">Nũndũ Yeova Ngai waku akakũathima, o tondũ wakwathie: na ũkakovethya mbaĩ nyingĩ, ĩndĩ ndũkakova; na ũkaisumbĩka mbaĩ nyingĩ, ĩndĩ itikakũsumbĩka.</verse>
				<verse number="7">Ethĩwa kwaku kũkeethĩwa mũndũ ngya, ũmwe wa ana‐a‐au, kwaku nthĩ yaku ĩla Yeova Ngai waku ũkũnengae, ndũkomye ngoo yaku, o na ndũkamũkumbatĩlĩlye kw’oko kwaku mwana‐a‐au e ngya;</verse>
				<verse number="8">ĩndĩ ndũtĩa kũmũtambũũkĩsya kw’oko kwaku, na kũmũkovethya kĩla kĩanĩe vata wake, o kĩla ũnũkwenda.</verse>
				<verse number="9">Ĩsũvĩe ndũkethĩwe na ũsũanĩo mũthũku ngoonĩ yaku, ũkyasya, Mwaka wa mũonza, naw’o nĩ mwaka wa ũekanĩo, nũthengee; na itho yaku yĩkĩthĩwa yĩ ĩthuku ĩũlũ wa mwana‐a‐au ngya, naku ũilea kũmũnenga kĩndũ; nake akĩmwĩkaĩla Yeova kwondũ waku, na ũndũ ũsu ũkethĩwa naĩ kwaku.</verse>
				<verse number="10">Na mũvaka ũmũnenge, na ngoo yaku ndĩkew’a woo ũimũnenga; nĩkwĩthĩwa kwondũ wa ũndũ ũsu Yeova Ngai waku akakũathima wĩanĩ waku w’onthe, na kĩla ũndũnĩ ũla wĩkaa na moko maku.</verse>
				<verse number="11">Nũndũ ngya itikathela nthĩ o na ĩndĩĩ: kwondũ wa ũu nĩngũkwĩaĩa, ngyasya, Ndũtĩa kũmũtambũũkĩsya mwana‐a‐au kw’oko kwaku, na ala maku athĩnĩ, na ala maku ngya, nthĩ yaku.</verse>
				<verse number="12">Ethĩwa mwana‐a‐au, mũndũ mũũme Mũevelania, kana mũndũ mũka Mũevelania, akathoow’a kwaku, na ũkũthũkũma myaka thanthatũ; nĩvo mwaka wa mũonza ũkamũthasya aume kwaku.</verse>
				<verse number="13">Na wamũthasya aume kwaku, ndũkamũeke athi ate na kĩndũ:</verse>
				<verse number="14">mũnenge na ũlau kuma ndĩthyanĩ yaku ya mbũi na malondu, na kuma kĩvũĩonĩ kyaku, na kuma kĩangĩonĩ kyaku kya nzavivũ; o tondũ Yeova Ngai waku ũkũathimĩte o ta ũu ũkamũnenga.</verse>
				<verse number="15">Na lilikana atĩ waĩ ngombo nthĩ ya Misili, na Yeova Ngai waku akwovosya: kwondũ wa ũu nĩngũkwĩaĩa ũndũ ũsu ũmũnthĩ.</verse>
				<verse number="16">Na kũkeethĩwa, ethĩwa akakwĩa, Ndiuma kwaku; nĩkwĩthĩwa nũkwendete we na nyũmba yaku, nĩkwĩthĩwa nĩwoneaa ũseo kwaku;</verse>
				<verse number="17">nĩvo ĩndĩ wĩosa mũkuva, noitonya kũtũ kwake amamĩĩsye mũomonĩ, na akeethĩwa mũthũkũmi waku tene na tene. Na ngombo yaku mwĩĩtu ũkamwĩka ta ũu.</verse>
				<verse number="18">Ndũkone nĩ vinya ũimũthasya aume kwaku; nũndũ nũkũthũkũmĩte myaka thanthatũ, na nĩ ta ĩtuvi kundũ kwĩlĩ ya mũndũ ũtuvawa; na Yeova Ngai waku akakũathima ũndũnĩ w’onthe ũla wĩkaa.</verse>
				<verse number="19">Ila isyaawa mbee syonthe nũme ndĩthyanĩ yaku ya ng’ombe, na ya mbũi na malondu ivanthan’ye syĩthĩwe ntheu kwa Yeova Ngai waku: ndũkatethye wĩa na kĩla kĩsyawa mbee kya ndĩthya yaku ya ng’ombe, o na ndũkatile maw’ĩa ma kĩla kĩsyawa mbee kya ndĩthya yaku ya mbũi na malondu.</verse>
				<verse number="20">Kĩĩsĩae mbee wa Yeova Ngai waku kĩla mwaka vandũ vala Yeova wĩnyuva, we na andũ ma nyũmba yaku.</verse>
				<verse number="21">Na ethĩwa kĩ kĩema, ethĩwa nĩkĩthuaa kana kĩtyonaa nthĩ, kĩema o na kĩva, ndũkakĩthembee Yeova Ngai waku.</verse>
				<verse number="22">Kĩĩsĩae kwaku: ala avuku na ala atheu makaya ũndũ ũmwe, o tondũ maĩsaa kĩlong’a na ndaatai.</verse>
				<verse number="23">Ĩndĩ ndũkaaye nthakame yakyo; mĩte nthĩ ta manzĩ.</verse>
			</chapter>
			<chapter number="16">
				<verse number="1">Sũvĩa mwei wa Avivu, na lilikana vasaka kwondũ wa Yeova Ngai waku; nũndũ Yeova Ngai waku nĩwakumisye nthĩ ya Misili ũtukũ mwei wa Avivu.</verse>
				<verse number="2">Na mũthembee Yeova Ngai waku vasaka wa ndĩthya ya mbũi na malondu na ya ng’ombe, vandũ vala Yeova wĩnyuva, ekalye syĩtwa yake vo.</verse>
				<verse number="3">Ndũkaaye kĩmũtũkĩ ĩlawa vamwe naw’o; mĩthenya mũonza wĩya kĩmũtũ kĩte ĩlawa vamwe naw’o, nĩ kĩmũtũ kya thĩna; nũndũ nĩwaumie nthĩ ya Misili ũindũkĩte: nĩ kana mĩthenya yonthe ya thayũ waku ũlilikane mũthenya ũla waumie nthĩ ya Misili.</verse>
				<verse number="4">Na kũikoneke kwaku ĩlawa nthĩnĩ wa mĩvaka yaku yonthe vandũ va mĩthenya mũonza; o na nyama o na yĩva ĩla ũthembaa mũthenya wa mbee wĩoo, ndĩkaaekwe ũtukũ ũsu kũvika kĩoko.</verse>
				<verse number="5">Ndũkaathembe vasaka kwaku o na va, ũla Yeova Ngai waku ũkũnengae;</verse>
				<verse number="6">ĩndĩ no vandũ vala Yeova Ngai waku wĩnyuva, ekalye syĩtwa yake vo, nĩvo wĩthembea vasaka wĩoo, syũa yĩkĩthũa, ĩvinda ta yĩu, yĩla waumie Misili.</verse>
				<verse number="7">Naku wĩua na kũĩa vala Yeova Ngai waku wĩnyuva: na kĩoko kyu ĩthyũũe, ũende maeemanĩ maku.</verse>
				<verse number="8">Ĩsaa kĩmũtũ kĩte ĩlawa mĩthenya thanthatũ; na mũthenya wa mũonza wĩthĩwe ũmbano ũkilĩtye wa Yeova Ngai waku; ndũkatethye wĩa mũthenya ũsu.</verse>
				<verse number="9">Ĩtalĩle syumwa mũonza: ambĩlĩlya kũtala syumwa mũonza kuma yĩla wĩambĩlĩlya kũketha lĩu ũtũĩtye na kavyũ ke ngoto.</verse>
				<verse number="10">Ũkeethĩwa na mboka ya syumwa kwondũ wa Yeova Ngai waku vamwe na ũelo wa nthembo ya kw’oko kwaku ya kumya na kwenda kwa ngoo, ĩla wĩnengane, o kwĩanana na ũndũ Yeova Ngai waku ũkũathimaa:</verse>
				<verse number="11">naku ũkatane mbee wa Yeova Ngai waku, we, na mwana waku, na mwĩĩtu waku, na mũthũkũmi waku mũndũ mũũme, na mũthũkũmi waku mwĩĩtu, na Mũlivai ũla wĩ kwaku, na mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa, ala matwĩe kwaku, vandũ vala Yeova Ngai waku wĩnyuva, ekalye syĩtwa yake vo.</verse>
				<verse number="12">Naku lilikana waĩ ngombo nthĩ ya Misili: na sũvĩa noyĩka myamũlo ĩno yonthe.</verse>
				<verse number="13">Ũlilikanae mboka ya malwanda mĩthenya mũonza, wamina kumya kĩvũĩonĩ kyaku na kumya kĩangĩonĩ kyaku kya nzavivũ:</verse>
				<verse number="14">na tanĩa mbokanĩ yaku, we, na mwana waku, na mwĩĩtu waku, na mũthũkũmi waku mũndũ mũũme, na mũthũkũmi waku mwĩĩtu, na Mũlivai, na mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa, ala me kwaku.</verse>
				<verse number="15">Ũkeethĩwa na mboka ya mĩthenya mũonza kwondũ wa Yeova Ngai waku vandũ vala Yeova wĩnyuva; nĩkwĩthĩwa Yeova Ngai waku akakũathima wingĩvyonĩ waku w’onthe, na wĩanĩ w’onthe wa moko maku, na ũkeethĩwa na ũtanu ki.</verse>
				<verse number="16">Mavinda atatũ kĩla mwaka aũme maku onthe makookaa mbee wa Yeova Ngai waku vala wĩnyuva: mbokanĩ ya kĩmũtũ kĩte ĩlawa, na mbokanĩ ya syumwa, na mbokanĩ ya malwanda; na matikokae mbee wa Yeova na moko mathei:</verse>
				<verse number="17">kĩla mũndũ akanengane o ũndũ ũtonya, kwĩanana na ũathimo wa Yeova Ngai waku ũla ũkũnengete.</verse>
				<verse number="18">Maie asili na anene mbingĩlonĩ syaku syonthe, ala Yeova Ngai waku ũkũnengae, kwĩanana na mbaĩ syaku; namo makatusĩaa andũ sila mũlũngalu.</verse>
				<verse number="19">Ndũkelelũkasye sila wa katĩ: ndũkamendeeasye andũ; ndũkaose ĩvaki; nũndũ ĩvaki nĩyĩlindaa metho ma ala oĩ, na kwelelũkasya ndeto sya ala alũngalu.</verse>
				<verse number="20">Atĩĩa ũla ũlũngalu ki, nĩ kana wĩthĩwe thayũ, na kũtiĩwa nthĩ ĩla Yeova Ngai waku ũkũnengae.</verse>
				<verse number="21">Ndũkenzĩle Asela wa mũtĩ wa mũthemba o na wĩva ũtee wa kĩthembeo kya Yeova Ngai waku, ũla ũkeseũvĩsya.</verse>
				<verse number="22">O na ndũkeũngamĩsye kĩtuĩ; kĩla Yeova Ngai waku ũmenaa.</verse>
			</chapter>
			<chapter number="17">
				<verse number="1">Ndũkathembee Yeova Ngai waku ng’ombe, kana ĩlondu, yĩla yĩ kĩema, kana ũndũ o na wĩva ũthũku; nũndũ ũndũ ũsu nũmũthatasya Yeova Ngai waku.</verse>
				<verse number="2">Ethĩwa kũkooneka nthĩnĩ waku, nthĩnĩ wa mbingĩlo syaku o na syĩva ila Yeova Ngai waku ũkũnengae, mũndũ mũũme kana mũndũ mũka, ũla wĩkaa ũla Yeova Ngai waku wonaa wĩ ũthũku, aivĩtya ũtianĩo wake,</verse>
				<verse number="3">na nĩ mũendu kũthũkũma ngai ingĩ, na kwithaitha, kana syũa, kana mwei, kana imwe sya nguthu ya ĩtunĩ, ũndũ ndaeaa,</verse>
				<verse number="4">na watavw’a, na nũwĩw’ĩte; nĩvo ĩndĩ wĩkũlya na kĩthing’ĩĩsyo; na, sisya, ethĩwa nĩ wa w’o, vate ndĩi, kana ũthũku ũsu nĩwĩkĩtwe nthĩnĩ wa Isilaeli,</verse>
				<verse number="5">nĩvo ĩndĩ mumaalye mbingĩlonĩ syaku mũndũ mũũme ũsu kana mũndũ mũka ũsu, ũla wĩkĩte ũndũ ũsu ũthũku, o mũndũ mũũme kana mũndũ mũka; na makimange na mavia makw’e.</verse>
				<verse number="6">Kwa kanyw’a wa ngũsĩ ilĩ, kana ngũsĩ itatũ, ũla wa kũawa nĩoaawe; ndakoawe kwa kanyw’a wa ngũsĩ ĩmwe.</verse>
				<verse number="7">Moko ma ngũsĩ isu methĩwe ma mbee ĩũlũ wake kũmũaa, na ĩtina moko ma andũ onthe. Ũu nĩw’o wĩvetaa ũthũku ũsu wume kwaku.</verse>
				<verse number="8">Ethĩwa kũkookĩla ũndũ ũkũema silanĩ, katĩ wa nthakame na nthakame, katĩ wa mũandũi na mũandũwa, katĩ wa ĩkũna na ĩkũna, namo nĩ maũndũ ala meũkananĩwa nthĩnĩ wa mbingĩlo syaku; nĩvo ĩndĩ wĩũkĩla na kwambata vala Yeova Ngai waku wĩnyuva;</verse>
				<verse number="9">na ũmaendee athembi Alivai, na ũla ũkethĩwa mũsili mĩthenya ĩsu: na makũlye; na makakwon’ya ũtw’ĩo wa sila.</verse>
				<verse number="10">Naku wĩĩka kwĩanana na ũtw’ĩo ũla mekwonesya vandũ vu vala Yeova wĩnyuva; na sũvĩa na kwĩka w’onthe ũla mekũmanyĩsya:</verse>
				<verse number="11">kwĩanana na mĩao ĩla mekũmanyĩsya, na kwĩanana na ũtw’ĩo ũla mekũtavya, wĩĩka ũu; ndũkaaathũke kuma ũtw’ĩonĩ ũla mekwon’ya, ngalĩ ya kw’oko kwa aũme, kana kw’oko kwa aka.</verse>
				<verse number="12">Na mũndũ ũla wĩng’endaa, akĩlea kũmwĩthukĩĩsya mũthembi ũla ũũngamaa athũkũme mbee wa Yeova Ngai waku, kana mũsili, mũndũ ũsu akakw’e: naku ũkaveta ũthũku ũsu kwa Isilaeli.</verse>
				<verse number="13">Na andũ onthe makeew’a, na kũkĩa, na matikang’enda ĩngĩ.</verse>
				<verse number="14">Yĩla wĩvika nthĩ ĩla Yeova Ngai waku ũkũnengae, na wamĩmesya, na kũtũa vo, na kwasya, Ngaia mũsumbĩ anzumbĩke, ta mbaĩ syonthe ila inthyũlũlũkĩte;</verse>
				<verse number="15">mũvaka ũmwie ũla Yeova Ngai waku wĩnyuva ethĩwe mũsumbĩ waku; ia ũmwe wa ana‐a‐au akũsumbĩke; ndũkaamũsumbĩkye mũndũ wa nthĩ ĩngĩ, ũla ũte mwana‐a‐au.</verse>
				<verse number="16">Ĩndĩ ndakaingĩvye mbalasi kwake, kana kũtuma andũ masyoka Misili, nĩ kana aingĩvye mbalasi; nũndũ Yeova nũmũtavĩtye, Mũtikasyokee ĩngĩ nzĩa ĩsu.</verse>
				<verse number="17">O na ndakatwae aka aingĩ, ngoo yake ndĩkathyũũwe: o na ndakaeyingĩvĩsye vetha kana thaavu.</verse>
				<verse number="18">Na kũkeethĩwa, yĩla wĩĩkalĩla kĩvĩla kya ũsumbĩ wake, eĩyumĩĩĩsya ũandĩko wa mĩao ĩno ĩvukunĩ, kũatĩĩa ĩvuku yĩla yĩ na athembi Alivai:</verse>
				<verse number="19">na akĩthĩwa nayo, na akĩyĩsomaa mĩthenya yonthe ya thayũ wake; nĩ kana emanyĩsye kũkĩa Yeova Ngai wake, kũkwata ndeto syonthe sya mĩao ĩno na myamũlo ĩno, kũsyĩkaa;</verse>
				<verse number="20">nĩ kana ngoo yake ndĩkaaĩnenevye ĩũlũ wa ana‐a‐ĩthe make, na nĩ kana ndakaaathũke na kũtia ũla mwĩao, ngalĩ ya kw’oko kwa aũme, kana aka: nĩ kana aingĩvye matukũ make ũsumbĩnĩ wake, we na syana syake, nthĩnĩ wa Isilaeli.</verse>
			</chapter>
			<chapter number="18">
				<verse number="1">Athembi Alivai, o mbaĩ yonthe ya Alivai, matikethĩwe na kĩanda kana ũtiĩwa vamwe na Isilaeli: makaye nthembo sya Yeova ila ivĩvaw’a na mwaki, nĩsyo ũtiĩwa wake.</verse>
				<verse number="2">Na matikethĩwe na ũtiĩwa katĩ wa ana‐a‐ĩthe moo: Yeova nĩwe ũtiĩwa woo, o tondũ ũneenete nao.</verse>
				<verse number="3">Na kĩĩ nĩkyo kyaĩle kwĩthĩwa kya mũthembi kuma andũnĩ, kuma kwa ala mathembaa nthembo ya kũtonywa, ethĩwa nĩ ng’ombe kana ĩlondu, manenge mũthembi kĩtuo, na ngambuu syelĩ, na ĩvu.</verse>
				<verse number="4">Mosyao ma mbee ma lĩu waku wa mbaa ngetha, na ma mbinyu yaku mbĩthĩ, na ma mauta maku, na w’ĩa wa mbee wa malondu maku, mũnenge isu.</verse>
				<verse number="5">Nũndũ Yeova Ngai waku nũmũnyuvĩte kuma mbaĩnĩ syaku syonthe, aũngamae kũthũkũma syĩtwanĩ ya Yeova, we na ana make tene na tene.</verse>
				<verse number="6">Na ethĩwa Mũlivai akooka kuma mbingĩlonĩ syaku o na syĩva nthĩnĩ wa Isilaeli onthe, vala wekalaa ũeni, akyũka na kwenda kw’onthe kwa ngoo yake vala Yeova wĩnyuva;</verse>
				<verse number="7">nĩvo ĩndĩ wĩthũkũma syĩtwanĩ ya Yeova Ngai wake, o tondũ ana‐a‐ĩthe make onthe Alivai mekaa, ala maũngamaa mbee wa Yeova.</verse>
				<verse number="8">Makeethĩwa na ilungu sya ũya syĩanene, vamwe na kĩla wosaa kwondũ wa ũthoosya ũtiĩwa wa ĩthe wake.</verse>
				<verse number="9">Walika nthĩ ĩla Yeova Ngai waku ũkũnengae, ndũkemanyĩsye kwĩka mothatyo ma mbaĩ isu.</verse>
				<verse number="10">Kũikaoneke kwaku mũndũ ũla ũkũmũvĩtĩlya mwana wake kana mwĩĩtu wake mwakinĩ, kana ũla ũaũasya, kana ũla ũingasya nyũnyi kana mũndũ mũe, kana mũoi,</verse>
				<verse number="11">kana mwĩki wa syama, kana ũla ũkũlasya ala mesene na maveva, kana ũla ũmbasya ithitũ, kana ũla ũkũlasya akw’ũ.</verse>
				<verse number="12">Nũndũ ũla wĩkaa maũndũ asu nũmũthatasya Yeova: na kwondũ wa mothatyo asu Yeova Ngai waku nũmalũngasya maume mbee wake.</verse>
				<verse number="13">Ĩthĩwa mwĩanĩu mbee wa Yeova Ngai waku.</verse>
				<verse number="14">Nũndũ mbaĩ isu, ila wĩlũngya syume kwoo, syĩthukĩĩasya ala maingasya nyũnyi, na ala maaũasya; ĩndĩ we, Yeova Ngai waku ndakũnengete ũthei wa kwĩka ũu.</verse>
				<verse number="15">Yeova Ngai waku akakũkĩlĩlya mwathani kuma katĩ waku, kuma katĩ wa ana‐a‐au, ũilyĩ takwa; mwĩthukĩĩsyei;</verse>
				<verse number="16">kwĩanana na w’onthe ũla wamwĩtĩsye Yeova Ngai waku Olevu mũthenya wa ũla ũmbano, ũkyasya, Ndikew’e ĩngĩ wasya wa Yeova Ngai wakwa, o na ndikasisye mwaki ũũ mũnene ĩngĩ, ndikakw’e.</verse>
				<verse number="17">Na Yeova ambĩa, Nĩmaneena nesa ũndũ maneena.</verse>
				<verse number="18">Ngamokĩlĩlya mwathani kuma katĩ wa ana‐a‐ĩthe moo, ũilyĩ taku; na ngeekĩa ndeto syakwa kanyw’anĩ wake, nake akamatavya w’onthe ũla ngamwĩaĩa.</verse>
				<verse number="19">Na kũkeethĩwa, kana o ũla ũtakethukĩĩsya ndeto syakwa ila ũkaneena syĩtwanĩ yakwa, ngaandũa ũndũ ũsu kwake.</verse>
				<verse number="20">Ĩndĩ mwathani, ũla ũkaneena ndeto sya mĩtavyo syĩtwanĩ yakwa, ĩla ndaamwĩaĩa aneene, kana ũla ũkaneena syĩtwanĩ ya ngai ingĩ, mwathani ũsu nakw’e.</verse>
				<verse number="21">Na ethĩwa wĩasya ngoonĩ yaku, Tũkamanya ata ndeto ĩla Yeova ũtaneenete?</verse>
				<verse number="22">Yĩla mwathani ũneenaa syĩtwanĩ ya Yeova, ethĩwa ũndũ ũsu ndwĩĩthĩwa, o na ndwĩĩkĩka, ũu nĩw’o ũla Yeova ũtaaneena: mwathani ũsu aneenete na mĩtavyo, ndũkamũkĩe.</verse>
			</chapter>
			<chapter number="19">
				<verse number="1">Yĩla Yeova Ngai waku ũkaveta mbaĩ, ila Yeova Ngai waku ũkũnengae nthĩ yasyo, naku woosa nthĩ yasyo, na kũtũa ndũanĩ syasyo, na nyũmba syasyo;</verse>
				<verse number="2">ĩvathĩe ndũa itatũ nthĩnĩ wa nthĩ yaku, ĩla Yeova Ngai waku ũkũnengae ũmĩmesye.</verse>
				<verse number="3">Ĩseũvĩsye nzĩa, na atũan’ya mĩvaka ya nthĩ yaku, ĩla Yeova Ngai waku wĩtuma ũmĩtiĩwa, yĩthĩwe ilungu itatũ, nĩ kana kĩla mũndũ ũkoaa ũngĩ akĩĩe vo.</verse>
				<verse number="4">Na ũũ nĩw’o ũvoo wa ũla ũkoaa ũngĩ, ũla ũkakĩĩa vo na kwĩkala thayũ: o ũla ũkoaa mũtũi wake na mbanga, na ndatwĩe e ũthũ nake;</verse>
				<verse number="5">ta yĩla mũndũ ũendaa mũtitũnĩ e na mũtũi wake kũtema mĩtĩ, na kw’oko kwake kũkyũkĩlya ĩthoka ateme mũtĩ, na ĩthoka yĩisingĩla, na kũkũna mũtũi wake, na aikw’a; nake akakĩĩa ndũa ĩmwe ya isu na kwĩkala thayũ:</verse>
				<verse number="6">mũĩvanĩsya wa nthakame ndakese kũmũatĩĩa mũaani, yĩla wĩ na ũthatu ngoonĩ, na kũmũkwata, nũndũ nzĩa nĩ ndasa, na kũmũkũna akw’e; nake ndaĩlwe nĩ kũkw’a, nũndũ ndatwĩe e ũthũ nake.</verse>
				<verse number="7">Kwondũ wa ũu nĩngũkwĩaĩa, ngyasya, Ĩvathĩe ndũa itatũ.</verse>
				<verse number="8">Na ethĩwa Yeova Ngai waku akongela mũvaka waku, o tondũ wameavĩe aaĩthe maku, na ũkũnenga nthĩ yonthe ĩla wathie akamanenga aaĩthe maku;</verse>
				<verse number="9">ethĩwa ũkakwata mwĩao ũũ w’onthe ũwĩke, ũla ngũkwĩaĩa ũmũnthĩ, ũmwende Yeova Ngai waku, na kũendaa nzĩanĩ syake mavinda onthe; nĩvo ĩndĩ wĩyongela ndũa ingĩ itatũ, vamwe na isu itatũ:</verse>
				<verse number="10">nĩ kana nthakame ĩte ĩvĩtyo ndĩketĩkw’e nthĩ yaku, ĩla Yeova Ngai waku ũkũnengae yĩthĩwe ũtiĩwa, na kwondũ wa ũu nthakame ĩkĩthĩwa ĩũlũ waku.</verse>
				<verse number="11">Ĩndĩ ethĩwa mũndũ o na wĩva nũmenete mũtũi wake, na kũmwoveesya, na kũmũkĩlĩla, na kũmũkũna akw’e, nake aikĩĩa ndũanĩ ĩmwe ya isu;</verse>
				<verse number="12">nĩvo ĩndĩ atumĩa ma ndũa yake matũmane na kũmumya vo, na kũmũnengane mokonĩ ma mũĩvanĩsya wa nthakame, nĩ kana akw’e.</verse>
				<verse number="13">Metho maku matikamwĩw’ĩe tei, ĩndĩ veta kũasa na Isilaeli nthakame ĩte ĩvĩtyo, nĩ kana kwĩthĩwe ũseo kwaku.</verse>
				<verse number="14">Ndũkaakũĩĩsya kyambo kya mũvaka wa mũtũi waku, kĩla ala ma tene meekĩie, ũtiĩwanĩ waku ũla ũkatiĩwa, nthĩ ĩla Yeova Ngai waku ũkũnengae ũmĩmesye.</verse>
				<verse number="15">Ngũsĩ ĩmwe ndĩkakũsĩĩe mũndũ kwondũ wa ũthũku o na wĩva, kana naĩ o na yĩva, naĩnĩ o na yĩva ĩla wĩkaa: kwa kanyw’a wa ngũsĩ ilĩ, kana kwa kanyw’a wa ngũsĩ itatũ, ũndũ ũkalũma.</verse>
				<verse number="16">Ethĩwa ngũsĩ ĩte ya w’o ĩkamũkĩlĩla mũndũ o na wĩva ĩmũkũsĩĩe kana nĩwĩkĩte naĩ,</verse>
				<verse number="17">nĩvo ĩndĩ andũ asu elĩ ala me na ngananĩo katĩ wamo, meũngama mbee wa Yeova, mbee wa athembi na asili ala makethĩwa mĩthenya ĩsu;</verse>
				<verse number="18">na asili mamanthe na kĩthing’ĩĩsyo: na, sisya, ethĩwa ngũsĩ nĩ ngũsĩ ya ũvũngũ, na ĩmũkũsĩĩe mwana‐a‐ĩthe ũvũngũ;</verse>
				<verse number="19">nĩvo ĩndĩ yĩkwe, o ũndũ ĩsũanĩĩte kũmwĩka mwana‐a‐ĩthe: ũu nĩw’o wĩvetaa ũthũku ũsu wume kwaku.</verse>
				<verse number="20">Na ala metiala makeew’a, na kũkĩa, na maikeka ĩngĩ ũthũku ta ũsu kwaku.</verse>
				<verse number="21">Na itho yaku yĩtikew’ĩe tei; thayũ vandũ va thayũ, itho vandũ va itho, ĩeo vandũ va ĩeo, kw’oko vandũ va kw’oko, kũũ vandũ va kũũ.</verse>
			</chapter>
			<chapter number="20">
				<verse number="1">Yĩla wĩendaa kũkita na amaitha maku, na woona mbalasi, na makasya ma kaũ, na andũ aingĩ kwĩ we, ndũkamakĩe; nũndũ Yeova Ngai waku e vamwe naku, ũla wakumisye nthĩ ya Misili.</verse>
				<verse number="2">Na kũkeethĩwa, yĩla mwĩthengeea kaũnĩ, mũthembi akathengeea na kũneena na andũ,</verse>
				<verse number="3">na akamea, Ĩw’ai, Isilaeli, ũmũnthĩ nĩmũthengeea kũkita na amaitha menyu: ngoo syenyu itikaleele; mũikakĩe, kana kũtetema, o na mũikatĩsw’e nĩo;</verse>
				<verse number="4">nũndũ Yeova Ngai wenyu nĩwe ũendaa nenyu, ũmũkitĩaa amitha menyu, amũtangĩĩe.</verse>
				<verse number="5">Na anene makaneena na andũ, makyasya, Nĩ mũndũ wĩva ũla wakĩte nyũmba nzaũ, na ndanamba ũmĩvingũa? Naende asyoke nyũmbanĩ kwake, ndakese kũkw’ĩa kaũnĩ, na mũndũ ũngĩ aimĩvingũa.</verse>
				<verse number="6">Na nĩ mũndũ wĩva ũla ũvandĩte mũũnda wa mĩsavivũ, na ndanamba kũya ũsyao waw’o? Naende asyoke nyũmbanĩ kwake, ndakese kũkw’ĩa kaũnĩ, na mũndũ ũngĩ aiya ũsyao waw’o.</verse>
				<verse number="7">Na nĩ mũndũ wĩva ũla ũasĩtye mwĩĩtu, na ndanamba ũmũtwaa? Naende asyoke nyũmbanĩ kwake, ndakese kũkw’ĩa kaũnĩ, na mũndũ ũngĩ aimũtwaa.</verse>
				<verse number="8">Na anene asu makaendeea na kũneena na andũ, na makasya, Nũũ ũla wĩ na w’ĩa na mũleelu ngoonĩ? Naende asyoke nyũmbanĩ kwake, ngoo sya ana‐a‐ithe make itikese kũtweka o ta ngoo yake.</verse>
				<verse number="9">Na kũkeethĩwa, anene mamina kũneena na andũ, makaia makavuteni ma nguthu methĩwe atongoi ma andũ.</verse>
				<verse number="10">Yĩla ũkathengeea ndũa ũkite nayo, nĩvo ĩndĩ mĩkũlye wĩw’ano.</verse>
				<verse number="11">Na kũkeethĩwa, ethĩwa ĩkakũsũngĩa ũsũngĩo wa mũuo, na ũkũvingũĩa, nĩvo kũkethĩwa, kana andũ onthe ala makethĩwa nthĩnĩ wayo makatw’ĩka maku, na makakũthũkũma.</verse>
				<verse number="12">Na ethĩwa ĩkalea kwĩw’ana naku, ĩndĩ ĩkenda kũkita naku, nĩvo ũkamĩthyũlũlũka ũmĩtw’ĩkanĩsye:</verse>
				<verse number="13">na yĩla Yeova Ngai waku ũkamĩnengane kw’okonĩ kwaku, ũaa kĩla mũndũ mũũme wayo kwa kũmũtemanga na ũvyũ:</verse>
				<verse number="14">ĩndĩ aka, na twana tũnini, na indo, na kyonthe kĩla kĩ ndũanĩ, o mũtavo wayo w’onthe, osa wĩthĩwe waku mwene; na wĩya mũtavo wa amaitha maku, ũla Yeova Ngai waku ũkũnengete.</verse>
				<verse number="15">Ĩka ũu ndũa syonthe ila syĩ kũasa naku, ila ite sya ndũa sya mbaĩ ii.</verse>
				<verse number="16">Ĩndĩ nthĩnĩ wa ndũa sya mbaĩ ii, ila Yeova Ngai waku ũkũnengae syĩthĩwe ũtiĩwa waku, ndũkakĩtie kĩ thayũ kĩndũ kĩla kĩvevaa;</verse>
				<verse number="17">ĩndĩ maminei vyũ: Mũititi, na Mũamoli, na Mũkanaani, na Mũvelisi, na Mũivi, na Mũyevusi; o tondũ Yeova Ngai waku wakwĩaĩe;</verse>
				<verse number="18">maikese kũmũmanyĩsya kwĩka maũndũ moo onthe ala mathatasya, ala mekaa kwondũ wa ngai syoo; na mweeka ũu mũkamwĩka Yeova Ngai wenyu naĩ.</verse>
				<verse number="19">Yĩla ũkathyũlũlũka ndũa ũmĩtw’ĩkanĩsye ĩvinda ĩasa, ũkyũkita nayo ũmĩkwate, ndũkanange mĩtĩ yayo ũitemanga na ĩthoka; nũndũ nũtonya kũya ũsyao wayo, na ndũkamĩteme; nũndũ mũtĩ wa mũũnda nĩ mũndũ, ũndũ ũkita naw’o?</verse>
				<verse number="20">Ĩndĩ mĩtĩ ĩla wĩsĩ ti mĩtĩ ya kũĩwa, myanange na kũmĩtema; na akĩĩa ngome ndũa ĩsu ĩla ĩnĩũkita naku, mũvaka yĩla ĩvalũka.</verse>
			</chapter>
			<chapter number="21">
				<verse number="1">Ethĩwa kũkooneka mũndũ wũaĩwe nthĩ ĩla Yeova Ngai waku ũkũnengae ũmĩmesye, e mũũndanĩ, na ndesĩkĩwe ũla wamũaie;</verse>
				<verse number="2">nĩvo ĩndĩ atumĩa maku na asili maku meumaalaa, na maithima ndũa ila imũthyũlũlũkĩte ũsu ũla wũaĩtwe;</verse>
				<verse number="3">na kũkeethĩwa ndũa ĩla yĩ vakuvĩ na mũndũ ũla wũaĩtwe, o atumĩa ma ndũa ĩsu makose moi ya ndĩthya, ĩla ĩtaatethya wĩa, na ĩla ĩtaakusya na ĩsoki;</verse>
				<verse number="4">na atumĩa ma ndũa ĩsu makatwaa moi ĩsu mwandanĩ ũla wĩ manzĩ mavĩtĩte, ũla ũtenzĩtwe kana kũvandwa, na makatũlĩla ngingo ya moi vu mwandanĩ.</verse>
				<verse number="5">Na athembi ana ma Livai mathengee, nĩkwĩthĩwa nĩmo Yeova Ngai waku wamanyuvie mamũthũkũme, na kũathima syĩtwanĩ ya Yeova; na kĩla ngananĩo na kĩla ĩkũnwa yĩkeethĩwa kwĩanana na ndeto yoo.</verse>
				<verse number="6">Na atumĩa onthe ma ndũa ĩsu, ala me vakuvĩ na mũndũ ũla woaiwe, mathambĩsye moko moo ĩũlũ wa moi ĩla ngingo yayo yatũlĩlwa mwandanĩ;</verse>
				<verse number="7">na makasũngĩa na kwasya, Moko maitũ matyaaĩtĩkya nthakame ĩno, o na metho maitũ matyaamyona.</verse>
				<verse number="8">Ame Yeova, ekea andũ maku Isilaeli, ala wamovoisye, na ndũkaeke nthakame ĩte na ĩvĩtyo kwĩkalaa katĩ wa andũ maku Isilaeli. Na makaekewa ĩla nthakame.</verse>
				<verse number="9">Ũu nĩw’o wĩvetaa nthakame ĩte na ĩvĩtyo yume katĩ waku, yĩla wĩĩkaa ũla Yeova wonaa wĩ ũseo.</verse>
				<verse number="10">Yĩla wĩthĩ kũkita na amaitha maku, na Yeova Ngai waku aimanengane mokonĩ maku, naku ũimatwaa me atave,</verse>
				<verse number="11">na kwona katĩ wa ala matavĩtwe mũndũ mũka mwanake, naku ũimwĩw’ĩa ĩtomo, na ũyenda kũmũtwaa ethĩwe mũka waku;</verse>
				<verse number="12">nĩvo ĩndĩ mũtwae kwaku nyũmbanĩ yaku; nake nĩenze mũtwe wake, na kwela mbwaa syake;</verse>
				<verse number="13">na akaumye ngũa ya kũtavwa kwake, na kwĩkala nyũmbanĩ yaku, na kũmaĩĩa ĩthe na nyinyia mwei mũima: na ĩtina wa ũu lika kwake, wĩthĩwe mũũme wake, nake ethĩwe mũka waku.</verse>
				<verse number="14">Na kũkeethĩwa, ethĩwa ndũkwendeew’a nĩwe, mũnenge ũthei aende o vala ũnũkwenda; ĩndĩ ndũkamũthoosye mbesa, ndũkamwĩke ta ngombo, nũndũ nĩwamũthũkisye.</verse>
				<verse number="15">Ethĩwa mũndũ e na aka elĩ, ũmwe mwende, na ũla ũngĩ mũmene, na makĩmũsyaĩa syana, ũla wendetwe na ũla ũmenetwe me elĩ; na ethĩwa ĩkithathi nĩ ya ũla ũmenetwe;</verse>
				<verse number="16">nĩvo kũkeethĩwa, mũthenya ũla ũkatuma ana make matĩĩwa kĩla wĩ nakyo, ndatonya kũmũtw’a mwana wa mũndũ mũka ũla wendetwe ĩkithathi yĩla mwana wa ũla ũmenetwe wĩ thayũ, nake nĩwe ĩkithathi:</verse>
				<verse number="17">ĩndĩ nĩetĩkĩle yĩla ĩkithathi, mwana wa ũla ũmenetwe, aiyĩnenga kũndũ kwĩlĩ syĩndũnĩ syonthe ila wĩ nasyo; nũndũ nĩwe wambĩlĩlyo wa vinya wake; ũtiĩwa wa ũkithathi nĩ wake.</verse>
				<verse number="18">Ethĩwa mũndũ e na mwana mbaa matũ na mũng’endu, ũla ũtew’aa wasya wa ĩthe, kana wasya wa nyinyia, o na mamũkũna, ndamew’aa;</verse>
				<verse number="19">nĩvo ĩthe wake na nyinyia mamũkwate, na kũmumĩlya kwa atumĩa ma ndũa yake, na mbingĩlonĩ ya vandũ vake;</verse>
				<verse number="20">na mamatavye atumĩa ma ndũa yake, Mwana ũũ waitũ nĩ mbaa matũ na mũng’endu, ndethukĩĩasya wasya witũ; nĩ mũyi na mũnywi.</verse>
				<verse number="21">Na aũme onthe ma ndũa yake makamũkimange na mavia akw’e: ũu nĩw’o wĩvetaa ũthũku wume kwaku; na Isilaeli onthe makeew’a, na kũkĩa.</verse>
				<verse number="22">Na ethĩwa mũndũ ekĩte naĩ yaĩle kĩkw’ũ, na ooawa, na ũimũsũsya mũtĩnĩ;</verse>
				<verse number="23">kimba kyake kĩtikekale ũtukũ w’onthe mũtĩnĩ, ĩndĩ no mũvaka ũkĩthike mũthenya o ũsu; nũndũ ũla ũsũĩtwe mũtĩnĩ nũumanĩwe nĩ Ngai; nĩ kana ndũkavukye nthĩ yaku ĩla Yeova Ngai waku ũkũnengae yĩthĩwe ũtiĩwa.</verse>
			</chapter>
			<chapter number="22">
				<verse number="1">Woona ng’ombe ya mwana‐a‐au kana ĩlondu yake yaĩte, ndũkeke ta ũtanasyona: no mũvaka witũnge kwa mwana‐a‐au.</verse>
				<verse number="2">Na ethĩwa mwana‐a‐au nde vakuvĩ naku, kana ethĩwa ndũmwĩsĩ, nĩvo ĩndĩ mĩtwae kwaku nyũmbanĩ yaku, na ĩkekala kwaku kũvika yĩla mwana‐a‐au wĩmĩmantha, na ĩndĩ ũimũtũngĩa.</verse>
				<verse number="3">Na ĩka ta ũu na ĩng’oi yake; na ĩka ta ũu na ngũa yake; na ĩka ta ũu na kĩla kĩndũ kyaĩte kya mwana‐a‐au, kĩla waĩtye, naku wakyona: ndũkeke ta ũtanakyona.</verse>
				<verse number="4">Woona ĩng’oi ya mwana‐a‐au kana ng’ombe yake ĩvalũkĩte ũtee wa nzĩa, naku ndũkeke ta ũtanasyona: no mũvaka ũmũtethye kũsyũkĩlya.</verse>
				<verse number="5">Mũndũ mũka ndakekĩe ngũa ila syĩkĩawa nĩ mũndũ mũũme, o na mũndũ mũũme ndakekĩe ngũa ila syĩkĩawa nĩ mũndũ mũka; nũndũ o ũla wĩkaa maũndũ asu nũthatasya Yeova Ngai waku.</verse>
				<verse number="6">Ethĩwa ndala ya nyũnyi ĩkeethĩwa mbee waku nzĩanĩ, mũtĩnĩ o na wĩva kana nthĩ, yĩ na tũswii kana matumbĩ, ndũkakwate inyia vamwe na tũswii:</verse>
				<verse number="7">na mũvaka ũlekye inyia, ĩndĩ tũswii nũtonya kwĩyosea; nĩ kana wĩthĩwe ũseo kwaku, na nĩ kana wingĩvye mĩthenya yaku.</verse>
				<verse number="8">Waaka nyũmba nzaũ, nĩvo ĩndĩ akĩĩa wiio ũengonĩ wa kĩala kyayo, nĩ kana ndũkaete nthakame ĩũlũ wa nyũmba yaku, ethĩwa mũndũ akavalũka kuma vo.</verse>
				<verse number="9">Ndũkaavande mũũnda waku wa mĩsavivũ mbeũ sya mĩthemba ĩlĩ, ũsyao w’onthe ndũkese kwanangana, mbeũ ila wavandie, na ũsyao wa mũũnda wa mĩsavivũ.</verse>
				<verse number="10">Ndũkaaĩme na ng’ombe na ĩng’oi vamwe.</verse>
				<verse number="11">Ndũkaekĩe ngũa ĩvulanĩtye ndii sya mĩthemba ĩlĩ, ya w’ĩa wa ĩlondu na ya katane vamwe.</verse>
				<verse number="12">Ĩsyũlĩlye manyenze motiivonĩ ana ma ngũa yaku ya kwĩvw’ĩka.</verse>
				<verse number="13">Ethĩwa mũndũ o na wĩva etwaa mũka, na kũlika kwake, na kũmũmena,</verse>
				<verse number="14">na kũmwilĩĩla maũndũ me nthoni, na kũmũetee syĩtwa ĩthũku, na kwasya, Natwaie mũndũ mũka ũũ, na yĩla namũthengeeie, ndyaona kwake mawonan’yo ma wĩĩtu;</verse>
				<verse number="15">nĩvo ĩndĩ ĩthe wa mwĩĩtu, na inyia wake, makose mawonan’yo ma wĩĩtu wake na maetee atumĩa ma ndũa mbingĩlonĩ;</verse>
				<verse number="16">na ĩthe wa mwĩĩtu akamatavye atumĩa, Namũnengie mũndũ ũũ mwĩĩtu wakwa ethĩwe mũka wake, nake nũnũũmũmena;</verse>
				<verse number="17">na, sisya, nũmwilĩĩle maũndũ me nthoni; akyasya, Ndyaona mwĩĩtunĩ waku mawonan’yo ma wĩĩtu; ĩndĩ aa nĩmo mawonan’yo ma wĩĩtu wa mwĩĩtu wakwa. Na makalan’ye ngũa mbee wa atumĩa ma ndũa.</verse>
				<verse number="18">Na atumĩa ma ndũa ĩsu makakwate mũndũ mũũme ũsu na kũmũkũna;</verse>
				<verse number="19">na makamumye nthĩnzwa ya sekeli ĩana sya vetha, na kũmũnenga ĩthe wa mwĩĩtu, nĩkwĩthĩwa aeteeete mwĩĩtu wa Isilaeli syĩtwa ĩthũku: nake akeethĩwa mũka wake; ndakaamũeke mĩthenya yake yonthe.</verse>
				<verse number="20">Ĩndĩ ethĩwa ũndũ ũsu nĩ wa w’o, atĩ mawonan’yo ma wĩĩtu matyaoneka mwĩĩtunĩ;</verse>
				<verse number="21">nĩvo ĩndĩ makaete mwĩĩtu mũomonĩ wa nyũmba ya ĩthe wake, na aũme ma ndũa yake makamũkimange na mavia akw’e, nĩkwĩthĩwa nĩwĩkĩte ũtumanu nthĩnĩ wa Isilaeli, kwĩka ũmalwaya e nyũmbanĩ ya ĩthe wake; ũu nĩw’o wĩvetaa ũthũku kwaku.</verse>
				<verse number="22">Ethĩwa mũndũ mũũme akooneka akomete na mũndũ mũka mũtwae, nĩvo ĩndĩ me elĩ moaawe, mũndũ mũũme ũla wakomie na mũka ũsu, na ũ mũndũ mũka: ũu nĩw’o wĩvetaa ũthũku wume nthĩnĩ wa Isilaeli.</verse>
				<verse number="23">Ethĩwa ve mwĩĩtu ũla mũtheu na nĩwĩvaĩtwe, na mũndũ mũũme aimwĩthĩa ndũanĩ, na kũkoma nake;</verse>
				<verse number="24">nĩvo ĩndĩ maumaalyei me elĩ mbingĩlonĩ ya ndũa ĩsu, na makimangei na mavia makw’e; mwĩĩtu, nũndũ ndaakaya, e ndũanĩ; na ũla mũndũ mũũme, nũndũ nĩwamũthũkisye mũka wa mũtũi wake: ũu nĩw’o wĩveta ũthũku wume kwaku.</verse>
				<verse number="25">Ĩndĩ ethĩwa mũndũ mũũme akamwĩthĩa mwĩĩtu wĩvaĩtwe e mũũndanĩ, na mũndũ ũsu aimũkinda; mũndũ ũsu wakindana nakw’e e weka:</verse>
				<verse number="26">ĩndĩ ndũkamwĩke mwĩĩtu ũndũ; mwĩĩtu ũsu nde na naĩ ya ũtuma oawa: nũndũ nĩ ta mũndũ ũmũkĩlĩle mũtũi na kũmũaa, nĩw’o ũilyĩ ũndũ ũsu;</verse>
				<verse number="27">nĩkwĩthĩwa amwĩthĩie mũũndanĩ, na mwĩĩtu ũsu ũla wĩvaĩtwe akaya, na vatyĩĩ mũndũ wa ũmũtaan’ya.</verse>
				<verse number="28">Ethĩwa mũndũ mũũme amwona mwĩĩtu mũtheu, ũte mwĩvasye, na aimũkwata, na kũkoma nake, na makyoneka;</verse>
				<verse number="29">nĩvo mũndũ ũla wakomie nake amũnenge ĩthe wa mwĩĩtu sekeli mĩongo ĩtano sya vetha, nake natw’ĩke mũka wake, nĩkwĩthĩwa nĩwamũthũkisye; ndakaamũeke mĩthenya yake yonthe.</verse>
				<verse number="30">Mũndũ ndakose mũka wa ĩthe, o na ndakamũvue ĩthe ngũa syake.</verse>
			</chapter>
			<chapter number="23">
				<verse number="1">Ũla wĩ na mee mavevenze, kana kũtilĩka kĩa kyake, ndakaalike ũmbanonĩ wa Yeova.</verse>
				<verse number="2">Mũndũ ũsyaĩwe ũlaalainĩ ndakaalike ũmbanonĩ wa Yeova; o na kũvika nzyawa ya ĩkũmi kũikaalike ũmwe wake ũmbanonĩ wa Yeova.</verse>
				<verse number="3">Mũamimoni kana Mũmoavi ndakaalike ũmbanonĩ wa Yeova; o na kũvika nzyawa ya ĩkũmi kũikaethĩwe ũmwe wamo ũlika ũmbanonĩ wa Yeova tene na tene:</verse>
				<verse number="4">nĩkwĩthĩwa matyaamũthaũsya kĩmũtũ na manzĩ, yĩla mwaumĩte Misili, na nĩkwĩthĩwa matuvie Mbalaamu mwana wa Mbeoli wa ndũa ya Vetholi ya Mesovotamia akũumanĩe.</verse>
				<verse number="5">Ĩndĩ Yeova Ngai waku ndaamwĩthukĩĩsya Mbalaamu; ĩndĩ Yeova Ngai waku nĩwakũalyũlĩle kĩumo kĩthĩwe ũathimo, nĩkwĩthĩwa Yeova Ngai waku nĩwakwendie.</verse>
				<verse number="6">Ndũkaamamanthĩe mũuo kana ũunĩko mĩthenya yaku yonthe tene na tene.</verse>
				<verse number="7">Ndũkaamũthĩthe Mũetomu; nũndũ nĩ mwana‐a‐au: ndũkaamũthĩthe Mũmisili; nũndũ waĩ mwĩkali wa ũeninĩ nthĩ yake.</verse>
				<verse number="8">Syana syoo ila ikasyawa nzyawanĩ ya katatũ ikalika ũmbanonĩ wa Yeova.</verse>
				<verse number="9">Yĩla wĩuma mwakonĩ waku wa maeema ũendee amaitha maku, ĩsũvĩe kwa kĩla ũndũ ũthũku.</verse>
				<verse number="10">Ethĩwa ve mũndũ o na wĩva katĩ wenyu, ũla ũte mũtheu kwondũ wa ũla ũmũkitĩkĩe ũtukũ, nĩvo ĩndĩ wĩuma mwakonĩ wa maeema, ndakalike mwakonĩ wa maeema:</verse>
				<verse number="11">ĩndĩ kũkeethĩwa, yĩla syũa yĩthengeea kũthũa, ethamba na manzĩ; na syũa yathũa, elika mwakonĩ wa maeema.</verse>
				<verse number="12">Ĩthĩwa na vandũ ũtee wa mwako ma maeema, vala wĩathũkaa:</verse>
				<verse number="13">na ũyĩthĩwa na mũo mĩionĩ yaku; na kũkeethĩwa, wekala nthĩ wĩ ũtee wa mwako wa maeema, ĩnza naw’o, na ĩthyũũa na kũvw’ĩka kĩla kyauma nthĩnĩ waku:</verse>
				<verse number="14">nũndũ Yeova Ngai waku nũtambũkaa mwakonĩ waku wa maeema, akũvonokye, na kũnengane amaitha maku mbee waku; kwondũ wa ũu mwako waku wa maeema wĩthĩwe mũtheu, nĩ kana ndakone kĩndũ kĩvuku nthĩnĩ waku, na ũkwĩthyũũĩa akũtie.</verse>
				<verse number="15">Ndũkamũtũnge kwa vwana wake mũthũkũmi ũla ũvonokete kuma kwa vwana wake na akoka kwaku;</verse>
				<verse number="16">nĩekale naku, o katĩ waku, vandũ vala nake wĩnyuva nthĩnĩ wa mbingĩlo ĩmwe yaku, o vala wĩendeew’a nĩvo: ndũkamũthĩn’ye.</verse>
				<verse number="17">Kũikethĩwe ĩlwaya eĩtunĩ ma Isilaeli, o na kũikethĩwe mũndũ mũũme ũla wĩĩkaa naĩ na mũndũ mũũme ũngĩ katĩ wa ana ma Isilaeli.</verse>
				<verse number="18">Ndũkaete ĩtuvi ya ĩlwaya, kana ĩtuvi ya ngitĩ, nyũmbanĩ ya Yeova Ngai waku kwondũ wa wĩvĩto o na wĩva: nũndũ asu elĩ nĩmathatasya Yeova Ngai waku.</verse>
				<verse number="19">Ndũkaamũkovethye mwana‐a‐au eũtũngĩa ũtandĩthyo; ũtandĩthyo wa mbesa, kana wa lĩu, kana wa kĩndũ o na kĩva kĩla kĩkovawa kya ũtandĩthyo.</verse>
				<verse number="20">Nũtonya kũmũkovethya mũndũ wa nthĩ ĩngĩ wone ũtandĩthyo; ĩndĩ ndũkamũkovethye mwana‐a‐au wone ũtandĩthyo, nĩ kana Yeova Ngai waku akũathime ũndũnĩ w’onthe ũla wĩkaa na kw’oko kwaku, wĩ nthĩ ĩla wĩlika ũmĩmesye.</verse>
				<verse number="21">Yĩla wĩmwĩvĩtĩa Yeova Ngai waku wĩvĩto, ndũkethĩwe na kĩkono kya kũwĩanĩsya: nũndũ Yeova Ngai waku ndetĩa ũkũandũa; na ũkethĩwa nĩ naĩ kwaku.</verse>
				<verse number="22">Ĩndĩ ethĩwa ndũkevĩta, kũikethĩwa kwĩ naĩ kwaku.</verse>
				<verse number="23">O ũla wumĩte ilomonĩ syaku ũsũvĩe noiwĩka; kwĩanana na ũndũ wamwĩvĩtĩe Yeova Ngai waku, nthembo ya kumya na ngoo ya kwenda, ĩla wetw’ĩĩe na kanyw’a waku.</verse>
				<verse number="24">Walika mũũndanĩ wa mĩsavivũ wa mũtũi waku, nũtonya kũya nzavivũ o ũndũ ũkwenda ũvũne; ĩndĩ ndũkekĩe imwe mĩionĩ yaku.</verse>
				<verse number="25">Walika mũũndanĩ wa lĩu ũtũĩtye wa mũtũi waku, nũtonya kũtũla iia na kw’oko kwaku; ĩndĩ ndũkaakethe na kavyũ ke ngoto lĩu ũtũĩtye mũũndanĩ wa mũtũi waku.</verse>
			</chapter>
			<chapter number="24">
				<verse number="1">Mũndũ oosa mũndũ mũka, na aimũtwaa, kũkeethĩwa, ethĩwa mũndũ mũka ndeona ũseo methonĩ make, nĩkwĩthĩwa mũũme nĩwonete ũndũ ũtaĩle kwake, akamũandĩkĩe valũa wa kũtaanĩsya, na kũmũnenga kw’okonĩ kwake, na aimũlũngya nyũmbanĩ yake.</verse>
				<verse number="2">Na auma nyũmbanĩ yake, nũtonya kũenda na kũtw’ĩka mũka wa mũndũ ũngĩ.</verse>
				<verse number="3">Na ethĩwa mũũme wa ĩtina nũnũũmũmena, na kũmũandĩkĩa valũa wa kũtaanĩsya, na kũmũnenga kw’okonĩ kwake, na aimũlũngya nyũmbanĩ yake; kana ethĩwa mũũme wa ĩtina, ũla wamũtwaie ethĩwe mũka wake nĩwakw’a;</verse>
				<verse number="4">mũũme wake wa mbee, ũla wamũlũngilye, ndatonya kũmũtwaa ĩngĩ ethĩwe mũka wake, ĩtina wa kũvukwa kwake; nũndũ ũu nĩ ũthatyo mbee wa Yeova: na ndũkavĩtĩthye nthĩ, ĩla Yeova Ngai waku ũkũnengae yĩthĩwe ũtiĩwa.</verse>
				<verse number="5">Mũndũ atwaa mũka, ndakaende na nguthu ya kaũ, o na ndakovwe na wĩa o na wĩva: akekale mũsyĩ wake mwaka ũmwe, na kũmũtanĩthasya mũka wake ũla ũtwaĩte.</verse>
				<verse number="6">Mũndũ ndakaose ĩvia ya ũthia kana nthio yayo yĩthĩwe ngwatĩlĩlyo; nũndũ ũu nĩ ta kwosa thayũ wa mũndũ wĩthĩwe ngwatĩlĩlyo.</verse>
				<verse number="7">Ethĩwa mũndũ akooneka akyũya mwana‐a‐ĩthe o na wĩva wa ana ma Isilaeli, na aimwĩka ta ngombo, kana kũmũthoosya; mũvaka kĩng’ei kyu kyũawe: ũu nĩw’o wĩvetaa ũthũku ũsu wume katĩ waku.</verse>
				<verse number="8">Sisya ĩvinda ya ũthĩn’yo wa mangũ, ũsũvĩe mũno, noyĩka kwĩanana na w’onthe ũla athembi Alivai makamũmanyĩsya: o tondũ nameaĩe, now’o mwĩsũvĩa mwĩke.</verse>
				<verse number="9">Lilikana ũndũ Yeova Ngai waku wamwĩkie Miliamu, mwĩ nzĩanĩ mumĩte Misili.</verse>
				<verse number="10">Wamũkovethya mũtũi waku kĩndũ o na kĩva, ndũkalike nyũmbanĩ yake wose kĩndũ kĩthĩwe ngwatĩlĩlyo.</verse>
				<verse number="11">Ũngama nza, na mũndũ ũla ũmũkovethetye nakũetee kĩndũ kyu kya ngwatĩlĩlyo wĩ nza.</verse>
				<verse number="12">Na ethĩwa nĩ mũndũ ngya, ndũkaakome na kĩndũ kyake kya ngwatĩlĩlyo;</verse>
				<verse number="13">no mũvaka ũmũtũngĩe kyu kyake kya ngwatĩlĩlyo syũa yathũa, nĩ kana akome evw’ĩkĩte ngũa ĩsu yake, na akũathime: na ũkeethĩwa ũlũngalu kwaku mbee wa Yeova Ngai waku.</verse>
				<verse number="14">Ndũkaathĩn’ye mũthũkũmi ũtuvawa ũla ngya na mũthĩni, ethĩwa nĩ ũmwe wa ana‐a‐au, kana wa ekali ma ũeninĩ ala me kwaku nthĩ yaku:</verse>
				<verse number="15">mũnenge ĩtuvi yake kĩla mũthenya, o na syũa yĩtikathũe wĩ nayo (nũndũ nĩ ngya, na ngoo yake yĩ na vata mũno nayo); ndakese ũmwĩkaĩla Yeova ũndũ waku, na ũu ũkethĩwa naĩ kwaku.</verse>
				<verse number="16">Aaĩthe matikoaawe kwondũ wa syana, o na syana itikoaawe kwondũ wa aaĩthe: kĩla mũndũ nĩoaawe kwondũ wa naĩ yake mwene.</verse>
				<verse number="17">Ndũkelelũkasye sila wa katĩ wa mwĩkali wa ũeninĩ, kana wa ũla wakw’ĩĩwe nĩ ĩthe, o na ndũkaose ngũa ya mũndũ mũka ndiwa yĩthĩwe ngwatĩlĩlyo;</verse>
				<verse number="18">ĩndĩ lilikana waĩ ngombo Misili, na Yeova Ngai waku nĩwakwovoisye kuma vo: kwondũ wa ũu nĩkwĩaĩa wĩkae ũndũ ũũ.</verse>
				<verse number="19">Waketha ngetha yaku mũũndanĩ waku, na woolwa nĩ kyove mũũndanĩ, ndũkakĩsyokee: kĩthĩwe kya mwĩkali wa ũeninĩ, na kya ũla wakw’ĩĩwe nĩ ĩthe, na kya mũndũ mũka ndiwa; nĩ kana Yeova Ngai waku akũathime wĩanĩ w’onthe wa moko maku.</verse>
				<verse number="20">Wakũnanga mũthata waku, ndũkasyoke kũkũnanga ĩngĩ mbonge syaw’o: wĩthĩwe wa mwĩkali wa ũeninĩ, na wa ũla wakw’ĩĩwe nĩ ĩthe, na wa mũndũ mũka ndiwa.</verse>
				<verse number="21">Waketha nzavivũ sya mũũnda waku wa mĩsavivũ, ndũkethĩan’ye ũtialyo: syĩthĩwe sya mwĩkali wa ũeninĩ, na sya ũla wakw’ĩĩwe nĩ ĩthe, na sya mũndũ mũka ndiwa.</verse>
				<verse number="22">Lilikana waĩ ngombo nthĩ ya Misili: kwondũ wa ũu nĩkwĩaĩa wĩkae ũndũ ũũ.</verse>
			</chapter>
			<chapter number="25">
				<verse number="1">Ethĩwa ve ngananĩo katĩ wa andũ, na maenda silanĩ, na asili mamasilan’ya; nĩvo mamũtw’e mũlũngalu ũla mũlũngalu, na kũmũtw’a mũvĩtan’ya ũla mũthũku.</verse>
				<verse number="2">Na kũkeethĩwa, ethĩwa mũndũ ũsu mũthũku nĩwaĩlwe nĩ kũkũnwa, mũsili amũkomye nthĩ, na kũmũkũnĩthya mbee wa ũthyũ wake, kwĩanana na ũthũku wake, makũna makĩtalwa.</verse>
				<verse number="3">Nũtonya kũmũkũna makũna mĩongo ĩna, na ndakavĩtũkye; mwana‐a‐au ndakese kwoneka kwaku e kĩvooi, ethĩwa akavĩtũkya, na kũmũkũna makũna maingĩ kwĩ asu.</verse>
				<verse number="4">Ndũkamyove ng’ombe kanyw’a, ĩkĩvũa lĩu wa mbaa ngetha.</verse>
				<verse number="5">Ethĩwa mũndũ na mwana‐a‐inyia mekalaa vamwe, na ũmwe aikw’a, na nde na mwana wa kavĩsĩ, kĩveti kya ũla wakwie kĩikatwawe nĩ mũeni: mwana‐a‐inyia wa mũũme akalike kwake, na kũmũtw’ĩkĩthya mũka wake, na kũmwĩka ũndũ waĩlĩte mwana‐a‐inyia wa mũũme.</verse>
				<verse number="6">Na kũkeethĩwa, kana mwana wa mbee ũla ũkasyaa akaũngame vandũ va syĩtwa ya mwana‐a‐inyia ũla wakwie, syĩtwa yake yĩtikanangwe nthĩnĩ wa Isilaeli.</verse>
				<verse number="7">Na ethĩwa ũ mũndũ ndekwenda kwosa mũka wa mwana‐a‐inyia, nĩvo mũka wa mwana‐a‐inyia akaende mbingĩlonĩ kwa atumĩa, na kũmea, Mwana‐a‐inyia wa mũemewa nũnũũlea kũmũũngamĩsya mwana‐a‐inyia syĩtwa nthĩnĩ wa Isilaeli; nũkũlea kũmbĩka ũndũ waĩlĩte mwana‐a‐inyia wa mũũme.</verse>
				<verse number="8">Nĩvo atumĩa ma ndũa yake makamwĩte, na kũneena nake: na ethĩwa akaũngama, na kwasya, Ndikwenda ũmwosa;</verse>
				<verse number="9">nĩvo mũka wa mwana‐a‐inyia wĩũka vala ũĩ atumĩa mamwene, na aimũthasya kĩatũ kyake kũkyumya kũũnĩ kwake, na aimũtw’ĩla mata ũthyũ; na akasũngĩa na kwasya, Ũu nĩw’o kwĩkawa mũndũ ũla ũtakaa nyũmba ya mwana‐a‐inyia.</verse>
				<verse number="10">Na syĩtwa yake yĩkeetawa kwa Isilaeli, Nyũmba ya mumw’a kĩatũ.</verse>
				<verse number="11">Yĩla aũme meũkita, na kĩveti kya ũmwe kĩkathengeea kũmũtaan’ya mũũme kw’okonĩ kwa ũla ũnũũmũkũna, na kũtambũũkya kw’oko kwakyo, na ũkwata ũũme wake;</verse>
				<verse number="12">kĩtile kw’oko kwakyo, itho yaku yĩtikew’ĩe tei.</verse>
				<verse number="13">Ngusunĩ yaku ndũkethĩwe na mavia mavathũkene ma ũthima namo, manene na manini.</verse>
				<verse number="14">Nyũmbanĩ yaku ndũkethĩwe na ithimi ivathũkene, nene na nini.</verse>
				<verse number="15">Ĩthĩwa na ĩvia yĩanĩe na ya w’o; ĩthĩwa na kĩthimi kĩanĩe na kya w’o: nĩ kana mĩthenya yaku yĩthĩwe mingĩ wĩ nthĩ ĩla Yeova Ngai waku ũkũnengae.</verse>
				<verse number="16">Nũndũ onthe ala mekaa maũndũ ta asu, onthe ala mekaa ũla ũte ũlũngalu, nĩ ũthatyo kwa Yeova Ngai waku.</verse>
				<verse number="17">Lilikana ũndũ Amaleki wakwĩkĩe nzĩanĩ wumĩte Misili;</verse>
				<verse number="18">ũndũ wakomanie naku nzĩanĩ, na amakũna ala maĩ ĩtina, onthe ala mataĩ na vinya ĩtina waku, yĩla waĩ mũnyalu na waĩ na mĩnoo; na ndaamũkĩa Ngai.</verse>
				<verse number="19">Kwondũ wa ũu kũkeethĩwa, yĩla Yeova Ngai waku wĩkũthũmũsya kuma amaithanĩ maku onthe ala me ndee, wĩ nthĩ ĩla Yeova Ngai waku ũkũnengae ũmĩmesye yĩthĩwe ũtiĩwa, no mũvaka wanange ũlilikan’yo wa Amaleki ĩtheo wa ĩtu; ndũkolwe.</verse>
			</chapter>
			<chapter number="26">
				<verse number="1">Na kũkeethĩwa, walika nthĩ ĩla Yeova Ngai waku ũkũnengae yĩthĩwe ũtiĩwa, na wamĩmesya na kũmĩtũa,</verse>
				<verse number="2">wĩosa ũsyao wa mbee wa nthĩ, ũla wĩketha nthĩ ĩla Yeova Ngai waku ũkũnengae; wĩkĩe kĩkavũnĩ, na ũienda vala Yeova Ngai waku wĩnyuva, ekalye syĩtwa yake vo.</verse>
				<verse number="3">Na wĩthi kwa mũthembi ũla ũkethĩwa mĩthenya ĩsu, noimwĩa, Nĩngũneena ũmũnthĩ mbee wa Yeova Ngai waku, atĩ nĩnĩvikĩte nthĩ ĩla Yeova wamevĩtĩe aaĩthe maitũ kũtũnenga.</verse>
				<verse number="4">Na mũthembi nĩose kĩkavũ kw’okonĩ kwaku, na kwia mbee wa kĩthembeo kya Yeova Ngai waku.</verse>
				<verse number="5">Naku wĩsũngĩa na ũkyasya mbee wa Yeova Ngai waku, Nau aĩ Mũsilia aianganga; na atheea Misili, na ekala ũeni kw’o, andũ anini ũtalonĩ; na e ku atw’ĩka mbaĩ, nene, na yĩ ũtonyi, na yĩ andũ aingĩ.</verse>
				<verse number="6">Na Amisili matwĩka naĩ, na matũthĩn’ya, na matũthũkũmĩthya na ũkombo wĩ vinya:</verse>
				<verse number="7">na twamwĩkaĩla Yeova, Ngai wa aaĩthe maitũ, na Yeova eethukĩĩsya wasya witũ, na oona thĩna witũ, na wĩa witũ wĩ vinya, na ũnyamao witũ;</verse>
				<verse number="8">na Yeova atumya Misili na kw’oko kwĩ vinya, na kw’oko kũtambũũku, na ũtĩsyo mũnene, na syama, na moseng’yo;</verse>
				<verse number="9">na nũtũetete vaa, na nũtũnengete nthĩ ĩno, nthĩ yusũĩte ĩia na ũkĩ wa nzũkĩ.</verse>
				<verse number="10">Na yu, sisya, nĩnaete ũsyao wa mbee wa nthĩ, ũla we, Yeova, ũnengete. Naku ia mbee wa Yeova Ngai waku, na mũthaithe Yeova Ngai waku:</verse>
				<verse number="11">na ũitana kwondũ wa ũseo w’onthe ũla Yeova Ngai waku ũkũnengete we, na nyũmba yaku, we, na Mũlivai, na mwĩkali wa ũeninĩ ũla wĩ kwenyu.</verse>
				<verse number="12">Wamina kumya kĩlungu kyonthe kya kĩlungu kya ĩkũmi kya wingĩvo wa syĩndũ syaku mwaka wa katatũ, naw’o nĩ mwaka wa kumya kĩlungu kya ĩkũmi, nĩvo ĩndĩ inenge Mũlivai, na mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa, nĩ kana maye mavũnĩe mbingĩlonĩ syaku.</verse>
				<verse number="13">Naku neena mbee wa Yeova Ngai waku, Syĩndũ ila ivathĩtwe syĩthĩwe ntheu nĩnĩvetete kuma nyũmbanĩ yakwa, o na nĩnĩmũnengete Mũlivai, na mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa, o kwĩanana na mwĩao waku w’onthe ũla wambĩaĩe: ndyaavĩtya ũmwe wa mĩao yaku, o na ndyaolwa nĩyo:</verse>
				<verse number="14">ndyaaya kĩmwe kya isu ntheu kĩmetonĩ kyakwa, o na ndyaaia kĩmwe kyasyo yĩla naĩ mũvuku, o na ndyaanengane kĩmwe kya isu kwondũ wa ala akw’ũ: nĩneethukĩĩsye wasya wa Yeova Ngai wakwa; nĩneekie kwĩanana na w’onthe ũla wambĩaĩe.</verse>
				<verse number="15">Sisya kuma ũtũonĩ waku mũtheu, kuma ĩtunĩ, na ũiathima andũ maku Isilaeli, na nthĩ ĩla ũtũnengete, o ũndũ wamevĩtĩe aaĩthe maitũ, nthĩ yusũĩte ĩia na ũkĩ wa nzũkĩ.</verse>
				<verse number="16">Ũmũnthĩ Yeova Ngai waku nũnũũkwĩaĩa ũkwate myamũlo ĩno na motw’ĩo: kwondũ wa ũu makwate na kũmeka na ngoo yaku yonthe, na thayũ waku w’onthe.</verse>
				<verse number="17">Nũmũtavanĩtye Yeova ũmũnthĩ atĩ nĩwe Ngai waku, na kana ũkaendaa nzĩanĩ syake, na kũkwataa myamũlo yake, na mĩao yake, na motw’ĩo make, na kwĩthukĩĩasya wasya wake:</verse>
				<verse number="18">nake Yeova nũkũtavanĩtye ũmũnthĩ atĩ wĩ ũko wake mwene wa andũ, o tondũ wakwathie, na kana nĩwaĩle kũkwataa mĩao yake yonthe;</verse>
				<verse number="19">nake akakũnenevya kwĩ mbaĩ syonthe ila wombie, nĩ kana wĩthĩwe ndaĩa, na syĩtwa, na ngatho; nĩ kana wĩthĩwe ũko mũtheu wa andũ kwa Yeova Ngai waku, o tondũ waisye.</verse>
			</chapter>
			<chapter number="27">
				<verse number="1">Na Mose na atumĩa ma Isilaeli mameaĩa andũ, makyasya, Kwatai mwĩao w’onthe ũla ngũkwĩaĩa ũmũnthĩ.</verse>
				<verse number="2">Na kũkeethĩwa mũthenya ũla mwĩinga Yolotani na kũvika nthĩ ĩla Yeova Ngai waku ũkũnengae, wĩĩũngamĩsya mavia manene, na kũmavakaa ĩa:</verse>
				<verse number="3">na kũandĩka ĩũlũ wamo ndeto syonthe sya mĩao ĩno, wamina kũinga; ni kana ũlike nthĩ ĩla Yeova Ngai waku ũkũnengae, nthĩ yusũĩte ĩia na ũkĩ wa nzũkĩ, o tondũ Yeova, Ngai wa aaĩthe maku, wakwathie.</verse>
				<verse number="4">Na kũkeethĩwa, mwamina kũinga Yolotani, mwĩũngamya mavia aa, ala ngũkwĩaĩa ũmũnthĩ, kĩĩmanĩ kya Evali, na kũmavaka ĩa.</verse>
				<verse number="5">Na kũu mwakĩe Yeova Ngai waku kĩthembeo, kĩthembeo kya mavia: ndũkatethye wĩa ĩũlũ wamo na mũio wa kĩaa.</verse>
				<verse number="6">Aka kĩthembeo kya Yeova Ngai waku kya mavia mate masũvye; na mũthembee Yeova Ngai waku nthembo sya kũvĩvw’a ĩũlũ wakyo:</verse>
				<verse number="7">na themba nthembo sya mũuo, na ũiya wĩ ku; na ũitana mbee wa Yeova Ngai waku.</verse>
				<verse number="8">Na andĩka mavianĩ asu ndeto syonthe sya mĩao ĩno syoneke nesa vyũ.</verse>
				<verse number="9">Na Mose na athembi Alivai maneena na Isilaeli onthe, makyasya, Vindya ki, na ĩthukĩĩsye, we Isilaeli: Ũmũnthĩ nũtw’ĩkĩte ũko wa Yeova Ngai waku.</verse>
				<verse number="10">Kwondũ wa ũu ĩw’a wasya wa Yeova Ngai waku, na kwata mĩao yake na myamũlo yake, ĩla ngũkwĩaĩa ũmũnthĩ.</verse>
				<verse number="11">Na Mose eeaĩa andũ mũthenya o ũsu, akyasya,</verse>
				<verse number="12">Aa meũngama kĩĩmanĩ kya Ngelisimu kũathima andũ mwainga Yolotani: Simeoni, na Livai, na Yuta, na Isakali, na Yosevu, na Mbenyamini.</verse>
				<verse number="13">Na aa meũngama kĩĩmanĩ kya Evali kwondũ wa kũumanĩa: Leuveni, na Ngati, na Aseli, na Nzevuluni, na Ndani, na Navitali.</verse>
				<verse number="14">Na Alivai masũngĩe, na matavye andũ onthe ma Isilaeli na wasya mũnene,</verse>
				<verse number="15">Naumanĩwe mũndũ ũla ũseũvasya mũvw’anano wa kwasũvya kana mũvw’anano wa syĩndũ ila ũtwekethetye, naw’o nĩ ũthatyo kwa Yeova, wĩa wa moko ma ndũĩka, na kũũngamya na kĩmbithĩ. Na andũ onthe meĩtĩkĩĩsya, Ameni.</verse>
				<verse number="16">Naumanĩwe ũla ũvũthasya ĩthe kana nyinyia. Na andũ onthe meĩtĩkĩĩsya, Ameni.</verse>
				<verse number="17">Naumanĩwe ũla ũkũĩĩasya kyambo kya mũvaka kya mũtũi wake. Na andũ onthe meĩtĩkĩĩsya, Ameni.</verse>
				<verse number="18">Naumanĩwe ũla ũtumaa ililinda ivĩtya nzĩa. Na andũ onthe meĩtĩkĩĩsya, Ameni.</verse>
				<verse number="19">Naumanĩwe ũla welelũkasya sila wa katĩ kwondũ wa mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa. Na andũ onthe meĩtĩkĩĩsya, Ameni.</verse>
				<verse number="20">Naumanĩwe ũla ũkomaa na kĩveti kya ĩthe, nũndũ nĩũkĩlĩtye ngũa ya ĩthe wake. Na andũ onthe meĩtĩkĩĩsya, Ameni.</verse>
				<verse number="21">Naumanĩwe ũla ũkomaa na mũthemba o na wĩva wa nyamũ. Na andũ onthe meĩtĩkĩĩsya, Ameni.</verse>
				<verse number="22">Naumanĩwe ũla ũkomaa na mwĩĩtu wa ĩthe, kana mwĩĩtu wa inyia. Na andũ onthe meĩtĩkĩĩsya, Ameni.</verse>
				<verse number="23">Naumanĩwe ũla ũkomaa na mũthoni. Na andũ onthe meĩtĩkĩĩsya, Ameni.</verse>
				<verse number="24">Naumanĩwe ũla ũkũnaa mũtũi wake na kĩmbithĩ. Na andũ onthe meĩtĩkĩĩsya, Ameni.</verse>
				<verse number="25">Naumanĩwe ũla wosaa ĩvaki oae mũndũ ũte mũvĩtan’ya. Na andũ onthe meĩtĩkĩĩsya, Ameni.</verse>
				<verse number="26">Naumanĩwe ũla ũtalũmasya ndeto sya mĩao ĩno, asyĩke. Na andũ onthe meĩtĩkĩĩsya, Ameni.</verse>
			</chapter>
			<chapter number="28">
				<verse number="1">Na kũkeethĩwa, ethĩwa, ũkethukĩĩasya ki wasya wa Yeova Ngai waku, kũkwataa na kwĩkaa mĩao yake yonthe ĩla ngũkwĩaĩa ũmũnthĩ, nĩvo ĩndĩ Yeova Ngai waku ũkakũnenevya kwĩ mbaĩ syonthe sya nthĩ:</verse>
				<verse number="2">na moathimo aa onthe makooka kwaku, na ũkũkwata, ethĩwa ũkethukĩĩasya wasya wa Yeova Ngai waku.</verse>
				<verse number="3">Ũkeethĩwa wĩ mũathime ndũanĩ, na ũkeethĩwa wĩ mũathime mũũndanĩ.</verse>
				<verse number="4">Ũsyao wa mwĩĩ waku ũkeethĩwa mũathime, na ũsyao wa nthĩ yaku, na ũsyao wa nyamũ syaku, na wingĩvo wa indo syaku, na tũtena twa ndĩthya yaku ya mbũi na malondu.</verse>
				<verse number="5">Kĩkeethĩwa kĩ kĩathime kyondo kyaku na kĩndũ kyaku kĩla kĩluĩlawa mũtu.</verse>
				<verse number="6">Ũkeethĩwa wĩ mũathime yĩla wĩlikaa na ũkeethĩwa wĩ mũathime yĩla wĩumaalaa.</verse>
				<verse number="7">Yeova akamakũnĩthya mbee waku amaitha maku ala mekũkĩlĩla: makakumaalĩla na nzĩa ĩmwe, na makakĩĩla mbee waku na nzĩa mũonza.</verse>
				<verse number="8">Yeova akeaĩa ũathimo ĩũlũ waku makũmbĩnĩ maku, na ũndũnĩ w’onthe ũla wĩkaa na kw’oko kwaku; nake akakũathima wĩ nthĩ ĩla Yeova Ngai waku ũkũnengae.</verse>
				<verse number="9">Yeova akakũlũlũmĩlya withĩwe ũko mũtheu kwake, o tondũ wakwĩavĩe; ethĩwa ũkakwataa mĩao ya Yeova Ngai waku, na kũendaa nzĩanĩ syake.</verse>
				<verse number="10">Na ngo syonthe sya nthĩ ikoona atĩ nĩwĩtanĩaw’a na syĩtwa ya Yeova; na ikakũkĩa.</verse>
				<verse number="11">Na Yeova akakwingĩvĩsya ũseo, ũsyaonĩ wa mwĩĩ waku, na ũsyaonĩ wa indo syaku, na ũsyaonĩ wa nthĩ yaku, wĩ nthĩ ĩla Yeova wamevĩtĩe aaĩthe maku ũkũnengae.</verse>
				<verse number="12">Yeova akakũvingũĩa kyũmbanĩsyo kyake kĩseo, nakyo nĩ matu, akuĩsye mbua ya nthĩ yaku ĩvinda yayo, na kũathima wĩa w’onthe wa moko maku: na ũkakovethya mbaĩ nyingĩ, na ndũkakova.</verse>
				<verse number="13">Na Yeova akakũtw’ĩkĩthya mũtwe, na ti kĩsithe; na ũkeethĩwa wĩ ĩũlũ ki, na ndũkethĩwa wĩ ĩtheo; ethĩwa ũkethukĩĩasya mĩao ya Yeova Ngai waku, ĩla ngũkwĩaĩa ũmũnthĩ, kũmĩkwataa na kũmĩka,</verse>
				<verse number="14">na ethĩwa ndũkathũka kuma ndetonĩ syonthe ila ngũkwĩaĩa ũmũnthĩ, kũthi ngalĩ ya kw’oko kwa aũme, kana kwa aka, kũatĩĩa ngai ingĩ na kwithũkũma.</verse>
				<verse number="15">Ĩndĩ kũkeethĩwa, ethĩwa ndwĩĩthukĩĩsya wasya wa Yeova Ngai waku, ũkwate na kwĩka mĩao yake yonthe na myamũlo yake yonthe ĩla ngũkwĩaĩa ũmũnthĩ, kana iumo ii syonthe ikakũkĩa, na ũkũkwata.</verse>
				<verse number="16">Ũkeethĩwa wĩ mũumanĩe ndũanĩ, na ũkeethĩwa wĩ mũumanĩe mũũndanĩ.</verse>
				<verse number="17">Kĩkeethĩwa kĩumanĩwe kĩkavũ kyaku, na kĩndũ kyaku kĩla kĩluĩlawa mũtu.</verse>
				<verse number="18">Ũkeethĩwa ũumanĩwe ũsyao wa mwĩĩ waku, na ũsyao wa nthĩ yaku, na wingĩvo wa indo syaku, na tũtena twa ndĩthya yaku ya mbũi na malondu.</verse>
				<verse number="19">Ũkeethĩwa wĩ mũumanĩe yĩla wĩlikaa, na ũkeethĩwa wĩ mũumanĩe yĩle wĩumaalaa.</verse>
				<verse number="20">Yeova akakũetee kĩumo, na mathĩna, na ũkan’yo, ũndũnĩ w’onthe ũla wĩtethasya na moko maku, kũvika yĩla wĩanangwa, na kwaa mĩtũkĩ; nũndũ wa ũthũku wa meko maku, ala ũndiĩte kwondũ wamo.</verse>
				<verse number="21">Yeova akakũkwatĩthya mũimũ, kũvika akũmina wume nthĩ, ĩla wĩlika ũmĩmesye.</verse>
				<verse number="22">Yeova akakũkũna na ũwau wa ũkooa, na ndetema, na ĩtũatũ yai, na ũvyũvu ta wa mwaki, na ũvyũ, na wũmanĩlu, na mbuka; na makakũatĩĩa kũvika yĩla wĩanangwa.</verse>
				<verse number="23">Na ĩtu yaku yĩla yĩ ĩũlũ wa mũtwe waku yĩkeethĩwa ta ũthuku, na nthĩ ĩla yĩ ĩtheo waku ĩkeethĩwa ta kĩaa.</verse>
				<verse number="24">Yeova akatw’ĩkĩthya mbua ya nthĩ yaku ta mũtu na kĩtoo: ĩkakũtheeea kuma ĩtunĩ, kũvika yĩla wĩanangwa.</verse>
				<verse number="25">Yeova akaũkũnĩthya mbee wa amaitha maku; ũkamaumaalĩla na nzĩa ĩmwe, na ũkakĩĩla mbee woo na nzĩa mũonza: na ũkanyaĩĩkw’a kũũ na kũũ mosumbĩnĩ onthe ma nthĩ.</verse>
				<verse number="26">Na kimba kyaku kĩkeethĩwa lĩu wa nyũnyi syonthe sya yayaya, na wa nyamũ sya nthĩ; na kũikethĩwa mũndũ wa kwilũngya.</verse>
				<verse number="27">Yeova akaũkũna na ũla mũimũ wa Misili, o na mĩimũ ĩngĩ, na mũvolekango, na ũng’ũũ, ala ũtatonya kũvow’a.</verse>
				<verse number="28">Yeova akaũkũna na ndũũka, na ũlilinda, na kũsaanĩw’a kwa ngoo;</verse>
				<verse number="29">na ũkavavata mũthenya katĩ, o tondũ kĩlilinda kĩvavataa kĩvindunĩ, na ndũkaathimĩka nzĩanĩ syaku: na mavinda onthe ũkanyamaaw’a na kũvutwa, na vatikethĩwa mũndũ wa ũkũtangĩĩa.</verse>
				<verse number="30">Ũkeevasya mwĩĩtu, na mũndũ ũngĩ akakoma nake: ũkaaka nyũmba, na ndũkekala nthĩnĩ wayo: ũkavanda mũũnda wa mĩsavivũ, na ndũkaya ũsyao waw’o.</verse>
				<verse number="31">Ng’ombe yaku ĩkooawa wene na metho maku, na ndũkaya nyama syayo: ũkavenwa ĩng’oi yaku na vinya, mbee wa ũthyũ waku, na ndũkayĩtũngĩwa: malondu maku makanengwa amaitha maku, na ndũkethĩwa na mũndũ wa ũkũtangĩĩa.</verse>
				<verse number="32">Ana maku na eĩtu maku makanenganwe mbaĩnĩ ĩngĩ; na metho maku makasyaĩĩsya, na makaya mbindu kwondũ wa mea moo mũthenya w’onthe: na kw’oko kwaku kũikethĩwa kũtonya ũndũ na vinya wakw’o.</verse>
				<verse number="33">Ũsyao wa nthĩ yaku, na mawĩa maku onthe, makaĩwa nĩ mbaĩ ĩla ũtesi; na ũkathĩnw’a ki na kũkanyangwa ĩndĩ yonthe;</verse>
				<verse number="34">ũndũ ũkaũũka nũndũ wa maũndũ ala metho maku makona.</verse>
				<verse number="35">Yeova akaũkũna mau na maũũ, na mũimũ mũthũku, ũtavoeka, kuma ũnyaĩĩ waku kũvika lolotya.</verse>
				<verse number="36">Yeova akaũtwaa we, na mũsumbĩ waku ũla wĩsumbĩkĩsye, kwa mbaĩ ĩla ũtaamanya, we kana aaĩthe maku; na kũu ũkaithũkũma ngai ingĩ, o mĩtĩ na mavia.</verse>
				<verse number="37">Na ũkatw’ĩka ũseng’yo, na nthimo, na kũvũthĩĩw’a, ngonĩ syonthe sya andũ vala Yeova ũkakũtwaa.</verse>
				<verse number="38">Ũkaumya mbeũ nyingĩ kũvanda mũũndanĩ, na ũkaketha nini, nũndũ ikalĩka nĩ ngie.</verse>
				<verse number="39">Ũkavanda mĩũnda ya mĩsavivũ, na kũmĩsea, ĩndĩ ndũkanyw’a mbinyu yayo, kana kũketha nzavivũ, nũndũ ikalĩka nĩ iinyũ.</verse>
				<verse number="40">Ũkeethĩwa na mĩthata mĩvakanĩ yaku yonthe, ĩndĩ ndũkevaka mauta mayo; nũndũ mũthata waku ũketĩkya ũsyao waw’o.</verse>
				<verse number="41">Ũkasyaa ana na eĩtu, ĩndĩ matikethĩwa maku; nũndũ makaenda me atave.</verse>
				<verse number="42">Mĩtĩ yaku yonthe na ũsyao wa nthĩ yaku ũkeethĩwa wa ngie.</verse>
				<verse number="43">Mwĩkali wa ũeninĩ ũla wĩ kwaku akanenevw’a kwĩ we mbee na mbee; naku ũkatheea kũtheea.</verse>
				<verse number="44">Akakũkovethya, naku ndũkamũkovethya: nake akeethĩwa mũtwe, naku ũkeethĩwa kĩsithe.</verse>
				<verse number="45">Na iumo ii syonthe ikakũkĩa, na ikakũatĩĩa, na ũkũkwata, kũvika yĩla wĩanangwa; nũndũ ndwaaĩthukĩĩsya wasya wa Yeova Ngai waku, kũkwata mĩao yake na myamũlo yake ĩla wakwĩaĩe:</verse>
				<verse number="46">na ikeethĩwa wonan’yo na ũseng’yo kwaku, na kwa ũsyao waku tene na tene.</verse>
				<verse number="47">Nĩkwĩthĩwa ndwaathũkũma Yeova Ngai waku na mũyo, na ũtanu wa ngoo, kwondũ wa wingĩ wa syĩndũ syonthe;</verse>
				<verse number="48">kwondũ wa ũu ũkathũkũma amaitha maku ala Yeova ũkakũetee, wĩ na nzaa, na waũni, na wĩ mũthei, na wĩ na vata wa syĩndũ syonthe: na akeekĩa ĩsoki ya kĩaa ngingonĩ yaku, kũvika akwananga.</verse>
				<verse number="49">Yeova akakũetee mbaĩ kuma kũasa, kuma ngalĩ ĩmwe ya nthĩ, ĩũlũkaa ta ndiũ; mbaĩ ĩla ũtakamanya kĩthyomo kyayo;</verse>
				<verse number="50">mbaĩ yĩ na ũthyũ mwaĩ, ĩla ĩtona mũndũ mũkũũ ta kĩndũ, kana kwon’ya ala anini ũseo,</verse>
				<verse number="51">na ĩkaya ũsyao wa indo syaku, na ũsyao wa nthĩ yaku, kũvika yĩla wĩanangwa; o na ĩtikakũtialĩlya lĩu wa mbaa ngetha, kana mbinyu mbĩthĩ, kana mauta, kana wingĩvo wa ng’ombe syaku, kana tũtena twa ndĩthya yaku ya mbũi na malondu, kũvika yĩla yĩkwananga vyũ.</verse>
				<verse number="52">Na makakũtw’ĩkanĩsya mbingĩlonĩ syaku syonthe, kũvika maũvai maku matũlu na maiie mavalũka, ala wĩkwatĩtye, nthĩ yaku yonthe; na makakũtw’ĩkanĩsya mbingĩlonĩ syaku syonthe nthĩ yaku yonthe, ĩla Yeova Ngai waku ũkũnengete.</verse>
				<verse number="53">Kũtw’ĩkanĩw’anĩ na ũnyamaonĩ ũla amaitha maku makakũnyamasya naw’o, ũkaya ũsyao wa mwĩĩ waku mwene, nyama sya ana maku na eĩtu maku, ala Yeova Ngai waku ũkũnengete.</verse>
				<verse number="54">Mũndũ mũũme katĩ wenyu ũla mwololo na mwanake mũno, itho yake yĩkeethĩwa yĩ ĩthũku kwa mwana‐a‐ĩthe, na kwa kĩveti kya kĩthũinĩ kyake, na kwa ũtialo wa syana syake ila watialĩlw’e;</verse>
				<verse number="55">ũndũ ũtakamaaĩa o na ũmwe woo nyama sya syana syake ila ũkaya, nũndũ ndaatialĩlwa nĩ kĩndũ, kũtw’ĩkanĩw’anĩ na ũnyamaonĩ ũla mũmaitha waku ũkakũnyamasya naw’o mbingĩlonĩ syaku syonthe.</verse>
				<verse number="56">Mũndũ mũka mwololo na mwanake mũno katĩ wenyu, ũla ũtaatata kũkinya nthĩ na ũnyaĩĩ wake nũndũ wa wanake na wololou, itho yake yĩkeethĩwa yĩ ĩthũku kwa mũũme wa kĩthũinĩ kyake, na kwa mwana wake, na kwa mwĩĩtu wake,</verse>
				<verse number="57">na kwa kaũkenge kake kala keuma katĩ wa maũũ make, na kwa syana syake ila ũkasyaa; nũndũ akaiya na kĩmbithĩ kwondũ wa vata wa syĩndũ syonthe, kũtw’ĩkanĩw’anĩ na ũnyamaonĩ ũla mũmaitha waku ũkakũnyamasya naw’o mbingĩlonĩ syaku.</verse>
				<verse number="58">Ethĩwa ndũkakwata na kwĩka ndeto syonthe sya mĩao ĩno ila iandĩkĩtwe ĩvukunĩ yĩĩ, nĩ kana ũyĩkĩe syĩtwa yĩĩ ĩnene na ya ũtĩsya, YEOVA NGAI WAKU;</verse>
				<verse number="59">nĩvo ĩndĩ Yeova wĩtw’ĩkĩthya mothĩn’yo maku na mothĩn’yo ma ũsyao waku methĩwe ma ũseng’yo, o mothĩn’yo manene, na ala mekalaa, na mowau mathũku, na ala mekalaa.</verse>
				<verse number="60">Nake akakũtũngĩa mowau onthe ma Misili, ala wamakĩaa; na makalũman’ya naku.</verse>
				<verse number="61">O na kĩla ũwau, na kĩla ũthĩn’yo, ũla ũtaandĩkĩtwe ĩvukunĩ ya mĩao ĩno, nĩmo Yeova ũkakũetee, kũvika yĩla ũkanangwa.</verse>
				<verse number="62">Na mũkatiala mwĩ andũ anini ũtalonĩ, o na kau mweanaa ta ndata sya ĩtunĩ ũndũ wa kwingĩva; nĩkwĩthĩwa ndwaaĩthukĩĩsya wasya wa Yeova Ngai waku.</verse>
				<verse number="63">Na kũkeethĩwa, kana, o tondũ Yeova wamũtanĩaa aimwĩka nesa, na kũmwingĩvya, o ta ũu Yeova akamũtanĩa akĩmwasya, na akĩmwananga; na mũkaumw’a nthĩ ĩla mwĩlika mũmĩmesye.</verse>
				<verse number="64">Na Yeova akakũnyaĩĩkya ngonĩ syonthe sya andũ, kuma ngalĩ ĩmwe ya nthĩ kũvika ngalĩ ĩla ĩngĩ ya nthĩ; na kũu ũkathũkũma ngai ingĩ, ila ũtaamanya, we kana aaĩthe maku, o ila sya mĩtĩ na mavia.</verse>
				<verse number="65">Na mbaĩnĩ isu ndũkona ũthũmũo, na kũikethĩwa vandũ va kũthũmũsya ũnyaĩĩ waku: ĩndĩ kũu Yeova akakũnenga ngoo ya kũtetema, na metho me mbindu, na kũsonzoma kwa thayũ;</verse>
				<verse number="66">na thayũ waku ũkekala ta ũniinĩtwe nĩ nzika mbee waku; na ũkakĩaa ũtukũ na mũthenya, na ndũkethĩwa na wĩkwatyo kwondũ wa thayũ waku.</verse>
				<verse number="67">Kĩoko ũkaasya, Kethĩwa yu nĩ wĩoo! Na wĩoo ũkaasya, Kethĩwa yu nĩ kĩoko! Nũndũ wa kũkĩa kwa ngoo yaku kũla ũkakĩa, na nũndũ wa maũndũ ala metho maku makona.</verse>
				<verse number="68">Na Yeova akakũtũnga Misili na ngalawa, na nzĩa ĩla nakwĩie, Ndũkaamyona ĩngĩ nongi: na kũu mũkeethoosya kwa amaitha menyu mwĩthĩwe ngombo aũme na aka, na mũikona mũndũ wa ũmũthooa.</verse>
			</chapter>
			<chapter number="29">
				<verse number="1">Ii nĩsyo ndeto sya ũtianĩo ũla Yeova wamwĩaĩe Mose atianĩe na ana ma Isilaeli nthĩ ya Moavi, vamwe na ũtianĩo ũla watianĩe nao Olevu.</verse>
				<verse number="2">Na Mose ameta Isilaeli onthe, na amea, Nĩmwonete na metho menyu w’onthe ũla Yeova wamwĩkĩe Valao ku Misili, na athũkũmi make onthe, na nthĩ yake yonthe;</verse>
				<verse number="3">mathĩna manene ala metho maku moonie, na syama, na moseng’yo asu manene:</verse>
				<verse number="4">ĩndĩ Yeova ndaamũnenga inyw’ĩ ngoo ya kũmanya, na metho ma kwona, na matũ ma kwĩw’a, kũvika ũmũnthĩ.</verse>
				<verse number="5">Nakwa nĩnamũtongoesye myaka mĩongo ĩna weũnĩ: ngũa syenyu ila mweekĩe ityaakũa, na iatũ syenyu ila mweekĩe maũũ ityaakũa.</verse>
				<verse number="6">Mũtyaĩsaa kĩmũtũ, o na mũtyanyusaa mbinyu kana kĩla kĩtoonasya; nĩ kana mũmanye atĩ ninyie Yeova Ngaĩ wenyu.</verse>
				<verse number="7">Na mwavika vaa, Sioni mũsumbĩ wa Esivoni, na Oku mũsumbĩ wa Mbasani, matumĩlĩla mokite naitũ, na twamakũna:</verse>
				<verse number="8">na twoosa nthĩ yoo, na twamanenga Aleuveni, na Angati, na nyunzu ya mbaĩ ya Amanase yĩthĩwe ũtiĩwa.</verse>
				<verse number="9">Kwatai ĩndĩ ndeto sya ũtianĩo ũũ, na mũisyĩka, nĩ kana ũndũnĩ w’onthe ũla mwĩkaa, mũathimĩke.</verse>
				<verse number="10">Ũmũnthĩ inyw’onthe nĩmũũngeme mbee wa Yeova Ngai wenyu; atongoi menyu, mbaĩ syenyu, atumĩa menyu, na anene menyu, o andũ onthe ma Isilaeli,</verse>
				<verse number="11">twana twenyu tũnini, iveti syenyu, na mwĩkali waku wa ũeninĩ ũla wĩ myakonĩ yaku ya maeema, kuma ũla unaa ngũ syaku kũvika ũla ũtavaa manzĩ maku;</verse>
				<verse number="12">nĩ kana ũlike ũtianĩonĩ wa Yeova Ngai waku, na wĩvĩtonĩ wake, ũla Yeova Ngai waku ũnũũtianĩa naku ũmũnthĩ;</verse>
				<verse number="13">nĩ kana akũlũmye ũmũnthĩ wĩthĩwe ũko wa andũ make, na nĩ kana ethĩwe Ngai waku, o tondũ waneenie naku, na tondũ wamevĩtĩe aaĩthe maku Avalaamu, na Isaka, na Yakovo.</verse>
				<verse number="14">Na ti inyw’ĩ mwĩ inyw’oka ala ngũtianĩa ũtianĩo ũũ nenyu na wĩvĩto ũũ,</verse>
				<verse number="15">ĩndĩ o nake ũla ũũngeme vaa vamwe naitũ ũmũnthĩ mbee wa Yeova Ngai waitũ, o na ũla ũte vaa vamwe naitũ ũmũnthĩ</verse>
				<verse number="16">(nũndũ nĩmwĩsĩ ũndũ twatwĩe nthĩ ya Misili, na ũndũ twavĩtĩla katĩ wa mbaĩ ila mwavĩtĩle katĩ wasyo;</verse>
				<verse number="17">na inyw’ĩ nĩmwonete mothatyo moo, na mĩvw’anano yoo, ya mĩtĩ na mavia, vetha na thaavu, ĩla yaĩ kwoo);</verse>
				<verse number="18">kũikese kwĩthĩwa katĩ wenyu mũndũ mũũme, kana mũndũ mũka, kana mũvĩa, kana mbaĩ, ĩla ũmũnthĩ ĩnĩkwĩthyũũa ngoonĩ na kũtia Yeova Ngai waitũ, ĩthũkũme ngai sya mbaĩ isu; kũikese kwĩthĩwa kwenyu kĩtina kĩla kĩsyaa nyongo na kĩndũ kĩ ũũ;</verse>
				<verse number="19">na kũkethĩwa, yĩla ũkew’a ndeto sya kĩumo kĩĩ, akeathima ngoonĩ yake, akyasya, Ngeethĩwa na mũuo, o na naendeea kũatĩĩa ũng’endu wa ngoo yakwa, kwongeleela ũthengi waũni.</verse>
				<verse number="20">Yeova ndakamũekea, ĩndĩ ũthatu wa Yeova na kĩwĩu kyake ikamũtoesya mũndũ ũsu syũki, na kĩumo kyonthe kĩla kĩandĩkĩtwe ĩvukunĩ yĩĩ kĩkeethĩwa ĩũlũ wake, na Yeova akaananga syĩtwa yaku ĩtheo wa ĩtu.</verse>
				<verse number="21">Na Yeova akamũvatha aume mbaĩnĩ syonthe sya Isilaeli akwatwe nĩ ũthũku, kwĩanana na iumo syonthe sya ũtianĩo ũla ũandĩkĩtwe ĩvukunĩ yĩĩ ya mĩao.</verse>
				<verse number="22">Na nzyawa ĩla yũkĩte, nayo nĩ syana syenyu ila ikokĩla ĩtina wenyu, na mũeni ũla ũkoka kuma nthĩ yĩ kũasa, makasya, moona mothĩn’yo ma nthĩ ĩsu, na mowau ala Yeova wamĩwaisye;</verse>
				<verse number="23">na kana nthĩ yayo yonthe nĩ mũvĩlĩtĩ na mũnyũ, na maũvĩvye, ũndũ ĩtavandĩka, o na kũsyaa, o na ndĩmesya nyeki, o tondũ kwailyĩ kũng’uthũlangwa kwa Sotomo na Ngomola, Atima na Nzevoiimu, ila Yeova wang’uthũlangile ũthatunĩ wake, na kũthilĩkanĩ kwake:</verse>
				<verse number="24">o mbaĩ syonthe ikasya, Nĩkĩ Yeova wĩkĩte nthĩ ĩno ũu? Kĩtumi nĩ kyaũ kya ũthatu ũvyũvĩte ũu?</verse>
				<verse number="25">Nĩvo andũ measya, Nĩkwĩ thĩwa matiie ũtianĩo wa Yeova, Ngai wa aaĩthe moo, ũla watianĩe namo yĩla wamaumisye nthĩ ya Misili,</verse>
				<verse number="26">na maenda na kũthũkũma ngai ingĩ, na maithaitha, ngai ila mataamanya, na ila ũtaamanenga:</verse>
				<verse number="27">kwondũ wa ũu ũthatu wa Yeova wakanĩe nthĩ ĩno, amĩetee kĩumo kyonthe kĩla kĩandĩkĩtwe ĩvukunĩ yĩĩ;</verse>
				<verse number="28">na Yeova amakũa nthĩ yoo e na ũthatu, na ũthilĩku, na woo mwingĩ, na amekya nthĩ ĩngĩ, o ũndũ kũilyĩ ũmũnthĩ.</verse>
				<verse number="29">Maũndũ mavithe nĩ ma Yeova Ngai waitũ; ĩndĩ maũndũ mavuan’ye nĩ maitũ na ma syana sitũ tene na tene, nĩ kana twĩkae ndeto syonthe sya mĩao ĩno.</verse>
			</chapter>
			<chapter number="30">
				<verse number="1">Na kũkeethĩwa, yĩla maũndũ aa onthe mekũkĩa, ũathimo na kĩumo, ala niĩte mbee waku, na wamalilikana wĩ mbaĩnĩ syonthe, vala Yeova Ngai waku wakũlũngĩlĩĩlye,</verse>
				<verse number="2">na wamũsyokea Yeova Ngai waku, na kwĩw’a wasya wake kwĩanana na w’onthe ũla ngũkwĩaĩa ũmũnthĩ, we na syana syaku, na ngoo yaku yonthe, na thayũ waku w’onthe;</verse>
				<verse number="3">nĩvo ĩndĩ Yeova Ngai waku ũkakũtũnga wume kũtavwanĩ kwaku, na ũkwĩw’ĩa tei, na akasyoka na ũkũmban’ya kuma ngonĩ syonthe sya andũ, kũla Yeova Ngai waku wakũnyaĩĩkĩsye.</verse>
				<verse number="4">Ethĩwa amwe maku ala malũngilw’e makethĩwa me ngalĩko ya mũminũkĩlyo ya ĩtu, kuma ku Yeova Ngai waku akakũmban’ya, na akawĩsĩa kw’o:</verse>
				<verse number="5">na Yeova Ngai waku akakũlikya nthĩ ĩla aaĩthe maku mamyosie, naku ũkamĩmesya; nake akakwĩka nesa, na ũkwingĩvya kwĩ aaĩthe maku.</verse>
				<verse number="6">Na Yeova Ngai waku akaĩka ngoo yaku, na ngoo ya ũsyao waku, ũmwende Yeova Ngai waku na ngoo yaku yonthe, na thayũ waku w’onthe, nĩ kana wĩthĩwe thayũ.</verse>
				<verse number="7">Na Yeova Ngai waku akeekĩa iumo ii syonthe ĩũlũ wa amaitha maku, na ĩũlũ wa ala meũkũmena, ala makũthĩnisye.</verse>
				<verse number="8">Naku ũkasyoka na kwĩw’a wasya wa Yeova, na kwĩka mĩao yake yonthe ĩla ngũkwĩaĩa ũmũnthĩ.</verse>
				<verse number="9">Na Yeova Ngai waku akakwongeleela wĩanĩ w’onthe wa moko maku, na ũsyaonĩ wa mwĩĩ waku, na ũsyaonĩ wa indo syaku, na ũsyaonĩ wa nthĩ yaku, kwondũ wa ũseo: nũndũ Yeova akakũtanĩa ĩngĩ kwondũ wa ũseo, o tondũ wamatanĩaa aaĩthe maku;</verse>
				<verse number="10">ethĩwa ũkethukĩĩasya wasya wa Yeova Ngai waku, kũkwataa mĩao yake na myamũlo yake ĩla ĩandĩkĩtwe ĩvukunĩ yĩĩ ya mĩao; ethĩwa wĩmũsyokea Yeova Ngai waku na ngoo yaku yonthe, na thayũ waku w’onthe.</verse>
				<verse number="11">Nũndũ mwĩao ũũ ũla ngũkwĩaĩa ũmũnthĩ, ti mũito mũno kwaku, o na ndwĩ kũasa.</verse>
				<verse number="12">Ndwĩ ĩtunĩ, ũndũ ũneena, Nũũ ũla ũkambata ĩtunĩ kwondũ witũ, na kũwosa na kũtũetee, na kũtwĩw’ĩthya, nĩ kana twĩke?</verse>
				<verse number="13">O na ndwĩ mũingo wa ũkanga, ũndũ ũneena, Nũũ ũla ũkainga ũkanga kwondũ witũ, na kũwosa na kũtũetee, na kũtwĩw’ĩthya, nĩ kana twĩke?</verse>
				<verse number="14">Ĩndĩ ĩ ndeto yĩ vakuvĩ mũno naku, kanyw’anĩ waku, na ngoonĩ yaku, nĩ kana ũmĩke.</verse>
				<verse number="15">Sisya, nĩnĩĩte mbee waku ũmũnthĩ thayũ na ũseo, na kĩkw’ũ na ũthũku;</verse>
				<verse number="16">kwa ũu ngũkwĩaĩa ũmũnthĩ ũmwende Yeova Ngai waku, na kũenda nzĩanĩ syake, na kũkwata mĩao yake na myamũlo yake na motw’ĩo make, nĩ kana wĩthĩwe thayũ na kwingĩva, na nĩ kana Yeova Ngai waku akũathime wĩ nthĩ ĩla wĩlika ũmĩmesye.</verse>
				<verse number="17">Ĩndĩ ethĩwa ngoo yaku ĩkeethyũũa, naku ndũkwenda kwĩw’a, ĩndĩ ũkakusw’a ũtee, na kũthaitha ngai ingĩ, na kwithũkũma;</verse>
				<verse number="18">nĩngũmũtavya ũmũnthĩ, mũitĩa kwaa; mũtikaingĩvya mĩthenya yenyu mwĩ nthĩ ĩla mwĩĩnga Yolotani mũlike kũmĩmesya.</verse>
				<verse number="19">Nĩngwĩta ĩtu na nthĩ imũkũsĩĩe ũmũnthĩ, kana nĩniĩte mbee waku thayũ na kĩkw’ũ, ũathimo na kĩumo: kwondũ wa ũu nyuva thayũ, nĩ kana wĩkale thayũ, we na ũsyao waku;</verse>
				<verse number="20">na kũmwenda Yeova Ngai waku, na kwĩthukĩĩsya wasya wake, na kũlũman’ya nake; nũndũ nĩwe thayũ waku, na wingĩ wa mĩthenya yaku; nĩ kana wĩkalae nthĩ ĩla Yeova wamevĩtĩe aaĩthe maku, Avalaamu, na Isaka, na Yakovo, kũmanenga.</verse>
			</chapter>
			<chapter number="31">
				<verse number="1">Na Mose athi na amatavya Isilaeli onthe ndeto ii.</verse>
				<verse number="2">Na amea, Ũmũnthĩ nĩ wa myaka ĩana na mĩongo ĩlĩ; nditonya kumaala na kũlika ĩngĩ: na Yeova nũndavĩtye, Ndũkainga ũsĩ ũũ wa Yolotani.</verse>
				<verse number="3">Yeova Ngai waku, akatongosya mbee waku; akaananga mbaĩ isu syume mbee waku, naku ũkailũngya nthĩ yasyo: na Yosua akatongosya mbee waku, o tondũ Yeova ũneenete.</verse>
				<verse number="4">Na Yeova akameka o tondũ wamekie Sioni na Oku, asumbĩ ma Aamoli, na nthĩ yoo; ala wamanangie.</verse>
				<verse number="5">Na Yeova akamanengane mbee wenyu, na mũkameka kwĩanana na mwĩao w’onthe ũla namwĩaĩe.</verse>
				<verse number="6">Ĩthĩwa na vinya na ũkũmbaũ mũnene, ndũkakĩe, o na ndũkatelemw’e nĩmo: nũndũ Yeova Ngai waku, nĩwe ũendaa naku; ndakakũnyivĩa, o na ndakakũtia.</verse>
				<verse number="7">Na Mose amwĩta Yosua, na amwĩa Isilaeli onthe mene na metho moo, Ĩthĩwa na vinya na ũkũmbaũ mũnene: nĩkwĩthĩwa ũkalika wĩ na andũ aa nthĩ ĩla Yeova wamevĩtĩe aaĩthe moo kũmanenga; na ũkatuma matiĩwa yo.</verse>
				<verse number="8">Na Yeova, nĩwe ũla ũendaa mbee waku; akeethĩwa vamwe naku, ndakakũnyivĩa, o na ndakakũtia: ndũkakĩe, o na ndũkateve.</verse>
				<verse number="9">Na Mose aandĩka mĩao ĩno, na amanenga athembi ana ma Livai, ala makuaa ĩsandũkũ ya ũtianĩo ya Yeova, vamwe na atumĩa onthe ma Isilaeli.</verse>
				<verse number="10">Na Mose ameaĩa, akyasya, Kĩla myaka mũooza yathela, ĩvinda yĩla yĩtw’ĩtwe ya kũekanĩa mathiĩ, mbokanĩ ya malwanda,</verse>
				<verse number="11">ĩvinda ya kũka kwa Isilaeli onthe kumĩla mbee wa Yeova Ngai waku vala wĩnyuva, wĩsomaa mĩao ĩno matũnĩ ma Isilaeli onthe.</verse>
				<verse number="12">Ũmbanasya andũ, aũme na aka na twana tũnini, na mwĩkali wa ũeninĩ ũla wĩkalaa kwaku, nĩ kana mew’e, na nĩ kana memanyĩsye, na kũmũkĩa Yeova Ngai wenyu, na kũkwata na kwĩka ndeto syonthe sya mĩao ĩno;</verse>
				<verse number="13">na nĩ kana syana syoo, ila itaamanya, syĩw’e, na kwĩmanyĩsya kũkĩa Yeova Ngai wenyu, mĩthenya yonthe ĩla mwĩĩkala nthĩ ĩla mwĩinga Yolotani mũthi mũmĩmesye.</verse>
				<verse number="14">Na Yeova amwĩa Mose, Sisya, mĩthenya ya kũkw’a kwaku nĩthengee: mwĩte Yosua, mũkaũngame ĩeemanĩ ya kũmbanĩa, nĩ kana nĩmwĩaĩe Yosua. Na Mose na Yosua maenda, na maũngama ĩeemanĩ ya kũmbanĩa.</verse>
				<verse number="15">Na Yeova aumĩla Ĩeemanĩ e kĩtuĩnĩ kya mũumbĩ: na kĩtuĩ kyu kya mũumbĩ kyaũngama ĩũlũ wa mũomo wa Ĩeema.</verse>
				<verse number="16">Na Yeova amwĩa Mose, Sisya, ũkakoma na aaĩthe maku; na andũ aa makookĩla, na kwĩka ũmalwaya wa kũatĩĩa ngai ngeni sya nthĩ, vala meenda na kwĩkalaa katĩ wasyo, na makandia, na kwananga ũtianĩo wakwa ũla natianĩe nao.</verse>
				<verse number="17">Nĩvo ũthatu wakwa ũkamakanĩa mũthenya ũsu, na ngamatia, na ngamavitha ũthyũ wakwa, na makaminwa vyũ, na mothũku maingĩ na mathĩna makamokĩa; kwondũ wa ũu makaneena mũthenya ũsu, Mothũku aa matyaatũkĩa nũndũ Ngai waitũ nde vamwe naitũ?</verse>
				<verse number="18">Na kũvitha nĩngavitha ũthyũ wakwa mũthenya ũsu nũndũ wa ũthuku w’onthe ũla makethĩwa mekĩte, ũndũ wa kwĩthyũũĩa ngai ingĩ.</verse>
				<verse number="19">Kwondũ wa ũu andĩkai wathi ũũ kwondũ wenyu, na ũmanyĩsye ana ma Isilaeli: ũwĩkĩe makanyw’anĩ moo, nĩ kana wathi ũũ wĩthĩwe ngũsĩ yakwa kwa ana ma Isilaeli.</verse>
				<verse number="20">Nũndũ yĩla nĩmalikya nthĩ ĩla namevĩtĩe aaĩthe moo, nthĩ yusũĩte ĩia na ũkĩ wa nzũkĩ, na maya na mavũna, na manoa; nĩvo ĩndĩ makethyũũĩa ngai ingĩ, na kwithũkũma, na kũmbũthya, na kwananga ũtianĩo wakwa.</verse>
				<verse number="21">Na kũkeethĩwa, yĩla mothũku maingĩ na mathĩna memokĩa, wathi ũũ ũkeethĩwa ngũsĩ mbee woo; nũndũ ndũkola kuma makanyw’anĩ ma ũsyao woo: nũndũ nĩnĩsĩ motalĩthyo moo ala meũtalĩthya ũmũnthĩ, ndanamba kũmalikya nthĩ ĩla namevĩtĩe.</verse>
				<verse number="22">Na ĩndĩ Mose aandĩka wathi ũũ mũthenya o ũsu, na amamanyĩsya ana ma Isilaeli.</verse>
				<verse number="23">Na amwĩaĩa Yosua mwana wa Nuni, na amwĩa, Ĩthĩwa na vinya na ũkũmbaũ mũnene; nũndũ ũkamalikya ana ma Isilaeli nthĩ ĩla namevĩtĩe: nakwa ngeethĩwa vamwe naku.</verse>
				<verse number="24">Na kweethĩwa, Mose amina kũandĩka ndeto sya mĩao ĩno ĩvukunĩ, na kũmina syonthe,</verse>
				<verse number="25">Mose ameaĩa Alivai, ala makuaa ĩsandũkũ ya ũtianĩo ya Yeova, akĩmea,</verse>
				<verse number="26">Osai ĩvuku yĩĩ ya mĩao, na mũyie ũtee wa ĩsandũkũ ya ũtianĩo ya Yeova Ngai wenyu, nĩ kana yĩkalae vo yĩthĩwe ngũsĩ kwaku.</verse>
				<verse number="27">Nũndũ nĩnĩsĩ ũng’endu waku, na ngingo yaku nyũmũ: sisya, o yĩla nyie nĩ thayũ vamwe nenyu ũmũnthĩ, nĩmũng’endeaa Yeova; na nĩ mbee veanata ĩtina wa kũkw’a kwakwa?</verse>
				<verse number="28">Mbũmbanĩsyai atumĩa onthe ma mbaĩ syenyu, na anene menyu, nĩ kana nĩneene ndeto ii matũnĩ moo, na kwĩta ĩtu na nthĩ imakũsĩĩe.</verse>
				<verse number="29">Nũndũ nĩnĩsĩ atĩ ĩtina wa kũkw’a kwakwa mũkeethũkya vyũ, na kwĩthyũũa na kũtia nzĩa ĩla namwĩaĩe; na ũthũku ũkamũkĩa mĩthenya ya mũminũkĩlyo; nĩkwĩthĩwa mũkekaa ũla Yeova wonaa wĩ ũthũku, kũmũthatya ũndũ wa wĩa wa moko menyu.</verse>
				<verse number="30">Na Mose aneena matũnĩ ma ũmbano w’onthe wa Isilaeli ndeto sya wathi ũũ, kũvika syathela vyũ.</verse>
			</chapter>
			<chapter number="32">
				<verse number="1">Ĩthukĩĩsyei, inyw’ĩ matu, na nĩngũneena; Na nthĩ nĩĩthukĩĩsye ndeto sya kanyw’a wakwa.</verse>
				<verse number="2">Ũmanyĩsyo wakwa ũketĩkaa ta mbua; Kũneena kwakwa kũkavolotangaa ta ĩmwe, Ta ũnyenyeũ nyekinĩ ya vuvĩ, Na ta mĩono ya mbua tũmĩtĩnĩ.</verse>
				<verse number="3">Nũndũ ngatavan’ya syĩtwa ya Yeova: Mũwetei Ngai waitũ ũnene.</verse>
				<verse number="4">Ĩvia, wĩa wake nĩ mwĩanĩu; Nũndũ nzĩa syake syonthe nĩ ndũngalu: Ngai wa kĩthito na ũte na naĩ, Nake nĩ wa w’o na mũlũngalu.</verse>
				<verse number="5">Nĩmamwĩkĩte ũthũku, ti ana make, nĩyo ĩlanga yoo; Nĩ ũsyao wĩ ngũlũ na mũthyoeku!</verse>
				<verse number="6">Nĩw’o mũũmũĩva Yeova, Inyw’ĩ andũ atumanu na mũte na ũĩ? Tiwe ĩthe waku ũla wakũthooie? Nĩwe wakũmbie, na akũlũlũmĩlya.</verse>
				<verse number="7">Lilikana mĩthenya ya tene, Sũanĩa myaka ya nzyawa nyingĩ: Kũlya ĩthe waku, nake akakwon’ya; Kũlya atumĩa maku, na makakũtavya.</verse>
				<verse number="8">Yĩla Ũla Wĩ Ĩũlũ wa Onthe wanengie mbaĩ ũtiĩwa wasyo, Yĩla wamataanisye ana ma andũ, Nĩwamavakanisye andũ mĩvaka Kwĩanana na ũndũ ana ma Isilaeli meanaa.</verse>
				<verse number="9">Nũndũ kĩlungu kya Yeova nĩ andũ make; Yakovo nĩwe kĩanda kya ũtiĩwa wake.</verse>
				<verse number="10">Amwĩthĩa nthĩ yĩ yalata, Na weũnĩ mwanangĩku walumaa nyamũ; Amũthyũlũlũka, amũtethya, Amũsũvĩa ta kyũma kya itho yake.</verse>
				<verse number="11">O ũndũ ndiũ yũkĩlangasya ndala yayo, Ĩkĩũlũkanga ĩũlũ wa tũswii twayo, Ĩkĩtambũũkya nthwau syayo, ĩitwosa, Ĩkĩtũkua ĩũlũ wa nthwau syayo:</verse>
				<verse number="12">Yeova e weka amũtongoesya, Na vatyaĩ ngai ngenĩ yaĩ nake.</verse>
				<verse number="13">Amwambatya kũndũ kũtũlu kwa nthĩ, Nake aya ũsyao wa mĩũnda; Na amwongethya ũkĩ wa nzũkĩ ĩvianĩ, Na mauta ĩvianĩ yũmũ mũno;</verse>
				<verse number="14">Mauta ma ndĩthya ya ng’ombe, na ĩia ya ndĩthya ya mbũi na malondu, Vamwe na mathunya ma tũtena twa malondu, Na ndũũme sya kĩ‐Mbasani, na mbũi, Vamwe na nganũ ila nzeo mbee; Na wanyw’a mbinyu ya nthakame ya nzavivũ.</verse>
				<verse number="15">Ĩndĩ Yesuluni anoa mũno, na ekangya nthele: Nũnoete, na ũkaimba, na ũkatendea; Nĩvo ĩndĩ wamũtiie Ngai ũla wamũmbie, Na avũthya Ĩvia ya ũtangĩĩo wake.</verse>
				<verse number="16">Mamwĩkĩa kĩwĩu ũndũ wa ngai ngeni; Mamũthatya ũndũ wa mothũku moo.</verse>
				<verse number="17">Mathembea ndaimoni, nasyo ti Ngai, Ngai ila mataamanya, Ngai ngeni ila syaumbũkie mĩtũkĩ, Ila aaĩthe menyu mataikĩaa.</verse>
				<verse number="18">Ĩvia yĩla yakũsyaie ndũyĩlilikana, Na nĩwũlĩtwe nĩ Ngai ũla wakũsyaie.</verse>
				<verse number="19">Na Yeova oona, na amathĩtha, Nũndũ eew’ĩthiw’e woo nĩ ana make aũme na eĩtu.</verse>
				<verse number="20">Nake asya, Ngamavitha ũthyũ wakwa, Ngasisya ũndũ mũminũkĩlyo woo ũkethĩwa ũilyĩ: Nũndũ nĩ ũsyao mũng’endu mũno, Syana ite na kĩthito nongi.</verse>
				<verse number="21">Nĩmambĩkĩĩte kĩwĩu nũndũ wa isu ite Ngai; Nĩmanthatisye kwondũ wa maũndũ moo ma mana: Nakwa ngamekĩa kĩwĩu kwondũ wa asu mate andũ; Ngamathatya kwondũ wa mbaĩ ndumanu.</verse>
				<verse number="22">Nũndũ mwaki nĩwakanĩte kwondũ wa ũthatu wakwa, Naw’o nũvĩvasya o na kũvika Seoli kũu nthĩnĩ wa nthĩ, Na nũminaa nthĩ vamwe na wingĩvo wayo, Na nũkwatasya mwaki myambĩlĩlyo ya iĩma.</verse>
				<verse number="23">Ngombĩĩa mothũku ĩũlũ woo; Ngamaathanga na mĩsyĩ yakwa ĩthele vyũ:</verse>
				<verse number="24">Makang’ong’wa nĩ nzaa, na kũvĩvw’a nĩ muutĩa ũilyĩ mwakĩ Na wanangĩko mũthũku; Ngaete maeo ma nyamũ mbai ĩũlũ woo, Vamwe na ũoi wa tũsamũ tũla tũtambũkaa kĩtoonĩ.</verse>
				<verse number="25">Na kũu nza ũvyũ ũkooaana, Na w’ĩa mũnene tũsũmbanĩ nthĩnĩ; Ũkaananga mwanake na mwĩĩtu mũtheu me elĩ, Kaũkenge vamwe na mũndũ mũũme wĩ mbuĩ.</verse>
				<verse number="26">Naisye, Nĩthĩwa nĩmanyaĩĩkya kũasa, Nĩthĩwa nĩtuma ũlilikan’yo woo ũthela andũnĩ;</verse>
				<verse number="27">Kethĩwa ndiũkĩa ũthatu wa amaitha, Nthũ syoo itikese kũsũanĩa ũndũ ũte wa w’o, Itikese kwasya, Kw’oko kwitũ nĩkũtũlĩtw’e, Na Yeova ndaaĩka ũu w’onthe.</verse>
				<verse number="28">Nũndũ nĩ mbaĩ ĩtataĩkaa, Na ndĩ ũmanyi nthĩnĩ wayo.</verse>
				<verse number="29">A! Kethĩwa nĩ oĩ, na makamanya ũũ, Na makasũanĩa mũminũkĩlyo woo!</verse>
				<verse number="30">Ũmwe atonya ata kũlũngya ngili, Na elĩ kũlũngya ngili ĩkũmi, Ate o Ĩvia yoo yĩmathooetye, Na Yeova amanenganĩte?</verse>
				<verse number="31">Nũndũ ĩvia yoo yĩtiilyĩ ta Ĩvia yitũ, O na amaitha moo ene nĩmeũtw’a ũu.</verse>
				<verse number="32">Nũndũ mũsavivũ woo nĩ wa mũsavivũ wa Sotomo, Na wa mĩũnda ya Ngomola: Nzavivũ syoo nĩ nzavivũ sya nyongo, Itũngo syasyo syĩ ũũ:</verse>
				<verse number="33">Mbinyu yoo nĩ ũoi wa nzoka, Na ũoi mũthũku wa syĩko.</verse>
				<verse number="34">Ũu ndwiĩtwe kwakwa, Ũkasiĩlanĩlw’a na ũthwii wakwa mwie?</verse>
				<verse number="35">Ũĩvanĩsyo nĩ wakwa, na kũĩva, Ĩvinda yĩla kũũ kwoo kũkatendelũka: Nũndũ mũthenya wa wanangĩko woo nũthengeee, Na maũndũ ala makamokĩa makekalaataa.</verse>
				<verse number="36">Nũndũ Yeova akasilĩla andũ make, Na akeetũnga kwondũ wa athũkũmi make; Yĩla wĩona vinya woo wathela, Na vati mũndũ mwove kana ũla ũte mwove.</verse>
				<verse number="37">Nake akasya, Iĩva ngai syoo, Ĩvia yĩla meekwatĩtye;</verse>
				<verse number="38">Ila syaĩe mathunya ma nthembo syoo, Na syanyw’a mbinyu ya nthembo yoo ya kũnyuwa? Syũkĩle na kũmũtethya inyw’ĩ, Syĩthĩwe mawĩvitho menyu.</verse>
				<verse number="39">Sisya yu kana nyie, o nyie, ninyie we, Na vati ngai ĩngĩ vamwe nakwa: Ninyie nũaa, na ninyie nĩthayũũkasya; Ninyie nũkitaa, na ninyie nĩvoasya; Na vati mũndũ ũtonya kũvenana kw’okonĩ kwakwa.</verse>
				<verse number="40">Nũndũ nĩngũkĩlya kw’oko kwakwa ĩtunĩ, Na kwasya, O ũndũ nyie nĩ thayũ tene na tene,</verse>
				<verse number="41">Ethĩwa nĩngũnoa ũvyũ wakwa ũla ũtisatisaa, Na kw’oko kwakwa kũĩkwata ũsili; Ngeeĩvanĩsya amaitha makwa, Ngaĩva ala mamenaa.</verse>
				<verse number="42">Ngatoonethya mĩsyĩ yakwa nthakame, Na ũvyũ wakwa ũkamina mĩĩ; Nthakame ya ala mooaiwe na ala mataviwe, Kuma mĩtwenĩ ya atongoi ma amaitha.</verse>
				<verse number="43">Tanai, inyw’ĩ mbaĩ, vamwe na andũ make: Nũndũ akaĩvanĩsya nthakame ya athũkũmi make, Na akaĩva nthũ syake, Na akaumya nthembo kwondũ wa nthĩ yake, kwondũ wa andũ make.</verse>
				<verse number="44">Na Mose ooka na aneena ndeto syonthe sya wathi ũũ matũnĩ ma andũ, we, na Osea mwana wa Nuni.</verse>
				<verse number="45">Na Mose amina kũmatavya Isilaeli onthe ndeto ii syonthe;</verse>
				<verse number="46">na amea, Ĩkĩai ngoonĩ syenyu ndeto syonthe ila ngũmũkũsĩĩa ũmũnthĩ, ila mũkeaĩa syana syenyu isũvĩe na kwĩka, o ndeto syonthe sya mĩao ĩno.</verse>
				<verse number="47">Nũndũ ti ũndũ wa mana kwenyu; nũndũ nĩ thayũ wenyu, na kwondũ wa ũndũ ũsu mũkaingĩvĩsya mĩthenya yenyu nthĩ, ĩla mwĩinga Yolotani mũmĩmesye.</verse>
				<verse number="48">Na Yeova aneena na Mose mũthenya o ũsu, akĩmwĩa,</verse>
				<verse number="49">Ambata kĩĩmanĩ kĩĩ kya Avalimu, kũvika kĩĩma kya Nevo, kĩla kĩ nthĩ ya Moavi, kĩla kyelekele Yeliko; na ĩloele nthĩ ya Kanaani, ĩla nĩmanengae ana ma Isilaeli yĩthĩwe ng’ũndũ yoo;</verse>
				<verse number="50">ũkakw’ĩe kĩĩmanĩ kĩla ũkwambata, na ũkyũmbanw’a vamwe na andũ maku, o tondũ Aluni mwana‐a‐mwenyu wakw’ĩĩe kĩĩmanĩ kya Olu, na oombanw’a vamwe na andũ make:</verse>
				<verse number="51">nĩkwĩthĩwa nĩmwambĩtanĩsye katĩ wa ana ma Isilaeli manzĩnĩ ma Meliva nthĩ ya Katesi, weũnĩ wa Nzini; nĩkwĩthĩwa mũtyaonan’ya kana nyie nĩ mũtheu katĩ wa ana ma Isilaeli.</verse>
				<verse number="52">Nũndũ ũkoona ĩ nthĩ mbee waku; ĩndĩ ndũkalika nthĩ ĩsu ĩla nĩmanengae ana ma Isilaeli.</verse>
			</chapter>
			<chapter number="33">
				<verse number="1">Na ũũ nĩw’o ũathimo, ũla Mose mũndũ wa Ngai wamaathimie ana ma Isilaeli naw’o atanakw’a.</verse>
				<verse number="2">Nake asya, Yeova auma Sinai, Na amaumĩlĩla kuma Seili; Akena kuma kĩĩmanĩ kya Valani, Na ooka kuma vala ve ngili makũmi sya ala atheu: Ngalĩ ya kw’oko kwake kwa aũme kwaĩ mĩao yĩ mwaki kwondũ woo.</verse>
				<verse number="3">Ĩĩ, nũmendete andũ; Atheu make onthe me kw’okonĩ kwaku: Na mekala nthĩ maũũnĩ maku; Kĩla ũmwe akoosa sya ndeto syaku.</verse>
				<verse number="4">Mose atwĩaĩa mĩao, Ũtiĩwa wa ũmbano wa Yakovo.</verse>
				<verse number="5">Nake aĩ mũsumbĩ nthĩnĩ wa Yesuluni, Yĩla atongoi ma andũ moombanaa, Mbaĩ syonthe sya Isilaeli vamwe.</verse>
				<verse number="6">Leuveni nĩekale thayũ, na ndakakw’e; Ĩndĩ andũ make methĩwe anini ũtalonĩ.</verse>
				<verse number="7">Na ũathimo wa Yuta nĩ ũũ; na asya, Ĩw’a, Yeova, wasya wa Yuta, Na kũmũete kwa andũ make. Nĩweyũkitĩe mwene na moko make; Naku ũkamũtethya ũndũ wa nthũ syake.</verse>
				<verse number="8">Na ũndũ wa Livai asya, Syĩndũ syaku syĩtawa Thumimu na Ulimu syĩ na ũla waku ũla ũmũkĩaa Ngai, Ũla wamũtatĩe kũu Masa, Ũla watetanĩsye nake kũu manzĩnĩ ma Meliva;</verse>
				<verse number="9">Ũla waneenie ũndũ wa ĩthe wake, na ũndũ wa nyinyia, Ndyaamwona; O na ndaametĩkĩla ana‐a‐ĩthe, O na ndeesĩ syana syake: Nũndũ nĩmasũvĩe ndeto yaku, Na malũmya ũtianĩo waku.</verse>
				<verse number="10">Makamanyĩsya Yakovo motw’ĩo maku, Na Isilaeli mĩao yaku, Makeekĩa ũvani mbee waku, Na nthembo nima ya kũvĩvw’a kĩthembeonĩ kyaku.</verse>
				<verse number="11">Yeova, aathima syĩndũ syake, Na ĩtĩkĩla wĩa wa moko make: Makũne ala mamũkĩlĩĩlaa inyunyu itũlĩke, Na ala mamũmenaa, matikaokĩle ĩngĩ.</verse>
				<verse number="12">Na ũndũ wa Mbenyamini asya, Mwendwa wa Yeova akekala vate mũisyo vakuvĩ nake; Nũmũvw’ĩkaa mũthenya w’onthe, Nake ekalaa katĩ wa ituo syake.</verse>
				<verse number="13">Na ũndũ wa Yosevu asya, Nthĩ yake nĩathimwe nĩ Yeova, Ũndũ wa syĩndũ syĩ vata mũno sya ĩtunĩ, ũndũ wa ĩmwe, Na ũndũ wa syũngũ syĩkalaa ĩtheo,</verse>
				<verse number="14">Na ũndũ wa syĩndũ syĩ vata mũno sya mosyao ma syũa, Na ũndũ wa syĩndũ syĩ vata mũno sya mosyao ma myei,</verse>
				<verse number="15">Na ũndũ wa syĩndũ syĩ vata mũno sya iĩma sya tene, Na ũndũ wa syĩndũ syĩ vata mũno sya tũlĩma tũla twĩkalaa tene na tene,</verse>
				<verse number="16">Na ũndũ wa syĩndũ syĩ vata mũno sya nthĩ na wusũu wayo, Na kwenda kũseo kwa ũla wekalile kakuthunĩ, Ũathimo nĩwũke mũtwenĩ wa Yosevu, Na mũtwe lolotyanĩ kwa ũla wataanĩtw’e na ana‐a‐ĩthe.</verse>
				<verse number="17">Kĩla kĩsyaĩtwe mbee kya ndĩthya yake ya ng’ombe ũnene nĩ wakyo; Na mbya syakyo nĩ mbya sya mboo: Nasyo akailuta ngo syonthe sya andũ, o itulu sya nthĩ: Namo nĩ ngili makũmi sya Evalaimu, Namo nĩ ngili sya Manase.</verse>
				<verse number="18">Na ũndũ wa Nzevuluni asya, Tana, Nzevuluni, kumaalanĩ kwaku; Na, Isakali, maeemanĩ maku.</verse>
				<verse number="19">Makasyĩta ngo sya andũ syũke kĩĩmanĩ; Vau makathembaa nthembo sya ũlũngalu: Nũndũ makoonga wingĩ wa maũkanga, Na ũthwii mũvithe kĩthangathĩnĩ.</verse>
				<verse number="20">Na ũndũ wa Ngati asya, Naathimwe ũla ũmũnenevasya Ngati: Oveeasya ta mũnyambũ mũka, Na kũtembũanga kw’oko, ĩĩ, o na mũtwe lolotyanĩ.</verse>
				<verse number="21">Nake enyuvĩaa kĩlungũ kya mbee, Nũndũ nĩkyo kĩlungu kĩla kiĩawa mũnengani wa mĩao; Na ookan’ya na atongoi ma andũ; Na eeka ũlũngalu wa Yeova, Na motw’ĩo make kwa Isilaeli.</verse>
				<verse number="22">Na ũndũ wa Ndani asya, Ndani nĩ ĩswii ya mũnyambũ, Yĩla yĩtũlĩlaa kuma Mbasani.</verse>
				<verse number="23">Na ũndũ wa Navitali asya, We Navitali, ũvũnĩtw’e na ũseo, Na kusũw’a na ũathimo wa Yeova, Mesya ng’ũndũ ngalĩ ya ũthũĩlonĩ wa syũa na ngalĩ ya ĩtheo.</verse>
				<verse number="24">Na ũndũ wa Aseli asya, Naathimwe Aseli ethĩwe na syana; Etĩkĩlwe nĩ ana‐a‐ĩthe, Na navotye kũũ kwake mautanĩ.</verse>
				<verse number="25">Ivingi syaku ikeethĩwa sya iaa na ũthuku; O tondũ mĩthenya yaku yĩana, now’o vinya waku ũkethĩwa wĩana.</verse>
				<verse number="26">Vai ũilyĩ ta Ngai, we Yesuluni, Ũla ũkuawa nĩ matu ũndũ wa ũkũtethya, Na ĩũlũ wa mathweo ũnenenĩ wake.</verse>
				<verse number="27">Ngai wa tene na tene nĩ wĩkalo waku, Na ĩtheo ve moko ma tene na tene. Na alũngya mũmaitha mbee waku Na asya, Ananga.</verse>
				<verse number="28">Na Isilaeli nĩwĩkalaa vate mũisyo, Nthongo ya Yakovo yĩ yoka, Nthĩ yĩ lĩu wa mbaa ngetha na mbinyu mbĩthĩ; Ĩĩ, matu make mavolotangasya ĩmwe.</verse>
				<verse number="29">Wĩ mũtanu, Isilaeli: Ũla ũilyĩ taku nũũ, andũ matangĩĩĩtwe nĩ Yeova, Ngao ya ũkũtethya, Na ũvyũ wa ũnene waku! Na amaitha maku makakwĩnyivĩsya; Naku ũkakinyanga kũndũ kwoo kũtũlu.</verse>
			</chapter>
			<chapter number="34">
				<verse number="1">Na Mose ambata kuma ndiĩnĩ sya Moavi kũvika kĩĩma kya Nevo, mũtumbĩnĩ wa kĩĩma kya Visika, kĩla kyelekele Yeliko. Na Yeova amwon’ya nthĩ yonthe ya Ngileati, kũvika Ndani,</verse>
				<verse number="2">na Navitali yonthe, na nthĩ ya Evalaimu na Manase, na nthĩ yonthe ya Yuta, kũvika ũkanga ũla wĩ ũthũĩlonĩ wa syũa,</verse>
				<verse number="3">na ngalĩ ya Ĩtheo, na Ũiĩ wĩ mwandanĩ wa Yeliko ndũa ya mĩtende, kũvika Nzoali.</verse>
				<verse number="4">Na Yeova amwĩa, Ĩno nĩyo nthĩ ĩla namevĩtĩe Avalaamu, na Isaka, na Yakovo, ngyasya, Ngamĩnenga ũsyao waku: nĩnakwon’ya ũmyone na metho maku, ĩndĩ ndũkainga kw’o.</verse>
				<verse number="5">Na ĩndĩ Mose mũthũkũmi wa Yeova akw’ĩa kũu nthĩ ya Moavi, kwĩanana na ndeto ya Yeova.</verse>
				<verse number="6">Na amũthika mwandanĩ nthĩ ya Moavi kwelekela Mbethi‐veoli: ĩndĩ vai mũndũ waamanya mbũa yake kũvika ũmũnthĩ.</verse>
				<verse number="7">Na Mose aĩ wa myaka ĩana na mĩongo ĩlĩ yĩla wakwie: metho make matyaĩ mbindu, o na vinya wake ndwaanyiva.</verse>
				<verse number="8">Na ana ma Isilaeli mamũĩĩa Mose ndiĩnĩ sya Moavi mĩthenya mĩongo ĩtatũ; na ĩndĩ mĩthenya ya kũĩa na kũmũmetea Mose yathela.</verse>
				<verse number="9">Na Yosua mwana wa Nuni ausũĩte veva wa ũi; nũndũ Mose nĩwamwilĩĩle moko make: na ana ma Isilaeli mamwĩthukĩĩsya, na meeka ũndũ Yeova wamwĩaĩe Mose.</verse>
				<verse number="10">Na kuma ĩvinda yĩu kũtyaokĩla nthĩnĩ wa Isilaeli mwathani ũilyĩ Mose, ũla Yeova wesene nake ũthyũ kwa ũthyũ,</verse>
				<verse number="11">ũndũ wa syama syonthe na moseng’yo onthe, ala Yeova wamũtũmie akameke nthĩ ya Misili, kwa Valao, na kwa athũkũmi make onthe, na nthĩ yake yonthe,</verse>
				<verse number="12">na ũndũ wa kw’oko kw’onthe kwĩ ũtonyi, na kũtĩsya kw’onthe kũnene, kũla Mose wekie Isilaeli onthe mene na metho moo.</verse>
			</chapter>
		</book>
		<book number="6">
			<chapter number="1">
				<verse number="1">Na kweethĩwa ĩtina wa Mose mũthũkũmi wa Yeova akw’a, Yeova aneena na Yosua mwana wa Nuni, mũthũkũmi wa Mose, akĩmwĩa,</verse>
				<verse number="2">Mose, mũthũkũmi wakwa, nĩ mũkw’ũ; ũkĩla ĩndĩ yu, ũinge Yolotani ũyũ, we, na andũ aa onthe, kũlika nthĩ ĩla nĩmanengae, o ana ma Isilaeli.</verse>
				<verse number="3">Kĩla vandũ ũnyaĩĩ wenyu ũkakinya, kũu nĩmũnengete, o tondũ namwĩie Mose.</verse>
				<verse number="4">Kuma weũnĩ, na vaa Levanoni, o kũvika ũla ũsĩ mũnene, o ũsĩ wa Euvalati, nthĩ yonthe ya Aititi, na kũvika ũla ũkanga mũnene welekele ũthũĩlonĩ wa syũa, ũkeethĩwa mũvaka wenyu.</verse>
				<verse number="5">Kũtikethĩwa mũndũ o na wĩva ũla ũkatonya kũũngama mbee waku mĩthenya yonthe ya thayũ waku: o tondũ neethĩawa na Mose, o ta ũu ngeethĩawa vamwe naku; ndikakũnyivĩa, o na ndikakũtia.</verse>
				<verse number="6">Ĩthĩwa na vinya na ũkũmbaũ mũnene; nũndũ ũkatuma andũ aa mosa nthĩ ĩla neevĩtĩe aaĩthe moo nĩmanenga yithĩwe ũtiĩwa.</verse>
				<verse number="7">Ĩndĩ ĩthĩwa na vinya na ũkũmbaũ mũnene, ũsũvĩe wĩke kwĩanana na mĩao yonthe, ĩla Mose mũthũkũmi wakwa wakwĩaĩe: ndũkaamyelelũkĩle kwelekela kw’oko kwa aũme kana kw’oko kwa aka, nĩ kana ũathimĩke o vala wĩthi.</verse>
				<verse number="8">Ĩvuku yĩĩ ya mĩao yĩtikaaume kanyw’anĩ waku, ĩndĩ wĩmĩsũanĩaa mũthenya na ũtukũ, nĩ kana ũsũvĩe wĩke kwĩanana na w’onthe ũla ũandĩkĩtwe nthĩnĩ wayo: nũndũ nĩvo ĩndĩ wĩaĩlya nzĩa yaku, na nĩvo wĩĩka na kĩlĩko.</verse>
				<verse number="9">Ndikwĩaĩte? Ĩthĩwa na vinya na ũkũmbaũ mũnene; ndũkaakĩe, o na ndũkaateve: nũndũ Yeova Ngai waku e vamwe naku o kũla wĩthi.</verse>
				<verse number="10">Nĩvo ĩndĩ Yosua weaĩe anene ma andũ, akĩmea,</verse>
				<verse number="11">Vĩtĩlai katĩ wa mwako wa maeema, na mũkĩaĩa andũ, mũkĩmea, Seũvyai lĩu; nũndũ katĩ wa mĩthenya ĩtatũ mũkainga Yolotani ũyũ, mũlike mũmĩmesye nthĩ, ĩla Yeova Ngai wenyu ũmũnengae mũmĩmesye.</verse>
				<verse number="12">Na Yosua aneena na Aleuveni na Angati na ĩla nyunzu ya mbaĩ ya Manase, akĩmea,</verse>
				<verse number="13">Lilikanai ndeto ĩla Mose mũthũkũmi wa Yeova wamwĩaĩe, akĩmwĩa, Yeova Ngai wenyu nũmũnengaa kũthũmũa, na akamũnenga nthĩ ĩno.</verse>
				<verse number="14">Iveti syenyu, na syana nini syenyu, na indo syenyu, ikekala nthĩ ĩla Mose wamũnengie mũingo wa Yolotani; ĩndĩ inyw’ĩ, ngũmbaũ nene syonthe, mũkavĩte mbee wa ana‐a‐ĩthe menyu mwĩkĩĩte mĩio ya kaũ, na mũkamatethye;</verse>
				<verse number="15">kũvika Yeova amanenga ana‐a‐ĩthe menyu kũthũmũa, o tondũ ũmũnengete, namo meethĩwa mamĩmeetye nthĩ ĩla Yeova Ngai wenyu ũmanengae: nĩvo ĩndĩ mwĩsyoka nthĩ ĩla ng’ũndũ yenyu, na mũimĩmesya, ĩla Mose mũthũkũmi wa Yeova wamũnengie mũingo wa Yolotani kwelekela wumĩlonĩ wa syũa.</verse>
				<verse number="16">Na masũngĩa Yosua, makĩmwĩa, Ũu w’onthe ũla ũtwĩaĩte ũkeeka, na o vala wĩtũtũma tũkathi.</verse>
				<verse number="17">O tondũ twamwĩthukĩĩasya Mose maũndũnĩ onthe, o ta ũu tũkakwĩthukĩĩasya: ĩndĩ Yeova Ngai waku nĩethĩwe naku, o tondũ wethĩawa na Mose.</verse>
				<verse number="18">O ũla wĩng’endea mĩao yaku na ailea kwĩthukĩĩsya ndeto syaku nthĩnĩ wa onthe ala wĩmwĩaĩa, nake akooawa: ĩndĩ ĩthĩwa na vinya na ũkũmbaũ mũnene.</verse>
			</chapter>
			<chapter number="2">
				<verse number="1">Na Yosua mwana wa Nuni atũma andũ elĩ kuma Sitimu na kĩmbithĩ makathiane, akĩmea, Endai, mũsisye nthĩ, na Yeliko. Na mathi, na malika nyũmba ya ĩlwaya yĩla syĩtwa yayo yeetawa Laavi, na makoma vo.</verse>
				<verse number="2">Na mũsumbĩ wa Yeliko atavw’a, akĩw’a, Sisya, nĩkwalika kũũ andũ ma ana ma Isilaeli ũtukũ ũũ mathiane nthĩ.</verse>
				<verse number="3">Na mũsumbĩ wa Yeliko atũmana kwa Laavi, akĩmwĩa, Umaalya andũ ala mokie kwaku, ala malikile nyũmba kwaku; nũndũ nĩmokie mathiane nthĩ yonthe.</verse>
				<verse number="4">Na ũla mũndũ mũka oosa andũ asu elĩ, na amavitha; na asya, Ĩĩ, andũ asu nĩmokie kwakwa, ĩndĩ ndinamanya kũla maumĩte:</verse>
				<verse number="5">na kweethĩwa o ta ĩvinda ya kũvinga mbingĩlo, kwatuka, ala andũ maumaala; kũla andũ asu mathi ndyĩsĩ: maatĩĩei mĩtũkĩ; nũndũ nĩmũũmakwata.</verse>
				<verse number="6">Ĩndĩ aĩ anamatwaa kĩalanĩ ĩũlũ, na ũmavitha na ũa wa katane ũla walanĩtye kĩalanĩ.</verse>
				<verse number="7">Na andũ asu mamaatĩĩa nzĩanĩ ĩelete Yolotani kũvika masyũkonĩ: na o yĩla asu mamaatĩĩe maumaalile, mavinga mbingĩlo.</verse>
				<verse number="8">Na matanakoma, ambata vala maĩ kĩalanĩ ĩũlũ;</verse>
				<verse number="9">na eea ala andũ, Nĩnĩsĩ atĩ Yeova nũmũnengete nthĩ ĩno, na kana kũmũkĩa nĩkwatũvalũkĩĩle, na kana onthe ala mamĩtwĩe ĩ nthĩ nĩmeũnyaĩĩka mbee wenyu.</verse>
				<verse number="10">Nũndũ nĩtwĩw’ĩte ũndũ Yeova wang’alĩthisye manzĩ ma Ũkanga Mũtune mbee wenyu, yĩla mwaumie Misili; na ũla mweekie asumbĩ elĩ ma Aamoli, Sioni na Oku, ala maĩ mũingo wa Yolotani, ala mwooaie vyũ.</verse>
				<verse number="11">Na o yĩla tweewie, ngoo sitũ syatweka, o na vatyaatiwa ũnyiau mũndũnĩ o na wĩva, nũndũ wenyu: nũndũ Yeova Ngai wenyu, nĩwe Ngai ĩũlũ ĩtunĩ, na ĩtheo nthĩ.</verse>
				<verse number="12">Yu ĩndĩ, nĩngũmwĩsũva mbĩavĩei na Yeova, nĩkwĩthĩwa nĩmwĩkie nesa, inyw’ĩ nenyu mwĩmĩka nesa nyũmba ya nau, na mũkĩnenga ũvano ũla wa w’o;</verse>
				<verse number="13">na ĩngĩ kana mwĩmaeka me thayũ nau, na mwaitũ, na ana‐a‐asa, na eĩtu‐a‐asa, na onthe ala me namo, na kũtũtangĩĩa mathayũ maitũ tũtikakw’e.</verse>
				<verse number="14">Na ala andũ mamwĩa, Mathayũ maitũ vandũ va menyu, ethĩwa mũtiũweta ũndũ ũũ witũ; na kũkeethĩwa, yĩla Yeova wĩtũnenga ĩ nthĩ, tũkakwĩka nesa na w’o.</verse>
				<verse number="15">Nĩvo ĩndĩ wamatheelelye mbũthinĩ na ĩkanda: nũndũ nyũmba yake yaĩ wakonĩ wa ũvai wa ndũa, na atũĩte ũvainĩ.</verse>
				<verse number="16">Na amea, Endai kĩĩmanĩ, ala mamũatĩĩe matikamũwĩle; na ĩvithei vo matukũ atatũ, mũvaka ala mamũatĩĩe masyoka: na ĩtina wa ũu nĩmũtonya kwĩendea.</verse>
				<verse number="17">Na ala andũ mamwĩa, Ithyĩ tũkeethĩwa tũte na ĩvĩtyo wĩvĩtonĩ ũũ waku ũla watuma twĩvĩta.</verse>
				<verse number="18">Sisya, yĩla twĩlika ĩ nthĩ, nĩwĩovelela ĩkanda yĩĩ ya ũlii mũtune mbũthinĩ ĩla watũtheelelya: na wĩmombanĩsya nyũmbanĩ yaku au, na mwenyu, na ana‐a‐au, na andũ onthe ma nyũmba ya au.</verse>
				<verse number="19">Na kũkeethĩwa, o ũla wĩumaala mĩomonĩ ya nyũmba yaku athi nzĩanĩ nene, nthakame yake ĩkeethĩwa ĩũlũ wa mũtwe wake, naitũ tũkeethĩwa tũte na ĩvĩtyo: na o ũla ũkethĩwa vamwe naku nyũmbanĩ, nthakame yake ĩkeethĩwa ĩũlũ wa mĩtwe yaitũ, ethĩwa kw’oko o na kwĩva kũkeethĩwa ĩũlũ wake.</verse>
				<verse number="20">Ĩndĩ ethĩwa nũũweta ũndũ ũũ witũ, nĩvo ĩndĩ tũkethĩwa tũte na ĩvĩtyo wĩvĩtonĩ waku ũla watuma twĩvĩta.</verse>
				<verse number="21">Na amea, Nĩkwĩthĩwe kwĩanana na ndeto syenyu. Na amea mathi, namo maenda: nake ovelela ũlii mũtune mbũthinĩ.</verse>
				<verse number="22">Namo mathi, na mavika kĩĩmanĩ, na mekala vo matukũ atatũ, mũvaka ala mamaatĩĩe masyoka: na ala mamaatĩĩe mamamantha nzĩanĩ yonthe, ĩndĩ matyaamona.</verse>
				<verse number="23">Nĩvo ĩndĩ andũ asu elĩ masyokie, na matheea kuma kĩĩmanĩ, na mainga, na mavika vala Yosua mwana wa Nuni ũĩ; na mamũtavya onthe ala mamakĩtĩkĩe.</verse>
				<verse number="24">Na mamwĩa Yosua, Nĩ w’o, Yeova nĩwanenganie mokonĩ maitũ nthĩ ĩno yonthe; na mbee wa ũu onthe ala matwĩe nthĩ ĩsu nĩmeũnyaĩĩka mbee waitũ.</verse>
			</chapter>
			<chapter number="3">
				<verse number="1">Na Yosua ookĩla kĩoko tene; na mauma Sitimu, na mavika Yolotani, we na ana onthe ma Isilaeli; na makoma vo matanainga.</verse>
				<verse number="2">Na kweethĩwa matukũ atatũ mathela, anene mavĩtĩla katĩ wa mwako wa maeema;</verse>
				<verse number="3">na mameaĩa andũ, makĩmea, Yĩla mwĩona ĩsandũkũ ya ũtianĩo ya Yeova Ngai wenyu, na athembi Alivai mayĩkuĩte, nĩvo ĩndĩ mwĩuma vala mũĩ, na mũkĩyĩvikĩla.</verse>
				<verse number="4">Ĩndĩ nĩveĩthĩwa ũthei katĩ wenyu nayo, o ta mĩkono ngili ilĩ kwa kũthima: mũtikayĩthengeee, nĩ kana mũtonye kũmanya nzĩa ĩla mwĩendela nayo; nũndũ mũtyaavĩtĩla nzĩanĩ ĩno ĩngĩ.</verse>
				<verse number="5">Na Yosua amea andũ, Ĩvathan’yei mwĩthĩwe atheu; nũndũ ũnĩ Yeova akeeka moseng’yo katĩ wenyu.</verse>
				<verse number="6">Na Yosua aneena na athembi, akĩmea, Ũkĩlyai ĩsandũkũ ya ũtianĩo, na mũkĩinga mbee wa andũ. Na mookĩlya ĩsandũkũ ya ũtianĩo, na maenda mbee wa andũ.</verse>
				<verse number="7">Na Yeova amwĩa Yosua, Mũnthĩ ũũ nĩngwambĩlĩlya ũkũnenevya Isilaeli onthe mene, nĩ kana mamanye, o tondũ naĩ vamwe na Mose, o ta ũu ngeethĩawa vamwe naku.</verse>
				<verse number="8">Naku ũkameaĩe athembi ala makuaa ĩsandũkũ ya ũtianĩo, ũkĩmea, Yĩla mwĩvika ũtee wa manzĩ ma Yolotani, nĩmwĩũngama ki Yolotani.</verse>
				<verse number="9">Na Yosua amea ana ma Isilaeli, Thengeeai, mwĩw’e ndeto sya Yeova Ngai wenyu.</verse>
				<verse number="10">Na Yosua amea, Kwondũ wa ũu mũkamanya atĩ Ngai ũla wĩ thayũ e katĩ wenyu, na kana nde ndĩi ya ũlea ũlũngya mbee wenyu Mũkanaani, na Mũititi, na Mũivi, na Mũvelisi, na Mũngilikasi, na Mũamoli, na Mũyevusi.</verse>
				<verse number="11">Sisyai, ĩsandũkũ ya ũtianĩo ya Mwĩaĩi wa nthĩ yonthe nĩyĩũvĩtĩla mbee wenyu kũlika Yolotani.</verse>
				<verse number="12">Kwondũ wa ũu ĩndĩ osai andũ ĩkũmi na elĩ kuma mbaĩnĩ sya Isilaeli, kĩla mbaĩ mũndũ ũmwe.</verse>
				<verse number="13">Na kũkeethĩwa, yĩla nyaĩĩ sya athembi ala makuaa yĩla ĩsandũkũ ya Yeova, Mwĩaĩi wa nthĩ yonthe, syĩkinya nthĩ manzĩnĩ ma Yolotani, manzĩ ma Yolotani makavingĩwa, o manzĩ ala matheeaa kuma ĩũlũ; na makaũngama kĩvumbu kĩmwe.</verse>
				<verse number="14">Na kweethĩwa, yĩla andũ maumie maeemanĩ moo mainge Yolotani, athembi ala makuaa ĩsandũkũ ya ũtianĩo meethĩawa makĩtongoesya andũ;</verse>
				<verse number="15">na yĩla asu makuaa yĩla ĩsandũkũ maĩ manavika Yolotani, na maũũ na athembi ala makuaa yĩla ĩsandũkũ malika manzĩnĩ ũtee (nũndũ Yolotani nũvingaa ũkakĩla ngũka syonthe ĩvinda yonthe ya ngetha),</verse>
				<verse number="16">nĩw’o manzĩ ala matheeaa kuma ĩũlũ maũngamie, na mookĩla kĩvumbu kĩmwe, me kũasa, ku Atamu, ndũa ĩla yĩ vakuvĩ na Nzalethani; na asu ala matheeaa kwelekela ũkanga wĩ ku Alava, ũla Ũkanga wa Mũnyũ, mathi vyũ; na andũ asu mainga melekele Yeliko.</verse>
				<verse number="17">Na athembi ala makuaa ĩsandũkũ ya ũtianĩo ya Yeova maũngama ki nthĩ nyũmũ Yolotani katĩ; na Isilaeli onthe mainga makinyĩle nthĩ nyũmũ, mũvaka mbaĩ ĩsu yonthe yainga Yolotani vyũ.</verse>
			</chapter>
			<chapter number="4">
				<verse number="1">Na kweethĩwa, yĩla mbaĩ yonthe yaminie kũinga Yolotani vyũ, Yeova aneena na Yosua, akĩmwĩa,</verse>
				<verse number="2">Osa andũ ĩkũmi na elĩ kuma andũnĩ, kuma kĩla mbaĩ mũndũ ũmwe,</verse>
				<verse number="3">na ũimeaĩa, ũkĩmea, Osai mavia ĩkũmi na elĩ Yolotani katĩ, kuma vandũ vala maũũ ma athembi maũngamĩte ki, nenyu mũimakua, na mũkamaie vandũ vala mwĩkoma, o vala mwĩkoma ũtukũ ũũ.</verse>
				<verse number="4">Nĩvo ĩndĩ Yosua wametie andũ asu ĩkũmi na elĩ, ala waiie ma ana ma Isilaeli, kuma kĩla mbaĩ mũndũ ũmwe:</verse>
				<verse number="5">na Yosua amea, Vĩtĩlai mbee wa yĩla ĩsandũkũ ya Yeova mũlike Yolotani katĩ, na kĩla mũndũ wenyu ose ĩvia mwilĩĩle kĩtuo, o kwĩanana na ũtalo wa mbaĩ sya ana ma Isilaeli;</verse>
				<verse number="6">nĩ kana ũu wĩthĩwe wonan’yo katĩ wenyu, kana, yĩla syana syenyu ikakũlya ĩvinda yĩla yĩkoka, ikyasya, Mwĩonan’ya ata na mavia aa?</verse>
				<verse number="7">Nĩvo mwĩsyĩa, Nũndũ manzĩ ma Yolotani nĩmavingĩiwe mbee wa ĩsandũkũ ya ũtianĩo ya Yeova; yĩla yaingie Yolotani, manzĩ ma Yolotani nĩmavĩngĩiwe: na mavia aa makeethĩwa ũlilikan’yo kwa ana ma Isilaeli tene na tene.</verse>
				<verse number="8">Na ana ma Isilaeli meeka o tondũ Yosua weaie, na moosa mavia ĩkũmi na elĩ kuma Yolotani katĩ, o kwĩanana na ũtalo wa mbaĩ sya ana ma Isilaeli, o tondũ Yeova wamũtavisye Yosua; na mamakua kũvika vandũ vala makomie, na mamaia nthĩ vo.</verse>
				<verse number="9">Na Yosua aũngamya mavia ĩkũmi na elĩ Yolotani katĩ, vandũ vala maũũ ma athembi ala makuaa ĩsandũkũ ya ũtianĩo maũngamĩte: na nĩvo maĩ kũvika mũnthĩ ũũ.</verse>
				<verse number="10">Nũndũ athembi ala makuaa yĩla ĩsandũkũ maũngamĩte Yolotani katĩ, kũvika maũndũ onthe mathela ala Yeova weaĩe Yosua amatavye andũ, o kwĩanana na onthe ala Mose weaie Yosua: na andũ meekalaata na mainga.</verse>
				<verse number="11">Na kweethĩwa, yĩla andũ onthe maingie vyũ, nayo ĩsandũkũ ya Yeova yainga, na athembi, andũ mene.</verse>
				<verse number="12">Na ana ma Leuveni, na ana ma Ngati, na nyunzu ya mbaĩ ya Manase, mainga mbee wa ana ma Isilaeli mekĩĩte mĩio ya kaũ, o tondũ Mose wamatavisye:</verse>
				<verse number="13">mainga o ta ngili mĩongo ĩna Yeova asyaĩtye mekĩĩte mĩio ya kaũ, kũvika ndiĩnĩ sya Yeliko, nĩ kana mokite.</verse>
				<verse number="14">Mũthenya ũsu Yeova anenevya Yosua methonĩ ma Isilaeli onthe: na mamũkĩa mĩthenya yonthe ya thayũ wake, o tondũ makĩĩte Mose.</verse>
				<verse number="15">Na Yeova aneena na Yosua, akĩmwĩa,</verse>
				<verse number="16">Ĩaĩe athembi ala makuaa ĩsandũkũ ya ũkũsĩ maume Yolotani.</verse>
				<verse number="17">Kwondũ wa ũu Yosua ameaĩa athembi, akĩmea, Umai Yolotani.</verse>
				<verse number="18">Na kweethĩwa, yĩla athembi ala makuaa ĩsandũkũ ya ũtianĩo ya Yeova mauma Yolotani katĩ, na nyaĩĩ sya athembi syookĩlw’a syakinya nthĩ nyũmũ, manzĩ ma Yolotani masyoka vandũ vamo, na makĩla ngũka syonthe syamo, o ta tene.</verse>
				<verse number="19">Na andũ asu mauma Yolotani mũthenya wa ĩkũmi mwei wa mbee, na mamba maeema Ngilikali, mũvakanĩ wa Yeliko ngalĩ ya wumĩlonĩ wa syũa.</verse>
				<verse number="20">Na mavia asu ĩkũmi na elĩ, ala maumisye Yolotani, Yosua amaũngamya Ngilikali.</verse>
				<verse number="21">Na aneena na ana ma Isilaeli, akĩmea, Yĩla syana syenyu ikamakũlya aaĩthe masyo ĩvinda yĩla yĩkoka, ikĩmea, Mavia aa nĩ ma kĩ?</verse>
				<verse number="22">Nĩvo mwĩmanyĩthya syana syenyu, mũkĩsyĩa, Isilaeli nĩmaingie Yolotani ũyũ makinyĩle nthĩ nyũmũ.</verse>
				<verse number="23">Nũndũ Yeova Ngai wenyu nĩwang’alĩthisye manzĩ ma Yolotani mbee wenyu, kũvika mwainga, o tondũ Yeova Ngai wenyu wekie Ũkanga Mũtune, ũla wang’alĩthisye mbee waitũ, kũvika twainga;</verse>
				<verse number="24">nĩ kana andũ onthe ma nthĩ mamanye kw’oko kwa Yeova, atĩ kwĩ na vinya mũno; nĩ kana mũkĩe Yeova Ngai wenyu tene na tene.</verse>
			</chapter>
			<chapter number="5">
				<verse number="1">Na kweethĩwa, yĩla asumbĩ onthe ma Aamoli, ala maĩ mũingo wa Yolotani kwelekela ũthũĩlonĩ wa syũa, na asumbĩ onthe ma Akanaani, ala maĩ ũtee wa ũkanga, meewie ũndũ Yeova wang’alĩthisye manzĩ ma Yolotani mbee wa ana ma Isilaeli, kũvika twainga, ngoo syoo syatweka, o na kũtyaĩ ũnyiau nthĩnĩ wamo ĩngĩ, kwondũ wa ana ma Isilaeli.</verse>
				<verse number="2">Ĩvinda yĩu Yeova amwĩa Yosua, Ĩseũvĩsye tũvyũ twa ĩvia yũmũ, waĩke ana ma Isilaeli ĩngĩ ĩvinda ya kelĩ.</verse>
				<verse number="3">Na Yosua eeseũvĩsya tũvyũ twa ĩvia yũmũ, na amaĩkĩa ana ma Isilaeli Kĩĩmanĩ kya Nzaĩko.</verse>
				<verse number="4">Na kĩtumi nĩ kĩĩ kya Yosua kũmaĩka: andũ onthe ala maumie Misili, ala andũ, o andũ onthe ma kaũ, nĩmakw’ĩĩe weũnĩ me nzĩanĩ, ĩtina wa mauma Misili.</verse>
				<verse number="5">Nũndũ andũ onthe ala maumie Misili maĩ aĩke; ĩndĩ andũ onthe ala masyaĩwe weũnĩ me nzĩanĩ makyuma Misili, matyamaĩkĩte.</verse>
				<verse number="6">Nũndũ ana ma Isilaeli mangangaa myaka mĩongo ĩna weũnĩ, kũvika mbaĩ yonthe, o asu andũ ma kaũ ala maumie Misili, mathela, nĩkwĩthĩwa matyaaĩthukĩĩsya wasya wa Yeova: o ala Yeova wamevĩtĩe atĩ ndakamanenga ũthei wa kwona nthĩ ĩla Yeova wamevĩtĩe aaĩthe moo ũmanenga, nthĩ yũsũĩte ĩia na ũkĩ wa nzũkĩ.</verse>
				<verse number="7">Na syana syoo, ila wokĩlilye vandũ voo, nĩsyo Yosua waĩkie: nũndũ ityaĩ mbaĩke, nĩkwĩthĩwa matyaasyaĩka me nzĩanĩ.</verse>
				<verse number="8">Na kweethĩwa, yĩla maminie kwaĩka mbaĩ yonthe, mekalile vandũ voo mwakonĩ wa maeema, kũvika mavoa.</verse>
				<verse number="9">Na Yeova amwĩa Yosua, Mũthenya ũũ nĩnaveta nthoni sya Misili syume kwenyu. Kwondũ wa ũu syĩtwa ya vandũ vau veetwa Ngilikali, kũvika ũmũnthĩ.</verse>
				<verse number="10">Na ana ma Isilaeli mamba maeema Ngilikali; na malilikana vasaka mũthenya wa ĩkũmi na ĩna wa mwei wĩoo me ndiĩnĩ sya Yeliko.</verse>
				<verse number="11">Na ũnĩ ũsu wa vasaka maya ũsyao wa nthĩ ĩsu, tũmũtũ tũte ĩlawa na lĩu wa mbaa ngetha mũkaange, o mũthenya ũsu.</verse>
				<verse number="12">Na ũla lĩu wĩtawa mana waeka kwoneka ũnĩ ũsu, o yĩla maĩe ũsyao wa nthĩ ĩsu; o na ana ma Isilaeli matyaaĩthĩwa na ũla lĩu wĩtawa mana ĩngĩ; ĩndĩ maĩsaa ũsyao wa nthĩ ya Kanaani mwaka ũsu.</verse>
				<verse number="13">Na kweethĩwa, yĩla Yosua waĩ vakuvĩ na Yeliko, ookĩlya metho make na oona, na, sisya, kwaũngamĩte mũndũ amwelekele akũĩte ũvyũ wake wĩ kw’okonĩ kwake: na Yosua amũendea na amũkũlya, Wĩ ngalĩ yaitũ, kana ngalĩ ya nthũ sitũ?</verse>
				<verse number="14">Na asya, Aiee: ĩndĩ nyie yu nĩnooka ũla mũnene wa nguthu ya Yeova. Na Yosua avalũka nthĩ na ũthyũ wake, na athaitha, na amũkũlya, Mwĩaĩi wakwa emwĩa mũthũkũmi wake ata?</verse>
				<verse number="15">Na mũnene wa nguthu ya Yeova amwĩa Yosua, Umya iatũ syaku maũũnĩ maku; nũndũ vandũ vala ũngamĩte nĩ vatheu. Na Yosua eeka ũu.</verse>
			</chapter>
			<chapter number="6">
				<verse number="1">Na ĩndĩ Yeliko yaĩ mbinge ki kwondũ wa ana ma Isilaeli: vatyaĩ waaumaala, na vatyaĩ waalika.</verse>
				<verse number="2">Na Yeova amwĩa Yosua, Sisya, nĩnĩnenganĩte Yeliko, na mũsumbĩ wayo, na ngũmbaũ nene, kw’okonĩ kwaku.</verse>
				<verse number="3">Nenyu mũkathyũlũlũke ndũa, o andũ onthe ma kaũ, mũkĩthyũlũlũka ndũa ĩmwe. Wĩke ũu mĩthenya thanthatũ.</verse>
				<verse number="4">Na athembi mũonza makakue masoo mũonza ma mbya sya ndũũme me mbee wa yĩla ĩsandũkũ: na mũthenya wa mũonza mũkathyũlũlũke ĩla ndũa mathyũlũlũka mũonza, na athembi makavuve masoo.</verse>
				<verse number="5">Na kũkeethĩwa, yĩla mevuva mbya sya ndũũme ĩvuva yĩasa, na yĩla mwĩw’a wasya wa soo, andũ onthe nĩmakokĩlye mawasya mũno mũnene; na ũvai wa ndũa ũkavalũka mbu, na andũ makambata kĩla mũndũ aeleele kuma vala eĩĩ.</verse>
				<verse number="6">Na Yosua mwana wa Nuni eeta athembi, na amea, Ukĩlyai ĩsandũkũ ya ũtianĩo, na athembi mũonza nĩmakue masoo mũonza ma mbya sya ndũũme me mbee wa yĩla ĩsandũkũ ya Yeova.</verse>
				<verse number="7">Na mamea andũ, Vĩtai, mũthyũlũlũke ĩla ndũa, na ala andũ mekĩĩte mĩio ya kaũ nĩmavĩte mbee wa yĩla ĩsandũkũ ya Yeova.</verse>
				<verse number="8">Na kweethĩwa, yĩla Yosua waĩ ananeena na andũ, ala athembi mũonza makuĩte masoo mũonza ma mbya sya ndũũme me mbee wa Yeova maenda mbee, na mavuva masoo: na ĩsandũkũ ya ũtianĩo ya Yeova yamaatĩĩa.</verse>
				<verse number="9">Na ala andũ mekĩĩte mĩio ya kaũ maenda mbee wa athembi ala mavuvaa masoo, na ala ma ĩtina maatĩĩa yĩla ĩsandũkũ, athembi makĩvuva masoo maendete.</verse>
				<verse number="10">Na Yosua ameaĩa andũ, akĩmea, Mũtikokĩlye mawasya, o na mawasya menyu matikew’ĩke, o na ndeto o na yĩva ndĩkaume makanyw’anĩ menyu, kũvika mũthenya ũla nĩmwĩaĩa mũkĩlye mawasya: nĩvo ĩndĩ mwĩũkĩlya mawasya.</verse>
				<verse number="11">Na ĩndĩ atuma ĩsandũkũ ya Yeova yĩthyũlũlũkw’a ndũa, ĩthyũlũlũka yĩmwe: na masyoka mwakonĩ wa maeema, na makoma mwakonĩ wa maeema.</verse>
				<verse number="12">Na Yosua ookĩla kĩoko tene na ala athembi mookĩlya yĩla ĩsandũkũ ya Yeova.</verse>
				<verse number="13">Na athembi mũonza ala makuĩte masoo mũonza ma mbya sya ndũũme me mbee wa ĩsandũkũ ya Yeova maendeeaa matekũũngama, na makĩvuva masoo: na ala andũ mekĩĩte mĩio ya kaũ mamatongoesya; na ala ma ĩtina maatĩĩa yĩla ĩsandũkũ ya Yeova, athembi makĩvuva masoo maendete.</verse>
				<verse number="14">Na mũthenya wa kelĩ mathyũlũlũka ndũa ĩmwe, na masyoka mwakonĩ wa maeema: meekie o ta ũu mĩthenya thanthatũ.</verse>
				<verse number="15">Na kweethĩwa mũthenya wa mũonza, mookĩla tene w’oa ũitema, na mathyũlũlũka ndũa o ta ũu mathyũlũlũka mũonza: ate o mũthenya ũsu mathyũlũlũkile ndũa mathyũlũlũka mũonza.</verse>
				<verse number="16">Na kweethĩwa ĩthyũlũlũka ya mũonza, yĩla athembi mavuvaa masoo, Yosua amea andũ, Usyai ngemi; nũndũ Yeova nũmũnengete ndũa ĩno.</verse>
				<verse number="17">Na ndũa ĩkeethĩwa ĩvathĩtwe kwa Yeova, o yo na syonthe ĩla syĩ nthĩnĩ: ate o Laavi yĩla ĩlwaya wĩekwa e thayũ, we na onthe ala me nake nyũmbanĩ, nĩkwĩthĩwa nĩwavithie atũmwa ala twatũmie.</verse>
				<verse number="18">Ĩndĩ inyw’ĩ ngalĩ ĩ yenyu, ĩsũvĩĩei na kĩndũ kĩla kĩvathĩtwe, nĩ kana, mwamina kũkĩvatha, mũtikese kwosa kĩla kĩvathe; na kwondũ wa ũu mũkĩtw’ĩkĩthya mwako wa maeema wa Isilaeli mũumanĩe, na mũkyũthĩn’ya.</verse>
				<verse number="19">Ĩndĩ vetha w’onthe, na thaavu, na mĩio ya ũthuku na ya kĩaa, nĩ ntheu kwa Yeova: ikaetwe vala vaiawa ũthwii va Yeova.</verse>
				<verse number="20">Na ĩndĩ andũ mookĩlya mawasya, na athembi mavuva masoo: na kweethĩwa, yĩla andũ meewie wasya wa soo, andũ mookĩlya mawasya mũno mũnene, na ũvai wavalũka mbu, ũndũ andũ malika ndũanĩ, kĩla mũndũ aelele kuma vala eĩĩ, na makwata ndũa.</verse>
				<verse number="21">Na maananga vyũ syonthe ila syaĩ ndũanĩ, mũndũ mũũme o na mũndũ mũka, me ma mũika o na ala akũũ, na ng’ombe, na ĩlondu, na ĩng’oi, kwa kũtemanga na ũvyũ.</verse>
				<verse number="22">Na Yosua atavya andũ elĩ ala mathianie nthĩ, Likai nyũmbanĩ ya yĩla ĩlwaya, na mũimumya vu mũndũ mũka ũsu, na syonthe ila wĩ nasyo, o tondũ mwamwĩvĩtĩe.</verse>
				<verse number="23">Na ala anake athiani malika, na mamumaalya Laavi, na ĩthe wake, na inyia wake, na ana‐a‐ĩthe, na syonthe ila waĩ nasyo; o na andũ onthe ma mũvĩa wake mamaumaalya; na mamaia ũtee wa mwako wa maeema wa Isilaeli.</verse>
				<verse number="24">Na mamĩvĩvya ndũa na mwaki, na syonthe ila syaĩ nthĩnĩ; ate o vetha, na thaavu, na mĩio ya ũthuku na ya kĩaa, meekĩie vala vaiawa ũthwii va nyũmba ya Yeova.</verse>
				<verse number="25">Ĩndĩ Yosua amaeka me thayũ Laavi yĩla ĩlwaya, na andũ ma nyũmba ya ĩthe wake, na syonthe ila waĩ nasyo; nake atũaa katĩ wa Isilaeli kũvika ũmũnthĩ, nĩkwĩthĩwa avithie atũmwa, ala Yosua watũmie mathiane Yeliko.</verse>
				<verse number="26">Na Yosua ameaĩa na wĩvĩto ĩvinda yĩu, akĩmea, Naumanĩwe kũla kwĩ Yeova mũndũ ũla wĩũkĩla na kwaka ndũa ĩno Yeliko: akĩkwatya wambĩlĩlyo wayo akakw’ĩĩwa nĩ ĩkithathi yake, na akĩũngamya mbingĩlo syayo akakw’ĩĩwa nĩ ĩlumaita yake ya mũndũ mũũme.</verse>
				<verse number="27">Na ĩndĩ Yeova aĩ vamwe na Yosua; na nguma yake yaĩ nthĩ ĩsu yonthe.</verse>
			</chapter>
			<chapter number="7">
				<verse number="1">Ĩndĩ ana ma Isilaeli mavĩtya kĩndũnĩ kĩvathĩtwe; nũndũ Akani, mwana wa Kalimi, mwana wa Nzaveti, mwana wa Nzela, wa mbaĩ ya Yuta, oosa kĩndũ kĩla kĩvathe: na ũthatu wa Yeova wamakanĩa ana ma Isilaeli.</verse>
				<verse number="2">Na Yosua atũma andũ kuma Yeliko mathi Ai, ĩla yĩ ũtee wa Mbethi‐aveni, ngalĩ ya wumĩlonĩ wa syũa ya Mbethi‐eli, na aneena namo, akĩmea, Ambatai mũthiane nthĩ. Na ala andũ mambata na mathiana Ai.</verse>
				<verse number="3">Na mamũsyokea Yosua, na mamwĩa, Andũ onthe matikambate; ĩndĩ andũ ta ngili ilĩ kana itatũ nĩmambate makũne Ai; ndũkatũme andũ onthe mathĩnĩe wĩa wa kũthi vo; nũndũ asu no avũthũ.</verse>
				<verse number="4">Na ĩndĩ mambata vo andũ ta ngili itatũ; namo makũkie makĩĩte andũ ma Ai.</verse>
				<verse number="5">Na andũ ma Ai mooaa ta andũ mĩongo ĩtatũ na thanthatũ katĩ woo; na mamalũngya kuma mbingĩlonĩ o na kũvika Sevalimu, na mamoaĩa kĩtheeonĩ: na ngoo sya andũ syatweka, na syeethĩwa ta manzĩ.</verse>
				<verse number="6">Na Yosua atembũa ngũa syake, na avalũka nthĩ na ũthyũ wake mbee wa yĩla ĩsandũkũ ya Yeova kũvika wĩoo, we na atumĩa ma Isilaeli; na meekĩa kĩtoo mĩtwenĩ yoo.</verse>
				<verse number="7">Na Yosua asya, Ĩiaa! Ame Mwĩaĩi Yeova, waingisye andũ aa Yolotani ũndũ wa kĩ we, ũtũnengane kw’okonĩ kwa Aamoli, ũtwanange? Nenda kethĩwa tweanĩwe nĩ kwĩkala mũingo wa Yolotani!</verse>
				<verse number="8">Ame Mwĩaĩi, nĩasya ata, Isilaeli mamina kwon’ya amaitha moo mĩongo!</verse>
				<verse number="9">Nũndũ Akanaani na onthe ala matwĩe nthĩ ĩno makawĩw’a, na makatũthyũlũlũka, na kũveta syĩtwa yitũ yume nthĩ: na ũkeeka ata kwondũ wa syĩtwa yaku ĩnene?</verse>
				<verse number="10">Na Yeova amwĩa Yosua, Ũkĩla we; ũvalũkĩte ũu na ũthyũ waku nĩkĩ?</verse>
				<verse number="11">Isilaeli nĩmavĩtĩtye; ĩĩ, o na nĩmavĩtĩtye ũtianĩo wakwa ũla nameaĩie: ĩĩ, o na nĩmosete kĩndũ kĩvathĩtwe, na ĩngĩ nĩmoyĩte, o na kũkengana; o na nĩmakiĩte mĩionĩ yoo ene.</verse>
				<verse number="12">Kwondũ wa ũu ana ma Isilaeli matitonya kũũngama mbee wa amaitha moo; nĩmonetye amaitha moo mĩongo, nĩkwĩthĩwa nĩmaumanĩwa: ndikethĩwa vamwe nenyu ĩngĩ, ate o mwaananga kĩla kĩndũ kĩvathĩtwe kyume katĩ wenyu.</verse>
				<verse number="13">Ũkĩla, ũvathan’ye andũ methĩwe atheu, na ũimea, Ĩvathan’yei kwondũ wa ũnĩ: nũndũ ũũ nĩw’o Yeova, Ngai wa Isilaeli, ũnũkwasya, Ve kĩndũ kĩvathĩtwe katĩ waku, we Isilaeli; ndũtonya kũũngama mbee wa amaitha maku, kũvika yĩla mwĩveta kĩla kĩndũ kĩvathĩtwe kyume katĩ wenyu.</verse>
				<verse number="14">Kwondũ wa ũu kĩoko mũkathengeew’a mbaĩ na mbaĩ: na kũkeethĩwa, mbaĩ ĩla Yeova wĩosa ĩkathengeea mũvĩa na mũvĩa; na mũvĩa ũla Yeova wĩosa ũkathengeea nyũmba na nyũmba; na nyũmba ĩla Yeova wĩosa ĩkathengeea mũndũ na mũndũ.</verse>
				<verse number="15">Na kũkeethĩwa, ũsu ũla wĩkwatwa e na kĩla kĩndũ kĩvathĩtwe akavĩvw’a na mwaki, we na syonthe ila wĩ nasyo; nĩkwĩthĩwa nũvĩtĩtye ũtianĩo wa Yeova, na nĩkwĩthĩwa nĩwĩkĩte ũtumanu nthĩnĩ wa Isilaeli.</verse>
				<verse number="16">Kwondũ wa ũu Yosua ookĩla kĩoko tene, na athengeesya Isilaeli mbaĩ na mbaĩ; na mbaĩ ya Yuta yooswa:</verse>
				<verse number="17">na athengeesya mũvĩa wa Yuta; na oosa mũvĩa wa Anzela: na athengeesya mũvĩa wa Anzela mũndũ na mũndũ; na Nzaveti ooswa:</verse>
				<verse number="18">na athengeesya nyũmba yake mũndũ na mũndũ; na Akani, mwana wa Kalimi, mwana wa Nzaveti, mwana wa Nzela, wa mbaĩ ya Yuta, ooswa.</verse>
				<verse number="19">Na Yosua amwĩa Akani, Mwana wakwa, nĩngũkwĩsũva, ũnenge Yeova, Ngai wa Isilaeli, ndaĩa, na ũimumbũlĩla; na ndavya yu ũla wĩkĩte; ndũkambithe.</verse>
				<verse number="20">Na Akani asũngĩa Yosua, na amwĩa, Nĩ w’o nĩnĩmũvĩtanĩsye Yeova, Ngai wa Isilaeli, na nĩkĩte ũũ na ũũ:</verse>
				<verse number="21">yĩla nĩnoonie mũtavonĩ suka mũseo wa Mbaviloni, na sekeli maana elĩ ma vetha, na kĩlungu kya thaavu kya sekeli mĩongo ĩtano, nĩvo ĩndĩ nĩnasyĩw’ĩe ĩtomo, na nĩnasyosa; na, sisya, nivithĩtwe nthĩ ĩeemanĩ yakwa katĩ, na ũla vetha ungu wasyo.</verse>
				<verse number="22">Na ĩndĩ Yosua atũma atũmwa, na masemba ĩeemanĩ; na, sisya, syaĩ mbithe ĩeemanĩ yake, na ũla vetha ungu wasyo.</verse>
				<verse number="23">Na masyosa kuma ĩeemanĩ katĩ, na maitwaĩa Yosua, na ana onthe ma Isilaeli; namo masia mbee wa Yeova.</verse>
				<verse number="24">Na Yosua, na Isilaeli onthe vamwe nake, moosa Akani mwana wa Nzela, na ũla vetha, na ũla suka, na kĩla kĩlungu kya thaavu, na ana make, na eĩtu make, na ng’ombe syake, na mang’oi make, na malondu make, na ĩeema yake, na syonthe ila waĩ nasyo: na mamaete vu mwandanĩ wa Akoli.</verse>
				<verse number="25">Na Yosua akũlya, Ũtũthĩnĩtye nĩkĩ? Yeova nũnũũkũthĩn’ya mũthenya ũũ. Na Isilaeli onthe mamũkimanga na mavia; na mamavĩvya na mwaki, na kũmakimanga na mavia.</verse>
				<verse number="26">Na moomba ĩũlũ wake mbumbu nene ya mavia, kũvika ũmũnthĩ; na Yeova aeka wai wa ũthatu wake. Kwondũ wa ũu syĩtwa ya vandũ vau yeetwa, Mwanda wa Akoli, kũvika ũmũnthĩ.</verse>
			</chapter>
			<chapter number="8">
				<verse number="1">Na Yeova amwĩa Yosua, Ndũkakĩe, o na ndũkateve: osa andũ onthe ma kaũ, na ũiũkĩla, wambate Ai; sisya, nĩnĩnenganĩte kw’okonĩ kwaku mũsumbĩ wa Ai, na andũ make, na ndũa yake, na nthĩ yake;</verse>
				<verse number="2">na ũkeke Ai na mũsumbĩ wayo o tondũ weekie Yeliko na mũsumbĩ wayo: ate o mũtavo wayo, o na indo syayo, mũkose syĩthĩwe mũtavo kwenyu: ĩyiĩe ala ma kwoveesya ndũa mbĩlĩlo wayo.</verse>
				<verse number="3">Na ĩndĩ Yosua ookĩla, na andũ onthe ma kaũ, mambate Ai: na Yosua anyuva andũ ngili mĩongo ĩtatũ, ila ngũmbaũ nene, na amatũma mathi ũtukũ.</verse>
				<verse number="4">Na ameaĩa, akĩmea, Sisyai, mũkoveesye ndũa, mwĩ mbĩlĩlo wa ĩ ndũa; mũtikathi kũasa mũno na ndũa, ĩndĩ ĩthĩwai mwĩyũmbanĩtye inyw’onthe:</verse>
				<verse number="5">nakwa, na andũ onthe ala me vamwe nakwa, tũkathengeea ĩla ndũa. Na kũkeethĩwa, yĩla meũtumaalĩla, o ta yĩ ya mbee, tũkakũka mbee woo;</verse>
				<verse number="6">namo makaumaala matũatĩĩe, mũvaka twamakusya kuma ndũanĩ; nũndũ makasya, Nĩmeũtũkĩa, o ta yĩla ya mbee: na ĩndĩ tũkakĩa mbee woo;</verse>
				<verse number="7">nenyu mũkokĩle kuma kũla mwoveesye, na mũikwata ndũa yĩthĩwe yenyu: nũndũ Yeova Ngai wenyu akamĩnengane mokonĩ menyu.</verse>
				<verse number="8">Na kũkeethĩwa, yĩla mwĩmĩkwata ndũa, mwĩmĩkwatya ndũa mwaki; mũkeke kwĩanana na ndeto ya Yeova: sisyai, nĩnamwĩaĩa.</verse>
				<verse number="9">Na Yosua amatũma mathi; na maenda kũla kwa kwoveesya, na mekala katĩ wa Mbethi‐eli na Ai, ngalĩ ya Ai ya ũthũĩlonĩ wa syũa: ĩndĩ Yosua akoma ũtukũ ũsu andũnĩ.</verse>
				<verse number="10">Na Yosua ookĩla kĩoko kwĩ masangya, na atala andũ, na ambata Ai, we na atumĩa ma Isilaeli, mbee wa andũ.</verse>
				<verse number="11">Na andũ onthe, o andũ ma kaũ ala maĩ nake, mambata, na mathengeea, na mavika mbee wa ĩla ndũa ya Ai, na mamba maeema ngali ya ĩũlũ: na ĩndĩ kwaĩ kyanda katĩ wake na Ai.</verse>
				<verse number="12">Na oosa andũ ta ngili itano, na amaia moveesye katĩ wa Mbethi‐eli na Ai, ngalĩ ya ndũa ya ũthũĩlonĩ wa syũa.</verse>
				<verse number="13">Na ĩndĩ maia andũ, o nguthu yonthe ĩla yaĩ ngalĩ ya ĩũlũ ya ndũa, na oveesya moo ala maĩ ngalĩ ya ndũa ya ũthũĩlonĩ wa syũa; na Yosua aenda ũtukũ ũsu kyandanĩ katĩ.</verse>
				<verse number="14">Na kweethĩwa, yĩla mũsumbĩ wa Ai wonie ũu, mookĩla na mĩtũkĩ kĩoko tene, na andũ ma ĩla ndũa maumaalĩla Isilaeli mokite namo, we na andũ make onthe, kwelekela Alava, vandũ vatw’ĩĩtwe; ĩndĩ ndaamanya kana kwaĩ ala mamwoveesye mbĩlĩlo wa ndũa.</verse>
				<verse number="15">Na Yosua na Isilaeli onthe meeka mbee woo ta makĩlw’a vinya, na makũka na nzĩa ya weũnĩ.</verse>
				<verse number="16">Na andũ onthe ala maĩ ndũanĩ meetwa mombane nĩ kana mamaatĩĩe: na mamũatĩĩa Yosua, na makusw’a matia ndũa.</verse>
				<verse number="17">Na kũtyaĩ mũndũ mũũme watialile Ai kana Mbethi‐eli, ũla ũtaaumaala aatĩĩe Isilaeli: na matia ndũa yĩ mbingũe, na maatĩĩa Isilaeli.</verse>
				<verse number="18">Na Yeova amwĩa Yosua, Tambũũkya katumo kala ke kw’okonĩ kwaku kelekele Ai; nũndũ nĩngũmĩnengane kw’okonĩ kwaku. Na Yosua atambũũkya katumo kala kaĩ kw’okonĩ kwake kelekele ĩla ndũa.</verse>
				<verse number="19">Na ala oveesya mookĩla mĩtũkĩ kuma vala maĩ, na o yĩla watambũũkisye kw’oko kwake masemba, na malika ndũanĩ, na mamĩkwata; na meekalaata na makwatya ndũa mwaki.</verse>
				<verse number="20">Na yĩla andũ ma Ai masyaisye ĩtina woo, moona, na, sisya, syũki ya ĩla ndũa yambata ĩtunĩ, na matyaĩ na vinya wa kũkũka kũũ o na kũũ: na andũ ala maĩ manakũka weũnĩ mamaalũkĩla ala mamaatĩĩe.</verse>
				<verse number="21">Na yĩla Yosua na Isilaeli onthe moonie kana ala oveesya nĩmakwata ndũa, na kana syũki ya ndũa nĩyambatĩte, meetulũla ĩngĩ; na mooaa andũ ma Ai.</verse>
				<verse number="22">Na ala angĩ mamaumaalĩla kuma ndũanĩ; na kwondũ wa ũu maĩ katĩ wa Isilaeli, amwe ngalĩ ĩno, na amwe ngalĩ ĩya: namo mamakũna, mateũmatialya o na ũmwe e thayũ o na wa kũvonoka.</verse>
				<verse number="23">Na mũsumbĩ wa Ai mamũkwata e thayũ, na mamũetee Yosua.</verse>
				<verse number="24">Na kweethĩwa, yĩla Isilaeli maĩ manamina kũmoaĩa kĩthekanĩ onthe ala matwĩe Ai, o vu weũnĩ vala mamaatĩĩe, na onthe mavalũkĩtw’e kwa kũtemangwa na ũvyũ mũvaka maminwa, Isilaeli onthe masyoka Ai, na mamĩkũna kwa kũtemanga na ũvyũ.</verse>
				<verse number="25">Na onthe ala mavalũkilw’e mũthenya ũsu, ma aũme o na aka, maĩ ngili ĩkũmi na ilĩ, o andũ onthe ma Ai.</verse>
				<verse number="26">Nũndũ Yosua ndaatũnga kw’oko kwake, kũla watambũũkĩtye katumo, mũvaka amamina vyũ ala matwĩe Ai.</verse>
				<verse number="27">Ĩndĩ mũtavo wa indo na mũtavo wa syĩndũ sya ndũa ĩsu Isilaeli moosa syĩthĩwe mũtavo woo ene, kwĩanana na ndeto ya Yeova ĩla wamwĩaĩe Yosua.</verse>
				<verse number="28">Na ĩndĩ Yosua avĩvya Ai, na amĩtw’ĩkĩthya kĩvumbu tene na tene, no ĩaanzo, kũvika mũnthĩ ũũ.</verse>
				<verse number="29">Na amũsũsya mũsumbĩ wa Ai mũtĩnĩ kũvika wĩoo: na syũa yĩkĩthũa Yosua aumya mwĩao, na maumya kimba kyake mũtĩnĩ, na makĩkya ũlikĩlonĩ mbingĩlonĩ ya ndũa, na makyũmbĩĩa mbumbu nene ya mavia, kũvika mũnthĩ ũũ.</verse>
				<verse number="30">Nĩvo ĩndĩ Yosua wakĩie Yeova, Ngai wa Isilaeli, kĩthembeo, kĩĩmanĩ kya Evali,</verse>
				<verse number="31">o tondũ Mose, mũthũkũmi wa Yeova, wameaĩe ana ma Isilaeli, o tondũ kũandĩkĩtwe ĩvukunĩ ya mĩao ya Mose, kĩthembeo kya mavia mate masũvye, ala mũndũ o na wĩva ũtaamasũvya na mũio o na wĩva wa kĩaa: na mathembea Yeova nthembo sya kũvĩvw’a ĩũlũ wakyo, na mathemba nthembo sya mũuo.</verse>
				<verse number="32">Na andĩka vo mavianĩ wumĩĩsyo wa mĩao ya Mose, ĩla waandĩkie, ana ma Isilaeli mene.</verse>
				<verse number="33">Na Isilaeli onthe, na atumĩa moo na anene, na asili moo, aeni o na ala masyaĩwe nthĩ ĩsu, maũngama ngalĩ ĩno ya yĩla ĩsandũkũ na ngalĩ ĩya mbee wa athembi Alivai, ala makuaa ĩsandũkũ ya ũtianĩo ya Yeova; nyunzu yamo yelekele kĩĩma kya Ngelisimu, na nyũnzu yamo yelekele kĩĩma kya Evali; o tondũ Mose, mũthũkũmi wa Yeova, wambie ũmeaĩa, nĩ kana maathime andũ ma Isilaeli.</verse>
				<verse number="34">Na ĩtina asoma ndeto syonthe sya ĩla mĩao, ũathimo o na kĩumo, kwĩanana na syonthe ila iandĩkĩtwe ĩvukunĩ ya mĩao.</verse>
				<verse number="35">Kũtyaĩ ndeto ya isu syonthe ila Mose weaie, Yosua ũtaasoma kũla kwĩ ĩkomano yonthe ya Isilaeli, o na aka, na syana nini, na ekali ma ũeninĩ ala maĩ katĩ woo.</verse>
			</chapter>
			<chapter number="9">
				<verse number="1">Na kweethĩwa, yĩla asumbĩ onthe ala maĩ mũingo wa Yolotani, nthĩ yĩ iĩma, na nthĩ ndindimalu, na ndeenĩ syonthe sya ũkanga mũnene ũla welekele Levanoni, Mũititi, na Mũamoli, na Mũkanaani, na Mũvelisi, na Mũivi, na Mũyevusi, meewie ũndũ ũsu;</verse>
				<verse number="2">nĩmoombanie vamwe, mokite na Yosua na Isilaeli, me na ngoo ĩmwe.</verse>
				<verse number="3">Ĩndĩ yĩla ala matwĩe Ngiveoni meewie ũndũ Yosua wĩkĩte Yeliko na Ai,</verse>
				<verse number="4">namo meekie na ũseleke, na mathi meeyĩelekan’ya ta atũmwa, na mailĩĩla makunia makũũ mang’oinĩ, na tũthatwa twa mbinyu, tũla tũkũũ, na tũtembũkangu, na tũliĩtwe,</verse>
				<verse number="5">na mekĩĩte maũũnĩ moo iatũ ngũũ na syĩ ilio, na mekĩĩte ngũa ngũũ; na kĩmũtũ kyonthe kya lĩu woo kyaĩ kyũmũ na kĩkaya mbuuka.</verse>
				<verse number="6">Na mamũendea Yosua mwakonĩ wa maeema Ngilikali, na mamwĩa we, o na andũ ma Isilaeli, Nĩtumĩte nthĩ yĩ kũasa: na yu kwondũ wa ũu tianĩai ũtianĩo naitũ.</verse>
				<verse number="7">Na andũ ma Isilaeli mamea Aivi, Nokwĩthĩwa mũtwĩe katĩ waitũ; na twĩtianĩa ũtianĩo nenyu ata?</verse>
				<verse number="8">Na mamwĩa Yosua, Twĩ athũkũmi maku. Na Yosua amakũlya, Mwĩ aaũ? Na mumĩte va?</verse>
				<verse number="9">Na mamwĩa, Athũkũmi maku nĩmaumĩte nthĩ yĩ kũasa mũno kwondũ wa syĩtwa ya Yeova Ngai waku: nũndũ nĩtwĩw’ĩte nguma yake, na w’onthe ũla wekie Misili,</verse>
				<verse number="10">na w’onthe ũla wekie asumbĩ elĩ ma Aamoli, ala maĩ mũingo wa Yolotani, Sioni mũsumbĩ wa Esivoni, na Oku mũsumbĩ wa Mbasani, ũla waĩ Asetalothi.</verse>
				<verse number="11">Na atumĩa maitũ na onthe ala matwie nthĩ yaitũ maneena naitũ, makĩtwĩa, Osai lĩu wa nzĩanĩ na moko menyu, na mũithi mũmathaũe, na mũimea, Twĩ athũkũmi menyu: na yu tianĩai ũtianĩo naitũ.</verse>
				<verse number="12">Kĩmũtũ kĩĩ kitũ twaumie nakyo nyũmbanĩ sitũ kĩ kĩvyũ kĩthĩwe lĩu witũ mũthenya ũla twaumaalile tũkomane nenyu; ĩndĩ yu, sisyai, nĩ kyũmũ, na nĩkĩĩte mbuuka:</verse>
				<verse number="13">na tũthatwa tũũ twa mbinyu, tũla twausũisye, twaĩ tweũ; na, sisyai, nĩ tũtembũkangu: na ngũa ii sitũ na iatũ sitũ nikũĩte nũndũ wa kyalo kũasava mũno.</verse>
				<verse number="14">Na ala andũ moosa kya ũya kyoo, na matyaakũlya ũtao kanyw’anĩ wa Yeova.</verse>
				<verse number="15">Na Yosua aseũvya mũuo namo, na atianĩa ũtianĩo namo, nĩ kana mekale thayũ: na anene ma ĩkomano mameavĩa.</verse>
				<verse number="16">Na kweethĩwa mĩthenya ĩtatũ yathela ĩtina wa matianĩa ũtianĩo namo, nĩmeewie kana maĩ atũi moo, na kana matwĩe katĩ woo.</verse>
				<verse number="17">Na ana ma Isilaeli maenda kyalo, na mavika ndũa syoo mũthenya wa katatũ. Na ĩndĩ ndũa syoo syeetawa Ngiveoni na Kevila, na Mbeelothi, na Kiliathi‐yealimu.</verse>
				<verse number="18">Na ana ma Isilaeli matyaamakũna, nĩkwĩthĩwa anene ma yĩla ĩkomano maĩ manameavĩa na Yeova, Ngai wa Isilaeli. Na ĩkomano yonthe yanyũngũnyĩĩsya ala anene.</verse>
				<verse number="19">Ĩndĩ anene asu onthe matavya ĩkomano yonthe, Nĩtũmeavĩe na Yeova, Ngai wa Isilaeli: kwondũ wa ũu yu tũtitonya kũmakiita.</verse>
				<verse number="20">Twĩmeka ũũ, na kũmaeka mekale thayũ; ũthatu ndũkese kwĩthĩwa ĩũlũ waitũ, nũndũ wa wĩvĩto ũla twamevĩtĩe.</verse>
				<verse number="21">Na anene mamea, Nĩmaekwe mekale thayũ: na ĩndĩ matw’ĩka auni ma ngũ na atavi ma manzĩ kwa ĩkomano yonthe, o tondũ anene mamatavĩtye.</verse>
				<verse number="22">Na Yosua amatũmana, na aneena namo, akĩmea, Mũtũkengete nĩkĩ, mũkĩtwĩa, Twĩ kũasa nenyu mũno; na kaĩ mũtwĩe katĩ waitũ?</verse>
				<verse number="23">Kwondũ wa ũu yu mwĩ aumanĩe, na kũikatĩa o na ĩndĩĩ kwĩthĩwa amwe menyu ngombo, auni ma ngũ o na atavi ma manzĩ kwondũ wa nyũmba ya Ngai wakwa.</verse>
				<verse number="24">Na masũngĩa Yosua, na mamwĩa, Nĩkwĩthĩwa athũkũmi maku nĩmataviw’e ki, ũndũ Yeova Ngai waku wamwĩaĩe mũthũkũmi wake Mose amũnenge inyw’ĩ nthĩ ĩno yonthe, na kwananga kuma mbee wenyu onthe ala matwĩe ĩ nthĩ; kwondũ wa ũu twakĩsya mũno mathayũ maitũ kwondũ wenyu, na ĩndĩ tũneekie ũndũ ũũ.</verse>
				<verse number="25">Na yu, sisya, twĩ kw’okonĩ kwaku: o ũndũ wĩona wĩ ũseo na ũlũngalu kũtwĩka, ũtwĩke.</verse>
				<verse number="26">Na ameka o ta ũu, na amavonokya mokonĩ ma Isilaeli, matikamoae.</verse>
				<verse number="27">Na mũthenya ũsu Yosua amatw’ĩkĩthya auni ma ngũ na atavi ma manzĩ kwondũ wa ĩkomano, na kwondũ wa kĩthembeo, kya Yeova, kũvika ũmũnthĩ, o vandũnĩ vala wĩnyuva.</verse>
			</chapter>
			<chapter number="10">
				<verse number="1">Na ĩndĩ kweethĩwa, yĩla Atoninzeteki mũsumbĩ wa Yelusaleme wewie ũndũ Yosua wakwatie Ai, na ũndũ wamyanangie vyũ (o tondũ wekĩte Yeliko na mũsumbĩ wayo, o ta ũu nĩwekĩte Ai na mũsumbĩ wayo), na ũndũ ala matwĩe Ngiveoni maseũvĩtye mũuo na Isilaeli, na meethĩwa katĩ woo;</verse>
				<verse number="2">makĩa mũno, nũndũ Ngiveoni yaĩ ndũa nene, o ta ndũa ĩmwe ya kĩũsumbĩ, na nĩkwĩthĩwa yaĩ nene kwĩ Ai, na andũ onthe mayo maĩ ngũmbaũ.</verse>
				<verse number="3">Kwondũ wa ũu Atoninzeteki mũsumbĩ wa Yelusaleme atũmana Oamu mũsumbĩ wa Eviloni, na Vikamu mũsumbĩ wa Yalimuthi, na Yavia mũsumbĩ wa Lakisi, na Ndevili mũsumbĩ wa Ekeloni, akĩmea,</verse>
				<verse number="4">Ambatai kwakwa, mũndethye, na tũkũnei Ngiveoni; nũndũ nĩseũvĩtye mũuo na Yosua na ana ma Isilaeli.</verse>
				<verse number="5">Kwondũ wa ũu asumbĩ asu atano ma Aamoli, mũsumbĩ wa Yelusaleme, na mũsumbĩ wa Eviloni, na mũsumbĩ wa Yalimuthi, na mũsumbĩ wa Lakisi, na mũsumbĩ wa Ekeloni, meeyũmban’ya vamwe, na mambata, mo na nguthu syoo syonthe, na mamba maeema mataũĩĩe Ngiveoni, na makwatya kaũ nayo.</verse>
				<verse number="6">Na andũ ma Ngiveoni matũmana Yosua mwakonĩ wa maeema Ngilikali, makĩmwĩa, Kw’oko kwaku kũtikethĩwe na kĩkono kũla kwĩ athũkũmi maku; ambata mĩtũkĩ kwitũ, ũtũtangĩĩe, na kũtũtethya: nũndũ asumbĩ onthe ma Aamoli ala matwĩe nthĩ yĩ iĩma nĩmatũmbanĩe.</verse>
				<verse number="7">Kwondũ wa ũu Yosua ambata kuma Ngilikali, we, na andũ onthe ma kaũ vamwe nake, na ngũmbaũ nene syonthe.</verse>
				<verse number="8">Na Yeova amwĩa Yosua, Ndũkamakĩe: nũndũ nĩnĩmanenganĩte mokonĩ maku; kũtikaũngama mũndũ wamo mbee waku.</verse>
				<verse number="9">Na kwondũ wa ũu Yosua amakuthũkĩa na kĩthũlũmũko; nũndũ ambatie kuma Ngilikali ũtukũ w’onthe.</verse>
				<verse number="10">Na Yeova amathokoan’ya mbee wa Isilaeli, na amoaĩa na ũai mũnene ku Ngiveoni, na amalũngya na nzĩa ya kyambato kya Mbethi‐oloni, na amakũnĩa kũvika Aseka, na kũvika Maketa.</verse>
				<verse number="11">Na kweethĩwa, makĩkũka mbee wa Isilaeli, me kĩtheeonĩ kya Mbethi‐oloni, Yeova amekya mavia manene kuma ĩtunĩ kũvika Aseka, na makw’a: ala makwie na mbua ya mavia maĩ aingĩ kwĩ ala ana ma Isilaeli mooaie na ũvyũ.</verse>
				<verse number="12">Nĩvo ĩndĩ Yosua waneenie na Yeova mũthenya ũla Yeova wanenganie Aamoli kũla kwĩ ana ma Isilaeli; na asya Isilaeli mene, Syũa, ũngama ki ĩũlũ wa Ngiveoni; Naku, Mwei, mwandanĩ wa Aiyaloni.</verse>
				<verse number="13">Nayo syũa yaũngama ki, na mwei weeteela Mũvaka ĩla mbaĩ yeeĩvanĩsya amaithanĩ mayo. Ũu ti mũandĩke ĩvukunĩ ya Yasali? Na syũa yaũngama ĩtunĩ katĩ, na yĩtyaaĩkalaata kũthũa ta ĩvinda ya mũthenya mũima.</verse>
				<verse number="14">Na kũtyaĩ mũthenya ta ũsu mbee waw’o kana ĩtina waw’o, ũndũ Yeova wethukĩĩsye wasya wa mũndũ: nĩkwĩthĩwa Yeova nĩwamokitĩie Isilaeli.</verse>
				<verse number="15">Na Yosua asyoka, we na Isilaeli onthe vamwe nake, mwakonĩ wa maeema Ngilikali.</verse>
				<verse number="16">Na asumbĩ asu atano makũka, na meevitha ngunganĩ ku Maketa.</verse>
				<verse number="17">Na Yosua atavw’a, kũkyaw’a, Asumbĩ asu atano nĩ oneku, mevithĩte ĩla ngunganĩ ku Maketa.</verse>
				<verse number="18">Na Yosua asya, Vingilitĩĩlyai mavia manene mũomonĩ wa ngunga, na mũkia andũ vakuvĩ nayo mamasũvĩe:</verse>
				<verse number="19">ĩndĩ inyw’ĩ mũtikaũngame; atĩĩai amaitha menyu, na mũimakũna ala me ĩtina; mũtikamaeke malike ndũanĩ syoo: nũndũ Yeova Ngai wenyu nũmanenganĩte mokonĩ menyu.</verse>
				<verse number="20">Na kweethĩwa, yĩla Yosua na ana ma Isilaeli maĩ manamina kũmoaa na ũai mũnene mũno, mũvaka mamamina, na ũtialo ũla watialile wamo waĩ ũnalika ila ndũanĩ mbiie,</verse>
				<verse number="21">andũ onthe masyoka mwakonĩ wa maeema kwa Yosua ku Maketa me na mũuo: kũtyaĩ ũmwe waaũkĩlya ũĩmĩ ĩũlũ wa ana ma Isilaeli o na ũmwe.</verse>
				<verse number="22">Nĩvo ĩndĩ Yosua waisye, Vingũai mũomo wa ngunga, na mũinũmaalĩĩlya asumbĩ asu atano ngunganĩ.</verse>
				<verse number="23">Na meeka ũu, na mamumaalĩĩlya asumbĩ asu atano ngunganĩ, ũla mũsumbĩ wa Yelusaleme, na mũsumbĩ wa Eviloni, na mũsumbĩ wa Yalimuthi, na mũsumbĩ wa Lakisi, na mũsumbĩ wa Ekeloni.</verse>
				<verse number="24">Na kweethĩwa, yĩla mamumaalĩĩlye Yosua asumbĩ asu, Yosua atũmana andũ onthe ma Isilaeli, na amea anene ma andũ ma kaũ ala maendie nake, Thengeeai, mũkinyĩthye maũũ menyu ngingonĩ sya asumbĩ aa. Na mathengeea, na makinyĩthya maũũ moo ngingonĩ syoo.</verse>
				<verse number="25">Na Yosua amea, Mũikakĩe, o na kũteva; ĩthĩwai na vinya na ũkũmbaũ mũnene: nũndũ ũũ nĩw’o Yeova wĩmeka amaitha menyu onthe ala mũũkita namo.</verse>
				<verse number="26">Na ĩtina Yosua amakũna, na amoaa, na kũmasũsya mĩtĩnĩ ĩtano: na masũa ĩla mĩtĩnĩ kũvika wĩoo.</verse>
				<verse number="27">Na kweethĩwa ĩvinda ya syũa yĩkĩthũa, Yosua aumya mwĩao, na mamaumya mĩtĩnĩ, na mamekya ngunganĩ ĩla meevithĩte, na maia mavia manene mũomonĩ wa ngunga, kũvika mũthenya ũũ wa ũmũnthĩ.</verse>
				<verse number="28">Na Yosua akwata Maketa mũthenya ũsu, na amĩkũna kwa kũmĩtemanga na ũvyũ, na mũsumbĩ wayo: amananga vyũ na andũ onthe ala maĩ nthĩnĩ wayo; ndaatialya o na ũmwe; na amwĩka mũsumbĩ wa Maketa o tondũ waĩ anamwĩka mũsumbĩ wa Yeliko.</verse>
				<verse number="29">Na Yosua avĩta kuma Maketa, e na Isilaeli onthe, kũvika Livina, na mokita na Livina:</verse>
				<verse number="30">nayo Yeova amĩnengane, na mũsumbĩ wayo, kw’okonĩ kwa Isilaeli; na amĩkũna kwa kũmĩtemanga na ũvyũ, na andũ onthe ala maĩ nthĩnĩ wayo; ndaatialya o na ũmwe vo; na amwĩka mũsumbĩ wayo o tondũ waĩ anamwĩka mũsumbĩ wa Yeliko.</verse>
				<verse number="31">Na Yosua avĩta kuma Livina, e na Isilaeli onthe, kũvika Lakisi, na mamba maeema mamĩtaũĩĩe, na mokita nayo:</verse>
				<verse number="32">na Yeova amĩnengane Lakisi kw’okonĩ kwa Isilaeli; na amĩkwata ũnĩ ũsu, na amĩkũna kwa kũmĩtemanga na ũvyũ, na andũ onthe ala maĩ nthĩnĩ wayo, kwĩanana na w’onthe ũla waĩ aneeka Livina.</verse>
				<verse number="33">Nĩvo ĩndĩ Olamu mũsumbĩ wa Ngeseli wambatie amĩtethye Lakisi; na Yosua amũkũna na andũ make, mũvaka ndaamũtialya o na ũmwe.</verse>
				<verse number="34">Na Yosua avĩta kuma Lakisi, e na Isilaeli onthe, kũvika Ekeloni; na mamba maeema maĩtaũĩĩe, na mokita nayo;</verse>
				<verse number="35">na mamĩkwata mũthenya ũsu, na mamĩkũna kwa kũmĩtemanga na ũvyũ; na andũ onthe ala maĩ nthĩnĩ wayo aananga vyũ mũthenya ũsu, kwĩanana na w’onthe ũla waĩ aneeka Lakisi.</verse>
				<verse number="36">Na Yosua ambata kuma Ekeloni, e na Isilaeli onthe, kũvika Eviloni; na mokita nayo:</verse>
				<verse number="37">na mamĩkwata, na mamĩkũna kwa kũmĩtemanga na ũvyũ, na mũsumbĩ wayo, na ndũa syonthe syayo, na andũ onthe ala maĩ nthĩnĩ wayo; ndaatĩalya o na ũmwe, kwĩanana na w’onthe ũla waĩ aneeka Ekeloni; ĩndĩ amyananga vyũ, na andũ onthe ala maĩ nthĩnĩ wayo.</verse>
				<verse number="38">Na Yosua asyoka, e na Isilaeli onthe, kũvika Ndevili, na mokita nayo;</verse>
				<verse number="39">na amĩkwata, na mũsumbĩ wayo na ndũa syonthe syayo; na mamakũna kwa kũmatemanga na ũvyũ, na mooaa vyũ andũ onthe ala maĩ nthĩnĩ wayo; ndaatĩalya o na ũmwe: o tondũ waĩ aneeka Eviloni, o ta ũu eekie Ndevili, na mũsumbĩ wayo; o na tondũ waĩ aneeka Livina nayo, na mũsumbĩ wayo.</verse>
				<verse number="40">O ta ũu Yosua akũna nthĩ yonthe, nthĩ yĩ iĩma, na nthĩ yĩ Ĩtheo, na nthĩ ndindimalu, na ivaũũko, na asumbĩ onthe masyo: ndaatialya o na ũmwe, ĩndĩ aananga vyũ onthe ala mavevaa, o tondũ Yeova, Ngai wa Isilaeli, weaie.</verse>
				<verse number="41">Na Yosua amakũna kuma Katesi‐mbalinea o kũvika Ngasa, na nthĩ yonthe ya Ngoseni, o kũvika Ngiveoni.</verse>
				<verse number="42">Na asumbĩ asu onthe na nthĩ syoo Yosua akwata ĩvinda yĩmwe, nĩkwĩthĩwa Yeova, Ngai wa Isilaeli, okitĩaa Isilaeli.</verse>
				<verse number="43">Na Yosua asyoka mwakonĩ wa maeema Ngilikali, e na Isilaeli onthe.</verse>
			</chapter>
			<chapter number="11">
				<verse number="1">Na kweethĩwa, yĩla Yavini mũsumbĩ wa Asoli wewie ũndũ ũsu, atũmana Yovavu mũsumbĩ wa Matoni, na mũsumbĩ wa Similoni, na mũsumbĩ wa Akisavu,</verse>
				<verse number="2">na asumbĩ ala maĩ ngalĩ ya ĩũlũ, nthĩ yĩ iĩma, na Alava ngalĩ ya ĩtheo wa Kinelethi, na nthĩ ndindimalu, na motũlunĩ ma Ndoli ngalĩ ya ũthũĩlonĩ wa syũa,</verse>
				<verse number="3">kwa Mũkanaani ngalĩ ya wumĩlonĩ wa syũa na ngalĩ ya ũthũĩlonĩ wa syũa, na kwa Mũamoli, na kwa Mũititi, na kwa Mũvelisi, na kwa Mũyevusi nthĩ yĩ iĩma, na kwa Mũivi ũla wĩ ĩtheo wa Elimoni nthĩ ya Misiva.</verse>
				<verse number="4">Na maumaala, mo na nguthu, syoo syonthe vamwe nao, andũ aingĩ, o ta kĩthangathĩ kĩla kĩ ũtee wa ũkanga ũndũ wa kwingĩva, me na mbalasi na ngalĩ nyingĩ nũno sya kaũ.</verse>
				<verse number="5">Na asumbĩ asu onthe makomana; na mavika na mamba maeema vamwe ũtee wa manzĩ ma Melomu, mokite na Isilaeli.</verse>
				<verse number="6">Na Yeova amwĩa Yosua, Ndũkakĩe nũndũ woo; nũndũ ũnĩ ta ĩvinda yĩĩ ngamanengane onthe me oae kũla kwĩ Isilaeli: nĩwĩtilanga mbalasi syoo mĩlangũ, na kũvĩvya makasya moo na mwaki.</verse>
				<verse number="7">Na ĩndĩ Yosua, e na andũ onthe ma kaũ, mamakitya ũtee wa manzĩ ma Melomu na kĩthũlũmũko, na mamavithũkĩa.</verse>
				<verse number="8">Na Yeova amanengane kw’okonĩ kwa Isilaeli, na mamakũna na mamalũngya kũvika Sitoni ĩla nene, na kũvika Misilevothi‐maimu, na kũvika mwandanĩ wa Misiva kwelekela ngalĩ ya wumĩlonĩ wa syũa; na mamakũna, mũvaka matyaatialya o na ũmwe.</verse>
				<verse number="9">Na Yosua ameka o tondũ Yeova wamwĩie: atilanga mbalasi syoo mĩlangũ, na avĩvya makasya moo na mwaki.</verse>
				<verse number="10">Na Yosua ĩvinda yĩu asyoka, na akwata Asoli, na amũtema mũsumbĩ wayo na ũvyũ: nũndũ tene Asoli yaĩ ndũa nene ya mosumbĩ asu onthe.</verse>
				<verse number="11">Na makũna andũ onthe ala maĩ nthĩnĩ wayo kwa kũmatemanga na ũvyũ, na kũmina vyũ; kũtyaĩ ũmwe waatiwa aiveva: na avĩvya Asoli na mwaki.</verse>
				<verse number="12">Na ndũa syonthe sya asumbĩ asu, na asumbĩ onthe masyo, Yosua akwata, na amakũna kwa kũmatemanga na ũvyũ, na amananga vyũ; o tondũ Mose mũthũkũmi wa Yeova weaie.</verse>
				<verse number="13">Ĩndĩ ũndũ wa ndũa ila syatiĩtwe syĩ nũmũ ũtũlunĩ wasyo, Isilaeli matyaaivĩvya o na ĩmwe, ate o Asoli yoka; nĩyo Yosua wavĩvisye.</verse>
				<verse number="14">Na mũtavo w’onthe wa ndũa isu, o na ĩndo, ana ma Isilaeli meeyosea itw’ĩke mũtavo; ĩndĩ kĩla mũndũ nĩmamũkũnie kwa kũmũtemanga na ũvyũ, mũvaka mamamina, o na matyaatialya o na ũmwe aiveva.</verse>
				<verse number="15">O tondũ Yeova wamwĩaĩe Mose mũthũkũmi wake, now’o Mose weaĩe Yosua; na now’o Yosua wekie; ndaatialya ũndũ ũtekĩtwe wa w’onthe ũla Yeova weaĩe Mose.</verse>
				<verse number="16">O ta ũu Yosua akwata nthĩ ĩsu yonthe, nthĩ yĩ iĩma, na nthĩ yonthe ya ngalĩ ya Ĩtheo, na nthĩ yonthe ya Ngoseni, na nthĩ ndindimalu, na Alava, na nthĩ ya Isilaeli yĩ iĩma, na nthĩ ndindimalu yayo;</verse>
				<verse number="17">kuma kĩĩma kya Alaki, kĩla kĩtambũũkĩte kũvika Seili, o kũvika Mbaali‐ngati mwandanĩ wa Levanoni itheo wa kĩĩma kya Elimoni: na akwata asumbĩ masyo onthe, na amakũna, na amoaa.</verse>
				<verse number="18">Yosua okita ĩvinda ĩasa na asumbĩ asu onthe.</verse>
				<verse number="19">Kũtyaĩ ndũa ĩla yaseũvisye mũuo na ana ma Isilaeli, ate o Aivi ala matwĩe Ngiveoni: ila ingĩ syonthe makwatie na kaũ.</verse>
				<verse number="20">Nũndũ kwaĩ ũndũ wa Yeova kũmya ngoo syoo, mokite na Isilaeli, nĩ kana amamine vyũ, matikew’ĩwe ĩnee, ĩndĩ nĩ kana amamine, o tondũ Yeova wamwĩaĩe Mose.</verse>
				<verse number="21">Na Yosua athi ĩvinda yĩu, na amaveta Aanaki nthĩ yĩ iĩma, kuma ku Eviloni, na Ndevili, na Anavu, na nthĩ yonthe ya Yuta yĩ iĩma, na nthĩ yonthe ya Isilaeli yĩ iĩma: Yosua amamina vyũ vamwe na ndũa syoo.</verse>
				<verse number="22">Kũtyaĩ ũmwe wa Aanaki waatiala nthĩ ya ana ma Isilaeli: ate o amwe matialile Ngasa, na Ngathi, na Asitoti.</verse>
				<verse number="23">O ta ũu Yosua akwata nthĩ yonthe, kwĩanana na w’onthe ũla Yeova watavisye Mose; na Yosua amĩnengane kwa Isilaeli yĩthĩwe ũtiĩwa kwĩanana na ũaan’yo woo wa mbaĩ. Na nthĩ yathũmũĩa kaũ.</verse>
			</chapter>
			<chapter number="12">
				<verse number="1">Na ĩndĩ aa nĩo asumbĩ ma nthĩ ĩsu, ala ana ma Isilaeli makũnie, na mamĩmesya nthĩ yoo mũingo wa Yolotani kwelekela vala syũa yumĩlaa, kuma mwanda wa Alinoni kũvika kĩĩma kya Elimoni, na Alava w’onthe kwelekela ngalĩ ya wumĩlonĩ wa syũa:</verse>
				<verse number="2">Sioni mũsumbĩ wa Aamoli, ũla watwĩe Esivoni, na aisumbĩka kuma Aloeli, ĩla yĩ ũtee wa mwanda wa Alinoni, na ndũanĩ ĩla yĩ mwandanĩ katĩ, na nyunzu ya Ngileati, o kũvika ũsĩ wa Yavoki, mũvaka wa ana ma Amimoni;</verse>
				<verse number="3">na ũla Alava, kũvika ũkanga wa Kinelethi, kwelekela ngalĩ ya wumĩlonĩ wa syũa, na kũvika ũkanga wa Alava, o ũsu Ũkanga wa Mũnyũ, kwelekela ngalĩ ya wumĩlonĩ wa syũa, nzĩanĩ ya kũthi Mbethi‐yesimothi; na ngalĩ ya ĩtheo, ĩtheo wa ivaũũko sya Visika:</verse>
				<verse number="4">o na mũvaka wa Oku mũsumbĩ wa Mbasanĩ, wa ala matialĩte ma Alevai, ala matwĩe Asetalothi na Etilei,</verse>
				<verse number="5">na asumbĩka kĩĩmanĩ kya Elimoni, na Saleka, na Mbasani yonthe, kũvika mũvakanĩ wa Angesuli na Amaaka na nyunzu ya Ngileati, mũvaka wa Sioni mũsumbĩ wa Esivoni.</verse>
				<verse number="6">Mose mũthũkũmi wa Yeova na ana ma Isilaeli mamakũna; na Mose mũthũkũmi wa Yeova amĩnengane kwa Aleuveni, na Angati, na nyunzu ya mbaĩ ya Manase yĩthĩwe ng’ũndũ yoo.</verse>
				<verse number="7">Na aa nĩo asumbĩ ma nthĩ ĩla Yosua na ana ma Isilaeli makũnie mũingo wa Yolotani kwelekela ngalĩ ya ũthũĩlonĩ wa syũa, kuma Mbaali‐ngati mwandanĩ wa Levanoni o na kũvika kĩĩma kya Alaki, kĩla kĩtambũũkĩte kũvika Seili (na Yosua amĩnengane kwa mbaĩ sya Isilaeli, yĩthĩwe ng’ũndũ yoo kwĩanana na ũaan’yo woo;</verse>
				<verse number="8">nthĩ yĩ iĩma, na nthĩ ndindimalu, na ũla Alava, na ivaũũkonĩ, na weũnĩ na nthĩ ya yĩ Ĩtheo; Mũititi, na Mũamoli, na Mũkanaani, na Mũvelisi, na Mũivi, na Mũyevusi):</verse>
				<verse number="9">mũsumbĩ wa Yeliko, ũmwe; na mũsumbĩ wa Ai, yĩ vakuvĩ na Mbethi‐eli, ũmwe;</verse>
				<verse number="10">na mũsumbĩ wa Yelusaleme, ũmwe; na mũsumbĩ wa Eviloni, ũmwe;</verse>
				<verse number="11">na mũsumbĩ wa Yalimuthi, ũmwe; na mũsumbĩ wa Lakisi, ũmwe;</verse>
				<verse number="12">na mũsumbĩ wa Ekeloni, ũmwe; na mũsumbĩ wa Ngeselĩ, ũmwe;</verse>
				<verse number="13">na mũsumbĩ wa Ndevili ũmwe; na mũsumbĩ wa Ngeteli, ũmwe;</verse>
				<verse number="14">na mũsumbĩ wa Olima, ũmwe; na mũsumbĩ wa Alati, ũmwe;</verse>
				<verse number="15">na mũsumbĩ wa Livina, ũmwe; na mũsumbĩ wa Atulamu, ũmwe;</verse>
				<verse number="16">na mũsumbĩ wa Maketa, ũmwe; na mũsumbĩ wa Mbethi‐eli, ũmwe;</verse>
				<verse number="17">na mũsumbĩ wa Tavua, ũmwe; na mũsumbĩ wa Eevieli, ũmwe;</verse>
				<verse number="18">na mũsumbĩ wa Aveki, ũmwe; na mũsumbĩ wa Lasaloni, ũmwe;</verse>
				<verse number="19">na mũsumbĩ wa Matoni, ũmwe; na mũsumbĩ wa Asoli, ũmwe;</verse>
				<verse number="20">na mũsumbĩ wa Similonimeloni, ũmwe; na mũsumbĩ wa Akisavu, ũmwe;</verse>
				<verse number="21">na mũsumbĩ wa Taanaki, ũmwe; na mũsumbĩ wa Mekito, ũmwe;</verse>
				<verse number="22">na mũsumbĩ wa Ketesi, ũmwe; na mũsumbĩ wa Yokineamu ku Kalimeli, ũmwe;</verse>
				<verse number="23">na mũsumbĩ wa Ndoli ũtũlunĩ wa Ndoli, ũmwe; na mũsumbĩ wa Ngoiimu ku Ngilikali, ũmwe;</verse>
				<verse number="24">na mũsumbĩ wa Tilisa, ũmwe: asumbĩ onthe maĩ mĩongo ĩtatũ na ũmwe.</verse>
			</chapter>
			<chapter number="13">
				<verse number="1">Na ĩndĩ Yosua aĩ mũkũu na wa myaka mingĩ; na Yeova amwĩa, Wĩ mũkũu na wa myaka mingĩ, na kũtiele o na yu nthĩ nene mũno ya kwoswa yĩthĩwe ng’ũndũ yenyu.</verse>
				<verse number="2">Nthĩ ĩla itiele o na yu nĩ ĩno: nthĩ syonthe sya Avilisiti, na Angesuli onthe;</verse>
				<verse number="3">kuma ũsĩ wa Sioli, ũla ũthengeee Misili, o na kũvika mũvakanĩ wa Ekiloni welekele ngalĩ ya ĩũlũ, nthĩ ĩla ĩtalawa ya Akanaani: na eaĩi atano ma Avilisiti; na Angasa, na Aasitoti, na Aasikeloni, na Angiti, na Aekiloni; o na Aavi,</verse>
				<verse number="4">ngalĩ ya ĩtheo; nthĩ yonthe ya Akanaani, na Meala ĩla ya Asitoni, kũvika Aveki, kũvika mũvakanĩ wa Aamoli;</verse>
				<verse number="5">na nthĩ ya Angevali, na Levanoni w’onthe, kwelekela wumĩlonĩ wa syũa, kuma Mbaali‐ngati ĩtheo wa kĩĩma kya Elimoni kũvika ũlikĩlonĩ wa ku Amathi;</verse>
				<verse number="6">onthe ala matwĩe nthĩ yĩ iĩma kuma Levanoni kũvika Misilevothi‐maimu, o Asitoni onthe; asu ngamalũngya kuma mbee wa ana ma Isilaeli: ĩndĩ wĩaan’ya kwa kũlimana yĩthĩwe ya Isilaeli ũtiĩwa woo, o tondũ nĩkwĩaĩte.</verse>
				<verse number="7">Na ĩndĩ kwondũ wa ũu wĩaan’ya nthĩ ĩsu yĩthĩwe ũtiĩwa wa ila mbaĩ kenda, na nyunzu ya mbaĩ ya Manase.</verse>
				<verse number="8">Vamwe nayo Aleuveni na Angati nĩmoosie ũtiĩwa woo, ũla Mose wamanengie, mũingo wa Yolotani kwelekela ngalĩ ya wumĩlonĩ wa syũa, o tondũ Mose mũthũkũmi wa Yeova wamanengie:</verse>
				<verse number="9">kuma Aloeli, ĩla yĩ ũtee wa mwanda wa Alinoni, na ndũa ĩla yĩ mwandanĩ katĩ, na ũiĩ w’onthe wa Meteva kũvika Ndivoni;</verse>
				<verse number="10">na ndũa syonthe sya Sioni mũsumbĩ wa Aamoli, ũla wasumbĩkie Esivoni, kũvika mũvakanĩ wa ana ma Amimoni;</verse>
				<verse number="11">na Ngileati, na mũvaka wa Angesuli na Amaaka, na kĩĩma kyonthe kya Elimoni, na Mbasani yonthe kũvika Saleka;</verse>
				<verse number="12">ũsumbĩko w’onthe wa Oku ku Mbasani, ũla wasumbĩkie Asetalothi na Atilei (o asu nĩmatialĩte ma ũtialo wa Alevai); nũndũ Mose amakũnie asu, na amalũngya.</verse>
				<verse number="13">Ĩndĩ ana ma Isilaeli matyaalũngya Angesuli, o na Amaaka, ĩndĩ Angesuli na Amaaka matũaa katĩ wa Isilaeli kũvika mũnthĩ ũũ.</verse>
				<verse number="14">Ĩndĩ mbaĩ ya Livai ndaamĩnenga ũtiĩwa; nthembo sya Yeova, Ngai wa Isilaeli, ivĩvaw’a na mwaki nĩsyo ũtiĩwa woo, o tondũ wamatavisye.</verse>
				<verse number="15">Na Mose anenga mbaĩ ya ana ma Leuveni nthĩ kwĩanana na mĩvĩa yoo.</verse>
				<verse number="16">Na mũvaka woo waĩ kuma Aloeli, ĩla yĩ ũtee wa mwanda wa Alinoni, na ndũa ĩla yĩ mwandanĩ katĩ, na ũiĩ w’onthe wa vakuvĩ na Meteva;</verse>
				<verse number="17">na Esivoni, na ndũa syonthe syayo ila syĩ ũiĩnĩ; na Ndivoni, na Mbamothi‐mbaali, na Mbethi‐mbaali‐meoni,</verse>
				<verse number="18">na Yaasa, na Ketemothi, na Mevaathi,</verse>
				<verse number="19">na Kiliathaimu, na Sivima, na Nzelethi‐saali kalĩmanĩ ke mwandanĩ,</verse>
				<verse number="20">na Mbethiveoli, na ĩvaũũko sya Visika, na Mbethi‐yesimothi,</verse>
				<verse number="21">na ndũa syonthe sya ũiĩ, na ũsumbĩko w’onthe wa Sioni mũsumbĩ wa Aamoli, ũla wasumbĩkie ku Esivoni, ũla Mose wakũnie vamwe na anene ma Mitiani, Evi, na Lekemu, na Nzuli, na Uulu, na Leva, ala anene me mbee ũsumbĩnĩ wa Sioni, ala matwĩe nthĩ ĩsu.</verse>
				<verse number="22">Mbalaamu nake mwana wa Mbeoli, ũla wathanaa maũndũ, ana ma Isilaeli mamũaa na ũvyũ vamwe na ala angĩ mooaie.</verse>
				<verse number="23">Na mũvaka wa ana ma Leuveni waĩ Yolotani, o ngũkanĩ yaw’o. Ũsu waĩ ũtiĩwa wa ana ma Leuveni kwĩanana na mĩvĩa yoo, o ndũa syoo, na mĩsyĩ yoo.</verse>
				<verse number="24">Na Mose anenga mbaĩ ya Ngati, o ana ma Ngati, nthĩ kwĩanana na mĩvĩa yoo.</verse>
				<verse number="25">Na mũvaka woo waĩ Yaseli, na ndũa syonthe sya Ngileati, na nyunzu ya nthĩ ya ana ma Amimoni, kũvika Aloeli ĩla yelekele Lava;</verse>
				<verse number="26">na kuma Esivoni kũvika Lamathi‐misive, na Mbetonimu; na kuma Maanaimu kũvika mũvaka wa Ndevili;</verse>
				<verse number="27">na mwandanĩ, Mbethi‐alamu, na Mbethinimila, na Sũkothi, na Nzavoni, ũtialo wa ũsumbĩko wa Sioni mũsumbĩ wa Esivoni, ku Yolotani ngũkanĩ yaw’o, kũvika mũthelelo wa ũkanga wa Kinelethi mũingo wa Yolotani kwelekela ngalĩ ya wumĩlonĩ wa syũa.</verse>
				<verse number="28">Ũsu nĩw’o ũtiĩwa wa ana ma Ngati, ndũa syoo na mĩsyĩ yoo, kwĩanana na mĩvĩa yoo.</verse>
				<verse number="29">Na Mose anenga ĩla nyunzu ya mbaĩ ya Manase ũtiĩwa: na waĩ kwondũ wa ĩla nyunzu ya mbaĩ ya Manase kwĩanana na mĩvĩa yoo.</verse>
				<verse number="30">Na mũvaka woo waĩ kuma Maanaimu, Mbasani yonthe, ũsumbĩko w’onthe wa Oku mũsumbĩ wa Mbasani, na tũtũla tw’onthe twa Yaili tũla twĩ Mbasani, o ndũa mĩongo thanthatũ:</verse>
				<verse number="31">na nyunzu ya Ngileati, na Asetalothi, na Atilei, ndũa sya ũsumbĩko wa Oku ku Mbasani, syaĩ sya ana ma Makili mwana wa Manase, o asu nyunzũ ya ana ma Makili kwĩanana na mĩvĩa yoo.</verse>
				<verse number="32">Asu nĩmo motiĩwa ala Mose waaanisye ndiĩnĩ sya Moavi, mũingo wa Yolotani ku Yelĩko, kwelekela ngalĩ ya wumĩlonĩ wa syũa.</verse>
				<verse number="33">Ĩndĩ mbaĩ ya Livai Mose ndaamanenga ũtiĩwa: Yeova, Ngai wa Isilaeli, nĩ ũtiĩwa woo, o tondũ wamatavisye.</verse>
			</chapter>
			<chapter number="14">
				<verse number="1">Na asu nĩmo motiĩwa ala ana ma Isilaeli moosie nthĩ ya Kanaani, ala mũthembĩ Eleasali, na Yosua mwana wa Nuni, na atongoi ma nyũmba sya aaĩthe ma mbaĩ sya ana ma Isilaeli, mamaaanisye,</verse>
				<verse number="2">kwondũ wa kũlimana kwa ũtiĩwa woo, o tondũ Yeova weaie na kanyw’a wa Mose, kwondũ wa ila mbaĩ kenda, na ĩla nyunzu ya mbaĩ.</verse>
				<verse number="3">Nũndũ Mose aĩ anainenga ũtiĩwa mbaĩ ilĩ na nyunzu ya mbaĩ mũingo wa Yolotani: ĩndĩ ndaanenga Alivai ũtiĩwa katĩ woo.</verse>
				<verse number="4">Nũndũ ana ma Yosevu maĩ mbaĩ ilĩ, Manase na Evalaimu: na matyaanenga Alivai kĩanda nthĩ ĩsu, ate o ndũa sya kũtũaa, vamwe na syengo syasyo kwondũ wa indo syoo na kwondũ wa kwia syĩndũ syoo.</verse>
				<verse number="5">O tondũ Yeova weaĩa Mose, now’o ana ma Isilaeli meekie; na maaan’ya nthĩ.</verse>
				<verse number="6">Nivo ĩndĩ ana ma Yuta mathengeeie Yosua ku Ngilikali: na Kalevu mwana wa Yevune Mũkenisi amwĩa, Nĩwĩsĩ ũndũ ũla Yeova wamũtavisye Mose mũndũ wa Ngai ũndũ wakwa na ũndũ waku ku Katesi‐mbalinea.</verse>
				<verse number="7">Naĩ wa myaka mĩongo ĩna yĩla Mose mũthũkũmi wa Yeova wandũmie kuma Katesi‐mbalinea nĩthiane ĩ nthĩ; na namũtũngĩa ũvoo o tondũ wailyĩ ngoonĩ yakwa.</verse>
				<verse number="8">Ĩndĩ ana‐a‐asa makwa ala mambatie vamwe nakwa matuma ngoo sya andũ itweka: ĩndĩ nyie nĩnamũatĩĩe Yeova Ngai wakwa ki.</verse>
				<verse number="9">Na Mose eevĩta mũthenya ũsu, akĩmbĩa, Vate ndĩi, nthĩ ĩla kũũ kwaku kũkinyangĩle ĩkeethĩwa ũtiĩwa waku na wa syana syaku tene na tene, nũndũ nũmũvikĩlĩte Yeova Ngai waku ki.</verse>
				<verse number="10">Na yu, sisya, Yeova nũmbĩkalĩtye nĩ thayũ, o tondũ waneenie, myaka ĩno mĩongo ĩna na ĩtano, kuma ĩvinda yĩla Yeova watavisye Mose ndeto ĩno, o yĩla Isilaeli mangangaa weũnĩ: na yu, sisya, ũmũnthĩ nĩ wa myaka mĩongo nyanya na ĩtano.</verse>
				<verse number="11">O na yu nĩ na vinya ũmũnthĩ o tondũ naĩ naw’o mũthenya ũla Mose wandũmie: o tondũ vinya wakwa wailyĩ ĩvinda yĩu, now’o vinya wakwa ũilyĩ yu, kwondũ wa kaũ, na kwondũ wa kumaala na kũsyoka.</verse>
				<verse number="12">Na ĩndĩ kwondũ wa ũu nenga nthĩ ĩno yĩ iĩma, ĩla Yeova waneenie ũndũ wayo mũthenya ũsu; nũndũ we nĩweewie mũthenya ũsu kana Aanaki maĩ kw’o, na ndũa nene na mbiie: nokwĩthĩwa Yeova akeethĩwa vamwe nakwa, na ngamalũngya, o tondũ Yeova waneenie.</verse>
				<verse number="13">Na Yosua amũathima, na amũnenga Kalevu mwana wa Yevune ku Eviloni yĩthĩwe ũtiĩwa.</verse>
				<verse number="14">Kwondũ wa ũu Eviloni yatw’ĩka ũtiĩwa wa Kalevu mwana wa Yevune Mũkenisi kũvika ũmũnthĩ; nũndũ nĩwamũatĩĩe ki Yeova, Ngai wa Isilaeli.</verse>
				<verse number="15">Na ĩndĩ syĩtwa ya Eviloni tene yeetawa Kiliathi‐aliva; ũsu Aliva aĩ mũndũ mũnene kwĩ onthe katĩ wa Aanaki. Na ĩ nthĩ yathũmũĩa kaũ.</verse>
			</chapter>
			<chapter number="15">
				<verse number="1">Na mũlimano kwondũ wa mbaĩ ya ana ma Yuta kũatĩĩa mĩvĩa yoo waĩ wa kũvika mũvaka wa Etomu, o kũvika weũ wa Nzini kwelekela ngalĩ ya ĩtheo, mũthelelo wa ngalĩ ya ĩtheo.</verse>
				<verse number="2">Na mũvaka woo wa ngalĩ ya ĩtheo waĩ kuma mũthelelo wa Ũkanga wa Mũnyũ, kuma kyokonĩ kĩla kyelekele ngalĩ ya ĩtheo;</verse>
				<verse number="3">na waumĩla ngalĩ ya ĩtheo ya kyambato kya Akilavimu na, waendeea kũvika Nzini, na wambata ngalĩ ya ĩtheo ya Katesi‐mbalinea, na waendeea vakuvĩ na Esiloni, na wambata kũvika Atali, na weelingĩla kwelekela Kalika;</verse>
				<verse number="4">na waendeea kũvika Asimoni na waumĩlĩla kalũsĩnĩ ka Misili; na ũmalĩlo waw’o waĩ ũkanganĩ: ũsu nĩw’o ũkethĩwa mũvaka wenyu wa ngalĩ ya ĩtheo.</verse>
				<verse number="5">Na mũvaka wa ngalĩ ya wumĩlonĩ wa syũa waĩ Ũkanga wa Mũnyũ o kũvika mũthelelo wa Yolotani. Na mũvaka wa ngalĩ ya ĩũlũ waĩ kuma kyokonĩ kya ũkanga mũthelelonĩ wa Yolotani;</verse>
				<verse number="6">na mũvaka wambata kũvika Mbethi‐okila, na waendeea ngalĩ ya ĩũlũ ya Mbethi‐alava; na mũvaka wambata wavika ĩvia ya Mboanĩ mwana wa Leuvenĩ;</verse>
				<verse number="7">na mũvaka wambata kũvika Ndevili kuma mwandanĩ wa Akoli, na ta ũu waendeea kwelekela ngalĩ ya ĩũlũ, kwelekela Ngilikali, ĩla yelekele kyambato kya Atumimu, ĩla yĩ ngalĩ ya ĩtheo ya ũsĩ: na mũvaka waendeea wavika manzĩnĩ ma Eni‐semesi, na umalĩlo waw’o waĩ Eni‐lokeli;</verse>
				<verse number="8">na mũvaka wambata waendeea kyandanĩ kya mwana wa Inomu kũvika ngalĩ ya Mũyevusi kwelekela ngalĩ ya ĩtheo (nayo nĩ Yelusaleme); na mũvaka wambata waendeea kũvika mũtumbĩnĩ wa kĩĩma kĩla kĩthengeee kyanda kya Inomu ngalĩ ya ũthũĩlonĩ wa syũa, kĩla kĩ mũthelelo wa mwanda wa Alevai kwelekela ngalĩ ya ĩũlũ;</verse>
				<verse number="9">na mũvaka waendeea kuma mũtumbĩnĩ wa kĩĩma kũvika nthongo ya manzĩ ma Nevitoa oa waendeea kũvika ndũa sya kĩĩma kya Eveloni; na mũvaka wavika ku Mbaala (nayo nĩ Kiliathi‐yealimu);</verse>
				<verse number="10">na mũvaka weelingĩla kuma Mbaala kwelekela ngalĩ ya ũthũĩlonĩ wa syũa kũvika kĩĩma kya Seili, na waendeea kũvika mũkyamanonĩ wa kĩĩma kya Yealimu kĩla kĩ ngalĩ ya ĩũlũ (nakyo nĩ Kesaloni), na watheea kũvika Mbethi‐semesi, na waendeea vakuvĩ na Timina;</verse>
				<verse number="11">na mũvaka waumĩla ũtee wa Ekiloni, kwelekela ngalĩ ya ĩũlũ; na mũvaka wavika Sikeloni, na waendeea wavika kĩĩma kya Mbaala, na waumĩla ku Yavineeli; na umalĩlo waw’o waĩ ũkanganĩ.</verse>
				<verse number="12">Na mũvaka wa ngalĩ ya ũthũĩlonĩ wa syũa wavika ũkanga mũnene, na mũvaka waw’o. Ũsu nĩw’o mũvaka wa ana ma Yuta ũthyũlũlũkĩte ngalĩ syonthe kwĩanana na mĩvĩa yoo.</verse>
				<verse number="13">Na anenga Kalevu mwana wa Yevune kĩanda katĩ wa ana ma Yuta, o tondũ Yeova wamwĩaĩe Yosua, o Kiliathi‐aliva, Aliva ũsu aĩ ĩthe wa Anaki (nĩyo Eviloni).</verse>
				<verse number="14">Na Kalevu alũngya vo ana atatũ ma Anaki: Sesai, na Aimani, na Talimai, ana ma Anaki.</verse>
				<verse number="15">Na ambata kw’o okite na andũ ala matwĩe Ndevili: na ĩndĩ syĩtwa ya Ndevili tene yeetawa Kiliathi‐seveli.</verse>
				<verse number="16">Na Kalevu asya, Ũla wĩkũna Kiliathi‐seveli, na kũmĩkwata, we ngamũnenga Akisa mwĩĩtu wakwa ethĩwe mũka.</verse>
				<verse number="17">Na Othinieli mwana wa Kenasi, mwana‐a‐inyia wa Kalevu, amĩkwata: na amũnenga Akisa mwĩĩtu wake ethĩwe mũka.</verse>
				<verse number="18">Na kweethĩwa, yĩla wokie vala ũĩ, amũingĩĩsya avoye ĩthe mũũnda: na auma ĩng’oinĩ yake; na Kalevu amũkũlya, Wĩenda kĩ?</verse>
				<verse number="19">Nake amũsũngĩa, Nenga ũathimo; nũndũ nũnenganĩte nthĩ ya ngalĩ ya Ĩtheo, nenga mbuluti sya manzĩ o nasyo. Na amũnenga mbuluti sya ĩũlũ na mbuluti sya ĩtheo.</verse>
				<verse number="20">Ũsu nĩw’o ũtiĩwa wa mbaĩ ya ana ma Yuta kũatĩĩa mĩvĩa yoo.</verse>
				<verse number="21">Na ndũa syĩ ngalĩ ya mũminũkĩlyo sya mbaĩ ya ana ma Yuta kwelekela mũvaka wa Etomu ngalĩ ya Ĩtheo syaĩ Kaviseeli, na Eteli, na Yakuli,</verse>
				<verse number="22">na Kina, na Ndimona, na Atata,</verse>
				<verse number="23">na Ketesi, na Asoli, na Ithinani,</verse>
				<verse number="24">na Nzivu, na Telemu, na Mbealothi,</verse>
				<verse number="25">na Asoliaatata, na Keliothi‐esiloni (nayo nĩ Asoli),</verse>
				<verse number="26">na Amamu, na Sema, na Molata,</verse>
				<verse number="27">na Asali‐ngata, na Esimoni, na Mbethi‐veleti,</verse>
				<verse number="28">na Asali‐suali, na Mbeeli‐sieva, na Mbisiothia,</verse>
				<verse number="29">na Mbaala, na Iimu, na Esemu,</verse>
				<verse number="30">na Elitolati, na Kesili, na Olima,</verse>
				<verse number="31">na Nzikilaki, na Matimana, na Sanisana,</verse>
				<verse number="32">na Levaothi, na Siliimu, na Aini, na Limoni: ndũa syonthe mĩongo ĩlĩ na kenda, vamwe na mĩsyĩ yasyo.</verse>
				<verse number="33">Nthĩ ndindimalu kwaĩ Esitaoli, na Nzola, na Asina,</verse>
				<verse number="34">na Nzanoa, na Eni‐nganimu, na Tavua, na Enamu,</verse>
				<verse number="35">na Yalimuthi, na Atulamu, na Soko, na Aseka,</verse>
				<verse number="36">na Saalaimu, na Atithaimu, na Ngetela, na Ngetelothaimu; ndũa ĩkũmi na inya na mĩsyĩ yasyo.</verse>
				<verse number="37">Nzenani, na Atasa, na Mikitalingati,</verse>
				<verse number="38">na Ndileani, na Misiva, na Yokitheeli,</verse>
				<verse number="39">na Lakisi na Mbosikathi, na Ekeloni,</verse>
				<verse number="40">na Kavoni, na Lamasi, na Kithilisi,</verse>
				<verse number="41">na Ngetelothi, na Mbethi‐ndakoni, na Naama, na Maketa; ndũa ĩkũmi na thanthatũ na mĩsyĩ yasyo.</verse>
				<verse number="42">Livina, na Etheli, na Asani,</verse>
				<verse number="43">na Ivita, na Asina, na Nesivu,</verse>
				<verse number="44">na Keila, na Akisivu, na Malesa; ndũa kenda na mĩsyĩ yasyo.</verse>
				<verse number="45">Ekiloni, vamwe na tũtũla twayo na mĩsyĩ yayo;</verse>
				<verse number="46">kuma Ekiloni kũvika ũkanga, tw’onthe tũla twaĩ ũtee wa Asitoti vamwe na mĩsyĩ yatw’o.</verse>
				<verse number="47">Asitoti, tũtũla twayo na mĩsyĩ yayo; Ngasa, tũtũla twayo na mĩsyĩ yayo; kũvika kalũsĩ ka Misili, na ũkanga mũnene, na mũvaka waw’o.</verse>
				<verse number="48">Na nthĩ yĩ iĩma kwaĩ Samili, na Yatili, na Soko,</verse>
				<verse number="49">na Ndana, na Kiliathi‐sana (nayo nĩ Ndevili),</verse>
				<verse number="50">na Anavu, na Esitemo, na Animu,</verse>
				<verse number="51">na Ngoseni, na Oloni, na Ngilo; ndũa ĩkũmi na ĩmwe na mĩsyĩ yasyo.</verse>
				<verse number="52">Alavu, na Nduma, na Esani,</verse>
				<verse number="53">na Yanumu, na Mbethi‐tavua, na Aveka,</verse>
				<verse number="54">na Umuta, na Kiliathi‐aliva (nayo nĩ Eviloni), na Nzioli; ndũa kenda na mĩsyĩ yasyo.</verse>
				<verse number="55">Maoni, na Kalimeli, na Nzivu, na Yute,</verse>
				<verse number="56">na Yesileeli, na Yokiteamu, na Nzanoa,</verse>
				<verse number="57">na Kaini, na Ngivea, na Timina; ndũa ĩkũmi na mĩsyĩ yasyo.</verse>
				<verse number="58">Aliuli, na Mbethi‐suli, na Ngetoli,</verse>
				<verse number="59">na Maalathi, na Mbethi‐anothi, na Elitekoni; ndũa thanthatũ na mĩsyĩ yasyo.</verse>
				<verse number="60">Kiliathi‐mbaali (nayo nĩ Kiliathi‐yealimu), na Lava; ndũa ilĩ na mĩsyĩ yasyo.</verse>
				<verse number="61">Weũnĩ kwaĩ Mbethi‐alava, na Mitini na Sakeka,</verse>
				<verse number="62">na Nivisani, na Ndũa ya Mũnyũ, na Eni‐ngeti; ndũa thanthatũ na mĩsyĩ yasyo.</verse>
				<verse number="63">Na ũvoo wa Ayevusi, ala matwĩe Yelusaleme, ana ma Yuta matyaatonya kũmalũngya: ĩndĩ Ayevusi matũaa vamwe na ana ma Yuta ku Yelusaleme kũvika ũmũnthĩ.</verse>
			</chapter>
			<chapter number="16">
				<verse number="1">Na mũlimano wambĩlĩla wa ana ma Yosevu kuma Yolotani ku Yeliko, manzĩnĩ ma Yeliko ngalĩ ya wumĩlonĩ wa syũa, o weũnĩ, ũkyambata kuma Yeliko kũvĩtĩla nthĩ yĩ iĩma kũvika Mbethi‐eli:</verse>
				<verse number="2">na wauma Mbethi‐eli wavika Lusu, na waendeea kũvika mũvaka wa Aaliiki ku Atalothi;</verse>
				<verse number="3">na watheea kwelekela ngalĩ ya ũthũĩlonĩ wa syũa kũvika mũvaka wa Ayavileti, kũvika mũvaka wa Mbethi‐oloni ĩla yĩ ĩtheo, o kũvika Ngeseli, na umalĩlo waw’o waĩ ũkanganĩ.</verse>
				<verse number="4">Na ana ma Yosevu, Manase na Evalaimu, moosa ũtiĩwa woo.</verse>
				<verse number="5">Na mũvaka wa ana ma Evalaimu kwĩanana na mĩvĩa yoo wailyĩ ũũ: mũvaka wa ũtiĩwa woo kwelekela ngalĩ ya wumĩlonĩ wa syũa waĩ Atalothi‐atali kũvika Mbethi‐oloni ĩla yĩ ĩũlũ;</verse>
				<verse number="6">na mũvaka waumĩla kwelekela ngalĩ ya ũthũĩlonĩ wa syũa ku Mikimetha ngalĩ ya ĩũlũ; na mũvaka weelingĩla kwelekela ngalĩ ya wumĩlonĩ wa syũa kũvika Taanathi‐silo, na wavĩtĩla ũtee wayo ngalĩ ya wumĩlonĩ wa syũa ya Yanoa;</verse>
				<verse number="7">na watheea kũma Yanoa kũvika Atalothi, na kũvika Naala, na wavika Yeliko, na waumĩlĩla Yolotani.</verse>
				<verse number="8">Kuma Tavua mũvaka waendeea kwelekela ngalĩ ya ũthũĩlonĩ wa syũa kũvika kalũsĩ ka Kana; na umalĩlo waw’o waĩ ũkanganĩ. Ũsu nĩw’o ũtiĩwa wa mbaĩ ya ana ma Evalaimu kũatĩĩa mĩvĩa yoo;</verse>
				<verse number="9">vamwe na ndũa ila ivathĩtwe kwondũ wa ana ma Evalaimu katĩ wa ũtiĩwa wa ana ma Manase, ndũa syonthe na mĩsyĩ yasyo.</verse>
				<verse number="10">Na matyaalũngya Akanaani ala matwĩe Ngelesi: ĩndĩ Akanaani matũaa katĩ wa Evalaimu kũvika ũmũnthĩ, na matw’ĩkĩte athũkũmi ma ũtethethaw’a wĩa wa vinya.</verse>
			</chapter>
			<chapter number="17">
				<verse number="1">Na ũu nĩw’o mũlimano kwondũ wa mbaĩ ya Manase; nũndũ aĩ ĩkithathi ya Yosevu. Na ũvoo wa Makili ĩkithathi ya Manase, ĩthe wa Ngileati, nĩkwĩthĩwa aĩ mũndũ wa kaũ, kwondũ wa ũu aĩ na nthĩ sya Ngileati na Mbasani.</verse>
				<verse number="2">Kwondũ wa ũu mũlimano waĩ kwondũ wa ana ala angĩ ma Manase kũatĩĩa mĩvĩa yoo: kwondũ wa ana ma Avieseli, na kwondũ wa ana ma Eleki, na kwondũ wa ana ma Asilieli, na kwondũ wa ana ma Sekemu, na kwondũ wa ana ma Eevieli, na kwondũ wa ana ma Semita: asu maĩ ana aũme ma Manase mwana wa Yosevu kũatĩĩa mĩvĩa yoo.</verse>
				<verse number="3">Ĩndĩ Nzeloveati, mwana wa Eevieli, mwana wa Ngileati, mwana wa Makili, mwana wa Manase, ndaĩ na ana ma aũme, ate o eĩtu: na aa nĩo masyĩtwa ma eĩtu make: Maala, na Noa, na Okila, na Milika, na Tilisa.</verse>
				<verse number="4">Na mamũthengeea mũthembi Eleasali, na Yosua mwana wa Nuni, na anene, makyasya, Yeova amwĩaĩa Mose atũnenge ũtiĩwa katĩ wa ana‐a‐asa maitũ: kwondũ wa ũu kwĩanana na mwĩao wa Yeova amanenga ũtiĩwa katĩ wa ana ma ĩthe woo.</verse>
				<verse number="5">Na ianda ĩkũmi syamũvalũkĩla Manase, eka nthĩ ya Ngileati na Mbasani, ĩla yĩ mũingo wa Yolotani;</verse>
				<verse number="6">nũndũ eĩtu ma Manase maĩ na ũtiĩwa katĩ wa ana aũme make. Na nthĩ ya Ngileati yaĩ ya ana ala angĩ ma Manase.</verse>
				<verse number="7">Na mũvaka wa Manase waĩ kuma Aseli kũvika Mikemetha, ĩla yelekele Sekemu, na mũvaka waendeea kwelekela ngalĩ ya kw’oko kwa aũme, kũvika ala matwĩe Eni‐tavua.</verse>
				<verse number="8">Nthĩ ya Tavua yaĩ ya Manase; ĩndĩ Tavua mũvakanĩ wa Manase yaĩ ya ana ma Evalaimu.</verse>
				<verse number="9">Na mũvaka watheea kũvika kalũsĩ ka Kana, kwelekela ngalĩ ya ĩtheo ya kalũsĩ: ndũa isu syaĩ sya Evalaimu katĩ wa ndũa sya Manase: na mũvaka wa Manase waĩ ngalĩ ya ĩũlũ ya kalũsĩ, na umalĩlo waw’o waĩ ũkanganĩ:</verse>
				<verse number="10">kwelekela ngalĩ ya ĩtheo yaĩ ya Evalaimu, na kwelekela ngalĩ ya ĩũlũ yaĩ ya Manase, na ũkanga waĩ mũvaka wake; na mavika Aseli ngalĩ ya ĩũlũ, na Isakali ngalĩ ya wumĩlonĩ wa syũa.</verse>
				<verse number="11">Na nthĩnĩ wa Isakali na Aseli, Manase aĩ na Mbethi‐seani na tũtũla twayo, na Ivileamu na tũtũla twayo, na ala matwĩe Ndoli na tũtũla twayo, na ala matwĩe Eni‐ndoli na tũtũla twayo, na ala matwĩe Taanaki na tũtũla twayo, na ala matwĩe Mekito na tũtũla twayo, o kũndũ kũtatũ kũtũlu.</verse>
				<verse number="12">Ĩndĩ ana ma Manase matyaatonya kũlũngya ala matwĩe ndũanĩ isu; ĩndĩ Akanaani meevinyĩlĩlya nthĩ ĩsu.</verse>
				<verse number="13">Na kweethĩwa, yĩla ana ma Isilaeli mongelekile vinya, mamatethethya Akanaani wĩa wa vinya, na matyaamalũngya vyũ.</verse>
				<verse number="14">Na ana ma Yosevu maneena na Yosua, makĩmũkũlya, Nũndũ wa kĩ ũnengete mũlimano ũmwe na kĩanda kĩmwe syĩthĩwe ũtiĩwa, nũndũ nyie nĩ mbaĩ nene, nũndũ kũvika yu Yeova nũngathimĩte?</verse>
				<verse number="15">Na Yosua amea, Ethĩwa wĩ mbaĩ nene, ambata mũtitũnĩ, ũkeyengee kw’o nthĩ ya Mũvelisi na Mũlevai; nũndũ nthĩ yĩ iĩma ya Evalaimu nĩ ntheke kwaku.</verse>
				<verse number="16">Na ana ma Yosevu masya, Nthĩ yĩ iĩma ndĩtwĩanĩa: na Akanaani onthe ala matwĩe nthĩ ya mwanda me na makasya ma iaa, o ala me Mbethi‐seani na tũtũla twayo, na ala me mwandanĩ wa Yesileeli.</verse>
				<verse number="17">Na Yosua aneena na nyũmba ya Yosevu, o Evalaimu na Manase, akĩmĩtavya, We wĩ mbaĩ nene, na wĩ na vinya mwingĩ; ndũkethĩwa na mũlimano ũmwe w’oka:</verse>
				<verse number="18">ĩndĩ nthĩ yĩ iĩma ĩkeethĩwa yaku; nũndũ o na kau nĩ mũtitũ, ũkootemanga, na umalĩlo waw’o ũkeethĩwa waku; nũndũ ũkalũngya Akanaani, o na kau me na makasya ma iaa, o na ethĩwa me na vinya.</verse>
			</chapter>
			<chapter number="18">
				<verse number="1">Na ũmbano w’onthe wa Isilaeli woombana ku Silo, na mamba ĩeema ya kũmbanĩa kw’o: na nthĩ yakĩlw’a vinya mbee woo.</verse>
				<verse number="2">Na kwatiala katĩ wa ana ma Isilaeli mbaĩ mũonza, ila itambĩte kũaan’ya ũtiĩwa wasyo.</verse>
				<verse number="3">Na Yosua akũlya ana ma Isilaeli, Mũkeethĩwa mwĩ aleelu ĩvinda yĩana ata ũndũ wa kũlika mũmĩmesye nthĩ, ĩla Yeova, Ngai wa aaĩthe menyu, ũmũnengete?</verse>
				<verse number="4">Ĩyiĩei andũ atatũ ma kĩla mbaĩ: na ngamatũma, na makyũkĩla, na kũtambũka katĩ wa nthĩ, na kũandĩka ũndũ ũilyĩ ũtiĩwa woo; na makanzyokee.</verse>
				<verse number="5">Na makamĩaan’ye ianda mũonza: Yuta ĩkekala mũvakanĩ wayo ngalĩ ya ĩtheo, na nyũmba ya Yosevu ĩkekala mũvakanĩ wayo ngalĩ ya ĩũlũ.</verse>
				<verse number="6">Na mũkaandĩke nthĩ ĩaanĩtw’e ianda mũonza, na kũndetee maandĩko mayo; na ngalimana kwondũ wenyu vaa kũla kwĩ Yeova Ngai waitũ.</verse>
				<verse number="7">Nũndũ Alivai mati na kĩanda katĩ wenyu; nũndũ ũthembi wa Yeova nĩw’o ũtiĩwa woo: na Ngati na Leuveni na nyunzu ya mbaĩ ya Manase nĩmosete ũtiĩwa woo mũingo wa Yolotani kweleleka ngalĩ ya wumĩlonĩ wa syũa, ũla Mose mũthũkũmi wa Yeova wamanengie.</verse>
				<verse number="8">Na andũ asu mookĩla na mathi: na Yosua ameaĩa ala maendie kũandĩka nthĩ, akĩmea, Endai mũvĩtĩle katĩ wa nthĩ, na mũmĩandĩke, na mũinzyokea; na ngalimana kwondũ wenyu vaa Silo kũla kwĩ Yeova.</verse>
				<verse number="9">Na andũ mathi na mavĩtĩla katĩ wa nthĩ, na mamĩandĩka ndũa syayo ianda mũonza ĩvukunĩ; na mamũsyokea Yosua mwakonĩ wa maeema ku Silo.</verse>
				<verse number="10">Na Yosua alimana kwondũ woo ku Silo kũla kwĩ Yeova; na kw’o Yosua amaaan’ya ana ma Isilaeli nthĩ kwĩanana na ũndũ maaanĩtye.</verse>
				<verse number="11">Na mũlimano wa mbaĩ ya ana ma Mbenyamini waumĩla kũatĩĩa mĩvĩa yoo: na mũvaka wa mũlimano woo waumĩla katĩ wa ana ma Yuta na ana ma Yosevu.</verse>
				<verse number="12">Na mũvaka woo wa ngalĩ ya ĩũlũ waĩ kuma Yolotani; na mũvaka wambata ũtee wa Yeliko ngalĩ ya ĩũlũ, na wambata wavĩta katĩ wa nthĩ yĩ iĩma kwelekela ũthũĩloni wa syũa; na umalĩlo waw’o waĩ weũnĩ wa Mbethi‐aveni.</verse>
				<verse number="13">Na mũvaka waendeea kuma vau kũvika Lusu, ũtee wa Lusu (nayo nĩ Mbethi‐eli), kwelekela ngalĩ ya ĩtheo; na mũvaka watheea kũvika Atalothi‐atali, vakuvĩ na kĩĩma kĩla kĩ ngalĩ ya ĩtheo ya Mbethi‐oloni ĩla yĩ ĩtheo.</verse>
				<verse number="14">Na mũvaka waendeea kuma vau, na weelingĩla kĩlungunĩ kya ngalĩ ya wumĩlonĩ wa syũa kwelekela ngalĩ ya ĩtheo, kuma kĩĩma kĩla kĩthengeee Mbethi‐oloni kwelekela ngalĩ ya ĩtheo, umalĩlo waw’o waĩ Kiliathi‐mbaali (nayo nĩ Kiliathi‐yealimu), ndũa ya ana ma Yuta: nĩyo kĩlungu kya ngalĩ ya ũthũĩlonĩ wa syũa.</verse>
				<verse number="15">Na kĩlungu kya ngalĩ ya ĩtheo kyaĩ kuma mũthelelo wa Kiliathi‐yealimu; na mũvaka waumĩla kwelekela ngalĩ ya ũthũĩlonĩ wa syũa, na waumĩla wavika nthongonĩ ya manzĩ ma Nevitoa;</verse>
				<verse number="16">na mũvaka watheea kũvika mũthelelo wa kĩĩma kĩla kyelekele kyanda kya mwana wa Inomu, kĩla kĩ mwandanĩ wa Alevai kwelekela ngalĩ ya ĩũlũ; na watheea kũvika kyanda kya Inomu, ũtee wa Mũyevusi kwelekela ngalĩ ya ĩtheo, na watheea wavika Eni‐lokeli;</verse>
				<verse number="17">na waendeea kwelekela ngalĩ ya ĩũlũ, na waumĩla ku Eni‐semesi, na waendeea kũvika Ngelilothi, ĩla yelekele kyambato kya Atumimu; na watheea wavika ĩvia ya Mboani mwana wa Leuveni;</verse>
				<verse number="18">na wavĩtĩla ũtee kwelekela Alava kwelekela ngalĩ ya ĩũlũ, na watheea kũvika Alava;</verse>
				<verse number="19">na mũvaka waendeea kũvika ũtee wa Mbethi‐okila kwelekela ngalĩ ya ĩũlũ; na umalĩlo wa mũvaka waĩ kyokonĩ kya ngalĩ ya ĩũlũ kya Ũkanga wa Mũnyũ, mũthelelo wa ĩtheo wa Yolotani: ũsu nĩw’o mũvaka wa ngalĩ ya ĩtheo.</verse>
				<verse number="20">Na Yolotani waĩ mũvaka wayo kĩlungunĩ kya ngalĩ ya wumĩlonĩ wa syũa. Ũsu waĩ ũtiĩwa wa ana ma Mbenyamini, kwĩanana na mĩvaka yaw’o ĩla ĩthyũlũlũkĩte, kũatĩĩa mĩvĩa yoo.</verse>
				<verse number="21">Na ĩndĩ ndũa sya mbaĩ ya ana ma Mbenyamini kũatĩĩa mĩvĩa yoo syaĩ Yeliko, na Mbethi‐okila, na Emeki‐kesisi,</verse>
				<verse number="22">na Mbethi‐alava, na Nzemalaimu, na Mbethi‐eli,</verse>
				<verse number="23">na Aavi, na Vala, na Ovala,</verse>
				<verse number="24">na Kevali‐amimoni, na Oveni, na Ngeva; ndũa ĩkũmi na ilĩ na mĩsyĩ yasyo:</verse>
				<verse number="25">na Ngiveoni, na Lama, na Mbeelothi,</verse>
				<verse number="26">na Misiva, na Kevila, na Moosa,</verse>
				<verse number="27">na Lekemu, na Iliveeli, na Talala,</verse>
				<verse number="28">na Nzeela, na Elevu, na Mũyevusi (nayo nĩ Yelusaleme), na Ngiveathi, na Kiliathi; ndũa ĩkũmi na ĩnya na mĩsyĩ yasyo. Ũsu nĩw’o ũtiĩwa wa ana ma Mbenyamini kũatĩĩa mĩvĩa yoo.</verse>
			</chapter>
			<chapter number="19">
				<verse number="1">Na mũlimano wa kelĩ waumĩla wa Simeoni, o kwondũ wa mbaĩ ya ana ma Simeoni kũatĩĩa mĩvĩa yoo: na ũtiĩwa woo waĩ katĩ wa ũtiĩwa wa ana ma Yuta.</verse>
				<verse number="2">Na ũtiĩwa woo waĩ Mbeeli‐sieva, kana Sieva, na Molata,</verse>
				<verse number="3">na Asali‐suali, na Mbala, na Esemu,</verse>
				<verse number="4">na Elitolati, na Mbethuli, na Olima,</verse>
				<verse number="5">na Nzikilaki, na Mbethi‐malikavothi, na Asali‐susa,</verse>
				<verse number="6">na Mbethi‐levaothi, na Salueni; ndũa ĩkũmi na itatũ na mĩsyĩ yasyo:</verse>
				<verse number="7">na Aini, na Limoni, na Etheli, na Asani; ndũa inya na mĩsyĩ yasyo:</verse>
				<verse number="8">na mĩsyĩ yonthe ĩla ĩthyũlũlũkĩte ndũa isu kũvika Mbaalathi‐mbeeli, Lama ya ngalĩ ya ĩtheo. Ũsu nĩw’o ũtiĩwa wa mbaĩ ya ana ma Simeoni kũatĩĩa mĩvĩa yoo.</verse>
				<verse number="9">Ũtiĩwa wa ana ma Simeoni waĩ kuma kĩlungunĩ kya ana ma Yuta; nũndũ kĩanda kya ana ma Yuta kyaĩ kĩnene kwoo: kwondũ wa ũu ana ma Simeoni maĩ na ũtiĩwa katĩ wa ũtiĩwa woo.</verse>
				<verse number="10">Na mũlimano wa katatũ waumila wa ana ma Nzevuluni kũatĩĩa mĩvĩa yoo. Na mũvaka wa ũtiĩwa woo wavika Saliti;</verse>
				<verse number="11">na mũvaka woo wambata kwelekela ngalĩ ya ũthũĩlonĩ wa syũa, o kũvika Malala, na wavika Ndavesethi; na wavika kalũsĩ kala kathengeee Yokineamu:</verse>
				<verse number="12">na weelingĩla kuma Saliti kwelekela ngalĩ ya wumĩlonĩ wa syũa kwelekela vala syũa yumĩlaa kũvika mũvaka wa Kisilothi‐tavoli; na waumĩla wavika Ndavelathi, na wambata kũvika Yavia;</verse>
				<verse number="13">na kuma vau waendeea kwelekela wumĩlonĩ wa syũa kũvika Ngathi‐eevieli, kũvika Ethi‐kasini; na waumĩlĩla ku Limoni ũla ũvikĩte Nea;</verse>
				<verse number="14">na mũvaka wamĩthyũlũlũka ngalĩ ya ĩũlũ yayo kũvika Anathoni; na umalĩlo waw’o waĩ mwandanĩ wa Ivita‐eli;</verse>
				<verse number="15">na Katathi, na Naalali, na Similoni, na Itala, na Mbethi‐leemu: ndũa ĩkũmi na ilĩ na mĩsyĩ yasyo.</verse>
				<verse number="16">Ũsu nĩw’o ũtiĩwa wa ana ma Nzevuluni kũatĩĩa mĩvĩa yoo, ndũa ĩsu na mĩsyĩ yasyo.</verse>
				<verse number="17">Mũlimano wa kana waumĩla wa Isakali, o kwondũ wa ana ma Isakali, kũatĩĩa mĩvĩa yoo.</verse>
				<verse number="18">Na mũvaka woo wavika Yesileeli, na Kesulothi, na Sunemu,</verse>
				<verse number="19">na Avalaimu, na Siioni, na Anaalathi,</verse>
				<verse number="20">na Lavithi, na Kisioni, na Evesu,</verse>
				<verse number="21">na Lemethi, na Eni‐nganimu, na Eni‐aata, na Mbethi‐vasesi,</verse>
				<verse number="22">na mũvaka wavika Tavoli, na Saasima, na Mbethi‐semesi; na umalĩlo wa mũvaka woo waĩ Yolotani; ndũa ĩkũmi na thanthatũ na mĩsyĩ yasyo.</verse>
				<verse number="23">Ũsu nĩw’o ũtiĩwa wa mbaĩ ya ana ma Isakali kũatĩĩa mĩvĩa yoo, ndũa na mĩsyĩ yasyo.</verse>
				<verse number="24">Na mũlimano wa katano waumĩla wa mbaĩ ya ana ma Aseli kũatĩĩa mĩvĩa yoo.</verse>
				<verse number="25">Na mũvaka woo waĩ Elikathi, na Aali, na Mbeteni, na Akisavu,</verse>
				<verse number="26">na Alamelekĩ, na Amati, na Misaali; na wavika Kalimeli kwelekela ngalĩ ya ũthũĩlonĩ wa syũa, na kũvika Siolilivinathi;</verse>
				<verse number="27">na weelelũka welekela wumĩlonĩ wa syũa kũvika Mbethi‐ndakoni, na wavika Nzevuluni, na wavika mwanda wa Ivita‐eli kwelekela ngalĩ ya ĩũlũ kũvika Mbethi‐emeki na Neieli; na waumĩla ku Kavuli ngalĩ ya kw’oko kwa aka,</verse>
				<verse number="28">na Eviloni, na Leovu, na Amumoni, na Kana, o kũvika Sitoni ĩla nene;</verse>
				<verse number="29">na mũvaka weelelũka kũvika Lama, na kũvika ndũa mbiie ya Tile; na mũvaka weelelũka kũvika Osa; na umalĩlo waw’o waĩ ũkanganĩ vakuvĩ na nthĩ ya Akisivu;</verse>
				<verse number="30">o na Uma, na Aveki, na Leovu: ndũa mĩongo ĩlĩ na ilĩ na mĩsyĩ yasyo.</verse>
				<verse number="31">Ũsu nĩw’o ũtiĩwa wa mbaĩ ya ana ma Aseli kũatĩĩa mĩvĩa yoo, ndũa isu na mĩsyĩ yasyo.</verse>
				<verse number="32">Mũlimano wa thanthatũ waumĩla wa ana ma Navitali, o kwondũ wa ana ma Navitali kũatĩĩa mĩvĩa yoo.</verse>
				<verse number="33">Na mũvaka woo waĩ kuma Elevi, kuma mũtĩ wa mwaloni wĩ Nzananimu, na Atami‐nekevu, na Yavineeli, kũvika Lakumu; na umalĩlo waw’o waĩ Yolotani;</verse>
				<verse number="34">na mũvaka weelelũka kwelekela ngalĩ ya ũthũĩlonĩ wa syũa kũvika Asinothitavoli, na waumĩla vau kũvika Ukoki; na wavika Nzevuluni ngalĩ ya ĩtheo, na wavika Aseli ngalĩ ya ũthũĩlonĩ wa syũa, na kũvika Yuta ku Yolotani kwelekela wumĩlonĩ wa syũa.</verse>
				<verse number="35">Na ndũa mbiie sya Nzitimu, na Seli, na Amimathi, na Lakathi, na Kinelethi,</verse>
				<verse number="36">na Atama, na Lama, na Asoli,</verse>
				<verse number="37">na Ketesi, na Etilei, na Eni‐asoli,</verse>
				<verse number="38">na Iloni, na Mikitali‐eli, na Olemu, na Mbethi‐anathi, na Mbethi‐semesi; ndũa ĩkũmi na kenda na mĩsyĩ yasyo.</verse>
				<verse number="39">Ũsu nĩw’o ũtiĩwa wa mbaĩ ya ana ma Navitali kũatĩĩa mĩvĩa yoo, ndũa isu na mĩsyĩ yasyo.</verse>
				<verse number="40">Mũlimano wa mũonza waumĩla wa mbaĩ ya ana ma Ndani kũatĩĩa mĩvĩa yoo.</verse>
				<verse number="41">Na mũvaka wa ũtiĩwa woo waĩ Nzola, na Esitaoli, na Ilisemesi,</verse>
				<verse number="42">na Saalavini, na Aiyaloni, na Ithila,</verse>
				<verse number="43">na Eloni, na Timina, na Ekiloni,</verse>
				<verse number="44">na Eliteke, na Ngivethoni, na Mbaalathi,</verse>
				<verse number="45">na Yeuti, na Mbene‐mbelaki, na Ngathi‐limoni,</verse>
				<verse number="46">na Me‐yalikoni, na Lakoni, vamwe na mũvaka ũla wĩ vakuvĩ Yova.</verse>
				<verse number="47">Na mũvaka wa ana ma Ndani waumĩla mbee woo: nũndũ ana ma Ndani mambata na mokita na Lesemu, na mamĩkwata, na mamĩkũna kwa kũtemanga na ũvyũ, na mamĩmesya, na mekala kw’o, na mamĩta Lesemu, Ndani, o ta syĩtwa ya ĩthe woo Ndani.</verse>
				<verse number="48">Ũsu nĩw’o ũtiĩwa wa mbaĩ ya ana ma Ndani kũatĩĩa mĩvĩa yoo, ndũa isu na mĩsyĩ yasyo.</verse>
				<verse number="49">O ta ũu mamina kũaan’ya nthĩ kwondũ wa ũtiĩwa kũatĩĩa mĩvaka yayo; na ana ma Isilaeli manenga Yosua wa Nunĩ ũtiĩwa katĩ woo:</verse>
				<verse number="50">kwĩanana na mwĩao wa Yeova mamũnenga ndũa ĩla wetisye, o Timinathi‐selaa yĩ nthĩ yĩ iĩma ya Evalaimu; na aaka ndũa ĩsu, na atũa nthĩnĩ wayo.</verse>
				<verse number="51">Asu nĩmo motiĩwa ala mũthembi Eleasali na Yosua mwana wa Nuni, na atongoi ma nyũmba sya aaĩthe ma mbaĩ sya ana ma Isilaeli, maaanisye kwa kũlimana ku Silo kũla kwĩ Yeova, mũomonĩ wa ĩeema ya kũmbanĩa, methĩwe motiĩwa. O ta ũu mamina kũaan’ya nthĩ.</verse>
			</chapter>
			<chapter number="20">
				<verse number="1">Na Yeova aneena na Yosua, akĩmwĩa,</verse>
				<verse number="2">Neena na ana ma Isilaeli, ũkĩmea, Ĩyiĩei ndũa sya kwĩvitha ila naneenie nenyu ũndũ wasyo na kanyw’a wa Mose,</verse>
				<verse number="3">nĩ kana mũndũ ũla ũkoaa mũndũ o na wĩva na mbanga na atesĩ akĩĩe vo: na ikeethĩawa kwenyu kwondũ wa kũmwĩvitha mũĩvanĩsya wa nthakame.</verse>
				<verse number="4">Nake akakĩĩa ndũa ĩmwe ya isu, na akaũngama ũlikĩlonĩ mbingĩlonĩ ya ndũa, na kũtavan’ya ũvoo wake matũnĩ ma atumĩa ma ndũa ĩsu; nao makamwosa nthĩnĩ wa ndũa vala maĩ, na kũmũnenga vandũ, nĩ kana ekalae katĩ woo.</verse>
				<verse number="5">Na ethĩwa mũĩvanĩsya wa nthakame akamũatĩĩa, matikamũnengane ũla wũaĩte mũndũ kw’okonĩ kwake; nĩkwĩthĩwa nĩwoaie mũtũi wake atesĩ, na ndatwĩe e ũthũ nake.</verse>
				<verse number="6">Nake akekalaa ndũanĩ ĩsu, kũvika o yĩla ũkaũngama mbee wa ũmbano asilĩlwe, kũvika yĩla ũla ũkethĩwa mũthembi mũnene mĩthenya ĩsu ũkakw’a: nĩvo ĩndĩ ũla woaie mũndũ akasyoka na kũvika ndũa yake mwene, na nyũmba yake mwene, kũvika ndũa ĩla waumie yĩla wakĩie.</verse>
				<verse number="7">Na mavatha Ketesi ĩla yĩ Ngalilii yĩ nthĩ yĩ iĩma ya Navitali, na Sekemu yĩ nthĩ yĩ iĩma ya Evalaimu, na Kiliathi‐aliva (nayo nĩ Eviloni) yĩ nthĩ yĩ iĩma ya Yuta.</verse>
				<verse number="8">Na mũingo wa Yolotani ku Yeliko kwelekela ngalĩ ya wumĩlonĩ wa syũa, mavatha Mbeseli ĩla yĩ weũnĩ ũiĩnĩ kuma mbaĩnĩ ya Leuveni, na Lamothi yĩ Ngileati kuma mbaĩnĩ ya Ngati, na Ngolani yĩ Mbasani kuma mbaĩnĩ ya Manase.</verse>
				<verse number="9">Isu syaĩ ndũa ivathĩtwe kwondũ wa ana onthe ma Isilaeli, na kwondũ wa mũeni ũla wĩkalaa ũeni katĩ woo, nĩ kana o ũla ũkoaa mũndũ o na wĩva na mbanga nũtonya kũkĩĩa vo, ndakoawe nĩ kw’oko kwa mũĩvanĩsya wa nthakame, atanamba kũũngama mbee wa ũmbano.</verse>
			</chapter>
			<chapter number="21">
				<verse number="1">Na ĩndĩ atongoi ma nyũmba sya aaĩthe ma Alivai mamũkĩa mũthembi Eleasali, na Yosua mwana wa Nuni, na atongoi ma nyũmba sya aaĩthe ma mbaĩ sya ana ma Isilaeli;</verse>
				<verse number="2">na maneenea nao ku Silo nthĩ ya Kanaani, makĩmea, Yeova eaie na kanyw’a wa Mose tũnengwe ndũa sya kũtũaa, vamwe na syengo syasyo kwondũ wa indo sitũ.</verse>
				<verse number="3">Na ana ma Isilaeli manenga Alivai kuma ũtiĩwanĩ woo ndũa ii vamwe na syengo syasyo, o tondũ Yeova weaie.</verse>
				<verse number="4">Na mũlimano waumĩla wa mĩvĩa ya Akoathi: na ana ma mũthembi Aluni, ala maĩ ma Alivai, moosa kwa kũlimana kuma mbaĩnĩ ya Yuta, na kuma mbaĩnĩ ya Asimeoni, na kuma mbaĩnĩ ya Mbenyamini, ndũa ĩkũmi na itatũ.</verse>
				<verse number="5">Na ana ala angĩ ma Koathi moosa kwa kũlimana kuma mĩvĩanĩ ya mbaĩ ya Evalaimu, na kuma mbaĩnĩ ya Ndani, na kuma nyunzunĩ ya mbaĩ ya Manase, ndũa ĩkũmi.</verse>
				<verse number="6">Na ana ma Ngelisoni moosa kwa kũlimana kuma mĩvĩanĩ ya mbaĩ ya Isakali, na kuma mbaĩnĩ ya Aseli, na kuma mbaĩnĩ ya Navitali, na kuma myunzunĩ ya mbaĩ ya Manase yĩ Mbasani, ndũa ĩkũmi na itatũ.</verse>
				<verse number="7">Ana ma Melali kũatĩĩa mĩvĩa yoo moosa kuma mbaĩnĩ ya Leuveni, na kuma mbaĩnĩ ya Ngati, na kuma mbaĩnĩ ya Nzevuluni, ndũa ĩkũmi na ilĩ.</verse>
				<verse number="8">Na ana ma Isilaeli kwa kũlimana manenga Alivai ndũa isu vamwe na syengo syasyo, o tondũ Yeova weaie na kanyw’a wa Mose.</verse>
				<verse number="9">Na manengane kuma mbaĩnĩ ya ana ma Yuta, na kuma mbaĩnĩ ya ana ma Simeoni, ndũa ii ila ikũwetwa vaa na masyĩtwa masyo:</verse>
				<verse number="10">na syaĩ kwondũ wa ana ma Aluni, ma mĩvĩa ya Akoathi, ala maĩ ma ana ma Livai; nũndũ mũlimano wa mbee waĩ woo.</verse>
				<verse number="11">Na mamanenga Kiliathi‐aliva, Aliva ũsu aĩ ĩthe wa Anaki (nĩyo Eviloni), yĩ nthĩ yĩ iĩma ya Yuta, vamwe na syengo syayo ila imĩthyũlũlũkĩte.</verse>
				<verse number="12">Ĩndĩ isesi sya ndũa, na mĩsyĩ yayo, mamũnenga Kalevu mwana wa Yevune syĩthĩwe ng’ũndũ yake.</verse>
				<verse number="13">Na manenga ana ma mũthembi Alinu Eviloni na syengo syayo, ndũa ya kwĩvitha kwondũ wa ũla ũkoaa mũndũ, na Livina na syengo syayo,</verse>
				<verse number="14">na Yatili na syengo syayo, na Esitemoa na syengo syayo,</verse>
				<verse number="15">na Oloni na syengo syayo, na Ndevili na syengo syayo,</verse>
				<verse number="16">na Aini na syengo syayo, na Yute na syengo syayo, na Mbethi‐semesi na syengo syayo; ndũa kenda kuma mbaĩnĩ isu ilĩ.</verse>
				<verse number="17">Na kuma mbaĩnĩ ya Mbenyamini, Ngiveoni na syengo syayo, na Ngeva na syengo syayo,</verse>
				<verse number="18">na Anathothi na syengo syayo, na Alimoni na syengo syayo, ndũa inya.</verse>
				<verse number="19">Ndũa syonthe sya ana ma Alini, ala athembi, syaĩ ndũa ĩkũmi na itatũ na syengo syasyo.</verse>
				<verse number="20">Na mĩvĩa ya ana ma Koathi, Alivai, o ana ala angĩ ma Koathi, nĩmoosie ndũa sya mũlimano woo mbaĩnĩ ya Evalaimu.</verse>
				<verse number="21">Nao mamanenga Sekemu na syengo syayo yĩ nthĩ yĩ iĩma ya Evalaimu, ndũa ya kwĩvitha kwondũ wa ũla ũkoaa mũndũ, na Ngeseli na syengo syayo,</verse>
				<verse number="22">na Kivisaimu na syengo syayo, na Mbethi‐oloni na syengo syayo; ndũa inya.</verse>
				<verse number="23">Na kuma mbaĩnĩ ya Ndani, Eliteke na syengo syayo, na Ngivethoni na syengo syayo,</verse>
				<verse number="24">na Aĩyaloni na syengo syayo, na Ngathi‐limoni na syengo syayo; ndũa inya.</verse>
				<verse number="25">Na kuma nyunzunĩ ya mbaĩ ya Manase, Taanaki na syengo syayo, na Ngathi‐limoni na syengo syayo; ndũa ilĩ.</verse>
				<verse number="26">Ndũa syonthe sya mĩvĩa ya ana ala angĩ ma Koathi syaĩ ĩkũmi vamwe na syengo syasyo.</verse>
				<verse number="27">Na manenga ana ma Ngelisoni, ma mĩvĩa ya Alivai, kuma nyunzunĩ ya mbaĩ ya Manase, Ngolani yĩ Mbasani na syengo syayo, ndũa ya kwĩvitha kwondũ wa ũla ũkoaa mũndũ, na Mbeesitela na syengo syayo; ndũa ilĩ.</verse>
				<verse number="28">Na kuma mbaĩnĩ ya Isakali, Kisioni na syengo syayo, na Ndavelathi na syengo syayo,</verse>
				<verse number="29">na Yalimuthi na syengo syayo, na Eni‐nganimu na syengo syayo; ndũa inya.</verse>
				<verse number="30">Na kuma mbaĩnĩ ya Aseli, Misaali na syengo syayo, na Avitoni na syengo syayo,</verse>
				<verse number="31">na Elikathi na syengo syayo, na Leovu na syengo syayo; ndũa inya.</verse>
				<verse number="32">Na kuma mbaĩnĩ ya Navitali, Ketesi yĩ Ngalilii na syengo syayo, ndũa ya kwĩvitha kwondũ wa ũla ũkoaa mũndũ, na Amothi‐ndoli na syengo syayo, na Kalitani na syengo syayo; ndũa itatũ.</verse>
				<verse number="33">Ndũa syonthe sya Angelisoni kũatĩĩa mĩvĩa yoo syaĩ ndũa ĩkũmi na itatũ na syengo syasyo.</verse>
				<verse number="34">Na mĩvĩa ya ana ma Milali, ala angĩ ma Alivai, manengwa kuma mbaĩnĩ ya Nzevuluni, Yokineamu na syengo syayo, na Kalita na syengo syayo,</verse>
				<verse number="35">na Ndimina na syengo syayo, na Naalali na syengo syayo; ndũa inya.</verse>
				<verse number="36">Na kuma mbaĩnĩ ya Leuveni, Mbeseli na syengo syayo, na Yaasa na syengo syayo,</verse>
				<verse number="37">na Ketemothi na syengo syayo, na Mevaathi na syengo syayo; ndũa inya.</verse>
				<verse number="38">Na kuma mbaĩnĩ ya Ngati, Lamothi yĩ Ngileati na syengo syayo, ndũa ya kwĩvitha kwondũ wa ũla ũkoaa mũndũ, na Maanaimu na syengo syayo,</verse>
				<verse number="39">na Esivoni na syengo syayo, na Yaseli na syengo syayo; syonthe ndũa inya.</verse>
				<verse number="40">Isu syonthe syaĩ ndũa sya ana ma Melali kũatĩĩa mĩvĩa yoo, o mĩvĩa ĩla ĩngĩ ya Alivai; na mũlimano woo waĩ ndũa ĩkũmi na ilĩ.</verse>
				<verse number="41">Ndũa syonthe sya Alivai katĩ wa ng’ũndũ sya ana ma Isilaeli syaĩ mĩongo ĩna na nyanya na syengo syasyo.</verse>
				<verse number="42">Ndũa isu kĩla ĩmwe yaĩ na syengo syayo ithyũlũlũkĩte: ũu nĩw’o kwailyĩ ndũanĩ isu syonthe.</verse>
				<verse number="43">O ta ũu Yeova amanenga Isilaeli nthĩ yonthe ĩla wevĩtie kũnenga aaĩthe moo; na mamĩmesya, na matũaa nthĩnĩ wayo.</verse>
				<verse number="44">Na Yeova amanenga ũthũmũo ngalĩ syonthe, kwĩanana na w’onthe ũla wamevĩtĩe aaĩthe moo: na kũtyaaũngama mũndũ o na ũmwe wa amaitha moo onthe mbee woo; Yeova nĩwanenganie amaitha moo onthe kw’okonĩ kwoo.</verse>
				<verse number="45">Kũtyaalea kwĩanĩw’a o na ũmwe wa moseo onthe ala Yeova wathie nyũmba ya Isilaeli; onthe nĩmeanĩw’e.</verse>
			</chapter>
			<chapter number="22">
				<verse number="1">Na ĩndĩ Yosua ameta Aleuveni na Angati, na nyunzu ya mbaĩ ya Manase,</verse>
				<verse number="2">na amea, Nĩmũsũvĩĩte w’onthe ũla Mose mũthũkũmi wa Yeova wamwĩaĩe, na mweethukĩĩsya wasya wakwa ũndũnĩ w’onthe ũla namwĩaĩe:</verse>
				<verse number="3">mũtyaamatia ana‐a‐ĩthe menyu mĩthenya ĩsu mingĩ kũvika ũmũnthĩ, ĩndĩ nĩmũsũvĩĩte wĩaĩo wa mwĩao wa Yeova Ngai wenyu.</verse>
				<verse number="4">Na yu Yeova Ngai wenyu nũnengete ana‐a‐ĩthe menyu ũthũmũo, o tondũ waneenie nao; kwondũ wa ũu yu ĩthyũũei, na mũienda maeemanĩ menyu, kũvika nthĩ ĩla ya ng’ũndũ yenyu, ĩla Mose mũthũkũmi wa Yeova wamũnengie mũingo wa Yolotani.</verse>
				<verse number="5">Ĩsũvĩei mũno mwĩkae ũtw’ĩo na mĩao ĩla Mose mũthũkũmi wa Yeova wamwĩaĩe, mwende Yeova Ngai wenyu, na kũenda nzĩanĩ syake syonthe, na kũkwata mĩao yake, na kũlũman’ya nake, na kũmũthũkũma na ngoo syenyu syonthe na thayũ wenyu w’onthe.</verse>
				<verse number="6">Na ĩndĩ Yosua amaathima, na amaeka maende; na mathi maeemanĩ moo.</verse>
				<verse number="7">Na ĩndĩ Mose aĩ ananenga nyunzu ya mbaĩ ya Manase ũtiĩwa ku Mbasani; ĩndĩ nyunzu ĩla ĩngĩ Yosua amanenga katĩ wa ana‐a‐ĩthe moo mũingo wa Yolotani kwelekela ũthũĩlonĩ wa syũa. O na ĩngĩ yĩla Yosua wamaekie mathi maeemanĩ moo, amaathima,</verse>
				<verse number="8">na aneena nao, akĩmea, Syokai mwĩ na ũthwii mwingĩ maeemanĩ menyu, na mwĩ na indo nyingĩ, na vetha, na thaavu, na ũthuku, na kĩaa, na ngũa nyingĩ mũno: aan’yai mũtavo wa amaitha menyu na ana‐a‐ĩthe menyu.</verse>
				<verse number="9">Na ana ma Leuveni na ana ma Ngati na nyunzu ya mbaĩ ya Manase masyoka, na mauma vala vaĩ ana ma Isilaeli kuma Silo, ĩla yĩ nthĩ ya Kanaani, maende nthĩ ya Ngileati, kũvika nthĩ ya ng’ũndũ yoo, ĩla manengiwe yĩthĩwe ng’ũndũ yoo, kwĩanana na mwĩao wa Yeova na kanyw’a wa Mose.</verse>
				<verse number="10">Na yĩla mavikie nthĩ ĩla yĩ ũtee wa Yolotani, ũla wĩ nthĩ ya Kanaani, ana ma Leuveni na ana ma Ngati na nyunzu ya mbaĩ ya Manase maaka kĩthembeo kw’o ũtee wa Yolotani, kĩthembeo kĩnene kya kũsiw’a.</verse>
				<verse number="11">Na ana ma Isilaeli meew’a kũkyaw’a, Sisyai, ana ma Leuveni na ana ma Ngati na nyunzu ya mbaĩ ya Manase nĩmakĩte kĩthembeo kwelekela nthĩ ya Kanaani, nthĩ ĩla yĩ vakuvi na Yolotani, ngalĩ ĩla ya ana ma Isilaeli.</verse>
				<verse number="12">Na yĩla ana ma Isilaeli meewie ũu, ũmbano w’onthe wa ana ma Isilaeli moombana vamwe ku Silo, mambate mokite nao.</verse>
				<verse number="13">Na ana ma Isilaeli matũma kwa ana ma Leuveni, na ana ma Ngati, na nyunzu ya mbaĩ ya Manase, ku nthĩ ya Ngileati, Vineasi mwana wa mũthembi Eleasali,</verse>
				<verse number="14">na vamwe nake anene ĩkũmi, mũnene ũmwe wa nyũmba ya aaĩthe kwondũ wa kĩla mbaĩ ya Isilaeli; na kĩla ũmwe woo aĩ mũtongoi wa nyũmba sya aaĩthe katĩ wa ngili sya Isilaeli.</verse>
				<verse number="15">Na mamokĩa ana ma Leuveni, na ana ma Ngati, na nyunzu ya mbaĩ ya Manase, kũvika nthĩ ya Ngileati, na maneena nao, makĩmea,</verse>
				<verse number="16">Ũũ nĩw’o ũmbano w’onthe wa Yeova ũkwasya, Yĩĩ nĩ ĩvĩtyo yaũ yĩla mũmũvĩtanĩsye Ngai wa Isilaeli, mweethyũũa ũmũnthĩ mũeke kũmũvikĩla Yeova, ũndũ mwakĩte kĩthembeo, mũmũng’endee Yeova ũmũnthĩ?</verse>
				<verse number="17">Naĩ ya Veoli no nini kwĩtũ, ĩla tũtaaĩthesya kwayo kũvika ũmũnthĩ, o na kau nĩkwookie ũthĩn’yo ũmbanonĩ wa Yeova,</verse>
				<verse number="18">no mũvaka mwĩthyũũe ũmũnthĩ mũeke kũmũvikĩla Yeova? Na kũkeethĩwa atĩĩ, nũndũ ũmũnthĩ nĩmũũmũng’endea Yeova, ũnĩ akathatĩa ũmbano w’onthe wa Isilaeli,</verse>
				<verse number="19">Ĩndĩ, ethĩwa nthĩ ĩla ya ng’ũndũ yenyu ti ntheu, ingai ĩndĩ kũvika nthĩ ĩla ya ng’ũndũ ya Yeova, vala wĩkalo wa Yeova wĩkalaa, na mũimĩmesya mwĩkale katĩ waitũ: ĩndĩ mũtikamũng’endee Yeova, o na mũtikatũng’endee ithyĩ, nũndũ wa kwaka kĩthembeo eka kĩthembeo kya kĩthembeo kya Yeova Ngai waitũ.</verse>
				<verse number="20">Akani mwana wa Nzela ndaavĩtya kwondũ wa kwosa kĩndũ kĩla kĩvathĩtwe, na ũthatu wa Yeova wavalũkĩla ũmbano w’onthe wa Isilaeli? Na mũndũ ũsu ndaaa e weka naĩnĩ yake.</verse>
				<verse number="21">Nĩvo ĩndĩ ana ma Leuveni na ana ma Ngati na nyunzu ya mbaĩ ya Manase masũngĩie, na maneena na atongoi ma ngili sya Isilaeli,</verse>
				<verse number="22">Ũla Mwene Vinya, Ngai, Yeova, Ũla Mwene Vinya, Ngai, Yeova, nĩwĩsĩ; na Isilaeli nake akamanya: ethĩwa kweekiwe na ũng’endu, kana ũndũ wa kũmũvĩtanĩsya Yeova (ndũkatũtangĩĩe ũmũnthĩ),</verse>
				<verse number="23">atĩ nĩtwakĩte kĩthembeo twĩthyũũe tũeke kũmũvikĩla Yeova; kana ethĩwa nĩ kya kũthemba nthembo ya kũvĩvw’a kana nthembo ya mũtu ĩũlũ wakyo, kana ethĩwa nĩ kya kũthemba nthembo sya mũuo ĩũlũ wakyo, Yeova e mwene aandũe;</verse>
				<verse number="24">na ethĩwa tũtyaaika ũndũ ũũ ũndũ wa kũsũvĩa, na ũndũ wa kĩtumĩ, tũkyasya, Ĩvinda yĩla yũkĩte syana syenyu itonya kũneena na syana sitũ, ikĩsyĩa, Inyw’ĩ mwĩ na ũndũ mwaũ na Yeova, Ngai wa Isilaeli?</verse>
				<verse number="25">Nũndũ Yeova nũtw’ĩĩte Yolotani mũvaka katĩ waitũ nenyu, inyw’ĩ ana ma Leuveni na ana ma Ngati; inyw’ĩ mũti na kĩanda nthĩnĩ wa Yeova: o ta ũu syana syenyu nitonya kũtuma syana sitũ ieka kũkĩa Yeova.</verse>
				<verse number="26">Kwondũ wa ũu twasya, Twĩyũmban’yei yu twĩyakĩe kĩthembeo, ti kwondũ wa nthembo ya kũvĩvw’a, o na nthembo ya kũtonywa:</verse>
				<verse number="27">ĩndĩ kĩkeethĩwa ũkũsĩ katĩ waitũ nenyu, na katĩ wa nzyawa sitũ ĩtina waitũ, nĩ kana twĩke ũthũkũmi wa Yeova mbee wake na nthembo sitũ sya kũvĩvw’a, na nthembo sitũ sya kũtonywa, na nthembo sitũ sya mũuo; nĩ kana syana syenyu itikaatonye kũtavya syana sitũ ĩvinda yĩla yũkĩte, Mũti na kĩanda nthĩnĩ wa Yeova.</verse>
				<verse number="28">Kwondũ wa ũu twasya, Kũkeethĩwa, yĩla metũtavya ta ũu ithyĩ kana nzyawa sitũ ĩvinda yĩla yũkĩte, ithyĩ tũkasya, Sisyai, ngelekan’yo ya kĩthembeo kya Yeova, kĩla aaĩthe maitũ maseũvisye, ti kwondũ wa nthembo sya kũvĩvw’a, kana nthembo sya kũtonywa; ĩndĩ nĩ ũkũsĩ katĩ waitũ nenyu.</verse>
				<verse number="29">Nĩkwĩthĩwe kũasa naitũ kũmũng’endea Yeova, na kwĩthyũũa ũmũnthĩ tũeke kũmũvikĩla Yeova, twake kĩthembeo kĩthĩwe kya kũthemba nthembo ya kũvĩvw’a, kana nthembo ya mũtu, kana nthembo sya kũtonywa; ate o kĩthembeo kya Yeova Ngai waitũ kĩla kĩ mbee wa wĩkalo wake.</verse>
				<verse number="30">Na yĩla mũthembi Vineasi, na anene ma ũmbano, o atongoi ma ngili sya Isilaeli ala maĩ nake, meewie ndeto ila ana ma Leuveni na ana ma Ngati na ana ma Manase maneenie, mendeew’a mũno.</verse>
				<verse number="31">Na Vineasi mwana wa mũthembi Eleasali amea ana ma Leuveni, na ana ma Ngati, na ana ma Manase, Ũmũnthĩ nĩtũũmanya Yeova e katĩ waitũ, nũndũ mũtyaamũvĩtanĩsya Yeova.</verse>
				<verse number="32">Na Vineasi mwana wa mũthembi Eleasali, na ala anene, masyoka kuma vala vaĩ ana ma Leuveni, na ana ma Ngati, kuma nthĩ ya Ngileati, kũvika nthĩ ya Kanaani, vala ve ana ma Isilaeli, na mamatũngĩa ũvoo.</verse>
				<verse number="33">Na ũndũ ũsu wendeesya ana ma Isilaeli; na ana ma Isilaeli mamũtaĩa Ngai, na matyaaneena ĩngĩ ũvoo wa kwambata mokite nao, manange nthĩ vala ana ma Leuveni na ana ma Ngati matũaa.</verse>
				<verse number="34">Na ana ma Leuveni na ana ma Ngati makĩta kĩthembeo kyu Eti: masya, Nũndũ nĩ ũkũsĩ katĩ waitũ atĩ Yeova nĩwe Ngai.</verse>
			</chapter>
			<chapter number="23">
				<verse number="1">Na kweethĩwa ĩtina wa mĩthenya mingĩ, yĩla Yeova waĩ ananenga Isilaeli kũthũmũa kuma amaithanĩ moo onthe ma ngalĩ syonthe, na Yosua aĩ mũkũu na wa myaka mingĩ;</verse>
				<verse number="2">Yosua ameta Isilaeli onthe, atumĩa moo na atongoi moo, na asili moo na anene ma kwoo, na amea, Nyie nĩ mũkũu na wa myaka mingĩ:</verse>
				<verse number="3">na nĩmwonete ũndũ w’onthe ũla Yeova Ngai wenyu wĩkĩte mbaĩ ii syonthe nũndũ wenyu; nũndũ Yeova Ngai wenyu, nĩwe wamũkitĩe inyw’ĩ.</verse>
				<verse number="4">Sisyai, nĩnamũaanĩsye kwa kũlimana mbaĩ ii ila syatialile, syĩthĩwe ũtiĩwa kwondũ wa mbaĩ syenyu, kuma Yolotani, vamwe na mbaĩ syonthe ila nĩvetete, o kũvika ũkanga mũnene kwelekela ũthũĩlonĩ wa syũa.</verse>
				<verse number="5">Na Yeova Ngai wenyu, akaikuthũa mbee wenyu, na kwilũngya iende vala mũtatonya kũsyona, na mũkamĩmesya nthĩ yasyo, o tondũ Yeova Ngai wenyu waneenie nenyu.</verse>
				<verse number="6">Kwondũ wa ũu ĩthĩwai na ũkũmbaũ mũnene mũsũvĩe na kwĩka w’onthe ũla ũandĩkĩtwe ĩvukunĩ ya mĩao ya Mose, nĩ kana mũtikethyũũe ngalĩ ya kw’oko kwa aũme kana kwa aka mũmĩtie;</verse>
				<verse number="7">nĩ kana mũtikalike katĩ wa mbaĩ ii, ii ila itialĩte katĩ wenyu; o na mũtikawete syĩtwa ya ngai syasyo, kana kwĩavĩthya nasyo, kana kwithũkũma, kana kũsyĩkunamĩsya;</verse>
				<verse number="8">ĩndĩ lũman’yai na Yeova Ngai wenyu, o tondũ mweekie kũvika ũmũnthĩ.</verse>
				<verse number="9">Nũndũ Yeova nũlũngĩtye mbee wenyu mbaĩ nene syĩ vinya: ĩndĩ ũndũ wenyu, vati mũndũ waaũngama mbee wenyu kũvika ũmũnthĩ.</verse>
				<verse number="10">Mũndũ ũmwe wenyu akalũngya ngili; nũndũ Yeova Ngai nĩwe ũla ũmũkitĩaa, o tondũ waneenie nenyu.</verse>
				<verse number="11">Ĩsũvĩei nesa ĩndĩ, mũmwende Yeova Ngai wenyu.</verse>
				<verse number="12">Na ethĩwa nĩmũũsyoka o vanini, na kũlũman’ya na ũtialo wa mbaĩ ii, o ii ila syatiiwe katĩ wenyu, na kũtwaanĩa nasyo, na kũlika kwasyo, nao kũlika kwenyu;</verse>
				<verse number="13">manyai ki Yeova Ngai wenyu ndakalũngya ĩngĩ mbaĩ ii iende vala mũtatonya kũsyona; ĩndĩ ikeethĩwa mũkwa na kĩtei kwenyu, na mũsalisa mbaunĩ syenyu, na mĩw’a methonĩ menyu, kũvika yĩla mũkaa kuma nthĩ nzeo ĩla Yeova Ngai wenyu ũmũnengete.</verse>
				<verse number="14">Na, sisyai, ũmũnthĩ nĩngũthi na nzĩa ya nthĩ yonthe: na inyw’ĩ nĩmwĩsĩ ngoonĩ syenyu syonthe na mathayũnĩ menyu onthe, kũtyaalea kwĩanĩw’a ũndũ ũmwe katĩ wa maũndũ onthe maseo ala Yeova Ngai wenyu waneenie ũndũ wenyu; onthe nĩmeanĩw’e kwenyu, kũtyaalea kwĩanĩw’a ũndũ ũmwe katĩ wamo.</verse>
				<verse number="15">Na kũkeethĩwa, o tondũ maũndũ onthe maseo nĩmokĩte ĩũlũ wenyu ala Yeova Ngai wenyu waneenie nenyu, o ta ũu Yeova akamũetee maũndũ onthe mathuku, kũvika yĩla ũkamwananga kũmumya nthĩ ĩno nzeo ĩla Yeova Ngai wenyu ũmũnengete.</verse>
				<verse number="16">Yĩla mũkavĩtya ũtianĩo wa Yeova Ngai wenyu, ũla wamwĩaĩe, na mũkaenda na kũthũkũma ngai ingĩ, na kũsyĩkunamĩsya; nĩvo ĩndĩ ũthatu wa Yeova ũkakanw’a ĩũlũ wenyu, na mũkaaa mĩtũkĩ kuma nthĩ nzeo ĩla ũmũnengete.</verse>
			</chapter>
			<chapter number="24">
				<verse number="1">Na Yosua oomban’ya mbaĩ syonthe sya Isilaeli ku Sekemu, na ameta atumĩa ma Isilaeli, na atongoi moo, na asili moo, na anene ma kwoo; nao meeyonan’ya mbee wa Yeova.</verse>
				<verse number="2">Na Yosua amea andũ onthe, Ũũ nĩw’o Yeova, Ngai wa Isilaeli, ũnũkwasya, Aaĩthe menyu nĩmatũaa tene mũingo wa ũla Ũsĩ, o Tela, ĩthe wa Avalaamu, na ĩthe wa Neoli: na nĩmathũkũmaa ngai ingĩ.</verse>
				<verse number="3">Na noosa ĩthe wenyu Avalaamu kũmumya mũingo wa ũla Ũsĩ, na namũtongoeasya katĩ wa nthĩ yonthe ya Kanaani, na naingĩvya ũsyao wake, na namũnenga Isaka.</verse>
				<verse number="4">Na namũnenga Isaka, Yakovo na Esau: na namũnenga Esau kĩĩma kya Seili, kĩthĩwe ng’ũndũ yake; na Yakovo na ana make matheea Misili.</verse>
				<verse number="5">Na natũma Mose na Aluni, na nathĩn’ya Misili, kwĩanana na ũndũ neekie katĩ wayo: na ĩtina namumya.</verse>
				<verse number="6">Na naumya aaĩthe menyu Misili: na mavika ũkanganĩ; na Amisili mamaatĩĩa aaĩthe menyu na makasya ma kaũ na andũ matũlĩte mbalasi kũvika Ũkanga Mũtune.</verse>
				<verse number="7">Na yĩla mamwĩkaĩlile Yeova, eekĩa kĩvindu katĩ wenyu na Amisili, na aete ũkanga ĩũlũ woo, na amavw’ĩka; na metho menyu moona ũndũ neekie Misili: na nĩmwekalaa weũnĩ mĩthenya mingĩ.</verse>
				<verse number="8">Na namũete nthĩ ya Aamoli, ala matwĩe mũingo ũya wa Yolotani: na mokita nenyu; na namanengane kw’okonĩ kwenyu, na mwamesya nthĩ yoo; na namananga mbee wenyu.</verse>
				<verse number="9">Nĩvo ĩndĩ Mbalaki mwana wa Nzivoli, mũsumbĩ wa Moavi, wokĩlile na okita na Isilaeli: na atũmana na amwĩta Mbalaamu mwana wa Mbeoli amũumanĩe;</verse>
				<verse number="10">ĩndĩ ndyaaĩtĩkĩla kũmwĩthukĩĩsya Mbalaamu; kwondũ wa ũu aendeea na ũmũathima: na ĩndĩ namũvonokya kuma kw’okonĩ kwake.</verse>
				<verse number="11">Na mwainga Yolotani, na mwavika Yeliko: na andũ ma Yeliko mokita nenyu, Mũamoli, na Mũvelisi, na Mũkanaani, na Mũititi, na Mũngilikasi, na Mũivi, na Mũyevusi; na namanengane kw’okonĩ kwenyu.</verse>
				<verse number="12">Na natũma yĩla ĩuĩ mbee wenyu, yĩla yamalũngilye, o asumbĩ asu elĩ ma Aamoli, maume mbee wenyu; na ti na ũvyũ waku, kana ũta waku.</verse>
				<verse number="13">Na namũnenga nthĩ vala mũtaatethya wĩa, na ndũa ĩla mũtaaka, na nĩmũtwĩe nthĩnĩ wasyo; nĩmũĩsaa kya ũya kya mĩũnda ya mĩsavivũ na mĩũnda ya mĩthata ĩla mũtaavanda.</verse>
				<verse number="14">Kwondũ wa ũu ĩndĩ kĩai Yeova, na mũimũthũkũma na w’o, na vate wangangan’yo; na vetai ngai ila aaĩthe menyu mathũkũmie mũĩngo wa ũla Ũsĩ, na ku Misili; na mũithũkũma Yeova.</verse>
				<verse number="15">Na ethĩwa nimũkwona nĩ ũthũku kũthũkũma Yeova, nyuvai ũmũnthĩ ũla mwĩthũkũmaa; ethĩwa nĩ ngai ila aaĩthe menyu mathũkũmaa ila syaĩ mũingo wa ũla Ũsĩ, kana ngai sya Aamoli, ala mũtũaa nthĩ yoo: ĩndĩ ũndũ wakwa na nyũmba yakwa, tũkathũkũmaa Yeova.</verse>
				<verse number="16">Na andũ masũngĩa na masya, Nĩkwĩthĩwe kũasa naitũ kũmũtia Yeova, tũthũkũmae ngai ingĩ:</verse>
				<verse number="17">nũndũ Yeova Ngai waitũ, nĩwe watumisye ithyĩ na aaĩthe maitũ nthĩ ya Misili, kuma nyũmbanĩ ya ũkombo, na ũla wekie syama isu nene twene, na watũsũvĩaa nzĩanĩ yonthe ĩla twaendaa nayo, na katĩ wa ngo syonthe sya andũ ila twavĩtĩle katĩ wasyo;</verse>
				<verse number="18">na Yeova alũngya mbee waitũ ngo syonthe sya andũ, o Aamoli ala matwĩe nthĩ ĩno: kwondũ wa ũu ithyĩ naitũ tũkathũkũmaa Yeova; nũndũ nĩwe Ngai waitũ.</verse>
				<verse number="19">Na Yosua amea andũ, Mũtitonya kũthũkũma Yeova; nũndũ nĩ Ngai mũtheu; na nĩ Ngai wĩ kĩwĩu; ndakamũekea mavĩtyo menyu kana naĩ syenyu.</verse>
				<verse number="20">Ethĩwa mũkatia Yeova, na kũthũkũma ngai ngeni, nĩvo ĩndĩ ũkethyũũa na kũmwĩka naĩ, na kũmũmina, ĩtina wa kũmwĩka nesa.</verse>
				<verse number="21">Na andũ mamwĩa Yosua, Aiee; ĩndĩ tũkathũkũmaa Yeova.</verse>
				<verse number="22">Na Yosua amea andũ, Inyw’ĩ mwĩ ngũsĩ ĩũlũ wenyu ene kana mĩmũnyuvĩte Yeova mũmũthũkũmae. Na masya, Twĩ ngũsĩ.</verse>
				<verse number="23">Yũ ĩndĩ vetai ngai ngeni ila syĩ katĩ wenyu, na elekelyai ngoo syenyu kwa Yeova, Ngai wa Isilaeli.</verse>
				<verse number="24">Na andũ mamwĩa Yosua, Tũkathũkũmaa Yeova Ngai waitũ, na tũkeethukĩĩasya wasya wake.</verse>
				<verse number="25">Kwondũ wa ũu Yosua atianĩa ũtianĩo na andũ mũthenya ũsu, na amaiĩa mwamũlo na ũtw’ĩo ku Sekemu.</verse>
				<verse number="26">Na Yosua aandĩka ndeto isu ĩvukunĩ ya mĩao ya Ngai; na oosa ĩvia ĩnene, na ayĩũngamya o vau ĩtina wa mũtĩ wa mwaloni ũla waĩ vakuvĩ na vandũ vala vatheu va Yeova.</verse>
				<verse number="27">Na Yosua amea andũ onthe, Sisyai, ĩvia yĩĩ yĩkatũkũsĩĩa; nũndũ nĩyĩw’ĩte ndeto syonthe sya Yeova ila waneenie naitũ: kwondũ wa ũu yĩkamũkũsĩĩa, mũtikaakaĩe Ngai wenyu.</verse>
				<verse number="28">Kwondũ wa ũu Yosua amombũũkya andũ mathi, kĩla mũndũ ũtiĩwanĩ wake.</verse>
				<verse number="29">Na kweethĩwa ĩtina wa maũndũ asu, Yosua mwana wa Nuni, mũthũkũmi wa Yeova, akw’a, e wa myaka ĩana na ĩkũmi.</verse>
				<verse number="30">Na mamũthika mũvakanĩ wa ũtiĩwa wake ku Timinathi‐selaa, ĩla yĩ nthĩ yĩ iĩma ya Evalaimu, ngalĩ ya ĩũlũ ya kĩĩma kya Ngaasi.</verse>
				<verse number="31">Na Isilaeli mathũkũmaa Yeova mĩthenya yonthe ya Yosua, na mĩthenya yonthe ya atumĩa ala mekalile thayũ kũvĩtũka Yosua, na meesĩ wĩa w’onthe wa Yeova, ũla watethisye kwondũ wa Isilaeli.</verse>
				<verse number="32">Na mavĩndĩ ma Yosevu, ala ana ma Isilaeli mambatisye kuma Misili, mathika ku Sekemu, kĩlungunĩ kya nthĩ kĩla Yakovo wamathooee ana ma Amolu, ĩthe wa Sekemu na ilungu ĩana sya mbesa: na matw’ĩka ũtiĩwa wa ana ma Yosevu.</verse>
				<verse number="33">Na Eleasali, mwana wa Aluni, akw’a; na mamũthika kĩĩmanĩ kya Vineasi mwana wake, kĩla wanengiwe nthĩ yĩ iĩma ya Evalaimu.</verse>
			</chapter>
		</book>
		<book number="7">
			<chapter number="1">
				<verse number="1">Na kweethĩwa ĩtina wa kĩkw’ũ kya Yosua, ana ma Isilaeli makũlya Yeova, makyasya, Nũũ ũla wĩamba kwambata kwa Akanaani kwondũ witũ, kũkita nao?</verse>
				<verse number="2">Na Yeova amea, Yuta akambata: sisyai, nyie nĩnĩnenganĩte ĩ nthĩ kw’okonĩ kwake.</verse>
				<verse number="3">Na Yuta amwĩa Simeoni mwana‐a‐inyia, Ũka twambatan’ye kĩandanĩ kyakwa, nĩ kana tũkite na Akanaani; nakwa ngaendan’ya naku kĩandanĩ kyaku. Na ĩndĩ Simeoni aendan’ya nake.</verse>
				<verse number="4">Na Yuta ambata; na Yeova amanengane Akanaani na Avelisi mokonĩ moo: nao mamoaa ma asu andũ ngili ĩkũmi ku Mbeseki.</verse>
				<verse number="5">Na mamwĩthĩa Atoni‐mbeseki ku Mbeseki; na mokita nake, na makũna Akanaani na Avelisi.</verse>
				<verse number="6">Ĩndĩ Atoni‐mbeseki akũka; na mamũatĩĩa, na mamũkwata, na mamũtila syaa ila nene sya moko na sya maũũ.</verse>
				<verse number="7">Na Atoni‐mbeseki asya, Asumbĩ mĩongo mũonza, ala maĩ atile syaa syoo ila nene sya moko na sya maũũ, moosanasya lĩu woo ungu wa mesa yakwa: o ũndũ neekie, now’o Ngai wandĩva. Na mamũete Yelusaleme, na akw’ĩa kw’o.</verse>
				<verse number="8">Na ana ma Yuta mokita na Yelusaleme, na mamĩkwata, na mamĩkũna kwa kũtemanga na ũvyũ, na mamĩvĩvya ĩ ndũa na mwaki.</verse>
				<verse number="9">Na ĩtina ana ma Yuta matheea kũkita na Akanaani ala matwĩe nthĩ yĩ iĩma, na nthĩ ya ngalĩ ya Ĩtheo, na nthĩ ndindimalu.</verse>
				<verse number="10">Na Yuta mathi kũkita na Akanaani ala matwĩe Eviloni (na ĩndĩ syĩtwa ya Eviloni mbee yeetawa Kiliathi‐aliva); na makũna Sesai, na Aimani, na Talimai.</verse>
				<verse number="11">Na kuma vo aenda kũkita na ala matwĩe Ndevili. (Na syĩtwa ya Ndevili mbee yeetawa Kiliathi‐seveli.)</verse>
				<verse number="12">Na Kalevu asya, Ũla wĩkũna Kiliathi‐seveli, na kũmĩkwata, we ngamũnenga Akisa mwĩĩtu wakwa ethĩwe mũka.</verse>
				<verse number="13">Na Othinieli mwana wa Kenasi, mũinae wa Kalevu, amĩkwata: nake amũnenga Akisa mwĩĩtu wake ethĩwe mũka.</verse>
				<verse number="14">Na kweethĩwa, yĩla wokie vala ũĩ, amũingĩĩsya avoye ĩthe mũũnda: na auma ĩng’oinĩ yake; na Kalevu amũkũlya, Wĩenda kĩ?</verse>
				<verse number="15">Nake amũsũngĩa, Nenga ũathimo; nũndũ nũnenganĩte nthĩ ya ngalĩ ya Ĩtheo, nenga mbuluti sya manzĩ o nasyo. Na Kalevu amũnenga mbuluti sya ĩũlũ na mbuluti sya ĩtheo.</verse>
				<verse number="16">Na ana ma Mũkeni, mũthoni wa Mose, mambata kuma ndũa ĩsu ya mĩtende vamwe na ana ma Yuta kũvika weũnĩ wa Yuta, ũla wĩ ngalĩ ya ĩtheo ya Alati; na mathi na matũa na andũ asu.</verse>
				<verse number="17">Na Yuta athi na mwana‐a‐inyia Simeoni, nao makũna Akanaani ala matwĩe Nzevathi, na mamyananga vyũ. Na syĩtwa ya ndũa ĩsu yeetawa Olima.</verse>
				<verse number="18">Vamwe na ũu Yuta akwata Ngasa vamwe na mĩvaka yayo, na Asikeloni na mĩvaka yayo, na Ekiloni na mĩvaka yayo.</verse>
				<verse number="19">Na Yeova aĩ vamwe na Yuta; nake amalũngya ala matwĩe nthĩ yĩ iĩma; nũndũ ndaatonya kũlũngya ala matwĩe mwandanĩ, nũndũ maĩ na makasya ma kaũ ma iaa.</verse>
				<verse number="20">Na mamũnenga Kalevu Eviloni, o tondũ Mose waneenie: nake amalũngya vo ana asu atatũ ma Anaki.</verse>
				<verse number="21">Na ana ma Mbenyamini matyaalũngya Ayevusi ala matwĩe Yelusaleme; ĩndĩ Ayevusi matũaa na ana ma Mbenyamini ku Yelusaleme kũvika ũmũnthĩ.</verse>
				<verse number="22">Na nyũmba ya Yosevu, nao mambata kũkita na Mbethi‐eli; na Yeova aĩ vamwe namo.</verse>
				<verse number="23">Na nyũmba ya Yosevu matũmana makathiane Mbethi‐eli. (Na syĩtwa ya ndũa ĩsu mbee yeetawa Lusu.)</verse>
				<verse number="24">Na athiani moona mũndũ okĩte kuma ĩ ndũanĩ, na mamwĩa, Nĩtũũkwĩsũva, twon’ye ũlikĩlo wa ĩ ndũa, naitũ tũkakwĩka nesa.</verse>
				<verse number="25">Nake amon’ya ũlikĩlo wa ndũa ĩsu; namo makũna ĩ ndũa kwa kũtemanga na ũvyũ; ĩndĩ ũla mũndũ mamũeka vamwe na mũvĩa wake w’onthe.</verse>
				<verse number="26">Na ũla mũndũ athi nthĩ ya Aititi, na aaka ndũa, na amĩta Lusu, na nĩyo syĩtwa yayo kũvika ũmũnthĩ.</verse>
				<verse number="27">Na Manase ndaalũngya ala matwĩe Mbethi‐seani na tũtũla twayo, o na ala matwĩe Taanaki, na tũtũla twayo, o na ala matwĩe Ndoli na tũtũla twayo, o na ala matwĩe Ivileamu na tũtũla twayo, o na ala matwĩe Mekito na tũtũla twayo; ĩndĩ Akanaani meevinyĩlĩlya nthĩ ĩsu.</verse>
				<verse number="28">Na kweethĩwa, yĩla Isilaeli mongelekile vinya, mamatethethya Akanaani wĩa wa vinya, na matyaamalũngya vyũ.</verse>
				<verse number="29">Na Evalaimu ndaamalũngya Akanaani ala matwĩe Ngeseli; ĩndĩ Akanaani matũaa Ngeseli katĩ woo.</verse>
				<verse number="30">Na Nzevuluni ndaamalũngya ala matwĩe Kiteloni, o na ala matwĩe Naalali; ĩndĩ Akanaani matũaa katĩ woo, namo matw’ĩka ala matethethaw’a wĩa wa vinya.</verse>
				<verse number="31">Na Aseli ndaamalũngya ala matwie Ako, o na ala matwĩe Sitoni, o na ala ma Alavi, o na ala ma Akisivu, o na ala ma Eliva, o na ala ma Aveki, o na ala ma Leovu;</verse>
				<verse number="32">ĩndĩ Aaseli matũaa vamwe na Akanaani, ala matwĩe ĩ nthĩ; nũndũ matyaamalũngya.</verse>
				<verse number="33">Na Navitali ndaamalũngya ala matwĩe Mbethi‐semesi, o na ala matwĩe Mbethi‐anathi; ĩndĩ atũaa vamwe na Akanaani, ala matwĩe ĩ nthĩ: ĩndĩ ala matwĩe Mbethi‐semesi na Mbethi‐anathi matethethaw’a wĩa wa vinya.</verse>
				<verse number="34">Na Aamol malũngĩlĩĩlya ana ma Ndani nthĩ yĩ iĩma; na matyaametĩkĩla matheee mwandanĩ;</verse>
				<verse number="35">ĩndĩ Aamoli meevinyĩlĩlya kĩĩmanĩ kya Eelesi, na Aiyaloni, na Saalivimu: ĩndĩ kw’oko kwa nyũmba ya Yosevu nĩkwakĩlilye vinya, mũvaka matethethaw’a wĩa wa vinya.</verse>
				<verse number="36">Na mũvaka wa Aamoli waumĩte kyambatonĩ kya Akilavimu, kuma yĩla ĩvianĩ, na kũendeea na ĩũlũ.</verse>
			</chapter>
			<chapter number="2">
				<verse number="1">Na mũlaĩka wa Yeova ambata kuma Ngilikali kũthi Mbokimu. Na asya, Nyie nĩnatumie mwambata kuma Misili, na nĩnamũetie nthĩ ĩla nameavĩe aaĩthe menyu; na nĩnaisye, Ndikananga o na ĩndĩĩ ũtianĩo wakwa nenyu:</verse>
				<verse number="2">nenyu mũtikaatianĩe ũtianĩo o na wĩva na ala matwĩe nthĩ ĩno; mwĩomboa ithembeo syoo. Ĩndĩ mũtyaaĩthukĩĩsya wasya wakwa: mwĩkaa ũu kĩ?</verse>
				<verse number="3">Kwondũ wa ũu o nakwa nĩnaisye, Ndikamalũngya maume vala mũĩ; ĩndĩ makeethĩwa ta mĩw’a mbaunĩ syenyu, na ngai syoo ikeethĩwa kĩtei kwenyu.</verse>
				<verse number="4">Na kweethĩwa, yĩla ũla mũlaĩka wa Yeova waneenie ndeto isu na ana ma Isilaeli onthe, andũ mookĩlya mawasya moo na maĩa.</verse>
				<verse number="5">Na meeta syĩtwa ya vandũ vau Mbokimu: na mamũthembea Yeova vo.</verse>
				<verse number="6">Na ĩndĩ yĩla Yosua wamombũũkisye andũ, ana ma Isilaeli mathi kĩla mũndũ ũtiĩwanĩ wake amĩmesye nthĩ.</verse>
				<verse number="7">Na andũ mamũthũkũmaa Yeova mĩthenya yonthe ya Yosua, na mĩthenya yonthe ya atumĩa ala mekalangile thayũ kwĩ Yosua, ala monete wĩa mũnene w’onthe wa Yeova ũla wekĩte kwondũ wa Isilaeli.</verse>
				<verse number="8">Na Yosua mwana wa Nuni, mũthũkũmi wa Yeova, akw’a, e wa myaka ĩana na ĩkũmi.</verse>
				<verse number="9">Na mamũthika mũvakanĩ wa ũtiĩwa wake ku Timinathi‐eelesi, nthĩ yĩ iĩma ya Evalaimu, ngalĩ ya ĩũlũ ya kĩĩma kya Ngaasi.</verse>
				<verse number="10">O na andũ onthe ma nzyawa ĩsu yonthe moombanw’a vamwe na aaĩthe moo, na kwookĩla nzyawa ĩngĩ ĩtina woo, ĩla ĩtamwĩsĩ Yeova, o na ĩteesĩ wĩa ũla wekĩte kwondũ wa Isilaeli.</verse>
				<verse number="11">Na ana ma Isilaeli meekaa ũla Yeova wonaa wĩ ũthũku, na mathũkũmaa Mbaalimu;</verse>
				<verse number="12">na mamũtia Yeova, Ngai wa aaĩthe moo, ũla wamaumisye nthĩ ya Misili, na maatĩĩa ngai ingĩ, ngainĩ sya ngo sya andũ ila syamathyũlũlũkĩte, na masyĩkunamĩsya: na mamũthatya Yeova.</verse>
				<verse number="13">Na mamũtia Yeova, na mathũkũmaa Mbaali na Asetalothi.</verse>
				<verse number="14">Na ũthatu wa Yeova wakanĩa Isilaeli, nake amanengane mokonĩ ma anangi ala mamanangaa; na amathoosya mokonĩ ma amaitha moo ala mamathyũlũlũkĩte, mũvaka matyaatonya kũũngama ĩngĩ mbee wa amaitha moo.</verse>
				<verse number="15">O kw’onthe kũla maendĩe kw’oko kwa Yeova kwaĩ ĩũlũ woo kwondũ wa ũthũku, o tondũ Yeova waĩtye, na o tondũ Yeova wameavĩe: na maĩ athĩn’ye mũno.</verse>
				<verse number="16">Na Yeova aũngamasya asili, ala mamavonokasya mokonĩ ma ala mamanangaa.</verse>
				<verse number="17">Na vamwe na ũu matyaamethukĩĩasya asili moo; nĩkwĩthĩwa nĩmeekaa ũmalwaya makĩatĩĩa ngai ingĩ, na kũsyĩkunamĩsya: nĩmelelũkaa na mĩtũkĩ kuma nzĩanĩ ĩla aaĩthe moo maendelaa, makĩw’aa mĩao ya Yeova; ĩndĩ mo matyaaĩka ũu.</verse>
				<verse number="18">Na yĩla Yeova wamaũngamĩsya asili, nĩvo ĩndĩ Yeova waĩ vamwe na mũsili ũsu, na aimavonokya kuma mokonĩ ma amaitha moo mĩthenya yonthe ya mũsili ũsu: nũndũ Yeova nĩwetũngaa nũndũ wa kũluma kwoo kwondũ wa ala mamathĩnasya na kũmew’ĩthasya woo.</verse>
				<verse number="19">Ĩndĩ kweethĩawa, o yĩla mũsili wakw’a, nĩmasyokaa na ĩtina, na kwĩvukasya kwĩ aaĩthe moo, kwondũ wa kũatĩĩa ngaĩ ingĩ na kwithũkũmaa, na kũsyĩkunamĩasya; matyaaekana na meko moo kana mũendele woo wa kwaa matũ.</verse>
				<verse number="20">Na ũthatu wa Yeova wakanĩa Isilaeli; an asya, Nũndũ mbaĩ ĩno nĩvĩtĩtye ũtianĩo wakwa ũla nameaĩe aaĩthe moo, na matyaaĩthukĩĩsya wasya wakwa;</verse>
				<verse number="21">nakwa nyie kuma yu ndikailũngya mbaĩ ila Yosua watialilye aikw’a syume vala maĩ;</verse>
				<verse number="22">nĩ kana nĩmatatae Isilaeli nasyo ethĩwa makakwataa nzĩa ya Yeova mamĩendelae, o tondũ aaĩthe moo mamĩkwataa, kana ti w’o.</verse>
				<verse number="23">Kwondũ wa ũu Yeova aeka mbaĩ isũ, ate kwilũngya na mĩtũkĩ; o na ndaainengane kw’okonĩ kwa Yosua.</verse>
			</chapter>
			<chapter number="3">
				<verse number="1">Na ĩndĩ ii nĩsyo mbaĩ ila Yeova watialilye atatae Isilaeli nasyo, o ala ma Isilaeli ala mataamanya makaũ onthe ma ku Kanaani;</verse>
				<verse number="2">no kana mosyaanĩo ma ana ma Isilaeli mamanyae, nĩ kana mamanyĩaw’e kũkita, na mũno mũno o asu ala mataamanya mbee ũndũ o na ũmwe wakw’o:</verse>
				<verse number="3">na nĩsyo ii, eaĩi atano ma Avilisiti, na Akanaani onthe, na Asitoni, na Aivi ala matũaa kĩĩmanĩ kya Levanoni, kuma kĩĩma kya Mbaalielimoni kũvika ũlikĩlonĩ wa Amathi.</verse>
				<verse number="4">Nasyo saytiiwe sya kũtataa Isilaeli nasyo, ũndũ wa kũmanyaa ethĩwa makeethukĩĩasya mĩao ya Yeova, ĩla weaĩe aaĩthe moo na kanyw’a wa Mose.</verse>
				<verse number="5">Na ana ma Isilaeli namo matũa katĩ wa Akanaani, na Aititi, na Aamoli, na Avelisi, na Aivi, na Ayevusi:</verse>
				<verse number="6">namo matwaa eĩtu ma asu methĩwe aka moo, namo manenga ana ma asu eĩtu moo, na kũthũkũmaa ngai sya asu.</verse>
				<verse number="7">Na ana ma Isilaeli meekaa ũla Yeova wonaa wĩ ũthũku, na kũlwa nĩ Yeova Ngai woo, na mathũkũmaa Mbaalimu na Asetalothi.</verse>
				<verse number="8">Kwondũ wa ũu ũthatu wa Yeova wakanĩa Isilaeli, nake amathoosya kw’okonĩ kwa Kusani‐lisathaimu mũsumbĩ wa Mesovotamia: na ana ma Isilaeli mamũthũkũma Kusani‐lisathaimu myaka nyanya.</verse>
				<verse number="9">Na yĩla ana ma Isilaeli mamwĩkaĩlile Yeova, Yeova amaũngamĩsya ana ma Isilaeli mũtangĩĩi, ũla wamatangĩĩe, nake nĩ Othinieli mwana wa Kenasi, mũinae we Kalevu.</verse>
				<verse number="10">Na veva wa Yeova ooka ĩũlũ wake, nake asilanasya Isilaeli; na auma akokite, na Yeova amũnengane Kusani‐lisathaimu mũsumbĩ wa Mesovotamia kw’okonĩ kwake: na kw’oko kwake kwamũkĩlya Kusani‐lisathaimu vinya.</verse>
				<verse number="11">Na ĩ nthĩ yathũmũa myaka mĩongo ĩna. Na Othinieli mwana wa Kenasi akw’a.</verse>
				<verse number="12">Na ana ma Isilaeli meeka ĩngĩ ũla Yeova wonaa wĩ ũthũku: na Yeova amwĩkĩa Ekeloni mũsumbĩ wa Moavi vinya okite na Isilaeli, nũndũ nĩmekĩte ũla Yeova wonaa wĩ ũthũku.</verse>
				<verse number="13">Na Ekeloni amomban’ya kwake ana ma Amimoni na Amaleki; na athi na akũna Isilaeli, na moosa ĩla ndũa ya mĩtende yĩthĩwe ng’ũndũ yoo.</verse>
				<verse number="14">Na ana ma Isilaeli mamũthũkũma Ekeloni mũsumbĩ wa Moavi myaka ĩkũmi na nyanya.</verse>
				<verse number="15">Ĩndĩ yĩla ana ma Isilaeli mamwĩkaĩlile Yeova, we Yeova amaũngamĩsya mũtangĩĩi, o Euti mwana wa Ngela, ũla Mũmbenyamini, mũndũ waĩ kĩmotho. Na ana ma Isilaeli mamũtwaĩa Ekeloni mũsumbĩ wa Moavi mũvothi na kw’oko kwa ũsu.</verse>
				<verse number="16">Na Euti eetuĩa ũvyũ waĩ mũĩ ngalĩ syelĩ, ũasa waw’o mũkono ũmwe; na awĩyovela nthĩnĩ wa ngũa yake nthũnũnĩ yake ya kw’oko kwa aũme.</verse>
				<verse number="17">Na amũnenga Ekeloni mũsumbĩ wa Moavi ũla mũvothi: na ĩndĩ Ekeloni aĩ mũndũ mũnou mũno.</verse>
				<verse number="18">Na amina kũmũnenga mũvothi ũsu, amea andũ ala maetie mũvothi mathi.</verse>
				<verse number="19">Ĩndĩ we mwene eetulũlĩle vala vasũvaw’a mĩvw’anano vakuvĩ na Ngilikali, na asya, Nyie nĩ na ũtũmane wa kĩmbithĩ kwaku, we mũsumbĩ. Nake asya, Vindyai. Na onthe ala maũngamĩte vakuvĩ nake mauma vala ũĩ.</verse>
				<verse number="20">Na Euti ooka vala ũĩ; nake ekalĩte e weka nyũmbanĩ ya ĩũlũ ya mbevo. Na Euti asya, Nĩ na ũtũme kwaku kuma kwa Ngai. Na ookĩla kĩvĩlanĩ kyake.</verse>
				<verse number="21">Na Euti atambũũkya kw’oko kwake kwa aka, na akũa ũvyũ nthũnũnĩ ya kw’oko kwake kwa aũme, na amũvũthũa ĩvu naw’o:</verse>
				<verse number="22">na mbusya o nayo yalikanĩlya na ũvyũ; na mathunya malindĩla ũvyũ, nũndũ ndaamũkũa ũvyũ ĩvunĩ yake; na wakuthũkana mũongo.</verse>
				<verse number="23">Nĩvo ĩndĩ Euti waumaalile valasyanĩ, na amũvingĩa mĩomo ya nyũmba ĩsu ya ĩũlũ, na avinga ki.</verse>
				<verse number="24">Na ĩndĩ yĩla waendie athũkũmi make mooka; namo moona, na, sisya, mĩomo ya nyũmba ĩsu ya ĩũlũ nĩ mĩvinge ki, na masya, Vate ndĩi evw’ĩkĩte maũũ make e nyũmbanĩ ya ĩũlũ.</verse>
				<verse number="25">Na meteelanga mũvaka meew’a nthoni; na, sisya, ndaavingũa mĩomo ya nyũmba ya ĩũlũ: kwondũ wa ũu moosa ũvungũo, na mamĩvingũa; na, sisya, mwĩaĩi woo avalũkĩte nthĩ e mũkw’ũ.</verse>
				<verse number="26">Na Euti eevonokya yĩla meeteelete, na avĩtũka vala vasũvĩaw’a mĩvw’anano, na eevonokĩsya Seila.</verse>
				<verse number="27">Na kweethĩwa, yĩla wavikie, avuvĩa soo nthĩ yĩ iĩma ya Evalaimu; na ana ma Isilaeli matheea vamwe nake kuma nthĩ yĩ iĩma, e mbee woo.</verse>
				<verse number="28">Na amea, Ngatĩĩai; nũndũ Yeova nũnenganĩte amaitha menyu Amoavi mokonĩ menyu. Na matheea mamũatĩĩe, na makwata masyũko ma Yolotani masiĩĩe Amoavĩ, na matyaamũnenga mũndũ ũthei wa kũinga.</verse>
				<verse number="29">Na ĩvinda yĩu makũna ma Moavi andũ ta ngili ĩkũmi, kĩla mũndũ mũnou, na kĩla mũndũ ngũmbaũ; na vati mũndũ waavĩta.</verse>
				<verse number="30">Ũu nĩw’o Moavi wakĩlĩlw’e vinya mũthenya ũsu na kw’oko kwa Isilaeli. Na nthĩ yathũmũa myaka mĩongo nyanya.</verse>
				<verse number="31">Na ĩtina wake kwaĩ Samukalĩ mwana wa Anathi, ũla wakũnie Avilisiti maana thanthatũ na mũsenge wa kũinga ng’ombe: o nake amatangĩĩa Isilaeli.</verse>
			</chapter>
			<chapter number="4">
				<verse number="1">Na ana ma Isilaeli meeka ĩngĩ ũla Yeova wonaa wĩ ũthũku, yĩla Euti wakwie.</verse>
				<verse number="2">Na Yeova amathoosya kw’okonĩ kwa Yavini mũsumbĩ wa Kanaani, ũla wasumbĩkĩte ku Asoli; na kavuteni wa nguthu ya ũsu aĩ Sisela, ũla watwie Alosethi wa Andũ‐ma‐mbaĩ‐ingĩ.</verse>
				<verse number="3">Na ana ma Isilaeli mamwĩkaĩla Yeova: nũndũ Sisela aĩ na makasya ma kaũ maana kenda ma iaa; na nĩwathĩnasya ana ma Isilaeli na vinya myaka mĩongo ĩlĩ.</verse>
				<verse number="4">Na ĩvinda yĩu Ndevola, mwathani mũndũ mũka, kĩveti kya Lavitothi, nĩkyasilanasya Isilaeli.</verse>
				<verse number="5">Nake ekalaa ĩtina wa mũtende wa Ndevola, katĩ wa Lama na Mbethi‐eli, nthĩ yĩ iĩma ya Evalaimu: na ana ma Isilaeli mambataa vala ũĩ nĩ kana makasilanw’e.</verse>
				<verse number="6">Na atũmana Mbalaka aketwe, mwana wa Avinoamu, kuma Ketesi‐navitali, na amwĩa, Yeova, Ngai wa Isilaeli, ndakwĩaĩĩte, aikwĩa, Enda ũthengeee kĩĩmanĩ kya Tavoli, na ũkĩthi na andũ ngili ĩkũmi ma ana ma Navitali na ma ana ma Nzevuluni?</verse>
				<verse number="7">Nakwa ngakũthengeesya Sisela ũsĩnĩ wa Kisoni, kavuteni wa ita sya Yavini, vamwe na makasya make ma kaũ na nguthu yake; na ngamũnengane kw’okonĩ kwaku.</verse>
				<verse number="8">Na Mbalaka amwĩa, Ethĩwa nũkũendan’ya nakwa, nĩngũthi; ĩndĩ ethĩwa ndwĩendan’ya nakwa, ndithi.</verse>
				<verse number="9">Nake amwĩa, Nditĩa kũthi naku: ĩndĩ kyalo kyu ũkũthi kĩtyĩthĩwa kya ndaĩa yaku; nũndũ Yeova akanengane Sisela kw’okonĩ kwa mũndũ mũka. Na Ndevola ookĩla, na athi Ketesi, e na Mbalaka.</verse>
				<verse number="10">Na Mbalaka eeta a Nzevuluni na a Navitali mombane Ketesi; na mambata andũ ngili ĩkũmi mamũatĩĩe: na Ndevola ambata vamwe nake.</verse>
				<verse number="11">Na ĩndĩ Eeveli Mũkeni nĩwevathanĩte na Akeni, o ana ma Ovavu mũthoni wa Mose, na akamba ĩeema yake o vaasa ta vala vaĩ mũtĩ wa mwaloni ku Nzaananĩmu, ĩla yĩ ũtee wa Ketesi.</verse>
				<verse number="12">Na matavya Sisela kana Mbalaka mwana wa Avinoamu nĩwambatĩte kĩĩmanĩ kya Tavoli.</verse>
				<verse number="13">Na Sisela oomban’ya kuma Alosethi ya Andũ‐ma‐mbaĩ‐ingĩ, kũvika ũsĩnĩ wa Kisoni, makasya make onthe ma kaũ, o makasya maana kenda ma iaa, na andũ onthe ala maĩ vamwe nake.</verse>
				<verse number="14">Na Ndevola amwĩa Mbalaka, Ũkĩla; nũndũ ũũ nĩ mũthenya ũla Yeova ũnenganĩte Sisela kw’okonĩ kwaku; Yeova ndaumaalĩte akũtongoesye? Kwondũ wa ũu Mbalaka atheea kũma kĩĩmanĩ kya Tavoli, e na andũ ngili ĩkũmi mamũatĩĩe.</verse>
				<verse number="15">Na Yeova amũthokoan’ya Sisela, na makasya make onthe ma kaũ, na nguthu yake yonthe, kwa kũtemanga na ũvyũ Mbalaka e vo; na Sisela auma ĩkasyanĩ yake ya kaũ, na akũka na maũũ.</verse>
				<verse number="16">Ĩndĩ Mbalaka aatĩĩa makasya ma kaũ na nguthu, kũvika Alosethi ya Andũ‐ma‐mbaĩ‐ingĩ: na nguthu yonthe ya Sisela yavalũkw’a ĩtemangĩtwe na ũvyũ; vatyaatiala mũndũ o na ũmwe.</verse>
				<verse number="17">Ĩndĩ Sisela akũka na maũũ avika ĩeemanĩ ya Yaeli mũka wa Eeveli ũla Mũkeni; nũndũ kwaĩ mũuo katĩ wa Yavini mũsumbĩ wa Asoli na nyũmba ya Eeveli ũla Mũkeni.</verse>
				<verse number="18">Na Yaeli athi amũthaũe Sisela, na amwĩa, Athũka, mwĩaĩi wakwa, athũkĩla vaa nĩĩ; ndũkakĩe. Na athũka alika ĩeemanĩ kwake, na amũvw’ĩkĩĩa ĩvula.</verse>
				<verse number="19">Na amwĩa, Nĩngũkwĩsũva, nenga tũmanzĩ nĩnyw’e; nũndũ nĩ na waũni. Na akunũa kathatwa ke ĩia, na amũnenga anyw’e, na amũvw’ĩka.</verse>
				<verse number="20">Na amwĩa, Ũngama mũomonĩ wa ĩeema, na kwĩthĩwe ethĩwa mũndũ o na wĩva nũnũkũka na ũkũkũlya, akyasya, Ve mũndũ ũngĩ vaa? Mwĩe, Aiee.</verse>
				<verse number="21">Nĩvo ĩndĩ Yaeli mũka wa Eeveli wosie kyambo kya ĩeema, na oosa kĩiva na kw’oko, na amũtonea, na amũkũnĩĩla ũthĩanĩ na kyambo, na kyakũthũkana kyatonya nthĩ; nũndũ aĩ na too mũnene; nake anyooka na akw’a.</verse>
				<verse number="22">Na, sisya, Mbalaka aatĩĩe Sisela, Yaeli aumaala amũthaũe, na amwĩa, Ũka, na nĩngũkwon’ya mũndũ ũla ũũmantha. Na ooka vala ũĩ; na, sisya, Sisela akomete e mũkw’ũ, na kĩla kyambo kĩ ũthĩanĩ kĩkuthũkene.</verse>
				<verse number="23">Ũu nĩw’o Ngai wakĩlilye Yavini mũsumbĩ wa Kanaani vinya kwondũ wa ana ma Isilaeli mũthenya ũsu.</verse>
				<verse number="24">Na kw’oko kwa ana ma Isilaeli kwakĩlya Yavini mũsumbĩ wa Kanaani vinya mbee na mbee, mũvaka mamwananga Yavini mũsumbĩ wa Kanaani.</verse>
			</chapter>
			<chapter number="5">
				<verse number="1">Nĩvo ĩndĩ Ndevola na Mbalaka mwana wa Avinoamu mainie mũthenya ũsu, makyasya,</verse>
				<verse number="2">Nũndũ atongoi nĩmatongoetye nthĩnĩ wa Isilaeli, Nũndũ andũ nĩmeenenganie na ngoo ya kwenda, Mũtaĩei Yeova.</verse>
				<verse number="3">Ĩw’ai, inyw’ĩ asumbĩ; teai matũ, inyw’ĩ anene; Nyie, o nyie, ngamwinĩa Yeova; Ngaina ngĩkumya Yeova, Ngai wa Isilaeli.</verse>
				<verse number="4">Yeova, yĩla waumaalile kuma Seili, Yĩla waendie wauma nthĩ ya Etomu, Nthĩ nĩyatetemie, matu namo mavalũka, Ĩĩ, mathweo metĩkya kĩw’ũ.</verse>
				<verse number="5">Iĩma syatetema Yeova e vo, O Sinai kĩya nakyo Yeova, Ngai wa Isilaeli, e vo.</verse>
				<verse number="6">Mĩthenyanĩ ya Samukali mwana wa Anathi, Mĩthenyanĩ ya Yaeli, malelũ matyaĩ andũ, Na aendi ma kyalo maendelaa tũsĩlanĩ twa myathũko.</verse>
				<verse number="7">Asumbĩki mathela nthĩnĩ wa Isilaeli, nĩmathelile, Mũvaka yĩla nyie Ndevola nookĩlile, Nookĩla nĩ inyia nthĩnĩ wa Isilaeli.</verse>
				<verse number="8">Nĩmanyuvie ngai ingĩ; Na ĩndĩ kwaĩ kaũ i mbingĩlonĩ: Nĩkwoonekie ngao kana ĩtumo Katĩ wa andũ ngili mĩongo ĩna ma Isilaeli?</verse>
				<verse number="9">Ngoo yakwa nĩyelekele makavana ma Isilaeli, Ala meenenganie na ngoo ya kwenda katĩ wa andũ: Mũtaĩei Yeova.</verse>
				<verse number="10">Ũtavan’yei, inyw’ĩ ala mũkuawa nĩ mang’oi meũ, Inyw’ĩ ala mwĩkalĩlaa mĩkeka yĩ thooa mũnene, Na inyw’ĩ ala mũendaa na nzĩa.</verse>
				<verse number="11">O kũasa na kĩlonzo kya ala ma mata, kũla kũtavawa manzĩ, Kũu makawetangĩa meko malũngalu ma Yeova, O meko malũngalu ma ũsumbĩki wake nthĩnĩ wa Isilaeli. Nĩvo ĩndĩ andũ ma Yeova matheeie i mbingĩlonĩ.</verse>
				<verse number="12">Amũka, amũka, Ndevola; Amũka, amũka, ina wathi: Ũkĩla, Mbalaka, twaa ala ũtavĩte, we, mwana wa Avinoamu.</verse>
				<verse number="13">Nĩvo ĩndĩ kwatheeie ũtialo wa anene me ndaĩa o na andũ; Yeova atheea kwondũ wakwa okite na ala me vinya mũnene.</verse>
				<verse number="14">Kuma Evalaimu matheea ala kĩtina kyoo kĩ ku Amaleki; Ĩtina waku, Mbenyamini, katĩ wa ngo sya andũ maku; Kuma Makili matheea makavana, Na kuma Nzevuluni ala makuaa ndata ya mũandikĩ.</verse>
				<verse number="15">Na anene ma Isakali maĩ vamwe na Ndevola; O tondũ Isakali wailyĩ, now’o Mbalaka wailyĩ; Masemba malika mwandanĩ mamũkinyĩlĩte itiinyo. Ũtee wa mĩmeo ya tũlũsĩ twa Leuveni Vaĩ kũsũanĩĩwa kũnene kwa ngoo.</verse>
				<verse number="16">Wekalĩte syengonĩ sya malondu nĩkĩ, Wĩw’ae mĩtũlilũ ĩla ĩnĩũvuvĩwa ndĩthya sya mbũi na malondu? Ũtee wa mĩmeo ya tũlũsĩ twa Leuveni Vaĩ mothianĩo manene ma ngoo.</verse>
				<verse number="17">Ngileati atwĩe mũingo wa Yolotani: Na Ndani, ekalaa ngalawanĩ nĩkĩ? Aseli ekalaa auĩtye kĩthũmũonĩ ũtee wa ũkanga, Na ekalaa ũtee wa syoko syĩ kwake.</verse>
				<verse number="18">Nzevuluni maĩ ũko wa andũ ũla walekilye mathayũ moo mũisyonĩ kũvika kĩkw’ũ, O na Navitali, ĩũlũ wa kũla kũndũ kũtũlu kwa nthĩ.</verse>
				<verse number="19">Asumbĩ mooka na mokita; Nĩvo ĩndĩ asumbĩ ma Kanaani mokitĩe, Ku Taanaki ũtee wa manzĩ ma Mekito: Matyaaosa ũtandĩthyo wa mbesa.</verse>
				<verse number="20">Ndata nĩsyokitie syĩ ĩtunĩ, Syĩ nzĩanĩ syasyo syamũkita Sisela.</verse>
				<verse number="21">Ũsĩ wa Kisoni wamatwaa vyũ, Ũsĩ ũsu wa tene, ũsĩ wa Kisoni. We ngoo yakwa, endeea na vinya.</verse>
				<verse number="22">Nĩvo ĩndĩ mavũngũ ma mbalasi malumangya matuu Kwondũ wa kũtũlĩlanga, kũtũlĩlanga kwa ila syoo syĩ vinya.</verse>
				<verse number="23">Umanĩai Melosi, asya ũu mũlaĩka wa Yeova, Maumanĩei na wai ala matwĩe vo, Nũndũ matyaaũka kũmũtetheesya Yeova, Kũmũtetheesya Yeova kwa ala me vinya mũno.</verse>
				<verse number="24">Yaeli akaathimwa kũvĩtũka aka, Kĩveti kya Eeveli ũla Mũkeni; Akaathimwa kũvĩtũka aka ma ĩeemanĩ.</verse>
				<verse number="25">Eetya kĩw’ũ, nake amũnenga ĩia; Amũetee mauta ma meo me ĩsaaninĩ ĩseo mũno.</verse>
				<verse number="26">Atambĩĩa na kw’oko kyambo kya ĩeema, Na kw’oko kwake kwa aũme kĩiva kya mũndũ wa wĩa; Na amũkũnĩĩa Sisela na kĩla kĩiva, amũkũnĩĩa kyakuthũkana mũtwe wake; Ĩĩ, atonya na akĩkũna mũkuthũ nthĩanĩ syake.</verse>
				<verse number="27">Maũũnĩ make akunama, avalũka, akoma; Maũũnĩ make akunama, avalũka: O vala wakunamĩe, nĩvo wavalũkile e mũkw’ũ.</verse>
				<verse number="28">Asyaĩlya mbũthinĩ, na aĩa, O inyia wa Sisela aĩĩa mbũthinĩ yĩ mĩtĩ mĩkelangan’ye, Ĩkasya yake yĩkalile ĩvinda yĩana ũu nĩkĩ? Ndĩa sya makasya make syĩkalile ũu nĩkĩ?</verse>
				<verse number="29">Aka oĩ me ndaĩa ma kwake mamũsũngĩa, Ĩĩ, o nake mwene eesũngĩa,</verse>
				<verse number="30">Matyonete, na kũaan’ya mũtavo? Mwĩĩtu, eĩtu elĩ kĩla mũndũ; Kwa Sisela mũtavo wa ngũa syĩ malangi, Mũtavo wa ngũa syĩ malangi syanakavĩtw’e na ndii, Wa ngũa syĩ malangi syanakavĩtw’e na ndii ngalĩ syelĩ, syĩ ngingonĩ sya atavwa?</verse>
				<verse number="31">Amaitha maku onthe nĩmathele ũu, ame Yeova; Ĩndĩ ala mamwendaa nĩmethĩwe ta syũa yĩkyuma na vinya wayo mũnene. Na ĩ nthĩ yathũmũa myaka mĩongo ĩna.</verse>
			</chapter>
			<chapter number="6">
				<verse number="1">Na ana ma Isilaeli meeka ũla Yeova wonaa wĩ ũthũku: na Yeova amanengane kw’okonĩ kwa Mitiani myaka mũonza.</verse>
				<verse number="2">Na kw’oko kwa Mitiani kwakĩlya Isilaeli vinya; na nũndũ wa Mitiani ana ma Isilaeli nĩmeeseũvĩsye maima ala me iĩmanĩ, na ngunga, na ngome syĩ vinya.</verse>
				<verse number="3">Na kweethĩwa, yĩla Isilaeli mavuĩie, Amitiani mambata, na Aamaleki, na ana ma ngalĩ ya wumĩlonĩ wa syũa; mambate mokite namo;</verse>
				<verse number="4">na mamba maeema mamataũĩĩe, na maananga ũsyao wa nthĩ, kũvika wavika Ngasa, na matyaatialya kwa Isilaeli kĩndũ kya kũmatethya, ĩlondu, kana ng’ombe, kana ĩng’oi.</verse>
				<verse number="5">Nũndũ mo me na indo syoo na maeema moo nĩmambatie; malikile aingĩ ta ngie; mo na ngamĩle syoo ityaĩ italĩka: namo malika nthĩ ĩsu mamyanange.</verse>
				<verse number="6">Na Isilaeli matheew’a mũno nũndũ wa Mitiani; na ana ma Isilaeli mamwĩkaĩla Yeova.</verse>
				<verse number="7">Na kweethĩwa, yĩla ana ma Isilaeli mamwĩkaĩlile Yeova nũndũ wa Mitiani,</verse>
				<verse number="8">Yeova atũmĩa ana ma Isilaeli mwathanĩ: nake amea, Ũũ nĩw’o Yeova, Ngai wa Isilaeli, ũnũkwasya, Nyie nĩnamwambatisye inyw’ĩ kuma Misili, na kũmumya nyũmbanĩ ya ũkombo;</verse>
				<verse number="9">na nĩnamũvonokisye kuma mokonĩ ma Amisili, na kuma mokonĩ ma onthe ala mamũthĩnasya, na namalũngya maume mbee wenyu, na namũnenga nthĩ yoo;</verse>
				<verse number="10">na namwĩa, Ninyie Yeova Ngai wenyu; mũtikakĩe ngai sya Aamoli, ala mũtũaa nthĩ yoo. Ĩndĩ mũtyaaĩw’a wasya wakwa.</verse>
				<verse number="11">Na mũlaĩka wa Yeova ooka na ekala ĩtina wa mũtĩ wa mwaloni ũla waĩ Ovala, ĩla yaĩ ya Yoasi Mũavieseli: na mwana wake Ngiteoni avũĩaa nganũ kĩangĩonĩ kya nzavivũ, nĩ kana amĩvithe Amitiani.</verse>
				<verse number="12">Na mũlaĩka wa Yeova amumĩlĩla, na amwĩa, Yeova e vamwe naku, we ngũmbaũ nene.</verse>
				<verse number="13">Na Ngiteoni amwĩa, Ame, mwĩaĩi wakwa, ethĩwa Yeova e vamwe naitũ, nĩkĩ ĩndĩ maũndũ aa onthe matũkwatĩte? Na maĩva ala mawĩa make onthe ma ũseng’ya, ala aaĩthe maĩtũ matũtavisye ũndũ wamo, makyasya, Yeova ndatwambatisye kuma Misili? Ĩndĩ yu Yeova nũtũekete, na nũtũnenganĩte kw’okonĩ kwa Mitiani.</verse>
				<verse number="14">Na Yeova amũsisya, na amwĩa, Enda na vinya ũũ waku, ũkamatangĩĩe Isilaeli kuma kw’okonĩ kwa Mitiani: ndikũtũmĩte?</verse>
				<verse number="15">Nake amwĩa, Ame Mwĩaĩi, ngamatangĩĩe Isilaeli na kayũ? Sisya, mũvĩa witũ nĩw’o ngya nthĩnĩ wa Manase, nakwa ninyie mũnini mbee nyũmbanĩ ya nau.</verse>
				<verse number="16">Na Yeova amwĩa, Nditĩa kwĩthĩwa vamwe naku, naku ũkakũna Amitiani o ta mũndũ ũmwe.</verse>
				<verse number="17">Nake amwĩa, Ethĩwa nĩnendeesye kwaku yu, mbon’ya ĩndĩ wonan’wo nĩmanye kana nue ũũneena nakwa.</verse>
				<verse number="18">Nĩngũkwĩsũva, ndũkaume vaa kũvika nasyoka vala ũĩ, na kũete mũthĩnzĩo wakwa, na kwia mbee waku. Nake amwĩa, Nĩngweteela mũvaka wooka ĩngĩ.</verse>
				<verse number="19">Na Ngiteoni alika nthĩnĩ, na ooaa katena ka mbũi, na aseũvya tũmũtũ tũte ĩlawa twa eva ya mũtu: eekĩa nyama kĩkavũnĩ, na eekĩa mũthoi mbisũnĩ, na amũetee vau nza ĩtina wa mwaloni, na amũnenga.</verse>
				<verse number="20">Na ũla mũlaĩka wa Ngai amwĩa, Osa nyama na tũmũtũ tũte ĩlawa, na ũkia ĩũlũ wa ĩvia yĩĩ, na ũkĩtulũla mũthoi. Nake eeka ũu.</verse>
				<verse number="21">Na ĩndĩ mũlaĩka wa Yeova atwaa mũthya wa ndata ĩla yaĩ kw’okonĩ kwake, na akiita ila nyama na tũmũtũ tũte ĩlawa; na kwauma mwaki yĩla ĩvianĩ, na wamina ila nyama na tũmũtũ tũte ĩlawa; na ũla mũlaĩka wa Yeova auma vala ũĩ.</verse>
				<verse number="22">Na Ngiteoni amanya atĩ ũsu eĩ mũlaĩka wa Yeova; na Ngiteoni asya, Ĩiaa, ame Mwĩaĩi Yeova! Nũndũ nĩnoonana na mũlaĩka wa Yeova ũthyũ kwa ũthyũ.</verse>
				<verse number="23">Na Yeova amwĩa, Mũuo wĩthĩwe kwaku; ndũkakĩe: ndwĩkw’a.</verse>
				<verse number="24">Nĩvo ĩndĩ Ngiteoni wamwakĩe Yeova kĩthembeo vu, na akĩta Yeova‐salomu: kũvika ũmũnthĩ kĩ o ku Ovala wa Aavieseli.</verse>
				<verse number="25">Na kweethĩwa ũtukũ o ũsu, Yeova amwĩa, Osa kasalũ ka au ka mũew’a, o kasalũ kala ka kelĩ ka myaka mũonza, na omboanga kĩthembeo kya Mbaali kĩla au wĩ nakyo, na ũitema mũvw’anano wĩtawa Asela ũla wĩ vakuvĩ nakyo;</verse>
				<verse number="26">na mwakĩe Yeova Ngai waku kĩthembeo ĩũlũ wa ngome ĩno yĩ vinya, kwĩanana na ũndũ waĩle, na osa kala kasalũ ka kelĩ, na ũkĩthemba nthembo ya kũvĩvw’a na ngũ sya ũla Asela ũla ũũtema.</verse>
				<verse number="27">Nĩvo ĩndĩ Ngiteoni wosie ĩkũmi ma athũkũmi make, na eeka o tondũ Yeova ũmũtavĩtye na kweethĩwa, nũndũ nĩwakĩaa andũ ma nyũmba ya ĩthe na andũ ma ĩ ndũa, ũndũ ũtatonya kwĩka ũu mũthenya, awĩkie ũtukũ.</verse>
				<verse number="28">Na yĩla andũ ma ĩ ndũa mookĩlile kĩoko tene, sisya, kĩla kĩthembeo kya Mbaali kyaĩ kĩomboe, na Asela waĩ mũteme ũkavalũka ũla waĩ vakuvĩ nakyo, na kala kasalũ ka kelĩ nĩkathembetwe ĩũlũ wa kĩthembeo kĩla kyaakiwe.</verse>
				<verse number="29">Na makũlan’ya ene kwa ene, Ũla wĩkie ũndũ ũũ nũũ? Na yĩla mamanthanie na kũkũlan’ya, masũngĩana, Ngiteoni mwana wa Yoasi nĩwe wĩkie ũndũ ũũ.</verse>
				<verse number="30">Nĩvo ĩndĩ andũ ma ndũa mamwĩie Yoasi, Umaalya mwana waku, nĩ kana akw’e, nũndũ nũomboangie kĩthembeo kya Mbaali, na nũndũ nũtemie Asela ũla wĩ vakuvĩ nakyo.</verse>
				<verse number="31">Na Yoasi amakũlya onthe ala maũngamie matetan’ye nake, Nĩmũũmũtetea Mbaali? Kana nĩmũũmũtangĩĩa? Ũla ũkũmũtetea, nĩoawe kũtanakya: ethĩwa nĩ ngai, nĩetetee mwene, nũndũ ũmwe nũomboie kĩthembeo kyake.</verse>
				<verse number="32">Kwondũ wa ũu mũthenya ũsu amwĩta Ngiteoni Yelumbaali, akyasya, Mbaali nĩetetee, nũndũ nũomboie kĩthembeo kyake.</verse>
				<verse number="33">Nĩvo ĩndĩ Amitiani na Aamaleki onthe na ana ma ngalĩ ya wumĩlonĩ wa syũa moombanie vamwe; na mainga na mamba maeema mwandanĩ wa Yesileeli.</verse>
				<verse number="34">Ĩndĩ Veva wa Yeova ooka ĩũlũ wa Ngiteoni; na avuva soo; na Avieseli moombana mamũatĩĩe.</verse>
				<verse number="35">Nake atũma atũmwa kwa Manase kw’onthe; o namo moombana mamũatĩĩe: na atũma atũmwa kwa Aseli, na kwa Nzevuluni, na kwa Navitali; namo mambata makomane namo.</verse>
				<verse number="36">Na Ngiteoni amwĩa Ngai, Ethĩwa ũkatangĩĩa Isilaeli na kw’oko kwakwa, o tondũ waĩtye,</verse>
				<verse number="37">sisya, nĩngwia w’ĩa wa ĩlondu kĩvũĩonĩ; ethĩwa kũkeethĩwa ĩmwe ĩũlũ wa w’ĩa wĩ w’oka, na nthĩ yonthe vu ĩkĩthĩwa yĩ nyũmũ, nĩvo ĩndĩ nĩmanya kana ũkatangĩĩa Isilaeli na kw’oko kwakwa, o tondũ waĩtye.</verse>
				<verse number="38">Na kweethĩwa o ta ũu; nũndũ ookĩla kĩoko tene ũnĩ ũsu, na ooviva, na aviva ĩmwe kuma ũ w’ĩanĩ, mbakũli mwĩta ya manzĩ.</verse>
				<verse number="39">Na Ngiteoni amwĩa Ngai, Ũthatu waku ndũkambakanĩe, na nĩngũneena o ĩvinda yĩĩ yoka: eka nĩtate, nĩngũkwĩsũva, o ĩvinda yĩĩ yoka na ũla w’ĩa; ũ w’ĩa e w’o wĩthĩwe wĩ mũmũ, na nthĩ yonthe vu yĩthĩwe na ĩmwe.</verse>
				<verse number="40">Na Ngai eeka ũu ũtukũ ũsu: nũndũ ũ w’ĩa now’o waĩ mũmũ, na kwaĩ ĩmwe nthĩ yonthe.</verse>
			</chapter>
			<chapter number="7">
				<verse number="1">Nĩvo ĩndĩ Yelumbaali, ũla Ngiteoni, na andũ onthe ala maĩ nake, mookĩlile kĩoko tene, na mamba maeema vakuvĩ na mbuluti ya Alote: na mwako wa maeema wa Mitiani waĩ ngalĩ ya ĩũlũ woo mwandanĩ, vakuvĩ na kĩĩma kya Mole.</verse>
				<verse number="2">Na Yeova amwĩa Ngiteoni, Andũ ala wĩ namo nĩ aingĩ mũno ũndũ ndatonya kũmanengane Amitiani mokonĩ moo, Isilaeli matikese kwĩkathĩĩa ĩũlũ wakwa, makyasya, Kw’oko kwakwa mwene nĩkũndangĩĩĩte.</verse>
				<verse number="3">Yu ĩndĩ tavan’ya matũnĩ ma andũ, ũkĩmea, O ũla wĩ na w’ĩa na kũtetema, nasyoke aume kĩĩmanĩ kya Ngileati. Na kwasyoka ma andũ ngili mĩongo ĩlĩ na ilĩ; na kwatiala ngili ĩkũmi.</verse>
				<verse number="4">Na Yeova amwĩa Ngiteoni, Andũ no aingĩ o na yu; matheesye vala ve kĩw’ũ, na nĩngũũtatĩa mo vo: na kũkeethĩwa, ũla nĩkũtavya ũndũ wake atĩĩ, Ũũ nũkũthi naku, o ũsu nathi naku; na o ũla nĩkũtavya ũndũ wake atĩĩ, Ũũ ndethi naku, o ũsu ndakathi.</verse>
				<verse number="5">Na ĩndĩ atheesya andũ vala ve kĩw’ũ: na Yeova amwĩa Ngiteoni, Kĩla ũmwe ũla wĩlambalambya kĩw’ũ na ũĩmĩ, o tondũ ngitĩ ĩlambalambasya, ũsu wĩmũveta ũtee e weka; no ta ũu, kĩla ũmwe wĩtulya ndu anyw’e.</verse>
				<verse number="6">Na ũtalo wa ala malambalambilye, makĩtwaa kanyw’anĩ na kw’oko, maĩ andũ maana atatũ: ĩndĩ andũ ala angĩ onthe matulya ndu manyw’e kĩw’ũ.</verse>
				<verse number="7">Na Yeova amwĩa Ngiteoni, Ngamũtangĩĩa na andũ maana atatũ ala malambalambya, na kũmanengane Amitiani kw’okonĩ kwaku; na andũ ala angĩ onthe kĩla mũndũ nĩenũke kwake.</verse>
				<verse number="8">Na ĩndĩ andũ asu makua lĩu na masoo moo na moko moo; na amea andũ onthe ma Isilaeli kĩla mũndũ enũke ĩeemanĩ yake, ĩndĩ ekala na ala andũ maana atatũ: na mwako wa maeema wa Mitiani waĩ mwandanĩ ĩtheo wake.</verse>
				<verse number="9">Na kweethĩwa ũtukũ o ũsu Yeova amwĩa, Ũkĩla, ũtheee mwakonĩ wa maeema; nũndũ nĩnĩũnenganĩte kw’okonĩ kwaku.</verse>
				<verse number="10">Ĩndĩ ethĩwa nũũkĩa kũtheea, theea wĩ na Vula mũthũkũmi waku mwakonĩ wa maeema:</verse>
				<verse number="11">na ũkeew’a ũndũ meũneena; na ĩtina wa ũu moko maku nĩmeũya vinya nĩ kana ũtheee mwakonĩ wa maeema. Na ĩndĩ atheea e na Vula mũthũkũmi wake, mavikĩa ala meekĩe mĩĩo ya kaũ me ũtee wa mwako wa maeema.</verse>
				<verse number="12">Na Amitiani na Aamaleki na ana ma ngalĩ ya wumĩlonĩ wa syũa menyaĩtye mwandanĩ me aingĩ ta ngie; na ngamĩle syoo ityaĩ italĩka, o ta kĩthangathĩ kĩla kĩ ũtee wa ũkanga ũndũ wa kwingĩva.</verse>
				<verse number="13">Na yĩla Ngiteoni wavikie vo, sisya, kwaĩ mũndũ watavasya mũtindan’ya wake ndoto; na asya; Sisya, nĩnĩotie ndoto; na, sisya, kamũtũ ka mbaale kavingilitĩla mwako wa maeema wa Mitiani na kavika ĩeemanĩ, na kayĩkũna mũvaka yavalũka, na kayĩkũluman’ya, mũvaka ĩeema yeenyasya nthĩ.</verse>
				<verse number="14">Na mũtindan’ya wake amũsũngĩa amwĩa, Ũu ti ũndũ ũngĩ ate o ũvyũ wa Ngiteoni mwana wa Yoasi, mũndũ wa Isilaeli: Ngai nũnenganĩte Mitiani, na nguthu yonthe, kw’okonĩ kwake.</verse>
				<verse number="15">Na kweethĩwa, yĩla Ngiteoni wewie ndoto ĩkĩtavanw’a, na ũalyũlo wayo, athaitha; na asyoka mwakonĩ wa maeema wa Isilaeli, na asya, Ũkĩlai; nũndũ Yeova nũnenganĩte nguthu ya Mitiani mokonĩ menyu.</verse>
				<verse number="16">Na aaan’ya ala andũ maana atatũ nguthu itatũ, na amanenga onthe masoo mokonĩ moo, na itete nthei, syĩ na mũĩ nthĩnĩ wasyo.</verse>
				<verse number="17">Na amea, Nzisyai, na mũkĩka o ũndũ ngwĩka: na, sisyai, navika ũtee wa mwako wa maeema, nĩkwĩthĩwe o ũndũ nĩĩka, mwĩĩka o w’o.</verse>
				<verse number="18">Yĩla nĩvuva soo, nyie na onthe ala nĩ namo, nĩvo ĩndĩ nenyu mwĩvuva masoo ngalĩ syonthe sya mwako wa maeema, na mũkyasya, Nĩ kwondũ wa Yeova na Ngiteoni.</verse>
				<verse number="19">Na ĩndĩ Ngiteoni, na ala andũ ĩana maĩ nake, mavika ũtee wa mwako wa maeema ũsyaĩĩsyo wa katĩ ũkyambĩlĩla, o asyaĩĩsya makyuman’ya: na mavuva masoo, na mooaa ĩtete ila syaĩ mokonĩ moo.</verse>
				<verse number="20">Na nguthu isu itatũ syavuva masoo, na syooaa itete, na syakwata mũĩ na moko moo ma aka, na masoo na moko moo ma aũme nĩ kana mavuve: na maneena na wasya mũnene, Ũvyũ wa Yeova na wa Ngiteoni.</verse>
				<verse number="21">Na maũngama kĩla mũndũ vandũ vake melingĩle mwako wa maeema; na nguthu yonthe yasemba; na mausya ngemi, na mamalũngya.</verse>
				<verse number="22">Na mavuva ala masoo maana atatũ, na Yeova atuma ũvyũ wa kĩla ũmwe welekela mũtindan’ya wake, na nguthu yonthe; na nguthu yakũka kũvika Mbethi‐sita yelekele Nzelela, o kũvika mũvakanĩ wa Aveli‐meola, vakuvĩ na Tavathu.</verse>
				<verse number="23">Na andũ ma Isilaeli moombanĩte vamwe kuma Navitali, na kuma Aseli, na kuma Manase yonthe, na maatĩĩa Mitiani.</verse>
				<verse number="24">Na Ngiteoni atũma atũmwa nthĩ yonthe yĩ iĩma ya Evalaimu, akyasya, Theeai mũkite na Mitiani, na mũkyamba kũkwata iw’ũ kwĩ mo, o kũvika Mbethi‐mbala, o Yolotani. Na ĩndĩ andũ onthe ma Evalaimu moombanite vamwe, na makwata iw’ũ kũvika Mbethi‐mbala, o Yolotani.</verse>
				<verse number="25">Na makwata ala anene elĩ me mbee ũsumbĩnĩ ma Mitiani, Olevi na Nzeevu; na mamũaĩa Olevi ĩvianĩ ya Olevi, na Nzeevu mamũaĩa kĩangĩonĩ kya nzavivũ kya Nzeevu, na maatĩĩa Mitiani: na mamũetee Ngiteoni mĩtwe ya Olevi na Nzeevu mũingo wa Yolotani.</verse>
			</chapter>
			<chapter number="8">
				<verse number="1">Na andũ ma Evalaimu mamũkũlya, Ũnatwĩkie ũu nĩkĩ, ũilea ũtwĩta yĩla ũnaendie kũkita na Mitiani? Nao mamũtetya mũno.</verse>
				<verse number="2">Nake amea, Nĩkĩte ata yũ kũmũvĩtũka inyw’ĩ? Kwĩthĩan’ya nzavivũ sya Evalaimu kũti kavaa kwĩ ngetha ya nzavivũ ya Avieseli?</verse>
				<verse number="3">Ngai nũnenganĩte anene me mbee ũsumbĩnĩ ma Mitiani, Olevi na Nzeevu, mokonĩ menyu: nakwa ndonyete kwĩka ata kũmũvĩtũka? Nĩvo ĩndĩ, yĩla waneenie ũu, ũthatu woo ũla wamwelekele walikile.</verse>
				<verse number="4">Na Ngiteoni avika Yolotani, na ainga, we, na ala andũ maana atatũ ala maĩ make, me anyalu, ĩndĩ no maatĩĩe.</verse>
				<verse number="5">Na amea andũ ma Sukothi, Nĩngũmwĩsũva, nengai andũ ala mangatĩĩe imũtũ; nũndũ nĩ anyalu, nakwa nĩatĩĩe Nzeva na Nzalimuna, ala asumbĩ ma Mitiani.</verse>
				<verse number="6">Na anene ma Sukothi mamũkũlya, Yu moko ma Nzeva na Nzalimuna me kw’okonĩ kwaku, nĩ kana ithyĩ tũnenge ita syaku imũtũ?</verse>
				<verse number="7">Na Ngiteoni amea, Kwondũ wa ũu yĩla Yeova wĩnengane Nzeva na Nzalimuna kw’okonĩ kwakwa, nĩvo nĩkalangĩthya mĩĩ yenyu mĩw’a ya weũnĩ na mĩtae ya kĩthekanĩ.</verse>
				<verse number="8">Na kuma vu ambata Venueli, na aneena na andũ ma vo o ta ũu; na andũ ma Venueli nao mamũsũngĩa o tondũ andũ ma Sukothi mamũsũngĩie.</verse>
				<verse number="9">Nake aneena na andũ ma Venueli o namo, akĩmea, Yĩla nĩsyoka na nũuo, ngaomboanga mwako ũũ mũtũlu wa mũnyoolo.</verse>
				<verse number="10">Na ĩndĩ Nzeva na Nzalimuna maĩ Kalikolĩ, vamwe na nguthu syoo, andũ ta ngili ĩkũmi na itano, onthe ala matialĩte ma nguthu yonthe ya ana ma ngalĩ ya wumĩlonĩ wa syũa; nũndũ kwavalũkilw’e andũ ngili ĩana na mĩongo ĩlĩ ala makũaa ũvyũ.</verse>
				<verse number="11">Na Ngiteoni ambata na nzĩa ya ala matũaa maeemanĩ ngalĩ ya wumĩlonĩ wa syũa ya Nova na Yokivea, na akũna nguthu ĩsu; nũndũ ĩ nguthu nĩyeyelele.</verse>
				<verse number="12">Na Nzeva na Nzalimuna makũka; na amaatĩĩa; na amakwata asumbĩ asu elĩ ma Mitiani, Nzeva na Nzalimuna, na amĩthokoan’ya ĩ nguthu yonthe.</verse>
				<verse number="13">Na Ngiteoni mwana wa Yoasi asyoka kuma kaũnĩ kuma kyambatonĩ kya Eelesi.</verse>
				<verse number="14">Na akwata mwanake wa andũ ma Sukothi, na amũkũlya: nake amũtavya ũndũ anene ma Sukothi matilyĩ, o na atumĩa ma vo, andũ mĩongo mũonza na mũonza.</verse>
				<verse number="15">Na avika kwa andũ ma Sukothi, na amea, Sisyai Nzeva na Nzalimuna, ala kwondũ wamo mwanthekeee, mũkĩmbĩa, Yu moko ma Nzeva na Nzalimuna me kw’okonĩ kwaku, nĩ kana tũnenge andũ maku ala anou lĩu?</verse>
				<verse number="16">Na oosa ala atumĩa ma ĩ ndũa, na mĩw’a ya weũnĩ na mĩtae ya kĩthekanĩ, na amamanyĩsya andũ ma Sukothi nayo.</verse>
				<verse number="17">Na aomboanga mwako mũtũlu wa mũnyoolo wa Venueli, na ooaa andũ ma ĩ ndũa.</verse>
				<verse number="18">Nĩvo ĩndĩ wakũlilye Nzeva na Nzalimuna, Nĩ andũ mailyĩ ata ala mwooaĩe Tavoli? Na mamũsũngĩa, O ũndũ ũilyĩ, now’o mailyĩ; kĩla ũmwe ailyĩ ta ana ma mũsumbĩ.</verse>
				<verse number="19">Na amea, Maĩ ana‐a‐ia, ana ma mwaitũ: o tondũ Yeova wĩ thayũ, kethĩwa nĩmwamaekie thayũ, ndimũaa.</verse>
				<verse number="20">Na amwĩa Yetheli ĩkithathi yake, Ũkĩla ũmoae. Ĩndĩ kĩmwana kĩtyaakũa ũvyũ wakyo; nũndũ nĩkyakĩaa, nĩkwĩthĩwa kyaĩ o kĩmwana.</verse>
				<verse number="21">Nĩvo ĩndĩ Nzeva na Nzalĩmuna maisye, Ũkĩla eue, ũtũkĩlĩĩle; nũndũ o ũndũ mũndũ ũilyĩ, now’o vinya wake ũilyĩ. Na Ngĩteoni ookĩla, na ooaa Nzeva na Nzalimuna, na oosa mavuo ala maĩ ngingonĩ sya ngamĩle syoo.</verse>
				<verse number="22">Nĩvo ĩndĩ andũ ma Isilaeli mamwĩie Ngiteoni, Tũsumbĩke, we na mwana waku, o na mwĩsũkũũu; nũndũ nũtũtangĩĩe kuma kw’okonĩ kwa Mitiani.</verse>
				<verse number="23">Na Ngiteoni amea, Ndimũsumbĩka, o na mwana wakwa ndemũsumbĩka: Yeova akamũsumbĩka.</verse>
				<verse number="24">Na Ngiteoni amea, Nĩnenda kũmwĩtya kĩndũ, nakyo nĩ kĩla mũndũ anenge ngome sya matũ sya mũtavo wake. (Nũndũ maĩ na ngome sya matũ sya thaavu, nũndũ maĩ Aisumaeli.)</verse>
				<verse number="25">Na masũngĩa, Nĩtũkwinengane na ngoo ya kwenda. Nao malan’ya ngũa nthĩ, na kĩla mũndũ alekya vo ngome sya matũ ila sya mũtavo wake.</verse>
				<verse number="26">Na ũito wa ngome sya matũ sya thaavu ila wetisye waĩ sekeli ngili na maana mũonza sya thaavu; eka mavuo na imanza, na ngũa iilyĩ ta ndune ila syeekĩĩtwe nĩ asumbĩ ma Mitiani, na eka mĩnyoo ĩla yaĩ ngingonĩ sya ngamĩle syoo.</verse>
				<verse number="27">Na Ngiteoni aseũvya evoti nasyo, na ayia ndũanĩ yake, o ku Olava: na Isilaeli onthe nĩmekaa ũmalwaya kw’o makĩyĩatĩĩa; na yatw’ĩka kĩtei kwa Ngiteonĩ, na nyũmba yake.</verse>
				<verse number="28">Na ĩndĩ Mitiani makĩlw’a vinya nĩ ana ma Isilaeli, na matyaaũkĩlya mĩtwe yoo ĩngĩ. Na nthĩ yathũmũa myaka mĩongo ĩna mĩthenyanĩ ya Ngiteoni.</verse>
				<verse number="29">Na Yelumbaalĩ mwana wa Yoasi athi ekala mũsyĩ kwake.</verse>
				<verse number="30">Na Ngiteoni aĩ na ana mĩongo mũonza ala wasyaĩte we mwene; nũndũ aĩ na iveti mbingĩ.</verse>
				<verse number="31">Na mũka wake ngombo ũla waĩ Sekemu, nake amũsyaĩa mwana, na amwĩta syĩtwa yake Avimeleki.</verse>
				<verse number="32">Na Ngiteoni mwana wa Yoasi akw’a e na ũkũu mũseo, na athikwa ngunganĩ ya Yoasi ĩthe wake vala vathikawa akw’ũ, ku Ovala ya Aavieseli.</verse>
				<verse number="33">Na kweethĩwa, o Ngiteoni akw’a, ana ma Isilaeli maalyũka ĩngĩ, na meekaa ũmalwaya makĩatĩĩa Mbaalimu, na matw’ĩkĩthya Mbaali‐mbelithi ngai yoo.</verse>
				<verse number="34">Na ana ma Isilaeli matyaamũlilikana Yeova Ngai woo, ũla wamavonokisye kuma mokonĩ ma amaitha moo onthe kĩla ngalĩko;</verse>
				<verse number="35">o na matyaamĩka nyũmba ya Yelumbaali nesa, ũla Ngiteoni, kwĩanana na ũseo w’onthe ũla wamekaa Isilaeli.</verse>
			</chapter>
			<chapter number="9">
				<verse number="1">Na Avimeleki mwana wa Yelumbaali athi Sekemu kwa aaĩnaũme, na aneena namo, o na mũvĩa w’onthe wa nyũmba ya ĩthe wa inyia, akĩmea,</verse>
				<verse number="2">Nĩngũmwĩsũva, neenai matũnĩ ma andũ onthe ma Sekemu atĩĩ, Ũla ũseo kwenyu nĩ wĩva, nĩ ana onthe ma Yelumbaali, me mĩongo mũonza mamũsumbĩke, kana ũmwe amũsumbĩke? O na lilikanai kana nĩ ĩvĩndĩ yenyu na mwĩĩ wenyu.</verse>
				<verse number="3">Na mbaa ĩnaũme maneena ndeto ĩsu syonthe ũndũ wake matũnĩ ma andũ onthe ma Sekemu: na ngoo syoo syenda kũatĩĩa Avimeleki; nũndũ maisye, We nĩ mwana‐a‐inyia waitũ.</verse>
				<verse number="4">Na mamũnenga ilungu sya vetha mĩongo mũonza kuma nyũmbanĩ ya Mbaali‐mbelithi, ila Avimeleki watuvie andũ mate kĩĩĩ na ma mana, namo mamũatĩĩa.</verse>
				<verse number="5">Na athi nyũmbanĩ ya ĩthe ku Ovala, na ooaĩa ana‐a‐ĩthe make ana ma Yelumbaali ĩvianĩ yĩmwe, me andũ mĩongo mũonza: ĩndĩ Yothamu ĩlumaita ya Yelumbaali nĩyatiiwe; nũndũ nĩyeevithie.</verse>
				<verse number="6">Na andũ onthe ma Sekemu moombana vamwe, na nyũmba yonthe ya Milo, na mathi na mamũtw’ĩkĩthĩsya Avimeleki mũsumbĩ, ũtee wa mũtĩ wa mwaloni wa kĩtuĩ kĩla kyaĩ Sekemu.</verse>
				<verse number="7">Na yĩla mamũtavisye Yothamu, athi na aũngama mũtumbĩnĩ wa kĩĩma kya Ngelisimu, na ookĩlya wasya wake, na anĩĩsya, na amea, Mbĩthukĩĩsyaĩ, inyw’ĩ andũ ma Sekemu, nĩ kana Ngai amwĩthukĩĩsye.</verse>
				<verse number="8">Ĩvinda yĩmwe mĩtĩ nĩyaendie kwĩtĩkĩsya ũmwe mauta wĩthĩwe mũsumbĩ wayo; na yeea mũthata, Tũsumbĩke.</verse>
				<verse number="9">Ĩndĩ mũthata wamĩtavya, Nĩnaĩle kũtia mauta makwa, ala mataĩĩthasya Ngai o na andũ namo kwondũ wakwa, na ngĩthi kwĩyeeekangasya kũũ na kũũ ĩũlũ wa mĩtĩ?</verse>
				<verse number="10">Na mĩtĩ yeea mũkũyũ, Ũka we, ũtũsumbĩke.</verse>
				<verse number="11">Ĩndĩ mũkũyũ wamĩtavya, Nĩnaĩle kũtia mũyo wakwa, na ũsyao wakwa mũseo, na ngĩthi kwĩyeeekangasya kũũ na kũũ ĩũlũ wa mĩtĩ?</verse>
				<verse number="12">Na mĩtĩ yeea mũsavivũ, Ũka we, ũtũsumbĩke.</verse>
				<verse number="13">Na mũsavivũ wamĩtavya, Nĩnaĩle kũtia mbinyu yakwa mbĩthĩ, ĩla ĩtanĩthasya Ngai na mũndũ, na ngĩthĩ kwĩyeeekangasya kũũ na kũũ ĩũlũ wa mĩtĩ?</verse>
				<verse number="14">Nĩvo ĩndĩ mĩtĩ yonthe yatavisye mũtae, Ũka we, ũtũsumbĩke.</verse>
				<verse number="15">Na mũtae watavya mĩtĩ, Ethĩwa nĩv’o nĩmũũmbĩtĩkisya mauta nĩthĩwe mũsumbĩ wenyũ, yu ĩndĩ ũkai mwĩvithe muunyĩnĩ wakwa; na ethĩwa ti ũu, mwaki nĩwume mũtaenĩ ũvĩvye mĩkũũ ya Levanoni.</verse>
				<verse number="16">Na yu ĩndĩ, ethĩwa nĩmwĩkĩte w’o na ũlũngalu, kũmũtw’ĩkĩthya Avimeleki mũsumbĩ, na ethĩwa nĩmwĩkĩte Yelumbaali na nyũmba yake nesa, na nĩmũmwĩkĩte kwĩanana na ũndũ moko make maĩlĩtwe</verse>
				<verse number="17">(nũndũ nau nĩwamũkitĩe, na alikya thayũ wake mũisyonĩ, na amũvonokya kuma kw’okonĩ kwa Mitiani:</verse>
				<verse number="18">nenyu nĩmũmyũkĩlĩĩle nyũmba ya nau mũnthĩ ũũ, na mwooaĩa ana make, andũ mĩongo mũonza, ĩvianĩ yĩmwe, na mwatw’ĩkĩthya Avimeleki, mwana wa mũthũkũmi wake mwĩĩtu, mũsumbĩ wa andũ ma Sekemu, nũndũ nĩ mwĩvae wenyu);</verse>
				<verse number="19">ethĩwa ĩndĩ nĩmwĩkĩte Yelumbaali na nyũmba yake w’o na ũlũngalu mũnthĩ ũũ, tanĩaĩ ĩndĩ Avimeleki, o nake namũtanĩe:</verse>
				<verse number="20">ĩndĩ ethĩwa ti ũu, mwaki nĩwume kwa Avimeleki, na ũivivya andũ ma Sekemu, na nyũmba ya Milo; na mwaki nĩwume kwa andũ ma Sekemu, na kuma nyũmbanĩ ya Milo, na ũivĩvya Avimeleki.</verse>
				<verse number="21">Na Yothamu asemba, na akĩa, na athi Mbeeli, na atũa kw’o, nũndũ wa kũkĩa Avimeleki, mwana‐a‐ĩthe.</verse>
				<verse number="22">Na Avimeleki aĩ mũnene wa Isilaeli myaka ĩtatũ.</verse>
				<verse number="23">Na Ngai atũma veva mũthũku katĩ wa Avimeleki na andũ ma Sekemu; na andũ ma Sekemu mamwĩka Avimeleki naĩ na ũkengani:</verse>
				<verse number="24">nĩ kana ũla ũng’endu weekiwe andũ mĩongo mũonza ma Yelumbaali wũke, na nĩ kana nthakame syoo syilĩĩlwe ĩũlũ wa Avimeleki mwana‐a‐ĩthe woo, ũla wamoaie, na ĩũlũ wa andũ ma Sekemu, ala meekĩie moko make vinya oae ana‐a‐ĩthe.</verse>
				<verse number="25">Na andũ ma Sekemu maia oveesya mĩtumbĩnĩ ya iĩma, namo mamavutaa onthe ala mavĩtĩlaa nzĩanĩ ĩsu vakuvĩ namo; na Avimeleki atavw’a.</verse>
				<verse number="26">Na Ngaali mwana wa Eveti ooka na ana‐a‐ĩthe, na athi Sekemu; na andũ ma Sekemu maia wĩkwatyo woo kwake.</verse>
				<verse number="27">Na mauma mathi mĩũndanĩ, na maketha mĩũndanĩ yoo ya mĩsavivũ, na maanga nzavivũ, na mavoka mboka, na mathi nyũmbanĩ ya ngai yoo, na maya na manyw’a, na mamũumanĩa Avimeleki.</verse>
				<verse number="28">Na Ngaali mwana wa Eveti asya, Avimeleki nũũ, na Sekemu nũũ, kana tũmũthũkũme? Ti mwana wa Yelumbaali? Na Nzevuli mũnene wa kwake? Thũkũmai andũ ma Amolu ĩthe wa Sekemu: ĩndĩ twĩmũthũkũma nĩkĩ?</verse>
				<verse number="29">Nenda kethĩwa andũ aa me kw’okonĩ kwakwa! Nĩvo ĩndĩ nĩthĩwa nĩmũveta Avimeleki. Na amwĩa Avimeleki, Ongela ita syaku, nokyumaala.</verse>
				<verse number="30">Na yĩla Nzevuli mũsumbĩki wa ndũa wewie ndeto sya Ngaali mwana wa Eveti, ũthatu wake wakana.</verse>
				<verse number="31">Na atũma atũmwa na ũseleke kwa Avimeleki, makamwie, Sisya, Ngaali mwana wa Eveti na ana‐a‐ĩthe nĩmokĩte Sekemu; na sisya, nĩmekũingĩanĩsya ndũa nĩ kana ĩkũalyũkĩle.</verse>
				<verse number="32">Na yu kwondũ wa ũu, ũkĩla ũtukũ, we na andũ ala me naku, na mũkoveesye kĩthekanĩ:</verse>
				<verse number="33">na kũkeethĩwa kĩoko, o syũa yauma, wĩũkĩla tene, na kũvithũkĩa ĩ ndũa; na, sisya, yĩla we na andũ ala me nake meumaala kũkita naku, ũkatonya kũmeka o kwĩanana na ũndũ wĩona mwanya.</verse>
				<verse number="34">Na Avimeleki ookĩla ũtukũ, na andũ onthe ala maĩ nake, na me nguthu inya mooveesya andũ ma Sekemu.</verse>
				<verse number="35">Na Ngaali mwana wa Eveti aumaala, na aũngama ũlikĩlonĩ mbingĩlonĩ ya ndũa: na Avimeleki na andũ ala maĩ nake mookĩla kuma vala moveesye.</verse>
				<verse number="36">Na yĩla Ngaali wonie andũ, amwĩa Nzevulĩ, Sisya, nĩkũtheeete andũ kuma mĩtumbĩnĩ ya iĩma. Na Nzevuli amwĩa, Wĩona muunyĩ ya iĩma ũkasya nĩ andũ.</verse>
				<verse number="37">Na Ngaali aneena ĩngĩ na asya, Sisya, nũkũtheeete andũ mavĩtĩle ĩ nthĩ katĩ, na nguthu ĩmwe yĩsĩle nzĩanĩ ya mũtĩ wa mwaloni wa Meonenimu.</verse>
				<verse number="38">Nĩvo ĩndĩ Nzevuli wamwĩie, Ũĩva yu ĩndĩ kanyw’a waku, ũndũ waisye, Avimeleki nũũ, kana tũmũthũkũme? Aa ti ũko wa andũ ala ũvũthĩtye? Nĩngũkwĩsũva, umaala yu wũkite namo.</verse>
				<verse number="39">Na Ngaali aumaala e mbee wa andũ ma Sekemu, na okita na Avimeleki.</verse>
				<verse number="40">Na Avimeleki amũkũa, na Ngaali akũkĩa mbee wake, na kwavalũkw’a aingĩ okite, o kũvika ũlikĩlonĩ mbingĩlonĩ.</verse>
				<verse number="41">Na Avimeleki atũa Aluma: na Nzevuli alũngya Ngaali na ana‐a‐ĩthe matikatũe Sekemu.</verse>
				<verse number="42">Na kweethĩwa ũnĩ ũsu, andũ maumaala mathi kĩthekanĩ; na matavya Avimeleki.</verse>
				<verse number="43">Na oosa andũ na amaaan’ya nguthu itatũ, na ooveesya kĩthekanĩ; na asisya, na, sisya, andũ maumaala kuma ndũanĩ; na amokĩlĩĩla, na amakũna.</verse>
				<verse number="44">Na Avimeleki, na nguthu ila syaĩ nake, makuthũka na vĩnya, na maũngama ũlikĩlonĩ mbingĩlonĩ ya ndũa: na ila nguthu ilĩ syakuthũkĩa ala maĩ kĩthekanĩ, na syamakũna.</verse>
				<verse number="45">Na Avimeleki okita na andũ ma ndũa ĩsu mũthenya ũsu w’onthe; na akwata ĩ ndũa, na ooaa andũ ala maĩ nthĩnĩ: na aomboanga ĩ ndũa, na amĩvũĩa mũnyũ.</verse>
				<verse number="46">Na yĩla andũ onthe ma mwako mũtũlu wa mũnyoolo wa Sekemu meewĩe ũvoo ũsu, malĩka ngomenĩ yĩ vinya ya nyũmba ya Elimbelithi.</verse>
				<verse number="47">Na Avimeleki atavw’a kana andũ onthe ma mwako mũtũlu wa mũnyoolo wa Sekemu nĩmombanĩte vamwe.</verse>
				<verse number="48">Na Avimeleki ambata kĩĩmanĩ kya Nzalĩmoni, we na andũ onthe ala maĩ nake; na Avimeleki oosa ĩthoka na kw’oko kwake, na atema ũvonge mĩtĩnĩ, na oosa awilĩĩla, kĩtuo: na eea andũ ala maĩ nake, Ũndũ mwoona neeka, ĩkalaatei, mwĩke o ũndũ neeka.</verse>
				<verse number="49">Na andũ asu onthe matema o take kĩla mũndũ ũvonge wake, na maatĩĩa Avimeleki, na masyĩkĩa ngomenĩ yĩ vinya, na makwatya ngome ĩsu yĩ vinya mwaki vala ve asu; kwondũ wa ũu andũ onthe ma mwako mũtũlu wa mũnyoolo wa Sekemu namo makw’a, aũme na aka ta ngili ĩmwe.</verse>
				<verse number="50">Nĩvo ĩndĩ Avimeleki waendie Thevesi, na amba maeema ataũĩĩe Thevesi, na amĩkwata.</verse>
				<verse number="51">Ĩndĩ kwaĩ mwako mũtũlu wa mũnyoolo wĩ winya nthĩnĩ wa ĩ ndũa, na aũme na aka onthe, na onthe ma ĩ ndũa, makĩĩĩa vo, na meevingĩa nthĩnĩ, na matũla kĩalanĩ kya ũla mwako mũtũlu wa mũnyoolo.</verse>
				<verse number="52">Na Avimeleki avika vala ve ũ mwako mũtũlu wa mũnyoolo, na awũkita, na athengeea mũomo wa ũ mwako mũtũlu wa mũnyoolo nĩ kana ovĩvye na mwaki.</verse>
				<verse number="53">Na mũndũ mũka ũmwe alekya nthio ya ĩvia mũtwenĩ wa Avimeleki, na amũvevenza kĩng’ala kyake.</verse>
				<verse number="54">Nĩvo ĩndĩ wetie na mĩtũkĩ mwanake ũla wamũkuĩaa mĩio yake ya kaũ, na amwĩa, Kũa ũvyũ waku, ũmbũae, nĩ kana andũ matikaaneene ũndũ wakwa, Mũndũ mũka nĩwamũaie. Na mwanake wake amũtonya mũkuthũ, na akw’a.</verse>
				<verse number="55">Na yila andũ ma Isilaeli moonie kana Avimeleki nĩwakw’a, mathi kĩla mũndũ kwake.</verse>
				<verse number="56">Ũu nĩw’o Ngai wamũĩvie Avimeleki ũthũku wake, ũla wekie ĩthe, ũndũ wa kũaa ana‐a‐ĩthe mĩongo mũonza;</verse>
				<verse number="57">na Ngai nĩwaĩvanĩĩsye ũthũku w’onthe wa andũ ma Sekemu mĩtwenĩ yoo: na kĩumo kya Yothamu mwana wa Yelumbaali nĩkyamakwatie.</verse>
			</chapter>
			<chapter number="10">
				<verse number="1">Na ĩtina wa Avimeleki kwookĩla Tola mwana wa Vua, mwana wa Ndoto, mũndũ wa Isakali, amatangĩĩe Isilaeli; nake atũa Samili ku nthĩ yĩ iĩma ya Evalaimu.</verse>
				<verse number="2">Nake asilan’ya Isilaeli myaka mĩongo ĩlĩ na ĩtatũ, na akw’a, na athikwa ku Samili.</verse>
				<verse number="3">Na ĩtina wake kwookĩla Yaili, Mũngileati; nake asilan’ya Isilaeli myaka mĩongo ĩlĩ na ĩlĩ.</verse>
				<verse number="4">Na aĩ na ana mĩongo ĩtatũ ala makuawa nĩ ndena sya mang’oi mĩongo ĩtatũ, na maĩ na ndũa mĩongo ĩtatũ ila syĩtawa Avothi‐yaili kũvika ũmũnthĩ, ila syĩ nthĩ ya Ngileati.</verse>
				<verse number="5">Na Yaili akw’a, na athikwa ku Kamoni.</verse>
				<verse number="6">Na ana ma Isilaeli meeka ũla Yeova wonaa wĩ ũthũku ĩngĩ, na mathũkũma Mbaalimu, na Asetalothi, na ngai sya Silia, na ngai sya Sitoni, na ngai sya Moavi, na ngai sya ana ma Amimoni, na ngai sya Avilisiti; na matia Yeova, na matyaamũthũkũma.</verse>
				<verse number="7">Na ũthatu wa Yeova wamakanĩa Isilaeli, na amathoosya mokonĩ ma Avilisiti, na mokonĩ ma ana ma Amimoni.</verse>
				<verse number="8">Na mwaka ũsu mamanyamaasya na kũmathĩnasya ana ma Isilaeli: o na myaka ĩkũmi na nyanya nĩmathĩnasya ana onthe ma Isilaeli ala maĩ mũingo wa Yolotani nthĩ ya Aamoli, ĩla yĩ Ngileati.</verse>
				<verse number="9">Na ana ma Amimoni mainga Yolotani makokite na Yuta o nake, na Mbenyamini, na nyũmba ya Evalaimu; kwondũ wa ũu Isilaeli maĩ athĩn’ye mũno.</verse>
				<verse number="10">Na ana ma Isilaeli mamwĩkaĩla Yeova, makyasya, Nĩtũkũvĩtanĩsye, nũndũ nĩtũtiĩte Ngai waitũ, o na kwithũkũma Mbaalimu.</verse>
				<verse number="11">Na Yeova amea ana ma Isilaeli, Ndyaamũtangĩĩa kuma kwa Amisili, na kuma kwa Aamoli, na kuma kwa ana ma Amimoni, na kuma kwa Avilisiti?</verse>
				<verse number="12">Asitoni namo, na Aamaleki na Amaoni, nĩmamũthĩnasya; nenyu mweengaĩla, nakwa namũtangĩĩa kuma mokonĩ moo.</verse>
				<verse number="13">Ĩndĩ nĩmwandiie, na mwathũkũma ngai ingĩ: kwondũ wa ũu ndimũtangĩĩa ĩngĩ.</verse>
				<verse number="14">Endai mũkekaĩle ngai ila mwanyuvie; nimũtangĩĩe ĩnvinda ya thĩna wenyu.</verse>
				<verse number="15">Na ana ma Isilaeli meea Yeova, Nĩtũvĩtanĩtye: ĩka naitũ o ũndũ wĩona wĩ ũseo; ĩndĩ, nĩtũũkũvoya, ũtũvonokye o ũmũnthĩ.</verse>
				<verse number="16">Na maveta ngai ngeni kuma katĩ woo, na mathũkũma Yeova; na ngoo yake yeew’ĩthw’a woo nĩ ũnyamao wa Isilaeli.</verse>
				<verse number="17">Nĩvo ĩndĩ ana ma Amimoni moombanie, na mamba maeema Ngileati. Na ana ma Isilaeli moombana vamwe, na mamba maeema ku Misiva.</verse>
				<verse number="18">Na andũ, o anene ma Ngileati, maneenan’ya ene kwa ene, Nũũ mũndũ ũla wĩambĩlĩlya kũkita na ana ma Amimoni? Akeethĩwa e mũtongoi wa onthe ala matwĩe Ngileati.</verse>
			</chapter>
			<chapter number="11">
				<verse number="1">Na ĩndĩ Yevitha Mũngileati aĩ ngũmbaũ nene, nake aĩ mwana wa ĩlwaya: na Ngileati amũsyaa Yevitha.</verse>
				<verse number="2">Na kĩveti kya Ngileati kyamũsyaĩa ana; na yĩla ana asu ma kĩveti kyu meanie, malũngya Yevitha, na mamwĩa, We ndũkethĩwa na ũtiĩwa nyũmbanĩ ya ĩthe waitũ; nũndũ we wĩ mwana wa mũndũ mũka ũngĩ.</verse>
				<verse number="3">Nĩvo ĩndĩ Yevitha wamakĩie ana‐a‐ĩthe, na atũa nthĩ ya Tovu: na andũ mate kĩĩĩ malũman’ya na Yevitha, na mangangaa vamwe nake.</verse>
				<verse number="4">Na kweethĩwa ĩvinda yathela, ana ma Amimoni mavithũkĩa Isilaeli.</verse>
				<verse number="5">Na kweethĩwa, o yĩla ana asu ma Amimoni mavithũkĩaa Isilaeli, atumĩa ma Ngileati mathi kũmũlatya Yevitha kuma nthĩ ya Tovu;</verse>
				<verse number="6">na mamwĩa Yevitha, Ũka ũtw’ĩke mũnene waitũ, nĩ kana tũkite na ana ma Amimoni.</verse>
				<verse number="7">Na Yevitha amea atumĩa ma Ngileati, Inyw’ĩ mũtyamenie, na mwandũngya nyũmbanĩ ya nau? Na mwĩmbũkĩĩa yu kĩ yĩla mwĩ thĩnanĩ?</verse>
				<verse number="8">Na ala atumĩa ma Ngileati mamwĩa Yevitha, Kwondũ wa ũu ithyĩ yu nĩtũkwĩthyũũĩe ĩngĩ, nĩ kana ũthi naitũ, na kũkita na ana ma Amimoni; naku ũkeethĩwa mũtongoi waitũ ĩũlũ wa onthe ala matwĩe Ngileati.</verse>
				<verse number="9">Na Yevitha amea ala atumĩa ma Ngileati, Ethĩwa nĩmũũndũnga kwitũ ĩngĩ kũkita na ana ma Amimoni, na Yeova aimanengane kwakwa, ngeethĩwa mũtongoi wenyu?</verse>
				<verse number="10">Na atumĩa ma Ngileati mamwĩa Yevitha, Yeova akeethĩwa ngũsĩ katĩ waitũ; o kwĩanana na ndeto yaku now’o tũkeeka.</verse>
				<verse number="11">Na ĩndĩ Yevitha aendan’ya na atumĩa ma Ngileati, na andũ mamũtw’a mũtongoi na mũnene woo: na Yevitha aneenea ndeto syake syonthe mbee wa Yeova kũu Misiva.</verse>
				<verse number="12">Na Yevitha atũma atũmwa kwa mũsumbĩ wa ana ma Amimoni, akĩkũlya, Wĩ na ũndũ mwaũ nakwa, nĩ kana wũke kwakwa wũkite na nthĩ yakwa?</verse>
				<verse number="13">Na mũsumbĩ wa ana ma Amimoni asũngĩa ala atũmwa ma Yevitha, Nĩkwĩthĩwa Isilaeli nĩwosie nthĩ yakwa, yĩla wambatie kuma Misili, kuma Alinoni o kũvika Yavoki, na kũvika Yolotani: kwondũ wa ũu tũnga yu nthĩ isu na mũuo.</verse>
				<verse number="14">Na Yevitha atũma atũmwa ĩngĩ kwa mũsumbĩ wa ana ma Amimoni:</verse>
				<verse number="15">na amwĩa, Yevitha asya atĩĩ: Isilaeli ndaaosa nthĩ ya Moavi, kana nthĩ ya ana ma Amimoni;</verse>
				<verse number="16">ĩndĩ yĩla wambatie kuma Misili, na Isilaeli aendela weũnĩ kũvika Ũkanga Mũtune, na avika Katesi;</verse>
				<verse number="17">nĩvo ĩndĩ Isilaeli watũmie atũmwa kwa mũsumbĩ wa Etomu, akĩmwĩa, Nĩngũkwĩsũva, eka nĩvĩtĩle nthĩ yaku; ĩndĩ mũsumbĩ wa Etomu ndaaĩthukĩĩsya. Na o ta ũu atũmana kwa mũsumbĩ wa Moavi; nake ndaaĩtĩkĩla: na Isilaeli ekalanga Katesi.</verse>
				<verse number="18">Na ĩndĩ maendela weũnĩ, na mathyũlũlũka nthĩ ya Etomu, na nthĩ ya Moavi, na mavĩtĩla ngalĩ ya wumĩlonĩ wa syũa ya nthĩ ya Moavi, na mamba maeema mũingo ũla ũngĩ wa Alinoni: ĩndĩ matyaakĩla mũvaka wa Moavi, nũndũ Alinoni waĩ mũvaka wa Moavi.</verse>
				<verse number="19">Na Isilaeli atũma atũmwa kwa Sioni mũsumbĩ wa Aamoli, mũsumbĩ wa Esivoni; na Isilaeli amwĩa, Nĩtũũkwĩsũva, eka tũvĩtĩle nthĩ yaku tũvike kwakwa.</verse>
				<verse number="20">Ĩndĩ Sioni ndaaĩtĩkĩla Isilaeli akĩle mũvaka wake; ĩndĩ Sioni oomban’ya andũ make onthe, na mamba maeema ku Yaasa, na mokita na Isilaeli.</verse>
				<verse number="21">Na Yeova, Ngai wa Isilaeli, anengane Sioni na andũ make onthe kw’okonĩ kwa Isilaeli, namo mamakũna: kwondũ wa ũu Isilaeli mamesya nthĩ yonthe ya Aamoli, ala matwĩe nthĩ ĩsu.</verse>
				<verse number="22">Na moosa mũvaka w’onthe wa Aamoli, kuma Alinoni kũvika Yavoki, na kuma weũnĩ kũvika Yolotani, watw’ka woo.</verse>
				<verse number="23">Na yu ĩndĩ Yeova, Ngai wa Isilaeli, nĩwalũngilye Aamoli mbee wa andũ make Isilaeli, naku wĩmosa methĩwe maku?</verse>
				<verse number="24">Kĩla ngai yaku Kemosi yĩkũnenga kĩthĩwe kyaku we ndwĩosa? O ta ũu o ala Yeova Ngai waitũ ũlũngĩtye mbee waitũ, asu tũkamosa methĩwe maitũ.</verse>
				<verse number="25">Na yu wĩ mũseango kwĩ Mbalaki mwana wa Nzivoli, mũsumbĩ wa Moavi? Aatata kũkĩlan’ya vinya na Isilaeli, kana aokita namo?</verse>
				<verse number="26">Yĩla Isilaeli matwĩe Esivoni na tũtũla twayo, na Aloeli na tũtũla twayo, na ndũa syonthe ila syĩ ũtee wa Alinoni, myaka maana atatũ; nĩkĩ mũtyaaitũnga ĩvindanĩ yĩu?</verse>
				<verse number="27">Nyie ĩndĩ ndikũvĩtanĩsye, ĩndĩ we nũũmbĩka naĩ ũkyũkita nakwa: Yeova, ũla Mũsili, nĩethĩwe mũsili ũmũnthĩ katĩ wa ana ma Isilaeli na ana ma Amimoni.</verse>
				<verse number="28">Ĩndĩ mũsumbĩ wa ana ma Amimoni ndaaĩthukĩĩsya ndeto sya Yevitha ila wamũtwaĩe.</verse>
				<verse number="29">Nĩvo ĩndĩ Veva wa Yeova wookie ĩũlũ wa Yevitha, na avĩtĩla Ngileati na Manase, na avĩtĩla Misiva ya Ngileati, na kuma Misiva ya Ngileati avĩta avika kwa ana ma Amimoni.</verse>
				<verse number="30">Na Yevitha eevĩta wĩvĩto kwa Yeova, na amwĩa, Ethĩwa ũkamanengane ana ma Amimoni w’o kw’okonĩ kwakwa,</verse>
				<verse number="31">kũkeethĩwa o kĩla kĩumaala kuma mĩomonĩ ya nyũmba yakwa kĩnthaũe, yĩla nĩsyoka na mũuo kuma kwa ana ma Amimoni, kĩkeethĩwa kĩ kya Yeova, na ngakĩthemba kĩthĩwe nthembo ya kũvĩvw’a.</verse>
				<verse number="32">Na ĩndĩ Yevitha ainga kwa ana ma Amimoni akokite namo; na Yeova amanengane kw’okonĩ kwake.</verse>
				<verse number="33">Na amakũna kuma Aloeli kũvika Minithi, o ndũa mĩongo ĩlĩ, na kũvika Avelikelamimu, na ũai mũnene mũno. Kwondũ wa ũu ana ma Amimoni makĩlw’a vinya nĩ ana ma Isilaeli.</verse>
				<verse number="34">Na Yevitha ooka Misiva mũsyĩ kwake; na, sisya, mwĩĩtu wake aumaala amũthaũe e na tũthembe na akĩsũnga: nake asyaĩtwe e ũmwe; ate o we ndaĩ na mwana kana mwĩĩtu.</verse>
				<verse number="35">Na kweethĩwa, yĩla wamwonie, atembũanga ngũa syake, na asya, Ĩiaa, mwĩĩtu wakwa! Nĩwantheesya mũno, na wĩ ũmwe wa ala manthĩnasya; nũndũ nĩnamwathamĩsye Yeova kanyw’a wakwa, na nditonya kũalyũka.</verse>
				<verse number="36">Nake amwĩa, Nau, nĩwamwathamĩsye Yeova kanyw’a waku; mbĩka kwĩanana na ũndũ ũnaumie kanyw’anĩ waku, nũndũ Yeova nũnakũĩvanĩsye kwa amaitha maku, o ana ma Amimoni.</verse>
				<verse number="37">Na amwĩa ĩthe, Nĩkwe ũũ: ndeka vandũ va myei ĩlĩ, nĩ kana nĩthi na kwanganga iĩmanĩ, na ngĩĩĩa wĩĩtu wakwa, nyie na atindan’ya makwa.</verse>
				<verse number="38">Na amwĩa, Thi. Na amũeka athi vandũ va myei ĩlĩ: na athi, we na atindan’ya make, na aĩĩa wĩĩtu wake iĩmanĩ.</verse>
				<verse number="39">Na kweethĩwa myei ĩlĩ yathela, asyoka kwa ĩthe, ũla wamwĩkie kwĩanana na wĩvĩto wake ũla wevĩtĩte: na ndaamanya mũndũ mũũme. Na kyatw’ika kĩthĩo nthĩnĩ wa Isilaeli,</verse>
				<verse number="40">atĩ eĩtu ma Isilaeli makĩendaa o kĩla mwaka kũmũlilikana mwĩĩtu wa Yevitha ũla Mũngileati mĩthenya ĩna kila mwaka.</verse>
			</chapter>
			<chapter number="12">
				<verse number="1">Na andũ ma Evalaimu moombanaa vamwe, na mavĩta melekele ngalĩ ya ĩũlũ; na mamũkũlya Yevitha, Ũnainganĩsye nĩkĩ ũkokite na ana ma Amimoni, na ndũneetwĩta tũendan’ye naku? Nĩtũũkũvĩvĩsya nyũmbanĩ yaku na mwaki.</verse>
				<verse number="2">Na Yevitha amea, Nyie na andũ makwa twaĩ na ĩteta ĩnene na ana ma Amimoni; na yĩla namwĩtie, mũtyaandangĩĩa kuma mokonĩ moo.</verse>
				<verse number="3">Na yĩla noonie mũtekũndangĩĩa, nĩnaiie thayũ wakwa kw’okonĩ kwakwa, na nainganĩsya nũkite na ana ma Amimoni, na Yeova amanengane kw’okonĩ kwakwa; nũndũ wa kĩ ĩndĩ mwambata kwakwa ũmũnthĩ mũkite nakwa?</verse>
				<verse number="4">Nĩvo ĩndĩ Yevitha wombanisye andũ onthe ma Ngileati, na okita na Evalaimu; na andũ ma Ngileati makũna Evalaimu, nũndũ nĩmaisye, Inyw’ĩ Angileati, mwĩ akĩi ma Evalaimu, katĩ wa Evalaimu, na katĩ wa Manase.</verse>
				<verse number="5">Na Angileati makwata masyũko ma Yolotani masiĩĩe Aevelaimu. Na kweethĩwa, yĩla ũmwe wa akĩi ma Evalaimu waasya, Ndekai nĩinge, andũ ma Ngileati mamũkũlasya, Wĩ Mũevalaimu? Ethĩwa asya, Aiee;</verse>
				<verse number="6">nĩvo ĩndĩ mamwĩaa, Asya Syivolethi ĩndĩ, nake aĩasya Sivolethi; nũndũ ndaatonya kũmĩta nesa: na ĩndĩ maimũkwata, na kũmũaĩa masyũkonĩ ma Yolotani. Na ĩvinda yĩu kwavalũkw’a ma Evalaimu andũ ngili mĩongo ĩna na ilĩ.</verse>
				<verse number="7">Na Yevitha asilan’ya Isilaeli myaka thanthatũ. Na ĩndĩ Yevitha Mũngileati akw’a, na athikwa ndũani ĩmwe ya ku Ngileati.</verse>
				<verse number="8">Na ĩtina wake Ivisani wa Mbethi‐leemu atw’ĩka mũsilan’ya wa Isilaeli.</verse>
				<verse number="9">Na aĩ na ana mĩongo ĩtatũ; nake anengane eĩtu make mĩongo ĩtatũ kũngĩ, na atwaĩa ana make eĩtu mĩongo ĩtatũ kuma kũngĩ. Na asilan’ya Isilaeli myaka mũonza.</verse>
				<verse number="10">Na Ivisani akw’a, na athikwa Mbethi‐leemu.</verse>
				<verse number="11">Na ĩtina wake Eloni Mũnzevuluni atw’ĩka mũsilan’ya wa Isilaeli; na asilan’ya Isilaeli myaka ĩkũmi.</verse>
				<verse number="12">Na Eloni Mũnzevuluni akw’a, na athikwa Aiyaloni nthĩ ya Nzevuluni.</verse>
				<verse number="13">Na ĩtina wake Avitoni mwana wa Ileli Mũvilathoni atw’ĩka mũsilan’ya wa Isilaeli.</verse>
				<verse number="14">Na aĩ na ana mĩongo ĩna, na ana ma ana make mĩongo ĩtatũ, ala makuawa nĩ ndena mĩongo mũonza sya mang’oi: na asilan’ya Isilaeli myaka nyanya.</verse>
				<verse number="15">Na Avitoni mwana wa Ileli Mũvilathoni akw’a, na athikwa Vilathoni nthĩ ya Evalaimu, nthĩ yĩ iĩma ya Aamaleki.</verse>
			</chapter>
			<chapter number="13">
				<verse number="1">Na ana ma Isilaeli meeka ũla Yeova wonaa wĩ ũthũku ĩngĩ; na Yeova amanengane mokonĩ ma Avilisiti myaka mĩongo ĩna.</verse>
				<verse number="2">Na kwaĩ mũndũ ũmwe wa ku Nzola, wa mũvĩa wa Andani, ũla wetawa syĩtwa yake Manoa; na mũka wake aĩ ngũngũ, na ndasyaaa.</verse>
				<verse number="3">Na mũlaĩka wa Yeova amumĩlĩla ũ mũndũ mũka, na amwĩa, Sisya yu, wĩ ngũngũ, na ndũsyaaa; ĩndĩ ũkaitava, na ũkĩsyaa mwana.</verse>
				<verse number="4">Kwondũ wa ũu ĩndĩ ĩsũvĩe, nĩngũkwĩsũva, na ndũkaanyw’e mbinyu o na kĩla kĩtoonasya, na ndũkaaye kĩndũ kĩvuku o na kĩva;</verse>
				<verse number="5">nũndũ, sisya, ũkaitava, na ũkĩsyaa mwana; na wenzi ndũkaavike mũtwe wake; nũndũ kana kau kakeethĩwa Mũnasili kwa Ngai kuma ke ĩvunĩ: nake akambĩlĩlya kũtangĩĩa Isilaeli kuma mokonĩ ma Avilisiti.</verse>
				<verse number="6">Na ĩndĩ ũ mũndũ mũka ooka na atavya mũũme, akĩmwĩa, Mũndũ wa Ngai ooka vala nĩĩĩ, na ũthyũ wake wĩĩilyĩ ta ũthyũ wa mũlaĩka wa Ngai, wa kũtĩsya mũno; na ndinamũkũlya kũla wauma, o nake ndanandavya syĩtwa yake:</verse>
				<verse number="7">ĩndĩ ambĩa, Sisya, ũkaitava, na ũkasyaa mwana; na yu ĩndĩ ndũkaanyw’e mbinyu o na kĩla kĩtoonasya, na ndũkaaye kĩndũ kĩvuku o na kĩva; nũndũ kana kakeethĩwa Mũnasili kwa Ngai kuma ke ĩvunĩ kũvika mũthenya wa kĩkw’ũ kyake.</verse>
				<verse number="8">Nĩvo ĩndĩ Manoa wamũvoyie Yeova, na amwĩa, Ame Yeova, nĩngũũvoya, eka mũndũ wa Ngai ũla ũnatũmĩte oke ĩngĩ kwitũ, na aitũmanyĩsya ũndũ twĩĩkana na kana kala kesyawa.</verse>
				<verse number="9">Na Ngai eethukĩĩsya wasya wa Manoa; na ũla mũlaĩka wa Ngai amũkĩa ũla mũndũ mũka ĩngĩ ailyĩ mũũndanĩ: ĩndĩ Manoa mũũme wake ndaĩ nake.</verse>
				<verse number="10">Na ũ mũndũ mũka eekalaata, na asemba, na atavya mũũme, na amwĩa, Sisya, ũla mũndũ nĩwanumĩlĩla, o ũla ũnambũkĩe mũthenya ũla ũngĩ.</verse>
				<verse number="11">Na Manoa ookĩla, na amũatĩĩa mũka, na avika vala ve ũla mũndũ, na amũkũlya, Nue ũnaneenie na mũndũ mũka ũũ? Nake asũngĩa, Ninyie.</verse>
				<verse number="12">Na Manoa asya, Ndeto syaku yu nĩsyĩthĩwe: mwĩkalĩle wa kana ũkeethĩwa ũilyĩ ata, na tũkeekana nako ata?</verse>
				<verse number="13">Na mũlaĩka wa Yeova amwĩa Manoa, Maũndũ onthe ala nĩnatavisye mũndũ mũka, nĩesũvĩe.</verse>
				<verse number="14">Ndakaaye kĩndũ o na kĩva kyumĩte mũsavivũnĩ, o na ndakaanyw’e mbinyu kana kĩla kĩtoonasya, o na ndakaaye kĩndũ kĩvuku o na kĩva; onthe ala nĩnamwĩaĩe nasũvĩe.</verse>
				<verse number="15">Na Manoa eea ũla mũlaĩka wa Yeova, Nĩngũkwĩsũva, eka tũkwĩkalangye, tũkũaĩe katena ka mbũi.</verse>
				<verse number="16">Na mũlaĩka wa Yeova eea Manoa, O na mwambĩkalangya, ndiya lĩu waku; na ethĩwa nũkũmban’ya nthembo ya ũvĩvw’a, no mũvaka ũthembee Yeova. Nũndũ Manoa ndeesĩ kana nĩ mũlaĩka wa Yeova.</verse>
				<verse number="17">Na Manoa akũlya mũlaĩka wa Yeova, Wĩtawa ata, nĩ kana, ndeto syaku syeanĩa, tũtonye kũkũtaĩa?</verse>
				<verse number="18">Na mũlaĩka wa Yeova amwĩa, Wĩngũlya syĩtwa yakwa nĩkĩ, nayo nĩ ya ũseng’ya?</verse>
				<verse number="19">Na ĩndĩ Manoa oosanĩsya katena ka mbũi na nthembo ya mũtu, na amũthembea Yeova ĩvianĩ ĩũlũ: na mũlaĩka eeka wa ũseng’ya; na Manoa na mũka masyaĩĩsya.</verse>
				<verse number="20">Nũndũ kweethĩiwe, yĩla ũlĩlĩnzĩ wa mwaki wambataa ĩtunĩ kuma kĩthembeonĩ, mũlaĩka wa Yeova nĩwambatie ũlĩlĩnzĩnĩ wa kĩthembeo: na Manoa na mũka masyaĩĩsya; na mavalũka nthĩ na mothyũ moo.</verse>
				<verse number="21">Ĩndĩ ũla mũlaĩka wa Yeova ndanaumĩlĩla Manoa kana mũka ĩngĩ. Nĩvo ĩndĩ Manoa wamanyie kana eĩ mũlaĩka wa Yeova.</verse>
				<verse number="22">Na Manoa eea mũka, Nĩtũũkw’a, vate ndĩi, nũndũ nĩtwamwona Ngai.</verse>
				<verse number="23">Ĩndĩ mũka amwĩa, Kethĩwa Yeova nũkwendaa kũtũaa, ndeĩ osa nthembo ya kũvĩvw’a na nthembo ya mũtu mokonĩ maitũ, o na ndeĩ atwon’ya maũndũ asu onthe, o na ndeĩ atavan’ya maũndũ ta asu ĩvinda yĩĩ.</verse>
				<verse number="24">Na ũ mũndũ mũka asyaa mwana, na amwĩta syĩtwa yake Samusoni: na kana keana, na Yeova akaathima.</verse>
				<verse number="25">Na Veva wa Yeova ambĩlĩlya kũmwĩkĩthya maũndũ ku Maane‐ndani, katĩ wa Nzola na Esitaoli.</verse>
			</chapter>
			<chapter number="14">
				<verse number="1">Na Samusoni atheea Timina, na oona mũndũ mũka ku Timina wa eĩtu ma Avilisiti.</verse>
				<verse number="2">Na ambata, na atavya ĩthe na nyinyia, na amea, Nĩnonete mũndũ mũka ku Timina wa eĩtu ma Avilisiti: yu ĩndĩ ndwaĩai we ethĩwe kĩveti kyakwa.</verse>
				<verse number="3">Nĩvo ĩndĩ ĩthe na nyinyia mamũkũlilye, Kũti mũndũ mũka nongi katĩ wa eĩtu ma ana‐a‐au, kana andũnĩ makwa onthe, ũndũ ũkũthi kwa Avilisiti ala mate aĩke kũtwaa kĩveti? Na Samusoni amwĩa ĩthe, Ndwaĩa ũsu; nũndũ nũkũmbendeesya mũno.</verse>
				<verse number="4">Ĩndĩ ĩthe na nyinyia matyaamanya kana ũndũ ũsu waĩ wa Yeova; nũndũ nĩwamanthaa ũndũ kwa Avilisiti. Na ĩvinda yĩu Avilisiti nĩmasumbĩkĩte Isilaeli.</verse>
				<verse number="5">Na ĩndĩ Samusoni atheea Timina, e na ĩthe na nyinyia, na mavika mĩũndanĩ ya mĩsavivũ ya Timina: na, sisya, mũnyambũ wa mũika wamũtundumĩa.</verse>
				<verse number="6">Na Veva wa Yeova ooka ĩũlũ wake na vinya, na awatũan’ya o tondũ waĩ atũan’ya katena ka mbũi; na ndaĩ na kĩndũ kw’okonĩ kwake: ĩndĩ ndaatavya ĩthe kana nyinyia ũndũ weka.</verse>
				<verse number="7">Na atheea, na aneenan’ya na ũla mũndũ mũka; nake amwendeesya Samusoni mũno.</verse>
				<verse number="8">Na itinanga asyoka amũtwae; na aathũka asisye kĩla kimba kya mũnyambũ: na, sisya, vaĩ kĩthuĩ kya nzũkĩ nthĩnĩ wa kimba kya ũla mũnyambũ, na ũkĩ wa nzũkĩ.</verse>
				<verse number="9">Na atwa na moko make, na athi, akĩya o aendete; na avika vala ve ĩthe na nyinyia, na amanenga, na maya; ĩndĩ ndaamatavya kana aumya ũkĩ ũsu wa nzũkĩ kimbanĩ kya mũnyambũ.</verse>
				<verse number="10">Na ĩthe atheea kwa ũ mũndũ mũka: na Samusoni avoka mboka e kw’o; nũndũ nĩw’o anake meekaa.</verse>
				<verse number="11">Na kweethĩwa, yĩla mamwonie, mamũetee amũtindya mĩongo ĩtatũ methĩwe nake.</verse>
				<verse number="12">Na Samusoni amea, Ekai yu, nĩmũkwatye ndaĩ: ethĩwa nĩmũtonya kũmĩndavya katĩ wa mĩthenya ĩsu mũonza ya mboka, na mũkĩmĩmanya, nĩvo nĩmũnenga ngũa mĩongo ĩtatũ sya katane na ngũa ingĩ mĩongo ĩtatũ sya ũkũan’ya;</verse>
				<verse number="13">ĩndĩ ethĩwa mũtitonya kũndavya yo, nĩvo mwĩnenga ngũa mĩongo ĩtatũ sya katane na ngũa ingĩ mĩongo ĩtatũ sya ũkũan’ya. Na mamwĩa, Kwatan’ya ndaĩ yaku, nĩ kana tũmĩw’e.</verse>
				<verse number="14">Na amea, Kuma kwa ũla ũĩsaa kwaumie kya ũya, Na kuma kwa ũla wĩ vinya kwaumie mũyo. Na matyaatonya kũmĩtavan’ya ĩ ndaĩ katĩ wa mĩthenya ĩsu ĩtatũ.</verse>
				<verse number="15">Na kweethĩwa mũthenya wa mũonza, meea mũka wa Samusoni, Sengasenga mũemeu, nĩ kana atũtavye ĩla ndaĩ, tũtikese ũkũvĩvya na mwaki we na nyũmba ya au: kau mũinatwĩtaa mũtũvute? Ũu ti w’o?</verse>
				<verse number="16">Na mũka wa Samusoni aĩa e mbee wake, na amwĩa, Noũmenete, na ndũmbendete: nũkwatĩtye ana ma andũ makwa ndaĩ na ndũneemĩndavya. Na amwĩa, Sisya, ndineemĩtavya nau kana mwaitũ, na nĩkũtavya we?</verse>
				<verse number="17">Na aĩa e mbee wake mĩthenya mũonza, ĩla yaĩ ya mboka yoo: na kweethĩwa mũthenya wa mũonza amũtavya, nũndũ amũthing’ĩĩsye mũno; nake amatavya ana ma andũ make ĩ ndaĩ.</verse>
				<verse number="18">Na andũ ma ĩ ndũa mũthenya ũsu wa mũonza syũa yĩtanathũa mamũkũlya, Nĩ kyaũ kĩ mũyo kwĩ ũkĩ wa nzũkĩ? Na nĩ kyaũ kĩ vinya kwĩ mũnyambũ? Nake amea, Kethĩwa mũinenza na moi yakwa, Mũiĩthĩwa mũmanyie ndaĩ yakwa.</verse>
				<verse number="19">Na Veva wa Yeova ooka na vinya ĩũlũ wake, nake atheea Asikeloni, na akũna andũ mĩongo ĩtatũ ma vo, na oosa mũtavo woo, na amanenga ala mamũtavisye ĩla ndaĩ ngũa sya ũkũan’ya. Na ũthatu wake wakana, na ambata mũsyĩ kwa ĩthe.</verse>
				<verse number="20">Ĩndĩ mũka wa Samusoni anenganwe kwa mũtindan’ya wake, ũla watw’ĩte mũnyanyae.</verse>
			</chapter>
			<chapter number="15">
				<verse number="1">Na kweethĩwa ĩtinanga, ĩvinda ya ngetha ya nganũ, Samusoni athi kũsisya mũka e na katena ka mbũi; na asya, Ngalika kwa kĩveti kyakwa kasũmbanĩ nthĩnĩ. Ĩndĩ mũthoni ndaaĩtĩkĩla alike.</verse>
				<verse number="2">Na mũthoni asya, Nĩ w’o, nasũanĩie nĩwamũmenie vyũ; kwondũ wa ũu nĩnamũnengie mũtindan’ya waku: mũinae ti mwanake kwĩ we? Nĩngũkwĩsũva, mũtwae vandũ vake.</verse>
				<verse number="3">Na Samusoni amea, Ĩvinda yĩĩ ngeethĩwa nde na ĩvĩtyo ngalĩ ĩ ya Avilisiti, nameka naĩ.</verse>
				<verse number="4">Na Samusoni athi na akwata mbĩwa maana atatũ, na oosa isinga, na eelekanĩlya kĩsithe kĩĩ na kĩĩ, na oovelela kĩsinga katĩ wa kĩla isithe ilĩ.</verse>
				<verse number="5">Na yĩla wakwatisye isinga, ailekya syathi syalika lĩunĩ ũtũĩtye wa Avilisiti, na avĩvya syove o na lĩu ũtũĩtye, o na mĩũnda ya mĩthata.</verse>
				<verse number="6">Nĩvo ĩndĩ Avilisiti makũlanilye, Ũla wĩkie ũu nũũ? Na masũngĩana, Samusoni, mũthoni wa ũla Mũtimina, nĩkwĩthĩwa nĩwosete kĩveti kyake, na akakĩnenga mũtindan’ya wake. Na Avilisiti mambata, na mavĩvya ũ mũndũ mũka na ĩthe na mwaki.</verse>
				<verse number="7">Na Samusoni amea, Ethĩwa mwĩkaa ũu, vate ndĩi ngeeĩvanĩsya kwenyu, na ĩtina wa ũu ngĩeka.</verse>
				<verse number="8">Na amavĩlĩa maũũ na mawaswa na ũai mũnene: na atheea na atũa mũvatĩnĩ wa ĩvĩa ya Etamu.</verse>
				<verse number="9">Na ĩndĩ Avilisiti mambata, na mamba maeema kwa Yuta, na meenyasya ku Lei.</verse>
				<verse number="10">Na andũ ma Yuta mamakũlya, Mwambatĩte kũkita naitũ nĩkĩ? Na masũngĩa, Nĩtwambatĩte tũmwove Samusoni, tũmwĩke o tondũ ũtwĩkĩte.</verse>
				<verse number="11">Nĩvo ĩndĩ andũ ngili itatũ ma Yuta matheeie mũvatĩnĩ wa ĩvia ya Etamu, na mamwĩa Samusoni, Ndwĩsĩ kana Avilisiti nĩmo matũsumbĩkĩte? Ĩndĩ ũndũ ũũ ũtwĩkĩte nĩ mwaũ? Nake amea, O tondũ mambĩkie, now’o nĩmekĩte.</verse>
				<verse number="12">Na mamwĩa, Twatheea tũkwove, nĩ kana tũkũnengane mokonĩ ma Avilisiti. Na Samusoni amea, Mbĩavĩei, kana mũtinthũũmũkĩa inyw’ĩ ene.</verse>
				<verse number="13">Na maneena nake, makĩmwĩa, Aiee; ĩndĩ nĩtũũkwova ũlũme, na tũkĩkũnengane mokonĩ moo: ĩndĩ, nĩ w’o ki, tũtikũaa. Na mamwova na makanda elĩ meũ, na mamwambatya kuma yĩla ĩvianĩ.</verse>
				<verse number="14">Na avika Lei, Avilisiti mausya ngemi makĩkomana nake: na Veva wa Yeova ooka ĩũlũ wake na vinya, na makanda ala maĩ mokonĩ make matw’ĩka o ta ndii sya katane syavĩvw’a na mwaki, na makanda mavalũka kuma mokonĩ make.</verse>
				<verse number="15">Na oona ũkambuu wa ĩng’oi ũte ũkũũ, na atambũũkya kw’oko kwake, na awosa, na akũna andũ ngili naw’o.</verse>
				<verse number="16">Na Samusoni asya, Na ũkambuu wa ĩng’oi, mbumbu ĩũlũ wa mbumbu, Na ũkambuu wa ĩng’oi nĩnakũna andũ ngili.</verse>
				<verse number="17">Na kweethĩwa, amina kũneena, ekya ũkambuu kuma kw’okonĩ kwake; na vandũ vau veetwa Lamathĩ‐leĩ.</verse>
				<verse number="18">Na akwatwa nĩ waũni mũnene, na amwĩkaĩla Yeova, na asya, Nũnenganĩte ũvonokyo ũũ mũnene na kw’oko kwa mũthũkũmi waku; na yu nĩngũkw’a nũndũ wa waũni, na ngĩvalũka mokonĩ ma ala mate aĩke.</verse>
				<verse number="19">Ĩndĩ Ngai aatũa kasongolimanĩ kala ke ku Lei, na vauma kĩw’ũ; na yĩla wanywie, veva wake wamũsyokea ĩngĩ, na avuũka: kwondũ wa ũu syĩtwa yavo veetwa Eni‐akole, ĩla yĩ Lei, kũvika ũmũnthĩ.</verse>
				<verse number="20">Na asilan’ya Isilaeli myaka mĩongo ĩlĩ mĩthenyanĩ ya Avilisiti.</verse>
			</chapter>
			<chapter number="16">
				<verse number="1">Na Samusoni athi Ngasa, na oona ĩlwaya vo, na alika kwayo.</verse>
				<verse number="2">Na Angasa matavw’a, kũkyaw’a, Samusoni nĩ mũku kũũ. Na mamũthyũlũlũka mamũvinganĩsya nthĩnĩ, na mamwoveesya mbingĩlonĩ ya ndũa ũtukũ w’onthe, na nĩmakilĩtye ũtukũ w’onthe, makyasya, Tweteele kũvika masũilũnĩ, na ĩndĩ tũkĩmũaa.</verse>
				<verse number="3">Na Samusoni akoma mũvaka ũtukũ katĩ, na ookĩla ũtukũ katĩ, na akwata mĩomo ya mbingĩlo ya ĩ ndũa, na ila itũi ilĩ, na aikũanĩsya vamwe na kĩvingi, na asilĩĩla ituonĩ syake, na aikua asyambatya mũtumbĩnĩ wa kĩĩma kĩla kyelekele Eviloni.</verse>
				<verse number="4">Na kweethĩwa ĩtina, amwenda mũndũ mũka wĩ mwandanĩ wa Soleki, ũla wetawa syĩtwa yake Ndelila,</verse>
				<verse number="5">Na eaĩi ma Avilisiti mambata kwake, na mamwĩa, Mũsengasenge, ũmanye vala vinya wake mũnene ũĩ, na ũndũ tũtonya kũmũkĩlya vinya, nĩ kana tũmwove tũmũthĩn’ye: na tũkakũnenga kĩla ũmwe waitũ ilungu sya vetha ngili ĩmwe na ĩana yĩmwe.</verse>
				<verse number="6">Na Ndelila eea Samusoni, Nĩngũkwĩsũva, ndavya vala vinya waku mũnene ũĩ, na ũtonya kwovwa na kyaũ ũkathĩnw’e.</verse>
				<verse number="7">Na Samusoni amwĩa, Ethĩwa nĩmeũmbova na ndii mũonza nzĩũ ila ite mbovu, nĩvo nĩaa vinya, na ngeethĩwa o ta mũndũ ũngĩ.</verse>
				<verse number="8">Nĩvo ĩndĩ eaĩi ma Avilisiti mamũetee ndii mũonza nziũ ite mbovu, na amwova nasyo.</verse>
				<verse number="9">Na ĩndĩ aĩ na oveesya mekalĩte kasũmbanĩ ka nthĩnĩ. Na amwĩa, Avilisiti nĩmeũkũkwata, Samusoni. Nake atw’a ndii isu, o ta ũlii wa katane ũndũ ũtw’ĩ kaa wakiita mwaki. Kwondũ wa ũu vinya wake ndwaamanyĩka.</verse>
				<verse number="10">Na Ndelila eea Samusoni, Sisya, nũnambũĩa ngũĩ, na ũnandavya movũngũ: na nĩngũkwĩsũva, ndavya yu ũtonya kwovwa na kyaũ.</verse>
				<verse number="11">Nake amwĩa, Ethĩwa nomambova na makanda meũ ki ala mataaova kĩndũ, nĩvo nĩaa vinya na ngeethĩwa o ta mũndũ ũngĩ.</verse>
				<verse number="12">Na ĩndĩ Ndelila oosa makanda meũ, na amwova namo, na amwĩa, Avilisiti nĩmeũkũkwata, Samusoni. Na ala oveesya mekalĩte kasũmbanĩ ka nthĩnĩ. Nake amatw’a mauma mokonĩ make o ta kaũlii.</verse>
				<verse number="13">Na Ndelila amwĩa Samusoni, Kũvika o na yu ũmbũĩaa ngũĩ, na kũndavya movũngũ: ndavya ũtonya kwovwa na kyaũ. Nake amwĩa, Ethĩwa ũkatumanĩsya ithũkũ ii mũonza sya nzw’ĩĩ sya mũtwe wakwa na ndii sya kĩtumi.</verse>
				<verse number="14">Na ailũman’ya mũno na kyambo, na amwĩa, Avilisiti nĩmeũkũkwata, Samusoni. Na aamũka kuma toonĩ, na akũa kyambo kya mũamba, na ndii sya kĩtumi.</verse>
				<verse number="15">Nake amwĩa, Ũtonya ũneena ata, Nyie nĩngwendete, yĩla ngoo yaku ĩte vamwe nakwa? Nũmbũĩĩte ngũĩ mavinda asu atatũ, na ndũneendavya vala vinya waku mũnene ũĩ.</verse>
				<verse number="16">Na kweethĩwa, yĩla wamũthingĩĩsye na ndeto syake kĩla mũthenya na kũmũthetheesya, ngoo yake yanyamaa yesa ũkw’a.</verse>
				<verse number="17">Nake amũtavya ũndũ wĩ ngoonĩ yake w’onthe, na amwĩa, Wenzĩ ndwaavika mũtwe kwakwa; nũndũ nekalile nĩ Mũnasili kwa Ngai kuma nĩ ĩvunĩ ya mwaitũ: ethĩwa ngeenzwa, nĩvo vinya wakwa wĩuma kwakwa, nakwa ngatw’ĩka mwonzu, na ngeethĩwa o ta mũndũ ũngĩ.</verse>
				<verse number="18">Na yĩla Ndelila wonie kana nĩwamũtavya w’onthe ũla wĩ ngoonĩ yake, atũmana ete eaĩi ma Avilisiti, akĩmea, Ambatai o ĩvinda yĩĩ yĩmwe, nũndũ nĩwandavya w’onthe ũla wĩ ngoonĩ yake. Nĩvo ĩndĩ eaĩi ma Avilisiti mambatie vala ũĩ, na maete ila mbesa na moko moo.</verse>
				<verse number="19">Nake amũkomya too maũũnĩ make; na eeta mũndũ, nake asyenza ila ithũkũ mũonza sya mũtwe wake; na ambĩlĩlya kũmũthĩn’ya, na vinya wake wamuma.</verse>
				<verse number="20">Na asya, Avilisiti nĩmeũkũkwata, Samusoni. Nake aamũka kuma toonĩ, na asya, Nyie nĩngumaala o ta mavinda ala angĩ, na kwĩvuunza. Ĩndĩ ndaamanya kana Yeova nĩwamũtia.</verse>
				<verse number="21">Na Avilisiti mamũkwata, na mamũvũthũanga metho; na mamũtheesya Ngasa, na mamwĩkĩa mbĩngũ sya ũthuku; nake athiĩaa nyũmbanĩ ya kolokolo.</verse>
				<verse number="22">Indĩ nzw’ĩĩ sya mũtwe wake syambĩlĩlya kwĩana ĩngĩ ĩtina wa eenzwa.</verse>
				<verse number="23">Na ala eaĩi ma Avilisiti moombana vamwe nĩ kana mamũthembee Ndakoni ngai yoo nthembo nene, na kũtana; nũndũ maasya, Ngai yaitũ nĩnenganĩte Samusoni mũmaitha waitũ mokonĩ maitũ.</verse>
				<verse number="24">Na yĩla andũ mamwonie, mataĩa ngai yoo; nũndũ maisye, Ngai yaitũ nĩnenganĩte mũmaitha waitũ mokonĩ maitũ na mwanangi wa nthĩ yaitũ, ũla woaie aingĩ maitũ.</verse>
				<verse number="25">Na kweethĩwa, yĩla ngoo syoo syatana, masya, Mwĩtei Samusoni, nĩ kana atũthaũkĩe. Nao mamwĩta Samusoni kuma nyũmbanĩ ya kolokolo; nake amathaũkĩa. Na mamũũngamya katĩ wa ituĩ:</verse>
				<verse number="26">na Samusoni eea kĩla kĩmwana kyamũkwete kw’oko, Ndekya nĩkwatange ituĩ ila iũngamĩtye nyũmba ĩno, nĩ kana nĩsyaĩĩe.</verse>
				<verse number="27">Na ĩndĩ nyũmba ĩsu yausũĩte aũme na aka; na eaĩi onthe ma Avilisiti maĩ vo; na kwaĩ aũme na aka ta ngili itatũ kĩalanĩ ĩũlũ, ala meloelaa Samusoni aithaũka.</verse>
				<verse number="28">Nake Samusoni amwĩkaĩla Yeova, na asya, Ame Mwĩaĩi Yeova, ndilikana, nĩngũũvoya, na mbĩkĩa vinya, nĩngũũvoya, o ĩvinda yĩĩ yoka, ame Ngai, nĩ kana nĩyĩĩvanĩsye o ĩmwe kwa Avilisiti nũndũ wa metho makwa elĩ.</verse>
				<verse number="29">Na Samusoni akwata ila ituĩ ilĩ sya katĩ ila syaũngamĩtye nyũmba ĩsu, na ailuuta, kĩmwe na kw’oko kwake kwa aũme, na kĩla kĩngĩ na kw’oko kwake kwa aka.</verse>
				<verse number="30">Na Samusoni asya, Eka nĩkw’e vamwe na Avilisiti. Nake eenyitĩĩa na vinya wake w’onthe; na nyũmba yavalũkĩla ala eaĩi, na andũ onthe ala maĩ nthĩnĩ wayo. Kwondũ wa ũu akw’ũ ala woaie aikw’a nĩ aingĩ kwĩ ala woaĩte e thayũ.</verse>
				<verse number="31">Nĩvo ĩndĩ ana‐a‐inyia make na nyũmba yonthe ya ĩthe matheea, na mamwosa, na mamwambatya, na mamũthika katĩ wa Nzola na Esitaoli, vandũnĩ va mbũa va andũ ma Manoa, ĩthe wake. Nake asilanilye Isilaeli myaka mĩongo ĩlĩ.</verse>
			</chapter>
			<chapter number="17">
				<verse number="1">Na kwaĩ mũndũ wa nthĩ yĩ iĩma ya Evalaimu, ũla wetawa syĩtwa yake Mika.</verse>
				<verse number="2">Na amwĩa inyia wake, Ilungu sya vetha ngili ĩmwe na ĩana yĩmwe ila wooyĩwe, ĩla waumanĩe ũndũ wasyo, o na ĩngĩ waneena matũnĩ makwa, sisya, ũla vetha wĩ nakwa; nĩnawosie. Na inyia wake asya, Mwana wakwa naathimwe nĩ Yeova.</verse>
				<verse number="3">Na amũtũngĩa inyia wake ila ilungu sya vetha ngili ĩmwe na ĩana yĩmwe; na inyia wake asya, Nĩ w’o, vetha ũũ nĩngũvathĩa Yeova wĩthĩwe mũtheu wume kw’okonĩ kwakwa kwondũ wa mwana wakwa, ũndũ wa kũseũvya mũvw’anano mwasũvye na mũvw’anano ũseũvĩtw’e na syĩndũ itwekethetw’e: na yu kwondũ wa ũu nĩngũũtũngĩa.</verse>
				<verse number="4">Na yĩla wamũtũngĩie inyia wake ũla vetha, inyia wake oosa ilungu sya vetha maana elĩ, na amũnenga mũtwii, ũla waiseũvisye mũvw’anano mwasũvye na mũvw’anano ũseũvĩtw’e na syĩndũ matwekethetye: na waĩ nyũmbanĩ ya Mika.</verse>
				<verse number="5">Na mũndũ ũsu Mika aĩ na nyũmba ya i ngai, na aseũvya evoti, o na telavimu, na avatha ũmwe wa ana make, ũla watw’ĩkie mũthembi wake.</verse>
				<verse number="6">Mĩthenya ĩsu kũtyaĩ mũsumbĩ nthĩnĩ wa Isilaeli: kĩla mũndũ eekaa o ũndũ wonaa wĩ ũseo.</verse>
				<verse number="7">Na kwaĩ mwanake wa Mbethi‐leemu‐yuta, wa mũvĩa wa Yuta, ũla waĩ Mũlivai; nake ekala ũeni kw’o.</verse>
				<verse number="8">Na mũndũ ũsu auma ĩ ndũanĩ, o Mbethi‐leemu‐yuta, akekale ũeni vala ũtonya kwona vandũ; nake avika nthĩ yĩ iĩma ya Evalaimu nyũmbanĩ ya Mika, e kyalonĩ kyake.</verse>
				<verse number="9">Na Mika amũkũlya, Wauma va? Nake amũsũngĩa, Nyie nĩ Mũlivai wa Mbethi‐leemu‐yuta, na nĩendete ngekale ũeni vala ndonya kwona vandũ.</verse>
				<verse number="10">Na Mika amwĩa, Tũa nakwa, naku ũitw’ĩka nau na mũthembi kwakwa, na ngaũnenga ilungu ĩkũmi sya vetha kĩla mwaka, na ngũa sya kwĩkĩa, na lĩu waku. Na ĩndĩ ũla Mũlivai alika nthĩnĩ.</verse>
				<verse number="11">Na ũla Mũlivai eanĩwa nĩ kũtũa na mũndũ ũsu; na ũla mwanake atw’ĩka kwake ta ũmwe wa ana make.</verse>
				<verse number="12">Na Mika avatha ũla Mũlivai, na mwanake ũsu atw’ĩka mũthembi wake, na eethĩawa nyũmbanĩ ya Mika.</verse>
				<verse number="13">Na ĩndĩ Mika asya, Yu nĩnĩsĩ kana Yeova akambĩka nesa, nũndũ nĩ na Mũlivai ethĩwe mũthembi wakwa.</verse>
			</chapter>
			<chapter number="18">
				<verse number="1">Mĩthenya ĩsu kũtyaĩ mũsumbĩ nthĩnĩ wa Isilaeli: na mĩthenya ĩsu mbaĩ ya Andani meemanthĩa ũtiĩwa matũae; nũndũ kũvika mũthenya ũsu ũtiĩwa woo ndwaĩ ũnamba ũmavalũkĩla mbaĩnĩ sya Isilaeli.</verse>
				<verse number="2">Na ana ma Ndani matũma andũ atano ma mũvĩa woo kuma ũtalonĩ woo w’onthe, andũ ngũmbaũ, kuma ku Nzola, na kuma Esitaoli, nĩ kana mathĩane nthĩ ĩsu, na kũmĩkuũa; na mamea, Endai, mũkakuũe nthĩ ĩsu. Nao mavika nthĩ yĩ ĩĩma ya Evalaimu, nyũmbanĩ ya Mika, na makoma vo.</verse>
				<verse number="3">Me vakuvĩ na nyũmba ya Mika, mamanya wasya wa ũla mwanake Mũlivai; nao meelelũkĩla vo, na mamũkũlya, Nũũ wakũetie kũũ? Na wĩĩka ata vaa? Na wĩ na kyaũ vaa?</verse>
				<verse number="4">Nake amea, Ũũ na ũũ nĩw’o Mika ũmbĩkĩte, na nũnandĩkĩte, nakwa nĩndw’ĩkĩte mũthembi wake.</verse>
				<verse number="5">Na mamwĩa, Nĩtũũkwĩsũva, mũkũlye Ngai, nĩ kana tũmanye kana nzĩa ĩla tũkwete kana ĩkaathimĩka.</verse>
				<verse number="6">Na mũthembi amea, Endai na mũuo: nzĩa ĩla mũkwete Yeova nũmyene.</verse>
				<verse number="7">Nĩvo ĩndĩ ala andũ atano maendie, na mavika Laisa, na moona andũ ala maĩ nthĩnĩ wayo, ũndũ matũaa meyelele, o tondũ Asitoni matwĩe, mauĩtye na meyelele; nũndũ kũtyaĩ mũndũ nthĩnĩ wa nthĩ ĩsu waĩ na ũtonyi ũla waĩ amasonokya ũndũnĩ o na wĩva, namo maĩ kũasa na Asitoni, na matyaĩ na ũndũ na mũndũ o na wĩva.</verse>
				<verse number="8">Na mavika kwa ana‐a‐inyia moo ku Nzola na Esitaoli: na ana‐a‐inyia mamakũlya, Mwĩasya ata?</verse>
				<verse number="9">Na mamea, Ũkĩlai, twambatei tũkokite nao; nũndũ nĩtũmyonete nthĩ ĩsu, na lĩlĩĩ, nĩ nzeo mũno: nenyu nĩmũkilĩtye? Mũtikethĩwe atulu wa kũthi na kũlika nĩ kana mũmĩmesye.</verse>
				<verse number="10">Yĩla mwĩthi, mũkavika kwa andũ meyelele, na nthĩ ĩsu nĩ nene; nũndũ Ngai nũmĩnenganĩte mokonĩ menyũ, vandũ vataaa kĩndũ o na kĩva kĩ kũũ nthĩ.</verse>
				<verse number="11">Na kw’o kwauma andũ maana thanthatũ mekĩe mĩio ya kaũ ma mũvĩa wa Andani, kuma ku Nzola, na kuma Esitaoli.</verse>
				<verse number="12">Na mambata, na mamba maeema ku Kiliathi‐yealimu, nthĩnĩ wa Yuta: kwondũ wa ũu maveta vandũ vau Maane‐ndani kũvika ũmũnthĩ; sisya, yĩ ĩtina wa Kiliathi‐yealimu.</verse>
				<verse number="13">Na mavĩta kuma ku mavika nthĩ yĩ iĩma ya Evalaimu, na mavika nyũmbanĩ ya Mika.</verse>
				<verse number="14">Nĩvo ĩndĩ ala andũ atano ala maendie kũthiana nthĩ ya Laisa masũngĩie na mamea ana‐a‐ĩthe moo, Nĩmwĩsĩ kana nyũmbanĩ ii ve evoti, na telavimu, na mũvw’anano mwasũvye, na mũvw’anano ũseũvĩtw’e na syĩndũ matwekethetye? Yu ĩndĩ sũanĩai ũndũ mũkwĩka.</verse>
				<verse number="15">Nao meelelũkĩĩla vo, na mavika nyũmbanĩ ya ũla mwanake Mũlivai, o nyũmbanĩ ya Mika, na mamũkũlya ũvoo wake.</verse>
				<verse number="16">Na ala andũ maana thanthatũ mekĩe mĩio ya kaũ, ala maĩ ma ana ma Ndani, maũngama ũlikĩlonĩ mbingĩlonĩ.</verse>
				<verse number="17">Na ala andũ atano ala maendie kũthiana ĩla nthĩ mambata, na malika vo nthĩnĩ, na moosa ũla mũvw’anano mwasũvye, na yĩla evoti, na ila telavimu, na ũla mũvw’anano ũseũvĩtw’e na syĩndũ matwekethetye: na ũla mũthembi aũngama ũlikĩlonĩ mbingĩlonĩ vamwe na ala andũ maana thanthatũ mekĩe mĩio ya kaũ.</verse>
				<verse number="18">Na yĩla asu malikile nyũmbanĩ ya Mika, na kũete mũvw’anano mwasũvye, na yĩla evoti, na ila telavimu, na ũla mũvw’anano ũseũvĩtw’e na syĩndũ matwekethetye, ũla mũthembi amakũlya, Mwĩĩka ata inyw’ĩ?</verse>
				<verse number="19">Nao mamwĩa, Vindya, kunĩka kanyw’a waku na kw’oko, na ũithi naitũ, wĩthĩwe ĩthe na mũthembi kwitũ: ũu nĩw’o kavaa kwaku kwĩthĩwa mũthembi wa nyũmba ya mũndũ ũmwe, kana kwĩthĩwa mũthembi wa mbaĩ na mũvĩa nthĩnĩ wa Isilaeli?</verse>
				<verse number="20">Na ngoo ya mũthembi yatana, nake oosa yĩla evoti, na ĩla telavimu, na ũla mũvw’anano mwasũvye, na alika andũnĩ asu.</verse>
				<verse number="21">Na ĩndĩ meethyũũa na maenda, na matongosya syana ila nini o na indo na mĩio.</verse>
				<verse number="22">Na yĩla maĩ kũasa na nyũmba ya Mika, andũ ala matwĩe nyũmbanĩ ila syaĩ vakuvĩ na nyũmba ya Mika moombana vamwe, na maatĩĩa ana ma Ndani mamakwata.</verse>
				<verse number="23">Na mamanĩĩsya ana ma Ndani. Nao mathyũũa mothyũ moo, na mamũkũlya Mika, Wĩ na ũndũ mwaũ, ũndũ wooka na nguthu yĩana ũu?</verse>
				<verse number="24">Nake asya, Inyw’ĩ nĩmwosie ngai ila naseũvisye, na mũthembi, nenyu nĩmũendete, nakwa nĩ na kĩngĩ kyaũ? Na nĩkĩ ĩndĩ mũũngũlya, Wĩ na ũndũ mwaũ?</verse>
				<verse number="25">Na andũ ma Ndani mamwĩa, Wasya ũsu waku ndũkew’ĩke katĩ waitũ, ala me na ũthatu maikese ũkũthũũmũkĩa, naku ũkyasya thayũ waku, vamwe na mathayũ ma andũ ma nyũmba yaku.</verse>
				<verse number="26">Na ana ma Ndani meendea: na yĩla Mika wonie kana me na vinya kwĩ we, eethyũũa na asyoka nyũmbanĩ yake.</verse>
				<verse number="27">Namo matwaa kĩla Mika waseũvĩtye, na ũla mũthembi waĩ nake, na mavika Laisa, kwa andũ mauĩtye na meyelele, na mamakũna kwa kũmatemanga na ũvyũ; na mavĩvya ĩ ndũa na mwaki</verse>
				<verse number="28">Na kũtyaĩ mũvonokya, nũndũ yaĩ kũasa na Sitoni, nao matyaĩ na ũndũ na mũndũ o na wĩva; nayo yaĩ mwandanĩ ũla wĩ vakuvĩ na Mbethi‐leovu. Na maaka ndũa, na mamĩtũa.</verse>
				<verse number="29">Na meeta syĩtwa ya ndũa ĩsu Ndani, kũatĩĩa syĩtwa ya ĩthe woo Nadni, ũla wasyaiwe nĩ Isilaeli: ĩndĩ syĩtwa ya ĩla ndũa mbee yeetawa Laisa.</verse>
				<verse number="30">Na ana ma Ndani meeũngamĩsya ũla mũvw’anano mwasũvye; na Yonathani, mwana wa Ngelisoni, mwana wa Mose, we na ana make maĩ athembi kwa mbaĩ ya Ndani kũvika mũthenya wa kũtavwa kwa nthĩ ĩsu.</verse>
				<verse number="31">Na ĩndĩ meeũngamĩsya mũvw’anano mwasũvye wa Mika ũla waseũvĩtye, ĩvinda yonthe yĩla nyũmba ya Ngai yaĩ Silo.</verse>
			</chapter>
			<chapter number="19">
				<verse number="1">Na kweethĩwa mĩthenya ĩsu, yĩla kũtaĩ mũsumbĩ nthĩnĩ wa Isilaeli, kwaĩ Mũlivai ũmwe wekalaa ũeni ngalĩ ĩla ĩngĩ ya nthĩ yĩ iĩma ya Evalaimu, ũla wetwaĩe mũndũ mũka ngombo wa Mbethi‐leemu‐yuta.</verse>
				<verse number="2">Na mũndũ mũka ũsu ngombo amũthĩn’ya kwa kwĩka ũmalwaya, na amũtia athi nyũmbanĩ kwa ĩthe ku Mbethi‐leemu‐yuta, na ekalile kw’o vandũ va myei ĩna.</verse>
				<verse number="3">Na mũũme ookĩla, na amũatĩĩa, e na mũthũkũmi wake, na mang’oi elĩ, akaneene nake nesa, amũtũnge ĩngĩ: na ũla mũndũ mũka amũthokya nyũmbanĩ ya ĩthe; na yĩla ĩthe wa mwĩĩtu ũsu wamwonie, atana ũndũ wa kũmwona.</verse>
				<verse number="4">Na mũthoni, ĩthe wa mwĩĩtu ũsu, amwĩkalya; nake ekala nake mĩthenya ĩtatũ: na ĩndĩ maya na manyw’a, na kũkoma kw’o.</verse>
				<verse number="5">Na kweethĩwa mũthenya wa kana, mookĩla kĩoko tene, nake ookĩla nĩ kana aende: na ĩthe wa ũla mwĩĩtu amwĩa mũthoni, Ĩkĩa ngoo yaku vinya na kalungu ka kĩmũtũ, na ĩtina mũkĩyĩendea.</verse>
				<verse number="6">Na ĩndĩ mekala nthĩ, na maya na manyw’a, elĩ vamwe: na ĩthe wa ũla mwĩĩtu atavya mũthoni, Nĩngũkwĩsũva, endeew’a nĩ kwĩkala ũtukũ w’onthe, na ngoo yaku nĩtane.</verse>
				<verse number="7">Na ũla mũndũ ookĩla nĩ kana aende; ĩndĩ mũthoni amũthetheesya mũno, nake akoma ĩngĩ kw’o.</verse>
				<verse number="8">Na ookĩla kĩoko tene mũthenya wa katano nĩ kana athi; na ĩthe wa ũla mwĩĩtu amwĩa, Ĩkĩa ngoo yaku vinya nĩngũkwĩsũva, na ĩkalanga syũa yeeeke; na maya, me elĩ.</verse>
				<verse number="9">Na yĩla ũla mũndũ wokĩlile nĩ kana aende, we, na ũla mũndũ mũka wake ngombo, na mũthũkũmi wake, mũthoni, ĩthe wa ũla mwĩĩtu, amwĩa, Sisya, yu mũthenya nĩ mũendu, nĩngũkwĩsũva, ĩkala ũtukũ w’onthe: sisya, syũa yĩkilĩlye ũthũa, koma kũũ, nĩ kana ngoo yaku ĩtane; na ũnĩ tene wĩkwata nzĩa, nĩ kana wĩnũke.</verse>
				<verse number="10">Ĩndĩ ũla mũndũ ndaaĩtĩkĩla kwĩkala ũtukũ ũsu, ĩndĩ ookĩla na athi, na avika kwelekela Yevusi (nayo nĩ Yelusaleme): nake aĩ na mang’oi elĩ me matandĩke; o na ũla mũndũ mũka wake ngombo aĩ nake.</verse>
				<verse number="11">Yĩla maĩ vakuvĩ na Yevusi, mũthenya waĩ mũendu mũno; na ũla mũthũkũmi amwĩa vwana wake, Nĩngũkwĩsũva, ũka, twelelũkĩĩle ndũa ĩno ya Ayevusi, tũkome vo.</verse>
				<verse number="12">Na vwana wake amwĩa, Tũtiathũka ndũa ya mũndũ wa nthĩ ĩngĩ, ĩte ya ana ma Isilaeli; ĩndĩ nĩtũũvĩta tũvike Ngivea.</verse>
				<verse number="13">Na amwĩa mũthũkũmi wake, Ũka tũthengeee vandũ vamwe va kũndũ kũũ; na nĩtũũkoma Ngivea, kana Lama.</verse>
				<verse number="14">Na ĩndĩ mavĩta na meeendea; na syũa yamathũĩĩa me vakuvĩ na Ngivea, ĩla ya Mbenyamini.</verse>
				<verse number="15">Nao meelelũkĩĩla vo, malike makome Ngivea: nake alika nthĩnĩ, na ekala nthĩ nzĩanĩ nene ya ĩ ndũa; nũndũ kũtyaĩ mũndũ o na ũmwe waamathokya nyũmbanĩ yake makome.</verse>
				<verse number="16">Na, sisya, kwooka mũtumĩa mũkũũ aumĩte wĩanĩ wake mũũndanĩ wĩoo: na mũndũ ũsu aĩ wa nthĩ yĩ iĩma ya Evalaimũ, nake ekalaa ũeni ku Ngivea; ĩndĩ andũ ma vandũ vau maĩ Ambenyamini.</verse>
				<verse number="17">Nake ookĩlya metho make, na oona mũndũ ũendete kyalo nzĩanĩ nene ya ndũa; na ĩndĩ ũla mũtumĩa amũkũlya, Wĩthi na kũ? Na wauma va?</verse>
				<verse number="18">Nake amwĩa, Nĩtũvĩtĩte tumĩte Mbethi‐leemũyuta tũthi ngalĩ ĩla ĩngĩ ya nthĩ yĩ iĩma ya Evalaimu; nĩ kw’o nĩnaumie, na naendie Mbethi‐leemu‐yuta; na yu nĩendete nyũmbanĩ ya Yeova; na vati mũndũ ũnanthokya nyũmbanĩ yake.</verse>
				<verse number="19">Ĩndĩ ve ũa na lĩu wa mang’oi maitũ; na ve lĩu na mbinyu nayo kwondũ wakwa, na mũthũkũmi waku mwĩĩtu, na mwanake ũla wĩ vamwe na athũkũmi maku: vati vata wa kĩndũ o na kĩmwe.</verse>
				<verse number="20">Na ũla mũtumĩa asya, Mũuo wĩthĩwe kwaku; ĩndĩ mavata maku onthe methĩwe ĩũlũ wakwa; ĩndĩ ndũkakome nzĩanĩ nene.</verse>
				<verse number="21">Na ĩndĩ amũtwaa nyũmbanĩ yake, na anenga mang’oi lĩu; na mathambya maũũ moo, maya, na manyw’a.</verse>
				<verse number="22">Na makĩtan’ya ngoo syoo, sisya, andũ ma ndũa ĩsu, andũ athe, mathyũlũlũka ĩ nyũmba, na kũkũnanga mũomo; na maneena na vwana wa nyũmba, ũla mũtumĩa maimwĩa, Mumaalye nza mũndũ ũla woka nyũmbanĩ yaku, nĩ kana tũmũmanye.</verse>
				<verse number="23">Na ũla mũndũ, vwana wa nyũmba, aumaala nza vau maĩ, na amea, Aiee, ana‐a‐ia makwa, nĩngũmwĩsũva, mũikeke ũthũku wĩana ũu; nũndũ mũndũ ũũ nũlikile nyũmbanĩ yakwa, mũikeke ũtumanu ũũ.</verse>
				<verse number="24">Sisya, vaa ve mwĩĩtu wakwa mũtheu, na mũndũ mũka wake ngombo; nĩngũmaumaalya nza oyu, na mathũkyei, na kũmeka ũndũ mũkwona wĩ ũseo: ĩndĩ mũndũ ũũ mũikamwĩke ũtumanu ta ũsu.</verse>
				<verse number="25">Ĩndĩ andũ asu matyaaĩtĩkĩla kũmwĩthukĩĩsya: na ĩndĩ mũndũ ũsu amũkwata mũndũ mũka wake ngombo, na amumaalya nza vala maĩ; nao mamũmanya, na mamũthĩn’ya ũtukũ w’onthe kũvika kĩoko: na masũilũnĩ, mamũeka athi.</verse>
				<verse number="26">Nĩvo ĩndĩ mũndũ mũka ũsu wokie kĩoko kũitheana, na avalũka mũomonĩ wa nyũmba ya ũla mũndũ vala vwana wake ũĩ, mũvaka kwakya.</verse>
				<verse number="27">Na mwĩaĩi wake ookĩla kĩoko, na avingũa mĩomo ya nyũmba, na aumaala nĩ kana eeendee; na, sisya, ũla mũndũ mũka wake ngombo avalũkĩte vau mũomonĩ wa nyũmba, na moko make me mwalyonĩ.</verse>
				<verse number="28">Na amwĩa, Ũkĩla, tũthĩ; ĩndĩ vatyaĩ ũsũngĩo; na ĩndĩ amũtũlya ĩng’oinĩ; na mũndũ ũsu akũsya, na athi kwake.</verse>
				<verse number="29">Na yĩla walikile nyũmba kwake, oosa kavyũ, na akwata ũla mũndũ mũka wake ngombo, na amũaan’ya, mutha na mutha, ilungu ĩkũmi na ilĩ, na amũtwaa mĩvakanĩ yonthe ya Isilaeli.</verse>
				<verse number="30">Na kweethĩwa, atĩ onthe ala moonie ũndũ ũsu masya, Ũndũ ta ũu ndwaaĩkĩka o na ndwaaoneka kuma mũthenya ũla ana ma Isilaeli mambatie kuma nthĩ ya Misili kũvika ũmũnthĩ; sũanĩai, na oan’yai, na neenai.</verse>
			</chapter>
			<chapter number="20">
				<verse number="1">Nĩvo ĩndĩ ana onthe ma Isilaeli maumaalile, na ĩkomano yoombanĩa Yeova ku Misiva ta mũndũ ũmwe, kuma Ndani kũvika Mbeeli‐sieva, vamwe na nthĩ ya Ngileati.</verse>
				<verse number="2">Na anene ma andũ onthe, o ma mbaĩ syonthe sya Isilaeli, meeyumĩlya ũmbanonĩ wa andũ ma Ngai, andũ ngili maana ana ala maendete na maũũ ala makũaa ũvyũ.</verse>
				<verse number="3">(Na ĩndĩ ana ma Mbenyamini meew’a kana ana ma Isilaeli nĩmambatie Misiva.) Na ana ma Isilaeli masya, Tũtavyei, ũthũku ũũ weekĩkie ata?</verse>
				<verse number="4">Na ũla Mũlivai, mũũme wa mũndũ mũka ũsu ũnooaiwe, asũngĩa na asya, Navikie Ngivea ĩla ya Mbenyamini, nyie na mũka wakwa ngombo, nĩ kana tũkome kw’o.</verse>
				<verse number="5">Na andũ ma Ngivea mambũkĩlĩla, na manthyũlũlũkĩla nyũmba ngalĩ syonthe ũtukũ; mendaa kũmbũaa nyie, na mũka wakwa ngombo mamũkinda, nake akw’a.</verse>
				<verse number="6">Nakwa noosa mũka wakwa ngombo na kũmũtilanga ilungu, na kũmũtwaa kw’onthe nthĩ yonthe ya ũtiĩwa wa Isilaeli; nũndũ mekĩte wathe na ũtumanu nthĩnĩ wa Isilaeli.</verse>
				<verse number="7">Sisyai, inyw’ĩ ana ma Isilaeli, inyw’onthe, tũnengei ũtao wenyu na kĩosyo kyenyu.</verse>
				<verse number="8">Na andũ onthe mookĩla ta mũndũ ũmwe, makyasya, Ithyĩ vati ũmwe katĩ waitũ wĩsyoka ĩeemanĩ yake, o na vati ũmwe katĩ waitũ wĩsyoka mũsyĩ kwake.</verse>
				<verse number="9">Ĩndĩ yu ũndũ ũla tũkwĩka Ngivea nĩ ũũ: nĩtũkwambata tũkokite nayo kwa nzĩa ya kũlimana;</verse>
				<verse number="10">na tũkoosa andũ ĩkũmi kwa kĩla ĩana mbaĩnĩ syonthe sya Isilaeli, na ĩana kwa ngili, na ngili kwa ngili ĩkũmi, nĩ kana mamalatĩlye andũ lĩu, nĩ kana, mavika Ngivea ya Mbenyamini, matonye kwĩka kwĩanana na ũtumanu w’onthe ũla meekie nthĩnĩ wa Isilaeli.</verse>
				<verse number="11">Na ĩndĩ andũ onthe ma Isilaeli moombanĩĩa ndũa ĩsu, makwatene vamwe o ta mũndũ ũmwe.</verse>
				<verse number="12">Na mbaĩ sya Isilaeli syatũma andũ maende mbaĩnĩ yonthe ya Mbenyamini, makĩkũlya, Ũthũku ũũ nĩ mwaũ wĩkĩkĩte katĩ wenyu?</verse>
				<verse number="13">Yu, ĩndĩ nenganai andũ asu athe, ala me Ngivea, nĩ kana tũmoae, na kũveta ũthũku kwa Isilaeli. Ĩndĩ a Mbenyamini matyaaĩtĩkĩla kwĩw’a wasya wa ana‐a‐ĩthe moo ana ma Isilaeli.</verse>
				<verse number="14">Na ana ma Mbenyamini moombana kuma ndũanĩ sya Ngivea, nĩ kana maume makokite na ana ma Isilaeli.</verse>
				<verse number="15">Na ana ma Mbenyamini matalilwe mũthenya ũsu kuma ĩ ndũanĩ andũ ngili mĩongo ĩlĩ na thanthatũ ala makũaa ũvyũ, eka andũ ma Ngivea, ala matalĩtwe andũ anyuve maana mũonza.</verse>
				<verse number="16">Katĩ wa andũ asu onthe kwaĩ andũ anyuve maana mũonza ma imotho; kĩla ũmwe aĩ atonya kwĩkya mavia na kĩkũtha kamwanyanĩ keanĩa ũsw’ĩĩ, na ndavĩtya.</verse>
				<verse number="17">Na andũ ma Isilaeli, eka a Mbenyamini, matalilwe andũ ngili maana ana ala makũaa ũvyũ: asu onthe maĩ andũ ma kaũ.</verse>
				<verse number="18">Na ana ma Isilaeli mookĩla, na mambata Mbethi‐eli, na makũlya Ngai ũtao; na makũlya, Naaũ ala mekwamba kwambata kwondũ witũ mokite na Mbenyamini? Na Yeova asya, Yuta nĩwe wĩamba kwambata.</verse>
				<verse number="19">Na ana ma Isilaeli mookĩla kĩoko, na mamba maeema mataũĩĩe Ngivea.</verse>
				<verse number="20">Na andũ ma Isilaeli maumaala mokite na Mbenyamini; na andũ ma Isilaeli mataũsya ita mokitĩe namo ku Ngivea.</verse>
				<verse number="21">Na ana ma Mbenyamini mauma Ngivea, na maanangĩa nthĩ ma Aisilaeli mũthenya ũsu andũ ngili mĩongo ĩlĩ na ilĩ.</verse>
				<verse number="22">Na andũ, aũme ma Isilaeli, meeyĩkĩa vinya, na mataũsya ita ĩngĩ o vala manataũĩtye mũthenya wa mbee.</verse>
				<verse number="23">Na ana ma Isilaeli mambata na maĩa mbee wa Yeova kũvika wĩoo; na mamũkũlya Yeova, makyasya, Ngathengeea ĩngĩ nũkite na ana ma Mbenyamini mwana‐a‐asa wakwa? Na Yeova amwĩa, Ambata wũkite nake.</verse>
				<verse number="24">Na ana ma Isilaeli mathengeea mokite na ana ma Mbenyamini mũthenya wa kelĩ.</verse>
				<verse number="25">Na Ambenyamini maumaala kuma Ngivea mokite namo mũthenya wa kelĩ, na ĩngĩ maanangĩa nthĩ ma ana ma Isilaeli andũ ngili ĩkũmi na nyanya; asu onthe maĩ ala makũaa ũvyũ.</verse>
				<verse number="26">Nĩvo ĩndĩ ana ma Isilaeli onthe, o andũ onthe, mambatie, na mavika Mbethi‐eli, na maĩa, na mekala nthĩ vu mbee wa Yeova, na matĩĩa kũya mũthenya ũsu kũvika wĩoo; na mamũthembea Yeova nthembo sya kũvĩvw’a na nthembo sya mũuo.</verse>
				<verse number="27">Na ana ma Isilaeli mamũkũlya Yeova (nũndũ ĩsandũkũ ya ũtianĩo ya Ngai yaĩ kw’o mĩthenya ĩsu,</verse>
				<verse number="28">na Vineasi, mwana wa Eleasali, mwana wa Aluni, nĩwaũngamaa mbee wayo mĩthenya ĩsu), makyasya, Ngaumaala o ĩngĩ kũkita na ana ma Mbenyamini, mwana‐a‐asa wakwa, kana nĩeke? Na Yeova amwĩa, Ambata; nũndũ ũnĩ ngamũnengane kw’okonĩ kwaku.</verse>
				<verse number="29">Na Isilaeli maia oveesya mathyũlũlũkĩte Ngivea.</verse>
				<verse number="30">Na ana ma Isilaeli mambata mokite na ana ma Mbenyamini mũthenya wa katatũ, na meetaũsya mokite na Ngivea, o ta mavinda ala angĩ.</verse>
				<verse number="31">Na ana ma Mbenyamini maumaala mokite na andũ asu, nao makusw’a mathi vaasa na ĩ ndũa; na mambĩlĩlya kũkũna na kũaĩa andũ, ta andũ mĩongo ĩtatũ ma Isilaeli, o ta mavinda ala angĩ, malelũnĩ, ala ũmwe wamo ũelete Mbethi‐eli, na ũla ũngĩ Ngivea, mũũndanĩ.</verse>
				<verse number="32">Na ana ma Mbenyamini masya, Nĩmeũkũnwa mavalũkw’e nthĩ nĩ ithyĩ, o ta mbee. Ĩndĩ ana ma Isilaeli masya, Nĩtũkũke, na tũkĩmakusya maume ndũanĩ kũvika malelũnĩ.</verse>
				<verse number="33">Na andũ onthe ma Isilaeli mookĩla kuma vala maĩ, na meetaũsya ku Mbaali‐tamali: na ala oveesya ma Isilaeli makuthũka kuma kũla maĩ, o kuma Maale‐ngeva.</verse>
				<verse number="34">Na kwooka andũ anyuve ngili ĩkũmi kuma kwa Isilaeli onthe mokite na Ngivea, na kaũ ũsu waĩ mwai mũno; ĩndĩ matyaamanya kana ũthũku nũmathengeee.</verse>
				<verse number="35">Na Yeova akũnĩa Mbenyamini vu mbee wa Isilaeli; na ana ma Isilaeli mũthenya ũsu maananga ma Mbenyamini andũ ngili mĩongo ĩlĩ na itano na ĩana yĩmwe: asu onthe nĩmakũaa ũvyũ.</verse>
				<verse number="36">Na ĩndĩ ana ma Mbenyamini moona kana nĩmakũnwa; nũndũ andũ ma Isilaeli nĩmathũkĩaa Mbenyamini, nĩkwĩthĩwa nĩmamaĩkĩĩaa oveesya ala mamaiĩte mokite na Ngivea.</verse>
				<verse number="37">Na ala oveesya meekalaata, na mavithũkĩa Ngivea; na ala oveesya meekusya maendeee mbee, na makũna ndũa yonthe kwa kũtemanga na ũvyũ.</verse>
				<verse number="38">Na ĩndĩ wonan’yo watw’ĩtwe katĩ wa andũ ma Isilaeli na ala oveesya waĩ atĩ mokĩlye mũumbĩ mũnene wa syũki kuma ĩ ndũanĩ.</verse>
				<verse number="39">Na andũ ma Isilaeli meethyũũĩa kaũ, na a Mbenyamini mambĩlĩlya kũkũna na kũaa andũ ma Isilaeli ta andũ mĩongo ĩtatũ; nũndũ maasya, Nĩ w’o, nĩmeũkũnwa mavalũkw’e nthĩ nĩ ithyĩ, o ta kaũnĩ wa mbee.</verse>
				<verse number="40">Ĩndĩ yĩla mũumbĩ wa kĩtuĩ kya syũki wambĩlĩlye kũkĩla kuma ndũanĩ, Ambenyamini masisya ĩtina woo; na, sisya, ndũa yonthe yausũĩte syũki yambatĩte ĩtunĩ.</verse>
				<verse number="41">Na andũ ma Isilaeli meethyũũa, na andũ ma Mbenyamini mateva; nũndũ nĩmoonie kana ũthũku nĩwamakwata.</verse>
				<verse number="42">Kwondũ wa ũu moon’ya andũ ma Isilaeli mĩongo yoo melekele nzĩa ya weũnĩ; ĩndĩ kaũ wamaatĩĩa na vinya; na ala maumĩte ndũanĩ mamanangĩa vau katĩ.</verse>
				<verse number="43">Mamathyũlũlũka Ambenyamini ngalĩ syonthe, na mamalũngya, na mamaanganĩsya vo vandũ voo va ũthũmũa, o kũvika kwelekela Ngivea ngalĩ ya wumĩlonĩ wa syũa.</verse>
				<verse number="44">Na kwavalũkw’a ma Mbenyamini andũ ngili ĩkũmi na nyanya; asu onthe maĩ andũ ngũmbaũ.</verse>
				<verse number="45">Na meethyũũa na makũka melekele weũnĩ kũvika ĩvianĩ ya Limoni: na meethĩan’ya mamo malelũnĩ andũ ngili itano, na mamaatĩĩa na vinya kũvika Ngitomu, na makũna mamo andũ ngili ilĩ.</verse>
				<verse number="46">Kwondũ wa ũu onthe ma Mbenyamini ala mavalũkile mũthenya ũsu maĩ ngili mĩongo ĩlĩ na itano ala makũaa ũvyũ; asu onthe maĩ andũ ngũmbaũ.</verse>
				<verse number="47">Ĩndĩ andũ maana thanthatũ meethyũũa na makũka melekele weũnĩ kũvika ĩvianĩ ya Limoni, na mekala ĩvianĩ ya Limoni myei ĩna.</verse>
				<verse number="48">Na andũ ma Isilaeli meethyũũĩa ana ma Mbenyamini ĩngĩ, na mamakũna kwa kũmatemanga na ũvyũ, ndũa nima, o na indo, na kyonthe kĩla moonie: vamwe na ũu ndũa syonthe ila moonie nĩmaivĩvisye na mwaki.</verse>
			</chapter>
			<chapter number="21">
				<verse number="1">Na ĩndĩ andũ ma Isilaeli nĩmeeavĩĩte ku Misiva, makasya, Vati mũndũ katĩ waitũ ũkanengane mwĩĩtu wake kwa Mbenyamini.</verse>
				<verse number="2">Na andũ mavika Mbethi‐eli, na mekala kw’o mbee wa Ngai kũvika wĩoo, na mookĩlya mawasya moo, na kũĩa mũno.</verse>
				<verse number="3">Na masya, Ame Yeova, Ngai wa Isilaeli, ũndũ ũũ wĩkĩkie nĩkĩ nthĩnĩ wa Isilaeli, ũndũ vethĩiwe ũmũnthĩ mbaĩ ĩmwe ĩolekete nthĩnĩ wa Isilaeli?</verse>
				<verse number="4">Na kweethĩwa ũnĩ ũsu, andũ mookĩla tene, na maaka kĩthembeo vo, na mathemba nthembo sya kũvĩvw’a na nthembo sya mũuo.</verse>
				<verse number="5">Na ana ma Isilaeli masya, Katĩ wa mbaĩ syonthe sya Isilaeli nĩ yĩva ĩtaneambatĩa Yeova ĩkomanonĩ? Nũndũ nĩmeeavĩte kĩavo kĩnene ũndũ wa ũla ũteũmwambatĩa Yeova ku Misiva, makasya, Ũsu akooawa vate ndĩi.</verse>
				<verse number="6">Na ana ma Isilaeli meelila nũndũ wa Mbenyamini, mwana‐a‐ĩthe woo, na masya, Kwĩ mbaĩ ĩmwe ĩvetiwe kwa Isilaeli ũmũnthĩ.</verse>
				<verse number="7">Twĩĩka ata nĩ kana tũmonee ala matiele aka, nũndũ nĩtwĩavĩte kwa Yeova atĩ tũtikamanenga ma eĩtu maitũ methĩwe aka?</verse>
				<verse number="8">Na masya, Nĩ yĩva ya mbaĩ sya Isilaeli ĩtaneambatĩa Yeova ku Misiva? Na, sisya, kũtineũka o na ũmwe kuma Yavesi‐ngileati ĩkomanonĩ mwakonĩ wa maeema.</verse>
				<verse number="9">Nũndũ yĩla andũ matalawa, sisya, vo vayaĩ o na ũmwe wa ala matwĩe Yavesi‐ngileati.</verse>
				<verse number="10">Na ĩkomano yatũma kw’o andũ ngili ĩkũmi na ilĩ ala ngũmbaũ nene mbee, yameaĩa, ĩkyasya, Endai mũkũne andũ ala matwĩe Yavesi‐ngileati kwa kũmatemanga na ũvyũ, vamwe na aka na syana nini.</verse>
				<verse number="11">Na ũndũ ũla mwĩĩka nĩw’o ũũ: mũkanange vyũ kĩla mũndũ mũũme, na kĩla mũndũ mũka ũla waakoma na mũndũ mũũme.</verse>
				<verse number="12">Na katĩ wa andũ ala matwĩe Yavesi‐ngileati meethĩa eĩtu atheu maana ana ala mataamanya mũndũ mũũme ũndũ wa kũkoma nake; na mamaete mwakonĩ wa maeema ku Silo, ĩla yĩ nthĩ ya Kanaani.</verse>
				<verse number="13">Na ĩkomano yonthe yatũmana na yaneena na ana ma Mbenyamini ala maĩ ĩvianĩ ya Limoni, na matavan’ya mũuo kwoo.</verse>
				<verse number="14">Na a Mbenyamini masyoka ĩvinda yĩu; na mamanenga ala eĩtu ala mamaekie me thayũ katĩ wa aka ma Yavesi‐ngileati: na vamwe na ũu matyaameanĩa.</verse>
				<verse number="15">Na andũ meelila ũndũ wa Mbenyamini, nũndũ Yeova nĩwĩkĩĩte ĩthenya katĩ wa mbaĩ sya Isilaeli.</verse>
				<verse number="16">Nĩvo ĩndĩ atumĩa ma ĩkomano maisye, Twĩĩka ata nĩ kana tũmonee ala matiele aka, nũndũ aka ma Mbenyamini nĩ oae?</verse>
				<verse number="17">Na masũngĩana, No mũvaka vethĩwe ũtiĩwa ũndũ wa ala mathonokie ma Mbenyamini, nĩ kana mbaĩ ndĩkathele vyũ kwa Isilaeli.</verse>
				<verse number="18">Ĩndĩ ithyĩ tũtitonya kũmanenga aka kuma eĩtunĩ maitũ; nũndũ ana ma Isilaeli nĩmeeavĩte, makasya, Naumanĩwe ũla ũkanenga a Mbenyamini mũka.</verse>
				<verse number="19">Na masya, Sisyai, kwĩ mboka ya Yeova kĩla mwaka ku Silo, ĩla yĩ ngalĩ ya ĩũlũ ya Mbethi‐eli, ngalĩ ya wumĩlonĩ wa syũa ya lelũ ũla wambatĩte kuma Mbethi‐eli kũvika Sekemu, na ngalĩ ya ĩtheo ya Levona.</verse>
				<verse number="20">Na mameaĩa ana ma Mbenyamini, makĩmea, Endai mwoveesye mĩũndanĩ ya mĩsavivũ;</verse>
				<verse number="21">na, sisyai, ethĩwa eĩtu ma Silo nĩmekumaala makasũnge mbathinĩ, nĩvo ĩndĩ mwĩuma mĩũndanĩ ya mĩsavivũ, na ĩyoseei kĩla mũndũ mũka kuma eĩtunĩ ma Silo, na mũkĩthi nthĩ ya Mbenyamini.</verse>
				<verse number="22">Na kũkeethĩwa, yĩla aaĩthe kana ana‐a‐inyia moo meũka kũteta kwitũ, tũkamea, Tũnengei mo kwa mwaĩa; nũndũ tũkyũkita tũtyaatialĩlya kĩla mũndũ woo mũka, o na ti inyw’ĩ mũmanenganĩte kwoo; kethĩwa nĩ ũu, yu mwĩthĩwa mwĩ avĩtan’ya.</verse>
				<verse number="23">Na ana ma Mbenyamini meeka ũu, na meeyosea aka, kwĩanana na ũtalo woo, kuma kwa asu masũngaa, namo mamatwaa: na mathi masyoka ũtiĩwanĩ woo, na matũngĩĩa i ndũa, na maitũa.</verse>
				<verse number="24">Na ana ma Isilaeli mauma vau ĩvindanĩ yĩu, kĩla mũndũ akĩthi mbaĩnĩ yake na mũvĩanĩ wake, nao mauma vo kĩla mũndũ akĩthi ũtiĩwanĩ wake.</verse>
				<verse number="25">Mĩthenyanĩ ĩsu kũtyaĩ mũsumbĩ nthĩnĩ wa Isilaeli: kĩla mũndũ eekaa ũndũ wonaa wĩ ũseo.</verse>
			</chapter>
		</book>
		<book number="8">
			<chapter number="1">
				<verse number="1">Na kweethĩwa mĩthenya ĩla asili masilanasya, kwaĩ yũa nthĩ ĩsu. Na mũndũ ũmwe wa Mbethi‐leemu‐yuta athi akekale ũeni nthĩ ya Moavi, we, na mũka, na ana make elĩ.</verse>
				<verse number="2">Na syĩtwa ya mũndũ ũsu eetawa Elimeleki, na syĩtwa ya mũka eetawa Naomi, na masyĩtwa ma ana make elĩ maĩ Maloni na Kilioni, namo maĩ Aevilathi ma Mbethi‐leemu‐yuta. Namo mavika nthĩ ya Moavi, na mekala kw’o.</verse>
				<verse number="3">Na Elimeleki, mũũme wa Naomi, akw’a; na atiwa, o na ana make elĩ.</verse>
				<verse number="4">Namo matwaa aka ma ku Moavi; syĩtwa ya ũmwe eetawa Oliva, na syĩtwa ya ũla ũngĩ eetawa Luthi: namo mekala kw’o ta myaka ĩkũmi.</verse>
				<verse number="5">Namo elĩ, Maloni na Kilioni, makw’a: na mũndũ mũka ũsu akw’ĩĩwa nĩ ana make elĩ na mũũme.</verse>
				<verse number="6">Nĩvo ĩndĩ wokĩlile vamwe na aka ma ana make, asyoke kuma nthĩ ĩsu ya Moavi: nũndũ nĩwew’ĩte e ku nthĩ ya Moavi ũndũ Yeova ũmokĩe andũ make ũndũnĩ wa kũmanenga lĩu.</verse>
				<verse number="7">Nake auma vandũ vau waĩ, vamwe na aka ma ana make elĩ; namo makwata nzĩa nĩ kana masyoke nthĩ ya Yuta.</verse>
				<verse number="8">Na Naomi amea aka ma ana make elĩ, Endai, mũsyoke kĩla ũmwe nyũmba ya inyia wake: Yeova amwĩke nesa, o tondũ inyw’ĩ mwamekie ala makwie, o nakwa.</verse>
				<verse number="9">Yeova amũnenge kwona ũthũmũo, kĩla ũmwe nyũmbanĩ kwa mũũme wake. Nĩvo ĩndĩ wamamumunyie, namo mookĩlya wasya woo, na maĩa.</verse>
				<verse number="10">Na mamwĩa, Aiee, ĩndĩ ithyĩ twĩsyoka vamwe naku kwa andũ maku.</verse>
				<verse number="11">Na Naomi amea, Syokai, eĩtu makwa: mwĩendan’ya nakwa nĩkĩ? nĩ na ana angĩ ĩvunĩ yakwa, matonya kwĩthĩwa aũme menyu?</verse>
				<verse number="12">Syokai, eĩtu makwa, endai kwenyu; nũndũ nyie nĩ mũtumĩu, nditonya kwĩthĩwa na mũũme ĩngĩ. O na ethĩwa nĩngwasya, Nĩ na wĩkwatyo, o na ngethĩwa na mũũme ũtukũ ũũ wa ũmũnthĩ, o na kũsyaa tũvĩsĩ;</verse>
				<verse number="13">mwĩsa o kweteela mũvaka tweana? mwĩsa o kũmĩĩsya mũte na aũme? aiee, eĩtu makwa; nũndũ nĩngwĩw’a woo mwingĩ kwondũ wenyu, nĩkwĩthĩwa kw’oko kwa Yeova nĩkumĩte ĩũlũ wakwa.</verse>
				<verse number="14">Namo mookĩlya wasya woo, na maĩa ĩngĩ: na Oliva amumunya inyia wa mũũme; ĩndĩ Luthi alũman’ya nake.</verse>
				<verse number="15">Na amwĩa, Sisya, mũka wa mwana‐a‐inyia wa mũemeu nĩwasyoka kwa andũ make, na kwa ngai yake: syoka naku ũmũvikĩle mũka wa mwana‐a‐inyia wa mũemeu.</verse>
				<verse number="16">Na Luthi amwĩa, Eka ũnthing’ĩĩsya ngũtie, nĩthyũũe nĩeke ũkũvikĩla; nũndũ vala wĩthi, ngathi; na vala wĩĩkala, ngekala; andũ maku makeethĩwa andũ makwa, na Ngai waku Ngai wakwa;</verse>
				<verse number="17">vala wĩkw’ĩa, novo nĩkw’ĩa, na novo nĩthikwa: Yeova nambĩke ũu, o na mbee, ethĩwa ũndũ ũkandaan’ya naku ate o kĩkw’ũ.</verse>
				<verse number="18">Na yĩla wonie kana nĩweyũmbanĩtye ki kũthi nake, aeka kũneena nake.</verse>
				<verse number="19">Na ĩndĩ mathi me elĩ mũvaka mavika Mbethi‐leemu. Na kweethĩwa, mavika Mbethi‐leemu, ndũa yonthe yamaka kwondũ woo, na aka masya, Ũũ nĩ Naomi?</verse>
				<verse number="20">Nake amea, Mũikambĩte Naomi, mbĩtei Mala; nũndũ Mwene Vinya W’onthe nũmbĩkĩte maũndũ me ũũ mũno.</verse>
				<verse number="21">Nĩnaumie vaa nusũĩte, na Yeova nũndũngĩte ĩngĩ kwitũ nĩ mũthei; mwĩmbĩta Naomi nĩkĩ, nũndũ Yeova nũngũsĩĩe, na Mwene Vinya W’onthe nũnthĩnĩtye?</verse>
				<verse number="22">Na ĩndĩ Naomi asyoka, na Luthi Mũmoavi, mũka‐wa‐mwana, e vamwe nake, ũla waumie nthĩ ya Moavi; namo mavika Mbethi‐leemu wambĩlĩlyonĩ wa kũketha mbaale.</verse>
			</chapter>
			<chapter number="2">
				<verse number="1">Na Naomi aĩ na mũndũ wa mbaĩ ya a mũũme wa mũvĩa wa Elimeleki, mũndũ mũthwii wĩ nguma, na syĩtwa yake eetawa Mboasi.</verse>
				<verse number="2">Na Luthi Mũmoavi amwĩa Naomi, Eka nĩthi yuyu mũũndanĩ ngekolanĩlye iia sya mbaale ĩtina wa ũla wĩmbonea ũseo. Na amwĩa, Thi, mwĩĩtu wakwa.</verse>
				<verse number="3">Na athi, na avika na akolan’ya mũũndanĩ ĩtina wa akethi: na esa kũwĩla kĩlungu kya mũũnda kĩla kyaĩ kya Mboasi, ũla waĩ wa mũvĩa wa Elimeleki.</verse>
				<verse number="4">Na, sisya, Mboasi auma Mbethi‐leemu, na amea akethi, Yeova nĩethĩwe vamwe nenyu. Namo mamũsũngĩa, Yeova nakũathime.</verse>
				<verse number="5">Nĩvo ĩndĩ Mboasi wamũkũlilye ũla mũthũkũmi wake wamwiĩte kũũngamĩa akethi, Mwĩĩtu ũũ nĩ waũ?</verse>
				<verse number="6">Na mũthũkũmi ũsu waiĩtwe kũũngamĩa akethi asũngĩa na amwĩa, Nĩ ũla mwĩĩtu Mũmoavi wokie na Naomi kuma nthĩ ya Moavi:</verse>
				<verse number="7">nake asya, Nĩngũkwĩsũva, nenga mwanya nĩkolanĩlye nũmban’ye ĩtina wa akethi katĩ wa syove. Na ĩndĩ ooka, na atindie kuma kĩoko kũvika o na yu, ate o ĩvinda ĩvũthũ wekalangile nyũmbanĩ.</verse>
				<verse number="8">Nĩvo ĩndĩ Mboasi wamwĩie Luthi, Ndũkwĩw’a, mwĩĩtu wakwa? Ndũkathi kũkolan’ya mũũndanĩ ũngĩ, o na ndũkaume vaa, ĩndĩ ĩkala vaa vakuvĩ na athũkũmi makwa eĩtu.</verse>
				<verse number="9">Metho maku nĩmasisye mũũnda o ũla meũketha, naku ũmaatĩĩe: ndimatavisye anake asu maikakũkiite? Naku weew’a waũni thi vala ve ĩkuu ũnyw’e kĩla anake matavĩte.</verse>
				<verse number="10">Nĩvo ĩndĩ wavalũkile na ũthyũ wake, na kwĩkunamya nthĩ, na amwĩa, Nũndũ wa kĩ nyie noona ũseo vala ũĩ, na wamanya nyie, nakwa nĩ mũndũ wa nthĩ ĩngĩ?</verse>
				<verse number="11">Na Mboasi amũsũngĩa, na amwĩa, Nĩnonetw’e vyũ onthe ala wamwĩkie inyia wa mũemeu kuma mũemeu akw’a; na ũndũ ũtiĩte au na mwenyu na nthĩ ĩla wasyaĩwe, na wũkĩte kwa andũ ala ũtamesĩ o na ĩndĩĩ.</verse>
				<verse number="12">Yeova nakũĩve wĩa waku, na ĩtuvi yĩanĩu wĩnengwa nĩ Yeova, Ngai wa Isilaeli, ũla wũkĩte kwĩvitha nthwaunĩ syake.</verse>
				<verse number="13">Nĩvo ĩndĩ waisye, Nĩnone ũseo vala ũĩ, mwĩaĩi wakwa; nũndũ nĩwangiakisya, na nĩwaneena nesa na mũthũkũmi waku mwĩĩtu, o na ndiilyĩ ta ũmwe wa athũkũmi maku eĩtu.</verse>
				<verse number="14">Na ĩvinda ya kũya lĩu Mboasi amwĩa Luthi, Ũka vaa, ũye lĩu, noivoka kalungu kaku ka kĩmũtũ na siki. Nake ekala nthĩ vakuvĩ na akethi; na mamũnenga lĩu wa mbaa ngetha mũkaange, na aya, na avũna, na atialya.</verse>
				<verse number="15">Na yĩla wokĩlile akolan’ye, Mboasi ameaĩa anake make, akĩmea, Mũekei akolan’ye o syovenĩ, na mũikamũsonokye.</verse>
				<verse number="16">Na ĩngĩ mũsũmũlĩlei syovenĩ, na mũekei akolan’ye, na mũikamũkan’ye.</verse>
				<verse number="17">Na ĩndĩ akolan’ya mũũndanĩ ũsu kũvika wĩoo; na avũa ila wakolanasya, na syaĩ ta eva ya mbaale.</verse>
				<verse number="18">Na eeyaĩkya, na athi ndũanĩ; na inyia wa mũũme oona ila ũkolanilye: na aumya na amũnenga lĩu ũla ũtialilye ĩtina wa avũna.</verse>
				<verse number="19">Na inyia wa mũũme amũkũlya, Wĩkolanasya va ũmũnthĩ? Na wĩtethasya wĩa va? Naathimwe ũla ũkũmanyie. Nake amũmanyĩthya inyia wa mũũme kwa ũla ũnũũtethasya wĩa kwake, na amwĩa, Mũndũ ũsu ngũtethasya wĩa kwake ũmũnthĩ syĩtwa yake nĩ Mboasi.</verse>
				<verse number="20">Na Naomi amwĩa mũka‐a‐mwana, Naathimwe nĩ Yeova, ũsu ũtaaeka kũmeka nesa ala me thayũ na ala makwie. Na Naomi amwĩa, Mũndũ ũsu nĩ waitũ, ũmwe wa mũvĩa witũ ũla wa vakuvĩ naitũ.</verse>
				<verse number="21">Na Luthi Mũmoavi asya, Ĩĩ, nũndavisye, Ĩkalaa vakuvĩ na anake makwa, mũvaka o yĩla makamina ngetha yakwa yonthe.</verse>
				<verse number="22">Na Naomi amwĩa Luthi mũka‐a‐mwana, Nĩ ũseo, mwĩĩtu wakwa, ũatĩanĩae na athũkũmi make eĩtu, o na maikakwĩthĩe mũũndanĩ ũngĩ o na wĩva.</verse>
				<verse number="23">Na ĩndĩ ekalaa vakuvĩ na athũkũmi asu eĩtu ma Mboasi, aikolan’ya kũvika mũminũkĩlyo wa ngetha ya mbaale na ngetha ya nganũ; na atũa na inyia wa mũũme.</verse>
			</chapter>
			<chapter number="3">
				<verse number="1">Na Naomi inyia wa mũũme amũkũlya, Mwĩĩtu wakwa, ndikakũmanthĩe ũthũmũo, nĩ kana kwĩthĩwe ũseo kwaku?</verse>
				<verse number="2">Na ĩndĩ Mboasi ti mũndũ wa mũvĩa witũ, ũla wĩĩ na athũkũmi make eĩtu? Sisya, ũtukũ ũũ wa ũmũnthĩ eũlũkĩlya mbaale kĩvũĩonĩ.</verse>
				<verse number="3">Kwondũ wa ũu thamba, na ũyĩvaka mauta, na ũkĩkĩa ngũa syaku, na ũitheea kĩvũĩonĩ; ĩndĩ ndũkemanyĩthe ũ mũndũ, mũvaka yĩla wĩĩthĩwa anaya na kũnyw’a.</verse>
				<verse number="4">Na kũkeethĩwa, yĩla wĩkoma, nĩvo wĩsisya vandũ vala wĩkoma, na wĩlika, na ũivw’ĩkũa nyaĩĩ syake, na ũikoma; na akaũtavya ũndũ ũla wĩĩka.</verse>
				<verse number="5">Nake amwĩa, Ũu w’onthe waneena ngawĩka.</verse>
				<verse number="6">Na atheea kĩvũĩonĩ, na eeka kwĩanana na ũndũ w’onthe ũla inyia wa mũũme ũmwĩaĩie.</verse>
				<verse number="7">Na yĩla Mboasi waĩ anaya na kũnyw’a, na ngoo yake yaĩ ndanu, athi kũkoma mũthyanĩ wa kĩvumbu kya lĩu wa mbaa ngetha: nake ooka kavola, na amũvw’ĩkũa nyaĩĩ, na akoma.</verse>
				<verse number="8">Na kweethĩwa ũtukũ katĩ, mũndũ ũsu atĩsa, na eethyũũa; na, sisya, mũndũ mũka akomete nyaĩĩnĩ syake.</verse>
				<verse number="9">Na akũlya, Nue ũũ? Na amũsũngĩa, Ninyie Luthi mũthũkũmi waku mwĩĩtu: kwondũ wa ũu tambũũkya mũthya wa ngũa syaku ĩũlũ wa mũthũkũmi waku mwĩĩtu; nũndũ nue mũndu wa mũvĩa wa vakuvĩ.</verse>
				<verse number="10">Nake asya, Wĩthĩwe wĩ mũathime nĩ Yeova, mwĩĩtu wakwa: nĩwonan’ya ũseo mũminũkĩlyonĩ kwĩ yĩla ya mbee, nũndũ ndwaaatĩĩa anake, o na me ngya kana athwii.</verse>
				<verse number="11">Na yu, mwĩĩtu wakwa, ndũkakĩe; ngakwĩka w’onthe ũla ũkwasya; nĩkwĩthĩwa ndũa yonthe ya andũ makwa nĩyĩsĩ kana wĩ mũndũ mũka mwaĩlu.</verse>
				<verse number="12">Na ĩndĩ nĩ w’o kana ninyie mũndũ wa mũvĩa wa vakuvĩ; ĩndĩ ve mũndũ wa mũvĩa wa vakuvangĩ kwĩ nyie.</verse>
				<verse number="13">Ĩkala ũtukũ ũũ, na kĩoko kũkeethĩwa, kana ethĩwa akeanĩĩsya vala ũĩ ũndũ waĩle mũndũ wa mũvĩa, nĩ ũseo; nĩeke ũndũ waĩle mũndũ wa mũvĩa: ĩndĩ alea kwĩka kwaku ũndũ waĩle mũndũ wa mũvĩa, nĩvo ĩndĩ, o tondũ Yeova wĩ thayũ, nĩkwĩka ũndũ waĩle mũndũ wa mũvĩa: koma kũvika kĩoko.</verse>
				<verse number="14">Na akoma nyaĩĩnĩ syake kũvika masangya: na ookĩla mbee wa mũndũ atatonya kũmanya ũngĩ. Nũndũ aisye, Kũikamanyĩke kana mũndũ mũka nĩwokie kĩvũĩonĩ.</verse>
				<verse number="15">Na amwĩa, Ete suka ũla wĩvw’ĩkĩte, na ũiũkwata; na ookwata; nake athima ithimi thanthatũ sya mbaale, na amwaĩkya: na athi ndũanĩ.</verse>
				<verse number="16">Na yĩla wavikie kwa inyia wa mũũme, amũkũlya, Nue ũũ, mwĩĩtu wakwa? Nake amũtavya ũndũ w’onthe ũla mũndũ ũmwĩkie.</verse>
				<verse number="17">Na asya, Ithimi ii thanthatũ sya mbaale nĩwe wanenga; nũndũ ambĩie, Ndũkathi wĩ mũthei kũla kwĩ inyia wa mũemeu.</verse>
				<verse number="18">Na ĩndĩ amwĩa, Ĩkala wĩkilĩlye, mwĩĩtu wakwa, kũvika ũmanye ũndũ maũndũ meĩkĩka; nũndũ ũ mũndũ ndethũmũa, ataminĩte ũndũ ũũ mũnthĩ ũũ.</verse>
			</chapter>
			<chapter number="4">
				<verse number="1">Na ĩndĩ Mboasi ambata mbingĩlonĩ, na ekala nthĩ vau: na, sisya, mũndũ ũla wa mũvĩa wa vakuvĩ ũla Mboasi ũwetie avĩtĩla vo; nake amwĩa, Ti o we, ngan’ya! athũkĩla vaa wĩkale nthĩ. Na aathũkĩla, na ekala nthĩ.</verse>
				<verse number="2">Na oosa andũ ĩkũmi katĩ wa atumĩa ma ndũa, na amea, Ĩkalai vaa nthĩ. Na mekala nthĩ.</verse>
				<verse number="3">Na amwĩa ũla mũndũ wa mũvĩa wa vakuvĩ, Naomi, ũla ũnasyokie kuma nthĩ ya Moavi, nũnũkũthoosya kĩlungu kya nthĩ, kĩla kyaĩ kya mwana‐a‐ia waitũ Elimeleki:</verse>
				<verse number="4">nakwa nĩnĩsũanĩie kũkumbũlĩla we, ngĩkwĩa, Kĩthooe aa mailyĩ vaa mene, na atumĩa ma andũ makwa mene. Ethĩwa ũkakyovosya, wĩkyovosya: ĩndĩ ethĩwa ndwĩkyovosya, ndavya ĩndĩ, nĩ kana nĩmanye; nũndũ vai ũngĩ wa ũkyovosya ate o we; nakwa nĩ ĩtina waku. Nake asya, Ngakyovosya.</verse>
				<verse number="5">Nĩvo ĩndĩ Mboasi waisye, Mũthenya ũla wĩthooa mũũnda kw’okonĩ kwa Naomi, mũvaka ũkĩthooe o ta ũu kwa Luthi ũla Mũmoavi, kĩveti kya ũla mũkw’ũ, wũkĩlye syĩtwa ya ũsu mũkw’ũ ũtiĩwanĩ wake.</verse>
				<verse number="6">Na mũndũ wa mũvĩa ũla wa vakuvĩ asya, Nditonya kũkyovosya kwondũ wakwa, ndikathũkye ũtiĩwa wakwa mwene: wĩyosee, we, kĩanda kyakwa kya kwovosya; nũndũ nditonya kũkyovosya.</verse>
				<verse number="7">Na ĩndĩ ũũ nĩw’o waĩ kĩthĩo kwa Isilaeli mavinda ma tene ũndũ wa kwovosya na ũndũ wa kũkũan’ya, kwondũ wa kũlũlũmĩlya maũndũ onthe: mũndũ aumasya kĩatũ kyake, na aimũnenga mũtũi wake; na ũu nĩw’o waĩ mũthemba wa ũkũsĩ kwa Isilaeli.</verse>
				<verse number="8">Kwondũ wa ũu wa ũu mũndũ wa mũvĩa wa vakuvĩ amwĩa Mboasi, Ĩthooee mwene. Na aumya kĩatũ kyake.</verse>
				<verse number="9">Na Mboasi amea atumĩa, na andũ onthe, Inyw’ĩ mwĩ ngũsĩ mũnthĩ ũũ, kana nĩnathooa kyonthe kĩla kyaĩ kya Elimeleki, na kyonthe kĩla kyaĩ kya Kilioni na Maloni, kuma kw’okonĩ kwa Naomi.</verse>
				<verse number="10">Na ĩngĩ Luthi ũla Mũmoavi, kĩveti kya Maloni, nĩnamũthooa atw’ĩke mũka wakwa, nũkĩlye syĩtwa ya ũla mũkw’ũ ũtiĩwanĩ wake, nĩ kana syĩtwa ya ũsu mũkw’ũ yĩikavetwe kuma katĩ wa ana‐a‐ĩthe make, na kuma mbingĩlonĩ ya vandũ vake: inyw’ĩ mwĩ ngũsĩ mũnthĩ ũũ.</verse>
				<verse number="11">Na andũ onthe ala maĩ mbingĩlonĩ, na atumĩa, masya, Twĩ ngũsĩ. Yeova namũtw’ĩkĩthye mũndũ mũka ũla walika nyũmba kwaku o ta Lakeli na ta Lea, ala maakie me elĩ nyũmba ya Isilaeli: naku waĩle nthĩnĩ wa Evilatha, na ĩthĩwa na nguma Mbethi‐leemu:</verse>
				<verse number="12">na nyũmba yaku yĩthĩwe ta nyũmba ya Velesi, ũla Tamali wamũsyaĩe Yuta, ya mbeũ ĩla Yeova wĩkũnenga ya mũndũ mũka ũũ wa mũika.</verse>
				<verse number="13">Kwondũ wa ũu Mboasi amwosa Luthi, na atw’ĩka kĩveti kyake; na alika kwakyo, na Yeova akĩnenga kũya ĩvu, na kyasyaa mwana.</verse>
				<verse number="14">Na iveti syamwĩa Naomi, Yeova nataĩwe, ũla ũtakũtia ũmũnthĩ ũte mũndũ wa mũvĩa wa vakuvĩ; na syĩtwa yake nĩyĩthĩwe na nguma nthĩnĩ wa Isilaeli.</verse>
				<verse number="15">Na kwaku akeethĩwa mũtũngĩĩi wa thayũ, na mũei wa ũkũu waku; nũndũ mũka wa mwana waku, ũla ũkwendete, ũla mũseo kwaku kũvĩtũka ana mũonza, nĩwamũsyaa.</verse>
				<verse number="16">Na Naomi oosa kana, na akaia kĩthũinĩ kyake, na atw’ĩka mũei wako.</verse>
				<verse number="17">Na iveti, atũi make, syakatw’ĩa syĩtwa, ikyasya, Ve mwana ũsyaĩtwe kwa Naomi; na syamwĩta syĩtwa yake Oveti: nĩwe ĩthe wa Yese, ĩthe wa Ndaviti.</verse>
				<verse number="18">Na ĩndĩ ii nĩsyo nzyawa sya Velesi: Velesi amũsyaie Esiloni,</verse>
				<verse number="19">na Esiloni amũsyaa Lamu, na Lamu amũsyaa Aminatavu,</verse>
				<verse number="20">na Aminatavu amũsyaa Nasoni, na Nasoni amũsyaa Salumoni,</verse>
				<verse number="21">na Salumoni amũsyaa Mboasi, na Mboasi amũsyaa Oveti,</verse>
				<verse number="22">na Oveti amũsyaa Yese, na Yese amũsyaa Ndaviti.</verse>
			</chapter>
		</book>
		<book number="9">
			<chapter number="1">
				<verse number="1">Na kwaĩ mũndũ ũmwe wa Lamathaimu‐nzovimu, wa nthĩ yĩ iĩma ya Evalaimu, na syĩtwa yake eetawa Elikana, mwana wa Yeloamu, mwana wa Eliu, mwana wa Tou, mwana wa Nzuve, Mũevalaimu:</verse>
				<verse number="2">na aĩ na iveti ilĩ; syĩtwa ya kĩmwe kyeetawa Aana, na syĩtwa ya kĩla kĩngĩ Venina: na Venina aĩ na syana, ĩndĩ Aana ndaĩ syana.</verse>
				<verse number="3">Na mũndũ ũsu ambataa o kĩla mwaka kuma ndũanĩ yoo akathaithe na kũthembea Yeova wa nguthu ku Silo. Na ana elĩ ma Eli, Ovini na Vineasi, athembi ma Yeova, maĩ kw’o.</verse>
				<verse number="4">Na yĩla mũthenya wavikaa wa Elikana kũthemba, amanengae Venina mũka wake, na ana make na eĩtu make onthe, ilungu:</verse>
				<verse number="5">ĩndĩ anengae Aana kĩlungu kĩanĩe kũndũ kwĩlĩ; nũndũ nĩwamwendete Aana, ĩndĩ Yeova nĩwavingĩte ĩvu yake.</verse>
				<verse number="6">Na nthũ yake yamũthatasya mũno, ĩtumae eew’a woo, nĩkwĩthĩwa Yeova nĩwavingĩte ĩvu yake.</verse>
				<verse number="7">Na o akĩka ũu kĩla mwaka, yĩla wambataa nyũmbanĩ ya Yeova, now’o yamũthatasya; kwondũ wa ũu aĩa na ndaaya.</verse>
				<verse number="8">Na Elikana mũũme wake amwĩa, Aana, nĩkĩ ũkũĩa? Na nĩkĩ ũteũya? Na nĩkĩ ngoo yaku yĩ na woo? Nyie ndi mũseo kwaku kũvĩtũka ana ĩkũmi?</verse>
				<verse number="9">Kwondũ wa ũu ĩtina wa mamina kũya, na mamina kũnyw’a me ku Silo, Aana ookĩla. Na ĩndĩ Eli mũthembi ekalĩte kĩvĩlanĩ kyake vakuvĩ na mũtĩ wĩ ũtee wa mũomo wa ĩkalũ ya Yeova.</verse>
				<verse number="10">Na Aana aĩ na ũũ mũnene wa ngoo, na avoya Yeova, na aĩa mũno.</verse>
				<verse number="11">Na eevĩta wĩvĩto, na asya, Ame Yeova wa nguthu, ethĩwa w’o ũkasisya thĩna wa mũthũkũmi waku mwĩĩtu, na ũindilikana nyie, na ũilea kũlwa nĩ mũthũkũmi waku mwĩĩtu, ĩndĩ ũkanenga mũthũkũmi waku mwĩĩtu, mwana mũũme, nĩvo ĩndĩ nĩmũnengane kwa Yeova mĩthenya yonthe ya thayũ wake, na vati wenzi ũkavika mũtwe wake.</verse>
				<verse number="12">Na kweethĩwa, o aendeee na kũvoya e mbee wa Yeova, Eli asyaĩĩsya kanyw’a wake.</verse>
				<verse number="13">Na ĩndĩ Aana aneenaa ngoonĩ yake; no ilomo syake syanyaunyasya, ĩndĩ wasya wake ndwaaĩw’ĩka: kwondũ wa ũu Eli asũanĩa nũnyw’ĩte.</verse>
				<verse number="14">Na Eli amwĩa, Wĩĩkala wĩ mũnywi kũvika ĩndĩĩ? Veta kũasa naku mbinyu yaku.</verse>
				<verse number="15">Na Aana asũngĩa na amwĩa, Aiee, mwĩaĩi wakwa, nyie nĩ mũndũ mũka wĩ na veva wĩ woo: ndinyw’ĩte mbinyu kana kĩla kĩtoonasya, ĩndĩ nĩonoasya ngoo yakwa vala ve Yeova.</verse>
				<verse number="16">Ndũkatale mũthũkũmi waku mwĩĩtu ta mũndũ mũka mũthũku; nũndũ kuma wingĩnĩ wa mũnyungunyĩsyo wakwa na kũthataw’a kwakwa nĩnĩneenete kũvika yu.</verse>
				<verse number="17">Nĩvo ĩndĩ Eli wasũngĩie na amwĩa, Enda na mũuo; na Ngai wa Isilaeli nakũnenge ũndũ ũsu waku wamũvoya.</verse>
				<verse number="18">Na asya, Mũthũkũmi waku mwĩĩtu nĩone ũseo methonĩ maku. Kwondũ wa ũu kĩveti kyathi, na kyaya; na ũthyũ wakyo ndwaatuka ĩngĩ.</verse>
				<verse number="19">Na mookĩla kĩoko tene, na mathaithĩa vu mbee wa Yeova, na masyoka, mavika nyũmbanĩ yoo Lama. Na Elikana amũmanya Aana mũka wake; na Yeova amũlilikana;</verse>
				<verse number="20">na kweethĩwa, yĩla ĩvinda yavikie, Aana aitava na asyaa mwana; na amwĩta syĩtwa yake Samueli, akyasya, Nĩkwĩthĩwa nĩnamwĩtisye kwa Yeova.</verse>
				<verse number="21">Na mũndũ ũsu Elikana na nyũmba yake yonthe mambata kũmũthembea Yeova nthembo ya mwaka, o na ya wĩvĩto wake.</verse>
				<verse number="22">Ĩndĩ Aana ndaambata; nũndũ amwĩie mũũme, Nyie ndiambata mũvaka mwana aaĩa; na ĩndĩ ngamũtwaa, nĩ kana aumĩle mbee wa Yeova, na akĩkalaa vau ĩndĩ yonthe.</verse>
				<verse number="23">Na Elikana mũũme wake amwĩa, Ĩka ũndũ ũkwona wĩ ũseo; ĩkala kũvika wamũaĩsya; ĩndĩ Yeova nalũlũmĩlye ndeto yake. Kwondũ wa ũu kĩveti kyekala kĩkyongya mwana wakyo, kuvika, kyamũaĩsya.</verse>
				<verse number="24">Na yĩla kyamũaĩisye, kyambata vamwe nake, kĩ na tũsalũ twa mũew’a tũtatũ, na eva ĩmwe ya mũtu, na kathatwa ka mbinyu na amũtwaa nyũmbanĩ ya Yeova ku Silo: na mwana aĩ mũnini.</verse>
				<verse number="25">Na moaa kasalũ ka mũew’a, na matwaa mwana kwa Eli.</verse>
				<verse number="26">Na kyamwĩa, We, mwĩaĩi wakwa, o tondũ kyuu kyaku kĩ thayũ, mwĩaĩi wakwa, ninyie kĩla kĩveti kyaũngamĩte vakuvĩ naku vaa, kĩimũvoya Yeova.</verse>
				<verse number="27">Navoyaa mwana ũũ; na Yeova nũnengete kĩla namwĩtisye:</verse>
				<verse number="28">kwondũ wa ũu o nakwa nĩnĩmũnenganĩte kwa Yeova; ĩvinda yĩla wĩĩkala thayũ we nĩ mũnengane kwa Yeova. Na amũthaithĩa Yeova vau.</verse>
			</chapter>
			<chapter number="2">
				<verse number="1">Na Aana avoya, na asya: Ngoo yakwa nĩnĩũtanĩa Yeova; Ũvya wakwa nĩ mũkĩlye nĩ Yeova; Kanyw’a wakwa nĩ mũnenevye ĩũlũ wa amaitha makwa; Nĩkwĩthĩwa nĩngũtana ũtangĩĩonĩ waku.</verse>
				<verse number="2">Vati ũngĩ mũtheu ta Yeova; Nũndũ kũtiĩ ate o we, O na kũti ĩvia o na yĩva ta Ngai waitũ.</verse>
				<verse number="3">Ndũkaneene na ngathĩĩo nene ũu ĩngĩ; Wĩnenevyo ndũkaume kanyw’anĩ waku; Nũndũ Yeova nĩ Ngai wa ũmanyi, Na meko nĩmathimawa nĩwe.</verse>
				<verse number="4">Mata ma ngũmbaũ nĩ matũlĩku; Na ala malulutĩkangile nĩmavotoetwe vinya.</verse>
				<verse number="5">Ala maĩ avũnu nĩmeethũkũmĩe mone lĩu; Na ala maĩ na nzaa nĩmaekie kwĩw’a nzaa: Ĩĩ, ngũngũ nĩsyaĩte syana mũonza; Na kĩla kĩ na syana mbingĩ nĩkĩũleela.</verse>
				<verse number="6">Yeova nĩwũaaa, na nũthayũũkasya: Nũtheeasya kũvika Seoli, na nĩwambatasya kumya vo.</verse>
				<verse number="7">Yeova nũtw’ĩkĩthasya ngya, na nũthuasya: Nũtheeasya, o na nĩwũkĩlasya.</verse>
				<verse number="8">Nĩwũkĩlasya ngya yume kĩtoonĩ, Nũmũkĩlasya mũthĩni aume ũtũndanĩ wa syaa, Atume mekala na anene me mbee ũsumbĩnĩ, Na kũtiĩwa kĩvĩla kya ũsumbĩ kya ũsung’wa: Nũndũ ituĩ sya nthĩ nĩ sya Yeova, Na ailĩĩle nthĩ ĩũlũ wasyo.</verse>
				<verse number="9">Akasũvĩaa nyaĩĩ sya atheu make; Ĩndĩ ala athũku makavindĩthw’a kĩvindunĩ; Nũndũ vati mũndũ ũkakĩlya nũndũ wa vinya.</verse>
				<verse number="10">Ala makĩlanasya vinya na Yeova makavevenzwa; Akamatundumĩa e ĩtunĩ: Yeova akasilĩla itulu sya nthĩ; Na akamũnenga mũsumbĩ wake vinya, Na kũkĩlya ũvya wa mwĩtĩkĩw’a mauta wake.</verse>
				<verse number="11">Na Elikana athi Lama nyũmba kwake. Na ũ mwana amũthũkũmaa Yeova e mbee wa mũthembi Eli.</verse>
				<verse number="12">Na ĩndĩ ana ma Eli maĩ andũ athe; matyamwĩsĩ Yeova.</verse>
				<verse number="13">Na kĩmanyĩo kya athembi andũnĩ kyaĩ, atĩ yĩla mũndũ o na wĩva wathembaa nthembo, mũthũkũmi wa mũthembi nĩwokaa yĩla nyama iũtheũka, akwete kĩtonyi kya nyama kĩ maeo atatũ kw’okonĩ kwake;</verse>
				<verse number="14">na akĩsovelya katevenĩ, kana ĩsilianĩ, kana kĩtevenĩ, kana mbisũnĩ; kyonthe kĩla kĩtonyi kya nyama kyaumasya nĩkyo mũthembi wosaa. Ũũ nĩw’o meekaa ku Silo kwa Aisilaeli onthe ala mookaa kw’o.</verse>
				<verse number="15">Ĩĩ, mbee wa matanavĩvya mathunya, mũthũkũmi wa mũthembi nĩwokaa, na akĩmwĩa mũndũ ũla ũnũkũthemba, Nenga nyama ya kũmũvĩvĩsya mũthembi; nũndũ ndekwenda kwaku nyama ila ntheũkye, ĩndĩ nĩ ila mbĩthĩ.</verse>
				<verse number="16">Na ethĩwa ũ mũndũ nĩwamwĩie, Matitĩa kwamba kũvĩvya mathunya, na ĩndĩ ũkyosa o ũndũ ngoo yaku ĩnĩkwenda; nĩvo ĩndĩ wamwĩaa, Aiee, ĩndĩ wĩnenga yo oyu: na ethĩwa ti ũu, nĩngũmyosa na vinya.</verse>
				<verse number="17">Na naĩ ya anake asu yaĩ nene mũno kwa Yeova; nũndũ andũ nĩmavũthisye nthembo ya Yeova.</verse>
				<verse number="18">Ĩndĩ Samueli athũkũmaa vu mbee wa Yeova, e o kana, ekĩĩte evoti ya katane.</verse>
				<verse number="19">Na ĩngĩ inyia wake nĩwamũtumĩaa ngũa nini ndasa, na amũtwaĩaa o kĩla mwaka, yĩla wambataa na mũũme wake kũthemba nthembo ya mwaka.</verse>
				<verse number="20">Na Eli amũathima Elikana na mũka wake, na amwĩa, Yeova nakũnenge ũsyao kwa kĩveti kĩĩ nũndũ wa kyu kĩla kyeetiw’e kwa Yeova. Na menũka mũsyĩ kwoo.</verse>
				<verse number="21">Na Yeova amũkĩa Aana, na aitava, na asyaa ana atatũ na eĩtu elĩ. Na kamwana Samueli keana ke o mbee wa Yeova.</verse>
				<verse number="22">Na ĩndĩ Eli aĩ mũkũu mũno; na nĩwew’aa onthe ala ana make meekaa Isilaeli onthe, na ũndũ makomaa na aka ala matethasya wĩa mũomonĩ wa yĩla ĩeema ya kũmbanĩa.</verse>
				<verse number="23">Na amea, Mwĩkaa maũndũ ta asu nĩkĩ? Nũndũ nĩw’aa mĩkĩle yenyu mĩthũku kuma andũnĩ aa onthe.</verse>
				<verse number="24">Aiee, ana makwa; nũndũ ti ũvoo mũseo ũla nĩw’aa: nĩmũtuma andũ ma Yeova mavĩtya.</verse>
				<verse number="25">Ethĩwa mũndũ ũmwe nũkũvĩtanĩsya ũngĩ, Ngai akamũsilĩla; ĩndĩ ethĩwa mũndũ nũkũvĩtanĩsya Yeova, nũũ ũla wĩmwĩsũvanĩa? Ĩndĩ mo, matyaaĩthukĩĩsya wasya wa ĩthe woo, nĩkwĩthĩwa Yeova asũanĩaa kũmoaa.</verse>
				<verse number="26">Na kamwana Samueli kaendeea kwĩana, na kaendeea kwona ũseo kwa Yeova o na andũnĩ.</verse>
				<verse number="27">Na kwooka mũndũ wa Ngai kwa Eli, na amwĩa, Ũũ nĩw’o Yeova ũnũũkũlya, Nĩneeyonanisye nyie mwene nyũmbanĩ ya ĩthe waku, yĩla maĩ ũkombonĩ Misili nyũmbanĩ ya Valao?</verse>
				<verse number="28">Na nyie nĩnamũnyuvie kuma mbaĩnĩ syonthe sya Isilaeli atw’ĩke mũthembi wakwa, ambatae kĩthembeonĩ kyakwa, na kũtoeeasya ũvani, na kwĩkĩaa evoti e mbee wakwa? Na nĩnanengie nyũmba ya ĩthe waku nthembo syonthe sya ana ma Isilaeli ila ivĩvaw’a na mwaki?</verse>
				<verse number="29">Nũndũ wa kĩ mũtheelaa nthembo yakwa ya kũtonywa na nthembo ĩngĩ yakwa, ila nĩaĩte ũtũonĩ wakwa, na kũtaĩaa ana maku kwĩ nyie, nĩ kana mwĩnoasye inyw’ĩ ene na nthembo syonthe ila syĩ vata mbee sya Isilaeli, andũ makwa?</verse>
				<verse number="30">Kwondũ wa ũu Yeova, Ngai wa Isilaeli, easya, Nĩ w’o, nĩnaisye kana nyũmba yaku, na nyũmba ya ĩthe waku, ikaendaa mbee wakwa tene na tene: ĩndĩ yu Yeova easya, Ũu wĩthĩwe kũasa nakwa; nũndũ ala mandaĩaa ngamataĩa, na ala mambũthasya makatalwa ta vathei.</verse>
				<verse number="31">Sisya, mĩthenya nĩyũkĩte, yĩla ngatila kw’oko kwaku, na kw’oko kwa nyũmba ya ĩthe waku, na vaikaaĩthĩwa mũtumĩa nyũmbanĩ yaku.</verse>
				<verse number="32">Na nũkona ũnyamao wa ũtũo wakwa, ũthwiinĩ w’onthe ũla Ngai ũkanenga Isilaeli; na vaikaaĩthĩwa mũtumĩa nyũmbanĩ yaku tene na tene.</verse>
				<verse number="33">Na mũndũ waku, ũla ndakaveta kĩthembeonĩ kyakwa, akeethĩwa wa kwananga metho maku, na wa kwĩw’ĩthya ngoo yaku woo; na mosyaanĩo onthe ma nyũmba yaku makakusaa me ma ĩika.</verse>
				<verse number="34">Na ũũ ũkeethĩwa wonan’yo kwaku, ũla ũkakĩtĩka kwa ana maku elĩ, Ovini na Vineasi: makakw’a me elĩ mũthenya ũmwe.</verse>
				<verse number="35">Na nĩngeyũkĩlĩlya mũthembi wĩ kĩthito, ũla ũkeka kwĩanana na ũla wĩ ngoonĩ yakwa na kĩlilikanonĩ kyakwa: na nĩngamwakĩa nyũmba nũmu; na nũkaendaa mbee wa ũla mwĩtĩkĩw’a mauta wakwa tene na tene.</verse>
				<verse number="36">Na nĩkũkethĩwa, kĩla ũmwe ũkatiala nyũmbanĩ yaku nũkoka na kũtulya ndu kwake kana one kĩlungu kya vetha na kĩmũtũ kĩmwe, na akasya, Ndikya, nĩngũkwĩsũva, wĩanĩ ũmwe wa athembi, nĩ kana nĩtonye kũya kalungu kanini ka kĩmũtũ.</verse>
			</chapter>
			<chapter number="3">
				<verse number="1">Na kamwana Samueli kamũthũkũmĩaa Yeova vu mbee wa Eli. Na ndeto ya Yeova yaĩ vata mũno mĩthenya ĩsu; kũtyaĩ woni kaingĩ.</verse>
				<verse number="2">Na kweethĩwa ĩvinda yĩu, yĩla Eli wakomete vandũ vake (na yu metho make maĩ manambĩlĩlya kũya mbindu, ũndũ ũtatonya kwona),</verse>
				<verse number="3">na taa wa Ngai ndwaĩ ũnamba kũvoa, na Samueli nĩwakomete ĩkalũnĩ ya Yeova, vala yĩla ĩsandũkũ ya Ngai yaĩ;</verse>
				<verse number="4">nĩvo Yeova wamwĩtie Samueli: nake asya, Nĩ vaa.</verse>
				<verse number="5">Na asemba vala ve Eli, na amwĩa, Ninyioo; nũndũ nĩwambĩta. Nake asya, Ndinetana; koma ĩngĩ. Nake athi na akoma.</verse>
				<verse number="6">Na Yeova eetana o ĩngĩ, Samueli. Na Samueli ookĩla na athi vala ve Eli, na asya, Ninyioo; nũndũ nĩwambĩta. Nake asũngĩa, Ndinetana, mwana wakwa; koma ĩngĩ.</verse>
				<verse number="7">Na ũ Samueli ndambĩte kũmũmanya Yeova, o na ndeto ya Yeova ndĩambĩte kũvuanw’a kwake.</verse>
				<verse number="8">Na Yeova amwĩta Samueli ĩngĩ ĩvinda ya katatũ. Na ookĩla na athi vala ve Eli, na asya, Ninyioo; nũndũ nĩwambĩta. Na Eli amanya kana Yeova nũkwĩtaa kamwana.</verse>
				<verse number="9">Kwondũ wa ũu Eli amwĩa Samueli, Thi, ũkakome; na kũkethĩwe atĩĩ, ethĩwa nũkũkwĩta, nĩw’o wĩasya, Neena, Yeova; nũndũ mũthũkũmi waku nũkwĩw’a. Na ĩndĩ Samueli athi na akoma vandũ vake.</verse>
				<verse number="10">Na Yeova ooka, na aũngama, na eetana ta metana ala angĩ, Samueli, Samueli. Nĩvo ĩndĩ Samueli waisye, Neena; nũndũ mũthũkũmi waku nũkwĩw’a.</verse>
				<verse number="11">Na Yeova amwĩa Samueli, Sisya, ngeeka ũndũ nthĩnĩ wa Isilaeli, ũla matũ elĩ ma kĩla mũndũ ũla wĩĩw’a makasĩĩlĩla.</verse>
				<verse number="12">Mũthenya ũsu nĩngeanĩĩsya kwa Eli w’onthe ũla nĩneenete ũndũ wa nyũmba yake, kuma wambĩlĩlyo o na kũvika mũminũkĩlyo.</verse>
				<verse number="13">Nũndũ nĩnĩmũtavĩtye kana ngasilĩla nyũmba yake tene na tene, nũndũ wa ũthũku ũla wesĩ, nĩkwĩthĩwa ana make nĩmeeyĩetee kĩumo, na ndaamasiĩĩa.</verse>
				<verse number="14">Na kwondũ wa ũu nĩnĩvĩtĩe nyũmba ya Eli, kana ũthũku wa nyũmba ya Eli ndũkathew’a na nthembo ya kũtonywa kana nthembo ĩngĩ tene na tene.</verse>
				<verse number="15">Na Samueli akoma kũvika kwakya, na avingũa mĩomo ya nyũmba ya Yeova. Na Samueli akĩa kũmwon’ya Eli ũla woni.</verse>
				<verse number="16">Nĩvo ĩndĩ Eli wamwĩtie Samueli, na asya, Samueli, mwana wakwa. Nake asya, Ninyioo.</verse>
				<verse number="17">Nake amũkũlya, Nĩ ũndũ mwaũ ũla Yeova ũneenie naku? Nĩngũkwĩsũva, ndũkombithe: Ngai nakwĩke ũu, o na mbee, ethĩwa ũkambitha ũndũ o na wĩva wa maũndũ onthe ala ũneenie naku.</verse>
				<verse number="18">Na Samueli amũtavya kĩla kaũndũ, na ndaamũvitha ũndũ. Nake asya, Nĩ Yeova: nĩeke ũndũ wĩona wĩ ũseo.</verse>
				<verse number="19">Na Samueli eana, na Yeova aĩ vamwe nake, na ndaaĩtĩkĩla ndeto o na ĩmwe yake ĩvalũke nthĩ.</verse>
				<verse number="20">Na Isilaeli onthe kuma Ndani kũvika Mbeeli‐sieva mamanya kana Samueli nĩwalũlũmĩlw’e ethĩwe mwathani wa Yeova.</verse>
				<verse number="21">Na Yeova aumĩla ĩngĩ ku Silo; nũndũ Yeova nĩweyonanisye mwene kwa Samueli na ndeto ya Yeova ku Silo.</verse>
			</chapter>
			<chapter number="4">
				<verse number="1">Na ndeto ya Samueli yũkĩa Isilaeli onthe. Na ĩndĩ Isilaeli maenda kũkita na Avilisiti, na mamba maeema ũtee wa Eveni‐eseli: na Avilisiti mamba maeema ku Aveki.</verse>
				<verse number="2">Na Avilisiti meetaũsya mokite na Isilaeli: na yĩla makwatisye kaũ, Isilaeli makũnwa nĩ Avilisiti; na mooaĩa andũ ta ngili inya ma nguthu ya kaũ weũnĩ.</verse>
				<verse number="3">Na yĩla andũ mookie mwakonĩ wa maeema, atumĩa ma Isilaeli makũlya, Kĩla kĩtumie Yeova atũkũnĩthya Avilisiti ũmũnthĩ nĩ kyaũ? Tũlatyei yĩla ĩsandũkũ ya ũtianĩo ya Yeova kuma Silo tũete kũũ tũĩ, nĩ kana yũke katĩ waitũ, na kũtũtangĩĩa kuma mokonĩ ma amaitha maitũ.</verse>
				<verse number="4">Kwondũ wa ũu andũ matũmana Silo, na maete kuma kw’o yĩla ĩsandũkũ ya ũtianĩo ya Yeova wa nguthu, ũla wĩkalaa ĩũlũ wa akeluvi: na ana elĩ ma Eli, Ovini na Vineasi, maĩ vo vamwe na ĩsandũkũ ya ũtianĩo ya Ngai.</verse>
				<verse number="5">Na yĩla ĩsandũkũ ya ũtianĩo ya Yeova yookie mwakonĩ wa maeema, Isilaeli onthe mausya ngemi na wasya mũtũlu, mũvaka nthĩ yeetĩkĩanĩsya ĩngĩ.</verse>
				<verse number="6">Na yĩla Avilisiti meewie wasya wa ngemi ĩsu nene, masya, Wasya ũsu wa ngemi nene wĩ mwakonĩ wa maeema wa Aevelania nĩ wa kĩ? Na mamanya kana ĩsandũkũ ya Yeova nĩyooka mwakonĩ wa maeema.</verse>
				<verse number="7">Na Avilisiti meew’a w’ĩa, nũndũ maisye, Ngai nĩwoka mwakonĩ wa maeema. Na masya, Woo nĩ witũ! Nũndũ kũtyaamba kwĩthĩwa ũndũ ta ũũ kũvika yu.</verse>
				<verse number="8">Woo nĩ witũ! Nũũ ũla wĩtũvonokya kuma kw’okonĩ kwa ngai ii syĩ vinya mũnene? Ii nĩ ngai ila syakũnĩe Amisili weũnĩ na mĩthemba yonthe ya mothĩn’yo.</verse>
				<verse number="9">Ĩthĩwai na vinya, na ĩthĩwai aũme, inyw’ĩ Avilisiti, nĩ kana mũikethĩwe athũkũmi ma Aevelania, o tondũ methĩĩtwe kwenyu: ĩthĩwai aũme, na mũkyũkita.</verse>
				<verse number="10">Na Avilisiti mokita, na Isilaeli makũnwa, na makũka kĩla mũndũ athi ĩeemanĩ yake: na vaĩ kũawa kũnene mũno; nũndũ kwavalũkilw’e andũ ma Isilaeli ala maendaa na maũũ ngili mĩongo ĩtatũ.</verse>
				<verse number="11">Na ĩsandũkũ ya Ngai yooswa; na ana elĩ ma Eli, Ovini na Vineasi, mooawa.</verse>
				<verse number="12">Na kwasemba mũndũ wa Mbenyamini kuma nguthunĩ ya kaũ, na avika Silo mũthenya o ũsu, ngũa syake syĩ ndembũange, na mũthanga ĩũlũ wa mũtwe wake.</verse>
				<verse number="13">Na yĩla wavikie, sisya, Eli ekalĩte kĩvĩlanĩ kyake ũtee wa nzĩa asyaĩĩsye; nũndũ ngoo yake nĩyatelemangaa nũndũ wa ĩsandũkũ ya Ngai. Na yĩla ũ mũndũ wavikie ndũanĩ, na atavan’ya ũu, ndũa yonthe yaĩa na wasya.</verse>
				<verse number="14">Na yĩla Eli wewie wasya wa kĩĩo, akũlya, Wasya ũũ wa kĩĩo nĩ wa kĩ? Na ũ mũndũ eekalaata, na ooka amũtavya Eli.</verse>
				<verse number="15">Na ĩndĩ Eli aĩ wa myaka mĩongo kenda na nyanya; na metho make nĩmaĩte mbindu, ũndũ ũtatonya kwona.</verse>
				<verse number="16">Na ũ mũndũ amwĩa Eli, Ninyie we ũla wauma nguthunĩ ya kaũ, na nĩkĩie ũmũnthĩ kuma nguthunĩ ya kaũ. Nake akũlya, Ũvoo ũendie ata, mwana wakwa?</verse>
				<verse number="17">Na ũla waetie ũvoo asũngĩa na asya, Isilaeli nĩmakĩie Avilisiti, o na ĩngĩ kwĩthĩĩtwe kũawa kũnene andũnĩ, na ana maku elĩ namo, Ovini na Vineasi, nĩ akw’ũ, na ĩsandũkũ ya Ngai nĩ yose.</verse>
				<verse number="18">Na kweethĩwa, yĩla wawetie ĩsandũkũ ya Ngai, Eli avalũka kuma kĩvĩlanĩ kyake na ngala ũtee wa mbingĩlo; na ngingo yake yatũlĩka, na akw’a: nũndũ aĩ mũndũ mũkũu, na mũito. Na nĩwasilanĩtye Isilaeli myaka mĩongo ĩna.</verse>
				<verse number="19">Na mũka‐a‐mwana, kĩveti kya Vineasi, kyaĩ kĩito, vakuvĩ kũsyaa: na yĩla kyeewie ũvoo kana ĩsandũkũ ya Ngai nĩyosetwe, na kana ĩthe wa mũũme na mũũme nĩmakwie, kyakunama na kyasyaa; nũndũ woo wakyo nĩwakĩkwatie.</verse>
				<verse number="20">Na ta ĩvinda ya kũkw’a kwakyo iveti ila syakĩũngamĩe syakĩtavya, Ndũkakĩe; nũndũ nĩwasyaa mwana. Ĩndĩ kĩtyaasũngĩa, o na kĩtyaaona ta ũndũ.</verse>
				<verse number="21">Na kyeeta kana Ikavotu, kĩkyasya, Ũsũng’wa nĩwumĩte kwa Isilaeli; nũndũ ĩsandũkũ ya Ngai nĩyosetwe, na nũndũ wa ĩthe wa mũũme na mũũme.</verse>
				<verse number="22">Na kyasya, Ũsũng’wa nĩwumĩte kwa Isilaeli; nũndũ ĩsandũkũ ya Ngai nĩ yose.</verse>
			</chapter>
			<chapter number="5">
				<verse number="1">Na ĩndĩ Avilisiti nĩmoosete ĩsandũkũ ya Ngai, na mayĩtwaa kuma Eveni‐eseli kũvika Asitoti.</verse>
				<verse number="2">Na Avilisiti moosa ĩsandũkũ ya Ngai, na mayĩlikya nyũmbanĩ ya Ndakoni, na mayia vakuvĩ na Ndakoni.</verse>
				<verse number="3">Na yĩla ala ma Asitoti mookĩlile ũnĩ ũsu kĩoko tene, sisya, Ndakoni nĩwavalũkĩte na ũthyũ wake nthĩ mbee wa ĩsandũkũ ya Yeova. Na moosa Ndakoni, na mamũũngamya ĩngĩ vandũ vake.</verse>
				<verse number="4">Na yĩla mookĩlile ũnĩ ũsu ũngĩ kĩoko tene, sisya, Ndakoni aĩ o mũvalũku na ũthyũ wake nthĩ mbee wa ĩsandũkũ ya Yeova; na mũtwe wa Ndakoni na itaa syelĩ sya moko make itilĩkĩle mwalyonĩ; no kĩthũmba kya Ndakoni kyatialĩte.</verse>
				<verse number="5">Kwondũ wa ũu o na athembi ma Ndakoni, kana o ũla ũkũlika nyũmbanĩ ya Ndakoni, ndakinyaa mwalyo kwa Ndakoni ku Asitoti, kũvika mũthenya ũũ.</verse>
				<verse number="6">Ĩndĩ kw’oko kwa Yeova kwaĩ kũito ĩũlũ wa asu ma Asitoti, na amananga, na amakũna na mĩimũ, ku Asitoti na mĩvakanĩ yayo.</verse>
				<verse number="7">Na yĩla andũ ma Asitoti moonie kana kwailyĩ ũu, masya, Ĩsandũkũ ya Ngai wa Isilaeli yĩtiĩkala naitũ; nũndũ kw’oko kwake nĩ kũthũku ĩũlũ waitũ, na ĩũlũ wa Ndakoni ngai yaitũ.</verse>
				<verse number="8">Kwondũ wa ũu matũmana na moomban’ya eaĩi onthe ma Avilisiti kwoo, na mamea, Twĩĩka ata na ĩsandũkũ ya Ngai wa Isilaeli? Na masũngĩa, Ĩsandũkũ ya Ngai wa Isilaeli yĩtwawe Ngathi. Na matwaa ĩsandũkũ ya Ngai wa Isilaeli kw’o.</verse>
				<verse number="9">Na kweethĩwa, yĩla maminie kũyĩtwaa, kw’oko kwa Yeova kweethĩwa ĩũlũ wa ndũa na kũthokoan’ya kũnene mũno: na amakũna andũ ma ĩ ndũa, anini o na anene; na maimba mĩimũ.</verse>
				<verse number="10">Kwondũ wa ũu matwaa ĩsandũkũ ya Ngai Ekiloni. Na kweethĩwa, yĩla ĩsandũkũ ya Ngai yavikie Ekiloni, Aekiloni maua mbu, makyasya, Maete ĩsandũkũ ya Ngai wa Isilaeli kwitũ, matũaĩthye ithyĩ na andũ maitũ.</verse>
				<verse number="11">Kwondũ wa ũu matũmana na moomban’ya vamwe eaĩi onthe ma Avilisiti, na masya, Twaĩthyai ĩsandũkũ ya Ngai wa Isilaeli, na ekai yĩsyoke vandũ a vayo ĩngĩ, nĩ kana yĩikatũaĩthye ithyĩ, na andũ maitũ. Nũndũ kwaĩ kũthokoanw’a kwĩ kĩkw’ũ ndũanĩ yonthe vyũ; kw’oko kwa Ngai kwaĩ kũito mũno vo.</verse>
				<verse number="12">Na andũ ala mataakw’a makũniwe nĩ ĩla mĩimũ; na kĩĩo kya ndũa kyambatie kũvika ĩtunĩ.</verse>
			</chapter>
			<chapter number="6">
				<verse number="1">Na ĩsandũkũ ya Yeova yaĩ nthĩ ya Avilisiti myei mũonza.</verse>
				<verse number="2">Na Avilisiti mameta athembi na ala maaũasya, makĩkũlya, Twĩĩka ata na ĩsandũkũ ya Yeova? Twon’yei ithyĩ ũndũ twĩyĩtwaa vandũ vayo.</verse>
				<verse number="3">Namo masũngĩa, Ethĩwa nĩmũtwaa ĩsandũkũ ya Ngai wa Isilaeli, mũikayĩtwae yĩ ĩthei; ĩndĩ mũitĩa kũmũtũnganĩĩsya na nthembo kwondũ wa ĩvityo: na ĩndĩ mũkavow’a, na mũkamanya kĩtumi kya kw’oko kwake kũlea kuma kwenyu.</verse>
				<verse number="4">Nĩvo ĩndĩ makũlilye, Nĩ kyaũ kĩĩthĩwa nthembo kwondũ wa ĩvĩtyo kĩla twĩmũtũnganĩĩsya? Na masũngĩa, Mĩimũ ĩtano ya thaavu, na mbĩa itano sya thaavu, kwĩanana na ũtalo wa eaĩi ma Avilisiti; nũndũ ũthĩn’yo ũmwe ũnaĩ ĩũlũ wenyu inyw’onthe, na ĩũlũ wa eaĩi menyu.</verse>
				<verse number="5">Kwondũ wa ũu mũkaseũvye mĩvw’anano ĩilyĩ ta mĩimũ yenyu, na mĩvw’anano ĩilyĩ ta mbĩa syenyu ila ithũkasya nthĩ; na mũkamũnenge Ngai wa Isilaeli ndaĩa: nokwĩthĩwa aleelya kw’oko kwake vala mũĩ, na vala ve ngai syenyu, na nthĩ yenyu.</verse>
				<verse number="6">Mwĩtuma ĩndĩ kũmya ngoo syenyu nĩkĩ, tondũ Amisili na Valao moomisye ngoo syoo? Yĩla wekie moseng’yo katĩ wamo, matyaaeka andũ maende, na mathi?</verse>
				<verse number="7">Na yu ĩndĩ osai mũyĩseũvĩsye ĩkasya yeũ, na osai ng’ombe ilĩ ikwongya, ila itaailĩĩlwa ĩsoki; na mũkyova ng’ombe ĩkasyanĩ, na mũkĩnũkya tũsaũ twasyo tume vala iĩ;</verse>
				<verse number="8">na mũkyosa ĩsandũkũ ya Yeova na mũyilĩĩla ĩkasyanĩ; na mũkĩkĩa mĩio ya wanake ya thaavu, ĩla mũũmũtũnganĩĩsya yĩthĩwe nthembo kwondũ wa ĩvĩtyo, nthĩnĩ wa kasandũkũ ke ũtee wayo; na mũiyĩeka yĩkũsye, nĩ kana yĩtonye kũthi.</verse>
				<verse number="9">Na syaĩĩsyai; ethĩwa yĩkambata Mbethi‐semesi na nzĩa ya mũvaka o wayo, nĩvo ĩndĩ nĩwe ũtwĩkĩte ũthũku ũũ mũnene: ĩndĩ ethĩwa ti w’o, nĩvo twĩmanya kana ti kw’oko kwake kũtũkũnie; no ũndũ wĩkĩkĩte ũtũvikĩĩte.</verse>
				<verse number="10">Na andũ meeka ũu, na moosa ng’ombe ilĩ ikwongya, na masyova ĩkasyanĩ, na mavingĩa tũsaũ twasyo mũsyĩ;</verse>
				<verse number="11">na mailĩĩla ĩsandũkũ ya Yeova ĩkasyanĩ ĩũlũ, na kasandũkũ ke na mbĩa sya thaavu na mĩvw’anano ya mĩimũ yoo.</verse>
				<verse number="12">Na ila ng’ombe nga syakwata nzĩa ndũngalu ĩelete Mbethi‐semesi; syaenda na lelũ, ikyan’ya o iendete, na ityaaĩthyũũa ũtee ngalĩko ya kw’oko kwa aũme kana kwa aka; na eaĩi ma Avilisiti maiatĩĩa kũvika mũvakanĩ wa Mbethi‐semesi.</verse>
				<verse number="13">Na ala ma Mbethi‐semesi nĩmakethaa ngetha yoo ya nganũ mwandanĩ; na mookĩlya metho moo, na moona yĩla ĩsandũkũ, na matana ũndũ wa kũyona.</verse>
				<verse number="14">Na ĩkasya yooka mũũndanĩ wa Yosua Mũmbethi‐semesi, na yaũngama vo, vala vaĩ ĩvia ĩnene: na maatũanga mbwaũ sya ĩkasya, na mathembea Yeova ila ng’ombe nga nthembo ya kũvĩvw’a.</verse>
				<verse number="15">Na Alivai maumya ĩsandũkũ ya Yeova, na kasandũkũ kala kaĩ vamwe nayo, vala mĩio ya wanake ya thaavu yaĩ, na mamilĩĩla ĩũlũ wa yĩla ĩvia ĩnene: na andũ ma Mbethi‐semesi mathembea Yeova nthembo sya kũvĩvw’a na mathemba nthembo sya kũtonywa mũthenya ũsu.</verse>
				<verse number="16">Na yĩla ala eaĩi atano ma Avilisiti moonie ũu, masyoka Ekiloni mũthenya ũsu.</verse>
				<verse number="17">Na ĩno nĩyo mĩimũ ya thaavu ila Avilisiti matwaĩe Yeova ĩthĩwe nthembo kwondũ wa ĩvĩtyo: ũmwe nũndũ wa Asitoti, na ũmwe nũndũ wa Ngasa, na ũmwe nũndũ wa Asikeloni, na ũmwe nũndũ wa Ngathi, na ũmwe nũndũ wa Ekiloni;</verse>
				<verse number="18">na mbĩa sya thaavu, kwĩanana na ũtalo wa ndũa syonthe sya Avilisiti ila syaĩ sya eaĩi asu atano, ndũa mbiie o na mĩsyĩ yĩ ndee, o kũvika yĩla ĩvia ĩnene, vala maiie ĩsandũkũ ya Yeova, o yĩ ĩvia yĩ vo kũvika mũthenya ũũ mũũndanĩ wa Yosua Mũmbethi‐semesi.</verse>
				<verse number="19">Na amakũna andũ amwe ma Mbethi‐semesi, nĩkwĩthĩwa nĩmasyaisye nthĩnĩ wa ĩsandũkũ ya Yeova, amakũna andũ mĩongo mũonza, na andũ angĩ ngili mĩongo ĩtano; na andũ maĩa, nĩkwĩthĩwa Yeova nĩwamakũnie andũ na kũawa kũnene.</verse>
				<verse number="20">Na andũ ma Mbethi‐semesi makũlya, Nũũ ũla ũtonya kũũngama mbee wa Yeova, Ngai ũũ mũtheu? Na akambata kwaũ aume kwitũ?</verse>
				<verse number="21">Na matũma atũmwa kwa ala matwĩe Kiliathi‐yealimu, makyasya, Avilisiti nĩmatũngĩte ĩsandũkũ ya Yeova; theeai, na mũkĩyambatya kwenyu.</verse>
			</chapter>
			<chapter number="7">
				<verse number="1">Na andũ ma Kiliathi‐yealimu mooka, na mambatya ĩsandũkũ ya Yeova, na mayĩlikya nyũmbanĩ ya Avinatavu kĩĩmanĩ, na mamũvathan’ya Eleasali mwana wake ethĩwe mũtheu asũvĩe ĩsandũkũ ya Yeova.</verse>
				<verse number="2">Na kweethĩwa, atĩ ĩvinda yaĩ ĩasa kuma mũthenya ũla yĩla ĩsandũkũ yekalaa ku Kiliathi‐yealimu; nũndũ yaĩ myaka mĩongo ĩlĩ: na nyũmba yonthe ya Isilaeli yamũĩĩa Yeova.</verse>
				<verse number="3">Na Samueli aneena na nyũmba yonthe ya Isilaeli, akyasya, Ethĩwa nĩmũũmũsyokea Yeova na ngoo syenyu syonthe, vetai ĩndĩ ngai ngeni na Asetalothi kuma katĩ wenyu, na elekelyai ngoo syenyu kwa Yeova, na mũimũthũkũma e weka; nake akamũvonokya kuma mokonĩ ma Avilisiti.</verse>
				<verse number="4">Na ĩndĩ ana ma Isilaeli maveta Mbaalimu na Asetalothi, na mamũthũkũma Yeova e weka.</verse>
				<verse number="5">Na Samueli amea, Ũmban’yai Isilaeli onthe Misiva, na ngavoya Yeova nũndũ wenyu.</verse>
				<verse number="6">Namo moombana ku Misiva, na matava kĩw’ũ, na mamwĩtĩa Yeova nthĩ, na matĩĩa kũya mũthenya ũsu, na maĩsya vau, Nĩtũvĩtanĩsye Yeova. Na Samueli amasilanĩlasya ana ma Isilaeli ku Misiva.</verse>
				<verse number="7">Na yĩla Avilisiti meewie kana ana ma Isilaeli nĩmombanĩe Misiva, eaĩi ma Avilisiti mambata mokite na Isilaeli. Na yĩla ana ma Isilaeli meewie ũu, maĩ na w’ĩa ũndũ wa Avilisiti.</verse>
				<verse number="8">Na ana ma Isilaeli mamwĩa Samueli, Ndũkaeke kũmwĩkaĩla Yeova Ngai waitũ nũndũ witũ, nĩ kana atũtangĩĩe kuma mokonĩ ma Avilisiti.</verse>
				<verse number="9">Na Samueli oosa katena ka ĩlondu kekwonga, na akathembea Yeova katw’ĩke nthembo nima ya kũvĩvw’a: na Samueli amwĩkaĩla Yeova nũndũ wa Isilaeli; na Yeova amũsũngĩa.</verse>
				<verse number="10">Na yĩla Samueli wathembaa nthembo ya kũvĩvw’a, Avilisiti mathengeea mokite na Isilaeli; ĩndĩ Yeova amatundumĩa Avilisiti na kĩtundumo kĩnene mũthenya ũsu, na amathokoan’ya; na makũnwa mavalũkw’a nthĩ nĩ Isilaeli.</verse>
				<verse number="11">Na andũ ma Isilaeli mauma Misiva, na mamakũa Avilisiti, na mamakũna, mũvaka mavika ĩtheo wa Mbethi‐kali.</verse>
				<verse number="12">Nĩvo ĩndĩ Samueli wosie ĩvia, na ayĩũngamya katĩ wa Misiva na Seni, na eeta syĩtwa yavo Eveni‐eseli, akyasya, Kũvika yu Yeova nũtũtethetye.</verse>
				<verse number="13">Na ĩndĩ Avilisiti makĩlw’a vinya, na matyaalika ĩngĩ mũvakanĩ wa Isilaeli: na kw’oko kwa Yeova kwaĩ ĩũlũ wa Avilisiti matukũ onthe ma Samueli.</verse>
				<verse number="14">Na ndũa ila Avilisiti mavenete Isilaeli syatũngĩwa Isilaeli, kuma Ekiloni o na kũvika Ngathi; na mĩvaka yayo Isilaeli mamĩvonokya kuma mokonĩ ma Avilisiti. Na kwaĩ mũuo katĩ wa Isilaeli na Aamoli.</verse>
				<verse number="15">Na Samueli amasilanasya Isilaeli matukũ onthe ma thayũ wake.</verse>
				<verse number="16">Na athyũlũlũkaa o kĩla mwaka Mbethi‐eli, na Ngilikali, na Misiva; na amasilanĩlasya Isilaeli kũndũ kũu kw’onthe.</verse>
				<verse number="17">Na asyokaa Lama, nũndũ vau nĩvo vaĩ nyũmba yake; na vo amasilanĩlasya Isilaeli: na amwakĩa Yeova kĩthembeo vo.</verse>
			</chapter>
			<chapter number="8">
				<verse number="1">Na kweethĩwa, yĩla Samueli wakũie, amatw’ĩkĩthya ana make asili ĩũlũ wa Isilaeli.</verse>
				<verse number="2">Na ĩndĩ syĩtwa ya ĩkithathi yake yeetawa Yoeli, na syĩtwa ya ũ wa kelĩ, Aviya: maĩ asili Mbethi‐sieva.</verse>
				<verse number="3">Na ana make matyakinyaa mĩendelenĩ yake, ĩndĩ meelelũka ũtee mamanthe mbesa, na moosaa mavaki, na kwelelũkasya ũsili wa katĩ.</verse>
				<verse number="4">Nĩvo ĩndĩ atumĩa onthe ma Isilaeli moombanie vamwe, na mookĩa Samueli ku Lama;</verse>
				<verse number="5">na mamwĩa, Sisya, we wĩ mũkũu, na ana maku maikinyaa mĩendelenĩ yaku: yu twiĩe mũsumbĩ wa kũtũsilanasya o ta mbaĩ syonthe.</verse>
				<verse number="6">Ĩndĩ ũndũ ũsu wamwĩw’ĩthisye Samueli woo, yĩla maisye, Tũnenge mũsumbĩ wa kũtũsilanasya. Na Samueli avoya Yeova.</verse>
				<verse number="7">Na Yeova amwĩa Samueli, Ĩthukĩĩsye wasya wa andũ maũndũnĩ onthe ala meũkũtavya: nũndũ maikũleete we, ĩndĩ ninyie maleete, nĩ kana ndikethĩwe mũsumbĩ ĩũlũ woo.</verse>
				<verse number="8">Kwĩanana na mawĩa onthe ala meekie kuma mũthenya ũla namambatisye kũmaumya nthĩ ya Misili o na kũvika mũthenya ũũ, o ũndũ mandiĩte, na makathũkũmaa ngai ingĩ, nĩmeũkwĩka o ta ũu.</verse>
				<verse number="9">Kwondũ wa ũu ĩndĩ ĩthukĩĩsye wasya woo: ĩndĩ ũkamakũsĩĩe vyũ, na ũkamon’ye mũthemba wa mũsumbĩ ũla wĩmasumbĩka.</verse>
				<verse number="10">Na Samueli amatavya andũ ala mamũkũlilye mũsumbĩ ndeto syonthe sya Yeova.</verse>
				<verse number="11">Na amea, Mũsumbĩ ũla wĩmũsumbĩka akeethĩwa ailyĩ ũũ: akoosaa ana menyu, na kũmaia methĩwe make, nũndũ wa makasya make, na kũtw’ĩka andũ make ma ũtũlaa mbalasi; na makasembaa matongoesye makasya make;</verse>
				<verse number="12">na akamaiaa methĩwe kwake makavuteni ma ngili ngili, na makavuteni ma mĩongo ĩtano mĩongo ĩtano; na akaiaa amwe ma kũĩmaa nthĩ yake, na kũkethaa ngetha yake, na kũtuaa mĩio yake ya kaũ na mĩio ya makasya make.</verse>
				<verse number="13">Na akoosaa eĩtu menyu methĩawe aseũvya ma manukato, na kwĩthĩawa aui, na kwĩthĩawa aui ma mĩkate.</verse>
				<verse number="14">Na akoosaa mĩũnda yenyu, na mĩũnda yenyu ya mĩsavivũ, na mĩũnda yenyu ya mĩthata, o na ĩla mĩseo mbee yayo, na aimĩnenga athũkũmi make.</verse>
				<verse number="15">Na akoosaa kĩlungu kya ĩkũmi kya mbeũ syenyu, na kya mĩũnda yenyu ya mĩsavivũ, na akĩmanenga anene ma kwake, na athũkũmi make.</verse>
				<verse number="16">Na akoosaa athũkũmi menyu aũme, na athũkũmi menyu eĩtu, na anake menyu ala aseo mbee, na mang’oi menyu, na kũmekĩaa wĩanĩ wake.</verse>
				<verse number="17">Akoosaa kĩlungu kya ĩkũmi kya ndĩthya syenyu sya mbũi na malondu: na mũkeethĩawa mwĩ athũkũmi make.</verse>
				<verse number="18">Na mũkakaya mũthenya ũsu nũndũ wa mũsumbĩ wenyu ũla mwĩĩthĩwa mwĩnyuvĩe; na Yeova ndakamũsũngĩa mũthenya ũsu.</verse>
				<verse number="19">Ĩndĩ andũ malea kwĩthukĩĩsya wasya wa Samueli; na masya, Aiee; ĩndĩ tũitĩa kwĩthĩwa na mũsumbĩ waitũ,</verse>
				<verse number="20">nĩ kana naitũ tũtonye kwĩthĩwa tũilyĩ ta mbaĩ syonthe, na nĩ kana mũsumbĩ waitũ atonye kũtũsilanasya, na kũendaa mbee waitũ, na kũtũkitĩthasya makaũ.</verse>
				<verse number="21">Na Samueli eew’a ndeto syonthe sya andũ, nake aineena o ta ũu matũnĩ ma Yeova.</verse>
				<verse number="22">Na Yeova amwĩa Samueli, Ĩthukĩĩsye wasya woo, na ũimaiĩa mũsumbĩ. Na Samueli amea andũ ma Isilaeli, Endai kĩla mũndũ ndũanĩ kwoo.</verse>
			</chapter>
			<chapter number="9">
				<verse number="1">Na ĩndĩ kwaĩ mũndũ wa Mbenyamini, ũla wetawa syĩtwa yake Kisu, mwana wa Avieli, mwana wa Nzeloli, mwana wa Mbekolathi, mwana wa Avia, mwana wa Mũmbenyamini, ngũmbaũ nene.</verse>
				<verse number="2">Na aĩ na mwana, ũla wetawa syĩtwa yake Saulo, mũndũ wa mũika na mũmbe nesa: na kũtyaĩ katĩ wa ana ma Isilaeli mũndũ mwanake kwĩ we: kuma ituonĩ syake kwambata aĩ mũasa kũte mũndũ o na wĩva.</verse>
				<verse number="3">Na mang’oi ma Kisu ĩthe wa Saulo maĩ mau. Na Kisu amwĩa Saulo mwana wake, Osa yu ũmwe wa athũkũmi ũthi nake, na ũkĩla, ũthi ũkamanthe mang’oi.</verse>
				<verse number="4">Na avĩtĩla katĩ wa nthĩ yĩ iĩma ya Evalaimu, na avĩtĩla katĩ wa nthĩ ya Salisa, ĩndĩ matyaamona: nĩvo ĩndĩ mavĩtĩle katĩ wa nthĩ ya Saalimu, na matyaĩ vo: na avĩtĩla katĩ wa nthĩ ya Ambenyamini, ĩndĩ matyaamona.</verse>
				<verse number="5">Na yĩla mavikie nthĩ ya Nzuve, Saulo amwĩa mũthũkũmi wake ũla waĩ nake, Ũka, tũsyoke, nau ndakese kũeka kũlilikana ũndũ wa mang’oi, na akambĩlĩlya kũũũya ũndũ witũ.</verse>
				<verse number="6">Na amwĩa, Sisya yu, ndũanĩ ĩno ve mũndũ wa Ngai, na nĩ mũndũ ũla ũtaĩawa; w’onthe ũla ũneenaa ũtw’ĩkaa wa w’o ki: yu nĩtũthi vo; nokwĩthĩwa atonya kũtũtavya ũndũ wa kyalo kĩĩ kitũ tũũthi.</verse>
				<verse number="7">Na ĩndĩ Saulo amwĩa mũthũkũmi wake, Ĩndĩ, sisya, ethĩwa nĩtũũthi, tũkamũtwaĩa ũ mũndũ kyaũ? Nũndũ kĩmũtũ nĩ kĩthelu mĩionĩ yaitũ, na vati mũthĩnzĩo wa kũmũtwaĩa mũndũ wa Ngai: twĩ na kyaũ ithyĩ?</verse>
				<verse number="8">Na ũ mũthũkũmi amũsũngĩa Saulo ĩngĩ, na asya, Sisya, nĩ na kĩlungu kya kana kya sekeli ya vetha kw’okonĩ kwakwa: ngamũnenga ũla mũndũ wa Ngai kyo, nĩ kana atwathĩĩe nzĩa yaitũ.</verse>
				<verse number="9">(Ĩvinda ya tene katĩ wa Isilaeli, yĩla mũndũ waendie kũkũlya Ngai, aasya ũũ, Ũka, tũthi kwa mwoni; ũndũ we ũla yu wĩtawa Mwathani ĩvinda ya tene eetawa Mwoni.)</verse>
				<verse number="10">Nĩvo ĩndĩ Saulo wamwĩie mũthũkũmi wake, Waneena nesa; ũka, tũthi. Kwondũ wa ũu mathi ndũanĩ vala ũ mũndũ wa Ngai waĩ.</verse>
				<verse number="11">Na yĩla mambatĩte maendete ndũanĩ, moona eĩtu ma mũika makĩthi kũtava kĩw’ũ, na mamakũlya, Mwoni e vaa?</verse>
				<verse number="12">Namo mamasũngĩa, na masya, E vo; sisyai, e vu mbee wenyu: ĩkalaatei yu, nũndũ ookie ndũanĩ ũmũnthĩ; nũndũ andũ nĩmeũthemba ũmũnthĩ vala vandũ vatũlu.</verse>
				<verse number="13">O yĩla mũũlika ndũanĩ, oyu mĩtũkĩ nĩmũkũmwona, mbee wa atanambata vala vandũ vatũlu aye; nũndũ andũ matiya mũvaka ooka, nĩkwĩthĩwa nũkũathima nthembo; na ĩtina makĩya ala metĩtwe. Yu ĩndĩ ambatai; nũndũ ĩvinda ta yĩĩ nĩmũkũmwona.</verse>
				<verse number="14">Na mambata ndũanĩ; na makĩlika ndũanĩ, sisya, Samueli aumaala amelekele, ambate vala vandũ vatũlu.</verse>
				<verse number="15">Na ĩndĩ Yeova aĩ anamũvuanĩisye Samueli ta ĩoo Saulo atanoka, akĩmwĩa,</verse>
				<verse number="16">Ũnĩ ta ĩvinda yĩĩ ngatũma mũndũ kwaku kuma nthĩ ya Mbenyamini, na wĩmwĩtĩkĩsya mauta ethĩwe mũnene wĩ mbee ũsumbĩnĩ andũnĩ makwa Isilaeli; na akamatangĩĩa andũ makwa kuma mokonĩ ma Avilisiti: nũndũ nĩnĩsyaĩtye andũ makwa, nĩkwĩthĩwa kĩĩo kyoo nĩkĩmbikĩe.</verse>
				<verse number="17">Na yĩla Samueli wamwonie Saulo, Yeova amwĩa, Sisya, mũndũ ũla nĩnakũtavisye! Ũũ nĩwe wĩĩthĩwa na ũtonyi ĩũlũ wa andũ makwa.</verse>
				<verse number="18">Nĩvo ĩndĩ Saulo wamũthengee Samueli mbingĩlonĩ, na amwĩa, Ndavya, nĩngũkwĩsũva, vala nyũmba ya mwoni ĩĩ.</verse>
				<verse number="19">Na Samueli amũsũngĩa Saulo, na amwĩa, Ninyie mwoni; ambata ũndongoesye kũvika vala vandũ vatũlu, nũndũ mũkaya vamwe nakwa ũmũnthĩ: na kĩoko ngakũeka ũthi, na kũũtavya w’onthe ũla wĩ ngoonĩ yaku.</verse>
				<verse number="20">Na ũndũ wa mang’oi maku ala manaaie yu nĩ mĩthenya ĩtatũ mĩthelu, ndũkethĩn’ye ũndũ wamo; nũndũ nĩ moneku. Na w’onthe ũla ũkwendwa katĩ wa Isilaeli nĩ ũndũ waũ? Ti ũndũ waku, na ũndũ wa nyũmba yonthe ya ithe waku?</verse>
				<verse number="21">Na Saulo asũngĩa na asya, Nyie ndi Mũmbenyamini, wa mbaĩ ĩla nini mbee ya Isilaeli? Na mũvĩa wakwa tĩ mũnini mbee wa mĩvĩa yonthe ya mbaa Mbenyamini? Nũndũ wa kĩ ĩndĩ ũũneena nakwa ta ũu?</verse>
				<verse number="22">Na Samueli oosa Saulo na mũthũkũmi wake, na amalikya nyũmbanĩ ya aeni, na amekalya vandũ va mbee katĩ wa ala meetĩtwe, ala maĩ andũ ta mĩongo ĩtatũ.</verse>
				<verse number="23">Na Samueli amwĩa mũui, Ete kĩlungu kĩla nĩkũnengie, kĩla ngũtavisye, Ia vala ũĩ.</verse>
				<verse number="24">Na mũui oosa waswa, na kĩla kyaĩ ĩũlũ waw’o, na aia mbee wa Saulo. Na Samueli amwĩa, Sisya kĩla kĩiĩtwe! Kie mbee waku na ũkĩya; nĩkwĩthĩwa kũvika ĩvinda yĩla yĩĩ ĩtw’ĩtwe nĩkiiwe nũndũ waku, nũndũ naisye, Nĩnĩmetĩte andũ. Kwondũ wa ũu Saulo aĩsanĩa na Samueli mũthenya ũsu.</verse>
				<verse number="25">Na ĩtina wa matheea kuma vala vandũ vatũlu makĩlika ndũanĩ, aneenanĩsya na Saulo nyũmbanĩ ĩũlũ.</verse>
				<verse number="26">Na mookĩla tene: na kweethĩwa ta w’oa watema, Samueli amwĩta Saulo nyũmbanĩ ĩũlũ, akĩmwĩa, Ũkĩla, nĩ kana nĩkũeke ũthi. Na Saulo ookĩla, na maumaala me elĩ ũtee, we na Samueli.</verse>
				<verse number="27">Na makĩtheea mũminũkĩlyonĩ wa ndũa, Samueli amwĩa Saulo, Mwĩe mũthũkũmi avĩte mbee waitũ (na avĩta mbee), ĩndĩ amba kũũngama, nĩ kana nĩkũmanyĩthye ndeto ya Yeova.</verse>
			</chapter>
			<chapter number="10">
				<verse number="1">Nĩvo ĩndĩ Samueli wosie sũva wa mauta, na amwĩtĩkĩsya mũtwe wake; na amũmumunya, na asya, Ti kwakwĩthĩwa Yeova nũkwĩtĩkĩsye mauta wĩthĩwe mũnene wĩ mbee ũsumbĩnĩ ũtiĩwanĩ wake?</verse>
				<verse number="2">Ĩtina wa wauma vaa nĩĩ ũmũnthĩ, nĩvo ĩndĩ ũkũmethĩa andũ elĩ vakuvĩ na vala vathikiwe Lakeli, mũvakanĩ wa Mbenyamini ku Nzelisa; namo makakwĩa, Mang’oi ala waendie kũmantha nĩ moneku; na, sisya, ĩthe waku nũekete kũlilikana ũndũ wa mang’oi, na eũũya ũndũ waku, akyasya, Nĩĩka ata ũndũ wa mwana wakwa?</verse>
				<verse number="3">Na ĩndĩ ũkaendeea mbee kuma vau, na ũkavika mũtĩnĩ wa mwaloni wĩ Tavoli; na ũkakomanĩa vo na andũ atatũ makyambata kwa Ngai ku Mbethi‐eli, ũmwe atwaĩte tũtena tũtatũ, na ũngĩ atwaĩte imũtũ itatũ, na ũngĩ atwaĩte kathatwa ka mbinyu:</verse>
				<verse number="4">namo makaũkethya, na kũũnenga imũtũ ilĩ, na wĩosa mokonĩ moo.</verse>
				<verse number="5">Ĩtina wa ũu ũkavika kĩĩmanĩ kya Ngai, vala ve ngome ya asikalĩ ma Avilisiti: na kũkeethĩwa, yĩla wĩvika vau ndũanĩ, ũkakomana na nguthu ya athani matheeete makyuma vala vandũ vatũlu me na kĩnanda, na kathembe, na mũtũlilũ, na mbeve, mbee woo; namo makeethĩwa makyathana:</verse>
				<verse number="6">na Veva wa Yeova akooka na vinya mũnene ĩũlũ waku, naku ũkathana vamwe nao, na ũkaalyũlwa wĩthĩwe mũndũ ũngĩ.</verse>
				<verse number="7">Na kũkethĩwe, yĩla mawonan’yo asu meũkĩtĩkĩa, nĩvo ĩndĩ wĩĩka o ũndũ wĩona wĩ ũseo; nũndũ Ngai e vamwe naku.</verse>
				<verse number="8">Naku ũkatheee Ngilikali mbee wakwa; na, sisya, ngatheea kũla ũĩ, nĩthembe nthembo sya kũvĩvw’a, na kũthemba nthembo sya mũuo: wĩeteela mĩthenya mũonza, mũvaka nooka vala ũĩ, na kũkwon’ya ũndũ wĩĩka.</verse>
				<verse number="9">Na kweethĩwa, yĩla wethyũũie aume vala ve Samueli, Ngai amũnenga ngoo ĩngĩ: na mawonan’yo asu onthe makĩtĩka mũthenya ũsu.</verse>
				<verse number="10">Na yĩla mavikie vau kĩĩmanĩ, sisya, nguthu ya athani yakomana nake; na Veva wa Ngai ooka na vinya mũnene ĩũlũ wake, na athana e namo</verse>
				<verse number="11">Na kweethĩwa, yĩla onthe ala mamwĩsĩ mbee moonie atĩ, sisya, nĩwathanaa vamwe na athani, nĩvo ĩndĩ andũ maneenanisye ũmwe na ũla ũngĩ, Ũndũ ũũ nĩ mwaũ ũla wamũkĩa mwana wa Kisu? Saulo nake e o katĩ wa athanĩ?</verse>
				<verse number="12">Na ũmwe wa vandũ vau asũngĩa aikũlya, Na ĩthe woo nũũ? Kwondũ wa ũũ yatw’ĩka nthimo, Saulo nake e o katĩ wa athani?</verse>
				<verse number="13">Na yĩla maminie kwathana, ooka vala vandũ vatũlu.</verse>
				<verse number="14">Na mwendw’a‐ĩthe wa Saulo amũkũlya we na mũthũkũmi wake, Mwaendie nakũ? Nake asũngĩa, Kũmantha mang’oi; na yĩla tũneethĩie matineoneka, tũnooka kwa Samueli.</verse>
				<verse number="15">Na mwendw’a‐ĩthe wa Saulo amwĩa, Ndavya, nĩngũkwĩsũva, ũndũ Samueli ũnamũtavisye.</verse>
				<verse number="16">Na Saulo amwĩa mwendw’a‐ĩthe, Nĩwatũtavisya vyũ kana mang’oi nĩmanoonekie. Ĩndĩ ũndũ wa ũvoo ũsu wa ũsumbĩ, ũla Samueli waneenie, ndaamũtavya.</verse>
				<verse number="17">Na Samueli atũmana andũ onthe moke vamwe kwa Yeova ku Misiva;</verse>
				<verse number="18">na amea ana ma Isilaeli, Ũũ nĩw’o Yeova, Ngai wa Isilaeli, ũnũkwasya, Nĩnambatisye Isilaeli kuma Misili, na namũvonokya inyw’ĩ mokonĩ ma Amisili, na mokonĩ ma mosumbĩ onthe ala mamũthĩnasya:</verse>
				<verse number="19">ĩndĩ mũthenya ũũ nĩmwamũlea Ngai wenyu, ũla ũmũtangĩĩaa kuma mawanangĩkonĩ menyu onthe manene na mathĩnanĩ menyu; na nĩmũmũtavĩtye, Aiee, ĩndĩ twiĩe mũsumbĩ. Yu ĩndĩ ĩetei ene mbee wa Yeova kũatĩanĩa na mbaĩ syenyu, na kũatĩanĩa na ngili syenyu.</verse>
				<verse number="20">Na ĩndĩ Samueli athengeesya mbaĩ syonthe sya Isilaeli, na mbaĩ ya Mbenyamini yooswa.</verse>
				<verse number="21">Na athengeesya mbaĩ ya Mbenyamini kũatĩanĩa na mĩvĩa yoo, na mũvĩa wa Amatili wooswa; na Saulo mwana wa Kisu ooswa: ĩndĩ yĩla mamũmanthie, ndaatonya kwoneka.</verse>
				<verse number="22">Kwondũ wa ũu mamũkũlya Yeova ĩngĩ, Ve mũndũ ũngĩ wĩũka vaa? Na Yeova asũngĩa, Sisya, nĩwĩvithĩte mĩionĩ.</verse>
				<verse number="23">Namo masemba na mamũlatya kuma vo; na yĩla waũngamie katĩ wa andũ, aĩ mũasa kwĩ mũndũ o na wĩva kuma ituonĩ syake kwambata.</verse>
				<verse number="24">Na Samueli amea andũ onthe, Nĩmũmwona ũla Yeova ũnyuvĩte, kana vati ũngĩ ũtilyĩ take katĩ wa andũ onthe? Na andũ onthe mookĩlya wasya, makyasya, Mũsumbĩ nĩekale thayũ ĩvinda ĩasa.</verse>
				<verse number="25">Nĩvo ĩndĩ Samueli wamatavisye andũ mũthemba wa ũsumbĩ, na ooandĩka ĩvukunĩ, na ayia mbee wa Yeova. Na Samueli amombũũkya andũ onthe, kĩla mũndũ aende nyũmba kwake.</verse>
				<verse number="26">Na Saulo nake athi nyũmba kwake ku Ngivea; na vaenda vamwe nake nguthu, ala ngoo syoo Ngai wakiitĩte.</verse>
				<verse number="27">Ĩndĩ andũ amwe mate kĩĩĩ makũlya, Mũndũ ũũ akatũtangĩĩa ata? Namo mamũvũthya, na matyaamũetee mũthĩnzĩo. Ĩndĩ we akilya.</verse>
			</chapter>
			<chapter number="11">
				<verse number="1">Nĩvo ĩndĩ Naasu Mũamimoni wambatie, na amba maeema amĩtaũĩĩe Yavesi‐ngileati: na andũ onthe ma Yavesi mamwĩa Naasu Mũamimoni, Tianĩa ũtianĩo naitũ, naitũ tũkaũthũkũma.</verse>
				<verse number="2">Na Naasu Mũamimoni amea, Ngootianĩa nenyu kwondũ wa ũndũ ũũ, atĩ metho menyu onthe ma ngalĩ ya kw’oko kwa aũme mavũthũangwe; na ngawia ũndũ ũũ wĩthĩwe kĩvũthya kwa Isilaeli onthe.</verse>
				<verse number="3">Na atumĩa ma Yavesi mamwĩa, Tũnenge ũthei wa mĩthenya mũonza, nĩ kana tũtonye kũtũma atũmwa kũvika mĩvakanĩ yonthe ya Isilaeli; na ĩndĩ, ethĩwa vaiĩthĩwa ũmwe wa ũtũtangĩĩa, tũkaumaala kũla ũĩ.</verse>
				<verse number="4">Nĩvo ĩndĩ atũmwa mavikie ku Ngivea ya Saulo, na maneena ndeto isu matũnĩ ma andũ: na andũ onthe mookĩlya wasya woo, na maĩa.</verse>
				<verse number="5">Na, sisya, Saulo ooka aatĩĩe ng’ombe kuma mũũndanĩ; na Saulo akũlya, Andũ me na ũndũ mwaũ ũũtuma maĩa? Na mamũtavya ndeto sya andũ ma Yavesi.</verse>
				<verse number="6">Na Veva wa Ngai ooka na vinya mũnene ĩũlũ wa Saulo yĩla wewie ndeto isu, na ũthatu wake wakana mũno.</verse>
				<verse number="7">Na oosa kyove kya ng’ombe, na aitilanga ilungu, na aitwaa mĩvakanĩ yonthe ya Isilaeli na moko ma atũmwa, akyasya, O ũla ũteuma amũatĩĩe Saulo na Samueli, ng’ombe syake ikeekwa ũu. Na kũmũkĩa Yeova kũnene kwamavalũkĩla andũ, na makuthũka ta mũndũ ũmwe.</verse>
				<verse number="8">Na amatalĩla Mbeseki; na ana ma Isilaeli maĩ ngili maana atatũ, na andũ ma Yuta maĩ ngili mĩongo ĩtatũ.</verse>
				<verse number="9">Na mamea atũmwa ala mookie, Ũũ nĩw’o mwĩmatavya andũ ma Yavesi‐ngileati, Ũnĩ, ĩvinda ya syũa kũvyũva, mũkeethĩwa na ũvonoko. Na atũmwa mathi na mamatavya andũ ma Yavesi; namo matana.</verse>
				<verse number="10">Kwondũ wa ũu andũ ma Yavesi masya, Ũnĩ tũkaumaala kũla mũĩ, na mũkeeka naitũ w’onthe ũla mũkwona wĩ ũseo.</verse>
				<verse number="11">Na kweethĩwa ũnĩ, Saulo aia andũ nguthu itatũ; namo malika mwakonĩ wa maeema katĩ ũsyaĩĩsyonĩ wa kĩoko, na mamakũna Amimoni kũvika mũthenya kwavyũva: na kweethĩwa, ala matialile manyaĩĩkw’a, kũvika elĩ moo matyaaĩthĩwa vamwe.</verse>
				<verse number="12">Na andũ mamũkũlya Samueli, Nũũ ũla ũnakũlilye, Saulo akatũsumbĩka? Ete andũ asu, kana tũmoae.</verse>
				<verse number="13">Na Saulo asya, Vati mũndũ wĩũawa mũthenya ũũ; nũndũ ũmũnthĩ Yeova nĩwatethya wĩa wa ũvonokyo nthĩnĩ wa Isilaeli.</verse>
				<verse number="14">Nĩvo ĩndĩ Samueli wameie andũ, Ũkai, tũthi Ngilikali, na tũkĩlũlũmĩĩlya ũsumbĩ vo.</verse>
				<verse number="15">Na andũ onthe mathi Ngilikali; na vau Ngilikali matw’ĩkĩthĩsya Saulo mũsumbĩ Yeova ene; na vau mathemba nthembo sya mũuo mbee wa Yeova; na vau Saulo na andũ onthe ma Isilaeli matana mũno.</verse>
			</chapter>
			<chapter number="12">
				<verse number="1">Na Samueli amea Isilaeli onthe, Sisyai, nĩnĩthukĩĩĩtye wasya wenyu nthĩnĩ wa w’onthe ũla mũnandavisye, na nĩnĩmũsumbĩkĩsye mũsumbĩ.</verse>
				<verse number="2">Na yu, sisyai, mũsumbĩ ethi mbee wenyu; nakwa nĩ mũkũu na mũtwe wĩ mbuĩ; na, sisyai, ana makwa me vamwe nenyu: na nĩnaendaa mbee wenyu kuma wana wakwa kũvika ũmũnthĩ.</verse>
				<verse number="3">Nyie nĩ vaa: kũsĩĩai ĩũlũ wakwa Yeova ene, na mwĩtĩkĩw’a mauta wake ene: nosie ng’ombe yaũ? Kana nosie ĩng’oi yaũ? Kana navutie ũũ? Nathĩnisye ũũ? Kana nĩ kw’okonĩ kwaũ kũla noosie ĩvaki nĩlindwe metho makwa nĩyo? Na nĩngũmũtũngĩa inyw’ĩ.</verse>
				<verse number="4">Nao mamũsũngĩa, Ndwaatũvuta, kana kũtũthĩn’ya, o na ndwaaosa o na kĩ kw’okonĩ kwa mũndũ o na wĩva.</verse>
				<verse number="5">Nake amea, Yeova nĩ ngũsĩ ĩũlũ wenyu, na mwĩtĩkĩw’a mauta wake nĩ ngũsĩ mũnthĩ ũũ, kana mũinona kĩndũ kw’okonĩ kwakwa. Namo masya, Nĩwe ngũsĩ.</verse>
				<verse number="6">Na Samueli amea andũ, Nĩ Yeova ũla waiie Mose na Aluni, na ũla wamaetie aaĩthe menyu kuma nthĩ ya Misili.</verse>
				<verse number="7">Yu ĩndĩ kwondũ wa ũu ũngamai, kana nĩneenan’ye nenyu Yeova ene ũndũ wa meko onthe malũngalu ma Yeova, ala wekie kwenyu na kwa aaĩthe menyu.</verse>
				<verse number="8">Ĩtina wa Yakovo alika Misili, na aaĩthe menyu mamwĩkaĩla Yeova, nĩvo ĩndĩ Yeova watũmie Mose na Aluni, ala mamaumisye aaĩthe menyu Misili, na amatũsya vandũ vaa.</verse>
				<verse number="9">Ĩndĩ moolwa nĩ Yeova Ngai woo; na amathoosya kw’okonĩ kwa Sisela, kavuteni wa nguthu ya Asoli, na mokonĩ ma Avilisiti, na kw’okonĩ kwa mũsumbĩ wa Moavi; na mokita namo.</verse>
				<verse number="10">Na mamwĩkaĩla Yeova, na masya, Nĩtũvĩtĩtye, nĩkwĩthĩwa nĩtũmũtiĩte Yeova, na nĩtũthũkũmĩte Mbaalimu na Asetalothi: ĩndĩ yu tũvonokye kuma mokonĩ ma amaitha maitũ, na tũkaũthũkũma.</verse>
				<verse number="11">Na Yeova amũtũma Yelumbaali, na Mbetani, na Yevitha, na Samueli, na amũvonokya kuma mokonĩ ma amaitha menyu kĩla ngalĩko; na mwatũa mũte mũisyo.</verse>
				<verse number="12">Na yĩla mwoonie kana Naasu mũsumbĩ wa ana ma Amimoni nĩwamũkĩe okite nenyu, nĩmwambĩie, Aiee, ĩndĩ mũsumbĩ akatũsumbĩka; yĩla Yeova Ngai wenyu waĩ mũsumbĩ wenyu.</verse>
				<verse number="13">Yu ĩndĩ mũsisyei mũsumbĩ ũla mũnyuvĩte, na ũla mwĩtĩtye: na, sisyai, Yeova nũmũsumbĩkĩsye mũsumbĩ.</verse>
				<verse number="14">Ethĩwa mũkakĩaa Yeova, na kũmũthũkũmaa, na kwĩthukĩĩasya wasya wake, na kũleaa kũng’endea mwĩao wa Yeova, na inyw’ĩ o na mũsumbĩ ũla ũnũũmũsumbĩka mũkethĩawa aatĩĩi ma Yeova Ngai wenyu, nĩ ũseo:</verse>
				<verse number="15">ĩndĩ ethĩwa mũtikwĩtĩkĩla kwĩthukĩĩasya wasya wa Yeova, ĩndĩ kũng’endeaa mwĩao wa Yeova, nĩvo ĩndĩ kw’oko kwa Yeova kwĩĩthĩwa ĩũlũ wenyu, o tondũ kweethĩawa ĩũlũ wa aaĩthe menyu.</verse>
				<verse number="16">Yu ĩndĩ ũngamai mwone ũndũ ũũ ũnene, ũla Yeova ũnũkwĩka metho menyu mene.</verse>
				<verse number="17">Ti ĩketha ya nganũ ũmũnthĩ? Nĩngwĩkaĩla Yeova, nĩ kana aete kĩtundumo na mbua; nenyu mũkamanya na kwona kana ũthũku wenyu nĩ mũnene, ũla mwĩkĩte Yeova ene, mũkĩyĩtĩsya mũsumbĩ.</verse>
				<verse number="18">Na ĩndĩ Samueli eekaĩla Yeova; na Yeova aete kĩtundumo na mbua mũthenya ũsu; na andũ onthe mamũkĩa Yeova mũno na Samueli.</verse>
				<verse number="19">Na andũ onthe mamwĩa Samueli, Voyea athũkũmi maku kwa Yeova Ngai waku, nĩ kana tũikakw’e; nũndũ nĩtwongelete naĩnĩ sitũ syonthe ũthũku ũũ, kwĩyĩtĩsya mũsumbĩ.</verse>
				<verse number="20">Na Samueli amea andũ, Mũikakĩe: nĩ w’o, nĩmwĩkĩte ũthũku ũũ w’onthe; ĩndĩ mũtikathũke ũtee na kũlea kũmũatĩĩa Yeova, ĩndĩ mũthũkũmei Yeova na ngoo syenyu syonthe:</verse>
				<verse number="21">na mũtikathũke ũtee; nũndũ mwathũka, nĩvo ĩndĩ mwĩatĩĩa maũndũ ma mana ala matatonya kũuna kana kũvonokya, nũndũ nĩ ma mana.</verse>
				<verse number="22">Nũndũ Yeova ndakamatia andũ make nũndũ wa syĩtwa yake ĩnene, nĩkwĩthĩwa nĩkũmwendeesye Yeova kũmũtw’a inyw’ĩ ũko wa andũ kwake mwene.</verse>
				<verse number="23">Na ĩngĩ a vakwa nyie, kwĩthĩwe kũasa nakwa kũmũvĩtanĩsya Yeova ũndũ wa kũeka kũmũvoyea: ĩndĩ ngamũmanyĩsya mũendele mũseo na mũlũngalu.</verse>
				<verse number="24">No mũkĩei Yeova, na mũkĩmũthũkũma nthĩnĩ wa w’o na ngoo syenyu syonthe; nũndũ sũanĩai ũndũ mawĩa manenevete ala wekie nũndũ wenyu.</verse>
				<verse number="25">Ĩndĩ ethĩwa mũkaendeea kwĩkaa ũthũku, mũkanangwa, inyw’ĩ o na mũsumbĩ wenyu.</verse>
			</chapter>
			<chapter number="13">
				<verse number="1">Saulo aĩ wa myaka mĩongo ĩna yĩla wambĩlĩlye kũsumbĩka; na yĩla wasumbĩkĩte Isilaeli myaka ĩlĩ,</verse>
				<verse number="2">Saulo eenyuvĩa andũ ngili itatũ ma Isilaeli, ala ngili ilĩ maĩ vamwe na Saulo ku Mikimasi na kĩĩmanĩ kya Mbethi‐eli, na ngili yaĩ vamwe na Yonathani ku Ngivea ya Mbenyamini: na andũ ala angĩ amenũkya kĩla mũndũ ĩeemanĩ yake.</verse>
				<verse number="3">Na Yonathani akũna ngome ya asikalĩ ma Avilisiti ĩla yaĩ Ngeva; na Avilisiti meew’a ũu. Na Saulo avuva soo watũngana nthĩ yonthe, akyasya, Aevelania nĩmew’e.</verse>
				<verse number="4">Na Isilaeli onthe meew’a kana Saulo nũkũnie ngome ya asikalĩ ma Avilisiti, o na kana Isilaeli matw’ĩkĩte kĩla kĩthatasya kwa Avilisiti. Na andũ moombana maatĩĩe Saulo ku Ngilikali.</verse>
				<verse number="5">Na Avilisiti moombana mokite na Isilaeli, makasya ma kaũ ngili mĩongo ĩtatũ, na ala matũlaa mbalasi ngili thanthatũ, na andũ ta kĩthangathĩ kĩla kĩ ũtee wa ũkanga ũndũ wa kwingĩva: na mambata, na mamba maeema Mikimasi, ngalĩ ya wumĩlonĩ wa syũa ya Mbethi‐aveni.</verse>
				<verse number="6">Yĩla andũ ma Isilaeli moonie kana maĩ avivinye (nũndũ andũ maĩ athĩnu), nĩvo ĩndĩ andũ meevithie ngunganĩ, na ikuthunĩ, na mavianĩ, na mawĩvithonĩ, na maimanĩ.</verse>
				<verse number="7">Na ĩndĩ amwe ma Aevelania nĩmaingĩte Yolotani kũvika nthĩ ya Ngati na Ngileati; ĩndĩ ũndũ wa Saulo, we aĩ o Ngilikali, na andũ onthe mamũatĩĩa maitetema.</verse>
				<verse number="8">Nake ekala mĩthenya mũonza, kwĩanana na ĩvinda yatw’ĩtwe yĩla Samueli waiĩte: ĩndĩ Samueli ndaaũka Ngilikali; na andũ maĩ anyaĩĩku kuma vala ũĩ.</verse>
				<verse number="9">Na Saulo asya, Ndeteei vaa nthembo ya kũvĩvw’a, na nthembo sya mũuo. Na athemba nthembo ya kũvĩvw’a.</verse>
				<verse number="10">Na kweethĩwa, o yĩla waminũkĩlye kũthemba nthembo ya kũvĩvw’a, sisya, Samueli ooka; na Saulo aumaala amũthaũe, nĩ kana amũkethye.</verse>
				<verse number="11">Na Samueli amũkũlya, Weka ata? Na Saulo asũngĩa, Nĩkwĩthĩwa nĩnonie andũ nĩ anyaĩĩku kuma vaa nĩĩ, o naku ndũneũka mĩthenyanĩ ĩla mĩtw’e, na Avilisiti nĩmombanĩe ku Mikimasi;</verse>
				<verse number="12">kwondũ wa ũu nasya, Yu Avilisiti nĩmekũntheeea kũvika Ngilikali, nakwa ndinamba kwĩsũvana kwa Yeova: kwondũ wa ũu nĩnĩingĩĩsye mwene, na nathemba nthembo ya kũvĩvw’a.</verse>
				<verse number="13">Na Samueli amwĩa Saulo, Nĩwĩkie ũtumanu; ndũnasũvĩa mwĩao wa Yeova Ngai waku, ũla ũnakwĩaĩe: nũndũ yu Yeova ethĩwa alũlũmĩlya ũsumbĩ waku kwa Isilaeli tene na tene.</verse>
				<verse number="14">Ĩndĩ yu ũsumbĩ waku ndũkaendeea: Yeova nĩwĩmanthĩe mũndũ wendeeasya ngoo yake mwene, na Yeova nũmwiĩte ethĩwe mũnene wĩ mbee ũsumbĩnĩ wa andũ make, nĩkwĩthĩwa ndũneesũvĩa ũla Yeova ũnakwĩaĩe.</verse>
				<verse number="15">Na Samueli ookĩla, na ambata kuma Ngilikali kũvika Ngivea ya Mbenyamini. Na Saulo atala andũ ala maĩ vo vamwe nake, andũ ta maana thanthatũ.</verse>
				<verse number="16">Na Saulo na Yonathani mwana wake, na andũ ala maĩ vo vamwe nao, mekala Ngivea ya Mbenyamini: ĩndĩ Avilisiti mamba maeema Mikimasi.</verse>
				<verse number="17">Na anangi mooka kuma mwakonĩ wa maeema wa Avilisiti nguthu itatũ: nguthu ĩmwe yeelelũka na nzĩa ĩla ĩvikĩte Ovala, kũvika nthĩ ya Suali;</verse>
				<verse number="18">na nguthu ĩngĩ yeelelũka na nzĩa ya Mbethi‐oloni; na nguthu ĩngĩ yeelelũka na nzĩa ya mũvaka ũla ũsyaĩtye ĩtheo kyandanĩ kya Nzevoimu kwelekela weũnĩ.</verse>
				<verse number="19">Na ĩndĩ kũtyaĩ mũtwii wonekaa nthĩ yonthe ya Isilaeli; nũndũ Avilisiti maasya, Nĩ kana Aevalania matikese kwĩtuĩa mbyũ kana matumo:</verse>
				<verse number="20">ĩndĩ Aisilaeli onthe matheeaa kwa Avilisiti, nĩ kana kĩla mũndũ atusye ĩembe yake ya ng’ombe, na mũthya wa ĩembe yake ya ng’ombe, na ĩthoka yake, na mũsuululu wake;</verse>
				<verse number="21">ĩndĩ maĩ na tũva nũndũ wa mĩsuululu, na nũndũ wa mĩthya ya maembe ma ng’ombe, na nũndũ wa maũma ma kũĩma, na nũndũ wa mathoka, na kũseũvya mĩsenge.</verse>
				<verse number="22">Kwondũ wa ũu kweethĩiwe mũthenya wa kaũ, kana kũtyaĩ ũvyũ kana ĩtumo yaaoneka kw’okonĩ kwa mũndũ o na wĩva wa ala maĩ vamwe na Saulo na Yonathani: ĩndĩ nĩsyoonekie na Saulo na Yonathani mwana wake.</verse>
				<verse number="23">Na asikalĩ ma ngome ya Avilisiti maumaala mathi mwanyanĩ wa Mikimasi.</verse>
			</chapter>
			<chapter number="14">
				<verse number="1">Na yu kweethĩwa mũthenya ũmwe, Yonathani mwana wa Saulo amwĩa mwanake ũla wamũkuĩaa mĩio yake ya kaũ, Ũka, tũinge kũla kwĩ asikalĩ ma ngome ya Avilisiti, ala me mũingo ũya. Ĩndĩ ndaamũtavya ĩthe wake.</verse>
				<verse number="2">Na Saulo ekalĩte ngalĩ ya mũminũkĩlyo ya Ngivea, ĩtina wa mũkũngũmanga ũla wĩ Mikiloni: na andũ ala maĩ vamwe nake maĩ ta andũ maana thanthatũ;</verse>
				<verse number="3">na Aiya, mwana wa Aituvu, mwana‐a‐inyia wa Ikavotu, mwana wa Vineasi, mwana wa Eli, mũthembi wa Yeova wa ku Silo, ekĩĩte evoti. Na andũ matyaamanya kana Yonathani nũendete.</verse>
				<verse number="4">Na katĩ wa myanya, ĩla Yonathani wamanthaa kũvĩtĩla kũvikĩa asikalĩ ma ngome ya Avilisiti, ngalĩko ĩmwe kwaĩ ĩvia yũĩ, na ngalĩko ĩla ĩngĩ ĩvia yũĩ: na syĩtwa ya yĩmwe yeetawa Mbosesi, na syĩtwa ya yĩla yĩngĩ Sene.</verse>
				<verse number="5">Ĩvia yĩmwe yũĩ yaũngamĩte ngalĩ ya ĩũlũ mbee wa Mikimasi, na yĩla yĩngĩ ngalĩ ya ĩtheo mbee wa Ngeva.</verse>
				<verse number="6">Na Yonathani amwĩa mwanake ũla wakuaa mĩio yake ya kaũ, Ũka, tũinge kũla kwĩ asikalĩ ma ngome ya aa mate aĩke: nokwĩthĩwa Yeova etethya wĩa nũndũ witũ; nũndũ vati kĩsiĩĩi kwa Yeova kũtangĩĩa na aingĩ kana na avũthũ.</verse>
				<verse number="7">Na mũkui wa mĩio yake ya kaũ amwĩa, Ĩka w’onthe ũla wĩ ngoonĩ yaku: elelũka, sisya, nyie nĩ vamwe naku kwĩanana na ngoo yaku.</verse>
				<verse number="8">Nĩvo ĩndĩ Yonathani waisye, Sisya, nĩtũkũvĩta mũingo ku kwĩ andũ, na tũkeeyumbũa kwamo.</verse>
				<verse number="9">Ethĩwa makatwĩa atĩĩ, Ĩkalai mũvaka tũke kũu mũĩ; ithyĩ ĩndĩ tũkaũngama vandũ vaitũ, na tũtiambata kũla maĩ.</verse>
				<verse number="10">Ĩndĩ ethĩwa makasya atĩĩ, Ambatai kũũ tũĩ; tũkambata ĩndĩ, nũndũ Yeova nũmanenganĩte mokonĩ maitũ: na ũu nĩw’o wĩĩthĩwa wonan’yo kwitũ.</verse>
				<verse number="11">Namo elĩ meeyumbũa kwa asikalĩ ma ngome ya Avilisiti: na Avilisiti masya, Sisyai, Aevelania nĩmekuma maimanĩ kũla meevithĩte.</verse>
				<verse number="12">Na andũ ma ngomenĩ masũngĩa Yonathani na mũkui wa mĩio yake ya kaũ, na mamea, Ambatai kũũ tũĩ, na nĩtũũmwon’ya ũndũ. Na Yonathani amwĩa mũkui wa mĩio yake ya kaũ, Ambata ũngatĩĩe; nũndũ Yeova nũmanenganĩte mokonĩ ma Isilaeli.</verse>
				<verse number="13">Na Yonathani alĩsa na moko na maũũ, na mũkui wa mĩio yake ya kaũ e ĩtina wake: na mavalũkangw’a nĩ Yonathani; na mũkui wa mĩio yake ya kaũ amoaĩĩa e ĩtina wake.</verse>
				<verse number="14">Na yũaa yĩu ya mbee, yĩla yeekiwe nĩ Yonathani na mũkui wa mĩio yake ya kaũ, yaĩ ta andũ mĩongo ĩlĩ, na kĩlungunĩ kya nthĩ kya nyunzu ya matambya mĩongo mũonza kĩla kĩtonya kwĩnzwa nĩ kyove kya ng’ombe.</verse>
				<verse number="15">Na kwaĩ kĩtetemo mwakonĩ wa maeema, na kĩsesinĩ, na katĩ wa andũ onthe; asikalĩ ma ngomenĩ, na anangi, o namo nĩmatetemie; o na nthĩ yatetema: o ta ũu kwaĩ kĩtetemo kĩnene mũno.</verse>
				<verse number="16">Na asyaĩĩsya ma Saulo ku Ngivea ya Mbenyamini masisya; na, sisya, ĩla nguthu nĩnĩũnyaĩĩka, nayo yaenda kũũ na kũũ.</verse>
				<verse number="17">Nĩvo ĩndĩ Saulo wameie andũ ala maĩ vamwe nake, Talai yu, mwone ũla wumie vala tũĩ. Na yĩla matalile, sisya, Yonathani na mũkui wa mĩio yake ya kaũ matyaĩ vo.</verse>
				<verse number="18">Na Saulo amwĩa Aiya, Ete ĩsandũkũ ya Ngai vaa. Nũndũ ĩsandũkũ ya Ngai yaĩ vo ĩvinda yĩu vamwe na ana ma Isilaeli.</verse>
				<verse number="19">Na kweethĩwa, yĩla Saulo waneenaa na mũthembi, kĩtuu kĩla kyaĩ mwakonĩ wa maeema wa Avilisiti kyaendeea na kwingĩva: na Saulo amwĩa mũthembi, Tũnga kw’oko kwaku.</verse>
				<verse number="20">Na Saulo na andũ onthe ala maĩ nake nĩmoombanĩte vamwe, na mavika kaũnĩ: sisya, ũvyũ wa kĩla mũndũ waĩ ĩũlũ wa mũtindan’ya wake, na kwaĩ kũthokoanw’a kũnene mũno.</verse>
				<verse number="21">Na ĩndĩ Aevelania ala maĩ na Avilisiti tene, ala mambatanisye namo kũvika mwakonĩ wa maeema, kuma nthĩ ĩla ĩthyũlũlũkĩte, o namo maalyũka methĩwe vamwe na Aisilaeli ala maĩ na Saulo na Yonathani.</verse>
				<verse number="22">O ta ũu andũ onthe ma Isilaeli ala meevithĩte nthĩ yĩ iĩma ya Evalaimu, yĩla meewie kana Avilisiti nĩmakĩie, o namo mamavikĩla mamaatĩĩe mũno mokite.</verse>
				<verse number="23">Ũu nĩw’o Yeova watangĩĩe Isilaeli mũthenya ũsu: na kaũ waendeea wavĩtĩla Mbethi‐aveni.</verse>
				<verse number="24">Na andũ ma Isilaeli mathĩna mũno mũthenya ũsu; nũndũ Saulo aĩ anamaavĩthya andũ na kĩavo, akyasya, Naumanĩwe mũndũ ũla wĩya kya ũya o na kĩva kũvika wĩoo, na kũvika neeĩvanĩsya kwa amaitha makwa. Kwondũ wa ũu vati ũmwe waasama lĩu.</verse>
				<verse number="25">Na andũ onthe malika mũtitũnĩ; na vau vaĩ ũkĩ wa nzũkĩ ĩũlũ wa nthĩ.</verse>
				<verse number="26">Na yĩla andũ malikile mũtitũnĩ, sisya, ũkĩ nĩwavolotangaa: ĩndĩ vati mũndũ waaĩkĩa kw’oko kanyw’anĩ kwake; nũndũ andũ nĩmakĩaa wĩvĩto.</verse>
				<verse number="27">Ĩndĩ Yonathani ndaaĩw’a yĩla ĩthe weaĩe andũ na wĩvĩto: kwondũ wa ũu atwaa mũthya wa ndata ĩla yaĩ kw’okonĩ kwake, na amĩlikya ĩwanĩ, na aete kw’oko kwake kanyw’a; na metho make masalukya.</verse>
				<verse number="28">Ĩndĩ ũmwe wa andũ asũngĩa, na amwĩa, Ĩthe waku nũmeaĩe andũ na wĩvĩto ki, akyasya, Naumanĩwe mũndũ ũla wĩya kya ũya ũmũnthĩ. Na andũ maĩ anyalu.</verse>
				<verse number="29">Nĩvo ĩndĩ Yonathani waisye, Asa wakwa nũmĩthĩnĩtye nthĩ: sisya, nĩngũmwĩsũva, ũndũ metho makwa masalukya nĩkwĩthĩwa nĩnasama kanini ka ũkĩ wa nzũkĩ ũũ.</verse>
				<verse number="30">Nĩ mbee veana ata, kethĩwa andũ nĩmaĩe ũndũ mekwenda ũmũnthĩ sya mũtavo wa amaitha moo ila monie? Nũndũ yu vainethĩwa kũawa kũnene kwa Avilisiti.</verse>
				<verse number="31">Na mamakũna Avilisiti mũthenya ũsu kuma Mikimasi kũvika Aiyaloni. Na andũ maĩ anyalu mũno;</verse>
				<verse number="32">na andũ mathanyũkĩa mũtavo, na moosa malondu, na ng’ombe, na tũsaũ, na masyũaĩa mũthanganĩ; na andũ maiĩsanĩsya na nthakame.</verse>
				<verse number="33">Nĩvo ĩndĩ mamũtavisye Saulo, makyasya, Sisya, andũ nĩmamũvĩtanĩsya Yeova, nũndũ nĩmekũĩsanĩsya nyama na nthakame. Nake asya, Inyw’ĩ nĩmũvĩtĩtye mĩao: vingilityai ĩvia ĩnene yũke vaa nĩĩ mũthenya ũũ.</verse>
				<verse number="34">Na Saulo asya, Nyaĩĩkaĩ andũnĩ, na mũkĩmea, Ndeteei vaa kĩla mũndũ ng’ombe yake, na kĩla mũndũ ĩlondu yake, na syũaĩe vaa, na mũkĩya; na mũikavĩtanĩsye Yeova nũndũ wa kũĩsanĩsya na nthakame. Na andũ onthe maete kĩla mũndũ ng’ombe yake ũtukũ ũsũ, na masyũaĩa vo.</verse>
				<verse number="35">Na Saulo amwakĩa Yeova kĩthembeo: nakyo kyaĩ kĩthembeo kya mbee kĩla wamwakĩe Yeova.</verse>
				<verse number="36">Na Saulo asya, Nĩtũtheeei tũmaatĩĩe Avilisiti na ũtukũ, tũtave mũtavo katĩ wamo kũvika kĩoko kũikya, na tũikatialye mũndũ wamo. Nao masya, Ĩka o ũndũ ũkwona wĩ ũseo. Nĩvo ĩndĩ mũthembi waisye, Tũthengeeei vaa vakuvĩ na Ngai.</verse>
				<verse number="37">Na Saulo akũlya Ngai ũtao, Nĩngũtheea nĩmaatĩĩe Avilisiti? Ũkamanengane mokonĩ ma Isilaeli? Ĩndĩ ndaamũsũngĩa mũthenya ũsu.</verse>
				<verse number="38">Na Saulo asya, Thengeeai vaa vakuvĩ, inyw’ĩ anene onthe ma andũ; na mũmanye na kwona vala naĩ ĩno yĩthĩĩtwe mũthenya ũũ.</verse>
				<verse number="39">Nũndũ, o tondũ Yeova wĩ thayũ, ũla ũtangĩĩaa Isilaeli, o na ethĩwa yĩĩthĩwa na Yonathani mwana wakwa, ndatĩa kũkw’a. Ĩndĩ vayaĩ mũndũ katĩ wa andũ onthe ũla waamũsũngĩa.</verse>
				<verse number="40">Nĩvo ĩndĩ watavisye Isilaeli onthe, Ĩthĩwai ngalĩ ĩmwe, nakwa na Yonathani mwana wakwa tũkeethĩwa ngalĩ ĩla ĩngĩ. Na andũ onthe mamwĩa Saulo, Ĩka o ũla ũkwona wĩ ũseo.</verse>
				<verse number="41">Kwondũ wa ũu Saulo amwĩa Yeova, Ngai wa Isilaeli, Onan’ya ũla w’o. Na Yonathani na Saulo makwatwa nĩ kula; ĩndĩ andũ mavonoka.</verse>
				<verse number="42">Na Saulo asya, Tũlimei nyie na Yonathani mwana wakwa. Na Yonathani akwatwa.</verse>
				<verse number="43">Nĩvo ĩndĩ Saulo wamwĩie Yonathani, Ndavya ũndũ wĩkie. Na Yonathani amũtavya, na asya, Nĩ w’o, nyie nĩnĩsamie kalũkĩ kanini ka nzũkĩ ke mũthyanĩ wa ndata ĩla yĩĩ kw’okonĩ kwakwa; na, sisya, no mũvaka nĩkw’e.</verse>
				<verse number="44">Na Saulo asya, Ngai eke ũu o na mbee; nũndũ nũũkw’a vate ndĩi we Yonathani.</verse>
				<verse number="45">Na andũ mamũkũlya Saulo, Yonathani nũkũkw’a, ũla wĩkie ũtangĩĩo ũũ mũnene nthĩnĩ wa Isilaeli? Ũũ wĩthĩwe kũasa: o tondũ Yeova wĩ thayũ, vati ũsw’ĩĩ ũmwe wa mũtwe wake wĩvalũka nthĩ; nũndũ nũtethisye vamwe na Ngai ũmũnthĩ. Ũu nĩw’o andũ mamũvonokisye Yonathani, ndakakw’e.</verse>
				<verse number="46">Na ĩndĩ Saulo ambata aeka kũmaatĩĩa Avilisiti; na Avilisiti mathi kwoo.</verse>
				<verse number="47">Na ĩndĩ yĩla Saulo wasumbĩkĩte Isilaeli, nĩwokitaa na amaitha make onthe kĩla ngalĩko, Moavi, na ana ma Amimoni, na Etomu, na asumbĩ ma Sova, na Avilisiti: na o vala wethyũũie, nĩwamakũaa.</verse>
				<verse number="48">Nake eekie na ũkũmbaũ, na amakũna Aameleki, na avonokya Isilaeli kuma mokonĩ ma ala mamanangaa.</verse>
				<verse number="49">Na yu ana ma Saulo maĩ Yonathani, na Isivi, na Maliki‐sua; na masyĩtwa ma eĩtu make elĩ nĩmo aa; syĩtwa ya ũla wa mbee eetawa Melavu, na syĩtwa ya ũla wa kelĩ eetawa Mikali:</verse>
				<verse number="50">na syĩtwa ya mũka wa Saulo eetawa Ainoamu mwĩĩtu wa Aimaasi. Na syĩtwa ya kavuteni wa nguthu yake eetawa Avineli mwana wa Neli, mwendw’a‐ĩthe wa Saulo.</verse>
				<verse number="51">Na Kisu aĩ ĩthe wa Saulo; na Neli ĩthe wa Avineli aĩ mwana wa Avieli.</verse>
				<verse number="52">Na kwaĩ kaũ mũnene na Avilisiti mĩthenya yonthe ya Saulo: na yĩla Saulo wonie mũndũ o na wĩva wĩ vinya mũno, kana mũndũ o na wĩva ngũmbaũ, nĩwamwosaa ethĩwe nake.</verse>
			</chapter>
			<chapter number="15">
				<verse number="1">Na Samueli amwĩa Saulo, Yeova nĩwandũmie ngwĩtĩkĩsye mauta wĩthĩwe mũsumbĩ wa andũ make, o Isilaeli: yu ĩndĩ ĩthukĩĩsye wasya wa ndeto sya Yeova.</verse>
				<verse number="2">Ũũ nĩw’o Yeova wa nguthu ũnũkwasya, Ninonete ũndũ Amaleki wamwĩkie Isilaeli, o ũndũ wamũsiĩĩe nzĩanĩ, yĩla wambatĩte kuma Misili.</verse>
				<verse number="3">Yu ĩndĩ enda ũkakũne Amaleki, na ũkyananga vyũ kyonthe kĩla me nakyo, na ndũkamatialye; ĩndĩ ũkoae mũndũ mũũme na mũndũ mũka, kana na kala kekwongw’a, ng’ombe na ĩlondu, ngamĩle na ĩng’oi.</verse>
				<verse number="4">Na Saulo ameta andũ, na amatalĩla ku Telaimu, andũ ala maendaa na maũũ ngili maana elĩ, na andũ ma Yuta ngili ĩkũmi.</verse>
				<verse number="5">Na Saulo avika ndũanĩ ya Amaleki, na ooveesya kyandanĩ.</verse>
				<verse number="6">Na Saulo amea Akeni, Endai inyw’ĩ mwathũke, mũtheee mume katĩ wa Aamaleki, ndikese kũmwananganĩsya namo; nũndũ nĩmweekie ana onthe ma Isilaeli nesa, yila mambatĩte kuma Misili. Na ĩndĩ Akeni mauma katĩ wa Aamaleki.</verse>
				<verse number="7">Na Saulo amakũna Aamaleki, kuma Avila vala mũndũ ũendelaa Suli, ĩla yelekanĩle na Misili.</verse>
				<verse number="8">Na amũkwata Akaki mũsumbĩ wa Aamaleki, e thayũ na andũ onthe amamina vyũ kwa kũmatemanga na ũvyũ.</verse>
				<verse number="9">Ĩndĩ Saulo vamwe na andũ mamũtialya Akaki, na malondu ala maseo mbee, na ng’ombe, na ila nou, na tũtena twa malondu, na syonthe ila syaĩ nzeo, na matyaaĩtĩkĩla kwimina vyũ: ĩndĩ kĩla kĩndũ kyaĩ kĩthũku na kĩte kĩseo, kyu makyanangie vyũ.</verse>
				<verse number="10">Nĩvo ĩndĩ ndeto ya Yeova yokĩe Samueli, ĩkĩmwĩa,</verse>
				<verse number="11">Nĩngwĩlila nũndũ nĩnamwiie Saulo ethĩwe mũsumbĩ; nũndũ nũsyokete akaeka kũngatĩĩa, na ndaneĩanĩsya mĩao yakwa. Na Samueli eew’a woo mũno; na amwĩkaila Yeova ũtukũ w’onthe.</verse>
				<verse number="12">Na kĩoko Samueli ookĩla tene akomane na Saulo; na kwatavanw’a kwa Samueli, kũkyaw’a, Saulo nũvikie Kalimeli, na, sisya, nũũngamisye ũlilikan’yo, na eelelũka, na avĩta, na atheea Ngilikali.</verse>
				<verse number="13">Na Samueli ooka kũla kwĩ Saulo; na Saulo amwĩa, Ĩthĩwa wĩ mũathime nĩ Yeova: nĩnĩanĩsye mwĩao wa Yeova.</verse>
				<verse number="14">Na Samueli amũkũlya, Nĩ kwa kĩ ĩndĩ kwan’ya kũu kwa malondu kwĩ matũnĩ makwa, na kwan’ya kwa ng’ombe kũla ngwĩw’a?</verse>
				<verse number="15">Na Saulo asũngĩa, Nĩmaietete kuma kwa Aamaleki: nũndũ andũ nĩmatialilye malondu ala maseo mbee na ng’ombe, sya kũthembea Ngai waku; na ila ingĩ nĩtwanangĩte vyũ.</verse>
				<verse number="16">Nĩvo ĩndĩ Samueli wamwĩie Saulo Eteela, na nĩngũũtavya ũndũ Yeova ũndavisye ũtukũ ũu. Nake amwĩa, Neena.</verse>
				<verse number="17">Na Samueli amwĩa, O na kau nĩweeyonie ta wi mũnini, ndwaatw’ĩkĩthiw’e mũtongoi wa mbaĩ sya Isilaeli? Na Yeova nĩwakwĩtĩkĩsye mauta wĩthĩwe mũsumbĩ wa Isilaeli;</verse>
				<verse number="18">na Yeova akũtũma kyalo, na akwĩa, Thi, ũkamanange vyũ andũ asu athe Aamaleki, na ũkokite namo kũvika mathela.</verse>
				<verse number="19">Nũndũ wa ki ĩndĩ ũtaneithukĩĩsya wasya wa Yeova, ĩndĩ ũnasembee mũtavo, na ũneeka ũla Yeova wonaa wĩ ũthũku?</verse>
				<verse number="20">Na Saulo amwĩa Samueli, Ĩĩ, nĩnĩw’ĩte wasya wa Yeova, na nĩnĩnaendele nzĩanĩ ĩla Yeova ũnandũmĩle, na nĩnĩmũetĩe Akaki mũsumbĩ wa Aameleki, na ninĩmaminĩte Aamalaki vyũ.</verse>
				<verse number="21">Ĩndĩ andũ nĩmanoosie sya mũtavo, malondu na ng’ombe, ila nzeo mbee sya syindũ ivathĩtwe, sya kũmũthembea Yeova Ngai waku ku Ngilikali.</verse>
				<verse number="22">Na Samueli amũkũlya, Yeova nũtanĩaa nthembo sya kũvĩvw’a na nthembo sya kũtonywa, ta ũndũ ũtanĩaa ũkĩthukĩĩsya wasya wa Yeova? Sisya kwĩw’a nĩ kũseo kũte nthembo, na kwĩthukĩĩsya nĩ kũseo kũte mathunya ma ndũũme.</verse>
				<verse number="23">Nũndũ ũng’endu nĩ ta naĩ ya ũoi, na kwaa matũ ta ũthaĩthi wa mĩvw’anano na telavimu. Nikwĩthĩwa we nũmileete ndeto ya Yeova, o nake nũkũieete ndũkethiwe mũsumbĩ.</verse>
				<verse number="24">Na Saulo amwĩa Samueli, Nĩnĩvĩtĩtye; nũndũ nĩnivĩtĩtye mwĩao wa Yeova, o na ndeto syaku, nĩkwĩthĩwa nĩnĩnamakĩie andũ, na nĩneethukĩĩsya wasya woo.</verse>
				<verse number="25">Yu ĩndĩ, nĩngũkwĩsũva, ndekea naĩ yakwa, na ũkĩsyokan’ya nakwa, nĩ kana nĩmũthaithe Yeova.</verse>
				<verse number="26">Na Samueli amwĩa Saulo, Ndisyokan’ya naku; nũndũ nũmĩleete ndeto ya Yeova, na Yeova nũkũleete ndũkethĩwe mũsumbĩ wa Isilaeli.</verse>
				<verse number="27">Na Samueli akĩthyũũa athi, Saulo akwata mũthya wa ngũa yake ndasa, nayo yatembũka.</verse>
				<verse number="28">Na Samueli amwĩa, Yeova nũkũvenie ũsumbĩ wa Isilaeli mũnthĩ ũũ, na nũnengie mũtũi waku, ũla mũseo kwĩ we.</verse>
				<verse number="29">Na ĩngĩ Vinya wa Isilaeli ndakakengana kana kwĩalyũla; nũndũ we ti mũndũ, atĩ, akeealyũla.</verse>
				<verse number="30">Nĩvo ĩndĩ waisye, Nĩnĩvĩtĩtye: o na kũilyĩ ũu ndaĩĩthya yu, nĩngũkwĩsũva, kũla kwĩ atumĩa ma andũ makwa, na kũla kwĩ Isilaeli, na ũkĩsyokan’ya nakwa, kana nĩmũthaithe Yeova Ngai waku.</verse>
				<verse number="31">Kwondũ wa ũu Samueli eetulũla amũatĩĩa Saulo; na Saulo athaitha Yeova.</verse>
				<verse number="32">Nĩvo ĩndĩ Samueli waisye, Ndeteei vaa Akaki mũsumbĩ wa Aamaleki. Na Akaki ooka vala ũĩ na mũyo. Na Akaki aasya, Vate ndĩi ũũ wa kĩkw’ũ nĩ mũvĩtu.</verse>
				<verse number="33">Na Samueli asya, O tondũ ũvyũ waku wamakw’ĩthĩsye aka methĩwe mate mwana, o ta ũu inyia waku nũkwĩthĩwa ate mwana katĩ wa aka. Na Samueli amũtilangĩla Akaki ilungu ku Ngilikali Yeova ene.</verse>
				<verse number="34">Na ĩndĩ Samueli athi Lama; na Saulo ambata nyũmba kwake ku Ngivea ya Saulo.</verse>
				<verse number="35">Na Samueli ndaathi ĩngĩ kũmwona Saulo kũvika mũthenya wa kũkw’a kwake; nũndũ Samueli nĩwamũĩĩaa Saulo; na Yeova eelila nũndũ nĩwamũtw’ĩkĩthĩtye Saulo mũsumbĩ wa Isilaeli.</verse>
			</chapter>
			<chapter number="16">
				<verse number="1">Na Yeova amũkũlya Samueli, Ũkamũĩĩa Saulo kũvika ĩndĩĩ, nakwa nĩnĩmũleete ndakethĩwe mũsumbĩ wa Isilaeli? Usũsya ũvya waku mauta, na ũkĩthi: nĩngũũtũma kwa Yese Mũmbethi‐leemu; nũndũ nĩnĩmanthĩe mũsumbĩ ananĩ make.</verse>
				<verse number="2">Na Samueli asya, Ndonya kũthi ata? Ethĩwa Saulo akeew’a ũu, akambũaa. Na Yeova amwĩa, Osa moi ũthi nayo, na ũkyasya, Nĩnooka nĩthembee Yeova.</verse>
				<verse number="3">Na ũkamwĩte Yese oke nthembonĩ, nakwa ngakwon’ya ũndũ wĩĩka: naku ũkamwĩtĩkĩsye mauta kwondũ wakwa we ũla nĩweta kwaku.</verse>
				<verse number="4">Na Samueli eeka o ũla Yeova waneenie, na avika Mbethi‐leemu. Na atumĩa ma ĩ ndũa mathi mamũthaũe makĩtetema, na mamũkũlya, Waetwe nĩ mũuo?</verse>
				<verse number="5">Nake asya, Nĩ mũuo; nĩnooka nĩmũthembee Yeova, ĩvathan’yei mwĩthĩwe atheu, na mũkĩendan’ya nakwa nthembonĩ. Na avathan’ya Yese na ana make, na ameta moke nthembonĩ.</verse>
				<verse number="6">Na kweethĩwa, mavika, amũketeea Eliavu, na asya, Vate ndĩi mwĩtĩkĩw’a mauta wa Yeova e mbee wake.</verse>
				<verse number="7">Ĩndĩ Yeova amwĩa Samueli, Ndũkasisye ũthyũ wake, kana ũtũlu wa kĩũngamo kyake; nĩkwĩthĩwa nyie nĩnĩmũleete: nũndũ Yeova ndasiasya ũndũ mũndũ ũsiasya; nũndũ mũndũ asiasya mũvw’anĩle wa ũtheinĩ, ĩndĩ Yeova asiasya ngoonĩ.</verse>
				<verse number="8">Na ĩndĩ Yese eeta Avinatavu, na amũvĩtĩlya mbee wa Samueli. Nake asya, O na Yeova ndanyuvĩte ũũ.</verse>
				<verse number="9">Na ĩndĩ Yese amũvĩtĩlya Samama. Nake asya, O na Yeova ndanyuvĩte ũũ.</verse>
				<verse number="10">Na Yese amavĩtĩlya ana make mũonza mbee wa Samueli. Na Samueli amwĩa Yese, Yeova ndanyuvĩte aa.</verse>
				<verse number="11">Na Samueli amũkũlya Yese, Ana maku onthe me vaa? Nake asũngĩa, Nĩvatiele o ũla mũnini, na, sisya, nũnũkũĩthya malondu. Na Samueli amwĩa Yese, Tũmana alatw’e; nũndũ tũiĩkala nthĩ mũvaka ooka vaa.</verse>
				<verse number="12">Nake atũmana, na aetwe nthĩnĩ. Na ĩndĩ aĩ mũtune, na vamwe na ũu aĩ ũthyũ mũseo, na mũmbe nesa wa kũsiw’a. Na Yeova asya, Ũkĩla, mwĩtĩkĩsye mauta: nũndũ ũũ nĩwe.</verse>
				<verse number="13">Nĩvo ĩndĩ Samueli wosie ũvya wa mauta, na amwĩtĩkĩsye mauta e katĩ wa ana‐a‐inyia: na Veva wa Yeova ooka na vinya mũnene ĩũlũ wa Ndaviti kuma mũthenya ũsu na kũendeea. Na ĩndĩ Samueli ookĩla, na athi Lama.</verse>
				<verse number="14">Na ĩndĩ Veva wa Yeova amũtia Saulo, na veva mũthũku wumĩte kwa Yeova nĩwamũthĩnasya.</verse>
				<verse number="15">Na athũkũmi ma Saulo mamwĩa, Sisya yu, veva mũthũku wumĩte kwa Ngai nũkũthĩnasya.</verse>
				<verse number="16">Mwĩaĩi waitũ nĩeaĩe yu athũkũmi maku, ala me vo mbee waku, mamanthe mũndũ, mũingi mũĩ wa mbeve: na kũkeethĩwa, yĩla ũla veva mũthũku wumĩte kwa Ngai wĩ ĩũlũ waku, nĩvo ĩndĩ wĩinga na kw’oko kwake, naku ũkavoa.</verse>
				<verse number="17">Na Saulo amea athũkũmi make, Manthĩai yu mũndũ ũla ũtonya kũinga nesa, na mũimũete kwakwa.</verse>
				<verse number="18">Nĩvo ĩndĩ ũmwe wa anake wasũngĩie, na asya, Sisya, nĩnĩmwonete mwana wa Yese Mũmbethi‐leemu, ũla mũĩ wa kũinga, na ngũmbaũ nene, na mũndũ wa kaũ, na mũĩ wa ũneena, na mũmbe nesa; na Yeova e vamwe nake.</verse>
				<verse number="19">Kwondũ wa ũu Saulo atũma atũmwa kwa Yese, na amwĩa, Tũma kwakwa Ndaviti mwana waku, ũla wĩ vamwe na malondu.</verse>
				<verse number="20">Na Yese oosa ĩng’oi yakuĩthw’a imũtũ, na kathatwa ka mbinyu, na katena ka mbũi, na aitũmanĩsya na Ndaviti mwana wake kwa Saulo.</verse>
				<verse number="21">Na Ndaviti avika kwa Saulo, na aũngama mbee wake: nake amwenda mũno; na atw’ĩka mũkui wa mĩio yake ya kaũ.</verse>
				<verse number="22">Na Saulo atũmana kwa Yese, akĩmwĩa, Nĩngũkwĩsũva, ũeke Ndaviti aũngamae mbee wakwa; nũndũ nĩwonete ũseo methonĩ makwa.</verse>
				<verse number="23">Na kweethĩwa, yĩla veva mũthũku wumĩte kwa Ngai waĩ ĩũlũ wa Saulo, nĩvo Ndaviti wosaa mbeve, na akĩinga na kw’oko kwake: kwondũ wa ũu Saulo akĩvuũka, na akĩvoa, na ũla veva mũthũku ũkyuma vala ũĩ.</verse>
			</chapter>
			<chapter number="17">
				<verse number="1">Na ĩndĩ Avilisiti nĩmoombanisye ita syoo syũkite, nao moombanĩe ku Soko, ĩla ya Yuta, na mamba maeema katĩ wa Soko na Aseka, ku Evesi‐ndamimu.</verse>
				<verse number="2">Na Saulo na andũ ma Isilaeli moombana, na mamba maeema mwandanĩ wa Ela, na mataũsya ita mokite na Avilisiti.</verse>
				<verse number="3">Na Avilisiti maũngama kĩĩmanĩ mũingo ũmwe, na Isilaeli maũngama kĩĩmanĩ mũingo ũla ũngĩ: na kwaĩ kyanda katĩ woo.</verse>
				<verse number="4">Na vauma mũkiti mũnene mwakonĩ wa maeema wa Avilisiti, wetawa Ngoliathu, wa Ngathi, ũla kĩũngamo kyake kyaĩ mĩkono thanthatũ na ĩkwata ya kĩtaa.</verse>
				<verse number="5">Nake aĩ na ngovia ya ũthuku mũtwe wake, na eekĩĩte kakoti ka iaa; na ũito wa kakoti waĩ sekeli ngili itano sya ũthuku.</verse>
				<verse number="6">Na aĩ na ngolo sya kaũ sya ũthuku maũũnĩ make, na katumo ka ũthuku katĩ wa ituo.</verse>
				<verse number="7">Na mũtĩ wa ĩtumo yake watilyĩ ta mũamba wa mũtumi wa ngũa; na ũito wa mũthya wa ĩtumo yake waĩ sekeli maana thanthatũ sya kĩaa: na mũkui wa ngao yake aendaa amũtongoesye.</verse>
				<verse number="8">Nake aũngama na anĩĩsya ita sya Isilaeli, na aikũlya, Mumaalĩle kĩ kũtaũsya ita? Nyie ndi Mũvilisiti, nenyu mũti athũkũmi kwa Saulo? Ĩnyuvĩei mũndũ, na natheee kũla nĩĩ.</verse>
				<verse number="9">Ethĩwa atonya kũkita nakwa, na kũmbũaa, nĩvo ĩndĩ twĩtw’ĩka athũkũmi menyu; ĩndĩ ethĩwa ngamũkĩlya vinya, na kũmũaa, mũkatw’ĩka ĩndĩ athũkũmi maitũ, na mũkatũthũkũmaa.</verse>
				<verse number="10">Mũvilisiti asya, Nĩngũvũthya ita sya Isilaeli ũmũnthĩ; nengai mũndũ, nĩ kana tũkite nĩ nake.</verse>
				<verse number="11">Na yĩla Saulo na Isilaeli onthe meewie ndeto isu sya Mũvilisiti, mateva, na meew’a w’ĩa mũno.</verse>
				<verse number="12">Na ĩndĩ Ndaviti aĩ mwana wa ũla Mũevilathi wa Mbethi‐leemu‐yuta, ũla wetawa syĩtwa yake Yese; nake aĩ na ana nyanya: na mũndũ ũsu aĩ mũndũ mũkũũ mĩthenyanĩ ya Saulo, na e wa myaka mingĩ andũnĩ.</verse>
				<verse number="13">Na ala ana atatũ akũũ ma Yese nĩmamũatĩĩĩte Saulo kaũnĩ: na masyĩtwa ma ana make atatũ ala maendie kaũnĩ nĩ Eliavu ĩkithathi, na ũla ũmũatĩĩe nĩ Avinatavu, na wa katatũ nĩ Samama.</verse>
				<verse number="14">Na Ndaviti aĩ ĩlumaita; na asu atatũ akũũ mamũatĩĩĩte Saulo.</verse>
				<verse number="15">Na ĩndĩ Ndaviti aendaa na kũsyokaa kuma kwa Saulo nĩ kana aĩthye malondu ma ĩthe wake ku Mbethi‐leemu.</verse>
				<verse number="16">Na ũla Mũvilisiti athengeeaa kĩoko na wĩoo, na eeyonan’ya mwene mĩthenya mĩongo ĩna.</verse>
				<verse number="17">Na Yese amwĩa Ndaviti mwana wake, Osa yu nũndũ wa ana‐a‐mwenyu eva ya lĩu wa mbaa ngetha mũkaange, na imũtũ ii ĩkũmi, na twaĩa ana‐a‐mwenyu mĩtũkĩ mwakonĩ wa maeema;</verse>
				<verse number="18">na ũkĩtwaĩa kavuteni wa ngili yoo ngũmbwa ĩkũmi sya matulu, na ũisisya ũndũ ana‐a‐mwenyu mailyĩ, na ũkĩete ũvoo woo.</verse>
				<verse number="19">Na ĩndĩ Saulo, namo, na andũ onthe ma Isilaeli, maĩ mwandanĩ wa Ela makyũkita na Avilisiti.</verse>
				<verse number="20">Na Ndaviti ookĩla kĩoko tene, na atia malondu me na mũsũvĩi, na oosa, na athi, o tondũ Yese wamwĩaĩe; nake avika vala vandũ va makasya, o yĩla nguthu ĩla yaendaa kũkita yauasya ngemi nũndũ wa kaũ.</verse>
				<verse number="21">Na Isilaeli na Avilisiti mataũsya ita mokite, ita syelekele ita.</verse>
				<verse number="22">Na Ndaviti atia mũio wake kw’okonĩ kwa mũsũvĩi wa mĩio, na asemba itanĩ, na ooka na akethya ana‐a‐inyia.</verse>
				<verse number="23">Na o yĩla waneenaa nao, sisya, kwaumĩla ũla mũkiti mũnene, Mũvilisiti wa Ngathi, syĩtwa nĩ Ngoliathu, kuma mĩkwĩlĩnĩ ya Avilisiti, na aneena o kwĩanana na ila ndeto: na Ndaviti asyĩw’a.</verse>
				<verse number="24">Na andũ onthe ma Isilaeli, yĩla moonie ũ mũndũ, makũka mamũkĩĩte, na meew’a w’ĩa mũno.</verse>
				<verse number="25">Na andũ ma Isilaeli makũlan’ya, Nĩmũsyaĩtye mũndũ ũũ wambata? Vate ndĩi ambata o kũvũthĩĩsya Isilaeli: na kũkeethĩwa, mũndũ ũla wĩmũaa, mũsumbĩ akamũthusya ũthwii mwingĩ, na akamũnenga mwĩĩtu wake, na kũtw’ĩkĩthya nyũmba ya ĩthe wake ũthasyo nthĩnĩ wa Isilaeli.</verse>
				<verse number="26">Na Ndaviti aneena na andũ ala maũngamĩte vakuvĩ nake, akĩmakũlya, Kũkeekwa ata kwa mũndũ ũla wĩũaa Mũvilisiti ũũ, na kũveta kĩvũthya kyume kwa Isilaeli? Nũndũ Mũvilisiti ũũ ũte mwaĩke nũũ, kana avũthĩĩasye ita sya Ngai ũla wĩ thayũ?</verse>
				<verse number="27">Na andũ mamũsũngĩa o ta ũũ makyasya, Ũũ nĩw’o kwĩĩkwa mũndũ ũla wĩmũaa.</verse>
				<verse number="28">Na Eliavu mwana‐a‐inyia wake ũla mũkũũ eew’a yĩla waneenaa na andũ; na ũthatu wa Eliavu wamwakanĩa Ndaviti, na amũkũlya, Ũtheeie nĩkĩ? Na ũtiie malondu asu mavũthũ naũ ku weũnĩ? Nĩnĩsĩ ngathĩĩo syaku, na ũthũku wa ngoo yaku; Nũndũ ũtheeie kana ũtonye kwona kaũ.</verse>
				<verse number="29">Na Ndaviti akũlya, Neka ata yu? Vati kĩtumi?</verse>
				<verse number="30">Nake eethyũũa amũtia na eelekela ũngĩ, na aneena nake o ta ũla ũndũ: na andũ mamũsũngĩa o ta mbee.</verse>
				<verse number="31">Na yĩla ndeto syeew’ĩkie ila Ndaviti waneenie, nĩmaineenie o ta ũu kũla kwĩ Saulo; nake amũtũmana.</verse>
				<verse number="32">Na Ndaviti amwĩa Saulo, Vaikethĩwe mũndũ ũkw’a ngoo nũndũ wake; mũthũkũmi waku nũnũkũthi na kũkita na Mũvilisiti ũũ.</verse>
				<verse number="33">Na Saulo amwĩa Ndaviti, Ndũtonya kũthi kũkita na Mũvilisiti ũũ; nũndũ wĩ o kĩmwana, nake nĩ mũndũ wa kaũ kuma wana wake.</verse>
				<verse number="34">Na Ndaviti amwĩa Saulo, Mũthũkũmi waku nĩwaĩthasya malondu ma ĩthe; na yĩla kwookaa mũnyambũ, kana nduva, na kũkwata katena ka ĩlondu ndĩthyanĩ,</verse>
				<verse number="35">nauma namĩatĩĩa, na namĩkũna, na kũkavonokya kuma kanyw’anĩ wayo; na yĩla yokĩlaa ĩmbangĩe, ngĩmĩkwata kĩng’ew’a kyayo, na ngĩmĩkũna, ngĩmyũaa.</verse>
				<verse number="36">Mũthũkũmi waku nĩwakũnie syelĩ mũnyambũ na nduva: na Mũvilisiti ũũ ũte mwaĩke akeethĩwa ta imwe yasyo, nũndũ nũvũthĩĩsye ita sya Ngai ũla wĩ thayũ.</verse>
				<verse number="37">Na Ndaviti asya, Yeova ũla wambonokisye kuma kĩthunĩ kya mũnyambũ, na kuma kĩthunĩ kya nduva, akambonokya nume kw’okonĩ kwa Mũvilisiti ũũ. Na Saulo amwĩa Ndaviti, Thi, na Yeova akeethĩwa vamwe naku.</verse>
				<verse number="38">Na Saulo amwĩkĩa Ndaviti ngũa syake, na amwĩkĩa ngovia ya ũthuku mũtwe wake, na amwĩkĩa kakoti ka iaa.</verse>
				<verse number="39">Na Ndaviti eeyova ũvyũ wake ĩũlũ wa ngũa syake, nake atatanga kũthi; nũndũ ndambĩte kwitata. Na Ndaviti amwĩa Saulo, Nditonya kũthi na ii; nũndũ ndyaamba kwitata. Na Ndaviti asyumya.</verse>
				<verse number="40">Na oosa ndata yake na kw’oko kwake, na eenyuvĩa mavia atano matendeu kalũsĩnĩ, na amekĩa ngusunĩ ya mũĩthi ĩla waĩ nayo, o ngusunĩ yake; na kĩkũtha kyake kyaĩ kw’okonĩ kwake: na amũthengeea Mũvilisiti.</verse>
				<verse number="41">Na ũla Mũvilisiti ookanga na athengeea Ndaviti; na mũndũ ũla wakuĩte ngao aenda mbee wake.</verse>
				<verse number="42">Na yĩla Mũvilisiti wasyaisye kũũ na kũũ, na amwona Ndaviti, amũmonda; nũndũ aĩ o kĩmwana, na mũtune, na vamwe na ũu aĩ na ũthyũ mũseo.</verse>
				<verse number="43">Na Mũvilisiti amwĩa Ndaviti, Nyie nĩ ngitĩ, kana ũmbũkĩe na ndata? Na Mũvilisiti amũumanĩa Ndaviti kwa ngai syake.</verse>
				<verse number="44">Na Mũvilisiti amwĩa Ndaviti, Ũka vaa nĩĩ, nakwa nĩngũnenga nyũnyi sya yayaya, na nyamũ sya kĩtheka mwĩĩ waku.</verse>
				<verse number="45">Na ĩndĩ Ndaviti amwĩa Mũvilisiti, We wĩmbũkĩa na ũvyũ, na ĩtumo, na katumo: ĩndĩ nyie nĩkũkĩa na syĩtwa ya Yeova wa nguthu, Ngai wa ita sya Isilaeli, ũla ũvũthĩĩsye.</verse>
				<verse number="46">Mũthenya ũũ Yeova nũkũũnengane kw’okonĩ kwakwa; na nĩngũũkũna, na ngĩtila mũtwe waku; na nĩngwinenga nyũnyi sya yayaya, na nyamũ mbai sya nthĩ, simba sya nguthu ya Avilisiti ũmũnthĩ; nĩ kana nthĩ yonthe ĩmanye kana ve Ngai nthĩnĩ wa Isilaeli,</verse>
				<verse number="47">na nĩ kana ĩkomano yĩĩ yonthe yĩtonye kũmanya kana Yeova ndatangĩĩaa na ũvyũ na ĩtumo: nũndũ ũ kaũ nĩ wa Yeova, na nũkũmũnengane mokonĩ maitũ.</verse>
				<verse number="48">Na kweethĩwa, yĩla Mũvilisiti wokĩlile, na ooka na athengeea akomane na Ndaviti, Ndaviti eekalaata, na asemba elekele ita akomane na Mũvilisiti.</verse>
				<verse number="49">Na Ndaviti eekĩa kw’oko kwake ngusunĩ yake, na aumya ĩvia vo, na ayĩkya na kĩkũtha, na amũkimĩla ũla Mũvilisiti kĩtulyanĩ; na ĩvia yalika nthĩnĩ wa kĩtulya kyake, nake avalũka nthĩ na ũthyũ wake.</verse>
				<verse number="50">Ũu nĩw’o Ndaviti wakĩlilye ũla Mũvilisiti vinya na kĩkũtha na ĩvia, na amũkũna Mũvilisiti, na amũaa; ĩndĩ vatyaĩ ũvyũ kw’okonĩ kwa Ndaviti.</verse>
				<verse number="51">Na ĩndĩ Ndaviti asemba, na aũngamĩĩa ũla Mũvilisiti, na oosa ũvyũ wake, na ookũa ndoonĩ yaw’o, na amũaa, na amũtila mũtwe naw’o. Na yĩla Avilisiti moonie kana mũkiti mũnene woo nĩwakw’a, makũka makĩa.</verse>
				<verse number="52">Na andũ ma Isilaeli na ma Yuta mookĩla, na mausya ngemi, na mamakũa Avilisiti kũvika ũlikĩlonĩ wa Ngathi, na kũvika mbingĩlonĩ sya Ekiloni. Na ala okite ma Avilisiti mavalũkanga nzĩanĩ kũvika Saalaimu, o kũvika Ngathi, na kũvika Ekiloni.</verse>
				<verse number="53">Na ana ma Isilaeli masyoka kuma kũmalũngya Avilisiti, nao moosa mũtavo mwakonĩ woo wa maeema.</verse>
				<verse number="54">Na Ndaviti oosa mũtwe wa ũla Mũvilisiti, na ooete Yelusaleme; ĩndĩ ĩ mĩio yake ya kaũ aia ĩeemanĩ yake.</verse>
				<verse number="55">Na yĩla Saulo wonie Ndaviti akĩthi kũkita na ũla Mũvilisiti, amũkũlilye Avineli, kavuteni wa nguthu, Avineli, kĩmwana kĩĩ nĩ mwana waũ? Na Avineli asũngĩa, O tondũ kyuu kyaku kĩ thayũ, we mũsumbĩ, nditonya kũmanya.</verse>
				<verse number="56">Na mũsumbĩ asya, Kũlya ũ mwanake nĩ mwana waũ.</verse>
				<verse number="57">Na yĩla Ndaviti wasyokete kuma kũaa ũla Mũvilisiti, Avineli amwosa, na amũete mbee wa Saulo e na mũtwe wa ũla Mũvilisiti kw’okonĩ kwake.</verse>
				<verse number="58">Na Saulo amũkũlya, Wĩ mwana waũ, we mwanake? Na Ndaviti asũngĩa, Nyie nĩ mwana wa mũthũkũmi waku Yese Mũmbethi‐leemu.</verse>
			</chapter>
			<chapter number="18">
				<verse number="1">Na kweethĩwa, yĩla waminie kũneena na Saulo, ngoo ya Yonathani yakwatana na ngoo ya Ndaviti, na Yonathani amwenda o tondũ wĩyendete mwene.</verse>
				<verse number="2">Na Saulo amwosa mũthenya ũsu, na ndaaĩtĩkĩla kũmũeka enũke ĩngĩ nyũmbanĩ kwa ĩthe wake.</verse>
				<verse number="3">Nĩvo ĩndĩ Yonathani na Ndaviti matianĩe ũtianĩo, nĩkwĩthĩwa nĩwamwendie o tondũ wĩyendete mwene.</verse>
				<verse number="4">Na Yonathani aumya ngũa ndasa ĩla wekĩe, na ngũa syake, o na kũvika ũvyũ wake, na ũta wake, na mũsivi wake, na amũnenga Ndaviti.</verse>
				<verse number="5">Na Ndaviti aendaa o vala Saulo wamũtũmaa, na eeyĩkalya na kĩlĩko: na Saulo amwia ĩũlũ wa andũ ma kaũ, na waĩ ũseo woninĩ wa andũ onthe, na o wonini wa athũkũmĩ ma Saulo.</verse>
				<verse number="6">Na kweethĩwa yĩla menũkĩte, yĩla Ndaviti wasyokete kuma kũaa ũla Mũvilisiti, aka mauma ndũanĩ syonthe sya Isilaeli, makina na makĩsũnga, mamũthaũe mũsumbĩ Saulo matanĩte, me na tũthembe, na me na syĩndũ sya kũinga.</verse>
				<verse number="7">Na ala aka maina makĩtĩkĩanĩsya makĩinga, makyasya, Saulo nĩwũaĩte ngili syake, Na Ndaviti ngili syake makũmi.</verse>
				<verse number="8">Na Saulo aĩ mũthilĩku mũno, na ndeto isu syamwĩw’ĩthya woo; nake asya, Nĩmatalĩla Ndaviti ngili makũmi, na mandalĩla o ngili: na atonya kwĩthĩwa na kĩngĩ kyaũ ate o ũsumbĩ?</verse>
				<verse number="9">Na kuma mũthenya ũsu na kũendeea Saulo amũsiasya Ndaviti na itho ĩthũku.</verse>
				<verse number="10">Na kweethĩwa ũnĩ ũsu, veva mũthũku wumĩte kwa Ngai wooka na vinya mũnene ĩũlũ wa Saulo, na athana e nyũmbanĩ nthĩnĩ: na Ndaviti ainga na kw’oko kwake, o tondũ wekaa o kĩla mũthenya. Na Saulo aĩ na ĩtumo yake kw’okonĩ kwake;</verse>
				<verse number="11">na Saulo ekya ĩtumo; nũndũ aisye, Nĩmũtonyanĩsye Ndaviti na wako. Na Ndaviti eevonokya vala ũĩ kelĩ.</verse>
				<verse number="12">Na Saulo nĩwamũkĩaa Ndaviti, nĩkwĩthĩwa Yeova aĩ vamwe nake, na nĩwamũekete Saulo.</verse>
				<verse number="13">Kwondũ wa ũu Saulo amumya kwake, na amũtw’a kavuteni wake wa andũ ngili; nake aumaalaa na akĩsyoka e mbee wa andũ.</verse>
				<verse number="14">Na Ndaviti eeyĩkalya na kĩlĩko mĩendelenĩ yake yonthe; na Yeova aĩ vamwe nake.</verse>
				<verse number="15">Na yĩla Saulo wonie kana nĩweyĩkalilye na kĩlĩko mũno, ekala akĩmũkĩa.</verse>
				<verse number="16">Ĩndĩ Isilaeli onthe na Yuta nĩmamwendaa Ndaviti; nũndũ nĩwaumaalaa na kũsyokaa e mbee woo.</verse>
				<verse number="17">Na Saulo amwĩa Ndaviti, Sisya, mwĩĩtu wakwa ũla mũkũũ Melavu, nĩwe nĩkũnenga ethĩwe mũkau: ĩndĩ no wĩthĩwe wĩ na ũkũmbaũ nũndũ wakwa, na ũkyũkitĩthasya makaũ ma Yeova. Nũndũ Saulo aisye, Kw’oko kwakwa kũikethĩwe ĩũlũ wake, ĩndĩ kw’oko kwa Avilisiti kwĩthĩwe ĩũlũ wake.</verse>
				<verse number="18">Na Ndaviti amũkũlya Saulo, Nyie nĩ ũũ, na thayũ wakwa nĩ kyaũ, kana mũvĩa wa asa wakwa nthĩnĩ wa Isilaeli, kana nĩtw’ĩke mũthoni wa mũsumbĩ?</verse>
				<verse number="19">Ĩndĩ kweethĩwa atĩ ĩvinda yĩla Melavu, mwĩĩtu wa Saulo, waĩlĩte kũnengwa Ndaviti, anengwa Atilieli Mũmeolathi ethĩwe mũka.</verse>
				<verse number="20">Na Mikali, mwĩĩtu wa Saulo, amwendete Ndaviti: namo mamũtavya Saulo, na ũndũ ũsu wamwendeesya.</verse>
				<verse number="21">Na Saulo asya, Ngamũnenga we, kana atw’ĩke kĩtei kwake, na kana kw’oko kwa Avilisiti kwĩthĩwe ĩũlũ wake. Kwondũ wa ũu Saulo amwĩa Ndaviti, Mũthenya ũũ nũkũtw’ĩka mũthonua ĩvinda ya kelĩ.</verse>
				<verse number="22">Na Saulo eeaĩa athũkũmi make, akĩmea, Neenan’yai na Ndaviti mwĩ nzama, na mũkĩmwĩa, Sisya, mũsumbĩ nũnũũkũtanĩa, na athũkũmi make onthe nĩmakwendete: yu kwondũ wa ũu tw’ĩka mũthoni wa mũsumbĩ.</verse>
				<verse number="23">Na athũkũmi ma Saulo matonyeesya ndeto isu matũnĩ ma Ndaviti. Na Ndaviti akũlya, Kwĩoneka kwenyu ta ũndũ ũvũthũ kũtw’ĩka mũthoni wa mũsumbĩ, nakwa nĩ mũndũ ngya, na ũtalawa ta vathei?</verse>
				<verse number="24">Na athũkũmi ma Saulo mamũtavya, makyasya, Ndaviti aneenie ũndũ ũtilyĩ ũu.</verse>
				<verse number="25">Na Saulo asya, Ũũ nĩw’o mwĩmũtavya Ndaviti, Mũsumbĩ ndekwenda ngasya o na yĩva, ĩndĩ no ikonde sya mbinũ sya Avilisiti ĩana, aĩvanĩw’e kwa amaitha ma mũsumbĩ. Na ĩndĩ Saulo asũanĩaa kũmũvalũkĩthya Ndaviti na moko ma Avilisiti.</verse>
				<verse number="26">Nayĩla athũkũmi make matavisye Ndaviti ndeto isu, nĩkwamwendeesye Ndaviti mũno kũtw’ĩka mũthoni wa mũsumbĩ. Na mĩthenya ndĩaathela;</verse>
				<verse number="27">na Ndaviti ookĩla na athi, we na andũ make, na amoaa ma Avilisiti andũ maana elĩ; na Ndaviti aete ikonde sya mbinũ syoo, na mainengane na ũtalo wĩanĩe kwa mũsumbĩ, nĩ kana atonye kũtw’ĩka mũthoni wa mũsumbĩ. Na Saulo amũnenga Mikali mwĩĩtu wake ethĩwe mũka.</verse>
				<verse number="28">Na Saulo oona na amanya kana Yeova aĩ vamwe na Ndaviti; na Mikali, mwĩĩtu wa Saulo, nĩwamwendete.</verse>
				<verse number="29">Na Saulo amũkĩa Ndaviti mũno mbee; na Saulo aĩ mũmaitha wa Ndaviti ĩndĩ yonthe.</verse>
				<verse number="30">Na ĩvinda yĩu anene ma mbee ũsumbĩnĩ ma Avilisiti maumaala: na kweethĩwa, o yĩla maumaalaa, Ndaviti eeyĩkalasya na kĩlĩko kĩnene kũte athũkũmi onthe ma Saulo; kũvika syĩtwa yake yataĩĩwa mũno.</verse>
			</chapter>
			<chapter number="19">
				<verse number="1">Na Saulo aneena na Yonathani mwana wake, na athũkũmi make onthe, mamũae Ndaviti. Ĩndĩ Yonathani, mwana wa Saulo, nĩwamũtanĩaa Ndaviti mũno.</verse>
				<verse number="2">Na Yonathani amũtavya Ndaviti, akĩmwĩa, Saulo ĩthe wakwa nũnũũmantha ũkũaa: yu ĩndĩ, nĩngũkwĩsũva, wĩĩsũvĩa ũnĩ kĩoko, na kwĩkala wĩvithonĩ, ũkĩvitha mwene:</verse>
				<verse number="3">nakwa ngaumaala na ngĩũngama vakuvĩ na asa wakwa kĩsesinĩ vala ũĩ, na nganeenan’ya na asa ũndũ waku; na ethĩwa ngoona ũndũ, ngakũtavya.</verse>
				<verse number="4">Na Yonathani aneenea Ndaviti nesa kwa Saulo ĩthe wake, na amwĩa, Mũsumbĩ ndakavĩtanĩsye mũthũkũmi wake, o Ndaviti; nĩkwĩthĩwa we ndakũvĩtanĩsye, na nĩkwĩthĩwa mawĩa make makwelekele nĩmethĩĩtwe maseo mũno:</verse>
				<verse number="5">nũndũ nĩwaiie thayũ wake kw’okonĩ kwake, na akũna ũla Mũvilisiti, na Yeova eeka ũkĩlyo mũnene ũndũ wa Isilaeli onthe: we nĩwoonie ũu, na watana; nũndũ wa kĩ ĩndĩ ũkwenda kũvĩtanĩsya nthakame ĩte ĩvĩtyo, ũae Ndaviti vate kĩtumi?</verse>
				<verse number="6">Na Saulo eethukĩĩsya wasya wa Yonathani: na Saulo eevĩta, O tondũ Yeova wĩ thayũ, ndakoawa.</verse>
				<verse number="7">Na Yonathani amwĩta Ndaviti, na Yonathani amwon’ya maũndũ asu onthe. Na Yonathani amũete Ndaviti kũla kwĩ Saulo, nake aĩ mbee wake, o ta tene.</verse>
				<verse number="8">Na kwaĩ kaũ ĩngĩ: na Ndaviti aumaala, na okita na Avilisiti, na amoaa ũai mũnene; namo makũka mamũkĩĩte.</verse>
				<verse number="9">Na veva mũthũku wumĩte kwa Yeova waĩ ĩũlũ wa Saulo, yĩla wekalĩte nyũmbanĩ yake e na ĩtumo yake kw’okonĩ kwake; na Ndaviti nĩwaingaa na kw’oko kwake.</verse>
				<verse number="10">Na Saulo amantha kũmũtonyanĩsya Ndaviti na wako na ĩtumo yake; ĩndĩ eevonokya kuma vala Saulo ũĩ, nake atonya wako na ĩtumo: na Ndaviti akũka, na aindũka ũtukũ ũsu.</verse>
				<verse number="11">Na Saulo atũma atũmwa nyũmbanĩ kwa Ndaviti, makamũsyaĩĩsye, na kũmũaa kĩoko: na Mikali, mũka wa Ndaviti, amũtavya, akyasya, Ethĩwa ndũũtangĩĩa thayũ waku ũtukũ ũũ, ũnĩ ũkooawa.</verse>
				<verse number="12">Na ĩndĩ Mikali amũtheelelya Ndaviti mbũthinĩ: nake athi, na akũka, na avonoka.</verse>
				<verse number="13">Na Mikali oosa mũvw’anano wĩtawa telavimu, na awia ũkomonĩ, na aia mũto wa w’ĩa wa mbũi mũtwenĩ waw’o, na oovw’ĩka ngũa.</verse>
				<verse number="14">Na yĩla Saulo watũmie atũmwa makamũkwate Ndaviti, asya, Nĩ mũwau.</verse>
				<verse number="15">Na Saulo atũma ala atũmwa makasisye Ndaviti, akĩmea, Mwambatyei kũũ nĩĩ e ũkomonĩ, nĩ kana ndonye kũmũaa.</verse>
				<verse number="16">Na yĩla ala atũmwa malikile nthĩnĩ, sisya, telavimu waĩ ũkomonĩ wĩ na mũto wa w’ĩa wa mbũi mũtwe waw’o.</verse>
				<verse number="17">Na Saulo amũkũlya Mikali, Nĩkĩ ũngengie ta ũu, na waeka mũmaitha wakwa athi, na ĩndĩ avonoka? Na Mikali asũngĩa Saulo, We ambĩie, Eka nĩthi; nĩkũaĩa kĩ?</verse>
				<verse number="18">Na ĩndĩ Ndaviti akũka, na aindũka, na avika kwa Samueli ku Lama, na amũtavya onthe ala Saulo wamwĩkie. Nake na Samueli mathi na matũa Naiothi.</verse>
				<verse number="19">Na kwatavanw’a kwa Saulo, kũkyaw’a, Sisya, Ndaviti e Naiothi yĩ Lama.</verse>
				<verse number="20">Na Saulo atũma atũmwa makamũkwate Ndaviti: na yĩla moonie nguthu ya athani ĩkyathana, na Samueli aũngamĩte e mũtongoi woo, Veva wa Ngai ooka ĩũlũ wa atũmwa ma Saulo, na o namo mathana.</verse>
				<verse number="21">Na yĩla kwatavaniw’e kwa Saulo, atũma atũmwa angĩ, na o namo mathana. Na Saulo atũma atũmwa ĩngĩ ĩvinda ya katatũ, na o namo mathana.</verse>
				<verse number="22">Na ĩndĩ o nake athi ku Lama, na avika kĩthimanĩ kĩnene kĩla kĩ ku Seku: nake akũlya akyasya, Samueli na Ndaviti maĩva? Na ũmwe asya, Sisya, me Naiothi yĩ Lama.</verse>
				<verse number="23">Nake athi vau Naiothi yĩ Lama: na Veva wa Ngai ooka ĩũlũ wake nake, na aendeea mbee, na akyathana, mũvaka avika Naiothi yĩ Lama.</verse>
				<verse number="24">Na ũndũ ũngĩ aumya ngũa syake, nake athana e mbee wa Samueli, na akoma nthĩ e mũthei mũthenya ũsu w’onthe na ũtukũ ũsu w’onthe. Kwondũ wa ũu maneenanasya, Saulo nake e o katĩ wa athani?</verse>
			</chapter>
			<chapter number="20">
				<verse number="1">Na Ndaviti akĩa auma Naiothi yĩ Lama, na ooka na aneena mbee wa Yonathani, Nĩkĩte ata? Ũthũku wakwa nĩ mwaũ? Na naĩ yakwa nĩ myaũ kũla kwĩ au, kana amanthe thayũ wakwa?</verse>
				<verse number="2">Nake amwĩa, Ũu wĩthĩwe kũasa; we ndũkakw’a: sisya, asa ndekaa ũndũ ũnene o na ũnini, ate o ambumbũĩe w’o; na asa embithĩa ũndũ ũũ kĩ? Ũu ti w’o.</verse>
				<verse number="3">O na ĩngĩ Ndaviti eevĩta, na asya, Au nĩwĩsĩ nesa kana nĩnonete ũseo methonĩ maku; na easya, Yonathani ndakamanye ũũ, ndakese kwĩw’a woo: ĩndĩ w’o o tondũ Yeova wĩ thayũ, na o tondũ kyuu kyaku kĩ thayũ, no ĩtambya yĩ katĩ wakwa na kĩkw’ũ.</verse>
				<verse number="4">Nĩvo ĩndĩ Yonathani wamĩie Ndaviti, O ũndũ ũla ngoo yaku ĩnĩkwenda, ngakwĩka o w’o.</verse>
				<verse number="5">Na Ndaviti amwĩa Yonathani, Sisya, ũnĩ nĩ mũtiso wa mwei, na ndyaĩlwe nĩ kũtĩa kwĩkala vamwe na mũsumbĩ lĩunĩ: ĩndĩ eka nĩthi, ngevithe kĩthekanĩ kũvika mũthenya wa katatũ wĩoo.</verse>
				<verse number="6">Ethĩwa au akesa kwona nde vo, nĩvo ĩndĩ wĩasya, Ndaviti anangũlilye ũthei mũno kana asembe ku Mbethi‐leemu ndũanĩ kwoo; nũndũ kwĩ nthembo ya kĩla mwaka kw’o kwondũ wa mũvĩa w’onthe.</verse>
				<verse number="7">Ethĩwa akasya atĩĩ, Nĩ ũseo; mũthũkũmi waku akeethĩwa na mũuo: ĩndĩ ethĩwa akeethĩwa na ũthilĩku, manya ĩndĩ kana ũthũku nũtw’ĩtwe nĩwe.</verse>
				<verse number="8">Kwondũ wa ũu ĩka mũthũkũmi waku nesa; nũndũ nũmũlikĩtye mũthũkũmi waku ũtianĩonĩ wa Yeova vamwe naku: ĩndĩ ethĩwa ve ũthũku nthĩnĩ wakwa, mbũaa eue; nũndũ wĩndwaa kũla kwĩ au nĩkĩ?</verse>
				<verse number="9">Na Yonathani amwĩa, Ũu wĩthĩwe kũasa naku; nũndũ kethĩwa nĩthĩwa nĩsĩ kana ũthũku nũtw’ĩtwe nĩ asa wakwa wũke kwaku, nyie ĩndĩ ndikũtavya?</verse>
				<verse number="10">Na ĩndĩ Ndaviti amũkũlya Yonathani, Nũũ ũla wĩndavya ethĩwa au akakũsũngĩa na vinya?</verse>
				<verse number="11">Na Yonathani amwĩa Ndaviti, Ũka, tũthi kĩsesinĩ. Na maenda me elĩ kĩsesinĩ.</verse>
				<verse number="12">Na Yonathani amwĩa Ndaviti, Yeova, Ngai wa Isilaeli, nĩethĩwe ngũsĩ: yĩla nĩĩthĩwa nĩmũthimĩte asa wakwa ĩvinda ta yĩĩ ũnĩ, kana mũthenya wa katatũ, sisya, ethĩwa nĩvethĩwa ũseo welekele Ndaviti, nyie ndikatũmana ĩndĩ kwaku, na ngĩkumbũĩa?</verse>
				<verse number="13">Yeova eke ũu kwa Yonathani, o na mbee, kũkethĩwa kwendeesya asa wakwa akwĩke naĩ, ethĩwa ndikakumbũĩa, na ngĩũeka ũthi, nĩ kana ũende na mũuo: na Yeova ethĩwe vamwe naku, o tondũ wĩthĩĩtwe na asa wakwa.</verse>
				<verse number="14">Na ti o yĩla nĩ thayũ ũkambon’ya ũseo wĩ wendo wa Yeova, kana ndikakw’e;</verse>
				<verse number="15">ĩndĩ o na ĩngĩ ndũkaavete ũseo waku nyũmbanĩ yakwa tene na tene; aiee, o na yĩla Yeova ũkethĩwa amavetete amaitha ma Ndaviti kĩla ũmwe aume kũũ nthĩ.</verse>
				<verse number="16">Kwondũ wa ũu Yonathani atianĩa ũtianĩo na nyũmba ya Ndaviti, akyasya, Na Yeova nũkaandũa ũndũ ũũ kw’okonĩ kwa amaitha ma Ndaviti.</verse>
				<verse number="17">Na Yonathani atuma Ndaviti evĩta ĩngĩ, nũndũ wa wendo ũla waĩ naw’o kwake; nũndũ amwendete o tondũ wĩyendete mwene.</verse>
				<verse number="18">Na ĩndĩ Yonathani amwĩa, Ũnĩ nĩ mũtiso wa mwei: naku ũkooneka ũte vo, nĩkwĩthĩwa kĩvĩla kyaku kĩkeethĩwa kĩ kĩthei.</verse>
				<verse number="19">Na yĩla wĩĩthĩwa wĩkalĩte mĩthenya ĩtatũ, wĩtheea mĩtũkĩ, na ũkyũka vala vandũ weevithĩte yĩla maũndũ asu masiaw’a, na wĩĩkala vakuvĩ na ĩvia Eseli.</verse>
				<verse number="20">Nakwa ngekya mĩsyĩ ĩtatũ ũtee wayo, ta ngũathaa vandũ.</verse>
				<verse number="21">Na, sisya, ngatũma kamwana, ngĩkea, Enda, ũmanthe mĩsyĩ. Ethĩwa ngakea kamwana, Sisya, mĩsyĩ yĩ ngalĩ ĩno yaku; myose, na ũkyũka; nũndũ ve mũuo kwaku na vati ũthũku, o tondũ Yeova wĩ thayũ.</verse>
				<verse number="22">Ĩndĩ ethĩwa ngatavya kamwana atĩĩ, Sisya, mĩsyĩ yĩ mbee waku; wĩĩendea; nũndũ Yeova nũkũtumĩte ũthi.</verse>
				<verse number="23">Na ũndũ wa ũvoo ũla we nakwa tũnaneenanisye, sisya, Yeova e katĩ wakwa naku tene na tene.</verse>
				<verse number="24">Kwondũ wa ũu Ndaviti eevitha kĩthekanĩ: na yĩla mũtiso wa mwei wavikie, mũsumbĩ ekala nthĩ aye lĩu.</verse>
				<verse number="25">Na mũsumbĩ ekala kĩvĩlanĩ kyake, ta mavinda ala angĩ, o kĩvĩlanĩ vakuvĩ na wako; na Yonathani aũngama, na Avineli ekalĩte vakuvĩ na Saulo: ĩndĩ vandũ va Ndaviti vaĩ vathei.</verse>
				<verse number="26">Ĩndĩ Saulo ndaaneena ũndũ mũthenya ũsu: nũndũ asũanĩie, Ve ũndũ ũmũkwatĩte, ti mũtheu; vate ndĩi ti mũtheu.</verse>
				<verse number="27">Na kweethĩwa ũnĩ ũsu ĩtina wa mũtiso wa mwei, ũla waĩ mũthenya wa kelĩ, atĩ vandũ va Ndaviti vaĩ vathei: na Saulo akũlya Yonathani mwana wake, Nũndũ wa kĩ mwana wa Yese ũtaneũka lĩunĩ, ĩoo, o na ũmũnthĩ?</verse>
				<verse number="28">Na Yonathani amũsũngĩa Saulo, Ndaviti anangũlilye mũno ũthei wa kũthi Mbethi‐leemu:</verse>
				<verse number="29">na anaisye, Eka nĩthi, nĩngũkwĩsũva; nũndũ mũvĩa witũ wĩ na nthembo ndũanĩ; na mwana‐a‐ia, nũnambĩaĩe nĩthĩwe vo: na yu, ethĩwa nĩnonie ũseo methonĩ maku, eka nĩthi, nĩngũkwĩsũva, ngamone ana‐a‐asa. Kwondũ wa ũu ndokĩte mesanĩ ya mũsumbĩ.</verse>
				<verse number="30">Nĩvo ĩndĩ ũthatu wa Saulo wamwakanĩe Yonathani, na amwĩa, We mwana wa kĩveti kĩema na kĩng’endu, nyie ndyĩsĩ kana we nĩweenyuvĩe mwana wa Yese kwa nthoni syaku mwene, na sya mwenyu e mũthei.</verse>
				<verse number="31">Nũndũ o yĩla mwana wa Yese wĩ thayũ kũũ nthĩ, we ndũkalũlũmĩlw’a, o na ũsumbĩ waku. Kwondũ wa ũu yu tũmana na ũimũete kwakwa, nũndũ we vate ndĩi akakw’a.</verse>
				<verse number="32">Na Yonathani amũsũngĩa Saulo ĩthe wake, na amũkũlya, Nũndũ wa kĩ waĩle kũawa? Ekĩte ata?</verse>
				<verse number="33">Na Saulo amwĩkya ĩtumo yake amũtonye; kwondũ wa ũu Yonathani amanya kana nĩkwatw’ĩtwe nĩ ĩthe wake kũmũaa Ndaviti.</verse>
				<verse number="34">Kwondũ wa ũu Yonathani ookĩla kuma mesanĩ e na ũthatu mwai, na ndaaya lĩu mũthenya wa kelĩ wa mwei; nũndũ nĩwewie woo nũndũ wa Ndaviti, nĩkwĩthĩwa ĩthe wake nĩwamũsonoketye.</verse>
				<verse number="35">Na kweethĩwa kĩoko kyu, atĩ Yonathani aumaala kĩsesinĩ e na kamwana ĩvinda yĩla ũtw’ĩte na Ndaviti.</verse>
				<verse number="36">Na atavya kamwana kake, Semba, mantha yu mĩsyĩ ĩla ngwĩkya. Na kamwana kakĩsemba, ekya mũsyĩ mbee wako.</verse>
				<verse number="37">Na yĩla kamwana kavikie vandũ vala ve mũsyĩ ũla Yonathani wekĩtye, Yonathani anĩĩsya kamwana, na asya, Mũsyĩ ti ũsu mbee waku?</verse>
				<verse number="38">Na Yonathani anĩĩsya kamwana, Semba mĩtũkĩ, ĩkalaate, ndũkekale. Na kamwana ka Yonathani koomban’ya mĩsyĩ; na kooka kwa vwana wako.</verse>
				<verse number="39">Ĩndĩ kamwana katyaamanya ũndũ o na wĩva: no Yonathani na Ndaviti meesi ũndũ ũsu.</verse>
				<verse number="40">Na Yonathani anenga kamwana kake mĩio yake ya kaũ, na akea, Enda, ũtwae ndũanĩ.</verse>
				<verse number="41">Na o yĩla kamwana kaĩ kanathi, Ndaviti ookĩla kuma vandũ kwelekela ngalĩ ya Ĩtheo, na avalũka nthĩ na ũthyũ wake, na eekunamya mavinda atatũ: na mamumunyana, na maĩanĩa ene kwa ene, kũvika Ndaviti aĩa avĩtũkya.</verse>
				<verse number="42">Na Yonathani amwĩa Ndaviti, Thi na mũuo, nũndũ twevĩtie ithyelĩ syĩtwanĩ ya Yeova, tũkyasya, Yeova akeethĩwa katĩ wakwa naku, na katĩ wa ũsyao wakwa na ũsyao waku, tene na tene. Nake ookĩla athi: na Yonathani athi ndũanĩ.</verse>
			</chapter>
			<chapter number="21">
				<verse number="1">Nĩvo ĩndĩ Ndaviti wokie Novu kwa mũthembi Aimeleki: na Aimeleki ooka amũthaũe Ndaviti akĩtetema, na amũkũlya, Nĩkĩ wĩ weka, na vati mũndũ wĩ vamwe naku?</verse>
				<verse number="2">Na Ndaviti amwĩa mũthembi Aimeleki, Mũsumbĩ nũmbĩaĩe ũndũ, na nũmbĩie, Mũndũ o na wĩva ndakamanye ũndũ o na wĩva wa wĩa ũla ngũũtũmĩa, na ũndũ ngwĩaĩĩte: nakwa nĩniĩte anake vandũ vana na vana.</verse>
				<verse number="3">Yu ĩndĩ kĩla wĩ nakyo kw’okonĩ kwaku nĩ kyaũ? Nenga kw’okonĩ kwakwa imũtũ itano, kana o kĩla kĩ vo.</verse>
				<verse number="4">Na mũthembi amũsũngĩa Ndaviti, na amwĩa, Vati imũtũ ite ntheu kw’okonĩ kwakwa, ĩndĩ ve imũtũ ntheu; no ethĩwa anake mesiĩĩe na aka.</verse>
				<verse number="5">Na Ndaviti amũsũngĩa mũthembi, na amwĩa, Nĩ w’o, aka nĩmasiĩĩĩkĩte vala tũĩ vandũ va mĩthenya ĩno ĩtatũ; yĩla naumie, mĩĩ ya anake yaĩ mĩtheu, o na kau kyaĩ o kyalo kya myangangĩle; nĩ veana ata mbee ĩndĩ ũmũnthĩ mĩĩ yoo yĩĩthĩwa yĩ mĩtheu?</verse>
				<verse number="6">Kwondũ wa ũu mũthembi amũnenga imũtũ ntheu; nũndũ vatyaĩ imũtũ vau ate o imũtũ ila siĩawa Yeova, ila syaumiwe mbee wa Yeova, kwĩkĩa imũtũ mbyũ mũthenya ũla syavetiwe.</verse>
				<verse number="7">Na ĩndĩ mũndũ ũmwe wa athũkũmi ma Saulo aĩ vo mũthenya ũsu, asiĩĩĩkĩte mbee wa Yeova; na syĩtwa yake eetawa Ndoeki Mũetomu, mũnene mbee wa aĩthi ala maĩ ma Saulo.</verse>
				<verse number="8">Na Ndaviti akũlya Aimeleki, Na vaa vatyĩthĩwa ĩtumo kw’okonĩ kwaku kana ũvyũ? Nũndũ ndineekua ũvyũ wakwa kana mĩio yakwa ya kaũ, nĩkwĩthĩwa wĩa wa mũsumbĩ wĩendwa ũkalaatwe.</verse>
				<verse number="9">Na mũthembi amwĩa, Ũvyũ wa Ngoliathu Mũvilisiti, ũla wamũaĩe mwandanĩ wa Ela, sisya, wĩ vaa ũvw’ĩkĩtwe ngũa mbĩlĩlo wa evoti: ethĩwa ũkenda kwosa ũsu, wose; nũndũ vati ũngĩ ate o ũsu vaa. Na Ndaviti asya, Vati ũngĩ ũtilyĩ ta ũsu; nenga w’o.</verse>
				<verse number="10">Na Ndaviti ookĩla, na akũka mũthenya ũsu nũndũ wa kũkĩa Saulo, na athi kwa Akisi, mũsumbĩ wa Ngathi.</verse>
				<verse number="11">Na athũkũmi ma Akisi mamwĩa, Ũũ ti Ndaviti mũsumbĩ wa ĩ nthĩ? Matyaaina makĩtĩkĩanĩsya ene kwa ene ũndũ wake makĩsũnga, makyasya, Saulo nĩwũaĩte ngili syake, Na Ndaviti ngili syake makũmi?</verse>
				<verse number="12">Na Ndaviti aia ndeto isu ngoonĩ yake, na amũkĩa Akisi, mũsumbĩ wa Ngathi, mũno.</verse>
				<verse number="13">Na aalyũka mwĩkalĩle wake kwamo, na eeyĩkalya mwene mokonĩ moo ta wĩ na ndũũka, na akalakalya mĩomonĩ ya mbingĩlo, na aeka ũta wake ũnyũlũlũke kĩng’ew’anĩ kyake.</verse>
				<verse number="14">Nĩvo ĩndĩ Akisi wameie athũkũmi make, Sisya, nĩmũkwona mũndũ ũũ e na ndũũka; nũndũ wa kĩ ĩndĩ mũmũetete kwakwa?</verse>
				<verse number="15">Nĩnĩnyivĩwe nĩ andũ ma ndũũka, kana mũnandetee mũndũ ũũ ekanasye maũndũ ma mũndũ wa ndũũka vala nĩĩ? Mũndũ ũũ akalika nyũmbanĩ yakwa?</verse>
			</chapter>
			<chapter number="22">
				<verse number="1">Kwondũ wa ũu Ndaviti auma kw’o, na aindũkĩĩa ngunganĩ ya Atulamu: na yĩla ana‐a‐ĩthe na nyũmba yonthe ya ĩthe meewie ũu, matheea ku ũĩ.</verse>
				<verse number="2">Na kĩla ũmwe ũla waĩ thĩnanĩ, na kĩla ũmwe waĩ na thiĩ, na kĩla ũmwe waĩ na ũũ ngoonĩ, moombanĩa vala ũĩ; nake atw’ĩka kavuteni woo: na vamwe nake vaĩ andũ ta maana ana.</verse>
				<verse number="3">Na Ndaviti auma vu athi Misiva yĩ Moavi: na, amwĩa mũsumbĩ wa Moavi, Nĩngũkwĩsũva, ũeke asa na mwaitũ moke, mekale vamwe naku, kũvika namanya ũndũ Ngai wĩmbĩka.</verse>
				<verse number="4">Na amaete kũla kwĩ mũsumbĩ wa Moavi: namo matũaa vamwe nake ĩvinda yonthe yĩla Ndaviti waĩ ngomenĩ yĩ vinya.</verse>
				<verse number="5">Na mwathani Ngati amwĩa Ndaviti, Ndũkekale ĩla ngomenĩ yĩ vinya; uma, na ũkĩenda nthĩ ya Yuta. Na ĩndĩ Ndaviti athi, na avota mũtitũnĩ wa Elethi.</verse>
				<verse number="6">Na Saulo eew’a kana Ndaviti nĩwumbũkĩte, na andũ ala maĩ vamwe nake: na ĩndĩ Saulo ekalĩte ku Ngivea, ĩtina wa mũtĩ wa mweseli ku Lama, e na ĩtumo yake kw’okonĩ kwake, na athũkũmi make make onthe maũngamĩte mamũthyũlũlũkĩte.</verse>
				<verse number="7">Na Saulo amea athũkũmi make ala maũngamĩte mamũthyũlũlũkĩte, Ĩw’ai yu, inyw’ĩ Ambenyamini; mwana wa Yese akamũnenga kĩla ũmwe wenyu isesi na mĩũnda ya mĩsavivũ, akamũtw’a inyw’onthe makavuteni ma ngili ngili na makavuteni ma maana,</verse>
				<verse number="8">ũndũ inyw’onthe mũnzamĩĩte, na vati ũmwe ũla waamanyĩthya yĩla mwana wakwa ũnũkũseũvya wĩw’ano na mwana wa Yese, na vati ũmwe wenyu ũla ũmbĩw’ĩaa tei, kana kũmanyĩthya kana mwana wakwa nũmbulũanĩtye na mũthũkũmi wakwa, amboveesye, o tondũ ũilyĩ ũmũnthĩ?</verse>
				<verse number="9">Nĩvo ĩndĩ Ndoeki Mũetomu, ũla waũngamĩte na athũkũmi ma Saulo, wasũngĩie, na amwĩa, Nĩnamwonie mwana wa Yese okĩte ku Novu, kwa Aimeleki mwana wa Aituvu.</verse>
				<verse number="10">Nake nĩwamũkũlilye Yeova nũndũ wake, na amũnenga lĩu, na amũnenga ũvyũ wa Ngoliathu Mũvilisiti.</verse>
				<verse number="11">Na ĩndĩ mũsumbĩ atũmana mũthembi Aimeleki, mwana wa Aituvu, etwe, na nyũmba yonthe ya ĩthe, athembi ala maĩ Novu: namo mooka onthe kwa mũsumbĩ.</verse>
				<verse number="12">Na Saulo amwĩa, Ĩw’a yu, we mwana wa Aituvu. Nake asũngĩa, Ninyioo, mwĩaĩi wakwa.</verse>
				<verse number="13">Na Saulo amũkũlya, Nĩkĩ mũnzamĩĩte, we na mwana wa Yese, ũndũ wamũnengie imũtũ, o na ũvyũ, na wakũlilye Ngai nũndũ wake, nĩ kana ambũkĩlĩle, na kũmboveesya, o tondũ ũilyĩ ũmũnthĩ?</verse>
				<verse number="14">Nĩvo ĩndĩ Aimeleki wamũsũngĩie mũsumbĩ, na amũkũlya, Nũũ ĩndĩ katĩ wa athũkũmi maku onthe ũla mũĩkĩĩwa ta Ndaviti, ũla mũthoni wa mũsumbĩ, na nũlikĩtw’e nzamanĩ yaku, na nũtaĩawa nyũmbanĩ yaku?</verse>
				<verse number="15">Nyie nĩnambĩlĩlye ũmũnthĩ kũkũlya Ngai kwondũ wake? Ũu wĩthĩwe kũasa nakwa: mũsumbĩ ndakatalĩthye ũndũ o na wĩva kwa mũthũkũmi wake, kana kwa nyũmba yonthe ya asa wakwa; nũndũ mũthũkũmi waku ndesĩ ũndũ o na wĩva wa ũu w’onthe, ũnini kana ũnene.</verse>
				<verse number="16">Na mũsumbĩ asya, Vate ndĩi nũũkw’a, Aimeleki, we, na nyũmba ya au yonthe.</verse>
				<verse number="17">Na mũsumbĩ amea asũvĩi ala mamũũngamĩe, Ĩthyũũei, na ũaai athembi ma Yeova; nĩkwĩthĩwa kw’oko kwoo nakw’o kwĩ vamwe na Ndaviti, na nĩkwĩthĩwa mo nĩmamanyie kana nĩwakĩĩte, na matyaamanyĩthya ũndũ ũsu. Ĩndĩ athũkũmi ma mũsumbĩ matyaaĩtĩkĩla kũtambũũkya kw’oko kwoo kũvalũkĩle athembi ma Yeova.</verse>
				<verse number="18">Na mũsumbĩ amwĩa Ndoeki, Ĩthyũũe we, na ũimathũũmũkĩa athembi. Na Ndoeki Mũetomu eethyũũa, na athũũmũkĩa athembi, na ooaa mũthenya ũsu andũ mĩongo nyanya na atano ala meekĩaa evoti ya katane.</verse>
				<verse number="19">Na akũna Novu, ndũa ya athembi, kwa kũtemanga na ũvyũ, aũme o na aka, twana na tũla tũkwongw’a, na ng’ombe na mang’oi na malondu, o kwa kũtemanga na ũvyũ.</verse>
				<verse number="20">Na ũmwe wa ana ma Aimeleki, mwana wa Aituvu, wetawa Aviathali, avuthũka, na akĩa aatĩĩe Ndaviti.</verse>
				<verse number="21">Na Aviathali atavya Ndaviti kana Saulo nũmoaĩte athembi ma Yeova.</verse>
				<verse number="22">Na Ndaviti amwĩa Aviathali, Nĩnamanyie mũthenya ũsu, yĩla Ndoeki Mũetomu waĩ vau, kana vate ndĩi akamũtavya Saulo: ninyie kĩtumi kya andũ onthe ma nyũmba ya au kũkw’a.</verse>
				<verse number="23">Ĩkala vamwe nakwa, ndũkakĩe; nũndũ we ũla ũmanthaa thayũ wakwa emantha thayũ waku: nũndũ wĩ vamwe nakwa ũkeethĩwa ũsũvĩonĩ mũlũmu.</verse>
			</chapter>
			<chapter number="23">
				<verse number="1">Na mamũtavya Ndaviti, makyasya, Sisya, Avilisiti nĩmekũkita ku Keila, nao nĩmeũvutana ngetha ivũĩonĩ.</verse>
				<verse number="2">Kwondũ wa ũu Ndaviti akũlya Yeova, akyasya, Nĩende na kũmakũna Avilisiti aa? Na Yeova amwĩa Ndaviti, Thi, na kũna Avilisiti, na ũitangĩĩa Keila.</verse>
				<verse number="3">Na andũ ma Ndaviti mamwĩa, Sisya, nĩtũũkĩa vaa Yuta: nĩ mbee veana ata ĩndĩ ethĩwa tũkathi ku Keila tũkite na ita sya Avilisiti?</verse>
				<verse number="4">Na ĩndĩ Ndaviti akũlya Yeova o ĩngĩ. Na Yeova amũsũngĩa, na amwĩa, Ũkĩla, theea ku Keila; nũndũ ngamanengane Avilisiti kw’okonĩ kwaku.</verse>
				<verse number="5">Na Ndaviti na andũ make mathi Keila, na mokita na Avilisiti, na matava indo syoo, na mamoaa ũai mũnene. Na ĩndĩ Ndaviti amatangĩĩa ala matwĩe Keila.</verse>
				<verse number="6">Na kweethĩwa, yĩla Aviathali mwana wa Aimeleki wakĩie athi kũla kwĩ Ndaviti ku Keila, atheea e na evoti kw’okonĩ kwake.</verse>
				<verse number="7">Na kwatavanw’a kwa Saulo kana Ndaviti nĩwũkĩte ku Keila. Na Saulo asya, Ngai nũmũnenganĩte kw’okonĩ kwakwa; nũndũ nũvingĩwe nthĩnĩ, kwondũ wa kũlika katũla ke na mbingĩlo na ivingi.</verse>
				<verse number="8">Na Saulo ameta andũ onthe kaũnĩ, matheee ku Keila, mathyũlũlũke matw’ĩkanĩsye Ndaviti na andũ make.</verse>
				<verse number="9">Na Ndaviti nĩwesĩ kana Saulo nũsũanĩĩte kũmwĩka naĩ; na amwĩa mũthembi Aviathali, Ete evoti vaa.</verse>
				<verse number="10">Na ĩndĩ Ndaviti asya, Ame Yeova, Ngai wa Isilaeli, mũthũkũmi waku nĩwĩw’ĩte vate ndĩi kana Saulo emantha kũka Keila, anange ndũa nũndũ wakwa.</verse>
				<verse number="11">Andũ ma Keila makanengane nyie kw’okonĩ kwake? Saulo akatheea, o tondũ mũthũkũmi waku wĩw’ĩte? Ame Yeova, Ngai wa Isilaeli, nĩngũkwĩsũva, mũtavye mũthũkũmi waku. Na Yeova amũsũngĩa, Akatheea.</verse>
				<verse number="12">Na ĩndĩ Ndaviti akũlya, Andũ ma Keila makanengane nyie na andũ makwa kw’okonĩ kwa Saulo? Na Yeova amũsũngĩa, Makaũnengane.</verse>
				<verse number="13">Na ĩndĩno Ndaviti na andũ make, ala maĩ ta maana thanthatũ, mookĩla na mauma Keila, na maenda o vala maĩ matonya kũthi. Na kwatavanw’a kwa Saulo kana Ndaviti nũindũkĩte kuma Keila; nake aeka kũthi.</verse>
				<verse number="14">Na Ndaviti ekala weũnĩ ngomenĩ syĩ vinya, na ekala nthĩ yĩ iĩma weũnĩ wa ku Nzivu. Na Saulo amũmantha kĩla mũthenya, ĩndĩ Ngai ndaamũnengane kw’okonĩ kwake.</verse>
				<verse number="15">Na Ndaviti oona kana Saulo nĩwumaalĩte amanthe thayũ wake: na Ndaviti aĩ weũnĩ wa ku Nzivu mũtitũnĩ.</verse>
				<verse number="16">Na Yonathani mwana wa Saulo ookĩla, na aenda kwa Ndaviti mũtitũnĩ, na amwĩkĩa kw’oko kwake vinya nthĩnĩ wa Ngai.</verse>
				<verse number="17">Na amwĩa, Ndũkakĩe; nũndũ kw’oko kwa Saulo ĩthe wakwa kũikakwona; naku ũkeethĩwa mũsumbĩ wa Isilaeli, nakwa ngeethĩwa nĩ wa kelĩ ũsumbĩnĩ; na Saulo ĩthe wakwa nĩwĩsĩ ũu naw’o.</verse>
				<verse number="18">Na me elĩ matianĩa ũtianĩo me mbee wa Yeova: na Ndaviti atũa mũtitũnĩ, na Yonathani athi nyũmba kwake.</verse>
				<verse number="19">Nĩvo ĩndĩ Anzivu mambatie kwa Saulo ku Ngivea, makĩmwĩa, Ndaviti ndevithĩte kwitũ ngomenĩ syĩ vinya mũtitũnĩ, kĩĩmanĩ kya Akila, kĩla kĩ ngalĩya ĩtheo ya yalata?</verse>
				<verse number="20">Yu ĩndĩno, we mũsumbĩ, theea, kwĩanana na kwenda kw’onthe kwa thayũ waku kwa kũtheea; na ũndũ witũ ũkeethĩwa kũmũnengane kw’okonĩ kwa mũsumbĩ.</verse>
				<verse number="21">Na Saulo amea, Ĩthĩwai mwĩ aathime nĩ Yeova; nũndũ nĩmũmbĩw’ĩe ĩnee.</verse>
				<verse number="22">Endai, nĩngũmwĩsũva, mũmine nzika, na mũkĩmanya na kwona vandũ vake vala kĩtumũlo kyake kĩĩ, na ũla ũmwonete vau; nũndũ nĩndavĩtw’e ekaa na ũseleke mũno.</verse>
				<verse number="23">Kwondũ wa ũu, sisyai, na mũimanya nesa mawĩvitho onthe kũla wĩvithaa mwene, na mũkyũka ĩngĩ kwakwa mwĩsĩ ki, nakwa ngathi nenyu: na kũkeethĩwa, ethĩwa akeethĩwa ĩ nthĩ, ngamũmantha vyũ katĩ wa ngili sya Yuta syonthe.</verse>
				<verse number="24">Namo mookĩla, na mamba kũthi Nzivu kũte Saulo: ĩndĩ Ndaviti na andũ make maĩ weũnĩ wa Maoni, o ku Alava ngalĩ ya ĩtheo ya yalata.</verse>
				<verse number="25">Na Saulo na andũ make mathi kũmũmantha. Na mamũtavya Ndaviti: kwondũ wa ũu atheea ĩvianĩ, na ekala weũnĩ wa Maoni. Na yĩla Saulo wewie ũu, amũatĩĩa Ndaviti ku weũnĩ wa Maoni</verse>
				<verse number="26">Na Saulo aendela ngalĩ ĩno ya kĩĩma, na Ndaviti na andũ make ngalĩ ĩya ya kĩĩma: na Ndaviti eekalaata athonoke nũndũ wa kũkĩa Saulo; nũndũ Saulo na andũ make nĩmamathyũlũlũkĩte Ndaviti na andũ make ngalĩ syonthe mamakwate.</verse>
				<verse number="27">Ĩndĩ Saulo ookĩwa nĩ mũtũmwa, akĩmwĩa, Ĩkalaate, na ũkyũka; nũndũ Avilisiti nĩmavithũkĩe nthĩ.</verse>
				<verse number="28">Na ĩndĩ Saulo asyoka aeka kũatĩĩa Ndaviti, na aenda okite na Avilisiti: kwondũ ũu meeta vandũ vau Sela‐amalekothi.</verse>
				<verse number="29">Na Ndaviti ambata kuma vau, na atũa ngomenĩ syĩ vinya sya Eni‐ngeti.</verse>
			</chapter>
			<chapter number="24">
				<verse number="1">Na kweethĩwa, yĩla Saulo wasyokie kuma kũmaatĩĩa Avilisiti, kwatavanw’a kwake, kũkyaw’a, Sisya, Ndaviti e weũnĩ wa Eni‐ngeti.</verse>
				<verse number="2">Na ĩndĩ Saulo oosa andũ ngili itatũ manyuvĩtwe kuma Isilaeli onthe, na athi amanthe Ndaviti na andũ make mavianĩ ma mbũi sya kĩthekanĩ.</verse>
				<verse number="3">Na avika syengonĩ sya malondu nzĩanĩ, vala vaĩ ngunga; na Saulo alika evw’ĩke maũũ make. Na yu Ndaviti na andũ make nĩmekalĩte kũndũ kwĩ nthĩnĩ mũno ngunganĩ.</verse>
				<verse number="4">Na andũ ma Ndaviti mamwĩa, Sisya, mũthenya nĩ ũũ ũla Yeova wakwĩie, Sisya, nganengane mũmaitha waku kw’okonĩ kwaku, na ũkamwĩka o ũndũ wĩona wĩ ũseo. Nĩvo ĩndĩ Ndaviti wũkĩlile na atila mũthya wa ngũa ndasa ya Saulo kĩmbithĩ.</verse>
				<verse number="5">Na kweethĩwa ĩtina ngoo ya Ndaviti yamũthĩn’ya, nũndũ nĩwatila mũthya wa ngũa ya Saulo.</verse>
				<verse number="6">Na amea andũ make, Yeova ndakandeke nĩke mwĩaĩi wakwa, mwĩtĩkĩw’a mauta wa Yeova, ũndũ ũũ, kũmũtambũũkĩsya kw’oko kwakwa, nũndũ nĩ mwĩtĩkĩw’a mauta wa Yeova.</verse>
				<verse number="7">Ũu nĩw’o Ndaviti wavatie andũ na ndeto isu, na ndaamaeka mamwĩke Saulo ũndũ. Na Saulo ookĩla auma ngunganĩ, na eeyĩendea.</verse>
				<verse number="8">Ndaviti nake ookĩla ĩtina, na auma ngunganĩ, na amwanĩĩsya Saulo, akyasya, Mwĩaĩi wakwa, mũsumbĩ Na yĩla Saulo wasiisye ĩtina, Ndaviti akunamya ũthyũ wake nthĩ, na kwĩkunamya vyũ.</verse>
				<verse number="9">Na Ndaviti amwĩa Saulo, Wĩthukĩĩasya ndeto sya andũ nĩkĩ, makyasya, Sisya, Ndaviti nũmanthaa kũkwĩka naĩ?</verse>
				<verse number="10">Sisya ũmũnthĩ metho maku nĩmonie ũndũ Yeova ũkũnenganie kw’okonĩ kwakwa ũmũnthĩ wĩ ngunganĩ; na amwe mambĩa nĩkũae; ĩndĩ itho yakwa yakũeka; na nasya, Ndikatambũũkĩa mwĩaĩi wakwa kw’oko kwakwa; nũndũ nĩ mwĩtĩkĩw’a mauta wa Yeova.</verse>
				<verse number="11">O na mbee wa ũu, asa wakwa, sisya, ĩĩ, sisya mũthya wa ngũa yaku ndasa kw’okonĩ kwakwa; nũndũ o ũndũ natila mũthya wa ngũa ngũanĩ yaku ndasa, na ndinakũaa, manya na kwona ki kana vati ũthũku o na ĩvĩtyo kw’okonĩ kwakwa, na kana ndikũvĩtanĩsye, o na kau nũmanthaa thayũ wakwa ũmbene.</verse>
				<verse number="12">Yeova nasilan’ye katĩ wakwa naku, na Yeova andĩvanĩsye vala ũĩ; ĩndĩ kw’oko kwakwa kũtikethĩwa ĩũlũ waku.</verse>
				<verse number="13">O tondũ nthimo ya ala ma tene ĩkwasya, Ũthũku nĩwumaa kwa ala athũku; ĩndĩ kw’oko kwakwa kũtikethĩwa ĩũlũ waku.</verse>
				<verse number="14">Mũsumbĩ wa Isilaeli aumĩte aatĩĩe ũũ? Ũatĩĩaa ũũ we? Ũatĩĩaa ngitĩ ngw’ũ, ũatĩĩaa ngala.</verse>
				<verse number="15">Yeova nĩethĩwe mũsili ĩndĩ, na aitw’a sila katĩ wakwa naku, na akyona, na akĩndetea, na akĩmbonokya kw’okonĩ kwaku.</verse>
				<verse number="16">Na kweethĩwa, yĩla Ndaviti waminie kũmũtavya Saulo ndeto isu, Saulo akũlya, Ũsu nĩ wasya waku, mwana wakwa Ndaviti? Na Saulo ookĩlya wasya wake, na kũĩa.</verse>
				<verse number="17">Na amwĩa Ndaviti, We wĩ mũlũngalu kwĩ nyie; nũndũ nũmbĩkĩte nesa, o na kau nĩkwĩkĩte ũthũku.</verse>
				<verse number="18">Na nĩwonanisye mũthenya ũũ ũndũ ũmbĩkie nesa, nũndũ yĩla Yeova ũnenganie kw’okonĩ kwaku, ndũnambũaa.</verse>
				<verse number="19">Nũndũ ethĩwa mũndũ nũnũkwona mũmaitha wake, akamũeka athi e mũvoo? Kwondũ wa ũu Yeova akwĩke nesa kwondũ wa ũndũ ũsu ũmbĩkie ũmũnthĩ.</verse>
				<verse number="20">Na yu, sisya, nĩnĩsĩ kana ũkeethĩwa mũsumbĩ vate ndĩi, na kana ũsumbĩ wa Isilaeli ũkalũlũmĩlw’a kw’okonĩ kwaku.</verse>
				<verse number="21">Mbĩavĩe yu ĩndĩ na Yeova, atĩ ndũkaveta ũsyao wakwa ĩtina wakwa, na kana ndũkananga syĩtwa yakwa yume nyũmbanĩ ya asa wakwa.</verse>
				<verse number="22">Na Ndaviti eevĩta kwa Saulo. Na Saulo enũka; ĩndĩ Ndaviti na andũ make mambata ngomenĩ yĩ vinya.</verse>
			</chapter>
			<chapter number="25">
				<verse number="1">Na Samueli akw’a; na Isilaeli onthe moombana, na mamũĩĩa, na mamũthika nyũmbanĩ yake ku Lama. Na Ndaviti ookĩla, na atheea weũnĩ wa Valani.</verse>
				<verse number="2">Na kwaĩ mũndũ ku Maoni, ũla ũthwii wake waĩ ku Kalimeli; na mũndũ ũsu aĩ nguma mũno, na aĩ na malondu ngili itatũ, na mbũi ngili ĩmwe: na atilĩlaa malondu w’ĩa ku Kalimeli.</verse>
				<verse number="3">Na ĩndĩ syĩtwa ya mũndũ ũsu eetawa Navali; na syĩtwa ya mũka wake Avikaili; na mũndũ mũka ũsu aĩ na ũmanyi mũseo na ũthyũ mũseo: ĩndĩ ũ mũndũ aĩ mwai na mũthũku mĩkĩlenĩ yake; nake aĩ wa nyũmba ya Kalevu.</verse>
				<verse number="4">Na Ndaviti eew’a e weũnĩ atĩ Navali nũnũũtila malondu make w’ĩa.</verse>
				<verse number="5">Na Ndaviti atũma anake ĩkũmi, na Ndaviti atavya ala anake, Ambatai Kalimeli, na mũkĩthi kwa Navali, na mũkĩmũkethya syĩtwanĩ yakwa:</verse>
				<verse number="6">na ũũ nĩw’o mwĩneena nake ũla wĩkalaa athimĩkĩte, Mũuo wĩthĩwe kwaku, na mũuo wĩthĩwe kwa nyũmba yaku, na mũuo wĩthĩwe kwa syonthe ila wĩ nasyo.</verse>
				<verse number="7">Na yu nĩnĩw’ĩte kana wĩ na atili ma w’ĩa: na aĩthi maku nĩmekalanĩtye naitũ, na tũtyaameka naĩ, o na kũtyaĩ kĩndũ kyaaa kwoo, ĩvinda yonthe yĩla maĩ ku Kalimeli.</verse>
				<verse number="8">Kũlya anake maku, na makakũtavya: kwondũ wa ũu anake nĩmone ũseo vala ũĩ; nũndũ nĩtũkũka mũthenya mũseo: nĩngũkwĩsũva, nenga athũkũmi maku, na Ndaviti mwana waku, o kĩla kĩkoneka kw’okonĩ kwaku.</verse>
				<verse number="9">Na yĩla anake ma Ndaviti mavikie, maneena na Navali syĩtwanĩ ya Ndaviti kwĩanana na ndeto isu syonthe, na makilya.</verse>
				<verse number="10">Na Navali asũngĩa athũkũmi ma Ndaviti, na amea, Ndaviti nũũ? Na mwana wa Yese nũũ? Kwĩ athũkũmi aingĩ matukũ aa ala mevithaa kĩla mũndũ kuma kwa vwana wake.</verse>
				<verse number="11">Ngoosa ĩndĩ imũtũ syakwa, na kĩw’ũ kyakwa, na nyama syakwa ila nũaĩe ala makwa matilaa w’ĩa, na ngĩnenga andũ ala ndesĩ kũla maumĩte?</verse>
				<verse number="12">Kwondũ wa ũu anake ma Ndaviti meetulũla na nzĩa yoo, na masyoka, na mavika mamũtavya kwĩanana na ndeto isu syonthe.</verse>
				<verse number="13">Na Ndaviti amea andũ make, Ĩvotoei kĩla mũndũ ũvyũ wake. Na meevotoa kĩla mũndũ ũvyũ wake; nake Ndaviti eevotoa ũvyũ ũla wake: na kwambata andũ ta maana ana maatĩĩe Ndaviti; na andũ maana elĩ mekala na mĩio.</verse>
				<verse number="14">Ĩndĩ mwanake ũmwe aneena na Avikaili, kĩveti kya Navali, aikĩtavya, Sisya, Ndaviti atũmie atũmwa kuma weũnĩ makethye vwana waitũ; nake amauma.</verse>
				<verse number="15">Ĩndĩ ala andũ matwĩkaa nesa mũno, na tũtyaaĩkwa naĩ, o na tũtyaasya kĩndũ, o yĩla twaendanasya nao, yĩla twaĩ weũnĩ:</verse>
				<verse number="16">mailyĩ ta ũvai kwitũ ũtukũ o na mũthenya, ĩvinda yonthe yĩla twaĩ namo tũkĩĩthya malondu.</verse>
				<verse number="17">Yu ĩndĩ manya na ũisũanĩa ũndũ wĩĩka; nũndũ ũthũku nũtw’ĩtwe ĩũlũ wa vwana waitũ, na ĩũlũ wa nyũmba yake yonthe; nũndũ nĩ mũndũ ũte kĩĩĩ ũndũ mũndũ ũtatonya kũneena nake.</verse>
				<verse number="18">Nĩvo ĩndĩ Avikaili wekalaatile, na oosa imũtũ maana elĩ, na tũthatwa twĩlĩ twa mbinyu, na malondu atano me mathĩnze, na ithimi itano sya lĩu wa mbaa ngetha mũkaange, na itũngo ĩana sya nzavivũ mbovu, na tũkũmbwa maana elĩ twa makũyũ, na aĩkya mang’oi.</verse>
				<verse number="19">Na amea anake make, Endai mbee wakwa; sisya, nĩngũmũatĩĩa. Ĩndĩ ndaatavya mũũme wake Navali.</verse>
				<verse number="20">Na kweethĩwa, yĩla wakuĩtwe nĩ ĩng’oi yake, na akĩtheea athw’ĩkĩtwe nĩ kĩĩma, sisya, Ndaviti na andũ make matheea mamwelekele; na akomana namo.</verse>
				<verse number="21">Na ĩndĩ Ndaviti aĩtye, Vate ndĩi nasũvĩie mana syonthe ila mũndũ ũũ wĩ nasyo weũnĩ, ũndũ vate kĩndũ kĩmwe kyaaie kya syonthe ila syake: nake nũndũngĩĩte ũthũku vandũ va ũseo.</verse>
				<verse number="22">Ngai eke amaitha ma Ndaviti ũu, o na mbee, ethĩwa nĩngũmũtialĩlya o na mwana mũũme ũmwe kũvika kĩoko kũikya.</verse>
				<verse number="23">Na yĩla Avikaili wamwonie Ndaviti, eekalaata, na auma ĩng’oinĩ yake, na avalũka na ũthyũ wake mbee wa Ndaviti, na eekunamya kũvika nthĩ.</verse>
				<verse number="24">Na avalũka maũũnĩ make, na amwĩa, Ĩũlũ wakwa, mwĩaĩi wakwa, ĩũlũ wakwa wĩthĩwe ũla ũthũku; na nĩngũkwĩsũva, mũthũkũmi waku mwĩĩtu naneene matũnĩ maku, naku wĩthukĩĩsye ndeto sya mũthũkũmi waku mwĩĩtu.</verse>
				<verse number="25">Nĩngũkwĩsũva, mwĩaĩi wakwa ndakasisye mũndũ ũũ ũte kĩĩĩ, o Navali; nũndũ o ũndũ syĩtwa yake yĩtilyĩ, now’o ũtilyĩ; Navali nĩ syĩtwa yake, na ũtumanu wĩ nake: ĩndĩ mũthũkũmi waku mwĩĩtu ndaneona anake ma mwĩaĩi wakwa, ala ũnatũmie.</verse>
				<verse number="26">Yu ĩndĩ, mwĩaĩi wakwa, o tondũ Yeova wĩ thayũ, na o tondũ kyuu kyaku kĩ thayũ, nũndũ Yeova nũkũsiĩĩie ndũkethĩwe na ĩvĩtyo ya kwĩtĩkya nthakame, na kana ndũkekũlanĩlye na kw’oko kwaku mwene, yu ĩndĩ amaitha maku, na ala mamanthaa kwĩka mwĩaĩi wakwa naĩ, methĩwe ta Navali.</verse>
				<verse number="27">Na yu mũthĩnzĩo ũũ ũla mũthũkũmi waku ũetee mwĩaĩi wakwa, ũnengwe anake ala maatĩĩaa mwĩaĩi wakwa.</verse>
				<verse number="28">Nĩngũkwĩsũva, ekea ĩvĩtyo ya mũthũkũmi waku mwĩĩtu: nũndũ Yeova ndatĩa kũseũvĩsya mwĩaĩi wakwa nyũmba nũmu, nĩkwĩthĩwa mwĩaĩi wakwa nĩwũkitĩthasya makaũ ma Yeova; na ũthũku ndũkoneka nthĩnĩ waku matukũ maku onthe.</verse>
				<verse number="29">Na o na ethĩwa mũndũ nĩwũkĩlĩte akũatĩĩe, na kũmantha thayũ waku, ĩndĩ thayũ wa mwĩaĩi wakwa ũkoovanĩw’a kyovenĩ kya thayũ vamwe na Yeova Ngai waku; na mathayũ ma amaitha maku akamekya ũtee, o ta kamatanĩ ka kĩkũtha.</verse>
				<verse number="30">Na kũkeethĩwa, yĩla Yeova wĩĩthĩwa amwĩkĩte mwĩaĩi wakwa kwĩanana na ũseo w’onthe ũla ũneenete ũndũ waku, na ethĩwa akwiĩte mũnene wĩ mbee ũsumbĩnĩ ĩũlũ wa Isilaeli,</verse>
				<verse number="31">atĩ ũndũ ũũ ndũkethĩwa wa woo kwaku, o na ũlulutĩkyo wa ngoo kwa mwĩaĩi wakwa, ũndũ wetĩkĩsye nthakame vate kĩtumi, o na kana mwĩaĩi wakwa nĩwĩkũlĩte. Na yĩla Yeova wĩĩthĩwa amwĩkĩte mwĩaĩi wakwa nesa, yu ĩndĩ wĩlilikana mũthũkũmi waku mwĩĩtu.</verse>
				<verse number="32">Na Ndaviti amwĩa Avikaili, Nataĩwe Yeova, Ngai wa Isilaeli, ũla ũkũtũmie ũmũnthĩ ũkomane nakwa:</verse>
				<verse number="33">na ũathimwe ũmanyi waku, na ĩthĩwa wĩ mũathime we, ũla ũnziĩĩie ũmũnthĩ ndikethĩwe na ĩvĩtyo ya kwĩtĩkya nthakame, na ndikekũle na kw’oko kwakwa mwene.</verse>
				<verse number="34">Nũndũ nĩ w’o ki, o tondũ Yeova, Ngai wa Isilaeli, wĩ thayũ, ũla ũnziĩĩie ndikakwĩke naĩ, keka wĩkalaatile na kũka ũnthaũe, kĩoko kũikya kũtyĩthĩwa Navali atialĩlwa nĩ mwana mũũme o na ũmwe.</verse>
				<verse number="35">Kwondũ wa ũu Ndaviti oosa kw’okonĩ kwake ila wamũetee: na amwĩa, Ambata na mũuo nyũmbanĩ yaku; sisya, nĩnĩthukĩĩisye wasya waku, na nĩnakwĩtĩkĩlĩla.</verse>
				<verse number="36">Na Avikaili avika vala ve Navali; na, sisya, avokete mboka nyũmbanĩ yake, o ta mboka ya mũsumbĩ; na ngoo ya Navali yatanĩaa o nthĩnĩ wake, nũndũ amilĩtwe mũno: kwondũ wa ũu ndaamũtavya ũndũ ũnini kana ũnene, kũvika kĩoko kũikya.</verse>
				<verse number="37">Na kweethĩwa kĩoko kyu, yĩla mbinyu yaĩ ĩnamũlekya Navali, kĩveti kyake kyamũtavya maũndũ asu, na ngoo yake yakw’a nthĩnĩ wake, na atw’ĩka ta ĩvia.</verse>
				<verse number="38">Na kweethĩwa ĩtina wa ũu ta matukũ ĩkũmi, Yeova amũkũna Navali, na ĩndĩ akw’a.</verse>
				<verse number="39">Na yĩla Ndaviti wewie kana Navali aĩ mũkw’ũ, asya, Nataĩwe Yeova, ũla ũteteete ũndũ wa kũvũthw’a kwakwa kũla kumĩte kw’okonĩ kwa Navali, na nũsiĩĩĩte mũthũkũmi wake ndakeke ũthũku: na Yeova nũtũngĩte wĩko mũthũku wa Navali mũtwenĩ wake mwene. Na Ndaviti atũmana Avikaili akaneenwe nake amũtwae ethĩwe mũka.</verse>
				<verse number="40">Na yĩla athũkũmi ma Ndaviti mavikie kwa Avikaili ku Kalimeli, maneena nake, makĩmwĩa, Ndaviti nũtũtũmĩte kwaku, kũkũtwaa kwake wĩthĩwe mũka.</verse>
				<verse number="41">Nake ookĩla, na eekunamya na ũthyũ wake kũvika nthĩ, na asya, Sisya, mũthũkũmi waku mwĩĩtu nĩ mũthũkũmi wa kũthambya maũũ ma athũkũmi ma mwĩaĩi wakwa.</verse>
				<verse number="42">Na Avikaili eekalaata, na ookĩla, na athi akuĩtwe nĩ ĩng’oi, e na eĩtu atano ala mamũatĩĩaa; na avikĩla atũmwa ma Ndaviti, na atw’ĩka mũka wake.</verse>
				<verse number="43">Na Ndaviti atwaa Ainoamu wa Yesileeli nake; na matw’ĩka me elĩ aka make.</verse>
				<verse number="44">Na ĩndĩ Saulo aĩ ananenga Valiti mwana wa Laisa, ũla wa ku Ngalimu, Mikali mwĩĩtu wake, kĩveti kya Ndaviti.</verse>
			</chapter>
			<chapter number="26">
				<verse number="1">Na Anzivu mooka kwa Saulo ku Ngivea, makyasya, Ndaviti ndevithĩte kĩĩmanĩ kya Akila, kĩla kyelekele yalatanĩ?</verse>
				<verse number="2">Nĩvo ĩndĩ Saulo wokĩlile, na atheea weũnĩ wa ku Nzivu, e na andũ anyuve ngili itatũ sya Isilaeli vamwe nake, amanthe Ndaviti weũnĩ wa Nzivu.</verse>
				<verse number="3">Na Saulo amba maeema nzĩanĩ, kĩĩmani kya Akila, kĩla kyelekele yĩla yalata. Ĩndĩ Ndaviti atũaa weũnĩ, na oona kana Saulo nũmũatĩĩe weũnĩ.</verse>
				<verse number="4">Kwondũ wa ũu Ndaviti atũma athiani, na amanya kana Saulo nĩ mũku vate nzika.</verse>
				<verse number="5">Na Ndaviti ookĩla, na avika vandũ vala Saulo wambĩte maeema; na Ndaviti oona vandũ vala Saulo wakomete, e na Avineli mwana wa Neli, kavuteni wa nguthu yake: na Saulo akomete katĩ wa vala vandũ vaĩ makasya, na andũ nĩmambĩte maeema mamũthyũlũlũkĩte.</verse>
				<verse number="6">Nĩvo ĩndĩ Ndaviti wasũngĩie na akũlya Aimeleki Mũititi, na Avisai mwana wa Nzeluia, mwana‐a‐inyia wa Yoavu, akyasya, Ũla wĩtheea nakwa kwa Saulo mwakonĩ wa maeema nũũ? Na Avisai amwĩa, Nyie nĩngũtheea naku.</verse>
				<verse number="7">Na ĩndĩ Ndaviti na Avisai mavika kũla kwĩ andũ ũtukũ: na, sisya, Saulo akomete too katĩ wa vala vandũ vaĩ makasya, e na ĩtumo yake yĩtonyete nthĩ mũtwenĩ wake; na Avineli na andũ makomete mamũthyũlũlũkĩte.</verse>
				<verse number="8">Nĩvo ĩndĩ Avisai wamwĩie Ndaviti, Ngai nũnenganĩte mũmaitha waku kw’okonĩ kwaku ũmũnthĩ: yu ĩndĩ, nĩngũkwĩsũva, eka nĩmũtonyanĩsye na nthĩ na ĩtumo ĩtonya o yĩmwe, na ndimũtonya ĩvinda ya kelĩ.</verse>
				<verse number="9">Na Ndaviti amwĩa Avisai, Ndũkamwanange; nũndũ nũũ ũtonya kũtambũũkĩsya mwĩtĩkĩw’a mauta wa Yeova kw’oko kwake, na akethĩwa ate ĩvĩtyo?</verse>
				<verse number="10">Na Ndaviti asya, O tondũ Yeova wĩ thayũ, Yeova akamũkũna; kana mũthenya wake ũkavika akw’e; kana akatheea kaũnĩ, na kwaa.</verse>
				<verse number="11">Yeova ndakandeke nĩtambũũkĩsye mwĩtĩkĩw’a mauta wa Yeova kw’oko kwakwa: ĩndĩ yu, nĩngũkwĩsũva, osa ĩtumo yĩla yĩ mũtwenĩ wake, na sũva wa manzĩ, na tũkĩthi.</verse>
				<verse number="12">Na ĩndĩ Ndaviti oosa yĩla ĩtumo na ũla sũva wa manzĩ mũtwenĩ wa Saulo; namo mathi: na vati mũndũ waaona ũndũ ũsu, kana akomanya, o na vati waaamũka; nũndũ onthe nĩmakomete, nĩkwĩthĩwa too mũnene waumĩte kwa Yeova nĩwamavalũkĩle.</verse>
				<verse number="13">Nĩvo ĩndĩ Ndaviti wainganĩsye ngalĩ ĩla ĩngĩ, na aũngama kũasa mũtumbĩnĩ wa kĩĩma; ve mwanya mũnene katĩ woo;</verse>
				<verse number="14">na Ndaviti anĩĩsya andũ, na Avineli mwana wa Neli, akyasya, Ndũtumũa, Avineli? Nĩvo ĩndĩ Avineli wasũngĩie na akũlya, Nue ũũ ũkwanĩĩsya mũsumbĩ?</verse>
				<verse number="15">Na Ndaviti amwĩa Avineli, Ndwĩ o mũndũ ngũmbaũ? Na nũũ nthĩnĩ wa Isilaeli ũilyĩ taku? Na nĩkĩ ũtanasũvĩa mwĩaĩi waku mũsumbĩ? Nũndũ kũlikile ũmwe wa andũ anange mũsumbĩ mwĩaĩi waku.</verse>
				<verse number="16">Ũndũ ũũ wĩkie ti ũseo. O tondũ Yeova wĩ thayũ, inyw’ĩ nĩmwaĩle kũkw’a, nĩkwĩthĩwa mũtinasũvĩa mwĩaĩi wenyu, mwĩtĩkĩw’a mauta wa Yeova. Na yu onai ĩtumo ya mũsumbĩ kũla yĩĩ, na sũva wa manzĩ ũla wĩĩ mũtwenĩ wake.</verse>
				<verse number="17">Na Saulo amanya wasya wa Ndaviti, na akũlya, Wasya ũũ nĩ waku, mwana wakwa Ndaviti? Na Ndaviti asũngĩa, Nĩ wasya wakwa, mwĩaĩi wakwa, we mũsumbĩ.</verse>
				<verse number="18">Na akũlya, Mwĩaĩi wakwa aatĩĩaa mũthũkũmi wake nĩkĩ? Nũndũ nĩkĩte ata? Kana nĩ ũthũku mwaũ wĩ kw’okonĩ kwakwa?</verse>
				<verse number="19">Na yu ĩndĩ, nĩngũkwĩsũva, mwĩaĩi wakwa mũsumbĩ nĩew’e ndeto sya mũthũkũmi wake. Ethĩwa nĩ Yeova ũkũthokoanĩtye nakwa, nĩetĩkĩle nthembo: ĩndĩ ethĩwa nĩ ana ma andũ, nĩmaumanĩwe kũla kwĩ Yeova; nũndũ nĩmandũngĩtye ũmũnthĩ ndikalũman’ye na ũtiĩwa wa Yeova, makĩmbĩa, Thi, ũkathũkũme ngai ingĩ.</verse>
				<verse number="20">Yu ĩndĩ, nthakame yakwa ndĩkavalũke nthĩ kuma kũla kwĩ Yeova: nũndũ mũsumbĩ wa Isilaeli nĩwumaalĩte amanthe ngala o ta ũmwe ũsyĩmaa ngwae iĩmanĩ.</verse>
				<verse number="21">Nĩvo ĩndĩ Saulo waisye, Nĩnĩvĩtĩtye: syoka, mwana wakwa Ndaviti; nũndũ ndikakwĩka ũthũku ĩngĩ, nĩkwĩthĩwa thayũ wakwa wĩĩ na vata kwaku ũmũnthĩ: sisya, nĩnĩkanganĩtye ta ndia, na nĩnĩvĩtĩtye mũno mũnene.</verse>
				<verse number="22">Na Ndaviti asũngĩa na amwĩa, Sisya yĩla ĩtumo, we mũsumbĩ! Mwanake ũmwe ĩndĩ nĩoke ayose.</verse>
				<verse number="23">Na Yeova akatũngĩa kĩla mũndũ ũlũngalu wake na kĩthito kyake; nũndũ Yeova nũkũnenganie kw’okonĩ kwakwa ũmũnthĩ, na ndinetĩkĩla kũtambũũkĩsya mwĩtĩkĩw’a mauta wa Yeova kw’oko kwakwa.</verse>
				<verse number="24">Na, sisya, o tondũ thayũ waku wĩĩ na vata kwakwa mũthenya ũũ, o ta ũu thayũ wakwa wĩthĩwe na vata kwa Yeova, na nambonokye ũnyamaonĩ w’onthe.</verse>
				<verse number="25">Nĩvo ĩndĩ Saulo wamwĩie Ndaviti, Ĩthĩwa wĩ mũathime we, mwana wakwa Ndaviti: ũkeeka na ũtonyi, o na ũkakĩlya vinya vate ndĩi. Na ĩndĩ Ndaviti eeendea, na Saulo asyoka vandũ vake.</verse>
			</chapter>
			<chapter number="27">
				<verse number="1">Na Ndaviti aneena ngoonĩ yake, Ngaaĩa ĩndĩ mũthenya ũmwe kw’okonĩ kwa Saulo: kũti ũndũ ũseo kwakwa kwĩ kwĩvonokesya nthĩ ya Avilisiti; na Saulo akeeyĩtũka ũndũ wakwa, kũmantha ĩngĩ mĩvakanĩ yonthe ya Isilaeli: na ĩndĩ ngavonoka kuma kw’okonĩ kwake.</verse>
				<verse number="2">Na Ndaviti ookĩla na ainga, we na ala andũ maana thanthatũ ala maĩ vamwe nake, mathi kwa Akisi mwana wa Maoki, mũsumbĩ wa Ngathi.</verse>
				<verse number="3">Na Ndaviti atũa na Akisi ku Ngathi, we na andũ make, kĩla mũndũ na andũ ma nyũmba yake, o Ndaviti e na aka make elĩ, Ainoamu Mũyesileeli, na Avikaili Mũkalimeli, ũla waĩ kĩveti kya Navali.</verse>
				<verse number="4">Na kwataviw’e Saulo atĩ Ndaviti nĩwakĩie athi Ngathi: na ndaamũmantha ĩngĩ nongi.</verse>
				<verse number="5">Na Ndaviti amwĩa Akisi, Ethĩwa yu nĩnonete ũseo kwaku, nĩmanenge vandũ ndũanĩ ĩmwe yĩ nthĩ yĩ ũtee, nĩ kana nĩtũe vo: nũndũ mũthũkũmi waku etũa naku ndũanĩ ya kĩũsumbĩ nĩkĩ?</verse>
				<verse number="6">Nĩvo ĩndĩ Akisi wamũnengie Nzikilaki mũthenya ũsu: kwondũ wa ũu Nzikilaki nĩyĩkalaa ya asumbĩ ma Yuta kũvika ũmũnthĩ.</verse>
				<verse number="7">Na ũtalo wa matukũ ala Ndaviti watũie nthĩ ya Avilisiti waĩ mwaka mũima na myei ĩna.</verse>
				<verse number="8">Na Ndaviti na andũ make mambata, na mavithũkĩa Angesuli, na Angilisi, na Aamaleki; nũndũ mbaĩ isu syaĩ ĩla syatwĩe nthĩ ĩsu, ila syaĩ sya tene, ũendete Suli, o kũvika nthĩ ya Misili.</verse>
				<verse number="9">Na Ndaviti akũna ĩ nthĩ, na ndaatialya mũndũ mũũme kana mũndũ mũka e thayũ, na atwaa malondu, na ng’ombe, na mang’oi, na ngamĩle, na ngũa; na asyoka, na avika kwa Akisi.</verse>
				<verse number="10">Na Akisi amũkũlya, Ũvithũkie kwaaũ ũmũnthĩ? Na Ndaviti amũsũngĩa, Tũvithũkie ngalĩ ya Ĩtheo ya Yuta, na ngalĩ ya Ĩtheo ya Ayelameeli, na ngalĩ ya Ĩtheo ya Akeni.</verse>
				<verse number="11">Na Ndaviti ndaatialya mũndũ mũũme o na mũndũ mũka e thayũ, nĩ kana amaete Ngathi, akyasya, Matikese kumbũla ũndũ witũ, makyasya, Ũu now’o Ndaviti wekaa, na now’o wailyĩ ĩvinda yonthe yĩla wekalaa nthĩ ya Avilisiti.</verse>
				<verse number="12">Na Akisi eetĩkĩla Ndaviti, akyasya, Nũtumĩte andũ make Isilaeli mamũthĩtha mũno vyũ; kwondũ wa ũu akeethĩwa mũthũkũmi wakwa tene na tene.</verse>
			</chapter>
			<chapter number="28">
				<verse number="1">Na kweethĩwa mĩthenya ĩsu, Avilisiti moomban’ya nguthu syoo kwondũ wa kaũ, mokite na Isilaeli. Na Akisi amwĩa Ndaviti, Manya vate ndĩi, kana ũkaumaala vamwe nakwa nguthunĩ, we na andũ maku.</verse>
				<verse number="2">Na Ndaviti amwĩa Akisi, Kwondũ wa ũu ũkamanya ũndũ mũthũkũmi waku wĩĩka. Na Akisi amwĩa Ndaviti, Kwondũ wa ũu ngaũtw’ĩkĩthya mũsũvĩi wa mũtwe wakwa tene na tene.</verse>
				<verse number="3">Na yu Samueli aĩ mũkw’ũ, na Isilaeli onthe nĩmamũĩĩĩte, na mamũthikĩte ku Lama, o ndũanĩ yake mwene. Na Saulo aĩ anaveta asu mesene na maveva, na ala mombasya ithitũ, makauma nthĩ.</verse>
				<verse number="4">Na Avilisiti moombana, na mooka na mamba maeema Sunemu; na Saulo oomban’ya Isilaeli onthe vamwe, na mamba maeema Ngilivoa.</verse>
				<verse number="5">Na yĩla Saulo wonie nguthu ya Avilisiti aĩ na w’ĩa, na ngoo yake yatetema mũno.</verse>
				<verse number="6">Na yĩla Saulo wakũlilye Yeova, Yeova ndaamũsũngĩa, na ndoto, o na Ulimu, o na athani.</verse>
				<verse number="7">Nĩvo Saulo wameie athũkũmi make, Manthĩai mũndũ mũka wĩsene na veva, nĩ kana nĩende kwake, na ngĩkũlya kwake. Na athũkũmi make mamwĩa, Sisya, kwĩ mũndũ mũka wĩsene na veva ku Eni‐ndoli.</verse>
				<verse number="8">Na Saulo eeyũlan’ya, na eekĩa ngũa ingĩ, na athĩ, we na andũ elĩ vamwe nake, na mavika kwa ũla mũndũ mũka ũtukũ: na amwĩa, Nĩngũkwĩsũva, ngaũĩsya na ũla veva wĩsene naw’o, na ũimbũkĩlĩlya o ũla nĩweta kwaku.</verse>
				<verse number="9">Na ũla mũndũ mũka amwĩa, Sisya, nĩwĩsĩ ũndũ Saulo wĩkĩte, ũndũ ũvetete asu mesene na maveva, na ala mombasya ithitũ, makauma nthĩ: nĩkĩ ĩndĩ ũũtea kĩtei ũndũ wa thayũ wakwa, ũtume nĩkw’a?</verse>
				<verse number="10">Na Saulo amwĩavĩa na Yeova, akĩmwĩa, O tondũ Yeova wĩ thayũ kũtikethĩwa ũsilĩlo o na wĩva ũkũkwata kwondũ wa ũndũ ũũ.</verse>
				<verse number="11">Nĩvo ĩndĩ ũla mũndũ mũka wamũkũlilye, Nĩkumĩlĩlya ũũ? Nake asũngĩa, Mbumĩlĩlya Samueli.</verse>
				<verse number="12">Na yĩla ũ mũndũ mũka wonie Samueli, akaya na wasya mũnene; na ũla mũndũ mũka aneena na Saulo, akyasya, Wangengea kĩ? Nũndũ nue Saulo.</verse>
				<verse number="13">Na mũsumbĩ amwĩa, Ndũkakĩe: wĩona kyaũ ĩndĩ? Na mũndũ mũka amwĩa Saulo, Nĩngwona ngai yũkĩte kuma nthĩnĩ wa nthĩ.</verse>
				<verse number="14">Nake amũkũlya, Avw’ana ata? Nake asũngĩa, Mũtumĩa mũkũũ nĩwambatĩte; na evw’ĩkĩte ngũa ndasa. Na Saulo amanya kana nĩ Samueli, na akunamya ũthyũ wake nthĩ, na eekunamya vyũ.</verse>
				<verse number="15">Na Samueli akũlya Saulo, Ũnthokoanĩsye kĩ ũmbambatye? Na Saulo asũngĩa, Nĩ mũthĩnu mũno; nũndũ Avilisiti nĩmeũkwatya kaũ nakwa, na Ngai nũndiĩte, o na ndanzũngĩaa ĩngĩ, na athani, o na ndoto: kwondũ wa ũu nakwĩta, nĩ kana ũmanyĩthye ũndũ ngwĩka.</verse>
				<verse number="16">Na Samueli amũkũlya, Wĩngũlya nĩkĩ ĩndĩ, na Yeova nake nũkũtiĩte, na atw’ĩkĩte mũmaitha waku?</verse>
				<verse number="17">Na Yeova nũkwĩkĩte, o tondũ waneenie na kanyw’a wakwa: na Yeova nũvenanĩte ũsumbĩ kw’okonĩ kwaku, na akonenga mũtũi waku, o Ndaviti.</verse>
				<verse number="18">Nĩkwĩthĩwa ndwĩw’aa wasya wa Yeova, na ndwaaĩka Amaleki kwĩanana na ũthilĩku wake mwai, kwondũ wa ũu Yeova nũkwĩkĩte ũndũ ũũ ũmũnthĩ.</verse>
				<verse number="19">O na ĩngĩ Yeova akanengane Isilaeli o vamwe naku kw’okonĩ kwa Avilisiti; na ũnĩ we na ana maku mũkeethĩwa vamwe nakwa: Yeova nake akanengane nguthu ya Isilaeli nayo kw’okonĩ kwa Avilisiti.</verse>
				<verse number="20">Nĩvo ĩndĩ o mĩtũkĩ Saulo wavalũkile nthĩ na mwĩĩ w’onthe, na aĩ na w’ĩa mũno, nũndũ wa ndeto sya Samueli: o na vatyaĩ vinya nthĩnĩ wake; nũndũ ndaĩte lĩu mũthenya ũsu w’onthe, na ũtukũ ũsu w’onthe.</verse>
				<verse number="21">Na ũla mũndũ mũka amũkĩa Saulo, na oona kana aũũyĩte mũno, na amwĩa, Sisya, mũthũkũmi waku mwĩĩtu nĩwĩthukĩĩisye wasya waku, na nĩniie thayũ wakwa kw’okonĩ kwakwa, na nĩnĩthukĩĩisye ndeto syaku ila ũneenie nakwa.</verse>
				<verse number="22">Yu ĩndĩ, nĩngũkwĩsũva, ĩthukĩĩsye naku wasya wa mũthũkũmi waku mwĩĩtu, na ndeka nĩkũathĩsye lĩu mũnini; na ũiya, nĩ kana wĩthĩwe na vinya, wĩendeete.</verse>
				<verse number="23">Ĩndĩ alea, na asya, Ndiya. Ĩndĩ athũkũmi make, vamwe na ũ mũndũ mũka mamũingĩĩsya; nake eethukĩĩsya wasya woo. Kwondũ wa ũu ookĩla nthĩ, na ekala ũkomonĩ.</verse>
				<verse number="24">Na ũ mũndũ mũka aĩ na kasaũ kanou nyũmbanĩ; na eekalaata, na akoaa; na oosa mũtu, na awũmba, na eekĩa iko aseũvya kĩmũtũ kĩte ĩlawa naw’o:</verse>
				<verse number="25">na akĩete mbee wa Saulo, na mbee wa athũkũmi make; na maya. Na ĩndĩ mookĩla, na mathi ũtukũ ũsu.</verse>
			</chapter>
			<chapter number="29">
				<verse number="1">Na ĩndĩ Avilisiti moombanĩsya nguthu syoo syonthe Aveki: na Aisilaeli mamba maeema vakuvĩ na nthongo ĩla yĩ Yesileeli.</verse>
				<verse number="2">Na eaĩi ma Avilisiti maenda mbee me maana, na me ngili ngili, na Ndaviti na andũ make maenda ĩtina me na Akisi.</verse>
				<verse number="3">Nĩvo ĩndĩ anene me mbee ũsumbĩnĩ ma Avilisiti makũlilye, Aevelania meĩka ata vaa? Na Akisi amea anene me mbee ũsumbĩnĩ ma Avilisiti, Ũũ ti Ndaviti, mũthũkũmi wa Saulo mũsumbĩ wa Isilaeli, ũla wĩkalĩte nakwa matukũ asu, kana o myaka ĩsu, na ndyaaona ĩvĩtyo nthĩnĩ wake kuma yĩla wetilile ooka kwakwa kũvika ũmũnthĩ?</verse>
				<verse number="4">Ĩndĩ anene me mbee ũsumbĩnĩ ma Avilisiti mamũthilĩkĩla; na anene me mbee ũsumbĩnĩ ma Avilisiti mamwĩa, Tũngĩthya ũ mũndũ, nĩ kana asyoke vandũ vake vala ũmũtw’ĩĩte, na ndũkamũeke atheee naitũ kaũnĩ, ndakese ũtũtw’ĩkĩa nthũ kaũnĩ: nũndũ mũndũ ũũ akeyĩw’anĩthya na mwĩaĩi wake ata? Ti o na mĩtwe ya andũ aa?</verse>
				<verse number="5">Ũũ ti Ndaviti, ũla mamwinĩe makĩtĩkĩanĩsya ene kwa ene makĩsũnga, makyasya, Saulo nĩwũaĩte ngili syake, Na Ndaviti ngili syake makũmi?</verse>
				<verse number="6">Nĩvo ĩndĩ Akisi wamwĩtie Ndaviti, na amwĩa, O tondũ Yeova wĩ thayũ, nĩwĩthĩĩtwe mũlũngalu, na kumaala kwaku na kũlika kwaku vamwe nakwa nguthunĩ nĩ kũseo vala nĩĩ; nũndũ ndyaaona ũthũku nthĩnĩ waku kuma mũthenya ũla wookie kwakwa kũvika ũmũnthi: ĩndĩ ala eaĩi matyonaa wĩ mũseo.</verse>
				<verse number="7">Kwondũ wa ũũ ĩndĩ syoka, na ũkĩthi na mũuo, nĩ kana ndũkew’ĩthye eaĩi ma Avilisiti woo.</verse>
				<verse number="8">Na Ndaviti akũlya Akisi, Ĩndĩ nĩkĩte ata? Na wonete ata mũthũkũminĩ waku ĩvinda yĩu yonthe nĩthĩĩtwe vala ũĩ kũvika ũmũnthĩ, kana ndikatonye kũthi na kũkita na amaitha ma mwĩaĩi wakwa mũsumbĩ?</verse>
				<verse number="9">Na Akisi asũngĩa na amwĩa Ndaviti, Nĩnĩsĩ wĩ mũseo kwakwa, o ta mũlaĩka wa Ngai: ĩndĩ vamwe na ũu anene me mbee ũsumbĩnĩ ma Avilisiti nĩmaĩtye, Ndakaenda naitũ kaũnĩ.</verse>
				<verse number="10">Kwondũ wa ũu ĩndĩ ũkĩla kĩoko tene wĩ na athũkũmi ma mwĩaĩi waku ala manokie vamwe naku; na o yĩla mwĩũkĩla kĩoko tene, na kwona nthĩ, endai.</verse>
				<verse number="11">Kwondũ wa ũu Ndaviti ookĩla tene, we na andũ make, nĩ kana mathi kĩoko, masyoke nthĩ ya Avilisiti. Na Avilisiti mambata ku Yesileeli.</verse>
			</chapter>
			<chapter number="30">
				<verse number="1">Na kweethĩwa, yĩla Ndaviti na andũ make mavikĩte Nzikilaki mũthenya wa katatũ, Aamaleki maĩ manavithũkĩa ngalĩ ya Ĩtheo, na Nzikilaki, na maĩ manakũna Nzikilaki, na kũmĩvĩvya na mwaki,</verse>
				<verse number="2">na maĩ manatava aka na onthe ala maĩ nthĩnĩ wayo, anini o na anene: matyaaũaa o na ũmwe, ĩndĩ mamatwaa, na meeendea.</verse>
				<verse number="3">Na yĩla Ndaviti na andũ make mavikie ndũanĩ, sisya, yaĩ mbĩvye na mwaki; na iveti syoo, na ana moo, na eĩtu moo, maĩ atave.</verse>
				<verse number="4">Nĩvo ĩndĩ Ndaviti na andũ ala maĩ nake mookĩlilye wasya woo na kũĩa, kũvika matyaĩ na ũtonyi ũngĩ wa kũĩa.</verse>
				<verse number="5">Na iveti ilĩ sya Ndaviti nĩsyataviwe, Ainoamu Mũyesileeli, na Avikaili ũla waĩ kĩveti kya Navali Mũkalimeli.</verse>
				<verse number="6">Na Ndaviti aũũya mũno; nũndũ andũ maneenie ũndũ wa kũmũkima na mavia, nĩkwĩthĩwa ngoo sya andũ onthe syeew’aa woo, kĩla mũndũ ũndũ wa ana make na eĩtu make: ĩndĩ Ndaviti eeyĩkĩa vinya nthĩnĩ wa Yeova Ngai wake.</verse>
				<verse number="7">Na Ndaviti amwĩa mũthembi Aviathali, mwana wa Aimeleki, Nĩngũkwĩsũva, ndetee evoti vaa. Na Aviathali amũtwaĩa Ndaviti ĩla evoti.</verse>
				<verse number="8">Na Ndaviti akũlya Yeova, akyasya, Ethĩwa nĩngũatĩĩa nguthu ĩno, ngamĩwĩla? Nake amũsũngĩa, Atĩĩa; nũndũ nĩ w’o ũkamĩwĩla, na ũkeetũngĩa syonthe vate ndĩi.</verse>
				<verse number="9">Kwondũ wa ũu Ndaviti athi, we na andũ maana thanthatũ ala maĩ vamwe nake, na mavika kalũsĩnĩ ketawa Mbesoli, vala ala matiĩtwe ĩtina mekalĩte.</verse>
				<verse number="10">Ĩndĩ Ndaviti aatĩĩaa, we na andũ maana ana; nũndũ maana elĩ matiĩlĩtwe ĩtina, ala maĩ anyalu ũndũ matatonya kũinga kala kalũsĩ Mbesoli.</verse>
				<verse number="11">Na meethĩa Mũmisili weũnĩ, na mamũetee Ndaviti, na mamũnenga lĩu, na aya; na mamũnenga manzĩ anyw’e;</verse>
				<verse number="12">na mamũnenga kĩlungu kya kakũmbwa ka makũyũ, na itũngo ilĩ sya nzavivũ mbovu: na amina ũya, veva wake wamũsyokea ĩngĩ; nũndũ ndaĩte lĩu, o na kũnyw’a manzĩ mĩthenya ĩtatũ na matukũ atatũ.</verse>
				<verse number="13">Na Ndaviti amũkũlya, Wĩ waũ? Na wumĩte va? Na asũngĩa, Nyie nĩ mwanake wa ku Misili, mũthũkũmi wa Mũamaleki; na vwana wakwa nĩwandiie, nĩkwĩthĩwa yu nĩ matukũ atatũ nĩ mũwau.</verse>
				<verse number="14">Nĩtwavithũkie ngalĩ ya Ĩtheo ya Akelethi, na kũla kwa Yuta, na ngalĩ ya Ĩtheo ya Kalevu; na twavĩvya Nzikilaki na mwaki.</verse>
				<verse number="15">Na Ndaviti amũkũlya, Ũkandwaa kũla kwĩ nguthu ĩsu? Na asũngĩa, Mbĩavĩa Ngai, kana ndũkambũaa, o na kũnengane mokonĩ ma vwana wakwa, nakwa ngakũtheesya kũla kwĩ nguthu ĩsu.</verse>
				<verse number="16">Na yĩla wamũtheeisye, sisya, manyaĩĩkĩte nthĩ yonthe, makĩya, na makĩnyw’a, na makĩsũnga, nũndũ wa mũtavo ũsu w’onthe mũnene ũla matavĩte nthĩ ya Avilisiti, na nthĩ ya Yuta.</verse>
				<verse number="17">Na Ndaviti amakũna kuma kwĩ ũmithi o kũvika wĩoo wa ũnĩ ũla ũngĩ: na kũtyaavonoka mũndũ wamo, ate o anake maana ana, ala makuĩtwe nĩ ngamĩle na makĩie.</verse>
				<verse number="18">Na Ndaviti atũnga syonthe ila Aamaleki matwaĩte, na Ndaviti atangĩĩa iveti syake ilĩ.</verse>
				<verse number="19">Na kũtyaĩ kĩndũ kyaatiala kwoo, kĩnini kana kĩnene, ana o na eĩtu, o na mũtavo, o na kĩndũ o na kĩva kĩla meetavĩe: Ndaviti nĩwatũngie syonthe.</verse>
				<verse number="20">Na Ndaviti oosa ndĩthya syonthe sya mbũi na malondu na sya ng’ombe, ila maingĩte mbee wa indo ila ingĩ, na asya, Ii nĩ mũtavo wa Ndaviti.</verse>
				<verse number="21">Na Ndaviti avika vala ve ala andũ maana elĩ, ala maĩ anyalu mataĩ matonya kũmũatĩĩa Ndaviti, o ala mamatiĩlĩte kalũsĩnĩ Mbesoli; na mauma mamũthaũe Ndaviti, na kũthaũa andũ ala maĩ nake: na yĩla Ndaviti wathengeeie andũ, amakethya.</verse>
				<verse number="22">Nĩvo ĩndĩ andũ athũku o na ala athe onthe, katĩ wa asu maendie na Ndaviti, masũngĩie, na masya, Nĩkwĩthĩwa matyaaenda naitũ, tũtikamenenga kĩndũ o na kĩmwe kya mũtavo ũla tũtũngĩte, ate o kĩla mũndũ kĩveti kyake na syana syake, nĩ kana amatongoesye, mathi.</verse>
				<verse number="23">Nĩvo ĩndĩ Ndaviti waisye, Mũtitonya kwĩka ũu, ana‐a‐asa makwa, na kĩla Yeova ũtũnengete, ũla ũtũsũvĩĩte, na kũnengane kw’okonĩ kwitũ nguthu ĩla yatũvithũkĩe.</verse>
				<verse number="24">Na nũũ ũla wĩmwĩthukĩĩsya ũndũnĩ ũũ? Nũndũ o tondũ kĩanda kya ũla ũkatheeaa kaũnĩ kĩkethĩawa, now’o kĩanda kya ũla ũkekalaa na mĩio kĩkethĩawa: makaaĩawa ũndũ ũmwe.</verse>
				<verse number="25">Na kweethĩwa kuma mũthenya ũsu na kũendeea, atw’a ũndũ ũsu mwamũlo na ũtw’ĩo kwondũ wa Isilaeli kũvika ũmũnthĩ.</verse>
				<verse number="26">Na yĩla Ndaviti wavikie Nzikilaki, atwaĩa atumĩa ma Yuta sya mũtavo, o anyanyae make, akĩmea, Sisya, nĩ mũthĩnzĩo ũndũ wenyu wa mũtavo wa amaitha ma Yeova:</verse>
				<verse number="27">kwa ala maĩ Mbethi‐eli, na kwa ala maĩ Lamothi ya ngalĩ ya Ĩtheo, na kwa ala maĩ Yatili,</verse>
				<verse number="28">na kwa ala maĩ Aloeli, na kwa ala maĩ Sivimothi, na kwa ala maĩ Esitemoa,</verse>
				<verse number="29">na kwa ala maĩ Lakali, na kwa ala maĩ ndũanĩ sya Ayelameeli, na kwa ala maĩ ndũanĩ sya Akeni,</verse>
				<verse number="30">na kwa ala maĩ Olima, na kwa ala maĩ Mboli‐asani, na kwa ala maĩ Athaki,</verse>
				<verse number="31">na kwa ala maĩ Eviloni, na kũndũ kw’onthe kũla Ndaviti o na andũ make makothaa kwanganga.</verse>
			</chapter>
			<chapter number="31">
				<verse number="1">Na ĩndĩ Avilisiti nĩmokitie na Isilaeli: na andũ ma Isilaeli makũka makĩĩte Avilisiti, na mavalũkw’a me oae kĩĩmanĩ kya Ngilivoa.</verse>
				<verse number="2">Na Avilisiti mamaatĩĩa Saulo na ana make na vinya; na Avilisiti mooaa Yonathani, na Avinatavu, na Malikisua, ana ma Saulo.</verse>
				<verse number="3">Na kaũ weethĩwa mwai kũla kwĩ Saulo, na andũ ma mata mamũwĩla; na aũũya mũno, ũndũ wa andũ ma mata.</verse>
				<verse number="4">Nĩvo ĩndĩ Saulo wamwĩie mũkui wa mĩio yake ya kaũ, Kũa ũvyũ waku, ũndonye mũkuthũ naw’o, aa ala mate aĩke matikese kũka na kũndonya mũkuthũ, na kũnthĩn’ya. Ĩndĩ mũkui wa mĩio yake ya kaũ ndaaĩtĩkĩla; nũndũ akĩaa mũno. Kwondũ wa ũu Saulo oosa ũvyũ wake, na eevalũkya ĩũlũ waw’o eetonyethya.</verse>
				<verse number="5">Na yĩla mũkui wa mĩio yake ya kaũ wonie atĩ Saulo nĩwakw’a, eevalũkya ĩũlũ wa ũvyũ wake eetonyethya nake, na akw’a vamwe nake.</verse>
				<verse number="6">Ũu nĩw’o Saulo wakwie, na ana make atatũ, na mũkui wa mĩio yake ya kaũ, na andũ make onthe, mũthenya o ũsu me vamwe.</verse>
				<verse number="7">Na yĩla andũ ma Isilaeli ala maĩ mũingo ũla ũngĩ wa mwanda, na ala maĩ mũingo ũya wa Yolotani, moonie kana andũ ma Isilaeli nĩmakũka makĩa, na kana Saulo na ana make nĩmakw’a, matia ndũa, na makũka makĩa; na Avilisiti mooka na maitũa.</verse>
				<verse number="8">Na kweethĩwa ũnĩ ũsu, yĩla Avilisiti mookie kũmatusa ala moaĩtwe, moona Saulo na ana make atatũ mavalũkĩte kĩĩmanĩ kya Ngilivoa.</verse>
				<verse number="9">Na matila mũtwe wake, na matusa mĩio yake ya kaũ, na matũmana nthĩ ya Avilisiti kw’onthe, matwaĩe nyũmba ya mĩvw’anano yoo, o na andũ, ũvoo.</verse>
				<verse number="10">Na maia mĩio yake ya kaũ nyũmbanĩ ya Asetalothi; na maathĩĩa kimba kyake ũvainĩ wa Mbethi‐sani.</verse>
				<verse number="11">Na yĩla ala matwĩe Yavesi‐ngileati meewie ũvoo wake ũndũ Avilisiti mamwĩkie Saulo,</verse>
				<verse number="12">andũ ngũmbaũ onthe mookĩla, na maenda ũtukũ w’onthe, na maumya kimba kya Saulo na simba sya ana make ũvainĩ wa Mbethi‐sani; na mavika Yavesi, na maivĩvĩsya vo.</verse>
				<verse number="13">Na moosa mavĩndĩ moo, na mamenzĩa nthĩ ĩtina wa mũtĩ wa mweseli ku Yavesi, na matĩĩa ũya mĩthenya mũonza.</verse>
			</chapter>
		</book>
		<book number="10">
			<chapter number="1">
				<verse number="1">Na kweethĩwa ĩtina wa kĩkw’ũ kya Saulo, yĩla Ndaviti waĩ anasyoka kuma kũmoaa Aamaleki, na Ndaviti aĩ anekala mĩthenya ĩlĩ Nzikilaki;</verse>
				<verse number="2">kweethĩwa mũthenya wa katatũ, sisya, mũndũ auma mwakonĩ wa maeema kwa Saulo, atembũangĩte ngũa syake, na e na mũthanga mũtwe wake: na kweethĩwa, yĩla wavikie vala ve Ndaviti, eevalũkya nthĩ, na eekunamya vyũ.</verse>
				<verse number="3">Na Ndaviti amũkũlya, Wauma va? Na amwĩa, Nĩnavonoka kuma mwakonĩ wa maeema wa Isilaeli.</verse>
				<verse number="4">Na Ndaviti amũkũlya, Ũvoo ũnaendie ata? Nĩngũkwĩsũva, ndavya. Na asũngĩa, Andũ nĩmanakĩie manauma kaũnĩ, o na andũ aingĩ nĩ avalũkye na nĩ akw’ũ; na Saulo na Yonathani mwana wake nao nĩ akw’ũ.</verse>
				<verse number="5">Na Ndaviti akũlya mwanake ũla wamũtavya, Wĩsĩ ata Saulo na Yonathani mwana wake nĩ akw’ũ?</verse>
				<verse number="6">Na mwanake ũla wamũtavya asya, Yĩla nĩnesie kwĩthĩwa kĩĩmanĩ kya Ngilivoa, sisya, Saulo aneetw’ĩĩkĩte na ĩtumo yake; na, sisya, makasya ma kaũ na andũ matũlĩte mbalasi mamũatĩĩa vakuvi.</verse>
				<verse number="7">Na yĩla ũnasyaisye ĩtina, ambona, na ambĩta. Nakwa nasũngĩa, Ninyioo.</verse>
				<verse number="8">Na angũlya, Nue ũũ? Na namũsũngĩa, Nyie nĩ Mũamaleki.</verse>
				<verse number="9">Na ambĩa, Nĩngũkwĩsũva, ũngama vakuvĩ nakwa, ũmbũaĩĩe; nũndũ nthikũ nĩngwatĩte, nũndũ thayũ wakwa no ũtiele nthĩnĩ wakwa kũvika yu.</verse>
				<verse number="10">Na ĩndĩ naũngama vakuvĩ nake, na namũaa, nũndũ nĩnĩneesĩ ndatonya kwĩkala thayũ ĩtina wa avalũka: na naumya ngovia ya ũsumbĩ ĩla ĩnaĩ mũtwe wake, na kĩtang’a kĩla kĩnaĩ kw’okonĩ kwake, na nĩnaiete vaa kwa mwĩaĩi wakwa.</verse>
				<verse number="11">Nĩvo ĩndĩ Ndaviti wakwatie ngũa syake, na aitembũanga; na andũ onthe ala maĩ nake o ta ũu:</verse>
				<verse number="12">na mameta, na kũĩa, na kũtĩĩa ũya kũvika wĩoo, kwondũ wa Saulo, na kwondũ wa Yonathani mwana wake, na kwondũ wa andũ ma Yeova, na kwondũ wa nyũmba ya Isilaeli; nũndũ nĩmavalũkilw’e na ũvyũ.</verse>
				<verse number="13">Na Ndaviti amũkũlya mwanake ũla wamũtavisye, Wĩ wa va? Na amũsũngĩa, Nĩ mwana wa mwĩkali wa ũenini, Mũamaleki.</verse>
				<verse number="14">Na Ndaviti amũkũlya, Nũndũ wa ki ndwaakĩa kũtambũũkya kw’oko kwaku wanange mwĩtĩkĩw’a mauta wa Yeova?</verse>
				<verse number="15">Na Ndaviti eeta mwanake ũmwe, na asya, Thengeea ũmũthũũmũkĩe. Na amũkũna akw’a.</verse>
				<verse number="16">Na Ndaviti amwĩa, Nthakame yaku yĩthĩwe ĩũlũ wa mũtwe waku; nũndũ kanyw’a waku nũkũkũsĩĩe, ũkyasya, Nĩnũaĩte mwĩtĩkĩw’a mauta wa Yeova.</verse>
				<verse number="17">Na Ndaviti aĩa kĩĩo kĩĩ kwondũ wa Saulo na kwondũ wa Yonathani mwana wake</verse>
				<verse number="18">(na ameaĩa mamanyĩsye ana ma yuta wathi wa ũta: sisya, nĩkũandĩkĩtwe ĩvukunĩ ya Yasali):</verse>
				<verse number="19">Ũnene waku, we Isilaeli, nĩwũaĩwe ĩũlũ wa kũndũ kwaku kũtũlu! Kaĩ! Ala me ũtonyi nĩ avalũku!</verse>
				<verse number="20">Ũu ndũkatavanw’e ku Ngathi, Ndũkanyaĩĩkw’e nzĩanĩ nene sya Asikeloni: Eĩtu ma Avilisiti matikese kũtana, Eĩtu ma ala mate aĩke maikese kũkĩlya vinya.</verse>
				<verse number="21">Inyw’ĩ iĩma sya Ngilivoa, Kũtikethĩwe ĩmwe kana mbua ĩũlũ wenyu, o na mĩũnda ya nthembo: Nũndũ nĩvo ngao ya ũla wĩ ũtonyi yekiw’e ĩkĩvũthw’a, Ngao ya Saulo ta ũtetĩkĩw’e mauta.</verse>
				<verse number="22">Vala ve nthakame ya ala oae, vale ve ũnou wa ala me ũtonyi, Ũta wa Yonathani ndwaasyoka ĩtina, Na ũvyũ wa Saulo ũtyaasyoka mana.</verse>
				<verse number="23">Saulo na Yonathani maĩ aseo na ma kwendeesya mathayũnĩ moo, O na kĩkw’ũnĩ kyoo matyaatanw’a: Maĩ mĩtũkĩ kwĩ ndiũ, Maĩ na vinya kwĩ mĩnyambũ.</verse>
				<verse number="24">Inyw’ĩ eĩtu ma Isilaeli, ĩĩai Saulo, Ũla wamwĩkĩie ngũa ndune mũno sya kwendeesya, Ũla wekĩie wanake wa thaavu ngũanĩ syenyu.</verse>
				<verse number="25">Kaĩ! Ala me ũtonyi nĩ avalũku kaũnĩ katĩ! Yonathani nĩwũaĩwe ĩũlũ wa kũndũ kwaku kũtũlu.</verse>
				<verse number="26">Nĩngũũũya kwondũ waku, mwana‐a‐ia Yonathani: Wambendeeasya mũno: Wendo waku kwakwa waĩ wa ũseng’ya, Ũvĩtũkĩte wendo wa aka.</verse>
				<verse number="27">Kaĩ! Ala me ũtonyi nĩ avalũku, Na mĩio ya kaũ nĩ myanangĩku!</verse>
			</chapter>
			<chapter number="2">
				<verse number="1">Na kweethĩwa ĩtina wa ũu, Ndaviti akũlya Yeova, akyasya, Nambate ndũanĩ o na yĩva ya Yuta? Na Yeova amwĩa, Ambata. Na Ndaviti akũlya, Nambate va? Na asũngĩa, Eviloni.</verse>
				<verse number="2">Na ĩndĩ Ndaviti ambata kw’o, o na aka make eli, Ainoamu Mũyesileeli, na Avikaili ũla waĩ kĩveti kya Navali Mũkalimeli.</verse>
				<verse number="3">Na Ndaviti ambatya andũ make ala maĩ nake, kĩla mũndũ na andũ ma nyũmba yake: na matũa ndũanĩ sya Eviloni.</verse>
				<verse number="4">Na andũ ma Yuta mooka, na mamwĩtĩkĩĩsya Ndaviti mauta kw’o ethĩwe mũsumbĩ wa nyũmba ya Yuta. Na matavya Ndaviti, makyasya, Andũ ma Yavesi‐ngileati nĩmo ala mamwĩnzĩie Saulo nthĩ.</verse>
				<verse number="5">Na Ndaviti atũma atũmwa kwa andũ ma Yavesi‐ngileati, na amea, Athimwai nĩ Yeova, nũndũ nĩmwĩkĩte mwĩaĩĩ wenyu, o Saulo, ũseo ũũ, wa kũmwĩnzĩa nthĩ.</verse>
				<verse number="6">Na yu Yeova namwon’ye ũseo wĩ wendo na w’o: nakwa ngamwĩka nesa ũndũ wa ũseo ũsu, nũndũ nĩmwĩkĩte ũndũ ũsu.</verse>
				<verse number="7">Yu kwondũ wa ũu moko menyu methĩwe na vinya, nenyu mwĩthĩwe na ũkũmbaũ; nũndũ Saulo mwĩaĩi wenyu nĩ mũkw’ũ, na ĩngĩ nyũmba ya Yuta nĩmbĩtĩkĩsye mauta nĩthĩwe mũsumbĩ wayo.</verse>
				<verse number="8">Na yu Avineli mwana wa Neli, kavuteni wa nguthu ya Saulo, aĩ anamwosa Isi‐vosethi mwana wa Saulo, na kũmũtwaa ku Maanaimu;</verse>
				<verse number="9">na amũtw’ĩkĩthya mũsumbĩ wa Ngileati, na Aasuli, na Yesileeli, na Evalaimu, na Mbenyamini, na Isilaeli onthe.</verse>
				<verse number="10">Isi‐vosethi, mwana wa Saulo, aĩ wa myaka mĩongo ĩna yĩla wambĩlĩlye kũsumbĩka Isilaeli, na asumbĩka myaka ĩlĩ. Ĩndĩ nyũmba ya Yuta yaatĩĩa Ndaviti.</verse>
				<verse number="11">Na ĩvinda yĩla Ndaviti wasumbĩkie nyũmba ya Yuta ku Eviloni nĩ myaka mũonza na myei thanthatũ.</verse>
				<verse number="12">Na Avineli mwana wa Neli, na athũkũmi ma Isi‐vosethi mwana wa Saulo, mauma Maanaimu mathi Ngiveoni.</verse>
				<verse number="13">Na Yoavu mwana wa Nzeluia, na athũkũmi ma Ndaviti maumaala, na makomana nao vakuvĩ na ndia ya Ngiveoni; na mekala nthĩ, amwe ngalĩ ĩmwe ya ndia, na ala angĩ ngalĩ ĩla ĩngĩ ya ndia.</verse>
				<verse number="14">Na Avineli amwĩa Yoavu, Nĩngũkwĩsũva, anake mokĩle mathaũke twene. Na Yoavu asya, Mokĩle.</verse>
				<verse number="15">Na ĩndĩ mookĩla na mainga me atale: ĩkũmi na elĩ ma Mbenyamini, o ma Isi‐vosethi mwana wa Saulo, na athũkũmi ĩkũmi na elĩ ma Ndaviti.</verse>
				<verse number="16">Na makwatana mĩtwe kĩla ũmwe na ũla ũngĩ, na matonyanĩla mbaunĩ kĩla mũndũ na ũla ũngĩ: na ĩndĩ mavalũkanĩla vamwe: kwondũ wa ũu vandũ vau vetwa Elikathi‐asulimu, na vo ve Ngiveoni.</verse>
				<verse number="17">Na kaũ waĩ vinya mũno mũthenya ũsu; na Avineli akĩlw’a vinya, o na andũ ma Isilaeli, nĩ athũkũmi ma Ndaviti.</verse>
				<verse number="18">Na ana atatũ ma Nzeluia maĩ kw’o, Yoavu, na Avisai, na Asaeli: na Asaeli aĩ maũũ ta nthwaia nga.</verse>
				<verse number="19">Na Asaeli akũa Avineli; na amũkũĩte ndaathũka ngali ya kw’oko kwa aũme kana kwa aka aeke kũmũkũa Avineli.</verse>
				<verse number="20">Nĩvo ĩndĩ Avineli wasiisye ĩtina wake, na asya, Nue, Asaeli? Na asũngĩa, Ninyie.</verse>
				<verse number="21">Na Avineli amwĩa, Athũka ngalĩ ya kw’oko kwa aũme kwaku kana kwa aka, ũkwate mwanake ũmwe, nokyosa mĩio yake ya kaũ. Ĩndĩ Asaeli ndaaĩtĩkĩla kwathũka aeke ũmũkũa.</verse>
				<verse number="22">Na Avineli amwĩa Asaeli ĩngĩ, Athũka ũeke kũngũa: nĩkĩ ngũkũne ũvalũke nthĩ? Ngatonya ata ĩndĩ kũkĩlya ũthyũ wakwa vala ve Yoavu mwana‐a‐mwenyu?</verse>
				<verse number="23">Ĩndĩ alea kwathũka: kwondũ wa ũu Avineli amũtonya na mũla wa ĩtumo ĩvunĩ, na ĩtumo yaumĩlĩla mũongo; na avalũka vo, na akw’ĩa o vo: na kweethĩwa, o ala mavikĩe vandũ vala Asaeli wavalũkile akĩkw’a maũngama.</verse>
				<verse number="24">Ĩndĩ Yoavu na Avisai maatĩĩa Avineli: na syũa yathũa yĩla mavikie kĩĩmanĩ kya Ama, kĩla kĩ mbee wa Ngia nzĩanĩ ĩla ĩelete weũnĩ wa Ngiveoni.</verse>
				<verse number="25">Na ana ma Mbenyamini meeyũmbanĩsya vala ve Avineli, na matw’ĩka nguthu ĩmwe, na maũngama mũtumbĩnĩ wa kĩĩma.</verse>
				<verse number="26">Nĩvo ĩndĩ Avineli wamwĩtie Yoavu, na amũkũlya, Ũvyũ ũkamina matukũ onthe? Ndũũmanya kũkeethĩwa ũũ mũminũkĩlyonĩ? Kũkeethĩwa kũvika ĩndĩĩ ũkĩsa kũtavya andũ masyoke maeke kũatĩĩa ana‐a‐ĩthe moo?</verse>
				<verse number="27">Na Yoavu asya, O tondũ Ngai wĩ thayũ, o na kethĩwa ndũnaneena, vate ndĩi andũ meĩ yĩnũka kĩoko, na makĩeka kũatĩĩa kĩla ũmwe mwana‐a‐ĩthe wake.</verse>
				<verse number="28">Kwondũ wa ũu Yoavu avuva soo; na andũ onthe maũngama, na matyaaatĩĩa Isilaeli ĩngĩ, kana kũkita namo ĩngĩ.</verse>
				<verse number="29">Na Avineli na andũ make maenda ũtukũ ũsu w’onthe mavĩtĩla Alava; na mainga Yolotani, na mavĩtĩla Vithiloni yonthe, na mavika Maanaimu.</verse>
				<verse number="30">Na Yoavu asyoka aeka kũatĩĩa Avineli: na yĩla waminie kũmban’ya andũ onthe, athũkũmi ma Ndaviti maolekete andũ ĩkũmi na kenda, na Asaeli.</verse>
				<verse number="31">Ĩndĩ athũkũmi ma Ndaviti nĩmakũnĩte andũ ma Mbenyamini, o andũ ma Avineli, makakw’a andũ maana atatũ na mĩongo thanthatũ.</verse>
				<verse number="32">Na mamwosa Asaeli na mamũthika ngunganĩ ya ĩthe wake vala vathikawa akw’ũ, ĩla yaĩ Mbethi‐leemu. Na Yoavu na andũ make maenda ũtukũ w’onthe, na makeewe ku Eviloni.</verse>
			</chapter>
			<chapter number="3">
				<verse number="1">Na kwaĩ kaũ ĩvinda ĩasa wa nyũmba ya Saulo na nyũmba ya Ndaviti: na Ndaviti aendeea kũneneva mũno, ĩndĩ nyũmba ya Saulo yaendeea na kwaa vinya mũno.</verse>
				<verse number="2">Na Ndaviti asyaĩa ana ku Eviloni: ĩkithathi yake nĩ Aminoni, wa Ainoamu Mũyesileeli;</verse>
				<verse number="3">na mwana wake wa kelĩ nĩ Kileavu, wa Avikaili ũla waĩ kĩveti kya Navali Mũkalimeli; na wa katatũ nĩ Avisalomu mwana wa Maaka mwĩĩtu wa Talimai mũsumbĩ wa Ngesuli;</verse>
				<verse number="4">na wa kana nĩ Atoniya mwana wa Akithi; na wa katano nĩ Sevatia mwana wa Avitali;</verse>
				<verse number="5">na wa thanthatũ nĩ Ithileamu wa Ekila, kĩvetĩ kya Ndaviti. Asu Ndaviti amasyaĩe ku Eviloni.</verse>
				<verse number="6">Na kweethĩwa, yĩla kwaĩ kaũ wa nyũmba ya Saulo na nyũmba ya Ndaviti, Avineli eeyongeleela vinya nyũmbanĩ ya Saulo.</verse>
				<verse number="7">Na Saulo aĩ na mũka ngombo, ũla syĩtwa yake eetawa Lisiva, mwĩĩtu wa Aia: na Isi‐vosethi akũlya Avineli, Nũndũ wa kĩ ũlikĩte kwa mũka ngombo wa ĩthe wakwa?</verse>
				<verse number="8">Nĩvo ĩndĩ Avineli wathilĩkile mũno nũndũ wa ndeto sya Isi‐vosethi, na akũlya, Nyie nĩ mũtwe wa ngitĩ ĩsu Yuta? Ũmũnthĩ nĩnĩkaa nyũmba ya Saulo ĩthe waku nesa, na ana‐a‐ĩthe make, na anyanyae make, na ndyaakũnengane kw’okonĩ kwa Ndaviti; ĩndĩ ũmũnthĩ nũũmbilĩĩla ĩvĩtyo ũndũ wa mũndũ mũka ũsu.</verse>
				<verse number="9">Ngai namwĩke Avineli ũu, o na mbee, ethĩwa ndimwĩka Ndaviti o w’o, o tondũ Yeova wamwĩvĩtĩe Ndaviti;</verse>
				<verse number="10">aumye ũsumbĩ nyũmbanĩ ya Saulo, na kũũngamya kĩvĩla kya ũsumbĩ kya Ndaviti asumbĩke Isilaeli na Yuta, kuma Ndani o na kũvika Mbeeli‐sieva.</verse>
				<verse number="11">Na ndaatonya kũsũngĩa Avineli ndeto ĩngĩ, nũndũ nĩwamũkĩie.</verse>
				<verse number="12">Na Avineli atũma atũmwa kwa Ndaviti ngalĩ ĩ yake, akĩmũkũlya, Nthĩ nĩ vau? Na ĩngĩ akĩmwĩa, Seũvya wĩw’ano waku nakwa, na, sisya, kw’oko kwakwa kũkeethĩwa vamwe naku, nĩalyũle Isilaeli onthe methĩwe ngalĩ yaku.</verse>
				<verse number="13">Na asũngĩa. Nĩ ũseo; ngaseũvya wĩw’ano naku; ĩndĩ ũndũ ũmwe ngũandũa kwaku: nĩ atĩĩ, ndũkona ũthyũ wakwa, ũtaetete Mikali, mwĩĩtu wa Saulo, yĩla wĩũka kwona ũthyũ wakwa.</verse>
				<verse number="14">Na Ndaviti atũma atũmwa kwa Isi‐vosethi, mwana wa Saulo, akĩmwĩa, Nenga mũka wakwa Mikali, ũla neeasĩsye na ikonde sya mbinũ ĩana sya Avilisiti.</verse>
				<verse number="15">Na Isi‐vosethi atũmana, na amumya kwa mũũme, o kuma kwa Valitieli mwana wa Laisa.</verse>
				<verse number="16">Na mũũme aendan’ya nake, akĩĩa aendete, na amũatĩĩa kũvika Mbaulimu. Nĩvo ĩndĩ Avineli wamwĩie, Enda, ũsyoke: na asyoka.</verse>
				<verse number="17">Na Avineli aneena na atumĩa ma Isilaeli, Mavinda ala mavitu nĩmwamanthie Ndaviti ethĩwe mũsumbĩ wenyu:</verse>
				<verse number="18">na yu ĩndĩ ĩkai ũu; nũndũ Yeova nũneenete ũndũ wa Ndaviti, akyasya, Ngatangĩĩa andũ makwa Isilaeli na kw’oko kwa mũthũkũmi wakwa Ndaviti kũmaumya kw’okonĩ kwa Avilisiti, na kuma kw’okonĩ kwa amaitha moo onthe.</verse>
				<verse number="19">O na Avineli aneena matũnĩ ma Mbenyamini: na ĩngĩ Avineli athi aneene matũnĩ ma Ndaviti ku Eviloni ũvoo w’onthe ũla Isilaeli moonie wĩ ũseo, o na nyũmba yonthe ya Mbenyamini.</verse>
				<verse number="20">Na ĩndĩ Avineli ooka vala ve Ndaviti Eviloni, e na andũ mĩongo ĩlĩ. Na Ndaviti amavokea Avineli na andũ ala maĩ nake mboka.</verse>
				<verse number="21">Na Avineli amwĩa Ndaviti, Nĩngũkĩla nĩthi, ngamũmbanĩsye mwĩaĩi wakwa mũsumbĩ Isilaeli onthe, nĩ kana matianĩe ũtianĩo naku, na nĩ kana ũsumbĩke w’onthe ũla ngoo yaku yendete. Na Ndaviti amũeka Avineli athi; na aenda na mũuo.</verse>
				<verse number="22">Na, sisya, athũkũmi ma Ndaviti mooka me na Yoavu maumĩte kaũnĩ, na maete mũtavo mũnene: ĩndĩ Avineli ndaĩ na Ndaviti ku Eviloni; nũndũ nĩwamũekete na akathi, na aĩ anaenda na mũuo.</verse>
				<verse number="23">Na yĩla Yoavu na ngũthu yonthe ĩla yaĩ nake mavikie, andũ matavya Yoavu, makĩmwĩa, Avineli mwana wa Neli okie kwa mũsumbĩ, na nũmũekie athi, na nũendie na mũuo.</verse>
				<verse number="24">Nĩvo ĩndĩ Yoavu waendie kwa mũsumbĩ, na amũkũlya, Wĩkie ata? Sisya, Avineli nĩwũkie kwaku; nũndũ wa kĩ ũmũekie athi, na nũendie vyũ?</verse>
				<verse number="25">Nũmwĩsĩ Avineli mwana wa Neli, kana okie akũkenge, na kũthiana kumaala kwaku na kũlika kwaku, na kũmanya w’onthe ũla wĩkaa.</verse>
				<verse number="26">Na yĩla Yoavu waumie vala ve Ndaviti, atũma atũmwa maatĩĩe Avineli, na mamũtũngĩthĩsya kĩthimanĩ kya Silaa: ĩndĩ Ndaviti ndaamanya ũu.</verse>
				<verse number="27">Na yĩla Avineli watũngiwe Eviloni, Yoavu amũtwaa ũtee mbingĩlonĩ katĩ aneene nake mbola, na amũtonyea ĩvu vo, na akw’a, nũndũ wa nthakame ya mwana‐a‐ĩthe Asaeli.</verse>
				<verse number="28">Na ĩtina, yĩla Ndaviti wewie ũu, asya, Nyie na ũsumbĩ wakwa tũti na ĩtĩtyo kwa Yeova tene na tene ũndũ wa nthakame ya Avineli mwana wa Neli:</verse>
				<verse number="29">nĩyĩthĩwe ĩũlũ wa mũtwe wa Yoavu, na nyũmba ya ĩthe wake; na nyũmba ya Yoavu ndĩkaaĩthĩwe o na ĩndĩĩ ĩte na ũmwe wĩ na mũluo, kana wĩ na mangũ, kana ũla wĩlumĩlaa na ndata, kana ũla ũvalũkawa na ũvyũ, kana ũla ũte na lĩu.</verse>
				<verse number="30">Na ĩndĩ Yoavu na Avisai mwana‐a‐inyia mooaie Avineli, nĩkwĩthĩwa nĩwoaĩe mwana‐a‐inyia woo Asaeli ku kaũnĩ Ngiveoni.</verse>
				<verse number="31">Na Ndaviti amwĩa Yoavu, na andũ onthe ala maĩ nake, Tembũangai ngũa syenyu, na mũyĩvotoa makunia, mũmũmetee Avineli. Na mũsumbĩ Ndaviti aatĩĩa mũsekeseke.</verse>
				<verse number="32">Na mamũthika Avineli ku Eviloni: na mũsumbĩ ookĩlya wasya wake, na aĩĩa mbũanĩ ya Avineli; na andũ onthe maĩa.</verse>
				<verse number="33">Na mũsumbĩ amũĩĩa Avineli, na akũlya, Avineli aĩle kũkw’a tondũ ndia ĩkusaa?</verse>
				<verse number="34">Moko maku matyĩĩ move, kana maũũ maku matyĩĩkĩwe mbĩngũ: O tondũ mũndũ ũvalũkaa mbee wa ana ma ũthũku, now’o wavalũka. Na andũ onthe mamũĩĩa ĩngĩ.</verse>
				<verse number="35">Na andũ onthe mooka mamũingĩĩsye Ndaviti aye lĩu kwĩ mũthenya; ĩndĩ Ndaviti eevita, akyasya, Ngai nambĩke ũu, o na mbee, ethĩwa ngasama kĩmũtũ, kana kĩndũ kĩngĩ syũa yĩte ĩthũu.</verse>
				<verse number="36">Na andũ onthe moona ũndũ ũsu, na mendeew’a; nũndũ o ũndũ mũsumbĩ wekaa andũ onthe mendeeaw’a nĩw’o.</verse>
				<verse number="37">Kwondũ wa ũu andũ onthe ma Isilaeli onthe mamanya mũthenya ũsu kana ti ũvoo wa mũsumbĩ kũaa Avineli mwana wa Neli.</verse>
				<verse number="38">Na mũsumbĩ akũlya athũkũmi make, Mũtyĩsĩ kana mũnene wĩ mbee ũsumbĩnĩ, mũndũ wĩ nguma, nũvalũkile ũmũnthĩ kwa Isilaeli?</verse>
				<verse number="39">Na ũmũnthĩ nĩ mwonzu, o na kau nĩnetĩkĩw’e mauta nĩthĩwe mũsumbĩ; na andũ aa ana ma Nzeluia nĩmanemie nyie: Yeova naĩvanĩsye mwĩki wa ũthũku kwĩanana na ũthũku wake.</verse>
			</chapter>
			<chapter number="4">
				<verse number="1">Na yĩla Isi‐vosethi, mwana wa Saulo, wewie Avineli nũnakw’ĩĩe Eviloni, moko make maleela, na Aisilaeli onthe maũũya.</verse>
				<verse number="2">Na Isi‐vosethi, mwana wa Saulo, aĩ na andũ elĩ makavuteni ma nguthu: syĩtwa ya ũmwe eetawa Mbaana, na syĩtwa ya ũla ũngĩ eetawa Lekavi, ana ma Limoni Mũmbeelothi, wa ana ma Mbenyamini (nũndũ o na Mbeelothi ĩtalawa ya Mbenyamini:</verse>
				<verse number="3">na Ambeelothi maindũkĩĩa Ngitaimu, na nĩ ekali ma ũeninĩ kw’o kũvika ũmũnthĩ).</verse>
				<verse number="4">Na Yonathani, mwana wa Saulo, aĩ na mwana waĩte maũũ. Aĩ wa myaka ĩtano yĩla ũvoo wa Saulo na Yonathani waumie Yesileeli; na mũei wake amũvulya, na akĩa: na kweethĩwa, ekalaatĩte akĩe, mwana avalũka na ĩndĩ aaa maũũ. Na syĩtwa yake eetawa Mevivosethi.</verse>
				<verse number="5">Na ana ma Limoni Mũmbeelothi, Lekavi na Mbaana, mathi, na mavika nyũmbanĩ ya Isi‐vosethi mũthenya kwavyũva, o yĩla wathũmũĩte mũthenya katĩ.</verse>
				<verse number="6">Na malika nyũmbanĩ nthĩnĩ, ta mekwenda kwosa nganũ; na mamũtonya ĩvu: na Lekavi na Mbaana mwana‐a‐inyia makũka.</verse>
				<verse number="7">Na ĩndĩ yĩla malikile nyũmbanĩ, akomete ũkomoni wake kasũmbanĩ kake ka ũkoma, mamũtonya, na mamũaa, na matila mũtwe wake, na moosa mũtwe wake, na mathi ũtukũ w’onthe na nzĩa ĩla ĩelete nthĩ ya Alava.</verse>
				<verse number="8">Na mamũtwaĩa Ndaviti mũtwe wa Isi‐vosethi ku Eviloni, na mamwĩa mũsumbĩ, Sisya mũtwe wa Isi‐vosethi, mwana wa Saulo, mũmaitha waku, ũla wamanthaa thayũ waku; na Yeova nũĩvanĩsye mwĩaĩĩ wakwa mũsumbĩ ũmũnthĩ ũndũ wa Saulo na, ũsyao wake.</verse>
				<verse number="9">Na Ndaviti asũngĩa Lekavi na Mbaana mwana‐a‐inyia, ana ma Limoni Mũmbeelothi, na amea, O tondũ Yeova wĩ thayũ, ũla wovoisye thayũ wakwa kuma thĩnanĩ w’onthe,</verse>
				<verse number="10">yĩla ũmwe wandavisye, akyasya, Sisya, Saulo nĩ mũkw’ũ, akĩsũanĩa nũetete ũvoo mũseo, nĩnamũkwatie, na namũaĩa Nzikilaki, nĩw’o waĩ ĩtuvi yake namũnengie ũndũ wa ũvoo wake.</verse>
				<verse number="11">Nĩ mbee veana ata, ngaandũa nthakame yake mokonĩ menyu, na kũmũveta kũũ nthĩ, yĩla andũ athũku mooaĩe mũndũ mũlũngalu nyũmbanĩ yake mwene e ũkomonĩ wake?</verse>
				<verse number="12">Na Ndaviti eeaĩa anake make, namo mamoaa, na matila moko moo, na maũũ moo, na kũmasũsya vakuvĩ na ndia yĩ Eviloni. Ĩndĩ moosa mũtwe wa Isi‐vosethi, na mawĩnzĩa nthĩ mbũanĩ ya Avineli kũ Eviloni.</verse>
			</chapter>
			<chapter number="5">
				<verse number="1">Nĩvo ĩndĩ mbaĩ syonthe sya Isilaeli syookie Eviloni kwa Ndaviti, na syaneena, ikĩmwĩa, Sisya, twĩ ĩvĩndĩ yaku na mwĩĩ waku.</verse>
				<verse number="2">Mavinda mavĩtu yĩla Saulo waĩ mũsumbĩ waitũ, nue watongoesye Isilaeli kũmaumaalasyaa na kũmatũngaa: na Yeova akwĩa, Nue ũkethĩwa mũĩthi wa andũ makwa Isilaeli, na ũkethĩwa mũnene wĩ mbee ũsumbĩnĩ wa Isilaeli.</verse>
				<verse number="3">Kwondũ wa ũu atumĩa onthe ma Isilaeli mooka kwa mũsumbĩ ku Eviloni; na mũsumbĩ Ndavitĩ atianĩĩa ũtianĩo nao ku Eviloni mbee wa Yeova: na mamwĩtĩkĩsya Ndaviti mauta ethĩwe mũsumbĩ wa Isilaeli.</verse>
				<verse number="4">Ndaviti aĩ wa myaka mĩongo ĩtatũ yĩla wambĩlilye kũsumbĩka, na asumbĩka myaka mĩongo ĩna.</verse>
				<verse number="5">Ku Eviloni asumbĩka Yuta myaka mũonza na myei thanthatũ; na Yelusaleme asumbĩka Isilaeli onthe na Yuta myaka mĩongo ĩtatũ na ĩtatũ.</verse>
				<verse number="6">Na mũsumbĩ na andũ make maenda Yelusaleme mokite na Ayevusi, ala matwĩe ĩ nthĩ, ala maneenie na Ndaviti, makĩmwĩa, Ũtavetete ililinda na ala mathuaa, ndũkalika vaa; makĩsũanĩa, Ndaviti ndatonya kũlika vaa.</verse>
				<verse number="7">Ĩndĩ Ndaviti oosa ngome yĩ vinya ya Saioni; nayo nĩ ndũa ya Ndaviti.</verse>
				<verse number="8">Na Ndaviti aneena mũthenya ũsu, O ũla wĩthi kũkũna Ayevusi, nĩambate na mũtaũ wa manzĩ, na aikũna ala mathuaa na ililinda, ala mamenetwe nĩ ngoo ya Ndaviti. Kwondũ wa ũu measya, Ve ala mathuaa na ililinda; ndatonya kũlika ĩ nyũmba.</verse>
				<verse number="9">Na Ndaviti nĩwekalaa ngomenĩ ĩsu yĩ vinya, na amĩta ndũa ya Ndaviti. Na Ndaviti aaka athyũlũlũkĩtye, kuma Milo na kũendeea nthĩnĩ.</verse>
				<verse number="10">Na Ndaviti ongeleka kũneneva; nũndũ Yeova, Ngai wa nguthu, aĩ vamwe nake.</verse>
				<verse number="11">Na Ilamu mũsumbĩ wa Tile atũma atũmwa kwa Ndaviti, na mĩtĩ ya mĩkũũ, na aseũvya ma mbwaũ, na aki ma mavia; na mamwakĩa Ndaviti nyũmba.</verse>
				<verse number="12">Na Ndaviti amanya kana Yeova nũmũlũlũmĩlye ethĩwe mũsumbĩ wa Isilaeli, na nĩwũkĩlĩtye ũsumbĩ wake kwondũ wa andũ make Isilaeli.</verse>
				<verse number="13">Na Ndaviti atwaa aka angĩ ngombo na iveti ku Yelusaleme, ĩtina wa auma Eviloni; na ana na eĩtu angĩ masyawa nĩ Ndaviti.</verse>
				<verse number="14">Na aa nĩo masyĩtwa ma ala masyaĩwe Yelusaleme: Samua, na Sovavu, na Nathani, na Solomoni,</verse>
				<verse number="15">na Iviali, na Elisua, na Neveki, na Yavia,</verse>
				<verse number="16">na Elisama, na Eliata, na Eliveleti.</verse>
				<verse number="17">Na yĩla Avilisiti meewie kana nĩmamwĩtĩkĩsye Ndaviti mauta ethĩwe mũsumbĩ wa Isilaeli onthe, Avilisiti onthe mambata mamanthe Ndaviti; na Ndaviti eew’a ũu, na atheea vala ve ngome yĩ vinya.</verse>
				<verse number="18">Na Avilisiti maĩ manooka na makenyasya mwandanĩ wa Alevai.</verse>
				<verse number="19">Na Ndaviti akũlya Yeova, akyasya, Nambate kũkita na Avilisiti? Ũkamanengane kw’okonĩ kwakwa? Na Yeove amwĩa Ndaviti, Ambata; nũndũ vate ndĩi nganengane Avilisiti kw’okonĩ kwaku.</verse>
				<verse number="20">Na Ndaviti avika Mbaali‐velasimu, na Ndaviti amakũnĩa kw’o; na asya, Yeova nũtũlĩte amaitha makwa nene, ta vandũ vavũthũĩtwe nĩ manzĩ. Kwondũ wa ũu eeta syĩtwa ya vandũ vau Mbaali‐velasimu.</verse>
				<verse number="21">Na matia mĩvw’anano yoo kw’o; na Ndaviti na andũ make mamĩtwaa.</verse>
				<verse number="22">Na Avilisiti mambata o ĩngĩ, na meenyasya mwandanĩ wa Alevai.</verse>
				<verse number="23">Na yĩla Ndaviti wakũlilye Yeova, amwĩa, Ndũkambate: melingĩle ĩtina woo, noimavithũkĩa welekele mĩtĩnĩ ya mĩvolosati.</verse>
				<verse number="24">Na kũkeethĩwa, yĩla wĩĩw’a matuu ta ma andũ maendele mĩthyanĩ ya mĩvolosatĩ, nĩvo ĩndĩ wĩkuthũka; nũndũ nĩvo Yeova wumaalĩte mbee waku akũne nguthu ya Avilisiti.</verse>
				<verse number="25">Na Ndaviti eeka ũu, o tondũ Yeova wamwĩaĩe, na akũna Avilisiti kuma Ngeva kũvika Ngeseli.</verse>
			</chapter>
			<chapter number="6">
				<verse number="1">Na Ndaviti oomban’ya ĩngĩ andũ onthe anyuve ma Isilaeli, ngili mĩongo ĩtatũ.</verse>
				<verse number="2">Na Ndaviti ookĩla, na aenda na andũ onthe ala maĩ nake, kuma Mbaaleyuta, makaete kuma kw’o ĩsandũkũ ya Ngai, yĩla yĩtanĩaw’a na yĩla Syĩtwa, nayo nĩ syĩtwa ya Yeova wa nguthu ũla wĩkalaa ĩũlũ wa akeluvi.</verse>
				<verse number="3">Na mailĩĩla ĩsandũkũ ya Ngai ĩkasyanĩ yeũ, na mayumya nyũmbanĩ ya Avinatavu ĩla yaĩ kĩĩmanĩ: na Usa na Aio, ana ma Avinatavu mainga yĩla ĩkasya yeũ.</verse>
				<verse number="4">Na mayumya nyũmbanĩ ya Avinatavu, ĩla yaĩ kĩĩmanĩ, vamwe na ĩsandũkũ ya Ngai: na Aio atongoesya yĩla ĩsandũkũ.</verse>
				<verse number="5">Na Ndaviti na nyũmba yonthe ya Isilaeli mainga me mbee wa Yeova mĩthemba yonthe ya syĩndũ sya kũinga iseũvĩtw’e na mĩtĩ ya mĩsonovali, na mbeve, na inanda, na tũthembe, na tũmĩtĩ twa ũkunangan’ya, na tũmasaya.</verse>
				<verse number="6">Na yĩla mavikie kĩvũĩonĩ kya Nakoni Usa atambũũkya kw’oko kwake vala ve ĩsandũkũ ya Ngai, na ayĩtw’ĩĩka; nũndũ ng’ombe mĩsyatiũũkie.</verse>
				<verse number="7">Na ũthatu wa Yeova wakanĩa Usa; na Ngai amũkũnĩa vo nũndũ wa ĩvĩtyo yake; na akw’ĩa vo vakuvĩ na ĩsandũkũ ya Ngai.</verse>
				<verse number="8">Na Ndaviti eew’a woo, nũndũ Yeova nĩwakũna Usa; na eeta vandũ vau Velesi‐ũsa, kũvika ũmũnthĩ.</verse>
				<verse number="9">Na Ndaviti akĩa Ngai mũthenya ũsu; na asya, Ĩsandũkũ ya Yeova yĩkaetwe kwakwa ata?</verse>
				<verse number="10">Kwondũ wa ũu Ndaviti ndaaĩtĩkĩla kũthamĩsya ĩsandũkũ ya Yeova kwake ndũanĩ ya Ndaviti; ĩndĩ Ndaviti ayelelũkĩĩlya nyũmbanĩ ya Oveti‐etomu Mũngiti.</verse>
				<verse number="11">Na ĩsandũkũ ya Yeova yekala nyũmbanĩ ya Oveti‐etomu Mũngiti myei ĩtatũ: na Yeova aathima Oveti‐etomu, na nyũmba yake yonthe.</verse>
				<verse number="12">Na mũsumbĩ Ndaviti wataviw’e, kũkyaw’a, Yeova nũathimĩte nyũmba ya Oveti‐etomu, na syĩndũ syake syonthe, nũndũ wa ĩsandũkũ ya Ngai. Na Ndaviti aenda na aete ĩsandũkũ ya Ngai ndũanĩ ya Ndaviti kuma nyũmbanĩ ya Oveti‐etomu ayĩlikya ndũanĩ ya Ndaviti e na ũtanu.</verse>
				<verse number="13">Na kweethĩwa, yĩla ala makuĩte ĩsandũkũ ya Yeova maĩ manaenda matambya thanthatũ, athemba ng’ombe na kĩla kĩnou.</verse>
				<verse number="14">Na Ndaviti asũnga e mbee wa Yeova na vinya wake w’onthe; na Ndaviti evotoete evoti ya katane.</verse>
				<verse number="15">Uu nĩw’o Ndaviti na nyũmba yonthe ya Isilaeli maetie ĩsandũkũ ya Yeova makyũkĩlya mawasya manene, na wasya wa soo.</verse>
				<verse number="16">Na kweethĩwa, yĩla ĩsandũkũ ya Yeova yalikile ndũanĩ ya Ndaviti, Mĩkalĩ mwĩĩtu wa Saulo asyaĩlya mbũthinĩ, na oona mũsumbĩ Ndaviti akĩtũlĩlanga na kũsũnga e mbee wa Yeova; na amũvũthya ngoonĩ yake.</verse>
				<verse number="17">Na maete ĩsandũkũ ya Yeova nthĩnĩ, na mayia vandũ vayo, ĩeemanĩ nthĩnĩ yĩla Ndaviti wambĩte kwondũ wayo; na Ndaviti amũthembea Yeova nthembo sya kũvĩvw’a na nthembo sya mũuo.</verse>
				<verse number="18">Na yĩla Ndaviti waminie kũthemba nthembo ya kũvĩvw’a na nthembo sya mũuo, aathima andũ syĩtwanĩ ya Yeova wa nguthu.</verse>
				<verse number="19">Na amaaĩa andũ onthe, o ĩkomano yonthe ya Isilaeli, aũme o na aka, kĩla ũmwe kĩlungu kya kĩmũtũ, na kĩlungu kya nyama, na kakũmbwa ka nzavivũ mbovu. Na ĩndĩ andũ onthe maenda kĩla ũmwe nyũmbanĩ kwake.</verse>
				<verse number="20">Na ĩndĩ Ndaviti asyoka aathime andũ ma nyũmba yake. Na Mikali mwĩĩtu, wa Saulo aumaala amũthaũe Ndaviti, na asya, A! Kaĩ, mũsumbĩ wa Isilaeli nĩwĩnenevisye ũmũnthĩ, ũla wĩvũie ũmũnthĩ athũkũmi eĩtu ma athũkũmi make mamwene, o tondũ ũmwe wa ala mate kĩĩĩ wĩvuaa vate nthoni!</verse>
				<verse number="21">Na Ndaviti amwĩa Mikali, Ũu wĩĩ mbee wa Yeova, ũla wanyuvie kũte au, na kũte nyũmba yake yonthe, kũmbia nĩthĩwe mũnene wĩ mbee ũsumbĩnĩ andũnĩ ma Yeova, o Isilaeli; kwondũ wa ũu ngasũnga Yeova ene.</verse>
				<verse number="22">O na ngeethĩwa nĩ mũthũku kũvĩta ũu, na ngeethĩwa nĩ ĩtheo methonĩ makwa mwene: ĩndĩ ngataĩwa nĩ athũkũmi eĩtu, asu ala waweta.</verse>
				<verse number="23">Na Mikali mwĩĩtu wa Saulo ndaaĩthĩwa na kana kũvika mũthenya wa kĩkw’ũ kyake.</verse>
			</chapter>
			<chapter number="7">
				<verse number="1">Na kweethĩwa, yĩla mũsumbĩ wekalaa nyũmbanĩ yake, na Yeova wamũnengete kũthũmũa kuma amaithanĩ make onthe ala mathyũlũlũkĩte,</verse>
				<verse number="2">mũsumbĩ amwĩa mwathani Nathani, Sisya yu, nĩkalaa nyũmbanĩ ya mĩtĩ ya mĩkũũ, ĩndĩ ĩsandũkũ ya Ngai nĩyĩkalaa nthĩnĩ wa motũtũ ma ngũa.</verse>
				<verse number="3">Na Nathani amwĩa mũsumbĩ, Enda na ũkĩka w’onthe ũla wĩ ngoonĩ yaku; nũndũ Yeova e vamwe naku.</verse>
				<verse number="4">Na kweethĩwa ũtukũ ũsu, ndeto ya Yeova yamũkĩa Nathani, ikimwĩa,</verse>
				<verse number="5">Enda, ũmũtavye mũthũkũmi wakwa Ndaviti, Ũũ nĩw’o Yeova ũnũũkũlya, Ũkambakĩa nyũmba ya kwĩkala?</verse>
				<verse number="6">Nũndũ ndyaaĩkala nyũmbanĩ kuma mũthenya ũla nambatisye ana ma Isilaeli kuma Misili, o kũvika ũmũnthĩ, ĩndĩ nĩnĩendaa ĩeemanĩ na wĩkalonĩ.</verse>
				<verse number="7">Kũndũ kw’onthe kũla naatambũka na ana onthe ma Isilaeli, naaneena ndeto na mbaĩ o na yĩva ya Isilaeli, ĩla neeaĩe ĩĩthye andũ makwa Isilaeli, ngakũlya, Nũndũ wa kĩ mũtyaambakĩa nyũmba ya mĩtĩ ya mĩkũũ?</verse>
				<verse number="8">Na yu kwondũ wa ũu ũkamwĩe mũthũkũmi wakwa Ndaviti atĩĩ, Ũũ nĩw’o Yeova wa nguthu ũnũkwasya, Nĩnakumisye kyengonĩ kya malondu, yĩla waatĩĩaa malondu, nĩ kana wĩthĩwe mũnene wĩ mbee ũsumbĩnĩ andũnĩ makwa, o Isilaeli;</verse>
				<verse number="9">na naĩ vamwe naku o vala waendaa, na naveta amaitha maku onthe maume mbee waku; na ngakwonea syĩtwa ĩnene, ta syĩtwa ya ala anene ala me kũũ nthĩ.</verse>
				<verse number="10">Na ngatw’a vandũ kwondũ wa andũ makwa Isilaeli, na ngamavanda, nĩ kana matũae vandũ voo ene, na matikathamw’a ĩngĩ; o na ana ma ũthũku matikamathĩn’ya ĩngĩ, ta ĩvinda ya mbee,</verse>
				<verse number="11">na kuma mũthenya ũla neeaĩe asili methĩwe ĩũlũ wa andũ makwa Isilaeli; na ngakũthũmũsya kuma amaithanĩ maku onthe. Na ĩngĩ Yeova nũnũũkũtavya kana Yeova akakwakĩa nyũmba.</verse>
				<verse number="12">Yĩla matukũ maku meĩanĩa, na wĩkoma na aaĩthe maku, ngookĩlya ũsyao waku ĩtina waku, ũla ũkauma kĩnyunyũnĩ kyaku, na ngalũlũmĩlya ũsumbĩ wake.</verse>
				<verse number="13">Akaaka nyũmba kwondũ wa syĩtwa yakwa, na ngalũlũmĩlya kĩvĩla kya ũsumbĩ kya ũsumbĩko wake tene na tene.</verse>
				<verse number="14">Ngeethĩwa ĩthe wake, nake akeethĩwa mwana wakwa: ethĩwa akeeka ũthũku, ngamũsilĩla na ndata ya andũ, na makũna ma ana ma andũ;</verse>
				<verse number="15">ĩndĩ ũseo wakwa wĩ wendo ndũkauma kwake, o tondũ nawumisye kwa Saũlo, ũla navetie aume mbee waku.</verse>
				<verse number="16">Na nyũmba yaku na ũsumbĩ waku ĩkalũlũmĩlw’a kwaku tene na tene: kĩvĩla kyaku kya ũsumbĩ kĩkalũlũmĩlw’a tene na tene.</verse>
				<verse number="17">Kwĩanana na ndeto ii syonthe, na kwĩanana na woni ũũ w’onthe, now’o Nathani wamũtavĩsye Ndaviti.</verse>
				<verse number="18">Na ĩndĩ mũsumbĩ Ndaviti alika nthĩnĩ, na ekala mbee wa Yeova; na akũlya, Nyie nĩ ũũ, ame Mwĩaĩi Yeova, na nyũmba yakwa yĩ kyaũ, ũndũ ũndetete kũvika vaa nĩĩ?</verse>
				<verse number="19">Na ũndũ ũsu nĩwonaa ta ũnini, ame Mwĩaĩi Yeova; ĩndĩ nũneenete ũvoo wa nyũmba ya mũthũkũmi waku kũvika ĩvinda yĩ vaasa mũno yĩla yĩkoka; na kaĩ ũu nĩwĩkawa nĩ andũ, ame Mwĩaĩi Yeova!</verse>
				<verse number="20">Na Ndaviti atonya ũkũtavya ũndũ ũngĩ mwaũ mbee wa ũu? Nũndũ nĩwĩsĩ mũthũkũmi waku, ame Mwĩaĩi Yeova.</verse>
				<verse number="21">Kwondũ wa ndeto yaku, na kwĩanana na ngoo yaku mwene, nĩwĩkĩte ũnene ũũ w’onthe, ũmanyĩthye mũthũkũmi wakũ ũndũ ũsu.</verse>
				<verse number="22">Kwondũ wa ũu wi mũnene, ame Yeova Ngai: nũndũ vati ũngĩ ũilyĩ taku, o na vati Ngai ũngĩ ate o we, kwĩanana na w’onthe ũla twĩw’ĩte na matũ maitũ.</verse>
				<verse number="23">Na nĩ yĩva mbaĩ ĩmwe kũũ nthĩ ĩilyĩ andũ maku, o Isilaeli, ala Ngai waendie kwĩyovoesya mwene methĩwe ũko wa andũ, na kwĩyonea syĩtwa, na ũkwĩka maũndũ manene, na maũndũ ma kũtĩsya kwondũ wa nthĩ yaku, kwa andũ maku, ala weeyovoesye kũmaumya Misili, kuma mbaĩnĩ na ngainĩ syasyo.</verse>
				<verse number="24">Na weelũlũmĩlĩĩsya andũ maku Isilaeli methĩwe ũko wa andũ kwaku tene na tene; naku, Yeova, watw’ĩka Ngai woo.</verse>
				<verse number="25">Na yu, ame Yeova Ngai, Ndeto ĩla ũneenete ũndũ wa mũthũkũmi waku, na ũndũ wa nyũmba yake, mĩlũlũmĩlye tene na tene, na ũkĩka o tondũ ũneenete.</verse>
				<verse number="26">Na syĩtwa yaku nĩyĩnenevw’e tene ne tene, kũkyaw’a, Yeova wa nguthu nĩ Ngai wa Isilaeli; na nyũmba ya mũthũkũmi waku Ndaviti ĩkalũlũmĩlw’a mbee waku.</verse>
				<verse number="27">Nũndũ we, ame Yeova wa nguthu, Ngai wa Isilaeli, nũmũvuanĩsye mũthũkũmi waku, ũkyasya, Ngakwakĩa nyũmba: kwondũ wa ũu mũthũkũmi waku nĩwonete ngoonĩ yake kũvoya mboya ĩno.</verse>
				<verse number="28">Na yu, ame Mwĩaĩi Yeova, nue Ngai, na ndeto syaku nĩ w’o, na nũmwathĩte mũthũkũmi waku ũndũ ũũ ũseo;</verse>
				<verse number="29">yu kwondũ wa ũu endeew’a nĩ kũathima nyũmba ya mũthũkũmi waku, nĩ kana yĩkalae tene na tene ĩ mbee waku; nũndũ we, ame Mwiaĩĩ Yeova, nũneenete ũu: na nyũmba ya mũthũkũmi waku nĩathimwe na ũathimo waku tene na tene.</verse>
			</chapter>
			<chapter number="8">
				<verse number="1">Na kweethĩwa ĩtina wa ũu, Ndaviti akũna Avilisiti, na amakĩlya vinya: na Ndaviti oosa mũkwa o ndũa nyinyia kuma mokonĩ ma Avilisiti.</verse>
				<verse number="2">Na akũna Moavi, na amathima na ũlii wa kũthima, amakomethetye nthĩ; na athima na ũlii mĩta ĩlĩ ya kũawa, na mwĩta ũmwe wa ũlii wa kũekwa wĩ thayũ. Na Amoavi matw’ĩke athũkũmi ma Ndaviti, na kumasya koti.</verse>
				<verse number="3">O na Ndaviti amũkũna Atateseli mwana wa Leovu, mũsumbĩ wa Sova, aendete kũtũnga ũsumbĩko wake ĩngĩ ũla waĩ ũla Ũsĩnĩ.</verse>
				<verse number="4">Na Ndaviti amũvena andũ ma ũtũlaa mbalasi ngili na maana mũonza, na andũ ala maendaa na maũũ ngili mĩongo ĩlĩ: na Ndaviti atilanga mbalasi syonthe sya makasya mĩlangũ, ate o atialilye sya makasya ĩana.</verse>
				<verse number="5">Na yĩla Asilia ma Ndamasiku mookie kũmũtethya Atateseli mũsumbĩ wa Sova, Ndaviti akũna Asilia andũ ngili mĩongo ĩlĩ na ilĩ.</verse>
				<verse number="6">Nĩvo ĩndĩ Ndaviti waiie ngome sya asikalĩ ku Silia ya Ndamasiku; na Asilia matw’ĩka athũkũmi ma Ndaviti, na kumasya koti. Na Yeova anenga Ndaviti kũkĩlya vinya o vala waendaa.</verse>
				<verse number="7">Na Ndaviti oosa ngao sya thaavu ila syaĩ na athũkũmi ma Atateseli, na aiete Yelusaleme.</verse>
				<verse number="8">Na mũsumbĩ Ndaviti oosa ũthuku mwingĩ mũno kuma Mbeta na Mbelothai, ndũa sya Atateseli.</verse>
				<verse number="9">Na yĩla Toi mũsumbĩ wa Amathi wewie kana Ndaviti nũkũnĩte nguthu yonthe ya Atateseli,</verse>
				<verse number="10">nĩvo ĩndĩ Toi watũmie Yolamu mwana wake kwa mũsumbĩ Ndaviti, akamũkethye, na kũmũathima, nĩkwĩthĩwa aĩ anokita na Atateseli na kũmũkũna: nũndũ Atateseli eethĩawa na makaũ na Toi. Na Yolamu atwaa mĩio ya vetha, na mĩio ya thaavu, na mĩio ya ũthuku:</verse>
				<verse number="11">na ĩsu nayo mũsumbĩ Ndaviti amĩvathie yĩthĩwe mĩtheu kwa Yeova, vamwe na vetha na thaavu ila wavathie syĩthĩwe ntheu, ila sya mbaĩ syonthe ila waikĩlĩtye vinya;</verse>
				<verse number="12">sya Silia, na sya Moavi, na sya ana ma Amimoni, na sya Avilisiti, na sya Amalekĩ, na sya mũtavo wa Atateseli, mwana wa Leovu, mũsumbĩ wa Sova.</verse>
				<verse number="13">Na Ndaviti eeyonea syĩtwa yĩla wasyokie kuma kũmakũnĩa Asilia Kyandanĩ kya Mũnyũ, o andũ ngili ĩkũmi na nyanya.</verse>
				<verse number="14">Na aia ngome sya asikalĩ ku Etomu; Etomu kw’onthe aia ngome syĩ asikalĩ, na Aetomu onthe matw’ĩka athũkũmi ma Ndaviti. Na Yeova amũnenga Ndaviti kũkĩlya vinya o kũla waendaa.</verse>
				<verse number="15">Na Ndaviti asumbĩka Isilaeli onthe; na Ndaviti asilanasya andũ make onthe na sila wa katĩ na mũlũngalu.</verse>
				<verse number="16">Na Yoavu mwana wa Nzeluia aĩ mũnene wa nguthu; na Yeosavati mwana wa Ailuti aĩ mũandĩki wa maũndũ;</verse>
				<verse number="17">na Nzatoki mwana wa Aituvu, na Aimeleki mwana wa Aviathali, maĩ athembi; na Selaia aĩ mũandĩki;</verse>
				<verse number="18">na Mbenaia mwana wa Yeoiata aĩ mũnene wa Akelethi na Avelethi; na ana ma Ndaviti maĩ anene ũsumbĩkinĩ.</verse>
			</chapter>
			<chapter number="9">
				<verse number="1">Na Ndaviti akũlya, Nĩvethĩwa ũmwe watialile nyũmbanĩ ya Saulo nĩmwĩke nesa kwondũ wa Yonathani?</verse>
				<verse number="2">Na kwaĩ mũthũkũmi wa nyũmba ya Saulo ũla wetawa syĩtwa yake Nziva, na mamwĩta aende kwa Ndaviti; na mũsumbĩ amũkũlya, Nue Nziva? Na asũngĩa, Mũthũkũmi waku nĩwe.</verse>
				<verse number="3">Na mũsumbĩ akũlya, Vatyĩthĩwa ũmwe wa nyũmba ya Saulo, nĩ kana nĩmwĩke ũseo wa Ngaĩ? Na Nziva amwĩa mũsumbĩ, Yonathani e na mwana, waie maũũ.</verse>
				<verse number="4">Na mũsumbĩ amũkũlya, Aĩva? Na Nziva amwĩa mũsumbĩ, Sisya, e nyũmbanĩ ya Makili mwana wa Amieli ku Lo‐ndevali.</verse>
				<verse number="5">Nĩvo ĩndĩ mũsumbĩ Ndaviti watũmanie alatw’e kumw’a nyũmbanĩ ya Makili mwana wa Amieli, ku Lo‐ndevali.</verse>
				<verse number="6">Na Mevivosethi mwana wa Yonathani, mwana wa Saulo, ooka kwa Ndaviti, na avalũka na ũthyũ wake, na eekunamya vyũ. Na Ndaviti asya, Mevivosethi. Na asũngĩa, Sisya, mũthũkũmi waku!</verse>
				<verse number="7">Na Ndaviti amwĩa, Ndũkakĩe; nũndũ ndi ndĩi ya kũlea ũkwĩka nesa kwondũ wa ĩthe waku Yonathani, na ngakũtũngĩa nthĩ yonthe ya ĩthe waku Saulo; na ũkaĩsaa lĩu mesanĩ yakwa mavinda onthe.</verse>
				<verse number="8">Na eekunamya vyũ, na asya, Mũthũkũmi waku nĩ mwaũ, ũndũ ũũsisya ngitĩ ngw’ũ takwa?</verse>
				<verse number="9">Nĩvo ĩndĩ mũsumbĩ wamwĩtie Nziva, mũthũkũmi wa Saulo, na amwĩa, Kyonthe kya Saulo na kya nyũmba yake yonthe nĩnĩnengete mwana wa vwana waku.</verse>
				<verse number="10">Na ũkamũĩmĩaa mĩũnda, we, na ana maku, na athũkũmi maku; na ũkaetae mosyao, nĩ kana mwana wa vwana waku ethĩawe na lĩu wa ũya: ĩndĩ Mevivosethi mwana wa vwana waku akaĩsaa lĩu ĩndĩ yonthe mesanĩ yakwa. Na ĩndĩ Nzĩva aĩ na ana ĩkũmi na atano na athũkũmi mĩongo ĩlĩ.</verse>
				<verse number="11">Nĩvo ĩndĩ Nziva wamwĩie mũsumbĩ, O kwĩanana na w’onthe ũla mwĩaĩi wakwa mũsumbĩ ũnũũmwĩaĩa mũthũkũmi wake, now’o mũthũkũmi wakũ ũkekaa. Ĩndĩ ũndũ wa Mevivosethi, mũsumbi asya, akaĩsaa mesanĩ yakwa ta ũmwe wa ana ma mũsumbĩ.</verse>
				<verse number="12">Na Mevivosethi aĩ na kamwana kala keetawa syĩtwa yako Mika. Na onthe ala mekalaa nyũmbanĩ ya Nziva maĩ athũkũmi ma Mevivosethi.</verse>
				<verse number="13">Na ĩndĩ Mevivosethi atũa Yelusaleme; nũndũ aĩsaa mavinda onthe mesanĩ ya mũsumbĩ. Na nĩwaĩte maũũ make elĩ.</verse>
			</chapter>
			<chapter number="10">
				<verse number="1">Na kweethĩwa ĩtina wa ũu, mũsumbĩ wa ana ma Amimoni akw’a, na Anuni mwana wake asumbĩka vandũ vake.</verse>
				<verse number="2">Na Ndaviti asya, Ngamwĩka Anuni mwana wa Naasu nesa, o tondũ ĩthe wake wambĩkie nesa. Kwondũ wa ũu Ndaviti atũma athũkũmi make makamũkiakisye ũndũ wa ĩthe wake. Na athũkũmi ma Ndaviti mavika nthĩ ya ana ma Amimoni.</verse>
				<verse number="3">Ĩndĩ anene me mbee ũsumbĩnĩ ma Amimoni mamũkũlya Anuni mwĩaĩi woo, Nũũsũanĩa kana Ndaviti nũnũũtaĩa au, nũndũ nũkũtũmĩe akũkiakĩsya? Ndaviti ndatũmĩte athũkũmi make kwaku mekuũe ndũa, na kũmĩthĩana, na kũmĩng’uthũlanga?</verse>
				<verse number="4">Na ĩndĩ Anunĩ akwata athũkũmi ma Ndaviti, na amenza nyunzu ya ĩng’ew’a, na aatũanĩlya ngũa syoo katĩ o kũvika itimbanĩ syoo, na amaeka mathi.</verse>
				<verse number="5">Yĩla andũ mamũtavisye Ndaviti ũndũ ũsu, atũmana mathaũwe; nũndũ andũ asu nĩmasonokaa mũno. Na mũsumbĩ amea, Ĩkalai Yeliko kũvika ing’ew’a syenyu syamea, na ĩndĩ mũkĩsyoka.</verse>
				<verse number="6">Na yĩla ana ma Amimoni moonie kana nĩmenyungĩthĩtye naĩ kwa Ndaviti, ana ma Amimoni matũma andũ makamatuve Asilia ma Mbethi‐leovu, na Asilia ma Sova, andũ ngili mĩongo ĩlĩ ala maendaa na maũũ, na mũsumbĩ wa Maaka e na andũ ngili, na andũ ma Tovu ngili ĩkũmi na ilĩ.</verse>
				<verse number="7">Na yĩla Ndaviti wewie ũu, atũma Yoavu, na nguthu yonthe ya ngũmbaũ.</verse>
				<verse number="8">Na ana ma Amimoni maumaala, na mataũsya ita mokitĩe ũlikĩlonĩ mbingĩlonĩ: na Asilia ma Sova na ma Leovu, na andũ ma Tovu na Maaka, maĩ kĩsesinĩ me oka.</verse>
				<verse number="9">Na yĩla Yoavu wonie kana nĩmetaũĩtye mokite nake mbee na ĩtina, anyuva amwe ma andũ onthe anyuve ma Isilaeli, na amataũsya mokite na Asilia:</verse>
				<verse number="10">na andũ ala angĩ amaia kw’okonĩ kwa Avisai mwana‐a‐inyia: na amataũsya mokite na ana ma Amimoni.</verse>
				<verse number="11">Na asya, Ethĩwa Asilia me vinya kwĩ nyie, nĩvo wĩndethya; ĩndĩ ethĩwa ana ma Amimoni me vinya kwĩ we, nĩvo nĩũka na ngĩũtethya.</verse>
				<verse number="12">Ĩthĩwa na ũkũmbaũ mũnene, na twĩthĩwe aũme kwondũ wa andũ maitũ, na kwondũ wa ndũa sya Ngai waitũ: na Yeova nĩeke ũndũ ũnũkwona wĩ ũseo.</verse>
				<verse number="13">Na ĩndĩ Yoavu na andũ ala maĩ nake mathengeea mokite na Asilia kaũnĩ: nao makũka mamũkĩa.</verse>
				<verse number="14">Na yĩla ana ma Amimoni moonie kana Asilia nĩmakĩa, nao o ta ũu makĩa Avisai, na malĩka ndũanĩ. Na ĩndĩ Yoavu asyoka kuma vala ve ana ma Amimoni, na ooka Yelusaleme.</verse>
				<verse number="15">Na yĩla Asilia moonie kana nĩmakũiwe nĩ Isilaeli, moombana vamwe.</verse>
				<verse number="16">Na Ataleseli atũmana, kũetwe Asilia ala maĩ mũingo wa ũla Ũsĩ: na mooka Eelamu, me na Sovaki kavuteni wa nguthu ya Ataleseli amatongoesye.</verse>
				<verse number="17">Na Ndaviti atavw’a; na oomban’ya Isilaeli onthe vamwe, na mainga Yolotani, na mavika Eelamu. Na Asilia meetaũsya mokite na Ndaviti, na mokita nake.</verse>
				<verse number="18">Na Asilia makũka makĩa Isilaeli; na Ndaviti ooaa Asilia andũ ma makasya ngili mũonza, na andũ ala matũlaa mbalasi ngili mĩongo ĩna, na amũkũna Sovaki kavuteni wa nguthu yoo, na akw’ĩa kw’o.</verse>
				<verse number="19">Na yĩla asumbĩ onthe ala maĩ athũkũmi ma Ataleseli moonie kana nĩmakũwa nĩ Isilaeli, maseũvya mũuo na Isilaeli, na mamathũkũma. Na ĩndĩ Asilia makĩa kũtethya ana ma Amimoni ĩngĩ.</verse>
			</chapter>
			<chapter number="11">
				<verse number="1">Na kweethĩwa mwaka ũkyambĩlĩlya, ĩvinda yĩla asumbĩ maendaa kaũnĩ, Ndaviti atũma Yoavu, e na athũkũmi make, na Isilaeli onthe; na maananga ana ma Amimoni, na mathyũlũlũka Lava mamĩtw’ĩkanĩsye. Ĩndĩ Ndaviti ekala Yelusaleme.</verse>
				<verse number="2">Na kweethĩwa ĩ ya wĩoo, Ndaviti ookĩla kuma ũkomonĩ wake, na atambũka ĩũlũ wa kĩala kya nyũmba ya mũsumbĩ: na e kĩalanĩ oona mũndũ mũka akĩthamba; na mũndũ mũka ũsu aĩ mwanake kwa kũsiw’a.</verse>
				<verse number="3">Na Ndaviti atũmana akũlye ũndũ wa ũ mũndũ mũka. Na ũmwe asya, Ũũ ti Mbethi‐sieva, mwĩĩtu wa Eliamu, mũka wa Ulia Mũititi?</verse>
				<verse number="4">Na Ndaviti atũma atũmwa, mamũlatye; nake ooka kwake, na akoma nake (nũndũ nĩwatheetw’e ũvuku wake); na asyoka nyũmbanĩ yake.</verse>
				<verse number="5">Na mũndũ mũka aitava; na atũmana na amũtavya Ndaviti, na asya, Nĩ ĩvu.</verse>
				<verse number="6">Na Ndaviti atũmana kwa Yoavu, akĩmwĩa, Ndũmĩa Ulia Mũititi. Na Yoavu atũma Ulia kwa Ndaviti.</verse>
				<verse number="7">Na yĩla Ulia wavikie, Ndaviti amũkũlya ũndũ Yoavu ũilyĩ, na ũndũ andũ mailyĩ, na ũndũ kaũ ũendeee.</verse>
				<verse number="8">Na Ndaviti eea Ulia, Theea nyũmbanĩ yaku, noithambya maũũ maku. Na Ulia aumaala kuma nyũmbanĩ ya mũsumbĩ, na aatĩĩwa lĩu kuma kwa mũsumbĩ.</verse>
				<verse number="9">Ĩndĩ Ulia akoma ũtee wa mũomo wa nyũmba ya mũsumbĩ vamwe na athũkũmi onthe ma mwĩaĩi wake, na ndaatheea nyũmbanĩ yake.</verse>
				<verse number="10">Na yĩla mamũtavisye Ndaviti, makĩmwĩa, Ulia ndaneetheea nyũmbanĩ yake, Ndaviti amũkũlya Ulia, Ndumĩte kyalonĩ? Nũndũ wa kĩ ũtaneetheea nyũmbanĩ yaku?</verse>
				<verse number="11">Na Ulia amwĩa Ndaviti, Yĩla ĩsandũkũ, na Isilaeli, na Yuta, mekalaa malwandanĩ; na mwĩaĩĩ wakwa Yoavu, na athũkũmi ma mwĩaĩi wakwa, me mwakonĩ wa maeema weũnĩ; nakwa ngalika nyũmbanĩ yakwa, nĩye na kũnyw’a, na kũkoma na kĩveti kyakwa? O tondũ wĩ thayũ, no tondũ kyuu kyaku kĩ thayũ, ndikeka undũ ũsu.</verse>
				<verse number="12">Na Ndaviti amwĩa Ulia, Ĩkalanga vaa ũmũnthĩ naw’o, na ũnĩ ngakũeka ũthi. Na indĩ Ulia ekala Yelusaleme mũthenya ũsu, na ũni ũsu.</verse>
				<verse number="13">Na yĩla Ndaviti wamwĩtie, aya na anyw’a e mbee wake; atuma amilwa: na wĩoo aumaala kũkoma ũkomonĩ wake vamwe na athũkũmi ma mwĩaĩi wake, ĩndĩ ndaatheea nyũmbanĩ yake.</verse>
				<verse number="14">Na kweethĩwa kĩoko, Ndaviti amũandĩkĩa Yoavu valũa, na ootwaa na kw’oko kwa Ulia.</verse>
				<verse number="15">Na aandĩka valũanĩ, akyasya, Iai Ulia mbee vala ve kaũ mũvyũ, na mũimũkĩĩa, nĩ kana akũnwe, akw’e.</verse>
				<verse number="16">Na kweethĩwa, yĩla Yoavu wasyaĩĩsye ndũa, aia Ulia vandũ vala wĩsĩ ve andũ ngũmbaũ.</verse>
				<verse number="17">Na andũ ma ndũa maumaala, na mokita na Yoavu: na amwe ma andũ mavalũka, o ma athũkũmi ma Ndaviti; o na Ulĩa ũla Mũititi akw’a.</verse>
				<verse number="18">Nĩvo ĩndĩ Yoavu watũmanie na amũtavya Ndaviti maũndũ onthe ma kaũ;</verse>
				<verse number="19">na eeaĩa mũtũmwa, akĩmwĩa, Wamina kũtavya mũsumbĩ maũndũ onthe ma kaũ,</verse>
				<verse number="20">kũkeethĩwa ethĩwa ũthatu wa mũsumbĩ ũkookĩla, nake akwĩa, Nũndũ wa kĩ mũthengeeie ndũa ta ũu mũkite? Mũtyaamanya kana makekya me ũvainĩ?</verse>
				<verse number="21">Nũũ wakũnie Avimeleki mwana wa Yeluvesethi? Mũndũ mũka ndaamũlekelya nthio ya ĩvia e ũvainĩ, na akw’ĩa Thevesi? Nĩkĩ mũthengeeie ũvai ta ũu? Nĩvo ĩndĩ wĩasya, Mũthũkũmi waku Ulia Mũititi nake no mũkw’ũ.</verse>
				<verse number="22">Na ĩndĩ mũtũmwa athi, na avika na amwon’ya Ndaviti w’onthe ũla Yoavu wamũtũmĩe.</verse>
				<verse number="23">Na mũtũmwa amwĩa Ndaviti, Andũ nĩmatũkĩlilye vinya, na matũtindĩka kũvika weũnĩ, naitũ twamatũngĩthya o kũvika ũlikĩlonĩ mbingĩlonĩ.</verse>
				<verse number="24">Na aathi me ũvainĩ maatha athũkũmi maku; na amwe ma athũkũmi ma mũsumbĩ nĩ akw’ũ, na mũthũkũmi waku Ulia ũla Mũititi nake no mũkw’ũ.</verse>
				<verse number="25">Na ĩndĩ Ndaviti amwĩa mũtũmwa, Ũũ nĩw’o wĩmwĩa Yoavu, Ũndũ ũũ ndũkakwĩw’ĩthye woo, nũndũ ũvyũ nũminaa ũmwe o ta ũla ũngĩ; ongeleela kaũ waku vinya mbee ĩ ndũanĩ, noimĩng’uthũla: naku mwĩkĩe vinya.</verse>
				<verse number="26">Na yĩla kĩveti kya Ulia kyeewie Ulia mũũme wakyo nũkwie, kyamũĩĩa mũũme.</verse>
				<verse number="27">Na yĩla kũmeta kwathelile, Ndaviti atũmana na kyaetwe nyũmbanĩ yake, na kyatw’ĩka kĩveti kyake, na kyamũsyaĩa mwana. Ĩndĩ ũndũ ũsu ũla Ndaviti wekie nĩwamwĩw’ĩthisye Yeova woo.</verse>
			</chapter>
			<chapter number="12">
				<verse number="1">Na Yeova atũma Nathani kwa Ndaviti. Na avika vala ũĩ, na amwĩa, Kwai andũ elĩ ndũanĩ ĩmwe; ũmwe mũthwĩĩ, na ũla ũngĩ ngya.</verse>
				<verse number="2">Ũ mũthwii aĩ na ndĩthya nyingĩ mũno sya mbũi na malondu na sya ng’ombe;</verse>
				<verse number="3">ĩndĩ ĩ ngya ndĩaĩ na kĩndũ, ate o kamwatĩ kamwe, kala wathooie na kũkaĩthasya: nako keanĩa kwake, na vamwe na syana syake; nĩkaĩsaa kalĩu kake mwene, na kanyusaa kĩkombe kyake mwene, na kakomaa kĩthũinĩ kyake, na kailyĩ kwake ta mwĩĩtu.</verse>
				<verse number="4">Na kwathokie mũendi wa kyalo kwa ũ mũthwii, nake alea kwosa ndĩthyanĩ yake mwene ya mbũi na malondu na ndĩthyanĩ yake ya ng’ombe, akulĩle ũ mũendi wa kyalo ũla wamũthokee, ĩndĩ oosa katena ka ĩlondu ka mũndũ ũsu ngya, na akaseũvĩsya mũndũ ũsu ũla wamũthokeie.</verse>
				<verse number="5">Na ũthatu wa Ndaviti wakanĩa mũndũ ũsu mũno; na amwĩa Nathani, O tondũ Yeova wĩ thayũ, mũndũ ũla wekie ũu nĩwaĩle kũkw’a:</verse>
				<verse number="6">na akatũnga vandũ va kala katena kũndũ kũna, nũndũ nĩwekie ũndũ ũsu, na nũndũ ndaĩ na tei.</verse>
				<verse number="7">Na Nathani amwĩa Ndaviti, Nue mũndũ ũsu. Ũũ nĩw’o Yeova, Ngai wa Isilaeli, ũnũkwasya, Nĩnakwĩtĩkĩsye mauta wĩthĩwe mũsumbĩ wa Isilaeli, na nĩnakũvonokisye kuma kw’okonĩ kwa Saulo;</verse>
				<verse number="8">na nĩnakũnengie nyũmba ya vwana waku, na iveti sya vwana waku kĩthũinĩ kyaku, na nakũnenga nyũmba ya Isilaeli na ya Yuta; na kethĩwa ũu waĩ ũnini, nĩthĩwa nakwongeleele kĩna na kĩna.</verse>
				<verse number="9">Nũndũ wa kĩ ũvũthĩtye ndeto ya Yeova, wĩke ũthũku ene? Nũkũnĩthĩtye Ulia ũla Mũititi na ũvyũ, na nĩwosete kĩveti kyake kĩthĩwe kĩveti kyaku, na nũmũaĩte na ũvyũ wa ana ma Amimoni.</verse>
				<verse number="10">Kwondũ wa ũu ĩndĩ ũvyũ ndũkauma nyũmbanĩ yaku o na ĩndĩĩ, nũndũ nũmbũthĩtye, na nũtwaĩte kĩveti kya Ulia ũla Mũititi kĩthĩwe kĩveti kyaku.</verse>
				<verse number="11">Ũũ nĩw’o Yeova ũnũkwasya, Sisya, ngakũkĩlĩlya ũthũku ũla wĩuma nyũmbanĩ yaku mwene; na ngoosa iveti syaku wene na metho maku, na kwinenga mũtũi waku, na akakoma na iveti syaku syũa yĩĩ yene.</verse>
				<verse number="12">Nũndũ nĩweekie ũu kĩmbĩthĩ: ĩndĩ nyie ngeeka ũndũ ũũ Isilaeli onthe mene, o na syũa.</verse>
				<verse number="13">Na Ndaviti amwĩa Nathani, Nĩnĩmũvĩtanĩsye Yeova. Na Nathani amwĩa Ndaviti, O na Yeova nũvetete naĩ yaku; ndũkakw’a.</verse>
				<verse number="14">Ĩndĩ, nĩkwĩthĩwa nũnengete amaitha ma Yeova mwanya mũnene wa kũmũuma kwondũ wa wĩko ũsu, o na kana kala wasyaĩwa kaitĩa kũkw’a.</verse>
				<verse number="15">Na Nathani aenda nyũmbanĩ kwake. Na Yeova akũna kana kala kĩveti kya Ulia kyamũsyaĩe Ndaviti, na kawaa mũno.</verse>
				<verse number="16">Kwondũ wa ũu Ndaviti avoya Ngai kwondũ wa kana; na Ndaviti atĩĩa ũya na avota nthĩnĩ, na akoma nthĩ ũtukũ mũima.</verse>
				<verse number="17">Na atumĩa ma nyũmba yake mookĩla, na maũngama vakuvĩ nake, mamũkĩlye nthĩ; ĩndĩ alea, o na ndaaya lĩu nao.</verse>
				<verse number="18">Na kweethĩwa mũthenya wa mũonza, kala kana kakw’a. Na athũkũmi ma Ndaviti makĩa kũmũtavya atĩ kana nĩkakwie; nũndũ masya, Sisya, yĩla kana keĩ thayũ, tũneenie nake, na ndanethũkĩĩsya wasya witũ: ai! Akeeyĩw’ĩthya woo wĩana ata, ethĩwa twĩnmũtavya atĩ kana nĩkakwie!</verse>
				<verse number="19">Ĩndĩ yĩla Ndaviti wonie athũkũmi make makĩneenan’ya na kĩwe, Ndaviti amanya atĩ kana nĩkakwie; na Ndaviti amakũlya athũkũmi make, Kana nĩkakwie? Na masya, Nĩkakwie.</verse>
				<verse number="20">Nĩvo ĩndĩ Ndaviti wokĩlile nthĩ, na athamba, na eevaka mauta, na akũan’ya ngũa syake; na alika nyũmbanĩ ya Yeova, na athaitha: na ĩndĩ asyoka nyũmbanĩ yake mwene; na yĩla wetisye, maia lĩu mbee wake, nake aya.</verse>
				<verse number="21">Nĩvo ĩndĩ athũkũmi make mamũkũlilye, Ũndũ ũũ nĩ mwaũ ũla wĩkĩte? Nĩwatĩĩie ũya na waĩa kwondũ wa kana, ke thayũ; ĩndĩ kana kakw’a, wookĩla na waya lĩu.</verse>
				<verse number="22">Na asya, Yĩla kana keĩ thayũ, natĩĩa ũya na kũĩa: nũndũ nĩnaisye, Nũũ wĩsĩ ethĩwa Yeova ndembĩka nesa, kana kekalae thayũ?</verse>
				<verse number="23">Ĩndĩ yu nĩkakwie, nĩtĩĩa ũya nĩkĩ? Nĩndonya kũkatũnga ĩngĩ? Ngathi vala kaĩ, ĩndĩ katikanzyokea.</verse>
				<verse number="24">Na Ndaviti akiakisya Mbathi‐sieva mũka wake, na alika vala ũĩ, na akoma nake: na asyaa mwana, na amwĩta syĩtwa yake Solomoni. Na Yeova amwenda;</verse>
				<verse number="25">na atũmana na kw’oko kwa mwathani Nathani; nake amwĩta syĩtwa yake Yetitia, kwondũ wa Yeova.</verse>
				<verse number="26">Na ĩndĩ Yoavu nĩwokitaa na Lava, ndũa ĩmwe ya ana ma Amimoni, na oosa ndũa ya kĩũsumbĩ.</verse>
				<verse number="27">Na Yoavu atũma atũmwa kwa Ndaviti, na asya, Nĩnũkitĩte na Lava; ĩĩ, nĩnosete ndũa yĩ manzĩ.</verse>
				<verse number="28">Yu kwondũ wa ũu ũmban’ya andũ ala matiele, na amba maeema ũtaũĩĩe ndũa, noimĩkwata; ndikese kwosa ĩ ndũa, na ĩkĩtanĩaw’a na syĩtwa yakwa.</verse>
				<verse number="29">Na Ndaviti oomban’ya andũ onthe, na athi Lava, na okita nayo, na amĩkwata.</verse>
				<verse number="30">Na aumya ngovia ya ũsumbĩ ya mũsumbĩ woo mũtwe kwake; na ũito wayo waĩ talendi wa thaavu, na yaĩ na tũvila twĩ thooa mũnene; na yeekĩwa mũtwe kwa Ndaviti. Na aumaalya mũtavo wa ĩ ndũa, mwingĩ mũno.</verse>
				<verse number="31">Na aumaalya andũ ala maĩ nthĩnĩ wayo, na amatilanga na mang’weli, na syĩndũ mbũĩ sya iaa sya kũvukũlya mavali, na mathoka ma iaa, na amavĩtĩlya kĩvĩvĩsyonĩ kya mavali: na ndũa syonthe sya Amimoni asyĩka ũu. Na Ndaviti na andũ onthe masyoka Yelusaleme.</verse>
			</chapter>
			<chapter number="13">
				<verse number="1">Na kweethĩwa ĩtina wa ũu, Avisalomu mwana wa Ndaviti aĩ na mwĩĩtu‐a‐inyia mwanake, ũla wetawa syĩtwa yake Tamali; na Aminoni mwana wa Ndaviti amwenda.</verse>
				<verse number="2">Na Aminoni eethĩn’ya kũvika awaa nũndũ wa mwĩĩtua‐ĩthe Tamali; nĩkwĩthĩwa aĩ mwĩĩtu mũtheu; na Aminoni oona kwĩthĩwa ta vinya kũmwĩka ũndũ.</verse>
				<verse number="3">Ĩndĩ Aminoni aĩ na mũnyanyae ũla wetawa syĩtwa yake Yonatavu, mwana wa Simea, mwana‐a‐inyia wa Ndaviti: na Yonatavu aĩ mũndũ nzeleke mũno.</verse>
				<verse number="4">Na amũkũlya, Nũndũ wa kĩ, we mwana wa mũsumbĩ, ũũmosa ta ũu o kĩla mũthenya? Ndũndavya? Na Aminoni amwĩa, Nĩmwendaa Tamali, mwĩĩtu‐a‐inyia wa mwana‐a‐asa Avisalomu.</verse>
				<verse number="5">Na Yonatavu amwĩa, Koma ũkomonĩ waku wĩwaĩthye: na yĩla au wĩũka ũkũsisya, mwĩe, Nĩngũkwĩsũva, mwĩĩtu‐a‐asa Tamali nioke, anenge lĩu wa ũya, na akĩseũvya lĩu nene, nĩ kana nĩwone, na kũya kuma kw’okonĩ kwake.</verse>
				<verse number="6">Na ĩndĩ Aminoni akoma, na eewaĩthya: na yĩla mũsumbĩ wokie kũmũsisya, Aminoni amwĩa mũsumbĩ, Nĩngũkwĩsũva, mwĩĩtu‐a‐asa Tamali nĩoke na kũnzeũvisya tũmũtũ twĩlĩ nene, nĩye kuma kw’okonĩ kwake.</verse>
				<verse number="7">Na ĩndĩ Ndaviti atũmana nyũmba vala ve Tamali, akĩmwĩa, Enda yu nyũmbanĩ ya mwana‐a‐au Aminoni, noimũseũvĩsya lĩu.</verse>
				<verse number="8">Na ĩndĩ Tamali aenda nyũmbanĩ ya mwana‐a‐ĩthe Aminoni; na aĩ anakoma. Na oosa ngũmbwa, na amyũmba, na aseũvya tũmũtũ ene, na atũua.</verse>
				<verse number="9">Na oosa kĩkaangi, na atũtulũla ene; ĩndĩ alea kũya. Na Aminoni asya, Andũ onthe nĩmaume vaa nĩĩ. Na kĩla mũndũ auma vala ũĩ.</verse>
				<verse number="10">Na Aminoni amwĩa Tamali, Ete lĩu kasũmbanĩ nĩye kuma kw’okonĩ kwaku. Na Tamali oosa tũmũtũ tũla waseũvĩtye, na amũtwaĩa Aminoni mwana‐a‐ĩthe vu kasũmbanĩ.</verse>
				<verse number="11">Na yĩla watũthengeeisye vala ũĩ aye, amũkwata na amwĩa, Ũka, ũkome nakwa, mwĩĩtu‐a‐asa.</verse>
				<verse number="12">Na amũsũngĩa, Aiee, mwana‐a‐asa, ndũkanginde; nũndũ ũndũ ta ũsu ndwaĩle kwĩkwa nthĩnĩ wa Isilaeli; ndũkeke ũtumanũ ũũ.</verse>
				<verse number="13">Nakwa, ngaenda na nthoni syakwa nakũ? Naku ngalĩ ĩ yaku, ũkeethĩwa ta ũmwe wa ndia sya Isilaeli. Kwondũ wa ũu nĩngũkwĩsũva, neena na mũsumbĩ; nũndũ ndakakũvata ũindwaa.</verse>
				<verse number="14">Ĩndĩ ndaaĩtĩkĩla kwĩthukĩĩsya wasya wake; ĩndĩ nũndũ aĩ vinya kwĩ we, amũkĩlya vinya na amũkinda.</verse>
				<verse number="15">Nĩvo ĩndĩ Aminoni wamũmenie na kĩmena kĩnene mũno; nũndũ kĩmena kĩla wamũmenie kyaĩ kĩnene kwĩ wendo ũla wamwendaa naw’o. Na Aminoni amwĩa, Ũkĩla, thi.</verse>
				<verse number="16">Nake amwĩa, Ti w’o, nũndũ ĩvĩtyo yĩĩ ĩnene ya kũngũa nĩ ĩthũku kwĩ yĩla yĩngĩ wambĩka. Ĩndĩ ndaaĩtĩkĩla kũmwĩthukĩĩsya.</verse>
				<verse number="17">Na ĩndĩ eeta mũthũkũmi wake ũla wamũthũkũmaa, na amwĩa, Umaalya mũndũ mũka ũũ aume vaa nĩĩ, noivinga mũomo ki aumaala.</verse>
				<verse number="18">Nake eekĩte ngũa yĩ langi wa mĩthemba mingĩ; nũndũ eĩtu atheu ma mũsumbĩ meekĩaa ngũa ta isu. Na ĩndĩ mũthũkũmi wake amumaalya, na avinga mũomo ki amumaalya.</verse>
				<verse number="19">Na Tamali eekĩa mũu mũtwe wake, na atembũanga ngũa yake yĩ langi wa mĩthemba mingĩ, ĩla wekĩĩte; na ailĩĩla kw’oko kwake mũtwe kwake, na eeendea, akĩĩa na wasya aendete.</verse>
				<verse number="20">Na Avisalomu mwana‐a‐inyia amũkũlya, Aminoni mwana‐a‐asa waku eĩ naku? Yu ĩndĩ vindya mwĩĩtu‐a‐ia: we nĩ mwana‐a‐au; ndũkaie ũndũ ũũ ngoonĩ. Kwondũ wa ũu Tamali ekala nyũmbanĩ ya mwana‐a‐inyia Avisalomu e na ĩvou.</verse>
				<verse number="21">Ĩndĩ yĩla mũsumbĩ Ndaviti wewie maũndũ asu onthe, athilĩka mũno.</verse>
				<verse number="22">Na Avisalomu ndaaneena na Aminoni ũseo kana ũthũku; nũndũ Avisalomu nĩwamenie Aminoni, nĩkwĩthĩwa nĩwakindie mwĩĩtu‐a‐inyia Tamali.</verse>
				<verse number="23">Na kweethĩwa ĩtina wa myaka ĩlĩ mĩima, Avisalomu aĩ na atili ma w’ĩa wa malondu ku Mbaali‐asoli, ĩla yĩ ũtee wa Evalaimu: na Avisalomu eeta ana onthe ma mũsumbĩ.</verse>
				<verse number="24">Na Avisalomu amũendea mũsumbĩ na amwĩa, Sisya yu, mũthũkũmi waku e na atili ma w’ĩa wa malondu; nĩngũkwĩsũva, mũsumbĩ na athũkũmi make maendan’ye na mũthũkũmi waku.</verse>
				<verse number="25">Na mũsumbĩ amwĩa Avisalomu, Aiee, mwana wakwa, tũtikoke ithyonthe, tũtikese ũkũtw’ĩkĩa mũio. Na amũthing’ĩĩsya: ĩndĩ nĩwaleile kũthi, ĩndĩ amũathima.</verse>
				<verse number="26">Na ĩndĩ Avisalomu amwĩa, Ethĩwa tĩ ũu, nĩngũkwĩsũva, mwana‐a‐asa Aminoni aendan’ye naitũ. Na mũsumbĩ akũlya, Aendan’ye naku nĩkĩ?</verse>
				<verse number="27">Ĩndĩ Avisalomu amũthing’ĩĩsya na aeka Aminoni na ana onthe ma mũsumbĩ maendan’ye nake.</verse>
				<verse number="28">Na Avisalomu eeaĩa athũkũmi make, akĩmea, Sisyai yu, yĩla ngoo ya Aminoni ĩnĩũtanw’a nĩ mbinyu; na yĩla nĩĩmwĩa, Kũnai Aminoni, mũaei ĩndĩ; mũtikakĩe; ndimwĩaĩe nyie? Ĩthĩwai na ũnyiau, na ũkũmbaũ.</verse>
				<verse number="29">Na athũkũmi ma Avisalomu mamwĩka Aminoni o tondũ Avisalomu weaie. Nĩvo ĩndĩ ana onthe ma mũsumbĩ mookĩlile, na kĩla mũndũ atũla nyũmbũ yake, na akĩa.</verse>
				<verse number="30">Na kweethĩwa, yĩla maĩ nzĩanĩ, ũvoo wamũvikĩa Ndaviti, kũkyaw’a, Avisalomu nĩwũaĩte ana onthe ma mũsumbĩ, na vati ũmwe ũtiele.</verse>
				<verse number="31">Nivo ĩndĩ mũsumbĩ wokĩlile, na atembũanga ngũa syake, na akoma nthĩ; na athũkũmi make onthe maũngama vakuvĩ matembũangĩte ngũa syoo.</verse>
				<verse number="32">Na Yonatavu, mwana wa Simea, mwana‐a‐inyia wa Ndaviti, asũngĩa na amwĩa, Mwĩaĩĩ wakwa ndakasũanĩe kana nĩmoaĩte anake onthe ana ma mũsumbĩ; nũndũ no Aminoni wũaiwe: nĩkwĩthĩwa ũndũ wa ũtw’ĩo wa Avisalomu ũndũ ũũ nĩwatwiwe kuma mũthenya ũla wakindie mwĩĩtu‐a‐inyia wake Tamali.</verse>
				<verse number="33">Yu kwondũ wa ũu mwĩaĩi wakwa mũsumbĩ ndakaie ũndũ ũsu ngoonĩ yake, asũanĩe ana onthe ma mũsumbĩ nĩ akw’ũ; nũndũ no Aminoni e weka mũkw’ũ.</verse>
				<verse number="34">Ĩndĩ Avisalomu akĩa. Na mwanake ũla wasyaĩĩasya aũngalalya metho make, na aketeea, na, sisya, andũ aingĩ nĩmokĩte na nzĩa yĩ mũongonĩ wake yĩ nguumo ya kĩĩma.</verse>
				<verse number="35">Na Yonatavu amwĩa mũsumbĩ, Sisya, ana ma mũsumbĩ nĩmokĩte: o tondũ mũthũkũmi waku waisye, now’o kũilyĩ.</verse>
				<verse number="36">Na kweethĩwa, amina kũneena, sisya, ana ma mũsumbĩ mooka, na mookĩlya mawasya moo na maĩa: na mũsumbĩ nake na athũkũmi make onthe maĩa mũno.</verse>
				<verse number="37">Ĩndĩ Avisalomu akĩa, na athi kwa Talimai mwana wa Amiuli mũsumbĩ wa Ngesuli. Na Ndaviti ametea mwana wake kĩla mũthenya.</verse>
				<verse number="38">Na ĩndĩ Avisalomu akĩa na athi Ngesuli, na ekala kw’o myaka ĩtatũ.</verse>
				<verse number="39">Na ngoo ya mũsumbĩ Ndaviti yaĩ na mea ma kũthi vala ve Avisalomu: nũndũ nĩwakiakiiw’e ũndũ wa Aminoni, nũndũ aĩ mũkw’ũ.</verse>
			</chapter>
			<chapter number="14">
				<verse number="1">Na Yoavu mwana wa Nzeluia oona atĩ ngoo ya mũsumbĩ yelekele Avisalomu.</verse>
				<verse number="2">Na Yoavu atũmana Tekoa, na aete kuma kw’o mũndũ mũka mũĩ, na amwĩa, Nĩngũkwĩsũva, wĩtw’ĩkĩthye ta wĩ mũndũ ũnũũmeta, na ũkĩkĩa ngũa ila syĩkĩawa nĩ ũla ũnũũmeta, nĩngũkwĩsũva, na ndũkevake mauta, ĩndĩ ĩthĩwa ta mũndũ mũka ũla ũmetee mũndũ mũkw’ũ ĩvinda ĩasa:</verse>
				<verse number="3">na lika vala ve mũsumbĩ, noineena nake ta ũũ. Na ĩndĩ Yoavu eekĩa ndeto kanyw’anĩ wake.</verse>
				<verse number="4">Na yĩla ũla mũndũ mũka wa Tekoa waneenie na mũsumbĩ, avalũka nthĩ na ũthyũ wake, na eekunamya vyũ, na amwĩa, Ndethya, ame mũsumbĩ.</verse>
				<verse number="5">Na mũsumbĩ amũkũlya, Wĩ na ũndũ mwaũ? Nake asũngĩa, Nĩ ndiwa w’o, na mũemewa nĩ mũkw’ũ.</verse>
				<verse number="6">Na mũthũkũmi waku mwĩĩtu, aĩ na ana elĩ, na asu elĩ mokita ene kwa ene kĩsesinĩ, na vatyaĩ mũndũ wa kũmatan’ya, ĩndĩ ũmwe akũna ũla ũngĩ, na amũaa.</verse>
				<verse number="7">Na, sisya, mũvĩa w’onthe nũmũkĩlĩle mũthũkũmi waku mwĩĩtu, na measya, Nengane ũla wakũnie mwana‐a‐inyia, nĩ kana tũmũae vandũ va thayũ wa mwana‐a‐inyia ũla woaie, na ĩndĩ twanange mũtiĩwa nake. O ta ũu makavosya ĩkaa yakwa yĩla yĩtiele, na matikatiĩa mũemewa syĩtwa kana ũtialo ĩũlũ wa nthĩ.</verse>
				<verse number="8">Na mũsumbĩ amwĩa ũ mũndũ mũka, Enda nyũmbanĩ kwaku, na ngeeaa ũndũ waku.</verse>
				<verse number="9">Na ũla mũndũ mũka wa Tekoa amwĩa mũsumbĩ, Mwĩaĩi wakwa, ame mũsumbĩ, ũthũku ũsu wĩthĩwe ĩũlũ wakwa, na ĩũlũ wa nyũmba ya nau; na mũsumbĩ ethĩwe ate na ĩvĩtyo, o na kĩvĩla kyake kya ũsumbĩ.</verse>
				<verse number="10">Na mũsumbĩ amwĩa, O ũla ũkaneena naku, ũkamũete kwakwa, na ndakakũkiita ĩngĩ.</verse>
				<verse number="11">Nĩvo ĩndĩ waisye, Nĩngũkwĩsũva, mũsumbĩ nalilikane Yeova Ngai waku, nĩ kana mũĩvanĩsya wa nthakame ndakanange ĩngĩ, matikese kwananga mwana wakwa. Na asya, O tondũ Yeova wĩ thayũ, ũsw’ĩĩ ũmwe wa mwana waku ndũkavalũka nthĩ.</verse>
				<verse number="12">Nĩvo ĩndĩ ũ mũndũ mũka waisye, Nĩngũkwĩsũva, mũthũkũmi waku mwĩĩtu naneene ndeto na mwĩaĩi wakwa mũsumbĩ. Na amwĩa, Neenanga.</verse>
				<verse number="13">Na mũndũ mũka akũlya, Nũndũ wa kĩ ĩndĩ ũmasũanĩĩe andũ ma Ngai ũndũ ta ũsu? Nũndũ akĩneena ndeto ĩsu mũsumbĩ ailyĩ ta ũmwe mũvĩtan’ya, nũndũ mũsumbĩ ndaatũnga ũla wake walũngilw’e</verse>
				<verse number="14">Nũndũ mũvaka tũkw’e, na tũilyĩ manzĩ metĩku nthĩ, ala matatonya kũkolanw’a ĩngĩ; o na Ngai ndavetaa thayũ, ĩndĩ nũsũanĩaa maũndũ, nĩ kana ũla walũngilw’e ndakethĩwe mũlũngw’a kwake.</verse>
				<verse number="15">Yu ĩndĩ nũndũ nĩnũkie kũneena ndeto ĩno na mwĩaĩĩ wakwa mũsumbĩ, nĩ kwa kwĩthĩwa andũ nĩmatumie nĩkĩa: na mũthũkũmi waku mwĩĩtu aisye, Yu nganeena na mũsumbĩ; nokwĩthĩwa mũsumbĩ akeanĩsya ũndũ mũthũkũmi wake ũnũũmũkũlya.</verse>
				<verse number="16">Nũndũ mũsumbĩ akeew’a, avonokye mũthũkũmi wake kuma kw’okonĩ kwa mũndũ ũla ũnũkwenda kũmbananga nyie na mwana wakwa vamwe tume ũtiĩwanĩ wa Ngai.</verse>
				<verse number="17">Nĩvo ĩndĩ mũthũkũmi waku mwĩĩtu waisye, Nĩngũkwĩsũva, ndeto ya mwĩaĩi wakwa mũsumbĩ nĩĩthĩwe ya kũkiakisya; nũndũ ta mũlaĩka wa Ngai, now’o ũilyĩ mwĩaĩi wakwa mũsumbĩ kũvathũkan’ya ũseo na ũthũku: na Yeova Ngai waku nĩethĩwe naku.</verse>
				<verse number="18">Nĩvo ĩndĩ mũsumbĩ wasũngĩie na amwĩa mũndũ mũka, Nĩngũkwĩsũva, ndũkambithe ũndũ o na wĩva ũla ngũũkũlya. Na mũndũ mũka amwĩa, Mwĩaĩi wakwa mũsumbĩ naneene yu.</verse>
				<verse number="19">Na mũsumbĩ amũkũlya, Kw’oko kwa Yoavu kwĩ naku ũndũnĩ ũũ w’onthe? Na mũndũ mũka asũngĩa na asya, O tondũ kyuu kyaku kĩ thayũ, mwĩaĩi wakwa mũsumbĩ, vati ũla ũtonya kwĩthyũũa kw’okonĩ kwa aũme kana kwa aka kũtia ũndũ o na wĩva ũla mũsumbĩ ũneenete; nũndũ mũthũkũmi waku Yoavu, we nũmbĩaĩe, na eekĩa ndeto isu syonthe kanyw’anĩ wa mũthũkũmi waku mwĩĩtu;</verse>
				<verse number="20">mũthũkũmi waku Yoavu nĩwĩkĩte ũu nĩ kana aalyũle ũvoo ũndũ ũilyĩ: na mwĩaĩi wakwa nĩ mũĩ kwĩanana na ũĩ wa mũlaĩka wa Ngai, kũmanya maũndũ onthe ala me kũũ nthĩ.</verse>
				<verse number="21">Na mũsumbĩ amwĩa Yoavu, Sisya yu, nĩnĩkĩte ũndũ ũsu: kwondũ wa ũu enda, ũlatye ũ mwanake Avisalomu.</verse>
				<verse number="22">Na Yoavu avalũka nthĩ na ũthyũ wake, na eekunamya vyũ, na amũathima mũsumbĩ; na Yoavu asya, Ũmũnthĩ mũthũkũmi waku nĩwĩsĩ nĩnonete ũseo methonĩ maku, mwĩaĩi wakwa, ame mũsumbĩ, nũndũ mũsumbĩ nĩwĩanĩsye ũndũ mũthũkũmi wake ũkũlĩtye.</verse>
				<verse number="23">Na ĩndĩ Yoavu ookĩla na athi Ngesuli, na aete Avisalomu Yelusaleme.</verse>
				<verse number="24">Na mũsumbĩ asya, Naende nyũmba kwake, ĩndĩ ndakone ũthyũ wakwa. Na ĩndĩ Avisalomu aenda nyũmbanĩ kwake, na ndaaona ũthyũ wa mũsumbĩ.</verse>
				<verse number="25">Na ĩndĩ kwa Isilaeli onthe kũtyaĩ ũmwe wa kũtaĩwa mũno ta Avisalomu ũndũ wa mũmbĩlwe wake: kuma ũnyaĩĩ o na kũvika lolotya vatyaĩ kĩema nthĩnĩ wake.</verse>
				<verse number="26">Na yĩla wenzaa nzw’ĩĩ sya mũtwe wake (aitilaa mũminũkĩlyo wa kĩla mwaka; nĩkwĩthĩwa syaĩ ngito kwake, kwondũ wa ũu nĩwaitilaa); nĩwathimaa nzw’ĩĩ sya mũtwe wake sekeli maana elĩ, kwĩanana na kĩthimi kya mũsumbĩ.</verse>
				<verse number="27">Na Avisalomu asyaa ana atatũ, na mwĩĩtu ũmwe, ũla wetawa syĩtwa yake Tamali: nake aĩ mũndũ mũka wĩ ũthyũ mũseo.</verse>
				<verse number="28">Na Avisalomu ekala Yelusaleme myaka ĩlĩ mĩima; na ndaaona ũthyũ wa mũsumbĩ.</verse>
				<verse number="29">Na ĩndĩ Avisalomu atũmana Yoavu, amũtũme kwa mũsumbĩ; ĩndĩ ndaaĩtĩkĩla kũka vala ũĩ: na atũmana ĩngĩ ya kelĩ, ĩndĩ ndaaĩtĩkĩla kũka.</verse>
				<verse number="30">Kwondũ wa ũu amea athũkũmi make, Sisyai, mũũnda wa Yoavu wĩ vakuvĩ na wakwa, na e na mbaale vo; endai mũkovĩvye. Na athũkũmi ma Avisalomu mavĩvya mũũnda.</verse>
				<verse number="31">Nĩvo ĩndĩ Yoavu wokĩlile, na athi kwa Avisalomu nyũmbanĩ kwake, na amũkũlya, Nũndũ wa kĩ athũkũmi maku mavĩvĩtye mũũnda wakwa?</verse>
				<verse number="32">Na Avisalomu asũngĩa Yoavu, Sisya, nĩnatũmanie kwaku, ngĩkwĩa, Ũka vaa, nĩkũtũme kwa mũsumbĩ, ũkamũkũlye, Nũndũ wa kĩ nookie kuma Ngesuli? Nĩ kavaa kwakwa kwĩthĩwa kw’o kũvika yu. Yu kwondũ wa ũu ndeka ngone ũthyũ wa mũsumbĩ; na ethĩwa ve ũthũku nthĩnĩ wakwa, nambũae</verse>
				<verse number="33">Na ĩndĩ Yoavu aenda vala ve mũsumbĩ, na amũtavya; na yĩla wamwĩtie Avisalomu, ooka vala ve mũsumbĩ, na eekũnamya nthĩ na ũthyũ wake mbee wa mũsumbĩ: na mũsumbĩ amũmunya Avisalomu.</verse>
			</chapter>
			<chapter number="15">
				<verse number="1">Na kweethĩwa ĩtĩna wa ũu, Avisalomu eeyũmbanĩsya ĩkasya na mbalasi na andũ mĩongo ĩtano ma kũsembaa mbee wake.</verse>
				<verse number="2">Na Avisalomu ookĩla kĩoko tene, na aũngama ũtee wa nzĩa ĩla ĩelete mbingĩlonĩ: na kweethĩwa, yĩla mũndũ o na wĩva wethĩawa na ĩkoani yĩla yaaĩle kũetwe kwa mũsumbĩ yĩsilwe, nĩvo Avisalomu wamwĩtaa na kũkũlya, Wĩ wa ndũa yĩva? Na akyasya, Mũthũkũmi waku nĩ wa mbaĩ ĩmwe ya Isilaeli.</verse>
				<verse number="3">Na Avisalomu aimwĩa, Sisya, maũndũ maku nĩ maseo na ma w’o; ĩndĩ vati mũndũ wiĩtwe nĩ mũsumbĩ wa ũkwĩthukĩĩsya.</verse>
				<verse number="4">Na ĩngĩ Avisalomu akyasya, A! Kethĩwa nĩndw’ĩkĩthw’a mũsili ĩ nthĩ, nĩ kana kĩla mũndũ ũla wĩ na ĩkoani kana ũndũ o na wĩva akokaa kwakwa, na ngĩmũsilĩla sila wa katĩ!</verse>
				<verse number="5">Na kweethĩwa atĩ yĩla mũndũ o na wĩva wathengeea kũmwĩkunamĩsya, aĩtambũũkya kw’oko kwake, na aimũkwata, na kũmũmumunya.</verse>
				<verse number="6">Ũu nĩw’o Avisalomu wekaa Isilaeli onthe ala mamũkĩe mũsumbĩ ũndũ wa kũsilanw’a: na ĩndĩ Avisalomu ooya ngoo sya andũ ma Isilaeli.</verse>
				<verse number="7">Na kweethĩwa myaka mĩongo ĩna yathela, Avisalomu amwĩa mũsumbĩ, Nĩngũkwĩsũva, ndeka nĩende na kwĩanĩsya wĩvĩto wakwa, ũla namwĩvĩtĩe Yeova, ku Eviloni.</verse>
				<verse number="8">Nũndũ mũthũkũmi waku nĩwevĩtie wĩvĩto yĩla natwĩe Ngesuli nthĩ ya Silia, ngyasya, Ethĩwa Yeova akandũnga ĩngĩ Yelusaleme w’o, nĩvo ĩndĩ ngamũthũkũma Yeova.</verse>
				<verse number="9">Na mũsumbĩ amwĩa, Enda na mũuo. Na ĩndĩ ookĩla na athi Eviloni.</verse>
				<verse number="10">Ĩndĩ Avisalomu atũma athiani mbaĩnĩ syonthe sya Isilaeli, akyasya, O yĩla mwĩĩw’a wasya wa soo, nĩvo ĩndĩ mwĩasya, Avisalomu nĩ mũsumbĩ ku Eviloni.</verse>
				<verse number="11">Na vamwe na Avisalomu kwaendie andũ maana elĩ kuma Yelusaleme, ala meetĩtwe, na mathi kwondũ wa kũtamanya kwoo; na matyeesĩ ũndũ.</verse>
				<verse number="12">Na Avisalomu atũmana Aithoveli Mũngilo, mũtai wa Ndaviti, oke kuma ndũanĩ yake, o ku Ngilo, yĩla wathembaa nthembo. Na wĩw’ano ũsu mũthũku waĩ vinya; nũndũ andũ nĩmaingĩvĩĩe mavinda onthe ngalĩ ya Avisalomu.</verse>
				<verse number="13">Na kwookie mũtũmwa kwa Ndaviti, akĩmwĩa, Ngoo sya andũ ma Isilaeli niatĩĩe Avisalomu.</verse>
				<verse number="14">Na Ndaviti amea athũkũmi make onthe ala maĩ Yelusaleme Ũkĩlai, tũindũke; ethĩwa tĩ ũu vatikethĩwa ũmwe waitũ ũkavonoka aume kw’okonĩ kwa Avisalomu; ĩkalaatei tũende ndakese kũtũkwata mĩtũkĩ, na kũtũetee ũthũku, na kũkũna ndũa kwa kũmitemanga na ũvyũ.</verse>
				<verse number="15">Na athũkũmi ma mũsumbĩ mamwĩa mũsumbĩ, Sisya, athũkũmi maku nĩmeyũmbanĩtye kwĩka o ũndũ mwĩaĩĩ wakwa mũsumbĩ wĩnyuva.</verse>
				<verse number="16">Na mũsumbĩ aumaala aenda, na andũ onthe ma nyũmba yake mamũvikĩla. Na mũsumbĩ atia aka ĩkũmi, ala maĩ aka ngombo, masũvĩae nyũmba.</verse>
				<verse number="17">Na mũsũmbĩ aumaala aenda, na andũ onthe mamũatĩĩa; na mekalanga Mbethimelaka.</verse>
				<verse number="18">Na athũkũmi make onthe mavĩta vakuvĩ nake; na Akelethi onthe, na Avelethi onthe, na Angiti onthe, andũ maana thanthatũ ala mookie mamũatĩĩe kuma Ngathi, mavĩta maenda mbee wa mũsumbĩ.</verse>
				<verse number="19">Nĩvo ĩndĩ mũsumbĩ wamũkũlilye Itai Mũngiti, Nũndũ wa kĩ ũũendan’ya naitũ? Syoka, wĩkale na mũsumbĩ: nũndũ we wĩ mũndũ wa nthĩ ĩngĩ, na ĩngĩ ũla walũngilw’e kwoo; syoka vandũ vaku mwene.</verse>
				<verse number="20">Ũndũ ũnookie o ĩoo yĩ ĩthei, ũmũnthĩ nĩnaĩle ũkũtwaa ũende naitũ kũũ na kũũ, nakwa nĩthi o kũla ndonya? Syoka we, noitũnga ana‐a‐ĩthe maku; tei na w’o syĩthĩwe naku.</verse>
				<verse number="21">Na Itai asũngĩa mũsumbĩ, na amwĩa, O tondũ Yeova wĩ thayũ, na o tondũ mwĩaĩĩ wakwa mũsumbĩ wĩ thayũ, vate ndĩi o vala mwĩaĩi wakwa mũsumbĩ ũkethĩwa, ethĩwa nĩ kĩkw’ũnĩ kana thayũnĩ, o vo nĩvo mũthũkũmi waku ũkethĩwa.</verse>
				<verse number="22">Na Ndaviti amwĩa Itai, Enda ũinge. Na Itai Mũngiti ainga, na andũ make onthe, na twana tw’onthe tũnini tũla twaĩ nake.</verse>
				<verse number="23">Na nthĩ yonthe yaĩa na wasya mũnene, na andũ onthe mainga: o na mũsumbĩ mwene ainga kalũsĩ ka Kitiloni, na andũ onthe maingaa, melekele nzĩa ĩelete weũnĩ.</verse>
				<verse number="24">Na, sisya, Nzatoki nake ooka, na Alivai onthe vamwe nake, makuĩte ĩsandũkũ ya ũtianĩo ya Ngai; na maia ĩsandũkũ ya Ngai nthĩ: na Aviathali ambata, kũvika andũ onthe mamina kuma ndũanĩ.</verse>
				<verse number="25">Na mũsumbĩ amwĩa Nzatoki, Tũnga ĩsandũkũ ya Ngai ndũanĩ: ethĩwa ngoona ũseo methonĩ ma Yeova, akandũnga ĩngĩ, na kũmbon’ya yo, o na ũtũo wake:</verse>
				<verse number="26">ĩndĩ ethĩwa akasya atĩĩ, Ndikũtanĩa; sisya, ninyioo, nambĩke o ũndũ ũkwona wĩ ũseo.</verse>
				<verse number="27">Na ĩngĩ mũsumbĩ akũlya mũthembi Nzatokĩ, Ndwĩ mwoni? Syoka ndũanĩ na mũuo, na ana maku elĩ vamwe naku, Aimaasi mwana waku, na Yonathani mwana wa Aviathali.</verse>
				<verse number="28">Sisya, ngekala masyũkonĩ me weũnĩ, kũvika ndeto yooka kuma kwaku ya kũmanyĩthya.</verse>
				<verse number="29">Kwondũ wa ũu Nzatoki na Aviathali makua ĩsandũkũ ya Ngaĩ matũnga Yelusaleme: na mekala kw’o.</verse>
				<verse number="30">Na Ndaviti ambata kyambato kya kĩĩma kya Mĩthata, na aĩa ambatĩte; na eevw’ĩkĩte mũtwe, na athi maũũ me mathei: na andũ onthe ala maĩ nake kĩla mũndũ eevw’ĩka mũtwe, na mambata, makĩĩa mambatĩte.</verse>
				<verse number="31">Na ũmwe atavya Ndaviti, akĩmwĩa, Aithoveli nĩ ũmwe wa asamĩĩi vamwe na Avisalomu. Na Ndaviti asya, Ame Yeova, nĩngũũvoya, alyũla ũtao wa Aithoveli wĩthĩwe ũtumanu.</verse>
				<verse number="32">Na kweethĩwa, yĩla Ndaviti wavikie mũthyanĩ wa kyambato, vala Ngai wathaithĩawa, sisya, Usiai Mũaliiki amũthaũa atembũangĩte kanzũ wake, na e na mũthanga mũtwe.</verse>
				<verse number="33">Na Ndaviti amwĩa, Ethĩwa ũkaendan’ya nakwa, ũkeethĩwa mũio kwakwa ĩndĩ:</verse>
				<verse number="34">ĩndĩ ethĩwa ũkasyoka ndũanĩ, na kũmũtavya Avisalomu, Ngeethĩwa mũthũkũmi waku, we mũsumbĩ; o ũndũ nĩnaĩ mũthũkũmi wa au ĩvinda ĩvĩtu, now’o ngwĩthĩwa mũthũkũmi waku; nĩvo ĩndĩ wĩmbanangĩa ũtao wa Aithoveli.</verse>
				<verse number="35">Na ndwĩ na athembi Nzatoki na Aviathali vamwe naku kw’o? Kwondũ wa ũu kũkeethĩwa, ũvoo o na wĩva ũla ũkew’a kuma nyũmbanĩ ya mũsumbĩ, ũkatavya athembi Nzatoki na Aviathali.</verse>
				<verse number="36">Sisya, me na ana moo elĩ, Aimaasi, mwana wa Nzatoki, na Yonathani, mwana wa Aviathali, kw’o vamwe nao; na kwondũ woo mũkaetae kwakwa kĩla ũvoo ũla mũkew’aa.</verse>
				<verse number="37">Na ĩndĩ Usiai, mũnyanyae wa Ndaviti, alika ndũanĩ; na Avisalomu alika Yelusaleme.</verse>
			</chapter>
			<chapter number="16">
				<verse number="1">Na yĩla Ndaviti wavĩtũkĩte vanini mũthya wa kyambato, sisya, Nziva mũthũkũmi wa Mevivosethi akomana nake, e na mang’oi elĩ matandĩke, makuĩte imũtũ maana elĩ, na ĩtũngo ĩana sya nzavivũ mbovu, na ĩana sya mosyao ma ĩvinda ya syũa, na kathatwa ke mbinyu.</verse>
				<verse number="2">Na mũsumbĩ akũlya Nziva, Wĩasya ata na isu? Na Nziva asũngĩa, Mang’oi nĩ ma andũ ma nyũmba ya mũsumbĩ makuwe nĩmo; na imũtũ na ũsyao wa ĩvinda ya syũa nĩ ma anake maye; na mbinyu, nĩ kana ala menyalĩla weũnĩ manyw’e.</verse>
				<verse number="3">Na mũsumbĩ amũkũlya, Na mwana wa vwana waku aĩva? Na Nziva amwĩa mũsumbĩ, Sisya, ekalaa Yelusaleme; nũndũ asya, Ũmũnthĩ nyũmba ya Isilaeli ĩkandũngĩa ũsumbĩ wa ĩthe wakwa.</verse>
				<verse number="4">Nĩvo ĩndĩ mũsumbĩ wamwĩie Nziva, Sisya, kyonthe kya Mevivosethi nĩ kyaku. Na Nziva asya, Nĩngwĩkunamya vyũ; none ũseo methonĩ maku, mwĩaĩi wakwa, we mũsumbĩ.</verse>
				<verse number="5">Na yĩla mũsumbĩ Ndaviti wavikie Mbaulimu, sisya, kwaumĩla kw’o mũndũ wa mũvĩa wa nyũmba ya Saulo, ũla wetawa syĩtwa yake Simei, mwana wa Ngela; aumaala, na akĩumangana okĩte.</verse>
				<verse number="6">Na amwĩkya Ndaviti mavia, na athũkũmi onthe ma mũsumbĩ Ndaviti; na andũ onthe, na ngũmbaũ syonthe syaĩ ngalĩ ya kw’oko kwa aũme kwake na kw’oko kwa aka.</verse>
				<verse number="7">Na ũũ nĩw’o ũla Simei waneenie akĩũmangana, Thi, thi, we mũndũ wa nthakame, na mũndũ mwathe:</verse>
				<verse number="8">Yeova nũtũngĩte ĩũlũ waku nthakame yonthe ya nyũmba ya Saulo, ũla wasumbĩkie vandũ vake; na Yeova nũnenganĩte ũsumbĩ kw’okonĩ kwa Avisalomu mwana waku; na, sisya, nũkwatĩtw’e ũthũkunĩ waku mwene, nĩkwĩthĩwa wĩ mũndũ wa nthakame.</verse>
				<verse number="9">Nĩvo ĩndĩ Avisai mwana wa Nzeluia wakũlilye mũsumbĩ, Nũndũ wa kĩ ngitĩ ĩno ngw’ũ ĩkũumanga mwĩaĩi wakwa mũsumbĩ? Ndeka nĩinge, nĩngũkwĩsũva, na ngĩtila mũtwe wake.</verse>
				<verse number="10">Na mũsumbĩ akũlya, Nĩ ũndũ mwaũ nenyu, inyw’ĩ ana ma Nzeluia? Nĩkwĩthĩwa nũnũkũumangana, na nĩkwĩthĩwa Yeova nũmũtavĩtye, Umanga Ndaviti; nũũ ũla ũkasya, Weka ũu nĩkĩ?</verse>
				<verse number="11">Na Ndaviti amwĩa Avisai, na athũkũmi make onthe, Sisyai, mwana wakwa, ũla waumie kĩnyunyunĩ kyakwa, nũnũũmantha thayũ wakwa: Mũmbenyamini ũũ atonya kwĩka ũu mbee veana ata? Ekanai nake, na ekai aumangane; nũndũ Yeova nũmwĩaĩe.</verse>
				<verse number="12">Nokwĩthĩwa Yeova akasisya ũthũku ũla nĩkĩtwe, na Yeova akandĩva ũseo kwondũ wa kũumangwa nĩwe ũmũnthĩ.</verse>
				<verse number="13">Na ĩndĩ Ndaviti na andũ make maendeea nzĩanĩ; na Simei akyamĩĩa kĩĩmanĩ amwĩkuumĩĩsye, na akĩumangana aendete, na amwĩkya mavia na kũvulya kĩtoo.</verse>
				<verse number="14">Na mũsumbĩ, na andũ onthe ala maĩ nake mavika me anou; na anookea kw’o.</verse>
				<verse number="15">Na Avisalomu, na andũ onthe, andũ ma Isilaeli, mooka Yelusaleme, na Aithoveli aĩ nake.</verse>
				<verse number="16">Na kweethĩwa yĩla Usiai Mũaliiki, mũnyanyae wa Ndaviti, wavikie kwa Avisalomu, Usiai amwĩa Avisalomu, Mũsumbĩ nĩethĩwe thayũ ĩvinda ĩasa, mũsumbĩ nĩethĩwe thayũ ĩvinda ĩasa.</verse>
				<verse number="17">Na Avisalomu akũlya Usiai, Ũũ nĩ ũseo waku kwa mũnyanyau? Nĩkĩ ũtaneethi na mũnyanyau?</verse>
				<verse number="18">Na Usiai amwĩa Avisalomu, Aiee; ĩndĩ ũla Yeova, na andũ aa, na andũ onthe ma Isilaeli manyuvĩte, ngeethĩwa wake, na ngekala nake.</verse>
				<verse number="19">Na ĩngĩ, naĩle kũthũkũma ũũ? Ndyaĩle kũthũkũma vala ve mwana wake? O tondũ nathũkũmie vala ve ĩthe waku, now’o ngethĩwa vala ũĩ.</verse>
				<verse number="20">Nĩvo ĩndĩ Avisalomu wamwĩie Aithoveli, Ete ũtao waku ũndũ twĩĩka.</verse>
				<verse number="21">Na Aithoveli amwĩa Avisalomu, Lika kwa aka ngombo ma au, ala watiie masũvĩae nyũmba; na Isilaeli onthe makeew’a nũthĩthĩtwe mũno nĩ ĩthe waku: na ĩndĩ moko ma onthe ala me naku makeethĩwa na vinya.</verse>
				<verse number="22">Na ĩndĩ mamũũngamĩsya Avisalomu ĩeema nyũmbanĩ ĩũlũ; na Avisalomu alika vala ve aka ngombo ma ĩthe wake Isilaeli onthe mene.</verse>
				<verse number="23">Na ũtao wa Aithoveli, ũla wanenganie mĩthenya ĩsu, wailyĩ ta wa mũndũ ũla wakũlilye ndetonĩ ya Ngai; now’o wailyĩ ũtao w’onthe wa Aithoveli kwa Ndaviti o na kwa Avisalomu.</verse>
			</chapter>
			<chapter number="17">
				<verse number="1">Na ĩngĩ Aithoveli amwĩa Avisalomu, Ndeka nĩnyuve yu andũ ngili ĩkũmi na ilĩ, na ngookĩla na kũmũatĩĩa Ndaviti ũtukũ ũũ:</verse>
				<verse number="2">na ngamũkwata yĩla wĩ na mĩnoo na moko make mate vinya, na ngamũtelemya; na andũ onthe ala me nake makakũka; na ngakũna mũsumbĩ e weka;</verse>
				<verse number="3">na ngatũnga andũ onthe kwaku: mũndũ ũsu ũla ũũmũmantha ailyĩ ta kethĩwa onthe nĩmasyoka: na ĩndĩ andũ onthe makeethĩwa na mũuo.</verse>
				<verse number="4">Na kũneena kũu kwamwendeesya Avisalomu mũno, na atumĩa onthe ma Isilaeli.</verse>
				<verse number="5">Nĩvo ĩndĩ Avisalomu waisye, Yu mwĩtei Usiai Mũaliiki nake, twĩw’e naw’o ũndũ ũkwasya.</verse>
				<verse number="6">Na yĩla Usiai wokie kwa Avisalomu, Avisalomu aneena nake, akĩmwĩa, Aithoveli nũneenete ũũ na ũũ: nĩtũkwĩka ta ndeto syake? Ethĩwa tĩ ũu, neena.</verse>
				<verse number="7">Na Usiai amwĩa Avisalomũ, Ũtao ũla Aithoveli wanengane ĩvinda yĩĩ ti mũseo.</verse>
				<verse number="8">Na Usiai aendeea kwasya, Nĩwĩsĩ ĩthe waku na andũ make, atĩ nĩ ngũmbaũ, na me na woo ililikanonĩ syoo, ta nduva yĩ kĩthekanĩ ĩvenetwe tũswii twayo; na ĩthe waku nĩ mũndũ wa kaũ, na ndeĩtĩkĩla kũkoma vamwe na andũ.</verse>
				<verse number="9">Sisya, nũvithĩtwe yu ĩimanĩ, kana vandũ vangĩ: na kũkeethĩwa, yĩla amwe moo meamba kũvalũka, o ũla wĩĩw’a ũndũ ũsu akasya, Ve ũaanĩ katĩ wa andũ ala maatĩĩaa Avisalomu.</verse>
				<verse number="10">O na ũla wĩ na ũkũmbaũ, ũla ngoo yake ĩilyĩ ngoo ya mũnyambũ, akatweka vyũ; nũndũ Isilaeli onthe nĩmesĩ ĩthe waku nĩ ngũmbaũ, na ala me nake me na ũkũmbaũ.</verse>
				<verse number="11">Ĩndĩ nĩngũtaa atĩ Isilaeli onthe mombanw’e vamwe vala ũĩ, kuma Ndani kũvika Mbeeli‐sieva, ta kĩthangathĩ kĩ ũtee wa ũkanga ũndũ wa kwingĩva; naku mwene ũkĩenda kaũnĩ.</verse>
				<verse number="12">Na ĩndĩ tũkamũwĩla vandũ o va wĩoneka, na tũkamũvalũkĩla o tondũ ĩmwe yĩvalũkaa nthĩ; nake na andũ onthe ala me nake tũtikatialya o na ũmwe.</verse>
				<verse number="13">Na ũndũ ũngĩ, ethĩwa akalĩka ndũanĩ, nĩvo Isilaeli onthe meete makanda ndũanĩ ĩsu, na tũkamĩkusĩĩsya ũsĩnĩ, mũvaka kũtikoneka vo kavila kamwe kanini.</verse>
				<verse number="14">Na Avisalomu na andũ onthe ma Isilaeli masya, Ũtao wa Usiai Mũaliiki nĩ mũseo kwĩ ũtao wa Aithoveli. Nũndũ Yeova nũtw’ĩte kwananga ũtao mũseo wa Aithovelĩ, nĩ kana Yeova aete ũthũku ĩũlũ wa Avisalomu.</verse>
				<verse number="15">Nĩvo ĩndĩ Usiai wameie athembi Nzatoki na Aviathali, Aithoveli amũtaa Avisalomu na atumĩa ma Isilaeli ũna na ũna; nakwa nataa ũna na ũna.</verse>
				<verse number="16">Yu kwondũ wa ũu tũmana mĩtũkĩ, noitavya Ndaviti, ũkĩmwĩa, Ndũkakome ũtukũ ũũ masyũkonĩ me weũnĩ, ĩndĩ ndũkatĩe kũinga; mũsumbĩ ndakese kũminwa, na andũ onthe ala me nake.</verse>
				<verse number="17">Na ĩndĩ Yonathani na Aimaasi mekalĩte vakuvĩ na Eni‐lokeli; na mũthũkũmi mwĩĩtu, akothaa kũthi na kũmatavya; namo maithi na makĩtavya mũsumbĩ Ndaviti: nũndũ no mũvaka matikoneke makĩlika ndũanĩ.</verse>
				<verse number="18">Ĩndĩ kĩmwana kyamona, na kyatavya Avisalomu: na me elĩ maenda mĩtũkĩ, na mavika nyũmba ya mũndũ ku Mbaulimu, ũla waĩ na kĩthima nza kwake; na malika nthĩnĩ wakyo.</verse>
				<verse number="19">Na mũndũ mũka oosa na alan’ya kya kũkunĩka kanyw’a wa kĩthima, na anyaĩĩkya nganũ mbũe ĩũlũ wakyo; na vati ũndũ waamanyĩka.</verse>
				<verse number="20">Na athũkũmi ma Avisalomu mamũkĩa ũ mũndũ mũka nyũmbanĩ; na makũlya, Aimaasĩ na Yonathani maĩva? Na mũndũ mũka amea, Nĩmaingie kalũsĩ ke manzĩ. Na yĩla mamamanthie na malea kũmona, masyoka Yelusaleme.</verse>
				<verse number="21">Na kweethĩwa, ĩtina wa mathi, asu mauma kĩthimanĩ, na maenda na matavya mũsumbĩ Ndaviti; na mamwĩa Ndaviti, Ũkĩlai, mũinge manzĩ mĩtũkĩ; nũndũ Aithoveli nũtaanĩte ũu ĩũlũ wenyu.</verse>
				<verse number="22">Na ĩndĩ Ndaviti ookĩla, na andũ onthe ala maĩ nake, na mainga Yolotani: kĩoko kũikya kũtyatialĩte o na ũmwe wa asu ũtaingĩte Yolotani.</verse>
				<verse number="23">Na yĩla Aithoveli wonie ũtao wake ndwaaatĩĩwa, atandĩka ĩng’oi yake, na ookĩla, na enũka ndũanĩ yoo, na eeaa maũndũ ma nyũmba yake, na eesũsya mwene; na akw’a, na athikwa ngunganĩ ya ĩthe wake vala vathikawa akw’ũ.</verse>
				<verse number="24">Na ĩndĩ Ndaviti avika Maanaimu. Na Avisalomu ainga Yolotani, we na andũ onthe ma Isilaeli vamwe nake.</verse>
				<verse number="25">Na Avisalomu aia Amasa ethĩwe mũnene wa ĩ nguthu vandũ va Yoavu. Na ĩndĩ Amasa aĩ mwana wa mũndũ, ũla wetawa syĩtwa yake Ithala Mũisilaeli, ũla walikile kwa Avikaili mwĩĩtu wa Naasu, mwĩĩtu‐a‐inyia wa Nzeluia, inyia wa Yoavu.</verse>
				<verse number="26">Na Isilaeli na Avisalomu mamba maeema moo nthĩ ya Ngileati.</verse>
				<verse number="27">Na kweethĩwa, yĩla Ndaviti wavikie Maanaimu, Sovi mwana wa Naasu wa Lava wa ana ma Amimoni, na Makili mwana wa Amieli wa Londevali, na Mbalisilai Mũngileati wa Lokelimu,</verse>
				<verse number="28">maete mokomo, na masaani manene, na mĩio ya yũmba, na nganũ, na mbaale, na mũtu, na lĩu wa mbaa ngetha mũkaange, na mbooso, na ndengũ, na isyo ngaange,</verse>
				<verse number="29">na ũkĩ wa nzũkĩ, na mauta, na malondu, na ngũmbwa sya matulu ma ĩia ya ng’ombe, kwondũ wa Ndaviti, na kwondũ wa andũ ala maĩ nake, maye: nũndũ maasya, Andũ me na nzaa, na mĩnoo, na waũni, ku weũnĩ.</verse>
			</chapter>
			<chapter number="18">
				<verse number="1">Na Ndaviti atala andũ ala maĩ nake, na amaiĩa makavuteni ma ngili ngili na makavuteni ma maana.</verse>
				<verse number="2">Na Ndaviti atilangan’ya andũ mathi me nguthu itatũ, kĩlungu kĩmwe kw’okonĩ kwa Yoavu, na kĩlungu kĩngĩ kw’okonĩ kwa Avisai mwana wa Nzeluia, mwana‐a‐ĩthe wa Yoavu, na kĩlungu kĩngĩ kw’okonĩ kwa Itai Mũngiti. Na mũsumbĩ amea andũ, Nditĩa kũthi nenyu nyie mwene.</verse>
				<verse number="3">Ĩndĩ andũ masya, Ndũkathi: nũndũ ethĩwa tũkakĩa, matikatũsũanĩa; o na ethĩwa nyunzu yaitũ ĩkakw’a, matikatũsũanĩa: ĩndĩ we wĩ vata ta ngili ĩkũmi maitũ; kwondũ wa ũu nĩ kavaa wĩthĩwe wĩyũmbanĩtye kũtũtethasya wĩ ndũanĩ.</verse>
				<verse number="4">Na mũsumbĩ amea, O ũndũ mwĩona wĩ ũseo mbee now’o nĩĩka. Na mũsumbĩ aũngama ũtee wa mbingĩlo, na andũ onthe maumaala maana na maana na ngili na ngili.</verse>
				<verse number="5">Na mũsumbĩ eeaĩa Yoavu na Avisai na Itai, akĩmea, Mũsũvĩei ũ mwanake, o Avisalomu, kwondũ wakwa. Na andũ onthe meew’a yĩla mũsumbĩ weaĩe makavuteni onthe ũndũ wa Avisalomu.</verse>
				<verse number="6">Na ĩndĩ andũ maumaala maenda kĩthekanĩ mokite na Isilaeli: na kaũ waĩ mũtitũnĩ wa Evalaimu.</verse>
				<verse number="7">Na andũ ma Isilaeli makũnĩwa kw’o nĩ athũkũmi ma Ndaviti, na kwaĩ ũai mũnene kw’o mũthenya ũsu wa andũ ngili mĩongo ĩlĩ.</verse>
				<verse number="8">Nũndũ kaũ nĩwanyaĩĩkĩe ku ĩũlũ wa nthĩ yonthe; na mũtitũ wamina andũ aingĩ kwĩ ala maminiwe na ũvyũ.</verse>
				<verse number="9">Na Avisalomu esa kũkomana na athũkũmi ma Ndaviti. Na Avisalomu aendete akuĩtwe nĩ nyũmbũ yake, na nyũmbũ yavĩtĩla ungu wa mbonge nthungu sya mũtĩ wa mwaloni mũnene, na mũtwe wake wakwatwa nĩ mwaloni, na ookĩlw’a ĩũlũ wa nthĩ; na nyũmbũ ĩla yaĩ ungu wake yathi.</verse>
				<verse number="10">Na mũndũ ũmwe oona ũu, na atavya Yoavu, na amwĩa, Sisya, nĩnonie Avisalomu aniinĩte mwaloninĩ.</verse>
				<verse number="11">Na Yoavu atavya mũndũ ũla wamũtavisye, Na, sisya, nĩwonie ũu, na nĩkĩ ũtanamũkũnĩa vau akavalũka nthĩ? Nakwa nĩthĩwa nakũnenga ilungu ĩkũmĩ sya vetha, na mũsivi.</verse>
				<verse number="12">Na ũ mũndũ amwĩa Yoavu, O na ethĩwa ngoona ĩlungu ngili sya vetha kw’okonĩ, ndyĩtĩkĩla kũmũtambũũkĩa mwana wa mũsumbĩ kw’oko kwakwa: nũndũ mũsumbĩ eaĩe we na Avisai na Itai tũkĩw’a, akĩmwĩa, Ĩsũvĩei mũndũ o na wĩva ndakakiite ũ mwanake Avisalomu.</verse>
				<verse number="13">Keka ũu, kethĩwa nĩkie ũndũ ũte wa w’o ĩũlũ wa thayũ wake (na vati ũvoo ũvithĩtwe mũsumbĩ), we mwene wĩthĩwa ũngalyũkĩle.</verse>
				<verse number="14">Nĩvo ĩndĩ Yoavu waisye, Nditonya kwĩkalanga naku ta ũu. Nake oosa tũtumo tũtatũ na kw’oko kwake, na atũtonyethya ngoonĩ ya Avisalomu mũkuthũ, e o thayũ vu mwaloninĩ.</verse>
				<verse number="15">Na anake ĩkũmi ala makuaa mĩio ya kaũ ya Yoavu mamwĩlingĩla na mamũkũna Avisalomu, mamũaa.</verse>
				<verse number="16">Na Yoavu avuva soo, na andũ masyoka maeka kũatĩĩa Isilaeli; nũndũ Yoavu nĩwasiĩĩe andũ.</verse>
				<verse number="17">Na moosa Avisalomu na mamwĩkya yĩla ĩimanĩ ĩnene yaĩ mũtitũnĩ, na mamũmbĩĩa kĩvumbu kĩnene kya mavia: na Isilaeli onthe makĩĩa kĩla ũmwe ĩeemanĩ yake.</verse>
				<verse number="18">Na Avisalomu yĩla waĩ thayũ aĩ anosa na kwĩũngamĩsya kĩtuĩ, kĩla kĩ mwandanĩ wa mũsumbĩ; nũndũ aisye, Ndi na mwana wa kwĩkalya syĩtwa yakwa yĩlilikenwe: na eeta kĩtuĩ na syĩtwa yake mwene; na nĩkĩtawa ũlilikan’yo wa Avisalomu, kũvika ũmũnthĩ.</verse>
				<verse number="19">Na ĩndĩ Aimaasi mwana wa Nzatoki asya, Eka nzembe yu, na kũmũtwaĩa mũsumbĩ ũvoo, ũndũ Yeova ũmũĩvanĩsye kwa amaitha make.</verse>
				<verse number="20">Na Yoavu amwĩa, Ndwĩĩthĩwa mũtwai wa ũvoo ũmũnthĩ, ĩndĩ ũkatwaa ũvoo mũthenya ũngĩ; ĩndĩ ũmũnthĩ ndwĩtwaa ũvoo, nĩkwĩthĩwa mwana wa mũsumbĩ nĩ mũkw’ũ.</verse>
				<verse number="21">Na ĩndĩ Yoavu amwĩa ũla Mũkusi, Enda, ũmũtavye mũsumbĩ ũndũ wonie. Na Mũkusi eekunamĩsya Yoavu, na asemba.</verse>
				<verse number="22">Nĩvo ĩndĩ Aimaasi mwana wa Nzatoki wamwĩie Yoavu ĩngĩ, Ĩndĩ nĩkwĩkĩke o ũndũ kwĩĩkĩka, nĩngũkwĩsũva, o nakwa ndeka nzembe ĩtina wa Mũkusi. Na Yoavu akũlya, Nũndũ wa kĩ ũkwenda kũsemba, mwana wakwa, nũndũ ndũkethĩwa na ĩtuvi kwondũ wa ũvoo?</verse>
				<verse number="23">Ĩndĩ nĩkwĩkĩke o ũndũ kwĩĩkĩka, ngasemba, asya ũu. Na amwĩa, Semba. Na ĩndĩ Aimaasi asemba na nzĩa ya Ũiĩnĩ, na amũkĩlya ũla Mũkusi maũũ.</verse>
				<verse number="24">Na Ndaviti ekalĩte katĩ wa mbingĩlo ilĩ: na mũsyaĩĩsya ambata kyalanĩ kĩ mbingĩlonĩ kũvika ũvainĩ, na aũngalalya metho make, na aketeea, na, sisya, mũndũ asembete e weka.</verse>
				<verse number="25">Na ũla mũsyaĩĩsya ookĩlya wasya, na atavya mũsumbĩ. Na mũsumbĩ asya, Ethĩwa e weka, ve ũvoo kanyw’anĩ wake. Na ooka asembete mũno, na athengeea.</verse>
				<verse number="26">Na ũ mũsyaĩĩsya oona mũndũ ũngĩ asembete; na ũ mũsyaĩĩsya anĩĩsya mũsũvĩi wa mũomo, na amwĩa, Sisya, mũndũ ũngĩ asembete e weka. Na mũsumbĩ asya, O nake mũetete ũvoo.</verse>
				<verse number="27">Na mũsyaĩĩsya asya, Nĩngwasya kũsemba kwa ũla wĩ mbee kũilyĩ kũsemba kwa Aimaasi mwana wa Nzatoki. Na mũsumbĩ asya, Nĩ mũndũ mũseo na nĩwũkĩte na ũvoo mũseo.</verse>
				<verse number="28">Na Aimaasi anĩĩsya, na atavya mũsumbĩ, Nĩ mũuo. Na eekunamya mbee wa mũsumbĩ ũthyũ wake welekele nthĩ, na asya, Nataĩwe Yeova Ngai waku ũla ũnenganĩte andũ ala mamũkĩlĩlye mwĩaĩi wakwa mũsumbĩ moko moo.</verse>
				<verse number="29">Na mũsumbĩ akũlya, Mwanake Avisalomu no mũseo? Na Aimaasi asũngĩa, Yila Yoavu watũmie mũthũkũmi wa mũsumbĩ, o nyie mũthũkũmi waku, nonie kĩtuu kĩnene, ĩndĩ ndinamanya nĩ kya kĩ.</verse>
				<verse number="30">Na mũsumbĩ amwĩa, Vĩta, noiũngama vaa. Na avĩta, na aũngama.</verse>
				<verse number="31">Na, sisya, ũla Mũkusi ooka; na Mũkusi asya, Nĩ na ũvoo kwondũ wa mwĩaĩi wakwa mũsumbĩ; nũndũ Yeova nũkũĩvanĩsye ũmũnthĩ kwa onthe ala makũkĩlĩle.</verse>
				<verse number="32">Na mũsumbĩ akũlya Mũkusi, Mwanake Avisalomu no mũseo? Na Mũkusi asũngĩa, Amaitha ma mwĩaĩĩ wakwa, na onthe ala makũkĩlĩlaa makwĩke naĩ, nĩmethĩwe ta mwanake ũsu.</verse>
				<verse number="33">Na mũsumbĩ atelema mũno, na ambata kasũmbanĩ ke mbingĩlonĩ ĩũlũ, na aĩa: na aendete, aasya atĩĩ, We mwana wakwa Avisalomu, mwana wakwa, mwana wakwa Avisalomu! Nenda kethĩwa ninyie ngwie vandũ vaku, we Avisalomu, mwana wakwa, mwana wakwa!</verse>
			</chapter>
			<chapter number="19">
				<verse number="1">Na Yoavu atavw’a, sisya, mũsumbĩ nũnũkũĩa na kũmũmetea Avisalomu.</verse>
				<verse number="2">Na ũkĩlyo mũthenya ũsu nĩwaalyũlilwe wĩthĩwe kũmeta kwa andũ onthe: nũndũ andũ meewie kũkyaw’a mũthenya ũsu, Mũsumbĩ nũnũkwĩw’a woo ũndũ wa mwana wake.</verse>
				<verse number="3">Na andũ maenda ndũanĩ na kĩmbithĩ mũthenya ũsu, o tondũ andũ ala masonokaa maendaa na kĩmbithĩ yĩla makĩa kuma kaũnĩ.</verse>
				<verse number="4">Na mũsumbĩ avw’ĩka ũthyũ wake, na mũsumbĩ aĩa na wasya mũnene, We mwana wakwa Avisalomu, we Avisalomu, mwana wakwa, mwana wakwa!</verse>
				<verse number="5">Na Yoavu alika nyũmbanĩ vala ve mũsumbĩ, na amwĩa, Ũmũnthĩ nũsonokethetye mothyũ ma athũkũmi maku onthe, ala ũmũnthĩ matangĩĩe thayũ waku, na mathayũ ma ana maku na eĩtu maku, na mathayũ ma iveti syaku, na mathayũ ma aka maku ngombo;</verse>
				<verse number="6">ũndũ ũmendaa ala makũmenaa, na kũmenaa ala makwendaa. Nũndũ ũmũnthĩ nĩwonanĩtye, kana anene me mbee ũsumbĩnĩ na athũkũmi ti kĩndũ kwaku: nũndũ ũmũnthĩ nĩngwona, kethĩwa Avisalomu ekalile thayũ, na ithyonthe tũkĩkw’a ũmũnthĩ, ũu wĩthĩwa ũkwendeesye mũno ĩndĩ.</verse>
				<verse number="7">Yu kwondũ wa ũu ũkĩla umaale, noineena na athũkũmi maku na ndeto sya ũkiakisyo nũndũ nĩngwĩvĩta na Yeova, ethĩwa ndwĩumaala, kũtikekala mũndũ naku ũtukũ ũũ: na ũu ũkeethĩwa ũthũku kwaku kwĩ ũthũku w’onthe ũla wakũkwatie kuma wana waku kũvika yu.</verse>
				<verse number="8">Na ĩndĩ mũsumbĩ ookĩla, na ekala nthĩ mbingĩlonĩ. Na matavya andũ onthe, makĩmea, Sisya, mũsumbĩ nĩwĩkalĩte nthĩ mbingĩlonĩ: na andũ onthe mooka vala ve mũsumbĩ. Na ĩndĩ Isilaeli maĩ manakĩĩa kĩla mũndũ ĩeemanĩ yake.</verse>
				<verse number="9">Na andũ onthe nĩmatetanasya mbaĩnĩ syonthe sya Isilaeli, makyasya, Mũsumbĩ nĩwatũvonokisye kuma mokonĩ ma amaitha maitũ, na atũtangĩĩa kuma mokonĩ ma Avilisiti; na yu nũkĩĩte Avisalomu akauma ĩ nthĩ.</verse>
				<verse number="10">Na Avisalomu ũla twamwĩtĩkĩsye mauta atũsumbĩke, nũkw’ĩĩe kaũnĩ. Kwondũ wa ũu ĩndĩ nĩkĩ mũtiũneena ndeto o na ĩmwe ũndũ wa kũtũnga mũsumbĩ?</verse>
				<verse number="11">Na mũsumbĩ Ndaviti atũmana kwa athembi Nzatoki na Aviathali, akĩmea, Neenai na atumĩa ma Yuta, mũkĩmea, Inyw’ĩ mwĩ ma ĩtina ma kũtũnga mũsumbĩ nyũmbanĩ yake nĩkĩ? Nũndũ kũneena kwa Isilaeli onthe nĩkũvikĩte kwa mũsumbĩ, kũmũete nyũmbanĩ kwake.</verse>
				<verse number="12">Inyw’ĩ mwĩ ana‐a‐asa makwa, mwĩ ĩvĩndĩ yakwa na mwĩĩ wakwa: nũndũ wa kĩ ĩndĩ inyw’ĩ mwĩ ma ĩtina ma kũtũnga mũsumbĩ?</verse>
				<verse number="13">Na mũkũlyei Amasa, Ndwĩ ĩvĩndĩ yakwa na mwĩĩ wakwa? Ngai nambĩke ũu, o na mbee, ethĩwa ndwĩĩthĩwa kavuteni wa nguthu mbee wakwa mavinda onthe vandũ va Yoavu.</verse>
				<verse number="14">Na athyũũa ngoo sya andũ onthe ma Yuta, o ta ngoo ya mũndũ ũmwe; na ĩndĩ matũmana kwa mũsumbĩ, makĩmwĩa, Syoka we, na athũkũmi maku onthe.</verse>
				<verse number="15">Na ĩndĩ mũsumbĩ asyoka, na avika Yolotani. Na Yuta mooka Ngilikali, nĩ kana maende kũmũthaũa mũsumbĩ, maingye mũsumbĩ Yolotani.</verse>
				<verse number="16">Na Simei mwana wa Ngela, Mũmbenyamini, ũla waĩ wa ndũa ya Mbaulimu, eekalaata na atheea na andũ ma Yuta amũthaũe mũsumbĩ Ndaviti.</verse>
				<verse number="17">Na kwaĩ andũ ngili ma Mbenyamini vamwe nake, na Nziva mũthũkũmi wa nyũmba ya Saulo, na ana make ĩkũmi na atano, na athũkũmi make mĩongo ĩlĩ vamwe nake; na mainga Yolotani mũsumbĩ ene.</verse>
				<verse number="18">Na kwainga ĩtalũ ĩlatye andũ ma nyũmba ya mũsumbĩ, na kwĩka o ũndũ wonaa wĩ ũseo. Na Simei mwana wa Ngela avalũka nthĩ mbee wa mũsumbĩ, yĩla waingaa Yolotani.</verse>
				<verse number="19">Na amwĩa mũsumbĩ, Mwĩaĩi wakwa ndakandalĩle ũthũku, o na ndũkalilikane ũndũ mũthũkũmi waku wekie na ngũlũ mũthenya ũla mwĩaĩi wakwa mũsumbĩ waumie Yelusaleme, atĩ mũsumbĩ aie ũndũ ũsu ngoonĩ yake.</verse>
				<verse number="20">Nũndũ mũthũkũmi waku nĩwĩsĩ nĩnĩvĩtĩtye: kwondũ wa ũu, sisya, nĩnooka ũmũnthĩ na nĩ wa mbee wa nyũmba yonthe ya Yosevu wa kũtheea kũkomana na mwĩaĩi wakwa mũsumbĩ.</verse>
				<verse number="21">Ĩndĩ Avisai mwana wa Nzeluia asũngĩa na akũlya, Simei ndeũawa ũndũ wa ũndũ ũsu, nĩkwĩthĩwa nĩwaumangie mwĩtĩkĩw’a mauta wa Yeova?</verse>
				<verse number="22">Na Ndaviti akũlya, Nyie nĩ ũndũ mwaũ nenyu, inyw’ĩ ana ma Nzeluia, nĩ kana mwĩthĩwe nthũ syakwa ũmũnthĩ? Mũndũ o na wĩva akoawa ũmũnthĩ nthĩnĩ wa Isilaeli? Nũndũ ndyĩsĩ nĩ mũsumbĩ wa Isilaeli ũmũnthĩ?</verse>
				<verse number="23">Na mũsumbĩ amwĩa Simei, Ndũkakw’a. Na mũsumbĩ amwĩavĩa.</verse>
				<verse number="24">Na Mevivosethi mwana wa Saulo atheea kũkomana na mũsumbĩ; na ndaathambya maũũ make, kana kũtila kĩng’ew’a kyake, kana kũthambya ngũa syake, kuma mũthenya ũla mũsumbĩ waendie kũvika mũthenya ũla wenũkie na mũuo.</verse>
				<verse number="25">Na kweethĩwa, yĩla wavikie Yelusaleme akomane na mũsumbĩ, mũsumbĩ amũkũlya, Nũndũ wa kĩ ndwaaenda nakwa, Mevivosethi?</verse>
				<verse number="26">Na asũngĩa, Mwĩaĩi wakwa, we mũsumbĩ, mũthũkũmĩ wakwa nĩwangengie: nũndũ mũthũkũmi waku aisye, Ngeetandĩkĩthĩsya ĩng’oi, nĩ kana nĩkuwe nĩyo, na kũthi na mũsumbĩ; nĩkwĩthĩwa mũthũkũmi waku nĩwaie maũũ.</verse>
				<verse number="27">Nake nũsukĩte mũthũkũmi waku kwa mwĩaĩi wakwa mũsumbĩ; ĩndĩ mwĩaĩi wakwa mũsumbĩ ailyĩ ta mũlaĩka wa Ngai: kwondũ wa ũu ĩka ũndũ wĩona wĩ ũseo.</verse>
				<verse number="28">Nũndũ nyũmba yonthe ya ĩthe wakwa yaĩ o ta andũ akw’ũ kwa mwĩaĩi wakwa mũsumbĩ; ĩndĩ nĩwaiie mũthũkũmi waku katĩ wa ala maĩsaa mesanĩ yaku mwene. Kwondũ wa ũu yu nĩ na waĩlo mwaũ wa kũmwĩkaĩla mũsumbĩ ĩngĩ?</verse>
				<verse number="29">Na mũsumbĩ amũkũlya, Nĩkĩ ũendeee na kũneena maũndũ maku? Nĩngwasya, We na Nziva atũanai nthĩ.</verse>
				<verse number="30">Na Mevivosethi amwĩa mũsumbĩ, Ĩĩ, nĩose yonthe, nũndũ mwĩaĩi wakwa mũsumbĩ nĩ mũku na mũuo nyũmbanĩ yake mwene.</verse>
				<verse number="31">Na Mbalisilai Mũngileati atheea kuma Lokelimu; na ainga Yolotani vamwe na mũsumbĩ, amũtongoesye ainge Yolotani.</verse>
				<verse number="32">Na Mbalisilai aĩ mũndũ mũtumĩu mũno, o wa myaka mĩongo nyanya: na nĩwanengae mũsumbĩ kya ũya yĩla waĩ Maanaimu; nũndũ aĩ mũndũ wĩ nguma mũno.</verse>
				<verse number="33">Na mũsumbĩ amwĩa Mbalisilai, Ingan’ya nakwa, na ngakũnengae lĩu wĩ nakwa Yelusaleme.</verse>
				<verse number="34">Na Mbalisilai amũkũlya mũsumbĩ, Mĩthenya ya myaka ya thayũ wakwa nĩ yĩana, nĩ kana nambate na mũsumbĩ Yelusaleme?</verse>
				<verse number="35">Ũmũnthĩ nĩ wa myaka mĩongo nyanya: nĩndonya kũvathũkan’ya katĩ wa ũseo na ũthũku? Mũthũkũmi waku nũtonya kũsama kĩla nĩĩsaa kana kĩla nĩnyusaa? Nĩndonya kwĩw’a yu wasya wa aũme makina na aka makina? Nũndũ wa kĩ ĩndĩ mũthũkũmi waku waĩle kwĩthĩwa mũio kwa mwĩaĩi wakwa mũsumbĩ?</verse>
				<verse number="36">Mũthũkũmi waku endaa o kũinga Yolotani vamwe na mũsumbĩ: na nũndũ wa kĩ mũsumbĩ wĩenda kũndĩva na ũĩvo wĩana ũu?</verse>
				<verse number="37">Nĩngũkwĩsũva, mũthũkũmi waku naalũke, nĩ kana ngakw’ĩe ndũanĩ yaitũ ene, vakuvĩ na mbũa ya nau na mwaitũ. Ĩndĩ sisya, mũthũkũmi waku Kimiamu; nainge na mwĩaĩi wakwa mũsumbĩ; na ũmwĩke o ũndũ wĩona wĩ ũseo.</verse>
				<verse number="38">Na mũsumbĩ asũngĩa, Kimiamu akainga vamwe nakwa, na ngamwĩka ũndũ wĩona wĩ ũseo: na o ũla wĩenda kwakwa, now’o ngakwĩka.</verse>
				<verse number="39">Na andũ onthe mainga Yolotani, na mũsumbĩ ainga: na mũsumbĩ amũmumunya Mbalisilai, na amũathima; na asyoka kwake mwene.</verse>
				<verse number="40">Na ĩndĩ mũsumbĩ ainganĩsya Ngilikali, na Kimiamu aingan’ya nake: na andũ onthe ma Yuta, o na nyunzu ya andũ ma Isilaeli, mamũingya mũsumbĩ.</verse>
				<verse number="41">Na, sisya, andũ onthe ma Isilaeli mamũkĩa mũsumbĩ, na mamwĩa mũsumbĩ, Nĩkĩ ana‐a‐ĩthe maitũ andũ ma Yuta makũyie na kũingya mũsumbĩ na andũ ma nyũmba yake, o na andũ onthe ma Ndaviti vamwe nake Yolotani?</verse>
				<verse number="42">Na andũ onthe ma Yuta masũngĩa andũ ma Isilaeli, Nĩkwĩthĩwa mũsumbĩ nĩ wa mũvĩa witũ ũla wa vakuvĩ: mũthatĩtwe nĩ ũndũ ũũ nĩkĩ? Nongĩ nĩtũĩte kya kĩla mũsumbĩ ũthooete? Kana nũtũnengete mũthĩnzĩo o na wĩva?</verse>
				<verse number="43">Na andũ ma Isilaeli masũngĩa andũ ma Yuta, na masya, Twĩ na ianda ĩkũmi nthĩnĩ wa mũsumbĩ, o na twĩ na kĩanda nthĩnĩ wa Ndaviti kwĩ inyw’ĩ: nũndũ wa kĩ ĩndĩ mũnatũvũthisye, ũndũ mũtaneamba kũtũkũlya ũtao witũ ũndũ wa kũtũnga mũsumbĩ waitũ? Na ndeto sya andũ ma Yuta syaĩ mbai kwĩ ndeto sya andũ ma Isilaeli.</verse>
			</chapter>
			<chapter number="20">
				<verse number="1">Na kweethĩwa kwaĩ mũndũ mwathe kw’o, ũla wetawa syĩtwa yake Sieva, mwana wa Mbikili, Mũmbenyamini: na avuva soo, na asya, Tũti na kĩanda nthĩnĩ wa Ndaviti, o na tũti na ũtiĩwa mwananĩ wa Yese: kĩla mũndũ aende maeemanĩ make, inyw’ĩ Isilaeli.</verse>
				<verse number="2">Kwondũ wa ũu andũ onthe ma Isilaeli mambata maeka kũatĩĩa Ndaviti, na maatĩĩa Sieva mwana wa Mbikili, ĩndĩ andũ ma Yuta malũman’ya na mũsumbĩ woo, kuma Yolotani kũvika Yelusaleme.</verse>
				<verse number="3">Na Ndaviti avika nyũmbanĩ yake Yelusaleme; na mũsumbĩ oosa ala aka make ĩkũmi ngombo, ala watiie masũvĩae nyũmba, na amekĩa ũsũvĩonĩ na amanenga lĩu ũmeanĩe, ĩndĩ ndaalika kwoo. Na ĩndĩ mavingĩwa kũvika mũthenya wa kũkw’a kwoo, makĩkala ta aka ndiwa.</verse>
				<verse number="4">Nĩvo ĩndĩ mũsumbĩ wamwĩie Amasa, Mbũmbanĩsya andũ ma Yuta mĩthenya ĩtatũ ĩtanathela, naku wĩĩthĩwa vaa.</verse>
				<verse number="5">Na ĩndĩ Amasa athi amomban’ye andũ ma Yuta vamwe; ĩndĩ ekalanga avĩtũkĩthya ĩvinda yĩla watw’ĩwe.</verse>
				<verse number="6">Na Ndaviti amwĩa Avisai, Yu Sieva mwana wa Mbikili akatwĩka ũthũku kwĩ ũla Avisalomu ũneekĩte: osa athũkũmi ma mwĩaĩi waku, noimũatĩĩa, ndakese kwĩseũvĩsya ndũa mbiie, na kwĩvonokesya vala tũtatonya kũmwona.</verse>
				<verse number="7">Na andũ ma Yoavu, na Akelethi, na Avelethi, na ngũmbaũ syonthe maumaala mamũatĩĩe; na mauma Yelusaleme, maatĩĩe Sieva mwana wa Mbikili.</verse>
				<verse number="8">Na yĩla maĩ ĩvianĩ ĩnene yĩ Ngiveoni, Amasa ooka amathaũe. Na Yoavu eevotoete ngũa yake ya kaũ ĩla wekĩĩte, na yaĩ na mũsivi wĩ ũvyũ ũlũmĩtw’e kĩnyunyunĩ kyake wĩ ndoonĩ yaw’o; na akyumaala wasomoka wavalũka.</verse>
				<verse number="9">Na Yoavu akũlya Amasa, Wĩ mũseo, mwana‐a‐ia? Na Yoavu akwata Amasa kĩng’ew’a na kw’oko kwake kwa aũme amũmumunye.</verse>
				<verse number="10">Ĩndĩ Amasa ndaasũva ũvyũ ũla waĩ kw’okonĩ kwa Yoavu: na ĩndĩ amũtonya naw’o ĩvu, na maa make metĩka nthĩ, na ndaamũtonya ĩngĩ; na akw’a. Na Yoavu na Avisai mwana‐a‐inyia mamũatĩĩa Sieva mwana wa Mbikili.</verse>
				<verse number="11">Na kwaũngama vakuvĩ nake mwanake ũmwe wa Yoavu, na asya, Ũla ũmwendaa Yoavu, na ũla wĩ ngalĩ ya Ndaviti, namũatĩĩe Yoavu.</verse>
				<verse number="12">Na Amasa ailitaa nthakamenĩ yake lelũnĩ katĩ. Na yĩla ũ mũndũ wonie andũ onthe nĩmaũngama, amũveta Amasa lelũnĩ amũtwaa kĩthekanĩ, na amũvw’ĩka ngũa, yĩla wonie kĩla mũndũ ũla wavĩtaa akĩũngama.</verse>
				<verse number="13">Yĩla waumiw’e lelũnĩ, andũ onthe maendeea makĩmũatĩĩa Yoavu, maatĩĩe Sieva mwana wa Mbikili.</verse>
				<verse number="14">Na avĩtĩla mbaĩnĩ syonthe sya Isilaeli kũvika Aveli, na Mbethi‐maaka, na Ambeli onthe: na moombanw’a vamwe, o nao mamũatĩĩa.</verse>
				<verse number="15">Na mavika na mamũthyũlũlũka mamũtw’ĩkanĩsya ku Aveli ya Mbethi‐maaka, na mamyũmbĩĩa ĩ ndũa kĩvumbu, na kyaaĩĩa ũvai mũlũmu; na andũ onthe ala maĩ na Yoavu makũnanga ũvai, mavalũkye.</verse>
				<verse number="16">Nĩvo ĩndĩ mũndũ mũka wĩ kĩlĩko waĩ ndũanĩ anĩĩsya, Ĩw’ai, ĩw’ai; nĩngũmwĩsũva, tavyai Yoavu, ũka vaa vakuvĩ, nĩneene naku.</verse>
				<verse number="17">Na athengeea vala ũĩ; na ũla mũndũ mũka amũkũlya, Nue Yoavu? Na asũngĩa, Ninyie. Na ĩndĩ amwĩa, Ĩw’a ndeto sya mũthũkũmi waku, mwĩĩtu. Nake asũngĩa, Nĩngwĩw’a.</verse>
				<verse number="18">Na ĩndĩ aneena, akyasya, Tene makothaa kũneena, makyasya, Maikatĩe kũkũlya ũtao ku Aveli: na ĩndĩ ũvoo ũithela.</verse>
				<verse number="19">Nyie nĩ wa ala ma Isilaeli ma mũuo na kĩthito: we nũkũmantha kwananga ndũa na nyinyia nthĩnĩ wa Isilaeli: wĩenda kũmina ũtiĩwa wa Yeova nĩkĩ?</verse>
				<verse number="20">Na Yoavu asũngĩa asya, Nĩkwĩthĩwe kũasa, nĩkwĩthĩwe kũasa nakwa, nĩmine kana kwananga.</verse>
				<verse number="21">Ũvoo ndũilyĩ ũu: ĩndĩ mũndũ wa nthĩ yĩ iĩma ya Evalaimu, syĩtwa yake eetawa Sieva mwana wa Mbikili, nũmũkĩlĩlye mũsumbĩ kw’oko kwake, o Ndaviti; mũnengane e weka, nakwa nĩngũkĩla na kũtia ndũa. Na ũla mũndũ mũka amwĩa Yoavu, Sisya, mũtwe wake nũkwĩkĩlw’a ũvainĩ kũla ũĩ.</verse>
				<verse number="22">Na ĩndĩ mũndũ mũka aenda kwa andũ onthe na ũĩ wake. Na matila mũtwe wa Sieva mwana wa Mbikili, na mamwĩkĩsya Yoavu. Na avuva soo, na manyaĩĩka mauma ndũanĩ, mathi kĩla mũndũ ĩeemanĩ yake. Na Yoavu asyoka Yelusaleme kwa mũsumbĩ.</verse>
				<verse number="23">Na ĩndĩ Yoavu aĩ mũnene wa ngũthu yonthe ya Isilaeli; na Mbenaia mwana wa Yeoiata aĩ mũnene wa Akelethi na Avelethi;</verse>
				<verse number="24">na Atolamu aĩ mũnene wa andũ ala matethethaw’a wĩa wa vinya; na Yeosavati mwana wa Ailuti aĩ mũandĩki wa maũndũ;</verse>
				<verse number="25">na Sieva aĩ mũandĩki; na Nzatoki na Aviathali maĩ athembi;</verse>
				<verse number="26">na Ila Mũyaili nake aĩ mũnene mbee ũsumbĩnĩ kwa Ndaviti.</verse>
			</chapter>
			<chapter number="21">
				<verse number="1">Na mĩthenya ya Ndaviti kwaĩ yũa mwaka na mwaka, myaka ĩtatũ; na Ndaviti amantha ũthyũ wa Yeova. Na Yeova asya, Nĩ ũndũ wa Saulo, na ũndũ wa nyũmba yake yĩ nthakame, nĩkwĩthĩwa nĩwoaie Angiveoni.</verse>
				<verse number="2">Na mũsumbĩ ameta Angiveoni, na amea (Angiveoni ĩndĩ matyaĩ ma ana ma Isilaeli, ĩndĩ maĩ ma ũtialo wa Aamoli; na ana ma Isilaeli maĩ mameavie; na Saulo amantha kũmoaa nũndũ wa kĩwĩu kyake kwondũ wa ana ma Isilaeli na Yuta);</verse>
				<verse number="3">na Ndaviti akũlya Angiveoni, Nĩmwĩka ata? Na ngeew’anĩthya na kyaũ, nĩ kana mũathime ũtiĩwa wa Yeova?</verse>
				<verse number="4">Na Angiveoni mamwĩa, Ti ũvoo wa vetha na thaavu katĩ waitũ na Saulo, kana nyũmba yake; o na ti ũndũ witũ kũaa mũndũ o na wĩva nthĩnĩ wa Isilaeli. Nake asya, O ũndũ mwĩneena now’o ngamwĩka.</verse>
				<verse number="5">Na mamwĩa mũsumbĩ, Mũndũ ũla watũminaa, na ũla watũsamĩaa, twanangwe tũtikekale mĩvakanĩ o na yĩva ya Isilaeli,</verse>
				<verse number="6">aũme mũonza ananĩ make nĩmanenganwe kwitũ, na tũkamũsũĩsya Yeova ku Ngivea ya Saulo, mũnyuve wa Yeova. Na mũsumbĩ asya, Ngamanengane.</verse>
				<verse number="7">Ĩndĩ mũsumbĩ atĩa Mevivosethi, mwana wa Yonathani mwana wa Saulo, nũndũ wa wĩvĩto wa Yeova ũla waĩ katĩ woo, katĩ wa Ndaviti na Yonathani mwana wa Saulo.</verse>
				<verse number="8">Ĩndĩ mũsumbĩ oosa ana elĩ ma Lisiva mwĩĩtu wa Aia, ala wamũsyaĩe Saulo, nao nĩ Alimoni na Mevivosethi; na ana atano ma Mikali mwĩĩtu wa Saulo, ala wamũsyaĩe Atilieli mwana wa Mbalisilai Mũmeolathi:</verse>
				<verse number="9">na amanengane mokonĩ ma Angiveoni, na mamasũsya kĩĩmanĩ Yeova ene, na asu onthe mũonza mavalũka vamwe. Na mooawa mĩthenya ya ngetha, o mĩthenyanĩ ya mbee, wambĩlĩlyonĩ wa kũketha mbaale.</verse>
				<verse number="10">Na Livisa mwĩĩtu wa Aia oosa ngũa sya makunia, na eeyalanĩlya ĩũlũ wa ĩvia, kuma wambĩlĩlyo wa ngetha kũvika yĩla mbua yasyuĩe kuma ĩtunĩ; na ndaaeka nyũnyi sya yayaya sivuĩle mũthenya, kana nyamũ sya kĩtheka ũtukũ.</verse>
				<verse number="11">Na Ndaviti atavw’a ũndũ Lisiva mwĩĩtu wa Aia, mũka ngombo wa Saulo, wĩkĩte.</verse>
				<verse number="12">Na Ndaviti athi na oosa mavĩndĩ ma Saulo na mavĩndĩ ma Yonathani mwana wake kuma kwa andũ ma Yavesi‐ngileati ala mamoyĩe nzĩanĩ nene ya Mbethi‐sani, vala Avilisiti maisũisye mũthenya ũla Avilisiti mamũaĩe Saulo ku Ngilivoa;</verse>
				<verse number="13">na aete kuma kw’o mavindĩ ma Saulo na mavĩndĩ ma Yonathani mwana wake: na moomban’ya mavĩndĩ ma ala masũiw’e.</verse>
				<verse number="14">Na mathika mavĩndĩ ma Saulo na Yonathani mwana wake nthĩ ya Mbenyamini ku Nzeela, ngunganĩ ya Kisu ĩthe wake vala vathikawa akw’ũ: na meeka w’onthe ũla mũsumbĩ weaie. Na ĩtina wa ũu Ngai nĩwesũvĩkie ũndũ wa ĩ nthĩ.</verse>
				<verse number="15">Na Avilisiti maĩ na kaũ ĩngĩ na Isilaeli; na Ndaviti atheea, e na athũkũmi make, na okita na Avilisiti. Na Ndaviti anyala;</verse>
				<verse number="16">na Isivi‐mbenovu ũla waĩ wa ana ma yĩla ĩmũndũ, yĩla ũito wa ĩtumo yayo waĩ sekeli maana atatũ sya ũthuku kwa kũthima, eevotoete ũvyũ mweũ, asũanĩa kũaa Ndaviti.</verse>
				<verse number="17">Ĩndĩ Avisai mwana wa Nzeluia amũtethya, na amũkũna Mũvilisiti, na amũaa. Nĩvo ĩndĩ andũ ma Ndaviti mamwĩavĩe, makyasya, Ndũkaambĩla kumaala ũende naitũ kaũnĩ, ndũkese kũvosya taa wa Isilaeli.</verse>
				<verse number="18">Na kweethĩwa ĩtina wa ũu, kwaĩ kaũ ĩngĩ na Avilisiti ku Ngovu: na ĩndĩ Sivekai Mũusathi amũaa Savu, ũla waĩ wa ana ma yĩla ĩmũndũ.</verse>
				<verse number="19">Na kwaĩ kaũ ĩngĩ na Avilisiti Ngovu; na Elianani mwana wa Yaale‐olekimu Mũmbethileemu amũaa Ngoliathu Mũngiti ũla mũti wa ĩtumo yake wailyĩ ta mũamba wa mũtumi wa ngũa.</verse>
				<verse number="20">Na kwaĩ kaũ ĩngĩ Ngathi, vala vaĩ mũndũ mũasa mũno, ũla waĩ na syaa thanthatũ kĩla, kw’oko, na syaa thanthatũ kĩla kũũ, ũtalo waĩ mĩongo ĩlĩ na inya; nake asyaiwe nĩ yĩla ĩmũndũ.</verse>
				<verse number="21">Na yĩla wavũthisye Isilaeli, Yonathani mwana wa Simei, mwana‐a‐inyia wa Ndaviti, amũaa.</verse>
				<verse number="22">Asu me ana masyaĩwe nĩ yĩla ĩmũndũ ku Ngathi; na mavalũkw’a nĩ kw’oko kwa Ndaviti na moko ma athũkũmi make.</verse>
			</chapter>
			<chapter number="22">
				<verse number="1">Na Ndaviti aneena na Yeova ndeto sya wathi ũũ mũthenya ũla Yeova wamũvonokisye kuma mokonĩ ma amaitha make onthe, na kw’okonĩ kwa Saulo:</verse>
				<verse number="2">na asya, Yeova nĩ ĩvia yakwa, na ngome yakwa, na mũvonokya wakwa, o wakwa;</verse>
				<verse number="3">Ngaĩ, nĩ ĩvia yakwa, ngeevitha nthĩnĩ wake; Ngao yakwa, na ũvya wa ũtangĩĩo wakwa, mwako wakwa mũtũlu mũno wa mũnyoolo, na wĩvitho wakwa; Mũtangĩĩi wakwa, nũndangĩĩaa vala ve ũng’endu.</verse>
				<verse number="4">Ngeekaĩla Yeova, ũla waĩle kũtaĩwa: Na ĩndĩ ngatangĩĩwa kuma kwa amaitha makwa.</verse>
				<verse number="5">Nũndũ itulumo sya kĩw’ũ nĩsyanthyũlũlũkile; Wingĩ wa maũndũ mate kĩkĩo kya Ngai nĩwambĩkĩie w’ĩa.</verse>
				<verse number="6">Ndii sya Seoli nĩsyeendingĩlile; Itei sya kĩkw’ũ nĩsyangwatie.</verse>
				<verse number="7">Thĩnanĩ wakwa nĩnamwĩkaĩlile Yeova; Ĩĩ, nĩnamwĩkaĩlile Ngai wakwa: Na eew’a wasya wakwa e ĩkalũnĩ yake, Na kĩĩo kyakwa kyalika matũnĩ make.</verse>
				<verse number="8">Nĩvo ĩndĩ nthĩ yathingithangie na kũtetema, Myambĩlĩlyo ya ĩtu yatetema Na yathingithangw’a, nĩkwĩthĩwa aĩ mũthilĩku.</verse>
				<verse number="9">Syũki yambata kuma manyiũũnĩ make, Na mwaki kuma kanyw’anĩ wake nĩwaminaa: Makaa makanw’a nĩw’o.</verse>
				<verse number="10">O na akonza matu, na atheea; Na kĩvindu kya ngokomi kyaĩ ungu wa nyaĩĩ syake.</verse>
				<verse number="11">Na aenda akuĩtwe nĩ mũkeluvi, na aũlũka; Ĩĩ, nĩwonekie nthwaunĩ sya kĩseve.</verse>
				<verse number="12">Na atw’ĩkĩthya kĩvindu malwanda mamũthyũlũlũkĩte, Kũmbana kwa iw’ũ, mathweo makamu matunĩ.</verse>
				<verse number="13">Nũndũ wa ũtisu mbee wake Makaa ma mwaki makanw’a.</verse>
				<verse number="14">Yeova atunduma e ĩtunĩ, Na Ũla Wĩ Ĩũlũ wa Onthe aumya wasya wake.</verse>
				<verse number="15">Na ekya mĩsyĩ, na amanyaĩĩkya; Atisya ũtisi, na amathokoan’ya.</verse>
				<verse number="16">Na ĩndĩ mokinyĩlo ma ũkanga moneka, Myambĩlĩlyo ya nthĩ vavuũwa, Nĩ ũkan’yo wa Yeova, Aiveveea mĩthũmũ ya manyiũũ make.</verse>
				<verse number="17">Atũmana kuma ĩũlũ, ambosa; Anumya iw’ũnĩ nyingĩ;</verse>
				<verse number="18">Ambonokya kuma kwa mũmaitha wakwa wĩ vinya, Kuma kwa ala mamenaa; nũndũ maĩ na vinya kwĩ nyie.</verse>
				<verse number="19">Mambithũkĩa mũthenya wa wanangĩko wakwa mũnene; Ĩndĩ Yeova nĩwe wanũnũmĩlye.</verse>
				<verse number="20">O na anumaalya vandũ vaamu; Ambonokya, nũndũ nĩwatanĩthaw’a ninyie.</verse>
				<verse number="21">Yeova anduva kwĩanana na ũlũngalu wakwa; Nũndĩvĩte kwĩanana na ũtheu wa moko makwa.</verse>
				<verse number="22">Nũndũ nĩnĩkwatĩte nzĩa sya Yeova, Na ndyaatia Ngaĩ wakwa ngeka ũthũku.</verse>
				<verse number="23">Nũndũ motw’ĩo make onthe maĩ mbee wakwa; O na myamũlo yake, ndyaamĩtia.</verse>
				<verse number="24">O na naĩ mwĩanĩu kwake; Na neesiĩĩa ũthũku wakwa.</verse>
				<verse number="25">Kwondũ wa ũu Yeova nĩwandĩvie kwĩanana na ũlũngalu wakwa, Kwĩanana na ũtheu wakwa ũla wonaa na metho make.</verse>
				<verse number="26">Kwa ũla wĩ tei ũkeeyonan’ya wĩ tei; Kwa mũndũ mwĩanĩu ũkeeyon’ya wĩ mwĩanĩu;</verse>
				<verse number="27">Kwa ũla mũtheu ũkeeyonan’ya wĩ mũtheu; Na kwa ũla mũng’endu ũkonan’ya wĩ na wai.</verse>
				<verse number="28">Na andũ ala mathĩnaw’a ũkaatangĩĩa; Ĩndĩ metho maku me ĩũlũ wa ala me na mĩng’athĩlĩlyo, nĩ kana ũmatheesye.</verse>
				<verse number="29">Nũndũ nue taa wakwa, ame Yeova; Na Yeova akamulĩka kĩvindu kyakwa.</verse>
				<verse number="30">Nũndũ kwondũ waku nĩngũvũthũa nguthu, Kwondũ wa Ngai wakwa nĩngũthaanyũka ũvai.</verse>
				<verse number="31">Ũndũ wa Ngai, nzĩa yake nĩ mbĩanĩu: Ndeto ya Yeova nĩtatĩtwe; Nake nĩ ngao ya onthe ala mevithaa nthĩnĩ wake.</verse>
				<verse number="32">Nũndũ Ngai nũũ, ate o Yeova? Na nũũ ũvai, ate o Ngai waitũ?</verse>
				<verse number="33">Ngai nĩ ngome yakwa yĩ vinya; Na nũtongoesya ala eanĩu nzĩanĩ yake.</verse>
				<verse number="34">Nũtw’ĩkĩthasya maũũ make ta maũũ ma ndaatai nga, Na nũnũngamasya ĩũlũ wa kũndũ kwakwa kũtũlu.</verse>
				<verse number="35">Nũmanyĩasya moko makwa kũkita, Kwondũ wa ũu moko makwa makootaa ũta wa ũthuku.</verse>
				<verse number="36">O na nũnengete ngao ya ũtangĩĩo waku; Na ũuu waku nũnenevetye.</verse>
				<verse number="37">Nũnenevetye matambya makwa ungu wakwa; Na maũũ makwa matyaatendelũka.</verse>
				<verse number="38">Nĩnĩkũĩte amaitha makwa, na kũmananga; O na ndyaaĩthyũũa kũvika maminwa.</verse>
				<verse number="39">Na nĩnĩmaminĩte, na kũmatonya mũkuthũ, na ĩndĩ matitonya kũkĩla: Ĩĩ, nĩmavalũkĩte ungu wa nyaĩĩ syakwa.</verse>
				<verse number="40">Nũndũ nũmbotoete vinya nũkite kaũ; Nũmekĩtye ĩtheo wakwa ala mambũkĩlĩle.</verse>
				<verse number="41">O na nũtumĩte amaitha makwa mambon’ya mĩongo, Nĩ kana nĩvete ala mamenaa.</verse>
				<verse number="42">Masisya, ĩndĩ vatyaĩ wa kũmatangĩĩa; Masisya o Yeova, ĩndĩ ndaamasũngĩa.</verse>
				<verse number="43">Nĩvo ĩndĩ namakimangie mavinya mũno ta kĩtoo kya nthĩ, Nĩnamakanyangie ta ndaka nzĩanĩ nene, na namanyaĩĩkya kũasa.</verse>
				<verse number="44">O na nũmbonoketye kuma motetan’yonĩ ma andũ makwa; Nũnzũvĩĩte nĩthĩwe mũtongoi wa i mbaĩ: Ũko wa andũ ũla ndaamanya ũkanthũkũma.</verse>
				<verse number="45">Andũ ma nthĩ ĩngĩ makeenyivya kwakwa: O yĩla meĩw’a ũvoo wakwa, makambĩw’a.</verse>
				<verse number="46">Andũ ma nthĩ ĩngĩ makathelekelya, Na makauma mawĩvithonĩ moo makĩtetema.</verse>
				<verse number="47">Yeova e thayũ; na ĩvia yakwa yĩtaĩwe: Na nanenevw’e Ngai, ĩvia ya ũtangĩĩo wakwa,</verse>
				<verse number="48">O Ngai ũla ũndĩvanĩsyaa, Na kũtheeasya ngo sya andũ syĩthĩwe ĩtheo wakwa,</verse>
				<verse number="49">Na ũla ũnumasya kuma kwa amaitha makwa: Ĩĩ, nũmbũkĩlasya ĩũlũ wa ala mambũkĩlĩĩlaa; Nũmbonokasya kwa mũndũ mũng’endu.</verse>
				<verse number="50">Kwondũ wa ũu ngakũtũngĩa mũvea, ame Yeova, katĩ wa i mbaĩ, Na ngakumya syĩtwa yaku.</verse>
				<verse number="51">Nũnengae mũsumbĩ wake ũvonokyo mũnene, Na kwonanasya ũseo wĩ wendo kwa mwĩtĩkĩw’a mauta wake, Kwa Ndaviti na ũsyao wake tene na tene.</verse>
			</chapter>
			<chapter number="23">
				<verse number="1">Na ĩndĩ ii nĩsyo ndeto sya mũminũkĩlyo sya Ndaviti. Ndaviti mwana wa Yese easya, Na ũ mũndũ ũla wokĩlilw’e ĩũlũ easya, Ũla mwĩtĩkĩw’a mauta wa Ngai wa Yakovo, Na mũtili wa mbathi mũseo wa Isilaeli:</verse>
				<verse number="2">Veva wa Yeova nĩwaneenie nthĩnĩ wakwa, Na ndeto yake yaĩ ũĩmĩnĩ wakwa.</verse>
				<verse number="3">Ngai wa Isilaeli aisye, Ũla Ĩvia wa Isilaeli aneenie nakwa atĩĩ: Ũla ũsumbĩkaa andũ na ũlũngalu, Ũla ũsumbĩkaa aimũkĩa Ngai,</verse>
				<verse number="4">Akeethĩwa ta kyeni kya kĩoko, yĩla syũa yumĩlaa, Kĩoko kũikya, Yĩla nyeki ya vuvĩ yamea nthĩ, Kwondũ wa syũa kwaa mbua yaua.</verse>
				<verse number="5">Nĩ w’o, nyũmba yakwa ndĩilyĩ ũu na Ngai; Ĩndĩ nũtianĩĩte ũtianĩo nakwa wa tene na tene, Ũseũvĩtw’e maũndũnĩ onthe, na mũlũmu: Nũndũ nĩw’o ũtangĩĩo wakwa w’onthe, na kwenda kwakwa kw’onthe, O na ethĩwa ndeũwĩan’ya mũno.</verse>
				<verse number="6">Ĩndĩ onthe ala matakĩaa Ngai makeethĩwa ta mĩw’a ya kũlutĩlĩĩlwa kũasa, Nĩkwĩthĩwa matikwatĩka na kwoko;</verse>
				<verse number="7">Ĩndĩ mũndũ ũla ũmakiitaa Mũvaka eyũmbĩĩe mĩio ya kaũ ya iaa na mũtĩ wa ĩtumo: Na makavĩvw’a vyũ na mwaki me vandũ voo.</verse>
				<verse number="8">Aa nĩo masyĩtwa ma ngũmbaũ ila Ndaviti waĩ nasyo: Yosevi‐mbasevethi Mũtakemoni, mũnene wa makavuteni; ũsu nĩwe Atino Mwesini, ũla wokitie na maana nyanya ala mooaiwe ĩvinda yĩmwe.</verse>
				<verse number="9">Na ĩtĩna wake kwaĩ Eleasali mwana wa Ndotai mwana wa Mũaoi, ũmwe wa ila ngũmbaũ itatũ syĩ na Ndaviti, yĩla syamavũthisye Avilisiti ala moombanĩw’e kw’o mokite, na andũ ma Isilaeli maĩ manaenda.</verse>
				<verse number="10">Ookĩla na akũna Avilisiti mũvaka kw’oko kwake kwanoa, na kw’oko kwake kwalũmana na ũvyũ; na Yeova akĩlya ũkĩlyo mũnene mũthenya ũsu; na andũ masyoka ĩtina wake o mose mũtavo.</verse>
				<verse number="11">Na ĩtina wake kwaĩ Samama mwana wa Akee Mũalali. Na Avilisiti moombana nguthu, vala vaĩ mũũnda wusũĩte ndengũ; na andũ makũka makĩa Avilisti.</verse>
				<verse number="12">Ĩndĩ aũngama mũũndanĩ katĩ, na oosesea, na amoaa Avilisiti: na Yeova akĩlya ũkĩlyo mũnene.</verse>
				<verse number="13">Na atatũ ma ala andũ anene mĩongo ĩtatũ matheea, mavika vala ve Ndaviti ngunganĩ ya Atulamu ĩvinda ya ngetha; na nguthu ya Avilisiti yaĩ ĩnamba maeema mwandanĩ wa Alevai.</verse>
				<verse number="14">Na ĩvinda yĩu Ndaviti aĩ ngomenĩ yĩ vinya; na asikalĩ ma Avilisiti ĩvinda yĩu maĩ Mbethi‐leemu.</verse>
				<verse number="15">Na Ndaviti akwatwa nĩ mũng’atũko, na asya, Ame! Kethĩwa mũndũ ũmwe akanenga manzĩ ma ũnyw’a ma kĩthima kya Mbethi‐leemu, kĩla kĩ vakuvĩ na mbingĩlo!</verse>
				<verse number="16">Na ngũmbaũ isu itatũ syavithũkĩa syavũthũĩla nguthunĩ ya Avilisiti, na syatava manzĩ kĩthimanĩ kya Mbethi‐leemu, kĩla kyaĩ vakuvĩ na mbingĩlo, na syakua, na syamũtwaĩa Ndaviti: ĩndĩ ndaaĩtĩkĩla kũmanyw’a, ĩndĩ etĩa Yeova nthĩ.</verse>
				<verse number="17">Na asya, Nĩkwĩthĩwe kũasa nakwa, ame Yeova, nĩke ũndũ ũilyĩ ũu: nĩnyw’a nthakame ya andũ ala malekilye mathayũ moo mũisyonĩ? Kwondũ wa ũu ndaaĩthĩkĩla kũmanyw’a. Maũndũ asu nĩmeekiwe nĩ ila ngũmbaũ ĩtatũ.</verse>
				<verse number="18">Na Avisai, mwana‐a‐inyia wa Yoavu, mwana wa Nzeluia, nĩwe waĩ mũnene katĩ wa asu atatũ. Na nĩwokĩlĩlye andũ maana atatũ ĩtumo na amoaa, na aĩ na syĩtwa katĩ wa asu atatũ.</verse>
				<verse number="19">Tiwe wataĩawa mũno wa asu atatũ? Kwondũ wa ũu atw’ĩkĩthw’a kavuteni woo: ĩndĩ ala atatũ ma mbee ndaaĩanana nao.</verse>
				<verse number="20">Na Mbenaia mwana wa Yeoiata, mwana wa mũndũ wĩ ũkũmbaũ wa Kaviseeli, ũla wekĩte meko manene, ooaa ana elĩ ma Alieli wa Moavi: o na atheea na ooaa mũnyambũ wĩ nthĩnĩ wa ĩima ĩvinda kwĩ ĩa.</verse>
				<verse number="21">Na ooaa Mũmisili, mũndũ mũmbe nesa: na ũ Mũmisili aĩ na ĩtumo kw’okonĩ kwake; ĩndĩ amũtheeea na ndata, na amũvena Mũmisili ĩtumo kw’okonĩ kwake, na amũaa na ĩtumo yake mwene.</verse>
				<verse number="22">Mbenaia mwana wa Yeoiata nĩwekie maũndũ, asu, na aĩ na syĩtwa katĩ wa ngũmbaũ isu itatũ.</verse>
				<verse number="23">Ataĩawa mũno kwĩ ala mĩongo ĩtatũ, ĩndĩ ndaaĩanana na ala atatũ ma mbee. Na Ndaviti amwia ethĩwe mũnene wa nguthu ya asũvĩi make.</verse>
				<verse number="24">Asaeli mwana‐a‐inyia wa Yoavu aĩ ũmwe wa ala mĩongo ĩtatũ; Elianani mwana wa Ndoto wa Mbethi‐leemu,</verse>
				<verse number="25">na Samama Mũalote, na Elika Mũalote,</verse>
				<verse number="26">na Elesu Mũvaliti, na Ila mwana wa Ikesi Mũtekoa,</verse>
				<verse number="27">na Avieseli Mũanathothi, na Mevunai Mũusathi,</verse>
				<verse number="28">na Nzalimoni Mũaoi, na na Maalai Mũnetovathi,</verse>
				<verse number="29">na Eelevu mwana wa Mbaana Mũnetovathi, na Itai mwana wa Livae wa ku Ngivea wa ana ma Mbenyamini,</verse>
				<verse number="30">na Mbenaia Mũvilathoni, na Ititai wa tũlũsĩ twa Ngaasi,</verse>
				<verse number="31">na Avi‐alivoni Mũalivathi, na Asimavethi Mũmbalumi,</verse>
				<verse number="32">na Eliava Mũsaalivoni, na ana ma Yaseni, Yonathani,</verse>
				<verse number="33">na Samama Mũalali, na Aiamu mwana wa Salali Mũalali,</verse>
				<verse number="34">na Eliveleti mwana wa Aasivai, mwana wa Mũmaaka, na Eliamu mwana wa Aithoveli Mũngilo,</verse>
				<verse number="35">na Esolo Mũkalimeli, na Vaalai Mũalivi,</verse>
				<verse number="36">na Ikali mwana wa Nathani wa Sova, na Mbani Mũngati,</verse>
				<verse number="37">na Nzeleki Mũamimoni, na Naalai Mũmbeelothi, ala makuĩaa Yoavu mwana wa Nzeluia mĩio ya kaũ,</verse>
				<verse number="38">na Ila Mũithili, na Ngalevu Mũithili,</verse>
				<verse number="39">na Ulia Mũititi: onthe nĩ mĩongo ĩtatũ na mũonza.</verse>
			</chapter>
			<chapter number="24">
				<verse number="1">Na ĩngĩ ũthatu wa Ngai wakanĩa Isilaeli, na atuma Ndaviti ameka naĩ, akyasya, Enda, ũtale Isilaeli na Yuta.</verse>
				<verse number="2">Na mũsumbĩ amwĩa Yoavu kavuteni wa nguthu, ũla waĩ nake, Enda yu kũũ na kũũ mbaĩnĩ syonthe sya Isilaeli, kuma Ndani kũvika Mbeeli‐sieva, ũtale andũ, nĩ kana nĩmanye ũtalo wa andũ.</verse>
				<verse number="3">Na Yoavu amwĩa mũsumbĩ, Yu Yeova Ngai waku namongeleele andũ, o ũndũ methĩwa meana, kũndũ ĩana; na metho ma mwĩaĩi wakwa nĩmone ũu: ĩndĩ mwĩaĩi wakwa mũsumbĩ etanĩa ũndũ ũũ nĩkĩ?</verse>
				<verse number="4">Ĩndĩ o na ũu w’onthe ndeto ya mũsumbĩ yamũkĩlya Yoavu vinya, o na makavuteni ma nguthu. Na Yoavu na makavuteni ma nguthu mauma vala ve mũsumbĩ, matale andũ ma Isilaeli.</verse>
				<verse number="5">Na mainga Yolotani, na mamba maeema moo Aloeli, ngalĩ ya kw’oko kwa aũme ya ndũa ĩla yĩ mwandanĩ wa Ngati katĩ, na kũvika Yaseli:</verse>
				<verse number="6">na ĩndĩ mavika Ngileati, na nthĩ ya Tatimu‐otisi; na mavika Ndani‐yaani, na mathyũlũlũka kũvika Sitoni,</verse>
				<verse number="7">na mavika ngome yĩ vinya ya Tile, na ndũa syonthe sya Aivi, na sya Akanaani; na maumaala maenda ngalĩ ya ĩtheo ya Yuta kũvika Mbeeli‐sieva.</verse>
				<verse number="8">Na ĩndĩ yĩla maminie kũthi kũũ na kũũ nthĩ yonthe, masyoka Yelusaleme maminĩte myei kenda na mĩthenya mĩongo ĩlĩ.</verse>
				<verse number="9">Na Yoavu amũnenga mũsumbĩ ũtalo w’onthe wa andũ: na nthĩnĩ wa Isilaeli kwaĩ andũ me ũkũmbaũ ala makũaa ũvyũ ngili maana nyanya; na andũ ma Yuta maĩ ngili maana atano.</verse>
				<verse number="10">Na ngoo ya Ndaviti yamũthĩn’ya ĩtina wa kũtala andũ. Na Ndaviti amwĩa Yeova, Nĩnĩvĩtĩtye mũno ũndũnĩ ũũ ũla nĩkĩte: ĩndĩ yu, ame Yeova, nĩngũkwĩsũva, veta ũthũku wa mũthũkũmi waku; nũndũ nĩnĩkĩte ũtumanu mũno.</verse>
				<verse number="11">Na yĩla Ndaviti wokĩlile kĩoko, ndeto ya Yeova yamũkĩa mwathani Ngati, mwoni wa kwa Ndaviti, ĩkĩmwĩa,</verse>
				<verse number="12">Enda ũneene na Ndaviti, Ũũ nĩw’o Yeova ũnũkwasya, Nĩngũũnenga maũndũ atatũ: nyuva ũmwe wamo, nĩ kana nĩkwĩke w’o.</verse>
				<verse number="13">Na ĩndĩ Ngati aenda vala ve Ndaviti, na amũtavya, na amũkũlya, Myaka mũonza ya yũa ĩkakũkĩa nthĩ yaku? Kana ũkenda kũkĩa amaitha maku myei ĩtatũ makũatĩĩĩte? Kana kũkeethĩwa mũimũ mĩthenya ĩtatũ nthĩ yaku? Yu kwavindĩĩsya ũsũanĩe ũsũngĩo ũla ngũmũtũngĩa ũla ũndũmie.</verse>
				<verse number="14">Na Ndaviti amwĩa Ngati, Nĩ mũvivinye mũno: tũvalũke yu kw’okonĩ kwa Yeova; nũndũ matei make nĩ manene; na ndikavalũke kw’okonĩ kwa mũndũ.</verse>
				<verse number="15">Kwondũ wa ũu Yeova atũma mũimũ ĩũlũ wa Isilaeli kuma kĩoko o kũvika ĩvinda yĩla yatw’ĩtwe; na kwakwie ma andũ kuma Ndani kũvika Mbeeli‐sieva andũ ngili mĩongo mũonza.</verse>
				<verse number="16">Na yĩla mũlaĩka watambũũkisye kw’oko kwake kwelekela Yelusaleme amyanange, Yeova eealyũla ũndũ wa ũthũku ũsu, na eea mũlaĩka ũla wanangaa andũ, Nũũ; yu siĩĩa kw’oko kwaku. Na mũlaĩka wa Yeova aĩ vakuvĩ na kĩvũĩo kya Alauna Mũyevusi.</verse>
				<verse number="17">Na Ndaviti aneena na Yeova yĩla wonie mũlaĩka ũla wakũnaa andũ, na asya, Sisya, nĩnĩvĩtĩtye, na nĩnĩkĩte na ngũlũ; ĩndĩ malondu aa, mekĩte ata? Nĩngũkũvoya, kw’oko kwaku nĩkwĩthĩwe ĩũlũ wakwa, na ĩũlũ wa nyũmba ya asa wakwa.</verse>
				<verse number="18">Na Ngati amũkĩa Ndaviti mũthenya ũsu, na amwĩa, Ambata, ũmwakĩe Yeova kĩthembeo kĩvũĩonĩ kya Alauna Mũyevusi.</verse>
				<verse number="19">Na Ndaviti ambata kwĩanana na ndeto sya Ngati, o tondũ Yeova weaie.</verse>
				<verse number="20">Na Alauna asisya, na oona mũsumbĩ na athũkũmi make mokĩte mamwelekele: na Alauna aumaala, na amwĩkunamĩsya mũsumbĩ ũthyũ wake welekele nthĩ.</verse>
				<verse number="21">Na Alauna amũkũlya, Nũndũ wa kĩ mwĩaĩi wakwa mũsumbĩ woka kwa mũthũkũmi wake? Na Ndaviti asya, Nĩkũthooee kĩvũĩo, nĩmwakĩe Yeova kĩthembeo, nĩ kana ũthĩn’yo ũũ ũsiĩĩwe wumwe andũnĩ.</verse>
				<verse number="22">Na Alauna amwĩa Ndaviti, Mwĩaĩi wakwa mũsumbĩ nĩose na kũthemba kĩla wĩona kĩ kĩseo: sisya, ng’ombe sya nthembo ya kũvĩvw’a, na ivũi na masoki ma ng’ombe methĩwe ngũ:</verse>
				<verse number="23">ii syonthe, ame mũsumbĩ, Alauna nũnũũnenga mũsumbĩ. Na Alauna amwĩa mũsumbĩ, Yeova Ngai waku nakwĩtĩkĩle.</verse>
				<verse number="24">Na mũsumbĩ amwĩa Alauna, Aiee; ĩndĩ nditĩa kũkĩthooa na thooa; o na ndikamũthembea Yeova Ngai wakwa nthembo sya kũvĩvw’a ila ndathooete. Na ĩndĩ Ndaviti athooa kĩvũĩo o na ng’ombe na sekeli mĩongo ĩtano sya vetha.</verse>
				<verse number="25">Na Ndaviti amwakĩa Yeova kĩthembeo vau, na athemba nthembo sya kũvĩvw’a na nthembo sya mũuo. Na ĩndĩ Yeova eesũvĩka kwondũ wa ĩ nthĩ, na ũthĩn’yo wasiĩĩwa nthĩnĩ wa Isilaeli.</verse>
			</chapter>
		</book>
		<book number="11">
			<chapter number="1">
				<verse number="1">Na ĩndĩ mũsumbĩ Ndaviti aĩ mũkũu na wa myaka mingĩ; na mamũvw’ĩka ngũa, ĩndĩ ndaaĩw’a muutĩa.</verse>
				<verse number="2">Kwondũ wa ũu athũkũmi make mamwĩa, Nĩkũmanthwe mwĩĩtu mũtheu kwondũ wa mwĩaĩi wakwa mũsumbĩ: nake aũngamae mbee wa mũsumbĩ na kũmũsũvĩaa; na nakomae kũthũinĩ kyaku, nĩ kana mwĩaĩi wakwa mũsumbĩ eew’ae muutĩa.</verse>
				<verse number="3">Kwondũ wa ũu mamantha mwĩĩtu mwanake mĩvakanĩ yonthe ya Isilaeli, na moona Avisaki Mũsunami, na mamũetee mũsumbĩ.</verse>
				<verse number="4">Na mwĩĩtu aĩ mwanake mũno; na amũsũvĩaa mũsumbĩ, na kũmũtethasya; ĩndĩ mũsumbĩ ndaamũmanya.</verse>
				<verse number="5">Nĩvo ĩndĩ Atoniya mwana wa Akithi wenenevisye, akyasya, Ngeethĩwa mũsumbĩ: na eeyũmbanĩsya makasya na andũ ma ũtũlaa mbalasi, na andũ mĩongo ĩtano ma kũsembaa mbee wake.</verse>
				<verse number="6">Na ĩthe wake ndaamwĩw’ĩthya woo ĩvinda o na yĩva, akamũkũlya, Wĩkie ũu nĩkĩ? O na ĩngĩ aĩ mũndũ mũmbe nesa; na asyaiwe ĩtina wa Avisalomu.</verse>
				<verse number="7">Na aneena na Yoavu mwana wa Nzeluia, na mũthembi Aviathali: nao makĩatĩanĩa na Atoniya mamũtetheesye.</verse>
				<verse number="8">Ĩndĩ mũthembi Nzatoki, na Mbenaia mwana wa Yeoiata, na mwathani Nathani, na Simei, na Lei, o na ngũmbaũ sya Ndaviti, matyaĩ vamwe na Atoniya.</verse>
				<verse number="9">Na Atoniya ooaĩa malondu na ng’ombe na ila nou vakuvĩ na ĩvia ya Nzoelethi, yĩla yĩ ũtee wa Eni‐lokeli; na ameta ana‐a‐ĩthe make onthe, ana ma mũsumbĩ, na andũ onthe ma Yuta, athũkũmi ma mũsumbĩ:</verse>
				<verse number="10">ĩndĩ ndaaĩta mwathani Nathani, na Mbenaia, na ila ngũmbaũ, na Solomoni mwana‐a‐ĩthe.</verse>
				<verse number="11">Nĩvo ĩndĩ Nathani waneenie na Mbathi‐sieva inyia wa Solomoni, akĩmũkũlya, Ndwaaĩw’a kana Atoniya mwana wa Akithi nũnũũsumbĩka, na Ndaviti mwĩaĩi waitũ ndesĩ?</verse>
				<verse number="12">Na yu kwondũ wa ũu, nĩngũkwĩsũva, eka ngũtae, nĩ kana ũtangĩĩe thayũ waku mwene, na thayũ wa mwana waku Solomoni.</verse>
				<verse number="13">Enda ũlike vala ve mũsumbĩ Ndaviti, noimwĩa, Mwĩaĩi wakwa, ame mũsumbĩ, ndwaamwĩavĩa mũthũkũmi waku mwĩĩtu, ũkĩmwĩa, Vate ndĩi Solomoni mwana waku akasumbĩka ĩtina wakwa, nake akekala kĩvĩlanĩ kyakwa kya ũsumbĩ? Nũndũ wa kĩ ĩndĩ Atoniya ũnũũsumbĩka?</verse>
				<verse number="14">Sisya, o yĩla wĩĩthĩwa ũineenea vo na mũsumbĩ, nakwa ngalika ĩtina waku, na kũlũlũmĩlya ndeto syaku.</verse>
				<verse number="15">Na Mbathi‐sieva alika vala ve mũsumbĩ kasũmbanĩ: na mũsumbĩ aĩ mũkũu mũno; na Avisaki Mũsunami no watetheeasya mũsumbĩ.</verse>
				<verse number="16">Na Mbathi‐sieva akunama, na eekunamĩsya mũsumbĩ vyũ. Na mũsumbĩ akũlya, Wĩenda kĩ?</verse>
				<verse number="17">Nake amwĩa, Mwĩaĩi wakwa, nĩwamwĩavĩe mũthũkũmi waku mwĩĩtu na Yeova Ngai waku, ũkyasya, Vate ndĩi Solomoni mwana waku akasumbĩka ĩtina wakwa, na akekala kĩvĩlanĩ kyakwa kya ũsumbĩ.</verse>
				<verse number="18">Na yu, sisya, Atoniya nũnũũsũmbĩka; naku, mwĩaĩi wakwa mũsumbĩ, ndwĩsĩ:</verse>
				<verse number="19">na nĩwũaĩte ng’ombe na ila nou na malondu nyingĩ mũno, na nĩwĩtĩte ana onthe ma mũsumbĩ, na mũthembi Aviathali, na Yoavu kavuteni wa nguthu; ĩndĩ ndaamwĩta Solomoni mũthũkũmi waku.</verse>
				<verse number="20">Naku, mwĩaĩi wakwa mũsumbĩ, metho ma Isilaeli onthe nĩmaũloelelye, nĩ kana ũmatavye ũla ũkekala kĩvĩlanĩ kya ũsumbĩ kya mwĩaĩi wakwa mũsumbĩ ĩtina wake.</verse>
				<verse number="21">Ethĩwa ti ũu, kũkeethĩwa, yĩla mwĩaĩi wakwa mũsumbĩ ũkakoma na aaĩthe make, nyie na mwana wakwa Solomoni tũkatalwa avĩtan’ya.</verse>
				<verse number="22">Na, sisya, o akĩneena na mũsumbĩ, mwathani Nathani atonyelela.</verse>
				<verse number="23">Na matavya mũsumbĩ, makĩmwĩa, Sisya, mwathani Nathani. Na yĩla walikile mbee wa mũsumbĩ, amwĩkunamĩsya mũsumbĩ ũthyũ wake welekele nthĩ.</verse>
				<verse number="24">Na Nathani amũkũlya, Mwĩaĩi wakwa, ame mũsumbĩ, nũneenete, Atoniya akasumbĩka ĩtina wakwa, na akekala kĩvĩlanĩ kyakwa kya ũsumbĩ?</verse>
				<verse number="25">Nũndũ nũtheeie ũmũnthĩ, na nĩwũaĩte ng’ombe na ila nou na malondu nyingĩ mũno, na nĩwĩtĩte ana onthe ma mũsumbĩ, na makavuteni ma nguthu, na mũthembi Aviathali; na, sisya, nĩmekũya na kũnyw’a me mbee wake, na kwasya, Mũsumbĩ Atoniya nĩethĩwe thayũ ĩvinda ĩasa.</verse>
				<verse number="26">Ĩndĩ nyie, o nakwa mũthũkũmi waku, na mũthembi Nzatoki, na Mbenaia mwana wa Yeoiata, na mũthũkũmi waku Solomoni, ndaatwĩta.</verse>
				<verse number="27">Ũndũ ũsu nĩwĩkĩtwe nĩ mwĩaĩi wakwa mũsumbĩ, na ndwaaon’ya athũkũmi maku ũla waĩle kwĩkala kĩvĩlanĩ kya mwĩaĩi wakwa mũsumbĩ ĩtina wake?</verse>
				<verse number="28">Nĩvo ĩndĩ mũsumbĩ Ndaviti wasũngĩie na asya, Mwĩte Mbathi‐sieva oke vaa nĩĩ. Na ooka vala ve mũsumbĩ, na aũngama mbee wa mũsumbĩ.</verse>
				<verse number="29">Na mũsumbĩ eevĩta, na asya, O tondũ Yeova wĩ thayũ, ũla wovoisye thayũ wakwa kuma mathĩnanĩ onthe,</verse>
				<verse number="30">nĩ w’o, o tondũ nakwĩavĩe na Yeova, Ngai wa Isilaeli, ngĩkwĩa, Vate ndĩi Solomoni mwana waku akasumbĩka ĩtina wakwa, na akekala kĩvĩlanĩ kyakwa kya ũsumbĩ vandũ vakwa; now’o ngwĩka ũmũnthĩ.</verse>
				<verse number="31">Nĩvo ĩndĩ Mbathi‐sieva wekunamisye ũthyũ wake welekele nthĩ, na amwĩkunamĩsya mũsumbĩ vyũ, na asya, Mwĩaĩi wakwa mũsumbĩ Ndaviti nĩekale thayũ tene na tene.</verse>
				<verse number="32">Na mũsumbĩ Ndaviti asya, Mete mũthembi Nzatoki, na mwathani Nathani, na Mbenaia mwana wa Yeoiata, moke vaa nĩĩ. Na mooka mbee wa mũsumbĩ.</verse>
				<verse number="33">Na mũsumbĩ amea, Endai na athũkũmi ma mwĩaĩi wenyu, na mũituma Solomoni mwana wakwa atũla nyũmbũnĩ yakwa mwene, na mũimũtheesya ku Ngioni:</verse>
				<verse number="34">na mũthembi Nzatoki na mwathanĩ Nathani nĩmamwĩtĩkĩĩsye mauta vo ethĩwe mũsumbĩ wa Isilaeli; na vuvai soo, na mũkyasya, Mũsumbĩ Solomoni ekale thayũ ĩvinda ĩasa.</verse>
				<verse number="35">Na ĩndĩ mũkambate mũmũatĩĩe, nake akooka na kwĩkala kĩvĩlanĩ kyakwa kya ũsumbĩ; nũndũ akeethĩwa mũsumbĩ vandũ vakwa; na nĩnĩmũtw’ĩte ethĩwe mũnene wĩ mbee ũsumbĩnĩ wa Isilaeli na wa Yuta.</verse>
				<verse number="36">Na Mbenaia mwana wa Yeoiata amũsũngĩa mũsumbĩ, na asya, Ameni: Yeova, Ngai wa mwĩaĩi wakwa mũsumbĩ, naneene o ũu.</verse>
				<verse number="37">O tondũ Yeova waĩ na mwĩaĩi wakwa mũsumbĩ, o ta ũu nĩeĩthĩawa na Solomoni, na nakĩtw’ĩkĩthye kĩvĩla kyake kya ũsumbĩ kĩthĩwe kĩnene kwĩ kĩvĩla kya ũsumbĩ kya mwĩaĩi wakwa mũsumbĩ Ndaviti.</verse>
				<verse number="38">Na ĩndĩ mũthembi Nzatoki, na mwathani Nathani, na Mbenaia mwana wa Yeoiata, na Akelethi, na Avelethi matheea, na matuma Solomoni atũla nyũmbũnĩ ya mũsumbĩ Ndaviti, na mamũete Ngioni.</verse>
				<verse number="39">Na mũthembi Nzatoki aumya ũvya wa mauta Ĩeemanĩ, na amwĩtĩkĩsya Solomoni mauta. Na mavuva soo; na andũ onthe masya, Mũsumbĩ Solomoni nĩethĩwe thayũ ĩvinda ĩasa.</verse>
				<verse number="40">Na andũ onthe mambata mamũatĩĩe, na andũ mavuva mĩtũlilũ, na matana na ũtanu mwingĩ, na nthĩ yaalĩlĩkw’a nĩ wasya woo.</verse>
				<verse number="41">Na Atoniya na aeni onthe ala maĩ nake meew’a ũu o mamina kũya. Na yĩla Yoavu wewie wasya wa soo, akũlya, Kĩlitũko kĩĩ kĩũlitũkan’ya ndũanĩ nĩ kya kĩ?</verse>
				<verse number="42">Na yĩla waneenaa, sisya, Yonathani mwana wa mũthembi Aviathali ooka: na Atoniya asya, Lika; nĩkwĩthĩwa we wĩ mũndũ mwaĩlu, na nũetete ũvoo mũseo.</verse>
				<verse number="43">Na Yonathani asũngĩa na amwĩa Atoniya, Nĩ w’o, mwĩaĩi waitũ mũsumbĩ Ndaviti nũmũtw’ĩkĩthisye Solomoni mũsumbĩ:</verse>
				<verse number="44">na mũsumbĩ nũtũmanĩsye vamwe nake mũthembi Nzatoki, na mwathani Nathani, na Mbenaia mwana wa Yeoiata, na Akelethi, na Avelethi; na nĩmatuma atũla nyũmbũnĩ ya mũsumbĩ;</verse>
				<verse number="45">na mũthembi Nzatoki na mwathani Nathani nĩmamwĩtĩkĩsye mauta ethĩwe mũsumbĩ ku Ngioni; na nĩmambatie kuma vo makĩtana, mũvaka ndũa yeetĩkĩanĩsya ĩngĩ. Kyu nĩkyo kĩlitũko kĩla mweew’a.</verse>
				<verse number="46">Na ĩngĩ Solomoni nĩwĩkalĩle kĩvĩla kya ũsumbĩ.</verse>
				<verse number="47">O na ĩngĩ athũkũmi ma mũsumbĩ mooka mamũathime mwĩaĩi waitũ mũsumbĩ Ndaviti, makyasya, Ngai waku natw’ĩkĩthye syĩtwa ya Solomoni ĩseo kwĩ syĩtwa yaku, na natume kĩvĩla kyake kya ũsumbĩ kĩthĩwa kĩnene kwĩ kĩvĩla kyaku kya ũsumbĩ: na mũsumbĩ eekunamya ũkomonĩ.</verse>
				<verse number="48">Na ĩngĩ mũsumbĩ asya atĩĩ, Nataĩwe Yeova, Ngai wa Isilaeli, ũla ũnenganĩte mũndũ wa kwĩkala kĩvĩlanĩ kyakwa kya ũsumbĩ ũmũnthĩ, o na metho makwa makyona ũu.</verse>
				<verse number="49">Na aeni onthe ma Atoniya meew’a w’ĩa, na mookĩla, na mathi kĩla mũndũ na nzĩa yake.</verse>
				<verse number="50">Na Atoniya eew’a w’ĩa nũndũ wa Solomoni; na ookĩla, na athi, na akwata mbya sya kĩthembeo.</verse>
				<verse number="51">Na Solomoni eewa, kũkyaw’a, Sisya, Atoniya nũnũũkĩa mũsumbĩ Solomoni; nũndũ, sisya, nũkwete mbya sya kĩthembeo, akyasya, Mũsumbĩ Solomoni nĩambe kũmbĩavĩa kana ndakoaa mũthũkũmi wake na ũvyũ.</verse>
				<verse number="52">Na Solomoni asya, Ethĩwa akeeyonan’ya kana nĩ mũndũ mwaĩlu, kũtikavalũka ũsw’ĩĩ ũmwe wake nthĩ; ĩndĩ ethĩwa ũthũku ũkooneka nthĩnĩ wake, no wĩkw’a.</verse>
				<verse number="53">Na ĩndĩ mũsumbĩ Solomoni atũmana, na mamũtheesya kuma kĩthembeonĩ. Na ooka na amwĩkunamĩsya mũsumbĩ Solomoni vyũ; na Solomoni amwĩa, Ĩnũka nyũmba kwaku.</verse>
			</chapter>
			<chapter number="2">
				<verse number="1">Na ĩndĩ mĩthenya ya kũkw’a ya Ndaviti yathengeea; nake amwĩaĩa Solomoni mwana wake, akĩmwĩa,</verse>
				<verse number="2">Nyie nĩngũthi na nzĩa ya nthĩ yonthe: kwondũ wa ũu ĩthĩwa na vinya, nokĩyonan’ya wĩ mũndũ mũũme ki;</verse>
				<verse number="3">na sũvĩaa wĩaĩo wa Yeova Ngai waku, ũendae nzĩanĩ syake, na kũsũvĩaa myamũlo yake, na mĩao yake, na motw’ĩo make, na mokũsĩ make, kwĩanana na ũla ũandĩkĩtwe mĩaonĩ ya Mose, nĩ kana ũathimĩke maũndũnĩ onthe ala wĩkaa, na o vala ũkelekela;</verse>
				<verse number="4">nĩ kana Yeova alũlũmĩlye ndeto yake ĩla waneenie ũndũ wakwa, akĩmbĩa, Ethĩwa syana syaku ikasũvĩa mĩendele yasyo, ikinyae mbee wakwa na w’o na ngoo yasyo syonthe na thayũ wasyo w’onthe, ndũkaĩwa nĩ mũndũ kĩvĩlanĩ kya ũsumbĩ kya Isilaeli (aisye ũu).</verse>
				<verse number="5">Vamwe na ũu nĩwĩsĩ ũndũ Yoavu mwana wa Nzeluia wambĩkie, o ũndũ wamekie makavuteni elĩ ma nguthu sya Isilaeli, o Avineli mwana wa Neli, na Amasa mwana wa Yetheli, ala wamoaie, na etĩkya nthakame ta kwĩ kaũ ĩvinda yĩ mũuo, na eetalĩkangĩlya nthakame ta kwĩ kaũ mũsivinĩ wake ũla weyovete kĩnyunyunĩ kyake, na iatũnĩ syake ila syaĩ maũũnĩ make.</verse>
				<verse number="6">Kwondũ wa ũu ĩka kwĩanana na ũĩ waku, na ndũkaaeke mũtwe wake wĩ mbũĩ ũtheee Seoli na mũuo.</verse>
				<verse number="7">Ĩndĩ meke ana ma Mbalisilai Mũngileati nesa, nao methĩawe vamwe na ala maĩsaa mesanĩ yaku; nũndũ o ta ũu nĩmambũkĩe yĩla nakĩĩte Avisalomu mwana‐a‐au.</verse>
				<verse number="8">Na, sisya, Simei mwana wa Ngela, Mũmbenyamini, wa mũsyĩ wa Mbaulimu e o vamwe naku, ũla wanumanĩe na kĩumo kĩnene mũthenya ũla naendie Maanaimu; ĩndĩ nĩwokie anthaũĩe ũsĩnĩ wa Yolotani, na namwĩavĩa na Yeova, ngĩmwĩa, Ndĩkakũaa na ũvyũ.</verse>
				<verse number="9">Na yu kwondũ wa ũu ndũkasye nde ĩvĩtyo, nũndũ wĩ mũndũ mũĩ; na ũkamanya ũndũ waĩle kũmwĩka, na ũkatheesya mũtwe wake wĩ mbũĩ wĩ nthakame Seoli.</verse>
				<verse number="10">Na Ndaviti akoma na aaĩthe make, na athikwa ndũanĩ ya Ndaviti.</verse>
				<verse number="11">Na mĩthenya ĩla Ndaviti wasumbĩkie Isilaeli nĩ myaka mĩongo ĩna: asumbĩka myaka mũonza Eviloni, na asumbĩka myaka mĩongo ĩtatũ na ĩtatũ Yelusaleme.</verse>
				<verse number="12">Na Solomoni ekala kĩvĩlanĩ kya ũsumbĩ kya Ndaviti ĩthe wake; na ũsumbĩ wake walũlũmĩla mũno.</verse>
				<verse number="13">Na ĩndĩ Atoniya mwana wa Akithi athi kwa Mbathi‐sieva inyia wa Solomoni. Na amũkũlya, Waetwe nĩ mũuo? Nake asũngĩa, Nĩ mũuo.</verse>
				<verse number="14">Na ĩngĩ asya, Nĩ na ũndũ wa kũneena naku. Nake asya, Neena.</verse>
				<verse number="15">Na asya, Nĩwĩsĩ ũsumbĩ waĩ wakwa, na Isilaeli onthe nĩmambelekelye mothyũ moo, nĩsumbĩke: ĩndĩ ũsumbĩ nũalyũlĩtwe, na nũtw’ĩkĩte wa mwana‐a‐asa wakwa; nũndũ waĩ wake kuma kwa Yeova.</verse>
				<verse number="16">Na yu nĩngũkwĩtya ũndũ ũmwe; ndũkandeele. Na amwĩa Neena.</verse>
				<verse number="17">Na asya, Nĩngũkwĩsũva, neena na mũsumbĩ Solomoni (nũndũ ndakakũleela), anenge Avisaki Mũsunami ethĩwe mũka wakwa.</verse>
				<verse number="18">Na Mbathi‐sieva asya, Nĩ ũseo; nganeena na mũsumbĩ kwondũ waku.</verse>
				<verse number="19">Kwondũ wa ũu Mbathi‐sieva amũendea mũsumbĩ Solomoni aneene nake kwondũ wa Atoniya. Na mũsumbĩ aũngama akomane nake, na amwĩkunamĩsya, na ekalĩla kĩvĩla kyake kya ũsumbĩ, na atuma kĩvĩla kya ũsumbĩ kiwa kwondũ wa inyia wa mũsumbĩ; nake ekala ngalĩ ya kw’oko kwake kwa aũme.</verse>
				<verse number="20">Na ĩndĩ asya, Nĩngũkwĩtya ũndũ ũmwe ũnini; ndũkandeele. Na mũsumbĩ amwĩa, Ĩtya, mwaitũ; nũndũ ndikũvata.</verse>
				<verse number="21">Na asya, Avisaki Mũsunami nanengwe Atoniya mwana‐a‐au ethĩwe mũka wake.</verse>
				<verse number="22">Na mũsumbĩ Solomoni asũngĩa na amwĩa inyia wake, Na nũndũ wa kĩ ũkwĩtĩsya Atoniya Mũsunami Avisaki? Mwĩtĩsye ũsumbĩ naw’o; nũndũ nĩ mwana‐a‐asa mũkũũ; ĩtya o kwondũ wake, na kwondũ wa mũthembi Aviathali, na kwondũ wa Yoavu mwana wa Nzeluia.</verse>
				<verse number="23">Nĩvo ĩndĩ mũsumbĩ Solomoni wevĩtie na Yeova, akyasya, Ngai nambĩke ũu, o na mbee, ethĩwa Atoniya ndaneeneete thayũ wake mwene ndeto ĩno.</verse>
				<verse number="24">Kwondũ wa ũu yu o tondũ Yeova wĩ thayũ, ũla ũnũnũmĩlye, na ũmbĩkalĩtye kĩvĩlanĩ kya ũsumbĩ kya ĩthe wakwa Ndaviti, na ũla ũndw’ĩkĩthĩtye nyũmba, o tondũ wathie, vate ndĩi Atoniya nũkũawa ũmũnthĩ.</verse>
				<verse number="25">Na mũsũmbĩ Solomoni atũma Mbenaia mwana wa Yeoiata; na amũthũũmũkĩa amũkũna, na akw’a.</verse>
				<verse number="26">Na mũsumbĩ amwĩa mũthembi Aviathali, Enda Anathothi, mĩũndanĩ yaku mwene; nũndũ nĩwaĩle kũawa: ĩndĩ ĩvinda yĩĩ ndikũaa, nũndũ nĩwakuaa ĩsandũkũ ya Mwĩaĩi Yeova Ndaviti ĩthe wakwa e vo, na nĩkwĩthĩwa nĩwathĩnaw’a ũndũnĩ w’onthe ũla nau wathĩnaw’a naw’o.</verse>
				<verse number="27">Na ĩndĩ Solomoni amũlũngya Aviathali ndakethĩwe mũthembi wa Yeova, nĩ kana eanĩsye ndeto ya Yeova, ĩla waneenie ũndũ wa nyũmba ya Eli ku Silo.</verse>
				<verse number="28">Na ũvoo wamũvikĩa Yoavu; nũndũ Yoavu nĩwathũkĩte akaatĩĩa Atoniya, ĩndĩ ndaaathũka aatĩĩe Avisalomu. Na Yoavu akĩĩa Ĩeemanĩ ya Yeova, na akwata mbya sya kĩthembeo.</verse>
				<verse number="29">Na mũsumbĩ Solomoni atavw’a, Yoavu nũkĩĩe Ĩeemanĩ ya Yeova, na sisya, e vakuvĩ na kĩthembeo. Na ĩndĩ Solomoni atũma Mbenaia mwana wa Yeoiata, akĩmwĩa, Enda ũmũthũũmũkĩe ũmũkũne.</verse>
				<verse number="30">Na Mbenaia avika Ĩeemanĩ ya Yeova, na amwĩa, Ũũ nĩw’o mũsumbĩ ũnũkwasya, Umaala. Na asya, Aiee; ĩndĩ nĩngw’ĩa vaa. Na Mbenaia amũetee mũsumbĩ ũvoo ĩngĩ, akyasya, Yoavu aneena ũu, na anzũngĩa ũu.</verse>
				<verse number="31">Na mũsumbĩ amwĩa, Ĩka ũndũ wasya, na ũimũthũũmũkĩa ũmũkũne, noimwĩnzĩa nthĩ; nĩ kana ũvete nthakame kwakwa na nyũmbanĩ ya ĩthe wakwa, ĩla Yoavu wetĩkisye vate kĩtumi.</verse>
				<verse number="32">Na Yeova akatũnga nthakame yake mũtwenĩ wake mwene, nĩkwĩthĩwa amathũũmũkĩe andũ elĩ maĩ alũngalu na aseo kwĩ we, na amoaa na ũvyũ, na ĩthe wakwa Ndaviti ndaamanya ũu, nao nĩ Avineli mwana wa Neli, kavuteni wa nguthu ya Isilaeli, na Amasa mwana wa Yetheli, kavuteni wa nguthu ya Yuta.</verse>
				<verse number="33">O ta ũu nthakame yoo ĩkasyoka mũtwenĩ wa Yoavu, na mĩtwenĩ ya ũsyao wake tene na tene: ĩndĩ kwa Ndaviti, na ũsyao wake, na nyũmba yake, na kĩvĩla kyake kya ũsumbĩ, kũkeethĩwa mũuo kuma kwa Yeova tene na tene.</verse>
				<verse number="34">Na ĩndĩ Mbenaia mwana wa Yeoiata ambata, na amũthũũmũkĩa, na amũaa: na athikwa nyũmbanĩ yake mwene weũnĩ.</verse>
				<verse number="35">Na mũsumbĩ amwia Mbenaia mwana wa Yeoiata vandũ vake ĩũlũ wa nguthu; na mũsumbĩ aia mũthembi Nzatoki vandũ va Aviathali.</verse>
				<verse number="36">Na mũsumbĩ atũmana amwĩta Simei, na amwĩa, Ĩyakĩe nyũmba Yelusaleme, noitũa vo, na ndũkaaume vo ũthi o na va.</verse>
				<verse number="37">Nũndũ mũthenya ũla ũkaumaala, na kũinga ũsĩ wa Kitiloni, manya vyũ nũkakw’a vate ndĩi: nthakame yaku ĩkeethĩwa mũtwenĩ waku mwene.</verse>
				<verse number="38">Na Simei amwĩa mũsumbĩ, Ndeto ii nĩ nzeo: o ũndũ mwĩaĩi wakwa mũsumbĩ waneena, now’o mũthũkũmi waku wĩĩka. Na Simei atũa Yelũsaleme mĩthenya mingĩ.</verse>
				<verse number="39">Na kweethĩwa myaka ĩtatũ yathela, athũkũmi elĩ ma Simei meevitha mathi kwa Akisi, mwana wa Maaka, mũsumbĩ wa Ngathi. Na mamũtavya Simei, makĩmwĩa, Sisya, athũkũmi maku me Ngathi.</verse>
				<verse number="40">Na Simei ookĩla, na atandĩka ĩng’oi yake, na athi Ngathi kwa Akisi, amanthe athũkũmi make; na Simei athi, na aete athũkũmi make kuma Ngathi.</verse>
				<verse number="41">Na Solomoni atavw’a kana Simei nũnaendie kuma Yelusaleme kũvika Ngathi, na nũnasyokie.</verse>
				<verse number="42">Na mũsumbĩ atũmana eetya Simei, na amũkũlya, Ndinakwĩavĩthya na Yeova, na ũkũkũsĩĩa, ngĩkwĩa, Manya vyũ, mũthenya ũla ũkaumaala, na kũtambũka o na va, ndũkatĩa kũkw’a? Na wambĩa, Ndeto ii neew’a nĩ nzeo.</verse>
				<verse number="43">Nũndũ wa kĩ ĩndĩ ndwaasũvĩa wĩvĩto wa Yeova, na mwĩao ũla nakwĩaĩe?</verse>
				<verse number="44">O na mũsumbĩ amwĩa Simei, Nĩwĩsĩ ũthũku w’onthe ũla ngoo yaku yĩsĩ, ũla wamwĩkie Ndaviti ĩthe wakwa: kwondũ wa ũu Yeova akatũnga ũthũku waku mũtwenĩ waku mwene.</verse>
				<verse number="45">Ĩndĩ mũsumbĩ Solomoni akaathimwa, na kĩvĩla kya ũsumbĩ kya Ndaviti kĩkalũlũmĩla mbee wa Yeova tene na tene.</verse>
				<verse number="46">Na ĩndĩ mũsumbĩ amwĩaĩa Mbenaia mwana wa Yeoiata; aumaala, na amũthũũmũkĩa amũkũna, na akw’a. Na ũsumbĩ walũlũmĩla kw’okonĩ kwa Solomoni.</verse>
			</chapter>
			<chapter number="3">
				<verse number="1">Na Solomoni atuma ndũũ na Valao mũsumbĩ wa Misili, na atwaa mwĩĩtu wa Valao, na amũete ndũanĩ ya Ndaviti, kũvika amina kwaka nyũmba yake mwene, na nyũmba ya Yeova, na ũvai wa Yelusaleme kũthyũlũlũkya ngalĩ syonthe.</verse>
				<verse number="2">Ĩndĩ andũ no mathembaa me kũla kũndũ kũtũlu, nĩkwĩthĩwa kũtyaĩ nyũmba mbake kwondũ wa syĩtwa ya Yeova kũvika mĩthenya ĩsu.</verse>
				<verse number="3">Na Solomoni nĩwamwendete Yeova, o akĩendelaa myamũlonĩ ya Ndaviti ĩthe wake: ate o nĩwathembaa na kũtoeeasya ũvani e kũla kũndũ kũtũlu.</verse>
				<verse number="4">Na mũsumbĩ aenda Ngiveoni athembee kw’o; nũndũ vo vaĩ vandũ vatũlu vanene: Solomoni nĩwathembee nthembo ngili sya kũvĩvw’a kĩthembeonĩ kyu.</verse>
				<verse number="5">Ku Ngiveoni Yeova amumĩlĩla Solomoni ndotoni ũtukũ; na Ngai amwĩa, Mbĩtya kĩla ũkwenda ngũnenge.</verse>
				<verse number="6">Na Solomoni amwĩa, Nũmwonetye mũthũkũmi waku Ndaviti ĩthe wakwa ũseo mwingĩ wĩ wendo, kwĩanana na ũndũ wakinyie mbee waku nthĩnĩ wa w’o, na ũlũngalu, na wĩanĩu wa ngoo e naku; na nĩwamwiĩe ũseo ũũ mũnene wĩ wendo, atĩ nũmũnengete mwana wa kwĩkala kĩvĩlanĩ kyake kya ũsumbĩ, o ũndũ kũilyĩ ũmũnthĩ.</verse>
				<verse number="7">Na yu, ame Yeova Ngai wakwa, nũtw’ĩkĩthĩtye mũthũkũmi waku mũsumbĩ vandũ va Ndaviti ĩthe wakwa: nakwa nĩ o kana kanini; ndyĩsĩ ũndũ numaala kana kũsyoka.</verse>
				<verse number="8">Na mũthũkũmi waku e katĩ wa andũ maku ala ũnyuvĩte, andũ aingĩ, ala matatalĩka kana kũmanyĩka ũndũ meana nũndũ wa kwingĩva.</verse>
				<verse number="9">Kwondũ wa ũu nenga mũthũkũmi waku ngoo yĩ ũmanyi wa kũsilan’ya andũ maku, nĩ kana nĩvathũkanasye ũseo na ũthũku; nũndũ nũũ ũtonya kũsilan’ya andũ aa maku maingĩvĩte ũu?</verse>
				<verse number="10">Na ndeto isu syamwendeesya Mwĩaĩi, nũndũ Solomoni nĩwetya ũndũ ũsu.</verse>
				<verse number="11">Na Ngai amwĩa, Nĩkwĩthĩwa nĩweetya ũndũ ũsu, na ndũneyĩtĩsya kwĩkala matukũ maingĩ, o na ndũneyĩtĩsya ũthwii, o na ndũnetya mathayũ ma amaitha maku, ĩndĩ nĩweeyĩtĩsya ũmanyi wa kũmanya ũsili wa katĩ;</verse>
				<verse number="12">sisya, nĩneeka kwĩanana na ndeto yaku: sisya, nĩnakũnenga ngoo yĩ na ũĩ na ũmanyi; o ũndũ kũtaĩ ũngĩ taku mbee waku, o na ĩtina waku kũtikethĩwa ũngĩ taku.</verse>
				<verse number="13">O na nĩnakũnenga kĩla ũtanetya, ũthwii o na ndaĩa, o ũndũ kũtakethĩwa ũmwe katĩ wa asumbĩ ũilyĩ taku, mĩthenya yaku yonthe.</verse>
				<verse number="14">Na ethĩwa ũkakinyaa nzĩanĩ syakwa, ũsũvĩae myamũlo yakwa na mĩao yakwa, o tondũ ĩthe waku Ndaviti waendaa, nĩvo ĩndĩ ngaingĩvya mĩthenya yaku.</verse>
				<verse number="15">Na Solomoni aamũka; na kaĩ, yĩĩ ndoto: na ooka Yelusaleme, na aũngama mbee wa ĩsandũkũ ya ũtianĩo ya Yeova, na athemba nthembo sya kũvĩvw’a, na athemba nthembo sya mũuo, na amavokea athũkũmi make onthe mboka.</verse>
				<verse number="16">Na ĩndĩ aka elĩ malwaya mamũkĩa mũsumbĩ, na maũngama mbee wake.</verse>
				<verse number="17">Na mũndũ mũka ũmwe amwĩa, Ame, mwĩaĩi wakwa, nyie na mũndũ mũka ũũ nĩtwĩkalaa nyũmbanĩ ĩmwe; na nasyaa kana nĩ o vamwe nake nyũmbanĩ.</verse>
				<verse number="18">Na kweethĩwa mĩthenya ĩtatũ ĩtina wa nasyaa, mũndũ mũka ũũ nake asyaa; na twaĩ vamwe; vatyaĩ mũeni vamwe naitũ nyũmbanĩ, ate o ithyĩ elĩ nyũmbanĩ.</verse>
				<verse number="19">Na kana ka mũndũ mũka ũũ kakw’a ũtukũ, nũndũ nĩwakakomee.</verse>
				<verse number="20">Na ookĩla ũtukũ katĩ, na oosa kana kakwa ke ũtee wakwa, yĩla mũthũkũmi waku mwĩĩtu eĩkomete, na akaia kĩthũinĩ kyake, na aia kana kake kala kakw’ũ kĩthũinĩ kyakwa.</verse>
				<verse number="21">Na yĩla nũkĩlile kĩoko nongye kana kakwa, sisya, nĩ kakw’ũ; ĩndĩ yĩla nĩkekuũie kwakya, kaĩ, ti kana kakwa, kala nasyaie.</verse>
				<verse number="22">Na mũndũ mũka ũla ũngĩ asya, Aiee; ĩndĩ kala ke thayũ nĩ kana kakwa, na kala kakw’ũ nĩ kana kaku. Na ũsu asya Aiee; ĩndĩ kala kakw’ũ nĩ kana kaku, na kala ke thayũ nĩ kana kakwa. Ũu nĩw’o maneenanĩsye mbee wa mũsumbĩ.</verse>
				<verse number="23">Nĩvo ĩndĩ mũsumbĩ waisye, Ũmwe nũnũkwasya, Kaa nĩ kana kakwa kala ke thayũ, na kana kaku nĩ kala kakw’ũ: na ũla ũngĩ nũnũkwasya, Aiee; ĩndĩ kana kaku nĩ kala kakw’ũ, na kana kakwa nĩ kala ke thayũ.</verse>
				<verse number="24">Na mũsumbĩ asya, Ndeteei ũvyũ. Na maete ũvyũ vala ve mũsumbĩ.</verse>
				<verse number="25">Na mũsumbĩ asya, Atũanĩlyai katĩ kana kala ke thayũ, na nengai ũmwe nyunzu, na ũla ũngĩ nyunzu.</verse>
				<verse number="26">Na ĩndĩ mũndũ mũka ũla kana kake ke thayũ aneena na mũsumbĩ, nũndũ ngoo yake yeew’ĩe kana kake ĩnee, na asya, Ame, mwĩaĩi wakwa, mũnenge kana kala ke thayũ, na ndũkakoae nongi. Ĩndĩ ũla ũngĩ asya, Katikethĩwa kakwa kana kaku; katũanw’e.</verse>
				<verse number="27">Na ĩndĩ mũsumbĩ asũngĩa asya, Mũnengei kana kala ke thayũ, na mũtikakoae nongi: nĩwe inyia wako.</verse>
				<verse number="28">Na Isilaeli onthe meew’a sila ũla mũsumbĩ wasilile; na mamũkĩa mũsumbĩ: nũndũ nĩmoonie ũĩ wa Ngai waĩ nthĩnĩ wake, asilae katĩ.</verse>
			</chapter>
			<chapter number="4">
				<verse number="1">Na mũsumbĩ Solomoni aĩ mũsumbĩ wa Isilaeli onthe.</verse>
				<verse number="2">Na aa nĩmo anene me mbee ũsumbĩnĩ ala waĩ nao: Asalia mwana wa mũthembi Nzatoki;</verse>
				<verse number="3">Eliolevu na Aiya, ana ma Sisa, aandĩki; Yeosavati mwana wa Ailuti, mũandĩki wa maũndũ;</verse>
				<verse number="4">na Mbenaia mwana wa Yeoiata aĩ mũnene wa nguthu; na Nzatoki na Aviathali maĩ athembi;</verse>
				<verse number="5">na Asalia mwana wa Nathani aĩ ĩũlũ wa anene; na Nzavuti mwana wa Nathani aĩ mũnene ũsumbĩkinĩ, na mũnyanyae wa mũsumbĩ;</verse>
				<verse number="6">na Aisali aĩ mũnene wa andũ ma nyũmba; na Atonilamu mwana wa Avata aĩ mũnene wa andũ ala matethethaw’a wĩa wa vinya.</verse>
				<verse number="7">Na Solomoni aĩ na anene ĩkũmi na elĩ ĩũlũ wa Isilaeli onthe, ala maetae lĩu wa mũsumbĩ na andũ ma nyũmba yake: kĩla mũndũ aetae lĩu wa mwei ũmwe katĩ wa mwaka.</verse>
				<verse number="8">Na aa nĩmo masyĩtwa moo: Mbeni‐uulu wa nthĩ yĩ iĩma ya Evalaimu;</verse>
				<verse number="9">na Mbeni‐ndekeli wa ku Makasi, na Saalivimu, na Mbethi‐semesi, na Elonimbethi‐aanani;</verse>
				<verse number="10">na Mbeni‐eseti, ku Aluvothi (Soko yaĩ yake na nthĩ yonthe ya Eeveili);</verse>
				<verse number="11">na Mbeni‐avinatavu ku ũtũlunĩ w’onthe wa Ndoli (nake atwaĩte Tavathi mwĩĩtu wa Solomoni);</verse>
				<verse number="12">na Mbaana mwana wa Ailuti, ku Taanaki na Mekito, na Mbethi‐seani yonthe ĩla yĩ ũtee wa Nzalethani, ĩtheo wa Yesileeli, kuma Mbethi‐seani kũvika Aveli‐meola, o kũvĩtĩla Yokimeamu;</verse>
				<verse number="13">na Mbeningeveli, ku Lamothi‐ngileati (tũtũla twa Yaili mwana wa Manase, tũla twĩ Ngileati twaĩ twake; o na nthĩ ya Alikovu yaĩ yake, ĩla yĩ Mbasani, yĩ ndũa nene mĩongo thanthatũ syĩ na maũvai na ivingi sya ũthuku);</verse>
				<verse number="14">na Ainatavu mwana wa Ito, ku Maanaimu;</verse>
				<verse number="15">na Aimaasi, ku Navitali (nake nĩwatwaie Mbasemathi mwĩĩtu wa Solomoni);</verse>
				<verse number="16">na Mbaana mwana wa Usiai, ku Aseli na Mbealothi;</verse>
				<verse number="17">na Yeosavati mwana wa Valua, ku Isakali;</verse>
				<verse number="18">na Simei mwana wa Ela, ku Mbenyamini;</verse>
				<verse number="19">na Ngeveli mwana wa Uli, ku nthĩ ya Ngileati, o nthĩ ya Sioni mũsumbĩ wa Aamoli na ya Oku mũsumbĩ wa Mbasani; nake aĩ mũnene e weka ũla waĩ nthĩ ĩsu.</verse>
				<verse number="20">Yuta na Isilaeli maĩ aingĩ o ta kĩthangathĩ kĩla kĩ ũtee wa ũkanga kwingĩva, makĩĩsaa na kũnyusaa na kũtanaa.</verse>
				<verse number="21">Na Solomoni asumbĩkĩte mosumbĩ onthe kuma ũla Ũsĩ kũvika nthĩ ya Avilisiti, na kũvika mũvakanĩ wa Misili: maetae mũvothi na mamũthũkũmaa Solomoni mĩthenya yonthe ya thayũ wake.</verse>
				<verse number="22">Na lĩu wa Solomoni wa mũthenya ũmwe waĩ ithimi mĩongo ĩtatũ sya mũtu mũvinyu, na ithimi mĩongo thanthatũ sya mũtu ũte mũvinyu,</verse>
				<verse number="23">na ng’ombe nou ĩkũmi, na ng’ombe mĩongo ĩlĩ kuma isesinĩ, na malondu ĩana, vamwe na ndaatai nzamba, na ilong’a, na nthwaia nga, na ngũkũ nou.</verse>
				<verse number="24">Nũndũ nĩwasumbĩkĩte nthĩ yonthe yĩ mũingo ũũ wa ũla Ũsĩ, kuma Tivisa o na kũvika Ngasa, o na asumbĩ onthe ala maĩ mũingo ũũ wa ũla Ũsĩ: na aĩ na mũuo ngalĩ syonthe ila syamũthyũlũlũkĩte.</verse>
				<verse number="25">Na Yuta na Isilaeli mekalaa vate mũisyo, kĩla mũndũ ĩtina wa mũsavivũ wake na ĩtina wa mũkũyũ wake, kuma Ndani kũvika Mbeeli‐sieva, mĩthenya yonthe ya Solomoni.</verse>
				<verse number="26">Na Solomoni aĩ na itũũ ngili mĩongo ĩna sya mbalasi kwondũ wa makasya make, na andũ ngili ĩkũmi na ilĩ ala matũlaa mbalasi.</verse>
				<verse number="27">Na anene asu maetae, kĩla mũndũ mwei wake, lĩu wa mũsumbĩ Solomoni, na wa onthe ala maĩsaa mesanĩ ya mũsũmbĩ Solomoni; matyaaeka kĩndũ kĩoleke.</verse>
				<verse number="28">Maetae mbaale nayo na ũa vu vala vaĩ anene kwondũ wa mbalasi na mbalasi syĩ maũũ, kĩla mũndũ kwĩanana na wĩaĩo wake.</verse>
				<verse number="29">Na Ngai amũnenga Solomoni ũĩ na ũmanyi mwingĩ mũno, na ngoo mbaamu, o ta kĩthangathĩ kĩ ũtee wa ũkanga.</verse>
				<verse number="30">Na ũĩ wa Solomoni wavĩtũkĩte ũĩ wa ana onthe ma wumilonĩ wa syũa, na ũĩ w’onthe wa Misili.</verse>
				<verse number="31">Nũndũ aĩ mũĩ kwĩ andũ onthe; kwĩ Ethani Mũesalai, na Emani, na Kalikoli, na Ndalita, ana ma Maoli: na nguma yake yavikĩa mbaĩ syonthe ila syaĩ ngalĩ syonthe.</verse>
				<verse number="32">Na aneena nthimo ngili itatũ; na mbathi syake syaĩ ngili na itano.</verse>
				<verse number="33">Na aneena ũvoo wa mĩtĩ, kuma mũkũũ ũla wĩ Levanoni kũvika ĩsovo yĩla yĩmeaa ũvainĩ: o na aneena ũvoo wa nyamũ, na nyũnyi, na tũsamũ tũla tũtambũkaa, na makũyũ.</verse>
				<verse number="34">Na andũ ma mbaĩ syonthe mooka mew’e ũĩ wa Solomoni, kuma kwa asumbĩ onthe ma nthĩ, ala meew’ĩte ũvoo wa ũĩ wake.</verse>
			</chapter>
			<chapter number="5">
				<verse number="1">Na Ilamu mũsumbĩ wa Tile atũma athũkũmi make kwa Solomoni; nũndũ nĩwew’ĩte kana nĩmamwĩtĩkĩsye mauta ethĩwe mũsumbĩ vandũ va ĩthe wake: nũndũ Ilamu nĩwamwendete Ndaviti kuma tene.</verse>
				<verse number="2">Na Solomoni atũmana kwa Ilamu, akĩmwĩa,</verse>
				<verse number="3">Nĩwĩsĩ Ndaviti ĩthe wakwa ndaatonya kwaka nyũmba kwondũ wa syĩtwa ya Yeova Ngai wake nũndũ wa makaũ ala mamũthyũlũlũkĩte ngalĩ syonthe, kũvika Yeova amaia ungu wa nyaĩĩ syake.</verse>
				<verse number="4">Ĩndĩ yu Yeova Ngai wakwa nũnthũmũĩtye ngalĩ syonthe; vati nthũ, kana ũndũ ũthũku wĩkĩkaa.</verse>
				<verse number="5">Na, sisya, nĩngũsũanĩa kwaka nyũmba kwondũ wa syĩtwa ya Yeova Ngai wakwa, o tondũ Yeova waneenie na Ndaviti ĩthe wakwa, akĩmwĩa, Mwana waku ũla ngekalya kĩvĩlanĩ kyaku kya ũsumbĩ vandũ vaku, nĩwe ũkaka ĩ nyũmba kwondũ wa syĩtwa yakwa.</verse>
				<verse number="6">Yu ĩndĩ umya mwĩao mandemee mĩtĩ ya mĩkũũ ku Levanoni; na athũkũmi makwa makeethĩwa vamwe na athũkũmi maku; na ngakũĩva kwondũ wa athũkũmi maku kwĩanana na w’onthe ũla ũkaneena: nũndũ nĩwĩsĩ vati ũmwe katĩ waitũ ũla wĩsĩ kũtema mĩtĩ ta Asitoni.</verse>
				<verse number="7">Na kweethĩwa, yĩla Ilamu wewie ndeto sya Solomoni, atana mũno, na asya, Yeova nataĩwe ũmũnthĩ, ũla ũmũnengete Ndaviti mwana mũĩ asumbĩke andũ aa aingĩ.</verse>
				<verse number="8">Na Ilamu atũmana kwa Solomoni, akĩmwĩa, Nĩnĩw’ĩte ũvoo ũla wandũmĩe: ngeeka kwenda kwaku kw’onthe kwondũ wa mĩtĩ ya mĩkũũ, na kwondũ wa mĩtĩ ya mĩsonovali.</verse>
				<verse number="9">Athũkũmi makwa makamĩete kuma Levanoni kũvika ũkanganĩ; na ngamyovan’ya vamwe ĩthambĩĩle ũkanganĩ vandũ vala wĩmbatha, na ngamĩthaĩsya vo, naku ũkamyosa; na wĩĩanĩsya kwenda kwakwa, ũkĩnengane lĩu wa andũ ma nyũmba yakwa.</verse>
				<verse number="10">Na ĩndĩ Ilamu amũnenga Solomoni mĩtĩ ya mĩkũũ na mĩtĩ ya mĩsonovali o kwĩanana na kwenda kwake kw’onthe.</verse>
				<verse number="11">Na Solomoni anenga Ilamu ithimi ngili mĩongo ĩlĩ sya nganũ kwondũ wa lĩu wa andũ ma nyũmba yake, na ithimi mĩongo ĩlĩ sya mauta matheu: ũu nĩw’o Solomoni wanengae Ilamu kĩla mwaka.</verse>
				<verse number="12">Na Yeova anenga Solomoni ũĩ, o tondũ wamwathie; na kwaĩ mũuo katĩ wa Ilamu na Solomoni; na asu elĩ nĩmaseũvĩtye wĩw’ano vamwe.</verse>
				<verse number="13">Na mũsumbĩ Solomoni aumya kwa Isilaeli onthe andũ ma kũtethethw’a wĩa; na ala maumĩthiw’e maĩ andũ ngili mĩongo ĩtatũ.</verse>
				<verse number="14">Na amatũmaa Levanoni, ngili ĩkũmi kĩla mwei nguthu; mekalaa Levanoni mwei ũmwe, na myei ĩlĩ mũsyĩ; na Atonilamu aĩ mũnene wa andũ ala matethethaw’a wĩa na vinya.</verse>
				<verse number="15">Na Solomoni aĩ na ngili mĩongo mũonza ala makuaa mĩio, na ngili mĩongo nyanya ala masũvĩasya iĩmanĩ;</verse>
				<verse number="16">eka anene ma kwa Solomoni ala maĩ aũngamĩi ma wĩa, ngili itatũ na maana atatũ, ala masumbĩkie andũ ala matethasya wĩa.</verse>
				<verse number="17">Na mũsumbĩ eeaa, na maalya mavia manene, mavia ma thooa mũnene, makwatye wambĩlĩlyo wa nyũmba na mavia masũvye.</verse>
				<verse number="18">Na aki ma Solomoni na aki ma Ilamu na Angevali mamasũvya, na maseũvya mĩtĩ na mavia nĩ kana make ĩ nyũmba.</verse>
			</chapter>
			<chapter number="6">
				<verse number="1">Na kweethĩwa mwaka wa maana ana na mĩongo nyanya ĩtina wa ana ma Isilaeli mauma nthĩ ya Misili, mwaka wa kana wa Solomoni kũsumbĩka Isilaeli, mwei wa Nzivi, naw’o nĩ mwei wa kelĩ, ambĩlĩlya kwaka nyũmba ya Yeova.</verse>
				<verse number="2">Na nyũmba ĩla mũsumbĩ Solomoni wamwakĩe Yeova, ũasa wayo waĩ mĩkono mĩongo thanthatũ, na ũthanthau wayo mĩkono mĩongo ĩlĩ, na ũtũlu wayo mĩkono mĩongo ĩtatũ.</verse>
				<verse number="3">Na valasya wa ĩkalũ ya nyũmba, ũasa waw’o waĩ mĩkono mĩongo ĩlĩ kwĩanana na ũthanthau wa nyũmba; na ũthanthau waw’o kuma ĩ nyũmba waĩ mĩkono ĩkũmi.</verse>
				<verse number="4">Na eekĩa ĩ nyũmba mbũthi sya kũete kyeni syĩ tũmĩtĩ tũkelangan’ye.</verse>
				<verse number="5">Na kũkwatan’ya na wako wa nyũmba aakĩĩa tũsũmba twilĩanĩlw’e tũthyũlũlũkĩte, tũkwatene na mawako ma nyũmba ngalĩ syonthe, o ma ĩkalũ na ma vandũ va Ngai va ũneenea; na aaka tũsũmba tũkwatanĩlw’e ũtee tũthyũlũlũkĩte.</verse>
				<verse number="6">Ũthanthau wa kasũmba kala ke ĩtheo waĩ mĩkono ĩtano, na kala ka katĩ ũthanthau wako waĩ mĩkono thanthatũ, na kala ka katatũ ũthanthau wako waĩ mĩkono mũonza; nũndũ ngalĩ ya ũtee nĩwakie maũwengo ma wako wa nyũmba ngalĩ syonthe, nĩ kana mĩamba ndĩkakwatanw’e na mawako ma nyũmba.</verse>
				<verse number="7">Na ĩ nyũmba, ĩkyakwa, yaakwa na mavia ala masũvĩw’e vala menzawa; na kũtyaaĩw’ĩka kĩiva kana ĩthoka kana kĩndũ kya kĩaa o na kĩva ĩ nyũmba ĩkyakwa.</verse>
				<verse number="8">Mũomo wa tũsũmba tũkwatanĩlw’e ũtee twa katĩ waĩ ngalĩ ya kw’oko kwa aũme kwa nyũmba: na mambataa tũsũmbanĩ twa katĩ na mbasya yĩmilĩĩle, na kuma tũla twa katĩ kũvika tũla twa katatũ.</verse>
				<verse number="9">Ũu nĩw’o wakie nyũmba, na amĩmina; na aĩĩa nyũmba na mĩamba na mbwaũ sya mĩkũũ.</verse>
				<verse number="10">Na aaka tũla tũsũmba twilĩanĩlw’e tũkwatene na nyũmba yonthe, kĩla kamwe ka ũtũlu wa mĩkono ĩtano: na tũtinĩanĩw’e na nyũmba na mĩtĩ ya mĩkũũ.</verse>
				<verse number="11">Na ndeto ya Yeova yamũkĩa Solomoni, ĩkĩmwĩa,</verse>
				<verse number="12">Ũndũ wa nyũmba ĩno ĩla ũkwaka, ethĩwa ũkaendaa myamũlonĩ yakwa, na kwĩkaa motw’ĩo makwa, na kwataa mĩao yakwa yonthe ũendae nthĩnĩ wayo; nĩvo ĩndĩ nĩlũlũmĩlya ndeto yakwa kwaku, ĩla namũtavisye Ndaviti ĩthe waku.</verse>
				<verse number="13">Na ngekalaa katĩ wa ana ma Isilaeli, na ndikatia andũ makwa Isilaeli.</verse>
				<verse number="14">Na ĩndĩ Solomoni aaka nyũmba na amĩmina.</verse>
				<verse number="15">Na aaka mawako ma nyũmba ngalĩ ya nthĩnĩ na mbwaũ sya mĩkũũ: kuma nyũmba nthĩ kũvika mawakonĩ ũvengeelonĩ, aĩĩa ngalĩ ya nthĩnĩ mbwaũ; na aĩĩa nthĩ nyũmbanĩ nthĩnĩ mbwaũ sya mĩtĩ ya mĩsonovalĩ.</verse>
				<verse number="16">Na aakĩĩa kasũmba nyũmbanĩ ngalĩ ya ĩtina kuma nthĩ kũvika mawakonĩ ũvengeelonĩ, ũasa wako mĩkono mĩongo ĩlĩ, ka mbwaũ sya mĩkũũ: amyakĩĩa nthĩnĩ, vethĩwe vandũ va Ngai va kũneenea, o vala vandũ vatheu mbee.</verse>
				<verse number="17">Na ĩ nyũmba, o ĩkalũ yĩla yakwatene na vala vandũ va kũneenea, yaĩ mĩkono mĩongo ĩna ũasa wayo.</verse>
				<verse number="18">Na nyũmbanĩ nthĩnĩ kwaĩ mbwaũ sya mĩkũũ, mbasũvye mĩkauti na malaa malaũkye: kw’onthe kwaĩ mbwaũ sya mĩkũũ; mavia matyaĩ moneka.</verse>
				<verse number="19">Na aseũvya vala vandũ va ũneenea katĩ wa nyũmba nthĩnĩ, nĩ kana aie vo ĩsandũkũ ya ũtianĩo ya Yeova.</verse>
				<verse number="20">Na nthĩnĩ wa vandũ vau va ũneenea vaĩ ũthei ũasa wa vo mĩkono mĩongo ĩlĩ, na ũthanthau mĩkono mĩongo ĩlĩ, na ũtũlu mĩkono mĩongo ĩlĩ; na avavw’ĩka thaavu mũtheu: na avw’ĩka kĩthembeo na mbwaũ sya mĩkũũ.</verse>
				<verse number="21">Ũu nĩw’o Solomoni wavw’ĩkie nyũmba nthĩnĩ thaavu mũtheu: na atila vandũ vau va ũneenea na mĩnyololo ya thaavu; na avavw’ĩka thaavu.</verse>
				<verse number="22">Na nyũmba yonthe avw’ĩka thaavu, mũvaka nyũmba yonthe yathela: o na kĩthembeo kyonthe kya vala vandũ va ũneenea akĩvw’ĩka thaavu.</verse>
				<verse number="23">Na nthĩnĩ wa vala vandũ va ũneenea aseũvya akeluvi elĩ ma mbwaũ sya mĩthata, kĩla ũmwe waĩ na ũasa wa mĩkono ĩkũmi.</verse>
				<verse number="24">Na ũthwau ũmwe wa mũkeluvi waĩ mĩkono ĩtano, na ũthwau ũngĩ waĩ mĩkono ĩtano: kuma mũthya wa ũthwau ũmwe kũvika mũthya wa ũla ũngĩ kwaĩ mĩkono ĩkũmi.</verse>
				<verse number="25">Na mũkeluvi ũngĩ waĩ mĩkono ĩkũmi: akeluvi me elĩ maĩ ma kĩthimo kĩmwe na mũmbĩlwe ũmwe.</verse>
				<verse number="26">Ũtũlu wa mũkeluvi ũmwe waĩ mĩkono ĩkũmi, na now’o wa ũla ũngĩ.</verse>
				<verse number="27">Na aia ala akeluvi nthĩnĩ wa kasũmba ka nthĩnĩ; na nthwau sya akeluvi syaĩ ndambũũku, ũndũ ũthwau wa ũmwe watinĩte wakonĩ ũmwe, na ũthwau wa mũkeluvi ũla ũngĩ watinĩte wakonĩ ũla ũngĩ; na nthwau syoo syatinanĩe nyũmbanĩ katĩ.</verse>
				<verse number="28">Na avw’ĩka akeluvi thaavu.</verse>
				<verse number="29">Na avana mawako onthe ma nyũmba ngalĩ syonthe na ngelekan’yo mbasũvye sya akeluvi, na mĩtende, na malaa malaũkye, nthĩnĩ na nza.</verse>
				<verse number="30">Na nyũmba nthĩ avw’ĩka thaavu, nthĩnĩ na nza.</verse>
				<verse number="31">Na vandũ va ũlikĩla vala vandũ va ũneenea aseũvya mĩomo ya mbwaũ sya mĩthata: kĩthaku na mĩtĩ ĩla yĩ ndee sya mĩomo yaminĩte kĩlungu kya katano kya wako.</verse>
				<verse number="32">Na ĩndĩ atuma mĩomo ĩlĩ ya mbwaũ sya mĩthata; na amĩvanĩa ngelekan’yo mbasũvye sya akeluvi, na mĩtende, na malaa malaũkye, na aivw’ĩka thaavu; na atendesya thaavu ĩũlũ wa akeluvi, na ĩũlũ wa mĩtende.</verse>
				<verse number="33">Na o ta ũu aseũvĩsya vandũ va ũlikĩla ĩkalũnĩ mĩtĩ yĩ ndee sya mĩomo ya mĩthata, yamina kĩlungu kya kana kya wako;</verse>
				<verse number="34">na mĩomo ĩlĩ ya mbwaũ sya mĩtĩ ya mĩsonovali: mbwaũ ilĩ sya mũomo ũmwe syaĩ sya kũkũnzwa, na mbwaũ ilĩ sya mũomo ũla ũngĩ syaĩ sya kũkũnzwa.</verse>
				<verse number="35">Na avana ĩũlũ wayo akeluvi, na mĩtende, na malaa malaũkye; na amĩvw’ĩka thaavu wũmbĩĩwe wĩanene na movano.</verse>
				<verse number="36">Na aaka nza ya nthĩnĩ na mĩsoa ĩtatũ ya mavia masũvye, na mũsoa wa mĩamba ya mĩkũũ.</verse>
				<verse number="37">Mwaka wa kana wambĩlĩlyo wa nyũmba ya Yeova wakwatw’a, mwei wa Nzivi.</verse>
				<verse number="38">Na mwaka wa ĩkũmi na ũmwe, mwei wa Mbuli, naw’o nĩ mwei wa nyanya, nyũmba yathela kũndũ kw’onthe kwayo, na kwĩanana na mwakĩle w’onthe wayo. Na ĩndĩ amyakie myaka mũonza.</verse>
			</chapter>
			<chapter number="7">
				<verse number="1">Na Solomoni aakie nyũmba ĩ yake myaka ĩkũmi na ĩtatũ, na amina nyũmba yake yonthe.</verse>
				<verse number="2">Nũndũ aakie nyũmba ya mũtitũ wa Levanoni; ũasa wayo waĩ mĩkono ĩana, na ũthanthau wayo mĩkono mĩongo ĩtano, na ũtũlu wayo mĩkono mĩongo ĩtatũ, yĩ ĩũlũ wa mĩsoa ĩna ya ituĩ sya mĩkũũ, na mĩamba ya mĩkũũ ĩũlũ wa ituĩ.</verse>
				<verse number="3">Na ĩũlũ yaĩĩwa mbwaũ sya mĩkũũ ĩũlũ wa ĩ mĩamba mĩongo ĩna na itano, ĩla yaĩ ĩũlũ wa ituĩ; ĩkũmi na itano mũsoanĩ ũmwe.</verse>
				<verse number="4">Na kwaĩ mĩsoa ĩtatũ ya mĩamba, na mbũthi na mbũthi syelekanĩle mĩsoa ĩtatũ.</verse>
				<verse number="5">Na mĩomo yonthe na mĩtĩ yĩ ndee syayo yaseũvĩtw’e yĩananĩtw’e na mĩamba: na mbũthi na mbũthi syelekanĩle mĩsoa ĩtatũ.</verse>
				<verse number="6">Na aseũvya valasya na ituĩ; ũasa waw’o waĩ mĩkono mĩongo ĩtano, na ũthanthau waw’o waĩ mĩkono mĩongo ĩtatũ; na valasya mbee wasyo; na ituĩ na mwalyo wa mũomo mbee wasyo.</verse>
				<verse number="7">Na aseũvya valasya wa kĩvĩla kya ũsumbĩ vala wĩsilĩlaa, o valasya wa sila: na waĩĩwa mbwaũ sya mĩkũũ kuma nthĩ kũvika ũvengeelonĩ.</verse>
				<verse number="8">Na nyũmba yake vala wĩĩkala, o nza ĩla ĩngĩ yĩ nthĩnĩ wa valasya, yaseũvĩw’e o wĩa ta ũsu. O na aaka nyũmba ya mwĩĩtu wa Valao (ũla Solomoni watwaĩte ethĩwe mũka wake), yailyĩ valasya o ũsu.</verse>
				<verse number="9">Isu syonthe syaĩ sya mavia ma thooa mũnene, o mavia masũvye, kwĩanana na kĩthimo, matile na mang’weli, ngalĩ ya nthĩnĩ na ya nza, o kuma wambĩlĩlyo kũvika mavia ala maumĩlangĩte ma ũminĩa, na o ta ũu ngalĩ ya ũtee kũvika nza ĩla nene.</verse>
				<verse number="10">Na wambĩlĩlyo waĩ wa mavia ma thooa mũnene, o mavia manene mũno, mavia ma mĩkono ĩkũmi, na mavia ma mĩkono nyanya.</verse>
				<verse number="11">Na ĩũlũ kwaĩ mavia ma thooa mũnene, o mavia masũvye, kwĩanana na kĩthimo, o na mbwaũ sya mĩkũũ.</verse>
				<verse number="12">Na ĩla nza nene ĩla yathyũlũlũkĩte ngalĩ syonthe yaĩ na mĩsoa ĩtatũ ya mavia masũvye, na mũsoa wa mĩamba ya mĩkũũ; o ta nza ya nthĩnĩ ya nyũmba ya Yeova, na valasya wa ĩ nyũmba.</verse>
				<verse number="13">Na mũsumbĩ Solomoni atũmana Ilamu aetwe kuma Tile.</verse>
				<verse number="14">Aĩ mwana wa kĩveti ndiwa kya mbaĩ ya Navitali, na ĩthe wake aĩ mũndũ wa Tile, mũtwii wa ũthuku; na ausũĩtwe nĩ ũĩ na ũmanyi na ũtũĩka, atethasye mawĩa onthe na ũthuku. Na ooka kwa mũsumbĩ Solomoni, na amũtetheesya wĩa wake w’onthe.</verse>
				<verse number="15">Nũndũ aseũvisye ituĩ ilĩ sya ũthuku, kĩla kĩmwe ũasa wakyo mĩkono ĩkũmi na nyanya: na ũthima na ũlii nĩ mĩkono ĩkũmi na ĩlĩ kũthyũlũlũka kĩla kĩmwe.</verse>
				<verse number="16">Na aseũvya ngovia ilĩ sya ũthuku ũla matwekethetye, sya kwia mĩthyanĩ ya ituĩ: ũtũlu wa ngovia ĩmwe waĩ mĩkono ĩtano, na ũtũlu wa ngovia ĩla ĩngĩ waĩ mĩkono ĩtano.</verse>
				<verse number="17">Kwaĩ seng’eng’e waseũvĩtw’e ũvĩlanganĩtw’e, na tũkanda tũvĩnde mũvĩndĩle wa mũnyoo, kwondũ wa ngovia isu ila syaĩ mĩthyanĩ ya ituĩ; mũonza ũndũ wa ngovia ĩmwe, na mũonza ũndũ wa ngovia ĩla ĩngĩ.</verse>
				<verse number="18">Aseũvisye ituĩ ũu; na kwaĩ mĩsoa ĩlĩ ĩthyũlũlũkĩte ĩũlũ wa seng’eng’e ũmwe, ya kũvw’ĩka ngovia isu ila syaĩ mĩthyanĩ ya ituĩ: na now’o wekie ũndũ wa ngovia ĩla ĩngĩ.</verse>
				<verse number="19">Na ngovia o isu ila syaĩ mĩthyanĩ ya ituĩ sya valasya syaseũvĩtw’e ta ĩlaa ya lili, sya mĩkono ĩna.</verse>
				<verse number="20">O na kwaĩ ngovia ĩũlũ wa ila ituĩ ilĩ, vakuvĩ na ũkulumbenĩ ũla wĩ vakuvĩ na seng’eng’e: na makũngũmanga maĩ maana elĩ, me mĩsoa mathyũlũlũkĩte ngovia ĩla ĩngi.</verse>
				<verse number="21">Na aũngamya ituĩ valasyanĩ wa ĩkalũ: na aũngamya kĩtuĩ kya ngalĩ ya kw’oko kwa aũme, na akĩta syĩtwa yakyo Yakini; na aũngamya kĩtuĩ kya ngalĩ ya kw’oko kwa aka, na akĩta syĩtwa yakyo Mboasi.</verse>
				<verse number="22">Na mĩthyanĩ ya ituĩ kwaĩ mũseũvĩlye ta wa ĩlaa ya lili: na ĩndĩ wĩa wa ituĩ wathela.</verse>
				<verse number="23">Na aseũvya ũkanga na syĩndũ ila matwekethetye wa mĩkono ĩkũmi kuma ũengo kũvika ũengonĩ ũla ũngĩ, wa kĩlingĩlĩ ngalĩ syonthe, na ũtũlu waw’o waĩ mĩkono ĩtano; na kũthima na ũlii nĩ mĩkono mĩongo ĩtatũ kũthyũlũlũka ngalĩ syonthe.</verse>
				<verse number="24">Na ĩtheo wa ũengo waw’o ngalĩ syonthe kwaĩ mĩkauti ĩla yawĩlingĩle, ĩkũmi kwa kĩla mũkono, ĩthyũlũlũkĩte ũkanga ngalĩ syonthe; mĩkauti yaĩ mĩsoa ĩlĩ, yatuanĩw’e naw’o.</verse>
				<verse number="25">Watũlĩtw’e ĩũlũ wa nzaũ ĩkũmi na ilĩ, itatũ isyaĩtye ngalĩ ya ĩũlũ, na itatũ isyaĩtye ũthũĩlonĩ wa syũa, na itatũ isyaĩtye ngalĩ ya ĩtheo, na itatũ isyaĩtye wumĩlonĩ wa syũa; na ũkanga wailĩĩlwe ĩũlũ wasyo, na itimba syasyo syonthe syeelekele ngalĩ ya nthĩnĩ.</verse>
				<verse number="26">Na kĩemo kyaw’o kyaĩ ta kĩtaa kya kw’oko; na ũengo waw’o watuĩtwe ta ũengo wa kĩkombe, o ta ĩlaa ya lili: waĩ ũtonya kwĩanĩa ithimi sya vetha ngili ilĩ,</verse>
				<verse number="27">Na aseũvya matina ĩkũmi ma ũthuku; ũasa wa ĩtina yĩmwe waĩ mĩkono ĩna, na ũthanthau waĩ mĩkono ĩna, na ũtũlu waĩ mĩkono ĩtatũ.</verse>
				<verse number="28">Na mũseũvĩlye wa matina wailyĩ ũũ: maĩ na mavava; na kwaĩ mavava katĩ wa monyitĩku;</verse>
				<verse number="29">na mavavanĩ ala maĩ katĩ wa monyitĩku kwaĩ mĩnyambũ, na nzaũ, na akeluvi; na monyitĩkunĩ kwaĩ katulĩ ngalĩ ya ĩũlũ; na ĩtheo wa mĩnyambũ na nzaũ kwaĩ mũseũvĩlye wa tũkanda tũvĩnde tũsũnzũlĩte.</verse>
				<verse number="30">Na kĩla ĩtina yaĩ na ndĩa inya sya ũthuku, na tũmĩlamba twa ũkwatan’ya ndĩa twa ũthuku; na maũũ ana mayo maĩ na syĩndũ sya ũtw’ĩĩka; ungu wa kĩndũ kya kũthambĩa kwaĩ syĩndũ isu sya kũtw’ĩĩka syaseũviw’e na syĩndũ matwekethetye, syĩ na mũseũvĩlye wa tũmakanda tũvĩnde ũtee wa kĩla kĩmwe.</verse>
				<verse number="31">Na kanyw’a wakyo nthĩnĩ na ĩũlũ wa ĩla ngovia waĩ mũkono ũmwe: na kanyw’a wakyo waĩ kĩlingĩlĩ ta mũseũvĩlye wa katulĩ, mũkono na nyunzu; o na kanyw’anĩ wakyo kwaĩ movane, na mavava masyo nĩmeanene ngalĩ inya, tĩ kĩlingĩlĩ.</verse>
				<verse number="32">Na ila ndĩa inya syaĩ ungu wa mavava; na tũmĩlamba twa ndĩa twaĩ ĩtinanĩ: na ũtũlu wa ndĩa waĩ mũkono na nyunzu.</verse>
				<verse number="33">Na mũseũvĩlye wa ndĩa isu wailyĩ mũseũvĩlye wa ndĩa ya ĩkasya ya kaũ: tũmĩlamba twasyo, na ndĩa, na mĩtĩ ya ndĩa, na matilinge ma ũkwatan’ya mĩtĩ ya ndĩa, syonthe syaseũvĩtw’e na syĩndũ ila matwekethetye.</verse>
				<verse number="34">Na kwaĩ syĩndũ inya sya ũtw’ĩĩka ikotonĩ inya sya kĩla ĩtina: na syĩndũ isu syatuanĩw’e na ĩtina.</verse>
				<verse number="35">Na ngalĩ ya ĩũlũ ya ĩtina kwaĩ kĩndũ kya kĩlingĩlĩ ũtũlu wakyo nyunzu ya mũkono; na ngalĩ ya ĩũlũ ya ĩtina ikwatũ syayo na mavava mayo syakwatene nayo.</verse>
				<verse number="36">Na tũsengeanĩ twa ikwatũ syayo, na mavavanĩ mayo, avana akeluvi, na mĩnyambũ, na mĩtende, kwĩanana na ũthei wa kĩla kĩmwe, vamwe na mũseũvĩlye wa tũmakanda tũvĩnde tũthyũlũlũkĩte.</verse>
				<verse number="37">Ũũ nĩw’o waseũvisye ala matina ĩkũmi: onthe maĩ ma mũtuĩle ũmwe, na kĩthimi kĩmwe, na wũmbĩle ũmwe.</verse>
				<verse number="38">Na aseũvya syĩndũ ĩkũmi sya kũthambĩa sya ũthuku: kĩndũ kĩmwe kya kũthambĩa kyaĩ kĩtonya kwĩanĩa ithimi sya vathi mĩongo ĩna; na kĩla kĩndũ kya kũthambĩa kyaĩ kya mĩkono ĩna; na ĩũlũ wa kĩla ĩtina kwaĩ kĩndũ kĩmwe kya ũthambĩa.</verse>
				<verse number="39">Na aia matina, atano ngalĩ ya kw’oko kwa aũme kwa nyũmba, na atano ngalĩ ya kw’oko kwa aka kwa nyũmba: na aia ũkanga ngalĩ ya kw’oko kwa aũme kwa nyũmba ngalĩ ya wumĩlonĩ wa syũa, kwelekela ngalĩ ya ĩtheo.</verse>
				<verse number="40">Na Ilamu aseũvya syĩndũ sya ũthambĩa, na mĩko, o na masaani manene. Ũu nĩw’o Ilamu waminie wĩa w’onthe ũla wamũtetheesye mũsumbĩ Solomoni kwondũ wa nyũmba ya Yeova:</verse>
				<verse number="41">ila ituĩ ilĩ, na ngulumbe ilĩ sya ngovia ila syaĩ mĩthyanĩ ya ituĩ; na ila seng’eng’e ilĩ sya kũvw’ĩka ila ngulumbe ilĩ sya i ngovia ila syaĩ mĩthyanĩ ya ituĩ;</verse>
				<verse number="42">na makũngũmanga maana ana ũndũ wa ila seng’eng’e ilĩ; mĩsoa ĩlĩ ya makũngũmanga ũndũ wa kĩla seng’eng’e wa kũvw’ĩka ila ngulumbe ilĩ sya i ngovia ila syaĩ ĩũlũ wa ila ituĩ;</verse>
				<verse number="43">na ala matina ĩkũmi, na ila syĩndũ ĩkũmi sya ũthambĩa syĩ matinanĩ;</verse>
				<verse number="44">na ũkanga o ũsu ũmwe, na ila nzaĩĩ ĩkũmi na ilĩ syĩ ungu wa ũkanga;</verse>
				<verse number="45">na mbisũ, na mĩko, na masaani manene: o mĩio ĩsu yonthe ya nyũmba ya Yeova, ĩla Ilamu wamũseũvĩsye mũsumbĩ Solomoni, yai ya ũthuku mũkute.</verse>
				<verse number="46">Mũsumbĩ amĩtuĩe ũiĩnĩ wa Yolotani, nthĩ yĩ yũmba katĩ wa Sukothi na Nzalethani.</verse>
				<verse number="47">Na Solomoni atia mĩio yonthe ĩte mĩthime, nĩkwĩthĩwa yaĩ mingĩ mũno: ũito wa ũthuku ndwaĩ ũtonya kũmanyĩka.</verse>
				<verse number="48">Na Solomoni aseũvya mĩio yonthe ĩla yaĩ nyũmbanĩ ya Yeova: kĩthembeo kya thaavu, na mesa ĩla yaĩ na imũtũ ila syaiĩawa Yeova, ya thaavu;</verse>
				<verse number="49">na syĩndũ ila syeekĩawa mataa, itano ngalĩ ya kw’oko kwa aũme, na itano ngalĩ ya kw’oko kwa aka, mbee wa vala vandũ va Ngai va ũneenea, sya thaavu mũtheu; na ala malaa, na mataa, na mĩveto, sya thaavu;</verse>
				<verse number="50">na ikombe, na mĩkasi, na masaani manene, na syĩko, na tũvũngũlyũ twa ũkua makaa, sya thaavu mũtheu; na ikwati, sya mĩomo ya nyũmba ya nthĩnĩ, vala vandũ vatheu mbee, o na sya mĩomo ya nyũmba, ũu nĩ kwasya sya ĩkalũ, sya thaavu.</verse>
				<verse number="51">Wĩa w’onthe ũla mũsumbĩ Solomoni watethisye wa nyũmba ya Yeova wathelile ũu. Na Solomoni alikya nthĩnĩ syĩndũ ila ĩthe wake Ndaviti wavathĩte syĩthĩwe ntheu, o vetha, na thaavu, na mĩio, na asia kũla kwiawa ũthwii wa nyũmba ya Yeova.</verse>
			</chapter>
			<chapter number="8">
				<verse number="1">Nĩvo ĩndĩ Solomoni wombanisye atumĩa ma Isilaeli, na atongoi onthe ma i mbaĩ, anene ma nyũmba sya aaĩthe ma ana ma Isilaeli, vala ve mũsumbĩ Solomoni Yelusaleme, mambatye ĩsandũkũ ya ũtianĩo ya Yeova kumya ndũanĩ ya Ndaviti, nayo nĩ Saioni.</verse>
				<verse number="2">Na andũ onthe ma Isilaeli moombana kwa mũsumbĩ Solomoni vu mbokanĩ, mwei wa Ethanimu, naw’o nĩ mwei wa mũonza.</verse>
				<verse number="3">Na atumĩa onthe ma Isilaeli mooka, na athembi moosa ĩsandũkũ.</verse>
				<verse number="4">Na mambatya ĩsandũkũ ya Yeova, na ĩeema ya kũmbanĩa, na mĩio yonthe mĩtheu ĩla yaĩ Ĩeemanĩ; o ĩsu athembi na Alivai mamyambatya.</verse>
				<verse number="5">Na mũsumbĩ Solomoni na ũmbano w’onthe wa Isilaeli, ũla woombanĩte kwake, waĩ vamwe nake mbee wa ĩsandũkũ, ũkĩthemba malondu na ng’ombe, ila itaĩ italĩka kana kũtalwa nũndũ wa kwingĩva.</verse>
				<verse number="6">Na athembi malikya ĩsandũkũ ya ũtianĩo ya Yeova nthĩnĩ vandũ vayo, nthĩnĩ wa vala vandũ va ũneenea va nyũmba, kũvika vala vandũ vatheu mbee, o ungu wa nthwau sya akeluvi.</verse>
				<verse number="7">Nũndũ akeluvi matambũũkĩtye nthwau syoo ĩũlũ wa vala vandũ va ĩsandũkũ, na akeluvi mayĩvw’ĩkĩte ĩsandũkũ ĩũlũ na mĩtĩ yayo.</verse>
				<verse number="8">Na ĩ mĩtĩ yaĩ mĩasa ũndũ mĩthya yayo nĩyenekee vala vandũ vatheu vu mbee wa vala vandũ va ũneenea; ĩndĩ ndĩaaoneka ũtee; na nĩvo ĩĩ kũvika ũmũnthĩ.</verse>
				<verse number="9">Kũtyaĩ kĩndũ ĩsandũkũnĩ ate o ala masengea elĩ ma mavia ala Mose wamekĩĩe ku Olevu, yĩla Yeova watianĩe ũtianĩo na ana ma Isilaeli, yĩla maumie nthĩ ya Misili.</verse>
				<verse number="10">Na kweethĩwa, yĩla athembi maĩ manauma vala vandũ vatheu, mũumbĩ wausũa nyũmba ya Yeova,</verse>
				<verse number="11">mũvaka athembi matyaatonya kũũngama mathũkũme nũndũ wa mũumbĩ; nũndũ ũtheu mũtisu wa Yeova wausũĩte nyũmba ya Yeova.</verse>
				<verse number="12">Nĩvo ĩndĩ Solomoni waneenie, Yeova aĩtye atĩ akekala kĩvindunĩ kya ngokomi.</verse>
				<verse number="13">Nĩ w’o, nĩngwakĩĩte nyũmba ya kwĩkala, vandũ vaku va kwĩkalaa tene na tene.</verse>
				<verse number="14">Na mũsumbĩ athyũũa ũthyũ wake, na aathima ũmbano w’onthe wa Isilaeli: na ũmbano w’onthe wa Isilaeli waũngama.</verse>
				<verse number="15">Na asya, Nataĩwe Yeova, Ngai wa Isilaeli, ũla waneenie na kanyw’a wake na Ndaviti ĩthe wakwa, na nĩwĩanĩĩtye na kw’oko kwake, akyasya,</verse>
				<verse number="16">Kuma mũthenya ũla naumisye andũ makwa Isilaeli nthĩ ya Misili, ndyaanyuva ndũa o na yĩva mbaĩnĩ syonthe sya Isilaeli nake nyũmba vo, nĩ kana syĩtwa yakwa yĩthĩwe vo; ĩndĩ nĩnĩnyuvĩte Ndaviti ethĩwe mũnene wa andũ makwa Isilaeli.</verse>
				<verse number="17">Na ĩndĩ kwaĩ ngoonĩ ya ĩthe wakwa Ndaviti kwaka nyũmba kwondũ wa syĩtwa ya Yeova, Ngai wa Isilaeli.</verse>
				<verse number="18">Ĩndĩ Yeova amwĩa Ndaviti ĩthe wakwa, Nĩkwĩthĩwa kwaĩ ngoonĩ yaku kwaka nyũmba kwondũ wa syĩtwa yakwa, nĩweekie nesa nũndũ kwaĩ ngoonĩ yaku:</verse>
				<verse number="19">ĩndĩ ndũkaka nyũmba ĩsu; ĩndĩ mwana waku ũla ũkauma kĩnyunyunĩ kyaku, nĩwe ũkaka ĩ nyũmba kwondũ wa syĩtwa yakwa.</verse>
				<verse number="20">Na Yeova nũlũlũmĩlye ndeto yake ĩla waneenie; nũndũ nyie nĩũngamĩte vandũ va Ndaviti ĩthe wakwa, na nĩnĩkalĩte kĩvĩlanĩ kya ũsumbĩ kya Isilaeli, o tondũ Yeova wathie, na nĩnakĩte nyũmba kwondũ wa syĩtwa ya Yeova, Ngai wa Isilaeli.</verse>
				<verse number="21">Na nĩvo niĩte vandũ kwondũ wa yĩla ĩsandũkũ, yĩla nthĩnĩ wayo ve ũtianĩo wa Yeova, ũla watianĩe na aaĩthe maitũ, yĩla wamaumisye nthĩ ya Misili.</verse>
				<verse number="22">Na Solomoni aũngama mbee wa kĩthembeo kya Yeova ũmbano w’onthe wa Isilaeli wene, na atambũũkya moko make melekele ĩtunĩ;</verse>
				<verse number="23">na asya, Ame Yeova, Ngai wa Isilaeli, vati Ngai taku, ĩũlũ ĩtunĩ, kana ĩtheo nthĩ; ũla wĩanĩasya ũtianĩo na ũseo wĩ wendo kwa athũkũmi maku, ala maendaa mbee waku na ngoo syoo syonthe;</verse>
				<verse number="24">ũla wĩanĩĩtye kwa mũthũkũmi waku Ndaviti ĩthe wakwa ũndũ wamwathie: ĩĩ, nĩwaneenie na kanyw’a waku, na nĩwĩanĩĩtye na kw’oko kwaku, o tondũ kũilyĩ ũmũnthĩ.</verse>
				<verse number="25">Yu kwondũ wa ũu, ame Yeova, Ngai wa Isilaeli, ĩanĩsya kwa mũthũkũmi waku Ndaviti ĩthe wakwa ũndũ wamwathie, ũkĩmwĩa, Ndũkaĩwa nĩ mũndũ wa kwĩkalaa kĩvĩlanĩ kya ũsumbĩ kya Isilaeli mbee wakwa, ethĩwa syana syaku no ikasũvĩaa mũendele wasyo, ikinyae mbee wakwa o tondũ we wakinyaa mbee wakwa.</verse>
				<verse number="26">Yu ĩndĩ, ame Ngai wa Isilaeli, nĩngũkũvoya, ndeto yaku nĩyĩanĩe w’o, ĩla waneenie na mũthũkũmi waku Ndaviti ĩthe wakwa.</verse>
				<verse number="27">Ĩndĩ nĩ w’o, Ngai akekala kũũ nthĩ? Sisya, ĩtu na ĩtu yĩla yĩ ĩũlũ wa matu yĩtitonya ũkwĩanĩa; nyũmba ĩno ĩla nakĩte ĩtonya ata!</verse>
				<verse number="28">Ĩndĩ elekela kũvoya kwa mũthũkũmi waku, na kwĩsũvana kwake, ame Yeova Ngai wakwa, wĩthukĩĩsye kĩĩo na kũvoya kũla mũthũkũmi waku ũnũũvoya e mbee waku ũmũnthĩ;</verse>
				<verse number="29">nĩ kana metho maku methĩwe masalukĩtye melekele nyũmba ĩno ũtukũ na mũthenya, o kwelekela vandũ vala wawetie atĩĩ, Syĩtwa yakwa yĩkeethĩwa vo; wĩthukĩĩsye kũvoya kũla mũthũkũmi waku wĩvoya elekele vandũ vaa.</verse>
				<verse number="30">Na ĩthukĩĩsye wĩsũvano wa mũthũkũmi waku, na wa andũ maku Isilaeli, yĩla mevoya melekele vandũ vaa: ĩĩ, wĩĩw’a wĩ ĩtunĩ ũtũonĩ waku; na weew’a, wĩekea.</verse>
				<verse number="31">Ethĩwa mũndũ akavĩtanĩsya mũtũi wake, na akiĩwa kĩavo nĩ kana aavĩthw’e, nake akyũka na kwĩavĩa mbee wa kĩthembeo kyaku nyũmbanĩ ĩno;</verse>
				<verse number="32">nĩvo ĩndĩ wĩĩthukĩĩsya wĩ ĩtunĩ, wĩke, noisilan’ya athũkũmi maku, ũkĩsilĩla ũla mũthũku, ũete mũendele wake ĩũlũ wa mũtwe wake mwene, na ũimũtalĩla ũlũngalu ũla mũlũngalu, ũmũnenge kwĩanana na ũlũngalu wake.</verse>
				<verse number="33">Yĩla andũ maku Isilaeli makakũnwa mavalũkw’e nĩ mũmaitha, nĩkwĩthĩwa nĩmakũvĩtanĩsye; ethĩwa makakwĩthyũũĩa ĩngĩ, na kumbũla syĩtwa yaku, na kũvoya na ũkwĩsũvĩa nyũmbanĩ ĩno:</verse>
				<verse number="34">nĩvo ĩndĩ wĩĩthukĩĩsya wĩ ĩtunĩ, noiekea naĩ ya andũ maku Isilaeli, na kũmatũnga ĩngĩ nthĩ ĩla wanengie aaĩthe moo.</verse>
				<verse number="35">Yĩla ĩtu ĩvinge, na kũte mbua, nĩkwĩthĩwa nĩmakũvĩtanĩsye; ethĩwa makavoya melekele vandũ vaa, na kumbũla syĩtwa yaku, na kwĩthyũũa kũtia naĩ syoo, yĩla ũkamathĩn’ya:</verse>
				<verse number="36">nĩvo ĩndĩ wĩĩthukĩĩsya wĩ ĩtunĩ, noiekea naĩ ya athũkũmi maku, na ya andũ maku Isilaeli, yĩla wĩmamanyĩasya nzĩa nzeo ĩla maĩle kũthi nayo; na wĩusya mbua nthĩ yaku, ĩla wamanengie andũ maku yĩthĩwe ũtiĩwa.</verse>
				<verse number="37">Ethĩwa kũkeethĩwa yũa ĩ nthĩ, ethĩwa kũkeethĩwa mũimũ, ethĩwa kũkeethĩwa wũmanĩlu kana mbuka, ngie kana kĩthesa; ethĩwa mũmaitha woo akamathyũlũlũka amatw’ĩkanĩsye me nthĩ yĩ ndũa syoo; ũthĩn’yo o na wĩva, ũwau o na wĩva ũla ũkethĩwa;</verse>
				<verse number="38">kũvoya na kwĩsũvana o na kwĩva kũla kũkavoywa nĩ mũndũ o na wĩva, kana nĩ andũ maku onthe Isilaeli, kĩla mũndũ o ũla ũkamanya ũthĩn’yo wa ngoo yake mwene, na akĩtambũũkya moko make melekele nyũmba ĩno:</verse>
				<verse number="39">nĩvo ĩndĩ wĩĩthukĩĩsya wĩ ĩtunĩ ũtũonĩ waku, noiekea, na kwĩka, na kũmũnenga kĩla mũndũ kwĩanana na mĩendele yake yonthe, ũla wĩsĩ ngoo yake; (nũndũ we, o we wĩ weka, nĩwĩsĩ ngoo sya mbaa‐andũ onthe;)</verse>
				<verse number="40">nĩ kana maũkĩe mĩthenya yonthe ĩla makekala nthĩ ĩla wamanengie aaĩthe maitũ.</verse>
				<verse number="41">O na ĩngĩ ũvoo wa mũndũ wa nthĩ ĩngĩ, ũla ũte wa andũ maku Isilaeli, yĩla ũkoka kuma nthĩ yĩ kũasa kwondũ wa syĩtwa yaku</verse>
				<verse number="42">(nũndũ makeew’a ũvoo wa syĩtwa yaku ĩnene, na wa kw’oko kwaku kwĩ vinya, na kw’oko kwaku kũtambũũku); yĩla ũkoka na kũvoya elekele nyũmba ĩno;</verse>
				<verse number="43">wĩĩthukĩĩsya wĩ ĩtunĩ ũtũonĩ waku, nokĩka kwĩanana na w’onthe ũla mũndũ ũsu wa nthĩ ĩngĩ ũkakwĩtya; nĩ kana ngo syonthe sya andũ ma nthĩ matonye kũmanya syĩtwa yaku, maũkĩe, o tondũ andũ maku Isilaeli mekaa, na nĩ kana matonye kũmanya atĩ nyũmba ĩno ĩla nakĩte nĩyĩtanĩaw’a na syĩtwa yaku.</verse>
				<verse number="44">Ethĩwa andũ maku makaumaala maende kũkita na mũmaitha woo, na nzĩa o na yĩva ĩla wĩmatũma maende nayo, na makavoya Ngai melekele ĩ ndũa ĩla ũnyuvĩte, na melekele nyũmba ĩno nakĩte kwondũ wa syĩtwa yaku;</verse>
				<verse number="45">nĩvo ĩndĩ wĩĩthukĩĩsya wĩ ĩtunĩ kũvoya kwoo na kwĩsũvana kwoo, noimaseũvĩasya ũvoo woo.</verse>
				<verse number="46">Ethĩwa makakũvĩtanĩsya (nũndũ vati mũndũ ũtavĩtasya), na ũkamathatĩa, na kũmanengane kwa mũmaitha, nao makamatwaa me atave nthĩ ya amaitha, yĩ kũasa kana vakuvĩ;</verse>
				<verse number="47">ethĩwa ĩndĩ me nthĩ ĩsu vala matwaiwe me atave makalilikana, na kwĩthyũũa, na ũkwĩsũva me nthĩ ya asu ala mamatavie makyasya, Nĩtũvĩtĩtye, na nĩtwĩkĩte na ngũlũ nĩtwĩ kĩte ũthũku;</verse>
				<verse number="48">ethĩwa makakũsyokea na ngoo syoo syonthe na thayũ woo w’onthe me nthĩ ya amaitha moo, ala mamatavie, na makakũvoya melekele nthĩ yoo, ĩla wanengie aaĩthe moo, na ndũa ĩla wanyuvie, na nyũmba ĩla nakĩte kwondũ wa syĩtwa yaku:</verse>
				<verse number="49">nĩvo ĩndĩ wĩĩthukĩĩsya kũvoya kwoo na kwĩsũvana kwoo wĩ ĩtunĩ ũtũonĩ waku, noimaseũvĩsya ũvoo woo;</verse>
				<verse number="50">noimaekea andũ maku ala makũvĩtanĩsye, na mavĩtyo moo onthe ala makũvĩtanĩsye; noĩmonea ĩnee kwa ala mamatwaie me atave, nĩ kana nao mamew’ĩe ĩnee</verse>
				<verse number="51">(nũndũ nĩ andũ maku, na ũtiĩwa waku, ala wamaumisye nthĩ ya Misili, kuma ikonĩ ĩnene ya iaa);</verse>
				<verse number="52">nĩ kana metho maku methĩwe masalukĩlye wĩsũvano wa mũthũkũmi waku, na wĩsũvano wa andũ maku Isilaeli, ũmethukĩĩsye o yĩla makakwĩkaĩla.</verse>
				<verse number="53">Nũndũ nĩwamavathie kũmaumya ngonĩ syonthe sya andũ ma nthĩ, methĩwe ũtiĩwa waku, o tondũ waneenie na kanyw’a wa Mose mũthũkũmi waku, yĩla wamaumisye aaĩthe maitũ Misili, ame Mwĩaĩi Yeova.</verse>
				<verse number="54">Na kweethĩwa yĩla Solomoni waminie kũmũvoya Yeova mboya ĩsu yonthe na wĩsũvano, ookĩla kuma mbee wa kĩthembeo kya Yeova, kuma kũtulya ndũnĩ kwake na moko make matambũũkĩte melekele ĩtunĩ.</verse>
				<verse number="55">Na aũngama na ooathima ũmbano w’onthe wa Isilaeli na wasya mũnene, akyasya,</verse>
				<verse number="56">Nataĩwe Yeova, ũla ũmathũmũĩtye andũ make Isilaeli, kwĩanana na w’onthe ũla wathie: kũtyaalea kwĩanĩw’a ndeto o na ĩmwe ya watho wake w’onthe mũseo, ũla wathie na kanyw’a wa Mose mũthũkũmi wake.</verse>
				<verse number="57">Yeova Ngai waitũ nĩethĩwe vamwe naitũ, o tondũ waĩ vamwe na aaĩthe maitũ: ndakaatũeke, kana kũtũtia;</verse>
				<verse number="58">nĩ kana elekelye ngoo sitũ vala ũĩ, tũendae nzĩanĩ syake syonthe na kũkwataa mĩao yake, na myamũlo yake, na motw’ĩo make, ala wameaĩe aaithe maitũ.</verse>
				<verse number="59">Na ndeto iĩ syakwa ila namwĩsũva Yeova nasyo, nĩsyĩthĩwe vakuvĩ na Yeova Ngai waitũ mũthenya na ũtukũ, nĩ kana aseũvye ũvoo wa mũthũkũmi wake, na ũvoo wa andũ make Isilaeli, o tondũ kĩla mũthenya wĩan’ya vata;</verse>
				<verse number="60">nĩ kana ngo syonthe sya andũ ma nthĩ imanye Yeova, kana nĩwe Ngai; vati ũngĩ.</verse>
				<verse number="61">Kwondũ wa ũu ngoo syenyu nĩsyĩthĩwe mbĩanĩu kwa Yeova Ngai waitũ, mũendae myamũlonĩ yake na kũkwataa mĩao yake, o tondu kũilyĩ ũmũnthĩ.</verse>
				<verse number="62">Na mũsumbĩ, na Isilaeli onthe vamwe nake, mathemba nthembo vu mbee wa Yeova.</verse>
				<verse number="63">Na Solomoni athemba nthembo ya nthembo sya mũuo, ila wamũthembee Yeova, ng’ombe ngili mĩongo ĩlĩ na ilĩ, na malondu ngili ĩana na mĩongo ĩlĩ. Ũu nĩw’o mũsumbĩ na ana onthe ma Isilaeli mamĩvathanisye nyũmba ya Yeova yĩthĩwe ntheu.</verse>
				<verse number="64">Mũthenya o ũsu mũsumbĩ avathan’ya vethĩwe vatheu vu nza katĩ ĩla yaĩ mbee wa nyũmba ya Yeova; nũndũ nĩwathembee vo nthembo ya kũvĩvw’a, na nthembo ya mũtu, na mathunya ma nthembo sya mũuo, nũndũ kĩthembeo kya ũthuku kĩla kyaĩ mbee wa Yeova kyaĩ kĩnini ũndũ kĩtatonya kwĩanĩa nthembo ya kũvĩvw’a, na nthembo ya mũtu, na mathunya ma nthembo sya mũuo.</verse>
				<verse number="65">Ũu nĩw’o Solomoni wavokie mboka ĩvinda yĩu, na Isilaeli onthe vamwe nake, ũmbano mũnene, kuma ũlikĩlonĩ wa Amathi kũvika kalũsĩ ka Misili, me mbee wa Yeova Ngai waitũ, mĩthenya mũonza na mĩthenya mũonza, o mĩthenya ĩkũmi na ĩna.</verse>
				<verse number="66">Mũthenya wa nyanya oombũũkya andũ; na mamũtaĩa mũsumbĩ, na mathi maeemanĩ moo me na ũtanu na mũyo ngoonĩ nũndũ wa ũseo w’onthe ũla Yeova ũmwonetye Ndaviti mũthũkũmi wake, na Isilaeli andũ make.</verse>
			</chapter>
			<chapter number="9">
				<verse number="1">Na kweethĩwa, yĩla Solomoni waminĩte kwaka nyũmba ya Yeova na nyũmba ya mũsumbĩ, na kwenda kw’onthe kwa Solomoni kũla wendeew’e nĩ kwĩka,</verse>
				<verse number="2">Yeova amumĩlĩla Solomoni ĩvinda ya kelĩ, o tondũ wamumĩlĩle Ngiveoni.</verse>
				<verse number="3">Na Yeova amwĩa, Nĩnĩw’ĩte kũvoya kwaku na kwĩsũvana kwaku, kũla wĩsũvanĩte mbee wakwa: nĩnĩvathĩte nyũmba ĩno yĩthĩwe ntheu, ĩla wakĩte, nĩkalye syĩtwa yakwa vo tene na tene; na metho makwa na ngoo yakwa ikeethĩwa vo ĩndĩ yonthe.</verse>
				<verse number="4">Na ngalĩ ĩ yaku, ethĩwa ũkakinyaa mbee wakwa, o tondũ Ndaviti ĩthe waku wakinyaa, wĩanĩunĩ wa ngoo, na ũlũngalunĩ, wĩke kwĩanana na w’onthe ũla nĩkwĩaĩĩte, na ũkĩsũvĩa myamũlo yakwa na motw’ĩo makwa;</verse>
				<verse number="5">nĩvo ĩndĩ nĩlũlũmĩlya kĩvĩla kya ũsumbĩ kya ũsumbĩko waku ĩũlũ wa Isilaeli tene na tene, kwĩanana na ũndũ namwathie Ndaviti ĩthe waku, ngĩmwĩa, Ndũkaĩwa nĩ mũndũ kĩvĩlanĩ kya ũsumbĩ kya Isilaeli.</verse>
				<verse number="6">Ĩndĩ ethĩwa mũkeethyũũa na kũeka kũngatĩĩa, inyw’ĩ kana syana syenyu, na kũeka kũkwata mĩao yakwa na myamũlo yakwa ĩla niĩte mbee wenyu, ĩndĩ mũkĩthi na kũthũkũma ngai ingĩ, na kwithaitha;</verse>
				<verse number="7">nĩvo ĩndĩ nĩveta Isilaeli nthĩ ĩla nĩmanengete; na nyũmba ĩno ĩla nĩvathĩte yĩthĩwe ntheu kwondũ wa syĩtwa yakwa, ngamĩkya vala ndatonya kũmyona; na Isilaeli makeethĩwa nthimo na ma kũvũthĩĩw’a mbaĩnĩ syonthe.</verse>
				<verse number="8">O na kau nyũmba ĩno nĩ ndũlu ũu, ĩndĩ kĩla mũndũ wĩvavĩtĩlaa akaseng’a, na akamĩtimba; na makasya, Nĩkĩ Yeova wĩkĩte nthĩ ĩno, na nyũmba ĩno ũu?</verse>
				<verse number="9">Na makasũngĩa, Nĩkwĩthĩwa nĩmamũtiie Yeova Ngai woo, ũla waumisye aaĩthe moo nthĩ ya Misili, na makwatana na ngai ingĩ, na kwithaitha, na kwithũkũma: kwondũ wa ũu Yeova nũmaetee ũthũku ũũ w’onthe.</verse>
				<verse number="10">Na kweethĩwa, myaka mĩongo ĩlĩ yathela, ĩla Solomoni wakĩte nyũmba isu syelĩ, nyũmba ya Yeova na nyũmba ya mũsumbĩ</verse>
				<verse number="11">(na ĩndĩ Ilamu mũsumbĩ wa Tile nĩwamũnengete Solomoni mĩtĩ ya mĩkũũ na mĩtĩ ya mĩsonovali, vamwe na thaavu, kwĩanana na kwenda kwake kw’onthe), nĩvo mũsumbĩ Solomoni wamũnengie Ilamu ndũa mĩongo ĩlĩ nthĩ ya Ngalilii.</verse>
				<verse number="12">Na Ilamu auma Tile asisye ndũa ila Solomoni wamũnengie; na ityaamwendeesya.</verse>
				<verse number="13">Na asya, Nĩ ndũa myaũ ii ila ũnengete, mwana‐a‐asa? Na asyĩta nthĩ ya Kavuli kũvika ũmũnthĩ.</verse>
				<verse number="14">Na Ilamu amũtwaĩa mũsumbĩ talendi ĩana na mĩongo ĩlĩ sya thaavu.</verse>
				<verse number="15">Na ũũ nĩw’o ũvoo wa andũ ma kũtethethw’a wĩa ala mũsumbĩ Solomoni waumisye, ma kwaka nyũmba ya Yeova, na nyũmba yake mwene, o na Milo, na ũvai wa Yelusaleme, na Asoli, na Mekito, na Ngeseli.</verse>
				<verse number="16">Valao mũsumbĩ wa Misili aĩ anambata, na kũkwata ndũa ya Ngeseli, na akamĩvĩvya na mwaki, na akoaa Akanaani ala matwĩe ndũanĩ ĩsu, na akamĩnenga mwĩĩtu wake, kĩveti kya Solomoni, yĩthĩwe kĩanda kyake.</verse>
				<verse number="17">Na Solomoni aaka Ngeseli, na Mbethi‐oloni ĩla yĩ ngalĩ ya ĩtheo,</verse>
				<verse number="18">na Mbaalathi, na Tamali ku weũnĩ, nthĩ ĩsu,</verse>
				<verse number="19">na ndũa syonthe sya kwia mĩio ila Solomoni waĩ nasyo, na ndũa kwondũ wa makasya make ma kaũ, na ndũa sya andũ make ala matũlaa mbalasi, na kĩla Solomoni wendie kwaka kwondũ wa kwĩtanĩthya kwake Yelusaleme, na Levanoni, na nthĩ yonthe ya ũsumbĩko wake.</verse>
				<verse number="20">Na ũndũ wa andũ onthe ala matialile ma Aamoli, na Aititi, na Avelisi, na Aivi, na Ayevusi, ala mataĩ ma ana ma Isilaeli;</verse>
				<verse number="21">syana syoo ila syatialile ĩtina woo nthĩ ĩsu, ila ana ma Isilaeli mataatonya kwimina vyũ, imwe sya isu Solomoni asyumisye sya kũtethethaw’a wĩa wa ũkombo kũvika ũmũnthĩ.</verse>
				<verse number="22">Ĩndĩ ma ana ma Isilaeli Solomoni ndaamatw’ĩkĩthya ngombo: ĩndĩ asu maĩ andũ ma kaũ, na athũkũmi make, na anene me mbee ũsumbĩnĩ wake, na makavuteni make, na anene ma makasya make ma kaũ na ma andũ make ala matũlaa mbalasi.</verse>
				<verse number="23">Asu maĩ anene mbee ĩũlũ wa wĩa wa Solomoni, maana atano na mĩongo ĩtano, ala masumbĩkaa andũ ala matethasya wĩa.</verse>
				<verse number="24">Ĩndĩ mwĩĩtu wa Valao ambata kuma ndũanĩ ya Ndaviti aende nyũmbanĩ yake ĩla Solomoni wamwakĩe: na ĩndĩ aaka Milo.</verse>
				<verse number="25">Na Solomoni nĩwathembaa nthembo sya kũvĩvw’a na nthembo sya mũuo kĩthembeonĩ kĩla wamwakĩe Yeova katatũ kĩla mwaka, aitoeanĩsya ũvani vamwe nasyo, kĩthembeonĩ kĩla kyaĩ mbee wa Yeova. Aminie ĩla nyũmba ũu.</verse>
				<verse number="26">Na mũsumbĩ Solomoni aseũvĩsya kĩkundi kya ngalawa ku Esioni‐ngeveli, ĩla yĩ vakuvĩ na Elothi, ngũkanĩ ya Ũkanga Mũtune, nthĩ ya Etomu.</verse>
				<verse number="27">Na i ngalawanĩ Ilamu atũma athũkũmi make, andũ ma ngalawa ala maĩ na ũmanyi wa ũkanga, vamwe na athũkũmi ma Solomoni.</verse>
				<verse number="28">Na mavika Ovilu, na maumya kw’o thaavu, talendi maana ana na mĩongo ĩlĩ, na mooete kwa mũsumbĩ Solomoni.</verse>
			</chapter>
			<chapter number="10">
				<verse number="1">Na yĩla mũsumbĩ mũndũ mũka wa ku Sieva wewie nguma ya Solomoni ũndũ wa syĩtwa ya Yeova, ooka kũmũtata na mokũlyo me vinya.</verse>
				<verse number="2">Na ooka Yelusaleme e na ũkondo mũnene mũno, e na ngamĩle ila ikuĩte mĩtĩ ĩla ĩnyungaa nesa, na thaavu mwingĩ mũno, na tũvila twĩ thooa mũnene; na yĩla wavikie kwa Solomoni, aneena nake ũvoo w’onthe ũla waĩ ngoonĩ yake.</verse>
				<verse number="3">Na Solomoni amũsũngĩa mokũlyo make onthe: vati ũndũ waamwaĩa mũsumbĩ ũla ũtaamũtavya.</verse>
				<verse number="4">Na yĩla mũsumbĩ mũndũ mũka wa ku Sieva wonie ũĩ w’onthe wa Solomoni, na nyũmba ĩla wakie,</verse>
				<verse number="5">na lĩu ũla waĩsawa mesanĩ yake, na mwaĩkalo ma athũkũmi make, na ũngamĩi wa athũkũmi make, na ngũa syoo, na anengani make ma mbinyu, na wambatĩlo wake ũla wambataa naw’o nyũmbanĩ ya Yeova; veva wake waaa vinya.</verse>
				<verse number="6">Na amwĩa mũsumbĩ, Ũvoo ũla neewie nĩ nthĩ yakwa mwene, ũndũ wa meko maku na ũndũ wa ũĩ waku, waĩ wa w’o.</verse>
				<verse number="7">Ĩndĩ ndyaaĩtĩkila i ndeto, kũvika nĩnooka, na metho makwa nĩmawonete: na, sisya, ndyaatavw’a nyunzu; ũĩ waku na kũathimĩka kwaku nĩkũvĩtũkĩte nguma ĩla neewie.</verse>
				<verse number="8">Andũ maku nĩ atanu, na athũkũmi aa maku nĩ atanu, ala maũngamaa ĩvinda yonthe mbee waku, na mew’aa ũĩ waku.</verse>
				<verse number="9">Yeova Ngai waku nataĩwe, ũla wendeew’e nue, akwĩkalye kĩvĩlanĩ kya ũsumbĩ kya Isilaeli: nĩkwĩthĩwa Yeova nĩwendie Isilaeli tene na tene, kwondũ wa ũu akũtw’ĩkĩthya mũsumbĩ, wĩkae ũsili wa katĩ na ũlũngalu.</verse>
				<verse number="10">Na amũnenga mũsumbĩ talendi ĩana na mĩongo ĩlĩ sya thaavu, na mĩtĩ ĩla ĩnyungaa nesa mingĩ mũno, na tũvila twĩ thooa mũnene: kũtyaaetwe ĩngĩ mĩtĩ ĩla ĩnyungaa nesa yingĩvĩte ta ĩsu ĩla mũsumbĩ mũndũ mũka wa ku Sieva wanengie mũsumbĩ Solomoni.</verse>
				<verse number="11">O na kĩkundi kya ngalawa sya Ilamu, ila syaetie thaavu kumya nthĩ ya Ovilu, nĩkyaetie kuma Ovilu mĩtĩ ya mĩsandali mingĩ mũno na tũvila twĩ thooa mũnene.</verse>
				<verse number="12">Na mũsumbĩ aseũvĩthya ituĩ na mĩsandali ĩsu kwondũ wa nyũmba ya Yeova, na kwondũ wa nyũmba ya mũsumbĩ, o na mbeve na inanda sya aini: kũtyaaetwe mĩsandali ĩilyĩ ta ĩsu, o na kũtyaaoneka kũvika ũmũnthĩ.</verse>
				<verse number="13">Na mũsumbĩ Solomoni anenga mũsumbĩ mũndũ mũka wa ku Sieva kyonthe kĩla wendie, o kĩla wetisye, eka ila Solomoni wamũnengie kuma ũlaunĩ wake wa kĩũsumbĩ. Na ĩndĩ eetulũla na asyoka nthĩ yake mwene, we na athũkũmi make.</verse>
				<verse number="14">Na ĩndĩ ũito wa thaavu ũla waeteawe Solomoni mwaka ũmwe waĩ talendi maana thanthatũ na mĩongo thanthatũ na thanthatũ sya thaavu,</verse>
				<verse number="15">eka ũla waeteawe nĩ atandĩthya, na ũtandĩthyo wa athoosya, na wa asumbĩ onthe ma nthĩ ya Alavu, na wa makavana ma ĩ nthĩ.</verse>
				<verse number="16">Na mũsumbĩ Solomoni aseũvĩthya ngao maana elĩ sya thaavu mũtue; sekeli maana thanthatũ sya thaavu syaĩ sya ngao ĩmwe.</verse>
				<verse number="17">Na aseũvĩthya tũkalo maana atatũ twa thaavu mũtue; latili itatũ sya thaavu syaĩ sya kakalo kamwe: na mũsumbĩ asia nyũmbanĩ ya mũtitũ wa Levanoni.</verse>
				<verse number="18">O na ĩngĩ mũsumbĩ aseũvĩthya na maeo ma nzou kĩvĩla kĩnene kya ũsumbĩ, na akĩvw’ĩka thaavu mũtheu mũno mbee.</verse>
				<verse number="19">Kwaĩ matambya thanthatũ ma kwambata kĩvĩlanĩ kyu kya ũsumbĩ, na mũthya wa ĩũlũ wa kĩvĩla kyu waĩ mũkumbe ngalĩ ya mũongonĩ; na kwaĩ kw’oko ngalĩ ĩno na ngalĩ ĩno vakuvĩ na vandũ va kwĩkalĩla, na mĩnyambũ ĩlĩ ĩũngamĩte ũtee wa moko asu.</verse>
				<verse number="20">Na mĩnyambũ ĩkũmi na ĩlĩ yaũngeme vo ngalĩ ĩno na ngalĩ ĩla ĩngĩ matambyanĩ asu thanthatũ: kũtyaĩ kĩndũ kyaseũvĩtw’e ũu ũsumbĩnĩ o na wĩva.</verse>
				<verse number="21">Na mĩio yonthe ya mũsumbĩ Solomoni ya kũnyw’a nayo yaĩ ya thaavu, na mĩio yonthe ya nyũmba ya mũtitũ wa Levanoni yaĩ ya thaavu mũtheu: vatyaĩ ũmwe wa vetha; na ũu ndwaatalwa ta ũndũ mĩthenyanĩ ya Solomoni.</verse>
				<verse number="22">Nũndũ mũsumbĩ aĩ na kĩkundi kya ngalawa sya Talisisi ũkanganĩ vamwe na kĩkundi kya ngalawa sya Ilamu: kĩla myaka ĩtatũ kĩkundi kya ngalawa sya Talisisi kĩisyoka ĩmwe, ikĩete thaavu, na vetha, na maeo ma nzou, na sokwe, na tausi.</verse>
				<verse number="23">Na ĩndĩ mũsumbĩ Solomoni amakĩla asumbĩ onthe ma nthĩ na ũthwii na ũĩ.</verse>
				<verse number="24">Na nthĩ yonthe yenda kũvika kwa Solomoni, yĩw’e ũĩ wake, ũla Ngai wekĩie ngoonĩ yake.</verse>
				<verse number="25">Na maete kĩla mũndũ mũvothi wake, mĩio ya vetha, na mĩio ya thaavu, na ngũa, na mĩio ya kaũ, na mĩtĩ ĩla ĩnyungaa nesa, na mbalasi, na nyũmbũ, syĩanĩe kĩla mwaka.</verse>
				<verse number="26">Na Solomoni oomban’ya makasya ma kaũ na andũ ma kũtũlaa mbalasi: na aĩ na makasya ngili na maana ana, na andũ ma ũtũlaa mbalasi ngili ĩkũmi na ilĩ, ala wamaiĩte ndũanĩ sya makasya, na vala ve mũsumbĩ Yelusaleme.</verse>
				<verse number="27">Na mũsumbĩ atw’ĩkĩthya vetha weethĩwa ta mavia ku Yelusaleme ũndũ wa kwingĩva, o na mĩkũũ yeethĩwa ta mĩkũyũ ĩla yĩ nthĩ ndindimalu.</verse>
				<verse number="28">Na mbalasi ila Solomoni waĩ nasyo syaetawe kuma Misili; na atandĩthya ma mũsumbĩ manengawe ndĩthya, ndĩthya, kĩla ndĩthya kwa thooa wayo.</verse>
				<verse number="29">Na ĩkasya yambatw’a kuma Misili ya thooa wa sekeli maana thanthatũ sya vetha, na mbalasi ya sekeli ĩana na mĩongo ĩtano; na o ta ũu mamaumĩasya asumbĩ onthe ma Aititi, na asumbĩ ma Silia, na moko moo.</verse>
			</chapter>
			<chapter number="11">
				<verse number="1">Na ĩndĩ mũsumbĩ Solomoni nĩwendete aka aingĩ ma nthĩ ingĩ vamwe na mwĩĩtu wa Valao, o aka ma Amoavi, na Aamimoni, na Aetomu, na Asitoni, na Aititi;</verse>
				<verse number="2">ma mbaĩ ila Yeova watavisye ana ma Isilaeli ũndũ wasyo atĩĩ, Mũtikalike katĩ wasyo, o nasyo itikalike katĩ wenyu; nũndũ vate ndĩi ikathyũũa ngoo syenyu iatĩĩe ngai syasyo: Solomoni alũman’ya na aka asu wendonĩ.</verse>
				<verse number="3">Na aĩ na iveti maana mũonza, eĩtu ma anene me mbee mosumbĩnĩ, na aka ngombo maana atatũ; na iveti syake syathyũũa ngoo yake.</verse>
				<verse number="4">Nũndũ kweethĩiwe yĩla Solomoni watw’ĩkie mũkũũ, iveti syake syathyũũa ngoo yake, ĩatĩĩe ngai ingĩ; na ngoo yake ndĩaĩ mbĩanĩu kwa Yeova Ngai wake, o tondũ ngoo ya Ndaviti ĩthe wake yailyĩ.</verse>
				<verse number="5">Nũndũ Solomoni aatĩĩaa Asetolethi ngai nga ya Asitoni, na Milikomu ngai ya Aamimoni ya ũthatyo.</verse>
				<verse number="6">Na Solomoni eekaa ũla Yeova wonaa wĩ ũthũku, na ndaamũatĩĩa Yeova ki, o tondũ Ndaviti ĩthe wake wekaa.</verse>
				<verse number="7">Na ĩndĩ Solomoni aaka vandũ vatũlu kwondũ wa Kemosi ngai ya Moavi ya ũthatyo, kĩĩmanĩ kĩla kĩ mbee wa Yelusaleme, o na kwondũ wa Moleki ngai ya ana ma Amimoni ya ũthatyo.</verse>
				<verse number="8">Na eekaa o ta ũu kwondũ wa iveti syake syonthe sya nthĩ ingĩ, ila syatoeeasya ũvani na syathembeaa ngai syasyo.</verse>
				<verse number="9">Na Yeova amũthatĩa Solomoni, nũndũ ngoo yake nĩyathyũũiwe ĩmũeke Yeova, Ngai wa Isilaeli, ũla wamumĩlĩle kelĩ,</verse>
				<verse number="10">na wamwĩaĩĩte ũndũnĩ ũsu, ndakaatĩĩe ngai ingĩ: ĩndĩ ndaasũvĩa ũla Yeova weaie.</verse>
				<verse number="11">Kwondũ wa ũu Yeova amwĩa Solomoni, Nĩkwĩthĩwa ũu nĩwĩkĩtwe nue, na ndwaalũmya ũtianĩo wakwa na myamũlo yakwa, ĩla nakwĩaĩe, vate ndĩi ngakũvena ũsumbĩ, na ngoonenga mũthũkũmi waku.</verse>
				<verse number="12">Ĩndĩ mĩthenyanĩ yaku ndikeka ũu, kwondũ wa Ndaviti ĩthe waku: ĩndĩ ngoovenana kw’okonĩ kwa mwana waku.</verse>
				<verse number="13">Ĩndĩ ndikovenana ũsumbĩ w’onthe; ĩndĩ nganenga mwana waku mbaĩ ĩmwe, kwondũ wa Ndaviti mũthũkũmi wakwa, na kwondũ wa Yelusaleme ĩla nĩnyuvĩte.</verse>
				<verse number="14">Na Yeova amũkĩlĩlya Solomoni nthũ, Aatati Mũetomu: aĩ wa ũsyao wa mũsumbĩ wa nthĩ ya Etomu.</verse>
				<verse number="15">Nũndũ kweethĩiwe, yĩla Ndaviti waĩ Etomu, na Yoavu kavuteni wa nguthu waĩ anambata kwĩnzĩa ala mooaiwe nthĩ, na waĩ anakũna kĩla mũndũ mũũme ku Etomu</verse>
				<verse number="16">(nũndũ Yoavu na Isilaeli onthe nĩmekalaa kw’o myei thanthatũ, mũvaka aveta kĩla mũndũ mũũme ku Etomu);</verse>
				<verse number="17">Aatati akĩa, we na Aetomu amwe ma athũkũmi ma ĩthe wake vamwe nake, maende Misili, Aatati e kana kanini.</verse>
				<verse number="18">Na mookĩla kuma Mitiani na mavika Valani; na moosa andũ kuma Valani na maenda nao, na mavika Misili, kwa Valao mũsumbĩ wa Misili, ũla wamũnengie nyũmba, na kũmũthimĩa lĩu, na amũnenga o nthĩ.</verse>
				<verse number="19">Na Aatati oona ũseo mũno methonĩ ma Valao, kũvika amũnenga mũamũe, o mwĩĩtu‐a‐inyia wa Tavenesi kĩveti kyake, ethĩwe mũka.</verse>
				<verse number="20">Na mwĩĩtu‐a‐inyia wa Tavenesi asyaa Ngenuvathi mwana wake, ũla Tavenesi wamũaĩĩsye nyũmbanĩ ya Valao; na Ngenuvathi aĩ nyũmbanĩ ya Valao e na ana ma Valao.</verse>
				<verse number="21">Na yĩla Aatati wewie e Misili atĩ Ndaviti nũkomete na aaĩthe make, na Yoavu kavuteni wa nguthu nĩ mũkw’ũ, Aatati amwĩa Valao, Ndeka nĩthi, nĩende nthĩ yakwa mwene.</verse>
				<verse number="22">Na ĩndĩ Valao amwĩa, Ĩndĩ ũnyivĩwe nĩ kyaũ wĩ kũũ kwakwa, atĩ, sisya, nũkwenda ũsyoka nthĩ yaku mwene? Na asũngĩa, Ti kĩndũ; ĩndĩ ndeka nĩthi.</verse>
				<verse number="23">Na Ngai amũkĩlĩlya nthũ ĩngĩ, Lesoni mwana wa Eliata, ũla wakĩĩte kuma kwa mwĩaĩi wake Atateseli mũsumbĩ wa Sova.</verse>
				<verse number="24">Na eeyũmbanĩsya andũ, na atw’ĩka kavuteni wa nguthu, yĩla Ndaviti woaie ala ma Sova: na mathi Ndamasiku, na matũa kw’o, na masumbĩka ku Ndamasiku.</verse>
				<verse number="25">Na aĩ nthũ ya Isilaeli mĩthenya yonthe ya Solomoni, eka ũthũku ũla Aatati wekie: na athĩtha Isilaeli mũno, na asumbĩka Silia.</verse>
				<verse number="26">Na Yelovoamu mwana wa Nevati, ũsu Mũevalaimu wa Nzeleta, mũthũkũmi wa Solomoni, ũla syĩtwa ya inyia wake eetawa Nzelua, mũndũ mũka ndiwa, o nake amũkĩlĩlya mũsumbĩ kw’oko kwake.</verse>
				<verse number="27">Na kĩĩ nĩkyo kĩtumi kya kũmũkĩlĩlya mũsumbĩ kw’oko kwake: Solomoni aaka Milo, na atũngĩĩa vandũ vala vavũthũiwe ndũanĩ ya Ndaviti ĩthe wake.</verse>
				<verse number="28">Na mũndũ ũsu Yelovoamu aĩ ngũmbaũ nene; na Solomoni oona mwanake ũsu atĩ nĩ mũthangaau, na amwia ĩũlũ wa wĩa w’onthe wa nyũmba ya Yosevu.</verse>
				<verse number="29">Na kweethĩwa ĩvinda yĩu, yĩla Yelovoamu waumie Yelusaleme, mwathani Aiya Mũsilo amwĩthĩa nzĩanĩ; na ĩndĩ Aiya eevw’ĩkĩte ngũa nzaũ; na asu elĩ maĩ kĩsesinĩ me oka.</verse>
				<verse number="30">Na Aiya akwata ĩla ngũa nzaũ ĩla wĩvw’ĩkĩte, na amĩtembũanga ilungu ĩkũmi na ilĩ.</verse>
				<verse number="31">Na amwĩa Yelovoamu, Ĩyosee ilungu ĩkũmi; nũndũ ũũ nĩw’o Yeova, Ngai wa Isilaeli, ũnũkwasya, Sisya, ngavenana ũsumbĩ kw’okonĩ kwa Solomoni, na ngakũnenga mbaĩ ĩkũmi</verse>
				<verse number="32">(ĩndĩ akeethĩwa na mbaĩ ĩmwe, kwondũ wa mũthũkũmi wakwa Ndaviti na kwondũ wa Yelusaleme, ndũa ĩla nĩnyuvĩte kuma mbaĩnĩ syonthe sya Isilaeli);</verse>
				<verse number="33">nũndũ nindiĩte, na nĩsyathaithĩte Asetolethi ngai nga ya Asitoni, na Kemosi ngai ya Moavi, na Milikomu ngai ya ana ma Amimoni; na ityaaenda nzĩanĩ syakwa, syĩkae ũla nonaa wĩ ũseo, na kũsũvĩaa myamũlo yakwa na motw’ĩo makwa, o tondũ Ndaviti ĩthe wake wekaa.</verse>
				<verse number="34">Ĩndĩ ndikaumya ũsumbĩ w’onthe kw’okonĩ kwake; ĩndĩ ngamũtw’ĩkĩthya mũnene wĩ mbee ũsumbĩnĩ mĩthenya yonthe ya thayũ wake, kwondũ wa Ndaviti mũthũkũmi wakwa ũla namũnyuvie, ũla wakwataa mĩao yakwa na myamũlo yakwa;</verse>
				<verse number="35">ĩndĩ ngaumya ũsumbĩ kw’okonĩ kwa mwana wake, na ngakũnenga, o mbaĩ ĩkũmi.</verse>
				<verse number="36">Na nganenga mwana wake mbaĩ ĩmwe, nĩ kana Ndaviti mũthũkũmi wakwa ethĩwe na taa mbee wakwa mavinda onthe Yelusaleme, ndũa ĩla nĩnyuvĩte kwondũ wakwa nĩkalye syĩtwa yakwa vo.</verse>
				<verse number="37">Na ngakwosa na ũkasumbĩka kwĩanana na w’onthe ũla ngoo yaku yendete, na ũkeethĩwa mũsumbĩ wa Isilaeli.</verse>
				<verse number="38">Na kũkeethĩwa, ethĩwa ũkeethukĩĩasya w’onthe ũla nĩkwĩaa, na ũkakinyaa nzĩanĩ syakwa, na kwĩkaa ũla nonaa wĩ ũseo, ũsũvĩae myamũlo yakwa na mĩao yakwa, o tondũ Ndaviti mũthũkũmi wakwa wekaa; ngeethĩawa vamwe naku, na ngakwakĩa nyũmba nũmu, o tondũ namwakĩe Ndaviti, na ngakũnenga Isilaeli.</verse>
				<verse number="39">Na ngathĩn’ya ũsyao wa Ndaviti kwondũ wa ũndũ ũsu, ĩndĩ ti tene na tene.</verse>
				<verse number="40">Kwondũ wa ũu Solomoni amantha kũmũaa Yelovoamu; ĩndĩ Yelovoamu ookĩla, na akĩa athĩ Misili, kwa Sisaki mũsumbĩ wa Misili, na ekala Misili kũvika yĩla Solomoni wakwie.</verse>
				<verse number="41">Na ĩndĩ meko ala angĩ ma Solomoni, na w’onthe ũla wekaa, na ũĩ wake, ti maandĩke ĩvukunĩ ya meko ma Solomoni?</verse>
				<verse number="42">Na ĩvinda yĩla Solomoni wasumbĩkie Isilaeli onthe ku Yelusaleme yaĩ myaka mĩongo ĩna.</verse>
				<verse number="43">Na Solomoni akoma na aaĩthe make na athikwa ndũanĩ ya Ndaviti ĩthe wake; na Leovoamu mwana wake asumbĩka vandũ vake.</verse>
			</chapter>
			<chapter number="12">
				<verse number="1">Na Leovoamu aenda Sekemu: nũndũ Isilaeli onthe maĩ aendu Sekemu makamũtw’ĩkĩthye mũsumbĩ.</verse>
				<verse number="2">Na kweethĩwa, yĩla Yelovoamu mwana wa Nevati wewie ũu (nũndũ aĩ o Misili ĩvinda yĩu, vala wakĩĩe aume vala ve mũsumbĩ Solomoni, na Yelovoamu atwĩe Misili,</verse>
				<verse number="3">na matũmana aketwe), Yelovoamu na ũmbano w’onthe wa Isilaeli mooka, na maneena na Leovoamu, maimwĩa,</verse>
				<verse number="4">Ĩthe waku nĩwatw’ĩkĩthĩtye ĩsoki yitũ ĩito: yu kwondũ wa ũu vũthangya ũthũkũmi ũsu mũito wa ĩthe waku, na ĩsoki yake ĩito yĩla watwĩkĩie, na tũkakũthũkũma.</verse>
				<verse number="5">Na amea, Endai mwĩkale o mĩthenya ĩtatũ, na ĩndĩ mũimbũkĩa ĩngĩ. Na andũ asu mathi.</verse>
				<verse number="6">Na mũsumbĩ Leovoamu eethĩwa nzama na atumĩa, ala manaũngamaa mbee wa ĩthe wake Solomoni yĩla ũnaĩ o thayũ, akĩmakũlya, Mwĩnenga ũtao wĩva nĩmasũngĩa andũ asu?</verse>
				<verse number="7">Na maneena nake, makĩmwĩa, Ethĩwa ũkeethĩwa mũthũkũmi wa andũ asu ũmũnthĩ, na ũkamathũkũma, na kũmasũngĩa, na kũmaneen’ya ndeto nzeo, mo makeethĩwa athũkũmi maku tene na tene.</verse>
				<verse number="8">Ĩndĩ atia ũtao wa atumĩa ũla mamũtaie naw’o, na eethĩwa nzama na anake ala ma mũika wake, ala maũngamaa mbee wake.</verse>
				<verse number="9">Na amakũlya, Mwĩnenga ũtao wĩva, nĩ kana twĩmasũngĩa andũ asu, ala maneenete nakwa, makĩmbĩa, Tũvũthangĩsye ĩsoki yĩla ĩthe waku watwĩkĩie?</verse>
				<verse number="10">Na anake ala ma mũika wake maneena nake, makĩmwĩa, Ũũ nĩw’o wĩmatavya andũ asu ala maneenie naku, makĩkwĩa, Ĩthe waku nĩwatw’ĩkĩthisye ĩsoki yitũ ĩito, ĩndĩ we tũvũthangĩsye; ũũ nĩw’o wĩmatavya, Kyaa kyakwa kya mwela nĩ kĩnene kwĩ kĩnyunyu kya ĩthe wakwa.</verse>
				<verse number="11">Na yu o ũndũ ĩthe wakwa wamwaĩkĩtye ĩsoki ĩito, nakwa ngongeleela ĩsoki yenyu: ĩthe wakwa amũsilĩlaa na mĩsalisa, ĩndĩ nyie ngamũsilĩlaa na ing’auũ.</verse>
				<verse number="12">Na ĩndĩ Yelovoamu na andũ onthe mooka vala ve Leovoamu mũthenya wa katatũ, o tondũ mũsumbĩ weaĩte, akĩmea, Mbũkĩai ĩngĩ mũthenya wa katatũ.</verse>
				<verse number="13">Na mũsumbĩ amasũngĩa andũ na vinya, na atia ũtao wa atumĩa ũla mamũtaie naw’o,</verse>
				<verse number="14">na aneena nao kwĩanana na ũtao wa anake, akĩmea, Ĩthe wakwa nĩwatw’ĩkĩthisye ĩsoki yenyu ĩito, ĩndĩ nyie ngayongeleela ĩsoki yenyu: ĩthe wakwa amũsilĩlaa na mĩsalisa, ĩndĩ nyie ngamũsilĩlaa na ing’auũ.</verse>
				<verse number="15">Na ĩndĩ mũsumbĩ ndaaĩthukĩĩsya andũ; nũndũ ũu waĩ ũndũ waetetwe nĩ Yeova, nĩ kana alũlũmĩlye ndeto yake, ĩla Yeova wamũtavisye Yelovoamu mwana wa Nevati na kanyw’a wa Aiya Mũsilo.</verse>
				<verse number="16">Na yĩla Isilaeli onthe moonie kana mũsumbĩ ndaamethukĩĩsya, andũ mamũsũngĩa mũsumbĩ, makĩmwĩa, Twĩ na kĩanda kyaũ nthĩnĩ wa Ndaviti? O na tũti na ũtiĩwa nthĩnĩ wa mwana wa Yese: endai maeemanĩ menyu, inyw’ĩ Isilaeli: na yu ĩsyaĩĩsye nyũmba yaku mwene Ndaviti. Na ĩndĩ Isilaeli maenda maeemanĩ moo.</verse>
				<verse number="17">Ĩndĩ ũndũ wa ana ma Isilaeli ala matwĩe ndũanĩ sya Yuta, Leovoamu amasumbĩka.</verse>
				<verse number="18">Na ĩndĩ mũsumbĩ Leovoamu atũma Atolamu, ũla waĩ mũnene wa andũ ala matethethaw’a wĩa na vinya; na Isilaeli onthe mamũkimanga na mavia akw’a. Na mũsumbĩ Leovoamu eekalaata ambate vala ve ĩkasya yake, akĩe avike Yelusaleme.</verse>
				<verse number="19">Ũu nĩw’o Isilaeli mang’endee nyũmba ya Ndaviti kũvika ũmũnthĩ.</verse>
				<verse number="20">Na kweethĩwa, yĩla Isilaeli onthe meewie Yelovoamu nũsyokete, matũmana mamwĩte oke ũmbanonĩ, na mamũtw’ĩkĩthya mũsumbĩ wa Isilaeli onthe: vati ĩmwe yaaatĩanĩa na nyũmba ya Ndaviti, ate o mbaĩ ya Yuta yĩ yoka.</verse>
				<verse number="21">Na yĩla Leovoamu wavikie Yelusaleme, oomban’ya nyũmba yonthe ya Yuta, na mbaĩ ya Mbenyamini, andũ ngili ĩana na mĩongo nyanya ala anyuve, ala maĩ ma kaũ, mokite na nyũmba ya Isilaeli, mamũtũngĩe Leovoamu mwana wa Solomoni ũsumbĩ.</verse>
				<verse number="22">Ĩndĩ ndeto ya Ngai yamũkĩa Semaia mũndũ wa Ngai, ĩkĩmwĩa,</verse>
				<verse number="23">Neena na Leovoamu mwana wa Solomoni, mũsumbĩ wa Yuta, na nyũmba yonthe ya Yuta na Mbenyamini, na andũ ala angĩ, ũkĩmea,</verse>
				<verse number="24">Ũũ nĩw’o Yeova ũnũkwasya, Mũtikambate, o na mũtikokite na ana‐a‐ĩthe menyu ana ma Isilaeli: syokai kĩla mũndũ nyũmbanĩ yake; nũndũ ũndũ ũũ wumĩte kwakwa. Na ĩndĩ meethukĩĩsya ndeto ya Yeova, na masyoka na meeendea, kwĩanana na ndeto ya Yeova.</verse>
				<verse number="25">Na ĩndĩ Yelovoamu aaka Sekemu nthĩ yĩ iĩma ya Evalaimu, na atũa kw’o; na auma kw’o, na aaka Venueli.</verse>
				<verse number="26">Na Yelovoamu asya ngoonĩ yake, Yu ũsumbĩ ũkasyoka nyũmbanĩ ya Ndaviti:</verse>
				<verse number="27">ethĩwa andũ aa makambata mathembe nthembo nyũmbanĩ ya Yeova Yelusaleme, nĩvo ĩndĩ ngoo sya andũ aa syĩmwĩthyũũĩa mwĩaĩi woo, o Leovoamu mũsumbĩ wa Yuta; na makambũaa, na kũmũsyokea Leovoamu mũsumbĩ wa Yuta.</verse>
				<verse number="28">Nĩvo ĩndĩ mũsumbĩ wasũanĩie, na atusya tũsaũ twĩlĩ twa thaavu; na amea, Nĩ vinya kwenyu kwambata Yelusaleme: sisyai ngai syenyu, inyw’ĩ Isilaeli, ila syamwambatisye kuma nthĩ ya Misili.</verse>
				<verse number="29">Na aũngamya kamwe Mbethi‐eli, na kala kangĩ aũngamya Ndani.</verse>
				<verse number="30">Na ũndũ ũsu watw’ĩka naĩ; nũndũ andũ maendaa kũthaitha vala ve kamwe, o kũvika Ndani.</verse>
				<verse number="31">Na aaka nyũmba sya kũla kũndũ kũtũlu, na amatw’a athembi kuma andũnĩ onthe, ala mataĩ ma ana ma Livai.</verse>
				<verse number="32">Na Yelovoamu atw’a mboka mwei wa nyanya, mũthenya wa ĩkũmi na ĩtano wa mwei, ĩilyĩ mboka ĩla yĩ Yuta, na ambata vala ve kĩthembeo; na ũu now’o wekie Mbethi‐eli, akĩthembea tũsaũ tũla watuĩtye: na aia ku Mbethi‐eli athembi ma kũndũ kũtũlu kũla waseũvĩtye.</verse>
				<verse number="33">Na ambata vala vaĩ kĩthembeo kĩla waseũvĩtye ku Mbethi‐eli mũthenya wa ĩkũmi na ĩtano wa mwei wa nyanya, o mwei ũla wasũanĩie na ngoo yake mwene: na atw’a mboka kwondũ wa ana ma Isilaeli, na ambata vala vaĩ kĩthembeo, atoeesye ũvani.</verse>
			</chapter>
			<chapter number="13">
				<verse number="1">Na, sisya, kwooka mũndũ wa Ngai kuma Yuta avike Mbethi‐eli kwondũ wa ndeto ya Yeova: na Yelovoamu aũngyĩ vakuvĩ na kĩthembeo atoeesye ũvani.</verse>
				<verse number="2">Na atavya kĩthembeo na wasya mũnene kwondũ wa ndeto ya Yeova, na asya, We, kĩthembeo, kĩthembeo, ũũ nĩw’o Yeova ũnũkwasya: Sisya, kavĩsĩ kakasyawa nyũmbanĩ ya Ndaviti, syĩtwa yako kakeetwa Yosia; na ĩũlũ waku kakathemba athembi ma kũla kũndũ kũtũlu ala matoeeasya ũvani ĩũlũ waku, na makavĩvĩsya mavĩndĩ ma andũ ĩũlũ waku.</verse>
				<verse number="3">Na anengane wonan’yo mũthenya o ũsu, akyasya, Ũũ nĩw’o wonan’yo ũla Yeova ũneenete: Sisyai, kĩthembeo kĩkaatũkana, na mũu ũla wĩ ĩũlũ wakyo ũketĩka.</verse>
				<verse number="4">Na kweethĩwa, yĩla mũsumbĩ wewie ndeto sya ũ mũndũ wa Ngai, ila wakĩtavĩsye kĩthembeo ku Mbethi‐eli, Yelovoamu atambũũkya kw’oko kwake e kĩthembeonĩ, akyasya, Mũkwatei. Na kw’oko kwake, kũla wamũtambũũkĩsye, kwooma, ũndũ ũtatonya kũkũtũnga ĩngĩ.</verse>
				<verse number="5">O na kĩthembeo kyaatũkana, na mũu wetĩka kuma kĩthembeonĩ, kwĩanana na wonan’yo ũla mũndũ wa Ngai wanengane kwondũ wa ndeto ya Yeova.</verse>
				<verse number="6">Na mũsumbĩ asũngĩa na amwĩa mũndũ wa Ngai, Ĩsũvane yu ũseo wa Yeova Ngai waku, noĩmboyea, kw’oko kwakwa kũnzyokee ĩngĩ. Na ũla mũndũ wa Ngai amwĩsũva Yeova, na kw’oko kwa mũsumbĩ kwamũsyokea, na kwekala ũndũ kwĩĩilyĩ mbee.</verse>
				<verse number="7">Na mũsumbĩ amwĩa mũndũ wa Ngai, Ũka twĩnũkan’ye, ũkevuũkye, na ngakũnenga mũthĩnzĩo.</verse>
				<verse number="8">Na ũla mũndũ wa Ngai amwĩa mũsumbĩ, O na ũkanenga nyunzu ya nyũmba yaku, ndilika naku, o na ndiya lĩu kana kũnyw’a manzĩ vandũ vaa;</verse>
				<verse number="9">nũndũ now’o nĩaĩĩtwe nĩ ndeto ya Yeova, ĩkĩmbĩa, Ndũkaye lĩu, kana kũnyw’a manzĩ, o na ndũkasyoke na nzĩa ĩla ũendie nayo.</verse>
				<verse number="10">Kwondũ wa ũu athi na nzĩa ĩngĩ, na ndaasyoka na nzĩa ĩla wũkie Mbethi‐eli nayo.</verse>
				<verse number="11">Na ĩndĩ ku Mbethi‐eli kwatwĩe mwathani mũkũũ; na ũmwe wa ana make athi na amũtavya mawĩa onthe ala mũndũ wa Ngai wĩkie mũthenya ũsu Mbethi‐eli: ndeto ila ũneenie na mũsumbĩ, o na isu mamũtavya ĩthe woo.</verse>
				<verse number="12">Na ĩthe woo amakũlya, Aendie na nzĩa yĩva? Na ĩndĩ ana make nĩmoonete nzĩa ĩla mũndũ wa Ngai ũla ũnaumĩte Yuta ũendie nayo.</verse>
				<verse number="13">Na amea ana make, Ndandĩkĩai ĩng’oi. Na ĩndĩ mamũtandĩkĩa ĩng’oi; na ayĩtũla.</verse>
				<verse number="14">Na amũatĩĩa ũla mũndũ wa Ngai, na amwĩthĩa ekalĩte nthĩ ĩtina wa mũtĩ wa mwaloni; na amũkũlya, Nue mũndũ wa Ngai ũla ũnaumĩte Yuta? Nake asya, Ninyie.</verse>
				<verse number="15">Nĩvo ĩndĩ wamwĩie, Ũka tũende kwakwa, ũye lĩu.</verse>
				<verse number="16">Nake asya, Ndi na ũthei wa kũsyokan’ya naku, kana kũlika kwaku; o na ndiya lĩu kana kũnyusanĩa manzĩ naku vandũ vaa:</verse>
				<verse number="17">nũndũ nataviw’e nĩ ndeto ya Yeova, Ndũkaye lĩu kana kũnyw’a manzĩ kw’o, kana kwĩthyũũa ũsyoke na nzĩa ĩla ũendie nayo.</verse>
				<verse number="18">Na amwĩa, Nyie o nakwa nĩ mwathani o taku; na mũlaĩka aneenie nakwa na ndeto ya Yeova, akĩmbĩa, Mũtũngĩthye mũsyokan’ye wĩ nake nyũmbanĩ yaku, nĩ kana aye lĩu na kũnyw’a manzĩ. Ĩndĩ amũtavisye ũvũngũ.</verse>
				<verse number="19">Na ĩndĩ asyokan’ya nake, na aya lĩu nyũmbanĩ yake, na anyw’a manzĩ.</verse>
				<verse number="20">Na kweethĩwa, yĩla mailyĩ mesanĩ, ndeto ya Yeova yamũkĩa mwathani ũla wamũtũngĩthisye;</verse>
				<verse number="21">na aneena na wasya mũnene na mũndũ wa Ngai ũla ũnaumĩte Yuta, akĩmwĩa, Ũũ nĩw’o Yeova ũnũkwasya, Nĩkwĩthĩwa ũleile kwĩw’a kanyw’a wa Yeova, na ndũnasũvĩa mwĩao ũla Yeova Ngai waku ũnakwĩaĩe,</verse>
				<verse number="22">ĩndĩ wasyoka, na waya lĩu na wanyw’a manzĩ vandũ vala ũnakũtavisye ũndũ wa vo, Ndũkaye lĩu, na ndũkanyw’e manzĩ; kimba kyaku kĩtikathikwa ngunganĩ ya aaĩthe maku vala vathikawa akw’ũ.</verse>
				<verse number="23">Na kweethĩwa ĩtina wa maya lĩu, na manyw’a, atandĩka ĩng’oi kwondũ wa mwathani, o mwathani ũla ũmũtũngĩthisye.</verse>
				<verse number="24">Na yĩla waminie kũthi, mũnyambũ wakomana nake nzĩanĩ, na wamũaa: na kimba kyake kyavalũkw’a nzĩanĩ, na ĩng’oi yaũngama vakuvĩ nakyo; na mũnyambũ naw’o waũngama vakuvĩ na kimba.</verse>
				<verse number="25">Na, sisya, andũ mavĩtĩla vo, na moona kimba kĩvalũkĩtw’e nzĩanĩ, na mũnyambũ ũũngamĩte ũtee wa kimba; na mooka na matavan’ya ũũ ndũanĩ vala watwĩe ũla mwathani mũkũũ.</verse>
				<verse number="26">Na yĩla mwathani ũla ũmũtũngithisye nzĩanĩ wewie ũu, asya, Nĩ ũla mũndũ wa Ngai, ũla ũleile kwĩw’a kanyw’a wa Yeova: kwondũ wa ũu Yeova nũmũnenganie kwa mũnyambũ, ũla ũmũvũnyangie, na wamũaa, kwĩanana na ndeto ya Yeova, ĩla ũnaneenie nake.</verse>
				<verse number="27">Na aneena na ana make, akĩmea, Ndandĩkĩai ĩng’oi. Na mayĩtandĩka.</verse>
				<verse number="28">Na athi na eethĩa kimba kyake kĩvalũkĩtw’e nzĩanĩ, na yĩla ĩng’oi na mũnyambũ iũngamĩte ũtee wa kimba: mũnyambũ ndwĩĩ ũnaya kimba, kana kũvũnyanga ĩng’oi.</verse>
				<verse number="29">Na ũla mwathani oosa kimba kya ũ mũndũ wa Ngai, na akĩtũlya ĩng’oinĩ, na akĩtũnga; na mwathani mũkũũ avika ndũanĩ yake, amũmetee, na kũmũthika.</verse>
				<verse number="30">Na aia kimba kyake ngunganĩ yake mwene vala vathikawa akw’ũ; na mamũmetea, makyasya, Ĩiaa, mwana‐a‐asa!</verse>
				<verse number="31">Na kweethĩwa, ĩtina wa kũmũthika, aneena na ana make, akĩmea, Nakw’a, mwĩnthika nyie ngunganĩ vala vathikawa akw’ũ vala mũndũ wa Ngai ũthikĩtwe; mwĩia mavĩndĩ makwa ũtee wa mavĩndĩ make.</verse>
				<verse number="32">Nũndũ ndeto ila ũkĩneeneie kĩthembeo ku Mbethi‐eli kwondũ wa ndeto ya Yeova, o na nyũmba syonthe sya kũndũ kũtũlu kũla kwĩ ndũanĩ sya Samalia, ikeanĩw’a vate ndĩi.</verse>
				<verse number="33">Ĩtina wa ũndũ ũsu Yelovoamu ndaaĩthyũũa kuma mũendelenĩ wake mũthũku, ĩndĩ o ĩngĩ kuma andũnĩ onthe amatw’a athembi ma kũla kũndũ kũtũlu: o ũla wendaa amũvathan’ya, nĩ kana vethĩwe athembi ma kũla kũndũ kũtũlu.</verse>
				<verse number="34">Na ũndũ ũsu watw’ĩkie naĩ kwa nyũmba ya Yelovoamu, o ya kũmĩveta, na kũmyananga yume ĩũlũ wa nthĩ.</verse>
			</chapter>
			<chapter number="14">
				<verse number="1">Ĩvinda yĩu Aviya mwana wa Yelovoamu awaa.</verse>
				<verse number="2">Na Yelovoamu amwĩa mũka wake, Nĩngũkwĩsũva, ũkĩla noyĩyũlan’ya, nĩ kana ndũkamanyĩke wĩ kĩveti kya Yelovoamu; na enda Silo: sisya, mwathani Aiya e ku, ũla waneenie ũndũ wakwa kana ngeethĩwa mũsumbĩ wa andũ aa.</verse>
				<verse number="3">Na kua imũtũ ĩkũmi, na tũmũtũ, na sũva wa ũkĩ wa nzũkĩ, noimũendea: akakũtavya ũndũ kwĩĩkĩka kwa mwana.</verse>
				<verse number="4">Na kĩveti kya Yelovoamu kyeeka ũu, na kyookĩla, na kyathi Silo, na kyavika nyũmba kwa Aiya. Na ĩndĩ Aiya ndaĩ atonya kwona; nũndũ metho make nĩmaĩte mbindu nũndũ wa kũkũa.</verse>
				<verse number="5">Na Yeova amwĩa Aiya, Sisya, kĩveti kya Yelovoamu nĩkyũkĩte ũkũkũlya ũndũ wa mwana wakyo; nũndũ nĩ mũwau: kĩtavye ũna na ũna; nũndũ kwĩĩthĩwa, yĩla kĩũtonyelela kĩĩyĩkalya ta kĩveti kĩngĩ.</verse>
				<verse number="6">Na kweethĩwa, yĩla Aiya wewie matuu ma maũũ makyo, kĩkĩtonyelela mũomonĩ, akĩa, Lika, we kĩveti kya Yelovoamu; nũndũ wa kĩ ũkwĩyĩkalya ta ũngĩ? Nũndũ nĩtũmĩtwe kwaku na ũvoo mũito.</verse>
				<verse number="7">Enda, ũmũtavye Yelovoamu, Ũũ nĩw’o Yeova, Ngai wa Isilaeli, ũnũkwasya: Nũndũ nĩnakũnenevisye ngĩkumya katĩ wa andũ, na nakũtw’ĩkĩthya mũnene wĩ mbee ũsumbĩnĩ wa andũ makwa Isilaeli,</verse>
				<verse number="8">na navena nyũmba ya Ndaviti ũsumbĩ, na nakũnenga; ĩndĩ o na ũu ndwaaĩkala ta mũthũkũmi wakwa Ndaviti, ũla wakwataa mĩao yakwa, na wambikĩlile na ngoo yake yonthe, eke ũla nonaa wĩ ũseo w’oka,</verse>
				<verse number="9">ĩndĩ nĩwĩkĩte ũthũku kũvĩtũka onthe ala maĩ mbee waku, na wathi na kwĩseũvĩsya ngai ingĩ, na mĩvw’anano ya syĩndũ ila ũtwekethetye, ũkĩnthatya, na nũmbĩkĩtye ĩtina waku:</verse>
				<verse number="10">kwondũ wa ũu, sisya, ngamĩetee nyũmba ya Yelovoamu ũthũku, na ngaveta kwa Yelovoamu kĩla mwana mũũme, ũla wĩĩthĩwa e mwove na ũla wĩĩthĩwa ate mwove nthĩnĩ wa Isilaeli na ngatuta vyũ nyũmba ya Yelovoamu, o tondũ mũndũ ũtutaa vũũ, mũvaka yathela vyũ.</verse>
				<verse number="11">Ũla wa Yelovoamu ũkakw’ĩa ndũanĩ ngitĩ ikaya; na ũla ũkakw’ĩa kĩthekanĩ nyũnyi sya yayaya ikaya; nũndũ Yeova nũneenete ũu.</verse>
				<verse number="12">Ũkĩla ĩndĩ ũsyoke nyũmbanĩ kwaku: na yĩla maũũ maku melika ĩ ndũanĩ, mwana ethi ũkw’a.</verse>
				<verse number="13">Na Isilaeli onthe makamũmetea, na makamũthika; nũndũ no ũsu weka wa Yelovoamu wĩthikwa mbũanĩ, nĩkwĩthĩwa nthĩnĩ wake nĩvekwonekete ũndũ ũseo welekele Yeova, Ngai wa Isilaeli, nyũmbanĩ ya Yelovoamu.</verse>
				<verse number="14">Na ĩngĩ Yeova akeeyũkĩlĩlya mũsumbĩ wa Isilaeli, ũla ũkaveta nyũmba ya Yelovoamu mũthenya ũsu: ĩndĩ nata? O na yu.</verse>
				<verse number="15">Nũndũ Yeova akakũna Isilaeli, o tondũ mũangi ũthingithangaw’a wĩ manzĩnĩ; na akakũanĩsya Isilaeli na mĩi kuma nthĩ ĩno nzeo ĩla wamanengie aaĩthe moo, na akamanyaĩĩkya mũingo wa ũla Ũsĩ, nĩkwĩthĩwa nĩmaseũvisye Aselimu syoo, makĩmũthatya Yeova.</verse>
				<verse number="16">Na akaekana na Isilaeli nũndũ wa naĩ sya Yelovoamu, ila wĩkĩte, na ila wavĩtĩthĩtye Isilaeli nasyo.</verse>
				<verse number="17">Na kĩveti kya Yelovoamu kyookĩla, na kyathi, na kyavika Tilisa: na kĩkĩvika mwalyonĩ wa nyũmba, mwana akw’a.</verse>
				<verse number="18">Na Isilaeli onthe mamũthika, na mamũmetea, kwĩanana na ndeto ya Yeova, ĩla waneenie na kanyw’a wa mũthũkũmi wake Aiya.</verse>
				<verse number="19">Na meko ala angĩ ma Yelovoamu, ũndũ wokitie kaũ, na ũndũ wasumbĩkie, sisya, nĩmaandĩkĩtwe ĩvukunĩ ya maũndũ ma mavinda ma Isilaeli.</verse>
				<verse number="20">Na mĩthenya ĩla Yelovoamu wasumbĩkie nĩ myaka mĩongo ĩlĩ na ĩlĩ: na akoma na aaĩthe make, na Natavu mwana wake asumbĩka vandũ vake.</verse>
				<verse number="21">Na Leovoamu mwana wa Solomoni asumbĩka Yuta. Leovoamu aĩ wa myaka mĩongo ĩna na ũmwe yĩla wambĩlĩlye kũsumbĩka, na asumbĩka myaka ĩkũmi na mũonza Yelusaleme, ndũa ĩla Yeova wanyuvĩte mbaĩnĩ syonthe sya Isilaeli, ekalye syĩtwa yake vo: na syĩtwa ya inyia wake eetawa Naama Mũamimoni.</verse>
				<verse number="22">Na Yuta meekaa ũla Yeova wonaa wĩ ũthũku, na mamwĩkĩa kĩwĩu na naĩ syoo ila meekaa, kũvĩtũka syonthe ila aaĩthe moo meekaa.</verse>
				<verse number="23">Nũndũ nao nĩmeeyakie kũndũ kũtũlu, na ituĩ, na Aselimu, kĩla kĩĩmanĩ kĩtũlu, na ĩtina wa kĩla mũtĩ mwĩũ;</verse>
				<verse number="24">o na kwaĩ aũme ĩ nthĩ ala meekaa naĩ na aũme angĩ: nĩmeekaa kwĩanana na mothatyo onthe ma mbaĩ ila Yeova wailũngilye mbee wa ana ma Isilaeli.</verse>
				<verse number="25">Na kweethĩwa mwaka wa katano wa kũsumbĩka kwa mũsumbĩ Leovoamu, Sisaki mũsumbĩ wa Misili ambata okite na Yelusaleme;</verse>
				<verse number="26">na atwaa mothwii maie ma nyũmba ya Yeova, na mothwii maie ma nyũmba ya mũsumbĩ; o na atwaa onthe vyũ: na atwaa ngao syonthe sya thaavu ila Solomoni waseũvĩtye.</verse>
				<verse number="27">Na mũsumbĩ Leovoamu aseũvya ngao sya ũthuku mweũ vandũ va isu, na asia mokonĩ ma makavuteni ma nguthu ya asũvĩi, ala masũvĩaa mũomonĩ wa nyũmba ya mũsumbĩ.</verse>
				<verse number="28">Na kweethĩwa, o yĩla mũsumbĩ walikaa nyũmbanĩ ya Yeova, asũvĩi makikua, na makitũnga kasũmbanĩ ka asũvĩi.</verse>
				<verse number="29">Na ĩndĩ meko ala angĩ ma Leovoamu, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="30">Na kwaĩ kaũ katĩ wa Leovoamu na Yelovoamu mavinda onthe.</verse>
				<verse number="31">Na Leovoamu akoma na aaĩthe make, na athikwa na aaĩthe make ndũanĩ ya Ndaviti: na syĩtwa ya inyia wake eetawa Naama Mũamimoni. Na Aviyamu mwana wake asumbĩka vandũ vake.</verse>
			</chapter>
			<chapter number="15">
				<verse number="1">Na ĩndĩ mwaka wa ĩkũmi na nyanya wa kũsumbĩka kwa Yelovoamu mwana wa Nevati, Aviyamu ambĩlĩlya kũsumbĩka Yuta.</verse>
				<verse number="2">Asumbĩka myaka ĩtatũ Yelusaleme: na syĩtwa ya inyia wake eetawa Maaka, mwĩĩtu wa Avisalomu.</verse>
				<verse number="3">Na nĩwaendaa naĩnĩ syonthe sya ĩthe wake, ila wekĩte mbee wake; na ngoo yake ndĩaĩ mbĩanĩu kwa Yeova Ngai wake, o tondũ ngoo ya Ndaviti ĩthe wake yailyĩ.</verse>
				<verse number="4">Ĩndĩ kwondũ wa Ndaviti Yeova Ngai wake amũnenga taa ku Yelusaleme, akĩũngamya mwana wake ĩtina wake, na kũlũlũmĩlya Yelusaleme;</verse>
				<verse number="5">nĩkwĩthĩwa Ndaviti nĩweekaa ũla Yeova wonaa wĩ ũseo, na ndaaĩthyũũa na kũtia ũndũ o na wĩva ũla wamwĩaĩe mĩthenya yonthe ya thayũ wake, ate o ũndũnĩ wa Ulia Mũititi.</verse>
				<verse number="6">Na kwaĩ kaũ katĩ wa Leovoamu na Yelovoamu mĩthenya yonthe ya thayũ wake.</verse>
				<verse number="7">Na meko ala angĩ ma Aviyamu, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta? Na kwaĩ kaũ katĩ wa Aviyamu na Yelovoamu.</verse>
				<verse number="8">Na Aviyamu akoma na aaĩthe make; na mamũthika ndũanĩ ya Ndaviti: na Asa mwana wake asumbĩka vandũ vake.</verse>
				<verse number="9">Na mwaka wa mĩongo ĩlĩ wa kũsumbĩka kwa Yelovoamu mũsumbĩ wa Isilaeli Asa ambĩlĩlya kũsumbĩka Yuta.</verse>
				<verse number="10">Na asumbĩka Yelusaleme myaka mĩongo ĩna na ũmwe: na syĩtwa ya inyia wake eetawa Maaka mwĩĩtu wa Avisalomu.</verse>
				<verse number="11">Na Asa eekaa ũla Yeova wonaa wĩ ũseo, o tondũ ĩthe wake Ndaviti wekaa.</verse>
				<verse number="12">Na alũngya aũme ala meekaa naĩ na aũme angĩ maume ĩ nthĩ, na aveta mĩvw’anano yonthe ĩla ĩthe wake waseũvĩtye.</verse>
				<verse number="13">O na aumya Maaka inyia wake ndakethĩwe ũnenenĩ wa kĩũsumbĩ, nũndũ nĩwaseũvĩtye mũvw’anano wa kũthatya wĩthĩwe wa Asela; na Asa atemanga mũvw’anano wa inyia wake, na oovĩvĩsya kalũsĩnĩ ketawa Kitiloni.</verse>
				<verse number="14">Ĩndĩ kũla kũndũ kũtũlu kũtyaavetwa: ĩndĩ ngoo ya Asa yaĩ mbĩanĩu kwa Yeova mĩthenya yake yonthe.</verse>
				<verse number="15">Na aete nyũmbanĩ ya Yeova syĩndũ ila ĩthe wake wavathĩte syĩthĩwe ntheu, na syĩndũ ila we mwene wavathĩte syĩthĩwe ntheu, vetha, na thaavu, na mĩio.</verse>
				<verse number="16">Na kwaĩ kaũ katĩ wa Asa na Mbaasa mũsumbĩ wa Isilaeli mĩthenya yoo yonthe.</verse>
				<verse number="17">Na Mbaasa mũsumbĩ wa Isilaeli ambata okite na Yuta, na aaka Lama, nĩ kana ndakaeke mũndũ o na wĩva kumaala kana kũsyoka vala ve Asa mũsumbĩ wa Yuta.</verse>
				<verse number="18">Nĩvo ĩndĩ Asa waumaalilye vetha w’onthe na thaavu ũla watialĩtwe wa mothwii maie ma nyũmba ya Yeova, na mothwii maie ma nyũmba ya mũsumbĩ, na oonengane mokonĩ ma athũkũmi make; na mũsumbĩ Asa amũtwaĩa Mbeni‐aatati, mwana wa Tavilimoni, mwana wa Esioni, mũsumbĩ wa Silia, ũla watwie Ndamasiku, akĩmwĩa,</verse>
				<verse number="19">Kwĩ wĩw’ano katĩ wakwa naku, o ta katĩ wa ĩthe wakwa na ĩthe waku: sisya, nĩnakũetee mũthĩnzĩo wa vetha na thaavu; enda, wanange wĩw’ano waku na Mbaasa mũsumbĩ wa Isilaeli, nĩ kana aume vala nĩĩ.</verse>
				<verse number="20">Na Mbeni‐aatati amwĩthukĩĩsya mũsumbĩ Asa, na atũma makavuteni ma ita syake mokite na ndũa sya Isilaeli, na makũna Iyoni, na Ndani, na Aveli‐mbethimaaka, na Kinelothi yonthe, vamwe na nthĩ yonthe ya Navitali.</verse>
				<verse number="21">Na kweethĩwa, yĩla Mbaasa wewie ũu, aeka kwaka Lama, na atũa Tilisa.</verse>
				<verse number="22">Nĩvo ĩndĩ mũsumbĩ Asa watavanisye Yuta kw’onthe; vati ũmwe ũtaathi wĩanĩ: na makua mavia ma Lama, na mĩtĩ yayo, ĩla Mbaasa wakĩte nayo; na mũsumbĩ Asa aaka nayo Ngeva ya Mbenyamini, na Misiva.</verse>
				<verse number="23">Na ĩndĩ meko ala angĩ onthe ma Asa, na vinya wake w’onthe mũnene, na w’onthe ũla wekaa, na ndũa ila wakie ti, maandĩke ĩvukunĩ ya maũndũ ma mavinda ma asumbĩ ma Yuta? Ĩndĩ ĩvinda ya kũtumĩa kwake awaa maũũ.</verse>
				<verse number="24">Na Asa akoma na aaĩthe make, na athikwa vamwe na aaĩthe make ndũanĩ ya Ndaviti ĩthe wake; na Yeosavati mwana wake asumbĩka vandũ vake.</verse>
				<verse number="25">Na Natavu mwana wa Yelovoamu ambĩlĩlya kũsumbĩka Isilaeli mwaka wa kelĩ wa kũsumbĩka kwa Asa mũsumbĩ wa Yuta; na asumbĩka Isilaeli myaka ĩlĩ.</verse>
				<verse number="26">Na eekaa ũla Yeova wonaa wĩ ũthũku, na aendaa mũendelenĩ wa ĩthe wake, na naĩnĩ yake ĩla wavĩtĩthisye Isilaeli nayo.</verse>
				<verse number="27">Na Mbaasa mwana wa Aiya, wa nyũmba ya Isakali amũsamĩa; na Mbaasa amũkũnĩa ku Ngivethoni, ĩla yaĩ ya Avilisiti; nũndũ Natavu na Isilaeli onthe nĩmathyũlũlũkĩte Ngivethoni mamĩtw’ĩkanĩsye.</verse>
				<verse number="28">O mwaka wa katatũ wa kũsumbĩka kwa Asa mũsumbĩ wa Yuta Mbaasa amũaa Natavu, na asumbĩka vandũ vake.</verse>
				<verse number="29">Na kweethĩwa, o yĩla watw’ĩkie mũsumbĩ, akũnu nyũmba yonthe ya Yelovoamu: ndaamũtiĩa Yelovoamu ũmwe ũla ũnũkũveva, kũvika amũmina vyũ; kwĩanana na ndeto ya Yeova, ĩla waneenie na kanyw’a wa mũthũkũmi wake Aiya Mũsilo;</verse>
				<verse number="30">nũndũ wa naĩ sya Yelovoamu ila wavĩtisye, na ila wavĩtĩthisye Isilaeli nasyo, nũndũ wa ũthatyo wake ũla wamũthatisye Yeova, Ngai wa Isilaeli, naw’o.</verse>
				<verse number="31">Na ĩndĩ meko ala angĩ ma Natavu, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="32">Na kwaĩ kaũ katĩ wa Asa na Mbaasa mũsumbĩ wa Isilaeli mĩthenya yoo yonthe.</verse>
				<verse number="33">Mwaka wa katatũ wa kũsumbĩka kwa Asa mũsumbĩ wa Yuta Mbaasa mwana wa Aiya ambĩlĩlya kũsumbĩka Isilaeli onthe ku Tilisa, na asumbĩka myaka nĩomgo ĩlĩ na ĩna.</verse>
				<verse number="34">Na eekaa ũla Yeova wonaa wĩ ũthũku, na aendaa mũendelenĩ wa Yelovoamu, na naĩnĩ yake ĩla wavĩtĩthisye Isilaeli nayo.</verse>
			</chapter>
			<chapter number="16">
				<verse number="1">Na ndeto ya Yeova yamũkĩa Yeu mwana wa Aanani ĩkĩmũneenea Mbaasa, ĩkĩmwĩa,</verse>
				<verse number="2">Nĩkwĩthĩwa nĩnakũkĩlilye kuma kĩtoonĩ, na nakũtw’ĩkĩthya mũnene wĩ mbee ũsumbĩnĩ wa andũ makwa Isilaeli, naku nũendete na mũendele wa Yelovoamu, na wamavĩtĩthya andũ makwa Isilaeli, ũkĩnthatya na naĩ syoo;</verse>
				<verse number="3">sisya, ngamina vyũ Mbaasa na nyũmba yake; na ngatw’ĩkĩthya nyũmba yaku ta nyũmba ya Yelovoamu mwana wa Nevati.</verse>
				<verse number="4">Ũla wa Mbaasa ũkakw’ĩa ndũanĩ ngitĩ ikaya; na ũla wake ũkakw’ĩa kĩthekanĩ nyũnyi sya yayaya ikaya.</verse>
				<verse number="5">Na ĩndĩ meko ala angĩ ma Mbaasa, na ũla wekaa, na vinya wake mũnene, ti maandĩke ĩvukuni ya maũndũ ma mavinda ma asumbĩ ma Isilaeli?</verse>
				<verse number="6">Na Mbaasa akoma na aaĩthe make, na athikwa Tilisa; na Ela mwana wake asumbĩka vandũ vake.</verse>
				<verse number="7">Na ũndũ ũngĩ ndeto ya Yeova yookie na kanyw’a wa mwathani Yeu mwana wa Aanani ĩkĩmũneenea Mbaasa, na nyũmba yake, nũndũ wa ũthũku w’onthe ũla wekaa Yeova ene, akĩmũthatya na wĩa wa moko make, ũndũ wa kwĩthĩwa ta nyũmba ya Yelovoamu, na nũndũ nĩwamũkũnie.</verse>
				<verse number="8">Mwaka wa mĩongo ĩlĩ na thanthatũ wa kũsumbĩka kwa Asa mũsumbĩ wa Yuta Ela mwana wa Mbaasa ambĩlĩlya kũsumbĩka Isilaeli ku Tilisa, na asumbĩka myaka ĩlĩ.</verse>
				<verse number="9">Na mũthũkũmi wake Nzimili, kavuteni wa nyunzu ya makasya make ma kaũ, amũsamĩa. Na aĩ Tilisa, anyw’ĩte akalooteka e nyũmbanĩ ya Alisa, ũla waĩ mũsyaĩĩsya wa andũ ma nyũmba ku Tilisa:</verse>
				<verse number="10">na Nzimili alika na amũkũna, na amũaa, mwaka wa mĩongo ĩlĩ na mũonza wa kũsumbĩka kwa Asa mũsumbĩ wa Yuta, na asumbĩka vandũ vake.</verse>
				<verse number="11">Na kweethĩwa, yĩla wambĩlĩlye kũsumbĩka, o ekala kĩvĩlanĩ kyake kya ũsumbĩ, akũna nyũmba yonthe ya Mbaasa: ndaamũtiĩa mwana mũũme o na ũmwe, wa andũ ma mbaĩ yake, o na wa anyanyae make.</verse>
				<verse number="12">Nzimili aananga nyũmba yonthe ya Mbaasa o ta ũu, kwĩanana na ndeto ya Yeova, ĩla waneenee Mbaasa na kanyw’a wa mwathani Yeu,</verse>
				<verse number="13">nũndũ wa naĩ syonthe sya Mbaasa, na naĩ sya Ela mwana wake, ila mavĩtisye, na ila mavĩtĩthisye Isilaeli nasyo, makĩmũthatya Yeova, Ngai wa Isilaeli, na maũndũ moo ma mana.</verse>
				<verse number="14">Na ĩndĩ meko ala angĩ ma Ela, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="15">Mwaka wa mĩongo ĩlĩ na mũonza wa kũsumbĩka kwa Asa mũsumbĩ wa Yuta Nzimili asumbĩka mĩthenya mũonza ku Tilisa. Na ĩndĩ andũ maĩ manamba maeema moo mataũĩĩe Ngivethoni, ĩla yaĩ ya Avilisiti.</verse>
				<verse number="16">Na andũ ala maĩ mwakonĩ wa maeema meew’a kũkyaw’a, Nzimili nũnamũsamĩe, o na nũnamũaie mũsumbĩ: kwondũ wa ũu Isilaeli onthe mũthenya ũsu mamũtw’a Omili, kavuteni wa nguthu, mũsumbĩ wa Isilaeli me ku mwakonĩ wa maeema.</verse>
				<verse number="17">Na Omili ambata kuma Ngivethoni, na Isilaeli onthe vamwe nake, na mathyũlũlũka Tilisa mamĩtw’ĩkanĩsye.</verse>
				<verse number="18">Na kweethĩwa, yĩla Nzimili wonie ndũa nĩyakwatwa, alika nthĩnĩ wa nyũmba nene yĩ kĩemo yĩ nyũmbanĩ ya mũsumbĩ, na amĩvĩvĩlya ĩla nyũmba ya mũsumbĩ ĩũlũ wake mwene, na akw’a,</verse>
				<verse number="19">nũndũ wa naĩ syake ila wavitisye akĩka ũla Yeova wonaa wĩ ũthũku, kwondũ wa kũthi mũendelenĩ wa Yelovoamu, na naĩnĩ yake ĩla wekaa, amavĩtĩthye Isilaeli.</verse>
				<verse number="20">Na ĩndĩ meko ala angĩ ma Nzimili, na ũvingan’yo wake ũla weekie, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="21">Nĩvo ĩndĩ andũ ma Isilaeli meeaanisye nguthu ilĩ: nyunzu ya andũ yamũatĩĩa Tivini mwana wa Nginathi, mamũtw’ĩkĩthye mũsumbĩ; na nyunzu yaatĩĩa Omili.</verse>
				<verse number="22">Ĩndĩ andũ ala mamũatĩĩe Omili mamakĩlya vinya andũ ala mamũatĩĩe Tivini mwana wa Nginathi: kwondũ wa ũu Tivini akw’a, na Omili asumbĩka.</verse>
				<verse number="23">Mwaka wa mĩongo ĩtatũ na ũmwe wa kũsumbĩka kwa Asa mũsumbĩ wa Yuta Omili ambĩlĩlya kũsumbĩka Isilaeli, na asumbĩka myaka ĩkũmi na ĩlĩ: asumbĩka myaka thanthatũ Tilisa.</verse>
				<verse number="24">Na athooa kwa Semeli kĩĩma kya Samalia na thooa wa talendi ilĩ sya vetha; na aaka ku kĩĩmanĩ, na eeta syĩtwa ya ndũa ĩla wakie Samalia, kwĩtanĩsya na syĩtwa ya Semeli, mwene wa kĩĩma.</verse>
				<verse number="25">Na Omili eekaa ũla Yeova wonaa wĩ ũthũku, na eekaa ũthũku kũvĩtũka onthe ala maĩ mbee wake.</verse>
				<verse number="26">Nũndũ aendaa mũendelenĩ w’onthe wa Yelovoamu mwana wa Nevati, na naĩnĩ syake ila wamavĩtĩthisye Isilaeli nasyo, akĩthatya Yeova, Ngai wa Isilaeli, na maũndũ moo ma mana.</verse>
				<verse number="27">Na ĩndĩ meko ala angĩ ma Omili ala wekaa, na vinya wake mũnene ũla wonanisye, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="28">Na ĩndĩ Omili akoma na aaĩthe make, na athikwa Samalia; na Aavu mwana wake asumbĩka vandũ vake.</verse>
				<verse number="29">Na mwaka wa mĩongo ĩtatũ na nyanya wa kũsumbĩka kwa Asa mũsumbĩ wa Yuta Aavu mwana wa Omili ambĩlĩlya kũsumbĩka Isilaeli: na Aavu mwana wa Omili asumbĩka Isilaeli ku Samalia myaka mĩongo ĩlĩ na ĩlĩ.</verse>
				<verse number="30">Na Aavu mwana wa Omili eekaa ũla Yeova wonaa wĩ ũthũku kũvĩtũka onthe ala maĩ mbee wake.</verse>
				<verse number="31">Na kweethĩwa, o ta kaĩ waĩ ũndũ ũnini kwake kũendaa naĩnĩ sya Yelovoamu mwana wa Nevati, atĩ atwaa Yeseveli mwĩĩtu wa Ethimbaali mũsumbĩ wa Asitoni, na athi athũkũma Mbaali, na amĩthaitha.</verse>
				<verse number="32">Na amyakĩa Mbaali kĩthembeo nyũmbanĩ ya Mbaali, ĩla wakĩte Samalia.</verse>
				<verse number="33">Na Aavu aseũvya Asela; na Aavu ongeleela mũni mbee kũmũthatya Yeova, Ngai wa Isilaeli, kũvĩtũka asumbĩ onthe ma Isilaeli ala maĩ mbee wake.</verse>
				<verse number="34">Mĩthenyanĩ yake Ieli Mũmbethi‐eli aaka Yeliko: akwatya wambĩlĩyo wayo na kũkw’ĩĩwa nĩ ĩkithathi yake, Avilamu, na aũngamya mbingĩlo syayo na kũkw’ĩĩwa nĩ ĩlumaita yake ya mũndũ mũũme, Sekuvu, kwĩanana na ndeto ya Yeova, ĩla waneenie na kanyw’a wa Yosua mwana wa Nuni.</verse>
			</chapter>
			<chapter number="17">
				<verse number="1">Na Eliya Mũtisivi, ũla waĩ wa ekali ma ũeninĩ ma Ngileati, amwĩa Aavu, O tondũ Yeova, Ngai wa Isilaeli, wĩ thayũ, ũla nĩũngamaa mbee wake, kũtikethĩwa ĩmwe kana mbua myaka ĩno, ate o kwĩanana na ndeto yakwa.</verse>
				<verse number="2">Na ndeto ya Yeova yamũkĩa, ĩkĩmwĩa,</verse>
				<verse number="3">Uma vaa, ĩthyũũe ũende ngalĩ ya wumĩlonĩ wa syũa, ũkevithe ũtee wa kalũsĩ ketawa Kelithi, kala ke mbee wa Yolotani.</verse>
				<verse number="4">Na ũkeethĩawa ũkĩnyusaa ma kala kalũsĩ; na nĩnĩaĩĩte ngũngũũ ikũathĩĩasye vo.</verse>
				<verse number="5">Na ĩndĩ athi na eeka kwĩanana na ndeto ya Yeova; nũndũ nĩwaendie na ekala ũtee wa kalũsĩ ka Kelithi, kala ke mbee wa Yolotani.</verse>
				<verse number="6">Na ngũngũũ syamũeteae imũtũ na nyama kĩoko, na imũtũ na nyama wĩoo; na anyusaa ma kalũsĩ.</verse>
				<verse number="7">Na kweethĩwa ĩtinanga, kala kalũsĩ kang’ala, nũndũ kũtyaĩ mbua nthĩ ĩsu.</verse>
				<verse number="8">Na ndeto ya Yeova yamũkĩa, ĩkĩmwĩa,</verse>
				<verse number="9">Ũkĩla, ũende Nzalevathi, yĩ ku Sitoni, nokĩkala kw’o: sisya, nĩnĩaĩĩte mũndũ mũka ndiwa wĩ kw’o eĩanĩasya mavata maku.</verse>
				<verse number="10">Na ĩndĩ ookĩla athi Nzalevathi; na yĩla wavikie mbingĩlonĩ ya ndũa, sisya, mũndũ mũka ndiwa aĩ vo aikolan’ya ngũ: na amwĩta, na amwĩa, Nĩngũkwĩsũva, ndetee manzĩ manini me kavũngũlyũnĩ, nĩnyw’e.</verse>
				<verse number="11">Na aendete kũmalatya, amwĩta, na amwĩa, Nĩngũkwĩsũva, ndetee kalungu ka kĩmũtũ ke kw’okonĩ kwaku.</verse>
				<verse number="12">Na amũsũngĩa, O tondũ Yeova Ngai waku wĩ thayũ, ndi na kamũtũ, ĩndĩ no kamũtu ka ũvĩ ke mũtũnginĩ, na mauta manini me sũvanĩ: na sisya, nĩkolanasya tũlũkũ twĩlĩ, nĩ kana nĩsyoke nĩseũvye kwondũ wakwa na mwana wakwa, tũye, na tũikw’a.</verse>
				<verse number="13">Na Eliya amwĩa, Ndũkakĩe; enda wĩke o tondũ wasya; ĩndĩ amba ũnzeũvĩsya kamũtũ kanini, noĩmbumaalĩlya na ĩtina ũiseũvya kwondũ waku na mwana waku.</verse>
				<verse number="14">Nũndũ ũũ nĩw’o Yeova, Ngai wa Isilaeli, ũnũkwasya, Mũtũngi wa mũtu ndũkathela, o na sũva wa maũta maikanyiva, kũvika mũthenya ũla Yeova ũkausya mbua ĩũlũ wa nthĩ.</verse>
				<verse number="15">Na athi na eeka kwĩanana na ndeto ya Eliya: na we, na Eliya, na nyũmba yake, maie mĩthenya mingĩ.</verse>
				<verse number="16">Mũtũngi wa mũtu ndwaathela, o na sũva wa mauta matyaanyiva, kwĩanana na ndeto ya Yeova, ĩla waneenie na kanyw’a wa Eliya.</verse>
				<verse number="17">Na kweethĩwa ĩtina wa maũndũ asu, mwana wa mũndũ mũka ũsu, mwene wa nyũmba, awaa; na ũwau wake waĩ mũnene, kũvika veva wamũthela.</verse>
				<verse number="18">Na amwĩa Eliya, Nĩ ũndũ naku wa kĩ, we mũndũ wa Ngai? Nĩwookie kwakwa ũndilikan’ye naĩ yakwa, na kũaa mwana wakwa!</verse>
				<verse number="19">Nake amwĩa, Nenga mwana waku. Na amwosa kuma kĩthũinĩ kyake, na amũtwaa kasũmbanĩ ka ĩũlũ, kala wekalaa, na amwia ũkomonĩ wake mwene.</verse>
				<verse number="20">Na amwĩkaĩla Yeova, na amwĩa, Ame Yeova Ngai wakwa, o na nũmũetee ũthũku mũndũ mũka ndiwa ũla nĩkalaa ũeni kwake, ũkyũaa mwana wake?</verse>
				<verse number="21">Na eekomya etambũũkĩtye ĩũlũ wa mwana mavinda atatũ, na amwĩkaĩla Yeova, na amwĩa, Ame Yeova Ngai wakwa, nĩngũkwĩsũva, thayũ wa mwana ũũ ũsyoke nthĩnĩ wake ĩngĩ.</verse>
				<verse number="22">Na Yeova eethukĩĩsya wasya wa Eliya; na thayũ wa mwana wasyoka nthĩnĩ wake ĩngĩ, nake athayũũka.</verse>
				<verse number="23">Na Eliya oosa mwana, na atheea nake kuma kasũmbanĩ kũlika nyũmbanĩ, na amũnenga inyia wake; na Eliya amwĩa, Sisya, mwana waku e thayũ.</verse>
				<verse number="24">Na mũndũ mũka amwĩa Eliya, Yu nĩngũmanya wĩ mũndũ wa Ngai, na ndeto ya Yeova kanyw’anĩ waku nĩ w’o.</verse>
			</chapter>
			<chapter number="18">
				<verse number="1">Na kweethĩwa ĩtina wa mĩthenya mingĩ, ndeto ya Yeova yamũkĩa Eliya, mwaka wa katatũ, ĩkĩmwĩa, Enda, ũkeyumbũe kwa Aavu; na ngausya mbua ĩũlũ wa nthĩ.</verse>
				<verse number="2">Na Eliya athi eeyumbũa kwa Aavu. Na yũa yaĩ ĩnene Samalia.</verse>
				<verse number="3">Na Aavu amwĩta Ovatia, ũla waĩ mũsyaĩĩsya wa andũ ma nyũmba yake. (Na Ovatia amũkĩĩte Yeova mũno:</verse>
				<verse number="4">nũndũ kweethĩiwe, yĩla Yeseveli wavetie athani ma Yeova, Ovatia oosa athani ĩana, na amavitha mĩongo ĩtano, mĩongo ĩtano, ngunganĩ, na amathĩasya imũtũ na manzĩ.)</verse>
				<verse number="5">Na Aavu amwĩa Ovatia, Anganga ĩ nthĩ kw’onthe, ũvike nthongonĩ syonthe sya manzĩ, na tũlũsĩnĩ tw’onthe: nokwĩthĩwa tũkona nyeki na kũvĩtya mbalasi na nyũmbũ, tũtikasye nyamũ syonthe.</verse>
				<verse number="6">Kwondũ wa ũu meeaan’ya nthĩ mamyangange kw’onthe: Aavu athi na nzĩa ĩmwe e weka, na Ovatia athi na nzĩa ĩngĩ e weka.</verse>
				<verse number="7">Na yĩla Ovatia waĩ nzĩanĩ, sisya, Eliya akomana nake: na amũmanya, na avalũka na ũthyũ wake, na amũkũlya, Nue mwĩaĩi wakwa Eliya?</verse>
				<verse number="8">Na amũsungĩa, Ninyie: enda, ũmwĩe mwĩaĩi waku, Sisya, Eliya e vaa.</verse>
				<verse number="9">Na amwĩa, Nĩvĩtĩtye ũndũnĩ mwaũ, kana wende kũnengane mũthũkũmi waku kw’okonĩ kwa Aavu, ambũae?</verse>
				<verse number="10">O tondũ Yeova Ngai waku wĩ thayũ, vati mbaĩ kana ũsumbĩ, vala mwĩaĩi wakwa ũtatũmanĩte ũmanthwe: na yĩla masya, Nde vaa, aiavĩthya ũsumbĩ na mbaĩ kĩavo kana matyaakwona.</verse>
				<verse number="11">Na yu wĩasya, Enda, ũmũtavye mwĩaĩi waku, Sisya, Eliya e vaa.</verse>
				<verse number="12">Na kwĩĩthĩwa, o nauma vala ũĩ, Veva wa Yeova akakũtwaa vala ndesĩ; na ĩndĩ yĩla nĩvĩka na kũmũtavya Aavu, nake ndakatonya ũkwona, akambũaa: ĩndĩ nyie mũthũkũmi waku nĩnĩmũkĩaa Yeova kuma wana wakwa.</verse>
				<verse number="13">Mwĩaĩi wakwa ndaatavw’a ũndũ neekie yĩla Yeseveli woaie athani ma Yeova, ũndũ navithie andũ ĩana athani ma Yeova mĩongo ĩtano, mĩongo ĩtano, ngunganĩ, na namathĩasya imũtũ na manzĩ?</verse>
				<verse number="14">Na yu wĩasya, Enda, ũmwĩe mwĩaĩi waku, Sisya, Eliya e vaa; na akambũaa.</verse>
				<verse number="15">Na Eliya asya, O tondũ Yeova wa nguthu wĩ thayũ, ũla nĩũngamaa mbee wake, vate ndĩi ngeeyumbũa kwake ũmũnthĩ.</verse>
				<verse number="16">Na ĩndĩ Ovatia athi akomane na Aavu, na amũtavya; na Aavu aenda akomane na Eliya.</verse>
				<verse number="17">Na kweethĩwa, yĩla Aavu wonie Eliya, Aavu amũkũlya, Nue, we mũthĩn’ya wa Isilaeli?</verse>
				<verse number="18">Na asũngĩa, Ndyaathĩn’ya Isilaeli, ĩndĩ nue, na nyũmba ya au, nũndũ nũtiĩte mĩao ya Yeova, na nũatĩĩe Mbaalimu.</verse>
				<verse number="19">Kwondũ wa ũu yu tũmana, noimbũmbanĩsya Isilaeli onthe kĩĩmanĩ kya Kalimeli, na athani ma Mbaali maana ana na mĩongo ĩtano, na athani ma Asela maana ana, ala maĩsaa mesanĩ ya Yeseveli.</verse>
				<verse number="20">Kwondũ wa ũu Aavu atũmana ana onthe ma Isilaeli, na oomban’ya athani kĩĩmanĩ kya Kalimeli.</verse>
				<verse number="21">Na Eliya athengeea andũ onthe, na akũlya, Mũkaendaa mũkĩthua katĩ wa ngalĩ ilĩ ĩvinda yĩana ata? Ethĩwa Yeova nĩwe Ngai, mũatĩĩei; ĩndĩ ethĩwa nĩ Mbaali, mũatĩĩei ĩndĩ. Na andũ matyaamũsũngĩa ndeto.</verse>
				<verse number="22">Nĩvo ĩndĩ Eliya wameie andũ, Nyie, o nyie nĩ nyioka, nĩtialĩte mwathani wa Yeova; ĩndĩ athani ma Mbaali nĩ andũ maana ana na mĩongo ĩtano.</verse>
				<verse number="23">Kwondũ wa ũu nĩmatũnenge tũsalũ twĩlĩ twa mũew’a; na manyuve kasalũ kamwe kwondũ woo ene, na makatilange ilungu, na kwilĩĩla ĩũlũ wa ngũ, na matikekĩe mwaki ungu; nakwa ngathĩnza kasalũ kala kangĩ, na ngakailĩĩla ĩũlũ wa ngũ, na ndikekĩa mwaki ungu.</verse>
				<verse number="24">Nenyu ĩkaĩlei syĩtwa ya ngai yenyu, nakwa ngeekaĩla syĩtwa ya Yeova: na Ngai ũla wĩsũngĩa na mwaki, nĩethĩwe Ngai. Na andũ onthe masũngĩa na masya, Nĩkwaw’a nesa.</verse>
				<verse number="25">Na Eliya amea athani ma Mbaali, Ĩnyuvĩei kasalũ kamwe, na mũkyamba kũkathĩnza; nũndũ inyw’ĩ mwĩ aingĩ; na ĩkaĩlei syĩtwa ya ngai yenyu, ĩndĩ mũtikekĩe mwaki ungu.</verse>
				<verse number="26">Na moosa kasalũ kala manengiwe, na makathĩnza na meekaĩla syĩtwa ya Mbaali kuma kĩoko o kũvika katambanga, makyasya, We, Mbaali, twĩw’e. Ĩndĩ vatyaĩ wasya, kana ũmwe waasũngĩa. Na matũlĩla makĩthyũlũlũka kĩthembeo kĩla kyaseũviw’e.</verse>
				<verse number="27">Na kweethĩwa katambanga, Eliya amathekeea na kĩvũthya, na asya, Ũkĩlyai wasya mũnene; nũndũ nake nĩ ngai: no ũnũkũsũanĩa, kana nĩwathũkĩte vandũ, kana nũendete kyalo, kana nokwĩthĩwa akomete na mũvaka aamũkw’e.</verse>
				<verse number="28">Na mookĩlya wasya mũnene, na meetemanga na tũvyũ na tũwenzi o tondũ mekaa, mũvaka nthakame yamanyũlũlũkĩla mũno.</verse>
				<verse number="29">Na kweethĩwa, kwathonoka katambanga, mathana kũvika ĩvinda ya kũthemba nthembo ya wĩoo; ĩndĩ vatyaĩ wasya, kana wa kũsungĩa o na wĩva, kana ũla waaona ta ũndũ.</verse>
				<verse number="30">Na Eliya amea andũ onthe, Nthengeeai; na andũ onthe mamũthengeea. Na atũngĩĩa kĩthembeo kya Yeova kĩla kyaĩ kĩomboe.</verse>
				<verse number="31">Na Eliya oosa mavia ĩkũmi na elĩ, kwĩanana na ũtalo wa mbaĩ sya ana ma Yakovo, ũla ndeto ya Ngai yamũkĩe, ĩkĩmwĩa, Syĩtwa yaku yĩkeethĩwa Isilaeli.</verse>
				<verse number="32">Na aaka kĩthembeo na mavia asu syĩtwanĩ ya Yeova; na enza mũtaũ kũthyũlũlũka kĩthembeo, mũnene ũndũ ũtonya kwĩanĩa ithimi ilĩ sya mbeũ.</verse>
				<verse number="33">Na aĩĩa ngũ, na atilanga kala kasalũ ilungu, na ailĩĩla ĩũlũ wa i ngũ. Na asya, Usũsyai mĩtũngi ĩna manzĩ, na mũkĩtulũla ĩũlũ wa nthembo ya kũvĩvw’a, na ĩũlũ wa ngũ.</verse>
				<verse number="34">Na amea, Ĩkai ũu ĩvinda ya kelĩ; na meeka ũu ĩvinda ya kelĩ. Na amea, Ĩkai ũu ĩvinda ya katatũ; na meeka ũu ĩvinda ya katatũ.</verse>
				<verse number="35">Na manzĩ meeyangalya ũtee wa kĩthembeo; na ausũsya mũtaũ naw’o manzĩ.</verse>
				<verse number="36">Na kweethĩwa ĩvinda ya kũthemba nthembo ya wĩoo, mwathani Eliya athengeea, na asya, Ame Yeova, Ngai wa Avalaamu, na wa Isaka, na wa Isilaeli, nĩkũmanyĩke ũmũnthĩ kana wĩ Ngai nthĩnĩ wa Isilaeli, na kana nyie nĩ mũthũkũmi waku, na nĩneeka maũndũ aa onthe kwondũ wa ndeto yaku.</verse>
				<verse number="37">Mbĩthukĩĩsya, ame Yeova, mbĩthukĩĩsya, nĩ kana andũ aa mamanye kana we, Yeova, nue Ngai, na nũalyũlĩte ngoo syoo ĩngĩ.</verse>
				<verse number="38">Nĩvo ĩndĩ mwaki wa Yeova watheeie, na wavĩvya nthembo ya kũvĩvw’a, na ngũ, na mavia, na kĩtoo, na wanyenya manzĩ ala maĩ mũtaũnĩ.</verse>
				<verse number="39">Na yĩla andũ onthe moonie ũu, mavalũka na mothyũ moo: na masya, Yeova, nĩwe Ngai; Yeova, nĩwe Ngai.</verse>
				<verse number="40">Na Eliya amea, Makwatei athani ma Mbaali; mũtikaeke ũmwe avonoke. Na mamakwata; na Eliya amatheesya kalũsĩnĩ ka Kisoni, na amoaĩa vo.</verse>
				<verse number="41">Na Eliya amwĩa Aavu, Ambata, ũye na kũnyw’a; nũndũ we kĩuumo kya mbua mbingĩ.</verse>
				<verse number="42">Kwondũ wa ũu Aavu ambata aye na kũnyw’a. Na Eliya ambata mũtumbĩnĩ wa Kalimeli; na eekunamya nthĩ, na eekĩa ũthyũ wake katĩ wa mau make.</verse>
				<verse number="43">Na amwĩa mũthũkũmi wake, Ambata yu, ũsisye kwelekela ũkanganĩ. Na ambata, na asisya, na asya, Vati kĩndũ. Na amwĩa, Enda ĩngĩ mavinda mũonza.</verse>
				<verse number="44">Na kweethĩwa ĩvinda ya mũonza, asya, Sisya, nĩkũũkĩla kathweo kuma ũkanganĩ, kanini ta kĩtaa kya mũndũ. Na asya, Ambata, ũmwĩe Aavu, Ova ĩkasya yaku, noitheea, nĩ kana mbua ndĩkakũsiĩĩe.</verse>
				<verse number="45">Na kweethĩwa o kavinda kanini, matu maia kwondũ wa mathweo na kĩseve, na kwaĩ mbua nene. Na Aavu aenda akuĩtwe, na avika ku Yesileeli;</verse>
				<verse number="46">na kw’oko kwa Yeova kwaĩ ĩũlũ wa Eliya; na eevotoa kĩnyunyu kyake, na asemba mbee wa Aavu ũlikĩlonĩ wa Yesileeli.</verse>
			</chapter>
			<chapter number="19">
				<verse number="1">Na Aavu amũtavya Yeseveli w’onthe ũla Eliya wĩkie, o na ũndũ wũaie athani onthe na ũvyũ.</verse>
				<verse number="2">Nĩvo ĩndĩ Yeseveli watũmie mũtũmwa vala ve Eliya, akĩmwĩa, Ngai nimbĩke ũu, o na mbee, ethĩwa nditw’ĩkĩthya thayũ waku ta thayũ wa ũmwe wa asu ũnĩ ta yu.</verse>
				<verse number="3">Na yĩla wonie ũu, ookĩla, na aenda atangĩĩe thayũ wake, na avika Mbeeli‐sieva, ĩla ya Yuta, na amũtia mũthũkũmi wake kw’o.</verse>
				<verse number="4">Ĩndĩ we mwene athi kyalo kya mũthenya ũmwe weũnĩ, na avika na ekala nthĩ ĩtina wa mũtĩ wa mũlutemu: na eevoyea akw’e, na asya, Nũu; yu, ame Yeova, osa thayu wakwa; nũndũ ndi mũseo kwĩ aaĩthe makwa.</verse>
				<verse number="5">Na akoma too ĩtina wa mũtĩ wa mũlutemu; na, sisya, mũlaĩka amũkiita, na amwĩa, Ũkĩla ũye.</verse>
				<verse number="6">Na asisya, na, kaĩ, kwaĩ kamũtũ kakaangĩwe makaanĩ, o na sũva wa manzĩ mũtwenĩ wake. Na aya na anyw’a, na akoma ĩngĩ.</verse>
				<verse number="7">Na mũlaĩka wa Yeova ooka ĩngĩ ya kelĩ, na amũkiita, na amwĩa, Ũkĩla ũye, nũndũ kyalo nĩ kĩvĩtũku vinya waku.</verse>
				<verse number="8">Na ookĩla, na aya na anyw’a, na aenda na vĩnya wa lĩu ũsu mĩthenya mĩongo ĩna na matukũ mĩongo ĩna kũvika Olevu kĩĩma kya Ngai.</verse>
				<verse number="9">Na avika vau ngunganĩ, na akoma vo; na, sisya, ndeto ya Yeova yamũkĩa, na amũkũlya, Wĩĩka ata vaa, Eliya?</verse>
				<verse number="10">Na asũngĩa, Nĩnaĩ na kĩwĩu kingĩ kwondũ wa Yeova, Ngai wa nguthu; nũndũ ana ma Isilaeli nĩmatiĩte ũtianĩo waku, na maomboangĩte ithembeo syaku, na moaĩte athani maku na ũvyũ: na nyie, o nyie nĩ nyioka, nĩtialĩte; na nĩmeũmantha thayũ wakwa, movete.</verse>
				<verse number="11">Na asya, Umaala, noiũngama kĩĩmanĩ mbee wa Yeova. Na, sisya, Yeova avĩta, na kĩseve kĩnene na kĩ vinya kyaatũa iĩma, na kyaatũanga mavia ilungu mbee wa Yeova; ĩndĩ Yeova ndaĩ kĩsevenĩ: na ĩtina wa kĩseve kwaĩ kĩtetemo kya nthĩ; ĩndĩ Yeova ndaĩ kĩtetemonĩ kya nthĩ:</verse>
				<verse number="12">na ĩtina wa kĩtetemo kya nthĩ kwaĩ mwaki; ĩndĩ Yeova ndaĩ mwakinĩ: na ĩtina wa mwaki kwaĩ wasya mũnini mũuu.</verse>
				<verse number="13">Na kweethĩwa, yĩla Eliya wawĩwie, alingĩla ũthyũ wake suka wake, na aumaala, na aũngama ũlikĩlonĩ wa ngunga. Na sisya, ookĩwa nĩ wasya, naw’o wasya, Wĩĩka ata vaa, Eliya?</verse>
				<verse number="14">Nake asũngĩa, Nĩnaĩ na kĩwĩu kingĩ kwondũ wa Yeova, Ngai wa nguthu; nũndũ ana ma Isilaeli nĩmatiĩte ũtianĩo waku, na maomboangĩte ithembeo syaku, na moaĩte athani maku na ũvyũ; na nyie, o nyie nĩ nyioka, nĩtialĩte; na nĩmeũmantha thayũ wakwa, movete.</verse>
				<verse number="15">Na Yeova amwĩa, Enda, syoka na nzĩa yaku ya weũnĩ wa Ndamasiku: na yĩla wĩvika kw’o, ũkamwĩtĩkĩsye Aasaeli mauta ethĩwe mũsumbĩ wa Silia;</verse>
				<verse number="16">na ũkamwĩtĩkĩsye Yeu mwana wa Nimisi mauta ethĩwe mũsumbĩ wa Isilaeli; na ũkamwĩtĩkĩsye Elisa mwana wa Savati wa Avelimeola mauta ethĩwe mwathani vandũ vaku.</verse>
				<verse number="17">Na kũkeethĩwa, ũla wĩvonoka ũvyũnĩ wa Aasaeli Yeu akamũaa; na ũla wĩvonoka ũvyũnĩ wa Yeu Elisa akamũaa.</verse>
				<verse number="18">Ĩndĩ ngeetialĩlya ngili mũonza nthĩnĩ wa Isilaeli, ala ndu syoo syonthe itaatulĩlya Mbaali, na kĩla kanyw’a ũtaamĩmumunya.</verse>
				<verse number="19">Na ĩndĩ auma vo, na oona Elisa mwana wa Savati, ũla wenzaa, e na syove ĩkũmi na ilĩ sya ng’ombe syĩ mbee wake, nake e o na kĩla kya ĩkũmi na ilĩ: na Eliya avĩtĩla vala ũĩ, na amwĩkĩsya suka wake.</verse>
				<verse number="20">Na atia ng’ombe, na amũatĩĩa Eliya asembete, na asya, Nĩngũkwĩsũva, ndeka nĩende kũmamumunya nau na mwaitũ, na ĩndĩ ngakũatĩĩa. Na amwĩa, Syoka ĩngĩ; nũndũ nakwĩka ata?</verse>
				<verse number="21">Na asyoka aeka ũmũatĩĩa, na oosa kyove kya ng’ombe, na asyũaa, na aua nyama syasyo na mĩio ya ila ng’ombe, na anenga andũ, na maya. Na ĩndĩ ookĩla, na amũvikĩla Eliya, na amũthũkũma.</verse>
			</chapter>
			<chapter number="20">
				<verse number="1">Na Mbeni‐aatati mũsumbĩ wa Silia oomban’ya nguthu yake onthe vamwe; na vamwe nake kwaĩ asumbĩ mĩongo ĩtatũ na elĩ, na mbalasi na makasya ma kaũ: na ambata na athyũlũlũka Samalia amĩtw’ĩkanĩsye, na okita nayo.</verse>
				<verse number="2">Na atũma atũmwa kwa Aavu mũsumbĩ wa Isilaeli, ndũanĩ nthĩnĩ, na amwĩa, Ũũ nĩw’o Mbeni‐aatati ũnũkwasya,</verse>
				<verse number="3">Vetha waku na thaavu waku nĩ wakwa; o na iveti syaku na syana syaku, o ila nzeo mbee, nĩ syakwa.</verse>
				<verse number="4">Na mũsumbĩ wa Isilaeli asũngĩa na asya, No kwĩanana na ndeto yaku, mwĩaĩi wakwa, ame mũsumbĩ; nyie nĩ waku, na syonthe ila nĩ nasyo.</verse>
				<verse number="5">Na atũmwa mooka ĩngĩ, na masya, Ũũ nĩw’o Mbeni‐aatati ũnũũneena, aikwĩa, Nĩ w’o, nĩnatũmana kwaku, ngĩkwĩa, Ũnenge vetha waku, na thaavu waku, na iveti syaku, na syana syaku;</verse>
				<verse number="6">ĩndĩ ngatũma athũkũmi makwa kwaku ũnĩ saa ũũ, na makamantha nyũmbanĩ yaku, na nyũmbanĩ sya athũkũmi maku; na kũkeethĩwa, atĩ kĩndũ o na kĩva kĩla kyendeeasya metho maku, makoosa na moko moo, na maikua.</verse>
				<verse number="7">Nĩvo ĩndĩ mũsumbĩ wa Isilaeli wetie atumĩa onthe ma nthĩ ĩsu, na amea, Sũanĩai, nĩngũmwĩsũva, nĩmwene ũndũ mũndũ ũũ ũnũũmantha kwĩka ũndũ ũthũku: nũndũ nũnatũmanie kwakwa ose iveti syakwa, na syana syakwa, na vetha wakwa, na thaavu wakwa; na ndyaamũvata.</verse>
				<verse number="8">Na atũmĩa onthe na andũ onthe mamwĩa, Ndũkethukĩĩsye, kana kwĩtĩkĩla.</verse>
				<verse number="9">Kwondũ wa ũu amea atũmwa ma Mbeni‐aatati, Mũtavyei mwĩaĩi wakwa mũsumbĩ, Kyonthe kĩla wambie kũtũmana kwa mũthũkũmi waku ngeeka; ĩndĩ ũndũ ũũ nditonya kwĩka. Na atũmwa mathi, na mamũtũngĩa ndeto ĩngĩ.</verse>
				<verse number="10">Na Mbeni‐aatati atũmana kwake, na asya, Ngai nimbĩke ũu, o na mbee, ethĩwa kĩtoo kya Samalia kĩkeanĩa mbĩ sya andũ onthe ala mangatĩĩe.</verse>
				<verse number="11">Na mũsumbĩ wa Isilaeli asũngĩa na asya, Mũtavyei, Ũla wĩvotoaa mĩio yake ya kaũ ndakekathũe ta ũla wĩvotookya.</verse>
				<verse number="12">Na kweethĩwa, yĩla Mbeni‐aatati wewie ũtũmane ũsu, akĩnyw’a, we na asumbĩ malwandanĩ, amea athũkũmi make, Ĩtaũsyei. Na meetaũsya mokite na ĩ ndũa.</verse>
				<verse number="13">Na, sisya, mwathani amũthengeea Aavu mũsumbĩ wa Isilaeli, na amwĩa, Ũũ nĩw’o Yeova ũnũkwasya, Nĩwene nguthu ĩno yonthe nene? Sisya, nĩmĩnengane kw’okonĩ kwaku ũmũnthĩ; na ũkamanya ninyie Yeova.</verse>
				<verse number="14">Na Aavu akũlya, Naaũ? Nake asya, Uũ nĩw’o Yeova ũnũkwasya, Na anake ma anene me mbee ũsumbĩnĩ ma mbalo sya ĩ nthĩ. Nĩvo ĩndĩ wakũlilye, Nũũ wĩkwatya kaũ? Nake asũngĩa, Nũe.</verse>
				<verse number="15">Na ĩndĩ oomban’ya anake ma anene me mbee ũsumbĩnĩ ma mbalo sya ĩ nthĩ, na maĩ maana elĩ na mĩongo ĩtatũ na elĩ: na ĩtina wa asu oomban’ya andũ onthe, o ana onthe ma Isilaeli, nao maĩ ngili mũonza.</verse>
				<verse number="16">Na maumaala katambanga. Ĩndĩ Mbeni‐aatati anyw’ĩte akalooteka e malwandanĩ, we na asumbĩ, asumbĩ mĩongo ĩtatũ na elĩ ala mamũtetheesye.</verse>
				<verse number="17">Na anake ma anene me mbee ũsumbĩnĩ ma i mbalo sya nthĩ mamba kumaala; na Mbeni‐aatati atũmana, na mamwĩa, makyasya, Kwĩ andũ maumĩte Samalia.</verse>
				<verse number="18">Na asya, Ethĩwa nĩmaumĩte kwondũ wa mũuo, makwatei me thayũ; kana ethĩwa nĩmaumĩte mokite, makwatei me thayũ.</verse>
				<verse number="19">Kwondũ wa ũu mauma ndũanĩ, anake ma anene me mbee ũsumbĩnĩ ma i mbalo sya nthĩ, na ita ila syamaatĩĩe.</verse>
				<verse number="20">Na mooaa kĩla ũmwe mũndũ wake; na Asilia makũka, na Isilaeli mamakũa: na Mbeni‐aatati mũsumbĩ wa Silia avonoka akuĩtwe nĩ mbalasi e na andũ matũlĩte mbalasi.</verse>
				<verse number="21">Na mũsumbĩ wa Isilaeli aumaala na akũna mbalasi na makasya ma kaũ, na ooaa Asilia na ũai mũnene.</verse>
				<verse number="22">Na ũla mwathani amũthengeea mũsumbĩ wa Isilaeli, na amwĩa, Enda, ĩyĩkĩe vinya, na sũanĩa, noisisya ũndũ ũkwĩka; nũndũ mwaka ũkyambĩlĩlya mũsumbĩ wa Silia akooka okite naku.</verse>
				<verse number="23">Na athũkũmi ma mũsumbĩ wa Silia mamwĩa, Ngai yoo nĩ ngai ya iĩma; kwondũ wa ũu maĩ na vinya kwĩ ithyĩ, ĩndĩ nĩtũkitĩe nao ũiĩnĩ, na vate ndĩi tũkeethĩwa twĩ vinya kwĩ mo.</verse>
				<verse number="24">Na ĩka ũndũ ũũ: veta asumbĩ vyũ, kĩla ũmwe vandũ vake, nokĩkĩa makavuteni vandũ voo;</verse>
				<verse number="25">na ĩtalĩle ita, ta ita ila ũnaaisye mbalasi vandũ va mbalasi, na ĩkasya vandũ va ĩkasya; na tũkokitĩa nao ũiĩnĩ, na vate ndĩi tũkeethĩwa na vinya kwĩ mo. Na eethukĩĩsya wasya woo, na eeka ũu.</verse>
				<verse number="26">Na kweethĩwa mwaka ũkyambĩlĩlya, Mbeni‐aatati oomban’ya Asilia, na ambata Aveki, okite na Isilaeli.</verse>
				<verse number="27">Na ana ma Isilaeli moombanw’a, na manengwa lĩu, na mamaumaalĩla: na ana ma Isilaeli mamba maeema moo mbee woo mailyĩ ta ndĩthya ilĩ nini sya tũtena twa mbũi; ĩndĩ Asilia mausũa nthĩ.</verse>
				<verse number="28">Na mũndũ wa Ngai athengeea na aneena na mũsumbĩ wa Isilaeli, na amwĩa, Ũũ nĩw’o Yeova ũnũkwasya, Nĩkwĩthĩwa Asilia nĩmaneenete, Yeova nĩ ngai ya iĩma, ĩndĩ ti ngai ya myanda; kwondũ wa ũu nganengane nguthu ĩno nene yonthe kw’okonĩ kwaku, na mũkamanya kana ninyie Yeova.</verse>
				<verse number="29">Na mamba maeema moo melekanĩlye mĩthenya mũonza. Na ĩndĩ kweethĩwa, o mũthenya wa mũonza kaũ wakwatw’a; na ana ma Isilaeli mooaa ma Asilia andũ ala maendaa na maũũ ngili ĩana mũthenya ũmwe.</verse>
				<verse number="30">Ĩndĩ ala angĩ makũka mathi Aveki, ndũanĩ nthĩnĩ; na ũvai wamavalũkĩla andũ ngili mĩongo ĩlĩ na mũonza ala matialĩte. Na Mbeni‐aatati akĩa, na alika ndũanĩ, kasũmbanĩ ka nthĩnĩ.</verse>
				<verse number="31">Na athũkũmi make mamwĩa, Sisya yu, nĩtwĩw’ĩte atĩ asumbĩ ma nyũmba ya Isilaeli nĩ asumbĩ me tei: nĩtũũkwĩsũva, twĩvotoe makunia inyunyunĩ sitũ, na makanda mĩtwenĩ yaitũ, na kwĩyumĩlya kwa mũsumbĩ wa Isilaeli: nokwĩthĩwa akatangĩĩa thayũ waku.</verse>
				<verse number="32">Kwondũ wa ũu meevotoa makunia inyunyu syoo, na meekĩa makanda mĩtwenĩ yoo, na mooka vala ve mũsumbĩ wa Isilaeli, na mamwĩa, Mũthũkũmi waku Mbeni‐aatati easya, Nĩngũkwĩsũva, ndeka nĩ thayũ. Na akũlya, E thayũ o na yu? Nĩ mwana‐a‐asa.</verse>
				<verse number="33">Na ĩndĩ andũ asu malolonza mũno, na meekalaata kũkwata ethĩwa ũu nĩw’o ũsũanĩĩte; na masya, Mwana‐a‐au Mbeni‐aatati. Nĩvo ĩndĩ waisye, Endai mũmũete. Na ĩndĩ Mbeni‐aatati aumaala vala ũĩ: na amũlikya ĩkasyanĩ.</verse>
				<verse number="34">Na Mbeni‐aatati amwĩa, Ndũa ila ĩthe wakwa wavenie ĩthe waku ngatũnga; na ũkeeseũvĩsya nzĩa Ndamasiku, o tondũ ĩthe wakwa waseũvisye Samalia. Aavu asya, Nakwa ngakũlekya ũende na ũtianĩo ũũ. Na ĩndĩ atianĩa ũtianĩo nake, na amũlekya.</verse>
				<verse number="35">Na mũndũ ũmwe wa ana ma athani amwĩa mũtindan’ya wake kwondũ wa ndeto ya Yeova, Ngũna, nĩngũkwĩsũva. Na mũndũ ũsu alea kũmũkũna.</verse>
				<verse number="36">Nĩvo ĩndĩ wamwĩie, Nĩkwĩthĩwa ndũnew’a wasya wa Yeova, sisya, o wauma vaa nĩĩ, mũnyambũ nũkũaa. Na o auma vala waĩ, mũnyambũ wamwona, na wamũaa.</verse>
				<verse number="37">Nĩvo ĩndĩ wonie mũndũ ũngĩ, na amwĩa, Ngũna, nĩngũkwĩsũva. Na mũndũ ũsu amũkũna, o kũmũkũna na kũmũkita.</verse>
				<verse number="38">Kwondũ wa ũu mwathani athi, na amweteela mũsumbĩ ũtee wa nzĩa, na eeyũlan’ya kwa kwĩvw’ĩka metho na kĩtambaa kya mũtwe.</verse>
				<verse number="39">Na mũsumbĩ akĩvĩta, amwĩkaĩla mũsumbĩ; na asya, Mũthũkũmi waku nĩwaumaalile aenda kaũnĩ katĩ; na, sisya, mũndũ aathũkĩla ũtee, na andetee mũndũ, na ambĩa, Sũvĩa mũndũ ũũ: ethĩwa kwondũ wa ũndũ o na wĩva, akaaa, nĩvo ĩndĩ thayũ waku wĩĩthĩwa vandũ va thayũ wake, kana ethĩwa ti ũu ũkaĩva talendi ya vetha.</verse>
				<verse number="40">Na yĩla mũthũkũmi waku wĩthĩiwe na wĩa kũũ na kũũ, aenda. Na mũsumbĩ wa Isilaeli amwĩa, Ũũ now’o ũsilĩlo waku wĩĩthĩwa; we mwene nũtwie.</verse>
				<verse number="41">Na akalaata, na aumya kĩtambaa kya mũtwe methoni make; na mũsumbĩ wa Isilaeli amũmanya atĩ nĩ ũmwe wa athani.</verse>
				<verse number="42">Na amwĩa, Ũũ nĩw’o Yeova ũnũkwasya, Nĩkwĩthĩwa nũleketye mũndũ ũla nĩvathĩte anangwe vyũ auma kw’okonĩ kwaku, kwondũ wa ũu thayũ waku ũkeethĩwa vandũ va thayũ wake, na andũ maku vandũ va andũ make.</verse>
				<verse number="43">Na mũsumbĩ wa Isilaeli aenda nyũmbanĩ yake atakinyĩkya na e na woo, na avika Samalia.</verse>
			</chapter>
			<chapter number="21">
				<verse number="1">Na kweethĩwa ĩtina wa maũndũ asu, Navothi Mũyesileeli aĩ na mũũnda wa mĩsavivũ, ũla waĩ Yesileeli, vakuvĩ mũno na nyũmba nene mbanakavye ya Aavu mũsumbĩ wa Samalia.</verse>
				<verse number="2">Na Aavu aneena na Navothi, akĩmwĩa, Nenga mũũnda waku wa mĩsavivũ nĩ kana nĩthĩwe naw’o wĩthĩwe mũũnda wa nyũnyi, nĩkwĩthĩwa wĩ vakuvĩ na nyũmba yakwa; na vandũ vaw’o ngakũnenga mũũnda mũseo wa mĩsavivũ kwĩ w’o: kana ethĩwa nũkwona nĩ ũseo, ngakũnenga mbesa sya thooa waw’o.</verse>
				<verse number="3">Na Navothi amwĩa Aavu, Yeova ndakandeke nĩkũnenge ũtiĩwa ũla natiĩwe nĩ aaĩthe makwa.</verse>
				<verse number="4">Na Aavu alika nyũmbanĩ yake atakinyĩkya na e na woo nũndũ wa ndeto ila Navothi Mũyesileeli wamũtavya; nũndũ nĩwasya, Ndikũnenga ũtiĩwa ũla natiĩwe nĩ aaĩthe makwa. Na akoma ũkomonĩ wake, na athyũũa ũthyũ wake, na alea kũya lĩu.</verse>
				<verse number="5">Ĩndĩ Yeseveli kĩveti kyake kyamũkĩa na kyamũkũlya, Nũndũ wa kĩ veva waku wĩ na woo, ũndũ ũũlea kũya lĩu?</verse>
				<verse number="6">Nake amwĩa, Nũndũ nĩnĩneenie na Navothi Mũyesileeli, na namwĩa, Nenga mũũnda waku wa mĩsavivũ ũndũ wa mbesa; kana ngũnenge mũũnda ũngĩ vandũ vaw’o, ethĩwa ũũ nũkwendeesya: na asũngĩa, Ndikũnenga mũũnda wakwa wa mĩsavivũ.</verse>
				<verse number="7">Na Yeseveli kĩveti kyake kyamũkũlya, Yu nũkũsumbĩka ũsumbĩ wa Isilaeli? Ũkĩla, ũye lĩu, na tana ngoo yaku: ngakũnenga mũũnda wa mĩsavivũ wa Navothi Mũyesileeli.</verse>
				<verse number="8">Na ĩndĩ aandĩka mavalũa syĩtwanĩ ya Aavu, na amasiĩla na ũsiĩlo wake, na amatwaĩa atumĩa, na anene me ndaĩa ala maĩ ndũanĩ yake, na ala matwĩe vamwe na Navothi, mavalũa asu.</verse>
				<verse number="9">Na aandĩka mavalũa asu, akyasya, Tavan’yai kũtĩĩa ũya, na mwiei Navothi okĩlĩtw’e katĩ wa andũ:</verse>
				<verse number="10">na iai andũ elĩ mbee wake, andũ athe, na nĩmamũkũsĩĩe, makyasya, Nĩwamũuma Ngai na mũsumbĩ. Na ĩndĩ mũmumaalyei nza, na mũimũkima na mavia akw’e.</verse>
				<verse number="11">Na andũ ma ndũa yake, o atumĩa na anene me ndaĩa ala matwĩe ndũanĩ yake, meeka o tondũ Yeseveli watũmanĩte kwoo, kwĩanana na ũndũ kwaandĩkĩtwe mavalũanĩ ala wamatwaĩĩte.</verse>
				<verse number="12">Matavan’ya kũtĩĩa ũya, na maia Navothi okĩlĩtw’e katĩ wa andũ.</verse>
				<verse number="13">Na ala andũ elĩ, ala athe, malika na mekala nthĩ mbee wake: na andũ asu athe makũsĩĩa, o ĩũlũ wa Navothi, andũ mene, makyasya, Navothi nũmũumĩte Ngai na mũsumbĩ. Na ĩndĩ mamumaalya ũtee wa ndũa, na mamũkimanga na mavia akw’a.</verse>
				<verse number="14">Nĩvo ĩndĩ matũmanie kwa Yeseveli, makĩmwĩa, Navothi nĩwakimangwa na mavia, na nĩ mũkw’ũ.</verse>
				<verse number="15">Na kweethĩwa, yĩla Yeseveli wewie Navothi nĩwakimangwa na mavia, na akw’a, Yeseveli amwĩa Aavu, Ũkĩla, wose mũũnda wa mĩsavivũ wa Navothi Mũyesileeli wĩthĩwe waku, ũla waleile ũkũnenga kwondũ wa mbesa; nũndũ Navothi nde thayũ, ĩndĩ nĩ mũkw’ũ.</verse>
				<verse number="16">Na kweethĩwa, yĩla Aavu wewie atĩ Navothi nĩ mũkw’ũ, Aavu ookĩla atheee mũũndanĩ wa mĩsavivũ wa Navothi Mũyesileeli, awose wĩthĩwe wake.</verse>
				<verse number="17">Na ndeto ya Yeova yamũkĩa Eliya Mũtisivi, ĩkĩmwĩa,</verse>
				<verse number="18">Ũkĩla, ũtheee ũkomane na Aavu mũsumbĩ wa Isilaeli, ũla ũtwĩe Samalia: sisya, e mũũndanĩ wa mĩsavĩvũ wa Navothi, vala ũtheeete awose wĩthĩwe wake.</verse>
				<verse number="19">Na ũkaneene nake, ũkĩmwĩa, Ũũ nĩw’o Yeova ũnũkwasya, Nĩwũaĩte, o na kwosa? Na ũkaneene nake, ũkĩmwĩa, Ũũ nĩw’o Yeova ũnũkwasya, Vandũ vala ngitĩ ĩnalambalambĩlye nthakame ya Navothi, vo ngitĩ ikalambalambĩlya nthakame yaku, o yaku.</verse>
				<verse number="20">Na Aavu amũkũlya Eliya, Nũmbonete, we mũmaitha wakwa? Na asũngĩa, Nĩnĩkwonete, nĩkwĩthĩwa nĩwĩthooetye wĩke ũla Yeova wonaa wĩ ũthũku.</verse>
				<verse number="21">Sisya, ngakũetee ũthũku, na ngakũtuta vyũ na ngaveta kwa Aavu kĩla mwana mũũme, na ũla wĩĩthĩwa e mwove na ũla wĩĩthĩwa ate mwove nthĩnĩ wa Isilaeli:</verse>
				<verse number="22">na ngatw’ĩkĩthya nyũmba yaku ta nyũmba ya Yelovoamu mwana wa Nevati, na ta nyũmba ya Mbaasa mwana wa Aiya nũndũ wa ũthatyo ũla wanthatĩtye naw’o, na ũla wamavĩtĩthĩtye Isilaeli naw’o.</verse>
				<verse number="23">O na Yeova aneena ũndũ wa Yeseveli, akyasya, Ngitĩ ikaĩĩa Yeseveli vakuvĩ na ũvai mũlũmu wa Yesileeli.</verse>
				<verse number="24">Ũla wa Aavu ũla ũkakw’ĩa ndũanĩ ngitĩ ikaya; na ũla ũkakw’ĩa kĩthekanĩ nyũnyi sya yayaya ikaya.</verse>
				<verse number="25">(Ĩndĩ kũtyaĩ mũndũ o na wĩva wailyĩ Aavu, ũla weethooisye eke ũla Yeova wonaa wĩ ũthũku, ũla Yeseveli kĩveti kyake kyamũthokoanisye.</verse>
				<verse number="26">Na eeka ũla ũthatasya akĩatĩĩa mĩvw’anano, kwĩanana na w’onthe ũla Aamoli meekaa, ala Yeova wamalũngilye mbee wa ana ma Isilaeli.)</verse>
				<verse number="27">Na kweethĩwa, yĩla Aavu wewie ndeto isu, atembũanga ngũa syake, na eevw’ĩka makunia mwĩĩ wake, na atĩĩa ũya, na akomea makunia, na aenda eyondetye.</verse>
				<verse number="28">Na ndeto ya Yeova yamũkĩa Eliya Mũtisivi, ĩkĩmwĩa,</verse>
				<verse number="29">Nĩwene ũndũ Aavu ũkwĩnyivya mbee wakwa? Nũndũ nũkwĩnyivya mbee wakwa, ndikaete ũthũku ũsu mĩthenyanĩ yake; ĩndĩ mĩthenyanĩ ya mwana wake ngaete ũthũku ũsu nyũmbanĩ yake.</verse>
			</chapter>
			<chapter number="22">
				<verse number="1">Na mekalaa myaka ĩtatũ vate kaũ katĩ wa Silia na Isilaeli.</verse>
				<verse number="2">Na kweethĩwa mwaka wa katatũ, Yeosavati mũsumbĩ wa Yuta amũtheeea mũsumbĩ wa Isilaeli.</verse>
				<verse number="3">Na mũsumbĩ wa Isilaeli akũlya athũkũmi make, Nĩmwĩsĩ Lamothi‐ngileati nĩ yaitũ, na nĩtũvindĩtye, na tũtiũmyumya kw’okonĩ kwa mũsumbĩ wa Silia?</verse>
				<verse number="4">Na akũlya Yeosavati, Nũũthi vamwe nakwa kaũnĩ ku Lamothi‐ngileati? Na Yeosavati amwĩa mũsumbĩ wa Isilaeli, Nyie nĩilyĩ o taku, na andũ makwa ta andũ maku, na mbalasi syakwa ta mbalasi syaku.</verse>
				<verse number="5">Na Yeosavati amwĩa mũsumbĩ wa Isilaeli, Nĩngũkwĩsũva, amba ũkũlya ũndũ ndeto ya Yeova ĩnĩkwasya.</verse>
				<verse number="6">Nĩvo ĩndĩ mũsumbĩ wa Isilaeli wombanisye athani, vakuvĩ andũ maana ana, na amakũlya, Nĩngũthi Lamothi‐ngileati kũkita, kana nĩeke? Na mamwĩa, Ambata; nũndũ Mwĩaĩi akamĩnengane kw’okonĩ kwa mũsumbĩ.</verse>
				<verse number="7">Ĩndĩ Yeosavati akũlya, Vati mwathani ũngĩ wa Yeova vaa tũmũkũlye?</verse>
				<verse number="8">Na mũsumbĩ wa Isilaeli amwĩa Yeosavati, Ve o mũndũ ũngĩ ũla wa kũtũkũlĩlya kwa Yeova, Mikaia mwana wa Imila: ĩndĩ nĩngũmũmena; nũndũ ndambathanĩaa ũseo, ĩndĩ ũthũku. Na Yeosavati asya, mũsumbĩ ndakaneene ũu.</verse>
				<verse number="9">Nĩvo ĩndĩ mũsumbĩ wa Isilaeli wamwĩtie mũnene wa kwake, na amwĩa, Mũlatye Mĩkaia mwana wa Imila mĩtũkĩ.</verse>
				<verse number="10">Na ĩndĩ mũsumbĩ wa Isilaeli na Yeosavati mũsumbĩ wa Yuta mekalĩte kĩla ũmwe kĩvĩlanĩ kyake kya ũsumbĩ, mekĩĩte ngũa syoo ndasa, vandũ ũtheinĩ ũlikĩlonĩ mbingĩlonĩ ya Samalia; na athani onthe no mathanĩaa mbee woo.</verse>
				<verse number="11">Na Nzetekia mwana wa Kenaana eeseũvĩsya mbya sya iaa, na asya, Ũũ nĩw’o Yeova ũnũkwasya, Ũkatindĩka Asilia na ii, mũvaka maminwa.</verse>
				<verse number="12">Na athani onthe mathana ũu, makyasya, Ambata Lamothi‐ngileati, ũkaathimĩke; nũndũ Yeova akamĩnengane kw’okonĩ kwa mũsumbĩ.</verse>
				<verse number="13">Na mũtũmwa ũla waendie kũmwĩta Mikaia aneena nake, akĩmwĩa, Sisya yu, ndeto sya athani niũtavan’ya ũseo kwa mũsumbĩ na kanyw’a ũmwe: nĩngũkwĩsũva, ndeto yaku yĩthĩwe ĩilyĩ ta ĩmwe yoo, noineena ũseo.</verse>
				<verse number="14">Na Mikaia asya, O tondũ Yeova wĩ thayũ, o ũndũ Yeova wĩmbĩa, now’o nĩneena.</verse>
				<verse number="15">Na yĩla wavikie vala ve mũsumbĩ, mũsumbĩ amũkũlya, Mikaia, nĩtũũthi Lamothi‐ngileati tũkite, kana tũeke? Na amũsũngĩa, Ambatai mũkaathimĩke; na Yeova akamĩnengane kw’okonĩ kwa mũsumbĩ.</verse>
				<verse number="16">Na mũsumbĩ amwĩa, Nĩtũa ngũavĩthasya mavinda meana ndũkandavye ũndũ ũte wa w’o syĩtwanĩ ya Yeova?</verse>
				<verse number="17">Nake asya, Nĩnonie Isilaeli onthe manyaĩĩkĩte iĩmanĩ, ta malondu mate mũĩthi: na Yeova asya, Aa mati na vwana; masyoke kĩla mũndũ nyũmbanĩ yake na mũuo.</verse>
				<verse number="18">Na mũsumbĩ wa Isilaeli amwĩa Yeosavati, Ndinakũtavya ndakambathanĩa ũseo, ĩndĩ ũthũku?</verse>
				<verse number="19">Na Mikaia asya, Kwondũ wa ũu ĩw’a ndeto ya Yeova: Nĩnonie Yeova ekalĩte kĩvĩlanĩ kyake kya ũsumbĩ, na nguthu yonthe ya ĩtunĩ ĩũngamĩte vakuvĩ nake kw’okonĩ kwake kwa aũme na kw’okonĩ kwake kwa aka.</verse>
				<verse number="20">Na Yeova akũlya, Nũũ ũla wĩmũkengakenga Aavu, nĩ kana ambate avalũke ku Lamothi‐ngileati? Na ũmwe aneena na nzĩa ĩno, na ũngĩ aneena na nzĩa ĩngĩ.</verse>
				<verse number="21">Na kwaumĩla veva, na waũngama mbee wa Yeova, na wasya, Ngamũkengakenga.</verse>
				<verse number="22">Na Yeova ookũlya, Na kyaũ? Naw’o wasya, Ngaumaala nĩthi, na ngeethĩwa veva wa ũvũngũ kanyw’anĩ wa athani make onthe. Nake asya, Ũkamũkengakenga, o na ũkamũkĩlya vinya: enda, wĩke ũu.</verse>
				<verse number="23">Kwondũ wa ũu ĩndĩ, sisya, Yeova nĩwĩkĩĩte veva wa ũvũngũ kanyw’anĩ wa athani aa onthe maku: na Yeova nũneenete ũthũku ũndũ waku.</verse>
				<verse number="24">Nĩvo ĩndĩ Nzetekia mwana wa Kenaana wathengeeie, na amũkũna Mikaia ĩkovi ĩtau, na akũlya, Veva wa Yeova aumanga kwakwa ata aneene naku?</verse>
				<verse number="25">Na Mikaia asya, Sisya, ũkoona mũthenya ũsu, yĩla wĩlika kasũmbanĩ ka nthĩnĩ wĩvithe.</verse>
				<verse number="26">Na mũsumbĩ wa Isilaeli asya, Mũkwatei Mikaia, na mũimũtũnga kwa Amoni ngavana wa ndũa, na kwa Yoasi mwana wa mũsumbĩ;</verse>
				<verse number="27">na mũkyasya, Ũũ nĩw’o mũsumbĩ ũnũkwasya, Ĩkĩai mũndũ ũũ kolokolonĩ, na mũimũnenga kĩmũtũ kya thĩna na manzĩ ma thĩna, kũvika yĩla nĩsyoka na mũuo.</verse>
				<verse number="28">Na Mikaia asya, Ethĩwa nongi ũkasyoka na mũuo, Yeova ndaneenete na kanyw’a wakwa. Na asya, Ĩw’ai, inywĩ andũ, inyw’onthe.</verse>
				<verse number="29">Na ĩndĩ mũsumbĩ wa Isilaeli na Yeosavati mũsumbĩ wa Yuta mambata Lamothi‐ngileati.</verse>
				<verse number="30">Na mũsumbĩ wa Isilaeli amwĩa Yeosavati, Nĩngwĩyũlan’ya, na kũlika kaũnĩ; ĩndĩ, we, ĩkĩa ngũa syaku ndasa. Na mũsumbĩ wa Isilaeli eeyũlan’ya, na alika kaũnĩ.</verse>
				<verse number="31">Na ĩndĩ mũsumbĩ wa Silia aĩ aneaĩa makavuteni mĩongo ĩtatũ na elĩ ma makasya make ma kaũ, akamea, Mũtikokite na ala anini kana ala anene, ate o mũsumbĩ wa Isilaeli.</verse>
				<verse number="32">Na kweethĩwa, yĩla makavuteni ma makasya moonie Yeosavati, masya, Nĩ w’o, nĩ mũsumbĩ wa Isilaeli; na meelelũka mokite nake: na Yeosavati akaya.</verse>
				<verse number="33">Na kweethĩwa, yĩla makavuteni ma makasya moonie ti mũsumbĩ wa Isilaeli, masyoka maeka kũmũatĩĩa.</verse>
				<verse number="34">Na mũndũ ũmwe akoota ũta wake na alũlũngĩlya mũsyĩ, na amũathĩla mũsumbĩ wa Isilaeli katĩ wa mothalan’yo ma mĩio ya kaũ: kwondũ wa ũu amwĩa mũingi wa ĩkasya yake, Thyũũa kw’oko kwaku, ũmbumye nguthunĩ; nũndũ nĩ mũkite mũno.</verse>
				<verse number="35">Na kaũ waingĩva mũthenya ũsu: na mũsumbĩ atw’ĩĩkĩwa ĩkasyanĩ yake okite na Asilia, na akw’a wĩoo; na nthakame yauma vandũ vala wokitĩlwe yalika ĩkasyanĩ nthĩnĩ.</verse>
				<verse number="36">Na wasya wauma nguthunĩ yonthe syũa yĩkĩthũa, ũkyasya, Kĩla mũndũ naende ndũanĩ yake, na kĩla mũndũ nthĩ yake.</verse>
				<verse number="37">Na ĩndĩ mũsumbĩ akw’a, na atwawa Samalia; na mamũthika mũsumbĩ ku Samalia.</verse>
				<verse number="38">Na mathambĩsya ĩkasya ũtee wa ndia ya Samalia; na ngitĩ syalambalambya nthakame yake (na ĩndĩ malwaya mathambaa vo); kwĩanana na ndeto ya Yeova ĩla waneenie.</verse>
				<verse number="39">Na ĩndĩ meko ala angĩ ma Aavu, na w’onthe ũla wekaa, na nyũmba ĩla wakie na maeo ma nzou, na ndũa syonthe ila wakie, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="40">Na ĩndĩ Aavu akoma na aaĩthe make; na Aasia mwana wake asumbĩka vandũ vake.</verse>
				<verse number="41">Na Yeosavati mwana wa Asa ambĩlĩlya kũsumbĩka Yuta mwaka wa kana wa kũsumbĩka kwa Aavu mũsumbĩ wa Isilaeli.</verse>
				<verse number="42">Yeosavati aĩ wa myaka mĩongo ĩtatũ na ĩtano yĩla wambĩlĩlye kũsumbĩka; na asumbĩka myaka mĩongo ĩlĩ na ĩtano ku Yelusaleme. Na syĩtwa ya inyia wake eetawa Asuva mwĩĩtu wa Silii.</verse>
				<verse number="43">Na nĩwaendaa mũendelenĩ w’onthe wa Asa ĩthe wake; ndaathũkĩla ũtee, aeke kwĩka ũla Yeova wonaa wĩ ũseo: ĩndĩ kũla kũndũ kũtũlu kũtyaavetwa; andũ nĩmaendeeaa na kũthemba na kũtoeesya ũvani kũla kũndũ kũtũlu.</verse>
				<verse number="44">Na Yeosavati aseũvya mũuo na mũsumbĩ wa Isilaeli.</verse>
				<verse number="45">Na ĩndĩ meko ala angĩ ma Yeosavati, na vinya wake mũnene ũla wonanisye, na ũndũ wokitie, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="46">Na ũtialo wa aũme ala meekaa naĩ na aũme ala angĩ, ala matialile mĩthenyanĩ ya ĩthe wake Asa, amaumya ĩ nthĩ.</verse>
				<verse number="47">Na kũtyaĩ mũsumbĩ nthĩ ya Etomu: mwamũli nowe mũsumbĩ.</verse>
				<verse number="48">Yeosavati aseũvya ngalawa sya Talisisi sya kũthi Ovilu ilatye thaavu: ĩndĩ ityaathi; nũndũ ngalawa syaanangĩwe Esioni‐ngeveli.</verse>
				<verse number="49">Nĩvo ĩndĩ Aasia mwana wa Aavu wamwĩie Yeosavati, Athũkũmi makwa nĩmaende na athũkũmi maku ngalawanĩ. Ĩndĩ Yeosavati ndaaĩtĩkĩla.</verse>
				<verse number="50">Na Yeosavati akoma na aaĩthe make, na athikwa na aaĩthe make ndũanĩ ya Ndaviti ĩthe wake; na Yeolamu mwana wake asumbĩka vandũ vake.</verse>
				<verse number="51">Aasia mwana wa Aavu ambĩlĩlya kũsumbĩka Isilaeli ku Samalia mwaka wa ĩkũmi na mũonza wa kũsumbĩka kwa Yeosavati mũsumbĩ wa Yuta, na asumbĩka Isilaeli myaka ĩlĩ.</verse>
				<verse number="52">Na eekaa ũla Yeova wonaa wĩ ũthũku, na aendaa mũendelenĩ wa ĩthe wake, na mũendelenĩ wa inyia wake, na mũendelenĩ wa Yelovoamu mwana wa Nevati, ũla wamavĩtĩthisye Isilaeli naw’o.</verse>
				<verse number="53">Na athũkũma Mbaali, na amĩthaitha, na amũthatya Yeova, Ngai wa Isilaeli, kwĩanana na w’onthe ũla ĩthe wake wekaa.</verse>
			</chapter>
		</book>
		<book number="12">
			<chapter number="1">
				<verse number="1">Na Moavi yang’endea Isilaeli ĩtina wa kũkw’a kwa Aavu.</verse>
				<verse number="2">Na Aasia avalũkĩla mbũthinĩ kasũmbanĩ kake ke ĩũlũ ke Samalia, na awaa: na atũma atũmwa, na amea, Endai, mũkũlyei Mbaali‐nzevuvu, ngai ya Ekiloni, ethĩwa ngavoa ũwau ũũ.</verse>
				<verse number="3">Ĩndĩ mũlaĩka wa Yeova amwĩa Eliya Mũtisivi, Ũkĩla, nokyambata ũkomane na ala matũmĩtwe nĩ mũsumbĩ wa Samalia, noimakũlya, Nĩ kwakwĩthĩwa kũti Ngai nthĩnĩ wa Isilaeli, nĩmũkũthi kũkũlya kwa Mbaali‐nzevuvu, ngai ya Ekiloni?</verse>
				<verse number="4">Yu kwondũ wa ũu Yeova easya atĩĩ, Ndũkauma ũkomonĩ ũla ũlĩsĩte, ĩndĩ ndwĩtĩa ũkw’a. Na Eliya athi.</verse>
				<verse number="5">Na ala matũmĩtwe mamũsyokea, na amakũlya, Nũndũ wa kĩ mwasyoka?</verse>
				<verse number="6">Na mamwĩa, Nĩkũkie mũndũ akomana naitũ, na atwĩa, Endai, mũmũsyokee mũsumbĩ ũla ũmũtũmie, na mũimwĩa, Ũũ nĩw’o Yeova ũnũũkũlya, Nĩ kwakwĩthĩwa kũti Ngai nthĩnĩ wa Isilaeli, kana ũtũmane kũkũlya Mbaali‐nzevuvu, ngai ya Ekiloni? Kwondũ wa ũu ndũkauma ũkomonĩ ũla ũlĩsĩte, ĩndĩ ndwĩtĩa ũkw’a.</verse>
				<verse number="7">Na amakũlya, Mũndũ ũsu ũla wũkie akomana nenyu, na amũtavya ndeto isu, nĩ mũndũ ũilyĩ ata?</verse>
				<verse number="8">Na mamũsũngĩa, Eĩ mũndũ wĩ maw’ĩa, na eĩvotoete mũsivi wa mũkwa kĩnyunyunĩ kyake. Na asya, Nĩ Eliya Mũtisivi.</verse>
				<verse number="9">Nĩvo ĩndĩ mũsumbĩ watũmie vala ũĩ kavuteni wa mĩongo ĩtano e na ala make mĩongo ĩtano. Na amwambatĩa: na, sisya, ekalĩte nthĩ mũtumbĩnĩ wa kĩĩma. Na aneena nake, We mũndũ wa Ngai, mũsumbĩ asya, Theea.</verse>
				<verse number="10">Na Eliya asũngĩa na amwĩa kavuteni wa mĩongo ĩtano, Ethĩwa nyie nĩ mũndũ wa Ngai, mwaki ũtheee kuma ĩtunĩ, ũkũvĩvya we na ala maku mĩongo ĩtano. Na kwatheea mwaki kuma ĩtunĩ, na wamũvĩvya we na ala make mĩongo ĩtano.</verse>
				<verse number="11">Na ĩngĩ atũma vala ũĩ kavuteni ũngĩ wa mĩongo ĩtano e na ala make mĩongo ĩtano. Na asũngĩa na amwĩa, We mũndũ wa Ngai, ũũ nĩw’o mũsumbĩ waneena, Theea mĩtũkĩ.</verse>
				<verse number="12">Na Eliya amasũngĩa na amea, Ethĩwa nyie nĩ mũndũ wa Ngai, mwaki ũtheee kuma ĩtunĩ, na ũkũvĩvya we na ala maku mĩongo ĩtano. Na mwaki wa Ngai watheea kuma ĩtunĩ, na wamũvĩvya vamwe na ala make mĩongo ĩtano.</verse>
				<verse number="13">Na ĩngĩ atũma kavuteni wa katatũ wa mĩongo ĩtano e na ala make mĩongo ĩtano. Na kavuteni wa katatũ wa mĩongo ĩtano ambata, na avika na atulya ndu mbee wa Eliya, na amwĩsũva, na amwĩa, Ame mũndũ wa Ngai, nĩngũkwĩsũva, thayũ wakwa, na thayũ wa aa mĩongo ĩtano athũkũmi maku, wĩthĩwe wĩ vata methonĩ maku.</verse>
				<verse number="14">Sisya, nĩkwatheeie mwaki kuma ĩtunĩ, na wavĩvya makavuteni elĩ ma mĩongo ĩtano ala mambie kũka vamwe na ala moo mĩongo ĩtano; ĩndĩ yu thayũ wakwa nĩwĩthĩwe wĩ vata methonĩ maku.</verse>
				<verse number="15">Na mũlaĩka wa Yeova amwĩa Eliya, Theea wĩ nake: ndũkamũkĩe. Na ookĩla, na atheea nake kwa mũsumbĩ.</verse>
				<verse number="16">Na amwĩa, Ũũ nĩw’o Yeova ũnũkwasya, Nũndũ nũtũmĩte atũmwa makũlye Mbaali‐nzevuvu, ngai ya Ekiloni, ũu nĩ kwakwĩthĩwa kũti Ngai nthĩnĩ wa Isilaeli ũkũlye ndeto yake? Kwondũ wa ũu ndũkauma ũkomonĩ ũla ũlĩsĩte, ĩndĩ ndwĩtĩa ũkw’a.</verse>
				<verse number="17">Na ĩndĩ akw’a kwĩanana na ndeto ya Yeova ĩla Eliya waneenie. Na Yeolamu ambĩlĩlya kũsumbĩka vandũ vake mwaka wa kelĩ wa kũsumbĩka kwa Yeolamu mwana wa Yeosavati mũsumbĩ wa Yuta; nĩkwĩthĩwa ndaĩ mwana.</verse>
				<verse number="18">Na ĩndĩ meko ala angĩ ma Aasia ala wekaa, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
			</chapter>
			<chapter number="2">
				<verse number="1">Na kweethĩwa, yĩla Yeova wendie kũmwambatya Eliya ĩtunĩ na kĩlingi, kana Eliya athi na Elisa kuma Ngilikali.</verse>
				<verse number="2">Na Eliya amwĩa Elisa, Ĩkala vaa, ningũkwĩsũva; nũndũ Yeova nũndũmĩte nĩvike Mbethi‐eli. Na Elisa asya, O tondũ Yeova wĩ thayũ, na o tondũ kyuu kyaku kĩ thayũ, ndikũtia. Na ĩndĩ matheea mavika Mbethi‐eli.</verse>
				<verse number="3">Na ana ma athani ala maĩ Mbethi‐eli mamumaalĩla Elisa, na mamũkũlya, Nĩwĩsĩ kana Yeova nũkũveta vwana waku ũmũnthĩ ndakethĩwe ĩũlũ waku? Na asya, Ĩĩ, nĩnĩsĩ; vindyai.</verse>
				<verse number="4">Na Eliya amwĩa, Elisa, ĩkala vaa, nĩngũkwĩsũva; nũndũ Yeova nũndũmĩte Yeliko. Na asya, O tondũ Yeova wĩ thayũ, na o tondũ kyuu kyaku kĩ thayũ, ndikũtia. Na ĩndĩ mavika Yeliko.</verse>
				<verse number="5">Na ana ma athani ala maĩ Yeliko mamũthengeea Elisa, na mamũkũlya, Nĩwĩsĩ kana Yeova nũkũveta vwana waku ũmũnthĩ ndakethĩwe ĩũlũ waku? Na asũngĩa, Ĩĩ, nĩnĩsĩ; vindyai.</verse>
				<verse number="6">Na Eliya amwĩa, Ĩkala vaa, nĩngũkwĩsũva; nũndũ Yeova nũndũmĩte Yolotani. Na asya, O tondũ Yeova wĩ thayũ, na o tondũ kyuu kyaku kĩ thayũ, ndikũtia. Namo elĩ maendeea.</verse>
				<verse number="7">Na andũ mĩongo ĩtano ma ana ma athani maenda, na maũngama me kũasa mamelekele: namo elĩ maũngama ũtee wa Yolotani.</verse>
				<verse number="8">Na Eliya oosa suka wake, na ookũnza, akũna manzĩ, na maaanĩka ngalĩ ĩno na ĩno, na ĩndĩ me elĩ mainga makinyĩte nthĩ nyũmũ.</verse>
				<verse number="9">Na kweethĩwa, yĩla maminie kũinga, Eliya amwĩa Elisa, Ngũlya ũla ũkwenda ngwĩke, ndanamba kwoswa kuma vala ũĩ. Na Elisa asya, Nĩngũkwĩsũva, kĩanda kya veva waku kũndũ kwĩlĩ kĩthĩwe ĩũlũ wakwa.</verse>
				<verse number="10">Na asya, Nĩwakũlya ũndũ wĩ vĩnya: ĩndĩ, ethĩwa ũkambona ngyumw’a vala ũĩ, ũu ũkeethĩwa kwaku; ĩndĩ ethĩwa ti w’o, ũu ndwĩĩthĩwa.</verse>
				<verse number="11">Na kweethĩwa, yĩla maendangĩĩe, na makĩneenangan’ya, sisya, kwaumĩla ĩkasya ya mwaki na mbalasi sya mwaki, ila syamataanisye elĩ; na Eliya ambatw’a ĩtunĩ nĩ kĩlingi.</verse>
				<verse number="12">Na Elisa oona ũu, na ookĩlya wasya, Asa wakwa, asa wakwa, makasya ma Isilaeli na ala matũlaa mbalasi syamo! Na ndaamwona ĩngĩ: na akwata ngũa syake mwene, na aitembũan’ya ilungu ilĩ.</verse>
				<verse number="13">O na oosa suka wa Eliya ũla wavalũkile kuma kwake, na asyoka, na aũngama ngũkanĩ ya Yolotani.</verse>
				<verse number="14">Na oosa suka wa Eliya ũla wavalũkile kuma kwake, na akũna manzĩ, na asya, Yeova aĩva, Ngai wa Eliya? O na yĩla wakũnie manzĩ, maaanĩka ngalĩ ĩno na ĩno; na Elisa ainga.</verse>
				<verse number="15">Na yĩla ana ma athani ala maĩ Yeliko mamwelekele mamwonie, masya, Veva wa Eliya nĩwĩkalĩle Elisa. Na mooka makomane nake, na meekunamya nthĩ mbee wake.</verse>
				<verse number="16">Na mamwĩa, Sisya yu, ve andũ mĩongo ĩtano me vinya vamwe na athũkũmi maku; nĩtũũkwĩsũva, maende mamanthe vwana waku, Veva wa Yeova no ĩthĩwa amwambatisye, na kũmwĩkya kĩĩmanĩ kĩmwe, kana kyandanĩ kĩmwe. Na asya, Mũtikatũmane.</verse>
				<verse number="17">Na yĩla mamũingĩĩsye mũvaka eew’a nthoni, asya, Tũmanai. Kwondũ wa ũu matũma andũ mĩongo ĩtano; na mamantha mĩthenya ĩtatũ, ĩndĩ matyaamwona.</verse>
				<verse number="18">Na mamũsyokea, yĩla wekalĩte Yeliko; na amea, Ndineemũtavya, Mũtikathi?</verse>
				<verse number="19">Na andũ ma ndũa mamwĩa Elisa, Sisya, nĩtũũkwĩsũva, vandũ va ndũa ĩno nĩ va kwendeesya, o tondũ mwĩaĩi wakwa ũnũkwona: ĩndĩ manzĩ nĩ mathũku, na nthĩ nĩnĩkwĩtĩkya ũsyao wayo.</verse>
				<verse number="20">Na asya, Ndeteei sũva mweũ, na mũkĩkĩa mũnyũ nthĩnĩ waw’o. Na mamũetee.</verse>
				<verse number="21">Na aumaala aenda mbulutinĩ ya a manzĩ, na eekĩa mũnyũ nthĩnĩ wayo, na asya, Ũũ nĩw’o Yeova ũnũkwasya, Nĩnĩvoetye manzĩ aa; kuma yu kũikethĩwa kĩkw’ũ ĩngĩ kana kwĩtĩkya ũsyao.</verse>
				<verse number="22">Kwondũ wa ũu manzĩ mavow’a kũvika ũmũnthĩ, kwĩanana na ndeto ya Elisa ĩla waneenie.</verse>
				<verse number="23">Na ambata kuma vo kũvika Mbethi‐eli; na ambatĩte nzĩanĩ, kwauma imwana ndũanĩ, na syamũthekeea na kĩvũthya, na kũmwĩa, Ambata, we kĩvala; ambata, we kĩvala.</verse>
				<verse number="24">Na asisya ĩtina wake na asyona, na aiumanĩa syĩtwanĩ ya Yeova. Na kwauma mũtitũnĩ nduva nga ilĩ, na syatembũanga imwana mĩongo ĩna na ilĩ syasyo.</verse>
				<verse number="25">Na auma vo athi kĩĩmanĩ kya Kalimeli, na kuma kw’o asyoka Samalia.</verse>
			</chapter>
			<chapter number="3">
				<verse number="1">Na ĩndĩ Yeolamu mwana wa Aavu ambĩlĩlya kũsumbĩka Isilaeli ku Samalia mwaka wa ĩkũmi na nyanya wa kũsumbĩka kwa Yeosavati mũsumbĩ wa Yuta, na asumbĩka myaka ĩkũmi na ĩlĩ.</verse>
				<verse number="2">Na eekaa ũla Yeova wonaa wĩ ũthũku, ĩndĩ ti ta ĩthe wake, na ta inyia wake; nũndũ nĩwavetie kĩtuĩ kya Mbaali kĩla ĩthe wake waseũvĩtye.</verse>
				<verse number="3">Ĩndĩ o na ũu alũman’ya na naĩ sya Yelovoamu mwana wa Nevati, ila wavĩtĩthĩtye Isilaeli nasyo; ndaaitia.</verse>
				<verse number="4">Na ĩndĩ Mesa mũsumbĩ wa Moavi aĩ mũĩthya wa malondu; na amũnengae mũsumbĩ wa Isilaeli tũtena twa malondu ngili ĩana, na ndũũme ngili ĩana, o na maw’ĩa.</verse>
				<verse number="5">Ĩndĩ kweethĩwa, yĩla Aavu wakwie, mũsumbĩ wa Moavi amũng’endea mũsumbĩ wa Isilaeli.</verse>
				<verse number="6">Na mũsumbĩ Yeolamu auma Samalia ĩvinda yĩu, na oomban’ya Isilaeli onthe.</verse>
				<verse number="7">Na athi atũmana kwa Yeosavati mũsumbĩ wa Yuta, akĩmwĩa, Mũsumbĩ wa Moavi nũng’endeete: ũkathi vamwe nakwa tũkite na Moavi kaũnĩ? Na asya, Ngambata: nyie nĩilyĩ o taku, na andũ makwa ta andũ maku, na mbalasi syakwa ta mbalasi syaku.</verse>
				<verse number="8">Na amũkũlya, Twĩambata na nzĩa yĩva? Na amũsũngĩa, Nzĩa ya weũ wa Etomu.</verse>
				<verse number="9">Na ĩndĩ mũsumbĩ wa Isilaeli athi, na mũsumbĩ wa Yuta, na mũsumbĩ wa Etomu; na mathi melingĩlĩte kyalo kya mĩthenya mũonza: na kũtyaĩ manzĩ ma ĩ nguthu, o na ma nyamũ ila syamaatĩĩe.</verse>
				<verse number="10">Na mũsumbĩ wa Isilaeli asya, Ĩiaa! Nũndũ Yeova nĩwĩtĩte asumbĩ aa atatũ mombane vamwe amanengane kw’okonĩ kwa Moavi.</verse>
				<verse number="11">Ĩndĩ Yeosavati akũlya, Vati mwathani wa Yeova vaa, nĩ kana tũmũkũlye Yeova na kanyw’a wake? Na ũmwe wa athũkũmi ma mũsumbĩ wa Isilaeli asũngĩa na asya, Elisa mwana wa Savati e vaa, ũla wetĩkĩasya moko ma Eliya manzĩ.</verse>
				<verse number="12">Na Yeosavati asya, Ndeto ya Yeova yĩ nake. Kwondũ wa ũu mũsumbĩ wa Isilaeli na Yeosavati na mũsumbĩ wa Etomu matheea vala ũĩ.</verse>
				<verse number="13">Na Elisa amwĩa mũsumbĩ wa Isilaeli, Nĩ ũndũ naku wa kĩ? Enda kwa athani ma ĩthe waku, na athani ma inyia waku. Na mũsumbĩ wa Isilaeli amwĩa, Aiee; nũndũ Yeova nĩwĩtĩte asumbĩ aa atatũ mombane vamwe amanengane kw’okonĩ kwa Moavi.</verse>
				<verse number="14">Na Elisa asya, O tondũ Yeova wa nguthu wĩ thayũ, ũla nĩũngamaa mbee wake, nĩ w’o, kethĩwa ti atĩ nĩngwona Yeosavati mũsumbĩ wa Yuta ta mũndũ, ndisisya kwelekela ngalũko ĩla ũĩ we, kana ũkwona.</verse>
				<verse number="15">Ĩndĩ yu ndetee mũndũ wĩsĩ kũinga mbeve. Na kweethĩwa, yĩla mũingi ũsu waingaa, kw’oko kwa Yeova kwooka ĩũlũ wake.</verse>
				<verse number="16">Na asya, Ũũ nĩw’o Yeova ũnũkwasya, Ĩnzai mĩtaũ mwandanĩ ũũ wusũe.</verse>
				<verse number="17">Nũndũ ũũ nĩw’o Yeova ũnũkwasya, Mũtikona kĩseve, o na mũtikona mbua; ĩndĩ mwanda ũũ ũkausũa manzĩ, na mũkanyusaa, inyw’ĩ na indo syenyu na nyamũ syenyu.</verse>
				<verse number="18">Na ũu no ũndũ ũvũthũ methonĩ ma Yeova: nake akanengane Amoavi nao kw’okonĩ kwaku.</verse>
				<verse number="19">Na mũkakũne kĩla ndũa mbiie, na kĩla ndũa yĩ vata, na mũkateme kĩla mũtĩ mũseo, na kũlinda nthongo syonthe sya manzĩ, na kũthũkya kĩla kĩlungu kĩseo kya nthĩ na mavia.</verse>
				<verse number="20">Na kweethĩwa kĩoko, ta ĩvinda ya kũthemba nthembo, sisya, kwooka manzĩ na nzĩa ya Etomu, na nthi yausũa manzĩ.</verse>
				<verse number="21">Na ĩndĩ yĩla Amoavi onthe meewie atĩ asumbĩ mambatĩte mokite nao, meeyũmbanĩsya, onthe ala maĩ matonya kwĩkĩa mĩio ya kaũ, o na ala akũangũ, na maũngama mũvakanĩ.</verse>
				<verse number="22">Na mookĩla kĩoko tene, na syũa yaatha ĩũlũ wa manzĩ, na Amoavi moona manzĩ me mbee woo me matune ta nthakame:</verse>
				<verse number="23">na masya, ĩno nĩ nthakame; asumbĩ nĩmanangĩtwe vate ndĩi, na nĩmoaĩte kĩla mũndũ mũtindan’ya wake: yu kwondũ wa ũu, Moavi, endai mũtavonĩ.</verse>
				<verse number="24">Na yĩla mavikie mwakonĩ wa maeema wa Isilaeli, Aisilaeli mookĩla na makũna Amoavi, mũvaka makũka mbee woo; na maendeea na malika ĩ nthĩ makũnĩte Amoavi.</verse>
				<verse number="25">Na mavalũkya i ndũa nthĩ; na kĩla kĩlungunĩ kĩseo kya nthĩ mekya kĩla mũndũ ĩvia yake, na makyusũsya; na malinda nthongo syonthe sya manzĩ, na mavalũkya mĩtĩ yonthe mĩseo, mũvaka Kili‐alesethio yoka matialilye mavĩa mayo; ĩndĩ ala mekasya mavia na ikũtha mamĩthyũlũlũka, na mamĩkũna.</verse>
				<verse number="26">Na yĩla mũsumbĩ wa Moavi wonie kana kaũ nũvyũvie kwake athi na andũ maana mũonza ala makũaa ũvyũ, mavũthũe nzĩa mavike kwa mũsumbĩ wa Etomu; ĩndĩ matyaatonya.</verse>
				<verse number="27">Na ĩndĩ oosa ĩkithathi yake yĩla yaaĩle kũsumbĩka vandũ vake, na ayĩthemba ũvainĩ yĩthĩwe nthembo ya kũvĩvw’a. Na kwaĩ ũthatu mũnene ĩũlũ wa Isilaeli: na mamũtia, na masyoka nthĩ yoo ene.</verse>
			</chapter>
			<chapter number="4">
				<verse number="1">Na ĩndĩ mũndũ mũka ũmwe wa iveti sya ana ma athani amwĩkaĩla Elisa, akĩmwĩa, Mũthũkũmi waku mũemewa nũkw’ĩte; naku nĩwĩsĩ mũthũkũmi waku nĩwakĩaa Yeova: na ũla mũandũi nĩ mũku ose syana syakwa ilĩ syĩthĩwe ngombo.</verse>
				<verse number="2">Na Elisa amwĩa, Ngakwĩka ata? Ndavya; wĩ na kyaũ nyũmbanĩ? Nake asũngĩa, Mũthũkũmi waku mwĩĩtu nde kĩndũ nyũmbanĩ, ate o kavisũ ka mauta.</verse>
				<verse number="3">Nĩvo ĩndĩ waisye, Enda ũvoye mĩio ndee kwa atũi maku onthe, o mĩio mĩthei; ndũkavoye mĩvũthũ.</verse>
				<verse number="4">Na ũkalike nthĩnĩ, na ũkĩvingĩa we na ana maku nyũmba, nokyonosya mĩionĩ ĩsu yonthe; na ũkia ũtee, ũla wausũa.</verse>
				<verse number="5">Na ĩndĩ auma vala ũĩ, na eevingĩa mũomo we na ana make; nao mamũetee mĩio, nake oonoesya.</verse>
				<verse number="6">Na kweethĩwa, mĩio yausũa, amwĩa mwana wake, Ndetee o mũio. Nake amwĩa. Kũti mũio ũngĩ. Na mauta maeka.</verse>
				<verse number="7">Na ĩndĩ ooka na atavya ũ mũndũ wa Ngai. Nake amwĩa, Enda, ũthoosye mauta asu, ũĩve thiĩ waku, na ala meũtiala nĩ maku na ma ana maku.</verse>
				<verse number="8">Na kweethĩwa mũthenya ũmwe, Elisa aenda Sunemu, vala vaĩ mũndũ mũka wĩ nguma; na amũingĩĩsya aye lĩu. Na kwondũ wa ũu kweethĩawa, o yĩla wavĩtaa, aathũkĩlaa vo aye lĩu.</verse>
				<verse number="9">Na amwĩa mũũme, Sisya, yu, nĩngwona ũũ nĩ mũndũ mũtheu wa Ngai, ũla ũvĩtĩlaa kwitũ mavinda onthe.</verse>
				<verse number="10">Nĩngũkwĩsũva, tũseũvye kasũmba kanini wakonĩ; na tũmwiĩe vo ũkomo, na mesa, na kĩvĩla, na kĩndũ kĩla kĩkĩawa taa: na kũkeethĩawa, yĩla wĩũkaa kwitũ, akathũkĩlaa vo.</verse>
				<verse number="11">Na kweethĩwa mũthenya ũmwe, ooka vau, na aathũkĩla kasũmbanĩ na akoma vo.</verse>
				<verse number="12">Na amwĩa Ngeasi mũthũkũmi wake, Mwĩte ũla Mũsunami. Na amina ũmwĩta, aũngama mbee wake.</verse>
				<verse number="13">Na amwĩa, Yu mũtavye, Sisya, nũtũsũvĩĩte na ũsũvĩo ũũ w’onthe; ũla wĩĩkwa nata? Nũkwenda ũvoyewe ũndũ kwa mũsumbĩ, kana kwa kavuteni wa nguthu? Na asũngĩa, Nĩkalaa katĩ wa andũ makwa mwene.</verse>
				<verse number="14">Nake asya, Ĩndĩ eĩkwa ata? Na Ngeasi asũngĩa, Nĩ w’o, nde mwana, na mũũme wake nĩ mũkũũ.</verse>
				<verse number="15">Na asya, Mwĩte. Na yĩla wamwĩtie, aũngama mũomonĩ.</verse>
				<verse number="16">Na asya, Ĩvinda ta yĩĩ, kyathĩ kyavika, ũkeethĩwa ũkwete mwana. Nake asya, Aiee, mwĩaĩi wakwa, we mũndũ wa Ngai, ndũkatavye mũthũkũmi waku mwĩĩtu ũvũngũ.</verse>
				<verse number="17">Na mũndũ mũka ũsu aitava, na asyaa mwana ĩvinda yĩu, kyathĩ kyavika, o tondũ Elisa wamũtavisye.</verse>
				<verse number="18">Na yĩla mwana waĩ aneana, kweethĩwa mũthenya ũmwe, aumaala aenda vala ve ĩthe wake vala ve akethi.</verse>
				<verse number="19">Na amwĩa ĩthe, Mũtwe wakwa, mũtwe wakwa. Na amwĩa mũthũkũmi wake, Mũtwae vala ve inyia wake.</verse>
				<verse number="20">Na yĩla wamũtwaie, na amũvikya vala ve inyia wake, akĩkwa kũvika katambanga na ĩndĩ akw’a.</verse>
				<verse number="21">Nake ambata amũkomya ũkomonĩ wa ũ mũndũ wa Ngai, na amũvingĩa na mũomo, na aumaala.</verse>
				<verse number="22">Na amwanĩĩsya mũũme, na asya, Nĩngũkwĩsũva, ndũmĩa ũmwe wa athũkũmi, na yĩmwe ya mang’oi, nĩ kana nĩsembe vala ve ũla mũndũ wa Ngai, na ngĩsyoka.</verse>
				<verse number="23">Nake amũkũlya, Nũndũ wa kĩ ũũthi kwake ũmũnthĩ? Ti mũtiso wa mwei kana savato. Na asya, Kũkeethĩwa kũseo.</verse>
				<verse number="24">Nĩvo ĩndĩ watandĩkie ĩng’oi, na amwĩa mũthũkũmi wake, Tongosya, noiendeea; ndũkandindye nzĩanĩ, ndaũtavĩtye.</verse>
				<verse number="25">Na ĩndĩ athi, na avika kwa mũndũ wa Ngai kĩĩmanĩ kya Kalimeli. Na kweethĩwa, yĩla mũndũ wa Ngai wamwonie e kũasa, amwĩa mũthũkũmi wake Ngeasi, Sisya, kũya nĩ ũla Mũsunami:</verse>
				<verse number="26">nĩngũkwĩsũva, semba oyu ũmũthaũe noimũkũlya, Wĩ mũseo? Na mũemeu nĩ mũeso? Na mwana nĩ mũseo? Na asũngĩa, Nĩ kũseo.</verse>
				<verse number="27">Na yĩla wavikie vala ve mũndũ wa Ngai kĩĩmanĩ, amũkwata maũũ. Na Ngeasi athengeea amũvete; ĩndĩ ũ mũndũ wa Ngai amwĩa, Ekana nake: nũndũ thayũ wake nũkwĩw’a woo nthĩnĩ wake; na Yeova nũmbithĩte, na ndaandavya.</verse>
				<verse number="28">Nĩvo ĩndĩ waisye, Nyie naamwĩtya mwĩaĩi wakwa mwana? Ndyaaneena, Ndũkangenge?</verse>
				<verse number="29">Nĩvo ĩndĩ wamwĩie Ngeasi, Ĩvotoe kĩnyunyu kyaku, nokyosa ndata yakwa kw’okonĩ kwaku, noienda: ethĩwa ũkakomana na mũndũ o na wĩva, ndũkamũkethye; na ethĩwa mũndũ o na wĩva akakũkethya, ndũkamũketheke: na ũkaie ndata yakwa ũthyũnĩ wa kala kana.</verse>
				<verse number="30">Na inyia wa kala kana asya, O tondũ Yeova wĩ thayũ, na tondũ kyuu kyaku kĩ thayũ, ndikũtia. Na ookĩla, na amũvikĩla.</verse>
				<verse number="31">Na Ngeasi atongosya mbee woo, na aia ndata ũthyũnĩ wa kana; ĩndĩ vatyaĩ wasya, kana kwĩw’a. Kwondũ wa ũu asyoka amũthaũe, na amũtavya, akĩmwĩa, Kana katinaamũka.</verse>
				<verse number="32">Na yĩla Elisa walikile nyũmbanĩ, sisya, kana kaĩ kakw’ũ, na kaiĩtwe ũkomonĩ wake.</verse>
				<verse number="33">Kwondũ wa ũu alika, na eevingia mũomo e nako ma elĩ, na amũvoya Yeova.</verse>
				<verse number="34">Na alĩsa, na eekomya ĩũlũ wa kana, na eekĩa kanyw’a wake ĩũlũ wa kanyw’a wako, na metho make ĩũlũ wa metho mako, na moko make ĩũlũ wa moko mako: na eekomya etambũũkĩtye ĩũlũ wako; na mwĩĩ wa kana wakwata muutĩa.</verse>
				<verse number="35">Na ĩndĩ asyoka, na atũũanga kũũ na kũũ ĩvinda yĩmwe nyũmbanĩ; na alĩsa, na eekomya etambũũkĩtye ĩũlũ wako: na kana kaathimũa mathimũa mũonza, na kana kasalukya metho mako.</verse>
				<verse number="36">Na amwĩta Ngeasi, na amwĩa, Mwĩte Mũsunami. Na ĩndĩ amwĩta. Na yĩla walikile vala waĩ, amwĩa, Osa mwana waku.</verse>
				<verse number="37">Nĩvo ĩndĩ walikile, na eevalũkya nthĩ maũũnĩ make, na eekunamya kũvika nthĩ; na oosa mwana wake, na aumaala.</verse>
				<verse number="38">Na Elisa ooka ĩngĩ Ngilikali. Na kwaĩ yũa nthĩ ĩsu; na ana ma athani mekalĩte mbee wake; na amwĩa mũthũkũmi wake, Ĩkĩa kĩteve, noiuĩa ana ma athani ũsũũ.</verse>
				<verse number="39">Na ũmwe aumaala athi kĩsesinĩ ove nyũnyi, na oona ũthaana wa kĩthekanĩ, na atw’a ikuu sya kĩthekanĩ syaw’o ngũa yake yausũa, na ooka na atũangĩa kĩtevenĩ kya ũsũũ; nũndũ matyasyĩsĩ.</verse>
				<verse number="40">Na ĩndĩ mamevũĩa andũ asu maye. Na kweethĩwa, makĩya ũla ũsũũ, mookĩlya mawasya, na masya, We mũndũ wa Ngai, kwĩ kĩkw’ũ kĩtevenĩ. Na matyaatonya kũya.</verse>
				<verse number="41">Ĩndĩ nake asya, Ete mũtu ĩndĩ. Na awĩkya kĩtevenĩ; na asya, Mevũĩei andũ, maye. Na kũtyaĩ ũndũ ũthũku kĩtevenĩ.</verse>
				<verse number="42">Na kwooka mũndũ kuma Mbaalisalisa, na amũetee mũndũ wa Ngai kĩmũtũ kya ũsyao wa mbee, imũtũ mĩongo ĩlĩ sya mbaale, na iia sya nganũ ĩkunianĩ yake. Na asya, Nenga andũ, maye.</verse>
				<verse number="43">Na mũthũkũmi wake asya, Asi, nĩnaĩle kwia lĩu ũũ mbee wa andũ ĩana? Ĩndĩ asya, Nenga andũ, maye; nũndũ ũũ nĩw’o Yeova ũnũkwasya, Makaya, na makatialya.</verse>
				<verse number="44">Kwondũ wa ũu awia mbee woo, na maya, na matialya, kwĩanana na ndeto ya Yeova.</verse>
			</chapter>
			<chapter number="5">
				<verse number="1">Na ĩndĩ Naamani kavuteni wa nguthu ya mũsumbĩ wa Silia, aĩ mũndũ wĩ nguma kwa vwana wake, na wa kũtaĩwa, nĩkwĩthĩwa Yeova nĩwanengete Silia kũkĩlya vinya ũndũ wake: o na aĩ ngũmbaũ nene, ĩndĩ awaĩte mangũ.</verse>
				<verse number="2">Na Asilia meethĩiwe maumaalile nguthu, nguthu, na makaete kelĩtu ke katave kuma nthĩ ya Isilaeli; na kathũkũmaa kĩveti kya Naamani.</verse>
				<verse number="3">Na kamwĩa vivi wako, Nenda kethĩwa mwĩaĩi wakwa e vala ve mwathani ũla wĩ Samalia! Ethĩwa amũvosya ĩndĩ mangũ make.</verse>
				<verse number="4">Na ũmwe alika, na amũtavya mwĩaĩi wake, akĩmwĩa, Kelĩtu kala ka nthĩ ya Isilaeli kaisye ũna na ũna.</verse>
				<verse number="5">Na mũsumbĩ wa Silia asya, Enda yu, na ngamũtwaĩa mũsumbĩ wa Isilaeli valũa. Na athi, na akua talendi ĩkũmi sya vetha, na ilungu ngili thanthatũ sya thaavu, na ngũa sya ũkũan’ya makũan’ya ĩkũmi.</verse>
				<verse number="6">Na amũetee mũsumbĩ wa Isilaeli ũla valũa, akĩmwĩa, Na yu yĩla valũa ũũ wĩkũvikĩa, sisya, nĩnĩtũmĩte Naamani mũthũkũmi wakwa kwaku, nĩ kana ũmũvosye mangũ make.</verse>
				<verse number="7">Na kweethĩwa, yĩla mũsumbĩ wa Isilaeli wasomie valũa, atembũanga ngũa syake, na asya, Nyie nĩ Ngai, nũae na kũthayũũkya, ũndũ mũndũ ũũ ũnũũtũmana kwakwa nĩvosye mũndũ mangũ make? Ĩndĩ nĩngũmwĩsũva, sũanĩai mwone ũndũ ũnũũnthea.</verse>
				<verse number="8">Na kweethĩwa, yĩla Elisa mũndũ wa Ngai wewie kana mũsumbĩ wa Isilaeli nũtembũangĩte ngũa syake, atũmana kwa mũsumbĩ, akĩmũkũlya, Nũndũ wa kĩ ũnatembũangie ngũa syaku? Nĩoke yu vala nĩĩ, na akamanya ve mwathani nthĩnĩ wa Isilaeli.</verse>
				<verse number="9">Kwondũ wa ũu Naamani ooka e na mbalasi syake na makasya make, na aũngama mũomonĩ wa nyũmba ya Elisa.</verse>
				<verse number="10">Na Elisa atũma mũtũmwa vala ũĩ, akĩmwĩa, Enda ũthambe ũsĩnĩ wa Yolotani mavinda mũonza, na mwĩĩ waku ũkakũsyokea, na ũkeethĩwa mũtheu.</verse>
				<verse number="11">Ĩndĩ Naamani aĩ mũthatu, na athi, na asya, Sisya, nĩsũanĩaa, nde ndĩi ya kũmbumaalĩla, na kũũngama, na kwĩkaĩla syĩtwa ya Yeova Ngai wake, na kũvĩtĩlya kw’oko kwake ĩũlũ wa vala vandũ, na kũvosya ũla ũwaĩte mangũ.</verse>
				<verse number="12">Avana na Vaalivali mbũsĩ sya Ndamasiku ti nzeo kwĩ iw’ũ syonthe sya Isilaeli? Nditonya kũthambĩa nthĩnĩ wasyo, na ngeethĩwa mũtheu? Kwondũ wa ũu eethyũũa na athi athatĩte mũno.</verse>
				<verse number="13">Na athũkũmi make mathengeea, na maneena nake, na masya, Asa wakwa, kethĩwa mwathani akũtavya wĩke ũndũ ũnene, ndwĩthĩwa weeka? Ti kavaa mũno ĩndĩ, akĩkwĩa, Thamba, nokĩthea?</verse>
				<verse number="14">Nĩvo ĩndĩ watheeie, na eethika mavinda mũonza ũsĩnĩ wa Yolotani, kwĩanana na ndeto ya mũndũ wa Ngai; na mwĩĩ wake wasyoka wekala ĩngĩ ta mwĩĩ wa kana kanini, na aĩ mũtheu.</verse>
				<verse number="15">Na amũsyokea mũndũ wa Ngai, we na nguthu yake yonthe, na ooka, na aũngama mbee wake; na asya, Sisya yu, nĩnĩsĩ vati Ngai nthĩ yonthe, ate o nthĩnĩ wa Isilaeli: yu kwondũ wa ũu, nĩngũkwĩsũva, osa mũthĩnzĩo wa mũthũkũmi waku.</verse>
				<verse number="16">Ĩndĩ asya, O tondũ Yeova wĩ thayũ, ũla nĩũngamaa mbee wake, ndikosa o na ũmwe. Na amũthing’ĩĩsya ose; ĩndĩ alea.</verse>
				<verse number="17">Na Naamani asya, Ethĩwa ti ũu, ĩndĩ, nĩngũkwĩsũva, mũthũkũmi waku nanengwe mũthanga wa mĩio ĩtonya kũkuwa nĩ nyũmbũ ilĩ; nũndũ mũthũkũmi waku kuma yu ndakathembea ngai ingĩ ate o Yeova, nthembo ya kũvĩvw’a kana nthembo ya kũtonywa.</verse>
				<verse number="18">Yeova naekee mũthũkũmi waku ũndũnĩ ũũ: yĩla vwana wakwa wĩlikaa nyũmbanĩ ya Limoni athaithe vo, na akĩkwatĩla kw’oko kwakwa, na ngĩkunamya nyũmbanĩ ya Limoni, yĩla ngekunamya nyũmbanĩ ya Limoni, Yeova naekee mũthũkũmi waku ũndũnĩ ũsu.</verse>
				<verse number="19">Na amwĩa, Enda na ũvoo. Kwondũ wa ũu auma vala ũĩ athi vandũ vaasanga.</verse>
				<verse number="20">Ĩndĩ Ngeasi, mũthũkũmi wa Elisa mũndũ wa Ngai, asya, Sisya, vwana wakwa nĩwamũeka Naamani ũũ Mũsilia, ailea kwosa mokonĩ make kĩla waetie: o tondũ Yeova wĩ thayũ, ngasemba nĩmũvikile, na ngyosa kĩndũ kwake.</verse>
				<verse number="21">Na ĩndĩ Ngeasi amũvikĩla Naamani. Na yĩla Naamani wonie mũndũ asembete amũvikĩlĩte, auma ĩkasyanĩ amũthaũe, na akũlya, Nĩ kũseo?</verse>
				<verse number="22">Nake asũngĩa, Nĩ kũseo. Vwana wakwa nĩwandũma, akyasya Sisya, oyu kwooka anake elĩ ma ana ma athani kuma nthĩ yĩ iĩma ya Evalaimu; manenge, nĩngũkwĩsũva, talendi ya vetha, na ngũa sya ũkũan’ya makũan’ya elĩ.</verse>
				<verse number="23">Na Naamani asya, Endeew’a nĩ kwosa talendi ilĩ. Na amũingĩĩsya, na ova talendi ilĩ sya vetha mĩvukonĩ ĩlĩ, vamwe na ngũa sya ũkũan’ya makũan’ya elĩ, na amaĩkya athũkũmi make elĩ; na mamĩkua me mbee wake.</verse>
				<verse number="24">Na yĩla wavikie kĩĩmanĩ, amyosa kuma mokonĩ moo, na amia nyũmbanĩ, na aeka andũ asu mathi, na maenda.</verse>
				<verse number="25">Ĩndĩ alika, na aũngama mbee wa vwana wake. Na Elisa amwĩa, Wauma va, Ngeasi? Na asya, Mũthũkũmi waku ndaathi vandũ.</verse>
				<verse number="26">Na amũkũlya, Ngoo yakwa ndĩnaendan’ya naku, yĩla mũndũ ũsu wĩtulũlile atia ĩkasya yake akũthaũe? Nĩ ĩvinda ya kwosa mbesa, na kwosa ngũa, na mĩũnda ya mĩthata na mĩũnda ya mĩsavivũ, na malondu na ng’ombe, na athũkũmi aũme na athũkũmi eĩtu?</verse>
				<verse number="27">Kwondũ wa ũu mangũ ma Naamani makalũman’ya naku, na ũsyao waku tene na tene. Na auma mbee wake eũvĩtw’e nĩ mangũ ta ĩa.</verse>
			</chapter>
			<chapter number="6">
				<verse number="1">Na ana ma athani mamwĩa Elisa, Sisya yu, vandũ vala twĩkalaa mbee waku vatiũtwĩanĩa.</verse>
				<verse number="2">Nĩtũũkwĩsũva, tũende ũsĩnĩ wa Yolotani, na kĩla mũndũ akyumya mũtĩ vo, na tũkĩyakĩa vandũ vo, vala tũtonya kũtũa. Na amasũngĩa, Endai inyw’ĩ.</verse>
				<verse number="3">Na ũmwe asya, Edeew’a nĩngũkwĩsũva, nĩ kũendan’ya na athũkũmi maku. Na asũngĩa, Nĩngũthĩ.</verse>
				<verse number="4">Kwondũ wa ũu aendan’ya nao. Na yĩla mavikie Yolotani, matema mĩtĩ.</verse>
				<verse number="5">Ĩndĩ yĩla ũmwe wavalũkasya mũtĩ, ĩthoka yasingĩla yavota manzĩnĩ; na akaya, na asya, Ĩiaa, vwana wakwa! Nũndũ nĩ ya mboya.</verse>
				<verse number="6">Na ũ mũndũ wa Ngai akũlya, Yavotela va? Na amwon’ya vala vandũ. Na atema kamũtĩ, na akekya vo, na kũtuma kĩaa kĩthambĩa.</verse>
				<verse number="7">Na asya, Yose. Na ĩndĩ atambũũkya kw’oko kwake, na akyosa.</verse>
				<verse number="8">Na ĩndĩ mũsumbĩ wa Silia nĩwakwatĩtye kaũ na Isilaeli; na asũanĩa na athũkũmi make, akyasya, Mwako wakwa wa maeema ũkeethĩwa vana.</verse>
				<verse number="9">Na ũla mũndũ wa Ngai atũmana kwa mũsumbĩ wa Isilaeli, akĩmwĩa, Ĩsũvĩe ndũkavĩtĩle vandũ vana; nũndũ Asilia nĩmatheeete vo.</verse>
				<verse number="10">Na mũsumbĩ wa Isilaeli atũmana vandũ vala mũndũ wa Ngai wamũtavisye na wamũtaie ũndũ wa vo; na eetangĩĩa vo, ti ĩmwe kana kelĩ.</verse>
				<verse number="11">Na ngoo ya mũsumbĩ wa Silia yathĩnw’a mũno nũndũ wa ũndũ ũsu; na ameta athũkũmi make, na amea, Mũtiũmbon’ya nĩ wĩva waitũ ũla wĩ ngalĩ ya mũsumbĩ wa Isilaeli?</verse>
				<verse number="12">Na ũmwe wa athũkũmi make amwĩa, Aiee, mwĩaĩi wakwa, ame mũsumbĩ; ĩndĩ Elisa, mwathani ũla wĩ nthĩnĩ wa Isilaeli, nũtavasya mũsumbĩ wa Isilaeli ndeto ila ũneeneaa kasũmbanĩ kaku ka ũkoma.</verse>
				<verse number="13">Na amea, Endai mũsisye vala ũĩ, nĩ kana nĩtũmane na kũmũete. Na atavw’a, kũkyaw’a, Sisya e Ndothani.</verse>
				<verse number="14">Kwondũ wa ũu atũma mbalasi, na makasya, na nguthu nene kw’o: na mooka ũtukũ, na mathyũlũlũka ndũa.</verse>
				<verse number="15">Na yĩla mũthũkũmi wa mũndũ wa Ngai wokĩlile kĩoko tene, na aumaala, sisya, nguthu yĩ na mbalasi na makasya yathyũlũlũkĩte ndũa. Na mũthũkũmi wake amwĩa, Ĩiaa, vwana wakwa! Tũkeeka ata?</verse>
				<verse number="16">Na asũngĩa, Ndũkakĩe; nũndũ ala me vamwe naitũ nĩ aingĩ kwĩ ala me na asu.</verse>
				<verse number="17">Na Elisa avoya, na asya, Yeova, nĩngũkũvoya, salukya metho make, one. Na Yeova asalukya metho ma mwanake ũsu; na oona: na, sisya, kĩĩma kyusũĩte mbalasi na makasya ma mwaki mathyũlũlũkĩte Elisa.</verse>
				<verse number="18">Na yĩla matheeie vala ũĩ, Elisa amũvoya Yeova, na asya, Nĩngũkũvoya, kũna andũ aa na mbindu. Na amakũna na mbindu kwĩanana na ndeto ya Elisa.</verse>
				<verse number="19">Na Elisa amea, Ĩno ti nzĩa, o na ĩno tiyo ndũa: mbikĩlai, na ngamũvikya vala ve mũndũ ũla mũmamthaa. Na amatongoesya mavika Samalia.</verse>
				<verse number="20">Na kweethĩwa, yĩla malikile Samalia, Elisa asya, Yeova, salukya metho ma andũ aa, mone. Na Yeova asalukya metho moo, na moona; na, sisya, maĩ Samalia katĩ.</verse>
				<verse number="21">Na mũsumbĩ wa Isilaeli amwĩa Elisa, yĩla wamonie, Asa wakwa, nĩngũmakũna? Nĩngũmakũna?</verse>
				<verse number="22">Na asũngĩa, Ndũkamakũne: nũkwenda kũkũna ala watavie na ũvyũ waku na ũta waku? Ia lĩu na manzĩ mbee woo, nĩ kana maye na manyw’e, na kũsyoka kwa vwana woo.</verse>
				<verse number="23">Na aseũvya lĩu mwingĩ kwondũ woo; na yĩla maminie kũya na kũnyw’a, amaeka mathi, na mathi kwa vwana woo. Na nguthu sya Silia ityaaũka ĩngĩ nthĩ ya Isilaeli.</verse>
				<verse number="24">Na kweethĩwa ĩtina wa ũu, Mbeni‐aatati mũsumbĩ wa Silia oomban’ya ngũthu yake yonthe, na ambata, na athyũlũlũka Samalia amĩtw’ĩkanĩsya.</verse>
				<verse number="25">Na kwaĩ yũa ĩnene Samalia: na, sisya, mamĩtw’ĩkanĩsya, kũvika mũtwe wa ĩng’oi wathooiw’e ilungu mĩongo nyanya sya vetha, na kĩlungu kya kana kya kavu kya mai ma mavũĩ, ilungu itano sya vetha.</verse>
				<verse number="26">Na mũsumbĩ wa Isilaeli akĩvĩtĩla ũvainĩ, mũndũ mũka amwĩkaĩla, akĩmwĩa, Ndethya, mwĩaĩi wakwa, ame mũsumbĩ.</verse>
				<verse number="27">Na asya, Ethĩwa Yeova ndeũkũtethya, nyie ngakũtethya na ũtethyo wumĩte va? Kuma kĩvũĩonĩ, kana kuma kĩangĩonĩ kya nzavivũ?</verse>
				<verse number="28">Na mũsumbĩ amũkũlya, Wĩ na ũndũ mwaũ. Na asũngĩa, Mũndũ mũka ũũ anambĩie, Umya mwana waku, tũmũye ũmũnthĩ, na tũkaya mwana wakwa ũnĩ.</verse>
				<verse number="29">Na ĩndĩ tũnaua mwana wakwa, na tũnamũya: na namwĩa ũnĩ ũsu, Umya mwana waku, tũmũye; na nũvithĩte mwana wake.</verse>
				<verse number="30">Na kweethĩwa, yĩla mũsumbĩ wewie ndeto sya ũ mũndũ mũka, atembũanga ngũa syake (na nĩwavĩtĩle ĩũlũ wa ũvai); na andũ moona, na, sisya, aĩ na ĩkunia nthĩnĩ mwĩĩnĩ wake.</verse>
				<verse number="31">Nĩvo ĩndĩ waisye, Ngai nambĩke ũu, o na mbee, ethĩwa mũtwe wa Elisa mwana wa Savati ũkekala ĩũlũ wake ũmũnthĩ.</verse>
				<verse number="32">Ĩndĩ Elisa ekalĩte nyũmbanĩ yake, na atumĩa mekalĩte nake; na mũsumbĩ atũma mũndũ kuma vala ũĩ: ĩndĩ mũtũmwa atanamba ũvika vala ũĩ, atavya atumĩa, Nĩmũkwona ũndũ mwana ũũ wa mũaani ũtũmĩte mũndũ avete mũtwe wakwa? Sisyai, yĩla mũtũmwa ũnũũka, vingai mũomo, na mũilũmya mũomo ndakalike: matuu ma maũũ ma vwana wake matiĩ ĩtina wake?</verse>
				<verse number="33">Na o akĩneena nao, sisya, mũtũmwa atheea vala ũĩ: na asya, Sisya, ũthũku ũũ wumĩte kwa Yeova; nĩmweteelela Yeova ĩvinda yĩasanga kĩ?</verse>
			</chapter>
			<chapter number="7">
				<verse number="1">Na Elisa asya, Ĩw’ai ndeto ya Yeova: ũũ nĩw’o Yeova ũnũkwasya, Ũnĩ ta ĩvinda yĩĩ kĩthimo kya mũtu mũvinyũ kĩkathoow’a na sekeli, na ithimo ilĩ sya mbaale na sekeli, mbingĩlonĩ ya Samalia.</verse>
				<verse number="2">Nĩvo ĩndĩ kavuteni ũla mũsumbĩ wekwatĩlaa kw’oko kwake wasũngĩie mũndũ wa Ngai, na amwĩa, Sisya, o na kethĩwa Yeova akaseũvya mbũthi ĩtunĩ, ũndũ ũsu nũtonya kwĩthĩwa? Na amũsũngĩa, Sisya, ũkawona na metho maku, ĩndĩ ndũkaya.</verse>
				<verse number="3">Na ĩndĩ kwaĩ andũ ana mawaĩte mangũ ku ũlikĩlonĩ mbingĩlonĩ: na maneenan’ya ũmwe na ũla ũngĩ, Twĩĩkala vaa mũvaka twĩkw’a nĩkĩ?</verse>
				<verse number="4">Ethĩwa twĩasya, Nĩtũũlika ndũanĩ, yũa yĩ ndũanĩ, na tũkakw’ĩa vo; na ethĩwa tũkekala vaa tũvindĩtye, no twĩkw’a. Kwondũ wa ũu ĩndĩ ũkai, na tũvalũke mokonĩ ma nguthu ya Asilia: ethĩwa nĩmeũtũeka twĩ thayũ, tũkekala thayũ; na ethĩwa nĩmekũtũaa, no twĩkw’a.</verse>
				<verse number="5">Na mookĩla kwĩ ũmithi, maende mwakonĩ wa maeema wa Asilia; na yĩla mavikie ũtee wa mwako wa maeema wa Asilia, kaĩ, kũtyaĩ mũndũ vo.</verse>
				<verse number="6">Nũndũ Mwĩaĩi nĩwatumie nguthu ya Asilia yĩw’a kĩtuu kya makasya, na kĩtuu kya mbalasi, o kĩtuu kya nguthu nene: na maneenan’ya ene kwa ene, Kaĩ, mũsumbĩ wa Isilaeli nũmaandĩkĩte asumbĩ ma Aititi na asumbĩ ma Amisili, matũvithũkĩe.</verse>
				<verse number="7">Kwondũ wa ũu mookĩla na makĩa kwĩ ũmithi, na matia maeema moo, na mbalasi syoo, na mang’oi moo, o mwako wa maeema ũndũ wailyĩ, na makĩa matangĩĩe thayũ woo.</verse>
				<verse number="8">Na yĩla asu mawaĩte mangũ mavikie ũtee wa mwako wa maeema, malika ĩeemanĩ yĩmwe, na maya na manyw’a, na makua kumya vo vetha, na thaavu, na ngũa, na mathi na maivitha; na masyoka, na malika ĩeemanĩ yĩngĩ, na makua kumya o na vo, na mathi na maivitha.</verse>
				<verse number="9">Nĩvo ĩndĩ maneenanisye ene kwa ene, Tũtikwĩka nesa; ũmũnthĩ nĩ mũthenya wa ũvoo mũseo, na ithyĩ nĩtũvindĩtye: ethĩwa twĩĩkala kũvika kĩoko kũikya, ũsilĩlo ũkatũvikĩla; kwondũ wa ũu ĩndĩ ũkai, tũende tũtavye andũ ma nyũmba ya mũsumbĩ:</verse>
				<verse number="10">Kwondũ wa ũu mooka na meeta mũsũvĩi wa mũomonĩ wa ndũa; na matavan’ya, makyasya, Twavika mwako wa maeema wa Asilia, na, kaĩ, kũtiĩĩ mũndũ vo, o na wasya wa mũndũ, ĩndĩ no mbalasi syovetwe, na mang’oi movetwe, na maeema o ũndũ mailyĩ.</verse>
				<verse number="11">Na ameta asũvĩi; na matavya andũ ma nyũmba ya mũsumbĩ me nthĩnĩ.</verse>
				<verse number="12">Na mũsumbĩ ookĩla ũtukũ, na amea athũkũmi make, Nĩngũmwon’ya yu ũndũ Asilia matwĩkĩte. Nĩmesĩ twĩ na nzaa; kwondũ wa ũu nĩmaumĩte mwakonĩ wa maeema mevithe kĩthekanĩ, makyasya, Yĩla meuma ndũanĩ, tũkamakwata me thaũ, na tũilika ndũanĩ.</verse>
				<verse number="13">Na ũmwe wa athũkũmi make asũngĩa, na asya, Nĩngũkwĩsũva, amwe nĩmose mbalasi itano sya ila itialĩte, ila itialĩtw’e ndũanĩ (sisya, isu no ta ĩkomano yonthe ya Isilaeli yĩla yĩtialĩte nthĩnĩ wayo; sisya, isu no ta ĩkomano yonthe ya Isilaeli yĩla yĩminĩtwe); na tũtũmanei twone.</verse>
				<verse number="14">Kwondũ wa ũu moosa makasya elĩ me na mbalasi; na mũsumbĩ atũmana maatiĩe nguthu ya Asilia, akyasya, Endai mũsisye.</verse>
				<verse number="15">Na mamaatĩĩa kũvika Yolotani: na, kaĩ, nzĩa yonthe yausũĩte ngũa na mĩio, ĩla Asilia malekangilye mekalaatĩte. Na atũmwa masyoka, na matavya mũsumbĩ.</verse>
				<verse number="16">Na andũ maumaala, na matava mwakonĩ wa maeema wa Asilia. Na kwondũ wa ũu kĩthimo kya mũtu mũvinyu wathoow’a sekeli, na ithimo ilĩ sya mbaale sekeli, kwĩanana na ndeto ya Yeova.</verse>
				<verse number="17">Na mũsumbĩ aia kavuteni ũla wekwatĩlaa kw’oko kwake ethĩwe akĩsũvĩa mbingĩlo: na andũ mamũkinyangĩa mbingĩlonĩ, na akw’a o tondũ mũndũ wa Ngai ũnaisye, ũla ũnaneenie yĩla mũsumbĩ ũnatheeie vala ũĩ.</verse>
				<verse number="18">Na kweethĩwa o tondũ mũndũ wa Ngai ũnatavĩtye mũsumbĩ, akyasya, Ithimo ilĩ sya mbaale sekeli, na kĩthimo kya mũtu mũvinyu sekeli, kũkeethĩwa ũu ũnĩ ta ĩvinda yĩĩ mbingĩlonĩ ya Samalia;</verse>
				<verse number="19">na kavuteni ũsu asũngĩa mũndũ wa Ngai, na amwĩa, Yu, sisya, o na kethĩwa Yeova akaseũvya mbũthi ĩtunĩ, ũndũ ta ũsu nũtonya kwĩthĩwa? Na amũsũngĩa, Sisya, ũkawona na metho maku, ĩndĩ ndũkaya;</verse>
				<verse number="20">kweethĩiwe o w’o kwake; nũndũ andũ nĩmamũkinyangĩe mbingĩlonĩ, na akw’a.</verse>
			</chapter>
			<chapter number="8">
				<verse number="1">Na ĩndĩ Elisa nĩwaneenete na mũndũ mũka, ũla wathayũũkĩsye mwana, akĩmwĩa, Ũkĩla, ũende we na andũ ma nyũmba yaku, nokĩkala ũeni o vala ũtonya kwĩkala: nũndũ Yeova nĩwĩtĩte yũa yũke; nayo yĩkooka ĩũlũ wa nthĩ myaka mũonza.</verse>
				<verse number="2">Na ũla mũndũ mũka ookĩla, na eeka kwĩanana na ndeto ya mũndũ wa Ngai; na athi na andũ ma nyũmba yake, na ekala ũeni nthĩ ya Avilisiti myaka mũonza.</verse>
				<verse number="3">Na kweethĩwa ĩtina wa myaka mũonza yathela, mũndũ mũka ũsu asyoka kuma nthĩ ya Avilisiti: na aenda amwĩkaĩle mũsumbĩ kwondũ wa nyũmba yake na nthĩ yake.</verse>
				<verse number="4">Na ĩndĩ mũsumbĩ aĩ akĩneena na Ngeasi mũthũkũmi wa mũndũ wa Ngai, akĩmwĩa, Ndavya, nĩngũkwĩsũva, maũndũ onthe manene ala Elisa wĩkĩte.</verse>
				<verse number="5">Na kweethĩwa, yĩla waĩ aimũtavya mũsumbĩ ũndũ wamũthayũũkisye ũla waĩ mũkw’ũ, sisya, mũndũ mũka ũsu ũla wathayũũkĩw’e mwana wake, amwĩkaĩla mũsumbĩ kwondũ wa nyũmba yake na nthĩ yake. Na Ngeasi asya, Mwĩaĩi wakwa, ame mũsumbĩ, ũũ nĩwe ũla mũndũ mũka, na ũũ nĩwe mwana wake, ũla Elisa wamũthayũũkisye.</verse>
				<verse number="6">Na yĩla mũsumbĩ wakũlilye mũndũ mũka, amũtavya. Kwondũ wa ũu mũsumbĩ amumĩsya mũnene ũmwe wa kwake, akĩmwĩa, Tuma atũngĩwa kyonthe kĩla kyaĩ kyake, na mosyao onthe ma mũũnda kuma mũthenya ũla watiie ĩ nthĩ, o na kũvika yu.</verse>
				<verse number="7">Na Elisa aenda Ndamasiku; na Mbeni‐aatati mũsumbĩ wa Silia aĩ mũwau; na atavw’a, kũkyaw’a, Mũndũ wa Ngai nĩ mũku kũũ.</verse>
				<verse number="8">Na mũsumbĩ amwĩa Aasaeli, Kua mũthĩnzĩo na kw’oko kwaku, noienda, ũthaũe mũndũ wa Ngai, na kũmũkũlya Yeova kwa kanyw’a wake, ũkyasya, Ngavoa ũwau ũũ?</verse>
				<verse number="9">Na ĩndĩ Aasaeli aenda kũmũthaũa, akuĩte mũthĩnzĩo, o wa kĩla kĩndũ kĩseo kya Ndamasiku, mĩio ĩkuwa nĩ ngamĩle mĩongo ĩna, na ooka na aũngama mbee wake, na asya, Mwana waku Mbeni‐aatati mũsumbĩ wa Silia nũndũmĩte vala ũĩ, aikũlya, Ngavoa ũwau ũũ?</verse>
				<verse number="10">Na Elisa amwĩa, Enda, ũmwĩe, Ndwĩtĩa ũvoa; ĩndĩ Yeova nũmbonetye ndakatĩa ũkw’a.</verse>
				<verse number="11">Na amũketeea mũno, mũvaka asonoka: na mũndũ wa Ngai aĩa.</verse>
				<verse number="12">Na Aasaeli akũlya, Mwĩaĩi wakwa eĩĩa kĩ? Na asũngĩa, Nũndũ nĩnĩsĩ ũthũku ũla ũkameka ana ma Isilaeli: ngome syoo syĩ vinya ũkavĩvya na mwaki, na anake moo ũkamoaa na ũvyũ, na twana twoo tũũkenge ũkatũng’atan’ya tũtilĩkange, na ũkataũa aka moo ala aito.</verse>
				<verse number="13">Na Aasaeli asya, Ĩndĩ mũthũkũmi waku nĩ mwaũ, ũla no ta ngitĩ, nĩ kana eke ũndũ ũnenevete ũu? Na Elisa asũngĩa, Yeova nũmbonetye atĩ ũkeethĩwa mũsumbĩ wa Silia.</verse>
				<verse number="14">Na ĩndĩ auma vala ve Elisa, na ooka vala ve vwana wake; ũla wamũkũlilye, Elisa akwĩa ata? Na asũngĩa, Ambĩa ndwĩtĩa kũvoa.</verse>
				<verse number="15">Na kweethĩwa ũnĩ ũsu oosa ĩvula, na ayĩinda manzĩnĩ, na amũkunĩkĩlya ũthyũ, na ĩndĩ akw’a: na Aasaeli asumbĩka vandũ vake.</verse>
				<verse number="16">Na mwaka wa katano wa kũsumbĩka kwa Yolamu mwana wa Aavu mũsumbĩ wa Isilaeli, Yeosavati e o mũsumbĩ wa Yuta ĩvinda yĩu, Yeolamu mwana wa Yeosavati mũsumbĩ wa Yuta ambĩlĩlya kũsumbĩka.</verse>
				<verse number="17">Aĩ wa myaka mĩongo ĩtatũ na ĩlĩ yĩla wambĩlĩlye kũsumbĩka; na asumbĩka myaka nyanya Yelusaleme.</verse>
				<verse number="18">Na aendaa mũendelenĩ wa asumbĩ ma Isilaeli, o tondũ nyũmba ya Aavu yekaa: nũndũ nĩwatwaĩte mwĩĩtu wa Aavu ethĩwe kĩveti kyake; na nĩwekaa ũla Yeova wonaa wĩ ũthũku.</verse>
				<verse number="19">Ĩndĩ Yeova ndaaĩtĩkĩla kwananga Yuta, kwondũ wa Ndaviti mũthũkũmi wake, nũndũ nĩwamwathĩte akamũnenga taa kwondũ wa syana syake ĩvinda yonthe.</verse>
				<verse number="20">Mĩthenyanĩ yake andũ me Etomu nĩmang’endie meyumye kw’okonĩ kwa Yuta, na meesumbĩkĩsya mũsumbĩ.</verse>
				<verse number="21">Nĩvo ĩndĩ Yolamu waingie aenda Nzaili, e na makasya make onthe ma kaũ; na ookĩla ũtukũ, na akũna Aetomu ala mamũthyũlũlũkĩte, na makavuteni ma makasya; na andũ makĩa mathi maeemanĩ moo.</verse>
				<verse number="22">Na ĩndĩ andũ ma Etomu mang’enda meeyumya kw’okonĩ kwa Yuta kũvika ũmũnthĩ. Nĩvo ĩndĩ andũ ma Livina mang’endie ĩvinda yĩu.</verse>
				<verse number="23">Na meko ala angĩ ma Yolamu, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="24">Na Yolamu akoma na aaĩthe make, na athikwa na aaĩthe make ndũanĩ ya Ndaviti; na Aasia mwana wake asumbĩka vandũ vake.</verse>
				<verse number="25">Mwaka wa ĩkũmi na ĩlĩ ya kũsumbĩka kwa Yolamu mwana wa Aavu mũsumbĩ wa Isilaeli, Aasia mwana wa Yeolamu mũsumbĩ wa Yuta ambĩlĩlya kũsumbĩka.</verse>
				<verse number="26">Aasia aĩ wa myaka mĩongo ĩlĩ an ĩlĩ yĩla wambĩlĩlye kũsumbĩka; na asumbĩka mwaka ũmwe Yelusaleme. Na syĩtwa ya inyia wake eetawa Athalia mwĩĩtu wa Omili mũsumbĩ wa Isilaeli.</verse>
				<verse number="27">Na nĩwaendaa mũendelenĩ wa nyũmba ya Aavu, na eekaa ũla Yeova wonaa wĩ ũthũku, o tondũ nyũmba ya Aavu yekaa; nũndũ aĩ mũthoni wa nyũmba ya Aavu.</verse>
				<verse number="28">Na aenda na Yolamu mwana wa Aavu okite na Aasaeli mũsumbĩ wa Silia ku Lamothi‐ngileati: na Asilia mamũkita Yolamu.</verse>
				<verse number="29">Na mũsumbĩ Yolamu asyoka avoee ku Yesileeli mawũkite ala Asilia mamũkitĩe Lama, yĩla wokitaa na Aasaeli mũsumbĩ wa Silia. Na Aasia mwana wa Yeolamu mũsumbĩ wa Yuta atheea kũsisya Yolamu mwana wa Aavu ku Yesileeli, nũndũ aĩ mũwau.</verse>
			</chapter>
			<chapter number="9">
				<verse number="1">Na mwathani Elisa eeta ũmwe wa ana ma athani, na amwĩa, Ĩvotoe kĩnyunyu kyaku, nokyosa sũva ũũ wa mauta kw’okonĩ kwaku, ũende Lamothi‐ngileati.</verse>
				<verse number="2">Na wavika kw’o, mũmanthe Yeu mwana wa Yeosavati mwana wa Nimisi, noilika, ũmũkĩlye kuma katĩ wa ana‐a‐ĩthe make, noienda nake kasũmbanĩ ke nthĩnĩ.</verse>
				<verse number="3">Nĩvo ĩndĩ wĩosa sũva wa mauta, noimwĩtĩkĩsya mũtwe, na mwĩe, Ũũ nĩw’o Yeova ũnũkwasya, Nĩnakwĩtĩkĩsya mauta wĩthĩwe mũsumbĩ wa Isilaeli. Na ĩndĩ vingũa mũomo, ũkũke, na ndũkekale.</verse>
				<verse number="4">Kwondũ wa ũu ũ mwanake, o ũsu mwanake mwathani, aenda Lamothi‐ngileati.</verse>
				<verse number="5">Na yĩla wavikie, sisya, makavuteni ma nguthu mekalĩte nthĩ; na asya, Nĩ na ũtũmane kwaku, we kavuteni. Na Yeu akũlya, Kwa wĩva wa ithyonthe? Na asũngĩa, Kwaku, we kavuteni.</verse>
				<verse number="6">Na ookĩla, na alika nyũmbanĩ; na amwĩtĩkĩsya mauta mũtwe, na amwĩa, Ũũ nĩw’o Yeova, Ngai wa Isilaeli, ũnũkwasya, Nĩnĩkwĩtĩkĩĩtye mauta wĩthĩwe mũsumbĩ wa andũ ma Yeova, o Isilaeli.</verse>
				<verse number="7">Na ũkakũne nyũmba ya Aavu vwana waku, nĩ kana nĩĩvanĩsye nthakame ya athũkũmi makwa athani, na nthakame ya athũkũmi onthe ma Yeova, kw’okonĩ kwa Yeseveli.</verse>
				<verse number="8">Nũndũ nyũmba yonthe ya Aavu ĩkaanangwa; na ngaveta kwa Aavu kĩla mwana mũũme, na ũla wĩĩthĩwa mwove na ũla wĩĩthĩwa ate mwove nthĩnĩ wa Isilaeli.</verse>
				<verse number="9">Na ngatw’ĩkĩthya nyũmba ya Aavu ta nyũmba ya Yelovoamu mwana wa Nevati, na ta nyũmba ya Mbaasa mwana wa Aiya.</verse>
				<verse number="10">Na ngitĩ ikamũĩa Yeseveli kĩlungunĩ kya nthĩ kya Yesileeli, na kũtikethĩwa ũmwe wa kũmũthika. Na avingũa mũomo, na akũka.</verse>
				<verse number="11">Nĩvo ĩndĩ Yeu wamaumaalĩle athũkũmi ma mwĩaĩi wake: na ũmwe amũkũlya, Nĩ kũseo? Mũndũ ũsu wa ndũũka wũkie vala ũĩ nũndũ wa kĩ? Na amea, Nĩmwĩsĩ mũndũ ũsu na ũndũ kũneena kwake kwĩĩilyĩ.</verse>
				<verse number="12">Na mwĩa, Nĩ ũvũngũ; tũtavye oyu. Na asya, Aneena nakwa ũna na ũna, akĩmbĩa, Ũũ nĩw’o Yeova ũnũkwasya, Nĩnĩkwĩtĩkĩĩtye mauta wĩthĩwe mũsumbĩ wa Isilaeli.</verse>
				<verse number="13">Nĩvo ĩndĩ meekalaatile, na moosa kĩla mũndũ ngũa yake, na masia ungu wake me mbasyanĩ ĩũlũ, na mavuva soo, makyasya, Yeu nĩ mũsumbĩ.</verse>
				<verse number="14">Kwondũ wa ũu Yeu mwana wa Yeosavati mwana wa Nĩmisi amũsamĩa Yolamu. (Na ĩndĩ Yolamu nĩwasũvĩĩte Lamothi‐ngileati, we na Isilaeli onthe, nũndũ wa Aasaeli mũsumbĩ wa Silia;</verse>
				<verse number="15">ĩndĩ mũsumbĩ Yolamu aĩ anasyoka akavoee ku Yesileeli mawũkite ala mamũkitĩte, yĩla wokitaa na Aasaeli mũsumbĩ wa Silia.) Na Yeu asya, Ethĩwa kwenda kwenyu kũilyĩ ũũ, mũtikaeke ĩndĩ ũmwe avonoke kuma ndũanĩ, aende akatavan’ye ũvoo ku Yesileeli.</verse>
				<verse number="16">Kwondũ wa ũu Yeu akuwa nĩ ĩkasya, na athi Yesileeli; nũndũ Yolamu akomete kw’o. Na Aasia mũsumbĩ wa Yuta aĩ anatheea kũmũsisya Yolamu.</verse>
				<verse number="17">Na ĩndĩ mũsyaĩĩsya nĩwaũngamĩte mwakonĩ mũtũlu wa mũnyoolo ku Yesileeli, na esa kwona nguthu ya Yeu okanĩtye nayo, na asya, Nĩngwona nguthu. Na Yolamu asya, Osa mũndũ ũtũlaa mbalasi, noimũtũma amĩthaũe, nake nakakũlye, Nĩ mũuo?</verse>
				<verse number="18">Kwondũ wa ũu ũmwe athi atũlĩte mbalasi amũthaũe, na asya, Ũũ nĩw’o mũsumbĩ ũnũkwasya, Nĩ mũuo? Na Yeu asya, Wĩ ũndũ mwau na mũuo? Syoka ĩtina wakwa. Na ũla mũsyaĩĩsya atavan’ya, akyasya, Mũtũmwa avika vala maĩ, ĩndĩ ndeũsyoka.</verse>
				<verse number="19">Na ĩndĩ atũma ũngĩ wa kelĩ atũlĩte mbalasi, ũla nake wavikie vala maĩ, na asya, Ũũ nĩwo mũsumbĩ ũnũkwasya, Nĩ mũuo? Na Yeu asũngĩa, Wĩ ũndũ mwaũ na mũuo? Syoka ĩtina wakwa.</verse>
				<verse number="20">Na mũsyaĩĩsya atavan’ya, akyasya, Avika o vala maĩ, na ndeũsyoka: na mũtwaĩle nĩ ta mũtwaĩle wa Yeu mwana wa Nimisi; nũndũ nũtwĩate ta mũndũ wa ndũũka.</verse>
				<verse number="21">Na Yolamu asya, Ovai ĩkasya. Na moova ĩkasya yake ya kaũ. Na Yolamu mũsumbĩ wa Isilaeli na Aasia mũsumbĩ wa Yuta maumaala, kĩla ũmwe e ĩkasyanĩ yake, na maumaala mamũthaũe Yeu, na mamwĩthĩa kĩlungunĩ kya nthĩ kya Navothi Mũyesileeli.</verse>
				<verse number="22">Na kweethĩwa, yĩla Yolamu wonie Yeu, akũlya, Nĩ mũuo, Yeu? Na asũngĩa, Mũuo mwaũ, ĩvinda yĩla ũmalwaya wa inyia waku Yeseveli na mooi make maingĩvĩte ũu?</verse>
				<verse number="23">Na Yolamu athyũũa moko make, na akĩa, na amwĩa Aasia, Kwĩ ũkengani, we Aasia.</verse>
				<verse number="24">Na Yeu akoota ũta wake na vinya wake w’onthe, na aathĩla Yolamu katĩ wa ituo syake; na mũsyĩ wakuthũkĩla ngoonĩ yake, na ang’uthũka ĩkasyanĩ yake.</verse>
				<verse number="25">Nĩvo ĩndĩ Yeu wamũtavisye Mbitikali kavuteni wake, Mũkĩlye, noimwĩkya kĩlungunĩ kya mũũnda wa Navothi Mũyesileeli; nũndũ lilikana yĩla nyie naku twaendanasya vamwe tũkuĩtwe twĩ ĩtina wa Aavu ĩthe wake, ũndũ Yeova waiie mũio ũũ ĩũlũ wake:</verse>
				<verse number="26">Vate ndĩi nĩnonete ĩoo nthakame ya Navothi, na nthakame ya ana make, easya ũu Yeova; na ngakũĩvĩa kĩlungunĩ kĩĩ kya nthĩ, easya ũu Yeova. Yu kwondũ wa ũu mwose noimwĩkya kĩlungunĩ kĩĩ kya nthĩ, kwĩanana na ndeto ya Yeova.</verse>
				<verse number="27">Ĩndĩ yĩla Aasia mũsumbĩ wa Yuta wonie ũu, akũka na nzĩa ĩvĩtĩle nyũmba yĩ mũũndanĩ. Na Yeu amũatĩĩa, na asya, Mũkũnei nake e ĩkasyanĩ: na mamũkũnĩa kyambatonĩ kya Nguli, ĩla yĩ vakuvĩ na Ivileamu. Na akĩĩa Mekito, na akw’ĩa kw’o.</verse>
				<verse number="28">Na athũkũmi make mamũkua e ĩkasyanĩ kũvika Yelusaleme, na mamũthika ngunganĩ yake vala vathikawa akw’ũ vamwe na aaĩthe make ndũanĩ ya Ndaviti.</verse>
				<verse number="29">Na mwaka wa ĩkũmi na ũmwe wa kũsumbĩka kwa Yolamu mwana wa Aavu, Aasia ambĩlĩlya kũsumbĩka Yuta.</verse>
				<verse number="30">Na yĩla Yeu wavikie Yesileeli, Yeseveli eew’a ũu; na avaka metho make langi, na eekĩa kĩmanza mũtwe wake, na asyaĩlya mbũthinĩ.</verse>
				<verse number="31">Na yĩla Yeu walikaa mbingĩlonĩ, asya, Nĩ mũuo, we Nzimili, mũai wa vwana waku?</verse>
				<verse number="32">Na ang’elelya ũthyũ wake mbũthinĩ, na akũlya, Nũũ ũla wĩ ngalĩ yakwa? Nũũ? Na avakũe elĩ kana atatũ mamũkunĩkĩla.</verse>
				<verse number="33">Nake asya, Mwĩkyei nthĩ. Na ĩndĩ mamwĩkya nthĩ; na nthakame ĩmwe yake yatalĩkangĩla ũvai, na mbalasi: nake amũangan’ya na maũũ.</verse>
				<verse number="34">Na yĩla walikile, aya na anyw’a; na asya, Sisyai yu mũndũ mũka ũũ mũumanĩe, na mũimwĩnzĩa nthĩ; nũndũ nĩ mwĩĩtu wa mũsumbĩ.</verse>
				<verse number="35">Na mathi mamwĩnzĩe nthĩ; ĩndĩ matyaamwĩthĩa ate o kĩng’ala, na nyaĩĩ, na itaa sya moko make.</verse>
				<verse number="36">Kwondũ wa ũu masyoka, na mamũtavya. Nake asya, Ĩno nĩyo ndeto ya Yeova, ĩla waneenie na kanyw’a wa mũthũkumĩ wake Eliya Mũtisivi, akyasya, Kĩlungunĩ kya nthĩ kya Yesileeli ngiti ikaya nyama sya mwĩĩ wa Yeseveli;</verse>
				<verse number="37">na kimba kya Yeseveli kĩkeethĩwa ta vũũ ĩũlũ wa mũũnda kĩlungunĩ kya nthĩ kya Yesileeli, nĩ kana matikaaneene, Ũũ nĩwe Yeseveli.</verse>
			</chapter>
			<chapter number="10">
				<verse number="1">Na ĩndĩ Aavu aĩ na ana aũme mĩongo mũonza Samalia. Na Yeu aandĩka mavalũa, na amatwaa Samalia, kwa asumbĩki ma ku Yesileeli, o atumĩa, na kwa ala maeie ana ma Aavu, akĩmea,</verse>
				<verse number="2">Na yu o yĩla valũa ũũ wĩmũvikĩa, nũndũ ana ma vwana wenyu me vamwe nenyu, na mwĩ na makasya ma kaũ na mbalasi, o na ndũa mbiie, na mĩio ya kaũ;</verse>
				<verse number="3">manthai ũla mũseo mbee na mwaĩlu wa ana ma vwana wenyu, na mwiei kĩvĩlanĩ kya ũsumbĩ kya ĩthe wake, na mũkyũkitĩa nyũmba ya vwana wenyu.</verse>
				<verse number="4">Ĩndĩ meew’a w’ĩa mũno, na masya, Sisyai, asumbĩ asu elĩ matyaaũngama mbee wake: ithyĩ ĩndĩ tũkaũngama ata?</verse>
				<verse number="5">Na ũla waĩ mũsyaĩĩsya wa andũ ma nyũmba, na ũla waĩ mũnene wa ndũa, o na atumĩa nao, na ala maeie syana isu, matũmana kwa Yeu, makĩmwĩa, Twĩ athũkũmi maku, na tũkeeka w’onthe ũla wĩtwĩaĩa; tũtikatw’ĩkĩthya mũndũ o na wĩva mũsumbĩ: ĩka ũla wĩona wĩ ũseo.</verse>
				<verse number="6">Na ĩndĩ amaandĩkĩa valũa ĩvinda ya kelĩ, akĩmea, Ethĩwa mwĩ ngalĩ ĩla yakwa, na ethĩwa mũkeethukĩĩsya wasya wakwa, osai mĩtwe ya andũ, ana ma vwana wenyu, na mũimbũkĩa kũũ Yesileeli ũnĩ ĩvinda ta yĩĩ. Na ĩndĩ ana ma mũsumbĩ, andũ mĩongo mũonza, maĩ vamwe na andũ me nguma ma ndũa, ala mamaeie.</verse>
				<verse number="7">Na kweethĩwa, yĩla valũa wamavĩkĩe, moosa ana ma mũsumbĩ, na mamoaa, o andũ mĩongo mũonza, na meekĩa mĩtwe yoo ikavũnĩ, na mamĩtwaa Yesileeli.</verse>
				<verse number="8">Na kwooka mũtũmwa, na amũtavya, akyasya, Nĩmaetete mĩtwe ya ana ma mũsumbĩ. Na asya, Miei ivumbu ilĩ ũlikĩlonĩ mbingĩlonĩ kũvika kĩoko.</verse>
				<verse number="9">Na kweethĩwa kĩoko, aumaala, na aũngama, na amea andũ onthe, Mwĩ alũngalu inyw’ĩ: sisyai, nĩnĩnamũsamĩe vwana wakwa, na namũaa; ĩndĩ nũũ ũla wũaie aa onthe?</verse>
				<verse number="10">Manyai yu kũikavalũka nthĩ ndeto o na yĩva ya Yeova, ĩla Yeova waneenie ũndũ wa nyũmba ya Aavu: nũndũ Yeova nĩwĩkĩte ũla waneenie na kanyw’a wa mũthũkũmi wake Eliya.</verse>
				<verse number="11">Kwondũ wa ũu Yeu akũnĩa onthe ala matialĩte ma nyũmba ya Aavu ku Yesileeli, na andũ make onthe me nguma, na anyanyae make ala wesene nao, na athembi make, kũvika ndaamũtialya mũndũ o na ũmwe.</verse>
				<verse number="12">Na ookĩla na akũsya, na athi Samalia. Na yĩla waĩ nzĩanĩ vala ve nyũmba ya aĩthi ya kũtilĩla malondu maw’ĩa,</verse>
				<verse number="13">Yeu akomana na ana‐a‐ĩthe ma Aasia mũsumbĩ wa Yuta, na amakũlya, Mwĩ aaũ inyw’ĩ? Na masũngĩa, Ithyĩ twĩ ana‐a‐ĩthe ma Aasia: na nĩtũũtheea tũkethye ana ma mũsumbĩ na ana ma kĩveti kya mũsumbĩ.</verse>
				<verse number="14">Nake asya, Makwatei me thayũ. Na mamakwata me thayũ, na mamoaĩa ĩimanĩ ya nyũmba ya kũtilĩla malondu maw’ĩa, o andũ mĩongo ĩna na elĩ; o na ndaatialya ũmwe woo.</verse>
				<verse number="15">Na yĩla waĩ anauma kw’o, akomana na Yeonatavu mwana wa Lekavi okĩte kũmũthaũa; na amũkethya, na amũkũlya, Ngoo yaku nĩ ndũngalu, o tondũ ngoo yakwa ĩilyĩ na ngoo yaku? Na Yeonatavu asũngĩa, Nĩ ndũngalu. Ethĩwa ĩilyĩ ũu, nenga kw’oko kwaku. Na amũnenga kw’oko kwake; na amwambatya vala ũĩ ĩkasyanĩ.</verse>
				<verse number="16">Na amwĩa, Ũka tũendan’ye, wone kĩwĩu kyakwa kwondũ wa Yeova. Kwondũ wa ũu mamũkua e ĩkasyanĩ yake.</verse>
				<verse number="17">Na yĩla wavikie Samalia, akũna onthe ala matialĩlw’e Aavu ku Samalia, kũvika amũmina, kwĩanana na ndeto ya Yeova, ĩla wamũtavisye Eliya.</verse>
				<verse number="18">Na Yeu oomban’ya andũ onthe vamwe, na amea, Aavu athũkũmie Mbaali kavola; ĩndĩ Yeu akamũthũkũma mũno.</verse>
				<verse number="19">Yu kwondũ wa ũu metei moke vala nĩĩ athani onthe ma Mbaali, na athaithi make onthe, na athembi make onthe; kũtikethĩwe ũmwe ũte vo: nũndũ nĩ na nthembo nene ya kũmũthembea Mbaali; o ũla ũteĩthĩwa vo, ndakekala thayũ. Ĩndĩ Yeu eekie ũu na ũseleke, nĩ kana anange athaithi ma Mbaali.</verse>
				<verse number="20">Na Yeu asya, Tw’ai ũmbano ũkilĩtye kwondũ wa Mbaali. Na mootw’a.</verse>
				<verse number="21">Na Yeu atũmana ku Isilaeli kw’onthe: na athaithi onthe ma Mbaali mooka, na kũtyaĩ mũndũ o na ũmwe waatiala ũla ũtaaũka. Na malika nyũmbanĩ ya Mbaali; na nyũmba ya Mbaali yausũa ki kuma mũthya ũmwe kũvika ũla ũngĩ.</verse>
				<verse number="22">Na amwĩa mũsyaĩĩsya wa kasũmba kala kaiawa ngũa sya ũthaithi, Ete ngũa sya ũthaithi kwondũ wa athaithi onthe ma Mbaali. Na amaetee ngũa sya ũthaithi.</verse>
				<verse number="23">Na Yeu, e na Yeonatavu mwana wa Lekavi, malika nyũmbanĩ ya Mbaali; na amea athaithi ma Mbaali, Manthai, na mũisisya nĩ kana vatikethĩwe vaa vamwe nenyu o na ũmwe wa athũkũmi ma Yeova, ate o athaithi ma Mbaali oka.</verse>
				<verse number="24">Na malika mathembe nthembo sya kũtonywa na nthembo sya kũvĩvw’a. Na ĩndĩ Yeu nĩwaiĩte andũ mĩongo nyanya ũtee, na amea, Ethĩwa mũndũ o na wĩva ũla nĩete mokonĩ menyu akavonoka, ũla wĩmũlekya athi, thayũ wake ũkeethĩwa vandũ va thayũ wa ũsu.</verse>
				<verse number="25">Na kweethĩwa, o amina kũthemba nthembo sya kũvĩvw’a, Yeu amea nguthu ya asũvĩi na makavuteni, Likai, mũmoae; mũtikaeke ũmwe aumaale. Na mamakũna kwa kũmatemanga na ũvyũ; na asũvĩi na makavuteni mamekya nza, na mathi ndũanĩ yĩ nyũmba ya Mbaali.</verse>
				<verse number="26">Na maumaalya ituĩ ila syaĩ nyũmbanĩ ya Mbaali, na maivĩvya.</verse>
				<verse number="27">Na matũlanga kĩtuĩ kya Mbaali, na maomboa nyũmba ya Mbaali, na mamĩtw’ĩkĩthya ũtũnda, kũvika ũmũnthĩ.</verse>
				<verse number="28">Ũu nĩw’o Yeu waminie Mbaali nthĩnĩ wa Isilaeli.</verse>
				<verse number="29">Ĩndĩ Yeu ndaaeka kũatĩĩa naĩ sya Yelovoamu mwana wa Nevati, ila wamavĩtĩthisye Isilaeli nasyo, nasyo nĩ ii, tũsaũ twa thaavu tũla twaĩ Mbethi‐eli, na Ndani.</verse>
				<verse number="30">Na Yeova amwĩa Yeu, Nĩkwĩthĩwa nĩwĩkĩte nesa ũkĩka ũla nonaa wĩ ũseo, na nũmĩkĩte nyũmba ya Aavu kwĩanana na w’onthe ũla waĩ ngoonĩ yakwa, ana maku ma nzyawa ya kana makekala kĩvĩlanĩ kya ũsumbĩ kya Isilaeli.</verse>
				<verse number="31">Ĩndĩ Yeu ndaaĩsũvĩa aende mĩaonĩ ya Yeova, Ngai wa Isilaeli, na ngoo yake yonthe: ndaatia naĩ sya Yelovoamu, ila wavĩtĩthisye Isilaeli nasyo.</verse>
				<verse number="32">Mĩthenya ĩsu Yeova nĩwambĩlĩlye kũmaola Isilaeli: na Aasaeli amakũnĩa mĩvakanĩ yonthe ya Isilaeli;</verse>
				<verse number="33">kuma Yolotani kũthi ngalĩ ya wumĩlonĩ wa syũa, nthĩ yonthe ya Ngileati, Angati, na Aleuveni, na Amanase, kuma Aloeli, ĩla yĩ vakuvĩ na mwanda wa Alinoni, o Ngileati na Mbasani.</verse>
				<verse number="34">Na ĩndĩ meko ala angĩ ma Yeu, na w’onthe ũla wekaa, na vinya wake w’onthe mũnene, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="35">Na Yeu akoma na aaĩthe make; na mamũthika Samalia. Na Yeoaasi mwana wake asumbĩka vandũ vake.</verse>
				<verse number="36">Na ĩvinda yĩla Yeu wasumbĩkie Isilaeli ku Samalia yaĩ myaka mĩongo ĩlĩ na nyanya.</verse>
			</chapter>
			<chapter number="11">
				<verse number="1">Na ĩndĩ yĩla Athalia inyia wa Aasia wonie kana mwana wake nĩ mũkw’ũ, ookĩla na amina ũsyao w’onthe wa kĩũsumbĩ.</verse>
				<verse number="2">Ĩndĩ Yeoseva, mwĩĩtu wa mũsumbĩ Yolamu, mwĩĩtu‐a‐inyia wa Aasia, oosa Yoasi mwana wa Aasia, na amũya kũmumya ananĩ ma mũsumbĩ ala mooaawa, o we na mũei wake, na amekĩa kasũmbanĩ ka ũkoma; na mamũvitha Athalia ndakamwone, na ĩndĩ ndaaũawa;</verse>
				<verse number="3">na aĩ nake avithĩtwe nyũmbanĩ ya Yeova myaka thanthatũ. Na Athalia asumbĩka ĩ nthĩ.</verse>
				<verse number="4">Na mwaka wa mũonza Yeoiata atũmana na aete makavuteni ma maana ma Akali na ma nguthu ya asũvĩi, na amaete vala ũĩ nyũmbanĩ ya Yeova; na atianĩa ũtianĩo nao, na ameavĩthĩsya nyũmbanĩ ya Yeova, na amon’ya mwana wa mũsumbĩ.</verse>
				<verse number="5">Na ameaĩa, akĩmea, Ũũ nĩw’o ũla mwĩĩka: kĩlungu kya katatũ kya inyw’ĩ, ala mũkaa mũthenya wa savato, mũkeethĩwa asyaĩĩsya ma kũsũvĩa nyũmba ya mũsumbĩ;</verse>
				<verse number="6">na kĩlungu kĩngĩ kĩkeethĩwa mbingĩlonĩ yĩtawa Suli; na kĩlungu kĩngĩ mbingĩlonĩ ĩla yĩ ĩtina wa nguthu ya asũvĩi: ũu nĩw’o mwĩsyaĩĩasya nyũmba, na mũkeethĩwa kĩsiĩĩi.</verse>
				<verse number="7">Na ila nguthu ilĩ sya inyw’ĩ, o onthe ala maumaalaa mũthenya wa savato, mũkasũvĩa nyũmba ya Yeova mũthyũlũlũkĩte mũsumbĩ.</verse>
				<verse number="8">Na mũkathyũlũlũka mũsumbĩ ngalĩ syonthe, kĩla mũndũ akwete mĩio yake ya kaũ kw’okonĩ kwake; na ũla wĩvotela nthĩnĩ wa mĩselele, nĩoawe: na mwĩĩthĩwa na mũsumbĩ yĩla wĩumaala, na yĩla wĩsyoka.</verse>
				<verse number="9">Na makavuteni ma maana meeka kwĩanana na w’onthe ũla mũthembi Yeoiata weaĩte; na moosa kĩla mũndũ andũ make, ala maĩ ma ũlika mũthenya wa savato, na ala maĩ ma kumaala mũthenya wa savato, na mooka vala ve mũthembi Yeoiata.</verse>
				<verse number="10">Na mũthembi amanenga makavuteni ma maana matumo na ngao ila syaĩ sya mũsumbĩ Ndaviti, ila syaĩ nyũmbanĩ ya Yeova.</verse>
				<verse number="11">Na asũvĩi maũngama, kĩla mũndũ akwete mĩio yake ya kaũ kw’okonĩ kwake, kuma ngalĩ ya kwo’ko kwa aũme kũvika ngalĩ ya kw’oko kwa aka kwa nyũmba, vakuvĩ na kĩthembeo na nyũmba, mathyũlũlũkĩte mũsumbĩ ngalĩ syonthe.</verse>
				<verse number="12">Nĩvo ĩndĩ waumaalilye mwana wa mũsumbĩ, na amwĩkĩa ĩla ngovĩa ya ũsumbĩ, na amũnenga ũla ũkũsĩ; na mamũtw’ĩkĩthya mũsumbĩ, na mamwĩtĩkĩsya mauta; na makũnangan’ya mbĩ, na masya, Mũsumbĩ nĩekale thayũ ĩvinda ĩasa.</verse>
				<verse number="13">Na yĩla Athalia wewie kĩlonzo kya asũvĩi na kya andũ, ooka vala ve andũ nyũmbanĩ ya Yeova:</verse>
				<verse number="14">na asisya, na, kaĩ, mũsumbĩ aũngyĩ vakuvĩ na kĩtuĩ, o tondũ kweekawa, na makavuteni na masoo vakuvĩ na mũsumbĩ; na andũ onthe ma ĩ nthĩ matana, na mavuva masoo. Nĩvo ĩndĩ Athalia watembũangie ngũa syake, na asya, Nĩ ũvinga! Nĩ ũvinga!</verse>
				<verse number="15">Na mũthembi Yeoiata ameaĩa makavuteni ma maana ala maiĩtwe ĩũlũ wa nguthu, na amea, Mumaalĩlye katĩ wa mĩselele; na ũla wĩmũatĩĩa mũaei na ũvyũ. Nũndũ mũthembi aisye, Ndakoaĩwe nyũmbanĩ ya Yeova.</verse>
				<verse number="16">Kwondũ wa ũu mamwathũkĩa; na athi na nzĩa ya ũlikĩlo wa mbalasi wa nyũmba ya mũsumbĩ: na ooaĩwa vo.</verse>
				<verse number="17">Na Yeoiata atianĩa ũtianĩo katĩ wa Yeova na mũsumbĩ na andũ, atĩ makeethĩwa andũ ma Yeova; o na katĩ wa mũsumbĩ na andũ.</verse>
				<verse number="18">Na andũ onthe ma ĩ nthĩ mathi nyũmbanĩ ya Mbaali, na mamĩomboanga; ithembeo syayo na mĩvw’anano yayo matũlanga ilungu vyũ, na mooaĩa Matani mũthembi wa Mbaali mbee wa ithembeo. Na mũthembi aia anene ĩũlũ wa nyũmba ya Yeova.</verse>
				<verse number="19">Na oosa makavuteni ma maana, na Akali, na asũvĩi, na andũ ma ĩ nthĩ; na mamũete mũsumbĩ kuma nyũmbanĩ ya Yeova, na mooka na nzĩa ya mbingĩlo ya asũvĩi asu kũvika nyũmba ya mũsumbĩ. Na ekala kĩvĩlanĩ kya ũsumbĩ kya asumbĩ.</verse>
				<verse number="20">Na ĩndĩ andũ onthe ma ĩ nthĩ matana, na ndũa yausya. Na maĩ manamũaĩa Athalia na ũvyũ nyũmbanĩ ya mũsumbĩ.</verse>
				<verse number="21">Yeoasi aĩ wa myaka mũonza yĩla wambĩlĩlye kũsumbĩka.</verse>
			</chapter>
			<chapter number="12">
				<verse number="1">Yeoasi ambĩlĩlya kũsumbĩka mwaka wa mũonza wa kũsumbĩka kwa Yeu; na asumbĩka myaka mĩongo ĩna Yelusaleme: na syĩtwa ya inyia wake eetawa Nzivia wa ku Mbeeli‐sieva.</verse>
				<verse number="2">Na Yeoasi eekaa ũla Yeova wonaa wĩ ũseo mĩthenya yake yonthe ĩla mũthembi Yeoiata wamũmanyĩisye.</verse>
				<verse number="3">Ĩndĩ kũla kũndũ kũtũlu kũtyaavetwa; andũ nĩmaendeeaa na kũthemba na kũtoeesya ũvani kũla kĩndũ kũtũlu.</verse>
				<verse number="4">Na Yeoasi amea athembi, Mbesa syonthe sya syĩndũ ila ivathĩtwe syĩthĩwe ntheu ila ietawe nyũmbanĩ ya Yeova, mbesa ila itethasya wĩa, o mbesa sya andũ kwĩanana na kĩla mũndũ ũndũ ũtalĩlwe, na mbesa syonthe ila mũndũ o na wĩva ũsũanĩaa ngoonĩ aete nyũmbanĩ ya Yeova,</verse>
				<verse number="5">athembi masyose, kĩla mũndũ kuma kwa ũla wĩsene nake; na makatũngĩĩa kũndũ kũvũthũku kwa nyũmba, o vala vakoneka ũomboku.</verse>
				<verse number="6">Ĩndĩ kweethĩiwe, mwaka wa mĩongo ĩlĩ na ĩtatũ wa kũsumbĩka kwa mũsumbĩ Yeoasi athembi matyaĩ manatũngĩĩa kũndũ kũvũthũku kwa nyũmba.</verse>
				<verse number="7">Nĩvo ĩndĩ mũsumbĩ Yeoasi wamwĩtie mũthembi Yeoiata, na athembi ala angĩ, na amakũlya, Nũndũ wa kĩ mũtiũtũngĩĩa kũndũ kũvũthũku kwa nyũmba? Yu kwondũ wa ũu mũtikose mbesa ingĩ kwa ala mwĩsene namo, ĩndĩ inenganei kwondũ wa ala moomboku ma nyũmba.</verse>
				<verse number="8">Na athembi meetĩkĩla matikosa mbesa ingĩ kuma kwa andũ, o na matikatũngĩĩa kũndũ kũvũthũku kwa nyũmba.</verse>
				<verse number="9">Ĩndĩ mũthembi Yeoiata oosa ĩsandũkũ, na atonya ĩima ngunĩkonĩ yayo, na ayia ũtee wa kĩthembeo, ngalĩ ya kw’oko kwa aũme, vala mũndũ ũlikĩlaa nyũmbanĩ ya Yeova: na athembi ala masũvĩaa me mwalyonĩ meekĩa nthĩnĩ wayo mbesa syonthe ila syaetiwe nyũmbanĩ ya Yeova.</verse>
				<verse number="10">Na kweethĩwa, yĩla moonie kwaĩ mbesa mbingĩ ĩsandũkũnĩ, mũandĩki wa mũsumbĩ na mũthembi mũnene mambata, na meekĩa mbesa ila syoonekie nyũmbanĩ ya Yeova mũvukonĩ na maitala.</verse>
				<verse number="11">Na mbesa ila syathimiwe manengane mokonĩ ma ala matethasya wĩa, ala masyaĩĩasya nyũmba ya Yeova: na maĩva aseũvya ma mbwaũ na aki, ala matethasya wĩa nyũmbanĩ ya Yeova,</verse>
				<verse number="12">o na aki ma mavia na asũvya ma mavia, na kwondũ wa kũthooa mĩtĩ na mavia masũvye ma kũtũngĩĩa kũndũ kũvũthũku kwa nyũmba ya Yeova, na kwondũ wa syonthe ila syaumiwe sya kũtũngĩĩa nyũmba.</verse>
				<verse number="13">Ĩndĩ kũtyaaseũvw’a kwondũ wa nyũmba ya Yeova ikombe sya vetha, kana mĩkasi, kana masaani manene, kana masoo, kana mĩio o na yĩva ya thaavu, kana mĩio ya vetha, na mbesa ila syaetiwe nyũmbanĩ ya Yeova;</verse>
				<verse number="14">nũndũ isu syanengiwe ala matethasya wĩa, na matũngĩĩa nyũmba ya Yeova nasyo.</verse>
				<verse number="15">O na ĩngĩ matyaatalana na andũ, ala mamanengie mbesa isu kw’okonĩ kwoo mamanenge ala matethasya wĩa; nũndũ matethasya na kĩthito.</verse>
				<verse number="16">Mbesa sya nthembo kwondũ wa mavĩtyo, na mbesa sya nthembo kwondũ wa naĩ, ityaaetwe nyũmbanĩ ya Yeova: syaĩ sya athembi.</verse>
				<verse number="17">Nĩvo ĩndĩ Aasaeli mũsumbĩ wa Silia wambatie, na okita na Ngathi, na amĩkwata; na Aasaeli eelekelya ũthyũ kũthi Yelusaleme.</verse>
				<verse number="18">Na Yeoasi mũsumbĩ wa Yuta oosa syĩndũ syonthe ivathĩtwe syĩthĩwe ntheu ila Yeosavati na Yeolamu na Aasia, aaĩthe make, asumbĩ ma Yuta, mavathĩte syĩthĩwe ntheu, na syĩndũ syake mwene ila ivathĩtwe syĩthĩwe ntheu, na thaavu w’onthe ũla woonekie mothwiinĩ maie ma nyũmba ya Yeova, na ma nyũmba ya mũsumbĩ, na amũtwaĩa Aasaeli mũsumbĩ wa Silia: na aeka Yelusaleme.</verse>
				<verse number="19">Na ĩndĩ meko ala angĩ ma Yoasi, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="20">Na athũkũmi make mookĩla, na mamũsamĩa, na mamũkũnĩa Yoasi nyũmbanĩ yĩtawa Milo, nzĩanĩ ĩla ĩelete Silila.</verse>
				<verse number="21">Nũndũ Yosakali mwana wa Simeathi, na Yeosavatu mwana wa Someli, athũkũmi make, mamũkũna, na akw’a; na mamũthika vamwe na aaĩthe make ndũanĩ ya Ndaviti: na Amasia mwana wake asumbĩka vandũ vake.</verse>
			</chapter>
			<chapter number="13">
				<verse number="1">Mwaka wa mĩongo ĩlĩ na ĩtatũ wa kũsumbĩka kwa Yoasi mwana wa Aasia, mũsumbĩ wa Yuta, Yeoaasi mwana wa Yeu ambĩlĩlya kũsumbĩka Isilaeli ku Samalia, na asumbĩka myaka ĩkũmi na mũonza.</verse>
				<verse number="2">Na eekaa ũla Yeova wonaa wĩ ũthũku, na aatĩĩa naĩ sya Yelovoamu mwana wa Nevati, ila wavĩtĩthisye Isilaeli nasyo; ndaaitia.</verse>
				<verse number="3">Na ũthatu wa Yeova wamakanĩa Isilaeli, na amanengane kw’okonĩ kwa Aasaeli mũsumbĩ wa Silia, na kw’okonĩ kwa Mbeni‐aatati mwana wa Aasaeli, mavinda onthe.</verse>
				<verse number="4">Na Yeoaasi amwĩsũva Yeova, na Yeova amwĩthukĩĩsya; nũndũ nĩwonie thĩna wa Isilaeli, ũndũ mũsumbĩ wa Silia wamathĩnasya.</verse>
				<verse number="5">(Na Yeova anenga Isilaeli mũtangĩĩi, na ĩndĩ mauma kw’okonĩ kwa Asilia; na ana ma Isilaeli mekala maeemanĩ moo o ta tene.</verse>
				<verse number="6">Ĩndĩ vamwe na ũu matyaatia naĩ sya nyũmba ya Yelovoamu, ila wavĩtĩthisye Isilaeli nasyo, ĩndĩ maendaa nthĩnĩ wasyo: o na kwatialw’a Asela ku Samalia.)</verse>
				<verse number="7">Nũndũ ndaamũtialĩlya Yeoaasi andũ ate o andũ mĩongo ĩtano ala matũlaa mbalasi, na makasya ma kaũ ĩkũmi, na andũ ngili ĩkũmi ala maendaa na maũũ; nũndũ mũsumbĩ wa Silia nĩwamanangie, na amatw’ĩkĩthya ta kĩtoo yĩla kũũvũwa.</verse>
				<verse number="8">Na ĩndĩ meko ala angĩ ma Yeoaasi, na w’onthe ũla wekaa, na vinya wake mũnene, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="9">Na Yeoaasi akoma na aaĩthe make; na mamũthika Samalia: na Yoasi mwana wake asumbĩka vandũ vake.</verse>
				<verse number="10">Mwaka wa mĩongo ĩtatũ na mũonza wa kũsumbĩka kwa Yoasi mũsumbĩ wa Yuta, Yeoasi mwana wa Yeoaasi ambĩlĩlya kũsumbĩka Isilaeli ku Samalia, na asumbĩka myaka ĩkũmi na thanthatũ.</verse>
				<verse number="11">Na eekaa ũla Yeova wonaa wĩ ũthũku; ndaatia naĩ syonthe sya Yelovoamu mwana wa Nevati, ila wavĩtĩthisye Isilaeli nasyo; ĩndĩ aendaa nthĩnĩ wasyo.</verse>
				<verse number="12">Na ĩndĩ meko ala angĩ ma Yoasi, na w’onthe ũla wekaa, na vinya wake mũnene ũla wokitie Amasia mũsumbĩ wa Yuta naw’o, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="13">Na Yoasi akoma na aaĩthe make: na Yelovoamu ekalĩla kĩvĩla kyake kya ũsumbĩ: na Yoasi athikwa Samalia vamwe na asumbĩ ma Isilaeli.</verse>
				<verse number="14">Na ĩndĩ Elisa aĩ mũwau ũwau wake ũla wamũaie: na Yoasi mũsumbĩ wa Isilaeli atheea vala ũĩ, na amũĩĩa, na asya, Asa wakwa, asa wakwa, makasya ma Isilaeli na mbalasi syamo!</verse>
				<verse number="15">Na Elisa amwĩa, Osa ũta na mĩsyĩ; nake oosa ũta na mĩsyĩ.</verse>
				<verse number="16">Na amwĩa mũsumbĩ wa Isilaeli, Koota ũta na kw’oko kwaku; na ookoota na kw’oko kwake. Na Elisa ailĩĩla moko make ĩũlũ wa moko ma mũsumbĩ.</verse>
				<verse number="17">Na asya, Vingũa mbũthi ĩla yelekele wumĩlonĩ wa syũa; na amĩvingũa. Na ĩndĩ Elisa asya, Atha; na aatha. Na asya, Mũsyĩ wa Yeova wa kũkĩlya vinya, o mũsyĩ wa kũkĩlya Silia vinya; nũndũ ũkakũnĩa Asilia ku Aveki, kũvika wamamina vyũ.</verse>
				<verse number="18">Na asya, Osa mĩsyĩ; na amyosa. Na amwĩa mũsumbĩ wa Isilaeli, Atha nthĩ; na aatha katatũ, na aeka.</verse>
				<verse number="19">Na ũ mũndũ wa Ngai amũthatĩa, na amwĩa, Nĩwĩaĩlĩte kũatha mavinda atano kana thanthatũ: nĩvo ĩndĩ wĩĩthĩwa ũmĩkũna Silia kũvika wamĩmina vyũ; kwondũ wa ũu yu ũkakũna Silia o katatũ.</verse>
				<verse number="20">Na Elisa akw’a, na mamũthika. Na nguthu sya Amoavi syalika nthĩ ĩsu, mwaka ũkyambĩlĩlya.</verse>
				<verse number="21">Na kweethĩwa, yĩla mathikaa mũndũ, sisya, mesa kwona nguthu; na mamwĩkya ũ mũndũ ngunganĩ ya Elisa vala vathikawa akw’ũ: na mũndũ ũsu o akiita mavĩndĩ ma Elisa, athayũũka, na aũngama na maũũ make.</verse>
				<verse number="22">Na Aasaeli mũsumbĩ wa Silia athĩn’ya Isilaeli mĩthenya yonthe ya Yeoaasi.</verse>
				<verse number="23">Ĩndĩ Yeova aĩ mũseo kwoo, na amew’ĩa tei, na amelekela, nũndũ wa ũtianĩo wake na Avalaamu, na Isaka, na Yakovo, na ndaaĩtĩkĩla kũmananga, o na ndaamekya maume vala ũĩ kũvika yĩu.</verse>
				<verse number="24">Na Aasaeli mũsumbĩ wa Silia akw’a; na Mbeni‐aatati mwana wake asumbĩka vandũ vake.</verse>
				<verse number="25">Na Yeoasi mwana wa Yeoaasi aumya ĩngĩ kw’okonĩ kwa Mbeni‐aatati mwana wa Aasaeli ndũa ila waĩ anaumya kw’okonĩ kwa Yeoaasi ĩthe wake na kaũ. Yoasi amũkũna mavinda atatũ, na atũnga ndũa sya Isilaeli.</verse>
			</chapter>
			<chapter number="14">
				<verse number="1">Mwaka wa kelĩ wa kũsumbĩka kwa Yoasi mwana wa Yoaasi mũsumbĩ wa Isilaeli Amasia mwana wa Yoasi mũsumbĩ wa Yuta ambĩlĩlya kũsumbĩka.</verse>
				<verse number="2">Aĩ wa myaka mĩongo ĩlĩ na ĩtano yĩla wambĩlĩlye kũsumbĩka; na asumbĩka myaka mĩongo ĩlĩ na kenda Yelusaleme: na syĩtwa ya inyia wake eetawa Yeoatini wa ku Yelusaleme.</verse>
				<verse number="3">Na eekaa ũla Yeova wonaa wĩ ũseo, ĩndĩ ti ta Ndaviti ĩthe wake: nĩwekaa kwĩanana na w’onthe ũla Yoasi ĩthe wake wekaa.</verse>
				<verse number="4">Ĩndĩ kũla kũndũ kũtũlu kũtyaavetwa: andũ mĩmathembaa na kũtoeeasya ũvani kũla kũndũ kũtũlu.</verse>
				<verse number="5">Na kweethĩwa, o yĩla ũsumbĩ walũlũmĩlw’e kw’okonĩ kwake, ooaa athũkũmi make ala mooaie mũsumbĩ ĩthe wake:</verse>
				<verse number="6">ĩndĩ syana sya oaani asu ndaasyũaa; kwĩanana na ũla ũandĩkĩtwe ĩvukunĩ ya mĩao ya Mose, o tondũ Yeova weaie, akyasya, Aaithe matikoaawe kwondũ wa syana, o na syana itikoaawe kwondũ wa aaĩthe; ĩndĩ kĩla mũndũ akusae kwondũ wa naĩ yake mwene.</verse>
				<verse number="7">Nĩwoaĩe andũ ma Etomu ngili ĩkũmi Kyandanĩ kya Mũnyũ, na akwata ĩvia ya Sela na kaũ, na eeta syĩtwa yayo Yokitheeli, kũvika ũmũnthĩ.</verse>
				<verse number="8">Nĩvo ĩndĩ Amasia watũmie atũmwa kwa Yeoasi, mwana wa Yeoaasi mwana wa Yeu, mũsumbĩ wa Isilaeli, akĩmwĩa, Ũka, twonane ũthyũ kwa ũthyũ.</verse>
				<verse number="9">Na Yeoasi mũsumbĩ wa Isilaeli atũmana kwa Amasia mũsumbĩ wa Yuta, akyasya, Thangila ũla waĩ Levanoni watũmana kwa mũkũũ ũla waĩ Levanoni, ũkyasya, Mũnenge mwana wakwa mwĩĩtu waku ethĩwe mũka wake; na nyamũ mbai ĩla yaĩ Levanoni yavĩta, na yakinyanga ũla thangila.</verse>
				<verse number="10">Nĩ w’o, nũkũnĩte Etomu, na ngoo yaku nĩnĩkũkĩlĩtye: ĩkathĩĩe ũndũnĩ ũsu, nokĩkala kwaku; nũndũ wa kĩ ĩndĩ ũkwĩlikya maũndũnĩ ma kwĩyĩka naĩ, nĩ kana ũvalũke, o we, wĩ na Yuta?</verse>
				<verse number="11">Ĩndĩ Amasia ndaaĩtĩkĩla kwĩthukĩĩsya. Kwondũ wa ũu Yeoasi mũsumbĩ wa Isilaeli ambata; nake na Amasia mũsumbĩ wa Yuta moonanĩa ũthyũ kwa ũthyũ ku Mbethi‐semesi, ĩla ya Yuta.</verse>
				<verse number="12">Na Yuta makũnwa nĩ Isilaeli; na makũka kĩla mũndũ athi ĩeemanĩ yake.</verse>
				<verse number="13">Na Yeoasi mũsumbĩ wa Isilaeli amũkwatĩa Amasia mũsumbĩ wa Yuta, mwana wa Yeoasi mwana wa Aasia, ku Mbethi‐semesi, na avika Yelusaleme, na aomboanga ũvai wa Yelusaleme kuma mbingĩlonĩ ya Evalaimu kũvika mbingĩlonĩ ya kĩkotonĩ, mĩkono maana ana.</verse>
				<verse number="14">Na oosa thaavu w’onthe na vetha, na mĩio yonthe ĩla yoonekie nyũmbanĩ ya Yeova, na mothwiinĩ maie ma nyũmba ya mũsumbĩ, o na andũ ma ngwatĩlĩlyo, na asyoka Samalia.</verse>
				<verse number="15">Na ĩndĩ meko ala angĩ ma Yeoasi ala wekaa, na vinya wake mũnene, na ũndũ wokitie na Amasia mũsumbĩ wa Yuta, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="16">Na Yeoasi akoma na aaĩthe make, na athikwa Samalia vamwe na asumbĩ ma Isilaeli; na Yelovoamu mwana wake asumbĩka vandũ vake.</verse>
				<verse number="17">Na Amasia mwana wa Yoasi mũsumbĩ wa Yuta ekala thayũ ĩtina wa kĩkw’ũ kya Yeoasi mwana wa Yeoaasi mũsumbĩ wa Isilaeli myaka ĩkũmi na ĩtano.</verse>
				<verse number="18">Na ĩndĩ meko ala angĩ ma Amasia, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="19">Na mamũsamĩĩa ku Yelusaleme; na akĩĩa Lakisi: ĩndĩ matũmanie aatĩĩwe ku Lakisi, na mamũaĩa kw’o.</verse>
				<verse number="20">Na mamũete akuĩtwe nĩ mbalasi; na athikwa Yelusaleme vamwe na aaĩthe make ndũanĩ ya Ndaviti.</verse>
				<verse number="21">Na andũ onthe ma Yuta moosa Asalia, ũla waĩ wa myaka ĩkũmi na thanthatũ, na mamũtw’ĩkĩthya mũsumbĩ vandũ va ĩthe wake Amasia.</verse>
				<verse number="22">Na atũngĩĩa Elathi, na amĩtũnga kwa Yuta ĩtina wa mũsumbĩ ĩakoma na aaĩthe make.</verse>
				<verse number="23">Mwaka wa ĩkũmi na ĩtano wa kũsumbĩka kwa Amasia mwana wa Yoasi mũsumbĩ wa Yuta, Yelovoamu mwana wa Yoasi mũsumbĩ wa Isilaeli ambĩlĩlya kũsumbĩka Samalia, na asumbĩka myaka mĩongo ĩna na ũmwe.</verse>
				<verse number="24">Na eekaa ũla Yeova wonaa wĩ ũthũku: ndaatia naĩ syonthe sya Yelovoamu mwana wa Nevati, ila wavĩtĩthisye Isilaeli nasyo.</verse>
				<verse number="25">Atũnga mũvaka wa Isilaeli kuma ũlikĩlonĩ wa Amathi kũvika ũkanga wĩ Alava, kwĩanana na ndeto ya Yeova, Ngai wa Isilaeli, ĩla waneenie na kanyw’a wa mũthũkũmi wake mwathani Yona mwana wa Amitai, ũla waĩ wa mũsyĩ wa Ngathi‐eevieli.</verse>
				<verse number="26">Nũndũ Yeova nĩwonie thĩna wa Isilaeli kana waĩ ũũ mũno; nũndũ kũtyaĩ ũmwe mwove kana ũte mwove, o na kũtyaĩ mũtethya wa Isilaeli.</verse>
				<verse number="27">Na Yeova ndaaneena atĩ akavuta syĩtwa ya Isilaeli yumw’e ĩtheo wa ĩtu; ĩndĩ amatangĩĩa na kw’oko kwa Yelovoamu mwana wa Yoasi.</verse>
				<verse number="28">Na ĩndĩ meko ala angĩ ma Yelovoamu na w’onthe ũla wekaa, na vinya wake mũnene, ũndũ wokitie, na ũndũ watũngĩe Isilaeli Ndamasiku, na Amathi, ila syatwĩe sya Yuta, ti maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="29">Na Yelovoamu akoma na aaĩthe make, o vamwe na asumbĩ ma Isilaeli; na Nzekalia mwana wake asumbĩka vandũ vake.</verse>
			</chapter>
			<chapter number="15">
				<verse number="1">Mwaka wa mĩongo ĩlĩ na mũonza wa kũsumbĩka kwa Yelovoamu mũsumbĩ wa Isilaeli, Asalia mwana wa Amasia mũsumbĩ wa Yuta ambĩlĩlya kũsumbĩka.</verse>
				<verse number="2">Aĩ wa myaka ĩkũmi na thanthatũ yĩla wambĩlĩlye kũsumbĩka; na asumbĩka myaka mĩongo ĩtano na ĩlĩ Yelusaleme: na syĩtwa ya inyia wake eetawa Yekolia wa ku Yelusaleme.</verse>
				<verse number="3">Na eekaa ũla Yeova wonaa wĩ ũseo, kwĩanana na w’onthe ũla ĩthe wake Amasia wekaa.</verse>
				<verse number="4">Ĩndĩ kũla kũndũ kũtũlu kũtyaavetwa: andũ nĩmaendeeaa na kũthemba na kũtoeesya ũvani kũla kũndũ kũtũlu.</verse>
				<verse number="5">Na Yeova akũna mũsumbĩ, na eethĩwa na mangũ kũvika mũthenya wa kĩkw’ũ kyake, na ekalaa nyũmbanĩ e weka. Na Yothamu mwana wa mũsumbĩ aĩ mũsyaĩĩsya wa andũ ma nyũmba, akĩsilany’a andũ ma ĩ nthĩ.</verse>
				<verse number="6">Na ĩndĩ meko ala angĩ ma Asalia, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="7">Na Asalia akoma na aaĩthe make; na mamũthika vamwe na aaĩthe make ndũanĩ ya Ndaviti: na Yothamu mwana wake asumbĩka vandũ vake.</verse>
				<verse number="8">Mwaka wa mĩongo ĩtatũ na nyanya wa kũsumbĩka kwa Asalia mũsumbĩ wa Yuta, Nzekalia mwana wa Yelovoamu asumbĩka Isilaeli ku Samalia myei thanthatũ.</verse>
				<verse number="9">Na eekaa ũla Yeova wonaa wĩ ũthũku, o tondũ aaĩthe make meekaa: ndaatia naĩ sya Yelovoamu mwana wa Nevati, ila wavĩtĩthisye Isilaeli nasyo.</verse>
				<verse number="10">Na Salumu mwana wa Yavesi amũsamĩa, na amũkũna andũ mene, na amũaa, na asumbĩka vandũ vake.</verse>
				<verse number="11">Na ĩndĩ meko ala angĩ ma Nzekalia, sisya, nĩmaandĩkĩtwe ĩvukunĩ ya maũndũ ma mavinda ma asumbĩ ma Isilaeli.</verse>
				<verse number="12">Ĩno nĩyo ndeto ya Yeova ĩla waneenie na Yeu, akĩmwĩa, Ana maku kũvika nzyawa ya kana makekala kĩvĩlanĩ kya ũsumbĩ kya Isilaeli. Na o ũu weethĩwa.</verse>
				<verse number="13">Salumu mwana wa Yavesi ambĩlĩlya kũsumbĩka mwaka wa mĩongo ĩtatũ na kenda wa kũsumbĩka kwa Usia mũsumbĩ wa Yuta; na asumbĩka vandũ va mwei ku Samalia.</verse>
				<verse number="14">Na Menaemu mwana wa Kati ambata kuma Tilisa, na avika Samalia, na akũnĩa Salamu mwana wa Yavesi ku Samalia, na amũaa, na asumbĩka vandũ vake.</verse>
				<verse number="15">Na ĩndĩ meko ala angĩ ma Salumu, na kũsamĩa kwake kũla wasamie, sisya nĩmaandĩkĩtwe ĩvukunĩ ya maũndũ ma mavinda ma asumbĩ ma Isilaeli.</verse>
				<verse number="16">Nĩvo ĩndĩ Menaemu wakũnie Tivisa, na onthe nthĩnĩ wayo, na mĩvaka yayo, kuma Tilisa; nĩkwĩthĩwa matyaamũvingũĩa, kwondũ wa ũu amĩkũna; na aka onthe nthĩnĩ wayo ala aito amataũa.</verse>
				<verse number="17">Mwaka wa mĩongo ĩtatũ na kenda wa kũsumbĩka kwa Asalia mũsumbĩ wa Yuta, Menaemu mwana wa Kati ambĩlĩlya kũsumbĩka Isilaeli, na asumbĩka myaka ĩkũmi Samalia.</verse>
				<verse number="18">Na: eekaa ũla Yeova wonaa wĩ ũthũku mĩthenya yake yonthe ndaatia naĩ sya Yelovoamu mwana wa Nevati, ila wavĩtĩthisye Isilaeli nasyo.</verse>
				<verse number="19">Na kwooka Vulu mũsumbĩ wa Asuli okite na nthĩ ĩsu; na Menaemu amũnenga Vulu talendi ngili sya vetha, nĩ kana kw’oko kwake kwĩthĩwe vamwe nake kũmũlũlũmĩlya ũsumbĩ kw’okonĩ kwake.</verse>
				<verse number="20">Na Menaemu amaumĩthya Isilaeli mbesa isu na vinya, o athwii onthe me nguma kĩla mũndũ sekeli mĩongo ĩtano sya vetha, anenge mũsumbĩ wa Asuli. Kwondũ wa ũu mũsumbĩ wa Asuli eetulũla asyoka, na ndaaĩkala kw’o nthĩ ĩsu.</verse>
				<verse number="21">Na ĩndĩ meko ala angĩ ma Menaemu, na w’onthe ũla wekaa, tĩ maandĩke ĩvukunĩ ya maũndũ ma mavinda ma asumbĩ ma Isilaeli?</verse>
				<verse number="22">Na Menaemu akoma na aaĩthe make; na Vekaia mwana wake asumbĩka vandũ vake.</verse>
				<verse number="23">Mwaka wa mĩongo ĩtano wa kũsumbĩka kwa Asalia mũsumbĩ wa Yuta, Vekaia mwana wa Menaemu ambĩlĩlya kũsumbĩka Isilaeli ku Samalia, na asumbĩka myaka ĩlĩ.</verse>
				<verse number="24">Na eekaa ũla Yeova wonaa wĩ ũthũku: ndaatia naĩ sya Yelovoamu mwana wa Nevati, ila wavĩtĩthisye Isilaeli nasyo.</verse>
				<verse number="25">Na Veka mwana wa Lemalia, kavuteni wake, amũsamĩa, na amũkũnĩa ku Samalia, nthĩnĩ wa nyũmba nene yĩ kĩemo yĩ nyũmbanĩ ya mũsumbĩ, vamwe na Alikovu na Alie; na vamwe nake kwaĩ andũ mĩongo ĩtano ma Angileati: na amũaa, na asumbĩka vandũ vake.</verse>
				<verse number="26">Na ĩndĩ meko ala angĩ ma Vekaia, na w’onthe ũla wekaa, sisya, nĩmaandĩkĩtwe ĩvukunĩ ya maũndũ ma mavinda ma asumbĩ ma Isilaeli.</verse>
				<verse number="27">Mwaka wa mĩongo ĩtano na ĩlĩ wa kũsumbĩka kwa Asalia mũsumbĩ wa Yuta, Veka mwana wa Lemalia ambĩlĩlya kũsumbĩka Isilaeli ku Samalia, na asumbĩka myaka mĩongo ĩlĩ.</verse>
				<verse number="28">Na eekaa ũla Yeova wonaa wĩ ũthũku: ndaatia naĩ sya Yelovoamu mwana wa Nevati, ila wavĩtĩthisye Isilaeli nasyo.</verse>
				<verse number="29">Mĩthenyanĩ ya Veka mũsumbĩ wa Isilaeli, Tikilathi‐vileseli mũsumbĩ wa Asuli ooka, na akwata ndũa sya Iyoni, na Aveli‐mbethi‐maaka, na Yanoa, na Ketesi, na Asoli, na Ngileati, na Ngalilii, nthĩ yonthe ya Navitali; na amatwaa me atave Asuli.</verse>
				<verse number="30">Na Osea mwana wa Ela amũsamĩa Veka mwana wa Lemalia, na amũkũna, na amũaa, na asumbĩka vandũ vake, mwaka wa mĩongo ĩlĩ wa kũsumbĩka kwa Yothamu mwana wa Usia.</verse>
				<verse number="31">Na ĩndĩ meko ala angĩ ma Veka, na w’onthe ũla wekaa, sisya, nĩmaandĩkĩtwe ĩvukunĩ ya maũndũ ma mavinda ma asumbĩ ma Isilaeli.</verse>
				<verse number="32">Mwaka wa kelĩ wa kũsumbĩka kwa Veka mwana wa Lemalia mũsumbĩ wa Isilaeli, Yothamu mwana wa Usia mũsumbĩ wa Yuta ambĩlĩlya kũsumbĩka.</verse>
				<verse number="33">Aĩ wa myaka mĩongo ĩlĩ na ĩtano yĩla wambĩlĩlya kũsumbĩka; na asumbĩka myaka ĩkũmi na thanthatũ Yelusaleme: na syĩtwa ya inyia wake eetawa Yelusa mwĩĩtu wa Nzatoki.</verse>
				<verse number="34">Na eekaa ũla Yeova wonaa wĩ ũseo; nĩwekaa kwĩanana na w’onthe ũla ĩthe wake Usia wekaa.</verse>
				<verse number="35">Ĩndĩ kũla kũndũ kũtũlu kũtyaavetwa: andũ nĩmaendeeaa na kũthemba na kũtoeesya ũvani kũla kũndũ kũtũlu. Nĩwakie mbingĩlo ya ngalĩ ya ĩũlũ ya nyũmba ya Yeova.</verse>
				<verse number="36">Na ĩndĩ meko ala angĩ ma Yothamu, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="37">Mĩthenyanĩ ĩsũ Yeova ambĩlĩlya kũtũma Lesini mũsumbĩ wa Silia, na Veka mwana wa Lemalia, mokite na Yuta.</verse>
				<verse number="38">Na Yothamu akoma na aaĩthe make, na athikwa vamwe na aaĩthe make ndũanĩ ya Ndaviti ĩthe wake: na Aasu mwana wake asumbĩka vandũ vake.</verse>
			</chapter>
			<chapter number="16">
				<verse number="1">Mwaka wa ĩkũmĩ na mũonza wa kũsumbĩka kwa Veka mwana wa Lemalia, Aasu mwana wa Yothamu mũsumbĩ wa Yuta ambĩlĩlya kũsumbĩka.</verse>
				<verse number="2">Aasu aĩ wa myaka mĩongo ĩlĩ yĩla wambĩlĩlye kũsumbĩka; na asumbĩka myaka ĩkũmi na thanthatũ Yelusaleme: na ndaaĩka ũla Yeova wonaa wĩ ũseo, o tondũ Ndaviti ĩthe wake wekaa.</verse>
				<verse number="3">Ĩndĩ nĩwaendaa mũendelenĩ wa asumbĩ ma Isilaeli, ĩĩ, na avĩtĩlya mwana wake mwakinĩ, kwĩanana na mothatyo ma mbaĩ, ila Yeova wailũngilye mbee wa ana ma Isilaeli.</verse>
				<verse number="4">Na athembaa na kũtoeeasya ũvani kũla kũndũ kũtũlu, na iĩmanĩ, na ĩtina wa kĩla mũtĩ mwĩũ.</verse>
				<verse number="5">Nĩvo ĩndĩ Lesini mũsumbĩ wa Silia na Veka mwana wa Lemalia mũsumbĩ wa Isilaeli mambatie Yelusaleme mokite: na mamũthyũlũlũka Aasu mamũtw’ĩkanĩsya, ĩndĩ matyaatonya kũmũkĩlya vinya.</verse>
				<verse number="6">Ĩvinda yĩu Lesini mũsumbĩ wa Silia atũngĩa Silia mũsyĩ wa Elathi, na alũngya Ayuti ku Elathi; na Asilia mooka Elathi, na matũa kw’o, kũvika ũmũnthĩ.</verse>
				<verse number="7">Kwondũ wa ũu Aasu atũma atũmwa kwa Tikilathi‐vileseli mũsumbĩ wa Asuli, akĩmwĩa, Nyie nĩ mũthũkũmi waku na mwana waku: ambata, ũndangĩĩe kuma kw’okonĩ kwa mũsumbĩ wa Silia, na kuma kw’okonĩ kwa mũsumbĩ wa Isilaeli, ala mambũkĩlĩĩle mokite nakwa.</verse>
				<verse number="8">Na Aasu oosa vetha na thaavu ũla woonekete nyũmbanĩ ya Yeova, na mothwiinĩ maie nyũmbanĩ ya mũsumbĩ, na amũtwaĩa mũsumbĩ wa Asuli wĩthĩwe mũthĩnzĩo.</verse>
				<verse number="9">Na mũsumbĩ wa Asuli amwĩthukĩĩsya; na mũsumbĩ wa Asuli ambata okite na Ndamasiku, na amĩkwata, na atwaa andũ mayo me atave Kili, na amũaa Lesini.</verse>
				<verse number="10">Na mũsumbĩ Aasu athi Ndamasiku akomane na Tikilathi‐vileseli mũsumbĩ wa Asuli, na oona kĩthembeo kĩla kyaĩ Ndamasiku; na mũsumbĩ Aasu amũtwaĩa mũthembi Uliya mwakĩlwe wa kĩthembeo, na ngelekan’yo yakyo, kwĩanana na wĩa w’onthe wakyo.</verse>
				<verse number="11">Na mũthembi Uliya aaka kĩthembeo: kwĩanana na w’onthe ũla mũsumbĩ Aasu wamũtũmĩe kuma Ndamasiku, now’o mũthembi Uliya wakĩseũvisye eteele kũka kwa mũsumbĩ Aasu kuma Ndamasiku.</verse>
				<verse number="12">Na yĩla mũsumbĩ wokie kuma Ndamasiku, mũsumbĩ oona kĩthembeo: na mũsumbĩ athengeea kĩthembeo, na athemba ĩũlũ wakyo.</verse>
				<verse number="13">Na avĩvya nthembo yake ya kũvĩvw’a na nthembo yake ya mũtu, na eta nthembo yake ya kũnyuwa, na aminzangĩsya nthakame ya nthembo syake sya mũuo, ĩũlũ wa kĩthembeo.</verse>
				<verse number="14">Na kĩthembeo kya ũthuku, kĩla kyaĩ mbee wa Yeova, akyumya ngalĩ ya mbee ya nyũmba, kuma katĩ wa kĩthembeo kyake na nyũmba ya Yeova, na akĩkĩa ngalĩ ya ĩũlũ ya kĩthembeo kyake.</verse>
				<verse number="15">Na mũsumbĩ Aasu amwĩaĩa mũthembi Uliya, akĩmwĩa, Ĩũlũ wa kĩthembeo kĩnene vĩvĩasya nthembo ya kũvĩvw’a ya kĩoko, na nthembo ya mũtu ya wĩoo, na nthembo ya kũvĩvw’a ya mũsumbĩ, na nthembo yake ya mũtu, vamwe na nthembo ya kũvĩvw’a ya andũ onthe ma ĩ nthĩ, na nthembo yoo ya mũtu, na nthembo syoo sya kũnyuwa; na minzangĩasya ĩũlũ wakyo nthakame yonthe ya nthembo ya kũvĩvw’a, na nthakame yonthe ya nthembo ya kũtonywa: ĩndĩ kĩthembeo kya ũthuku kĩkeethĩwa kyakwa kya ũkũlasya nakyo.</verse>
				<verse number="16">Ũu nĩw’o mũthembi Uliya wekie, kwĩanana na w’onthe ũla mũsumbĩ Aasu weaie.</verse>
				<verse number="17">Na mũsumbĩ Aasu oombũa mavava ma ala matina na aumya kĩndũ kya kũthambĩa ĩũlũ wamo, na atheesya ũla ũkanga wume ĩũlũ wa nzaũ sya ũthuku ila syaĩ ungu waw’o, na awia nthĩ vandũ vaseũvye na mavia.</verse>
				<verse number="18">Na kĩkukumwa kwondũ wa mũthenya wa savato kĩla maakĩte nyũmbanĩ, na vandũ va ũtee va ũlikĩla mũsumbĩ, aalyũla kwĩthĩwe ngalĩ ya nthĩnĩ ya nyũmba ya Yeova, nũndũ wa mũsumbĩ wa Asuli.</verse>
				<verse number="19">Na ĩndĩ meko ala angĩ ma Aasu ala wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="20">Na Aasu akoma vamwe na aaĩthe make, na athikwa vamwe na aaĩthe make ndũanĩ ya Ndaviti: na Esekia mwana wake asumbĩka vandũ vake.</verse>
			</chapter>
			<chapter number="17">
				<verse number="1">Mwaka wa ĩkũmi na ĩlĩ wa kũsumbĩka kwa Aasu mũsumbĩ wa Yuta, Osea mwana wa Ela ambĩlĩlya kũsumbĩka Isilaeli ku Samalia, na asumbĩka myaka kenda.</verse>
				<verse number="2">Na eekaa ũla Yeova wonaa wĩ ũthũku, ĩndĩ ti ta asumbĩ ma Isilaeli ala maĩ mbee wake.</verse>
				<verse number="3">Salimaneseli mũsumbĩ wa Asuli ambata okite nake; na Osea atw’ĩka mũthũkũmi wake, na amumĩasya mũvothi.</verse>
				<verse number="4">Na mũsumbĩ wa Asuli amanya kana Osea nũmũsamĩaa; nũndũ nĩwatũmĩte atũmwa kwa So mũsumbĩ wa Misili, na ndaamũtwaĩa mũsumbĩ wa Asuli mũvothi, o tondũ wekaa kĩla mwaka: kwondũ wa ũu mũsumbĩ wa Asuli amũvingĩa, na amwova kolokolonĩ.</verse>
				<verse number="5">Nĩvo ĩndĩ mũsumbĩ wa Asuli wambatie aianganga nthĩ yonthe, na avika Samalia, na amĩthyũlũlũka amĩtw’ĩkanĩsya myaka ĩtatũ.</verse>
				<verse number="6">Mwaka wa kenda wa kũsumbĩka kwa Osea, mũsumbĩ wa Asuli akwata Samalia, na atwaa Isilaeli ku Asuli, na amaia ku Aalaa, na ũtee wa Avoli, ũsĩ wa Ngosani, na ndũanĩ sya Ametia.</verse>
				<verse number="7">Na kweethĩiwe ũu, nũndũ ana ma Isilaeli nĩmamũvĩtanĩsye Yeova Ngai woo, ũla wamaumisye nthĩ ya Misili kuma ĩtheo wa kw’oko kwa Valao mũsumbĩ wa Misili, na nĩmakĩaa ngai ingĩ,</verse>
				<verse number="8">na maendaa myamũlonĩ ya mbaĩ, ila Yeova wailũngilye mbee wa ana ma Isilaeli, na ya asumbĩ ma Isilaeli ĩla matw’ĩte.</verse>
				<verse number="9">Na ana ma Isilaeli nĩmamwĩkaa Yeova Ngai woo na kĩmbithĩ maũndũ ala mataĩ maseo: na meeyakĩa kũndũ kũtũlu ndũanĩ syoo syonthe, kuma mwakonĩ mũtũlu wa mũnyoolo wa asyaĩĩsya kũvika ĩla ndũa mbiie;</verse>
				<verse number="10">na meeũngamĩĩsya ituĩ na Aselimu kĩla kĩĩmanĩ kĩtũlu, na ĩtina wa kĩla mũtĩ mwĩũ;</verse>
				<verse number="11">na kũu matoeeasya ũvani kũndũ kw’onthe kũtũlu, o tondũ mbaĩ ila Yeova wavetie mbee woo syeekaa; na meeka maũndũ mathũku makĩthatya Yeova;</verse>
				<verse number="12">na mathũkũmaa mĩvw’anano, ĩla Yeova wamatavisye ũndũ wayo, Mũtikaaĩke ũndũ ũũ.</verse>
				<verse number="13">Ĩndĩ Yeova akũsĩĩaa Isilaeli, na Yuta, na kanyw’a wa kĩla mwathani, na wa kĩla mwoni, akĩmea, Ĩthyũũei mũtie mĩendele yenyu mĩthũku, na mũikwata mĩao yakwa na myamũlo yakwa, kwĩanana na mĩao yonthe ĩla neeaĩe aaĩthe menyu, na ĩla natũmie kwenyu na makanyw’a ma athũkũmi makwa athani.</verse>
				<verse number="14">Ĩndĩ o na ũu w’onthe, matyaaĩtĩkĩla kwĩw’a, ĩndĩ moomya ngingo syoo, o ta ngingo sya aaĩthe moo, ala mataaĩtĩkĩla Yeova Ngai woo.</verse>
				<verse number="15">Na malea myamũlo yake, na ũtianĩo wake ũla watianĩe na aaĩthe moo, na mokũsĩ make ala wamakũsĩĩe; na maatĩĩaa maũndũ ma mana, na matw’ĩka andũ mate kĩĩĩ, na maatĩĩaa mbaĩ ila syamathyũlũlũkĩte, ila Yeova wameaĩe ũndũ wasyo atĩ matikeke tasyo.</verse>
				<verse number="16">Na matia mĩao yonthe ya Yeova Ngai woo, na meeseũvĩsya mĩvw’anano ya syĩndũ ila matwekethetye, o tũsaũ twĩlĩ, na maseũvya Asela, na mathaithaa nguthu yonthe ya ĩtunĩ, na mathũkũmaa Mbaali.</verse>
				<verse number="17">Na mavĩtĩlasya ana moo na eĩtu moo mwakinĩ, na kũaũasya, na kwĩkaa maũndũ ma mowe, na meethoosya kwĩkaa ũla Yeova wonaa wĩ ũthũku, makĩmũthatya.</verse>
				<verse number="18">Kwondũ wa ũu Yeova amathatĩa Isilaeli mũno, na amaumya amatwae vala ũtatonya kũmona: vati ĩmwe yaatiala ate o mbaĩ ya Yuta yoka.</verse>
				<verse number="19">O na Yuta matyaakwata mĩao ya Yeova Ngai woo, ĩndĩ maendaa myamũlonĩ ya Isilaeli ĩla matw’ĩte.</verse>
				<verse number="20">Na Yeova alea ũsyao w’onthe wa Isilaeli, na amathĩn’ya, na amanengane kw’okonĩ kwa anangi, kũvika amekya vala ũtatonya kũmona.</verse>
				<verse number="21">Nũndũ nĩwavenie nyũmba ya Ndaviti Isilaeli; na mamũtw’ĩkĩthya Yelovoamu mwana wa Nevati mũsumbĩ: na Yelovoamu aingĩĩsya Isilaeli matikaatĩĩe Yeova, na amavĩtĩthya naĩ nene.</verse>
				<verse number="22">Na ana ma Isilaeli maendaa naĩnĩ syonthe sya Yelovoamu ila wekaa; matyaaitia;</verse>
				<verse number="23">kũvika Yeova amatwaa Isilaeli vala ũtatonya kũmona, o tondũ waneenie na kanyw’a wa athũkũmi make onthe athani. Kwondũ wa ũu Isilaeli maumw’a nthĩ yoo ene matwawa Asuli kũvika ũmũnthĩ.</verse>
				<verse number="24">Na mũsumbĩ wa Asuli aete andũ kuma Mbaviloni, na kuma Kutha, na kuma Ava, na kuma Amathi na Sevalivaimu, na amaia ndũanĩ sya Samalia vandũ va ana ma Isilaeli; na makwata Samalia yĩthĩwe yoo, na matũa ndũanĩ syayo.</verse>
				<verse number="25">Na kweethĩwa, makyambĩlĩlya kũtũa kw’o, matyaakĩa Yeova: kwondũ wa ũu Yeova atũma mĩnyambũ katĩ woo, ila yooaie amwe moo.</verse>
				<verse number="26">Kwondũ wa ũu maneena na mũsumbĩ wa Asuli, makĩmwĩa, Mbai ila watwaie, na wasia ndũanĩ sya Samalia, ityĩsĩ mĩao ya ngai ya ĩ nthĩ: kwondũ wa ũu nĩtũmĩte mĩnyambũ katĩ wasyo, na, sisya, nĩnĩũmoaa, nũndũ matyĩsĩ mĩao ya ngai ya ĩ nthĩ.</verse>
				<verse number="27">Nĩvo ĩndĩ mũsumbĩ wa Asuli weaie, akyasya, Tũngai kw’o ũmwe wa athembi ala mwaumisye kw’o; na nĩmaende na kũtũa kw’o, nake amamanyĩsye mĩao ya ngai ya nthĩ ĩsu.</verse>
				<verse number="28">Kwondũ wa ũu ũmwe wa athembi ala matavĩte kuma Samalia ooka na atũa Mbethi‐eli, na amamanyĩsya ũndũ maĩle kũkĩa Yeova.</verse>
				<verse number="29">Ĩndĩ kĩla mbaĩ yaseũvya ngai syayo ene, na yasyĩkĩa nyũmbanĩ sya kũndũ kũtũlu kũla Asamalia maseũvĩtye, kĩla mbaĩ ndũanĩ syayo vala yatwĩe.</verse>
				<verse number="30">Na andũ ma Mbaviloni maseũvya Sukothi‐mbenothi, na andũ ma Kutha maseũvya Nelikali, na andũ ma Amathi maseũvya Asima,</verse>
				<verse number="31">na Aavi maseũvya Niviasi na Talitaki; na Asevalivai mavĩvya syana syoo na mwaki kwondũ wa Atalameleki na Anameleki, ngai sya Sevalivaimu.</verse>
				<verse number="32">O ta ũu makĩa Yeova, na meenyuvĩa kuma katĩ woo ene athembi ma kũla kũndũ kũtũlu, ala mathembaa kwondũ woo nyũmbanĩ sya kũla kũndũ kũtũlu.</verse>
				<verse number="33">Nĩmakĩaa Yeova, na mathũkũmaa ngai syoo ene, kwĩanana na maũndũ ma mbaĩ ila maumiw’e katĩ wasyo yĩla mataviwe.</verse>
				<verse number="34">Kũvika ũmũnthĩ maatĩĩa ũndũ ũsu wa tene: matikĩaa Yeova, o na matyĩkaa kwĩanana na myamũlo yoo, kana motw’ĩo moo, kana kũatĩĩa mĩao kana kũatĩĩa mwĩao ũla Yeova weaĩe ana ma Yakovo, ũla wamũtw’ĩĩe syĩtwa ya Isilaeli;</verse>
				<verse number="35">ũla Yeova watianĩe ũtianĩo nao, na ameaĩa, akĩmea, Mũtikakĩe ngai ingĩ, o na mũtikasyĩkunamĩsye, o na kwithũkũma, o na kwithembea:</verse>
				<verse number="36">ĩndĩ Yeova, ũla wamumisye nthĩ ya Misili na vinya mũnene na kw’oko kũtambũũku, nĩwe mũkakĩaa, na mũkamwĩkunamĩasya, na nĩwe mũkamũthembeaa:</verse>
				<verse number="37">na myamũlo na motw’ĩo, na mĩao na mwĩao, ala waandĩkie kwondũ wenyu, mwĩsũvĩa kwĩkaa tene na tene; na mũtikakĩe ngai ingĩ:</verse>
				<verse number="38">na ũtianĩo ũla natianĩe nenyu mũtikolwe nĩw’o; o na mũtikakĩe ngai ingĩ:</verse>
				<verse number="39">ĩndĩ mũkamũkĩae Yeova Ngai wenyu; nake akamumasya mokonĩ ma amaitha menyu onthe.</verse>
				<verse number="40">Ĩndĩ matyaaĩthukĩĩsya, ĩndĩ meekaa o tondũ meekaa tene.</verse>
				<verse number="41">O ta ũu mbaĩ isu nĩsyamũkĩaa Yeova, na nĩsyathũkũmaa mĩvw’anano yoo myasũvye; syana syasyo o ta ũu, na nzũkũlũ syasyo, o tondũ aaĩthe masyo meekaa, now’o syĩkaa kũvika ũmũnthĩ.</verse>
			</chapter>
			<chapter number="18">
				<verse number="1">Na ĩndĩ kweethĩwa mwaka wa katatũ wa kũsumbĩka kwa Osea mwana wa Ela mũsumbĩ wa Isilaeli, Esekia mwana wa Aasu mũsumbĩ wa Yuta ambĩlĩlya kũsumbĩka.</verse>
				<verse number="2">Aĩ wa myaka mĩongo ĩlĩ na ĩtano yĩla wambĩlĩlye kũsumbĩka; na asumbĩka myaka mĩongo ĩlĩ na kenda Yelusaleme: na syĩtwa ya inyia wake eetawa Avi mwĩĩtu wa Nzekalia.</verse>
				<verse number="3">Na eekaa ũla Yeova wonaa wĩ ũseo, kwĩanana na w’onthe ũla Ndaviti ĩthe wake wekaa.</verse>
				<verse number="4">Aveta kũla kũndũ kũtũlu, na atũlanga ituĩ, na atema Asela wavalũka: na atilanga ilungu nzoka ya ũthuku ĩla Mose waseũvisye; nũndũ kũvika mĩthenya ĩsu ana ma Isilaeli mamĩtoeeasya ũvani; na amĩta Neusitani.</verse>
				<verse number="5">Amũĩkĩĩaa Yeova, Ngai wa Isilaeli; ũndũ o na ĩtina wake vatyaĩ ũmwe wailyĩ take katĩ wa asumbĩ onthe ma Yuta, o na katĩ wa ala maĩ mbee wake.</verse>
				<verse number="6">Nũndũ alũmanĩtye na Yeova; ndaaeka kũmũatĩĩa, ĩndĩ nĩwakwataa mĩao yake, ĩla Yeova wamwĩaĩe Mose.</verse>
				<verse number="7">Na Yeova aĩ nake; o kũla waendaa nĩwaathimĩkaa: na amũng’endea mũsumbĩ wa Asuli, o na ndaamũthũkũma.</verse>
				<verse number="8">Akũna Avilisiti kũvika Ngasa na mĩvaka yayo, kuma mwakonĩ mũtũlu wa mũnyoolo wa asyaĩĩsya kũvika ndũa mbiie.</verse>
				<verse number="9">Na kweethĩwa mwaka wa kana wa kũsumbĩka kwa mũsumbĩ Esekia, ũla waĩ mwaka wa mũonza wa kũsumbĩka kwa Osea mwana wa Ela mũsumbĩ wa Isilaeli, Salimaneseli mũsumbĩ wa Asuli ambata okite na Samalia, na amĩthyũlũlũka amĩtw’ĩkanĩsya.</verse>
				<verse number="10">Na myaka ĩtatũ yathela mamĩkwata; mwaka wa thanthatũ wa kũsumbĩka kwa Esekia, ũla waĩ mwaka wa kenda wa kũsumbĩka kwa Osea mũsumbĩ wa Isilaeli, nĩw’o Samalia yakwatiwe.</verse>
				<verse number="11">Na mũsumbĩ wa Asuli amatwaa Isilaeli ku Asuli, na amekalya ku Aalaa, na ũtee wa Avoli, ũsĩ wa Ngosani, na ndũanĩ sya Ametia,</verse>
				<verse number="12">nĩkwĩthĩwa matyaaĩw’a wasya wa Yeova Ngai woo, ĩndĩ mavĩtĩsye ũtianĩo wake, o w’onthe ũla Mose mũthũkũmi wa Yeova weaie, na malea kũwĩw’a, kana kũwĩka.</verse>
				<verse number="13">Na ĩndĩ mwaka wa ĩkũmi na ĩna wa kũsumbĩka kwa mũsumbĩ Esekĩa, Senakelivu mũsumbĩ wa Asuli ambata okite na ndũa syonthe mbiie sya Yuta, na aikwata.</verse>
				<verse number="14">Na Esekia mũsumbĩ wa Yuta atũmana kwa mũsumbĩ wa Asuli ku Lakisi, akĩmwĩa, Nĩnĩvĩtĩtye; syoka ũekane nakwa: kĩla wĩmbaĩkya ngakua. Na mũsumbĩ wa Asuli amũtw’ĩa Esekia mũsumbĩ wa Yuta talendi maana atatũ sya vetha na talendi mĩongo ĩtatũ sya thaavu.</verse>
				<verse number="15">Na Esekia amũnenga vetha w’onthe ũla woonekie nyũmbanĩ ya Yeova, na mothwiinĩ maie nyũmbanĩ ya mũsumbĩ.</verse>
				<verse number="16">Ĩvinda yĩu Esekia oombũa thaavu mĩomonĩ ya ĩkalũ ya Yeova, na ituĩnĩ ila Esekia mũsumbĩ wa Yuta wavw’ĩkĩte naw’o, na amũnenga mũsumbĩ wa Asuli.</verse>
				<verse number="17">Na mũsumbĩ wa Asuli atũma Talitani na Lavi‐salisi na Lavisake kuma Lakisi mathi Yelusaleme kwa mũsumbĩ Esekia me na ita nene. Na mambata na mavika Yelusaleme. Na mavika, mathi na maũngama vakuvĩ na mũtaũ wa ndia yĩ ngalĩ ya ĩũlũ, ĩla yĩ lelũnĩ ũelete kĩsesinĩ kya mũthambya wa ngũa.</verse>
				<verse number="18">Na yĩla mamwĩtie mũsumbĩ, maumaalĩlwe nĩ Eliakimu mwana wa Ilikia, ũla waĩ mũsyaĩĩsya wa andũ ma nyũmba, na mũandĩki Sevina, na Yoa mwana wa Asavu ũla mũandĩki wa maũndũ.</verse>
				<verse number="19">Na Lavi‐sake amea, Mũtavyei Esekia yu, Ũũ nĩw’o mũsumbĩ mũnene, mũsumbĩ wa Asuli, ũnũkwasya, Wĩkwatyo ũũ nĩ mwaũ ũla wĩkwatĩtye?</verse>
				<verse number="20">Nũkwasya (ĩndĩ nĩ ndeto sya mana), Ve ũtw’ĩo na vinya wa kaũ. Yu wĩkwatasya ũũ, nũndũ nũng’endee nyie?</verse>
				<verse number="21">Yu, sisya, wĩkwatĩtye ndata ya mũangi ũũ mũkanyange, nayo nĩ Misili; ĩla ethĩwa mũndũ nũkwĩvandĩĩa nayo, ĩkatema kw’oko kwake, na ĩkĩkũtonya: now’o Valao mũsumbĩ wa Misili ũilyĩ kwa onthe ala mamũĩkĩĩaa.</verse>
				<verse number="22">Ĩndĩ ethĩwa mwĩmbĩa, Ithyĩ nĩtũũmũĩkĩĩa Yeova Ngai waitũ; tiwe ũla Esekia ũvetete kũndũ kwake kũtũlu na ithembeo syake, na nũtavĩtye Yuta na Yelusaleme, Mũkathaithe mbee wa kĩthembeo kĩĩ Yelusaleme?</verse>
				<verse number="23">Yu kwondũ wa ũu, nĩngũkwĩsũva, nenga vwana wakwa mũsumbĩ wa Asuli ngwatĩlĩlyo, na ngakũnenga mbalasi ngili ili, ethĩwa a vaku nũtonya kũtũlya andũ ĩũlũ wasyo.</verse>
				<verse number="24">Ũtonya ata ĩndĩ kũthyũũa ũthyũ wa kavuteni ũmwe wa ala anini mbee ma athũkũmi ma vwana wakwa, na kwĩkwatya Misili ĩkũnenge makasya na andũ ma ũtũlaa mbalasi?</verse>
				<verse number="25">Na yu nĩnambatĩte nde na Yeova nũkite na vandũ vaa nĩvanange? Yeova ambĩie, Ambata ũkite na nthĩ ĩsu, ũmyanange.</verse>
				<verse number="26">Nĩvo ĩndĩ Eliakimu mwana wa Ilikia, e na Sevina, na Yoa, mamwĩie Lavi‐sake, Nĩngũkwĩsũva, neena na athũkũmi maku na kĩthyomo kya Asilia; nũndũ nĩtũũkĩmanya: na ndũkaneene naitũ na kĩthyomo kya Ayuti, matũnĩ ma ala me ũvainĩ.</verse>
				<verse number="27">Ĩndĩ Lavi‐sake amakũlya, Vwana wakwa nũndũmĩte kwa vwana waku, na kwaku, nĩneene ndeto ii? Ndandũmĩte kwa andũ ala mekalaa ũvainĩ, maye mai moo ene, na manyw’e maumao moo ene vamwe nenyu?</verse>
				<verse number="28">Nĩvo ĩndĩ Lavi‐sake waũngamie, na aneena na wasya mũnene na kĩthyomo kya Ayuti, na aneena, akyasya, Ĩthukĩĩsyei ndeto ya mũsumbĩ mũnene, mũsumbĩ wa Asuli.</verse>
				<verse number="29">Ũũ nĩw’o mũsumbĩ ũnũkwasya, Esekia ndakamũkenge; nũndũ ndakatonya kũmũvonokya kuma kw’okonĩ kwake:</verse>
				<verse number="30">o na Esekia ndakamũĩkĩĩthye Yeova, akyasya, Yeova ndakatĩa kũtũvonokya, na ndũa ĩno ndĩkanenganwe kw’okonĩ kwa mũsumbĩ wa Asuli.</verse>
				<verse number="31">Mũtikamwĩthukĩĩsye Esekia: nũndũ ũũ nĩw’o mũsumbĩ wa Asuli ũnũkwasya, Seũvyai mũuo nakwa, na mũkyumaala mũke vala nĩĩ; na mũiĩsaa kĩla ũmwe wa mũsavivũ wake, na kĩla ũmwe wa mũkũyũ wake, na mũkĩnyusaa kĩla ũmwe manzĩ ma kĩthima kyake mwene;</verse>
				<verse number="32">kũvika yĩla nĩũka na kũmũtwaa nthĩ ĩilyĩ ta nthĩ ĩno yenyu, nthĩ yĩ lĩu wa mbaa ngetha na mbinyu mbĩthĩ, nthĩ yĩ lĩu na mĩũnda ya mĩsavivũ, nthĩ yĩ mĩthata na ũkĩ wa nzũkĩ, nĩ kana mwĩkale na thayũ, na ti kũkw’a: na mũtikamwĩthukĩĩsye Esekia, yĩla ũnũkũmũkikya, akyasya, Yeova akatũvonokya.</verse>
				<verse number="33">Kwĩ ngai o na yĩva ya i mbaĩ yaavonokya nthĩ yayo kuma kw’okonĩ kwa mũsumbĩ wa Asuli?</verse>
				<verse number="34">Ngai sya Amathi, na sya Alivati iĩva? Ngai sya Sevalivaimu, na sya Ena, na sya Iva iĩva? Nivonoketye Samalia kuma kw’okonĩ kwakwa?</verse>
				<verse number="35">Nĩ syĩva katĩ wa ngai syonthe sya nthĩ, ila ivonoketye nthĩ yasyo kuma kw’okonĩ kwakwa, nĩ kana Yeova avonokye Yelusaleme kuma kw’okonĩ kwakwa?</verse>
				<verse number="36">Ĩndĩ andũ mavindya ki, na matyaamũsũngĩa ndeto; nũndũ mwĩao wa mũsumbĩ waĩtye, Mũtikamũsũngĩe.</verse>
				<verse number="37">Nĩvo ĩndĩ Eliakimu mwana wa Ilikia, ũla waĩ mũsyaĩĩsya wa andũ ma nyũmba, na mũandĩki Sevina, na Yoa mwana wa Asavu ũla mũandĩki wa maũndũ, mathi kwa Esekia matembũangĩte ngũa syoo na mamũtavya ndeto sya Lavi‐sake.</verse>
			</chapter>
			<chapter number="19">
				<verse number="1">Na kweethĩwa yĩla mũsumbĩ Esekia wewie ũu, atembũanga ngũa syake, na eekĩa makunia, na alika nyũmbanĩ ya Yeova.</verse>
				<verse number="2">Na atũma Eliakimu, ũla waĩ mũsyaĩĩsya wa andũ ma nyũmba, na mũandĩki Sevina, na atumĩa ma athembi, meekĩte makunia, kwa mwathani Isaia mwana wa Amosu.</verse>
				<verse number="3">Nao mamwĩa, Ũũ nĩw’o Esekia ũnũkwasya, Ũmũnthĩ nĩ mũthenya wa thĩna, na wa ũkanw’a, na wa kũvũthw’a; nũndũ twana nĩtũvikĩte kũsyawa, na vati vinya wa kũsyaa.</verse>
				<verse number="4">Nokwĩthĩwa Yeova Ngai waku, akeew’a ndeto syonthe sya Lavi‐sake ũla mũsumbĩ wa Asuli vwana wake ũmũtũmĩte amũvũthĩĩsye Ngai wĩ thayũ, na akakan’ya ndeto ila Yeova Ngai waku wĩw’ĩte: kwondũ wa ũu ũkĩlya mboya yaku kwondũ wa ũtialo ũla ũtialĩte.</verse>
				<verse number="5">Kwondũ wa ũu athũkũmi ma mũsumbĩ Esekia mathi kwa Isaia.</verse>
				<verse number="6">Na Isaia amea, Ũũ nĩw’o mwĩmũtavya vwana wenyu, Ũũ nĩw’o Yeova ũnũkwasya, Ndũkakĩe ndeto ila wĩw’ĩte, ila athũkũmi ma mũsumbĩ wa Asuli manumangĩte nasyo.</verse>
				<verse number="7">Sisya, ngeekĩa veva nthĩnĩ wake, na akeew’a maũvoo, na akasyoka nthĩ yake mwene; na ngatũma avalũkw’a na ũvyũ e nthĩ yake mwene.</verse>
				<verse number="8">Kwondũ wa ũu Lavi‐sake asyoka, an amwĩthĩa mũsumbĩ wa Asuli akyũkita na ndũa ya Livina; nũndũ aĩ aneew’a kana nĩwumĩte vu Lakisi.</verse>
				<verse number="9">Na yĩla wewie kũineenwa ũndũ wa Tiliaka mũsumbĩ wa Ethiovia, Sisya, nĩwumaalĩte okite naku, atũma atũmwa ĩngĩ kwa Esekia, akyasya,</verse>
				<verse number="10">Ũũ nĩw’o mwĩmũtavya Esekia mũsumbĩ wa Yuta, ũkĩmwĩa, Ngai waku ũla ũmwĩkwatasya ndakakũkenge, aikwĩa, Yelusaleme ndĩkanenganwe kw’okonĩ kwa mũsumbĩ wa Asuli.</verse>
				<verse number="11">Sisya, nĩwĩw’ĩte ũndũ asumbĩ ma Asuli mekĩte nthĩ syonthe, ũndũ wa kũsyananga vyũ: naku ũkavonokw’a?</verse>
				<verse number="12">Ngai sya mbaĩ nĩsyaivonokisye, ila aasa makwa masyanangie, Ngosani, na Aalani, na Lesevu, na ana ma Eteni ala maĩ Telasali?</verse>
				<verse number="13">Aĩva mũsumbĩ wa Amathi, na mũsumbĩ wa Alivati, na mũsumbĩ wa ndũa ya Sevalivaimu, na ya Ena, na ya Iva?</verse>
				<verse number="14">Na Esekia oosa valũa kuma mokonĩ ma ala matũmiwe, na oosoma; na Esekia ambata nyũmbanĩ ya Yeova, na ootambũũkĩsya mbee wa Yeova.</verse>
				<verse number="15">Na Esekia avoya mbee wa Yeova, na asya, Ame Yeova, Ngai wa Isilaeli, ũla wĩkalaa ĩũlũ wa akeluvi, nue Ngai, o we wĩ weka, wa mosumbĩ onthe me nthĩ; nue woombie ĩtu na nthĩ.</verse>
				<verse number="16">Tea kũtũ kwaku, ame Yeova, wĩw’e; salukya metho maku, ame Yeova, wone; na ĩw’a ndeto sya Senakelivu, ila ũmũtũmĩte nasyo avũthĩĩsye Ngai wĩ thayũ,</verse>
				<verse number="17">Nĩ w’o, Yeova, asumbĩ ma Asuli nĩmanangĩte i mbaĩ na nthĩ syasyo,</verse>
				<verse number="18">na nĩmekĩtye ngai syoo mwakinĩ; nũndũ ityaĩ ngai, ĩndĩ nĩ wĩa wa moko ma andũ, o mĩtĩ na mavia; kwondũ wa ũu nĩmasyanangĩte.</verse>
				<verse number="19">Yu kwondũ wa ũu, ame Yeova Ngai waitũ, nĩngũkwĩsũva, tũtangĩĩe kuma kwokonĩ kwake, nĩ kana mosumbĩ onthe ma nthĩ mamanye atĩ we Yeova nue Ngai wĩ weka.</verse>
				<verse number="20">Nĩvo ĩndĩ Isaia mwana wa Amosu watũmanie kwa Esekia, akyasya, Ũu nĩw’o Yeova, Ngai wa Isilaeli, ũnũkwasya, Nĩkwĩthĩwa nũmboyete ũndũ wa Senakelivu mũsumbĩ wa Asuli, nĩnĩkwĩw’ĩte.</verse>
				<verse number="21">Ĩno nĩyo ndeto ĩla Yeova ũneenete ũndũ wake: Mwĩĩtu mũtheu wa Saioni nũkũvũthĩtye na nũkũthekeeete mũno; mwĩĩtu wa Yelusaleme nũkũthingithangĩsye mũtwe wake.</verse>
				<verse number="22">Nũũ ũla ũvũthĩĩsye na kũmũumanga? Na nũũ ũla ũmũkĩlĩlye wasya waku na kũmũkĩlĩlya metho maku ĩũlũ? No Ũla Mũtheu wa Isilaeli.</verse>
				<verse number="23">Nũvũthĩĩsye Mwĩaĩi na makanyw’a ma atũmwa maku, na nũneenete, Nĩnambatĩte nĩ na wingĩ wa makasya makwa iĩmanĩ ĩũlũ, kũvika Levanoni nthĩnĩ; na ngatũla mĩkũũ ĩla mĩasa ya vo, na mĩsonovali mĩseo ya vo; na ngalika vandũ vake va ũkoma vala va nthĩnĩ mbee, o mũtitũ wa mũũnda wake ũla ũsyaaa mũno.</verse>
				<verse number="24">Nĩnĩnzĩte na kũnyw’a manzĩ maeni, na ngang’alĩthya mbũsĩ syonthe sya Misili na nyaĩĩ syakwa.</verse>
				<verse number="25">Ndwaaĩw’a ũndũ neekie ũndũ ũsu tene mũno, na naseũvya ũu kuma tene tene? Na yu nĩnĩtw’ĩkĩthĩtye, atĩ nĩ ũndũ waku kwananga ndũa mbiie syĩthĩwe ivumbu sya moomboe.</verse>
				<verse number="26">Kwondũ wa ũu ala maitwĩe maĩ na vinya o mũnini, mateva na mathokoana; mailyĩ nyeki sya kĩsesi, na nyũnyi nziũ, ta nyeki nyũmbanĩ ĩũlũ, na ta lĩu wa mbaa ngetha ũla wũmanĩlĩtw’e ũtanamba kwĩana.</verse>
				<verse number="27">Ĩndĩ nĩnĩsĩ kwĩkala nthĩ kwaku, na kumaala kwaku, na kũsyoka kwaku, na kũnthilĩkĩla kwaku.</verse>
				<verse number="28">Nũndũ wa kũnthilĩkĩla, na nĩkwĩthĩwa wĩnenevyo waku nũvikĩte matũnĩ makwa, kwondũ wa ũu ngeekĩa kavaloi kakwa manyiũũnĩ maku, na mũkwa wakwa ilomonĩ syaku, na ngakũthyũũa ũsyokele nzĩa ĩla ũnesĩle.</verse>
				<verse number="29">Na ũũ ũkeethĩwa wonan’yo kwaku: mwaka ũũ mũkaya metĩkĩa, na mwaka wa kelĩ mathongooo mamo; na mwaka wa katatũ vandai, na mũiketha, na vandai mĩũnda ya mĩsavivũ, mũye ũsyao wayo.</verse>
				<verse number="30">Na ũtialo ũla mũvonoku wa nyũmba ya Yuta ũkatambũũkya mĩi ĩngĩ ĩlikĩte nthĩ, na kũsyaa ũsyao welekele ĩũlũ.</verse>
				<verse number="31">Nũndũ ũtialo ũkauma Yelusaleme, na ala makavonoka makauma kĩĩmanĩ kya Saioni: kĩwĩu kya Yeova kĩkeanĩsya ũndũ ũsu.</verse>
				<verse number="32">Kwondũ wa ũu Yeova easya ũndũ wa mũsumbĩ wa Asuli atĩĩ, Ndakalika ndũanĩ ĩno, o na ndakamĩkya mũsyĩ, o na ndakoka mbee wayo na ngao, o na ndakamyũmbĩĩa kĩvumbu.</verse>
				<verse number="33">Na nzĩa ĩla ũnookie nayo, akasyokela o yo, na ndakalika ĩ ndũanĩ, easya ũu Yeova.</verse>
				<verse number="34">Nũndũ ngamĩsesea ndũa ĩno nĩmĩtangĩĩe, kwondũ wakwa mwene, na kwondũ wa mũthũkũmi wakwa Ndaviti.</verse>
				<verse number="35">Na kweethĩwa ũtukũ ũsu, mũlaĩka wa Yeova aumaala, na akũna andũ ngili ĩana na mĩongo nyanya na itano mwakonĩ wa maeema wa Aasuli: na yĩla andũ maamũkie kĩoko tene, sisya, asu onthe maĩ simba.</verse>
				<verse number="36">Kwondũ wa ũu Senakelivu mũsumbĩ wa Asuli ookĩla, na aenda na asyoka kwake, na atũa Nĩneva.</verse>
				<verse number="37">Na kweethĩwa, aithaithĩa nyũmbanĩ ya Nisiloki ngai yake, Atalameleki na Saleseli ana make mamũkũna na ũvyũ: na maindũka mathi nthĩ ya Alalati. Na Esaliatoni mwana wake asumbĩka vandũ vake.</verse>
			</chapter>
			<chapter number="20">
				<verse number="1">Mĩthenya ĩsu Esekia aĩ mũwau akathengeea kũkw’a. Na mwathani Isaia, mwana wa Amosu, amũkĩa, na amwĩa, Ũũ nĩw’o Yeova ũnũkwasya, Ĩae ũndũ wa nyũmba yaku; nũndũ nũũkw’a, ndwĩĩkala thayũ.</verse>
				<verse number="2">Nĩvo ĩndĩ wethyũũie na eelekelya ũthyũ wake wakonĩ, na amũvoya Yeova, akĩmwĩa,</verse>
				<verse number="3">Lilikana yu, ame Yeova, nĩngũkwĩsũva, ũndũ nĩendete mbee waku nthĩnĩ wa w’o na ngoo mbĩanĩu, na nĩnĩkĩte ũla wonaa wĩ ũseo. Na Esekia aĩa mũno.</verse>
				<verse number="4">Na kweethĩwa, Isaia atanamba kũvika ndũanĩ katĩ, ndeto ya Yeova yamũkĩa, ĩkĩmwĩa.</verse>
				<verse number="5">Syoka, ũmwĩe Esekia mũnene wĩ mbee ũsumbĩnĩ wa andũ makwa, Ũũ nĩw’o Yeova, Ngai wa Ndaviti ĩthe waku, ũnũkwasya, Nĩnĩw’ĩte mboya yaku, nĩnonete methoi maku: sisya, nĩngũũvosya; mũthenya wa katatũ ũkambata nyũmbanĩ ya Yeova.</verse>
				<verse number="6">Na ngongela mĩthenya yaku myaka ĩkũmi na ĩtano; na ngakũvonokya we na ndũa ĩno kuma kw’okonĩ kwa mũsumbĩ wa Asuli; na ngamĩsesea ndũa ĩno kwondũ wakwa mwene, na kwondũ wa mũthũkũmi wakwa Ndaviti.</verse>
				<verse number="7">Na Isaia asya, Osa kakũmbwa ka makũyũ. Na moosa na makailĩĩla mũimũnĩ, na avoa.</verse>
				<verse number="8">Na Esekia akũlya Isaia, Wonan’yo ũkeethĩwa mwaũ atĩ Yeova akambosya, na ngambata nyũmbanĩ ya Yeova mũthenya wa katatũ?</verse>
				<verse number="9">Na Isaia asya, Ũũ nĩw’o wĩĩthĩwa wonan’yo kwaku kuma kwa Yeova, atĩ Yeova akeeka ũla ũneenete: muunyĩ ũkaenda mbee matambya ĩkũmi kana kũsyoka ĩtina matambya ĩkũmi?</verse>
				<verse number="10">Na Esekia asũngĩa, Nĩ ũndũ ũvũthũ muunyĩ kũtheea matambya ĩkũmi; aiee, ĩndĩ muunyĩ ũsyoke ĩtina matambya ĩkũmi.</verse>
				<verse number="11">Na mwathani Isaia amwĩkaĩla Yeova; na atũnga muunyĩ ĩtina matambya ĩkũmi, ũla watheee saa wa syũa wa Aasu.</verse>
				<verse number="12">Ĩvinda yĩu Melotaki‐mbalatani mwana wa Mbalatani, mũsumbĩ wa Mbaviloni, amũtwaĩa Esekia mavalũa na mũthĩnzĩo; nũndũ nĩwewie atĩ Esekia anaĩ mũwau.</verse>
				<verse number="13">Na Esekia amethukĩĩsya, na amon’ya nyũmba yonthe yĩ na syĩndũ syake syĩ vata mũno, vetha, na thaavu, na mĩtĩ ĩla ĩnyungaa nesa, na mauta me vata mũno, na nyũmba yĩ mĩio yake ya kaũ, na kyonthe kĩla kyoonekie mothwiinĩ maie make: vatyaĩ kĩndũ nyũmbanĩ yake, kana ũsumbĩkonĩ wake, kĩla Esekia ũtaamon’ya.</verse>
				<verse number="14">Nĩvo ĩndĩ mwathani Isaia wamũendeie mũsumbĩ Esekia, na amũkũlya, Andũ aa maisye ata? Na makyũka kwaku maumie va? Na Esekia asya, Nĩmokĩte kuma nthĩ yĩ kũasa, o kuma Mbaviloni.</verse>
				<verse number="15">Na akũlya, Moonie kyaũ nyũmbanĩ yaku? Na Esekia asũngĩa, Kyonthe kĩla kĩ nyũmbanĩ yakwa nĩmonete: vati kĩndũ mothwiinĩ maie makwa kĩla ndaamon’ya.</verse>
				<verse number="16">Na Isaia amwĩa Esekia, Ĩthukĩĩsye ndeto ya Yeova.</verse>
				<verse number="17">Sisya, mĩthenya nĩyũkĩte, yĩla kyonthe kĩ nyũmbanĩ yaku, na kĩla aaĩthe maku maiĩte kũvika ũmũnthĩ, kĩkatwawa Mbaviloni: vati kĩndũ kĩkatiala, easya ũu Yeova.</verse>
				<verse number="18">Na amwe ma ana maku ala makauma nthĩnĩ waku, ala ũkasyaa, makamatwaa; na makeethĩwa me avakũe nyũmbanĩ nene mbanakavye ya mũsumbĩ wa Mbaviloni.</verse>
				<verse number="19">Nĩvo ĩndĩ Esekia wamwĩie Isaia, Ndeto ya Yeova ĩla waneena nĩ nzeo. Na ĩngĩ asya, Ti ũseo, ethĩwa mũuo na w’o ikeethĩwa mĩthenyanĩ yakwa?</verse>
				<verse number="20">Na ĩndĩ meko ala angĩ ma Esekia, na vinya wake w’onthe mũnene, na ũndũ waseũvisye ĩla ndia, na mũtaũ, na aete manzĩ ndũanĩ, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="21">Na Esekia akoma na aaĩthe make; na Manase mwana wake asumbĩka vandũ vake.</verse>
			</chapter>
			<chapter number="21">
				<verse number="1">Manase ai wa myaka ĩkũmi na ĩlĩ yĩla wambĩlĩlye kũsumbĩka; na asumbĩka myaka mĩongo ĩtano na ĩtano Yelusaleme; na syĩtwa ya inyia wake eetawa Evisiva.</verse>
				<verse number="2">Na eekaa ũla Yeova wonaa wĩ ũthũku, akĩatĩĩa mothatyo ma mbaĩ ila Yeova wailũngilye mbee wa ana ma Isilaeli.</verse>
				<verse number="3">Nũndũ nĩwatũngĩĩie ĩngĩ kũla kũndũ kũtũlu kũla Esekia ĩthe wake wanangĩte; na ookĩlya ithembeo kwondũ wa Mbaali, na aseũvya Asela, o tondũ Aavu mũsumbĩ wa Isilaeli wekaa, na athaithaa nguthu yonthe ya ĩtunĩ, na kũmĩthũkũmaa.</verse>
				<verse number="4">Na aaka ithembeo nyũmbanĩ ya Yeova, ĩla Yeova waisye ũndũ wayo, Ngekalya syĩtwa yakwa Yelusaleme.</verse>
				<verse number="5">Na aaka nthĩnĩ wa nza syelĩ sya nyũmba ya Yeova ithembeo kwondũ wa nguthu yonthe ya ĩtunĩ.</verse>
				<verse number="6">Na avĩtĩlya mwana wake mwakinĩ, na aingasya nyũnyi, na eekaa maũndũ ma mowe, na akũlasya ala mesene na maveva, na oombasya ithitũ: eekaa mũno ũla Yeova wonaa wĩ ũthũku, akĩmũthatya.</verse>
				<verse number="7">Na aũngamya mũvw’anano mwasũvye wa Asela, ũla waseũvĩtye, nyũmbanĩ ĩla Yeova wamũtavisye Ndaviti na Solomoni mwana wake ũndũ wayo, Nyũmbanĩ ĩno, o na Yelusaleme, ĩla nĩnyuvĩte katĩ wa mbaĩ syonthe sya Isilaeli, ngekalya syĩtwa yakwa tene na tene;</verse>
				<verse number="8">o na ndikangangya maũũ ma Isilaeli ĩngĩ kuma nthĩ ĩla nanengie aaĩthe moo, ethĩwa no makasũvĩaa kwĩka w’onthe ũla nameaĩe, na kwĩanana na mĩao yonthe ĩla Mose mũthũkũmi wakwa wameaĩe.</verse>
				<verse number="9">Ĩndĩ matyaaĩthukĩĩsya: na Manase amasesenga meke ũthũku kũvĩtũka mbaĩ ila Yeova waanangie mbee wa ana ma Isilaeli.</verse>
				<verse number="10">Na Yeova aneena na kanyw’a wa athũkũmi make athani, akyasya,</verse>
				<verse number="11">Nĩkwĩthĩwa Manase mũsumbĩ wa Yuta nĩwĩkĩte mothatyo aa, na nĩwĩkĩte naĩ kwĩ w’onthe ũla Aamoli meekaa, ala maĩ mbee wake, na nũvĩtĩthĩtye o na Yuta ũndũ wa mĩvw’anano yake;</verse>
				<verse number="12">kwondũ wa ũu, ũũ nĩw’o Yeova, Ngai wa Isilaeli, ũnũkwasya, Sisya, nĩngũetee Yelusaleme na Yuta ũthũku, ũndũ o ũla ũkew’a ũvoo waw’o matũ make elĩ makasĩĩlĩla.</verse>
				<verse number="13">Na ngatambũũkya ĩũlũ wa Yelusaleme ũlii wa kũthima wa Samalia, na kavilũ ka nyũmba ya Aavu; na ngakuta Yelusaleme o tondũ mũndũ ũkutaa ĩsaani, aiyĩkuta, na kũyĩkuluman’ya.</verse>
				<verse number="14">Na ngaveta ũtialo wa ũtiĩwa wakwa, na kũmanengane kw’okonĩ kwa amaitha moo; na makatw’ĩka mbuta na mũtavo kwa amaitha moo onthe;</verse>
				<verse number="15">nĩkwĩthĩwa nĩmekĩte ũla nonaa wĩ ũthũku, na manthatya, kuma mũthenya ũla aaĩthe moo maumie Misili, kũvika ũmũnthĩ.</verse>
				<verse number="16">O na ĩngĩ Manase etĩkisye nthakame nyingĩ mũno ite na ĩvĩtyo, kũvika ausũsya Yelusaleme kuma ngalĩ ĩmwe kũvika ĩla ĩngĩ; eka naĩ yake ĩla wavĩtĩthisye Yuta nayo, akĩka ũla Yeova wonaa wĩ ũthũku.</verse>
				<verse number="17">Na ĩndĩ meko ala angĩ ma Manase, na w’onthe ũla wekaa, na naĩ yake ĩla wavĩtisye, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="18">Na Manase akoma na aaĩthe make, na athikwa mũũndanĩ wa nyũmba yake mwene, mũũndanĩ wa Usa: na Amoni mwana wake asumbĩka vandũ vake.</verse>
				<verse number="19">Amoni aĩ wa myaka mĩongo ĩlĩ na ĩlĩ yĩla wambĩlĩlye kũsumbĩka; na asumbĩka myaka ĩlĩ Yelusaleme: na syĩtwa ya inyia wake eetawa Mesulemethi mwĩĩtu wa Aalusi wa ku Yotiva.</verse>
				<verse number="20">Na eekaa ũla Yeova wonaa wĩ ũthũku, o tondũ Manase ĩthe wake wekaa.</verse>
				<verse number="21">Na aendaa mũendelenĩ w’onthe ũla ĩthe wake waendaa naw’o, na athũkũmaa mĩvw’anano ĩla ĩthe wake wathũkũmaa, na kũmĩthaithaa:</verse>
				<verse number="22">na aeka Yeova, Ngai wa aaĩthe make, na ndaendaa nzĩanĩ ya Yeova.</verse>
				<verse number="23">Na athũkũmi ma Amoni mamũsamĩa, na mooaĩa ũ mũsumbĩ nyũmbanĩ yake mwene.</verse>
				<verse number="24">Ĩndĩ andũ ma nthĩ ĩsu mamoaa onthe ala mamũsamĩĩte mũsumbĩ Amoni; na andũ ma nthĩ ĩsu mamũtw’ĩkĩthya Yosia mwana wake mũsumbĩ vandũ vake.</verse>
				<verse number="25">Na ĩndĩ meko ala angĩ ma Amoni ala wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="26">Na athikwa ngunganĩ yake vala vathikawa akw’ũ mũũndanĩ wa Usa: na Yosia mwana wake asumbĩka vandũ vake.</verse>
			</chapter>
			<chapter number="22">
				<verse number="1">Yosia aĩ wa myaka nyanya yĩla wambĩlĩlye kũsumbĩka; na asumbĩka myaka mĩongo ĩtatũ na ũmwe ku Yelusaleme: na syĩtwa ya inyia wake eetawa Yetita mwĩĩtu wa Ataia wa ku Mbosikathi.</verse>
				<verse number="2">Na eekaa ũla Yeova wonaa wĩ ũseo, na aendaa mũendelenĩ w’onthe wa ĩthe wake Ndaviti, na ndaaathũka ngalĩ ya kw’oko kwa aũme kana kw’oko kwa aka.</verse>
				<verse number="3">Na kweethĩwa mwaka wa ĩkũmi na nyanya wa kũsumbĩka kwa mũsumbĩ Yosia, mũsumbĩ atũma Savani, mwana wa Asaliia mwana wa Mesulamu, mũandĩki, nyũmbanĩ ya Yeova, akĩmwĩa,</verse>
				<verse number="4">Ambata kwa Ilikia mũthembi mũnene, nĩ kana atale mbesa ila ietawe nyũmbanĩ ya Yeova, ila asũvĩi ma mwalyonĩ mombanĩtye kuma andũnĩ:</verse>
				<verse number="5">na mainengane kw’okonĩ kwa athũkũmi ala masiasya nyũmba ya Yeova; nao nĩmanenge athũkũmi ala me nyũmbanĩ ya Yeova, sya kũtũngĩĩa kũndũ kũvũthũku kwa nyũmba,</verse>
				<verse number="6">nao nĩ aseũvya ma mbwaũ, na aki, na aki ma mavia, na sya kũthooa mĩtĩ na mavia masũvye ma kũtũngĩĩa ĩ nyũmba.</verse>
				<verse number="7">Ĩndĩ matyaatalana nao ũndũ wa mbesa ila inenganiwe kw’okonĩ kwoo; nũndũ nĩmatethisye na kĩthito.</verse>
				<verse number="8">Na Ilikia mũthembi mũnene amwĩa mũandĩki Savani, Nĩnoona yĩla ĩvuku ya mĩao nyũmbanĩ ya Yeova. Na Ilikia amũnenga Savani yĩla ĩvuku, nake ayĩsoma.</verse>
				<verse number="9">Na mũandĩki Savani amũkĩa mũsumbĩ, na amũetee mũsumbĩ uvoo, na asya, Athũkũmi maku nĩmatulũlĩte mbesa ila syoonekie nyũmbanĩ, na mainenganĩte kw’okonĩ kwa athũkũmi ala masyaĩĩasya nyũmba ya Yeova.</verse>
				<verse number="10">Na mũandĩki Savani amũtavya mũsumbĩ, akyasya, Mũthembi Ilikia nũnengete ĩvuku. Na Savani ayĩsomea mbee wa mũsumbĩ.</verse>
				<verse number="11">Na kweethĩwa, yĩla mũsumbĩ waminie kwĩw’a ndeto sya ĩvuku ya mĩao, atembũanga ngũa syake.</verse>
				<verse number="12">Na mũsumbĩ eeaia mũthembi Ilikia, na Aikamu mwana wa Savani, na Akivoli mwana wa Mikaia, na mũandĩki Savani, na Asaia mũthũkũmi wa mũsumbĩ, akĩmea,</verse>
				<verse number="13">Endai, mũkakũlye Yeova kwondũ wakwa, na kwondũ wa andũ, na kwondũ wa Yuta onthe, ũndũ wa ndeto sya ĩvuku yĩĩ yĩla yonekete; nũndũ ũthilĩku wa Yeova nĩ mũnene ũla ũtwakanĩe, nĩkwĩthĩwa aaĩthe maitũ matyaaĩthukĩĩsya ndeto sya ĩvuku yĩĩ, makeka kwĩanana na w’onthe ũla ũandĩkĩtwe ũndũ witũ.</verse>
				<verse number="14">Kwondũ wa ũu mũthembi Ilikia, na Aikamu, na Akivoli, na Savani, na Asaia, maenda kwa mwathani Ulita, kĩveti kya Salumu mwana wa Tikiva, mwana wa Aliasi, mũsũvĩi wa ngũa (nake atwĩe Yelusaleme ũtũinĩ wa kelĩ); na maneena nake.</verse>
				<verse number="15">Na amea, Ũũ nĩw’o Yeova, Ngai wa Isilaeli, ũnũkwasya: Mũtavyei mũndũ ũla ũmũtũmie kwakwa,</verse>
				<verse number="16">Ũũ nĩw’o Yeova ũnũkwasya, Sisya, ngaetee vandũ vaa ũthũku, na andũ ala matwĩe vaa, o ndeto syonthe sya ĩvuku yĩla mũsumbĩ wa Yuta ũsomete.</verse>
				<verse number="17">Nĩkwĩthĩwa nĩmandiĩte, na nĩmatoeesye ngai ingĩ ũvani, nĩ kana manthatye na wĩa w’onthe wa moko moo, kwondũ wa ũu ũthilĩku wakwa ũkakanĩa vandũ vaa, na ndũkavoeka.</verse>
				<verse number="18">Ĩndĩ mũsumbĩ wa Yuta, ũla ũmũtũmie mũkũlye kwa Yeova, ũũ nĩw’o mwĩmwĩa, Ũũ nĩw’o Yeova, Ngai wa Isilaeli, ũnũkwasya: Ũndũ wa ndeto ila wĩw’ĩte,</verse>
				<verse number="19">nĩkwĩthĩwa ngoo yaku ĩnaĩ mbololo, na weenyivya vala ve Yeova, yĩla ũneewie ũla naneenie ĩũlũ wa vandũ vaa, na ĩũlũ wa andũ ala matwĩe vaa, atĩ makatw’ĩka wanangĩko na kĩumo, na nũtembũangĩte ngũa syaku, na kũĩa mbee wakwa; o nakwa nĩnĩkwĩw’ĩte, easya ũu Yeova.</verse>
				<verse number="20">Kwondũ wa ũu, sisya ngakũmban’ya wĩthĩwe vamwe na aaĩthe maku, na ũkoomban’wa mbũanĩ yaku na mũuo, o na metho maku matikona ũthũku w’onthe ũla ngaete ĩũlũ wa vandũ vaa. Na mamũtũngĩa mũsumbĩ ũvoo.</verse>
			</chapter>
			<chapter number="23">
				<verse number="1">Na mũsumbĩ atũmana, na mamũmbanĩsya atumĩa onthe ma Yuta na Yelusaleme.</verse>
				<verse number="2">Na mũsumbĩ ambata nyũmbanĩ ya Yeova, na vamwe nake andũ onthe ma Yuta na onthe ala matwĩe Yelusaleme, na athembi, na athani, na andũ onthe, anini o na anene: na asoma matũnĩ moo ndeto syonthe sya ĩvuku ya ũtianĩo yĩla yĩnoonekie nyũmbanĩ ya Yeova.</verse>
				<verse number="3">Na mũsumbĩ aũngama vakuvĩ na kĩtuĩ, na atianĩa ũtianĩo mbee wa Yeova, kana akamũatĩĩaa Yeova, na kũkwataa mĩao yake, na mokũsĩ make, na myamũlo yake, na ngoo yake yonthe, na thayũ wake w’onthe, na kũlũlũmĩlya ndeto sya ũtianĩo ũũ ila iandĩkĩtwe ĩvukunĩ yĩĩ: na andũ onthe maũngamĩa ũtianĩo.</verse>
				<verse number="4">Na mũsumbĩ amwĩaĩa Ilikia mũthembi mũnene, na athembi ma nguthu ya kelĩ, na asũvĩi ma mwalyonĩ, maumaalye kuma ĩkalũnĩ ya Yeova mĩio yonthe ĩla yaseũvĩw’e Mbaali, na Asela, na nguthu yonthe ya ĩtunĩ; na amĩvĩvĩsya ũtee wa Yelusaleme isesinĩ sya Kitiloni, na akua mũu wayo kũvika Mbethi‐eli.</verse>
				<verse number="5">Na amaveta athembi ma mĩvw’anano, ala maiĩtwe nĩ asumbĩ ma Yuta matoeeasye ũvani kũla kũndũ kũtũlu ndũanĩ sya Yuta, na kũndũ kũla kũthyũlũlũkĩte Yelusaleme ngalĩ syonthe; o na ala matoeeasya Mbaali ũvani, o na syũa, na mwei, na nguthu sya ndata, na nguthu yonthe ya ĩtunĩ.</verse>
				<verse number="6">Na aumya Asela nyũmbanĩ ya Yeova, ootwaa ũtee wa Yelusaleme, kũvika kalũsĩnĩ ka Kitiloni, na oovĩvĩsya kalũsĩnĩ ka Kitiloni, na ootumbatumba watw’ĩka kĩtoo, na ekya kĩtoo kyaw’o mbũanĩ sya ana ma andũ.</verse>
				<verse number="7">Na aomboa nyũmba sya aũme ala meekaa naĩ na aũme ala angĩ, ala maĩ nyũmbanĩ ya Yeova, vala aka matumĩaa ngũa sya kũsũnzũlya nyũmbanĩ sya Asela.</verse>
				<verse number="8">Na aumya athembi onthe ndũanĩ sya Yuta, na avukĩthya kũndu kũtũlu kũla athembi matoeeasya ũvani, kuma Ngeva kũvika Mbeeli‐sieva; na aomboa kũla kũndũ kũtũlu kwa mbingĩlo ila syaĩ ũlikĩlonĩ mbingĩlonĩ wa Yosua ngavana wa ndũa, kũla kwaĩ ngalĩ ya kw’oko kwa aka mbingĩlonĩ ya ndũa.</verse>
				<verse number="9">Ĩndĩ athembi ma kũla kũndũ kũtũlu matyambataa kĩthembeonĩ kya Yeova kĩla kĩ Yelusaleme, ĩndĩ maĩsĩaa kĩmũtũ kĩte ĩlawa katĩ wa ana‐a‐asa moo.</verse>
				<verse number="10">Na avukĩthya Tovethi, vandũ kyandanĩ kya ana ma Inomu, nĩ kana mũndũ o na wĩva ndakavĩtĩlye mwana wake kana mwĩĩtu wake mwakinĩ kwondũ wa Moleki.</verse>
				<verse number="11">Na aveta mbalasi ila asumbĩ ma Yuta manengete syũa, ũlikĩlonĩ wa nyũmba ya Yeova, vakuvĩ na kasũmba ka mũsũvĩi Nathani‐meleki, kala kaĩ ũtee; na avĩvya makasya ma syũa na mwaki.</verse>
				<verse number="12">Na ithembeo ila syaĩ kĩalanĩ kya kasũmba ke ĩũlũ ka Aasu, ila asumbĩ ma Yuta maseũvĩtye, na ithembeo ila Manase waseũvĩtye nthĩnĩ wa nza syelĩ sya nyũmba ya Yeova, mũsumbĩ aiomboanga, na kwitumbatumba syume vo, na ekya kĩtoo kyasyo kalũsĩnĩ ka Kitiloni.</verse>
				<verse number="13">Na kũndũ kũtũlu kũla kwaĩ mbee wa Yelusaleme, kũla kwaĩ ngalĩ ya kw’oko kwa aũme kwa kĩĩma kya wanangĩko, kũla Solomoni mũsumbĩ wa Isilaeli wakie kwondũ wa Asetolethi ngai ya Asitoni ya ũthatyo, na kwondũ wa Kemosi ngai ya Moavi ya ũthatyo, na kwondũ wa Milikomu ngai ya ana ma Amimoni ya ũthatyo, nĩkw’o mũsumbĩ wathũkisye.</verse>
				<verse number="14">Na atũlanga ituĩ ilungu, na atema Aselimu yavalũka, na ausũsya kũndũ kwasyo mavĩndĩ ma andũ.</verse>
				<verse number="15">O na ĩngĩ kĩthembeo kĩla kyaĩ Mbethi‐eli, na vandũ vatũlu Yelovoamu mwana wa Nevati waseũvisye, ũla wavĩtĩthisye Isilaeli, o kĩthembeo kyu na vala vandũ vatũlu aiomboanga; na avĩvya vala vandũ vatũlu na avatumbatumba vatw’ĩka kĩtoo, na avĩvya Asela.</verse>
				<verse number="16">Na yĩla Yosia wethyũũie, esa kwona ngunga vala vathikawa akw’ũ ila syaĩ vu kĩĩmanĩ; na atũmana na aumya mavĩndĩ ngunganĩ isu, na amavĩvĩsya kĩthembeonĩ, na akĩvukĩthya kwĩanana na ndeto ya Yeova ĩla mũndũ wa Ngai watavanisye, ũla watavanisye maũndũ asu.</verse>
				<verse number="17">Nĩvo ĩndĩ wakũlilye, Ũlilikan’yo ũũ ũla ngwona nĩ mwaũ? Na andũ ma ndũa mamũtavya, Nĩ ngunga ya mũndũ wa Ngai vala vathikawa akw’ũ, ũla waumie Yuta, na atavan’ya maũndũ aa ala weeka kĩthembeonĩ kya Mbethi‐eli.</verse>
				<verse number="18">Na asya, Naekwe; mũndũ ndakathamye mavĩndĩ make. Kwondũ wa ũu maekana na mavĩndĩ make, vamwe na mavĩndĩ ma mwathani ũla waumie Samalia.</verse>
				<verse number="19">O na nyũmba syonthe sya kũndũ kũtũlu kũla kwaĩ ndũanĩ sya Samalia, kũla asumbĩ ma Isilaeli maseũvĩtye makĩthatya Yeova, Yosia aveta, na asyĩka kwĩanana na meko onthe ala ũneekie ku Mbethi‐eli.</verse>
				<verse number="20">Na ooaĩa athembi onthe ma kũla kũndũ kũtũlu ala maĩ kw’o ithembeonĩ, na avĩvĩsya mavĩndĩ ma andũ ĩũlũ wasyo; na asyoka Yelusaleme.</verse>
				<verse number="21">Na mũsumbĩ eeaĩa andũ onthe, akĩmea, Lilikanai vasaka kwondũ wa Yeova Ngai wenyu, o tondũ kũandĩkĩtwe ĩvukunĩ yĩĩ ya ũtianĩo.</verse>
				<verse number="22">Nĩ w’o, kũtyaalilikanwa vasaka ta ũsu kuma mĩthenya ya asili ala masilanasya Isilaeli, o na mĩthenya yonthe ya asumbĩ ma Isilaeli, o na ya asumbĩ ma Yuta;</verse>
				<verse number="23">ĩndĩ mwaka wa ĩkũmi na nyanya wa kũsumbĩka kwa Yosia vasaka ũsu walilikanwa kwondũ wa Yeova ku Yelusaleme.</verse>
				<verse number="24">Na ĩngĩ ala mesene na maveva, na ala mombasya ithitũ, na telavimu, na mĩvw’anano, na mothatyo onthe ala moonekie nthĩ ya Yuta na ku Yelusaleme, Yosia aveta, nĩ kana alũlũmĩlye ndeto sya mĩao ila iandĩkĩtwe ĩvukunĩ yĩla mũthembi Ilikia wonie nyũmbanĩ ya Yeova.</verse>
				<verse number="25">Na vatyaĩ mũsumbĩ ũngĩ mbee wake wailyĩ take, ũla wamwĩthyũũĩe Yeova na ngoo yake yonthe, na thayũ wake w’onthe, na vinya wake w’onthe, kwĩanana na mĩao yonthe ya Mose: o na ĩtina wake vatyaaũkĩla ũngĩ wailyĩ take.</verse>
				<verse number="26">Ĩndĩ vamwe na ũu, Yeova ndaaĩthyũaa atie wai wa ũthilĩku wake mũnene, ũla ũthatu wake wakanĩe Yuta naw’o, nũndũ wa mothatyo onthe ala Manase wamũthatĩtye namo.</verse>
				<verse number="27">Na Yeova asya, Ngaumya Yuta nao nĩmatwae vala ndatonya kũmona, o tondũ naumisye Isilaeli, na ngekya ndũa ĩno ĩla nĩnyuvĩte, o Yelusaleme, na nyũmba ĩla naneenie ũndũ wayo, Syĩtwa yakwa yĩkeethĩwa vo.</verse>
				<verse number="28">Na ĩndĩ meko ala angĩ ma Yosia, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="29">Mĩthenyanĩ yake Valao‐neko mũsumbĩ wa Misili ambata kũvika ũsĩnĩ wa Euvalati okite na mũsumbĩ wa Asuli: na mũsumbĩ Yosia aenda okite nake; na Valao‐neko amũaĩa ku Mekito, yĩla wamwonie.</verse>
				<verse number="30">Na athũkũmi make mamũkua na ĩkasya e mũkw’ũ kuma Mekito, na mamũete Yelusaleme, na mamũthika ngunganĩ yake mwene vala vathikawa akw’ũ. Na andũ ma nthĩ ĩsu mamwosa Yeoaasi mwana wa Yosia, na mamwĩtĩkĩsya mauta, na mamũtw’ĩkĩthya mũsumbĩ vandũ va ĩthe wake.</verse>
				<verse number="31">Yeoaasi aĩ wa myaka mĩongo ĩlĩ na ĩtatũ yĩla wambĩlĩlye kũsumbĩka; na asumbĩka myei ĩtatũ Yelusaleme: na syĩtwa ya inyia wake eetawa Amutali mwĩĩtu wa Yelemia wa ku Livina.</verse>
				<verse number="32">Na eekaa ũla Yeova wonaa wĩ ũthũku, kwĩanana na w’onthe ũla aaĩthe make meekaa.</verse>
				<verse number="33">Na Valao‐neko amwova ku Livila nthĩ ya Amathi, nĩ kana ndakasumbĩke Yelusaleme; na aumĩthya nthĩ koti wa talendi ĩana sya vetha, na talendi ya thaavu.</verse>
				<verse number="34">Na Valao‐neko amũtw’ĩkĩthya Eliakimu mwana wa Yosia mũsumbĩ vandũ va Yosia ĩthe wake, na aalyũla syĩtwa yake etawe Yeoiakimu: ĩndĩ amumya Yeoaasi vo; nake aenda Misili, na akw’ĩa kw’o.</verse>
				<verse number="35">Na Yeoiakimu amũnengae Valao ũla vetha na thaavu; ĩndĩ amyumĩthya nthĩ koti anengane mbesa kwĩanana na mwĩao wa Valao: vetha na thaavu ũsu amaumĩthasya andũ ma ĩ nthĩ na vinya, kĩla ũmwe kwĩanana na koti wake, amũnenge Valao‐neko.</verse>
				<verse number="36">Yeoiakimu aĩ wa myaka mĩongo ĩlĩ na ĩtano yĩla wambĩlĩlye kũsumbĩka; na asumbĩka myaka ĩkũmi na ũmwe Yelusaleme: na syĩtwa ya inyia wake eetawa Nzevita mwĩĩtu wa Vetaia wa ku Luma.</verse>
				<verse number="37">Na eekaa ũla Yeova wonaa wĩ ũthũku, kwĩanana na w’onthe ũla aaĩthe make meekaa.</verse>
			</chapter>
			<chapter number="24">
				<verse number="1">Na mĩthenyanĩ yake Nevukatilesa mũsumbĩ wa Mbaviloni ambata, na Yeoiakimu atw’ĩka mũthũkũmi wake myaka ĩtatũ: na ĩndĩ eealyũla na amũng’endea.</verse>
				<verse number="2">Na Yeova atũma nguthu sya Akalitei syũkite nake, na nguthu sya Asilia, na nguthu sya Amoavi, na nguthu sya ana ma Amimoni, na aitũma syũkite na Yuta imyanange, kwĩanana na ndeto ya Yeova, ĩla waneenie na makanyw’a ma athũkũmi make athani.</verse>
				<verse number="3">Nĩ w’o, kwondũ wa mwĩao wa Yeova ũu nĩwookie ĩũlũ wa Yuta, amaumya amatwae vala ũtatonya kũmona nũndũ wa naĩ sya Manase, kwĩanana na w’onthe ũla wekaa,</verse>
				<verse number="4">o na ũndũ wa nthakame ite na ĩvĩtyo ila wetĩkisye; nũndũ ausũisye Yelusaleme nthakame ite na ĩvĩtyo: na Yeova ndaaĩtĩkĩla kũekea.</verse>
				<verse number="5">Na ĩndĩ meko ala angĩ ma Yeoiakimu, na w’onthe ũla wekaa, ti maandĩke ĩvukunĩ ya maũndũ ma mavinda ma asumbĩ ma Yuta?</verse>
				<verse number="6">Na ĩndĩ Yeoiakimu akoma na aaĩthe make; na Yeoiakini mwana wake asumbĩka vandũ vake.</verse>
				<verse number="7">Na mũsumbĩ wa Misili ndaaũka ĩngĩ kuma nthĩ yake; nũndũ mũsumbĩ wa Mbaviloni nĩwosete, kuma kalũsĩnĩ ka Misili kũvika ũsĩ wa Euvalati, yonthe ĩla yaĩ ya mũsumbĩ wa Misili.</verse>
				<verse number="8">Yeoiakini aĩ wa myaka ĩkũmi na nyanya yĩla wambĩlĩlye kũsumbĩka; na asumbĩka Yelusaleme myei ĩtatũ: na syĩtwa ya inyia wake eetawa Neusita mwĩĩtu wa Elinathani wa ku Yelusaleme.</verse>
				<verse number="9">Na eekaa ũla Yeova wonaa wĩ ũthũku, kwĩanana na w’onthe ũla ĩthe wake wekaa.</verse>
				<verse number="10">Ĩvinda yĩu athũkũmi ma Nevukatilesa mũsumbĩ wa Mbaviloni mambata Yelusaleme, na ndũa yathyũlũlũkwa ĩtw’ĩkanĩw’e.</verse>
				<verse number="11">Na Nevukatilesa mũsumbĩ wa Mbaviloni ooka ndũanĩ ĩsu, yĩla athũkũmi make mamĩtw’ĩkanĩasya;</verse>
				<verse number="12">na Yeoiakini mũsumbĩ wa Yuta amumaalĩla mũsumbĩ wa Mbaviloni, we, na inyia wake, na athũkũmi make, na anene make me mbee ũsumbĩnĩ, na anene ma kwake: na mũsumbĩ wa Mbaviloni amwosa mwaka wa nyanya wa kũsumbĩka kwake.</verse>
				<verse number="13">Na akua aumya vo mothwii maie onthe ma nyũmba ya Yeova, na mothwii maie ma nyũmba ya mũsumbĩ, na atilanga mĩio yonthe ya thaavu ilungu, ĩla Solomoni mũsumbĩ wa Isilaeli waseũvĩtye ĩkalũnĩ ya Yeova, o tondũ Yeova waneenie.</verse>
				<verse number="14">Na atwaa ma Yelusaleme onthe, na anene onthe me mbee ũsumbĩnĩ, na ngũmbaũ nene syonthe, o ala atave ngili ĩkũmi, na ndũĩka syonthe na atwii; vatĩ ũmwe waatiwa, ate o ala ngya ki ma andũ ma ĩ nthĩ.</verse>
				<verse number="15">Na amũtwaa Yeoiakini Mbaviloni; na inyia wa mũsumbĩ, na iveti sya mũsumbĩ, na anene ma kwake, na andũ ala me ndaĩa ma nthĩ, amatwaa me atave kuma Yelusaleme kũvika Mbaviloni.</verse>
				<verse number="16">Na andũ onthe me ũtonyi, o ngili mũonza, na ngili ya ndũĩka na atwii, onthe me vinya na mesĩ kaũ, asu nao mũsumbĩ wa Mbaviloni amatwaa Mbaviloni me atave.</verse>
				<verse number="17">Na mũsumbĩ wa Mbaviloni amũtw’ĩkĩthya Matania, mwana‐a‐ĩthe wa ĩthe wa Yeoiakini, mũsumbĩ vandũ vake, na aalyũla syĩtwa yake etawe Nzetekia.</verse>
				<verse number="18">Nzetekia aĩ wa myaka mĩongo ĩlĩ na ũmwe yĩla wambĩlĩlye kũsumbĩka; na asumbĩka myaka ĩkũmi na ũmwe ku Yelusaleme: na syĩtwa ya inyia wake eetawa Amutali mwĩĩtu wa Yelemia wa ku Livina.</verse>
				<verse number="19">Na eekaa ũla Yeova wonaa wĩ ũthũku, kwĩanana na w’onthe ũla Yeoiakimu wekaa.</verse>
				<verse number="20">Nũndũ kwondũ wa ũthatu wa Yeova ũndũ ũsu nĩweekĩkie Yelusaleme na Yuta, kũvika yĩla wamekisye maume mbee wake. Na Nzetekia amũng’endea mũsumbĩ wa Mbaviloni.</verse>
			</chapter>
			<chapter number="25">
				<verse number="1">Na kweethĩwa mwaka wa kenda wa kũsumbĩka kwake, mwei wa ĩkũmi, mũthenya wa ĩkũmi wa mwei, Nevukatilesa mũsumbĩ wa Mbaviloni ooka Yelusaleme, we na ita syake syonthe, na mamba maeema mamĩtaũĩĩe; na mamyakĩa ngome kũmĩthyũlũlũka ngalĩ syonthe.</verse>
				<verse number="2">Na ĩndĩ ndũa yatw’ĩkanĩw’a kũvika mwaka wa ĩkũmi na ũmwe wa kũsumbĩka kwa mũsumbĩ Nzetekia.</verse>
				<verse number="3">Mũthenya wa kenda wa mwei wa kana yũa yaĩ ĩnene ndũanĩ, kũvika kũtyaĩ lĩu kwondũ wa andũ ma ĩ nthĩ.</verse>
				<verse number="4">Nĩvo ĩndĩ vandũ vavũthũiwe ndũanĩ, na andũ onthe ma kaũ makĩa ũtukũ na nzĩa ya mbingĩlo ĩla yaĩ katĩ wa maũvai elĩ, ĩla yaĩ vakuvĩ na mũũnda wa mũsumbĩ (na ĩndĩ Akalitei maĩ manathyũlũlũka ndũa ngalĩ syonthe); na mũsumbĩ aenda na nzĩa ya Alava.</verse>
				<verse number="5">Ĩndĩ ita sya Akalitei syamũatĩĩa mũsumbĩ, na syamũkwatĩa ndiĩnĩ sya Yeliko; na ita syake syonthe syanyaĩĩkwa kuma vala ũĩ.</verse>
				<verse number="6">Nĩvo ĩndĩ makwatie mũsumbĩ, na mamũtwaa vala ve mũsumbĩ wa Mbaviloni ku Livila; na mamũtw’ĩa sila.</verse>
				<verse number="7">Na mooaa ana ma Nzetekia ene na metho make, na mamũvũthũanga Nzetekia metho, na mamwĩkĩa mbĩngũ, na mamũtwaa Mbaviloni.</verse>
				<verse number="8">Na ĩndĩ mwei wa katano, mũthenya wa mũonza wa mwei, ũla waĩ mwaka wa ĩkũmi na kenda wa kũsumbĩka kwa mũsumbĩ Nevukatilesa, mũsumbĩ wa Mbaviloni, nĩvo Nevusalatani, kavuteni wa nguthu ya asũvĩi, mũthũkũmi wa mũsumbĩ wa Mbaviloni, wokie Yelusaleme.</verse>
				<verse number="9">Nake avĩvya nyũmba ya Yeova, na nyũmba ya mũsumbĩ; na nyũmba syonthe sya Yelusaleme, o kĩla nyũmba nene, avĩvya na mwaki.</verse>
				<verse number="10">Na ita syonthe sya Akalitei, ila syaĩ na kavuteni wa asũvĩi, syaomboanga maũvai onthe ma Yelusaleme ngalĩ syonthe.</verse>
				<verse number="11">Na ũtialo wa andũ ala matialilwe ndũanĩ, na ala meetilile, o asu ala meetilile maende kwa mũsumbĩ wa Mbaviloni, na ũtialo wa andũ asu aingĩ, Nevusalatani kavuteni wa asũvĩi amatwaa me atave.</verse>
				<verse number="12">Ĩndĩ kavuteni wa asũvĩi atia amwe ala ngya ki ma ĩ nthĩ methĩwe asũvĩi ma mĩsavivũ na aĩmi.</verse>
				<verse number="13">Na ituĩ sya ũthuku ila syaĩ nyũmbanĩ ya Yeova, na ala matina na ũla ũkanga wa ũthuku ila syaĩ nyũmbanĩ ya Yeova, Akalitei maitilanga ilungu, na matwaa ũthuku wasyo Mbaviloni.</verse>
				<verse number="14">Na matwaa mbisũ, na mĩko, na mĩkasi, na syĩko, na mĩio yonthe ya ũthuku ĩla mathũkũmaa nayo.</verse>
				<verse number="15">Na tũvũngũlyũ twa ũkua makaa, na masaani manene, kĩla kyaĩ kya thaavu, thaavunĩ, na kĩla kyaĩ kya vetha, vethanĩ, kavuteni wa asũvĩi atwaa.</verse>
				<verse number="16">Ituĩ ilĩ, na ũkanga ũsu ũmwe, na ala matina, ila Solomoni waseũvĩtye kwondũ wa nyũmba ya Yeova, ũthuku wa mĩio ĩsu yonthe ndwaĩ ũthimĩka.</verse>
				<verse number="17">Ũtũlu wa kĩtuĩ kĩmwe waĩ mĩkono ĩkũmi na nyanya, na ngovia ya ũthuku yaĩ ĩũlũ wakyo; na ũtũlu wa ngovia waĩ mĩkono ĩtatũ, yĩ na seng’eng’e na makũngũmanga kũthyũlũlũka ngovianĩ, syonthe sya ũthuku: na kĩtuĩ kya kelĩ kyaĩ na syĩndũ syailyĩ o isu kĩ na seng’eng’e.</verse>
				<verse number="18">Na ũla kavuteni wa asũvĩi oosa mũthembi mũnene Selaia, na Nzevania mũthembi wa kelĩ, na ala asũvĩi atatũ ma mwalyonĩ:</verse>
				<verse number="19">na ndũanĩ oosa mũnene ũla waiĩtwe ĩũlũ wa andũ ma kaũ; na andũ atano ma ala monaa ũthyũ wa mũsumbĩ, ala meethĩiwe ndũanĩ; na mũandĩki, o kavuteni wa nguthu, ũla wombanasya andũ ma ĩ nthĩ; na andũ mĩongo thanthatũ ma andũ ma nthĩ ĩsu, ala meethĩiwe ndũanĩ.</verse>
				<verse number="20">Na Nevusalatani kavuteni wa asũvĩi amosa, na amatwaa kwa mũsumbĩ wa Mbaviloni ku Livila.</verse>
				<verse number="21">Na mũsumbĩ wa Mbaviloni amakũna, na amoaĩa ku Livila, nthĩ ya Amathi. Ũu nĩw’o Yuta matwaiwe me atave kumwa nthĩ yoo.</verse>
				<verse number="22">Na ũndũ wa andũ ala matialile nthĩ ya Yuta, ala Nevukatilesa mũsumbĩ wa Mbaviloni wamatiie, amũtw’ĩkĩthya Ngetalia mwana wa Aikamu, mwana wa Savani, ngavana woo.</verse>
				<verse number="23">Na ĩndĩ yĩla makavuteni onthe ma ita, mo na andũ moo, meewie kana mũsumbĩ wa Mbaviloni nũmũtw’ĩkĩthĩtye Ngetalia ngavana, mooka kwa Ngetalia ku Misiva, o Isumaeli mwana wa Nethania, na Yoanani mwana wa Kalea, na Selaia mwana wa Tanumethi Mũnetovathi, na Yaasania mwana wa Mũmaaka, mo na andũ moo.</verse>
				<verse number="24">Na Ngetalia ameavĩa mo na andũ moo, na amea, Mũtikakĩe nũndũ wa athũkũmi ma Akalitei: ĩkalai nthĩ ĩno, mũthũkũme mũsumbĩ wa Mbaviloni na kũkeethĩwa kũseo kwenyu.</verse>
				<verse number="25">Ĩndĩ kweethĩwa mwei wa mũonza, Isumaeli mwana wa Nethania, mwana wa Elisama wa ũsyao wa kĩũsumbĩ, ooka, na andũ ĩkũmi vamwe nake, na amũkũna Ngetalia, na akw’a, o na Ayuti na Akalitei ala maĩ vamwe nake ku Misiva.</verse>
				<verse number="26">Na andũ onthe anini o na anene, na makavuteni ma ita, mookĩla, na maenda Misili; nũndũ maĩ na w’ĩa ũndũ wa Akalitei.</verse>
				<verse number="27">Na kweethĩwa mwaka wa mĩongo ĩtatũ na mũonza wa kũtavwa kwa Yeoĩakini mũsumbĩ wa Yuta, mwei wa ĩkũmi na ĩlĩ, mũthenya wa mĩongo ĩlĩ na mũonza wa mwei, Evili‐melotaki mũsumbĩ wa Mbaviloni, mwaka ũla wambĩlĩlye kũsumbĩka, ookĩlya mũtwe wa Yeoiakini mũsumbĩ wa Yuta aume kolokolonĩ;</verse>
				<verse number="28">na aneena nake nesa, na aia kĩvĩla kyake kya ũsumbĩ ĩũlũ wa ivĩla sya ũsumbĩ sya asumbĩ ala maĩ nake Mbaviloni,</verse>
				<verse number="29">na akũan’ya ngũa syake sya kolokolonĩ. Na Yeoiakini aĩsaa lĩu e nake mavinda onthe mĩthenya yonthe ya thayũ wake:</verse>
				<verse number="30">na ũndũ wa lĩu wake, kwaĩ lĩu wa mavinda onthe wanengawe nĩ mũsumbĩ, kĩla mũthenya lĩu, mĩthenya yonthe ya thayũ wake.</verse>
			</chapter>
		</book>
		<book number="13">
			<chapter number="1">
				<verse number="1">Atamu, na Sethi, na Enosi,</verse>
				<verse number="2">na Kenani, na Maalaleli, na Yaleti,</verse>
				<verse number="3">na Enoko, na Methusela, na Lameki,</verse>
				<verse number="4">na Noa, na Semu, na Amu, na Yavethi.</verse>
				<verse number="5">Ana ma Yavethi: Ngomeli, na Makoki, na Matai, na Yavani, na Tuvali, na Meseki, na Tilasi.</verse>
				<verse number="6">Na ana ma Ngomeli: Asikenasi, na Livathi, na Tokalima.</verse>
				<verse number="7">Na ana ma Yavani: Elisaa, na Talisisi, na Kitimu, na Alotani.</verse>
				<verse number="8">Ana ma Amu: Kusi, na Misili, na Vutu, na Kanaani.</verse>
				<verse number="9">Na ana ma Kusi: Seva, na Avila, na Savita, na Laama, na Saviteka. Na ana ma Laama: Sieva, na Ndetani.</verse>
				<verse number="10">Na Kusi asyaa Nimiloti; nake ambĩlĩlya kwĩthĩwa ũmwe wĩ vinya mũno kũũ nthĩ.</verse>
				<verse number="11">Na Misili asyaa Aluti, na Aanami, na Aleavi, na Anavitui,</verse>
				<verse number="12">na Avathilusi, na Akasilui (Avilisiti nĩmaumie kwa asu), na Akavitoli.</verse>
				<verse number="13">Na Kanaani asyaa Sitoni ĩkithathi yake, na Ethi,</verse>
				<verse number="14">na Mũyevusi, na Mũamoli, na Mũngilikasi,</verse>
				<verse number="15">na Mũivi, na Mũaliki, na Mũsini,</verse>
				<verse number="16">na Mũalivati, na Mũnzemali, na Mũamathi.</verse>
				<verse number="17">Ana ma Semu: Elamu, na Asuli, na Alivakasati, na Luti, na Alamu, na Usi, na Uli, na Ngetheli, na Meseki.</verse>
				<verse number="18">Na Alivakasati asyaa Siela, na Siela asyaa Eveli.</verse>
				<verse number="19">Na Eveli asyaa ana elĩ: syĩtwa ya ũmwe eetawa Veleki; nũndũ nthĩ yaaaniw’e matukũnĩ make; na syĩtwa ya mwana‐a‐inyia eetawa Yokitani.</verse>
				<verse number="20">Na Yokitani asyaa Alimotati, na Selevu, na Asalimavethi, na Yela,</verse>
				<verse number="21">na Aatolamu, na Usali, na Ndikila,</verse>
				<verse number="22">na Evali, na Avimaeli, na Sieva,</verse>
				<verse number="23">na Ovilu, na Avila, na Yovavu. Asu onthe maĩ ana ma Yokitani.</verse>
				<verse number="24">Semu, na Alivakasati, na Siela,</verse>
				<verse number="25">na Eveli, na Veleki, na Leu,</verse>
				<verse number="26">na Seluki, na Naoli, na Tela,</verse>
				<verse number="27">na Avalamu (nĩwe Avalaamu).</verse>
				<verse number="28">Ana ma Avalaamu: Isaka, na Isumaeli.</verse>
				<verse number="29">Aa nĩmo mosyaanĩo moo: ĩkithathi ya Isumaeli nĩ Nevaiothi; na ĩndĩ ĩtina Ketali, na Ativeeli, na Mivisamu,</verse>
				<verse number="30">na Misima, na Nduma, na Masa, na Aatati, na Tema,</verse>
				<verse number="31">na Yetuli, na Navisi, na Ketema. Asu nĩo ana ma Isumaeli.</verse>
				<verse number="32">Na ana ma Ketula, mũka ngombo wa Avalaamu: asyaa Ngimilani, na Yokisani, na Metani, na Mitiani, na Isivaki, na Suua. Na ana ma Yokisani: Sieva, na Ndetani.</verse>
				<verse number="33">Na ana ma Mitiani: Evaa, na Evieli, na Anoki, na Avita, na Elitaa. Asu onthe nĩ ana ma Ketula.</verse>
				<verse number="34">Na Avalaamu asyaa Isaka. Ana ma Isaka: Esau, na Isilaeli.</verse>
				<verse number="35">Ana ma Esau: Elivasi, na Leueli, na Yeusu, na Yalamu, na Kola.</verse>
				<verse number="36">Ana ma Elivasi: Temani, na Omali, na Nzevo, na Ngatamu, na Kenasi, na Timina, na Amaleki.</verse>
				<verse number="37">Ana ma Leueli: Naathi, na Nzela, na Samama, na Misa.</verse>
				<verse number="38">Ana ma Seili: Lotani, na Sovali, na Nziveoni, na Anaa, na Ndisoni, na Eseli, na Ndisani.</verse>
				<verse number="39">Na ana ma Lotani: Oli, na Omamu; na Timina aĩ mwĩĩtu‐a‐inyia wa Lotani.</verse>
				<verse number="40">Ana ma Sovali: Aliani, na Manaathi, na Evali, na Sevo, na Onamu. Na ana ma Nziveoni: Aia, na Anaa.</verse>
				<verse number="41">Ana ma Anaa: Ndisoni. Na ana ma Ndisoni: Amilani, na Esivani, na Ithilani, na Kelani.</verse>
				<verse number="42">Ana ma Eseli: Mbiliani, na Nzaavani, na Yaakani. Ana ma Ndisani: Usi, na Alani.</verse>
				<verse number="43">Na aa nĩo asumbĩ ala masumbĩkie nthĩ ya Etomu, mbee wa kũtanasumbĩka mũsumbĩ o na wĩva ĩũlũ wa ana ma Isilaeli: Mbela mwana wa Mbeoli; na syĩtwa ya ndũa yake yeetawa Ndiniava.</verse>
				<verse number="44">Na Mbela nĩwakwie, na Yovavu mwana wa Nzela wa Mbosila asumbĩka vandũ vake.</verse>
				<verse number="45">Na Yovavu akw’a, na Usamu wa nthĩ ya Atemani asumbĩka vandũ vake.</verse>
				<verse number="46">Na Usamu akw’a, na Aatati mwana wa Mbetati, ũla wakũnie Mitiani kĩsesinĩ kya Moavi, asumbĩka vandũ vake; na syĩtwa ya ndũa yake yeetawa Avithi.</verse>
				<verse number="47">Na Aatati akw’a, na Samala wa Maseleka asumbĩka vandũ vake.</verse>
				<verse number="48">Na Samala akw’a, na Sauli wa ku Leovothi vakuvĩ na ũla Ũsĩ asumbĩka vandũ vake.</verse>
				<verse number="49">Na Sauli akw’a, na Mbaali‐aanani mwana wa Akivoli asumbĩka vandũ vake.</verse>
				<verse number="50">Na Mbaali‐aanani akw’a, na Aatati asumbĩka vandũ vake; na syĩtwa ya ndũa yake yeetawa Vau: na syĩtwa ya mũka eetawa Meetaveli, mwĩĩtu wa Matileti, mwĩĩtu wa Me‐nzaavu.</verse>
				<verse number="51">Na Aatati akw’a. Na anene ma Etomu maĩ aa: mũnene Timina, na mũnene Alia, na mũnene Yethethi,</verse>
				<verse number="52">na mũnene Oolivama, na mũnene Ela, na mũnene Vinoni,</verse>
				<verse number="53">na mũnene Kenasi, na mũnene Temani, na mũnene Mivisali,</verse>
				<verse number="54">na mũnene Makitieli, na mũnene Ilami. Asu nĩo anene ma Etomu.</verse>
			</chapter>
			<chapter number="2">
				<verse number="1">Aa nĩo ana ma Isilaeli: Leuveni, na Simeoni, na Livai na Yuta, na Isakali, na Nzevuluni,</verse>
				<verse number="2">na Ndani, na Yosevu, na Mbenyamini, na Navitali, na Ngati, na Aseli.</verse>
				<verse number="3">Ana ma Yuta: Eeli, na Onani, na Siela; asu atatũ asyaĩwa nĩ mũka wake mwĩĩtu wa Suua Mũkanaani. Na Eeli, ĩkithathi ya Yuta, Yeova oonaa nĩ mwathe; na amũaa.</verse>
				<verse number="4">Na Tamali mũka‐a‐mwana amũsyaĩa Velesĩ na Nzela. Ana onthe ma Yuta nĩ atano.</verse>
				<verse number="5">Ana ma Velesi: Esiloni, na Amuli.</verse>
				<verse number="6">Na ana ma Nzela: Nzimili, na Ethani, na Emani, na Kalikoli, na Ndalita; onthe nĩ atano.</verse>
				<verse number="7">Na ana ma Kalimi: Akani, mũthĩn’ya wa Isilaeli, ũla wavĩtisye kwondũ wa kwosa kĩndũ kĩla kĩvathe.</verse>
				<verse number="8">Na ana ma Ethani: Asalia.</verse>
				<verse number="9">Ana ma Esiloni, ala wasyaie: Yelameeli, na Lamu, na Keluvai.</verse>
				<verse number="10">Na Lamu asyaa Aminatavu, na Aminatavu asyaa Nasoni, mũnene wa ana ma Yuta;</verse>
				<verse number="11">na Nasoni asyaa Salima, na Salima asyaa Mboasi,</verse>
				<verse number="12">na Mboasi asyaa Oveti, na Oveti asyaa Yese;</verse>
				<verse number="13">na Yese asyaa Eliavu ĩkithathi yake, na wa kelĩ Avinatavu, na wa katatũ Simea,</verse>
				<verse number="14">na wa kana Nethaneli, na wa katano Latai,</verse>
				<verse number="15">na wa thanthatũ Osemu, na wa mũonza Ndaviti;</verse>
				<verse number="16">na eĩtu‐a‐inyia nĩ Nzeluia na Avikaili. Na ana ma Nzeluia: Avisai, na Yoavu, na Asaeli, asu atatũ.</verse>
				<verse number="17">Na Avikaili asyaa Amasa; na ĩthe wa Amasa nĩ Yetheli Mũisumaeli.</verse>
				<verse number="18">Na Kalevu mwana wa Esiloni asyaĩwa syana nĩ Asuva mũka wake, na Yeliothi; na aa nĩ ana make: Yeselu, na Sovavu, na Alitoni.</verse>
				<verse number="19">Na Asuva akw’a, na Kalevu atwaa Evilathi, ũla wamũsyaĩe Uulu.</verse>
				<verse number="20">Na Uulu asyaa Ulĩ, na Ulĩ asyaa Mbesaleli.</verse>
				<verse number="21">Na ĩtina wa ũu Esiloni alika kwa mwĩĩtu wa Makili ĩthe wa Ngileati, na Esiloni aĩ myaka mĩongo thanthatũ yĩla wamũtwaie; nake amũsyaĩa Sekuvu.</verse>
				<verse number="22">Na Sekuvu asyaa Yaili, ũla waĩ na ndũa mĩongo ĩlĩ na itatũ nthĩ ya Ngileati.</verse>
				<verse number="23">Na Ngesuli na Alamu mamavena tũtũla twa Yaili, vamwe na ndũa ya Kenathi, na mĩsyĩ yayo, o ndũa mĩongo thanthatũ. Asu onthe nĩ ana ma Makili ĩthe wa Ngileati.</verse>
				<verse number="24">Na ĩtina wa kũkw’a Esiloni ku Kalevu‐evilatha, Aviya kĩveti kya Esiloni kyamũsyaĩa Asuli ĩthe wa Tekoa.</verse>
				<verse number="25">Na ana ma Yelameeli ĩkithathi ya Esiloni nĩ Lamu ĩkithathi yake, na Mbuna, na Oleni, na Osemu, na Aiya.</verse>
				<verse number="26">Na Yelameeli aĩ na kĩveti kĩngĩ, kĩla kyeetawa syĩtwa yakyo Atala: nĩkyo inyia wa Onamu.</verse>
				<verse number="27">Na ana ma Lamu ĩkithathi ya Yelameeli nĩ Maasi, na Yamini, na Ekeli.</verse>
				<verse number="28">Na ana ma Onamu nĩ Samai, na Yata. Na ana ma Samai: Natavu, na Avisuli.</verse>
				<verse number="29">Na syĩtwa ya mũka wa Avisuli eetawa Aviaili; nake amũsyaĩa Avani, na Moliti.</verse>
				<verse number="30">Na ana ma Natavu: Seleti, na Avaimu; ĩndĩ Seleti akw’a ate mwana.</verse>
				<verse number="31">Na ana ma Avaimu: Isi. Na ana ma Isi: Sesani. Na ana ma Sesani: Alai.</verse>
				<verse number="32">Na ana ma Yata mwana‐a‐inyia wa Samai: Yetheli na Yonathani; na Yetheli akw’a ate mwana.</verse>
				<verse number="33">Na ana ma Yonathani: Velethi na Nzasa. Asu nĩ ana ma Yelameeli.</verse>
				<verse number="34">Na Sesani ndaĩ na ana aũme, ate o eĩtu. Na Sesani aĩ na mũthũkũmi, Mũmisili, syĩtwa yake eetawa Yalia.</verse>
				<verse number="35">Na Sesani anenga mũthũkũmi wake Yalia mwĩĩtu wake ethĩwe mũka wake; nake amũsyaĩa Atai.</verse>
				<verse number="36">Na Atai asyaa Nathani, na Nathani asyaa Nzavati,</verse>
				<verse number="37">na Nzavati asyaa Evilali, na Evilali asyaa Oveti,</verse>
				<verse number="38">na Oveti asyaa Yeu, na Yeu asyaa Asalia,</verse>
				<verse number="39">na Asalia asyaa Elesu, na Elesu asyaa Eleasa,</verse>
				<verse number="40">na Eleasa asyaa Sisamai, na Sisamai asyaa Salumu,</verse>
				<verse number="41">na Salumu asyaa Yekamia, na Yekamia asyaa Elisama.</verse>
				<verse number="42">Na ana ma Kalevu mwana‐a‐inyia wa Yelameeli nĩ Mesa ĩkithathi yake, ũla waĩ ĩthe wa Nzivu; na ana ma Malesa ĩthe wa Eviloni.</verse>
				<verse number="43">Na ana ma Eviloni: Kola, na Tavua, na Lekemu, na Sema.</verse>
				<verse number="44">Na Sema asyaa Laamu, ĩthe wa Yolikeamu; na Lekemu asyaa Samai.</verse>
				<verse number="45">Na mwana wa Samai nĩ Maoni; na Maoni nĩ ĩthe wa Mbethi‐suli.</verse>
				<verse number="46">Na Evaa, mũka ngombo wa Kalevu, asyaa Aalani, na Mosa, na Ngasesi; na Aalani asyaa Ngasesi.</verse>
				<verse number="47">Na ana ma Yatai: Lekemi, na Yothamu, na Ngesani, na Veleti, na Evaa, na Saavu.</verse>
				<verse number="48">Maaka, mũka ngombo wa Kalevu, asyaa Sevelu na Tiliana.</verse>
				<verse number="49">O na asyaa Saavu ĩthe wa Matimana, na Sieva ĩthe wa Makivena, na ĩthe wa Ngivea; na mwĩĩtu wa Kalevu nĩ Akisa.</verse>
				<verse number="50">Aa nĩ ana ma Kalevu, mwana wa Uulu, ĩkithathi ya Evilatha: Sovali ĩthe wa Kiliathi‐yealimu,</verse>
				<verse number="51">na Salima ĩthe wa Mbethi‐leemu, na Alevu ĩthe wa Mbethingateli.</verse>
				<verse number="52">Na Sovali ĩthe wa Kiliathi‐yealimu aĩ na ana: Aloe, nyunzu ya Amenuothi.</verse>
				<verse number="53">Na mĩvĩa ya Kiliathi‐yealimu: Aithili, na Avuthi, na Asumathi, na Amisilai; kwoo nĩkwaumie Anzolathi na Aesitaoli.</verse>
				<verse number="54">Ana ma Salima: Mbethi‐leemu, na Anetovathi, na Atilothimbethi‐yoavu, na nyunzu ya Amenuothi, nao nĩ Anzoli.</verse>
				<verse number="55">Na mĩvĩa ya aandĩki ala matwĩe Yavesu: Atilathi, na Asimeathi, na Asukathi. Asu nĩo Akeni ala maumie kwa Amathi, ĩthe wa nyũmba ya Lekavi.</verse>
			</chapter>
			<chapter number="3">
				<verse number="1">Na ĩndĩ aa nĩ ana ma Ndaviti ala wasyaĩe ku Eviloni: ĩkithathi yake nĩ Aminoni, ũla wasyaiwe nĩ Ainoamu Mũyesileeli; wa kelĩ nĩ Ndanieli ũla wasyaiwe nĩ Avikaili Mũkalimeli;</verse>
				<verse number="2">wa katatũ nĩ Avisalomu mwana wa Maaka mwĩĩtu wa Talimai mũsumbĩ wa Ngesuli; wa kana nĩ Atoniya mwana wa Akithi;</verse>
				<verse number="3">wa katano nĩ Sevatia ũla wasyaiwe nĩ Avitali; wa thanthatũ nĩ Ithileamu ũla wasyaiwe nĩ Ekila mũka wake:</verse>
				<verse number="4">asu thanthatũ nĩo masyaĩwe ku Eviloni; na asumbĩka kw’o myaka mũonza na myei thanthatũ. Na asumbĩka Yelusaleme myaka mĩongo ĩtatũ na ĩtatũ;</verse>
				<verse number="5">na aa nĩo masyaĩwe ku Yelusaleme: Simea, na Sovavu, na Nathani, na Solomoni, ana, masyaiwe nĩ Mbathi‐suua mwĩĩtu wa Amieli;</verse>
				<verse number="6">na Iviali, na Elisama, na Eliveleti,</verse>
				<verse number="7">na Noka, na Neveki, na Yavia,</verse>
				<verse number="8">na Elisama, na Eliata, na Eliveleti, kenda.</verse>
				<verse number="9">Asu onthe nĩ ana ma Ndaviti, eka ana ma aka ngombo; na Tamali nĩ mwĩĩtu‐a‐inyia woo.</verse>
				<verse number="10">Na mwana wa Solomoni nĩ Leovoamu, na Aviya mwana wake, na Asa mwana wake, na Yeosavati mwana wake,</verse>
				<verse number="11">na Yolamu mwana wake, na Aasia mwana wake, na Yoasi mwana wake,</verse>
				<verse number="12">na Amasia mwana wake, na Asalia mwana wake, na Yothamu mwana wake,</verse>
				<verse number="13">na Aasu mwana wake, na Esekia mwana wake, na Manase mwana wake,</verse>
				<verse number="14">na Amoni mwana wake, na Yosia mwana wake.</verse>
				<verse number="15">Na ana ma Yosia: ĩkithathi Yoanani, wa kelĩ Yeoiakimu, wa katatũ Nzetekia, wa kana Salumu.</verse>
				<verse number="16">Na ana ma Yeoiakimu: Yekonia mwana wake, na Nzetekia mwana wake.</verse>
				<verse number="17">Na ana ma Yekonia, ũla watwaiwe e mũtave: Sealitieli mwana wake,</verse>
				<verse number="18">na Malikilamu, na Vetaia, na Senasali, na Yekamia, na Osama, na Netavia.</verse>
				<verse number="19">Na ana ma Vetaia: Nzeluvaveli, na Simei. Na ana ma Nzeluvaveli: Mesulamu, na Aanania; na Selomithi nĩ mwĩĩtu‐a‐ĩnyia woo;</verse>
				<verse number="20">na Asuva, na Oeli, na Mbelekia, na Asatia, na Yusavu‐eseti, atano.</verse>
				<verse number="21">Na ana ma Aanania: Velatia, na Yesaia; ana ma Levaia, ana ma Alinani, ana ma Ovatia, ana ma Sekania.</verse>
				<verse number="22">Na ana ma Sekania: Semaia. Na ana ma Semaia: Atusi, na Ikali, na Mbalia, na Nealia, na Savati, thanthatũ.</verse>
				<verse number="23">Na ana ma Nealia: Elioenai, na Esekia, na Asilikamu, atatũ.</verse>
				<verse number="24">Na ana ma Elioenai: Otavia, na Eliasivu, na Velaia, na Akuvu, na Yoanani, na Ndelaia, na Anani, mũonza.</verse>
			</chapter>
			<chapter number="4">
				<verse number="1">Ana ma Yuta: Velesi, na Esiloni, na Kalimi, na Uulu, na Sovali.</verse>
				<verse number="2">Na Leaia mwana wa Sovali asyaa Yaathi; na Yaathi asyaa Aumai, na Laati. Ĩsu nĩyo mĩvĩa ya Anzolathi.</verse>
				<verse number="3">Na aa nĩ ana ma ĩthe wa Etamu: Yesileeli, na Isima, na Itivasi; na syĩtwa ya mwĩĩtu‐a‐inyia woo eetawa Aselelivoni;</verse>
				<verse number="4">na Venueli ĩthe wa Ngetoli, na Eseli ĩthe wa Uusa. Asu nĩo ana ma Uulu, ĩkithathi ya Evilatha, ĩthe wa Mbethi‐leemu.</verse>
				<verse number="5">Na Asuli ĩthe wa Tekoa aĩ na iveti ilĩ, Eela na Naala.</verse>
				<verse number="6">Na Naala amũsyaĩa Ausamu, na Eevieli, na Temeni, na Aasitali. Asu nĩ ana ma Naala.</verse>
				<verse number="7">Na ana ma Eela nĩ Nzelethi, na Isali, na Ethinani.</verse>
				<verse number="8">Na Akosi asyaa Anuvu, na Nzoveva, na mĩvĩa ya Aalieli mwana wa Alumu.</verse>
				<verse number="9">Na Yavesu aĩ na ndaĩa kwĩ ana‐a‐ĩthe make: na inyia wake amwĩta syĩtwa yake Yavesu, akyasya, Nĩkwĩthĩwa nĩnamũsyaie na thĩna.</verse>
				<verse number="10">Na Yavesu eekaĩla Ngai wa Isilaeli, akyasya, A! Ethĩwa ũkangathima w’o, na kwongela mũvaka wakwa, na kw’oko kwaku kũkeethĩwa nakwa, na kũnzũvĩa kwa ũthũku, ndikethĩwe na woo! Na Ngai amũnenga ũndũ wamũkũlilye.</verse>
				<verse number="11">Na Keluvu mwana‐a‐inyia wa Suua asyaa Meili, ũla waĩ ĩthe wa Esitoni.</verse>
				<verse number="12">Na Esitoni asyaa Mbethi‐lava, na Vasea, na Teina ĩthe wa Ili‐naasi. Asu nĩo ana ma Lekia.</verse>
				<verse number="13">Na ana ma Kenasi: Othinieli, na Selaia. Na ana ma Othinieli: Athathi.</verse>
				<verse number="14">Na Meonothai asyaa Ovala: na Selaia asyaa Yoavu ĩthe wa Ngeaalasi; nũndũ asu maĩ ndũĩka.</verse>
				<verse number="15">Na ana ma Kalevu mwana wa Yevune: Ilu, na Ela, na Naami; na ana ma Ela; na Kenasi.</verse>
				<verse number="16">Na ana ma Yealeleli: Nzivu, na Siva, na Tilia, na Asaleli.</verse>
				<verse number="17">Na ana ma Esala: Yetheli, na Meleti, na Evieli, na Yaloni; nake asyaa Miliamu, na Samai, na Isiva ĩthe wa Esitemoa.</verse>
				<verse number="18">Na mũka wake Mũyuti asyaa Yaleti ĩthe wa Ngetoli, na Eeveli ĩthe wa Soko, na Yekuthieli, ĩthe wa Nzanoa. Na asu angĩ nĩo ana ma Mbithia mwĩĩtu wa Valao, ũla watwaiwe nĩ Meleti.</verse>
				<verse number="19">Na ana ma mũka wa Otia, mwĩĩtu‐a‐inyia wa Naamu, nĩ ĩthe wa Keila Mũngalimi, na Esitemoa Mũmaaka.</verse>
				<verse number="20">Na ana ma Simonu: Aminoni, na Lina, na Mbeni‐anani, na Tiloni. Na ana ma Isi: Nzoethi, na Mbeni‐nzoethi.</verse>
				<verse number="21">Ana ma Siela mwana wa Yuta: Eeli ĩthe wa Leka, na Laata ĩthe wa Malesa, o na mĩvĩa ya nyũmba ya ala matumaa katane nzeo, ma nyũmba ya Asivea;</verse>
				<verse number="22">na Yokimu, na andũ ma Koseva, na Yoasi, na Salavu, ala masumbĩkie nthĩ ya Moavi, na Yasuvi‐leemu. Na maandĩko aa nĩ ma tene tene.</verse>
				<verse number="23">Asu maĩ ombi ma mbisũ, ala matwĩe Netaimu na Ngetela: nĩvo mekalaa vamwe na mũsumbĩ kwondũ wa wĩa wake.</verse>
				<verse number="24">Ana ma Simeoni: Nemueli, na Yamini, na Yalivu, na Nzela, na Sauli;</verse>
				<verse number="25">na Salumu mwana wake, na Mivisamu mwana wake, na Misima mwana wake.</verse>
				<verse number="26">Na ana ma Misima: Amueli mwana wake, na Nzakuli mwana wake, na Simei mwana wake.</verse>
				<verse number="27">Na Simei aĩ na ana ĩkũmi na thanthatũ na eĩtu thanthatũ; ĩndĩ ana‐a‐ĩthe make matyaĩ na ana aingĩ o na mũvĩa woo w’onthe ndwaaingĩva ta ana ma Yuta.</verse>
				<verse number="28">Na nĩmekalaa Mbeeli‐sieva, na Molata, na Asali‐suali,</verse>
				<verse number="29">na Mbila, na Esemu, na Tolati,</verse>
				<verse number="30">na Mbethueli, na Olima, na Nzikilaki,</verse>
				<verse number="31">na Mbethi‐malikavothi, na Asali‐susimu, na Mbethi‐mbili, na Saalaimu. Isu syaĩ ndũa syoo kũvika yĩla Ndaviti wasumbĩkie.</verse>
				<verse number="32">Na mĩsyĩ yoo yaĩ Etamu, na Aini, na Limoni, na Tokeni, na Asani, ndũa itano;</verse>
				<verse number="33">na misyĩ yoo yonthe ĩla yathyũlũlũkĩte ndũa isu, kũvika Mbaali. Asu maĩ motũo moo, na maĩ na ũandĩko wa mosyaanĩo moo.</verse>
				<verse number="34">Na Mesovavu, na Yamileki, na Yosa, na Amasia,</verse>
				<verse number="35">na Yoeli, na Yeu mwana wa Yosivia, mwana wa Selaia, mwana wa Asielu,</verse>
				<verse number="36">na Elioenai, na Yaakova, na Yesoaia, na Asaia, na Atieli, na Yesimieli, na Mbenaia,</verse>
				<verse number="37">na Nzisa mwana wa Sivi, mwana wa Aloni, mwana wa Yetaia, mwana wa Simili, mwana wa Semaia—</verse>
				<verse number="38">asu ala mawetetwe na masyĩtwa maĩ anene mĩvĩanĩ yoo: na nyũmba sya aaĩthe moo syongeleka mũno.</verse>
				<verse number="39">Na maenda ũlikĩlonĩ wa Ngetoli, o kũvika ngalĩ ya wumĩlonĩ wa syũa ya kyanda, mamanthe kĩsesi kya ndĩthya syoo sya mbũi na malondu.</verse>
				<verse number="40">Na moona kĩsesi kĩnou na kĩseo, na nthĩ yaĩ mbaamu, na ĩkilĩtye, na yaĩ na mũuo; nũndũ ala matwĩe vu tene maĩ ma Amu.</verse>
				<verse number="41">Na asu aandĩke na masyĩtwa mooka mĩthenya ya Esekia mũsumbĩ wa Yuta, na makũna maeema moo, na Ameuni ala moonekie kw’o, na mamamina vyũ kũvika ũmũnthĩ, na mekala vandũ voo; nĩkwĩthĩwa kwaĩ kĩsesi kw’o ũndũ wa ndĩthya syoo sya mbũi na malondu.</verse>
				<verse number="42">Na amwe moo, o ma ana ma Simeoni, andũ maana atano, mathi kĩĩmanĩ kya Seili, me na makavuteni moo Velatia, na Nealia, na Levaia, na Usieli, ana ma Isi.</verse>
				<verse number="43">Na makũna ũtialo wa Aamaleki ala mavonokie, na mekalĩte kw’o kũvika ũmũnthĩ.</verse>
			</chapter>
			<chapter number="5">
				<verse number="1">Na ana ma Leuveni ĩkithathi ya Isilaeli (nũndũ aĩ ĩkithathi; ĩndĩ, nĩkwĩthĩwa nĩwathũkisye ũkomo wa ĩthe wake, ũkithathi wake wanengiwe ana ma Yosevu mwana wa Isilaeli; na ũsyaanĩo ti wa kũtalwa kũatĩĩa ũkithathi.</verse>
				<verse number="2">Nũndũ Yuta nĩwakĩlilye ana‐a‐ĩthe vinya, na ũla mũnene wĩ mbee ũsumbĩnĩ aumie kwake; ĩndĩ ũkithathi waĩ wa Yosevu),</verse>
				<verse number="3">ana ma Leuveni ĩkithathi ya Isilaeli: Anoki, na Valu, na Esiloni, na Kalimi.</verse>
				<verse number="4">Ana ma Yoeli: Semaia mwana wake, na Ngoki mwana wake, na Simei mwana wake,</verse>
				<verse number="5">na Mika mwana wake, na Leaia mwana wake, na Mbaali mwana wake,</verse>
				<verse number="6">na Mbeela mwana wake, ũla Tilikathivilineseli mũsumbi wa Asuli wamũtwaie e mũtave: nake aĩ mũnene wa Aleuveni.</verse>
				<verse number="7">Na ana‐a‐ĩthe make kũatĩĩa mĩvĩa yoo, yĩla mosyaanĩo ma nzyawa syoo matalilwe: mũnene aĩ Yeieli Nzekalia,</verse>
				<verse number="8">na Mbela mwana wa Asasi, mwana wa Sema, mwana wa Yoeli, ũla watwĩe Aloeli, o kũvika Nevo na Mbaali‐meoni:</verse>
				<verse number="9">na atũaa ngalĩ ya wumĩlonĩ wa syũa o kũvika vandũ va ũlikĩla weũnĩ kuma ũsĩnĩ wa Euvalati, nĩkwĩthĩwa indo syoo nĩsyaingĩvie nthĩ ya Ngileati.</verse>
				<verse number="10">Na mĩthenya ya Saulo, makwatya kaũ na Aakali, nao nĩmooaiwe na moko moo; na nimatũaa maeemanĩ moo nthĩ yonthe ngalĩ ya wumĩlonĩ wa syũa ya Ngileati.</verse>
				<verse number="11">Na ana ma Ngati nĩmatũaa mamelekele, nthĩ ya Mbasani kũvika Saleka:</verse>
				<verse number="12">mũnene Yoeli, na wa kelĩ Savamu, na Yanai, na Savati ku Mbasani.</verse>
				<verse number="13">Na ana‐a‐ĩthe moo ma nyũmba sya aaĩthe moo: nĩ Mikaeli, na Mesulamu, na Sieva, na Yolai, na Yakani, na Nzia, na Eeveli, asu mũonza.</verse>
				<verse number="14">Asu nĩ ana ma Aviaili, mwana wa Uuli, mwana wa Yaloa, mwana wa Ngileati, mwana wa Mikaeli, mwana wa Yeisai, mwana wa Yato, mwana wa Mbusi;</verse>
				<verse number="15">Aai mwana wa Avitieli, mwana wa Nguni, mũnene wa nyũmba sya aaĩthe moo.</verse>
				<verse number="16">Na nĩmatũaa Ngileati ku Mbasani, na tũtũla twayo, na syengonĩ syonthe sya Saloni, kũvika mĩvaka yoo.</verse>
				<verse number="17">Asu onthe matalawa kũatĩĩa mosyaanĩo mĩthenya ya Yothamu mũsumbĩ wa Yuta, na mĩthenya ya Yelovoamu mũsumbĩ wa Isilaeli.</verse>
				<verse number="18">Ana ma Leuveni, na Angati, na nyunzu ya mbaĩ ya Manase, andũ ngũmbaũ, andũ ala maĩ matonya kũkua kakalo na ũvyũ, na kũatha na ũta, na meemanyĩĩtye kũkita, maĩ ngili mĩongo ĩna na inya na maana mũonza na mĩongo thanthatũ, ala maĩ matonya kũthi kaũnĩ.</verse>
				<verse number="19">Na makwatya kaũ na Aakali, na Yetuli, na Navisi, na Notavu.</verse>
				<verse number="20">Na nĩmatethiw’e makyũkita nao, na Aakali manenganwa mokonĩ moo, na onthe ala maĩ nao; nũndũ nĩmamwĩkaĩlile Ngai kaũnĩ, nake amethukĩĩsya kũkaya kwoo, nikwithĩwa nĩmamũĩkĩĩie.</verse>
				<verse number="21">Na matava indo syoo; ngamĩle syoo ngili mĩongo ĩtano, na malondu ngili maana elĩ na mĩongo ĩtano, na mang’oi ngili ilĩ, na andũ ngili ĩana.</verse>
				<verse number="22">Nũndũ nĩkwavalũkile aingĩ moaĩtwe, nũndũ ũ kaũ waĩ wa Ngai. Na matũa kũndũ kwa asu kũvika yĩla mesie kũtwawa me atave.</verse>
				<verse number="23">Na ana ma nyunzu ya mbaĩ ya Manase matwĩe ĩ nthĩ: mongeleka kuma Mbasani kũvika Mbaali‐elimoni na Senili na kĩĩma kya Elimoni.</verse>
				<verse number="24">Na aa maĩ atongoi ma nyũmba sya aaĩthe moo: o Evieli, na Isi, na Elieli, na Anzilieli, na Yelemia, na Otavia, na Yatieli, ngũmbaũ nene, andũ me nguma, atongoi ma nyũmba sya aaĩthe moo.</verse>
				<verse number="25">Na mamũvĩtanĩsya Ngaĩ wa aaĩthe moo, na meeka ũmalwaya makĩatĩĩa ngai sya ngo sya andũ ma ĩ nthĩ, ila Ngai waanangie mbee woo.</verse>
				<verse number="26">Na Ngai wa Isilaeli aamũkya veva wa Vulu mũsumbĩ wa Asuli, na veva wa Tilikathivilineseli mũsumbĩ wa Asuli, na amatwaa me atave, o Aleuveni, na Angati, na nyunzu ya mbaĩ ya Manase, na amavikya Aalaa, na Avoli, na Aala, na ũsĩ wa Ngosani, kũvika ũmũnthĩ.</verse>
			</chapter>
			<chapter number="6">
				<verse number="1">Ana ma Livai: Ngelisoni, na Koathi, na Melali.</verse>
				<verse number="2">Na ana ma Koathi: Amilamu, na Isali, na Eviloni, na Usieli.</verse>
				<verse number="3">Na ana ma Amilamu: Aluni, na Mose, na Miliamu. Na ana ma Aluni: Natavu, na Aviu, na Eleasali, na Ithamali.</verse>
				<verse number="4">Eleasali asyaa Vineasi, na Vineasi asyaa Avisua,</verse>
				<verse number="5">na Avisua asyaa Mbuki, na Mbuki asyaa Usisi,</verse>
				<verse number="6">na Usisi asyaa Nzelaia, na Nzelaia asyaa Melaiothi,</verse>
				<verse number="7">na Melaiothi asyaa Amalia, na Amalia asyaa Aituvu,</verse>
				<verse number="8">na Aituvu asyaa Nzatoki, na Nzatoki asyaa Aimaasi,</verse>
				<verse number="9">na Aimaasi asyaa Asalia, na Asalia asyaa Yoanani,</verse>
				<verse number="10">na Yoanani asyaa Asalia (nĩwe ũla watethisye wĩa wa ũthembi nyũmbanĩ ĩla Solomoni wakie Yelusaleme),</verse>
				<verse number="11">na Asalia asyaa Amalia, na Amalia asyaa Aituvu,</verse>
				<verse number="12">na Aituvu asyaa Nzatoki, na Nzatoki asyaa Salumu,</verse>
				<verse number="13">na Salumu asyaa Ilikia, na Ilikia asyaa Asalia,</verse>
				<verse number="14">na Asalia asyaa Selaia, na Selaia asyaa Yeosataki;</verse>
				<verse number="15">na Yeosataki aenda e mũtave yĩla Yeova watwaie Yuta na Yelusaleme na kw’oko kwa Nevukatilesa.</verse>
				<verse number="16">Ana ma Livai: Ngelisoni, na Koathi, na Melali.</verse>
				<verse number="17">Na aa nĩo masyĩtwa ma ana ma Ngelisoni: Livini na Simei.</verse>
				<verse number="18">Na ana ma Koathi nĩ Amilamu, na Isali, na Eviloni, na Usieli.</verse>
				<verse number="19">Ana ma Melali: Mali na Musi. Na ĩno nĩyo mĩvĩa ya Alivai kũatĩĩa nyũmba sya aaĩthe moo.</verse>
				<verse number="20">Ma Ngelisĩni: Livini mwana wake, na Yaathi mwana wake, na Nzima mwana wake,</verse>
				<verse number="21">na Yoa mwana wake, na Ito mwana wake, na Nzela mwana wake, na Yeathelai mwana wake.</verse>
				<verse number="22">Ana ma Koathi: Aminatavu mwana wake, na Kola mwana wake, na Asili mwana wake,</verse>
				<verse number="23">na Elikana mwana wake, na Eviasavu mwana wake, na Asili mwana wake,</verse>
				<verse number="24">na Taathi mwana wake, na Ulieli mwana wake, na Usia mwana wake, na Sauli mwana wake.</verse>
				<verse number="25">Na ana ma Elikana: Amasai, na Aimoti.</verse>
				<verse number="26">Ũvoonĩ wa Elikana, ana ma Elikana: Nzovai mwana wake, na Naathi mwana wake,</verse>
				<verse number="27">na Eliavu mwana wake, na Yeloamu mwana wake, na Elikana mwana wake.</verse>
				<verse number="28">Na ana ma Samueli: ĩkithathi Yoeli, na wa kelĩ Aviya.</verse>
				<verse number="29">Ana ma Malali: Mali, na Livini mwana wake na Simei mwana wake, na Usa mwana wake,</verse>
				<verse number="30">na Simea mwana wake, na Akia mwana wake, na Asaia mwana wake.</verse>
				<verse number="31">Na aa nĩo ala Ndaviti wamaiie masyaasye ũthũkũmi wa kwina nyũmbanĩ ya Yeova, ĩtina wa ĩsandũkũ yathũmũa.</verse>
				<verse number="32">Na mathũkũmĩaa kwĩnanĩ ngalĩ ya mbee ya wĩkalo wa ĩeema ya kũmbanĩa, kũvika Solomoni amina kwaka nyũmba ya Yeova ku Yelusaleme: na nĩmaũngamaa wĩanĩ woo kwĩanana na nguthu syoo.</verse>
				<verse number="33">Na aa nĩo ala mathũkũmaa, vamwe na ana moo, Ma ana ma Akoathi: Emani ũla waĩ mwini, mwana wa Yoeli, mwana wa Samueli,</verse>
				<verse number="34">mwana wa Elikana, mwana wa Yeloamu, mwana wa Elieli, mwana wa Toa,</verse>
				<verse number="35">mwana wa Nzuve, mwana wa Elikana, mwana wa Maathu, mwana wa Amasai,</verse>
				<verse number="36">mwana wa Elikana, mwana wa Yoeli, mwana wa Asalia, mwana wa Nzevania,</verse>
				<verse number="37">mwana wa Taathi, mwana wa Asili, mwana wa Eviasavu, mwana wa Kola,</verse>
				<verse number="38">mwana wa Isali, mwana wa Koathi, mwana wa Livai, mwana wa Isilaeli.</verse>
				<verse number="39">Na mwana‐a‐inyia wake Asavu, ũla waũngamaa kw’okonĩ kwake kwa aũme, o Asavu, mwana wa Mbelekia, mwana wa Simea,</verse>
				<verse number="40">mwana wa Mikaeli, mwana wa Mbaaseia, mwana wa Malikiya,</verse>
				<verse number="41">mwana wa Ethini, mwana wa Nzela, mwana wa Ataia,</verse>
				<verse number="42">mwana wa Ethani, mwana wa Nzima, mwana wa Simei,</verse>
				<verse number="43">mwana wa Yaathi, mwana wa Ngelisoni, mwana wa Livai.</verse>
				<verse number="44">Na ngalĩ ya kw’oko kwa aka kwaĩ ana‐a‐ĩthe moo ana ma Melali: Ethani mwana wa Kisi, mwana wa Avati, mwana wa Maluku,</verse>
				<verse number="45">mwana wa Asavia, mwana wa Amasia, mwana wa Ilikia,</verse>
				<verse number="46">mwana wa Amisi, mwana wa Mbani, mwana wa Semeli,</verse>
				<verse number="47">mwana wa Mali, mwana wa Musi, mwana wa Melali, mwana wa Livai.</verse>
				<verse number="48">Na ana‐a‐ĩthe moo Alivai nĩmaiiwe kwondũ wa ũthũkũmi w’onthe wa wĩkalo wa nyũmba ya Ngai.</verse>
				<verse number="49">Ĩndĩ Aluni na ana make nĩmathembaa kĩthembeonĩ kya nthembo ya kũvĩvw’a, na kĩthembeonĩ kya kũtoeesya ũvani, kwondũ wa wĩa w’onthe wa vala vandũ vatheu mbee, na kwondũ wa wĩw’anĩthyo wa Isilaeli, kwĩanana na w’onthe ũla Mose mũthũkũmi wa Ngai weaie.</verse>
				<verse number="50">Na aa nĩo ana ma Aluni: Eleasali mwana wake, Vineasi mwana wake, Avisua mwana wake,</verse>
				<verse number="51">Mbuki mwana wake, Usisi mwana wake, Nzelaia mwana wake,</verse>
				<verse number="52">Melaiothi mwana wake, Amalia mwana wake, Aituvu mwana wake,</verse>
				<verse number="53">Nzatoki mwana wake, Aimaasi mwana wake.</verse>
				<verse number="54">Na ĩndĩ aa nĩ motũo moo kwĩanana na myako ya maeema moo mĩvakanĩ yoo: ana ma Aluni ma mĩvĩa ya Akoathi (nũndũ mũlimano wa mbee nĩwatw’ĩkie woo),</verse>
				<verse number="55">asu manengwa Eviloni nthĩ ya Yuta, na syengo syayo ila imĩthyũlũlũkĩte;</verse>
				<verse number="56">ĩndĩ isesi sya ĩ ndũa, na mĩsyĩ yayo, manenga Kalevu mwana wa Yevune.</verse>
				<verse number="57">Na mamanenga ana ma Aluni ndũa sya kwĩvitha, ku Eviloni; o na Livina na syengo syayo, na Yatili, na Esitemoa na syengo syayo,</verse>
				<verse number="58">na Ileni na syengo syayo, na Ndevili na syengo syayo,</verse>
				<verse number="59">na Asani na syengo syayo, na Mbethisemesi na syengo syayo;</verse>
				<verse number="60">na kuma mbaĩnĩ ya Mbenyamini, Ngeva na syengo syayo, na Alemethi na syengo syayo, na Anathothi na syengo syayo. Ndũa syoo syonthe mĩvĩanĩ yoo syaĩ ndũa ĩkũmi na itatũ.</verse>
				<verse number="61">Na ana ala angĩ ma Koathi manengwa ndũa ĩkũmi kwa kũlimana, kuma mũvĩanĩ wa mbaĩ yoo, nthĩnĩ wa nyunzu ya mbaĩ, nyunzu ya Manase.</verse>
				<verse number="62">Na ana ma Ngelisoni ndũa ĩkũmi na itatũ kwĩanana na mĩvĩa yoo, kuma mbaĩnĩ ya Isakali, na kuma mbaĩnĩ ya Aseli, na kuma mbaĩnĩ ya Navitali, na kuma mbaĩnĩ ya Manase ku Mbasani.</verse>
				<verse number="63">Na ana ma Melali manengwa kwa kũlimana ndũa ĩkũmi na ilĩ kwĩanana na mĩvĩa yoo, kuma mbaĩnĩ ya Leuveni, na kuma mbaĩnĩ ya Ngati, na kuma mbaĩnĩ ya Nzevuluni.</verse>
				<verse number="64">Na ana ma Isilaeli manenga Alivai ndũa isu na syengo syasyo.</verse>
				<verse number="65">Na manengane kwa kũlimana kuma mbaĩnĩ ya ana ma Yuta, na kuma mbaĩnĩ ya ana ma Simeoni, na kuma mbaĩnĩ ya ana ma Mbenyamini, ndũa isu ila iwetetwe na syĩtwa.</verse>
				<verse number="66">Na mĩvĩa ĩmwe ya ana ma Koathi yaĩ na ndũa syĩ mĩvakanĩ yoo kuma mbaĩnĩ ya Evalaimu.</verse>
				<verse number="67">Na mamanenga ila ndũa sya kwĩvitha, Sekemu ĩla yĩ nthĩ yĩ iĩma ya Evalaimu na syengo syayo; o na Ngeseli na syengo syayo,</verse>
				<verse number="68">na Yokimeamu na syengo syayo, na Mbethi‐oloni na syengo syayo,</verse>
				<verse number="69">na Aiyaloni na syengo syayo, na Ngathi‐limoni na syengo syayo;</verse>
				<verse number="70">na kuma nyunzu ya mbaĩ ya Manase, Aneli na syengo syayo, na Mbileamu na syengo syayo, kwondũ wa ala matiele ma mũvĩa wa ana ma Koathi.</verse>
				<verse number="71">Ana ma Ngelisoni manengwa, kuma mũvĩanĩ wa nyunzu ya mbaĩ ya Manase, Ngolani ku Mbasani na syengo syayo, na Asetalothi na syengo syayo;</verse>
				<verse number="72">na kuma mbaĩnĩ ya Isakali, Ketesi na syengo syayo, na Ndavelathi na syengo syayo,</verse>
				<verse number="73">na Lamothi na syengo syayo, na Anemu na syengo syayo;</verse>
				<verse number="74">na kuma mbaĩnĩ ya Aseli, Masali na syengo syayo, na Avitoni na syengo syayo,</verse>
				<verse number="75">na Ukoki na syengo syayo, na Leovu na syengo syayo,</verse>
				<verse number="76">na kuma mbaĩnĩ ya Navitali, Ketesi ku Ngalilii na syengo syayo, na Amumoni na syengo syayo, na Kiliathaimu na syengo syayo.</verse>
				<verse number="77">Na ala angĩ ma Alivai, ana ma Melali, manengwa, kuma mbaĩnĩ ya Nzevuluni, Limoni na syengo syayo, na Tavoli na syengo syayo;</verse>
				<verse number="78">na mũingo ũya wa Yolotani ku Yeliko, ngalĩ ya wumĩlonĩ wa syũa ya Yolotani, manengwa kuma mbaĩnĩ ya Leuveni, Mbeseli ĩla yĩ weũnĩ na syengo syayo, na Yasa na syengo syayo,</verse>
				<verse number="79">na Ketemothi na syengo syayo, na Mevaathi na syengo syayo;</verse>
				<verse number="80">na kuma mbaĩnĩ ya Ngati, Lamothi ku Ngileati na syengo syayo, na Maanaimu na syengo syayo,</verse>
				<verse number="81">na Esivoni na syengo syayo, na Yaseli na syengo syayo.</verse>
			</chapter>
			<chapter number="7">
				<verse number="1">Na ma ana ma Isakali: Tola, na Vua na Yasuvu, na Similoni, ana,</verse>
				<verse number="2">Na ana ma Tola: Usisi, na Levaia, na Yelieli, na Yamai, na Ivisamu, na Semueli, atongoi ma nyũmba sya aaĩthe moo, ma Tola; ngũmbaũ nene nzyawanĩ syoo: ũtalo woo mĩthenya ya Ndaviti waĩ ngili mĩongo ĩlĩ na ĩlĩ na maana thanthatũ.</verse>
				<verse number="3">Na ana ma Usisi: Isilaia. Na ana ma Isilaia: Mikaeli, na Ovatia, na Yoeli, na Isiya, atano; onthe anene.</verse>
				<verse number="4">Na vamwe nao, kũatĩĩa nzyawa syoo, kwĩanana na nyũmba sya aaĩthe moo, kwaĩ tũkuthu twa nguthu ya kaũ, ngili mĩongo ĩtatũ na thanthatũ; nũndũ maĩ na iveti nyingĩ na ana.</verse>
				<verse number="5">Na ana‐a‐ĩthe moo mĩvĩanĩ yonthe ya Isakali, ngũmbaũ nene, onthe makĩtalwa ũtalonĩ wa nzyawa, maĩ ngili mĩongo nyanya na mũonza.</verse>
				<verse number="6">Ana ma Mbenyamini: Mbela, na Mbekeli, na Yetiaeli, atatũ.</verse>
				<verse number="7">Na ana ma Mbela: Esevoni, na Usisi, na Usieli, na Yelimothi, na Ili, atano; atongoi ma nyũmba sya aaĩthe, ngũmbaũ nene; na matalwa ũtalonĩ wa nzyawa ngili mĩongo ĩlĩ na ilĩ na mĩongo ĩtatũ na ana.</verse>
				<verse number="8">Na ana ma Mbekeli: Nzemila, na Yoasi, na Elieseli, na Elioenai, na Omili, na Yelemothi, na Aviya, na Anathothi, na Alemethi. Asu onthe nĩ ana ma Mbekeli.</verse>
				<verse number="9">Na matalwa ũtalonĩ wa nzyawa, kũatĩĩa nzyawa syoo, atongoi ma nyũmba sya aaĩthe moo, ngũmbaũ nene, ngili mĩongo ĩlĩ na maana elĩ.</verse>
				<verse number="10">Na ana ma Yetiaeli: Mbiliani. Na ana ma Mbiliani: Yeusu, na Mbenyamini, na Euti, na Kanaana, na Nzethani, na Talisisi, na Aisaali.</verse>
				<verse number="11">Asu onthe nĩ ana ma Yetiaeli, kwĩanana na atongoi ma nyũmba sya aaĩthe moo, ngũmbaũ nene, ngili ĩkũmi na mũonza na maana elĩ, ala maĩ matonya kũthi nguthunĩ ya kaũ</verse>
				<verse number="12">O na Suvimu, na Uvimu, ana ma Ili, na Usimu, ana ma Aeli.</verse>
				<verse number="13">Ana ma Navitali: Yanzieli, na Nguni, na Yeseli, na Salumu, ana ma Mbila.</verse>
				<verse number="14">Ana ma Manase: Asilieli, ũla mũka wake ngombo Mũalamu wasyaie; nake asyaa Makili ĩthe wa Ngileati.</verse>
				<verse number="15">Na Makili atwaa mũka kuma kwa a Uvimu na Suvimu, na mwĩĩtu‐a‐inyia woo eetawa Maaka; na syĩtwa ya ũla wa kelĩ eetwa Nzeloveati: na Nzeloveati aĩ na eĩtu.</verse>
				<verse number="16">Na Maaka kĩveti kya Makili asyaa mwana, na syĩtwa yake amwĩta Velesu; na syĩtwa ya mwana‐a‐inyia eetawa Selesu; na ana make nĩ Ulamu na Lakemu.</verse>
				<verse number="17">Na ana ma Ulamu: Mbetani. Asu nĩ ana ma Ngileati mwana wa Makili, mwana wa Manase.</verse>
				<verse number="18">Na mwĩĩtu‐a‐inyia wake Amolekethi asyaa Isiotu, na Avieseli, na Maala.</verse>
				<verse number="19">Na ana ma Semita nĩ Aiani, na Sekemu, na Liki, na Aniamu.</verse>
				<verse number="20">Na ana ma Evalaimu: Suthela, na Mbeleti mwana wake, na Taathi mwana wake, na Eleata mwana wake, na Taathi mwana wake,</verse>
				<verse number="21">na Nzavati mwana wake, na Suthela mwana wake, na Eseli, na Eleati, ala mooaiwe nĩ andũ ma Ngathi ala masyaĩwe ĩ nthĩ, nĩkwĩthĩwa nimatheeie matave indo syoo.</verse>
				<verse number="22">Na Evalaimu ĩthe woo aĩa mĩthenya mingĩ, na ana‐a‐ĩthe make mooka mamũkiakisye.</verse>
				<verse number="23">Na alika kwa kĩveti kyake, nakyo kyaya ĩvu, na kyasyaa mwana, nake amwĩta syĩtwa yake Mbelia, nũndũ kweethĩiwe ũthũku nyũmbanĩ yake.</verse>
				<verse number="24">Na mwĩĩtu wake nĩ Seela, ũla wakie Mbethi‐oloni ĩla yĩ ĩtheo na ĩla yĩ ĩũlu, o na Useni‐seela.</verse>
				<verse number="25">Na Levia nĩ mwana wake, na Lesievu, na Telaa mwana wake, na Taani mwana wake,</verse>
				<verse number="26">na Latani mwana wake, na Amiuti mwana wake, na Elisama mwana wake,</verse>
				<verse number="27">na Nuni mwana wake, na Yosua mwana wake.</verse>
				<verse number="28">Na ũtiĩwa woo na motũo moo maĩ Mbethi‐eli na tũtũla twayo, na ngalĩ ya wumĩlonĩ wa syũa Naalani, na ngalĩ ya ũthũĩloni wa syũa Ngeseli, na tũtũla twayo, o na Sekemu na tũtũla twayo, kũvika Anza na tũtũla twayo;</verse>
				<verse number="29">na vakuvĩ na mĩvaka ya ana ma Manase, Mbethiseani na tũtũla twayo, na Taanaki na tũtũla twayo, na Mekito na tũtũla twayo, na Ndoli na tũtũla twayo. Ana ma Yosevu mwana wa Isilaeli matwĩe nthĩnĩ wasyo.</verse>
				<verse number="30">Ana ma Aseli: Imina, na Isiva, na Isivi, na Mbelia, na Selaa mwĩĩtu‐a‐inyia woo.</verse>
				<verse number="31">Na ana ma Mbelia: Eeveli, na Malikieli ũla waĩ ĩthe wa Mbilisaithi.</verse>
				<verse number="32">Na Eeveli asyaa Yavileti, na Someli, na Othamu, na Suua mwĩĩtu‐a‐inyia woo.</verse>
				<verse number="33">Na ana ma Yavileti: Vasaki, na Mbimali, na Asivathi. Asu nĩ ana ma Yavileti.</verse>
				<verse number="34">Na ana ma Semeli: Aai, na Loka, na Yeuva, na Alamu.</verse>
				<verse number="35">Na ana ma Elemu mwana‐a‐inyia wake: Nzova, na Imuna, na Selesi, na Amali.</verse>
				<verse number="36">Ana ma Nzova: Sua, na Alineveli, na Suali, na Mbeli, na Imala,</verse>
				<verse number="37">na Mbeseli, na Otu, na Siama, na Silisa, na Ithilani, na Mbeela.</verse>
				<verse number="38">Na ana ma Yetheli: Yevune, na Visiva, na Ala.</verse>
				<verse number="39">Na ana ma Ula: Alaa, na Anieli, na Lisia.</verse>
				<verse number="40">Asu onthe nĩ ana ma Aseli, atongoi ma nyũmba sya aaĩthe, anyuve na ngũmbaũ nene, anene ma ala anene me mbee ũsumbĩnĩ. Na ũtalo woo makĩtalwa ũtalonĩ wa nzyawa kwondũ wa ũthũkũmi kaũnĩ waĩ andũ ngili mĩongo ĩlĩ na thanthatũ.</verse>
			</chapter>
			<chapter number="8">
				<verse number="1">Na Mbenyamini asyaa Mbela ĩkithathi yake, na wa kelĩ Asiveli, na wa katatũ Aiala,</verse>
				<verse number="2">na wa kana Noia, na wa katano Lavia.</verse>
				<verse number="3">Na Mbela aĩ na ana: Atali, na Ngela, na Aviiuti,</verse>
				<verse number="4">na Avisua, na Naamani, na Aoa,</verse>
				<verse number="5">na Ngela, na Suvamu, na Ulamu.</verse>
				<verse number="6">Na aa nĩo ana ma Euti; aa nĩo atongoi ma nyũmba sya aaĩthe ma ala matwĩe Ngeva, na mamatwaa ku Manaathi me atave:</verse>
				<verse number="7">na Naamani na Aiya, na Ngela, amatwaa me atave; nake asyaa Usa na Aiuti.</verse>
				<verse number="8">Na Saalaimi asyaĩa syana weũnĩ wa Moavi ĩtina wa kũlũngya Usimu na Vaala iveti syake.</verse>
				<verse number="9">Na Otesi mũka wake asyaa Yovavu, na Nzivia, na Mesa, na Malikamu,</verse>
				<verse number="10">na Yeusi, na Sakia, na Milima. Asu nĩ ana make, atongoi ma nyũmba sya aaĩthe.</verse>
				<verse number="11">Na Usimu asyaa Avituvu na Elivaali.</verse>
				<verse number="12">Na ana ma Elivaali: Eveli, na Misamu, na Semeti, ũla waakie Ono na Loti, na tũtũla twasyo;</verse>
				<verse number="13">na Mbelia, na Sema, ala maĩ atongoi ma nyũmba sya aaĩthe ma ala matwĩe Aiyaloni, ala malũngilye ala matwĩe Ngathi;</verse>
				<verse number="14">na Aio, na Sasaki, na Yelemothi,</verse>
				<verse number="15">na Nzevatia, na Alati, na Eteli,</verse>
				<verse number="16">na Mikaeli, na Isiiva, na Yooa, ana ma Mbelia,</verse>
				<verse number="17">na Nzevatia, na Mesulamu, na Isiki, na Eeveli,</verse>
				<verse number="18">na Isimelai, na Isilia, na Yovavu, ana ma Elivaali,</verse>
				<verse number="19">na Yakimu, na Nzikili, na Nzaveti,</verse>
				<verse number="20">na Elienai, na Nzilethai, na Elieli,</verse>
				<verse number="21">na Ataia, na Similathi, ana ma Simei,</verse>
				<verse number="22">na Isivani, na Eeveli, na Elieli,</verse>
				<verse number="23">na Avitoni, na Nzikili, na Aananu,</verse>
				<verse number="24">na Aanania, na Elamu, na Anithothiya,</verse>
				<verse number="25">na Iveteia, na Venaeli, ana ma Sasaki,</verse>
				<verse number="26">na Samuselai, na Seaalia, na Athalia,</verse>
				<verse number="27">na Yaalesia, na Eliya, na Nzikili, ana ma Yeloamu.</verse>
				<verse number="28">Asu maĩ atongoi ma nyũmba sya aaĩthe nzyawanĩ syoo syonthe, andũ anene: nao matwĩe Yelusaleme.</verse>
				<verse number="29">Ngiveoni kwatwĩe Yeieli ĩthe wa Ngiveoni, ũla syĩtwa ya kĩveti kyake kyeetawa Maaka;</verse>
				<verse number="30">na ĩkithathi yake nĩ Avitoni, na ĩndĩ Nzuli, na Kisu, na Mbaali, na Natavu,</verse>
				<verse number="31">na Ngetoli, na Aio, na Nzekeli.</verse>
				<verse number="32">Na Mikilothi asyaa Simea. Nao matũaa na ana‐a‐ĩthe moo Yelusaleme, melekanĩle ana‐a‐ĩthe moo.</verse>
				<verse number="33">Na Neli asyaa Kisu; na Kisu asyaa Saulo; na Saulo asyaa Yonathani, na Malikisuua, na Avinatavu, na Esi‐mbaali.</verse>
				<verse number="34">Na mwana wa Yonathani nĩ Melivi‐mbaali; na Melivi‐mbaali asyaa Mika.</verse>
				<verse number="35">Na ana ma Mika: Vithoni, na Meleki, na Talea, na Aasu.</verse>
				<verse number="36">Na Aasu asyaa Yeoata; na Yeoata asyaa Alemethi, na Asimavethi, na Nzimili; na Nzimili asyaa Mosa.</verse>
				<verse number="37">Na Mosa asyaa Mbinea; Lavia nĩ mwana wake, na Eleasa mwana wake, na Aseli mwana wake.</verse>
				<verse number="38">Na Aseli aĩ na ana thanthatũ, ala masyĩtwa moo nĩ aa: Asilikamu, na Mbokelu, na Isumaeli, na Sealia, na Ovatia, na Aananu. Asu onthe nĩ ana ma Aseli.</verse>
				<verse number="39">Na ana ma Esieki mwana‐a‐inyia wake: Ulamu ĩkithathi yake, na wa kelĩ Yeusu, na wa katatũ Eliveleti.</verse>
				<verse number="40">Na ana ma Ulamu maĩ ngũmbaũ nene, andũ ma mata, na maĩ na ana aingĩ, na nzũkũlũ ĩana na mĩongo ĩtano. Asu onthe maĩ ma ana ma Mbenyamini.</verse>
			</chapter>
			<chapter number="9">
				<verse number="1">Ũu nĩw’o Isilaeli onthe matalilwe kũatĩĩa ũtalo wa nzyawa; na, sisya, nĩmaandĩkĩtwe ĩvukunĩ ya asumbĩ ma Isilaeli. Na Yuta matwawa me atave Mbaviloni nũndũ wa kũvĩtya kwoo.</verse>
				<verse number="2">Na ĩndĩ ala ma mbee ala matwĩe ng’ũndũnĩ syoo ndũanĩ syoo nĩ Isilaeli, na athembi, na Alivai, na Anethini.</verse>
				<verse number="3">Na Yelusaleme kwatwĩe ana ma Yuta, na ana ma Mbenyamini, na ana ma Evalaimu na Manase:</verse>
				<verse number="4">Uthai mwana wa Amiuti, mwana wa Omili, mwana wa Imili, mwana wa Mbani, wa ana ma Velesi mwana wa Yuta.</verse>
				<verse number="5">Na ma Asilo: ĩkithathi Asaia, na ana make.</verse>
				<verse number="6">Na ma ana ma Nzela: Yeueli, na ana‐a‐ĩthe moo, maana thanthatũ na mĩongo kenda.</verse>
				<verse number="7">Na ma ana ma Mbenyamini: Salu mwana wa Mesulamu, mwana wa Otavia, mwana wa Asenua,</verse>
				<verse number="8">na Ivineia mwana wa Yeloamu, na Ela mwana wa Usisi, mwana wa Mikili, na Mesulamu mwana wa Sevatia, mwana wa Leueli, mwana wa Iviniya;</verse>
				<verse number="9">na ana‐a‐ĩthe moo, kũatĩĩa nzyawa syoo, maana kenda na mĩongo ĩtano na thanthatũ. Andũ asu onthe maĩ atongoi ma nyũmba sya aaĩthe kũatĩĩa nyũmba sya aaĩthe moo.</verse>
				<verse number="10">Na ma athembi: Yetaia, na Yeoialivu, na Yakini,</verse>
				<verse number="11">na Asalia mwana wa Ilikia, mwana wa Mesulamu, mwana wa Nzatoki, mwana wa Melaiothi, mwana wa Aituvu, mũtongoi nyũmbani ya Ngai;</verse>
				<verse number="12">na Ataia mwana wa Yeloamu, mwana wa Vasuli, mwana wa Malikiya, na Maasai mwana wa Atieli, mwana wa Yasela, mwana wa Mesulamu, mwana wa Mesilemithi, mwana wa Imeli;</verse>
				<verse number="13">na ana‐a‐ĩthe moo, atongoi ma nyũmba sya aaĩthe moo, ngili na maana mũonza na mĩongo thanthatũ; andũ me ũtonyi mũno kwondũ wa wĩa wa ũthũkũmi wa nyũmba ya Ngai.</verse>
				<verse number="14">Na ma Alivai: Semaia mwana wa Asuvu, mwana wa Asilikamu, mwana wa Asavia, wa ana ma Melali;</verse>
				<verse number="15">na Mbakivakali, na Elesi, na Ngalali, na Matania mwana wa Mika, mwana wa Nzikili, mwana wa Asavu,</verse>
				<verse number="16">na Ovatia mwana wa Semaia, mwana wa Ngalali, mwana wa Yetuthuni, na Mbelekia mwana wa Asa, mwana wa Elikana, ũla wekalile mĩsyĩ ya Anetovathi.</verse>
				<verse number="17">Na asũvĩi ma mĩomonĩ: Salumu, na Akuvu, na Talimoni, na Aimani, na ana‐a‐ĩthe moo (Salumu aĩ mũnene),</verse>
				<verse number="18">ala kuma tene masyaĩĩsyaa mbingĩlonĩ ya mũsumbĩ ngalĩ ya wumĩlonĩ wa syũa: asu maĩ asũvĩi mĩomonĩ ya mwako wa maeema wa ana ma Livai.</verse>
				<verse number="19">Na Salumu mwana wa Kole, mwana wa Eviasavu, mwana wa Kola, na ana‐a‐ĩthe make, ma nyũmba ya ĩthe wake, Akola, maĩ aũngamĩi ma wĩa wa ũthũkũmi, asũvĩi ma myalyonĩ ya ĩeema: na aaĩthe moo maĩ asyaĩĩsya ma mwako wa maeema wa Yeova, asũvĩi ma vandũ va ũlikĩla.</verse>
				<verse number="20">Na Vineasi mwana wa Eleasali aĩ mũtongoi woo ĩvinda ya tene, na Yeova aĩ vamwe nake.</verse>
				<verse number="21">Nzekalia mwana wa Meselemia aĩ mũsũvĩi wa mũomonĩ wa ĩeema ya kũmbanĩa.</verse>
				<verse number="22">Asu onthe ala manyuviwe methĩwe asũvĩi mĩomonĩ maĩ maana elĩ na ĩkũmi na elĩ. Asu nĩmatalilwe ũtalonĩ wa nzyawa mĩsyĩ kwoo, ala Ndaviti na Samueli ũla mwoni mamaiie wĩanĩ woo wa kũĩkĩĩwa.</verse>
				<verse number="23">Na ĩndĩ mo na ana moo maĩ asyaĩĩsya ma mbingĩlo sya nyũmba ya Yeova, o nyũmba ya yĩla ĩeema, makyumanĩasya.</verse>
				<verse number="24">Asũvĩi ma mĩomonĩ maĩ ngalĩ inya, ngalĩ ya wumĩlonĩ wa syũa, na ya ũthũĩlonĩ wa syũa, na ya ĩũlũ, na ya ĩtheo.</verse>
				<verse number="25">Na ana‐a‐ĩthe, ala maĩ mĩsyĩ kwoo, matyaĩ ndĩi ya kũlea kũka kĩla mũthenya wa mũonza ĩvinda kwa ĩvinda methĩwe nao:</verse>
				<verse number="26">nũndũ asũvĩi ana anene ma mĩomonĩ, namo nĩ Alivai, maĩ wĩanĩ wa kũĩkĩĩwa, na maĩ asũvĩi ma tũsũmba na asũvĩi ma kũla kwiawa ũthwii nyũmbanĩ ya Ngai.</verse>
				<verse number="27">Na nĩmakomaa mathyũlũlũkĩte nyũmba ya Ngai, nĩkwĩthĩwa wĩaĩo wayo waĩ ĩũlũ woo; na kũmĩvingũaa kĩla kĩoko kwaĩ ũndũ woo.</verse>
				<verse number="28">Na amwe moo nĩmasũvĩaa mĩio ya ũthũkũmi nũndũ mĩio ĩsu yalikaw’a nthĩnĩ yĩ mĩtale na yaumaalaw’a yĩ mĩtale.</verse>
				<verse number="29">O na amwe moo maiawa kũsũvĩa mĩio, na ĩla mĩio yonthe ya vala vandũ vatheu, na mũtu mũvinyu, na mbinyu, na mauta, na ũvumba, na mĩtĩ ĩla ĩnyungaa nesa.</verse>
				<verse number="30">Na amwe ma ana ma athembi maseũvya mũvulan’yo wa mĩtĩ ĩla ĩnyungaa nesa.</verse>
				<verse number="31">Na Matithia, ũmwe wa Alivai, ũla waĩ ĩkithathi ya Salumu Mũkola, aĩ na wĩa wa kũĩkĩĩwa wa syĩndũ ila syakaangawa ikaanginĩ.</verse>
				<verse number="32">Na amwe ma ana‐a‐ĩthe moo, ma ana ma Akoathi, maĩ ma kũsũvĩa imũtũ ila siĩawa Yeova, kwiseũvasya kĩla mũthenya wa savato.</verse>
				<verse number="33">Na aa nĩo aini, atongoi ma nyũmba sya aaĩthe ma Alivai, ala mekalile tũsũmbanĩ na matyaĩ na ũthũkũmi ũngĩ; nũndũ nĩmakwataa wĩa woo mũthenya na ũtukũ.</verse>
				<verse number="34">Asu maĩ atongoi ma nyũmba sya aaĩthe ma Alivai, mosyaanĩonĩ moo onthe, andũ anene: nao nĩmekalaa Yelusaleme.</verse>
				<verse number="35">Na Ngiveoni kwatwĩe Yeieli, ĩthe wa Ngiveoni, ũla syĩtwa ya kĩveti kyake kyeetawa Maaka;</verse>
				<verse number="36">na ĩkithathi yake nĩ Avitoni, na ĩndĩ Nzuli, na Kisu, na Mbaali, na Neli, na Natavu,</verse>
				<verse number="37">na Ngetoli, na Aio, na Nzekalia, na Mikilothi.</verse>
				<verse number="38">Na Mikilothi asyaa Simeamu. Nao matũaa na ana‐a‐ĩthe moo Yelusaleme melekanĩle ana‐a‐ĩthe moo.</verse>
				<verse number="39">Na Neli asyaa Kisu; na Kisu asyaa Saulo; na Saulo asyaa Yonathani, na Maliki‐suua, na Avinatavu, na Esi‐mbaali.</verse>
				<verse number="40">Na mwana wa Yonathani nĩ Melivi‐mbaali; na Melivi‐mbaali asyaa Mika.</verse>
				<verse number="41">Na ana ma Mika: Vithoni, na Meleki, na Taalea, na Aasu.</verse>
				<verse number="42">Na Aasu asyaa Yala; na Yala asyaa Alemethi, na Asimavethi, na Nzimili; na Nzimili asyaa Mosa;</verse>
				<verse number="43">na Mosa asyaa Mbinea; na Levaia mwana wake, na Eleasa mwana wake, na Aseli mwana wake.</verse>
				<verse number="44">Na Aseli aĩ na ana thanthatũ, ala masyĩtwa moo nĩmo aa: Asilikamu, na Mbokelu, na Isumaeli, na Sealia, na Ovatia, na Aananu: asu nĩ ana ma Aseli.</verse>
			</chapter>
			<chapter number="10">
				<verse number="1">Na ĩndĩ Avilisti nĩmokitie na Isilaeli: na andũ ma Isilaeli makũka makĩĩte Avilisiti, na mavalũkw’a me oae kĩĩmanĩ kya Ngilivoa.</verse>
				<verse number="2">Na Avilisiti mamaatĩĩa Saulo na ana make na vinya; na Avilisiti mooaa Yonathani, na Avinatavu, na Maliki‐suua, ana ma Saulo.</verse>
				<verse number="3">Na kaũ weethĩwa mwai kũla kwĩ Saulo, na andũ ma mata mamũwĩla; na aũũya ũndũ wa andũ asu ma mata.</verse>
				<verse number="4">Nĩvo ĩndĩ Saulo wamwĩie mũkui wa mĩio yake ya kaũ, Kũa ũvyũ waku, ũndonye mũkuthũ naw’o, aa ala mate aĩke matikese kũka na kũnthĩn’ya. Ĩndĩ mũkui wa mĩio yake ya kaũ ndaaĩtĩkĩla; nũndũ akĩaa mũno. Kwondũ wa ũu Saulo oosa ũvyũ wake, na eevalũkya ĩũlũ waw’o eetonyethya.</verse>
				<verse number="5">Na yĩla mũkui wa mĩio yake ya kaũ wonie atĩ Saulo nĩwakw’a, eevalũkya ĩũlũ wa ũvyũ wake eetonyethya nake, na akw’a.</verse>
				<verse number="6">Ũu nĩw’o Saulo wakwie, na ana make atatũ; na nyũmba yake yonthe makw’a wamwe.</verse>
				<verse number="7">Na yĩla andũ onthe ma Isilaeli ala maĩ mwandanĩ moonie kana asu nĩmakũka makĩa, na kana Saulo na ana make nĩmakw’a, matia ndũa syoo, na makũka makĩa; na Avilisiti mooka na maitũa.</verse>
				<verse number="8">Na kweethĩwa ũnĩ ũsu, yĩla Avilisiti mookie kũmatusa ala moaĩtwe, moona Saulo na ana make mavalũkĩte kĩĩmanĩ kya Ngilivoa.</verse>
				<verse number="9">Na mamũtusa, na matwaa mũtwe wake, na mĩio yake ya kaũ, na matũmana nthĩ ya Avilisiti ngalĩ syonthe, mamĩtwaĩe mĩvw’anano yoo ũvoo, o na andũ nao.</verse>
				<verse number="10">Na maia mĩio yake ya kaũ nyũmbanĩ ya ngai syoo, na mũtwe wake maathĩĩa nyũmbanĩ ya Ndakoni.</verse>
				<verse number="11">Na yĩla andũ onthe ma Yavesi‐ngileati meewie ũndũ w’onthe ũla Avilisiti mamwĩkie Saulo,</verse>
				<verse number="12">andũ ngũmbaũ onthe mookĩla, na makua kimba kya Saulo, na simba sya ana make, na maiete ku Yavesi, na menzĩa nthĩ mavĩndĩ moo ĩtina wa mũtĩ wa mwaloni ku Yavesi, na matĩĩa ũya mĩthenya mũonza.</verse>
				<verse number="13">Ũu nĩw’o Saulo wakwie ũndũ wa ĩvĩtyo yake yĩla wamũvĩtanĩsye Yeova, nũndũ wa ndeto ya Yeova, ĩla ũtaamĩkwata; na ĩngĩ nũndũ nĩwakũlilye ũtao kwa ũmwe ũla wesene na veva, ookũlye,</verse>
				<verse number="14">na ndaakũlya Yeova: kwondũ wa ũu amũaa, na aalyũla ũsumbĩ wĩthĩwe wa Ndaviti mwana wa Yese.</verse>
			</chapter>
			<chapter number="11">
				<verse number="1">Nĩvo ĩndĩ Isilaeli onthe mamũmbanĩie Ndaviti ku Eviloni, makĩmwĩa, Sisya, twĩ ĩvĩndĩ yaku na mwĩĩ waku.</verse>
				<verse number="2">Mavinda ma tene, o yĩla Saulo waĩ mũsumbĩ, nue watongoesye Isilaeli kũmaumaalasya na kũmatũngaa: na Yeova Ngai waku akwĩa, Nue ũkethĩwa mũĩthi wa andũ makwa Isilaeli, na ũkeethĩwa mũnene wĩ mbee ũsumbĩnĩ wa andũ makwa Isilaeli.</verse>
				<verse number="3">Kwondũ wa ũu atumĩa onthe ma Isilaeli mooka kwa mũsumbĩ ku Eviloni; na Ndaviti atianĩĩa ũtianĩo nao ku Eviloni mbee wa Yeova; na mamwĩtĩkĩsya Ndaviti mauta ethĩwe mũsumbĩ wa Isilaeli, kwĩanana na ndeto ya Yeova ĩla waneenie na kanyw’a wa Samueli.</verse>
				<verse number="4">Na Ndaviti na Isilaeli onthe maenda Yelusaleme (nayo nĩ Yevusi); na Ayevusi, ala matwĩe ĩ nthĩ, maĩ kw’o.</verse>
				<verse number="5">Na ala matwĩe Yevusi mamwĩa Ndaviti, Ndwĩlika vaa. Ĩndĩ Ndaviti nĩwakwatie ngome yĩ vinya ya Saioni; nayo nĩ ndũa ya Ndaviti.</verse>
				<verse number="6">Na Ndaviti asya, O ũla wĩamba ũkũna Ayevusi akeethĩwa mũnene na kavuteni. Na Yoavu mwana wa Nzeluia nĩwe wambie kwambata, na atw’ĩkĩthw’a mũnene.</verse>
				<verse number="7">Na Ndaviti nĩwekalaa ngomenĩ ĩsu yĩ vinya; kwondũ wa ũu mamĩta ndũa ya Ndaviti.</verse>
				<verse number="8">Nake aaka ndũa athyũlũlũkĩtye, kuma Milo o kũthyũlũlũkya; na Yoavu atũngĩĩa kĩlungu kĩla kyatiele kya ndũa.</verse>
				<verse number="9">Na Ndaviti ongeleka kũneneva; nũndũ Yeova wa nguthu aĩ vamwe nake.</verse>
				<verse number="10">Na ĩndĩ aa nĩo anene ma ngũmbaũ ila Ndaviti waĩ nasyo, ila ilũmanĩtye nake na vinya ũsumbĩnĩ wake, vamwe na Isilaeli onthe, imũtw’ĩkĩthye mũsumbĩ kwĩanana na ndeto ya Yeova ũndũ wa Isilaeli.</verse>
				<verse number="11">Na ũũ nĩ ũtalo wa ngũmbaũ ila Ndaviti waĩ nasyo: Yasoveamu, mwana wa Mũakimoni, mũnene wa ala mĩongo ĩtatũ; nake ookĩlĩlye andũ maana atatũ ĩtumo yake na amoaa o yĩmwe.</verse>
				<verse number="12">Na ĩtina wake kwaĩ Eleasali mwana wa Ndoto, Mũaoi, ũla waĩ ũmwe wa ila ngũmbaũ itatũ.</verse>
				<verse number="13">Aĩ vamwe na Ndaviti ku Vasitamimu, na vau Avilisiti moombana mokite, vala vaĩ mũũnda wusũĩte mbaale; na, andũ makũka makĩĩte Avilisiti.</verse>
				<verse number="14">Na maũngama ũ mũũndanĩ katĩ, na mawũkitĩa, na mooaa Avilisiti; na Yeova amatangĩĩa na ũkĩlyo mũnene.</verse>
				<verse number="15">Na atatũ ma ala andũ anene mĩongo ĩtatũ matheea ĩvianĩ vala ve Ndaviti, malika ngunganĩ ya Atulamu; na nguthu ya Avilisiti maĩ manamba maeema moo mwandanĩ wa Alevai.</verse>
				<verse number="16">Na ĩvinda yĩu Ndaviti aĩ ngomenĩ yĩ vinya, na asikalĩ ma Avilisiti ĩvinda yĩu maĩ Mbethi‐leemu.</verse>
				<verse number="17">Na Ndaviti akwatwa nĩ mũng’atũko, na asya, Ame! Kethĩwa mũndũ ũmwe akanenga manzĩ ma ũnyw’a ma kĩthima kya Mbethi‐leemu, kĩla kĩ vakuvĩ na mbingĩlo!</verse>
				<verse number="18">Na asu atatũ mavithũkĩa mavũthũĩla nguthu ya Avilisiti, na matava manzĩ kĩthimanĩ kya Mbethi‐leemu, kĩla kyaĩ vakuvĩ na mbingĩlo, na makua, na mamũtwaĩa Ndaviti: ĩndĩ Ndaviti ndaaĩtĩkĩla kũmanyw’a, ĩndĩ etĩa Yeova nthĩ,</verse>
				<verse number="19">na asya, Ngai wakwa ndakandeke nĩke ũndũ ũilyĩ ũu: nĩnyw’a nthakame ya andũ aa ala malekilye mathayũ moo mũisyonĩ? Nũndũ nĩmamaetie mathayũ moo me mũisyonĩ. Kwondũ wa ũu ndaaĩtĩkĩla kũmanyw’a. Maũndũ asu nĩmeekiwe nĩ ila ngũmbaũ ĩtatũ.</verse>
				<verse number="20">Na Avisai, mwana‐a‐inyia wa Yoavu, nĩwe waĩ mũnene katĩ wa asu atatũ; nũndũ nĩwamokĩlĩlye andũ maana atatũ ĩtumo na amoaa, na aĩ na syĩtwa katĩ wa asu atatũ.</verse>
				<verse number="21">Katĩ wa asu atatũ, nĩwe wataĩiwe kwĩ ala elĩ, na atw’ĩkĩthw’a kavuteni woo: ĩndĩ ala atatũ ma mbee ndaaĩanana nao.</verse>
				<verse number="22">Mbenaia mwana wa Yeoiata, mwana wa mũndũ wĩ ũkũmbaũ wa Kaviseeli, ũla wekĩte meko manene, ooaa ana elĩ ma Alieli wa Moavi: o na atheea na ooaa mũnyambũ wĩ nthĩnĩ wa ĩima ĩvinda kwĩĩa.</verse>
				<verse number="23">Na ooaa Mũmisili, mũndũ mũasa mũno, ũasa wake waĩ mĩkono ĩtano; na kw’okonĩ kwa Mũmisili kwaĩ ĩtumo yailyĩ ta mũamba wa mũtumi wa ngũa; na amũtheeea na ndata, na amũvena Mũmisili ĩtumo kw’okonĩ kwake, na amũaa na ĩtumo yake mwene.</verse>
				<verse number="24">Mbenaia mwana wa Yeoiata nĩwekie maũndũ asu, na aĩ na syĩtwa katĩ wa ngũmbaũ isu itatũ.</verse>
				<verse number="25">Sisya, ataĩawa mũno kwĩ ala mĩongo ĩtatũ, ĩndĩ ndaaĩanana na ala atatũ ma mbee: na Ndaviti amwia ethĩwe mũnene wa nguthu ya asũvĩi make.</verse>
				<verse number="26">O na ngũmbaũ sya ita: Asaeli mwana‐a‐inyia wa Yoavu, na Elianani mwana wa Ndoto wa Mbethi‐leemu,</verse>
				<verse number="27">na Samothi Mũaloli, na Elesu Mũveloni,</verse>
				<verse number="28">na Ila mwana wa Ikesi Mũtekoa, na Avieseli Mũanathothi,</verse>
				<verse number="29">na Sivekai Mũusathi, na Ilai Mũaoi,</verse>
				<verse number="30">na Maalai Mũnetovathi, na Eleti mwana wa Mbaana Mũnetovathi,</verse>
				<verse number="31">na Ithai mwana wa Livae wa ku Ngivea wa ana ma Mbenyamini, na Mbenaia Mũvilathoni,</verse>
				<verse number="32">na Uulai wa tũlũsĩ twa Ngaasi, na Avieli Mũalivathi,</verse>
				<verse number="33">na Asimavethi Mũmbalumi, na Eliava Mũsaalivoni,</verse>
				<verse number="34">na ana ma Asemu Mũngisoni, na Yonathani mwana wa Sake Mũalali,</verse>
				<verse number="35">na Aiamu mwana wa Sakali Mũalali, na Elivali mwana wa Ulu,</verse>
				<verse number="36">na Eevieli Mũmekelathi, na Aiya Mũveloni,</verse>
				<verse number="37">na Esolo Mũkalimeli, na Naalai mwana wa Esivai,</verse>
				<verse number="38">na Yoeli mwana‐a‐inyia wa Nathani, na Mivali mwana wa Akali,</verse>
				<verse number="39">na Nzeleki Mũamimoni, na Naalai Mũmbelothi, ũla wakuĩaa Yoavu mwana wa Nzeluia mĩio ya kaũ,</verse>
				<verse number="40">na Ila Mũithili, na Ngalevu Mũithili,</verse>
				<verse number="41">na Ulia Mũititi, na Nzavati mwana wa Alai,</verse>
				<verse number="42">na Atina mwana wa Sinza Mũleuveni, mũnene wa Aleuveni, na andũ mĩongo ĩtatũ vamwe nake,</verse>
				<verse number="43">na Aananu mwana wa Maaka, na Yosavati Mũmithini,</verse>
				<verse number="44">na Usia Mũasetelathi, na Sama na Yeieli ana ma Othamu Mũaloeli,</verse>
				<verse number="45">na Yetiaeli mwana wa Simili, na Yooa mwana‐a‐inyia wake, Mũtisi,</verse>
				<verse number="46">na Elieli Mũmaavi, na Yelivai, na Yosavia, ana ma Elinaamu, na Ithima Mũmoavi,</verse>
				<verse number="47">na Elieli, na Oveti, na Yasieli Mũmesovai.</verse>
			</chapter>
			<chapter number="12">
				<verse number="1">Na ĩndĩ aa nĩo ala mamũkĩe Ndaviti ku Nzikilaki, yĩla wevingĩaa nũndũ wa Saulo mwana wa Kisu; nao maĩ amwe katĩ wa ila ngũmbaũ, atethya make kaũnĩ.</verse>
				<verse number="2">Maĩ na mata, na maĩ matonya kwĩkya mavia na kĩkũtha na kwĩkya mĩsyĩ na ũta na kw’oko kwa aũme o na kwa aka: maĩ ma ana‐a‐ĩthe ma Saulo ma Mbenyamini.</verse>
				<verse number="3">Ũla mũnene aĩ Aieseli, na ĩndĩ Yoasi, ana ma Semaa Mũngiveathi; na Yesieli, na Veleti, ana ma Asimavethi; na Mbelaka, na Yeu Mũanathothi;</verse>
				<verse number="4">na Isimaia Mũngiveoni, ngũmbaũ katĩ wa ala mĩongo ĩtatũ, na ĩũlũ wa ala mĩongo ĩtatũ; na Yelemia, na Yaanzieli, na Yoanani, na Yosavati Mũngetelathi,</verse>
				<verse number="5">na Elusai, na Yelimothi, na Mbealia, na Semalia, na Sevatia Mũaluvi,</verse>
				<verse number="6">na Elikana, na Isia, na Asaleeli, na Yoeseli, na Yasoveamu, Akola,</verse>
				<verse number="7">na Yoela, na Nzevatia, ana ma Yeloamu wa ku Ngetoli.</verse>
				<verse number="8">Na amwe ma Angati meevatha mamũatĩĩe Ndaviti ngomenĩ yĩ vinya weũnĩ, ngũmbaũ nene, andũ mamanyĩĩtw’e kaũ, ala maĩ matonya kũkwata ngao na ĩtumo; ala mothyũ moo mailyĩ ta mothyũ ma mĩnyambũ, na maĩ mĩtũkĩ kũthi ta nthwaia nga iĩmanĩ:</verse>
				<verse number="9">ũla mũnene Eseli, na wa kelĩ Ovatia, na wa katatũ Eliavu,</verse>
				<verse number="10">na wa kana Misimana, na wa katano Yelemia,</verse>
				<verse number="11">na wa thanthatũ Atai, na wa mũonza Elieli,</verse>
				<verse number="12">na wa nyanya Yoanani, na wa kenda Elisavati,</verse>
				<verse number="13">na wa ĩkũmi Yelemia, na wa ĩkũmi na ũmwe Makivanai.</verse>
				<verse number="14">Asu ma ana ma Ngati maĩ makavuteni ma nguthu: ũla waĩ mũnini mbee eanene na ĩana, na ũla mũnene mbee eanene na ngili.</verse>
				<verse number="15">Asu nĩo ala maingie Yotolani mwei wa mbee, yĩla wavingĩte ũkakĩla ngũka syonthe syaw’o; na malũngya onthe ala matwĩe myandanĩ, ngalĩ ya wumĩloni wa syũa na ngalĩ ya ũthũilonĩ wa syũa.</verse>
				<verse number="16">Na kwooka ngomenĩ yĩ vinya vala ve Ndaviti amwe ma ana ma Mbenyamini na Yuta.</verse>
				<verse number="17">Na Ndaviti aumaala akomane nao, na amasũngĩa, amea, Ethĩwa mũkĩte kwakwa na mũuo mũndethye, ngoo yakwa ĩkalũman’ya nenyu; ĩndĩ ethĩwa nĩmũkĩte mũmbũnyanĩe kwa amaitha makwa, nũndũ kũti ĩvĩtyo mokonĩ makwa, Ngai wa aaĩthe maitũ nasisye ũndũ ũsu, na ookan’ye.</verse>
				<verse number="18">Nĩvo ĩndĩ Veva amũvw’ĩkie Amasai, ũla waĩ mũnene wa ala mĩongo ĩtatũ, na asya, Ithyĩ twĩ maku, Ndaviti, na twĩ ngalĩ yaku, we mwana wa Yese: mũuo, mũuo wĩthĩwe kwaku, na mũuo wĩthĩwe kwa atethya maku; nũndũ Ngai waku nũkũtethasya. Na ĩndĩ Ndaviti amosa, na amatw’ĩkĩthya makavuteni ma ĩla nguthu.</verse>
				<verse number="19">O na amwe ma Manase meetila maende na Ndaviti yĩla wokie na Avilisiti kũvithũkĩa Saulo: ĩndĩ matyaamatethya; nũndũ eaĩi ma Avilisiti masũanĩa mamwĩa athi, makyasya, Akeetila asyoke kwa vwana wake Saulo na mĩtwe yaitũ ĩkalika mũisyonĩ.</verse>
				<verse number="20">Aendete Nzikilaki, ala ma Manase ala meetilile maende nake nĩ Atena, na Yosavati, na Yetiaeli, na Mikaeli, na Yosavati, na Eliu, na Nzilethai, makavuteni ma ngili ila syaĩ sya Manase.</verse>
				<verse number="21">Na mamũtethya Ndaviti okite na nguthu ya amaitha: nũndũ asu onthe maĩ ngũmbaũ nene, na maĩ makavuteni ĩ nguthunĩ.</verse>
				<verse number="22">Nũndũ mũthenya na mũthenya andũ mamũkĩaa Ndaviti mamũtethye, mũvaka kweethĩwa nguthu nene, o ta nguthu ya Ngai.</verse>
				<verse number="23">Na aa nĩmo motalo ma atongoi ma ala mekĩĩte mĩio ya kaũ, ala mamũkĩe ndaviti ku Eviloni, maalyũle ũsumbĩ wa Saulo wĩthĩwe wake, kwĩanana na ndeto ya Yeova.</verse>
				<verse number="24">Ana ma Yuta ala makuaa ngao na ĩtumo maĩ ngili thanthatũ na maana nyanya, mekĩĩte mĩio ya kaũ.</verse>
				<verse number="25">Ma ana ma Simeoni, ngũmbaũ nene ũndũ wa kaũ, ngili mũonza na ĩana.</verse>
				<verse number="26">Ma ana ma Livai ngili inya na maana thanthatũ.</verse>
				<verse number="27">Na Yeoiata aĩ mũtongoi wa nyũmba ya Aluni; na vamwe nake kwaĩ ngili itatũ na maana mũonza,</verse>
				<verse number="28">na Nzatoki, mwanake ngũmbaũ nene, na ma ala ma nyũmba ya ĩthe wake makavuteni mĩongo ĩlĩ na elĩ.</verse>
				<verse number="29">Na ma ana ma Mbenyamini, ana‐a‐ĩthe ma Saulo, ngili itatũ: nũndũ kũvika ĩvinda yĩu ala aingĩ moo nĩmalũmanĩtye na nyũmba ya Saulo.</verse>
				<verse number="30">Na ma ana ma Evalaimu ngili mĩongo ĩlĩ na maana nyanya, ngũmbaũ nene, andũ me nguma nyũmbanĩ sya aaĩthe moo.</verse>
				<verse number="31">Na ma nyunzu ya mbaĩ ya Manase ngili ĩkũmi na nyanya, ala mawetiwe na masyĩtwa, moke mamũtw’ĩkĩthye Ndaviti mũsumbĩ.</verse>
				<verse number="32">Na ma ana ma Isakali, andũ ala maĩ na ũmanyi wa mavinda, mesĩ ũndũ Isilaeli maĩle kwĩka, atongoi moo maĩ maana elĩ; na ana‐a‐ĩthe moo onthe maĩ mwĩaonĩ woo.</verse>
				<verse number="33">Ma Nzevuluni ala maĩ matonya kũthi nguthunĩ, ala maĩ matonya kũtaũsya kaũ, me na mĩio ya mĩthemba yonthe ya kaũ, ngili mĩongo itano, ala maĩ matonya kũkitĩthya kaũ, na matyaĩ na ngoo ilĩ.</verse>
				<verse number="34">Na ma Navitali makavuteni ngili, na vamwe nao andũ ngili mĩongo ĩtatũ na mũonza me na ngao na ĩtumo.</verse>
				<verse number="35">Na ma Andani ala maĩ matonya kũtaũsya kaũ, ngili mĩongo ĩlĩ na nyanya na maana thanthatũ.</verse>
				<verse number="36">Na ma Aseli, ala maĩ matonya kũthi nguthunĩ, ala maĩ matonya kũtaũsya kaũ, ngili mĩongo ĩna.</verse>
				<verse number="37">Na mũingo ũya wa Yolotani, ma Aleuveni, na Angati, na ma nyunzu ya mbaĩ ya Manase, me na mĩthemba yonthe ya mĩio ya kaũ ũndũ wa kũkita, ngili ĩana na mĩongo ĩlĩ.</verse>
				<verse number="38">Asu onthe, nũndũ nĩ andũ ma kaũ, ala maĩ matonya kũkitĩthya kaũ, mooka na ngoo mbĩanĩu ku Eviloni, mamũtw’ĩkĩthye Ndaviti mũsumbĩ wa Isilaeli onthe: o na ala angĩ onthe ma Isilaeli maĩ na ngoo ĩmwe ya kũmũtw’ĩkĩthya Ndaviti mũsumbĩ.</verse>
				<verse number="39">Na maĩ kw’o na Ndaviti mĩthenya ĩtatũ, makĩya na kũnyw’a; nũndũ ana‐a‐ĩthe moo nĩmeeyũmbanĩtye kwondũ woo.</verse>
				<verse number="40">Na ĩngĩ ala maĩ vakuvĩ nao, o na kũvika nthĩ ya Isakali na Nzevuluni na Navitali, maete imũtũ ikuĩtwe nĩ mang’oi, na ngamĩle, na nyũmbũ, na ng’ombe, lĩu wa mũtu, na tũkũmbwa twa makũyũ, na ĩtũngo sya nzavivũ mbovu, na mbinyu, na mauta, na ng’ombe, na malondu maingĩ mũno: nũndũ kwaĩ ũtanu nthĩnĩ wa Isilaeli.</verse>
			</chapter>
			<chapter number="13">
				<verse number="1">Na Ndaviti asũanĩa na makavuteni ma ngili ngili na ma maana, o kĩla mũtongoi.</verse>
				<verse number="2">Na Ndaviti atavya ũmbano w’onthe wa Isilaeli, Ethĩwa inyw’ĩ nĩmũkwona nĩ ũseo, na ethĩwa ũũ nĩ wa Yeova Ngai waitũ, nĩtũtũmane kĩla vandũ kwa ana‐a‐ĩthe maitũ ala matiĩtwe nthĩ yonthe ya Isilaeli, ala athembi na Alivai me vamwe nao ndũanĩ syoo ila syĩ na syengo, nĩ kana matonye kũmbana vaa tũĩ;</verse>
				<verse number="3">na nĩtũete ĩngĩ ĩsandũkũ ya Ngai waitũ vaa tũĩ: nũndũ tũtyaayĩkũlya mĩthenyanĩ ya Saulo.</verse>
				<verse number="4">Na ũmbano w’onthe wasya ũkeeka ũu; nũndũ ũndũ ũsu andũ onthe moonie nĩ ũseo.</verse>
				<verse number="5">Kwondũ wa ũu Ndaviti oomban’ya Isilaeli onthe, kuma Sioli kalũsĩ ka Misili o kũvika ũlikĩlo wa Amathi, maete ĩsandũkũ ya Ngai kũyumya Kiliathi‐yealimu.</verse>
				<verse number="6">Na Ndaviti ambata, e na Isilaeli onthe, mathi Mbaala, nayo nĩ Kiliathi‐yealimu, ĩla yaĩ ya Yuta, maete kũyumya kw’o ĩsandũkũ ya Ngai Yeova ũla wĩkalaa ĩũlũ wa akeluvi, yĩla yĩtanĩaw’a na yĩla Syitwa.</verse>
				<verse number="7">Na makua ĩsandũkũ ya Ngai na ĩkasya yeũ, na mayumya nyũmbanĩ ya Avinatavu; na Usa na Aio mainga yĩla ĩkasya.</verse>
				<verse number="8">Na Ndaviti na Isilaeli onthe matanĩa mũno mbee wa Ngai na vinya woo w’onthe, vamwe na mbathi, na mbeve, na inanda, na tũthembe, na tũmasaya, na masoo.</verse>
				<verse number="9">Na yĩla mavikie kĩvũĩonĩ kya Kitoni, Usa atambũũkya kw’oko kwake atw’ĩĩke ĩsandũkũ; nũmdũ ng’ombe nĩsyatiũũkie.</verse>
				<verse number="10">Na ũthatu wa Yeova wakanĩa Usa, na amũkũna, nũndũ nĩwatambũũkĩsye yĩla ĩsandũkũ kw’oko kwake; na akw’ĩa vo mbee wa Ngai.</verse>
				<verse number="11">Na Ndaviti eew’a woo, nũndũ Yeova nĩwamũkũna Usa: na eeta vandũ vau Velesi‐usa, kũvika ũmũnthĩ.</verse>
				<verse number="12">Na Ndaviti akĩa Ngai mũthenya ũsu, akyasya, Ngenũkya ĩsandũkũ ya Ngai kwakwa ata?</verse>
				<verse number="13">Kwondũ wa ũu Ndaviti ndaathamĩsya ĩsandũkũ kwake ndũanĩ ya Ndaviti, ĩndĩ ayelelũkĩĩlya nyũmbanĩ ya Oveti‐etomu Mũngiti.</verse>
				<verse number="14">Na ĩsandũkũ ya Ngai yekala na mũvĩa wa Oveti‐etomu nyũmbanĩ yake myei ĩtatũ: na Yeova aathima nyũmba ya Oveti‐etomu, na kyonthe kĩla waĩ nakyo.</verse>
			</chapter>
			<chapter number="14">
				<verse number="1">Na Ilamu mũsumbĩ wa Tile atũma atũmwa kwa Ndaviti, na mĩkũũ, na aki ma mavia, na aseũvya ma mbwaũ, mamwakĩe nyũmba.</verse>
				<verse number="2">Na Ndaviti amanya kana Yeova nũmũlũlũmĩlye ethĩwe mũsumbĩ wa Isilaeli; nũndũ ũsumbĩ wake wataĩĩtwe mũno, kwondũ wa andũ make Isilaeli.</verse>
				<verse number="3">Na Ndaviti atwaĩa aka angĩ ku Yelusaleme; na Ndaviti asyaa ana na eĩtu angĩ.</verse>
				<verse number="4">Na aa nĩo masyĩtwa ma ana ala wasyaĩe ku Yelusaleme: Samua, na Sovavu, na Nathani, na Solomoni,</verse>
				<verse number="5">na Iviali, na Elisua, na Eliveleti,</verse>
				<verse number="6">na Noka, na Neveki, na Yavia,</verse>
				<verse number="7">na Elisama, na Eliata, na Eliveleti.</verse>
				<verse number="8">Na yĩla Avilisiti meewie Ndaviti nĩwĩtĩkĩw’e mauta ethĩwe mũsumbĩ wa Isilaeli onthe, Avilisiti onthe mambata mamanthe Ndaviti: na Ndaviti eew’a ũu, na aumaala okite nao.</verse>
				<verse number="9">Na ĩndĩ Avilisiti maĩ manooka na kũvithũkĩa mwandanĩ wa Alevai.</verse>
				<verse number="10">Na Ndaviti amũkũlya Ngai, akyasya, Nambate kũkita na Avilisiti? Naku ũkamanengane kw’okonĩ kwakwa? Na Yeova amwĩa, Ambata; nũndũ ngamanengane kw’okonĩ kwaku.</verse>
				<verse number="11">Na ĩndĩ mambata mavika Mbaali‐velasimu, na Ndaviti amakũnĩa kw’o; na Ndaviti asya, Ngai nũtũlĩte amaitha makwa na kw’oko kwakwa, ta vandũ vavũthũĩtwe nĩ manzĩ. Kwondũ wa ũu meeta syĩtwa ya vandũ vau Mbaali‐velasimu.</verse>
				<verse number="12">Na matia ngai syoo kw’o; na Ndaviti eeaa, na syavĩvw’a na mwaki.</verse>
				<verse number="13">Na Avilisiti mavithũkĩa ĩvinda yĩngĩ mwandanĩ ũsu.</verse>
				<verse number="14">Na Ndaviti amũkũlya Ngai ĩngĩ; na Ngai amwĩa, Ndũkambate ũmaatĩĩe: ĩthyũũe ũmaeke, noimavithũkĩa welekele mĩtĩnĩ ya mĩvolosati.</verse>
				<verse number="15">Na kũkeethĩwa, yĩla wĩĩw’a matuu ta ma andũ maendele mĩthyanĩ ya mĩvolosati, nĩvo ĩndĩ wĩumaala ũkite; nũndũ Ngai nĩwumaalĩte mbee waku akũne nguthu ya Avilisiti.</verse>
				<verse number="16">Na Ndaviti eeka o tondũ Ngai wamwĩaĩe: na makũna nguthu ya Avilisiti kuma Ngiveoni o kũvika Ngeseli.</verse>
				<verse number="17">Na nguma ya Ndaviti yanyaĩĩka nthĩ syonthe; na Yeova aete ĩũlũ wa mbaĩ syonthe w’ĩa kwondũ wake.</verse>
			</chapter>
			<chapter number="15">
				<verse number="1">Na Ndaviti eeyakĩa nyũmba ndũanĩ ya Ndaviti; na aseũvya vandũ va ĩsandũkũ ya Ngai, na ayambĩa ĩeema.</verse>
				<verse number="2">Na ĩndĩ Ndaviti asya, Vati mũndũ o na wĩva waĩle kũkua ĩsandũkũ ya Ngai ate o Alivai: nũndũ nĩmo Yeova ũmanyuvĩte makuae ĩsandũkũ ya Ngai, na mamũthũkũmae tene na tene.</verse>
				<verse number="3">Na Ndaviti oomban’ya Isilaeli onthe ku Yelusaleme, nĩ kana maete ĩsandũkũ ya Yeova vandũ vayo, vala waseũvĩtye kwondũ wayo.</verse>
				<verse number="4">Na Ndaviti amomban’ya ana ma Aluni, na Alivai:</verse>
				<verse number="5">ma ana ma Koathi, mũnene Ulieli, na ana‐a‐ĩthe make ĩana na mĩongo ĩlĩ;</verse>
				<verse number="6">na ma ana ma Melali, mũnene Asaia, na ana‐a‐ĩthe make maana elĩ na mĩongo ĩlĩ;</verse>
				<verse number="7">na ma ana ma Ngelisoni, mũnene Yoeli, na ana‐a‐ĩthe make ĩana na mĩongo ĩtatũ;</verse>
				<verse number="8">na ma ana ma Elisavani, mũnene Semaia, na ana‐a‐ĩthe make maana elĩ;</verse>
				<verse number="9">na ma ana ma Eviloni, mũnene Elieli, na ana‐a‐ĩthe make mĩongo nyanya;</verse>
				<verse number="10">na ma ana ma Usieli, mũnene Aminatavu, na ana‐a‐ĩthe make ĩana na ĩkũmi na elĩ.</verse>
				<verse number="11">Na Ndaviti ameta athembi Nzatoki, na Aviathali, na Alivai, Ulieli, na Asaia, na Yoeli, na Semaia, na Elieli, na Aminatavu,</verse>
				<verse number="12">na amea, Inyw’ĩ mwĩ atongoi ma nyũmba sya aaĩthe sya Alivai: ĩvathan’yei mwĩthĩwe atheu, inyw’ĩ o na ana‐a‐ĩthe menyu, nĩ kana mũete ĩsandũkũ ya Yeova, Ngai wa Isilaeli, vandũ vala nĩseũvĩtye kwondũ wayo.</verse>
				<verse number="13">Kwondũ wa kwĩthĩwa mũtyaayĩkua mbee, Yeova Ngai waitũ nĩwatũkũnie ĩkũna, nũndũ tũtyaamũmantha kwĩanana na ũtw’ĩo.</verse>
				<verse number="14">Kwondũ wa ũu athembi na Alivai meevathan’ya methĩwe atheu nĩ kana mambatye isandũkũ ya Yeova, Ngai wa Isilaeli.</verse>
				<verse number="15">Na ana ma Alivai makua ĩsandũkũ ya Ngai ituonĩ syoo na mĩtĩ yayo, o tondũ Mose weaĩte kwĩanana na ndeto ya Yeova.</verse>
				<verse number="16">Na Ndaviti aneena na mũnene wa Alivai aie aini ana‐a‐ĩthe moo, me na syĩndũ sya kũinga, inanda, na mbeve, na tũmasaya, makĩinga na kũkĩlya wasya na ũtanu.</verse>
				<verse number="17">Kwondũ wa ũu Alivai maia Emani mwana wa Yoeli; na ma ana‐a‐ĩthe make, Asavu mwana wa Mbelekia; na ma ana ma Melali ana‐a‐ĩthe moo. Ethani mwana wa Kusaia;</verse>
				<verse number="18">na vamwe nao ana‐a‐ĩthe moo ma kĩanda kya kelĩ, Nzekalia, na Mbeni, na Yaasieli, na Semilamothi, na Yeiieli, na Uni, na Eliavu, na Mbenaia, na Maaseia, na Matithia, na Eliveleu, na Mikineia, na Oveti‐etomu, na Yeieli, asũvĩi ma mĩomonĩ.</verse>
				<verse number="19">Na ĩndĩ aini, Emani, na Asavu, na Ethani, maiwa, me na tũmasaya twa ũthuku twa kũkayĩthw’a wasya mũnene;</verse>
				<verse number="20">na Nzekalia, na Asieli, na Semilamothi, na Yeiieli, na Uni, na Eliavu, na Maaseia, na Mbenaia, me na inanda sinaa na mawasya ma eĩtu;</verse>
				<verse number="21">na Matithia, na Elieveleu, na Mikineia, na Oveti‐etomu, na Yeieli, na Asasia, me na nbeve sinaa na mawasya ma ĩtheo, matongoeasye.</verse>
				<verse number="22">Na Kenania, mũnene wa Alivai, aĩ mwinĩthya: nĩwamanyĩasya kwina, nũndũ aĩ na ũĩ.</verse>
				<verse number="23">Na Mbelekia na Elikana maĩ asũvĩi ma mĩomonĩ kwondũ wa yĩla ĩsandũkũ.</verse>
				<verse number="24">Na athembi Sevania, na Yosavati, na Nethaneli, na Amasai, na Nzekalia, na Mbenaia, na Elieseli, mavuvĩaa masoo vu mbee wa ĩsandũkũ ya Ngai; na Oveti‐etomu na Yeia maĩ asũvĩi ma mĩomonĩ kwondũ wa yĩla ĩsandũkũ.</verse>
				<verse number="25">Na ĩndĩ Ndaviti, na atumĩa ma Isilaeli, na makavuteni ma ngili ngili, maenda mambatye ĩsandũkũ ya ũtianĩo ya Yeova kũyumya nyũmbanĩ ya Oveti‐etomu me na ũtanu.</verse>
				<verse number="26">Na kweethĩwa, yĩla Ngai watethisye Alivai ala makuĩte ĩsandũkũ ya ũtianĩo ya Yeova, mathemba tũsalũ twa mũew’a mũonza na ndũũme mũonza.</verse>
				<verse number="27">Na Ndaviti nake eekĩĩte ngũa ndasa ya katane nzeo, na Alivai onthe ala makuĩte yĩla ĩsandũkũ, na aini, na Kenania mũnene wa wini vamwe na aini: na Ndaviti eekĩĩte evoti ya katane.</verse>
				<verse number="28">Ũu nĩw’o Isilaeli onthe maetie ĩsandũkũ ya ũtianĩo ya Yeova makyũkĩlya mawasya manene, vamwe na wasya wa soo mũkelemu, na masoo, na tũmasaya, ikĩamba mũno vamwe na inanda na mbeve.</verse>
				<verse number="29">Na kweethĩwa, yĩla ĩsandũkũ ya ũtianĩo ya Yeova yalikile ndũanĩ ya Ndaviti, Mikali mwĩĩtu wa Saulo asyaĩlya mbũthinĩ, na oona mũsumbĩ Ndaviti akĩsũnga na kũtana mũno; na amũvũthya ngoonĩ yake.</verse>
			</chapter>
			<chapter number="16">
				<verse number="1">Na maete ĩsandũkũ ya Ngai nthĩnĩ, na mayia ĩeemanĩ nthĩnĩ yĩla Ndaviti wambĩte kwondũ wayo: na mamũthembea Ngai nthembo sya kũvĩvw’a na nthembo sya mũuo.</verse>
				<verse number="2">Na yĩla Ndaviti waminie kũthemba nthembo ya kũvĩvw’a na nthembo sya mũuo, aathima andũ syĩtwanĩ ya Yeova.</verse>
				<verse number="3">Na amaaaĩa kĩla ũmwe wa Isilaeli, aũme o na aka, kĩla ũmwe kĩlungu kya kĩmũtũ, na kĩlungu kya nyama, na kakũmbwa ka nzavivũ mbovu.</verse>
				<verse number="4">Na aia amwe ma Alivai mathũkũmĩae vu mbee wa ĩsandũkũ ya Yeova, na kũmalilikanasya na kũtũngĩaa mũvea na kũtaĩaa Yeova, Ngai wa Isilaeli:</verse>
				<verse number="5">nĩo aa, mũnene Asavu, na wa kelĩ Nzekalia, na Yeieli, na Semilamothi, na Yeiieli, na Matithia, na Eliavu, na Mbenaia, na Oveti‐etomu, na Yeieli, me na inanda na mbeve; na Asavu e na tũmasaya, tũkũkaya mũno;</verse>
				<verse number="6">na athembi Mbenaia na Yaanzieli me na masoo ĩvinda yonthe, vu mbee wa ĩsandũkũ ya ũtianĩo ya Ngai.</verse>
				<verse number="7">Na mũthenya ũsu nĩw’o Ndaviti wambie kũtw’a kana Yeova atũngĩwe mũvea, na kw’oko kwa Asavu na ana‐a‐ĩthe make.</verse>
				<verse number="8">Mũtũngĩei Yeova mũvea, ĩkaĩlei syĩtwa yake; Manyĩthyai ngo sya andũ meko make. Mwinĩeĩ mũkumyei;</verse>
				<verse number="9">Neenai ũndũ wa mawĩa make onthe ma ũseng’ya.</verse>
				<verse number="10">Ĩkathĩĩei syĩtwanĩ yake ĩtheu; Ngoo ya ala mamanthaa Yeova nĩtane.</verse>
				<verse number="11">Manthai Yeova na vinya wake; Manthai ũthyũ wake ĩvinda yonthe.</verse>
				<verse number="12">Lilikanai mawĩa make ma ũseng’yo ala wĩkĩte, Moseng’yo make, na mosili ma kanyw’a wake,</verse>
				<verse number="13">Inyw’ĩ ũsyao wa Isilaeli, mũthũkũmi wake, Inyw’ĩ ana ma Yakovo, anyuve make.</verse>
				<verse number="14">Nĩwe Yeova Ngai waitũ; Mosili make me nthĩ yonthe.</verse>
				<verse number="15">Lilikanai ũtianĩo wake tene na tene, Ndeto ĩla weaĩe nzyawa ngili,</verse>
				<verse number="16">Ũtianĩo ũla watianĩe na Avalaamu, Na wĩvĩto wake kwa Isaka,</verse>
				<verse number="17">Naw’o oolũlũmĩlya kwa Yakovo wĩthĩwe mwamũlo, Kwa Isilaeli wĩthĩwe ũtianĩo wa tene na tene,</verse>
				<verse number="18">Akyasya, Nue ngaũnenga nthĩ ya Kanaani, Yĩthĩwe kĩlungu kya ũtĩĩwa wenyu;</verse>
				<verse number="19">Yĩla mwaĩ andũ avũthũ ũtalonĩ, Ĩĩ, avũthũ mũno, na ekali ma ũeninĩ nthĩnĩ wayo;</verse>
				<verse number="20">Na mangangaa kuma mbaĩnĩ kũthi mbaĩnĩ, Na kuma ũsumbĩnĩ ũmwe kũthi andũnĩ ma ũko ũngĩ.</verse>
				<verse number="21">Ndaamũeka mũndũ o na wĩva ameke naĩ; Ĩĩ, amakan’ya asumbĩ kwondũ woo,</verse>
				<verse number="22">Akĩmea, Mũtikakiite ala makwa metĩkĩw’e mauta, Na mũtikameke athani makwa ũthũku.</verse>
				<verse number="23">Nthĩ yonthe, mwinĩei Yeova; Onan’yai ũtangĩĩo wake mũthenya na mũthenya.</verse>
				<verse number="24">Tavan’yai ũtheu mũtisu wake katĩ wa i mbaĩ, Mawĩa make ma kũseng’ya katĩ wa ngo syonthe sya andũ.</verse>
				<verse number="25">Nũndũ Yeova nĩ mũnene, na nĩ wa kũtaĩwa mũno: Nake nĩ wa ũkĩwa kũvĩtũka ngai syonthe.</verse>
				<verse number="26">Nũndũ ngai syonthe sya ngo sya andũ nĩ mĩvw’anano: Ĩndĩ Yeova nĩwombie matu.</verse>
				<verse number="27">Ndaĩa na ũnene syĩ mbee wake: Vinya na ũtanu syĩ vala ũĩ.</verse>
				<verse number="28">Mũnengei Yeova, inyw’ĩ mĩvĩa ya ngo sya andũ, Mũnengei Yeova ndaĩa na vinya;</verse>
				<verse number="29">Mũnengei Yeova ndaĩa yaĩlĩte syĩtwa yake: Etei nthembo, na mũkyũka mbee wake; Mũthaithei Yeova na ũseo wa ũtheu.</verse>
				<verse number="30">Nthĩ yonthe, tetemeai mbee wake: Nthĩ nayo nĩlũmĩtw’e ũndũ ĩtatonya kũthingithw’a.</verse>
				<verse number="31">Matu nĩmatane, na nthĩ yĩw’e mũyo; Na nĩmaneene katĩ wa i mbaĩ, Yeova nũsumbĩkĩte.</verse>
				<verse number="32">Ũkanga nũlitũke, na wusũu waw’o; Mũũnda nũtane, na kyonthe kĩla kĩ nthĩnĩ waw’o;</verse>
				<verse number="33">Nĩvo ĩndĩ mĩtĩ ya mũtitũnĩ ĩkainĩa mbee wa Yeova nũndũ wa ũtanu; Nũndũ nĩwũkĩte asilĩle nthĩ.</verse>
				<verse number="34">Mũtũngĩei Yeova mũvea; nũndũ nĩ mũseo; Nũndũ ũseo wake wĩ wendo nĩwĩkalaa tene na tene.</verse>
				<verse number="35">Na neenai atĩĩ, Tũtangĩĩe, ame Ngai wa ũtangĩĩo witũ, Tũmban’ye vamwe, noitwovosya kuma i mbaĩnĩ, Tũtũngĩe syĩtwa yaku ĩtheu mũvea, Na kũkĩlya vinya ndaĩnĩ yaku.</verse>
				<verse number="36">Nataĩwe Yeova, Ngai wa Isilaeli, Kuma tene o na kũvika tene na tene. Na andũ onthe masya, Ameni, na mamũtaĩa Yeova.</verse>
				<verse number="37">Na ĩndĩ amatia vo, mbee wa ĩsandũkũ ya ũtianĩo ya Yeova, Asavu na ana‐a‐ĩthe make, mathũkũmĩae vu mbee wa yĩla ĩsandũkũ mavinda onthe, o tondũ wĩa wa kĩla mũthenya waĩ na vata;</verse>
				<verse number="38">na Oveti‐etomu, vamwe na ana‐a‐ĩthe moo, mĩongo thanthatũ na nyanya; o na Oveti‐etomu mwana wa Yetuthuni na Osa methĩwe asũvĩi ma mĩomonĩ;</verse>
				<verse number="39">na mũthembi Nzatoki, na ana‐a‐ĩthe make athembi, vu mbee wa wĩkalo wa Yeova vandũ vatũlu vala vaĩ ku Ngiveoni,</verse>
				<verse number="40">mamũthembeae Yeova nthembo sya kũvĩvw’a kithembeonĩ kya nthembo ya kũvĩvw’a ĩtatw’ikanaa kĩoko na wĩoo, o kwĩanana na w’onthe ũla ũandĩkĩtwe mĩaonĩ ya Yeova, ĩla wameaĩe Isilaeli;</verse>
				<verse number="41">na vamwe nao Emani na Yetuthuni, na angĩ ala manyuviwe, ala mawetiwe na masyĩtwa, mamũtũngĩae Yeova mũvea, nũndũ ũseo wake wĩ wendo nĩwĩkalaa tene na tene;</verse>
				<verse number="42">na vamwe nao Emani na Yetuthuni me na masoo na tũmasaya sya ala maambasya mũno, na me na syĩndũ sya kũinga kwondũ wa mbathi sya Ngai; na ana ma Yetuthuni methĩwe mbingĩlonĩ.</verse>
				<verse number="43">Na andũ onthe mathi kĩla mũndũ nyũmbanĩ yake; na Ndaviti asyoka aathime nyũmba yake.</verse>
			</chapter>
			<chapter number="17">
				<verse number="1">Na kweethĩwa, yĩla Ndaviti wekalaa nyũmbanĩ yake, Ndaviti amwĩa mwathani Nathani, Sisya, nĩkalaa nyũmbanĩ ya mĩtĩ ya mĩkũũ, indĩ isandũkũ ya ũtianĩo ya Yeova nĩyĩkalaa nthĩnĩ wa motũtũ ma ngũa.</verse>
				<verse number="2">Na Nathani amwĩa Ndaviti, Ĩka w’onthe ũla wĩ ngoonĩ yaku; nũndũ Ngai e vamwe naku.</verse>
				<verse number="3">Na kweethĩwa, ũtukũ ũsu, ndeto ya Ngai yamũkĩa Nathani, ĩkĩmwĩa,</verse>
				<verse number="4">Enda ũmũtavye Ndaviti mũthũkũmi wakwa, Ũũ nĩw’o Yeova ũnũkwasya, Ndũkambakĩa nyũmba ya kwĩkala:</verse>
				<verse number="5">nũndũ ndyaaĩkala nyũmbanĩ kuma mũthenya ũla nambatisye Isilaeli, kũvika ũmũnthĩ, ĩndĩ nĩnĩendaa kuma ĩeemanĩ kũthi ĩeemanĩ, na kuma wĩkalonĩ ũmwe kũthi ũngĩ.</verse>
				<verse number="6">Kũndũ kw’onthe kũla naatambũka na Isilaeli onthe, naaneena ndeto na mũsili o na ũmwe wa Isilaeli, ala nameaĩe mamaĩthye andũ makwa, ngamakũlya, Nũndũ wa kĩ mũtyaambakĩa nyũmba ya mĩtĩ ya mĩkũũ?</verse>
				<verse number="7">Na yu kwondũ wa ũu ũkamwĩe mũthũkũmi wakwa Ndaviti atĩĩ, Ũũ nĩw’o Yeova wa nguthu ũnũkwasya, Nũnakumisye kyengonĩ kya malondu, yĩla waatĩĩaa malondu, nĩ kana wĩthĩwe mũnene wĩ mbee ũsumbĩnĩ andũnĩ makwa Isilaeli:</verse>
				<verse number="8">na naĩ vamwe naku o vala waendaa, na naveta amaitha maku onthe maume mbee waku; na ngakwonea syĩtwa ya ala anene ala me kũũ nthĩ.</verse>
				<verse number="9">Na ngatw’a vandũ kwondũ wa andũ makwa Isilaeli, na ngamavanda, nĩ kana matũae vandũ voo ene, na matikathamw’a ĩngĩ; o na ana ma ũthũku matikamananga ĩngĩ, ta ĩvinda ya mbee,</verse>
				<verse number="10">na kuma mũthenya ũla neeaĩe asili methĩwe anene ma andũ makwa Isilaeli; na ngakĩlya amaitha maku onthe vinya. Na ĩngĩ nĩngũkũtavya kana Yeova akakwakĩa nyũmba.</verse>
				<verse number="11">Na kũkeethĩwa, yĩla matukũ maku meĩanĩa ũende wĩthĩwe vamwe na aaĩthe maku, ngookĩlya ũsyao waku ĩtina waku, ũla ũkethĩwa wa ana maku; na ngalũlũmĩlya ũsumbĩ wake.</verse>
				<verse number="12">Nake akambakĩa nyũmba, na ngalũlũmĩlya kĩvĩla kyake kya ũsumbĩ tene na tene.</verse>
				<verse number="13">Ngeethĩwa ĩthe wake, nake akeethĩwa mwana wakwa; na ndikaumya ũseo wakwa wĩ wendo kwake, o tondũ nawumisye kwa ũla waĩ mbee waku;</verse>
				<verse number="14">ĩndĩ ngamũlũmya nyũmbanĩ yakwa na ũsumbĩnĩ wakwa tene na tene; na kĩvĩla kyake kya ũsumbĩ kĩkalũlũmĩlw’a tene na tene.</verse>
				<verse number="15">Kwĩanana na ndeto ii syonthe, na kwĩanana na woni ũũ w’onthe, now’o Nathani wamũtavisye Ndaviti.</verse>
				<verse number="16">Na ĩndĩ mũsumbĩ Ndaviti alika nthĩnĩ, na ekala mbee wa Yeova; na akũlya, Nyie nĩ ũũ, ame Yeova Ngai, na nyũmba yakwa nĩ kyaũ, ũndũ ũmbikĩtye ta vaa nĩĩ?</verse>
				<verse number="17">Na ũndũ ũsu no ũnini methonĩ maku, ame Ngai; ĩndĩ nũneenete ũvoo wa nyũmba ya mũthũkũmi waku kũvika ĩvinda yĩ vaasa mũno yĩla yĩkoka, na wanzisya ta nĩ mũndũ wĩ kĩlionĩ kĩnene, ame Yeova Ngai.</verse>
				<verse number="18">Ndaviti atonya ũkũtavya ũndũ ũngĩ mwaũ mbee wa ũu ũndũ wa ũtaĩo ũla weekiwe mũthũkũmi waku? Nũndũ nĩwĩsĩ mũthũkũmi waku.</verse>
				<verse number="19">Ame Yeova, kwondũ wa mũthũkũmi waku, na kwĩanana na ngoo yaku mwene, nĩwĩkĩte ũnene ũu w’onthe, ũmanyĩthan’ye maũndũ aa onthe manene.</verse>
				<verse number="20">Ame Yeova, vati ũngĩ ũilyĩ taku, o na vati Ngai ũngĩ ate o we, kwĩanana na w’onthe ũla twĩw’ĩte na matũ maitũ.</verse>
				<verse number="21">Na nĩ yĩva mbaĩ ĩmwe kũũ nthĩ ĩilyĩ ta andũ maku Isilaeli, ala Ngai waendie kwĩyovoesya mwene methĩwe ũko wa andũ, wĩyonee syĩtwa nũndũ wa maũndũ manene na ma kũtĩsya, ũkĩlũngya mbaĩ syume mbee wa andũ maku, ala wamovoisye kũmaumya Misili?</verse>
				<verse number="22">Nũndũ andũ maku Isilaeli nĩwamatw’ĩkĩthisye andũ maku mwene tene na tene; naku, Yeova, watw’ĩka Ngai woo.</verse>
				<verse number="23">Na yu, ame Yeova, ndeto ĩla ũneenete ũndũ wa mũthũkũmi waku, na ũndũ wa nyũmba yake, nĩlũlũmĩlw’e tene na tene, na ũkĩka o tondũ ũneenete.</verse>
				<verse number="24">Na syĩtwa yaku nĩyĩlũlũmĩlw’e na kũnenevw’a tene na tene, kũkyaw’a, Yeova wa nguthu nĩ Ngai wa Isilaeli, o Ngai kwa Isilaeli: na nyũmba ya Ndaviti mũthũkũmi waku nĩlũlũmĩlĩtw’e mbee waku.</verse>
				<verse number="25">Nũndũ we, ame Ngai wakwa, nũmũvuanĩsye mũthũkũmi waku atĩ ũkamwakĩa nyũmba: kwondũ wa ũu mũthũkũmi waku nĩwonete ngoonĩ yake kũvoyea mbee waku.</verse>
				<verse number="26">Na yu, ame Yeova, nue Ngai, na nũmwathĩte mũthũkũmi waku ũndũ ũũ ũseo:</verse>
				<verse number="27">na yu nũkwendeew’a nĩ kũathima nyũmba ya mũthũkũmi waku, nĩ kana yĩkalae tene na tene ĩ mbee waku: nũndũ we, ame Yeova, nũathimĩte, na nĩathimĩkĩte tene na tene.</verse>
			</chapter>
			<chapter number="18">
				<verse number="1">Na kweethĩwa ĩtina wa ũu, Ndaviti akũna Avilisiti, na amakĩlya vinya, na aumya Ngathi na tũtũla twayo mokonĩ ma Avilisiti.</verse>
				<verse number="2">Na akũna Moavi; na Amoavi matw’ĩka athũkũmi ma Ndaviti, na kumasya koti.</verse>
				<verse number="3">Na Ndaviti amũkũna Ataleseli mũsumbi wa Sova kũvika Amathi, aendete kũlũlũmĩlya ũsumbĩko wake ũla waĩ vakuvĩ na ũsĩ wa Euvalati.</verse>
				<verse number="4">Na Ndaviti amũvena makasya ma kaũ ngili, na andũ ma ũtũlaa mbalasi ngili mũonza, na andũ ala maendaa na maũũ ngili mĩongo ĩlĩ; na Ndaviti atilanga mbalasi syonthe sya makasya mĩlangũ, ate o atialilye sya makasya ĩana.</verse>
				<verse number="5">Na yĩla Asilia ma Ndamasiku mookie kũmũtethya Ataleseli mũsumbĩ wa Sova, Ndaviti akũna Asilia andũ ngili mĩongo ĩlĩ na ilĩ.</verse>
				<verse number="6">Nĩvo ĩndĩ Ndaviti waiie ngome syĩ asikalĩ ku Silia Ndamasiku; na Asilia matw’ĩka athũkũmi ma Ndaviti, na kumasya koti. Na Yeova anenga Ndaviti kũkĩlya vinya o vala waendaa.</verse>
				<verse number="7">Na Ndaviti oosa ngao sya thaavu ila syaĩ na athũkũmi ma Ataleseli, na aiete Yelusaleme.</verse>
				<verse number="8">Na kuma Tivathi na Kuni, ndũa sya Ataleseli, Ndaviti oosa ũthuku mwingĩ mũno, ũla Solomoni waseũvĩthisye ũkanga wa ũthuku, na ituĩ, na mĩio ya ũthuku.</verse>
				<verse number="9">Na yĩla Toi mũsumbĩ wa Amathi wewie Ndaviti nũkũnĩte nguthu yonthe ya Ataleseli mũsumbĩ wa Sova,</verse>
				<verse number="10">atũma Aatoiamu mwana wake kwa mũsumbĩ Ndaviti, akamũkethye, na kũmũathima, nĩkwĩthĩwa aĩ anokita na Ataleseli na kũmũkũna (nũndũ Ataleseli eethĩawa na makaũ na Toi); na akũĩte mĩthemba yonthe ya mĩio ya thaavu na vetha na ũthuku.</verse>
				<verse number="11">Na ĩsu nayo mũsumbi Ndaviti amĩvathie yĩthĩwe mĩtheu ya Yeova, vamwe na vetha na thaavu ũla watavie mbaĩnĩ syonthe; kuma Etomu, na kuma Moavi, na kuma kwa ana ma Amimoni, na kwa Avilisiti, na Amaleki.</verse>
				<verse number="12">Na ĩngĩ Avisai mwana wa Nzeluia akũnĩa Aetomu ngili ĩkũmi na nyanya Kyandanĩ kya Mũnyũ.</verse>
				<verse number="13">Na aia ngome syĩ asikalĩ Etomu; na Aetomu onthe matw’ĩka athũkũmi ma Ndaviti. Na Yeova amũnenga Ndaviti kũkĩlya vinya o kũla waendaa.</verse>
				<verse number="14">Na Ndaviti asumbĩka Isilaeli onthe; na asilanasya andũ make onthe na sila wa katĩ na mũlũngalu.</verse>
				<verse number="15">Na Yoavu mwana wa Nzeluia aĩ mũnene wa nguthu; na Yeosavati mwana wa Ailuti aĩ mũandĩki wa maũndũ;</verse>
				<verse number="16">na Nzatoki mwana wa Aituvu, na Avimeleki mwana wa Aviathali, maĩ athembi; na Savisa aĩ mũandĩki;</verse>
				<verse number="17">na Mbenaia mwana wa Yeoiata aĩ mũnene wa Akelethi na Avelethi; na ana ma Ndaviti maĩ anene vu kwa mũsumbĩ.</verse>
			</chapter>
			<chapter number="19">
				<verse number="1">Na kweethĩwa ĩtina wa ũu, Naasu mũsumbĩ wa ana ma Amimoni akw’a, na mwana wake asumbĩka vandũ vake.</verse>
				<verse number="2">Na Ndaviti asya, Ngamwĩka Anuni mwana wa Naasu nesa, nĩkwĩthĩwa ĩthe wake nĩwambĩkie nesa. Kwondũ wa ũu Ndaviti atũma atũmwa mamũkiakisye ũndũ wa ĩthe wake. Na athũkũmi ma Ndaviti malika nthĩ ya ana ma Amimoni kwa Anuni, mamũkiakisye.</verse>
				<verse number="3">Ĩndĩ anene me mbee ũsumbĩnĩ ma ana ma Amimoni mamũkũlya Anuni, Nũũsũanĩa kana Ndaviti nũnũũtaĩa au, nũndũ nũkũtũmĩe akũkiakisya? Athũkũmi make matyũkĩte kwaku mekuũe, na kũkuluman’ya, na kũthiana nthĩ?</verse>
				<verse number="4">Na ĩndĩ Anuni akwata athũkũmi ma Ndaviti, na amenza, na aatũanĩlya ngũa syoo katĩ, o kũvika itimbanĩ syoo, na amalekya mathi.</verse>
				<verse number="5">Nĩvo ĩndĩ andũ amwe maendie, na mamũtavya Ndaviti ũndũ andũ asu meekiwe. Nake atũma andũ mamathaũe; nũndũ andũ asu nĩmasonokaa mũno. Na mũsumbĩ amea, Ĩkalai Yeliko kũvika ĩng’ew’a syenyu syamea, na ĩndĩ mũkĩsyoka.</verse>
				<verse number="6">Na yĩla ana ma Amimoni moonie kana nĩmenyungĩthĩtye naĩ kwa Ndaviti, Anuni na ana ma Amimoni matwaa talendi ngili sya vetha matuvanĩe makasya ma kaũ na andũ matũlĩte mbalasi kuma Mesovotamia, na kuma Alamu‐maaka, na kuma Sova.</verse>
				<verse number="7">Na ĩndĩ matuvanĩa makasya ngili mĩongo ĩtatũ na ilĩ, na mũsumbĩ wa Maaka na andũ make, nao mooka na mamba maeema vu mbee wa Meteva. Na ana ma Amimoni moombana kuma ndũanĩ syoo, na mooka mokite.</verse>
				<verse number="8">Na yĩla Ndaviti wewie ũu, atũma Yoavu, na nguthu yonthe ya ngũmbaũ.</verse>
				<verse number="9">Na ana ma Amimoni maumaala, na mataũsya ita mokitĩe mbingĩlonĩ ya ndũa: na asumbĩ ala maĩ manooka maĩ kĩsesinĩ me oka.</verse>
				<verse number="10">Na yĩla Yoavu wonie kana nĩmetaũĩtye mokite nake mbee na ĩtina, anyuva amwe ma andũ onthe anyuve ma Isilaeli, na amataũsya mokite na Asilia.</verse>
				<verse number="11">Na andũ ala angĩ amaia kw’okonĩ kwa Avisai mwana‐a‐inyia; nao meetaũsya mokite na ana ma Amimoni.</verse>
				<verse number="12">Na asya, Ethĩwa Asilia me vinya kwĩ nyie, nĩvo wĩndethya; ĩndĩ ethĩwa ana ma Amimoni me vinya kwĩ we, nĩvo nĩkũtethya.</verse>
				<verse number="13">Ĩthĩwa na ũkũmbaũ mũnene, na twĩthĩwe aũme kwondũ wa andũ maitũ, na kwondũ wa ndũa sya Ngai waitũ: na Yeova nĩeke ũndũ ũnũkwona wĩ ũseo.</verse>
				<verse number="14">Na ĩndĩ Yoavu na andũ ala maĩ nake mathengeea mokite na Asilia kaũnĩ; nao makũka mamũkĩa.</verse>
				<verse number="15">Na yĩla ana ma Amimoni moonie kana Asilia nĩmakĩa, nao o ta ũu makĩa Avisai mwana‐a‐inyia, na malika ndũanĩ. Na ĩndĩ Yoavu aenda Yelusaleme.</verse>
				<verse number="16">Na yĩla Asilia moonie kana nĩmakũiwe nĩ Isilaeli, matũma atũmwa, na mamakusya Asilia ala maĩ mũingo wa ũla Ũsĩ, me na Sovaku kavuteni wa nguthu ya Ataleseli amatongoesye.</verse>
				<verse number="17">Na Ndaviti atavw’a; na oomban’ya Isilaeli onthe vamwe, na ainga Yolotani, na amokĩa, na ataũsya ita okite nao. Na ĩndĩ yila Ndaviti wataũisye ita okite na Asilia, nao mokita nake</verse>
				<verse number="18">Na Asilia makũka makĩa Isilaeli; na Ndaviti ooaa Asilia andũ ma makasya ngili mũonza, na andũ maendete na maũũ ngili mĩongo ĩna, na amũaa Sovaku kavuteni wa ĩ nguthu.</verse>
				<verse number="19">Na yĩla athũkũmi ma Ataleseli moonie kana nĩmakũwa nĩ Isilaeli, maseũvya mũuo na Ndaviti, na mamũthũkũma: o na Asilia matyaaĩtĩkĩla kũtethya ana ma Amimoni ĩngĩ.</verse>
			</chapter>
			<chapter number="20">
				<verse number="1">Na kweethĩwa, ĩvinda ya mwaka ũkyambĩlĩlya, ĩvinda yĩla asumbĩ maendaa kaũnĩ, Yoavu atongoesya ita, na aananga nthĩ ya ana ma Amimoni, na ooka athyũlũlũka Lava amĩtw’ĩkanĩsye. Ĩndĩ Ndaviti ekala Yelusaleme. Na Yoavu akũna Lava, na amĩng’uthũlangya.</verse>
				<verse number="2">Na Ndaviti aumya ngovia ya ũsumbĩ mũsumbĩ woo mũtwe kwake, na eethĩa ũito wayo nĩ talendi ya thaavu, na kwaĩ tũvila twĩ thooa mũnene nthĩnĩ wayo; na yeekĩwa mũtwe wa Ndaviti: na aumaalya mũtavo wa ĩ ndũa, mwingĩ mũno.</verse>
				<verse number="3">Na aumaalya andũ ala maĩ nthĩnĩ wayo, na amatilanga na mang’weli, na syĩndũ mbũĩ sya iaa sya kũvukũlya mavali, na mathoka. Na Ndaviti asyĩka ndũa syonthe sya ana ma Amimoni ũu. Na Ndaviti na andũ onthe masyoka Yelusaleme.</verse>
				<verse number="4">Na kweethĩwa ĩtina wa ũu, kwookĩla kaũ na Avilisiti ku Ngeseli; nĩvo ĩndĩ Sivekai Mũusathi wamũaie Sivai, wa ana ma yĩla ĩmũndũ: nao makĩlw’a vinya.</verse>
				<verse number="5">Na kwaĩ kaũ ĩngĩ na Avilisiti; na Elianani mwana wa Yaili amũaa Lami mwanaa‐ĩthe wa Ngoliathu Mũngiti, ũla mũtĩ wa ĩtumo yake wailyĩ ta mũamba wa mũtumi wa ngũa.</verse>
				<verse number="6">Na kwaĩ kaũ ĩngĩ Ngathi, vala vaĩ mũndũ mũasa mũno, ũla syaa syake sya moko na sya maũũ syaĩ mĩongo ĩlĩ na inya, thanthatũ kĩla kw’oko na thanthatũ kĩla kũũ; nake asyaiwe nĩ yĩla ĩmũndũ.</verse>
				<verse number="7">Na yĩla wavũthisye Isilaeli, Yonathani mwana wa Simea, mwana‐a‐inyia wa Ndaviti, amũaa.</verse>
				<verse number="8">Asu masyaĩwe nĩ yĩla ĩmũndũ ku Ngathi; na mavalũkw’a nĩ kw’oko kwa Ndaviti, na moko ma athũkũmi make.</verse>
			</chapter>
			<chapter number="21">
				<verse number="1">Na Satani ookĩlĩla Isilaeli, na atuma Ndaviti atala Isilaeli.</verse>
				<verse number="2">Na Ndaviti amea Yoavu na anene me mbee ũsumbĩnĩ ma andũ, Endai, mũtale Isilaeli kuma Mbeeli‐sieva kũvika Ndani; na mũindetee ũvoo nĩmanye ũtalo wamo.</verse>
				<verse number="3">Na Yoavu amwia, Yeova namatw’ĩkĩthye andũ make kũndũ ĩana kũvĩtũka ũndũ meana: ĩndĩ, mwĩaĩi wakwa mũsumbĩ, nao onthe ti athũkũmi ma mwĩaĩi wakwa? Mwĩaĩi wakwa eendea ũndũ ũũ kĩ? Evĩtĩthya Isilaeli nũndũ wa kĩ?</verse>
				<verse number="4">Ĩndĩ ndeto ya mũsumbĩ yamũkĩlya Yoavu vinya. Kwondũ wa ũu Yoavu aenda, na avĩtĩla Isilaeli kw’onthe, na avika Yelusaleme.</verse>
				<verse number="5">Na Yoavu amũnenga Ndaviti ũtalo wa andũ. Na onthe ma Isilaeli maĩ ngili kũndũ ngili na ngili ĩana ala makũaa ũvyũ: na ma Yuta maĩ ngili maana ana na mĩongo mũonza ala makũaa ũvyũ.</verse>
				<verse number="6">Ĩndĩ ma Livai na Mbenyamini ndaamatala ũtalonĩ ũsu; nũndũ ndeto ya mũsumbĩ nĩyamũthatĩtye Yoavu.</verse>
				<verse number="7">Na Ngai eew’a woo nĩ ũndũ ũsu; kwondũ wa ũu akũna Isilaeli.</verse>
				<verse number="8">Na Ndaviti amwĩa Ngai, Nĩnĩvĩtĩtye mũno, nũndũ nĩnĩkĩte ũndũ ũũ: ĩndĩ yu, nĩngũkwĩsũva, veta ũthũku wa mũthũkũmi waku; nũndũ nĩnĩkĩte ũtumanu mũno.</verse>
				<verse number="9">Na Yeova aneena na Ngati, mwoni wa kwa Ndaviti, akĩmwĩa,</verse>
				<verse number="10">Enda ũneene na Ndaviti, ũkĩmwĩa, Ũũ nĩw’o Yeova ũnũkwasya, Nĩngũũnenga maũndũ atatũ: nyuva ũmwe wamo, nĩ kana nĩkwĩke w’o.</verse>
				<verse number="11">Na ĩndĩ Ngati aenda vala ve Ndaviti, na amwĩa, Ũũ nĩw’o Yeova ũnũkwasya, Osa kĩla wĩenda:</verse>
				<verse number="12">myaka ĩtatũ ya yũa; kana myei ĩtatũ ya kwanangwa nĩ amaitha maku, ũvyũ wa amaitha maku ũikũvikĩa; kana mĩthenya ĩtatũ ya ũvyũ wa Yeova, naw’o nĩ mũimũ wĩ ĩ nthĩ, na mũlaĩka wa Yeova akyananga mĩvakanĩ yonthe ya Isilaeli. Yu ĩndĩ sũanĩa ũsũngĩo ũla ngũmũtũngĩa ũla ũndũmie.</verse>
				<verse number="13">Na Ndaviti amwĩa Ngati, Nĩ mũvivinye mũno; nĩngũkwĩsũva, nĩvalũke kw’okonĩ kwa Yeova; mũndũ matei make nĩ manene mũno: na ndikavalũke kw’okonĩ kwa mũndũ.</verse>
				<verse number="14">Kwondũ wa ũu Yeova atũma mũimũ ĩũlũ wa Isilaeli; na kwavalũkwa kwa Isilaeli andũ ngili mĩongo mũonza.</verse>
				<verse number="15">Na Ngai atũma mũlaĩka Yelusaleme amyanange: na akilĩlye kwananga, Yeova oona, na eealyũla ũndũ wa ũthũku ũsu, na eea mũlaĩka ũla wanangaa, Nũu; yu siĩĩa kw’oko kwaku. Na mũlaĩka wa Yeova aĩ anaũgama vakuvĩ na kĩvũĩo kya Olinani Mũyevusi.</verse>
				<verse number="16">Na Ndaviti aũngalalya metho make, na oona mũlaĩka wa Yeova aũngene katĩ wa nthĩ na ĩtu, akũĩte ũvyũ wĩ kw’okonĩ kwake ũtambũũkĩtw’e ĩũlũ wa Yelusaleme. Nĩvo ĩndĩ Ndaviti na atumĩa, mevw’ĩkĩte makunia, mavalũkile na mothyũ moo.</verse>
				<verse number="17">Na Ndaviti akũlya Ngaĩ, Ti nyie neeaie andũ matalwe? No nyie navĩtisye na kwĩka naĩ mũno; ĩndĩ malondu aa, mekĩte ata? Nĩngũkũvoya, ame Yeova Ngai wakwa, kw’oko kwaku nĩkwĩthĩwe ĩũlũ wakwa, na ĩũlũ wa nyũmba ya asa wakwa; ĩndĩ ti ĩũlũ wa andũ maku, mathĩnw’e.</verse>
				<verse number="18">Nĩvo ĩndĩ mũlaĩka wa Yeova wamwĩaĩe Ngati amwĩe Ndaviti, kana Ndaviti nĩambate, na kũmwakĩa Yeova kĩthembeo kĩvũĩonĩ kya Olinani Mũyevusi.</verse>
				<verse number="19">Na Ndaviti ambata ũndũ wa ndeto sya Ngati, ila waneenie syĩtwanĩ ya Yeova.</verse>
				<verse number="20">Na Olinani eethyũũa, na oona ũ mũlaĩka; na ana make ana ala maĩ vamwe nake meevitha. Na yu Olinani nĩwavũaa nganũ.</verse>
				<verse number="21">Na yĩla Ndaviti wamũkĩe Olinani, Olinani asisya na oona Ndaviti, na auma kĩvũĩonĩ, na amwĩkunamĩsya Ndaviti ũthyũ wake welekele nthĩ.</verse>
				<verse number="22">Na ĩndĩ Ndaviti amwĩa Olinani, Nenga vandũ va kĩvũĩo kĩĩ, nĩ kana nĩmwakĩe Yeova kĩthembeo vo: ũkanenga vo kwa thooa mwĩanĩu, nĩ kana ũthĩn’yo ũũ ũsiĩĩwe wumw’e andũnĩ.</verse>
				<verse number="23">Na Olinani amwĩa Ndaviti, Ĩyosee, na mwĩaĩi wakwa mũsumbĩ nĩeke ũla wĩona wĩ ũseo: sisya, nĩngũkũnenga ng’ombe ii sya nthembo sya kũvĩvw’a, na ivũi ii syĩthĩwe ngũ, na nganũ ĩno yĩthĩwe nthembo ya mũtu; nĩngũnengane syonthe.</verse>
				<verse number="24">Na mũsumbĩ Ndaviti amwĩa Olinani, Aiee, ĩndĩ nditĩa kũvathooa na thooa mwĩanĩu: nũndũ ndikosa kĩla kyaku kwondũ wa Yeova, kana kũthemba nthembo ya kũvĩvw’a ndathooete.</verse>
				<verse number="25">Kwondũ wa ũu Ndaviti amũnenga Olinani sekeli maana thanthatũ sya thaavu kwa kũthima ũndũ wa vandũ vau.</verse>
				<verse number="26">Na Ndaviti amwakĩa Yeova kĩthembeo vau, na athemba nthembo sya kũvĩvw’a na nthembo sya mũuo, na amwĩkaĩla Yeova; nake amũsũngĩa kuma ĩtunĩ na mwaki ũitheea kĩthembeonĩ kya nthembo ya kũvĩvw’a.</verse>
				<verse number="27">Na Yeova eeaĩa mũlaĩka; na atũngĩa ũvyũ wake ndoonĩ yaw’o.</verse>
				<verse number="28">Ĩvinda yĩũ, yĩla Ndaviti wonie kana Yeova nũmũsũngĩĩĩte kĩvũĩonĩ kya Olinani Mũyevusi, nĩwathembaa vo.</verse>
				<verse number="29">Nũndũ wĩkalo wa Yeova, yĩla Mose waseũvĩsye weũnĩ, na kĩthembeo kya nthembo ya kũvĩvw’a, ĩvinda yĩu syaĩ vala vandũ vatũlu Ngiveoni.</verse>
				<verse number="30">Ĩndĩ Ndaviti ndaatonya kũenda mbee wakyo akũlye Ngai; nĩkwĩthĩwa nĩwakĩaa nũndũ wa ũvyũ wa mũlaĩka wa Yeova.</verse>
			</chapter>
			<chapter number="22">
				<verse number="1">Nĩvo ĩndĩ Ndaviti waisye, Ĩno nĩyo nyũmba ya Yeova Ngai, na kĩĩ nĩkyo kĩthembeo kya nthembo ya kũvĩvw’a kwondũ wa Isilaeli.</verse>
				<verse number="2">Na Ndaviti eeaa kana ekali ma ũeninĩ ala me nthĩ ya Isilaeli mombanw’e; na aia aki ma mavia masũvye mavia ma kwaka nyũmba ya Ngai.</verse>
				<verse number="3">Na Ndaviti oomban’ya iaa mbingĩ mũno kwondũ wa mĩsumaa ya mĩomo ya i mbingĩlo, na kwondũ wa ikolethyo; na ũthuku mwingĩ mũno ũtathimĩka;</verse>
				<verse number="4">na mĩtĩ ya mĩkũũ ĩtatalĩka: nũndũ Asitoni na ala ma Tile nĩmamũetee Ndaviti mĩtĩ mingĩ mũno ya mĩkũũ.</verse>
				<verse number="5">Na Ndaviti asya, Solomoni mwana wakwa nĩ mũnini na mwololo, na nyũmba ĩla ĩkakĩwa Yeova mũvaka yĩthĩwe nzeo mũno, mũno, yĩ nguma na ya kũtaĩwa nthĩ syonthe: kwondũ wa ũu ngoomban’ya syĩndũ kwondũ wayo. Na ĩndĩ Ndaviti oomban’ya syĩndũ mbingĩ mũno atanakw’a.</verse>
				<verse number="6">Na ĩndĩ amwĩta Solomoni mwana wake, na amwĩaĩa akĩe Yeova, Ngai wa Isilaeli, nyũmba.</verse>
				<verse number="7">Na Ndaviti amwĩa Solomoni mwana wake, Ngalĩ ĩ yakwa, nasũanĩaa ngoonĩ yakwa kwaka nyũmba kwondũ wa syĩtwa ya Yeova Ngai wakwa.</verse>
				<verse number="8">Ĩndĩ ndeto ya Yeova yambũkĩa, ĩkĩmbĩa, Nĩwĩtĩkĩtye nthakame nyingĩ mũno, na nĩwokitĩte makaũ manene: ndwĩaka nyũmba kwondũ wa syĩtwa yakwa, nũndũ nĩwĩtĩkĩtye nthakame nyingĩ ĩũlũ wa nthĩ metho makwa mene.</verse>
				<verse number="9">Sisya, ũkasyaa mwana, ũla ũkethĩwa mũndũ wa ũthũmũo; na ngamũnenga kũthũmũa kuma amaithanĩ make onthe ala mamũthyũlũlũkĩte; nũndũ syĩtwa yake yĩkeethĩwa Solomoni, na nganenga Isilaeli mũuo na ũthũmũo mĩthenyanĩ yake.</verse>
				<verse number="10">Akaaka nyũmba kwondũ wa syĩtwa yakwa; na akeethĩwa mwana wakwa, nakwa ngeethĩwa ĩthe wake; na ngalũlũmĩlya kĩvĩla kya ũsumbĩ kya ũsumbĩ wake kwa Isilaeli tene na tene.</verse>
				<verse number="11">Na yu, mwana wakwa, Yeova ethĩwe naku; naku athimĩka, nokyaka nyũmba ya Yeova Ngai waku, o tondũ ũneenete ũndũ waku.</verse>
				<verse number="12">Ĩndĩ Yeova nakũnenge kĩlĩko na ũmanyi, na akũnenge wĩai ũndu wa Isilaeli; nĩ kana ũkwate mĩao ya Yeova Ngai waku.</verse>
				<verse number="13">Nĩvo ĩndĩ wĩathimĩka, ethĩwa ũkasũvĩaa kwĩka myamũlo na motw’ĩo ala Yeova wamwĩaĩe Mose ũndũ wa Isilaeli: ĩthĩwa na vinya na ũkũmbaũ mũnene; ndũkakĩe o na ndũkateve.</verse>
				<verse number="14">Na ĩndĩ, sisya, thĩnanĩ wakwa nĩnũmbanĩtye kwondũ wa nyũmba ya Yeova talendi ngili ĩana sya thaavu, na talendi ngili kũndũ ngili sya vetha, na sya ũthuku na iaa itathimĩka; nũndũ nĩ mbingĩ mũno: o na nĩnũmbanĩtye mĩtĩ na mavia; na nũtonya kwongeleela.</verse>
				<verse number="15">Na ĩngĩ kwĩ athũkũmi aingĩ mũno vamwe naku, ma kwasũvya na ma kũtethya wĩa wa mavia na mĩtĩ, na andũ onthe ndũĩka kĩla mũthembanĩ wa wĩa:</verse>
				<verse number="16">thaavu, na vetha, na ũthuku, na kĩaa, ititalĩka. Ukĩla noitethya, na Yeova nĩethĩwe vamwe naku.</verse>
				<verse number="17">O na Ndaviti eeaĩa anene onthe me mbee ũsumbĩnĩ ma Isilaeli mamũtetheesye Solomoni mwana wake, akĩmakũlya,</verse>
				<verse number="18">Yeova Ngai wenyu nde vamwe nenyu? Na ndamũnengete ũthũmũo kĩla ngalĩko? Nũndũ nũnenganĩte ala matwĩe ĩ nthĩ kw’okonĩ kwakwa; nayo nthĩ nĩkĩlĩtw’e vinya nĩ Yeova, na andũ make.</verse>
				<verse number="19">Yu ĩndĩ lũlũmĩlyai ngoo yenyu na thayũ wenyu mũmanthe Yeova Ngai wenyu; ũkĩlai ĩndĩ, na mũkyaka vala vandũ vatheu va Yeova Ngai, nĩ kana mũete ĩsandũkũ ya ũtianĩo ya Yeova, na mĩio mĩtheu ya Ngai, nyũmbanĩ ĩla yĩakĩwa syĩtwa ya Yeova.</verse>
			</chapter>
			<chapter number="23">
				<verse number="1">Na ĩndĩ Ndaviti aĩ mũkũu na wa matukũ maingĩ; na amũtw’ĩkĩthya Solomoni mwana wake mũsumbĩ wa Isilaeli.</verse>
				<verse number="2">Na oomban’ya anene onthe me mbee ũsumbĩnĩ ma Isilaeli, vamwe na athembi na Alivai.</verse>
				<verse number="3">Na Alivai matalwa ala mavikĩtye myaka mĩongo ĩtatũ na mbee: na ũtalo woo mũtwe na mũtwe, mũndũ na mũndũ, waĩ ngili mĩongo ĩtatũ na nyanya.</verse>
				<verse number="4">Ma asu, ngili mĩongo ĩlĩ na inya maĩ ma kũsyaĩĩsya wĩa wa nyũmba ya Yeova; na ngili thanthatũ maĩ anene na asili;</verse>
				<verse number="5">na asũvĩi ma mĩomonĩ maĩ ngili inya; na ngili inya syamũtaĩaa Yeova na syĩndũ sya kũinga ila naseũvisye sya kũtaĩaa nasyo, Ndaviti asya ũu.</verse>
				<verse number="6">Na Ndaviti amaaan’ya nguthu nguthu kwĩanana na ana ma Livai: Ngelisoni, na Koathi, na Melali.</verse>
				<verse number="7">Ma Angelisoni: Latani na Simei.</verse>
				<verse number="8">Ana ma Latani: mũnene Yeiieli, na Nzethamu, na Yoeli, atatũ.</verse>
				<verse number="9">Ana ma Simei: Selomothi, na Aasieli, na Aalani, atatũ. Asu maĩ atongoi ma nyũmba sya aaĩthe sya Latani.</verse>
				<verse number="10">Na ana ma Simei: Yaathi, na Nzina, na Yeusu, na Mbelia. Asu ana maĩ ana ma Simei.</verse>
				<verse number="11">Na Yaathi nĩwe waĩ mũnene, na Nzisa aĩ wa kelĩ: ĩndĩ Yeusu na Mbelia matyaĩ na ana aingĩ; kwondũ wa ũu makũnanw’a vamwe matw’ĩka nyũmba ya aaĩthe.</verse>
				<verse number="12">Ana ma Koathi: Amilamu, na Isali, na Eviloni, na Usieli, ana.</verse>
				<verse number="13">Ana ma Amilamu: Aluni na Mose; na Aluni avathwa, avathe syĩndũ ila ntheu mbee, we na ana make, tene na tene, atoeeasye Yeova ũvani, amũthũkũmae, na kũathimaa syĩtwanĩ yake, tene na tene.</verse>
				<verse number="14">Ĩndĩ ũndũ wa Mose mũndũ wa Ngai, ana make meetanĩaw’a na mbaĩ ya Livai.</verse>
				<verse number="15">Ana ma Mose: Ngelisoni na Elieseli.</verse>
				<verse number="16">Ana ma Ngelisoni: mũnene nĩ Sevueli.</verse>
				<verse number="17">Na ana ma Elieseli: mũnene Leavia; na Elieseli ndaĩ na ana angĩ; ĩndĩ ana ma Leavia maĩ aingĩ mũno.</verse>
				<verse number="18">Ana ma Isali: mũnene Selomithi.</verse>
				<verse number="19">Ana ma Eviloni: mũnene Yelia, na wa kelĩ Amalia, na wa katatũ Yaanzieli, na wa kana Yekameamu.</verse>
				<verse number="20">Ana ma Usieli: mũnene Mika, na wa kelĩ Isia.</verse>
				<verse number="21">Ana ma Melali: Mali na Musi. Ana ma Mali: Eleasali na Kisu.</verse>
				<verse number="22">Na Eleasali akw’a, na ndaĩ na ana, no eĩtu: na ana‐a‐ĩthe moo ana ma Kisu mamatwaa.</verse>
				<verse number="23">Ana ma Musi: Mali, na Eteli, na Yelemothi, atatũ.</verse>
				<verse number="24">Asu maĩ ana ma Livai kũatĩĩa nyũmba sya aaĩthe moo, o atongoi ma nyũmba sya aaĩthe ma asu ala matalilwe, ũtalonĩ wa masyĩtwa mũndũ na mũndũ, ala matethasya wĩa wa ũthũkũmi wa nyũmba ya Yeova, ala mavikĩtye myaka mĩongo ĩlĩ na mbee.</verse>
				<verse number="25">Nũndũ Ndaviti asya, Yeova, Ngai wa Isilaeli, nũmanengete andũ make ũthũmũo; na nũtũaa Yelusaleme tene na tene:</verse>
				<verse number="26">o na Alivai matikethĩwa vata wa ũkua wĩkalo na mĩio yonthe yaw’o ya ũthũkũmi waw’o.</verse>
				<verse number="27">Nũndũ kwondũ wa ndeto sya mũminũkĩlyo sya Ndaviti ana ma Livai nĩmatalilwe, ala mavikĩtye myaka mĩongo ĩlĩ na mbee.</verse>
				<verse number="28">Nũndũ wĩa woo waĩ wa kũthũkũma ana ma Aluni kwondũ wa ũthũkũmi wa nyũmba ya Yeova, ku nza, na tũsũmbanĩ, na ũndũ wa kũthesya mĩio yonthe mĩtheu, o wĩa wa ũthũkũmi wa nyũmba ya Ngai;</verse>
				<verse number="29">o na kwondũ wa imũtũ ila siĩawa Yeova, na kwondũ wa mũtu mũvinyu wa nthembo ya mũtu, ethĩwa nĩ tũmĩkate tũvũthũ tũte ĩlawa, kana ũla ũkaangĩawa kĩkaanginĩ, kana ũla ũkaangawa ũkĩtheũkw’a, na kwondũ wa mũthemba w’onthe wa kĩthimi na ũndũ kĩndũ kĩana;</verse>
				<verse number="30">na ma kũũngamaa kĩla kĩoko mamũtũngĩe Yeova mũvea na kũmũtaĩa, na wĩoo o ta ũu;</verse>
				<verse number="31">na ma kũmũthembeaa Yeova nthembo syonthe sya kũvĩvw’a, masavatonĩ, na mĩtisonĩ ya myei, na mbokanĩ itw’ĩtwe, kwa ũtalo wasyo kwĩanana na ũtw’ĩo kwondũ wasyo, mavinda onthe mbee wa Yeova;</verse>
				<verse number="32">na nĩ kana masũvĩae wĩaĩo wa ĩeema ya kũmbanĩa, na wĩaĩo wa vala vatheu, na wĩaĩo ũndũ wa ana ma Aluni ana‐a‐ĩthe moo, kwondũ wa ũthũkũmi wa nyũmba ya Yeova.</verse>
			</chapter>
			<chapter number="24">
				<verse number="1">Na nguthu sya ana ma Aluni nĩsyo ii. Ana ma Aluni: Natavu na Aviu, na Eleasali na Ithamali.</verse>
				<verse number="2">Ĩndĩ Natavu na Aviu mamba ũkw’a ĩthe woo atanakw’a, na matyaĩ na syana: kwondũ wa ũu Eleasali na Ithamali nĩmathũkũmaa wĩa wa ũthembi.</verse>
				<verse number="3">Na Ndaviti vamwe na Nzatoki wa ana ma Eleasali, na Aimeleki wa ana ma Ithamali, mamaaan’ya kwĩanana na nguthu syoo ũthũkũminĩ woo.</verse>
				<verse number="4">Na nĩkwoonekie anene aingĩ kwa ana ma Eleasali kũvĩta kwa ana ma Ithamali; na maaanw’a ta ũũ: ma ana ma Eleasali kwaĩ ĩkũmi na thanthatũ, atongoi ma nyũmba sya aaĩthe; na ma ana ma Ithamali, kwĩanana na nyũmba sya aaĩthe moo, nyanya.</verse>
				<verse number="5">Maaanaw’a ta ũu kwa kũlimana, aya na aya; nũndũ kwaĩ atongoi ma vala vandũ vatheũ, na anene me mbee ũsumbĩnĩ ma Ngai, ma ana ma Eleasali, o na ma ana ma Ithamali.</verse>
				<verse number="6">Na Semaia mwana wa mũandĩki Nethaneli, ũla waĩ wa Alivai, amaandĩka mũsumbĩ ene, e na anene me mbee ũsumbĩnĩ, na mũthembi Nzatoki, na Aimeleki mwana wa Aviathali, na atongoi ma nyũmba sya aaĩthe sya athembi na sya Alivai; nyũmba ĩmwe ya aaĩthe ĩkĩandĩkwa kwondũ wa Eleasali, na ĩmwe ĩkĩandĩkwa kwondũ wa Ithamali.</verse>
				<verse number="7">Na ĩndĩ mũlimano wa mbee wamũvalũkĩla Yeoialivu, na wa kelĩ Yetaia,</verse>
				<verse number="8">na wa katatũ Alimu, na wa kana Seolimu,</verse>
				<verse number="9">na wa katano Malikiya, na wa thanthatũ Miyamini,</verse>
				<verse number="10">na wa mũonza Akosi, na wa nyanya Aviya,</verse>
				<verse number="11">na wa kenda Yesua, na wa ĩkũmi Sekania,</verse>
				<verse number="12">na wa ĩkũmi na ũmwe Eliasivu, na wa ĩkũmi na ĩlĩ Yakimu,</verse>
				<verse number="13">na wa ĩkũmi na ĩtatũ Uva, na wa ĩkũmi na ĩna Yeseveavu,</verse>
				<verse number="14">na wa ĩkũmi na ĩtano Mbilika, na wa ĩkũmi na thanthatũ Imeli,</verse>
				<verse number="15">na wa ĩkũmi na mũonza Eesili, na wa ĩkũmi na nyanya Avisesi,</verse>
				<verse number="16">na wa ĩkũmi na kenda Vethaia, na wa mĩongo ĩlĩ Esekieli,</verse>
				<verse number="17">na wa mĩongo ĩlĩ na ũmwe Yakini, na wa mĩongo ĩlĩ na ĩlĩ Ngamuli,</verse>
				<verse number="18">na wa mĩongo ĩlĩ na ĩtatũ Ndelaia, na wa mĩongo ĩlĩ na ĩna Maasia.</verse>
				<verse number="19">Ũu nĩw’o ũatĩanĩo woo ũthũkũminĩ woo, malikae nyũmbanĩ ya Yeova kwĩanana na ũtw’ĩo ũla manengiwe nĩ Aluni ĩthe woo, o tondũ Yeova, Ngai wa Isilaeli, wamwĩaĩe.</verse>
				<verse number="20">Na ma ala angĩ ma ana ma Livai: ma ana ma Amilamu nĩ Suvaeli; ma ana ma Suvaeli, Yeteia.</verse>
				<verse number="21">Ma Leavia: ma ana ma Leavia, mũnene Isia.</verse>
				<verse number="22">Ma Aisali, Selomothi; ma ana ma Selomothi, Yaathi.</verse>
				<verse number="23">Na ana ma Eviloni: mũnene Yelia, na wa kelĩ Amalia, na wa katatũ Yaanzieli, na wa kana Yekameamu.</verse>
				<verse number="24">Ana ma Usieli nĩ Mika; ma ana ma Mika, Samili.</verse>
				<verse number="25">Mwana‐a‐inyia wa Mika nĩ Isia; ma ana ma Isia, Nzekalia.</verse>
				<verse number="26">Ana ma Melali: Mali na Musi; ana ma Yaasia Mbeno.</verse>
				<verse number="27">Ana ma Melali: ma Yaasia, Mbeno, na Soamu, na Nzakuli, na Ivili.</verse>
				<verse number="28">Ma Mali: Eleasali, ũla ũtaĩ ana.</verse>
				<verse number="29">Ma Kisu; ana ma Kisu: Yelameeli.</verse>
				<verse number="30">Na ana ma Musi: Mali, na Eteli, na Yelimothi. Asu maĩ ana ma Alivai kũatĩĩa nyũmba sya aaithe moo.</verse>
				<verse number="31">O na asu malimana o ta ana‐a‐ĩthe moo ana ma Aluni, mũsumbĩ Ndaviti, na Nzatoki, na Aimeleki, na atongoi ma nyũmba sya aaĩthe sya athembi na sya Alivai mene; nyũmba sya aaĩthe sya ũla mũnene o ta sya mũinae.</verse>
			</chapter>
			<chapter number="25">
				<verse number="1">O na ĩngĩ Ndaviti na makavuteni ma nguthu mavatha kwondũ wa ũ ũthũkũmi amwe ma ana ma Asavu, na ma Emani, na ma Yetuthuni, mathanae na mbeve, na inanda, na tũmasaya: na ũtalo wa ala matethasya ũ wĩa kwĩanana na ũthũkũmi woo waĩ ũũ:</verse>
				<verse number="2">ma ana ma Asavu: Nzakuli, na Yosevu, na Nethania, na Asalela, o ana ma Asavu, matogoeaw’e nĩ Asavu, ũla wathanaa kũatĩĩa wĩaĩĩ wa mũsumbĩ.</verse>
				<verse number="3">Ma Yetuthuni; ana ma Yetuthuni nĩ aa: Ngetalia, na Nzeli, na Yesaia, na Asavia, na Matithia, thanthatũ, matongoeaw’e nĩ ĩthe woo Yetuthuni e na mbeve, ũla wathanaa akĩtũnga mũvea na kũtaĩa Yeova.</verse>
				<verse number="4">Ma Emani; ana ma Emani: Mbukia, na Matania, na Usieli, na Sevueli, na Yelimothi, na Aanania, na Aanani, na Eliatha, na Ngitaliti, na Lomamiti‐eseli, na Yosivekasa, na Malilothi, na Othili na Maasiothi.</verse>
				<verse number="5">Asu onthe nĩ ana ma Emani mwoni wa kwa mũsumbĩ ndetonĩ sya Ngai, okĩlasye ũvya. Na Ngai amũnenga Emani ana ĩkũmi na ana, na eĩtu atatũ.</verse>
				<verse number="6">Asu onthe matongoeaw’e nĩ ĩthe woo mainae nyũmbanĩ ya Yeova, me na tũmasaya, na inanda, na mbeve, kwondũ wa ũthũkũmi wa nyũmba ya Ngai; Asavu, na Yetuthuni, na Emani maĩ wĩaĩinĩ wa mũsumbĩ.</verse>
				<verse number="7">Na ũtalo wamo, vamwe na ana‐a‐ĩthe moo ala mamanyĩiwe kũmwinĩa Yeova, o onthe ala maĩ na ũtũĩka, waĩ maana elĩ na mĩongo nyanya na nyanya.</verse>
				<verse number="8">Na malimana ũndũ wa mawĩa moo, onthe ũndũ ũmwe, ala anini o ta ala anene, mũmanyĩsya o ta mũmanyĩw’a.</verse>
				<verse number="9">Na ĩndĩ mũlimano wa mbee kwa Asavu wamũvalũkĩla Yosevu: wa kelĩ wamũvalũkĩla Ngetalia; we na ana‐a‐ĩthe make na ana make maĩ ĩkũmi na elĩ:</verse>
				<verse number="10">wa katatũ, Nzakuli, ana make na ana‐a‐ĩthe make, ĩkũmi na elĩ:</verse>
				<verse number="11">wa kana, Isili, ana make na ana‐a‐ĩthe make, ĩkũmi na elĩ:</verse>
				<verse number="12">wa katano, Nethania, ana make na ana‐a‐ĩthe make, ĩkũmi na elĩ:</verse>
				<verse number="13">wa thanthatũ, Mbukia, ana make na ana‐a‐ĩthe make, ĩkũmi na elĩ:</verse>
				<verse number="14">wa mũonza Yesalela, ana make na ana‐a‐ĩthe make, ĩkũmi na elĩ:</verse>
				<verse number="15">wa nyanya Yesaia, ana make na ana‐a‐ĩthe make, ĩkũmi na elĩ:</verse>
				<verse number="16">wa kenda Matania, ana make na ana‐a‐ĩthe make, ĩkũmi na elĩ:</verse>
				<verse number="17">wa ĩkũmi Simei, ana make na ana‐a‐ĩthe make, ĩkũmi na elĩ:</verse>
				<verse number="18">wa ĩkũmi na ũmwe Asaleeli, ana make na ana‐a‐ĩthe make, ĩkũmi na elĩ:</verse>
				<verse number="19">wa ĩkũmi na ĩlĩ Asavia, ana make na ana‐a‐ĩthe make, ĩkũmi na elĩ:</verse>
				<verse number="20">wa ĩkũmi na ĩtatũ Suvaeli, ana make na ana‐a‐ĩthe make, ĩkũmi na elĩ:</verse>
				<verse number="21">wa ĩkũmi na ĩna Matithia, ana make na ana‐a‐ĩthe make, ĩkũmi na elĩ:</verse>
				<verse number="22">wa ĩkũmi na ĩtano Yelemothi, ana make na ana‐a‐ĩthe make, ĩkũmi na elĩ:</verse>
				<verse number="23">wa ĩkũmi na thanthatũ Aanania, ana make na ana‐a‐ĩthe make, ĩkũmi na elĩ:</verse>
				<verse number="24">wa ĩkũmi na mũonza Yosivekasa, ana make na ana‐a‐ĩthe make, ĩkũmi na elĩ:</verse>
				<verse number="25">wa ĩkũmi na nyanya Aanani, ana make na ana‐a‐ĩthe make, ĩkũmi na elĩ:</verse>
				<verse number="26">wa ĩkũmi na kenda Malilothi, ana make na ana‐a‐ĩthe make, ĩkũmi na elĩ:</verse>
				<verse number="27">wa mĩongo ĩlĩ Eliatha, ana make na ana‐a‐ĩthe make, ĩkũmi na elĩ:</verse>
				<verse number="28">wa mĩongo ĩlĩ na ũmwe Othuli, ana make na ana‐a‐ĩthe make, ĩkũmi na elĩ:</verse>
				<verse number="29">wa mĩongo ĩlĩ na ĩlĩ Ngitaliti, ana make na ana‐a‐ĩthe make, ĩkũmi na elĩ:</verse>
				<verse number="30">wa mĩongo ĩlĩ na ĩtatũ Maasiothi, ana make na ana‐a‐ĩthe make, ĩkũmi na elĩ:</verse>
				<verse number="31">wa mĩongo ĩlĩ na ĩna Lomamiti‐eseli, ana make na ana‐a‐ĩthe make, ĩkũmi na elĩ.</verse>
			</chapter>
			<chapter number="26">
				<verse number="1">Kwondũ wa nguthu sya asũvĩi ma mĩomonĩ: ma Akola, Meselemia mwana wa Kole, wa ana ma Asavu.</verse>
				<verse number="2">Na Meselemia aĩ na ana: ĩkithathi Nzekalia, wa kelĩ Yetiaeli, wa katatũ Nzevatia, wa kana Yathinieli,</verse>
				<verse number="3">wa katano Elamu, wa thanthatũ Yeoanani, wa mũonza Elioenai.</verse>
				<verse number="4">Na Oveti‐etomu aĩ na ana: ĩkithathi Semaia, wa kelĩ Yeosavatu, wa katatũ Yoa, wa kana Sakali, wa katano Nethaneli,</verse>
				<verse number="5">wa thanthatũ Amieli, wa mũonza Isakali, wa nyanya Veulethai; nũndũ Ngai nĩwamũathimie.</verse>
				<verse number="6">O na Semaia mwana wake asyaa ana, ala masumbĩkie nyũmba ya ĩthe woo; nũndũ maĩ ngũmbaũ nene.</verse>
				<verse number="7">Ana ma Semaia: Othini, na Levaeli, na Oveti, na Elisavati, ũla ana‐a‐ĩthe make maĩ andũ me ũkũmbaũ, Eliu, na Semakia.</verse>
				<verse number="8">Asu onthe maĩ ma ana ma Oveti‐etomu: mo na ana moo na ana‐a‐ĩthe moo, andũ me na ũtonyi o na vinya kwondũ wa ũ ũthũkũmi; mĩongo thanthatũ na elĩ ma Oveti‐etomu.</verse>
				<verse number="9">Na Meselemia aĩ na ana‐a‐ĩthe, andũ me ũkũmbaũ, ĩkũmi na nyanya.</verse>
				<verse number="10">O na Osa wa ana ma Melali, aĩ na ana: mũnene Simili (o na kau ndaĩ ĩkithathi, ĩndĩ ĩthe wake amũtw’ĩkĩthya mũnene),</verse>
				<verse number="11">wa kelĩ Ilikia, wa katatũ Tevalia, wa kana Nzekalia: ana na ana‐a‐ĩthe onthe ma Osa maĩ ĩkũmi na atatũ.</verse>
				<verse number="12">Ma asu kwaĩ nguthu sya asũvĩi ma mĩomonĩ, o ma andũ anene, me na mawĩa ta ana‐a‐ĩthe moo, mathũkũmae nyũmbanĩ ya Yeova.</verse>
				<verse number="13">Na malimana, ala anini o ta ala anene, kwĩanana na nyũmba sya aaĩthe moo, kwondũ wa kĩla mbingĩlo.</verse>
				<verse number="14">Na mũlimano wa ngalĩ ya wumĩlonĩ wa syũa wamũvalũkĩla Selemia. Nĩvo ĩndo malimanile kwondũ wa Nzekalia mwana wake, mũtai mũĩ; na mũlimano wake wamũvalũkĩla weethĩwa wa ngalĩ ya ĩũlũ.</verse>
				<verse number="15">Na wa Oveti‐etomu ngalĩ ya ĩtheo; na wa ana make, nyũmba ya kwia mĩio.</verse>
				<verse number="16">Wa Suvimu na Osa ngalĩ ya ũthũĩlonĩ wa syũa, vakuvĩ na mbingĩlo ya Salekethi, nzĩanĩ ĩla yambatĩte, ũsyaĩĩsyo kũatĩĩa ũsyaĩĩsyo.</verse>
				<verse number="17">Ngalĩ ya wimĩlonĩ wa syũa kwaĩ Alivai thanthatũ, ngalĩ ya ĩũlũ ana kĩla mũthenya, ngalĩ ya ĩtheo ana kĩla mũthenya, na kwondũ wa nyũmba ya kwia mĩio elĩ, elĩ.</verse>
				<verse number="18">Kwondũ wa Valivali ngalĩ ya ũthũĩlonĩ wa syũa, ana ĩla nzĩanĩ, na elĩ ku Valivali.</verse>
				<verse number="19">Isu nĩsyo nguthu sya asũvĩi ma mĩomonĩ; ma ana ma Akola, na ana ma Melali.</verse>
				<verse number="20">Na ma Alivai, Aiya aĩ mũsũvĩi wa mothwii maie ma nyũmba ya Ngai, na ma mothwii maie ma syĩndũ ivathĩtwe syĩthĩwe ntheu.</verse>
				<verse number="21">Ana ma Latani, ana ma Angelisoni ala ma Latani, atongoi ma nyũmba sya aaĩthe ma Latani Mũngelisoni: Yeiieli.</verse>
				<verse number="22">Ana ma Yeiieli: Nzethamu, na Yoeli mwana‐a‐inyia, masũvĩae mothwii maie ma nyũmba ya Yeova.</verse>
				<verse number="23">Ma Aamilamu, ma Aisali, ma Aisali, ma Aeviloni, ma Ausieli:</verse>
				<verse number="24">na Sevueli mwana wa Ngelisoni, mwana wa Mose, aĩ mũnene wa nothwii maĩe.</verse>
				<verse number="25">Na ana‐a‐ĩthe make: ma Elieseli, Leavia mwana wake, na Yesaia mwana wake, na Yolamu mwana wake, na Nzikili mwana wake, na Selemothi mwana wake.</verse>
				<verse number="26">Selemothi ũsu na ana‐a‐ĩthe make maĩ asũvĩi ma mothwii onthe maie ma syĩndũ ĩvathĩtwe syĩthĩwe ntheu, ila mũsumbĩ Ndaviti, na atongoi ma nyũmba sya aaĩthe, makavuteni ma ngili ngili na maana, na makavuteni ma nguthu maĩ mavathĩte syĩthĩwe ntheu.</verse>
				<verse number="27">Kuma mũtavonĩ ũla woosiwe makaũnĩ nĩmavathie syĩthĩwe ntheu sya kũtũngĩĩaa nyũmba ya Yeova.</verse>
				<verse number="28">Na kyonthe kĩla Samueli ũla mwoni, na Saulo mwana wa Kisu, na Avineli mwana wa Neli, na Yoavu mwana wa Nzeluia maĩ manavathie kĩthĩwe kĩtheu, o ũla wavathie kĩndũ o na kĩva kĩthĩwe kĩtheu, kyaĩ ũsũvĩonĩ Selemothi, na wa ana‐a‐ĩthe make.</verse>
				<verse number="29">Ma Aisali, Kenania na ana make maĩ ĩũlũ wa Isilaeli kwondũ wa wĩa wa nza, methĩwe anene na asili.</verse>
				<verse number="30">Ma Aeviloni, Asavia na ana‐a‐ĩthe make, andũ me ũkũmbaũ, ngili na maana mũonza, mai asyaĩĩsya ma Isilaeli mũĩngo wa Yolotani ngalĩ ya ũthũĩlonĩ wa syũa, kwondũ wa wĩa w’onthe wa Yeova, na kwondũ wa ũthũkũmi wa mũsumbĩ.</verse>
				<verse number="31">Wa Aeviloni kwaĩ mũnene Yeliya, o wa Aeviloni, kwĩanana na nzyawa syoo kũatĩĩa nyũmba sya aaĩthe. Mwaka wa mĩongo ĩna wa kũsumbĩka kwa Ndaviti nĩmamanthiwe, na nĩkwoonekie katĩ woo ngũmbaũ nene ku Yaseli ya Ngileati.</verse>
				<verse number="32">Na ana‐a‐ĩthe make, andũ me ũkũmbaũ, maĩ ngili ilĩ na maana mũonza, atongoi ma nyũmba sya aaĩthe, ala mũsumbĩ Ndaviti wamatwie asyaĩĩsya ma Aleuveni, na Angati, na nyunzu ya mbaĩ ya Amanase, kwondũ wa kĩla ũndũ ũla ũmwelekele Ngai, na kwondũ wa maũndũ ma mũsumbĩ.</verse>
			</chapter>
			<chapter number="27">
				<verse number="1">Na ĩndĩ ana ma Isilaeli kũatĩĩa ũtalo woo, naw’o nĩ atongoi ma nyũmba sya aaĩthe na makavuteni ma ngili ngili na ma maana, na anene ma kwoo ala mathũkũmaa mũsumbĩ, ũndũnĩ o na wĩva wa nguthu ila syalikaa na ikyumaala mwei na mwei, myeinĩ yonthe ya mwaka‐ma kĩla nguthu maĩ ngili mĩongo ĩlĩ na inya.</verse>
				<verse number="2">Kavuteni wa nguthu ya mbee mwei wa mbee aĩ Yasoveamu mwana wa Nzavitieli: na nguthunĩ yake kwaĩ andũ ngili mĩongo ĩlĩ na inya.</verse>
				<verse number="3">Nake aĩ wa ana ma Velesi, mũnene wa makavuteni onthe ma nguthu sya mwei wa mbee.</verse>
				<verse number="4">Na kavuteni wa nguthu ya mwei wa kelĩ aĩ Ndotai Mũaoi, na nguthu yake; na Mikilothi mũsumbĩki; na nguthunĩ yake kwaĩ ngili mĩongo ĩlĩ na inya.</verse>
				<verse number="5">Kavuteni wa katatũ wa nguthu ya mwei wa katatũ aĩ Mbenaia, mwana wa mũthembi Yeoiata, mũnene: na nguthunĩ yake kwaĩ ngili mĩongo ĩlĩ na inya.</verse>
				<verse number="6">Usu nĩ Mbenaia ũsu, ũla waĩ ngũmbaũ katĩ wa ala mĩongo ĩtatũ, na ĩũlũ wa ala mĩongo ĩtatũ: na Amisavati mwana wake aĩ wa nguthu yake.</verse>
				<verse number="7">Kavuteni wa kana wa mwei wa kana aĩ Asaeli mwana‐a‐inyia wa Yoavu, na Nzevatia mwana wake ĩtina wake: na nguthunĩ yake kwaĩ ngili mĩongo ĩlĩ na inya.</verse>
				<verse number="8">Kavuteni wa katano wa mwei wa katano aĩ Samuthi Mũisilai: na nguthunĩ yake kwaĩ ngili mĩongo ĩlĩ na inya.</verse>
				<verse number="9">Kavuteni wa thanthatũ wa mwei wa thanthatũ aĩ Ila mwana wa Ikesi Mũtekoa: na nguthunĩ yake kwaĩ ngili mĩongo ĩlĩ na inya.</verse>
				<verse number="10">Kavuteni wa mũonza wa mwei wa mũonza aĩ Elesu Mũveloni, wa ana ma Evalaimu: na nguthunĩ yake kwaĩ ngili mĩongo ĩlĩ na inya.</verse>
				<verse number="11">Kavuteni wa nyanya wa mwei wa nyanya aĩ Sivekai Mũusathi, wa Anzela: na nguthunĩ yake kwaĩ ngili mĩongo ĩlĩ na inya.</verse>
				<verse number="12">Kavuteni wa kenda wa mwei wa kenda aĩ Avieseli Mũanathothi, wa Ambenyamini: na nguthunĩ yake kwaĩ ngili mĩongo ĩlĩ na inya.</verse>
				<verse number="13">Kavuteni wa ĩkũmi wa mwei wa ĩkũmi aĩ Maalai Mũnetovathi, wa Anzela: na nguthunĩ yake kwaĩ ngili mĩongo ĩlĩ na inya.</verse>
				<verse number="14">Kavuteni wa ĩkũmi na ũmwe wa mwei wa ĩkũmi na ũmwe aĩ Mbenaia Mũvilathoni, wa ana ma Evalaimu: na nguthunĩ yake kwaĩ ngili mĩongo ĩlĩ na inya.</verse>
				<verse number="15">Kavuteni wa ĩkũmi na elĩ wa mwei wa ĩkũmi na ĩlĩ aĩ Elitai Mũnetovathi, wa Othinieli: na nguthunĩ yake kwaĩ ngili mĩongo ĩlĩ na inya.</verse>
				<verse number="16">Na ĩngĩ ĩũlũ wa mbaĩ sya Isilaeli: wa Aleuveni kwaĩ Elieseli mwana wa mũsumbĩki Nzikili: wa Asimeoni, Sevatia mwana wa Maaka:</verse>
				<verse number="17">wa Livai, Asavia mwana wa Kemueli: wa Aluni, Nzatoki:</verse>
				<verse number="18">wa Yuta, Eliu, ũmwe wa ana‐a‐inyia ma Ndaviti: wa Isakali, Omili mwana wa Mikaeli:</verse>
				<verse number="19">wa Nzevuluni, Isimaia mwana wa Ovatia: wa Navitali, Yelemothi mwana wa Anzilieli:</verse>
				<verse number="20">wa ana ma Evalaimu, Osea mwana wa Asasia: wa nyunzu ya mbaĩ ya Manase, Yoeli mwana wa Vetaia:</verse>
				<verse number="21">wa nyunzu ya mbaĩ ya Manase ku Ngileati, Ito mwana wa Nzekalia: wa Mbenyamini, Yasieli mwana wa Avineli:</verse>
				<verse number="22">wa Ndani, Asaleeli mwana wa Yeloamu. Asu maĩ makavuteni ma mbaĩ sya Isilaeli.</verse>
				<verse number="23">Ĩndĩ Ndaviti ndaamatala ala mavikĩtye myaka mĩongo ĩlĩ na ĩtina wa vau, nũndũ Yeova aĩ ananeena akaingĩvya Isilaeli ta ndata sya ĩtunĩ.</verse>
				<verse number="24">Yoavu mwana wa Nzeluia ambĩlĩlya kũtala, ĩndĩ ndaamina; na kwondũ wa ũndũ ũsu ũthilĩku wamokĩe Isilaeli; o na ũtalo ndwaaĩkĩwa ũvoonĩ ũla waandĩkiwe maũndũnĩ ma mavinda ma mũsumbĩ Ndaviti.</verse>
				<verse number="25">Na Asemavethi mwana wa Atieli aĩ mũsũvĩi wa mothwii maie ma mũsumbĩ: na Yonathani mwana wa Usia aĩ mũsũvĩi wa mothwii maie mĩũndanĩ, na ndũanĩ, na mĩsyĩ, na nyũmbanĩ nene syĩ iemo:</verse>
				<verse number="26">na Esili mwana wa Keluvu aĩ mũsyaĩĩsya wa ala matethasya wĩa wa kũĩma mũũndanĩ:</verse>
				<verse number="27">na Simei Mũlamathi aĩ mũsyaĩĩsya wa mĩũnda ya mĩsavivũ: na Nzaveti Mũsivimi aĩ mũsyaĩĩsya wa wingĩ wa ũsyao wa mĩũnda ya mĩsavivũ akĩkĩaa matungulunĩ ma kwia mbinyu:</verse>
				<verse number="28">na Mbaali‐aanani Mũngeteli aĩ mũsyaĩĩsya wa mĩthata na mĩkũyũ ĩla yaĩ nthĩ ndindimalu: na Yoasi aĩ mũsyaĩĩsya wa matungulu ma kwia mauta:</verse>
				<verse number="29">na Sitilai Mũsaloni aĩ mũsyaĩĩsya wa ndĩthya sya ng’ombe ila syaĩthaw’a ku Saloni: na Savati mwana wa Atilai aĩ mũsyaĩĩsya wa ndĩthya sya ng’ombe ila syaĩ myandanĩ:</verse>
				<verse number="30">na Ovili Mũisumaeli aĩ mũsyaĩĩsya wa ngamĩle: na Yeteia Mũmelonothi aĩ mũsyaĩĩsya wa mang’oi: na Yasisi Mũakali aĩ mũsyaĩĩsya wa ndĩthya sya mbũi na malondu.</verse>
				<verse number="31">Asu onthe maĩ asyaĩĩsya ma syĩndũ sya mũsumbĩ Ndaviti.</verse>
				<verse number="32">O na Yonathani, mwendw’a‐ĩthe wa Ndaviti, aĩ mũtai, mũndũ wĩ ũmanyi, na mũandĩki: Yeiieli mwana wa Akimoni aĩ vamwe na ana ma mũsumbĩ:</verse>
				<verse number="33">na Aithoveli aĩ mũtai wa mũsumbĩ: na Usiai Mũaliiki aĩ mũnyanyae wa mũsumbĩ:</verse>
				<verse number="34">na ĩtina wa Aithoveli kwaĩ Yeoiata mwana wa Mbenaia, na Aviathali: na Yoavu aĩ kavuteni wa nguthu ya mũsumbĩ.</verse>
			</chapter>
			<chapter number="28">
				<verse number="1">Na Ndaviti amombanĩsya Yelusaleme anene onthe me mbee ũsumbĩnĩ ma Isilaeli, anene me mbee ũsumbĩnĩ ma i mbaĩ, na makavuteni ma nguthu ila syathũkũmaa mũsumbĩ iatĩanĩe, na makavuteni ma ngili ngili, na makavuteni ma maana, na asyaĩĩsya ma ũthwii w’onthe na syĩndũ syonthe sya mũsumbĩ na sya ana make, vamwe na anene ma nyũmbanĩ, na ngũmbaũ, o ngũmbaũ nene syonthe.</verse>
				<verse number="2">Nĩvo ĩndĩ mũsumbĩ Ndaviti waũngamie na maũũ make, na asya, Mbĩthukĩĩsyai, ana‐a‐asa makwa, na andũ makwa: ngalĩ ĩ yakwa, kwaĩ ngoonĩ yakwa nake nyũmba ya ũthũmũo kwondũ wa ĩsandũkũ ya ũtianĩo ya Yeova, na kwondũ wa kavĩla ka nyaĩĩ ka Ngai waitũ; nakwa naĩ nĩnoomban’ya ũndũ wa mwako.</verse>
				<verse number="3">Ĩndĩ Ngai ambĩa, Ndwĩaka nyũmba kwondũ wa syĩtwa yakwa, nĩkwĩthĩwa wĩ mũndũ wa kaũ, na nĩwĩtĩkĩtye nthakame.</verse>
				<verse number="4">Ĩndĩ Yeova, Ngai wa Isilaeli, nĩwanyuvie nyie katĩ wa nyũmba yonthe ya asa wakwa nĩthĩwe mũsumbĩ wa Isilaeli tene na tene: nũndũ nũnyuvĩte Yuta ethĩwe mũtongoi; na nyũmbanĩ ya Yuta anyuva nyũmba ya asa wakwa; na ananĩ ma asa wakwa endeew’a ninyie andw’ĩkĩthye mũsumbĩ wa Isilaeli onthe;</verse>
				<verse number="5">na ananĩ makwa onthe (nũndũ Yeova nũnengete ana aingĩ), nũnyuvĩte Solomoni mwana wakwa ekale kĩvĩlanĩ kya ũsumbĩ kya Yeova asumbĩke Isilaeli.</verse>
				<verse number="6">Na ambĩa, Solomoni mwana waku, nĩwe ũkaka nyũmba yakwa na nza syakwa; nũndũ nĩnĩmũnyuvĩte ethĩwe mwana wakwa, nakwa ngeethĩwa ĩthe wake.</verse>
				<verse number="7">Na ngalũlũmĩlya ũsumbĩ wake tene na tene, ethĩwa akeekaa na kĩthito mĩao yakwa na motw’ĩo makwa, o tondũ kũilyĩ ũmũnthĩ.</verse>
				<verse number="8">Yu kwondũ wa ũu, Isilaeli onthe, o ũmbano wa Yeova, mene, na Ngai waitũ akĩw’a, sũvĩai na mũimantha mĩao yonthe ya Yeova Ngai wenyu; nĩ kana mũmesye nthĩ ĩno nzeo, na mwĩmĩtia yĩthĩwe ũtĩĩwa wa syana syenyu ĩtina wenyu tene na tene.</verse>
				<verse number="9">Naku, Solomoni mwana wakwa, mũmanye Ngai wa ĩthe waku, noimũthũkũma na ngoo mbĩanĩu na kĩlĩko kya kwenda; nũndũ Yeova nũmanthaa ngoo syonthe, na nũmanyaa mosũanĩo onthe ma malilikano. Ethĩwa ũkamũmantha, akooneka nue; ĩndĩ ethĩwa ũkamũeka, akakũveta tene na tene.</verse>
				<verse number="10">Ĩsũvĩe yu; nũndũ Yeova nũkũnyuvĩte wakĩe vala vandũ vatheu nyũmba: ĩthĩwa na vinya, na ũkĩka ũu.</verse>
				<verse number="11">Nĩvo ĩndĩ Ndaviti wanengie Solomoni mwana wake ngelekan’yo ya valasya wa ĩkalũ, na ya nyũmba syayo, na ya kũndũ kwiawa ũthwii kwayo, na ya tũsũmba twa ĩũlũ twayo, na ya tũsũmba twa nthĩnĩ twayo, na ya vandũ va wĩkalo wa tei;</verse>
				<verse number="12">o na ngelekan’yo ya onthe ala wanengiwe nĩ Veva, kwondũ wa nza sya nyũmba ya Yeova, na kwondũ wa tũsũmba tw’onthe tũthyũlũlũkĩte, kwondũ wa kũndũ kwiawa ũthwii wa nyũmba ya Ngaĩ, na kũla kwiawa ũthwii wa syĩndũ ivathĩtwe syĩthĩwe ntheu;</verse>
				<verse number="13">o na kwondũ wa nguthu sya athembi na Alivai, na kwondũ wa wĩa w’onthe wa ũthũkũmi wa nyũmba ya Yeova, na kwondũ wa mĩio yonthe ya ũthũkũmi nyũmbanĩ ya Yeova;</verse>
				<verse number="14">ya thaavu wĩ mũthime kwondũ wa mĩio ya thaavu, kwondũ wa mĩio yonthe ya kĩla mũthemba wa ũthũkũmi; ya vetha wĩ mũthime kwondũ wa mĩio yonthe ya vetha, kwondũ wa mĩio yonthe ya kĩla mũthemba wa ũthũkũmi;</verse>
				<verse number="15">o na wĩ mũthime kwondũ wa syĩndũ sya thaavu ila syĩkĩawa mataa, na kwondũ wa mataa masyo, ma thaavu, wĩ mũthime wa kĩla kĩndũ kĩkĩawa mataa na kwondũ wa mataa makyo; na kwondũ wa syĩndũ sya vetha ila syĩkĩawa mataa, vetha wĩ mũthime kwondũ wa kĩla kĩndũ kĩkĩawa mataa na mataa makyo, kwĩanana na wĩa wa kĩla kĩndũ kĩkĩawa mataa ũndũ ũilyĩ;</verse>
				<verse number="16">na thaavu wĩ mũthime kwondũ wa mesa sya imũtũ ila siĩawa Yeova, kwondũ wa kĩla mesa; na vetha kwondũ wa mesa sya vetha;</verse>
				<verse number="17">na itonyi sya nyama, na masaani manene, na ikombe, sya thaavu mũtheu; na kwondũ wa mbakũli sya thaavu wĩ mũthime kwondũ wa kĩla mbakũli; na kwondũ wa mbakũli sya vetha wĩ mũthime kwondũ wa kĩla mbakũli;</verse>
				<verse number="18">na kwondũ wa kĩthembeo kya kũtoeeasya ũvani thaavu ũtheetw’e wĩ mũthime; na thaavu kwondũ wa ngelekan’yo ya ĩkasya, o ya akeluvi, ala matambũũkĩtye nthwau syoo, na kũvw’ĩka ĩsandũkũ ya ũtianĩo ya Yeova.</verse>
				<verse number="19">Ndaviti asya, Ũsu w’onthe nĩmanyĩthĩtw’e wĩ mũandĩke nĩ kw’oko kwa Yeova, o mawĩa onthe ma ngelekan’yo ĩno.</verse>
				<verse number="20">Na Ndaviti amwĩa Solomoni mwana wake, Ĩthĩwa na vinya na ũkũmbaũ mũnene, na ũkĩka ũu: ndũkakĩe, o na ndũkateve; nũndũ Yeova Ngai, o Ngai wakwa, e vamwe naku; ndakakũnyivĩa, o na ndakakũtia, kũvika wĩa w’onthe ũndũ wa ũthũkũmi wa nyũmba ya Yeova wĩanĩa.</verse>
				<verse number="21">Na, sisya, kwĩ nguthu sya athembi na Alivai, kwondũ wa ũthũkũmi w’onthe wa nyũmba ya Ngai: na kũkeethĩwa vamwe naku mũthembanĩ w’onthe wa wĩa kĩla mũndũ wĩ na ngoo ya kwenda ũla wĩ na ũtũĩka, kwondũ wa mũthemba o na wĩva wa ũthũkũmi: o na makavuteni na andũ onthe makeethĩwa mĩaonĩ yaku vyũ.</verse>
			</chapter>
			<chapter number="29">
				<verse number="1">Na mũsumbĩ Ndaviti eea ũmbano w’onthe atĩĩ, Solomoni mwana wakwa, ũla e weka Ngai ũmũnyuvĩte, nĩ mũnini na mwololo, na wĩa nĩ mũnene; nũndũ ĩ nyũmba nene mbanakavye ti kwondũ wa mũndũ, ĩndĩ kwondũ wa Yeova Ngai.</verse>
				<verse number="2">Na ĩndĩ nĩnzeũvĩtye na vinya wakwa w’onthe kwondũ wa nyũmba ya Ngai wakwa thaavu kwondũ wa syĩndũ sya thaavu, na vetha kwondũ wa syĩndũ sya vetha, na ũthuku kwondũ wa syĩndũ sya ũthuku, na kĩaa kwondũ wa syĩndũ sya iaa, na mĩtĩ kwondũ wa syĩndũ sya mĩtĩ; tũvila twa nzumalati, na tũvila twa kũlũmanĩthw’a iĩndĩnĩ syatw’o, tũvila twa kũthũĩĩwa, na twa langi wa mĩthemba mingĩ, na mĩthemba yonthe ya tũvila twĩ thooa mũnene, na mavia maseo maingĩ mũno.</verse>
				<verse number="3">O na ĩngĩ, nũndũ nĩniĩte wendo wakwa mũnene nyũmbanĩ ya Ngai wakwa, na nũndũ nĩ na ũthwii mwie wakwa mwene wa thaavu na vetha, nĩngũnengane kwondũ wa nyũmba ya Ngai wakwa, kũthonoka kyonthe kĩla nũmbanĩtye kwondũ wa nyũmba ntheu,</verse>
				<verse number="4">o talendi ngili itatũ sya thaavu, sya thaavu wa Ovilu, na talendi ngili mũonza sya vetha ũla ũtheetw’e, wa kũvw’ĩka mawako ma nyũmba;</verse>
				<verse number="5">wa thaavu kwondũ wa syĩndũ sya thaavu, na vetha kwondũ wa syĩndũ sya vetha, na kwondũ wa mĩthemba yonthe ya wĩa ũla ũkaseũvw’a nĩ moko ma ndũĩka. Nũũ ĩndĩ ũla ũnũkwĩnengane na ngoo ya kwenda evathan’ye ũmũnthĩ ethĩwe mũtheu kwa Yeova?</verse>
				<verse number="6">Nĩvo ĩndĩ anene ma nyũmba sya aaĩthe, na anene me mbee ũsumbĩnĩ ma mbaĩ sya Isilaeli, na makavuteni ma ngili ngili na ma maana, vamwe na asyaĩĩsya ma wĩa wa mũsumbĩ, manengane na ngoo ya kwenda;</verse>
				<verse number="7">na manengane kwondũ wa ũthũkũmi wa nyũmba ya Ngai talendi ngili itano na ilungu ngili ĩkũmi sya thaavu, na sya vetha talendi ngili ĩkũmi, na sya ũthuku talendi ngili ĩkũmi na nyanya, na sya kĩaa talendi ngili ĩana.</verse>
				<verse number="8">Na ala moonekie me na tũvila twĩ thooa mũnene matũnengane na maia vala ve ũthwii mwie wa nyũmba ya Yeova, twĩ ũsũvĩonĩ wa Yeiieli Mũngelisoni.</verse>
				<verse number="9">Nĩvo ĩndĩ andũ matanie, nũndũ nĩmanenganie na kwenda kwa ngoo, nũndũ nĩmamumĩsye Yeova makyenda na ngoo mbĩanĩu; o na mũsumbĩ Ndaviti atana ũtanu mũnene.</verse>
				<verse number="10">Kwondũ wa ũu Ndaviti amũtaĩĩa Yeova mbee wa ũmbano w’onthe; na Ndaviti asya, Ũtaĩwe, ame Yeova, Ngai wa Isilaeli ĩthe waitũ, tene na tene.</verse>
				<verse number="11">Ame Yeova, ũnene, na vinya, na ndaĩa, na ũkĩlyo, na ũsumbĩ, nĩ waku: nũndũ kyonthe kĩla kĩ matunĩ na kũũ nthĩ nĩ kyaku; ũsumbĩ nĩ waku, ame Yeova, naku nũnenevetw’e wĩthĩwe mũnene wa kyonthe.</verse>
				<verse number="12">Ũthwii o na ndaĩa syumaa kwaku, naku nũsumbĩkaa ĩũlũ wa syonthe; na kw’okonĩ kwaku kwĩ vinya na ũtonyi; na kw’okonĩ kwaku kwĩ kũnenevya na kũmanenga onthe vinya.</verse>
				<verse number="13">Yu kwondũ wa ũu, Ngai waitũ, nĩtũũkũtũngĩa mũvea, na nĩtũũtaĩa syĩtwa yaku ĩtheu.</verse>
				<verse number="14">Ĩndĩ nyie nĩ ũũ, na andũ makwa nĩ kĩndũ kyaũ, ũndũ tũtonya kũnengane na ngoo ya kwenda o tondũ twĩkaa? Nũndũ syĩndũ syonthe syumaa kwaku, na kuma syĩndũnĩ syaku mwene nĩtũkũnengete.</verse>
				<verse number="15">Nũndũ twĩ aeni na ekali ma ũeninĩ ũtwene, o tondũ aaĩthe maĩtũ onthe meethĩawa: mĩthenya yaitũ kũũ nthĩ nĩ ta kyuu, na vati va kwĩkalaa.</verse>
				<verse number="16">Ame Yeova Ngai waitũ, syĩndũ ii syonthe mbie tũmbanĩtye tũkwakĩe nyũmba kwondũ wa syĩtwa yaku ĩtheu syumĩte kw’okonĩ kwaku, nasyo nĩ syaku mwene.</verse>
				<verse number="17">O na nĩnĩsĩ, Ngai wakwa, nũtataa ngoo, na nũtanĩaa ũlũngalu. Ngalĩ ĩ yakwa, ũlũngalunĩ wa ngoo yakwa nĩnumĩtye syĩndũ ii syonthe na kwenda kwa ngoo: na yu nĩnonete na ũtanu andũ maku, ala me vaa, makĩnengane na ngoo ya kwenda.</verse>
				<verse number="18">Ame Yeova, Ngai wa Avalaamu, na wa Isaka, na wa Isilaeli, aaĩthe maitũ, lũlũmĩlya ũndũ ũũ tene na tene kĩsũanĩonĩ kya malilikano ma ngoo sya andũ maku, na seũvya ngoo syoo kwaku;</verse>
				<verse number="19">na nenga Solomoni mwana wakwa ngoo mbĩanĩu, asũvĩe mĩao yaku, na mokũsĩ maku, na myamũlo yaku, na eke maũndũ aa onthe, na kwaka nyũmba nene mbanakavye, ĩla niĩte syĩndũ kwondũ wayo.</verse>
				<verse number="20">Na Ndaviti awĩa ũmbano w’onthe, Yu taĩai Yeova Ngai wenyu. Na ũmbano w’onthe wamũtaĩa Yeova, Ngai wa aaĩthe moo, na makunamya mĩtwe yoo, na mamũthaitha Yeova, na mũsumbĩ.</verse>
				<verse number="21">Na mamũthembea Yeova nthembo sya kũtonywa, na mamũthembea Yeova nthembo sya kũvĩvw’a, ũnĩ ũsu, o tũsalũ twa mũew’a ngili, na ndũũme ngili, na tũtena twa malondu ngili, vamwe na nthembo sya kũnyuwa sya kũthembanĩsya nasyo, na nthembo nyingĩ mũno kwondũ wa Isilaeli onthe,</verse>
				<verse number="22">na maya na manyw’a Yeova ene mũthenya ũsu na ũtanu mwingĩ. Na mamũtw’ĩkĩthya Solomoni mwana wa Ndaviti mũsumbĩ ĩvinda ya kelĩ, na mamwĩtĩkĩsya mauta ethĩwe wa Yeova ethĩwe mũnene wĩ mbee ũsumbĩnĩ, na Nzatoki ethĩwe mũthembi.</verse>
				<verse number="23">Na ĩndĩ Solomoni ekala kĩvĩlanĩ kya ũsumbĩ kya Yeova e mũsumbĩ vandũ va Ndaviti ĩthe wake, na aathimĩka; na Isilaeli onthe mamwĩw’a.</verse>
				<verse number="24">Na anene onthe me mbee ũsumbĩnĩ, na ngũmbaũ, o na ana onthe ma mũsumbĩ Ndaviti, meenyivĩsya mũsumbĩ Solomoni.</verse>
				<verse number="25">Na Yeova anenevya Solomoni mũno mũnene Isilaeli onthe mene, na amũnenga ndaĩa nene ya kĩũsumbĩ ĩtaanengwa mũsumbĩ o na wĩva mbee wake nthĩnĩ wa Isilaeli.</verse>
				<verse number="26">Na ĩndĩ Ndaviti mwana wa Yese asumbĩka Isilaeli onthe.</verse>
				<verse number="27">Na ĩvinda yĩla wasumbĩkie Isilaeli yaĩ myaka mĩongo ĩna; asumbĩka myaka mũonza Eviloni, na myaka mĩongo ĩtatũ na ĩtatũ Yelusaleme.</verse>
				<verse number="28">Na akw’a ũkũunĩ mũseo, na wa matukũ maingĩ, e na ũthwii, na ndaĩa: na Solomoni mwana wake asumbĩka vandũ vake.</verse>
				<verse number="29">Na ĩndĩ meko ma mũsumbĩ Ndaviti, ma mbee na ma mũminũkĩlyo, sisya, nĩmaandĩkĩtwe maandĩkonĩ ma Samueli ũla mwoni, na maandĩkonĩ ma mwathani Nathani, na maandĩkonĩ ma Ngati ũla mwoni,</verse>
				<verse number="30">vamwe na ũsumbĩki wake w’onthe na vinya wake mũnene, na mavinda ala mavĩtĩle ĩũlũ wake, na ĩũlũ wa Isilaeli, na ĩũlũ wa mosumbĩ onthe ma i nthĩ.</verse>
			</chapter>
		</book>
		<book number="14">
			<chapter number="1">
				<verse number="1">Na Solomoni mwana wa Ndaviti ongeleka vinya ũsumbĩnĩ wake, na Yeova Ngai wake aĩ vamwe nake, na amũnenevya mũno.</verse>
				<verse number="2">Na Solomoni aneena na Isilaeli onthe, makavuteni ma ngili ngili na ma maana, na asili, na kĩla mũnene wĩ mbee ũsumbĩnĩ nthĩnĩ wa Isilaeli onthe, atongoi ma nyũmba sya aaĩthe.</verse>
				<verse number="3">Na ĩndĩ Solomoni, e na ũmbano w’onthe, aenda vandũ vatũlu vala vaĩ ku Ngiveoni; nũndũ kw’o kwaĩ ĩeema ya kũmbanĩa ya Ngai, yĩla Mose mũthũkũmi wa Ngai waseũvisye weũnĩ.</verse>
				<verse number="4">Ĩndĩ yĩla ĩsandũkũ ya Ngai Ndaviti aĩ ayĩetie kuma Kiliathi‐yealimu vandũ vala Ndaviti wayĩseũvĩĩtye; nũndũ ayambĩĩte ĩeema Yelusaleme.</verse>
				<verse number="5">O na ũndũ ũngĩ kĩthembeo kya ũthuku, kĩla Mbesaleli mwana wa Uli, mwana wa Uulu, waseũvĩtye, kyaĩ vo ngalĩ ya mbee ya wĩkalo wa Yeova: na Solomoni na ũmbano maenda vala kĩĩ.</verse>
				<verse number="6">Na Solomoni ambata kw’o kĩthembeonĩ kya ũthuku vala ve Yeova, kĩla kyaĩ ĩeemanĩ ya kũmbanĩa, na athemba nthembo ngili sya kũvĩvw’a ĩũlũ wakyo.</verse>
				<verse number="7">Ũtukũ ũsu Ngai amumĩlĩla Solomoni oa amwĩa, Mbĩtya kĩla ũkwenda ngũnenge.</verse>
				<verse number="8">Na Solomoni asũngĩa Ngai, Nũmwonetye ĩthe wakwa Ndaviti ũseo mwingĩ wĩ wendo, na nũndw’ĩkĩthĩtye mũsumbĩ vandũ vake.</verse>
				<verse number="9">Yu, ame Yeova Ngai, watho waku ũla wamwathie Ndaviti ĩthe wakwa nũlũlũmĩlw’e; nũndũ nũndw’ĩkĩthĩtye mũsumbĩ wa ũko wa andũ ala maingĩvĩte ta kĩtoo kya nthĩ.</verse>
				<verse number="10">Yu nenga ũĩ na ũmanyi, nĩ kana numaale na kũsyoka andũ aa mene; nũndũ nũũ ũtonya kũsilan’ya andũ aa makũ, ala maingĩvĩte ũu?</verse>
				<verse number="11">Na Ngai amwĩa Solomoni, Nĩkwĩthĩwa ũndũ ũũ waĩ ngoonĩ yaku, na ndũnetya ũthwii, kana syĩndũ mbingĩ, kana ndaĩa, kana mathayũ ma ala makũmenaa, o na ndũnetya kwĩkala matukũ maingĩ; ĩndĩ weeyĩtĩsya ũĩ na ũmanyi, nĩ kana ũmasilan’ye andũ makwa, ala nakũtwie mũsumbĩ woo:</verse>
				<verse number="12">ũĩ na ũmanyi nĩwanengwa: na nĩngũũnenga ũthwii, na syĩndũ mbingĩ, na ndaĩa, ila asumbĩ ala maĩ mbee waku mataaĩthĩwa nasyo; o na kũtikethĩwa ĩtina waku ũla ũkethĩwa na ta isu.</verse>
				<verse number="13">Na ĩndĩ Solomoni atheea kuma vala vandũ vatũlu vaĩ Ngiveoni, kuma ngalĩ ya mbee ya ĩeema ya kũmbanĩa, kũvika Yelusaleme; na asumbĩka Isilaeli.</verse>
				<verse number="14">Na Solomoni oomban’ya makasya ma kaũ na andũ ma kũtũlaa mbalasi: na aĩ na makasya ngili na maana ana, na andũ ma kũtũlaa mbalasi ngili ĩkũmi na ilĩ, ala wamaiie ndũanĩ sya makasya, na valave mũsumbĩ Yelusaleme.</verse>
				<verse number="15">Na mũsumbĩ atw’ĩkĩthya vetha na thaavu syeethĩwa ta mavia ku Yelusaleme ũndũ wa kwingĩva, o na mĩtĩ ya mĩkũũ yeethĩwa ta mĩkũyũ ĩla yĩ nthĩ ndindimalu.</verse>
				<verse number="16">Na mbalasi ila Solomoni waĩ nasyo syaetawe kuma Misili; atandĩthya ma mũsumbĩ manengawe ndĩthya, kĩla ndĩthya thooa wayo.</verse>
				<verse number="17">Na malatya na kumya Misili ĩkasya ya thooa wa sekeli maana thanthatũ sya vetha, na mbalasi ya sekeli ĩana na mĩongo ĩtano: na o ta ũu mamaumĩasya asumbĩ onthe ma Aititi, na asumbĩ ma Silia, na moko moo.</verse>
			</chapter>
			<chapter number="2">
				<verse number="1">Na ĩndĩ Solomoni asũanĩa kwaka nyũmba kwondũ wa syĩtwa ya Yeova, na nyũmba kwondũ wa ũsumbĩ wake.</verse>
				<verse number="2">Na Solomoni atala andũ ngili mĩongo mũonza ma ũkua mĩio, na andũ ngili mĩongo nyanya ala masũvĩasya iĩmanĩ, na andũ ngili itatũ na maana thanthatũ ma kũmaũngamĩaa.</verse>
				<verse number="3">Na Solomoni atũmana kwa Ulamu mũsumbĩ wa Tile, akĩmwĩa, O tondũ wamwĩkie Ndaviti ĩthe wakwa, na wamũetee mĩkũũ ya kũmwakĩa nyũmba ya kwĩkala, mbĩka ũu o nakwa.</verse>
				<verse number="4">Sisya, nĩkilĩlye kwaka nyũmba kwondũ wa syĩtwa ya Yeova Ngai wakwa, nĩmĩvathe yĩthĩwe ntheu kwondũ wake, na ya kũmũtoeeasya ũvani wa mĩtĩ ĩla ĩnyungaa nesa, na kwondũ wa imũtũ ila siĩawa Yeova itatw’ĩkanaa, na kwondũ wa nthembo sya kũvĩvw’a kĩoko na wĩoo, masavatonĩ, na mĩtisonĩ ya myei, na mbokanĩ itw’ĩtwe sya Yeova Ngai waitũ. Ũsũ nĩ ũtw’ĩo wa tene na tene kwa Isilaeli.</verse>
				<verse number="5">Na nyũmba ĩla ngwaka nĩ nene; nũndũ Ngai waitũ nĩ mũnene kwĩ ngai syonthe.</verse>
				<verse number="6">Ĩndĩ nũũ ũtonya kũmwakĩa nyũmba, nũndũ ĩtu, na ĩtu yĩla yĩ ĩũlũ wa matu yĩtitonya kũmwĩanĩa? Nyie nĩ ũũ ĩndĩ, aĩ nĩmwakĩe nyũmba, ate o kũmũtoeeasya ũvani?</verse>
				<verse number="7">Kwondũ wa ũu yu ndetee mũndũ ndũĩka wa kũtethya wĩa na thaavu, na vetha, na ũthuku, na kĩaa, na langi ũilyĩ ta mũtune, na ũla mũtune mũno, na vuluu, na ũla wĩsĩ kũvana mĩthemba yonthe ya movano, methĩwe vamwe na andũ ndũĩka ala me nakwa kũũ Yuta na Yelusaleme, ala ĩthe wakwa Ndaviti waiie.</verse>
				<verse number="8">O na ndetee mĩtĩ ya mĩkũũ, na ya mĩsonovali, na ya mĩsandali, kuma Levanoni; nũndũ nĩnĩsĩ athũkũmi maku nĩmesĩ kũtema mĩtĩ Levanoni. Na, sisya, athũkũmi makwa makeethĩwa na athũkũmi maku,</verse>
				<verse number="9">nĩ kana manzeũvĩsye mĩtĩ mingĩ mũno; nũndũ nyũmba ĩla nĩkilĩlye kwaka ĩkeethĩwa nene na ya ũseng’ya.</verse>
				<verse number="10">Na, sisya, nganenga athũkũmi maku, atemi ma mĩtĩ, ithimi ngili mĩongo ĩlĩ sya nganũ mbũe, na ithimi ngili mĩongo ĩlĩ sya mbaale, na vathi ngili mĩongo ĩlĩ sya mbinyu, na vathi ngili mĩongo ĩlĩ sya mauta.</verse>
				<verse number="11">Nĩvo ĩndĩ Ulamu mũsumbĩ wa Tile wamũsũngĩie na valũa, ũla wamũtwaĩe Solomoni, Nĩkwĩthĩwa Yeova nũmendete andũ make, nũkũtw’ĩte mũsumbĩ woo.</verse>
				<verse number="12">Na ĩngĩ Ulamu asya, Nataĩwe Yeova, Ngai wa Isilaeli, ũla wombie ĩtu na nthĩ, ũla ũmũnengete mũsumbĩ Ndaviti mwana mũĩ, wĩ na kĩlĩko na ũmanyi, amwakĩe Yeova nyũmba, na nyũmba ya ũsumbĩ wake.</verse>
				<verse number="13">Na yu nĩnatũma mũndũ ndũĩka, wĩ na ũmanyi, wa ĩthe wakwa Ulamu,</verse>
				<verse number="14">mwana wa mũndũ mũka wa eĩtu ma Ndani; na ĩthe wake aĩ mũndũ wa Tile, ndũĩka ya kũtethya wĩa na thaavu, na vetha, na ũthuku, na kĩaa, na mavia, na mĩtĩ, na langi ũilyĩ ta mũtune, na vuluu, na katane nzeo, na ũla mũtune mũno, o na wa kũvana mũthemba o na wĩva wa ũvano, na wa kũseũvya kĩndũ kĩtaaoneka; nĩ kana aiwe vamwe na andũ maku ndũĩka, na vamwe na andũ ndũĩka ma mwĩaĩi wakwa Ndaviti ĩthe waku.</verse>
				<verse number="15">Yu ĩndĩ nganũ na mbaale, mauta na mbinyu, ila mwĩaĩi wakwa ũwetete, natwaĩe athũkũmi make:</verse>
				<verse number="16">na tũkatema mĩtĩ Levanoni, kwĩanana na vata waku; na tũkakũetee ĩthambĩĩle ũkanganĩ ĩvike Yova; naku ũimyambatya Yelusaleme.</verse>
				<verse number="17">Na Solomoni atala onthe ala mookie kwĩkala ũeni nthĩ ya Isilaeli, kũatĩĩa ũtalo ũla ĩthe wake Ndaviti wamatalĩte; na mooneka ngili ĩana na mĩongo ĩtano na itatũ na maana thanthatũ.</verse>
				<verse number="18">Na atila mamo ngili mĩongo mũonza ma ũkua mĩio, na ngili mĩongo nyanya ma kwasũvĩsya iĩmanĩ, na aũngamĩi ngili itatũ na maana thanthatũ ma kũmanengae andũ wĩa.</verse>
			</chapter>
			<chapter number="3">
				<verse number="1">Na ĩndĩ Solomoni ambĩlĩlya kwaka nyũmba ya Yeova Yelusaleme kĩĩmanĩ kya Molia, vala Yeova wamumĩlĩle Ndaviti ĩthe wake, ĩla waseũvĩsye vandũ vala vatw’ĩtwe nĩ Ndaviti kĩvũĩonĩ kya Olinani Mũyevusi.</verse>
				<verse number="2">Na ambĩlĩlya kwaka mũthenya wa kelĩ wa mwei wa kelĩ, mwaka wa kana wa kũsumbĩka kwake.</verse>
				<verse number="3">Na ĩndĩ ĩno nĩyo myambĩlĩlyo ĩla Solomoni wakwatisye kwondũ wa kwaka nyũmba ya Ngai. Ũasa ũitalwa mĩkono kwĩanana na kĩthimi kya mbee waĩ mĩkono mĩongo thanthatũ, na ũthanthau, mĩkono mĩongo ĩlĩ.</verse>
				<verse number="4">Na valasya wa ĩ nyũmba, ũasa waw’o, kwĩanana na ũthanthau wa nyũmba, waĩ mĩkono mĩongo ĩlĩ, na ũtũlu mĩkono ĩana na mĩongo ĩlĩ; na oovw’ĩka nthĩnĩ thaavu mũtheu.</verse>
				<verse number="5">Na nyũmba ĩla nene amĩseũvya nthĩnĩ na mbwaũ sya mĩtĩ ya mĩsonovali, ila wavw’ĩkie thaavu mũtheu, na aseũvĩĩsya ĩũlũ waw’o mĩtende na mĩnyololo.</verse>
				<verse number="6">Na aanakavya nyũmba na tũvila twĩ thooa mũnene yĩthĩwe nzeo mũno: na thaavu ũsu waĩ thaavu wa Valivaimu.</verse>
				<verse number="7">O na avw’ĩka nyũmba, na mĩamba, na myalyo, na mawako mayo, na mĩomo yayo, thaavu; na avanĩa akeluvi mawakonĩ.</verse>
				<verse number="8">Na aakĩĩa nyũmba ĩla ntheu mbee: ũasa wayo, kwĩanana na ũthanthau wa nyũmba, waĩ mĩkono mĩongo ĩlĩ; na ũthanthau wayo mĩkono mĩongo ĩlĩ; na amĩvw’ĩka thaavu mũtheu, wa talendi maana thanthatũ.</verse>
				<verse number="9">Na ũito wa mĩsumaa waĩ sekeli mĩongo ĩtano sya thaavu. Na avw’ĩka tũsũmba twa ĩũlũ thaavu.</verse>
				<verse number="10">Na nthĩnĩ wa nyũmba ĩla ntheu mbee aseũvya mũvw’anano wa akeluvi elĩ; na mamavw’ĩka thaavu.</verse>
				<verse number="11">Na ũasa wa nthwau sya akeluvĩ waĩ mĩkono mĩongo ĩlĩ: ũthwau wa mũkeluvi ũmwe waĩ mĩkono ĩtano, ũvikĩte wakonĩ wa nyũmba; na ũthwau ũla ũngĩ o ta ũu waĩ mĩkono ĩtano, ũvikĩte ũthwaunĩ wa mũkeluvĩ ũla ũngĩ.</verse>
				<verse number="12">Na ũthwau wa mũkeluvi ũla ũngĩ waĩ mĩkono ĩtano, ũvikĩte wakonĩ wa nyũmba: na ũthwau ũla ũngĩ naw’o waĩ mĩkono ĩtano, ũkwatene na ũthwau wa mũkeluvi ũla ũngĩ.</verse>
				<verse number="13">Nthwau sya akeluvi asu kũtambũũka kwasyo kwaĩ mĩkono mĩongo ĩlĩ: na maũngeme na maũũ, na mothyũ moo meelekele ĩ nyũmba.</verse>
				<verse number="14">Na aseũvya tũtũ wa ndii sya vuluu, na ila itilyĩ ta ndune, na ĩla ndune mũno, na katane nzeo, na atumĩĩa ngelekan’yo ya akeluvi ĩũlũ waw’o.</verse>
				<verse number="15">Na ĩngĩ aseũvya ituĩ ilĩ ngalĩ ya mbee ya nyũmba ila ũtũlu wasyo waĩ mĩkono mĩongo ĩtatũ na ĩtano, na ngovia ĩla yaĩ ĩũlũ wa kĩla kĩmwe yaĩ mĩkono ĩtano.</verse>
				<verse number="16">Na aseũvya mĩnyololo nthĩnĩ wa vandũ va Ngai va ũneenea, na amĩkĩa mĩthyanĩ ya ituĩ; na aseũvya makũngũmanga ĩana, na amakolany’a mĩnyololonĩ.</verse>
				<verse number="17">Na aũngamya ituĩ ngalĩ ya mbee ya ĩkalũ, kĩmwe ngalĩ ya kw’oko kwa aũme, na kĩla kĩngĩ ngalĩ ya kw’oko kwa aka; na akĩta kĩla kĩ ngalĩ ya kw’oko kwa aũme syĩtwa yakyo Yakini, na syĩtwa ya kĩla kya ngalĩ ya kw’oko kwa aka akĩta Mboasi.</verse>
			</chapter>
			<chapter number="4">
				<verse number="1">Na ĩngĩ aseũvya kĩthembeo kya ũthuku, ũasa wakyo mĩkono mĩongo ĩlĩ, na ũthanthau wakyo mĩkono mĩongo ĩlĩ, na ũtũlu wakyo mĩkono ĩkũmi.</verse>
				<verse number="2">O na aseũvya ũkanga na syĩndũ ila matwekethetye, wa mĩkono ĩkũmi kuma ũengo kũvika ũengonĩ ũla ũngĩ, wa kĩlingĩlĩ ngalĩ syonthe; na ũtũlu waw’o waĩ mĩkono ĩtano; na kũthima na ũlii waĩ mĩkono mĩongo ĩtatũ kũthyũlũlũka ngalĩ syonthe.</verse>
				<verse number="3">Na ĩtheo waw’o kwaĩ mĩvw’anano ya nzaũ, yothyũlũlũkĩte ngalĩ syonthe, ĩkũmi kwa kĩla mĩkono, ĩkĩthyũlũlũka ũ ũkanga. Nzaũ syaĩ sya mĩsoa ĩlĩ, syatuanĩw’e naw’o.</verse>
				<verse number="4">Watũlĩtw’e ĩũlũ wa nzaũ ĩkũmi na ilĩ, itatũ isyaĩtye ngalĩ ya ĩũlũ, na itatũ isyaĩtye ngalĩ ya ũthũĩlonĩ wa syũa, na itatũ isyaĩtye ngalĩ ya ĩtheo, na itatũ isyaĩtye ngalĩ ya wumĩlonĩ wa syũa: na ũkanga wailĩĩlwe ĩũlũ wasyo, na itimba syasyo syonthe syeelekele ngalĩ ya nthĩnĩ.</verse>
				<verse number="5">Na kĩemo kyaw’o kyaĩ ta kĩtaa kya kw’oko; na ũengo waw’o watuĩtwe ta ũengo wa kĩkombe, ta ĩlaa ya lili: waĩ ũtonya kwĩanĩa vathi ngili itatũ.</verse>
				<verse number="6">O na aseũvya syĩndũ ĩkũmi sya kũthambĩa, na aia itano ngalĩ ya kw’oko kwa aũme, na itano ngalĩ ya kw’oko kwa aka, mathambĩasye nthĩnĩ wasyo; syĩndũ ila sya nthembo ya kũvĩvw’a maithambĩasya nthĩnĩ wasyo; ĩndĩ ũkanga waĩ wa athembi wa kũthambĩaa nthĩnĩ waw’o.</verse>
				<verse number="7">Na aseũvya syĩndũ ĩkũmi sya thaavu ila syĩkĩawa mataa kwĩanana na ũtw’ĩo ũndũ wasyo; na asia ĩkalũnĩ, itano ngalĩ ya kw’oko kwa aũme, na itano ngalĩ ya kw’oko kwa aka.</verse>
				<verse number="8">O na aseũvya mesa ĩkũmi, na asia ĩkalũnĩ, itano ngalĩ ya kw’oko kwa aũme, na ĩtano ngalĩ ya kw’oko kwa aka. Na aseũvya masaani manene ĩana ma thaavu.</verse>
				<verse number="9">Na ũndũ ũngĩ aseũvya nza ya athembi, na ĩla nza nene, na mĩomo ya nza, na avw’ĩka mĩomo yasyo ũthuku.</verse>
				<verse number="10">Na aia ũkanga ngalĩ ya kw’oko kwa aũme ya nyũmba ngalĩ ya wumĩlonĩ wa syũa, kwelekela ngalĩ ya ĩtheo.</verse>
				<verse number="11">Na Ulamu aseũvya mbisũ, na mĩko, na masaani manene. Ũu nĩw’o Ulamu waminie wĩa ũla wamũtetheesye mũsumbĩ Solomoni kwondũ wa nyũmba ya Ngai:</verse>
				<verse number="12">ila ituĩ ilĩ, na ngulumbe, na ngovia ilĩ ila syaĩ mĩthyanĩ ya ituĩ, na ila seng’eng’e ilĩ sya kũvw’ĩka ila ngulumbe ilĩ sya ngovia ila syaĩ mĩthyanĩ ya ituĩ,</verse>
				<verse number="13">na makũngũmanga maana ana ũndũ wa ila seng’eng’e ilĩ; mĩsoa ĩlĩ ya makũngũmanga ũndũ wa kĩla seng’eng’e, ya kũvw’ĩka ila ngulumbe ilĩ sya i ngoiva ila syaĩ mĩthyanĩ ya ila ituĩ.</verse>
				<verse number="14">O na aseũvya matina, na aseũvya syĩndũ sya kũthambĩa ĩũlũ wa matina asu;</verse>
				<verse number="15">ũkanga ũmwe, na ila nzaũ ĩkũmi na ilĩ ungu waw’o.</verse>
				<verse number="16">O na mbisũ, na mĩko, na itonyi sya nyama, na mĩio yonthe yayo, Ulamu ĩthe wake amũseũvĩsya mũsumbĩ Solomoni, ya ũthuku mũkute, kwondũ wa nyũmba ya Yeova.</verse>
				<verse number="17">Mũsumbĩ amĩtũĩe ũiĩnĩ wa Yolotani, nthĩ yĩ yũmba katĩ wa Sukothi na Nzeleta.</verse>
				<verse number="18">Ũu nĩw’o Solomoni waseũvĩthisye mĩio ĩsu yonthe mingĩ mũno: nũndũ ũito wa ũthuku ndwaĩ ũtonya kũmanyĩka.</verse>
				<verse number="19">Na Solomoni aseũvya mĩio yonthe ĩla yaĩ nyũmbanĩ ya Ngai, o na kĩthembeo kya thaavu, na mesa ila syaĩ na imũtũ ila siĩawa Yeova;</verse>
				<verse number="20">na syĩndũ ila syĩkĩawa mataa vamwe na mataa masyo sya thaavu mũtheu, ma kwakanaa kwĩanana na ũtw’ĩo, ngalĩ ya mbee ya vala vandũ va ũneenea;</verse>
				<verse number="21">na ala malaa, na mataa, na mĩveto, sya thaavu, o thaavu mũtheu ki;</verse>
				<verse number="22">na mĩkasi, na masaani manene, na syĩko, na tũvũngũlyũ twa ũkua makaa, sya thaavu mũtheu. Na ũndũ wa vandũ va ũlikĩla nyũmba, mĩomo ya nthĩnĩ yavo ya vala vatheu mbee, na mĩomo ya nyũmba, ũu nĩ kwasya ya ĩkalũ, yaĩ ya thaavu.</verse>
			</chapter>
			<chapter number="5">
				<verse number="1">Wĩa w’onthe ũla Solomoni watethisye wa nyũmba ya Yeova wathelile ũu. Na Solomoni alikya nthĩnĩ syĩndũ ila ĩthe wake Ndaviti wavathĩte syĩthĩwe ntheu, o vetha, na thaavu, na mĩio yonthe, na asia kũla kwiawa ũthwii wa nyũmba ya Ngai.</verse>
				<verse number="2">Nĩvo ĩndĩ Solomoni wombanisye atumĩa ma Isilaeli, na atongoi onthe ma i mbaĩ, anene ma nyũmba sya aaĩthe ma ana ma Isilaeli, ku Yelusaleme, mambatye ĩsandũkũ ya ũtianĩo ya Yeova kumya ndũanĩ ya Ndaviti, nayo nĩ Saioni.</verse>
				<verse number="3">Na andũ onthe ma Isilaeli moombana kwa mũsumbĩ mbokanĩ, ĩla yaĩ mwei wa mũonza.</verse>
				<verse number="4">Na atumĩa onthe ma Isilaeli mooka: na Alivai moosa ĩsandũkũ;</verse>
				<verse number="5">na mambatya ĩsandũkũ, na ĩeema ya kũmbanĩa, na mĩio yonthe mĩtheu ĩla yaĩ Ĩeemanĩ; ĩsu athembi Alivai mamyambatya.</verse>
				<verse number="6">Na mũsumbĩ Solomoni na ũmbano w’onthe wa Isilaeli, ũla woombanĩte kwake waĩ mbee wa ĩsandũkũ, makĩthemba malondu na ng’ombe, ila itaĩ italĩka kana kũtalwa nũndũ wa kwingĩva.</verse>
				<verse number="7">Na athembi malikya ĩsandũkũ ya ũtianĩo ya Yeova nthĩnĩ vandũ vayo, nthĩnĩ wa vala vandũ va ũneenea va nyũmba, kũvika vala vandũ vatheu mbee, o ungu wa nthwau sya akeluvi.</verse>
				<verse number="8">Nũndũ akeluvi matambũũkĩtye nthwau syoo ĩũlũ wa vala vandũ va ĩsandũkũ, na akeluvĩ mayĩvw’ĩkĩte ĩsandũkũ ĩũlũ o na mĩtĩ yayo.</verse>
				<verse number="9">Na ĩ mĩtĩ yaĩ mĩasa ũndũ mĩthya ya mĩtĩ nĩyenekee kuma ĩsandũkũnĩ vu mbee wa vala vandũ va ũneenea; ĩndĩ ndĩaaoneka ũtee: na nĩvo ĩĩ kũvika ũmũnthĩ.</verse>
				<verse number="10">Kũtyaĩ kĩndũ ĩsandũkũnĩ ate o ala masengea elĩ ala Mose wamekĩie ku Olevu, yĩla Yeova watianĩe ũtianĩo na ana ma Isilaeli, yĩla maumie nthĩ ya Misili.</verse>
				<verse number="11">Na kweethĩwa, yĩla athembi maĩ manauma vala vandũ vatheu (nũndũ athembi onthe ala maĩ vo nĩmeevathĩte methĩwe atheu, na matyaaatĩĩa mĩtuo ya nguthu syoo;</verse>
				<verse number="12">o na Alivai ala maĩ aini, onthe mao, o Asavu, na Emani, na Yetuthuni, na ana moo na ana‐a‐ĩthe moo, mekĩĩte katane nzeo, me na tũmasaya, na inanda, na mbeve, maũngama ũtee wa kĩthembeo ngalĩ ya wumĩlonĩ wa syũa, na vamwe nao athembĩ ĩana na mĩongo ĩlĩ makĩvuva masoo);</verse>
				<verse number="13">kweethĩwa, yĩla ala avuvi ma masoo na aini maĩ ta ũmwe, maumye wasya ũmwe wĩw’ĩke ũitaĩa na kũmũtũngĩa Yeova mũvea; na yĩla mookĩlilye wasya woo vamwe na masoo na tũmasaya na syĩndũ sya kũinga, na kũtaĩa Yeova, makyasya, Nũndũ nĩ mũseo; nũndũ ũseo wake wĩ wendo nĩwĩkalaa tene na tene; nĩvo ĩndĩ nyũmba yausũiwe nĩ mũumbĩ, o nyũmba ya Yeova,</verse>
				<verse number="14">ũndũ athembi mataatonya kũũngama mathũkũme nũndũ wa mũumbĩ: nũndũ ũtheu mũtisu wa Yeova wausũĩte nyũmba ya Ngai.</verse>
			</chapter>
			<chapter number="6">
				<verse number="1">Nĩvo ĩndĩ Solomoni waneenie, Yeova aĩtye atĩ akekala kĩvindunĩ kya ngokomi.</verse>
				<verse number="2">Ĩndĩ nĩngwakĩĩte nyũmba ya kwĩkala, na vandũ vaku va kwĩkalaa tene na tene.</verse>
				<verse number="3">Na mũsumbĩ athyũũa ũthyũ wake, na aathima ũmbano w’onthe wa Isilaeli: na ũmbano w’onthe wa Isilaeli waũngama.</verse>
				<verse number="4">Na asya, Nataĩwe Yeova, Ngai wa Isilaeli, ũla waneenie na kanyw’a wake na Ndaviti ĩthe wakwa, na nĩwĩanĩĩtye na moko make, akyasya,</verse>
				<verse number="5">Kuma mũthenya ũla naumisye andũ makwa nthĩ ya Misili, ndyaanyuva ndũa o na yĩva mbaĩnĩ syonthe sya Isilaeli nake nyũmba vo, nĩ kana syĩtwa yakwa yĩthĩwe vo; o na ndyaanyuva mũndũ o na wĩva ethĩwe nũnene wĩ mbee ũsumbĩnĩ wa andũ makwa Isilaeli;</verse>
				<verse number="6">ĩndĩ nĩnĩnyuvĩte Yelusaleme, syĩtwa yakwa yĩthĩwe vo, na nĩnĩnyuvĩte Ndaviti ethĩwe mũnene wa andũ makwa Isilaeli.</verse>
				<verse number="7">Na ĩndĩ kwaĩ ngoonĩ ya ĩthe wakwa Ndaviti kwaka nyũmba kwondũ wa syĩtwa ya Yeova, Ngai wa Isilaeli.</verse>
				<verse number="8">Ĩndĩ Yeova amwĩa Ndaviti ĩthe wakwa, Nĩkwĩthĩwa kwaĩ ngoonĩ yaku kwaka nyũmba kwondũ wa syĩtwa yakwa, nĩweekie nesa nũndũ kwaĩ ngoonĩ yaku:</verse>
				<verse number="9">ĩndĩ ndũkaka nyũmba ĩsu; ĩndĩ mwana waku ũla ũkauma kĩnyunyunĩ kyaku, nĩwe ũkaka ĩ nyũmba kwondũ wa syĩtwa yakwa.</verse>
				<verse number="10">Na Yeova nĩwĩanĩĩtye ndeto yake ĩla waneenie: nũndũ nyie nĩũngamĩte vandũ va Ndaviti ĩthe wakwa, na nĩnĩkalĩte kĩvĩlanĩ kya ũsumbĩ kya Isilaeli, o tondũ Yeova wathie, na nĩnakĩte nyũmba kwondũ wa syĩtwa ya Yeova, Ngai wa Isilaeli.</verse>
				<verse number="11">Na nĩvo nĩĩte ĩsandũkũ, yĩla nthĩnĩ wayo yĩ ũtianĩo wa Yeova, ũla watianĩe na ana ma Isilaeli.</verse>
				<verse number="12">Na aũngama ngalĩ ya mbee ya kĩthembeo kya Yeova, ũmbano w’onthe wa Isilaeli wene, na atambũũkya moko make</verse>
				<verse number="13">(nũndũ Solomoni aĩ anaseũvya kĩtaa kya ũthuku ũasa wakyo mĩkono ĩtano, na ũthanthau wakyo mĩkono ĩtano, na ũtũlu wakyo mĩkono ĩtatũ, na akĩũngamya nza katĩ; na aũngama ĩũlũ wakyo, na atulya ndu ũmbano w’onthe wa Isilaeli wene, na atambũũkya moko make melekele ĩtunĩ);</verse>
				<verse number="14">na asya, Ame Yeova, Ngai wa Isilaeli, vati Ngai taku, ĩtunĩ kana nthĩ; ũla wĩanĩasya ũtianĩo na ũseo wĩ wendo kwa athũkũmi maku, ala maendaa mbee waku na ngoo syoo syonthe;</verse>
				<verse number="15">ũla wĩanĩĩtye kwa mũthũkũmi waku Ndaviti ĩthe wakwa ũndũ wamwathie: ĩĩ, nĩwaneenie na kanyw’a waku, na nĩwĩanĩĩtye na kw’oko kwaku, o tondũ kũilyĩ ũmũnthĩ.</verse>
				<verse number="16">Yu kwondũ wa ũu, ame Yeova, Ngai wa Isilaeli, ĩanĩsya kwa mũthũkũmi waku Ndaviti ĩthe wakwa ũndũ wamwathie, ũkĩmwĩa, Ndũkaĩwa nĩ mũndũ wa kwĩkalaa kĩvĩlanĩ kya ũsumbĩ kya Isilaeli mbee wakwa, ethĩwa syana syaku no ĩkasũvĩaa mũendele wasyo, ikinyae mĩaonĩ yakwa o tondũ wakinyaa mbee wakwa.</verse>
				<verse number="17">Yu ĩndĩ, ame Yeova, Ngai wa Isilaeli, ndeto yaku nĩyĩanĩe w’o, ĩla waneenie na mũthũkũmi waku Ndaviti.</verse>
				<verse number="18">Ĩndĩ nĩ w’o, Ngai akekalaa na andũ kũũ nthĩ? Sisya, ĩtu na ĩtu yĩla yĩ ĩũlũ wa matu yĩtitonya ũkwĩanĩa; nyũmba ĩno ĩla nakĩte ĩtonya ata!</verse>
				<verse number="19">Ĩndĩ elekela kũvoya kwa mũthũkũmi waku, na kwĩsũvana kwake, ame Yeova Ngai wakwa, wĩthukĩĩsye kĩĩo na kũvoya kũla mũthũkũmi waku ũnũũvoya e mbee waku;</verse>
				<verse number="20">nĩ kana metho maku methĩwe masalukĩtye melekele nyũmba ĩno mũthenya na ũtukũ, o kwelekela vandũ vala waisye ũkeekĩa syĩtwa yaku vo; wĩthukĩĩsye mboya ĩla mũthũkũmi waku wĩvoya elekele vandũ vaa.</verse>
				<verse number="21">Na ĩthukĩĩsye mawĩsũvano ma mũthũkũmi waku, na ma andũ maku Isilaeli, yĩla mevoya melekele vandũ vaa: ĩĩ, wĩĩw’a wĩ ũtũonĩ waku, o wĩ ĩtunĩ; na weew’a, wĩekea.</verse>
				<verse number="22">Ethĩwa mũndũ akavĩtanĩsya mũtũi wake, na akiĩwa kĩavo nĩ kana aavĩthw’e, nake akyũka na kwĩavĩa mbee wa kĩthembeo kyaku nyũmbanĩ ĩno;</verse>
				<verse number="23">nĩvo ĩndĩ wĩĩthukĩĩsya wĩ ĩtunĩ, wĩke, noisilan’ya athũkũmi maku, ũkĩmũĩvanĩsya ũla mũthũku, ũete mũendele wake ĩũlũ wa mũtwe wake mwene; na ũimũtalĩla ũlũngalu ũla mũlũngalu, ũmũnenge kwĩanana na ũlũngalu wake.</verse>
				<verse number="24">Na ethĩwa andũ maku Isilaeli makakũnwa mavalũkw’e nĩ mũmaitha, nĩkwĩthĩwa nĩmakũvĩtanĩsye, na ĩndĩ makĩthyũũa na kumbũla syĩtwa yaku, na kũvoya na kwĩsũvana mbee waku nyũmbanĩ ĩno;</verse>
				<verse number="25">nĩvo ĩndĩ wĩĩthukĩĩsya wĩ ĩtunĩ, noiekea naĩ ya andũ maku Isilaeli, na kũmatũnga ĩngĩ nthĩ ĩla wamanengie mo na aaĩthe moo.</verse>
				<verse number="26">Yĩla matu mavinge, na kũte mbua, nĩkwĩthĩwa nĩmakũvĩtanĩsye; ethĩwa makavoya melekele vandũ vaa, na kumbũla syĩtwa yaku, na kwĩthyũũa kũtia naĩ syoo, yĩla ũkamathĩn’ya:</verse>
				<verse number="27">nĩvo ĩndĩ wĩĩthukĩĩsya wĩ ĩtunĩ, noiekea naĩ ya athũkũmi maku na ya andũ maku Isilaeli, yĩla wĩmamanyĩasya nzĩa nzeo ĩla maĩle kũthi nayo; na wĩusya mbua nthĩ yaku, ĩla wamanengie andũ maku yĩthĩwe ũtiĩwa.</verse>
				<verse number="28">Ethĩwa kũkeethĩwa yũa ĩ nthĩ, ethĩwa kũkeethĩwa mũimũ, ethĩwa kũkeethĩwa wũmanĩlu kana mbuka, ngie kana kĩthesa; ethĩwa amaitha moo makamathyũlũlũka mamatw’ĩkanĩsye me nthĩ yĩ ndũa syoo; ũthĩn’yo o na wĩva kana ũwau o na wĩva ũla ũkethĩwa;</verse>
				<verse number="29">kũvoya na kwĩsũvana o na kwĩva kũla kũkavoywa nĩ mũndũ o na wĩva, kana nĩ andũ maku onthe ma Isilaeli, kĩla mũndũ ũla ũkamanya ũthĩn’yo ũ wake na woo wake mwene, na akĩtambũũkya moko make melekele nyũmba ĩno:</verse>
				<verse number="30">nĩvo ĩndĩ wĩĩthukĩĩsya wĩ ĩtunĩ ũtũonĩ waku, noiekea, na kũmũnenga kĩla mũndũ kwĩanana na mĩendele yake yonthe, ũla wĩsĩ ngoo yake (nũndũ we, o we wĩ weka, nĩwĩsĩ ngoo sya mbaa andũ):</verse>
				<verse number="31">nĩ kana maũkĩe, maendae nzĩanĩ syaku, ĩvinda yonthe yĩla makekala nthĩ ĩla wamanengie aaĩthe maitũ.</verse>
				<verse number="32">O na ĩngĩ ũvoo wa mũndũ wa nthĩ ĩngĩ, ũla ũte wa andũ maku Isilaeli, yĩla ũkoka kuma nthĩ yĩ kũasa kwondũ wa syĩtwa yaku ĩnene, na kw’oko kwakũ kwĩ vinya, na kw’oko kwaku kũtambũũku; yĩla makoka na kũvoya melekele nyũmba ĩno:</verse>
				<verse number="33">wĩĩthukĩĩsya ĩndĩ wĩ ĩtunĩ, o wĩ ũtũonĩ waku, noiĩka kwĩanana na w’onthe ũla mũndũ ũsu wa nthĩ ĩngĩ ũkakwĩtya; nĩ kana ngo syonthe sya andũ sya nthĩ ĩtonye kũmanya syĩtwa yaku, na ũkũkĩa, o tondũ andũ maku Isilaeli mekaa, na nĩ kana matonye kũmanya atĩ nyũmba ĩno ĩla nakĩte nĩyĩtanĩaw’a na syĩtwa yaku.</verse>
				<verse number="34">Ethĩwa andũ maku makaumaala maende kũkita na amaitha moo, na nzĩa o na yĩva ĩla wĩmatũma maenda nayo, na makakũvoya melekele ndũa ĩno ĩla ũnyuvĩte, na nyũmba ĩla nakĩte kwondũ wa syĩtwa yaku;</verse>
				<verse number="35">nĩvo ĩndĩ wĩĩthukĩĩsya wĩ ĩtunĩ kũvoya kwoo na kwĩsũvana kwoo, noimaseũvĩasya ũvoo woo.</verse>
				<verse number="36">Ethĩwa makakũvĩtanĩsya (nũndũ vati mũndũ ũtavĩtasya), na ũkamathatĩa, na kũmanengane kwa mũmaitha, nao makamatwaa me atave nthĩ yĩ kũasa kana vakuvĩ;</verse>
				<verse number="37">ethĩwa ĩndĩ me nthĩ ĩsu vala matwaiwe me atave makalilikana, na kwĩthyũũa, na ũkwĩsũva me nthĩ ĩla matavĩĩwe makyasya Nĩtũvĩtĩtye, nĩtwĩkĩte na ngũlũ, na nĩtwĩkĩte ũthũku;</verse>
				<verse number="38">ethĩwa makakũsyokea na ngoo syoo syonthe na thayũ woo w’onthe me nthĩ ĩsu matavĩĩwe, vala mamatwaie me atave, na makavoya melekele nthĩ yoo, ĩla wanengie aaĩthe moo, na ndũa ĩla wanyuvie, na melekele nyũmba ila nakĩte kwondũ wa syĩtwa yaku;</verse>
				<verse number="39">nĩvo ĩndĩ wĩĩthukĩĩsya wĩ ĩtunĩ, o wĩ ũtũonĩ waku, kũvoya kwoo na kwĩsũvana kwoo, noimaseũvĩasya ũvoo woo, noimaekea andũ maku ala makũvĩtanĩsye.</verse>
				<verse number="40">Yu, ame Ngai wakwa nĩngũkwĩsũva, metho maku methĩwe masalukĩtye, na matũ maku meteete methukĩĩsye kũvoya kũla kũũvoyewa vandũ vaa.</verse>
				<verse number="41">Yu kwondũ wa ũu ũkĩla, ame Yeova Ngai, ũlike vandũ vaku va ũthũmũa, we, na ĩsandũkũ ya vinya waku: ame Yeova Ngai, athembi maku nĩmavw’ĩkwe nĩ ũtangĩĩo, na atheu maku nĩmatane ũseonĩ.</verse>
				<verse number="42">Ame Yeova Ngai, ndũkathyũũe ũthyũ wa mwĩtĩkĩw’a mauta waku: lilikana ũseo waku wĩ wendo kwa Ndaviti mũthũkũmi waku.</verse>
			</chapter>
			<chapter number="7">
				<verse number="1">Na ĩndĩ Solomoni amina kũvoya, mwaki watheea kuma ĩtunĩ na wavĩvya nthembo ya kũvĩvw’a na nthembo sya kũtonywa; na ũtheu mũtisu wa Yeova wausũa nyũmba.</verse>
				<verse number="2">Na athembi matyaatonya kũlika nyũmbanĩ ya Yeova, nĩkwĩthĩwa ũtheu mũtisu wa Yeova wausũa nyũmba ya Yeova.</verse>
				<verse number="3">Na ana onthe ma Isilaeli meeloela, yĩla mwaki watheeie, na ũtheu mũtisu wa Yeova waĩ ĩũlũ wa nyũmba; na meekunamya mothyũ moo melekele nthĩ vandũ vaseũvye na mavĩa, na mathaitha, na mamũtũngĩa Yeova mũvea, makyasya, Nũndũ nĩ mũseo; nũndũ ũseo wake wĩ wendo nĩwĩkalaa tene na tene.</verse>
				<verse number="4">Nĩvo ĩndĩ mũsumbĩ na andũ onthe mathembie nthembo vu mbee wa Yeova.</verse>
				<verse number="5">Na mũsumbĩ Solomoni athemba nthembo ya ng’ombe ngili mĩongo ĩlĩ na ilĩ, na malondu ngili ĩana na mĩongo ĩlĩ. Ũu nĩw’o mũsumbĩ na andũ onthe mamĩvathie nyũmba ya Ngai yĩthĩwe ntheu.</verse>
				<verse number="6">Na athembi maũngama, kwĩanana na mawĩa moo; Alivai nao me na syĩndũ sya kũinga sya Yeova, ila mũsumbĩ Ndaviti waseũvĩtye sya kũmũtũngĩa Yeova mũvea nasyo (nũndũ ũseo wake wĩ wendo nĩwĩkalaa tene na tene), yĩla Ndaviti wataĩie na ũthũkũmi wasyo: na athembĩ mavuvĩa masoo mbee woo; na Isilaeli onthe maũngama.</verse>
				<verse number="7">Na ĩngĩ Solomoni avathan’ya vethĩwe vatheu vu nza katĩ ĩla yaĩ ngalĩ ya mbee ya nyũmba ya Yeova; nũndũ nĩwathembee vo nthembo sya kũvĩvw’a, na mathunya ma nthembo sya mũuo, nũndũ kĩthembeo kya ũthuku kĩla Solomoni waseũvisye kĩtyaĩ kĩtonya kwĩanĩa nthembo ya kũvĩvw’a, na nthembo ya mũtu, na mathunya.</verse>
				<verse number="8">Na ĩndĩ Solomoni avoka mboka ĩvinda yĩu mĩthenya mũonza, na Isilaeli onthe vamwe nake, ũmbano mũnene mũno kuma ũlikĩlonĩ wa Amathi kũvika ũsĩ wa Misili.</verse>
				<verse number="9">Na mũthenya wa nyanya maĩ na ũmbano ũkilĩtye: nũndũ nĩmalilikanile kũvathw’a kwa kĩthembeo kĩthĩwe kĩtheu mĩthenya mũonza, na mboka mĩthenya mũonza.</verse>
				<verse number="10">Na mũthenya wa mĩongo ĩlĩ na ĩtatũ wa mwei wa mũonza oombũũkya andũ maende maeemanĩ moo, me na mũyo na me atanu ngoonĩ nũndũ wa ũseo ũla Yeova wamwonetye Ndaviti, na Solomoni, na Isilaeli andũ make.</verse>
				<verse number="11">Ũu nĩw’o Solomoni waminie nyũmba ya Yeova, na nyũmba ya mũsumbĩ: na w’onthe ũla walikile ngoonĩ ya Solomonĩ aseũvye nyũmbanĩ ya Yeova, na nyũmbanĩ yake mwene, nĩwekie na ũathimĩku.</verse>
				<verse number="12">Na Yeova amumĩlĩla Solomoni ũtukũ, na amwĩa, Nĩnĩw’ĩte kũvoya kwaku, na nĩnĩnyũvie vandũ vaa vethĩwe nyũmba yakwa ya kũthembeaa.</verse>
				<verse number="13">Ethĩwa ngavinga matu matikausye mbua, kana ethĩwa ngeeaĩa ngie syanange nthĩ, kana ethĩwa ngaete mũimũ andũnĩ makwa;</verse>
				<verse number="14">ethĩwa andũ makwa ala metanĩaw’a na syĩtwa yakwa, makeenyivya, na kũvoya, na kũmantha ũthyũ wakwa, na kwĩthyũũa matie mĩendele yoo mĩthũku; nĩvo ĩndĩ nĩĩw’a nĩ ĩtunĩ, na ngamaekea naĩ yoo, na kũvosya nthĩ yoo.</verse>
				<verse number="15">Na ĩndĩ metho makwa makeethĩwa masalukĩtye, na matũ makwa meteete, mew’e kũvoya kũla kũkavoyewa vandũ vaa.</verse>
				<verse number="16">Nũndũ yu nĩnĩnyuvĩte na nĩnĩmĩvathĩte nyũmba ĩno yĩthĩwe ntheu, nĩ kana syĩtwa yakwa yĩthĩwe vo tene na tene; na metho makwa na ngoo yakwa ĩkeethĩwa vo ĩndĩ yonthe.</verse>
				<verse number="17">Na ngalĩ ĩ yaku, ethĩwa ũkakinyaa mbee wakwa o tondũ Ndaviti ĩthe waku wakinyaa, na kwĩkaa w’onthe ũla nĩkwĩaĩĩte, na ũkĩka myamũlo yakwa na motw’ĩo makwa;</verse>
				<verse number="18">nĩvo ĩndĩ nĩlũlũmĩlya kĩvĩla kya ũsumbĩ waku, o kwĩanana na ũtianĩo ũla natianĩe na Ndaviti ĩthe waku, ngyasya, Ndũkaĩwa nĩ mũndũ wa kũsumbĩka Isilaeli.</verse>
				<verse number="19">Ĩndĩ ethĩwa mũkeethyũũa, na kũtia myamũlo yakwa na mĩao yakwa ĩla niĩte mbee wenyu, na mũkathi na kũthũkũma ngai ingĩ, na kwithaitha;</verse>
				<verse number="20">nĩvo ĩndĩ nĩmakũa na mĩi kũmaumya nthĩ yakwa ĩla nĩmanengete; na nyũmba ĩno, ĩla nĩtw’ĩte yĩthĩwe ntheu kwondũ wa syĩtwa yakwa, ngamĩkya vala ndatonya kũmyona na ngamĩtw’ĩkĩthya nthimo, na ya kũvũthĩĩwa ngonĩ syonthe sya andũ.</verse>
				<verse number="21">Na nyũmba ĩno, ĩla ndũlu ũu, kĩla mũndũ ũla wĩvavĩtĩlaa akaseng’aa, na kwasya, Nĩkĩ Yeova wĩkĩte nthĩ ĩno, na nyũmba ĩno ũu?</verse>
				<verse number="22">Na makasũngĩa, Nĩkwĩthĩwa nĩmamũtiie Yeova, Ngai wa aaĩthe moo, ũla wamaumisye nthĩ ya Misili, na makwatana na ngai ingĩ, na kwithaitha, na kwithũkũma: kwondũ wa ũu nũmaetee ũthũku ũũ w’onthe.</verse>
			</chapter>
			<chapter number="8">
				<verse number="1">Na kweethĩwa ĩtina wa myaka mĩongo ĩlĩ yathela, ĩla Solomoni wakaa nyũmba ya Yeova, na nyũmba yake mwene,</verse>
				<verse number="2">atĩ ndũa ila Ulamu wanengie Solomoni, Solomoni aitũngĩĩa, na ekalya ana ma Isilaeli kw’o.</verse>
				<verse number="3">Na Solomoni athi Amathi‐sova, na amĩkĩlya vinya.</verse>
				<verse number="4">Na aaka ndũa ya Tatimoli weũnĩ, na ndũa syonthe sya kwia mĩio, ila wakie Amathi.</verse>
				<verse number="5">O na aaka Mbethi‐oloni ĩla yĩ ĩũlũ, na Mbethi‐oloni ĩla yĩ ĩtheo, ndũa mbiie, syĩ na maũvai, na mbingĩlo, na ivingi;</verse>
				<verse number="6">na Mbaalathi, na ndũa syonthe sya kwia mĩio ila Solomoni waĩ nasyo, na ndũa syonthe kwondũ wa makasya make ma kaũ, na ndũa sya andũ make ala matũlaa mbalasi, na syonthe ila Solomoni wendie kwaka kwondũ wa kwĩtanĩthasya kwake Yelusaleme, na Levanoni, na nthĩ yonthe ya ũsumbĩko wake.</verse>
				<verse number="7">Na ũndũ wa andũ onthe ala matialile ma Aititi, na Aamoli, na Avelisi, na Aivi, na Ayevusi, ala mataĩ ma Isilaeli;</verse>
				<verse number="8">ma syana syoo ila syatialile ĩtina woo nthĩ ĩsu, ila ana ma Isilaeli mataaimina, imwe sya isu Solomoni amakwatĩthisye wĩa wa ũkombo kũvika ũmũnthĩ.</verse>
				<verse number="9">Ĩndĩ ma ana ma Isilaeli Solomoni ndaamatw’ĩkĩthya athũkũmi kwondũ wa wĩa wake; ĩndĩ asu maĩ andũ ma kaũ, na anene ma makavuteni make, na anene ma makasya make ma kaũ na ma andũ make ala matũlaa mbalasi.</verse>
				<verse number="10">Na asu maĩ anene mbee ma kwa mũsumbĩ Solomoni, o maana elĩ na mĩongo ĩtano, ala masumbĩkaa andũ.</verse>
				<verse number="11">Na Solomoni ambatya mwĩĩtu wa Valao kũmumya ndũanĩ ya Ndaviti kũmũete nyũmbanĩ ĩla wamwakĩe; nũndũ aisye, Kĩveti kyakwa kĩtikekala nyũmbanĩ ya Ndaviti mũsumbĩ wa Isilaeli, nĩkwĩthĩwa kũndũ kũu nĩ kũtheu, kũla ĩsandũkũ ya Yeova yũkĩte.</verse>
				<verse number="12">Nĩvo ĩndĩ Solomoni wamũthembee Yeova nthembo sya kũvĩvw’a kĩthembeonĩ kya Yeova, kĩla wakĩte ngalĩ ya mbee ya valasya,</verse>
				<verse number="13">o tondũ kwaĩlĩte kwĩkawa kĩla mũthenya, akĩthemba kwĩanana na mwĩao wa Mose, masavatonĩ, na mĩtisonĩ ya myei, na ĩvindanĩ ya mboka itw’ĩtwe, kũndũ kũtatũ kĩla mwaka, o mbokanĩ ya kĩmũtũ kĩte ĩlawa, na mbokanĩ ya syumwa, na mbokanĩ ya malwanda.</verse>
				<verse number="14">Na aia, kwĩanana na ũtw’ĩo wa ĩthe wake Ndaviti, nguthu sya athembi ũthũkũminĩ woo, na Alivai mawĩanĩ moo, mataĩae, na kũthũkũmaa vu mbee wa athembi, o tondũ kwaĩlĩte kwĩkawa kĩla mũthenya; asũvĩi ma mĩomonĩ nao kwĩanana na nguthu syoo kĩla mbingĩlonĩ; nũndũ ũu nĩw’o Ndaviti mũndũ wa Ngai weaie.</verse>
				<verse number="15">Na matyaatia ũndũ mũsumbĩ weaĩe athembi na Alivai ũndũnĩ o na wĩva, kana ũvoonĩ wa mothwii maie.</verse>
				<verse number="16">Na ĩndĩ wĩa w’onthe wa Solomoni waseũviw’e kuma mũthenya wa wambĩlĩlyo wa nyũmba ya Yeova, o na kũvika yathela. Na ĩndĩ nyũmba ya Yeova yathela.</verse>
				<verse number="17">Nĩvo ĩndĩ Solomoni waendie Esioni‐ngeveli, na Elothi, ũtee wa ũkanga nthĩ ya Etomu.</verse>
				<verse number="18">Na Ulamu amũtwaĩa na moko ma athũkũmi make ngalawa, na athũkũmi ala maĩ na ũmanyi wa ũkanga; na mooka na athũkũmi ma Solomoni ku Ovilu, na malatya kw’o talendi maana ana na mĩongo ĩtano sya thaavu, na maiete kwa mũsumbĩ Solomoni.</verse>
			</chapter>
			<chapter number="9">
				<verse number="1">Na yĩla mũsumbĩ mũndũ mũka wa ku Sieva wewie nguma ya Solomoni, ooka Yelusaleme amũtate Solomoni na mokũlyo me vinya, e na ũkondo mũnene mũno na, ngamĩle ila ikuĩte mĩtĩ ĩla ĩnyungaa nesa, na thaavu mwingĩ mũno, na tũvila twĩ thooa mũnene: na yĩla wavikie kwa Solomoni, aneena nake ũvoo w’onthe ũla waĩ ngoonĩ yake.</verse>
				<verse number="2">Na Solomoni amũsũngĩa mokũlyo make onthe; na vati ũndũ waamwaĩa Solomoni ũla ũtaamũtavya.</verse>
				<verse number="3">Na yĩla mũsumbĩ mũndũ mũka wa ku Sieva wonie ũĩ wa Solomoni, na nyũmba ĩla wakie,</verse>
				<verse number="4">na lĩu ũla waĩsawa mesanĩ yake, na mawĩkalo ma athũkũmi make, na ũũngamĩi wa athũkũmi make, na ngũa syoo, o na anengani make ma mbinyu, na ngũa syoo, na wambatĩlo wake ũla wambataa naw’o nyũmbanĩ ya Yeova; veva wake waaa winya.</verse>
				<verse number="5">Na amwĩa mũsumbĩ, Uvoo ũla neewie nĩ nthĩ yakwa mwene ũndũ wa meko maku, na ũndũ wa ũĩ waku, waĩ wa w’o.</verse>
				<verse number="6">Ĩndĩ ndyaaĩtĩkĩla ndeto syoo, kũvika nĩnooka, na metho makwa nĩmawonete; na, sisya, ndyaatavw’a nyunzu ya ũnene wa ũĩ waku: nũvĩtũkĩte nguma ĩla neewie.</verse>
				<verse number="7">Andũ maku nĩ atanu, na athũkũmi aa maku nĩ atanu, ala maũngamaa ĩvinda yonthe mbee waku, na mew’aa ũĩ waku.</verse>
				<verse number="8">Yeova Ngai waku nataĩwe, ũla wendeew’e nue, akwĩkalye kĩvĩlanĩ kyake kya ũsumbĩ, wĩthĩwe mũsumbĩ kwondũ wa Yeova Ngai waku: nĩkwĩthĩwa Ngai waku nĩwendie Isilaeli, amalũlũmĩlye tene na tene, kwondũ wa ũu akũtw’ĩkĩthya mũsumbĩ woo, wĩkae ũsili wa katĩ na ũlũngalu.</verse>
				<verse number="9">Na amũnenga mũsumbĩ talendi ĩana na mĩongo ĩlĩ sya thaavu, na mĩtĩ mingĩ mũno ĩla ĩnyungaa nesa, na tũvila twĩ thooa mũnene: o na kũtyaĩ mĩtĩ ĩngĩ ĩnyungaa nesa ta ĩsu ĩla mũsumbĩ mũndũ mũka wa ku Sieva wanengie mũsumbi Solomoni.</verse>
				<verse number="10">O na athũkũmi ma Ulamu, na athũkũmi ma Solomoni, ala maetae thaavu kuma Ovilu, maetie mĩtĩ ya mĩsandali na tũvila twĩ thooa mũnene.</verse>
				<verse number="11">Na mũsumbĩ aseũvĩthya na ĩla mĩsandali mbasya kwondũ wa nyũmba ya Yeova, na kwondũ wa nyũmba ya mũsumbĩ, na mbeve na inanda sya aini: na kũtyaĩ kwaaoneka ĩngĩ ta ĩsu nthĩ ya Yuta.</verse>
				<verse number="12">Na mũsumbĩ Solomoni anenga mũsumbĩ mũndũ mũka wa ku Sieva kyonthe kĩla wendie, o kĩla wetisye, kwĩ ĩla wamũetee mũsumbĩ. Na ĩndĩ eetulũla, na asyoka nthĩ yake mwene, we na athũkũmi make.</verse>
				<verse number="13">Na ĩndĩ ũito wa thaavu ũla waeteawe Solomoni mwaka ũmwe waĩ talendi maana thanthatũ na mĩongo thanthatũ na thanthatũ sya vetha,</verse>
				<verse number="14">eka ũla waeteawe nĩ atandĩthya na athoosya: na asumbĩ onthe ma Alavia na makavana ma ĩ nthĩ mamũeteae Solomoni thaavu na vetha.</verse>
				<verse number="15">Na mũsumbĩ Solomoni aseũvĩthya ngao maana elĩ sya thaavu mũtue; sekeli maana thanthatũ sya thaavu mũtue syaĩ sya ngao ĩmwe.</verse>
				<verse number="16">Na aseũvĩthya tũkalo maana atatũ twa thaavu mũtue; sekeli maana atatũ syaĩ sya kakalo kamwe: na mũsumbĩ asia nyũmbanĩ ya mũtitũ wa Levanoni.</verse>
				<verse number="17">O na ĩngĩ mũsumbĩ aseũvĩthya na maeo ma nzou kĩvĩla kĩnene kya ũsumbĩ, na akĩvw’ĩka thaavu mũtheu.</verse>
				<verse number="18">Na kwaĩ matambya thanthatũ ma kwambata kĩvĩlanĩ kyu kya ũsumbĩ, vamwe na kavĩla ka nyaĩĩ ka thaavu, ila syakwatanĩte na kĩvĩla kya ũsumbĩ, na kw’oko ngalĩ ĩno na ngalĩ ĩno vakuvĩ na vandũ va kwĩkalĩla, na mĩnyambũ ĩlĩ ĩũngamĩte ũtee wa moko asu.</verse>
				<verse number="19">Na mĩnyambũ ĩkũmi na ĩlĩ yaũngeme vo ngalĩ ĩno na ngalĩ ĩla ĩngĩ matambyanĩ asu thanthatũ: kũtyaĩ kĩndũ kyaseũvĩtw’e ũu ũsumbĩnĩ o na wĩva.</verse>
				<verse number="20">Na mĩio yonthe, ya mũsumbĩ Solomoni ya kũnyw’a nayo yaĩ ya thaavu, na mĩio yonthe ya nyũmba ya mũtitũ wa Levanoni yaĩ ya thaavũ mũtheu: vetha ndwaatalwa ta kĩndũ mĩthenyanĩ ya Solomoni.</verse>
				<verse number="21">Nũndũ mũsumbĩ aĩ na ngalawa ila syaendaa Talisisi syĩ na athũkũmi ma Ulamu; kĩla myaka ĩtatũ ngalawa sya Talisisi nĩsyookaa ĩmwe, ikĩete thaavu, na vetha, na maeo ma nzou, na sokwe, na tausi.</verse>
				<verse number="22">Na ĩndĩ mũsumbĩ Solomoni amakĩla asumbĩ onthe ma nthĩ na ũĩ na ũthwii.</verse>
				<verse number="23">Na asumbĩ onthe ma nthĩ menda kũvika kwa Solomoni, mew’e ũĩ wake, ũla Ngai wekĩie ngoonĩ yake.</verse>
				<verse number="24">Na maete kĩla mũndũ mũvothi wake, mĩio ya vetha, na mĩio ya thaavu, na ngũa, na mĩio ya kaũ, na mĩtĩ ĩla ĩnyungaa nesa, na mbalasi, na nyũmbũ, syĩanĩe kĩla mwaka.</verse>
				<verse number="25">Na Solomoni aĩ na ĩtũũ ngili inya kwondũ wa mbalasi na makasya ma kaũ, na andũ ala matũlaa mbalasi ngili ĩkũmi na ilĩ, ala wamaiĩte ndũanĩ sya makasya, na vala ve mũsumbĩ Yelusaleme.</verse>
				<verse number="26">Na asumbĩka asumbĩ onthe kuma ũla Ũsĩ, o kũvika nthĩ ya Avilisiti, na kũvika mũvakanĩ wa Misili.</verse>
				<verse number="27">Na mũsumbĩ atw’ĩkĩthya vetha weethĩwa ta mavia ku Yelusaleme, na mĩkũũ yeethĩwa ta mĩkũyũ ĩla yĩ nthĩ ndindimalu kwondũ wa kwingĩva.</verse>
				<verse number="28">Na mamũetee Solomoni mbalasi kuma Misili, na kuma nthĩ syonthe.</verse>
				<verse number="29">Na ĩndĩ meko ala angĩ ma Solomoni, ma mbee na ma mũminũkĩlyo, ti maandĩke maandĩkonĩ ma mwathani Nathani, na wathaninĩ wa Aiya Mũsilo, na mawoninĩ ma mwoni Ito ũndũ wa Yelovoamu mwana wa Nevati?</verse>
				<verse number="30">Na Solomoni asumbĩka Isilaeli onthe ku Yelusaleme myaka mĩongo ĩna.</verse>
				<verse number="31">Na Solomoni akoma na aaĩthe make, na athikwa ndũanĩ ya Ndaviti ĩthe wake: na Leovoamu mwana wake asumbĩka vandũ vake.</verse>
			</chapter>
			<chapter number="10">
				<verse number="1">Na Leovoamu aenda Sekemu; nũndũ Isilaeli onthe maĩ aendu Sekemu makamũtw’ĩkĩthye mũsumbĩ.</verse>
				<verse number="2">Na kweethĩwa, yĩla Yelovoamu mwana wa Nevati wewie ũu (nũndũ aĩ Misili, vala wakĩĩĩe aume vala ve mũsumbĩ Solomoni), Yelovoamu asyoka kuma Misili.</verse>
				<verse number="3">Na matũmana aketwe; na Yelovoamu na Isilaeli onthe mooka, na maneena na Leovoamu, makĩmwĩa,</verse>
				<verse number="4">Ĩthe waku nĩwatw’ĩkĩthĩtye ĩsoki yitũ ĩito: yu kwondũ wa ũu vũthangya ũthũkũmi ũsu mũito wa ĩthe waku, na ĩsoki yake ĩito yĩla watwĩkĩie, na tũkakũthũkũma.</verse>
				<verse number="5">Na amea Mwĩmbũkĩa ĩngĩ ĩtina wa mĩthenya ĩtatũ. Na andũ asu mathi.</verse>
				<verse number="6">Na mũsumbĩ Leovoamu eethĩwa nzama na atumĩa, ala maũngamaa mbee wa ĩthe wake Solomoni yĩla ũnaĩ o thayũ, akĩmakũlya, Mwĩnenga ũtao wĩva nĩmasũngĩa andũ asu?</verse>
				<verse number="7">Na maneena nake, makĩmwĩa, Ethĩwa ũkeethĩwa mũseo kwa andũ asu, na kũmendeesya, na kũmaneen’ya ndeto nzeo, mo makeethĩwa athũkũmi maku tene na tene.</verse>
				<verse number="8">Ĩndĩ atia ũtao wa atumĩa ũla mamũtaie naw’o, na eethĩwa nzama na anake ala ma mũika wake ala maũngamaa mbee wake.</verse>
				<verse number="9">Na amakũlya, Mwĩnenga ũtao wĩva, nĩ kana twĩmasũngĩa andũ asu, ala maneenete nakwa, makĩmbĩa, Tũvũthangĩsye ĩsoki yĩla ĩthe waku watwĩkĩie?</verse>
				<verse number="10">Na anake ala ma mũika wake maneena nake, makĩmwĩa, Ũũ nĩw’o wĩmatavya andũ asu ala maneenie naku, makĩkwĩa, Ĩthe waku nĩwatw’ĩkĩthisye ĩsoki yitũ ĩito, ĩndĩ we tũvũthangĩsye; ũũ nĩw’o wĩmatavya, Kyaa kyakwa kya mwela nĩ kĩnene kwĩ kĩnyunyu kya ĩthe wakwa.</verse>
				<verse number="11">Na yu o ũndũ ĩthe wakwa wamwaĩkĩtye ĩsoki ĩito, nakwa ngongeleela ĩsoki yenyu: ĩthe wakwa amũsilĩlaa na mĩsalisa, ĩndĩ nyĩe ngamũsilĩlaa na ing’auũ.</verse>
				<verse number="12">Na ĩndĩ Yelovoamu, na andũ onthe mooka vala ve Leovoamu mũthenya wa katatũ, o tondũ mũsumbĩ weaĩte akĩmea, Mbũkĩai ĩngĩ mũthenya wa katatũ.</verse>
				<verse number="13">Na mũsumbĩ amasũngĩa na vinya; na mũsumbĩ Leovoamu atia ũtao wa atumĩa,</verse>
				<verse number="14">na aneena nao kwĩanana na ũtao wa anake, akĩmea, Ĩthe wakwa nĩwatw’ĩkĩthĩtye ĩsoki yenyu ĩito, ĩndĩ nyie ngayongeleela: ĩthe wakwa amũsilĩlaa na mĩsalisa, ĩndĩ nyie ngamũsilĩlaa na ing’auũ.</verse>
				<verse number="15">Na ĩndĩ mũsumbĩ ndaaĩthukĩĩsya andũ; nũndũ ũu waĩ ũndũ waetetwe nĩ Ngai, nĩ kana Yeova alũlũmĩlye ndeto yake, ĩla wamũtavisye Yelovoamu mwana wa Nevati na kanyw’a wa Aiya Mũsilo.</verse>
				<verse number="16">Na yĩla Isilaeli onthe moonie kana mũsumbĩ ndaamethukĩĩsya, andũ mamũsũngĩa mũsumbĩ, makĩmwĩa, Twĩ na kĩanda kyaũ nthĩnĩ wa Ndaviti? O na tũti na ũtiĩwa nthĩnĩ wa mwana wa Yese: inyw’ĩ Isilaeli, kĩla mũndũ, endai maeemanĩ menyu: na yu ĩsyaĩĩsye nyũmba yaku mwene, Ndaviti. Na ĩndĩ Isilaeli onthe maenda maeemanĩ moo.</verse>
				<verse number="17">Ĩndĩ ũndũ wa ana ma Isilaeli ala matwĩe ndũanĩ sya Yuta, Leovoamu amasumbĩka.</verse>
				<verse number="18">Na ĩndĩ mũsumbĩ Leovoamu atũma Aatolamu, ũla waĩ mũnene wa andũ ala matethethaw’a wĩa na vinya; na ana ma Isilaeli mamũkimanga na mavia akw’a. Na mũsumbĩ Leovoamu eekalaata ambate vala ve ĩkasya yake, akĩe avike Yelusaleme.</verse>
				<verse number="19">Ũu nĩw’o Isilaeli mang’endeie nyũmba ya Ndaviti kũvika ũmũnthĩ.</verse>
			</chapter>
			<chapter number="11">
				<verse number="1">Na yĩla Leovoamu wavikie Yelusaleme, oomban’ya nyũmba ya Yuta na ya Mbenyamini, andũ anyuve ngili ĩana na mĩongo nyanya, ala maĩ ma kaũ, mokite na Isilaeli, mamũtũngĩe Leovoamu ũsumbĩ.</verse>
				<verse number="2">Ĩndĩ ndeto ya Yeova yamũkĩa Semaia mũndũ wa Ngai, ĩkĩmwĩa,</verse>
				<verse number="3">Neena na Leovoamu mwana wa Solomoni, mũsumbĩ wa Yuta, na Isilaeli onthe me nthĩnĩ wa Yuta na Mbenyamini, ũkĩmea.</verse>
				<verse number="4">Ũũ nĩw’o Yeova ũnũkwasya Mũtikambate, o na mũtikokite na ana‐a‐ĩthe menyu: syokai kĩla mũndũ nyũmbanĩ yake; nũndũ ũndũ ũũ wumĩte kwakwa. Na ĩndĩ meethukĩĩsya ndeto sya Yeova, na masyoka maeka kũkita na Yelovoamu.</verse>
				<verse number="5">Na Leovoamu atũa Yelusaleme, na aaka ndũa syĩ mbiio nthĩ ya Yuta.</verse>
				<verse number="6">Aaka Mbethi‐leemu, na Etamu, na Tekoa.</verse>
				<verse number="7">Na Mbethi‐suli, na Soko, na Atulamu,</verse>
				<verse number="8">na Ngathi, na Malesa, na Nzivu,</verse>
				<verse number="9">na Atolaimu, na Lakisi, na Aseka,</verse>
				<verse number="10">na Nzola, na Aiyaloni, na Eviloni, ila syĩ nthĩ ya Yuta na Mbenyamini, ndũa mbiie.</verse>
				<verse number="11">Na ngome isu syĩ vinya asyakĩĩa ailũlũmĩlye, na aia makavuteni nthĩnĩ wasyo, na mbio mbie sya lĩu, na mauta na mbinyu.</verse>
				<verse number="12">Na kĩla ndũanĩ eekĩa ngao na matumo, na asyĩkĩa vinya mũno. Na Yuta na Mbenyamini meethĩwa make.</verse>
				<verse number="13">Na athembi na Alivai ala maĩ kwa Isilaeli onthe mooka kwake kuma mĩvakanĩ yoo yonthe.</verse>
				<verse number="14">Nũndũ Alivai nĩmatiie syengo syoo na ng’ũndũ syoo, na mooka Yuta na Yelusaleme: nũndũ Yelovoamu na ana make nĩmamavetie, matĩkamũtethesye Yeova wĩa wa ũthembi;</verse>
				<verse number="15">na eeyiĩa athembi ma ũthembea kũla kũndũ kũtũlu, na ma kũthembea nthenge, na tũsaũ tũla waseũvĩtye.</verse>
				<verse number="16">Na ĩtina woo, kuma mbaĩnĩ syonthe sya Isilaeli, ala malũlũmĩlye ngoo syoo mamanthe Yeova, Ngai wa Isilaeli, mooka Yelusaleme mamũthembee Yeova, Ngai wa aaĩthe moo.</verse>
				<verse number="17">Ũũ nĩw’o meekĩie ũsumbĩ wa Yuta vinya, na mamwongeleela Leovoamu mwana wa Solomoni vinya, myaka ĩtatũ; nũndũ nĩmaendeee myaka ĩtatũ mũendelenĩ wa Ndaviti na Solomoni.</verse>
				<verse number="18">Na Leovoamu atwaa kĩveti, Maalathi mwĩĩtu wa Yelimothi mwana wa Ndaviti, na wa Aviaili mwĩĩtu wa Eliavu mwana wa Yese;</verse>
				<verse number="19">nake amũsyaĩa ana: Yeusu, na Semalia, na Nzaamu.</verse>
				<verse number="20">Na ĩtina wake amũtwaa Maaka mwĩĩtu wa Avisalomu; nake amũsyaĩa Aviya, na Atai, na Nzisa, na Selomithi.</verse>
				<verse number="21">Na Leovoamu amwenda Maaka mwĩĩtu wa Avisalomu kũvĩtũka iveti syake na aka make ngombo onthe (nũndũ nĩwatwaie iveti ĩkũmi na nyanya na aka ngombo mĩongo thanthatũ, na asyaa ana mĩongo ĩlĩ na nyanya na eĩtu mĩongo thanthatũ).</verse>
				<verse number="22">Na Leovoamu amũtw’a Aviya mwana wa Maaka ethĩwe mũnene, o mũnene wĩ mbee ũsumbĩnĩ katĩ wa ana‐a‐ĩthe make; nũndũ asũanĩaa kũmũtw’ĩkĩthya mũsumbĩ.</verse>
				<verse number="23">Na eeka na ũĩ, na anyaĩĩkĩsya ana make onthe nthĩ syonthe sya Yuta na Mbenyamini, kĩla ndũanĩ mbiie: na amanenga lĩu mwingĩ mũno. Na amamanthĩa iveti nyingĩ.</verse>
			</chapter>
			<chapter number="12">
				<verse number="1">Na kweethĩwa, yĩla ũsumbĩ wa Leovoamu walũlũmĩlw’e, na eethĩwa na vinya, atia mĩao ya Yeova, na Isilaeli onthe vamwe nake.</verse>
				<verse number="2">Na kweethĩwa mwaka wa katano wa kũsumbĩka kwa Leovoamu, Sisaki mũsumbĩ wa Misili ambata okite na Yelusaleme, nĩkwĩthĩwa nĩmamũvĩtanĩsye Yeova,</verse>
				<verse number="3">e na makasya ma kaũ maana ĩkũmi na elĩ, na andũ ala matũlaa mbalasi ngili miongo thanthatũ. Na andũ ala mookie nake kuma Misili matyaatalĩka: Aluvi, na Asukii, na Aethiovia.</verse>
				<verse number="4">Na akwata ndũa mbiie ila syaĩ sya Yuta na ooka Yelusaleme.</verse>
				<verse number="5">Na ĩndĩ mwathani Semaia amũendea Leovoamu, na anene me mbee ũsumbĩnĩ ma Yuta, ala mombanĩte Yelusaleme nũndũ wa Sisaki, na amea, Uũ nĩw’o Yeova ũnũkwasya, Nĩmũndiĩte, kwondũ wa ũu nakwa nĩnĩmũtiĩte kw’okonĩ kwa Sisaki.</verse>
				<verse number="6">Nĩvo ĩndĩ anene me mbee ũsumbĩnĩ ma Isilaeli na mũsumbĩ meenyivisye; na masya, Yeova nĩ mũlũngalu.</verse>
				<verse number="7">Na yĩla Yeova wonie kana nĩmeenyivya, ndeto ya Yeova yamũkĩa Semaia, ĩkyasya, Nĩmenyivĩtye: ndimananga; ĩndĩ ngamanenga kovonoko kanini, na ũthilĩku wakwa ndwĩonow’a ĩũlũ wa Yelusaleme na kw’oko kwa Sisaki.</verse>
				<verse number="8">Ĩndĩ makeethĩwa athũkũmi make, nĩ kana mamanye ũthũkũmi wakwa, na ũthũkũmi wa mosumbĩ ma i nthĩ.</verse>
				<verse number="9">Na ĩndĩ Sisaki mũsumbĩ wa Misili ambata okite na Yelusaleme, na atwaa mothwii maie ma nyũmba ya Yeova, na mothwii maie ma nyũmba ya mũsumbĩ; atwaa onthe; o na atwaa ngao sya thaavu ila Solomoni waseũvĩthĩtye.</verse>
				<verse number="10">Na mũsumbĩ Leovoamu aseũvĩthya ngao sya ũthuku vandũ va isu, na asia mokonĩ ma makavuteni ma nguthu ya asũvĩi, ala masũvĩaa mũomonĩ wa nyũmba ya mũsumbĩ.</verse>
				<verse number="11">Na kweethĩwa, o yĩla mũsumbĩ walikaa nyũmbanĩ ya Yeova, asũvĩi mooka na makikũa, na makitũnga kasũmbanĩ ka asuvĩi.</verse>
				<verse number="12">Na yĩla wenyivisye, ũthilĩku wa Yeova weethyũũa kuma kwake, nĩ kana ndakanangwe vyũ: o na ũndũ ũngĩ nĩkwoonekie maũndũ maseo Yuta.</verse>
				<verse number="13">Na ĩndĩ mũsumbĩ Leovoamu eeyĩkĩa vinya Yelusaleme, na asumbĩka: nũndũ Leovoamu aĩ wa myaka mĩongo ĩna na ũmwe yĩla wambĩlĩlye kũsumbĩka, na asumbĩka myaka ĩkũmi na mũonza Yelusaleme, ndũa ĩla Yeova wanyuvĩte kuma mbaĩnĩ syonthe sya Isilaeli, ekĩe syĩtwa yake vo: na syĩtwa ya inyia wake eetawa Naama Mũamimoni.</verse>
				<verse number="14">Na eeka ũla waĩ ũthũku, nĩkwĩthĩwa ndaaelekelya ngoo yake amũmanthe Yeova.</verse>
				<verse number="15">Na ĩndĩ meko ma Leovoamu, ma mbee na ma mũminũkĩlyo, ti maandĩke maandĩkonĩ ma mwathani Semaia na ma mwoni Ito, kwĩanana na mosyaanĩo? Na kwaĩ makaũ katĩ wa Leovoamu na Yelovoamu mavinda onthe.</verse>
				<verse number="16">Na Leovoamu akoma na aaĩthe make, na athikwa ndũanĩ ya Ndaviti: na Aviya mwana wake asumbĩka vandũ vake.</verse>
			</chapter>
			<chapter number="13">
				<verse number="1">Mwaka wa ĩkũmi na nyanya wa kũsumbĩka kwa Yelovoamu Aviya ambĩlĩlya kũsumbĩka Yuta.</verse>
				<verse number="2">Asumbĩka myaka ĩtatũ Yelusaleme: na syĩtwa ya inyia wake eetawa Mikaia mwĩĩtu wa Ulieli wa mũsyĩ wa Ngivea. Na kwaĩ kaũ katĩ wa Aviya na Yelovoamu.</verse>
				<verse number="3">Na Aviya akwatya kaũ na ita sya andũ ngũmbaũ sya kaũ, o andũ anyuve ngili maana ana: na Yelovoamu ataũsya ita okite nake e na andũ anyuve ngili maana nyanya, ala maĩ ngũmbaũ nene.</verse>
				<verse number="4">Na Aviya aũngama kĩĩmanĩ kya Nzemalaimu, kĩla kĩ nthĩ yĩ iĩma ya Evalaimu, na asya, Mbĩthukĩĩsya, we Yelovoamu na Isilaeli onthe:</verse>
				<verse number="5">mũtyaĩle kũmanya kana Yeova, Ngai wa Isilaeli, anengie Ndaviti asumbĩke Isilaeli tene na tene, o we, na ana make aitianĩa ũtianĩo wa mũnyũ?</verse>
				<verse number="6">Ĩndĩ Yelovoamu mwana wa Nevati, mũthũkũmi wa Solomoni mwana wa Ndaviti, ookĩla, na amũng’endea mwĩaĩi wake</verse>
				<verse number="7">Na kwoombanĩa kwake andũ mate kĩĩĩ, andũ athe, ala meeyĩkĩie ene vinya mokite na Leovoamu mwana wa Solomoni, yĩla Leovoamu waĩ wa mũika na waĩ na ngoo mbololo, na ndaatonya kũmasiĩĩa.</verse>
				<verse number="8">Na yu nĩmũũsũanĩa kũsiĩĩa ũsumbĩ wa Yeova kw’okonĩ kwa ana ma Ndaviti; na mwĩ ĩkomano ĩnene, na mwĩ na tũsaũ twa thaavu tũla Yelovoamu wamũseũvĩsye twĩthĩwe ngai syenyu.</verse>
				<verse number="9">Mũtyaalũngya athembi ma Yeova, ana ma Aluni, na Alivai, na mweetw’ĩkĩthĩsya athembi o tondũ ngo sya andũ sya nthĩ ingĩ syĩkaa? Nĩ kana o ũla wĩũka na kasalũ na ndũũme mũonza evathan’ye ethĩwe mũtheu, ũsu nũtonya kwĩthĩwa mũthembi wa ila ite ngai.</verse>
				<verse number="10">Ĩndĩ ngalĩ ĩ yaitũ, Yeova nĩ Ngai waitũ, na ithyĩ tũtyaamũtia; na twĩ na athembi ala mathũkũmaa Yeova, ana ma Aluni, na Alivai wĩanĩ woo:</verse>
				<verse number="11">na mamũvĩvĩasya Yeova kĩla kĩoko na kĩla wĩoo nthembo sya kũvĩvw’a na ũvani ũla ũnyungaa nesa: o na imũtũ ila siĩawa Yeova maia nesa ĩũlũ wa mesa ntheu; na kĩndũ kya thaavu kĩla kĩkĩawa mataa vamwe na mataa makyo, makanae kĩla wĩoo: nũndũ nĩtũsũvĩaa wĩaĩo wa Yeova Ngai waitũ; ĩndĩ inyw’ĩ nĩmũmũtiĩte.</verse>
				<verse number="12">Na, sisya, Ngai e vamwe naitũ atũtongoesye, na athembi make me na masoo me wasya wa kũtĩsya ma kũmũĩĩsya ngemi. Ame ana ma Isilaeli, mũtikokite na Yeova, Ngai wa aaĩthe menyu; nũndũ mũtikaathimĩka.</verse>
				<verse number="13">Ĩndĩ Yelovoamu atuma ala mamoveesye mamalinga ngalĩ ya mũongonĩ: kwondũ wa ũu maĩ mbee wa Yuta, na ala mamoveesye maĩ ĩtina woo.</verse>
				<verse number="14">Na yĩla Yuta masiisye na ĩtina, sisya, kaũ waĩ mbee woo na ĩtina woo; na mamwĩkaĩla Yeova na athembi mavuva masoo.</verse>
				<verse number="15">Nĩvo ĩndĩ andũ ma Yuta mookĩlilye mawasya manene: na kweethĩwa, yĩla andũ ma Yuta mookĩlilye mawasya manene, Ngai amũkũnĩa Yelovoamu na Isilaeli onthe mbee wa Aviya na Yuta.</verse>
				<verse number="16">Na ana ma Isilaeli makũka mbee wa Yuta, na Ngai amanengane mokonĩ moo.</verse>
				<verse number="17">Na Aviya na andũ make mamoaa na ũai mũnene: ũndũ mavalũkile me oae ma Isilaeli andũ anyuve ngili maana atano.</verse>
				<verse number="18">Ũu nĩw’o ana ma Isilaeli makĩlilw’e vinya ĩvinda yĩu, na ana ma Yuta makĩlya vinya, nũndũ mamwĩkwatĩtye Yeova, Ngai wa aaĩthe moo.</verse>
				<verse number="19">Na Aviya amũatĩĩa Yelovoamu, na amũvena ndũa, Mbethi‐eli na tũtũla twayo, na Yesana na tũtũla twayo na Eveloni na tũtũla twayo.</verse>
				<verse number="20">O na Yelovoamu ndaasyoka kwĩthĩwa na vinya ĩngĩ mĩthenyanĩ ya Aviya: na Yeova amũkũna, na akw’a.</verse>
				<verse number="21">Ĩndĩ Aviya aendeea na kũya vinya, na atwaa aka ĩkũmi na ana, na asyaa ana mĩongo ĩlĩ na elĩ, na eĩtu ĩkũmi na thanthatũ.</verse>
				<verse number="22">Na meko ala angĩ ma Aviya, na mĩendele yake, na ndeto syake, nĩandĩkĩtwe ũvoonĩ wa mwathani Ito.</verse>
			</chapter>
			<chapter number="14">
				<verse number="1">Na ĩndĩ Aviya akoma na aaĩthe make, na mamũthika ndũanĩ ya Ndaviti; na Asa mwana wake asumbĩka vandũ vake. Mĩthenyanĩ yake nthĩ yaĩ na mũuo myaka ĩkũmi.</verse>
				<verse number="2">Na Asa eekaa ũla Yeova Ngai wake wonaa wĩ ũseo na ũlũngalu:</verse>
				<verse number="3">nũndũ nĩwavetie ithembeo ngeni, na kũla kũndũ kũtũlu, na atũlanga ituĩ, na atemanga Aselimu ĩvalũke,</verse>
				<verse number="4">na eeaĩa Yuta mamanthe Yeova, Ngai wa aaĩthe moo, na kwĩkaa mĩao na myamũlo.</verse>
				<verse number="5">Na aveta ndũanĩ syonthe sya Yuta kũla kũndũ kũtũlu na mĩvw’anano ya syũa: na ũsumbĩ waĩ na mũuo mbee wake.</verse>
				<verse number="6">Na aakĩĩa ndũa mbiie Yuta; nũndũ nthĩ yaĩ na mũuo, na ndaĩ na kaũ myaka ĩsu, nĩkwĩthĩwa Yeova nĩwamũthũmũĩtye.</verse>
				<verse number="7">Nũndũ eeĩe Yuta, Twakei ndũa ii, na kwithyũlũlũkya maũvai, na myako mĩtũlu ya mĩnyoolo, na mbingĩlo, na ivingi; kũvika yu nthĩ yĩ mbee waitũ, nĩkwĩthĩwa nĩtũmũmanthĩte Yeova Ngai waitũ; nĩtũmũmanthĩte, na nũtũnengete kũthũmũa kĩla ngalĩko. Kwondũ wa ũu maaka na maathimĩka.</verse>
				<verse number="8">Na Asa aĩ na ita ila syakuaa ngao na matumo, ma Yuta ngili maana atatũ; na ma Mbenyamini, ala makuaa ngao na kũkootaa mata, ngili maana elĩ na mĩongo nyanya: asu onthe maĩ ngũmbaũ nene.</verse>
				<verse number="9">Na Nzela Mũethiovia amaumĩlĩla e na ita sya ngili kũndũ ngili, na makasya ma kaũ maana atatũ; na avika Malesa.</verse>
				<verse number="10">Nĩvo ĩndĩ Asa waumaalile akomane nake, na mataũsya ita kyandanĩ kya Nzevatha ku Malesa.</verse>
				<verse number="11">Na Asa amwĩkaĩla Yeova, Ngai wake, na amwĩa, Yeova, vati ũngĩ ate o we wa kũtethya, katĩ wa ũla wĩ vinya na ũla ũte vinya: tũtethye, ame Yeova Ngai waitũ; nũndũ nĩtũũkwĩkwatya, na syĩtwanĩ yaku nĩtũũkita na nguthu ĩno Ame Yeova nue Ngai waitũ; ndũkaeke mũndũ akũkĩlye vinya.</verse>
				<verse number="12">Kwondũ wa ũu Yeova akũnĩa Aethiovia mbee wa Asa, na mbee wa Yuta; na Aethiovia makũka.</verse>
				<verse number="13">Na Asa na andũ ala maĩ nake mamakũa kũvika Ngelali: na kwavalũkile Aethiovia aingĩ ũndũ mataatonya kwĩtethya; nũndũ nĩmaanangiwe nĩ Yeova, na nguthu yake; na matwaa mũtavo mwingĩ mũno.</verse>
				<verse number="14">Na makũna ndũa syonthe ila syathyũlũlũkĩte Ngelali; nũndũ w’ĩa waumĩte kwa Yeova nĩwamokĩe: na maananga ndũa syonthe; nũndũ kwaĩ mũtavo mwingĩ nthĩnĩ wasyo.</verse>
				<verse number="15">O na maananga maeema ma indo, na matava malondu maingĩ mũno, na ngamĩle, na masyoka Yelusaleme.</verse>
			</chapter>
			<chapter number="15">
				<verse number="1">Na Veva wa Ngai ooka ĩũlũ wa Asalia mwana wa Oteti:</verse>
				<verse number="2">na aumaala akomane na Asa, na amwĩa, Mbĩthukĩĩsya, Asa, na Yuta na Mbenyamini onthe: Yeova e nenyu, yĩla mwĩ nake; na ethĩwa nĩmũũmũmantha, akooneka kwenyu; ĩndĩ ethĩwa nĩmũũmũtia, akamũtia.</verse>
				<verse number="3">Na ĩndĩ ĩvinda ĩasa Isilaeli matyaĩ na Ngai wa w’o, na matyaĩ na mũthembi wa kũmanyĩsya, na matyaĩ na mĩao:</verse>
				<verse number="4">ĩndĩ yĩla mamwĩthyũũĩa Yeova, Ngai wa Isilaeli me thĩnanĩ na mamũmantha, nĩwonekie kwoo.</verse>
				<verse number="5">Na mavinda asu kũtyaĩ mũuo kwa ũla waumaalaa kana kwa ũla wasyokaa; ĩndĩ mathĩna manene maĩ andũnĩ onthe ala matwĩe i nthĩ.</verse>
				<verse number="6">Na nĩmavevenziwe mbaĩ nĩ mbaĩ, na ndũa nĩ ndũa; nũndũ Ngai nĩwamathĩnisye na thĩna w’onthe.</verse>
				<verse number="7">Ĩndĩ ĩthĩwai na vinya, na moko menyu matikaleele; nũndũ wĩa wenyu ũkatuvwa.</verse>
				<verse number="8">Na yĩla Asa wewie ndeto isu, na wathani wa mwathani Oteti, eethĩwa na ũkũmbaũ, na aveta mothatyo onthe nthĩ yonthe ya Yuta na Mbenya mini, na ndũanĩ ila wakwatie nthĩ yĩ iĩma ya Evalaimu; na atũngĩĩa kĩthembeo kya Yeova, kĩla kyaĩ ngali ya mbee ya valasya wa Yeova.</verse>
				<verse number="9">Na oomban’ya Yuta na Mbenyamini onthe, na ala mekalaa ũeni kwoo kuma kwa Evalaimu na Manase, na kuma kwa Simeoni: nũndũ nĩmasyokie ngalĩ ĩla yake me aingĩ mũno kuma kwa Isilaeli, yĩla moonie kana Yeova Ngai wake e vamwe nake.</verse>
				<verse number="10">Na ĩndĩ moombana Yelusaleme mwei wa katatũ, mwaka wa ĩkũmi na ĩtano wa kũsumbĩka kwa Asa.</verse>
				<verse number="11">Na mamũthembea Yeova mũthenya ũsu ng’ombe maana mũonza na malondu ngili mũonza, sya mũtavo ũla maetie.</verse>
				<verse number="12">Na matianĩa ũtianĩo mamũmanthe Yeova, Ngai wa aaĩthe moo, na ngoo syoo syonthe na thayũ woo w’onthe;</verse>
				<verse number="13">na o ũla ũtakamũmantha Yeova, Ngai wa Isilaeli, akooawa, ethĩwa nĩ mũnini kana mũnene, ethĩwa nĩ mũndũ mũũme kana mũndũ mũka.</verse>
				<verse number="14">Na mamwĩavĩa Yeova na wasya mũnene, na wasya mũtũlu, na masoo, na masoo makelemu.</verse>
				<verse number="15">Na Yuta onthe matanĩa kĩla kĩavo; nũndũ nĩmeeavie na ngoo syoo syonthe, na mamũmantha na kwenda kwoo kw’onthe; nake ooneka kwoo: na Yeova amanenga kũthũmũa ngalĩ syonthe.</verse>
				<verse number="16">O na Maaka, inyia wa mũsumbĩ Asa, amumya ndakethĩwe ũnenenĩ wa kĩũsumbĩ, nũndũ nĩwaseũvĩthĩtye mũvw’anano wa kũthatya wĩthĩwe wa Asela; na Asa atemanga mũvw’anano wake, na ootw’ĩkĩthya kĩtoo, na oovĩvĩsya kalũsĩnĩ ketawa Kitiloni.</verse>
				<verse number="17">Ĩndĩ kũla kũndũ kũtũlu kũtyaavetwa katĩ wa Isilaeli: ĩndĩ o na ũu ngoo ya Asa yaĩ mbĩanĩu mĩthenya yake yonthe.</verse>
				<verse number="18">Na aete nyũmbanĩ ya Ngai syĩndũ ila ĩthe wake waivathĩte syĩthĩwe ntheu, na ila we mwene wavathĩte syĩthĩwe ntheu, vetha, na thaavu, na mĩio.</verse>
				<verse number="19">Na kũtyaĩ kaũ ĩngĩ kũvika mwaka wa mĩongo ĩtatũ na ĩtano wa kũsumbĩka kwa Asa.</verse>
			</chapter>
			<chapter number="16">
				<verse number="1">Mwaka wa mĩongo ĩtatũ na thanthatũ wa kũsumbĩka kwa Asa, Mbaasa mũsumbĩ wa Isilaeli ambata okite na Yuta, na aaka Lama, nĩ kana ndakaeke mũndũ o na wĩva kumaala kana kũsyoka vala ve Asa mũsumbĩ wa Yuta.</verse>
				<verse number="2">Nĩvo ĩndĩ Asa waumaalilye vetha na thaavu kuma mothwiinĩ maie ma nyũmba ya Yeova na ma nyũmba ya mũsumbĩ, na atũmana kwa Mbeni‐aatati mũsumbĩ wa Silia, ũla watwĩe Ndamasiku, akĩmwĩa,</verse>
				<verse number="3">Kwĩ wĩw’ano katĩ wakwa naku, o tondũ kwaĩ katĩ wa ĩthe wakwa na ĩthe waku: sisya, nĩnakũetee vetha na thaavu; enda, wanange wĩw’ano waku na Mbaasa mũsumbĩ wa Isilaeli, nĩ kana aume vala nĩĩ.</verse>
				<verse number="4">Na Mbeniaatati amwĩthukĩĩsya mũsumbĩ Asa, na atũma makavuteni ma ita syake mokite na ndũa sya Isilaeli; na makũna ndũa sya Iyoni, na Ndani, na Avelimaimu, na ndũa syonthe sya kwia mĩio sya Navitali.</verse>
				<verse number="5">Na kweethĩwa, yĩla Mbaasa wewie ũu, aeka kwaka Lama, na aũngamya wĩa wake.</verse>
				<verse number="6">Na ĩndĩ mũsumbĩ Asa oosa Yuta onthe; na makua mavia ma Lama, na mĩtĩ yayo, ĩla Mbaasa wakaa nayo; na aaka nayo Ngeva na Misiva.</verse>
				<verse number="7">Na ĩvinda yĩu mwoni Aanani amũkĩa Asa mũsumbĩ wa Yuta, na amwĩa, Nĩkwĩthĩwa nĩwĩkwatĩtye mũsumbĩ wa Silia, na ndwaamwĩkwatya Yeova Ngai waku, kwondũ wa ũu nguthu ya mũsumbĩ wa Silia nĩvonokete kuma kw’okonĩ kwaku.</verse>
				<verse number="8">Aethiovia na Aluvi matyaĩ nguthu nene mũno, me na makasya ma kaũ na andũ ala matũlaa mbalasi aingĩ mũno? Ĩndĩ, nĩkwĩthĩwa nĩwamwĩkwatisye Yeova, nake amanengane kw’okonĩ kwaku.</verse>
				<verse number="9">Nũndũ metho ma Yeova maendaa kũũ na kũũ nthĩ yonthe, eyonan’ye e vinya kwondũ wa ala ngoo syoo imwelekele syĩ mbĩanĩu. Ũndũnĩ ũũ ũneekie na ũtumanu; nũndũ kuma yu ũkeethĩwa na makaũ.</verse>
				<verse number="10">Nĩvo ĩndĩ Asa wamũthatie ũla mwoni, na amwĩkĩa nyũmbanĩ ya kolokolo; nũndũ amũthatĩe na ũthatu mwai nũndũ wa ũndũ ũsu. Na Asa athĩn’ya andũ amwe o ĩvinda yĩu.</verse>
				<verse number="11">Na, sisya, meko ma Asa, ma mbee na ma mũminũkĩlyo, sisya, nĩmaandĩkĩtwe ĩvukunĩ ya asumbĩ ma Yuta na Isilaeli.</verse>
				<verse number="12">Na mwaka wa mĩongo ĩtatũ na kenda wa kũsumbĩka kwa Asa awaa maũũ; ũwau wake waĩ mũnene mũno: ĩndĩ ũwaunĩ wake ndaamantha Yeova, ĩndĩ amantha aiiti.</verse>
				<verse number="13">Na Asa akoma na aaĩthe make, na akw’a mwaka wa mĩongo ĩna na ũmwe wa kũsumbĩka kwake.</verse>
				<verse number="14">Na mamũthika ngunganĩ yake mwene vala vathikawa akw’ũ, ĩla weyasĩe ndũanĩ ya Ndaviti, na mamwia ũkomonĩ ũla wausũĩtwe nĩ mĩuke mĩseo na mĩthemba mingĩ ya mĩtĩ ĩla ĩnyungaa nesa ĩseũvĩtw’e nĩ ũĩ wa ala mavulanasya mĩtĩ ĩsu: na mamũtoeesya ũtoeesyo mũnene.</verse>
			</chapter>
			<chapter number="17">
				<verse number="1">Na Yeosavati mwana wake asumbĩka vandũ vake, na eeyĩkĩa vinya asiĩĩe Isilaeli.</verse>
				<verse number="2">Na aia nguthu sya asikalĩ ndũanĩ syonthe mbiie sya Yuta, na aia ngome sya asikalĩ nthĩ ya Yuta, na ndũanĩ sya Evalaimu, ila Asa ĩthe wake wakwatĩte.</verse>
				<verse number="3">Na Yeova aĩ vamwe na Yeosavati, nĩkwĩthĩwa nĩwaendaa mĩendelenĩ ya mbee ya ĩthe wake Ndaviti, na ndaamantha ũtethyo kwa Mbaalimu,</verse>
				<verse number="4">ĩndĩ amantha Ngai wa ĩthe wake, na nĩwaendaa mĩaonĩ yake, na ti kũatĩĩa meko ma Isilaeli.</verse>
				<verse number="5">Kwondũ wa ũu Yeova alũlũmĩlya ũsumbĩ kw’okonĩ kwake; na Yuta onthe mamũetee Yeosavati mũvothi, na aĩ na ũthwii na ndaĩa mbingĩ mũno.</verse>
				<verse number="6">Na ngoo yake yaĩ mbũkĩlu mĩendelenĩ ya Yeova: o na ĩngĩ aveta kũla kũndũ kũtũlu na Aselimu ku Yuta.</verse>
				<verse number="7">O na mwaka wa katatũ wa kũsumbĩka kwake atũma anene make me mbee ũsumbĩnĩ o Mbeni‐aili, na Ovatia, na Nzekalia, na Nethaneli na Mikaia, mamanyĩsye ndũanĩ sya Yuta;</verse>
				<verse number="8">Na vamwe nao Alivai o Semaia na Nethania na Nzevatia, na Asaeli, na Semilamothi, na Yonathani, na Atoniya, na Toviya, na Tovu‐atoniya, Alivai; na vamwe nao Elisama na Yeolamu, athembi.</verse>
				<verse number="9">Na nĩmamanyĩasya ku Yuta, me na ĩvuku ya mĩao ya Yeova; na nĩmangangaa kw’onthe ndũanĩ syonthe sya Yuta, na kũmanyĩasya andũnĩ.</verse>
				<verse number="10">Na kũmũkĩa Yeova kwavalũkĩla mosumbĩ onthe ma nthĩ ila syathyũlũlũkĩte Yuta, na kwondũ wa ũu matyaakwatya kaũ na Yeosavati.</verse>
				<verse number="11">Na amwe ma Avilisiti mamũetee Yeosavati mĩthĩnzĩo, na vetha wa mũvothi; Alavu nao mamũetee ndĩthya sya mbũi na malondu, ndũũme ngili mũonza na maana mũonza, na nthenge ngili mũonza na maana mũonza.</verse>
				<verse number="12">Na Yeosavati aendeea na kũya vinya mũno; na aaka ku Yuta nyũmba nene syĩ kĩemo na ndũa sya kwia mĩio.</verse>
				<verse number="13">Na aĩ na mawĩa maingĩ ndũanĩ sya Yuta; na andũ ma kaũ, ngũmbaũ nene, ku Yelusaleme.</verse>
				<verse number="14">Na ũũ nĩw’o ũtalo woo kwĩanana na nyũmba sya aaĩthe moo: ma Yuta, makavuteni ma ngili ngili: kavuteni Atena, na vamwe nake ngũmbaũ nene ngili maana atatũ;</verse>
				<verse number="15">na mũmũatĩĩa nĩ kavuteni Yeoanani, na vamwe nake ngili maana elĩ na mĩongo nyanya;</verse>
				<verse number="16">na mũatĩĩa wa ũsu nĩ Amasia mwana wa Nzikili, ũla wenenganie kwa Yeova na kwenda kwa ngoo; na vamwe nake ngũmbaũ nene ngili maana elĩ.</verse>
				<verse number="17">Na ma Mbenyamini: Eliata ngũmbaũ nene, na vamwe nake andũ ngili maana elĩ me na ũta na ngao;</verse>
				<verse number="18">na mũmũatĩĩa nĩ Yeosavatu, na vamwe nake andũ ngili ĩana na mĩongo nyanya meyũmbanĩsye kaũ.</verse>
				<verse number="19">Asu nĩo ala mathũkũmaa mũsumbĩ, eka ala mũsumbĩ wamaiie ndũanĩ mbiie ku Yuta kw’onthe.</verse>
			</chapter>
			<chapter number="18">
				<verse number="1">Na ĩndĩ Yeosavati aĩ na ũthwii na ndaĩa mbingĩ mũno; na atuma ndũũ ya kũtwaanĩa na Aavu.</verse>
				<verse number="2">Na ĩtina wa myaka ĩmwe atheea kwa Aavu Samalia. Na Aavu amũaĩa malondũ na ng’ombe mbingĩ mũno, we na andũ ala maĩ nake, na amũingĩĩsya kũthi nake Lamothi‐ngileati.</verse>
				<verse number="3">Na Aavu mũsumbĩ wa Isilaeli amũkũlya Yeosavati mũsumbĩ wa Yuta, We nũũthi nakwa Lamothi‐ngileati? Na amũsũngĩa, Nyie no taku, na andũ makwa ta andũ maku; na tũkeethĩwa vamwe naku kaũnĩ.</verse>
				<verse number="4">Na Yeosavati amwĩa mũsumbĩ wa Isilaeli, Nĩngũkwĩsũva, amba ũkũlya ũndũ ndeto ya Yeova ĩnĩkwasya.</verse>
				<verse number="5">Nĩvo ĩndĩ mũsumbĩ wa Isilaeli wombanisye athani, andũ maana ana, na amakũlya, Nĩtũũthi Lamothi‐ngileati kũkita, kana nĩeke? Na masya, Ambata; nũndũ Ngai akamĩnengane kw’okonĩ kwa mũsumbĩ.</verse>
				<verse number="6">Ĩndĩ, Yeosavati akũlya, Vati mwathani ũngĩ wa Yeova vaa tũmũkũlye?</verse>
				<verse number="7">Na mũsumbĩ wa Isilaeli amwĩa Yeosavati, Ve o mũndũ ũngĩ ũla wa kũtũkũlĩlya kwa Yeova; ĩndĩ nĩngũmũmena; nũndũ ndambathanĩaa ũseo o na ĩndĩĩ, ĩndĩ ũthũku mavinda onthe; nake nĩ Mikaia mwana wa Imila. Na Yeosavati asya, Mũsumbĩ ndakaneene ũu.</verse>
				<verse number="8">Nĩvo ĩndĩ mũsumbĩ wa Isilaeli wamwĩtie mũnene wa kwake, na amwĩa, Mũlatye Mikaia mwana wa Imila mĩtũkĩ.</verse>
				<verse number="9">Na ĩndĩ mũsumbĩ wa Isilaeli na Yeosavati mũsumbĩ wa Yuta mekalĩte kĩla ũmwe kĩvĩlanĩ kyake kya ũsumbĩ, mekĩĩte ngũa syoo ndasa, na mekalĩte vandũ ũtheĩni ũlikĩlonĩ mbingĩlonĩ ya Samalia; na athani onthe no mathanĩaa mbee woo.</verse>
				<verse number="10">Na Nzetekia mwana wa Kenaana eeseũvĩsya mbya sya iaa na asya, Ũũ nĩw’o Yeova ũnũkwasya, Ukatindĩka Asilia na ii, mũvaka maminwa.</verse>
				<verse number="11">Na athani onthe mathana ũu, makyasya, Ambata Lamothi‐ngileati, ũkaathimĩke; nũndũ Yeova akamĩnengane kw’okonĩ kwa mũsumbĩ.</verse>
				<verse number="12">Na mũtũmwa ũla waendie kũmwĩta Mikaia aneena nake, akĩmwĩa, Sisya, ndeto sya athani niũtavan’ya ũseo kwa mũsumbĩ na kanyw’a ũmwe: nĩngũkwĩsũva, kwondũ wa ũu ndeto yaku yĩthĩwe ĩilyĩ ta ĩmwe yoo, noineena ũseo.</verse>
				<verse number="13">Na Mikaia asya, O tondũ Yeova wĩ thayũ, o ũndũ Ngai wakwa wĩasya, now’o nĩneena.</verse>
				<verse number="14">Na yĩla wavikie vala ve mũsumbĩ, mũsumbĩ amũkũlya, Mikaia, nĩtũũthi Lamothi‐ngileati tũkite, kana nĩeke? Na amũsũngĩa, Ambatai mũkaathimĩke; na makanenganwe kw’okonĩ kwaku.</verse>
				<verse number="15">Na mũsumbĩ amwĩa, Nĩtũa ngũavĩthasya mavinda meana ndũkandavye ũndũ ũte wa w’o syĩtwanĩ ya Yeova?</verse>
				<verse number="16">Nake asya, Nĩnonie Isilaeli onthe manyaĩĩkĩte iĩmanĩ, ta malondu mate mũĩthi: na Yeova asya, Aa mati na vwana; masyoke kĩla mũndũ nyũmbanĩ yake na mũuo.</verse>
				<verse number="17">Na mũsumbĩ wa Isilaeli amwĩa Yeosavati, Ndinakũtavya ndakambathanĩa ũseo, ĩndĩ ũthũku?</verse>
				<verse number="18">Na Mikaia asya, Kwondũ wa ũu ĩw’ai ndeto ya Yeova: Nĩnonie Yeova ekalĩte kĩvĩlanĩ kyake kya ũsumbĩ, na nguthu yonthe ya ĩtunĩ ĩũngamĩte kw’okonĩ kwake kwa aũme na kw’okonĩ kwake kwa aka.</verse>
				<verse number="19">Na Yeova akũlya, Nũũ ũla wĩmũsengasenga Aavu mũsumbĩ wa Isilaeli nĩ kana ambate avalũke ku Lamothi‐ngileati? Na ũmwe aneena akyasya ũũ, na ũngĩ akyasya ũũ.</verse>
				<verse number="20">Na kwaumĩla veva, na waũngama mbee wa Yeova, na wasya, Ngamũsengasenga. Na Yeova ookũlya, Na kyaũ?</verse>
				<verse number="21">Naw’o wasya. Ngaumaala nĩthi, na ngeethĩwa veva wa ũvũngũ kanyw’anĩ wa athani make onthe. Nake asya, Ũkamũsengasenga, o na ũkamũkĩlya vinya: enda, wĩke ũu.</verse>
				<verse number="22">Na yu ĩndĩ, sisya, Yeova nĩwĩkĩĩte veva wa ũvũngũ kanyw’anĩ wa athani aa maku; na Yeova nũneenete ũthũku ũndũ waku.</verse>
				<verse number="23">Nĩvo ĩndĩ Nzetekia mwana wa Kenaana wathengeeie, na amũkũna Mikaia ĩkovi ĩtau, na akũlya, Veva wa Yeova aumanga kwakwa ata aneene naku?</verse>
				<verse number="24">Na Mikaia asya, Sisya, ũkoona mũthenya ũsu, yĩla wĩlika kasũmbanĩ ka nthinĩ wĩvithe.</verse>
				<verse number="25">Na mũsumbĩ wa Isilaeli asya, Mũkwatei Mikaia, na mũimũtũnga kwa Amoni ngavana wa ndũa, na kwa Yoasi mwana wa mũsumbĩ;</verse>
				<verse number="26">na mũkyasya, Ũũ nĩw’o mũsumbĩ ũnũkwasya, Ĩkĩai mũndũ ũũ kolokolonĩ, na mũimũnenga kĩmũtũ kya thĩna na manzĩ ma thĩna, kũvika yĩla nĩsyoka na mũuo.</verse>
				<verse number="27">Na Mikaia asya, Ethĩwa ũkasyoka nongi na mũuo, Yeova ndaneenete na kanyw’a wakwa. Na asya, Ĩw’ai, inyw’ĩ andũ, inyw’onthe.</verse>
				<verse number="28">Na ĩndĩ mũsumbĩ wa Isilaeli na Yeosavati mũsumbĩ wa Yuta mambata Lamothi‐ngileati.</verse>
				<verse number="29">Na mũsumbĩ wa Isilaeli amwĩa Yeosavati, Nĩngwĩyũlan’ya, na kũlika kaũnĩ; ĩndĩ we, ĩkĩa ngũa syaku ndasa. Na ĩndĩ mũsumbĩ wa Isilaeli eeyũlan’ya; na malika kaũnĩ.</verse>
				<verse number="30">Na ĩndĩ mũsumbĩ wa Silia aĩ aneaĩa makavuteni ma makasya make ma kaũ, akamea, Mũtikokite na ala anini kana ala anene, ate o mũsumbĩ wa Isilaeli.</verse>
				<verse number="31">Na kweethĩwa, yĩla makavuteni ma makasya moonie Yeosavati, masya, Nĩ mũsumbĩ wa Isilaeli. Kwondũ wa ũu meelelũka mokite nake: ĩndĩ Yeosavati akaya, na Yeova amũtethya; na Ngai atuma mauma vala ũĩ.</verse>
				<verse number="32">Na kweethĩwa, yĩla makavuteni ma makasya moonie kana ti mũsumbĩ wa Isilaeli, meetulũla maeka kũmũatĩĩa.</verse>
				<verse number="33">Na mũndũ ũmwe akoota ũta wake na alũlũngĩlya mũsyĩ, na amũathĩla mũsumbĩ wa Isilaeli mothalan’yonĩ ma mĩio ya kaũ: kwondũ wa ũu amwĩa mũingi wa ĩkasya, Thyũũa kw’oko kwaku, ũmbumbye nguthunĩ; nũndũ nĩ mũkite mũno.</verse>
				<verse number="34">Na kaũ waingĩva mũthenya ũsu: ĩndĩ mũsumbĩ wa Isilaeli eetw’ĩĩka e ĩkasyanĩ yake okite na Asilia kũvika wĩoo; na ta syũa ĩkĩthũa akw’a.</verse>
			</chapter>
			<chapter number="19">
				<verse number="1">Na Yeosavati mũsumbĩ wa Yuta asyoka e na mũuo nyũmbanĩ yake ku Yelusaleme.</verse>
				<verse number="2">Na Yeu mwana wa Aanani ũla mwoni aumaala amũthaũe, na amũkũlya mũsumbĩ Yeosavati, Nĩwaĩle kũtethya athũku, na kũmenda ala mamũmenaa Yeova? Nũndũ wa ũndũ ũũ ũthilĩku wĩ ĩũlũ waku kuma kwa Yeova.</verse>
				<verse number="3">Ĩndĩ ve maũndũ maseo moneku nthĩnĩ waku, nũndũ nũvetete Aselothi kuma ĩ nthĩ, na nũlũlũmĩlye ngoo yaku ũmũmanthe Ngai.</verse>
				<verse number="4">Na Yeosavati atwĩe Yelusaleme: na aumaala ĩngĩ andũnĩ kuma Mbeeli‐sieva kũvika nthĩ yĩ iĩma ya Evalaimu, na amatũnga kwa Yeova, Ngai wa aaĩthe moo.</verse>
				<verse number="5">Na aia asili ĩ nthĩ ndũanĩ syonthe mbiie sya Yuta, ndũa na ndũa,</verse>
				<verse number="6">na amea asili, Sũanĩai ũndũ mũkwĩka: nũndũ mũtiũsila kwondũ wa mũndũ, ĩndĩ kwondũ wa Yeova; nake e vamwe nenyu kũsilanĩ.</verse>
				<verse number="7">Kwondũ wa ũu kũmũkĩa Yeova nĩkwĩthĩwe nenyu; ĩsũvĩei na mũkĩka: nũndũ Yeova Ngai waitũ nde na ũthũku, kana wendeesyo wa andũ, kana kwosa mavaki.</verse>
				<verse number="8">Na ĩndĩ ku Yelusaleme Yeosavati aia Alivai na athembi, na atongoi ma nyũmba sya aaĩthe ma Isilaeli, kwondũ wa wĩa wa Yeova wa ũsili, na kwondũ wa ngananĩo. Na masyoka Yelusaleme.</verse>
				<verse number="9">Na ameaĩa, akĩmea, Mũkeke ũu mũkĩmũkĩa Yeova, mwĩ na kĩthito, na mwĩ na ngoo mbĩanĩu.</verse>
				<verse number="10">Na o yĩla ngananĩo o na yĩva ĩkamũvikĩa kuma kwa ana‐a‐ĩthe menyu ala matwĩe ndũanĩ syoo, katĩ wa nthakame na nthakame, katĩ wa mwĩao na mwamũlo, mĩao na motw’ĩo, mwĩmon’ya matikethĩwe na ĩvĩtyo kũla kwĩ Yeova, na kwondũ wa ũu ũthilĩku wĩmũkĩa inyw’ĩ na ana‐a‐ĩthe menyu: ĩkaai ũu, na mũtikethĩwa na ĩvĩtyo.</verse>
				<verse number="11">Na, sisya, Amalia mũthembi mũnene nĩ mũnene wenyu maũndũnĩ onthe ma Yeova: na Nzevatia mwana wa Isumaelĩ, mũnene wa nyũmba ya Yuta, maũndũnĩ onthe ma mũsumbĩ: o na Alivai makeethĩwa anene ma kwenyu. Ĩkaai na ũkũmbaũ, na Yeova nĩethĩwe vamwe na ala aseo.</verse>
			</chapter>
			<chapter number="20">
				<verse number="1">Na kweethĩwa ĩtina wa ũu, ana ma Moavi, na ana ma Amimoni, na vamwe nao amwe ma Aamimoni, mooka kũkita na Yeosavati.</verse>
				<verse number="2">Na ĩndĩ kwooka amwe ala mamũtavisye Yeosavati, makĩmwĩa, Nĩkũkĩte nguthu nene yokite naku kuma mũingo ũya wa ũkanga kuma Silia; na, sisya, me Asasoni‐tamali (nayo nĩ Eni‐ngeti).</verse>
				<verse number="3">Na Yeosavati eew’a w’ĩa, na eelekela amũmanthe Yeova; na atavan’ya kũtĩĩa ũya Yuta yonthe.</verse>
				<verse number="4">Na Yuta moombana, mamanthe ũtethyo kwa Yeova: o kuma ndũanĩ syonthe sya Yuta mooka mamanthe Yeova.</verse>
				<verse number="5">Na Yeosavati aũngama ũmbanonĩ wa Yuta na Yelusaleme, nyũmbanĩ ya Yeova, ngalĩ ya mbee ya nza nzaũ;</verse>
				<verse number="6">na asya, Ame Yeova, Ngai wa aaĩthe maitũ, ndwĩ Ngai wĩ ĩtunĩ? Na ndwĩ mũsumbĩkĩ wa mosumbĩ onthe ma i mbaĩ? Na kw’okonĩ kwaku kwĩ vinya na ũtonyi, ũndũ kũte ũmwe ũtonya ũkũsiĩĩa we.</verse>
				<verse number="7">Ame Ngai waitũ, ndwaalũngya ala matwĩe nthĩ ĩno maume mbee wa andũ maku Isilaeli na kũmĩnengane kwa ũsyao wa Avalaamu mũnyanyau tene na tene?</verse>
				<verse number="8">Nao mamĩtũa, na makwakĩa ĩkalũ kw’o kwondũ wa syĩtwa yaku, makyasya,</verse>
				<verse number="9">Ethĩwa tũkookĩwa nĩ ũthũku, ũvyũ, kana ũsilĩlo, kana mũimũ, kana yũa, tũkaũngama mbee wa nyũmba ĩno, na mbee waku (nũndũ syĩtwa yaku yĩ nyũmbanĩ ĩno), na ũkwĩkaĩla thĩnanĩ witũ, naku ũkeethukĩĩsya na kũtangĩĩa.</verse>
				<verse number="10">Na yu, sisya, ana ma Amimoni na Moavi na kĩĩma kya Seili, ala ũtaaeka Isilaeli mamavithũkĩe, yĩla maumie nthĩ ya Misili, ĩndĩ mamathũkĩe ũtee, na matyaamananga;</verse>
				<verse number="11">sisya, ũndũ meũtũĩva, moke kũtũlũngya ng’ũndũnĩ yaku ĩla watũnengie yĩthĩwe ũtiĩwa.</verse>
				<verse number="12">Ame Ngai waitũ, ndwĩmasilĩla? Nũndũ tũti na ũtonyi wa kũkita na nguthu ĩno nene ĩla yũkĩte yũkite naitũ; o na tũtyĩsĩ wa kwĩka: ĩndĩ metho maitũ me vala ũĩ.</verse>
				<verse number="13">Na Yuta onthe maũngama mbee wa Yeova, vamwe na syana syoo nini, na iveti syoo, na ana moo.</verse>
				<verse number="14">Na ĩndĩ Veva wa Yeova ooka ĩũlũ wa Yaanzieli mwana wa Nzekalia mwana wa Mbenaia, mwana wa Yeieli, mwana wa Matania, Mũlivai wa ana ma Asavu, ũmbanonĩ katĩ;</verse>
				<verse number="15">na asya, Ĩthukĩĩsyei, Yuta inyw’onthe, na inyw’ĩ ala mũtwĩe Yelusaleme, na we mũsumbĩ Yeosavati: Ũũ nĩw’o Yeova ũnũũmwĩa, Mũikakĩe, o na mũikateve ũndũ wa nguthu ĩno nene; nũndũ kaũ ti wenyu, ĩndĩ wa Ngai.</verse>
				<verse number="16">Ũnĩ theeai mũkite nao: sisyai, nĩmekwambatĩla kyambatonĩ kya Nzisi; na mũkamethĩa mũthelelonĩ wa kyanda, kwelekela weũnĩ wa Yelueli.</verse>
				<verse number="17">Mũtikethĩwa na vata wa kũkita kaũnĩ ũũ: ĩlũlũmĩlyei, ũngamai, mwone ũtangĩĩo wa Yeova ũla wĩ vamwe nenyu, inyw’ĩ Yuta na Yelusaleme; mũikakĩe, o na mũikatave: ũnĩ ũmaalai mũkite nao; nũndũ Yeova e vamwe nenyu.</verse>
				<verse number="18">Na Yeosavati akunamya mũtwe wake ũthyũ wake welekele nthĩ; na Yuta onthe na ala matwĩe Yelusaleme mavalũka mbee wa Yeova, makĩthaitha Yeova.</verse>
				<verse number="19">Na Alivai, ma ana ma Akoathi na ma ana ma Akola, maũngama mataĩe Yeova, Ngai wa Isilaeli, na wasya mũnene mũno.</verse>
				<verse number="20">Na mookĩla kĩoko tene na maumaala maende weũnĩ wa Tekoa: na makyumaala Yeosavati aũngama na asya Mbĩthukĩĩsya, we Yuta, na inyw’ĩ ala mũtwĩe Yelusaleme: ĩkĩĩai Yeova Ngai wenyu, naw’o mũkalũiũmĩlw’a; ĩkĩĩai athani make, naw’o mũkaathimĩka.</verse>
				<verse number="21">Na amina kũsũanĩa na andũ, amaia ala memwinĩa Yeova, na kũtaĩa na ũseo wa ũtheu, makyumaala matongoesye ita, makyasya, Mũtũngĩei Yeova mũvea; nũndũ ũseo wake wĩ wendo nĩwĩkalaa tene na tene.</verse>
				<verse number="22">Na yĩla mambĩlĩlye kwina na kũtaĩa, Yeova aia oveesya moveesye ana ma Amimoni, na Moavi, na kĩĩma kya Seili, ala mookie kũkita na Yuta; na makũnwa.</verse>
				<verse number="23">Nũndũ ana ma Amimoni na Moavi maũngamie mokite na ala matwĩe kĩĩmanĩ kya Seili, nĩ kana mamoae na kũmamina vyũ: na yĩla mamaminie ala matwĩe Seili, kĩla ũmwe aminana na ũla ũngĩ.</verse>
				<verse number="24">Na yĩla Yuta mavikie mwakonĩ mũtũlu wa mũnyoolo wa kũsyaĩĩsya wĩ weũnĩ, masisya ĩ nguthu; na, sisya, maĩ simba ivalũkangĩte nthĩ, na vati ũmwe waavonoka.</verse>
				<verse number="25">Na yĩla Yeosavati na andũ make mookie mose mũtavo woo, moona katĩ woo ũthwii mwingĩ na simba, na mĩio ya wanake yĩ thooa mũnene, ĩla meetusĩe, kũvĩtũka ũndũ maĩ matonya kũtwaa: na meethĩwa na mĩthenya ĩtatũ makĩtava mũtavo, nũndũ waĩ mwingĩ mũno.</verse>
				<verse number="26">Na mũthenya wa kana moombana mwandanĩ wa Mbelaka; na vau mamũtaĩa Yeova: kwondũ wa ũu syĩtwa ya vandũ vau veetwa Mwanda wa Mbelaka kũvika ũmũnthĩ.</verse>
				<verse number="27">Nĩvo ĩndĩ masyokie, kĩla mũndũ wa Yuta na Yelusaleme, na Yeosavati amatongoesye, masyoke Yelusaleme ĩngĩ na ũtanu; nũndũ Yeova atumie matana ĩũlũ wa amaitha moo.</verse>
				<verse number="28">Na mavika Yelusaleme nyũmbanĩ ya Yeova me na inanda na mbeve na masoo.</verse>
				<verse number="29">Na kũmũkĩa Ngai kwaĩ mosumbĩnĩ onthe ma i nthĩ, yĩla meewie kana Yeova nĩwokitie na amaitha ma Isilaeli.</verse>
				<verse number="30">Kwondũ wa ũu ũsumbĩ wa Yeosavati waĩ na mũuo; nũndũ Ngai wake nĩwamũnengie ũthũmũo ngalĩ syonthe.</verse>
				<verse number="31">Na Yeosavati asumbĩka Yuta: yĩla wambĩlĩlye kũsumbĩka aĩ wa myaka mĩongo ĩtatũ na ĩtano; na asumbĩka myaka mĩongo ĩlĩ na ĩtano Yelusaleme: na syĩtwa ya inyia wake eetawa Asuva mwĩĩtu wa Silii.</verse>
				<verse number="32">Na aendaa mũendelenĩ wa Asa ĩthe wake, na ndaathũkĩla ũtee, akĩka ũla Yeova wonaa wĩ ũseo.</verse>
				<verse number="33">Ĩndĩ kũla kũndũ kũtũlu kũtyaavetwa; o na andũ matyaamba kũlũlũmĩlya ngoo syoo vala ve Ngai wa aaĩthe moo.</verse>
				<verse number="34">Na ĩndĩ meko ala angĩ ma Yeosavati, ma mbee na ma mũminũkĩlyo, sisya, nĩmaandĩkĩtwe maandĩkonĩ ma Yeu mwana wa Aanani, ũla ũwetetwe ĩvukunĩ ya asumbĩ ma Isilaeli.</verse>
				<verse number="35">Na ĩtina wa ũu Yeosavati mũsumbĩ wa Yuta eew’ana na Aasia mũsumbĩ wa Isilaeli; ũsu nĩwekaa ũthũku mũno:</verse>
				<verse number="36">na eew’ana nake maseũvye ngalawa sya kũthi Talisisi; na maseũvisya ngalawa ku Esioni‐ngeveli.</verse>
				<verse number="37">Na ĩndĩ Elieseli mwana wa Ndotavau wa Malesa amwathanĩa Yeosavati, akyasya, Nĩkwĩthĩwa nĩwĩw’anĩte na Aasia, Yeova nĩwanangĩte mawĩa maku. Na ngalawa syatũlĩka, ũndũ itaĩ itonya kũthi Talisisi.</verse>
			</chapter>
			<chapter number="21">
				<verse number="1">Na Yeosavati akoma na aaĩthe make, na athikwa vala aaĩthe make mathikĩtwe ndũanĩ ya Ndaviti: na Yeolamu mwana wake asumbĩka vandũ vake.</verse>
				<verse number="2">Na aĩ na ana‐a‐ĩthe, ana ma Yeosavati: Asalia, na Yeiieli, na Nzekalia, na Asalia, na Mikaeli, na Sevatia; asu onthe maĩ ana ma Yeosavati mũsumbĩ wa Isilaeli.</verse>
				<verse number="3">Na ĩthe woo amanenga mĩthĩnzĩo mĩnene, ya vetha, na thaavu, na syĩndũ syĩ vata mũno, vamwe na ndũa mbiie ku Yuta: ĩndĩ ũsumbĩ amũnenga Yeolamu, nĩkwĩthĩwa aĩ ĩkithathi.</verse>
				<verse number="4">Na ĩndĩ yĩla Yeolamu waĩ anasumbĩka ũsumbĩnĩ wa ĩthe wake, na akeyĩkĩa vinya, ooaa ana‐a‐ĩthe make onthe na ũvyũ, o na aingĩ ma anene me mbee ũsumbĩnĩ ma Isilaeli.</verse>
				<verse number="5">Yeolamu aĩ wa myaka mĩongo ĩtatũ na ĩlĩ yĩla wambĩlĩlye kũsumbĩka; na asumbĩka myaka nyanya Yelusaleme.</verse>
				<verse number="6">Na aendaa mũendelenĩ wa asumbĩ ma Isilaeli, o tondũ nyũmba ya Aavu yekaa; nũndũ nĩwatwaĩte mwĩĩtu wa Aavu ethĩwe kĩveti kyake: na nĩwekaa ũla Yeova wonaa wĩ ũthũku.</verse>
				<verse number="7">Ĩndĩ Yeova ndaaĩtĩkĩla kwananga myũmba ya Ndaviti, nũndũ wa ũtianĩo ũla watianĩe na Ndaviti, na nũndũ nĩwamwathĩte akamũnenga taa we na syana syake ĩvinda yonthe.</verse>
				<verse number="8">Mĩthenyanĩ yake andũ ma Etomu nĩmang’endie meyumye kw’okonĩ kwa Yuta, na meesumbĩkĩsya mũsumbĩ.</verse>
				<verse number="9">Nĩvo ĩndĩ Yeolamu waingie e na makavuteni make, na makasya make onthe ma kaũ: na ookĩla ũtukũ, na akũna Aetomu ala mamũthyũlũlũkĩte, o na makavuteni ma makasya.</verse>
				<verse number="10">Na ĩndĩ andũ ma Etomu mang’enda meeyumya kw’okonĩ kwa Yuta kũvika ũmũnthĩ: nĩvo ĩndĩ ĩvinda yĩu andũ ma Livina mang’endie meeyumya kw’okonĩ kwake, nĩkwĩthĩwa nĩwamũtiĩte Yeova, Ngai wa aaĩthe make.</verse>
				<verse number="11">Na ĩngĩ nĩwaseũvisye kũla kũndũ kũtũlu iĩmanĩ sya Yuta, na atuma ala matwĩe Yelusaleme meka ũmalwaya, na avĩtĩthya Yuta.</verse>
				<verse number="12">Na kwooka valũa kwake kuma kwa mwathani Eliya, ũkyasya, Ũũ nĩw’o Yeova, Ngai wa Ndaviti ĩthe waku, ũnũkwasya, Nĩkwĩthĩwa ndwaaenda mĩendelenĩ ya Yeosavati ĩthe waku kana mĩendelenĩ ya Asa mũsumbĩ wa Yuta,</verse>
				<verse number="13">ĩndĩ nũendaa mĩendelenĩ ya asumbĩ ma Isilaeli, na nũtumĩte Yuta na ala matwĩe Yelusaleme meka ũmalwaya, o tondũ nyũmba ya Aavu yekaa, o na nĩwũaĩte ana‐a‐ĩthe ma nyũmba ya ĩthe waku, ala maĩ aseo kwĩ we:</verse>
				<verse number="14">sisya, Yeova akakũna andũ maku na syana syaku, na iveti syaku, na syĩndũ syaku syonthe, na ũthĩn’yo mũnene;</verse>
				<verse number="15">na ũkeethĩwa na ũwau mũnene, ũkũwaĩtye maa maku, kũvika maa maku metĩkangae kwondũ wa ũwau, mĩthenya na mĩthenya.</verse>
				<verse number="16">Na Yeova aamũkya veva wa Avilisiti, na wa Alavu ala me ũtee wa Aethiovia mokite na Yeolamu:</verse>
				<verse number="17">na mambata mokite na Yuta, na mamĩlika, na matwaa isamũ syonthe ila syoonekie nyũmbanĩ ya mũsumbĩ, o na ana make, na iveti syake; ũndũ ũtaatiwa na mwana, ate o Yeoaasĩ, ũla mũnini ananĩ make.</verse>
				<verse number="18">Na ĩtina wa ũu w’onthe Yeova amũkũna maanĩ na ũwau ũtavoeka.</verse>
				<verse number="19">Na kweethĩwa, ĩvinda yaendeea myaka ĩlĩ yathela, maa make metĩkanga kwondũ wa ũwau wake, na akw’a nĩ mowau me woo mũno. Na andũ make matyaamũtoeesya, o tondũ matoeeasya aaĩthe make.</verse>
				<verse number="20">Aĩ wa myaka mĩongo ĩtatũ na ĩlĩ yĩla wambĩlĩlye kũsumbĩka, na asumbĩka Yelusaleme myaka nyanya: na akw’a atekwendwa; na mamũthika ndũanĩ ya Ndaviti, ĩndĩ ti ngunganĩ vala vathikawa asumbĩ.</verse>
			</chapter>
			<chapter number="22">
				<verse number="1">Na ala matwĩe Yelusaleme mamũsũmbĩkya Aasia mwana wake wa ĩlumaita vandũ vake; nũndũ nguthu ya andũ ala mookie na Alavu mwakonĩ wa maeema nĩmoaĩte onthe ala akũũ. Na ĩndĩ Aasia mwana wa Yeolamu mũsumbĩ wa Yuta asumbĩka.</verse>
				<verse number="2">Aasia aĩ wa myaka mĩongo ĩna na ĩlĩ yĩla wambĩlĩlye kũsumbĩka; na asumbĩka mwaka ũmwe Yelusaleme: na syĩtwa ya inyia wake eetawa Athalia mwĩĩtu wa Omili.</verse>
				<verse number="3">Nake nĩwaendaa mĩendelenĩ ya nyũmba ya Aavu; nũndũ inyia wake aĩ mũtai wake wa ũmwĩkĩthya naĩ.</verse>
				<verse number="4">Na nĩwekaa ũla Yeova wonaa wĩ ũthũku, o tondũ nyũmba ya Aavu yekaa; nũndũ maĩ atai make ĩtina wa kĩkw’ũ kya ĩthe wake, kũvika aanangĩka.</verse>
				<verse number="5">O na aendaa aatĩĩe ũtao woo, na aendaa na Yeolamu mwana wa Aavu mũsumbĩ wa Isilaeli okite na Aasaeli mũsumbĩ wa Silia ku Lamothi‐ngileati: na Asilia mamũkita Yolamu.</verse>
				<verse number="6">Na asyoka avoee ku Yesileeli mawũkite ala mamũkitĩe Lama, yĩla wokitaa na Aasaeli mũsumbĩ wa Silia. Na Asalia mwana wa Yeolamu mũsumbĩ wa Yuta atheea kũsisya Yeolamu mwana wa Aavu ku, Yesileeli, nũndũ aĩ mũwau.</verse>
				<verse number="7">Na ĩndĩ wanangĩko wa Aasĩa waumie kwa Ngai, nũndũ nĩwaendie kwa Yolamu: nũndũ yĩla wavikie, aumaala na Yeolamu mokite na Yeu mwana wa Nimisi, ũla Yeova wamwĩtĩkĩsye mauta avete nyũmba ya Aavu.</verse>
				<verse number="8">Na kweethĩwa, yĩla Yeu wasilĩlaa nyũmba ya Aavu, eethĩa anene me mbee ũsumbĩnĩ ma Yuta na ana ma ana‐a‐ĩthe ma Aasia, makĩthũkũma Aasia, na amoaa.</verse>
				<verse number="9">Na amantha Aasia, na mamũkwata (na eevithĩte ku Samalia), na mamũete kwa Yeu na mamũaa; na mamũthika, nũndũ maisye, Nĩ mwana wa Yeosavati, ũla wamũmanthie Yeova na ngoo yake yonthe. Na nyũmba ya Aasĩa ndĩaĩ na ũtonyi wa kũlũmya ũsumbĩ.</verse>
				<verse number="10">Na yĩla Athalia inyia wa Aasia wonie kana mwana wake nĩ mũkw’ũ, ookĩla na amina ũsyao w’onthe wa kĩũsumbĩ wa nyũmba ya Yuta.</verse>
				<verse number="11">Ĩndĩ Yeosaveathi, mwĩĩtu wa mũsumbĩ, oosa Yoasi mwana wa Aasia, na amũya kũmumya ananĩ ma mũsumbĩ ala mooaawa, na amwĩkĩa e na mũei wake kasũmbanĩ ka ũkoma. Ũu nĩw’o Yeosaveathi mwĩĩtu wa mũsumbĩ Yeolamu, kĩveti kya mũthembi Yeoiata (nũndũ aĩ mwĩĩtu‐ainyia wa Aasia), wamũvithie Athalia ndakamwone, na ĩndĩ ndaamũaa.</verse>
				<verse number="12">Na aĩ nao avithĩtwe nyũmbanĩ ya Ngaĩ myaka thanthatũ: na Athalia asumbĩka ĩ nthĩ.</verse>
			</chapter>
			<chapter number="23">
				<verse number="1">Na mwaka wa mũonza Yeoiata eeyĩkĩa vinya, na atianĩa ũtianĩo na makavuteni ma maana, Asalia mwana wa Yeloamu, na Isumaeli mwana wa Yeoanani, na Asalia mwana wa Oveti, na Maaseia mwana wa Ataia, na Elisavati mwana wa Nzikili.</verse>
				<verse number="2">Na manganga nthĩ ya Yuta na moomban’ya Alivai kuma ndũanĩ syonthe sya Yuta na atongoi ma nyũmba sya aaĩthe ma Isilaeli, na mooka Yelusaleme.</verse>
				<verse number="3">Na ũmbano w’onthe watianĩa ũtianĩo na mũsumbĩ nyũmbanĩ ya Ngai. Na amea, Sisyai, mwana wa mũsumbĩ akasumbĩka, o tondũ Yeova ũneenete ũndũ wa ana ma Ndaviti.</verse>
				<verse number="4">Ũũ nĩw’o ũla mwĩĩka: kĩlungu kya katatũ kya inyw’ĩ, ala mũkaa mũthenya wa savato, kya athembi na kya Alivai, mũkeethĩwa asũvĩi ma myalonĩ;</verse>
				<verse number="5">na kĩlungu kĩngĩ kĩkeethĩwa nyũmbanĩ ya mũsumbĩ; na kĩlungu kĩngĩ mbingĩlonĩ ya wambĩlĩlyo: na andũ onthe makeethĩwa nza sya nyũmba ya Yeova.</verse>
				<verse number="6">Ĩndĩ mũtikaeke mũndũ o na wĩva alike nyũmbanĩ ya Yeova, ate o athembi, na ala ma Alivai ala mathũkũmaa; nao makalika, nũndũ nĩ atheu: ĩndĩ andũ onthe makasũvĩa wĩaĩo wa Yeova.</verse>
				<verse number="7">Na Alivai makathyũlũlũka mũsumbĩ ngalĩ syonthe, kĩla mũndũ akwete mĩio yake ya kaũ kw’okonĩ kwake; na o ũla wĩũka nyũmbanĩ, nĩoawe: na mwĩĩthĩwa na mũsumbĩ yĩla wĩlika, na yĩla wĩumaala.</verse>
				<verse number="8">Na kwondũ wa ũu Alivai na Yuta onthe meeka kwĩanana na w’onthe ũla mũthembi Yeoiata weaĩte: na moosa kĩla mũndũ andũ make, ala maĩ ma ũlika mũthenya wa savato, na ala maĩ ma kumaala mũthenya wa savato; nũndũ mũthembi Yeoiata ndaaũmbũũkya ila nguthu.</verse>
				<verse number="9">Na mũthembi Yeoiata amanenga makavuteni ma maana matumo, na tũkalo, na ngao, ila syaĩ sya mũsumbĩ Ndaviti, ila syaĩ nyũmbanĩ ya Ngai.</verse>
				<verse number="10">Na aia andũ onthe, kĩla mũndũ akwete mũio wake wa kaũ kw’okonĩ kwake, kuma ngalĩ ya kw’oko kwa aũme kwa nyũmba kũvika ngalĩ ya kw’oko kwa aka kwa nyũmba, vakuvĩ na kĩthembeo na nyũmba, mathyũlũlũkĩte mũsumbĩ ngalĩ syonthe.</verse>
				<verse number="11">Nĩvo ĩndĩ maumaalilye mwana wa mũsumbĩ, na mamwĩkĩa ĩla ngovia ya ũsumbĩ, na mamũnenga ũla ũkũsĩ, na mamũtw’ĩkĩthya mũsumbĩ: na Yeoiata na ana make mamwĩtĩkĩsya mauta; na masya, Mũsumbĩ nĩekale thayũ ĩvinda ĩasa.</verse>
				<verse number="12">Na yĩla Athalia wewie kĩtuu kya andũ makĩsemba na makĩtaĩa mũsumbĩ, ooka vala ve andũ nyũmbanĩ ya Yeova:</verse>
				<verse number="13">na asisya, na, kaĩ, mũsumbĩ aũngyĩ vakuvĩ na kĩtuĩ kyake ũlikĩlonĩ, na makavuteni na masoo vakuvĩ na mũsumbĩ; na andũ onthe ma ĩ nthĩ matana, na mavuva masoo; o na aini mainga syĩndũ sya kũinga, na matongoesya wininĩ wa ndaĩa. Nĩvo ĩndĩ Athalia watembũangie ngũa syake, na asya, Nĩ ũvinga! Nĩ ũvinga!</verse>
				<verse number="14">Na mũthembi Yeoiata aumaalya makavuteni ma maana ala maiĩtwe ĩũlũ wa nguthu, na amea, Mumaalĩlyei katĩ wa mĩselele; na o ũla wĩmũatĩĩa, nĩoawe na ũvyũ: nũndũ mũthembi aisye, Mũtikamũaĩe nyũmbanĩ ya Yeova.</verse>
				<verse number="15">Kwondũ wa ũu mamwathũkĩa; na athi ũlikĩlonĩ wa mbingĩlo ya mbalasi wa nyũmba ya mũsumbĩ: na mamũaĩa vo.</verse>
				<verse number="16">Na Yeoiata atianĩa ũtianĩo katĩ wake, na andũ onthe, na mũsumbĩ, atĩ makeethĩwa andũ ma Yeova.</verse>
				<verse number="17">Na andũ onthe mathi nyũmbanĩ ya Mbaali, na mamĩomboanga, na matũlanga ilungu ithembeo syayo na mĩvw’anano yayo, na mooaĩa Matani mũthembi wa Mbaali mbee wa ithembeo.</verse>
				<verse number="18">Na Yeoiata aia anene ma nyũmba ya Yeova kw’okonĩ kwa athembi Alivai, ala Ndaviti waiĩte nyũmbanĩ ya Yeova, mathembae nthembo sya kũvĩvw’a sya Yeova, o tondũ kũandĩkĩtwe mĩaonĩ ya Mose, makĩtana na kwĩna, kwĩanana na ũtw’ĩo wa Ndaviti.</verse>
				<verse number="19">Na aia asũvĩi ma mĩomonĩ mbingĩlonĩ sya nyũmba ya Yeova, nĩ kana kũikalike ũmwe ũla ũte mũtheu ũndũnĩ o na wĩva.</verse>
				<verse number="20">Na oosa makavuteni ma maana, na anene me ndaia, na makavana ma andũ, na andũ onthe ma ĩ nthĩ, na amũete mũsumbĩ kuma nyũmbanĩ ya Yeova: na mavĩtĩla mbingĩlonĩ ya ngalĩ ya ĩũlũ kũvika nyũmba ya mũsumbĩ, na mekalya mũsumbĩ kĩvĩlanĩ kya ũsumbĩ.</verse>
				<verse number="21">Na ĩndĩ andũ onthe ma ĩ nthĩ matana, na ndũa yausya. Na maĩ manamũaa Athalia na ũvyũ.</verse>
			</chapter>
			<chapter number="24">
				<verse number="1">Yoasi aĩ wa myaka mũonza yĩla wambĩlĩlye kũsumbĩka; na asumbĩka myaka mĩongo ĩna Yelusaleme: na syĩtwa ya inyia wake eetawa Nzivia, wa ku Mbeeli‐sieva.</verse>
				<verse number="2">Na Yoasi eekaa ũla Yeova wonaa wĩ ũseo mĩthenya yonthe ya mũthembi Yeoiata.</verse>
				<verse number="3">Na Yeoiata amũtwaĩa aka elĩ; na asyaa ana na eĩtu.</verse>
				<verse number="4">Na kweethĩwa ĩtina wa ũu, Yoasi enda kũtũngĩĩa nyũmba ya Yeova.</verse>
				<verse number="5">Na oomban’ya athembi na Alivai, na amea, Endai ndũanĩ sya Yuta, na ũmban’yai kuma kwa Isilaeli onthe mbesa sya kũtũngĩĩa nyũmba ya Ngai wenyu mwaka na mwaka; na sisyai kana mũkalaate ũndũ ũũ. Ĩndĩ Alivai matyaaũkalaata.</verse>
				<verse number="6">Na mũsumbĩ amwĩta mũnene Yeoiata, na amũkũlya, Nũndũ wa kĩ ũtaamaandũa Alivai maete kuma Yuta na Yelusaleme koti watwiwe nĩ Mose mũthũkũmi wa Yeova, na ũmbano wa Isilaeli, kwondũ wa ĩeema ya ũkũsĩ?</verse>
				<verse number="7">Nũndũ ana ma Athalia, mũndũ mũka ũsu mũthũku, nĩmaomboangĩte nyũmba ya Ngai; o na syĩndũ syonthe syavathĩtwe syĩthĩwe ntheu sya nyũmba ya Yeova manenga Mbaalimu.</verse>
				<verse number="8">Na ĩndĩ mũsumbĩ eeaa, na maseũvya ĩsandũkũ na mayia nza mbingĩlonĩ ya nyũmba ya Yeova.</verse>
				<verse number="9">Na matavan’ya Yuta na Yelũsaleme kw’onthe, maete kwondũ wa Yeova koti ũla Mose mũthũkũmi wa Ngai wamatw’ĩĩe Isilaeli ku weũnĩ.</verse>
				<verse number="10">Na anene onthe me mbee ũsumbĩnĩ na andũ onthe matana, na maete, na meekĩa ĩsandũkũnĩ, mũvaka mamina.</verse>
				<verse number="11">Na kweethĩwa atĩĩ, ĩvinda yĩla ĩsandũkũ yaetiwe kwa anene ma kwa mũsumbĩ na kw’oko kwa Alivai, na yĩla moonie kana kwaĩ mbesa nyingĩ, mũandĩki wa mũsumbĩ na mũnene wa kwa mũthembi mũnene mooka na maumya mbesa ĩsandũkũnĩ vyũ, na mayosa, na mayĩtũnga vandũ vayo. Ũu nĩw’o meekaa mũthenya na mũthenya, na moomban’ya mbesa mbingĩ mũno.</verse>
				<verse number="12">Na mũsumbĩ na Yeoiata maĩva ala matethasya wĩa wa ũthũkũmi wa nyũmba ya Yeova: na maandĩka aki ma mavia na aseũvya ma mbwaũ matũngĩĩe nyũmba ya Yeova, o na ala matuaa iaa na ũthuku sya kũtũngĩĩa nyũmba ya Yeova.</verse>
				<verse number="13">Na ĩndĩ athũkũmi matethya wĩa, na ũ wĩa wa kũtũngĩĩa waendeea na mbee wĩ mokonĩ moo, na maũngamya nyũmba ya Ngai kwĩanana na kĩthimo kyayo, na mamĩkĩa vinya.</verse>
				<verse number="14">Na yĩla maminie, maetee mũsumbĩ na Yeoiata mbesa ila syatialile, na maseũvya mĩio ya nyumba ya Yeova nasyo, o mĩĩo ya kũthũkũma nayo na kũthemba, na syĩko, na mĩio ya thaavu na vetha. Na mathembaa nthembo sya kũvĩvw’a nyũmbanĩ ya Yeova mavinda onthe mĩthenya yonthe ya Yeoiata.</verse>
				<verse number="15">Ĩndĩ Yeoiata atumĩa na aĩ wa matukũ maingĩ na akw’a; aĩ wa myaka ĩana na mĩongo ĩtatũ yĩla wakwie.</verse>
				<verse number="16">Na mamũthika ndũanĩ ya Ndaviti katĩ wa asumbĩ, nĩkwĩthĩwa nĩwamekie Isilaeli nesa, o na kwa Ngai na nyũmba yake.</verse>
				<verse number="17">Na ĩtina wa kĩkw’ũ kya Yeoiata anene me mbee ũsumbĩnĩ ma Yuta mooka, na mamwĩkunamĩsya mũsumbĩ vyũ. Na ĩndĩ mũsumbĩ amethukĩĩsya.</verse>
				<verse number="18">Na matia nyũmba ya Yeova, Ngai wa aaĩthe moo, na mathũkũma Aselimu na mĩvw’anano: na ũthilĩku wamokĩa Yuta na Yelusaleme ũndũ wa kũvĩtan’ya kwoo.</verse>
				<verse number="19">Ĩndĩ atũma athani kwoo, mamaete ĩngĩ kwa Yeova; na mamakũsĩĩa; ĩndĩ matyaaĩtĩkĩla kwĩthukĩĩsya.</verse>
				<verse number="20">Na Veva wa Ngai ooka ĩũlũ wa Nzekalia mwana wa mũthembi Yeoiata: na aũngama vu ĩũlangũ wa andũ, na amea, Ũũ nĩw’o Ngai ũnũkwasya, Nĩkĩ mũũvĩtya mĩao ya Yeova, ũndũ mũtatonya kũathimĩka? Nĩkwĩthĩwa nĩmũtiĩte Yeova, nake nũmũtiĩte.</verse>
				<verse number="21">Na mamũsamĩa, na mamũkimangĩa na mavia vu nza ya nyũmba ya Yeova nũndũ wa mwĩao wa mũsumbĩ.</verse>
				<verse number="22">Ũu nĩw’o mũsumbĩ Yoasi waekie kũlilikana ũseo ũla Yeoiata ĩthe wake wamwĩkie, ĩndĩ ooaa mwana wake. Na yĩla wakusaa, asya, Yeova nasisye ũndũ ũũ, na kũandũa.</verse>
				<verse number="23">Na kweethĩwa mũminũkĩlyo wa mwaka, ĩta sya Asilia syooka syũkite nake: na syooka ku Yuta na Yelusaleme, na syaananga anene onthe me mbee ũsumbĩnĩ ma andũ katĩ wa andũ, na syamũtwaĩa mũsumbĩ wa Ndamasiku mũtavo w’onthe ũla syoosie kwoo.</verse>
				<verse number="24">Nũndũ ita sya Asilia syookie na nguthu nini ya andũ; na Yeova anengane nguthu nene mũno kw’okonĩ kwasyo, nĩkwĩthĩwa nĩmamũtiĩte Yeova, Ngai wa aaĩthe moo. Ũu nĩw’o syamũsilĩle Yoasi.</verse>
				<verse number="25">Na yila mamũtiie (nũndũ mamũtiie e mũwau mũno), athũkũmi make mwene mamũsamĩa kwondũ wa nthakame ya ana ma mũthembi Yeoiata, na mamũaĩa ũkomonĩ wake, na akw’a; na mamũthika ndũanĩ ya Ndaviti, ĩndĩ matyaamũthika ngunganĩ vala vathikawa asumbĩ.</verse>
				<verse number="26">Na aa nĩo ala mamũsamĩe: Nzavati mwana wa mũndũ mũka Simeathi Mũamimoni, na Yeosavatu mwana wa mũndũ mũka Similithi Mũmoavi.</verse>
				<verse number="27">Na ĩndĩ ũvoo wa ana make, na ũnene wa mĩio ĩla yailĩĩlwe ĩũlũ wake, na kũtũngĩĩa nyũmba ya Ngai, sisya, nĩmaandĩkĩtwe maandĩkonĩ ma ĩvuku ya asumbĩ. Na Amasia mwana wake asumbĩka vandũ vake.</verse>
			</chapter>
			<chapter number="25">
				<verse number="1">Amasia aĩ wa myaka mĩongo ĩlĩ na ĩtano yĩla wambĩlĩlye kũsumbĩka; na asumbĩka myaka mĩongo ĩlĩ na kenda Yelusaleme: na syĩtwa ya inyia wake eetawa Yeoatini, wa ku Yelusaleme.</verse>
				<verse number="2">Na eekaa ũla Yeova wonaa wĩ ũseo, ĩndĩ tĩ na ngoo mbĩanĩu.</verse>
				<verse number="3">Na kweethĩwa, yĩla ũsumbĩ walũlũmĩlw’e kwake, ooaa athũkũmi make ala mooaie mũsumbĩ ĩthe wake.</verse>
				<verse number="4">Ĩndĩ ndaaũaa syana syoo, ĩndĩ eekie kwĩanana na ũla ũandĩkĩtwe mĩaonĩ ĩvukunĩ ya Mose, o tondũ Yeova weaie, akyasya, Aaĩthe matikakw’e kwondũ wa syana, o na syana itikakw’e kwondũ wa aaĩthe; ĩndĩ kĩla mũndũ akusae kwondũ wa naĩ yake mwene.</verse>
				<verse number="5">O na ĩngĩ Amasia oomban’ya Yuta, na amaia kwĩanana na nyũmba sya aaĩthe moo, ĩtheo wa makavuteni ma ngili ngili na makavuteni ma maana, o Yuta onthe na Mbenyamini: na amatala kuma ala mavikĩtye myaka mĩongo ĩlĩ na mbee, na eethĩa nĩ andũ anyuve ngili maana atatũ, ala maĩ matonya kũthi kaũnĩ, ala maĩ matonya kũkwata ĩtumo na ngao.</verse>
				<verse number="6">O na aandĩka ngũmbaũ nene sya Isilaeli, andũ ngili ĩana, talendi ĩana sya vetha.</verse>
				<verse number="7">Ĩndĩ mũndũ wa Ngai amũendea, akĩmwĩa, We mũsumbĩ, ndũkaeke ita sya Isilaeli iende naku; nũndũ Yeova nde vamwe na Isilaeli, o asu onthe ana ma Evalaimu.</verse>
				<verse number="8">Ĩndĩ ethĩwa ndũtĩa kũthi, ĩka na ũkũmbaũ, ĩthĩwa na vinya wa kũkita: Ngai akakũvalũkya nthĩ vu mbee wa mũmaitha; nũndũ Ngai e na ũtonyi wa kũtethya, na wa kũvalũkya nthĩ.</verse>
				<verse number="9">Na Amasia amwĩa mũndũ wa Ngai, Ĩndĩ tũkeeka ata ũndũ wa talendi ĩana ila nanengie ita sya Isilaeli? Na mũndũ wa Ngai asũngĩa, Yeova nũtonya ũkũnenga mbingĩ kwĩ isu.</verse>
				<verse number="10">Nĩvo ĩndĩ Amasia waitaanũkanisye, o ita ila syamũkĩe kuma Evalaimu, syĩnũke: kwondũ wa ũu ũthatu wasyo wamakanĩa Yuta mũno, na syenũka na ũthatu mwai.</verse>
				<verse number="11">Na Amasia eethĩwa na ũkũmbaũ, na amatongoesya andũ make, na athi Kyandanĩ kya Mũnyũ, na ooaa ana ma Seili ngili ĩkũmi.</verse>
				<verse number="12">Na ngili ingĩ ĩkũmi ana ma Yuta mamatava me thayũ, na mamatwaa ĩũlũ wa ũvai, na mamekya nthĩ kuma ĩũlũ wa ũvai, na onthe mavevenzeka.</verse>
				<verse number="13">Ĩndĩ andũ ma ita ala Amasia wamenũkisye, matikaende nake kaũnĩ, maivithũkĩa ndũa sya Yuta, kuma Samalia o kũvika Mbethi‐oloni, na makũna ngili itatũ, na matava mũtavo mwingĩ.</verse>
				<verse number="14">Na ĩndĩ kweethĩwa, Amasia amina kũsyoka kũma kũaa Aetomu, aete ngai sya ana ma Seili, na aiũngamya syĩthĩwe ngai syake, na asyĩkunamĩsya, na aitoeesya ũvani.</verse>
				<verse number="15">Kwondũ wa ũu ũthatu wa Yeova wakanĩa Amasia, na atũma mwathani kwake, ũla wamwĩie, Ũmanthĩte ngai sya andũ nĩkĩ, ila itaneevonokya andũ moo ene kw’okoni kwaku?</verse>
				<verse number="16">Na kweethĩwa, akĩneena nake, mũsumbĩ amũkũlya, Nĩtwakũnyuvie wĩthĩwe wa atai ma mũsumbĩ? Eka; nĩkĩ ũkwenda ũkũnwa? Na ĩndĩ mwathani aeka, na asya, Nĩnĩsĩ Ngai mũtw’ĩte ũkwananga, nĩkwĩthĩwa nĩwĩkĩte ũu, na ndwaaĩthukĩĩsya ũtao wakwa.</verse>
				<verse number="17">Nĩvo ĩndĩ Amasia mũsumbĩ wa Yuta wasũanĩie, na atũmana kwa Yoasi, mwana wa Yeoaasi mwana wa Yeu, mũsumbĩ wa Isilaeli, akyasya, Ũka twonane ũthyũ kwa ũthyũ.</verse>
				<verse number="18">Na Yoasi mũsumbĩ wa Isilaeli atũmana kwa Amasia mũsumbĩ wa Yuta, akyasya, Thangila ũla waĩ Levanoni watũmana kwa mũkũũ ũla waĩ Levanoni, ũkyasya, Mũnenge mwana wakwa mwĩĩtu waku ethĩwe mũka: na nyamũ mbai ĩla yaĩ Levanoni yavĩta, na yakinyanga ũla thangila.</verse>
				<verse number="19">Naku nũkwasya, Sisya, nũkũnĩte Etomu; na ngoo yaku nĩnĩkũkũkĩlya wĩkathĩĩe: ĩkala yu kwaku; nũndũ wa kĩ ũkwĩlikya maũndũnĩ ma kwĩyĩka naĩ, nĩ kana ũvalũke, o we, wĩ na Yuta?</verse>
				<verse number="20">Ĩndĩ Amasia ndaaĩtĩkĩla kwĩthukĩĩsya; nũndũ ũndũ ũsu waumĩte kwa Ngai, nĩ kana amanengane kw’okonĩ kwa amaitha moo, nĩkwĩthĩwa nĩmamanthĩte ngai sya Etomu.</verse>
				<verse number="21">Na ĩndĩ Yoasi mũsumbĩ wa Isilaeli ambata; nake na Amasia mũsumbĩ wa Yuta moonanĩa ũthyũ kwa ũthyũ ku Mbethi‐semesi, ĩla ya Yuta.</verse>
				<verse number="22">Na Yũta makũnwa nĩ Isilaeli; na makũka kĩla mũndũ athi ĩeemanĩ yake.</verse>
				<verse number="23">Na Yoasi mũsumbĩ wa Isilaeli amũkwatĩa Amasia mũsumbĩ wa Yuta, mwana wa Yoasi mwana wa Yeoaasi, ku Mbethi‐semesi, na amũtwaa Yelusaleme, na aomboanga ũvai wa Yelusaleme kuma mbĩngĩlonĩ ya Evalaimu kũvika mbingĩlonĩ ya kĩkotonĩ, mĩkono maana ana.</verse>
				<verse number="24">Na oosa thaavu na vetha w’onthe, na mĩio yonthe ĩla yonekie kwa Oveti‐etomu nyũmbanĩ ya Ngai, na mothwii maie ma nyũmba ya mũsumbĩ, o na andũ na ngwatĩlĩlyo, na asyoka Samalia.</verse>
				<verse number="25">Na Amasia mwana wa Yoasi mũsumbĩ wa Yuta ekala thayũ ĩtina wa kĩkw’ũ kya Yoasi mwana wa Yeoaasi mũsumbĩ wa Isilaeli myaka ĩkũmi na ĩtano.</verse>
				<verse number="26">Na ĩndĩ meko ala angĩ ma Amasia, ma mbee na ma mũminũkĩlyo, sisya, matiandĩkĩtwe ĩvukunĩ ya asumbĩ ma Yuta na Isilaeli?</verse>
				<verse number="27">Na ĩndĩ kuma ĩvinda yĩla Amasia wethyũũie aeka kũmũatĩĩa Yeova nĩmamũsamĩĩe ku Yelusaleme; na akĩĩa Lakisi: ĩndĩ matũmana aatĩĩwe Lakisi, na mamũaĩa kw’o.</verse>
				<verse number="28">Na mamũete akuĩtwe nĩ mbalasi, na mamũthika vamwe na aaĩthe make ndũanĩ ya Yuta.</verse>
			</chapter>
			<chapter number="26">
				<verse number="1">Na andũ onthe ma Yuta moosa Usia, ũla waĩ wa myaka ĩkũmi na thanthatũ, na mamũtw’ĩkĩthya mũsumbĩ vandũ va ĩthe wake Amasia.</verse>
				<verse number="2">Na atũngĩĩa Elothi, na amĩtũnga kwa Yuta, ĩtina wa mũsumbĩ akoma na aaĩthe make.</verse>
				<verse number="3">Usia aĩ wa myaka ĩkũmi na thanthatũ yĩla wambĩlĩlye kũsumbĩka; na asũmbĩka myaka mĩongo ĩtano na ĩlĩ Yelusaleme: na syĩtwa ya inyia wake eetawa Yekolia, wa ku Yelusaleme.</verse>
				<verse number="4">Na eekaa ũla Yeova wonaa wĩ ũseo, kwĩanana na w’onthe ũla Amasia ĩthe wake wekaa.</verse>
				<verse number="5">Na eelekela amũmanthe Ngai mĩthenyanĩ ya Nzekalia, ũla waĩ na ũmanyi woninĩ wa Ngaĩ: na ĩvinda yonthe yĩla wamanthaa Yeova, Ngai atuma aathimĩka.</verse>
				<verse number="6">Na aumaala na okita na Avilisiti, na aomboa ũvai wa Ngathi, na ũvai wa Yavine, na ũvai wa Asitoti; na aaka ndũa nthĩ ya Asitoti, na katĩ wa Avilisiti.</verse>
				<verse number="7">Na Ngai amũtethya akyũkita na Avilisiti, na Alavu ala matwĩe Nguli‐mbaali, o na Ameuni.</verse>
				<verse number="8">Na Aaminoni mamumĩsya Usia mũvothi: na syĩtwa yake yanyaĩĩka o kũvika ũlikĩlonĩ wa Misili; nũndũ ayie vinya mũno.</verse>
				<verse number="9">O na ĩngĩ Usia aaka myako mĩtũlu ya mĩnyoolo Yelusaleme mbingĩlonĩ ya kĩkotonĩ, na mbingĩlonĩ ya kyandanĩ, na vala ũvai weekotele, na amĩlũlũmĩlya.</verse>
				<verse number="10">Na aaka myako mĩtũlu ya mĩnyoolo weũnĩ, na enza ithima mbingĩ mavianĩ, nũndũ aĩ na indo mbingĩ; o na nthĩ ndindimalu, na ũiĩni: na aĩ na aĩmi na asũvĩi ma mĩsavivũ iĩmanĩ na mĩũndanĩ ĩla yasyaaa mũno; nũndũ nĩwendete nĩma.</verse>
				<verse number="11">O na ĩngĩ Usia aĩ na ita sya andũ ma kũkita, ala maumaalaa kũthi kaũnĩ nguthu na nguthu, kwĩanana na ũndũ meana ala matalĩtwe nĩ mũandĩki Yeieli na mũnene Maaseia, me kw’okonĩ kwa Aanania, kavuteni ũmwe wa mũsumbĩ.</verse>
				<verse number="12">Ũtalo w’onthe wa atongoi ma nyũmba sya aaĩthe, o ngũmbaũ nene, waĩ ngili ilĩ na maana thanthatũ.</verse>
				<verse number="13">Na kwaĩ ita kw’okonĩ kwoo, andũ ngili maana atatũ na mũonza na maana atano ala mokitaa na ũtonyi mũnene, matethasye mũsumbĩ akĩlasye amaitha vinya.</verse>
				<verse number="14">Na Usia amaseũvĩsya, o nguthu yonthe, ngao, na matumo, na ngovia, na tũkoti twa iaa, na mata, na mavia ma kwĩkya na ikũtha.</verse>
				<verse number="15">Na aseũvya ku Yelusaleme syĩndũ ila syambĩlĩlye kũsũanĩwa nĩ andũ ndũĩka, syĩthĩwe ĩũlũ wa myako mĩtũlu ya mĩnyoolo na maũvai matũlu, sya kwĩkya mĩsyĩ na mavia manene. Na syĩtwa yake yanyaĩĩka kũasa; nũndũ atethiw’e mũno kũseng’ya, kũvika eethĩwa na vinya.</verse>
				<verse number="16">Ĩndĩ yĩla waĩ na vinya, ngoo yake yeetũlya, kwondũ wa ũu eeka naĩ mũno, na amũvĩtanĩsya Yeova Ngai wake; nũndũ alikile ĩkalũnĩ ya Yeova atoeesye ũvani kĩthembeonĩ kya kũtoeesya ũvanĩ.</verse>
				<verse number="17">Na mũthembi Asalia alika amũatĩĩe, e na athembi mĩongo nyanya ma Yeova, andũ ngũmbaũ:</verse>
				<verse number="18">na mamũkan’ya mũsumbĩ Usia, na mamwĩa, Ti wĩa waku, Usia, kũmũtoeesya Yeova ũvani, ĩndĩ nĩ wa athembi na ana ma Aluni, ala mavathanĩtw’e methĩwe atheu matoeeasye ũvani: uma ĩkalũnĩ; nũndũ nũvĩtĩtye; o na ũu ndũkethĩwa ndaĩa kwaku kuma kwa Yeova Ngai.</verse>
				<verse number="19">Nĩvo ĩndĩ Usia wathilĩkile; na aĩ na kĩtoeesya kya ũtoeesya ũvani kw’okonĩ kwake; na yĩla wathilĩkĩle athembi, mangũ maumĩla kĩtulyanĩ kyake athembi mene me nyũmbanĩ ya Yeova, vakuvĩ na kĩthembeo kya kũtoeesya ũvani.</verse>
				<verse number="20">Na Asalia mũthembi mũnene, na athembi onthe, mamũketeea, na, sisya, aĩ na mangũ kĩtulyanĩ kyake, na mamũkuthũa vo mĩtũkĩ; ĩĩ, o nake mwene eekalaata kumaala, nĩkwĩthĩwa Yeova nĩwamũkũna.</verse>
				<verse number="21">Na mũsumbĩ Usia aĩ na mangũ kũvika mũthenya wa kĩkw’ũ kyake, na ekalaa, nyũmbanĩ yĩ ũtee, nũndũ aĩ na mangũ; nũndũ nĩwavetiwe nyũmbanĩ ya Yeova: na Yothamu mwana wake aĩ mũnene wa nyũmba ya mũsumbĩ, akĩsilanasya andũ ma ĩ nthĩ.</verse>
				<verse number="22">Na ĩndĩ meko ala angĩ ma Usia, ma mbee na ma mũminũkĩlyo, mwathani Isaia, mwana wa Amosu, nĩwamaandĩkie.</verse>
				<verse number="23">Na ĩndĩ Usia akoma na aaĩthe make; na mamũthika na aaĩthe make kĩsesinĩ kya kũthika akw’ũ kĩla kyaĩ kya asumbĩ; nũndũ nĩmaisye, E na mangũ: na Yothamu mwana wake asumbĩka vandũ vake.</verse>
			</chapter>
			<chapter number="27">
				<verse number="1">Yothamu aĩ wa myaka mĩongo ĩlĩ na ĩtano yĩla wambĩlĩlye kũsumbĩka; na asumbĩka myaka ĩkũmi na thanthatũ Yelusaleme; na syĩtwa ya inyia wake eetawa Yelusa mwĩĩtu wa Nzatoki.</verse>
				<verse number="2">Na eekaa ũla Yeova wonaa wĩ ũseo, kwĩanana na w’onthe ũla ĩthe wake Usia wekaa; vamwe na ũu ndaalika ĩkalũnĩ ya Yeova. Namo andũ maendeea na kwĩka naĩ.</verse>
				<verse number="3">Aaka mbingĩlo ya ngalĩ ya ĩũlũ ya nyũmba ya Yeova, na aakĩĩa mũno ũvai wa Oveli.</verse>
				<verse number="4">Na ĩngĩ aaka ndũa nthĩ yĩ iĩma ya Yuta, na mĩtitũnĩ aaka nyũmba nene syĩ kĩemo na myako mĩtũlu ya mĩnyoolo.</verse>
				<verse number="5">O na okita na mũsumbĩ wa ana ma Amimoni, na amakĩlya vinya. Na ana ma Amimoni mamũnenga o mwaka ũsu talendi ĩana sya vetha, na ithimi ngili ĩkũmi sya nganũ, na ngili ĩkũmi sya mbaale. Ana ma Amimoni mamũnenga mwaka wa kelĩ naw’o o ta ũu, na wa katatũ.</verse>
				<verse number="6">Kwondũ wa ũu Yothamu eethĩwa na vinya mũno, nĩkwĩthĩwa nĩwalũlũmĩlasya mĩendele yake mbee wa Yeova Ngai wake.</verse>
				<verse number="7">Na ĩndĩ meko ala angĩ ma Yothamu, na makaũ make onthe, na mĩendele yake, sisya, nĩmaandĩkĩtwe ĩvukunĩ ya asumbĩ ma Isilaeli na Yuta.</verse>
				<verse number="8">Aĩ wa myaka mĩongo ĩlĩ na ĩtano yĩla wambĩlĩlye kũsumbĩka, na asumbĩka myaka ĩkũmi na thanthatũ Yelusaleme.</verse>
				<verse number="9">Na Yothamu akoma na aaĩthe make, na mamũthika ndũanĩ ya Ndaviti: na Aasu mwana wake asumbĩka vandũ vake.</verse>
			</chapter>
			<chapter number="28">
				<verse number="1">Aasu aĩ wa myaka mĩongo ĩlĩ yĩla wambĩlĩlye kũsumbĩka; na asumbĩka myaka ĩkũmi na thanthatũ Yelusaleme: na ndaaĩka ũla Yeova wonaa wĩ ũseo, ta Ndaviti ĩthe wake;</verse>
				<verse number="2">ĩndĩ aendaa mĩendelenĩ ya asumbĩ ma Isilaeli, o na aseũvya mĩvw’anano na syĩndũ matwekethetye kwondũ wa Mbaalimu.</verse>
				<verse number="3">Na ũndũ ũngĩ atoeeasya ũvani e kyandanĩ kya mwana wa Inomu, na avĩvĩsya syana syake mwakĩnĩ, kwĩanana na mothatyo ma mbaĩ ila Yeova walũngilye syume mbee wa ana ma Isilaeli.</verse>
				<verse number="4">Na athembaa na kũtoeeasya ũvani kũla kũndũ kũtũlu, na iĩmanĩ, na ĩtina wa kĩla mũtĩ mwĩũ.</verse>
				<verse number="5">Kwondũ wa ũu Yeova Ngai wake amũnengane kw’okonĩ kwa mũsumbĩ wa Silia; na mamũkũna, na matwaa ma andũ make aingĩ mũno me atave, na mamavikya Ndamasiku. Nake mwene anenganwe kw’okonĩ kwa mũsumbĩ wa Isilaeli, ũla wamũkũnie na ũai mũnene.</verse>
				<verse number="6">Nũndũ Veka mwana wa Lemalia nĩwoaie ku Yuta andũ ngili ĩana na mĩongo ĩlĩ mũthenya ũmwe, onthe andũ ngũmbaũ; nĩkwĩthĩwa nĩmatiĩte Yeova, Ngai wa aaĩthe moo.</verse>
				<verse number="7">Na Nzikili, mũndũ ngũmbaũ wa Evalaimu, ooaa Maaseia mwana wa mũsumbĩ, na Asilikamu mũnene wa nyũmba, na Elikana ũla waĩ wa kelĩ ũsumbĩnĩ.</verse>
				<verse number="8">Na ana ma Isilaeli matwaa ana‐a‐ĩthe moo mamatavĩte ngili maana elĩ, aka, na ana, na eĩtu, o oa matava mũtavo mwingĩ kuma kwoo, na matwaa mũtavo Samalia.</verse>
				<verse number="9">Ĩndĩ mwathani wa Yeova aĩ kw’o, ũla wetawa syĩtwa yake Oteti: na aumaala akomane na nguthu ĩla yokĩte Samalia, na amĩtavya, Sisya, nĩkwĩthĩwa Yeova, Ngai wa aaĩthe menyu, nĩwathilĩkĩle Yuta, nũmanenganĩte kw’okonĩ kwenyu, na nĩmũmoaĩte na ũthatu mwai ũvikĩte ĩtunĩ.</verse>
				<verse number="10">Na yu nĩmũsũanĩĩte kwĩkalya ana ma Yuta na Yelusaleme methĩwe ngombo kwenyu aũme na aka: ĩndĩ inyw’ĩ kũti mavĩtyo o na kwenyu ĩũlũ wa Ngai wenyu?</verse>
				<verse number="11">Kwondũ wa ũu yu mbĩthukĩĩsyai na mũitũnga ala atave, ala mũtavĩte ma ana‐a‐ĩthe menyu; nũndũ ũthilĩku mwai wa Yeova wĩ ĩũlũ wenyu.</verse>
				<verse number="12">Nĩvo ĩndĩ amwe ma atongoi ma ana ma Evalaimu, nao nĩ Asalia mwana wa Yoanani, na Mbelekia mwana wa Mesilemothi, na Yeisikia mwana wa Salumu, na Amasa mwana wa Aatilai, maũngamie mamasiĩĩe ala mookie kuma kaũnĩ,</verse>
				<verse number="13">na mamea, Mũtilikya ala atave vaa: nũndũ nĩmũsũanĩĩte ũndũ ũla wĩtũetee ĩvĩtyo kũla kwĩ Yeova, na kwongeleela naĩ sitũ o na ĩvĩtyo yitũ; nũndũ ĩvĩtyo yitũ nĩ ĩnene, na ve kũthilĩkĩlwa kwai ĩũlũ wa Isilaeli.</verse>
				<verse number="14">Kwondũ wa ũu andũ ala meekĩe mĩio ya kaũ matia ala atave o na mũtavo kũla kwĩ anene me mbee ũsumbĩnĩ na ũmbano w’onthe.</verse>
				<verse number="15">Na andũ ala mawetetwe masyĩtwa mookĩla, na moosa ala matavĩtwe, na kumya vu mũtavonĩ mamavw’ĩka onthe katĩ woo ala maĩ athei, na mamekĩa ngũa, na mamekĩa iatũ, na memanenga kya ũya na kya ũnyw’a, na mametĩkĩsya mauta, na makuĩthya onthe moo ala mataĩ na vinya mang’oinĩ, na mamaete Yeliko, ndũa ya mĩtende, kwa ana‐a‐ĩthe moo: na ĩndĩ masyoka Samalia.</verse>
				<verse number="16">Ĩvinda yĩu mũsumbĩ Aasu atũmana kwa asumbĩ ma Asuli mamũtethye.</verse>
				<verse number="17">Nĩkwĩthĩwa Aetomu nĩmookie ĩngĩ na makũna Yuta, na matwaa andũ me atave.</verse>
				<verse number="18">O na Avilisiti nao nĩmalikĩte ndũa sya nthĩ ndindimalu, na sya ngalĩ ya Ĩtheo ya Yuta, na nĩmoosete Mbethi‐semesi, na Aiyaloni, na Ngetelothi, na Soko na tũtũla twayo, na Timina na tũtũla twayo, o na Ngimiso na tũtũla twayo: na matũa kw’o.</verse>
				<verse number="19">Nũndũ Yeova nĩwanyivisye Yuta nũndũ wa Aasu mũsumbĩ wa Isilaeli; nĩkwĩthĩwa nĩwekĩie ũmalwaya ku Yuta, na amũvĩtanĩsya Yeova mũno.</verse>
				<verse number="20">Na Tilikathi‐vilineseli mũsũmbĩ wa Asuli amũkĩa, na amũthĩn’ya ĩndĩ ndaamwĩkĩa vinya.</verse>
				<verse number="21">Nũndũ Aasu aumisye kĩlungu nyũmbanĩ ya Yeova, na nyũmbanĩ ya mũsumbĩ na ya anene me mbee ũsumbĩnĩ, na amũnenga mũsumbĩ wa Asuli: ĩndĩ kĩtyaamũtethya.</verse>
				<verse number="22">Na ĩvinda ya thĩna wake amũvĩtanĩsya Yeova mũno mbee, o mũsumbĩ ũsu Aavu.</verse>
				<verse number="23">Nũndũ nĩwathembeie ngai sya Ndamasiku, ila syamũkũnie; nake asya, Nĩkwĩthĩwa ngai sya asumbĩ ma Silia nĩsyamatethisye, kwondũ wa ũu ngaithembea, nĩ kana indethye. Ĩndĩ nĩsyamwanangie we, na Isilaeli onthe.</verse>
				<verse number="24">Na Aasu oomban’ya mĩio ya nyũmba ya Ngai, na atilanga ilungu mĩio ya nyũmba ya Ngai, na avinga mĩomo ya nyũmba ya Yeova; na eeseũvĩsya ithembeo kĩla kĩkotonĩ kya Yelusaleme.</verse>
				<verse number="25">Na kĩla ndũanĩ ya Yuta aseũvya kũla kũndũ kũtũlu kwa kwitoeeasya ngai ingĩ ũvani, na athatya Yeova, Ngai wa aaĩthe make.</verse>
				<verse number="26">Na ĩndĩ meko ala angĩ make, na mĩendele yake yonthe, ma mbee na ma mũminũkĩlyo, sisya, nĩmaandĩkĩtwe ĩvukunĩ ya asumbĩ ma Yuta na Isilaeli.</verse>
				<verse number="27">Na Aasu akoma na aaĩthe make, na mamũthika ndũanĩ, o Yelusaleme; nũndũ matyaamũete ngunganĩ vala vathikawa asumbĩ ma Isilaeli: na Esekia mwana wake asumbĩka vandũ vake.</verse>
			</chapter>
			<chapter number="29">
				<verse number="1">Esekia ambĩlĩlya kũsumbĩka yĩla waĩ wa myaka mĩongo ĩlĩ na ĩtano; na asumbĩka myaka mĩongo ĩlĩ na kenda Yelusaleme: na syĩtwa ya inyia wake eetawa Aviya, mwĩĩtu wa Nzekalia.</verse>
				<verse number="2">Na eekaa ũla Yeova wonaa wĩ ũseo, kwĩanana na w’onthe ũla Ndaviti ĩthe wake wekaa.</verse>
				<verse number="3">Mwaka wa mbee wa kũsumbĩka kwake, mwei wa mbee, nĩwavingũie mĩomo ya nyũmba ya Yeova, na amĩseũvya.</verse>
				<verse number="4">Na aete athembi na Alivai, na amomban’ya vala vandũ vathanthau ngalĩ ya wumĩlonĩ wa syũa,</verse>
				<verse number="5">na amea, Mbĩthukĩĩsyai, inyw’ĩ Alivai; ĩvathan’yei mwĩthĩwe atheu, na mũivathan’ya nyũmba ya Yeova, Ngai wa aaĩthe menyu, na mũikua mumaalye ũvuku ũla wĩ vala vandũ vatheu.</verse>
				<verse number="6">Nũndũ aaĩthe maitũ nĩmavĩtĩtye, na mekĩte ũla Yeova Ngai waitũ wonaa wĩ ũthũku, na nĩmamũtiĩte, na nĩmathyũũĩte mothyũ moo kumya ũtũonĩ wa Yeova, na mawelekelya mĩongo yoo.</verse>
				<verse number="7">O na nĩmavingĩte mĩomo ya valasya, na mavosya mataa, na matyaatoeeasya ũvani kana kũmũthembea Ngai wa Isilaeli nthembo sya kũvĩvw’a nthinĩ wa vala vandũ vatheu.</verse>
				<verse number="8">Kwondũ wa ũu ũthilĩku wa Yeova waĩ ĩũlũ wa Yuta na Yelusaleme, na nũmanenganite mokĩlangw’e kũũ na kũũ, methĩwe ũseng’yo, na ma kũtimbwa, o tondũ mũkwona na metho menyu.</verse>
				<verse number="9">Nũndũ, sisyai, aaĩthe maitũ nĩmavalũkilw’e na ũvyũ, na ana maitũ na eĩtu maitũ na iveti sitũ nĩ atave kwondũ wa ũndũ ũsu.</verse>
				<verse number="10">Na ĩndĩ kwĩ ngoonĩ yakwa kũtianĩa ũtianĩo na Yeova, Ngai wa Isilaeli, nĩ kana ũthatu wake mwai wĩthyũũe ũtũtie.</verse>
				<verse number="11">Ana makwa, yu mũikateenyange; nũndũ Yeova nũmũnyuvĩte mũũngame mbee wake mũmũthũkũme, na mwĩthĩwe athũkũmi make, na kũtoeeasya ũvani.</verse>
				<verse number="12">Nĩvo ĩndĩ Alivai mookĩlile, Maathu, mwana wa Amasai, na Yoeli mwana wa Asalia, na ana ma Akoathi; na ma ana ma Melali, Kisu mwana wa Avati, na Asalia mwana wa Yealeleli; na ma Angelisoni, Yoa mwana wa Nzima, na Eteni mwana wa Yoa;</verse>
				<verse number="13">na ma ana ma Elisavani, Simili na Yeueli; na ma ana ma Asavu, Nzekelia na Matania;</verse>
				<verse number="14">na ma ana ma Emani, Yeueli na Simei; oa ma ana ma Yetuthuni, Semaia na Usieli.</verse>
				<verse number="15">Na moomban’ya ana‐a‐ĩthe moo, na meevathan’ya methĩwe atheu, na malika, kwĩanana na mwĩao wa mũsumbĩ kwondũ wa ndeto sya Yeova mathesye nyũmba ya Yeova.</verse>
				<verse number="16">Na athembi malika vandũ va nthĩnĩ va nyũmba ya Yeova, mavathesye, na maumaalya nza ya nyũmba ya Yeova ũvuku w’onthe ũla moonie ĩkalũnĩ ya Yeova. Na Alivai mawosa, mawumaalya kũvikya kalũsĩnĩ ka Kitiloni.</verse>
				<verse number="17">Na ĩndĩ mambĩlĩlye mũthenya wa mbee wa mwei wa mbee mavathan’ye, na mũthenya wa nyanya wa mwei mavika valasya wa Yeova; na mavathan’ya nyũmba ya Yeova vandũ va mĩthenya nyanya yĩthĩwe ntheu: na mũthenya wa ĩkũmi na thanthatũ wa mwei wa mbee mamina.</verse>
				<verse number="18">Nĩvo ĩndĩ malikile vala ve mũsumbĩ Esekia nthĩnĩ wa nyũmba nene mbanakavye, na masya, Nĩtũtheetye nyũmba yonthe ya Yeova, na kĩthembeo kya nthembo ya kũvĩvw’a, vamwe na mĩio yonthe yakyo, na mesa ya imũtũ ila siĩawa Yeova, vamwe na mĩio yonthe yayo.</verse>
				<verse number="19">O na ũndũ ũngĩ mĩio yonthe, ĩla mũsumbĩ Aasu yĩla wasumbĩkĩte wavetie ũtee yĩla wavĩtisye, nĩtũmĩseũvĩtye o na kũmĩvathan’ya yĩthĩwe mĩtheu: na, sisya, yĩ mbee wa kĩthembeo kya Yeova.</verse>
				<verse number="20">Na ĩndĩ mũsumbĩ Esekia ookĩla kĩoko tene, na oomban’ya anene me mbee ũsumbĩnĩ ma ndũa, na ambata nyũmbanĩ ya Yeova.</verse>
				<verse number="21">Na maete tũsalũ twa mũew’a mũonza, na ndũũme mũonza, na tũtena twa malondu mũonza, na nthenge mũonza, syĩthĩwe nthembo kwondũ wa naĩ kwondũ wa ũsumbĩ na kwondũ wa vala vandũ vatheu na kwondũ wa Yuta. Na eeaĩa athembi, ana ma Aluni, maithembe kĩthembeonĩ kya Yeova.</verse>
				<verse number="22">Na ĩndĩ mooaa tũsalũ, na athembi moosa nthakame, na mamĩminzangĩsya kĩthembeonĩ: na mooaa ndũũme, na maminzangĩsya nthakame kĩthembeonĩ: o na mooaa tũtena twa malondu, na maminzangĩsya nthakame kĩthembeonĩ.</verse>
				<verse number="23">Na mathengeesya nthenge vu mbee wa mũsumbĩ na ũmbano syĩthĩwe nthembo kwondũ wa naĩ; na mailĩĩla moko moo ĩũlũ wasyo:</verse>
				<verse number="24">na athembi masyũaa, na nthakame yasyo mathemba kĩthembeonĩ kwondũ wa naĩ, kwondũ wa wĩw’anĩthyo wa Isilaeli onthe: nũndũ mũsumbĩ nĩweaie kana nthembo ya kũvĩvw’a na nthembo kwondũ wa naĩ ĩkathembwe kwondũ wa Isilaeli onthe.</verse>
				<verse number="25">Na aia Alivai nyũmbanĩ ya Yeova me na tũmasaya, na inanda, na mbeve, kwĩanana na mwĩao wa Ndaviti, na wa Ngati mwoni wa kwa mũsumbĩ, na mwathani Nathani; nũndũ mwĩao waĩ wa Yeova na kanyw’a wa athani make.</verse>
				<verse number="26">Na Alivai maũngama me na syĩndũ sya kũinga sya Ndaviti, na athembi me na masoo.</verse>
				<verse number="27">Na Esekia eeaa nthembo ya kũvĩvw’a ĩthembwe kĩthembeonĩ Na yĩla nthembo ya kũvĩvw’a yambĩlĩlw’e, wathi wa Yeova naw’o wambĩlĩlw’a, o na masoo, vamwe na syĩndũ sya kũinga sya Ndaviti mũsumbĩ wa Isilaeli.</verse>
				<verse number="28">Na ũmbano w’onthe wathaitha, na aini maina, na masoo mavuvwa; na ũu w’onthe weekwa kũvika nthembo ya kũvivw’a yathela.</verse>
				<verse number="29">Na yĩla maminie kũthemba, mũsumbĩ na onthe ala maĩ vo vamwe nake makunama na mathaitha.</verse>
				<verse number="30">O na ĩngĩ mũsumbĩ Esekia na anene me mbee ũsumbĩnĩ meeaĩa Alivai mamũkumye Yeova na ndeto sya Ndaviti, na sya Asavu ũla mwini. Na maina ndaĩa na ũtanu, na makunamya mĩtwe yoo na mathaitha.</verse>
				<verse number="31">Nĩvo ĩndĩ Esekia wasũngĩie na asya, Yu nĩmwĩvathanĩtye mwĩthĩwe atheu kwa Yeova; thengeeai na mũiete nthembo sya kũtonywa na nthembo sya mũvea nyũmbanĩ ya Yeova. Na ũmbano waete nthembo sya kũtonywa na nthembo sya mũvea; na o ũndũ meana ala maĩ na ngoo ya kwenda maete nthembo sya kũvĩvw’a.</verse>
				<verse number="32">Na ũtalo wa nthembo sya kũvĩvw’a ila syaetiwe nĩ ũmbano waĩ tũsalũ twa mũew’a mĩongo mũonza, na ndũũme ĩana, na tũtena twa malondu maana elĩ; isu syonthe syaĩ sya nthembo ya kũmũvĩvĩsya Yeova.</verse>
				<verse number="33">Na syĩndũ ila syavathiwe syĩthĩwe ntheu syaĩ ng’ombe maana thanthatũ na malondu ngili itatũ.</verse>
				<verse number="34">Ĩndĩ athembi maĩ anini, ũndũ mataatonya kũthĩnza nthembo syonthe sya kũvĩvw’a: kwondũ wa ũu ana‐a‐ĩthe moo Alivai mamatetheesya, kũvika yĩla wĩa wathelile, na kũvika yĩla athembi meevathie methĩwe atheu; nũndũ Alivai maĩ alũngalu ngoonĩ ũndũnĩ wa kwĩvathan’ya kũthonoka athembi.</verse>
				<verse number="35">O na nthembo sya kũvĩvw’a syaĩ nyingĩ mũno, vamwe na mathunya ma nthembo sya mũuo, na vamwe na nthembo sya kũnyuwa kwondũ wa kĩla nthembo ya kũvĩvw’a. Ũu nĩw’o ũthũkũmi wa nyũmba ya Yeova walanilw’e.</verse>
				<verse number="36">Na Esekia atana, o na andũ onthe, nũndũ wa ũla Ngai waseũvĩsye andũ: nũndũ ũndũ ũsu nĩweekĩkie na mĩtũkĩ.</verse>
			</chapter>
			<chapter number="30">
				<verse number="1">Na Esekia atũmana kwa Isilaeli na Yuta onthe, o na amaandĩkĩa Evalaimu na Manase mavalũa, moke nyũmbanĩ ya Yeova Yelusaleme, malilikane vasaka kwondũ wa Yeova, Ngai wa Isilaeli.</verse>
				<verse number="2">Nũndũ mũsumbĩ nĩwasũanĩĩte, na anene make me mbee ũsumbĩnĩ, na ũmbano w’onthe ku Yelusaleme, malilikane vasaka mwei wa kelĩ.</verse>
				<verse number="3">Nũndũ matyaatonya kũlilikana ĩvinda yĩu, nĩkwĩthĩwa ũtalo wa athembi ala meevathanĩtye methĩwe atheu ndwaĩ mwĩanĩu, o na andũ matyaĩ manamba kũmbana Yelusaleme.</verse>
				<verse number="4">Na mũsumbĩ na ũmbano w’onthe moona ũndũ ũsu nĩ mũseo.</verse>
				<verse number="5">Kwondũ wa ũu matw’a ũtw’ĩo matavan’ye katĩ wa Isilaeli onthe, kuma Mbeeli‐sieva o na kũvika Ndani, moke malilikane vasaka kwondũ wa Yeova, Ngai wa Isilaeli, ku Yelusaleme: nĩkwĩthĩwa matyaaũlilikana me aingĩ o tondũ kũandĩkĩtwe.</verse>
				<verse number="6">Kwondũ wa ũu atwai ma mavalũa nĩmaendie katĩ wa Isilaeli na Yuta kw’onthe na mavalũa maumĩte kwa mũsumbĩ na anene make me mbee ũsumbĩnĩ, o kwĩanana na mwĩao wa mũsumbĩ, makyasya, Inyw’ĩ ana ma Isilaeli, mwĩthyũũĩei Yeova Ngai wa Avalaamu, na Isaka, na Isilaeli ĩngĩ, nĩ kana asyokee ũtialo wa inyw’ĩ ala mũvonokete kuma kw’okonĩ kwa asumbĩ ma Asuli.</verse>
				<verse number="7">Na mũtikethĩwe mũilyĩ ta aaĩthe menyu, na ta ana‐a‐ĩthe menyu, ala mamũvĩtanĩsye Yeova, Ngai wa aaĩthe moo, kũvika amanengane wanangĩkonĩ, o ũndũ mũkwona.</verse>
				<verse number="8">Na yu mũtikethĩwe na ngingo nyũmũ, o tondũ aaĩthe menyu mailyĩ; ĩndĩ ĩnenganei kwa Yeova, na mũilika vandũnĩ vake vala vatheu, vala ũvathanĩtye tene na tene vethĩwe vatheu, na mũimũthũkũma Yeova Ngai wenyu, nĩ kana ũthatu wake mwai wĩthyũũwe wume kwenyu.</verse>
				<verse number="9">Nũndũ ethĩwa mwĩmwĩthyũũĩa Yeova ĩngĩ, ana‐a‐ĩthe menyu na syana syenyu makoona ĩnee kwa ala mamatwaie me atave, na makasyoka ĩngĩ nthĩ ĩno: nũndũ Yeova Ngai wenyu nĩ mũseo na e tei, na ndakathyũũa ũthyũ wake amũtie, ethĩwa nĩmũũmũsyokea.</verse>
				<verse number="10">Kwondũ wa ũu atwai ma mavalũa maendela ndũanĩ na ndũanĩ nthĩ ya Evalaimu na Manase, o kũvika Nzevuluni: ĩndĩ mamathekeea mũno, na kũmavũthya.</verse>
				<verse number="11">Ĩndĩ andũ amwe ma Aseli na Manase na ma Nzevuluni meenyivya na mooka Yelusaleme.</verse>
				<verse number="12">Na ĩngĩ kw’oko kwa Yeova kwookĩa Yuta kũmanenga ngoo ĩmwe, meke mwĩao wa mũsumbĩ na wa anene me mbee ũsumbĩnĩ kwĩanana na ndeto ya Yeova.</verse>
				<verse number="13">Na kwoombana andũ aingĩ Yelusaleme malilikane mboka ya kĩmũtũ kĩte ĩlawa mwei wa kelĩ, ũmbano mũnene mũno.</verse>
				<verse number="14">Na mookĩla na maveta ithembeo ila syaĩ Yelusaleme, na maveta ithembeo syonthe sya kũtoeesya ũvani, na masyĩkya kalũsĩnĩ ka Kitiloni.</verse>
				<verse number="15">Na ĩndĩ mooaa vasaka mũthenya wa ĩkũmi na ĩna wa mwei wa kelĩ: na athembi na Alivai masonoka, na meevathan’ya methĩwe atheu, na maete nthembo sya kũvĩvw’a nyũmbanĩ ya Yeova.</verse>
				<verse number="16">Na maũngama vandũ voo maatĩanĩe, kwĩanana na mwĩao wa Mose mũndũ wa Ngai: athembi maminzangĩsya nthakame ĩla moosie kuma mokonĩ ma Alivai.</verse>
				<verse number="17">Nũndũ kwaĩ aingĩ ũmbanonĩ ala mataaĩvathan’ya methĩwe atheu: kwondũ wa ũu Alivai maĩ na wĩaĩo wa kũaa mavasaka kwondũ wa kĩla ũmwe ũtetheetye, mamavathan’ye methĩwe atheu kwa Yeova.</verse>
				<verse number="18">Nũndũ wingĩ wa andũ, o aingĩ ma Evalaimu na Manase, na Isakali na Nzevuluni, matyeetheetye, ĩndĩ maya vasaka ũndũ kũtaandĩkĩtwe. Nũndũ Esekia aĩ anamavoyea, akyasya, Yeova mũseo naekee kĩla ũmwe</verse>
				<verse number="19">ũla wĩlũmya ngoo yake amanthe Ngai, Yeova, Ngai wa aaĩthe make, o na ethĩwa ndetheetye kwĩanana na ũthesyo wa vala vandũ vatheu.</verse>
				<verse number="20">Na Yeova amwĩthukĩĩsya Esekia, na avosya andũ.</verse>
				<verse number="21">Na ana ma Isilaeli ala maĩ Yelusaleme malĩlĩkana mboka ya kĩmũtũ kĩte ĩlawa mĩthenya mũonza me na ũtanu mwingĩ; na Alivai na athembi mamũtaĩa Yeova mũthenya na mũthenya, makĩmwinĩa Yeova na syĩndũ sya kũinga syĩ wasya mũnene.</verse>
				<verse number="22">Na Esekia aneena aimakiakiasya Alivai onthe ala maĩ na ũmanyi mũseo ũthũkũminĩ wa Yeova. Na ĩndĩ maya mboka mĩthenya ĩsu mũonza, makĩthemba nthembo sya nthembo sya mũuo, na makyumbũlĩla Yeova, Ngai wa aaĩthe moo.</verse>
				<verse number="23">Na ũmbano w’onthe wasũanĩa kũlilikana mĩthenya ĩngĩ mũonza; na malilikana mĩthenya ĩngĩ mũonza me na ũtanu.</verse>
				<verse number="24">Nũndũ Esekia mũsumbĩ wa Yuta anenga ũmbano tũsalũ twa mũew’a ngili na malondu ngili mũonza syĩthĩwe nthembo; na anene me mbee ũsumbĩnĩ manenga ũmbano tũsalũ twa mũew’a ngili na malondu ngili ĩkũmi: na athembi aingĩ meevathan’ya methĩwe atheu.</verse>
				<verse number="25">Na ũmbano w’onthe wa Yuta, vamwe na athembi na Alivai, na ũmbano w’onthe ũla waumie nthĩnĩ wa Isilaeli, na ekali ma ũeninĩ ala maumie nthĩ ya Isilaeli, na ala matwĩe Yuta, matana.</verse>
				<verse number="26">Kwondũ wa ũu kwaĩ ũtanu mwingĩ Yelusaleme; nũndũ kuma ĩvinda ya Solomoni mwana wa Ndaviti mũsumbĩ wa Isilaeli kũtyaaĩthĩwa ũndũ ta ũsu Yelusaleme.</verse>
				<verse number="27">Nĩvo ĩndĩ athembi Alivai maũngamie na maathima andũ: na wasya woo weew’ĩka, na kũvoya kwoo kwambata kũvika ũtũonĩ wake mũtheu, o kũvika ĩtunĩ.</verse>
			</chapter>
			<chapter number="31">
				<verse number="1">Na ĩndĩ yĩla ũu w’onthe wathelile, Isilaeli onthe ala maĩ vo mauma mathi ndũanĩ sya Yuta, na matũlanga ituĩ, na matema Aselimu yavalũka, na maananga kũla kũndũ kũtũlu na ithembeo nthĩ yonthe ya Yuta na Mbenyamini, o na nthĩ ya Evalaimu na Manase, kũvika maananga syonthe. Na ĩndĩ ana onthe ma Isilaeli masyoka, kĩla mũndũ ng’ũndũnĩ yake, ndũanĩ syoo ene.</verse>
				<verse number="2">Na Esekia aia nguthu sya athembi na Alivai kũatĩanĩsya nguthu syoo, kĩla mũndũ kwĩanana na ũthũkũmi wake, athembĩ o na Alivai, kwondũ wa nthembo sya kũvĩvw’a na nthembo sya mũuo, mathũkũmae, na kũtũngaa mũvea, na kũtaĩaa mbingĩlonĩ sya mwako wa maeema wa Yeova.</verse>
				<verse number="3">O na ĩngĩ mũsumbĩ aia kĩlungu kya isamũ syake kwondũ wa nthembo sya kũvĩvw’a, nasyo nĩ nthembo sya kũvĩvaw’a kĩoko na wĩoo, na nthembo sya kũvĩvw’a sya masavato, na sya mĩtiso ya myei, na sya mboka itw’ĩtwe, o tondũ kũandĩkĩtwe mĩaonĩ ya Yeova.</verse>
				<verse number="4">O na ĩngĩ eeaĩa andũ ala matwĩe Yelusaleme manenganae kĩlungu kya athembi na Alivai, nĩ kana menengane mĩaonĩ ya Yeova.</verse>
				<verse number="5">Na o yĩla mwĩao wanyaĩĩkie, ana ma Isilaeli nĩmanenganie ũsyao wa mbee wa lĩu wa mbaa ngetha, na mbinyu mbĩthĩ, na mauta, na ũkĩ wa nzũkĩ, na wingĩvo w’onthe wa mũũnda, mbingĩ mũno; na kĩlungu kya ĩkũmĩ kya syĩndũ syonthe nĩmaetie, mbingĩ mũno.</verse>
				<verse number="6">Na ana ma Isilaeli na Yuta, ala matũaa ndũanĩ sya Yuta, nao maete kĩlungu kya ĩkũmi kya ng’ombe na malondu, na kĩlungu kya ĩkũmi kya syĩndũ ila siĩtwe ivathĩtwe syĩthĩwe ntheu kwa Yeova Ngai woo, na masia mbumbu na mbumbu.</verse>
				<verse number="7">Mwei wa katatũ mambĩlĩlya kwia mbumbu, na mamina mwei wa mũonza.</verse>
				<verse number="8">Na yĩla Esekia na anene me mbee ũsumbĩnĩ mookĩe na moona i mbumbu, mamũtaĩa Yeova na andũ make Isilaeli.</verse>
				<verse number="9">Na ĩndĩ Esekia akũlya athembi na Alivai ũndũ wa i mbumbu.</verse>
				<verse number="10">Na Asalia mũthembi mũnene, wa nyũmba ya Nzatoki, amũsũngĩa na amwĩa, Kuma yĩla andũ mambĩlĩlye kũete nthembo nyũmbanĩ ya Yeova, nĩtũĩsaa na kwĩanĩwa, na tũtialĩtye mwingĩ: nũndũ Yeova nũathimĩte andũ make; na kĩla kĩtialĩte nĩ mbio ĩno mbingĩ.</verse>
				<verse number="11">Nĩvo ĩndĩ Esekia weaie tũsũmba tũseũvw’e nyũmbanĩ ya Yeova; na matũseũvya;</verse>
				<verse number="12">na maete nthĩnĩ na kĩthito nthembo na ilungu sya ĩkũmi na syĩndũ ivathĩtwe syĩthĩwe ntheu. Na Konania Mũlivai aĩ mũnene woo, na Simei mwana‐a‐inyia aĩ wa kelĩ;</verse>
				<verse number="13">na Yeiieli, na Asasia, na Naathi, na Asaeli, na Yelimothi, na Yosavati, na Elieli, na Isimakia, na Maathu, na Mbenaia, maĩ asyaĩĩsya ĩtheo wa Konania na Simei mwana‐a‐inyia, kwĩanana na kwiwa nĩ mũsumbĩ Esekia, na Asalia mũnene wa nyũmba ya Ngai.</verse>
				<verse number="14">Na Kole mwana wa Imina Mũlivai, mũsũvĩi wa mbingĩlonĩ ya ngalĩ ya wumĩlonĩ wa syũa, aĩ mũsyaĩĩsya wa nthembo ila syaumĩaw’a Ngai na ngoo ya kwenda, aaanasye nthembo sya Yeova na syĩndũ ila ntheu mũno.</verse>
				<verse number="15">Na ĩtheo wake kwaĩ Eteni na Miniamini, na Yesua, na Semaia, na Amalia, na Sekania, ndũanĩ sya athembi, wĩanĩ woo wa kũĩkĩĩwa, mamanenge ana‐a‐ĩthe moo nguthu na nguthu, kwa anene o na kwa anini ũndũ ũmwe:</verse>
				<verse number="16">eka aũme ala matalilwe mosyaanĩonĩ, ala mavikĩtye myaka ĩtatũ na mbee, o kĩla ũmwe ũla walikile nyũmbanĩ ya Yeova, o tondũ waĩlĩtwe kwĩkwa kĩla mũthenya, kwondũ wa ũthũkũmi woo mawĩanĩ moo kũatĩĩa nguthu syoo;</verse>
				<verse number="17">na ala matalilwe mosyaanĩonĩ ma athembi kwĩanana na nyũmba sya aaĩthe moo, vamwe na Alivai ala mavikĩtye myaka mĩongo ĩlĩ na mbee, mawĩanĩ moo kũatĩĩa nguthu syoo;</verse>
				<verse number="18">na ala matalilwe mosyaanĩonĩ ma syana syoo syonthe nini, na iveti syoo, na ana moo, na eĩtu moo, ũmbanonĩ w’onthe: nũndũ wĩanĩ woo wa kũĩkĩĩwa nĩmeevathanĩtye o ũtheunĩ.</verse>
				<verse number="19">O na kwondũ wa ana ma Aluni athembi, ala maĩ mĩũndanĩ yĩ syengonĩ sya ndũa syoo, kĩla ndũanĩ, kwaĩ andũ ala mawetiwe na masyĩtwa, mamanenge ilungu aũme onthe katĩ wa athembi, na onthe ala matalilwe mosyaanĩonĩ ma Alivai.</verse>
				<verse number="20">Na Esekia eekie ũu Yuta kw’onthe; na eekaa ũseo na ũlũngalu e na kĩthito kũla kwĩ Yeova Ngai wake.</verse>
				<verse number="21">Na kĩla wĩanĩ wambĩlĩlye ũthũkũminĩ wa nyũmba ya Yeova, na mĩaonĩ, na myamũlonĩ, amanthe Ngai wake, awĩkaa na ngoo yake yonthe, na aathimĩka.</verse>
			</chapter>
			<chapter number="32">
				<verse number="1">Ĩtina wa maũndũ asu, na kĩthito kyu, Senakelivu mũsumbĩ wa Asuli ooka, na alika ku Yuta, na amba maeema ataũĩĩe ndũa mbiie, na asũanĩa kwikĩlya vinya syĩthĩwe syake.</verse>
				<verse number="2">Na yĩla Esekia wonie kana Senakelivu nĩ mũku, na kana nũsũanĩĩte kũkita na Yelusaleme,</verse>
				<verse number="3">asũanĩa na anene make me mbee ũsumbĩnĩ na ngũmbaũ syake malindĩle manzĩ ma nthongo ila syaĩ ũtee wa ndũa; namo mamũtetheesya.</verse>
				<verse number="4">Kwondũ wa ũu andũ aingĩ moombana, na malindĩla nthongo syonthe, na kalũsĩ kala kaendele katĩ wa ĩ nthĩ, makyasya, Twĩekea kĩ asumbĩ ma Asuli moke methĩe manzĩ maingĩ?</verse>
				<verse number="5">Na eeyĩkĩa ũkũmbaũ, na atũngĩĩa ũvai w’onthe ũla waombokete, na awĩanan’ya ũtũlu waw’o na myako mĩtũlu ya mĩnyoolo, na ũvai ũla ũngĩ ũtee, na eekĩa Milo ndũanĩ ya Ndaviti vinya, na aseũvya mĩio ya kaũ na ngao mbingĩ mũno.</verse>
				<verse number="6">Na aia makavuteni ma kaũ ĩũlũ wa andũ, na amombanĩsya vala ũĩ vala vandũ vathanthau mbingĩlonĩ ya ndũa, na aneena nao aimakiakisya, akĩmea,</verse>
				<verse number="7">Ĩthĩwai na vinya na ũkũmbaũ mũnene, mũtikakĩe kana kũteva ũndũ wa mũsumbĩ wa Asuli, kana ũndũ wa ĩkomano yonthe yĩla yĩ nake; nũndũ kwitũ ve mũnene kũvĩta ũla wĩ nake:</verse>
				<verse number="8">kwake ve kw’oko kwa mwĩĩ; ĩndĩ kwĩtũ ve Yeova Ngai waitũ wa ũtũtethya, na kũtũkitĩthasya makaũ. Na andũ nĩmeethũmũisye ndetonĩ sya Esekia mũsumbĩ wa Yuta.</verse>
				<verse number="9">Ĩtina wa ũu Senakelivu mũsumbĩ wa Asuli atũma athũkũmi make Yelusaleme (nake aĩ vu mbee wa Lakisi, e na ũtonyi wake w’onthe), kwa Esekia mũsumbĩ wa Yuta, na kwa Yuta onthe ala maĩ Yelusaleme, akĩmea,</verse>
				<verse number="10">Ũũ nĩw’o Senakelivu mũsumbĩ wa Asuli ũnũkwasya, Mwĩkwatĩtye kyaũ, ũndũ mũmĩĩsye kũtw’ĩkanĩw’a ku Yelusaleme?</verse>
				<verse number="11">Esekia ndeũmũkikya, amũnengane mũkw’e nĩ yũa na waũni, akĩmwĩa, Yeova Ngai waitũ akatũvonokya kuma kw’okonĩ kwa mũsumbĩ wa Asuli?</verse>
				<verse number="12">Esekia o ũsu ndavetete kũla kũndũ kũtũlu kwake na ithembeo syake, na eaĩĩte Yuta na Yelusaleme, akĩmea, Thaithĩaai mbee wa kĩthembeo kĩmwe, na toeeasyai ũvani ĩũlũ wakyo?</verse>
				<verse number="13">Mũtyĩsĩ ũndũ nyie na aaĩthe makwa twĩkĩte andũ onthe ma ĩ nthĩ? Ngai sya mbaĩ sya i nthĩ syaĩ itonya nongi kũvonokya nthĩ yoo kuma kw’okonĩ kwakwa?</verse>
				<verse number="14">Katĩ wa ngai syonthe sya mbaĩ ĩsu ila aaĩthe makwa maanangie vyũ, nĩ yĩva ĩla yaĩ ĩtonya kumya andũ mayo kw’okonĩ kwakwa, nĩ kana Ngai wenyu atonye kũmumya kw’okonĩ kwakwa?</verse>
				<verse number="15">Kwondũ wa ũu ĩndĩ Esekia ndakamũkenge, kana kũmũkikya ta ũu, o na mũtikamũĩkĩĩe; nũndũ vatyaĩ ngai ya mbaĩ o na yĩva kana ya ũsumbĩ yaĩ ĩtonya kumya andũ mayo kw’okonĩ kwakwa, na kw’okonĩ kwa aaĩthe makwa: Ngai wenyu akatonya ata kũmumya kw’okonĩ kwakwa?</verse>
				<verse number="16">Na athũkũmi make maendeea na kũmũneenea Yeova Ngai naĩ, o na mũthũkũmi wake Esekia.</verse>
				<verse number="17">O na aandĩka mavalũa, amũume Yeova, Ngai wa Isilaeli, na kũmũneenea naĩ, akyasya, O tondũ ngai sya mbaĩ sya i nthĩ, ila itaamavonokya andũ masyo kw’okonĩ kwakwa, now’o Ngai wa Esekia ũtakamaumya andũ make kw’okonĩ kwakwa.</verse>
				<verse number="18">Na manĩĩsya andũ ma Yelusaleme ala maĩ ũvainĩ na wasya mũnene na kĩthyomo kya Ayuti, mamatelemye, na kũmathĩn’ya; nĩ kana makwate ndũa.</verse>
				<verse number="19">Na maneenea Ngai wa Yelusaleme, o tondũ maneenee ngai sya ngo sya andũ ma nthĩ, ila nasyo nĩ wĩa wa moko ma andũ.</verse>
				<verse number="20">Na mũsumbĩ Esekia, na mwathani Isaia mwana wa Amosu, mavoya nũndũ wa ũu, na meekaĩlana ĩtunĩ.</verse>
				<verse number="21">Na Yeova atũma mũlaĩka, ũla wavetie ngũmbaũ nene syonthe, na atongoi na makavuteni, mwakonĩ wa maeema wa mũsumbĩ wa Asuli. Kwondũ wa ũu asyoka nthĩ yake mwene asoomanĩte. Na yĩla walikile nyũmba ya ngai yake, ala maumie kĩnyunyunĩ kyake mwene mamũaĩa vo na ũvyũ.</verse>
				<verse number="22">Ũu nĩw’o Yeova watangĩĩe Esekia na ala matwĩe Yelusaleme kuma kw’okonĩ kwa Senakelivu mũsumbĩ wa Asuli, na kuma kw’okonĩ kwa ala angĩ onthe, na kũmatongoesya kĩla ngalĩko.</verse>
				<verse number="23">Na aingĩ mamũetee Yeova mĩthĩnzĩo ku Yelusaleme, na syĩndũ syĩ vata kwa Esekia mũsumbĩ wa Yuta; kwondũ wa ũu kuma ĩvinda yĩu anenevw’a methonĩ ma mbaĩ syonthe.</verse>
				<verse number="24">Mĩthenya ĩsu Esekia awaa kũthengeea kũkw’a: na amũvoya Yeova; nake aneena nake, na amũnenga wonan’yo.</verse>
				<verse number="25">Ĩndĩ Esekia ndaaĩka ĩngĩ kwĩanana na ũseo ũla wekiwe; nũndũ ngoo yake nĩyeetũlilye: kwondũ wa ũu nĩwathilĩkĩlwe, o na Yuta na Yelusaleme.</verse>
				<verse number="26">Ĩndĩ Esekia eenyivya nũndũ ngoo yake ĩnaĩ ĩneenenevya, we o na ala matwĩe Yelusaleme, kwondũ wa ũu ũthilĩku wa Yeova ndwaamokĩa mĩthenya ya Esekia.</verse>
				<verse number="27">Na Esekia aĩ na ũthwii na ndaĩa mbingĩ mũno: na eeseũvĩsya kũndũ kũla kwiawa vetha, na thaavu, na tũvila twĩ thooa mũnene, na mĩtĩ ĩla ĩnyungaa nesa, na matumo, na mĩio mĩseo ya mĩthemba yonthe;</verse>
				<verse number="28">o na nyũmba sya kwia wingĩvo wa nganũ na mbinyu mbĩthĩ na mauta; na itũũ sya mĩthemba yonthe ya nyamũ, na ndĩthya sya mbũi na malondu syengonĩ.</verse>
				<verse number="29">O na ĩngĩ eemanthĩa ndũa, na ndĩthya sya mbũi na malondu na sya ng’ombe mbingĩ mũno; nũndũ Ngai nĩwamũnengete isamũ nyingĩ mũno.</verse>
				<verse number="30">O na Esekia ũsu avingĩa mbuluti ya ĩũlũ ya manzĩ ma Ngioni, na amatheesya malũngalĩte ngalĩ ya ũthũĩlonĩ wa syũa ya ndũa ya Ndaviti. Na Esekia aathimĩka mawĩanĩ make onthe.</verse>
				<verse number="31">Ĩndĩ ũndũnĩ wa ala atũmwa ma anene me mbee ũsumbĩnĩ ma Mbaviloni, ala matũmanie kwake makũlye ũndũ wa ũseng’yo ũla weekiwe ĩ nthĩ, Ngai amũeka amũtate, amanye w’onthe ũla wĩ ngoonĩ yake.</verse>
				<verse number="32">Na ĩndĩ meko ala angĩ ma Esekia na maũndũ make maseo, sisya, nĩmaandĩkĩtwe woninĩ wa mwathani Isaia mwana wa Amosu, ĩvukunĩ ya asumbĩ ma Yuta na Isilaeli.</verse>
				<verse number="33">Na Esekia akoma na aaĩthe make, na mamũthika kyambatonĩ vala ve ngunga vala vathikawa akw’ũ sya ana ma Ndaviti: na Yuta onthe na ala matwĩe Yelusaleme mamũtaĩa ĩvinda ya kĩkw’ũ kyake. Na Manase mwana wake asumbĩka vandũ vake.</verse>
			</chapter>
			<chapter number="33">
				<verse number="1">Manase aĩ wa myaka ĩkũmi na ĩlĩ yĩla wambĩlĩlye kũsumbĩka; na asumbĩka myaka mĩongo ĩtano na ĩtano Yelusaleme.</verse>
				<verse number="2">Na eekaa ũla Yeova wonaa wĩ ũthũku, akĩatĩĩa mothatyo ma mbaĩ ila Yeova walũngilye syume mbee wa ana ma Isilaeli.</verse>
				<verse number="3">Nũndũ nĩwatũngĩĩie ĩngĩ kũla kũndũ kũtũlu kũla Esekia ĩthe wake wanangĩte; na ookĩlya ĩthembeo kwondũ wa Mbaalimu, na aseũvya Aselothi, na athaitha nguthu yonthe ya ĩtunĩ, na kũmĩthũkũmaa.</verse>
				<verse number="4">Na aaka ithembeo nyũmbanĩ ya Yeova, ĩla Yeova waisye ũndũ wayo, Yelusaleme nĩvo syĩtwa yakwa yĩkethĩwa tene na tene.</verse>
				<verse number="5">Na aakĩa nthĩnĩ wa nza syelĩ sya nyũmba ya Yeova ithembeo kwondũ wa nguthu yonthe ya ĩtunĩ.</verse>
				<verse number="6">O na avĩtĩlya syana syake mwakinĩ kyandanĩ kya mwana wa Inomu; na aingasya nyũnyi, na eekaa maũndũ ma mowe, na eekaa mooi, na akũlasya ala mesene na maveva, na oombasya ithitũ; eekaa mũno ũla Yeova wonaa wĩ ũthũku, akĩmũthatya.</verse>
				<verse number="7">Na aũngamya mũvw’anano mwasũvye, ũla wasũvĩtye, nyũmbanĩ ya Ngai, ĩla Ngai wamũtavisye Ndaviti na Solomoni mwana wake ũndũ wayo, Nyũmbanĩ ĩno, na ku Yelusaleme, ĩla nĩnyuvĩte mbaĩnĩ syonthe sya Isilaeli, ngekalya syĩtwa yakwa tene na tene:</verse>
				<verse number="8">o na ndikaveta kũũ kwa Isilaeli ĩngĩ kuma nthĩ ĩla namatw’ĩĩe aaĩthe menyu, ethĩwa no makasũvĩaa w’onthe ũla nameaĩe, o mĩao yonthe na myamũlo na motw’ĩo ala manenganĩtwe nĩ Mose.</verse>
				<verse number="9">Na Manase asesenga Yuta na ala matwĩe Yelusaleme, na nĩmeekie ũthũku kwĩ mbaĩ ila Yeova waanangie mbee wa ana ma Isilaeli.</verse>
				<verse number="10">Na Yeova aneena na Manase, na andũ make; ĩndĩ matyaaĩw’a.</verse>
				<verse number="11">Kwondũ wa ũu Yeova amaetee makavutenĩ ma nguthu ya mũsumbĩ wa Asuli, ala mamũtwaie Manase e mwove na mĩnyololo, na mamwova na mbĩngũ, na mamũtwaa Mbaviloni.</verse>
				<verse number="12">Na yĩla waĩ thĩnanĩ, amwĩsũva Yeova Ngai wake, na eenyivya mũno mbee wa Ngai wa aaĩthe make.</verse>
				<verse number="13">Na amwĩsũva; nake eesũvĩka nĩwe, na eew’a wĩsũvano wake, na amũtũnga ĩngĩ Yelusaleme ũsumbĩnĩ wake. Nĩvo ĩndĩ Manase wamanyie kana Yeova nĩwe Ngai.</verse>
				<verse number="14">Na ĩtina wa ũu aaka ũvai wa ũtee wa ndũa ya Ndaviti, ngalĩ ya ũthũĩlonĩ wa syũa ya Ngioni, kyandanĩ, o kũvĩka ũlikĩlonĩ mbingĩlonĩ ya makũyũ; na athyũlũlũkya Oveli ngalĩ syonthe naw’o, na ootũlya watũla mũno: na aia makavuteni me ũkũmbaũ ndũanĩ syonthe mbiie sya Yuta.</verse>
				<verse number="15">Na aveta ngai ngeni, na mũvw’anano wĩ nyũmbanĩ ya Yeova, na ithembeo syonthe ila waĩ anaaka kĩĩmanĩ kya nyũmba ya Yeova, na ku Yelusaleme, na asyĩkya ũtee wa ndũa.</verse>
				<verse number="16">Na aaka kĩthembeo kya Yeova, na athemba ĩũlũ wakyo nthembo sya nthembo sya mũuo na sya mũvea, na eeaĩa Yuta mathũkũme Yeova, Ngai wa Isilaeli.</verse>
				<verse number="17">Ĩndĩ andũ nĩmathembeaa kũla kũndũ kũtũlu, ĩndĩ no kũmũthembea Yeova Ngaĩ woo e weka.</verse>
				<verse number="18">Na ĩndĩ meko ala angĩ ma Manase, na kũvoya kwake kwa Ngai wake, na ndeto sya oni ala maneenie nake syĩtwanĩ ya Yeova, Ngai wa Isilaeli, sisya, nĩmaandĩkĩtwe maandĩkonĩ ma meko ma asumbĩ ma Isilaeli.</verse>
				<verse number="19">O na mboya yake, na ũndũ Ngai wesũvĩkie nĩwe, na naĩ yake yonthe na ĩvĩtyo yake, na kũndũ kũla wakie kũla kũndũ kũtũlu, na akũũngamya Aselimu na mĩvw’anano myasũvye, atanamba kwĩnyivya, sisya, nĩmaandĩkĩtwe maandĩkonĩ ma Osai.</verse>
				<verse number="20">Na ĩndĩ Manase akoma na aaĩthe make, na mamũthika nyũmbanĩ yake mwene: na Amoni mwana wake asũmbĩka vandũ vake.</verse>
				<verse number="21">Amoni aĩ wa myaka mĩongo ĩlĩ na ĩlĩ yĩla wambĩlĩlye kũsumbĩka; na asumbĩka myaka ĩlĩ Yelusaleme.</verse>
				<verse number="22">Na eekaa ũla Yeova wonaa wĩ ũthũku, o tondũ Manase ĩthe wake wekie; na Amoni amĩthembeaa mĩvw’anano yonthe myasũvye ĩla Manase ĩthe wake waseũvĩtye, na kũmĩthũkũmaa.</verse>
				<verse number="23">Na ndaaĩnyivĩsya Yeova tondũ Manase ĩthe wake wenyivisye; ĩndĩ Amonĩ ũsu ongeleela kũvĩtya.</verse>
				<verse number="24">Na athũkũmi make mamũsamĩa, na mamũaĩa nyũmbanĩ yake mwene.</verse>
				<verse number="25">Ĩndĩ andũ ma nthĩ ĩsu mamoaa onthe ala mamũsamĩĩte mũsumbĩ Amoni: na andũ ma nthĩ ĩsu mamũtw’ĩkĩthya Yosia mwana wake mũsumbĩ vandũ vake.</verse>
			</chapter>
			<chapter number="34">
				<verse number="1">Yosia aĩ wa myaka nyanya yĩla wambĩlĩlye kũsumbĩka; na asumbĩka myaka mĩongo ĩtatũ na ũmwe ku Yelusaleme.</verse>
				<verse number="2">Na eekaa ũla Yeova wonaa wĩ ũseo, na aendaa mĩendelenĩ ya Ndaviti ĩthe wake, na ndaaathũka ũtee ngalĩ ya kw’oko kwa aũme kana kwa aka.</verse>
				<verse number="3">Nũndũ mwaka wa nyanya wa kũsumbĩka kwake, o yĩla waĩ mũnini, nĩwambĩlĩlye kũmantha Ngai wa Ndaviti ĩthe wake; na mwaka wa ĩkũmi na ĩlĩ ambĩlĩlya kũthesya Yuta na Yelusaleme aiveta kũla kũndũ kũtũlu, na Aselimu, na mĩvw’anano myasũvye, na mĩvw’anano yaseũvĩtw’e na syĩndũ ila matwekethisye.</verse>
				<verse number="4">Na maananga ithembeo sya Mbaalimu e vo; na amĩtemanga mĩvw’anano ya syũa ĩla yaĩ ĩũlũ wasyo yavalũka; na Aselimu, na mĩvw’anano myasũvye, na mĩvw’anano yaseũvĩtw’e na syĩndũ ila matwekethisye, amĩtũlanga ilungu, na amĩtw’ĩkĩthya kĩtoo, na akĩnyaĩĩkya mbũanĩ sya ala mamĩthembeaa.</verse>
				<verse number="5">Na avĩvĩsya mavĩndĩ ma athembĩ ithembeonĩ syoo, na athesya Yuta na Yelusaleme.</verse>
				<verse number="6">Na eeka ũu ndũanĩ sya Manase na Evalaimu na Simeoni, o kũvika Navitali, moombokunĩ masyo ngalĩ syonthe.</verse>
				<verse number="7">Na aananga ithembeo, na atumbatumba Aselimu na mĩvw’anano myasũvye yatw’ĩka ta kĩtoo, na atemanga mĩvw’anano yonthe ya syũa nthĩ yonthe ya Isilaeli yavalũka, na asyoka Yelusaleme.</verse>
				<verse number="8">Na ĩndĩ mwaka wa ĩkũmi na nyanya wa kũsumbĩka kwake, yĩla waminĩte kũthesya ĩ nthĩ na nyũmba, atũma Savani mwana wa Asaliia, na Maaseia ngavana wa ndũa, na Yoa mwana wa Yoaasi mũandĩki wa maũndũ, matũngĩĩe nyũmba ya Yeova Ngai wake.</verse>
				<verse number="9">Na mooka kwa Ilikia mũthembi mũnene, na manengane mbesa ila syaetiwe nyũmbanĩ ya Ngai, ila Alivai, asũvĩi ma myalyonĩ, maĩ manoomban’ya kuma kw’okonĩ kwa Manase na Evalaimu, na kuma kwa ũtialo w’onthe wa Isilaeli, na kwa onthe ma Yuta na Mbenyamini, na kwa ala matwĩe Yelusaleme.</verse>
				<verse number="10">Na mainengane mokonĩ ma athũkũmi ala masiasya nyũmba ya Yeova; na athũkũmi ala matethasya wĩa nyũmbanĩ ya Yeova mainengane sya kũseũvya na kũtũngĩĩa nyũmba:</verse>
				<verse number="11">mainenga aseũvya ma mbwaũ na aki nao, mathooe mavia masũvye, na mĩtĩ ya ũkwatan’ya, na ya mĩamba ya nyũmba ila asumbĩ ma Yuta maanangĩte.</verse>
				<verse number="12">Na andũ asu matethasya wĩa na kĩthito: na asyaĩĩsya moo maĩ Yaathi na Ovatia, Alivai, ma ana ma Melali; na Nzekalia na Mesulamu, ma ana ma Akoathi, ma kũtwaĩĩa wĩa na mbee; na angĩ ma Alivai, onthe ala maĩ ma ũtũĩka wa kũinga syĩndũ sya kũinga.</verse>
				<verse number="13">O na maĩ asyaĩĩsya ma ala makuaa mĩio, na matwaĩa na mbee onthe ala matethasya wĩa wa kĩla mũthemba wa ũthũkũmi: na ma Alivai kwaĩ aandĩki, na anene, na asũvĩi ma mĩomonĩ.</verse>
				<verse number="14">Na yĩla maumisye mbesa ila syaetiwe nyũmbanĩ ya Yeova, mũthembi Ilikia oona ĩvuku ya mĩao ya Yeova, ĩla yanenganiwe nĩ Mose.</verse>
				<verse number="15">Na Ilikia asũngĩa amwĩa mũandĩki Savani, Nĩnoona yĩla ĩvuku ya mĩao nyũmbanĩ ya Yeova. Na Ilikia amũnenga Savani yĩla ĩvuku.</verse>
				<verse number="16">Na Savani amũtwaĩa mũsumbĩ ĩvuku, o na ĩngĩ amũtũngĩa mũsumbĩ ũvoo, akĩmwĩa, W’onthe ũla wameaĩe athũkũmi maku nĩmekwĩka.</verse>
				<verse number="17">Na nĩmatulũlĩte mbesa ila syoonekie nyũmbanĩ ya Yeova, na mainenganĩte kw’okonĩ kwa asyaĩĩsya, na kw’okonĩ kwa athũkũmi.</verse>
				<verse number="18">Na mũandĩki Savani amũtavya mũsumbĩ, akĩmwĩa, Mũthembi Ilikia nũnengete ĩvuku. Na Savani ayĩsomea mbee wa mũsumbĩ.</verse>
				<verse number="19">Na kweethĩwa, yĩla mũsumbĩ waminie kwĩw’a ndeto sya mĩao, atembũanga ngũa syake.</verse>
				<verse number="20">Na mũsumbĩ eeaĩa Ilikia, na Aikamu mwana wa Savani, na Avitoni mwana wa Mika, na mũandĩki Savani, na Asaia mũthũkũmi wa mũsumbĩ, akĩmea,</verse>
				<verse number="21">Endai, mũkakũlye Yeova kwondũ wakwa, na kwondũ wa ala matialile ma Isilaeli na Yuta, ũndũ wa ndeto sya ĩvuku yĩla yonekete; nũndũ ũthilĩku wa Yeova nĩ mũnene ũla ũtwonoesye, nĩkwĩthĩwa aaĩthe maitũ matyaasũvĩa ndeto ya Yeova, makeka kwĩanana na w’onthe ũla ũandĩkĩtwe ĩvukunĩ yĩĩ.</verse>
				<verse number="22">Kwondũ wa ũu Ilikia, na ala meeaĩwe nĩ mũsumbĩ, maenda kwa mwathani Ulita kĩveti kya Salumu mwana wa Tokathi, mwana wa Asala, mũsũvĩi wa ngũa (nake atwĩe Yelusaleme ũtũinĩ wa kelĩ); na maneena nake ũu.</verse>
				<verse number="23">Na amea, Ũũ nĩw’o Yeova, Ngai wa Isilaeli, ũnũkwasya: Mũtavyei mũndũ ũla ũmũtũmie kwakwa,</verse>
				<verse number="24">Ũũ nĩw’o Yeova ũnũkwasya, Sisya, ngaetee vandũ vaa ũthũku, na andũ ala matwĩe vaa, o iumo syonthe ila iandĩkĩtwe ĩvukunĩ yĩla manasomee mbee wa mũsumbĩ wa Yuta.</verse>
				<verse number="25">Nĩkwĩthĩwa nĩmandiĩte, na nĩmatoeesye ngai ingĩ ũvani, nĩ kana manthatye na mawĩa onthe ma moko moo; kwondũ wa ũu ũthilĩku wakwa nĩ mwonosye ĩũlũ wa vandũ vaa, na ndũkavoeka.</verse>
				<verse number="26">Ĩndĩ mũsumbĩ wa Yuta, ũla ũmũtũmie mũkũlye kwa Yeova, ũũ nĩw’o mwĩmwĩa, Ũũ nĩw’o Yeova, Ngai wa Isilaeli, ũnũkwasya: Ũndũ wa ndeto ila wĩw’ĩte,</verse>
				<verse number="27">nĩkwĩthĩwa ngoo yaku ĩnaĩ mbololo, na weenyivya vala ve Ngai, yĩla ũneewie ndeto syake ĩũlũ wa vandũ vaa, na ĩũlũ wa andũ ala matwĩe vaa, na nĩwĩnyivĩtye vala nĩĩ, na nũtembũangĩte ngũa syaku, na kũĩa mbee wakwa; o nakwa nĩnĩkwĩw’ĩte, easya ũu Yeova.</verse>
				<verse number="28">Sisya, ngakũmban’ya wĩthĩwe vamwe na aaĩthe maku, na ũkoombanw’a mbũanĩ yaku na mũuo, o na metho maku matikona ũthũku w’onthe ũla ngaete ĩũlũ wa vandũ vaa, na ĩũlũ wa ala mavatwĩe. Na mamũtũngĩa mũsumbĩ ũvoo.</verse>
				<verse number="29">Nĩvo ĩndĩ mũsumbĩ watũmanie na oomban’ya atumĩa onthe ma Yuta na Yelusaleme.</verse>
				<verse number="30">Na mũsumbĩ ambata nyũmbanĩ ya Yeova, na andũ onthe ma Yuta na ala matwĩe Yelusaleme, na athembi, na Alivai, na andũ onthe, anene o na anini: na asoma matũnĩ moo ndeto syonthe sya ĩvuku ya ũtianĩo yĩla yĩnoonekie nyũmbanĩ ya Yeova.</verse>
				<verse number="31">Na mũsumbĩ aũngama vandũ vake, na atianĩa ũtianĩo vu mbee wa Yeova, kana akamũatĩĩa Yeova, na kũsũvĩaa mĩao yake, na mokũsĩ make, na myamũlo yake, na ngoo yake yonthe, na thayũ wake w’onthe, eke ndeto sya ũtianĩo ila iandĩkĩtwe ĩvukunĩ yĩĩ.</verse>
				<verse number="32">Na atuma onthe ala moonekie Yelusaleme na nthĩ ya Mbenyamini mooũngamĩa. Na ala matwĩe Yelusaleme meekie kwĩanana na ũtianĩo wa Ngai, Ngai wa aaĩthe moo.</verse>
				<verse number="33">Na Yosia aveta mothatyo onthe nthĩ syonthe ila syaĩ sya ana ma Isilaeli, na onthe ala moonekie nthĩnĩ wa Isilaeli amathũkũmĩthya, mathũkũmae Yeova Ngai woo. Mĩthenyanĩ yake yonthe matyaatia Yeova, Ngai wa aaĩthe moo.</verse>
			</chapter>
			<chapter number="35">
				<verse number="1">Na Yosia alilikana vasaka kwondũ wa Yeova ku Yelusaleme: na mooaa vasaka mũthenya wa ĩkũmi na ĩna wa mwei wa mbee.</verse>
				<verse number="2">Na aia athembi mawĩanĩ moo, na amekĩa vinya ngoonĩ ũthũkũminĩ wa nyũmba ya Yeova.</verse>
				<verse number="3">Na amea Alivai ala mamanyĩasya Isilaeli onthe, ala maĩ atheu kwa Yeova, Likyai ĩsandũkũ ĩtheu nyũmbanĩ ĩla Solomoni mwana wa Ndaviti mũsumbĩ wa Isilaeli wakie; yĩtikethĩwa ĩngĩ mũio ituonĩ syenyu. Yu thũkũmai Yeova Ngai wenyu, na andũ make Isilaeli;</verse>
				<verse number="4">na ĩyũmban’yei kwĩanana na nyũmba sya aaĩthe menyu kũatĩanĩa na nguthu syenyu, kwĩanana na ũndũ kwaandĩkiwe nĩ Ndaviti mũsumbĩ wa Isilaeli, na kwĩanana na ũndũ kwaandĩkiwe nĩ Solomoni mwana wake.</verse>
				<verse number="5">Na ũngamai vala vandũ vatheu kwĩanana na nguthu sya nyũmba sya aaĩthe sya ana‐a‐ĩthe menyu ana ma ala andũ, na nĩkwĩthĩwe kwondũ wa kĩla ũmwe kĩlungu kya nyũmba ya aaĩthe ma Alivai.</verse>
				<verse number="6">Na ũaai vasaka, na mũkĩĩvathan’ya mwĩthĩwe atheu, na kũseũvya kwondũ wa ana‐a‐ĩthe menyu, mwĩke kwĩanana na ndeto ya Yeova, na kanyw’a wa Mose.</verse>
				<verse number="7">Na Yosia anenga ana ma andũ onthe ala maĩ vo, kuma ndĩthyanĩ, tũtena twa malondu na twa mbũi, tw’onthe twĩthĩwe nthembo sya vasaka, ũtalo watw’o waĩ ngili mĩongo ĩtatũ, na tũsalũ twa mũew’a ngili itatũ: isu syaĩ sya syĩndũ sya mũsumbĩ.</verse>
				<verse number="8">Na anene make me mbee ũsumbĩnĩ nĩmanenganie kwondũ wa andũ, na athembi, na Alivai, sya nthembo ya kumya na ngoo ya kwenda. Ilikia na Nzekalia na Yeiieli, anene ma nyũmba ya Ngai, manenga athembi kwondũ wa nthembo sya vasaka kuma ndĩthyanĩ sya mbũi na malondu ngili ilĩ na maana thanthatũ, na ng’ombe maana atatũ.</verse>
				<verse number="9">O na Konania, na Semaia, na Nethaneli, ana‐a‐ĩthe make, na Asavia na Yeieli na Yosavati, anene ma Alivai, mamanenga Alivai kwondũ wa nthembo sya vasaka kuma ndĩthyanĩ sya mbũi na malondu ngili itano, na ng’ombe maana atano.</verse>
				<verse number="10">Ũu mĩw’o ũthũkũmi waseũvĩtw’e, na athembi maũngama vandũ voo, na Alivai kwĩanana na nguthu syoo, kwĩanana na mwĩao wa mũsumbĩ.</verse>
				<verse number="11">Na mooaa vasaka, na athembi maminzangĩsya nthakame ila moosie mokonĩ moo, na Alivai maithĩnza.</verse>
				<verse number="12">Na maveta nthembo sya kũvĩvw’a, nĩ kana maithembe kwĩanana na nguthu sya nyũmba sya aaĩthe sya ana ma ala andũ, mamũthembee Yeova, o tondũ kũandĩkĩtwe ĩvukunĩ ya Mose. Na now’o meekie na ng’ombe.</verse>
				<verse number="13">Na mavĩvya vasaka na mwaki kwĩanana na ũtw’ĩo: na nthembo ila ntheu maua na mbisũ, na iteve, na tũteve, na maikua na mĩtũkĩ mamatwaĩa ana onthe ma ala andũ.</verse>
				<verse number="14">Na ĩtina maseũvya kwondũ woo ene, na kwondũ wa athembi, nĩkwĩthĩwa athembi, ana ma Aluni, makwete wĩa wa kũthemba nthembo sya kũvĩvw’a na mathunya kũvika kwatuka: kwondũ wa ũu Alivai maseũvya kwondũ woo ene o na kwondũ wa athembi, ana ma Aluni.</verse>
				<verse number="15">Na aini, ana ma Asavu, maĩ vandũ voo, kwĩanana na mwĩao wa Ndaviti, na Asavu, na Emani, na Yetuthuni mwoni wa kwa mũsumbĩ; na asũvĩi ma mĩomonĩ maĩ kĩla mbingĩlonĩ: matyaĩ vata kũtia ũthũkũmi woo; nũndũ ana‐a‐ĩthe moo Alivai nĩmamaseũvĩsye.</verse>
				<verse number="16">Na ĩndĩ ũthũkũmi w’onthe wa Yeova waseũvw’a mũthenya ũsu, wa kũlilikana vasaka, na kũthemba nthembo sya kũvĩvw’a kĩthembeonĩ kya Yeova, kwĩanana na mwĩao wa mũsumbĩ Yosia.</verse>
				<verse number="17">Na ana ma Isilaeli ala maĩ vo malilikana vasaka ĩvinda yĩu, na mboka ya kĩmũtũ kĩte ĩlawa mĩthenya mũonza.</verse>
				<verse number="18">Na kũtyaĩ vasaka waalilikanwa nthĩnĩ wa Isilaeli ĩtina wa mĩthenya ya mwathani Samueli ta ũsu; o na kũtyaĩ mũsumbĩ o na ũmwe wa Isilaeli ũla walilikanile vasaka ta ũsu Yosia walilikanile, vamwe na athembĩ, na Alivai, na Yuta na Isilaeli onthe ala maĩ vo, na ala matwĩe Yelusaleme.</verse>
				<verse number="19">Vasaka ũsu walilikanilwe mwaka wa ĩkũmi na nyanya wa kũsumbĩka kwa Yosia.</verse>
				<verse number="20">Ĩtina wa ũu w’onthe, yĩla Yosia waĩ anaseũvya ĩkalũ, Neko mũsumbĩ wa Misili ambata okite na Kalikemisi vakuvĩ na Euvalati: na Yosia aumaala okite nake.</verse>
				<verse number="21">Ĩndĩ atũma atũmwa vala ũĩ, makamũkũlye, Nĩ ũndũ mwaũ naku, we mũsumbĩ wa Yuta? Ndyũkĩte nũkite naku mũnthĩ ũũ, ĩndĩ nĩ kana nũkite na nyũmba ĩla nĩ na kaũ nayo; na Ngai nũmbĩaĩĩte nĩkalaate: eka kũsiĩĩa Ngai, ũla wĩ vamwe nakwa, ndakakwanange.</verse>
				<verse number="22">Ĩndĩ Yosia ndaaĩtĩkĩla kũthyũũa ũthyũ wake amũeke, ĩndĩ eeyũlan’ya nĩ kana okite nake, na ndaaĩthukĩĩsya ndeto sya Neko ila syaumĩte kanyw’anĩ wa Ngai, na ooka akwatĩsye kaũ mwandanĩ wa Mekito.</verse>
				<verse number="23">Na andũ ma mata mamwĩkya mũsumbĩ Yosia mĩsyĩ; na mũsumbĩ amea athũkũmi make, Mbumyai vaa, nũndũ nĩnũkitĩtwe mũno.</verse>
				<verse number="24">Kwondũ wa ũu athũkũmi make mamumya ĩkasyanĩ ya kaũ, na mamwĩkĩa ĩkasyanĩ ya kelĩ yĩla waĩ nayo, na mamũtwaa Yelusaleme; na akw’a, na athikwa ngunganĩ sya aaĩthe make vala vathikawa akw’ũ. Na Yuta na Yelusaleme onthe mamũmetea Yosia.</verse>
				<verse number="25">Na Yelemia amũmetea Yosia: na aini onthe aũme na aka nĩmaneenaa ũndũ wa Yosia iĩonĩ syoo kũvika ũmũnthĩ; na maitw’ĩĩa ũtw’ĩo nthĩnĩ wa Isilaeli: na, sisya, niandĩkĩtwe iĩonĩ.</verse>
				<verse number="26">Na ĩndĩ meko ala angĩ ma Yosia, na maũndũ make maseo, kwĩanana na ũndũ ũandĩkĩtwe mĩaonĩ ya Yeova,</verse>
				<verse number="27">na meko make, ma mbee na ma mũminũkĩlyo, sisya, nĩmaandĩkĩtwe ĩvukunĩ ya asumbĩ ma Isilaeli na Yuta.</verse>
			</chapter>
			<chapter number="36">
				<verse number="1">Nĩvo ĩndĩ andũ ma ĩ nthĩ moosie Yeoaasi mwana wa Yosia, na mamũtw’ĩkĩthya mũsumbĩ vandũ va ĩthe wake ku Yelusaleme.</verse>
				<verse number="2">Yeoaasi aĩ wa myaka mĩongo ĩlĩ na ĩtatũ yĩla wambĩlĩlye kũsumbĩka; na asumbĩka myei ĩtatũ Yelusaleme.</verse>
				<verse number="3">Na mũsumbĩ wa Misili amumya kũsumbĩkanĩ kwake Yelusaleme, na aumĩthya nthĩ vaini ya talendi ĩana sya vetha na talendi ya thaavu.</verse>
				<verse number="4">Na mũsumbĩ wa Misili amũtw’ĩkĩthya Eliakimu mwana‐a‐ĩthe mũsumbĩ wa Yuta na Yelusaleme, na aalyũla syĩtwa yake etawe Yeoiakimu. Na Neko oosa Yeoaasi mwana‐a‐ĩthe, na amũtwaa Misili.</verse>
				<verse number="5">Yeoiakimu aĩ wa myaka mĩongo ĩlĩ na ĩtano yĩla wambĩlĩlye kũsumbĩka; na asumbĩka myaka ĩkũmi na ũmwe Yelusaleme: na eekaa ũla Yeova Ngai wake wonaa wĩ ũthũku.</verse>
				<verse number="6">Nevukatilesa mũsumbĩ wa Mbaviloni ooka okita nake, na amwova na mbĩngũ, amũtwae Mbaviloni.</verse>
				<verse number="7">O na Nevukatilesa atwaa ĩmwe ya mĩio ya nyũmba ya Yeova Mbaviloni, na amĩkĩa ĩkalũnĩ yake Mbaviloni.</verse>
				<verse number="8">Na ĩndĩ meko ala angĩ ma Yeoiakimu, na mothatyo make ala wekaa, na ũla woonekie ĩũlũ wake, sisya, nĩmaandĩkĩtwe ĩvukunĩ ya asumbĩ ma Isilaeli na Yuta: na Yeoiakini mwana wake asumbĩka vandũ vake.</verse>
				<verse number="9">Yeoiakini aĩ wa myaka nyanya yĩla wambĩlĩlye kũsumbĩka; na asumbĩka myeĩ ĩtatũ na mĩthenya ĩkũmi Yelusaleme; na eekaa ũla Yeova wonaa wĩ ũthũku.</verse>
				<verse number="10">Na mwaka ũkyambĩlĩlya mũsumbĩ Nevukatilesa atũmana, na amũete Mbaviloni, vamwe na mĩio mĩseo ya nyũmba ya Yeova, na amũtw’ĩkĩthya Nzetekia mwana‐a‐ĩthe wake mũsumbĩ wa Yuta na Yelusaleme.</verse>
				<verse number="11">Nzetekia aĩ wa myaka mĩongo ĩlĩ na ũmwe yĩla wambĩlĩlye kũsumbĩka; na asumbĩka myaka ĩkũmi na ũmwe Yelusaleme:</verse>
				<verse number="12">na eekaa ũla Yeova Ngai wake wonaa wĩ ũthũku; ndaaĩnyivĩsya mwathani Yelemia akĩneena ndeto syaumĩte kanyw’anĩ wa Yeova.</verse>
				<verse number="13">O na amũng’endea Nevukatilesa, ũla wamwĩavĩthisye na Ngai: ĩndĩ oomya ngingo yake, na oomanĩlya ngoo yake ndakamwĩthyũũĩe Yeova, Ngai wa Isilaeli.</verse>
				<verse number="14">O na ĩngĩ anene onthe ma athembi, na andũ, mavĩtasya mũno makĩatĩĩa mothatyo onthe ma i mbaĩ; na mavukasya nyũmba ya Yeova ĩla wamĩvathie yĩthĩwe ntheu ku Yelusaleme.</verse>
				<verse number="15">Na Yeova, Ngai wa aaĩthe moo, atũmanaa kwoo na kanyw’a wa atũmwa make, akyũkĩla tene na akĩtũmana, nĩkwĩthĩwa amew’ĩaa andũ make ĩnee, o na ũtũo wake:</verse>
				<verse number="16">ĩndĩ nĩmamathekeeaa atũmwa ma Ngai, na kũvũthasya ndeto syake, na kũmavũthĩĩasya athani make, mũvaka ũthilĩku wa Yeova wamokĩlĩla andũ make, kũvika kũtyaĩ kya kũvosya.</verse>
				<verse number="17">Kwondũ wa ũu amaetee mũsumbĩ wa Akalitei, ũla woaĩe anake moo na ũvyũ nyũmbanĩ ya vala vandũ vatheu voo, na ndaamwĩw’ĩa mwanake kana mwĩĩtu mũtheu ĩnee, o na mũtumĩa kana ũla wĩ mbuĩ: amanengane onthe kw’okonĩ kwake.</verse>
				<verse number="18">Na mĩio yonthe ya nyũmba ya Ngai, mĩnene na mĩnini, na mothwii maie ma nyũmba ya Yeova, na mothwii maie ma mũsumbĩ, na ma anene make me mbee ũsumbĩnĩ, atwaa isu syonthe Mbaviloni.</verse>
				<verse number="19">Na mavĩvya nyũmba ya Ngai, na maomboanga ũvai wa Yelusaleme, na mavĩvya na mwaki nyũmba syonthe nene mbanakavye sya vo, na maananga mĩio mĩseo ya vo yonthe.</verse>
				<verse number="20">Na ala mavonokie ũvyũ amatwaa Mbaviloni; na maĩ athũkũmi make na ma ana make kũvika kũsumbĩka kwa ũsumbĩ wa Velisia:</verse>
				<verse number="21">nĩ kana ndeto ya Yeova na kanyw’a wa Yelemia ĩanĩw’e, kũvika nthĩ yatanĩa masavato mayo: nũndũ o yĩla yeethĩiwe ĩei nĩw’o yalilikanaa savato, ĩanĩsye myaka mĩongo mũonza.</verse>
				<verse number="22">Na ĩndĩ mwaka wa mbee wa kũsumbĩka kwa Kulusi mũsumbĩ wa Velisia, nĩ kana ndeto ya Yeova na kanyw’a wa Yelemia ĩanĩw’e, Yeova aamũkya veva wa Kulusi mũsumbĩ wa Velisia, kũvika atavan’ya ũsumbĩnĩ wake w’onthe, o na aandĩka, akyasya,</verse>
				<verse number="23">Ũũ nĩw’o Kulusi mũsumbĩ wa Velisia ũnũkwasya, Yeova, Ngai wa ĩtunĩ, nũnengete mosumbĩ onthe ma nthĩ; na nũmbĩaĩĩte nĩmwakĩe nyũmba Yelusaleme, ĩla yĩ Yuta. O ũla wĩ katĩ wenyu wa andũ make onthe, Yeova Ngai wake nĩethĩwe vamwe nake, nake nĩambate.</verse>
			</chapter>
		</book>
		<book number="15">
			<chapter number="1">
				<verse number="1">Na mwaka wa mbee wa kũsumbĩka kwa Kulusi mũsumbĩ wa Velisia, nĩ kana ndeto ya Yeova na kwanyw’a wa Yelemia yĩanĩe, Yeova aamũkya veva wa Kulusi mũsumbĩ wa Velisia, na ĩndĩ atavan’ya ũsumbĩnĩ wake w’onthe, o na aandĩka, akyasya,</verse>
				<verse number="2">Ũũ nĩw’o Kulusi mũsumbĩ wa Velisia ũnũkwasya, Yeova, Ngai wa ĩtunĩ, nũnengete mosumbĩ onthe ma nthĩ; na nũmbĩaĩĩte nĩmwakĩe nyũmba Yelusaleme, ĩla yĩ Yuta.</verse>
				<verse number="3">O ũla wĩ katĩ wenyu wa andũ make onthe, Ngai wake nĩethĩwe vamwe nake, nake nĩambate Yelusaleme, ĩla yĩ Yuta, akatũngĩĩe nyũmba ĩla yĩ Yelusaleme, ĩla ya Yeova, Ngai wa Isilaeli (nake nĩwe Ngai).</verse>
				<verse number="4">Na o ũla wĩtiwa, vandũ o na va vala wĩkalĩte ũeni, andũ ma vandũ vau mamũtethye na vetha, na thaavu, na isamũ, na nyamũ, eka nthembo ya kumya na ngoo ya kwenda kwondũ wa nyũmba ya Ngai ĩla yĩ Yelusaleme.</verse>
				<verse number="5">Nĩvo ĩndĩ atongoi ma nyũmba sya aaĩthe ma Yuta na Mbenyamini, na athembi, na Alivai, mookĩlile, o asu onthe ala Ngai waamũkisye maveva moo mambate matũngĩĩe nyũmba ya Yeova ĩla yĩ Yelusaleme.</verse>
				<verse number="6">Na onthe ala mamathyũlũlũkĩte mamekĩa moko moo vinya nĩ kũmanenga mĩio ya vetha, na thaavu, na isamũ, na nyamũ, na syĩndũ syĩ vata mũno, vamwe na syonthe ila syathembiwe na ngoo ya kwenda.</verse>
				<verse number="7">O na mũsumbĩ Kulusi aumaalya mĩio ya nyũmba ya Yeova, ĩla Nevukatilesa waetie kuma Yelusaleme, na nĩwamĩkĩĩte nyũmbanĩ ya ngai syake;</verse>
				<verse number="8">o ĩsu Kulusi mũsumbĩ wa Velisia nĩwaumaalilye na kw’oko kwa Mithiletathi, mũsũvĩi wa ũthwii, na amĩtalĩla Sesivasali, mũnene wĩ mbee ũsumbĩnĩ wa Yuta.</verse>
				<verse number="9">Na ũũ nĩw’o ũtalo wayo: masaani mĩongo ĩtatũ ma thaavu, na masaani ngili ma vetha, na tũvyũ mĩongo ĩlĩ na kenda,</verse>
				<verse number="10">na mbakũli mĩongo ĩtatũ sya thaavu, na mbakũli maana ana na ĩkũmi sya vetha sya mũthemba ũngĩ, na mĩio ĩngĩ ngili.</verse>
				<verse number="11">Mĩio yonthe ya thaavu na vetha yaĩ ngili itano na maana ana. Ĩsu yonthe Sesivasali ambata nayo, yĩla asu mataviwe mambatiw’e Yelusaleme kuma Mbaviloni.</verse>
			</chapter>
			<chapter number="2">
				<verse number="1">Na ĩndĩ aa nĩo ana ma kĩlungu kĩnene kya nthĩ, ala mambatie kuma kũla kũtavwanĩ kwa ala matavĩtwe, ala Nevukatilesa mũsumbĩ wa Mbaviloni wamatwaie Mbaviloni, ala masyokie Yelusaleme na Yuta, kĩla ũmwe ndũanĩ yoo;</verse>
				<verse number="2">ala mookie na Nzeluvaveli, nĩ Yesua, na Neemia, na Selaia, na Leelaia, na Molitekai, na Mbilisani, na Misivali, na Mbikivai, na Leumu, na Mbaana. Ũtalo wa aũme ma andũ ma Isilaeli:</verse>
				<verse number="3">Ana ma Valosi, ngili ilĩ na ĩana na mĩongo mũonza na elĩ.</verse>
				<verse number="4">Ana ma Sevatia maana atatũ na mĩongo mũonza na elĩ.</verse>
				<verse number="5">Ana ma Alaa, maana mũonza na mĩongo mũonza na atano.</verse>
				<verse number="6">Ana ma Vaathi‐moavi, o ma ana ma Yesua na Yoavu, ngili ilĩ na maana nyanya na ĩkũmi na elĩ.</verse>
				<verse number="7">Ana ma Elamu, ngili na maana elĩ na mĩongo ĩtano na ana.</verse>
				<verse number="8">Ana ma Nzatu, maana kenda na mĩongo ĩna na atano.</verse>
				<verse number="9">Ana ma Nzakai, maana mũonza na mĩongo thanthatũ.</verse>
				<verse number="10">Ana ma Mbani, maana thanthatũ na mĩongo ĩna na elĩ.</verse>
				<verse number="11">Ana ma Mbevai, maana thanthatũ na mĩongo ĩlĩ na atatũ.</verse>
				<verse number="12">Ana ma Asikati, ngili na maana elĩ na mĩongo ĩlĩ na elĩ.</verse>
				<verse number="13">Ana ma Atonikamu, maana thanthatũ na mĩongo thanthatũ na thanthatũ.</verse>
				<verse number="14">Ana ma Mbikivai, ngili ilĩ na mĩongo ĩtano na thanthatũ.</verse>
				<verse number="15">Ana ma Atini, maana ana na mĩongo ĩtano na ana.</verse>
				<verse number="16">Ana ma Ateli, wa Esekia, mĩongo kenda na nyanya.</verse>
				<verse number="17">Ana ma Mbenzai, maana atatũ na mĩongo ĩlĩ na atatũ.</verse>
				<verse number="18">Ana ma Yola, ĩana na ĩkũmi na elĩ.</verse>
				<verse number="19">Ana ma Asumu, maana elĩ na mĩongo ĩlĩ na atatũ.</verse>
				<verse number="20">Ana ma Ngivali, mĩongo kenda na atano.</verse>
				<verse number="21">Ana ma Mbethileemu, ĩana na mĩongo ĩlĩ na atatũ.</verse>
				<verse number="22">Andũ ma Netova, mĩongo ĩtano na thanthatũ.</verse>
				<verse number="23">Andũ ma Anathothi, ĩana na mĩongo ĩlĩ na nyanya.</verse>
				<verse number="24">Ana ma Asimavethi, mĩongo ĩna na elĩ.</verse>
				<verse number="25">Ana ma Kiliathi‐alimu, na Kevila, na Mbeelothi, maana mũonza na mĩongo ĩna na atatũ.</verse>
				<verse number="26">Ana ma Lama na Ngeva, maana thanthatũ na mĩongo ĩlĩ na ũmwe.</verse>
				<verse number="27">Andũ ma Mikimasi, ĩana na mĩongo ĩlĩ na elĩ.</verse>
				<verse number="28">Andũ ma Mbethi‐eli na Ai, maana elĩ na mĩongo ĩlĩ na atatũ.</verse>
				<verse number="29">Ana ma Nevo, mĩongo ĩtano na elĩ.</verse>
				<verse number="30">Ana ma Makivisi, ĩana na mĩongo ĩtano na thanthatũ.</verse>
				<verse number="31">Ana ma Elamu ũla ũngĩ, ngili na maana elĩ na mĩongo ĩtano na ana.</verse>
				<verse number="32">Ana ma Alimu, maana atatũ na mĩongo ĩlĩ.</verse>
				<verse number="33">Ana ma Loti, na Atiti, na Ono, maana mũonza na mĩongo ĩlĩ na atano.</verse>
				<verse number="34">Ana ma Yeliko, maana atatũ na mĩongo ĩna na atano.</verse>
				<verse number="35">Ana ma Senaa, ngili itatũ na maana thanthatũ na mĩongo ĩtatũ.</verse>
				<verse number="36">Athembi: ana ma Yetaia, wa nyũmba ya Yesua, maana kenda na mĩongo mũonza na atatũ.</verse>
				<verse number="37">Ana ma Imeli, ngili na mĩongo ĩtano na elĩ.</verse>
				<verse number="38">Ana ma Vasuli, ngili na maana elĩ na mĩongo ĩna na mũonza.</verse>
				<verse number="39">Ana ma Alimu, ngili na ĩkũmi na mũonza.</verse>
				<verse number="40">Alivai: ana ma Yesua na Katimieli, o ma ana ma Otavia, mĩongo mũonza na ana.</verse>
				<verse number="41">Aini: ana ma Asavu, ĩana na mĩongo ĩlĩ na nyanya.</verse>
				<verse number="42">Ana ma asũvĩi ma mĩomonĩ: ana ma Salumu, na ana ma Ateli, na ana ma Talimoni, na ana ma Akuvu, na ana ma Atita, na ana ma Sovai, onthe nĩ ĩana na mĩongo ĩtatũ na kenda.</verse>
				<verse number="43">Anethini: ana ma Nziia, na ana ma Aasuva, na ana ma Tavaothi,</verse>
				<verse number="44">na ana ma Kelosi, na ana ma Siaa, na ana ma Vatoni,</verse>
				<verse number="45">na ana ma Levana, na ana ma Akava, na ana ma Akuvu,</verse>
				<verse number="46">na ana ma Akavu, na ana ma Samulai, na ana ma Aananu,</verse>
				<verse number="47">na ana ma Ngiteli, na ana ma Kaali, na ana ma Leaia,</verse>
				<verse number="48">na ana ma Lesini, na ana ma Nekota, na ana ma Ngasamu,</verse>
				<verse number="49">na ana ma Usa, na ana ma Vasea, na ana ma Mbesai,</verse>
				<verse number="50">na ana ma Asana, na ana ma Ameuni, na ana ma Nevisimu,</verse>
				<verse number="51">na ana ma Mbakivuki, na ana ma Akuva, na ana ma Aliuli,</verse>
				<verse number="52">na ana ma Mbasiluthi, na ana ma Meita, na ana ma Alasa,</verse>
				<verse number="53">na ana ma Mbalikosi, na ana ma Sisela, na ana ma Teema,</verse>
				<verse number="54">na ana ma Nesia, na ana ma Ativa.</verse>
				<verse number="55">Ana ma athũkũmi ma Solomoni: ana ma Sotai, na ana ma Sovelethi, na ana ma Veluta,</verse>
				<verse number="56">na ana ma Yaala, na ana ma Ndalikoni, na ana ma Ngiteli,</verse>
				<verse number="57">na ana ma Sevatia, na ana ma Atili, na ana ma Vokelethi‐nzevaimu, na ana ma Ami.</verse>
				<verse number="58">Anethini onthe, na ana ma athũkũmi ma Solomoni, maĩ maana atatũ na mĩongo kenda na elĩ.</verse>
				<verse number="59">Na aa nĩo ala mambatie kuma Teli‐mela, na Teli‐alasa, na Keluvi, na Atani, na Imeli; ĩndĩ matyaatonya kwĩmanyĩthan’ya nyũmba sya aaĩthe moo, o na mbaĩ yoo, kana nĩ ma Isilaeli:</verse>
				<verse number="60">ana ma Ndelaia, na ana ma Tovia, na ana ma Nekota, maana thanthatũ na mĩongo ĩtano na elĩ.</verse>
				<verse number="61">Na ma ana ma athembi: ana ma Avaia, na ana ma Mbalisilai, nomo ana ma Akosi, ũla watwaie mwĩĩtu wa Mbalisilai Mũngileati, na eetanĩw’a na syĩtwa yoo.</verse>
				<verse number="62">Asu nĩmamanthie ĩvuku yoo yĩla matalĩtwe mosyaanĩo, ĩndĩ yĩtyaaoneka: kwondũ wa ũu nĩmatalilwe kwĩthĩwa nĩ avuku na maumw’a ũthembinĩ.</verse>
				<verse number="63">Na ngavana amea, matikaye syĩndũ ntheu mũno, kũvika kwaũngama mũthembi wĩ na Ulimu na Thumimu.</verse>
				<verse number="64">Ũmbano w’onthe vamwe waĩ ngili mĩongo ĩna na ilĩ na maana atatũ na mĩongo thanthatũ,</verse>
				<verse number="65">eka athũkũmi moo aũme na athũkũmi moo eĩtu, namo maĩ ngili mũonza na maana atatũ na mĩongo ĩtatũ na mũonza: na maĩ na aũme ma kwina na aka ma kwina maana elĩ.</verse>
				<verse number="66">Mbalasi syoo syaĩ maana mũonza na mĩongo ĩtatũ na thanthatũ; na nyũmbũ syoo, maana elĩ na mĩongo ĩna na itano;</verse>
				<verse number="67">na ngamĩle syoo, maana ana na mĩongo ĩtatũ na itano; na mang’oi moo, ngili thanthatũ na maana mũonza na mĩongo ĩlĩ.</verse>
				<verse number="68">Na atongoi amwe ma nyũmba sya aaĩthe, yĩla mavikie nyũmbanĩ ya Yeova yĩ Yelusaleme, nĩmaumisye na ngoo ya kwenda kwondũ wa nyũmba ya Ngai mamĩtũngĩe vandũ vayo:</verse>
				<verse number="69">manenganie kwĩanana na ũtonyi woo na maia vala vaiawa mbesa sya wĩa ilungu ngili mĩongo thanthatũ na ĩmwe sya thaavu, na latili ngili itano sya vetha, na ngũa ĩana yĩmwe sya athembi.</verse>
				<verse number="70">Na ĩndĩ athembi, na Alivai, na andũ amwe, na aini, na asũvĩi ma mĩomonĩ, na Anethini, matũaa ndũanĩ syoo, na Isilaeli onthe ndũanĩ syoo.</verse>
			</chapter>
			<chapter number="3">
				<verse number="1">Na yĩla mwei wa mũonza wavikie na ana ma Isilaeli me ndũanĩ, andũ moombana vamwe Yelusaleme o ta mũndũ ũmwe.</verse>
				<verse number="2">Nĩvo ĩndĩ Yesua mwana wa Yosataki waũngamie, vamwe na athembi ana‐a‐ĩthe make, na Nzeluvaveli mwana wa Sealitieli, na ana‐a‐ĩthe make, na maaka kĩthembeo kya Ngai wa Isilaeli, mathembe nthembo sya kũvĩvw’a ĩũlũ wakyo, o tondũ kũandĩkĩtwe mĩaonĩ ya Mose mũndũ wa Ngai.</verse>
				<verse number="3">Na mailĩĩla kĩthembeo ĩtinanĩ yakyo; nũndũ maĩ na w’ĩa nũndũ wa andũ ma nthĩ isu: na mamũthembea Yeova nthembo sya kũvĩvw’a ĩũlũ wakyo, o nthembo sya kũvĩvw’a kĩoko na wĩoo.</verse>
				<verse number="4">Na malilikana mboka ya malwanda, o tondũ kũandĩkĩtwe, na mathemba nthembo sya kũvĩvw’a sya kĩla mũthenya kwa ũtalo wasyo, kwĩanana na ũtw’ĩo, o tondũ kwaaĩlĩte kwĩkawa kĩla mũthenya;</verse>
				<verse number="5">na ĩtina wa ũu nthembo ya kũvĩvw’a ĩtatw’ĩkanaa, na nthembo sya mĩtiso ya myei, na sya mboka syonthe itw’ĩtwe sya Yeova ila syavathĩtwe syĩthĩwe ntheu, na sya kĩla mũndũ ũla wamũthembee Yeova nthembo na ngoo ya kwenda.</verse>
				<verse number="6">Kuma mũthenya wa mbee wa mwei wa mũonza mambĩlĩlya kũmũthembea Yeova nthembo sya kũvĩvw’a: ĩndĩ wambĩlĩlyo wa ĩkalũ ya Yeova ndwaĩ ũnamba kwambĩlĩlw’a.</verse>
				<verse number="7">O na nĩmamanengie aki ma mavia, na aseũvya ma mbwaũ, mbesa; na ala ma Sitoni, na ala ma Tile, mamanenga kya ũya, na kya ũnyw’a, na mauta, makaete mĩtĩ ya mĩkũũ kuma Levanoni kũvika ũkanganĩ, ku Yova, kwĩanana na ũthei ũla manengiwe nĩ Kulusi mũsumbĩ wa Velisia.</verse>
				<verse number="8">Na ĩndĩ mwaka wa kelĩ wa kũka kwoo nyũmbanĩ ya Ngai Yelusaleme, mwei wa kelĩ, Nzeluvaveli mwana wa Sealitieli, na Yesua mwana wa Yosataki, na ala angĩ ma ana‐a‐ĩthe moo athembi na Alivai, na onthe ala maumĩte kũtavwanĩ makavika Yelusaleme nĩmambĩlĩlye, na maia Alivai, ala mavikĩtye myaka mĩongo ĩlĩ na mbee, methĩwe asyaĩĩsya ma wĩa wa nyũmba ya Yeova.</verse>
				<verse number="9">Nĩvo ĩndĩ Yesua vamwe na ana make na ana‐a‐ĩthe make, Katimieli na ana make, ana ma Yuta, maũngamie ta mũndũ ũmwe, methĩwe asyaĩĩsya ma athũkũmi nyũmbanĩ ya Ngai: ana ma Enatati, vamwe na ana moo na ana‐a‐ĩthe moo Alivai.</verse>
				<verse number="10">Na yĩla aki makwatisye wambĩlĩlyo wa ĩkalũ ya Yeova, nĩmaiie athembi mekĩĩte ngũa syoo me na masoo, na Alivai ana ma Asavu me na tũmasaya, mataĩe Yeova, kwĩanana na ũtw’ĩo wa Ndaviti mũsumbĩ wa Isilaeli.</verse>
				<verse number="11">Na maina makĩtĩkĩanĩsya makĩtaĩa na kũmũtũngĩa Yeova mũvea, makyasya, Nũndũ nĩ mũseo, nũndũ ũseo wake wĩ wendo kwa Isilaeli nĩwĩkalaa tene na tene. Na andũ onthe mookĩlya wasya mũnene, yĩla mamũtaĩe Yeova, nĩkwĩthĩwa mwambĩlĩlyo wa nyũmba ya Yeova waĩ mũkwatye.</verse>
				<verse number="12">Ĩndĩ aingĩ ma athembi na Alivai na atongoi ma nyũmba sya aaĩthe, atumĩa ala moonie nyũmba ya mbee, yĩla mwambĩlĩlyo wa nyũmba ĩno wakwatiw’e mene, maĩa na wasya mũtũlu; na aingĩ mookĩlya wasya mũnene nũndũ wa ũtanu:</verse>
				<verse number="13">ũndũ andũ mataĩ matonya kũvathũkan’ya kĩlonzo kya wasya wa ũtanu na kĩlonzo kya kũĩa kwa andũ; nũndũ andũ mookĩlilye wasya mũnene, na kĩlonzo nĩkyeew’ĩkie kũasa.</verse>
			</chapter>
			<chapter number="4">
				<verse number="1">Na ĩndĩ yĩla nthũ sya Yuta na Mbenyamini syeewie ana ma ala matavĩtwe nĩmeũmwakĩa Yeova, Ngai wa Isilaeli, ĩkalũ;</verse>
				<verse number="2">nĩvo ĩndĩ syamũthengeeie Nzeluvaveli, na atongoi ma nyũmba sya aaĩthe, na syamea, Twake vamwe nenyu; nũndũ nĩtũmanthaa Ngai wenyu, o tondũ mwĩkaa; na nĩtũmũthembeaa kuma mĩthenya ya Esali‐atoni mũsumbĩ wa Asuli, ũla watũetie vaa.</verse>
				<verse number="3">Ĩndĩ Nzeluvaveli, na Yesua, na ala angĩ ma atongoi ma nyũmba sya aaĩthe ma Isilaeli, masyĩa, Mũti ũndũ naitũ tũkĩmwakĩa Ngai waitũ nyũmba; ĩndĩ ithyĩ ene vamwe tũkamwakĩa Yeova, Ngai wa Isilaeli, o tondũ Kulusi mũsumbĩ wa Velisia watwĩaĩe.</verse>
				<verse number="4">Nĩvo ĩndĩ andũ ma ĩ nthĩ monzethisye moko ma andũ ma Yuta, na mamathĩn’ya makyaka,</verse>
				<verse number="5">na maandĩka atai, masiĩĩe ũndũ mendaa kwĩka, mĩthenya yonthe ya Kulusi mũsumbĩ wa Velisia, o na kũvika kũsumbĩka kwa Ndalio mũsumbĩ wa Velisia.</verse>
				<verse number="6">Na kũsumbĩkanĩ kwa Aasuelo, wambĩlĩlyonĩ wa kũsumbĩka kwake, nĩmaandĩkie ndeto sya kũmavinganĩsya ala matwĩe Yuta na Yelusaleme.</verse>
				<verse number="7">Na mĩthenya ya Alitasasita, Mbisilamu na Mithiletathi na Taveeli, na atindan’ya make ala angĩ mamũandĩkĩa Alitasasita mũsumbĩ wa Velisia; na maandĩko ma valũa maandĩkĩtwe na ndeto sya Kĩsilia, na maalyũlwa kĩthyomonĩ kya Kĩsilia.</verse>
				<verse number="8">Leumu mũtwi na Simisai mũandĩki mamũandĩkĩa mũsumbĩ Alitasasita valũa ũndũ wa Yelusaleme ũilyĩ ũũ:</verse>
				<verse number="9">nĩvo ĩndĩ mũtwi Leumu na mũandĩki Simisai maandĩkie, o na atindan’ya moo ala angĩ, Andina, na Aavalisathiki, na Ataliveli, na Aavalisi, na Aalikevi, na Ambaviloni, na Asusaniki, na Andea, na Aelamu,</verse>
				<verse number="10">na mbaĩ ila ingĩ ila Osinavali mũnene na wa nguma waietie, na asia ndũanĩ ya Samalia, na nthĩ ĩngĩ ĩla yatialile mũingo wa ũla Ũsĩ, o ta ũu.</verse>
				<verse number="11">Ũũ nĩw’o wumĩĩsyo wa valũa ũla mamũtwaĩe mũsumbĩ Alitasasita: Athũkũmi maku, ithyĩ andũ ala twĩ mũingo wa ũla Ũsĩ, nũvoo.</verse>
				<verse number="12">Ũmanyĩke kwa mũsumbĩ, kana Ayuti ala mambatie kuma kwaku nĩmookie kwitũ Yelusaleme; nĩmeũtũngĩĩa ĩla ndũa ng’endu na nthũku, na nĩmaminĩte maũvai, na nĩmaseũvĩtye myambĩlĩlyo.</verse>
				<verse number="13">Na yu ũmanyĩke kwa mũsumbĩ, ethĩwa ndũa ĩsu ĩkatũngĩĩwa, na maũvai makathela, matikaumya koti, kana mũvothi, kana ũelo, na mũminũkĩlyo kũkeethĩwa wasyo kwa asumbĩ.</verse>
				<verse number="14">Yu ĩndĩ nĩkwĩthĩwa nĩtũĩsaa mũnyũ wumaa nyũmbanĩ nene ya mũsumbĩ, na kũtiaĩle kwitũ kwona mũsumbĩ aianangĩwa ndaĩa, kwondũ wa ũu nĩtũtũmanĩte na kũmanyĩthya mũsumbĩ;</verse>
				<verse number="15">nĩ kana kũmanthwe ĩvukunĩ ya molilikan’yo ma aaĩthe maku: now’o wĩona ĩvukunĩ ya molilikan’yo na ũkamanya ndũa ĩsu nĩ ndũa ng’endu, na yĩ wasyo kwa asumbĩ o na ilungunĩ nene sya nthĩ, na nĩmambĩlĩĩlye ũng’endu nthĩnĩ wayo kuma tene; na kwondũ wa ũndũ ũsu ndũa ĩno nĩyatw’ĩkĩthiwe ĩanzo.</verse>
				<verse number="16">Twĩmanyĩthya mũsumbĩ atĩĩ, ethĩwa ndũa ĩno ĩkatũngĩĩwa, na maũvai makathela, kwondũ wa ũndũ ũsu ndũkethĩwa na kĩanda mũingo wa ũla Ũsĩ.</verse>
				<verse number="17">Nĩvo ĩndĩ mũsumbĩ waetie ũsũngĩo kwa mũtwi Leumu, na kwa mũandĩki Simisai, na atindan’ya moo angĩ ala matwĩe Samalia, na ala angĩ mũingo wa ũla Ũsĩ: Mũuo, nũvoo.</verse>
				<verse number="18">Valũa ũla mwatũeteie nũsometwe nesa vala nĩĩ.</verse>
				<verse number="19">Nakwa natw’a, na kwamanthwa, na kwamanyĩka kana ndũa ĩsu tene nĩyamang’endeie asumbĩ, na ũlei na ũng’endu nĩsyeekiwe nthĩnĩ wayo.</verse>
				<verse number="20">O na kwaĩ asumbĩ maĩ vinya ala masumbĩkie Yelusaleme, ala masumbĩkie nthĩ yonthe mũingo wa ũla Ũsĩ; na maumĩw’a koti, na mũvothi, na ũelo.</verse>
				<verse number="21">Yu umyai ũtw’ĩo wa kũmaekethya andũ asu, o na ndũa ĩsu ndĩkatũngĩĩwe, kũvika yĩla ngaumya ũtw’ĩo.</verse>
				<verse number="22">Na sisyai mũtikaleele ũndũnĩ ũsu: wanangĩko wingĩvĩĩa kĩ asumbĩ mone wasyo?</verse>
				<verse number="23">Na ĩndĩ yĩla wumĩĩsyo wa valũa wa mũsumbĩ Alitasasita wasomewe vala ve Leumu na mũandĩki Simisai, na atindan’ya moo, nĩmamaendee Ayuti ku Yelusaleme mĩtũkĩ, na mamaekethya kwa ũng’endu na vinya.</verse>
				<verse number="24">Nĩvo ĩndĩ wĩa wa nyũmba ya Ngai ĩla yĩ Yelusaleme waekiwe; na waekiwe kũvika mwaka wa kelĩ wa kũsumbĩka kwa Ndalio mũsumbĩ wa Velisia.</verse>
			</chapter>
			<chapter number="5">
				<verse number="1">Na ĩndĩ athani, mwathani Akai, na Nzekalia mwana wa Ito, mamathanĩa Ayuti ala maĩ Yuta na Yelusaleme; syĩtwanĩ ya Ngai wa Isilaeli mamathanĩa.</verse>
				<verse number="2">Nĩvo ĩndĩ Nzeluvaveli mwana wa Sealitieli, na Yesua mwana wa Yosataki, mookĩlile na mambĩlĩlya kũtũngĩĩa nyũmba ya Ngai ĩla yĩ Yelusaleme; na vamwe nao kwaĩ athani ma Ngai, makĩmatethya.</verse>
				<verse number="3">Ĩvinda o yĩu Tatenai, ngavana wa mũingo wa ũla Ũsĩ, na Sethali‐mbosenai, na atindan’ya moo, mooka vala maĩ, na mamakũlya, Nũũ wamũnengie ũtw’ĩo wa kũtũngĩĩa nyũmba ĩno, na kũminũkĩlya wako ũũ?</verse>
				<verse number="4">Nĩvo ĩndĩ twamatavisye atĩĩ, ũndũ masyĩtwa ma andũ ala mekwaka wako ũũ metawa.</verse>
				<verse number="5">Ĩndĩ itho ya Ngai woo yaĩ ĩũlũ wa atumĩa ma Ayuti, na matyaamaekethya, kũvika ũvoo ũmũvikĩe ndalio, na aimatũngĩa ũsũngĩo na valũa ũndũ wa ũndũ ũsu.</verse>
				<verse number="6">Wumĩĩsyo wa valũa ũla Tatenai, ngavana wa mũingo wa ũla Ũsĩ, na Sethali‐mbosenai, na atindan’ya make Aavalisaki, ala maĩ mũingo wa ũla Ũsĩ, matwaĩe mũsumbĩ Ndalio;</verse>
				<verse number="7">nĩmamũtwaĩe valũa ũla waandĩkiwe nthĩnĩ waw’o atĩĩ: Kwa mũsumbĩ Ndalio, mũuo w’onthe.</verse>
				<verse number="8">Ũmanyĩke kwa mũsumbĩ, atĩ nĩtwaendie Yuta kĩlungu kĩnene kya nthĩ, nyũmbanĩ ya Ngai mũnene, ĩla ĩnĩũtũngĩĩwa na mavia manene, na mĩtĩ yĩkĩtwe mawakonĩ; na wĩa ũsu nũendeee na kĩthing’ĩĩsyo na nũkwaĩla mokonĩ moo.</verse>
				<verse number="9">Nĩvo ĩndĩ twakũlilye atumĩa asu, na twamea atĩĩ, Nũũ ũla wamũnengie ũtw’ĩo wa kũtũngĩĩa nyũmba ĩno, na kũminũkĩlya wako ũũ?</verse>
				<verse number="10">O na twamakũlya masyĩtwa moo, tũkũmanyĩthye, nĩ kana tũandĩke masyĩtwa ma andũ ala maĩ atongoi moo.</verse>
				<verse number="11">Na ũũ nĩw’o ũsũngĩo matũsũngĩie, makyasya, Ithyĩ twĩ athũkũmi ma Ngai wa ĩtunĩ na nthĩ, na nĩtũũtũngĩĩa nyũmba ĩla yaakiwe myaka ĩno mingĩ mĩvĩtu, ĩla mũsumbĩ mũnene wa Isilaeli wakie yathela.</verse>
				<verse number="12">Ĩndĩ ĩtina wa aaĩthe maitũ mamũthatya Ngai wa ĩtunĩ, nĩwamanenganie kw’okonĩ kwa Nevukatilesa mũsumbĩ wa Mbaviloni, Mũkalitei, ũla wanangie nyũmba ĩno, na amatwaa andũ Mbaviloni.</verse>
				<verse number="13">Ĩndĩ mwaka wa mbee wa kũsumbĩka kwa Kulusi mũsumbĩ wa Mbaviloni, mũsumbĩ Kulusi nĩwatwie ũtw’ĩo kana nyũmba ĩno ya Ngai ĩtũngĩĩwe.</verse>
				<verse number="14">O na mĩio ya thaavu na vetha ya nyũmba ya Ngai, ĩla Nevukatilesa waumisye ĩkalũnĩ yĩla yaĩ Yelusaleme, na amĩete ĩkalũni ya Mbaviloni, ĩsu mũsumbĩ Kulusi aumya ĩkalũnĩ ya Mbaviloni, na yanengwa mũndũ ũmwe ũla wetawa syĩtwa yake Sesivasali, ũla wamũtw’ĩkĩthisye ngavana;</verse>
				<verse number="15">na amwĩa, Osa mĩio ĩno, ũende, ũmĩkĩe ĩkalũnĩ yĩla yĩ Yelusaleme, na nyũmba ya Ngai ĩtũngĩĩwe vandũ vayo.</verse>
				<verse number="16">Nĩvo ĩndĩ Sesivasali ũsu wokie, na akwatya myambĩlĩlyo ya nyũmba ya Ngai ĩla yĩ Yelusaleme: na kuma ĩvinda yĩu kũvika o na yu no yakawa, ĩndĩ o na yu ndĩnathela.</verse>
				<verse number="17">Yu kwondũ wa ũu, ethĩwa mũsumbĩ nũkwona nĩ ũseo, nĩkũmanthwe nyũmbanĩ ya kwia mothwii ya mũsumbĩ, ĩla yĩ Mbaviloni, ethĩwa ũũ nĩw’o, atĩ ũtw’ĩo nĩwatwiwe nĩ mũsumbĩ Kulusi kana nyũmba ĩno ya Ngai ĩtũngĩĩwe kũũ Yelusaleme: na mũsumbĩ natũmanyĩthye kwenda kwake ũndũnĩ ũsu.</verse>
			</chapter>
			<chapter number="6">
				<verse number="1">Nĩvo ĩndĩ mũsumbĩ Ndalio watie ũtw’ĩo, na kwamanthwa nyũmbanĩ ya mavuku, vala syĩndũ syĩ vata siĩtwe Mbaviloni.</verse>
				<verse number="2">Na kwooneka ku Akimetha, nyũmbanĩ nene ya ũsumbĩ ĩla yĩ kĩlungunĩ kĩnene kya nthĩ kĩtawa Metia, ĩvuku ĩkũnze, na nthĩnĩ wayo kwaĩ kũandĩke ũndũ wa ũlilikan’yo atĩĩ:</verse>
				<verse number="3">Mwaka wa mbee wa kũsumbĩka kwa mũsumbĩ Kulusi, mũsumbĩ Kulusi nĩwatwie ũtw’ĩo wa atĩĩ: Ũndũ wa nyũmba ya Ngai Yelusaleme, nyũmba nĩkatũngĩĩwe, vandũ va kũthembeaa nthembo, na myambĩlĩlyo yayo ĩkwatwe yĩ vinya; ũtũlu wayo mĩkono mĩongo thanthatũ, na ũthanthau wayo mĩkono mĩongo thanthatũ;</verse>
				<verse number="4">yĩ na mĩsoa ĩtatũ ya mavia manene, na mũsoa wa mbwaũ nzaũ: na mbesa sya kũĩvĩa nĩsyumw’e nyũmbanĩ ya mũsumbĩ.</verse>
				<verse number="5">O na mĩio ya thaavu na vetha ya nyũmba ya Ngai, ĩla Nevukatilesa waumisye ĩkalũnĩ yĩla yĩ Yelusaleme, na amĩete Mbaviloni, ĩtũngwe, ĩtwawe ĩngĩ ĩkalũnĩ yĩla yĩ Yelusaleme, kĩla ũmwe vandũ vaw’o; naku ũkamĩkĩe nyũmbanĩ ya Ngai.</verse>
				<verse number="6">Kwondũ wa ũu yu, Tatenai, ngavana mũingo wa ũla Ũsĩ, na Sethali‐mbosenai, na atindan’ya menyu Aavalisaki, ala me mũingo wa ũla Ũsĩ, ĩvathanei na kw’o:</verse>
				<verse number="7">ekanai na wĩa wa nyũmba ĩsu ya Ngai; ngavana wa Ayuti na atumĩa ma Ayuti matũngĩĩe nyũmba ĩsu ya Ngai vandũ vayo.</verse>
				<verse number="8">Na ũndũ ũngĩ nĩngũtw’a ũndũ mwĩĩka atumĩa asu ma Ayuti ũndũ wa kũtũngĩĩa nyũmba ĩsu ya Ngai: mbesa sya kũĩvĩa ninengwe andũ asu na kĩthing’ĩĩsyo kuma syĩndũnĩ sya mũsumbĩ, o sya koti wa mũingo wa ũla Ũsĩ, matikasiĩĩwe.</verse>
				<verse number="9">Na kĩla me vata nakyo, tũsalũ, o na ndũũme, na tũtena twa malondu, syĩthĩwe nthembo sya kũvĩvĩw’a Ngai wa ĩtunĩ: o na nganũ, na mũnyũ, na mbinyu, na mauta, kwĩanana na ndeto ya athembi ala me Yelusaleme, manengwe syo mũthenya na mũthenya vate kũeka;</verse>
				<verse number="10">nĩ kana mamũthembee Ngai wa ĩtunĩ nthembo syĩ mũuke mũseo, na maivoyea thayũ wa mũsumbĩ na wa ana make.</verse>
				<verse number="11">O na nĩnĩtw’ĩte ũtw’ĩo, o ũla ũkaalyũla ndeto ĩno, mũamba wĩumw’a nyũmbanĩ yake, nake nĩeũkĩlw’a na kwambwa ĩũlũ waw’o; na nyũmba yake nĩtw’ĩke ũtũnda wa syaa nũndũ wa ũu:</verse>
				<verse number="12">na Ngai ũla watumie syĩtwa yake yĩkala vo nang’uthũle asumbĩ onthe na ngo sya andũ ila ikatambũũkya kw’oko kwasyo kũalyũla ndeto isu, syanange nyũmba ĩsu ya Ngai ĩla yĩ Yelusaleme. Nyie Ndalio nĩnĩtw’ĩte ũtw’ĩo, nĩwĩkwe na kĩthing’ĩĩsyo kyonthe.</verse>
				<verse number="13">Nĩvo ĩndĩ Tatenai, ngavana wa mũingo wa ũla Ũsĩ, na Sethali‐mbosenai na atindan’ya moo, nĩkwĩthĩwa mũsumbĩ Ndalio nũtũmanĩte, meekie ũu na kĩthing’ĩĩsyo kyonthe.</verse>
				<verse number="14">Na atumĩa ma Ayuti nĩmaakie na maathimĩka, kwondũ wa kwathana kwa mwathani Akai na Nzekalia mwana wa Ito. Na nĩmaakie na yathela, kwĩanana na mwĩao wa Ngai wa Isilaeli, na kwĩanana na ũtw’io wa Kulusi, na Ndalio, na Alitasasita mũsumbĩ wa Velisia.</verse>
				<verse number="15">Na nyũmba ĩsu yathela mũthenya wa katatũ wa mwei wa Atali ũla waĩ mwakanĩ wa thanthatũ wa kũsumbĩka kwa mũsumbĩ Ndalio.</verse>
				<verse number="16">Na ana ma Isilaeli, na athembi na Alivai, na ana ala angĩ ma ala matavĩtwe, malilikana na ũtanu kũvathwa kwa nyũmba ĩsu yĩthĩwe ntheu.</verse>
				<verse number="17">Na makĩvatha nyũmba ĩsu ya Ngai yĩthĩwe ntheu nĩmathembie tũsalũ iana, na ndũũme maana elĩ, na tũtena twa malondu maana ana; na nthenge ĩkũmi na ilĩ syĩthĩwe nthembo kwondũ wa naĩ kwondũ wa Isilaeli onthe, kwĩanana na ũtalo wa mbaĩ sya Isilaeli.</verse>
				<verse number="18">Na maia athembi nguthunĩ syoo, na Alivai nguthunĩ syoo, kwondũ wa ũthũkũmi wa Ngai, ũla wĩ Yelusaleme; o tondũ kũandĩkĩtwe ĩvukunĩ ya Mose.</verse>
				<verse number="19">Na ana ma ala matavĩtwe malilikana vasaka mũthenya wa ĩkũmi na ĩna wa mwei wa mbee.</verse>
				<verse number="20">Nũndũ athembi na Alivai nĩmetheetye vamwe; onthe maĩ atheu; na moaa vasaka kwondũ wa ana onthe ma ala matavĩtwe, na kwondũ wa athembi ana‐a‐ĩthe moo, na kwondũ woo ene.</verse>
				<verse number="21">Na ana ma Isilaeli ala maumĩte kũtavwanĩ, na onthe ala meevathĩĩe kwoo kuma ũvukunĩ wa mbaĩ sya nthĩ ĩsu, mamanthe Yeova, Ngai wa Isilaeli, asu maya,</verse>
				<verse number="22">na malilikana na ũtanu mboka ya kĩmũtũ kĩte ĩlawa mĩthenya mũonza; nũndũ Yeova nũmatanĩthĩtye, na nĩwalyũlĩte ngoo ya mũsumbĩ wa Asuli ĩmelekele, ekĩe moko moo vinya wĩanĩ wa nyũmba ya Ngai, Ngai wa Isilaeli.</verse>
			</chapter>
			<chapter number="7">
				<verse number="1">Na ĩndĩ ĩtina wa maũndũ asu, kũsumbĩkanĩ kwa Alitasasita mũsumbĩ wa Velisia, Esala mwana wa Selaia, mwana wa Asalia, mwana wa Ilikia,</verse>
				<verse number="2">mwana wa Salumu, mwana wa Nzatoki, mwana wa Aituvu,</verse>
				<verse number="3">mwana wa Amalia, mwana wa Asalia, mwana wa Melaiothi,</verse>
				<verse number="4">mwana wa Nzelaia, mwana wa Usisi, mwana wa Mbuki,</verse>
				<verse number="5">mwana wa Avisua, mwana wa Vineasi, mwana wa Eleasali, mwana wa Aluni, mũthembi mũnene—</verse>
				<verse number="6">Esala o ũsu nĩwambatie kuma Mbaviloni. Na aĩ maũndĩki mũmanyi mĩaonĩ ya Mose, ĩla Yeova, Ngai wa Isilaeli, wanenganĩte; na mũsumbĩ amũnenga ũndũ w’onthe ũla wamwĩtĩtye, kwĩanana na kw’oko kwa Yeova Ngai wake ĩũlũ wake.</verse>
				<verse number="7">Na kwambata Yelusaleme amwe ma ana ma Isilaeli, na ma athembi, na Alivai, na aini, na asũvĩi ma mĩomonĩ, na Anethini, mwaka wa mũonza wa kũsumbĩka kwa mũsumbĩ Alitasasita.</verse>
				<verse number="8">Nake avika Yelusaleme mwei wa katano, mwaka wa mũonza wa kũsumbĩka kwa ũ mũsumbĩ.</verse>
				<verse number="9">Nũndũ mũthenya wa mbee wa mwei wa mbee nĩw’o wambĩlĩlye kwambata kuma Mbaviloni; na mũthenya wa mbee wa mwei wa katano nĩw’o wavikie Yelusaleme, kwĩanana na kw’oko kũseo kwa Ngai wake ĩũlũ wake.</verse>
				<verse number="10">Nũndũ Esala eelekeletye ngoo yake amanthe mĩao ya Yeova, na kũmĩka, na kũmanyĩsya Isilaeli myamũlo na motw’ĩo.</verse>
				<verse number="11">Na ĩndĩ ũũ nĩw’o wumĩĩsyo wa valũa ũla mũsumbĩ Alitasasita wanengie mũthembi Esala, mũandĩki, o mũandĩki wa ndeto sya mĩao ya Yeova, na wa motw’ĩo make kwa Isilaeli:</verse>
				<verse number="12">Alitasasita, mũsumbĩ wa asumbĩ, valũa ũũ wakwa ũmũvikĩe mũthembi Esala, mũandĩki wa mĩao ya Ngai wa ĩtunĩ, mwĩanĩu, nũvoo.</verse>
				<verse number="13">Nĩngũtw’a ũtw’ĩo, kana onthe ma andũ ma Isilaeli, na athembi moo, na Alivai, ũsumbĩnĩ wakwa, ala mekwenda na ngoo yoo ene kũthi Yelusaleme, maende naku.</verse>
				<verse number="14">Nũndũ nũtũmĩtwe nĩ mũsumbĩ na atai make mũonza, ũkũlye ũndũ wa Yuta na Yelusaleme, kwĩanana na mwĩao wa Ngai waku ũla wĩ kw’okonĩ kwaku,</verse>
				<verse number="15">na ũikua vetha na thaavu, ũla mũsumbĩ na atai make mamumĩsye na ngoo ya kwenda Ngai wa Isilaeli ũla ũtũo wake wĩ Yelusaleme,</verse>
				<verse number="16">na vetha na thaavu w’onthe ũla wĩona kĩlungunĩ kĩnene kyonthe kya nthĩ kĩtawa Mbaviloni, vamwe na nthembo ya andũ ĩla yaumiw’e na ngoo ya kwenda, na ya athembi, makĩthemba na ngoo ya kwenda kwondũ wa nyũmba ya Ngai woo ĩla yĩ Yelusaleme;</verse>
				<verse number="17">kwondũ wa ũu ũkathooe mĩtũkĩ na mbesa isu, tũsalũ twa mũew’a, na ndũũme, na tũtena twa malondu, na nthembo sya mũtu na nthembo sya kũnyuwa sya kũthembanĩsya nasyo, na ũkaithembe kĩthembeonĩ kya nyũmba ya Ngai wenyu, ĩla yĩ Yelusaleme.</verse>
				<verse number="18">Na ũndũ o na wĩva wĩona wĩ ũseo, we na ana‐a‐ĩthe maku, mwĩke na vetha na thaavu ũla ũkatiala, ĩkai ũu kwĩanana na kwenda kwa Ngai wenyu.</verse>
				<verse number="19">Na mĩio ĩla ũnengetwe ũndũ wa ũthũkũmi wa nyũmba ya Ngai waku, mĩnengane vala ve Ngai wa Yelusaleme.</verse>
				<verse number="20">Na kĩla kĩĩthĩawa vata kũvĩtũka isu ũndũ wa nyũmba ya Ngai waku, kĩla wĩĩthĩawa vata kũnengane, kĩnengane kuma nyũmbanĩ ya kwia mothwii ya mũsumbĩ.</verse>
				<verse number="21">Nakwa, o nyie, mũsumbĩ Alitasasita, nĩngũmatw’ĩa ũtw’ĩo asũvĩi onthe ma ũthwii ala me mũingo wa ũla Ũsĩ, atĩ ũndũ o na wĩva ũla mũthembi Esala, mũandĩki wa mĩao ya Ngai wa ĩtunĩ, ũkenda kwenyu, ũndũ ũsu wĩkwe na kĩthing’ĩĩsyo kyonthe,</verse>
				<verse number="22">o kũvika talendi ĩana sya vetha, na kũvika ithimi ĩana sya nganũ, na kũvika vathi ĩana sya mbinyu, na kũvika vathi ĩana sya mauta, na mũnyũ vate kũtala ũndũ wĩana.</verse>
				<verse number="23">O ũla wĩaĩtwe nĩ Ngai wa ĩtunĩ, nĩwĩkwe ki kwondũ wa nyũmba ya Ngai wa ĩtunĩ; nũndũ kwaĩle kĩ kwĩthĩwa ũthilĩku ĩũlũ wa ũsumbĩ wa mũsumbĩ na ana make?</verse>
				<verse number="24">Na ĩngĩ nĩtũũmũmanyĩthya, ũndũ wa athembi o na meva na Alivai, kana aini, kana asũvĩi ma mĩomonĩ, kana Anethini, kana athũkũmi ma nyũmba ĩsu ya Ngai, kũiosana na mĩao kũmaumĩthya koti, kana mũvothi, kana ũelo.</verse>
				<verse number="25">Naku we, Esala, kwĩanana na ũĩ wa Ngai waku ũla wĩ kw’okonĩ kwaku, ia amũli na asili, o onthe ala mesĩ mĩao ya Ngai waku, ala matonya kũsilan’ya andũ onthe ala me mũingo wa ũla Ũsĩ; na mũmanyĩsyei ũla ũteũmĩmanya.</verse>
				<verse number="26">Na o na ũla ũtakeka mĩao ya Ngai waku, na mĩao ya mũsumbĩ, nasilĩlwe na kĩthito kyonthe, ethĩwa nĩ kũawa, kana kumw’a nthĩ yake, kana kwosewa syĩndũ syake, kana kwovwa.</verse>
				<verse number="27">Yeova, Ngai wa aaĩthe maitũ, nataĩwe, ũla wĩkĩĩte mũsumbĩ ũndũ ta ũsu ngoonĩ, amyanakavye nyũmba ya Yeova ĩla yĩ Yelusaleme;</verse>
				<verse number="28">na ũmbonee ũseo wĩ wendo vala ve mũsumbĩ, na atai make, na vala ve anene onthe me mbee ũsumbĩnĩ me vinya ma mũsumbĩ. Nakwa nĩneekĩiwe vinya kwĩanana na kw’oko kwa Yeova Ngai wakwa ĩũlũ wakwa, na noomban’ya kuma kwa Isilaeli andũ anene mambate nakwa.</verse>
			</chapter>
			<chapter number="8">
				<verse number="1">Na ĩndĩ aa nĩmo atongoi ma nyũmba sya aaĩthe moo, na aa nĩmo mosyaanĩo ma ala mambatie nakwa kuma Mbaviloni, kũsumbĩkanĩ kwa mũsumbĩ Alitasasita:</verse>
				<verse number="2">Wa ana ma Vineasi, nĩ Ngelisoni. Wa ana ma Ithamali, nĩ Ndanieli. Wa ana ma Ndaviti, nĩ Atusi.</verse>
				<verse number="3">Wa ana ma Sekania, wa ana ma Valosi, nĩ Nzekalia; na ala maĩ nake mosyaanĩonĩ kwatalilwe aũme ĩana na mĩongo ĩtano.</verse>
				<verse number="4">Wa ana ma Vaathi‐moavi, nĩ Elioenai mwana wa Nzelaia; na ala maĩ nake aũme maana elĩ.</verse>
				<verse number="5">Wa ana ma Sekania, nĩ mwana wa Yaanzieli; na ala maĩ nake aũme maana atatũ.</verse>
				<verse number="6">Na wa ana ma Atini, nĩ Eveti mwana wa Yonathani; na ala maĩ nake aũme mĩongo ĩtano.</verse>
				<verse number="7">Na wa ana ma Elamu, nĩ Yesaia mwana wa Athalia; na ala maĩ nake aũme mĩongo mũonza.</verse>
				<verse number="8">Na wa ana ma Sevatia, nĩ Nzevatia mwana wa Mikaeli; na ala maĩ nake aũme mĩongo nyanya.</verse>
				<verse number="9">Na wa ana ma Yoavu, nĩ Ovatia mwana wa Yeiieli; na ala maĩ nake aũme maana elĩ na ĩkũmi na nyanya.</verse>
				<verse number="10">Na wa ana ma Selomithi, nĩ mwana wa Yosiviia; na ala maĩ nake aũme ĩana na mĩongo thanthatũ.</verse>
				<verse number="11">Na wa ana ma Mbevai, nĩ Nzekalia mwana wa Mbevai; na ala maĩ nake aũme mĩongo ĩlĩ na nyanya.</verse>
				<verse number="12">Na wa ana ma Asikati, nĩ Yoanani mwana wa Akatani; na ala maĩ nake aũme ĩana na ĩkũmi.</verse>
				<verse number="13">Na ma ana ma Atonikamu, ala anini; na aa nĩmo masyĩtwa moo: Eliveleti, na Yeueli, na Semaia; na ala maĩ nao aũme mĩongo thanthatũ.</verse>
				<verse number="14">Na ma ana ma Mbikivai, nĩ Uthai na Nzavutu; na ala maĩ nao aũme mĩongo mũonza.</verse>
				<verse number="15">Nakwa namombanĩsya ũsĩnĩ ũla ũtheeete Aava; na twekala maeemanĩ maitũ kw’o mĩthenya ĩtatũ: na namasisya andũ, o na athembi, na ndyaaona vo ũmwe wa ana ma Livai.</verse>
				<verse number="16">Nĩvo ĩndĩ natũmanie Elieseli, na Alieli, na Semaia, na Elinathani, na Yalivu, na Elinathani, na Nathani, na Nzekalia, na Mesulamu, andũ anene; o na Yoialivu, na Elinathani, ala maĩ amanyĩsya.</verse>
				<verse number="17">Na namatũma kwa mũnene Ito vandũ vetawa Kasivia; na namatavya ũla memũtavya Ito, na ana‐a‐ĩthe make Anethini, vandũ vau Kasivia, matũetee athũkũmi ma nyũmba ya Ngai waitũ.</verse>
				<verse number="18">Na kwĩanana na kw’oko kũseo kwa Ngai waitũ ĩũlũ waitũ matũetee mũndũ wĩ ũmanyi wa ana ma Mali mwana wa Livai, mwana wa Isilaeli; na Selevia, e na ana make na ana‐a‐ĩthe make, ĩkũmi na nyanya;</verse>
				<verse number="19">na Asavia, na vamwe nake Yesaia wa ana ma Melali, e na ana‐a‐ĩthe make na ana moo, mĩongo ĩlĩ;</verse>
				<verse number="20">na ma Anethini, ala Ndaviti na anene me mbee ũsumbĩnĩ mamaumĩtye ũndũ wa ũthũkũmi wa Alivai, Anethini maana elĩ na mĩongo ĩlĩ: onthe nĩmawetiwe na masyĩtwa.</verse>
				<verse number="21">Na ĩndĩ natavan’ya kũtĩĩa ũya ku, ũsĩnĩ wa Aaaa, nĩ kana tũmwĩnyivĩsye Ngai waitũ, tũmanthe kwake nzĩa ndũngalu ũndũ witũ ene, na ũndũ wa syana sitũ nini, na ũndũ wa syĩndũ sitũ syonthe.</verse>
				<verse number="22">Nũndũ nĩnĩnasonokie kwĩtya mũsumbĩ nguthu ya asikalĩ na andũ ala matũlite mbalasi matũtethye ũndũ wa amaitha nzĩanĩ, nĩkwĩthĩwa twaĩ tũnaneena na mũsumbĩ, tũkĩmwĩa, Kw’oko kwa Ngai waitũ kwĩ ĩũlũ wa onthe ala mamũmanthaa nĩ kana kũmaetee ũseo; ĩndĩ ũtonyi wake na ũthilĩku wake wĩ ĩũlũ wa onthe ala mamũtiaa.</verse>
				<verse number="23">Na ĩndĩ twatĩĩa ũya na twamwĩsũva Ngai waitũ kwondũ wa ũndũ ũsu: nake atwĩthukĩĩsya.</verse>
				<verse number="24">Na ĩndĩ naia andũ ĩkũmi na elĩ ma anene ma athembi, o Selevia, na Asavia, na ĩkũmi ma ana‐a‐ĩthe moo vamwe nao,</verse>
				<verse number="25">na namathimĩa vetha, na thaavu, na mĩio, o nthembo ũndũ wa nyũmba ya Ngai waitũ, ĩla mũsumbĩ, na atai make, na anene make me mbee ũsumbĩnĩ, na Isilaeli onthe ala maĩ vo, maumisye:</verse>
				<verse number="26">nathimĩa kw’okonĩ kwoo talendi sya vetha maana thanthatũ na mĩongo ĩtano, na mĩio ya vetha ya talendi ĩana; na ya thaavu talendi ĩana;</verse>
				<verse number="27">na mbakũli mĩongo ĩlĩ sya thaavu, sya ilungu ngili sya thaavu, na mĩio ĩlĩ ya ũthuku mũseo mũkute, yĩ vata ta thaavu.</verse>
				<verse number="28">Na namea, Inyw’ĩ mwĩ atheu kwa Yeova, na mĩio nĩ mĩtheu; na vetha na thaavu nĩ nthembo ya kũmumĩsya Yeova, Ngai wa aaĩthe menyu, na ngoo ya kwenda.</verse>
				<verse number="29">Syaĩĩsyai, na mũkĩmĩsũvĩa, kũvika yĩla mwĩmĩthima vala ve anene ma athembi na Alivai, na anene me mbee ũsumbĩnĩ ma nyũmba sya aaĩthe ma Isilaeli, ku Yelusaleme, tũsũmbanĩ twa nyũmba ya Yeova.</verse>
				<verse number="30">Na ĩndĩ athembi na Alivai moosa vetha na thaavu ũla mathimĩĩwe, vamwe na mĩio, maitwae Yelusaleme nyũmbanĩ ya Ngai waitũ.</verse>
				<verse number="31">Nĩvo ĩndĩ twaumie ũsĩ wa Aava mũthenya wa ĩkũmi na ĩlĩ wa mwei wa mbee, tũende Yelusaleme: na kw’oko kwa Ngai waitũ kwaĩ ĩũlũ waitũ, na atumya kw’okonĩ kwa amaitha na ala moveesyaa nzĩanĩ.</verse>
				<verse number="32">Na twavika Yelusaleme, na twekala vo mĩthenya ĩtatũ.</verse>
				<verse number="33">Na mũthenya wa kana vetha na thaavu na mĩio syathimĩwa nyũmbanĩ ya Ngai waitũ na syanengwa Melemothi mwana wa mũthembi Ulia kw’okonĩ kwake (na vamwe nake kwaĩ Eleasali mwana wa Vineasi: na vamwe nao kwaĩ Yosavati mwana wa Yesua, na Noatia mwana wa Mbinui, Alivai)—</verse>
				<verse number="34">syonthe syĩ ndale na syĩ nthime: na ũito w’onthe waandĩkwa ĩvinda yiu.</verse>
				<verse number="35">Ana ma ala matavĩtwe, ala maumie kũtavwanĩ, nĩmamũthembee Ngai wa Isilaeli nthembo ya kũvĩvw’a, tũsalũ twa mũew’a ĩkũmi na twĩlĩ ũndũ wa Isilaeli onthe, na ndũũme mĩongo kenda na thanthatũ, na tũtena twa malondu mĩongo mũonza na mũonza, na nthenge ĩkũmi na ilĩ syĩthĩwe nthembo kwondũ wa naĩ: Isu syonthe syaĩ nthembo sya kũvĩvĩw’a Yeova.</verse>
				<verse number="36">Na manenga asumbĩ anini, na makavana mũingo wa ũla Ũsĩ, motw’ĩo ma mũsumbĩ: na matethya andũ, na nyũmba ya Ngai.</verse>
			</chapter>
			<chapter number="9">
				<verse number="1">Na ĩndĩ yĩla maũndũ asu mathelile, anene me mbee ũsumbĩnĩ manthengeea, makĩmbĩa, Andũ ma Isilaeli, na athembi na Alivai, matyaaĩvathana na ngo sya andũ ma i nthĩ, ĩndĩ nĩmekaa kwĩanana na mothatyo moo, o ma Akanaani, na Aititi, na Avelisi, na Ayevusi, na Aamimoni, na Amoavi, na Amisili, na Aamoli.</verse>
				<verse number="2">Nũndũ nĩmatwaĩte eĩtu moo matw’ĩke aka moo ene na makatwaĩa ana moo, na ĩndĩ ũsyao mũtheu nĩwĩvulanĩtye na ngo sya andũ ma nthĩ isu: ĩĩ, moko ma anene me mbee ũsumbĩnĩ na ma asumbĩki nĩmo matongoesye ĩvĩtyonĩ yĩu.</verse>
				<verse number="3">Na yĩla neewie ũvoo ũsu natembũanga ngũa yakwa, o na ngũa yakwa ndasa, na nakũa nzw’ĩĩ sya mũtwe wakwa na kĩng’ew’a kyakwa, na nekala nthĩ nĩ mũthokoanu.</verse>
				<verse number="4">Nĩvo ĩndĩ noombanĩwe nĩ kĩla mũndũ ũla watetemiwe nĩ ndeto sya Ngai wa Isilaeli, nũndũ wa ĩvĩtyo ya asu ala matavĩtwe; na nekala nĩ mũthokoanu kũvika kũthemba nthembo ya wĩoo.</verse>
				<verse number="5">Na ĩvinda ya nthembo ya wĩoo nookĩla kuma kwĩnyivyanĩ kwakwa, ngũa yakwa o na ngũa yakwa ndasa yĩ ndembũange; na navalũka na mau makwa, na namũtambũũkĩsya Yeova Ngai wakwa moko makwa;</verse>
				<verse number="6">na nasya, Ame Ngai wakwa, nĩngũsonoka na kwonan’ya nthoni ũthyũnĩ wakwa ũndũ wa ũkũkĩlĩlya ũthyũ wakwa, Ngai wakwa; nũndũ mothũku maitũ nĩmaingĩvĩte ĩũlũ wa mĩtwe yaitũ, na kũvĩtan’ya kwitũ nĩkũvikĩte matunĩ.</verse>
				<verse number="7">Kuma mĩthenya ya aaĩthe maitũ kũvika ũmũnthĩ nĩtwekalile twĩ avĩtan’ya mũno; na nũndũ wa mothũku maitũ, ithyĩ, na asumbĩ maitũ, na athembi maitũ, nĩtũnenganĩtwe kw’okonĩ kwa asumbĩ ma i nthĩ, o kwa ũvyũ, na kũtavwa, na kũvutwa, na kũsonokwa mothyũ, o tondũ tũilyĩ ũmũnthĩ.</verse>
				<verse number="8">Na yu kavinda kanini mũno mumo nĩwonanĩtwe kuma kwa Yeova Ngai waitũ, atũtiĩe ũtialo wa kũvonoka, na atũnenge kyambo vandũ vake vatheu, nĩ kana Ngai waitũ atonye kũsalukya metho maitũ, na kũtũvuũkya vanini ũkombonĩ witũ.</verse>
				<verse number="9">Nũndũ twĩ ngombo; ĩndĩ Ngai waitũ ndatũtiĩte o na twĩ ũkombonĩ witũ, ĩndĩ nũtwonea ũseo wĩ wendo methonĩ ma asumbĩ ma Velisia, atũnenga ũvuũkyo, tũtũngĩĩe nyũmba ya Ngai waitũ, na tũseũvye kũla kũomboe kwayo, na atũnenge ũvai ku Yuta na Yelusaleme.</verse>
				<verse number="10">Na yu, ame Ngai waitũ, twĩasya ata ĩtina wa ũu? Nũndũ nĩtũtiĩte mĩao yaku</verse>
				<verse number="11">ĩla weaie na makanyw’a ma athũkũmi maku athani, ũkyasya, nthĩ, ĩla mũendete mũmĩmesye, nĩ nthĩ mbuku ũndũ wa ũvuku wa ngo sya andũ ma i nthĩ, nũndũ wa mothatyo moo, ala mamyusũĩtye kuma ngalĩ ĩmwe kũvika ĩla ĩngĩ na ũvuku woo:</verse>
				<verse number="12">yu kwondũ wa ũu mũtikanengane eĩtu menyu kwa ana moo, o na mũtikatwaĩe ana menyu eitũ moo, o na mũtikamamanthĩe mũuo kana ũuno tene na tene; nĩ kana mwĩthĩwe mwĩ vinya, na mũye ũseo wa ĩ nthĩ, na kũmĩtia yĩthĩwe ũtiĩwa wa syana syenyu tene na tene.</verse>
				<verse number="13">Na ĩtina wa ũu w’onthe ũla watũkĩtĩkĩe nũndũ wa meko maitũ mathũku, na nũndũ wa kũvĩtan’ya kwitũ kũnene, nĩkwĩthĩwa we Ngai waitũ nũtũkũnĩte ũndũ ũnini kwĩ ũndũ mothũku maitũ maĩlwe, na nũtũnengete ũtialo ũilyĩ ũu,</verse>
				<verse number="14">ithyĩ tũkatũla mĩao yaku ĩngĩ, na kũkwatanwa tũtwaanĩthw’e na ngo sya andũ ala mekaa mothatyo asu? Ndũkatũthatĩa mũvaka ũtũmine, kũtikethĩwe ũtialo, kana ũmwe wa kũvonoka?</verse>
				<verse number="15">Ame Yeova, Ngai wa Isilaeli, we wĩ mũlũngalu; nũndũ nĩtũtiele ũtialo ũla mũvonoku, o ũndũ ũilyĩ ũmũnthĩ: sisya, twĩ mbee waku twĩ avĩtan’ya; nũndũ vati ũmwe ũtonya kũũngama mbee waku nũndũ wa ũndũ ũsu.</verse>
			</chapter>
			<chapter number="10">
				<verse number="1">Na ĩndĩ yĩla Esala wavoyie na aumbũla, akĩĩa na kwĩvalũkya nthĩ mbee wa nyũmba ya Ngai, nĩwombanĩwe nĩ ũmbano mũnene mũno wa aũme na aka na syana kuma nthĩnĩ wa Isilaeli; nũndũ andũ nĩmaĩie mũno.</verse>
				<verse number="2">Na Sekania mwana wa Yeiieli, mwana ũmwe wa Elamu, asũngĩa na amwĩa Esala, Nĩtũmũvĩtanĩsye Ngai waitũ, na nĩtũtwaĩte aka ma nthĩ ĩngĩ ma ngo sya andũ ma ĩ nthĩ: ĩndĩ yu ve wĩkwatyo wa Isilaeli ũndũ wa ũndũ ũsu.</verse>
				<verse number="3">Kwondũ wa ũu yu tũtianĩe ũtianĩo na Ngai waitũ tũeke iveti isu syonthe, na ala masyaĩtwe nĩsyo, kwĩanana na ũtao wa mwĩaĩi wakwa, na wa ala matetemaa nũndũ wa mwĩao wa Ngai waitũ; na nĩkwĩkwe kwĩanana na mĩao.</verse>
				<verse number="4">Ũkĩla; nũndũ ũvoo nĩ waku, naitũ twĩ vamwe naku: ĩthĩwa na ũkũmbaũ mũnene, nokĩka ũu.</verse>
				<verse number="5">Nĩvo ĩndĩ Esala wokĩlile, na amaavĩthya anene ma athembi, na Alivai, na Isilaeli onthe, kana meke kwĩanana na ndeto ĩsu. Na ĩndĩ meeava.</verse>
				<verse number="6">Na ĩndĩ Esala ookĩla kuma vu mbee wa nyũmba ya Ngai, na alika kasũmbanĩ ka Yeoanani mwana wa Eliasivu: na avika vo, ndaaya lĩu, kana kũnyw’a manzĩ; nũndũ nĩwewie woo ũndũ wa ĩvĩtyo ya ala matavĩtwe.</verse>
				<verse number="7">Na matavan’ya Yuta na Yelusaleme kw’onthe kwa ana onthe ma ala matavĩtwe, mombane Yelusaleme;</verse>
				<verse number="8">na o ũla ũtaaũka mĩthenya ĩsu ĩtatũ, kwĩanana na ũtao wa anene me mbee ũsumbĩnĩ na atumĩa, syĩndũ syake syonthe ikooswa, nake mwene akavetwa ũmbanonĩ wa ala matavĩtwe.</verse>
				<verse number="9">Na ĩndĩ andũ onthe ma Yuta na Mbenyamini makomana Yelusaleme mĩthenya ĩsu ĩtatũ ĩtanathela (kwaĩ mwei wa kenda, mũthenya wa mĩongo ĩlĩ wa mwei); na andũ onthe mekala vala vandũ vathanthau ngalĩ ya mbee ya nyũmba ya Ngai, makĩtetema nũndũ wa ũndũ ũsu, na nũndũ wa ĩla mbua nene.</verse>
				<verse number="10">Na mũthembi Esala aũngama, na amea, Nĩmũvĩtĩtye, na nĩmũtwaĩte aka ma nthĩ ĩngĩ, mwingĩvye ĩvĩtyo ya Isilaeli.</verse>
				<verse number="11">Yu ĩndĩ mumbũlĩlei Yeova, Ngai wa aaĩthe menyu, na mũkĩka kwenda kwake; na ĩvathanei na ngo sya andũ ma ĩ nthĩ, na aka ma nthĩ ĩngĩ.</verse>
				<verse number="12">Nĩvo ĩndĩ ũmbano w’onthe wasũngĩie, na waneena na wasya mũnene, O ũndũ ũneenete ũndũ witũ, no mũvaka twĩke.</verse>
				<verse number="13">Ĩndĩ andũ nĩ aingĩ, na nĩ ĩvinda ya mbua nyingĩ, na tũtitonya kũũngama nza: o na ũũ ti wĩa wa mũthenya ũmwe kana ĩlĩ; nũndũ nĩtũvĩtĩtye mũno ũndũnĩ ũsu.</verse>
				<verse number="14">Yu anene maitũ me mbee ũsumbĩnĩ maiwe kwondũ wa ũmbano w’onthe, na onthe ala me ndũanĩ sitũ ala matwaĩte aka ma nthĩ ĩngĩ nĩmoke mavinda matw’ĩĩtwe, na vamwe nao atumĩa ma kĩla ndũa, na asili masyo, kũvika ũthilĩku mwai wa Ngai waitũ ũthyũũwe wume kwitũ, kũvika ũndũ ũsu ũthele.</verse>
				<verse number="15">No Yonathani mwana wa Asaeli na Yaseia mwana wa Tikiva maũngamie na kũlea ũndũ ũsu: na Mesulamu na Savethai Mũlivai mamatethya.</verse>
				<verse number="16">Na ana ma ala matavĩtwe meeka ũu. Na mũthembi Esala, vamwe na atongoi amwe ma nyũmba sya aaĩthe, kũatĩĩa nyũmba sya aaĩthe moo, na onthe kũatĩĩa masyĩtwa moo, maiwa; na makela nthĩ mũthenya wa mbee wa mwei wa ĩkũmi masũanĩe ũndũ ũsu.</verse>
				<verse number="17">Na mamina na andũ onthe ala matwaĩte aka ma nthĩ ĩngĩ mũthenya wa mbee wa mwei wa mbee.</verse>
				<verse number="18">Na ananĩ ma athembi kwooneka ala matwaĩte aka ma nthĩ ĩngĩ; asu nĩmo aa, ma ana ma Yesua, nĩ mwana wa Yosataki, na ana‐a‐ĩthe make, Maaseia, na Elieseli, na Yalivu, na Ngetalia.</verse>
				<verse number="19">Nao manengane mĩkono kana nĩmeũeka iveti syoo; na nĩkwĩthĩwa maĩ na ĩvĩtyo, nĩmathembie ndũũme ya ndĩthyanĩ ũndũ wa ĩvĩtyo yoo.</verse>
				<verse number="20">Na ma ana ma Imeli: Aanani na Sevatia.</verse>
				<verse number="21">Na ana ma Alimu: Maaseia, na Eliya, na Semaia, na Yeiieli, na Usia.</verse>
				<verse number="22">Na ma ana ma Vasuli: Elioenai, na Maaseia, na Isumaeli, na Nethaneli, na Yosavati, na Elasa.</verse>
				<verse number="23">Na ma Alivai: Yosavati, na Simei, na Kelaia (nĩwe Kelita), na Vethaia, na Yuta, na Elieseli.</verse>
				<verse number="24">Na ma aini: Eliasivu. Na ma asũvĩi ma mĩomonĩ: Salumu, na Telemu, na Uli.</verse>
				<verse number="25">Na ma Isilaeli: Ma ana ma Valosi: Lamia, na Isia, na Malikiya, na Miyamini, na Eleasali, na Malikiya, na Mbenaia.</verse>
				<verse number="26">Na ma ana ma Elamu: Matania, na Nzekalia, na Yeiieli, na Avati, na Yelemothi, na Eliya.</verse>
				<verse number="27">Na ma ana ma Nzatu: Elioenai, na Eliasivu, na Matania, na Yelemothi, na Nzavati, na Asisa.</verse>
				<verse number="28">Na ma ana ma Mbevai: Yeoanani, na Aanania, na Nzavai, na Athilai.</verse>
				<verse number="29">Na ma ana ma Mbani: Mesulamu, na Maluku, na Ataia, na Yasuvu, na Seali, na Yelemothi.</verse>
				<verse number="30">Na ma ana ma Vaathi‐moavi: Atena, na Kelali, na Mbenaia, na Maaseia, na Matania, na Mbesaleli, na Mbinui, na Manase.</verse>
				<verse number="31">Na ma ana ma Alimu: Elieseli, na Isiya, na Malikiya, na Semaia, na Simeoni,</verse>
				<verse number="32">na Mbenyamini, na Maluku, na Semalia.</verse>
				<verse number="33">Na ma ana ma Asumu: Matenai, na Matatha, na Nzavati, na Eliveleti, na Yelemai, na Manase, na Simei.</verse>
				<verse number="34">Ma ana ma Mbani: Maatai, na Amilamu, na Ueli,</verse>
				<verse number="35">na Mbenaia, na Mbeteia, na Kelui,</verse>
				<verse number="36">na Vania, na Melemothi, na Eliasivu,</verse>
				<verse number="37">na Matania, na Matenai, na Yaasu,</verse>
				<verse number="38">na Mbani, na Mbinui, na Simei,</verse>
				<verse number="39">na Selemia, na Nathani, na Ataia,</verse>
				<verse number="40">na Makinatevai, na Sasai, na Sialai,</verse>
				<verse number="41">na Asaleeli, na Selemia, na Semalia,</verse>
				<verse number="42">na Salumu, na Amalia, na Yosevu.</verse>
				<verse number="43">Ma ana ma Nevo: Yeieli, na Matithia, na Nzavati, na Nzevina, na Ito, na Yoeli, na Mbenaia.</verse>
				<verse number="44">Asu onthe nĩmatwaĩte aka ma nthĩ ĩngĩ; na amwe moo maĩ na iveti ila syamasyaĩe syana.</verse>
			</chapter>
		</book>
		<book number="16">
			<chapter number="1">
				<verse number="1">Ndeto sya Neemia mwana wa Akalia. Na kweethĩwa mwei wa Kiselevu, mwaka wa mĩongo ĩlĩ, yĩla naĩ nyũmbanĩ nene ya ũsumbĩ ku Susani,</verse>
				<verse number="2">Aanani ooka, ũmwe wa ana‐a‐asa makwa, we na andũ amwe ala maumĩte Yuta; na namakũlya ũvoo wa Ayuti ala mavonokie ala matialile ma ala matavĩtwe, na ũvoo wa Yelusaleme.</verse>
				<verse number="3">Na mambĩa, Ũtialo ũla ũtialĩte wa ala matavĩtwe ku kĩlungunĩ kyu kĩnene kya nthĩ wĩ na thĩna mũnene na kũvũthw’a: o na ũvai wa Yelusaleme naw’o nĩ mũomboku, na mbingĩlo syayo nivĩvĩtw’e na mwaki.</verse>
				<verse number="4">Na kweethĩwa, yĩla neewie ndeto isu, nekala nthĩ na naĩa, na nameta mĩthenya ĩmwe; na natĩĩa ũya na navoya mbee wa Ngai wa ĩtunĩ,</verse>
				<verse number="5">na nasya, Nĩngũkwĩsũva, ame Yeova, Ngai wa ĩtunĩ, Ngai mũnene na wa kũtĩsya, ũla wĩanĩasya ũtianĩo na ũseo wĩ wendo kwa ala mamwendaa na kũkwataa mĩao yake:</verse>
				<verse number="6">yu kũtũ kwaku nĩkwĩthukĩĩsye, na metho maku methĩwe masalukĩtye, nĩ kana wĩthukĩĩsye kũvoya kwa mũthũkũmi waku, kũla ngũvoya nĩ mbee waku ĩvinda yĩĩ, mũthenya na ũtukũ, ũndũ wa ana ma Isilaeli athũkũmi maku, yĩla ngumbũla naĩ sya ana ma Isilaeli, ila twakũvĩtanĩĩsye. Ĩĩ, nyie na nyũmba ya asa wakwa nĩtũvĩtĩtye:</verse>
				<verse number="7">nĩtũkwĩkĩte naĩ mũno, na tũtyasũvĩaa mĩao, kana myamũlo, kana motw’ĩo, ala wamwĩaĩe Mose mũthũkũmi waku.</verse>
				<verse number="8">Nĩngũkwĩsũva, lilikana ndeto ĩla wamwĩaĩe mũthũkũmi waku Mose, ũkĩmwĩa, Ethĩwa mũkavĩtya, ngamũnyaĩĩkya katĩ wa ngo sya andũ:</verse>
				<verse number="9">ĩndĩ ethĩwa mũkanzyokea, na kũkwataa mĩao yakwa na kũmĩkaa, o na ethĩwa alũngw’a menyu me ngalĩko ya mũminũkĩlyo ya matu, kuma vau ngamomban’ya, na ngamaete vandũ vala nĩnyuvĩte, nĩkalye syĩtwa yakwa vo.</verse>
				<verse number="10">Na ĩndĩ aa nĩo athũkũmi maku na andũ maku, ala ũmovoetye na vinya waku mũnene, na kw’oko kwaku kwĩ vinya.</verse>
				<verse number="11">Ame Mwĩaĩi, nĩngũkwĩsũva, kũtũ kwaku yu nĩkwĩthukĩĩsye kũvoya kwa mũthũkũmi waku, na kũvoya kwa athũkũmi maku, ala matanĩaa kũkĩa syĩtwa yaku; na nĩngũkwĩsũva, ũmũathime mũthũkũmi waku ũmũnthĩ, na ũimwĩw’ĩa tei methonĩ ma mũndũ ũũ. (Na ĩndĩ naĩ mũnengi wa mũsumbĩ mbinyu.)</verse>
			</chapter>
			<chapter number="2">
				<verse number="1">Na kweethĩwa mwei wa Nisani, mwaka wa mĩongo ĩlĩ wa kũsumbĩka kwa mũsumbĩ Alitasasita, yĩla mbinyu yaĩ mbee wake, noosa mbinyu na namũnenga mũsumbĩ. Nakwa ndyaatukya ũthyũ wakwa nĩ mbee wake ĩvinda o na yĩva.</verse>
				<verse number="2">Na mũsumbĩ angũlya, Ũtukĩtye ũthyũ waku nĩkĩ, na ndwĩ mũwau? Ũũ ti ũndũ ũngĩ ate o woo wa ngoo. Nĩvo ĩndĩ nakwatiwe nĩ w’ĩa mũnene.</verse>
				<verse number="3">Na namwĩa mũsumbĩ, Mũsumbĩ nĩekale thayũ tene na tene: ũthyũ wakwa ũlea kũtuka nĩkĩ, yĩla ndũa, vandũ va ngunga sya aaĩthe makwa vala vathikawa akw’ũ, nĩ ĩanzo, na mbingĩlo syayo nĩvĩvĩtw’e na mwaki?</verse>
				<verse number="4">Nĩvo ĩndĩ mũsumbĩ wangũlilye, Wĩenda ata? Na ĩndĩ navoya Ngai wa itunĩ.</verse>
				<verse number="5">Na namwĩa mũsumbĩ, Ethĩwa mũsumbĩ nũkwendeew’a, na ethĩwa mũthũkũmi waku nĩwonete ũseo vala ũĩ, nĩenda ũndũme ku Yuta, ndũanĩ yĩ ngunga sya aaĩthe makwa vala vathikawa akw’ũ, nĩmĩtũngĩĩe.</verse>
				<verse number="6">Na mũsumbĩ angũlya (kĩveti kyake nakyo kyekalĩte vamwe nake), Kyalo kyaku kĩkeethĩwa kya ĩvinda yĩana ata? Na ũkasyoka ĩndĩĩ? Na ĩndĩ mũsumbĩ nĩwendeew’e nĩ kũndũma; nakwa namũtavya ĩvinda.</verse>
				<verse number="7">Na ĩngĩ namwĩa mũsumbĩ, Ethĩwa nĩkũmwendeesya mũsumbĩ, nĩnengwe mavalũa, nĩmatwaĩe makavana ala me mũingo wa ũla Ũsĩ, nĩ kana manenge ũthei nĩvĩte mũvaka nĩvike Yuta;</verse>
				<verse number="8">na valũa wa kũmũtwaĩa Asavu, mũsũvĩi wa mũtitũ wa mũsumbĩ, nĩ kana anenge mĩtĩ nĩseũvye mĩamba ya mbingĩlo sya nyũmba nene yĩ kĩemo ĩla ĩkwatanĩte na ĩ nyũmba, na ya ũvai wa ndũa, na ya nyũmba ĩla nĩmĩlika. Na mũsumbĩ nĩwanengie, kwĩanana na kw’oko kũseo kwa Ngai wakwa ĩũlũ wakwa.</verse>
				<verse number="9">Na ĩndĩ navika kwa makavana mũingo wa ũla Ũsĩ, na namanenga mavalũa ma mũsumbĩ. Na mũsumbĩ atũmĩte vamwe nakwa makavuteni ma ita na andũ matũlĩte mbalasi.</verse>
				<verse number="10">Na yĩla Sanavalati Mũoloni, na mũthũkũmi Tovia, Mũamimoni, meewie ũu, nĩmeewie woo nũndũ nĩkũkĩte mũndũ ũla ũkwenda kũmamanthĩa ana ma Isilaeli ũseo.</verse>
				<verse number="11">Na ĩndĩ navika Yelusaleme, na naĩ vo mĩthenya ĩtatũ.</verse>
				<verse number="12">Na nookĩla ũtukũ, nyie na andũ amwe avũthũ; o na ndyaatavya mũndũ o na wĩva ũla Ngai wakwa wĩkĩĩte ngoonĩ yakwa nĩwĩke kwondũ wa Yelusaleme; o na ndyaĩ na nyamũ, ate o ĩla nyamũ natũlĩte.</verse>
				<verse number="13">Na naumaala ũtukũ na mbingĩlo ya kyandanĩ, nelekele kĩthima kya nzoka, na kũvika mbingĩlo ya kumĩlya vũũ, na nasisya maũvai ma Yelusaleme, ala maomboetwe, na mbingĩlo syamo syaĩ mbĩvye na mwaki.</verse>
				<verse number="14">Nĩvo ĩndĩ naendeeie kũvika mbingĩlo ya nthongo ya manzĩ o na ndianĩ ya mũsumbĩ: ĩndĩ vatyaĩ vandũ nyamũ ĩla yanguĩte ĩvĩtĩla.</verse>
				<verse number="15">Nĩvo ĩndĩ nambatie ũtukũ vakuvĩ na kalũsĩ, na nasisya ũvai; na neetulũla, na navota na mbingĩlo ya kyandanĩ, na ũu nasyoka.</verse>
				<verse number="16">Na asumbĩki matyaamanya vala naendie, kana ũndũ neekie; o na ndyamatavĩtye Ayuti, kana athembi, kana anene me ndaĩa, kana asumbĩki, o na angĩ ala matethasya wĩa.</verse>
				<verse number="17">Nĩvo ĩndĩ nameie, Nĩmũkwona ũndũ ũũ ũthũku ũla twĩ naw’o, ũndũ Yelusaleme nĩ ĩanzo, na mbingĩlo syayo nĩ mbĩvye na mwaki: ũkai, tũtũngĩĩe ũvai wa Yelusaleme, nĩ kana tũtikethĩwe ma kũvũthw’a ĩngĩ.</verse>
				<verse number="18">Na namatavya ũndũ wa kw’oko kwa Ngai wakwa kũla kũseo ĩũlũ wakwa, o na ũndũ wa ndeto sya mũsumbĩ ila waneenete nakwa. Nao masya, Tũkĩlei twake. Na ĩndĩ nĩmeekĩie moko moo vinya kwondũ wa wĩa ũsu mũseo.</verse>
				<verse number="19">Ĩndĩ yĩla Sanavalati Mũoloni, na mũthũkũmi Tovia, Mũamimoni, na Ngesemu Mwalavu, meewie ũu, matũthekeea mũno, na matũvũthĩĩsya, na makũlya, Ũndũ ũũ mũkwĩka nĩ mwaũ? Mũkamũng’endeea mũsumbĩ?</verse>
				<verse number="20">Nĩvo ĩndĩ namasũngĩie, na namea, Ngai wa ĩtunĩ akatũathima; kwondũ wa ũu ithyĩ athũkũmi make tũkookĩla na kwaka: ĩndĩ inyw’ĩ mũti na kĩanda, kana kĩlungu, kana ũlilikan’yo, Yelusaleme.</verse>
			</chapter>
			<chapter number="3">
				<verse number="1">Nĩvo ĩndĩ mũthembi mũnene Eliasivu wokĩlile vamwe na ana‐a‐ĩthe athembi, na matũngĩĩa mbingĩlo ya malondu; mamĩvathan’ya yĩthĩwe ntheu, na maũngamya mĩomo yayo; o na mamĩvathan’ya kũvika mwako mũtũlu wa mũnyoolo wa Ananeli.</verse>
				<verse number="2">Na ĩtina wake andũ ma Yeliko maaka. Na ĩtina woo Nzakuli mwana wa Imili aaka.</verse>
				<verse number="3">Na ana ma Asenaa maaka mbingĩlo ya makũyũ; na meekĩa mĩamba yayo, na maũngamya mĩomo yayo, na meekĩa ivingi syayo, na ivingo syayo.</verse>
				<verse number="4">Na ĩtina woo Melemothi mwana wa Uliya, mwana wa Akosi, atũngĩĩa. Na ĩtina woo Mesulamu mwana wa Mbelekia, mwana wa Mesesaveli, atũngĩĩa. Na ĩtina woo Nzatoki mwana wa Mbaana atũngĩĩa.</verse>
				<verse number="5">Na ĩtina woo Atekoa matũngĩĩa; ĩndĩ anene me ndaĩa moo matyaalikya ngingo syoo wĩanĩ wa mwĩaĩi woo.</verse>
				<verse number="6">Na mbingĩlo ya tene yatũngĩĩwa nĩ Yoiata mwana wa Vasea na Mesulamu mwana wa Mbesoteia; maia mĩamba yayo, na maũngamya mĩomo yayo, na meekĩa ivingi syayo, na ivingo syayo.</verse>
				<verse number="7">Na ĩtina woo Melatia Mũngiveoni, na Yatoni Mũmelonothi, andũ ma Ngiveoni, na ma Misiva, matũngĩĩa, ala ma kĩvĩla kya ũsumbĩ kya ngavana mũingo wa ũla Ũsĩ.</verse>
				<verse number="8">Na ĩtina woo Usieli mwana wa Aliaia, wa atwii ma thaavu, atũngĩĩa. Na ĩtina wake Aanania ũmwe wa aseũvya ma manukato atũngĩĩa, nao malũlũmĩlya Yelusaleme o kũvika ũvai mũthanthau.</verse>
				<verse number="9">Na ĩtina woo Lavaia mwana wa Uulu atũngĩĩa, mũsumbĩki wa nyunzu ya kĩvalo kya Yelusaleme.</verse>
				<verse number="10">Na ĩtina woo Yetaia mwana wa Alumavu atũngĩĩa, kwelekela nyũmba yake. Na ĩtina wake Atusi mwana wa Asavineia atũngĩĩa.</verse>
				<verse number="11">Malikiya mwana wa Alimu, na Asuvu mwana wa Vaathi‐moavi, matũngĩĩa kĩlungu kĩngĩ, na mwako mũtũlu wa mũnyoolo wĩ maiko manene.</verse>
				<verse number="12">Na ĩtina wake Salumu mwana wa Aloesi, mũsumbĩki wa nyunzu ya kĩvalo kya Yelusaleme, atũngĩĩa, we na eĩtu make.</verse>
				<verse number="13">Anuni na ala matwĩe Nzanoa matũngĩĩa mbingĩlo ya kyandanĩ; mamyaka, na maũngamya mĩomo yayo, na meekĩa ivingi syayo, na ivingo syayo, na matũngĩĩa mĩkono ngili ya ũvai kũvika mbingĩlo ya kumĩlya vũũ.</verse>
				<verse number="14">Na Malikiya mwana wa Lekavi, mũsumbĩki wa kĩvalo kya Mbethi‐akelemu, atũngĩĩa mbingĩlo ya kumĩlya vũũ; amyaka, na aũngamya mĩomo yayo, na eekĩa ivingi syayo, na ivingo syayo.</verse>
				<verse number="15">Na Saluni mwana wa Koli‐ose, mũsumbĩki wa kĩvalo kya Misiva, atũngĩĩa mbingĩlo ya nthongo ya manzĩ; amyaka, na amĩvw’ĩka, na aũngamya mĩomo yayo, na eekĩa ivingi syayo, na ivingo syayo, o na ũvai wa ndia ya Siela vakuvĩ na mũũnda wa mũsumbĩ, o kũvika mbasyanĩ ĩla ĩtheeete kuma ndũanĩ ya Ndaviti.</verse>
				<verse number="16">Na ĩtina wake Neemia mwana wa Asivuki, mũsumbĩki wa nyunzu ya kĩvalo kya Mbethi‐suli, atũngĩĩa kũvika vala velekele ngunga sya Ndaviti vala vathikawa akw’ũ, na kũvika ndia ĩla yaseũviw’e, na kũvika nyũmba ya ila ngũmbaũ.</verse>
				<verse number="17">Na ĩtina wake Alivai, me na Leumu mwana wa Mbani, matũngĩĩa. Na ĩtina wake Asavia, mũsumbĩki wa nyunzu ya kĩvalo kya Keila, atũngĩĩa, kwondũ wa kĩvalo kyake.</verse>
				<verse number="18">Na ĩtina wake ana‐a‐ĩthe moo matũngĩĩa, Mbavai mwana wa Enatati, mũsumbĩki wa nyunzu ya kĩvalo kya Keila.</verse>
				<verse number="19">Na ĩtina wake Eseli mwana wa Yesua, mũsumbĩki wa Misiva, atũngĩĩa kĩlungu kĩngĩ, kwelekela kyambato kya vala vaiawa mĩio ya kaũ vala ũvai weekotele.</verse>
				<verse number="20">Na ĩtina wake Mbaluku mwana wa Nzavai atũngĩĩa kĩlungu kĩngĩ na ũthangaau, kuma vala ũvai weekotele kũvika mũomo wa nyũmba ya mũthembi mũnene Eliasivu.</verse>
				<verse number="21">Na ĩtina wake Melemothi mwana wa Uliya mwana wa Akosi atũngĩĩa kĩlungu kĩngĩ, kuma mũomonĩ wa nyũmba ya Eliasivu o kũvika mũthya wa nyũmba ya Eliasivu.</verse>
				<verse number="22">Na ĩtina wake athembi, andũ ma Ũiĩ, matũngĩĩa.</verse>
				<verse number="23">Na ĩtina woo Mbenyamini na Asuvu matũngĩĩa kwelekela nyũmba yoo. Na ĩtina woo Asalia mwana wa Maaseia mwana wa Anania atũngĩĩa vakuvĩ na nyũmba yake mwene.</verse>
				<verse number="24">Na ĩtina wake Mbinui mwana wa Enatati atũngĩĩa kĩlungu kĩngĩ, kuma nyũmba ya Asalia kũvika vala ũvai weekotele, na kũvika kĩkotonĩ.</verse>
				<verse number="25">Valali mwana wa Usai atũngĩĩa kwelekela vala ũvai weekotele, na mwako mũtũlu wa mũnyoolo ũla wumĩlĩte nyũmbanĩ ya ĩũlũ ya mũsumbĩ, ĩla yĩ vakuvĩ na nza ya kolokolo. Na ĩtina wake Vetaia mwana wa Valosi atũngĩĩa.</verse>
				<verse number="26">(Na ĩndĩ Anethini nĩmatũaa Oveli, kũvika vandũ velekele mbingĩlo ya manzĩ kwelekela wumĩlonĩ wa syũa, na mwako mũtũlu wa mũnyoolo ũla wumĩlĩte.)</verse>
				<verse number="27">Na itina wake Atekoa matũngĩĩa kĩlungu kĩngĩ, kwelekela mwako mũnene mũtũlu wa mũnyoolo ũla wumĩlĩte, na kũvika ũvai wa Oveli.</verse>
				<verse number="28">Athembi matũngĩĩa ĩũlũ wa mbingĩlo ya mbalasi, kĩla ũmwe kwelekela nyũmba yake mwene.</verse>
				<verse number="29">Na ĩtina woo Nzatoki mwana wa Imeli atũngĩĩa kwelekela nyũmba yake mwene. Na ĩtina wake Semaia mwana wa Sekania, mũsũvĩi wa mbingĩlonĩ ya ngalĩ ya wumĩlonĩ wa syũa, atũngĩĩa.</verse>
				<verse number="30">Na ĩtina wake Aanania mwana wa Selemia, na Anuni mwana wa thanthatũ wa Nzalavi, matũngĩĩa kĩlungu kĩngĩ. Na ĩtina wake Mesulamu mwana wa Mbelekia atũngĩia kwelekela kasũmba kake.</verse>
				<verse number="31">Na ĩtina wake Malikiya ũmwe wa atwii ma thaavu atũngĩĩa kũvika nyũmba ya Anethini, na ya athoosya ma mĩio, kwelekela mbingĩlo ya Amivikati, na kũvika kwambata kwa kĩkoto.</verse>
				<verse number="32">Na atwii ma thaavu ma athoosya ma mĩio matũngĩĩa katĩ wa kwambata kwa kĩkoto na mbingĩlo ya malondu.</verse>
			</chapter>
			<chapter number="4">
				<verse number="1">Ĩndĩ kweethĩwa yĩla Sanavalati wewie kana nĩtũtũngĩĩa ũvai, athilĩka, na akwatwa nĩ woo mũnene, na amathekeea Ayuti mũno.</verse>
				<verse number="2">Na aneenea vu mbee wa ana‐a‐ĩthe na ita sya Samalia, na akũlya, Ayuti aa mate na vinya meĩka ata? Makelũlũmĩlya? Makathemba nthembo? Makamina mũthenya o ũmwe? Makokĩlya mavia kuma ivumbunĩ sya mavuthĩ, na nĩ mavĩvye?</verse>
				<verse number="3">Na ĩndĩ Tovia Mũamimoni aĩ vakuvĩ nake, na asya, Wako ũũ mekwaka, ethĩwa mbĩwa ĩkambata ĩũlũ, ĩkaomboa ũvai woo wa mavia.</verse>
				<verse number="4">Ĩthukĩĩsye, ame Ngai waitũ; nũndũ nĩtũũvũthw’a: na tũnga kũtũvũthya kwoo mĩtwenĩ yoo ene, noimanengane methĩwe mũtavo nthĩ ya kũtavwa;</verse>
				<verse number="5">na ndũkavw’ĩke ũthũku woo, na naĩ yoo ndĩkavutwe vala ũĩ; nũndũ nĩmakũthatisye aki mene.</verse>
				<verse number="6">Na ĩndĩ nĩtwatũngĩĩe ũvai; na ũvai w’onthe wakwatanw’a kũvika nyunzu ya ũtũlu waw’o: nũndũ andũ maĩ na kwenda kwa kũtethya wĩa.</verse>
				<verse number="7">Ĩndĩ kweethĩwa, yĩla Sanavalati, na Tovia, na Alavu, na Aamimoni, na Aasitoti, meewie kana kũtũngĩĩa kwa maũvai ma Yelusaleme nĩkũendeeaa, na moomboku nĩmambĩlĩlw’e kũlindwa, nĩvo ĩndĩ mathilĩkile mũno;</verse>
				<verse number="8">na onthe masũanĩa vamwe moke mokite na Yelusaleme, na kwĩkĩa kĩthokoo nthĩnĩ wayo.</verse>
				<verse number="9">Ĩndĩ twamũvoya Ngai waitũ, na twaia asyaĩĩsya mũthenya na ũtukũ, nũndũ woo.</verse>
				<verse number="10">Na Yuta asya, Vinya wa ala makuaa mĩio nĩ mũoleku, na ve mavuthĩ maingĩ; na kwondũ wa ũu tũtitonya kwaka ũvai.</verse>
				<verse number="11">Na nthũ sitũ syasya, Matikamanya, o na kwona, kũvika yĩla twĩlika katĩ woo, na kũmoaa, na kũekethya ũ wĩa.</verse>
				<verse number="12">Na kweethĩwa, yĩla Ayuti ala matwĩe vakuvĩ nao mookie, matũtavya mavinda ĩkũmi kuma kũndũ kw’onthe, Mũvaka mũtũsyokee.</verse>
				<verse number="13">Kwondũ wa ũu naia andũ kũndũ kwĩ ĩtheo mũno ũtheinĩ wĩ mbĩlĩlo wa ũvai, kũndũ kũthei, naia vo andũ kũatĩĩa mĩvĩa yoo me na mbyũ syoo, na matumo moo, na mata moo.</verse>
				<verse number="14">Na nasisya, na nookĩla, na namea ala anene me ndaĩa, na asumbĩki, na andũ ala angĩ, Mũtikamakĩe: lilikanai Mwĩaĩi, ũla mũnene na wa kũtĩsya, na mũimokitĩa ana‐a‐ĩthe menyu, na ana menyu na eĩtu menyu, na iveti syenyu, na nyũmba syenyu.</verse>
				<verse number="15">Na kweethĩwa, yĩla amaitha maitũ meewie ũvoo ũsu nũmanyĩkĩte kwitũ, na Ngai nũtw’ĩkĩthĩtye ũsũanĩo woo wa mana, ithyonthe nĩtwasyokie ũvainĩ, kĩla mũndũ wĩanĩ wake.</verse>
				<verse number="16">Na kweethĩwa kuma ĩvinda yĩu, nyunzu ya athũkũmi makwa matethisye wĩa, na nyunzu yoo makwete matumo, na ngao, na mata, na tũkoti twa iaa; na asumbĩki mamaũngamĩa nyũmba yonthe ya Yuta.</verse>
				<verse number="17">Ala matũngĩĩaa ũvai na ala makuaa mĩio meeyaĩkya moo ene; kĩla mũndũ na kw’oko kũmwe kwake atethya wĩa, na akwata mũio wake wa kaũ na kũla kũngĩ;</verse>
				<verse number="18">na aki, kĩla ũmwe eeyovete ũvyũ wake kĩnyunyunĩ kyake, na maaka ta ũu. Na mũvuvi wa soo aĩ vakuvĩ nakwa.</verse>
				<verse number="19">Nakwa namea anene me ndaĩa, na asumbĩki, na andũ ala angĩ, Wĩa nĩ mũnene na mwingĩ, na ithyĩ nĩtũtaanĩĩsye ũvainĩ, ũmwe kũasa na ũla ũngĩ:</verse>
				<verse number="20">o vala mwĩĩw’a wasya wa soo, tũmbanĩei vau; Ngai waitũ akatũkitĩa.</verse>
				<verse number="21">Na ĩndĩ twatethasya wĩa ũu: na nyunzu yoo makwete matumo kuma masangya kũvika yĩla ndata syaumĩlile.</verse>
				<verse number="22">O ta ũu ĩvinda yĩu namea andũ, Kĩla mũndũ e na mũthũkũmi wake nakome Yelusaleme, nĩ kana ũtukũ methĩwe asũvĩi maitũ, na makĩtethya wĩa mũthenya.</verse>
				<verse number="23">Kwondũ wa ũu nyie, o na ana‐a‐asa makwa, o na athũkũmi makwa, o na andũ ma nguthu ya asũvĩi ala mangatĩĩe, vati ũmwe waitũ waaumya ngũa syake, kĩla ũmwe nĩwaendaa na mũio wake wa kaũ ũsĩnĩ.</verse>
			</chapter>
			<chapter number="5">
				<verse number="1">Nĩvo ĩndĩ kwookĩlile kĩĩo kĩnene kya andũ na kya iveti syoo ĩũlũ wa ana‐a‐ĩthe moo Ayuti.</verse>
				<verse number="2">Nũndũ kwaĩ amwe ala maisye, Ithyĩ, na ana maitũ, na eĩtu maitũ, nĩ aingĩ: twosei lĩu wa mbaa ngetha, nĩ kana tũye na kwĩkala thayũ.</verse>
				<verse number="3">O na kwaĩ amwe ala maisye, Nĩtumĩtye mĩũnda yaitũ, na mĩũnda yaitũ ya mĩsavivũ, na nyũmba sitũ, syĩthĩwe ngwatĩlĩlyo: twosei lĩu wa mbaa ngetha nũndũ wa yũa yĩĩ.</verse>
				<verse number="4">O na kwaĩ angĩ ala maisye, Nĩtũkovete mbesa ũndũ wa koti wa mũsumbĩ, na nĩtwiĩte mĩũnda yaitũ na mĩũnda yaitũ ya mĩsavivũ yĩthĩwe ngwatĩlĩlyo.</verse>
				<verse number="5">Ĩndĩ yu mĩĩ yaitũ no ta mĩĩ ya ana‐a‐ĩthe maitũ, na syana sitũ nĩ ta syana syoo: na, kaĩ, nĩtũkũete ũkombonĩ ana maitũ na eĩtu maitũ methĩwe athũkũmi, na eĩtu maitũ amwe me ũkombonĩ o na yu: o na tũti na vinya wa kũsiĩĩa ũndũ ũsu; nũndũ andũ angĩ me na mĩũnda yaitũ na mĩũnda yaitũ ya mĩsavivũ.</verse>
				<verse number="6">Na yĩla neewie kũĩa kwoo na ndeto isu nĩnathatie mũno.</verse>
				<verse number="7">Na ĩndĩ nasũanĩa thayũnĩ wakwa, na nakananĩa na anene me nguma na asumbĩki, na namea, Nĩmũmaumĩthya ũtandĩthyo mbesanĩ kĩla ũmwe kwa mwana‐a‐ĩthe wake. Na namombanĩsya ũmbano mũnene.</verse>
				<verse number="8">Na namea, Kwĩanana na ũtonyi witũ ithyĩ nĩtwovoetye ana‐a‐ĩthe maitũ Ayuti, ala mathooew’e i mbaĩ; nenyu nĩmũkwĩtĩkĩla kũmathoosya o na ana‐a‐ĩthe menyu, nao nĩmaĩle ũthooew’a ithyĩ? Na ĩndĩ mavindya ki, na matyaaona ndeto.</verse>
				<verse number="9">Na ĩngĩ nasya, Ũndũ ũũ mũkwĩka ti ũseo: mũtyaĩle kũendaa mũkĩmũkĩa Ngai waitũ, nĩ kana i mbaĩ amaitha maitũ itikethĩwe na kĩvũthya?</verse>
				<verse number="10">O nakwa, ana‐a‐asa makwa na athũkũmi mwaka, nĩmakovethasya mbesa na lĩu wa mbaa ngetha. Nĩngũmwĩsũva, tũekei ũtandĩthyo ũsu.</verse>
				<verse number="11">Nĩngũmwĩsũva, o ũmũnthĩ mũmatũngĩe mĩũnda yoo, na mĩũnda yoo ya mĩsavivũ, na mĩũnda yoo ya mĩthata, na nyũmba syoo, o na kĩlungu kya ĩana kya i mbesa, na kya lĩu wa mbaa ngetha, na mbinyu mbĩthĩ, na mauta, ala mwamaumĩthĩtye.</verse>
				<verse number="12">Nĩvo ĩndĩ maisye, Nĩtũũmatũngĩa, na tũtikenda kĩndũ kwoo; now’o tũkwĩka, o tondũ ũkwasya. Nĩvo ĩndĩ nametie athembi, na nameavĩthya, makeke kwĩanana na watho ũsu.</verse>
				<verse number="13">Na ũndũ ũngĩ navuunza ngũa yakwa, na nasya, O ta ũu Ngai navuunze kĩla mũndũ aume nyũmbanĩ yake, na ũthũkũminĩ wake, ũla ũtakeanĩsya watho ũũ; o w’o avuunzwe, na kũtiwa e mũthei. Na ũmbano w’onthe wasya, Ameni, na wataĩa Yeova. Na andũ meeka kwĩanana na watho ũsu.</verse>
				<verse number="14">Na ũndũ ũngĩ kuma ĩvinda naiiwe nĩthĩwe ngavana woo nthĩ ya Yuta, kuma mwaka wa mĩongo ĩlĩ o kũvika mwaka wa mĩongo ĩtatũ na ĩlĩ wa kũsumbĩka kwa mũsumbĩ Alitasasita, nayo nĩ myaka ĩkũmi na ĩlĩ, nyie na ana‐a‐asa makwa tũtyaaya lĩu wa ngavana.</verse>
				<verse number="15">Ĩndĩ makavana ala maĩ mbee wakwa nĩmatw’ĩkie mũio kwa andũ, na moosa kwoo lĩu na mbinyu, o vamwe na sekeli mĩongo ĩna sya vetha; ĩĩ, o na athũkũmi moo nĩmeetũlasya ĩũlũ wa andũ: ĩndĩ nyie ndyaaĩka ũu, nũndũ wa kũmũkĩa Ngai.</verse>
				<verse number="16">Ĩĩ, ũndũ ũngĩ naendeea wĩanĩ wa ũvai ũũ, o na tũtyaathooa nthĩ o na ĩĩva: na athũkũmi makwa onthe moombanĩa vo wĩanĩ.</verse>
				<verse number="17">Vamwe na ũu mesanĩ yakwa kwaĩ andũ ĩana na mĩongo ĩtano ma Ayuti na asumbĩki, eka asu ala mookie kwitũ kuma mbaĩnĩ ila syatũthyũlũlũkĩte.</verse>
				<verse number="18">Na ĩndĩ lĩu ũla waseũvĩtw’e wa mũthenya ũmwe waĩ ng’ombe ĩmwe na malondu thanthatũ manou mũno; o na ngũkũ syaseũvw’a ũndũ wakwa, na mũthenya ũmwe katĩ wa mĩthenya ĩkũmi mbio ya mĩthemba yonthe ya mbinyu: ĩndĩ o na ũu w’onthe ndyaametya lĩu wa ngavana, nũndũ ũkombo waĩ mũito andũnĩ asu.</verse>
				<verse number="19">Ame Ngai wakwa, ndilikanĩla ũndũ wa ũseo, w’onthe ũla neekie ũndũ wa andũ aa.</verse>
			</chapter>
			<chapter number="6">
				<verse number="1">Na ĩndĩ kweethĩwa yĩla Sanavalati na Tovia, na Ngesemu Mwalavu, na amaitha maitũ ala angĩ, mataviw’e nĩnĩtũngĩĩe ũvai, na vati vandũ vavũthũe vatiele nthĩnĩ waw’o (o na kau kũvika ĩvinda yĩu ndyambĩte kũũngamya mĩomo mbingĩlonĩ),</verse>
				<verse number="2">Sanavalati na Ngesemu matũmana kwakwa, makĩmbĩa, Ũka, tũkomane mũsyĩ ũmwe ũiĩnĩ wa Ono. Ĩndĩ nĩmasũanĩĩte kũmbĩka naĩ.</verse>
				<verse number="3">Nakwa natũma atũmwa kwoo, ngĩmea, Nĩngũtethya wĩa mũnene, na nditonya kũtheea: wĩa ũũngame nĩkĩ, yĩla ngũtia, na kũtheea vala mũĩ?</verse>
				<verse number="4">Na matũmana kwakwa mavinda ana o ta ũu; nakwa namasũngĩa o ta ya mbee.</verse>
				<verse number="5">Nĩvo ĩndĩ Sanavalati watũmie mũthũkũmi wake kwakwa o ta ũu ĩvinda ya katano e na valũa ũte mũvinge kw’okonĩ kwake,</verse>
				<verse number="6">ũla waandĩkĩtwe, Nĩkũneenetwe i mbaĩnĩ, o na Ngesemu easya atĩ we na Ayuti nĩmũũsũanĩa kũng’enda; na nũndũ wa ũu nũkũtũngĩĩa ũvai: naku nũkwenda kwĩthĩwa mũsumbĩ woo, kwĩanana na ndeto isu.</verse>
				<verse number="7">O na nĩwiĩte athani matavan’ye ũvoo waku Yelusaleme, makyasya, Ve mũsumbĩ Yuta: na yu mũsumbĩ akatavw’a kwĩanana na ndeto isu. Ĩndĩ yu ũka, tũsũanĩe vamwe.</verse>
				<verse number="8">Nĩvo ĩndĩ natũmanie kwake, ngĩmwĩa, Vati maũndũ mekĩkĩte ta asu ala ũkwasya, ĩndĩ nue ũmasũanĩaa na ngoo yaku mwene.</verse>
				<verse number="9">Nũndũ onthe nĩmendaa kũtũtĩsya, makyasya, Moko moo makonzethw’a wĩanĩ, ndũkatethw’e. Ĩndĩ yu, ame Ngai, mbĩkĩa moko makwa vinya.</verse>
				<verse number="10">Nakwa nathi nyũmbanĩ ya Semaia mwana wa Ndelaia mwana wa Meetaveli, ũla waĩ mũsiĩĩe; nake asya, Tũkomane nyũmbanĩ ya Ngai, nthĩnĩ wa ĩkalũ, na tũivinga mĩomo ya ĩkalũ: nũndũ makooka makũae; ĩĩ, ũtukũ makooka makũae.</verse>
				<verse number="11">Nakwa nasya, Mũndũ ũilyĩ takwa nĩwaĩle kũkĩa? Na ve ũũ, ailyĩ takwa, ũla ũtonya kũlika ĩkalũnĩ atangĩĩe thayũ wake? Nyie ndilika.</verse>
				<verse number="12">Na namanya, kaĩ, Ngai ndamũtũmĩte; ĩndĩ ambathanĩe wathani ũsu: na Tovia na Sanavalati maĩ manamũtuva.</verse>
				<verse number="13">Nĩwatuviwe ũndũ wa ũu, nĩ kana nĩkĩe, na kwĩka ũndũ ũsu, wĩthĩwe naĩ kwakwa, nĩ kana methĩwe na ũndũ ũthũku wa kũngweta, mambũthye.</verse>
				<verse number="14">Ame Ngai wakwa, lilikana Tovia na Sanavalati kwĩanana na mawĩa asu moo, o na mwathani mũndũ mũka Noatia, na athani ala angĩ, ala mendaa kũmbĩkĩa w’ĩa.</verse>
				<verse number="15">Na ĩndĩ ũvai nĩwathelile mũthenya wa mĩongo ĩlĩ na ĩtano wa mwei wa Eluli, nthĩnĩ wa mĩthenya mĩongo ĩtano na ĩlĩ.</verse>
				<verse number="16">Na kweethĩwa, yĩla amaitha maitũ onthe meewie ũu, mbaĩ syonthe ila syatũthyũlũlũkĩte syakĩa, na syathelelw’a ndaĩa methonĩ masyo ene; nũndũ nĩmamanyie kana wĩa ũsu watethiw’e nĩ Ngai waitũ.</verse>
				<verse number="17">Na ũndũ ũngĩ mĩthenyanĩ ĩsu anene me ndaĩa ma Yuta mamũtwaĩa Tovia mavalũa maingĩ, na mavalũa ma Tovia mamavikĩa.</verse>
				<verse number="18">Nũndũ kwaĩ aingĩ Yuta ala mamwĩavĩthĩsye, nĩkwĩthĩwa aĩ mũthoni wa Sekania mwana wa Alaa; na mwana wake Yeoanani aĩ anatwaa mwĩĩtu wa Mesulamu mwana wa Mbelekia.</verse>
				<verse number="19">O na maweta meko make maseo vala nĩĩ, na mamũtũngĩa ndeto syakwa. Na Tovia andetee mavalũa ma kũmbĩkĩa w’ĩa.</verse>
			</chapter>
			<chapter number="7">
				<verse number="1">Na ĩndĩ kweethĩwa, yĩla ũvai wathelile, na namina kũũngamya mĩomo, na asũvĩi ma mĩomonĩ, na aini, na Alivai maiwa.</verse>
				<verse number="2">Naia mwana‐a‐ia wakwa Aanani, na Aanania ngavana wa nyũmba nene yĩ kĩemo, meaĩe Yelusaleme; nũndũ nake aĩ mũndũ wĩ kĩthito, na akĩaa Ngai kũvĩtũka aingĩ.</verse>
				<verse number="3">Nakwa namea, Mbingĩlo sya Yelusaleme itikavingũwe kũvika syũa yavyũva; na o yĩla maũngamĩte makĩsyaĩĩsya, mavinge mĩomo, nenyu mũimĩkĩa ivingo: na iai asyaĩĩsya ma ala matwĩe Yelusaleme, kĩla ũmwe ũsyaĩĩsyonĩ wake, na kĩla ũmwe elekele nyũmba yake.</verse>
				<verse number="4">Na ĩndĩ ndũa yaĩ nthanthau na nene; ĩndĩ andũ maĩ avũthũ nthĩnĩ wayo, na nyũmba ityaĩ mbake.</verse>
				<verse number="5">Na Ngai wakwa eekĩa ngoonĩ yakwa nũmban’ye anene me ndaĩa, na asumbĩkĩ, na andũ, nĩ kana matalwe mosyaanĩonĩ. Nakwa noona ĩvuku ya mosyaanĩo ma ala mambie kwambata, na neethĩa kũandĩkĩtwe nthĩnĩ wayo atĩĩ:</verse>
				<verse number="6">Aa nĩo ana ma ĩ kĩlungu kĩnene kya nthĩ, ala mambatie kuma kũtavwanĩ kwa ala matwaiwe, ala Nevukatilesa mũsumbĩ wa Mbaviloni wamatwaĩte, na ala masyokie Yelusaleme na Yuta, kĩla ũmwe ndũanĩ yake;</verse>
				<verse number="7">ala mookie na Nzeluvaveli, na Yesua, na Neemia, na Asalia, na Laamia, na Naaamani, na Molitekai, na Mbilisani, na Mbisivelethi, na Mbikivai, na Neumu, na Mbaana. Ũtalo wa aũme ma andũ ma Isilaeli:</verse>
				<verse number="8">Ana ma Valosi, ngili ilĩ na ĩana na mĩongo mũonza na elĩ.</verse>
				<verse number="9">Ana ma Sevatia, maana atatũ na mĩongo mũonza na elĩ.</verse>
				<verse number="10">Ana ma Alaa, maana thanthatũ na mĩongo ĩtano na elĩ.</verse>
				<verse number="11">Ana ma Vaathi‐moavi, ma ana ma Yesua na Yoavu, ngili ilĩ na maana nyanya na ĩkũmi na nyanya.</verse>
				<verse number="12">Ana ma Elamu, ngili na maana elĩ na mĩongo ĩtano na ana.</verse>
				<verse number="13">Ana ma Nzatu, maana nyanya na mĩongo ĩna na atano.</verse>
				<verse number="14">Ana ma Nzakai, maana mũonza na mĩongo thanthatũ.</verse>
				<verse number="15">Ana ma Mbinui, maana thanthatũ na mĩongo ĩna na nyanya.</verse>
				<verse number="16">Ana ma Mbevai, maana thanthatũ na mĩongo ĩlĩ na nyanya.</verse>
				<verse number="17">Ana ma Asikati, ngili ilĩ na maana atatũ na mĩongo ĩlĩ na elĩ.</verse>
				<verse number="18">Ana ma Atonikamu, maana thanthatũ na mĩongo thanthatũ na mũonza.</verse>
				<verse number="19">Ana ma Mbikivai, ngili ilĩ na mĩongo thanthatũ na mũonza.</verse>
				<verse number="20">Ana ma Atini, maana thanthatũ na mĩongo ĩtano na atano.</verse>
				<verse number="21">Ana ma Ateli, wa Esekia, mĩongo kenda na nyanya.</verse>
				<verse number="22">Ana ma Asumu, maana atatũ na mĩongo ĩlĩ na nyanya.</verse>
				<verse number="23">Ana ma Mbenzai, maana atatũ na mĩongo ĩlĩ na ana.</verse>
				<verse number="24">Ana ma Alivu, ĩana na ĩkũmi na elĩ.</verse>
				<verse number="25">Ana ma Ngiveoni, mĩongo kenda na atano.</verse>
				<verse number="26">Andũ ma Mbethi‐leemu na Netova, ĩana na mĩongo nyanya na nyanya.</verse>
				<verse number="27">Andũ ma Anathothi, ĩana na mĩongo ĩlĩ na nyanya.</verse>
				<verse number="28">Andũ ma Mbethi‐asimavethi, mĩongo ĩna na elĩ</verse>
				<verse number="29">Andũ ma Kiliathi‐yealimu, na Kevila, na Mbeelothi, maana mũonza na mĩongo ĩna na atatũ.</verse>
				<verse number="30">Andũ ma Lama, na Ngeva, maana thanthatũ na mĩongo ĩlĩ na ũmwe.</verse>
				<verse number="31">Andũ ma Mikimasi, ĩana na mĩongo ĩlĩ na elĩ.</verse>
				<verse number="32">Andũ ma Mbethi‐eli na Ai, ĩana na mĩongo ĩlĩ na atatũ.</verse>
				<verse number="33">Andũ ma Nevo ya kelĩ, mĩongo ĩtano na elĩ.</verse>
				<verse number="34">Ana ma Elamu ya kelĩ, ngili na maana elĩ na mĩongo ĩtano na ana.</verse>
				<verse number="35">Ana ma Alimu, maana atatũ na mĩongo ĩlĩ.</verse>
				<verse number="36">Ana ma Yeliko, maana atatũ na mĩongo ĩna na atano.</verse>
				<verse number="37">Ana ma Loti, na Atiti, na Ono, maana mũonza na miongo ĩlĩ na ũmwe.</verse>
				<verse number="38">Ana ma Senaa, ngili itatũ na maana kenda na mĩongo ĩtatũ.</verse>
				<verse number="39">Athembi: ana ma Yetaia, wa nyũmba ya Yesua, maana kenda na mĩongo mũonza na atatũ.</verse>
				<verse number="40">Ana ma Imeli, ngili na mĩongo ĩtano na elĩ.</verse>
				<verse number="41">Ana ma Vasuli, ngili na maana elĩ na mĩongo ĩna na mũonza.</verse>
				<verse number="42">Ana ma Alimu, ngili na ĩkũmi na mũonza.</verse>
				<verse number="43">Alivai: ana ma Yesua, wa Katimieli, ma ana ma Oteva, mĩongo mũonza na ana.</verse>
				<verse number="44">Aini: ana ma Asavu, ĩana na mĩongo ĩna na nyanya.</verse>
				<verse number="45">Asũvĩi ma mĩomonĩ: ana ma Salumu, na ana ma Ateli, na ana ma Talimoni, na ana ma Akuvu, na ana ma Atita, na ana ma Sovai, ĩana na mĩongo ĩtatũ na nyanya.</verse>
				<verse number="46">Anethini: ana ma Nziia, na ana ma Asiuva, na ana ma Tavaothi,</verse>
				<verse number="47">na ana ma Kelosi, na ana ma Sia, na ana ma Vatoni,</verse>
				<verse number="48">na ana ma Levana, na ana ma Akava, na ana ma Salimai,</verse>
				<verse number="49">na ana ma Aananu, na ana ma Ngiteli, na ana ma Kaali,</verse>
				<verse number="50">na ana ma Leaia, na ana ma Lesini, na ana ma Nekota,</verse>
				<verse number="51">na ana ma Ngasamu, na ana ma Usa, na ana ma Vasea,</verse>
				<verse number="52">na ana ma Mbesai, na ana ma Ameuni, na ana ma Nevisimu,</verse>
				<verse number="53">na ana ma Mbakivuki, na ana ma Akuva, na ana ma Aliuli,</verse>
				<verse number="54">na ana ma Mbasiluthi, na ana ma Meita, na ana ma Alasa,</verse>
				<verse number="55">na ana ma Mbalikosi, na ana ma Sisela, na ana ma Tema,</verse>
				<verse number="56">na ana ma Nesia, na ana ma Ativa.</verse>
				<verse number="57">Ana ma athũkũmi ma Solomoni: ana ma Sotai, na ana ma Sovelethi, na ana ma Velita,</verse>
				<verse number="58">na ana ma Yaala, na ana ma Ndalikoni, na ana ma Ngiteli,</verse>
				<verse number="59">na ana ma Sevatia, na ana ma Atili, na ana ma Vokelethi‐nzevaimu, na ana ma Amoni.</verse>
				<verse number="60">Anethini onthe, na ana ma athũkũmi ma Solomoni, maĩ maana atatũ na mĩongo kenda na elĩ.</verse>
				<verse number="61">Na aa nĩo ala mambatie kuma Teli‐mela, na Teli‐alasa, na Keluvi, na Atoni, na Imeli; ĩndĩ matyaatonya kwĩmanyĩthan’ya nyũmba sya aaĩthe moo, o na mbaĩ yoo, kana nĩ ma Isilaeli:</verse>
				<verse number="62">ana ma Ndelaia, na ana ma Tovia, na ana ma Nekota, maana thanthatũ na mĩongo ĩna na elĩ.</verse>
				<verse number="63">Na ma athembi: ana ma Ovaia, na ana ma Mbalisilai, nomo ana ma Akosi, ũla watwaie mwĩĩtu wa Mbalisilai Mũngileati, na eetanĩw’a na syĩtwa yoo.</verse>
				<verse number="64">Asu nĩmamanthie ĩvuku yoo yĩla matalĩtwe mosyaanĩo, ĩndĩ yĩtyaaoneka: kwondũ wa ũu nĩmatalilwe kwĩthĩwa nĩ avuku na maumw’a ũthembinĩ.</verse>
				<verse number="65">Na ngavana amea, matikaye syĩndũ ntheu mũno, kũvika kwaũngama mũthembi wĩ na Ulimu na Thumimu.</verse>
				<verse number="66">Ũmbano w’onthe vamwe waĩ ngili mĩongo ĩna na ilĩ na maana atatũ na mĩongo thanthatũ,</verse>
				<verse number="67">eka athũkũmi moo aũme na athũkũmi moo eĩtu, namo maĩ ngili mũonza na maana atatũ na mĩongo ĩtatũ na mũonza: na maĩ na aũme ma kwina na aka ma kwina maana elĩ na mĩongo ĩna na atano.</verse>
				<verse number="68">Mbalasi syoo syaĩ maana mũonza na mĩongo ĩtatũ na thanthatũ; na nyũmbũ syoo, maana elĩ na mĩongo ĩna na itano;</verse>
				<verse number="69">na ngamĩle syoo, maana ana na mĩongo ĩtatũ na itano; na mang’oi moo, ngili thanthatũ na maana mũonza na mĩongo ĩlĩ.</verse>
				<verse number="70">Na atongoi amwe ma nyũmba sya aaĩthe nĩmanenganie syĩndũ kwondũ wa ũ wĩa. Ngavana nĩwanenganie sya kwia vala vaiawa ũthwii ilungu ngili sya thaavu, mbakũli mĩongo ĩtano, na ngũa sya athembi maana atano na mĩongo ĩtatũ.</verse>
				<verse number="71">Na atongoi amwe ma nyũmba sya aaĩthe nĩmanenganie sya kwia vala vaiawa ũthwii wa wĩa ilungu ngili mĩongo ĩlĩ sya thaavu, na latili ngili ilĩ na maana elĩ sya vetha.</verse>
				<verse number="72">Na ila ala angĩ manenganie nĩ ilungu ngili mĩongo ĩlĩ sya thaavu, na latili ngili ilĩ sya vetha, na ngũa sya athembi mĩongo thanthatũ na mũonza.</verse>
				<verse number="73">Na ĩndĩ athembi, na Alivai, na asũvĩi ma mĩomonĩ, na aini, na andũ amwe, na Anethini, na Isilaeli onthe, nĩmekalile ndũanĩ syoo. Na yĩla mwei wa mũonza wavikie, ana ma Isilaeli maĩ ndũanĩ syoo.</verse>
			</chapter>
			<chapter number="8">
				<verse number="1">Na andũ onthe moombanĩa vamwe ta mũndũ ũmwe vala vandũ vathanthau vaĩ mbee wa mbingĩlo ya manzĩ; na matavya mũandĩki Esala aete ĩvuku ya mĩao ya Mose, ĩla Yeova weaĩe Isilaeli.</verse>
				<verse number="2">Na mũthembi Esala aete mĩao ĩsu mbee wa ũmbano, aũme o na aka, na onthe ala maĩ matonya kwĩw’a na kũmanya, mũthenya wa mbee wa mwei wa mũonza.</verse>
				<verse number="3">Nake ayĩsoma elekele vala vandũ vathanthau vaĩ mbee wa mbingĩlo ya manzĩ kuma kĩoko tene kũvika mũthenya katĩ, e mbee wa aũme na aka, na ala maĩ matonya kũmanya; na matũ ma andũ onthe meethukĩĩsye ĩvuku ya mĩao.</verse>
				<verse number="4">Na mũandĩki Esala aũngama vandũ vatũlu vakĩtwe na mĩtĩ, vala maseũvisye kwondũ wa ũndũ ũsu; na ũtee wake kwaũngama Matithia, na Sema, na Anaia, na Uliya, na Ilikia, na Maaseia, kw’okonĩ kwake kwa aũme; na kw’okonĩ kwake kwa aka kwaũngama Vetaia, na Misaeli, na Malikiya, na Asumu, na Asivatana, na Nzekalia, na Mesulamu.</verse>
				<verse number="5">Na Esala avuũa ĩvuku andũ onthe mene (nũndũ aĩ ĩũlũ wa andũ onthe); na yĩla wayĩvuũie, andũ onthe maũngama.</verse>
				<verse number="6">Na Esala amũtaia Yeova, Ngai mũnene; na andũ onthe masũngĩa, Ameni, Ameni, makyũkĩlya moko moo: na makunamya mĩtwe yoo, na mathaitha Yeova mothyũ moo melekelye nthĩ.</verse>
				<verse number="7">O na Yesua, na Mbani, na Selevia, na Yamini, na Akuvu, na Savethai, na Otia, na Maaseia, na Kelita, na Asalia, na Yosavati, na Aananu, na Velaia, na Alivai, mamalyũlĩla andũ ĩla mĩao: na andũ no maũngeme vala maĩ.</verse>
				<verse number="8">Na masoma ĩvukunĩ, o mĩaonĩ ya Ngai, na wasya mũseo; na moonan’ya ũalyũlo, na ĩndĩ mamanya ũndũ masomewe.</verse>
				<verse number="9">Na Neemia, ũla waĩ ngavana, na mũthembi Esala mũandĩki, na Alivai ala mamamanyĩisye andũ, mamea andũ onthe, Mũnthĩ ũũ nĩ mũtheu kwa Yeova Ngai wenyu; mũtikamete kana kũĩa. Nũndũ andũ onthe nĩmaĩie, yĩla meewie ndeto sya ĩla mĩao.</verse>
				<verse number="10">Nĩvo ĩndĩ wameie, Ĩeendeei, mũye mathunya, na kũnyw’a kĩla kĩ mũyo, na mũimũtwaĩa kya ũya ũla ũtaseũvĩw’a kĩndũ; nũndũ mũnthĩ ũũ nĩ mũtheu kwa Mwĩaĩi waitũ: o na mũtikethĩwe na woo; nũndũ ũtanu wa Yeova nĩ vinya wenyu.</verse>
				<verse number="11">Na ĩndĩ Alivai mavindĩthya andũ onthe, makĩmea, Ĩkilĩlyei, nũndũ mũthenya ũũ nĩ mũtheu; o na mũtikethĩwe na woo.</verse>
				<verse number="12">Na andũ onthe makwata nzĩa mathi, maye, na manyw’e, na matwaanĩe kya ũya, na kũtana mũno, nũndũ nĩmamanyie ndeto ila mataviw’e.</verse>
				<verse number="13">Na mũthenya wa kelĩ atongoi ma nyũmba sya aaĩthe ma andũ onthe, na athembi, na Alivai, mamũmbanĩa mũandĩki Esala, nĩ kana methukĩĩsye ndeto sya mĩao.</verse>
				<verse number="14">Na moona kũandĩkĩtwe mĩaonĩ, kana Yeova nĩweaie na kanyw’a wa Mose, ana ma Isilaeli mekalae malwandanĩ mbokanĩ ya mwei wa mũonza;</verse>
				<verse number="15">na nĩ kana manyaĩĩkye na kũtavan’ya ndũanĩ syoo syonthe, na Yelusaleme, makyasya, Umaalai mũende kĩĩmanĩ, mũlatye mbonge sya mĩthata, na mbonge sya mĩthata ya kĩthekanĩ, na mbonge sya mĩtĩ ya mĩandasi, na mathangũ ma mĩtende, na mbonge sya mĩtĩ mĩthungu, sya kũseũvya malwanda, o tondũ kũandĩkĩtwe.</verse>
				<verse number="16">Na ĩndĩ andũ maumaala mathi, na maiete, na meeseũvĩsya malwanda, kĩla mũndũ kyalanĩ kya nyũmba yake, na nza syoo, na nza sya nyũmba ya Ngai, na vala vandũ vathanthau va mbingĩlo ya manzĩ, na vandũ vathanthau va mbingĩlo ya Evalaimu.</verse>
				<verse number="17">Na ũmbano w’onthe wa ala maumĩte kũtavwanĩ maseũvya malwanda, na mekala ala malwandanĩ: nũndũ kuma mĩthenya ya Yesua mwana wa Nuni kũvika mũthenya ũsu ana ma Isilaeli matyaaĩka ũu. Na kwaĩ ũtanu mwingĩ mũno.</verse>
				<verse number="18">O na mũthenya na mũthenya, kuma mũthenya wa mbee kũvika mũthenya wa mũminũkĩlyo, asomaa ĩvukunĩ ya mĩao ya Ngai. Na malilikana mboka mĩthenya mũonza; na mũthenya wa nyanya kwaĩ ũmbano ũkilĩtye, kwĩanana na ũtw’ĩo.</verse>
			</chapter>
			<chapter number="9">
				<verse number="1">Na ĩndĩ mũthenya wa mĩongo ĩlĩ na ĩna wa mwei ũsu ana ma Isilaeli moombana na kũtĩĩa ũya, mevw’ĩkĩte makunia, na kwĩyũmba mũthanga.</verse>
				<verse number="2">Na ũsyao wa Isilaeli wataanĩsya na andũ onthe ma nthĩ ingĩ, na maũngama na kumbũla naĩ syoo, na mothũku ma aaĩthe moo.</verse>
				<verse number="3">Na maũngama vala maĩ na masoma ĩvukunĩ ya mĩao ya Yeova Ngai woo masaa atatũ ma mũthenya; na masaa angĩ atatũ maumbũla, na mathaitha Yeova Ngai woo.</verse>
				<verse number="4">Nĩvo ĩndĩ kwaũngamie ĩũlũ wa mbasya sya Alivai andũ aa: Yesua, na Mbani, na Katimieli, na Sevania, na Mbuni, na Selevia, na Mbani, na Kienani, na mamwĩkaĩla Yeova Ngai woo na wasya mũnene.</verse>
				<verse number="5">Nĩvo ĩndĩ Alivai, Yesua, na Katimieli, na Mbani, na Asavineia, na Selevia, na Otia, na Sevania, na Vethaia, maisye, Ũngamai mũtaĩe Yeova Ngai wenyu kuma tene kũvika tene; na syĩtwa yaku ĩtheu nĩyĩtaĩwe, yĩla ĩnene kwĩ ũathimo w’onthe na ndaĩa.</verse>
				<verse number="6">Nue Yeova, o we wĩ weka; nue woombie ĩtu, ĩtu yĩla yĩ ĩũlũ wa matu, vamwe na nguthu yonthe yamo, na nthĩ na syĩndũ syonthe syĩ ĩũlũ wayo, na maũkanga na syonthe syĩ nthĩnĩ wamo, na nue wisũvĩaa syonthe; na nguthu ya ĩtunĩ nĩkũthaithaa.</verse>
				<verse number="7">Nue Yeova Ngai, ũla wamũnyuvie Avalamu, na wamumya Ulu wa Akalitei, na wamũnenga syĩtwa ya Avalaamu,</verse>
				<verse number="8">na woonie ngoo yake yĩ kĩthito vala ũĩ, na watianĩa ũtianĩo nake ũnengane nthĩ ya Mũkanaani, na Mũititi, na Mũamoli, na Mũvelisi, na Mũyevusi, na Mũngilikasi, ũmĩnenge ũsyao wake yo, na nĩwĩanĩsye ndeto syaku; nũndũ wĩ mũlũngalu.</verse>
				<verse number="9">Naku woona thĩna wa aaĩthe maitũ Misili, na weew’a kĩĩo kyoo ũtee wa Ũkanga Mũtune,</verse>
				<verse number="10">na woonan’ya syama na moseng’yo kwa Valao, na athũkũmi make onthe, na andũnĩ onthe ma nthĩ yake; nĩkwĩthĩwa nĩweesĩ nĩmamekie na ngathĩĩo, naku weeseũvĩsya syĩtwa, o tondũ kũilyĩ ũmũnthĩ.</verse>
				<verse number="11">Na waaan’ya ũkanga mbee woo, na ĩndĩ mavĩtĩla ũkanganĩ katĩ makinyĩle nthĩ nyũmũ; na ala mamaatĩĩe wamekya syũngũnĩ, o ta ĩvia manzĩnĩ maingĩ.</verse>
				<verse number="12">Na ĩngĩ wamatongoesya mũthenya wĩ nthĩnĩ wa kĩtuĩ kya mũumbĩ; na ũtuku wĩ nthĩnĩ wa kĩtuĩ kya mwaki, ũmanenge kyeni nzĩanĩ ĩla maĩle kũthi nayo.</verse>
				<verse number="13">Na ĩngĩ watheea kĩĩmanĩ kya Sinai, na waneena nao wĩ ĩtunĩ, na wamanenga motw’ĩo malũngalu na mĩao ya w’o, na myamũlo na mĩao mĩseo,</verse>
				<verse number="14">na wamamanyĩthya savato waku mũtheu, na wameaĩa mawĩaĩo, na myamũlo, na mĩao, na kanyw’a wa Mose, mũthũkũmi waku,</verse>
				<verse number="15">na wamanenga kĩmũtũ kuma ĩtunĩ nũndũ wa nzaa yoo, na wamaumĩsya manzĩ ĩvianĩ nũndũ wa waũni woo, na wameaĩa malike mamĩmesye nthĩ ĩla weevĩtie kũmanenga.</verse>
				<verse number="16">Ĩndĩ mo na aaĩthe maitũ meekaa na ngathĩĩo, na moomya ngingo syoo, na matyaaĩthukĩĩsya mĩao yaku,</verse>
				<verse number="17">na malea kwĩw’a, o na matyaalilikana moseng’yo maku ala weekie katĩ woo, ĩndĩ moomya ngingo syoo, na ũng’endunĩ woo maia kavuteni masyoke ũkombonĩ woo. Ĩndĩ we wĩ Ngai wĩyũmbanĩtye kũekea, wĩ mũseo na wĩ wa tei, mũmĩĩsya wa kũthata, na wusũĩte ũseo wĩ wendo, na ndwaamatia.</verse>
				<verse number="18">Ĩĩ, yĩla maĩ maneeseũvĩsya mũvw’anano wa kasaũ ka ng’ombe na syĩndũ matwekethetye, na masya, Ũũ nĩ Ngai waku ũla wakumisye Misili, na maĩ maneeka mothatyo manene;</verse>
				<verse number="19">ĩndĩ we kwondũ wa matei maku maingĩ ndwaamatia weũnĩ: kĩtuĩ kya mũumbĩ kĩtyaauma ĩũlũ woo mũthenya, kĩmatongoesye nzĩanĩ; kana kĩtuĩ kya mwaki ũtukũ, kĩmanenge kyeni na kũmon’ya nzĩa ĩla maĩle kũthi nayo.</verse>
				<verse number="20">O na wanengane Veva waku mũseo amamanyĩsye, na ndwaamavata lĩu waku wĩtawa mana makanyw’anĩ moo, na wamanenga manzĩ ũndũ wa waũni woo.</verse>
				<verse number="21">Ĩĩ, wameanĩsya mavata myaka mĩongo ĩna weũnĩ, na matyaĩ vata na kĩndũ; ngũa syoo ityaakũa, na maũũ moo matyaaimba.</verse>
				<verse number="22">Na ĩngĩ wamanenga mosumbĩ na ngo sya andũ, ila wamaaanĩsye kwĩanana na ianda syoo: kwondũ wa ũu mamesya nthĩ ya Sioni, o nthĩ ya mũsumbĩ wa Evisoni, na nthĩ ya Oku mũsumbĩ wa Mbasani.</verse>
				<verse number="23">O na waingĩvya syana syoo ta ndata sya ĩtunĩ, na wamaete malike nthĩ ĩla watavisye aaĩthe moo ũndũ wayo, kana makamĩlika mamĩmesye.</verse>
				<verse number="24">Na ĩndĩ ana malika mamĩmesya ĩ nthĩ, naku wamakĩlĩlya ala matwĩe ĩ nthĩ vinya mbee woo, o Akanaani, na wamanengane mokonĩ moo, vamwe na asumbĩ moo, na ngo sya andũ sya ĩ nthĩ, nĩ kana mameke o ũndũ mekwenda.</verse>
				<verse number="25">Na makwata ndũa mbiie, na nthĩ nou, na makwata nyũmba syusũĩte syĩndũ syonthe nzeo syĩthĩwe syoo, na ithima ila syakĩtwe, na mĩũnda ya mĩsavivũ, na mĩũnda ya mĩthata, na mĩtĩ mingĩ mũno ĩsyaaa matunda: na ĩndĩ maya na mavũna, na manoa, na meetanĩthya ũseonĩ waku mũnene.</verse>
				<verse number="26">O na ũu w’onthe, malea kwĩw’a, na makũng’endea, na mekya mĩao yaku ĩtina woo, na mooaa athani maku ala mamakũsĩĩa mamatũnge ĩngĩ kwaku, na meeka mothatyo manene.</verse>
				<verse number="27">Kwondũ wa ũu wamanengane kw’okonĩ kwa amaitha moo, ala mamathĩnisye: na ĩvinda ya thĩna woo, yĩla makwĩkaĩlile, weew’a wĩ ĩtunĩ; na kwĩanana na matei maku maingĩ wamanenga atangĩĩi ala mamatangĩĩie kũmaumya kw’okonĩ kwa amaitha moo.</verse>
				<verse number="28">Ĩndĩ mamina kũthũmũa, meeka ũthũku ĩngĩ wene; kwondũ wa ũu wamaeka kw’okonĩ kwa amaitha moo, nao mamasumbĩka: ĩndĩ yĩla masyokie, na makwĩkaĩla, weew’a wĩ ĩtunĩ; na wamavonokya mavinda maingĩ kwĩanana na matei maku,</verse>
				<verse number="29">na wamakũsĩĩa, nĩ kana ũmaete ĩngĩ mĩaonĩ yaku. Ĩndĩ nao meeka na ngathĩĩo, na matyaaĩthukĩĩsya mĩao yaku, ĩndĩ mavĩtya motw’ĩo maku (ala ethĩwa mũndũ nũmekaa, akekala thayũ nthĩnĩ wamo), na makwambatĩsya kĩtuo, na moomya ngingo syoo, na malea kwĩthukĩĩsya.</verse>
				<verse number="30">Ĩndĩ woomĩĩsye nao myaka mingĩ, na wamakũsĩĩa na Veva waku na makanyw’a ma athani maku: ĩndĩ matyaatea matũ: kwondũ wa ũu wamanengane kw’okonĩ kwa ngo sya andũ sya i nthĩ.</verse>
				<verse number="31">O na ũu w’onthe, ũndũ wa matei maku maingĩ ndwaamamina vyũ, o na ndwaamatia; nũndũ wĩ Ngai mũseo na wĩ wa tei.</verse>
				<verse number="32">Na ĩndĩ kwondũ wa ũu, Ngai waitũ, Ngai mũnene, na wĩ vinya, na wa ũtĩsya, ũla wĩanĩasya ũtianĩo na ũseo wĩ wendo, thĩna w’onthe ũla watũkwatie ithyĩ, na asumbĩ maitũ, na anene maitũ me mbee ũsumbĩnĩ, na athembi maitũ, na athani maitũ, na aaithe maitũ, na andũ maku onthe, kuma ĩvinda ya asumbĩ ma Asuli kũvika mũnthĩ ũũ, ndũkoneke ta mũnini vala ũĩ.</verse>
				<verse number="33">Ĩndĩ wĩ mũlũngalu ũndũnĩ w’onthe ũla watũkwatie; nũndũ naku nĩwĩkĩte na w’o, ĩndĩ ithyĩ nĩtwĩkĩte ũthũku;</verse>
				<verse number="34">o na asumbĩ maitũ, o na anene maitũ me mbee ũsumbĩnĩ, o na athembi maitũ, o na aaĩthe maitũ, matyaasũvĩa mĩao yaku, kana kwĩthukĩĩsya myamũlo yaku na mokũsĩ maku, ala wamakũsĩĩe namo.</verse>
				<verse number="35">Nũndũ matyaakũthũkũma ũsumbĩnĩ woo, o na ũseonĩ waku mũnene ũla wamonisye, o na nthĩnĩ wa nthĩ nene na nou ĩla wamanengie mene, o na matyaaĩthyũũa matie mawĩa moo mathũku.</verse>
				<verse number="36">Sisya, twĩ athũkũmi ũmũnthĩ, na ũndũ wa nthĩ ĩla wanengie aaĩthe maitũ maye ũsyao wayo na ũseo wayo, sisya, twĩ athũkũmi nthĩnĩ wayo.</verse>
				<verse number="37">Nayo nĩnĩũmasyaĩa wingĩvo mwingĩ asumbĩ ala wamaiie ĩũlũ waitũ nũndũ wa naĩ sitũ: o na me na vinya ĩũlũ wa mĩĩ yaitũ, na indo sitũ, o ũndũ mekwenda, na ithyĩ twĩ na thĩna mwingĩ.</verse>
				<verse number="38">Ĩndĩ o na ũu w’onthe nĩtũũtianĩa ũtianĩo mũlũmu, na kũandĩka; na anene maitũ me mbee ũsumbĩnĩ, na Alivai maitũ, na athembi maitũ, nĩmekũwĩkĩa ũsiĩlo.</verse>
			</chapter>
			<chapter number="10">
				<verse number="1">Na ĩndĩ ala meekĩie ũsiĩlo nĩo aa: ngavana Neemia, mwana wa Akalia, na Nzetekia,</verse>
				<verse number="2">na Selaia, na Asalia, na Yelemia,</verse>
				<verse number="3">na Vasuli, na Amalia, na Malikaya,</verse>
				<verse number="4">na Atusi, na Sevania, na Maluku,</verse>
				<verse number="5">na Alimu, na Melemothi, na Ovatia,</verse>
				<verse number="6">na Ndanieli, na Nginethoni, na Mbaluku,</verse>
				<verse number="7">na Mesulamu, na Aviya, na Miyamini,</verse>
				<verse number="8">na Maasia, na Mbilikai, na Semaia; asu maĩ athembi.</verse>
				<verse number="9">Na Alivai nĩmo aa: Yesua mwana wa Asania, na Mbinui, wa ana ma Enatati, na Katimieli:</verse>
				<verse number="10">na ana‐a‐ĩthe moo, Sevania, na Otia, na Kelita, na Velaia, na Aananu,</verse>
				<verse number="11">na Mika, na Leovu, na Asavia,</verse>
				<verse number="12">na Nzakuli, na Selevia, na Sevania,</verse>
				<verse number="13">na Otia, na Mbani, na Mbeninu.</verse>
				<verse number="14">Anene ma andũ: Valosi, na Vaathi‐moavi, na Elamu, na Nzatu, na Mbani,</verse>
				<verse number="15">na Mbuni, na Asikati, na Mbevai,</verse>
				<verse number="16">na Atoniya, na Mbikivai, na Atini,</verse>
				<verse number="17">na Ateli, na Esekia, na Asulu,</verse>
				<verse number="18">na Otia, na Asumu, na Mbenzai,</verse>
				<verse number="19">na Alivu, na Anathothi, na Novai,</verse>
				<verse number="20">na Makiviasi, na Mesulamu, na Eesili,</verse>
				<verse number="21">na Mesesaveli, na Nzatoki, na Yatua,</verse>
				<verse number="22">na Velatia, na Aananu, na Anaia,</verse>
				<verse number="23">na Osea, na Aanania, na Asuvu,</verse>
				<verse number="24">na Aloesi, na Vilia, na Soveki,</verse>
				<verse number="25">na Leumu, na Asavina, na Maaseia,</verse>
				<verse number="26">na Aiya, na Aananu, na Ananu,</verse>
				<verse number="27">na Maluku, na Alimu, na Mbaana.</verse>
				<verse number="28">Na andũ ala angĩ, athembi, na Alivai, na asũvĩi ma mĩomonĩ, na aini, na Anethini, na onthe ala meevathĩte kuma ngonĩ sya andũ sya i nthĩ makwate mĩao ya Ngai, na iveti syoo, na ana moo, na eĩtu moo, kĩla ũmwe ũla waĩ na ũĩ na ũmanyi;</verse>
				<verse number="29">malũman’ya na ana‐a‐ĩthe moo, anene moo me ndaĩa, na meelikya kĩumonĩ, na wĩvĩtonĩ, maendae mĩaonĩ ya Ngai, ĩla yanenganiwe nĩ Mose mũthũkũmi wa Ngai, na kũsũvĩa kwĩkaa mĩao yonthe ya Yeova Mwĩaĩi waitũ, na motw’ĩo make na mĩao yake;</verse>
				<verse number="30">na kana tũtikanengane eĩtu maitũ kwa ngo sya andũ sya nthĩ ĩsu, kana kũmatwaĩa ana maitũ eĩtu moo;</verse>
				<verse number="31">na ethĩwa ngo sya andũ sya ĩ nthĩ ikaete syĩndũ kana lĩu o na wĩva mathoosye mũthenya wa savato, tũtikamathooee mũthenya wa savato, kana mũthenya mũtheu; o na tũkaeka mwaka wa mũonza, na kũandũa kwa kĩla thiĩ.</verse>
				<verse number="32">Na ĩngĩ nĩtweetw’ĩĩe motw’ĩo, twĩyumĩthye kĩla mwaka kĩlungu kya katatũ kya sekeli ũndũ wa ũthũkũmi wa nyũmba ya Ngai waitũ;</verse>
				<verse number="33">ũndũ wa imũtũ ila siĩawa Yeova, na ũndũ wa nthembo ya mũtu ĩtatw’ĩkanaa, na ũndũ wa nthembo ya kũvĩvw’a ĩla ĩtatw’ĩkanaa, na ũndũ wa masavato, na mĩtiso ya myei, na mboka itw’ĩtwe, na syĩndũ ntheu, na nthembo kwondũ wa naĩ syĩthĩwe wĩw’anĩthyo wa Isilaeli, na ũndũ wa wĩa w’onthe wa nyũmba ya Ngai waitũ.</verse>
				<verse number="34">Na twalimana, athembi, na Alivai, na andũ, ũndũ wa nthembo ya ngũ, ietawe nyũmbanĩ ya Ngai waitũ, kwĩanana na nyũmba sya aaĩthe maitũ, mavinda matw’ĩtwe, mwaka na mwaka, ivĩvaw’e kĩthembeonĩ kya Yeova Ngai waitũ, o tondũ kũandĩkĩtwe mĩaonĩ;</verse>
				<verse number="35">na tũetae nyũmbanĩ ya Yeova ũsyao wa mbee wa nthĩ yaitũ, na ũsyao wa mbee wa ũsyao w’onthe wa mĩtĩ ya mĩthemba yonthe, mwaka na mwaka;</verse>
				<verse number="36">o na kĩla kĩsyaĩtwe mbee kya ana maitũ, na kya indo sitũ, o tondũ kũandĩkĩtwe mĩaonĩ, na kĩla kĩsyaĩtwe mbee kya ndĩthya sitũ sya ng’ombe na ndĩthya sitũ sya mbũi na malondu, kĩetawe nyũmbanĩ ya Ngai waitũ, kĩthĩwe kya athembi ala mathũkũmaa nyũmbanĩ ya Ngai waitũ;</verse>
				<verse number="37">na tũmaetee athembi tũsũmbanĩ twa nyũmba ya Ngai waitũ ũsyao wa mbee wa mũtu witũ, na nthembo sitũ sya kũkĩlw’a, na ũsyao wa mĩthemba yonthe ya mĩtĩ, na mbinyu mbĩthĩ na mauta; na ilungu sya ĩkũmi sya nthĩ yaitũ tũmaetee Alivai; nĩkwĩthĩwa nao Alivai, nĩmosaa ilungu sya ĩkũmi ndũanĩ syonthe kũla tũĩmaa.</verse>
				<verse number="38">Na mũthembi mwana wa Aluni akethĩwaa vo na Alivai yĩla Alivai meosaa ilungu sya ĩkũmi: na Alivai makaetae kĩlungu kya ĩkũmi kya ilungu isu sya ĩkũmi nyũmbanĩ ya Ngai waitũ, tũsũmbanĩ, nyũmbanĩ ya kwia mothwii.</verse>
				<verse number="39">Nũndũ ana ma Isilaeli na ana ma Livai makaete nthembo ya kũkĩlw’a ya lĩu wa mbaa ngetha, na ya mbinyu mbĩthĩ, na ya mauta, tũsũmbanĩ, vala ve mĩio ya vala vandũ vatheu, na athembi ala mathũkũmaa, na asũvĩi ma mĩomonĩ, na aini: na tũtikaeka nyũmba ya Ngai waitũ.</verse>
			</chapter>
			<chapter number="11">
				<verse number="1">Na anene me mbee ũsumbĩnĩ ma andũ nĩmatũaa Yelusaleme: o na andũ ala angĩ malimana, nĩ kana maete kĩla andũ ĩkũmi ũmwe akatũae Yelusaleme ndũa ntheu, na ala kenda matũae ndũanĩ ila ingĩ.</verse>
				<verse number="2">Na andũ mamaathima andũ onthe ala meenenganie na kwenda kwa ngoo matuae Yelusaleme.</verse>
				<verse number="3">Aa ĩndĩ nĩo anene ma ĩ kĩlungu kĩnene kya nthĩ ala matwĩe Yelusaleme: ĩndĩ ndũanĩ sya Yuta kĩla mũndũ nĩwekalaa ng’ũndũnĩ yake mwene ndũanĩ syoo, nao nĩ aa, Isilaeli, na athembi, na Alivai, na Anethini, na ana ma athũkũmi ma Solomoni.</verse>
				<verse number="4">Na amwe ma ana ma Yuta, na ma ana ma Mbenyamini nĩmatũaa Yelusaleme. Ma ana ma Yuta: Athaia mwana wa Usia, mwana wa Nzekalia, mwana wa Amalia, mwana wa Sevatia, mwana wa Maalaleli, wa ana ma Velesi;</verse>
				<verse number="5">na Maaseia mwana wa Mbaluku, mwana wa Koli‐ose, mwana wa Aasaia, mwana wa Ataia, mwana wa Yoialivu, mwana wa Nzekalia, mwana wa Mũsilo.</verse>
				<verse number="6">Ana onthe ma Velesi ala matwĩe Yelusaleme maĩ andũ me ũkũmbaũ maana ana na mĩongo thanthatũ na nyanya.</verse>
				<verse number="7">Na aa nĩo ana ma Mbenyamini: Salu mwana wa Mesulamu, mwana wa Yoeti, mwana wa Vetaia, mwana wa Kolaia, mwana wa Maaseia, mwana wa Ithieli, mwana wa Yesaia.</verse>
				<verse number="8">Na ĩtina wake Ngavai, na Salai, maana kenda na mĩongo ĩlĩ na nyanya.</verse>
				<verse number="9">Na Yoeli mwana wa Nzikili aĩ mũsyaĩĩsya woo; na Yuta mwana wa Asenua aĩ wa kelĩ wa kũsyaĩĩsya ndũa.</verse>
				<verse number="10">Na athembi: Yetaia mwana wa Yoialivu, na Yakini,</verse>
				<verse number="11">na Selaia mwana wa Ilikia, mwana wa Mesulamu, mwana wa Nzatoki, mwana wa Melaiothi, mwana wa Aituvu, mũtongoi nyũmbanĩ ya Ngai,</verse>
				<verse number="12">vamwe na ana‐a‐ĩthe moo ala matethasya wĩa wa ĩ nyũmba, maana nyanya na mĩongo ĩlĩ na elĩ; na Ataia mwana wa Yeloamu, mwana wa Velalia, mwana wa Amisi, mwana wa Nzekalia, mwana wa Vasuli, mwana wa Malikiya,</verse>
				<verse number="13">vamwe na ana‐a‐ĩthe make, anene ma nyũmba sya aaĩthe, maana elĩ na mĩongo ĩna na elĩ; na Amasaai mwana wa Asaleeli, mwana wa Aasai, mwana wa Mesilemothi, mwana wa Imeli,</verse>
				<verse number="14">vamwe na ana‐a‐ĩthe moo, ngũmbaũ nene, ĩana na mĩongo ĩlĩ na nyanya. Na mũsyaĩĩsya woo aĩ Nzavitieli, mwana wa Aketolimu.</verse>
				<verse number="15">Na ma Alivai: Semaia mwana wa Asuvu, mwana wa Asilikamu, mwana wa Asavia, mwana wa Mbuni;</verse>
				<verse number="16">na Savethai na Yosavati, ma anene ma Alivai, ala maĩ asyaĩĩsya ma wĩa wa nza wa nyũmba ya Ngai;</verse>
				<verse number="17">na Matania mwana wa Mika, mwana wa Nzaveti, mwana wa Asavu, ũla waĩ mũtongoesya wa kwambĩlĩlya kũtũnga mũvea mboyanĩ, na Mbakivukia, ũla waĩ wa kelĩ katĩ wa ana‐a‐ĩthe make; na Avata mwana wa Samua, mwana wa Ngalali, mwana wa Yetuthuni.</verse>
				<verse number="18">Alivai onthe ĩla ndũanĩ ntheu maĩ maana elĩ na mĩongo nyanya na ana.</verse>
				<verse number="19">O na asũvĩi ma mĩomonĩ, Akuvu na Talimoni, na ana‐a‐ĩthe moo, ala masyaĩĩasya mbingĩlonĩ, maĩ ĩana na mĩongo mũonza na elĩ.</verse>
				<verse number="20">Na ala angĩ ma Isilaeli, ma athembi, Alivai, maĩ ndũanĩ syonthe sya Yuta, kĩla ũmwe ũtiĩwanĩ wake.</verse>
				<verse number="21">Ĩndĩ Anethini nĩmatũaa Oveli: na Nziia na Ngisiva maĩ asyaĩĩsya ma Anethini.</verse>
				<verse number="22">O na mũsyaĩĩsya wa Alivai ku Yelusaleme aĩ Usisi mwana wa Mbani, mwana wa Asavia, mwana wa Matania, mwana wa Mika, wa ana ma Asavu, ala maĩ aini, asyaĩĩsya ma wĩa wa nyũmba ya Ngai.</verse>
				<verse number="23">Nũndũ kwaĩ mwĩao wumĩte kwa mũsumbĩ ũndũ woo, na wĩanĩsyo wa mavata nũtw’ĩtwe kwondũ wa aini, o tondũ mavata ma kĩla mũthenya meanaa.</verse>
				<verse number="24">Na Vethaia mwana wa Mesesaveli, wa ana ma Nzela, mwana wa Yuta, aiĩtwe nĩ mũsumbĩ aseũvye maũndũ onthe ma andũ.</verse>
				<verse number="25">Na ũndũ wa mĩsyĩ, na mĩũnda yayo, amwe ma ana ma Yuta nĩmatũaa Kiliathi‐aliva na tũtũla twayo, na Ndivoni na tũtũla twayo, na Yekaviseeli na mĩsyĩ yayo,</verse>
				<verse number="26">na ku Yesua, na Molata, na Mbethi‐veleti,</verse>
				<verse number="27">na Asali‐suali, na Mbeeli‐sieva na tũtũla twayo,</verse>
				<verse number="28">na Nzikilaki, na Mekona na tũtũla twayo,</verse>
				<verse number="29">na Enilimoni, na Nzola, na Yalimuthi,</verse>
				<verse number="30">na Nzanoa, na Atulumu, na mĩsyĩ yasyo, na Lakisi na mĩũnda yayo, na Aseka na tũtũla twayo. Na ĩndĩ nĩmambie maeema moo kuma Mbeeli‐sieva kũvika kyanda kya Inomu.</verse>
				<verse number="31">Ana ma Mbenyamini nao nĩmatũaa kuma Ngeva na mbee wa kw’o, Mikimasi na Aiya, na ku Mbethi‐eli na tũtũla twayo,</verse>
				<verse number="32">na Anathothi, na Novu, na Anania,</verse>
				<verse number="33">na Asoli, na Lama, na Ngitaimu,</verse>
				<verse number="34">na Atiti, na Nzevoimu, na Nevalati,</verse>
				<verse number="35">na Loti, na Ono, kyandanĩ kya ndũĩka.</verse>
				<verse number="36">Na ma Alivai, nguthu imwe sya Yuta syavulana na Mbenyamini.</verse>
			</chapter>
			<chapter number="12">
				<verse number="1">Na ĩndĩ aa nĩo athembi na Alivai ala mambatie vamwe na Nzeluvaveli mwana wa Sealitieli, na Yesua: Selaia, na Yelemia, na Esala,</verse>
				<verse number="2">na Amalia, na Maluku, na Atusi,</verse>
				<verse number="3">na Sekania, na Leumu, na Melemothi,</verse>
				<verse number="4">na Ito, na Nginethoi, na Aviya,</verse>
				<verse number="5">na Miyamini, na Maatia, na Mbilika,</verse>
				<verse number="6">na Semaia, na Yoialivu, na Yetaia,</verse>
				<verse number="7">na Salu, na Amoki, na Ilikia, na Yetaia. Asu nĩo anene ma athembi na ma ana‐a‐ĩthe moo mĩthenyanĩ ya Yesua.</verse>
				<verse number="8">Na ĩngĩ Alivai: Yesua, na Mbinui, na Katimieli, na Selevia, na Yuta, na Matania, ũla waĩ mũtongoesya wa ala matũngaa mũvea, we na ana‐a‐ĩthe make.</verse>
				<verse number="9">O na Mbakivukia na Uni, ana‐a‐ĩthe moo, mamathengeea kũatĩĩa mosyaĩĩsyo moo.</verse>
				<verse number="10">Na Yesua asyaa Yoiakimu, na Yoiakimu asyaa Eliasivu, na Eliasivu asyaa Yoiata,</verse>
				<verse number="11">na Yoaita asyaa Yonathani, na Yonathani asyaa Yatua.</verse>
				<verse number="12">Na mĩthenyanĩ ya Yoiakimu kwaĩ athembi, atongoi ma nyũmba sya aaĩthe: wa Selaia, nĩ Melaia; wa Yelemia, nĩ Aanania;</verse>
				<verse number="13">wa Esala, nĩ Mesulamu; wa Amalia, nĩ Yeoanani;</verse>
				<verse number="14">wa Maluki, nĩ Yonathani; wa Sevania, nĩ Yosevu;</verse>
				<verse number="15">wa Alimu, nĩ Atena, wa Melaiothi, nĩ Elikai;</verse>
				<verse number="16">wa Ito, nĩ Nzekalia; wa Nginethoni, nĩ Mesulamu;</verse>
				<verse number="17">wa Aviya, nĩ Nzikili; wa Miniamini, wa Moatia, nĩ Vilitai;</verse>
				<verse number="18">wa Mbilika, nĩ Samua; wa Semaia, nĩ Yonathani;</verse>
				<verse number="19">na wa Yoialivu, nĩ Matenai; wa Yetaia, nĩ Usisi;</verse>
				<verse number="20">wa Salai, nĩ Kalai; wa Amoki, nĩ Eveli;</verse>
				<verse number="21">wa Ilikia, nĩ Asavia; wa Yetaia, nĩ Nethaneli.</verse>
				<verse number="22">Ũndũ wa Alivai, mĩthenyanĩ ya Eliasivu, na Yoiata, na Yoanani, na Yatua, nĩkwaandĩkiwe atongoi ma nyũmba sya aaĩthe; o na athembi, ũsumbĩkonĩ wa Ndalio Mũvelisia.</verse>
				<verse number="23">Ana ma Livai, atongoi ma nyũmba sya aaĩthe, nĩmaandĩkiwe ĩvukunĩ ya maũndũ ma mavinda o kũvika mĩthenya ya Yoanani mwana wa Eliasivu.</verse>
				<verse number="24">Na anene ma Alivai: Asavia, na Selevia, na Yesua mwana wa Katimieli, vamwe na ana‐a‐ĩthe moo ala mamathengeee, mataĩae na kũtũngaa mũvea, kwĩanana na mwĩao wa Ndaviti mũndũ wa Ngai, ũsyaĩĩsyo na ũsyaĩĩsyo.</verse>
				<verse number="25">Matania, na Mbakivukia, na Ovatia, na Mesulamu, na Talimoni, na Akuvu, maĩ asũvĩi ma mĩomonĩ makĩsyaĩĩsya nyũmba sya kwia mĩio syĩ mbingĩlonĩ.</verse>
				<verse number="26">Asu nĩo maĩ mĩthenyanĩ ya Yoiakimu mwana wa Yesua, mwana wa Yosataki, na mĩthenyanĩ ya ngavana Neemia, na ya mũthembi Esala mũandĩki.</verse>
				<verse number="27">Na ĩvinda ya kũvatha ũvai wa Yelusaleme wĩthĩwe mũtheu nĩmamanthie Alivai mamuamya kũndũ kwoo kw’onthe, mamaete Yelusaleme, malilikane na ũtanu kũvatha kwa ũvai wĩthĩwe mũtheu, makĩtũnga mũvea, o na makina, me na tũmasaya, na inanda, na mbeve.</verse>
				<verse number="28">Na ana ma aini moombana, kuma ũiĩnĩ ũla ũthyũlũlũkĩte Yelusaleme, o na kuma mĩsyĩ ya Anetovathi;</verse>
				<verse number="29">na Mbethingilikali, na kuma mĩũndanĩ ya Ngeva na Asimuvethi: nũndũ aini nĩmeeyakĩe mĩsyĩ kũthyũlũlũka Yelusaleme.</verse>
				<verse number="30">Na athembi na Alivai meethesya; na mathesya andũ, na i mbingĩlo, na ũvai.</verse>
				<verse number="31">Nĩvo ĩndĩ nambatisye anene me mbee ũsumbĩnĩ ma Yuta ũvainĩ ĩũlũ, na naia nguthu ilĩ nene ila syatũngaa mũvea na syaenda iatĩanĩe; nguthu ĩmwe yaenda ngalĩ ya kw’oko kwa aũme ĩũlũ wa ũvai kwelekela mbingĩlo ya kumĩlya vũũ:</verse>
				<verse number="32">na ĩtina wa ĩsu kwaendie Osaia, na nyunzu ya anene me mbee ũsumbĩnĩ ma Yuta,</verse>
				<verse number="33">na Asalia, na Esala, na Mesulamu,</verse>
				<verse number="34">na Yuta, na Mbenyamini, na Semaia, na Yelemia,</verse>
				<verse number="35">na amwe ma ana ma athembi me na masoo: Nzekalia mwana wa Yonathani, mwana wa Semaia, mwana wa Matania, mwana wa Mikaia, mwana wa Nzakuli, mwana wa Asavu;</verse>
				<verse number="36">vamwe na ana‐a‐ĩthe make, Semaia, na Asaleeli, na Milalai, na Ngilalai, na Maai, na Nethaneli, na Yuta, na Aanani, me na syĩndũ sya kũinga sya Ndaviti mũndũ wa Ngai; na mũandĩki Esala amatongoesya.</verse>
				<verse number="37">Na vakuvĩ na mbingĩlo ya nthongo ya manzĩ, na kũenda maeleele, mambata mbasyanĩ sya ndũa ya Ndaviti, kyambatonĩ kya ũvai ĩũlũ wa nyũmba ya Ndaviti, o kũvika mbingĩlo ya manzĩ kwelekela ngalĩ ya wumĩlonĩ wa syũa.</verse>
				<verse number="38">Na nguthu ĩla ĩngĩ yamo ĩla yatũngaa mũvea yamathaũa, nakwa namaatĩĩa, vamwe na nyũnzu ya andũ, ĩũlũ wa ũvai, mbee wa mwako mũtũlu wa mũnyoolo wĩ maiko manene, o kũvika ũvainĩ mũthanthau,</verse>
				<verse number="39">na mbee wa mbingĩlo ya Evalaimu, na vakuvĩ na mbingĩlo ya tene, na vakuvĩ na mbingĩlo ya makũyũ, na mwako mũtũlu wa mũnyoolo wa Ananeli, na mwako mũtũlu wa mũnyoolo wa Amea, o kũvika mbingĩlo ya malondu: na maũngama mbingĩlonĩ ya nguthu ya asũvĩi.</verse>
				<verse number="40">Ũu nĩw’o nguthu isu ilĩ sya ala matũngĩaa mũvea nyũmbanĩ ya Ngai syaũngamie, o nakwa na nyunzu ya asumbĩki vamwe nakwa;</verse>
				<verse number="41">na athembi, Eliakimu, na Maaseia, na Miniamini, na Mikaia, na Elioenai, na Nzekalia, na Aanania, me na masoo;</verse>
				<verse number="42">na Maaseia, na Semaia, na Eleasali, na Usisi, na Yeoanani, na Malikiya, na Elamu, na Eseli. Na aini maina na wasya mũnene, vamwe na Yesilalia mwinĩthya woo.</verse>
				<verse number="43">Na mathemba nthembo nyingĩ mũthenya ũsu, na matana; nũndũ Ngai nĩwamatanĩthisye na ũtanu mũnene; o na aka na syana matana: na ĩndĩ ũtanu wa Yelusaleme weew’ĩkie kũasa.</verse>
				<verse number="44">Na mũthenya ũsu andũ nĩmaiiwe masũvĩe tũsũmba tũla twa mothwii maie, na twa nthembo sya kũkĩlw’a, na twa mosyao ma mbee, na twa ilungu sya ĩkũmi, momban’ye nthĩnĩ watw’o, kwĩanana na mĩũnda ya i ndũa, ilungu ila itw’ĩtwe nĩ mĩao kwondũ wa athembi na Alivai: nũndũ Yuta nĩwatanĩe athembi na Alivai ala mathũkũmaa.</verse>
				<verse number="45">Na masũvĩaa wĩaĩo wa Ngai woo, na wĩaĩo wa ũthesyo, na aini na asũvĩi ma mĩomonĩ meeka o ũu, kwĩanana na mwĩao wa Ndaviti, na wa Solomoni mwana wake.</verse>
				<verse number="46">Nũndũ mĩthenyanĩ ya Ndaviti na Asavu ya tene kwaĩ mũtongoesya wa aini, na mbathi sya ndaĩa na mũvea kwa Ngai.</verse>
				<verse number="47">Na mĩthenyanĩ ya Nzeluvaveli, na mĩthenyanĩ ya Neemia Isilaeli onthe nĩmanenganie ilungu sya aini na asũvĩi ma mĩomonĩ, o ũndũ vata wa kĩla mũthenya weanaa: na maia kĩla kya Alivai; na Alivai maia kĩla kyaĩ kya ana ma Aluni.</verse>
			</chapter>
			<chapter number="13">
				<verse number="1">Mũthenya ũsu nĩmasomie ĩvukunĩ ya Mose andũ makĩw’a; na nĩkwoonekie kũandĩkĩtwe nthĩnĩ wayo, atĩ Mũamimoni na Mũmoavi matikalika ũmbanonĩ wa Ngai tene na tene,</verse>
				<verse number="2">nĩkwĩthĩwa matyaamathaũsya ana ma Isilaeli kĩmũtũ na manzĩ, ĩndĩ matuvie Mbalaamu, amaumanĩe: ĩndĩ Ngai waitũ aalyũla kĩumo kyu kĩthĩwe ũathimo.</verse>
				<verse number="3">Na kweethĩwa, yĩla meewie mĩao, mavatha kwa Isilaeli nguthu yonthe ya elikya.</verse>
				<verse number="4">Na ĩndĩ ũu ũtanekĩka, mũthembi Eliasivu, ũla waiiwe asũvĩae tũsũmba twa nyũmba ya Ngai waitũ, nũndũ aĩ na ndũũ na Tovia,</verse>
				<verse number="5">aĩ anamũseũvĩsya kasũmba kanene, vala tene maiaa nthembo sya mũtu, na ũvumba, na mĩio, na ilungu sya ĩkũmi sya lĩu wa mbaa ngetha, na mbinyu mbĩthĩ, na mauta, ila syeeaĩtwe inengawe Alivai, na aini, na asũvĩi ma mĩomonĩ; na nthembo sya kũkĩlw’a kwondũ wa athembi.</verse>
				<verse number="6">Ĩndĩ ĩvinda yu yonthe ndyaĩ Yelusaleme; nũndũ nĩnaendie kwa mũsumbĩ mwaka wa mĩongo ĩtatũ na ĩlĩ wa kũsumbĩka kwa Alitasasita mũsumbĩ wa Mbaviloni: na ĩtina wa mĩthenya ĩmwe namwĩtya mũsumbĩ ũthei wa kũthi,</verse>
				<verse number="7">na navika Yelusaleme, na namanya ũthũku ũla Eliasivu wekie kwondũ wa Tovia, aimũseũvĩsya kasũmba nza sya nyũmba ya Ngai.</verse>
				<verse number="8">Na ũndũ ũsu wambĩw’ĩthya woo mũno: kwondũ wa ũu nekĩĩsya nza syĩndũ syonthe vyũ sya Tovia kũsyumya kasũmbanĩ.</verse>
				<verse number="9">Nĩvo ĩndĩ neeaie, na mathesya tũsũmba: na naete vo ĩngĩ mĩio ya nyũmba ya Ngai, vamwe na nthembo sya mũtu na ũvumba.</verse>
				<verse number="10">Na namanya Alivai matyaanengwa ilungu syoo; na ĩndĩ Alivai na aini, ala matethasya wĩa, nĩmakĩĩte kĩla ũmwe akathi mũũndanĩ wake mwene.</verse>
				<verse number="11">Na ĩndĩ natetan’ya na asumbĩki, na nakũlya, Nĩkĩ nyũmba ya Ngai ĩtiĩtwe? Na namomban’ya na naia kĩla mũndũ vandũ vake.</verse>
				<verse number="12">Nĩvo ĩndĩ Yuta onthe maetie kĩlungu kya ĩkũmi kya lĩu wa mbaa ngetha na mbinyu mbĩthĩ na mauta kũla kwiawa syĩndũ.</verse>
				<verse number="13">Na naia asũvĩi ma ũsũvĩaa kũla kwiawa ũthwii, mũthembi Selemia, na mũandĩki Nzatoki, na wa Alivai, Vetaia: na ĩtina woo kwaĩ Aananu mwana wa Nzakuli, mwana wa Matania; nũndũ nĩmatalwa me kĩthito, na wĩa woo waĩ wa kũmaaanĩsya ana‐a‐ĩthe moo.</verse>
				<verse number="14">Ame Ngai wakwa, ndilikana ũndũnĩ ũsu, na ndũkavute meko makwa maseo ala neekie kwondũ wa nyũmba ya Ngai wakwa, na kwondũ wa mawĩa mayo.</verse>
				<verse number="15">Mĩthenya ĩsu nĩnoonie Yuta andũ amwe makĩkinyanga iangĩo sya mbinyu savatonĩ, o na makĩete syove sya ngetha, makuĩthĩtye mang’oi; o na mbinyu, na nzavivũ, na makũyũ, na mĩthenya yonthe ya mĩio, ĩla malikilye Yelusaleme mũthenya wa savato: nakwa namakũsĩĩa mũthenya ũla mathooisye lĩu.</verse>
				<verse number="16">O na andũ ma Tile nĩmatwĩe vo nthĩnĩ, ala maetie makũyũ, na mĩthemba yonthe ya syĩndũ sya ũthoosya, na mamathooesye ana ma Yuta mũthenya wa savato, o na nthĩnĩ wa Yelusaleme.</verse>
				<verse number="17">Nĩvo ĩndĩ natetanisye na anene me ndaĩa ma Yuta, na namakũlya, Ũndũ ũũ ũthũku ũla mũkwĩka nĩ mwaũ, na kũvukya mũthenya wa savato?</verse>
				<verse number="18">Aaĩthe menyu matyaaĩka ũu, na Ngai waitũ ndaatũetee ũthũku ũũ w’onthe, o na ndũanĩ ĩno? Ĩndĩ inyw’ĩ nĩmũetee Isilaeli ũthilĩku ũngĩ ũndũ wa kũvukya savato.</verse>
				<verse number="19">Na kweethĩwa, yĩla mbingĩlo sya Yelusaleme syambĩlĩlye kũya ũmololi savato ũtanamba kũvika, neeaa mĩomo ĩvingwe, na neeaa ndĩkavingũwe kũvika savato wathela: na naia athũkũmi amwe makwa masũvĩe i mbingĩlo, mũio o na wĩva ndũkalikwe nthĩnĩ mũthenya wa savato.</verse>
				<verse number="20">Kwondũ wa ũu atandĩthya na athoosya ma mĩthemba yonthe ya syĩndũ makoma ũtee wa Yelusaleme ĩvinda yĩmwe kana kelĩ.</verse>
				<verse number="21">Nĩvo ĩndĩ namakũsĩĩie, na namakũlya, Mwĩkoma mũthengeee ũvai nĩkĩ? Ethĩwa mũkeeka ũu ĩngĩ ngamũkwata. Kuma ĩvinda yĩu matyaaũka ĩngĩ mũthenya wa savato.</verse>
				<verse number="22">Nakwa nameaĩa Alivai meevathan’ye methĩwe atheu, na moke masũvĩe i mbingĩlo, mavathan’ye mũthenya wa savato wĩthĩwe mũtheu. Ame Ngai wakwa, ndilikanĩla ũndũ ũsu naw’o, noindeka kwĩanana na ũnene wa ũseo waku wĩ wendo.</verse>
				<verse number="23">O na mĩthenya ĩsu nĩnoonie Ayuti ala matwaĩte aka ma Asitoti, na ma Amimoni, na ma Moavi:</verse>
				<verse number="24">na ana moo nĩmaneenaa nyunzu ya kĩthyomo kya Asitoti, na matyaatonya kũneena kĩthyomo kya Ayuti, ĩndĩ kwĩanana na kĩthyomo kya kĩla ũko wa andũ.</verse>
				<verse number="25">Nakwa natetan’ya nao, na namaumanĩa, na nakũna amwe moo, na nakũa nzw’ĩĩ syoo, na nameavĩthya na Ngai, ngĩmea, Mũtikaamanenge ana moo eĩtu menyu, kana mũtikaamatwaĩe ana menyu eĩtu moo, o na kũmatwaa ũndũ wenyu ene.</verse>
				<verse number="26">Solomoni mũsumbĩ wa Isilaeli ndaaĩka naĩ maũndũnĩ asu? Ĩndĩ mbaĩnĩ nyingĩ vatyaĩ mũsumbĩ wailyĩ take, na endwa nĩ Ngai wake, na Ngai amũtw’ĩkĩthya mũsumbĩ wa Isilaeli onthe: ĩndĩ o nake aka ma nthĩ ĩngĩ mamũvĩtĩthya.</verse>
				<verse number="27">Tũkamwĩw’a inyw’ĩ ĩndĩ twĩke ũthũku ũũ w’onthe, tũmũvĩtanĩsye Ngai waitũ tũkĩtwaa aka ma nthĩ ĩngĩ?</verse>
				<verse number="28">Na mwana ũmwe wa Yoiata, mwana wa mũthembi mũnene Eliasivu, aĩ mũthoni wa Sanavalati Mũoloni: kwondũ wa ũu namũlũngya aume vala nĩĩ.</verse>
				<verse number="29">Ame Ngai wakwa, malilikane, nĩkwĩthĩwa nĩmavukĩtye ũthembi, na ũtianĩo wa ũthembi, na wa Alivai.</verse>
				<verse number="30">Ũu nĩw’o namatheisye ngĩmavathan’ya na andũ onthe ma nthĩ ĩngĩ, na naia mosyaĩĩsyo ũndũ wa athembi na ũndũ wa Alivai, kĩla ũmwe wĩanĩ wake;</verse>
				<verse number="31">na ũndũ wa nthembo ya ngũ, mavinda matw’ĩtwe, na ũndũ wa mosyao ma mbee. Ame Ngai wakwa, ndilikana ũmbĩke ũseo.</verse>
			</chapter>
		</book>
		<book number="17">
			<chapter number="1">
				<verse number="1">Na kweethĩwa mĩthenyanĩ ya Aasuelo (Aasuelo ũsu nĩ ũla wasumbĩkĩte kuma India o na kũvika Ethiovia, ĩũlũ wa ilungu nene sya nthĩ ĩana na mĩongo ĩlĩ na mũonza),</verse>
				<verse number="2">mĩthenya ĩsu, yĩla mũsumbĩ Aasuelo wekalĩte kĩvĩlanĩ kyake kya ũsumbĩ, kĩla kyaĩ nyũmbanĩ nene ya ũsumbĩ ku Susani,</verse>
				<verse number="3">mwaka wa katatũ wa kũsumbĩka kwake, avokea anene make onthe me mbee ũsumbĩnĩ na athũkũmi make mboka; ala me ũtonyi ma Velisia na Metia, anene me ndaĩa na anene me mbee ũsumbĩnĩ ma ilungu isu nene sya nthĩ, meethĩwa mbee wake;</verse>
				<verse number="4">nĩvo wonanisye ũthwii wa ũsumbĩ wake mũnene na ndaĩa ya ũnene wake mwingĩ mĩthenya mingĩ, o mĩthenya ĩana na mĩongo nyanya.</verse>
				<verse number="5">Na matukũ asu meanĩa, mũsumbĩ avokea andũ onthe ala maĩ nyũmbanĩ nene ya ũsumbĩ ku Susani, mboka, anene o na anini, mĩthenya mũonza, vau nza ya nyũmba nene mbanakavye ya mũsumbĩ yĩ mũũnda.</verse>
				<verse number="6">Vaniinĩtw’e ngũa nzaũ, na syĩ waiũ, na sya vuluu, syovetwe na ndii sya katane nzeo na iilyĩ ta ndune ngomenĩ sya vetha ituĩnĩ sya mavia maseo: mokomo maĩ ma thaavu na vetha, mekĩtwe vandũ vaseũvye na mavia maseo matune, na meũ, na me ĩuuku, na maiũ.</verse>
				<verse number="7">Na mamanenga manyw’ĩe mĩionĩ ya thaavu (mĩio ĩla yaĩ kĩvathũkan’yo ũmwe na ũla ũngĩ), na mbinyu ya kĩũsumbĩ mbingĩ mũno, kwĩanana na ũlau wa mũsumbĩ.</verse>
				<verse number="8">Na kũnyw’a kũu kwaĩ o kwĩanana na mwĩao; vatyaĩ ũtonya kũingĩĩw’a: nũndũ ũu mũsumbĩ nĩwatw’ĩte kwa anene onthe ma nyũmba yake, kana mo meke kwĩanana na kwenda kwa kĩla mũndũ.</verse>
				<verse number="9">Nake Vasiti mũka wa mũsumbĩ avokea iveti ila syaĩ nyũmbanĩ ya kĩũsumbĩ ya mũsumbĩ Aasuelo mboka.</verse>
				<verse number="10">Mũthenya wa mũonza, yĩla ngoo ya mũsumbĩ yatanĩtw’e nĩ mbinyu, ameaĩa Meumani, na Mbisitha, na Alivona, na Mbikitha, na Avakitha, na Nzethali, na Kalikasi, avakũe mũonza ala mathũkũmĩaa mbee wa mũsumbĩ Aasuelo,</verse>
				<verse number="11">mamũete Vasiti mũka wa mũsumbĩ mbee wa mũsumbĩ e na ngovia ya kĩũsumbĩ, asyony’e ngo sya andũ na anene me mbee ũsumbĩnĩ ũseo wake; nũndũ aĩ mũseo kwa kũsiw’a.</verse>
				<verse number="12">Ĩndĩ Vasiti mũka wa mũsumbĩ alea kũka kwondũ wa mwĩao wa mũsumbĩ ũla watwaĩwe nĩ ala avakũe: kwondũ wa ũu mũsumbĩ athilĩka mũno, na ũthatu wake wakana nthĩnĩ wake.</verse>
				<verse number="13">Nĩvo ĩndĩ mũsumbĩ wakũlilye andũ oĩ, ala meesĩ mavinda (nũndũ ũu waĩ mwĩkalĩle wa mũsumbĩ kwa onthe ala meesĩ mwĩao na ũsili:</verse>
				<verse number="14">na ala mamũatĩĩe ũnenenĩ maĩ Kalisena, na Sethali, na Atimatha, na Talisisi, na Melesi, na Malisena, na Memukani, anene mũonza me mbee ũsumbĩnĩ ma Velisia na Metia, ala moonaa ũthyũ wa mũsumbĩ, na mekalaa me ma mbee ũsumbĩnĩ ũsu),</verse>
				<verse number="15">Twĩmwĩka ata Vasiti mũka wa mũsumbĩ kwĩanana na mwĩao, nĩkwĩthĩwa ndaneka ũtw’ĩo wa mũsumbĩ Aasuelo ũla watwaĩwe nĩ ala avakũe?</verse>
				<verse number="16">Na Memukani asũngĩa vala ve mũsumbĩ na anene mbee ũsumbĩnĩ, Vasiti mũka wa mũsumbĩ ndaneka mũsumbĩ naĩ e weka, ĩndĩ o na anene onthe me mbee ũsumbĩnĩ, na ngo syonthe sya andũ ila syĩ ilungunĩ nene syonthe sya nthĩ sya mũsumbĩ Aasuelo.</verse>
				<verse number="17">Nũndũ wĩko ũũ wa mũka wa mũsumbĩ ũkanyaĩĩkw’a kwa aka onthe, mavũthye aũme moo methonĩ moo, yĩla kwĩtavanw’a, Mũsumbĩ Aasuelo aneeaĩe Vasiti mũka wa mũsumbĩ aetwe mbee wake, ĩndĩ ndaneeũka.</verse>
				<verse number="18">Na mũnthĩ ũũ aka ma anene me mbee ũsumbĩnĩ ma Velisia na Metia, meew’a wĩko wa mũka wa mũsumbĩ, makaneena o ta ũu kwa anene onthe me mbee ũsumbĩnĩ ma mũsumbĩ. Na ĩndĩ kũkookĩla kĩvũthya kĩnene na ũthilĩku.</verse>
				<verse number="19">Ethĩwa nĩwendeesya mũsumbĩ, nĩkume mwĩao wa kĩũsumbĩ kuma kwake, na ũkĩandĩkwa katĩ wa mĩao ya Avelisia na Ametia, ĩla ĩtaalyũkaa, kana Vasiti ndakaaũke ĩngĩ vala ve mũsumbĩ Aasuelo; na mũsumbĩ nanenge ũngĩ wĩ kavaa kwĩ we kĩanda kya kĩũsumbĩ vandũ vake.</verse>
				<verse number="20">Na yĩla ũtw’ĩo wa mũsumbĩ ũla wĩumya wĩnyaĩĩkw’a ũsumbĩnĩ wake w’onthe (nũndũ nĩ mũnene), iveti syonthe ikanengae aũme masyo ndaĩa, anene o na anini.</verse>
				<verse number="21">Na ndeto ĩsu yendeesya mũsumbĩ na anene me mbee ũsumbĩnĩ; na mũsumbĩ eeka o kwĩanana na ndeto ya Memukani:</verse>
				<verse number="22">nũndũ nĩwatwaie mavalũa ilungunĩ nene syonthe sya nthĩ sya mũsumbĩ, kĩla kĩlungu kĩnene kya nthĩ o kwĩanana na maandĩko makyo, na kĩla ũko wa andũ kũatĩĩa kĩthyomo kyaw’o, nĩ kana kĩla mũndũ amĩsumbĩke nyũmba yake mwene, na atavan’ye o kwĩanana na kĩthyomo kya andũ make.</verse>
			</chapter>
			<chapter number="2">
				<verse number="1">Ĩtina wa maũndũ asu, yĩla ũthilĩku wa mũsumbĩ Aasuelo wauisye, amũlilikana Vasiti, na ũndũ wekie, na ũndũ watw’ĩĩwe.</verse>
				<verse number="2">Nĩvo ĩndĩ athũkũmi ma mũsumbĩ ala mamũthũkũmaa mamwĩie, Nĩkũmanthwe eĩtu ma mũika atheu na aseo kwondũ wa mũsumbĩ:</verse>
				<verse number="3">na mũsumbĩ naie anene ilungunĩ nene syonthe sya nthĩ sya ũsumbĩ wake, nĩ kana mombanĩsye eĩtu onthe ma mũika atheu na aseo nyũmbanĩ nene ya ũsumbĩ ku Susani, nyũmbanĩ ya aka, ũsũvĩonĩ kwa Ekai, mũvakũe wa kwa mũsumbĩ, ũla ũsũvĩaa aka; na manengwe syĩndũ syoo kwondũ wa kwĩthesya;</verse>
				<verse number="4">na mwĩĩtu ũla wĩendeesya mũsumbĩ natw’ĩke mũka wa mũsumbĩ vandũ va Vasiti. Na ũndũ ũsu wendeesya mũsumbĩ; na eeka ũu.</verse>
				<verse number="5">Na kwaĩ Mũyuti ũmwe nyũmbanĩ ya ũsumbĩ ku Susani, ũla wetawa Molitekai, mwana wa Yaili, mwana wa Simei, mwana wa Kisu, Mũmbenyamini,</verse>
				<verse number="6">ũla watwaĩtwe kuma Yelusaleme na ala matavĩtwe vamwe na Yekonĩa mũsumbĩ wa Yuta, ũla Nevukatilesa mũsumbĩ wa Mbaviloni wamũtwaie.</verse>
				<verse number="7">Nake amũea Atasisa, nake nĩ Esita, mwĩĩtu wa mwendw’aĩthe: nũndũ ndaĩ na ĩthe o na nyinyia, na mwĩĩtu ũsu aĩ mwanake na mũseo; na yĩla ĩthe na nyinyia makwie, Molitekai amwosa ethĩwe mwĩĩtu wake mwene.</verse>
				<verse number="8">Na kweethĩwa, yĩla mwĩao wa mũsumbĩ na ũtw’ĩo wake weew’ĩkie, na eĩtu aingĩ moombanĩw’a nyũmbanĩ nene ya ũsumbĩ ku Susani, ũsũvĩonĩ kwa Ekai, Esita atwawa nyũmbanĩ ya mũsumbĩ, ku ũsũvĩonĩ kwa Ekai, mũsũvĩi wa aka.</verse>
				<verse number="9">Na ũla mwĩĩtu amwendeesya, na oona ũseo kwake; na amũnenga na mĩtũkĩ syĩndũ syake kwondũ wa kwĩthesya, vamwe na malĩu make, na anengwa eĩtu mũonza ala maĩle ũnengwa kuma nyũmbanĩ ya mũsumbĩ: na amũthamĩĩsya e na eĩtu make vandũ vala vaseo mbee nyũmbanĩ ya aka.</verse>
				<verse number="10">Esita ndaamanyĩthan’ya andũ make kana ũko wake; nũndũ Molitekai nĩwamwĩaĩĩte kana ndakaamanyĩthan’ye.</verse>
				<verse number="11">Na Molitekai nĩwangangaa kĩla mũthenya mbee wa nza ya nyũmba ya aka, amanye ũndũ Esita ũilyĩ, na ũndũ wĩmũtw’ĩkĩkĩa.</verse>
				<verse number="12">Na ĩndĩ yĩla kyathĩ kyavikie kya kĩla mwĩĩtu kũenda kwa mũsumbĩ Aasuelo, ĩtina wa kwĩkĩwa kwake kwĩanana na mwĩao wa aka myei ĩkũmi na ĩlĩ (nũndũ ũu waĩ wĩanĩsyo wa kwĩthesya kwoo, atĩĩ, myei thanthatũ ya mauta ma manemane, na myei thanthatũ ya syĩndũ syĩ mũuke mũseo vamwe na syĩndũ sya kwĩthesya sya aka),</verse>
				<verse number="13">nĩvo ĩndĩ kĩla mwĩĩtu waendie kwa mũsumbĩ kũatĩĩa maũndũ aa: kĩla wendaa nĩwanengiwe kũthi nakyo kuma nyũmbanĩ ya aka kũvika nyũmbanĩ ya mũsumbĩ.</verse>
				<verse number="14">Athi wĩoo, na kĩoko auma athi nyũmbanĩ ya kelĩ ya aka, ũsũvĩonĩ kwa Saasikasi, mũvakũe wa kwa mũsumbĩ, ũla wasũvĩaa aka ngombo: ndaalika kwa mũsumbĩ ĩngĩ, ate o mũsumbĩ nĩwendeew’e nĩwe, na eetwa na syĩtwa.</verse>
				<verse number="15">Na ĩndĩ yĩla kyathĩ kya Esita kyavikie kya kũthi kwa mũsumbĩ, mwĩĩtu wa Aviaili mwendw’a‐ĩthe wa Molitekai, ũla wamwosete ethĩwe mwĩĩtu wake, ndaaenda kĩndũ o na kĩva no kĩla Ekai mũvakũe wa kwa mũsumbĩ, mũsũvĩi wa aka, watw’ĩte. Na Esita oona ũseo methonĩ ma onthe ala mamũsyaĩĩsye.</verse>
				<verse number="16">Na ĩndĩ Esita atwawa kwa mũsumbĩ Aasuelo nyũmbanĩ yake ya kĩũsumbĩ mwei wa ĩkũmi, naw’o nĩ mwei wa Tevethi, mwaka wa mũonza wa kũsumbĩka kwake.</verse>
				<verse number="17">Na mũsumbĩ endie Esita kwĩ aka ala angĩ onthe, na oona waĩlu na ũseo methonĩ make kwĩ eĩtu atheu ala angĩ onthe; kwondũ wa ũu amwĩkĩa ngovia ya kĩũsumbĩ mũtwenĩ wake, na amũtw’a mũka wa mũsumbĩ vandũ va Vasiti.</verse>
				<verse number="18">Nĩvo ĩndĩ mũsumbĩ wamavokee anene make onthe me mbee ũsumbĩnĩ na athũkũmi make mboka nene, nayo nĩ mboka ya Esita; na athũmũsya ilungu nene sya nthĩ koti, na anengane mĩthĩnzĩo, kwĩanana na ũlau wa mũsumbĩ.</verse>
				<verse number="19">Na yĩla eĩtu asu atheu moombaniw’e ĩvinda ya kelĩ, nĩvo Molitekai wekalile nthĩ mbingĩlonĩ kwa mũsumbĩ.</verse>
				<verse number="20">Esita ndaĩ anamba kũmanyĩthan’ya ũko wake kana andũ make; o tondũ Molitekai wamwĩaĩĩte: nũndũ Esita eekĩte o tondũ Molitekai wamwĩaĩaa, o ta yĩla waeiwe nĩwe.</verse>
				<verse number="21">Mĩthenya ĩsu, yĩla Molitekai wekalaa nthĩ mbingĩlonĩ kwa mũsumbĩ, avakũe elĩ ma kwa mũsumbĩ, Mbikithana na Telesi, ma asu ala masũvĩaa myalyonĩ, mathilĩka, na mamantha kũmũkwata mũsumbĩ Aasuelo.</verse>
				<verse number="22">Na ũndũ ũsu wamanyĩka nĩ Molitekai, ũla nake wamwonisye Esita mũka wa mũsumbĩ; na Esita atavya mũsumbĩ ũndũ ũsu syĩtwanĩ ya Molitekai.</verse>
				<verse number="23">Na yĩla ũndũ ũsu wakũlanganilw’e, na wooneka nĩ wa w’o, asu me elĩ masũw’a mũtĩnĩ: na waandĩkwa ĩvukunĩ ya maũndũ ma mavinda vu mbee wa mũsumbĩ.</verse>
			</chapter>
			<chapter number="3">
				<verse number="1">Ĩtina wa maũndũ asu mũsumbĩ Aasuelo amũnenevya Amani mwana wa Ametatha Mũakaki, na amũkĩlya, na aia kĩvĩla kyake ĩũlũ wa anene onthe me mbee ũsumbĩnĩ ala maĩ nake.</verse>
				<verse number="2">Na athũkũmi onthe ma mũsumbĩ, ala maĩ mbingĩlonĩ kwa mũsumbĩ, makunama, na kũmwĩkunamĩsya Amani vyũ; nũndũ mũsumbĩ nĩweaĩte ũu ũndũ wake. Ĩndĩ Molitekai ndaakunama, o na kũmwĩkunamĩsya.</verse>
				<verse number="3">Nĩvo ĩndĩ athũkũmi ma mũsumbĩ, ala maĩ mbingĩlonĩ kwa mũsumbĩ, makũlilye Molitekai, Nĩkĩ ũũtũla mwĩao wa mũsumbĩ?</verse>
				<verse number="4">Na ĩndĩ kweethĩwa, makĩneena nake mũthenya na mũthenya, nake ndaamethukĩĩsya, mamũtavya Amani, masisye ethĩwa maũndũ ma Molitekai makaũngama: nũndũ amatavĩtye kana nĩ Mũyuti.</verse>
				<verse number="5">Na yĩla Amani wonie kana Molitekai ndaakunama, o na kũmwĩkunamĩsya, nĩvo ĩndĩ Amani wausũiwe nĩ ũthilĩku.</verse>
				<verse number="6">Ĩndĩ asũanĩa ndwĩanĩa kũmũkwata Molitekai e weka; nũndũ nĩmamũmanyĩthĩtye ũko wa andũ wa Molitekai: kwondũ wa ũu Amani amantha kũmananga Ayuti onthe ala maĩ ũsumbĩnĩ w’onthe wa Aasuelo, o ũko wa andũ wa Molitekai.</verse>
				<verse number="7">Mwei wa mbee, naw’o nĩ mwei wa Nisani, mwaka wa ĩkũmi na ĩlĩ wa kũsumbĩka kwa mũsumbĩ Aasuelo, mekya Vuli, naw’o nĩ kũlimana, vu mbee wa Amani mũthenya na mũthenya, na mwei na mwei, kũvika mwei wa ĩkũmi na ĩlĩ, naw’o nĩ mwei wa Atali.</verse>
				<verse number="8">Na Amani amwĩa mũsumbĩ Aasuelo, Ve ũko ũmwe wa andũ ũnyaĩĩkĩe kũũ na kũũ katĩ wa ngo sya andũ ilungunĩ nene sya nthĩ sya ũsumbĩ waku; na mĩao yoo ĩ kĩvathũkan’yo na ya kĩla ũko wa andũ; o na maikwataa mĩao ya mũsumbĩ: kwondũ wa ũu kũti ũuno kwa mũsumbĩ kũmaeka mekale.</verse>
				<verse number="9">Ethĩwa nĩkwendeesya mũsumbĩ, nĩkũandĩkwe nĩ kana manangwe: nakwa ngaĩva talendi ngili ĩkũmi sya vetha mokonĩ ma asu masyaĩĩsya mawĩa ma mũsumbĩ, ietwe kũla kwiawa ũthwii kwa mũsumbĩ.</verse>
				<verse number="10">Na mũsumbĩ aumya ngome yake kyaanĩ kyake, na amũnenga Amani mwana wa Ametatha Mũakaki, ũla mũmaitha wa Ayuti.</verse>
				<verse number="11">Na mũsumbĩ amwĩa Amani, Ũla vetha nĩwanengwa, o na ũko wa andũ naw’o, wĩke naw’o ũndũ ũkwona wĩ ũseo.</verse>
				<verse number="12">Nĩvo ĩndĩ aandĩki ma mũsumbĩ meetiwe mwei wa mbee, mũthenya wa ĩkũmi na ĩtatũ waw’o; na kwaandĩkiwe kwĩanana na w’onthe, ũla Amani weaĩe asumbĩ anini ma kwa mũsumbĩ, na makavana ala maĩ ĩũlũ wa kĩla kĩlungu kĩnene kya nthĩ, na anene me mbee ũsumbĩnĩ ma kĩla ũko wa andũ, kwa kĩla kĩlungu kĩnene kya nthĩ kwĩanana na maandĩko makyo, na kĩla ũko wa andũ kũatĩĩa kĩthyomo kyaw’o; kwaandĩkwa syĩtwanĩ ya mũsumbĩ Aasuelo, na kũsiĩlwa na ngome ya mũsumbĩ.</verse>
				<verse number="13">Na mavalũa matwawa nĩ atwai ma mavalũa ilungunĩ nene syonthe sya nthĩ sya mũsumbĩ, mamanange, na kũmoaa, na kũmamina, Ayuti onthe, o ma mũika na ala akũũ, syana nini na aka, mũthenya ũmwe, o mũthenya wa ĩkũmi na ĩtatũ wa mwei wa ĩkũmi na ĩlĩ, naw’o nĩ mwei wa Atali, na makyosa syĩndũ syoo syĩthĩwe mũtavo.</verse>
				<verse number="14">Na wumĩĩsyo wa ũla ũandĩko, nĩ kana ũtw’ĩo ũnyaĩĩkwe kĩla kĩlungu kĩnene kya nthĩ, watavaniw’e kwa ngo syonthe sya andũ, nĩ kana meĩthĩwa meyũmbanĩtye mũthenya ũsu.</verse>
				<verse number="15">Atwai ma mavalũa mathi mekalaatĩte nũndũ wa mwĩao wa mũsumbĩ, na ũtw’ĩo watavaniw’e nyũmbanĩ nene ya ũsumbĩ ku Susani. Na mũsumbĩ na Amani mekala nthĩ manyw’e; ĩndĩ ndũa ya Susani yasũanĩwa.</verse>
			</chapter>
			<chapter number="4">
				<verse number="1">Na ĩndĩ yĩla Molitekai wamanyie w’onthe ũla wĩkĩtwe, Molitekai atembũanga ngũa syake, na eekĩa makunia na kwĩyũmba mũu, na aenda na ku ndũani katĩ, na akaya na wasya mũtũlu na kĩĩo kĩ woo;</verse>
				<verse number="2">na ooka o vu mbee wa mbingĩlo ya kwa mũsumbĩ: nũndũ vatyaĩ ũtonya kũlika mbingĩlonĩ kwa mũsumbĩ ekĩe makunia.</verse>
				<verse number="3">Na kĩla kĩlungu kĩnene kya nthĩ, o vala mwĩao wa mũsumbĩ na ũtw’ĩo wake wavikie, kwaĩ woo mũnene katĩ wa Ayuti, na kũtĩĩa kũya, na kũĩa, na kũmeta; na aingĩ makoma makunianĩ na mũunĩ.</verse>
				<verse number="4">Na eĩtu athũkũmi ma Esita na avakũe ma kwake mooka na mamũtavya; na mũka wa mũsumbĩ eew’a woo mũnene mũno: na anengane ngũa ĩkekĩwe Molitekai, na kũmumya makunia make; ĩndĩ ndaamyosa.</verse>
				<verse number="5">Nĩvo ĩndĩ Esita wetie Athaki, ũmwe wa avakũe ma kwa mũsumbĩ, ũla wamwiĩte amũthũkũmae, na amwĩaĩa aende vala ve Molitekai, akamanye ũu nata, na kĩtumi nĩ kyaũ.</verse>
				<verse number="6">Na ĩndĩ Athaki aenda vala ve Molitekai vala vandũ vathanthau va ndũa, vu vala ve mbingĩlo ya kwa mũsumbĩ.</verse>
				<verse number="7">Na Molitekai amũtavya w’onthe ũla ũmũkĩtĩkĩe, na ũtalo wa w’o wa mbesa ila Amani wathanĩte kũnengane kũla kwiawa ũthwii wa mũsumbĩ nũndũ wa Ayuti, amamine.</verse>
				<verse number="8">Na ĩndĩ amũnenga wumĩĩsyo wa ũandĩko wa ũla ũtw’ĩo ũla watavaniw’e vu Susani wa kũmamina, awon’ye Esita, na kũmũvuanĩsya, na kũmũtavya aende kwa mũsumbĩ, na kũmũvoya, na kũmwĩsũva, nũndũ wa andũ make.</verse>
				<verse number="9">Na Athaki ooka na atavya Esita ndeto sya Molitekai.</verse>
				<verse number="10">Nĩvo ĩndĩ Esita waneenie na Athaki, na amũnenga ũtũmane wa Molitekai, akĩmwĩa:</verse>
				<verse number="11">Athũkũmi onthe ma mũsumbĩ, na andũ ma ilungu nene sya nthĩ sya mũsumbĩ, nĩmeũmanya, mũndũ o na wĩva, ethĩwa nĩ mũndũ mũũme kana mũndũ mũka, wĩũka alike kwa mũsumbĩ kũvika nza ya nthĩnĩ, ate mwĩte, ve mwĩao ũmwe kwake, kana akooawa, ate o ala mũsumbĩ wĩmatambũũkĩsya ĩla ndata ya thaavu ya ũsumbĩ, nĩ kana atonye kwĩkala thayũ: ĩndĩ nyie ndineeĩtwa nĩlike kwa mũsumbĩ mĩthenya ĩno mĩongo ĩtatũ.</verse>
				<verse number="12">Na matavya Molitekai ndeto sya Esita.</verse>
				<verse number="13">Nĩvo ĩndĩ Molitekai wameaĩe mamũtũngĩe Esita ũsũngĩo, Ndũkeesũanĩĩe mwene kana ũkavĩtĩa nyũmbanĩ ya mũsumbĩ, kwĩ Ayuti onthe.</verse>
				<verse number="14">Nũndũ ethĩwa ũkavindya ki ĩvinda yĩĩ, nĩvo ĩndĩ ũthasyo na ũvonokyo ũkookĩla kwa Ayuti kuma vandũ vangĩ, ĩndĩ we na nyũmba ya au mũkaaa: na nũũ wĩsĩ kana ndwaalika ũsumbĩnĩ nũndũ wa ĩvinda ta yĩĩ?</verse>
				<verse number="15">Nĩvo ĩndĩ Esita wameaĩe mamũtũngĩe Molitekai ũsũngĩo,</verse>
				<verse number="16">Enda, ũmban’ye Ayuti onthe ala me Susani, na mũitĩĩa kũya nũndũ wakwa, o na mũikaye o na mũikanyw’e mĩthenya ĩtatũ, ũtukũ kana mũthenya: nyie nakwa na eĩtu athũkũmi makwa tũkatĩĩa kũya o ta ũu; na ĩndĩ ngaenda vala ve mũsumbĩ, o na kau ti kwĩanana na mwĩao: na ethĩwa nĩngwaa, nongwaa.</verse>
				<verse number="17">Na ĩndĩ Molitekai eeyĩendea, na eeka kwĩanana na w’onthe ũla Esita wamwĩaĩe.</verse>
			</chapter>
			<chapter number="5">
				<verse number="1">Na ĩndĩ kweethĩwa mũthenya wa katatũ, Esita eekĩa ngũa syake sya kĩũsumbĩ, na aũngama nza ya nthĩnĩ ya nyũmba ya mũsumbĩ, kwelekela nyũmba ya mũsumbĩ: na mũsumbĩ ekala kĩvĩlanĩ kyake kya kĩũsumbĩ nyũmbanĩ ya kĩũsumbĩ, kwelekela ũlikĩlo wa nyũmba.</verse>
				<verse number="2">Na kweethĩwa, yĩla mũsumbĩ wonie Esita mũka aũngeme nza, anengwa kwona ũseo methonĩ make; na mũsumbĩ amũtambũũkĩsya Esita ndata ya thaavu ya ũsumbĩ ĩla yaĩ kw’okonĩ kwake. Na ĩndĩ Esita athengeea vakuvĩ, na akiita mũthya wa ndata ya ũsumbĩ.</verse>
				<verse number="3">Nĩvo ĩndĩ mũsumbĩ wamũkũlilye, Wĩenda kyaũ, Esita, mũka wa mũsumbĩ? Na vata waku nĩ mwaũ? Nũkũnengwa o na ethĩwa nĩ nyunzu ya ũsumbĩ.</verse>
				<verse number="4">Na Esita amwĩa, Ethĩwa nĩkwoneka wĩ ũseo kwa mũsumbĩ, mũsumbĩ na Amani nĩmoke mũnthĩ ũũ mbokanĩ ĩla nzeũvĩtye nũndũ wake.</verse>
				<verse number="5">Nĩvo ĩndĩ mũsumbĩ waisye, Kalaatai Amani nĩ kana kũtonye kwikwa o tondũ Esita wasya. Na ĩndĩ mũsumbĩ na Amani mooka mbokanĩ ĩla Esita waseũvĩtye.</verse>
				<verse number="6">Na mũsumbĩ amũkũlĩlya Esita vu mbokanĩ ya mbinyu, Vata waku nĩ mwaũ? Na nũũnengwa: na wĩenda kĩ? O na ethĩwa nĩ nyunzu ya ũsumbĩ ũkeekwa.</verse>
				<verse number="7">Nĩvo ĩndĩ Esita wasũngĩie, na amwĩa, Vata wakwa na kwenda kwakwa nĩ atĩĩ:</verse>
				<verse number="8">Ethĩwa nĩnonete ũseo methonĩ ma mũsumbĩ, na ethĩwa nĩwendeesya mũsumbĩ kũnenga vata wakwa, na kwĩka kwenda kwakwa, mũsumbĩ na Amani nĩmoke mbokanĩ ĩla nĩmaseũvĩsya, na ngeeka ũnĩ o tondũ mũsumbĩ waĩtye.</verse>
				<verse number="9">Nĩvo ĩndĩ Amani aumaala mũthenya ũsu e mũtanu na e na mũyo ngoonĩ: ĩndĩ yĩla Amani wonie Molitekai mbingĩlonĩ kwa mũsumbĩ, kana ndaaũngama o na kũmwathũkĩa, ausũwa nĩ ũthilĩku ĩũlũ wa Molitekai.</verse>
				<verse number="10">Ĩndĩ Amani eesiĩĩa mwene, na enũka; na atũmana anyanyae na Nzelesi mũka wake moke.</verse>
				<verse number="11">Na Amani amatalĩla ũnene wa mothwii make, na wingĩ wa syana syake, na maũndũ onthe ala mũsumbĩ wamũneneveesye, na ũndũ ũmwiĩte ĩũlũ wa anene me mbee ũsumbĩnĩ na athũkũmi ma mũsumbĩ.</verse>
				<verse number="12">Na ĩngĩ Amani amea, Ĩĩ, Esita mũka wa mũsumbĩ ndanaeka mũndũ ũngĩ alike vamwe na mũsumbĩ mbokanĩ ĩla eĩseũvĩtye ĩndĩ no nyie: na ũnĩ ĩngĩ nĩnĩtĩtwe nowe vamwe na mũsumbĩ.</verse>
				<verse number="13">Ĩndĩ ũu w’onthe kwakwa no ta mana, yĩla ngũmwona Molitekai ũla Mũyuti ekalĩte mbingĩlonĩ kwa mũsumbĩ.</verse>
				<verse number="14">Nĩvo ĩndĩ Nzelesi mũka wake na anyanyae make onthe mamwĩie, Nĩkũseũvw’e mũtĩ ũtũlĩte mĩkono mĩongo ĩtano, na ũnĩ ũineena na mũsumbĩ nĩ kana Molitekai atonye kũsũw’a vo: na ĩndĩ ũithi ũtanĩte wĩ na mũsumbĩ mbokanĩ. Na ũndũ ũsu wendeesya Amani; na atuma mũtĩ ũseũvw’a.</verse>
			</chapter>
			<chapter number="6">
				<verse number="1">Ũtukũ ũsu mũsumbĩ ndaatonya kũkoma; nake eeaa mavuku ma molilikan’yo ma mavinda maetwe, na makĩsomewa vu mbee wa mũsumbĩ.</verse>
				<verse number="2">Na vooneka vaandĩkĩtwe, kana Molitekai nĩwatavanisye ũvoo wa Mbikithana na Telesi, avakũe elĩ ma kwa mũsumbĩ, asu masũvĩaa myalyonĩ, ala mamanthaa kũmũkwata mũsumbĩ Aasuelo.</verse>
				<verse number="3">Na mũsumbĩ akũlya, Nĩ ndaĩa na ũnene mwaũ ila inengetwe Molitekai nũndũ wa ũndũ ũũ? Nĩvo ĩndĩ athũkũmi ma mũsumbĩ ala mamũthũkũmaa mamwĩie, Nde ũndũ waaĩkwa.</verse>
				<verse number="4">Na mũsumbĩ akũlya, Nũũ ũla wĩ nza? Na ĩndĩ Amani aĩ anooka nza yĩ ũtee wa nyũmba ya mũsumbĩ, aneene na mũsumbĩ ũndũ wa kũsũsya Molitekai ũla mũtĩnĩ ũmũseũvĩsye.</verse>
				<verse number="5">Na athũkũmi ma mũsumbĩ mamwĩa, Sisya, Amani aũngeme nza. Na mũsumbĩ asya, Nalike nthĩnĩ.</verse>
				<verse number="6">Na ĩndĩ Amani alika nthĩnĩ. Na mũsumbĩ amũkũlya, Kwĩĩkĩka ata kwa mũndũ ũla mũsumbĩ wendeew’e nĩ kũmũtaĩa? Na ĩndĩ Amani asya ngoonĩ yake, Nĩ kwaũ ũla mũsumbĩ wendeew’e nĩ kũmũtaĩa mũno kwĩ nyie mwene?</verse>
				<verse number="7">Na Amani amwĩa mũsumbĩ, Nũndũ wa mũndũ ũla mũsumbĩ wendeew’e nĩ kũtaĩa,</verse>
				<verse number="8">ngũa ya kĩũsumbĩ ĩetwe ĩla mũsumbĩ wakothaa kwĩkĩa, na mbalasi ĩla mũsumbĩ ũtũlaa ĩũlũ, ĩla mũtwenĩ wayo yĩkĩawa ngovia ya kĩũsumbĩ:</verse>
				<verse number="9">na ngũa na mbalasi ninenganwe kw’okonĩ kwa ũmwe wa ala anene ma mũsumbĩ me mbee ũsumbĩnĩ, ũla wĩ ndaĩa mbee, nĩ kana mamĩkĩe mũndũ ũla mũsumbĩ ũnũkwendeew’a nĩ kũtaĩa, na kũmũtũlya mbalasinĩ akinyĩlw’e nzĩanĩ nene ya ĩ ndũa, na kũtavan’ya e mbee wake, Ũũ nĩw’o wĩĩkwa mũndũ ũla mũsumbĩ wĩendeew’a nĩ kũtaĩa.</verse>
				<verse number="10">Nĩvo indĩ mũsumbĩ wamwĩie Amani, Ĩkalaate, na ũyosa ngũa na mbalasi, o tondũ wasya na ũyĩka o ta ũu na Molitekai Mũyuti, ũla wĩkalaa mbingĩlonĩ kwa mũsumbĩ: kũtikatiale ũndũ wa onthe ala ũneenete.</verse>
				<verse number="11">Nĩvo ĩndĩ Amani wosie ĩ ngũa na mbalasi, na eekĩa Molitekai, na amũtũlya akinyĩlw’e nzĩanĩ nene ya ĩ ndũa, na atavan’ya e mbee wake, Ũũ nĩw’o wĩĩkwa mũndũ ũla mũsumbĩ wĩendeew’a nĩ kũtaĩa.</verse>
				<verse number="12">Na Molitekai ooka ĩngĩ mbingĩlonĩ kwa mũsumbĩ. Ĩndĩ Amani eekalaata athi nyũmbanĩ kwake, akĩw’a woo mũnene na avw’ĩkĩte mũtwe wake.</verse>
				<verse number="13">Na Amani atalĩla Nzelesi mũka wake na anyanyae make onthe kĩla ũndũ ũla wamũkĩtĩkĩa. Nĩvo ĩndĩ andũ oĩ make na Nzelesi mũka wake mamwĩie, Ethĩwa Molitekai, ũla wambĩlĩlya kũvalũka mbee wake, nĩ wa mbaĩ ya Ayuti, we ndũkamũtonya, ĩndĩ vate ndĩi ũkavalũkaa mbee wake.</verse>
				<verse number="14">Na makĩneenanga nake, kwooka avakũe ma kwa mũsumbĩ, na mekalaata kũmũtwaa Amani mbokanĩ ĩla waseũvĩtye.</verse>
			</chapter>
			<chapter number="7">
				<verse number="1">Na ĩndĩ mũsumbĩ na Amani malika mbokanĩ ya Esita mũka wa mũsumbĩ.</verse>
				<verse number="2">Na mũsumbĩ eea Esita ĩngĩ mũthenya wa kelĩ me mbokanĩ ya mbinyu, Vata waku nĩ mwaũ, Esita, mũka wa mũsumbĩ? Na nũũnengwa: na wĩenda kĩ? O na ethĩwa nĩ nyunzu ya ũsumbĩ ũkeekwa.</verse>
				<verse number="3">Nĩvo ĩndĩ Esita mũka wa mũsumbĩ wasũngĩie na amwĩa, Ethĩwa nĩnonete ũseo methonĩ maku, we mũsumbĩ, na ethĩwa nĩwendeesya mũsumbĩ, thayũ wakwa nĩnengwe kwondũ wa vata wakwa, na andũ makwa kwondũ wa kwenda kwakwa:</verse>
				<verse number="4">nũndũ twĩ athoosye, nyie na andũ makwa, twanangwe, tũawe, na kwaa. Ĩndĩ kethĩwa tũthooetw’e aũme na aka twĩthĩwe ngombo, nĩĩthĩwa nĩvindĩtye, o na kau mũmaitha ũsu ndethĩwa atonya kũĩvĩa wasyo wa mũsumbĩ.</verse>
				<verse number="5">Nĩvo ĩndĩ mũsumbĩ Aasuelo waneenie na amũkũlya Esita mũka wa mũsumbĩ, Nĩwe ũũ, na aĩva, ũsu ũtatĩte ũtw’a ngoonĩ yake kwĩka ũu?</verse>
				<verse number="6">Na Esita amwĩa, Nthũ na mũmaitha, nake nĩ Amani ũũ mũthũku. Nĩvo ĩndĩ Amani wakwatĩwe nĩ w’ĩa vu mbee wa mũsumbĩ na mũka wa mũsumbĩ.</verse>
				<verse number="7">Na mũsumbĩ ookĩla e mũthilĩku kuma mbokanĩ ya mbinyu na aenda mũũndanĩ wa nyũmba nene ya ũsumbĩ: na Amani aũngama esũvane nũndũ wa thayũ wake vala ve Esita mũka wa mũsumbĩ; nũndũ nĩwonie kana ve ũthũku ũtw’ĩtwe nĩ mũsumbĩ.</verse>
				<verse number="8">Nĩvo ĩndĩ mũsumbĩ wasyokie kuma mũũndanĩ wa nyũmba nene ya ũsumbĩ alike vala vandũ va ĩla mboka ya mbinyu; na Amani avalũkĩte ũkomonĩ ũla Esita wailyĩ. Nĩvo ĩndĩ mũsumbĩ waisye, Kaĩ nũtonya kũmwĩka na vinya mũka wa mũsumbĩ nĩ vo nyũmbanĩ? Ndeto ĩsu ĩkyuma kanyw’anĩ wa mũsumbĩ, mamũvw’ĩka Amani ũthyũ.</verse>
				<verse number="9">Nĩvo ĩndĩ Alivona, ũmwe wa avakũe ala maĩ vo mbee wa mũsumbĩ, waisye, Na ĩngĩ sisya, mũtĩ wa mĩkono mĩongo ĩtano ũtũlu waw’o, ũla Amani ũseũvĩtye nũndũ wa Molitekai, ũla waneenie nesa ũndũ wa mũsumbĩ, ũũngamĩtw’e nyũmbanĩ kwa Amani. Na mũsumbĩ asya, Mũsũsyei ĩũlũ waw’o.</verse>
				<verse number="10">Na ĩndĩ mamũsũsya Amani mũtĩnĩ mũtũlu ũla waseũvĩsye Molitekai. Na ĩndĩ ũthilĩku wa mũsumbĩ wausya.</verse>
			</chapter>
			<chapter number="8">
				<verse number="1">Mũthenya ũsu mũsumbĩ Aasuelo amũnenga Esita mũka nyũmba ya Amani, mũmaitha wa Ayuti. Na Molitekai ooka vala ve mũsumbĩ; nũndũ Esita nĩwatavanĩtye ũndũ mailen’ye.</verse>
				<verse number="2">Na mũsumbĩ aumya ngome yake, ĩla waumĩsye Amani, na amĩnenga Molitekai. Na Esita amwĩa Molitekai ĩũlũ wa nyũmba ya Amani.</verse>
				<verse number="3">Na Esita aneena o ĩngĩ mbee wa mũsumbĩ, na avalũka nthĩ maũũnĩ make, na amwĩsũva na methoi avete ũthũku wa Amani Mũakaki, na ũsũanĩo wake ũla wasũanĩĩe Ayuti.</verse>
				<verse number="4">Nĩvo ĩndĩ mũsumbĩ watambũũkĩsye Esita ndata ya thaavu yake ya ũsumbĩ. Kwondũ wa ũu Esita ookĩla, na aũngama mbee wa mũsumbĩ.</verse>
				<verse number="5">Na amwĩa, Ethiwa nĩwendeesya mũsumbĩ, na ethĩwa nĩnonete ũseo methonĩ make, na ũndũ ũkwoneka wĩ ũlũngalu vala ve mũsumbĩ, na ngĩmwendeesya methonĩ make, nĩkũandĩkwe kũalyũlwe mavalũa ala masũanĩiwe nĩ Amani, mwana wa Ametatha Mũakaki, ala waandĩkie ma kũmina Ayuti ala me ilungunĩ nene syonthe sya nthĩ sya mũsumbĩ:</verse>
				<verse number="6">nũndũ ndonya ata kũmĩĩsya kwona ũthũku ũla wĩũka kwa andũ makwa? Kana ndonya ata kũmĩĩsya kwona wanangĩko wa ũko wakwa?</verse>
				<verse number="7">Nĩvo ĩndĩ mũsumbĩ Aasuelo weie Esita mũka na Molitekai Mũyuti, Sisyai, nĩnĩnengete Esita nyũmba ya Amani, nake mamũsũsya mũtĩnĩ, nĩkwĩthĩwa atambũũkĩsye Ayuti kw’oko kwake amakwate.</verse>
				<verse number="8">Na ĩngĩ andĩkĩai Ayuti o tondũ mũkwenda, syĩtwanĩ ya mũsumbĩ, na mũkyũsiĩla na ngome ya mũsumbĩ; nũndũ ũandĩko ũla ũandĩkĩtwe syĩtwanĩ ya mũsumbĩ, na kũsiĩlwa na ngome ya mũsumbĩ, vati mũndũ ũtonya ũalyũla.</verse>
				<verse number="9">Nĩvo ĩndĩ aandĩki ma mũsumbĩ meetiwe ĩvinda yĩu, mwei wa katatũ, naw’o nĩ mwei wa Sivani, mũthenya wa mĩongo ĩlĩ na ĩtatũ waw’o; na kwaandĩkĩtwe kwĩanana na w’onthe ũla Molitekai weaĩĩte Ayuti, na asumbĩ anini, na makavana na anene me mbee ũsumbĩnĩ ma ilungu nene sya nthĩ ila syĩkuma India kũvika Ethiovia, ilungu nene sya nthĩ ĩana na mĩongo ĩlĩ na mũonza, kwa kĩla kĩlungu kĩnene kya nthĩ kwĩanana na ũandĩko wakyo, na kwa kĩla ũko wa andũ kũatĩĩa kĩthyomo kyaw’o, na kwa Ayuti kwĩanana na ũandĩko woo, na kũatĩĩa kĩthyomo kyoo.</verse>
				<verse number="10">Na aandĩka syĩtwanĩ ya mũsumbĩ Aasuelo, na oosĩĩla na ngome ya mũsumbĩ, na atwaa mavalũa na atwai ma mavalũa matũlĩte mbalasi, matũlĩte mbalasi syĩ maũũ ila syekalaa ũthũkũminĩ wa mũsumbĩ, isyaĩtwe mbalasinĩ sya ũsumbĩ:</verse>
				<verse number="11">ala nthĩnĩ wamo mũsumbĩ amanenga Ayuti ala maĩ kĩla ndũa ũthei wa kũmbana, na kwĩyĩũngamĩa mathayũ moo, manange, na kũaa, na kũtuma waa, ũtonyi w’onthe wa andũ na wa kĩlungu kĩnene kya nthĩ ũla wĩenda kũmavithũkĩa, anini moo na iveti, na kũkwata syĩndũ syoo syĩthĩwe mũtavo,</verse>
				<verse number="12">o mũthenya ũmwe ilungunĩ nene syonthe sya nthĩ sya mũsumbĩ Aasuelo, naw’o nĩ mũthenya wa ĩkũmi na ĩtatũ wa mwei wa ĩkũmi na ĩlĩ, naw’o nĩ mwei wa Atali.</verse>
				<verse number="13">Wumĩĩsyo wa ũandĩko, nĩ kana ũtw’ĩo ũtavanw’e kĩla kĩlungu kĩnene kya nthĩ, wanyaĩĩkw’a kwa ngo syonthe sya andũ, na kana Ayuti methĩwe meyũmbanĩtye mũthenya ũsu kwĩĩvanĩsya ene amaithanĩ moo.</verse>
				<verse number="14">Kwondũ wa ũu atwai ma mavalũa ala matũlĩte mbalasi syĩ maũũ ila syekalaa ũthũkũminĩ wa mũsumbĩ mathi, makalaatĩtwe na kũkũlũswa nĩ mwĩao wa mũsumbĩ; na ũtw’ĩo waumĩwe nyũmbanĩ nene ya ũsumbĩ ku Susani.</verse>
				<verse number="15">Na Molitekai aumaala kuma vala mũsumbĩ waĩ ekĩe ngũa ya kĩũsumbĩ ya vuluu na nzaũ, na e na ngovia nene ya ũsumbĩ ya thaavu, na e na kĩtonyeo kĩseo kya katane kĩilyĩ ta kĩtune: na ndũa ya Susani yookĩlya wasya na yaĩ na mũyo.</verse>
				<verse number="16">Ayuti maĩ na kyeni na mũyo, na ũtanu na ndaĩa.</verse>
				<verse number="17">Na kĩla kĩlungu kĩnene kya nthĩ, na kĩla ndũa, o vala mwĩao wa mũsumbĩ na ũtw’ĩo wake wavikie, Ayuti maĩ na mũyo na ũtanu, na mboka na mũthenya mũseo. Na aingĩ kuma katĩ wa ngo sya andũ sya ĩ nthĩ matw’ĩka Ayuti; nũndũ kũkĩa Ayuti nĩkwamakwatie.</verse>
			</chapter>
			<chapter number="9">
				<verse number="1">Na ĩndĩ mwei wa ĩkũmi na ĩlĩ, naw’o nĩ mwei wa Atali, mũthenya wa ĩkũmi na ĩtatũ waw’o, yĩla mwĩao wa mũsumbĩ na ũtw’ĩo wake wathengeee kwĩanĩwa, mũthenya ũla amaitha ma Ayuti meekwatasya methĩwe na ũsumbĩko ĩũlũ wamo (ĩndĩ nĩwasyokie kwĩalyũla, atĩ Ayuti maĩ na ũsumbĩko ĩũlũ wa asu mamamenaa),</verse>
				<verse number="2">Ayuti meeyũmbanĩsya ndũanĩ syoo ilungunĩ nene syonthe sya nthĩ sya mũsumbĩ Aasuelo, mamatambũũkĩsye kw’oko asu mamanthaa kũmathĩn’ya: o na vati mũndũ waatonya kũmasiĩĩa; nũndũ kũmakĩa kwakwatie ngo syonthe sya andũ.</verse>
				<verse number="3">Na anene onthe me mbee ũsumbĩnĩ ma ila ilungu nene sya nthĩ, na asumbĩ anini, na makavana, na ala matethasya mawĩa ma mũsumbĩ, matetheesya Ayuti; nĩkwĩthĩwa kũmũkĩa Molitekai nĩkwamakwatie.</verse>
				<verse number="4">Nũndũ Molitekai aĩ mũnene nyũmbanĩ ya mũsumbĩ, na nguma yake yanyaĩĩka ilungunĩ nene syonthe sya nthĩ; nũndũ ũ mũndũ Molitekai nĩwaendeee kũneneva na kũneneva.</verse>
				<verse number="5">Na Ayuti makũna amaitha moo onthe na makũna ma ũvyũ, na ũai na wanangĩko, na mameka o tondũ mendie asu mamamenaa.</verse>
				<verse number="6">Na nyũmbanĩ nene ya ũsumbĩ ku Susani, Ayuti mooaie na kũmina andũ maana atano.</verse>
				<verse number="7">Na Valisandatha, na Ndalivoni, na Asivatha,</verse>
				<verse number="8">na Volatha, na Atalia, na Alitatha,</verse>
				<verse number="9">na Valimasita, na Alisai, na Alitai, na Vaisatha,</verse>
				<verse number="10">ala ana ĩkũmi ma Amani mwana wa Ametatha, mũmaitha wa Ayuti, mamoaa; ĩndĩ mũtavo maiaaũtambũũkĩsya moko moo.</verse>
				<verse number="11">Mũthenya ũsu ũtalo wa ala mooaĩwe nyũmbanĩ nene ya ũsumbĩ ku Susani, waetwe mbee wa mũsumbĩ.</verse>
				<verse number="12">Na mũsumbĩ amwĩa Esita mũka, Ayuti nĩmooaie na kũmina andũ maana atano nyũmbanĩ nene ya ũsumbĩ ku Susani, na ana ĩkũmi ma Amani; na ĩndĩ mekĩte ata ũtialonĩ wa ilungu nene sya nthĩ ila ingĩ sya mũsumbĩ! Na yu vata waku nĩ mwaũ? Na nũũnengwa: kana kwenda kwaku kũngĩ nĩ kwaũ? Na ũkeekwa.</verse>
				<verse number="13">Nĩvo ĩndĩ Esita waisye, Ethĩwa nĩwendeesya mũsumbĩ, nĩkũnenganwe kwa Ayuti ala matwĩe Susani kwĩka ũnĩ o kwĩanana na ũtw’ĩo wa ũmũnthĩ, na ala ana ĩkũmi ma Amani nĩmasũw’e ũla mũtĩnĩ mũtũlu.</verse>
				<verse number="14">Na mũsumbĩ eeaa ũu wĩkwe: na ũtw’ĩo waumĩwe vu Susani; na masũsya ala ana ĩkũmi ma Amani.</verse>
				<verse number="15">Na Ayuti ala maĩ Susani moombana ĩngĩ mũthenya wa ĩkũmi na ĩna wa mwei wa Atali, na mooaĩa andũ maana atatũ vu Susani; ĩndĩ mũtavo maiaaũtambũũkĩsya moko moo.</verse>
				<verse number="16">Na Ayuti ala angĩ ala maĩ ilungunĩ nene sya nthĩ sya mũsumbĩ moombana, na meeyĩũngamĩa mathayũ moo, na mathũmũa kuma amaithanĩ moo, na mamoaa ala mamamenaa ngili mĩongo mũonza na itano; ĩndĩ mũtavo maiaaũtambũũkĩsya moko moo.</verse>
				<verse number="17">Ũu weekiwe mũthenya wa ĩkũmi na ĩtatũ wa mwei wa Atali; na mũthenya wa ĩkũmi na ĩna waw’o mathũmũa, na mootw’a mũthenya wa mboka na wa mũyo.</verse>
				<verse number="18">Ĩndĩ Ayuti ala maĩ Susani moombana mũthenya wa ĩkũmi na ĩtatũ waw’o, na wa ĩkũmi na ĩna waw’o; na mũthenya wa ĩkũmi na ĩtano waw’o mathũmũa, na mootw’a mũthenya wa mboka na mũyo.</verse>
				<verse number="19">Kwondũ wa ũu Ayuti ma mĩsyĩ, ala matwĩe tũtũla tũte twake na maũvai, matw’a mũthenya wa ĩkũmi na ĩna wa mwei wa Atali mũthenya wa mũyo na mboka, na mũthenya mũseo, na wa kũtwaanĩaa syĩndũ ũmwe na ũla ũngĩ.</verse>
				<verse number="20">Na Molitekai aandĩka maũndũ asu, na atwaa mavalũa kwa Ayuti onthe ala maĩ ilungunĩ nene syonthe sya nthĩ sya mũsumbĩ Aasuelo, kũla kũkuvĩ na kũla kũasa,</verse>
				<verse number="21">kũmalũlũmĩlya kana masũvĩae mũthenya wa ĩkũmi na ĩna wa mwei wa Atali, na mũthenya wa ĩkũmi na ĩtano waw’o, kĩla mwaka,</verse>
				<verse number="22">o mĩthenya ĩsu ĩla Ayuti mathũmũie kuma amaithanĩ moo, na mwei ũla wamaalyũkĩle kuma woonĩ kũlika mũyonĩ, na kuma woonĩ mũnene kũlika mũthenya mũseo; nĩ kana mamĩtw’e mĩthenya ya mboka na ya mũyo, na ya kũtwaanĩaa syĩndũ ũmwe na ũla ũngĩ, na mĩthĩnzĩo kwa ngya.</verse>
				<verse number="23">Na Ayuti meetĩkĩla kwĩka ũndũ mambĩlĩlye, na tondũ Molitekai wamaandĩkĩe;</verse>
				<verse number="24">nĩkwĩthĩwa Amani mwana wa Ametatha Mũakaki, mũmaitha wa Ayuti onthe, asilĩte ĩũlũ wa Ayuti amanange, na akĩkya Vuli, naw’o nĩ kũlimana, nĩ kana amamine, na kwananga;</verse>
				<verse number="25">ĩndĩ yĩla ũvoo wavikie vala ve mũsumbĩ, eeaa na mavalũa kana ũsũanĩo ũsu mũthũku, ũla wasũanĩĩe Ayuti, ũsyoke ĩũlũ wa mũtwe wake mwene, na kana we na ana make masũw’e mũtĩnĩ mũtũlu.</verse>
				<verse number="26">Kwondũ wa ũu meeta mĩthenya ĩsu Vulimu, kũatĩĩa syĩtwa ya Vuli. Na ĩndĩ kwondũ wa ndeto syonthe sya valũa ũsu, na ũndũ ũla monete kwondũ wa ũndũ ũsu, na ũndũ wamakĩtĩkie,</verse>
				<verse number="27">Ayuti meeaa, na kwĩyaĩkya ene, na ĩũlũ wa ũsyao woo, na ĩũlũ wa onthe ala meevulanĩtye namo, nĩ kana ũndũ ũsu ndũkaathele, kana makasũvĩaa mĩthenya ĩsu ĩlĩ kwĩanana na ũandĩko wayo, na kwĩanana na kũtw’ĩwa ĩvinda yayo, kĩla mwaka;</verse>
				<verse number="28">na kana mĩthenya ĩsu ĩkalilikanawe na kũsũvĩawa kĩla nzyawanĩ, na kĩla mũvĩa, na kĩla kĩlungu kĩnene kya nthĩ, na kĩla ndũa; na nĩ kana mĩthenya ĩsu ya Vulimu ndĩkaathele kuma katĩ wa Ayuti, o na ũlilikano wayo ndũkaaae kuma ũsyaonĩ woo.</verse>
				<verse number="29">Nĩvo ĩndĩ Esita mũka wa mũsumbĩ, mwĩĩtu wa Aviaili, na Molitekai Mũyuti, maandĩkie na ũkũmũ w’onthe malũlũmĩlye valũa ũsu wa kelĩ wa Vulimu.</verse>
				<verse number="30">Na atwaa mavalũa kwa Ayuti onthe ilungunĩ nene sya nthĩ ĩana na mĩongo ĩlĩ na mũonza sya ũsumbĩ wa Aasuelo, na ndeto sya mũuo na sya w’o,</verse>
				<verse number="31">malũlũmĩlye mĩthenya ĩsu ya Vulimu mavindanĩ mayo ala maiĩtwe, kwĩanana na ũndũ Molitekai Mũyuti na Esita mũka wa mũsumbĩ mameaĩe, na ũndũ meetw’ĩĩe ene na ũsyao woo, ũvoonĩ wa kũtĩĩa kũya na kũĩa kwoo.</verse>
				<verse number="32">Na mwĩao wa Esita walũlũmĩlya maũndũ asu ma Vulimu; na waandĩkwa yĩla ĩvukunĩ.</verse>
			</chapter>
			<chapter number="10">
				<verse number="1">Na mũsumbĩ Aasuelo aumĩthya ĩ nthĩ, na ithamanĩ sya ũkanga, koti.</verse>
				<verse number="2">Na meko onthe ma ũtonyĩ wake na wa vinya wake mũnene, na ũtalo w’onthe wa ũnene wa Molitekai, ũndũ mũsumbĩ wamũnenevisye, matiandĩkĩtwe mavukunĩ ma meko ma mavinda ma asumbĩ ma Metia na Velisia?</verse>
				<verse number="3">Nũndũ Molitekai ũsu Mũyuti aĩ wa kelĩ ũnenenĩ kwa mũsumbĩ Aasuelo, na mũnene katĩ wa Ayuti, na kwĩtĩkĩlwa nĩ wingĩ wa ana‐aĩthe, akĩmanthĩa andũ make ũseo, na aineena mũuo na ũsyao wake w’onthe.</verse>
			</chapter>
		</book>
		<book number="18">
			<chapter number="1">
				<verse number="1">Kwaĩ mũndũ nthĩ ya Usi, syĩtwa yake eetawa Yovu; na mũndũ ũsu aĩ mwĩanĩu na mũlũngalu, ũmwe ũla wamũkĩaa Ngai, na wethyũũĩte akatia ũthũku.</verse>
				<verse number="2">Na asyaĩwe ana mũonza na eĩtu atatũ.</verse>
				<verse number="3">O na ũthwii wake naw’o waĩ malondu ngili mũonza, na ngamĩle ngili itatũ, na syove maana atano sya ng’ombe, na mang’oi maka maana atano, na andũ aingĩ mũno ma nyũmba yake; kwondũ wa ũu mũndũ ũsu aĩ mũnene kwĩ ana onthe ma ngalĩ ya wumĩlonĩ wa syũa.</verse>
				<verse number="4">Na ana make maenda makĩvoka mboka nyũmbanĩ ya kĩla ũmwe mũthenya wake; na matũmana mameta eĩtu‐a‐inyia moo atatũ maye na kũnyw’a nao.</verse>
				<verse number="5">Na kweethĩwa, yĩla mĩthenya ya mboka yoo yakomanie, kana Yovu atũmana amatheethya, na ookĩla kĩoko tene, na athemba nthembo sya kũvĩvw’a kwĩanana na ũtalo woo onthe: nũndũ Yovu aasya, Nokwĩthĩwa ana makwa nĩmavĩtisye, na kũmũuma Ngai ngoonĩ syoo. Ũu now’o Yovu wekaa mavinda onthe.</verse>
				<verse number="6">Na kweethĩwa mũthenya ũla ana ma Ngai mookie kwĩyumĩlya mbee wa Yeova, nake Satani ooka katĩ wamo.</verse>
				<verse number="7">Na Yeova amwĩa Satani, Wauma va? Nĩvo ĩndĩ Satani wamũsũngĩie Yeova, na amwĩa, Nauma kwanganga kũũ na kũũ nthĩ na kũtambũkanga kũũ na kũũ ĩũlũ wayo.</verse>
				<verse number="8">Na Yeova amwĩa Satani, Nũsũanĩĩte ũndũ wa mũthũkũmi wakwa Yovu? Nũndũ kũti ũngĩ take ĩũlũ wa nthĩ, mũndũ mwĩanĩu na mũlũngalu, ũla ũmũkĩaa Ngai, na wĩthyũũĩte akatia ũthũku.</verse>
				<verse number="9">Na ĩndĩ Satani asũngĩa Yeova, na amũkũlya, Yovu nũmũkĩaa Ngai mana?</verse>
				<verse number="10">Ndwĩkĩĩte wiio kũmũthyũlũlũka, o na nyũmba yake, na kyonthe kĩla wĩ nakyo, ngalĩ syonthe? Nũathimĩte wĩa wa moko make, na ũthwii wake nĩwingĩvĩte nthĩ.</verse>
				<verse number="11">Ĩndĩ tambũũkya kw’oko kwaku yu, noikiita kyonthe kĩla wĩ nakyo, nake akakũuma ũthyũnĩ waku.</verse>
				<verse number="12">Na Yeova amwĩa Satani, Sisya, kyonthe kĩla wĩ nakyo kĩ ũtonyinĩ waku; ĩndĩ we mwene ndũkamũtambũũkĩĩsye kw’oko kwaku. Na ĩndĩ Satani auma vala ve Yeova.</verse>
				<verse number="13">Na kweethĩwa mũthenya ũmwe yĩla ana make na eĩtu make maĩ makĩya na kũnyw’a mbinyu nyũmbanĩ ya mũkũũe woo,</verse>
				<verse number="14">atĩ mũtũmwa ooka vala ve Yovu, na amwĩa, Ng’ombe syĩĩ ikĩĩma na mang’oi makĩya vakuvĩ nasyo;</verse>
				<verse number="15">na Aseva maivithũkĩa, na maitwaa; ĩĩ, nĩmooaa athũkũmi kwa kũmatemanga na ũvyũ; na no nyie navonoka nĩ nyioka nĩkũtavye.</verse>
				<verse number="16">Na yĩla waneenaa kwooka ũngĩ, na asya, Mwaki wa Ngai nĩwavalũka kuma ĩtunĩ, na wavĩvya malondu na athũkũmi, na wamamina; na no nyie navonoka nĩ nyioka ngũtavye.</verse>
				<verse number="17">O yĩla waneenaa, ũngĩ nake ooka, na asya, Akalitei matilĩkana nguthu itatũ, na mavithũka vala ve ngamĩle, na maitwaa, ĩĩ, na kũaa athũkũmi kwa kũmatemanga na ũvyũ; na no nyie navonoka nĩ nyioka ngũtavye.</verse>
				<verse number="18">Na o yĩla waneenaa kwooka ũngĩ, na asya, Ana maku na eĩtu maku meĩ makĩya na kũnyw’a mbinyu nyũmbanĩ ya ũla mũkũũ woo;</verse>
				<verse number="19">na, sisya, kĩseve kĩnene kyooka kuma weũnĩ, na kyakũna ikoto inya sya nyũmba, na yamavalũkĩla anake, na nĩmakw’a; na no nyie navonoka nĩ nyioka ngũtavye.</verse>
				<verse number="20">Na ĩndĩ Yovu ookĩla, na atembũanga ngũa yake ndasa, na eenza mũtwe wake, na eevalũkya nthĩ, na athaitha;</verse>
				<verse number="21">na asya, Nĩnaumie ĩvunĩ ya mwaitũ nĩ mũthei, na ngasyoka vo nĩ mũthei: Yeova nĩwanenganie, na Yeova nĩwosete; syĩtwa ya Yeova yĩtaĩwe.</verse>
				<verse number="22">Ũndũnĩ ũsu w’onthe Yovu ndaavĩtya, kana kwilĩĩla Ngai na ũtumanu.</verse>
			</chapter>
			<chapter number="2">
				<verse number="1">Na ĩngĩ kweethĩwa mũthenya ũla ana ma Ngai mookie kwĩyumĩlya mbee wa Yeova, nake Satani ooka katĩ woo eyumĩlye mbee wa Yeova.</verse>
				<verse number="2">Na Yeova amwĩa Satani, Wauma va? Na Satani asũngĩa Yeova, na amwĩa, Nauma kwanganga kũũ na kũũ nthĩ, na kuma kũtambũka kũũ na kũũ ĩũlũ wayo.</verse>
				<verse number="3">Na Yeova amwĩa Satani, Nũsũanĩĩte ũndũ wa mũthũkũmi wakwa Yovu? Nũndũ kũti ũngĩ take nthĩ, mũndũ mwĩanĩu na mũlũngalu, ũla ũmũkĩaa Ngai, na kwĩthyũũa kũtia ũthũku: na kũvika yu nũlũmasya wĩanĩu wake, o na kau nĩwanthing’ĩĩsye ũndũ wake, nĩmwanange vate kĩtumi.</verse>
				<verse number="4">Na Satani asũngĩa Yeova, na asya, Kĩkonde vandũ va kĩkonde, ĩĩ, kyonthe kĩla mũndũ wĩ nakyo nũnenganae kwondũ wa thayũ wake.</verse>
				<verse number="5">Ĩndĩ tambũũkya kw’oko kwaku yu, ũkiite ĩvĩndĩ yake na nyama ya mwĩĩ wake, na akakũuma ũthyũnĩ waku.</verse>
				<verse number="6">Na Yeova amwĩa Satani, Sisya, e kw’okonĩ kwaku; no mũeke e thayũ.</verse>
				<verse number="7">Na ĩndĩ Satani auma mbee wa Yeova, na amũkũna Yovu na mĩimũ mĩthũku kuma ũnyaĩĩ wa kũũ kwake kũvika lolotya wake.</verse>
				<verse number="8">Na eeyosea kĩlĩo kya kwĩvaavaa nakyo; na ekala mũunĩ.</verse>
				<verse number="9">Na ĩndĩ kĩveti kyake kyamwĩa, Kũvika o na yu no ũlũmĩtye wĩanĩu waku? Uma Ngai noikw’a.</verse>
				<verse number="10">Ĩndĩ akĩtavya, Nũũneena ta ũmwe wa aka atumanu ũndũ maneenaa. Nata? Tũkoosa ũseo kw’okonĩ kwa Ngai, na tũikosa ũthũku? Ũndũnĩ ũsu w’onthe Yovu ndaavĩtya na ilomo syake.</verse>
				<verse number="11">Na yĩla anyanyae atatũ ma Yovu meewie ũthũku ũsu w’onthe ũla wamũkĩe, mooka kĩla ũmwe kuma vandũ vake; Elivasi Mũtemani, na Mbilitati Mũsui, na Nzovali Mũnaamathi; na matw’a kyathĩ vamwe maende kũmũĩĩa na kũmũkiakisya.</verse>
				<verse number="12">Na yĩla mookĩlilye metho moo me kũasa, na matyaamũmanya, mookĩlya mawasya moo, na kũĩa; na kĩla ũmwe atembũanga ngũa yake ndasa, na molũlĩlya kĩtoo mĩtwenĩ yoo kwelekela ĩtunĩ.</verse>
				<verse number="13">Na ĩndĩ mekala nthĩ vamwe nake mĩthenya mũonza na matukũ mũonza, na vai ũmwe waaneena ndeto nake: nũndũ moonie kana woo wake nĩ mwingĩ mũno.</verse>
			</chapter>
			<chapter number="3">
				<verse number="1">Ĩtina wa ũu Yovu aathamya kanyw’a wake, na aumanĩa mũthenya wake.</verse>
				<verse number="2">Na Yovu asũngĩa na asya:</verse>
				<verse number="3">Mũthenya nĩwae ũla nasyaiwe, Na ũtukũ ũla waisye, Kana ka kavĩsĩ nĩkaitavĩtwe.</verse>
				<verse number="4">Mũthenya ũsu nĩwĩthĩwe kĩvindu; Ngai ũla wĩ ĩũlũ ndakomanthe, O na kyeni kĩtikokenee.</verse>
				<verse number="5">Kĩvindu na kyuu kya kĩkw’ũ nĩsyasye wasyo e syo; Ĩthweo nĩyĩkalae ĩũlũ waw’o; Kyonthe kĩla kĩtuma mũthenya wĩthĩwa mwiũ nĩkyũtĩsye.</verse>
				<verse number="6">Na ũndũ wa ũtukũ ũsu, kĩvindu kya ngokomi nĩkyũkwate: Ndũkatane katĩ wa mĩthenya ya mwaka; Ndũkatalwe ũtalonĩ wa myei.</verse>
				<verse number="7">Sisya, ũtukũ ũsu nĩwĩthĩwe wĩ w’oka; Wasya o na wĩva wa ũtanu ndũkalike nthĩnĩ waw’o.</verse>
				<verse number="8">Nĩmaumanĩe ala maumanĩaa ũ mũthenya, Ala meyũmbanĩtye kũthũlũmũa leviathani.</verse>
				<verse number="9">Ndata sya ũmithinĩ waw’o nĩsyĩthĩwe kĩvindu: Nũmanthe kyeni, ĩndĩ ndũkakyone; O na ndũkone ilomo sya metho ma kĩoko:</verse>
				<verse number="10">Nĩkwĩthĩwa ndwaavinga mĩomo ya ĩvu ya mwaitũ, Kana kũvitha metho makwa thĩna.</verse>
				<verse number="11">Nĩkĩ ndyaakw’a o kuma ĩvunĩ? Nĩkĩ ndyaaumwa nĩ veva yĩla mwaitũ wanzyaie?</verse>
				<verse number="12">Nĩkĩ mau mambosie? Kana nondo, nonge?</verse>
				<verse number="13">Nũndũ yu nĩthĩwa ngomete na kũvindya; Nĩthĩwa ngomete too; na ĩndĩ nĩthĩwa nĩthũmũĩte,</verse>
				<verse number="14">Vamwe na asumbĩ na atai ma kũũ nthĩ, Ala meeyakĩe ene kũndũ kwanangĩku;</verse>
				<verse number="15">Kana vamwe na anene me mbee ũsumbĩnĩ ala maĩ na thaavu, Ala mausũisye nyũmba syoo vetha:</verse>
				<verse number="16">Kana ta kĩvuno kĩvithe kĩvunĩtwe, ndyĩthĩwa naaĩthĩwa, Ta twana tũnini tũla tũtaona kyeni.</verse>
				<verse number="17">Vau ala athũku nĩmaekaa kũthĩna; Na vau ala me na mĩnoo nĩmathũmũaa,</verse>
				<verse number="18">Vau ala ove nĩmethũmũĩtye vamwe; Matyĩw’aa wasya wa mũũngamĩi.</verse>
				<verse number="19">Ala anini na ala anene me vo; Na mũthũkũmi nĩ mũthasye kuma kwa vwana wake.</verse>
				<verse number="20">Nĩkĩ kyeni nĩkĩnengetwe ũla wĩ na ũnyamao, Na thayũ ũla wĩ na ũũ ngoonĩ yake;</verse>
				<verse number="21">Ala me na mea ma kĩkw’ũ, ĩndĩ kĩtyũkaa, Na makĩnzĩaa kũvĩtũka mothwii mavithe;</verse>
				<verse number="22">Ala matanaa mũno, Na me na mũyo, yĩla matonya kwona mbũa?</verse>
				<verse number="23">Nĩkĩ kyeni nĩkĩnengawa mũndũ ũla ũvithĩtwe nzĩa yake, Na ũla Ngai ũmũthyũlũlũkĩtye wiio?</verse>
				<verse number="24">Nũndũ kũvevũũka kwakwa nĩkũkaa ndanamba kũya, Na kũluma kwakwa nĩkwonoetw’e ta manzĩ.</verse>
				<verse number="25">Nũndũ ũndũ ũla nĩkĩaa nĩwũkaa ĩũlũ wakwa, Na ũla nĩkĩaa nũmbũkĩaa.</verse>
				<verse number="26">Ndiuĩtye, o na ndikilĩtye, o na ndi na ũthũmũo; Ĩndĩ thĩna nĩwũkaa.</verse>
			</chapter>
			<chapter number="4">
				<verse number="1">Na ĩndĩ Elivasi Mũtemani asũngĩa, na asya,</verse>
				<verse number="2">Ethĩwa mũndũ akatata kũneena naku, ũkeew’a woo? Ĩndĩ nũũ ũtonya kwĩsiĩĩa ndakaneene?</verse>
				<verse number="3">Sisya, nũmanyĩĩtye aingĩ, Na nũmekĩĩte vinya moko maleelu.</verse>
				<verse number="4">Ndeto syaku nĩsyatw’ĩĩkaa ũla wavalũkaa, Na nĩwalũmasya mau mate vinya.</verse>
				<verse number="5">Ĩndĩ yu nũkũkĩe, naku nũkũleela; Nũũkũkiita, naku nũkũũũya.</verse>
				<verse number="6">Kũmũkĩa Ngai tikw’o ũĩkĩĩi waku, Na ũlũngalu wa mĩendele yaku tiw’o wĩkwatyo waku?</verse>
				<verse number="7">Lilikana, nĩngũkwĩsũva, nũũ waaa, ate na ĩvĩtyo? Kana nĩ va ala alũngalu mavetetwe?</verse>
				<verse number="8">Kwĩanana na ũndũ nonete, ala menzaa ũthũku, Na kũvũĩa thĩna, makethaa o w’o.</verse>
				<verse number="9">Kwondũ wa veva wa Ngai nĩmaaa, Na kwondũ wa kĩuutani kya ũthatu wake nĩmaminawa.</verse>
				<verse number="10">Kũluma kwa mũnyambũ, na wasya wa mũnyambũ mwai, Na maeo ma mĩnyambũ ya mĩika, nĩmatũlĩtwe.</verse>
				<verse number="11">Mũnyambũ mũkũũ nĩwanangĩkaa nũndũ kũti kya nzyĩma, Na tũswii twa mũnyambũ mũka nĩtũnyaĩĩkĩtw’e kũasa.</verse>
				<verse number="12">Ĩndĩ ũvoo nĩwaetiwe kwakwa na kĩmbithĩ, Na kũtũ kwakwa kwoosa kĩwe kyaw’o.</verse>
				<verse number="13">Mosũanĩonĩ mawoninĩ ma ũtukũ, Yĩla too mũnene ũkwataa andũ,</verse>
				<verse number="14">W’ĩa nĩwambũkĩe, na kũtetema, Ũla watumie mavĩndĩ makwa onthe mathingithanga.</verse>
				<verse number="15">Na ĩndĩ veva wavĩtĩla mbee wa ũthyũ wakwa; Maw’ĩa ma mwĩĩ wakwa maũngama.</verse>
				<verse number="16">Waũngama, ĩndĩ ndyaatonya kwona mũvw’anĩle waw’o; Mũvw’ano waĩ mbee wa metho makwa: Kwaĩ ũkilyo, na neew’a wasya, ũkyasya,</verse>
				<verse number="17">Mũndũ ũla ũkusaa akeethĩwa mũlũngalu kwĩ Ngai? Mũndũ akeethĩwa mũtheu kwĩ Mũmbi wake?</verse>
				<verse number="18">Sisya, ndaĩkĩĩaa athũkũmi make; Na alaĩka make nũmawetaa ũtumanu:</verse>
				<verse number="19">Nĩ mbee veanata ala mekalaa nyũmbanĩ sya yũmba, Ala wambĩlĩlyo woo wĩ kĩtoonĩ, Ala makinyangawa ta lungulu!</verse>
				<verse number="20">Katĩ wa kĩoko na wĩoo nĩmanangawa: Nĩmaaa tene na tene vate ũmwe wonaa ta ũndũ.</verse>
				<verse number="21">Ĩkanda yoo ya ĩeema yĩtithaaw’a nthĩnĩ woo? Nĩmakusaa, o na mate na ũmanyi.</verse>
			</chapter>
			<chapter number="5">
				<verse number="1">Ĩtana yu; ve ũmwe wĩkũsũngĩa? Na ũkeethyũũĩa wĩva wa ala atheu?</verse>
				<verse number="2">Nũndũ ũthatu nĩwũaa mũndũ mũtumanu, Na kĩwĩu nĩkyũaa ũla ũte kĩlĩko.</verse>
				<verse number="3">Nĩnonete mũtumanu aitambũũkya mĩi: Ĩndĩ nĩnaumanĩe ũtũo wake na kĩthũlũmũko.</verse>
				<verse number="4">Syana syake syĩ kũasa na ũsũvĩo, Na nikanyangĩwe mbingĩlonĩ, O na vati ũmwe wa kwivonokya:</verse>
				<verse number="5">Ala me na nzaa nĩmaĩsaa ngetha yasyo, O na kũmyumya mĩw’anĩ; Na kĩtei nĩkyathamasya kyose ũthwii woo.</verse>
				<verse number="6">Nũndũ ũnyamao ndumaa kĩtoonĩ, O na thina ndũthandĩkaa kuma nthĩ;</verse>
				<verse number="7">Ĩndĩ mũndũ asyaĩawa thĩna, O ta ngala sya mwaki ĩũlũkaa ĩũlũ.</verse>
				<verse number="8">Ĩndĩ ngalĩ ĩ yakwa, nĩthĩwa nĩmũmantha Ngai, Na kwia ũvoo wakwa kwa Ngai;</verse>
				<verse number="9">Ũla wĩkaa maũndũ manene na ala matamanthĩka, Maũndũ ma ũseng’ya matatalĩka:</verse>
				<verse number="10">Ũla uasya mbua ĩũlũ wa nthĩ, Na ũtũmaa manzĩ isesinĩ;</verse>
				<verse number="11">Kwondũ wa ũu nũmokĩlasya ala me ĩtheo, Na ala mametaa makĩtũlw’a vala vate mũisyo.</verse>
				<verse number="12">Nĩwanangaa mosũanĩo ma nzeleke, Na ĩndĩ moko moo matitonya kwĩka ũndũ masũanĩĩte.</verse>
				<verse number="13">Nũkwataa ala oĩ ũselekenĩ woo; Na ũtao wa ala ai nĩwanangĩkaa kwa kũkalaatwa.</verse>
				<verse number="14">Nĩmakomanaa na kĩvindu kwĩ mũthenya, Na kũvavata mũthenya katĩ o ta ũtukũ.</verse>
				<verse number="15">Ĩndĩ nũtangĩĩaa kuma ũvyũnĩ wa makanyw’a moo. O athĩni kw’okonĩ kwa ala me ũtonyi.</verse>
				<verse number="16">Kwondũ wa ũu ngya syĩ na wĩkwatyo, Na ũthũku ũitumasya kanyw’a waw’o.</verse>
				<verse number="17">Sĩsya, nĩ mũtanu mũndũ ũla Ngai ũmũkanasya: Kwondũ wa ũu ndũkavũthye kũkũnwa nĩ Mwene Vinya W’onthe.</verse>
				<verse number="18">Nũndũ nũkũnaa, na nĩwovaa; Nĩwũkitĩkasya, na moko make maivosya.</verse>
				<verse number="19">Akakũvonokya kuma mathĩnanĩ thanthatũ; Ĩĩ, mathĩnanĩ mũonza vai ũthũku ũkakũkiita.</verse>
				<verse number="20">Yũanĩ akakwovosya kuma kĩkw’ũnĩ; Na kaũnĩ kuma vĩnyanĩ wa ũvyũ.</verse>
				<verse number="21">Ũkavithwa kwa mũsalisa wa ũĩmĩ; O na ndũkakĩa wanangĩko yĩla wĩũka.</verse>
				<verse number="22">Ũkathekeea wanangĩko na nzaa; O na ndũkakĩa nyamũ sya nthĩ.</verse>
				<verse number="23">Nũndũ ũkeethĩwa na wĩw’ano na mavia ma nthĩ; Na nyamũ sya nthĩ ikeethĩwa na mũuo naku.</verse>
				<verse number="24">Na ũkamanya kana ĩeema yaku yĩ na mũuo; Na ũkasisya ĩĩthya yaku, na ũkeethĩa vati kĩndũ kyau vo.</verse>
				<verse number="25">O na ũkamanya kana ũsyao waku ũkeethĩwa mwingĩ, Na mosyaanĩo maku ta nyeki sya nthĩ.</verse>
				<verse number="26">Ũkavika mbũanĩ yaku wĩ na myaka mĩanĩu, O ta kyove kya ngetha ũndũ kĩkawa kyavika ĩvinda yakyo.</verse>
				<verse number="27">Sisya ũu, nĩtũthianĩte, now’o ũilyĩ; Wĩw’e, na ũyũmanya wone ũseo.</verse>
			</chapter>
			<chapter number="6">
				<verse number="1">Nĩvo ĩndĩ Yovu asũngĩa na asya,</verse>
				<verse number="2">A! Kethĩwa woo wakwa nũthimĩka, Na wanangĩko wakwa w’onthe mũnene kwiwa ithiminĩ!</verse>
				<verse number="3">Nũndũ yu wĩthĩwa wĩ mũito kwĩ kĩthangathĩ kya maũkanga: Kwondũ wa ũu ndeto syakwa nivulũkaa.</verse>
				<verse number="4">Nũndũ mĩsyĩ ya Mwene Vinya W’onthe yĩ nthĩnĩ wakwa, Veva wakwa nũnyusyaa ĩvai yayo: Motĩsyo ma Ngai nĩmendaũĩsye.</verse>
				<verse number="5">Ĩng’oi ya kĩthekanĩ nĩyanasya yĩ na nyeki? Kana ng’ombe nĩyanasya ĩkĩya lĩu wayo?</verse>
				<verse number="6">Kĩndũ kĩte mũsamo nĩkĩĩka kĩte mũnyũ? Kana ve mũsamo mũuunĩ mweũ wa ĩtumbĩ?</verse>
				<verse number="7">Ngoo yakwa nĩleaa kwikiita; Nĩ ta lĩu wĩ tiiki kwakwa.</verse>
				<verse number="8">A! Kethĩwa ndonya kwona kĩla ngwĩtya; Na Ngai akanenga kĩndũ kĩla nĩ na mea makyo!</verse>
				<verse number="9">O atĩ kethĩwa Ngai mĩwendeew’a nĩ kũnganyanga; Atĩ akalekya kw’oko kwake, na kũmbeta!</verse>
				<verse number="10">Ũu wĩthĩwe ũkiakisyo wakwa kũvika yu, Ĩĩ, nĩtanĩe woo ũla ũtekwĩw’ĩa tei, Atĩ ndinakaĩa ndeto sya Ũla Mũtheu.</verse>
				<verse number="11">Vinya wakwa nĩ mwaũ, kana neteele? Na mũminũkĩlyo wakwa nĩ mwaũ, nũmĩĩsye?</verse>
				<verse number="12">Vinya wakwa nĩ vinya wa mavia? Kana mwĩĩ wakwa nĩ wa ũthuku?</verse>
				<verse number="13">Ti ũndũ ndi na ũtethyo nthĩnĩ wakwa, Na ũĩ nũlũngĩtw’e kũasa nakwa?</verse>
				<verse number="14">Ũla ũkilyĩ kũthelekela nĩwaĩle kwonw’a ũseo nĩ mũnyanyae; O ũla ũekaa kũmũkĩa Mwene Vinya W’onthe.</verse>
				<verse number="15">Ana‐a‐asa makwa nĩmekĩte ũkengani ta kalũsĩ, Ta ũkinyĩlo wa tũlũsĩ tũla tũng’alaa;</verse>
				<verse number="16">Tũla twiĩtw’e nĩ manzĩ momĩtw’e nĩ mbevo, Na nthĩnĩ watw’o ĩa nĩyĩvithaa:</verse>
				<verse number="17">Ĩvĩnda yĩla tũkũvyũva, nĩtũũng’ala; Yĩla kwavyũva, nĩtũng’alĩlaa vandũ vatw’o.</verse>
				<verse number="18">Aendi ma kyalo ala maendaa na nzĩa yatw’o nĩmathũkaa; Nĩmambataa kũndũ kwanangĩku, na makyaa.</verse>
				<verse number="19">Aendi ma kyalo ma Tema nĩmasiisye, Nguthu sya Sieva nĩsyameteelile,</verse>
				<verse number="20">Nĩmasonokiw’e nũndũ maĩ na wĩkwatyo; Nĩmookie vo, na mathokoanw’a.</verse>
				<verse number="21">Na yu inyw’ĩ no vathei; Nĩmũkwona ũtĩsyo, na mũikĩa.</verse>
				<verse number="22">Nĩnaisye, Nengae nyie? Kana, Umyai mũthĩnzĩo kwondũ wakwa wa syĩndũ syenyu?</verse>
				<verse number="23">Kana, Mbonokyai kuma kw’okonĩ kwa nthũ? Kana, Mbovosyai kuma kw’okonĩ kwa athĩn’ya?</verse>
				<verse number="24">Manyĩsyai nyie, na ngakilya: Na mbon’yai nĩmanye nĩvĩtĩtye ũndũnĩ wĩva.</verse>
				<verse number="25">Ndeto sya ũlũngalu ko syĩ vinya! Ĩndĩ ũkan’yo wenyu, naw’o ũkanasya kyaũ?</verse>
				<verse number="26">Nĩmũsũanĩa kũkan’ya ndeto, Nũndũ ndeto sya ũmwe ũla wĩyĩtũkĩte itilyĩ kĩseve?</verse>
				<verse number="27">Ĩĩ, mwenda kũlimanĩla ala makw’ĩĩwe nĩ aaĩthe, Na kũtw’ĩkĩthya mũnyanyae wenyu wa kũtandĩthya nake.</verse>
				<verse number="28">Yu kwondũ wa ũu endeew’ai nĩ kũnzisya; Nũndũ nĩ w’o ndikaneena ũvũngũ mothyũnĩ menyu.</verse>
				<verse number="29">Ĩthyũũei, nĩngũmwĩsũva, kũtikethĩwe ũsili ũte wa katĩ; Ĩĩ, ĩthyũũei ĩngĩ, ũvoo wakwa nĩ mũlũngalu.</verse>
				<verse number="30">Ve ũsili ũte wa katĩ ũĩmĩnĩ wakwa? Kaakaa wakwa ndũmanyaa maũndũ mathũku?</verse>
			</chapter>
			<chapter number="7">
				<verse number="1">Vati kaũ wa mũndũ kũũ nthĩ? Na mĩthenya yake ti ta mĩthenya ya mũthũkũmi ũtuvawa?</verse>
				<verse number="2">Ta mũthũkũmi ũla wendaa mũno muunyĩ, Na ta ũla ũtuvawa ũla weteelaa ĩtuvi yake:</verse>
				<verse number="3">Ta ũu nanengiwe kwĩthĩwa na myei ya thĩna, Na matukũ me mĩnoo nĩmatwiwe kwondũ wakwa.</verse>
				<verse number="4">Yĩla ngũkoma, nĩasya, Ngookĩla ĩndĩĩ, na ũtukũ ũithela? Nakwa nusũĩtwe nĩ kwĩalyũlanga kũvika kũitheana.</verse>
				<verse number="5">Mwĩĩ wakwa nũkwatanĩte na iinyu na tũvali twa kĩtoo; Kĩkonde kyakwa nĩkĩũkwatana, na kĩilekan’ya ĩngĩ.</verse>
				<verse number="6">Mĩthenya yakwa ĩ mĩtũkĩ kwĩ mbavini, Nayo ĩthelaa vate wĩkwatyo.</verse>
				<verse number="7">A! Lilikana kana thayũ wakwa nĩ mũthũmũ: Itho yakwa yĩtikona ũseo ĩngĩ.</verse>
				<verse number="8">Itho ya ũla ũmbonaa yĩtikambona ĩngĩ; Metho maku makeethĩwa ĩũlũ wakwa, ĩndĩ ndikethĩwa.</verse>
				<verse number="9">O tondũ ĩthweo yĩminawa na yĩkyaa, Now’o ũla ũtheeaa Seoli ndakambata ĩngĩ.</verse>
				<verse number="10">Ndakasyoka ĩngĩ nyũmbanĩ yake, O na vandũ vake vatikamũmanya ĩngĩ.</verse>
				<verse number="11">Kwondũ wa ũu ndikasiĩĩa kanyw’a wakwa; Nganeena woonĩ mũnene wa veva wakwa; Nganyungunyĩsya ũũnĩ wa ngoo yakwa.</verse>
				<verse number="12">Nyie nĩ ũkanga, kana mũkũnga wa ũkanganĩ, Ũndũ ũmbiĩaa mũsyaĩĩsya?</verse>
				<verse number="13">Yĩla ngwasya, Ũkomo wakwa ũkangiakisya, Ũkomo wakwa ũkanyivĩsya mũnyungunyĩsya wakwa;</verse>
				<verse number="14">Nĩvo ĩndĩ nũũndelemya na ndoto, Na kũndĩsya na mawoni:</verse>
				<verse number="15">Na kwondũ wa ũu ngoo yakwa nĩnyuvaa kwitwa, Na kĩkw’ũ kwĩ mavĩndĩ aa makwa.</verse>
				<verse number="16">Nĩngũthĩtha thayũ wakwa; ndikwenda kwĩkala thayũ ĩndĩ yonthe: Ndeka; nũndũ mĩthenya yakwa nĩ mana.</verse>
				<verse number="17">Mũndũ nĩ kĩndũ kyaũ, ũndũ ũmũnenevasya, Na ũndũ ũmũlilikanaa,</verse>
				<verse number="18">Na ũndũ ũendaa vala ũĩ kĩla kĩoko, Na kũmũtata kĩla kavinda?</verse>
				<verse number="19">Nĩ ĩvinda yĩana ata ũkanzisya, Kana kũlea kũndia nĩ nyioka nĩmelye mata makwa?</verse>
				<verse number="20">Ethĩwa nĩmbĩtĩtye, nĩkwĩka ata, we mũsyaĩĩsya wa andũ? Nĩkĩ ũmbiĩte nĩthĩwe ũvano wa kũathawa nue, Ũkethĩa nĩ mũio kwakwa mwene?</verse>
				<verse number="21">Na nũndũ wa kĩ ndũekea ĩvĩtyo yakwa, na kũveta ũthũku wakwa? Nũndũ yu ngakoma kĩtoonĩ; Na ũkamantha na kĩthing’ĩĩsyo, ĩndĩ ndikethĩwa.</verse>
			</chapter>
			<chapter number="8">
				<verse number="1">Na ĩndĩ Mbilitati Mũsui asũngĩa, na asya,</verse>
				<verse number="2">Ukaneena maũndũ aa kũvika ĩndĩĩ? Na ndeto sya kanyw’a waku ikeethĩwa ta kĩseve kĩ vinya kũvika ĩndĩĩ?</verse>
				<verse number="3">Ngai nĩwelelũkasya ũsili wa katĩ? Kana Mwene Vinya W’onthe nĩwelelũkasya ũlũngalu?</verse>
				<verse number="4">Ethĩwa syana syaku nimũvĩtanĩsye, Nake nĩwinenganĩte kw’okonĩ kwa ĩvĩtyo yasyo;</verse>
				<verse number="5">Kethĩwa ũkamantha Ngai na kĩthing’ĩĩsyo, Na kũmwĩsũva Mwene Vinya W’onthe;</verse>
				<verse number="6">Kethĩwa wĩ mũtheu na mũlũngalu: Vate ndĩi yu ethĩwa okĩlĩte kwondũ waku, Na kũtuma ũtũo wa ũlũngalu waku ũathimĩka.</verse>
				<verse number="7">O na kau wambĩlĩlyo waku waĩ mũnini, Ĩndĩ mũminũkĩlyo waku ũkaingĩva mũno.</verse>
				<verse number="8">Ĩndĩ nĩngũkwĩsũva, kũlya nzyawa ya tene, Na ĩnengane ũndũnĩ ũsu ũla aaĩthe mayo mamanthie</verse>
				<verse number="9">(Nũndũ ithyĩ twĩ ma ĩoo, na tũtyĩsĩ ũndũ, Nĩkwĩthĩwa mĩthenya yaitũ kũũ nthĩ no muunyĩ);</verse>
				<verse number="10">Ndĩkakũmanyĩsya, na ũkũtavya, Na kũneena ndeto kuma ngoonĩ yayo?</verse>
				<verse number="11">Malula nĩmatonya kũmea vate ndaka? Makangaa nĩmatonya kũmea vate manzĩ?</verse>
				<verse number="12">O yĩla me mathithinĩu na mate mateme, Nĩmavovaa mĩtũkĩ kwĩ ũsũni o na wĩva.</verse>
				<verse number="13">Now’o iilyĩ nzĩa sya onthe ala molawa nĩ Ngai; Na wĩkwatyo wa ũla ũtakĩaa Ngai ũkaaa:</verse>
				<verse number="14">Wĩkwatyo wake ũkavetwa, Ũĩkĩĩi wake nĩ ũlũalũĩ.</verse>
				<verse number="15">Akaaĩĩa nyũmba yake, ĩndĩ ndĩkaũngama: Akamĩkwata, ĩndĩ ndĩkekala.</verse>
				<verse number="16">Nake nĩ mũthithinĩu o na kwĩ syũa, Na nthongooo syake nitambaa ĩũlũ wa mũũnda wake.</verse>
				<verse number="17">Mĩi yake nĩyĩlingĩlĩte kĩvumbu kya mavia, Nũsiasya vandũ va mavia.</verse>
				<verse number="18">Ethĩwa akaanangwa kuma vandũ vake, Nĩvo ĩndĩ vakamũkaĩa vakyasya, Ndyaakwona.</verse>
				<verse number="19">Sisya, ũũ nĩw’o ũtanu wa nzĩa yake; Na angĩ makathandĩka kuma nthĩ.</verse>
				<verse number="20">Sisya, Ngai ndakamwĩkya ũtee mũndũ mwĩanĩu, O na ndakaũngamya eki ma naĩ.</verse>
				<verse number="21">Akausũsya kanyw’a waku na ĩtheka, Na ilomo syaku na wasya mũnene.</verse>
				<verse number="22">Ala makũmenaa makeevw’ĩka nthoni; Na ĩeema ya ala athũku yĩtikethĩwa ĩngĩ.</verse>
			</chapter>
			<chapter number="9">
				<verse number="1">Na ĩndĩ Yovu asũngĩa, na asya,</verse>
				<verse number="2">Nĩ w’o nĩnĩsĩ kana ũu nĩ wa w’o: Ĩndĩ mũndũ atonya kwĩthĩwa mũlũngalu kwa Ngai ata?</verse>
				<verse number="3">Ethĩwa nũnũkwendeew’a nĩ kũkananĩa nake, Ndatonya kũmũsũngĩa ũndũ ũmwe katĩ wa ngili.</verse>
				<verse number="4">Nĩ mũĩ ngoonĩ, na e ũtonyi vinyanĩ: Nũũ ũla ũmwĩyũmĩsya, na aiathimĩka?</verse>
				<verse number="5">Nĩwe ũla ũthamasya iĩma, na itimanya, Yĩla wing’uthũlanga ũthatunĩ wake;</verse>
				<verse number="6">Ũla ũthingithangasya nthĩ kuma vandũ vayo, Na ituĩ syayo ikĩtetema;</verse>
				<verse number="7">Ũla wĩaĩaa syũa, na yĩkĩlea kuma, Na kũvw’ĩkĩthya ndata;</verse>
				<verse number="8">Ũla e weka ũtambũũkasya matu, Na kũkinya itulumonĩ sya ũkanga;</verse>
				<verse number="9">Ũla ũseũvasya ndata syĩtawa Ayisi, na Olioni, na Kĩeemea, Na tũsũmba twa ngalĩ ya ĩtheo;</verse>
				<verse number="10">Ũla wĩkaa maũndũ manene matamanyĩka, Ĩĩ, maũndũ ma ũseng’ya matatalĩka.</verse>
				<verse number="11">Sisya, nũnũũvĩtĩla vakuvĩ nakwa, na ndimwona: O na aendeea mbee, ĩndĩ ndimũmanya.</verse>
				<verse number="12">Sisya, nũkwataa sya nzyĩma, nũũ ũtonya kũmũsiĩĩa? Nũũ wĩmwĩa, Wĩĩka ata?</verse>
				<verse number="13">Ngai ndakatũnga ũthatu wake; Ĩtheo wake atethya ma Laavi nĩmakunamaa.</verse>
				<verse number="14">Nyie nĩmũsũngĩa ata, Na kũnyuva ndeto syakwa sya kũsũanĩa nake?</verse>
				<verse number="15">Nake, o na kethĩwa nyie nĩ mũlũngalu, ndimũsũngĩa; Nĩthĩwa namwĩsũva mũsili wakwa.</verse>
				<verse number="16">Kethĩwa nĩneetanie, na ayĩthĩwa nĩwanzũngĩie, Ĩndĩ ndyĩthĩwa neetĩkĩlile kana nĩwethukĩĩsye wasya wakwa.</verse>
				<verse number="17">Nũndũ nũmbanangaa na kĩuutani, Na kwingĩvya mawũkite makwa vate kĩtumi.</verse>
				<verse number="18">Ndakandeka nĩveve, Ĩndĩ nũmbusũsya na ũũ.</verse>
				<verse number="19">Ethĩwa nĩtũwetaa vinya, sisya, nĩwe ũtonyi! Na ethĩwa nĩ ũsili wa katĩ, easya atĩĩ, Nũũ ũla wĩmbĩta silanĩ?</verse>
				<verse number="20">O na ethĩwa nĩ mũlũngalu, kanyw’a wakwa mwene ũkandw’a mũvĩtanya: O na nĩ mwĩanĩu, ũkoonan’ya nĩ na ngũlũ.</verse>
				<verse number="21">Nĩ mwĩanĩu; ndyĩsiasya mwene; Nĩngũvũthya thayũ wakwa.</verse>
				<verse number="22">No ũndũ ũmwe; kwondũ wa ũu nĩasya, We nĩwanangaa ala eanĩu na ala athũku.</verse>
				<verse number="23">Ethĩwa ũthĩn’yo nĩwũaa na kĩthũlũmũko, Akavũĩa ngũĩ kũtatwa kwa ũla ũte ĩvĩtyo.</verse>
				<verse number="24">Nthĩ nĩnenganĩtwe kw’okonĩ kwa athũku; Nũvw’ĩkaa mothyũ ma asili mayo: Ethĩwa ti we, nũũ ĩndĩ?</verse>
				<verse number="25">Ĩndĩ mĩthenya yakwa ĩ mĩtũkĩ kwĩ mũsembi: Nĩendaa, ndĩonaa ũseo.</verse>
				<verse number="26">Ĩvĩtĩte ta ngalawa ila iendaa mĩtũkĩ; Ta ndiũ ĩla ĩtheeeaa nzyĩma.</verse>
				<verse number="27">Ethĩwa nĩasya, Ngoolwa nĩ mũnyungunyĩsyo wakwa, Ngaeka kũluta ũthyũ wakwa, na ngeethĩwa na ũtanu;</verse>
				<verse number="28">Nĩngũkĩa mawoo makwa onthe, Nĩnĩsĩ ndũkasya ndi na ĩvĩtyo.</verse>
				<verse number="29">Ngatuwa mũvĩtan’ya; Nũndũ wa kĩ ĩndĩ nĩtethasya wĩa mana?</verse>
				<verse number="30">Ethĩwa ngathamba na manzĩ ma ĩa, Na kũthesya moko makwa vyũ;</verse>
				<verse number="31">Ĩndĩ ũkandikya mũtaũnĩ, Na ngũa syakwa mwene ikanthĩtha.</verse>
				<verse number="32">Nũndũ we ti mũndũ, takwa, nĩ kana nĩmũsũngĩe, Tũkomane silanĩ.</verse>
				<verse number="33">Vati mũsilan’ya katĩ waitũ, Ũla ũtonya kwilĩĩla kw’oko kwake ĩũlũ waitũ ithyelĩ.</verse>
				<verse number="34">Navete ndata yake kwakwa, Na kũtĩsya kwake kũtikandelemye:</verse>
				<verse number="35">Nĩvo ĩndĩ nĩneena, na ndikamũkĩa; Nũndũ ndiilyĩ ũu nthĩnĩ wakwa.</verse>
			</chapter>
			<chapter number="10">
				<verse number="1">Ngoo yakwa nĩkolete thayũ wakwa; Nganenga mũnyungunyĩsyo wakwa ũthei vyũ; Nganeena ũũnĩ wa ngoo yakwa.</verse>
				<verse number="2">Ngamwĩa Ngai, Ndũkandw’e mũvĩtan’ya; Mbon’ya ũndũ ũtuma ũkĩlan’ya vinya nakwa.</verse>
				<verse number="3">Nĩ ũseo kwaku kũthĩn’ya, Na kũvũthya wĩa wa moko maku, Na kũkenea ũtao wa ala athũku?</verse>
				<verse number="4">Wĩ na metho ma mwĩĩ? Kana wonaa o tondũ mũndũ wonaa?</verse>
				<verse number="5">Mĩthenya yaku nĩ ta mĩthenya ya mũndũ, Kana myaka yaku ta mĩthenya ya mũndũ,</verse>
				<verse number="6">Ũndũ ũkũlanasya ũndũ wa ũthũku wakwa, Na kũthiana ũndũ wa naĩ yakwa,</verse>
				<verse number="7">O na kau nĩwĩsĩ atĩ ndi mũthũku, Na vati ũmwe ũtonya kũmbonokya kw’okonĩ kwaku?</verse>
				<verse number="8">Moko maku nĩmangwatanisye na kũmbũmba Ngalĩ syonthe vamwe; ĩndĩ nũmbanangaa.</verse>
				<verse number="9">Lilikana, nĩngũkwĩsũva, kana nũmbũmbĩte ta yũmba; Na ũkandũnga kĩtoonĩ ĩngĩ?</verse>
				<verse number="10">Ndũmbonoetye ta ĩia, Na ũkatuma nĩkama ta matulu?</verse>
				<verse number="11">Nũmbw’ĩkĩte kĩkonde na nyama, Na nũngwatanĩtye na mavĩndĩ na malangũ</verse>
				<verse number="12">Nũnengete thayũ na ũseo wĩ wendo; Na ũsyaĩĩsyo waku nũsũvĩĩte veva wakwa.</verse>
				<verse number="13">Ĩndĩ maũndũ aa nĩwamavithie ngoonĩ yaku; Nĩnĩsĩ ũu wĩ kwaku:</verse>
				<verse number="14">Ethĩwa ngũvĩtya, nĩvo ĩndĩ wĩmbĩkĩa ũvano, Na ndũkandw’a ta nde na ũndũ kwondũ wa ũthũku wakwa.</verse>
				<verse number="15">Ethĩwa nĩ mũthũku, woo nĩ wakwa; Na ethĩwa nĩ mũlũngalu, ndikokĩlya mũtwe wakwa Nusũĩtwe nĩ nthoni, Na kũsyaĩĩsya thĩna wakwa.</verse>
				<verse number="16">Na ethĩwa mũtwe wakwa nĩwĩtũlasya, we nũnzyĩmaa ta mũnyambũ; Na ĩngĩ nĩwĩyonanasya kwakwa atĩ wĩ ũseng’yo.</verse>
				<verse number="17">Nĩwongeleelaa ngũsĩ syaku ĩũlũ wakwa. Na kũmbingĩvĩsya ũthatu waku: Nguthu na nguthu syĩ ũlũ wakwa.</verse>
				<verse number="18">Nĩkĩ ĩndĩ wambumisye ĩvunĩ? Nĩthĩwa naumiwe nĩ veva, na vaiĩthĩwa itho yaambona.</verse>
				<verse number="19">Ngethĩwa ta ndyaaĩthĩwa; Ngethĩwa nakuiwe kuma ĩvunĩ kũvika mbũanĩ.</verse>
				<verse number="20">Mĩthenya yakwa ti mĩvũthũ? Eka ĩndĩ, Na ndeka, nĩ kana nikiakiĩke o vanini,</verse>
				<verse number="21">Ndanamba kũthi vala ndakasyoka kuma vo, O nthĩ ya kĩvindu na kyuu kya kĩkw’ũ;</verse>
				<verse number="22">Nthĩ yĩ kĩvindu ta ũtukũ katĩ, Nthĩ ya kyuu kya kikw’ũ, ĩte ũseũvyo wa maũndũ, Na vala kyeni nĩ ta ũtukũ katĩ.</verse>
			</chapter>
			<chapter number="11">
				<verse number="1">Na ĩndĩ Nzovali Mũnaamathi asũngĩa, na asya,</verse>
				<verse number="2">Ndeto mbingĩ mũno ityaĩle kũsũngĩwa? Na mũndũ wusũĩte kũneena nĩwaĩle kũtalĩlwa ũlũngalu?</verse>
				<verse number="3">Ngathĩĩo syaku nĩsyaĩle kũtuma andũ mavindya? Na yĩla ũũkaakasya, mũndũ o na wĩva ndakakũsonokya?</verse>
				<verse number="4">Nũndũ nũkwasya, Ũmanyĩsyo wakwa nĩ mũtheu, Na nĩ mũtheu methonĩ maku.</verse>
				<verse number="5">A! Kethĩwa Ngai akaneena, Na ũkũtumũĩsya ilomo syake,</verse>
				<verse number="6">Na kũkwon’ya syĩmbithĩ sya ũĩ! Nũndũ nake e na ũmanyi mwingĩ mũno. Manya ĩndĩ kana Ngai nũkũandũa kwaku ũndũ ũnini kwĩ ũla waĩle ũthũku waku.</verse>
				<verse number="7">Nũtonya kũmũmanya Ngai kwondũ wa kũmantha? Nũtonya kũmũmanya Mwene Vinya W’onthe ki?</verse>
				<verse number="8">Wĩ ĩũlũ ta ĩtu; ũtonya kwĩka ata? Mũliku kwĩ Seoli; ũtonya kũmanya kyaũ?</verse>
				<verse number="9">Ũthimi waw’o nĩ mũasa kwĩ nthĩ, Na mũthanthau kwĩ ũkanga.</verse>
				<verse number="10">Ethĩwa nũvĩtĩlaa, na kwova, Na kwĩta ũsilĩlonĩ, nũũ indĩ ũtonya kũmũsiĩĩa?</verse>
				<verse number="11">Nũndũ nake niwisi andũ me ũvũngũ: O na nĩwonaa ũthũku, o na ethĩwa ndosũanĩa.</verse>
				<verse number="12">Ĩndĩ mũndũ ũte kĩĩĩ nde na ũmanyi, Ĩĩ, mũndũ nũsyaawa ta katena ka ĩng’oi ya kĩthekanĩ.</verse>
				<verse number="13">Ethĩwa nũlũngalasya ngoo yaku, Na kũtambũũkya moko maku mamwelekele;</verse>
				<verse number="14">Ethĩwa ũthũku wĩ kw’okonĩ kwaku, ũvete kũasa, Na ũla ũte ũlũngalu ndũkekale maeemanĩ maku.</verse>
				<verse number="15">Nĩ w’o ĩndĩ ũkookĩlya ũthyũ waku vate kalanga; Ĩĩ, ũkeethĩwa mũlũmu, na ndũkakĩa:</verse>
				<verse number="16">Nũndũ ũkoolwa nĩ thĩna waku; Ũkoolilikana ta manzĩ ala mavĩtu.</verse>
				<verse number="17">Na thayũ waku ũkeethĩwa wĩsang’ũlĩtye kwĩ mũthenya katĩ; O na ethĩwa ve kĩvindu, kĩkeethĩwa ta kĩoko.</verse>
				<verse number="18">Na ũkeethĩwa wĩyelele, nĩkwĩthĩwa kwĩ wĩkwatyo; Ĩĩ, ũkamantha vakuvĩ naku, na ũkathũmũa vate mũisyo.</verse>
				<verse number="19">O na ũkakoma, na vai ũla ũkakũtelemya; Ĩĩ, aingĩ makakwĩsũva.</verse>
				<verse number="20">Ĩndĩ metho ma athũku makaya mbindu, Na matikethĩwa na nzĩa ya kũkĩa nayo; Na wĩkwatyo woo ũkeethĩwa wa kũmwa nĩ veva.</verse>
			</chapter>
			<chapter number="12">
				<verse number="1">Na ĩndĩ Yovu asũngĩa, na asya,</verse>
				<verse number="2">Vate nzika no inyw’ĩ andũ ki, Na ũĩ ũkakusanĩsya vamwe nenyu.</verse>
				<verse number="3">Ĩndĩ nĩ na ũmanyi tenyu; Ndi mũnyivu kĩlĩko kwĩ inyw’ĩ: Ĩĩ, nũũ ũtesĩ maũndũ ta asu?</verse>
				<verse number="4">Nyie nĩilyĩ ta mũndũ ũla ũthekeeawa nĩ mũtũi wake, Nyie ũla namwĩkaĩlile Ngai, na asũngĩa: Mũlũngalu, mũndũ mwĩanĩu nĩ wa kũthekeewa.</verse>
				<verse number="5">Ũsũanĩonĩ wa ũla ũthũmũĩte ve kĩvũthya ũndũ wa thĩna; Nĩkyũmbanĩte kwondũ wa ala maũũ moo matendelũka.</verse>
				<verse number="6">Maeema ma avutani nĩmaunĩka, Na ala mathatasya Ngai nĩmeyelele; Mokonĩ moo Ngai nũnenganae na wingĩ.</verse>
				<verse number="7">Ĩndĩ yu kũlya nyamũ, na ikakũmanyĩsya; Na nyũnyi sya yayaya, na ikakũtavya:</verse>
				<verse number="8">Kana neena na nthĩ, na ĩkakũmanyĩsya; Na makũyũ ma ũkanganĩ makakũtavya.</verse>
				<verse number="9">Nũũ ũla ũtesĩ kwondũ wa isu syonthe, Kana kw’oko kwa Yeova nĩkwĩkĩte ũu,</verse>
				<verse number="10">Na thayũ wa kĩla kĩndũ kĩ thayũ wĩ kw’okonĩ kwake, Na mĩthũmũ ya mbaa andũ onthe?</verse>
				<verse number="11">Kũtũ kũtitataa ndeto, O tondũ kaakaa ũsamaa lĩu waw’o?</verse>
				<verse number="12">Ũĩ wĩ kwa andũ akũũ, Na ũmanyi mĩthenyanĩ mingĩ.</verse>
				<verse number="13">Ũĩ na ũtonyi syĩ na Ngai; E na ũtao na ũmanyi.</verse>
				<verse number="14">Sisya, nũomboaa, na kũitonyeka kwakwa ĩngĩ; Nũvingĩaa mũndũ na kũivingũĩka.</verse>
				<verse number="15">Sisya, nũsiĩĩaa manzĩ, na nĩmang’alaa; Ĩngĩ, nũmalekasya, na nĩmakulumanasya nthĩ.</verse>
				<verse number="16">Vinya na ũĩ syĩ nake; Mũkengwa na mũkengani nĩ make.</verse>
				<verse number="17">Nũtongoeasya atai mathi me mavũla, Na nũtw’ĩkĩthasya asili ndia.</verse>
				<verse number="18">Nũthaasya syĩndũ syovete asumbĩ, Na kũmavotoa inyunyu syoo mĩsivi.</verse>
				<verse number="19">Nũtongoeasya athembi mathi me mavũla; Na kwananga ala me na ũtonyi.</verse>
				<verse number="20">Nũvetaa ndeto sya ala maĩkĩĩawa, Na kũveta ũmanyi wa ala akũu.</verse>
				<verse number="21">Nĩwonoasya kũvũthya ĩũlũ wa anene me mbee ũsumbĩnĩ, Na kũleelya mũsivi wa ala me na vinya.</verse>
				<verse number="22">Nĩwumĩlasya maũndũ maliku kuma kĩvindunĩ, Na kũete kyuu kya kĩkw’ũ kyeninĩ.</verse>
				<verse number="23">Nĩwingĩvasya mbaĩ, na nũsyanangaa: Nũnenevasya mbaĩ, na nĩwitwaa syĩ ndave.</verse>
				<verse number="24">Nũvetaa ũmanyi anenenĩ ma andũ ma nthĩ, Na nũtumaa manganga weũnĩ vala vate nzĩa.</verse>
				<verse number="25">Nĩmavavataa kĩvindũnĩ vate kyeni; Na kũtuma malũalũa ta mũthengi.</verse>
			</chapter>
			<chapter number="13">
				<verse number="1">Sisya, itho yakwa nĩyonete ũu w’onthe, Kũtũ kwakwa nĩkũwĩw’ĩte na kũkomanya.</verse>
				<verse number="2">O ũndũ inyw’ĩ mwĩsĩ, now’o nakwa nĩsĩ: Ndi mũnyivu kĩlĩko kwĩ inyw’ĩ.</verse>
				<verse number="3">Nĩw’o nenda kũneena na Mwene Vinya W’onthe, Na nĩngwenda kũsũanĩa na Ngai.</verse>
				<verse number="4">Ĩndĩ inyw’ĩ mwĩ atili ma movũngũ; Inyw’onthe mwĩ aiiti mate vata.</verse>
				<verse number="5">A! Kethĩwa inyw’ĩ mũkavindya ki! Ũu nĩw’o wĩthĩwa ũĩ wenyu.</verse>
				<verse number="6">Ĩw’ai yu ũndũ nĩsũanĩĩte, Na ĩthukĩĩsyei mawĩsũvano ma ilomo syaka.</verse>
				<verse number="7">Mũkaneena ũndũ ũte ũlũngalu kwondũ wa Ngai, Na kũneena ũkengani kwondũ wake?</verse>
				<verse number="8">Mũkamwendeesya? Mũkateta kwondũ wa Ngai?</verse>
				<verse number="9">Nĩ ũseo akakwĩkuũa? Kana o tondũ mũndũ ũkengaa mũndũ, mũkamũkenga?</verse>
				<verse number="10">Nde ndĩi ya ũmũkan’ya, Ethĩwa mwonanasya wendeesyo na kĩmbithĩ.</verse>
				<verse number="11">Ũnene wake ndũkamũtelemya, Na ũtĩsyo wake kũmũvalũkĩla?</verse>
				<verse number="12">Mĩneeno yenyu ya ũlilikan’yo nĩ nthimo sya mũu, Maũvai menyu nĩ maũvai ma yũmba.</verse>
				<verse number="13">Vindyai, ndekai, nĩ kana nĩneene; O ũla wĩmbũkĩa nĩwũke.</verse>
				<verse number="14">Nĩkĩ ngaũma nyama ya mwĩĩ wakwa, na maeo makwa, Na kwia thayũ wakwa kw’okonĩ kwakwa?</verse>
				<verse number="15">Sisya, akambũaa; ndi na wĩkwatyo: Ĩndĩ o na ũu w’onthe ngaĩkĩĩthya mĩendele yakwa mbee wake.</verse>
				<verse number="16">Na ũũ naw’o ũkeethĩwa ũtangĩĩo wakwa, Atĩ mũndũ ũtakĩaa Ngai ndakamũthengeea.</verse>
				<verse number="17">Ĩw’ai na kĩthing’ĩĩsyo kũneena kwakwa, Na ũtavan’yo wakwa nĩwĩthĩwe matũnĩ menyu.</verse>
				<verse number="18">Sisyai yu, nĩnĩseũvĩtye ũvoo wakwa; Nĩnĩsĩ atĩ nĩ mũndũ mũlũngalu.</verse>
				<verse number="19">Nũũ ũla wĩkananĩa nakwa? Ethĩwa ngavindya ngaumwa nĩ veva.</verse>
				<verse number="20">No maũndũ elĩ ndũkambĩke; Na ĩndĩ ndikevitha ũthyũnĩ waku:</verse>
				<verse number="21">Veta kw’oko kwaku kũasa nakwa; Na ũtĩsyo waku ndũkandelemye.</verse>
				<verse number="22">Na ĩndĩ ĩtana, na ngakwĩtĩka; Kana ndeka nĩneene, naku ũinzũngĩa.</verse>
				<verse number="23">Mothũku makwa na naĩ syakwa nĩ syĩana? Tuma nĩmanya kũvĩtya kwakwa na na yakwa.</verse>
				<verse number="24">Nĩkĩ ũvithaa ũthyũ waku, Na kũndw’a ta mũmaitha waku?</verse>
				<verse number="25">Ũkathĩn’ya ĩtũ yĩũlũkangaw’a? Na ũkaatĩĩa ũa wũmũ?</verse>
				<verse number="26">Nũndũ nũandĩkaa maũndũ me ũũ ĩũlũ wakwa, Na kũndw’a mũtiĩwa wa mothũku ma wana wakwa:</verse>
				<verse number="27">Nũmbĩkĩaa maũũ makwa mĩtĩnĩ ya kũmoveea, Na nũnziasya mĩendele yakwa yonthe; Nĩwĩkĩaa mũvaka wa nyaĩĩ sya maũũ makwa:</verse>
				<verse number="28">O na kau nĩilyĩ kĩndũ kyou kĩla kĩthelaa, Ta ngũa ĩla ĩĩtwe nĩ lungulu.</verse>
			</chapter>
			<chapter number="14">
				<verse number="1">Mũndũ, ũla ũsyaĩtwe nĩ mũndũ mũka, Nĩ wa mĩthenya mĩvũthũ, na ausũĩte thĩna.</verse>
				<verse number="2">Nĩwumĩlaa ta ĩlaa, na kũtilwa: Nũsembaa ta muunyĩ, na ndekalaa.</verse>
				<verse number="3">Naku wĩmũsalukĩlya metho maku ũla ũilyĩ ũu, Na kũndwaa nĩsile naku?</verse>
				<verse number="4">Nũũ ũtonya kumya kĩndũ kĩtheu nthĩnĩ wa kĩla kĩte kĩtheu? Vaiĩ ũmwe.</verse>
				<verse number="5">Nũndũ mĩthenya yake nĩtw’ĩtwe, Ũtalo wa myei yake wĩ naku, Na nũtw’ĩte mĩvaka yake ũndũ ũtatonya kũmĩkĩla;</verse>
				<verse number="6">Eka ũmũsisya, nĩ kana athũmũe, Kũvika eanĩsye mũthenya wake ta mũndũ ũtuvawa.</verse>
				<verse number="7">Nũndũ ve wĩkwatyo ũndũ wa mũtĩ, Ethĩwa ũkatemwa, ũkathongooa ĩngĩ, Na kana ĩthongooo ya ũvonge waw’o ĩtikaeka.</verse>
				<verse number="8">O na ethĩwa mũi waw’o ũkakũĩa nthĩnĩ wa nthĩ, Na kĩtina kyaw’o kĩkoomĩa mũthanganĩ;</verse>
				<verse number="9">Ĩndĩ kwondũ wa mũuke wa manzĩ ũkaete wenze, Na kũthongoosya mbonge ta mũtĩ mwĩũ.</verse>
				<verse number="10">Ĩndĩ mũndũ nũkusaa, na aianangĩka: Ĩĩ, mũndũ nĩwumawa nĩ veva, na aĩva?</verse>
				<verse number="11">O tondũ manzĩ manyivaa ũkanganĩ, Na ũsĩ nũnyivasya, na ũing’ala;</verse>
				<verse number="12">Now’o mũndũ nũkomaa na ndokĩlaa: Kũvika yĩla matu matikethĩwa vo ĩngĩ, matikaamũka, Kana kũamũkw’a kuma toonĩ woo.</verse>
				<verse number="13">A! Kethĩwa ũkambitha nthĩnĩ wa Seoli, Kethĩwa ũkanzũvĩa na kĩmbithĩ, kũvika ũthatu waku ũvĩte, Kethĩwa ũkandw’ĩĩa ĩvinda ĩtw’ĩtwe, na kũndilikana!</verse>
				<verse number="14">Ethĩwa mũndũ akakw’a, akeethĩwa thayũ ĩngĩ? Mĩthenya yonthe ya kaũ wakwa ngeteela, Kũvika ũthasyo wakwa ũvike.</verse>
				<verse number="15">Naku wĩthĩwa wĩtana, nakwa ngakwĩtĩka: Ũkeethĩwa na mea ma wĩa wa moko maku.</verse>
				<verse number="16">Ĩndĩ yu nũtalaa matambya makwa: Ndũsyaĩĩasya naĩ yakwa?</verse>
				<verse number="17">Kũvĩtya kwakwa nĩkũsiĩlĩtwe mũvukonĩ, Na nĩwovete ũthũku wakwa.</verse>
				<verse number="18">Ĩndĩ kĩĩma kĩiombokanga nĩkyanangĩkaa; Na ĩvia nĩyĩvetetwe kuma vandũ vayo;</verse>
				<verse number="19">Manzĩ nĩmathĩĩvaa mavia; Kũkĩla kwamo nĩkũkuaa kĩtoo kya nthĩ: O ta ũu naku nĩwanangaa wĩkwatyo wa mũndũ.</verse>
				<verse number="20">Nũmũkĩlasya vinya tene na tene, nake nũvĩtaa; Naku nũalyũlaa ũthyũ wake, na kũmwĩa athi.</verse>
				<verse number="21">Ana make nĩmavikĩaa ndaĩa, nake ndesĩ: Na nĩmatheeaw’a nthĩ, ĩndĩ ndamanyaa ũndũ woo.</verse>
				<verse number="22">Ĩndĩ mwĩĩ wake nĩwalasya, Na ngoo yake nĩmeteaa nthĩnĩ wake.</verse>
			</chapter>
			<chapter number="15">
				<verse number="1">Na ĩndĩ Elivasi Mũtemani asũngĩa, na asya,</verse>
				<verse number="2">Mũndũ mũĩ nĩwaĩle kũsũngĩa na ũmanyi wa mana, Na kwĩyusũsya kĩseve kyumĩte wumĩlonĩ wa syũa?</verse>
				<verse number="3">Nĩwaĩle kũneenan’ya na ndeto itauna, Kana moneeni ala ũtatonya kwĩka namo?</verse>
				<verse number="4">Ĩĩ, nũvetaa w’ĩa, Na kũsiĩĩa ũthaithi mbee wa Ngai.</verse>
				<verse number="5">Nũndũ ũthũku waku nũmanyĩasya kanyw’a waku, Na nũnyuvaa ũĩmĩ wa nzeleke.</verse>
				<verse number="6">Kanyw’a waku mwene nũkũtusaa mũvĩtan’ya, na ti i nyie: Ĩĩ, ilomo syaku mwene, nikũkũsĩĩaa.</verse>
				<verse number="7">Nue mũndũ wa mbee wa kũsyawa? Kana wasyaiwe tene kwĩ iĩma?</verse>
				<verse number="8">Nĩwĩw’ĩte ũtao wa kĩmbithĩ wa Ngai? Na kũkũsiĩĩa ũĩ wĩthĩwe waku wĩ weka?</verse>
				<verse number="9">Wĩsĩ ũndũ wĩva, ũla tũtesĩ? Ũmanya ũndũ wĩva, ũla ũte nthĩnĩ waitũ?</verse>
				<verse number="10">Ala me mbuĩ na atumĩa akũu mũno onthe me vamwe naitũ, Akũũ mũno kwĩ au.</verse>
				<verse number="11">Mokiakisyo ma Ngai nĩ manini kwaku, O ndeto ĩla ya ũuu kwaku?</verse>
				<verse number="12">Nĩkĩ ngoo yaku ĩkũtwaaa kũasa? Na nĩkĩ metho maku mekũvenaven’ya na ngathĩĩo,</verse>
				<verse number="13">Ũndũ ũkũthyũũa veva waku ũkite na Ngai, Na kũvulũkya ndeto kuma kanyw’anĩ waku?</verse>
				<verse number="14">Mũndũ nĩ mwaũ, kana ethĩwe mũtheu? Na ũla ũsyaĩtwe nĩ mũndũ mũka, kana ethĩwe mũlũngalu?</verse>
				<verse number="15">Sisya, ndaĩkĩĩaa ala make atheu; Ĩĩ, matu ti matheu methonĩ make:</verse>
				<verse number="16">Avukĩte ata ũla ũthatasya na nĩ mũvuku, Mũndũ ũla ũnyusaa ũthũku ta manzĩ!</verse>
				<verse number="17">Ngakwon’ya, mbĩthukĩĩsya; Na ũndũ ũla nonete nĩw’o ngatavan’ya</verse>
				<verse number="18">(Ũndũ ũla andũ oi matavanĩtye Kuma kwa aaĩthe moo, na matyaovitha;</verse>
				<verse number="19">Ala manengiwe ĩ nthĩ me oka, Na vati mũeni waavĩtĩla katĩ woo):</verse>
				<verse number="20">Mũndũ mũthũku nĩwaũnyaw’a nĩ woo mĩthenya yake yonthe, O ũtalo wa myaka ĩla yiĩtwe kwondũ wa mũthĩn’ya.</verse>
				<verse number="21">Kĩlonzo kya motĩsyo kĩ matũnĩ make; Ũunĩkonĩ mwanangi akamũkĩa.</verse>
				<verse number="22">Ndekwĩtĩkĩla atĩ akasyoka kuma kĩvindunĩ, Na nĩweteelawa nĩ ũvyũ.</verse>
				<verse number="23">Nĩwangangaa kũasa aimantha lĩu, akyasya, Ũĩva? Nĩwĩsĩ kana mũthenya wa kĩvindu nĩwũmbanĩtw’e kw’okonĩ kwake.</verse>
				<verse number="24">Ũnyamao na woo mwingĩ niũmũtelemya; Nimũkĩlasya vinya, ta mũsumbĩ wĩyũmbanĩtye kũkita.</verse>
				<verse number="25">Nĩkwĩthĩwa nũmũtambũũkĩĩtye Ngai kw’oko kwake, Na kũmwĩkaa Mwene Vinya W’onthe na ngathĩĩo;</verse>
				<verse number="26">Nũsembaa vala ũĩ na ngingo nyũmũ, E na tũkalo twĩ na tũlũta twa kĩaa;</verse>
				<verse number="27">Nĩkwĩthĩwa nũvw’ĩkĩte ũthyũ wake na ũnou wake, Na kũmbanĩsya mathunya kĩnyunyunĩ kyake;</verse>
				<verse number="28">Na nĩwekalĩte ndũanĩ nthei, Nyũmbanĩ ila mũndũ o na wĩva ũtaitũa, Ila syakilĩlye kũtw’ĩka ivumbu;</verse>
				<verse number="29">Ndakethĩwa mũthwii, o na syĩndũ syake itikekalaa, O na mothwii moo matikaingĩvw’a ĩũlũ wa nthĩ.</verse>
				<verse number="30">Ndakauma kĩvindunĩ; Ũmũĩ ũkoomya mbonge syake, Na kwondũ wa mĩthũmũ ya kanyw’a wa Ngai akathi vyũ.</verse>
				<verse number="31">Ndakaĩkĩĩe vathei, ayĩkenga mwene; Nũndũ ĩtuvi yake yĩkeethĩwa vathei.</verse>
				<verse number="32">Ũu ũkeanĩwa mbee wa ĩvinda yake, Na ũvonge waku ndũkethĩwa mwĩũ.</verse>
				<verse number="33">Akathingithya etĩkye nzavivũ syake ite mbĩu ta mũsavivũ, Na kwĩtĩkya malaa make ta mũtĩ wa mũthata.</verse>
				<verse number="34">Nũndũ nguthu ya ala matakĩaa Ngai ndĩkethĩwa na ũsyao, Na mwaki ũkamina maeema ma vala vaumaw’a mavaki.</verse>
				<verse number="35">Nĩmaitavaa ũthũku, na kũsyaa naĩ, Na ngoo syoo iseũvasya ũkengani.</verse>
			</chapter>
			<chapter number="16">
				<verse number="1">Na ĩndĩ Yovu asũngĩa na asya,</verse>
				<verse number="2">Nĩnĩw’ĩte maũndũ maingĩ ta asu: Inyw’onthe mwĩ akiakisya ma kũthĩn’ya.</verse>
				<verse number="3">Ndeto sya mana ikeethĩwa na mũminũkĩlyo? Kana nĩ kyaũ kĩla kĩkũthatasya ũsũngie?</verse>
				<verse number="4">O nakwa nĩndonya kũneena tenyu; Kethĩwa thayũ wenyu wĩ vandũ va thayũ wakwa, Nĩthĩwa ndonya kũmban’ya ndeto ĩũlũ wenyu, Na kũmũthingithĩsya mũtwe wakwa.</verse>
				<verse number="5">Ĩndĩ nĩthĩwa ngĩmwĩkĩa vinya na kanyw’a wakwa, Na ũkiakisyo wa ilomo syakwa wĩthĩwa ũkĩnyivya woo wenyu.</verse>
				<verse number="6">O na kau nĩngũneena, woo wakwa ndũnyivaa; O na ngavindya, nĩolekelwa nĩ ũndũ mwaũ?</verse>
				<verse number="7">Ĩndĩ yu nũnoetye: Nĩwanangĩte nguthu yakwa yonthe.</verse>
				<verse number="8">Naku nũngwete mũno, na ũũ nĩ ũkũsĩ ĩũlũ wakwa: Na ũmosu wakwa nũmbũkĩlĩle, Naw’o nũkũngũsĩĩa ũthyũnĩ wakwa.</verse>
				<verse number="9">Nũndembũangĩte ũthatunĩ wake, na kũnthĩn’ya; Nũmbevetanĩsye maeo make: Nthũ yakwa nĩkũngũnũĩa metho mayo mai.</verse>
				<verse number="10">Nĩmambathamĩsye kanyw’a woo; Nĩmangũnĩte ĩtau na kĩvũthya: Nĩmembũmbanĩsye.</verse>
				<verse number="11">Ngai nũnenganĩte nyie kwa ala matakĩaa Ngai, Na kũmbĩkya mokonĩ ma ala athũku.</verse>
				<verse number="12">Nĩneethũmũĩtye na andilan’ya; Ĩĩ, nũngwatĩte ĩkoti, na kũng’atangan’ya nĩthĩwe ilungu: O na nũmbũkĩlĩtye nĩthĩwe ũvano wake wa kũatha.</verse>
				<verse number="13">Andũ make ma mata nĩmanthyũlũlũkaa; Nĩwatũaa kĩnyunyu kyakwa, na ndew’ĩaa tei; Nĩwĩtaa nyongo yakwa nthĩ.</verse>
				<verse number="14">Nũmbanangaa na wanangĩko ĩũlũ wa wanangĩko; Nũmbithũkĩaa ta ngũmbaũ.</verse>
				<verse number="15">Nĩndumĩte makunĩa makwete kĩkonde kyakwa, Na nĩniĩte ũvya wakwa kĩtoonĩ.</verse>
				<verse number="16">Ũthyũ wakwa nĩ mũtune kwondũ wa kũĩa, Na ilomonĩ sya metho makwa ve kyuu kya kĩkw’ũ;</verse>
				<verse number="17">O na kau vati ũng’endu mokonĩ makwa, Na mboya yakwa nĩ ntheu.</verse>
				<verse number="18">We nthĩ, ndũkavw’ĩke nthakame yakwa, Na kũĩa kwakwa kũikethĩwe na vandũ va ũthũmũo.</verse>
				<verse number="19">O na yu, sisya, ngũsĩ yakwa yĩ ĩtunĩ, Na ũla ũngũsĩĩaa e ĩũlũ.</verse>
				<verse number="20">Anyanyawa nĩmambũthasya: Ĩndĩ itho yakwa nĩyĩmwĩtĩkĩĩasya Ngai methoi,</verse>
				<verse number="21">Kana alũlũmĩlye kĩanda ĩ kya mũndũ mbee wa Ngai, Na kya mwana wa mũndũ mbee wa mũtũi wake!</verse>
				<verse number="22">Nũndũ myaka mĩvũthũ yavĩta, Ngathi na nzĩa ĩla ndakamĩsyokela ĩngĩ.</verse>
			</chapter>
			<chapter number="17">
				<verse number="1">Veva wakwa nũminĩtwe, mĩthenya yakwa nĩthelete, Mbũa nĩĩyũmbanĩtye kwondũ wakwa.</verse>
				<verse number="2">Vate ndĩi kwĩ akaakaan’ya vala nĩĩ, Na itho yakwa nĩyĩsiasya ũthatyo woo.</verse>
				<verse number="3">Yu nengane ngwatĩlĩlyo, ĩthĩwa mũĩkĩĩwa kwakwa naku; Nũũ ũla wĩkwatana kw’oko nakwa?</verse>
				<verse number="4">Nũndũ nũvithĩte ngoo syoo itikamanye: Kwondũ wa ũu ndũkamanenevya.</verse>
				<verse number="5">Ũla ũnenganae anyanyae methĩwe mũtavo, O na metho ma syana syake makasekeea.</verse>
				<verse number="6">Ĩndĩ nũndw’ĩkĩthĩtye wa kũvũthw’a nĩ andũ; Nao nĩmandwĩlaa mata ũthyũnĩ.</verse>
				<verse number="7">Itho yakwa nayo yĩ na mbindu nũndũ wa woo, Na mamutha makwa onthe nĩ ta kyuu.</verse>
				<verse number="8">Andũ alũngalu makaseng’w’a nĩ ũu. Na ũla ũte ĩvĩtyo akeethũlũmũĩla ũla ũtakĩaa Ngai.</verse>
				<verse number="9">Ĩndĩ ũla mũlũngalu akalũmya nzĩa yake, Na ũla wĩ na moko matheu akongeleela vinya mbee na mbee.</verse>
				<verse number="10">Ĩndĩ ũndũ wenyu inyw’onthe, syokai; Na ndikona mũndũ mũĩ katĩ wenyu.</verse>
				<verse number="11">Mĩthenya yakwa nĩ mĩvĩtu, mosũanĩo makwa nĩ matile, O mosũanĩo ma ngoo yakwa.</verse>
				<verse number="12">Nĩmalyũlaa ũtukũ wĩthĩwe mũthenya: Nĩmekwasya, Kyeni kĩ vakuvĩ na kĩvindu.</verse>
				<verse number="13">Ethĩwa nĩeteela Seoli vethĩwe nyũmba yakwa; Ethĩwa nalanĩtye ũkomo wakwa kĩvindunĩ;</verse>
				<verse number="14">Ethĩwa nĩtavĩtye wanangĩko, Nue nau; Na kĩinyu, Nue mwaitũ na mwĩĩtu‐a‐ia;</verse>
				<verse number="15">Wĩkwatyo wakwa ũĩva ĩndĩ? Na ũndũ wa wĩkwatyo wakwa, nũũ ũla wĩwona?</verse>
				<verse number="16">Ũkatheea kũvika ivingonĩ sya Seoli, O yĩla kũkethĩwa ũthũmũo kĩtoonĩ.</verse>
			</chapter>
			<chapter number="18">
				<verse number="1">Nĩvo ĩndĩ Mbilitati Mũsui wasũngĩie, na asya,</verse>
				<verse number="2">Mũkamantha ndeto kũvika ĩndĩĩ? Sũanĩai, na ĩtina tũkaneena.</verse>
				<verse number="3">Nũndũ wa kĩ tũtalawa ta nyamũ Na kũtw’ĩka avuku mũsyaĩtye?</verse>
				<verse number="4">We ũla ũĩtembũanga ũthatunĩ waku, Nthĩ ĩkaekwa kwondũ waku? Kana ĩvia yĩkathamw’a kuma vandũ vayo?</verse>
				<verse number="5">Ĩĩ, kyeni kya ala athũku kĩkavow’a, Na ngala ya mwaki wake ndĩkakena.</verse>
				<verse number="6">Kyeni kĩkeethĩwa kĩvindu ĩeemanĩ yake, Na taa wake ĩũlũ wake ũkavow’a.</verse>
				<verse number="7">Matambya ma vinya wake makavivinyawa, Na ũtao wake mwene ũkamwĩkya nthĩ.</verse>
				<verse number="8">Nũndũ nĩwĩkĩtw’e kĩteinĩ nĩ maũũ make mwene, Na nũkinyaa ĩũlũ wa itei.</verse>
				<verse number="9">Kĩloo kĩkamũkwatya kĩtiinyo, Na mũteo ũkamũlũmya.</verse>
				<verse number="10">Mũkwa nũvithĩtwe nthĩ kwondũ wake, Na kĩtei kwondũ wake nzĩanĩ.</verse>
				<verse number="11">Motĩsyo makamũtelemya kĩla ngalĩko, Na makamũatĩĩa itiinyonĩ syake.</verse>
				<verse number="12">Vinya wake ũkaũmwa nĩ nzaa, Na wanangĩko mũnene ũkeethĩwa wũmbanĩtw’e ũtee wake.</verse>
				<verse number="13">Mamutha ma mwĩĩ wake makaanangwa, Ĩĩ, mũsyawa wa mbee wa kĩkw’ũ akamina mamutha make.</verse>
				<verse number="14">Akaumw’a ĩeemanĩ yake yĩla ũĩkĩĩaa; Na akatwawa vala ve mũsumbĩ wa motĩsyo.</verse>
				<verse number="15">Kĩla kĩte kyake kĩkekalaa ĩeemanĩ yake: Mũvĩlĩtĩ ũkanyaĩĩkw’a ũtũonĩ wake.</verse>
				<verse number="16">Mĩi yake ĩkoomĩla ĩtheo, Na ĩũlũ ũvonge wake ũkatilwa.</verse>
				<verse number="17">Ũlililan’yo wake ũkaaa nthĩ, Na ndakethĩwa na syĩtwa nzĩanĩ nene.</verse>
				<verse number="18">Akalũngw’a kuma kyeninĩ kũvika kĩvindunĩ, Na kũlũngw’a kuma ĩũlũ wa nthĩ.</verse>
				<verse number="19">Ndakethĩwa na mwana kana nzũkũlũ katĩ wa andũ make, Kana ũmwe ũtĩala vala wekalĩte ũeni.</verse>
				<verse number="20">Ala makoka ĩtina makaseng’w’a nĩ mũthenya wake, O tondũ ala maendie mbee matelemilw’e.</verse>
				<verse number="21">Nĩ w’o motũo ma ala matakĩaa Ngai mailyĩ, Na vau nĩvo vandũ va ũla ũtamanyaa Ngai.</verse>
			</chapter>
			<chapter number="19">
				<verse number="1">Na ĩndĩ Yovu asũngĩa na asya,</verse>
				<verse number="2">Mũkathatya ngoo yakwa kũvika ĩndĩĩ, Na kũndilanga ilungu na ndeto?</verse>
				<verse number="3">Mavinda aa ĩkũmi nĩmũmbũthĩtye: Mũtisonokaa ũndũ wa kũnthĩn’ya na vinya.</verse>
				<verse number="4">O na ethĩwa nĩ w’o nĩnĩvĩtĩtye, Ĩvĩtyo yakwa nĩyĩkalaa nakwa mwene.</verse>
				<verse number="5">Ethĩwa nĩ w’o mũkeenenevya ĩũlũ wakwa, Na kũete ĩũlũ wakwa kũvũthw’a kwakwa;</verse>
				<verse number="6">Manyai yu kana Ngai nũngĩlĩtye vinya ũvoonĩ wakwa, Na nũnthyũlũlũkĩtye kĩtei kyake.</verse>
				<verse number="7">Sisya, nĩngũkaya ũndũ wa kũthĩnw’a, ĩndĩ ndikwĩw’ĩka: Nĩngwĩtya ũtethyo, ĩndĩ vati ũsili wa katĩ.</verse>
				<verse number="8">Nĩwiiĩte nzĩa yakwa ũndũ ndatonya kũvita, Na kwia kĩvindu nzĩanĩ syakwa.</verse>
				<verse number="9">Nũmbenete ndaĩa yakwa, Na kumya ngovia ya ũsumbĩ mũtwenĩ wakwa.</verse>
				<verse number="10">Nũnomboangĩte kĩla ngalĩko, na nĩ mũthelu; Na wĩkwatyo wakwa we nũkũĩte ta mũtĩ.</verse>
				<verse number="11">Nũmbakanĩsye ũthilĩku wake, Na nũndalaa kwake ta ũmwe wa nthũ syake.</verse>
				<verse number="12">Nguthu syake nĩsyũkaa vamwe, Na kwĩnza nzĩa syoo inziĩĩe, Na kwaka maeema kũthyũlũlũka ĩeema yakwa.</verse>
				<verse number="13">Nĩwĩkĩtye ana‐a‐asa makwa kũasa nakwa, Na ala nĩsene nao nĩmataanĩĩtye nakwa vyũ.</verse>
				<verse number="14">Andũ makwa nĩ athelu, Na anyanyawa ala nĩsene nao nĩmolĩtwe ninyie.</verse>
				<verse number="15">Ala mekalaa nyũmbanĩ yakwa, na athũkũmi makwa eĩtu mandalaa nĩ mũeni: Nyie nĩ mũndũ wa nthĩ ĩngĩ methonĩ moo.</verse>
				<verse number="16">Nĩngũmwĩta mũthũkũmi wakwa na ndambĩtĩka, O na kau nĩmwĩsũva na kanyw’a wakwa.</verse>
				<verse number="17">Mĩthũmũ yakwa nĩ mĩeni kwa kĩveti kyakwa, Na wĩsũvano wakwa nĩ mũeni kwa syana sya mwaitũ.</verse>
				<verse number="18">O na syana nini nimbũthasya; Ethĩwa nĩngũkĩla, niũneena ĩũlũ wakwa.</verse>
				<verse number="19">Anyanyawa onthe ala twĩsene nĩmanthĩthaa, Na ala namendaa nĩmangalyũkĩle.</verse>
				<verse number="20">Ĩvĩndĩ yakwa nĩyĩlũmanĩtye na kĩkonde kyakwa na nyama syakwa, No kĩni kya maeo makwa mbonokete nakyo.</verse>
				<verse number="21">Mbĩw’ĩai tei, mbĩw’ĩai tei, inyw’ĩ anyanyawa; Nũndũ kw’oko kwa Ngai nĩkũngiitĩte.</verse>
				<verse number="22">Nĩkĩ mũũnthĩn’ya o ta Ngai, Na mũtikwĩanĩwa nĩ nyama sya mwĩĩ wakwa!</verse>
				<verse number="23">A! Kethĩwa ndeto syakwa nĩ nandĩke yu! A! Kethĩwa nĩ nandĩke ĩvukunĩ!</verse>
				<verse number="24">Kethĩwa nivanĩĩwa ĩvianĩ tene na tene, Na kĩandĩki kya kĩaa na ĩvulũ!</verse>
				<verse number="25">Ĩndĩ ngalĩ ĩ yakwa nĩnĩsĩ Mwovosya wakwa e thayũ, Na mũminũkĩlyo akaũngama ĩũlũ wa nthĩ:</verse>
				<verse number="26">Na ĩtina wa kwanangĩka kwa kĩkonde kyakwa, o mwĩĩ ũũ, Ngamwona Ngai nĩ na mwĩĩ wakwa;</verse>
				<verse number="27">Ũla nyie, o nyie, nĩmwona, nyie mwene, Na metho makwa makoona, na ti ta mũeni. Ngoo yakwa nĩyathela nthĩnĩ wakwa.</verse>
				<verse number="28">Ethĩwa mwĩasya, A! Ũndũ tĩmũthĩn’ya! Na kĩtina kya ũndũ ũũ nĩ kyoneku nthĩnĩ wakwa;</verse>
				<verse number="29">Kĩai ũvyũ: Nũndũ ũthilĩku nũetae mosilĩlo ma ũvyũ, Nĩ kana mũmanye atĩ ve ũsilĩlo.</verse>
			</chapter>
			<chapter number="20">
				<verse number="1">Na ĩndĩ Nzovali Mũnaamathi asũngĩa, na asya,</verse>
				<verse number="2">Kwondũ wa ũu mosũanĩo makwa nĩmeũnzũngĩa, O kwondũ wa mĩtũkĩ yakwa ĩla yĩ nthĩnĩ wakwa.</verse>
				<verse number="3">Nĩnĩw’ĩte ũkan’yo ũla ũnzonokasya; Na veva wa ũmanyi wakwa nũũnzũngĩa.</verse>
				<verse number="4">Ndũũmanya ũu kuma tene, Kuma mũndũ aiwa nthĩ,</verse>
				<verse number="5">Kana kũkĩlya vinya kwa ala athũku nĩ kwa ĩvinda ĩkuvĩ, Na ũtanu wa ala matakĩaa Ngai no wa kavinda kanini mũno?</verse>
				<verse number="6">O na ethĩwa ũasa wake ũkambata kũvika matunĩ, Na mũtwe wake ũkavika mathweonĩ;</verse>
				<verse number="7">Ĩndĩ akaaa tene na tene ta mai make mwene: Ala mamwonete makasya, Aĩva?</verse>
				<verse number="8">Akaũlũka ta ndoto, na ndakoneka: Ĩĩ, akalũngw’a ta woni wa ũtukũ</verse>
				<verse number="9">Itho yĩla yamwonie yĩtikamwona ĩngĩ; O na vandũ vake vatikamwona ĩngĩ.</verse>
				<verse number="10">Syana syake ikamantha ũseo kwa ngya, Na moko make makatũnga ũthwii wake.</verse>
				<verse number="11">Mavĩndĩ make nĩmausũĩte wana wake, Ĩndĩ ũkakoma nake kĩtoonĩ.</verse>
				<verse number="12">O na kau ũthũku wĩ mũyo kanyw’anĩ wake, O na nũvithaa ungu wa ũĩmĩ wake,</verse>
				<verse number="13">O na nũwĩw’ĩaa tei, na nũleaa kũlekya, Ĩndĩ no kũwĩkalya kanyw’anĩ wake;</verse>
				<verse number="14">Ĩndĩ lĩu wake nũalyũkĩle maanĩ make, Nĩ nyongo ya syĩko nthĩnĩ wake.</verse>
				<verse number="15">Nũmeletye ũthwii, na akootavĩka ĩngĩ; Ngai akawumya ĩvunĩ yake.</verse>
				<verse number="16">Akoonga ũoi wa syĩko: Ũĩmĩ wa nzoka mbai ũkamũaa.</verse>
				<verse number="17">Ndakasiasya mbũsĩ, Tũlũsĩ tũvĩtĩte twa ũkĩ wa nzũkĩ na mauta.</verse>
				<verse number="18">Kĩla wenoesya akatũnga, na ndakakĩmelya; Kwĩanana na ũthwii ũla wũmbanĩtye, ndakatana.</verse>
				<verse number="19">Nũndũ nũthĩnĩtye ngya na kwitia; Nũomboete nyũmba na vinya, na ndakamĩtũngĩĩa.</verse>
				<verse number="20">Nĩkwĩthĩwa ndaamanya ũuu nthĩnĩ wake, Ndakatangĩĩa kĩndũ o na kĩva kĩla ũtanĩaa.</verse>
				<verse number="21">Kũtyaĩ kĩndũ kĩtiele kĩla ũtaakĩmina; Kwondũ wa ũu ũunĩko wake ndũkekala.</verse>
				<verse number="22">Wusũunĩ wa wĩanĩu wake akeethĩwa mũvivinye: Kw’oko kwa kĩla mũndũ ũla wĩ thĩanĩ kũkooka ĩũlũ wake.</verse>
				<verse number="23">Yĩla ũkilĩlye kusũsya ĩvu yake, Ngai akekya wai wa ũthilĩku wake ĩũlũ wake, Na akoonosya ĩũlũ wake o yĩla wĩĩthĩwa akĩya.</verse>
				<verse number="24">Akakĩĩa mĩio ya kaũ ya iaa, Na ũta wa ũthuku ũkamũtonya mũkuthũ.</verse>
				<verse number="25">Nũkusasya, na nũkuma mwĩĩnĩ wake; Ĩĩ, mũthya mũtisu kuma nyongonĩ yake: Motĩsyo me ĩũlũ wake.</verse>
				<verse number="26">Kĩvindu kyonthe nĩkiĩtwe kwondũ wa mothwii make: Mwaki ũtakanĩtw’e nĩ mũndũ ũkamũmina; Ũkamina kĩla kĩtiele ĩeemanĩ yake.</verse>
				<verse number="27">Matu makoonan’ya ũthũku wake, Na nthĩ ĩkamũkĩlĩla.</verse>
				<verse number="28">Wingĩvo wa nyũmba yake ũkaenda; Ũthwii wake ũkaenda ũvĩtĩte mũthenya wa ũthilĩku wake.</verse>
				<verse number="29">Kyu nĩkyo kĩanda kya mũndũ mũthũku kyumĩte kwa Ngai, Na ũtiĩwa ũtw’ĩĩwe nĩ Ngai.</verse>
			</chapter>
			<chapter number="21">
				<verse number="1">Na ĩndĩ Yovu asũngĩa, na asya,</verse>
				<verse number="2">Ĩw’ai na kĩthing’ĩĩsyo ndeto syakwa; Na ũũ nĩwĩthĩwe mokiakisyo menyu.</verse>
				<verse number="3">Ndekai, nakwa nganeena; Na namina kũneena, endeeai na kũvũa ngũĩ.</verse>
				<verse number="4">Ngalĩ ĩ yakwa, nĩngũnyungunyĩĩsya mũndũ? Na nĩkĩ ndyaĩle kwaa wũmĩĩsyo?</verse>
				<verse number="5">Nzisyai, na kũseng’a, Na kunĩkai makanyw’a menyu na moko menyu.</verse>
				<verse number="6">O yĩla ngũlilikana nĩngũũũya, Na w’ĩa mũnene nũkwataa nyama syakwa.</verse>
				<verse number="7">Nĩkĩ ala athũku mekalaa thayũ, Maikũa, ĩĩ, kũendeea kwĩthĩwa na vinya?</verse>
				<verse number="8">Ũsyao woo nũlũlũmĩlw’e vamwe nao mene, Na syana syoo mbee wa metho moo.</verse>
				<verse number="9">Nyũmba syoo syĩ na mũuo vate w’ĩa, O na ndata ya Ngai ndĩ ĩũlũ woo.</verse>
				<verse number="10">Nzaũ yoo nĩsyaĩthasya, ndĩleelaa; Ng’ombe nga yoo nĩsyaaa, na ndĩvunaa kasaũ kayo.</verse>
				<verse number="11">Nĩmaumaalasya twana twoo tũnini ta ndĩthya ya mbũi na malondu, Na syana syoo ikĩtũlĩlanga.</verse>
				<verse number="12">Nĩsinaa na kathembe na mbeve, Na kũtana ũndũ wa wasya wa mũtũlilũ.</verse>
				<verse number="13">Mĩthenya yoo maminĩaa ũunĩkonĩ, Na o kavinda kanini nĩmatheeaa Seoli.</verse>
				<verse number="14">Na mamwĩa Ngai, Uma vaa tũĩ; Nũndũ tũtikwenda ũmanyi wa nzĩa syaku.</verse>
				<verse number="15">Mwene Vinya W’onthe nĩ kyaũ, ũndũ twaĩle kũmũthũkũma? Na tũkeethĩwa na ũtandĩthyo mwaũ, ethĩwa nĩtũũmũvoya?</verse>
				<verse number="16">Sisya, ũunĩko ndwĩ kw’okonĩ kwoo: Ũtao wa ala athũku wĩ kũasa nakwa.</verse>
				<verse number="17">Taa wa ala athũku ũvoaw’a mavinda meana ata? Kana wanangĩko woo mũnene kũmokĩa? Kana Ngai kũaan’ya mawoo ũthatunĩ wake?</verse>
				<verse number="18">Kana mailyĩ mavuthĩ mbee wa kĩseve, Na ta wewa ũla kĩuutani kĩtwaaa?</verse>
				<verse number="19">Inyw’ĩ mwĩasya, Ngai nĩwiĩaa syana syake ũthũku. Namũĩve mwene, nĩ kana omanye:</verse>
				<verse number="20">Metho make mwene nĩmone wanangĩko wake mwene, Na nanyw’e ũthilĩku wa Mwene Vinya W’onthe.</verse>
				<verse number="21">Nũndũ e vata mwaũ na nyũmba yake ĩtina wake, Yĩla ũtalo wa myei yake wĩtilwa?</verse>
				<verse number="22">Mũndũ o na wĩva akamũmanyĩsya Ngai ũmanyi, Nũndũ nũsilĩlaa ala me ĩũlũ?</verse>
				<verse number="23">Mũndũ nũkusaa e na vinya wake mwĩanĩu, Athũmũĩte na auĩtye ki.</verse>
				<verse number="24">Ndoo syake nĩ mbusũu ĩia, Na mũthungo wa mavĩndĩ make nĩ mwololo.</verse>
				<verse number="25">Na ũngĩ nũkusaa e na woo wa ngoo, Na ndaasama ũseo nongi.</verse>
				<verse number="26">Nĩmakomaa ũndũ ũmwe kĩtoonĩ, Na kĩinyu nĩkĩmavw’ĩkaa.</verse>
				<verse number="27">Sisya, nĩnĩsĩ mosũanĩo menyu, Na mosũanĩo ala mũkwenda kũmbĩka naĩ namo.</verse>
				<verse number="28">Nũndũ inyw’ĩ mwĩasya, Nyũmba ya mũnene wĩ mbee ũsumbĩnĩ ĩĩva? Na ĩeema yĩla ala athũku matwĩe yĩĩva?</verse>
				<verse number="29">Mũtyaakũlya aendi ma kyalo? Na mũtyĩsĩ ũndũ monanasya,</verse>
				<verse number="30">Atĩ mũndũ mũthũku nũsũvĩawa kũvika mũthenya wa wanangĩko mũnene? Atĩ nĩmatongoeaw’a kũvika mũthenya wa ũthilĩku?</verse>
				<verse number="31">Nũũ ũla wĩmũtavĩsya ũthyũnĩ mũendele wake? Na nũũ ũla wĩmũĩva ũndũ wĩkĩte?</verse>
				<verse number="32">Ĩndĩ akakuwa kũvika mbũanĩ, Na andũ makasyaĩĩsya vala wĩthikwa.</verse>
				<verse number="33">Mavali ma mwanda makeethĩwa me mũyo kwake, Na andũ onthe makamũatĩĩa, O tondũ matatalĩka ala maĩ mbee wake.</verse>
				<verse number="34">Nĩkĩ mũngiakisya mana, Nũndũ mosũngĩonĩ menyu kĩla kĩtialĩte no ũvũngũ?</verse>
			</chapter>
			<chapter number="22">
				<verse number="1">Na ĩndĩ Elivasi Mũtemani asũngĩa, na asya,</verse>
				<verse number="2">Mũndũ nũtonya kũmũuna Ngai? Vate ndĩi ũla mũĩ nĩwĩunaa mwene.</verse>
				<verse number="3">Nĩ ũndũ wa kwendeesya Mwene Vinya W’onthe, atĩ wĩ mũlũngalu? Kana nĩ ũtandĩthyo wake, atĩ nĩwĩanĩasya mĩendele yaku?</verse>
				<verse number="4">Nĩ ũndũ wa kũmũkĩa kwaku, atĩ nũkũkanasya, Na kũlikan’ya naku silanĩ?</verse>
				<verse number="5">Ũthũku waku ti mũnene? O na kũti mũminũkĩlyo wa mothũku maku.</verse>
				<verse number="6">Nũndũ nĩwosete ngwatĩlĩlyo sya mwana‐a‐au mana, Na kũmavena ala ngya ngũa syoo.</verse>
				<verse number="7">Ndũmanengete ala me na mĩnoo manzĩ ma ũnyw’a, Na nũmavatĩte lĩu ala me na nzaa.</verse>
				<verse number="8">Ĩndĩ ũndũ wa ngũmbaũ, yaĩ na nthĩ; Na mũndũ wĩ ndaĩa, nake nĩwamĩtũaa.</verse>
				<verse number="9">Nĩwũmbũũkĩtye aka ndiwa me athei, Na moko ma ala makw’ĩĩwe nĩ aaĩthe nĩmatũlĩtwe.</verse>
				<verse number="10">Kwondũ wa ũu itei nikũthyũlũlũkaa, Na w’ĩa wa kĩthũlũmũko nũkũthĩnasya,</verse>
				<verse number="11">O na kĩvindu, na ndũtonya kwona, Na manzĩ maingĩ nĩmakũvw’ĩkaa.</verse>
				<verse number="12">Ngai nde ũtũlunĩ wa ĩtu? Na sisya ũasa wa ndata, kũla syĩng’ũthĩte!</verse>
				<verse number="13">Naku wĩasya, Ngai esĩ kyaũ? Nũtonya kũsila asiĩlyĩ kĩvindu kya ngokomi?</verse>
				<verse number="14">Mathweo makamu nĩ kĩvw’ĩki kyake, na kwondũ wa ũu ndonaa; Na akinyaa kĩlingenĩ kya ĩtu.</verse>
				<verse number="15">Ũkakwataa nzĩa ngũũ Ĩla andũ athũku makinyĩle?</verse>
				<verse number="16">Ala mavulilw’e ĩvinda yoo yĩtanavika, Ala wambĩlĩlyo woo woonoiw’e ta kalũsĩ,</verse>
				<verse number="17">Ala mamwĩie Ngai, Uma vala tũĩ; Na, Mwene Vinya W’onthe atonya kũtwĩka ata?</verse>
				<verse number="18">Ĩndĩ ausũsya nyũmba syoo na syĩndũ nzeo: Ĩndĩ ũtao wa ala athũku wĩ kũasa nakwa.</verse>
				<verse number="19">Ala alũngalu moona ũu, na nĩmeũtana; Na ala mate na ĩvĩtyo mamathekeea mũno,</verse>
				<verse number="20">Makyasya, Nĩ w’o ala matũkĩlĩĩle nĩmavetetwe, Na ũtialo woo nũminĩtwe nĩ mwaki.</verse>
				<verse number="21">Manyana yu nake, na ĩthĩwa na mũuo: Kwondũ wa ũu ũseo ũkooka kwaku.</verse>
				<verse number="22">Osa, nĩngũkwĩsũva, mĩao kuma kanyw’anĩ wake, Nokia ndeto syake ngoonĩ yaku.</verse>
				<verse number="23">Ethĩwa wĩmũsyokea Mwene Vinya W’onthe ũkaakwa, Ethĩwa wĩveta kũasa ũla ũte ũlũngalu maeemanĩ maku.</verse>
				<verse number="24">Na ia ũthwii waku kĩtoonĩ, Na thaavu wa Ovilu katĩ wa mavia me tũlũsĩnĩ;</verse>
				<verse number="25">Na Mwene Vinya W’onthe akeethĩawa ũthwii waku, Na vetha wĩ vata mũno kwaku.</verse>
				<verse number="26">Nũndũ nĩvo ũketanĩthĩsya nthĩnĩ wa Mwene Vinya W’onthe, Na ũkamũkĩlĩlya Ngai ũthyũ waku.</verse>
				<verse number="27">Ũkamũvoyaa, nake akakwĩthukĩĩasya; Naku ũkeanĩasya mawĩvĩto maku.</verse>
				<verse number="28">O na ũkatw’a ũndũ, na ũkalũlũmĩlw’a kwaku; Na kyeni kĩkakeneeaa mĩendele yaku.</verse>
				<verse number="29">Yĩla makakwĩkya nthĩ, ũkasya, Kwĩ kũkĩla; Na mũndũ wĩ na wĩnyivyo akamũtangĩĩa.</verse>
				<verse number="30">Akamũvonokya ũla wĩ na ĩvĩtyo: Ĩĩ, akavonokw’a kwondũ wa ũtheu wa moko maku.</verse>
			</chapter>
			<chapter number="23">
				<verse number="1">Na ĩndĩ Yovu asũngĩa na asya,</verse>
				<verse number="2">O na ũmũnthĩ mũnyungunyĩsyo wakwa wĩ na ũlei: Ĩkũna yakwa nĩ ĩito kwĩ kũluma kwakwa.</verse>
				<verse number="3">A! Kethĩwa nĩnĩsĩ vala ndonya kũmwona! Kethĩwa nĩmbika o kĩvĩlanĩ kyake!</verse>
				<verse number="4">Ngethĩwa ngia ũvoo wakwa ũatianĩe mbee wake, Na kusũsya kanyw’a wakwa na ngananĩo.</verse>
				<verse number="5">Ngethĩwa ngĩmanya ndeto ila wĩnzũngĩa, Na kũmanya ũla wĩndavya.</verse>
				<verse number="6">Akakĩlan’ya vinya nakwa ũnenenĩ wa vinya wake? Aiee; ĩndĩ akambĩthukĩĩsya.</verse>
				<verse number="7">Vo ũla mũlũngalu akethĩwa atonya kũsũanĩa nake; Kwondũ wa ũu ngethĩwa nĩvonokete tene na tene kuma kwa mũsili wakwa.</verse>
				<verse number="8">Sisya, nĩendaa mbee, ĩndĩ nde vo; Na nĩsyokaa na ĩtina, ĩndĩ nditonya kũmwona;</verse>
				<verse number="9">Nĩendaa kw’okonĩ kwa aka, yĩla ũtethasya wĩa, ĩndĩ nditonya kũmwona; Evithaa ngalĩ ya kw’oko kwa aũme, nĩ kana ndikamwone.</verse>
				<verse number="10">Ĩndĩ nake nĩwĩsĩ nzĩa ĩla nĩendaa nayo; Yĩla wĩmina kũndata, ngauma ta thaavu.</verse>
				<verse number="11">Ũnyaĩĩ wakwa nũkwatĩte matambya make; Nzĩa yake nĩnĩmĩkwatĩte, na ndyaaelelũka.</verse>
				<verse number="12">Ndinasyoka na ĩtina na kũtia mĩao ya ilomo syake; Niĩte ndeto sya kanyw’a wake kũvĩtũka lĩu wakwa ũla wĩ vata.</verse>
				<verse number="13">Ĩndĩ e na kĩlilikano kĩmwe, na nũũ ũtonya kũmũthyũũa? Na ũndũ ngoo yake yendaa, now’o wĩkaa.</verse>
				<verse number="14">Nũndũ nĩwĩanĩasya ũla ũtw’ĩtwe kwondũ wakwa: Na maũndũ maingĩ ta asu me nake.</verse>
				<verse number="15">Kwondũ wa ũu nĩtelemetwe mũno nĩ mbee wake; Yĩla ngũsũanĩa, nĩngũmũkĩa.</verse>
				<verse number="16">Nũndũ Ngaĩ nũtumĩte ngoo yakwa ĩthelekela, Na Mwene Vinya W’onthe nũndelemetye mũno;</verse>
				<verse number="17">Nũndũ ndyaavetwa kĩvindu kĩtanoka, O nake ndaavw’ĩka ũthyũ wakwa ndikone kĩvindu kya ngokomi.</verse>
			</chapter>
			<chapter number="24">
				<verse number="1">Nĩkĩ mavinda mayiĩtw’e nĩ Mwene Vinya W’onthe? Na nĩkĩ ala mamwĩsĩ matyonaa mĩthenya yake?</verse>
				<verse number="2">Nĩvo maĩ amwe ala makũĩĩasya syambo sya mĩvaka; Nĩmavutanaa ndĩthya sya mbũi na malondu, na kwiĩthya.</verse>
				<verse number="3">Nĩmatavaa ĩng’oi ya ala makw’ĩĩwe nĩ aaĩthe; Nĩmosaa ng’ombe ya mũndũ mũka ndiwa yĩthĩwe ngwatĩlĩlyo.</verse>
				<verse number="4">Nĩmathũkasya athĩni maume nzĩanĩ: Ngya syonthe sya nthĩ nĩsyĩvithaa.</verse>
				<verse number="5">Sisya, ta mang’oi ma kĩthekanĩ me yalatanĩ Nĩmaumaalaa maende wĩanĩ woo, makĩmantha lĩu na kĩthing’ĩĩsyo; Weũ nũmanengae lĩu kwondũ wa syana syoo.</verse>
				<verse number="6">Nĩmakethaa lĩu woo mũũndanĩ; Na nĩmethĩanasya ngethanĩ ya mĩsavivũ ya ala athũku.</verse>
				<verse number="7">Nĩmakomaa ũtukũ w’onthe me athei mate na ngũa, Na mate na kya kwĩvw’ĩka mbevonĩ.</verse>
				<verse number="8">Me na ũthithu wa mĩono ya mbua ya iĩmanĩ, Na kwĩyaĩanĩsya na ĩvia nũndũ kũti wĩvitho.</verse>
				<verse number="9">Nĩvo maĩ ala makusasya ala makw’ĩĩwe nĩ aaĩthe kũmaumya nondonĩ, Na kwosa ngwatĩlĩlyo kwa ngya;</verse>
				<verse number="10">Na kwondũ wa ũu niendaa syĩ nthei ite na ngũa, Na nũndũ wa kwĩthĩwa na nzaa nikuaa syove sya ngetha.</verse>
				<verse number="11">Niseũvasya mauta me nthĩnĩ wa maũvai ma andũ asu; Nikinyangĩaa nzavivũ iangĩonĩ syoo, na kũthĩnw’a nĩ waũni.</verse>
				<verse number="12">Andũ nĩmalumaa me ndũanĩ yĩ andũ aingĩ, Na ngoo ya ũla mũkite nĩkayaa: Ĩndĩ Ngai ndasiasya ũtumanu ũsu.</verse>
				<verse number="13">Asu nĩ ma ala mang’endeaa kyeni; Matyĩsĩ nzĩa syakyo, Kana kwĩkalaa nzĩanĩ syakyo.</verse>
				<verse number="14">Mũaani nĩwũkĩlaa kwĩ w’oa; Nĩwũaaa ngya na athĩni; Na ũtukũ nĩ ta kĩng’ei.</verse>
				<verse number="15">O na itho ya kĩlaalai nĩyeteelaa ũmithi, Kĩkyasya, Vati itho yĩkambona: Na kĩialyũlanga ũthyũ wakyo.</verse>
				<verse number="16">Kĩvindunĩ nĩmavũthũaa nyũmba: Nĩmevingĩa mũthenya; Matyĩsĩ kyeni.</verse>
				<verse number="17">Nũndũ kĩoko kwa asu onthe nĩ ta kĩvindu kya ngokomi; Nũndũ nĩmesĩ motĩsyo ma kĩvindu kya ngokomi.</verse>
				<verse number="18">Nĩmavĩtaa mĩtũkĩ ĩũlũ wa manzĩ; Kĩanda kyoo nĩkĩumanĩwe nthĩ: Matyathũkĩlaa nzĩanĩ yĩ mĩũnda ya mĩsavivũ.</verse>
				<verse number="19">Mũnyao na muutĩa niminaa manzĩ ma ĩa: Now’o Seoli vamekaa ala mavĩtĩtye.</verse>
				<verse number="20">Ĩvu yĩkamũla; Kĩinyu kĩkamũya na mũyo; Ndakalilikanwa ĩngĩ; Na ũla ũte ũlũngalu ũkatũlwa ta mũtĩ.</verse>
				<verse number="21">Nũminaa ngũngũ ĩla ĩtasyaaa, Na ndamwĩkaa mesa mũndũ mũka ndiwa.</verse>
				<verse number="22">Ĩndĩ Ngai nũsũvĩaa na vinya wake ũla wĩ na ũtonyi: Ũla ũte na wĩkwatyo wa thayũ nĩwũkĩlaa.</verse>
				<verse number="23">Ngai nũmanengae kwĩyelela, na nĩmathũmũaa nthĩnĩ wakw’o; Na metho make nĩmasiasya mĩendele yoo.</verse>
				<verse number="24">Nĩmeũnenevw’a; ĩndĩ kavinda kanini, na nĩmeũthi; Ĩĩ, nĩmeũtheew’a, nĩmeũvetwa ta angĩ onthe, Na nĩmeũtilwa ta mĩthya ya iia sya lĩu wa mbaa ngetha.</verse>
				<verse number="25">Na ethĩwa ti ta ũu yu, nũũ ũla wĩonan’ya ki kana nĩ mũneeni wa ũvũngũ, Na kũtw’ĩkĩthya kũneena kwakwa kũte vata?</verse>
			</chapter>
			<chapter number="25">
				<verse number="1">Na ĩndĩ Mbilitati Mũsui asũngĩa, na asya,</verse>
				<verse number="2">Ũsumbĩko na w’ĩa syĩ nake; Nũseũvasya mũuo e kũndũ kwake kũtũlu.</verse>
				<verse number="3">Ita syake nitalĩka? Na nũũ ũla kyeni kyake kĩtamumĩlĩlaa?</verse>
				<verse number="4">Mũndũ atonya ata kwĩthĩwa mũlũngalu kwa Ngai? Kana atonya ata kwĩthĩwa mũtheu ũla ũsyaĩtwe nĩ mũndũ mũka?</verse>
				<verse number="5">Sisya, o na mwei ndwĩ na ũtisu, Na ndata ti ntheu methonĩ make:</verse>
				<verse number="6">Na mũndũ nata, nake nĩ kĩinyu! Na mwana wa mũndũ, nake nĩ kĩinyu!</verse>
			</chapter>
			<chapter number="26">
				<verse number="1">Na ĩndĩ Yovu asũngĩa na asya,</verse>
				<verse number="2">A! Ũndũ ũmũtethetye ũla ũte vinya! Ũndũ ũtangĩĩĩte kw’oko kũte na vinya!</verse>
				<verse number="3">A! Ũndũ ũmũtaĩte ũla ũte na ũĩ, Na kũvuan’ya mũno ũmanyi mwĩanĩu!</verse>
				<verse number="4">Ũtavĩtye ndeto ũũ? Na nĩ veva waũ umĩte kwaku?</verse>
				<verse number="5">Ala makwie nĩmatetemaa Me ungu wa ala manzĩ na ala matwĩe kw’o.</verse>
				<verse number="6">Seoli ve ũtheinĩ mbee wa Ngai, Na Avatoni vati kya kũvavw’ĩka.</verse>
				<verse number="7">Nũtambũũkĩasya ngalĩ ya ĩũlũ vandũ vathei, Na kũsũnzũlya nthĩ vate kĩndũ.</verse>
				<verse number="8">Nũvingĩaa manzĩ mathweonĩ make makamu; Na ĩthweo yĩtitembũangwa yĩ ĩtheo wamo.</verse>
				<verse number="9">Nĩwiiĩaa ũthyũ wa kĩvĩla kyake kya ũsumbĩ, Na kwalan’ya ĩthweo yake ĩũlũ wakyo.</verse>
				<verse number="10">Nĩwiĩte mũvaka ĩũlũ wa iw’ũ, Kũvika vala kyeni na kĩvindu ivakanĩle.</verse>
				<verse number="11">Ituĩ sya ĩtu nitetemaa Na kũseng’a nũndũ wa kũkan’ya kwake.</verse>
				<verse number="12">Nĩwũkĩlanasya ũkanga na vinya wake, Na kwondũ wa ũmanyi wake nũtonyaa Laavi mũkuthũ.</verse>
				<verse number="13">Matu nĩmanakavaw’a nĩ Veva wake; Kw’oko kwake nĩkũtonyete nzoka ya kũnyoloka mĩtũkĩ.</verse>
				<verse number="14">Sisya, ii no ndee sya nzĩa syake: Na kaĩ no kĩwe kĩnini twĩw’aa ũndũ wake! Ĩndĩ kĩtundumo kya vinya wake nũũ ũtonya ũkĩmanya?</verse>
			</chapter>
			<chapter number="27">
				<verse number="1">Na Yovu aneena ngelekan’yo yake ĩngĩ, na asya,</verse>
				<verse number="2">O tondũ Ngai wĩ thayũ, ũla ũvetete kĩanda kyakwa, Na Mwene Vinya W’onthe, ũla ũthĩnĩtye ngoo yakwa</verse>
				<verse number="3">(Nũndũ thayũ wakwa o na yu no mũima nthĩnĩ wakwa, Na mĩthũmũ ya Ngai yĩ manyiũũnĩ makwa);</verse>
				<verse number="4">Vate ndĩi ilomo syakwa itikaneena ũla ũte ũlũngalu, O na ũĩmĩ wakwa ndũkaneena ũkengani.</verse>
				<verse number="5">Nĩkwĩthĩwe kũasa nakwa kũmũtalĩla ũlũngalu: Kũvika nakw’a ndikaveta kwakwa wĩanĩu wakwa.</verse>
				<verse number="6">Nĩngũlũmya ũlũngalu wakwa, ndikoeka ũthi: Ngoo yakwa ndĩkangan’ya ĩvinda yonthe nĩ thayũ.</verse>
				<verse number="7">Mũmaitha wakwa nĩethĩwe ta ũla mũthũku, Na ũla ũmbũkĩlĩĩlaa nĩethĩwe ta ũla ũte mũlũngalu.</verse>
				<verse number="8">Nũndũ wĩkwatyo wa ũla ũtakĩaa Ngai nĩ mwaũ, o na ethĩwa nĩwĩyonee ũtandĩthyo, Yĩla Ngai wĩosa thayũ wake?</verse>
				<verse number="9">Ngai akeew’a kũkaya kwake, Yĩla thĩna wĩmũkĩa?</verse>
				<verse number="10">Akeetan’ya nthĩnĩ wa Mwene Vinya W’onthe, Na kũmwĩkaĩla Ngai mavinda onthe?</verse>
				<verse number="11">Ngakũmanyĩsya ũndũ wa kw’oko kwa Ngai; Ũndũ ũla wĩ na Mwene Vinya W’onthe ndikovitha.</verse>
				<verse number="12">Sisyai, inyw’onthe ene nĩmũwonete; Nĩkĩ ĩndĩ nĩmũtw’ĩkĩte ma mana ki?</verse>
				<verse number="13">Kĩĩ nĩkyo kĩanda kya mũndũ mũthũku kwa Ngai, Na ũtiĩwa wa athĩn’ya, ũla mosaa kwa Mwene Vinya W’onthe:</verse>
				<verse number="14">Ethĩwa syana syake nikwingĩvaa, syĩ kwondũ wa ũvyũ; Na ũsyao wake ndũkavũnwa nĩ lĩu.</verse>
				<verse number="15">Ala make ala metiala makathikwa kĩkw’ũnĩ, Na aka make ndiwa matikethĩwa na kĩĩo.</verse>
				<verse number="16">O na ethĩwa akomban’ya kĩvumbu kya vetha ta kĩtoo, Na kũseũvĩthya ngũa ta yũmba;</verse>
				<verse number="17">Nake nũtonya kwĩseũvĩthya, ĩndĩ ala alũngalu makasyĩkĩa, Na ala mate na ĩvĩtyo makeeaan’ya ũ vetha.</verse>
				<verse number="18">Nũnũkwaka nyũmba yake ta lungulu, Na ta ĩlwanda mũsũvĩi ũnũkwaka.</verse>
				<verse number="19">Nũnũũkoma e mũthwii, ĩndĩ ndakombanw’a vamwe na aaĩthe make; Nũnũũsalukya metho make, na nde vo.</verse>
				<verse number="20">Motĩsyo mamũkwataa ta manzĩ; Kĩuutani kĩmũyaa ũtukũ.</verse>
				<verse number="21">Kĩseve kyumĩte ngalĩ ya wumĩlonĩ wa syũa nĩkĩmũtwaa, nake aithi; Na kĩimumya vyũ vandũ vake.</verse>
				<verse number="22">Nũndũ Ngai akamwĩkĩsya, na ndakew’ĩa tei: Nake akenda kũsemba kuma kw’okonĩ kwake.</verse>
				<verse number="23">Andũ makamũkũnangĩa mbĩ, Na makamũtimba aume vandũ vake.</verse>
			</chapter>
			<chapter number="28">
				<verse number="1">Vate ndĩi ve ĩima ya vetha, Na vandũ va thaavu ũla matheasya.</verse>
				<verse number="2">Kĩaa nĩkyumaw’a nthĩ, Na ũthuku nũtwekethaw’a kuma ĩvianĩ.</verse>
				<verse number="3">Mũndũ nĩwiĩte mũvaka wa kĩvindu, Na kũmantha, kũvika mũvaka wĩ kũasa mbee, Mavia me wiũnĩ na me kĩvindunĩ kya ngokomi.</verse>
				<verse number="4">Nĩwĩnzaa ĩima kũasa na vala andũ matũaa; Nĩmolawa nĩ ũkinyĩlo wa kũũ; Nĩmeũsũnzũlw’a kũasa na andũ, nĩmasũaa kũu na kũu.</verse>
				<verse number="5">Ũndũ wa nthĩ, lĩu nĩwumaa kwayo; Na ĩtheo nĩkũlumanaw’a ta kũkũlumanw’a nĩ mwaki.</verse>
				<verse number="6">Mavianĩ mayo nĩ vala ve tũvila twa savili, Na yĩ na mũthanga wa thaavu.</verse>
				<verse number="7">Nzĩa ĩsu vaiĩ nyũnyi mbai ĩmĩsĩ, O na itho ya kĩvaalala yĩtyaamyona:</verse>
				<verse number="8">Nyamũ syĩ ngathĩĩo ityaamĩkinya, O na mũnyambũ mwai ndwaamĩkinyĩla.</verse>
				<verse number="9">Nũtambũũkĩĩsya kw’oko kwake ĩvia yũmũ mũno; Nũkũlumanasya iĩma na mĩi.</verse>
				<verse number="10">Nĩwalasya mokinyĩlo mavianĩ; Na itho yake nĩyonaa kĩla kĩndũ kĩ vata mũno.</verse>
				<verse number="11">Nũvingĩaa tũlũsĩ tũikavivũke; Na kĩla kĩvithe nũetae kyeninĩ.</verse>
				<verse number="12">Ĩndĩ ũĩ ũkooneka va? Na vandũ va ũmanyi nĩ va?</verse>
				<verse number="13">Mũndũ ndesĩ thooa waw’o; O na ndwoneka nthĩ ya ala me thayũ.</verse>
				<verse number="14">Kyũngũ nĩkyaasya, Ndwĩ nthĩnĩ wakwa; Na ũkanga nĩwaasya, Ndwĩ nakwa.</verse>
				<verse number="15">Ndũtonya kũthoowa na thaavu, O na vetha ndũkathimwa wĩthĩwe thooa waw’o.</verse>
				<verse number="16">Ndũtonya kwĩananw’a thooa waw’o na thaavu wa Ovilu, Kana kavila ke thooa mũnene ka nzumalati, kana ka savili.</verse>
				<verse number="17">Thaavu na kĩsisyo ititonya kwĩananw’a naw’o, O na ndũkakũanw’a na mĩio ya wanake ya thaavu mũseo.</verse>
				<verse number="18">Vethalũka kana kĩsisyo kĩtisu itikawetwa: Ĩĩ, thooa wa ũĩ nĩ mũnene kũvĩtũka tũvila twa maliani.</verse>
				<verse number="19">Kavila ka tovasi ka Ethiovia kaitonya kwĩananw’a naw’o, O na ndũkeanan’ya thooa na thaavu mũseo.</verse>
				<verse number="20">Ũĩ wumaa va ĩndĩ? Na vandũ va ũmanyi nĩ va?</verse>
				<verse number="21">Nũndũ nũvithanĩtw’e na metho ma onthe me thayũ, Na kũvithwa nyũnyi sya yayaya itikawone.</verse>
				<verse number="22">Wanangĩko na kĩkw’ũ nikwasya, Nĩtwĩw’ĩte na matũ maitũ ĩsyũ yaw’o.</verse>
				<verse number="23">Ngai nũmanyaa nzĩa yaw’o, Na nĩwĩsĩ vandũ vaw’o.</verse>
				<verse number="24">Nũndũ nake nĩwona kũvika itulu sya nthĩ, Na kũsisya ĩtheo wa ĩtu yonthe;</verse>
				<verse number="25">Aseũvya kĩthimo kya kĩseve: Ĩĩ, nũthimaa manzĩ na kĩthimi.</verse>
				<verse number="26">Yĩla waseũvisye ũtw’ĩo ũndũ wa mbua, Na nzĩa ya ũtisi wa kĩtundumo;</verse>
				<verse number="27">Nĩvo ĩndĩ wawonie, na ootavan’ya; Oolũlũmĩlya, ĩĩ, na kũmantha.</verse>
				<verse number="28">Na amwĩa mũndũ, Sisya, kũmũkĩa Mwĩaĩi, nĩkw’o ũĩ; Na kũtia ũthũku nĩkw’o ũmanyi.</verse>
			</chapter>
			<chapter number="29">
				<verse number="1">Na Yovu aneena ngelekan’yo yake ĩngĩ, na asya,</verse>
				<verse number="2">A! Kethĩwa nĩilyĩ o tondũ nailyĩ myei ya tene, Ta mĩthenya ĩla Ngai wanzũvĩaa;</verse>
				<verse number="3">Yĩla taa wake wakeneaa mũtwenĩ wakwa, Na kwondũ wa kyeni kyake navĩtĩlaa kĩvindunĩ;</verse>
				<verse number="4">O tondũ nailyĩ wĩunĩ wa mĩthenya yakwa, Yĩla ũnyanya wa Ngai waĩ ĩũlũ wa ĩeema yakwa;</verse>
				<verse number="5">Yĩla Mwene Vinya W’onthe waĩ nakwa, Na syana syakwa inthyũlũlũkĩte:</verse>
				<verse number="6">Yĩla matambya makwa mathambaw’a na mauta, Na ĩvia yambonoeasya tũlũsĩ twa mauta!</verse>
				<verse number="7">Yĩla naumaalaa mbingĩlonĩ ya ndũa, Yĩla naiaa kĩvĩla kyakwa nzĩanĩ nene,</verse>
				<verse number="8">Anake mambona nĩmeevithaa, Na ala akũũ mookĩlaa na kũũngama;</verse>
				<verse number="9">Anene nĩmeesiĩĩaa kũneena, Na kũkunĩka makanyw’a na moko moo;</verse>
				<verse number="10">Wasya wa anene me ndaĩa nĩwakilasya, Na ũĩmĩ woo uilũman’ya na kaakaa wa kanyw’a woo.</verse>
				<verse number="11">Nũndũ yĩla kũtũ kwambĩw’aa, nĩkwangathimaa; Na yĩla itho yambonaa, nĩyangũsĩĩaa:</verse>
				<verse number="12">Nĩkwĩthĩwa nĩnavonokasya ngya ila syakayaa, O na ũla wakw’ĩĩwe nĩ ĩthe, ũla ũtaĩ na mũndũ wa kũmũtethya.</verse>
				<verse number="13">Ũathimo wa ũla wakilĩlye kwaa nĩwambũkĩaa; Na natumaa ngoo ya mũndũ mũka ndiwa yina ũndũ wa ũtanu.</verse>
				<verse number="14">Nekĩaa ũlũngalu, na ũkĩmbw’ĩka: Ũsili wakwa wa katĩ wailyĩ ta ngũa ndasa na ngovia ya ũsumbĩ.</verse>
				<verse number="15">Nakwa naĩ metho kwa ililinda, Na naĩ maũũ kwa ala mathuaa.</verse>
				<verse number="16">Na naĩ ĩthe wa athĩni: Na ũvoo wa ũla ndaamanya nĩnoomanthaa.</verse>
				<verse number="17">Na natũlaa ngambu sya ũla ũte mũlũngalu, Na kumya sya nzyĩma maeonĩ make.</verse>
				<verse number="18">Nĩvo ĩndĩ naisye, Ngakw’a ndalanĩ yakwa, Na ngaingĩvya mĩthenya yakwa ta kĩthangathĩ:</verse>
				<verse number="19">Mũi wakwa nũtambũũkĩte manzĩnĩ, Na ĩmwe nĩyĩkalaa ũtukũ w’onthe ũvongenĩ wakwa:</verse>
				<verse number="20">Ũnene wakwa nĩ mweũ nthĩnĩ wakwa, Na ũta wakwa nũtũngĩtwe mweũ kw’okonĩ kwakwa.</verse>
				<verse number="21">Andũ nĩmambĩthukĩĩasya, na kweteela, Na nĩmavindasya mew’e ũtao wakwa.</verse>
				<verse number="22">Ndeto syakwa syathela matyaneenaa ĩngĩ; Na kũneena kwakwa nĩkwavolotangaa ĩũlũ woo.</verse>
				<verse number="23">Na nĩmambeteelaa ta kweteela mbua; Na nĩmaathamasya kanyw’a woo mũno ta kwosa mbua ya uũa.</verse>
				<verse number="24">Nĩnamasiasya na ũtanu, yĩla mataĩ na ũĩkĩĩi; Na kyeni kya ũthyũ wakwa matyaakĩkya nthĩ.</verse>
				<verse number="25">Nĩnamanyuvĩaa nzĩa yoo, na nekalaa nthĩ ta mũnene, Na nekalaa ta mũsumbĩ itanĩ Ta ũmwe ũla ũkiakiasya ala mametaa.</verse>
			</chapter>
			<chapter number="30">
				<verse number="1">Ĩndĩ yu ala anini kwĩ nyie nĩmeũmbũthya, Ala aaĩthe moo navũthĩtye kũmekĩanĩsya na ngitĩ sya ndĩthya yakwa ya mbũi na malondu.</verse>
				<verse number="2">Ĩĩ, vinya wa moko moo, ũkanguna na kyaũ? Andũ ala mewĩthĩtye myaka yoo na ĩkanangĩka.</verse>
				<verse number="3">Nĩ amosu nũndũ wa kwaĩwa na yũa; Nĩmavevetaa nthĩ nyũmũ, kũla kwĩ wiũ wa vathei na wanangĩko.</verse>
				<verse number="4">Nĩmovaa kyũnyũ vakuvĩ na ikuthu; Na mĩi ya mũlutemu nĩ lĩu woo.</verse>
				<verse number="5">Nĩmalũngĩtw’e kuma katĩ wa andũ; Nĩmauĩtye ũkemi ĩtina woo ta kũatĩĩa kĩng’ei;</verse>
				<verse number="6">Kwondũ wa ũu nĩmatũaa myandanĩ yi ũtĩsyo, Maĩmanĩ ma nthĩ na ma mavia.</verse>
				<verse number="7">Nĩmekwanĩsya ikuthunĩ; Mombanĩte ungu wa syĩnyeelya.</verse>
				<verse number="8">Nĩ syana sya ndia, ĩĩ, syana sya andũ mate kĩĩĩ; Nĩmakũniwe maumw’e ĩ nthĩ.</verse>
				<verse number="9">Na yu nĩtw’ĩkĩte wathi woo, Ĩĩ, nĩ wa kũvũthw’a nĩo.</verse>
				<verse number="10">Nĩmanthĩthaa, nĩmaũngamaa mevathanĩte nakwa, Na matiũlea kũndw’ĩla mata ũthyũnĩ wakwa.</verse>
				<verse number="11">Nũndũ nũthaĩtye ĩkanda yake, na kũnthĩn’ya; Na nĩmavetete mũkwa mbee wakwa.</verse>
				<verse number="12">Kw’okonĩ kwakwa kwa aũme nguthu ya imaamai nĩyũkĩlaa; Nĩmalutaa maũũ makwa maende ũtee, Na nĩmambũkĩlĩlasya nzĩa syoo sya wanangĩko.</verse>
				<verse number="13">Nĩmaanangaa nzĩa yakwa, Nĩmakalaataa wanangĩko wakwa mũnene, O andũ ala mate na mũtethya.</verse>
				<verse number="14">Nĩmokaa o ta kũvĩtĩla ũvũthũenĩ mũnene: Katĩ wa ũomboku nĩmembonoeasya.</verse>
				<verse number="15">Motĩsyo nĩmethyũũĩte mambũkĩe; Nĩmaatĩĩaa ndaĩa yakwa ta kĩseve; Na ũunĩko wakwa nũvĩtĩe ta ĩthweo.</verse>
				<verse number="16">Na yu ngoo yakwa nĩyĩtĩkĩte nthĩnĩ wakwa; Mĩthenya ya thĩna nĩngwatĩte.</verse>
				<verse number="17">Ũtukũ mavĩndĩ makwa nĩmasinangĩawa nthĩnĩ wakwa, Kyalya kĩla kĩmbevetaa kĩilikaa.</verse>
				<verse number="18">Kwondũ wa vinya mũnene wa Ngai ngũa yakwa nĩ ngalyũku; Nĩngwete ta kala ya ĩkoti yakwa.</verse>
				<verse number="19">Nũmbĩkĩtye ndakanĩ, Na nĩnĩtw’ĩkĩte ta kĩtoo na mũu.</verse>
				<verse number="20">Nĩkwĩkaĩlaa, na ndũnzũngĩaa: Nĩũngamaa, naku nũngeteeaa.</verse>
				<verse number="21">Nũalyũkĩte wĩthĩwe mwai kwakwa; Nũnthĩnasya na vinya wa kw’oko kwaku.</verse>
				<verse number="22">Nũmbũkĩlasya kĩsevenĩ, nũtumaa nĩkuwa nĩkyo; Na nũndweketheasya kĩuutaninĩ.</verse>
				<verse number="23">Nũndũ nĩnĩsĩ ũkambikya kĩkw’ũnĩ, Na nyũmbani ĩla ĩtw’ĩĩwe andũ onthe me thayũ.</verse>
				<verse number="24">O na ũu w’onthe mũndũ ndatambũũkasya kw’oko aivalũka? Kana wanangĩkonĩ wake mũnene kwondũ wa ũu ndakayaa one ũtethyo?</verse>
				<verse number="25">Ndyaaĩa kwondũ wa ũla waĩ thĩnanĩ? Ngoo yakwa ndĩaĩw’a woo kwondũ wa mũthĩni?</verse>
				<verse number="26">Yĩla namanthie ũseo, ũthũku wooka; Na yĩla neeteelile kyeni, kwookie kĩvindu.</verse>
				<verse number="27">Ngoo yakwa nĩnĩkũũũya, na ndĩthũmũaa; Mĩthenya ya thĩna nĩmbũkĩe.</verse>
				<verse number="28">Nĩendaa na kĩmeto vate syũa: Nĩũngamaa ũmbanonĩ, na kũkaya none ũtethyo.</verse>
				<verse number="29">Nyie nĩ mwana‐a‐ĩthe wa mbĩwa, Na mũtindan’ya wa nyaa.</verse>
				<verse number="30">Kĩkonde kyakwa nĩ kiũ, na nĩkĩmbuma, Na mavĩndĩ makwa nĩ mavĩvye nĩ muutĩa.</verse>
				<verse number="31">Kwondũ wa ũu mbeve yakwa nĩalyũkĩte ĩkatw’ĩka ya kũmeta, Na mũtũlilũ wakwa wĩ na wasya wa ala maĩaa.</verse>
			</chapter>
			<chapter number="31">
				<verse number="1">Nyie nĩnatianĩe ũtianĩo na metho makwa; Ndonya ata ĩndĩ kũsisya mwĩĩtu mũtheu?</verse>
				<verse number="2">Nũndũ kĩanda nĩ kyaũ kuma ĩũlũ kwa Ngai, Na ũtiĩwa kuma ĩũlũ kwa Mwene Vinya W’onthe?</verse>
				<verse number="3">Ti wanangĩko mũnene kwa ala mate alũngalu, Na thĩna kwa eki ma naĩ?</verse>
				<verse number="4">Nake ndekwona mĩendele yakwa? Na kũtala matambya makwa onthe?</verse>
				<verse number="5">Ethĩwa nĩnaendanisye na ũvũngũ, Na kũũ kwakwa nĩkweekalaatile kũkengana</verse>
				<verse number="6">(Nyie nĩthimwe na kĩthimi kya katĩ, Nĩ kana Ngai amanye wĩanĩu wakwa);</verse>
				<verse number="7">Ethĩwa matambya makwa nĩmeelelũkile kũtia nzĩa, Na ngoo yakwa yaendie kũatĩĩa metho makwa, Na ethĩwa ũvuku nĩwĩkwatĩle moko makwa:</verse>
				<verse number="8">Nĩvo ĩndĩ nĩvuĩe, na ũngĩ nĩaye; Ĩĩ, ũsyao wa mũunda wakwa ũkũwe na mĩi.</verse>
				<verse number="9">Ethĩwa ngoo yakwa nĩyasengasengiwe nĩ mũndũ mũka, Nakwa neteelile mũomonĩ wa mũtũi wakwa;</verse>
				<verse number="10">Nĩvo ĩndĩ kĩveti kyakwa nĩkĩthiĩe ũngĩ, Na angĩ makĩkomee.</verse>
				<verse number="11">Nũndũ yĩu nĩ ĩvĩtyo yai; Ĩĩ, nĩ naĩ ya kũsilĩlwa nĩ asili:</verse>
				<verse number="12">Nũndũ nĩ mwaki ũla ũminaa kũvika wanangĩko, Na ũkakũanĩsya na mĩi wingĩvo wakwa w’onthe.</verse>
				<verse number="13">Ethĩwa nĩnĩvũthĩtye ũvoo wa mũthũkũmi wakwa mũndũ mũũme kana mũndũ mũka, Yĩla maneenanisye nakwa;</verse>
				<verse number="14">Ngeeka ata ĩndĩ yĩla Ngai wĩũkĩla? Na yĩla wĩsila, ngamũsũngĩa ata?</verse>
				<verse number="15">Ũla wambũmbĩe ĩvunĩ ndaamũmba? Na ti ũmwe ũla watũmbĩe ĩvunĩ?</verse>
				<verse number="16">Ethĩwa nĩnaimie ngya kĩla syendete, Kana kũtuma metho ma mũndũ mũka ndiwa maseekea,</verse>
				<verse number="17">Kana naya kĩlungu kyakwa nĩ nyioka, Na ũla wakw’ĩĩwe nĩ ĩthe ndaaya kyakyo</verse>
				<verse number="18">(Aiee, kuma wana wakwa nĩweanie e nakwa ta ũkwĩana e na ĩthe, Na ũ mũndũ mũka nĩnĩmũtongoeetye kuma o nauma ĩvunĩ ya mwaitũ);</verse>
				<verse number="19">Ethĩwa nĩnoonie mũndũ o na wĩva akyaa nũndũ wa kwaĩwa nĩ ngũa, Kana mũthĩni ate na kya kwĩvw’ĩka;</verse>
				<verse number="20">Ethĩwa kĩnyunyu kyake kĩtyaangathima, Na ethĩwa nake ndaaĩkĩwa muutĩa nĩ w’ĩa wa malondu makwa;</verse>
				<verse number="21">Ethĩwa nĩnĩmũkĩlĩĩlye ũla wakw’ĩĩwe nĩ ĩthe kw’oko kwakwa, Nĩkwĩthĩwa nĩnoonie ũtethyo wakwa mbingĩlonĩ:</verse>
				<verse number="22">Nĩvo ĩndĩ kĩtuo kyakwa kĩkavũkĩle kĩkombenĩ kya kĩtuo, Na kw’oko kwakwa nĩkũtũlĩkĩle ĩvĩndĩnĩ.</verse>
				<verse number="23">Nũndũ wanangĩko mũnene wumĩte kwa Ngai nĩ ũtĩsyo kwakwa, Na kwondũ wa ũnene wake nditonya kwĩka ũndũ.</verse>
				<verse number="24">Ethĩwa ndw’ĩte thaavu wĩkwatyo wakwa, Na kũtavya thaavu mũseo, Nue ũĩkĩĩi wakwa;</verse>
				<verse number="25">Ethĩwa nĩnatanie nũndũ wa ũthwii wakwa kwingĩva, Na nĩkwĩthĩwa kw’oko kwakwa nĩkwosie mwingĩ;</verse>
				<verse number="26">Ethĩwa nĩnasiisye syũa yĩla yatisaa, Kana mwei ũkĩendeea ũtisunĩ,</verse>
				<verse number="27">Na ngoo yakwa yasengasengwa na kĩmbithĩ, Na kanyw’a wakwa wamumunya kw’oko kwakwa:</verse>
				<verse number="28">Ĩsu nayo nĩ naĩ ya kũsilĩlwa nĩ asili; Nũndũ nĩthĩwa nakaĩa Ngai ũla wĩ ĩũlũ.</verse>
				<verse number="29">Ethĩwa nĩnĩtanie nũndũ wa wanangĩko wa ũla wamenie, Kana kwĩyũkĩlya yĩla ũthũku wamũkwatie</verse>
				<verse number="30">(Ĩĩ, ndyaaeka kanyw’a wakwa wĩke naĩ Kwondũ wa kwĩtya thayũ wake na kĩumo);</verse>
				<verse number="31">Ethĩwa andũ ma ĩeema yakwa matyaasya, Nũũ ũtonya kwona ũmwe ũla ũtaavũnw’a nĩ nyama syake?</verse>
				<verse number="32">(Mwĩkali wa ũeni ndaakoma nzĩanĩ nene; Ĩndĩ nĩnamũvingũĩaa mũendi wa kyalo mĩomo yakwa);</verse>
				<verse number="33">Ethĩwa ta Atamu nĩnavw’ĩkie mavĩtyo makwa, Kwondũ wa kũvitha naĩ yakwa kĩthũinĩ kyakwa,</verse>
				<verse number="34">Nũndũ nĩnakĩie wingĩ wa andũ, Na kĩvũthya kya mĩvĩa ya andũ nĩkyandĩsisye, Na ĩndĩ navindya, na ndyaaumaala mũomonĩ—</verse>
				<verse number="35">A! Kethĩwa nĩ na ũmwe wa kũmbĩthukĩĩsya! (Sisya, saii wakwa nĩ ũũ, Mwene Vinya W’onthe nanzũngĩe) Na kethĩwa nĩ na ũvingan’yo ũla nthũ yakwa ĩandĩkĩte!</verse>
				<verse number="36">Vate ndĩi nĩũkua kĩtuonĩ kyakwa; Nĩwoveea kwakwa ta ngovia ya ũsumbĩ:</verse>
				<verse number="37">Nĩmũtavya ũtalo wa matambya makwa; Nĩmũthengeea ta mũnene wĩ mbee ũsumbĩnĩ.</verse>
				<verse number="38">Ethĩwa nthĩ yakwa nĩnĩũndonzanĩlya, Na mĩkao yayo kũĩa vamwe;</verse>
				<verse number="39">Ethĩwa nĩnaĩe mosyao mayo vate mbesa, Kana nĩnatumie ene mayo masya thayũ woo:</verse>
				<verse number="40">Thangila nimee vandũ va nganũ, Na maia mathũku vandũ va mbaale. Ndeto sya Yovu nĩsyathela.</verse>
			</chapter>
			<chapter number="32">
				<verse number="1">Na ĩndĩ andũ asu atatũ nĩmaekie kũsũngĩa Yovu, nũndũ aĩ mũlũngalu methonĩ make mwene.</verse>
				<verse number="2">Nĩvo ĩndĩ ũthilĩku wa Eliu mwana wa Mbalakeli Mũvusi, wa mũvĩa wa Lamu, wakanie: ũthilĩku wake wamwakanĩa Yovu, nĩkwĩthĩwa nĩwetalile mwene mũlũngalu kwĩ kũtalĩla Ngai ũlũngalu.</verse>
				<verse number="3">O na ĩngĩ ũthilĩku wake wamakanĩa anyanyae make atatũ, nĩkwĩthĩwa matyaĩ na ũsũngĩo, ĩndĩ matw’a Yovu nĩ mũvĩtan’ya.</verse>
				<verse number="4">Eliu aĩ aneteela kũneena na Yovu, nĩkwĩthĩwa asu maĩ akũũ kwĩ we.</verse>
				<verse number="5">Na yĩla Eliu wonie kana vati ũsungĩo kanyw’anĩ wa andũ asu atatũ, ũthilĩku wake wakana.</verse>
				<verse number="6">Na Eliu mwana wa Mbalakeli asũngĩa na asya, Nyie nĩ mũnini, na inyw’ĩ mwĩ akũũ mũno; Kwondũ wa ũu nĩneesiĩĩe, na nakĩa kũmwon’ya ũndũ ngwona.</verse>
				<verse number="7">Naisye, Mĩthenya nĩyaĩle kũneena, Na wingĩ wa myaka nĩwaĩle kũmanyĩsya ũĩ.</verse>
				<verse number="8">Ĩndĩ kwĩ veva nthĩnĩ wa mũndũ, Na mĩvevo ya Mwene Vinya W’onthe nĩmanengae ũmanyi.</verse>
				<verse number="9">Ti ala anene me na ũĩ, Kana akũũ ala mamanyaa ũsili wa katĩ.</verse>
				<verse number="10">Kwondũ wa ũu nasya, Mbĩthukĩĩsyai; Nakwa ngoonan’ya ũndũ ngwona.</verse>
				<verse number="11">Sisyai, nĩneteelile ndeto syenyu, Neethukĩĩsya nĩw’e mosũanĩo menyu, Yĩla mũũmanthaa ũndũ wa kũneena.</verse>
				<verse number="12">Ĩĩ, nĩnĩmwĩthukĩĩsye, Na, sisyai, vatyaĩ waamwĩtĩkĩlĩthya Yovu, Kana ũla wasũngĩie ndeto syake, katĩ wenyu.</verse>
				<verse number="13">Ĩsũvĩei mũtikese kũneena, Nĩtwonete ũĩ; Ngai nũtonya kũmũkĩlya vinya, ti mũndũ:</verse>
				<verse number="14">Nũndũ ndaambelekelya ndeto syake; O nakwa ndikamũsũngĩa na ndeto syenyu.</verse>
				<verse number="15">Nĩmeũseng’a, matisũngĩa ĩngĩ: Mati na ndeto ya kũneena.</verse>
				<verse number="16">Nakwa ngeeteela, nũndũ matiũneena, Nũndũ maũngeme, na matikũsũngĩa ĩngĩ?</verse>
				<verse number="17">Nakwa nĩngũsũngĩa ngalĩ ĩ yakwa, O nakwa ngoonan’ya ũndũ ngwona.</verse>
				<verse number="18">Nũndũ nĩ mũsũu ndeto; Nĩngũthing’ĩĩw’a nĩ veva nthĩnĩ wakwa.</verse>
				<verse number="19">Sisyai, kĩthũi kyakwa nĩ ta mbinyu ĩte na ũmĩlo; Ta tũthatwa tweũ twa mbinyu tũla tũkilyĩ kwatũka.</verse>
				<verse number="20">Nakwa nĩngũneena, nĩ kana nĩvuũkw’e; Ngatumũkya ilomo syakwa na kũsũngĩa.</verse>
				<verse number="21">Nĩngũmwĩsũva, ndikone mũndũ ta kĩndũ; O na ndikamũnenga mũndũ o na wĩva masyĩtwa ma ũmũkathĩĩa.</verse>
				<verse number="22">Nũndũ ndyĩsĩ kũnengane masyĩtwa ma kũkathĩĩa; Ethĩwa nĩ ũu Mũmbi wakwa nĩkũmbosa mĩtũkĩ.</verse>
			</chapter>
			<chapter number="33">
				<verse number="1">Ĩndĩ, Yovu, nĩngũkwĩsũva, ĩw’a kũneena kwakwa, Noiĩthukĩĩsya ndeto syakwa syonthe.</verse>
				<verse number="2">Sisya yu, nĩnathamĩtye kanyw’a wakwa; Ũĩmĩ wakwa nũneenete kanyw’anĩ wakwa.</verse>
				<verse number="3">Ndeto syakwa ikaneena ũlũngalu wa ngoo yakwa; Na ũndũ ũla ilomo syakwa syĩsĩ nĩw’o ikaneena w’o.</verse>
				<verse number="4">Veva wa Ngai nĩwambũmbie, Na mĩthũmũ ya Mwene Vinya W’onthe nĩnengae nyie thayũ.</verse>
				<verse number="5">Ethĩwa nũtonya, nzũngĩa; Neena ndeto syaku iatĩĩanĩe mbee wakwa, ũngama.</verse>
				<verse number="6">Sisya, nĩilyĩ kwa Ngai o ũndũ ũilyĩ: O nakwa nĩnoombiwe na yũmba.</verse>
				<verse number="7">Sisya, ũtĩsyo wakwa ndũkakũtelemya, O na kũvivinya kwakwa kũikethĩwa kũito ĩũlũ waku.</verse>
				<verse number="8">Nĩ w’o nũneenete ngĩw’a, Na nĩnĩw’ĩte wasya wa ndeto syaku, ũkyasya,</verse>
				<verse number="9">Nyie nĩ mũtheu, vate naĩ; Ndi na ĩvĩtyo, o na vati ũthũku nthĩnĩ wakwa:</verse>
				<verse number="10">Sisya, nũntheaa, Nũndalaa nĩ mũmaitha wake;</verse>
				<verse number="11">Nĩwĩkĩaa maũũ makwa mĩtĩnĩ ya kũmoveea, Nũthianaa mĩendele yakwa yonthe.</verse>
				<verse number="12">Sisya, nĩngũũsũngĩa, ũndũnĩ ũũ ndwĩ mũlũngalu; Nũndũ Ngai nĩ mũnene kwĩ mũndũ.</verse>
				<verse number="13">Nĩkĩ ũũkĩlan’ya vinya nake, Nũndũ ndaumasya ũtalo wa ũndũ o na wĩva wake?</verse>
				<verse number="14">Nũndũ Ngai nũneenaa ĩmwe, Ĩĩ kelĩ, o na kau mũndũ ndonaa ta ũndũ.</verse>
				<verse number="15">Ndotonĩ, woninĩ wa ũtukũ, Andũ makomete too mũnene, Momboesye kĩtandanĩ;</verse>
				<verse number="16">Nĩvo ĩndĩ ũvingũaa matũ ma andũ, Na kũsiĩla ũmanyĩsyo woo,</verse>
				<verse number="17">Nĩ kana amũvete mũndũ ũndũnĩ ũla wendaa kwĩka, Na kũmũvitha mũndũ ngathĩĩo;</verse>
				<verse number="18">Nũsiĩĩaa thayũ wake ndũkalike yĩla ĩimanĩ, Na thayũ wake ndũkaw’e nĩ ũvyũ.</verse>
				<verse number="19">Nake nũkũnĩawa nĩ kyalya ũkomonĩ wake, Na ĩteta yĩtatw’ĩkanaa mavĩndĩnĩ make;</verse>
				<verse number="20">Na kwondũ wa ũu thayũ wake nũthĩthaa lĩu, Na ngoo yake lĩu mũseo.</verse>
				<verse number="21">Nyama yake nĩ mine, ndĩtonya kwoneka; Na mavĩndĩ make ala mataĩ moneku nĩmaumĩlĩte.</verse>
				<verse number="22">Ĩĩ, ngoo yake nĩthengeee yĩla ĩima, Na thayũ wake ala manangaa.</verse>
				<verse number="23">Ethĩwa ve mũlaĩka vamwe nake, Mũvuan’ya, ũmwe katĩ wa ngili, Kũmwon’ya mũndũ ũla ũseo kwake;</verse>
				<verse number="24">Nĩvo ĩndĩ Ngai nĩ mũseo kwake, na easya, Mũvonokye ndakatheee yĩla ĩimanĩ, Nĩnonete mbovosya.</verse>
				<verse number="25">Mwĩĩ wake ũkeethĩwa mwololo kwĩ wa kana; Nũsyokaa mĩthenyanĩ ya wana wake.</verse>
				<verse number="26">Nũmũvoyaa Ngai, nake nũmwĩkaa ũseo, Ũkethĩa nĩwonaa ũthyũ wake na ũtanu: Na nũmũtũngĩaa mũndũ ũlũngalu wake.</verse>
				<verse number="27">Nĩwĩnĩaa mbee wa andũ, na kwasya, Nĩnĩvĩtĩtye, na kwelelũkasya kĩla kya w’o, Na ndyaaunĩka:</verse>
				<verse number="28">Nĩwovoetye ngoo yakwa ndĩkatheee yĩla ĩimanĩ, Na thayũ wakwa ũkoona kyeni.</verse>
				<verse number="29">Sisya, maũndũ asu onthe Ngai nĩwĩkaa, Kelĩ, ĩĩ katatũ, kwa mũndũ,</verse>
				<verse number="30">Atũnge ngoo yake kuma yĩla ĩimanĩ, Nĩ kana eekĩwe kyeni nĩ kyeni kya ala me thayũ.</verse>
				<verse number="31">Sisya nesa, we Yovu, mbĩthukĩĩsya: Vindya, nakwa nĩngũneena.</verse>
				<verse number="32">Ethĩwa wĩ na ũndũ wa ũneena, nzũngĩa: Neena, nũndũ nĩngwenda ũkũtala mũlũngalu.</verse>
				<verse number="33">Ethĩwa ti ũu, mbĩthukĩĩsya: Vindya, na ngakũmanyĩsya ũĩ.</verse>
			</chapter>
			<chapter number="34">
				<verse number="1">Na ũndũ ũngĩ Eliu asũngĩa na asya,</verse>
				<verse number="2">Ĩw’ai ndeto syakwa, ĩnyw’ĩ andũ oĩ; Na ngunũĩai matũ, inyw’ĩ ala mwĩ na ũmanyi.</verse>
				<verse number="3">Nũndũ kũtũ nĩkũtataa ndeto, O tondũ kaakaa ũsamaa lĩu.</verse>
				<verse number="4">Twĩnyuvĩe ũndũ ũla ũlũngalu: Tũmanye katĩ waitũ ene ũla ũseo.</verse>
				<verse number="5">Nũndũ Yovu nũneenete, Nyie nĩ mũlũngalu, Na Ngai nũvetete kĩanda kyakwa:</verse>
				<verse number="6">O na kau ũlũngalu wakwa wĩ vo nĩngũtalwa nĩ mũneeni wa ũvũngũ; Wũkite wakwa ndũvoeka, o na ndi na ĩvĩtyo.</verse>
				<verse number="7">Nĩ mũndũ wĩva ũilyĩ Yovu, Ũla ũnyusaa kĩvũthya ta manzĩ,</verse>
				<verse number="8">Ũla ũtindanasya na eki ma naĩ, Na kũtambũkanasya na andũ athe?</verse>
				<verse number="9">Nũndũ nake nũneenete, kũtiunaa mũndũ na kĩndũ Kwĩtan’ya nthĩnĩ wa Ngai.</verse>
				<verse number="10">Kwondũ wa ũu mbĩthukĩĩsyai, inyw’ĩ andũ mwĩ na ũmanyi: Nĩkwĩthĩwe kũasa na Ngai, atĩ eke ũthũku, Na kũasa na Mwene Vinya W’onthe, atĩ eke naĩ.</verse>
				<verse number="11">Nũndũ akamũĩva mũndũ wĩa wake, Na kũtuma kĩla mũndũ osa kwĩanana na mĩendele yake.</verse>
				<verse number="12">Ĩĩ, nĩ w’o ki, Ngai ndakeka ũthũku, O na Mwene Vinya W’onthe ndakelelũkya ũsili wa katĩ.</verse>
				<verse number="13">Nũũ ũla wamũnengie wĩaĩo ĩũlũ wa nthi? Kana nũũ ũla wiĩte nthĩ yonthe?</verse>
				<verse number="14">Ethĩwa akeelekelya ngoo yake mwene kwĩsisya, Ethĩwa akeeyũmbanĩsya veva wake na mĩthũmũ yake;</verse>
				<verse number="15">Mĩĩ yonthe ĩkaaa vamwe, Na mũndũ akatw’ĩka o kĩtoo ĩngĩ.</verse>
				<verse number="16">Ethĩwa yu wĩ na ũmanyi, ĩw’a ũũ: Ĩthukĩĩsye wasya wa ndeto syakwa.</verse>
				<verse number="17">O na ũmwe ũla ũmenaa ũsili wa katĩ akasumbĩka? Na ũkamũtw’a mũvĩtan’ya ũla mũlũngalu na wĩ ũtonyi?—</verse>
				<verse number="18">Ũla ũtavasya mũsumbĩ, Wĩ mũvuku, Kana ala me ndaĩa, Mwĩ athũku;</verse>
				<verse number="19">Ũla ũtonaa anene me mbee ũsumbĩnĩ ta kĩndũ, Kana kũsisya athwii kũvĩtũka ngya; Nũndũ onthe nĩ wĩa wa moko make.</verse>
				<verse number="20">Kavinda kanini nĩmakusaa o ũtukũ katĩ; Andũ nĩmathingithaw’a, na maivĩta, Na ala me na ũtonyi nĩmatwaawa vate kw’oko.</verse>
				<verse number="21">Nũndũ metho make nĩmasiasya nzĩa sya mũndũ, Na nĩwonaa mĩendele yake yonthe.</verse>
				<verse number="22">Vati kĩvindu, kana mũki mũnene, Vala eki ma naĩ matonya kwĩvitha.</verse>
				<verse number="23">Nũndũ nde vata kũsũanĩanga ũndũ wa mũndũ, Kana eũngama mbee wa Ngai ũsilĩlonĩ.</verse>
				<verse number="24">Nũtilangaa ngũmbaũ ilungu na nzĩa itamanyĩka, Na kwia angĩ vandũ voo.</verse>
				<verse number="25">Kwondũ wa ũu nũsiasya mawĩa moo; Na nũmakũlumanasya ũtukũ, na kwondũ wa ũu makyanangwa.</verse>
				<verse number="26">Nũmakũnaa ta andũ athũku Ala angĩ mamasyaĩtye;</verse>
				<verse number="27">Nũndũ nĩmaathũkie maeka kũmũatĩĩa, Na matyaaĩtĩkĩla nzĩa yake o na yĩva:</verse>
				<verse number="28">Kwondũ wa ũu matuma kĩĩo kya ngya kĩmũvikĩa, Na eew’a kĩĩo kya ala mathĩnaw’a.</verse>
				<verse number="29">Yĩla ũnenganae ũkilyo, nũũ ĩndĩ ũtonya kũtw’a nĩ mũvĩtan’ya? Na yĩla ũvithaa ũthyũ wake, nũũ ĩndĩ ũtonya kũmwona? Nĩ ũndũ ũmwe ethĩwa ũu wĩkawa kwa mbaĩ, kana kwa mũndũ:</verse>
				<verse number="30">Nĩ kana ũla ũtakĩaa Ngai ndakasũmbĩke, Nĩ kana vatikethĩwe ũmwe wa kũtea andũ.</verse>
				<verse number="31">Nũndũ ve ũmwe waamwĩa Ngai, Nĩnũmĩĩsye kũkũnwa, ndikavĩtya ĩngĩ:</verse>
				<verse number="32">Ũndũ ũla ndekwona manyĩsya nyie: Ethĩwa nĩnĩkĩte naĩ, ndikamĩka ĩngĩ?</verse>
				<verse number="33">Ũĩvanĩsyo wake ũkeethĩwa ta ũndũ ũkwenda, ũndũ ũkũlea? Nũndũ no mũvaka we ũnyuve, ti i nyie: Kwondũ wa ũu neena ũndũ wĩsĩ.</verse>
				<verse number="34">Andũ me na ũmanyi makambĩa, Ĩĩ, kĩla mũndũ mũĩ ũla ũmbĩw’aa:</verse>
				<verse number="35">Yovu aneenaa ate na ũmanyi, Na ndeto syake ti mbũĩ.</verse>
				<verse number="36">Nenda kethĩwa Yovu ũkatatwa kũvika mũminũkĩlyo, Nũndũ wake kũsũngĩa ta andũ athũku.</verse>
				<verse number="37">Nũndũ nĩwongeleelaa naĩ yake ũng’endu; Nũkũnangĩaa mbĩ syake katĩ waitũ, Na kwingĩvya ndeto syake vala ve Ngai.</verse>
			</chapter>
			<chapter number="35">
				<verse number="1">Na ũndũ ũngĩ Eliu asũngĩa na asya,</verse>
				<verse number="2">Nũkũsũanĩa ũu nũkwaĩle, Kana nũkwasya, Ũlũngalu wakwa nĩ mũnene kwĩ wa Ngai,</verse>
				<verse number="3">Ũndũ ũkwasya, Kũkeethĩwa ũtandĩthyo mwaũ kwaku? Na, Ngeethĩwa na ũtandĩthyo mwaũ, kũvĩtũka kethĩwa nĩneekaa naĩ?</verse>
				<verse number="4">Nĩngũũsũngĩa, Na atindan’ya maku me naku.</verse>
				<verse number="5">Sisya matu, noyona; Ĩlooele yayaya, yĩla yĩ ĩũlũ kwĩ we.</verse>
				<verse number="6">Ethĩwa nũvĩtĩtye, ũmwĩkaa ata? Na ethĩwa mavĩtyo maku nĩ mongeleku, ũmwĩkaa ata?</verse>
				<verse number="7">Ethĩwa wĩ mũlũngalu, ũmũnengae kyaũ? Kana nake osaa kyaũ kw’okonĩ kwaku?</verse>
				<verse number="8">Ũthũku waku nũtonya kũthĩn’ya mũndũ o taku; Na ũlũngalu waku nũtonya kũuna mwana wa mũndũ.</verse>
				<verse number="9">Nũndũ wa wingĩ wa mathĩna andũ nĩmakayaa; Nũndũ wa kw’oko kwa ũla wĩ ũtonyi nĩmauaa mbu.</verse>
				<verse number="10">Ĩndĩ vai ũmwe ũkwasya, Ngai Mũmbi wakwa aĩva? Ũla ũnenganae mbathi ũtukũ,</verse>
				<verse number="11">Ũla ũtũmanyĩasya kũvĩtũka nyamũ sya nthĩ, Na kũtũĩvya kwĩ nyũnyi sya yayaya?</verse>
				<verse number="12">Nĩmaĩĩaa vau, ĩndĩ vai ũla ũsũngĩaa, Nũndũ wa ngathĩĩo ya andũ athũku.</verse>
				<verse number="13">Vate ndĩi Ngai ndakew’a kĩĩo kĩthei, O Mwene Vinya W’onthe ndakakĩtĩkĩla.</verse>
				<verse number="14">Nata yĩla waasya ndũmwonaa, Ũvoo wĩ mbee wake, naku nũmweteelaa!</verse>
				<verse number="15">Ĩndĩ yu, nũndũ ndaasila ũthatunĩ wake, O na ndasiasya mũno wĩnenevyo;</verse>
				<verse number="16">Kwondũ wa ũu Yovu nĩwathamasya kanyw’a wake mana; Nĩwingĩvasya ndeto vate ũmanyi.</verse>
			</chapter>
			<chapter number="36">
				<verse number="1">O na Eliu aendeea, na asya,</verse>
				<verse number="2">Ndeka vanini, na nĩngũkwon’ya; Nũndũ nĩ na ũndũ wa kũneena ngalĩ ĩ ya Ngai.</verse>
				<verse number="3">Nĩngũete ũmanyi wakwa kuma kũasa, Na kũmũweta Mũmbi wakwa ũlũngalu.</verse>
				<verse number="4">Nũndũ nĩ w’o ndeto syakwa ti sya ũvũngũ: Ũmwe mwĩanĩu ũmanyinĩ e naku.</verse>
				<verse number="5">Sisya, Ngai e na ũtonyi, na ndavũthasya mũndũ o na wĩva: Nake e na ũtonyi vinyanĩ wa ũmanyi.</verse>
				<verse number="6">Ndasũvĩaa thayũ wa ũla mũthũku, Ĩndĩ nũnengae ala mathĩnaw’a kĩanda kyoo.</verse>
				<verse number="7">Ndaumasya metho make vala ve alũngalu: Ĩndĩ vamwe na asumbĩ me kĩvĩlanĩ kya ũsumbĩ Nũmaiaa tene na tene, nao nĩmanenevaw’a.</verse>
				<verse number="8">Na ethĩwa nĩmovawa na mbĩngũ, Na kũkwatw’a na ndii sya thĩna;</verse>
				<verse number="9">Nĩvo ĩndĩ ũmonasya wĩa woo, Na mavĩtyo moo, atĩ nĩmekĩte na ngathĩĩo.</verse>
				<verse number="10">O na nũvingũaa kũtũ kwoo mose ũmanyĩsyo, Na kwĩaĩa masyoke kuma naĩnĩ.</verse>
				<verse number="11">Ethĩwa nĩmethukĩĩasya na kũmũthũkũmaa, Makekalya mĩthenya yoo ũunĩkonĩ, Na myaka yoo motanunĩ.</verse>
				<verse number="12">Ĩndĩ ethĩwa matikethukĩĩsya, makaaa kwondũ wa ũvyũ, Na makakw’a mate na ũmanyi.</verse>
				<verse number="13">Ĩndĩ ala matakĩaa Ngai ngoonĩ nĩmeyiĩaa ũthatu: Matikayaa matethw’e yĩla ũnũũmova.</verse>
				<verse number="14">Nĩmakusaa wananĩ, Na thayũ woo nĩwaĩaa katĩ wa ala avuku.</verse>
				<verse number="15">Nũvonokasya ala mathĩnaw’a kwondũ wa thĩna woo, Na nũvingũaa kũtũ kwoo me ũnyamaonĩ.</verse>
				<verse number="16">Ĩĩ, enda ũkũtongoesya wume ũnyamaonĩ Ũkũlilya vandũ vathanthau, vala vate vavivinyanu; Na kĩla kĩiawa mesanĩ yaku kĩkeethĩwa kyusĩe ũnou.</verse>
				<verse number="17">Ĩndĩ nĩwusũĩte ũsilĩlo wa ala athũku: Ũsilĩlo na ũsili wa katĩ nikũkwete.</verse>
				<verse number="18">Ndũkaeke ũthilĩku ũkũthokoan’ye ũndũ wa makũna; O na wingĩ wa mbovosya ndũkakwelelũkye.</verse>
				<verse number="19">Kĩĩo kyaku kĩkaũtethya, ndũkethĩwe na thĩna, Kana mavinya onthe ma vinya waku?</verse>
				<verse number="20">Ndũkende ũtukũ, Yĩla andũ mavetawa vandũ voo.</verse>
				<verse number="21">Ĩsuvĩe, ndũketĩkĩle ũthũku: Nũndũ ũu nũnyuvĩte kwĩ thĩna.</verse>
				<verse number="22">Sisya, Ngai nĩwĩkaa na ũnene vinyanĩ wake: Nũũ mũmanyĩsya ũilyĩ take?</verse>
				<verse number="23">Nũũ ũla ũmwĩaĩĩte nzĩa yake? Kana nũũ ũtonya kwasya, Nĩwĩkĩte ũla ũte ũlũngalu?</verse>
				<verse number="24">Lilikana ũtaĩe wĩa wake, Ũla andũ mainĩte ũndũ waw’o.</verse>
				<verse number="25">Andũ onthe nĩmawonete; Mũndũ nũwonaa wĩ kũasa.</verse>
				<verse number="26">Sisya, Ngai nĩ mũnene, na tũtimwĩsĩ; Ũtalo wa myaka yake ndũmanthĩka.</verse>
				<verse number="27">Nũndũ nũkusasya ĩũlũ mavoloto ma manzĩ, Ala mavolotangasya mbua kuma mũkinĩ wamo,</verse>
				<verse number="28">Ĩla matu mamyonosya Na kũmĩvolotangĩlya mũndũ mbingĩ mũno.</verse>
				<verse number="29">Ĩĩ, ve ũmwe ũtonya kũmanya ũnyaĩĩku wa mathweo, Itundumo sya ĩlwanda yake?</verse>
				<verse number="30">Sisya, nũnyaĩĩkasya kyeni kyake kũmũthyũlũlũka; Na nũvw’ĩkaa nthĩ yĩ ungu wa ũkanga.</verse>
				<verse number="31">Nũndũ kwondũ wa maũndũ asu nũsilĩlaa ngo sya andũ; Nũnenganae lĩu mwingĩ.</verse>
				<verse number="32">Nũvw’ĩkaa moko make ũtisi, Na kũwĩaĩa ũathe vala vatw’ĩtwe.</verse>
				<verse number="33">Kĩlonzo kyaw’o nĩkĩtavanasya ũndũ wake, O na indo nasyo ũndũ wa kĩuutani kĩla kyũkĩte.</verse>
			</chapter>
			<chapter number="37">
				<verse number="1">Ĩĩ, kwondũ wa ũu ngoo yakwa nitetemaa, Na kumw’a vandũ vayo.</verse>
				<verse number="2">Ĩw’a, ĩĩ, ĩw’a kĩlonzo kya wasya wake, Na kĩumo kĩla kyumaa kanyw’anĩ wake.</verse>
				<verse number="3">We nũkĩtũmaa kĩende ĩtheo wa ĩtu yonthe, Na ũtisi wake kũvika itulu sya nthĩ.</verse>
				<verse number="4">Ĩtina waw’o wasya nũlitũkaa; Nũtundumaa na wasya wa ũnene wake; Na ndasiĩĩaa motisi yĩla wasya wake wĩw’ĩka.</verse>
				<verse number="5">Ngai nũtundumaa na ũseng’ya na wasya wake; Nĩwĩkaa maũndũ manene, ala ithyĩ tũtatonya kũmamanya.</verse>
				<verse number="6">Nũndũ nũtavasya ĩa, Valũka we ĩũlũ wa nthĩ; No ta ũu mũono wa mbua, O na mĩono ya mbua yake yĩ vinya.</verse>
				<verse number="7">Nũsiĩĩaa kw’oko kwa kĩla mũndũ, Nĩ kana andũ onthe ala wombie mamanye ũu.</verse>
				<verse number="8">Nĩvo nyamũ ilikaa mawĩvithonĩ, Na kwĩkalaa isumonĩ syasyo.</verse>
				<verse number="9">Kuma motheinĩ ma ngalĩ ya ĩtheo kĩuutani nĩkyũkaa, Na mbevo kuma ngalĩ ya ĩũlũ.</verse>
				<verse number="10">Kwondũ wa nĩthũmũ ya Ngai manzĩ momĩtw’e nĩ mbevo nĩmonekaa; Na ũthanthau wa manzĩ ũikoomatana.</verse>
				<verse number="11">Ĩĩ, nũkuĩthasya ithweo ĩkamu manzĩ maingĩ; Nũtambũũkasya ĩthweo yĩ ũtisi wake.</verse>
				<verse number="12">Na nĩyĩthyũũawa kwondũ wa kũtongoew’a nĩwe, Nĩ kana meke ũndũ o na wĩva ũla ũnũũmeaĩa Ĩũlũ wa nthĩ yĩ andũ;</verse>
				<verse number="13">Ethĩwa nĩ kwondũ wa ũkan’yo, kana kwondũ wa nthĩ yake, Kana kwondũ wa ũseo wĩ wendo, nũtumaa yũka.</verse>
				<verse number="14">Ĩthukĩĩsye ũũ, we Yovu: Ũngama, ũsũanĩe mawĩa ma ũseng’ya ma Ngai.</verse>
				<verse number="15">Nĩwĩsĩ ũndũ Ngai wĩaa wĩaĩo wake ĩũlũ wamo, Na kũtuma ũtisi wa ĩthweo yake ũtisa?</verse>
				<verse number="16">Naku nĩwĩsĩ ũndũ mathweo masũnzũlĩtw’e, Mawĩa ma ũseng’ya ma ũla mwĩanĩu ũmanyinĩ?</verse>
				<verse number="17">Ũndũ ngũa syaku syĩ na muutĩa, Yĩla nthĩ ĩuĩtye nũndũ wa kĩseve kyumĩte ngalĩ ya ĩtheo?</verse>
				<verse number="18">Naku nũtonya kũtambũũkya ĩtu wĩ nake, Yĩla yĩ vinya ta kĩsisyo kĩseũvĩtw’e na syĩndũ itwekethetw’e?</verse>
				<verse number="19">Tũmanyĩsye ũla twĩneena nake; Nũndũ tũtitonya kũneena tũlũngalĩtye nũndũ wa kĩvindu.</verse>
				<verse number="20">Akatavw’a kana nĩenda kũneena? Kana mũndũ akenda kũmelw’a vyũ?</verse>
				<verse number="21">Na yu andũ matyonaa kyeni kĩla kĩtisaa matunĩ; Ĩndĩ kĩseve nĩkĩvĩtaa, na kũmaveta.</verse>
				<verse number="22">Kuma ngalĩ ya ĩũlũ ũtisu ta thaavu nĩwũkaa: Ngai e na ũnene wa ũtĩsya ĩũlũ wake.</verse>
				<verse number="23">Ũndũ wa Mwene Vinya W’onthe, tũtitonya kũmũmanya: Nake nĩ mũnene vinyanĩ; Na ndakathĩn’ya ũsilinĩ wa katĩ na ũlũngalunĩ mwingĩ.</verse>
				<verse number="24">Kwondũ wa ũu andũ mamũkĩaa: Ndasiasya andũ ala me na ũĩ ngoonĩ.</verse>
			</chapter>
			<chapter number="38">
				<verse number="1">Nĩvo ĩndĩ Yeova wasũngĩie Yovu e kĩlinginĩ, na asya,</verse>
				<verse number="2">Ũũ nũũ ũla wĩkĩaa ũtao kĩvindu Na ndeto ite na ũmanyi?</verse>
				<verse number="3">Ĩvotoe kĩnyunyu kyaku yu ta mũndũ; Nũndũ ngakũkũlya, naku wĩndavya.</verse>
				<verse number="4">Waĩ va yĩla naiaa myambĩlĩlyo ya nthĩ? Neena, ethĩwa wĩ na ũmanyi.</verse>
				<verse number="5">Nũũ ũla weaie ithimo syayo, ethĩwa nĩwĩsĩ? Kana nũũ watambũũkisye ũlii ĩũlũ wayo?</verse>
				<verse number="6">Myambĩlĩlyo yayo yalũlũmĩlw’e na kyaũ? Kana nũũ waiie ĩvia ya kĩkotonĩ kyayo,</verse>
				<verse number="7">Yĩla ndata sya kĩoko syainie vamwe, Na ana onthe ma Ngai mookĩlya mawasya ũndũ wa kũtana?</verse>
				<verse number="8">Kana nũũ ũla wavingĩie ũkanga na mĩomo, Yĩla wavũngũkie, ta kuma ĩvunĩ;</verse>
				<verse number="9">Yĩla naseũvisye mathweo methĩwe ngũa yaw’o, Na kĩvindu kya ngokomi kĩthĩwe ngũa ya ũkenge kwondũ waw’o.</verse>
				<verse number="10">Na kũtw’ĩa mũvaka wakwa; Na kwia ivingi na mĩomo,</verse>
				<verse number="11">Na kwasya, Wĩvika vaa, ĩndĩ ti mbee; Na vaa itulumo syaku sya ngathĩĩo ikaũngamw’a?</verse>
				<verse number="12">Waaĩaĩa kĩoko kuma mĩthenya yaku yambĩlĩlya, Na kũtuma kũkya kũmanya vandũ vakw’o;</verse>
				<verse number="13">Nĩ kana kũvike itulunĩ sya nthĩ, Na ala athũku mavuunzwe mamyume?</verse>
				<verse number="14">Nĩalyũlawa ta yũmba yĩ ungu wa ũsiĩlo; Na syĩndũ syonthe ikyoneka ta ngũa:</verse>
				<verse number="15">Na kyeni kya ala athũku nĩkĩsiĩĩawa, Na kw’oko kũkĩlĩte nĩ kũtũlĩku.</verse>
				<verse number="16">Naku waalika mbulutinĩ sya ũkanga? Kana waatambũka syũngũlũtũnĩ sya kyũngũ?</verse>
				<verse number="17">Mbingĩlo sya kĩkw’ũ nĩsyavuaniw’e kwaku? Kana waaona mbingĩlo sya kyuu kya kĩkw’ũ?</verse>
				<verse number="18">Waamanya nthĩ ũthanthau wayo? Neena, ethĩwa nĩwĩsĩ ũu w’onthe.</verse>
				<verse number="19">Nzĩa nĩ yĩva ya kũthi ũtũonĩ wa kyeni? Na ũndũ wa kĩvindu, vandũ vakyo nĩ va,</verse>
				<verse number="20">Ũndũ ũkĩtwaa mũvakanĩ wakyo, Na kũmanya nzĩa sya kũthi nyũmba yakyo?</verse>
				<verse number="21">Vate nzika, nĩwĩsĩ, nũndũ waĩ mũsyae ĩvinda yĩu, Na ũtalo wa mĩthenya yaku nĩ mwingĩ!</verse>
				<verse number="22">Waavota vala ĩa yiawa, Kana waona vala mbua ya mavia yiawa,</verse>
				<verse number="23">Ĩla niĩte ũndũ wa ĩvinda ya thĩna, Mũthenya wa kũkita na wa kaũ?</verse>
				<verse number="24">Kyeni kĩaanaw’a na nzĩa yĩva, Kana kĩseve kyumĩte wumĩlonĩ wa syũa kĩnyaĩĩkaw’a ata kũũ nthĩ?</verse>
				<verse number="25">Nũũ ũla watũĩte ũkinyĩlo wa manzĩ maingĩ, Kana nzĩa ũndũ wa ũtisi wa kĩtundumo;</verse>
				<verse number="26">Kuasya mbua nthĩ vala vate mũndũ; Weũnĩ ũla ũte mũndũ;</verse>
				<verse number="27">Kũkolethya nthĩ mbanangĩku na nthei, Na kũtuma nyeki mbololo ĩthandĩka?</verse>
				<verse number="28">Mbua yĩ ĩthe? Kana nũũ ũla wasyaie mavoloto ma ĩmwe?</verse>
				<verse number="29">Manzi momĩtw’e nĩ mbevo maumie ĩvunĩ yaũ? Na ĩmwe ya ĩtunĩ yĩla yakamĩtw’e nĩ mbevo, nũũ wayĩsyaie?</verse>
				<verse number="30">Manzĩ mevithaa na kũtw’ĩka ta ĩvia, Na manzĩ me ĩũlũ wa kyũngũ maiyũma.</verse>
				<verse number="31">Nũtonya kwovanĩa Kĩeemea, Kana kũthasya kĩla kyovete Olioni?</verse>
				<verse number="32">Nũtonya kumĩlya nguthu ya ndata syĩtawa Masalothi ĩvinda yasyo? Kana nũtonya kũtongoesya Ayisi vamwe na ũkondo wayo?</verse>
				<verse number="33">Nĩwĩsĩ motw’ĩo ma matu? Nũtonya kũlũlũmĩlya ũsumbĩko wamo kũũ nthĩ?</verse>
				<verse number="34">Nũtonya kũkĩlya wasya waku kũvika mathweonĩ, Nĩ kana manzĩ maingĩ makũvw’ĩke?</verse>
				<verse number="35">Nũtonya kumĩlya motisi, kana maende, Na maikwĩa, Twĩ vaa?</verse>
				<verse number="36">Nũũ ũla wekĩie ũĩ nthĩnĩ? Kana nũũ wanengie kĩlilikano ũmanyi?</verse>
				<verse number="37">Nũũ ũtonya kũtala mathweo kwondũ wa ũĩ? Kana nũũ ũtonya kũmatulũla masũva ma ĩtu,</verse>
				<verse number="38">Yĩla mũthanga ũkwatanaa na ũitw’ĩka mũmũ, Na mavali makĩlũman’ya vamwe?</verse>
				<verse number="39">Nũtonya kũsyĩmĩa mũnyambũ mũka sya nzyĩma, Kana kũvũnĩthya mĩnyambũ ya mũika yĩ na nzaa,</verse>
				<verse number="40">Yĩla yoveeasya isumonĩ syayo, Na kwĩkalaa wĩvithonĩ yoveesye?</verse>
				<verse number="41">Nũũ ũnengae ngũngũũ kya nzyĩma yayo, Yĩla tũswii twayo tũmwĩkaĩla Ngai, Na kwanganga nũndũ wa kwaĩwa nĩ lĩu?</verse>
			</chapter>
			<chapter number="39">
				<verse number="1">Nĩwĩsĩ ĩvinda ya kũsyaa ya mbũi sya kĩthekanĩ ila syĩ mavianĩ? Kana nũtonya kũmanya yĩla ndaatai isyaaa?</verse>
				<verse number="2">Nũtonya kũtala myei ĩla ikwĩanĩsya? Kana nĩwĩsĩ ĩvinda yĩla isyaaa?</verse>
				<verse number="3">Nitindiaa, nisyaaa maswii masyo, Nivetaa syalya syasyo.</verse>
				<verse number="4">Maswii masyo nĩmaĩsaa vinya, makĩanĩa weũnĩ; Nĩmaendaa, na matisyokaa ĩngĩ.</verse>
				<verse number="5">Nũũ ũla ũtũmĩte ĩng’oi ya kĩthekanĩ yĩende yĩ ĩthasye? Kana nũũ ũthaĩtye kĩla kyovete ĩng’oi yĩla yĩendaa mĩtũkĩ,</verse>
				<verse number="6">Yĩla naseũvĩsye weũ wĩthĩwe mũsyĩ wayo, Na nthĩ yĩ mũnyũ ũtũo wayo?</verse>
				<verse number="7">Nayo yĩvũthasya kĩtuu kya ndũa, O na yĩtyĩw’aa wasya mũtũlu wa mũingi.</verse>
				<verse number="8">Ũthanthau wa iĩma nĩ kĩsesi kyayo, Na nĩyĩmanthaa kĩla kĩndũ kĩũ.</verse>
				<verse number="9">Mboo ĩkendeew’a nĩ ũkũthũkũma? Kana ĩkekalaa vakuvĩ na kĩĩthĩsyo kyaku?</verse>
				<verse number="10">Nũtonya kwova mboo na mũkwa wayo mũkaonĩ? Kana ĩkenza myandanĩ ĩkũatĩĩe?</verse>
				<verse number="11">Ũkamĩĩkĩĩa nũndũ vinya wayo nĩ mũnene? Kana ũkamĩtianĩsya na wĩa waku?</verse>
				<verse number="12">Ũkamĩĩkĩĩa atĩ ĩkenũkya mbeũ syaku, Na kũmban’ya lĩu wa mbaa ngetha wa kĩvũĩo kyaku?</verse>
				<verse number="13">Nthwau sya nyaa nĩkũnanganaw’a na ngathĩĩo; Ĩndĩ nĩ nzĩa na maw’ĩa ma wendo?</verse>
				<verse number="14">Nũndũ nĩtiaa matumbĩ mayo ĩũlũ wa mũthanga, Na kũmekĩa muutĩa na kĩtoo,</verse>
				<verse number="15">Na kũlwa kana kũũ nĩkũtonya kũmakinyanga, Kana nyamũ mbai nĩtonya kũmakinyanga.</verse>
				<verse number="16">Nĩtwĩkaa tũswii twayo na vinya, ta tũte twayo: O na ethĩwa wĩa wayo nĩ mana, ndĩ na w’ĩa;</verse>
				<verse number="17">Nĩkwĩthĩwa Ngai nũmĩimĩthĩtye ũĩ, O na ndaamĩnenga ũmanyi.</verse>
				<verse number="18">Ĩvinda yĩla ĩyũkĩlasya ĩũlũ, Nĩvũthasya mbalasi na ũla ũmĩtũlĩte.</verse>
				<verse number="19">Nue ũmĩnengete mbalasi vinya wayo? Nue ũmĩvw’ĩkĩte ngingo yayo ũea ũtetemaa?</verse>
				<verse number="20">Nue ũtumaa ĩtũlĩla ta ngie? Ũnene wa kũtiva kwayo nĩ wa kũtĩsya.</verse>
				<verse number="21">Nĩvulasya na kũũ mwandanĩ, na kũtana vinyanĩ wayo: Nĩyumaalaa ĩende kũkomana na andũ mekĩte mĩio ya kaũ.</verse>
				<verse number="22">Nĩvũthasya w’ĩa, na ndĩtevaa; O na ndĩsyokaa na ĩtina kuma ũvyũnĩ.</verse>
				<verse number="23">Thyaka nũmĩlonzanĩlasya, Ĩtumo yĩla yĩtisũkaa na katumo kanini.</verse>
				<verse number="24">Nĩmelasya nthĩ na wai na ũthatu mũnene; O na ndĩtĩkĩlaa kana soo nĩwakaya.</verse>
				<verse number="25">O yĩla soo wesa ũvuvwa ĩkyasya, Aa! Na nĩĩw’aa mũuke wa kaũ wĩ kũasa, Kĩtundumo kya makavuteni, na mawasya manene.</verse>
				<verse number="26">Nĩ kwondũ wa ũĩ waku kĩlũĩ kĩũlũkaa kĩvolelete, Na kũtambũũkya nthwau syakyo kyelekelye ngalĩ ya ĩtheo?</verse>
				<verse number="27">Nĩ ũndũ wa mwĩao waku ndiũ yambataa, Na kwaka ndala yayo ĩũlũ?</verse>
				<verse number="28">Nĩyĩkalaa ũkeanĩ, na kũseũvya mũsyĩ wayo, Mũthyanĩ wa ũkea, na ngomenĩ yĩ vinya.</verse>
				<verse number="29">Ĩ vo nĩthianaa sya nzyĩma; Metho mayo mamyonaa yĩ kũasa.</verse>
				<verse number="30">Tũswii twayo natw’o nĩtũnyusaa nthakame: Na vala ve oawa, nayo yĩ vo.</verse>
			</chapter>
			<chapter number="40">
				<verse number="1">O na ĩngĩ Yeova asũngĩa Yovu, na asya,</verse>
				<verse number="2">Mũtetan’ya akatetan’ya na Mwene Vinya W’onthe? Ũla ũkananĩa na Ngai, nasũngĩe.</verse>
				<verse number="3">Na ĩndĩ Yovu asũngĩa Yeova, na asya,</verse>
				<verse number="4">Sisya, nyie ti kĩndũ; ngakũsũngĩa kyaũ? Nĩngũkunĩka kanyw’a wakwa na kw’oko kwakwa.</verse>
				<verse number="5">Nĩneenete ĩmwe, na ndisũngĩa; Ĩĩ, kelĩ, ĩndĩ ndiũendeea.</verse>
				<verse number="6">Na ĩndĩ Yeova asũngĩa Yovu e kĩlinginĩ, na asya,</verse>
				<verse number="7">Ĩvotoe kĩnyunyu kyaku yu ta mũndũ: Ngakũkũlya, naku ũndavye.</verse>
				<verse number="8">Ũkaalyũla ũtw’ĩo wakwa? Ũkatw’a atĩ nyie nĩ na ĩvĩtyo, nĩ kana ũtalwe wĩ mũlũngalu?</verse>
				<verse number="9">Kana wĩ na kw’oko ta Ngai? Na nũtonya kũtunduma na wasya take?</verse>
				<verse number="10">Ĩyanakavye yu na ũnene na ũsumbĩko; Na kwĩvw’ĩka ndaĩa na ũsũng’wa.</verse>
				<verse number="11">Onosya wusũu wa ũthatu waku; Na sisya kĩla mwĩkathĩĩi, noimũnyivya.</verse>
				<verse number="12">Sisya kĩla mwĩkathĩĩi, noimũtheesya; Noimakinyangĩa ala athũku vala maũngyĩ.</verse>
				<verse number="13">Mavithe kĩtoonĩ vamwe; Move mothyũ moo vandũnĩ vavithe.</verse>
				<verse number="14">Nĩvo ĩndĩ nĩumbũla ũndũ waku Kana kw’oko kwaku mwene kwa aũme nĩkũtonya ũkũtangĩĩa.</verse>
				<verse number="15">Sisya yu, nguũ, ĩla namyũmbie o taku; Nĩĩsaa nyeki ta ng’ombe.</verse>
				<verse number="16">Sisya yu, vinya wayo wĩ kĩnyunyunĩ kyayo, Na ũtonyi wayo wĩ malangũnĩ ma ĩvu yayo.</verse>
				<verse number="17">Nĩvyũlasya kĩsithe kyayo ta mũtĩ wa mũkũũ: Malangũ ma mawaswa mayo nĩmakwatanĩte.</verse>
				<verse number="18">Mavĩndĩ mayo nĩ ta mĩtote ya ũthuku; Mamutha mayo nĩ ta ivingi sya iaa.</verse>
				<verse number="19">Nĩ nene katĩ wa mawĩa ma Ngai: Na ũla wamyũmbie nĩwe ũla wamĩnengie ũvyũ wayo.</verse>
				<verse number="20">Nĩ w’o iĩma nimeasya lĩu wayo, Vala nyamũ syonthe sya weũ ithaũkĩaa.</verse>
				<verse number="21">Nĩkomaa ĩtina wa mĩtĩ yĩ muunyĩ Wĩvithonĩ wa mĩangi na ndakanĩ.</verse>
				<verse number="22">Mĩtĩ ĩsu nĩmĩvw’ĩkaa na muunyĩ wayo; Mĩtĩ ĩla ĩmeaa kalũsĩnĩ nĩmĩthyũlũlũkaa.</verse>
				<verse number="23">Sisya, ethĩwa ũsĩ nũvingĩte ũkakĩla, ndĩtetema; Nũndũ yĩ na wĩkwatyo, o na ethĩwa ũsĩ ta Yolotani ũkookĩla kũvika kanyw’anĩ wayo.</verse>
				<verse number="24">Mũndũ o na wĩva nũmĩkwata ĩsyaĩĩsye, Kana kũtonya mũkuthũ ĩnyiũũnĩ yayo na kĩtei?</verse>
			</chapter>
			<chapter number="41">
				<verse number="1">Nũtonya kũkusya leviathani na ngolya ya ũkwatya makũyũ? Kana kũvinyĩĩa ũĩmĩ wayo na ĩkanda?</verse>
				<verse number="2">Nũtonya kwĩkĩa ĩkanda ĩnyiũũnĩ yayo? Kana kũtonya mũkuthũ ũkambuu wayo na kavoloi?</verse>
				<verse number="3">Ĩkakwĩsũva na mawĩsũvano maingĩ? Kana ĩkakũtavya ndeto mbololo?</verse>
				<verse number="4">Ĩkatianĩa ũtianĩo naku, Nĩ kana ũmyose yĩthĩwe mũthũkũmi waku tene na tene?</verse>
				<verse number="5">Ũkathaũka nayo ta nyũnyi? Kana ũkamyova kwondũ wa athũkũmi maku eĩtu?</verse>
				<verse number="6">Nguthu sya atei ma makũyũ ikamĩtw’ĩkĩthya ũtandĩthyo wasyo? Ikamĩaan’ya katĩ wa atandĩthya?</verse>
				<verse number="7">Nũtonya kusũsya kĩkonde kyayo na mĩw’a ya kĩaa, Kana mũtwe wayo na tũtumo twa kũtonya makũyũ?</verse>
				<verse number="8">Ilĩĩla kw’oko kwaku ĩũlũ wayo; Lilikana kaũ ũsu, na ndũkeke ũu ĩngĩ.</verse>
				<verse number="9">Sisya, wĩkwatyo vala ĩĩ nĩ wa mana: Mũndũ ndevalũkw’a nthĩ no kũmyona?</verse>
				<verse number="10">Vati ũla mwai ũla ũtakĩa kũmĩamũkya; Nũũ ĩndĩ ũtonya kũũngama mbee wakwa?</verse>
				<verse number="11">Nũũ ũla wambie kũnenga, atĩ naĩle kũmũĩva? O kĩla kĩ ĩtheo wa ĩtu yonthe nĩ kyakwa.</verse>
				<verse number="12">Ndikavindya ũndũ wa mamutha mayo, Kana vinya wayo mũnene, kana wũmbe wayo mũseo.</verse>
				<verse number="13">Nũũ ũtonya kũmyumya ngũa yayo ya ĩũlũ? Nũũ wĩlika ngambuunĩ syayo?</verse>
				<verse number="14">Nũũ ũtonya kũvingũa mĩomo ya ũthyũ wayo? Ũtee wa maeo mayo kwĩ ũtĩsyo.</verse>
				<verse number="15">Makwaũ mayo me vinya nĩmo ngathĩĩo yayo, Makwatanĩte vamwe ta ũsiĩlo mũlũmu</verse>
				<verse number="16">Yĩmwe yĩthengeanĩe na yĩngĩ, Ũndũ nzeve ĩtatonya kũvĩtĩla katĩ wamo.</verse>
				<verse number="17">Nĩmakwatanĩte yĩmwe na yĩngĩ; Makwatene, ũndũ matatonya kũtaanw’a.</verse>
				<verse number="18">Kwathimũa kwayo kũkenasya kyeni, Na metho mayo nĩ ta ilomo sya metho sya kĩoko.</verse>
				<verse number="19">Momũĩ makanu maumaa kanyw’anĩ wayo, Na ngala sya mwaki nitũlĩlaa ikyuma.</verse>
				<verse number="20">Syũki nĩyumaa manyiũũnĩ mayo, Ta mbisũ ĩkĩtheũka na ta malula makanu.</verse>
				<verse number="21">Mĩthũmũ yayo nĩyakanasya makaa, Na ũmũĩ nĩwumaa kanyw’anĩ wayo.</verse>
				<verse number="22">Ngingonĩ yayo nĩvekalaa vinya, Na ũtĩsyo ũsũngasũngaa mbee wayo.</verse>
				<verse number="23">Makwaũ ma mwĩĩ wayo nĩmakwatanĩte: Nĩmomanĩle ĩũlũ wayo; matitonya kumĩka.</verse>
				<verse number="24">Ngoo yayo nĩ nũmu ta ĩvia; Ĩĩ, nũmu ta ĩvia ya kũthia.</verse>
				<verse number="25">Yĩla yũkĩlaa, ala me vinya nĩmakĩaa: Nũndũ wa w’ĩa mũnene nĩmeũvũavũanw’a.</verse>
				<verse number="26">Ethĩwa mũndũ nũmĩkũnaa na ũvyũ, no ta mana; Kana ĩtumo, kana katumo, kana mũsenge.</verse>
				<verse number="27">Nĩtalaa kĩaa ta ũa, Na ũthuku ta mũtĩ mwou.</verse>
				<verse number="28">Mũsyĩ ndũtonya kũtuma ĩkĩa: Mavia ma kĩkũtha malyũlawa nĩyo ta ũa.</verse>
				<verse number="29">Nzũma nitalawa ta ũa: Nĩthekeaa kwĩkw’a kwa katumo.</verse>
				<verse number="30">Ungu wayo nĩ ya ilĩo mbũĩ: Nĩvinyĩĩaa ĩũlũ wa ndaka ta kĩvũi.</verse>
				<verse number="31">Nĩtumaa kyũngũ kĩtheũka ta mbisũ: Nĩtw’ĩkĩthasya ũkanga ta mbisũ ya mauta ma ũvaka.</verse>
				<verse number="32">Nĩtumaa nzĩa ĩtisatisa ĩtina wayo; Mũndũ akasũanĩa kyũngũ kĩ mbuĩ.</verse>
				<verse number="33">Ĩũlũ wa nthĩ vati tayo, Ĩla yũmbĩtwe ĩte w’ĩa.</verse>
				<verse number="34">Nĩsiasya kĩla kĩndũ kĩ ĩũlũ: Nĩ mũsumbĩ ĩũlũ wa ana onthe ma ngathĩĩo.</verse>
			</chapter>
			<chapter number="42">
				<verse number="1">Na ĩndĩ Yovu asũngĩa Yeova, na asya,</verse>
				<verse number="2">Nĩnĩsĩ nũtonya kwĩka maũndũ onthe, Na ũla ũkwenda kwĩka ndũsiĩĩka.</verse>
				<verse number="3">Ũũ nũũ ũla ũvithaa ũtao vate ũmanyi? Kwondũ wa ũu nĩnĩneenete ũndũ ndaamanya, Maũndũ ma ũnzeng’ya, ala ndeesĩ.</verse>
				<verse number="4">Ĩw’a, nĩngũkwĩsũva, na nganeena; Ngakũkũlya, naku ũndavye.</verse>
				<verse number="5">Nĩneew’ĩte ũvoo waku kwa kwĩw’a na kũtũ; Ĩndĩ yu itho yakwa nĩyĩũkwona:</verse>
				<verse number="6">Kwondũ wa ũu nĩngwĩthĩtha, Na nĩngwĩlilĩla kĩtoonĩ na mũunĩ.</verse>
				<verse number="7">Na kweethĩwa, kana yĩla Yeova waminie kũneena ndeto isu na Yovu, Yeova amwĩa Elivasi Mũtemani, Ũthilĩku wakwa nũkwakanĩe, o na anyanyau maku elĩ; nũndũ mũtyaaneenea ũndũ ũla wa w’o, o tondũ mũthũkũmi wakwa Yovu ũneenete.</verse>
				<verse number="8">Yu kwondũ wa ũu, mwĩyosee tũsalũ mũonza twa mũew’a na ndũũme mũonza, na kũmũendea Yovu mũthũkũmi wakwa, na kwĩthembea nthembo ya kũvĩvw’a; na mũthũkũmi wakwa Yovu akamũvoyea; nũndũ ngamwĩtĩkĩla, nĩ kana ndikamwĩke inyw’ĩ kwĩanana na ũtumanu wenyu; nũndũ mũtyaaneenea ũndũ ũla wa w’o, o tondũ mũthũkũmi wakwa Yovu ũneenete.</verse>
				<verse number="9">Na ĩndĩ Elivasi Mũtemani na Mbilitati Mũsui na Nzovali Mũnamaathi maenda, na meeka kwĩanana na ũndũ Yeova wameaĩe: na Yeova amwĩtĩkĩla Yovu.</verse>
				<verse number="10">Na Yeova amũtũngĩa Yovu kũtavĩwa kwake, yĩla wamavoyeie anyanyae make: na Yeova amũnenga Yovu kũndũ kwĩlĩ kwa ila waĩ nasyo mbee.</verse>
				<verse number="11">Nĩvo ĩndĩ ana‐a‐inyia make onthe, na eitu‐ainyia make onthe, na onthe ala meesene nake mbee mooka, na maĩsanĩa lĩu nake nyũmbanĩ yake: na mamũĩĩa, na kũmũkiakiasya ũndũ wa ũthũku w’onthe ũla Yeova wamũetee: o na kĩla mũndũ amũnenga kĩlungu kya mbesa, na kĩla ũmwe ngome ya thaavu.</verse>
				<verse number="12">Na ĩndĩ Yeova aathima mũminũkĩlyo wa Yovu kũvĩtũka wambĩlĩlyo wake: na aĩ na malondu ngili ĩkũmi na inya, na ngamĩle ngili thanthatũ, na syove sya ng’ombe ngili ĩmwe, na mang’oi maka ngili ĩmwe.</verse>
				<verse number="13">O na aĩ na ana mũonza na eĩtu atatũ.</verse>
				<verse number="14">Na eeta syĩtwa ũa ũla wa mbee, Yemima; na syĩtwa ya ũla wa kelĩ, Kesia; na syĩtwa ya ũla wa katatũ, Keloni‐avuki.</verse>
				<verse number="15">Na nthĩ yonthe vatyaoneka aka maĩ anake ta eĩtu ma Yovu: na ĩthe woo amanenga ũtiĩwa katĩ wa ana‐a‐inyia moo.</verse>
				<verse number="16">Na ĩtina wa ũu Yovu ekala thayũ myaka ĩana na mĩongo ĩna, na oona ana make na esũkũũe, o mosyaanĩo ana.</verse>
				<verse number="17">Na ĩndĩ Yovu akw’a, e mũkũu na wa matukũ maingĩ.</verse>
			</chapter>
		</book>
		<book number="19">
			<chapter number="1">
				<verse number="1">Kũathimwa nĩ mũndũ ũla ũtaendaa ũtaonĩ wa ala athũku, O na ndaũngamaa nzĩanĩ ya ala athe, O na ndekalaa kĩkalonĩ kya ala mavũthasya.</verse>
				<verse number="2">Ĩndĩ ũtanu wake wĩ mĩaonĩ ya Yeova; Na asũanĩaa mĩao yake mũthenya na ũtukũ.</verse>
				<verse number="3">Na akeethĩwa ailyĩ ta mũtĩ ũvandĩtwe ũtee wa mbũsĩ syĩ manzĩ, Ũla ũsyaaa ũsyao waw’o ĩvinda yaw’o, Na ĩtũ yaw’o yĩtivovaa; Na ũndũ o na wĩva wĩkaa nĩwaĩlaa.</verse>
				<verse number="4">Ala athũku matiilyĩ ũu, Ĩndĩ mailyĩ ta wewa ũũlũkĩtw’e nĩ ũkũngi.</verse>
				<verse number="5">Kwondũ wa ũu athũku matikaũngama ũsilĩlonĩ, Kana athe ũmbanonĩ wa ala alũngalu.</verse>
				<verse number="6">Nũndũ Yeova nĩwĩsĩ nzĩa ya ala alũngalu; Ĩndĩ nzĩa ya athe ĩkaaa.</verse>
			</chapter>
			<chapter number="2">
				<verse number="1">Mbaĩ ilonzanĩlasya kĩ? Na ngo sya andũ kũsũanĩa ũndũ wa mana?</verse>
				<verse number="2">Asumbĩ ma nthĩ nĩmeyũmanĩlye, Na asũmbĩki nĩmesũanĩa vamwe, Ĩũlũ wa Yeova, na ĩũlũ wa ũla mwĩtĩkĩw’a mauta wake, makyasya,</verse>
				<verse number="3">Tũtusangei syĩndũ ila imovaa, Na ndii syoo tũsyĩkye kũasa naitũ.</verse>
				<verse number="4">We ũla ũilyĩ matunĩ akatheka: Mwĩaĩi akamathekeea.</verse>
				<verse number="5">Nĩvo ĩndĩ ũkaneena namo ũthilĩkunĩ wake, Na kũmathĩn’ya e na ũthatu mwai:</verse>
				<verse number="6">Nakwa nĩniĩte mũsumbĩ wakwa Kĩĩmanĩ kyakwa kĩtheu kya Saioni.</verse>
				<verse number="7">Nĩngũtavan’ya ũvoo wa ũla ũtw’ĩo: Yeova ambĩa, Nue mwana wakwa; Umũnthĩ nĩnaũsyaa.</verse>
				<verse number="8">Mbĩtya, na ngakũnenga mbaĩ syĩthĩwe ũtiĩwa waku, Na itulu sya nthĩ syĩthĩwe ng’ũndũ yaku.</verse>
				<verse number="9">Ũkamananga na ndata ya kĩaa; Ũkamang’atangan’ya matilĩkangane tũlungu ta mbisũ ya mũmbi.</verse>
				<verse number="10">Kwondũ wa ũu ĩthĩwai na ũĩ, inyw’ĩ asumbĩ: Likwai nĩ ũmanyi, inyw’ĩ asilĩli ma nthĩ.</verse>
				<verse number="11">Thũkũmai Yeova mũkĩmũkĩa, Na tanai na kũtetema.</verse>
				<verse number="12">Mũmumunyei ũla mwana, ndakese ũthata, na inyw’ĩ mũyaĩa nzĩanĩ, Nĩkwĩthĩwa ũthilĩku wake ũkilĩlye kwakana. Nĩ aathime onthe ala mevithaa nthĩnĩ wake.</verse>
			</chapter>
			<chapter number="3">
				<verse number="1">Yeova, nthũ syakwa ko nĩsyaingĩviee! Nĩ aingĩ ala mambũkĩlĩle.</verse>
				<verse number="2">Nĩ aingĩ ala maasya ũndũ wa thayũ wakwa, Vati ũtethyo wa Ngai kwake.</verse>
				<verse number="3">Ĩndĩ we, ame Yeova, nue ngao ngalĩ syonthe syakwa; Na nũe ũtaĩo wakwa, na nue ũmbũkĩlasya mũtwe wakwa.</verse>
				<verse number="4">Nĩngũmwĩkaĩla Yeova na kanyw’a wakwa, Nake nũnũũnzũngĩa e kĩĩmanĩ kyake kĩla kĩtheu.</verse>
				<verse number="5">Nyie nĩnakomie na nalĩkwa; Na navindũka; nĩkwĩthĩwa Yeova nĩwe ũndw’ĩĩkaa.</verse>
				<verse number="6">Ndikakĩa andũ ngili makũmi Ala mambũkĩlĩle ngalĩ syonthe.</verse>
				<verse number="7">Ũkĩla, ame Yeova; ndangĩĩa, ame Ngai wakwa: Nĩkwĩthĩwa nũmakũnĩte amaitha makwa onthe ĩvĩndĩnĩ ya ĩtau; Nũtũlĩte maeo ma ala athũku.</verse>
				<verse number="8">Yeova ũtangĩĩo nĩ waku: Ũathimo waku wĩthĩwe ĩũlũ wa andũ maku.</verse>
			</chapter>
			<chapter number="4">
				<verse number="1">Nzũngĩa yĩla nĩkwĩkaĩla, ame Ngai wa ũlũngalu wakwa; Nĩwanumisye yĩla naĩ thĩnanĩ: Mbĩw’ĩa tei, na ĩw’a mboya yakwa.</verse>
				<verse number="2">Inyw’ĩ ana ma andũ, nĩ ĩvinda yĩana ata ndaĩa yakwa ĩkĩalyũlwa yae ndaĩa? Nĩ ĩvinda yĩana ata mũkyenda maũndũ ma mana na kũatĩĩa ũvũngũ?</verse>
				<verse number="3">Ĩndĩ manyai kana Yeova nũvathĩte kwondũ wake ũla ũmũkĩaa Ngai: Yeova akeew’a yĩla ngũmwĩkaĩla.</verse>
				<verse number="4">Ĩthĩwai na w’ĩa, na mũikeke naĩ: Neenan’yai kĩla mũndũ na ngoo yake mwĩ mokomonĩ, na ĩthĩwai mũvindĩtye.</verse>
				<verse number="5">Umyai nthembo sya ũlũngalu, Na mũĩkĩĩo wenyu wĩthĩwe nthĩnĩ wa Yeova.</verse>
				<verse number="6">Nĩ aingĩ ala mekwasya, Nũũ ũla ũtonya kũtwon’ya ũseo o na wĩva? Yeova, tũkĩlĩlye kyeni kya ũthyũ waku.</verse>
				<verse number="7">Nũmbĩkĩĩte ũtanu ngoonĩ yakwa, Kũvĩtũka ũla me naw’o yĩla lĩu woo wa mbaa ngetha na mbinyu mbĩthĩ syoo ikwingĩva.</verse>
				<verse number="8">Ngakoma na mũuo na ĩngĩ ngalĩkwa; Nĩkwĩthĩwa nue, Yeova, wĩ weka ũtumaa nĩkala vate mũisyo.</verse>
			</chapter>
			<chapter number="5">
				<verse number="1">Ĩthukĩĩsye ndeto syakwa, ame Yeova, Sũanĩa mavindĩĩsyo makwa.</verse>
				<verse number="2">Ĩthukĩĩsye wasya wa kĩĩo kyakwa, Mũsumbĩ wakwa, na Ngai wakwa; Nĩkwĩthĩwa nũe nĩkũvoyaa.</verse>
				<verse number="3">Ame Yeova, kĩoko ũkeew’a wasya wakwa; O kĩoko ngelekelya mboya yakwa kwaku, na ngekala ngĩsyaĩĩsya.</verse>
				<verse number="4">Nũndũ we ndwĩ Ngai ũla ũtanaw’a nĩ ũthũku: Ũthũku ndũkatũa naku.</verse>
				<verse number="5">Ala ekathĩĩi matikaũngama methonĩ maku: Nũmenaa onthe ala mekaa naĩ.</verse>
				<verse number="6">Ũkaananga ala maneenaa movũngũ: Yeova nũthĩthaa mũndũ ũla ũng’aatũkaw’a nĩ nthakame o na mũkengani.</verse>
				<verse number="7">Ĩndĩ nyie, nũndũ wa wingĩ wa tei waku wĩ wendo ngalika nyũmbanĩ yaku: Kĩkĩonĩ kyaku ngathaitha kwelekela ĩkalũ yaku ĩtheu.</verse>
				<verse number="8">Ndongoeasya, ame Yeova, ũlũngalunĩ waku nũndũ wa amaitha makwa; Lũngalya nzĩa yaku mbee wa ũthyũ wakwa.</verse>
				<verse number="9">Nĩkwĩthĩwa vai ũĩkĩĩthyo kanyw’anĩ woo; Nthĩnĩ woo no ũthũku mũthei; Mĩmeo yoo nĩ mbũa mbingũe; Nĩmendeeasya na ndeto sya ũkathĩĩo na nĩmĩ syoo.</verse>
				<verse number="10">Matw’ĩĩe nĩ avĩtan’ya, ame Ngai; Maeke mavalũke ũtaonĩ woo ene; Malũngye kwondũ wa mavĩtyo moo maingĩ; Nĩkwĩthĩwa nĩmakũng’endeie.</verse>
				<verse number="11">Ĩndĩ matane onthe ala mekwĩvitha nthĩnĩ waku, Mokĩlasye mawasya mavinda onthe nũndũ wa kũtana, nĩkwĩthĩwa nue ũmaseseaa: O na ala mendete syĩtwa yaku methĩwe na ũtanu nthĩnĩ waku.</verse>
				<verse number="12">Nũndũ ũkamũathima ũla mũlũngalu; Naku Yeova, wĩmũthyũlũlũka na ũseo o ta ngao.</verse>
			</chapter>
			<chapter number="6">
				<verse number="1">Ame Yeova, ndũkangan’ye ũthatunĩ waku, O na ndũkanzilĩle woonĩ waku mũvyũ.</verse>
				<verse number="2">Mbĩw’ĩa tei, ame Yeova; nũndũ nĩ mũvovu: Ame Yeova, mbosya; nĩkwĩthĩwa mavĩndĩ makwa nĩmeũthĩna.</verse>
				<verse number="3">O na ngoo yakwa nĩnĩkũũũya mũno: Naku, ame Yeova, nĩ kũvika ĩndĩĩ?</verse>
				<verse number="4">Syoka, ame Yeova, vonokya thayũ wakwa: Ndangĩĩa kwondũ wa ũseo waku wĩ wendo.</verse>
				<verse number="5">Nĩkwĩthĩwa kĩkw’ũnĩ ndũlilikanawa: Ku Seoli nũũ ũla ũkakũtũngĩa mũvea?</verse>
				<verse number="6">Nĩnĩnoetwe nĩ kũluma kwakwa; Kĩla ũtukũ nĩindaa ũkomo wakwa methoinĩ; Ũkomo wakwa nĩngũnyithya na methoi makwa.</verse>
				<verse number="7">Itho yakwa nĩyĩũseekea nũndũ wa kũmaka; Nĩyĩũkũa nũndũ wa nthũ syakwa syonthe.</verse>
				<verse number="8">Umai vaa nĩĩ, inyw’onthe eki ma naĩ; Nĩkwĩthĩwa Yeova nĩwĩw’ĩte wasya wa kĩĩo kyakwa.</verse>
				<verse number="9">Yeova nĩwĩw’ĩte kũvoya kwakwa; Yeova akeetĩkĩla mboya yakwa.</verse>
				<verse number="10">Amaitha makwa onthe makasonokw’a na kũũũya mũno: Makasyoka na ĩtina, makasonokw’a o mĩtũkĩ.</verse>
			</chapter>
			<chapter number="7">
				<verse number="1">Ame Yeova Ngai wakwa, nĩngwĩvitha nthĩnĩ waku: Ndangĩĩa kuma kwa andũ onthe ala mangatĩĩaa, na mbonokya,</verse>
				<verse number="2">Matikese kũtembũa thayũ wakwa ta mũnyambũ, Makĩtembũanga, vate wa kũvonokya.</verse>
				<verse number="3">Ame Yeova Ngai wakwa, ethĩwa nĩnĩkĩte ũũ; Ethĩwa kwĩ ũthũku mokonĩ makwa;</verse>
				<verse number="4">Ethĩwa nĩnĩmũtũngĩĩte ũthũku ũla waĩ na mũuo nakwa (Ĩĩ, nĩnĩmũvonoketye ũla waĩ nthũ yakwa vate kĩtumĩ);</verse>
				<verse number="5">Mũmaitha naatĩĩe thayũ wakwa, na kũkwata; Ĩĩ, nakinyangĩe thayũ wakwa nthĩ, Na kwia ndaĩa yakwa kĩtoonĩ.</verse>
				<verse number="6">Ũkĩla, ame Yeova, ũthatunĩ waku; Ĩyũkĩlye ĩũlũ wa ũthatu mwai wa nthũ syakwa, Na ũiamũka nũndũ wakwa; nĩwĩaĩte ũsilĩlo.</verse>
				<verse number="7">Ũmbano wa ngo sya andũ ũkũthyũlũlũke; Na wĩ ĩũlũ woo, syoka ĩũlũ.</verse>
				<verse number="8">Yeova nĩwe wĩsilanasya ngo sya andũ: Nzilĩla nyie, ame Yeova, kwĩanana na ũlũngalu wakwa, na w’o wakwa ũla wĩ nthĩnĩ wakwa.</verse>
				<verse number="9">Ame ũthũku wa ala athe ũthele, ĩndĩ naku lũlũmĩlya ala alũngalu: Nĩkwĩthĩwa Ngai mũlũngalu nũoasya mosũanĩo na ngoo.</verse>
				<verse number="10">Ngao yakwa yĩ kwa Ngai, Ũla ũtangĩĩaa ala alũngalu ngoonĩ.</verse>
				<verse number="11">Ngai nĩ mũsili mũlũngalu, Ĩĩ, Ngai ũla ũthataa kĩla mũthenya.</verse>
				<verse number="12">Ethĩwa mũndũ akalea kwĩalyũla, akanoa ũvyũ wake; Nĩwakoota ũta wake, na nũũkootete;</verse>
				<verse number="13">Na ĩngĩ nĩwamũseũvĩsye mĩio ya kĩkw’u; Atumaa mĩsyĩ yake yĩthĩwa na mwaki.</verse>
				<verse number="14">Sisyai, ũsu nĩwe ũnũkwaũnyw’a nĩ ũthũku; Ĩĩ, aitavĩte ũthũku, na nũsyaĩte ũvũngũ.</verse>
				<verse number="15">Nĩwĩnzĩte ĩima, na akayĩvukũa, Nake nũvalũkĩte mũkaonĩ ũla wĩnzĩte.</verse>
				<verse number="16">Ũthũku wake ũkasyoka mũtwenĩ wake mwene, Na ũng’endu wake ũkamũtheeea kyongo kyake.</verse>
				<verse number="17">Ngamũtũngĩa Yeova mũvea kwĩanana na ũlũngalu wake, Na ngaina ngĩkumya syĩtwa ya Yeova Ũla Wĩ Ĩũlũ wa Onthe.</verse>
			</chapter>
			<chapter number="8">
				<verse number="1">Ame Yeova, Mwĩaĩi waitũ, Kaĩ syĩtwa yaku yĩnenevete nthĩ yonthe, We ũla waiie ũnene waku ĩũlũ wa matu!</verse>
				<verse number="2">Kuma kanyw’anĩ wa twana na tũũkenge ũlũlũmĩlye vinya, Kwondũ wa nthũ syaku, Nĩ kana ũvindĩthye ũla mũmaitha na mũĩvanĩsya.</verse>
				<verse number="3">Yĩla ngũsisya matu maku, wĩa wa syaa syaku, Mwei na ndata, ila syatw’ĩĩwe nue;</verse>
				<verse number="4">Mũndũ nĩ kĩndũ kyaũ, ũndũ ũmũlilikana? Na mwana wa mũndũ, ũndũ ũthi vala ũĩ?</verse>
				<verse number="5">Nĩkwĩthĩwa nĩwamutwie mũnini o vanini kwĩ Ngai, Na kũmwĩkĩa ngovia ya ũsumbĩ ya ũnene na ndaĩa.</verse>
				<verse number="6">Nũmũkĩlĩtye asumbĩke ĩũlũ wa mawĩa ma moko maku; Wamwiĩe syĩndũ syonthe ungu wa nyaĩĩ syake:</verse>
				<verse number="7">Malondu na ng’ombe syonthe, Ĩĩ, na nyamũ sya kĩthekanĩ,</verse>
				<verse number="8">Nyũnyi sya yayaya, na makũyũ ma ũkanganĩ, O kĩla kĩkũnĩlaa nzĩanĩ sya maũkanga.</verse>
				<verse number="9">Ame Yeova, Mwĩaĩi waitũ, Kaĩ syĩtwa yaku yĩnenevete nthĩ yonthe!</verse>
			</chapter>
			<chapter number="9">
				<verse number="1">Ngamũtũngĩa Yeova mũvea na ngoo yakwa yonthe; Ngoonan’ya mawĩa maku onthe ma ũseng’ya.</verse>
				<verse number="2">Ngatana na kwĩw’a mũyo mũno nthĩnĩ waku: Ngaina ngĩkumya syĩtwa yaku, we Ũla Wĩ Ĩũlũ wa Onthe.</verse>
				<verse number="3">Yĩla amaitha makwa masyoka na ĩtina, Malulutĩkaa na kwaĩa mbee wa ũthyũ waku.</verse>
				<verse number="4">Nĩkwĩthĩwa nĩwanũnũmĩlĩlye kyanda kyakwa na ũvoo wakwa; Nĩwĩkalaa kĩvĩlanĩ kya ũsumbĩ ũkĩsila na ũlũngalu.</verse>
				<verse number="5">Nĩwakandĩie i mbaĩ, nĩwamanangie ala athe; Nĩwavutie masyĩtwa moo kũvika tene na tene.</verse>
				<verse number="6">Amaitha nĩmaminĩtwe, maĩ vo kũvika tene na tene; Na ndũa ila wang’uthũlangile, O na kũlilikanwa kwasyo nĩkwathelile.</verse>
				<verse number="7">Ĩndĩ Yeova ekalaa e mũsumbĩ tene na tene: Nĩwiĩte kĩvĩla kyake kya ũsumbĩ kya ũsila;</verse>
				<verse number="8">Na akasilĩla nthĩ na ũlũngalu, Nake akatw’ĩĩa ngo sya andũ sila ũla waĩlĩte.</verse>
				<verse number="9">Yeova nake akeethĩwa mwako mũtũlu mũno wa mũnyoolo wa ala mathĩnaw’a, Mwako mũtũlu mũno wa mũnyoolo mavindanĩ ma thĩna;</verse>
				<verse number="10">Na ala mesĩ syĩtwa yaku makakwĩkwatya we; Nĩkwĩthĩwa we, Yeova, ndũnamba kũmatia ala makũmanthaa.</verse>
				<verse number="11">Inai mũikumya Yeova, ũla ũtwĩe Saioni: Tavan’yai meko make katĩ wa andũ.</verse>
				<verse number="12">Nĩkwĩthĩwa ũla ũĩvanĩasya nthakame nũmalilikanaa; Ndolawa nĩ kũkaya kwa ngya.</verse>
				<verse number="13">Mbĩw’ĩa tei, ame Yeova; Sisya thĩna wakwa ũla nĩthĩnĩtw’e nĩ ala mamenaa nyie, We ũla ũmbũkĩlasya kuma mbingĩlonĩ sya kĩkw’ũ;</verse>
				<verse number="14">Nĩ kana nonan’ye ndaĩa yaku yonthe. Mbingĩlonĩ sya mwĩĩtu wa Saioni Ngatanĩa ũtangĩĩonĩ waku.</verse>
				<verse number="15">I mbaĩ nĩsyakulumanile ĩimanĩ yĩla syenzie: Mo ene nĩmakwatiw’e maũũ moo nĩ mũteo ũla mavithie.</verse>
				<verse number="16">Yeova nĩweyonanisye, nĩwatwie sila: Ũla mũthũku nũkwatĩtw’e nĩ wĩa wa moko make mwene.</verse>
				<verse number="17">Ala athũku makatũngwa Seoli, O na mbaĩ syonthe ila syoolilwe nĩ Ngai.</verse>
				<verse number="18">Nĩkwĩthĩwa athĩni matikolwa mavinda onthe, Kana wĩkwatyo wa ngya kwaa kũvika tene na tene.</verse>
				<verse number="19">Ũkĩla, ame Yeova; mũndũ ndakakĩlye vinya: I mbaĩ nisilĩĩlwe mbee waku.</verse>
				<verse number="20">Tuma makĩa, ame Yeova: I mbaĩ imanye atĩ no andũ.</verse>
			</chapter>
			<chapter number="10">
				<verse number="1">Ũũngamĩte kũasa nĩkĩ, we Yeova? Nĩkĩ wĩvithaa mavinda ma thĩna?</verse>
				<verse number="2">Ũndũ wa wĩng’athĩlĩlyo wa athũku ũla ngya nũlũngaw’a mũno; Makwatw’e e mo nĩ mosũanĩo ala mavindĩĩsye.</verse>
				<verse number="3">Nĩkwĩthĩwa mũthũku nũkwĩkathĩĩa nũndũ wa kwenda kwa ngoo yake, Na ũla wĩ na ĩtomo nũkũmũlea, ĩĩ, o na kũmũvũthya Yeova.</verse>
				<verse number="4">Ũla mũthũku, wĩng’athĩlĩlyonĩ wa ũthyũ wake, easya atĩĩ, Ndakakũlya. Malilikano onthe make nĩ atĩĩ, Vai Ngai.</verse>
				<verse number="5">Nzĩa syake syĩkalaa ilũmĩte mavinda onthe; Mosilĩlo maku me ĩũlũ mũno, o kũla ũtatonya kũmona: Na ũndũ wa onthe ala me na ũthũ nake, amavuta na mĩthũmũ yake.</verse>
				<verse number="6">Easya ngoonĩ yake, Ndikathingithĩka; Mosyaanĩonĩ onthe ndikona thĩna.</verse>
				<verse number="7">Kanyw’a wake usũĩte kĩumo na ũkengani na kũthĩn’ya: Ungu wa ũĩmĩ wake vekalaa ũthũku na naĩ.</verse>
				<verse number="8">Ekalĩte mawoveesyonĩ ma mĩsyĩ; Syĩmbithĩnĩ nĩkw’o ũaĩaa ala mate na mavĩtyo; Metho make mekalaa makĩmantha na kĩmbithĩ ũla ũte na vinya.</verse>
				<verse number="9">Oveeasya na kĩmbithĩ o ta mũnyambũ wĩ kĩsumonĩ kyaw’o; Oveeasya akwate ngya: Nũkwataa ngya, yĩla ũnũũmĩkũsĩĩsya mũteonĩ wake.</verse>
				<verse number="10">Nũmandĩkaa, nũkunamaa, Nao ala mate na vinya mavalũkaa nũndũ wa ala make me na vinya.</verse>
				<verse number="11">Easya ngoonĩ yake; Ngai nĩũlĩtwe, Evithaa ũthyũ wake, ndakawona o na ĩndĩĩ.</verse>
				<verse number="12">Ukĩla, we Yeova; ame Ngai, ũkĩlya kw’oko kwaku: Ndũkolwe nĩ ala ngya.</verse>
				<verse number="13">Nĩ ũndũ wa kĩ mũthũku kũmũvũthya Ngai, Na kwasya ngoonĩ yake, Ndũkaĩvĩthya?</verse>
				<verse number="14">Nĩwoonie; nĩkwĩthĩwa nũsyaasya ũthũku na kĩmena, kũĩvanĩsya na kw’oko kwaku: Ula ũte na vinya eyiaa kwaku; Naku wĩkalĩte ũitetheesya ũla wakw’ĩĩwe nĩ ĩthe.</verse>
				<verse number="15">Tũla kw’oko kwa ũla mũthũku; Nake mũndũ mũthũku, mantha ũthũku wake mũvaka waeka kũwona.</verse>
				<verse number="16">Yeova nĩwe Mũsumbĩ kũvika tene na tene: I mbaĩ nithelete nthĩ yake.</verse>
				<verse number="17">Yeova, nĩwĩw’ĩte kwenda kwa ala auu: Ũkamaseũvya ngoo syoo, ũkatuma kũtũ kwaku kwĩw’a;</verse>
				<verse number="18">Ũtw’e sila wa ala makw’ĩĩwe nĩ aaĩthe na wa ala mathĩnaw’a, Nĩ kana mũndũ wa nthĩ ndakaatĩsye ĩngĩ.</verse>
			</chapter>
			<chapter number="11">
				<verse number="1">Nĩngwĩvitha nthĩnĩ wa Yeova: Mwĩtavya thayũ wakwa ata, Ũlũka ta nyũnyi ũkĩĩe kĩĩmanĩ kyaku?</verse>
				<verse number="2">Nũndũ, sisya, ala athũku makootete mata moo, Mavakĩĩsye mĩsyĩ yoo ũanĩ, Nĩ kana maathĩe ala alũngalu ngoonĩ kĩvindunĩ;</verse>
				<verse number="3">Ethĩwa myambĩlĩlyo ĩkaanangwa, Ala alũngalu matonya kwĩka ata?</verse>
				<verse number="4">Yeova e ĩkalũnĩ yake ĩtheu; Yeova, kĩvĩla kyake kya ũsumbĩ kĩ ĩtunĩ; Metho make nĩmasyaasya, ilomo sya metho make nitataa, ana ma andũ.</verse>
				<verse number="5">Yeova nũtataa mũndũ mũlũngalu; Ĩndĩ ngoo yake nĩmenete ũla mũthũku na ũla wendete ũng’endu.</verse>
				<verse number="6">Akamauĩsya ala athũku itei; Mwaki na mũvĩlitĩ na kĩseve kĩla kĩvĩvasya nĩsyo ikethĩwa kĩanda kya kĩkombe kyoo.</verse>
				<verse number="7">Nĩkwĩthĩwa Yeova nĩ mũlũngalu; nĩwendete ũlũngalu: Ala alũngalu nĩmo makona ũthyũ wake.</verse>
			</chapter>
			<chapter number="12">
				<verse number="1">Yeova, tangĩĩa; nĩkwĩthĩwa mũndũ ũla ũmũkĩaa Ngai nde vo ĩngĩ; Nũndũ ala me na kĩthito nĩ athelu katĩ wa ana ma andũ.</verse>
				<verse number="2">Maneenaa ũvũngũ kĩla mũndũ na mũtũi wake: Maneenaa na ilomo sya kwendeesya, na me na ngoo ilĩ.</verse>
				<verse number="3">Yeova akatila ilomo syonthe ila syendeeasya, Ũĩmĩ ũla ũneenaa na wĩkathĩĩo;</verse>
				<verse number="4">Ala maĩtye, Tũkakĩlya vinya na nĩmĩ sitũ; Ilomo ila twĩ nasyo no sitũ: mwĩaĩi ũla wĩ ĩũlũ waitũ nũũ?</verse>
				<verse number="5">Nũndũ wa ngya kũthĩna, nũndũ wa kũvevũũka kwa mũthĩni, Oyu nĩngũkĩla, easya ũu Yeova; Ngamwia vandũ vate mũisyo vala vamũvevũũkasya.</verse>
				<verse number="6">Ndeto sya Yeova nĩ ndeto ntheu; Ta vetha ũtheew’e ikonĩ ĩnene ya kũũ nthĩ, Ũtheetw’e kũndũ mũonza.</verse>
				<verse number="7">Ũkamasũvĩaa, we Yeova, Ũkamasũvĩaa kwa andũ ma ũsyao ũũ kũvika tene na tene.</verse>
				<verse number="8">Ala athũku mangangaa ngalĩ syonthe, Yĩla ũthũku ũkũnenevw’a katĩ wa ana ma andũ.</verse>
			</chapter>
			<chapter number="13">
				<verse number="1">Nĩ kũvika ĩndĩĩ, ame Yeova? Ũkoolwa ninyie kũvika tene na tene? Nĩ ĩvinda yĩana ata ũkambitha ũthyũ waku?</verse>
				<verse number="2">Nĩ ĩvinda yĩana ata ngĩvindĩĩsya ngoonĩ yakwa, Ngĩkalaa na woo ngoonĩ yakwa mũthenya w’onthe? Nĩ ĩvinda yĩana ata mũmaitha wakwa akĩnenevw’a ĩũlũ wakwa?</verse>
				<verse number="3">Sisya nesa na ũinzũngĩa, ame Yeova Ngai wakwa: Ĩkĩa metho makwa kyeni, ndikakome too wa kĩkw’ũ;</verse>
				<verse number="4">Nĩ kana mũmaitha wakwa ndakese kwasya, Nĩnamũkĩlilye vinya; Ni kana nthũ syakwa itikatane yĩla ngũthingithangw’a.</verse>
				<verse number="5">Ĩndĩ nĩnaĩkĩĩe ũseo waku wĩ wendo; Ngoo yakwa ĩkatanĩa ũtangĩĩonĩ waku.</verse>
				<verse number="6">Ngamwinĩa Yeova, Nĩkwĩthĩwa nĩwambĩkie nesa na ũlau.</verse>
			</chapter>
			<chapter number="14">
				<verse number="1">Ndia yaasya ngoonĩ yayo, Kũti Ngai. Nĩmathũkie, nĩmeekie mawĩa mathatasya; Vai ũmwe ũla wĩkaa nesa.</verse>
				<verse number="2">Yeova asyaĩĩsye ana ma andũ e ĩtunĩ, Asisye ethĩwa ve ũmwe ũla wĩ na ũmanyi, Ũla ũmũmanthaa Ngai.</verse>
				<verse number="3">Onthe nĩmathũkĩte ũtee; onthe vamwe nĩmatw’ĩkĩte avuku; Vai ũmwe wĩkaa nesa, aiee, o na ũmwe.</verse>
				<verse number="4">Eki ma naĩ onthe mati na ũmanyi nongi, Ala maĩsaa andũ makwa tondũ maĩsaa lĩu, Na matimwĩkaĩlaa Yeova?</verse>
				<verse number="5">Vau malikĩlwe nĩ w’ĩa mũnene; Nũndũ Ngai e vo ũsyaanĩonĩ wa ala alũngalu.</verse>
				<verse number="6">Maũndũ ma ũla ngya nĩmũũmasonokya, Ĩndĩ Yeova nĩwe wĩvitho wake.</verse>
				<verse number="7">A! Kethĩwa ũtangĩĩo wa Isilaeli wĩthĩwa wuma Saioni! Yĩla Yeova wĩtũnga andũ make maume kũtavwanĩ kwoo, Nĩvo ĩndĩ Yakovo wĩtana, na Isilaeli akeethĩwa na mũyo.</verse>
			</chapter>
			<chapter number="15">
				<verse number="1">Yeova, nũũ ũla wĩĩkalaa wĩkalonĩ waku? Nũũ ũla wĩtũaa kĩĩmanĩ kyaku kĩla kĩtheu?</verse>
				<verse number="2">Nĩ ũla ũendaa na mĩendele myaĩlu, na aitethasya mawĩa malũngalu, Na aineenaa w’o ngoonĩ yake;</verse>
				<verse number="3">Nĩ ũla ũtasukanaa na uĩmĩ wake, Kana kwĩka mũnyanyae naĩ, Kana kwĩtĩkĩla ndeto sya kĩvũthya ĩũlũ wa mũtũi wake.</verse>
				<verse number="4">Methonĩ make ũla mũthũku mũno ũmenetwe, Ĩndĩ nũtaĩaa ala makĩaa Yeova; Eyĩkaa naĩ ũndũnĩ wa kwĩvĩta, na ndaalyũkaa;</verse>
				<verse number="5">Ndakovethasya mbesa syake atũngĩwe ũtandĩthyo, Kana kwosa ĩtuvi ya wendeesyo amũthĩn’ye ũla ũte na ĩvĩtyo. Ũla wĩkaa maũndũ asu ndathingithĩka o na ĩndĩĩ.</verse>
			</chapter>
			<chapter number="16">
				<verse number="1">Nzũvĩa, ame Ngai; nĩkwĩthĩwa nthĩnĩ waku nĩngwĩvitha.</verse>
				<verse number="2">We ngoo yakwa, nĩwamwĩie Yeova, We nũe Mwĩaĩi wakwa: Ndi na ũseo ate o ũla umaa kwaku.</verse>
				<verse number="3">Ngalĩ ĩ ya atheu ala me kũũ nthĩ, Nĩo ma kũtaĩwa ala nĩtanĩaa nthĩnĩ woo.</verse>
				<verse number="4">Mawoo moo makaingĩvw’a ala maumasya mĩthĩnzĩo ũndũ wa ngai ingĩ: Nthembo syoo sya ũnyw’a sya nthakame ndikaithemba, Kana kũweta masyĩtwa moo ilomonĩ syakwa.</verse>
				<verse number="5">Yeova nĩwe ĩaĩ ya ũtiĩwa wakwa na wa kĩkombe kyakwa: Nũlũlũmĩlasya kĩanda kyakwa.</verse>
				<verse number="6">Nĩnathimĩwe kũndũ kũla kwendeeasya; Iĩ, nĩ na ũtiĩwa mũseo.</verse>
				<verse number="7">Nĩngũtaĩa Yeova, ũla ũnengete ũtao; Ĩĩ, ngoo yakwa nĩmanyĩasya mavinda ma ũtukũ.</verse>
				<verse number="8">Nĩmwiĩte Yeova mbee wakwa mavinda onthe: Nĩkwĩthĩwa e kw’okonĩ kwakwa kwa aũme, ndikathingithangw’a.</verse>
				<verse number="9">Kwondũ wa ũu ngoo yakwa yĩ na ũtanu, na ũnene wakwa nũtanaa: Mwĩĩ wakwa naw’o ũkatũaa vate mũisyo.</verse>
				<verse number="10">Nũndũ ndũkatia thayũ wakwa Seoli; O na ndũketĩkĩla ũla mũtheu waku one wanangĩko.</verse>
				<verse number="11">Ũkambon’ya nzĩa ya thayũ: Kũla ũĩ kwĩ ũtanu wusũĩte; Kw’okonĩ kwaku kwa aũme kwĩ maũndũ ma kwendeesya kũvika tene na tene.</verse>
			</chapter>
			<chapter number="17">
				<verse number="1">Ame Yeova, ĩw’a ũla ũlũngalu, ĩthukĩĩsye kũkaya kwakwa; Ĩthukĩĩsye kũvoya kwakwa, kũla kumaa ilomonĩ ite na ũkengani.</verse>
				<verse number="2">Kũtw’ĩwa kwakwa kume vala ũĩ; Metho maku masisye maũndũ malũngalu.</verse>
				<verse number="3">Nĩwaoisye ngoo yakwa; nĩwookie vala nĩĩ ũtukũ; Nĩweenguũie, na ndwaaona nĩ na kaũndũ; Nĩnĩtw’ĩte atĩ ndikavĩtya na kanyw’a wakwa.</verse>
				<verse number="4">Meko ala mekawa nĩ andũ, ũndũ wa ndeto sya ilomo syaku Nĩnĩsiĩĩĩte ndikaatĩĩe nzĩa sya ala ang’endu.</verse>
				<verse number="5">Matambya makwa malũmĩte nzianĩ syaku, Nyaĩĩ syakwa itinatendelũka.</verse>
				<verse number="6">Nĩnakwĩkaĩla, nĩkwĩthĩwa ũkanzũngĩa, we Ngai: Tea kũtũ kwaku, wĩw’e ũla ngũneena.</verse>
				<verse number="7">Onan’ya ũseo waku wĩ wendo ũla ũseng’asya, We ũla ũmatangĩĩaa na kw’oko kwaku kwa aũme ala mevithaa nthĩnĩ waku Kuma kwa ala mamokĩlĩĩlaa.</verse>
				<verse number="8">Nzũvĩaa o ta kyũma kya itho; Mbitha ũngu wa muunyĩ wa nthwau syaku,</verse>
				<verse number="9">Ndikonwe nĩ athũku ala manthĩnasya, Ambũai, ala manthũlũlũkĩte.</verse>
				<verse number="10">Mavingĩwe nĩ monou moo: Maneenaa na ngathĩĩo na makanyw’a moo.</verse>
				<verse number="11">Oyu nĩmatũthyũlũlũkĩte matambyanĩ maitũ; Nĩmatũketee na metho moo nĩ kana matũvalũkye nthĩ.</verse>
				<verse number="12">Ailyĩ ta mũnyambũ wĩ na ũtoonu wa ũkwata, Na ta mũnyambũ wa mũika woveesye syĩmbithĩnĩ syaw’o.</verse>
				<verse number="13">Ũkĩla, ame Yeova, Mũsiĩĩe, mũvalũkye nthĩ: Vonokya thayũ wakwa kuma kw’okonĩ kwa ũla mũthũku na ũvyũ waku;</verse>
				<verse number="14">Na kwa andũ na kw’oko kwaku, ame Yeova, Kuma kwa andũ ma nthĩ ĩno, ala kĩanda kyoo kĩ thayũnĩ ũũ, Na ala mavu moo mavũnawa nĩ sya ĩkũmbĩ yaku: Nĩmeanĩawa nĩ syana, Na ũthwii woo ũla mũtialu ũitiĩwa syana syoo.</verse>
				<verse number="15">Ĩndĩ nyie, ngoona ũthyũ waku nĩ na ũlũngalu; Ngeanĩwa, yĩla nĩamũka, nĩvw’anene naku.</verse>
			</chapter>
			<chapter number="18">
				<verse number="1">Nĩngwendete, we Yeova vinya wakwa.</verse>
				<verse number="2">Yeova nĩ ĩvia yakwa, na ngome yakwa, na mũvonokya wakwa; Ngai wakwa, ĩvia yakwa, ũla ngeevitha nthĩnĩ wake; Ngao yakwa, na ũvya wa ũtangĩĩo wakwa, na mwako wakwa mũtũlu mũno wa mũnyoolo.</verse>
				<verse number="3">Ngeekaĩla Yeova, ũla waĩle kũtaĩwa: Kwondũ wa ũu ngatangĩĩwa kuma kwa amaitha makwa.</verse>
				<verse number="4">Ndii sya kĩkw’ũ nĩsyeendingĩlile, Wingĩ wa maũndũ mate kĩkĩo kya Ngai nĩwambĩkĩie w’ĩa.</verse>
				<verse number="5">Ndii sya Seoli nĩsyeendingĩlile; Mĩteo ya kĩkw’ũ nĩyangwatie.</verse>
				<verse number="6">Nĩ thĩnanĩ ũsu namwĩkaĩla Yeova, Namũkayĩa Ngai wakwa: Nake nĩwewie wasya wakwa e ĩkalũnĩ yake, Na ũkayo wakwa walika matũnĩ make.</verse>
				<verse number="7">Na ĩndĩ nthĩ yathingitha na yatetema; Myambĩlĩlyo ya iĩma yathingithangw’a Na yatetema, nũndũ aĩ mũthilĩku.</verse>
				<verse number="8">Syũki yambata kuma manyiũũnĩ make, Na mwaki ũminaa wauma kanyw’anĩ wake: Makaa makanw’a nĩw’o.</verse>
				<verse number="9">Akonza matu, na atheea nthĩ; Na kĩvindu kya ngokomi kyaĩ ungu wa nyaĩĩ syake.</verse>
				<verse number="10">Aenda akuĩtwe nĩ mũkeluvi, na aũlũka: Ĩĩ, aũlũka na nthwau sya kĩseve.</verse>
				<verse number="11">Atw’ĩkĩthya kĩvindu wĩvitho wake, ĩlwanda yake yĩmũthyũlũlũkĩte, Kĩvindu kya kĩw’ũ, mathweo makamu matunĩ.</verse>
				<verse number="12">Nũndũ wa ũtisu mbee wake mathweo asu makamu make mavĩta, Mbua ya mavia na makaa ma mwaki.</verse>
				<verse number="13">Yeova nake atunduma e matunĩ, Na Ũla Wĩ Ĩũlũ wa Onthe aumya wasya wake, Mbua ya mavia na makaa ma mwaki.</verse>
				<verse number="14">Nake ekya mĩsyĩ yake, na amanyaĩĩkya; Ĩĩ, atisya motisi main gĩ, na amathokoan’ya.</verse>
				<verse number="15">Ĩvinda yĩu tũlũsĩ twa manzĩ twooneka, Na myambĩlĩlyo ya nthĩ yaumĩlw’a ũtheinĩ, Waikan’ya, we Yeova, Waiveveea mĩthũmũ ya manyiũũ maku.</verse>
				<verse number="16">Nĩwatũmanie kuma ĩũlũ, ambosa; Anumisye manzĩnĩ maingĩ.</verse>
				<verse number="17">Ambonokya kuma kwa mũmaitha wakwa wĩ vinya, Na kuma kwa ala mamenaa; nĩkwĩthĩwa maĩ na vinya kwĩ nyie.</verse>
				<verse number="18">Mambũkĩe mũthenya wa thĩna wakwa, mũnene; Ĩndĩ Yeova nĩwe wanũnũmĩlye.</verse>
				<verse number="19">Nĩwanumisye na kũndete vandũ vaamu mũno; Ambonokya, nũndũ nĩwendeeiw’e ninyie.</verse>
				<verse number="20">Yeova nĩwanduvie kwĩanana na ũlũngalu wakwa; Nĩwandĩvie kwĩanana na ũtheu wa moko makwa.</verse>
				<verse number="21">Nĩkwĩthĩwa nĩngwatĩte nzĩa sya Yeova, Na ndyaatia Ngai wakwa ngeka ũthũku.</verse>
				<verse number="22">Nũndũ motw’ĩo make onthe maĩ mbee wakwa, Na myamũlo yake ndyaataanĩsya nayo.</verse>
				<verse number="23">Na ĩngĩ naĩ mwĩanĩu kwake, Na neesiĩĩa ũthũku wakwa.</verse>
				<verse number="24">Kwondũ wa ũu Yeova nĩwandĩvie kwĩanana na ũlũngalu wakwa, Kwĩanana na ũtheu wa moko makwa ũla wonaa na metho make.</verse>
				<verse number="25">Kwa ũla wĩ tei ũkeeyonan’ya wĩ tei; Kwa mũndũ mwĩanĩu ũkeeyonan’ya wĩ mwĩanĩu;</verse>
				<verse number="26">Kwa ũla mũtheu ũkeeyonan’ya wĩ mũtheu; Na kwa ũla mũng’endu ũkeeyonan’ya wĩ na wai.</verse>
				<verse number="27">Nĩkwĩthĩwa ũkamatangĩĩa ala mathĩnaw’a; Ĩndĩ metho mekwĩng’athĩlĩlya ũkamatheesya.</verse>
				<verse number="28">Nĩkwĩthĩwa nue ũkakwatya taa wakwa: Yeova Ngai wakwa akamulĩka kĩvindu kyakwa.</verse>
				<verse number="29">Nũndũ kwondũ waku nĩngũvũthũa nguthu; Na kwondũ wa Ngai wakwa nĩngũthaanyũka ũvai.</verse>
				<verse number="30">Na ũndũ wa Ngai, nzĩa yake nĩ mbĩanĩu: Ndeto ya Yeova nĩtatĩtwe; Nake nĩ ngao ya onthe ala mevithaa nthĩnĩ wake.</verse>
				<verse number="31">Nũndũ Ngai nũũ, ate o Yeova? Na nũũ ĩvia, ate o Ngai waitũ?</verse>
				<verse number="32">We nĩ Ngai ũla ũmbotoaa vinya, Na nĩwe wĩanĩasya nzĩa yakwa.</verse>
				<verse number="33">Nũtw’ĩkĩthasya maũũ makwa ta maũũ ma ndaatai nga: Na nũmbiĩte ĩũlũ wa kũndũ kwakwa kũtũlu.</verse>
				<verse number="34">Nũmanyĩasya moko makwa kũkita; Kwondũ wa ũu moko makwa nĩmakootaa ũta wa ũthuku.</verse>
				<verse number="35">Naku nũnengete ngao ya ũtangĩĩo waku; Kw’oko kwaku kwa aũme nĩkw’o kũngwatĩte, Na ũuu waku nũnenevetye.</verse>
				<verse number="36">Nũnenevetye matambya makwa ungu wakwa, Na maũũ makwa matyaatendelũka.</verse>
				<verse number="37">Ngamaatĩĩa amaitha makwa, na kũmakwata; O na ndikethyũũa mũvaka maminwa vyũ.</verse>
				<verse number="38">Ngamatonya mũkuthũ, na ĩndĩ matikatonya kũkĩla: Makavalũka ungu wa nyaĩĩ syakwa.</verse>
				<verse number="39">Nĩkwĩthĩwa nũmbotoete vinya nũkite kaũ: Nũmakunamĩtye ala mambũkĩlĩle.</verse>
				<verse number="40">Na ĩngĩ nũtumĩte amaitha makwa mambon’ya mĩongo yoo, Nĩ kana nĩvete ala mamenaa.</verse>
				<verse number="41">Nĩmakayie, ĩndĩ vatyaĩ wa ũmatangĩĩa; Ĩĩ, mamwĩkaĩla Yeova, ĩndi ndaamasũngĩa.</verse>
				<verse number="42">Na ĩndĩ namatumbatumba mavinya ta kĩtoo mbee wa kĩseve; Namekya nza ta ndaka nzĩanĩ nene.</verse>
				<verse number="43">Nũmbonoketye kuma motetan’yonĩ ma andũ; Nũndw’ĩte mũnene wa ĩ mbaĩ: Ũko wa andũ ala ndaamanya ũkanthũkũma.</verse>
				<verse number="44">O yĩla meĩw’a ũvoo wakwa makambĩw’aa; Andũ ma nthĩ ĩngĩ makeenyivasya vala nĩĩ.</verse>
				<verse number="45">Andũ manthĩ ĩngĩ makathelekelya, Na makauma kũla mevithĩte matetemete.</verse>
				<verse number="46">Yeova e thayũ: na ĩvia yakwa yĩtaĩwe; Na nanenevw’e Ngai wa ũtangĩĩo wakwa,</verse>
				<verse number="47">O Ngai ũla ũndĩvanĩasya, Na kũnyivya ngo sya andũ syĩthĩwe ĩtheo wakwa.</verse>
				<verse number="48">Embonokya kwa amaitha makwa; Ĩĩ, nũmbũkĩlasya ĩũlũ wa ala mambũkĩlĩĩlaa; Nũmbonokasya kwa mũndũ mũng’endu.</verse>
				<verse number="49">Kwondũ wa ũu ngakũtũngĩa mũvea, ame Yeova, katĩ wa i mbaĩ, Na ngaina ngĩkumya syĩtwa yaku.</verse>
				<verse number="50">Nũnengae mũsumbĩ wake ũvonokyo mũnene, Na kwonanasya ũseo wĩ wendo kwa ũla mwĩtĩkĩw’a mauta wake, Kwa Ndaviti na ũsyao wake, tene na tene.</verse>
			</chapter>
			<chapter number="19">
				<verse number="1">Matu nĩmatavanasya ũtheu mũtisu wa Ngai; Na yayaya yonanasya wĩa wa moko make.</verse>
				<verse number="2">Mũthenya na mũthenya nĩneenanasya, Ũtukũ na ũtukũ nĩsyonanasya ũmanyi.</verse>
				<verse number="3">Vai kĩneeno kana kĩthyomo; Wasya wasyo ndwĩw’ĩkaa.</verse>
				<verse number="4">Ũmanyĩsyo wasyo nũtũnganĩte nthĩ yonthe, Na ndeto syasyo kũvika itulu sya nthĩ. Nthĩnĩ wasyo nĩwĩkĩĩte wĩkalo wa syũa,</verse>
				<verse number="5">Yĩla yĩilyĩ mũtwaani akyuma kasũmbanĩ kake, Na yĩtanaa tondũ mũndũ wĩ vinya ũtanaa aisemba ũkĩlanyonĩ wake.</verse>
				<verse number="6">Kumĩla kwayo nĩ kuma kĩtulu kya matu, Na kũthyũlũlũka kwayo kũvika itulu syamo; Na vai kĩndũ kĩvithĩte ũvyũvu wayo.</verse>
				<verse number="7">Mĩao ya Yeova nĩ mĩanĩu, ĩkĩvuũkya ngoo; Ũkũsĩ wa Yeova nĩ mũlũmu, nũmũĩvasya ũla ũte na ũmanyi.</verse>
				<verse number="8">Mawĩaĩo ma Yeova nĩ ma w’o, matanasya ngoo: Mwĩao wa Yeova nĩ mũtheu, wĩkĩaa metho kyeni.</verse>
				<verse number="9">Kũmũkĩa Yeova nĩ kũtheu, kwĩkalaa tene na tene: Motw’ĩo ma Yeova nĩ ma w’o, na malũngalu ki.</verse>
				<verse number="10">Nĩmaĩlwe nĩ kwendwa kũvĩta thaavu, ĩĩ, kũvĩta thaavu mũseo mwingĩ: Namo me mũyo kwĩ ũkĩ wa nzũkĩ na mũvolotango wa mawa.</verse>
				<verse number="11">Na ĩngĩ kwondũ wamo mũthũkũmi waku nũtaĩkaa: Kwĩ ĩtuvi ĩnene kwondũ wa kũmasũvĩaa.</verse>
				<verse number="12">Nũũ ũla ũtonya kũmanya mavĩtyo make? Nthesya mavĩtyo ala mavithĩtwe.</verse>
				<verse number="13">Na ĩngĩ mũthũkũmi waku mũsiĩĩe na naĩ sya ngũlũ; Itikanzumbĩke: Na ĩndĩ ngeethĩwa nĩ mwaĩlu, Na ngeethĩwa nĩtheetw’e ĩvĩtyo yĩla ĩnene.</verse>
				<verse number="14">Ndeto sya kanyw’a wakwa, na mosũanĩo ma ngoo yakwa Nĩmetĩkĩlĩke mbee waku, Ame Yeova, ĩvia yakwa, na mwovosya wakwa.</verse>
			</chapter>
			<chapter number="20">
				<verse number="1">Yeova nakũsũngĩe mũthenya wa thĩna; Syĩtwa ya Ngai wa Yakovo yĩkũkĩlye ĩũlũ;</verse>
				<verse number="2">Akũetee ũtethyo kuma vala vandũ vatheu, Na kũkwĩkĩa vinya e Saioni;</verse>
				<verse number="3">Alilikane nthembo syaku syonthe, Na amĩtĩkĩle nthembo yaku ya kũvĩvw’a;</verse>
				<verse number="4">Akũnenge kwenda kwa ngoo yaku, Na eanĩsye mosũanĩo maku onthe.</verse>
				<verse number="5">Tũkakĩlya vinya ũtangĩĩonĩ waku, Na syĩtwanĩ ya Ngai waitũ tũkookĩlya ivevelo sitũ: Yeova nakwĩanĩsye mboya syaku syonthe.</verse>
				<verse number="6">Oyu nĩnĩsĩ kana Yeova nũnũũtangĩĩa mwĩtĩkĩw’a mauta wake; Akamũsũngĩa e ĩtunĩ yake ĩtheu Na vinya wa ũtangĩĩo wa kw’oko kwake kwa aũme.</verse>
				<verse number="7">Andũ amwe mekwatasya makasya ma kaũ, na angĩ mbalasi; Ĩndĩ ithyĩ tũkawetaa syĩtwa ya Yeova Ngai waitũ.</verse>
				<verse number="8">Mo nĩmekunamĩtye nthĩ na kũvalũka; Ĩndĩ ithyĩ nĩtũkĩlĩte, na kũũngama ki.</verse>
				<verse number="9">Tangĩĩa, Yeova: Mũsumbĩ natũsũngĩe yĩla tũũmwĩkaĩla.</verse>
			</chapter>
			<chapter number="21">
				<verse number="1">Mũsumbĩ akatana vinyanĩ waku, we Yeova; Na sisya ũndũ ũtanĩĩte ũtangĩĩo waku!</verse>
				<verse number="2">Nũmũnengete kwenda kwa ngoo yake, Na ndũnamũvata mboya sya ilomo syake.</verse>
				<verse number="3">Nĩkwĩthĩwa nũkomanĩte nake na moathimo ma ũseo: Nũmwĩkĩĩte mũtwenĩ wake ngovia ya ũsumbĩ ya thaavu mũseo.</verse>
				<verse number="4">Akũkũlilye thayũ, na wamũnenga w’o, Ĩĩ, mĩthenya mingĩ kũvika tene na tene.</verse>
				<verse number="5">Utaĩo wake nĩ mũnene ũndũ wa ũtangĩĩo waku: Nũmwiĩe ndaĩa na ũnene.</verse>
				<verse number="6">Nĩkwĩthĩwa nũathimĩtwe nue mũno mbee kũvika tene na tene: Nũũmũtanĩthya na ũtanu wa ũthyũ waku.</verse>
				<verse number="7">Nĩkwĩthĩwa mũsumbĩ nũĩkĩĩaa Yeova; Na kwondũ wa ũseo wĩ wendo wa Ũla Wĩ Ĩũlũ wa Onthe ndakathingithw’a.</verse>
				<verse number="8">Kw’oko kwaku kũkamavikĩa amaitha maku onthe; Kw’oko kwaku kwa aũme kũkamavikĩa onthe ala makumenaa.</verse>
				<verse number="9">Ũkamatw’ĩkĩthya ta iko ĩnene yĩ mwaki ĩvinda ya ũthatu waku: Yeova akamamelya ũthilĩkunĩ wake, Na ũla mwaki ũkamamina.</verse>
				<verse number="10">Ukaananga mosyao moo mavetwe kũũ nthĩ, Na ũsyao woo kuma katĩ wa ana ma andũ.</verse>
				<verse number="11">Nĩkwĩthĩwa nĩmakũsũanĩĩte ũthũku; Mavindĩĩsye ũsũanĩo matatonya kwĩka.</verse>
				<verse number="12">Nĩkwĩthĩwa ũkatuma monan’ya mĩongo yoo; Yĩla wĩkootea mothyũ moo ũta waku.</verse>
				<verse number="13">Ũnenevw’e, we Yeova, vinyanĩ waku: Na kwondũ wa ũu tũkaina na kũkatha ũtonyi waku.</verse>
			</chapter>
			<chapter number="22">
				<verse number="1">Ngai wakwa, Ngai wakwa, ũndekee kĩ? Nĩkĩ wĩ kũasa ũu ũteũndethya, na wĩ kũasa na ndeto sya kĩlumo kyakwa?</verse>
				<verse number="2">Ame Ngai wakwa, nĩkaya mũthenya, ĩndĩ ndũũnzũngĩa; O na ũtukũ naw’o, na ndivindasya.</verse>
				<verse number="3">Ĩndĩ naku wĩ mũtheu. We ũla wĩkalaa ndaĩanĩ sya Isilaeli.</verse>
				<verse number="4">Aasa maitũ nĩmakũĩkĩĩe: Maĩkĩĩe, na wamavonokya.</verse>
				<verse number="5">Makwĩkaĩla, na mavonokw’a: Nĩmakũĩkĩĩe, na matyaasonokw’a.</verse>
				<verse number="6">Ĩndĩ nyie nĩ kĩinyu, na ndi mũndũ nyie; Mũkũngw’a kwa andũ, na kũvũthw’a andũnĩ.</verse>
				<verse number="7">Onthe ala mambonaa manthekeea mũno: Makĩkoota ilomo, makĩthingithangya mĩtwe, makyasya,</verse>
				<verse number="8">Nĩwamũĩkĩĩe Yeova, kana akamũvonokya: Namũvonokye, nĩkwĩthĩwa nĩwendeew’e nĩwe.</verse>
				<verse number="9">Ĩndĩ nue ũla wanumisye ĩvunĩ; Nĩwandĩkĩĩthisye yĩla naĩ nondonĩ sya mwaitũ.</verse>
				<verse number="10">Nĩnekiw’e kwaku o kuma ĩvunĩ; Nue Ngai wakwa ĩvinda yonthe kuma mwaitũ anzyaa.</verse>
				<verse number="11">Ndũkethĩwe wĩ kũasa nakwa; nũndũ thĩna wĩ vakuvĩ; Nĩkwĩthĩwa vai wa kũndethya.</verse>
				<verse number="12">Nĩnthyũlũlũkĩtwe nĩ nzaũ mbingĩ; Nzaũ syĩ vinya sya Mbasani nĩsyĩndingĩlĩte.</verse>
				<verse number="13">Nimbathamĩsye makanyw’a masyo, O ta mũnyambũ ũkĩvulya na kũluma.</verse>
				<verse number="14">Nĩnĩtĩkĩte o tondũ manzĩ metĩkaa, Na mavĩndĩ makwa onthe nĩmataanĩsye: Ngoo yakwa ĩilyĩ ta maseso; Nĩtwekee nthĩnĩ wakwa.</verse>
				<verse number="15">Vinya wakwa nĩũmĩte ta kĩlio; Na ũĩmĩ wakwa nũkwatanĩte na ngambuu syakwa; Na nũmbikĩtye kĩtoonĩ kya kĩkw’ũ.</verse>
				<verse number="16">Nĩkwĩthĩwa ngitĩ ninthyũlũlũkĩte: Nguthu ya eki ma naĩ nĩĩndingĩlĩte; Nĩmandonyie moko na maũũ.</verse>
				<verse number="17">Nĩndonya kũtala mavĩndĩ makwa onthe, Nao nĩmanzyaĩtye na kũngeteea;</verse>
				<verse number="18">Nĩmaanisye ngũa syakwa katĩ woo, Na kwondũ wa kĩtonyeo kyakwa kĩasa nĩmakĩlimanĩle.</verse>
				<verse number="19">Ame Yeova, ndũkethĩwe wĩ kũasa nakwa: We ũtethyo wakwa, ĩkalaate mĩtũkĩ ũndethye.</verse>
				<verse number="20">Vonokya thayũ wakwa na ũvyũ, No ũmwe wakwa ũvonokye na ũtonyi wa ngitĩ.</verse>
				<verse number="21">Ndangĩĩa na kanyw’a wa mũnyambu; Ĩĩ, nĩ mbyanĩ sya mboo nĩwanzũngĩie.</verse>
				<verse number="22">Ngatavan’ya syĩtwa yaku kwa ana‐a‐asa makwa: Ngakũtaĩa ũmbanonĩ.</verse>
				<verse number="23">Inyw’ĩ ala mũkĩaa Yeova, mũtaĩei; Inyw’onthe ũsyao wa Yakovo, mũkathei; Mũkĩei we, inyw’onthe ũsyao wa Isilaeli.</verse>
				<verse number="24">Nĩkwĩthĩwa we ndaavũthya kana kũthĩtha thĩna wa ũla ũthĩnaw’a; O na ndaamũvitha ũthyũ wake; Ĩndĩ yĩla wamwĩkaĩlile, nĩwamwĩwie.</verse>
				<verse number="25">Ndaĩa syakwa ũmbanonĩ ũla mũnene syumaa kũla ũĩ: Ngeanĩsya mawĩvĩto makwa mbee wa ala mamũkĩaa.</verse>
				<verse number="26">Ala auu makaĩsaa na kũvũna; Makamũtaĩaa Yeova ala mamũmanthaa: Ngoo syenyu syĩkale thayũ tene na tene.</verse>
				<verse number="27">Itulu syonthe sya nthĩ ikalilikana na kũmwĩthyũũĩa Yeova; Na mbee waku mĩvĩa yonthe ya i mbaĩ ĩkathaithaa.</verse>
				<verse number="28">Nĩkwĩthĩwa ũsumbĩ nĩ wa Yeova; Nake nĩwe ũsumbĩkĩte i mbaĩ.</verse>
				<verse number="29">Andũ ala anou onthe ma nthĩ makaĩsaa na kũthaitha: Namo onthe ala matheeaa kĩtoonĩ makatulya ndu mbee wake, O na ũla ũtatonya kwĩyĩkalya thayũ.</verse>
				<verse number="30">Kwĩ ũsyao ũkamũthũkũma; Kũkatavanw’a ũvoo wa Mwĩaĩi kũvika nzyawa ĩla ĩkoka.</verse>
				<verse number="31">Makooka na makatavan’ya ũlũngalu wake Andũnĩ ala makasyawa, kana nĩwe wekie ũu.</verse>
			</chapter>
			<chapter number="23">
				<verse number="1">Yeova nĩwe mũĩthi wakwa; ndikaĩwa nĩ kĩndũ.</verse>
				<verse number="2">Nũndindiasya isesinĩ syĩ nyeki ya vuvĩ; Nũndongoeasya ũtee wa manzĩ makilĩtye ki.</verse>
				<verse number="3">Nũmbuũkasya ngoo yakwa: Nũndongoeasya nzĩanĩ sya ũlũngalu kwondũ wa syĩtwa yake.</verse>
				<verse number="4">Ĩĩ, o na ngavĩtĩla kyandanĩ kya kyuu kya kĩkw’ũ, Ndikakĩa ũndũ ũthũku; nĩkwĩthĩwa wĩ vamwe nakwa; Mũnzyũ waku na ndata yaku, ningiakiasya.</verse>
				<verse number="5">Nũmbalanĩlasya mesa mbee wa amaitha makwa: Nũmbakĩte mũtwe wakwa mauta; Kĩkombe kyakwa nĩkyusũĩte na nĩkĩkwĩtĩkanga.</verse>
				<verse number="6">Vate ngananĩo mĩthenya yonthe ya thayũ wakwa ũseo na tei nimbikĩlaa; Nakwa nĩngatĩnĩka nyũmbanĩ ya Yeova tene na tene.</verse>
			</chapter>
			<chapter number="24">
				<verse number="1">Nthĩ nĩ ya Yeova, o na syĩndũ ila imyusũĩte; Nthĩ, na ala mamĩtwĩe.</verse>
				<verse number="2">Nĩkwĩthĩwa nĩwe wamyambĩlĩlye ĩũlũ wa maũkanga, Na amĩlũlũmĩlya ĩũlũ wa manzĩ maingĩ.</verse>
				<verse number="3">Nũũ ũla wĩambata kĩĩmanĩ kya Yeova? Na nũũ ũla wĩũngama vandũ vake vatheu?</verse>
				<verse number="4">Nĩ ũla wĩ na moko matheu, na ngoo ntheu; Ũla ũtaaĩyimbya aneene ũvũngũ, O na ndaaĩvĩta na ũkengani.</verse>
				<verse number="5">Nake akoosa ũathimo kuma kwa Yeova, Na ũlũngalu kuma kwa Ngai wa ũtangĩĩo wake.</verse>
				<verse number="6">Ũũ nĩw’o ũsyao wa ala mamũmanthaa, Ala mamanthaa ũthyũ waku we, Ngai wa Yakovo.</verse>
				<verse number="7">Ũkĩlyai mĩtwe yenyu, inyw’ĩ mbingĩlo; Ũkĩlai, inyw’ĩ mĩomo ya tene na tene: Na Mũsumbĩ wa ũtheu mũtisu akalika.</verse>
				<verse number="8">Mũsumbĩ ũsu wa ũtheu mũtisu nũũ? Nĩwe Yeova wĩ ũtonyi na vinya, Nĩ Yeova ũla wĩ na vinya kaũnĩ.</verse>
				<verse number="9">Ũkĩlyai mĩtwe yenyu, inyw’ĩ mbingĩlo; Ĩĩ, nenyu ũkĩlyai mĩtwe, inyw’ĩ mĩomo ya tene na tene: Na Mũsumbĩ wa ũtheu mũtisu akalika.</verse>
				<verse number="10">Mũsumbĩ ũsu wa ũtheu mũtisu nũũ? Yeova wa nguthu, Nĩwe Mũsumbĩ wa ũtheu mũtisu.</verse>
			</chapter>
			<chapter number="25">
				<verse number="1">Nĩngũkũkĩlĩlya ngoo yakwa, we Yeova.</verse>
				<verse number="2">Ngai wakwa, nue nĩkwatĩtye, Ndikasonokw’e; Amaitha makwa matikangĩlye vinya.</verse>
				<verse number="3">Ĩĩ, ala makweteelaa vai ũmwe ũkasonokw’a: Makasonoka ala mekaa naĩ na ũkengani vate kĩtumi.</verse>
				<verse number="4">Mbon’ya moendelo maku, we Yeova; Manyĩsya nzĩa syaku.</verse>
				<verse number="5">Ndongoesya nthĩnĩ wa w’o waku, na kũmanyĩsya; Nĩkwĩthĩwa nue Ngai wa ũtangĩĩo wakwa; Nĩngũkweteela mũthenya w’onthe.</verse>
				<verse number="6">Lilikana, ame Yeova, matei maku mololo o na moseo maku me wendo; Nũndũ o na tene tene nĩ vo maĩ.</verse>
				<verse number="7">Ndũkalilikane naĩ sya wana wakwa, o na mavĩtyo makwa: Kwĩanana na ũseo waku wĩ wendo ndilikana, Kwondũ wa ũseo waku, ame Yeova.</verse>
				<verse number="8">Yeova nĩ mũseo na mũlũngalu: Kwondũ wa ũu akamamanyĩsya athe mamanye nzĩa.</verse>
				<verse number="9">Ala auu akamatongoeasya ũlũngalunĩ; Nao ala auu akamamanyĩsya nzĩa yake.</verse>
				<verse number="10">Nzĩa syonthe sya Yeova nĩ sya ũseo wĩ wendo na sya w’o Kwa ala malũmĩtye ũtianĩo wake na mokũsĩ make.</verse>
				<verse number="11">Kwondũ wa syĩtwa yaku, ame Yeova, Ndekea naĩ syakwa, nĩkwĩthĩwa nĩ nene.</verse>
				<verse number="12">Nĩ mũndũ wĩva ũla ũmũkĩaa Yeova? Ũsu akamũmanyĩsya nzĩa ĩla wĩnyuvaa.</verse>
				<verse number="13">Thayũ wake ũkatũaa o nesa; Na ũsyao wake ũkatiĩwa nthĩ.</verse>
				<verse number="14">Nzama ya Yeova yĩ na ala mamũkĩaa; Na akamon’ya ũtianĩo wake.</verse>
				<verse number="15">Metho makwa melekele Yeova mavinda onthe; Nĩkwĩthĩwa nake akanumya maũũ makwa mũteonĩ.</verse>
				<verse number="16">Ĩnthyũũĩe, na mbĩw’ĩa tei; Nũndũ nĩkalaa nĩ nyioka na nĩngũnyamaw’a.</verse>
				<verse number="17">Mathĩna ma ngoo yakwa nĩmaingĩvie: Numya monyamaonĩ makwa.</verse>
				<verse number="18">Sisya thĩna wakwa na kũnyamaa kwakwa; Na ndekea naĩ syakwa syonthe.</verse>
				<verse number="19">Sisya amaitha makwa, nĩkwĩthĩwa nĩ aingĩ; Na nĩmeũmena na kĩmena kyai.</verse>
				<verse number="20">Sũvĩa thayũ wakwa, na mbonokya: Ndikasonokw’e, nĩkwĩthĩwa nĩngwĩvitha nthĩnĩ waku.</verse>
				<verse number="21">Wĩanĩu na ũlũngalu nimbĩkalye nesa, Nĩkwĩthĩwa nĩngũkweteela.</verse>
				<verse number="22">Ovosya Isilaeli, ame Ngai, Aũme mathĩnanĩ make onthe.</verse>
			</chapter>
			<chapter number="26">
				<verse number="1">Nzilĩla, ame Yeova, nĩkwĩthĩwa nĩnĩendete wĩanĩunĩ wakwa: Nake Yeova nĩnamwĩkwatisye vate kũthingithĩka.</verse>
				<verse number="2">Ndata, ame Yeova, na ũingosya; Ĩkuũe ngoo yakwa na kĩlĩko kyakwa.</verse>
				<verse number="3">Nũndũ ũseo waku wĩ wendo wĩ mbee wa metho makwa; Na nĩnĩendete nthĩnĩ wa w’o waku.</verse>
				<verse number="4">Ndyaaĩkalan’ya na andũ ma ũvũngũ; O na ndikaatĩanĩa na akengani.</verse>
				<verse number="5">Nĩngũmena ũmbano wa eki ma naĩ, Na ndikekala nthĩ na ala athũku.</verse>
				<verse number="6">Ngathambĩsya moko makwa ũtheunĩ wa kũlea kwĩka naĩ: Kwondũ wa ũu ngathyũlũlũka kĩthembeo kyaku, we Yeova;</verse>
				<verse number="7">Nĩ kana nĩtume wasya wa kũtũngĩa mũvea wĩw’ĩka, Na kũtavan’ya meko maku onthe ma ũseng’ya.</verse>
				<verse number="8">Yeova, nĩnendaa vau vala ve nyũmba yaku, O vandũ vala ũtheu mũtisu waku wĩkalaa.</verse>
				<verse number="9">Ndũkose thayũ wakwa vamwe na ala athe, O na ndũkose thayũ wakwa vamwe na andũ metĩkasya nthakame;</verse>
				<verse number="10">Nao mokonĩ moo kwĩ mĩkwa myathe, Na kw’oko kwoo kwa aũme kusũĩte mavaki.</verse>
				<verse number="11">Ĩndĩ nyie, ngaendaa wĩanĩunĩ wakwa: Mbovosya, na mbĩw’ĩa tei.</verse>
				<verse number="12">Kũũ kwakwa kũũngamaa vandũ vatindimalu: Maũmbanonĩ ngamũtaĩaa Yeova.</verse>
			</chapter>
			<chapter number="27">
				<verse number="1">Yeova nĩ kyeni kyakwa na ũtangĩĩo wakwa; Ngakĩa ũũ? Yeova nĩ vinya wa thayũ wakwa; Nũũ ũla nĩkĩa?</verse>
				<verse number="2">Yĩla eki ma naĩ mambũkĩe maye nyama ya mwĩĩ wakwa, O nthũ syakwa na amaitha makwa, nĩmalũlũtĩkile na kũvalũka.</verse>
				<verse number="3">O na ethĩwa nguthu ĩkanthyũlũlũkya maeema, Ngoo yakwa ndĩkakĩa: O na ethĩwa kaũ ũkambũkĩlĩla, Ĩvinda yĩu ngethĩwa ngĩĩkĩĩa.</verse>
				<verse number="4">Ũndũ ũmwe nĩmũkũlĩtye Yeova, na nĩw’o nĩmanthaa: Nĩ kana nĩkalae nyũmbanĩ ya Yeova mĩthenya yonthe ya thayũ wakwa, Nonae ũseo wa Yeova, Na ũvoyeaa ĩkalũnĩ yake.</verse>
				<verse number="5">Nĩkwĩthĩwa mũthenya wa thĩna akambitha nthĩnĩ wa ĩlwanda yake: Wĩvithonĩ wa ĩeema yake akambitha; Akandũlya ĩũlũ wa ĩvia.</verse>
				<verse number="6">Na yu mũtwe wakwa ũkookĩlw’a ĩũlũ wa amaitha makwa ala manthyũlũlũkĩte; Na ngathembea nthembo sya ũtanu ĩeemanĩ yake; Ngaina, ĩĩ, ngaina ngĩmũkumya Yeova.</verse>
				<verse number="7">Ĩw’a, ame Yeova, yĩla ngũkwĩkaĩla na wasya wakwa: Na ĩngĩ mbĩw’ĩa tei, na nzũngĩa.</verse>
				<verse number="8">Yĩla waisye, Mantha ũthyũ wakwa; ngoo yakwa yakwĩa, Ũthyũ waku, Yeova, nĩw’o ngũmantha.</verse>
				<verse number="9">Ndũkambithe ũthyũ waku; Ndũkalũngye mũthũkũmi waku wĩ mũthatu: Wĩkalĩte wĩ mũtethya wakwa; Ndũkaandeke, kana kũndia, ame Ngai wa ũtangĩĩo wakwa.</verse>
				<verse number="10">Nũndũ nau na mwaitũ nĩmandiie, Ĩndĩ Yeova akambosa.</verse>
				<verse number="11">Manyĩsya ũendelo waku, ame Yeova; Na ndongoesya nzĩanĩ ndũngalu, Nũndũ wa amaitha makwa.</verse>
				<verse number="12">Ndũkanengane kwendanĩ kwa amaitha makwa: Nĩkwĩthĩwa ngũsĩ sya ũvũngũ nimbũkĩlĩle, Na ala kũveva kwoo nĩ kũthĩn’ya kũthei.</verse>
				<verse number="13">Nakwa nĩthĩwa nanyalile, keka neetĩkĩlile kana ngoona ũseo wa Yeova Nĩ o nthĩ ya andũ ala me thayũ.</verse>
				<verse number="14">Mweteele Yeova: Ĩthĩwa na vinya, na ngoo yaku yĩthĩwe na ũnyiau; Ĩĩ, mweteele Yeova.</verse>
			</chapter>
			<chapter number="28">
				<verse number="1">Ame Yeova, nue nĩĩkaĩla: Ĩvia yakwa, ndũkalee ũmbĩw’a; Ethĩwa nũũmbindĩsya, Ngesa ũvw’anana na ala matheeaa yĩla ĩimanĩ.</verse>
				<verse number="2">Ĩw’aa wasya wa mawĩsũvano makwa, yĩla ngũkwĩkaĩla, Yĩla ngũkĩlya moko makwa melekele vandũ vaku vatheu va ũneenea.</verse>
				<verse number="3">Ndũkangusanĩsye vamwe na ala athũku, Vamwe na ala mekaa naĩ; Ala maneenaa mũuo na atũi moo, Ĩndĩ ũthũku wĩ ngoonĩ syoo.</verse>
				<verse number="4">Manenge o kwĩanana na wĩa woo, na kwĩanana na ũthũku wa meko moo: Ũmanenge kwĩanana na meko ma moko moo; Matũngĩe ũndũ maĩlwe.</verse>
				<verse number="5">Nĩkwĩthĩwa maiũsũanĩa meko ma Yeova, Kana wĩa wa moko make, Nake akamaomboa o na ndakamatũngĩĩa.</verse>
				<verse number="6">Yeova nataĩwe, Nũndũ nĩwewie wasya wa kwĩsũvana kwakwa.</verse>
				<verse number="7">Yeova nĩwe vinya wakwa na ngao yakwa; Ngoo yakwa nĩmũĩkĩĩe, na nĩngũtethw’a: Kwondũ wa ũu ngoo yakwa nĩtanaa mũno; Na ngamũtaĩa na wathi wakwa.</verse>
				<verse number="8">Yeova nĩ vinya woo, Nake nĩ ngome yĩ vinya ya ũtangĩĩo kwa mwĩtĩkĩw’a mauta wake.</verse>
				<verse number="9">Tangĩĩa andũ maku, na athima ũtiĩwa waku: O na ĩngĩ ĩthĩwa mũĩthi woo, ũmakuae kũvika tene na tene.</verse>
			</chapter>
			<chapter number="29">
				<verse number="1">Mũwetei Yeova, inyw’ĩ ana ma ũla wĩ na ũtonyi, Mũwetei Yeova ũtaĩo na vinya.</verse>
				<verse number="2">Mũwetei Yeova ũtaĩo ũla waĩle syĩtwa yake; Mũthaithei Yeova na ũseo wa ũtheu.</verse>
				<verse number="3">Wasya wa Yeova wĩ ĩũlũ wa manzĩ: Ngai wa ũtaĩo nũtundumaa, O Yeova e ĩũlũ wa manzĩ maingĩ.</verse>
				<verse number="4">Wasya wa Yeova wĩ vinya; Wasya wa Yeova usũĩte ũnene.</verse>
				<verse number="5">Wasya wa Yeova ũtũlangaa mĩtĩ ya mĩkũũ; Ĩĩ, Yeova atũlangaa tũlungu mĩkũũ ĩla ya Levanoni.</verse>
				<verse number="6">Atumaa ĩtũva ta kasaũ; Iĩma sya Levanoni na Silioni itũva ta ĩswii ya mboo.</verse>
				<verse number="7">Wasya wa Yeova nĩwatũaa itw’ĩki sya mwaki.</verse>
				<verse number="8">Wasya wa Yeova nũthingithasya weũ; Yeova nũthingithasya weũ wa Katesi.</verse>
				<verse number="9">Wasya wa Yeova ũtumaa ndaatai isyaa, Naw’o ũtumaa mũtitũ wĩtĩkya matũ: Na ĩkalũnĩ yake o kĩla kĩndũ kĩneenaa, Ũtaĩo nĩ wake.</verse>
				<verse number="10">Yeova ekalile e Mũsumbĩ ĩũlũ wa kĩla Kĩw’ũ kingĩ; Ĩĩ, Yeova ekalaa e Mũsumbĩ tene na tene.</verse>
				<verse number="11">Yeova akanenga andũ make vinya; Yeova akamaathima andũ make na mũuo.</verse>
			</chapter>
			<chapter number="30">
				<verse number="1">Ngakũkatha, we Yeova; nĩkwĩthĩwa nĩwambũkĩlilye ĩũlũ, Na ndwaamanenga amaitha makwa ũthei matane ĩũlũ wakwa.</verse>
				<verse number="2">Ame Yeova Ngai wakwa, Nĩnakwĩkaĩlile, na wambosya.</verse>
				<verse number="3">We Yeova, nĩwaumisye thayũ wakwa Seoli: Nũmbĩkalĩtye nĩ thayũ, ndikatheee yĩla ĩimanĩ.</verse>
				<verse number="4">Inai mũkĩkumya Yeova, inyw’ĩ atheu make, Tũngĩai mũvea syĩtwa yake ĩtheu ya ũlilikan’yo.</verse>
				<verse number="5">Nĩkwĩthĩwa ũthatu wake no wa kavinda kanini; Ũseo wake nĩwĩkalaa ĩvinda yonthe ya thayũ wa mũndũ: Kĩĩo kĩthĩawa ũtukũ, Ĩndĩ kĩoko kwĩthĩawa ũtanu.</verse>
				<verse number="6">Nakwa, yĩla naingĩvĩwe nasya, Ndikathingithĩka o na ĩndĩĩ.</verse>
				<verse number="7">Naku, Yeova, kwondũ wa ũseo waku nũtumĩte kĩĩma kyakwa kĩthĩwa na vinya: Wavithie ũthyũ waku; nakwa naũũya.</verse>
				<verse number="8">Nakwĩkaĩlile, we Yeova; Na kwa Yeova nĩneesũvanie:</verse>
				<verse number="9">Nthakame yakwa ĩkauna na kĩ, natheea yĩla ĩimanĩ? Kĩtoo kĩkakũtaĩa? Kĩkatavan’ya w’o waku?</verse>
				<verse number="10">Ĩw’a, ame Yeova, mbĩw’ĩa tei: Yeova, ĩthĩwa mũtethya wakwa.</verse>
				<verse number="11">Nũalyũlĩte kũmeta kwakwa kwĩthĩwe kũsũnga; Nũmbotooketye makunia makwa, na kũmbotoa ũtanu;</verse>
				<verse number="12">Nĩ kana ũnene wakwa ũkwinĩe, vate kũkilya. Ame Yeova Ngai wakwa, ngakũtũngĩa mũvea kũvika tene na tene.</verse>
			</chapter>
			<chapter number="31">
				<verse number="1">We Yeova, nĩngwĩvitha nthĩnĩ waku; Ndũkaandeke nĩsonokw’e o na ĩndĩĩ: Mbonokya kwondũ wa ũlũngalu waku.</verse>
				<verse number="2">Tea kũtũ kwaku ũmbĩw’e; mbonokya mĩtũkĩ: Ĩthĩwa kwakwa ĩvia yĩ vinya, Nyũmba ya ngome ya kũndangĩĩa.</verse>
				<verse number="3">Nĩkwĩthĩwa nue ĩvia yakwa na ngome yakwa; Kwondũ wa ũu nũndũ wa syĩtwa yaku ndongoeasya na nginyae mbee.</verse>
				<verse number="4">Mbumya kĩteinĩ kĩla mandeie na kĩmbithĩ; Nĩkwĩthĩwa nue ngome yakwa yĩ vinya.</verse>
				<verse number="5">Veva wakwa nĩngwia kw’okonĩ kwaku: Nũmbovoetye, we Yeova, nue Ngai wa w’o.</verse>
				<verse number="6">Nĩngũmena ala metĩkĩlaa maũndũ ma mana ma ũvũngũ; Ĩndĩ nyie nĩĩkĩĩe Yeova.</verse>
				<verse number="7">Ngatana na kwĩw’a mũyo ũseonĩ waku wĩ wendo; Nĩkwĩthĩwa nĩwoonie thĩna wakwa: Nĩwamanyie mathĩna ma ngoo yakwa;</verse>
				<verse number="8">Na ndwaanengane kw’okonĩ kwa ũla mũmaitha; Nĩwaũngamisye maũũ makwa vandũ vaamu mũno.</verse>
				<verse number="9">Mbĩw’ĩa tei, ame Yeova, nĩkwĩthĩwa nĩngũthĩna: Itho yakwa nĩyĩũseekea nĩ woo, ĩĩ, o na ngoo yakwa na mwĩĩ wakwa.</verse>
				<verse number="10">Nĩkwĩthĩwa thayũ wakwa nũkũminw’a nĩ woo, Na myaka yakwa nĩthelete na kũvevũũka: Vinya wakwa nũũnyiva nũndũ wa naĩ syakwa, Na mavĩndĩ makwa nĩmeũkũa.</verse>
				<verse number="11">Nũndũ wa nthũ syakwa syonthe nĩtw’ĩkĩte wa kũvũthw’a, Ĩĩ, atũi makwa membũthya mũno, Na nĩngũkĩwa nĩ anyanyae makwa: Ala mambonie nzĩanĩ nĩmangĩie.</verse>
				<verse number="12">Nĩnoolile ta mũndũ mũkw’ũ ũndũ ũlaa: Ndilyĩ ta mũio mũkw’ũ.</verse>
				<verse number="13">Nĩkwĩthĩwa nĩnĩw’ĩte mawilĩĩlo ma aingĩ, Ũtĩsyo ngalĩ syonthe: Makĩnzamĩa, Masũanĩa nzĩa ya ũmbũaa.</verse>
				<verse number="14">Ĩndĩ nĩnakũĩkĩĩe, we Yeova: Nĩnaisye, Nue Ngai wakwa.</verse>
				<verse number="15">Mavinda makwa me mokonĩ maku: Mbonokya mokonĩ ma amaitha makwa, na kwa ala manthĩnasya.</verse>
				<verse number="16">Ũthyũ waku ũmũtisĩae mũthũkũmi waku: Ndangĩĩa kwondũ wa ũseo waku wĩ wendo.</verse>
				<verse number="17">Ndũkaandeke nĩsonokw’e, ame Yeova; nũndũ nĩngwĩkaĩlĩte: Ala athũku masonoke, makilĩlye ku Seoli.</verse>
				<verse number="18">Ilomo ila ineenaa ũvũngũ syĩthĩwe itatonya kũneena, Ilomo ila ineenea alũngalu ndeto nyũmũ, Na ngathĩĩo na kĩvũthya.</verse>
				<verse number="19">Asi! Ũseo waku nĩ mũnene, Ũla waiĩe ala makũkĩaa, Ũla weekie kwondũ wa ala mevithaa nthĩnĩ waku, Ana ma andũ mene!</verse>
				<verse number="20">Ũkamavitha ũvithonĩ vala ũĩ kuma iteinĩ sya andũ: Ũkamasũvĩa kĩmbithĩnĩ ĩlwandanĩ kuma motetan’yonĩ ma nĩmĩ.</verse>
				<verse number="21">Yeova nataĩwe; Nĩkwĩthĩwa nũmbonetye ũseo wake wĩ wendo wa ũseng’ya nĩ ndũanĩ nũmu.</verse>
				<verse number="22">Ĩndĩ nyie, nĩnaisye na mĩtũkĩ, Nĩ mũvete kuma mbee wa metho maku: Ĩndĩ we nĩweewie wasya wa kwĩsũvana kwakwa, Yĩla nakwĩkaĩlile.</verse>
				<verse number="23">Mwendei Yeova, inyw’ĩ atheu make onthe: Yeova nũmasũvĩaa ala me na kĩthito, Na nũĩvaa mũno ũla wĩtũlasya.</verse>
				<verse number="24">Ĩthĩwai na vinya, na ngoo syenyu syĩthĩwe na ũnyiau, Inyw’onthe ala mwĩkwatasya Yeova.</verse>
			</chapter>
			<chapter number="32">
				<verse number="1">Kũathimwa nĩ mũndũ ũla ũekewe ĩvĩtyo yake, Ũla naĩ yake ĩvw’ĩkĩtwe.</verse>
				<verse number="2">Kũathimwa nĩ mũndũ ũla Yeova ũtamũtalĩlaa ũthũku, Na vevanĩ wake vai ũĩ wa ũkengani.</verse>
				<verse number="3">Yĩla navindisye, mavĩndĩ makwa makũa Nũndũ wa kũluma kwakwa mũthenya w’onthe.</verse>
				<verse number="4">Nĩkwĩthĩwa mũthenya na ũtukũ kw’oko kwaku kwaĩ kũito ĩũlũ wakwa: Nĩnyiaũkĩte ngethĩwa ta mũnyao wa ĩvinda ya syũa.</verse>
				<verse number="5">Nĩnakũmanyĩthisye naĩ yakwa, O na ndyaavitha ũthũku wakwa: Naisye, Nĩngũmumbũlĩla Yeova mavĩtyo makwa; Naku wandekea ũthũku wa naĩ yakwa.</verse>
				<verse number="6">Kwondũ wa ũu kĩla mũndũ ũmũkĩaa Ngai nakũvoye ĩvindayĩla ũkwoneka: Vate ndĩi yĩla manzĩ maingĩ makavinga na kũng’oka maikamũvikĩa.</verse>
				<verse number="7">Nue wĩvitho wakwa; ũkanzũvĩa ndikalike thĩnanĩ; Ũkanthyũlũlũkya mbathi sya ũvonokyo.</verse>
				<verse number="8">Ngakũmanyĩsya na kũkwon’ya nzĩa ĩla wĩendelaa: Ngakũtaa itho yakwa yĩkũketeee.</verse>
				<verse number="9">Mũtikethĩwe ta mbalasi, kana ta nyũmbũ, ila ita na ũmanyi; Ila syĩkĩwe itang’a sya kanyw’a na mĩkwa nĩ kana isiĩĩwe, Nĩ kana itikakũthengeee.</verse>
				<verse number="10">Mũndũ mwathe akeethĩwa na mawoo maingĩ; Ĩndĩ ũla ũmũĩkĩĩe Yeova, akathyũlũlũkwa nĩ ũseo wĩ wendo ngalĩ syonthe.</verse>
				<verse number="11">Tanai nthĩnĩ wa Yeova, na kwĩw’a mũyo, inyw’ĩ alũngalu; Na ũkĩlyai mawasya ma ũtanu, inyw’onthe ala mwĩ na ngoo ndũngalu.</verse>
			</chapter>
			<chapter number="33">
				<verse number="1">Tanai nthĩnĩ wa Yeova, inyw’ĩ alũngalu: Kũtaĩa nĩ kwaĩle ala alũngalu.</verse>
				<verse number="2">Mũtũngĩei Yeova mũvea na mbeve: Mwinĩei mũkĩmũkumya na kĩnanda kĩ ndii ĩkũmi.</verse>
				<verse number="3">Mwinĩei wathi weũ; Ingai na ũtũĩka na wasya mũnene.</verse>
				<verse number="4">Nĩkwĩthĩwa ndeto ya Yeova nĩ ya w’o; Na wĩa wake w’onthe ũtethaw’a na kĩthito.</verse>
				<verse number="5">Nake nĩwendete ũlũngalu na ũsili wa katĩ: Nthĩ yusũĩte ũseo wĩ wendo wa Yeova.</verse>
				<verse number="6">Matu nĩmoombiwe na ndeto ya Yeova, Na nguthu syonthe syamo nĩsyoombĩwe nĩ mĩthũmũ ya kanyw’a wake.</verse>
				<verse number="7">Ombanasya kĩw’ũ kya ũkanga ta kĩvumbu: Ekĩaa manzĩ ma syũngũ makũmbĩnĩ.</verse>
				<verse number="8">Nthĩ yonthe nĩmũkĩe Yeova: Onthe ala matwĩe nthĩ mamũkĩe.</verse>
				<verse number="9">Nĩkwĩthĩwa aneenie, na ũu weekwa; Eeaĩe, na ũu walũma.</verse>
				<verse number="10">Yeova nũtw’ĩkĩthasya ũtao wa i mbaĩ wa mana; Nũtumaa mosũanĩo ma ngo sya andũ methĩwa mate na ũtonyi.</verse>
				<verse number="11">Ũtao wa Yeova nĩwĩkalaa kũvika tene na tene, Mosũanĩo ma ngoo yake kũvikĩa nzyawa syonthe.</verse>
				<verse number="12">Kũathimwa nĩ mbaĩ ĩla Ngai wayo nĩ Yeova, Andũ ala manyuvĩtwe nĩwe matw’ĩke ũtiĩwa wake.</verse>
				<verse number="13">Yeova nũsyaĩĩasya e Ĩtunĩ; Nĩwonaa ana onthe ma andũ;</verse>
				<verse number="14">E vala ũtwĩe nũsyaĩĩasya Onthe ala matwĩe nthĩ,</verse>
				<verse number="15">We ũla ũmbaa ngoo sya onthe, Ũla ũsũanĩaa mawĩa moo onthe.</verse>
				<verse number="16">Vai mũsumbĩ ũtangĩĩwa nũndũ wa nguthu kwĩthĩwa yĩ nyingĩ: Ngũmbaũ ndĩvonokw’a nũndũ wa vinya mwingĩ.</verse>
				<verse number="17">Mbalasi nĩ kĩndũ kya mana kya ũvonokya mũndũ; O na ndĩtonya ũtangĩĩa mũndũ ũndũ wa vinya wayo.</verse>
				<verse number="18">Sisya, itho ya Yeova yĩketeeaa ala mamũkĩaa, Ala mekwatasya ũseo wake wĩ wendo;</verse>
				<verse number="19">Kũvonokya thayũ woo kĩkw’ũnĩ, Na kũmekalya me thayũ kwĩ yũa.</verse>
				<verse number="20">Ngoo sitũ syeteelete Yeova: Nĩwe mũtethya waitũ na ngao yaitũ.</verse>
				<verse number="21">Nĩkwĩthĩwa ngoo sitũ ikatanĩaa nthĩnĩ wake, Nũndũ nĩtũĩkĩĩe syĩtwa yake ĩtheu.</verse>
				<verse number="22">Ũseo waku wĩ wendo wĩthĩwe ĩũlũ waitũ, ame Yeova, Kwĩanana na ũndũ tũkwĩkwatĩtye.</verse>
			</chapter>
			<chapter number="34">
				<verse number="1">Ngamũtaĩaa Yeova mavinda onthe: Ndaĩa syake ikeethĩwa kanyw’anĩ wakwa mavinda onthe.</verse>
				<verse number="2">Thayũ wakwa ũkekathĩĩaa nthĩnĩ wa Yeova: Ala auu makeew’a ũu, na makatana.</verse>
				<verse number="3">Tũmũnenevyei Yeova vamwe, Na tũtũlyei syĩtwa yake vamwe.</verse>
				<verse number="4">Nĩnamũmanthie Yeova, na anzũngĩa, Na ambonokya kuma w’ĩanĩ wakwa w’onthe.</verse>
				<verse number="5">Mamũsyaisye, na matisatisa; Na mothyũ moo maikasonokw’a o na ĩndĩĩ.</verse>
				<verse number="6">Mũndũ ũũ ngya akaya, na Yeova amwĩw’a, Na amũtangĩĩa kuma mathĩnanĩ make onthe.</verse>
				<verse number="7">Mũlaĩka wa Yeova nũmathyũlũlũkaa ngalĩ syonthe ala mamũkĩaa, Na kũmavonokya.</verse>
				<verse number="8">Samai mũsisye kana Yeova nĩ mũseo: Kũathimwa nĩ mũndũ ũla wĩvithaa nthĩnĩ wake.</verse>
				<verse number="9">Kĩai Yeova, inyw’ĩ atheu make; Nĩkwĩthĩwa ala mamũkĩaa maikaĩwa nĩ kĩndũ.</verse>
				<verse number="10">Mĩnyambũ ya mũika nĩyaĩawa nĩ kĩndũ, na kwĩw’aa nzaa; Ĩndĩ ala mamũmanthaa Yeova matikaĩwa nĩ kĩndũ kĩseo o na kĩva.</verse>
				<verse number="11">Ũkai, inyw’ĩ syana, mbĩthukĩĩsyai: Ngamũmanyĩsya kũmũkĩa Yeova.</verse>
				<verse number="12">Nĩ mũndũ wĩva wendaa kwĩthĩwa na thayũ, Na wendaa kwĩthĩwa na mĩthenya mingĩ, nĩ kana one ũseo?</verse>
				<verse number="13">Sũvĩa ũĩmĩ waku ndũkaneene ũthũku, O na ĩlomo syaku itikaneene na ũĩ wa ũkengani.</verse>
				<verse number="14">Ĩvathane na ũthũku, na ũkĩka ũseo; Mantha mũuo, na ũyũatĩĩa.</verse>
				<verse number="15">Metho ma Yeova melekele alũngalu, Na matũ make nũteete ew’e kĩĩo kyoo.</verse>
				<verse number="16">Ũthyũ wa Yeova wĩ ĩũlũ wa ala mekaa ũthũku, Kũlilikanwa kwoo kũthele kũũ nthĩ.</verse>
				<verse number="17">Ala alũngalu makayie, na Yeova amew’a, Na amavonokya mathĩnanĩ moo onthe.</verse>
				<verse number="18">Yeova e vakuvĩ na ala matũlĩkĩte ngoo, Na nũtangĩĩaa ala mekwĩlila vevanĩ.</verse>
				<verse number="19">Mathĩna nĩ maingĩ ala mũndũ mũlũngalu wĩ namo; Ĩndĩ Yeova nũmũvonokasya kwamo onthe.</verse>
				<verse number="20">Nũsũvĩaa mavĩndĩ make onthe: Vai yĩmwe yamo ĩtũlĩku.</verse>
				<verse number="21">Ũthũku ũkooaa ala athũku; Na ala mamenaa alũngalu makasilĩlwa.</verse>
				<verse number="22">Yeova nũkwovosya thayũ wa athũkũmi make; Na vai ũmwe wa ala mevithaa nthĩnĩ wake ũkasilĩlwa.</verse>
			</chapter>
			<chapter number="35">
				<verse number="1">Ame Yeova, kĩlan’ya na ala meũkĩlan’ya nakwa: Ũkita na ala meũkita nakwa.</verse>
				<verse number="2">Osa ngao na kakalo, Na ũngama ũndethye.</verse>
				<verse number="3">Umya ĩtumo nayo, na mavingĩe nzĩa ala meũngatĩĩa: Ĩa thayũ wakwa atĩĩ, Ninyie ũtangĩĩo waku.</verse>
				<verse number="4">Masonokw’e na kwanangĩwa ndaĩa ala mamanthaa thayũ wakwa: Matũngwe na ĩtina na kũthokoanwa ala manzũanĩĩaa ũthũku.</verse>
				<verse number="5">Nĩmethĩwe ta wewa mbee wa ũkũngi, Mũlaĩka wa Yeova akĩmalũngya.</verse>
				<verse number="6">Nzĩa yoo yĩthĩwe yĩ kĩvindu na ndendeu Na mũlaĩka wa Yeova akĩmaatĩĩa.</verse>
				<verse number="7">Nĩkwĩthĩwa mandeie na kĩtei kyoo ĩimanĩ vate kĩtumi; Vate kĩtumi nĩmenzĩe thayũ wakwa ĩima.</verse>
				<verse number="8">Wanangĩko ũmũkĩe atesĩ; Na kĩtei kyake kĩla wavithie kĩmũkwatye: Navalũke nthĩnĩ wakyo na kwanangĩka.</verse>
				<verse number="9">Na ngoo yakwa ĩkeethĩwa na ũtanu nthĩnĩ wa Yeova: Ĩkatana ũtangĩĩonĩ wake.</verse>
				<verse number="10">Mavĩndĩ makwa onthe makakũlya, Yeova, nũũ ũla ũilyĩ taku, Ũla ũtangĩĩa ngya kuma kwa ũla wĩ vinya kwĩ we, Ĩĩ, kũtangĩĩa ngya na ũla mũthĩni kuma kwa ũla ũmũvutaa?</verse>
				<verse number="11">Ngũsĩ sya ũvũngũ syookĩla; Na kũngũlya maũndũ ndamesĩ.</verse>
				<verse number="12">Mandĩvaa ũthũku vandũ va ũseo, Kũvika ngoo yakwa yamaka.</verse>
				<verse number="13">Ĩndĩ ngalĩ ĩ yakwa, yĩla maĩ awau, ngũa syakwa syaĩ sya makunia: Nĩnathĩnisye thayũ wakwa ngĩtĩĩa kũya; Na mboya yakwa yanzyokea kĩthũinĩ kyakwa.</verse>
				<verse number="14">Nĩneekie o ta waĩ mũnyanyawa kana mwana‐a‐ia: Nenamĩĩa nthĩ na kũmaka, ta ũla ũnũkũĩĩa inyia wake.</verse>
				<verse number="15">Ĩndĩ yĩla ngũthĩna maitana, na kũmbana vamwe: Mambũmbanĩa asu ameni, nakwa ndyaamanya; Mandembũanga, na matyaaeka:</verse>
				<verse number="16">Ta avũthya ala makaakaanĩasya mbokanĩ, Mambevetanĩasya maeo moo.</verse>
				<verse number="17">Mwĩaĩi, nĩ ĩvinda yĩana ata ũkĩsyaĩĩsya? Tangĩĩa thayũ wakwa mawananginĩ moo, No ũmwe ũtangĩĩe kwa ĩla mĩnyambũ.</verse>
				<verse number="18">Ngakũtũngĩa mũvea ũmbanonĩ ũla mũnene: Ngakũtaĩa katĩ wa andũ aingĩ.</verse>
				<verse number="19">Asu amaitha makwa matikandanĩe ũvũngũ; O na ala meũmena vate kĩtumi matikavenanĩsye na metho.</verse>
				<verse number="20">Nĩkwĩthĩwa matiũneena mũuo; Ĩndĩ memasũanĩĩa andũ ala avoo ma ĩ nthĩ ndeto sya ũkengani.</verse>
				<verse number="21">Ĩĩ, mambathamĩsye makanyw’a moo mũno; Maisye, Aa! Aa! Metho maitũ nĩmawonete.</verse>
				<verse number="22">Nue ũwonete, ame Yeova; ndũkakilye: Ame Mwĩaĩi, ndũkethĩwe wĩ kũasa nakwa.</verse>
				<verse number="23">Ũkĩla, na amũka ũtw’e sila ũla ũmbaĩle, O ũndũ wakwa, Ngai wakwa na Mwĩaĩi wakwa.</verse>
				<verse number="24">Nzilĩla, ame Yeova Ngai wakwa, kwĩanana na ũlũngalu waku; Maikatanw’e ninyie.</verse>
				<verse number="25">Matikasye ngoonĩ syoo, Aa! Ũu nĩw’o twendete: Matikasye, Nĩwamũmelya.</verse>
				<verse number="26">Masonokw’e na kũthokoanw’a vamwe asu ala matanĩaa thĩna wakwa: Mavw’ĩkwe nthoni na kwanangĩwa ndaĩa asu mekwĩnenevya ĩũlũ wakwa.</verse>
				<verse number="27">Mokĩlye mawasya na ũtanu, na kwĩw’a mũyo, ala mendeeaw’a nĩ ũlũngalu wakwa: Ĩĩ, maneenae mavinda onthe, Yeova anenevw’e, Ũla wendeeaw’a nĩ kwingĩvĩwa kwa mũthũkũmi wake.</verse>
				<verse number="28">Na ũĩmĩ wakwa ũkaneenaa ũvoo wa ũlũngalu waku Na ndaĩa yaku mũthenya w’onthe.</verse>
			</chapter>
			<chapter number="36">
				<verse number="1">Ĩvĩtyo ya ũla mũthũku yĩmbĩa ngoonĩ yakwa, Kũi kũmũkĩa Ngai mbee wa metho make.</verse>
				<verse number="2">Nĩkwĩthĩwa methonĩ make nĩwĩyendeeasya mwene, Atĩ ũthũku wake ndũkamanyĩke na kũmenwa.</verse>
				<verse number="3">Ndeto sya kanyw’a wake nĩ sya ũthũku na ũkengani; Nũekete kwĩthĩwa na ũĩ o na kwĩka ũseo.</verse>
				<verse number="4">Nũsũanĩaa ũthũku e ũkomonĩ wake; Eleketye nzĩanĩ ĩte nzeo; Naw’o ũthũku ndamenaa.</verse>
				<verse number="5">Ũseo waku wĩ wendo, we Yeova, wĩ matunĩ; Kĩthito kyaku kĩvikĩte o na matunĩ.</verse>
				<verse number="6">Ũlũngalu waku ũilyĩ ta iĩma sya Ngai; Mosilĩlo maku nĩ kyũngũ kĩliku: Naku Yeova, wĩkalasya mũndũ thayũ o na nyamũ.</verse>
				<verse number="7">Ũseo waku wĩ wendo ko wĩ vata mũnene, ame Ngai! Na syana sya andũ syĩvithaa ungu wa muunyĩ wa nthwau syaku.</verse>
				<verse number="8">Makavũnw’a vyũ nĩ ũnou wa nyũmba yaku; Na ũkatuma manyw’a ma ũsĩ wa motanu maku.</verse>
				<verse number="9">Nũndũ nue wĩ na mbuluti ya thayũ: Kyeninĩ kyaku nĩvo tũkona kyeni</verse>
				<verse number="10">Endeea kwonan’ya ũseo waku wĩ wendo kwa ala meũkũmanya, Na ũlũngalu waku kwa ala alũngalu ngoonĩ.</verse>
				<verse number="11">Kũũ kwa ala mekathĩĩa kũikambũkĩe, O na kw’oko kwa mũthũku kũikandũngye.</verse>
				<verse number="12">Vu nĩvo eki ma ũthũku mavalũkĩte: Nĩmakimanĩtw’e na nthĩ, na matikatonya kũkĩla.</verse>
			</chapter>
			<chapter number="37">
				<verse number="1">Ndũkenyamasye nũndũ wa ala mekaa naĩ, O na ndũkamew’ĩe kĩwĩu ala mekaa mawĩa mate malũngalu.</verse>
				<verse number="2">Nĩkwĩthĩwa mĩtũkĩ makatilwa ta nyeki, Na makooma o ta nyũnyi ila nziũ sya mũũndanĩ.</verse>
				<verse number="3">Mũĩkĩĩe Yeova, na ũkĩka ũseo; Tũaa ĩ nthĩ, na ũiĩsaa kĩthito kyake.</verse>
				<verse number="4">Ĩtan’ye nthĩnĩ wa Yeova; Nake akakũnenga kila ũvoyete na ngoo yaku.</verse>
				<verse number="5">Mwiĩe Yeova nzĩa yaku; Mũĩkĩĩe we, nake akeeka.</verse>
				<verse number="6">Nake akaumĩlya ũlũngalu waku o ta kyeni, Na ũsili waku ta kyeni kya mũthenya katĩ.</verse>
				<verse number="7">Thũmũa nthĩnĩ wa Yeova, na mweteele na wũmĩĩsyo: Ndũkenyamasye ũndũ wa ũla ũunĩkaa nzĩanĩ yake, Nũndũ wa ũla ũtumaa mosũanĩo mathũku mekĩka.</verse>
				<verse number="8">Eka ũthatu, na tia ũthilĩkũ: Ndũkenyamasye, nĩkw’o kũtumaa naĩ yĩkwa.</verse>
				<verse number="9">Nĩkwĩthĩwa eki ma naĩ makavetwa; Ĩndĩ ala mamweteelaa Yeova, asu makatiĩwa nthĩ.</verse>
				<verse number="10">Vatiele ĩvinda ĩnini, na mũthũku ndakethĩwa: Ĩĩ, ũkaketeea mũno vandũ vake, na ndakethĩwa.</verse>
				<verse number="11">Ĩndĩ ala auu makatiĩwa nthĩ, Na makeetan’ya mũuonĩ mwingĩ.</verse>
				<verse number="12">Ũla mũthũku amũsũanĩĩaa mũlũngalu ũthũku, Na kũmũvevetanĩsya maeo.</verse>
				<verse number="13">Nake Mwĩaĩi akamũtheka; Nĩkwĩthĩwa eona kana mũthenya wake nĩwũkĩte.</verse>
				<verse number="14">Athũku makũĩte ũvyũ, na nĩmakootete mata moo, Mavalũkye nthĩ ngya na athĩni, Mamoae ala alũngalu me nzĩanĩ.</verse>
				<verse number="15">Mbyũ syoo ikatonya ngoo syoo ene, Na mata moo makatũlwa.</verse>
				<verse number="16">Nĩ kavaa kĩndũ kĩnini kya mũndũ mũlũngalu. Kwĩ ũthwii mwingĩ wa andũ aingĩ athũku.</verse>
				<verse number="17">Nĩkwĩthĩwa moko ma ala athũku makatũlwa; Ĩndĩ ala alũngalu Yeova nũmatw’ĩĩkaa.</verse>
				<verse number="18">Yeova nĩwe wĩsĩ mĩthenya ya ala eanĩu; Na ũtiĩwa woo ũkeethĩwa wa tene na tene.</verse>
				<verse number="19">Maikasonoka ĩvinda ya ũthũku; Na mĩthenya ya yũa makeanĩaw’a.</verse>
				<verse number="20">Ĩndĩ ala athũku makaa, Na amaitha ma Yeova makeethĩwa ta ũnou wa tũtena twa malondu: Makathela; makathela o ta syũki.</verse>
				<verse number="21">Ũla mũthũku nũkovaa, na ndatũngaa; Ĩndĩ mũlũngalu ew’aa ĩnee, na ainengane.</verse>
				<verse number="22">Nĩkwĩthĩwa ala maathimĩtwe nĩwe makatiĩwa nthĩ; Na ala maumanĩwe nĩwe makavetwa.</verse>
				<verse number="23">Mĩendele ya mũndũ nĩlũlũmĩlw’e nĩ Yeova; Nake atanaa nzĩanĩ yake.</verse>
				<verse number="24">O na avalũka, ndakavika nthĩ vyu; Nĩkwĩthĩwa Yeova nĩwe ũnũũmũkwata na kw’oko.</verse>
				<verse number="25">Naĩ mũnini, na yu nĩ mũkũu; Ĩndĩ ndyaaona mũlũngalu atiĩtwe, Kana ũsyao wake ũkĩvoya lĩu.</verse>
				<verse number="26">Mũthenya w’onthe nĩwĩw’aa ĩnee, na kũkovethya; Na ũsyao wake nũathimawa.</verse>
				<verse number="27">Ĩvathane na ũthũku, nokĩka ũseo; Na ũkĩkala tene na tene.</verse>
				<verse number="28">Nĩkwĩthĩwa Yeova nũwendete sila wa katĩ, Na ndamatiaa atheu make; Nĩmasũvĩawa kũvika tene na tene: Ĩndĩ ũsyao wa ala athũku ũkavetwa vyũ.</verse>
				<verse number="29">Ala alũngalu makatiĩwa nthĩ, Na makatũa vo kũvika tene na tene.</verse>
				<verse number="30">Kanyw’a wa mũlũngalu ũneenaa ũndũ wa ũĩ, Na ũĩmĩ wake ũneenaa ũndũ wa sila wa katĩ.</verse>
				<verse number="31">Mwĩao wa Ngai wake wĩ ngoonĩ yake; Matambya make maikatendelũka nongi.</verse>
				<verse number="32">Ũla mũthũku nũsyĩmaa ũla mũlũngalu, Na amanthaa kũmũaa.</verse>
				<verse number="33">Yeova ndakamũtia kw’okonĩ kwake, Kana kũmũtw’a kwĩthĩwa mũvĩtan’ya yĩla wĩsilĩlwa.</verse>
				<verse number="34">Mweteele Yeova, na kwata nzĩa yake, Na akakũnenevya ũtiĩwe nthĩ: Yĩla athũku makavetwa, naku ũkoona ũu.</verse>
				<verse number="35">Nĩnonete mũthũku e na ũtonyi mwingĩ, Akĩnyasya mwene ta mũtĩ mwĩũ ũmeete mũthanganĩ wa nthĩ yaw’o.</verse>
				<verse number="36">Ĩndĩ kwavĩta mũndũ, na, sisya, nde vo: Ĩĩ, namũmantha, ĩndĩ ndanoneka.</verse>
				<verse number="37">Sisya nesa mũndũ mwĩanĩu, na keteea mũndũ mũlũngalu; Nĩkwĩthĩwa mũminũkĩlyo wa mũndũ ũsu ũkeethĩwa mũuo.</verse>
				<verse number="38">Ĩndĩ avĩtan’ya, makaanangwa vamwe: Mũminũkĩlyo wa athũku makavetwa vyũ.</verse>
				<verse number="39">Ĩndĩ ũtangĩĩo wa ala alũngalu nĩ wa Yeova: Nake nĩ ngome yoo yĩ vinya ĩvinda ya thĩna.</verse>
				<verse number="40">Yeova nũmatethasya, na kũmavonokya: Nũmavonokasya kwa athũku, na kũmatangĩĩa, Nũndũ mevithĩte nthĩnĩ wake.</verse>
			</chapter>
			<chapter number="38">
				<verse number="1">Ame Yeova, ndũkangan’ye ũthilĩkunĩ waku; O na kũngũna kũtiikanĩ kwaku kũnene.</verse>
				<verse number="2">Nĩkwĩthĩwa mĩsyĩ yaku nĩngathangĩte mũno, Na kw’oko kwaku kũmbinyĩĩe ki.</verse>
				<verse number="3">Mwĩĩ wakwa ndwĩ na vandũ vaseo nũndũ wa ũthilĩku waku; O na mavĩndĩ makwa mati na mũuo nũndũ wa naĩ yakwa.</verse>
				<verse number="4">Nĩkwĩthĩwa mothũku makwa mang’okele mũtwenĩ wakwa: O ta mũio mũito nĩngũemwa nĩ ũito wamo.</verse>
				<verse number="5">Mawũkite makwa nĩmeũnyunga na nĩ mou, Nũndũ wa ũtumanu wakwa.</verse>
				<verse number="6">Nĩngwalw’a na kũkungulala mũno, Nĩngũthi ngĩmeta mũthenya w’onthe.</verse>
				<verse number="7">Nĩkwĩthĩwa kĩnyunyu kyakwa nĩkyusũĩte ĩvyũvĩ; Na mwĩĩ wakwa ndwĩ na vandũ vamwe vaseo.</verse>
				<verse number="8">Nĩngũnyala na kũuauĩka mũno: Nĩlumĩte kwondũ wa kũlea kũusya kwa ngoo yakwa.</verse>
				<verse number="9">Mwĩaĩi, kwenda kwakwa kw’onthe kwĩ mbee waku; Na kũluma kwakwa ndũvithĩtwe.</verse>
				<verse number="10">Ngoo yakwa nĩtumaa mũno, vinya wakwa nĩ mũnyivu: O na kyeni kya metho makwa, nakyo nĩ kĩthelu.</verse>
				<verse number="11">Endwa makwa na anyanyawa maũngamĩte mevathanĩte na ũthĩn’yo wakwa; Namo andũ ma nyũmba yakwa maũngamĩte kũasa nakwa.</verse>
				<verse number="12">Asu nao ala masyĩmaa thayũ wakwa mambiĩaa itei; Na ala mamanthaa kũmbĩka naĩ maneenaa maũndũ mathe, Na masũanĩaa mokengani mũthenya w’onthe.</verse>
				<verse number="13">Ĩndĩ nyie, ta mũndũ ũte matũ, ndikwĩw’a; Na nĩilyĩ ta mũndũ ũtaneenaa ũla ũtathamũkan’ya kanyw’a wake.</verse>
				<verse number="14">Iĩ, nĩilyĩ ta mũndũ ũtew’aa, Na ũla kanyw’anĩ wake vai mokan’yo.</verse>
				<verse number="15">Nĩkwĩthĩwa we, Yeova, nue nĩkwatasya: Ũkasũngĩa, ame Mwĩaĩi Ngai wakwa.</verse>
				<verse number="16">Nĩkwĩthĩwa nĩnaisye, Matikese kũndanĩa: Yĩla kũũ kwakwa kwĩtendelũka, menenevya ĩũlũ wakwa.</verse>
				<verse number="17">Nĩkwĩthĩwa ngilye kũvalũka, Na woo wakwa wĩ mbee wakwa mavinda onthe.</verse>
				<verse number="18">Nĩkwĩthĩwa ngaumbũla ũthũku wakwa; Ngeew’a woo nũndũ wa naĩ yakwa.</verse>
				<verse number="19">Ĩndĩ amaitha makwa me na ũthangaau, na me na vinya; Na ala mamenaa vate kĩtumi nĩmaingĩvie.</verse>
				<verse number="20">Namo ala maĩvaa ũthũku kwa ũseo Nĩ nthũ syakwa, nũndũ nyie nĩngũatĩĩa ũndũ ũla ũseo.</verse>
				<verse number="21">Ndũkandie, Yeova: Ame Ngai wakwa, ndũkethĩwe kũasa nakwa.</verse>
				<verse number="22">Ĩkalaate ũndethye, Ame Mwĩaĩi, ũtangĩĩo wakwa.</verse>
			</chapter>
			<chapter number="39">
				<verse number="1">Nĩnaisye, Nĩngũsũvĩa mĩendele yakwa, Nĩ kana ndikavĩtye na ũĩmĩ wakwa: Ngasũvĩa kanyw’a wakwa ta kwova na mũkwa, Ĩvinda yĩla mũthũku wĩ mbee wakwa.</verse>
				<verse number="2">Neethĩwa ndeũneena, nĩnavindisye ki, o na ndyaaneena ũndũ ũseo; Na woo wakwa wookĩla.</verse>
				<verse number="3">Ngoo yakwa yavyũvĩa nthĩnĩ wakwa; O yĩla nasũanĩaa mwaki wakana; Na ĩndĩ naneena na ũĩmĩ wakwa:</verse>
				<verse number="4">Yeova, manyĩthya mũminũkĩlyo wakwa, Na ũtalo wa mĩthenya yakwa, ũndũ yĩana; Nĩmanye ũndũ mbinyĩte.</verse>
				<verse number="5">Sisya, mĩthenya yakwa ũmĩtw’ĩkĩthĩtye ta kũthima kwa kĩtaa kya kw’oko; Na ũasa wa thayũ wakwa ti kĩndũ mbee waku: Vate ndĩi kĩla mũndũ o na akeyaĩlya ata nĩ kĩndũ kya mana.</verse>
				<verse number="6">Vate ndĩi kĩla mũndũ aendaa o ta kyuu; Vate ndĩi nĩmekwĩthĩn’ya mana: Eyũmbanĩasya ũthwii, na ndesĩ ũla ũkotũngĩanĩa.</verse>
				<verse number="7">Na yu, Mwĩaĩi, nĩeteela kyaũ? Wĩkwatyo wakwa wĩ nthĩnĩ waku.</verse>
				<verse number="8">Mbonokya mavĩtyonĩ makwa onthe: Ndũkandw’ĩkĩthye kĩvũthya kya ala atumanu.</verse>
				<verse number="9">Nĩnavindisye, ndyaathamya kanyw’a wakwa; Nũndũ nue weekie ũu.</verse>
				<verse number="10">Mbathũkĩsya ĩkũna yaku: Nĩngũminwa nĩ ĩkũna ya kw’oko kwaku.</verse>
				<verse number="11">Yĩla ũũkan’ya mũndũ alũngale ũndũ wa ũthũku wake, Nũtumaa ũseo wake ũminwa ta ũĩtwe nĩ lungulu: Vate ndĩi kĩla mũndũ no kĩndũ kya mana.</verse>
				<verse number="12">Ĩw’a mboya yakwa, ame Yeova, na tea kũtũ wĩw’e ũkayo wakwa; Ndũkavindĩĩsye woona methoi makwa: Nĩkwĩthĩwa kwaku nyie nĩ mũeni, Mwĩkali wa ũeninĩ, o tondũ aaĩthe makwa onthe mailyĩ.</verse>
				<verse number="13">Ndeka, nĩ kana nĩtũngĩwe vinya ĩngĩ, Mbee wa ndanamba kũthi, na kũlea kwĩthĩwa ĩngĩ.</verse>
			</chapter>
			<chapter number="40">
				<verse number="1">Nĩnamweteelile Yeova na ũmĩĩsyo; Nake eethukĩĩsya, na eew’a ũkayo wakwa.</verse>
				<verse number="2">Nĩwanumisye ĩimanĩ ĩthũku mũno mbee, anumya ndakanĩ ya yũmba; Na akinyĩthya maũũ makwa ĩvianĩ, na alũlũmĩlya mĩendele yakwa.</verse>
				<verse number="3">Nake nĩwĩkĩĩte wathi weũ kanyw’anĩ wakwa, nĩw’o ndaĩa ya Ngai waitũ: Aingĩ makoona ũu, na makakĩa, Na makamũĩkĩĩa Yeova.</verse>
				<verse number="4">Kũathimwa nĩ mũndũ ũla ũmũtusaa Yeova wĩkwatyo wake, O na ndataĩaa ekathĩĩi, kana ala mathũkaa kũatĩĩa movũngũ.</verse>
				<verse number="5">Nĩ maingĩ mũno mawĩa maku ma ũseng’ya ala ũtethetye, we Yeova Ngai wakwa, Na mosũanĩo maku ala melekele ithyĩ: Maitonya kwiwa maatĩanĩe mbee waku; Ethĩwa ngamatavan’ya na kũmaweta, Nĩ maingĩ ũndũ matatonya kũtalĩka.</verse>
				<verse number="6">Ndwĩw’aa mũyo nĩ nthembo na syĩndũ ila syumaw’a; Matũ makwa nĩwamakunũie: Nthembo ya kũvĩvw’a na nthembo ya naĩ ndũsyendete.</verse>
				<verse number="7">Nĩvo naisye, Sisya, nĩnooka; Ĩvukunĩ ĩkũnze nĩkũandĩkĩtwe ũndũ wakwa atĩĩ:</verse>
				<verse number="8">Nĩngũtana kwĩka kwenda kwaku, we Ngai wakwa; Ĩĩ, mwĩao waku wĩ ngoonĩ yakwa.</verse>
				<verse number="9">Nĩnatavanisye maũvoo ma ũtanu ma ũlũngalu ũmbanonĩ ũla mũnene; Sisya, ndikasiĩĩa ilomo syakwa, Ame Yeova, nue wĩsĩ.</verse>
				<verse number="10">Ndinavitha ũlũngalu waku nthĩnĩ wa ngoo yakwa; Nĩnaneenie ũndũ wa kĩthito kyaku na ũtangĩĩo waku; Ũseo waku wĩ wendo na w’o waku ndinavitha ũmbanonĩ ũla mũnene.</verse>
				<verse number="11">Naku Yeova, ndũkambate matei maku mololo; Ũseo waku wĩ wendo na w’o waku nimbĩkalye mavinda onthe.</verse>
				<verse number="12">Mothũku matatalĩka nĩmanthyũlũlũkĩte; Naĩ syakwa nĩsyangwata, na kwondũ wa ũu nditonya kũng’elela ĩũlũ; Nĩ nyingĩ kũvĩtũka nzw’ĩĩ sya mũtwe wakwa; Na ngoo yakwa nĩnĩũnthelela.</verse>
				<verse number="13">Ame Yeova, endeew’a nĩ kũmbonokya: Ĩkalaate ũndethye, ame Yeova.</verse>
				<verse number="14">Masonokw’e na kũthokoanw’a vamwe Ala mamanthaa thayũ wakwa mawanange: Matũngwe na ĩtina na kwanangĩwa ndaĩa Ala mew’aa mũyo nĩ kũnyamaw’a kwakwa.</verse>
				<verse number="15">Maekwe me athei kwondũ wa nthoni syoo Ala mambĩa, Aa! Aa!</verse>
				<verse number="16">Onthe ala makũmanthaa matane na kwĩw’a mũyo nthĩnĩ waku: Asu ala mendaa ũtangĩĩo waku maneenae mavinda onthe, Yeova nanenevw’e.</verse>
				<verse number="17">Nakwa nĩ ngya na mũthĩni; Ĩndĩ Mwĩaĩi nũndilikanaa: Nue mũtethya wakwa na mũvonokya wakwa; Ndũketeele, ame Ngai wakwa.</verse>
			</chapter>
			<chapter number="41">
				<verse number="1">Kũathimwa nĩ ũla ũlilikanaa ngya: Mũthenya wa thĩna Yeova akamũvonokya.</verse>
				<verse number="2">Yeova akamũsũvĩa, na kũmwĩkalya e thayũ, Na akaathimwa e kũũ nthĩ; Na ndũkamũnengane kwendanĩ kwa amaitha make.</verse>
				<verse number="3">Yeova nĩwe ũkamũtethya e ũkomonĩ awaa: E mũwau nue ũmwalanĩlasya ũkomo wake w’onthe.</verse>
				<verse number="4">Nakwa nasya, ame Yeova mbĩw’ĩa tei: Vosya ngoo yakwa; nĩkwĩthĩwa nĩnakũvĩtanĩsye.</verse>
				<verse number="5">Amaitha makwa mengweta naĩ, makyasya, Akakw’a ĩndĩĩ, na syĩtwa yake yĩkyaa?</verse>
				<verse number="6">Na ethĩwa nĩwoka kũnzisya, aneenaa ũvũngũ; Ngoo yake ĩyũmbanĩasya ũthũku; Yĩla waumaala nza, akyũtavan’ya.</verse>
				<verse number="7">Onthe ala mamenaa nĩmanzukaa na kĩwe; Nĩmasũanĩaa ũthũku ĩũlũ wakwa.</verse>
				<verse number="8">Maasya nũlũmĩtwe nĩ ũwau mũthũku; Nake nũkomete yu ndakambĩla kũkĩla ĩngĩ.</verse>
				<verse number="9">Ĩĩ, o na mũnyanyawa ũla twĩsene, ũla namũĩkĩĩe, Ũla waĩsanĩaa lĩu nakwa, Nĩwe wambũkĩlĩlye kĩtiinyo kyake.</verse>
				<verse number="10">Ĩndĩ we, ame Yeova, mbĩw’ĩa tei na kũmbũkĩlya, Nĩ kana nĩĩvanĩsye.</verse>
				<verse number="11">Kwondũ wa ũu nĩngũmanya kana nĩwendeeawa ninyie, Nũndũ mũmaitha wakwa ndeũngĩlya vinya.</verse>
				<verse number="12">Ĩndĩ nyie, nũndũ wa wĩanĩu wakwa nũndw’ĩĩkaa, Na kũmbia mbee wa ũthyũ waku tene na tene.</verse>
				<verse number="13">Yeova, Ngai wa Isilaeli, nataĩwe, Kuma tene na tene na kũvika tene na tene. Ameni, na Ameni.</verse>
			</chapter>
			<chapter number="42">
				<verse number="1">O tondũ ndaatai ĩvevavevaa ĩkĩmantha tũlũsĩ twa manzĩ, No ta ũu thayũ wakwa ũvevavevaa ũkĩũmantha, we Ngai.</verse>
				<verse number="2">Thayũ wakwa wĩ na waũni wa Ngai, wa Ngai ũla wĩ thayũ: Nakwa ngooka ĩndĩĩ na kumĩla mbee wa Ngai?</verse>
				<verse number="3">Methoi makwa nĩmeethĩiwe lĩu wakwa mũthenya na ũtukũ, Yĩla meĩkala maingũlangya mavinda onthe, Ngai waku aĩva?</verse>
				<verse number="4">Maũndũ aa nĩngũmalilikana, na kwĩtĩkya thayũ wakwa nthĩnĩ wakwa, O ũndũ naendie na nguthu, na kũmĩtongoesya kũvika nyũmbanĩ ya Ngai, Twaĩ na wasya wa ũtanu na ndaĩa, nguthu ya kũsũvĩa mũthenya mũtheu.</verse>
				<verse number="5">Nĩkĩ winamĩte, we thayũ wakwa? Na nĩkĩ ũkwĩthĩnĩsya nthĩnĩ wakwa? Ĩkwatye Ngai; nĩkwĩthĩwa ngasyoka kũmũkatha Nũndũ wa ũtethyo wa ũthyũ wake.</verse>
				<verse number="6">Ame Ngai wakwa, thayũ wakwa winamĩte nthĩnĩ wakwa: Kwondũ wa ũu nĩngũũlilikana kuma nthĩ ya Yolotani, Na kuma iĩmanĩ sya Elimoni, na kuma kalĩma ka Misali.</verse>
				<verse number="7">Kyũngũ kĩtaa kyũngũ kĩla kĩngĩ nũndũ wa kwan’ya kwa ndulumo syaku sya manzĩ: Itulumo syaku syonthe o na itulumo syaku nene nivĩtĩle ĩũlũ wakwa.</verse>
				<verse number="8">Yeova akeeaĩa ũseo wake wĩ wendo mũthenya; Na ũtukũ wathi wake ũkeethĩwa vamwe nakwa, O mboya ya kũmũvoyaa Ngai wa thayũ wakwa.</verse>
				<verse number="9">Ngamwĩa Ngai na nĩwe ĩvia yakwa, Nĩkĩ woolilwe ninyie? Nĩkĩ nĩendaa nĩmetete nũndũ wa kũthĩnw’a nĩ mũmaitha?</verse>
				<verse number="10">O ta nĩ na ũvyũ mavĩndĩnĩ makwa, nthũ syakwa niũmbũthya, Ikĩngũlangya mavinda onthe, Ngai waku aĩva?</verse>
				<verse number="11">Nĩkĩ winamĩte, we thayũ wakwa? Na nĩkĩ ũkwĩthĩnĩsya nthĩnĩ wakwa? Ĩkwatye Ngai; nĩkwĩthĩwa ngasyoka kũmũkatha. Ũla ũtethyo wa ũthyũ wakwa, na Ngai wakwa.</verse>
			</chapter>
			<chapter number="43">
				<verse number="1">Ndw’ĩa sila, we Ngai, ndetanĩsya na mbaĩ ĩteũmũkĩa Ngai: Mbonokya na mũndũ mũkengani ũla ũtekaa w’o.</verse>
				<verse number="2">Nĩkwĩthĩwa nue Ngai wa vinya wakwa; nĩkĩ ũmbĩkĩtye ũtee? Nĩkĩ nĩendaa nĩmetete nũndũ wa kũthĩnw’a nĩ mũmaitha?</verse>
				<verse number="3">Ete kyeni kyaku na w’o waku; indongoesye: Imbikye kĩĩmanĩ kyaku kĩla kĩtheu, Na mawĩkalonĩ maku.</verse>
				<verse number="4">Ĩvinda yĩu ngavika kĩthembeonĩ kya Ngai, Vala ve Ngai, ũtanu wakwa mũnene mũno; Na ngakũtaĩa na mbeve, ame Ngai, Ngai wakwa.</verse>
				<verse number="5">Nĩkĩ winamĩte, we thayũ wakwa? Na nĩkĩ ũkwĩthĩnĩsya nthĩnĩ wakwa? Ĩkwatye Ngai; nĩkwĩthĩwa ngasyoka kũmũkatha, Ũla ũtethyo wa ũthyũ wakwa, na Ngai wakwa.</verse>
			</chapter>
			<chapter number="44">
				<verse number="1">Nĩtwĩw’ĩte na matũ maitũ, we Ngai, Aaĩthe maitũ nĩmatũtavisye, Meko ala weekie matukũ moo, Mavinda ma tene.</verse>
				<verse number="2">Walũngilye i mbaĩ na kw’oko kwaku; Ĩndĩ mo nĩwamavandie kw’o: Wathĩnisye ngo sya andũ; Ĩndĩ mo wamanyasya kw’o.</verse>
				<verse number="3">Nĩkwĩthĩwa matyaosa nthĩ nũndũ wa ũvyũ woo, O na ti kw’oko kwoo kwamatangĩĩe; Ĩndĩ nĩ kw’oko kwaku kwa aũme, na kĩlalawa kyaku, na kyeni kya ũthyũ waku, Nĩkwĩthĩwa nĩwamendie.</verse>
				<verse number="4">Nue Mũsumbĩ wakwa, ame Ngai: Ĩae ũvonokyo ũndũ wa Yakovo.</verse>
				<verse number="5">Nũndũ wa vinya waku tũkavalũkya nthũ sitũ: Nũndũ wa syĩtwa yaku tũkamakinyanga ala matũkĩlĩĩlaa.</verse>
				<verse number="6">Nĩkwĩthĩwa ndikekwatya ũta wakwa, O na ũvyũ wakwa ndũkandangĩĩa.</verse>
				<verse number="7">Ĩndĩ nũtũtangĩĩĩte kuma nthũnĩ sitũ, Na nũmasonoketye ala matũmenaa.</verse>
				<verse number="8">Nĩtwĩkathĩĩĩte nthĩnĩ wa Ngai mũthenya w’onthe, Na tũkatũngĩa syĩtwa yaku mũvea tene na tene.</verse>
				<verse number="9">Ĩndĩ yu nĩwatwĩkisye ũtee kũasa, nĩwatwanangĩe ndaĩa, Na ndumaalanasya na nguthu sitũ sya kaũ.</verse>
				<verse number="10">Nũtumaa tũsyon’ya nthũ mĩongo yaitũ; Na ala matũmenaa mayĩtavĩa mĩtavo.</verse>
				<verse number="11">Ũtũnenganĩte ta malondu matw’ĩĩwe kũĩwa, Na kũtũnyaĩĩkya katĩ wa i mbaĩ.</verse>
				<verse number="12">Andũ maku nũmathooasya mana, Na ũthwii waku ndwingĩvĩtye nũndũ wa thooa ũla wamatee.</verse>
				<verse number="13">Nũtumaa twĩthĩwa ma kũvũthw’a nĩ atũi maitũ, Na ma kũvũĩwa ngũĩ na ma kũthekeewa nĩ ala me ngalĩ syonthe.</verse>
				<verse number="14">Nũtumaa twĩthĩwa ma kũvũthĩĩw’a katĩ wa i mbaĩ, Na kũtuma andũ mathingithangya mĩtwe.</verse>
				<verse number="15">Mũthenya w’onthe kwanangĩwa ndaĩa kwakwa kwĩ mbee wakwa, Na nthoni syĩ ũthyũnĩ wakwa nimbw’ĩkĩte,</verse>
				<verse number="16">Nũndũ wa wasya wa ũla ũvũthasya na kũumana, Kwondũ wa mũmaitha na mũĩvanĩsya.</verse>
				<verse number="17">Nĩtwookĩwe nĩ ũu w’onthe; ĩndĩ tũyaaũlwa nue, O na tũyaakengana ũtianĩonĩ waku.</verse>
				<verse number="18">Ngoo sitũ itisyokete na ĩtina, O na matambya maitũ matyaauma nzĩanĩ yaku,</verse>
				<verse number="19">O na kau nĩwatũtumbangĩe vala mbĩwa syĩkalaa, Na kũtũvw’ĩka na kyuu kya kĩkw’ũ.</verse>
				<verse number="20">Ethĩwa ithyĩ nĩtwoolĩtwe nĩ syĩtwa ya Ngai waitũ, Kana kũtambũũkĩsya ngai ngeni moko maitũ;</verse>
				<verse number="21">Nake Ngai ndakamantha ũndũ ũsu? Nĩkwĩthĩwa nĩwe wĩsĩ syĩmbithĩ sya ngoo.</verse>
				<verse number="22">Ĩĩ, kwondũ waku twĩũawa mũthenya w’onthe; Nĩtũtalawa kwĩthĩwa malondu ma kũawa.</verse>
				<verse number="23">Amũka, ũkometw’e nĩkĩ, we Mwĩaĩi? Ũkĩla, ndũkatwĩkye ũtee tene na tene.</verse>
				<verse number="24">Wĩvithĩa ũthyũ waku kĩ, Na kũlwa nĩ mathĩna maitũ na kũnyamaw’a kwitũ?</verse>
				<verse number="25">Nĩkwĩthĩwa ngoo sitũ nĩsinamĩte kĩtoonĩ: Mĩĩ yaitũ ĩkwatanĩte na nthĩ.</verse>
				<verse number="26">Ũkĩla ũtũtethye, Na twovosye kwondũ wa ũseo waku wĩ wendo.</verse>
			</chapter>
			<chapter number="45">
				<verse number="1">Ngoo yakwa nĩyusũĩte na ĩketĩkangya ũndũ ũseo; Nĩngũneena maũndũ ala namũseũvĩsye mũsumbĩ: Ũĩmĩ wakwa nĩ kĩandĩki kya mũandĩki mwai.</verse>
				<verse number="2">Naku wĩ mũseo kũvĩtũka syana sya andũ; Mumo nĩwĩtĩkĩw’e ilomo syaku: Kwondũ wa ũu Ngai nũkũathimĩte kũvika tene na tene.</verse>
				<verse number="3">Ĩyove ũvyũ waku nthũnũnĩ we ũla wĩ na vinya, Nĩw’o ndaĩa yaku na ũnene waku.</verse>
				<verse number="4">Wĩ ũnenenĩ ũsu waku endeeaa ũkyathimĩkaa, Nũndũ wa w’o na ũuu na ũlũngalu: Na kw’oko kwaku kwa aũme kũkakũmanyĩsya maũndũ ma ũtĩsya.</verse>
				<verse number="5">Mĩsyĩ yaku nĩ myũĩ; Ngo sya andũ nivalũkaa ungu wa nyaĩĩ syaku; Yĩ ngoonĩ sya amaitha ma mũsumbĩ,</verse>
				<verse number="6">Kĩvĩla kyaku kya ũsumbĩ, ame Ngai, nĩ kya tene na tene: Ĩla ndata ya ũsumbĩ ya ũlũngalu nĩyo ndata ya ũsumbĩ waku.</verse>
				<verse number="7">We nĩwendete ũlũngalu, na kũmena ũthũku: Kwondũ wa ũu Ngai, Ngai waku, nĩwakwĩtĩkĩsye mauta, Mauta ma ũtanu, kũvĩta atindan’ya maku.</verse>
				<verse number="8">Ngũa syaku syonthe syĩ na mũuke wa manemane, na uuti, na kalavuu; Syĩndũ sya kũinga syĩ ndii kuma nyũmbanĩ nene syanakavĩtw’e na maeo ma nzou nĩsyakũtanisye.</verse>
				<verse number="9">Eĩtu ma asumbĩ me katĩ wa aka me nguma: Kw’okonĩ kwaku kwa aũme kĩveti kĩsumbĩ kĩũngamĩte kĩvw’ĩkĩte thaavu wa Ovilu.</verse>
				<verse number="10">Ĩthukĩĩsye, mwĩĩtu ũũ, na sũanĩa, na tea kũtũ; Ũlwa nĩ andũ maku, o na nyũmba ya ĩthe waku:</verse>
				<verse number="11">Kwondũ wa ũu ũla mũsumbĩ akenda wanake waku mũseo; Nĩkwĩthĩwa nĩwe mwĩaĩi waku; naku mũkĩe.</verse>
				<verse number="12">Na mwĩĩtu wa Tile akeethĩwa e vo akwete mũthĩnzĩo; Andũ athwii makeesũvana ũseo kwaku.</verse>
				<verse number="13">Mwĩĩtu wa mũsumbĩ e nthĩnĩ wa nyũmba nene mbanakavye no ũseo mũthei: Ngũa syake itumĩĩwe ndii sya thaavu.</verse>
				<verse number="14">Akatwawa kwa mũsumbĩ e na ngũa itumĩĩwe wanake: Eĩtu atheu atindan’ya make ala maatĩanĩa nake Makaetwe kũla ũĩ.</verse>
				<verse number="15">Makatongoew’a na ũtanu na mũyo: Makalika nyũmbanĩ ya mũsumbĩ.</verse>
				<verse number="16">Vandũ va aaĩthe maku vakeethĩwa syana syaku, Ila ũkaitw’ĩkĩthya anene me mbee ũsumbĩnĩ nthĩ yonthe.</verse>
				<verse number="17">Ngatuma syĩtwa yaku yĩlilikanwa nzyawanĩ syonthe: Kwondũ wa ũu ũkatũngĩwa mũvea nĩ ngo sya andũ tene na tene.</verse>
			</chapter>
			<chapter number="46">
				<verse number="1">Ngai nĩ wĩvitho witũ na vinya witũ, Ũtethyo wĩ vakuvĩ twĩ thĩnanĩ.</verse>
				<verse number="2">Kwondũ wa ũu tũikakĩa, o na ethĩwa nthĩ ĩkaalyũka, O na ethĩwa iĩma ikathamĩĩw’a katĩ wa maũkanga;</verse>
				<verse number="3">O na ethĩwa manzĩ mamo makalitũka na kũthokoana, O na ethĩwa iĩma ikathingithangw’a nũndũ wa itulumo nene syamo.</verse>
				<verse number="4">Kwĩ ũsĩ, tũlũsĩ twaw’o tũtanĩthasya mũsyĩ wa Ngai, Vandũ vatheu va maeema ma Ũla Wĩ Ĩũlũ wa Onthe.</verse>
				<verse number="5">Ngai e katĩ waw’o; ndũkathingithika: Ngai akootethya, w’oa ũitema.</verse>
				<verse number="6">I mbaĩ nĩsyalonzanilye, mosumbĩ mathingithangw’a: Nake aumya wasya wake, nthĩ yatweka.</verse>
				<verse number="7">Yeova wa nguthu e vamwe naitũ; Ngai wa Yakovo nĩ wĩvitho witũ.</verse>
				<verse number="8">Ũkai, sisyai mawĩa ma Yeova, Ũndũ ũtw’ĩkĩthĩtye nthĩ nthei.</verse>
				<verse number="9">Nake nũtumaa makaũ mathela kũvika kĩtulu kya nthĩ; Nũtũlaa ũta, na ĩtumo aitilanga ilungu; Makasya ma kaũ nũvĩvasya na mwaki.</verse>
				<verse number="10">Kilyai, mũmanye ninyie Ngai: Nganenevw’a katĩ wa i mbaĩ, nganenevw’a nthĩ.</verse>
				<verse number="11">Yeova wa nguthu e vamwe naitũ; Ngai wa Yakovo nĩ wĩvitho witũ.</verse>
			</chapter>
			<chapter number="47">
				<verse number="1">Kũnangai mbĩ syenyu, inyw’onthe ngo sya andũ; Mũkĩlĩlyei Ngai wasya wa ũkĩlyo.</verse>
				<verse number="2">Nĩkwĩthĩwa Yeova Ũla Wĩ Ĩũlũ wa Onthe nĩ wa ũtĩsya; Nĩ Mũsumbĩ mũnene ĩũlũ wa nthĩ yonthe.</verse>
				<verse number="3">Nũtumaa ngo sya andũ itheew’a ungu waitũ, Na i mbaĩ ungu wa nyaĩĩ sitũ.</verse>
				<verse number="4">Nake nũtũnyuvĩaa ũtiĩwa witũ, Naw’o nĩ ũnene wa Yakovo ũla ũmwendete.</verse>
				<verse number="5">Ngai nĩwambata ĩũlũ na wasya mũnene, O Yeova na wasya wa soo.</verse>
				<verse number="6">Mũtaĩei Ngai na mbathĩ, inai ndaĩa: Mwinĩei Mũsumbĩ waitũ ndaĩa, inai ndaĩa.</verse>
				<verse number="7">Nĩkwĩthĩwa Ngai nĩ Mũsumbĩ wa nthĩ yonthe: Inai ndaĩa mwĩ na ũmanyi.</verse>
				<verse number="8">Ngai nũsumbĩkaa ĩũlũ wa i mbaĩ: Ngai nĩwĩkalaa kĩvĩlanĩ kyake kĩtheu kya ũsumbĩ.</verse>
				<verse number="9">Anene me mbee ũsumbĩnĩ ma ngo sya andũ nĩmombanĩte vamwe Matw’ĩke andũ ma Ngai wa Avalaamu; Nĩkwĩthĩwa Ngai nĩwe mwene wa ngao sya nthĩ: Nake nũnenevetw’e mũno.</verse>
			</chapter>
			<chapter number="48">
				<verse number="1">Yeova nĩ mũnene, na nĩ wa ũtaĩwa mũno, Ndũanĩ ya Ngai waitũ, kĩĩmanĩ kyake kĩla kĩtheu.</verse>
				<verse number="2">Nĩ kĩseo mũno kũtũlanĩ kwakyo, ũtanu wa nthĩ yonthe, Kĩĩma kyu kya Saioni, kĩla kĩ ngalĩ ya ĩũlũ, Ndũa ya Mũsumbĩ ũla mũnene.</verse>
				<verse number="3">Nyũmbanĩ nene mbanakavye syayo Ngai eyonanĩtye nĩwe wĩvitho.</verse>
				<verse number="4">Nĩkwĩthĩwa, sisya, asumbĩ nĩmoombanie, Mavĩta vamwe.</verse>
				<verse number="5">Mamyona, na makwatwa nĩ kũseng’a; Matw’ĩka nda, na mathi mĩtũki.</verse>
				<verse number="6">O vau makwatwa nĩ kĩtetemo, Woo, o ta kĩveti kĩkyaũnya.</verse>
				<verse number="7">Nĩwanangaa ngalawa sya Talisisi Na kĩseve kĩla kyumaa wumĩlonĩ wa syũa.</verse>
				<verse number="8">Tondũ twĩw’ĩte, now’o twonete Ndũanĩ ya Yeova wa nguthu, ndũanĩ ya Ngai waitũ: Ngai akamĩlũlũmĩlya kũvika tene na tene.</verse>
				<verse number="9">Nĩtũsũanĩĩte ũseo waku wĩ wendo, we Ngai, Twĩ ĩkalũnĩ yaku katĩ.</verse>
				<verse number="10">Tondũ syĩtwa yaku yĩilyĩ, we Ngai, Now’o ndaĩa yaku ĩilyĩ kũvika itulunĩ sya nthĩ: Kw’oko kwaku kwa aũme kusũĩtwe nĩ ũlũngalu.</verse>
				<verse number="11">Kĩĩma kya Saioni nĩkĩtane, Eĩtu ma Yuta matane, Nũndũ wa mosilĩlo maku.</verse>
				<verse number="12">Tambũkai mũthyũlũlũke Saioni; Talai myako mĩtũlu ya mĩnyoolo ya vo;</verse>
				<verse number="13">Sisyai nesa maũvai matũlu mayo; Sũanĩai nyũmba nene mbanakavye syayo: Nĩ kana mũtavan’ye nzyawanĩ ĩla yũkĩte.</verse>
				<verse number="14">Nĩkwĩthĩwa Ngai ũũ nĩ Ngai waitũ tene na tene: Nake akeethĩwa mũtongoi waitũ o na kũvika kĩkw’ũ.</verse>
			</chapter>
			<chapter number="49">
				<verse number="1">Ĩw’ai ũũ, inyw’onthe ngo sya andũ; Teai matũ, inyw’onthe ala mũtũaa nthĩ,</verse>
				<verse number="2">Anini na anene, Athwii na ngya vamwe.</verse>
				<verse number="3">Kanyw’a wakwa ũkaneena ũĩ; Na mosũanĩo ma ngoo yakwa makeethĩwa ma ũmanyi.</verse>
				<verse number="4">Ngainamya kũtũ kwakwa kwĩw’e ngelekan’yo: Nthimo yakwa ngavuan’ya na mbeve.</verse>
				<verse number="5">Nĩ ũndũ wa kĩ ngũkĩa mĩthenya ya ũthũku, Yĩla ũthũku ũkũnthyũlũlũka itiinyonĩ syakwa?</verse>
				<verse number="6">Ala mekwĩkwatya ũthwii woo, Na kwĩkathĩĩaa ũndũ wa ũthwii woo kwingĩva;</verse>
				<verse number="7">Vai ũmwe wamo ũtonya kwovosya mwana‐a‐inya wake kwa ũndũ o na wĩva, Kana kũmũnenga Ngai mbovosya kwondũ wake</verse>
				<verse number="8">(Nĩkwĩthĩwa wovosyo wa mathayũ moo wĩ thooa mũnene, Ndũĩvĩka tene na tene),</verse>
				<verse number="9">Nĩ kana ekale thayũ mavinda onthe, Ndakone wanangĩko.</verse>
				<verse number="10">Nĩkwĩthĩwa nĩwonaa kana andũ oĩ nĩmakusaa; Mũtumanu na mũng’endu onthe nĩmekwaa, Na makĩtiĩa andũ angĩ ũthwii woo.</verse>
				<verse number="11">Malilikano moo ma nthĩnĩ nĩ atĩ nyũmba syoo ikekalaa kũvika tene na tene, Na motũo moo kũvika nzyawa syonthe; Nao metanĩasya nthĩ syoo na masyĩtwa moo ene.</verse>
				<verse number="12">Ĩndĩ mũndũ ndekalaa ndaĩanĩ: Ailyĩ ta nyamũ ila syaaa.</verse>
				<verse number="13">Ĩno nĩ nzĩa ya ala atumanu: Ĩndĩ andũ ala mamaatĩĩaa makwataa ndeto syoo.</verse>
				<verse number="14">Nĩmatw’ĩĩwe ta ndĩthya ya kũthi Seoli; Kĩkw’ũ nĩkyo kĩkeethĩwa mũĩthi woo: Na kĩoko ala ma w’o makamasumbĩka; Na mũmbĩlwe woo mũseo ũkaminĩwa Seoli, Nĩ kana vaikethĩwe vandũ vaw’o va kũtũa.</verse>
				<verse number="15">Ĩndĩ Ngai akawovosya thayũ wakwa kuma vinyanĩ wa Seoli; Nĩkwĩthĩwa akambosa.</verse>
				<verse number="16">Ndũkethĩwe na w’ĩa yĩla mũndũ ũngĩ ũnũkũthua, Yila ũthwii wa nyũmba yake ũkwingĩvw’a:</verse>
				<verse number="17">Nĩkwĩthĩwa akw’a nde kĩndũ ũkathi nakyo: Ũnene wake ndũkatheean’ya nake.</verse>
				<verse number="18">O na kau yĩla waĩ thayũ nĩwetanasya thayũ wake (Na andũ nĩmakũtaĩaa, yĩla ũkwĩyĩka mwene nesa),</verse>
				<verse number="19">Akathi kũla kwĩ nzyawa ya aaĩthe make; Asu matikona kyeni o na ĩndĩĩ.</verse>
				<verse number="20">Mũndũ wĩ na ndaĩa, na nde na ũmanyi, Ailyĩ ta nyamũ ila syaaa.</verse>
			</chapter>
			<chapter number="50">
				<verse number="1">Ũla Mwene Vinya, Ngai, Yeova, nũneenete, Na kwĩta nthĩ kuma syũa yĩkyuma kũvika kũthũa kwayo.</verse>
				<verse number="2">E Saioni, wĩanĩu wa ũseo, Ngai nũtisũkĩte.</verse>
				<verse number="3">Ngai waitũ nĩ mũku, na ndavindya: Mwaki nũminaa mbee wake, Na ngalĩ syonthe nĩwĩlingĩlwe nĩ kĩuutani kĩ vinya.</verse>
				<verse number="4">Nake nĩwĩtaa matu me ĩũlũ, Na nthĩ nayo, nĩ kana asilĩle andũ make:</verse>
				<verse number="5">Ũmban’yai atheu makwa vala nĩĩ, Ala matianĩe ũtianĩo nakwa nthembonĩ.</verse>
				<verse number="6">Na matu makatavan’ya ũlũngalu wake; Nĩkwĩthĩwa Ngai mwene nĩwe mũsili.</verse>
				<verse number="7">Ĩw’ai, inyw’ĩ andũ makwa, na nganeena; We Isilaeli, na ngakũ kũsĩĩa: Ninyie Ngai, Ngai waku.</verse>
				<verse number="8">Ndikakũkan’ya nũndũ wa nthembo syaku sya kũtonywa; Kana nũndũ wa nthembo syaku sya ũvĩvw’a ila mbee wakwa mavinda onthe.</verse>
				<verse number="9">Ndikosa kasalũ ka mũew’a nyũmbanĩ yaku, Kana nthenge kuma syengonĩ syaku.</verse>
				<verse number="10">Nĩkwĩthĩwa kĩla nyamũ yĩ mũtitũnĩ nĩ yakwa, O na indo syĩ iĩmanĩ ngili.</verse>
				<verse number="11">Nĩnĩsyĩsĩ nyũnyi syonthe syĩ iĩmanĩ; O na nyamũ sya kĩthekanĩ ila syĩkalaa weũnĩ nĩ syakwa.</verse>
				<verse number="12">Kethĩwa nĩnĩsa kwĩw’a nzaa, ndikũtavya; Nĩkwĩthĩwa nthĩ nĩ yakwa, na syĩndũ imyusũĩte.</verse>
				<verse number="13">Nakwa ngaya nyama sya nzaũ, Kana kũnyw’a nthakame ya mbũi?</verse>
				<verse number="14">Mumĩsye Ngai nthembo ya mũvea; Na ĩanĩsya mawĩvĩto maku ala wamwĩvĩtĩe Ũla Wĩ Ĩũlũ wa Onthe;</verse>
				<verse number="15">Mũthenya ũla wĩ na thĩna mbĩkaĩla: Ngakũvonokya, naku ũkandaĩa.</verse>
				<verse number="16">Ĩndĩ ũla mũthũku Ngai nũnũũmũkũlya atĩĩ, Nĩkĩ we ũtavanasya myamũlo yakwa, Na kũwetaa ũtianĩo wakwa kanyw’anĩ waku?</verse>
				<verse number="17">Nũndũ nũmenaa ũtao, Na kwĩkya ndeto syakwa ĩtina waku.</verse>
				<verse number="18">Yĩla wonaa kĩng’eĩ, nĩwĩw’anaa nakyo, Na wĩ kĩanda kĩmwe na ilaalai.</verse>
				<verse number="19">Nũnenganae kanyw’a waku ũthũkunĩ, Na ũĩmĩ waku ũneenaa ũkengani.</verse>
				<verse number="20">Ũilyĩ nthĩ na kũmũneenea mwana‐ainyia waku; Ũkĩmũsuka mwana‐a‐mwenyu.</verse>
				<verse number="21">Nĩweekie maũndũ asu, nakwa navindya; Watalilye kana nĩvw’anene naku: Ĩndĩ ngakũkan’ya, na ngamaia maatĩanĩe mbee wa metho maku.</verse>
				<verse number="22">Na yu sũanĩai ũu, inyw’ĩ ala mũlawa nĩ Ngai, Ndikese kũmũtembũanga tũlungu, na vatikethĩwa wa kũmũvonokya:</verse>
				<verse number="23">Ũla umasya nthembo ya mũvea nũndaĩaa nyie; Na ũla wĩlũngalasya mwĩkalĩle wake Ngamwon’ya ũtangiĩo wa Ngai.</verse>
			</chapter>
			<chapter number="51">
				<verse number="1">Mbĩw’ĩa tei, ame Ngai, kwĩanana na ũseo waku wĩ wendo: Kwĩanana na wingĩ wa matei maku mololo vuta mavĩtyo makwa.</verse>
				<verse number="2">Nthambya ũthũku wakwa vyũ, Na nthesya naĩ yakwa.</verse>
				<verse number="3">Nĩkwĩthĩwa nĩnĩmesĩ mavĩtyo makwa; Na naĩ yakwa yĩ mbee wakwa mavinda onthe.</verse>
				<verse number="4">Nĩnakũvĩtanĩsye, we wĩ weka, Nĩneekie ũthũku methonĩ maku; Nĩ kana wĩthĩwe wĩ mũlũngalu yĩla wĩneena, Na wĩthĩwe wĩ mũtheu yĩla wĩsila.</verse>
				<verse number="5">Sisya, nasyaĩwe ũthũkunĩ; Na mwaitũ angitavĩe o naĩnĩ.</verse>
				<verse number="6">Sisya, nĩwendaa w’o wĩthĩwe nthĩnĩ; Na vo nthĩnĩ kĩmbithĩnĩ ũkamanyĩthya ũĩ.</verse>
				<verse number="7">Nthesya na ĩsovo, na ngeethĩwa nĩ mũtheu: Nthambya, na ngeethĩwa nĩ mweũ kũvĩta ĩa.</verse>
				<verse number="8">Mbĩw’ĩthya ũtanu na mũyo, Nĩ kana mavĩndĩ ala watũlile matane.</verse>
				<verse number="9">Vitha ũthyũ waku ũeke kwona naĩ syakwa, Na vuta mothũku makwa onthe.</verse>
				<verse number="10">Ame Ngai, mbũmbĩa ngoo ntheu; Na tũnga ĩngĩ veva wa w’o nthĩnĩ wakwa.</verse>
				<verse number="11">Ndũkambĩkye kũasa kuma vala ũĩ; Na ndũkambetee Veva waku mũtheu.</verse>
				<verse number="12">Ndũngĩa ũtanu wa ũtangĩĩo waku; Na ndw’ĩĩka na veva mũthasye.</verse>
				<verse number="13">Nĩvo ĩndĩ ngamanyĩsya avĩtan’ya nzĩa syaku; Na athe makakwĩthyũũĩa.</verse>
				<verse number="14">Ame Ngai, nue Ngai wa ũtangĩĩo wakwa, mbonokya ĩvĩtyonĩ ya kwĩtĩkya nthakame; Na ũĩmĩ wakwa ũkaina ũlũngalu waku.</verse>
				<verse number="15">Ame Mwĩaĩi, tũmũkan’ya ilomo syakwa; Na kanyw’a wakwa ũkoonan’ya ndaĩa syaku.</verse>
				<verse number="16">Nĩkwĩthĩwa ndwendeew’a nĩ nthembo ya kũtonywa; kethĩwa nĩw’o nĩkumya: Ndwendeew’a nĩ nthembo ya ũvĩvw’a.</verse>
				<verse number="17">Nthembo sya Ngai nĩ veva mũtũlĩku: Ngoo ĩla ndũlĩku na yĩ na wĩlilo, we Ngai, ndũkamĩvũthya.</verse>
				<verse number="18">Ĩka Saioni nesa kwendanĩ kwaku kũseo: Aka maũvai ma Yelusaleme.</verse>
				<verse number="19">Nĩvo ũkatanĩa nthembo sya ũlũngalu, Nthembo ya ũvĩvw’a na nthembo nima sya ũvĩvw’a: Nĩvo makathemba tũsalũ twa mũew’a kĩthembeonĩ kyaku.</verse>
			</chapter>
			<chapter number="52">
				<verse number="1">Wĩkathĩĩaa ũthũkunĩ nĩkĩ, we mũndũ wĩ ũtonyi? Ũseo wĩ wendo wa Ngai nĩwĩkalaa mavinda onthe.</verse>
				<verse number="2">Ũĩmĩ waku nĩwambĩlĩlasya kĩla ũthũku, Ũilyĩ ta wenzi mũĩ, we mwĩki wa ũkengani.</verse>
				<verse number="3">Nĩwendaa ũvũngũ kũvĩta ũseo, Na ũvũngũ kũvĩta kũneena ũlũngalu.</verse>
				<verse number="4">Nĩwendaa ndeto syonthe ila imelasya, We ũĩmĩ wĩ na ũkengani.</verse>
				<verse number="5">Ngai nake akakwananga kũvika tene na tene; Akakũkwata, na kũkũkuthũa ĩeemanĩ yaku, Na akakũkũa kuma nthĩ ya ala me thayũ.</verse>
				<verse number="6">Ala alũngalu makoona ũu, na kũkĩa, Na makamũthekeea, makyasya,</verse>
				<verse number="7">Sisya, ũũ nĩwe mũndũ ũla ũtaamũtw’a Ngai ethĩwe vinya wake, Ĩndĩ aĩkĩĩe wingĩ wa ũthwii wake, Na eelũlũmĩlye mwene ũthũkunĩ wake.</verse>
				<verse number="8">Ĩndĩ nyie, nĩilyĩ ta mũtĩ mwĩũ wa mũthata nyũmbanĩ ya Ngai: Nĩkwatasya ũseo wĩ wendo wa Ngai kũvika tene na tene.</verse>
				<verse number="9">Ngakũtũngĩa mũvea tene na tene, nũndũ nĩwĩkĩte ũu; Na ngeekwatya syĩtwa yaku, atheu maku mene, nĩkwĩthĩwa ũu nĩ ũseo.</verse>
			</chapter>
			<chapter number="53">
				<verse number="1">Ndia yaasya ngoonĩ yayo, Kũti Ngai. Nĩmanangĩkĩte, na mekĩte ũthũku ũla ũthatasya; Vai ũmwe ũla wĩkaa nesa.</verse>
				<verse number="2">Ngai asyaĩĩsye ana ma andũ e ĩtunĩ, Asisye ethĩwa ve ũmwe ũla wĩ na ũmanyi, Ũla ũmanthaa Ngai.</verse>
				<verse number="3">Onthe nĩmasyokete na ĩtina; onthe vamwe nĩmatw’ĩkĩte avuku; Vai ũmwe wĩkaa nesa aiee, o na ũmwe.</verse>
				<verse number="4">Eki ma naĩ mati na ũmanyi, Ala maĩsaa andũ makwa tondũ maĩsaa lĩu, Na matimwĩkaĩlaa Ngai?</verse>
				<verse number="5">Vau malikĩlwe nĩ w’ĩa nũnene, vala vataĩ w’ĩa; Nĩkwĩthĩwa Ngai nũnyaĩĩkĩtye mavĩndĩ ma ũla wambie maeema makũthyũlũlũkĩte: Nũmasonoketye, nũndũ Ngai nũmaleete.</verse>
				<verse number="6">A! Kethĩwa ũtangĩĩo wa Isilaeli wĩthĩwa wuma Saioni! Yĩla Ngai wĩtũnga andũ make maume kũtavwanĩ, Nĩvo ĩndĩ Yakovo wĩtana, na Isilaeli akeethĩwa na mũyo.</verse>
			</chapter>
			<chapter number="54">
				<verse number="1">Ame Ngai, ndangĩĩa kwondũ wa syĩtwa yaku, Na ũtonyinĩ waku nzilĩla.</verse>
				<verse number="2">Ĩw’a mboya yakwa, ame Ngai; Tea matũ wĩw’e ndeto sya kanyw’a wakwa.</verse>
				<verse number="3">Nĩkwĩthĩwa aeni nĩmambũkĩlĩle, Na andũ ang’endu nĩmamanthaa thayũ wakwa: Matyaamwia Ngai mbee woo.</verse>
				<verse number="4">Sisya, Ngai nĩwe mũtethya wakwa: Mwĩaĩi e vamwe na ala matw’ĩĩkaa thayũ wakwa.</verse>
				<verse number="5">Akamaĩva amaitha makwa ũthũku woo: Kwondũ wa w’o waku manange.</verse>
				<verse number="6">Ngakumĩsya nthembo ya ngoo ya kwenda; Ngatũngĩa syĩtwa yaku mũvea, ame Yeova, nũndũ ũu nĩ ũseo.</verse>
				<verse number="7">Nĩkwĩthĩwa nũmboneketye mathĩnanĩ onthe; Na itho yakwa nĩyonete ũndũ ũla nendie amaitha makwa mekwe.</verse>
			</chapter>
			<chapter number="55">
				<verse number="1">Tea matũ wĩw’e mboya yakwa, ame Ngai; Na ndũkevithe yĩla ngũkwĩsũva.</verse>
				<verse number="2">Mbĩthukĩĩsya, na ũinzũngĩa: Nĩngwangaĩka mũnyungunyĩsyonĩ wakwa, na kũluma,</verse>
				<verse number="3">Nũndũ wa wasya wa mũmaitha, Nũndũ wa kũnyamaw’a nĩ ala athũku; Nĩkwĩthĩwa nĩmeũmbĩkĩsya ũthũku, Na nĩmeũnthĩn’ya me na ũthatu.</verse>
				<verse number="4">Ngoo yakwa nĩnĩũmbalya mũno nthĩnĩ wakwa: Na maw’ĩa ma kĩkw’ũ nĩmambalũkĩle.</verse>
				<verse number="5">W’ĩa na kũtetema ningwatĩte, Na w’ĩa mũnene nũmbw’ĩkĩte.</verse>
				<verse number="6">Na nasya, A! Kethĩwa nĩ na nthwau ta ĩvũĩ! Nĩthĩwa nĩũlũka, na kũthũmũa.</verse>
				<verse number="7">Sisya, nĩthĩwa nanganga kũasa, Na kũtũa weũnĩ.</verse>
				<verse number="8">Nĩthĩwa nĩthi mĩtũkĩ vala ve wĩvitho Kuma kĩsevenĩ kĩnene na kĩuutaninĩ.</verse>
				<verse number="9">Ananga, ame Mwĩaĩi, na atũa nĩmĩ syoo; Nũndũ nĩnonete ũng’endu na mũtetan’yo ndũanĩ.</verse>
				<verse number="10">Mamĩthyũlũlũkaa mũthenya na ũtukũ maũvainĩ mayo: O na ũthũku na wanango me nthĩnĩ wayo.</verse>
				<verse number="11">Ũthũku wĩ vo katĩ wayo: Ũnyamao na ũĩ wa ũkengani maiumaa nzĩanĩ nene syayo.</verse>
				<verse number="12">Nĩkwĩthĩwa ti mũmaitha ũla wambũthisye; Kethĩwa nĩ w’o nĩthĩwa nĩtonya kũmĩĩsya: O na ti ũla wamenie wetũlilye ĩũlũ wakwa; Kethĩwa nĩ w’o nĩthĩwa nĩvitha kuma kũla ũĩ:</verse>
				<verse number="13">Ĩndĩ nue, mũndũ wĩanene nakwa, Mũtindan’ya wakwa, na mũnyanyawa ũla twĩsene mũno.</verse>
				<verse number="14">Nĩtweew’anĩte nesa; Twaendaa twĩ vamwe na ĩkomano nyũbanĩ ya Ngai.</verse>
				<verse number="15">Kĩkw’ũ nĩkĩmathũlũmũkĩle, Matheee me thayũ Seoli; Nĩkwĩthĩwa ũthũku wĩ ũtũonĩ woo, o vau katĩ wamo.</verse>
				<verse number="16">Ĩndĩ nyie, ngamwĩkaĩla Ngai; Na Yeova akandangĩĩa.</verse>
				<verse number="17">Wĩoo, na kĩoko, na mũthenya katĩ, ngavoyaa, na kũluma; Nake akeew’a wasya wakwa.</verse>
				<verse number="18">Nĩwovoetye thayũ wakwa nĩkale na mũuo kuma kaũnĩ ũla waĩ ĩũlũ wakwa; Nũndũ ala mokitie nakwa maĩ aingĩ.</verse>
				<verse number="19">Ngai akamew’a, na kũmathĩn’ya, We ũla wekalaa kuma tene tene, Ala matekwĩalyũla Na mateũmũkĩa Ngai.</verse>
				<verse number="20">Nũtambũũkĩtye moko make ĩũlũ wa ala maĩ na mũuo nake: Nĩwanangĩte ũtianĩo wake.</verse>
				<verse number="21">Kanyw’a wake waĩ mũtendeũ ta mauta ma meo, Ĩndĩ ngoo yake yaĩ kaũ: Ndeto syake syaĩ mbololo kwĩ mauta, Ĩndĩ syaĩ mbyũ ngũe.</verse>
				<verse number="22">Mwaũĩe Yeova mũio waku, nake akakũtw’ĩĩka: Ndakaeka ala alũngalu mathingithangw’e o na ĩndĩĩ.</verse>
				<verse number="23">Ĩndĩ we, ame Ngai, ũkamatheesya malike ĩimanĩ ya wanangĩko: Andũ ala mang’aatũkaw’a nĩ nthakame na akengani maikeanĩsya nyuzu ya matukũ moo; Ĩndĩ nyie ngakũĩkĩĩa.</verse>
			</chapter>
			<chapter number="56">
				<verse number="1">Mbĩw’ĩa tei, ame Ngai, nũndũ mũndũ nũnũkwenda kũmelya nyie: Mũthenya w’onthe nũnũũnthĩn’ya na kaũ.</verse>
				<verse number="2">Mũthenya w’onthe amaitha makwa nĩmekwenda kũmelya; Nĩkwĩthĩwa nĩ aingĩ ala mekũkita nakwa me na ngathĩĩo.</verse>
				<verse number="3">Ĩvinda yĩla ngũkĩa, Ngakũĩkĩĩa.</verse>
				<verse number="4">Nthĩnĩ wa Ngai (ngamĩtaĩa ndeto yake), Wĩkwatyo wakwa wĩ nthĩnĩ wa Ngai, ndikakĩa; Ũla wĩ na mwĩĩ atonya kũmbĩka ata?</verse>
				<verse number="5">Mũthenya w’onthe mekalaa makyelelũkya ndeto syakwa: Mosũanĩo moo onthe masũanĩaa kũmbĩka ũthũku.</verse>
				<verse number="6">Mo mombanaa vamwe, mevithaa, Masyĩmaa mĩendele yakwa, O tondũ meteelile thayũ wakwa.</verse>
				<verse number="7">Makavonokw’a nĩ ũthũku woo? Ame Ngai, valũkya ngo sya andũ ũthatunĩ waku.</verse>
				<verse number="8">Nũtalaa manganga makwa: Ĩkĩa methoi makwa sũvanĩ waku; Ti maandĩke ĩvukunĩ yaku?</verse>
				<verse number="9">Na ĩndĩ amaitha makwa makasyoka na ĩtina mũthenya ũla nĩĩkaĩla: Ũndũ ũũ nĩnĩsĩ, kana Ngai e ngalĩ yakwa.</verse>
				<verse number="10">Nthĩnĩ wa Ngai (ngataĩa ndeto yake), Nthĩnĩ wa Yeova (ngataĩa ndeto yake),</verse>
				<verse number="11">Wĩkwatyo wakwa wĩ nthĩnĩ wa Ngai, ndikakĩa; Mũndũ atonya kũmbĩka ata?</verse>
				<verse number="12">Mawĩvĩto maku ala nakwĩvĩtĩe me ĩũlũ wakwa, we Ngai: Ngakumĩsya nthembo sya mũvea.</verse>
				<verse number="13">Nĩkwĩthĩwa nũvonoketye thayũ wakwa kuma kĩkw’ũnĩ: Maũũ makwa tuue wamavonokisye matikavalũke, Nĩ kana nĩkinye mbee wa Ngai Kyeninĩ kya ala me thayũ?</verse>
			</chapter>
			<chapter number="57">
				<verse number="1">Mbĩw’ĩa tei, ame Ngai, mbĩw’ĩa tei; Nĩkwĩthĩwa thayũ wakwa wĩvithaa nthĩnĩ waku: Ĩĩ, ngeevitha muunyĩnĩ wa nthwau syaku, Mũvaka monyamao aa mavĩte.</verse>
				<verse number="2">Ngamwĩkaĩla Ngai Ũla Wĩ Ĩũlũ wa Onthe, Nake nĩwe Ngai ũla ũmbĩanĩasya maũndũ onthe.</verse>
				<verse number="3">Nake akatũmana kuma ĩtunĩ, na akandangĩĩa, Yĩla ũsu ũla ũnũkwenda kũmelya ũnũũmbũthya; Ngai akatũma ũseo wake wĩ wendo na w’o wake.</verse>
				<verse number="4">Thayũ wakwa wĩ katĩ wa mĩnyambũ; Nĩkomaa katĩ wa ala makene mwaki, O na ma andũ, ala maeo moo nĩ matumo na mĩsyĩ, Na nĩmĩ syoo nĩ mbyũ mbũĩ.</verse>
				<verse number="5">Ũtũlw’e, ame Ngai, ĩũlũ wa matu; Ũnene waku wĩthĩwe ĩũlũ wa nthĩ yonthe.</verse>
				<verse number="6">Nĩmaseũvĩtye kĩtei ũndũ wa matambya makwa; Thayũ wakwa nũkwinama: Nĩmambĩnzĩĩte ĩima; Namo ene nĩmavalũkĩte nthĩnĩ wayo.</verse>
				<verse number="7">Ngoo yakwa nĩlũmĩte, ame Ngai, ngoo yakwa nĩlũmĩte: Ngaina, ĩĩ, ngaina ndaĩa.</verse>
				<verse number="8">Amũka, ũnene wakwa; amũkai, kĩnanda na mbeve: Nakwa ngaamũka w’oa ũitema.</verse>
				<verse number="9">Ngakũtũngĩa mũvea, Mwĩaĩi, katĩ wa ngo sya andũ: Ngakwinĩa ndaĩa katĩ wa ĩ mbaĩ.</verse>
				<verse number="10">Nĩkwĩthĩwa ũseo waku wĩ wendo nĩ mũnene kũvika matunĩ, Na w’o waku kũvika matunĩ.</verse>
				<verse number="11">Ũtũlw’e ĩũlũ wa matu, ame Ngai; Ũtheu mũtisu waku wĩthĩwe ĩũlũ wa nthĩ yonthe.</verse>
			</chapter>
			<chapter number="58">
				<verse number="1">Nĩ w’o nĩmũneenaa ũlũngalu inyw’ĩ ala mwĩ ũtonyi? Nĩmũsilaa w’o, inyw’ĩ ana ma andũ?</verse>
				<verse number="2">Aiee, ngoonĩ syenyu nĩmwĩkaa ũthũku; Nĩmũthimĩaa nthĩ ũng’endu wa moko menyu.</verse>
				<verse number="3">Ala athũku nĩmavathanĩtw’e o kuma ĩvunĩ: Nĩmaaa o masyawa, makĩneena movũngũ.</verse>
				<verse number="4">Ũoi woo ũtilyĩ ta ũoi wa nzoka: Mailyĩ kĩmbuva kĩla kĩtew’aa nthĩ kĩkĩkunĩka kũtũ kwakyo,</verse>
				<verse number="5">Kĩla kĩtew’aa wasya wa ala avoovya, O na makĩvoovya na ũĩ mwingĩ.</verse>
				<verse number="6">Ngai, tũlĩla maeo moo, o makanyw’anĩ moo: Kũa maeo manene ma mĩnyambũ ya mũika, ame Yeova.</verse>
				<verse number="7">Nĩmatweke ta manzĩ ala mavĩtaa mĩtũkĩ: Yĩla ũvakĩĩsye mĩsyĩ yake, nĩyĩthĩwe ta mĩting’ũe.</verse>
				<verse number="8">Methĩwe ta ĩusya yĩla yĩtwekaa na yĩkavĩta, Ta kĩvuno kĩvunĩtwe nĩ mũndũ mũka, kĩla kĩtaona syũa.</verse>
				<verse number="9">Mbee wa mbisũ syaku itanew’a mwaki wa mĩw’a, Akamaveta na kĩlingi, ĩla mĩũ na myakanu o ũndũ ũmwe.</verse>
				<verse number="10">Ũla mũlũngalu akatana oona ũla ũĩvanĩsyo: Akathambĩsya maũũ make nthakamenĩ ya ala athũku;</verse>
				<verse number="11">Kwondũ wa ũu andũ makasya, Nĩ w’o kwĩ ĩtuvi ya ala alũngalu: Nĩ w’o kwĩ Ngai ũla ũsilaa kũũ nthĩ.</verse>
			</chapter>
			<chapter number="59">
				<verse number="1">Mbonokya kwa amaitha makwa, ame Ngai wakwa: Mbia vandũ vatũlu nume kwa ala mambũkĩlĩlaa.</verse>
				<verse number="2">Mbonokya kwa ala mekaa ũthũku, Na ndangĩĩa kwa andũ ala mang’aatũkaw’a nĩ nthakame.</verse>
				<verse number="3">Nĩkwĩthĩwa, sisya, moveeasya thayũ wakwa; Ala me na ũtonyi nĩmekũmbũmbanĩa: Ti ũndũ wa ĩvĩtyo yakwa, kana ũndũ wa naĩ yakwa, we Yeova.</verse>
				<verse number="4">Masembaa na kwĩyũmban’ya o na vate ĩvĩtyo yakwa: Amũka ũndethye, na ũisisya.</verse>
				<verse number="5">O naku, ame Yeova Ngai wa nguthu, Ngai wa Isilaeli, Ũkĩla ũkasisye i mbaĩ syonthe: Ndũkamew’ĩe tei avĩtan’ya athũku o na ũmwe.</verse>
				<verse number="6">Wĩoo masyoka, maĩaa ta ngitĩ, Na makĩthyũlũlũka ndũa.</verse>
				<verse number="7">Sisya, meelũka na makanyw’a moo; Ilomonĩ syoo kwĩ mbyũ: Nĩkwĩthĩwa maasya, nũũ ũla ũnũkwĩw’a?</verse>
				<verse number="8">Ĩndĩ we, Yeova, ũkamathekeea; I mbaĩ syonthe ũkaivũthya.</verse>
				<verse number="9">Ame vinya wakwa, ngakwĩthukĩĩsya; Nĩkwĩthĩwa Ngai nĩ mwako wakwa mũtũlu wa mũnyoolo.</verse>
				<verse number="10">Ngai wakwa akandongoesya na ũseo wake wĩ wendo: Ngai akanenga kwona ũla ngwenda kũla kwĩ amaitha makwa.</verse>
				<verse number="11">Ndũkamoae, andũ makwa matikese kũlwa: Manyaĩĩkye na vinya waku, na kũmatheesya, Ame Mwĩaĩi ngao yaitũ.</verse>
				<verse number="12">Ũndũ wa naĩ ya makanyw’a moo, na ndeto sya ilomo syoo, Makwatwe o ngathĩĩonĩ syoo, Na ũndũ wa kũumana na movũngũ ala maneenaa.</verse>
				<verse number="13">Mamine na ũthilĩku, mamine, nĩ kana matikethĩwe vo ĩngĩ: Mamanye atĩ Ngai nũsumbĩkaa kwa Yakovo, Kũvika itulunĩ sya nthĩ.</verse>
				<verse number="14">Wĩoo nĩmasyoke, nĩmaĩe ta ngitĩ, Na kũthyũlũlũka ndũa.</verse>
				<verse number="15">Makangangaa kũũ na kũũ makĩmantha kya ũya, Na malea kũvũna makekalaa ũtukũ w’onthe.</verse>
				<verse number="16">Ĩndĩ nyie ngaina ũndũ wa vinya waku; Ĩĩ, ngaina na wasya ũndũ wa ũseo waku wĩ wendo kĩoko: Nĩkwĩthĩwa nue wĩthĩawa mwako wakwa mũtũlu mũno wa mũnyoolo, Na wĩvitho mũthenya wa thĩna wakwa.</verse>
				<verse number="17">Naku vinya wakwa, ngakwinĩa ngĩkũtaĩa: Nĩkwĩthĩwa Ngai nĩwe mwako wakwa mũtũlu mũno wa mũnyoolo, Ngai ũla ũmbĩw’ĩaa tei.</verse>
			</chapter>
			<chapter number="60">
				<verse number="1">Ame Ngai, nue watwĩkisye ũtee, nue watũtũlile; Nue wathatĩte; tũtũnge ĩngĩ.</verse>
				<verse number="2">Nũtumĩte nthĩ ĩthingitha; nũmĩtembũĩte: Linda matw’ĩku mayo; nĩkwĩthĩwa nĩnĩkũtetema.</verse>
				<verse number="3">Nũmonetye andũ maku maũndũ maito: Ũtũnyw’ĩthĩtye mbinyu ya kũlũsya.</verse>
				<verse number="4">Nũmanengete kĩvevelo asu ala makũkĩaa, Nĩ kana kyũkĩlw’e ĩũlũ nũndũ wa ũla w’o.</verse>
				<verse number="5">Nĩ kana endwa maku mavonokw’e, Tangĩĩa na kw’oko kwaku kwa aũme, na ũitũsũngĩa.</verse>
				<verse number="6">Ngai nũneenete ũtheunĩ wake: Ngatana; Ngaaan’ya nthĩ ya Sekemu, na kũthima kyanda kya Sukothi.</verse>
				<verse number="7">Ngileati nĩ yakwa, o na Manase nĩ yakwa; Evalaimu nĩ ya ũsesea mũtwe wakwa; Yuta nĩyo ndata yakwa ya ũsumbĩ.</verse>
				<verse number="8">Moavi nĩ mbisũ yakwa ya kwĩthambĩa; Ngekya kĩatũ kyakwa ĩũlũ wa Etomu: Ũkĩlya wasya nũndũ wakwa, we Vilisitia.</verse>
				<verse number="9">Nũũ ũla wĩndwaa ndũanĩ nũmu? Nũũ ũla wĩndongoesya kũvika Etomu?</verse>
				<verse number="10">Tuue, we Ngai, ũla watwĩkisye ũtee? Na ndumaalanasya vamwe na nguthu sitũ, we Ngai.</verse>
				<verse number="11">Tũtetheesye kwa ĩla nthũ; Nĩkwĩthĩwa ũtethyo wa mũndũ nĩ wa mana.</verse>
				<verse number="12">Kwondũ wa Ngai tũkeekaa na ũkũmbaũ; Nĩkwĩthĩwa nĩwe ũla ũkakinyanga nthũ sitũ.</verse>
			</chapter>
			<chapter number="61">
				<verse number="1">Ĩw’a ũkayo wakwa, ame Ngai; Ĩthukĩĩsye mboya yakwa.</verse>
				<verse number="2">Ngakwĩkaĩla kuma kĩtulunĩ kya nthĩ, yĩla ngoo yakwa ĩnĩũthelekela: Ndongoesya kũvika yĩla ĩvianĩ ĩtũlu kwĩ nyie.</verse>
				<verse number="3">Nĩkwĩthĩwa nue ũtwĩe wĩ wĩvitho wakwa, Mwako mũtũlu wa mũnyoolo wĩ vinya nũndũ wa mũmaitha.</verse>
				<verse number="4">Nakwa ngatũa ĩeemanĩ yaku tene na tene: Ngeevitha wĩvithonĩ wa nthwau syaku.</verse>
				<verse number="5">Nĩkwĩthĩwa we, Ngai, nĩwĩw’ĩte mawĩvĩto makwa: Nũnengete ũtiĩwa wa ala makĩaa syĩtwa yaku.</verse>
				<verse number="6">Ũkaasavya thayũ wa mũsumbĩ; Myaka yake ĩkeethĩwa ta ya nzyawa nyingĩ.</verse>
				<verse number="7">Akekala mbee wa Ngai kũvika tene na tene: Mwiĩe ũseo wĩ wendo na w’o, nĩ kana imwĩkalye.</verse>
				<verse number="8">Kwondũ wa ũu ngaina ngĩkumya syĩtwa yaku kũvika tene na tene, Nĩ kana nĩanĩasye mawĩvĩto makwa kĩla mũthenya.</verse>
			</chapter>
			<chapter number="62">
				<verse number="1">Thayũ wakwa weteelaa ũkilĩtye Ngai e o weka: Ũtangĩĩo wakwa wumaa kwake.</verse>
				<verse number="2">No we weka ĩvia yakwa na ũtangĩĩo wakwa: Nĩwe mwako wakwa mũtũlu mũno wa mũnyoolo; ndikathingithĩka nongi.</verse>
				<verse number="3">Mũkekala ĩvinda yĩana ata mũkĩmũvithũkĩa mũndũ, Nĩ kana mũmũae, inyw’onthe, Ta ngũka mbeeku, o ta wiio ũũseesa?</verse>
				<verse number="4">Masũanĩaa o kũmũvalũkya kuma ũnenenĩ wake: Matanĩaa movũngũ; Maathimaa na makanyw’a moo, ĩndĩ nthĩnĩ maumanĩaa.</verse>
				<verse number="5">Thayũ wakwa, eteela Ngai e weka ũvindĩtye; Nĩkwĩthĩwa wĩkwatyo wakwa wĩ kwake.</verse>
				<verse number="6">No we weka ĩvia yakwa na ũtangĩĩo wakwa: Nĩwe mwako wakwa mũtũlu mũno wa mũnyoolo; ndikathingithĩka.</verse>
				<verse number="7">Ũtangĩĩo wakwa na ũnene wakwa wĩ kũla kwĩ Ngai: Ĩvia ya vinya wakwa, na wĩvitho wakwa, wĩ nthĩnĩ wa Ngai.</verse>
				<verse number="8">Mũĩkĩĩei mavinda onthe, inyw’ĩ andũ; Mũtulũĩlei ngoo syenyu: Ngai nĩwe wĩvitho witũ.</verse>
				<verse number="9">Vate ndĩi andũ mate ndaĩa nĩ mĩthũmũ, na andũ me ndaĩa nao nĩ ũvũngũ: Mathimwa ithiminĩ onthe makambata; Onthe nĩ avũthũ kũte mĩthũmũ.</verse>
				<verse number="10">Mũtikekwatye kũthĩn’ya, Na mũikekathĩĩe mbutanĩ: Ethĩwa mothwii makaingĩva, manyai kũlũlũmĩlya ngoo syenyu vo.</verse>
				<verse number="11">Ngai nũneenete ĩmwe, Kelĩ nĩneewie ũũ, Kana vinya nĩ wa Ngai.</verse>
				<verse number="12">O na ũseo wĩ wendo naw’o nĩ waku, we Mwĩaĩi; Nĩkwĩthĩwa ũnengae kĩla mũndũ kwĩanana na wĩa wake.</verse>
			</chapter>
			<chapter number="63">
				<verse number="1">Ame Ngai, nue Ngai wakwa; ngakũmanthaa na kĩthing’ĩĩsyo: Ngoo yakwa nĩyĩw’aa waũni kwondũ waku, mwĩĩ wakwa wĩ na mea naku, Nĩ nthĩ nyũmũ na yĩ mĩnoo, kũla kũte manzĩ.</verse>
				<verse number="2">Kwondũ wa ũu nĩnĩkũsyaĩtye wĩ vala vandũ vatheu, None vinya waku na ũtheu mũtisu waku.</verse>
				<verse number="3">Nĩkwĩthĩwa ũseo waku wĩ wendo nĩ mũseo kwĩ thayũ, Ilomo syakwa ikakũtaĩa.</verse>
				<verse number="4">Kwondũ wa ũu ngakũtaĩaa o yila nĩĩkalaa thayũ: Ngookĩlasya moko makwa syĩtwanĩ yaku.</verse>
				<verse number="5">Ngoo yakwa ĩkavũnaa ta ĩnĩũvũnĩthw’a nĩ mũthungo na ũnou; Na kanyw’a wakwa ũkakũtaĩa na ilomo ndanu;</verse>
				<verse number="6">Yĩla nĩkũlilikanaa nĩ ũkomonĩ wakwa, Na kũsũanĩaa ũndũ waku mosyaĩĩsyonĩ ma ũtukũ.</verse>
				<verse number="7">Nũndũ wĩkalĩte wĩ mũtethya wakwa, Na ngatanĩaa muunyĩnĩ wa nthwau syaku.</verse>
				<verse number="8">Ngoo yakwa nĩkũatĩĩaa yĩ vakuvĩ: Kw’oko kwaku kwa aũme nĩkũndw’ĩĩkaa.</verse>
				<verse number="9">Ĩndĩ ala mamanthaa thayũ wakwa, mawanange, Makatheea kũndũ kwĩ nthĩnĩ wa nthĩ.</verse>
				<verse number="10">Makanenganwe ũvyũnĩ wĩ vinya: Makeethĩwa kĩanda kya mbĩwa.</verse>
				<verse number="11">Ĩndĩ mũsumbĩ akatanĩa Ngai: Kĩla mũndũ ũla wĩavaa nake akakathĩĩa; Nũndũ makanyw’a ma ala maneenaa movũngũ makatumw’a.</verse>
			</chapter>
			<chapter number="64">
				<verse number="1">Ĩw’a wasya wakwa, ame Ngai, mũnyungunyĩsyonĩ wakwa: Sũvĩa thayũ wakwa ndikakĩe mũmaitha.</verse>
				<verse number="2">Mbithan’ya na ũsũanĩo wa nzama ya eki ma maĩ, Kĩtuu kya ala mekaa ũthũku;</verse>
				<verse number="3">Ala manoete nĩmĩ syoo ta ũvyũ, Na nĩmaeleelye mĩsyĩ yoo, nayo nĩ ndeto syĩ ũũ,</verse>
				<verse number="4">Nĩ kana mamwĩkye mĩsyĩ ũla mwĩanĩu me syĩmbithĩnĩ: Mamwĩkasya mĩsyĩ na kĩthũlũmũko, na matiũkĩa.</verse>
				<verse number="5">Nĩmeyĩkaa vinya ũndũnĩ ũthũku; Nĩmaneenaa ũndũ wa kũtea itei na kĩmbithĩ; Makasya, Nũũ ũla wĩsyona?</verse>
				<verse number="6">Nĩmamanthaa mothũku; Makyasya, Nĩtũminĩte kũmantha na kĩthing’ĩĩsyo; Na ũsũanĩo wa nthĩnĩ na ngoo ya kĩla mũndũ syĩ na moliku.</verse>
				<verse number="7">Ĩndĩ Ngai akamekya mĩsyĩ; Makokitwa na mũsyĩ kĩthũlũmũko.</verse>
				<verse number="8">Kwondũ wa ũu makalulutĩkw’a, nĩmĩ syoo ene ĩkeethĩwa ũndũ nao: Onthe ala mamonaa makathingithya mũtwe.</verse>
				<verse number="9">Na andũ onthe makakĩa; Na makatavan’ya wĩko wa Ngai, Na kũsũanĩa na ũĩ mwĩkĩle wake.</verse>
				<verse number="10">Ũla mũlũngalu akatanĩaa Yeova, na kwĩvitha nthĩnĩ wake; Na onthe alũngalu ngoonĩ makakathĩĩa.</verse>
			</chapter>
			<chapter number="65">
				<verse number="1">Ndaĩa nĩkweteele ku Saioni, we Ngai; Na wĩvĩto ũkeanĩw’a kwaku.</verse>
				<verse number="2">We ũla wĩw’aa mboya, Mĩĩ yonthe ĩkooka kwaku.</verse>
				<verse number="3">Mothũku nĩmangĩlasya vinya: Ũkaekea mavĩtyo maitũ.</verse>
				<verse number="4">Nĩ mũathime mũndũ ũla ũmũnyuvĩte, na kũtuma akũthengeea, Nĩ kana atũae nthĩnĩ wa nza syaku: Tũkeanĩwa nĩ ũseo wa nyũmba yaku, Ĩkalũ yaku ĩtheu.</verse>
				<verse number="5">Ũkatũsũngĩa ũlũngalunĩ na maũndũ ma ũtĩsya, We Ngai wa ũtangĩĩo witũ, Nue wĩkwatyo wa itulu syonthe sya nthĩ, Na wa onthe ala me kũasa ũkanganĩ:</verse>
				<verse number="6">Ũla ũlũlũmĩlasya iĩma na vinya wake, Evotoete ũtonyi;</verse>
				<verse number="7">Ũla ũvindĩthasya kĩlitũko kya maũkanga, Kĩlitũko kya itulumo syamo, Na kĩtuu kya ngo sya andũ.</verse>
				<verse number="8">O na ala matũaa kũasa vyũ nĩmakĩaa mawonan’yo maku: Nũtumaa mawumaalĩlo ma kĩoko na wĩoo matana.</verse>
				<verse number="9">Nũmyũkĩaa nthĩ, na kũmĩnyithya, Nũmĩnoasya mũno; Ũsĩ wa Ngai nĩwusũĩte manzĩ: Nũmanengae lĩu wa mbaa ngetha, yĩla ũseũvĩtye nthĩ ta ũu.</verse>
				<verse number="10">Nũnyithasya mĩkao yayo na manzĩ maingĩ; Nĩwĩananasya kũndũ kũtũlu kwayo: Nũmyololoasya na mĩono ya mbua; Nũathimaa kũthongoosya kwayo.</verse>
				<verse number="11">Nũkunĩkĩlasya mwaka ngovia ya ũsumbĩ ya ũseo waku; Na kũla ũendelaa nĩkwĩtĩkangasya maũnou.</verse>
				<verse number="12">Isesi sya weũnĩ nĩsyĩtĩkangasya; Na iĩma nivotoetwe na ũtanu.</verse>
				<verse number="13">Isesi nivw’ĩkĩtwe nĩ ndĩthya sya mbũi na malondu; Myanda nayo nĩvw’ĩkĩtwe nĩ lĩu wa mbaa ngetha; Nĩsyũkĩlasya mawasya na ũtanu, o na nĩsinaa.</verse>
			</chapter>
			<chapter number="66">
				<verse number="1">Ũkĩlĩlya Ngai wasya wa ũtanu, nthĩ yonthe:</verse>
				<verse number="2">Ina ndaĩa ya syĩtwa yake: Sũng’ũkya ndaĩa syake.</verse>
				<verse number="3">Mwĩe Ngai, Mawĩa maku kaĩ nĩ ma ũtĩsya! Kwondũ wa ũnene wa vinya waku amaitha maku makakwĩnyivĩasya.</verse>
				<verse number="4">Nthĩ yonthe ĩkakũthaitha, Na ũkwinĩa; Makaina maikumya syĩtwa yaku.</verse>
				<verse number="5">Ũkai, mwone mawĩa ma Ngai; Nake nĩ wa kũtĩsya mwĩkĩlenĩ wake kwa ana ma andũ.</verse>
				<verse number="6">Nĩwaalyũlile ũkanga watw’ĩka nthĩ nyũmũ; Nĩmaingie ũsĩ maendete na maũũ: Nĩkw’o twamũtanĩĩe.</verse>
				<verse number="7">Nũsumbĩkaa kwondũ wa ũtonyi wake tene na tene; Metho make nĩmasiasya i mbaĩ: Ala ang’endu matikenenevye.</verse>
				<verse number="8">Taĩai Ngai waitũ, inyw’ĩ ngo sya andũ, Na mũituma wasya wa kũtaĩwa kwake wĩw’ĩka;</verse>
				<verse number="9">Ũla wĩkalasya syuu sitũ syĩ thayũ, Na ndaekaa maũũ maitũ mathingithangw’e.</verse>
				<verse number="10">Nũndũ, we Ngai, nũtũoetye: Nũtũtatĩte, o tondũ vetha ũtatawa.</verse>
				<verse number="11">Nĩwatũetie kĩteinĩ; Nĩwatwaĩkisye mũio mũito inyunyunĩ sitũ.</verse>
				<verse number="12">Nĩwavĩtĩlye andũ ĩũlũ wa mĩtwe yaitũ; Nĩtwavĩtĩle mwakinĩ na manzĩnĩ; Ĩndĩ we nĩwatumaalilye vandũ va ũthwii.</verse>
				<verse number="13">Ngalika nyũmbanĩ yaku nĩ na nthembo ya kũvĩvw’a; Ngeanĩsya kwaku mawĩvĩto makwa,</verse>
				<verse number="14">Ala ilomo syakwa syaneenie, Na kanyw’a wakwa waneenie, yĩla naĩ thĩnanĩ.</verse>
				<verse number="15">Ngakũthembea nthembo sya kũvĩvw’a sya ila nou, Ũvani vamwe na ndũũme; Ngathembanĩsya tũsalũ twa mũew’a na mbũi.</verse>
				<verse number="16">Ũkai mwĩw’e, inyw’onthe ala mũkĩaa Ngai, Na ngatavan’ya ũndũ wĩkĩte ngoo yakwa.</verse>
				<verse number="17">Nĩnamwĩkaĩlile na kanyw’a wakwa, Na nĩwaneneviw’e nĩ ũĩmĩ wakwa.</verse>
				<verse number="18">Ethĩwa ngeetĩkĩlaa ũthũku ngoonĩ yakwa, Mwĩaĩi ndakew’a:</verse>
				<verse number="19">Ĩndĩ nĩ w’o Ngai nĩwĩw’ĩte; Nĩwĩthukĩĩĩtye wasya wa kũvoya kwakwa.</verse>
				<verse number="20">Ngai nataĩwe, Ũla ũtaaveta ũtee mboya yakwa, Kana ũseo wake wĩ wendo kwakwa.</verse>
			</chapter>
			<chapter number="67">
				<verse number="1">Ngai natwĩw’ĩae tei, na kũtũathimaa, Na kũtũtisĩasya ũthyũ wake;</verse>
				<verse number="2">Nĩ kana nzĩa yaku ĩmanyĩke kũũ nthĩ, Ũtangĩĩo waku katĩ wa mbaĩ syonthe.</verse>
				<verse number="3">Ngo sya andũ nikũtaĩe, we Ngai; Ngo syonthe sya andũ nikũtaĩe.</verse>
				<verse number="4">I mbaĩ syĩthĩwe na mũyo na kwina ũndũ wa ũtanu; Nũndũ ũkasilĩla ngo sya andũ na ũlũngalu, Na kũsumbĩkaa mbaĩ ila syĩ ĩũlũ wa nthĩ.</verse>
				<verse number="5">Ngo sya andũ nikũtaĩe, we Ngai; Ngo syonthe sya andũ nikũtaĩe.</verse>
				<verse number="6">Nthĩ nĩyingĩvĩtye ũsyao wayo: Ngai, o Ngai waitũ, akatũathima.</verse>
				<verse number="7">Ngai akatũathima; Na itulu syonthe sya nthĩ ikamũkĩaa.</verse>
			</chapter>
			<chapter number="68">
				<verse number="1">Ngai nĩokĩle, amaitha make nĩmanyaĩĩkw’e; Ala mamũmenaa nao nĩmakĩe mbee wake.</verse>
				<verse number="2">O tondũ syũki ĩlũlũngĩlaw’a, o ta ũu malũngye: O tondũ ĩseso yĩtwekaa vala ve mwaki, O ta ũu ala athũku maae mbee wa Ngai.</verse>
				<verse number="3">Ĩndĩ ala alũngalu methĩwe na mũyo; nĩmatane mbee wa Ngai: Ĩĩ, matane na mũyo.</verse>
				<verse number="4">Mwinĩei Ngai, inai mũkĩkumya syĩtwa yake: Seũvyai lelũ ũndũ wa ũla ũendaa akuĩlwe malatanĩ; Syĩtwa yake nĩ Yeova; tanai mbee wake.</verse>
				<verse number="5">Ĩthe wa la makw’ĩĩwe nĩ aaĩthe, na mũsili wa aka ndiwa, Nĩ Ngai e ũtũonĩ wake mũtheu.</verse>
				<verse number="6">Ngai nũtumaa ala me ĩvou matũaa nyũmba: Nake nĩumaalasya ala ove ũunĩkonĩ; Ĩndĩ ala ang’endu matũaa nthĩ mbenzeku.</verse>
				<verse number="7">We Ngai, yĩla, waumaalile wĩ mbee wa andũ maku, Yĩla wavĩtĩle weũnĩ;</verse>
				<verse number="8">Nthĩ nĩyatetemie, O na matu metĩkya mbua Ngai e vo: Sinai kĩya nakyo nĩkyatetemie Ngai e vo, Ngai wa Isilaeli.</verse>
				<verse number="9">Naku, we Ngai, nĩwaetie mbua mbingĩ, Yĩla ũtiĩwa waku waĩ na mĩnoo nĩwoolũlũmĩlye.</verse>
				<verse number="10">Ũmbano waku nĩwatwĩe kw’o: Naku, Ngai, kwondũ wa ũseo waku nĩwaseũvisye ũndũ wa ngya.</verse>
				<verse number="11">Mwĩaĩi nũnenganae ĩla ndeto: Aka ala manyaĩĩkasya ũvoo nĩ nguthu nene.</verse>
				<verse number="12">Asumbĩ ma ita nĩmakĩaa, nĩmakĩaa; Na mũndũ mũka ũla wĩkalaa mũsyĩ nũaanasya mũtavo.</verse>
				<verse number="13">Yĩla mũũkoma syengonĩ sya malondu, Nĩ ta nthwau sya ĩvũĩ ivw’ĩkĩtwe vetha, Na nzĩa syayo thaavu wĩ ĩuuku.</verse>
				<verse number="14">Yĩla Mwene Vinya W’onthe wanyaĩĩkĩsye asumbĩ kw’o, Kwailyĩ ta yĩla kuaa ĩa Nzalimoni.</verse>
				<verse number="15">Nĩ kĩĩma kya Ngai kĩĩma kya Mbasani; Nĩ kĩĩma kĩtũlu kĩĩma kya Mbasani.</verse>
				<verse number="16">Nũndũ wa kĩ mũũkĩnda na itho, inyw’ĩ iĩma ndũlu, Kĩĩma kĩla Ngai wendete kĩthĩwe ũtũo wake? Ĩĩ, Yeova akakĩtũaa tene na tene.</verse>
				<verse number="17">Makasya ma kaũ ma Ngai nĩ ngili mĩongo ĩlĩ, o ngili na ngili: Mwĩaĩi e katĩ woo, o ta ku Sinai, nthĩnĩ wa vala vandũ vatheu.</verse>
				<verse number="18">Nĩwambatĩte ĩũlũ, nũtwaĩte andũ me atave; Nĩwosete mĩthĩnzĩo andũnĩ, Ĩĩ, o na kuma kwa ala ang’endu, nĩ kana Yeova Ngai atonye kũtũaa namo.</verse>
				<verse number="19">Nataĩwe Yeova, ũla ũkuaa mũio witũ kĩla mũthenya, O Ngai ũla ũtangĩĩo witũ.</verse>
				<verse number="20">Ngai kwitũ nĩ Ngai wa movonokyo; Kũvonokya kĩkw’ũnĩ nĩ kwa Yeova ũla Mwĩaĩi.</verse>
				<verse number="21">Ĩndĩ Ngai akaatũa mũtwe wa amaitha make, Lolotya wĩ nzw’ĩĩ wa ũla ũendeeaa ivĩtyonĩ yake.</verse>
				<verse number="22">Mwĩaĩi nĩwaisye, Ngaete ĩngĩ kuma Mbasani, Ngamaete ĩngĩ kuma syũngũnĩ sya ũkanga;</verse>
				<verse number="23">Nĩ kana ũmakinyange, ũlikitye ũnyaĩĩ waku nthakamenĩ, Nĩ kana nĩmĩ sya ngitĩ syaku syĩthĩwe na kĩanda kyasyo kuma kwa amaitha maku.</verse>
				<verse number="24">Nĩmonete mĩendele yaku, we Ngai, O mĩendele ya Ngai wakwa, Mũsumbĩ wakwa, nthĩnĩ wa vala vandũ vatheu.</verse>
				<verse number="25">Aini nĩmatongoisye mbee, aingi ma mbeve nĩmaatĩĩe, Katĩ wamo eĩtu makĩinga tũthembe.</verse>
				<verse number="26">Taĩai Ngai maũmbanonĩ, O Mwĩaĩi, inyw’ĩ ma mbuluti ya Isilaeli.</verse>
				<verse number="27">E vo Mbenyamini mũnini mũsumbĩki woo, Anene me mbee ũsumbĩnĩ ma Yuta na nzama yoo, Anene me mbee ũsumbĩnĩ ma Nzevuluni, anene me mbee ũsumbĩnĩ ma Navitali.</verse>
				<verse number="28">Ngai waku nĩwĩaĩĩte vinya waku: Ĩkĩa vinya, ame Ngai, ũndũ ũla weekie kwondũ witũ.</verse>
				<verse number="29">Nũndũ wa ĩkalũ yaku ku Yelusaleme Asumbĩ makakũetee mĩthĩnzĩo.</verse>
				<verse number="30">Kan’ya nyamũ ya mĩanginĩ, Wingĩ wa nzaũ, vamwe na tũsaũ twa ngo sya andũ, Kĩla ũmwe enyivye akyumasya ilungu sya vetha: Nũnyaĩkĩĩtye ngo sya andũ ila syendeeaw’a nĩ kaũ.</verse>
				<verse number="31">Anene me mbee ũsumbĩnĩ makauma Misili; Ethiovia ĩkeekalaata kũmũtambũũkĩsya Ngai moko mayo.</verse>
				<verse number="32">Mwinĩei Ngai, inyw’ĩ mosumbĩ ma nthĩ; Inai mũkĩkumya Mwĩaĩi;</verse>
				<verse number="33">Ũla ũendaa akuĩtwe nĩ ĩtu ya matu, ala ma tene; Sisya, nĩwumasya wasya wake, wasya wĩ ũtonyi.</verse>
				<verse number="34">Mũwetei Ngai vinya: Ũnene wake wĩ ĩũlũ wa Isilaelĩ, Na vinya wake wĩ matunĩ.</verse>
				<verse number="35">Ame Ngai, wĩ wa ũtĩsya wĩ kũndũnĩ kwaku kũtheu: Ngai wa Isilaeli, nũnengae andũ make vinya na ũtonyi. Ngai nataĩwe.</verse>
			</chapter>
			<chapter number="69">
				<verse number="1">Ndangĩĩa, ame Ngai: Nũndũ manzĩ nĩmalikile ngoonĩ yakwa.</verse>
				<verse number="2">Nĩlikĩte mũtondonĩ mũliku, vala vate vandũ va kũũngama: Nĩlikĩte manzĩnĩ maliku, vala manzĩ maingĩ meũvĩtĩla ĩũlũ wakwa.</verse>
				<verse number="3">Nĩ na mĩnoo ũndũ wa kũĩa kwakwa; mũmeo wakwa nĩũmie: Metho makwa nĩmeũseekea yĩla nĩeteele Ngai wakwa.</verse>
				<verse number="4">Ala mamenete vate kĩtumi nĩ aingĩ kwĩ nzw’ĩĩ sya mũtwe wakwa: Ala mekwenda kũmbeta, nũndũ nĩ amaitha makwa ma ũvũngũ, me na ũtonyi: Kĩla ndaosa mũvaka nĩtũnge.</verse>
				<verse number="5">We Ngai, nĩwĩsĩ ũtumanu wakwa; Na naĩ syakwa ti mbithĩku kwaku.</verse>
				<verse number="6">Ala makweteelaa maikaasonokw’e kwondũ wakwa, ame Mwĩaĩi Yeova wa nguthu: Ala makũmanthaa matikaanangĩwe ndaĩa kwondũ wakwa, we Ngai wa Isilaeli.</verse>
				<verse number="7">Nĩkwĩthĩwa nĩnĩkuĩte kĩvũthya kwondũ waku; Nthoni nivw’ĩkĩte ũthyũ wakwa.</verse>
				<verse number="8">Nĩnĩtw’ĩkĩte mũeni kwa ana‐a‐asa makwa, Na mũndũ wa nthĩ ĩngĩ kwa syana sya mwaitũ.</verse>
				<verse number="9">Nũndũ kĩwĩu kya nyũmba yaku nĩkĩndĩte; Na ivũthya sya ala makũvũthasya nĩsyambalũkĩle.</verse>
				<verse number="10">Yĩla naĩie, na kũsilĩla ngoo yakwa kwondũ wa kũtĩĩa kũya, Kũu kwatw’ĩkie kũvũthw’a kwakwa.</verse>
				<verse number="11">Yĩla neevw’ĩkie ngũa ya makunia, Natw’ĩkie wa kũvũthw’a nĩmo.</verse>
				<verse number="12">Ala mekalaa mbingĩlonĩ nĩmaneenaa ũndũ wakwa; Nakwa nĩ wathi wa athengi.</verse>
				<verse number="13">Ĩndĩ ngalĩ ĩ yakwa, mboya yakwa no kwaku, ame Yeova, ĩvindanĩ yĩla yĩtĩkĩlĩtwe: Ame Ngai, ũseonĩ waku wĩ wendo mwingĩ, Nzũngĩa kwondũ wa w’o wa ũtangĩĩo waku.</verse>
				<verse number="14">Ndangĩĩa nume mũtondonĩ, ndikathelekelye: Nĩtangĩĩwe kuma kwa ala mamenaa, na kuma manzĩnĩ maliku.</verse>
				<verse number="15">Ndũkaeke manzĩ maingĩ mambw’ĩke, Kana kyũngũ kĩmelye vyũ; Na ndũkaeke yĩla ĩima yĩndumĩsye kanyw’anĩ wayo.</verse>
				<verse number="16">Nzũngĩa, ame Yeova; nũndũ ũseo waku wĩ wendo nĩ mũseo: Kwĩanana na wingĩ wa matei maku mololo ĩnthyũũĩe.</verse>
				<verse number="17">Ndũkamũvithe mũthũkũmi waku ũthyũ waku; Nũndũ nĩ thĩnanĩ; nzũngĩa mĩtũkĩ.</verse>
				<verse number="18">Mĩthengeee ngoo yakwa, na kũmyovosya: Mbovosya ũndũ wa amaitha makwa.</verse>
				<verse number="19">Nĩwĩsĩ kũvũthw’a kwakwa, na nthoni syakwa, na kwanangĩwa ndaĩa kwakwa: Nthũ syakwa syonthe syĩ mbee waku.</verse>
				<verse number="20">Kĩvũthya nĩkĩtũlĩte ngoo yakwa; na nĩnusũĩtwe nĩ kĩmako: Na nĩnamanthie amwe ma kwĩw’ĩa tei, ĩndĩ vatyaĩ ũmwe; Na akiakisya, ĩndĩ ndyaaona ũmwe.</verse>
				<verse number="21">O na nĩmanengie nyongo yĩthĩwe lĩu wakwa; Na ngĩw’a waũni nĩmanengie siki wa ũnyw’a.</verse>
				<verse number="22">Mesa yoo mbee wamo nĩtw’ĩke mũkwa; Na yĩla me na mũuo, naw’o ũtw’ĩke kĩtei.</verse>
				<verse number="23">Metho moo matulye kĩvindu, nĩ kana matikatonye kwona; Noituma inyunyu syoo itetema mavinda onthe.</verse>
				<verse number="24">Onosya ũthilĩku waku ĩũlũ wamo, Na wai wa ũthatu waku ũmakwate.</verse>
				<verse number="25">Ũtũo woo nĩwĩthĩwe mũthei; Mũndũ o na wĩva ndakaatũe maeemanĩ moo.</verse>
				<verse number="26">Nũndũ nĩmeũmũthĩn’ya ũla ũkũnĩtwe nue; Na nĩmeũneena ũndũ wa woo wa ala mokitĩtwe nue.</verse>
				<verse number="27">Ongeleela ũthũku ũthũkunĩ woo; Na ndũkamaeke malike ũlũngalunĩ waku.</verse>
				<verse number="28">Mavutwe ĩvukunĩ ya thayũ, Na matikaandĩkwe vamwe na alũngalu.</verse>
				<verse number="29">Ĩndĩ nyie nĩ ngya na nĩ na woo: Ũtangĩĩo waku, ame Ngai, ũmbũkĩlye ĩũlũ.</verse>
				<verse number="30">Ngataĩa syĩtwa ya Ngai na wathi, Na ngamũnenevya na mũvea.</verse>
				<verse number="31">Na ũu ũkamũtan’ya Yeova kũvĩtũka ng’ombe, Kana kasalũ ka mũew’a kala ke na mbya na mavũngũ.</verse>
				<verse number="32">Ala auu nĩmonete ũu, na nĩmeũtana: Inyw’ĩ ala mũmanthaa Ngai, ngoo syenyu syĩkale thayũ.</verse>
				<verse number="33">Nũndũ Yeova nĩwĩw’aa athĩni, Na ndavũthasya ovwa make.</verse>
				<verse number="34">Ĩtu na nthĩ nimũtaĩe, Maũkanga, na kĩla kĩndũ kĩendaa nthĩnĩ wamo.</verse>
				<verse number="35">Nũndũ Ngai akatangĩĩa Saioni, na kwaka ndũa sya Yuta; Na makekala kw’o, na ĩkeethĩwa ng’ũndũ yoo.</verse>
				<verse number="36">O na ũsyao wa athũkũmi make ũkamĩtiĩwa; Na ala mendaa syĩtwa yake makekala kw’o.</verse>
			</chapter>
			<chapter number="70">
				<verse number="1">Ĩkalaate, ame Ngai, ũmbonokye; Ĩkalaate ũndethye, ame Yeova.</verse>
				<verse number="2">Masonokw’e na kũthokoanw’a Ala mamanthaa thayũ wakwa: Matũngwe na ĩtina na kwanangĩwa ndaĩa Ala matanaa ngĩkwa naĩ.</verse>
				<verse number="3">Matũngwe na ĩtina nũndũ wa nzonokan’yo syoo Ala maasya, Aa, aa.</verse>
				<verse number="4">Onthe ala makũmanthaa matane na kwĩw’aa mũyo nthĩnĩ waku; Na ala mendaa ũtangĩĩo waku maneenae mavinda onthe, Ngai nanenevw’e.</verse>
				<verse number="5">Ĩndĩ nyie nĩ ngya na mũthĩni; Ĩkalaate wũke vala nĩĩ, ame Ngai: Nue mũtethya wakwa na mũvonokya wakwa; Ame Yeova, ndũketeele.</verse>
			</chapter>
			<chapter number="71">
				<verse number="1">Nĩvithaa nthĩnĩ waku, ame Yeova: Ndũkaandeke nĩsonokw’e o na ĩndĩĩ.</verse>
				<verse number="2">Mbonokya kwondũ wa ũlũngalu waku, na kũndangĩĩa: Tea kũtũ kwaku ũmbĩw’e, na ũindangĩĩa:</verse>
				<verse number="3">Ĩthĩwa kwakwa ĩvia ya kũtũa, vala ndonya kũendaa mavinda onthe: Nĩwĩaĩte kũndangĩĩa; Nũndũ nue ĩvia yakwa na ngome yakwa.</verse>
				<verse number="4">Mbonokya, ame Ngai wakwa, kuma kw’okonĩ kwa ũla mũthũku, Kuma kw’okonĩ kwa mũndũ ũte mũlũngalu na mwai.</verse>
				<verse number="5">Nũndũ nue wĩkwatyo wakwa, we Mwĩaĩi Yeova: Nue ũla naĩkĩĩaa kuma wana wakwa.</verse>
				<verse number="6">Nĩnĩtw’ĩĩkĩtwe nue o kuma ĩvunĩ; Nue ũla wanumisye ĩvunĩ ya mwaitũ: Kũkũtaĩa kwakwa kũkeethĩwa mavinda onthe.</verse>
				<verse number="7">Nĩĩlyĩ ta ũseng’yo kwa aingĩ; Ĩndĩ nue wĩvitho wakwa wĩ vinya.</verse>
				<verse number="8">Kanyw’a wakwa ũkausũwa nĩ ũkũtaĩa, Na ũkũkatha mũthenya w’onthe.</verse>
				<verse number="9">Ndũkaambĩkye kũasa ĩvinda ya ũkũu; Ndũkaandie yĩla vinya wakwa wĩthela.</verse>
				<verse number="10">Nũndũ amaitha makwa maneenaa ũndũ wakwa; Na ala moveeasya thayũ wakwa masũanĩaa vamwe,</verse>
				<verse number="11">Makyasya, Ngai nũmũtiĩte: Atĩĩai na mũimũkwata; nũndũ vati wa kũvonokya.</verse>
				<verse number="12">Ame Ngai, ndũkethĩwe kũasa nakwa; Ame Ngai wakwa, ĩkalaate ũndethye.</verse>
				<verse number="13">Nisonokw’e na kũminwa ila nthũ sya thayũ wakwa; Nĩmavw’ĩkwe nĩ kũvũthw’a na kwanangĩwa ndaĩa ala mamanthaa kũmbĩka naĩ.</verse>
				<verse number="14">Ĩndĩ ngeethĩawa na wĩkwatyo mavinda onthe, Na ngakũtaĩa mbee na mbee.</verse>
				<verse number="15">Kanyw’a wakwa ũkatavanasya ũlũngalu waku, Na ũtangĩĩo waku mũthenya w’onthe; Nũndũ ititalĩkya.</verse>
				<verse number="16">Ngooka nĩ na meko me ũtonyi ma Mwĩaĩi Yeova: Ngaweta ũlũngalu waku, waku wĩ w’oka.</verse>
				<verse number="17">Ame Ngai, nũmanyĩĩtye kuma wana wakwa; Na kũvika yu nĩnĩtavanĩtye mawĩa maku ma ũseng’ya.</verse>
				<verse number="18">Ĩĩ, o na yĩla ngakũa na mũtwe wĩ mbuĩ, ame Ngai, ndũkaandie, Kũvika ngethĩwa nĩtavan’ya vinya waku nzyawanĩ ĩla yũkĩte, Ũtonyi waku kwa kĩla ũmwe ũla ũkoka.</verse>
				<verse number="19">O na ũlũngalu waku, we Ngai, wĩ ĩũlũ mũno; We ũla wĩkĩte maũndũ manene, We Ngai, nũũ ũilyĩ taku?</verse>
				<verse number="20">We, ũla ũtwonetye mathĩna maingĩ na manene, Ũkatũthayũũkya ĩngĩ, Na kũtumya ĩngĩ molikunĩ ma nthĩ.</verse>
				<verse number="21">Ongeleela ũnene wakwa, Na ĩthyũũe ĩngĩ na kũngiakisya.</verse>
				<verse number="22">Ngakũtaĩa na kĩnanda, O w’o waku, we Ngai wakwa: Ngaina ngĩũkumya na mbeve, We Ũla Mũtheu wa Isilaeli.</verse>
				<verse number="23">Ilomo syakwa ikookĩlya wasya wa ũtanu yĩla nĩinaa ngĩũkumya; Na ngoo yakwa, ĩla wovoetye.</verse>
				<verse number="24">Ũĩmĩ wakwa naw’o ũkaneenaa ũndũ wa ũlũngalu waku mũthenya w’onthe; Nũndũ nĩmasonoketw’e, nũndũ nĩmathokoanĩtw’e, ala mamanthaa kũmbĩka naĩ.</verse>
			</chapter>
			<chapter number="72">
				<verse number="1">Nenga mũsumbĩ motwi maku, ame Ngai, Na mwana wa mũsumbĩ ũlũngalu waku.</verse>
				<verse number="2">Akasilanasya andũ maku na ũlũngalu, Na ngya syaku na sila wa katĩ.</verse>
				<verse number="3">Iĩma ikamaeteae andũ mũuo, Na tũlĩma natw’o, kwondũ wa ũlũngalu,</verse>
				<verse number="4">Akasilanasya ngya sya andũ, Akatangĩĩa syana sya athĩni, Na kũmũtilanga ilungu ũla ũthĩnasya.</verse>
				<verse number="5">Makaũkĩaa o yĩla syũa yĩĩkalaa, O na mwei naw’o, mosyaanĩonĩ onthe.</verse>
				<verse number="6">Akatheea ta mbua nyekinĩ mbenge, Ta mĩono ya mbua ĩla ĩnyithasya nthĩ.</verse>
				<verse number="7">Mĩthenyanĩ yake ala alũngalu makaaĩlaa, Na kũkeethĩwa mũuo mwingĩ, kũvika mwei ndũkethĩwa ĩngĩ.</verse>
				<verse number="8">Nake akasumbĩka kuma ũkanga kũvika ũkanga, Na kuma ũla Ũsĩ kũvika itulunĩ sya nthĩ.</verse>
				<verse number="9">Ala matũaa weũnĩ makainama mbee wake; Na amaitha make makanyenya kĩtoo.</verse>
				<verse number="10">Asumbĩ ma Talisisi na ma ithama makaumya koti: Asumbĩ ma Sieva na Seva makaumya mĩthĩnzĩo.</verse>
				<verse number="11">Ĩĩ, asumbĩ onthe makavalũka mbee wake; Mbaĩ syonthe ikamũthũkũma.</verse>
				<verse number="12">Nũndũ akavonokasya mũthĩni yĩla wĩkayaa, Na ngya, ĩla ĩte mũtethya.</verse>
				<verse number="13">Akeew’ĩa tei ngya na athĩni, Na mathayũ ma athĩni akamatangĩĩa.</verse>
				<verse number="14">Akoovosya mathayũ moo kuma thĩnanĩ na ũng’endunĩ; Na nthakame yoo ĩkeethĩwa yĩ vata mũno methonĩ make:</verse>
				<verse number="15">Na makekala thayũ; nake akaolelwa thaavu wa Sieva: Na andũ makamũvoyeaa mavinda onthe; Makamũathimaa mũthenya w’onthe.</verse>
				<verse number="16">Kũkeethĩwa lĩu mwingĩ mũno wa mbaa ngetha nthĩ iĩmanĩ ĩũlũ; Ũsyao wa vo ũkathingithĩka ta Levanoni: Na ala me ndũanĩ makaaĩla ta nyeki sya nthĩ.</verse>
				<verse number="17">Syĩtwa yake yĩkekalaa tene na tene; Syĩtwa yake yĩkekalaa o yĩla syũa yĩtũaa: Na andũ makaathimwa nthĩnĩ wake; Mbaĩ syonthe ikamwĩtaa mũtanu.</verse>
				<verse number="18">Nataĩwe Yeova Ngai, Ngai wa Isilaeli, Ũla wĩkaa maũndũ ma ũseng’ya weka:</verse>
				<verse number="19">Na syĩtwa yake ĩtheu yĩtaĩwe tene na tene; Na nthĩ yonthe nĩyusũwe nĩ ũtheu mũtisu wake. Ameni, na Ameni.</verse>
				<verse number="20">Mboya sya Ndaviti mwana wa Yese nĩsyathela.</verse>
			</chapter>
			<chapter number="73">
				<verse number="1">Vate ndĩi Ngai nĩ mũseo kwa Isilaeli, O kwa ala atheu ngoo.</verse>
				<verse number="2">Ĩndĩ ngalĩ ĩ yakwa, maũũ makwa maĩ vakuvĩ kwathũka; Matambya makwa maĩ vakuvĩ kũtendelũka.</verse>
				<verse number="3">Nũndũ naĩ na kĩwĩu kwondũ wa ala me na wĩnenevyo, Yĩla noonie kũunĩka kwa ala athũku.</verse>
				<verse number="4">Nũndũ vati mawoo kĩkw’ũnĩ kyoo; Ĩndĩ vinya woo nũlũmĩte.</verse>
				<verse number="5">Mati thĩnanĩ ta andũ angĩ; O na matinyamaw’a ta andũ angĩ.</verse>
				<verse number="6">Kwondũ wa ũu ngathĩĩo nĩ ta mũnyoo ngingonĩ syoo; Ũng’endu nũmavw’ĩkaa o ta ngũa.</verse>
				<verse number="7">Metho moo nĩmaumĩlĩte nĩ kũnoa: Kĩla me nakyo nĩ kingĩ kũthonoka ũndũ ngoo ĩtonya kwenda.</verse>
				<verse number="8">Nĩmakaakaanasya, na kũneena me ũthũkunĩ kũthĩn’ya: Nĩmaneenaa na mĩtũlyo.</verse>
				<verse number="9">Nĩmaiĩte makanyw’a moo matunĩ, Na nĩmĩ syoo nĩsyangangaa nthĩ.</verse>
				<verse number="10">Kwondũ wa ũu andũ make nĩmasyokaa vaa: Na manzĩ ma kĩkombe kyusũu nĩmaminawa nĩo.</verse>
				<verse number="11">Na measya, Ngai esĩ ata? Na ve ũmanyi nthĩnĩ wa Ũla Wĩ Ĩũlũ wa Onthe?</verse>
				<verse number="12">Sisya, aa nĩ ala athũku; Na, nũndũ mauĩtye mavinda onthe, nĩmongelelaa ũthwii.</verse>
				<verse number="13">Vate ndĩi nĩtheetye ngoo yakwa mana, Na kũthambya moko makwa na ũtheu;</verse>
				<verse number="14">Nũndũ mũthenya w’onthe nĩkalaa ngĩthĩnw’a, Na kũkũnwa kĩla kĩoko.</verse>
				<verse number="15">Kethĩwa nĩnaneenie, Nganeena ũu; Sisya, nĩthĩwa nĩkengete na ũĩ nzyawa ya ana maku.</verse>
				<verse number="16">Yĩla nasũanĩe ũndũ ndonya kũmanya ũndũ ũũ, Kwaĩ thĩna kwakwa;</verse>
				<verse number="17">Kũvika yĩla nalikile vala vandũ vatheu va Ngai, Na kũsũanĩa mũminũkĩlyo woo.</verse>
				<verse number="18">Vate ndĩi nũmaiaa kũndũ kũtendeu; Nũmekasya wanangĩkonĩ.</verse>
				<verse number="19">Kaĩ nĩmatw’ĩkĩte athei kavinda ka kũvenya! Nĩmameletwe vyũ nĩ motĩsyo.</verse>
				<verse number="20">O ta ndoto yĩla mũndũ wĩamũka, No ta ũu, we Mwĩaĩi, yĩla wĩũkĩla, ũkavũthya mũvw’ano woo.</verse>
				<verse number="21">Nũndũ thayũ wakwa nĩweew’ĩthiw’e woo, Nakwa natonywa ngoonĩ yakwa:</verse>
				<verse number="22">Naĩ mũng’endu, na mũtumanu; Nailyĩ nyamũ mbee waku.</verse>
				<verse number="23">Ĩndĩ o na ũu w’onthe nĩ naku mavinda onthe: Nũngwatĩte kw’oko kwakwa kwa aũme.</verse>
				<verse number="24">Ũkandongoeasya na ũtao waku, Na ĩtina ũimbosa ũtheunĩ.</verse>
				<verse number="25">Nĩ naũ ĩtunĩ ate o we? Na vati ũmwe kũũ nthĩ ũla nĩmwendaa ate o we.</verse>
				<verse number="26">Mwĩĩ wakwa na ngoo yakwa nithelaa vinya; Ĩndĩ Ngai nĩ vinya wa ngoo yakwa na kĩanda kyakwa tene na tene.</verse>
				<verse number="27">Nũndũ, sisya, ala me kũasa naku makaaa: Nĩwanangĩte onthe ala mekaa ũmalwaya, makĩũtia.</verse>
				<verse number="28">Ĩndĩ nĩ ũseo kwakwa kũthengeea Ngai: Nĩnĩtw’ĩte Mwĩaĩi Yeova wĩvitho wakwa, Nĩ kana nĩtavanasye ũndũ wa mawĩa maku onthe.</verse>
			</chapter>
			<chapter number="74">
				<verse number="1">Ame Ngai, nũndũ wa kĩ ũtwĩkĩtye ũtee tene na tene? Nũndũ wa kĩ ũthatu waku ũtoeesye syũki malondu ma ĩĩthya yaku?</verse>
				<verse number="2">Lilikana ũmbano waku, ũla wathooie tene, Ũla woovoetye wĩthĩwe mbaĩ ya ũtiĩwa waku; Kĩĩma kya Saioni, kĩla watwĩe.</verse>
				<verse number="3">Kinyangĩlya maũũ maku moombokunĩ ma mavinda onthe, Ũthũku w’onthe ũla mũmaitha wĩkĩte nthĩnĩ wa vala vandũ vatheu.</verse>
				<verse number="4">Nthũ syaku nilumĩte ũmbanonĩ waku; Nĩmaũngamĩtye movano moo ta mawonan’yo.</verse>
				<verse number="5">Nĩmoonekaa ta andũ ala mookĩlĩlye Kĩkuthu kya mĩtĩ mathoka.</verse>
				<verse number="6">O na yu wĩa w’onthe wa kwasũvya wa vo Nĩmanangaa na kathoka na syĩiva.</verse>
				<verse number="7">Nĩmakwatĩtye vandũ vaku vatheu mwaki; Nĩmavukĩtye ũtũo wa syĩtwa yaku ũndũ wa kũwĩkya nthĩ.</verse>
				<verse number="8">Nĩmaisye ngoonĩ syoo, Twanangei syonthe vyũ: Nĩmavĩvĩtye masinakoke onthe ma Ngai ĩ nthĩ.</verse>
				<verse number="9">Tũtyonaa movano maitũ: Kũti mwathani ĩngĩ; O na kũti ũmwe katĩ waitũ ũla wĩsĩ nĩ ĩvinda yĩana ata.</verse>
				<verse number="10">Nthũ ĩkavũthya kũvika ĩndĩĩ, ame Ngai? Mũmaitha akauma syĩtwa yaku tene na tene?</verse>
				<verse number="11">Nĩkĩ wĩtũnga kw’oko kwaku, o kw’oko kwaku kwa aũme? Kumye kĩthũinĩ kyaku noimamina.</verse>
				<verse number="12">Ĩndĩ Ngai nĩ Mũsumbĩ wakwa wa tene, Akĩka ũtangĩĩo katĩ wa nthĩ.</verse>
				<verse number="13">Nĩwaaanisye ũkanga kwondũ wa vinya waku: Nĩwatumbangie mĩtwe ya mĩkũnga mĩnene ya manzĩnĩ.</verse>
				<verse number="14">Nũtilangĩte ilungu mĩtwe ya leviathani; Nĩwamĩnenganie yĩthĩwe lĩu wa andũ ala matũĩte weũnĩ.</verse>
				<verse number="15">Nĩwavũthũie nthongo na manzĩ maingĩ: Nĩwang’alilye mbũsĩ nene mũno.</verse>
				<verse number="16">Mũthenya nĩ waku, ũtukũ naw’o nĩ waku; Nũseũvĩtye kyeni o na syũa nayo.</verse>
				<verse number="17">Nĩwiĩte mĩvaka yonthe ya nthĩ: Nũtw’ĩte ĩvinda ya syũa na ĩvinda ya mbevo.</verse>
				<verse number="18">Lilikana ũũ, kana mũmaitha nũvũthĩtye, ame Yeova, Na kana andũ atumanu nĩmaumĩte syĩtwa yaku.</verse>
				<verse number="19">Ame ndũkanenge nyamũ mbai thayũ wa ndumbũ yaku: Ndũkaolwe nĩ thayũ wa ngya syaku tene na tene.</verse>
				<verse number="20">Syaĩĩsya ũla ũtianĩo; Nũndũ kũndũ kwa nthĩ kwĩ kĩvindu nĩkusũĩte motũo ma ũng’endu.</verse>
				<verse number="21">Ndũkaeke athĩni masyoke makĩsonoka: Ngya na athĩni nĩmataĩe syĩtwa yaku.</verse>
				<verse number="22">Ũkĩla, ame Ngai, ĩtetee mwene: Lilikana ũndũ mũndũ mũtumanu ũkũvũthasya mũthenya w’onthe.</verse>
				<verse number="23">Ndũkaolwe nĩ wasya wa nthũ syaku: Kĩtuu kya ala makũkĩlĩĩlaa nĩkyambataa mavinda onthe.</verse>
			</chapter>
			<chapter number="75">
				<verse number="1">Nĩtũũkũtũngĩa mũvea, ame Ngai; Nĩtũũtũnga mũvea, nũndũ syĩtwa yaku yĩ vakuvĩ: Andũ nĩmaneenaa ũndũ wa mawĩa maku ma ũseng’ya.</verse>
				<verse number="2">Yĩla ngosa ĩvinda yĩla yĩtw’ĩtwe, Ngasilĩla na ũlũngalu.</verse>
				<verse number="3">Nthĩ nĩtwekete na andũ onthe ala mamĩtwĩe: Nĩnĩũngamĩtye ituĩ syayo.</verse>
				<verse number="4">Nĩnamatavisye ekathĩĩi, Mũtikeke na ngathĩĩo; Na ala athũku, mũtikokĩlye ũvya:</verse>
				<verse number="5">Mũtikokĩlye ũvya wenyu ĩũlũ; Mũtikaneene mwĩ na ngingo nyũmũ.</verse>
				<verse number="6">Nũndũ kuma wumĩlonĩ wa syũa, kana ũthũĩlonĩ wa syũa, Kana ngalĩ ya ĩtheo, kũtyumaa kũnenevw’a.</verse>
				<verse number="7">Ĩndĩ Ngai nĩwe mũsili: Nũnũũtheesya ũmwe, na kũkĩlya ũngĩ.</verse>
				<verse number="8">Nũndũ kw’okonĩ kwa Yeova kwĩ kĩkombe, na mbinyu yĩ na ĩvuo; Nĩkyusũĩte mũvulan’yo, naw’o nũwonoasya: Vate ndĩi imongoyo syaw’o, athũku onthe ma nthĩ makaiviva, na kwinyw’a.</verse>
				<verse number="9">Ĩndĩ ngatavan’ya tene na tene, Ngaina ngĩkumya Ngai wa Yakovo.</verse>
				<verse number="10">Mbya syonthe sya ala athũku ngaitila; Ĩndĩ mbya sya ala alũngalu ikookĩlw’a.</verse>
			</chapter>
			<chapter number="76">
				<verse number="1">Ngai nĩwĩsĩkĩwe kwa Yuta: Syĩtwa yake nĩ ĩnene kwa Isilaeli.</verse>
				<verse number="2">O na wĩkalo wake wĩ Saleme, Na ũtũo wake Saioni.</verse>
				<verse number="3">Nĩwatũlĩle mĩsyĩ ya ũta kw’o; Ngao, na ũvyũ, na kaũ.</verse>
				<verse number="4">We wĩ na ndaĩa nene na ũnene, Kũvĩtũka iĩma syĩ mũtavo.</verse>
				<verse number="5">Ala me ngoo syĩ vinya nĩmataviwe, Nĩmakomete too woo; Vati ũmwe wa andũ me ũtonyi waona moko moo.</verse>
				<verse number="6">Kwondũ wa ũkan’yo waku, we Ngai wa Yakovo, Ĩkasya ya kaũ na mbalasi nĩsyĩkĩtw’e toonĩ wa kĩkw’ũ.</verse>
				<verse number="7">We, o we, wĩ wa ũkĩwa; Na nũũ ũla ũtonya kũũngama mbee waku yĩla ũminĩte kũthata?</verse>
				<verse number="8">Nĩwatumie ũtw’ĩo wa sila wĩw’ĩka wumĩte ĩtunĩ; Nthĩ yakĩa, na yavindya,</verse>
				<verse number="9">Yĩla Ngai wokĩlile asile, Atangĩĩe ala auu onthe ma nthĩ.</verse>
				<verse number="10">Vate ndĩi ũthilĩku wa mũndũ ũkakũtaĩa: Ũthilĩku ũla ũtiele naku ũkeevotoa.</verse>
				<verse number="11">Ĩvĩte, nokĩanĩsya kwa Yeova Ngai waku: Onthe ala mamũthyũlũlũkĩte mamũetee mĩthĩnzĩo ũsu waĩle kũkĩwa.</verse>
				<verse number="12">Akatila veva wa anene me mbee ũsumbĩnĩ: Nake nĩ ũtĩsyo kwa asumbĩ ma nthĩ.</verse>
			</chapter>
			<chapter number="77">
				<verse number="1">Ngamwĩkaĩla Ngai na wasya wakwa, O Ngai na wasya wakwa; nake akambĩthukĩĩsya.</verse>
				<verse number="2">Mũthenya wa thĩna wakwa nĩnamũmanthie Mwĩaĩi: Kw’oko kwakwa kwaĩ kũtambũũku ũtukũ, na kũtyaaleela; Ngoo yakwa yalea kũkiakiw’a.</verse>
				<verse number="3">Nĩnĩlilikanaa Ngai, na ngĩthĩn’ya: Nĩnĩnyungunyĩasya, na veva wakwa nũthelaa vinya.</verse>
				<verse number="4">Nĩwĩkalasya metho makwa masyaĩĩsye: Nĩũũyĩte ũndũ ndatonya kũneena.</verse>
				<verse number="5">Nĩnĩsũanĩĩte ũndũ wa mĩthenya ya tene, Myaka ya mavinda ma tene, tene.</verse>
				<verse number="6">Nĩlilikanaa wathi wakwa ũtukũ: Nĩneenanasya na ngoo yakwa mwene; Na veva wakwa ũmanthaa na kĩthing’ĩĩsyo.</verse>
				<verse number="7">Mwĩaĩi akekya ũtee tene na tene? Na ndakethĩwa na ũseo ĩngĩ?</verse>
				<verse number="8">Ũseo waku wĩ wendo nũthelete kũvika tene na tene? Watho waku ũkalea kwĩanĩw’a tene na tene?</verse>
				<verse number="9">Ngai nĩũlĩtwe nĩ kwĩka nesa? Ũthatunĩ wake nũvingĩĩte matei make mololo?</verse>
				<verse number="10">Na nasya, ũu nĩ wonzu wakwa; Ĩndĩ ngalilikana myaka ya kw’oko kwa aũme kwa Ũla Wĩ Ĩũlũ wa Onthe.</verse>
				<verse number="11">Ngaweta meko ma Yeova; Nũndũ ngalilikana moseng’yo maku ma tene.</verse>
				<verse number="12">O na ngasũanĩa ũndũ wa wĩa waku w’onthe, Na kũsũanĩa meko maku.</verse>
				<verse number="13">Nzĩa yaku, we Ngai, yĩ nthĩnĩ wa vala vandũ vatheu: Nĩ ngai yĩva nene ĩilyĩ ta Ngai?</verse>
				<verse number="14">Nue Ngai ũla wĩkaa moseng’yo: Nũmanyĩthanĩtye vinya waku katĩ wa ngo sya andũ.</verse>
				<verse number="15">Nĩwovoetye andũ maku na kw’oko kwaku. Ana ma Yakovo na Yosevu.</verse>
				<verse number="16">Manzĩ nĩmakwonie, we Ngai; Manzĩ nĩmakwonie, makĩa: Syũngũ nasyo nĩsyatetemie.</verse>
				<verse number="17">Mathweo nĩmoonoisye manzĩ; Matu nĩmaumisye wasya: Mĩsyĩ yaku nayo nĩyaendie kw’onthe.</verse>
				<verse number="18">Wasya wa kĩtundumo kyaku waĩ kĩlinginĩ; Motisi mamulĩka nthĩ: Nthĩ yatetema na yathingitha.</verse>
				<verse number="19">Nzĩa yaku yaĩ ũkanganĩ, Na nzĩa syaku syaĩ manzĩnĩ maingĩ, Na matambya maku matyaamanyĩka.</verse>
				<verse number="20">Nĩwatongoesye andũ maku ta ndĩthya ya mbũi na malondu, Na kw’oko kwa Mose na Aluni.</verse>
			</chapter>
			<chapter number="78">
				<verse number="1">Ĩthukĩĩsyei mĩao yakwa, inyw’ĩ andũ makwa: Teai matũ menyu mwĩw’e ndeto sya kanyw’a wakwa.</verse>
				<verse number="2">Ngaathamya kanyw’a wakwa nĩneene ngelekan’yo; Nganeena nthimo sya tene,</verse>
				<verse number="3">Ila tweewie na kũmanya, Ila aaĩthe maitũ matũtavisye.</verse>
				<verse number="4">Tũtikaaiimĩthya syana syoo, Tũkĩtavya nzyawa ĩla yũkĩte ndaĩa sya Yeova, Na vinya wake, na mawĩa make ma ũseng’ya ala wekie.</verse>
				<verse number="5">Nũndũ nĩwalũlũmĩlye ũkũsĩ nthĩnĩ wa Yakovo, Na nĩwatwie mĩao nthĩnĩ wa Isilaeli, Ĩla weaĩe aaĩthe maitũ, Nĩ kana mamĩmanyĩthye syana syoo;</verse>
				<verse number="6">Nĩ kana nzyawa ĩla yũkĩte ĩmĩmanye, o ana ala makasyawa; Nao makookĩla na kũmatavya ana moo,</verse>
				<verse number="7">Nĩ kana maie wĩkwatyo woo vala ve Ngai, Na matikolwe nĩ mawĩa ma Ngai, Ĩndĩ makwate mĩao yake,</verse>
				<verse number="8">Na matikethĩwe ta aaĩthe moo, Nzyawa yĩ ngũlũ na ũng’endu, Nzyawa ĩla ĩtaaseũvya ngoo yayo, Na veva wayo ũtaalũman’ya na Ngai.</verse>
				<verse number="9">Syana sya Evalaimu, syĩ na mĩio ya kaũ na ikuĩte mata, Nĩsyeetulũlile mũthenya wa kũkita.</verse>
				<verse number="10">Ityaalũmya ũtianĩo wa Ngai, Na syalea kũendaa mĩaonĩ yake;</verse>
				<verse number="11">Na nĩsyoolilwe nĩ meko make, Na mawĩa make ma ũseng’ya ala wamonisye.</verse>
				<verse number="12">Nĩwekie maũndũ ma ũseng’ya aaĩthe moo mene, Nthĩ ya Misili, kĩlungunĩ kya ku Nzoani.</verse>
				<verse number="13">Nĩwaaanisye ũkanga, na amavĩtĩlya vo; Na atuma manzĩ maũngama ta kĩvumbu.</verse>
				<verse number="14">Na mũthenya amatongoesya na mũumbĩ, Na ũtukũ w’onthe na kyeni kya mwaki.</verse>
				<verse number="15">Aatũĩa mavia weũnĩ, Na amanenga kya ũnyw’a kingĩ ta kyumĩte syũngũnĩ.</verse>
				<verse number="16">O na aumya tũlũsĩ yĩla ĩvianĩ, Na atuma manzĩ matheea ta mbũsĩ.</verse>
				<verse number="17">Ĩndĩ nĩmaendeeie na kũmũvĩtanĩsya, Kũmũng’endeea weũnĩ Ũla Wĩ Ĩũlũ wa Onthe.</verse>
				<verse number="18">Na mamũtata Ngai ngoonĩ syoo Kwondũ wa kwĩtya lĩu kwĩanana na kwenda kwoo.</verse>
				<verse number="19">Ĩĩ, nĩmamũneeneie Ngai; Makyasya, Ngai nũtonya kwalan’ya mesa weũnĩ?</verse>
				<verse number="20">Sisya, nĩwakũnie ĩvia na manzĩ mauma na vinya, Na tũlũsĩ twavingĩte na tũkakĩla; Nake nũtonya kũnengane kĩmũtũ nakyo? Akanenga andũ make nyama?</verse>
				<verse number="21">Kwondũ wa ũu Yeova eew’a, na athilĩka; Na mwaki wamwakanĩa Yakovo, Na ũthatu naw’o wookĩlĩla Isilaeli;</verse>
				<verse number="22">Nĩkwĩthĩwa matyaamwĩtĩkĩla Ngai, Na matyaaĩkĩĩa ũtangĩĩonĩ wake.</verse>
				<verse number="23">Ĩndĩ eeaĩa matu me ĩũlũ, Na avingũa mĩomo ya ĩtunĩ;</verse>
				<verse number="24">Na amauĩsya ũla mana maye, Ĩĩ, amanenga lĩu wumĩte ĩtunĩ.</verse>
				<verse number="25">Kĩla mũndũ aya kĩmũtũ kya ala me ũtonyi: Amaetee lĩu wa kũmavũn’ya.</verse>
				<verse number="26">Nĩwatumie kĩseve kyumĩte wumĩlonĩ wa syũa kĩuutana matunĩ; Na nũndũ wa vinya wake atongoesya kĩseve kya ngalĩ ya ĩtheo.</verse>
				<verse number="27">O na amauĩsya nyama ta kĩtoo, O nyũnyi syĩ nthwau ta kĩthangathĩ kya maũkanga:</verse>
				<verse number="28">Na avalũkya katĩ wa mwako woo wa maeema, Kũthyũlũlũka motũo moo.</verse>
				<verse number="29">Na ĩndĩ maya, na mavũna vyũ; Na amanenga kwenda kwoo ene.</verse>
				<verse number="30">Matyaataanw’a nĩ kĩla mendete, Lĩu woo waĩ o makanyw’anĩ moo,</verse>
				<verse number="31">Yĩla ũthatu wa Ngai wamokĩlĩle, Na wooaa ala anou mbee moo, Na wavalũkya nthĩ anake ma Isilaeli.</verse>
				<verse number="32">Ĩndĩ o na ũu w’onthe nĩmaendeeie na kwĩka naĩ, Na matyaaĩtĩkĩla mawĩa make ma ũseng’ya.</verse>
				<verse number="33">Kwondũ wa ũu nĩwaminĩe mĩthenya yoo maũndũnĩ ma mana, Na myaka yoo ũtĩsyonĩ.</verse>
				<verse number="34">Yĩla wamoaie, nĩvo mamũmanthie; Na masyoka na mamũmantha Ngai na kĩthing’ĩĩsyo.</verse>
				<verse number="35">Na malilikana kana Ngai nĩ ĩvia yoo, Na Ngai Ũla Wĩ Ĩũlũ wa Onthe mwovosya woo.</verse>
				<verse number="36">Ĩndĩ nĩmendeeasya kwake na ndeto sya ũkathĩĩo sya makanyw’a moo, Na kũmũtavya movũngũ na nĩmĩ syoo.</verse>
				<verse number="37">Nũndũ ngoo syoo ityaĩ ndũngalu kwake, O na matyaĩ na kĩthito ũtianĩonĩ wake.</verse>
				<verse number="38">Ĩndĩ we, nũndũ aĩ na tei, aaekea ũthũku woo, na ndaamananga: Ĩĩ, mavinda maingĩ nĩwathyũũaa ũthatu wake, Na ndaokĩlya ũthilĩku wake w’onthe.</verse>
				<verse number="39">Na alilikana kana mo no mwĩĩ, Kĩseve kĩla kĩvĩtaa, na kĩtyũkaa ĩngĩ.</verse>
				<verse number="40">Nĩ mavinda meana mamũng’endee weũnĩ, Na kũmwĩw’ĩthya woo yalatanĩ!</verse>
				<verse number="41">Na meethyũũa ĩngĩ na mamũtata Ngai, Na kũthatya Ũla Mũtheu wa Isilaeli.</verse>
				<verse number="42">Matyaalilikana kw’oko kwake, Kana mũthenya ũla wamovoisye kuma kwa nthũ;</verse>
				<verse number="43">Kana ũndũ waiie movano make Misili, Na moseng’yo make kĩlungunĩ kya ku Nzoani,</verse>
				<verse number="44">Na atuma mbũsĩ syoo ialyũka nthakame, Na tũlũsĩ twoo, kwondũ wa ũu matyaatonya kũnyw’a.</verse>
				<verse number="45">Aete katĩ woo ngi mbingĩ, ila syamaminie; Na syoa, ila syamanangie.</verse>
				<verse number="46">O na anenga kĩthesa wingĩvo woo, Na ngie wĩa woo.</verse>
				<verse number="47">Nĩwanangie mĩsavivũ yoo na mbua ya mavia, Na mĩkũyũ yoo na ĩmwe yĩkamĩtw’e nĩ mbevo.</verse>
				<verse number="48">O na nĩwanenganie ng’ombe syoo mbuanĩ ya mavia, Na ndĩthya syoo sya mbũi na malondu motisinĩ mavyũ.</verse>
				<verse number="49">Amekĩsya wai wa ũthatu wake, Ũthilĩku, na woo, na thĩna, O nguthu ya alaĩka ma ũthũku.</verse>
				<verse number="50">Nĩwaseũvĩsye ũthatu wake nzĩa; Ndaasũvĩa mathayũ moo matikakw’e, Ĩndĩ anengane thayũ woo mũimũnĩ,</verse>
				<verse number="51">Na akũna makithathi onthe ma Misili, Nĩmo kĩtina kya vinya woo maeemanĩ ma Amu.</verse>
				<verse number="52">Ĩndĩ amaumaalya andũ make mwene ta malondu, Na amatongoesya weũnĩ ta ndĩthya ya mbũi na malondu.</verse>
				<verse number="53">Na amatongoeasya vate mũisyo, kwondũ wa ũu matyaakĩa; Ĩndĩ ũkanga wavw’ĩka amaitha moo.</verse>
				<verse number="54">Na amaete mũvakanĩ wake mũtheu, Kĩĩmanĩ kĩĩ, kĩla kw’oko kwake kwa aũme kwosete.</verse>
				<verse number="55">O na alũngya i mbaĩ mbee woo, Na amaaanisye kwa kũthima yĩthĩwe ũtiĩwa, Na atuma mbaĩ sya Isilaeli itũa maeemanĩ ma isu.</verse>
				<verse number="56">Ĩndĩ nĩmamũtatie na kũmũng’endea Ngai Ũla Wĩ Ĩũlũ wa Onthe, Na matyaakwata mokũsĩ make;</verse>
				<verse number="57">Ĩndĩ meetulũla, na meeka ũseleke ta aaĩthe moo; Nĩmaathũkiw’e ũtee ta ĩtati.</verse>
				<verse number="58">Nũndũ nĩmamũthatisye ũndũ wa kũndũ kwoo kũtũlu, Na mamwĩkĩa kĩwĩu ũndũ wa mĩvw’anano yoo myasũvye.</verse>
				<verse number="59">Yĩla Ngai wewie ũu, athilĩka, Na athĩtha Isilaeli mũno;</verse>
				<verse number="60">Kũvika atia wĩkalo wa Silo, Ĩeema yĩla waiĩte katĩ wa andũ;</verse>
				<verse number="61">Na anengane vinya wake kũtavwanĩ, Na ndaĩa yake mokonĩ ma mũmaitha.</verse>
				<verse number="62">O na nĩwanenganie andũ make ũvyũnĩ, Na athilĩkĩla ũtiĩwa wake.</verse>
				<verse number="63">Mwaki nĩwaminie anake moo; Na eĩtu moo atheu matyaĩ na wathi wa mũtwaano.</verse>
				<verse number="64">Athembi moo mavalũkw’a na ũvyũ; Na aka ndiwa syoo ityaaĩa.</verse>
				<verse number="65">Nĩvo ĩndĩ Ngai waamũkie ta ũmwe wumĩte toonĩ, Ta ngũmbaũ ĩlonzaw’a nĩ mbinyu.</verse>
				<verse number="66">Na akũna nthũ syake syasyoka na ĩtina: Aivũthĩthya mavinda onthe.</verse>
				<verse number="67">Na ĩngĩ alea ĩeema ya Yosevu, Na ndaanyuva mbaĩ ya Evalaimu,</verse>
				<verse number="68">Ĩndĩ anyuva mbaĩ ya Yuta, Kĩĩma kya Saioni kĩla wendaa.</verse>
				<verse number="69">Na nĩwakie vala vandũ vake vatheu ta motũlu, Ta nthĩ ĩla ũmĩlũlũmĩlye tene na tene.</verse>
				<verse number="70">O na anyuva Ndaviti mũthũkũmi wake, Na amumya syengonĩ sya malondu:</verse>
				<verse number="71">Amũete yĩla waatĩĩaa malondu me na tũtena, Eethĩwa mũĩthi wa Yakovo andũ make, na Isilaeli ũtiĩwa wake.</verse>
				<verse number="72">Na ĩndĩ aĩ mũĩthi woo kwĩanana na wĩanĩu wa ngoo yake, Na amatongoeasya na ũtuĩka wa moko make.</verse>
			</chapter>
			<chapter number="79">
				<verse number="1">Ame Ngai, i mbaĩ nilikĩte ũtiĩwanĩ waku; Nivukĩtye ĩkalũ yaku ĩtheu; Nitw’ĩkĩthĩtye Yelusaleme ivumbu.</verse>
				<verse number="2">Simba sya athũkũmi maku ninengete nyũnyi sya yayaya syĩthĩwe lĩu, Mĩĩ ya atheu maku ninengete nyamũ sya nthĩ.</verse>
				<verse number="3">Nĩsyetĩkisye nthakame yoo ta manzĩ kũthyũlũlũka Yelusaleme; Na vatyaĩ ũmwe wa kũmenzĩa nthĩ.</verse>
				<verse number="4">Nĩtũtw’ĩkĩte ma kũvũthĩĩw’a nĩ atũi maitũ, Na kũvũĩwa ngũĩ na kũthekeewa nĩ ala matũthyũlũlũkĩte.</verse>
				<verse number="5">Iĩ kũvika ĩndiĩ, ame Yeova? Ũkathata tene na tene? Kĩwĩu kyaku kĩkakana ta mwaki?</verse>
				<verse number="6">Onoesya ũthatu waku mbaĩ ila itakwĩsĩ, Na mosumbĩ ala matekwĩkaĩla syĩtwa yaku.</verse>
				<verse number="7">Nũndũ niminĩte Yakovo, Na nĩsyanangĩte ũtũo wake.</verse>
				<verse number="8">Ndũkatũlilikanĩle mothũku ma aaũmae maitũ: Matei maku mololo makomane maitũ mĩtũkĩ; Nũndũ nĩtũtheeetw’e mũno.</verse>
				<verse number="9">Tũtethye, ame Ngai wa ũtangĩĩo witũ, kwondũ wa ndaĩa ya syĩtwa yaku; Na tũvonokye, na kũtũekea naĩ sitũ, kwondũ wa syĩtwa yaku.</verse>
				<verse number="10">Nũndũ wa kĩ i mbaĩ syaasye, Ngai woo aĩva? Kũĩvanĩsya kwa nthakame ya athũkũmi maku ĩla mbĩtĩku Nĩkũmanyĩke katĩ wa i mbaĩ twene.</verse>
				<verse number="11">Kũvevũũka kwa ũla mwove nĩkũke mbee waku: Kwĩanana na ũnene wa vinya waku sũvĩa ala matw’ĩĩwe kũkw’a;</verse>
				<verse number="12">Na maĩve atũi maitũ kũndũ mũonza kĩthũinĩ kyoo Kĩvũthya kyoo, kĩla makũvũthisye nakyo, we Mwĩaĩi.</verse>
				<verse number="13">Kwondũ wa ũu ithyĩ andũ maku na malondu ma ĩĩthya yaku Tũkakũtũngĩa mũvea tene na tene: Tũkoonan’ya ndaĩa yaku nzyawanĩ syonthe.</verse>
			</chapter>
			<chapter number="80">
				<verse number="1">Tea kũtũ, we Mũĩthi wa Isilaeli, We ũla ũtongoeasya Yosevu ta ndĩthya ya mbũi na malondu; We ũla wĩkalaa ĩũlũ wa akeluvi, tisũka.</verse>
				<verse number="2">Akan’ya ũtonyi waku mbee wa Evalaimu na Mbenyamini na Manase, Noyũka ũtũtangĩĩe.</verse>
				<verse number="3">Tũthyũũe ĩngĩ, ame Ngai; Noitisĩthya ũthyũ waku, na tũkatangĩĩwa.</verse>
				<verse number="4">Ame Yeova Ngai wa nguthu, Ũkathatĩa mboya ya andũ maku kũvika ĩndĩĩ?</verse>
				<verse number="5">Nũmaathĩĩtye lĩu wa methoi, Na kũmanenga na kĩthimo kĩnene methoi ma ũnyw’a.</verse>
				<verse number="6">Nũtũtw’ĩte ma kũtetanĩw’a kwa atũi maitũ; Na amaitha maitũ nĩmethekeaa.</verse>
				<verse number="7">Tũthyũũe ĩngĩ, we Ngai wa nguthu; Noitisĩthya ũthyũ waku, na tũkatangĩĩwa.</verse>
				<verse number="8">Nĩwaetie mũsavivũ kuma Misili: Nĩwalũngilye i mbaĩ, na woovanda.</verse>
				<verse number="9">Nĩwaseũvisye vandũ vaw’o, Na nĩwatambũũkisye mĩi nthĩnĩ wa nthĩ, na kusũa ĩ nthĩ.</verse>
				<verse number="10">Iĩma syavw’ĩkwa nĩ muunyĩ waw’o, Na ndĩso syaw’o syaĩ ta mĩkũũ ya Ngai.</verse>
				<verse number="11">Watambũũkya ndĩso syaw’o kũvika ũkanganĩ, Na nthongoo syaw’o kũvika ũla Ũsĩ.</verse>
				<verse number="12">Nĩkĩ ũomboete maũvai maw’o, Ũkethĩa onthe ala mavĩtĩlaa nzĩanĩ nĩmekũtw’a?</verse>
				<verse number="13">Ngũũe ya mũtitũnĩ nĩwanangaa, Na nyamũ mbai sya kĩthekanĩ nĩsyũĩsaa.</verse>
				<verse number="14">Ĩthyũũe ĩngĩ, nĩtũũkwĩsũva, ame Ngai wa nguthu: Keteea nthĩ wĩ ĩtunĩ, na sisya, noyũka vala ve mũsavivũ ũũ,</verse>
				<verse number="15">Na kĩtina kĩla kyavandiwe nĩ kw’oko kwaku kwa aũme, Na mũĩso ũla weekĩie vinya kwondũ waku mwene.</verse>
				<verse number="16">Nũvĩvĩtw’e na mwaki, nũtemewe nthĩ: Nĩmekwaa ũndũ wa ũkan’yo wa ũthyũ waku.</verse>
				<verse number="17">Kw’oko kwaku nĩkwĩthĩwe ĩũlũ wa mũndũ wa kw’oko kwaku kwa aũme, Ĩũlũ wa mwana wa mũndũ ũla wamwĩkĩie vinya ũndũ waku mwene.</verse>
				<verse number="18">Na ĩndĩ tũtikasyoka kuma vala ũĩ: Tũthayũũkye, na tũkeekaĩla syĩtwa yaku.</verse>
				<verse number="19">Tũthyũũe ĩngĩ, ame Yeova Ngai wa nguthu; Noitisĩthya ũthyũ waku, na tũkatangĩĩwa.</verse>
			</chapter>
			<chapter number="81">
				<verse number="1">Mwinĩei na wasya Ngai vinya witũ: Ũkĩlĩlyai Ngai wa Yakovo wasya wa ũtanu.</verse>
				<verse number="2">Anĩĩsyai wathi, etei kathembe, Mbeve nzeo vamwe na kĩnanda.</verse>
				<verse number="3">Vuvai soo mwei watisa, Mwei watheea, mũthenya wa mboka yaitũ.</verse>
				<verse number="4">Nũndũ nĩ mwamũlo ũndũ wa Isilaeli, Ũtw’ĩo wa Ngai wa Yakovo.</verse>
				<verse number="5">Nĩwotwie wĩthĩwe ũkũsĩ kwa Yosevu, Yĩla waumie nthĩ ya Misili, Vala neewie kĩthyomo kĩla ndaamanya.</verse>
				<verse number="6">Nĩnaũie kĩtuo kyake mũio: Moko make mataanw’a na kĩkavũ.</verse>
				<verse number="7">Nĩweekaĩlile wĩ thĩnanĩ, nakwa nakũvonokya; Nĩnakũsũngĩie kĩmbithĩnĩ kya kĩtundumo; Nĩnakũoesye manzĩnĩ ma Miliva.</verse>
				<verse number="8">Ĩthukĩĩsyei, inyw’ĩ andũ makwa, na ngakũkũsĩĩa: Ame Isilaeli, kethĩwa nũmbĩthukĩĩsya!</verse>
				<verse number="9">Kũtikethĩwe ngai ngeni nthĩnĩ waku; O na ndũkathaithe ngai o na yĩva ya nthĩ ĩngĩ.</verse>
				<verse number="10">Ninyie Yeova Ngai waku, Ũla wakumisye nthĩ ya Misili: Athamya kanyw’a waku vyũ, nakwa ngawusũsya.</verse>
				<verse number="11">Ĩndĩ andũ makwa matyaaĩthukĩĩsya wasya wakwa; Na Isilaeli matyaambĩtĩkĩla.</verse>
				<verse number="12">Kwondũ wa ũu namaeka maatĩĩe ngũlũ sya ngoo syoo, Nĩ kana maendae motaonĩ moo ene.</verse>
				<verse number="13">A! Kethĩwa andũ makwa nĩmambĩthukĩĩsya, Kethĩwa Isilaeli nĩmakinya nzĩanĩ syakwa!</verse>
				<verse number="14">Nĩthĩwa nĩmakĩlĩlya vinya amaitha moo mĩtũkĩ, Na kũthyũũĩa nthũ syoo kw’oko kwakwa.</verse>
				<verse number="15">Ameni ma Yeova methĩwa mamwĩnyivĩsya: Ĩndĩ ĩvinda yoo yĩkekala tene na tene.</verse>
				<verse number="16">O na nũmaĩthya na nganũ ĩla nzeo mbee; Na ngĩkũvũn’ya na ũkĩ wa nzũkĩ wumĩte ivianĩ.</verse>
			</chapter>
			<chapter number="82">
				<verse number="1">Ngai nũũngamaa ũmbanonĩ wa Ngai; Nũsilanasya katĩ wa i ngai.</verse>
				<verse number="2">Mũkasilaa sila ũte mũlũngalu kũvika ĩndĩĩ, Na kwendeesya ala athũku?</verse>
				<verse number="3">Silan’ya ngya na ala makw’ĩĩwe nĩ aaĩthe: Sila sila wa katĩ kwa ala mathĩnaw’a na ala mate kĩndũ.</verse>
				<verse number="4">Tangĩĩa ngya na athĩni: Mavonokye kw’okonĩ kwa ala athũku.</verse>
				<verse number="5">Matyĩsĩ, o na matikũmanya; Nĩmangangaa kũũ na kũũ nthĩnĩ wa kĩvindu: Myambĩlĩlyo yonthe ya nthĩ nĩthingithangĩtw’e.</verse>
				<verse number="6">Naisye, Inyw’ĩ mwĩ ngai, Na inyw’onthe mwĩ ana ma Ũla Wĩ Ĩũlũ wa Onthe.</verse>
				<verse number="7">Ĩndĩ mũkakw’a o ta andũ, Na kũvalũka ta ũmwe wa ala me mbee ũsumbĩnĩ.</verse>
				<verse number="8">Ũkĩla, ame Ngai, silĩla nthĩ; Nũndũ mbaĩ syonthe ikeethĩwa ũtiĩwa waku.</verse>
			</chapter>
			<chapter number="83">
				<verse number="1">Ame Ngai, ndũkekilĩlye: Ndũkavindye, ndũkakilye, ame Ngai.</verse>
				<verse number="2">Nũndũ, sisya, amaitha maku nĩmeũkĩlya kĩtuu; Na ala makũmenaa nĩmokĩlĩtye mũtwe.</verse>
				<verse number="3">Nĩmasamanasya ũndũ wa andũ maku, Na kũsũanĩa vamwe ĩũlũ wa andũ maku ala avithe.</verse>
				<verse number="4">Nĩmaĩtye, Ũkai, tũmavete matikethĩwe mbaĩ; Nĩ kana syĩtwa ya Isilaeli yĩtikaalilikanwe ĩngĩ.</verse>
				<verse number="5">Nũndũ nĩmasũanĩĩte vamwe na ngoo ĩmwe; Nĩmekũseũvya wĩw’ano ĩũlũ waku:</verse>
				<verse number="6">Maeema ma Etomu na Aisumaeli; Moavi, na Aakali;</verse>
				<verse number="7">Ngevali, na Amimoni, na Amaleki; Vilisitia vamwe na ala matwĩe Tile:</verse>
				<verse number="8">Asuli nayo nĩkwatene nao; Nĩmatethetye ana ma Loto.</verse>
				<verse number="9">Meke o tondũ weekie Mitiani, Ta Sisela, ta Yavini, ũsĩnĩ wa Kisoni;</verse>
				<verse number="10">Ala maaĩe ku Eni‐ndoli, Ala matw’ĩkie ta vũũ kwondũ wa nthĩ.</verse>
				<verse number="11">Tw’ĩkĩthya anene moo me ndaĩa ta Olevi na Nzeevu; Ĩĩ, anene moo onthe me mbee ũsumbĩnĩ ta Nzeva na Nzalimuna;</verse>
				<verse number="12">Ala maisye, Twĩyosee methĩwe maitũ Motũo ma Ngai.</verse>
				<verse number="13">Ame Ngai wakwa, matw’ĩkĩthye ta kĩlingi kya kĩtoo; Ta ũa mbee wa kĩseve.</verse>
				<verse number="14">Ta mwaki ũla ũvĩvasya mũtitũ, Na ta kĩtw’ĩki kĩla kĩkwatasya iĩma mwaki,</verse>
				<verse number="15">O ta ũu maatĩĩe na kĩuutani kyaku, Na kũmatĩsya na kĩseve kyaku kĩnene.</verse>
				<verse number="16">Usũsya mothyũ moo nthoni, Nĩ kana mamanthe syĩtwa yaku, we Yeova.</verse>
				<verse number="17">Masonokw’e na mateve tene na tene; Ĩĩ, mathokoanw’e na kwaa;</verse>
				<verse number="18">Nĩ kana mamanye no we wĩ weka, syĩtwa yaku nĩ Yeova, Nue Wĩ Ĩũlũ wa Onthe ĩũlũ wa nthĩ yonthe.</verse>
			</chapter>
			<chapter number="84">
				<verse number="1">A! Mawĩkalo maku nĩ maseo, We Yeova wa nguthu!</verse>
				<verse number="2">Ngoo yakwa yĩ na mea, ĩĩ, o na kũthelekela kwondũ wa nza sya Yeova; Ngoo yakwa na mwĩĩ wakwa nĩsyĩkaĩlaa Ngai ũla wĩ thayũ.</verse>
				<verse number="3">Ĩĩ, mũthoonzwe nĩwĩyoneete nyũmba, Na nthũngũlũlũ ndala, vala ĩtonya kwia tũswii twayo, O ithembeonĩ syaku, we Yeova wa nguthu, Mũsumbĩ wakwa, na Ngai wakwa.</verse>
				<verse number="4">Nĩ aathime ala matũaa nyũmbanĩ yaku: Makaendeea na ũkũtaĩa.</verse>
				<verse number="5">Nĩ mũathime mũndũ ũla vinya wake wĩ nthĩnĩ waku; Ũla malelũ ma kũthi Saioni me ngoonĩ yake.</verse>
				<verse number="6">Makĩvĩtĩla kyandanĩ kya Kũĩa nĩmeũkĩtw’ĩkĩthya vandũ va mbuluti; Ĩĩ, mbua ya nthwa nĩnĩũkĩvw’ĩka na moathimo.</verse>
				<verse number="7">Nĩmaendaa kuma vinyanĩ kũthi vinyanĩ; Kĩla ũmwe woo nĩwumĩlaa mbee wa Ngai ku Saioni</verse>
				<verse number="8">Ame Yeova Ngai wa nguthu, ĩw’a mboya yakwa; Tea kũtũ, ame Ngai wa Yakovo.</verse>
				<verse number="9">Sisya, ame Ngai ngao yaitũ, Noisisya ũthyũ wa mwĩtĩkĩw’a mauta waku.</verse>
				<verse number="10">Nũndũ mũthenya ũmwe nĩ nthĩnĩ wa nza syaku nĩ kavaa kwĩ mĩthenya ngili. Nĩ kavaa kwakwa kwĩthĩwa mũsũvĩi wa mũomonĩ nyũmbanĩ ya Ngai wakwa, Kwĩ kwĩkalaa maeemanĩ ma ũthũku.</verse>
				<verse number="11">Nũndũ Yeova Ngai nĩ syũa na ngao: Yeova akanengane mumo na ndaĩa; Ndakamaima kĩndũ kĩseo ala maendaa na mĩendele myaĩlu.</verse>
				<verse number="12">We Yeova wa nguthu, Nĩ mũathime mũndũ ũla ũkũĩkĩĩaa.</verse>
			</chapter>
			<chapter number="85">
				<verse number="1">Yeova, nĩwĩkĩĩte nthĩ yaku mwaĩla; Nũtũngĩte Yakovo kuma kũtavwanĩ.</verse>
				<verse number="2">Nũekete ũthũku wa andũ maku; Nũvw’ĩkĩte naĩ yoo yonthe.</verse>
				<verse number="3">Nũvetete ũthilĩku waku w’onthe; Nĩwĩthyũũĩte ũkoeka wai wa ũthatu waku.</verse>
				<verse number="4">Tũthyũũe, ame Ngai wa ũtangĩĩo witũ, Noituma ũthilĩku waku ũla ũtwelekele ũthela.</verse>
				<verse number="5">Ũkatũthatĩa tene na tene? Ũkatũasya ũthatu waku kũvika nzyawa syonthe?</verse>
				<verse number="6">Ndwĩtũthayũũkya ĩngĩ, Nĩ kana andũ maku makũtanĩae?</verse>
				<verse number="7">Twon’ye ũseo waku wĩ wendo, ame Yeova, Noitũnenga ũtangĩĩo waku.</verse>
				<verse number="8">Ngeethukĩĩsya ũndũ Ngai Yeova wĩneena; Nũndũ akaneena mũuo kwa andũ make, na kwa atheu make: Ĩndĩ matikethyũũĩe ũtumanu ĩngĩ.</verse>
				<verse number="9">Vate ndĩi ũtangĩĩo wake wĩ vakuvĩ na ala mamũkĩaa, Nĩ kana ndaĩa yĩkale nthĩ yaitũ.</verse>
				<verse number="10">Tei na w’o nikomanĩte; Ũlũngalu na mũuo nimumunyanĩte.</verse>
				<verse number="11">W’o nĩwumĩlĩte nthĩ; Na ũlũngalu nũsyaĩtye nthĩ wĩ ĩtunĩ.</verse>
				<verse number="12">Ĩĩ, Yeova akanengane kĩla kĩseo; Na nthĩ yaitũ ĩkaingĩvasya ũsyao wayo.</verse>
				<verse number="13">Ũlũngalu ũkatongoasya mbee wake, Na ũkatw’ĩkĩthya matambya make nzĩa ya kũendelaa.</verse>
			</chapter>
			<chapter number="86">
				<verse number="1">Tea kũtũ kwaku, ame Yeova, noinzũngĩa; Nũndũ nĩ ngya na mũthĩni.</verse>
				<verse number="2">Sũvĩa thayũ wakwa; nũndũ nĩmũkĩaa Ngai: Ame Ngai wakwa, tangĩĩa mũthũkũmi waku ũla ũkũĩkĩĩaa.</verse>
				<verse number="3">Mbĩw’ĩa tei, ame Mwĩaĩi; Nũndũ nĩnĩkwĩkaĩlaa mũthenya w’onthe.</verse>
				<verse number="4">Tanĩthya ngoo ya mũthũkũmi waku; Nũndũ nĩnĩkũkĩlĩlasya ngoo yakwa, ame Mwĩaĩi.</verse>
				<verse number="5">Nũndũ wĩ mũseo, Mwĩaĩi, na nĩwĩyũmbanĩtye kũekea, Na wĩ na ũseo mwingĩ wĩ wendo kwa onthe ala mekwĩkaĩlaa.</verse>
				<verse number="6">Tea kũtũ, ame Yeova, wĩw’e mboya yakwa; Na ĩthukĩĩsye wasya wa mawĩsũvano makwa.</verse>
				<verse number="7">Mũthenya wa thĩna wakwa ngakwĩkaĩla; Nũndũ ũkanzũngĩa.</verse>
				<verse number="8">Vaiĩ nongi ũilyĩ taku katĩ wa i ngai, we Mwĩaĩi; O na vai mawĩa mailyĩ mawĩa maku.</verse>
				<verse number="9">Mbaĩ syonthe ila woombie ikooka na kũthaithĩa mbee waku, we Mwĩaĩi; Na ikataĩa syĩtwa yaku.</verse>
				<verse number="10">Nũndũ wĩ mũnene, na nĩwĩkaa maũndũ ma ũseng’ya: No we Ngai wĩ weka.</verse>
				<verse number="11">Manyĩsya nyie nzĩa yaku, we Yeova; ngaendaa nthĩnĩ wa w’o waku: Ũmban’ya ngoo yakwa ĩkĩae syĩtwa yaku.</verse>
				<verse number="12">Ngakũtaĩa, we Mwĩaĩi Ngai wakwa, na ngoo yakwa yonthe; Na ngataĩa syĩtwa yaku tene na tene.</verse>
				<verse number="13">Nũndũ ũseo waku wĩ wendo nĩ mũnene kwakwa; Na nũvonoketye ngoo yakwa kuma kũndũ kwĩ ĩtheo vyũ ku Seoli.</verse>
				<verse number="14">We Ngai, ekathĩĩi nĩmambũkĩlĩle, Na nguthu ya andũ ang’endu nĩmanthĩte thayũ wakwa, Na matikwiĩte mbee woo.</verse>
				<verse number="15">Ĩndĩ we, Mwĩaĩi, wĩ Ngai wĩ tei na mũseo, Mũmĩĩsya wa kũthata, na wĩ na ũseo mwingĩ wĩ wendo na w’o.</verse>
				<verse number="16">Ame ĩnthyũũĩe, noimbĩw’ĩa tei; Nenga mũthũkũmi waku vinya waku, Noitangĩĩa mwana wa mũthũkũmi waku mwĩĩtu.</verse>
				<verse number="17">Mbon’ya ũvano wa ũseo, Nĩ kana ala mamenaa matonye kũwona, na kũsonoka, Nĩkwĩthĩwa we, Yeova, nũndethetye, na kũngiakisya.</verse>
			</chapter>
			<chapter number="87">
				<verse number="1">Mwambĩlĩlyo wayo wĩ iĩmanĩ ntheu.</verse>
				<verse number="2">Yeova nĩwendaa mbingĩlo sya Saioni Kũvĩtũka motũo onthe ma Yakovo.</verse>
				<verse number="3">Nũwetawa maũndũ ma ũkũtaĩa, We ndũa ya Ngai.</verse>
				<verse number="4">Ngaweta Laavi na Mbaviloni ta imwe katĩ wa ila imbĩsĩ: Sisya, Vilisitia, na Tile, vamwe na Ethiovia: Ũũ nĩwasyaĩwe kw’o.</verse>
				<verse number="5">Ĩĩ, kũkaneenwa ũndũ wa Saioni, Ũũ na ũya nĩmasyaĩwe nthĩnĩ wayo; Na Ũla Wĩ Ĩũlũ wa Onthe we mwene akamĩlũlũmĩlya.</verse>
				<verse number="6">Yeova akatala, yĩla wĩandĩka ngo sya andũ, Ũũ nĩwasyaĩwe kw’o.</verse>
				<verse number="7">Ala meinaa o na ala mesungaa makasya, Nthongo syakwa syonthe syĩ nthĩnĩ waku.</verse>
			</chapter>
			<chapter number="88">
				<verse number="1">Ame Yeova, Ngai wa ũtangĩĩo wakwa, Nĩngwĩkaĩlĩte mbee waku mũthenya na ũtukũ.</verse>
				<verse number="2">Mboya yakwa ĩlike vala ũĩ; Tea kũtũ kwaku wĩw’e kĩĩo kyakwa.</verse>
				<verse number="3">Nũndũ ngoo yakwa nĩyusũĩte mathĩna, Na thayũ wakwa nũthengeee Seoli.</verse>
				<verse number="4">Nĩndalanĩlw’e na ala matheeaa yĩla ĩimanĩ; Nĩilyĩ ta mũndũ ũte na mũtethya.</verse>
				<verse number="5">Nĩkĩtw’e ũtee katĩ wa akw’ũ, Ta oawa ala makomaa mbũanĩ, Ala ũtamalilikana ĩngĩ, Na nĩmavetetwe kw’okonĩ kwaku.</verse>
				<verse number="6">Nũmbiĩte ĩimanĩ yĩ ĩtheo vyũ, Kũndũnĩ kwĩ kĩvindu, molikunĩ.</verse>
				<verse number="7">Ũthilĩku waku nĩ mũito kwakwa, Na nũnthĩnĩtye na itulumo syaku syonthe.</verse>
				<verse number="8">Nĩwĩkĩtye ala nĩsene nao kũasa nakwa; Nũndw’ĩte ũthatyo kwoo: Nĩmbingĩwe, na nditonya kumaala.</verse>
				<verse number="9">Itho yakwa nĩyĩseekee nũndũ wa thĩna: Nĩngũkwĩkaĩla kĩla mũthenya, we Yeova; Nĩngũkũtambũũkĩsya moko makwa.</verse>
				<verse number="10">Ũkamon’ya akw’ũ moseng’yo? Ala makwie makookĩla na ũkũtaĩa?</verse>
				<verse number="11">Ũseo waku wĩ wendo ũkatavanw’a mbũanĩ? Kana kĩthito kyaku Wanangĩkonĩ?</verse>
				<verse number="12">Moseng’yo maku makamanyĩka kĩvindunĩ? Na ũlũngalu waku nthĩ ya mbũlwa?</verse>
				<verse number="13">Ĩndĩ nĩngwĩkaĩlĩte, we Yeova; Na kĩoko mboya yakwa ĩkambata vala ũĩ.</verse>
				<verse number="14">Yeova, nĩkĩ wĩkasya ũtee ngoo yakwa? Nũndũ wa kĩ nũmbithaa ũthyũ waku?</verse>
				<verse number="15">Nĩthĩnĩte na kwĩyũmbanĩsya kũkw’a kuma wana wakwa kũvika yu: Yĩla nĩthĩnaw’a nĩ motĩsyo maku nĩvũavũanĩtw’e.</verse>
				<verse number="16">Ũthatu waku mwai nũvĩtĩle ĩũlũ wakwa; Motĩsyo maku nĩmambetete.</verse>
				<verse number="17">Nĩmanthyũlũlũkile ta manzĩ mũthenya w’onthe; Nĩmanthyũlũlũkile vamwe.</verse>
				<verse number="18">Mwendwa na mũnyanya nũmavetete kũasa nakwa, Na ũla nĩsene nake ekw’a kĩvindunĩ.</verse>
			</chapter>
			<chapter number="89">
				<verse number="1">Ngainaa ũndũ wa ũseo wĩ wendo wa Yeova tene na tene: Na ngamanyĩthya nzyawa syonthe kĩthito kyaku na kanyw’a wakwa.</verse>
				<verse number="2">Nũndũ naĩtye, Tei ũkaakĩka tene na tene; Kĩthito kyaku ũkakĩlũlũmĩlya matunĩ nthĩnĩ.</verse>
				<verse number="3">Nĩtianĩĩte ũtianĩo na mũnyuvwa wakwa, Nĩmwĩavĩĩte Ndaviti mũthũkũmi wakwa:</verse>
				<verse number="4">Ũsyao waku ngoolũlũmĩlya tene na tene, Na kwaka kĩvĩla kyaku kya ũsumbĩ kũvika nzyawa syonthe.</verse>
				<verse number="5">Na matu makataĩa moseng’yo maku, we Yeova; O na kĩthito kyaku ũmbanonĩ wa ala atheu.</verse>
				<verse number="6">Nũndũ nũũ matunĩ ũla ũtonya kũelekanw’a na Yeova? Nũũ katĩ wa ana ma ala me ũtonyi ũilyĩ Yeova,</verse>
				<verse number="7">Ngai ũla wa kũtĩsya mũno nzamanĩ ya ala atheu, Na wa ũkĩwa kũvĩtũka onthe ala mamũthyũlũlũkĩte?</verse>
				<verse number="8">We Yeova Ngai wa nguthu, Nũũ ũla wĩ ũtonyi, ũilyĩ taku, we Yeova? Na kĩthito kyaku nĩkĩkũthyũlũlũkĩte.</verse>
				<verse number="9">Nũsumbĩkaa ngathĩĩo ya ũkanga: Yĩla itulumo syaw’o syũkĩlaa, nĩwivindĩthasya.</verse>
				<verse number="10">Nũtũlangĩte Laavi ilungu, ta ũmwe wũaĩtwe; Nũnyaĩĩkĩtye amaitha maku na kw’oko kwa vinya waku.</verse>
				<verse number="11">Matu nĩ maku, nthĩ nayo nĩ yaku: Nthĩ na wasũu wayo, nue wasyambĩlĩlye.</verse>
				<verse number="12">Ngalĩ ya ĩũlũ na ngalĩ ya ĩtheo, nue wasyũmbie: Tavoli na Elimoni nitanaa syĩtwanĩ yaku.</verse>
				<verse number="13">Wĩ na kw’oko kwĩ ũtonyi; Kw’oko kwaku kwĩ vinya, na kw’oko kwaku kwa aũme nĩ kũtũlu.</verse>
				<verse number="14">Ũlũngalu na sila wa katĩ nĩsyo wambĩlĩlyo wa kĩvĩla kyaku kya ũsumbĩ: Ũseo wĩ wendo na w’o niendaa mbee wa ũthyũ waku.</verse>
				<verse number="15">Kũathimwa nĩ andũ ala mesĩ wasya wa ũtanu: Nĩmaendaa kyeninĩ kya ũthyũ waku, we Yeova.</verse>
				<verse number="16">Nĩmatanaa syĩtwanĩ yaku mũthenya w’onthe; Na nĩmanenevaw’a ũlũngalunĩ waku</verse>
				<verse number="17">Nũndũ nue ndaĩa ya vinya woo; Na ũseonĩ waku ũvya witũ ũkanenevw’a.</verse>
				<verse number="18">Nũndũ ngao yaitũ nĩ ya Yeova; Na mũsumbĩ waitũ nĩ wa Ũla Mũtheu wa Isilaeli.</verse>
				<verse number="19">Nĩvo ĩndĩ waneenie na atheu maku woninĩ, Na wasya, Niĩte ũtethyo ĩũlũ wa ũmwe wĩ ũtonyi; Nĩnenevetye ũmwe ũnyuvĩtwe andũnĩ.</verse>
				<verse number="20">Nĩnonete Ndaviti mũthũkũmi wakwa; Nĩmwĩtĩkĩĩtye mauta makwa matheu:</verse>
				<verse number="21">Ũla kw’oko kwakwa kũkalũlũmĩlya; O na kw’oko kwakwa kũkamwĩkĩa vinya.</verse>
				<verse number="22">Mũmaitha ndakamũng’endea, Kana mwana wa ũthũku kũmũthĩn’ya.</verse>
				<verse number="23">Na ngakũnĩa nthũ syake mbee wake ivalũke nthĩ, Na kũmakũna ala mamũmenaa.</verse>
				<verse number="24">Ĩndĩ kĩthito kyakwa na ũseo wakwa wĩ wendo ikeethĩwa nake; Na syĩtwanĩ yakwa ũvya wake ũkanenevw’a.</verse>
				<verse number="25">O na ngailĩĩla kw’oko kwake ũkanganĩ, Na kw’oko kwake kwa aũme mbũsĩnĩ.</verse>
				<verse number="26">Akeengaĩla, Nue Ĩthe wakwa, Ngai wakwa, na ĩvĩa ya ũtangĩĩo wakwa.</verse>
				<verse number="27">O na ngamũtw’ĩkĩthya mũsyawa wakwa wa mbee, Ũla wĩ ĩũlũ wa asumbĩ ma nthĩ.</verse>
				<verse number="28">Ũseo wakwa wĩ wendo ngekalya kwondũ wake tene na tene; Na ũtianĩo wakwa nake ũkalũma.</verse>
				<verse number="29">Ũsyao wake naw’o ngatuma wĩkala tene na tene, Na kĩvĩla kyake kya ũsumbĩ ta mĩthenya ya ĩtu.</verse>
				<verse number="30">Ethĩwa syana syake ikatia mĩao yakwa, Na itikaenda motw’ĩonĩ makwa;</verse>
				<verse number="31">Ethĩwa ikatũla myamũlo yakwa, Na itiũkwata mĩao yakwa;</verse>
				<verse number="32">Nĩvo ĩndĩ ngasilĩla ĩvĩtyo yoo na ndata, Na ũthũku woo na makũna.</verse>
				<verse number="33">Ĩndĩ ũseo wakwa wĩ wendo ndikaumya kwake vyũ, Kana kũeka kĩthito kyakwa kĩthele.</verse>
				<verse number="34">Ũtianĩo wakwa ndikawananga, Kana kũalyũla ũndũ wumĩte ilomonĩ syakwa.</verse>
				<verse number="35">Nĩvĩtĩte o ĩmwe na ũtheu wakwa: Ndikamũtavya Ndaviti ũvũngũ:</verse>
				<verse number="36">Ũsyao wake ũkekalaa tene na tene, Na kĩvĩla kyake kya ũsumbĩ ta syũa mbee wakwa.</verse>
				<verse number="37">Kĩkalũlũmĩlw’a ta mwei tene na tene, Na ta ũkũsĩ wĩ kĩthito ĩtunĩ.</verse>
				<verse number="38">Ĩndĩ nĩwekisye ũtee na walea, Wĩthĩĩtwe ũthilĩkĩle mwĩtĩkĩw’a mauta waku.</verse>
				<verse number="39">Nũthĩthĩte ũtianĩo wa mũthũkũmi waku: Nũvukĩtye ngovia yake ya ũsumbĩ ũndũ wa kũmĩkya nthĩ.</verse>
				<verse number="40">Nĩwanangĩte mbiio syake syonthe; Nũtw’ĩkĩthĩtye ngome syake syĩ vinya moomboku.</verse>
				<verse number="41">Onthe ala mavĩtĩlaa nzĩanĩ makĩmũvuta: Nũtw’ĩkĩte wa kũvũthw’a nĩ atũi make.</verse>
				<verse number="42">Nũnenevetye kw’oko kwa aũme kwa nthũ syake; Nũtumĩte amaitha make onthe matana.</verse>
				<verse number="43">Ĩĩ, nũũtũnga ũvyũ wake, Na ndwaatuma aũngama kaũnĩ.</verse>
				<verse number="44">Nũtumĩte ũtisu wake ũthela, Na kwĩkya nthĩ kĩvĩla kyake kya ũsumbĩ.</verse>
				<verse number="45">Nũkuvĩvĩtye mĩthenya ya wana wake: Nũmũvw’ĩkĩte nthoni.</verse>
				<verse number="46">Nĩ ĩvinda yĩana ata, ame Yeova? Ũkeevitha kũvika tene na tene? Ũthilĩku waku ũkaakana ta mwaki kũvika ĩndĩĩ?</verse>
				<verse number="47">Ame lilikana ũndũ ĩvinda yakwa yĩkuvĩvĩte: Kaĩ ũmbĩte ana onthe ma andũ mana!</verse>
				<verse number="48">Mũndũ nĩ wĩva ũla ũkekalaa thayũ na ndakona kĩkw’ũ, Ũla ũkavonokya thayũ wake kuma vinyanĩ wa Seoli?</verse>
				<verse number="49">Mwĩaĩi, moseo maku me wendo ma tene maĩva, Ala wamwĩavĩe Ndaviti kĩthitonĩ kyaku?</verse>
				<verse number="50">Mwĩaĩi, lilikana kũvũthw’a kwa athũkũmi maku; Ũndũ nĩkuaa kĩthũinĩ kyakwa kũvũthw’a nĩ ngo syonthe sya andũ syĩ ũtonyi,</verse>
				<verse number="51">Kũla amaitha maku mavũthĩtye nakw’o, we Yeova, Kũla mavũthĩtye matambya ma mwĩtĩkĩw’a mauta waku.</verse>
				<verse number="52">Nataĩwe Yeova tene na tene. Ameni, na Ameni.</verse>
			</chapter>
			<chapter number="90">
				<verse number="1">Mwĩaĩi, wĩthĩĩtwe ũtũo witũ Nzyawanĩ syonthe.</verse>
				<verse number="2">Ĩĩma itanamba kumĩlw’a, Kana ũtanamba kũmba mũthanga na nthĩ, O kuma tene na tene kũvika tene na tene, nue Ngai.</verse>
				<verse number="3">Nũmũtũngaa mũndũ ethĩwe kĩtoo, Na kwasya, Syokai, inyw’ĩ ana ma andũ.</verse>
				<verse number="4">Nũndũ myaka ngili methonĩ maku Nĩ ta ĩoo yĩla ĩvĩtu, Na ta ũsyaĩĩsyo wa ũtukũ.</verse>
				<verse number="5">Nũũmatwaa ta matwaĩtwe nĩ manzĩ maingĩ; nao nĩ ta akomu: Kĩoko mailyĩ nyeki ila syĩanaa.</verse>
				<verse number="6">Kĩoko nikwaĩla, na kwĩana; Wĩoo niũtilwa na kũma.</verse>
				<verse number="7">Nũndũ nĩtũminĩtwe ũthatunĩ waku, Na nĩtũthĩnĩtw’e ũthilĩkunĩ waku.</verse>
				<verse number="8">Nĩwiĩte mothũku maitũ mbee waku, Na naĩ sitũ sya kĩmbithĩ kyeninĩ kya ũthyũ waku.</verse>
				<verse number="9">Nũndũ mĩthenya yaitũ yonthe nĩthelele ũthilĩkunĩ waku: Nĩtũkũmina myaka yaitũ ta kũvevũũka.</verse>
				<verse number="10">Mĩthenya ya myaka yaitũ nĩ myaka mĩongo mũonza, Kana ũla wĩ na vinya myaka mĩongo nyanya; Ĩndĩ ngathĩĩo yayo no wĩa na woo; Nũndũ nĩnĩũthela mĩtũkĩ, na ithyĩ nĩtũkũvĩta.</verse>
				<verse number="11">Nũũ wĩsĩ vinya wa ũthatu waku, Na ũthilĩku waku kwĩanana na kũkĩwa kũla kũkwaĩla?</verse>
				<verse number="12">Tũmanyĩsye kũtala mĩthenya yaitũ, Nĩ kana twĩyosee ngoo yĩ ũĩ.</verse>
				<verse number="13">Syoka, ame Yeova; nĩ ĩvinda yĩana ata? Ĩalyũle ũndũ wa athũkũmi maku.</verse>
				<verse number="14">Ame tũvũn’ye kĩoko na ũseo waku wĩ wendo, Nĩ kana tũtane na kwĩw’a mũyo mĩthenya yaitũ yonthe.</verse>
				<verse number="15">Tũtan’ye kwĩanana na mĩthenya ĩla ũtũthĩnĩtye, Na myaka ĩla twonete ũthũku.</verse>
				<verse number="16">Wĩa waku nũmaumĩlĩle athũkũmi maku, Na ũtheu mũtisu waku syana syoo.</verse>
				<verse number="17">Na ũseo wa Mwĩaĩi Ngai waitũ wĩthĩwe ĩũlũ waitũ; Na lũlũmĩlya wĩa wa moko maitũ kwitũ; Ĩĩ, wĩa wa moko maitũ ũlũlũmĩlye.</verse>
			</chapter>
			<chapter number="91">
				<verse number="1">Ũla ũtũaa wĩvithonĩ wa Ũla Wĩ Ĩũlũ wa Onthe Ũsu akekalaa muunyĩnĩ wa Mwene Vinya W’onthe.</verse>
				<verse number="2">Nganeena ũndũ wa Yeova, Nĩwe wĩvitho wakwa na ngome yakwa yi vinya; Ngai wakwa, ũla nĩmũĩkĩĩaa.</verse>
				<verse number="3">Nũndũ akakũvonokasya kĩteinĩ kya mũtei wa nyũnyi, Na mũimũnĩ ũla wũaaa.</verse>
				<verse number="4">Akakũvw’ĩkĩaa na nzĩa syake, Na ũkeevithaa ungu wa nthwau syake: W’o wake nĩw’o ngao na kakalo.</verse>
				<verse number="5">Ndũkakĩa ũtĩsyo wa ũtukũ, Kana mũsyĩ ũla wĩkaw’a mũthenya;</verse>
				<verse number="6">Kana mũimũ ũla ũendaa kĩvindunĩ, Kana wanangĩko ũla wanangaa syũa yaũngama.</verse>
				<verse number="7">Andũ ngili makavalũka ũtee waku, Na ngili ĩkũmi kw’okonĩ kwaku kwa aũme; Ĩndĩ ndũkakũthengeea.</verse>
				<verse number="8">Ĩndĩ ũkasiasya na metho maku mwene, Na ũkoona wĩĩvanĩsyo wa ala athe.</verse>
				<verse number="9">Nũndũ waisye, Yeova nĩwe wĩvitho wakwa! Wamũtwie Ũla Wĩ Ĩũlũ wa Onthe ũtũo waku;</verse>
				<verse number="10">Vati ũthũku o na wiva ũkaũvalũkĩla, Kana ũthĩn’yo o na wĩva ũkathengeea ĩeema yaku.</verse>
				<verse number="11">Nũndũ akeeaĩa alaĩka make, Makũsũvĩe nzĩanĩ syaku syonthe.</verse>
				<verse number="12">Makakũkĩlya mokonĩ moo, Ndũkese ũtulw’a kũũ kwaku nĩ ĩvia.</verse>
				<verse number="13">Ũkakinyanga mũnyambũ na kĩmbuva: Mũnyambũ wa mũika na nzoka ũkaikinyangĩa nthĩ.</verse>
				<verse number="14">Nĩkwĩthĩwa nũlũlũmĩlĩtye wendo wake vala nĩĩ, kwondũ wa ũu ngamũvonokya: Ngamũtũlya, nĩkwĩthĩwa nũmanyĩte syĩtwa yakwa.</verse>
				<verse number="15">Akeengaĩla, nakwa ngamũsũngĩa; Ũnyamaonĩ ngeethĩwa nake: Ngamũvonokya, na kũmũnenevya.</verse>
				<verse number="16">Ngamũkolya na thayũ mũasa, Na ngamwon’ya ũtangĩĩo wakwa.</verse>
			</chapter>
			<chapter number="92">
				<verse number="1">Nĩ ũndũ ũseo kũmũtũngĩa Yeova mũvea, Na kwina tũkĩkumya syĩtwa yake, we Ũla Wĩ Ĩũlũ wa Onthe;</verse>
				<verse number="2">Kwonan’ya ũseo wake wĩ wendo kĩoko, Na kĩthito kyake kĩla ũtukũ,</verse>
				<verse number="3">Na kindũ kya kũinga kĩ na ndii ĩkũmi, na kĩnanda; Na wasya mũuu mbevenĩ.</verse>
				<verse number="4">Nũndũ we, Yeova, nũndanĩthisye kwondũ wa wĩa waku: Ngakĩlya vinya mawĩanĩ ma moko maku.</verse>
				<verse number="5">Mawĩa maku kaĩ nĩ manene, we Yeova! Mosũanĩo maku nĩ maliku mũno.</verse>
				<verse number="6">Mũndũ ũilyĩ ta nyamũ ndamanyaa; O na ndia ndĩmanyaa ũu:</verse>
				<verse number="7">Yĩla athũku maumĩlanga ta nyeki, Na yĩla onthe ala mekaa ũthũku maĩlaa; Ũu wĩthĩawa nĩ kana makanangwa tene na tene.</verse>
				<verse number="8">Ĩndĩ we, ame Yeova, wĩ ĩũlũ tene na tene.</verse>
				<verse number="9">Nũndũ, sisya, amaitha maku, we Yeova, Nũndũ, sisya, amaitha maku makaaa; Onthe ala mekaa ũthũku makanyaĩĩkw’a.</verse>
				<verse number="10">Ĩndĩ ũvya wakwa nĩwũnenevetye ta ũvya wa mboo: Nyie nĩnĩtĩkĩĩtw’e mauta ma mĩtũkĩ.</verse>
				<verse number="11">Itho yakwa nayo nĩyonete kwenda kwakwa amaithanĩ makwa, Matũ makwa nĩmew’ĩte kwenda kwakwa kwa eki ma naĩ ala mambũkĩlĩĩlaa.</verse>
				<verse number="12">Ũla mũlũngalu akaaĩla ta mũtende: Akeana ta mũti wa mũkũũ Levanoni.</verse>
				<verse number="13">Nao nĩmavandĩtwe nyũmbanĩ ya Yeova; Makaathimĩka me nza sya Ngai waitũ.</verse>
				<verse number="14">Makasyaaa ũsyao me akũu; Makeethĩwa mausũĩtwe nĩ ngoyoo na ũthithinĩu:</verse>
				<verse number="15">Nĩ kana kwonanw’e Yeova nĩ mũlũngalu; Nake nĩ ĩvia yakwa, na vati ũndũ ũte ũlũngalu nthĩnĩ wake.</verse>
			</chapter>
			<chapter number="93">
				<verse number="1">Yeova nũsumbĩkaa; nĩwĩvw’ĩkĩte ũnene; Yeova nĩwĩvw’ĩkĩte vinya; nũwĩvotoete: Nthĩ nayo nĩlũmĩte, ũndũ ĩtatonya kũthingithw’a.</verse>
				<verse number="2">Kĩvĩla kyaku kya ũsumbĩ nĩkĩlũmĩte kuma tene: Naku wĩ vo kuma tene na tene.</verse>
				<verse number="3">Manzĩ maingĩ nĩmokĩlĩte, we Yeova, Manzĩ maingĩ nĩmokĩlĩtye wasya wamo; Manzĩ maingĩ nĩmokĩlasya itulumo syamo.</verse>
				<verse number="4">Ĩũlũ wa mawasya ma iw’ũ nyingĩ, Itulumo syĩ vinya sya ũkanga, Yeova ĩũlũ nĩ mwene ũtonyi.</verse>
				<verse number="5">Mokũsĩ maku nĩ ma w’o ki: Ũtheu nĩwaĩle nyũmbanĩ yaku, We Yeova, kũvika tene na tene.</verse>
			</chapter>
			<chapter number="94">
				<verse number="1">We Yeova, Ngai mwene ũĩvanĩsyo, We Ngai mwene ũĩvanĩsyo, tisũka.</verse>
				<verse number="2">Ĩyũkĩlye, we mũsili wa nthĩ: Manenge ekathĩĩi ũndũ ũmaĩle.</verse>
				<verse number="3">Yeova, nĩ ĩvinda yĩana ata ala athũku, Nĩ ĩvinda yĩana ata ala athũku makakĩlya vinya?</verse>
				<verse number="4">Nĩmavulũkaa, nĩmaneenaa na wĩtũlyo: Onthe ala mekaa ũthũku nĩmekathĩĩaa.</verse>
				<verse number="5">Nĩmatilangaa ilungu andũ maku, Yeova, Na kũthĩn’ya ũtiĩwa waku.</verse>
				<verse number="6">Nĩmooaa ndiwa na mwĩkali wa ũeninĩ, Na kũaa ala makw’ĩĩwe nĩ aaĩthe.</verse>
				<verse number="7">Na maasya, Yeova ndakona, O na Ngai wa Yakovo ndakasũanĩa.</verse>
				<verse number="8">Sũanĩai, inyw’ĩ mũilyĩ ta nyamũ katĩ wa andũ; Na inyw’ĩ ndia, mũkoĩva ĩndĩĩ?</verse>
				<verse number="9">Ũla waiie kũtũ, ndakew’a? Ũla wombie itho, ndakona?</verse>
				<verse number="10">Ũla ũkũnaa i mbaĩ, ndakonan’ya mavĩtyo, O ũla ũmanyĩasya mũndũ ũĩ?</verse>
				<verse number="11">Yeova nĩwĩsĩ mosũanĩo ma mũndũ, Kana nĩ ma mana.</verse>
				<verse number="12">We Yeova, nĩ mũathime mũndũ ũla ũmũkũnaa, Na kũmũmanyĩsya kuma mĩaonĩ yaku;</verse>
				<verse number="13">Nĩ kana ũmũthũmũsye aume mĩthenyanĩ ya thĩna, Kũvika yĩla ĩima yĩĩnzwa ũndũ wa ala athũku.</verse>
				<verse number="14">Nũndũ Yeova ndakekya ũtee andũ make, O na ndakatia ũtiĩwa wake.</verse>
				<verse number="15">Nũndũ ũsilĩlo ũkasyokea ũlũngalu; Na onthe alũngalu ngoonĩ makooatĩĩa.</verse>
				<verse number="16">Nũũ ũla wĩũkĩla ũndũ wakwa kwondũ wa eki ma naĩ? Nũũ ũla wĩnũngamĩa kwondũ wa ala mekaa ũthũku?</verse>
				<verse number="17">Kethĩwa Yeova ndaaĩthĩwa mũtethya wakwa, Mĩtũkĩ thayũ wakwa wĩthĩwa wakililye.</verse>
				<verse number="18">Yĩla naisye, Kũũ kwakwa nĩkwatendelũka; Ũseo waku wĩ wendo nĩwandw’ĩĩkie, we Yeova.</verse>
				<verse number="19">Mosũanĩonĩ makwa maingĩ nthĩnĩ wakwa Mokiakisyo maku matan’ya ngoo yakwa.</verse>
				<verse number="20">Kĩvĩla kya ũsumbĩ kya ũthũku kĩkeethĩwa mũamba naku, Kĩla kĩkaa ũthũku kwondũ wa mwamũlo?</verse>
				<verse number="21">Nĩmeyũmbanĩasya thayũ wa ala alũngalu, Na kũtw’ĩa sila nthakame ĩte ĩvĩtyo.</verse>
				<verse number="22">Ĩndĩ Yeova wĩthĩĩtwe mwako wakwa mũtũlu wa mũnyoolo, Na Ngai wakwa ĩvia ya wĩvitho wakwa.</verse>
				<verse number="23">Na nũmaetee ũthũku woo ene, Na akamaveta me ũthũkunĩ woo ene; Yeova Ngai waitũ akamaveta.</verse>
			</chapter>
			<chapter number="95">
				<verse number="1">Inyw’ĩ ũkai, tũmwinĩei Yeova; Tũkĩlĩlyei wasya wa ũtanu ĩvia ya ũtangĩĩo witũ.</verse>
				<verse number="2">Tũke mbee wake twĩ na mũvea; Tũmũkĩlĩlyei wasya wa ũtanu na mbathi sya ndaĩa.</verse>
				<verse number="3">Nũndũ Yeova nĩ Ngai mũnene, Na Mũsumbĩ mũnene kwĩ i ngai.</verse>
				<verse number="4">Kũndũ kũliku kwa nthĩ kwĩ kw’okonĩ kwake; Motũlu ma iĩma namo nĩ make.</verse>
				<verse number="5">Ũkanga nĩ wake, nĩwe wawũmbie; Na moko make nĩmo moombie nthĩ nyũmũ.</verse>
				<verse number="6">Inyw’ĩ ũkai, tũthaithe na kwĩkunamya; Tũmũtulĩlyei ndu Yeova Mũmbi waitũ:</verse>
				<verse number="7">Nũndũ nĩwe Ngai waitũ, Na ithyi twĩ andũ ma ĩĩthya yake, na malondu ma kw’oko kwake. Ũmũnthĩ, ethĩwa nĩmũkwĩw’a wasya wake,</verse>
				<verse number="8">Mũikomye ngoo syenyu, ta vu Meliva, Ta mũthenya wa Masa weũnĩ;</verse>
				<verse number="9">Yĩla aaĩthe menyu mandatie Makĩnguũa, na moona wĩa wakwa.</verse>
				<verse number="10">Myaka mĩongo ĩna nĩneew’ĩthiw’e woo nĩ ũsyao ũsu, Na nasya, Nĩ ũko wa andũ ala mavĩtasya ngoonĩ syoo, Na matyeesĩ nzĩa syakwa:</verse>
				<verse number="11">Kwondũ wa ũu nĩneevĩtie ũthilĩkunĩ wakwa, Matikalika ũthũmũonĩ wakwa.</verse>
			</chapter>
			<chapter number="96">
				<verse number="1">Mwinĩei Yeova wathi weũ: Nthĩ yonthe, mwinĩei Yeova.</verse>
				<verse number="2">Mwinĩei Yeova, taĩai syĩtwa yake; Onan’yai ũtangĩĩo wake mũthenya na mũthenya.</verse>
				<verse number="3">Tavan’yai ũtheu mũtisu wake katĩ wa i mbaĩ, Mawĩa make ma ũseng’ya katĩ wa ngo syonthe sya andũ.</verse>
				<verse number="4">Nũndũ Yeova nĩ mũnene, na nĩ wa kũtaĩwa mũno: Nĩ wa ũkĩwa kũvĩtũka ngai syonthe.</verse>
				<verse number="5">Nũndũ ngai syonthe sya ngo sya andũ nĩ mĩvw’anano; Ĩndĩ Yeova nĩwombie matu.</verse>
				<verse number="6">Ndaĩa na ũnene syĩ mbee wake: Vinya na wanakavye syĩ nthĩnĩ wa vala vandũ vake vatheu.</verse>
				<verse number="7">Mũwetei Yeova, inyw’ĩ mĩvĩa ya ngo sya andũ, Mũwetei Yeova ndaĩa na vinya.</verse>
				<verse number="8">Mũnengei Yeova ndaĩa ĩla yaĩlĩte syĩtwa yake: Etei nthembo, na mũkyũka nthĩnĩ wa nza syake.</verse>
				<verse number="9">Mũthaithei Yeova na ũseo wa ũtheu: Nthĩ yonthe, tetemeai mbee wake.</verse>
				<verse number="10">Neenai katĩ wa i mbaĩ, Yeova nũsumbĩkaa: Nthĩ nayo nĩlũmĩtw’e ũndũ ĩtatonya kũthingithw’a: Akasilan’ya ngo sya andũ na ũlũngalu.</verse>
				<verse number="11">Matu nĩmatane, na nthĩ yĩw’e mũyo; Ũkanga nũlitũke, na wusũu waw’o;</verse>
				<verse number="12">Mũũnda nũtane, na kyonthe kĩla kĩ nthĩnĩ waw’o; Nĩvo mĩtĩ yonthe ya mũtitũnĩ ĩkaina nũndũ wa ũtanu</verse>
				<verse number="13">Mbee wa Yeova; nũndũ nĩwũkĩte, Nũndũ nĩwũkĩte asilĩle nthĩ: Akasilĩla nthĩ na ũlũngalu, Na ngo sya andũ na w’o wake.</verse>
			</chapter>
			<chapter number="97">
				<verse number="1">Yeova nũsumbĩkaa; nthĩ nĩyĩw’e mũyo; Wingĩ wa ithama ũtane.</verse>
				<verse number="2">Mathweo na kĩvindu nimũthyũlũlũkĩte: Ũlũnglu na sila wa katĩ nĩ wambĩlĩlyo wa kĩvĩla kyake kya ũsumbĩ.</verse>
				<verse number="3">Mwaki nũendaa mbee wake, Ũkĩvĩvya nthũ syake ngalĩ syonthe.</verse>
				<verse number="4">Motisi make nĩmamulĩkile nthĩ: Nthĩ yoona na yatetema.</verse>
				<verse number="5">Iĩma syatweka ta ĩseso vala ve Yeova, Vala ve Mwĩaĩi wa nthĩ yonthe.</verse>
				<verse number="6">Matu nĩmatavanasya ũlũngalu wake, Na ngo syonthe sya andũ nĩsyonete ũnene wake.</verse>
				<verse number="7">Onthe ala mathũkũmaa mĩvw’anano myasũvye nĩmasonokw’e, Ala mekathĩĩaa ũndũ wa mĩvw’anano; Mũthaithei, inyw’ĩ ngai syonthe.</verse>
				<verse number="8">Saioni nĩkyeewie na kyatana, Na eĩtu ma Yuta nĩmeewie mũyo, Nũndũ wa mosilĩlo maku, we Yeova.</verse>
				<verse number="9">Nũndũ we, Yeova, wĩ ĩũlũ mũno mbee wa nthĩ yonthe: Nũnenevetw’e ĩũlũ mũno wa ngai syonthe.</verse>
				<verse number="10">Inyw’ĩ ala mũmwendaa Yeova, menai ũthũku: Nũsũvĩaa ngoo sya atheu make; Nũmavonokasya kuma kw’okonĩ kwa ala athũku.</verse>
				<verse number="11">Kyeni nĩkĩvuĩĩtwe kwondũ wa ala alũngalu, Na ũtanu kwondũ wa ala alũngalu ngoonĩ.</verse>
				<verse number="12">Ĩthĩwai na mũyo nthĩnĩ wa Yeova, inyw’ĩ alũngalu; Na tũngĩai mũvea syĩtwa yake ĩtheu ya ũlilikan’yo.</verse>
			</chapter>
			<chapter number="98">
				<verse number="1">Mwinĩei Mwĩaĩi wathi weũ; Nũndũ nĩwĩkĩte maũndũ ma ũseng’ya: Kw’oko kwake kwa aũme, o kw’oko kwake kũtheu, nĩkũtethetye wĩa wa kũtangĩĩa kwondũ wake.</verse>
				<verse number="2">Yeova nũmanyĩthanĩtye ũtangĩĩo wake: Ũlũngalu wake nĩwonanĩtye ũtheinĩ i mbaĩ syene.</verse>
				<verse number="3">Nũlilikanĩte ũseo wake wĩ wendo na kĩthito kyake kyelekele nyũmba ya Isilaeli: Itulu syonthe sya nthĩ nĩsyonete ũtangĩĩo wa Ngai waitũ.</verse>
				<verse number="4">Ũkĩlĩlyai Yeova wasya wa ũtanu, nthĩ yonthe: Ambĩlĩlyai kwina nũndũ wa ũtanu, ĩĩ, inai mũkĩtaĩa.</verse>
				<verse number="5">Inĩai Yeova mũkĩmũkumya mwĩ na mbeve; Mwĩ na mbeve na wasya wĩ mũyo.</verse>
				<verse number="6">Mwĩ na masoo na wasya wa soo mũkelemu Ũkĩlyai wasya wa ũtanu mbee wa Mũsumbĩ, Yeova.</verse>
				<verse number="7">Ũkanga nũlitũke, na wusũu waw’o; Nthĩ, na ala mamĩtwĩe;</verse>
				<verse number="8">Manzĩ maingĩ makũnangan’ye mbĩ syamo; Tũlĩma nĩtwine vamwe nũndũ wa ũtanu</verse>
				<verse number="9">Mbee wa Yeova; nũndũ nĩwũkĩte asilĩle nthĩ: Akasilĩla nthĩ na ũlũngalu, Na ngo sya andũ na w’o wake.</verse>
			</chapter>
			<chapter number="99">
				<verse number="1">Yeova nũsumbĩkaa; ngo sya andũ iteteme: Nĩwĩkalaa ĩũlũ wa akeluvi; nthĩ nĩthingithangw’e.</verse>
				<verse number="2">Yeova nĩ mũnene ku Saioni; Nake e ĩũlũ mũno wa ngo syonthe sya andũ.</verse>
				<verse number="3">Nitaĩe syĩtwa yaku ĩnene na ya ũtĩsya: Nake nĩ mũtheu.</verse>
				<verse number="4">Vinya wa mũsumbĩ naw’o nĩwendaa sila wa katĩ; Nũlũmasya ũlũngalu; Nũsilaa sila wa katĩ na wa ũlũngalu nthĩnĩ wa Yakovo.</verse>
				<verse number="5">Nenevyai Yeova Ngai waitũ, Na mũithaithĩa kĩvĩlanĩ kyake kya nyaĩĩ: Nake nĩ mũtheu.</verse>
				<verse number="6">Mose na Aluni amwe ma athembi make, Na Samueli ũmwe wa ala mekaĩlaa syĩtwa yake; Nao nĩmamwĩkaĩlaa Yeova, nake aimasũngĩa.</verse>
				<verse number="7">Aneenaa nao e nthĩnĩ wa kĩtuĩ kya mũumbĩ: Nao makwata mokũsĩ make, Na mwamũlo ũla wamanengie.</verse>
				<verse number="8">Nĩwamasũngĩie, we Yeova Ngai waitũ: Waĩ Ngai ũla wamaekeie, O na kau nĩweeĩvanĩsye ũndũ wa mĩkĩle yoo.</verse>
				<verse number="9">Nenevyai Yeova Ngai waitũ, Na mũithaithĩa kĩĩmanĩ kyake kĩtheu; Nũndũ Yeova Ngai waitũ nĩ mũtheu.</verse>
			</chapter>
			<chapter number="100">
				<verse number="1">Ũkĩlĩlyei Yeova wasya wa ũtanu, inyw’ĩ nthĩ syonthe.</verse>
				<verse number="2">Mũthũkũmei Yeova na mũyo: Ũkai mbee wake mwinĩte.</verse>
				<verse number="3">Manyai kana Yeova nĩwe Ngai: Nĩwe ũla watũmbie, naitũ twĩ make; Twĩ andũ make, na twĩ malondu ma ĩĩthya yake.</verse>
				<verse number="4">Votelai mbingĩlonĩ syake mwĩ na mũvea, Na nthĩnĩ wa nza syake mwĩ na ndaĩa: Mũtũngĩei mũvea, na taĩai syĩtwa yake.</verse>
				<verse number="5">Nũndũ Yeova nĩ mũseo; ũseo wake wĩ wendo nĩwĩkalaa tene na tene, Na kĩthito kyake kwa nzyawa syonthe.</verse>
			</chapter>
			<chapter number="101">
				<verse number="1">Ngaina ũndũ wa ũseo wĩ wendo na ũsili wa katĩ: Ngaina ngĩkũkumya, we Yeova.</verse>
				<verse number="2">Nyie ngeekaa na kĩlĩko mũendelenĩ mwĩanĩu: Ame ũkoka kwakwa ĩndĩĩ? Ngaendelaa nyũmbanĩ yakwa nĩ na ngoo mbĩanĩu.</verse>
				<verse number="3">Ndikaia kĩndũ kĩthũku mbee wa metho makwa: Nĩnĩmenaa wĩa wa ala mathũkaa ũtee; Ndũkalũman’ya nakwa.</verse>
				<verse number="4">Ngoo yĩ ngũlũ ĩkauma vala nĩĩ: Ndikamanya ũndũ ũthũku.</verse>
				<verse number="5">O ũla ũsukaa mũtũi wake na kĩmbithĩ, ũsu ngamwananga: Ũla wĩ na metho ma kwĩtũlya na ngoo ĩla ĩkathĩĩaa ndikomĩanĩsya nake.</verse>
				<verse number="6">Metho makwa makeethĩwa ĩũlũ wa ala me kĩthito ma ĩ nthĩ, nĩ kana matonye kũtũaa nakwa: Ũla ũendaa na mũendele mwĩanĩu, ũsu akanthũkũma.</verse>
				<verse number="7">Ũla ũkenganaa ndakatũa nyũmbanĩ yakwa: Ũla ũneenaa ũvũngũ ndakalũlũmĩlw’a mbee wa metho makwa.</verse>
				<verse number="8">Kĩoko na kĩoko ngaanangaa ala athũku onthe ma ĩ nthĩ; Nĩvete eki ma ũthũku onthe maume ndũanĩ ya Yeova.</verse>
			</chapter>
			<chapter number="102">
				<verse number="1">Ĩw’a mboya yakwa, ame Yeova, Na kĩĩo kyakwa nĩkĩvike vala ũĩ.</verse>
				<verse number="2">Ndũkambithe ũthyũ waku mũthenya wa thĩna wakwa: Tea kũtũ kwaku; Mũthenya ũla nĩkaya wĩnzũngĩa mĩtũkĩ.</verse>
				<verse number="3">Nũndũ mĩthenya yakwa nĩnĩũthela ta syũki, Na mavĩndĩ makwa nĩmavĩe ta kĩsinga.</verse>
				<verse number="4">Ngoo yakwa nĩkũnĩtwe ta nyeki, na ĩkavova; Nũndũ nĩnũlawa nĩ kũya lĩu wakwa.</verse>
				<verse number="5">Nũndũ wa wasya wa kũluma kwakwa Mavĩndĩ makwa nĩmalũmanĩtye na nyama syakwa.</verse>
				<verse number="6">Nĩilyĩ ta ngunĩ ya weũnĩ; Nĩtw’ĩkĩte ta ndundu ya kũndũ kũtie.</verse>
				<verse number="7">Nĩnzyaĩĩasya, na nĩtw’ĩkĩte ta mũthoonzwe Wĩ w’oka ĩũlũ wa nyũmba.</verse>
				<verse number="8">Amaitha makwa mambũthasya mũthenya w’onthe; Ala manthatĩaa nĩmanumanĩaa.</verse>
				<verse number="9">Nũndũ nĩĩte mũu ta lĩu, Na kũvulan’ya kya ũnyw’a kyakwa na kĩĩo,</verse>
				<verse number="10">Nũndũ wa kũthilĩka kwaku na ũthatu waku: Nũndũ nũmbũkĩlĩtye, na kũmbĩkya ũtee.</verse>
				<verse number="11">Matukũ makwa mailyĩ ta muunyĩ ũla ũendeee; Na nĩnũmĩte ta nyeki.</verse>
				<verse number="12">Ĩndĩ we, ame Yeova, ũkekalaa tene na tene; Na syĩtwa yaku ya kũlilikanwa kũvika nzyawanĩ syonthe.</verse>
				<verse number="13">We ũkookĩla na kwĩw’ĩa Saioni tei; Nũndũ nĩ ĩvinda ya kũmĩw’ĩa tei, Ĩĩ, ĩvinda yĩla ĩtw’e nĩ ĩviku.</verse>
				<verse number="14">Nũndũ athũkũmi maku nĩmendeew’e nĩ mavia mayo, Na kwĩw’ĩa kĩtoo kyayo tei.</verse>
				<verse number="15">Kwondũ wa ũu i mbaĩ ikakĩa syĩtwa ya Yeova, Na asumbĩ onthe ma nthĩ makakĩa ũnene waku.</verse>
				<verse number="16">Nũndũ Yeova nĩwakĩte Saioni; Nĩwonekete ũtheunĩ mũtisu wake.</verse>
				<verse number="17">Nĩwĩtĩkĩlaa mboya ya ngya, Na ndavũthasya mboya syoo.</verse>
				<verse number="18">Ũũ ũkaandĩkwa kwondũ wa nzyawa ĩla yĩũka; Na andũ ala makasyawa makamũtaĩa Yeova.</verse>
				<verse number="19">Nũndũ nũsyaĩtye nthĩ e ũtũlunĩ wa vandũ vake vatheu; Yeova e ĩtunĩ nĩwasyaisye nthĩ;</verse>
				<verse number="20">Ew’e kũvevũũka kwa ũla mwove; Kũthasya asu ala matw’ĩĩwe kũkw’a;</verse>
				<verse number="21">Nĩ kana andũ matonye kũtavan’ya syĩtwa ya Yeova ku Saioni, Na ndaĩa yake ku Yelusaleme;</verse>
				<verse number="22">O yĩla ngo sya andũ ikũmbana, O na mosumbĩ, kũmũthũkũma Yeova.</verse>
				<verse number="23">Nĩwaolile vinya wakwa nzĩanĩ; Nĩwakuvĩvisye matukũ makwa.</verse>
				<verse number="24">Nasya, Ame Ngai wakwa, ndũkambete matukũ makwa me katĩ: Myaka yaku nĩendeeaa mosyaanĩonĩ onthe.</verse>
				<verse number="25">O tene tene we nĩwakwatisye wambĩlĩlyo wa nthĩ; Na matu nĩ wĩa wa moko maku.</verse>
				<verse number="26">Syo ikaaa, ĩndĩ we ũkekalaa; Ĩĩ, syo syonthe ikakũa ta ngũa; Ũkaikũan’ya o ta ngũa, nasyo ikakũanĩka:</verse>
				<verse number="27">Ĩndĩ nue ũla wĩkalaa o ũndũ ũmwe, Na myaka yaku ndĩkethĩwa na mũminũkĩlyo.</verse>
				<verse number="28">Syana sya athũkũmi maku ikaendeeaa, Na ũsyao woo ũkalũlũmĩlw’a mbee waku.</verse>
			</chapter>
			<chapter number="103">
				<verse number="1">Mũtaĩe Yeova, we ngoo yakwa; Na syonthe ila syĩ nthĩnĩ wakwa, taĩai syĩtwa yake ĩtheu.</verse>
				<verse number="2">Mũtaĩe Yeova, we ngoo yakwa, Na ndũkolwe nĩ moseo make onthe:</verse>
				<verse number="3">Ũla ũkũekeeaa mothũku maku onthe; Ũla ũvoasya mowau maku onthe;</verse>
				<verse number="4">Ũla wovoasya thayũ waku kuma wanangĩkonĩ; Ũla ũkwĩkĩaa ngovia ya ũsumbĩ ya ũseo wĩ wendo na matei mololo;</verse>
				<verse number="5">Ũla ũvũnasya kwenda kwaku na maũndũ maseo, Kwondũ wa ũu wana waku nũtũngĩtwe mweũ ta ndiũ.</verse>
				<verse number="6">Yeova nĩwĩkaa meko malũngalu, Na kũtw’a mosilĩlo kwondũ wa onthe ala mathĩnaw’a.</verse>
				<verse number="7">Nĩwamanyĩthisye Mose nzĩa syake, Na syana sya Isilaeli meko make.</verse>
				<verse number="8">Yeova e tei na nĩ mũseo, Mũmĩĩsya wa kũthata, na e na ũseo wĩ wendo mwingĩ.</verse>
				<verse number="9">Ndakateta mavinda onthe; O na ndekalasya ũthatu wake tene na tene.</verse>
				<verse number="10">Ndatwĩkĩte kwĩanana na naĩ sitũ, Kana kũtũĩva kwĩanana na mothũku maitũ.</verse>
				<verse number="11">Nũndũ o tondũ matu me kũasa ĩũlũ wa nthĩ, Now’o ũnenevete ũseo wake wĩ wendo kwa ala mamũkĩaa.</verse>
				<verse number="12">O tondũ kũasavĩte kuma wumĩlonĩ wa syũa kũvika ũthũĩlonĩ wayo, Now’o ũvetete kũasa naitũ mothũku maitũ.</verse>
				<verse number="13">O tondũ ĩthe wĩw’ĩaa syana syake tei, Now’o Yeova ũmew’ĩaa tei ala mamũkĩaa.</verse>
				<verse number="14">Nũndũ nĩwĩsĩ wũmbe witũ; Nũlilikanaa kana twĩ kĩtoo.</verse>
				<verse number="15">Na ũndũ wa mũndũ, matukũ make no ta nyeki; O ta ĩlaa ya kĩthekanĩ, now’o waĩlaa.</verse>
				<verse number="16">Nũndũ kĩseve nĩkĩvĩtĩlaa ĩũlũ wayo, na yikyaa; Na vandũ vayo vatikayĩmanya ĩngĩ.</verse>
				<verse number="17">Ĩndĩ ũseo wĩ wendo wa Yeova nĩ kuma tene na tene kũvika tene na tene ĩũlũ wa ala mamũkĩaa, Na ũlũngalu wake wĩ kwa nzũkũlũ;</verse>
				<verse number="18">Kwa ala malũmasya ũtianĩo wake, Na kwa ala malilikanaa mawĩaĩo make mamekae.</verse>
				<verse number="19">Yeova nũlũlũmĩlye kĩvĩla kyake kya ũsumbĩ matunĩ; Na ũsumbĩ wake ũsumbĩkĩte ĩũlũ wa onthe.</verse>
				<verse number="20">Mũtaĩei Yeova, inyw’ĩ alaĩka make, Ala mwĩ ũtonyi vinyanĩ, ala mwĩanĩasya ndeto yake, Mũkĩw’a wasya wa ndeto yake.</verse>
				<verse number="21">Mũtaĩei Yeova, inyw’onthe nguthu syake, Athũkũmi make, ala mwĩkaa ũndũ ũla ũmwendeeasya.</verse>
				<verse number="22">Mũtaĩei Yeova, inyw’onthe mawĩa make, Kũndũ kw’onthe kwa ũsumbĩko wake: Taĩa Yeova, we ngoo yakwa.</verse>
			</chapter>
			<chapter number="104">
				<verse number="1">Taĩa Yeova, we ngoo yakwa. We Yeova Ngai wakwa, wĩ mũnene mũno; Ũla ũvw’ĩkĩtwe nĩ ndaĩa na ũnene:</verse>
				<verse number="2">Ũla wĩvw’ĩkaa mwene kyeni ta kwĩvw’ĩka ngũa; Ũla ũtambũũkasya matu ta suka;</verse>
				<verse number="3">Ũla wiaa mĩamba ya tũsũmba twake manzĩnĩ; Ũla ũtw’ĩkĩthasya mathweo ĩkasya yake; Ũla ũkinyĩlaa ĩũlũ wa nthwau sya kĩseve;</verse>
				<verse number="4">Ũla ũtusaa iseve atũmwa make; Itw’ĩki sya mwaki athũkũmi make;</verse>
				<verse number="5">Ũla wambĩlĩlye myambĩlĩlyo ya nthĩ, Nĩ kana ndĩkathingithĩke tene na tene.</verse>
				<verse number="6">We nĩwamĩvw’ĩkie na kyũngũ ta kũvw’ĩka ngũa; Manzĩ mekala ĩũlũ wa iĩma.</verse>
				<verse number="7">Kwondũ wa ũkan’yo waku makĩa; Kwondũ wa wasya wa kĩtundumo kyaku meekalaata mathi</verse>
				<verse number="8">(Iĩma syookĩla, syanda syalika) O kũvika vandũ vala wambĩlĩlye kwondũ wamo.</verse>
				<verse number="9">Nĩwiĩte mũvaka nĩ kana matikokĩle; Matikaasyoke ĩngĩ na kũvw’ĩka nthĩ.</verse>
				<verse number="10">Nĩwumĩlasya mbuluti sya manzĩ syandanĩ; Nĩmasembaa katĩ wa iĩma.</verse>
				<verse number="11">Mainyuwa nĩ kĩla nyamũ ya kĩtheka; Mang’oi ma kĩthekanĩ makĩlaũkw’a.</verse>
				<verse number="12">Ũtee wamo nyũnyi sya yayaya syĩ na wĩkalo wasyo; Ikinĩa mbongenĩ.</verse>
				<verse number="13">Nũnyithasya iĩma kuma tũsũmbanĩ twake: Nthĩ nĩyusũĩtwe nĩ ũsyao wa mawĩa maku.</verse>
				<verse number="14">Nũmeasya nyeki ũndũ wa indo Na nyũnyi nũndũ wa ũtethyo wa mũndũ; Kana aumye lĩu nthĩ,</verse>
				<verse number="15">Na mbinyu ĩla ĩtanasya ngoo ya mũndũ, Na mauta ma kũtisasya ũthyũ wake, Na kĩmũtũ kĩla kĩkĩaa ngoo ya mũndũ vinya.</verse>
				<verse number="16">Mĩtĩ ya Yeova nĩkolete, Mĩkũũ ya Levanoni, ĩla ũvandĩte;</verse>
				<verse number="17">Vala nyũnyi syakaa ndala syasyo: Na ũndũ wa ĩsaũ, mĩtĩ ya mĩsonovali nĩ nyũmba yayo.</verse>
				<verse number="18">Iĩma ndũlu syĩ kwondũ wa mbũi sya kĩthekanĩ; Mavia nĩ wĩvitho wa inyowe.</verse>
				<verse number="19">Aiie mwei ũndũ wa mavinda: Syũa nĩyĩsĩ ũthũĩlo wayo.</verse>
				<verse number="20">Nũetae kĩvindu, nĩkyo ũtukũ, Kĩla kĩendaa na nyamũ syonthe sya mũtitũ.</verse>
				<verse number="21">Mĩnyambũ ya mũika ĩlũmĩlaa sya nzyĩma syayo, Na kũmantha lĩu wayo kuma kwa Ngai.</verse>
				<verse number="22">Syũa yauma, ĩkĩendea, Na ĩkĩtindia isumonĩ syayo.</verse>
				<verse number="23">Mũndũ nũendaa wĩanĩ wake Na aitethya wĩa wake kũvika wĩoo.</verse>
				<verse number="24">A! Yeova, mawĩa maku nĩ maingĩ! Kwa ũĩ nĩwasyũmbie syonthe: Nthĩ nĩyusũĩtwe nĩ mothwii maku.</verse>
				<verse number="25">Ũkanga nĩ ũya, mũnene na mũthanthau, Ũla nthĩnĩ waw’o tũtambũkĩlaa tũsamũ tũtatalĩka, Nyamũ ila nini na nene.</verse>
				<verse number="26">Nĩvo vaendelaa ngalawa; Nĩvo ve leviathani ĩla wamyũmbie ĩthaũkae nthĩnĩ waw’o.</verse>
				<verse number="27">Isu syonthe nikweteele, Nĩ kana winenge lĩu wasyo ĩvinda yaw’o.</verse>
				<verse number="28">Nĩwinengae, ikomban’ya; Nũtambũũkasya kw’oko kwaku, ikakola moseo.</verse>
				<verse number="29">Nũvithaa ũthyũ waku, ikathĩna; Nĩwosaa mĩthũmũ yasyo, ikakw’a, Na kũsyoka kĩtoonĩ kyasyo.</verse>
				<verse number="30">Nũtũmaa Veva waku, ikombĩka; Na nũtũngaa nthĩ nzaũ.</verse>
				<verse number="31">Ũtheu mũtisu wa Yeova nĩwĩkale tene na tene; Yeova natanĩe mawĩa make:</verse>
				<verse number="32">We ũla ũsiasya nthĩ, na ĩkatetema; Nũkiitaa iĩma, na ikatoa syũki.</verse>
				<verse number="33">Ngamwinĩa Yeova o yĩla nĩ thayũ: Ngaina ngĩkatha Ngai wakwa o yĩla nĩĩkalaa.</verse>
				<verse number="34">Kĩsũanĩo kyakwa kĩthĩwe kĩ mũyo kwake: Ngatanaa nthĩnĩ wa Yeova.</verse>
				<verse number="35">Athe nĩmathele nthĩ. Na ala athũku matikaaĩthĩwe ĩngĩ. Taĩa Yeova, ngoo yakwa. Mũtaĩei Yeova.</verse>
			</chapter>
			<chapter number="105">
				<verse number="1">Tũngĩai Yeova mũvea, ĩkaĩlei syĩtwa yake; Manyĩthyai ngo sya andũ meko make.</verse>
				<verse number="2">Mwinĩei, inai mũkĩmũkumya; Neenan’yai mawĩa make onthe ma ũseng’ya.</verse>
				<verse number="3">Ĩkathĩĩei syĩtwanĩ yake ĩtheu: Ngoo sya ala mamanthaa Yeova nitane.</verse>
				<verse number="4">Mũmanthei Yeova na vinya wake; Manthai ũthyũ wake tene na tene.</verse>
				<verse number="5">Lilikanai mawĩa make ma ũseng’ya ala wĩkĩte, Moseng’yo make, na motwi ma kanyw’a wake,</verse>
				<verse number="6">Inyw’ĩ ũsyao wa Avalaamu mũthũkũmi wake, Inyw’ĩ ana ma Yakovo, anyuvwa make.</verse>
				<verse number="7">We nĩ Yeova Ngai waitũ: Mosilĩlo make me nthĩ yonthe.</verse>
				<verse number="8">Nũlilikanaa ũtianĩo wake tene na tene, Ndeto ĩla weaĩe nzyawa ngili,</verse>
				<verse number="9">Ũtianĩo ũla watianĩe na Avalaamu, Na wĩvĩto wake kwa Isaka,</verse>
				<verse number="10">Na kũwũlũlũmĩlya kwa Yakovo kwĩthĩwa mwamũlo, Kwa Isilaeli kwĩthĩwa ũtianĩo wa tene na tene,</verse>
				<verse number="11">Akyasya, Ngakũnenga nthĩ ya Kanaani, Kĩanda kya ũtiĩwa waku;</verse>
				<verse number="12">Yĩla maĩ o andũ anini ũtalonĩ, Ĩĩ, anini mũno, na ekali ma ũeninĩ nthĩnĩ wayo.</verse>
				<verse number="13">Na mangangaa kuma mbaĩnĩ kũthi mbaĩnĩ, Kuma ũsumbĩnĩ ũmwe kũvika ũkonĩ ũngĩ wa andũ.</verse>
				<verse number="14">Ndaaeka mũndũ ameke ũthũku; Ĩĩ, nĩwamakanasya asumbĩ kwondũ woo,</verse>
				<verse number="15">Akyasya, Mũtikakiite makwa ala metĩkĩw’e mauta, Na mũtikeke athani makwa naĩ.</verse>
				<verse number="16">Na eeta yũa yũke ĩũlũ wa nthĩ; Atũlan’ya vyũ ndata ya lĩu.</verse>
				<verse number="17">Atũma mũndũ mbee woo; Yosevu athoow’a ethĩwe ngombo:</verse>
				<verse number="18">Mamwĩw’ĩthya maũũ make woo na mbĩngũ: Eekĩwa mĩnyololonĩ ya kĩaa,</verse>
				<verse number="19">Kũvika ĩvinda yĩla ndeto yake yeanĩie, Ndeto ya Yeova nĩyamũtatie.</verse>
				<verse number="20">Mũsumbĩ atũmana na amũthasya; O mũsumbĩki wa ngo sya andũ, na amũeka athi.</verse>
				<verse number="21">Amũtw’a mwĩaĩi wa nyũmba yake, Na mũnene wa syĩndũ syake syonthe;</verse>
				<verse number="22">Ove anene make me mbee ũsumbĩnĩ o ũndũ ũnũkwenda, Na kũmanyĩsya atumĩa make ũĩ.</verse>
				<verse number="23">Isilaeli nake nĩwokie Misili; Na Yakovo nĩwekalile ũeni nthĩ ya Amu.</verse>
				<verse number="24">Na nĩwaingĩvisye andũ make mũno, Na nĩwamekĩie vinya kwĩ nthũ syoo.</verse>
				<verse number="25">Nĩwathyũũie ngoo syoo imene andũ make, Syĩke athũkũmi make na ũseleke.</verse>
				<verse number="26">Atũmie Mose mũthũkũmi wake, Na Aluni ũla wanyuvĩte.</verse>
				<verse number="27">Meeka mawonan’yo make katĩ wamo, Na moseng’yo ku nthĩ ya Amu.</verse>
				<verse number="28">Atũma kĩvindu, na kĩvindu kyatulya; Na matyaang’endea ndeto syake.</verse>
				<verse number="29">Aalyũla kĩw’ũ kyoo nthakame, Na ooaa makũyũ moo.</verse>
				<verse number="30">Nthĩ yoo yeelatwa nĩ syoa Tũsũmbanĩ twa asumbĩ moo.</verse>
				<verse number="31">Aneena, na kwooka ngi mbingĩ, Na ndaa mĩvakanĩ yoo yonthe.</verse>
				<verse number="32">Amanenga mbua ya mavia vandũ va mbua, Na itw’ĩki sya mwaki nthĩ yoo.</verse>
				<verse number="33">O na akũna mĩsavivũ yoo na mĩkũyũ yoo, Na atũla mĩtĩ ya mĩvakanĩ yoo.</verse>
				<verse number="34">Aneena, na ngie syooka, Na itooli, ũndũ itatalĩka,</verse>
				<verse number="35">Na syaya syamina nyũnyi syonthe sya nthĩ yoo, Na syaya syamina ũsyao wa mũthanga woo.</verse>
				<verse number="36">O na ĩngĩ akũna ũsyao wa mbee w’onthe wa nthĩ yoo, Naw’o nĩ wambĩlĩlyo wa vinya woo w’onthe.</verse>
				<verse number="37">Na amaumya me na vetha na thaavu; Na kũtyaĩ mũndũ ũmwe mwonzu katĩ wa mbaĩ syake.</verse>
				<verse number="38">Misili yaĩ ndanu yĩla maumie; Nũndũ kũkĩwa kwoo nĩkwavalũkile ĩũlũ woo</verse>
				<verse number="39">Atambũũkasya ĩthweo ũndũ wa kũvw’ĩka, Na mwaki wa kũnengane kyeni ũtukũ.</verse>
				<verse number="40">Mavoya, na aete ngwae, Na amavũnĩthya na kĩmũtũ kya ĩtunĩ.</verse>
				<verse number="41">Avingũie ĩvia, na manzĩ mauma na vinya; Masemba kũndũ kũmũ ta ũsĩ.</verse>
				<verse number="42">Nũndũ alilikanile ndeto yake ntheu, Na Avalaamu mũthũkũmi wake.</verse>
				<verse number="43">Na aumaalya andũ make na mũyo, Na anyuvwa make makina.</verse>
				<verse number="44">Na amanenga nthĩ sya i mbaĩ; Na moosa kĩla kyanoewe nĩ ngo sya andũ kĩthĩwe kyoo:</verse>
				<verse number="45">Nĩ kana matonye kũkwata myamũlo yake, Na kũsũvĩa mĩao yake. Taĩai Yeova.</verse>
			</chapter>
			<chapter number="106">
				<verse number="1">Taĩai Yeova. Tũngĩai Yeova mũvea; nũndũ nĩ mũseo; Nũndũ ũseo wake wĩ wendo nĩwĩkalaa tene na tene.</verse>
				<verse number="2">Nũũ ũla ũtonya kũweta meko ma Yeova me ũtonyi, Kana kũneenekya ndaĩa yake yonthe?</verse>
				<verse number="3">Kũathimwa nĩ ala malũmasya sila wa katĩ, Na ũla wĩkaa ũlũngalu mavinda onthe.</verse>
				<verse number="4">Ndilikana, ame Yeova, na ũseo ũla wĩ naw’o kwa andũ maku; Ame mbũkĩa na ũtangĩĩo waku,</verse>
				<verse number="5">Nĩ kana none ũunĩko wa anyuvwa maku, Nĩ kana nĩw’e mũyo ũtanunĩ wa mbaĩ yaku, Nĩ kana nĩkathĩĩe vamwe na ũtiĩwa waku.</verse>
				<verse number="6">Nĩtũvĩtĩtye twĩ na aaĩthe maitũ, Nĩtwĩkĩte ũthũku, na tũkeka naĩ.</verse>
				<verse number="7">Aaĩthe maitũ matyaamanya syama syaku me Misili; Matyaalilikana wingĩ wa moseo maku me wendo, Ĩndĩ mang’endea ũkanganĩ, o Ũkanga Mũtune.</verse>
				<verse number="8">Ĩndĩ amatangĩĩa kwondũ wa syĩtwa yake, Nĩ kana amanyĩthan’ye vinya wake wĩ ũtonyi.</verse>
				<verse number="9">O na akan’ya Ũkanga Mũtune, na wang’ala: Na ĩndĩ amatongoesya i syũngũnĩ, o ta kũmavĩtĩlya weũnĩ.</verse>
				<verse number="10">Na amatangĩĩa kuma kw’okonĩ kwa ũla wamamenete, Na amavonokan’ya kw’okonĩ kwa mũmaitha.</verse>
				<verse number="11">Na manzĩ mavw’ĩka nthũ syoo; Vatyaatiala o na ũmwe wamo.</verse>
				<verse number="12">Nĩvo ĩndĩ meetĩkĩlile ndeto syake; Maina ndaĩa yake.</verse>
				<verse number="13">Mĩtũkĩ moolwa nĩ mawĩa make; Matyaaeteela ũtao wake,</verse>
				<verse number="14">Ĩndĩ makwatĩwe nĩ ĩtomo ĩnene weũnĩ, Na matatĩa Ngai yalatanĩ.</verse>
				<verse number="15">Na amanenga kĩla mavoyie, Ĩndĩ aete kĩvooi ngoonĩ syoo.</verse>
				<verse number="16">O na ĩngĩ mamwĩw’ĩĩa Mose kĩwĩu mwakonĩ wa maeema, Na Aluni mũtheu wa Yeova.</verse>
				<verse number="17">Nthĩ yaathamya na yamelya Ndathani, Na yavw’ĩka nguthu ya Avilamu.</verse>
				<verse number="18">Na mwaki wakanĩa nguthunĩ yoo; Ũlĩlĩnzĩ wa mwaki wavĩvya athe.</verse>
				<verse number="19">Maseũvĩsye kasaũ Olevu, Na mathaitha mũvw’anano mũseũvye wa syĩndũ matwekethetye.</verse>
				<verse number="20">Ũũ nĩw’o makũanisye ndaĩa yoo Na mũvwanĩle wa ng’ombe ĩla ĩĩsaa nyeki.</verse>
				<verse number="21">Moolwa nĩ Ngai Mũtangĩĩi woo, Ũla wekie maũndũ manene Misili,</verse>
				<verse number="22">Mawĩa ma ũseng’ya nthĩ ya Amu, Na mawĩa ma kũmakya ũtee wa Ũkanga Mũtune.</verse>
				<verse number="23">Kwondũ wa ũu asya kana nũnũũmananga, Keka Mose mũnyuvwa wake kũũngama mbee wake ũvũthũenĩ, Athyũũe ũthilĩku wake, ndakese kũmananga.</verse>
				<verse number="24">Ĩĩ, nĩmavũthisye nthĩ ya kwendeesya, Matyaaĩtĩkĩla ndeto yake,</verse>
				<verse number="25">Ĩndĩ manyungunyĩĩsye maeemanĩ moo, Na malea kwĩw’a wasya wa Yeova.</verse>
				<verse number="26">Kwondũ wa ũu amevĩtĩa, Kana akamanangĩa weũnĩ.</verse>
				<verse number="27">Na kana akanangĩa ũsyao woo katĩ wa i mbaĩ, Na kũmanyaĩĩkĩsya i nthĩ.</verse>
				<verse number="28">O na ĩngĩ meekwatan’ya na Mbaaliveoli, Na maya nthembo sya akw’ũ.</verse>
				<verse number="29">Ũu nĩw’o mamũthatisye na mĩkĩle yoo; Na ũthĩn’yo wamakuthũkĩa.</verse>
				<verse number="30">Nĩvo ĩndĩ Vineasi waũngamie, na atw’a sila; Na ĩndĩ ũthĩn’yo wasiĩĩĩka.</verse>
				<verse number="31">Na ũu watalilwe kwake kwĩthĩwa nĩ ũlũngalu, Kwa nzyawa syonthe tene na tene.</verse>
				<verse number="32">O na ĩngĩ mamũthatĩsya manzĩnĩ ma Meliva, Kwondũ wa ũu nĩkwaendie naĩ kwa Mose kwondũ woo;</verse>
				<verse number="33">Nĩkwĩthĩwa nĩmathatisye veva wake, Na aneena na ilomo syake vate kũsũanĩa.</verse>
				<verse number="34">Matyaaananga i ngo sya andũ, Tondũ Yeova wameaĩe,</verse>
				<verse number="35">Ĩndĩ meevulan’ya na i mbaĩ, Na kwĩmanyĩsya mawĩa masyo,</verse>
				<verse number="36">Na kũthũkũma mĩvw’anano yasyo, Ĩla yatw’ĩkie kĩtei kwoo.</verse>
				<verse number="37">Ĩĩ, mathembee ndaimoni ana moo na eĩtu moo,</verse>
				<verse number="38">Na metĩkya nthakame ĩte ĩvĩtyo, O nthakame ya ana moo na ya eĩtu moo, Ala mathembee mĩvw’anano ya Kanaani; Na nthĩ yavukw’a nĩ nthakame.</verse>
				<verse number="39">Ũu nĩw’o mavukiw’e nĩ mawĩa moo, Na meeka ũmalwaya mekonĩ moo.</verse>
				<verse number="40">Kwondũ wa ũu ũthilĩku wa Yeova wakanĩe andũ make, Na athĩtha ũtiĩwa wake.</verse>
				<verse number="41">Na amanengane kw’okonĩ kwa i mbaĩ; Na ala mamamenaa mamasumbĩka.</verse>
				<verse number="42">O na amaitha moo mamathĩn’ya, Na maetwe ũkombonĩ ĩtheo wa moko moo.</verse>
				<verse number="43">Mavinda maingĩ nĩwamavonokasya; Ĩndĩ maĩ ang’endu kwĩtaanĩ kwoo, Na manyivw’a ũthũkunĩ woo.</verse>
				<verse number="44">Ĩndĩ o na ũu w’onthe asisya thĩna woo, Yĩla wewie kũkaya kwoo:</verse>
				<verse number="45">Na alilikana ũtianĩo wake kwondũ woo, Na eetũnga kwĩanana na wingĩ wa moseo make me wendo.</verse>
				<verse number="46">Atuma mew’ĩawa tei Nĩ onthe ala mamatavie.</verse>
				<verse number="47">Tũtangĩĩe, ame Yeova Ngai waitũ, Na kũtũmban’ya kuma i mbaĩnĩ, Nĩ kana tũtũngĩe mũvea syĩtwa yaku ĩtheu, Na kũkatha ndaĩanĩ yaku.</verse>
				<verse number="48">Nataĩwe Yeova, Ngai wa Isilaeli, Kuma tene na tene kũvika tene na tene. Na andũ onthe masye, Ameni. Mũtaĩei Yeova.</verse>
			</chapter>
			<chapter number="107">
				<verse number="1">Mũtũngĩei Yeova mũvea; nũndũ nĩ mũseo; Nũndũ ũseo wake wĩ wendo nĩwĩkalaa tene na tene.</verse>
				<verse number="2">Ovosye ma Yeova nĩmasye ũu, Ala wovoisye kuma kw’okonĩ kwa nthũ,</verse>
				<verse number="3">Na amombanisye kuma i nthĩ, Kuma wumĩlonĩ wa syũa na kuma ũthũĩlonĩ wayo, Kuma ngalĩ ya ĩũlũ na kuma ngalĩ ya ĩtheo.</verse>
				<verse number="4">Mangangaa weũnĩ nzĩanĩ ya yalata; Matyaona ndũa matũa.</verse>
				<verse number="5">Me na nzaa na waũni, Ngoo syoo syanyala.</verse>
				<verse number="6">Nĩvo ĩndĩ meekaĩlile Yeova thĩnanĩ woo, Nake amavonokya monyamaonĩ moo,</verse>
				<verse number="7">O na amatongoesya na nzĩa ndũngalu, Nĩ kana maende ndũanĩ matũe.</verse>
				<verse number="8">A! Kana andũ mataĩe Yeova nũndũ wa ũseo wake wĩ wendo, Na ũndũ wa mawĩa make ma ũseng’ya kwa ana ma andũ!</verse>
				<verse number="9">Nũndũ nũvũnasya ngoo ĩla yĩ na vata, Na ngoo ĩla yĩ na nzaa aimyusũsya na ũseo.</verse>
				<verse number="10">Ala mekalĩte kĩvindunĩ na kyuunĩ kya kĩkw’ũ, Movetwe thĩnanĩ na iaa,</verse>
				<verse number="11">Nĩkwĩthĩwa nĩmang’endee ndeto sya Ngai, Na mavũthya ũtao wa Ũla Wĩ Ĩũlũ wa Onthe:</verse>
				<verse number="12">Kwondũ wa ũu atheesya ngoo syoo na ũthũkũmi wĩ vinya; Mavalũka nthĩ, na kũtyaĩ wa kũmatethya.</verse>
				<verse number="13">Nĩvo ĩndĩ meekaĩlile Yeova thĩnanĩ woo, Na amatangĩĩa monyamaonĩ moo.</verse>
				<verse number="14">Amaumya kĩvindunĩ na kyuunĩ kya kĩkw’ũ, Na atũlanĩlya katĩ ila syamovete.</verse>
				<verse number="15">A! Kana andũ mataĩe Yeova nũndũ wa ũseo wake wĩ wendo, Na nũndũ wa mawĩa make ma ũseng’ya kwa ana ma andũ!</verse>
				<verse number="16">Nũndũ nĩwanangie mbingĩlo sya ũthuku, Na kũtũlanĩlya katĩ ivingi sya iaa.</verse>
				<verse number="17">Ndia nũndũ wa mavĩtyo masyo, Na nũndũ wa mothũku masyo, nithĩnaa.</verse>
				<verse number="18">Ngoo syasyo nitiikĩawa nĩ mĩthemba yonthe ya lĩu; Na nithengeeaa vakuvĩ na mbingĩlo sya kĩkw’ũ.</verse>
				<verse number="19">Nĩvo imwĩkaĩlaa Yeova thĩnanĩ wasyo, Nake nĩwitangĩĩaa monyamaonĩ masyo.</verse>
				<verse number="20">Nũtũmaa ndeto yake, na kwivosya, Na kwivonokya kuma mawanangĩkonĩ masyo.</verse>
				<verse number="21">A! Kana andũ mataĩe Yeova nũndũ wa ũseo wake wĩ wendo, Na nũndũ wa mawĩa make ma ũseng’ya kwa ana ma andũ!</verse>
				<verse number="22">Na nĩmathembe nthembo sya mũvea, Na kũtavan’ya mawĩa make wininĩ.</verse>
				<verse number="23">Ala maendaa ũkanganĩ me ngalawanĩ, Ala matandĩthĩasya manzĩnĩ maingĩ;</verse>
				<verse number="24">Asu monaa mawĩa ma Yeova, Na moseng’yo make kyũngũnĩ.</verse>
				<verse number="25">Nĩwĩaaa, na kũkĩlya kĩseve kĩnene, Kĩla kyũkĩlasya itulumo syaw’o.</verse>
				<verse number="26">Makyambata ĩũlũ matunĩ, maitheea ĩngĩ syũngũnĩ: Ngoo syoo ikĩtweka nũndũ wa thĩna.</verse>
				<verse number="27">Makĩlũalũw’a kũũ na kũũ, na kũlulutĩkanga ta mũthengi, Na ũĩ woo nĩ mũmelye.</verse>
				<verse number="28">Na nĩvo meekaĩla Yeova thĩnanĩ woo, Nake aimaumya monyamaonĩ moo.</verse>
				<verse number="29">Nũkilĩthasya kĩseve kĩnene, Ũkethĩa itulumo syaw’o nivindĩtye.</verse>
				<verse number="30">Nĩvo ĩndĩ meũtana nĩkwĩthĩwa nĩsyakilya; Na ĩndĩ nũmaetae kĩthũmũonĩ kĩla mekwendaa.</verse>
				<verse number="31">A! Kana andũ mataĩe Yeova nũndũ wa ũseo wake wĩ wendo, Na nũndũ wa mawĩa make ma ũseng’ya kwa ana ma andũ!</verse>
				<verse number="32">O na nĩmamũnenevye ũmbanonĩ wa andũ, Na kũmũtaĩa me ivĩlanĩ sya atumĩa.</verse>
				<verse number="33">Nũalyũlaa mbũsĩ ikatw’ĩka weũ, Na mbuluti sya manzĩ ikatw’ĩka nthĩ yĩ waũni;</verse>
				<verse number="34">Nthĩ yĩ ũsyao ĩkatw’ĩka yalata yĩ mũnyũ, Nũndũ wa ũthũku wa ala matwĩe kw’o.</verse>
				<verse number="35">Nũalyũlaa weũ ũkatw’ĩka ndia ya manzĩ, Na nthĩ nyũmũ ĩthĩwe mbuluti sya manzĩ.</verse>
				<verse number="36">Na aimatũsya ala me na nzaa kw’o, Nĩ kana matonye kũseũvya ndũa ya kwĩkalaa,</verse>
				<verse number="37">Na kũvuĩa mĩũnda, na kũvanda mĩũnda ya mĩsavivũ, Na kwĩyonea mosyao maingĩ.</verse>
				<verse number="38">O na nũmaathimaa, kwondũ wa ũu nĩmaingĩvaa mũno; Na ndaekaa indo syoo inyive.</verse>
				<verse number="39">Na ĩngĩ, maoleka na kũkunamw’a nthĩ Kwondũ wa ũnyamao, na thĩna, na woo.</verse>
				<verse number="40">Nĩwonoasya kĩvũthya ĩũlũ wa anene me mbee ũsumbĩnĩ, Na kũtuma manganga kũla kũthei, kũte nzĩa.</verse>
				<verse number="41">Ĩndĩ nĩwĩkalasya ũla mũthĩni ĩũlũ mũno kuma thĩnanĩ, Na kũtw’ĩkĩthya mĩvĩa ta ndĩthya ya mbũi na malondu.</verse>
				<verse number="42">Ala alũngalu makoona ũu, na kũtana; Na ũthũku w’onthe ũkatumya kanyw’a waw’o.</verse>
				<verse number="43">Ũla wĩ na ũĩ akakwata maũndũ aa; Na makasũanĩa moseo me wendo ma Yeova.</verse>
			</chapter>
			<chapter number="108">
				<verse number="1">Ngoo yakwa nĩlũmĩte, ame Ngai; Ngaina, ĩĩ, ngaina ndaĩa, o na ũnene wakwa.</verse>
				<verse number="2">Amũkai, kĩnanda na mbeve: Nakwa ngaamũkaa w’oa ũitema.</verse>
				<verse number="3">Ngakũtũngĩa mũvea, we Yeova, katĩ wa ngo sya andũ; Na ngakwinĩa ndaĩa katĩ wa i mbaĩ.</verse>
				<verse number="4">Nũndũ ũseo waku wĩ wendo nĩ mũnene ĩũlũ wa matu; Na w’o waku nũvikĩte matunĩ.</verse>
				<verse number="5">Ũnenevw’e ĩũlũ wa matu, ame Ngai, Na ũnene waku ĩũlũ wa nthĩ yonthe.</verse>
				<verse number="6">Nĩ kana endwa maku matonye kũvonokw’a, Tangĩĩa na kw’oko kwaku kwa aũme, na ũitũsũngĩa.</verse>
				<verse number="7">Ngai nũneenete ũtheunĩ wake: ngatana; Ngaaan’ya Sekemu, na kũthima kyanda kya Sukothi.</verse>
				<verse number="8">Ngileati nĩ yakwa; Manase nĩ yakwa; O na Evalaimu nĩ wa kũsesea mũtwe wakwa; Yuta nĩ ndata yakwa ya ũsumbĩ.</verse>
				<verse number="9">Moavi nĩ mbisũ yakwa ya kũthambĩa; Ngekya kĩatũ kyakwa ĩũlũ wa Etomu; Ngamyuĩsya ngemi Vilisitia.</verse>
				<verse number="10">Nũũ ũla wĩndwaa nthĩnĩ wa ndũa mbiie? Nũũ ũla wĩndongoesya kũvika Etomu?</verse>
				<verse number="11">Tuue watwĩkisye ũtee, we Ngai? Ndumaalanasya na nguthu sitũ, we Ngai.</verse>
				<verse number="12">Tũtetheesye kwa ĩla nthũ; Nũndũ ũtethyo wa mũndũ nĩ wa mana.</verse>
				<verse number="13">Kwondũ wa Ngai tũkeekaa na ũkũmbaũ: Nũndũ nĩwe ũla ũkakinyanga nthũ sitũ.</verse>
			</chapter>
			<chapter number="109">
				<verse number="1">Ndũkavindye, ame Ngai ũla nĩtaĩaa;</verse>
				<verse number="2">Nũndũ kanyw’a wa ũla mwathe na kanyw’a wa ũkengani nĩmambathamĩsye: Nĩmaneenee na nĩmĩ ngengani.</verse>
				<verse number="3">O na nĩmanthyũlũlũkĩte na ndeto sya kĩmena, Na nĩmambũkitĩte vate kĩtumi.</verse>
				<verse number="4">Nũndũ wa wendo wakwa mo nĩ nthũ syakwa: Ĩndĩ nĩnĩnenganĩte mboyanĩ.</verse>
				<verse number="5">Ĩndĩ nĩmandĩvĩte ũthũku vandũ va ũseo, Na kĩmena vandũ va wendo wakwa.</verse>
				<verse number="6">Ia mũndũ mũthũku ĩũlũ wake; Na nthũ ĩũngame ngalĩ ya kw’oko kwake kwa aũme.</verse>
				<verse number="7">Akĩsilĩlwa, oneke e na ĩvĩtyo; Na mboya yake ĩalyũke ĩtw’ĩke naĩ.</verse>
				<verse number="8">Matukũ make nĩmethĩwe manini; Na ũngĩ nakwate wĩa wake.</verse>
				<verse number="9">Syana syake ikw’ĩĩwe nĩ aaĩthe, Na kĩveti kyake nĩkĩthĩwe ndiwa.</verse>
				<verse number="10">Syana syake syĩthĩwe mbangangi, na mboyi; Na nimanthe lĩu wasyo kũndũ kwoo kũla kũthei.</verse>
				<verse number="11">Mũandũi nĩose syonthe ila wĩ nasyo; Na aeni nĩmatave sya wĩa wake.</verse>
				<verse number="12">O na kũtikethĩwe ũmwe wa kũmwĩka nesa; O na kũtikethĩwe o na ũmwe wa kwĩw’ĩa syana syake ndiwa tei.</verse>
				<verse number="13">Ũsyaanĩo wake ũvetwe; Nzyawanĩ ĩla yũkĩte syĩtwa yoo yanangwe.</verse>
				<verse number="14">Ũthũku wa aaĩthe make ũlilikanwe nĩ Yeova; Na naĩ ya inyia wake ndĩkaanangwe.</verse>
				<verse number="15">Nĩmekalae mbee wa Yeova ĩndĩ yonthe, Nĩ kana atonye kũveta ũlilikan’yo woo nthĩ;</verse>
				<verse number="16">Nĩkwĩthĩwa ndaalilikana kwonan’ya ũseo, Ĩndĩ athĩnisye ngya na mũthĩni, Na ala me ngoo ndũlĩku, kũmoaa.</verse>
				<verse number="17">Ĩĩ, endie kũumanĩa, na kwasyoka kwake; Na ndaendeew’a nĩ ũathimo, naw’o waĩ kũasa nake.</verse>
				<verse number="18">O na ĩngĩ eevw’ĩka kĩumo ta kwĩvw’ĩka ngũa yake, Na kyooka nthĩnĩ wake ta manzĩ, Na ta mauta mavĩndĩnĩ make.</verse>
				<verse number="19">Kĩtw’ĩke kwake o ta ngũa ĩla wĩvw’ĩkaa, Na ta mũsivi ũla wĩvotoaa ĩndĩ yonthe.</verse>
				<verse number="20">Yĩĩ nĩyo ĩtuvi ya nthũ syakwa kuma kwa Yeova, Na ya ala maneeneaa ngoo yakwa ũthũku.</verse>
				<verse number="21">Ĩndĩ ĩka nakwa kwondũ wa syĩtwa yaku, ame Yeova Mwĩaĩi: Nĩkwĩthĩwa ũseo waku wĩ wendo nĩ mũseo, mbonokya;</verse>
				<verse number="22">Nũndũ nĩ ngya na mũthĩni, Na ngoo yakwa nĩ mbũkitĩku nthĩnĩ wakwa.</verse>
				<verse number="23">Nĩnĩendete o ta muunyĩ ũla ũendeeaa: Nĩnĩlelũkangaw’a o ta ngie.</verse>
				<verse number="24">Mau makwa nĩ monzu ũndũ wa kũtĩĩa kũya; Na mwĩĩ wakwa nũnyivĩwe nĩ ũnou.</verse>
				<verse number="25">O na ĩngĩ nĩtw’ĩkĩte kĩvũthya kwoo: Yĩla mekũmbona, nĩmekũthingithya mĩtwe yoo.</verse>
				<verse number="26">Ndethya, ame Yeova Ngai wakwa; Ndangĩĩa kwĩanana na ũseo waku wĩ wendo:</verse>
				<verse number="27">Nĩ kana mamanye kana kũũ nĩ kw’oko kwaku; Na kana we, Yeova, nĩwĩkĩte ũu.</verse>
				<verse number="28">Mo nĩmaumane, ĩndĩ we athima: Yĩla meũkĩla, makasonokw’a, Ĩndĩ mũthũkũmi waku akatana.</verse>
				<verse number="29">Nthũ syakwa ivw’ĩkwe ũndũ ũte ndaĩa, Na mevw’ĩke nthoni syoo ene ta kĩtonyeo.</verse>
				<verse number="30">Ngamũtũngĩa Yeova mũvea mũnene na kanyw’a wakwa; Ĩĩ, ngamũtaĩĩa nguthunĩ.</verse>
				<verse number="31">Nũndũ akaũngama ngalĩ ya kw’oko kwa aũme kwa mũthĩni, Amũtangĩĩe kwa ala masilĩlaa thayũ wake.</verse>
			</chapter>
			<chapter number="110">
				<verse number="1">Yeova emwĩa Mwiaĩi wakwa, Ĩkala nthĩ ngalĩ ya kw’oko kwa aũme kwakwa, Mũvaka natw’a amaitha maku kavĩla ka nyaĩĩ syaku.</verse>
				<verse number="2">Yeova akatambũũkya ndata ya vinya waku kuma Saioni: Sumbĩka katĩ wa amaitha maku.</verse>
				<verse number="3">Andũ maku nĩmeĩthembaa na ngoo ya kwenda Mũthenya wa vinya waku, na ũseo wa ũtheu: Kuma ĩvunĩ ya kũikya Wĩ na ĩmwe ya wana waku.</verse>
				<verse number="4">Yeova nĩwĩvĩtĩte, na ndaketũnga: Wĩ mũthembi wa tene na tene O ta ũndũ Melikiseteki wailyĩ.</verse>
				<verse number="5">Mwĩaĩi e ngalĩ ya kw’oko kwa aũme kwaku Akakũna asumbĩ mũthenya wa kũthilĩka kwake.</verse>
				<verse number="6">Akasilaa katĩ wa i mbaĩ, Akausũsya kũndũ na simba; Nake akakũnangĩa anene nthĩnĩ wa nthĩ mbingĩ.</verse>
				<verse number="7">Akanyw’ĩa ma kalũsĩ ku nzĩanĩ: Kwondũ wa ũu akookĩlya mũtwe.</verse>
			</chapter>
			<chapter number="111">
				<verse number="1">Mũtaĩeĩ Yeova. Ngamũtũngĩa Yeova mũvea na ngoo yakwa yonthe, Nzamanĩ ya ala alũngalu, na ũmbanonĩ.</verse>
				<verse number="2">Mawĩa ma Yeova nĩ manene, Mamanthawa nĩ onthe ala mendeeawa nĩmo.</verse>
				<verse number="3">Wĩa wake wĩ ndaĩa na ũnene; Na ũlũngalu wake nĩwĩkalaa tene na tene.</verse>
				<verse number="4">Nũtumaa mawĩa make ma ũseng’ya malilikanwa: Yeova nĩ mũseo na e tei.</verse>
				<verse number="5">Nũmanengete lĩu ala mamũkĩaa: Akalilikanaa ũtianĩo wake ĩndĩ yonthe.</verse>
				<verse number="6">Nĩwonetye andũ make vinya wa mawĩa make, Aimanenga ũtiĩwa wa i mbaĩ.</verse>
				<verse number="7">Mawĩa ma moko make nĩmo w’o na ũsili wa katĩ; Mawĩaĩo make onthe nĩ malũmu.</verse>
				<verse number="8">Nĩmalũlũmĩlw’e tene na tene; Nĩmekawa nthĩnĩ wa w’o na ũlũngalunĩ.</verse>
				<verse number="9">Nũtũmĩte wovosyo kwa andũ make; Nĩwĩaĩte ũtianĩo wake tene na tene: Syĩtwa yake nĩ ĩtheu na ya kũtaĩwa.</verse>
				<verse number="10">Kũmũkĩa Yeova nĩkw’o wambĩlĩlyo wa ũĩ; Ũmanyi mũseo wĩ na onthe ala mekaa mĩao yake: Kũtaĩwa kwake nĩkwĩkalaa tene na tene.</verse>
			</chapter>
			<chapter number="112">
				<verse number="1">Mũtaĩei Yeova. Nĩmũathime mũndũ ũla ũmũkĩaa Yeova, Ũla ũtanĩaa mũno mĩao yake.</verse>
				<verse number="2">Ũsyao wake ũkeethĩwa wĩ na ũtonyi kũũ nthĩ: Nzyawa ya mũlũngalu ĩkaathimwa.</verse>
				<verse number="3">Ũthwii na syĩndũ syĩ nyũmbanĩ yake; Na ũlũngalu wake nĩwĩkalaa tene na tene.</verse>
				<verse number="4">Kyeni nĩkyumĩlĩlaa alũngalu kĩvindunĩ: Nake nĩ mũseo, na e tei, na nĩ mũlũngalu.</verse>
				<verse number="5">Nĩ kũseo kwa mũndũ ũla wĩkaa na ĩnee na kũkovethya; Akaseũvya ũvoo wake ũsilĩlonĩ.</verse>
				<verse number="6">Nũndũ ndakathingithangw’a o na ĩndĩĩ; Ũla mũlũngalu nũkalilikanwa tene na tene.</verse>
				<verse number="7">Ndakakĩa maũvoo mathũku: Ngoo yake nĩlũmĩte, aiĩkĩĩa Yeova.</verse>
				<verse number="8">Ngoo yake nĩlũmĩte ndakakĩa, Kũvika oona kwenda kwake ĩũlũ wa nthũ syake.</verse>
				<verse number="9">Nũũanĩtye, nũnengete ala athĩni; Ũlũngalu wake nĩwĩkalaa tene na tene: Ũvya wake ũkanenevw’a na ndaĩa.</verse>
				<verse number="10">Ũla mũthũku akoona ũu, na kwĩw’a woo; Akavevetan’ya maeo, na kũtweka vyũ; Kwenda kwa ala athũku kũkaaa.</verse>
			</chapter>
			<chapter number="113">
				<verse number="1">Mũtaĩei Yeova. Mũtaĩei, inyw’ĩ athũkũmi ma Yeova, Taĩai syĩtwa ya Yeova.</verse>
				<verse number="2">Syĩtwa ya Yeova nĩyĩtaĩwe Kuma yu na kũvika tene na tene.</verse>
				<verse number="3">Kuma syũa yauma kũvika yathũa Syĩtwa ya Yeova nĩ ya kũtaĩwa.</verse>
				<verse number="4">Yeova e ĩũlũ wa mbaĩ syonthe, Na ũtheu mũtisu wake ĩũlũ wa matu,</verse>
				<verse number="5">Nũũ ũilyĩ ta Yeova Ngai waitũ, Ũla wĩ na kĩvĩla kyake ĩũlũ,</verse>
				<verse number="6">Ũla wĩnyivasya asisye Syĩndũ syĩ ĩtunĩ na nthĩ?</verse>
				<verse number="7">Nĩwũkĩlasya ngya kũmyumya kĩtoonĩ, Na kũkĩlya ũla mũthĩni kũmumya ũtũndanĩ;</verse>
				<verse number="8">Nĩ kana amwĩkalye nthĩ vamwe na anene me mbee ũsumbĩnĩ, O vamwe na anene me mbee ũsumbĩnĩ ma andũ make.</verse>
				<verse number="9">Nũtumaa mũndũ mũka ngũngũ ekala nyũmbanĩ, Na kwĩthĩwa inyia mũtanu wa syana. Mũtaĩei Yeova.</verse>
			</chapter>
			<chapter number="114">
				<verse number="1">Yĩla Isilaeli waumie Mĩsili, Nyũmba ya Yakovo yaumie andũnĩ me kĩthyomo kĩeni;</verse>
				<verse number="2">Yuta atw’ĩka vandũ vake vatheu, Isilaeli atw’ĩka ũsumbĩko wake.</verse>
				<verse number="3">Ũkanga nĩwoonie ũu, na wakĩa; Yolotani nĩwatũngiwe na ĩtina.</verse>
				<verse number="4">Iĩma syatũlĩlanga ta ndũũme, Tũlĩma ta tũtena twa malondu.</verse>
				<verse number="5">Wĩ na kĩ, we ũkanga, ũndũ ũũkĩa? We Yolotani, ũndũ ũĩthyũũa na ĩtina?</verse>
				<verse number="6">Inyw’ĩ iĩma, ũndũ mũũtũlĩlanga ta ndũũme; Iny’wĩ tũlĩma, ta tũtena twa malondu?</verse>
				<verse number="7">We nthĩ, tetemea mbee wa Mwĩaĩi, Mbee wa Ngai wa Yakovo,</verse>
				<verse number="8">Ũla waalyũlile ĩvia yatw’ĩka ndia ya manzĩ, Ĩvia yũmũ kwĩthĩwa nthongo ya manzĩ.</verse>
			</chapter>
			<chapter number="115">
				<verse number="1">Ti vaitũ, ame Yeova, ti vaitũ, Ĩndĩ syĩtwa yaku yĩnengwe ndaĩa. Kwondũ wa ũseo waku wĩ wendo, na kwondũ wa w’o waku.</verse>
				<verse number="2">Nũndũ wa kĩ i mbaĩ syaasye, Yu Ngai woo aĩva?</verse>
				<verse number="3">Ĩndĩ Ngai waitũ e matunĩ: Nĩwĩkĩte o ũndũ wendie.</verse>
				<verse number="4">Mĩvw’anano yoo nĩ vetha na thaavu, Wĩa wa moko ma andũ.</verse>
				<verse number="5">Yĩ na makanyw’a, ĩndĩ ndĩneenaa; Yĩ na metho, ĩndĩ ndĩonaa;</verse>
				<verse number="6">Yĩ na matũ, ĩndĩ ndĩw’aa; Yĩ na manyiũũ, ĩndĩ ndĩnyungĩaa;</verse>
				<verse number="7">Yĩ na moko, ĩndĩ ndĩkwatangaa; Yĩ na maũũ, ĩndĩ ndĩendaa; O na ndĩumasya wasya mĩmeonĩ yayo.</verse>
				<verse number="8">Ala mamĩseũvasya makeethĩwa mailyĩ tayo; Ĩĩ, kĩla mũndũ ũla ũmĩĩkĩĩaa.</verse>
				<verse number="9">We Isilaeli, ĩkĩĩa Yeova: Nĩwe mũtethya woo na ngao yoo.</verse>
				<verse number="10">We nyũmba ya Aluni, ĩkĩĩai Yeova: Nĩwe mũtethya woo na ngao yoo.</verse>
				<verse number="11">Inyw’ĩ ala mũkĩaa Yeova, ĩkĩĩai Yeova: Nĩwe mũtethya woo na ngao yoo.</verse>
				<verse number="12">Yeova nũtũlilikanĩte; akatũathima: Akaathima nyũmba ya Isilaeli; Akaathima nyũmba ya Aluni.</verse>
				<verse number="13">Akaathima ala makĩaa Yeova, Anini na anene.</verse>
				<verse number="14">Yeova namwingĩvye mbee na mbee, Inyw’ĩ na syana syenyu.</verse>
				<verse number="15">Nĩmũathimĩtwe nĩ Yeova, Ũla watw’ĩkĩthisye ĩtu na nthĩ.</verse>
				<verse number="16">Matu nĩ matu ma Yeova; Ĩndĩ nthĩ nũnengete ana ma andũ.</verse>
				<verse number="17">Akw’ũ matitaĩaa Yeova, O na ũmwe wa ala matheeaa kũla kũkilĩtye;</verse>
				<verse number="18">Ĩndĩ ithyĩ tũkataĩa Yeova Kuma yu na kũvika tene na tene. Mũtaĩei Yeova.</verse>
			</chapter>
			<chapter number="116">
				<verse number="1">Nĩnĩmwendaa Yeova, nĩkwĩthĩwa nĩwĩw’aa Wasya wakwa na mawĩsũvano makwa.</verse>
				<verse number="2">Nĩkwĩthĩwa nũteete kũtũ kwake kwakwa, Kwondũ wa ũu ngamwĩkaĩlaa o yĩla nĩ thayũ.</verse>
				<verse number="3">Ndii sya kĩkw’ũ nĩsyeendingĩlĩte, Na mawoo ma Seoli nĩmangwatĩte: Nĩnonete thĩna na woo.</verse>
				<verse number="4">Nĩvo ĩndĩ neekaĩlile syĩtwa ya Yeova: Ame Yeova, nĩngũkwĩsũva, vonokya thayũ wakwa.</verse>
				<verse number="5">Yeova nĩ mũseo, na mũlũngalu; Ĩĩ, Ngai waitũ e tei.</verse>
				<verse number="6">Yeova nũsũvĩaa ala mate ũmanyi: Nĩnanyiviw’e, na andangĩĩa.</verse>
				<verse number="7">Syoka ũthũmũonĩ waku, we ngoo yakwa; Nũndũ Yeova nũkwĩkĩte na ũlau.</verse>
				<verse number="8">Nũndũ nũvonoketye thayũ wakwa kuma kĩkw’ũnĩ, Metho makwa maume methoinĩ, Na maũũ makwa maume kũtiũũkanĩ.</verse>
				<verse number="9">Ngaendelaa mbee wa Yeova Nthi ya ala me thayũ.</verse>
				<verse number="10">Nĩngwĩtĩkĩla, kwondũ wa ũu nganeena: Nĩnathĩniw’e mũno:</verse>
				<verse number="11">Mĩtũkĩnĩ yakwa nĩnaisye, Andũ onthe me ũvũngũ.</verse>
				<verse number="12">Nĩmũnenga Yeova kĩ Kwondũ wa moseo make onthe kwakwa?</verse>
				<verse number="13">Ngoosa kĩkombe kya ũtangĩĩo, Na kwĩkaĩla syĩtwa ya Yeova.</verse>
				<verse number="14">Ngeanĩsya mawĩvĩto makwa kwa Yeova, Ĩĩ, andũ make onthe mene.</verse>
				<verse number="15">Methonĩ ma Yeova kĩ vata mũno Kĩkw’ũ kya atheu make.</verse>
				<verse number="16">Ame Yeova, vate ndĩi nyie nĩ mũthũkũmi waku: Nĩ mũthũkũmi waku, mwana wa mũthũkũmi waku mwĩĩtu; Nũthaĩtye kĩla kĩmbovete.</verse>
				<verse number="17">Ngakũthembea nthembo ya mũvea, Na kwĩkaĩla syĩtwa ya Yeova.</verse>
				<verse number="18">Ngeanĩsya mawĩvĩto makwa kwa Yeova, Ĩĩ, andũ make onthe mene,</verse>
				<verse number="19">Nthĩnĩ wa nza sya nyũmba ya Yeova, Katĩ waku, we Yelusaleme. Mũtaĩei Yeova.</verse>
			</chapter>
			<chapter number="117">
				<verse number="1">Mũtaĩei Yeova, inyw’ĩ mbaĩ syonthe; Mũkathei, inyw’ĩ ngo syonthe sya andũ.</verse>
				<verse number="2">Nũndũ ũseo wake wĩ wendo nĩ mũnene kwitũ; Na w’o wa Yeova nĩwĩkalaa tene na tene. Mũtaĩei Yeova.</verse>
			</chapter>
			<chapter number="118">
				<verse number="1">Mũtũngĩei Yeova mũvea; nũndũ nĩ mũseo; Nũndũ ũseo wake wĩ wendo nĩwĩkalaa tene na tene.</verse>
				<verse number="2">Yu Isilaeli naneene, Kana ũseo wake wĩ wendo nĩwĩkalaa tene na tene.</verse>
				<verse number="3">Yu nyũmba ya Aluni nĩneene, Ũseo wake wĩ wendo nĩwĩkalaa tene na tene.</verse>
				<verse number="4">Ala makĩaa Yeova maneene, Ũseo wake wĩ wendo nĩwĩkalaa tene na tene.</verse>
				<verse number="5">Nĩ ũnyamaonĩ wakwa nĩnamwĩkaĩlile Yeova: Yeova nĩwanzũngĩie na ambĩkalya vandũ vaamu.</verse>
				<verse number="6">Yeova e ngalĩ yakwa; ndikakĩa: Mũndũ atonya kũmbĩka ata?</verse>
				<verse number="7">Yeova e ngalĩ yakwa katĩ wa ala mandethasya: Kwondũ wa ũu ngoona kwenda kwakwa kũkĩkwa ĩũlũ wa ala mamenaa.</verse>
				<verse number="8">Nĩ kavaa kwĩvitha nthĩnĩ wa Yeova Kwĩ kwĩkwatya mũndũ.</verse>
				<verse number="9">Nĩ kavaa kwĩvitha nthĩnĩ wa Yeova Kwĩ kwĩkwatya anene me mbee ũsumbĩnĩ.</verse>
				<verse number="10">Mbaĩ syonthe ninthyũlũlũkĩte: Syĩtwanĩ ya Yeova ngaiveta.</verse>
				<verse number="11">Ninthyũlũlũkĩte; ĩĩ, ninthyũlũlũkĩte: Syĩtwanĩ ya Yeova ngaiveta.</verse>
				<verse number="12">Ninthyũlũlũkĩte ta nzũkĩ; nivoetwe ta mwaki wa mĩw’a: Syĩtwanĩ ya Yeova ngaiveta.</verse>
				<verse number="13">Nĩwanduutile mũno nĩ kana nĩvalũke; Ĩndĩ Yeova nĩwandethisye.</verse>
				<verse number="14">Yeova nĩ vinya wakwa na wathi wakwa; Na nũtw’ĩkĩte ũtangĩĩo wakwa.</verse>
				<verse number="15">Wasya wa kũtana na wa ũtangĩĩo wĩ maeemanĩ ma ala alũngalu: Kw’oko kwa aũme kwa Yeova nĩkwĩkaa na ũtonyi.</verse>
				<verse number="16">Kw’oko kwa aũme kwa Yeova nĩ kũtaĩe: Kw’oko kwa aũme kwa Yeova nĩkwĩkaa na ũtonyi.</verse>
				<verse number="17">Ndikakw’a, ĩndĩ ngekala thayũ, Na kũtavan’ya mawĩa ma Yeova.</verse>
				<verse number="18">Yeova nũnzilĩlĩte mũno; Ĩndĩ ndaanengane nĩkw’e.</verse>
				<verse number="19">Mbingũĩa mbingĩlo sya ũlũngalu: Ngailikĩla, ngamũtũngĩa Yeova mũvea.</verse>
				<verse number="20">Ĩno nĩyo mbingĩlo ya Yeova; Ala alũngalu makamĩvotela.</verse>
				<verse number="21">Ngakũtũngĩa mũvea; nũndũ nũnzũngĩĩte, Na nũtw’ĩkĩte ũtangĩĩo wakwa.</verse>
				<verse number="22">Ĩvia yĩla aki maleile Nĩyĩtw’ĩkĩte ĩnene ya kĩkotonĩ.</verse>
				<verse number="23">Ũu nĩ wĩko wa Yeova; Nĩ ũseng’yo methonĩ maitũ.</verse>
				<verse number="24">Ũũ nĩ mũthenya ũla Yeova ũseũvĩtye; Tũkatana na kũwĩw’ĩa mũyo.</verse>
				<verse number="25">Tangĩĩa yu, nĩtũũkwĩsũva, ame Yeova: Ame Yeova, nĩtũũkwĩsũva, ete yu ũunĩko.</verse>
				<verse number="26">Nĩ mũathime ũla wũkaa syĩtwanĩ ya Yeova: Nĩtũmũathimĩte inyw’ĩ twĩ nyũmbanĩ ya Yeova.</verse>
				<verse number="27">Yeova nĩ Ngai, na nũtũnengete kyeni: Oveea nthembo na ndii, o mbyanĩ sya kĩthembeo.</verse>
				<verse number="28">Nue Ngai wakwa, na ngakũtũngĩa mũvea: Nue Ngai wakwa, ngakũnenevya.</verse>
				<verse number="29">Mũtũngĩei Yeova mũvea; nũndũ nĩ mũseo; Nũndũ ũseo wake wĩ wendo nĩwĩkalaa tene na tene.</verse>
			</chapter>
			<chapter number="119">
				<verse number="1">Nĩ aathime ala eanĩu nzĩanĩ, Ala maendaa mĩaonĩ ya Yeova.</verse>
				<verse number="2">Nĩ aathime ala masũvĩaa mokũsĩ make, Ala mamũmanthaa na ngoo yonthe.</verse>
				<verse number="3">Ĩĩ, matyĩkaa ũndũ ũte ũlũngalu; Nĩmaendelaa nzĩanĩ syake.</verse>
				<verse number="4">Nũtwĩaĩĩte mawĩaĩo maku, Nĩ kana tũmekae na kĩthing’ĩĩsyo.</verse>
				<verse number="5">A! Kethĩwa nzĩa syakwa nilũlũmĩlwa Kũkwata myamũlo yaku!</verse>
				<verse number="6">Nĩvo ĩndĩ ndikasonokw’a, Yĩla ngũkwata mĩao yaku yonthe.</verse>
				<verse number="7">Ngakũtũngĩa mũvea nĩ na ũlũngalu ngoonĩ, Yĩla ngwĩmanyĩsya mosilĩlo maku malũngalu.</verse>
				<verse number="8">Ngakwata myamũlo yaku: Ndũkaandeke nongi.</verse>
				<verse number="9">Mwanake akatheasya nzĩa yake na kyaũ? No ũndũ wa kũmĩsũvĩa kwĩanana na ndeto yaku.</verse>
				<verse number="10">Nĩkũmanthĩte na ngoo yakwa yonthe: Ndũkandeke nangangae kuma mĩaonĩ yaku.</verse>
				<verse number="11">Nĩniĩte ndeto yaku ngoonĩ yakwa, Nĩ kana ndikakũvĩtanĩsye.</verse>
				<verse number="12">Wĩ mũtaĩĩku, ame Yeova: Manyĩsya nyie myamũlo yaku.</verse>
				<verse number="13">Nĩnĩtavanĩtye na ilomo syakwa Motw’ĩo onthe ma kanyw’a waku.</verse>
				<verse number="14">Nĩnĩtanĩte nzĩanĩ ya mokũsĩ maku, O ũndũ nĩtanĩte mothwiinĩ onthe.</verse>
				<verse number="15">Ngasũanĩaa mawĩaĩo maku, Na kũsũvĩaa nzĩa syaku.</verse>
				<verse number="16">Ngeetanĩthasya myamũlonĩ yaku: Ndikolwa nĩ ndeto yaku.</verse>
				<verse number="17">Mwĩke mũthũkũmi waku na ũlau, nĩ kana nĩkale thayũ; Na ngakwata ndeto yaku.</verse>
				<verse number="18">Salukya metho makwa, nĩ kana none Maũndũ ma ũseng’ya mĩaonĩ yaku.</verse>
				<verse number="19">Nyie nĩ mwĩkali wa ũeninĩ kũũ nthĩ: Ndũkambithe mĩao yaku.</verse>
				<verse number="20">Ngoo yakwa nĩ ndũle nĩ mea Ala yĩ namo ũndũ wa motw’ĩo maku mavinda onthe.</verse>
				<verse number="21">Nũkanĩtye ekathĩĩi ala maumanĩwe, Ala mangangaa kuma mĩaonĩ yaku.</verse>
				<verse number="22">Mbetea kĩvũthya na ntheko; Nũndũ nĩnzũvĩĩte mokũsĩ maku.</verse>
				<verse number="23">O na anene me mbee ũsumbĩnĩ mekala nthĩ na kũneenea naĩ; Ĩndĩ mũthũkũmi waku alilikana myamũlo yaku.</verse>
				<verse number="24">O na mokũsĩ maku nĩ ũtanu wakwa Na nĩ atai makwa.</verse>
				<verse number="25">Ngoo yakwa nĩlũmanĩtye na kĩtoo: Nthayũũkya kwĩanana na ndeto yaku.</verse>
				<verse number="26">Nĩnatavanisye nzĩa syakwa, naku nĩwanzũngĩie: Manyĩsya nyie myamũlo yaku.</verse>
				<verse number="27">Manyĩthya nyie nzĩa ya mawĩaĩo maku: Nakwa ngasũanĩa mawĩa maku ma ũseng’ya.</verse>
				<verse number="28">Ngoo yakwa nĩnĩũtwekw’a nĩ woo: Mbĩkĩa vinya kwĩanana na ndeto yaku.</verse>
				<verse number="29">Mbetea nzĩa ya ũvũngũ; Na nenga mĩao yaku na ũseo mwingĩ.</verse>
				<verse number="30">Nĩnĩnyuvĩte nzĩa ya kĩthito: Nĩniĩte motw’ĩo maku mbee wakwa.</verse>
				<verse number="31">Nĩngũlũman’ya na mokũsĩ maku: Ame Yeova, ndũkaanzonokye.</verse>
				<verse number="32">Ngasemba nzĩanĩ ya mĩao yaku, Yĩla wĩnenevya ngoo yakwa.</verse>
				<verse number="33">Manyĩsya nyie, ame Yeova, nzĩa ya myamũlo yaku; Na ngamĩkwata kũvika mũminũkĩlyo.</verse>
				<verse number="34">Nenga ũmanyi, na ngakwata mĩao yaku; Ĩĩ, ngamĩkaa na ngoo yakwa yonthe.</verse>
				<verse number="35">Ndwaĩthasya nzĩanĩ ya mĩao yaku; Nũndũ nĩtanĩaa nthĩnĩ wayo.</verse>
				<verse number="36">Elekelya ngoo yakwa mokũsĩnĩ maku, Na ti ĩtomonĩ.</verse>
				<verse number="37">Thyũũa metho makwa matikasisye maũndũ ma mana, Na nthayũũkya nzĩanĩ syaku.</verse>
				<verse number="38">Lũlũmĩlya ndeto yaku kwa mũthũkũmi waku, Ĩla ĩtumaa ũkĩwa.</verse>
				<verse number="39">Mbetea kũvũthw’a kwakwa kũla nĩkĩaa; Nũndũ motw’ĩo maku nĩ maseo.</verse>
				<verse number="40">Sisya, nĩnendete mawĩaĩo maku: Nthayũũkya ũlũngalunĩ waku.</verse>
				<verse number="41">Moseo maku me wendo namo mambũkĩe, ame Yeova, O ũtangĩĩo waku, kwĩanana na ndeto yaku.</verse>
				<verse number="42">Kwondũ wa ũu ngeethĩwa na ũsũngĩo kwa ũla ũmbũthasya; Nũndũ nĩnĩĩkĩĩaa ndeto yaku.</verse>
				<verse number="43">Ndũkaaumye nongi ndeto ya w’o kanyw’anĩ wakwa; Nũndũ nĩnĩkwatĩtye motw’ĩo maku.</verse>
				<verse number="44">Kwondũ wa ũu ngakwata mĩao yaku ĩndĩ yonthe Kũvika tene na tene.</verse>
				<verse number="45">Na ngaendaa nĩ mũthasye; Nũndũ nĩnĩmanthĩte mawĩaĩo maku.</verse>
				<verse number="46">O na ĩngĩ ngaweta mokũsĩ maku mbee wa asumbĩ, Na ndikasonokw’a.</verse>
				<verse number="47">Ngeetanĩthasya mĩaonĩ yaku, Ĩla nendete.</verse>
				<verse number="48">O na ĩngĩ ngookĩlĩlya moko makwa mĩao yaku, ĩla nendete; Na ngasũanĩaa myamũlo yaku.</verse>
				<verse number="49">Lilikana ndeto kwa mũthũkũmi waku, Ĩla wandĩkĩĩthisye.</verse>
				<verse number="50">Nĩyo ũkiakisyo wakwa thĩnanĩ wakwa; Atĩ ndeto yaku nĩnthayũũkĩtye.</verse>
				<verse number="51">Ekathĩĩi nĩmanthekeee mũno: Ĩndĩ ndyaaathũka ũtee kuma mĩaonĩ yaku.</verse>
				<verse number="52">Nĩnĩlilikanĩte motw’ĩo maku ma tene, ame Yeova, Na ngekiakisya.</verse>
				<verse number="53">Ũthatu mwakanu nũngwatĩte, Nũndũ wa athũku ala matiaa mĩao yaku.</verse>
				<verse number="54">Myamũlo yaku yĩthĩawa mbathi syakwa Nyũmbanĩ ya ũeni wakwa.</verse>
				<verse number="55">Nĩnĩlilikanĩte syĩtwa yaku ũtukũ, we Yeova, Na nĩnĩkwatĩtye mĩao yaku.</verse>
				<verse number="56">Ũũ nĩthĩawa naw’o, Atĩ nĩngwatĩte mawĩaĩo maku.</verse>
				<verse number="57">Yeova nĩ kĩanda kyakwa: Nĩnaĩtye kana ngakwata ndeto syaku.</verse>
				<verse number="58">Nĩneesũvanie ũseo kwaku na ngoo yakwa yonthe: Mbĩw’ĩa tei kwĩanana na ndeto yaku.</verse>
				<verse number="59">Nĩnasũanĩie mĩendele yakwa, Na nathyũũĩa mokũsĩ maku maũũ makwa.</verse>
				<verse number="60">Nĩneekalaatile, ndyaaĩkala, Nĩkwate mĩao yaku.</verse>
				<verse number="61">Ndii sya athũku nĩsyeendingĩlĩte; Ĩndĩ ndyaaũlwa nĩ mĩao yaku.</verse>
				<verse number="62">Ũtukũ katĩ ngookĩlaa nĩkũtũngĩe mũvea Nũndũ wa motw’ĩo maku malũngalu.</verse>
				<verse number="63">Nĩ mũtindan’ya wa onthe ala makũkĩaa, Na wa ala makwataa mawĩaĩo maku.</verse>
				<verse number="64">Ame Yeova, nthĩ nĩyusũĩte ũseo waku wĩ wendo: Manyĩsya nyie myamũlo yaku.</verse>
				<verse number="65">Nĩwĩkĩte mũthũkũmi waku nesa, We Yeova, kwĩanana na ndeto yaku.</verse>
				<verse number="66">Manyĩsya nyie kwonaa katĩ o na ũmanyi; Nũndũ nĩnĩtĩkĩlĩte mĩao yaku.</verse>
				<verse number="67">Ndanamba kũthĩnw’a naendaa ngyanganga; Ĩndĩ yu nĩngwataa ndeto yaku.</verse>
				<verse number="68">We wĩ mũseo, na nĩwĩkaa ũseo; Manyĩsya nyie myamũlo yaku.</verse>
				<verse number="69">Ekathĩĩi nĩmanzeũvĩsye ũvũngũ: Ngakwata mawĩaĩo maku na ngoo yakwa yonthe.</verse>
				<verse number="70">Ngoo syoo nĩ nou ta mathunya; Ĩndĩ nyie nĩtanaa mĩaonĩ yaku.</verse>
				<verse number="71">Nĩ ũseo kwakwa nathĩniw’e; Nĩ kana nĩmanyĩsye myamũlo yaku.</verse>
				<verse number="72">Mwĩao wa kanyw’a waku nĩ kavaa kwakwa Kwĩ ngili sya thaavu na vetha.</verse>
				<verse number="73">Moko maku nĩmambũmbie na manzeũvya: Nenga ũmanyi, nĩ kana nĩmanyĩsye mĩao yaku.</verse>
				<verse number="74">Ala makũkĩaa makambona na kũtana, Nĩkwĩthĩwa nĩnĩkwatĩtye ndeto yaku.</verse>
				<verse number="75">Nĩnĩsĩ, ame Yeova, mosilĩlo maku nĩ malũngalu, Na kĩthitonĩ kyaku nũnthĩnĩtye.</verse>
				<verse number="76">Nĩngũkwĩsũva, ũseo waku wĩ wendo nĩwĩthĩwe wa kũngiakisya, Kwĩanana na ndeto yaku kwa mũthũkũmi waku.</verse>
				<verse number="77">Matei maku mololo nĩmambũkĩe, nĩ kana nĩkale thayũ; Nũndũ mĩao yaku nĩ ũtanu wakwa.</verse>
				<verse number="78">Ekathĩĩi nĩmasonokw’e; nũndũ nĩmambalũkĩtye na ũvũngũ: Ĩndĩ ngasũanĩaa mawĩaĩo maku.</verse>
				<verse number="79">Ala maũkĩaa nĩmenthyũũĩe; Na makamanya mokũsĩ maku.</verse>
				<verse number="80">Ngoo yakwa nĩyĩthĩwe mbĩanĩu myamũlonĩ yaku, Nĩ kana ndikasonoke.</verse>
				<verse number="81">Ngoo yakwa yĩ na mũnyalo kwondũ wa ũtangĩĩo waku; Ĩndĩ nĩkwatasya ndeto yaku.</verse>
				<verse number="82">Metho makwa nĩmeũseekea kwondũ wa ndeto yaku, O yĩla ngwasya, Ũkangiakisya ĩndĩĩ?</verse>
				<verse number="83">Nũndũ nĩndw’ĩkĩte ta kathatwa ka mbinyu ke vala ve syũki; Ĩndĩ ndyũlawa nĩ myamũlo yaku.</verse>
				<verse number="84">Mĩthenya ya mũthũkũmi waku nĩ yĩana? Ũkamasilĩla ala manthĩnasya ĩndĩĩ?</verse>
				<verse number="85">Ekathĩĩi nĩmenzĩte maima ũndũ wakwa, Ala matekaa kwĩanana na mĩao yaku.</verse>
				<verse number="86">Mĩao yaku yonthe nĩ ya kũĩkĩĩwa: Nĩmanthĩnasya na ũvũngũ; ndethya.</verse>
				<verse number="87">Maĩ vakuvĩ kũmbeta ĩũlũ wa nthĩ; Ĩndĩ ndyaatia mawĩaĩo maku.</verse>
				<verse number="88">Nthayũũkya kwĩanana na ũseo waku wĩ wendo, Nakwa ngakwata ũkũsĩ wa kanyw’a waku.</verse>
				<verse number="89">Tene na tene, ame Yeova, Ndeto yaku nĩlũmĩtw’e ĩtunĩ.</verse>
				<verse number="90">Kĩthito kyaku nĩ kya nzyawa syonthe: Nũlũlũmĩlĩtye nthĩ, nayo nĩyĩkalaa.</verse>
				<verse number="91">Nĩmekalaa ũmũnthĩ kwĩanana na motw’ĩo maku; Nũndũ syĩndũ syonthe nĩ athũkũmi maku.</verse>
				<verse number="92">Kethĩwa mĩao yaku ndĩaĩ ũtanu wakwa, Nĩthĩwa naaĩe thĩnanĩ wakwa.</verse>
				<verse number="93">Ndikolwa nongi nĩ mawĩaĩo maku; Nũndũ nũnthayũũkĩtye namo.</verse>
				<verse number="94">Nyie nĩ waku, ndangĩĩa; Nũndũ nĩnĩmanthĩte mawĩaĩo maku.</verse>
				<verse number="95">Ala athũku nĩmambeteele, mambanange; Ĩndĩ ngasũanĩaa mokũsĩ maku.</verse>
				<verse number="96">Nĩnonete mũminũkĩlyo wa wĩanĩu w’onthe; Ĩndĩ mwĩao waku nĩ mũthanthau mũno.</verse>
				<verse number="97">Mĩao yaku ko nĩnĩmyendetee! Nĩyo nzũanĩaa mũthenya w’onthe.</verse>
				<verse number="98">Mĩao yaku nĩtuma nĩthĩwa na ũĩ kwĩ amaitha makwa; Nũndũ yĩ nakwa mavinda onthe.</verse>
				<verse number="99">Nĩ na ũmanyi kũvĩtũka amanyĩsya makwa onthe; Nũndũ mokũsĩ maku nĩ ũsũanĩo wakwa.</verse>
				<verse number="100">Nĩnĩmanyaa kũvĩtũka ala akũũ, Nĩkwĩthĩwa nĩkwatĩte mawĩaĩo maku.</verse>
				<verse number="101">Nĩnziĩĩĩte maũũ makwa na kĩla nzĩa nthũku, Nĩ kana nĩkwate ndeto yaku.</verse>
				<verse number="102">Ndyaaathũka kuma motw’ĩonĩ maku; Nũndũ nũmanyĩĩtye nyie.</verse>
				<verse number="103">A! Ndeto syaku syĩ mũyo kaakaanĩ wakwa! Ĩĩ, mũyo kwĩ ũkĩ wa nzũkĩ kanyw’anĩ wakwa!</verse>
				<verse number="104">Kwondũ wa mawĩaĩo maku nĩnosaa ũmanyi: Kwondũ wa ũu nĩnĩmenaa kĩla nzĩa ya ũvũngũ.</verse>
				<verse number="105">Ndeto yaku nĩ taa wa maũũ makwa, Na kyeni kya nzĩa yakwa.</verse>
				<verse number="106">Nĩnĩavĩte, na ngakĩlũlũmĩlya, Atĩ ngeanĩsya motw’ĩo maku malũngalu.</verse>
				<verse number="107">Nĩngũthĩnw’a mũno: Nthayũũkya, ame Yeova, kwĩanana na ndeto yaku.</verse>
				<verse number="108">Osa, nĩngũkwĩsũva, nthembo syumĩtw’e nĩ kanyw’a wakwa na ngoo ya kwenda, ame Yeova, Na kũmanyĩsya nyie motw’ĩo maku.</verse>
				<verse number="109">Thayũ wakwa wĩ kw’okonĩ kwakwa ĩndĩ yonthe; Ĩndĩ ndyũlawa nĩ mĩao yaku.</verse>
				<verse number="110">Ala athũku nĩmandeie na kĩtei; Ĩndĩ ndyaanganga kũma mawĩaĩonĩ maku.</verse>
				<verse number="111">Nĩnosete mokũsĩ maku methĩwe ta ũtiĩwa tene na tene; Nũndũ nĩmo ũtanu wa ngoo yakwa.</verse>
				<verse number="112">Nĩnelekelye ngoo yakwa kwĩka myamũlo yaku Tene na tene, o kũvika mũminũkĩlyo.</verse>
				<verse number="113">Nĩmenaa ala me na mĩtwe ĩlĩ; Ĩndĩ nĩnendaa mĩao yaku.</verse>
				<verse number="114">Nue vandũ vakwa va kwĩvitha na ngao yakwa: Nĩnĩkwatasya ndeto yaku.</verse>
				<verse number="115">Umai vala nĩĩ, inyw’ĩ eki ma naĩ, Nĩ kana nĩkwate mĩao ya Ngai wakwa.</verse>
				<verse number="116">Ndw’ĩĩka kwĩanana na ndeto yaku, nĩ kana nĩkale thayũ; Na ndikasonokee wĩkwatyo wakwa.</verse>
				<verse number="117">Ndw’ĩĩka, na ndikethĩwa na mũisyo, Na ngakwataa myamũlo yaku ĩndĩ yonthe.</verse>
				<verse number="118">Nũmatw’ĩkĩthĩtye ma mana onthe ala mavĩtanĩasya myamũlo yaku; Nũndũ ũkengani woo nĩ ũvũngũ.</verse>
				<verse number="119">Nũvetaa kũasa athũku onthe ma nthĩ ta mavuthĩ: Kwondũ wa ũu nĩnendaa mokũsĩ maku.</verse>
				<verse number="120">Mwĩĩ wakwa nũtetemaa nũndũ wa ũkũkĩa; Na nĩngũkĩa mosilĩlo maku.</verse>
				<verse number="121">Nĩnĩsilĩte sila wa katĩ na kwĩka ũlũngalu: Ndũkandiĩe athĩn’ya makwa.</verse>
				<verse number="122">Ĩthĩwa mũĩkĩĩwa kwa mũthũkũmi waku kwondũ wa ũseo: Ndũkaeke ekathĩĩi manthĩn’ye.</verse>
				<verse number="123">Metho makwa nĩmeũseekea kwondũ wa ũtangĩĩo waku, Na kwondũ wa ndeto yaku ndũngalu.</verse>
				<verse number="124">Mwĩke mũthũkũmi waku kwĩanana na ũseo waku wĩ wendo, Na kũmanyĩsya nyie myamũlo yaku.</verse>
				<verse number="125">Nyie nĩ mũthũkũmi waku; nenga ũmanyi, Nĩ kana nĩmanye mokũsĩ maku.</verse>
				<verse number="126">Nĩ ĩvinda ya Yeova ya kũtethya wĩa; Nũndũ nĩmatw’ĩkĩthĩtye mĩao yaku ya mana.</verse>
				<verse number="127">Kwondũ wa ũu nĩnendaa mĩao yaku Kwĩ thaavu, ĩĩ, kwĩ thaavu ũla mũseo mũno.</verse>
				<verse number="128">Kwondũ wa ũu mawĩaĩo maku onthe maũndũnĩ onthe nĩtĩkĩlaa nĩ ma w’o; Na nĩmenaa kĩla nzĩa ya ũvũngũ.</verse>
				<verse number="129">Mokũsĩ maku nĩ ma ũseng’ya; Kwondũ wa ũu ngoo yakwa nĩmakwataa.</verse>
				<verse number="130">Ũvuan’yo wa ndeto syaku nũetae kyeni; Nũnengae ũmanyi ala mate naw’o.</verse>
				<verse number="131">Nĩnaathamisye kanyw’a wakwa mũno, na navevaveva; Nũndũ naĩ na mea ma mĩao yaku.</verse>
				<verse number="132">Ĩnthyũũĩe, na kũmbĩw’ĩa tei, Tondũ wakothaa kũmeka ala mayendaa syĩtwa yaku.</verse>
				<verse number="133">Lũlũmĩlya matambya makwa ndetonĩ yaku; Na ndũkaeke ũthũku o na wĩva ũnzumbĩke.</verse>
				<verse number="134">Mbovosya nume ũthĩn’yonĩ wa andũ: Na ĩndĩ ngakwataa mawĩaĩo maku.</verse>
				<verse number="135">Ũthyũ waku ũmũtisĩae mũthũkũmi waku; Na kũmanyĩsya nyie myamũlo yaku.</verse>
				<verse number="136">Mbũsĩ sya manzĩ itheeaa kuma methonĩ makwa, Nũndũ amwe matikwataa mĩao yaku.</verse>
				<verse number="137">Wĩ mũlũngalu, we Yeova, Na mosilĩlo maku nĩ malũngalu.</verse>
				<verse number="138">Nĩwĩaĩte mokũsĩ maku ũlũngalunĩ Na kĩthitonĩ ki.</verse>
				<verse number="139">Nĩnĩminĩtwe nĩ kĩwĩu kyakwa, Nĩkwĩthĩwa nthũ syakwa nĩsyũlĩtwe nĩ ndeto syaku.</verse>
				<verse number="140">Ndeto yaku nĩ ntheu mũno; Kwondũ wa ũu mũthũkũmi waku nũmyendaa.</verse>
				<verse number="141">Nyie nĩ mũnini na mũvũthye; ĩndi ndyũlawa nĩ mawĩaĩo maku.</verse>
				<verse number="142">Ũlũngalu waku nĩ ũlũngalu wa tene na tene, Na mĩao yaku nĩ w’o.</verse>
				<verse number="143">Thĩna na woo ningwatĩte; Ĩndĩ mĩao yaku nĩ ũtanu wakwa.</verse>
				<verse number="144">Mokũsĩ maku nĩ malũngalu tene na tene; Nenga ũmanyi, na ngekala thayũ.</verse>
				<verse number="145">Nĩnĩkaĩlĩte na ngoo yakwa yonthe; nzũngĩa, ame Yeova: Ngakwataa myamũlo yaku.</verse>
				<verse number="146">Nĩnĩkwĩkaĩlĩte; ndangĩĩa, Na ngakwataa mokũsĩ maku</verse>
				<verse number="147">Nĩnaumaalile kĩoko kũitheana, na naĩa: Nĩneekwatisye ndeto syaku.</verse>
				<verse number="148">Metho makwa mosyaĩĩsyonĩ ma ũtukũ nĩmasalukĩtye, Nĩ kana nĩsũanĩae ndeto yaku.</verse>
				<verse number="149">Ĩthukĩĩsye wasya wakwa kwĩanana na ũseo waku wĩ wendo: Nthayũũkya, ame Yeova, kwĩanana na motw’ĩo maku.</verse>
				<verse number="150">Manthengeeaa vakuvĩ ala mavikĩlaa ũthũku; Me kũasa na mĩao yaku.</verse>
				<verse number="151">Wĩ vakuvĩ, ame Yeova; Na mĩao yaku yonthe nĩ w’o.</verse>
				<verse number="152">Kuma tene nĩnamanyie kuma mokũsĩnĩ maku, Kana nũmalũmĩtye tene na tene.</verse>
				<verse number="153">Sũanĩa ũndũ wa thĩna wakwa, noimbonokya; Nũndũ ndyũlawa nĩ mĩao yaku.</verse>
				<verse number="154">Ndetea, na kũmbovosya: Nthayũũkya kwĩanana na ndeto yaku.</verse>
				<verse number="155">Ũtangĩĩo wĩ kũasa na ala athũku; Nũndũ matimanthaa myamũlo yaku.</verse>
				<verse number="156">Matei maku mololo nĩ manene, ame Yeova: Nthayũũkya kwĩanana na motw’ĩo maku.</verse>
				<verse number="157">Athĩn’ya makwa na nthũ syakwa nĩ mbingĩ; Ĩndĩ ndyaaathũka kuma mokũsĩnĩ maku.</verse>
				<verse number="158">Nĩnoonie nzeleke, na neew’a woo, Nĩkwĩthĩwa itikwataa ndeto yaku.</verse>
				<verse number="159">Sũanĩa ũndũ nendete mawĩaĩo maku: Nthayũũkya, ame Yeova, kwĩanana na ũseo waku wĩ wendo.</verse>
				<verse number="160">Kũmbanw’a kwa ndeto yaku yonthe nĩ w’o; Na kĩla ũmwe wa motw’ĩo maku malũngalu nĩwĩkalaa tene na tene.</verse>
				<verse number="161">Anene me mbee ũsumbĩnĩ nĩmathĩnĩtye vate kĩtumi; Ĩndĩ ngoo yakwa nĩkĩaa nũndũ wa ndeto syaku.</verse>
				<verse number="162">Nĩtanĩaa ndeto yaku, Ta mũndũ ũla wonaa mũtavo mũnene.</verse>
				<verse number="163">Nĩmenaa na kũthĩtha ũvũngũ; Ĩndĩ nĩnendaa mĩao yaku.</verse>
				<verse number="164">Nĩkũtaĩaa mavinda mũonza kĩla mũthenya, Nũndũ wa motw’ĩo maku malũngalu.</verse>
				<verse number="165">Ala mendaa mĩao yaku me na mũuo mũnene; Na mati na ũndũ wa kũmalulutĩkya.</verse>
				<verse number="166">Nĩnĩkwatĩtye ũtangĩĩo waku, ame Yeova, Na nĩnĩkĩte mĩao yaku.</verse>
				<verse number="167">Ngoo yakwa nĩkwatĩte mokũsĩ maku; Na nĩnĩmendete mũno.</verse>
				<verse number="168">Nĩngwatĩte mawĩaĩo maku na mokũsĩ maku; Nũndũ mĩendele yakwa yonthe yĩ mbee waku</verse>
				<verse number="169">Kũkaya kwakwa nĩkũthengeee mbee waku, ame Yeova: Nenga ũmanyi kwĩanana na ndeto yaku.</verse>
				<verse number="170">Wĩsũvano wakwa nĩwũke vala ũĩ: Mbonokya kwĩanana na ndeto yaku.</verse>
				<verse number="171">Ilomo syakwa nĩsyumye ndaĩa; Nũndũ nũmanyĩasya nyie myamũlo yaku.</verse>
				<verse number="172">Ũĩmĩ wakwa nũkumye ndeto yaku; Nũndũ mĩao yaku yonthe nĩ mĩlũngalu.</verse>
				<verse number="173">Kw’oko kwaku nĩkwĩyũmban’ye kũndethya; Nũndũ nĩnĩnyuvĩte mawĩaĩo maku.</verse>
				<verse number="174">Nĩnendete mũno ũtangĩĩo waku, ame Yeova; Na mĩao yaku nĩ ũtanu wakwa.</verse>
				<verse number="175">Thayũ wakwa nĩwĩkalae, na ũkakũtaĩaa; Na motw’ĩo maku nĩmandethye.</verse>
				<verse number="176">Nĩnaĩte ta ĩlondu yau; mantha mũthũkũmi waku; Nũndũ ndyũlawa nĩ mĩao yaku.</verse>
			</chapter>
			<chapter number="120">
				<verse number="1">Ũnyamaonĩ wakwa nĩnamwĩkaĩlile Yeova, Na azũngĩa.</verse>
				<verse number="2">Vonokya thayũ wakwa, ame Yeova, kuma ilomonĩ ila ineenaa ũvũngũ, Na ũĩmĩnĩ ũla ũkenganaa.</verse>
				<verse number="3">Ũkanengwa kyaũ, na ũkekwa ũndũ ũngĩ mwaũ, We ũĩmĩ ũla ũkenganaa?</verse>
				<verse number="4">Ũilyĩ mĩsyĩ myũĩ ya ala me ũtonyi, Na makaa ma mũtĩ wĩtawa mũlutemu.</verse>
				<verse number="5">Woo nĩ wakwa, nũndũ nĩkalaa ũeni kũũ Meseki, Nũndũ nĩtũaa katĩ wa maeema ma Ketali!</verse>
				<verse number="6">Thayũ wakwa wĩkalĩte ĩvinda ĩasa ũtwĩe Vamwe na ũla ũmenaa mũuo.</verse>
				<verse number="7">Nyie nĩ wa mũuo: Indĩ yĩla ngũneena, mo nĩ ma kaũ.</verse>
			</chapter>
			<chapter number="121">
				<verse number="1">Ngookĩlĩlya iĩma metho makwa: Ũtethyo wakwa wĩuma va?</verse>
				<verse number="2">Ũtethyo wakwa nĩwumaa kwa Yeova, Ũla watw’ĩkĩthisye ĩtu na nthĩ.</verse>
				<verse number="3">Ndakaeka kũũ kwakwa kũthingithangw’e: Ũla ũkũsũvĩaa ndakombosya.</verse>
				<verse number="4">Sisya, ũla ũsũvĩaa Isilaeli Ndakombosya kana kũkoma.</verse>
				<verse number="5">Yeova nĩwe mũsũvĩi waku: Yeova nĩwe muunyĩ waku ngalĩ ya kw’oko kwaku kwa aũme.</verse>
				<verse number="6">Syũa yĩtikakũkũna mũthenya, Kana mwei ũtukũ.</verse>
				<verse number="7">Yeova akakũsũvĩaa kwa ũthũku w’onthe; Akasũvĩaa thayũ waku.</verse>
				<verse number="8">Yeova akasũvĩaa kumaala kwaku na kũsyoka kwaku Kuma yu na kũvika tene na tene.</verse>
			</chapter>
			<chapter number="122">
				<verse number="1">Naĩ na ũtanu yĩla mambĩie, Tũendei nyũmbanĩ ya Yeova.</verse>
				<verse number="2">Maũũ maitũ nĩmaũngamĩte Mbingĩlonĩ syaku, we Yelusaleme,</verse>
				<verse number="3">Yelusaleme, we nĩwakĩtwe Ta ndũa ĩla ĩkwatanĩte;</verse>
				<verse number="4">Vala mbaĩ syambataa, o mbaĩ sya Yeova, Nũndũ nĩ ũtw’ĩo wa Isilaeli, Itũngĩe syĩtwa ya Yeova mũvea.</verse>
				<verse number="5">Nũndũ kw’o ivĩla sya ũsumbĩ nĩsiĩtwe ũndũ wa ũsilĩlo, Ivĩla sya ũsumbĩ sya nyũmba ya Ndaviti.</verse>
				<verse number="6">Voyai ũndũ wa mũuo wa Yelusaleme: Makaathimĩka ala makwendaa.</verse>
				<verse number="7">Mũuo nĩwĩthĩwe nthĩnĩ wa maũvai maku, Na ũathimo nthĩnĩ wa nyũmba syaku nene mbanakavye.</verse>
				<verse number="8">Kwondũ wa ana‐a‐asa na atindan’ya makwa, Yu nĩngwasya, Mũuo nĩwĩthĩwe nthĩnĩ waku.</verse>
				<verse number="9">Kwondũ wa nyũmba ya Yeova Ngai waitũ Ngakũmanthĩa ũseo.</verse>
			</chapter>
			<chapter number="123">
				<verse number="1">Nĩngũkũkĩlĩlya metho makwa, We ũla wĩkalaa matunĩ.</verse>
				<verse number="2">Sisya, o tondũ metho ma athũkũmi masyaĩĩasya kw’oko kwa vwana woo, O tondũ metho ma mwĩĩtu masyaĩĩasya kw’oko kwa vivi wake; No ta ũu metho maitũ masyaĩĩasya Yeova Ngai waitũ, Kũvika atwĩw’ĩa tei.</verse>
				<verse number="3">Twĩw’ĩe tei, ame Yeova, twĩw’ĩe tei; Nũndũ tusũĩtwe mũno nĩ kũvũthw’a.</verse>
				<verse number="4">Thayũ witũ usũĩtwe mũno Nĩ kũvũĩwa ngũĩ nĩ ala methũmũĩtye, Na mbũthya ya ekathĩĩi.</verse>
			</chapter>
			<chapter number="124">
				<verse number="1">Kethĩwa ti ũndũ wa Yeova ũla waĩ ngalĩ ĩla yaitũ, Isilaeli maneene,</verse>
				<verse number="2">Kethĩwa ti ũndũ wa Yeova ũla waĩ ngalĩ ĩla yaitũ, Yĩla andũ matũkĩlĩĩle;</verse>
				<verse number="3">Methĩwa matũmelilye twĩ thayũ, Yĩla kũthilĩka kwoo kwatwakanĩe:</verse>
				<verse number="4">Manzĩ methĩwa matũvw’ĩkie, Ũsĩ wĩthĩwa wavĩtĩle ĩũlũ wa mathayũ maitũ;</verse>
				<verse number="5">Manzĩ ala mekathĩĩaa methĩwa mavĩtĩle ĩũlũ wa mathayũ maitũ.</verse>
				<verse number="6">Nataĩwe Yeova, Ũla ũtaatũnengane twĩthĩwe mũtavo maeonĩ moo.</verse>
				<verse number="7">Thayũ witũ nũvonokete ta nyũnyi yumĩte kĩteinĩ kya atei mayo: Kĩtei nĩ kĩtw’ĩku, na nĩtũvonokete.</verse>
				<verse number="8">Ũtethyo witũ wĩ syĩtwanĩ ya Yeova, Ũla watw’ĩkĩthisye ĩtu na nthĩ.</verse>
			</chapter>
			<chapter number="125">
				<verse number="1">Ala mamũĩkĩĩaa Yeova Mailyĩ kĩĩma kya Saioni, kĩla kĩtathingithĩka, ĩndĩ kĩkalaa tene na tene.</verse>
				<verse number="2">O tondũ iĩma ithyũlũlũkĩte Yelusaleme, Now’o Yeova ũthyũlũlũkĩte andũ make Kuma yu na kũvika tene na tene.</verse>
				<verse number="3">Nũndũ ndata ya ũsumbĩ ya ũthũku ndĩkekala ĩũlũ wa ũtiĩwa wa alũngalu; Kana ala alũngalu matikaatambũũkye moko moo meke ũthũku.</verse>
				<verse number="4">Mekae nesa, ame Yeova, ala aseo, Na ala alũngalu ngoonĩ syoo.</verse>
				<verse number="5">Ĩndĩ ũndũ wa ala methyũũaa maende nzĩanĩ syoo nthyoeku, Yeova akamaumaalanĩlya vamwe na eki ma ũthũku. Mũuo nĩwĩthĩwe ĩũlũ wa Isilaeli.</verse>
			</chapter>
			<chapter number="126">
				<verse number="1">Yĩla Yeova watũngie ala masyokie Saioni, Twailyĩ ta ala maotaa ndoto.</verse>
				<verse number="2">Nĩvo kanyw’a witũ wausũiwe nĩ kũtheka, Na ũĩmĩ witũ nĩ wini: Nĩvo i mbaĩ syaisye, Yeova nũmekĩte maũndũ manene.</verse>
				<verse number="3">Yeova nũtwĩkĩte maũndũ manene, Kwondũ wa ũu twĩ atanu.</verse>
				<verse number="4">Tũtũnge tume kũtavwanĩ kwitũ, ame Yeova, Ta mbũsĩ sya ngalĩ ya Ĩtheo.</verse>
				<verse number="5">Ala mavuĩaa na methoi makaketha na ũtanu.</verse>
				<verse number="6">Ũla umaalaa akĩĩa, akuĩte mbeũ sya kũvuĩa, Vate nzika akasyoka na ũtanu, akuĩte syove syake sya ngetha.</verse>
			</chapter>
			<chapter number="127">
				<verse number="1">Keka Yeova wakaa nyũmba, Matethya wĩa mana ala mamyaka Keka Yeova ũsũvĩaa ndũa, Mũsyaĩĩsya asyaĩĩsya mana.</verse>
				<verse number="2">Nĩ mana kwenyu kũkĩla tene, Kũselewa nĩ kũthi kũkoma, Kũya lĩu wa thĩna; Nũndũ nĩwe ũmũnengae mwendwa wake too.</verse>
				<verse number="3">Sisya, syana nĩ ũtiĩwa kuma kwa Yeova; Na ũsyao wa ĩvu nĩ ĩtuvi yake.</verse>
				<verse number="4">Ta mĩsyĩ kw’okonĩ kwa ngũmbaũ, Now’o syana sya ala ma mũika itilyĩ.</verse>
				<verse number="5">Nĩ mũtanu mũndũ ũla wĩ na thyaka wake usũĩtwe nĩsyo: Matikasonoka, Yĩla meũneenea na amaitha moo mbingĩlonĩ.</verse>
			</chapter>
			<chapter number="128">
				<verse number="1">Nĩ mũathime kĩla mũndũ ũla ũkĩaa Yeova, Ũla ũkinyaa nzĩanĩ syake.</verse>
				<verse number="2">Nũndũ ũkaĩsaa wĩa wa moko maku: Ũkeethĩwa wĩ na ũtanu, na kũkeethĩwa ũseo kwaku.</verse>
				<verse number="3">Kĩveti kyaku kĩkeethĩwa ta mũsavivũ wĩ ũsyao, Nthĩnĩ wa nyũmba yaku; Syana syaku ta mĩmea ya mĩthata, Kũthyũlũlũka mesa yaku.</verse>
				<verse number="4">Sisya, ũu now’o mũndũ ũkaathimwa Ũla ũkĩaa Yeova.</verse>
				<verse number="5">Yeova nakũathime e Saioni: Naku ũkyona ũseo wa Yelusaleme mĩthenya yonthe ya thayũ waku.</verse>
				<verse number="6">Ĩĩ, wone esũkũũu. Mũuo nĩwĩthĩwe ĩũlũ wa Isilaeli.</verse>
			</chapter>
			<chapter number="129">
				<verse number="1">Nĩmanthĩnĩtye mavinda maingĩ kuma wana wakwa, Isilaeli naneene,</verse>
				<verse number="2">Nĩmanthĩnĩtye mavinda maingĩ kuma wana wakwa: Ĩndĩ matyaangĩlya vinya.</verse>
				<verse number="3">Aĩmi nĩmenzie mũongonĩ wakwa; Maasavisye mĩkao yoo.</verse>
				<verse number="4">Yeova nĩ mũlũngalu: Nũtilanĩtye ndii sya ala athũku.</verse>
				<verse number="5">Nĩmasonokw’e na kũtũngwa na ĩtina, Onthe ala mamenaa Saioni.</verse>
				<verse number="6">Nĩmethĩwe ta nyeki syĩ ĩũlũ wa nyũmba, Ila syũmaa itanamba kwĩana;</verse>
				<verse number="7">Mũkethi ndausũasya ngundi ya kw’oko kwake nasyo, Kana ũla wovaa syove sya ngetha ndausũasya kĩthũinĩ kyake:</verse>
				<verse number="8">O na ala mavĩtaa matiasya, Ũathimo wa Yeova nĩwĩthĩwe ĩũlũ waku; Nĩtũũkũathima syĩtwanĩ ya Yeova.</verse>
			</chapter>
			<chapter number="130">
				<verse number="1">Nĩ syũngũnĩ nene nĩnĩkwĩkaĩlĩte, ame Yeova.</verse>
				<verse number="2">Mwĩaĩi, ĩw’a wasya wakwa: Matũ maku nĩmethukĩĩsye Wasya wa mawĩsũvano makwa.</verse>
				<verse number="3">Ethĩwa we, Yeova, ũkatala mothũku, We Mwĩaĩi, nũũ ũtonya kũũngama?</verse>
				<verse number="4">Ĩndĩ ve ũekeo kwaku, Nĩ kana ũkĩwe.</verse>
				<verse number="5">Nĩngũmweteela Yeova, ngoo yakwa nĩyeteelaa, Na nĩ na wĩkwatyo ndetonĩ yake.</verse>
				<verse number="6">Ngoo yakwa nĩyeteelaa Mwĩaĩi Kwĩ ũndũ asyaĩĩsya meteelaa kũkye; Ĩĩ, kwĩ ũndũ asyaĩĩsya meteelaa kũkye.</verse>
				<verse number="7">We Isilaeli, ĩkwatye Yeova: Nũndũ kwa Yeova kwĩ ũseo wĩ wendo, Na kwake kwĩ wovosyo mwingĩ.</verse>
				<verse number="8">Nake akoovosya Isilaeli Kuma mothũkunĩ make onthe.</verse>
			</chapter>
			<chapter number="131">
				<verse number="1">Yeova, ngoo yakwa ndĩ na mĩng’athĩlĩlyo, kana metho makwa mĩtũlyo; O na ndiendaa maũndũnĩ manene, Kana maũndũnĩ ma ũseng’ya mambĩtũkĩte.</verse>
				<verse number="2">Nĩ w’o nĩvindĩthĩtye na kũkilĩthya ngoo yakwa; Ta kana kaaĩu ke na inyia wako, Ta kana kaaĩu now’o ngoo yakwa ĩilyĩ nthĩnĩ wakwa.</verse>
				<verse number="3">We Isilaeli, ĩkwatye Yeova Kuma yu na kũvika tene na tene.</verse>
			</chapter>
			<chapter number="132">
				<verse number="1">Yeova, lilikana ũndũ wa Ndaviti Thĩna wake w’onthe;</verse>
				<verse number="2">Ũndũ wamwĩvĩtĩe Yeova, Na kũmwĩavĩa Ũla Mwene Vinya wa Yakovo:</verse>
				<verse number="3">Vate ndĩi ndikalika wĩkalonĩ wa nyũmba yakwa, Kana kũtũla ũkomonĩ wakwa;</verse>
				<verse number="4">Ndikanenga metho makwa too, Kana kũtinan’ya ilomo sya metho;</verse>
				<verse number="5">Kũvika noona vandũ va Yeova, Wĩkalo kwondũ wa Ũla Mwene Vinya wa Yakovo.</verse>
				<verse number="6">Sisya, nĩtweewie ũvoo wayo ku Evilatha: Nĩtwayonie kĩsesinĩ kĩ mĩtĩ.</verse>
				<verse number="7">Tũkalika mawĩkalonĩ make; Tũkathaithĩaa kavĩlanĩ kake ka nyaĩĩ.</verse>
				<verse number="8">Ũkĩla, ame Yeova, ũlike vandũ vaku va kũthũmũa; We, na ĩsandũkũ ya vinya waku.</verse>
				<verse number="9">Athembi maku nĩmavw’ĩkwe ũlũngalu; Na atheu maku nĩmokĩlye mawasya na ũtanu.</verse>
				<verse number="10">Kwondũ wa mũthũkũmi waku Ndaviti Ndũkathyũũe ũthyũ wa mwĩtĩkĩw’a mauta waku.</verse>
				<verse number="11">Yeova nĩwĩvĩtĩe Ndaviti w’o; Ndakamwĩthyũĩa: Ma ũsyao wa mwĩĩ waku ngamekalya kĩvĩlanĩ kyaku kya ũsumbĩ.</verse>
				<verse number="12">Ethĩwa syana syaku ikakwata ũtianĩo wakwa Na ũkũsĩ wakwa ũla ngaimanyĩsya, O na syana syasyo nikekalaa kĩvĩlanĩ kyaku kya ũsumbĩ tene na tene.</verse>
				<verse number="13">Nũndũ Yeova nũnyuvĩte Saioni; Nũmyendete yĩthĩwe ũtũo wake.</verse>
				<verse number="14">Vaa nĩ vandũ vakwa va ũthũmũa tene na tene: Ngekalaa vaa; nũndũ nĩnĩvendete.</verse>
				<verse number="15">Ngaathima sya ũya sya vo mũno: Ngavũn’ya ngya sya vo na lĩu</verse>
				<verse number="16">O na ngavw’ĩka athembi ma vo ũtangĩĩo; Na atheu ma vo makookĩlya mawasya manene na ũtanu.</verse>
				<verse number="17">Vu ngathongooesya ũvya wa Ndaviti: Nĩniĩte taa kwondũ wa mwĩtĩkĩw’a mauta wakwa.</verse>
				<verse number="18">Amaitha make ngamavw’ĩka nthoni; Ĩndĩ ngovia yake ya ũsumbĩ ĩkaathimĩka ĩũlũ wake mwene.</verse>
			</chapter>
			<chapter number="133">
				<verse number="1">Sisyai, ũndũ ũseo ũnenevete na ũndũ ũseũvĩte Ana‐a‐asa mekalan’ya vamwe me ũmwe!</verse>
				<verse number="2">Nĩ ta ala mauta maĩ vata mũno me mũtwe, Ala matheeie kĩng’ew’anĩ, O kĩng’ew’anĩ kya Aluni; Ala matheeie kũvika mĩthyanĩ ya ngũa syake;</verse>
				<verse number="3">Ta ĩmwe ya kĩĩma kya Elimoni, Yĩla yĩtheeaa iĩmanĩ sya Saioni: Nũndũ ku Yeova nĩweaĩie ũathimo, O thayũ wa tene na tene.</verse>
			</chapter>
			<chapter number="134">
				<verse number="1">Sisyai, mũtaĩei Yeova, inyw’onthe athũkũmi ma Yeova, Ala mũũngamaa ũtukũ nyũmbanĩ ya Yeova.</verse>
				<verse number="2">Ũkĩlyai moko menyu melekele vala vandũ vatheu, Na mũtaĩei Yeova.</verse>
				<verse number="3">Yeova nakũathime e Saioni; O ũla watw’ĩkĩthisye ĩtu na nthĩ.</verse>
			</chapter>
			<chapter number="135">
				<verse number="1">Mũtaĩei Yeova. Taĩai syĩtwa ya Yeova: Mũtaĩei, inyw’ĩ athũkũmi ma Yeova,</verse>
				<verse number="2">Inyw’ĩ ala mũũngamaa nyũmbanĩ ya Yeova Nthĩnĩ wa nza sya nyũmba ya Ngai waitũ.</verse>
				<verse number="3">Mũtaĩei Yeova; nũndũ Yeova nĩ mũseo: Inai mũkĩkumya syĩtwa yake; nũndũ ũũ nĩ ũseo.</verse>
				<verse number="4">Nũndũ Yeova nĩwenyuvĩe Yakovo, Na Isilaeli ethĩwe wake mwene.</verse>
				<verse number="5">Nũndũ nĩnĩsĩ Yeova nĩ mũnene, Na Mwĩaĩi waitũ e ĩũlũ wa ngai syonthe.</verse>
				<verse number="6">Ũndũ o na wĩva ũla Yeova wendie, now’o wekie, Ĩtunĩ na nthĩ, maũkanganĩ na syũngũnĩ syonthe;</verse>
				<verse number="7">Ũla ũtumaa mũki kwambata kuma itulunĩ sya nthĩ; Ũla ũseũvĩasya mbua motisi; Ũla wumasya kĩseve ũthwiinĩ wake;</verse>
				<verse number="8">Ũla woaie kĩla kyasyaĩtwe mbee kya nthĩ ya Misili, Kya mũndũ o na nyamũ;</verse>
				<verse number="9">Ũla waetie syama na moseng’yo katĩ waku, we Misili, Ĩũlũ wa Valao, na ĩũlũ wa athũkũmi make onthe;</verse>
				<verse number="10">Ũla wakũnie mbaĩ nyingĩ, Na woaie asumbĩ maĩ na ũtonyi,</verse>
				<verse number="11">Sioni mũsumbĩ wa Aamoli, Na Oku mũsumbĩ wa Mbasani, Na mosumbĩ onthe ma Kanaani,</verse>
				<verse number="12">Na anengane nthĩ yoo yĩthĩwe ũtiĩwa, Ũtiĩwa wa Isilaeli andũ make.</verse>
				<verse number="13">Syĩtwa yaku, ame Yeova, nĩyĩkalaa tene na tene; Syĩtwa yaku ya ũlilikan’yo, ame Yeova, mosyaanĩonĩ onthe.</verse>
				<verse number="14">Nũndũ Yeova akasilĩla andũ make, Na kwĩtũnga ũndũ wa athũkũmi make.</verse>
				<verse number="15">Mĩvw’anano ya i mbaĩ nĩ vetha na thaavu, Wĩa wa moko ma andũ.</verse>
				<verse number="16">Yĩ na makanyw’a, ĩndĩ ndĩneenaa; Yĩ na metho, ĩndĩ ndĩonaa;</verse>
				<verse number="17">Yĩ na matũ, ĩndĩ ndĩw’aa; O na kũti mĩthũmũ nongi makanyw’anĩ mayo.</verse>
				<verse number="18">Ala mamĩseũvasya makeethĩwa mailyĩ tayo; Ĩĩ, kĩla mũndũ ũla ũmĩĩkĩĩaa.</verse>
				<verse number="19">We nyũmba ya Isilaeli, taĩai Yeova: We nyumba ya Aluni, taĩai Yeova:</verse>
				<verse number="20">We nyũmba ya Livai, taĩai Yeova: Inyw’ĩ ala mũkĩaa Yeova, taĩai Yeova.</verse>
				<verse number="21">Nataĩwe Yeova ku Saioni, Ũla ũtũaa Yelusaleme. Mũtaĩei Yeova.</verse>
			</chapter>
			<chapter number="136">
				<verse number="1">Mũtũngĩei Yeova mũvea; nũndũ nĩ mũseo; Nũndũ ũseo wake wĩ wendo nĩwĩkalaa tene na tene.</verse>
				<verse number="2">Mũtũngĩei mũvea Ngai wa i ngai; Nũndũ ũseo wake wĩ wendo nĩwĩkalaa tene na tene.</verse>
				<verse number="3">Mũtũngĩei mũvea Mwĩaĩi wa eaĩi; Nũndũ ũseo wake wĩ wendo nĩwĩkalaa tene na tene.</verse>
				<verse number="4">We ũla e weka wĩkaa moseng’yo manene; Nũndũ ũseo wake wĩ wendo nĩwĩkalaa tene na tene:</verse>
				<verse number="5">Ũla ũndũ wa ũmanyi watw’ĩkĩthisye matu; Nũndũ ũseo wake wĩ wendo nĩwĩkalaa tene na tene:</verse>
				<verse number="6">Ũla walanilye nthĩ ĩũlũ wa manzĩ; Nũndũ ũseo wake wĩ wendo nĩwĩkalaa tene na tene:</verse>
				<verse number="7">Ũla wombie syeni nene; Nũndũ ũseo wake wĩ wendo nĩwĩkalaa tene na tene:</verse>
				<verse number="8">Syũa ya kũsumbĩka mũthenya; Nũndũ ũseo wake wĩ wendo nĩwĩkalaa tene na tene;</verse>
				<verse number="9">Mwei na ndata sya kũsumbĩka ũtukũ; Nũndũ ũseo wake wĩ wendo nĩwĩkalaa tene na tene:</verse>
				<verse number="10">Ũla wakũnie Misili makithathinĩ moo; Nũndũ ũseo wake wĩ wendo nĩwĩkalaa tene na tene;</verse>
				<verse number="11">Na aumisye Isilaeli katĩ woo; Nũndũ ũseo wake wĩ wendo nĩwĩkalaa tene na tene;</verse>
				<verse number="12">Na kw’oko kwĩ vinya, na kw’oko kũtambũũku; Nũndũ ũseo wake wĩ wendo nĩwĩkalaa tene na tene:</verse>
				<verse number="13">Ũla waaanĩlye Ũkanga Mũtune katĩ; Nũndũ ũseo wake wĩ wendo nĩwĩkalaa tene na tene;</verse>
				<verse number="14">Na avĩtĩlya Isilaeli katĩ waw’o; Nũndũ ũseo wake wĩ wendo nĩwĩkalaa tene na tene;</verse>
				<verse number="15">Ĩndĩ aanangĩa Valao na nguthu yake Ũkanganĩ Mũtune; Nũndũ ũseo wake wĩ wendo nĩwĩkalaa tene na tene:</verse>
				<verse number="16">Ũla watongoesye andũ make weũnĩ; Nũndũ ũseo wake wĩ wendo nĩwĩkalaa tene na tene:</verse>
				<verse number="17">Ũla wakũnie asumbĩ anene; Nũndũ ũseo wake wĩ wendo nĩwĩkalaa tene na tene;</verse>
				<verse number="18">Na kũaa asumbĩ me nguma; Nũndũ ũseo wake wĩ wendo nĩwĩkalaa tene na tene:</verse>
				<verse number="19">Sioni mũsumbĩ wa Aamoli; Nũndũ ũseo wake wĩ wendo nĩwĩkalaa tene na tene;</verse>
				<verse number="20">Na Oku mũsumbĩ wa Mbasani; Nũndũ ũseo wake wĩ wendo nĩwĩkalaa tene na tene;</verse>
				<verse number="21">Na anengane nthĩ yoo yĩthĩwe ũtiĩwa; Nũndũ ũseo wake wĩ wendo nĩwĩkalaa tene na tene;</verse>
				<verse number="22">O ũtiĩwa wa Isilaeli mũthũkũmi wake; Nũndũ ũseo wake wĩ wendo nĩwĩkalaa tene na tene:</verse>
				<verse number="23">Ũla watũlilikanile tũte ndaĩa; Nũndũ ũseo wake wĩ wendo nĩwĩkalaa tene na tene;</verse>
				<verse number="24">Na nũtũvonoketye kuma nthũnĩ sitũ; Nũndũ ũseo wake wĩ wendo nĩwĩkalaa tene na tene:</verse>
				<verse number="25">Ũla ũnengae mĩĩ yonthe lĩu; Nũndũ ũseo wake wĩ wendo nĩwĩkalaa tene na tene.</verse>
				<verse number="26">Mũtũngĩei mũvea Ngai wa ĩtunĩ; Nũndũ ũseo wake wĩ wendo nĩwĩkalaa tene na tene.</verse>
			</chapter>
			<chapter number="137">
				<verse number="1">Ndee sya mbũsĩ sya Mbaviloni, Twekalile nthĩ ku, ĩĩ, twaĩa, Yĩla twalilikanile Saioni.</verse>
				<verse number="2">Mĩtĩnĩ ĩla ĩmeaa katĩ wasyo Nĩtwanĩkie mbeve sitũ.</verse>
				<verse number="3">Nũndũ kw’o ala matũtwaie matũtavĩte matũkũlilye mbathi, Na ala matwanangie menda tũtane, makyasya, Twinĩei wathi ũmwe wa Saioni.</verse>
				<verse number="4">Twina ata wathi wa Yeova Twĩ nthĩ ĩngĩ?</verse>
				<verse number="5">Ethĩwa ngoolwa nue, we Yelusaleme, Kw’oko kwakwa kwa aũme nĩkũlwe nĩ ũĩ wakw’o.</verse>
				<verse number="6">Ũĩmĩ wakwa nũlũman’ye na kaakaa wa kanyw’a wakwa, Ethĩwa ndikũlilikana; Ethĩwa ndikwenda Yelusaleme Kũvĩtũka ũtanu wakwa ũla mũnene mbee.</verse>
				<verse number="7">Ame Yeova, lilikanĩla syana sya Etomu Mũthenya wa Yelusaleme; Ila syaisye, Myanange, myanange, O na kũvika wambĩlĩlyo wayo.</verse>
				<verse number="8">We mwĩĩtu wa Mbaviloni, ũla wĩ wa kwanangwa, Akeethĩwa mũtanu, ũla wĩkũĩva O tondu we watwĩkie.</verse>
				<verse number="9">Akeethĩwa mũtanu, ũla wĩosa na kũng’atangan’ya twana twaku tũnini Ĩvianĩ.</verse>
			</chapter>
			<chapter number="138">
				<verse number="1">Ngakũtũngĩa mũvea na ngoo yakwa yonthe: Ngaina ngĩũkumĩsya mbee wa i ngai.</verse>
				<verse number="2">Ngathaitha nelekele ĩkalũ yaku ĩtheu, Na kũtũngĩa mũvea syĩtwa yaku nũndũ wa ũseo waku wĩ wendo na nũndũ wa w’o waku: Nũndũ nũnenevetye ndeto yaku kwĩ syĩtwa yaku yonthe.</verse>
				<verse number="3">Mũthenya ũla neetanie now’o wanzũngĩie, Nĩwanũnũmĩlye na vinya ngoonĩ yakwa.</verse>
				<verse number="4">Asumbĩ onthe ma nthĩ makakũtũngĩa mũvea, we Yeova, Nũndũ nĩmew’ĩte ndeto sya kanyw’a waku.</verse>
				<verse number="5">Ĩĩ, makaina ũndũ wa nzĩa sya Yeova; Nũndũ ũtheu mũtisu wa Yeova nĩ mũnene.</verse>
				<verse number="6">Nũndũ o na kau Yeova e ĩũlũ, no wonaa ala enyivya; Ĩndĩ ũla wĩnenevasya nũmwĩsĩ e kũasa.</verse>
				<verse number="7">O na ngĩendela thĩnanĩ, ũkambuũkya; Ũkatambũũkĩsya kw’oko kwaku ũthilĩku wa amaitha makwa, Na kw’oko kwaku kwa aũme kũkandangĩĩa.</verse>
				<verse number="8">Yeova akeanĩasya maũndũ makwa: Ũseo waku wĩ wendo, ame Yeova, nĩwĩkalaa tene na tene; Ndũkatie mawĩa ma moko maku mwene.</verse>
			</chapter>
			<chapter number="139">
				<verse number="1">Ame Yeova, nĩwĩnguũĩte, na ũkamanya nyie.</verse>
				<verse number="2">Nĩwĩsĩ kwĩkala nthĩ kwakwa, na kũkĩla kwakwa; Nũmanyaa ũsũanĩo wakwa wĩ kũasa.</verse>
				<verse number="3">Nũthianaa nzĩa yakwa na kũkoma kwakwa, Nĩwĩsĩ nzĩa syakwa syonthe.</verse>
				<verse number="4">Nũndũ vati ndeto ũĩmĩnĩ wakwa, Ũtamĩsĩ vyũ, ame Yeova.</verse>
				<verse number="5">Nũnziĩĩĩte ĩtina na mbee, Na kũmbilĩĩla kw’oko kwaku.</verse>
				<verse number="6">Ũmanyi ta ũsu nĩ ũseng’yo kũmbĩtũka; Nĩ mũtũlu, nditonya kũũkwata.</verse>
				<verse number="7">Nithi ku nume vala ve Veva waku? Kana nĩkĩĩa va nume vala ũĩ?</verse>
				<verse number="8">Ethĩwa ngambata ĩtunĩ, wĩ vo; Ethiwa ngalan’ya ũkomo wakwa Seoli, sisya, wĩ vo.</verse>
				<verse number="9">Ethĩwa ngoosa nthwau sya kĩoko, Na kwĩkalaa itulunĩ sya ũkanga;</verse>
				<verse number="10">O na vo kw’oko kwaku kũkandongoesya, Na kw’oko kwaku kwa aũme kũkangwata.</verse>
				<verse number="11">Ethĩwa ngasya, Nĩ w’o kĩvindu kĩkambw’ĩka, Na kyeni kĩla kĩnthyũlũlũkĩte kĩkeethĩwa ũtukũ;</verse>
				<verse number="12">O na kĩvindu kĩtikwĩvitha, Ĩndĩ ũtukũ nũtisaa o ta mũthenya: Kĩvindu na kyeni syelĩ no ũndũ ũmwe kwaku.</verse>
				<verse number="13">Nũndũ nĩwambũmbie ilungu sya nthĩnĩ: Nĩwambw’ĩkie ĩvunĩ ya mwaitũ.</verse>
				<verse number="14">Ngakũtũngĩa mũvea; nũndũ nũmbĩtwe wa kũkĩwa na kũseng’ya: Mawĩa maku nĩ ma ũseng’ya; Na ũu ngoo yakwa nĩyĩsĩ nesa ki.</verse>
				<verse number="15">Wũmbe wakwa ndwaakũvithwa, Yĩla noombiwe kĩmbithĩnĩ, Na kũthalanĩlw’a kũndũ kwĩ nthĩnĩ wa nthĩ.</verse>
				<verse number="16">Metho maku nĩmoonie ndanombĩka; Na ĩvukunĩ yaku mamutha nĩmaandĩkĩtwe onthe, O mĩthenya ĩla yeaĩtwe ũndũ wakwa, Yĩla kũtaĩ ũmwe wamo.</verse>
				<verse number="17">O na mosũanĩo maku ũndũ mean’ya vata kũla nĩĩ, ame Ngai! Ũtalo wamo ũndũ ũnenevete!</verse>
				<verse number="18">Ethĩwa ngamatala, nĩ maingĩ kũvĩta kĩthangathĩ: O ngĩamũka, nĩ o naku.</verse>
				<verse number="19">Vate ndĩi ũkooaa ala athũku, we Ngai: Kwondũ wa ũu umai vala nĩĩ, inyw’ĩ andũ ala mũng’aatũkaw’a nĩ nthakame.</verse>
				<verse number="20">Nũndũ nĩmeũkũneenea naĩ, Na amaitha maku nĩmawetaa syĩtwa yaku mana.</verse>
				<verse number="21">Ndimamenaa, ame Yeova ala makũmenaa? Na ndyĩw’ĩthaw’a woo nĩ ala makũkĩlĩĩlaa?</verse>
				<verse number="22">Nĩngũmamena na kĩmena kĩanĩu: Nĩmatw’ĩkĩte amaitha makwa.</verse>
				<verse number="23">Nthiana, ame Ngai, na manya ngoo yakwa: Ndata, na manya mosũanĩo makwa;</verse>
				<verse number="24">Noisisya ethĩwa ve nzĩa nthũku nthĩnĩ wakwa, Noindongoeasya nzĩanĩ ya tene na tene.</verse>
			</chapter>
			<chapter number="140">
				<verse number="1">Ame Yeova, mbonokya kwa mũndũ mũthũku; Nzũvĩa kwa mũndũ mũng’endu:</verse>
				<verse number="2">Ala masũanĩaa mothũku ngoonĩ syoo; Ĩndĩ yonthe nĩmekwĩyũmban’ya mokite.</verse>
				<verse number="3">Nĩmoĩvĩtye nĩmĩ syoo ta sya nzoka; Ũoi wa syĩmbuva wĩ ungu wa ilomo syoo.</verse>
				<verse number="4">Nzũvĩa, ame Yeova, kuma mokonĩ ma ũla mũthũku; Nzũvĩa kwa mũndũ mũng’endu: Ala masũanĩĩte kwelelũkasya matambya makwa.</verse>
				<verse number="5">Ekathĩĩi nĩmavithĩte kĩtei kwondũ wakwa, o na ndii; Nĩmalaanĩtye kĩtei ũtee wa nzĩa; Nĩmaiĩte mĩkwa mangwatye.</verse>
				<verse number="6">Neie Yeova, Nue Ngai wakwa: Ĩthukĩĩsye wasya wa mawĩsũvano makwa, ame Yeova.</verse>
				<verse number="7">Ame Yeova Mwĩaĩi, vinya wa ũtangĩĩo wakwa, Nũmbw’ĩkĩte mũtwe wakwa mũthenya wa kaũ.</verse>
				<verse number="8">Ame Yeova, ndũkanenge ũla mũthũku ũndũ ũnũkwenda; Ndũkatethye ũsũanĩo wake mũthũku, matikese kwĩnenevya.</verse>
				<verse number="9">Ũndũ wa mĩtwe ya ala manthyũlũlũkĩte, Ũthũku wa ilomo syoo ene ũmavw’ĩke.</verse>
				<verse number="10">Makaa makanu nĩmamavalũkĩle: Nĩmekw’e mwakinĩ, Maimanĩ maliku, vala matakauma.</verse>
				<verse number="11">Ũla ũneenaa ũthũku ndakekale nthĩ: Ũthũku ũkamantha mũndũ mũng’endu ũmwanange.</verse>
				<verse number="12">Nĩnĩsĩ Yeova akamalũlũmĩlĩlasya ala mathĩnaa ũvoo woo, Na sila wa katĩ kwondũ wa athĩni.</verse>
				<verse number="13">Vate ndĩi ala alũngalu makatũngĩaa syĩtwa yaku mũvea: Ala alũngalu makatũaa vala ũĩ.</verse>
			</chapter>
			<chapter number="141">
				<verse number="1">Yeova, nĩnĩkwĩkaĩlĩte; ĩkalaate wũke vala nĩĩ: Ĩthukĩĩsye wasya wakwa, yĩla ngũkwĩkaĩla.</verse>
				<verse number="2">Mboya yakwa nĩyambate mbee waku ta ũvani; Kũkĩlya kwa moko makwa ta nthembo ya wĩoo.</verse>
				<verse number="3">Ame Yeova, ia mũsũvĩi mbee wa kanyw’a wakwa; Sũvĩa mũomo wa ilomo syakwa.</verse>
				<verse number="4">Ndũkaeke ngoo yakwa yelekele ũndũnĩ ũthũku o na wĩva, Yĩkae meko ma ũthũku Vamwe na ala mekaa ũthũku: Na ndũkandeke nĩye kya ũya kyoo kĩseo.</verse>
				<verse number="5">Ũla mũlũngalu nangũne, kũkeethĩwa kũseo; Na nangan’ye, kũkeethĩwa ta mauta ĩũlũ wa mũtwe; Mũtwe wakwa ndũkalee ũu: Nũndũ o na ũthũkunĩ woo ngaendeea na mboya yakwa.</verse>
				<verse number="6">Asili moo nĩmavalũkĩtw’e ndee sya ĩvia; Na makeew’a ndeto syakwa; nũndũ syĩ mũyo.</verse>
				<verse number="7">O tondũ mũndũ wĩnzaa na kũtilanga mavali, Now’o mavĩndĩ maitũ manyaĩĩkĩte kanyw’anĩ wa Seoli.</verse>
				<verse number="8">Nũndũ metho makwa nĩmakũsyaĩĩsye, ame Yeova Mwĩaĩi: Nĩvithaa nthĩnĩ waku; ndũkaatie thayũ wakwa wĩ mũthei.</verse>
				<verse number="9">Nzũvĩaa kĩtei kĩla mandeete, Na itei sya eki ma ũthũku.</verse>
				<verse number="10">Ala athũku nĩmavalũke iteinĩ syoo ene, Nakwa ngĩvonoka.</verse>
			</chapter>
			<chapter number="142">
				<verse number="1">Nĩmwĩkaĩlaa Yeova na wasya wakwa; Nĩmwĩsũvaa Yeova na wasya wakwa.</verse>
				<verse number="2">Nonoasya mũnyungunyĩsyo wakwa mbee wake; Nonanasya thĩna wakwa mbee wake.</verse>
				<verse number="3">Yĩla veva wakwa wanthelekele, We nĩweesĩ nzĩa yakwa. Nzĩanĩ ĩla nĩendelaa Nĩmavithĩte kĩtei ũndũ wakwa.</verse>
				<verse number="4">Sisya kw’oko kwakwa kwa aũme, wone; Nũndũ vati mũndũ ũla ũmbĩsĩ: Wĩvitho nũmbaĩe; Vai mũndũ ũnũkũũngana na thayũ wakwa.</verse>
				<verse number="5">Nĩnakwĩkaĩlile, ame Yeova; Naisye, Nue wĩvitho wakwa, Kĩanda kyakwa nthĩ ya ala me thayũ.</verse>
				<verse number="6">Ĩthukĩĩsye kũkaya kwakwa; Nũndũ nĩnyivĩtw’e mũno: Mbonokya kwa ala manthĩnasya; Nũndũ me vinya kwĩ nyie.</verse>
				<verse number="7">Umya thayũ wakwa kolokolonĩ, Nĩ kana nĩtũngĩe syĩtwa yaku mũvea: Ala alũngalu makanthyũlũlũka; Ĩndĩ ũkambĩka na ũlau.</verse>
			</chapter>
			<chapter number="143">
				<verse number="1">Ĩw’a mboya yakwa, ame Yeova; ĩthukĩĩsye mawĩsũvano makwa: Nzũngĩa kwondũ wa kĩthito kyaku, na ũlũngalu waku.</verse>
				<verse number="2">Na ndũkakwatye sila na mũthũkũmi waku; Nũndũ methonĩ maku vai mũndũ wĩ thayũ mũlũngalu.</verse>
				<verse number="3">Nũndũ mũmaitha nũthĩnĩtye ngoo yakwa; Nũkũnĩte thayũ wakwa ũkavika nthĩ: Nũmbĩkalĩtye kũndũ kwĩ kĩvindu, ta ala makwie tene.</verse>
				<verse number="4">Kwondũ wa ũu veva wakwa nũthelekele nthĩnĩ wakwa; Ngoo yakwa nthĩnĩ nĩnĩkũũũya.</verse>
				<verse number="5">Nĩngũlilikana mĩthenya ya tene; Nĩngũsũanĩa meko maku onthe; Nĩngũsũanĩa wĩa wa moko maku.</verse>
				<verse number="6">Nĩngũkũtambũũkĩsya moko makwa: Ngoo yakwa yĩ na waũni ũndũ waku, ta nthĩ nyũmũ.</verse>
				<verse number="7">Ĩkalaate kũnzũngĩa, ame Yeova; veva wakwa nũũthelekela: Ndũkambithe ũthyũ waku, Ndikese ũtw’ĩka ta ala matheeaa yĩla ĩimanĩ.</verse>
				<verse number="8">Mbĩw’ĩthasya ũseo waku wĩ wendo kĩoko; Nũndũ nĩngũĩkĩĩaa: Manyĩthasya nzĩa ĩla naĩle kũendelaa; Nũndũ nĩngũkĩlĩlasya ngoo yakwa.</verse>
				<verse number="9">Ame Yeova, mbonokya kwa amaitha makwa: Nĩngũkĩĩa kwaku ũmbithe.</verse>
				<verse number="10">Manyĩsya kwĩka kwenda kwaku; Nũndũ nue Ngai wakwa: Veva waku nĩ mũseo; Ndongoeasya nthĩ ya ũlũngalu.</verse>
				<verse number="11">Nthayũũkya, ame Yeova, kwondũ wa syĩtwa yaku: Kwondũ wa ũlũngalu waku umya thayũ wakwa thĩnanĩ.</verse>
				<verse number="12">Na kwondũ wa ũseo waku wĩ wendo veta amaitha makwa, Na ananga onthe ala mathĩnasya thayũ wakwa; Nũndũ nyie nĩ mũthũkũmi waku.</verse>
			</chapter>
			<chapter number="144">
				<verse number="1">Nataĩwe Yeova ĩvia yakwa, Ũla ũmanyĩasya moko makwa kaũ, Na syaa syakwa kũkita:</verse>
				<verse number="2">Nue ũseo wakwa wĩ wendo, na ngome yakwa, Mwako wakwa mũtũlu wa mũnyoolo, na mũvonokya wakwa; Ngao yakwa, na ũla nĩvithaa nthĩnĩ wake; Ũla ũnyivĩasya andũ makwa methĩwe ungu wakwa.</verse>
				<verse number="3">Yeova, mũndũ nĩ mwaũ, ũndũ ũũngana nake? Kana mwana wa mũndũ, ũndũ ũmũlilikana?</verse>
				<verse number="4">Mũndũ nĩ ta mũvevo: Mĩthenya yake nĩ ta muunyĩ ũla ũvĩtaa.</verse>
				<verse number="5">Inamya matu maku, ame Yeova, noitheea: Kiita iĩma, na ikatoa syũki.</verse>
				<verse number="6">Tisĩthya ũtisi, na kũmanyaĩĩkya; Ĩkya mĩsyĩ yaku, na kũmathokoan’ya.</verse>
				<verse number="7">Tambũũkya kw’oko kwaku kuma ĩũlũ; Ndangĩĩa, na mbonokya kuma manzĩnĩ maingĩ, Kuma kw’okonĩ kwa andũ ma nthĩ ĩngĩ;</verse>
				<verse number="8">Ala maneenaa ũkengani na makanyw’a moo, Na kw’oko kwoo kwa aũme nĩ kw’oko kwa aũme kwa ũvũngũ.</verse>
				<verse number="9">Ngakwinĩa wathi weũ, ame Yeova: Ngakũkumya na kĩnanda kĩ ndii ĩkũmi.</verse>
				<verse number="10">Nue ũla ũnengae asumbĩ ũtangĩĩo; Ũla ũtangĩĩaa Ndaviti mũthũkũmi waku ũvyũnĩ mwai.</verse>
				<verse number="11">Ndangĩĩa, na kũmbonokya kuma kw’okonĩ kwa andũ ma nthĩ ĩngĩ, Ala maneenaa ũkengani na makanyw’a moo, Na kw’oko kwoo kwa aũme nĩ kw’oko kwa aũme kwa ũvũngũ.</verse>
				<verse number="12">Yĩla ana maitũ makethĩwa ta mĩkenge meanĩte wananĩ woo, Na eĩtu maitũ ta mavia ma ikotonĩ masũvĩtw’e ta mũvw’ano wa nyũmba nene mbanakavye;</verse>
				<verse number="13">Yĩla makũmbĩ maitũ mausũĩte, me na mĩthemba yonthe ya lĩu, Na malondu maitũ maisyanĩaa ngili, na ngili makũmi isesinĩ sitũ;</verse>
				<verse number="14">Yĩla ng’ombe sitũ ikuĩte mĩio mũno; Yĩla vate kũvithũkĩwa, kana kũkuthũanw’a, Na vate kĩĩo nzĩanĩ sitũ nene:</verse>
				<verse number="15">Nĩ atanu andũ ala me maũndũnĩ mailyĩ ũu; Ĩĩ, nĩ atanu andũ ala Ngai woo nĩ Yeova.</verse>
			</chapter>
			<chapter number="145">
				<verse number="1">Ngakũnenevya, Ngai wakwa, we Mũsumbĩ; Na ngataĩa syĩtwa yaku tene na tene.</verse>
				<verse number="2">Kĩla mũthenya ngakũtaĩaa; Na ngataĩaa syĩtwa yaku tene na tene.</verse>
				<verse number="3">Yeova, nĩ mũnene, na wa kũtaĩwa mũno; Na ũnene wake ndũmanthĩka.</verse>
				<verse number="4">Nzyawa ĩmwe ĩkataĩĩthasya mawĩa maku kwa nzyawa ĩngĩ, Na kũtavanasya meko maku me ũtonyi.</verse>
				<verse number="5">Ngasũanĩaa ũnene mũnene wa ndaĩa yaku, Na mawĩa maku ma ũseng’ya.</verse>
				<verse number="6">Na andũ makaneenaa ũndũ wa ũtonyi wa meko maku ma kũtĩsya; Nakwa ngatavanasya ũnene waku.</verse>
				<verse number="7">Makawetaa ũlilikan’yo wa ũseo waku mũnene, Na kwinaa ũndũ wa ũlũngalu waku.</verse>
				<verse number="8">Yeova nĩ mũseo, na e tei; Mũmĩĩsya wa kũthata, na wa ũseo mwingĩ wĩ wendo.</verse>
				<verse number="9">Yeova nĩ mũseo kwa onthe; Na matei make mololo me ĩũlũ wa mawĩa make onthe.</verse>
				<verse number="10">Mawĩa maku onthe makakũtũngĩaa mũvea, ame Yeova; Na atheu maku makakũtaĩaa.</verse>
				<verse number="11">Makawetaa ndaĩa ya ũsumbĩ waku, Na kũneenaa ũndũ wa vinya waku;</verse>
				<verse number="12">Nĩ kana mamanyĩthye ana ma andũ meko make me ũtonyi, Na ndaĩa ya ũnene wa ũsumbĩ wake;</verse>
				<verse number="13">Ũsumbĩ waku nĩ ũsumbĩ wa tene na tene, Na ũsumbĩko waku nĩwĩkalaa mosyaanĩonĩ onthe.</verse>
				<verse number="14">Yeova nũũngamasya onthe ala mavalũkaa, Na kũkĩlya onthe ala makunamĩte.</verse>
				<verse number="15">Metho ma onthe nĩmeũkweteela; Na nũmanengae lĩu woo ĩvinda yaw’o.</verse>
				<verse number="16">Nũũkũnzũa ũvĩ waku, Na kwĩanĩsya kwenda kwa kĩla kĩndũ kĩ thayũ.</verse>
				<verse number="17">Yeova nĩ mũlũngalu nzĩanĩ syake syonthe, Na nĩ mũseo mawĩanĩ make onthe.</verse>
				<verse number="18">Yeova e vakuvĩ na onthe ala mamwĩkaĩlaa, Onthe ala mamwĩkaĩlaa na w’o.</verse>
				<verse number="19">Akeanĩasya kwenda kwa ala mamũkĩaa; O na akeew’a kũkaya kwoo, na kũmatangĩĩa.</verse>
				<verse number="20">Yeova nũsũvĩaa onthe ala mamwendaa; Ĩndĩ ala athũku onthe akamananga.</verse>
				<verse number="21">Kanyw’a wakwa ũkaneena ndaĩa ya Yeova; Na mĩĩ yonthe nĩtaĩe syĩtwa yake ĩtheu tene na tene.</verse>
			</chapter>
			<chapter number="146">
				<verse number="1">Mũtaĩei Yeova. Taĩa Yeova, ngoo yakwa.</verse>
				<verse number="2">Yĩla nĩ thayũ ngataĩaa Yeova: Ngamwĩnĩaa Ngai wakwa ndaĩa yĩla nĩ thayũ.</verse>
				<verse number="3">Ndũkaĩkĩĩe anene me mbee ũsumbĩnĩ, Kana mwana wa mũndũ, ũla ũtatonya kũtethya.</verse>
				<verse number="4">Mĩthũmũ yake nĩyumaa, nake nũsyokaa mũthanganĩ wake; Mũthenya o ũsu mosũanĩo make nĩmaaa.</verse>
				<verse number="5">Nĩ mũtanu ũla wĩ na Ngai wa Yakovo wa kũmũtethya, Ũla wĩkwatyo wake wĩ vala ve Yeova Ngai wake:</verse>
				<verse number="6">Ũla watw’ĩkĩthisye ĩtu na nthĩ. Na ũkanga, na syonthe ila syĩ nthĩnĩ wasyo; Ũla ũlũmasya w’o tene na tene;</verse>
				<verse number="7">Ũla ũsilaa sila wa katĩ kwondũ wa ala mathĩnaw’a; Ula ũnengae ala me na nzaa lĩu. Yeova nũthaasya ovwa;</verse>
				<verse number="8">Yeova nũsalukasya metho ma ilalinda; Yeova nĩũkĩlasya ala makunamĩte; Yeova nũmendaa ala alũngalu;</verse>
				<verse number="9">Yeova nũsũvĩaa ekali ma ũeninĩ; Nũũngamasya ũla wakw’ĩĩwe nĩ ĩthe na ndiwa; Ĩndĩ nzĩa ya ala athũku nũkulumanasya.</verse>
				<verse number="10">Yeova akasumbĩkaa tene na tene, Ngai waku, we Saioni, kũvika nzyawa syonthe. Mũtaĩei Yeova.</verse>
			</chapter>
			<chapter number="147">
				<verse number="1">Mũtaĩei Yeova; Nũndũ nĩ ũseo kũmũkumya Ngai waitũ; Nũndũ nĩkwendeeasya, na ndaĩa nĩ nzeo.</verse>
				<verse number="2">Yeova nĩwakaa Yelũsaleme; Nĩwũmbanasya alũngw’a ma Isilaeli.</verse>
				<verse number="3">Nũvoasya ala matũlĩkile ngoo, Na kwova mawũkite moo.</verse>
				<verse number="4">Nũtalaa ndata ũndũ syĩana; Nũsyĩtaa syonthe na masyĩtwa masyo.</verse>
				<verse number="5">Mwĩaĩi waitũ nĩ mũnene, na e vinya ũtonyinĩ; Ũmanyi wake ndũthimĩka.</verse>
				<verse number="6">Yeova nũũngamasya ala auu: Nũmatheeasya nthĩ ala athũku.</verse>
				<verse number="7">Mwinĩei Yeova na mũvea; Mwinĩei Ngai waitũ ndaĩa na mbeve,</verse>
				<verse number="8">Ũla ũvw’ĩkaa matu mathweo, Ũla ũseũvĩasya nthĩ mbua, Ũla ũmeasya nyeki iĩmanĩ.</verse>
				<verse number="9">Nũnengae nyamũ lĩu wayo, O na tũswii twa ngũngũũ tũla tũũkaya.</verse>
				<verse number="10">Ndatanaw’a nĩ vinya wa mbalasi: Ndendeeaw’a nĩ maũũ ma mũndũ.</verse>
				<verse number="11">Yeova nĩwendeeaw’a nĩ ala mamũkĩaa, Ala mekwatasya ũseo wake wĩ wendo.</verse>
				<verse number="12">Taĩa Yeova, we Yelusaleme; Taĩa Ngai waku, we Saioni.</verse>
				<verse number="13">Nũndũ nũsyĩkĩĩte vinya ivingi sya mbingĩlo syaku; Nũathimĩte syana syaku ila syĩ nthĩnĩ waku.</verse>
				<verse number="14">Nũtumaa mũuo mĩvakanĩ yaku; Nũkũvũnasya na nganũ ila nzeo mbee.</verse>
				<verse number="15">Nũetae mwĩao wake ĩũlũ wa nthĩ; Ndeto yake nĩsembaa mĩtũkĩ mũno.</verse>
				<verse number="16">Nũnenganae ĩa ta w’ĩa wa malondu; Nũnyaĩĩkasya ĩmwe yĩkamĩtw’e nĩ mbevo ta mũu.</verse>
				<verse number="17">Nĩwĩkasya manzĩ make momĩtw’e nĩ mbevo me tũlungu: Nũũ ũtonya kũũngama mbee wa mbevo yake?</verse>
				<verse number="18">Nũetae ndeto yake, natw’o tũitweka: Nũuutanĩthasya kĩseve kyake, na manzĩ maivĩta.</verse>
				<verse number="19">Nĩwonanasya ndeto yake kwa Yakovo, Na myamũlo yake na motw’ĩo make kwa Isilaeli.</verse>
				<verse number="20">Ndaaĩka mbaĩ o na yĩva ta ũu; Na ũndũ wa motw’ĩo make, ityaamamanya. Mũtaĩei Yeova.</verse>
			</chapter>
			<chapter number="148">
				<verse number="1">Mũtaĩei Yeova. Mũtaĩĩei Yeova kuma matunĩ; Mũtaĩĩei motũlunĩ.</verse>
				<verse number="2">Mũtaĩei, inyw’ĩ alaĩka make onthe: Mũtaĩei, nguthu yake yonthe.</verse>
				<verse number="3">Mũtaĩei, syũa na mwei: Mũtaĩei, inyw’onthe ndata sya kyeni.</verse>
				<verse number="4">Mũtaĩei, inyw’ĩ matu ala me ĩũlũ wa matu, Na inyw’ĩ manzĩ ala mwĩ ĩũlũ wa matu.</verse>
				<verse number="5">Nitaĩe syĩtwa ya Yeova; Nũndũ we nĩweaie, na syoombĩka.</verse>
				<verse number="6">O na nĩwilũlũmĩlĩtye tene na tene: Nũtw’ĩte ũtw’ĩo ũla ũtakavĩta.</verse>
				<verse number="7">Taĩai Yeova kũũ nthĩ, Inyw’ĩ mĩkũnga mĩnene ya ũkanganĩ, o na syũngũ syonthe;</verse>
				<verse number="8">Mwaki na mbua ya mavia, ĩa na mũki; Kĩseve kĩnene, ikĩanĩsya ndeto yake;</verse>
				<verse number="9">Iĩma na tũlĩma tw’onthe; Mĩtĩ yĩ ũsyao na mĩtĩ ya mĩkũũ yonthe;</verse>
				<verse number="10">Nyamũ na indo syonthe; Tũsamũ tũla tũtambũkaa na nyũnyi ila iũlũkaa;</verse>
				<verse number="11">Asumbĩ ma nthĩ na ngo syonthe sya andũ; Anene me mbee ũsumbĩnĩ na asili onthe ma nthĩ;</verse>
				<verse number="12">Anake o na eĩtu atheu; Atumĩa na syana:</verse>
				<verse number="13">Nĩmataĩe syĩtwa ya Yeova; Nũndũ syĩtwa yake yoka nĩ ĩnenevye; Ũtheu mũtisu wake wĩ ĩũlũ wa nthĩ na matu.</verse>
				<verse number="14">Nĩwũkĩlĩtye ũvya wa andũ make, Ndaĩa ya atheu make onthe; O na ya ana ma Isilaeli, ũko wa andũ ũla wĩ vakuvĩ nake. Mũtaĩei Yeova.</verse>
			</chapter>
			<chapter number="149">
				<verse number="1">Mũtaĩei Yeova. Mũkumyei Yeova na wathi weũ, Na inĩai ndaĩa yake ũmbanonĩ wa atheu.</verse>
				<verse number="2">Isilaeli namũtanĩe ũla wamũmbie: Syana sya Saioni nitane ũndũ wa mũsumbĩ woo.</verse>
				<verse number="3">Nitaĩe syĩtwa yake ikĩsũnga: Nĩsine ikĩmũtaĩa na kĩthembe na mbeve.</verse>
				<verse number="4">Nũndũ Yeova nũtanĩaa andũ make: Akaanakavya ala auu na ũtangĩĩo.</verse>
				<verse number="5">Atheu nĩmekathĩĩe ndaĩanĩ: Nĩmaine ũndũ wa ũtanu me mokomonĩ moo.</verse>
				<verse number="6">Motaĩo manene ma Ngai methĩwe makanyw’anĩ moo, Na ũvyũ mũĩ ngalĩ syelĩ mokonĩ moo;</verse>
				<verse number="7">Meĩvanĩsye kwa i mbaĩ, Na mosilĩlo ĩũlũ wa ngo sya andũ;</verse>
				<verse number="8">Move asumbĩ moo na mĩnyololo, Na anene moo me ndaĩa na mbĩngũ;</verse>
				<verse number="9">Meanĩsye ũsilĩlo ĩũlũ woo ũla ũandĩkĩtwe: Ndaĩa ĩno yĩ na atheu make onthe. Mũtaĩei Yeova.</verse>
			</chapter>
			<chapter number="150">
				<verse number="1">Mũtaĩei Yeova. Mũtaĩĩei Ngai vandũnĩ vake vatheu: Mũtaĩĩei ku yayayanĩ ya vinya wake.</verse>
				<verse number="2">Mũtaĩei ũndũ wa meko make me ũtonyi: Mũtaĩei kwĩanana na ũnene wake mũnene.</verse>
				<verse number="3">Mũtaĩei na wasya wa soo: Mũtaĩei na kĩnanda na mbeve.</verse>
				<verse number="4">Mũtaĩei na kĩthembe na kũsũnga: Mũtaĩei na syĩndũ sya kũinga syĩ ndii, na mũtũlilũ.</verse>
				<verse number="5">Mũtaĩei na tũmasaya twĩ wasya mũnene: Mũtaĩei na tũmasaya twĩ wasya mũtũlu mũno.</verse>
				<verse number="6">Kĩla kĩndũ kĩ mĩthũmũ nĩkĩtaĩe Yeova. Mũtaĩei Yeova.</verse>
			</chapter>
		</book>
		<book number="20">
			<chapter number="1">
				<verse number="1">Nthimo sya Solomoni mwana wa Ndaviti, mũsumbĩ wa Isilaeli:</verse>
				<verse number="2">Kũmanya ũĩ na ũmanyĩsyo; Kũvathũkan’ya ndeto sya ũmanyi;</verse>
				<verse number="3">Kwosa ũmanyĩsyo wa kwĩka ũĩ, Na wa ũlũngalu na wa ũsili wa w’o na katĩ;</verse>
				<verse number="4">Kũmũnenga ũla ũte ũmanyi kĩlĩko, Na mwanake ũmanyi na kĩlĩko:</verse>
				<verse number="5">Nĩ kana mũndũ ũla mũĩ ew’e, na kwongeleka kwosa momanyĩsyo; Na nĩ kana mũndũ wa ũmanyi akwate motao meanĩu:</verse>
				<verse number="6">Kũmanya nthimo, na ũalyũlo wayo, Ndeto sya andũ oĩ, na ndaĩ syoo.</verse>
				<verse number="7">Kũmũkĩa Yeova nĩ wambĩlĩlyo wa ũmanyi; Ĩndĩ ala atumanu mavũthasya ũĩ na ũmanyĩsyo.</verse>
				<verse number="8">Mwana wakwa, ĩw’a ũmanyĩsyo wa ĩthe waku, Na ndũkaatie mĩao ya inyia waku:</verse>
				<verse number="9">Nũndũ makeethĩwa ta ngovia ya mumo mũtwenĩ waku, Na mĩnyoo ngingonĩ yaku.</verse>
				<verse number="10">Mwana wakwa, ethĩwa andũ athe nĩmeũkũsengasenga, Ndũketĩkĩle.</verse>
				<verse number="11">Ethĩwa makakwĩa, Ũka tũendan’ye, Twoveesye twĩtĩkye nthakame; Twoveesye kĩmbithĩnĩ ala mate na ĩvĩtyo vate kĩtumi;</verse>
				<verse number="12">Tũmamelye me thayũ ta Seoli, Na me aima, ta ala matheeaa yĩla iĩmanĩ;</verse>
				<verse number="13">Tũkoona syĩndũ syonthe syĩ vata mũno; Tũkausũsya nyũmba sitũ na mũtavo:</verse>
				<verse number="14">Ũkekye mũlimano waku vamwe naitũ; Ithyonthe tũkeethĩwa na ngusu ĩmwe:</verse>
				<verse number="15">Mwana wakwa, ndũkaendan’ye nzĩanĩ wĩ namo, Siĩĩa kũũ kwaku nzĩanĩ syoo:</verse>
				<verse number="16">Nũndũ maũũ moo masembaa meke ũthũku, Na mekalaataa metĩkye nthakame.</verse>
				<verse number="17">Nũndũ nĩ mana kũtambũũkya kĩtei Nyũnyi yene:</verse>
				<verse number="18">Na asu moveeasya nthakame yoo ene; Moveeasya na kĩmbithĩ mathayũ moo ene.</verse>
				<verse number="19">Nĩ w’o itilyĩ nzĩa sya kĩla ũmwe wĩ na ĩtomo ya ũtandĩthyo; Nĩyĩvetaa thayũ wa ene mayo.</verse>
				<verse number="20">Ũĩ nũkayĩaa na wasya mũnene nzĩanĩ nene; Nĩumĩasya wasya waw’o kũndũnĩ kwaamu;</verse>
				<verse number="21">Nũkayĩaa vandũ va ndaĩa va kũmbanĩa; Ũlikĩlonĩ wa mbingĩlo, Nthĩnĩ wa ndũa, nĩumĩasya ndeto syaw’o:</verse>
				<verse number="22">Inyw’ĩ mũte ũmanyi, mũkenda kũtamanya kwenyu kũvika ĩndĩĩ? Na akaakaan’ya matanĩa kũkaakaasyanĩ kwoo, Na ndia kũmena ũmanyi?</verse>
				<verse number="23">Ĩthyũũe kwondũ wa kũkanw’a ninyie: Sisyai, ngoonosya veva wakwa ĩũlũ wenyu; Ngamũmanyĩthya ndeto syakwa.</verse>
				<verse number="24">Nĩkwĩthĩwa nĩnĩtanĩte, na nĩmũleete; Nĩnĩtambũũkĩtye kw’oko kwakwa, na vati mũndũ ũsisya;</verse>
				<verse number="25">Ĩndĩ nĩmũtw’ĩte motao makwa onthe mana, Na mũtikwĩtĩkĩla mokan’yo makwa:</verse>
				<verse number="26">O nakwa ngatheka mũthenyanĩ wa wanangĩko wenyu mũnene; Ngavũa ngũĩ yĩla w’ĩa wenyu wĩũka;</verse>
				<verse number="27">Yĩla w’ĩa wenyu wĩũka ta kĩlingi, Na wanangĩko wenyu mũnene wĩũka ta kĩlingi; Yĩla monyamao na woo mũnene meũka ĩũlũ wenyu.</verse>
				<verse number="28">Nĩvo ĩndĩ makengaĩla, ĩndĩ ndikasũngĩa; Makamantha na kĩthing’ĩĩsyo, ĩndĩ matikambona.</verse>
				<verse number="29">Nũndũ nĩmamenie ũmanyi, Na matyaanyuva kũkĩa Yeova,</verse>
				<verse number="30">Matyaaĩtĩkĩla motao makwa, Nĩmavũthisye mokan’yo makwa onthe.</verse>
				<verse number="31">Kwondũ wa ũu makaya ũsyao wa mĩendele yoo ene, Na kusũwa nĩ mĩtavyo yoo ene.</verse>
				<verse number="32">Nũndũ kũsyoka na ĩtina kwa ala mate ũmanyi kũkamoaa, Na kalengo ka ndia kakasyananga.</verse>
				<verse number="33">Ĩndĩ o ũla ũmbĩthukĩĩsya akatũaa eyelelye, Na akekala athũmũĩte vate w’ĩa wa ũthũku.</verse>
			</chapter>
			<chapter number="2">
				<verse number="1">Mwana wakwa, ethĩwa ũkakwata ndeto syakwa, Na kwiaa mĩao yakwa nthĩnĩ waku,</verse>
				<verse number="2">O na kũtea kũtũ kwaku wose ũĩ, Na kũnengana ngoo yaku ũmanyinĩ;</verse>
				<verse number="3">Ĩĩ, ethĩwa ũkaĩĩa kũvathũkan’ya kũseo, Na kũkĩlya wasya waku wone ũmanyi;</verse>
				<verse number="4">Ethĩwa ũkoomantha ta vetha, Na kũmantha ta syĩndũ mbithe syĩ vata mũno:</verse>
				<verse number="5">Nĩvo ĩndĩ wĩmanya kũmũkĩa Yeova, Na kwona ũĩ wa Ngai.</verse>
				<verse number="6">Nũndũ Yeova nũnenganae ũĩ; Kanyw’anĩ wake vaumaa ũmanyĩsyo na ũmanyi:</verse>
				<verse number="7">Aiaa ũĩ mwĩanĩu kwondũ wa ala alũngalu; Nake nĩ ngao kwa ala maendaa wĩanĩunĩ;</verse>
				<verse number="8">Kana atonye kũsũvĩa nzĩa sya ũsili wa katĩ, Na kũsũvĩaa mĩendele ya atheu make.</verse>
				<verse number="9">Nĩvo ĩndĩ wĩmanya ũlũngalu na usili wa w’o, Na katĩ, ĩĩ, kĩla nzĩa nzeo.</verse>
				<verse number="10">Nũndũ ũĩ ũkalika ngoonĩ yaku, Na ũmanyi ũkendeesya ngoo yaku;</verse>
				<verse number="11">Kĩlĩko kĩkakũsyaĩĩasya; Ũmanyi ũkakũsũvĩaa:</verse>
				<verse number="12">Kũũvonokya kuma mĩendelenĩ mĩthũku, Kuma andũnĩ ala maneenaa maũndũ ma ngũlũ;</verse>
				<verse number="13">Ala matiaa nzĩa sya ũlũngalu, Maendae mĩendelenĩ ya kĩvindu;</verse>
				<verse number="14">Ala matanaw’a nĩ kwĩka ũthũku, Na kwendeew’a nĩ ngũlũ ya ũla mũthũku;</verse>
				<verse number="15">Ala athyoekangu mĩendelenĩ yoo, Na me na ngũlũ nzĩanĩ syoo:</verse>
				<verse number="16">Kũũvonokya kwa mũndũ mũka mũeni, O kwa ũsu wa nthĩ ĩngĩ ũla wendeeasya na ndeto syake sya ũkathĩĩo;</verse>
				<verse number="17">Ũla wũlawa nĩ mũnyanyae wake wa ũika wake, Na wũlawa nĩ ũtianĩo wa Ngai wake:</verse>
				<verse number="18">Nũndũ nyũmba yake yangĩe kĩkw’ũnĩ, Na nzĩa syake kwa ala akw’ũ;</verse>
				<verse number="19">Kũti waasyoka ĩngĩ alika kwake, O na kũvikĩa nzĩa sya thayũ:</verse>
				<verse number="20">Nĩ kana ũende mũendelenĩ wa andũ aseo, Na kũkwata nzĩa sya alũngalu.</verse>
				<verse number="21">Nũndũ ala alũngalu makatũa ĩ nthĩ, Na ala eanĩu makamĩkalaa.</verse>
				<verse number="22">Ĩndĩ ala athũku makavetwa kuma ĩ nthĩ, Na nzeleke ikakũanĩw’a na mĩi syume nthĩnĩ wayo.</verse>
			</chapter>
			<chapter number="3">
				<verse number="1">Mwana wakwa, ndũkolwe nĩ mĩao yakwa; Ĩndĩ ngoo yaku nĩlũmye mĩao yakwa:</verse>
				<verse number="2">Nũndũ ĩkakwongeleela mĩthenya mingĩ, Na myaka ya thayũ na mũuo,</verse>
				<verse number="3">Ndũkaaĩtĩkĩle ũseo na w’o ikũtie: Syoveee ngingonĩ yaku; Iandĩke ĩsengeanĩ ya ngoo yaku:</verse>
				<verse number="4">Na ĩndĩ ũkoona ũseo na ũmanyi mũseo Methonĩ ma Ngai na ma mũndũ.</verse>
				<verse number="5">Ĩkĩĩa Yeova na ngoo yaku yonthe, Na ndũkekwatye ũmanyi waku mwene:</verse>
				<verse number="6">Mĩendelenĩ yaku yonthe mũkũsĩĩe we, Na akaũlũngalĩlya nzĩa syaku.</verse>
				<verse number="7">Ndũkethĩwe na ũĩ wa metho maku mwene; Mũkĩe Yeova, na ũitia ũthũku:</verse>
				<verse number="8">Ũkakwĩkĩa vinya mũkonyo waku, Na mũthungo mavĩndĩ maku.</verse>
				<verse number="9">Mũtaĩe Yeova na syĩndũ syaku, Na ũsyao wa mbee wa wingĩvo waku w’onthe:</verse>
				<verse number="10">Na kwondũ wa ũu makũmbĩ maku makausũwa nĩ wingĩ, Na maviva maku makausũa na kũng’okwa nĩ mbinyu mbĩthĩ.</verse>
				<verse number="11">Mwana wakwa, ndũkavũthye makũna ma Yeova; O na ndũkanow’e nĩ mokan’yo make:</verse>
				<verse number="12">Nũndũ ũla Yeova ũmwendaa nũmũkanasya, O tondũ ĩthe wĩkaa mwana ũla ũtanaa kwondũ wake.</verse>
				<verse number="13">Mũndũ nĩ mũtanu ũla wonaa ũĩ, Na mũndũ ũla ũkwataa ũmanyi.</verse>
				<verse number="14">Nũndũ kwĩthĩwa naw’o kwĩ kavaa kwĩ kwĩthĩwa na vetha, Na ũtandĩthyo waw’o kwĩ thaavu ũla mũseo.</verse>
				<verse number="15">Wĩ na vata mũno kwĩ tũvila twa maliani: Na vati kĩmwe kya syĩndũ ila ũtonya kwenda kĩtonya kũvw’ananw’a naw’o.</verse>
				<verse number="16">Mĩthenya mingĩ yĩ kw’okonĩ kwaw’o kwa aũme; Kw’okonĩ kwaw’o kwa aka ve mothwii na ndaĩa.</verse>
				<verse number="17">Mĩendele yaw’o nĩ mĩendele ya kwendeesya, Na nzĩa syaw’o syonthe nĩ sya mũuo.</verse>
				<verse number="18">Nĩ mũtĩ wa thayũ kwa ala mokwataa: Na kĩla ũmwe nĩ mũtanu ũla wĩkalaa naw’o.</verse>
				<verse number="19">Yeova kwondũ wa ũĩ nĩwakwatisye wambĩlĩlyo wa nthĩ; Kwondũ wa ũmanyi nĩwalũlũmĩlye matu.</verse>
				<verse number="20">Kwondũ wa ũmanyi wake syũngũ nĩsyavingũkie, Na matu nĩmavolotangasya ĩmwe.</verse>
				<verse number="21">Mwana wakwa, ndũkaeke syume methonĩ maku; Sũvĩa ũĩ mwĩanĩu na kĩlĩko:</verse>
				<verse number="22">Kwondũ wa ũu ikeethĩwa thayũ wa ngoo yaku, Na mumo ngingonĩ yaku.</verse>
				<verse number="23">Nĩvo ĩndĩ wĩendaa mĩendelenĩ yaku wĩyelele, Na kũũ kwaku kũtikalulutĩka.</verse>
				<verse number="24">Yĩla wĩkoma, ndũkakĩa: Ĩĩ, ũkakoma, na too waku ũkeethĩwa wĩ mũyo.</verse>
				<verse number="25">Ndũkakĩe w’ĩa wa kĩthũlũmũko, O na wanangĩko wa ala athũku, yĩla wĩũka:</verse>
				<verse number="26">Nũndũ Yeova akeethĩwa ũĩkĩĩi waku, Na akakũsũvĩa kũũ kwaku kũikakwatw’e.</verse>
				<verse number="27">Ndũkamaime ũndũ ũseo ala maĩlwe nĩw’o, Yĩla wĩ ũtonyinĩ wa kw’oko kwaku wa kũwĩka.</verse>
				<verse number="28">Ndũkatavye mũtũi waku, Enda, na ũkyũka ĩngĩ, Na ũnĩ ngakũnenga; Naku nũkwete ĩ kĩndũ.</verse>
				<verse number="29">Ndũkasũanĩĩe mũtũi waku ũthũku, Nũndũ atwĩe eyelele vakuvĩ naku.</verse>
				<verse number="30">Ndũkatetan’ye na mũndũ vate kĩtumi, Ethĩwa ndakwĩkĩte ũthũku.</verse>
				<verse number="31">Ndũkamwĩw’ĩe kĩwĩu mũndũ wa ũng’endu, Na ndũkanyuve o na ũmwe wa mĩendele yake.</verse>
				<verse number="32">Nũndũ ũla wĩ ngũlũ nĩ ũthatyo kwa Yeova; Ĩndĩ ũnyanya wake nĩ wake na ũla mũlũngalu.</verse>
				<verse number="33">Kĩumo kya Yeova kĩ nyũmbanĩ ya ũla mũthũku; Ĩndĩ nũathimaa ũtũo wa ala alũngalu.</verse>
				<verse number="34">Vate ndĩi nũvũthasya ala mavũthasya; Ĩndĩ anengae mumo ala menyivasya.</verse>
				<verse number="35">Ala oĩ makatiĩwa ndaĩa; Ĩndĩ nthoni ikeethĩwa ũnene wa ndia.</verse>
			</chapter>
			<chapter number="4">
				<verse number="1">Ĩw’ai, ana makwa, ũmanyĩsyo wa ĩthe, Na ĩnenganei mũmanye ũmanyi:</verse>
				<verse number="2">Nũndũ nĩngũmũnenga ũmanyĩsyo mũseo; Mũtikatie mĩao yakwa.</verse>
				<verse number="3">Nũndũ naĩ mwana kwa ĩthe wakwa, Mwololo na ũla mwende methonĩ ma mwaitũ.</verse>
				<verse number="4">Na amanyĩisye, na ambĩa: Ngoo yaku yĩkale na ndeto syakwa; Kwata mĩao yakwa, na ĩthĩwa thayũ;</verse>
				<verse number="5">Ĩyosee ũĩ, ĩyosee ũmanyi; Ndũkolwe, ndũkatiũũke kuma ndetonĩ sya kanyw’a wakwa;</verse>
				<verse number="6">Ndũkaotie, na ũkakwĩkalasya; Wende, na ũkakũsũvĩaa.</verse>
				<verse number="7">Ũĩ nĩ ũndũ ũnene mbee; kwondũ wa ũu ĩyosee ũĩ; Ĩĩ, na vamwe na kwosa kwaku kw’onthe ĩyosee ũmanyi.</verse>
				<verse number="8">Ũnenevye, naw’o ũkakũnenevya; Ũkakũete ndaĩanĩ, yĩla wĩwĩvĩtĩĩsya.</verse>
				<verse number="9">Ũkanenga mũtwe waku ngovia ya mumo; Ngovia ya ũsumbĩ ya ũseo ũkakũnenga.</verse>
				<verse number="10">Ĩw’a, we mwana wakwa, na osa ndeto syakwa; Na myaka ya thayũ waku ĩkeethĩwa mingĩ.</verse>
				<verse number="11">Nĩnaũmanyĩsya nzĩanĩ ya ũĩ; Nĩnaũtongoesya nzĩanĩ sya ũlũngalu.</verse>
				<verse number="12">Yĩla wĩendeeaa, matambya maku matikavivinyawa; Na ethĩwa nũkũsemba, ndũkalulutĩka.</verse>
				<verse number="13">Kwata ũlũmye ũmanyĩsyo; ndũkaeke ũthi: Ũsũvĩe; nũndũ nĩ thayũ waku.</verse>
				<verse number="14">Ndũkalike nzĩanĩ ya ala athũku, Na ndũkathi mũendelenĩ wa andũ athũku.</verse>
				<verse number="15">Myathũkĩe, ndũkamĩvĩtĩle; Ĩthyũũe kũmyuma, na endeea na mbee.</verse>
				<verse number="16">Nũndũ matikoma, ate o kwĩka ũthũku; Na too woo nũvetawa, ethĩwa mativalũkasya amwe.</verse>
				<verse number="17">Nũndũ maĩsaa lĩu wa ũthũku, Na kũnyw’a mbinyu ya ũng’endu.</verse>
				<verse number="18">Ĩndĩ nzĩa ya alũngalu nĩ ta kyeni kya kũikya, Kĩla kĩkenaa mbee na mbee kũvika mũthenya mwĩanĩu.</verse>
				<verse number="19">Mũendele wa ũthũku nĩ ta kĩvindu: Matyĩsĩ kĩla kĩmalulutĩkasya.</verse>
				<verse number="20">Mwana wakwa, ĩthukĩĩsye ndeto syakwa; Tea kũtũ kwaku wĩw’e ndeto syakwa.</verse>
				<verse number="21">Itikaaume methonĩ maku; Syĩkalye ngoonĩ yaku nthĩnĩ.</verse>
				<verse number="22">Nũndũ nĩsyo thayũ kwa ala masyonaa, Na vinya wa mĩĩ yoo yonthe.</verse>
				<verse number="23">Ĩkalya ngoo yaku na ũthangaau w’onthe; Nũndũ maũndũ ma thayũ maumaa kwayo.</verse>
				<verse number="24">Veta kwaku kanyw’a wĩ ũng’endu, Na ilomo syĩ ngũlũ veta kũasa naku.</verse>
				<verse number="25">Metho maku masisye o mbee ki, Na ilomo sya itho yaku ikĩsisya syelekele mbee waku.</verse>
				<verse number="26">Tindimalya nzĩa ya nyaĩĩ syaku, Na mĩendele yaku yonthe ĩthĩwe ĩmĩlũlũmĩlye.</verse>
				<verse number="27">Ndũkaaĩthyũũe ngalĩ ya kw’oko kwa aũme kana kwa aka: Umya kũũ kwaku ũthũkunĩ.</verse>
			</chapter>
			<chapter number="5">
				<verse number="1">Mwana wakwa, ĩthukĩĩsye ũĩ wakwa; Tea kũtũ kwaku wose ũmanyi wakwa:</verse>
				<verse number="2">Nĩ kana ũtonye kũsũvĩa kĩlĩko, Na kana ilomo syaku itonye kũlũmya ũmanyi.</verse>
				<verse number="3">Nũndũ ilomo sya mũndũ mũka mũeni ilovotangasya ũkĩ wa nzũkĩ, Na kanyw’a wake nĩ mũtendeu kwĩ mauta:</verse>
				<verse number="4">Ĩndĩ mũminũkĩlyonĩ e ũũ ta mũtĩ wĩ ũũ, Mũĩ ta ũvyũ mũĩ ngalĩ syelĩ.</verse>
				<verse number="5">Maũũ make matheeaa kĩkw’ũnĩ; Matambya make malũmanĩtye na Seoli;</verse>
				<verse number="6">Kwondũ wa ũu ndonaa nzĩa ndindimalu ya thayũ: Mĩendele yake ti mĩlũmu, na ndamanya ũu.</verse>
				<verse number="7">Na yu kwondũ wa ũu, ana makwa, mbĩthukĩĩsyei, Na mũikatie ndeto sya kanyw’a wakwa.</verse>
				<verse number="8">Veta mũendele waku kũasa nake, Na ndũkathi vakuvĩ na mũomo wa nyũmba yake;</verse>
				<verse number="9">Ndũkese kũnenga angĩ ndaĩa yaku, Na myaka yaku ala ai;</verse>
				<verse number="10">Aeni matikese kusũwa nĩ vinya waku, Na mawĩa maku kwĩthĩwa nyũmbanĩ ya mũndũ wa nthĩ ĩngĩ,</verse>
				<verse number="11">Naku ũkesa kũĩa mũminũkĩlyonĩ waku, Yĩla nyama syaku na mwĩĩ waku ikathela,</verse>
				<verse number="12">Na kwasya, Ũndũ namenete ũmanyĩsyo, Na ngoo yakwa yavũthĩtye ũkan’yo;</verse>
				<verse number="13">O na ndaaĩthukĩĩsya wasya wa amanyĩsya makwa, Kana kũtea kũtũ kwakwa kwa ala mandaaa!</verse>
				<verse number="14">Natielye o vanini nĩthĩwe ũthũkunĩ w’onthe Nĩ nthĩnĩ wa ũmbano na ĩkomano.</verse>
				<verse number="15">Nyusaa manzĩ kuma kĩthimanĩ kyaku mwene kĩla kyakĩtwe, Na manzĩ ala mavĩtaa kuma kĩthimanĩ kyaku mwene.</verse>
				<verse number="16">Mbuluti syaku nĩsyaĩle kũnyaĩĩkw’a kũũ na kũũ, Na tũlũsĩ twa manzĩ nzĩanĩ nene?</verse>
				<verse number="17">Methĩwe kwondũ waku wĩ weka, Na ti kwondũ wa aeni ala me kwaku.</verse>
				<verse number="18">Nthongo yaku nĩathimwe; Noitanĩa kĩveti kyaku kya ũthoo.</verse>
				<verse number="19">Ta ndaatai nga yĩ wendo na ngondi nga yendeeasya, Nondo syakyo nikwĩanĩae mavinda onthe; Naku ũtanĩthaw’e mavinda onthe nĩ wendo wakyo.</verse>
				<verse number="20">Nũndũ nĩkĩ we, mwana wakwa, ũtanĩthaw’a nĩ kĩveti kĩeni, Na kũvĩtĩanĩsya kĩthũi na ũla wa nthĩ ĩngĩ?</verse>
				<verse number="21">Nũndũ mĩendele ya mũndũ yĩ mbee wa metho ma Yeova; Na nũtindimalasya nzĩa syake syonthe.</verse>
				<verse number="22">Mothũku make mwene makakwata ũla mũthũku, Na akalũmw’a nĩ ndii sya naĩ yake.</verse>
				<verse number="23">Akakw’a ũndũ wa kwaa ũmanyĩsyo; Na ũtumanunĩ wake mũnene akaa.</verse>
			</chapter>
			<chapter number="6">
				<verse number="1">Mwana wakwa, ethĩwa nũtw’ĩkĩte mũĩkĩĩwa kwa mũtũi waku, Ethĩwa nĩwakwatanie moko maku na mũeni;</verse>
				<verse number="2">Nũkwatĩtw’e nĩ ndeto sya kanyw’a waku, Nũtwaĩtwe nĩ ndeto sya kanyw’a waku.</verse>
				<verse number="3">Ĩka ũũ yu, mwana wakwa, na ũkĩvonokya mwene, Nũndũ nĩwalika kw’okonĩ kwa mũtũi waku: Enda, wĩnyivye, noimwĩsũva mũtũi waku;</verse>
				<verse number="4">Ndũkaeke metho maku makome, Kana kwombosya kwa ilomo sya metho maku;</verse>
				<verse number="5">Ĩvonokye ta kĩlong’a kuma kw’okonĩ kwa mũsyĩmi, Na ta nyũnyi kuma kw’okonĩ kwa mũtei wayo.</verse>
				<verse number="6">Enda vala ve nditikũ, we ũla mũtulu; Syaĩĩsya mĩkĩle yasyo, na ũkyũĩva:</verse>
				<verse number="7">Ila ite mũnene, Mũsyaĩĩsya kana mũsumbĩki</verse>
				<verse number="8">Syĩyiĩaa lĩu wasyo ĩvinda ya syũa, Na kwĩyũmbanĩsya lĩu wayo ĩvinda ya ngetha.</verse>
				<verse number="9">Ũkakoma kũvika ĩndĩĩ, we mũtulu? Ũkookĩla kuma toonĩ waku ĩndĩĩ?</verse>
				<verse number="10">No kũkomanga vanini, kwombosya vanini, O vanini kũkwatan’ya syaa na kũkoma:</verse>
				<verse number="11">O ta ũu ũkya waku ũkooka ta mũvutani, Na kwaĩwa kwaku ta mũndũ wĩkĩĩte mĩio ya kaũ.</verse>
				<verse number="12">Mũndũ ũte vata, mũndũ wa ũthũku, Nĩ ũla ũendaa na kanyw’a wĩ ngũlũ;</verse>
				<verse number="13">Ũla ũvenanĩasya na metho make, ũla ũneenaa na maũũ make, Ũla wonanasya na syaa syake;</verse>
				<verse number="14">Ũla ngoonĩ yake ve ngũlũ, Ũla ũsũanĩaa ũthũku ĩndĩ yonthe, Ũla ũvuĩaa kĩthokoo.</verse>
				<verse number="15">Kwondũ wa ũu wanangĩko wake mũnene ũkooka na kĩthũlũmũko; O mĩtũkĩ akaanangĩka vate mũiito.</verse>
				<verse number="16">Ve maũndũ thanthatũ ala Yeova ũmenete; Ĩĩ, mũonza ala me ũthatyo kwake:</verse>
				<verse number="17">Metho me mĩtũlyo, ũĩmĩ ũla ũneenaa ũvũngũ, Moko ala metĩkasya nthakame ĩte ĩvĩtyo;</verse>
				<verse number="18">Ngoo ĩla ĩsũanĩaa maũndũ mathũku, Maũũ ala mekalaataa kwĩka ũthũku,</verse>
				<verse number="19">Ngũsĩ ya ũvũngũ ĩla ĩneenaa movũngũ, Na ũla ũvuĩaa kĩthokoo katĩ wa ana‐aasa.</verse>
				<verse number="20">Mwana wakwa, kwata mwĩao wa ĩthe waku, Na ndũkatie mwĩao wa inyia waku:</verse>
				<verse number="21">Myoveee ngoonĩ yaku ĩndĩ yonthe; Myoveee ngingonĩ yaku.</verse>
				<verse number="22">Yĩla wĩendaa ĩkakũtongoeasya; Yĩla wĩkomaa, ĩkakũsyaĩĩasya; Na yĩla wĩamũkaa, ĩkaneenaa naku.</verse>
				<verse number="23">Nũndũ mwĩao nĩ taa; na mĩao nĩ kyeni; Na mokan’yo ma ũmanyĩsyo nĩ nzĩa ya thayũ:</verse>
				<verse number="24">Kũkũsũvĩa vala ve mũndũ mũka mũthũku, Kwa kwendeesya na ndeto sya ũkathĩĩo kwa ũĩmĩ wa mũndũ wa nthĩ ĩngĩ.</verse>
				<verse number="25">Ndũkew’ĩe mũmbĩlwe wake mũseo ĩtomo ngoonĩ yaku; O na ndũketĩkĩle akũkwate na ilomo sya metho make.</verse>
				<verse number="26">Nũndũ wa ĩlwaya mũndũ mũũme nũvikaa vala ũtonya kwaĩwa nĩ kalungu ka mũkate; Na kĩlaalai nĩkĩsyĩmaa thayũ ũla wĩ vata mũno.</verse>
				<verse number="27">Mũndũ nũtonya kũkua mwaki kĩthũinĩ kyake, Na ngũa syake ikalea kũvya?</verse>
				<verse number="28">Kana mũndũ nũtonya kũkinyĩla ĩũlũ wa makaa me mwaki, Na maũũ make makalea kũvya?</verse>
				<verse number="29">No ta ũu ũla ũlikaa kwa kĩveti kya mũtũi wake; O ũla ũkĩkiita ndatĩa kũsilĩlwa.</verse>
				<verse number="30">Andũ mativũthasya kĩng’ei, ethĩwa kĩũya Ũndũ wa kwĩyĩanĩsya yĩla kĩ na nzaa:</verse>
				<verse number="31">Ĩndĩ ethĩwa kĩkakwatwa, kĩkatũnga kũndũ mũonza; Kĩkanengane syĩndũ syonthe sya nyũmba yakyo.</verse>
				<verse number="32">Ũla wĩkaa ũlaalai na mũndũ mũka nde na ũmanyi: Ũla ũkwenda kwananga ngoo yake mwene nũwĩkaa.</verse>
				<verse number="33">Mawũkite na kwanangĩwa ndaĩa akakwata, Na kũvũthw’a kwake kũtikavangũlĩka.</verse>
				<verse number="34">Nũndũ kĩwĩu nĩ ũthatu mwai wa mũndũ; Nake ndakew’ĩa tei mũthenya wa kũĩvanĩsya.</verse>
				<verse number="35">Ndaketĩkĩla mbovosya o na yĩva; Ndakeanĩwa, o na wamũnenga mĩthĩnzĩo mingĩ.</verse>
			</chapter>
			<chapter number="7">
				<verse number="1">Mwana wakwa, kwata ndeto syakwa, Noyia mĩao yakwa vala ũĩ.</verse>
				<verse number="2">Kwata mĩao yakwa na kwĩkala thayũ; Na ũmanyĩsyo wakwa ta kyũma kya itho yaku.</verse>
				<verse number="3">Myoveee syaanĩ syaku; Mĩandĩke masengeanĩ ma ngoo yaku.</verse>
				<verse number="4">Tavya ũĩ, Nue mwĩĩtu‐a‐ia; Na ĩta ũmanyi mũndũ mũka wa mũvĩa waku:</verse>
				<verse number="5">Nĩ kana ikũsiĩĩe kwa mũndũ mũka mũeni, Kwa mũndũ mũka wa nthĩ ĩngĩ ũla wendeeasya na ndeto syake sya ũkathĩĩo.</verse>
				<verse number="6">Nũndũ mbũthinĩ ya nyũmba yakwa Nasyaĩlya mĩtĩnĩ yakwa mĩkelangan’ye;</verse>
				<verse number="7">Na noona katĩ wa ala mate ũmanyi, Na namũvathũkan’ya katĩ wa imwana, Mwanake ũte na ũmanyi,</verse>
				<verse number="8">Aivĩtĩla nzĩanĩ nene vakuvĩ kĩkotonĩ kya ũ mũndũ mũka; Nake athi na nzĩa ya nyũmba ya mũndũ mũka ũsu,</verse>
				<verse number="9">Ũmithinĩ, wĩoo wa mũthenya, Ũtukũ katĩ na kĩvindunĩ.</verse>
				<verse number="10">Na, sisya, mũndũ mũka akomana nake Ekĩĩte ngũa ya ĩlwaya na e na ũseleke wa ngoo.</verse>
				<verse number="11">(E na kĩlonzo na ũng’endu; Maũũ make matyĩkalaa nyũmbanĩ yake:</verse>
				<verse number="12">Oyu e nzĩanĩ nene, yu e kũndũnĩ kũthanthau, Na oveesya kĩla kĩkotonĩ.)</verse>
				<verse number="13">Na ĩndĩ ũ mũndũ mũka amũkwata, na amũmumun’ya, Na e na ũthyũ ũte nthoni amwĩa:</verse>
				<verse number="14">Nthembo sya nthembo sya mũuo syĩ nakwa; Ũmũnthĩ nĩnĩanĩsye mawĩvĩto makwa.</verse>
				<verse number="15">Kwondũ wa ũu nĩnaumaala kũkomana naku, Kũmantha ũthyũ waku na kĩthing’ĩĩsyo, na nĩnakwona.</verse>
				<verse number="16">Nĩnalanĩtye ũkomo wakwa mũto mũseo mũno, Na ngũa syĩ nzoa sya ndii sya Misili.</verse>
				<verse number="17">Nĩnyungĩthĩtye ũkomo wakwa Na manemane, na uuti, na mũtalasini.</verse>
				<verse number="18">Ũka, twose wĩanĩu witũ wa wendo kũvika kĩoko; Twĩtan’ye ene na mawendo.</verse>
				<verse number="19">Nũndũ ũ mũndũ mũũme nde mũsyĩ; Nĩ mũendu kyalo kĩasa:</verse>
				<verse number="20">Nũendete na mũvuko wa mbesa; Akenũka mwei walũma nthĩ.</verse>
				<verse number="21">Na nũndũ wa ndeto syake nyingĩ sya kwendeesya nũmwĩtĩkĩlĩthasya; Kwondũ wa kwendeesya na ndeto sya ũkathĩĩo sya ilomo syake nũmũkusasya.</verse>
				<verse number="22">Nake nũmũatĩĩaa mĩtũkĩ, O tondũ ng’ombe ĩendaa kĩthĩnzĩonĩ, Kana ta ũmwe mũtumanu ũmanyĩaw’a na mbĩngũ;</verse>
				<verse number="23">Kũvika mũsyĩ ũtonye ĩtema yake; Tondũ nyũnyi ĩkalaataa kũthi vala ve kĩtei, Na ndĩsĩ atĩ nĩ kwondũ wa thayũ wayo.</verse>
				<verse number="24">Yu kwondũ wa ũu, ana makwa, mbĩw’ai, Na ĩthukĩĩsyei ndeto sya kanyw’a wakwa.</verse>
				<verse number="25">Ngoo yaku ĩtikelekele mĩendele yake; Ndũkaĩe nzĩanĩ syake.</verse>
				<verse number="26">Nũndũ nake nĩwavalũkilye nthĩ aingĩ me okite: Ĩĩ, oawa make onthe nĩ nguthu yĩ vinya.</verse>
				<verse number="27">Nyũmba yake nĩ nzĩa ya kũthi Seoli, Kũtheea tũsũmbanĩ twa kĩkw’ũ.</verse>
			</chapter>
			<chapter number="8">
				<verse number="1">Ũĩ ndũkayaa, Na ũmanyi kumya wasya waw’o?</verse>
				<verse number="2">Ĩũlũ wa kũndũ kũtũlu nzĩanĩ, Vala nzĩa ikomanĩe, nũũngamaa;</verse>
				<verse number="3">Vakuvĩ na mbingĩlo, ũlikĩlonĩ wa ndũa, Ũlikĩlonĩ mĩomonĩ, nĩwũkĩlĩlasya wasya mũnene:</verse>
				<verse number="4">Inyw’ĩ aũme, nĩngũmwĩta; Na wasya wakwa nĩ kwa ana ma andũ.</verse>
				<verse number="5">Inyw’ĩ mũte ũmanyi, manyai ũĩ; Na, inyw’ĩ ndia, ĩthĩwai na ngoo yĩ ũmanyi.</verse>
				<verse number="6">Ĩw’ai, nũndũ nganeena maũndũ manene; Na kũtumũka kwa ilomo syakwa kũkeethĩwa maũndũ ma w’o.</verse>
				<verse number="7">Nũndũ kanyw’a wakwa ũkaneena w’o; Na ũthũku nĩ ũthatyo kwa ilomo syakwa.</verse>
				<verse number="8">Ndeto syonthe sya kanyw’a wakwa nĩ ndũngalu; Vati ũndũ mũthyoeku kana ngũlũ nthĩnĩ wasyo.</verse>
				<verse number="9">Syonthe syĩ ũtheinĩ kwa ũla ũmanyaa, Na sya w’o kwa ala monaa ũmanyi.</verse>
				<verse number="10">Osa ũmanyĩsyo wakwa, na ti vetha; Na ũmanyi kwĩ thaavu mũseo mũno.</verse>
				<verse number="11">Nũndũ ũĩ nĩ kavaa kwĩ tũvila twa maliani; Na syĩndũ syonthe ila itonya kwendua ititonya kũelekanw’a naw’o.</verse>
				<verse number="12">Nyie ũĩ, nĩndw’ĩte kĩlĩko vandũ vakwa va ũtũa, Na kũmantha ũmanyi na ũi wa kĩlĩko.</verse>
				<verse number="13">Kũmũkĩa Yeova nĩkw’o kũmena ũthũku: Ngathĩĩo, na wĩnenevyo, na mũendele mũthũku, Na kanyw’a wĩ ngũlũ, isu nĩngwimena.</verse>
				<verse number="14">Ũtao nĩ wakwa, na ũĩ mwĩanĩu: Ninyie ũmanyi; nĩ na ũtonyi.</verse>
				<verse number="15">Kwondũ wakwa asumbĩ nĩmasumbĩkaa, Na anene me mbee ũsumbĩnĩ nĩmatusaa katĩ.</verse>
				<verse number="16">Kwondũ wakwa anene me mbee ũsumbĩnĩ nĩmasumbĩkaa, Na ala me ndaĩa, o na asili onthe ma nthĩ.</verse>
				<verse number="17">Nĩnĩmendaa ala mambendaa; Na ala mamanthaa na kĩthing’ĩĩsyo makambona.</verse>
				<verse number="18">Ũthwii na ndaĩa syĩ nakwa; Ĩĩ, ũthwii ũla wĩkalaa na ũlũngalu.</verse>
				<verse number="19">Ũsyao wakwa nĩ mũseo kwĩ thaavu, ĩĩ, kwĩ thaavu mũseo mũno; Na wongeleko wakwa kwĩ vetha mũseo.</verse>
				<verse number="20">Nĩendaa nzĩanĩ ya ũlũngalu, Katĩ wa nzĩa sya ũsili wa katĩ;</verse>
				<verse number="21">Nĩ kana nĩtume ala mambendaa matiĩwa ũthwii, Na nĩ kana nusũsye kũndũ kwoo kũla kwiawa ũthwii.</verse>
				<verse number="22">Yeova aĩ nakwa mwambĩlĩlyonĩ wa nzĩa yake, Mbee wa mawĩa make ma tene.</verse>
				<verse number="23">Nĩnookĩlilw’e kuma tene tene, kuma mwambĩlĩlyonĩ, Nthĩ ĩtanamba kwĩthĩwa.</verse>
				<verse number="24">Yĩla kũtaĩ syũngũ, nyie nĩnaumĩlĩtw’e, Yĩla kũtaĩ nthongo syĩ na manzĩ maingĩ.</verse>
				<verse number="25">Iĩma itanamba kũlũlũmĩlw’a, Mbee wa tũlĩma nyie nĩnaumĩlĩtw’e;</verse>
				<verse number="26">Yĩla ũtaĩ anamba kũtw’ĩkĩthya nthĩ, kana isesi, Kana mwambĩlĩlyo wa kĩtoo kya nthĩ.</verse>
				<verse number="27">Yĩla walũmilye matu, naĩ vo: Yĩla waiie kilinge ĩũlũ wa ĩ kyũngũ,</verse>
				<verse number="28">Yĩla walũmilye matu ĩũlũ, Yĩla nthongo sya ĩ kyũngũ syatw’ĩkie syĩ vinya,</verse>
				<verse number="29">Yĩla wanengie ũkanga mũvaka waw’o, Kana manzĩ matikavĩtye mwĩao wake, Yĩla watwie myambĩlĩlyo ya nthĩ;</verse>
				<verse number="30">Ĩvinda yĩu naĩ vakuvĩ nake, mũthũkũmi mũnene; Na naĩ ũtanu wake kĩla mũthenya, Ngĩtanĩa mavinda onthe mbee wake,</verse>
				<verse number="31">Ngĩtanĩa nthĩ yake ĩtwĩe andũ; Na ũtanu wakwa waĩ na ana ma andũ.</verse>
				<verse number="32">Yu kwondũ wa ũu, ana makwa, mbĩthukĩĩsyai; Nũndũ nĩ aathime ala makwataa nzĩa syakwa.</verse>
				<verse number="33">Ĩw’ai ũmanyĩsyo, na ĩthĩwai oĩ, Na mũikolee.</verse>
				<verse number="34">Nĩmũathime mũndũ ũla ũmbĩw’aa, Akĩsyaĩĩsya kĩla mũthenya mbingĩlonĩ syakwa, Akyeteela mĩtĩnĩ yĩ ndee sya mĩomo yakwa.</verse>
				<verse number="35">Nũndũ ũla ũmbonaa nĩwonaa thayũ, Na akoona ũseo kwa Yeova.</verse>
				<verse number="36">Ĩndĩ ũla ũmbĩtanĩasya nĩwĩkaa ngoo yake mwene naĩ: Na onthe ala mamenaa nyie mendaa kĩkw’ũ.</verse>
			</chapter>
			<chapter number="9">
				<verse number="1">Ũĩ nĩwakĩte nyũmba yaw’o; Nĩwasũvĩtye ituĩ mũonza syaw’o:</verse>
				<verse number="2">Nĩwũaĩte nyamũ syaw’o; nũvulanĩtye mbinyu yaw’o; O na nĩwalanĩtye mesa yaw’o:</verse>
				<verse number="3">Nũtũmĩte eĩtu maw’o; Nĩwũkĩlĩlasya wasya kũndũnĩ kũtũlu mbee kwa ndũa:</verse>
				<verse number="4">Ũla ũte na ũĩ, nĩathũkĩle vaa: Na ũndũ wa ũla ũte ũmanyi nũũmũtavya,</verse>
				<verse number="5">Ũkai, inyw’ĩ mũye lĩu wakwa, Na nyw’ai mbinyu ĩla nĩvulanĩtye.</verse>
				<verse number="6">Ekai, inyw’ĩ mũte na ũmanyi, na mũkĩkala thayũ; Na kũkinya nzĩanĩ ya ũmanyi.</verse>
				<verse number="7">Ũla ũmwonasya mũkaakaan’ya mavĩtyo nĩwĩyoseaa kũumangwa; Na ũla ũkanasya mũndũ mũthũku nĩwĩyoseaa ĩlanga.</verse>
				<verse number="8">Ndũkakan’ye mũkaakaan’ya, ndakese ũkũmena: Kan’ya mũndũ mũĩ, nake akakwenda.</verse>
				<verse number="9">Manyĩsya mũndũ mũĩ, nake akeethĩwa mũĩ mbee: Manyĩsya mũndũ mũlũngalu, nake akongeleka kwosa momanyĩsyo.</verse>
				<verse number="10">Kũmũkĩa Yeova nĩkw’o wambĩlĩlyo wa ũĩ; Na kũmũmanya Ũla Mũtheu nĩkw’o ũmanyi.</verse>
				<verse number="11">Nũndũ kwondũ wakwa mĩthenya yaku ĩkaingĩvw’a, Na myaka ya thayũ waku ĩkongeleelw’a.</verse>
				<verse number="12">Ethwa wĩ mũĩ wĩ mũĩ kwondũ waku mwene; Na ethĩwa nũkaakaanasya, we wĩ weka ũkookua.</verse>
				<verse number="13">Mũndũ mũka mũtumanu e na kĩlonzo; Nde ũmanyi, na ndesĩ ũndũ.</verse>
				<verse number="14">Nĩwĩkalaa mũomonĩ wa nyũmba yake, Kĩvĩlanĩ kĩ kũndũ kũtũlu kwa ndũa,</verse>
				<verse number="15">Amete ala meũvĩta, Ala maendete nzĩanĩ syoo:</verse>
				<verse number="16">Ũla ũte na ũĩ, nĩathũkĩle vaa; Na ũle ũte ũmanyi, emwĩa,</verse>
				<verse number="17">Manzĩ moyĩtwe me mũyo, Na lĩu ũkĩĩwa kĩmbĩthĩnĩ nĩ wa kwendeesya.</verse>
				<verse number="18">Ĩndĩ ũ mũndũ ndesĩ atĩ akw’ũ me vo; Aeni ma ũ mũndũ mũka me syũngũnĩ sya Seoli.</verse>
			</chapter>
			<chapter number="10">
				<verse number="1">Nthĩmo sya Solomoni. Mwana mũĩ nũtanĩthasya ĩthe; Ĩndĩ mwana mũtumanu nĩ kĩmako kya inyia wake.</verse>
				<verse number="2">Syĩndũ syũmbanĩtw’e na ũthũku itiunaa; Ĩndĩ ũlũngalu nũvonokasya kuma kĩkw’ũnĩ.</verse>
				<verse number="3">Yeova ndakaeka ngoo ya ũla mũlũngalu ĩnyale; Ĩndĩ nũluutĩĩlaa ũtee kwenda kwa ũla mũthũku.</verse>
				<verse number="4">Ũla ũtethasya wĩa na kw’oko kũleelu nũtw’ĩkaa ngya; Ĩndĩ kw’oko kwa ũla mũthingu nĩkũthuasya.</verse>
				<verse number="5">Ũla wũmbanasya ĩvinda ya syũa nĩ mwana mũĩ; Ĩndĩ ũla ũkomaa ĩvinda ya ngetha nĩ mwana ũla ũsonokasya.</verse>
				<verse number="6">Moathimo me ĩũlũ wa mũtwe wa ũla mũlũngalu; Ĩndĩ ũng’endu nũtumĩaw’a kanyw’anĩ wa ũla mũthũku.</verse>
				<verse number="7">Ũlilikano wa ũla mũlũngalu nĩ mũathimĩku; Ĩndĩ syĩtwa ya mũthũku yĩkoa.</verse>
				<verse number="8">Ala oĩ ngoonĩ makoosa mĩao; Ĩndĩ ndia ĩla ĩvulũkaa ndeto ĩkavalũka.</verse>
				<verse number="9">Ũla ũendaa na mĩendele myaĩlu aendaa na ũĩkĩĩi; Ĩndĩ ũla welelũkasya mĩendele yake akamanyĩka.</verse>
				<verse number="10">Ũla ũvenanĩasya na itho aetae woo; Ĩndĩ ndia ĩla ĩvulũkaa ndeto ĩkavalũka.</verse>
				<verse number="11">Kanyw’a wa alũngalu nĩ nthongo ya thayũ; Ĩndĩ ũng’endu nũtumĩaw’a kanyw’anĩ wa ũla mũthũku.</verse>
				<verse number="12">Kĩmena nĩkyũkĩlasya mateta; Ĩndĩ wendo nũvw’ĩkaa mavĩtyo onthe.</verse>
				<verse number="13">Ũĩ nĩwonekaa ilomonĩ sya ũla ũvathũkanasya maũndũ; Ĩndĩ ndata nĩ ya mũongo wa ũla ũte na ũmanyi.</verse>
				<verse number="14">Andũ oĩ maiaa ũmanyi; Ĩndĩ kanyw’a wa ũla mũtumanu nĩ wanangĩko wa yu.</verse>
				<verse number="15">Syĩndũ sya mũndũ mũthwii nĩ ndũa yake yĩ vinya: Wanangĩko wa ngya nĩ ũkya woo.</verse>
				<verse number="16">Wĩa wa ũla mũlũngalu wangĩe thayũnĩ; Wongeleko wa ũla mũthũku welekele naĩnĩ.</verse>
				<verse number="17">Ũla wĩw’aa aikanw’a e nzĩanĩ ya thayũ; Ĩndĩ ũla ũleaa ũkan’yo nũvĩtasya.</verse>
				<verse number="18">Ũla ũvithaa kĩmena nĩ wa ilomo ineenaa ũvũngũ; Na ũla ũneenaa nzukũ nĩ ndia.</verse>
				<verse number="19">Wingĩnĩ wa ndeto vatyaa ĩvĩtyo; Ĩndĩ ũla ũsiĩĩaa ilomo syake nĩwĩkaa na ũĩ.</verse>
				<verse number="20">Ũĩmĩ wa ũla mũlũngalu nĩ ta vetha mũseo: Ngoo ya ũla mũthũku nĩ ya vata mũnini.</verse>
				<verse number="21">Ilomo sya mũlũngalu niathĩasya aingĩ; Ĩndĩ atumanu makusaa nũndũ wa kwaa ũmanyi.</verse>
				<verse number="22">Ũathimo wa Yeova, naw’o nũthuasya; Na ndawongelanasya na woo.</verse>
				<verse number="23">Nĩ ta ĩthaũ kwa ndia kwĩka ũthũku; Now’o ũilyĩ ũĩ kwa mũndũ wĩ na ũmanyi.</verse>
				<verse number="24">W’ĩa wa mũthũku, naw’o ũkooka ĩũlũ wake; Na kwenda kwa alũngalu kũkeanĩwa.</verse>
				<verse number="25">Yĩla kĩlingi kyavĩta, mũthũku nde vo; Ĩndĩ ũla mũlũngalu nĩ wambĩlĩlyo wa tene na tene.</verse>
				<verse number="26">Tondũ siki ũtilyĩ maeonĩ, na tondũ syũki yĩtilyĩ methonĩ, Now’o mũtulu ũilyĩ kwa ala mamũtũmaa.</verse>
				<verse number="27">Kũmũkĩa Yeova nĩkwongelaa mĩthenya; Ĩndĩ myaka ya athũku ĩkakuvĩvw’a.</verse>
				<verse number="28">Wĩkwatyo wa mũlũngalu ũkeethĩwa ũtanu; Ĩndĩ weteelo wa mũthũku ũkaa.</verse>
				<verse number="29">Nzĩa ya Yeova nĩ ngome yĩ vinya kwa mũlũngalu; Ĩndĩ nĩ wanangĩko kwa eki ma naĩ.</verse>
				<verse number="30">Mũlũngalu ndakavetwa nongi; Ĩndĩ mũthũku ndakatũa ĩ nthĩ.</verse>
				<verse number="31">Kanyw’a wa mũlũngalu nĩwumasya ũĩ; Ĩndĩ ũĩmĩ wĩ ngũlũ ũkatilwa.</verse>
				<verse number="32">Ilomo sya mũlũngalu nĩsyĩsĩ kĩla kĩtĩkĩlĩkaa; Ĩndĩ kanyw’a wa mũthũku nũneenaa na ngũlũ.</verse>
			</chapter>
			<chapter number="11">
				<verse number="1">Kĩthimi kya ũkengani nĩ ũthatyo kwa Yeova; Ĩndĩ ĩvia yĩla yĩthimaa w’o nĩ ũtanu wake.</verse>
				<verse number="2">Yĩla ngathĩĩo yoka, nĩvo ĩndĩ nthoni yũkaa; Ĩndĩ ũĩ wĩ na ala menyivasya.</verse>
				<verse number="3">Wĩanĩu wa ala alũngalu ũkamatongoeasya; Ĩndĩ ngũlũ sya nzeleke ikasyananga.</verse>
				<verse number="4">Ũthwii ndwĩuna mũthenya wa ũthilĩku; Ĩndĩ ũlũngalu nũvonokasya kuma kĩkw’ũnĩ,</verse>
				<verse number="5">Ũlũngalu wa ũla mwĩanĩu ũkalũngalya mũendele wake; Ĩndĩ ũla mũthũku akavalũka kwondũ wa ũthũku wake mwene.</verse>
				<verse number="6">Ũlũngalu wa ala alũngalu ũkamavonokya; Ĩndĩ nzeleke ikakwatwa nĩ naĩ syasyo.</verse>
				<verse number="7">Yĩla mũndũ mũthũku ũkusaa, weteelo wake ũkaa; Na wĩkwatyo wa naĩ ũkyaa.</verse>
				<verse number="8">Ũla mũlũngalu nũvonokaw’a kuma thĩnanĩ; Na ũla mũthũku nũlikaa vandũ vake.</verse>
				<verse number="9">Mũndũ ũtakĩaa Ngai nĩwanangaa mũtũi wake na kanyw’a wake; Ĩndĩ kwondũ wa ũmanyi ũla mũlũngalu akavonokw’a.</verse>
				<verse number="10">Yĩla kũendaa nesa kwa ala alũngalu, ndũa nĩtanaa; Na yĩla ala athũku mekwaa, kwĩ mawasya matũlu.</verse>
				<verse number="11">Kwondũ wa ũathimo wa alũngalu ndũa nĩtaĩawa; Ĩndĩ nĩng’uthũlangawa nĩ kanyw’a wa athũku.</verse>
				<verse number="12">Ũla ũvũthasya mũtũi wake nde na ũĩ; Ĩndĩ mũndũ wĩ na ũmanyi nũvindasya.</verse>
				<verse number="13">Ũla wangangaa e mũsukani nũvuanasya nzama; Ĩndĩ ũla wa veva wĩ kĩthito nũvithaa ũndũ.</verse>
				<verse number="14">Vala vate ũtongoi mũĩ, andũ nĩmavalũkaa; Ĩndĩ vala ve wingĩ wa atai vati mũisyo.</verse>
				<verse number="15">Ũla ũtw’ĩkaa mũĩkĩĩwa kwondũ wa mũeni akathĩnw’a nĩ ũu; Ĩndĩ ũla ũmenaa ũvoo wa ũĩkĩĩthyo ũsu nĩ mwĩyelelu.</verse>
				<verse number="16">Mũndũ mũka mũseo nĩwĩkwatĩlaa ndaĩa; Na andũ ang’endu nĩmekwatĩlaa ũthwii.</verse>
				<verse number="17">Mũndũ wĩ tei nĩwĩkaa ngoo yake nesa; Ĩndĩ ũla mwai nũthĩnasya mwĩĩ wake mwene.</verse>
				<verse number="18">Ũla mũthũku nĩwĩyoseaa ĩtuvi ya ũkengani; Ĩndĩ ũla ũvuĩaa ũlũngalu e na ĩtuvi yĩte ngana.</verse>
				<verse number="19">Ũla mũlũmu ũlũngalunĩ akavikĩa thayũ; Ũla ũatĩĩaa ũthũku ekaa ũu kũvikĩa kĩkw’ũ kyake.</verse>
				<verse number="20">Ala me ngũlũ ngoonĩ nĩ ũthatyo kwa Yeova; Ĩndĩ ala eanĩu mĩendelenĩ yoo nĩ ũtanu wake.</verse>
				<verse number="21">O na ethĩwa kw’oko kũkakwatana na kw’oko, mũndũ mũthũku ndakatĩa ũkũnwa; Ĩndĩ ũsyao wa ũla mũlũngalu ũkavonoka.</verse>
				<verse number="22">Ta ngome ya thaavu ĩnyiũũnĩ ya ngũlũe, Now’o ũilyĩ mũndũ mũka mwanake ũte na kĩlĩko.</verse>
				<verse number="23">Kwenda kwa alũngalu no ũseo; Ĩndĩ weteelo wa ala athũku nĩ ũthilĩku.</verse>
				<verse number="24">Kwĩ ũla ũnyaĩĩkaa, na ũyingĩva mũno mbee; Na kwĩ ũla ũimaa kũvĩtũka ũndũ waĩle, ĩndĩ ũendeeaa kwaĩwa.</verse>
				<verse number="25">Mũndũ mũlau akeethĩwa mũnou; Na ũla ũnyithasya akanyithw’a mwene.</verse>
				<verse number="26">Ũla ũimanaa lĩu wa mbaa ngetha, andũ makamũuma; Ĩndĩ ũathimo ũkeethĩwa mũtwenĩ wa ũla ũthooasya.</verse>
				<verse number="27">Ũla ũmanthaa ũseo na kĩthing’ĩĩsyo nũmanthaa ũndũ ũseo; Ĩndĩ ũla ũmanthaa ũthũku, ũkooka vala ũĩ.</verse>
				<verse number="28">Ũla ũĩkĩĩaa ũthwii wake akavalũka; Ĩndĩ ũla mũlũngalu akaaĩlaa ta ĩtũ yĩũ.</verse>
				<verse number="29">Ũla ũthĩnasya nyũmba yake mwene akatiĩwa kĩseve; Na ũla mũtumanu akeethĩwa mũthũkũmi wa ũla mũĩ ngoo.</verse>
				<verse number="30">Ũsyao wa ũla mũlũngalu nĩ mũtĩ wa thayũ; Na ũla mũĩ nĩwĩtĩkĩlĩthasya andũ.</verse>
				<verse number="31">Sisya, ala alũngalu makaĩvĩwa kũũ nthĩ; Nĩ mbee veana ata ala athũku na eki ma naĩ!</verse>
			</chapter>
			<chapter number="12">
				<verse number="1">O ũla wendaa kwonw’a mavĩtyo eendaa ũmanyi; Ĩndĩ ũla ũmenaa ũkan’yo nĩ ta nyamũ.</verse>
				<verse number="2">Mũndũ mũseo akoona ũseo kwa Yeova; Ĩndĩ mũndũ wa mosũanĩo mathũku akamũtw’a mũvĩtan’ya.</verse>
				<verse number="3">Mũndũ ndakalũlũmĩlw’a nĩ ũthũku; Ĩndĩ mũi wa ũla mũlũngalu ndũkathingithangw’a.</verse>
				<verse number="4">Mũndũ mũka mwaĩlu nĩ ngovia ya ũsumbĩ ya mũũme wake; Ĩndĩ ũla ũsonokasya nĩ ta wou mavĩndĩnĩ make.</verse>
				<verse number="5">Mosũanĩo ma ala alũngalu nĩ ma katĩ; Ĩndĩ motao ma ala athũku nĩ ũkengani.</verse>
				<verse number="6">Ndeto sya ala athũku nĩ sya kwoveesya nthakame; Ĩndĩ kanyw’a wa ala alũngalu ũkamavonokya.</verse>
				<verse number="7">Ala athũku nĩmanangawa, na mati vo; Ĩndĩ nyũmba ya ala alũngalu ĩkaũngama.</verse>
				<verse number="8">Mũndũ akataĩwa kwĩanana na ũĩ wake; Ĩndĩ ũla wĩ na ngoo yĩ ngũlũ akavũthw’a.</verse>
				<verse number="9">E kavaa ũla ũtalawa ta vathei, na e na mũthũkũmi, Kwĩ ũla wĩtaĩaa, na nde na lĩu.</verse>
				<verse number="10">Mũndũ mũlũngalu nũsiasya thayũ wa nyamũ yake; Ĩndĩ matei mololo ma ũla mũthũku no wai.</verse>
				<verse number="11">Ũla ũĩmaa nthĩ yake akeethĩwa na lĩu mwingĩ; Ĩndĩ ũla ũatĩĩaa andũ mate kĩĩĩ nde na ũmanyi.</verse>
				<verse number="12">Ũla mũthũku nĩwendaa kĩtei kya ala athe; Ĩndĩ mũi wa ũla mũlũngalu nũsyaa ũsyao.</verse>
				<verse number="13">Ĩvĩtyonĩ ya ilomo ve kĩtei kwa mũndũ mũthũku; Ĩndĩ ũla mũlũngalu akauma thĩnanĩ.</verse>
				<verse number="14">Mũndũ akeanĩw’a nĩ ũseo kwondũ wa ũsyao wa kanyw’a wake; Na meko ma moko ma mũndu makatũngwa kwake.</verse>
				<verse number="15">Nzĩa ya ndia nĩ ya w’o methonĩ mayo e yo; Ĩndĩ ũla mũĩ nĩwĩthukĩĩasya ũtao.</verse>
				<verse number="16">Ũthatu wa ndia nũmanyĩkaa ũtheinĩ; Ĩndĩ mũndũ wĩ kĩlĩko nũvithaa nthoni.</verse>
				<verse number="17">Ũla ũneenaa w’o nĩwonanasya ũlũngalu; Ĩndĩ ngũsĩ ya ũvũngũ, ũkengani.</verse>
				<verse number="18">Ve ũla ũneenaa mĩtũkĩ ateũsũanĩa ta kũtonyanga kwa ũvyũ; Ĩndĩ ũĩmĩ wa ũla mũĩ nũvoasya.</verse>
				<verse number="19">Kĩlomo kya w’o kĩkalũlũmĩlw’a tene na tene; Ĩndĩ ĩũmĩ ũneenaa ũvũngũ no wa kavinda kanini.</verse>
				<verse number="20">Ũkengani wĩ ngoonĩ ya ala masũanĩaa ũthũku; Ĩndĩ ala maseũvasya maũndũ ma mũuo kwoo nĩ ũtanu.</verse>
				<verse number="21">Vati ũthũku ũkekĩka kwa ũla mũlũngalu; Ĩndĩ ũla mũthũku akausũwa nĩ ũthũku.</verse>
				<verse number="22">Ilomo ila ineenaa ũvũngũ nĩ ũthatyo kwa Yeova; Ĩndĩ ala mekaa w’o nĩ ũtanu wake.</verse>
				<verse number="23">Mũndũ wĩ kĩlĩko nũvithaa ũmanyi; Ĩndĩ ngoo ya ndia nĩtavanasya ũtumanu.</verse>
				<verse number="24">Kw’oko kwa ũla mũthingu kũkasumbĩka; Ĩndĩ ũla mũtulu akathũkũmĩthw’a.</verse>
				<verse number="25">Kĩmako ngoonĩ ya mũndũ nĩkĩminamasya; Ĩndĩ ndeto nzeo nĩmĩtanasya.</verse>
				<verse number="26">Ũla mũlũngalu nĩ mũtongoi wa mũtũi wake; Ĩndĩ mũendele wa ala athũku nũmavĩtĩthasya.</verse>
				<verse number="27">Mũndũ mũtulu ndavĩvasya kĩla wosaa aisyĩma; Syĩndũ syĩ vata mũno sya andũ nĩ kwondũ wa ala athingu.</verse>
				<verse number="28">Mũendelenĩ wa ũlũngalu ve thayũ; Na nzĩanĩ yaw’o vati kĩkw’ũ.</verse>
			</chapter>
			<chapter number="13">
				<verse number="1">Mwana mũĩ nĩwĩw’aa ũmanyĩsyo wa ĩthe wake; Ĩndĩ mũkaakaan’ya ndew’aa ũkan’yo.</verse>
				<verse number="2">Mũndũ akaya ũseo kwondũ wa ũsyao wa kanyw’a wake; Ĩndĩ ngoo ya nzeleke ĩkaya ũng’endu.</verse>
				<verse number="3">Ũla ũsũvĩaa kanyw’a wake nĩwĩkalasya thayũ wake; Ĩndĩ ũla ũtumũkanganasya ilomo syake mũno akeethĩwa na wanangĩko.</verse>
				<verse number="4">Ngoo ya ũla mũtulu nĩyendaa, na ndĩ na kĩndũ; Ĩndĩ ngoo ya ũla mũthingu ĩkeethĩwa nou.</verse>
				<verse number="5">Mũndũ mũlũngalu nũmenaa movũngũ; Ĩndĩ mũndũ mũthũku nĩ ũtiiki, na avikĩaa kũsonoka.</verse>
				<verse number="6">Ũlũngalu nũsũvĩaa ũla mũlũngalu nzĩanĩ; Ĩndĩ ũthũku nĩwanangaa mũndũ mwathe.</verse>
				<verse number="7">Kwĩ ũla wĩthuasya, ĩndĩ nde kĩndũ: Kwĩ ũla wĩtusaa ngya, ĩndĩ e na ũthwii mwingĩ.</verse>
				<verse number="8">Mbovosya ya thayũ wa mũndũ nĩ ũthwii wake; Ĩndĩ ngya ndĩw’aa ũkan’yo.</verse>
				<verse number="9">Kyeni kya ũla mũlũngalu nĩkĩtanaa; Ĩndĩ taa wa ũla mũthũku ũkavow’a.</verse>
				<verse number="10">Kwondũ wa ngathĩĩo nĩkũkaa ngananĩo; Ĩndĩ kwa ala mataawa nesa kwĩ ũĩ.</verse>
				<verse number="11">Ũthwii ũla wonekaa na nzĩa ĩtaĩle ũkaolwa; Ĩndĩ ũla ũmbanasya kwondũ wa wĩa akeethĩwa na wongeleko.</verse>
				<verse number="12">Wĩkwatyo ũla ũtĩaa nũwaasya ngoo; Ĩndĩ kĩla kyendetwe kyooka, nĩ mũtĩ wa thayũ.</verse>
				<verse number="13">O ũla ũvũthasya ndeto nĩwĩeteae wanangĩko; Ĩndĩ ũla ũkĩaa mwĩao akatuvwa.</verse>
				<verse number="14">Mwĩao wa ũla mũĩ nĩ nthongo ya thayũ, Nĩ kana mũndũ atie itei sya kĩkw’ũ.</verse>
				<verse number="15">Ũmanyi mũseo nũetae ũseo; Ĩndĩ nzĩa ya mũvĩtan’ya nĩ nyũmũ.</verse>
				<verse number="16">Kĩla mũndũ wĩ kĩlĩko nũtethasya wĩa na ũmanyi; Ĩndĩ ndia nĩyonanasya ũtumanu wayo.</verse>
				<verse number="17">Mũtũmwa mũthũku nũvalũkaa naĩnĩ; Ĩndĩ mũtũmwa wĩ kĩthito nĩ wa ũvosya.</verse>
				<verse number="18">Ũkya na nthoni ikeethĩwa sya ũla ũleaa kwonw’a mavĩtyo; Ĩndĩ ũla wĩtĩkĩlaa ũkan’yo akataĩwa.</verse>
				<verse number="19">Ũla wendetwe weanĩw’a nĩ mũyo wa ngoo; Ĩndĩ nĩ ũthatyo kwa ndia kũtia naĩ.</verse>
				<verse number="20">Endaa na andũ oĩ, ũkeethĩwa mũĩ; Ĩndĩ ũla ũtindanasya na ndia akathĩna.</verse>
				<verse number="21">Ũthũku nũatĩĩaa andũ athe; Ĩndĩ ala alũngalu makaĩvwa ũseo.</verse>
				<verse number="22">Mũndũ mũseo nũtiĩaa esũkũũe make ũtiĩwa; Na ũthwii wa mũndũ mwathe wiawa kwondũ wa alũngalu.</verse>
				<verse number="23">Lĩu mwingĩ wĩ kũĩmanĩ kwa ngya; Ĩndĩ kwĩ kĩla kyanangĩtwe kwondũ wa ũsili ũte wa katĩ.</verse>
				<verse number="24">Ũla ũimaa mwana wake ndata yake nũmenaa mwana wake; Ĩndĩ ũla ũmwendaa nũmũkũnaa mavinda maĩle.</verse>
				<verse number="25">Ũla mũlũngalu nũĩsaa akavũn’ya thayũ wake; Ĩndĩ ĩvu ya ũla mũthũku yĩkeew’a nzaa.</verse>
			</chapter>
			<chapter number="14">
				<verse number="1">Kĩla mũndũ mũka mũĩ nĩwakaa nyũmba yake; Ĩndĩ ũla mũtumanu nũomboaa na moko make mwene.</verse>
				<verse number="2">Ũla ũkinyaa ũlũngalunĩ wake nũkĩaa Yeova; Ĩndĩ ũla wĩ ngũlũ mĩendelenĩ yake nũmũvũthasya.</verse>
				<verse number="3">Kanyw’anĩ wa ũla mũtumanu ve ndata kwondũ wa ngathĩĩo yake; Ĩndĩ ilomo sya ala oĩ ikamasũvĩa.</verse>
				<verse number="4">Vala vate ng’ombe, vandũ va kũĩthĩw’a nĩ vathei; Ĩndĩ wingĩvo mwingĩ nĩ kwondũ wa vinya wa ng’ombe.</verse>
				<verse number="5">Ngũsĩ yĩ kĩthito ndĩneenaa ũvũngũ; Ĩndĩ ngũsĩ ngengani ĩneenaa movũngũ.</verse>
				<verse number="6">Mũkaakaan’ya nũmanthaa ũĩ, na ndawonaa; Ĩndĩ ũmanyi nĩwonekaa na ũvũthũ kwa ũla wĩ na kĩlĩko.</verse>
				<verse number="7">Lika vala va mũndũ mũtumanu, Na ndũkona kwake ilomo syĩ ũmanyi.</verse>
				<verse number="8">Ũĩ wa ũla wĩ kĩlĩko nĩ kũmanya mũendele wake; Ĩndĩ ũtumanu wa ndia nĩ ũkengani.</verse>
				<verse number="9">Nthembo kwondũ wa ĩvĩtyo nĩthekeeawa nĩ ndia; Ĩndĩ katĩ wa alũngalu kwĩ kwendana kũseo.</verse>
				<verse number="10">Ngoo nĩyĩsĩ ũũ wayo e yo; Na mũeni ndelikasya ũtanunĩ wayo.</verse>
				<verse number="11">Nyũmba ya ũla mũthũku ĩkang’uthũlwa; Ĩndĩ ĩeema ya ũla mũlũngalu yĩkaathimĩka.</verse>
				<verse number="12">Ve nzĩa ĩla ĩilyĩ ta ya w’o kwa mũndũ; Ĩndĩ mũminũkĩlyo wayo nĩ nzĩa sya kĩkw’ũ.</verse>
				<verse number="13">O na kũthekanĩ ngoo yĩ na woo; Na mũminũkĩlyo wa ũtanu nĩ kĩmako.</verse>
				<verse number="14">Ũla ũsyokete na ĩtina ngoonĩ yake akausũwa nĩ mĩendele yake mwene; Na mũndũ mũseo akeanĩw’a kuma nthĩnĩ wake mwene.</verse>
				<verse number="15">Ũla ũte ũmanyi nĩwĩtĩkĩlaa kĩla ndeto; Ĩndĩ ũla wĩ kĩlĩko asiasya ũndũ ũendaa.</verse>
				<verse number="16">Mũndũ mũĩ nũkĩaa na kũtia ũthũku; Ĩndĩ ndia nĩendaa yĩng’athĩlĩtye, na kwĩkwatya mwene.</verse>
				<verse number="17">Ũla ũthataa mĩtũkĩ akeka na ũtumanu; Na mũndũ wĩ mosũanĩo mathũku nũmenawa.</verse>
				<verse number="18">Ala mate ũmanyi matiĩawa ũtumanu; Ĩndĩ ala me kĩlĩko mekĩawa ngovia ya ũmanyi.</verse>
				<verse number="19">Ala athe makunamaa mbee wa ala aseo; Na ala athũku, mbingĩlonĩ sya alũngalũ.</verse>
				<verse number="20">Ngya nĩmenawa o na nĩ mũtũi wayo mwene; Ĩndĩ mũthwii e na anyanyae aingĩ.</verse>
				<verse number="21">Ũla ũvũthasya mũtũi wake nĩwĩkaa naĩ; Ĩndĩ ũla ũsyĩw’ĩaa ngya tei nĩ mũtanu.</verse>
				<verse number="22">Maivĩtasya ala masũanĩaa ũthũku? Ĩndĩ tei na w’o ikeethĩwa sya ala masũanĩaa ũseo.</verse>
				<verse number="23">Wĩanĩ w’onthe ve ũtandĩthyo; Ĩndĩ kũneena kwa ilomo kwangĩĩtye ũkyanĩ.</verse>
				<verse number="24">Ngovia ya ũsumbĩ ya ala oĩ nĩ ũthwii woo; Ĩndĩ ũtumanu wa ndia no ũtumanu.</verse>
				<verse number="25">Ngũsĩ ya w’o nĩvonokasya mathayũ; Ĩndĩ ũla ũneenaa movũngũ nũkenganaa.</verse>
				<verse number="26">Nthĩnĩ wa kũmũkĩa Yeova ve ũĩkĩĩi wĩ vinya; Na syana syake ikeethĩwa na wĩvitho.</verse>
				<verse number="27">Kũmũkĩa Yeova nĩ nthongo ya thayũ, Nĩ kana mũndũ atie itei sya kĩkw’ũ.</verse>
				<verse number="28">Wingĩnĩ wa andũ nĩvo ve ndaĩa ya mũsumbĩ; Ĩndĩ ũolekunĩ wa andũ ve wanangĩko wa mũnene wĩ mbee ũsumbĩnĩ.</verse>
				<verse number="29">Ũla mũmĩĩsya wa kũthata nĩ wa ũmanyi mwingĩ; Ĩndĩ ũla wĩ mĩtũkĩ vevanĩ nũnenevasya ũtumanu.</verse>
				<verse number="30">Ngoo nduu nĩ thayũ wa mwĩĩ; Ĩndĩ kĩwĩu nĩ wou wa mavĩndĩ.</verse>
				<verse number="31">Ũla ũthĩnasya ngya nũvũthasya Mũmbi wake; Ĩndĩ ũla ũmew’ĩaa athĩni tei nũmũtaĩaa.</verse>
				<verse number="32">Ũla mũthũku nũtheeaw’a kwĩkanĩ kwake kũthũku; Ĩndĩ ũla mũlũngalu kĩkw’ũnĩ kyake e na wĩvitho.</verse>
				<verse number="33">Ũĩ nĩwĩkalaa ngoonĩ ya ũla wĩ na ũmanyi; Ĩndĩ kĩla kĩ nthĩnĩ wa ndia nĩkĩvuanaw’a.</verse>
				<verse number="34">Ũlũngalu nũnenevasya mbaĩ; Ĩndĩ naĩ nĩvũthĩthasya ũko o na wĩva wa andũ.</verse>
				<verse number="35">Wonan’yo wa ũseo wa mũsumbĩ welekele mũthũkũmi ũla wĩkaa na ũĩ; Ĩndĩ ũthilĩku wake ũkeethĩwa ĩũlũ wa ũla ũsonokasya.</verse>
			</chapter>
			<chapter number="15">
				<verse number="1">Ũsũngĩo mwololo nũthyũũaa ũthilĩku; Ĩndĩ ndeto mbai nĩyũkĩlasya ũthatu.</verse>
				<verse number="2">Ũĩmĩ wa ala oĩ nũneenaa ũmanyi katĩ; Ĩndĩ kanyw’a wa ndia nĩwonoasya ũtumanu.</verse>
				<verse number="3">Metho ma Yeova me kĩla vandũ, Makĩsyaĩĩsya ũthũku na ũseo.</verse>
				<verse number="4">Ũĩmĩ mũuu nĩ mũtĩ wa thayũ; Ĩndĩ ngũlũ syaw’o nĩ kũtũlĩka kwa veva.</verse>
				<verse number="5">Ndia nĩvũthasya kwonw’a mavĩtyo nĩ ĩthe wayo; Ĩndĩ ũla wĩtĩkĩlaa ũkan’yo nĩwosaa kĩlĩko.</verse>
				<verse number="6">Nyũmbanĩ ya mũlũngalu ve ũthwii mwie mwingĩ; Ĩndĩ motandĩthyonĩ ma ala athũku ve thĩna.</verse>
				<verse number="7">Ilomo sya ala oĩ ninyaĩĩkasya ũmanyi; Ĩndĩ ngoo ya mũtumanu ndĩkaa ũu.</verse>
				<verse number="8">Nthembo ya ũla mũthũku nĩ ũthatyo kwa Yeova; Ĩndĩ mboya ya ũla mũlũngalu nĩ ũtanu wake.</verse>
				<verse number="9">Mũendele wa ũla mũthũku nĩ ũthatyo kwa Yeova; Ĩndĩ nũmwendaa ũla ũatĩĩaa ũlũngalu.</verse>
				<verse number="10">Ve kũsilĩlwa kwai kwa ũla ũtiaa ĩ nzĩa; Na ũla ũmenaa kũkanw’a akakw’a.</verse>
				<verse number="11">Seoli na Avatoni kwĩ ũtheinĩ mbee wa Yeova; Nĩ mbee veana ata ngoo sya ana ma andũ!</verse>
				<verse number="12">Mũkaakaan’ya ndendaa kũkanw’a; Ndaendaa kwa ũla mũĩ.</verse>
				<verse number="13">Ngoo ndanu nĩtanĩthasya ũthyũ; Ĩndĩ ũndũ wa woo wa ngoo veva nũtũlĩkaa.</verse>
				<verse number="14">Ngoo ya ũla wĩ na ũmanyi nĩmanthaa ũĩ; Ĩndĩ kanyw’a wa ndia nũĩsaa ũtumanu.</verse>
				<verse number="15">Mĩthenya yonthe ya ala mathĩnaa nĩ mĩthũku; Ĩndĩ ũla wĩ na ngoo ndanu e na mboka ĩtatw’ĩkanaa.</verse>
				<verse number="16">Kavaa kĩndũ kĩnini, vamwe na kũmũkĩa Yeova, Kwĩ ũthwii mwie mwingĩ vamwe na thĩna.</verse>
				<verse number="17">Kavaa kũya nyũnyi, vala ve wendo, Kwĩ ng’ombe ĩĩthaw’a kĩtũũnĩ vamwe na kĩmena.</verse>
				<verse number="18">Mũndũ mũthilĩku nĩwũkĩlasya ngananĩo; Ĩndĩ mũmĩĩsya wa kũthata mũuasya ĩteta.</verse>
				<verse number="19">Nzĩa ya ũla mũtulu ĩilyĩ ta wiio wa mĩw’a; Ĩndĩ nzĩa ya ũla mũlũngalu nĩtw’ĩkĩthaw’a lelũ.</verse>
				<verse number="20">Mwana mũĩ nũtanĩthasya ĩthe; Ĩndĩ mũndũ mũtumanu nũvũthasya inyia wake.</verse>
				<verse number="21">Ũtumanu nĩ ũtanu kwa ũla ũte na ũĩ; Ĩndĩ mũndũ wĩ na ũmanyi nũlũngalasya mũendele wake.</verse>
				<verse number="22">Vala vate ũtao, maũndũ ala masũanĩĩtwe kwĩkwa nĩmanangĩkaa; Ĩndĩ vala ve wingĩ wa atai nĩmalũlũmĩlaw’a.</verse>
				<verse number="23">Mũndũ e na ũtanu ũsũngĩonĩ wa kanyw’a wake; Na ndeto ĩvindanĩ yayo, kote nzeo!</verse>
				<verse number="24">Kwa ũla mũĩ nzĩa ya thayũ ĩelete ĩũlũ, Nĩ kana ethyũũe na kũtia Seoli ĩtheo.</verse>
				<verse number="25">Yeova akakũanĩsya na mĩi nyũmba ya ekathĩĩi; Ĩndĩ akalũlũmĩlya mũvaka wa mũndũ mũka ndiwa.</verse>
				<verse number="26">Mosũanĩo mathũku nĩ ũthatyo kwa Yeova; Ĩndĩ ndeto nzeo nĩ ntheu.</verse>
				<verse number="27">Ũla wĩ na ĩtomo ya ũtandĩthyo nũthĩnasya nyũmba yake mwene; Ĩndĩ ũla ũmenaa mavaki akekala thayũ.</verse>
				<verse number="28">Ngoo ya ũla mũlũngalu nĩsũanĩaa kũsũngĩa; Ĩndĩ kanyw’a wa ũla mũthũku nĩwonoasya maũndũ mathũku.</verse>
				<verse number="29">Yeova e kũasa na ũla mũthũku; Ĩndĩ nĩwĩw’aa mboya ya ũla mũlũngalu.</verse>
				<verse number="30">Kyeni kya metho nĩkĩtanasya ngoo; Na maũvoo maseo manoasya mavĩndĩ.</verse>
				<verse number="31">Kũtũ kũla kwĩthukĩĩasya ũkan’yo wa thayũ Kũkekala katĩ wa ala oĩ.</verse>
				<verse number="32">Ũla ũleaa kwonw’a mavĩtyo nũvũthasya thayũ wake mwene; Ĩndĩ ũla wĩthukĩĩasya ũkan’yo nĩwosaa ũmanyi.</verse>
				<verse number="33">Kũmũkĩa Yeova nĩ ũmanyĩsyo wa ũĩ; Na wĩnyivyo ũtongoeasya ndaĩa.</verse>
			</chapter>
			<chapter number="16">
				<verse number="1">Maũndũ maseũvye ma ngoo nĩ ma mũndũ; Ĩndĩ ũsũngĩo wa ũĩmĩ wumaa vala ve Yeova.</verse>
				<verse number="2">Mĩendele yonthe ya mũndũ nĩ mĩtheu methonĩ make mwene; Ĩndĩ Yeova athimaa maveva.</verse>
				<verse number="3">Mwiĩe Yeova mawĩa maku, Na mosũanĩa maku makalũlũmĩlw’a.</verse>
				<verse number="4">Yeova nũseũvĩtye kĩla kĩndũ na kĩtumi kyakyo; Ĩĩ, o na athũku kwondũ wa mũthenya wa ũthũku.</verse>
				<verse number="5">Kĩla mũndũ ũla wĩ na ngathĩĩo ngoonĩ nĩ ũthatyo kwa Yeova: O na ethĩwa kw’oko kũkakwatana na kw’oko, ndakatĩa kũkũnwa.</verse>
				<verse number="6">Kwondũ wa tei na w’o ũthũku nũvw’ĩkĩkaa; Na kwondũ wa kũmũkĩa Yeova andũ nĩmatiaa ũthũku.</verse>
				<verse number="7">Yĩla mĩendele ya mũndũ yendeesya Yeova, Atumaa o na amaitha make methĩwa na mũuo nake.</verse>
				<verse number="8">Kavaa kĩndũ kĩnini, vamwe na ũlũngalu, Kwĩ motandĩthyo manene vamwe na ũsili ũte wa katĩ.</verse>
				<verse number="9">Ngoo ya mũndũ nĩsũanĩaa nzĩa yake; Ĩndĩ Yeova atongoeasya matambya make.</verse>
				<verse number="10">Ũvuan’yo mwaĩlu wĩ ilomonĩ sya mũsumbĩ; Kanyw’a wake ndũkavĩtya kũtw’anĩ.</verse>
				<verse number="11">Kĩthimi kya w’o na latili sya w’o nĩ sya Yeova; Mavia onthe ma mũvuko ala mathimaa nĩ wĩa wake.</verse>
				<verse number="12">Nĩ ũthatyo kwa asumbĩ kwĩka ũthũku; Nũndũ kĩvĩla kya ũsumbĩ nĩkĩlũmaw’a nĩ ũlũngalu.</verse>
				<verse number="13">Ilomo ila ineenaa ũlũngalu nĩ ũtanu wa asumbĩ; Na mamwendaa ũla ũneenaa w’o.</verse>
				<verse number="14">Ũthilĩku wa mũsumbĩ nĩ ta atũmwa ma kĩkw’ũ; Ĩndĩ mũndũ mũĩ akoousya.</verse>
				<verse number="15">Kyeninĩ kya ũthyũ wa mũsumbĩ ve thayũ; Na kwonan’ya kwake kwa ũseo nĩ ta ĩthweo ya mbua ya uũa.</verse>
				<verse number="16">Kaĩ nĩ kavaa mũno kwĩthĩwa na ũĩ kwĩ thaavu! Ĩĩ, nĩ kavaa kũnyuva kwĩthĩwa na ũmanyi kwĩ vetha.</verse>
				<verse number="17">Lelũ wa ala alũngalu nĩ kũtia ũthũku; Ũla ũsũvĩaa mũendele wake nũsũvĩaa thayũ wake.</verse>
				<verse number="18">Ngathĩĩo nĩtongoeasya wanangĩko, Na veva wa wĩng’athĩlĩlyo nũtongoeasya kũvalũka.</verse>
				<verse number="19">Nĩ kavaa kwĩthĩwa na veva wa wĩnyivyo vamwe na ngya, Kwĩ kũaana mũtavo na ekathĩĩi.</verse>
				<verse number="20">Ũla wĩthukĩĩasya ndeto akona ũseo; Na ũla ũmũĩkĩĩaa Yeova nĩ mũtanu.</verse>
				<verse number="21">Ala oĩ ngoonĩ maketwa ma kĩlĩko; Na mũyo wa ilomo nĩwingĩvasya momanyĩsyo.</verse>
				<verse number="22">Ũmanyi nĩ mbuluti ya thayũ kwa ũla wĩ naw’o; Ĩndĩ kwonw’a mavĩtyo kwa ndia nĩ ũtumanu wasyo.</verse>
				<verse number="23">Ngoo ya ũla mũĩ nĩmanyĩasya kanyw’a wake. Na kwongela ũmanyĩsyo ilomonĩ syake.</verse>
				<verse number="24">Ndeto nzeo nĩ ta ĩwa, Syĩ mũyo kwa ngoo, na nivoasya mavĩndĩ.</verse>
				<verse number="25">Ve nzĩa ĩla ĩilyĩ ta ya w’o kwa mũndũ, Ĩndĩ mũminũkĩlyo wayo nĩ nzĩa sya kĩkw’ũ.</verse>
				<verse number="26">Nzaa ya mũthũkũmi nĩthũkũmaa kwondũ wake; Nũndũ kanyw’a wake nũmũthing’ĩĩsya.</verse>
				<verse number="27">Mũndũ ũte kĩĩĩ nũsũanĩaa ũthũku; Na ilomonĩ syake kwĩ ta mwaki ũvĩvasya.</verse>
				<verse number="28">Mũndũ wĩ ngũlũ nũnyaĩĩkasya ĩteta; Na ũla ũneenaa na kĩwe ataanasya anyanya anene.</verse>
				<verse number="29">Mũndũ mũng’endu asengasengaa mũtũĩ wake, Na kũmũtongoesya mũendelenĩ ũte mũseo.</verse>
				<verse number="30">Ũla ũlalasya metho make, nĩwĩkaa ũu asũanĩe maũndũ ma ngũlũ: Ũla ũtumanasya ilomo syake nũtumaa ũthũku wĩthĩwa.</verse>
				<verse number="31">Mũtwe wĩ mbuĩ nĩ ngovia ya ũsumbĩ ya ndaĩa; Ũkooneka nzĩanĩ ya ũlũngalu.</verse>
				<verse number="32">Mũmĩĩsya wa kũthata e kavaa kwĩ ũla wĩ na ũtonyi; Na ũla ũsumbĩkaa veva wake, e kavaa kwĩ ũla ũkwataa ndũa.</verse>
				<verse number="33">Mũlimano nĩwĩkĩtwe ngũanĩ; Ĩndĩ ũndũ ũkethĩwa no kwondũ wa Yeova.</verse>
			</chapter>
			<chapter number="17">
				<verse number="1">Nĩ kavaa kalungu komũ ka ũya, na ũuu vamwe nako, Kwi nyũmba yusũĩte mboka vamwe na ĩteta.</verse>
				<verse number="2">Mũthũkũmi ũla wĩkaa na ũĩ akasumbĩka mwana ũla ũsonokasya, Na akeethĩwa na kĩanda ũtiĩwanĩ katĩ wa ana‐a‐ĩthe.</verse>
				<verse number="3">Na mbisũ ya kũthesya nĩ kwondũ wa vetha, na iko ĩnene kwondũ wa thaavu; Ĩndĩ Yeova nũtataa ngoo.</verse>
				<verse number="4">Mwĩki wa naĩ nĩwĩthukĩĩasya ilomo nthũku; Na mũneeni wa ũvũngũ nũteaa kũtũ ew’e ũĩmĩ mũthũku.</verse>
				<verse number="5">Ũla ũthekeeaa ngya nũvũthasya Mũmbi wake; Na ũla ũtanaw’a nĩ wanangĩko mũnene ndakatĩa kũkũnwa.</verse>
				<verse number="6">Nzũkũlũ nĩ ngovia ya ũsumbĩ ya andũ akũũ; Na ũtaĩo wa syana nĩ aaĩthe masyo.</verse>
				<verse number="7">Kũneena kũseo kũtiaĩle ndia; Nĩ mbee mũno ilomo ila ineenaa ũvũngũ kũlea kwaĩla mũnene wĩ mbee ũsumbĩnĩ.</verse>
				<verse number="8">Ĩvaki nĩ ta kavila ke thooa mũnene methonĩ ma ũla wĩ nayo; O vala yĩelekela, nĩyĩunĩkasya.</verse>
				<verse number="9">Ũla ũvw’ĩkaa ĩvĩtyo nũmanthaa wendo; Ĩndĩ ũla ũtindaa aineena ũndũ, ataanasya anyanya anene.</verse>
				<verse number="10">Ũkan’yo ũlikaa mũno mũndũnĩ wĩ na ũmanyi Kwĩ makũnwa ĩana nthĩnĩ wa ndia.</verse>
				<verse number="11">Mũndũ mũthũku nũmanthaa no ũng’endu; Kwondũ wa ũu mũtũmwa mwai akatũmwa okite nake.</verse>
				<verse number="12">Kavaa nduva ĩvenetwe tũswii twayo kũkomana na mũndũ, Kwĩ ndia ũtumanunĩ wayo.</verse>
				<verse number="13">Ũla ũtũngaa ũthũku vandũ va ũseo, Ũthũku ndũkauma nyũmbanĩ yake.</verse>
				<verse number="14">Wambĩlĩlyo wa ĩteta nĩ ta yĩla mũndũ wavũthũa manzĩ; Kwondũ wa ũu eka ngananĩo, kũtanethĩwa ĩteta.</verse>
				<verse number="15">Ũla ũtalĩlaa athũku ũlũngalu, na ũla ũtusaa alũngalu avĩtan’ya, Asu elĩ nĩ ũthatyo kwa Yeova.</verse>
				<verse number="16">Nĩkĩ mbesa syĩ kw’okonĩ kwa ndia ĩthooe ũĩ, Nayo ndĩ na ũmanyi?</verse>
				<verse number="17">Mũnyanya nĩwendanaa ĩndĩ yonthe; Na mwana‐a‐ĩthe asyaiwe kwondũ wa kũthĩnũkasya.</verse>
				<verse number="18">Mũndũ ũte ũmanyi nũkwatanasya moko, Na aitw’ĩka mũĩkĩĩthya mũtũi wake ene</verse>
				<verse number="19">Ũla wendaa ĩteta endaa ĩvĩtyo: Ũla ũkĩlasya mbingĩlo yake ĩũlũ mũno nũmanthaa wanangĩko.</verse>
				<verse number="20">Ũla wĩ na ngoo ngengani ndonaa ũseo o na wĩva; Na ũla wĩ na ũĩmĩ wĩ ngũlũ nũvalũkaa ũthũkunĩ.</verse>
				<verse number="21">Ũla ũsyaaa ndia ekaa ũu kwa woo wake; Na ĩthe wa ndia nde na ũtanu nongi.</verse>
				<verse number="22">Ngoo ndanu nĩ mũiito mũseo; Ĩndĩ veva mũtũlĩku ũtumaa mavĩndĩ moma.</verse>
				<verse number="23">Mũndũ mũthũku nĩwosaa ĩvaki kuma kĩthũinĩ, Elelũkasye nzĩa sya ũsili wa katĩ.</verse>
				<verse number="24">Ũĩ wĩ mbee wa ũthyũ wa ũla wĩ na ũmanyi; Ĩndĩ metho ma ndia me itulunĩ sya nthĩ.</verse>
				<verse number="25">Mwana mũtumanu nĩ woo kwa ĩthe wake, Na ũũ kwa ũla wamũsyaie.</verse>
				<verse number="26">O na kũsilĩla ala alũngalu ti ũseo, Kana kũkũna ala me ndaĩa nũndũ wa ũlũngalu woo.</verse>
				<verse number="27">Ũla ũsũvĩaa ndeto syake e na ũĩ; Na ũla wĩ na veva mũuu nĩ mũndũ wĩ na ũmanyi.</verse>
				<verse number="28">O na ndia, yĩla ĩvindĩtye, ĩtalawa nĩ mbũĩ; Yĩla ĩtumĩtye ilomo syayo, ĩtalawa yĩ na kĩlĩko.</verse>
			</chapter>
			<chapter number="18">
				<verse number="1">Ũla wĩvathaa amanthaa kwenda kwake mwene, Na alonzanĩlasya ũĩ w’onthe mwĩanĩu.</verse>
				<verse number="2">Ndia ndĩtanĩaa ũmanyi, Ĩndĩ no kana ngoo yayo ĩtonye kwĩvuan’ya.</verse>
				<verse number="3">Yĩla mũthũku woka, kĩvũthya nakyo nĩkyũkaa, Na vamwe na nzonoko kũkaa kĩvũthya.</verse>
				<verse number="4">Ndeto sya kanyw’a wa mũndũ nĩ ta syũngũ; Mbuluti ya ũĩ nĩ ta kalũsĩ kavĩtĩtye.</verse>
				<verse number="5">Kwendeesya mũndũ mũthũku ti ũseo, Kana kwelelũkya ala alũngalu silanĩ.</verse>
				<verse number="6">Ilomo sya ndia nilikaa ngananĩonĩ, Na kanyw’a wayo nĩwĩtasya makũna.</verse>
				<verse number="7">Kanyw’a wa ndia nĩ wanangĩko wayo, Na ilomo syayo nĩ kĩtei kya ngoo yayo.</verse>
				<verse number="8">Ndeto sya ũla ũneenaa na kĩwe nĩ ta tũlungu tũseo twa lĩu, Na ilikaa nthĩnĩ ki.</verse>
				<verse number="9">O na ũla mũleelu wĩanĩ wake Nĩ mwana‐a‐inyia wa mwanangi.</verse>
				<verse number="10">Syĩtwa ya Yeova nĩ mwako mũtũlu wa mũnyoolo, Ũla mũlũngalu akĩĩaa vo, na nde na mũisyo.</verse>
				<verse number="11">Syĩndũ sya mũndũ mũthwii nĩ ndũa yake yĩ vinya, Na ta wako mũtũlu ũsũanĩonĩ wake.</verse>
				<verse number="12">Wanangĩko ũtanamba kũka ngoo ya mũndũ yĩ na wĩng’athĩlĩlyo; Na wĩnyivyo ũtongoeasya ndaĩa.</verse>
				<verse number="13">Ũla ũsũngĩaa atanamba kwĩw’a, Kwake nĩ ũtumanu na nthoni.</verse>
				<verse number="14">Veva wa mũndũ ũkatw’ĩĩka wonzu wake; Ĩndĩ veva mũtũlĩku nũũ ũtonya kũmĩĩsya?</verse>
				<verse number="15">Ngoo ya ũla wĩ na kĩlĩko nĩyosaa ũmanyi; Na kũtũ kwa ũla mũĩ nĩkũmanthaa ũmanyi.</verse>
				<verse number="16">Mũthĩnzĩo wa mũndũ nũmwonasya mwanya, Na kũmũete mbee wa andũ anene.</verse>
				<verse number="17">Ũla wambaa kũtetea ũvoo wake nĩwonekaa ta mũlũngalu; Ĩndĩ mũtũi wake ooka nũmũvuanasya.</verse>
				<verse number="18">Kũlimana nĩkũtumaa ngananĩo ithela, Na kũtaan’ya ala me na ũtonyi.</verse>
				<verse number="19">Mwana‐a‐asa alulutĩkw’a nĩ vinya kũtũngĩka kwĩ ndũa yĩ vinya; Na ngananĩo ta isu nĩ ta ivingi sya nyũmba nene yĩ kĩemo.</verse>
				<verse number="20">Ĩvu ya mũndũ yĩkausũw’a nĩ ũsyao wa kanyw’a wake; Akeanĩaw’a nĩ wingĩvo wa ilomo syake.</verse>
				<verse number="21">Kĩkw’ũ na thayũ syĩ vinyanĩ wa ũĩmĩ; Na ala mawendaa makaĩsaa ũsyao waw’o.</verse>
				<verse number="22">Ũla ũmeasya kĩveti nũmeasya kĩndũ kĩseo; Na kwona ũseo kuma kwa Yeova.</verse>
				<verse number="23">Ngya nĩsyĩsũvanaa; Ĩndĩ athwii masũngĩaa na vinya.</verse>
				<verse number="24">Ũla ũtumaa ndũũ na andũ aingĩ ekaa ũu ũndũ wa wanangĩko wake mwene; Ĩndĩ ve mũnyanya ũla ũlũmanasya mũno kwĩ mwana‐a‐inyia.</verse>
			</chapter>
			<chapter number="19">
				<verse number="1">Kavaa ngya ĩla ĩkinyaa wĩanĩũnĩ wayo Kwĩ ũla wĩ na ngũlũ ilomonĩ syake na nĩ ndia.</verse>
				<verse number="2">O na ĩngĩ, thayũ kwĩthĩwa ũte na ũmanyi ti ũseo; Na ũla wĩkalaataa na maũũ make nũvĩtasya.</verse>
				<verse number="3">Ũtumanu wa mũndũ nũthũkasya mũendele wake; Na ngoo yake nĩmũnyungunyĩasya Yeova.</verse>
				<verse number="4">Ũthwii nĩwongelaa anyanya aingĩ; Ĩndĩ ngya nĩtaanaw’a na mũnyanyae wayo.</verse>
				<verse number="5">Ngũsĩ ya ũvũngũ ndĩkatĩa kũkũnwa; Na ũla ũneenaa movũngũ ndakavonoka.</verse>
				<verse number="6">Aingĩ makeesũva ũseo wa mũndũ mũlau; Na kĩla mũndũ nĩ mũnyanya wa ũla ũnenganae mĩthĩnzĩo.</verse>
				<verse number="7">Ana‐a‐inyia onthe ma ngya nĩmamĩmenaa: Nĩ mbee veana ata anyanyae mayo kũthi kũasa nayo! Nũmaatĩĩaa na ndeto, ĩndĩ nĩ aendu.</verse>
				<verse number="8">Ũla wĩthĩawa na ũĩ nĩwendaa thayũ wake mwene: Ũla ũsũvĩaa ũmanyi akoona ũseo.</verse>
				<verse number="9">Ngũsĩ ya ũvũngũ ndĩkatĩa kũkũnwa; Na ũla ũneenaa movũngũ akaaa.</verse>
				<verse number="10">Maũndũ ala mendeeasya thayũ ti maĩlu kwondũ wa ndia; Nĩ mbee veana ata kũlea kwaĩla, mũthũkũmi kũsumbĩka anene me mbee ũsumbĩnĩ.</verse>
				<verse number="11">Kĩlĩko kya mũndũ nĩkĩtumaa ethĩwa mũmĩĩsya wa kũthata; Na nĩ ndaĩa yake kũekea ĩvĩtyo.</verse>
				<verse number="12">Ũthilĩku wa mũsumbĩ nĩ ta kũluma kwa mũnyambũ; Ĩndĩ kwonan’ya kwake kwa ũseo nĩ ta ĩmwe nyekinĩ.</verse>
				<verse number="13">Mwana mũtumanu nĩ wanangĩko mũnene wa ĩthe wake; Na mateta ma kĩveti nĩ kũvolotanga kũtatw’ĩkanaa.</verse>
				<verse number="14">Nyũmba na mothwii nĩ ũtiĩwa kuma kwa aaĩthe; Ĩndĩ kĩveti kĩ kĩlĩko kyumaa kwa Yeova.</verse>
				<verse number="15">Ũtulu nĩwĩkasya toonĩ mũnene; Na mũndũ mũtulu akeew’aa nzaa.</verse>
				<verse number="16">Ũla ũkwataa mwĩao nũsũvĩaa thayũ wake; Ĩndĩ ũla ũte kĩio ũndũ wa mĩendele yake akakw’a.</verse>
				<verse number="17">Ũla wĩw’ĩaa ngya tei akovethasya Yeova, Na wĩko wake mũseo akamũĩva ĩngĩ.</verse>
				<verse number="18">Kũna mwana waku, nũndũ ve wĩkwatyo; Na ndũkende mũno ngoonĩ yaku wanangĩko wake.</verse>
				<verse number="19">Mũndũ wa ũthilĩku mũnene akakua ũsilĩlo, Nũndũ ethĩwa ũkamũvonokya, mũvaka wĩke ũu ĩngĩ.</verse>
				<verse number="20">Ĩw’a ũtao, na osa ũmanvĩsyo, Nĩ kana wĩthĩwe mũĩ mũminũkĩlyonĩ waku.</verse>
				<verse number="21">Kwĩ mosũanĩo maingĩ ngoonĩ ya mũndũ; Ĩndĩ ũtao wa Yeova, nĩw’o wĩĩkalaa.</verse>
				<verse number="22">Kĩla kĩtuma mũndũ kwendwa nĩ ũseo wake; Na mũndũ ngya e kavaa kwĩ mũneeni wa ũvũngũ.</verse>
				<verse number="23">Kũmũkĩa Yeova nĩkũetae thayũ; Na ũla wĩ nakw’o akekalaa eanĩwe; Ndakokĩwa nĩ ũthũku.</verse>
				<verse number="24">Mũndũ mũtulu nũindaa kw’oko kwake ĩsaaninĩ, Na ndeĩtĩkĩla o na kũkũete kanyw’anĩ wake ĩngĩ.</verse>
				<verse number="25">Kũna mũkaakaan’ya, na ũla ũte ũmanyi akeemanyĩsya kwĩthĩwa na kĩlĩko; Na kan’ya ũla wĩ na ũmanyi, na akamanya ũĩ.</verse>
				<verse number="26">Ũla ũmũng’endeaa ĩthe, na kũlũngya inyia wake, Nĩ mwana ũla ũsonokasya na kũete kĩvũthya.</verse>
				<verse number="27">Eka, mwana wakwa, kwĩw’a ũmanyĩsyo Na ĩndĩ ũkĩvĩtya na kũtia ndeto sya ũmanyi.</verse>
				<verse number="28">Ngũsĩ ĩte vata nĩthekeeaa ũsili wa katĩ; Na kanyw’a wa ũla mũthũku nũmelasya ũthũku.</verse>
				<verse number="29">Mosilĩlo nĩmaseũvĩaw’a akaakaan’ya, Na makũna kwondũ wa mĩongo ya ndia.</verse>
			</chapter>
			<chapter number="20">
				<verse number="1">Mbinyu nĩ mũkaakaan’ya, kĩla kĩtoonasya nĩ kĩlonzo kĩnene; Na ũla ũvĩtasya kwondũ wayo ti mũĩ.</verse>
				<verse number="2">Ũtĩsyo wa mũsumbĩ nĩ ta kũluma kwa mũnyambũ: Ũla ũmũthatasya nũvĩtĩasya thayũ wake mwene.</verse>
				<verse number="3">Nĩ ndaĩa ya mũndũ kwĩkala kũasa na ĩteta; Ĩndĩ kĩla ndia ĩkatetanasya.</verse>
				<verse number="4">Mũndũ mũtulu nũleaa kũĩma nũndũ wa ĩvinda ya mbevo; Kwondũ wa ũu akavoya ĩvinda ya ngetha, na ndakethĩwa na kĩndũ.</verse>
				<verse number="5">Ũtao ngoonĩ ya mũndũ nĩ ta kyũngũ; Ĩndĩ mũndũ wĩ ũmanyi akookusya wume.</verse>
				<verse number="6">Andũ aingĩ matavanasya kĩla ũmwe ũseo wake mwene; Ĩndĩ mũndũ wĩ kĩthito nũũ ũtonya kũmwona?</verse>
				<verse number="7">Mũndũ mũlũngalu ũla ũendaa wĩanĩunĩ wake, Syana syake nĩ ngathime ĩtina wake.</verse>
				<verse number="8">Mũsumbĩ ũla wĩkalaa kĩvĩlanĩ kya ũsumbĩ kya kũsila Nũvalaanasya ũthũku w’onthe na metho make.</verse>
				<verse number="9">Nũũ ũtonya kwasya, Nĩnĩtheetye ngoo yakwa, Nĩ mũtheu kuma naĩnĩ yakwa?</verse>
				<verse number="10">Mavia ala mathimaa matailyĩ ũndũ ũmwe, na ithimi itailyĩ ũndũ ũmwe, Isu syonthe nĩ ũthatyo kwa Yeova.</verse>
				<verse number="11">O na kana nĩkemanyĩthanasya kwondũ wa meko mako, Ethĩwa wĩa wako nĩ mũtheu na ethĩwa nĩ mũlũngalu.</verse>
				<verse number="12">Kũtũ kũla kwĩw’aa, na itho yĩla yonaa, Yeova nũseũvĩtye syelĩ.</verse>
				<verse number="13">Ndũkende too, ndũkese kũvikĩa ũkya; Salukya metho maku, na ũkavũna lĩu.</verse>
				<verse number="14">Nĩ kĩthũku, nĩ kĩthũku, easya ũla ũthooaa; Ĩndĩ eeyĩendea, nĩvo ĩndĩ wĩkathĩĩaa.</verse>
				<verse number="15">Ve thaavu, na tũvila twa maliani twingĩ mũno; Ĩndĩ ilomo syĩ ũĩ nĩ mũio wa wanake wĩ thooa mũnene.</verse>
				<verse number="16">Osa ngũa yake ũla mũĩkĩĩthya kwondũ wa mũeni; Noimwĩkalya ethĩwe ngwatĩlĩlyo ũla mũĩkĩĩthya kwondũ wa andũ ma nthĩ ĩngĩ.</verse>
				<verse number="17">Lĩu wa ũvũngũ wĩ mũyo kwa mũndũ; Ĩndĩ ĩtina kanyw’a wake ũkausũa thaathai.</verse>
				<verse number="18">Kĩla ũsũanĩo ũlũlũmĩlaw’a nĩ ũtao; Na kwatya kaũ kwondũ wa ũtongoi mũĩ.</verse>
				<verse number="19">Ũla ũendaa kũũ na kũũ e mũsukani nũvuanasya nzama: Kwondũ wa ũu ndũkatindan’ye na ũla ũtumũkanganasya ilomo syake mũno.</verse>
				<verse number="20">O ũla ũumaa ĩthe kana nyinya, Taa wake ũkavoew’a wiũnĩ wa kĩvindu.</verse>
				<verse number="21">Ũtiĩwa nũtonya kwoswa mĩtũkĩ wambĩlĩlyonĩ; Ĩndĩ mũminũkĩlyo waw’o ndũkaathimwa.</verse>
				<verse number="22">Ndũkasye, Ngeeĩvanĩsya ũthũku: Mweteele Yeova, nake akakũtangĩĩa.</verse>
				<verse number="23">Mavia ala mathimaa matailyĩ ũndũ ũmwe nĩ ũthatyo kwa Yeova; Na kĩthimi kya ũkengani ti kĩseo.</verse>
				<verse number="24">Mĩendele ya mũndũ yumaa kwa Yeova; Mũndũ atonya ata ĩndĩ kũmanya nzĩa yake?</verse>
				<verse number="25">Nĩ kĩtei kwa mũndũ kũneena na mĩtũkĩ, Kĩĩ nĩ kĩtheu, Na ĩtĩna wa kwĩvĩta aikũlya.</verse>
				<verse number="26">Mũsumbĩ mũĩ aũlũkasya ala athũku, Na kũvĩtĩlya ndĩa ya kũvũa ĩũlũ wamo.</verse>
				<verse number="27">Veva wa mũndũ nĩ taa wa Yeova, Ũkĩmantha nthĩnĩ wake kw’onthe.</verse>
				<verse number="28">Ũseo na w’o masũvĩaa mũsumbĩ; Na kĩvĩla kyake kya ũsumbĩ nĩkĩtw’ĩĩkawa nĩ ũseo.</verse>
				<verse number="29">Ndaĩa ya anake nĩ vinya woo; Na wanake wa atumĩa nĩ mũtwe wĩ mbuĩ.</verse>
				<verse number="30">Makũna ala mokitĩthasya matheasya ũthũku; Na makũna makĩlika nthĩnĩ ki.</verse>
			</chapter>
			<chapter number="21">
				<verse number="1">Ngoo ya mũsumbĩ yĩ kwiokonĩ kwa Yeova ta mokinyĩlo ma manzĩ: Nake amĩthyũũaa o vala ũnũkwenda.</verse>
				<verse number="2">Kĩla mũendele wa mũndũ nĩ mũlũngalu methonĩ make mwene; Ĩndĩ Yeova athimaa ngoo.</verse>
				<verse number="3">Kwĩka ũlũngalu na ũsili wa katĩ Nĩkwĩtĩkĩlawa nĩ Yeova kwĩ nthembo.</verse>
				<verse number="4">Mũsyaĩlye wa mĩng’athĩlĩlyo, na ngoo ya ngathĩĩo, O taa wa ũla mũthũku, nĩ naĩ.</verse>
				<verse number="5">Mosũanĩo ma ala athingu maelete wingĩnĩ wa syĩndũ; Ĩndĩ kĩla mũndũ ũla wĩkalaataa ekalaataa kũvika akaĩwe tũ.</verse>
				<verse number="6">Kwosa mothwĩĩ kwondũ wa ĩũmĩ ũla ũneenaa ũvũngũ Nĩ mũki ũtwaawa kũũ na kũũ nĩ ala mamanthaa kĩkw’ũ.</verse>
				<verse number="7">Ũng’endu wa ala athũku ũkamatwaa kũasa, Nĩkwĩthĩwa nĩmaleaa kũsila katĩ.</verse>
				<verse number="8">Mũendele wa ũla ũitavĩwe nĩ naĩ nĩ mũthyoeku mũno; Ĩndĩ ũndũ wa ũla mũtheu, wĩa wake nĩ mũlũngalu.</verse>
				<verse number="9">Nĩ kavaa kwĩkalaa kĩkotonĩ kya nyũmba ĩũlũ, Kwĩ kwĩkalaa na mũndũ mũka wĩ ĩteta nyũmbanĩ nthanthau.</verse>
				<verse number="10">Ngoo ya ũla mũthũku nĩyendaa ũthũku: Mũtũi wake ndonaa ũseo methonĩ make.</verse>
				<verse number="11">Yĩla mũkaakaan’ya wakũnwa, ũla ũte ũmanyi nũtw’ĩkaa mũĩ; Na yĩla ũla mũĩ wamanyĩw’a, nĩwosaa ũmanyi.</verse>
				<verse number="12">Mũndũ mũlũngalu nũsũanĩaa ũndũ wa nyũmba ya ũla mũthũku, Ũndũ athũku mavalũkaw’a manangĩke.</verse>
				<verse number="13">O ũla ũkunĩkaa matũ matikew’e kĩĩo kya ngya, Nake akaĩa, ĩndĩ ndakew’ĩka.</verse>
				<verse number="14">Mũthĩnzĩo kĩmbithĩnĩ nũvoovasya ũthatu; Na mũthĩnzĩo kĩthũinĩ nũvoovasya ũthilĩku mwai.</verse>
				<verse number="15">Nĩ ũtanu kwa ala alũngalu kũsila katĩ; Ĩndĩ nĩ wanangiko kwa eki ma ũthũku.</verse>
				<verse number="16">Mũndũ ũla wangangaa kuma nzĩanĩ ya ũmanyi Akathũmũa ũmbanonĩ wa akw’ũ.</verse>
				<verse number="17">Ũla wendaa motanu akeethĩwa mũndũ ngya: Ũla wendaa mbinyu na mauta ndakethĩwa mũthwii.</verse>
				<verse number="18">Ũla mũthũku nĩ mbovosya kwondũ wa ũla mũlũngalu; Na nzeleke nĩyũkaa vandũ va ũla mũlũngalu.</verse>
				<verse number="19">Nĩ kavaa kũtũaa nthĩ yĩ yalata, Kwĩ kũtũaa na mũndũ mũka wĩ ngananĩo na mũnyungunyĩsyo.</verse>
				<verse number="20">Ve syĩndũ syĩ vata mũno o na mauta ũtũonĩ wa ala oĩ; Ĩndĩ mũndũ mũtumanu nĩwimelasya.</verse>
				<verse number="21">Ũla ũatĩĩaa ũlũngalu na ũseo Nĩwonaa thayũ, na ũlũngalu, na ndaĩa.</verse>
				<verse number="22">Mũndũ mũĩ nũlĩsaa alike ndũanĩ ya ala me na ũtonyi, Na aitheeesya vinya wa wĩkwatyo wayo.</verse>
				<verse number="23">Ũla ũsũvĩaa kanyw’a wake na ũĩmĩ wake Nũsũvĩaa ngoo yake mathĩna.</verse>
				<verse number="24">Mũndũ e na ngathĩĩo na wĩng’athĩlĩlyo, syĩtwa yake nĩ mũkaakaan’ya; Nũtethasya wĩa wĩnenevyonĩ wa ngathĩĩo.</verse>
				<verse number="25">Kwenda kwa ũla mũtulu nĩkũmũaaa; Nũndũ moko make nĩmaleaa kũtethya wĩa.</verse>
				<verse number="26">Kwĩ ũla wĩw’aa ĩtomo na ũtoonu mũthenya w’onthe; Ĩndĩ ũla mũlũngalu nũnenganae na ndaimaa.</verse>
				<verse number="27">Nthembo ya ũla mũthũku nĩ ũthatyo: Nĩ mbee veana ata, yĩla wĩete na kĩlilikano kĩthũku!</verse>
				<verse number="28">Ngũsĩ ya ũvũngũ ĩkaaa; Ĩndĩ mũndũ ũla wĩw’aa akaneenaa ĩndĩ yonthe.</verse>
				<verse number="29">Mũndũ mũthũku nĩwetasya ũthyũ wake; Ĩndĩ ũndũ wa ũla mũlũngalu, nake nũlũlũmĩlasya mĩendele yake.</verse>
				<verse number="30">Vati ũĩ kana ũmanyi Kana ũtao ũtonya kũkita na Yeova.</verse>
				<verse number="31">Mbalasi nĩyũmbanĩtw’e ũndũ wa mũthenya wa kaũ; Ĩndĩ ũkĩlyo nĩ wa Yeova.</verse>
			</chapter>
			<chapter number="22">
				<verse number="1">Nĩ kavaa kũnyuva syĩtwa ĩseo kwĩ mothwii manene, Na ũseo ũla wonanaw’a nĩ wendo kwĩ vetha na thaavu.</verse>
				<verse number="2">Athwii na ngya makomanaa vamwe: Yeova nĩwe mũmbi woo onthe.</verse>
				<verse number="3">Mũndũ wĩ kĩlĩko nĩwonaa ũthũku, na kwĩvitha; Ĩndĩ ala mate ũmanyi nĩmaendeeaa, na kũthĩna.</verse>
				<verse number="4">Ĩtuvi ya wĩnyivyo na kũmũkĩa Yeova Nĩ ũthwii, na ndaĩa, na thayũ.</verse>
				<verse number="5">Mĩw’a na itei syĩ nzĩanĩ ya ala me na ngũlũ: Ũla ũsũvĩaa ngoo yake akeethĩwa kũasa nasyo.</verse>
				<verse number="6">Manyĩsya kana nzĩa ĩla kaĩle kũendaa nayo, O na akũa ndakamĩtia.</verse>
				<verse number="7">Mũthwii nũsumbĩkaa ngya; Na ũla ũkovaa nĩ mũthũkũmi wa ũla ũkovethasya.</verse>
				<verse number="8">Ũla ũvuĩaa ũthũku akaketha wanangĩko mũnene; Na ndata ya ũthilĩku wake ĩkaa vinya.</verse>
				<verse number="9">Ũla wĩ na itho ĩlau akaathimwa; Nũndũ nũnengae ngya kuma lĩunĩ wake.</verse>
				<verse number="10">Mwĩkye nza mũkaakaan’ya, na ngananĩo ĩkaumaala; Ĩĩ, ĩteta na nzonoko ikathela.</verse>
				<verse number="11">Ũla wendaa ũtheu wa ngoo, Nũndũ wa mumo wa ilomo syake mũsumbĩ akeethĩwa mũnyanyae.</verse>
				<verse number="12">Metho ma Yeova masũvĩaa ũla wĩ na ũmanyi; Ĩndĩ nĩwanangaa ndeto sya nzeleke.</verse>
				<verse number="13">Mũndũ mũtulu easya, Ve mũnyambũ nza; Ngooaĩwa nzĩanĩ nene.</verse>
				<verse number="14">Kanyw’a wa aka aeni nĩ ĩima ĩliku; Ũla ũthĩthawa nĩ Yeova akavalũka nthĩnĩ wayo.</verse>
				<verse number="15">Ũtumanu nĩwovetwe ngoonĩ ya kana; Ĩndĩ ndata ya kwon’ya mavĩtyo ĩkoolũngya kũasa nako.</verse>
				<verse number="16">Ũla ũthĩnasya ngya nĩ kana aingĩvye ũtandĩthyo wake, Na ũla ũnenganae kwa athwii, akavika kwaĩwanĩ tũ.</verse>
				<verse number="17">Tea kũtũ kwaku, nokĩw’a ndeto sya ala oĩ, Noinengane ngoo yaku ũmanyinĩ wakwa.</verse>
				<verse number="18">Nũndũ nĩ ũndũ wa kwendeesya ethĩwa ũkasyĩkalya nthĩnĩ waku, Ethĩwa nilũlũmĩlw’e vamwe ilomonĩ syaku.</verse>
				<verse number="19">Nĩ kana ũĩkĩĩi waku wĩthĩwe nthĩnĩ wa Yeova, Nĩnĩkũmanyĩthĩtye syo ũmũnthĩ, o we.</verse>
				<verse number="20">Ndikũandĩkĩe maũndũ manene Ma motao na ũmanyi,</verse>
				<verse number="21">Nĩtume ũmanya ki ndeto sya w’o, Nĩ kana ũmatũngĩae ndeto sya w’o ala makũtũmaa?</verse>
				<verse number="22">Ndũkavute ngya, nũndũ nĩ ngya; O na ndũkathĩnye ala athĩni mbingĩlonĩ:</verse>
				<verse number="23">Nũndũ Yeova akamatetea, Na kũmavuta thayũ ala mamavutaa.</verse>
				<verse number="24">Ndũkatume ndũũ na ũla ũthataa; Na ndũkaendan’ye na mũndũ ũthilĩkaa:</verse>
				<verse number="25">Ndũkese kwĩmanyĩsya mĩendele yake, Na kwosea ngoo yaku kĩtei.</verse>
				<verse number="26">O na ndũkethĩwe ũmwe wa ala makwatanasya moko, Kana wa aĩkĩĩthya kwondũ wa mathĩĩ.</verse>
				<verse number="27">Ethĩwa ndwĩ na kya kũĩva, Aĩle ata kũtwaa ũkomo waku kumya ungu waku?</verse>
				<verse number="28">Ndũkaakũĩĩsye kyambo kya mũvaka wa tene, Kĩla aaĩthe maku meekĩie.</verse>
				<verse number="29">Nũkwona mũndũ mũthingu wĩanĩ wake? Akaũngama mbee wa asumbĩ; Ndakaũngama mbee wa andũ mate na nguma.</verse>
			</chapter>
			<chapter number="23">
				<verse number="1">Yĩla wĩĩkala nthĩ kũya na mũsumbĩki. Sũanĩa mũno ũla wĩ mbee waku;</verse>
				<verse number="2">Nokĩkĩa kavyũ mũmeonĩ waku, Ethĩwa wĩ mũndũ ũla wendaa kũya.</verse>
				<verse number="3">Ndũkende sya ũya syake nzeo; Nũndũ nĩ malĩu ma ũkengani.</verse>
				<verse number="4">Ndũkenosye wĩthĩwe mũthwii; Ekana na ũĩ waku mwene.</verse>
				<verse number="5">Ũkaketeea kĩla kĩte vo? Nũndũ vate ndĩi mothwii nĩmeseũvĩasya nthwau, Ta ndiũ ĩla ĩũlũkaa yelekele ĩtunĩ.</verse>
				<verse number="6">Ndũkaye lĩu wa ũla wĩ na itho ĩthũku, O na ndũkende sya ũya syake nzeo:</verse>
				<verse number="7">Nũndũ, o tondũ ũsũanĩaa nthĩnĩ wake mwene, now’o ũilyĩ: Ekwĩa, Ya na nyw’a; Ĩndĩ ngoo yake ndĩ vamwe naku.</verse>
				<verse number="8">Kalungu kala waya ũkakatavĩka, Na kũsyasya ndeto syaku syĩ mũyo.</verse>
				<verse number="9">Ndũkaneene ndia ĩkĩw’a; Nũndũ ĩkavũthya ũĩ wa ndeto syaku.</verse>
				<verse number="10">Ndũkaakũĩĩsye kyambo kya mũvaka wa tene; Na ndũkalike mĩũndanĩ ya ala makw’ĩĩwe nĩ aaĩthe:</verse>
				<verse number="11">Nũndũ Mwovosya woo e na vinya; Akamatetanĩsya kwaku.</verse>
				<verse number="12">Nengane ngoo yaku ũmanyĩsyonĩ, Na matũ maku ndetonĩ sya ũmanyi.</verse>
				<verse number="13">Ndũkasiĩĩe ũkan’yo kwa kana; Nũndũ ethĩwa ũkakakũna na ndata, kaikakw’a.</verse>
				<verse number="14">Ũkakakũna na ndata, Na kũvonokya thayũ wako kaikalike Seoli.</verse>
				<verse number="15">Mwana wakwa, ethĩwa ngoo yaku nĩ mbũĩ, Ngoo yakwa ĩkatana, o ĩ yakwa:</verse>
				<verse number="16">Ĩĩ, ngoo yakwa ĩkatana, Yĩla ilomo syaku ineenaa maũndũ ma w’o.</verse>
				<verse number="17">Ngoo yaku ndĩkamew’ĩe andũ athe kĩwĩu; Ĩndĩ ĩthĩwa ũkĩmũkĩa Yeova mũthenya w’onthe:</verse>
				<verse number="18">Nũndũ vate ndĩi kwĩ ĩtuvi; Na wĩkwatyo waku ndũkavetwa.</verse>
				<verse number="19">Ĩw’a we, mwana wakwa, na ĩthĩwa na ũĩ, Noitongoesya ngoo yaku nzĩanĩ.</verse>
				<verse number="20">Ndũkethĩwe katĩ wa anywi ma mbinyu Katĩ wa ayi ma nyama na ũtoonu:</verse>
				<verse number="21">Nũndũ mũnywi na mũyi makavika ũkyanĩ; Na kwombosya nĩkũmũvw’ĩkaa mũndũ matani.</verse>
				<verse number="22">Ĩthukĩĩsye au ũla wakũsyaie, Na ndũkavũthye mwenyu akũa.</verse>
				<verse number="23">Thooa w’o, na ndũkothoosye; Ĩĩ, ũĩ, na ũmanyĩsyo, na ũmanyi.</verse>
				<verse number="24">Ĩthe wa ũla mũlũngalu akatana mũno; Na ũla wĩsyaa kana koĩ akeethĩwa na ũtanu kwondũ wako.</verse>
				<verse number="25">Au na mwenyu methĩwe na mũyo, Na ũla wakũsyaie natane.</verse>
				<verse number="26">Mwana wakwa, nenga ngoo yaku; Na metho maku matanĩe nzĩa syakwa.</verse>
				<verse number="27">Nũndũ ĩlwaya nĩ mũtaũ mũliku; Na mũndũ mũka wa nthĩ ĩngĩ nĩ ĩima ĩtheke.</verse>
				<verse number="28">Ĩĩ, nĩwoveeasya ta mũvutani, Na kwingĩvya nzeleke katĩ wa andũ.</verse>
				<verse number="29">Nũũ wĩ na woo? Nũũ wĩ na kĩmako? Nũũ wĩ na ngananĩo? Nũũ wĩ na mũnyungunyĩsyo? Nũũ wĩ na mawũkite vate kĩtumi? Nũũ wĩ na metho matune?</verse>
				<verse number="30">Ala mekalaa ĩvinda ĩasa mainyw’a; Ala maendaa mamanthe mbinyu mbulan’ye.</verse>
				<verse number="31">Ndũkasisye mbinyu yĩla yatunĩva, Yĩla ĩtisatisĩaa kĩkombenĩ, Yĩla ĩnĩũmeleka nesa:</verse>
				<verse number="32">Mũminũkĩlyo nĩũmanaa ta nzoka, Na kũtonya ta kĩmbuva.</verse>
				<verse number="33">Metho maku makoona maũndũ maeni, Na ngoo yaku ĩkaneena maũndũ ma ngũlũ.</verse>
				<verse number="34">Ĩĩ, ũkeethĩwa ta ũla ũkomaa ũkanganĩ katĩ, Kana ta ũla ũkomaa mũthyanĩ wa mũlingoti.</verse>
				<verse number="35">Ũkasya, Nĩmangũnĩte na ndyaaĩkwa ũndũ ũthũku; Nĩmangũnĩte, na ndyaaĩw’a ũndũ: Ngaamũka ĩndĩĩ? Ngamĩmantha ĩngĩ.</verse>
			</chapter>
			<chapter number="24">
				<verse number="1">Ndũkamew’ĩe kĩwĩu andũ athũku; O na ndũkende kwĩthĩwa nao.</verse>
				<verse number="2">Nũndũ ngoo syoo nĩsũanĩaa kũthĩn’ya, Na ilomo syoo nineenaa ũndũ wa ũthũku.</verse>
				<verse number="3">Kwondũ wa ũĩ nyũmba nĩyakawa; Na kwondũ wa ũmanyi nĩlũmaw’a;</verse>
				<verse number="4">Na kwondũ wa ũĩ tũsũmba nĩtusũaw’a Mothwii onthe me vata mũno na ma kwendeesya.</verse>
				<verse number="5">Mũndũ mũĩ e na vinya; Ĩĩ, mũndũ wa ũmanyi nĩwingĩvasya ũtonyi.</verse>
				<verse number="6">Nũndũ kwondũ wa ũtongoi mũĩ ũkakwatya kaũ waku; Na wingĩnĩ wa atai kwĩ ũkĩlyo.</verse>
				<verse number="7">Ũĩ wĩ ĩũlũ mũno kũmĩvĩtũka ndia: Ndĩathamĩasya kanyw’a wayo mbingĩlonĩ.</verse>
				<verse number="8">Ũla ũsũanĩaa kwĩka ũthũku, Andũ makamwĩta mũkwatya wa ũthũku.</verse>
				<verse number="9">Ũsũanĩo wa ũtumanu nĩ naĩ; Na mũkaakaan’ya nĩ ũthatyo wa andũ.</verse>
				<verse number="10">Ethĩwa nũnyalaa mũthenya wa thĩna, Vinya waku nĩ mũnini.</verse>
				<verse number="11">Vonokya ala matwaawa kĩkw’ũnĩ, Na ala makilĩlye kũawa sĩsya kana ũmasiĩĩe.</verse>
				<verse number="12">Ethĩwa wĩasya, Sisya, tũtyaamanya ũu; Ũla ũthimaa ngoo ndasũanĩaa ũu? Na ũla ũsũvĩaa ngoo yaku, ndesĩ ũu? Na ndakamũĩva kĩla mũndũ kwĩanana na wĩa wake?</verse>
				<verse number="13">Mwana wakwa, ya ũkĩ wa nzũkĩ, nũndũ nĩ mũseo; Na mavolotango ma ĩwa me mũyo ũkĩmasama:</verse>
				<verse number="14">O ta ũu ũkamanya ũĩ ũilyĩ ũu kwa ngoo yaku; Ethĩwa nũwonete, nĩvo kũkethĩwa ĩtuvi, Na wĩkwatyo waku ndũkavetwa.</verse>
				<verse number="15">We mũndũ mũthũku ndũkoveesye ũtũo wa ũla mũlũngalu; Ndũkaanange vandũ vake va ũthũmũa:</verse>
				<verse number="16">Nũndũ mũndũ mũlũngalu nũvalũkaa mavinda mũonza, na kũkĩla ĩngĩ: Ĩndĩ ala athũku nĩmanangawa nĩ wanangĩko mũnene.</verse>
				<verse number="17">Ndũkatane yĩla mũmaitha waku ũvalũkaa, Na ngoo yaku ndĩkatane yĩla wanangĩkaa;</verse>
				<verse number="18">Yeova ndakese kũwona, na ũkamwĩw’ĩthya woo, Na aithyũũa ũthilĩku wake ume kwake.</verse>
				<verse number="19">Ndũkenyamasye ũndũ wa eki ma ũthũku; O na ndũkamew’ĩe kĩwĩu ala athũku:</verse>
				<verse number="20">Nũndũ kũikethĩwa ĩtuvi ya mũndũ mũthũku; Taa wa ũla mũthũku ũkavow’a.</verse>
				<verse number="21">Mwana wakwa, mũkĩe Yeova o na mũsumbĩ; Na ndũkatindan’ye na ala maalyũkaa:</verse>
				<verse number="22">Nũndũ wanangĩko woo mũnene ũkookĩla na kĩthũlũmũko; Na kwananga kwa asu elĩ, nũũ ũla ũkwĩsĩ?</verse>
				<verse number="23">Ii nasyo nĩ ndeto sya ala oĩ. Kwendeesya andũ ũkĩsila ti kũseo.</verse>
				<verse number="24">Ũla ũtavasya ũla mũthũku, Wĩ mũlũngalu, Ngo sya andũ ikamũuma, mbaĩ ikamũthĩtha;</verse>
				<verse number="25">Ĩndĩ ala mamũkanasya makeethĩwa atanu, Na ũathimo mũseo ũkamokĩa.</verse>
				<verse number="26">Nũmumunyaa ilomo Ũla ũsũngĩaa ũsũngĩo wa w’o.</verse>
				<verse number="27">Seũvya wĩa waku na ku nza, Wĩseũvĩsye mũũnda; Na ĩtina aka nyũmba yaku.</verse>
				<verse number="28">Ndũkamũkũsĩĩe mũtũi waku vate kĩtumi; Na ndũkakengane na ilomo syaku.</verse>
				<verse number="29">Ndũkasye, Ngamwĩka o tondũ ũmbĩkĩte; Ngamũĩva ũ mũndũ kwĩanana na wĩa wake.</verse>
				<verse number="30">Navĩtĩla ũtee wa mũũnda wa mũndũ mũtulu, Na mũũnda wa mĩsavivũ wa mũndũ ũtaĩ ũmanyi;</verse>
				<verse number="31">Na, sisya, wausũĩte mĩw’a, Na weekunĩkĩlw’e nĩ syĩnyeelya, Na ũvai wa mavia waw’o waĩ mũvalũku.</verse>
				<verse number="32">Nĩvo ĩndĩ nasiisye, na kũsũanĩa nesa; Noona, na noosa ũmanyĩsyo:</verse>
				<verse number="33">Too mũnini, kwombosya vanini, Kũkwatan’ya syaa vanini ũkome;</verse>
				<verse number="34">O ta ũu ũkya waku ũkooka ta mũvutani, Na kwaĩwa kwaku ta mũndũ wĩkĩĩte mĩio ya kaũ.</verse>
			</chapter>
			<chapter number="25">
				<verse number="1">Ii nasyo nĩ nthimo sya Solomoni, ila andũ ma Esekia mũsumbĩ wa Yũta meeyumĩĩĩsye.</verse>
				<verse number="2">Nĩ ũtaĩo wa Ngai kũvitha ũndũ; Ĩndĩ ũtaĩo wa asumbĩ nĩ kũmantha ũndũ.</verse>
				<verse number="3">O tondũ matunĩ kũtũlĩte, na nthĩ kũlikĩte, Now’o ngoo ya asumbĩ ndĩmanthĩka.</verse>
				<verse number="4">Umya makwaũ nthĩnĩ wa vetha, Na kũkaumĩla mũio kwondũ wa mũui waw’o;</verse>
				<verse number="5">Umya ala athũku mbee wa mũsumbĩ, Na kĩvĩla kyake kya ũsumbĩ kĩkalũlũmĩlw’a ũlũngalunĩ.</verse>
				<verse number="6">Ndũkenenevye vala ve mũsumbĩ, Na ndũkaũngame vandũnĩ va andũ anene:</verse>
				<verse number="7">Nũndũ nĩ kavaa ũkewa, Ambata vaa, Kwĩ kũtheeangw’a mũnene wĩ mbee ũsumbĩnĩ ene, Ũla metho maku mamwonete.</verse>
				<verse number="8">Ndũkaumaale mĩtũkĩ ũkatete, Ndũkese kũlea kũmanya wa kwĩka mũminũkĩlyonĩ waw’o, Yĩla mũtũi waku ũkũsonoketye.</verse>
				<verse number="9">Ĩoan’ye na mũtũi waku, Na ndũkavuan’ye nzama ya ũngĩ;</verse>
				<verse number="10">Ũla ũmĩw’aa ndakese ũkũuma, Na nguma yaku nthũku ĩkĩlea kũvetwa.</verse>
				<verse number="11">Ndeto ĩneenawa ĩvinda yayo Nĩ ta mosyao ma mũevo ma thaavu kĩkavũnĩ kya vetha.</verse>
				<verse number="12">Ta ngome ya kũtũ ya thaavu, na wananake wa thaavu mũseo, Now’o kũilyĩ mũkan’ya mũĩ kũtũnĩ kũla kwĩw’aa.</verse>
				<verse number="13">Ta mbevo ya ĩa ĩvinda ya ngetha, Now’o ũilyĩ mũtũmwa wĩ kĩthito kwa ala mamũtũmaa; Nũndũ nũvuũkasya ngoo ya mavwana make.</verse>
				<verse number="14">Ta mathweo na kĩseve vate mbua, Now’o ũilyĩ ũla wĩkathĩĩaa na ũkengani kwondũ wa mĩthĩnzĩo yake.</verse>
				<verse number="15">Kwondũ wa kũmĩĩsya ĩvinda ĩasa mũsumbĩki nũtonya kũkikw’a, Na ũĩmĩ mwololo nũtũlaa ĩvĩndĩ.</verse>
				<verse number="16">Nĩwonete ũkĩ wa nzũkĩ? Ya ũla ũkwĩanĩe, Ndũkese kusũwa nĩw’o, noyũtavĩka.</verse>
				<verse number="17">Kũũ kwaku kũikethĩwe nyũmbanĩ ya mũtũi waku kaingĩ, Ndakese kũnow’a nue, na akĩkũmena.</verse>
				<verse number="18">Mũndũ ũla ũmũkũsĩĩa mũtũi wake ũvũngũ Nĩ kĩiva kya mũtĩ, na ũvyũ, na mũsyĩ mũĩ.</verse>
				<verse number="19">Uĩkĩĩi mũndũnĩ ũte kĩthito ĩvinda ya thĩna Nĩ ta ĩeo ĩtũlĩku, na kũũ kũkitũku.</verse>
				<verse number="20">O tondũ mũndũ ũla wumasya ngũa ĩvinda ya mbevo, na ta siki ĩũlũ wa ĩtai, Now’o ũilyĩ ũla winĩaa ngoo ngito mbathi.</verse>
				<verse number="21">Ethĩwa mũmaitha waku e na nzaa, mũnenge lĩu wa kũya; Na ethĩwa e na waũni, mũnenge manzĩ ma kũnyw’a:</verse>
				<verse number="22">Nũndũ ũkamũmbĩĩa makaa ma mwaki mũtwenĩ wake, Na Yeova akakũĩva.</verse>
				<verse number="23">Kĩseve kyumĩte ngalĩ ya ĩũlũ nĩkĩetae mbua; Now’o ũĩmĩ wĩ nzuku ũetae ũthyũ mũthatu.</verse>
				<verse number="24">Nĩ kavaa kũtũa kĩkotonĩ kya nyũmba ĩũlũ, Kwĩ kũtũa na mũndũ mũka wĩ ĩteta nyũmbanĩ nthanthau.</verse>
				<verse number="25">Ta manzĩ mathithu kwa mũndũ wĩ waũni, Now’o ũilyĩ ũvoo mũseo wumĩte nthĩ yĩ kũasa.</verse>
				<verse number="26">Ta nthongo nthokoan’ye, na mbuluti mbukye, Now’o ũilyĩ mũndũ mũlũngalu ũla ũkusĩkaa nĩ ala athũku.</verse>
				<verse number="27">Ti ũseo kũya ũkĩ wa nzũkĩ mwingĩ; No ta ũu andũ kũmantha ndaĩa yoo ene nĩ ũthũku.</verse>
				<verse number="28">Ũla ũtasiĩĩaa veva wake Nĩ ta ndũa ĩla ĩomboetwe na ĩte na maũvai.</verse>
			</chapter>
			<chapter number="26">
				<verse number="1">Ta ĩa ĩvinda ya syũa, na ta mbua ngethanĩ, O ta ũu ndaĩa ti mbaĩlu kwa ndia.</verse>
				<verse number="2">Ta mũthoonzwe kwanganganĩ kwaw’o, ta nthũngũlũlũ kũũlũkanĩ kwayo, Now’o kĩumo kĩte kĩtumi kĩtavũĩlaa.</verse>
				<verse number="3">Kĩvoko kwondũ wa mbalasi, mũkwa kwondũ wa mũtwe wa ĩng’oi, Na ndata kwondũ wa mũongo wa ndia.</verse>
				<verse number="4">Ndũkasũngĩe ndia kwĩanana na ũtumanu wayo, Ndũkese kwĩthĩwa tayo.</verse>
				<verse number="5">Sũngĩa ndia kwĩanana na ũtumanu wayo, Ndĩkese kwĩyona ta mbũĩ.</verse>
				<verse number="6">Ũla ũtũmaa ũvoo na kw’oko kwa ndia Nũtilaa maũũ make mwene, na kũnyw’a wasyo.</verse>
				<verse number="7">Maũũ ma ala mathuaa nĩmaseesangaa; Now’o ĩilyĩ ngelekan’yo kanyw’anĩ wa ndia.</verse>
				<verse number="8">Ta mũndũ ũla woveeaa ĩvia kĩkũthanĩ, Now’o ũilyĩ ũla ũnengae ndia ndaĩa.</verse>
				<verse number="9">Ta mwĩw’a ũla ũtonyaa kw’oko kwa mũthengi, Now’o kũilyĩ ngelekan’yo kanyw’anĩ wa ndia.</verse>
				<verse number="10">Ta mũndũ wa ũta ũla wũkitaa onthe, Now’o ũilyĩ ũla ũandĩkaa ndia na ũla ũandĩkaa avĩti.</verse>
				<verse number="11">Ta ngitĩ ĩla ĩalũkĩlaa matavĩka mayo, Now’o ĩilyĩ ndia ĩla yĩkaa ĩngĩ ũtumanu wayo.</verse>
				<verse number="12">Nũkwona mũndũ ũla wĩyonaa mwene ta mũĩ? Kavaa kwĩkwatya ndia kwĩ ũsu.</verse>
				<verse number="13">Ũla mũtulu easya, Ve mũnyambũ nzĩanĩ; Mũnyambũ wĩ nzĩanĩ nene.</verse>
				<verse number="14">O tondũ mũomo wĩalyũlĩlaa ikwatinĩ syaw’o, Now’o ũla mũtulu wĩkaa ũkomonĩ wake.</verse>
				<verse number="15">Ũla mũtulu nũindaa kw’oko kwake ĩsaaninĩ; Nĩ mĩnoo kwake kũkũete ĩngĩ kanyw’anĩ wake.</verse>
				<verse number="16">Ũla mũtulu nĩwĩyonaa ta mũĩ Kwĩ andũ mũonza ala matonya kwonan’ya kĩtumi.</verse>
				<verse number="17">Ũla ũvĩtaa, na kwĩnyamasya na ĩteta yĩte yake, Ailyĩ ũla ũkwataa ngitĩ matũ.</verse>
				<verse number="18">Ta mũndũ wa ndũũka ũla wĩkasya isinga, Na mĩsyĩ, na kĩkw’ũ,</verse>
				<verse number="19">Now’o mũndũ ũilyĩ ũla ũkengaa mũtũĩ wake, Na kwasya, Ndiũthaũka?</verse>
				<verse number="20">Nũndũ kũte ngũ mwaki nũvoaa; Na vala vate ũla ũneenaa na kĩwe, ngananĩo nĩthelaa.</verse>
				<verse number="21">O tondũ makaa mailyĩ vala ve makaa makanu, na ngũ vala ve mwaki, Now’o ũilyĩ mũndũ wa ngananĩo ũndũ wa kwakan’ya ĩteta.</verse>
				<verse number="22">Ndeto sya ũla ũneenaa na kĩwe nĩ ta tũlungu tũseo twa lĩu, Na nĩtũlikaa nthĩnĩ ki.</verse>
				<verse number="23">Ilomo mbyũvu na ngoo nthũku Iilyĩ ta mũio wa yũmba ũvakĩtwe makwaũ ma vetha.</verse>
				<verse number="24">Ũla ũmenanaa evithanasya na ilomo syake; Ĩndĩ nĩwiaa ũkengani nthĩnĩ wake:</verse>
				<verse number="25">Yĩla ũnũũneena nesa, ndũkamwĩtĩkĩle; Nũndũ ve mothatyo mũonza ngoonĩ yake:</verse>
				<verse number="26">O na ethĩwa kĩmena kyake nĩkĩkwĩvw’ĩka ũĩ wa ũkengani, Ũthũku wake ũkoonanw’a ũtheinĩ mbee wa ũmbano.</verse>
				<verse number="27">O ũla wĩnzaa ĩima akavalũka nthĩnĩ wayo; Na ũla ũvingilitasya ĩvia, yĩkasyoka ĩũlũ wake.</verse>
				<verse number="28">Ũĩmĩ ũla ũneenaa ũvũngũ nũmenaa ala wũkitĩte; Na kanyw’a wa kwendeesya na ndeto sya ũkathĩĩo nũomboaa.</verse>
			</chapter>
			<chapter number="27">
				<verse number="1">Ndũkekathĩĩe ũndũ wa ũnĩ; Nũndũ ndwĩsĩ ũndũ mũthenya ũtonya kumĩlya.</verse>
				<verse number="2">Mũndũ ũngĩ nakũtaĩe, na ti kanyw’a waku mwene; Mũeni, na ti ilomo syaku mwene.</verse>
				<verse number="3">Ĩvia nĩ ĩito, na kĩthangathĩ nĩ kĩito; Ĩndĩ ũthatu wa ndia nĩ mũito kwĩ isu syelĩ.</verse>
				<verse number="4">Ũthilĩku nĩ mwai, na ũthatu nĩ mũkĩlu vyũ; Ĩndĩ nũũ ũtonya kũũngama mbee wa kĩwĩu?</verse>
				<verse number="5">Kavaa ũkan’yo wĩ ũtheinĩ Kwĩ wendo ũvithĩtwe.</verse>
				<verse number="6">Mawũkite ma mũnyanya nĩ ma kĩthito; Ĩndĩ momumunyo ma mũmaitha nĩ maingĩ.</verse>
				<verse number="7">Mũndũ ũvũnĩte nũmenaa ĩwa; Ĩndĩ kwa mũndũ wĩ na nzaa kĩla kĩndũ kĩ ũũ kĩ mũyo.</verse>
				<verse number="8">Ta nyũnyi ĩla yangangaa ĩkĩtia ndala yayo, Now’o mũndũ ũilyĩ ũla wangangaa kuma vandũ vake.</verse>
				<verse number="9">Mauta na syĩndũ ila inyungaa nesa matanĩthasya ngoo, No ta ũu mũyo wa mũnyanyae wa mũndũ ũla wumaa ũtaonĩ wa ngoo.</verse>
				<verse number="10">Mũnyanyau waku mwene, na mũnyanyae wa au, ndũkamatie; Na ndũkaende nyũmbanĩ ya mwana‐amwenyu mũthenya wa wanangĩko waku mũnene: Kavaa mũtũi ũla wĩ vakuvĩ kwĩ mwana‐a‐inyia ũla wĩ kũasa.</verse>
				<verse number="11">Mwana wakwa, ĩthĩwa mũĩ, noitanĩthya ngoo yakwa, Nĩ kana nĩmũsũngĩe ũla ũmbũthasya.</verse>
				<verse number="12">Mũndũ wĩ kĩlĩko nĩwonaa ũthũku na kwĩvitha; Ĩndĩ ala mate ũmanyi nĩmaendeeaa na kũthĩna.</verse>
				<verse number="13">Osa ngũa yake ũla mũĩkĩĩthya kwondũ wa mũeni; Noimwĩkalya ethĩwe ngwatĩlĩlyo ũla mũĩkĩĩthya kwondũ wa mũndũ mũka wa nthĩ ĩngĩ.</verse>
				<verse number="14">Ũla ũathimaa mũnyanyae wake na wasya mũnene, akyũkĩla kĩoko tene, Ũndũ ũsu ũkatalwa kwake nĩ kĩumo.</verse>
				<verse number="15">Kũvolotanga ĩvinda yonthe mũthenya wa mbua nyingĩ Na mũndũ mũka ũla ũtetanasya nĩ ũndũ ũmwe:</verse>
				<verse number="16">Ũla ũkenda kũmũsiĩĩa asiĩĩaa kĩseve; Na kw’oko kwake kwa aũme nĩkwakwata mauta.</verse>
				<verse number="17">Kĩaa nĩkĩnoaa kĩaa; O ta ũu mũndũ nũnoaa ũthyũ wa mũnyanyae.</verse>
				<verse number="18">O ũla ũsũvĩaa mũkũyũ akaya ũsyao waw’o; Na ũla ũtaĩaa vwana wake akataĩwa.</verse>
				<verse number="19">O tondũ kũilyĩ manzĩnĩ ũthyũ nĩwelekelaa ũthyũ, Now’o ngoo ya mũndũ kwa mũndũ.</verse>
				<verse number="20">Seoli na Avatoni kũtikolaa nongi; Na metho ma mũndũ matikolaa nongi.</verse>
				<verse number="21">Mbisũ ya ũthesya nĩ kwondũ wa vetha, na iko ĩnene kwondũ wa thaavu; Na mũndũ nũtatawa nĩ kũtaĩwa kwake.</verse>
				<verse number="22">O na ethĩwa ũkakimĩa ndia ndĩĩnĩ na mũthi vamwe na nganũ mbũe, Ũtumanu wayo ndũkauma nthĩnĩ wayo.</verse>
				<verse number="23">Ĩthĩwa na kĩthito ũndũ wa kũmanya ũndũ ndĩthya syaku sya mbũi na malondu iilyĩ, Noisisya nesa ũndũ wa ndĩthya syaku sya ng’ombe:</verse>
				<verse number="24">Nũndũ ũthwii ti wa tene na tene; Na ngovia ya ũsumbĩ nĩyĩkalaa mosyaanĩonĩ onthe?</verse>
				<verse number="25">Nyeki nyũmũ nikuĩtwe, na nyeki nziũ nithandĩkangĩte, Na nyũnyi sya iĩmanĩ nĩsyũmbanĩtw’e nthĩnĩ.</verse>
				<verse number="26">Tũtena twa malondu nĩ kwondũ wa ngũa syaku, Na mbũi nĩ sya kũthooa mũũnda;</verse>
				<verse number="27">Na kũkeethĩwa ĩia ya mbũi yĩanĩe lĩu waku, na lĩu wa andũ ma nyũmba yaku, Na lĩu wa athũkũmi maku eĩtu.</verse>
			</chapter>
			<chapter number="28">
				<verse number="1">Ala athũku nĩmakĩaa yĩla vate mũndũ ũmaatĩĩe; Ĩndĩ ala alũngalu nĩ ngũmbaũ ta mũnyambũ.</verse>
				<verse number="2">Kwondũ wa ĩvĩtyo ya nthĩ anene me mbee ũsumbĩnĩ nĩ aingĩ; Ĩndĩ kwondũ wa andũ me ũmanyi na ũĩ nĩendeeaa kwĩkala.</verse>
				<verse number="3">Mũndũ mũthĩni ũla ũthĩnasya ngya Nĩ ta mbua ĩtwaĩthasya ĩla ĩtatiaa lĩu o na wĩva.</verse>
				<verse number="4">Ala matiaa mĩao mataĩaa ala athũku; Ĩndĩ ala makwataa mĩao makananĩaa nao.</verse>
				<verse number="5">Andũ athũku matimanyaa ũsili wa katĩ; Ĩndĩ ala mamanthaa Yeova mamanyaa maũndũ onthe.</verse>
				<verse number="6">Kavaa ngya ĩla ĩendaa wĩanĩunĩ wayo, Kwĩ ũla wĩ ngũlũ mĩendelenĩ yake, o na ethĩwa nĩ mũthwii.</verse>
				<verse number="7">O ũla ũkwataa mĩao nĩ mwana mũĩ; Ĩndĩ ũla ũtindanasya na ayi nũsonokasya ĩthe.</verse>
				<verse number="8">Ũla wongelaa ũthwii wake kwondũ wa kũkovethya atũngĩwe ũtandĩthyo na wongeleko, Ombanasya kwondũ wa ũla wĩw’ĩaa ngya tei.</verse>
				<verse number="9">Ula ũthyũũaa kũtũ kwake ndakew’e mĩao, O na mboya yake nĩ ũthatyo.</verse>
				<verse number="10">Ũla ũtumaa ũla mũlũngalu atũũa nzĩanĩ nthũku, Akavalũka e we ĩimanĩ yake mwene; Ĩndĩ ala eanĩu makatiĩwa ũseo.</verse>
				<verse number="11">Mũndũ mũthwii nĩwĩyonaa mwene ta mũĩ; Ĩndĩ ngya ĩla yĩ na ũmanyi nĩmũthianaa.</verse>
				<verse number="12">Yĩla mũlũngalu wakĩlya vinya, ve ndaĩa nene; Ĩndĩ yĩla ũla mũthũku wokĩla, andũ nĩmevithaa.</verse>
				<verse number="13">Ũla ũvw’ĩkaa mavĩtyo make ndakaathimĩka; Ĩndĩ ũla ũmaumbũlaa na kũmatia akeew’ĩwa tei.</verse>
				<verse number="14">Mũndũ nĩ mũtanu ũla ũkĩaa mavinda onthe; Ĩndĩ ũla wũmasya ngoo yake akavalũka ũthũkunĩ.</verse>
				<verse number="15">Ta mũnyambũ ũkĩluma, na nduva ĩkyanganga, Now’o ũilyĩ mũsumbĩki mũthũku ĩũlũ wa andũ ngya.</verse>
				<verse number="16">Mũnene wĩ mbee ũsumbĩnĩ ũla ũte ũmanyi nĩ mũthĩn’ya mũnene; Ĩndĩ ũla ũmenaa ĩtomo akongeleela mĩthenya yake.</verse>
				<verse number="17">Mũndũ ũla ũitavĩwe nĩ nthakame ya mũndũ o na wĩva Akakĩĩa yĩla ĩimanĩ; mũndũ o na wĩva ndakaamũsiĩĩe.</verse>
				<verse number="18">O ũla ũendaa na mĩendele myaĩlu akavonokw’a; Ĩndĩ ũla wĩ na ngũlũ mĩendelenĩ yake akavalũka mĩtũkĩ.</verse>
				<verse number="19">Ũla ũĩmaa nthĩ yake akeethĩwa na lĩu mwingĩ; Ĩndĩ ũla ũatĩĩa andũ mate kĩĩi akeethĩwa na ũkya mwĩanĩu.</verse>
				<verse number="20">Mũndũ wĩ kĩthito akaingĩvĩwa nĩ moathimo; Ĩndĩ ũla wĩkalaataa ethĩwe na ũthwii ndakatĩa kũkũnwa.</verse>
				<verse number="21">Kwĩthĩwa na wendeesyo wa andũ ti ũseo; O na mũndũ kũvĩtya ũndũ wa kĩlungu kya kĩmũtũ.</verse>
				<verse number="22">Ũla wĩ na itho ĩthũku nĩwĩkalaataa kũatĩĩa ũthwii, Na ndesĩ kana kwaĩwa kũkamũkĩa.</verse>
				<verse number="23">Ũla ũkanasya mũndũ, ĩtina akoona ũseo mwĩngĩ Kwĩ ũla wendeeasya na ndeto sya ũkathĩĩo wa ũĩmĩ.</verse>
				<verse number="24">Ũla ũmũvutaa ĩthe wake kana nyinyia, na kwasya, Ti ĩvĩtyo, Ũsu nĩ mũtindan’ya wa mwanangi.</verse>
				<verse number="25">Ũla wĩ veva mũtoonu nĩwũkĩlasya ĩteta; Ĩndĩ ũla ũmũĩkĩĩaa Yeova akeethĩwa mũnou.</verse>
				<verse number="26">Ũla ũĩkĩĩaa ngoo yake mwene nĩ ndia; Ĩndĩ ũla ũendaa na ũĩ, akavonokw’a.</verse>
				<verse number="27">Ũla ũnengae ngya ndakaĩwa nĩ kĩndũ; Ĩndĩ ũla ũvithaa metho make akeethĩwa na iumo nyingĩ</verse>
				<verse number="28">Yĩla athũku mookĩla, andũ nĩmevithaa; Ĩndĩ yĩla maaa, alũngalu nĩmaingĩvaa.</verse>
			</chapter>
			<chapter number="29">
				<verse number="1">Ũla aikanw’a kaingĩ ũmasya ngingo yake Akaanangwa na kĩthũlũmũko, vate mũiito.</verse>
				<verse number="2">Yĩla ala alũngalu maingĩva, andũ nĩmatanaa; Ĩndĩ yĩla mũndũ mũthũku wasumbĩka, andũ nĩmavevũũkaa.</verse>
				<verse number="3">Ũla wendaa ũĩ nũtanĩthasya ĩthe wake; Ĩndĩ ũla ũtindanasya na malwaya nĩwanangaa syĩndũ syake.</verse>
				<verse number="4">Mũsumbĩ nũlũlũmĩlasya nthĩ kwondũ wa ũsili wa katĩ; Ĩndĩ ũla wumĩthasya mĩthĩnzĩo na vinya nũmĩkulumanasya.</verse>
				<verse number="5">Mũndũ ũla wendeeasya mũtũi wake na ndeto sya ũkathĩĩo Alanĩlasya matambya make kĩtei.</verse>
				<verse number="6">Ĩvĩtyonĩ ya mũndũ mũthũku ve kĩtei; Ĩndĩ ũla mũlũngalu nĩwinaa na kũtana.</verse>
				<verse number="7">Ũla mũlũngalu nũsiasya ũvoo wa ngya; Ũla mũthũku nde na ũĩ omanye.</verse>
				<verse number="8">Akaakaan’ya makwatasya ndũa mwaki; Ĩndĩ andũ oĩ mathyũũaa ũthilĩku ũtee.</verse>
				<verse number="9">Ethĩwa mũndũ mũĩ e na ngananĩo na mũndũ mũtumanu, Ethĩwa nũthatĩte kana kũtheka, vatikethĩwa ũthũmũo.</verse>
				<verse number="10">Ala mang’aatũkĩtw’e nĩ nthakame mamenaa ũla mwĩanĩu; Na ũndũ wa alũngalu, nao nĩmasũvĩaa thayũ wake.</verse>
				<verse number="11">Ndia nĩneenaa ũthatu wayo w’onthe; Ĩndĩ mũndũ mũĩ nĩwũsiĩĩaa na kũkilĩthya.</verse>
				<verse number="12">Ethĩwa mũsumbĩki nĩwĩthukĩĩasya ũvũngũ, Athũkũmi make onthe nĩ athũku.</verse>
				<verse number="13">Mũndũ ngya na mũthĩn’ya makomanaa vamwe; Yeova nĩwĩkĩaa kyeni metho ma asu elĩ.</verse>
				<verse number="14">Mũsumbĩ ũla ũsilĩlaa ngya na kĩthito, Kĩvĩla kyake kya ũsumbĩ kĩkalũlũmĩlw’a tene na tene.</verse>
				<verse number="15">Ndata na ũkan’yo ninenganae ũĩ: Ĩndĩ kana kala kalekaw’a kathi ũndũ kekwenda kasonokasya inyia wako.</verse>
				<verse number="16">Yĩla athũku maingĩva, kũvĩtya nakw’o nĩkwingĩvaa; Ĩndĩ alũngalu makoona ũvalũko woo.</verse>
				<verse number="17">Mwon’ya mwana waku mavĩtyo, na akakũthũmũsya; Ĩĩ, akatanĩthya ngoo yaku.</verse>
				<verse number="18">Vala vate woni, andũ nĩmavetaa wĩsiĩĩo; Ĩndĩ ũla ũkwataa mĩao, ũsu nĩ mũtanu.</verse>
				<verse number="19">Mũthũkũmi ndonaw’a mavĩtyo na ndeto; O na kau mũmanyaa, ndasũngĩaa.</verse>
				<verse number="20">Nũkwona mũndũ wĩ mĩtũkĩ ya kũneena ndetonĩ syake? Kavaa kwĩkwatya ndia kwĩ ũsu.</verse>
				<verse number="21">Ũla ũeaa mũthũkũmi wake akĩmũsũvĩa kuma e kana Mũminũkĩlyo akeethĩwa kwake ta mwana.</verse>
				<verse number="22">Mũndũ mũthatu nĩwũkĩlasya ĩteta, Na mũndũ mũthilĩku nĩwusũĩte mavĩtyo.</verse>
				<verse number="23">Ngathĩĩo ya mũndũ ĩkamũtheesya; Ĩndĩ ũla wĩ na veva wa wĩnyivyo akoosa ndaĩa.</verse>
				<verse number="24">O ũla wĩ ngwatanĩo na kĩng’ei amenaa thayũ wake mwene; Nĩwĩw’aa wĩvĩto na ndaneenaa.</verse>
				<verse number="25">Kũkĩa mũndũ nĩkũetae kĩtei; Ĩndĩ ũla ũmũĩkĩĩaa Yeova akekalaa ate na mũisyo.</verse>
				<verse number="26">Aingĩ nĩmamanthaa ũseo kwa mũsumbĩki; Ĩndĩ ũsilĩlo wa mũndũ nĩwumaa vala ve Yeova.</verse>
				<verse number="27">Mũndũ ũte na ũlũngalu nĩ ũthatyo kwa ũla mũlũngalu; Na ũla mũlũngalu ĩ nzĩanĩ nĩ ũthatyo kwa ala athũku.</verse>
			</chapter>
			<chapter number="30">
				<verse number="1">Ndeto sya Akuli mwana wa Yake; ũtao. Ũ mũndũ amwĩa Ithieli, Ithieli na Ukali:</verse>
				<verse number="2">Vate ndĩi nĩilyĩ ta nyamũ kũvĩtũka mũndũ o na wĩva, Na ndi na ũmanyi wa mũndũ;</verse>
				<verse number="3">Na ndimanyĩte ũĩ, O na ndi na ũmanyi wa Ũla Mũtheu.</verse>
				<verse number="4">Nũũ ũla wambatie ĩtunĩ, na akatheea? Nũũ ũla wombanisye kĩseve ngundinĩ syake? Nũũ ũla woveeie manzĩ ngũanĩ yake? Nũũ ũla walũlũmĩlye itulu syonthe sya nthĩ? Syĩtwa yake eetawa ata, na syĩtwa ya mwana wake eetawa ata, ethĩwa nĩwĩsĩ?</verse>
				<verse number="5">Kĩla ndeto ya Ngai nĩ ndate: Nake nĩ ngao ya ala mevithaa nthĩnĩ wake.</verse>
				<verse number="6">Ndũkongele ndeto syake, Ndakese ũkũkan’ya, na ũkyoneka wĩ mũneeni wa ũvũngũ.</verse>
				<verse number="7">Maũndũ elĩ nĩngwĩtĩtye; Ndũkamambate ndanamba ũkw’a:</verse>
				<verse number="8">Veta kũasa nakwa maũndũ ma mana na movũngũ; Ndũkanenge ũkya kana ũthwii; Ngathĩsya lĩu ũla ũmbĩanĩe:</verse>
				<verse number="9">Ndikese kũvũna vyũ, na ũkũkaĩa, na kwasya, Yeova nũũ? Kana ndikese kwĩthĩwa ngya, na ndyũya, Na kũweta syĩtwa ya Ngai wakwa mana.</verse>
				<verse number="10">Ndũkamũsuke mũthũkũmi kwa vwana wake, Ndakese ũkũuma, naku ũituwa mũvĩtan’ya.</verse>
				<verse number="11">Ve nzyawa ĩla ĩumaa ĩthe wayo, Na ndĩathimaa inyia wayo.</verse>
				<verse number="12">Ve nzyawa ĩla ntheu methonĩ mayo, Na ĩndĩ ndĩthambĩte ũvuku wayo.</verse>
				<verse number="13">Ve nzyawa a! Metho mayo me na mĩtũlyo! Na ilomo sya metho moo nĩsyũkĩlĩtw’e.</verse>
				<verse number="14">Ve nzyawa maeo mayo nĩ ta mbyũ, na mbosela syayo ta tũvyũ, Ya kwananga ngya kuma nthĩ, na athĩni kuma katĩ wa andũ.</verse>
				<verse number="15">Nthambaa yĩ na eĩtu elĩ, metawa, Nenga, nenga. Ve syĩndũ itatũ ila iteanĩawa nongi, Ĩĩ, inya ila itaneenaa, Nũu:</verse>
				<verse number="16">Seoli; na ĩvu yĩtasyaaa; Nthĩ ĩtakolaa kĩw’ũ; Na mwaki ũla ũtaneenaa, Nũu.</verse>
				<verse number="17">Itho yĩla yĩmũthekeea ĩthe, Na kũvũthya kwĩw’a inyia, Ngũngũũ sya mwandani ikayumya, Na tũswii twa ndiũ tũkayĩya.</verse>
				<verse number="18">Kwĩ maũndũ atatũ me ũseng’yo kũmbĩtũka, Ĩĩ, ana ala ndamesĩ:</verse>
				<verse number="19">Nzĩa ya ndiũ yayayanĩ; Nzĩa ya nzoka ĩũlũ wa ĩvia; Nzĩa ya ngalawa katĩ wa ũkanga; Na nzĩa ya mũndũ mũũme na mwĩĩtu.</verse>
				<verse number="20">Now’o kũilyĩ nzĩa ya mũndũ mũka kĩlaalai; Nũĩsaa na kũvangũla kanyw’a wake, Na kwasya, Ndyĩkĩte ũndũ ũthũku.</verse>
				<verse number="21">Nũndũ wa maũndũ atatũ nthĩ nĩtetemaa, Na nũndũ wa ana, ala ĩtatonya kũmĩĩsya:</verse>
				<verse number="22">Nũndũ wa mũthũkũmi yĩla ũtw’ĩka mũsumbĩ; Na ndia yĩla yavũna lĩu;</verse>
				<verse number="23">Nũndũ wa mũndũ mũka kũmenwa e mũtwae; Na mwĩĩtu mũthũkũmi e mũtiĩwa wa vivi wake.</verse>
				<verse number="24">Kwĩ syĩndũ inya ila nini ĩũlũ wa nthĩ, Ĩndĩ syĩ na ũĩ mwingĩ:</verse>
				<verse number="25">Nditikũ nĩ andũ mate vinya, Ĩndĩ nĩsyũmbanasya lĩu wasyo ĩvinda ya syũa;</verse>
				<verse number="26">Inyowe nĩ andũ mate vinya, Ĩndĩ niseũvasya nyũmba syasyo mavianĩ;</verse>
				<verse number="27">Ngie iti na mũsumbĩ, Ĩndĩ nĩsyumalaa syonthe syĩ nguthu;</verse>
				<verse number="28">Ĩtelembũ nĩyĩkwataa na moko mayo, Ĩndĩ yĩ nyũmbanĩ nene mbanakavye ya asumbĩ.</verse>
				<verse number="29">Kwĩ syĩndũ itatũ ila syaĩlaa mũtambĩlyenĩ wasyo, Ĩĩ, inya ila syaĩlaa ikĩenda:</verse>
				<verse number="30">Mũnyambũ, ũla wĩ vinya mbee katĩ wa nyamũ, Na ndwĩthyũũaa kwondũ wa ĩmwe o na yĩva;</verse>
				<verse number="31">Ngitĩ yĩ ũsembi; o na nthenge; Na mũsumbĩ ũla ũtang’endeeka.</verse>
				<verse number="32">Ethĩwa nĩwĩkĩte ũtumanu ũkĩtũlya mwene, Kana ethĩwa nũsũanĩĩte ũthũku, Kunĩka kanyw’a waku na kw’oko kwaku.</verse>
				<verse number="33">Nũndũ kũthuka ĩia nĩkũetae mauta, Na kũmila ĩnyiũũ nĩkumasya nthakame; No ta ũu kũkuthũan’ya ũthilĩku nĩkũetae ĩteta.</verse>
			</chapter>
			<chapter number="31">
				<verse number="1">Ndeto sya mũsumbĩ Lemueli; ũtao ũla inyia wake wamũtaie.</verse>
				<verse number="2">Nata, mwana wakwa? Na nata, we mwana wa ĩvu yakwa? Nata, we mwana wa mawĩvĩto makwa?</verse>
				<verse number="3">Ndũkanenge aka vinya waku, Kana mĩendele yaku kĩla kyanangaa asumbĩ.</verse>
				<verse number="4">Ti ũndũ wa asumbĩ, we Lemueli, ti ũndũ wa asumbĩ kũnyw’a mbinyu; Kana ũndũ wa anene me mbee ũsumbĩnĩ kũkũlya, Kĩla kĩtoonasya kĩĩva?</verse>
				<verse number="5">Matikese kũnyw’a na kũlwa nĩ mĩao, Na kwelelũkya ũsili wa katĩ ũla waĩle mũndũ o na wĩva ũla ũthĩnaw’a.</verse>
				<verse number="6">Mũnenge ũla ũkilĩlye kwaa kĩla kĩtoonasya, Na mbinyu ala me ũũ ngoonĩ:</verse>
				<verse number="7">Nanyw’e, na kũlwa nĩ ũkya wake, Na kũlea kũlilikana thĩna wake ĩngĩ.</verse>
				<verse number="8">Athamya kanyw’a waku kwondũ wa ala matatonya kũneena, Kwondũ wa onthe ala matiĩtwe me oka.</verse>
				<verse number="9">Athamya kanyw’a waku, tusaa katĩ, Noitw’ĩĩaa ngya na athĩni ũsili wa katĩ.</verse>
				<verse number="10">Nũũ ũtonya kũmwona mũndũ mũka mwaĩlu? Nũndũ e vata mũno kwĩ tũvila twa maliani.</verse>
				<verse number="11">Ngoo ya mũũme wake nĩmũĩkĩĩaa, Na ndakanyivĩwa nĩ syĩndũ.</verse>
				<verse number="12">Nake nũmwĩkaa ũseo na ti ũthũku Mĩthenya yonthe ya thayũ wake.</verse>
				<verse number="13">Nũmanthaa w’ĩa wa malondu na katane, Na nũtethasya wĩa na moko make na kwenda kwa ngoo.</verse>
				<verse number="14">Ailyĩ ngalawa sya athoosya; Aetae lĩu wake kuma kũasa.</verse>
				<verse number="15">Nake nĩwũkĩlaa kwĩ o ũtukũ, Na kũnenga andũ ma nyũmba yake lĩu, Na athũkũmi make eĩtu wĩa woo.</verse>
				<verse number="16">Nũsũanĩaa ũndũ wa mũũnda, na akothooa; Nũvandaa mũũnda wa mĩsavivũ na ũtandĩthyo wa moko make.</verse>
				<verse number="17">Nũvotoaa kĩnyunyu kyake vinya, Na kwĩkĩa moko make vinya.</verse>
				<verse number="18">Nũmanyaa kana syĩndũ syake sya ũthoosya syĩ ũuno; Taa wake ndũvoaa ũtukũ.</verse>
				<verse number="19">Nũkwataa na moko make kamũtĩ ka ũkwata maw’ĩa, Na syaa syake nikwataa kĩlingi kya kũlingĩlĩĩla ũlii.</verse>
				<verse number="20">Nũtambũũkasya moko make ũndũ wa ngya; Ĩĩ, nũtambũũkasya moko make ũndũ wa athĩni.</verse>
				<verse number="21">Ndakĩaa mbevo ya ĩa kwondũ wa andũ ma nyũmba yake; Nũndũ andũ onthe ma nyũmba yake nĩmavw’ĩkĩtwe ngũa ndune mũno.</verse>
				<verse number="22">Nĩwĩseũvĩasya mĩto mĩseo mũno; Ngũa yake nĩ katane nzeo na ĩla ndune mũno.</verse>
				<verse number="23">Mũũme wake nĩwĩsĩkĩwe mbingĩlonĩ, Yĩla ũnũĩkala katĩ wa atumĩa ma ĩ nthĩ.</verse>
				<verse number="24">Nũtumaa ngũa sya katane na kwithoosya, Na kũmũtwaĩa mũthoosya mĩsivi.</verse>
				<verse number="25">Vinya na ũnene nĩ ngũa syake; Nake nũthekeea ĩvinda yũkĩte.</verse>
				<verse number="26">Nĩwathamasya kanyw’a wake na ũĩ; Na mwĩao wa ũseo wĩ ũĩmĩnĩ wake.</verse>
				<verse number="27">Nũsiasya nesa mĩendele ya andũ ma nyũmba yake, Na ndaĩsaa lĩu wa ũtulu.</verse>
				<verse number="28">Syana syake nĩsyũkĩlaa, na kũmwĩta mũathime; O na mũũme wake, na amũtaĩa, akyasya:</verse>
				<verse number="29">Eĩtu aingĩ nĩmekĩte ũla waĩle, Ĩndĩ we wĩ mbee wa onthe.</verse>
				<verse number="30">Wũmbe nĩ ũkengani, na wanake nĩ mana; Ĩndĩ mũndũ mũka ũla ũkĩaa Yeova, akataĩwa.</verse>
				<verse number="31">Ũmũnenge wa ũsyao wa moko make; Na mawĩa make nĩmamũtaĩĩe mbingĩlonĩ.</verse>
			</chapter>
		</book>
		<book number="21">
			<chapter number="1">
				<verse number="1">Ndeto sya mũtavan’ya, mwana wa Ndaivti, mũsumbĩ ku Yelusaleme.</verse>
				<verse number="2">No mana, mana vyũ, easya ũu Mũtavan’ya; no mana, mana vyũ, maundũ onthe nĩ mana.</verse>
				<verse number="3">Mũndũ e na ũunĩko mwaũ ũndũ wa wĩa wake w’onthe ũla wĩthĩnĩasya ĩtheo wa syũa?</verse>
				<verse number="4">Nzyawa ĩmwe nĩvĩtaa, na nzyawa ĩngĩ nĩyũkaa; ĩndĩ nthĩ nĩyĩkalaa tene na tene.</verse>
				<verse number="5">O na syũa nĩyumaa, na syũa nĩyĩthũaa, na kwĩkalaata yĩthi vandũ vayo vala yumaa.</verse>
				<verse number="6">Kĩseve nĩkĩendaa kwelekela ngalĩ ya ĩtheo, na kwĩthyũũa kwelekela ngalĩ ya ĩũlũ; nĩkĩthyũlũlũkaa mavinda onthe nzĩanĩ yakyo, na kĩseve nĩkĩsyokaa ĩngĩ ĩthyũlũlũnĩ syakyo.</verse>
				<verse number="7">Mbũsĩ syonthe niendaa ũkanganĩ, ĩndĩ ũkanga ndusũaa; vandũ o vala mbũsĩ iendaa, no vo iendaa ĩngĩ.</verse>
				<verse number="8">Maũndũ onthe nĩmausũĩtwe nĩ mĩnoo; mũndũ ndatonya kũneenekya; itho yĩtikolaa kwona, kana kũtũ kũkakola kwĩw’a.</verse>
				<verse number="9">Kĩla kyaĩ kw’o nokyo kĩkethĩwa; na ũndũ ũla weekiwe now’o ũla ũkekwa: na kũti ũndũ weũ ĩtheo wa syũa.</verse>
				<verse number="10">Ve kĩndũ kĩla kĩtonya kũwetwa ũndũ wakyo, Sisya, kĩĩ nĩ kyeũ? Kyaĩ o kw’o kuma tene mũno, mavinda ala maĩ kw’o tũtanethĩwa.</verse>
				<verse number="11">Kũti ũlilikano wa nzyawa sya mbee; o na kũtikethĩwa ũlilikano wa nzyawa sya ĩtina ila ikoka, katĩ wa ala makoka ĩtina.</verse>
				<verse number="12">Nyie Mũtavany’a naĩ mũsumbĩ ĩũlũ wa Isilaeli ku Yelusaleme.</verse>
				<verse number="13">Na neekĩa ngoonĩ yakwa kũmantha na kũthiana na nzĩa ya ũĩ ũvoo wa maũndũ onthe ala mekawa ĩtheo wa ĩtu: nĩ thĩna mũnene ũla Ngaĩ ũnengete ana ma andũ mathĩnaw’e nĩw’o.</verse>
				<verse number="14">Nĩnonete mawĩa onthe ala mekawa ĩtheo wa syũa; na, sisya, onthe nĩ mana na ta kũsemban’ya na kĩseve.</verse>
				<verse number="15">Kĩla kĩthyoeku kĩtitonya kũlũngalw’a; na kĩla kĩte vo kĩtitonya kũtalwa.</verse>
				<verse number="16">Nĩnaneenanisye na ngoo yakwa, ngyasya, Sisya, nĩnĩyoseete ũĩ mũnene kũvĩtũka onthe ala maĩ mbee wakwa ku Yelusaleme; ĩĩ, ngoo yakwa nĩyonete ki ũĩ na ũmanyi.</verse>
				<verse number="17">Na neekĩa ngoonĩ yakwa nĩmanye ũĩ, na kũmanya ũũũki na ũtumanu: na noona o na ũu naw’o no ta kũsemban’ya na kĩseve.</verse>
				<verse number="18">Nũndũ nthĩnĩ wa ũĩ mwingĩ kwĩ woo mwingĩ; na ũla wingĩvasya ũmanyi nĩwingĩvĩĩasya woo.</verse>
			</chapter>
			<chapter number="2">
				<verse number="1">Nĩnaneenie ngoonĩ yakwa, Ũka yu, ngakwĩkuũa na motanu; kwondũ wa ũu ĩw’ĩa mũyo motanunĩ: na, sĩsya, ũu naw’o waĩ wa mana.</verse>
				<verse number="2">Naisye ũndũ wa kũtheka, Nĩkũũũka; na ũndũ wa ũtanu, Wĩkaa ata?</verse>
				<verse number="3">Namanthie ngoonĩ yakwa ũndũ ndonya kũtanĩthya mwĩĩ wakwa na mbinyu, ngoo yakwa ĩkĩndongoesya na ũĩ, na ũndũ ndonya kũkwata ũtumanu, kũvika ndonye kwona ũseo ũla ana ma andũ maĩle kwĩka ĩtheo wa ĩtu mĩthenya yonthe ya thayũ woo.</verse>
				<verse number="4">Nĩneeseũvĩsye mawĩa manene, nĩneeyakĩe nyũmba mbingĩ; nĩneevandĩe mĩũnda ya mĩsavivũ;</verse>
				<verse number="5">nĩneeseũvĩsye mĩũnda na kũndũ kwanake vyũ, na navanda mĩti nthĩnĩ wa kw’o ya mĩthemba yonthe ya matunda;</verse>
				<verse number="6">nĩneeseũvĩsye ndia sya manzĩ, nĩnyithasye na manzĩ asu mũtitũ kũla kũvandĩtwe mĩtĩ mĩnini yĩane;</verse>
				<verse number="7">nĩnathooie athũkũmi aũme na eĩtu, na naĩ na athũkũmi ala masyaĩwe nyũmbanĩ yakwa; o na naĩ na ũthwii wa ndĩthya sya ng’ombe na sya mbũi na malondu, kwĩ onthe ala maĩ Yelusaleme mbee wakwa;</verse>
				<verse number="8">o na nĩneeyũmbanĩsye vetha na thaavu, na ũthwii wa asumbĩ na wa ilungu nene sya nthĩ; nĩneeyosee aini aũme na aini aka, na motanu ma ana ma andũ, na syĩndũ sya kũinga, nasyo syaĩ sya mĩthemba yonthe.</verse>
				<verse number="9">Kwondũ wa ũu naĩ mũnene, na naingĩvĩwe kũvĩtũka onthe ala maĩ Yelusaleme mbee wakwa: o na ũĩ wakwa nĩwekalaa nakwa.</verse>
				<verse number="10">Na o kĩla metho makwa mendaa ndyaamavata; ndyaaima ngoo yakwa ũtanu o na wĩva; nũndũ ngoo yakwa yatanaa nũndũ wa wĩa wakwa w’onthe; na ũu waĩ kĩanda kyakwa kwondũ wa wĩa wakwa w’onthe.</verse>
				<verse number="11">Na ĩndĩ nasisya wĩa w’onthe ũla moko makwa meekie, na wĩa ũla neethĩnĩsye kũtethya; na, sisya, w’onthe waĩ mana na ta kũsemban’ya na kĩseve, na kũtyaĩ ũunĩko ĩtheo wa syũa.</verse>
				<verse number="12">Na ĩndĩ neethyũũa nĩsisye, ũĩ, na ũũũki, na ũtumanu: nũndũ mũndũ ũla wĩũka ĩtina wa mũsumbĩ atonya kwĩka ata? No maũndũ asu ala mathelile kwĩkwa tene.</verse>
				<verse number="13">Na ĩndĩ noona kana ũĩ nũvĩtũkĩte motanu kũasa, o tondũ kyeni kĩvĩtũkĩte kĩvindu.</verse>
				<verse number="14">Metho ma mũndũ mũĩ me mũtwe kwake, na ndia nĩkinyaa kĩvindunĩ: ĩndĩ noona atĩ ũndũ ũmwe nĩwĩkĩkaa kwa onthe.</verse>
				<verse number="15">Nĩvo ĩndĩ naisye ngoonĩ yakwa, O tondũ kwĩkĩkaa kwa ndia, now’o kũkekĩka kwakwa; na ĩndĩ naĩ na ũĩ mũvĩtũku ata? Na ĩndĩ nasya ngoonĩ yakwa, o na ũu naw’o nĩ wa mana.</verse>
				<verse number="16">Nũndũ ũndũ wa mũndũ mũĩ, now’o kwa ndia, kũtĩ ũlilikano tene na tene; nũndũ mĩthenya ĩla yũkĩte onthe makethĩwa moolile tene. Na kaĩ mũndũ mũĩ nũkusaa o ta ndia!</verse>
				<verse number="17">Kwondũ wa ũu namena thayũ, nũndũ wĩa ũla ũtethaw’a ĩtheo wa syũa, waĩ thĩna kwakwa; nũndũ w’onthe nĩ wa mana na ta kũsemban’ya na kĩseve.</verse>
				<verse number="18">Na namena wĩa wakwa w’onthe ũla neethĩnĩsye ĩtheo wa syũa, nũndũ no mũvaka nĩũtiĩe mũndũ ũla ũkethĩwa ĩtina wakwa.</verse>
				<verse number="19">Na ũla wĩsĩ nũũ ethĩwa akethĩwa mũndũ mũĩ kana ndia? Ĩndĩ nake akethĩwa ĩũlũ wa wĩa wakwa w’onthe ũla neethĩnĩsye, na ũla neeyonanĩthisye nĩ mũĩ nthĩnĩ waw’o ĩtheo wa syũa. Ũu naw’o nĩ wa mana.</verse>
				<verse number="20">Kwondũ wa ũu nĩneethyũũie nĩtume ngoo yakwa ĩyĩtũka ũndũ wa wĩa w’onthe ũla neethĩnĩsye ĩtheo wa syũa.</verse>
				<verse number="21">Nũndũ kwi mũndũ ũla ũtethasya wĩa wake na ũĩ, na ũmanyi, na ũtuĩka; ĩndĩ akootiĩa mũndũ ũla ũtaotethya wĩthĩwe kĩanda kyake. Ũu naw’o nĩ wa mana, na ũthũku mũnene.</verse>
				<verse number="22">Nũndũ mũndũ e na kyaũ kwondũ wa wĩa wake w’onthe, na kĩthing’ĩĩsyo kya ngoo yake, ũla weethĩnĩsye nthĩnĩ wakyo ĩtheo wa syũa?</verse>
				<verse number="23">Nũndũ mĩthenya yake yonthe no mawoo, na thĩna wake no woo; ĩĩ, o na ũtukũ ngoo yake ndĩthũmũaa. O na ũu naw’o nĩ wa mana.</verse>
				<verse number="24">Kũti ũndũ ũseo kwa mũndũ kũvĩtũka kũya na kũnyw’a, na kũtuma thayũ wake kũtanĩa ũseo wĩanĩ wake. Na ũu naw’o noona atĩwumĩte kw’okonĩ kwa Ngai.</verse>
				<verse number="25">Nũndũ nũũ ũtonya kũya, kana nũũ ũtonya kwĩthĩwa na ũtanu, kwĩ nyie?</verse>
				<verse number="26">Nũndũ mũndũ ũla ũmwendeeasya Ngai nũmũnengae ũĩ, na ũmanyi, na ũtanu; ĩndĩ nũnengae mũndũ mwathe thĩna, kũmban’ya na kwongeleela, nĩ kana amũngenge ũla ũmwendeeasya Ngai. Ũndũ ũu naw’o nĩ mana na ta kũsemban’ya na kĩseve.</verse>
			</chapter>
			<chapter number="3">
				<verse number="1">Kwondũ wa kĩla kĩndũ ve ĩvinda, na ĩvinda kwondũ wa kĩla ũndũ ĩtheo wa ĩtu:</verse>
				<verse number="2">ĩvinda ya kũsyawa, na ĩvinda ya kũkw’a; ĩvinda ya kũvanda, na ĩvinda ya kũkũa kĩla kĩvande;</verse>
				<verse number="3">ĩvinda ya kũaa, na ĩvinda ya kũvosya; ĩvinda ya kũomboa, na ĩvinda ya kwaka;</verse>
				<verse number="4">ĩvinda ya kũĩa, na ĩvinda ya kũtheka; ĩvinda ya kũmeta, na ĩvinda ya kũsunga;</verse>
				<verse number="5">ĩvinda ya kwĩkya mavia, na ĩvinda ya kũmban’ya mavia; ĩvinda ya kwĩvĩtĩĩsya, na ĩvinda ya kũlea kwĩvĩtĩĩsya;</verse>
				<verse number="6">ĩvinda ya kũmantha, na ĩvinda ya kwasya; ĩvinda ya kũsũvĩa, na ĩvinda ya kwĩkya ũtee;</verse>
				<verse number="7">ĩvinda ya kũtembũa, na ĩvinda ya kũtuma; ĩvinda ya kũvindya, na ĩvinda ya kũneena;</verse>
				<verse number="8">ĩvinda ya kwenda, na ĩvinda ya kũmena; ĩvinda ya kaũ, na ĩvinda ya mũuo.</verse>
				<verse number="9">Mũtethya wa wĩa e na ũunĩko mwaũ ũndũnĩ ũla ũtethasya?</verse>
				<verse number="10">Nĩnonete thĩna ũla Ngai ũnengete ana ma andũ mathĩnaw’e nĩw’o.</verse>
				<verse number="11">Nũseũvĩtye kĩla kĩndũ kĩthĩwe kĩseo mũno ĩvindanĩ yakyo: o na nĩwiĩte nthĩ yonthe ngoonĩ syoo, o na ũu w’onthe mũndũ ndatonya kũmanya wla ũla Ngaĩ ũtethetye kuma mwambĩlĩyonĩ o kũvika mũminũkĩlyo.</verse>
				<verse number="12">Nĩnĩsĩ vati ũndũ ũseo kwoo, kwĩ kũtana na kwĩka ũseo o yĩla me thayũ.</verse>
				<verse number="13">Na ĩngĩ nĩ mũthĩnzĩo wa Ngaĩ kana kĩla mũndũ aye na kũnyw’a, na kũtanĩa ũseo wĩanĩ wake w’onthe.</verse>
				<verse number="14">Nĩnĩsĩ atĩ o ũla Ngai wĩkaa, ũkekalaa tene na tene: vati ũndũ ũtonya wongeleelwa ũndũnĩ ũsu, kana ũndũ o na wĩva kũolwa; na Ngai nĩwĩkĩte ũu, nĩ kana andũ mamũkĩe.</verse>
				<verse number="15">Kĩla kĩ yu, kyaĩ o kw’o tene mũno; na kĩla kĩkeethĩwa kyaĩ o kw’o tene mũno: na Ngai nũmanthaa ĩngĩ kĩla kĩvĩtĩte.</verse>
				<verse number="16">Na ĩngĩ noona ĩtheo wa syũa, vandũnĩ va ũsili wa katĩ, atĩ ũthũku wĩ o vo, na vandũnĩ va ũlũngalu, atĩ ũthũku wĩ o vo.</verse>
				<verse number="17">Naisye ngoonĩ yakwa, Ngai akasilĩla alũngalu na athũku; nũndũ kwĩ ĩvinda kw’o kwondũ wa kĩla ũndũ na kĩla wĩa.</verse>
				<verse number="18">Naisye ngoonĩ yakwa, Nĩ ũndũ wa ana ma andũ, nĩ kana Ngai amatate, na nĩ kana mone atĩ mo ene no ta nyamũ.</verse>
				<verse number="19">Nũndũ ũndũ ũla ũkwataa ana ma andũ, nũkwataa nyamũ, kwĩkĩkaa o ũndũ ũmwe kwoo: o ũndũ ũmwe ũkusaa, now’o ĩla ĩngĩ ĩkusaa; ĩĩ, onthe me na mũvevo ũmwe; na mũndũ nde na ũnene kwĩ nyamũ: nũndũ onthe nĩ ma mana.</verse>
				<verse number="20">Onthe maendaa vandũ vamwe; onthe nĩ ma kĩtoo, na onthe masyokaa ĩngĩ kĩtoonĩ.</verse>
				<verse number="21">Nũũ ũla wĩsĩ veva wa mũndũ, ethĩwa wambataa ĩũlũ, na veva wa nyamũ, ethĩwa ũtheeaa nthĩ?</verse>
				<verse number="22">Kwondũ wa ũu noonie vati ũndũ ũseo mbee, kwĩ mũndũ kũtanĩa mawĩa make; nũndũ kyu nĩkyo kĩanda kyake: nũndũ nũũ ũla ũkamũete ĩngĩ one ũndũ ũkethĩwa ĩtina wake?</verse>
			</chapter>
			<chapter number="4">
				<verse number="1">Na ĩndĩ nasyoka na noona mathĩna onthe ala mekawa ĩtheo wa syũa: na, sisya, methoi ma ala mathĩnaw’a, na matyaĩ na mũkiakisya; na ngalĩ ĩla ya athĩn’ya moo kwaĩ vinya; ĩndĩ matyaĩ na mũkiakisya.</verse>
				<verse number="2">Kwondũ wa ũu nataĩa ala akw’ũ ala makwie tene kwĩ ala me thayũ kũvika yu;</verse>
				<verse number="3">ĩĩ, na mbee wa asu nĩmũtaĩa ũla ũtanamba kwĩthĩwa, ũla ũtaona wĩa mũthũku ũla wĩkawa ĩtheo wa syũa.</verse>
				<verse number="4">Nĩvo ĩndĩ noonie wĩa w’onthe na kĩla wĩa wĩ na ũtũĩka, kana kwondũ waw’o mũndũ nũnũkwĩw’ĩwa kĩwĩũ nĩ mũtũi wake. Ũu naw’o nĩ wa mana na ta kũsemban’ya na kĩseve.</verse>
				<verse number="5">Ndia nĩkwatanasya syaa syayo, na kũya nyama sya mwĩĩ wayo mwene.</verse>
				<verse number="6">Ũvĩ ũmwe wusĩe, vamwe na ũuu, wĩ kavaa kwĩ mbĩ ilĩ susĩe wĩa na kũsemban’ya na kĩseve.</verse>
				<verse number="7">Nĩvo ĩndĩ nasyokie na noona no mana ĩtheo wa syũa.</verse>
				<verse number="8">Kwĩ ũmwe ũla wĩ weka, na nde na ũngĩ wa kelĩ; ĩĩ, nde na mwana kana mwana‐a‐ĩthe; ĩndĩ kũti mũminũkĩlyo wa wĩa wake w’onthe, o na metho make matikolaa ũthwii. Ekũlya, Nĩtethasya wĩa kwondũ waũ, na kũima ngoo yakwa ũseo? O na ũu nĩ ũndũ wa mana, ĩĩ, nĩ thĩna mũnene.</verse>
				<verse number="9">Elĩ me kavaa kwĩ ũmwe, nũndũ me na ĩtuvi ĩseo ũndũ wa wĩa woo.</verse>
				<verse number="10">Nũndũ ethĩwa makavalũka, ũmwe akookĩlya mũtindan’ya wake; ĩndĩ woo nĩ wa ũla yĩla wĩ weka ũnũũvalũka, na nde na ũngĩ wa kũmũkĩlya.</verse>
				<verse number="11">Na ĩngĩ, ethĩwa elĩ makomaa vamwe, nĩvo ĩndĩ me na muutĩa; ĩndĩ ũmwe atonya ata kwĩthĩwa na muutĩa?</verse>
				<verse number="12">Na ethĩwa mũndũ akakĩlya vĩnya ũla wi weka, elĩ makamũsiĩĩa; ũlii mũvĩnde na ndii itatũ ndũtw’ĩkaa mĩtũkĩ.</verse>
				<verse number="13">Kavaa kĩmwana kĩkya na kyũĩ kwĩ mũsumbĩ mũkũũ na mũtumanu, ũla ũtesĩ nzĩa ya kwosa ũtao ĩngĩ.</verse>
				<verse number="14">Nũndũ nĩwaumie kolokolonĩ atw’ĩke mũsumbĩ; ĩĩ, o na ũsumbĩnĩ wake asyaiwe e ngya.</verse>
				<verse number="15">Nĩnoonie onthe me thayũ ala makinyaa ĩtheo wa syũa, atĩ maĩ vamwe na kĩmwana, kĩla kya kelĩ, kĩla kyaũngamĩe vandũ vake.</verse>
				<verse number="16">Kũtyaĩ mũmĩnũkĩlyo wa andũ onthe, o asu onthe ala waĩ ĩũlũ woo: ĩndĩ ala makooka ĩtina matikamũtanĩa. Vate ndĩĩ o na ũu naw’o nĩ mana na ta kũsemban’ya na kĩseve.</verse>
			</chapter>
			<chapter number="5">
				<verse number="1">Sũvĩa kũũ kwaku yĩla ũendaa nyũmbanĩ ya Ngai; nũndũ kũthengeea wĩw’e kwĩ kavaa kwĩ kũnengane nthembo ya ndia: nũndũ ityĩsĩ nĩsyĩkaa ũthũku.</verse>
				<verse number="2">Ndũkethĩwe ũkĩvulũka na kanyw’a waku, na ngoo yaku ndĩkekalaate kũneena ũndũ mbee wa Ngaĩ; nũndũ Ngai e ĩtunĩ, naku wĩ nthĩ: kwondũ wa ũu ndeto syaku nĩsyĩthĩwe mbũthũ.</verse>
				<verse number="3">Nũndũ ndoto nĩyũkaa nũndũ wa wĩa kwingĩva, na wasya wa ndia nũndũ wa ndeto kwingĩva.</verse>
				<verse number="4">Yĩla weevĩtĩa Ngai wĩvĩto, ndũkethĩwe na kĩkono kya kũwĩanĩsya; nũndũ ndatanĩthaw’a nĩ ndia: ĩanĩsya ũla weevĩtie.</verse>
				<verse number="5">Nĩ kavaa ũkalea kwĩvĩta, kwĩ kwĩvĩta na ũkĩlea kwĩanĩsya.</verse>
				<verse number="6">Ndũkaeke kanyw’a waku ũvĩtĩthya mwĩĩ waku; o na ndũkaneene mbee wa ũla mũlaĩka atĩ nĩ ĩvĩtyo: nũndũ wa kĩ Ngai ũthataa akĩw’a wasya waku, na aiananga wĩa wa moko maku?</verse>
				<verse number="7">Nũndũ wingĩvonĩ wa ndoto kwĩ maũndũ ma mana, o na ndetonĩ mbingĩ: ĩndĩ we kĩa Ngai.</verse>
				<verse number="8">Ethĩwa wĩona kũthĩnw’a kwa ngya, na ũsili wa katĩ na ũlũngalu maivetwa na ũng’endu kĩlungunĩ kĩnene kya nthĩ, ndũkaseng’e ũndũ wa ũndũ ũsu: nũndũ ũmwe ũla wĩ ĩũlũ kwĩ ala me ĩũlũ nũsiasya; na ve ala me ĩũlũ kwĩ asu.</verse>
				<verse number="9">Na ũndũ ũngĩ ũtandĩthyo wa nthĩ nĩ wa onthe: mũsumbĩ we mwene athũkũmawa nĩ mũũnda.</verse>
				<verse number="10">Ũla wendaa vetha ndakeanĩwa nĩ vetha; kana ũla wendaa wingĩ vamwe na wingĩvo: o na ũu naw’o nĩ mana.</verse>
				<verse number="11">Yĩla syĩndũ syaingĩva, nĩmekwingĩva ala maiĩsaa; na kwĩ ũtethyo mwaũ kwa mwene wasyo, ate o kũsyĩloela na metho make?</verse>
				<verse number="12">Too kwa mũndũ ũtethasya wĩa wĩ mũyo, ethĩwa nũĩsaa mũnini kana mwingĩ; ĩndĩ kũvũna kwa mũthwii kũtikũeka akome.</verse>
				<verse number="13">Kwĩ ũthũku wĩ woo ũla nonete ĩtheo wa syũa, naw’o nĩ ũũ, ũthwii ũsũvĩawa nĩ mwene waw’o na ũkĩmũetee ũthũku:</verse>
				<verse number="14">na mothwii asu makyanangĩka kwondũ wa ũndũ ũthũku; na ethĩwa nake nũsyaĩte mwana, vati kĩndũ kw’okonĩ kwake.</verse>
				<verse number="15">O ũndũ waumie ĩvunĩ ya nyinyia, akasyoka e mũthei o tondũ waumie, na ndakatwaa kĩndũ ũndũ wa wĩa wake, kĩla ũtonya kũkua kw’okonĩ kwake.</verse>
				<verse number="16">O na ũu naw’o nĩ ũthũku wĩ woo, atĩ o ũndũ wokie, now’o ũkathi; na ũla wĩthĩnĩasya kĩseve e na ũunĩko mwaũ?</verse>
				<verse number="17">O na mĩthenya yake yonthe aĩaa kĩvindunĩ, na nũthĩnaw’a mũno, na e na ũwau na ũthilĩku.</verse>
				<verse number="18">Sisya, ũla nonete wĩ ũseo na mwaĩlu nĩ mũndũ kũya na kũnyw’a, na kũtanĩaa ũseo wĩanĩ wake w’onthe, ũla wĩthĩnĩasya ĩtheo wa syũa, mĩthenya yonthe ya thayũ wake ũla, Ngai ũmũnengete: nũndũ ũu nĩ kĩanda kyake.</verse>
				<verse number="19">O na kĩla mũndũ ũla Ngai ũmũnengete ũthwii na syĩndũ nyingĩ, na ũmũnengete ũtonyi wa kwiĩsaa, na kwosa kĩanda kyake, na kũtana wĩanĩ wake — ũsu nĩw’o mũthĩnzĩo wa Ngai.</verse>
				<verse number="20">Nũndũ ndakalilikana mũno mĩthenya ya thayũ wake; nĩkwĩthĩwa Ngai nũmũsũngĩaa ũtanunĩ wa ngoo yake.</verse>
			</chapter>
			<chapter number="6">
				<verse number="1">Ve ũthũku ũla nonete ĩtheo wa syũa, na nĩ mũito ĩũlũ wa andũ:</verse>
				<verse number="2">mũndũ ũla Ngai ũmũnengae ũthwii, na syĩndũ mbingĩ, na ndaĩa, na kwondũ wa ũu vati kĩndũ kĩoleku kya kyonthe kĩla ũnũkwenda ũndũ wa thayũ wake, ĩndĩ Ngai ndamũnengaa ũtonyĩ wa kwiĩsaa, ĩndĩ mũeni nĩwiĩsaa; ũu nĩ mana, na nĩ ũwau mũthũku.</verse>
				<verse number="3">Ethĩwa mũndũ akasyaa syana ĩana, na kwĩkala thayũ myaka mingĩ, ũkethĩa mĩthenya ya myaka yake nĩ mingĩ, ĩndĩ thayũ wake ndusĩe ũseo, o na nde na athiki; nĩasya, kĩvuno kĩvune nĩ kavaa kwĩ we;</verse>
				<verse number="4">nũndũ nĩkyũkaa kya mana, na nĩkĩendaa kĩvindunĩ, na syĩtwa yakyo nĩyĩvw’ĩkĩtwe nĩ kĩvindu;</verse>
				<verse number="5">o na ĩngĩ kityaona syũa kana ũyĩmanya; kyu kĩ na ũthũmũo kũte ũla ũngĩ:</verse>
				<verse number="6">ĩĩ, o na kethĩwa akekala thayũ myaka ngili kũndũ, kwĩlĩ, na ndatanĩaa ũseo o na wĩva, onthe matiendaa vandũ vamwe?</verse>
				<verse number="7">Wĩa w’onthe wa mũndũ nĩ kwondũ wa kanyw’a wake, ĩndĩ nzaa yake ndĩvũnaw’a.</verse>
				<verse number="8">Nũndũ ũla mũĩ akĩlĩtye ndia na kyaũ? Kana ũla ngya e na kyaũ, ũla wĩsĩ ũndũ waĩle kũendaa mbee wa ala me thayũ?</verse>
				<verse number="9">Kwona kwa metho kwĩ kavaa kwĩ kwanganga na wendi; o na ũu nĩ mana na ta kũsemban’ya na kĩseve.</verse>
				<verse number="10">O kĩla kyaĩ kw’o, kyanengiwe syĩtwa tene mũno; na nĩkũmanyĩkĩte atĩ nĩ mũndũ; o na ndatonya kũkĩlan’ya vinya na ũla wĩ ũtonyi kwĩ we.</verse>
				<verse number="11">Nĩkwĩthĩwa kwĩ syĩndũ nyingĩ ila singĩvasya maũndũ ma mana, mũndũ ũunĩkĩte na kyaũ?</verse>
				<verse number="12">Nũndũ nũũ ũla wĩsĩ ũla ũseo kwa mũndũ thayũnĩ wake, mĩthenya yonthe ya thayũ wake wa mana ũla wanangaa ta muunyĩ? Nũndũ nũũ ũla ũtonya kũtavya mũndũ ũndũ ũkethĩwa ĩtina wake ĩtheo wa syũa?</verse>
			</chapter>
			<chapter number="7">
				<verse number="1">Syĩtwa ĩseo yĩ kavaa kwĩ mauta me vata mũno; na mũthenya wa kũkw’a wĩ kavaa kwĩ mũthenya wa kũsyawa kwa mũndũ.</verse>
				<verse number="2">Nĩ kavaa kũthi nyũmbanĩ ya kũmetea kwĩ kũthi nyũmbanĩ ya kũĩĩwa mboka: nũndũ ũu nĩ mũminũkĩlyo wa andũ onthe; na ũla wĩ thayũ akaia ũndũ ũsu ngoonĩ yake.</verse>
				<verse number="3">Woo wĩ kavaa kwĩ kũtheka; nũndũ kwondũ wa woo kwoneka ũthyũnĩ ngoo nĩnĩũtanw’a.</verse>
				<verse number="4">Ngoo ya ũla mũĩ yĩ nyũmbanĩ ya kũmetea; ĩndĩ ngoo sya ndia syĩ nyũmbanĩ ya kũtanĩa.</verse>
				<verse number="5">Nĩ kavaa kwĩw’a ũkan’yo wa ũla mũĩ, kwĩ mũndũ kwĩw’a wathi wa ndia.</verse>
				<verse number="6">O tondũ kũilyĩ kũlalamũka kwa mĩw’a ungu wa mbisũ, o ta ũu now’o kũilyĩ kũtheka kwa ndia; o na ũu naw’o nĩ mana.</verse>
				<verse number="7">Vate ndĩi kũvutana nĩkũmũtw’ĩkĩthasya mũndũ mũĩ mũtumanu; na ĩvaki nĩyanangaa ũmanyi.</verse>
				<verse number="8">Mũminũkĩlyo wa ũndũ nĩ kavaa kwĩ wambĩlĩlyo; na mũmĩĩsya vevanĩ nĩ kavaa kwĩ mwĩkathĩĩi vevanĩ.</verse>
				<verse number="9">Ndũkethĩwe wĩ mĩtũkĩ kũthata vevanĩ waku; nũndũ ũthatu wĩkalaa kĩthũinĩ kya ndia.</verse>
				<verse number="10">Ndũkasye, Kĩtumi nĩ kyaũ kya mĩthenya ya tene kwĩthĩwa kavaa kwĩ ĩno? Nũndũ ndũkũlasya na ũĩ ũndũnĩ ũsu.</verse>
				<verse number="11">Ũĩ nĩ mũseo o ta ũtiĩwa; nĩ mũseo mbee kwa ala monaa syũa.</verse>
				<verse number="12">Nũndũ ũĩ nĩ ũsũvĩo, o tondũ mbesa nĩ ũsũvĩo; ĩndĩ ũseo mũnene wa ũmanyi nĩ, atĩ ũĩ nũsũvĩaa thayũ wa ũla wĩ naw’o.</verse>
				<verse number="13">Sũanĩa wĩa wa Ngai: nũndũ nũũ ũtonya kũlũngalya kĩla we wathyoekisye?</verse>
				<verse number="14">Mũthenya wa ũunĩko tana, na mũthenya wa ũkya sũania; ĩĩ, Ngai nũseũvĩtye ũmwe ũkwatene na ũla ũngĩ, nĩ kana mũndũ ndakamanye ũndũ o na wĩva, ũla ũkethĩwa ĩtina.</verse>
				<verse number="15">Ũũ w’onthe nĩnonete mĩthenyanĩ yakwa ya mana: ve ũndũ mũlũngalu ũla waaa ũlũngalunĩ wake, na ve mũndũ mũthũku ũla ũasavasya thayũ wake o akĩka ũthũku.</verse>
				<verse number="16">Ndũkethĩwe na ũlũngalu mũvĩtũku; na ndũkethĩwe na ũĩ mũvĩtũku: wĩyanangĩa mwene kĩ?</verse>
				<verse number="17">Ndũkethĩwe na ũthũku mũvĩtũku, o na ndũkethĩwe wĩ mũtumanu: wĩkw’a ĩvinda yaku yĩte ĩviku nĩkĩ?</verse>
				<verse number="18">Nĩ ũseo ũkwate ũndũ ũũ; ĩĩ, o na ndũkatũnge kw’oko kwaku kuma ũndũnĩ ũya: nũndũ ũla ũmũkĩaa Ngai akeeyumya nthĩnĩ wa asu onthe.</verse>
				<verse number="19">Uĩ nĩ vinya kwa mũndũ ũla wĩ na ũĩ kũvĩtũka asumbĩki ĩkũmi ala me ndũani.</verse>
				<verse number="20">Vate ndĩi kũti mũndũ mũlũngalũ ĩũlũ wa nthĩ, ũla wĩkaa nesa, ũteka naĩ.</verse>
				<verse number="21">O na ndũkethukĩĩsye ndeto syonthe ila ĩneenawa, ndũkese kwĩw’a mũthũkũmĩ waku akĩũuma;</verse>
				<verse number="22">nũndũ mavinda maingĩ ngoo yaku nayo nĩyĩsĩ kana we mwene nũumĩte angĩ.</verse>
				<verse number="23">Ũu w’onthe nĩndatĩte kwa ũĩ: naisye, ngeethĩwa nĩ mũĩ; ĩndĩ waĩ kũasa nakwa.</verse>
				<verse number="24">Ũla wĩ kw’o, wĩ kũasa na ũliku mũno; nũũ ũtonya kũmanya?</verse>
				<verse number="25">Nĩneethyũũie, na ngoo yakwa yaiwa kũmanya na kũthiana, na kũmantha ũĩ na kĩtumi kya maũndũ, na kũmanya kana ũthũku nĩ ũtumanu, na ũtumanu naw’o nĩ ũũũki.</verse>
				<verse number="26">Nakwa nĩngwona wĩ ũũ kwĩ kĩkw’ũ mũndũ mũka ũla ngoo yake yĩ itei na mĩkwa, na moko make nĩ syĩndũ sya kwova nasyo: o ũla ũmwendeeasya Ngai akavonoka kuma vala ũĩ; ĩndĩ mũndũ mwathe akakwatwa nĩwe.</verse>
				<verse number="27">Sisya, nĩnonete ũu, easya Mũtavan’ya, ngĩthiman’ya ũndũ ũmwe na ũla ũngĩ, nĩmanye kĩtumi;</verse>
				<verse number="28">Ũndũ ũla ngoo yakwa yendaa kũmantha ĩndĩ ndĩnamba kũwona: mũndũ mũũme ũmwe katĩ wa ngili nĩnonete; ĩndĩ mũndũ mũka katĩ wa asu onthe ndyaona.</verse>
				<verse number="29">Sisya, ũndũ ũla nonete nĩ ũũ: Ngai nĩwombie mũndũ e mũlũngalu; ĩndĩ nĩmamanthaa makosokoso maingĩ.</verse>
			</chapter>
			<chapter number="8">
				<verse number="1">Nũũ ũilyĩ ta mũndũ mũĩ? Na nũũ ũla wĩsĩ ũalyũlo wa ũndũ? Ũĩ wa mũndũ nũtisangĩthasya ũthyũ wake, na wũmũ wa ũthyũ wake ũkĩalyũka.</verse>
				<verse number="2">Nĩngũkũtaa, Kwata mwĩao wa mũsumbĩ nũndũ wa kũmwĩavĩa Ngai.</verse>
				<verse number="3">Ndũkekalaate kuma vala ũĩ: ndũkething’ĩĩsye ũndũnĩ ũthũku: nũndũ nĩwĩkaa o ũndũ ũla ũmwendeeasya.</verse>
				<verse number="4">Nũndũ ndeto ya mũsumbĩ yĩ na vinya; na nũũ ũtonya kũmwĩa, Wĩĩka ata?</verse>
				<verse number="5">O ũla ũkakwata mwĩao ndakamanya ũndũ ũthũku; na ngoo ya mũndũ mũĩ nĩmanyaa ĩvinda na ũsilĩlo:</verse>
				<verse number="6">nũndũ kwondũ wa kĩla ũndũ kwĩ ĩvinda na ũsilĩlo; nĩkwĩthĩwa thĩna wa mũndũ nĩ mũnene ĩũlũ wake:</verse>
				<verse number="7">nũndũ ndesĩ ũla ũkethĩwa; nũndũ nũũ ũtonya kũmũtavya kũkethĩwa ata?</verse>
				<verse number="8">Vati mũndũ ũla wĩ na vinya ĩũlũ wa veva, wa kũsiĩĩa veva; o na nde na vinya ĩũlũ wa mũthenya wa kĩkw’ũ; na vati kũvutwa kaũnĩ; o na ũthũku ndũkamũvonokya ũla wenenganie kwaw’o.</verse>
				<verse number="9">Ũũ w’onthe nĩnonete, na neekĩa ngoo yakwa kĩla wĩanĩ ũla ũtethaw’a ĩtheo wa syũa; kwĩ ĩvinda yĩla mũndũ ũmwe wĩ na vinya ĩũlũ wa ũngĩ na akĩyĩka ũthũku.</verse>
				<verse number="10">Na ĩndĩ noona ala athũku mathikwa nthĩ, na mooka mathikonĩ; na ala meekie ũseo maumie vandũ vatheu, na moola ndũanĩ: o na ũu naw’o nĩ mana.</verse>
				<verse number="11">Nĩkwĩthĩwa ũtwi ũla ũtusĩaw’a wĩa mũthũku ndwĩanĩaw’a mĩtũkĩ, kwondũ wa ũu ngoo sya ana ma andũ nilũmĩtw’e syĩke ũthũku.</verse>
				<verse number="12">O na ethĩwa mũndũ mwathe akeeka ũthũku mavĩnda ĩana, na kwongeleela mĩthenya yake, ĩndĩ vate ndĩi nĩnĩsĩ kũkeethĩwa ũseo kwa ala makĩaa Ngai, ala makĩaa mbee wake:</verse>
				<verse number="13">ĩndĩ kũtikethĩwa ũseo kwa ũla mũthũku o nake ndakongeleela mĩthenya yake, ĩla ĩilyĩ ta muunyĩ; nĩkwĩthĩwa ndakĩaa Ngai.</verse>
				<verse number="14">Kwĩ ũndũ wa mana ũla wĩkawa ĩũlũ wa nthĩ, atĩ nĩkwĩkĩkaa kwa andũ alũngalu kwĩanana na wĩa wa ala athũku: na ĩngĩ, nĩkwĩkĩkaa kwa andũ athũku kwĩanana na wĩa wa ala alũngalu: naisye o na ũu naw’o nĩ mana.</verse>
				<verse number="15">Nĩvo ĩndĩ nataĩe ũtanu, nĩkwĩthĩwa mũndũ nde na ũndũ ũseo mbee ĩtheo wa syũa kwi kũya, na kũnyw’a, na kũtana: nũndũ ũndũ ũsu ũkekalaa nake wĩanĩ wake mĩthenya yonthe ya thayũ wake ũla Ngai ũmũnengete ĩtheo wa syũa.</verse>
				<verse number="16">Yĩla nanenganie ngoo yakwa ĩmanye ũĩ, na kwona maũndũ ala mekawa ĩũlũ wa nthĩ (nĩkwĩthĩwa ve ũla ũtaona too na metho make mũthenya kana ũtukũ),</verse>
				<verse number="17">nĩvo ĩndĩ noonĩe wĩa w’onthe wa Ngai, atĩ mũndũ ndatonya kũmanya wĩa ũla ũtethaw’a ĩtheo wa syũa: nĩkwĩthĩwa o na mũndũ akethĩn’ya ata kũmantha, ndakawona; ĩĩ o na mbee wa ũu, o na ethĩwa mũndũ mũĩ nũsũanĩaa kũmanya ndakatonya kũwona.</verse>
			</chapter>
			<chapter number="9">
				<verse number="1">Ũu w’onthe naia ngoonĩ yakwa, o kũmantha ũũ w’onthe: atĩ ũla mũlũngalu, na ũla mũĩ, na mawĩa moo me mokonĩ ma Ngai; ethĩwa nĩ wendo kana kĩmena, mũndũ ndawĩsĩ; w’onthe wĩ mbee woo.</verse>
				<verse number="2">Maũndũ onthe mokaa ũndũ ũmwe kwa onthe; ve ũndũ ũmwe kwa ũla mũlũngalu na kwa ũla mũthũku; kwa ũla mũseo na kwa ũla mũtheu na ũla mũvuku; kwa ũla ũthembaa na kwa ũla ũtathembaa; o tondũ ũla mũseo ũilyĩ, now’o mũndũ mwathe ũilyĩ; na ũla wĩvĩtaa, o ta ũla ũkĩaa wĩvĩto.</verse>
				<verse number="3">Ũũ nĩ ũthũku maũndũnĩ onthe ala mekawa ĩtheo wa syũa, atĩ kwĩ ũndũ ũmwe kwa onthe: ĩĩ o na ĩngĩ ngoo sya ana ma andũ nĩsyusũĩte ũthũku, na ũũũki wĩ ngoonĩ syoo yĩla me thayũ, na ĩtina wa ũu maendaa vala ve akw’ũ.</verse>
				<verse number="4">Indĩ kwa ũla ũkwatene na onthe ala me thayũ kwĩ wĩkwatyo; nũndũ ngitĩ yĩ thayũ yĩ kavaa kwĩ mũnyambũ mũkw’ũ.</verse>
				<verse number="5">Nũndũ ala me thayũ mesĩ makakw’a; ĩndĩ ala akw’ũ matyĩsĩ ũndũ o na wĩva, o na mati na ĩtũvi ĩngĩ; nũndũ kũlilikanwa kwoo nĩkũlaa.</verse>
				<verse number="6">Wendo woo, o na kĩmena kyoo na kĩwĩu kyoo, nĩsyaaie tene mũno; o na mati na kĩanda ĩngĩ tene na tene ũndũnĩ o na wĩva ũla wĩkawa ĩtheo wa syũa</verse>
				<verse number="7">Ĩendee, ya kĩmũtũ kyaku na ũtanu, na nyw’a mbinyu yaku na ngoo ndanu; nũndũ Ngai nĩwĩtĩkĩlĩte mawĩa maku.</verse>
				<verse number="8">Ngũa syaku nĩsyĩthĩwe syĩ nzaũ mavinda onthe; na mũtwe waku ndũkaanyĩvĩwe nĩ mauta.</verse>
				<verse number="9">Ĩkala na ũtanu na kĩveti kĩla ũkyendete mĩthenya yonthe ya thayũ waku wa mana, ũla ũkũnengete ĩtheo wa syũa, mĩthenya yaku yonthe ya mana: nũndũ kyu nĩ kĩanda kyaku wĩ thayũ, na wĩanĩ waku ũla ũtethasya ĩtheo wa syũa.</verse>
				<verse number="10">O ũla kw’oko kwaku kwona wa kwĩka, ĩka na vinya waku, nũndũ kũti wĩa kana ũsũanĩo, kana ũmanyi, kana ũĩ, Seoli vala ũendete.</verse>
				<verse number="11">Nĩneethyũũie, na noona ĩtheo wa syũa, kana kũsemba ũkĩlanyonĩ ti kwa ala me mĩtũkĩ, kana kũkita kwa ala me vinya, o na kĩmũtũ kwa ũla mũĩ, o na ũthwii kwa andũ me na ũmanyi, kana ũseo kwa ala me na ũtũĩka; ĩndĩ ĩvinda na ĩvuso nĩsyĩkĩkaa kwa onthe.</verse>
				<verse number="12">Nũndũ mũndũ nake ndamanyaa ĩvinda yake: ta makũyũ ala makwataw’a kĩteinĩ kĩthũku, na ta nyũnyi ila ikwataw’a na ĩkenge, o ta ũu ana ma andũ makwataw’a ĩvinda ĩthũku, yĩla yĩmavalũkĩlaa na kĩthũlũmũko.</verse>
				<verse number="13">O na nĩnonete ũĩ ĩtheo wa syũa ta ũũ, na wooneka kwakwa ta mũnene:</verse>
				<verse number="14">Kwaĩ ndũa nini, na andũ avũthũ nthĩnĩ wayo; na kwookie mũsumbĩ mũnene kũkita nayo, na amĩtw’ĩkanĩsya, na amyakĩĩa maũvai matũlu.</verse>
				<verse number="15">Na nthĩnĩ wayo kwoonekie mũndũ mũĩ ngya, nake kwondũ wa ũĩ wake amĩvonokya ĩ ndũa; ĩndĩ vatyaĩ mũndũ waalilikana mũndũ ũsu ngya.</verse>
				<verse number="16">Nĩvo ĩndĩ naisye, Ũĩ nĩ kavaa kwĩ vinya, o na ũu w’onthe ũĩ wa mũndũ ũsu ngya nũvũthaw’a, na ndeto syake ityĩthukĩĩw’a.</verse>
				<verse number="17">Ndeto sya ũla mũĩ ikĩthukĩĩw’a na ũuu nĩ kavaa kwĩ kĩlonzo kya ũla ũsumbĩkaa katĩ wa ndia.</verse>
				<verse number="18">Ũĩ wĩ kavaa kwĩ mĩio ya kaũ; ĩndĩ mũndũ ũmwe mwathe nĩwanangaa ũseo mwingĩ.</verse>
			</chapter>
			<chapter number="10">
				<verse number="1">Ngi ngw’ũ nitumaa mauta ma mũseũvya wa syĩndũ ĩla ĩnyungaa nesa maumya mũuke mũthũku; o ta ũu ũtumanu mũnini nũvĩtĩte ũĩ na ndaĩa.</verse>
				<verse number="2">Ngoo ya mũndũ mũĩ yĩ kw’okonĩ kwake kwa aũme, ĩndĩ ngoo ya ndia yĩ kw’okonĩ kwayo kwa aka.</verse>
				<verse number="3">Ĩĩ, o na ĩngĩ, yĩla ndia ĩendete na nzĩa, ũmanyi wayo nũmĩnyivĩaa, nayo ĩtavasya kĩla mũndũ kana nĩ ndia.</verse>
				<verse number="4">Ethĩwa veva wa mũsumbĩki nũũkũkĩlĩla ndũkaume vandũ vaku; nũndũ ũuu nũvoovasya movĩtyo manene.</verse>
				<verse number="5">Kwĩ ũthũku ũla nonete ĩtheo wa syũa, naw’o nĩ ĩvĩtyo yĩla yũmaa kwa mũsumbĩki:</verse>
				<verse number="6">ũtumanu nĩwiĩtwe motũlunĩ manene, na athwii mekalaa vandũ va ĩtheo.</verse>
				<verse number="7">Nĩnonete athũkũmi makuĩtwe nĩ mbalasi, na anene me mbee ũsumbĩnĩ makĩthi na maũũ ĩũlũ wa nthĩ ta athũkũmi.</verse>
				<verse number="8">Ũla wĩĩnza ĩima akavalũka nthĩnĩ wayo; na o ũla wĩvũthũa wako nzoka ĩkamũũma.</verse>
				<verse number="9">O ũla walasya mavia akakũnwa nĩmo; na ũla watũaa mĩtĩ elikasya mũisyonĩ.</verse>
				<verse number="10">Ethĩwa kĩaa nĩ kĩtuvu, na mũndũ ndakĩnoaa, nĩvo ĩndĩ mũvaka ongeleele vinya: ĩndĩ ũĩ nĩwaĩlaa kwa kũvota.</verse>
				<verse number="11">Ethĩwa nzoka nĩyaũma ĩtanamba kũvoovw’a nĩvo ĩndĩ kũti ũtandĩthyo wa mũvoosya.</verse>
				<verse number="12">Ndeto sya kanyw’a wa mũndũ mũĩ nĩ nzeo; ĩndĩ ilomo sya ndia ĩkamĩmelya.</verse>
				<verse number="13">Wambĩlĩlyo wa ndeto sya kanyw’a wayo nĩ ũtumanu; na mũminũkĩlyo wa kũneena kwayo nĩ ũũũki mũthũku.</verse>
				<verse number="14">O na ndia nĩyingĩvasya ndeto: ĩndĩ mũndũ ndamanya ũndũ ũkethĩwa; na ũndũ ũla ũkethiwa ĩtina wake, nũũ ũtonya kũmũtavya?</verse>
				<verse number="15">Wĩa wa ndia nũnoasya kĩla ĩmwe yasyo; nũndũ ndĩsĩ ũndũ ĩtonya kũthi ndũanĩ.</verse>
				<verse number="16">Woo nĩ waku, we nthĩ, yĩla mũsumbĩ waku nĩ kana, na anene maku me mbee ũsumbĩnĩ maĩsaa kĩoko!</verse>
				<verse number="17">Wĩ na ũtanu, we nthĩ, yĩla mũsumbĩ waku nĩ mwana wa andũ me ndaĩa, na anene maku me mbee ũsumbĩnĩ maĩsaa ĩvinda yaw’o, ũndũ wa vinya, na ti ũndũ wa ũthengi!</verse>
				<verse number="18">Nũndũ wa ũtulu kĩala nĩkĩlikaa nthĩnĩ; na kwondũ wa ũtulu wa moko nyũmba nĩyuasya.</verse>
				<verse number="19">Mboka nĩvokawa ũndũ wa kũtheka, na mbinyu nĩtanasya thayũ; na mbesa nisũngĩaa maũndũ onthe.</verse>
				<verse number="20">Ndũkamũume mũsumbĩ, aiee, ndũkamũume ũsũanĩonĩ waku; na ndũkaumĩe mũthwii wĩ kasũmbanĩ kaku ka ũkoma: nũndũ nyũnyi ya matunĩ ĩkakua wasya, na kĩla kĩ nthwau kĩkatavan’ya ũvoo ũsu.</verse>
			</chapter>
			<chapter number="11">
				<verse number="1">Ĩkya kĩmũtũ kyaku ĩũlũ wa manzĩ; nũndũ ũkakyona ĩtina wa mĩthenya mingĩ.</verse>
				<verse number="2">Nenga andũ mũonza kĩlungu, ĩĩ, o na nyanya; nũndũ ndwĩsĩ ũthũku ũla ũkethĩwa ĩũlũ wa nthĩ.</verse>
				<verse number="3">Ethĩwa mathweo nĩmausũĩtwe nĩ mbua, nĩmekwonosya manzĩ mamo ĩũlũ wa nthĩ; na ethĩwa mũtĩ nũũvalũka kwelekela ngalĩ ya ĩtheo, kana kwelekela ngalĩ ya ĩũlũ, vandũ, vala mũtĩ wĩvalũka, vu novo ũkethĩwa.</verse>
				<verse number="4">Ũla ũsiasya kĩseve ndakavuĩa; na ũla ũsiasya mathweo ndakaketha.</verse>
				<verse number="5">O ũndũ ũtesĩ nzĩa ya kĩseve, kana ũndũ mavĩndĩ meanaa ĩvunĩ ya ũla mũito; o ta ũu ndwĩsĩ wĩa wa Ngai ũla wĩkaa maũndũ onthe.</verse>
				<verse number="6">Kĩoko vuĩa mbeũ syaku, na wĩoo ndũkasiĩĩe kw’oko kwaku; nũndũ ndwĩsĩ ila ikaĩla, ethĩwa nĩ ii kana iya, kana ethĩwa syelĩ ikeethĩwa nzeo ũndũ ũmwe.</verse>
				<verse number="7">Nĩ w’o kyeni kĩ mũyo, na kũsisya syũa nĩkwendeeasya metho.</verse>
				<verse number="8">Ĩĩ, ethĩwa mũndũ akekala thayũ myaka mingĩ, natane nthĩnĩ wayo yonthe; ĩndĩ nalilikane mĩthenya ya kĩvindu, nũndũ ĩkeethĩwa mingĩ. Kyonthe kĩla kyũkaa nĩ mana.</verse>
				<verse number="9">Tana, we mwanake, wananĩ waku, na ngoo yaku ĩkũtan’ye mĩthenya ya wana waku, na kinya nzĩanĩ sya ngoo yaku, na kwonanĩ kwa metho maku; ĩndĩ manya we, Ngai akakũete ũsilĩlonĩ ũndũ wa maũndũ asu onthe.</verse>
				<verse number="10">Kwondũ wa ũu veta woo ngoonĩ yaku, na ĩkya kũasa ũthũku kuma mwĩĩnĩ waku; nũndũ wana na ũika wa thayũ nĩ mana.</verse>
			</chapter>
			<chapter number="12">
				<verse number="1">O na lilikana Mũmbi waku mĩthenya ya wana waku mĩthenya mĩthũku ĩtanamba kũka, na myaka ĩthengeea, yĩla ũkasya, Ndi na ũtanu nthĩnĩ wayo;</verse>
				<verse number="2">syũa, na kyeni na mwei, na ndata itanamba kũya kĩvindu, na mathweo kũsyoka ĩtina wa mbua;</verse>
				<verse number="3">mũthenya ũla asũvĩi ma nyũmba makatetema, na andũ me vinya makekunamya, na ala mathiaa maieka nũndũ nĩ avũthũ, na ala mesyaĩlya mbũthinĩ makethĩwa na kĩvindu,</verse>
				<verse number="4">na mĩomo ĩkavĩngwa nzĩanĩ nene; yĩla wasya wa kũthia wĩnyiva, na ũmwe akookĩlw’a nĩ wasya wa nyũnyi, na eĩtu onthe ma kwina makatheew’a vyũ;</verse>
				<verse number="5">ĩĩ, makakĩa kĩla kĩ ĩũlũ, na motĩsyo makeethĩwa nzĩanĩ; na mũtĩ wa mũlosi ũkalaũka, na kĩtoolĩ kĩkeethĩwa mũio, na kĩla kĩkwendwa kĩkaa; nũndũ mũndũ nũendaa mũsyĩ wake wa tene na tene, na ala mametaa nĩmangangaa nzĩanĩ nene:</verse>
				<verse number="6">ũlii wa vetha ũtanamba kũthaw’a, kana mbakũli ya thaavu kũawa, kana kĩtete kũaĩwa nthongonĩ, kana ndĩa kũtw’ĩkĩa kĩthimanĩ,</verse>
				<verse number="7">na kĩtoo kĩisyoka nthĩ o ũndũ kyailyĩ, na veva kũsyoka kwa Ngai ũla wonenganie.</verse>
				<verse number="8">No mana, mana vyũ, easya ũu Mũtavan’ya, onthe nĩ mana.</verse>
				<verse number="9">Na ũndũ ũngĩ, nĩkwĩthĩwa Mũtavan’ya aĩ mũĩ, aendeea na kũmanyĩsya andũ ũmanyi; ĩĩ, nĩwasũanĩaa, na kũmantha, na kwaĩĩa nthimo nyingĩ.</verse>
				<verse number="10">Mũtavan’ya nĩwatatie kwona ndeto syĩ mũyo, na ũvoo ũla ũandĩkĩtwe ũlũngalunĩ, o ndeto sya w’o.</verse>
				<verse number="11">Ndeto sya ũla mũĩ iilyĩ ta mĩsenge; na ndeto sya anene ala mombanasya, ila syumaw’a nĩ mũĩthi ũmwe no ta mĩsumaa ĩathĩĩtwe.</verse>
				<verse number="12">Na mbee wa ũu, mwana wakwa, taĩka; kũti mũminũkĩlyo wa kũseũvya mavuku maingĩ; na kwĩmanyĩsya mũno nĩ mĩnoo ya mwĩĩ.</verse>
				<verse number="13">Ũũ nĩw’o mũminũkĩlyo wa ũvoo; w’onthe nĩwĩw’ĩkĩte: Kĩa Ngai, na kwata mĩao yake; nũndũ ũu nĩw’o ũndũ w’onthe waĩlĩte kwĩkawa nĩ mũndũ.</verse>
				<verse number="14">Nũndũ Ngaĩ akaete kĩla wĩa ũsilĩlonĩ, vamwe na kĩla ũndũ ũvithĩtwe, ethĩwa nĩ ũseo kana ethĩwa nĩ ũthũku.</verse>
			</chapter>
		</book>
		<book number="22">
			<chapter number="1">
				<verse number="1">Wathi wa mbathi, ũla wa Solomoni.</verse>
				<verse number="2">We namumunye nyie na momumunyo ma kanyw’a wake: Nũndũ wendo waku wĩ kavaa kwĩ mbinyu.</verse>
				<verse number="3">Mauta maku me mũuke mũseo; Syĩtwa yaku nĩ ta mauta metĩkye; Kwondũ wa ũu eĩtu atheu nĩmakwendaa.</verse>
				<verse number="4">Ngusya; naitũ nĩtũũkũvikĩla tũsembete: Mũsumbĩ nĩwandetie tũsũmbanĩ twake; Tũkatana na kũkwĩw’ĩa mũyo; Tũkaweta wendo waku kũte mbinyu: Nĩmakwendaa na w’o.</verse>
				<verse number="5">Nyie nĩ mwiũ, ĩndĩ nĩ mũmbe nesa, Inyw’ĩ eĩtu ma Yelusaleme, O ta maeema ma Ketali, O ta ngũa sya ũtũta sya Solomoni.</verse>
				<verse number="6">Ndũkanzisye, nĩkwĩthĩwa nĩ mũtune, Nũndũ syũa nĩyĩmbĩvĩtye. Ana‐a‐ia makwa nĩmanthatĩe; Mandw’ĩte mũsũvĩi wa miũnda ya mĩsavivũ; Ĩndĩ mũũnda ũla wakwa mwene ndyaosũvĩa.</verse>
				<verse number="7">Ndavya, we ũla ngoo yakwa yendete, Vala ũĩthasya ĩĩthya yaku ya mbũi na malondu, Vala ũtindiasya mũthenya katĩ: Nũndũ wa kĩ nĩilyĩ ta ũmwe ũla ũvw’ĩkĩte ũthyũ suka mũvũthũ Ũtee wa ĩĩthya ya mbũi na malondũ ya atindan’ya maku?</verse>
				<verse number="8">Ethĩwa ndwĩsĩ, we ũla wĩ mwanakavu kũvĩtũka aka ala angĩ, Ĩendee umaalĩte na malata ma ndĩthya ya mbũi na malondu, Na ũiĩthya tũtenatwaku twambũi ũtee wa maeema ma aĩthi.</verse>
				<verse number="9">Ngũvw’anen’ye, we mwendwa wakwa, Na mbalasi yĩ makasyanĩ ma Valao.</verse>
				<verse number="10">Matau maku nĩ manake nĩ mũvĩndĩle wa nzw’ĩĩ, Ngingo yaku, na ndii syĩ na tũvila twĩ thooa mũnene.</verse>
				<verse number="11">Tũkakũvĩndanĩsya tũkanda twa thaavu, Twĩ na ivungo sya vetha.</verse>
				<verse number="12">Yĩla mũsumbĩ wailyĩ mesanĩ yake, Manukato makwa nĩmataavũkie mũuke wamo mũseo.</verse>
				<verse number="13">Mwendwa wakwa kwakwa nĩ ta kakusu ka manemane, Kala kaiĩtwe katĩ wa nondo syakwa.</verse>
				<verse number="14">Mwendwa wakwa kwakwa nĩ ta kitũngo kya malaa ma mũena Mĩũndanĩ ya mĩsavivũ ya Eni‐ngeti.</verse>
				<verse number="15">Sisya, wĩ mwanakavu; mwendwa wakwa; Sisya, wĩ mwanakavu; Metho maku nĩ ta ma mavũĩ.</verse>
				<verse number="16">Sisya, wĩ mwanakavu, mwendwa wakwa, ĩĩ, wa kwendeesya: O na ĩngĩ ũkomo witũ wĩ langi wĩ kĩsũnzũni.</verse>
				<verse number="17">Mĩamba ya nyũmba yaitũ nĩ ya mĩtĩ ya mĩkũũ, Mĩtĩ ya kĩala nĩ ya mĩtĩ ya mĩsonovali.</verse>
			</chapter>
			<chapter number="2">
				<verse number="1">Nyie nĩ ĩlaa ya lose ya Saloni, Ĩlaa ya lili ya myandanĩ.</verse>
				<verse number="2">Ta ĩlaa ya lili katĩ wa mĩw’a, Now’o mwendwa wakwa ũilyĩ katĩ wa eĩtu.</verse>
				<verse number="3">O tondũ mũtĩ wa mũevo ũtilyĩ katĩ wa mĩtĩ ya kĩthekanĩ, Now’o mwendwa wakwa ũilyĩ katĩ wa ana aũme. Nĩnekalile nthĩ ĩtheo wa muunyĩ wake nĩ na mũyo mũnene, Na matunda make maĩ mũyo mũsamonĩ wakwa.</verse>
				<verse number="4">Andetie nyũmbanĩ ya mboka, Na kĩvevelo kyake ĩũlũ wakwa kyaĩ kya wendo.</verse>
				<verse number="5">Mbĩkĩai vinya na tũkũmbwa twa nzavivũ mbovu, mbuũkyai na ũsyao wa mũevo; Nũndũ nĩwaĩtw’e nĩ wendo.</verse>
				<verse number="6">Kw’oko kwake kwa aka kwĩ ungu wa mũtwe wakwa, Na kw’oko kwake kwa aũme nĩkwĩmbĩtĩĩsye.</verse>
				<verse number="7">Nĩngũmũavĩthya inyw’ĩ, eĩtu ma Yelusaleme, Na nthwaia nga, kana na ndaatai nga sya kĩthekanĩ, Mũtikamũthũlũmũe, kana ũmũamũkya mwendwa wakwa, Kũvika endeew’a.</verse>
				<verse number="8">Wasya wa mwendwa wakwa! Sisya, nĩwũkĩte, Akĩtũlĩlanga ĩũlũ wa iĩma, Kũthakathaka ĩũlũ wa tũlĩma.</verse>
				<verse number="9">Mwendwa wakwa atilyĩ ta nthwaia nga kana ndaatai nzamba ya mũika: Sisya, aũngamĩte ngalĩ ĩya ya wako witũ; Aisyaĩlya nthĩnĩ mbũthinĩ; Atemethelya metho mĩtĩnĩ mĩkelangan’ye.</verse>
				<verse number="10">Mwendwa wakwa nĩwaneenie, na ambĩa, Ũkĩla, mwendwa wakwa, mbanake yakwa, na kwĩendea.</verse>
				<verse number="11">Nũndũ, sisya, ĩvinda ya mbevo nĩ ĩvĩtu; Mbua nĩ mbĩtu na ĩkathi;</verse>
				<verse number="12">Malaa nĩ moneku ĩũlũ wa nthĩ; Ĩvinda ya kwina ya nyũnyi nĩ yũku, Na wasya wa ndumbũ nũkwĩw’ĩka nthĩ yaitũ;</verse>
				<verse number="13">Mũkũyũ nĩwĩw’ĩte makũyũ maw’o methĩ, Na mĩsavivũ nĩ mĩlaũku; Nĩyataavũkĩte mĩuke yayo mĩseo. Ũkĩla, mwendwa wakwa, mbanake yakwa, na kwĩendea.</verse>
				<verse number="14">We ĩvũĩ yakwa, wĩ mĩvatĩnĩ ya ivĩsĩ, Wĩvithonĩ wĩ kĩvaũũkonĩ, Eka nzisye ũthyũ waku, Eka nĩw’e wasya waku; Nũndũ wasya waku wĩ mũyo, na ũthyũ waku nĩ mwanake.</verse>
				<verse number="15">Tũkwate mbĩwa, mbĩwa ila nini, Ila syanangaa mĩũnda ya mĩsavivũ; Nũndũ mĩũnda yaitũ ya mĩsavivũ nĩ mĩlaũku.</verse>
				<verse number="16">Mwendwa wakwa nĩ wakwa, nakwa nĩ wake: Eĩthya ndĩthya yake ya mbũi na malondu katĩ wa malaa ma lili.</verse>
				<verse number="17">Kũvika syũa yausya, na myuunyĩ yalalĩla, Ĩthyũũe, mwendwa wakwa, na ĩthĩwa ta nthwaia nga kana ndaatai nzamba ya mũika Ĩũlũ wa iĩma sya Mbetheli.</verse>
			</chapter>
			<chapter number="3">
				<verse number="1">Ũtukũ nĩ ũkomonĩ wakwa Nĩmũmanthie ũla ngoo yakwa yendete: Nĩmũmanthie, ĩndĩ ndinamwona.</verse>
				<verse number="2">Nasya, nĩngũkĩla yu, na ngĩthi ngangange ndũanĩ; Nzĩanĩ nene na nzĩanĩ mbaamu Ngamũmantha ũla ngoo yakwa yendete: Namũmantha, ĩndĩ ndinamwona.</verse>
				<verse number="3">Asyaĩĩsya ala mangangaa ndũanĩ mambona; Kwa asu nameie, Nĩmwamwona ũla ngoo yakwa yendete?</verse>
				<verse number="4">Kwaĩ o kavinda kanini namatia, Yĩla namwonie ũla ngoo yakwa yendete: Namũkwatie, na ndyaamũeka athi, Kũvika namũete nyũmbanĩ ya inyia wakwa, Na kasũmbanĩ ka ũla wangitavie.</verse>
				<verse number="5">Nĩngũmũavĩthya, inyw’ĩ eĩtu ma Yelusaleme, Na nthwaia nga kana ndaatai nga sya kĩthekanĩ, Kana mũikamũthũlũmũe, kana kũmũamũkya mwendwa wakwa, Kũvika endeew’a.</verse>
				<verse number="6">Ũũ nũũ ũla wambatĩte kuma weũnĩ Ta ituĩ sya syũki, Anyungĩthĩtw’e nĩ manemane na ũvumba, Na mĩtĩ yonthe ya mũthoosya ĩla ĩnyungaa nesa?</verse>
				<verse number="7">Sisya, nĩ mũsekeseke wa Solomoni; Andũ mĩongo thanthatũ ngũmbaũ moothyũlũlũkĩte, Ma andũ ngũmbaũ sya Isilaeli.</verse>
				<verse number="8">Onthe nĩ akwati ma ũvyũ, na nĩ ai kaũnĩ: Kĩla mũndũ e na ũvyũ wake kĩnyunyunĩ kyake, Nũndũ wa w’ĩa ũtukũ.</verse>
				<verse number="9">Mũsumbĩ Solomoni eeseũvĩsya ĩsela ya kĩũsumbĩ Ya mũtĩ wa Levanoni.</verse>
				<verse number="10">Aseũvĩsya itũĩ syayo sya vetha, Ĩtina yayo ya thaavu, na wikalo wayo wa ngũa ĩtilyĩ ndune, Nthĩnĩ wayo vanakavĩtw’e na wendo, Waumĩte eĩtunĩ ma Yelusaleme.</verse>
				<verse number="11">Umaalai, inyw’ĩ eĩtu ma Saioni, na mũkyona mũsumbĩ Solomoni, E na ngovia ya ũsumbĩ ĩla inyia wake wamwĩkĩie Mũthenya wa kũtwaana kwake, Na mũthenya wa ũtanu wa ngoo yake.</verse>
			</chapter>
			<chapter number="4">
				<verse number="1">Sisya, we wĩ mwanakavu, mwendwa wakwa; sisya, we wĩ mwanakavu; Metho maku nĩ ta ma mavũĩ ungu wa suka waku mũvũthũ wa ũthyũ. Nzw’ĩĩ syaku nĩ ta ndĩthya ya mbũi. Ila itindiaa mwaĩĩonĩ wa kĩĩma kya Ngileati.</verse>
				<verse number="2">Maeo maku matilyĩ ta ndĩthya ya malondu maka matilĩtwe maw’ĩa mĩtũkĩ, Ala mambatĩtw’e kuma kũthambw’a, Kĩla yĩmwe yamo yĩ na mavatha, Na vati yĩmwe katĩ wamo yaakw’ĩthya.</verse>
				<verse number="3">Ilomo syaku nĩ ta ũlii mũtune mũno, Na kanyw’a waku nĩ mwanake mũno. Nthĩa syaku itilyĩ ta kĩlungu kya ĩkũngũmanga Ungu wa suka waku mũvũthũ.</verse>
				<verse number="4">Ngingo yaku ĩtilyĩ ta mwako mũtũlu wa mũnyoolo wa Ndaviti Waakiwe nũndũ wa mĩio ya kaũ, Ũla wanĩkawa tũkalo ngili, Ngao syonthe sya ngũmbaũ.</verse>
				<verse number="5">Nondo syaku syelĩ nĩ ta maswii elĩ Ala nĩ mavatha ma nthwaia, Ala maĩsaa katĩ wa malaa ma lili.</verse>
				<verse number="6">Kũvika mũthenya ũusye, na myuunyĩ yalalĩle, Ngaenda kĩĩmanĩ kĩ manemane, Na kalĩmanĩ ke ũvumba.</verse>
				<verse number="7">We wĩ mwanakavu ki, mwendwa wakwa; Na vati kalanga nthĩnĩ waku.</verse>
				<verse number="8">Ũka tũendan’ye kuma Levanoni, mũtwawa wakwa, Wĩ nakwa kuma Levanoni: Sisya kuma mũtumbĩnĩ wa Amana, Kuma mĩtumbĩnĩ ya Senili na Elimoni, Kuma ngunganĩ sya mĩnyambũ, Kuma iĩmanĩ syĩ ngo.</verse>
				<verse number="9">We nĩwakũmbaĩthisye ngoo yakwa, mwĩĩtu‐a‐ia, mũtwawa wakwa; We nĩwakũmbaĩthisye ngoo yakwa na yĩmwe ya metho maku, Na mũnyoo ũmwe wa ngingo yaku.</verse>
				<verse number="10">Wendo waku ko nĩ mũseo, mwĩĩtu‐a‐ia, mũtwawa wakwa! Wendo waku ko wĩ kavaa kwĩ mbinyu! Na mũuke wa mauta maku kwĩ mĩthemba yonthe ya mĩtĩ ĩla ĩnyungaa nesa!</verse>
				<verse number="11">Ilomo syaku, we mũtwawa wakwa, ilovotangaa ta ĩwa: Ũkĩ wa nzũkĩ na ĩia syĩ ungu wa ũĩmĩ waku; Na mũuke wa ngũa syaku ũilyĩ ta mũuke wa Levanoni.</verse>
				<verse number="12">Mũũnda mwiie nĩ mwĩĩtu‐a‐ia, mũtwawa wakwa; Mbuluti mbiie, nthongo nziĩle.</verse>
				<verse number="13">Mathongooo maku nĩ mũũnda wa makũngamanga, wĩ ũsyao wĩ vata mũno; Mũena vamwe na mĩkenge ya mĩtĩ ĩla ĩseũvw’a manukato,</verse>
				<verse number="14">Manukato na manzano, Ithua na mũtalasini, na mĩtĩ yonthe ya ũvumba; Manemane na uuti, na mĩtĩ yonthe mĩseo ĩla ĩnyungaa nesa.</verse>
				<verse number="15">We wĩ nthongo ya mĩũnda, Kĩthima kya manzĩ ma thayũ, Na tũlũsĩ tũvĩtĩtye manzĩ kuma Levanoni.</verse>
				<verse number="16">Amũka, we kĩseve kya ngalĩ ya ĩũlũ; na ũkyũka we kya ngalĩ ya ĩtheo; Uutanĩai mũũnda wakwa, nĩ kana mĩtĩ ĩla ĩnyungaa nesa ĩtaavũke. Mwendwa wakwa nĩoke mũũndanĩ wake, Na kũya matunda make me vata mũno.</verse>
			</chapter>
			<chapter number="5">
				<verse number="1">Nĩnooka mũũndanĩ wakwa, mwĩĩtu‐a‐ia, mũtwawa wakwa: Nĩnoomban’ya manemane makwa na mĩtĩ yakwa inyungaa nesa; Nĩnaĩsanĩsya ĩwa yakwa na ũkĩ wakwa wa nzũkĩ; Na nanyw’a mbinyu yakwa na ĩia yakwa. Yai, inyw’ĩ anyanyawa; Nyw’a, ĩĩ, nyw’a mũno, mwendwa wakwa.</verse>
				<verse number="2">Nĩĩ nĩnakoma, ĩndĩ ngoo yakwa nĩyĩĩamũkĩte: Nĩ wasya wa mwendwa wakwa ũla ũvingũasya, akyasya, Mbingũĩa, mwĩĩtu‐a‐ia, mwendwa wakwa, ĩvũĩ yakwa, ũtaavukw’a wakwa, Nũndũ mũtwe wakwa nĩusũĩte ĩmwe, O na nzw’ĩĩ syakwa mavoloto ma ũtukũ.</verse>
				<verse number="3">Nĩnumĩtye ngũa yakwa; nĩmĩkĩa ata? Nĩthambĩtye maũũ makwa; nĩmavukya ata?</verse>
				<verse number="4">Mwendwa wakwa ekĩie kw’oko kwake ĩimanĩ ya mũomo, Na ngoo yakwa nĩyakusĩkie nũndũ wake.</verse>
				<verse number="5">Nokĩlile kũvingũĩa mwendwa wakwa; Na moko makwa malovotangasya manemane, Na syaa syakwa manemane matweku, Ĩũlũ wa ikwati sya kĩvingi.</verse>
				<verse number="6">Navingũĩa mwendwa wakwa; Ĩndĩ mwendwa wakwa aĩ aneetulũla, na akathi. Ngoo yakwa nĩyanthelele yĩla waneenie: Nĩnamũmanthie, ĩndĩ ndyaatonya kũmwona; Namwĩta, ĩndĩ ndaanzũngĩa.</verse>
				<verse number="7">Asyaĩĩsya ala mangangaa ndũanĩ mambona, Mangũna, mambũkite; Asũvĩi ma maũvai mambuta suka wakwa.</verse>
				<verse number="8">Nĩngũmũavĩthya, eĩtu ma Yelusaleme, Ethĩwa mũkoona mwendwa wakwa, Kana mwĩmwĩa, atĩ nĩnĩwaĩtw’e nĩ wendo.</verse>
				<verse number="9">Mwendwa waku nũvĩtũkĩte ũngĩ wendawa ata, We ũla wĩ mwanakavu kũvĩtũka aka ala angĩ? Mwendwa waku nũvĩtũkĩte ũngĩ wendawa ata, Kana ũtũavĩthye ta ũu?</verse>
				<verse number="10">Mwendwa wakwa nĩ mweũ na mũtune, Mũnene mbee katĩ wa ngili ĩkũmi.</verse>
				<verse number="11">Mũtwe wake nĩ ta thaavu ũla mũseo mbee; Nzw’ĩĩ syake nĩ mbingĩ, na nziũ ta ngũngũũ.</verse>
				<verse number="12">Metho make matilyĩ ta ma mavũĩ me ũtee wa tũlũsĩ, Mathambĩtw’e na ĩia, na kwiwa nesa.</verse>
				<verse number="13">Matau make nĩ ta ĩvuĩo syĩ mĩtĩ ĩnyungaa nesa, Ta mĩthaĩĩo yĩ nyũnyi syĩ mũyo: Ilomo syake nĩ ta malaa ma lili, inyũlũlũkasya manemane matweku.</verse>
				<verse number="14">Moko make nĩ ta ngome sya thaavu syĩ na tũvila twa nzumalati ntheu tũlũmanĩtw’e iĩndĩnĩ syatw’o: Mwĩĩ wake nĩ ta maeo ma nzou manakavĩtw’e na tũvila twa savili.</verse>
				<verse number="15">Maũũ make nĩ ta ituĩ sya mavia maseo, me iĩndĩnĩ sya thaavu mũseo: Ũmbe wake ũtilyĩ Levanoni, mũseo mũno ta mĩkũũ.</verse>
				<verse number="16">Kanyw’a wake wĩ mũyo mũnene; Ĩĩ, nĩ mwanake ki. Ũũ nĩ mwendwa wakwa, na ũũ nĩ mũnyanyawa, Inyw’ĩ eĩtu ma Yelusaleme.</verse>
			</chapter>
			<chapter number="6">
				<verse number="1">Mwendwa waku aendie kũ, We mwanakavu kũvĩtũka aka ala angĩ? Mwendwa waku ethyũũĩle va, Kana tũmũmanthe vamwe naku?</verse>
				<verse number="2">Mwendwa wakwa atheeie mũũndanĩ wake, Ivũĩonĩ syĩ mĩtĩ ĩla ĩnyungaa nesa, Kwĩĩthĩsya mĩũndanĩ, na kũmban’ya malaa ma lili.</verse>
				<verse number="3">Nyie nĩ wa mwendwa wakwa, na mwendwa wakwa nĩ wakwa: Eĩthya ndĩthya yake katĩ wa malaa ma lili.</verse>
				<verse number="4">We wĩ mwanakavu, mwendwa wakwa, ta Tilisa, Wa kwendeesya ta Yelusaleme, Wa kũtĩsya ta ita syĩ na ivevelo.</verse>
				<verse number="5">Thyũũa metho maku maikanzisye, Nũndũ nĩmeũngatha. Nzw’ĩĩ syaku nĩ ta ndĩthya ya mbũĩ, Ila itindiaa mwaĩĩonĩ wa Ngileati.</verse>
				<verse number="6">Maeo maku nĩ ta ndĩthya ya malondu maka, Ala mambatĩtw’e kuma kũthambw’a; Kĩla yĩmwe yamo yĩ na mavatha, Na vati yĩmwe katĩ wamo yaakw’ĩthya.</verse>
				<verse number="7">Nthia syaku itilyĩ ta kĩlungu kya ĩkũngũmanga Ungu wa suka waku mũvũthũ.</verse>
				<verse number="8">Ve aka asumbĩ mĩongo thanthatũ, na aka ngombo mĩongo nyanya, Na eĩtu atheu matatalĩka.</verse>
				<verse number="9">Ĩvũĩ yakwa, ũtaavukw’a wakwa, no ũmwe; No ũmwe wa inyia wake; Nowe weka mũnyuve wa ũla wamũsyaie. Eĩtu mamwona, na mamwĩta mũathimwa; Ĩĩ, aka asumbĩ na aka ngombo, na mamũtaĩa.</verse>
				<verse number="10">Nũũ ũla ũsiasya ta kũikya, Mwanakavu ta mwei, Mũtheu ta syũa, Wa kũtĩsya ta ita syĩ na ivevelo?</verse>
				<verse number="11">Natheea mũũndanĩ wa mĩtĩ ya mbatani, Kũsisya ũthithinĩu wa mĩkenge mwandanĩ, Kũsisya ethĩwa mũsavivũ wĩ wenze, Na mĩkũngũmanga ĩ na malaa.</verse>
				<verse number="12">Mbee wa ndanamba kũmanya, ngoo yakwa yambĩkalya Katĩ wa makasya ma andũ makwa anene.</verse>
				<verse number="13">Syoka, syoka, we Mũsulami; Syoka, syoka, nĩ kana tũkũsisye. Nĩkĩ mũkũmũsisya Mũsulami, Ta kũsisya mũsũngĩle wa Maanaimu?</verse>
			</chapter>
			<chapter number="7">
				<verse number="1">A! Ũndũ maseũvĩte maũũ maku me iatũnĩ, we mwĩĩtu wa mũnene wĩ mbee ũsumbĩnĩ! Matako maku nĩ mavilingĩku ta tũvila twĩ thooa mũnene, Wĩa wa moko ma ndũĩka.</verse>
				<verse number="2">Mwĩĩ waku nĩ ta kĩkombe kĩvilingĩku, Kĩla nthĩnĩ wakyo mbinyu mbulan’ye ĩtanyivaa: Ĩvu yaku nĩ ta kĩvumbu kya nganũ Kĩthyũlũlũkĩtw’e na malaa ma lili.</verse>
				<verse number="3">Nondo syaku ilĩ itilyĩ ta maswii elĩ Mavatha ma nthwaia.</verse>
				<verse number="4">Ngingo yaku nĩ ta mwako mũtũlu wa mũnyoolo wa maeo ma nzou; Metho maku nĩ ta ndia ila syĩ Esivoni, Ũtee wa mbingĩlo ya Mbathi‐lavimi; Ĩnyiũũ yaku nĩ ta mwako mũtũlu wa mũnyoolo wa Levanoni Ũla welekele Ndamasiku.</verse>
				<verse number="5">Mũtwe waku nĩ ta kĩĩma kya Kalimeli, Na nzw’ĩĩ sya mũtwe waku itilyĩ ta ndune; Mũsumbĩ nũlũmĩtwe e mũtave mũvĩndĩlenĩ wasyo.</verse>
				<verse number="6">A! Ũndũ wanakavĩte na kwendeesya, Mwendwa, kwondũ wa kũtanĩthya!</verse>
				<verse number="7">Kĩũngamo kyaku nĩ ta kya mũtĩ wa mũtende, Na nondo syaku ta itũngo syaw’o.</verse>
				<verse number="8">Nasya, nĩngũlĩsa mũtĩ wa mũtende, Nĩngwĩkwatĩla mbonge syaw’o: Nondo syaku nĩsyĩthĩwe ta itũngo sya mũsavivũ, Na mũuke wa mĩthũmũ yaku ta wa ũsyao wa mũtĩ wa mũevo,</verse>
				<verse number="9">Na kanyw’a waku ta mbinyu ĩla nzeo mbee, Ĩla ĩmelekaa nesa kwondũ wa mwendwa wakwa, Ĩvĩtĩlaa mbola ilomonĩ sya ala makomete.</verse>
				<verse number="10">Nĩ wa mwendwa wakwa; Na kwenda kwake nĩkũmbelekele.</verse>
				<verse number="11">Ũka, mwendwa wakwa, tumaale mũũndanĩ; Tũkomele tũmĩsyĩ.</verse>
				<verse number="12">Twambate kĩoko tene mĩũndanĩ ya mĩsavivũ; Tũsisye ethĩwa mũsavivũ wĩ wenze, Na malaa maw’o nĩ malaũku, Na mĩkũngũmanga ĩ malaa: Vau ngakũnengea wendo wakwa.</verse>
				<verse number="13">Matunda ma kwendana mataavũkasya mũuke mũseo; Na mĩomonĩ yaitũ ve mĩthemba yonthe ya matunda me vata mũno ala meũ na ala ma tene, Ala nakwiĩe, we mwendwa wakwa.</verse>
			</chapter>
			<chapter number="8">
				<verse number="1">A! Kethĩwa wĩthĩwa ta mwana‐a‐ia, Ũla wongie nondo sya mwaitũ! Yĩla nesa ũkũwĩla ũtee, ngakũmumunya; Ĩĩ, na kũti ũmwe wĩmbũthya.</verse>
				<verse number="2">Nĩthĩwa ngũtongoesya, na ũkũete nyũmbanĩ ya mwaitũ, Ũla wĩmanyĩsya; Nĩthĩwa ngũnyw’ĩthya mbinyu yĩ mũuke mũseo, Ya ngoyoo ya makũngũmanga makwa.</verse>
				<verse number="3">Kw’oko kwake kwa aka kwĩthĩwa ungu wa mũtwe wakwa, Na kw’oko kwake kwa aũme kwĩmbĩtĩĩsya.</verse>
				<verse number="4">Nĩngũmwĩavĩthya, inyw’ĩ eĩtu ma Yelusaleme, Kana mũtikathũlũmũe, kana kũmũamũkya mwendwa wakwa, Kũvika endeew’a.</verse>
				<verse number="5">Nũũ ũũ wambatĩte kuma weũnĩ, Eyaĩĩsye mwendwa wake? Ĩtina wa mũtĩ wa mũevo nĩnakũamũkisye: Vau nĩvo inyia waku wakwaũnyie, Vau nĩvo waũnyĩe ũla wakũsyaie.</verse>
				<verse number="6">Mbĩkĩa ta ũsiĩlũ ĩũlũ wa ngoo yaku, Ta ũsiĩlo ĩũlũ wa kw’oko kwaku: Nũndũ wendo wĩ vinya ta kĩkw’ũ; Kĩwĩu nĩ kyai ta Seoli; Itw’ĩki syakyo nĩ itw’ĩki sya mwaki, O kĩtw’ĩki ki kya mwaki wa Yeova.</verse>
				<verse number="7">Manzĩ maingĩ matitonya kũvosya wendo, O na kĩw’ũ kingĩ ki kũũthika: Ethĩwa mũndũ nũnengane syĩndũ syonthe sya nyũmba yake nũndũ wa wendo, Akavũthw’a vyũ.</verse>
				<verse number="8">Twĩ na mwĩĩtu‐a‐ia mũnini, Na nde nondo: Tũkeka ata ũndũ wa mwĩĩtu‐u‐ia Mũthenya ũla ũkevaw’a?</verse>
				<verse number="9">Kethĩwa nĩ ũvai, Tũmwakĩĩa nthongole ya vetha: Na kethĩwa nĩ mũomo, Tũkamwiiĩa na mbwaũ sya mĩkũũ.</verse>
				<verse number="10">Nyie nĩ ũvai, na nondo syakwa nĩ ta myako mĩtũlu ya mĩnyoolo yaw’o: Na ĩndĩ methonĩ make naĩ ta ũmwe ũla wonie mũuo.</verse>
				<verse number="11">Solomoni aĩ na mũũnda wa mĩsavivũ ku Mbaali‐amoni; Atiĩa mũũnda wa mũsavivũ asũvĩi; Kĩla ũmwe ũndũ wa ũsyao waw’o aĩ wa kũete ilungu sya vetha ngili.</verse>
				<verse number="12">Mũũnda wakwa wa mĩsavivũ, ũla wakwa, wĩ mbee wakwa: We, o we Solomoni, ũkeethĩwa na i ngili, Na ala masũvĩaa ũsyao waw’o makeethĩwa na maana elĩ.</verse>
				<verse number="13">We ũla ũtũaa mĩũndanĩ, Atindan’ya mĩmethukĩĩasya mew’e wasya waku: Tuma nakwa nĩwĩw’a.</verse>
				<verse number="14">Ĩkalaate, mwendwa wakwa, Na ĩthĩwa ta nthwaia nga kana ta ĩswii ya ndaatai Ĩũlũ wa iĩma syĩ mĩtĩ ĩla ĩnyungaa nesa.</verse>
			</chapter>
		</book>
		<book number="23">
			<chapter number="1">
				<verse number="1">Woni wa Isaia mwana wa Amosu, ũla wonie ũndũ wa Yuta na Yelusaleme, mĩthenya ya Usia, na Yothamu, na Aasu, na Esekia, asumbĩ ma Yuta.</verse>
				<verse number="2">Ĩw’ai, inyw’ĩ matu, na tea kũtũ, we nthĩ; nũndũ Yeova nũneenete: niniĩthĩtye syana na kũea, nasyo nimbaĩte matũ.</verse>
				<verse number="3">Ng’ombe nĩyĩsĩ mwene wayo, na ĩng’oi vandũ va kũĩthĩw’a nĩ vwana wayo; ĩndĩ Isilaeli ndesĩ, andũ makwa matisũanĩaa.</verse>
				<verse number="4">A! Mbaĩ mbathe, andũ ala makuĩte ũthũku, ũsyao wĩki wa naĩ, syana ila syĩkaa ũthũku! Nĩmamũtiĩte Yeova, nĩmamũvũthĩtye Ũla Mũtheu wa Isilaeli, nĩmevathĩte na kũsyoka na ĩtina.</verse>
				<verse number="5">Nũndũ wa kĩ mũũkũnangwa kũvika na yu, nĩ kana mũendeee na kũng’enda? Mũtwe w’onthe nĩ mũwau, na ngoo yonthe nĩ ndevu.</verse>
				<verse number="6">Kuma ũnyaĩĩ wa kũũ o na kũvika mũtwe vati vandũ vaima; no mawũkite, na maiĩsya, na makũna ma mĩtũkĩ: matyaatumwa, kana kwovwa, kana kwololow’a na mauta.</verse>
				<verse number="7">Nthĩ yenyu nĩ nthei; ndũa syenyu nivĩvĩtw’e na mwaki; aeni nĩmekũmina nthĩ yenyu mwene, na nĩ nthei, o ta ĩkulumanĩtw’e nĩ aeni.</verse>
				<verse number="8">Na mwĩĩtu wa Saioni nũtiĩtwe ta ĩlwanda mũũndanĩ wa mĩsavivũ, ta katũĩo mũũndanĩ wa mongũ, ta ndũa ĩtw’ĩkanĩw’e.</verse>
				<verse number="9">Keka Yeova wa nguthu watũtiĩe ũtialo mũnini mũno, twĩthĩwa tũilyĩ ta Sotomo, na kũvw’ananw’a na Ngomola.</verse>
				<verse number="10">Ĩthukĩĩsyei ndeto ya Yeova inyw’ĩ ala mũsumbĩkaa Sotomo; teai matũ mwĩw’e mĩao ya Ngai waitũ, inyw’ĩ andũ ma Ngomola.</verse>
				<verse number="11">Wingĩ wa nthembo syenyu ũmbaĩlĩte kyaũ? Easya ũu Yeova; nĩnĩkolete nthembo sya kũvĩvw’a sya ndũũme, na mathunya ma indo ila nou; na nditanĩaa nthakame ya tũsalũ twa mũew’a, kana tũtena twa malondu, kana nthenge.</verse>
				<verse number="12">Yĩla mũkaa kwĩyonan’ya mbee wakwa, nũũ ũla wendie ũu mokonĩ menyu, mũkinyangae nza syakwa?</verse>
				<verse number="13">Mũtikaete nthembo ingĩ sya mana; ũvani nĩ ũthatyo kwakwa; mwei mũtisu na savato, kũtw’a maũmbano‐nditonya ũthũku na ũmbano ũkilĩtye.</verse>
				<verse number="14">Ngoo yakwa nĩmenaa myei yenyu mĩtisu, na mboka syenyu ila itw’ĩtwe; nasyo nĩ mũio kwakwa; nĩnĩnoete nĩ kwikua.</verse>
				<verse number="15">Na yĩla mwĩtambũũkya moko menyu, ngavitha metho makwa ndikamwone; ĩĩ, yĩla mwĩvoya mboya mbingĩ, ndikethukĩĩsya: moko menyu nĩmausũĩte nthakame.</verse>
				<verse number="16">Thambai, ĩthesyei; vetai ũthũku wa meko menyu ndikawone na metho makwa; ekai kwĩka ũthũku;</verse>
				<verse number="17">ĩmanyĩsyei kwĩka nesa; manthai sila wa katĩ, mũtethyei ũla ũthĩnaw’a, masilanasyei ala makw’ĩĩwe nĩ aaĩthe, mũteteei mũndũ mũka ndiwa.</verse>
				<verse number="18">Ũkai yu, tũsũanĩe vamwe, easya ũu Yeova: o na ethĩwa naĩ syenyu nĩ ndune mũno, ikeethĩwa nzaũ ta ĩa; o na ethĩwa nĩ ndune ta mũkumbũ ikeethĩwa ta w’ĩa wa ĩlondu.</verse>
				<verse number="19">Ethĩwa mũkeetĩkĩla na kwĩw’a, mũkaĩsaa ũseo wa ĩ nthĩ:</verse>
				<verse number="20">ĩndĩ mwalea na kũng’enda, mũkaminwa na ũvyũ; nũndũ kanyw’a wa Yeova nũneenete ũu.</verse>
				<verse number="21">Kaĩ ndũa yĩ kĩthito nĩtw’ĩkĩte ĩlwaya! O ĩla yausũĩte ũsili wa katĩ! Ũlũngalu nĩwekalaa nthĩnĩ wayo, ĩndĩ yu no oaani.</verse>
				<verse number="22">Vetha waku nũtw’ĩkĩte makwaũ ma vetha, mbinyu yaku nĩvulanĩtw’e na manzĩ.</verse>
				<verse number="23">Ala maku me mbee ũsumbĩnĩ nĩ ang’endu, na atindan’ya ma ing’ei; kĩla mũndũ nĩwendaa mavaki, na nũatĩĩaa kũtuvwa: matisilanasya ala makw’ĩĩwe nĩ aaĩthe, o na vata wa mũndũmũka ndiwa ndũmavikĩaa.</verse>
				<verse number="24">Kwondũ wa ũu Mwĩaĩi, Yeova wa nguthu, Ũla Mwene Vinya wa Isilaeli, easya, A! Nĩngwĩvathana na nthũ syakwa, na kwĩĩvanĩsya kwa amaitha makwa;</verse>
				<verse number="25">na ngathyũũa kw’oko kwakwa kwĩthĩwe ĩũlũ waku, na kũthesya vyũ makwaũ maku, na kũveta matheũko maku;</verse>
				<verse number="26">na ngatũnga asili maku methĩwe ta ĩvinda ya mbee, na atai maku ta wambĩlĩlyonĩ: ĩtina wa ũu ũkeetwa Ndũa ya ũlũngalu, katũla ke kĩthito.</verse>
				<verse number="27">Saioni ĩkoovow’a na sila wa katĩ, na andũ mayo ala maalyũlile ngoo makoovow’a na ũlũngalu.</verse>
				<verse number="28">Ĩndĩ kwanangwa kwa avĩtan’ya na andũ athe kũkethĩwa ĩvinda yĩmwe, na ala mamũtiaa Yeova makaminwa.</verse>
				<verse number="29">Nũndũ makasonoka ũndũ wa mĩtĩ ya myaloni ĩla mwendie, mũkathokoanw’a ũndũ wa mĩũnda ĩla mũnyuvĩte.</verse>
				<verse number="30">Nũndũ mũkeethĩwa ta mwaloni ũla matũ maw’o mavovaa, na ta mũũnda ũte manzĩ.</verse>
				<verse number="31">Na ũla wĩ vinya akeethĩwa ta ngũno, na wĩa wake ta ngala ya mwaki; na akavya vamwe naw’o, na vaikethĩwa wa kũvosya.</verse>
			</chapter>
			<chapter number="2">
				<verse number="1">Ndeto ĩla Isaia mwana wa Amosu wonie ũndũ wa Yuta na Yelusaleme.</verse>
				<verse number="2">Na kũkeethĩwa mĩthenya ya mũminũkĩlyo, kana kĩĩma kĩ nyũmba ya Yeova kĩkekalaa kĩ kĩtũlu kwĩ ila ingĩ, na kũkĩla ĩũlũ wa tũlĩma; na mbaĩ syonthe ikakĩendeaa.</verse>
				<verse number="3">Na ngo nyingĩ sya andũ ikaenda na kwasya, Ũkai inyw’ĩ, twambate kĩĩmanĩ kya Yeova, nyũmbanĩ ya Ngai wa Yakovo; nake akatũmanyĩsya nzĩa syake, na tũkaendaa nzĩanĩ syake: nũndũ mĩao ikauma Saioni, na ndeto ya Yeova ĩkauma Yelusaleme.</verse>
				<verse number="4">Na akasilan’ya mbaĩ, na kũtw’ĩĩa andũ ma ngo mbingĩ; na makatusya mbyũ syoo itw’ĩke mĩthya ya maembe ma ng’ombe, na matumo moo tũvyũ twĩ ngoto twa kũsea; mbaĩ ndĩkokĩlĩlya mbaĩ ũvyũ, o na itikemanyĩsya kaũ ĩngĩ.</verse>
				<verse number="5">Inyw’ĩ nyũmba ya Yakovo, ũkai, tũende kyeninĩ kya Yeova.</verse>
				<verse number="6">Nũndũ nũtiĩte andũ maku nyũmba ya Yakovo, nĩkwĩthĩwa nĩmausũĩtwe nĩ syĩthĩo ila syumĩte ngalĩ ya wumĩlonĩ wa syũa, nao nĩ ala mathanaa maũndũ ta Avilisiti, na nĩmakũnanĩaa kĩthalũ na syana sya andũ ma nthĩ ĩngĩ.</verse>
				<verse number="7">Na nthĩ yoo nĩyusũĩte vetha na thaavu, o na kũti mũminũkĩlyo wa mothwii moo maie; o na nthĩ yoo nĩyusũĩte mbalasi, o na kũti mũminũkĩlyo wa makasya moo ma kaũ.</verse>
				<verse number="8">O na nthĩ yoo nĩyusũĩte mĩvw’anano; nĩmathaithaa wĩa wa moko moo ene, ũla waseũviw’e nĩ syaa syoo.</verse>
				<verse number="9">Na mũndũ ũte nguma nũkwĩkunamya, na mũndũ mũnene nũkwĩnyivya: kwondũ wa ũu ndũkamaekee.</verse>
				<verse number="10">Lika ĩvianĩ, na ĩvithe kĩtoonĩ, kuma mbee wa ũtisyo wa Yeova, na ũtheu mũtisu wa ũnene wake.</verse>
				<verse number="11">Mũsyaĩlye wa ngathĩĩo wa mũndũ ũkanyivw’a, na wĩng’athĩlĩlyo wa andũ ũkatheew’a, na Yeova e weka akethĩwa mũnene mũthenya ũsu.</verse>
				<verse number="12">Nũndũ kũkeethĩwa mũthenya wa Yeova wa nguthu ũla wĩũkĩa kyonthe kĩla kĩ na ngathĩĩo na wĩng’athĩlĩlyo, na kyonthe kĩla kyũkĩlĩte; na kikatheew’a;</verse>
				<verse number="13">na ĩũlũ wa mĩkũũ yonthe ya Levanoni, ĩla mĩasa na mĩtũlu, na myaloni yonthe yĩ Mbasani</verse>
				<verse number="14">na ĩũlũ wa iĩma syonthe ndũlu, na tũlĩma tw’onthe tũtũlu,</verse>
				<verse number="15">na ĩũlũ wa kĩla mwako mũtũlu wa mũnyoolo, na kĩla ũvai mwiie,</verse>
				<verse number="16">na ĩũlũ wa ngalawa syonthe sya Talisisi, na mĩvw’anano yonthe yendeeasya.</verse>
				<verse number="17">Na wĩnenevyo wa mũndũ ũkanyivw’a, na wĩng’athĩlĩlyo wa andũ ũkatheew’a; na Yeova e weka akethĩwa mũnene mũthenya ũsu.</verse>
				<verse number="18">Na mĩvw’anano ĩkaaa vyũ.</verse>
				<verse number="19">Na andũ makalika ngunganĩ sya mavia, na maimanĩ ma nthĩ, maume mbee wa ũtĩsyo wa Yeova, na ũtheu mũtisu wa ũnene wake, yĩla wĩũkĩla athingithangye nthĩ na vinya.</verse>
				<verse number="20">Mũthenya ũsu andũ makekĩsya mbuko na mbuvu mĩvw’anano yoo ya vetha, na mĩvw’anano yoo ya thaavu, ĩla maseũvisye mamĩthaithae;</verse>
				<verse number="21">malike ngunganĩ sya mavia, na mĩvatĩnĩ ya mavia matũkangu, maume mbee wa ũtĩsyo wa Yeova, na ũtheu mũtisu wa ũnene wake, yĩla wĩũkĩla athingithangye nthĩ na vinya.</verse>
				<verse number="22">Taanĩsyai na mũndũ, ũla mĩthũmũ yake yĩ manyiũũnĩ make; nũndũ we atalawa kĩndũ ũndũnĩ wĩva?</verse>
			</chapter>
			<chapter number="3">
				<verse number="1">Nũndũ, sisya, Mwĩaĩi, Yeova wa nguthu, nũnũũveta kumya Yelusaleme na Yuta wĩkwatyo na wĩlũmyo, wĩkwatyo w’onthe wa lĩu, na wĩkwatyo w’onthe wa manzĩ;</verse>
				<verse number="2">mũndũ wĩ ũtonyi, na mũndũ wa kũthi kaũnĩ; mũsili, na mwathani, na ũla ũaũasya, na mũtumĩa;</verse>
				<verse number="3">kavuteni wa andũ mĩongo ĩtano, na mũndũ wĩ ndaĩa, na mũtaani, na ndũĩka mbũĩ mũno, na ũla mũĩ wa kwathana na ndata.</verse>
				<verse number="4">Na ngatw’a syana syĩthĩwe anene moo me mbee ũsumbĩnĩ, na tũũkenge tũkamasumbĩka.</verse>
				<verse number="5">Na andũ makathĩnw’a, kĩla ũmwe nĩ ũla ũngĩ, na kĩla ũmwe nĩ mũtũi wake: kana kakeeng’athĩlĩlya kwa mũtumĩa, na ala me ĩtheo kwa ala me na ndaĩa.</verse>
				<verse number="6">Yĩla mũndũ ũkakwata mwana‐a‐inyia nyũmbanĩ ya ĩthe wake, akĩmwĩa, Wĩ na ngũa, tũsumbĩke, na ũvalũku ũũ wĩthĩwe ungu wa kw’oko kwaku;</verse>
				<verse number="7">mũthenya ũsu akookĩlya wasya wake, akyasya, Ndikethĩwa mũvosya; nũndũ nyũmbanĩ yakwa vati lĩu kana ngũa: mũtikandw’ĩkĩthye mũnene wa andũ.</verse>
				<verse number="8">Nũndũ Yelusaleme nĩ mbanangĩku, na Yuta nĩ mbalũku; nĩkwĩthĩwa nĩmĩ syoo na meko moo nĩmeũthĩn’ya Yeova, mathatye metho ma ũtheu mũtisu wake.</verse>
				<verse number="9">Kwoneka kwa mothyũ moo nĩkũũmakũsĩĩa; na nĩmekwonan’ya naĩ yoo ta Sotomo, matiũmĩvitha. Woo nĩ wa thayũ woo! Nĩkwĩthĩwa nĩmeyĩkĩte ũthũku.</verse>
				<verse number="10">Neenai ũndũ wa ũla mũlũngalu, atĩ kũkeethĩwa ũseo kwake; nĩkwĩthĩwa makaya ũsyao wa meko moo.</verse>
				<verse number="11">Woo nĩ wa ũla mũthũku! Kũkeethĩwa ũthũku kwake; nĩkwĩthĩwa o ũndũ moko make mekĩte now’o ũkekwa.</verse>
				<verse number="12">Ũndũ wa andũ makwa, syana nĩ anyamasya moo, na aka nĩmeũmasumbĩka. Inyw’ĩ andũ makwa, ala makũtongoeasya nĩmeũkũvĩtĩthya, na kwananga mũendele wa nzĩa syaku.</verse>
				<verse number="13">Yeova nĩwũkĩlĩte atetee, na nũũngeme asilĩle ngo sya andũ.</verse>
				<verse number="14">Yeova akalika silanĩ na atumĩa ma andũ make, na anene moo me mbee ũsumbĩnĩ: Nĩ inyw’ĩ ala mũĩte mũũnda wa mĩsavivũ; mbuta ila mũvutĩte ngya syĩ nyũmbanĩ syenyu:</verse>
				<verse number="15">nĩkĩ mũũvinyĩĩa andũ makwa, na kũthia mothyũ ma ngya? Easya ũu Mwĩaĩi, Yeova wa nguthu.</verse>
				<verse number="16">Na ĩngĩ Yeova asya, Nĩkwĩthĩwa eĩtu ma Saioni me na mĩng’athĩlĩlyo, na maendaa malũngĩte ngingo me na metho mausĩe ũlaalai, makĩtambũka matonete mbola, makĩkayĩthya nzili maũũnĩ;</verse>
				<verse number="17">kwondũ wa ũu Mwĩaĩi akaete ũwau wa ivala malolotyanĩ ma mĩtwe ya eĩtu ma Saioni, na Yeova akavua kũndũ kwoo kwĩ nthoni.</verse>
				<verse number="18">Mũthenya ũsu Mwĩaĩi akaveta ũseo wa nzili syoo, na ũlũalũĩ wa kwova nzw’ĩĩ, na mavuo;</verse>
				<verse number="19">na mĩnai, na itang’a, na ngũa sya kwĩkunĩkĩlya;</verse>
				<verse number="20">tũkovila twĩ wanake, na mĩthanga, na mĩsivi, na tũkusu twĩ kĩndũ kĩnyungaa nesa, na iawa;</verse>
				<verse number="21">ngome, na syĩndũ sya wanake sya kwĩkĩa manyiũũ;</verse>
				<verse number="22">ngũa sya kwĩkĩa yĩla kwĩ mboka, na makoti maasa, na masuka ma ũvw’ĩka mũtwe, na ngusu sya mbesa;</verse>
				<verse number="23">tũsisyo, na katane nzeo, na tũkutw’a, na masuka mavũthũ.</verse>
				<verse number="24">Na kũkeethĩwa, vandũ va mĩtĩ ĩnyungaa nesa vakeethĩwa wou; na vandũ wa mũsivi, ĩkanda; na vandũ va nzw’ĩĩ mbokothe, ũvaa; na vandũ va ngũa ndasa, ĩkunia ya kwĩvotoa; na kwowa kyoo vandũ va kwanakava.</verse>
				<verse number="25">Andũ maku makavalũkw’a na ũvyũ, o na ala maku me ũtonyi kaũnĩ.</verse>
				<verse number="26">Na mbingĩlo syake ikaĩa na kũmeta; nake akeethĩwa aeketwe na kwĩkala nthĩ.</verse>
			</chapter>
			<chapter number="4">
				<verse number="1">Na aka mũonza makakwata mũndũ mũũme ũmwe mũthenya ũsu, makyasya, Tũkaĩsaa lĩu witũ ene, na kwĩvw’ĩkaa ngũa sitũ ene: ĩndĩ tũeke twĩtanĩaw’e na syĩtwa yaku; veta kũvũthw’a kwitũ.</verse>
				<verse number="2">Mũthenya ũsu ũvonge wa Yeova ũkethĩwa mwanakavu na wĩ na ndaĩa, na ũsyao wa nthĩ ũkethĩwa mũseo mũno na mwaĩlu kwondũ wa ala ma Isilaeli ala mavonokete.</verse>
				<verse number="3">Na kũkeethĩwa, o ũla wĩtiala Saioni, na ũla wĩtiwa Yelusaleme, akeetwa mũtheu, o kĩla ũmwe ũla ũandĩkĩtwe katĩ wa ala me thayũ Yelusaleme;</verse>
				<verse number="4">yĩla Mwĩaĩi ũkethĩwa athambĩtye ũvuku wa eĩtu ma Saioni, na kũthesya nthakame ya Yelusaleme yume nthĩnĩ wayo, kwondũ wa veva wa ũsili wa katĩ, na kwondũ wa veva wa kũvĩvya.</verse>
				<verse number="5">Yeova akatambũũkya ĩũlũ wa wĩkalo w’onthe wa kĩĩma kya Saioni, na ĩũlũ wa maũmbano makyo, mũumbĩ wa syũki mũthenya, na kũkena kwa kĩtw’ĩki kya mwaki ũtukũ; nũndũ kũkatambũũkw’a kĩla kya kũvw’ĩka ĩũlũ wa ũtheu mũtisu w’onthe.</verse>
				<verse number="6">Na vakeethĩwa ĩeema ũndũ wa muunyĩ mũthenya kwondũ wa muutĩa, na vandũ wa kũkĩĩa na kwĩvitha kwondũ wa kĩuutani na mbua.</verse>
			</chapter>
			<chapter number="5">
				<verse number="1">Nĩnĩmwinĩe mwendwa wakwa wathi wa mwendwa wakwa ũndũ wa mũũnda wake wa mĩsavivũ. Mwendwa wakwa aĩ na mũũnda wa mĩsavivũ kĩĩmanĩ kĩnou mũno:</verse>
				<verse number="2">na awĩnza, na aumya mavia nthĩnĩ waw’o, na avanda mĩsavivũ mĩseo mũno, na aaka mwako mũtũlu wa mũnyoolo katĩ waw’o, o na enza katĩ waw’o kĩangĩo kya nzavivũ: na asyaĩĩsya ũsyae nzavivũ, na wasyaa nzavivũ sya kĩthekanĩ.</verse>
				<verse number="3">Na yu, inyw’ĩ mũtwĩe Yelusaleme na andũ ma Yuta, nĩngũmwĩsũva, tũsilan’yei nyie na mũũnda wakwa wa mĩsavivũ.</verse>
				<verse number="4">Nĩ ũndũ ũngĩ wĩva waĩ ũtonya kwĩkwa mũũndanĩ wakwa wa mĩsavivũ, ũla ndaawĩka? Nũndũ wa kĩ ĩndĩ, yĩla nasyaĩĩsye ũsyae nzavivũ, wasyaie nzavivũ sya kĩthekanĩ?</verse>
				<verse number="5">Na yu nĩngũmũtavya ũndũ nĩwĩka mũũnda wakwa wa mĩsavivũ: ngaveta wiio waw’o, na ũkalĩka; ngaomboanga ũvai waw’o, na ũkakinyangwa:</verse>
				<verse number="6">na ngootw’ĩkĩthya ĩei; ndũkasewa kana kũĩmwa; ĩndĩ ũkamesya mĩtae na mĩw’a: o na ngeeaĩa mathweo matikausye mbua ĩũlũ waw’o.</verse>
				<verse number="7">Nũndũ mũũnda wa mĩsavivũ wa Yeova wa nguthu nĩw’o nyũmba ya Isilaeli, na andũ ma Yuta nĩ mũkenge wake wa ũmwendeesya: nake nĩwamanthie sila wa katĩ, ĩndĩ, sisya, no thĩna; amantha ũlũngalu, ĩndĩ, sisya, no kĩĩo.</verse>
				<verse number="8">Woo nĩ wa ala mathengeanĩasya nyũmba na nyũmba, ala mathengeanĩasya mũũnda na mũũnda, mũvaka vati ũthei, na nĩmwĩkalĩtw’e mwĩ inyw’oka katĩ wa ĩ nthĩ!</verse>
				<verse number="9">Matũnĩ makwa Yeova wa nguthu easya atĩĩ, Nĩ w’o nyũmba nyingĩ ikeethĩwa nthei, o ila nene na nzeo, ite na mũndũ wa kũsyĩkala.</verse>
				<verse number="10">Nũndũ matambya maana ana ma mũũnda wa mĩsavivũ makasyaa vathi ĩmwe, na omeli ĩmwe ya mbeũ ĩkasyaa eva ĩmwe.</verse>
				<verse number="11">Woo nĩ wa ala mokĩlaa kĩoko tene, nĩ kana maatĩĩe kĩla kĩtoonasya; ala mekalaa kũvika ũtukũ katĩ, kũvika mbinyu ĩkwate mwaki nthĩnĩ woo!</verse>
				<verse number="12">Na mbeve na kananda, kathembe na mũtũlilũ, na mbinyu, syĩ mbokanĩ syoo; ĩndĩ matisyaĩĩasya wĩa wa Yeova, o na matiũsũanĩa wĩa wa moko make.</verse>
				<verse number="13">Kwondũ wa ũu andũ makwa nĩ aendu me atave kwondũ wa kũnyivĩwa nĩ ũmanyi; na andũ moo me ndaĩa me na nzaa, na ĩkomano yoo nĩyĩũnyalw’a nĩ waũni.</verse>
				<verse number="14">Kwondũ wa ũu Seoli nĩvanenevetye kwenda kwavo, na kwathamya kanyw’a wavo vate kũthima; na ũnene woo, na ĩkomano yoo, na kwĩtaĩa kwoo, na ũla ũtanaa katĩ woo, nĩmatheeaa nthĩnĩ wavo.</verse>
				<verse number="15">Na mũndũ ũte nguma nũnũũkunamw’a, na mũndũ mũnene nũnũũnyivw’a, na metho ma ala mekwĩng’athĩlĩlya nĩmeũsonoka:</verse>
				<verse number="16">ĩndĩ Yeova wa nguthu nũnũũtaĩwa kwondũ wa ũtw’ĩo wa sila wa katĩ, na Ngai Ũla Mũtheu nũkwonanw’a atĩ nĩ mũtheu ũlũngalunĩ.</verse>
				<verse number="17">Na ĩndĩ tũtena twa malondu tũkaĩthw’a o ta twĩ kĩsesinĩ kyatw’o, na kũndũ kwanangĩku kwa ala anou kũkaĩsawa nĩ angangi.</verse>
				<verse number="18">Woo nĩ wa ala makusasya ũthũku na ndii sya ũvũngũ, na kũkusya naĩ na ĩkanda ya ĩkasya;</verse>
				<verse number="19">ala maasya, Nĩekalaate, nĩethangaasye wĩanĩ wake, nĩ kana tũwone; na ũtao wa Ũla Mũtheu wa Isilaeli ũthengeee na kũka, nĩ kana tũmanye!</verse>
				<verse number="20">Woo nĩ wa ala metaa ũthũku ũseo, na ũseo ũthũku; ala mekĩaa kĩvindu vandũ va kyeni, na kyeni vandũ va kĩvindu; ala mekĩaa ũũ vandũ va mũyo, na mũyo vandũ va ũũ!</verse>
				<verse number="21">Woo nĩ wa ala meyonaa me kĩlĩko, na meyonaa me na ũmanyi!</verse>
				<verse number="22">Woo nĩ wa ala ai ma kũnyw’a mbinyu, na andũ me vinya ma kũvulan’ya kĩla kĩtoonasya;</verse>
				<verse number="23">ala kwondũ wa ĩvaki matalaa athũku atĩ nĩ alũngalu, na kũmũvena ũla mũlũngalu ũlũngalu wake!</verse>
				<verse number="24">Kwondũ wa ũu o tondũ ũmũĩ wa mwaki ũvĩvasya mavuthĩ, na tondũ nyeki nyũmũ ivalũkaa ũmũĩnĩ, now’o mĩi yoo ĩkethĩwa ta wou, na malaa moo makaũlũkw’a ta kĩtoo; nĩkwĩthĩwa nĩmaleete mĩao ya Yeova wa nguthu, na kũvũthya ndeto ya Ũla Mũtheu wa Isilaeli.</verse>
				<verse number="25">Kwondũ wa ũu ũthatu wa Yeova nũmakanĩe andũ make, nake nũmatambũũkĩĩtye kw’oko kwake, na kũmakũna; na iĩma nikũthingithanga, na simba syoo nĩ ta mavuthĩ nzĩanĩ nene katĩ. Ĩndĩ o na ũu w’onthe ũthatu wake ndũnathyũũwa, ĩndĩ kw’oko kwake nĩ kũtambũũku o na yu.</verse>
				<verse number="26">Nake akookĩlĩlya i mbaĩ kĩvevelo syĩ kũasa, na kũsyuĩsya kĩlũli kuma kĩtulu kya nthĩ; na, sisya, ikooka mĩtũkĩ isembete mũno.</verse>
				<verse number="27">Vai ũmwe katĩ woo ũkethĩwa na mĩnoo kana kũlulutĩka; vai ũmwe ũkombosya kana kũkoma; o na mĩsivi ya inyunyu syoo ndĩkaleela, kana tũmĩkwa twa iatũ syoo tũĩkatw’ĩka:</verse>
				<verse number="28">mauumu moo nĩ moĩ, na mata moo onthe nĩ makoote; mavũngũ ma mbalasi syoo makatalwa ta mavia momũ, na ndĩa syoo ta kĩlingi:</verse>
				<verse number="29">kũluma kwoo kũkethĩwa ta kũluma kwa mũnyambũ mũka, makaluma ta mĩnyambũ ya mũika; ĩĩ, makaluma, na kũkwata sya nzyĩma, na kũkua vate mũisyo, na vaikethĩwa ũmwe wa kũvonokya.</verse>
				<verse number="30">Na makamalitũkĩla mũthenya ũsu ta kĩlitũko kya ũkanga: na ethĩwa mũndũ akasisya nthĩ, sisya, no kĩvindu na thĩna; na kyeni nĩkĩkĩĩtwe kĩvindu nĩ mathweo maw’o.</verse>
			</chapter>
			<chapter number="6">
				<verse number="1">Mwaka ũla mũsumbĩ Usia wakwie nyie nĩnoonie Mwĩaĩi ekalĩte kĩvĩlanĩ kya ũsumbĩ, kĩtũlu na kyũkĩlĩtw’e; na ngũa yake ya mũnyelele yausũĩte ĩkalũ.</verse>
				<verse number="2">Aselavi mekalaa vala ũĩ ĩũlũ: kĩla ũmwe aĩ na nthwau thanthatũ: avw’ĩka ũthyũ wake na ilĩ, na avw’ĩka maũũ make na ilĩ, na aũlũka na ilĩ.</verse>
				<verse number="3">Na kĩla ũmwe aneenanasya na ũla ũngĩ akyasya, Mũtheu, mũtheu, mũtheu, nĩ Yeova wa nguthu: nthĩ yonthe nĩyusũĩtwe nĩ ũtheu mũtisu wake.</verse>
				<verse number="4">Na myambĩlĩlyo ya myalyo yathingithangw’a nĩ wasya wa ũla waneenaa, na nyũmba yausũwa nĩ syũki.</verse>
				<verse number="5">Nĩvo ĩndĩ naisye, Woo nĩ wakwa! Nũndũ nĩnathela; nĩkwĩthĩwa nyie nĩ mũndũ wĩ ilomo ite ntheu, na nĩkalaa katĩ wa andũ me ilomo ite ntheu: nũndũ metho makwa nĩmonete Mũsumbĩ, Yeova wa nguthu.</verse>
				<verse number="6">Nĩvo ĩndĩ ũmwe wa aselavi wangũlũkĩle, e na ĩkaa ya mwaki kw’okonĩ kwake, yĩla wosie na mĩveto kumya kĩthembeonĩ:</verse>
				<verse number="7">na akiita kanyw’a wakwa nayo, na asya, Sisya, yĩĩ nĩyakiita ilomo syaku; na ũthũku waku nĩwavetwa, na naĩ yaku nĩyaekwa.</verse>
				<verse number="8">Nakwa neew’a wasya wa Mwĩaĩi, ũkyasya, Ngatũma ũũ, na nũũ wĩthi kwondũ witũ? Nĩvo naisye, Ninyioo; ndũma nyie.</verse>
				<verse number="9">Nake asya, Enda, ũtavye andũ aa, Kwĩw’a nĩmũkwĩw’a, ĩndĩ mũtiũmanya; kũsisya nĩmũkũsisya, ĩndĩ mũtikwona.</verse>
				<verse number="10">Tuma ngoo sya andũ aa syĩthĩwa na mathunya, na matũ moo matw’ĩkĩthye maito, na metho moo malalĩthye; maikese kwona na metho moo, na kwĩw’a na matũ moo, na kũmanya na ngoo syoo, na kwĩalyũla, na kũvow’a.</verse>
				<verse number="11">Nĩvo naisye, Mwĩaĩi, nĩ kũvika ĩndĩĩ? Na asũngĩa, Kũvika ndũa itw’ĩke maanzo ite mũndũ witwĩe, na nyũmba ite mũndũ, na nthĩ ĩthĩwe mbanangĩku vyũ,</verse>
				<verse number="12">na Yeova athamĩĩsya andũ kũasa, na kũndũ kũtie kwĩthĩwa kwingĩ katĩ wa ĩ nthĩ.</verse>
				<verse number="13">Na ethĩwa kũkatiala nthĩnĩ wayo kĩlungu kya ĩkũmi, o nakyo kĩkaĩwa: ta mũtĩ wa mwelo, na ta mũtĩ wa mwaloni, ĩla kĩtina kyayo kĩkalaa, yĩla ĩtemetwe; no ta ũu ũsyao mũtheu nĩ kĩtina kyayo.</verse>
			</chapter>
			<chapter number="7">
				<verse number="1">Na kweethĩwa mĩthenya ya Aasu mwana wa Yothamu, mwana wa Usia, mũsumbĩ wa Yuta, nĩvo Lesini mũsumbĩ wa Silia, na Veka mwana wa Lemalia, mũsumbĩ wa Isilaeli, mambatie Yelusaleme mokite nayo, ĩndĩ matyaatonya kũmĩkĩlya vinya.</verse>
				<verse number="2">Na nyũmba ya Ndaviti yataviw’e, yeewa, Silia nĩyĩw’anĩte na Evalaimu. Na ngoo yake yatetema, o na ngoo ya andũ make, o tondũ mĩtĩ yĩ mũtitũnĩ ĩthingithangaw’a nĩ kĩseve.</verse>
				<verse number="3">Nĩvo ĩndĩ Yeova wamwĩie Isaia, Umaala yu wĩ na Sieali‐yasuvu mwana waku, mũkomanĩe na Aasu mũthyanĩ wa mũtaũ wa ndia yĩ ngalĩ ya ĩũlũ, lelũnĩ ũelete kĩsesinĩ kya mũthambya wa ngũa;</verse>
				<verse number="4">ũmwĩe, Ĩsũvĩe, noivindya; ndũkakĩe, o na ngoo yaku ndĩkaleele, nũndũ wa isithe isu ilĩ sya isinga syĩ syũki, nũndũ wa ũthatu mwai wa Lesini na Silia, na wa mwana wa Lemalia.</verse>
				<verse number="5">Nĩkwĩthĩwa Silia, na Evalaimu, na mwana wa Lemalia, nĩmasũanĩĩte ũkwĩka ũthũku, makyasya,</verse>
				<verse number="6">Twambatei tũkite na Yuta, na kũmĩthĩn’ya, na tũvũthũe vandũ vaitũ va ũlikĩla, na kũsumbĩkya mũsumbĩ katĩ wayo, o mwana wa Taveeli;</verse>
				<verse number="7">ũũ nĩw’o Mwĩaĩi Yeova ũnũkwasya, Ũndũ ũsu ndũkaũngama, o na ndũkethĩwa.</verse>
				<verse number="8">Nũndũ mũtwe wa Silia nĩ Ndamasiku, na mũtwe wa Ndamasiku nĩ Lesini; na ĩvinda ya myaka mĩongo thanthatũ na ĩtano Evalaimu akatilangwa tũlungu, o na ndakethĩwa mbaĩ:</verse>
				<verse number="9">na mũtwe wa Evalaimu nĩ Samalia, na mũtwe wa Samalia nĩ mwana wa Lemalia. Ethĩwa mũtikwĩtĩkĩla, vate ndĩi mũtikalũlũmĩlw’a.</verse>
				<verse number="10">Na Yeova aneena na Aasu ĩngĩ, akĩmwĩa,</verse>
				<verse number="11">Mwĩtye Yeova Ngai waku wonan’yo; ĩtya ũlikunĩ, kana ũtũlunĩ ĩũlũ.</verse>
				<verse number="12">Ĩndĩ Aasu asya, Ndiketya, o na ndikamũtata Yeova.</verse>
				<verse number="13">Nake asya, Ĩw’ai yu, inyw’ĩ nyũmba ya Ndaviti: Nĩ ũndũ ũnini kwenyu kũmanosya andũ, o na mũkanosya Ngai wakwa nake?</verse>
				<verse number="14">Kwondũ wa ũu Mwĩaĩi mwene akamũnenga wonan’yo: sisyai, mwĩĩtu mũtheu akaitava, na kũsyaa kavĩsĩ, nako syĩtwa yako akaketa Imanueli.</verse>
				<verse number="15">Kakaĩsaa mauta na ũkĩ wa nzũkĩ, kũvika yĩla kakamanya kũlea ũthũku, na kũnyuva ũseo.</verse>
				<verse number="16">Nũndũ kana kau katanamba kũmanya kũlea ũthũku, na kũnyuva ũseo, nthĩ ĩla asumbĩ elĩ mayo ũmathĩthaa, ĩkethĩwa ĩeketwe.</verse>
				<verse number="17">Yeova akaete ĩũlũ waku, na andũ maku, na nyũmba ya au, mĩthenya ĩla ĩtaamba kũka, kuma mũthenya ũla Evalaimu waumie katĩ wa Yuta — o mũsumbĩ wa Asuli.</verse>
				<verse number="18">Na kũkethĩwa mũthenya ũsu, Yeova akauĩsya ngi ila syĩ mĩthyanĩ ya mbũsĩ sya Misili, na nzũkĩ ila syĩ nthĩ ya Asuli.</verse>
				<verse number="19">Nasyo ikooka, na syonthe ikathũmũa myandanĩ mĩthei, na mĩvatĩnĩ ya mavia, na mbiionĩ syonthe syĩ mĩw’a, na isesinĩ syonthe.</verse>
				<verse number="20">Mũthenya ũsu Mwĩaĩi akeenza mũtwe na maw’ĩa ma maũũ na wenzi ũla wavoyie kũndũ kwĩ mũingo wa ũla Ũsĩ, naw’o nĩ mũsumbĩ wa Asuli; o na ũkamina kĩng’ew’a.</verse>
				<verse number="21">Na kũkethĩwa mũthenya ũsu, kana mũndũ akaĩthya moi, na malondu elĩ;</verse>
				<verse number="22">na kũkethĩwa, nũndũ wa wingĩ wa ĩia yasyo akaĩsaa mauta: nũndũ kĩla mũndũ ũla wĩtiwa katĩ wa ĩ nthĩ akaĩsaa mauta na ũkĩ wa nzũkĩ.</verse>
				<verse number="23">Na kũkethĩwa mũthenya ũsu, kĩla vandũ vala vaĩ mĩsavivũ ngili ya thooa wa sekeli ngili, vakethĩwa mĩtae na mĩw’a.</verse>
				<verse number="24">Mũndũ akaendaa kw’o na mĩsyĩ na ũta, nũndũ nthĩ yonthe ĩkethĩwa’mĩtae na mĩw’a.</verse>
				<verse number="25">Na tũlĩma tw’onthe tũla twenziwe na tũlembe, ndũkaenda kw’o nũndũ wa kũkĩa mĩtae na mĩw’a; ĩndĩ vakethĩwa vandũ va kũtwaĩa ng’ombe, na va kũkinyangĩthya malondu.</verse>
			</chapter>
			<chapter number="8">
				<verse number="1">Na Yeova ambĩa, Ĩyosee kĩndũ kĩnene kya ũandĩkwa, ũandĩke ĩũlũ wakyo na kĩandĩki kya mũndũ, Kwondũ wa Maeli‐salali‐asi‐vasi;</verse>
				<verse number="2">na ngeeyosea ngũsĩ syĩ kĩthito sya kũandĩka, nasyo nĩ mũthembi Ulia, na Nzekalia mwana wa Yevelekia.</verse>
				<verse number="3">Na nalika kwa mwathani mũndũ mũka; nake aitava, na asyaa mwana. Nĩvo ĩndĩ Yeova wambĩie, Mwĩte syĩtwa yake Maeli‐salali‐asi‐vasi.</verse>
				<verse number="4">Nũndũ kana kau katanamba kwĩthĩwa na ũmanyi wa kwĩtana, Nau, na, Mwaitũ, mothwii ma Ndamasiku na mũtavo wa Samalia ũkatwawa mũsumbĩ wa Asuli ene na metho make.</verse>
				<verse number="5">Na Yeova aneena nakwa ĩngĩ, akyasya,</verse>
				<verse number="6">Nĩkwĩthĩwa andũ aa nĩmaleete manzĩ ma Siloa ala maendaa mbola, na matanĩaa Lesini na mwana wa Lemalia;</verse>
				<verse number="7">yu kwondũ wa ũu, sisya, Mwĩaĩi nũnũũmaetee manzĩ ma ũla Ũsĩ, me vinya na maingĩ, namo nĩ mũsumbĩ wa Asuli na ũnene wake w’onthe: na ũkausũa na kũvinga tũlũsĩnĩ twaw’o tw’onthe, na kũkĩla ngũka syaw’o syonthe;</verse>
				<verse number="8">na ũkavĩta na kũlika Yuta; ũkavinga na kũvĩta mũkuthũ; ũkavika o na ngingonĩ; na kũtambũũka kwa nthwau syaw’o kũkausũa ũthanthau wa nthĩ yaku, we Imanueli.</verse>
				<verse number="9">Ũkĩlyai kĩtuu, inyw’ĩ, ngo sya andũ, na tilĩkangaĩ tũlungu; na teai matũ, inyw’onthe ma nthĩ syĩ kũasa: ĩvotoei, na tilĩkangai tũlungu; ivotoei, na tilĩkangai tũlungu.</verse>
				<verse number="10">Sũanĩai vamwe, na ũndũ ũsu ũkaanangwa; neenai ndeto, nayo ndĩkalũma: nũndũ Ngai e vamwe naitũ.</verse>
				<verse number="11">Nũndũ Yeova ambĩie ndeto ii na kw’oko kwĩ vinya, na amanyĩsya ndikaende mũendelenĩ wa andũ aa, akyasya,</verse>
				<verse number="12">Mũtikasye, Nĩ wĩw’ano mũthũku, ũndũ wa w’onthe ũla andũ aa mekwasya, Nĩ wĩw’ano mũthũku; o na mũikakĩe kũtĩsya kwoo, kana kwĩthĩwa na w’ĩa.</verse>
				<verse number="13">Yeova wa nguthu, nĩwe mũkonan’ya atĩ nĩ mũtheu; nake nĩethĩwe kũkĩa kwenyu, na nĩethĩwe kũtelema kwenyu.</verse>
				<verse number="14">Nake akeethĩwa nĩwe vandu vatheu; ĩndĩ kwa nyũmba syelĩ sya Isilaeli akeethĩwa ĩvia ya ũtulya na ĩvia ĩnene ya ũlulutĩkya, akeethĩwa mũkwa na kĩtei kya ala matwĩe Yelusaleme.</verse>
				<verse number="15">Na aingĩ makakĩlulutĩkĩla na kũvalũka, na kũtũlĩka, na kũkwatw’a, na kũlũmw’a.</verse>
				<verse number="16">Ova ũkũsĩ, siĩla mĩao katĩ wa amanyĩw’a makwa.</verse>
				<verse number="17">Nakwa ngamweteela Yeova, ũla ũvithĩte nyũmba ya Yakovo ũthyũ wake, na ngamũsyaĩĩsya.</verse>
				<verse number="18">Sisya, nyie na syana ila Yeova ũnengete twĩ mawonan’yo na moseng’yo nthĩnĩ wa Isilaeli kuma kwa Yeova wa nguthu, ũla ũtwĩe kĩĩmanĩ kya Saioni.</verse>
				<verse number="19">Na yĩla makamwĩa, Endai kwa ala mesene na maveva na ala mombasya ithitũ, ala manyiilaa na kũmumungĩlya: andũ matyaĩle kũenda kwa Ngai woo? Nĩmaĩle kũendaa kwa ala akw’ũ ũndũ wa ala me thayũ?</verse>
				<verse number="20">Endai mĩaonĩ na ũkũsĩnĩ! Ethĩwa matineenaa kwĩanana na ndeto ĩno, vate ndĩi kũikesaa kwoo.</verse>
				<verse number="21">Na makavĩtĩla katĩ wa nthĩ, me athĩnu mũno na me na nzaa; na kũkeethĩwa, yĩla me na nzaa, makeenyamasya, na kũuma mũsumbĩ woo na Ngai woo, na kũng’elelya mothyũ moo ĩũlũ:</verse>
				<verse number="22">na makasisya nthĩ, na, sisya, no thĩna na kĩvindu, mũki wa woo; na makalũngw’a maende kĩvindunĩ kya ngokomi.</verse>
			</chapter>
			<chapter number="9">
				<verse number="1">Ĩndĩ kũikethĩwa mũki kwa ũsu ũla waĩ na woo. Ivinda ĩvĩtu nĩwavũthasya nthĩ ya Nzevuluni na nthĩ ya Navitali; ĩndĩ ĩvinda ya ĩtina nũtaĩĩte, ngalĩ ya ũkanganĩ mũingo wa Yolotani, Kalilii ya i mbaĩ.</verse>
				<verse number="2">Andũ ala maendaa me kĩvindunĩ nĩmonete kyeni kĩnene: ala matwĩe nthĩ yĩ kyuu kya kĩkw’ũ, kyeni nĩkyamakenee.</verse>
				<verse number="3">Naku nĩwingĩvĩtye ĩ mbaĩ, nĩwongelete ũtanu wayo: nĩtanaa mbee waku o ta ũtanu wa ngethanĩ, o tondũ matanaa yĩla mekũaana mũtavo.</verse>
				<verse number="4">Nũndũ ũito wa ĩsoki yayo, na ndata ya kĩtuo kyayo, ndata ya mũthĩn’ya wayo, nũtũlĩte o ta mĩthenya ya Mitiani.</verse>
				<verse number="5">Nũndũ mĩio yonthe ya mũndũ ũla wĩkĩĩte mĩio ya kaũ kĩtuunĩ, na ngũa iindĩtwe nthakamenĩ, ĩkeethĩwa sya kũvĩvw’a, ngũ sya mwaki.</verse>
				<verse number="6">Nũndũ nĩkũsyaĩtwe kana kwondũ witũ, nĩtũnengetwe mwana mũndũ mũũme; na ũsumbĩko ũkeethĩwa kĩtuonĩ kyake: na syĩtwa yake akeetwa Ũseng’yo, Mũtai, Ngai Mwene Vinya, Ĩthe wa Tene na Tene, Mũnene wa Mũuo.</verse>
				<verse number="7">Wingĩvo wa ũsumbĩ wake na wa mũuo ndũkethĩwa na mũminũkĩlyo kĩvĩlanĩ kya ũsumbĩ kya Ndaviti, na ũsumbĩnĩ wake, kũlũlũmĩlya, na kũwĩkalya na sila wa katĩ na ũlũngalu kuma yu kũvika tene na tene. Kĩwĩu kya Yeova wa nguthu kĩkeanĩsya ũndũ ũũ.</verse>
				<verse number="8">Mwĩaĩi nĩwatũmie ndeto kwa Yakovo, na nĩyavikĩe Isilaeli.</verse>
				<verse number="9">Na andũ onthe makamanya, o na Evalaimu na ũla ũtwĩe Samalia, ala maneenaa na ngathĩĩo na vinya wa ngoo,</verse>
				<verse number="10">Mavali nĩ mavalũku, ĩndĩ tũkaaka na mavia masũvye; mĩkũyũ nĩ mĩteme, ĩndĩ tũkeekĩa mĩkũũ vandũ vayo.</verse>
				<verse number="11">Kwondũ wa ũu Yeova akamũkĩlĩlya nthũ sya Lesini, na kũingĩanĩsya amaitha make,</verse>
				<verse number="12">Asilia ngalĩko ya mbee, na Avilisiti ngalĩko ya ĩtina; na makaya Isilaeli na kanyw’a wathamĩtye. Ĩndĩ o na ũu w’onthe ũthatu wake ndwaalyũlwa, ĩndĩ kw’oko kwake nĩ kũtambũũku o na yu.</verse>
				<verse number="13">Ĩndĩ andũ matyaaĩthũũa na kũmwelekela ũla wamakũnie, o na matyaamantha Yeova wa nguthu.</verse>
				<verse number="14">Kwondũ wa ũu Yeova akatila Isilaeli mũtwe na kĩsithe, ĩthangũ ya mĩtende na malula, mũthenya o ũmwe.</verse>
				<verse number="15">Mũndũ mũkũũ wĩ ndaĩa, nĩwe mũtwe; na mwathani ũla ũmanyĩasya movũngũ, nĩwe kĩsithe.</verse>
				<verse number="16">Nũndũ ala matongoeasya andũ aa nĩo mamavĩtĩthasya; na ala matongoeaw’a nĩo manangawa.</verse>
				<verse number="17">Kwondũ wa ũu Mwĩaĩi ndakatanĩa anake moo, o na ndakew’ĩa tei ala moo makw’ĩĩwe nĩ aaĩthe na aka moo ndiwa; nũndũ kĩla ũmwe nĩ mũvuku na nĩ mwĩki wa naĩ, na kĩla kanyw’a nũneenaa ũtumanu. Ĩndĩ o na ũu w’onthe ũthatu wake ndwaalyũlwa, ĩndĩ kw’oko kwake nĩ kũtambũũku o na yu.</verse>
				<verse number="18">Nũndũ ũthũku nũvĩvasya ta mwaki; nũvĩvasya mĩtae na mĩw’a; ĩĩ, nũkwakana ikuthunĩ sya mũtitũ, na kwambata ta muumbĩ wa syũki.</verse>
				<verse number="19">Nthĩ nĩvĩvĩtwe vyũ ũndũ wa ũthilĩku wa Yeova wa nguthu; na andũ nĩ ta ngũ sya mwaki: vai mũndũ wĩmwĩw’ĩa tei mwana‐a‐inyia.</verse>
				<verse number="20">Na mũndũ akavenana ngalĩ ya kw’oko kwa aũme, na akeethĩwa na nzaa; na akaya ngalĩ ya kw’oko kwa aka, na matikavũna: makaya kĩla mũndũ nyama ya kw’oko kwake mwene:</verse>
				<verse number="21">Manase akaya Evalaimu; na Evalaimu, Manase; na me elĩ vamwe makamũkĩlĩla Yuta. Ĩndĩ o na ũu w’onthe ũthatu wake ndwaalyũlwa, ĩndĩ kw’oko kwake nĩ kũtambũũku o na yu.</verse>
			</chapter>
			<chapter number="10">
				<verse number="1">Woo nĩ wa ala matusaa motw’ĩo mate malũngalu, na wa aandĩki ala maandĩkaa mong’endu;</verse>
				<verse number="2">masiĩĩe athĩni sila wa katĩ, na kũvuta ngya sya andũ makwa kĩla kyoo, nĩ kana aka ndiwa methĩwe mũtavo woo, na nĩ kana matw’ĩkĩthye ala makw’ĩĩwe nĩ aaĩthe mũtavo woo!</verse>
				<verse number="3">Inyw’ĩ mũkeeka ata mũthenya wa kũsilĩlwa, na wanangĩkonĩ ũla wĩũka kuma kũasa? Mũkakĩĩa kwa ũũ mwone ũtethyo? Na mũkatia ndaĩa yenyu va?</verse>
				<verse number="4">Nde vo nyie makeekunamya nthĩ ĩtheo wa ala ove, na kũvalũka ĩtheo wa ala oai. Ĩndĩ o na ũu w’onthe ũthatu wake ndwaalyũlwa, ĩndĩ kw’oko kwake nĩ kũtambũũku o na yu.</verse>
				<verse number="5">We Mũasuli, ndata ya ũthatu wakwa, ndata ĩla nthĩnĩ wa kw’oko kwaku ve kũthilĩka kwakwa!</verse>
				<verse number="6">Ngamũtũma okite na mbaĩ mbuku, na ngamwĩaĩa ũndũ wa andũ ma ũthilĩku wakwa, atave mũtavo, na ose sya mbuta, na kũmakinyanga ta ndaka nzĩanĩ nene.</verse>
				<verse number="7">Ĩndĩ ndeĩsĩ ũu, o na ngoo yake ndĩũsũanĩaa ũu; ĩndĩ ngoonĩ yake kwĩ ũvoo wa kwananga, na kũveta mbaĩ mbingĩ.</verse>
				<verse number="8">Nũndũ easya, Anene makwa onthe me mbee ũsumbĩnĩ ti asumbĩ?</verse>
				<verse number="9">Kalino ti ta Kalikemisi? Amathi ti ta Alivati? Samalia ti ta Ndamasiku?</verse>
				<verse number="10">Tondũ kw’oko kwakwa kwonete mosumbĩ ma mĩvw’anano, ala mĩvw’anano yamo myasũvye nĩvĩtũkĩte ĩla ya Yelusaleme na ya Samalia;</verse>
				<verse number="11">ndikeka Yelusaleme na mĩvw’anano yayo o tondũ neekie Samalia na mĩvw’anano yayo?</verse>
				<verse number="12">Kwondũ wa ũu kũkeethĩwa, kana, o yĩla Mwĩaĩi ũkethĩwa aminĩte wĩa wake w’onthe kĩĩmanĩ kya Saioni na Yelusaleme, nyie ngakũna ũsyao wa ngoo yĩ vinya ya mũsumbĩ wa Asuli, na ũnene wa mũsyaĩlye wa mĩng’athĩlĩlyo.</verse>
				<verse number="13">Nũndũ nũneenete, Kwondũ wa vinya wa kw’oko kwakwa nĩnĩkĩte ũu, na kwondũ wa ũĩ wakwa; nũndũ nĩ na ũmanyi: na nĩnĩthamĩtye mĩvaka ya ngo sya andũ, na kũtava mothwii moo maie, na ta mũndũ ngũmbaũ nĩnĩtheeetye ala mekalaa ivĩlanĩ sya ũsumbĩ:</verse>
				<verse number="14">na kw’oko kwakwa nĩkwonete mothwii na ngo sya andũ ta ndala; na tondũ mũndũ wũmbanasya matumbĩ ala matiĩtwe, now’o nũmbanĩtye nthĩ yonthe: na vatyaĩ ũmwe ũla waavaalalya ũthwau, kana kwathamya kanyw’a, kana kũnyiila.</verse>
				<verse number="15">Ĩthoka yĩkamwĩkathĩĩĩa ũla ũtemaa nayo? Ĩng’weli yĩkamwĩnenevesya ũla ũtethasya wĩa nayo? Nĩ ta kwasya ndata ĩkatethya wĩa na ala mamyũkĩlasya, kana ndata ĩkamũkĩlya mwene nake ti mũtĩ.</verse>
				<verse number="16">Kwondũ wa ũu Mwĩaĩi, Yeova wa nguthu, akamaetee ala anou make ũmosu; na ĩtheo wa ũnene wake kũkakanw’a yekethe ta yekethe ya mwaki.</verse>
				<verse number="17">Na kyeni kya Isilaeli kĩkeethĩwa mwaki, na Ũla Mũtheu wake akeethĩwa ũmũĩ wa mwaki; na ũkavĩvya na kũmina mĩw’a yake na mĩtae yake mũthenya ũmwe.</verse>
				<verse number="18">Nake akamina ndaĩa ya mũtitũ wake, na ya mũũnda wake ũla ũsyaaa mũno, thayũ na mwĩĩ vamwe: na kũkeethĩwa kũilyĩ ta yĩla mũkui wa kĩvevelo ũnyalaa.</verse>
				<verse number="19">Na mĩtĩ ya mũtitũ wake ĩla yĩtiala ĩkeethĩwa ĩte mingĩ, ũndũ kana katonya kũandika ũtalo wayo.</verse>
				<verse number="20">Na kũkethĩwa mũthenya ũsu, atĩ ũtialo wa Isilaeli, na ala avonoku ma nyũmba ya Yakovo, matikamwĩkwatya ĩngĩ ũla wamakũnie, ĩndĩ makamwĩkwatya Yeova, Ũla Mũtheu wa Isilaeli, na w’o.</verse>
				<verse number="21">Ũtialo, naw’o nĩ ũtialo wa Yakovo, ũkamũsyokea Ngai ũla wĩ vinya.</verse>
				<verse number="22">O na kau andũ maku, Isilaeli, nĩ aingĩ ta kĩthangathĩ kya ũkanga, no ũtialo woo ũkasyoka: wanangĩko nũtw’ĩtwe, wusũĩte ũlũngalu.</verse>
				<verse number="23">Nũndũ wĩanĩu wa wanango, naw’o nĩ ũla ũtw’ĩtwe, Mwĩaĩi, Yeova wa nguthu, akawĩanĩsya katĩ wa nthĩ yonthe.</verse>
				<verse number="24">Kwondũ wa ũu Mwĩaĩi, Yeova wa nguthu, easya atĩĩ, Inyw’ĩ andũ makwa ala mũtwĩe Saioni, mũtikakĩe Mũasuli, o na ethĩwa emũkũna na ndata, na ũmũkĩlĩlya ndata yake, o tondũ kweekiwe Misili.</verse>
				<verse number="25">Nũndũ no kavinda kanini mũno, na ũthilĩku ĩũlũ waku ũkeanĩw’a, na ũthatu wakwa ũkamũvikĩa anangwe.</verse>
				<verse number="26">Na Yeova wa nguthu akamũkĩlĩlya mũsalisa, o tondũ kweekiwe kũawanĩ kwa Mitiani ĩvianĩ ya Olevi: na ndata yake ĩkeethĩwa ĩũlũ wa ũkanga, na akamyũkĩlya o tondũ kweekiwe Misili.</verse>
				<verse number="27">Na kũkethĩwa mũthenya ũsu, mũio wake ũkauma kĩtuonĩ kyaku, na ĩsoki yake yĩkauma ngingonĩ yaku, na ĩsoki yĩkaanangwa kwondũ wa ũnou.</verse>
				<verse number="28">Nũvikĩte Aiathi, nũvĩtĩle Mikiloni katĩ; nĩwiĩte mĩio yake ku Mikimasi;</verse>
				<verse number="29">nĩmakĩlĩle ũingĩloni; nĩmatw’ĩkĩthĩtye Ngeva vandũ voo va ũkoma; Lama nĩnĩũtetema; Ngivea ya Saulo nĩkĩĩte.</verse>
				<verse number="30">Ua mbu na wasya waku, we mwĩĩtu wa Ngalimu! Ĩthukĩĩsye, we Laisa! We Anathothi ya kũmakĩwa!</verse>
				<verse number="31">Matimena nĩ mũkĩi; ala matwĩe Ngevimu nĩmeũkĩĩa vandũ vate mũisyo.</verse>
				<verse number="32">Mũnthĩ ũũ akaũngama ku Novu: nũnũũkĩtukangĩa kw’oko kwake kĩĩma kya mwĩĩtu wa Saioni, nakyo nĩ kĩĩma kya Yelusaleme.</verse>
				<verse number="33">Sisya, Mwĩaĩi, Yeova wa nguthu, akatema mbonge na wai: na ala aasa makavalũkw’a, na ala me na wĩng’athĩlĩlyo makatheew’a.</verse>
				<verse number="34">Na akatema ikuthu syĩ mũtitũnĩ na kĩaa, na Levanoni ĩkavalũkw’a nĩ ũla wĩ ũtonyi.</verse>
			</chapter>
			<chapter number="11">
				<verse number="1">Na kũkathongooa nthongooo kuma kĩtinanĩ kya Yese, na ũvonge kuma mĩinĩ yake ũkasyaa ũsyao.</verse>
				<verse number="2">Na Veva wa Yeova nũkekalaa ĩũlũ wake, veva wa ũĩ na ũmanyi, veva wa ũtao na vinya, veva wa kũmanya na wa kũmũkĩa Yeova.</verse>
				<verse number="3">Kwendeew’a kwake kũkethĩawa nthĩnĩ wa kũmũkĩa Yeova; na ndakasila kwĩanana na kwona kwa metho make, kana kũtw’a kwĩanana na kwĩw’a kwa matũ make;</verse>
				<verse number="4">ĩndĩ nũkasilĩlaa ngya na ũlũngalu, na kũmatusĩaa ala auu ma nthĩ katĩ; na nũkakũnaa nthĩ na ndata ya kanyw’a wake; na nũkoaaa ala athũku na mĩthũmũ ya ilomo syake</verse>
				<verse number="5">Na ũlũngalu ũkethĩawa mũsivi wa kwĩvotoa kwake, na kĩthito mũsivi wa kĩnyunyu kyake.</verse>
				<verse number="6">Na nzũi nĩkekalanasya na katena ka ĩlondu, na ngo nĩkatindianĩaa na katena ka mbũi; na kasaũ ka ng’ombe na mũnyambũ wa mũika na ng’ombe nou vamwe; na kana kanini nĩkakaitongoeasya.</verse>
				<verse number="7">Na ng’ombe na nduva nikaĩsanĩaa vamwe; tũsaũ twasyo tũkatindiaa vamwe; mũnyambũ nũkaĩsaa nyeki ta ng’ombe.</verse>
				<verse number="8">Na kana kekwonga nĩkakathaũkĩaa vala ve ĩima ya kĩko, na kana kaaĩu nĩkakekĩaa kw’oko kwako ĩĩmanĩ ya kĩmbuva.</verse>
				<verse number="9">Kũtikew’anĩthw’a woo kana kwanangana kĩĩmanĩ kyakwa kyonthe kĩtheu; nũndũ nthĩ ĩkausũw’a nĩ kũmũmanya Yeova, o tondũ manzĩ mekunĩkĩlye ũkanga.</verse>
				<verse number="10">Na kũkethĩwa mũthenya ũsu, kĩtina kya Yese, kĩla kĩũngamaa kĩthĩwe kĩvevelo kya ngo sya andũ, mbaĩ ikamũmantha; na vandũ vake va ũthũmũa vakethĩwa va ndaĩa.</verse>
				<verse number="11">Na kũkethĩwa mũthenya ũsu, Yeova nũkatambũũkya kw’oko kwake ĩvinda ya kelĩ atũnge ũtialo wa andũ make ala makatiala, kuma nthĩ ya Asuli, na Misili, na Vathilosi, na Kusi, na Elamu, na Sinali, na Amathi, na ithamanĩ sya ũkanga.</verse>
				<verse number="12">Na nũkokĩlya kĩvevelo ũndũ wa mbaĩ, na kũmban’ya alũngw’a ma Isilaeli, na kũmban’ya vamwe ala anyaĩĩku ma Yuta kuma ikotonĩ inya sya nthĩ.</verse>
				<verse number="13">O na kĩwĩu kya Evalaimu nĩkĩkathela, na ala mathĩnasya Yuta nĩmakavetwa: Evalaimu ndakamwĩw’ĩa Yuta kĩwĩu, na Yuta ndakamũthĩn’ya Evalaimu.</verse>
				<verse number="14">Na nĩmakaũlũka mavuĩle ituonĩ sya Avilisiti ũthũĩlonĩ wa syũa; me vamwe makavuta ana ma wumĩlonĩ wa syũa: nĩmakatambũũkĩsya Etomu na Moavi kw’oko kwoo; na ana ma Amimoni nĩmakamew’a.</verse>
				<verse number="15">Na Yeova nũkananga vyũ ũĩmĩ wa ũkanga wa Misili; na e na kĩseve kyake kĩla kĩvĩvasya nũkatukangĩa kw’oko kwake ũla Ũsĩ, na kũkũna ũtw’ĩke tũlũsĩ mũonza, na kũvĩtĩlya andũ iatũ iteũkinya manzĩ.</verse>
				<verse number="16">Na nĩkũkethĩwa lelũ kwondũ wa ũtialo wa andũ make, ala makatiala, kuma nthĩ ya Asuli; o tondũ kwailyĩ kwondũ wa Isilaeli mũthenya ũla waumie nthĩ ya Misili.</verse>
			</chapter>
			<chapter number="12">
				<verse number="1">Na mũthenya ũsu nũkasya, Ngakũtũngĩa mũvea, ame Yeova; o na kau waĩ ũnanthatĩa, ũthatu waku nũalyũlĩte, naku nũũngiakisya.</verse>
				<verse number="2">Sisya, Ngai nĩ ũtangĩĩo wakwa; ngaĩkĩĩa, na ndikakĩa: nũndũ Yeova, o Yeova, nĩ vinya wakwa na wathi wakwa; nake nũtw’ĩkĩte ũtangĩĩo wakwa.</verse>
				<verse number="3">Kwondũ wa ũu mũkatava manzĩ na ũtanu ithimanĩ sya ũtangĩĩo.</verse>
				<verse number="4">Na mũthenya ũsu nĩmũkasya, Tũngĩai Yeova mũvea, ĩkaĩlei syĩtwa yake, tavan’yai meko make katĩ wa andũ, wetai kana syĩtwa yake nĩyĩũnenevw’a.</verse>
				<verse number="5">Mũkumyei Yeova; nũndũ nĩwĩkĩte maũndũ manene: ũu ũmanyĩke nthĩ yonthe.</verse>
				<verse number="6">Neena mũno, ũkĩlya wasya mũnene, we Ũla ũtwĩe Saioni; nũndũ Ũla Mũtheu wa Isilaeli nĩ mũnene katĩ waku.</verse>
			</chapter>
			<chapter number="13">
				<verse number="1">Ndeto ngito ũndũ wa Mbaviloni, ĩla Isaia mwana wa Amosu wonie.</verse>
				<verse number="2">Ũngamyai kĩvevelo kĩĩmanĩ kĩthei, mokĩlĩlyei wasya, onenelyai na kw’oko, nĩ kana malike mbingĩlonĩ sya ala anene me ndaĩa.</verse>
				<verse number="3">Nĩnĩmeaĩe andũ makwa ala mavathanĩtw’e, ĩĩ, nĩnĩmetĩte ngũmbaũ syakwa kwondũ wa kwĩanĩsya ũthatu wakwa, o makwa ala metaĩaa makĩkathĩĩa.</verse>
				<verse number="4">Kĩlonzo kya nguthu iĩmanĩ, o ta kya andũ aingĩ! Kĩlonzo kya kĩtuu kya mosumbĩ ma i mbaĩ syũmbanĩte vamwe! Yeova wa nguthu nũkũmban’ya nguthu ũndũ wa kaũ.</verse>
				<verse number="5">Nĩmaumĩte nthĩ ĩ kũasa, kuma kĩtulu kya ĩtu, o Yeova, na mĩio ya kaũ ya ũthatu wake, kwananga nthĩ yonthe.</verse>
				<verse number="6">Metai: nũndũ mũthenya wa Yeova nĩ mũthengeeu, ũkooka ta wanangĩko wumĩte kwa Mwene Vinya W’onthe.</verse>
				<verse number="7">Kwondũ wa ũu moko onthe makeethĩwa maleelu, na kĩla ngoo ya mũndũ ĩkatweka:</verse>
				<verse number="8">na makateva; makakwatwa nĩ mawoo na imako; makeethĩwa na woo ta mũndũ mũka akyaũnya: makasyan’ya na ũseng’yo; mothyũ moo makeethĩwa mothyũ ma ũmũĩ wa mwaki.</verse>
				<verse number="9">Sisya, mũthenya wa Yeova nĩwũkĩte, mwai, wĩ na ũthilĩku na ũthatu mwai; ũtw’ĩkĩthye nthĩ nthei, na kwananga ala athe mayo mamyume.</verse>
				<verse number="10">Nũndũ ndata sya ĩtunĩ na syeni syavo itikaumya kyeni kyasyo; syũa yĩkaya kĩvindu yĩkyuma, na mwei ndũkaumya kyeni kyaw’o.</verse>
				<verse number="11">Na ngakũna nthĩ ũndũ wa ũthũku, na ala athũku ũndũ wa ũthũku woo: na ngamina ngathĩĩo ya ekathĩĩi, na ngatheesya wĩng’athĩlĩlyo wa ala ma kũtĩsya.</verse>
				<verse number="12">Ngatw’ĩkĩthya mũndũ ethĩwe vata mũno kwĩ thaavu mũseo, o mũndũ kwĩ thaavu mũtheu wa Ovilu.</verse>
				<verse number="13">Kwondũ wa ũu ngatetemya matu, na nthĩ ĩkathingithangw’a yume vandũ vayo, kũthilĩkanĩ kwa Yeova wa nguthu, na mũthenya wa ũthatu wake mwai.</verse>
				<verse number="14">Na kũkeethĩwa, o ta nthwaia nga ĩlũngĩtw’e, na ta malondu ala mate mũndũ o na wĩva wa kũmatũngĩanĩa, makaalũka kĩla mũndũ kwa andũ make, na makakĩa kĩla mũndũ aende nthĩ yake mwene.</verse>
				<verse number="15">Kĩla mũndũ wĩoneka akatonywa mũkuthũ; na kĩla mũndũ wĩkwatwa akavalũkw’a na ũvyũ.</verse>
				<verse number="16">Na tũũkenge twoo tũkang’atang’anw’a tũtilĩkange tũlungu mene na metho moo; nyũmba syoo ikatavwa mĩio, na iveti syoo ikakindwa.</verse>
				<verse number="17">Sisya, ngamokĩlĩlya Ametia, ala matakasisya vetha, o na thaavu matikendeew’a nĩw’o.</verse>
				<verse number="18">Na mata moo makavalũkya anake mavevenzeke; na matikawĩw’ĩa tei ũsyao wa ĩvu; metho moo matikaeka syana.</verse>
				<verse number="19">Na Mbaviloni, ndaia ya mosumbĩ, ũseo wa ngathĩĩo ya Akalitei, ĩkeethĩwa ĩilyĩ ta yĩla Ngai wang’uthũlangile Sotomo na Ngomola.</verse>
				<verse number="20">Ndĩkatũwa nĩ andũ o na ĩndĩĩ, o na ndĩkekalwa kuma nzyawa na nzyawa: o na Mwalavu ndakamba ĩeema kw’o; o na aĩthi maikatindisya ndĩthya syoo sya mbũi na malondu kw’o.</verse>
				<verse number="21">Ĩndĩ nyamũ mbai sya weũnĩ ikatindiaa kw’o; na nyũmba syoo ikausũa nyamũ ila syĩ wasya wa kũtĩsya; na nyaa ikekalaa kw’o, na mbũi sya kĩthekanĩ ĩkatũvanasya kw’o.</verse>
				<verse number="22">Na nzũĩ ikakũmĩaa nyũmbanĩ syoo nene syĩ kĩemo, na mbĩwa nyũmbanĩ nene mbanakavye sya kwendeesya: na ĩvinda yayo nĩ ĩthengeeu, na mĩthenya yayo ndĩkongeleka.</verse>
			</chapter>
			<chapter number="14">
				<verse number="1">Nũndũ Yeova akamwĩw’ĩa Yakovo tei, o na akanyuva Isilaeli, na kũmaia nthĩ yoo ene: na mwĩkali wa ũeninĩ akavulana nao, na makalũman’ya na nyũmba ya Yakovo.</verse>
				<verse number="2">Na ngo sya andũ ikamosa, na kũmatwaa vandũ voo, na nyũmba ya Isilaeli ĩkeethĩwa nasyo nthĩ ya Yeova syĩthĩwe athũkũmi aũme na eĩtu: na makaitava ila syamatavĩte, na makaisumbĩka ila syamathĩnisye.</verse>
				<verse number="3">Na kũkeethĩwa mũthenya ũla Yeova wĩkũthũmũsya woo waku, na thĩna waku, na ũthũkũmi wĩ vinya ũla wathũkũmĩthiw’e,</verse>
				<verse number="4">nĩw’o wĩneena nthimo ĩno ĩũlũ wa mũsumbĩ wa Mbaviloni, na kwasya, Kaĩ! Mũthĩn’ya nũthelete! Ndũa ya thaavu nĩthelete!</verse>
				<verse number="5">Yeova nũtũlĩte ndata ya athũku, ndata ya ũsumbĩ ya ala masumbĩkaa;</verse>
				<verse number="6">ala makũnie ngo sya andũ kũthilĩkanĩ na ĩkũna ya mavinda onthe, ala masumbĩkie i mbaĩ na ũthatu, na thĩna ũla ũtaĩ ũsiĩĩĩka nĩ mũndũ.</verse>
				<verse number="7">Nthĩ yonthe nĩthũmũĩte, na nĩvindĩtye: nĩmakwatĩtye kwina.</verse>
				<verse number="8">Ĩĩ, mĩtĩ ya mĩsonovali nĩnĩũkũtanĩa, o na mĩkũũ ya Levanoni, ĩkyasya, Kuma wanyivw’a, vai mũtemi wa mĩtĩ waatwambatĩĩa.</verse>
				<verse number="9">Seoli nĩveũthingithw’a ku nthĩnĩ kwondũ waku vakũthaũe ũkyũka; nĩvokĩlangĩtye akw’ũ kwondũ waku, o anene onthe ma nthĩ; nĩvokĩlĩtye kumya ivĩlanĩ syoo sya ũsumbĩ asumbĩ onthe ma i mbaĩ.</verse>
				<verse number="10">Asu onthe makasũngĩa na ũkũkũlya, Naku nĩwonzie taitũ? Nũtw’ĩkĩte taitũ?</verse>
				<verse number="11">Wĩnenevyo waku nũtheeetw’e Seoli, vamwe na mawasya ma tũnanda twaku: walanĩlw’e kĩinyu, na iinyu niũkũvw’ĩka.</verse>
				<verse number="12">Kaĩ! Wĩ mũvalũku kuma ĩtunĩ, we ndata ya mũthenya, mwana wa kĩoko! Ũtemetwe ũkavikw’a nthĩ, we ũla wavalũkilye i mbaĩ nthĩ!</verse>
				<verse number="13">Naku wasya ngoonĩ yaku, Ngambata ĩtunĩ, ngookĩlya kĩvĩla kyakwa kya ũsumbĩ ĩũlũ wa ndata sya Ngai; na ngekala kĩĩmanĩ kya ũmbano, kĩtulunĩ kya ngalĩ ya ĩũlũ;</verse>
				<verse number="14">ngambata kũvĩta ũtũlu wa mathweo; ngeetw’ĩkĩthya ta Ũla Wĩ Ĩũlũ wa Onthe.</verse>
				<verse number="15">Ĩndĩ ũkatheew’a Seoli, mũthelekelyonĩ wa yĩla ĩima.</verse>
				<verse number="16">Ala mekwona makakũketeea, na makasũanĩa ũndũ waku, makyasya, Mũndũ ũũ nĩwe ũla watetemasya nthĩ, ũla wathingithangasya mosumbĩ;</verse>
				<verse number="17">ũla watw’ĩkĩthisye nthĩ weũ, na kwananga ndũa syayo; ũla ũtaathasya ovwa make menũke?</verse>
				<verse number="18">Asumbĩ onthe ma i mbaĩ, onthe vyũ, nĩmakomete ndaĩanĩ, kĩla ũmwe nyũmbanĩ yake mwene.</verse>
				<verse number="19">Ĩndĩ we nĩwĩkĩtw’e kũasa na ngunga yaku vala akw’ũ maiawa ta ũvonge ũthatasya, ũvw’ĩkĩtwe ala mooaiwe, ala matonyiwe mũkuthũ na ũvyũ, ala matheeaa kũvika mavianĩ ma ĩima; ta kimba kĩkinyangĩwe nthĩ na maũũ.</verse>
				<verse number="20">Ndũkavulanw’a nao kũthikwanĩ, nĩkwĩthĩwa nĩwanangĩte nthĩ yaku, nĩwũaĩte andũ maku; ũsyao wa eki ma naĩ ndũkawetwa o na ĩndĩĩ.</verse>
				<verse number="21">Seũvyai vandũ va kũaĩa syana syake nũndũ wa ũthũku wa aaĩthe masyo, itikaaũkĩle, na kũmesya nthĩ, na kusũsya nthĩ ndũa.</verse>
				<verse number="22">Nakwa ngasyũkĩlĩla, easya ũu Yeova wa nguthu, na kũveta kuma Mbaviloni syĩtwa na ũtialo, na mwana na nzũkũlũ, easya ũu Yeova.</verse>
				<verse number="23">O na ngatw’ĩkĩthya nthĩ ya ũtũa nzee, na maia ma manzĩ: na ngamĩvyaĩa na ũvyaĩo wa wanangĩko, easya ũu Yeova wa nguthu.</verse>
				<verse number="24">Yeova wa nguthu nĩwĩvĩtĩte, akyasya, Vate ndĩi, o ũndũ nasũanĩe, now’o kũkethĩwa; na ũndũ natwie, now’o kũkekĩka:</verse>
				<verse number="25">atĩ ngaananga Mũasuli ũla wĩ nthĩ yakwa, na kũmũkinyangĩa iĩmanĩ syakwa: nĩvo ĩndĩ ĩsoki yake yĩuma kwoo, na mũio wake wĩuma ituonĩ syoo.</verse>
				<verse number="26">Ũsu nĩw’o ũtw’ĩo ũla ũtw’ĩĩwe nthĩ yonthe; na kũu nĩkw’o kw’oko kũla kũtambũũkĩw’e mbaĩ syonthe.</verse>
				<verse number="27">Nũndũ Yeova wa nguthu nũtw’ĩte, na nũũ ũla wĩũalyũla? Na kw’o kokwake nĩ kũtambũũku, na nũũ ũla wĩkũluta?</verse>
				<verse number="28">Mwaka ũla mũsumbĩ Aasu wakwie kwaĩ ndeto ĩno ngito.</verse>
				<verse number="29">Ndũkatane, we Vilisitia yonthe, nĩkwĩthĩwa ndata ĩla yakũkũnie nĩ ndũlĩku; nũndũ kĩmbuva kĩkauma kĩtinani kya nzoka, na ũsyao wakyo ũkeethĩwa nzoka ĩũlũkaa ĩilyĩ mwaki.</verse>
				<verse number="30">Na makithathi ma ngya makaĩsaa, na ala athĩni makakomaa mate na mũisyo; na ngooaa kĩtina kyaku na yũa, na ũtialo waku ũkooawa.</verse>
				<verse number="31">Kaya, we mbingĩlo; ĩa, we ndũa; nũtwekete, we Vilisitia yonthe; nũndũ syũki nĩyũkĩte kuma ngalĩ ya ĩũlũ, na vati ũmwe wĩtiĩlwa ĩtina mĩkwĩlĩnĩ yake.</verse>
				<verse number="32">Na ĩndĩ mũndũ akasũngĩa atũmwa ma ĩ mbaĩ ata? Atĩ Yeova nĩwambĩlĩlye wambĩlĩlyo wa Saioni, na nthĩnĩ wayo andũ make mathĩnaw’a makeevitha.</verse>
			</chapter>
			<chapter number="15">
				<verse number="1">Ndeto ngito ũndũ wa Moavi. Nũndũ ũtukũ o ũmwe ndũa ya Ali nthĩ ya Moavi nĩtw’ĩkĩthĩtw’e ĩanzo, na kwanangwa vyũ; nũndũ ũtukũ o ũmwe ndũa ya Kili nthĩ ya Moavi nĩtw’ĩkĩthĩw’e ĩanzo, na kwanangwa vyũ.</verse>
				<verse number="2">Nĩmambatĩte Mbayithi, na Ndivoni, kũndũ kũtũlu, maĩĩe kw’o: Moavi nĩnĩkũmetea Nevo, na Meteva; mĩtwenĩ yoo yonthe yĩ mbaa, ing’ew’a syonthe nĩ ndile.</verse>
				<verse number="3">Nzĩanĩ syoo nene nĩmevotoaa makunia; nyũmbanĩ syoo ĩũlũ, na kũndũ kwoo kũthanthau, kĩla mũndũ nũmetaa na kũĩa mũno.</verse>
				<verse number="4">Na Esivoni na Eleale nikũĩa; wasya wasyo nũkwĩw’ĩka o kũvika Yaasa: kwondũ wa ũu andũ ma Moavi ala mekĩĩte mĩio ya kaũ nĩmaĩaa na wasya mũnene; ngoo yake nĩnĩũtetemea nthĩnĩ wake.</verse>
				<verse number="5">Ngoo yakwa nĩnĩkũĩa kwondũ wa Moavi; anene mayo me ndaĩa masemba Nzoali, kũvika Ekilathi‐selisiya: nũndũ nĩmekwambata kyambatonĩ kya Luithi makĩĩa; nũndũ nzĩanĩ ya Olonaimu nĩmeũkĩlya wasya wa kĩĩo ũndũ wa wanangĩko.</verse>
				<verse number="6">Nũndũ manzĩ ma Nimilimu makeethĩwa mang’alĩte; nũndũ nyeki nĩyũmĩte, nyeki ya vuvĩ nĩvovete, vati kĩndũ kĩũ.</verse>
				<verse number="7">Kwondũ wa ũu wingĩ ũla mombanĩtye, na kĩla maiĩte, makakua maingye kalũsĩ ke ĩla mĩtĩ ĩmeaa vo.</verse>
				<verse number="8">Nũndũ kĩĩo nĩkĩthyũlũlũkĩte mĩvakanĩ yonthe ya Moavi; kũmeta kwayo nĩkũvikĩte Ekilaimu, na kũmeta kwayo nĩkũvikĩte Mbeeli‐elimu.</verse>
				<verse number="9">Nũndũ manzĩ ma Ndimoni nĩmausũĩte nthakame; nũndũ ngamĩetee Ndimoni ũndũ ũngĩ, mũnyambũ kwa ala ma Moavi ala mevonoka, na ala metiala ĩ nthĩ.</verse>
			</chapter>
			<chapter number="16">
				<verse number="1">Mũtwaĩei mũsumbĩki wa nthĩ tũla tũtena twa malondu kumya Sela kũvika weũnĩ, kũvika kĩĩma kya mwĩĩtu wa Saioni.</verse>
				<verse number="2">Nũndũ kũkeethĩwa atĩ ta nyũnyi ila iũlũkaa kũũ na kũũ, ta ndala mbalaan’ye, now’o eĩtu ma Moavi makethĩwa mailyĩ masyũkonĩ ma Alinoni.</verse>
				<verse number="3">Taa, sila katĩ; tw’ĩkĩthya muunyĩ waku wa mũthenya katĩ wĩthĩwe ta ũtukũ; vitha alũngw’a; ndũkamũvũnyanĩe mũkĩi.</verse>
				<verse number="4">Alũngw’a makwa matũe kwaku; ũvoo wa Moavi, we wĩthĩwe wĩvitho wake kuma ũthyũnĩ wa mwanangi. Nũndũ mũvutani nũtw’ĩkĩthĩtw’e wa mana, wanangĩko nĩ mũthelu, anyamasya nĩmanangĩtwe kuma nthĩ.</verse>
				<verse number="5">Na kĩvĩla kya ũsumbĩ kĩkalũlũmĩlw’a ũseonĩ wĩ wendo; na ũmwe akakĩkalĩla na w’o, ĩeemanĩ ya Ndaviti, akĩsila, na akĩmantha kũsila katĩ, na kwĩthĩwa e mĩtũkĩ wa kwĩka ũlũngalu.</verse>
				<verse number="6">Nĩtwĩw’ĩte ũvoo wa ngathĩĩo ya Moavi, atĩ e na ngathĩĩo mũno; o na wĩng’athĩlĩlyo wake, na ngathĩĩo yake, na kũthilĩka kwake; mĩtũlyo yake nĩ mana.</verse>
				<verse number="7">Kwondũ wa ũu Moavĩ akameta nũndũ wa Moavi, kĩla ũmwe akameta: mũkameta nũndũ wa tũmũtũ twĩ nzavivũ twa Kili‐alesethi, mwĩ akũne vyũ.</verse>
				<verse number="8">Nũndũ mĩũnda ya Esivoni nĩnĩkũma, na mũsavivũ wa Sivima; eaĩi ma i mbaĩ nĩmatũlĩte mbonge nzeo syaw’o, ila syavilie o Yaseli, ila syatambie kũvika weũnĩ; nthongooo syaw’o nĩsyeenyaisye mũno, nĩkĩlĩte ũkanga.</verse>
				<verse number="9">Kwondũ wa ũu ngaĩa vamwe na andũ ma ku Yaseli ũndũ wa mũsavivũ wa Sivima; ngakũnyithya na methoi makwa, we Esivoni, na Eleale; nũndũ wasya wa kaũ nũvalũkĩle mosyao maku ma ĩvinda ya syũa na ngetha yaku.</verse>
				<verse number="10">Mũyo nũvetetwe, na ũtanu nĩumĩtw’e mũũndanĩ wĩ ũsyao; na mĩũndanĩ ya mĩsavivũ kũikethĩwa kwina, kana wasya wĩ ũtanu: mũkinyangi o na wĩva ndakakinyanga nzavivũ iangĩonĩ; nĩnĩkilĩthĩtye wasya wa ngetha ya nzavivũ.</verse>
				<verse number="11">Kwondũ wa ũu ngoo yakwa nĩnĩũkaya ta mbeve kwondũ wa Moavi, na nthĩnĩ wakwa ve kĩĩo kwondũ wa Kili‐elesi.</verse>
				<verse number="12">Na kũkeethĩwa, yĩla Moavi wĩĩyumĩlya, yĩla wĩĩnoesya kũndũ kũtũlu, na aiũka vandũ vake vatheu avoye, ndakakĩlya vinya.</verse>
				<verse number="13">Ĩno nĩyo ndeto ĩla Yeova waneenie ũndũ wa Moavi ĩvinda ĩvĩtu.</verse>
				<verse number="14">Ĩndĩ yu Yeova nũneenete, akyasya, Nthĩnĩ wa myaka ĩtatũ, ta myaka ya mũthũkũmi, ũnene wa Moavi ũkavũthw’a, vamwe na wingĩ wa andũ make; na ũtialo ũkeethĩwa mũnini mũno na ũte vata.</verse>
			</chapter>
			<chapter number="17">
				<verse number="1">Ndeto ngito ũndũ wa Ndamasiku. Sisya, Ndamasiku nĩvetetwe ndĩkethĩwe ndũa, na ĩkeethĩwa kĩvumbu kya ũomboku.</verse>
				<verse number="2">Ndũa sya Aloeli nĩtiĩtwe; itw’ĩkĩte sya ndĩthya sya mbũi na malondu, ila ikatindĩa, na vai ũla ũkaitelemya.</verse>
				<verse number="3">Na ngome ĩkathela kwa Evalaimu, na ũsumbĩ kuma Ndamasikũ, na ũtialo wa Silia; makeethĩwa ta ũnene wa ana ma Isilaeli, easya ũu Yeova wa nguthu.</verse>
				<verse number="4">Na kũkeethĩwa mũthenya ũsu, kana ũnene wa Yakovo ũkaoleka, na ũnou wa mwĩĩ wake ũkatw’ĩka kĩmosa.</verse>
				<verse number="5">Na kũkeethĩwa o ta yĩla mũkethi ũkethaa lĩu ũtũĩtye, na kw’oko kwake kũiketha iia; ĩĩ, kũkeethĩwa o ta yĩla mũndũ wĩthĩanasya iia mwandanĩ wa Alevai.</verse>
				<verse number="6">Ĩndĩ kũkatiala mothean’yo, ta kũthingithangw’a kwa mũthata, tũthata twĩlĩ kana tũtatũ mũthyanĩ wa ũvonge wĩ ĩũlũ kwĩ syonthe, tũna kana tũtano mbongenĩ itambũkĩte ndee kwĩ ila ingĩ syonthe, mũtĩnĩ wĩ ũsyao, easya ũu Yeova, Ngai wa Isilaeli.</verse>
				<verse number="7">Mũthenya ũsu andũ makasisya Mũmbi woo, na metho moo makamũsiasya Ũla Mũtheu wa Isilaeli.</verse>
				<verse number="8">Na matikasiasya ithembeo, wia wa moko moo; o na matikasiasya kĩla kyaseũviw’e nĩ syaa syoo, Aselimu, kana mĩvw’anano ya syũa.</verse>
				<verse number="9">Mũthenya ũsu ndũa syoo syĩ vinya ikeethĩwa ta kũndũ kũtie mũtitũnĩ na kĩĩmanĩ ĩũlũ, ila syatiiwe makĩindũka ana ma Isilaeli; na kw’o kũkeethĩwa kũthei.</verse>
				<verse number="10">Nũndũ nĩwũlĩtwe nĩ Ngai wa ũtangĩĩo waku, na ndwaalilikana ĩvia ya vinya waku; kwondũ wa ũu nũvandaa mĩtĩ ya kwendeesya, na kũvanda tũũvonge twa kũngĩ.</verse>
				<verse number="11">Mũthenya ũla ũvandaa nũvaiiaa, na kĩoko ũituma mbeũ yaku ĩlaũka; ĩndĩ ngetha nĩkĩaa mũthenya wa kĩmako na wa woo mũnene.</verse>
				<verse number="12">A! Kĩtuu kya andũ aingĩ, ala malitũkaa ta kĩlitũko kya maũkanga; na kũsemba kwa mbaĩ, ila isembaa mĩtũkĩ ta kũsemba kwa manzĩ maingĩ!</verse>
				<verse number="13">Mbaĩ ikasemba mĩtũkĩ ta kũsemba kwa manzĩ maingĩ: ĩndĩ akaĩkan’ya, na ikakĩa iende kũasa, na ikalũngw’a ta wewa wĩ iĩmanĩ nĩ kĩseve, na ta kũũlũkw’a kwa kĩtoo nĩ kĩuutani.</verse>
				<verse number="14">Wĩoo, sisya ũtĩsyo; na kũtanakya mativaĩ. Kĩĩ nĩkyo kĩanda kya ala meũtũtava, na kĩanda kya ala meũtũvuta.</verse>
			</chapter>
			<chapter number="18">
				<verse number="1">A! Nthĩ ya kĩuumo kya nthwau, ĩla yĩ mũingo wa mbũsĩ sya Ethiovia;</verse>
				<verse number="2">ĩla ĩtũmĩlaa atũmwa nzĩanĩ ya ũkanga, tũkalawanĩ twa malula manzĩnĩ, ĩkyasya, Endai, inyw’ĩ atũmwa mwĩ mĩtũkĩ, kwa mbaĩ ndasa na ndendeu, kwa andũ ma ũtĩsya kuma wambĩlĩlyo woo kũvika na yu, mbaĩ ĩla ĩthimaa na kũkinyanga, ĩla nthĩ yayo yatũanganĩtw’e nĩ mbũsĩ!</verse>
				<verse number="3">Inyw’onthe ala mũtwĩe nthĩ, na inyw’ĩ mwĩkalaa kũũ nthĩ, sisyai, yĩla kĩvevelo kĩũkĩlw’a iĩmanĩ; ĩthũkĩĩsyei, yĩla soo wĩvuvwa.</verse>
				<verse number="4">Nũndũ ũu nĩw’o Yeova wambĩie, Ngavindya, na ngasisya nĩ wĩkalonĩ wakwa, ta muutĩa mũkelemu syũanĩ, ta mũmbĩ wĩ ĩmwe muutĩanĩ wa ĩvinda ya ngetha.</verse>
				<verse number="5">Nũndũ ngetha ĩtanavika, yĩla kũlaũka kũthelete, na ĩlaa yĩitwĩ’ka nzavivũ ĩla ĩkwĩw’a, akatema tũmĩlĩso na kavyũ ke ngoto ka kũsea, na ndĩso ila syĩnyaĩtwe ila ndeme akaveta.</verse>
				<verse number="6">Syonthe vamwe ikatiĩwa nyũnyi mbai sya iĩmanĩ, na nyamũ sya nthĩ; na nyũnyi isu mbai ikekala ĩũlũ woo ĩvinda ya syũa, na nyamũ syonthe sya nthĩ ikekala ĩũlũ wasyo ĩvinda ya mbevo.</verse>
				<verse number="7">Ĩvinda yĩu mũthĩnzĩo ũkaetewe Yeova wa nguthu kuma andũnĩ aasa na atendeu, o kuma andũnĩ ma kũtĩsya kuma wambĩlĩlyo woo kũvika na yu, mbaĩ ĩla ĩthimaa na kũkinyanga, ĩla nthĩ yayo yatũanganĩtw’e nĩ mbũsĩ, kũvika vandũ va syĩtwa ya Yeova wa nguthu, kĩĩma kya Saioni.</verse>
			</chapter>
			<chapter number="19">
				<verse number="1">Ndeto ngito ũndũ wa Misili. Sisya, Yeova nũendete akuĩtwe nĩ ĩthweo yĩendaa mĩtũkĩ, kũvika Misili: na mĩvw’anano ya Misili ĩkathingithangĩa mbee wake; na ngoo ya Misili ĩkatweka nthĩnĩ wayo.</verse>
				<verse number="2">Na ngookĩlya Amisili mokite na Amisili: na makokita kĩla ũmwe na mwana‐a‐inyia, na kĩla ũmwe na mũtũi wake; ndũa ĩkokita na ndũa, na ũsumbĩ na ũsumbĩ.</verse>
				<verse number="3">Na veva wa Misili ũkathelekela nthĩnĩ wayo; na ngaananga ũtao wayo; na makamantha ũtethyo kwa mĩvw’anano, na kwa eki ma syama, na kwa ala mesene na maveva, na kwa ala mombasya ithitũ.</verse>
				<verse number="4">Na nganengane Amisili kw’okonĩ kwa mwĩaĩi mũthũku; na mũsumbĩ mwai akamasumbĩka, easya ũu Mwĩaĩi, Yeova wa nguthu.</verse>
				<verse number="5">Na manzĩ makanyiva ũkanganĩ, na ũla ũsĩ ũkang’ala wũme vyũ.</verse>
				<verse number="6">Na mbũsi ikanyunga naĩ; na mĩtaũnĩ mĩnene manzĩ makanyiva na kũng’ala; mĩangi na makangaa makavova.</verse>
				<verse number="7">Nyeki yĩ vakuvĩ na ũsĩ wa Naelo, mwaĩĩonĩ wa Naelo, na kw’onthe kũla kũvandĩtwe vakuvĩ na Naelo, kũkooma, na kũvetwa, na kũikethĩwa kw’o ĩngĩ.</verse>
				<verse number="8">Na atei ma makũyũ makaĩa, na onthe ala mekasya itei ũsĩnĩ wa Naelo makameta, na ala malanasya itei sya makũyũ manzĩnĩ ĩũlũ makaaa vinya.</verse>
				<verse number="9">Na ĩngĩ ala matethasya wĩa na ndii nzanũe sya katane, na ala matumaa ngũa nzaũ, makathokoanw’a.</verse>
				<verse number="10">Na ituĩ sya Misili ikatũlangwa ilungu; onthe ala matethasya wĩa wa ũtuvwa makeew’a woo ngoonĩ syoo.</verse>
				<verse number="11">Anene me mbee ũsumbĩnĩ ma Nzoani nĩ atumanu vyũ; ũtao wa atai ala oĩ mbee ma Valao nũtw’ĩkĩte ta wa nyamũ: mwĩmwĩa Valao ata, Nyie nĩ mwana wa ala oĩ, mwana wa asumbĩ ma tene tene?</verse>
				<verse number="12">Andũ maku oĩ maĩva ĩndĩ? Makũtavye yu; nĩmamanye ũndũ Yeova wa nguthu ũsũanĩĩte wa Misili.</verse>
				<verse number="13">Anene me mbee ũsumbĩnĩ ma Nzoani nĩmatw’ĩkĩte ndia, ala me mbee ũsumbĩnĩ wa Memivisi nĩmakengetwe; nĩmatumĩte Misili yaa, asu ĩvia ya kĩkotonĩ ya mbaĩ syayo.</verse>
				<verse number="14">Yeova nũvulanĩtye veva wa ũng’endu nthĩnĩ wayo; na nĩmatumĩte Misili yaa kĩla wĩanĩ wayo, o ta mũndũ ũnyw’ĩte ailũalũa matavĩkanĩ make.</verse>
				<verse number="15">O na kũikethĩwa wĩa o na wĩva wa Misili, ũla mũtwe kana kĩsithe, ĩthangũ ya mĩtende kana malula, ikatonya kwĩka.</verse>
				<verse number="16">Mũthenya ũsu Amisili makethĩwa mailyĩ ta aka; na makatetema na kũkĩa nũndũ wa kũtukangĩwa kw’oko nĩ Yeova wa nguthu, kũla wĩmatukangĩa.</verse>
				<verse number="17">Na nthĩ ya Yuta ĩkatw’ĩka ũtĩsyo kwa Misili; kĩla ũmwe ũla wĩĩw’a ĩkĩwetwa akakwatwa nĩ w’ĩa, nũndũ wa ũtw’ĩo wa Yeova wa nguthu, ũla ũmĩtw’ĩĩe.</verse>
				<verse number="18">Mũthenya ũsu kũkethĩwa ndũa itano nthĩ ya Misili ila ineenaa kĩthyomo kya Kanaani, na kũmwĩvĩtĩa Yeova wa nguthu; ĩmwe ĩkeetwa Ndũa ya wanangĩko.</verse>
				<verse number="19">Mũthenya ũsu kũkethĩwa kĩthembeo kwondũ wa Yeova katĩ wa nthĩ ya Misili, na kĩtuĩ mũvakanĩ wayo kwondũ wa Yeova.</verse>
				<verse number="20">Na ũu ũkethĩwa wonan’yo na ũkũsĩ kwa Yeova wa nguthu nthĩ ya Misili; nũndũ makamwĩkaĩla Yeova nũndũ wa athĩn’ya, nake akamaetee mũtangĩĩi, na mũsesei, na akamavonokya.</verse>
				<verse number="21">Na Yeova akamanyĩka Misili, na Amisili makamũmanya Yeova mũthenya ũsu; ĩĩ, makathaitha na kũete nthembo ya kũtonywa na mĩthĩnzĩo, na makamwĩvĩtĩa Yeova wĩvĩto, na kũwĩanĩsya.</verse>
				<verse number="22">Na Yeova akakũna Misili, kũkũna na kũvosya; na makamũsyokea Yeova, nake akeesũvĩka nĩo, na akamavosya.</verse>
				<verse number="23">Mũthenya ũsu kũkethĩwa lelũ kũma Misili kũvika Asuli, na Mũasuli akathi Misili, na Mũmisili akathi Asuli; na Amisili makathaitha vamwe na Aasuli.</verse>
				<verse number="24">Mũthenya ũsu Isilaeli akethĩwa wa katatũ we na Misili na Asuli, ũathimo katĩ wa nthĩ;</verse>
				<verse number="25">nũndũ Yeova wa nguthu nũmaathimĩte, akyasya, Nĩ aathime Misili andũ makwa, na Asuli wĩa wa moko makwa, na Isilaeli ũtiĩwa wakwa.</verse>
			</chapter>
			<chapter number="20">
				<verse number="1">Mwaka ũla Talitani wavikie ndũa ya Asitoti, yĩla Salikoni mũsumbĩ wa Asuli wamũtũmie, na okita na Asitoti na amĩkwata;</verse>
				<verse number="2">o ĩvinda yĩu Yeova aneenie na kanyw’a wa Isaia mwana wa Amosu, akyasya, Enda, umye ĩkunia yĩla wĩvotoete kĩnyunyunĩ kyaku, noyumya iatũ syaku maũũ. Nake eeka ũu, akĩenda e mũthei na maũũ me mathei.</verse>
				<verse number="3">Na Yeova asya, O tondũ mũthũkũmi wakwa Isaia ũendete e mũthei na maũũ mathei myaka ĩtatũ ethĩwe wonan’yo na ũseng’yo ũndũ wa Misili na ũndũ wa Ethiovia;</verse>
				<verse number="4">now’o mũsumbĩ wa Asuli ũkatwaa ala atave me Misili, na ala mathamĩthĩtw’e kuma Ethiovia, syana na akũũ, me athei na maũũ mathei, na itimba ite mbw’ĩke, Misili ĩsonoke.</verse>
				<verse number="5">Na makateva na kũthokoanw’a, nũndũ wa Ethiovia wĩkwatyo woo, na nũndũ wa Misili kwĩkathĩĩa kwoo.</verse>
				<verse number="6">Na ũla ũtwĩe nthĩ ĩsu yĩ ũtee wa ũkanga akaneena mũthenya ũsu, Sisya, wĩkwatyo witũ ũilyĩ ũu, vala twakĩĩe twone ũtethyo wa kumw’a mokonĩ ma mũsumbi wa Asuli: na ithyĩ tũkavonoka ata?</verse>
			</chapter>
			<chapter number="21">
				<verse number="1">Ndeto ngito ũndũ wa weũ wa ũkanga. Ta ilingi sya ngalĩ ya Ĩtheo ivĩtaa na vinya, nĩsyũkaa kũma weũnĩ, kuma nthĩ ya kũtĩsya.</verse>
				<verse number="2">Nĩnonetw’e woni wĩ woo; mũndũ nzeleke nĩwĩkaa ũseleke, na mwanangi nĩwanangaa. Ambata, we Elamu; tw’ĩkanĩsya, we Metia; kũvevũũka kw’onthe kwa vo nĩnĩkũminĩte.</verse>
				<verse number="3">Kwondũ wa ũu kĩnyunyu kyakwa nĩkyusũĩte woo; woo nũngwatĩte ta woo wa mũndũ mũka akyaũnya: nĩngwalw’a ũndũ ndatonya kwĩw’a; nĩngũteva ũndũ ndatonya kwona.</verse>
				<verse number="4">Ngoo yakwa nĩnĩũtumatuma, ũtĩsyo nũmbĩkĩĩte w’ĩa; ũmololi ũla nendaa nũalyũlĩtwe ũtw’ĩke kũtetema kwakwa.</verse>
				<verse number="5">Nĩmekwalan’ya mesa, nĩmekwia asũvĩi, nĩmekũya, nĩmekũnyw’a: ũkĩlai, ĩnyw’ĩ anene me mbee ũsumbinĩ, vakai ngao mauta.</verse>
				<verse number="6">Nũndũ ũũ nĩw’o Mwĩaĩi ũndavĩtye, Enda, wie mũsyaĩĩsya; natavan’ye ũndũ ũnũkwona;</verse>
				<verse number="7">na esa kwona nguthu, andũ elĩ, elĩ, matũlĩte mbalasĩ, o na nguthu ya mang’oi, o na nguthu ya ngamĩle, nĩethukĩĩsye mũno akĩsũvĩa mũno.</verse>
				<verse number="8">Na aluma ta mũnyambũ: Ame Mwĩaĩi, nĩũngamaa mavinda onthe mũthenya mwakonĩ mũtũlu wa mũnyoolo kũsyaĩĩsya, na nĩĩtwe ũsyaĩĩsyonĩ wakwa ũtukũ na ũtukũ;</verse>
				<verse number="9">na, sisya, nguthu ya andũ nĩyũkĩte, andũ elĩ, elĩ, matũlĩte mbalasi. Na asũngĩa na asya, Mbaviloni nĩ mbalũku, mbalũku; na mĩvw’anano yonthe myasũvye ya ngai syayo nĩtũlĩtwe na kũvalũkw’a nthĩ.</verse>
				<verse number="10">We ngetha yakwa ĩvũĩtwe, na lĩu wa mbaa ngetha wa kĩvũĩo kyakwa! Ũla nĩw’ĩte kuma kwa Yeova wa nguthu, Ngai wa Isilaeli, now’o nĩkũtavĩtye.</verse>
				<verse number="11">Ndeto ngito ũndũ wa Ndũma. Ũmwe akĩmbĩta kuma Seili, Mũsyaĩĩsya, ũtukũ ũkũvika va?</verse>
				<verse number="12">Mũsyaĩĩsya asya, Kĩoko nĩkyũkĩte, o na ũtukũ naw’o; ethĩwa nĩmũkwenda ũkũlya, kũlyai: ĩthyũũei, ũkai.</verse>
				<verse number="13">Ndeto ngito ũndũ wa Alavia. Mũtitũnĩ wa Alavia mũkakoma, inyw’ĩ Andetani, aendi ma syalo.</verse>
				<verse number="14">Nĩmamũeteie ũla waĩ na waũni manzĩ; ala matwĩe nthĩ ya Tema nĩmamathaũie akĩi mamakuĩe lĩu.</verse>
				<verse number="15">Nũndũ nĩmakĩĩte mbyũ, ũvyũ ũkũĩtwe, na ũta ũkootetwe, na ũthũku wa kaũ.</verse>
				<verse number="16">Nũndũ ũũ nĩw’o Mwĩaĩi ũndavĩtye, Ĩvinda ya mwaka ũmwe, kwĩanana na myaka ya mũthũkũmi, ndaĩa yonthe ya Ketali ĩkathela;</verse>
				<verse number="17">na ũtialo wa andũ ala mokitaa na mata, ngũmbaũ sya ana ma Ketali, ũkeethĩwa wĩ mũnini; nũndũ Yeova, Ngai wa Isilaeli, nũneenete ũu.</verse>
			</chapter>
			<chapter number="22">
				<verse number="1">Ndeto ngito ũndũ wa mwanda wa woni. Wĩ na ũndũ mwaũ yu, ũndũ wambatie vyũ ĩũlũ wa nyũmba?</verse>
				<verse number="2">We ũla wusũĩte mawasya manene, ndũa ya kĩthokoo, katũla ke ũtanu; oae maku matyũaĩtwe na ũvyũ, o na maikw’ĩĩe kaũnĩ.</verse>
				<verse number="3">Asumbĩki maku onthe nĩmakĩie vamwe, nĩmoviwe nĩ andũ ma mata; onthe ala wonie maĩ ove vamwe; nĩmakĩie mathi kũasa.</verse>
				<verse number="4">Kwondũ wa ũu nasya, Ndũkanzisye nyie, ngaĩa kĩĩo kĩ woo; ndũkethĩn’ye ũndũ wa kũngiakisya ũndũ wa kwanangwa kwa mwĩĩtu wa andũ makwa.</verse>
				<verse number="5">Nũndũ nĩ mũthenya wa kũthokoanw’a, na wa kũkinyangĩwa nthĩ, na wa kũsũanĩwa, ũetetwe nĩ Mwĩaĩi, Yeova wa nguthu, mwandanĩ wa woni; kũombowa kwa maũvai, na kwĩkaĩla iĩma.</verse>
				<verse number="6">Na Elamu akua thyaka, e vamwe na makasya ma kaũ me na andũ, na andũ matũlĩte mbalasi; na Kili avuĩte ngao.</verse>
				<verse number="7">Na kweethĩwa, myanda yaku ĩla mĩseo mũno yaĩ myusũu makasya, na andũ matũlĩte mbalasi meetaũsya mokitĩe mbingĩlonĩ.</verse>
				<verse number="8">Na aveta kĩla kĩvw’ĩkĩte Yuta; na mũthenya ũsu wasisya mĩio ya kaũ nyũmbanĩ yĩ mũtitũnĩ.</verse>
				<verse number="9">Na mwoona kũndũ kũvũthũku kwa ndũa ya Ndaviti, atĩ nĩ kwingĩ; na mwatũngĩanĩa manzĩ ma ndia yĩ ngalĩ ya ĩtheo;</verse>
				<verse number="10">na mwatala nyũmba sya Yelusaleme, na mwaomboanga nyũmba mũlũlũmĩlye ũvai;</verse>
				<verse number="11">o na katĩ wa maũvai elĩ mwaseũvya ndia ya manzĩ ala ma ndia ngũũ. Ĩndĩ mũtyaamũsisya ũla wekie ũu, o na mũtyaamũtaĩa ũla wasũanĩe ũu tene.</verse>
				<verse number="12">Na mũthenya ũsu Mwĩaĩi, Yeova wa nguthu, eetana kwĩthĩwe kĩĩo, na kĩmeto, na kwĩyenza mbaa, na kwĩvotoa makunia:</verse>
				<verse number="13">na, kaĩ, nĩ ũtanu na mũyo, kũthĩnza ng’ombe na kũaa malondu, kũya nyama na kũnyw’a mbinyu: Tũye na tũnyw’e nũndũ ũnĩ tũkakw’a.</verse>
				<verse number="14">Na Yeova wa nguthu eembuanĩsya matũnĩ makwa, Nĩ w’o, mũikaekewa ũthũku ũũ kũvika mwakw’a, easya ũu Mwĩaĩi, Yeova wa nguthu.</verse>
				<verse number="15">Ũũ nĩw’o Mwĩaĩi, Yeova wa nguthu, ũnũkwasya, Thi kwa mũsũvĩi ũsu wa ũthwii, o Sevina, ũla ũsũvĩaa nyũmba, noimũkũlya,</verse>
				<verse number="16">Wĩĩka ata vaa? Na wĩ naũ vaa, ũndũ ũkwĩyasĩa ngunga ya mathiko vaa? Ta ũla wĩyasĩe ngunga ĩũlũ, akĩyasĩa wĩkalo ĩvianĩ!</verse>
				<verse number="17">Sisya, Yeova, ta mũndũ wĩ vinya, akakwĩkya na vinya kũasa; ĩĩ, akakũlinga mũno.</verse>
				<verse number="18">Akakũlingalinga na kũkwĩkya nthĩ nene ta mũvĩla; ũkakw’ĩa kw’o, na makasya ma ndaĩa yaku makeethĩwa kw’o, we ũsonokyo wa nyũmba ya mwĩaĩi waku.</verse>
				<verse number="19">Na ngakumya ũsũvĩinĩ waku; na ũkavalũkw’a kumw’a ũũngamĩinĩ waku.</verse>
				<verse number="20">Na kũkethĩwa mũthenya ũsu, ngamwĩta mũthũkũmi wakwa Eliakimu mwana wa Ilikia:</verse>
				<verse number="21">na ngamũvw’ĩka ngũa yaku ndasa, na ngamwĩkĩa vinya ũndũ wa kũmwova mũsivi waku, na ngeekĩa ũsumbĩko waku kw’okonĩ kwake; nake akeethĩwa ĩthe kwa ala matwĩe Yelusaleme, na kwa nyũmba ya Yuta.</verse>
				<verse number="22">Na ũvũngũo wa nyũmba ya Ndaviti ngatũlya kĩtuonĩ kyake; nake akavingũa na vai wĩvinga; na akavinga, na vai wĩvingũa.</verse>
				<verse number="23">Na ngamũlũmya ta mũsumaa vandũ valũmu; nake akeethĩwa kĩvĩla kya ũsumbĩ kya ndaĩa nyũmbanĩ ya ĩthe wake.</verse>
				<verse number="24">Na makanĩka ĩũlũ wake ndaĩa yonthe ya nyũmba ya ĩthe wake, ũsyao na nzyawa, kĩla mũio mũnini, kuma ikombe kũvika masũva onthe.</verse>
				<verse number="25">Mũthenya ũsu, easya Yeova wa nguthu, mũsumaa ũla walũlũmĩlw’e vandũ valũmu ũkakũka; na ũkatemwa na kũvalũka; na mũio ũla wanĩkiwe ĩũlũ waw’o ũkavetwa; nũndũ Yeova nũneenete ũu.</verse>
			</chapter>
			<chapter number="23">
				<verse number="1">Ndeto ngito ũndũ wa Tile. Kayai, inyw’ĩ ngalawa sya Talisisi; nũndũ nĩnĩtw’ĩkĩthĩtw’e ĩanzo, o na vati nyũmba, vati ũlikĩlo: nĩmataviw’e me nthĩ ya Kitimu.</verse>
				<verse number="2">Kilyai inyw’ĩ ala mũtwĩe ũtee wa ũkanga, athoosya ma Sitoni, ala maingĩlaa ũkanganĩ, nĩmakusũĩtye.</verse>
				<verse number="3">Na ĩũlũ wa manzĩ maingĩ mbeũ sya ũsĩ wa Sioli, ngetha ya Naelo, yaĩ ũtandĩthyo wayo; nayo yaĩ kĩng’ang’a kya mbaĩ.</verse>
				<verse number="4">Sonoka, we Sitoni, nũndũ ũkanga ũneenete, ngome yĩ vinya ya ũkanga, ũkyasya, Ndyaaũnya, kana kũsyaa, o na ndyaaea anake, kana kũea eĩtu atheu.</verse>
				<verse number="5">Yĩla ũvoo wĩvika Misili makeew’a woo mũno ũndũ wa ũvoo wa Tile.</verse>
				<verse number="6">Ingai mũende Talisisi; metai, inyw’ĩ mũtwĩe ũtee wa ũkanga.</verse>
				<verse number="7">Ĩno nĩyo ndũa yenyu yĩ ũtanu, ĩla yakiwe tene tene, ĩla maũũ mayo mamĩtwaie kũasa yĩkale ũeni?</verse>
				<verse number="8">Nũũ ũla wamĩtw’ĩĩe Tile ũndũ ũũ, ĩla ĩnenganae ngovia ya ũsumbĩ, na athoosya mayo nĩ anene me mbee ũsumbĩnĩ, na atandĩthya mayo nĩ ala me na nguma kũũ nthĩ?</verse>
				<verse number="9">Yeova wa nguthu nĩwe watwie ũndũ ũũ, nĩ kana avukye ngathĩĩo ya ũnene w’onthe, na amavũthĩthye onthe ma nthĩ ala me nguma.</verse>
				<verse number="10">Vĩtĩla katĩ wa nthĩ yaku ta ũsĩ wa Naelo, we mwĩĩtu wa Talisisi; vati kĩsiĩĩi ĩngĩ.</verse>
				<verse number="11">Nũtambũũkĩtye kw’oko kwake ĩũlũ wa ũkanga, nũthingithangĩtye mosumbĩ; Yeova nĩwĩaĩte ũndũ wa Kanaani, anange ngome syĩ vinya sya vo.</verse>
				<verse number="12">Nake asya, Ndũkatana ĩngĩ, we mwĩĩtu mũtheu wa Sitoni ũla ũthĩnĩtw’e: ũkĩla noiinga ũende Kitimu; o na kw’o ndũkona ũthũmũo.</verse>
				<verse number="13">Sisya, nthĩ ya Akalitei: andũ asu mati vo; Mũasuli amiĩte yĩthĩwe ya ala matũaa weũnĩ; nĩmaakie myako yoo mĩtũlu ya mĩnyoolo; nĩmaing’uthũlile nyũmba nene mbanakavye sya vo; nĩmamĩtw’ĩkĩthisye nthei.</verse>
				<verse number="14">Kayai, inyw’ĩ ngalawa sya Talisisi; nũndũ ngome yenyu yĩ vinya nĩtw’ĩkĩthĩtw’e ĩanzo.</verse>
				<verse number="15">Na kũkethĩwa mũthenya ũsu, kana Tile ĩkoola myaka mĩongo mũonza, kwĩanana na mĩthenya ya mũsumbĩ ũmwe: myaka mĩongo mũonza yathela kũkeethĩwa kũilyĩ kwa Tile o tondũ kũilyĩ kwinanĩ kwa ĩlwaya.</verse>
				<verse number="16">Osa mbeve, noianganga ndũanĩ, we ĩlwaya yĩla yũlĩte; ũkĩlya wasya wĩ mũyo, ina mbathi nyingĩ, nĩ kana ũlilikanwe.</verse>
				<verse number="17">Na kũkeethĩwa myaka mĩongo mũonza yathela, Yeova akavikĩa Tile, nayo ĩkasyokea ĩtuvi yayo, na ĩkeeka ũmalwaya na mosumbĩ onthe ala me ĩũlũ wa nthĩ.</verse>
				<verse number="18">Na mĩio yayo ya ũthoosya na ĩtuvi yayo yĩkeethĩwa ĩvathan’ye kwa Yeova: yĩtikasũvĩwa kana kwiwa; nũndũ mĩio yayo ya ũthoosya ĩkeethĩwa ya ala mekalaa mbee wa Yeova, maĩsae lĩu wa kũmeanĩa, na mekĩae ngũa sya kwĩkalaa.</verse>
			</chapter>
			<chapter number="24">
				<verse number="1">Sisya, Yeova nũkũmĩtw’ĩkĩthya nthĩ nthei, na kũmyananga, na kũmĩkuluman’ya, na kũnyaĩĩkya ala mamĩtwĩe.</verse>
				<verse number="2">Na kũkeethĩwa, o tondũ kũilyĩ kwa andũ, now’o kwa mũthembi; o tondũ kũilyĩ kwa mũthũkũmi, now’o kwa vwana wake; o tondũ kũilyĩ kwa mwĩĩtu mũthũkũmi, now’o kwa vivi wake; o tondũ kũilyĩ kwa ũla ũthooaa, now’o kwa mũthoosya; o tondũ kũilyĩ kwa ũla ũkovethasya, now’o kwa ũla ũkovethaw’a; o tondũ kũilyĩ kwa ũla wosaa ũtandĩthyo, now’o kwa ũla ũmũtandĩthĩasya.</verse>
				<verse number="3">Nthĩ ĩkatw’ĩka nthei vyũ, na ĩkaanangwa vyũ; nũndũ Yeova nũneenete ndeto ĩno.</verse>
				<verse number="4">Nthĩ nĩnĩũmeta na kũthelekelya, nthĩ yonthe nĩnĩũleela na kũthelekelya, andũ me na wĩng’athĩlĩlyo kũũ nthĩ nĩmeũleela.</verse>
				<verse number="5">Nthĩ nayo nĩvukĩtw’e ĩtheo wa ala mamĩtũaa; nĩkwĩthĩwa nĩmavĩtĩtye mĩao, na kũlea myamũlo, na kũtũla ũtianĩo wa tene na tene.</verse>
				<verse number="6">Kwondũ wa ũu kĩumo nĩkĩminĩte nthĩ, na ala mamĩtwĩe nĩmekwoneka me avĩtan’ya: kwondũ wa ũũ ala matwĩe nthĩ nĩmavĩtĩtw’e, no andũ avũthũ matiele.</verse>
				<verse number="7">Mbinyu mbĩthĩ nĩnĩũmeta, mũsavĩvũ nũũvova, na onthe ala matanĩte ngoo nĩmeũvevũũka.</verse>
				<verse number="8">Ũtanu wa tũthembe nũũvindya, kĩlonzo kya ala matanaa nĩkĩũthela, ũtanu wa mbeve nũũvindya.</verse>
				<verse number="9">Matikanyw’a mbinyu makina wathĩ; kĩla kĩtoonasya kĩkeethĩwa kĩ ũũ kwa ala makĩnyusaa.</verse>
				<verse number="10">Ndũa nthei nĩomboetwe; kĩla nyũmba nĩvingĩtwe, mũndũ o na wĩva ndakalike.</verse>
				<verse number="11">Ve kĩĩo nzĩanĩ nene nũndũ wa ĩla mbinyu; ũtanu w’onthe nũtw’ĩkĩte kĩvindu, ũtanu wa nthĩ nũthelete.</verse>
				<verse number="12">Nthĩnĩ wa ndũa kũtiĩtwe ĩanzo, na mbingĩlo nĩ ngũne nĩ wanangĩko.</verse>
				<verse number="13">Nũndũ kũkeethĩwa ũu katĩ wa nthĩ katĩ wa ngo sya andũ, ta kũthingithangw’a kwa mũthata, ta mothean’yo yĩla ngetha ya mũũnda wa mũsavivũ yathela.</verse>
				<verse number="14">Asu nĩmakokĩlya mawasya moo, makanĩĩsya; kwondũ wa ũnene wa Yeova nĩmokĩlasya wasya mũnene me ũkanganĩ.</verse>
				<verse number="15">Kwondũ wa ũu mũtaĩei Yeova wumĩlonĩ wa syũa, o syĩtwa ya Yeova, Ngai wa Isilaeli, ithamanĩ syĩ ũkanganĩ.</verse>
				<verse number="16">Kuma kĩtulunĩ kya nthĩ nĩtwĩw’ĩte mbathi: Ndaĩa kwa ala alũngalu. Ĩndĩ nasya, Nĩngũsonzoma, nĩngũsonzoma, woo nĩ wakwa! Ala nzeleke nĩmekĩte ũseleke; ĩĩ, ala nzeleke nĩmekĩte ũseleke mũno.</verse>
				<verse number="17">W’ĩa, na ĩima, na kĩtei, nikwoveesye, we ũla ũtwĩe nthĩ.</verse>
				<verse number="18">Na kũkeethĩwa, ũla ũsembaa akĩĩte kĩlonzo kya w’ĩa akavalũka ĩimanĩ; na ũla wĩĩyumya ĩimanĩ nthĩnĩ akakwatw’a nĩ kĩtei: nũndũ mbũthi syĩ ĩũlũ nivingũĩtwe, na myambĩlĩlyo ya nĩnĩũtetema.</verse>
				<verse number="19">Nthĩ nĩ ndũlĩkangu, nthĩ nĩ mbatũkangu, nthĩ nĩthingithĩkĩte na vinya.</verse>
				<verse number="20">Nthĩ ĩkalũalũa ta mũthengi, na ĩkasũa kũũ na kũũ ta mũsũo; na ĩvĩtyo yayo yĩkeethĩwa ĩito ĩũlũ wayo, na ĩkavalũka, na ndĩkokĩla ĩngĩ.</verse>
				<verse number="21">Na kũkethĩwa mũthenya ũsu, Yeova akakũna nguthu ya ala me ĩũlũ vandũ vatũlu, na asumbĩ ma nthĩ kũũ nthĩ.</verse>
				<verse number="22">Na makoombanw’a vamwe, tondũ ala ove mombanaw’a kasũmbanĩ ke nthĩnĩ wa nthĩ, na makavingĩwa kolokolonĩ; na mĩthenya mingĩ yathela makasilĩlwa.</verse>
				<verse number="23">Nĩvo ĩndĩ mwei ũkavũavũana, na syũa yĩkasonoka; nũndũ Yeova wa nguthu akasumbĩka kĩĩmanĩ kya Saioni, naku Yelusaleme; na mbee wa atumĩa make kũkeethĩwa ndaĩa.</verse>
			</chapter>
			<chapter number="25">
				<verse number="1">Ame Yeova, nue Ngai wakwa; ngakũnenevya, ngataĩa syĩtwa yaku; nũndũ nĩwĩkĩte maũndũ ma ũseng’ya, o motw’ĩo ma tene, wĩ na kĩthito na w’o.</verse>
				<verse number="2">Nũndũ nũtw’ĩkĩthĩtye ndũa kĩvumbu, na ndũa mbiie, ũomboko, na nyũmba nene mbanakavye ya aeni ndĩkethĩwe ndũa; ndĩkakwa ĩngĩ o na ĩndĩĩ.</verse>
				<verse number="3">Kwondũ wa ũu andũ me vinya makakũtaĩa; ndũa ya mbaĩ sya ũtĩsya ĩkakũkĩa.</verse>
				<verse number="4">Nũndũ we nĩweethĩawa ngome yĩ vinya kwa ngya, ngome yĩ vinya kwa ũla mũthĩni thĩnanĩ wake, wĩvitho kwondũ wa kĩuutani, muunyĩ kwondũ wa muutĩa, yĩla kĩseve kya ala ma kũtĩsya kĩilyĩ ta kĩuutani kĩiuutanĩa ũvai.</verse>
				<verse number="5">O ta muutĩa vandũ vomũ now’o wĩtheeesya nthĩ kĩlonzo kya aeni; wathi wa ala ma kũtĩsya ũkatheew’a nthĩ, o tondũ muutĩa wĩkawa nĩ muunyĩ wa ĩthweo.</verse>
				<verse number="6">Na kĩĩmanĩ kĩĩ Yeova wa nguthu akavokea ngo syonthe sya andũ mboka ya syĩndũ nou, mboka ya mbinyu syĩ ĩũlũ wa kĩmongoyo, ya syĩndũ nou syusũĩte mũthungo, ya mbinyu syĩ ĩũlũ wa kĩmongoyo ikeletwe nesa.</verse>
				<verse number="7">Na kĩĩmanĩ kĩĩ akaananga kĩvw’ĩkĩi kĩla kĩvw’ĩkaa ngo syonthe sya andũ, na suka mũvũthũ ũla walanĩtw’e ĩũlũ wa mbaĩ syonthe.</verse>
				<verse number="8">Nũmeletye kĩkw’ũ tene na tene; na Mwĩaĩi Yeova akavyaĩa methoi mothyũnĩ onthe; na kũvũthw’a kwa andũ make akaveta kuma nthĩ yonthe: nũndũ Yeova nũneenete ũu.</verse>
				<verse number="9">Na kũkaneenwa mũthenya ũsu, Sisya, ũũ nĩwe Ngai waitũ, nĩtwamweteelile, nake akatũtangĩĩa: ũũ nĩwe Yeova; nĩtwamweteelile, tũkeethĩwa na mũyo na kũtana ũtangĩĩonĩ wake.</verse>
				<verse number="10">Nũndũ kw’oko kwa Yeova kũkekalaa kĩĩmanĩ kĩĩ; na Moavi ĩkakinyangĩwa nthĩ vandũ vayo, o tondũ ũa ũkinyangĩawa ũtũndanĩ wa kyaa.</verse>
				<verse number="11">Nake akatambũũkya moko make katĩ wayo, otondũ mũthambĩĩ ũtambũũkasya moko make athambĩe; ĩndĩ Yeova akatheesya ngathĩĩo yayo vamwe na ũĩ wa moko mayo.</verse>
				<verse number="12">Na ngome ndũlu ya maũvai maku nũmĩtheeetye, nũmĩvalũkĩtye, na nũmĩkĩtye nthĩ, o kũvika kĩtoonĩ.</verse>
			</chapter>
			<chapter number="26">
				<verse number="1">Mũthenya ũsu wathi ũũ ũkainwa nthĩ ya Yuta: Twĩ na ndũa yĩ vinya; akaia ũtangĩĩo wĩthĩwe maũvai na ngome.</verse>
				<verse number="2">Vingũai mbingĩlo, nĩ kana mbaĩ ndũngalu ĩla ĩlũmasya mũĩkĩĩo ĩtonye kũlika.</verse>
				<verse number="3">Ũkamwĩkalya e mũuonĩ mwĩanĩu we ũla kĩlilikano kyake kĩlũlũmĩle kwaku we; nũndũ nũkũĩkĩĩaa.</verse>
				<verse number="4">Mũĩkĩĩeĩ Yeova tene na tene; nũndũ nthĩnĩ wa Yeova, O Yeova, nĩ ĩvia ya tene na tene.</verse>
				<verse number="5">Nũndũ nũmatheeetye ala mekalaa ĩũlũ, ndũa mbũkĩlu: nũmĩvalũkĩtye, o na nũmĩvalũkĩtye, kũvika nthĩ, nũmĩvikĩtye o kũvika kĩtoonĩ.</verse>
				<verse number="6">Ũnyaĩĩ ũkamĩkinyanga; o na nyaĩĩ sya ngya, na matambya ma ala athĩni.</verse>
				<verse number="7">Nzĩa ya ala alũngalu nĩ ya ũlũngalu: we ũla wĩ mũlũngalu nũmũlũngalĩlasya ũla mũlũngalu mũendele wake.</verse>
				<verse number="8">Ĩĩ, nzĩanĩ ya motw’ĩo maku, ame Yeova, nĩtwakweteelile; kwenda kwa ngoo sitũ nĩkwelekele syĩtwa yaku, o yĩla ya kũlilikanwa.</verse>
				<verse number="9">Nĩnakwendie na ngoo yakwa ũtukũ; ĩĩ, ngakũmantha na kĩthing’ĩĩsyo na veva wakwa ũla wĩ nthĩnĩ wakwa: nũndũ yĩla mosilĩlo maku me kũũ nthĩ, ala matwĩe nthĩ memanyĩasya ũlũngalu.</verse>
				<verse number="10">Ũseo wonanw’e kwa ũla mũthũku, ĩndĩ ndakemanyĩsya ũlũngalu; e nthĩ ya ũlũngalu akeekaa naĩ, na ndakona ũnene wa Yeova.</verse>
				<verse number="11">Yeova, kw’oko kwaku nĩ kũkĩlu, o na matyonaa: ĩndĩ makoona kĩwĩu kyaku kwondũ wa andũ, nao makasonokw’a; ĩĩ, mwaki ũkamina nthũ syaku.</verse>
				<verse number="12">Yeova, ũkatũtw’ĩĩa mũuo; nũndũ nue wĩkĩte mawĩa maitũ onthe kwondũ witũ.</verse>
				<verse number="13">Ame Yeova Ngai waitũ, eaĩi angĩ ate o we nĩmatũsumbĩkie; ĩndĩ we wĩ weka tũkawetaa syĩtwa yaku.</verse>
				<verse number="14">Nĩ akw’ũ, matikethĩwa thayũ; nĩmakwie, matikathayũũka; kwondũ wa ũu nĩwamavikĩie na kũmananga, na ũlilikano w’onthe ũndũ woo nũwanangĩte.</verse>
				<verse number="15">Nũmyongelete ĩ mbaĩ, ame Yeova, nũmyongelete ĩ mbaĩ; nũtaĩĩtwe; nĩwongelete mĩvaka yonthe ya ĩ nthĩ.</verse>
				<verse number="16">Yeova, nĩmookie kwaku me thĩnanĩ; nĩmeekaĩlile na mboya yĩla wamakũnaa.</verse>
				<verse number="17">Ta mũndũ mũka mũito, ũla ũthengeesye ĩvinda ya kũsyaa, e na woo na nũĩaa kwaũnyanĩ kwake; now’o twailyĩ mbee waku, ame Yeova.</verse>
				<verse number="18">Twaĩ aito, twaĩ na woo, twailyĩ ta twasyaa kĩseve; tũtyaaseũvĩsya nthĩ ũvonokyo; o na ala ma kũtũa nthĩ matyaasyawa.</verse>
				<verse number="19">Akw’ũ maku makeethĩwa thayũ; simba syakwa ikookĩla. Amũkaĩ mwine, inyw’ĩ ala mũtũaa kĩtoonĩ; nũndũ ĩmwe yaku nĩ ta ĩmwe yĩ nyũnyinĩ, na nthĩ ĩkaumya ala akw’ũ.</verse>
				<verse number="20">Ũkaĩ, andũ makwa, lika tũsũmbanĩ twaku, noivinga mĩomo yaku: ĩvithe kavinda kanini, kũvika ũthatu ũvĩte.</verse>
				<verse number="21">Nũndũ, sisya, Yeova nĩwumĩte vandũ vake akũne ala matwĩe nthĩ nũndũ wa ũthũku woo: nthĩ nayo ĩkavua nthakame yayo yoneke, na ndĩkambĩla kũvw’ĩka andũ mayo ala mooaiwe.</verse>
			</chapter>
			<chapter number="27">
				<verse number="1">Mũthenya ũsu Yeova e na ũvyũ wake mwetu na mũnene na wĩ vinya akasilĩla leviathani ĩla nzoka ya kũnyoloka mĩtũkĩ, na leviathani ĩla nzoka ĩendaa ĩkĩmilanga; na akooaa mũkũnga wĩ ũkanganĩ.</verse>
				<verse number="2">Mũthenya ũsu: Mũũnda wa mĩsavivũ, mwĩwinĩa.</verse>
				<verse number="3">Nyie Yeova nĩ mũsũvĩi waw’o; ngoonyithya kĩla kavinda: mũndũ ndakese kũwananga, ngoosũvĩa ũtukũ na mũthenya.</verse>
				<verse number="4">Kũthilĩka kũti nthĩnĩ wakwa: nenda kethĩwa mĩtae na mĩw’a niũmbũkita kaũnĩ! Ngaiendea, ngaivĩvya vamwe.</verse>
				<verse number="5">Ethĩwa ti ũu nakwate vinya wakwa, nĩ kana aseũvye mũuo nakwa; ĩĩ, naseũvye mũuo nakwa.</verse>
				<verse number="6">Mĩthenya ĩla yũkĩte Yakovo akatambũũkya mĩi; Isilaeli akalaũka na kũthongooa; na makausũsya nthĩ ũsyao.</verse>
				<verse number="7">Nũmakũnĩte o tondũ wakũnie asu ala mamakũnie? Kana nĩmooaiwe kwĩanana na kũawa kwa ala mooaiwe nĩmo?</verse>
				<verse number="8">Yĩla ũmalũngya, nũkĩlanasya vinya nao ũthimĩte; nũmavetete na kĩseve kyake kĩ vinya mũthenya wa kĩseve kyumĩte wumĩlonĩ wa syũa.</verse>
				<verse number="9">Kwondũ wa ũu ũthũku wa Yakovo ũkaekwa, na ũu nĩw’o ũsyao w’onthe wa mũvetelwe wa naĩ yake: nũtw’ĩkĩthasya mavia onthe ma kĩthembeo ta mavia ma sokaa ala mavevenzetwe ilungu, nĩ kana Aselimu na mĩvw’anano ya syũa ndĩkaaũkĩle ĩngĩ.</verse>
				<verse number="10">Nũndũ ĩla ndũa mbiie ĩtiĩtwe yĩ yoka, ũtũo ũketwe na nĩ ĩanzo, ta weũ: kasaũ kakaĩthw’a kw’o, na kakatindia kw’o, na kũya mbonge sya kw’o.</verse>
				<verse number="11">Mbonge sya kw’o syavova, ikatũlwa, aka makooka na kwivĩvya, nũndũ nĩ andũ mate na ũmanyi: kwondũ wa ũu ũla wamombie ndakamew’ĩa ĩnee, na ũla wamombie ndakamon’ya ũseo.</verse>
				<verse number="12">Na kũkethĩwa mũthenya ũsu, Yeova akavũa ngetha yake kuma ũla Ũsĩ ũvingu kũvika kalũsĩ ka Misili; na inyw’ĩ mũkoombanw’a ũmwe na ũmwe, inyw’ĩ ana ma Isilaeli.</verse>
				<verse number="13">Na kũkethĩwa mũthenya ũsu, soo mũnene ũkavuvwa, na ala makilĩlye kwanangĩkĩa nthĩ ya Asuli, na ala maĩ alũngw’a nthĩ ya Milili makooka, na makamũthaitha Yeova kĩĩmanĩ kĩtheu ku Yelusaleme.</verse>
			</chapter>
			<chapter number="28">
				<verse number="1">Woo nĩ wa ngovia ya ũsumbĩ ya ngathĩĩo ya athengi ma Evalaimu, na wa ĩlaa ĩvovu ya ũseo wake wa ndaĩa, yĩla yĩ mũtweni wa mwanda mũnou wa ala mamilĩtwe nĩ mbinyu!</verse>
				<verse number="2">Sisya, Mwĩaĩi e na ũmwe wĩ na ũtonyi na vinya; o ta kĩuutani kya mbua ya mavia, kĩuutani kĩnene kĩla kyanangaa, ta kĩuutani kya manzĩ me vinya mavingĩte na kũkĩla, akekya nthĩ na kw’oko.</verse>
				<verse number="3">Ngovia ya ũsumbĩ ya ngathĩĩo ya athengi ma Evalaimu ĩkakinyangwa na nyaĩĩ:</verse>
				<verse number="4">na ĩlaa ĩvovu ya ũseo wake wa ndaĩa, yĩla yĩ mũtwenĩ wa mwanda mũnou, yĩkeethĩwa ta ĩkũyũ yila yambaa kwĩw’a mũniino ũtanavika; nayo ũla wĩyĩsisya ayona, o yĩ kw’okonĩ kwake akĩya.</verse>
				<verse number="5">Mũthenya ũsu Yeova wa nguthu akatw’ĩka ngovia ya ũsumbĩ ya ndaĩa, na ngovia ya kwanakava kwa ũtialo wa andũ make;</verse>
				<verse number="6">na veva wa kũsila katĩ kwa ũla wĩkalaa aisila, na vinya kwa ala matũngaa kaũ wĩ mbingĩlonĩ.</verse>
				<verse number="7">Ĩndĩ o na aa nao maendaa mailũw’a nĩ mbinyu, na kũlulutĩkaw’a nĩ kĩla kĩtoonasya; mũthembĩ na mwathani malũaw’a nĩ kĩla kĩtoonasya, nĩmameeletw’e nĩ mbinyu, nĩmalulutĩkw’a nĩ kĩla kĩtoonasya; nĩmavĩtasya kwonanĩ kwoo, nĩmalulutĩkaa motw’ĩonĩ moo.</verse>
				<verse number="8">Nũndũ mesa syonthe nĩsyusũĩtwe nĩ matavĩka na ũvuku, o na vati vandũ vatheu.</verse>
				<verse number="9">Akamanyĩsya ũmanyi aaũ? Na akamanyĩthya ũvoo aaũ? Nĩ ala maaĩĩtw’e, na kũvatwa kwonga?</verse>
				<verse number="10">Nũndũ nĩ wĩaĩo ĩũlũ wa wĩaĩo, wĩaĩo ĩũlũ wa wĩaĩo; mũsoa ĩũlũ wa mũsoa, mũsoa ĩũlũ wa mũsoa; vaa ũndũ ũnini, vaya ũndũ ũnini.</verse>
				<verse number="11">Aiee, ĩndĩ akaneena na andũ aa na ilomo ngeni na ũĩmĩ ũngĩ;</verse>
				<verse number="12">ala wameie, Ũũ nĩw’o ũthũmũo, mũnengei ũthũmũo ũla ũnoete; na ũũ nĩw’o ũvuũkyo: ĩndĩ matyaaĩw’a.</verse>
				<verse number="13">Kwondũ wa ũu ndeto ya Yeova ĩkeethĩwa kwoo wĩaĩo ĩũlũ wa wĩaĩo, wĩaĩo ĩũlũ wa wĩaĩo; mũsoa ĩũlũ wa mũsoa, mũsoa ĩũlũ wa mũsoa, vaa ũndũ ũnini, vaya ũndũ ũnini; nĩ kana maende, na kũvalũka na ngala, na kũtũlĩka, na kũtewa, na kũkwatw’a.</verse>
				<verse number="14">Kwondũ wa ũu ĩw’ai ndeto ya Yeova, inyw’ĩ akaakaan’ya, ala mũsumbĩkaa andũ aa ala me Yelusaleme:</verse>
				<verse number="15">Nĩkwĩthĩwa nĩmwaĩtye, Nĩtũtianĩĩte ũtianĩo na kĩkw’ũ, na nĩtwĩw’anĩte na Seoli; yĩla ũthĩn’yo wũkĩlanĩtye wĩvĩtĩla katĩ, ndũkatũvikia; nũndũ nĩtwatwie movũngũ wĩvitho witũ, na nĩtweevithie ungu wa ũvũngũ:</verse>
				<verse number="16">kwondũ wa ũu Mwĩaĩi Yeova easya atĩĩ, Sisya, nĩngwia nthĩnĩ wa Saioni ĩvia yĩthĩwe wambĩlĩlyo, ĩvia ĩtate, ĩvia ya kĩkotonĩ yĩ vata mũno ya wambĩlĩlyo mũlũmu: ũla wĩtĩkĩlaa ndakekalaata.</verse>
				<verse number="17">Na ngatw’ĩkĩthya ũsili wa katĩ ũlii wa kũthima, na ũlũngalu nĩw’o kavilũ; na mbua ya mavia ĩkatwaa ũla wĩvitho wa movũngũ, na manzĩ makakĩla vandũ va kwĩvitha.</verse>
				<verse number="18">Na ũtianĩo wenyu ũla mwatianĩe na kĩkw’ũ ũkaanangwa, na wĩw’ano wenyu ũla mweew’anie na Seoli ndũkaũngama; yĩla ũthĩn’yo wũkĩlanĩtye wĩvĩtĩla katĩ, nĩvo ĩndĩ mwĩkinyangwa nĩw’o.</verse>
				<verse number="19">O yĩla wĩvĩtĩla katĩ, ũkakũkwata; nũndũ ũkavĩtĩla kĩoko na kĩoko, mũthenya na ũtukũ; na kũkeethĩwa no ũtĩsyo mũthei kũmanya ũvoo ũsu.</verse>
				<verse number="20">Nũndũ ũkomo nĩ mũkuvĩ ũndũ mũndũ ũtatonya kwĩkootea ĩũlũ waw’o; na ngũa ya kwĩvw’ĩka nĩ ntheke ũndũ ũtatonya kwĩlingĩlĩĩla.</verse>
				<verse number="21">Nũndũ Yeova akookĩla o tondũ wekie kĩĩmanĩ kya Velasimu, na akathilĩka o tondũ wekie mwandanĩ wa Ngiveoni; nĩ kana atethye wĩa wake, wĩa wake mũeni, na kwĩkĩthya wĩko wake, wĩko wake mũeni.</verse>
				<verse number="22">Kwondũ wa ũu mũtikethĩwe akaakaan’ya, syĩndũ ila mwovetwe nasyo itikese kwongelwa vinya; nũndũ nĩnĩw’ĩte ũtw’ĩo wa wanangĩko kuma kwa Mwĩaĩi, Yeova wa nguthu, ĩũlũ wa nthĩ yonthe.</verse>
				<verse number="23">Teai matũ, mwĩw’e wasya wakwa; ĩthukĩĩsyei, mwĩw’e kũneena kwakwa.</verse>
				<verse number="24">Ũla wĩnzaa avande nĩwĩnzaa mavinda onthe? Nĩwũkĩlasya na kũvukũlya nthĩ yake mavinda onthe?</verse>
				<verse number="25">Amina kwĩanan’ya ũthyũ wayo, ndavuĩaa kesa, na kũvuĩa kumini, na kũvanda nganũ mĩselele, na mbaale kũndũ kũtw’e, na kusemethu mũvakanĩ wayo?</verse>
				<verse number="26">Nũndũ Ngai wake nũmũmanyĩasya nesa, na kũmwon’ya.</verse>
				<verse number="27">Nũndũ kesa ndĩvũawa na kĩndũ kyũĩ, o na ndĩa ya ĩkasya ndĩvingilitaw’a ĩũlũ wa kumini; ĩndĩ kesa nĩvũawa na mũvũi, na kumini na mũvũi.</verse>
				<verse number="28">Nganũ ya kũseũvya kĩmũtũ nĩthiawa; nũndũ ndekwenda kwĩkalaa aimĩvũa mavinda onthe; o na kau ndĩa ya ĩkasya yake na mbalasi syake nimĩnyaĩĩkasya, ndamĩthiaa.</verse>
				<verse number="29">Ũndũ ũsu naw’o nĩwumĩte kwa Yeova wa nguthu, ũla wa ũseng’yo ũtaonĩ, na mũnene ũĩnĩ.</verse>
			</chapter>
			<chapter number="29">
				<verse number="1">We, Alieli, Alieli ndũa ĩla Ndaviti wambie maeema make! Ongelai mwaka na mwaka; syathĩ sya mboka niatĩanĩe:</verse>
				<verse number="2">nĩvo ĩndĩ nĩthĩn’ya Alieli, na kũkeethĩwa kĩmeto na kĩĩo, ĩndĩ ĩkeethĩwa kwakwa ta Alieli.</verse>
				<verse number="3">Na ngamba maeema makwa makũthyũlũlũkĩte, na ngakũtw’ĩkanĩsya na nguthu sya asikalĩ maiĩtwe, na ngaaka ngome sya ũkũtw’ĩkanĩsya.</verse>
				<verse number="4">Naku ũkatheew’a nthĩ, na ũkaneena wĩ nthĩ, na kũneena kwaku kũkeethĩwa kwĩ ĩtheo kĩtoonĩ; na wasya waku ũkeethĩwa ta wa mũndũ ũla wĩsene na veva, ũkyuma mũthanganĩ, na kũneena kwaku kũkanyiila kuma kĩtoonĩ.</verse>
				<verse number="5">Ĩndĩ wingĩ wa amaitha maku ũkeethĩwa ta kĩtoo kĩvinyu mũno, na wingĩ wa ala ma kũtĩsya ta wewa ũla ũvĩtaa: ĩĩ, ũu ũkeethĩwa na mĩtũkĩ ta kĩthũlũmũko.</verse>
				<verse number="6">Ĩkookĩwa nĩ Yeova wa nguthu e na kĩtundumo, na kĩtetemo kya, nthĩ, na kĩlonzo kĩnene, vamwe na kĩlingi na kĩuutani, na kĩtw’ĩki kya mwaki ũla ũvĩvasya.</verse>
				<verse number="7">Na wingĩ wa mbaĩ syonthe ila syũkitaa na Alieli, o syonthe ila syũkitaa nayo na ngome yayo yĩ vinya, na ila imĩthĩnasya, ikeethĩwa ta ndoto, woni wa ũtukũ.</verse>
				<verse number="8">Na kũkeethĩwa ta mũndũ wĩ nzaa aiota ndoto, na, sisya, akyona ta ũnũũya; ĩndĩ aamũka, thayũ wake nĩ mũthei: kana ta mũndũ wĩ na waũni aiota ndoto, na, sisya, akyona ta ũnũũnyw’a; ĩndĩ aamũka na, sisya, nĩ mũnyalu, na thayũ wake wĩ na nzaa: now’o wingĩ wa mbaĩ syonthe ũkethĩwa ũilyĩ, ũla wũkitaa na kĩĩma kya Saioni.</verse>
				<verse number="9">Eteelai mũseng’e; ĩtanĩthyei na mũkĩthĩwa ililinda: nĩmatoonetw’e, ĩndĩ ti ũndũ wa mbinyu; nĩmalũaa, ĩndĩ ti ũndũ wa kĩla kĩtoonasya.</verse>
				<verse number="10">Nũndũ Yeova nũmũtulũlĩte veva wa too mũnene, na mũlalĩtye metho menyu, ala athani; na nũvw’ĩkĩte atongoi menyu, ala monaa mawoni.</verse>
				<verse number="11">Na woni w’onthe nũtw’ĩkĩte kwenyu ta ndeto sya ĩvuku yĩla yĩvingĩtwe yĩkasiĩlwa, yĩla andũ mamũnenga mũndũ ũla ũmanyĩĩtw’e mũno, makĩmwĩa, Soma yĩĩ, nĩngũkwĩsũva; nake asya, Nditonya, nũndũ yĩvingĩtwe yĩkasiĩlwa:</verse>
				<verse number="12">na ĩvuku yĩienengwa ũla ũtamanyĩĩtw’e, makĩmwĩa, Soma yĩĩ, nĩngũkwĩsũva, nake asya, Ndimanyĩĩtw’e.</verse>
				<verse number="13">Na Mwĩaĩi asya, Nĩkwĩthĩwa andũ aa nĩmanthengeeaa, na nĩmandaĩaa na kanyw’a woo na ilomo syoo, ĩndĩ nĩmavetete ngoo syoo kũasa nakwa, na kũngĩa kwoo nĩ mwĩao wa andũ ũla mamanyĩĩtw’e;</verse>
				<verse number="14">kwondũ wa ũu, sisya, ngaendeea kũtethya wĩa wa ũseng’ya katĩ wa andũ aa, o wĩa wa ũseng’ya na wa kũmakya; na ũĩ wa andũ moo oĩ ũkaa, na ũmanyi wa andũ moo me kĩlĩko ũkavithwa.</verse>
				<verse number="15">Woo nĩ wa ala mamũvithaa Yeova maũndũ moo mũno, na mawĩa moo me kĩvindunĩ, maiasya, Nũũ ũla ũtwonaa? Na nũũ ũla ũtwĩsĩ?</verse>
				<verse number="16">Inyw’ĩ nĩmũkulumanasya maũndũ! Mũmbi akatalwa ta yũmba, kana kĩndũ kĩla kyoombiwe kĩkasya ũndũ wa ũla wakyũmbie, Ndaambũmba; kana kĩla kyoombiwe kĩkasya ũndũ wa ũla wakyũmbie, Nde na ũmanyi?</verse>
				<verse number="17">Ti kavinda kanini mũno, na Levanoni ĩkĩalyũlwa ĩtw’ĩke mũũnda wĩ ũsyao, na mũũnda wĩ ũsyao ũkĩtalwa ta mũtitũ?</verse>
				<verse number="18">Na mũthenya ũsu ala au matũ makeew’a ndeto sya yĩla ĩvuku, na metho ma ala matonaa makoona kuma mbindunĩ na kĩvindunĩ.</verse>
				<verse number="19">Na ala auu nao makaingĩvya ũtanu woo nthĩnĩ wa Yeova, na ala ngya katĩ wa andũ makatanĩa Ũla Mũtheu wa Isilaeli.</verse>
				<verse number="20">Nũndũ ũla wa kũtĩsya nũtw’ĩtwe wa mana, na ũla mũkaakaasya nũekete, na onthe ala meteelaa ũthũku nĩmavetetwe;</verse>
				<verse number="21">ala mavĩtĩthasya mũndũ ndetonĩ, na kũmwiĩa kĩtei ũla ũkananasya mbingĩlonĩ, na kwathũkya ala alũngalu na ũndũ wa mana.</verse>
				<verse number="22">Kwondũ wa ũu Yeova, ũla wamwovoisye Avalaamu, easya ũndũ wa nyũmba ya Yakovo: Yũ Yakovo ndakasonoka, o na yu ũthyũ wake ndũkaalyũka.</verse>
				<verse number="23">Ĩndĩ yĩla wĩona syana syake, wĩa wa moko makwa, syĩ katĩ wake, ikoonan’ya syĩtwa yakwa nĩ ĩtheũ; ĩĩ, ikoonan’ya nĩ mũtheu Ũla Mũtheu wa Yakovo, na ikamũkĩa Ngai wa Isilaeli.</verse>
				<verse number="24">Nao ala mavĩtasya vevanĩ makamanya, na ala manyungunyĩasya makeetĩkĩla kũmanyĩw’a.</verse>
			</chapter>
			<chapter number="30">
				<verse number="1">Woo nĩ wa syana ng’endu, easya Yeova, ila ĩsũanĩaa maũndũ, ĩndĩ ti kuma kwakwa, na ila iseũvasya wĩw’ano, ĩndĩ ti wa Veva wakwa, nĩ kana syongelele naĩ ĩũlũ wa naĩ;</verse>
				<verse number="2">ila ikũasya itheee Misili, na ityaakũlya kanyw’anĩ wakwa; syĩyĩkĩe vinya vinyanĩ wa Valao, na syĩvithe muunyĩnĩ wa Misili!</verse>
				<verse number="3">Kwondũ wa ũu vinya wa Valao ũkeethĩwa nthoni syenyu, na wĩvitho muunyĩnĩ wa Misili kũthokoanw’a kwenyu.</verse>
				<verse number="4">Nũndũ anene moo me mbee ũsumbĩnĩ ma Nzoanĩ, na atũmwa moo mavikĩte Anise.</verse>
				<verse number="5">Onthe makasonoka nũndũ wa andũ ala matatonya kũmauna, ala mate ũtethyo kana ũuno, ĩndĩ nthoni, o na ũvũthyo.</verse>
				<verse number="6">Ndeto ngito ũndũ wa nyamũ sya ngalĩ ya Ĩtheo. Mavĩtĩlaa nthĩ ya thĩna na woo, vala vaumaa mũnyambũ mũka na mũnyambũ, nzoka mbai na nzoka ĩũlũkaa ĩilyĩ mwaki, makĩkua mothwii moo ituonĩ sya ndena sya mang’oi, na mothwii moo ngathĩnĩ sya ngamĩle, mamatwaĩe andũ ala matakamauna.</verse>
				<verse number="7">Nũndũ ũtethyo wa Misili nĩ wa mana, na ndwaĩlaa; kwondũ wa ũu nĩnĩmĩtĩte Misili Laavi, mwĩkali wa nthĩ.</verse>
				<verse number="8">Yu enda, ũandĩke ĩsengeanĩ mene, na ũivana ĩvukunĩ, nĩ kana wĩthĩwe wa ĩvinda yĩla yũkĩte tene na tene.</verse>
				<verse number="9">Nũndũ nĩ andũ ang’endu, syana ila ineenaa movũngũ, syana ila ileaa kwĩthukĩĩsya mĩao ya Yeova;</verse>
				<verse number="10">ila itavasya ala monaa mawoni, Ekai kwona; na athani, Ekai kũtwathanĩa maũndũ ma w’o, tũtavye maũndũ maseo, athanai mokengani,</verse>
				<verse number="11">umai nzĩanĩ, athũkai nzĩanĩ, mũekethyei Ũla Mũtheu wa Isilaeli ndakethĩwe mbee waitũ.</verse>
				<verse number="12">Kwondũ wa ũu Ũla Mũtheu wa Isilaeli easya atĩĩ, Nĩkwĩthĩwa nĩmũvũthasya ndeto ĩno, na kwĩkwatya ũndũ wa kũthĩn’ya na wa ngũlũ, na kwĩlũmya nthĩnĩ wamo;</verse>
				<verse number="13">kwondũ wa ũu ũthũku ũsu ũkeethĩwa kwenyu ta vandũ vatũku vakilĩlye kũvalũka, vandũ veeku ũvainĩ mũtũlu, ũla kũvalũka kwaw’o kwĩũka na mĩtũkĩ ta kĩthũlũmũko.</verse>
				<verse number="14">Na akamyananga o tondũ mũio wa mũmbi wũaawa, akyũvevenza vate kũsũvĩa; nĩ kana kũikoneke katĩ wa ilĩo syaw’o kalĩo ka kwoka mwaki ikonĩ, kana ka kũtava manzĩ kĩthimanĩ.</verse>
				<verse number="15">Nũndũ ũũ nĩw’o Mwĩaĩi Yeova, Ũla Mũtheu wa Isilaeli, waisye, Kũsyokanĩ na kũthũmũanĩ mũkatangĩĩwa; ũuunĩ na wĩkwatyonĩ kũkeethĩwa vĩnya wenyu. Na inyw’ĩ mũtyaaĩtĩkĩla:</verse>
				<verse number="16">ĩndĩ mwasya, Aiee, ĩndĩ tũkakĩa tũkuĩtwe nĩ mbalasi; kwondũ wa ũu mũkakĩa: na mwasya, Tũkaenda tũtũlĩte ila syĩ mĩtũkĩ; kwondũ wa ũu ala makamũatĩĩa makeethĩwa me mĩtũkĩ.</verse>
				<verse number="17">Ngili ĩmwe ĩkakĩa ũndũ wa kũkandĩwa nĩ ũmwe; ũndũ wa kũkandĩwa nĩ atano inyw’ĩ mũkakĩa: kũvika mwĩtiwa ta mũtĩ mũasa kĩĩmanĩ ĩũlũ, na ta kĩvevelo kalĩmanĩ.</verse>
				<verse number="18">Na kwondũ wa ũu Yeova aketeela, nĩ kana amwĩke nesa; na kwondũ wa ũu akanenevw’a, nĩ kana amwĩw’ĩe tei: nũndũ Yeova nĩ Ngai ũla ũsilaa katĩ; nĩ aathime onthe ala mamweteelaa.</verse>
				<verse number="19">Nũndũ andũ makekala Saioni ku Yelusaleme; ndũkaĩa ĩngĩ; vate ndĩi akakwĩka nesa ũndũ wa wasya wa kĩĩo kyaku; yĩla wĩĩw’a akakũsũngĩa.</verse>
				<verse number="20">O na ethĩwa Mwĩaĩi nũkũnengae lĩu wa thĩna na manzĩ ma woo, ĩndĩ amanyĩsya maku matikavithwa ĩngĩ, ĩndĩ metho maku makoona amanyĩsya maku;</verse>
				<verse number="21">na matũ maku makeew’a ndeto ĩtina waku, ĩkyasya, Nzĩa nĩ ĩno, endaai nayo; yĩla mwĩathũka kw’oko kwa aũme, na yĩla mwĩathũka kw’oko kwa aka.</verse>
				<verse number="22">Na mũkavukya kĩla kĩvw’ĩkĩte mĩvw’anano yaku ya vetha, na kwanakavw’a kwa mĩvw’anano yaku ya thaavu ĩla yaseũviw’e na syĩndũ ila syatwekethiw’e: ũkamĩkya kũasa ta kĩndũ kĩvuku; ũkootavya, Uma vaa.</verse>
				<verse number="23">Nake akanenganae mbua kwondũ wa mbeũ syaku, ila wĩvanda nthĩ; na lĩu wa ũsyao wa nthĩ, na ũkeethĩwa mũnou na mwingĩ. Mũthenya ũsu indo syaku ikaĩthaw’a isesinĩ nene;</verse>
				<verse number="24">o ta ũu ng’ombe na ndena sya mang’oi ila iĩmaa nthĩ ikaĩsaa lĩu wĩ mũsamo, ũla ũũlũkĩtw’e na mwĩko na kĩũlũkya.</verse>
				<verse number="25">Na ĩũlũ wa kĩla kĩĩma kĩtũlu, na ĩũlũ wa kĩla kalĩma katũlu, kũkeethĩwa tũlũsĩ na mbũsĩ sya manzĩ, mũthenya wa ũaani mũnene, yĩla myako mĩtũlu ya mĩnyoolo ĩvalũka.</verse>
				<verse number="26">O na ũndũ ũngĩ kyeni kya mwei kĩkatw’ĩka ta kyeni kya syũa, na kyeni kya syũa kĩkeethĩwa kũndũ mũonza, ta kyeni kya mĩthenya mũonza, mũthenya ũla Yeova wĩova ĩkũna ya andũ make, na kũvosya ĩkũna ya wũkite woo.</verse>
				<verse number="27">Sisya, syĩtwa ya Yeova nĩyũkĩte kuma kũasa, yakanĩte na ũthatu wake, nthĩnĩ wa syũki yingĩ yĩkyũkĩla: ilomo syake nĩsyusĩe ũthilĩku, na ũĩmĩ wake nĩ ta mwaki ũvĩvasya;</verse>
				<verse number="28">na mĩthũmũ yake nĩ ta ũsĩ ũvingĩte ũkakĩla, ũla ũvikaa ngingonĩ, asunge mbaĩ na kĩsungi kya wanangĩko: na mũkwa ũla ũvĩtĩthasya ũkeethĩwa ngambuunĩ sya ngoo sya andũ.</verse>
				<verse number="29">Mũkeethĩwa na wathi o ta ũtukũ yĩla mũlilikanaa mboka ntheu; na ũtanu wa ngoo, ta yĩla mũndũ ũendaa na mũtũlilũ avike kĩĩma kya Yeova, kũvika Ĩvia ya Isilaeli.</verse>
				<verse number="30">Na Yeova akatuma wasya wake mũseo wĩw’ĩka, na akoonan’ya kũtheesya kwa kw’oko kwake, vamwe na kũthilĩka kwa ũthatu wake, na kĩtw’ĩki kya mwaki ũla ũvĩvasya, na wanango, na kĩuutani, na mbua na mavia.</verse>
				<verse number="31">Nũndũ kwondũ wa wasya wa Yeova Mũasuli akateva; akamũkũna na ndata yake.</verse>
				<verse number="32">Na kĩla ĩkũna ya ndata nyuve, yĩla Yeova wĩmũkũna, yĩkeethĩwa vamwe na wasya wa tũthembe na mbeve; na akokita nao kaũnĩ wa kũthingithangya.</verse>
				<verse number="33">Nũndũ Tovethi nĩvaseũviw’e kuma tene; ĩĩ, nĩvaseũviw’e ũndũ wa mũsumbĩ; nũseũvĩtye vethĩwe valiku na vanene; ĩvuvĩo ya vo nĩ mwaki wĩ ngũ nyingĩ; mĩthũmũ ya Yeova, ta kalũsĩ ka mũvĩlĩtĩ, nĩnĩkwakan’ya.</verse>
			</chapter>
			<chapter number="31">
				<verse number="1">Woo nĩ wa ala matheeaa Misili mone ũtethyo, na kwĩkwatya mbalasi, na kwĩkwatya makasya nĩkwĩthĩwa nĩ maingĩ, na andũ matũlĩte mbalasi nĩkwĩthĩwa me vinya mũno, ĩndĩ matiũsisya Ũla Mũtheu wa Isilaeli, kana kũmantha Yeova!</verse>
				<verse number="2">Ĩndĩ nake nĩ mũĩ, na akaete ũthũku, na ndakaalyũla ndeto syake, ĩndĩ akamyũkĩlĩla nyũmba ya eki ma naĩ, o na akookĩlĩla ũtethyo wa ala mekaa ũthũku.</verse>
				<verse number="3">Ĩndĩ Amisili nĩ andũ, o na ti Ngai; na mbalasi syoo nĩ nyama na ti veva: na yĩla Yeova wĩtambũũkya kw’oko kwake, ũla ũtethanasya akalulutĩka, o na ũla ũtethaw’a akavalũka, na onthe makaminwa vamwe.</verse>
				<verse number="4">Nũndũ ũũ nĩw’o Yeova ũnũũmbĩa, O tondũ mũnyambũ vamwe na mũnyambũ wa mũika ũlulumaa ũtũlĩte, ethĩwa aĩthi aingĩ makeetwa maende kũwũkita, ũtatevaa kwondũ wa mawasya moo, o na ũtenyivasya kwondũ wa kĩlonzo kyoo: o ta ũu Yeova wa nguthu akatheea okite kĩĩmanĩ kya Saioni, na kalĩmanĩ kakyo.</verse>
				<verse number="5">O tondũ nyũnyi ilelaa, o ta ũu Yeova wa nguthu akasũvĩa Yelusaleme; akamĩsũvĩa na kũmĩvonokya, akavĩtĩla ĩũlũ na kũmĩsũvĩa.</verse>
				<verse number="6">Mũsyokeei ũla mwamũng’endeie mũno, inyw’ĩ ana ma Isilaeli.</verse>
				<verse number="7">Nũndũ mũthenya ũsu makekya kĩla mũndũ mĩvw’anano yake ya vetha, na mĩvw’anano yake ya thaavu, ĩla moko menyu ene maseũvĩsye yĩthĩwe naĩ kwenyu.</verse>
				<verse number="8">Na Mũasuli akavalũkw’a na ũvyũ, naw’o ti wa mũndũ; na ũvyũ, naw’o ti wa andũ, ũkamũmina; na akakũka akĩe ũvyũ, na anake make makeethĩwa ngombo.</verse>
				<verse number="9">Na ĩvia yake yĩkavĩta ũndũ wa kũtĩsw’a, na anene make me mbee ũsumbĩnĩ makateva ũndũ wa kĩvevelo, easya ũu Yeova, ũla mwaki wake wĩ Saioni, na iko yake ĩnene yĩ Yelusaleme.</verse>
			</chapter>
			<chapter number="32">
				<verse number="1">Sisya, mũsumbĩ akasumbĩka na ũlũngalu, na anene me mbee ũsumbĩnĩ makasumbĩka na kũsilaa katĩ.</verse>
				<verse number="2">Na mũndũ akeethĩwa ta vandũ va kwĩvitha kĩseve, na ta kwĩvitha kĩuutani, ta tũlũsĩ twa manzĩ vandũ vomũ, ta muunyĩ wa ĩvia ĩnene yĩ nthĩ yĩ mĩnoo.</verse>
				<verse number="3">Na metho ma ala monaa matikethĩwa mbindu, na matũ ma ala mew’aa makethukĩĩasya.</verse>
				<verse number="4">Na ngoo ya ala me mĩtũkĩ ĩkamanya ũĩ, na nĩmĩ sya ala mavũvũtaa ikeethĩwa syĩyũmbanĩtye kũneena nesa vyũ.</verse>
				<verse number="5">Ndia ndĩketwa mũnene ĩngĩ, kana ũla wĩ ĩtomo ndaketwa mũlau.</verse>
				<verse number="6">Nũndũ ndia ĩkaneena ũtumanu, na ngoo yayo ĩkeeka ũthũku, yĩkae ũvuku, na kũmũneenea Yeova ũndũ ũte wa w’o, ĩtume thayũ wa ala me na nzaa wĩthĩwa mũthei, na kũtuma kya ũnyw’a kya ala me na waũni kyaa.</verse>
				<verse number="7">Na mĩio ya ũla wĩ na ĩtomo nĩ mĩthũku: nũsũanĩaa mosũanĩo mathũku anange ala auu na ndeto sya ũvũngũ, o yĩla ala athĩni meũneena w’o.</verse>
				<verse number="8">Ĩndĩ ũla wĩ ndaĩa nũsũanĩaa maũndũ me ndaĩa; na akekalaa maũndũnĩ me ndaĩa.</verse>
				<verse number="9">Ũkĩlai, inyw’ĩ aka ala mũthũmũĩte, mwĩw’e wasya wakwa; inyw’ĩ eĩtu mũte kĩio, teai matũ menyu mwĩw’e ndeto syakwa.</verse>
				<verse number="10">Nũndũ mũkathĩnw’a mĩthenya kũvĩtũka mwaka, inyw’ĩ aka mũte kĩio; nũndũ ngetha ya mĩsavivũ ndĩkoneka, kũikethĩwa kũtusya.</verse>
				<verse number="11">Tetemai, inyw’ĩ aka ala mũthũmũĩte; ũũyai, inyw’ĩ mũte kĩio; umyai ngũa, mwĩthĩwe athei, na mũkĩvotoa makunia inyunyu syenyu.</verse>
				<verse number="12">Makakũnanga ithũi nũndũ wa mĩũnda yaĩ ya kwendeesya, na nũndũ wa mũsavivũ wasyaaa mũno.</verse>
				<verse number="13">Nthĩ ya andũ makwa ĩkamesya mĩw’a na mĩtae; ĩĩ, ĩũlũ wa nyũmba syonthe sya ũtanu ndũanĩ yĩ na ũtanu.</verse>
				<verse number="14">Nũndũ nyũmba nene mbanakavye ĩkaekwa; ndũa yĩ andũ aingĩ ĩkeethĩwa ĩte mũndũ; kalĩma na mwako mũtũlu wa kũsyaĩĩsya ikeethĩwa ngunga ĩndĩ yonthe, ũtanu wa mang’oi ma kĩthekanĩ, kĩsesi kya ndĩthya sya mbũi na malondu;</verse>
				<verse number="15">kũvika yĩla Veva wĩtulũĩlwa ithyĩ kuma ĩũlũ, na weũ wĩtw’ĩka mũũnda ũla ũsyaaa mũno, na mũũnda ũla ũsyaaa mũno ũitalwa ta mũtitũ.</verse>
				<verse number="16">Nĩvo ĩndĩ sila wa katĩ ũkekala weũnĩ; na ũlũngalu ũkekala mũũndanĩ ũla ũsyaaa mũno.</verse>
				<verse number="17">Na wĩa wa ũlũngalu ũkeethĩwa mũuo; na ũlũngalu ũkaetae ũuu na wĩkwatyo tene na tene.</verse>
				<verse number="18">Na andũ makwa makatũaa ũtũonĩ wĩ mũuo, na mawĩkalonĩ mate na mũisyo, na kũndũnĩ kũuu kwa kũthũmũa.</verse>
				<verse number="19">Ĩndĩ kũkaua mbua ya mavia ĩvinda ya kũvalũka kwa mũtitũ; na ndũa ĩkatheew’a nthĩ vyũ.</verse>
				<verse number="20">Mwĩ aathime inyw’ĩ ala mũvandaa ũtee wa manzĩ kw’onthe, inyw’ĩ ala mũekaa ng’ombe na ĩng’oi itũũe kw’o.</verse>
			</chapter>
			<chapter number="33">
				<verse number="1">Woo nĩ waku we ũla wanangaa, naku ndwaaanangwa; na wĩkaa ũseleke, nao matyaakwĩka ũseleke! Yĩla wĩĩthĩwa ũekete kwananga, ũkaanangwa; na yĩla wĩĩthĩwa ũminĩte kwĩka ũseleke, nao makakwĩka ũseleke.</verse>
				<verse number="2">Ame Yeova, twĩke nesa; nĩtũkweteelete: ĩthĩwa kw’oko kwitũ kĩla kĩoko, o na ũtangĩĩo witũ ĩvinda ya thĩna.</verse>
				<verse number="3">Ngo sya andũ syeew’a kĩlonzo kya kĩtuu nĩsyakĩa; mbaĩ ninyaĩĩkĩte ũndũ wa kũkĩla kwaku mwene.</verse>
				<verse number="4">Na mũtavo waku ũkoombanw’a o tondĩ ithesa syũmbanaa: o tondũ ngie ithaanyũkaa now’o andũ makothaanyũkĩa.</verse>
				<verse number="5">Yeova nũkũtaĩwa; nũndũ nũtũaa ĩũlũ: nĩwusũĩtye Saioni sila wa katĩ na ulũngalu.</verse>
				<verse number="6">Na kũkeethĩwa ũlũmu mavindanĩ maku, na wingĩ wa ũtangĩĩo, na ũĩ, na ũmanyi: kũmũkĩa Yeova nĩ ũthwii waku.</verse>
				<verse number="7">Sisya, ngũmbaũ syoo nikũĩĩa ũtee; atũmwa ma mũuo maĩaa kĩĩo kĩ woo.</verse>
				<verse number="8">Malelũ nĩ manangĩku, ũla ũendaa kyalo nũekete kũthi: nĩwanangĩte ũtianĩo, nũvũthĩtye ndũa, ndeona mũndũ ta kĩndũ.</verse>
				<verse number="9">Nthĩ nĩnĩkũmeta na kũleela; Levanoni nĩnĩkũthokoana na kũvova; Saloni ĩilyĩ ta yalata; na Mbasani na Kalimeli nikwĩtĩkya matũ masyo.</verse>
				<verse number="10">Yu nĩngũkĩla, easya ũu Yeova, yu nĩngwĩyũkĩlya; yu nĩngũnenevw’a.</verse>
				<verse number="11">Mũkaitava wewa, mũkasyaa mavuthĩ: mĩthũmũ yenyu nĩ mwaki ũkamũmina.</verse>
				<verse number="12">Na ngo sya andũ ikeethĩwa ta sokaa ũivĩvw’a, ta mĩw’a mĩteme, ĩla ĩvĩvaw’a na mwaki.</verse>
				<verse number="13">Ĩthukĩĩsyei, inyw’ĩ ala mwĩ kũasa, ũndũ nĩkĩte; na, inyw’ĩ ala mwĩ vakuvĩ, ĩtĩkĩlai vinya wakwa.</verse>
				<verse number="14">Ala athe me Saioni nĩmeũkĩa; kũtetema nĩkũkwatĩte ala matakĩaa Ngai: Nũũ katĩ waitũ ũtonya kwĩkalaa na mwaki ũla ũvĩvasya? Nũũ katĩ waitũ ũtonya kwĩkalaa yekethenĩ ya tene na tene?</verse>
				<verse number="15">Ũla ũkinyaa ũlũngalunĩ, na kũneenaa w’o; ũla ũmenaa ũtandĩthyo wa kũthĩn’ya, ũla ũvuunzaa moko make ndakose ĩvaki, ũla ũlindaa matũ make matikew’a ũvoo wa nthakame, na kũlalya metho make matikone ũthũku:</verse>
				<verse number="16">ũsu akekalaa ĩũlũ; vandũ vake va kũsũvĩĩwa vakeethĩwa ngome ya mavia; akanengwa lĩu wake; manzĩ make maikang’ala.</verse>
				<verse number="17">Metho maku makoona mũsumbĩ ũtanakavunĩ wake: makoona nthĩ ĩthanthaĩte kũasa.</verse>
				<verse number="18">Ngoo yaku ĩkasũanĩa ũtĩsyo: Aĩva we ũla ũtalile, aĩva ũla wathimie mbesa sya koti? Aĩva ũla watalile myako mĩtũlu ya mĩnyoolo?</verse>
				<verse number="19">Ndũkona andũ ai, andũ me ndeto ndiku ila ũtatonya kũmanya, na me nĩmĩ ngeni ila ũtatonya kũmanya, na me nĩmĩ ngeni ila ũtatonya kũmanya.</verse>
				<verse number="20">Sisya Saioni, ndũa ya mboka sitũ itw’ĩtwe: metho maku makoona Yelusaleme ũtũo mũuu, ĩeema yĩla yĩtakambũwa, syambo syayo itakakũwa o na ĩndĩĩ, o na makanda o na meva mayo matikatw’ĩka.</verse>
				<verse number="21">Ĩndĩ Yeova akeethĩwa vo vamwe naitũ ũnenenĩ, vandũ va mbũsĩ nthanthau na tũlũsĩ, vala vatakaenda kakalawa katwaĩtwe na mĩtĩ, o na ngalawa nene ndĩkavĩtĩla vo.</verse>
				<verse number="22">Nũndũ Yeova nĩ mũsili waitũ, Yeova nĩ mũtũnengi wa mĩao, Yeova nĩ mũsumbĩ waitũ, nake akatũtangĩĩa.</verse>
				<verse number="23">Makanda maku nĩ maleelu; matyaatonya kũlũmya nesa ĩtina ya mũlingoti woo, matyaatonya kũtambũũkya ĩla ngũa ya kwosa kĩseve: nĩvo ĩndĩ mũtavo watavĩtwe mwingĩ waaaniw’e; ala mathuaa nĩmosie mũtavo.</verse>
				<verse number="24">Na ũla ũtwĩe kw’o ndakasya, Nyie nĩ mũwau; andũ ala matwĩe kw’o makaekewa ũthũku woo.</verse>
			</chapter>
			<chapter number="34">
				<verse number="1">Thengeeai, inyw’ĩ mbaĩ, mwĩw’e; ĩthukĩĩsyei, inyw’ĩ ngo sya andũ: nthĩ nĩyĩw’e, na ila imyusĩe; nthĩ, na syĩndũ syonthe ila syumaa nthĩnĩ wayo.</verse>
				<verse number="2">Nũndũ Yeova e na ũthatu kwa mbaĩ syonthe na ũthilĩku kwa nguthu syasyo syonthe: nũsyanangĩte vyũ, nĩwinenganĩte syũawe.</verse>
				<verse number="3">Ala moo mooaiwe makekw’a nza, na mũuke mũthũku wa simba syoo ũkambata; na iĩma ikatweka nũndũ wa nthakame yoo.</verse>
				<verse number="4">Na nguthu yonthe ya ĩtunĩ ĩkatweka, na matu makakũnzwa ta ũsomwa; na nguthu yamo yonthe ĩkavova, o tondũ ĩtũ yĩvovaa na kũvalũka kuma mũsavivũnĩ, na ta ĩtũ yĩkĩvova na kũvalũka kuma mũkũyũnĩ.</verse>
				<verse number="5">Nũndũ ũvyũ wakwa nũnyw’ĩĩe ĩtunĩ ũkakola: sisya, ũkatheeea Etomu, o andũ ma kĩumo kyakwa, ũsilĩle.</verse>
				<verse number="6">Ũvyũ wa Yeova nĩusũĩte nthakame, nũnoetw’e nĩ kĩla kĩnoasya, na nthakame ya tũtena twa malondu na mbũi, na ĩthunya ya mbio sya ndũũme; nũndũ Yeova e na nthembo ku Mbosila, na ũai mũnene nthĩ ya Etomu.</verse>
				<verse number="7">Na mboo ikatheean’ya natw’o, na tũsalũ twa mũew’a vamwe na nzaũ: na nthĩ yoo ĩkeethĩwa ĩtoonetw’e nĩ nthakame, na mũthanga woo ũnoetw’e nĩ kĩla kĩnoasya.</verse>
				<verse number="8">Nũndũ Yeova e na mũthenya wa ũĩvanĩsyo, mwaka wa kũĩvanĩsya ũndũ wa Saioni.</verse>
				<verse number="9">Na tũlũsĩ twa Etomu tũkaalyũlwa twĩthĩwe kĩsia, na kĩtoo kyayo kĩthĩwe mũvĩlĩtĩ, nayo ĩ nthĩ ĩkatw’ĩka kĩsia kyakanĩte mwaki.</verse>
				<verse number="10">Kĩtikavoeka ũtukũ kana mũthenya; syũki yĩkambata tene na tene; ĩkeethĩwa mbanangĩku kuma nzyawa na nzyawa; vai mũndũ ũkamĩvĩtĩla tene na tene.</verse>
				<verse number="11">Ĩndĩ ngunĩ na nzee ikamĩtũa; na ndundu na ngũngũũ ikekala kw’o: na akatambũũkya ĩũlũ wayo ũlii wa kĩthokoo, na kavilũ ka vathei.</verse>
				<verse number="12">Makameta anene mayo me ndaĩa moke ũsumbĩnĩ, ĩndĩ o na ũmwe ndakethĩwa vo; na anene mayo onthe me mbee ũsumbĩnĩ matikethĩwa kĩndũ.</verse>
				<verse number="13">Na mĩw’a ĩkamea nyũmbanĩ nene mbanakavye syayo, syĩnyeelya na thangila ngomenĩ syayo; na ĩkeethĩwa ũtũo wa mbĩwa, na wĩkalo wa nyaa.</verse>
				<verse number="14">Na nyamũ mbai sya weũnĩ ikoombana na nzũi, na mbũi ya kĩthekanĩ ĩkanĩsya ĩla ĩngĩ; ĩĩ, mũnyũũ ũkatũa kw’o, na kwĩyonea vandũ va ũthũmũa.</verse>
				<verse number="15">Na ndundu nene ĩkaaka ndala yayo kw’o, na kũlekya matumbĩ, na kũvw’ĩkĩa yalĩkye, na kũmbanĩa muunyĩnĩ wa vo; ĩĩ, vau nĩvo imangaũ syĩũmbanĩa, kĩla kĩmwe na mũũme wakyo.</verse>
				<verse number="16">Manthai ĩvukunĩ ya Yeova, mũsome: vai ĩmwe ya isu ĩtakoneka, vai ĩmwe ĩkaĩwa nĩ mũũme; nũndũ kanyw’a wakwa, nĩw’o wĩaĩte, na Veva wake, nĩwe wasyũmbanisye.</verse>
				<verse number="17">Nake nũlimanĩte kwondũ wasyo, na kw’oko kwake nĩkũmĩaanĩtye na ũlii kwondũ wasyo: ĩkeethĩwa yasyo tene na tene; ikamĩtũa kuma nzyawa na nzyawa.</verse>
			</chapter>
			<chapter number="35">
				<verse number="1">Weũ na nthĩ nyũmũ ikatana; na yalata yĩkatana, na kũlaũka ta ĩlaa ya lose.</verse>
				<verse number="2">Yĩkalaũka mũno, na kũtana na mũyo na kwina; yĩkanengwa ndaĩa ya Levanoni, ũnene wa Kalimeli na Saloni: makoona ũtheu mũtisu wa Yeova, ũnene wa Ngai waitũ.</verse>
				<verse number="3">Ĩkĩai vinya moko monzu, lũlũmĩlyai mau mate vinya.</verse>
				<verse number="4">Matavyei ala me na ngoo yĩ w’ĩa, Ĩthĩwai na vinya, mũtikakĩe: sisyai, Ngai wenyu akooka na ũĩvanĩsyo, ũĩvanĩsyo wa Ngai; akooka amũtangĩĩe.</verse>
				<verse number="5">Nĩvo metho ma ililinda mesalukw’a, na matũ ma ala au matũ melindũka.</verse>
				<verse number="6">Nĩvo mũndũ ũthuaa wĩtũlĩla ta ndaatai nũme, na ũĩmĩ wa ũla ũtaneenaa wĩina; nũndũ manzĩ makavulutya weũnĩ, na tũlũsĩ yalatanĩ.</verse>
				<verse number="7">Na kĩthangathĩ kĩtisatisu kĩkeethĩwa kĩilyĩ ĩia ya manzĩ, na nthĩ yĩ waũni mbuluti sya manzĩ: ũtũonĩ wa mbĩwa, vala ikomaa, kũkeethĩwa nyeki vamwe na mĩangi na malula.</verse>
				<verse number="8">Na lelũ ũkeethĩwa kw’o, na nzĩa, nayo ĩkeetawa, Nzĩa ya ũtheu; ala avuku matikamĩvĩtĩla; ĩndĩ ĩkeethĩwa ya ala ovosye: aendi ma syalo, ĩĩ ndia, matikamĩvĩtya.</verse>
				<verse number="9">Vatikethĩwa mũnyambũ kw’o, o na nyamũ mbai ndĩkambata nayo; itikoneka kw’o; ĩndĩ ala ovosye makamĩkinyĩlaa:</verse>
				<verse number="10">na ala ovosye ma Yeova makasyoka, na makavika Saioni makina; na ũtanu wa tene na tene ũkeethĩwa mĩtwenĩ yoo: makoosa mũyo na ũtanu, na kĩmako na kũvevũũka kũkathela.</verse>
			</chapter>
			<chapter number="36">
				<verse number="1">Na kweethĩwa mwaka wa ĩkũmi na ĩna wa kũsumbĩka kwa mũsumbĩ Esekia, Senakelivu mũsumbĩ wa Asuli ambatĩĩa ndũa mbiie syonthe sya Yuta, na asyosa.</verse>
				<verse number="2">Na mũsumbĩ wa Asuli atũma Lavi‐sake kuma Lakisi kũthi Yelusaleme kwa mũsumbĩ Esekia e na ita nene. Na aũngama vakuvĩ na mũtaũ wa ndia yĩ ngalĩ ya ĩũlũ lelũnĩ ũelete kĩsesinĩ kya mũthambya wa ngũa.</verse>
				<verse number="3">Nĩvo ĩndĩ waumaalĩlwe nĩ Eliakimu, mwana wa Ilikia, ũla waĩ mũsyaĩĩsya wa andũ ma nyũmba, na mũandĩki Sevina, na Yoa, mwana wa Asavu, ũla mũandĩki wa maũndũ.</verse>
				<verse number="4">Na Lavi‐sake amea, Mũtavyei Esekia yu, Ũũ nĩw’o mũsumbĩ mũnene, mũsumbĩ wa Asuli, ũnũkwasya, Wĩkwatyo ũũ nĩ mwaũ ũla wĩkwatĩtye?</verse>
				<verse number="5">Nĩngwasya, ũtao waku na vinya waku ũndũ wa kaũ no ndeto sya mana: yu wĩkwatasya ũũ, nũndũ nũng’endee nyie?</verse>
				<verse number="6">Sisya, wĩkwatasya ndata ya mũangi ũũ mũkanyange, nayo nĩ Misili, na ethĩwa mũndũ nũnũkwĩvandĩĩa nayo, ĩkalika kw’okonĩ kwake, na kũtonya: now’o Valao mũsumbĩ wa Misili ũilyĩ kwa onthe ala mamũĩkĩĩaa.</verse>
				<verse number="7">Ĩndĩ ethĩwa wĩmbĩa, Ithyĩ nĩtũmũĩkĩĩa Yeova Ngai waitũ: ĩndĩ tiwe, ũla Esekia ũvetete kũndũ kwake kũtũlu o na ithembeo syake, na nũtavĩtye Yuta na Yelusaleme, Mũkathaithĩaa kĩthembeonĩ kĩĩ?</verse>
				<verse number="8">Yu kwondũ wa ũu, nĩngũkwĩsũva, nenga vwana wakwa mũsumbĩ wa Asuli ngwatĩlĩlyo, na ngakũnenga mbalasi ngili ilĩ, ethĩwa ngalĩko ĩ yaku nũtonya kũtũlya andũ ĩũlũ wasyo.</verse>
				<verse number="9">Ũtonya ata ĩndĩ kũthyũũa ũthyũ wa kavuteni ũmwe wa ala anini mũno ma athũkũmi ma vwana wakwa, na kwĩkwatya Misili ĩkũnenge makasya na andũ ma ũtũlaa mbalasi?</verse>
				<verse number="10">Na yu nĩnambatĩte nde na Yeova kũkita na nthĩ ĩno nĩmyanange? Yeova ambĩa, Ambata ũkite na nthĩ ĩsu, ũmyanange.</verse>
				<verse number="11">Nĩvo ĩndĩ Eliakimu na Sevina na Yoa mamwĩa Lavi‐sake, Nĩtũũkwĩsũva, neena na athũkũmi maku na kĩthyomo kya Asilia; nũndũ nĩtũũkĩmanya: na ndũkaneene naitũ na kĩthyomo kya Ayuti, ala me ũvainĩ matikew’e.</verse>
				<verse number="12">Ĩndĩ Lavi‐sake akũlya, Vwana wakwa nũndũmĩte kwa vwana waku, na kwaku, nĩneene ndeto ii? Ndandũmĩte kwa andũ ala mekalaa ũvainĩ, maye mai moo ene, na manyw’e maumao moo ene vamwe nenyu?</verse>
				<verse number="13">Nĩvo ĩndĩ Lavi‐sake waũngamie, na aneena na wasya mũnene na kĩthyomo kya Ayuti, na asya, Ĩthukĩĩsyei ndeto sya mũsumbĩ mũnene, mũsumbĩ wa Asuli.</verse>
				<verse number="14">Ũũ nĩw’o mũsumbĩ ũnũkwasya, Esekia ndakamũkenge; nũndũ ndakatonya kũmũvonokya:</verse>
				<verse number="15">o na Esekia ndakamũĩkĩĩthye Yeova, akyasya, Yeova ndakatĩa kũtũvonokya; ndũa ĩno ndĩkanenganwe kw’okonĩ kwa mũsumbĩ wa Asuli.</verse>
				<verse number="16">Mũtikamwĩthukĩĩsye Esekia: nũndũ ũũ nĩw’o mũsumbĩ wa Asuli ũnũkwasya, Seũvyai mũuo nakwa, mumaale mũke vala nĩĩ; na mũiĩsaa kĩla ũmwe wa mũsavivũ wake, na kĩla ũmwe wa mũkũyũ wake, na mũkĩnyusaa kĩla ũmwe manzĩ ma kĩthima kyake mwene;</verse>
				<verse number="17">kũvika yĩla nĩũka na kũmũtwaa nthĩ ĩilyĩ ta nthĩ ĩno yenyu, nthĩ yĩ lĩu wa mbaa ngetha na mbinyu mbĩthĩ, nthĩ yĩ lĩu na mĩũnda ya mĩsavivũ.</verse>
				<verse number="18">Ĩsũvĩei Esekia ndakamũkikye, akyasya, Yeova akatũvonokya. Ve ngai o na yĩva ya mbaĩ ĩvonoketye nthĩ yayo kuma kw’okonĩ kwa mũsumbĩ wa Asuli?</verse>
				<verse number="19">Ngai sya Amathi na Alivati iĩva? Ngai sya Sevalivaimu iĩva? Na nivonoketye Samalia kw’okonĩ kwakwa?</verse>
				<verse number="20">Nĩ syĩva katĩ wa ngai syonthe sya nthĩ isu, ila ivonoketye nthĩ yasyo kw’okonĩ kwakwa, nĩ kana Yeova avonokye Yelusaleme kw’okonĩ kwakwa?</verse>
				<verse number="21">Ĩndĩ mavindya ki, na matyaamũsũngĩa ndeto; nũndũ mwĩao wa mũsumbĩ waĩtye, Mũtikamũsũngĩe.</verse>
				<verse number="22">Nĩvo ĩndĩ Eliakimu mwana wa Ilikia, ũla waĩ mũsyaĩĩsya wa andũ ma nyũmba, na mũandĩki Sevina, na Yoa, mwana wa Asavu, mũandĩki wa maũndũ, mathi kwa Esekia matembũangĩte ngũa syoo, na mamũtavya ndeto sya Lavi‐sake.</verse>
			</chapter>
			<chapter number="37">
				<verse number="1">Na kweethĩwa, yĩla mũsumbĩ Esekia wewie ũu, atembũanga ngũa syake, na eekĩa makunia, na alika nyũmbanĩ ya Yeova.</verse>
				<verse number="2">Na atũma Eliakimu, ũla waĩ mũsyaĩĩsya wa andũ ma nyũmba, na mũandĩki Sevina, na atumĩa athembi, kwa mwathani Isaia mwana wa Amosu, mekĩĩte makunia.</verse>
				<verse number="3">Nao mamwĩa, Ũũ nĩw’o Esekia ũnũkwasya, Ũmũnthĩ nĩ mũthenya wa thĩna, na wa ũkanw’a, na wa kũvũthw’a; nũndũ twana nĩtũvikĩte ĩvinda ya kũsyawa, na vati vinya wa kũsyaa.</verse>
				<verse number="4">Nokwĩthĩwa Yeova Ngai waku akeew’a ndeto sya Lavi‐sake, ũla mũsumbĩ wa Asuli vwana wake ũmũtũmĩte amũvũthĩĩsye Ngai wĩ thayũ, na akakan’ya ndeto ila Yeova Ngai waku wĩw’ĩte: kwondũ wa ũu ũkĩlya mboya yaku kwondũ wa ũtialo ũla ũtialĩte.</verse>
				<verse number="5">Kwondũ wa ũu athũkũmi ma mũsumbĩ Esekia mavika kwa Isaia.</verse>
				<verse number="6">Na Isaia amea, Ũũ nĩw’o mwĩmũtavya vwana wenyu, Ũũ nĩw’o Yeova ũnũkwasya, Ndũkakĩe ndeto ila wĩw’ĩte, ila athũkũmi ma mũsumbĩ wa Asuli manumangĩte nasyo.</verse>
				<verse number="7">Sisya, ngeekĩa veva nthĩnĩ wake na akeew’a maũvoo, na akasyoka nthĩ yake mwene; na ngatuma avalũkĩlw’a na ũvyũ nthĩ yake mwene.</verse>
				<verse number="8">Kwondũ wa ũu Lavi‐sake asyoka, na amwĩthĩa mũsumbĩ wa Asuli aiũkita na Livina; nũndũ aĩ aneew’a kana nĩwumĩte vu Lakisi.</verse>
				<verse number="9">Na nĩwewie kũineenwa ũndũ wa Tiliaka mũsumbĩ wa Ethiovia, Nĩwumaalĩte okite naku. Na yĩla wewie ũu, atũma atũmwa kwa Esekia, akyasya,</verse>
				<verse number="10">Ũũ nĩw’o mwĩmũtavya Esekia mũsumbĩ wa Yuta, mũkĩmwĩa, Ngai waku ũla ũmwĩkwatasya ndakakũkenge, aikwĩa, Yelusaleme ndĩkanenganwe kw’okonĩ kwa mũsumbĩ wa Asuli.</verse>
				<verse number="11">Sisya, nĩwĩw’ĩte ũndũ asumbĩ ma Asuli mekĩte nthĩ syonthe, ũndũ wa kũsyananga vyũ: naku ũkavonoka?</verse>
				<verse number="12">Ngai sya mbaĩ nĩsyaivonokisye, ila aasa makwa masyanangie, Ngosani, na Aalani, na Lesevu, na ana ma Eteni ala maĩ Telasali?</verse>
				<verse number="13">Aĩva mũsumbĩ wa Amathi, na mũsumbĩ wa Alivati, na mũsumbĩ wa ndũa ya Sevalivaimu, na ya Ena, na ya Iva?</verse>
				<verse number="14">Na Esekia oosa valũa kuma mokonĩ ma ala matũmiwe, na oosoma; na Esekia ambata alika nyũmbanĩ ya Yeova, na ootambũũkĩsya mbee wa Yeova.</verse>
				<verse number="15">Na Esekia amũvoya Yeova, akyasya,</verse>
				<verse number="16">Ame Yeova wa nguthu, Ngai wa Isilaeli, ũla wĩkalaa ĩũlangũ wa akeluvi, nue Ngai, o we wĩ weka, wa mosumbĩ onthe ma nthĩ; nue woombie ĩtu na nthĩ.</verse>
				<verse number="17">Tea kũtũ kwaku, ame Yeova, wĩw’e; salukya metho maku, ame Yeova, wone; ĩw’a ndeto syonthe sya Senakelivu, ũla ũtũmanĩte avũthĩĩsye Ngai wĩ thayũ.</verse>
				<verse number="18">Nĩ w’o, Yeova, asumbĩ ma Asuli nĩmanangĩte nthĩ syonthe, o na mĩũnda yasyo,</verse>
				<verse number="19">na nĩmekisye ngai syasyo mwakinĩ: nũndũ ityaĩ ngai, ĩndĩ nĩ wĩa wa moko ma andũ, mĩtĩ na mavia; kwondũ wa ũu nĩmasyanangĩte.</verse>
				<verse number="20">Yu kwondũ wa ũu, ame Yeova Ngai waitũ, tũtangĩĩe kuma kw’okonĩ kwake, nĩ kana mosumbĩ onthe ma nthĩ mamanye atĩ nue Yeova, o we wĩ weka.</verse>
				<verse number="21">Nĩvo ĩndĩ Isaia mwana wa Amosu watũmanie kwa Esekia, akyasya, Ũũ nĩw’o Yeova, Ngai wa Isilaeli, ũnũkwasya, Nĩkwĩthĩwa nũmboyete ũndũ wa Senakelivu mũsumbĩ wa Asuli,</verse>
				<verse number="22">ĩno nĩyo ndeto ĩla Yeova ũneenete ũndũ wake: Mwĩĩtu mũtheu wa Saioni nũkũvũthĩtye na nũkũthekeete mũno; mwĩĩtu wa Yelusaleme nũkũthingithangĩĩtye mũtwe wake.</verse>
				<verse number="23">Nũũ ũla ũvũthĩĩtye na kũmũumanga? Na nũũ ũla ũmũkĩlĩlye wasya waku na kũmũkĩlĩlya metho maku ĩũlũ? No Ũla Mũtheu wa Isilaeli.</verse>
				<verse number="24">Nũvũthĩĩtye Mwĩaĩi na makanyw’a ma athũkũmi maku, na waĩtye, Nĩnambatĩte iĩmanĩ ĩũlũ nĩ na wingĩ wa makasya makwa, kũvika Levanoni nthĩnĩ; na ngatũla mĩkũũ mĩasa ya vo, na mĩtĩ ya mĩsonovali mĩseo ya vo; na ngalika vala vatũlu mbee, o mũtitũnĩ wa mũũnda wa vo ũla ũsyaaa mũno;</verse>
				<verse number="25">nĩnĩnzĩte na kũnyw’a manzĩ, na ngang’alĩthya mbũsĩ syonthe sya Misili na nyaĩĩ syakwa.</verse>
				<verse number="26">Ndwaaĩw’a ũndũ neekie ũndũ ũsu tene mũno, na naseũvya ũu kuma tene tene? Na yu nĩnoovĩtũkĩthisye, atĩ nĩ ũndũ waku kwananga ndũa mbiie syĩthĩwe ivumbu sya moomboe.</verse>
				<verse number="27">Kwondũ wa ũu ala maitwĩe maĩ na vinya mũnini, mateva na mathokoana; mailyĩ ta nyeki sya kĩsesi, na nyũnyi nziũ, ta nyeki nyũmbanĩ ĩũlũ, na ta mũũnda wa lĩu wa mbaa ngetha ũtanamba kwĩana.</verse>
				<verse number="28">Ĩndĩ nĩnĩsĩ kwĩkala nthĩ kwaku, na kumaala kwaku, na kũlika kwaku, na kũnthilĩkĩla kwaku.</verse>
				<verse number="29">Nũndũ wa kũnthilĩkĩla, na nĩkwĩthĩwa wĩnenevyo waku nũvikĩte matũnĩ makwa, kwondũ wa ũu ngeekĩa kavoloi kakwa manyiũũnĩ maku, na mũkwa wakwa ilomonĩ syaku, na ngakũthyũũa ũsyoke na nzĩa ĩla ũnesĩle.</verse>
				<verse number="30">Na ũũ ũkeethĩwa wonan’yo kwaku: mwaka ũũ mũkaya metĩkĩa, na mwaka wa kelĩ mathongooo mamo; na mwaka wa katatũ vandai, na mũiketha, na vandai mĩũnda ya mĩsavivũ, mũye ũsyao wayo.</verse>
				<verse number="31">Na ũtialo ũla mũvonoku wa nyũmba ya Yuta ũkatambũũkya mĩi ĩngĩ ĩlikĩte na nthĩ, na kũsyaa ũsyao welekele ĩũlũ.</verse>
				<verse number="32">Nũndũ ũtialo ũkauma Yelusaleme, na ala avonoku makauma kĩĩmanĩ kya Saioni. Kĩwĩu kya Yeova wa nguthu kĩkeanĩsya ũndũ ũsu.</verse>
				<verse number="33">Kwondũ wa ũu Yeova easya ũndũ wa mũsumbĩ wa Asuli, Ndakalika ndũanĩ ĩno, o na ndakamĩkya mũsyĩ, o na ndakoka mbee wayo na ngao, o na ndakamyũmbĩĩa kĩvumbu.</verse>
				<verse number="34">Na nzĩa ĩla ũnookie nayo, akasyokela o yo, na ndakalika ndũanĩ ĩno, easya ũu Yeova.</verse>
				<verse number="35">Nũndũ ngasesea ndũa ĩno nĩmĩtangĩĩe, kwondũ wakwa mwene, na kwondũ wa mũthũkũmi wakwa Ndaviti.</verse>
				<verse number="36">Na mũlaĩka wa Yeova aumaala, na akũna andũ ngili ĩana na mĩongo nyanya na itano mwakonĩ wa maeema wa Aasuli; na yĩla andũ maamũkie kĩoko tene, sisya, asu onthe maĩ simba.</verse>
				<verse number="37">Na kwondũ wa ũu Senakelivu mũsumbĩ wa Asuli ookĩla, na aenda na asyoka kwake, na atũa Nineva.</verse>
				<verse number="38">Na kweethĩwa, aithaitha nyũmbanĩ ya Nisiloki ngai yake, Atalameleki na Saleseli ana make mamũkũna na ũvyũ; na maindũka mathi nthĩ ya Alalati. Na Esali‐atoni mwana wake asumbĩka vandũ vake.</verse>
			</chapter>
			<chapter number="38">
				<verse number="1">Mĩthenya ĩsu Esekia aĩ mũwau akathengeea kũkw’a. Na mwathani Isaia mwana wa Amosu amũkĩa, na amwĩa, Ũũ nĩw’o Yeova ũnũkwasya, Ĩae ũndũ wa nyũmba yaku; nũndũ nũũkw’a, ndwĩĩkala thayũ.</verse>
				<verse number="2">Nĩvo ĩndĩ Esekia wethyũũie na eelekelya ũthyũ wake wakonĩ, na amũvoya Yeova,</verse>
				<verse number="3">na amwĩa, Lilikana yu, ame Yeova, nĩngũkwĩsũva, ũndũ nĩendete mbee waku nthĩnĩ wa w’o na ngoo mbĩanĩu, na nĩnĩkĩte ũla wonaa wĩ ũseo. Na Esekia aĩa mũno.</verse>
				<verse number="4">Nĩvo ĩndĩ ndeto ya Yeova yamũkĩie Isaia, ĩkĩmwĩa,</verse>
				<verse number="5">Enda, ũmwĩe Esekia, Ũũ nĩw’o Yeova, Ngai wa Ndaviti ĩthe waku ũnũkwasya, Nĩnĩw’ĩte mboya yaku, nĩnonete methoi maku: sisya, ngongela thayũ waku myaka ĩkũmi na ĩtano.</verse>
				<verse number="6">Na ngakũvonokya we na ndũa ĩno kuma kw’okonĩ kwa mũsumbĩ wa Asuli; na ngasesea ndũa ĩno.</verse>
				<verse number="7">Na ũũ nĩw’o wĩĩthĩwa wonan’yo kwaku kuma kwa Yeova, atĩ Yeova akeeka ũndũ ũũ ũla ũneenete:</verse>
				<verse number="8">sisya, ngatuma muunyĩ wĩ mbasyanĩ, ũla ũtheeanĩtye na syũa vala ve saa wa syũa wa Aasu, ũsyoka ĩtina matambya ĩkũmi. Na ĩndĩ syũa yasyoka matambya ĩkũmi saanĩ ũsu vala yavĩtũkĩte.</verse>
				<verse number="9">Ũũ nĩw’o ũandĩko wa Esekia mũsumbĩ wa Yuta, yĩla wavoie ũwau wake, ũla wawaĩte.</verse>
				<verse number="10">Na naisye, Mĩthenyanĩ yakwa katĩ, ngalika mbingĩlonĩ sya Seoli: Nĩnĩvenetwe ũtialo wa myaka yakwa.</verse>
				<verse number="11">Na naisye, Ndikamwona Yeova, o Yeova nĩ nthĩ ya ala me thayũ: Ndikona mũndũ ĩngĩ nĩ vamwe na ala matwĩe nthĩ.</verse>
				<verse number="12">Wĩkalo wakwa nũthamĩtw’e, na kũtwawa kũasa nakwa ta ĩeema ya mũĩthi: Nĩnĩkũnzĩte thayũ wakwa, ta mũtumi wa ngũa; nake akandila nume kĩtuminĩ: Kuma mũthenya kũvika ũtukũ ũkamina nyie.</verse>
				<verse number="13">Nĩneekilĩlye kũvika kĩoko; o ta mũnyambũ, now’o wĩtũlanga mavĩndĩ makwa onthe: Kuma mũthenya kũvika ũtukũ ũkamina nyie.</verse>
				<verse number="14">Ta nthũngũlũlũ kana kanyange, now’o nĩnanyiilaa; Nĩnang’ulasya ta ĩvũĩ; metho makwa nĩmeũseekea kwondũ wa kũsisya ĩũlũ: Ame Yeova, nĩngũnyamaw’a, ĩthĩwa mũĩkĩĩthya wakwa.</verse>
				<verse number="15">Ngasya ata? Nũneenete nakwa, o na we mwene nĩwĩkĩte ũu: Ngaendaa mbola myaka yakwa yonthe nũndũ wa ũũ wa thayũ wakwa.</verse>
				<verse number="16">Ame Mwĩaĩi, andũ methĩawa thayũ kwondũ wa maũndũ aa; Na no nthĩnĩ wamo kwĩ thayũ wa veva wakwa: Kwondũ wa ũu mbosya nyie, ũmbĩkalye thayũ.</verse>
				<verse number="17">Sisya, vandũ va mũuo naĩ na ũũ mwingĩ: Ĩndĩ kwondũ waku kwenda thayũ wakwa nĩwũtangĩĩĩte kuma ĩimanĩ ya wanangĩko; Nũndũ nĩwĩkĩtye naĩ syakwa syonthe ĩtina waku.</verse>
				<verse number="18">Nũndũ Seoli vaitonya ũkũtaĩa, kĩkw’ũ kĩitonya ũkũkatha: Ala matheeaa yĩla ĩimanĩ maitonya kwĩkwatya w’o waku.</verse>
				<verse number="19">Ũla wĩ thayũ, ũla wĩ thayũ, nĩwe ũkakũtaĩa, o tondũ ngwĩka ũmũnthĩ: Ĩthe akamanyĩthya syana w’o waku.</verse>
				<verse number="20">Yeova nĩwĩyũmbanĩtye kũndangĩĩa; Kwondũ wa ũu tũkaina mbathi syakwa na syĩndũ sya kũinga syĩ mĩkunzu Mĩthenya yonthe ya mathayũ maitũ nyũmbanĩ ya Yeova.</verse>
				<verse number="21">Ĩndĩ Isaia aĩ ananeena, Nĩmose kakũmbwa ka makũyũ, na makailĩĩle mũimũnĩ wĩthĩwe mũtĩ, nake akavoa.</verse>
				<verse number="22">Na Esekia aĩ ananeena ũndũ ũngĩ, Wonan’yo nĩ wĩva kana ngambata nyũmbanĩ ya Yeova?</verse>
			</chapter>
			<chapter number="39">
				<verse number="1">Ĩvinda yĩu Melotaki‐mbalatani mwana wa Mbalatani, mũsumbĩ wa Mbaviloni, amũtwaĩa Esekia mavalũa na mũthĩnzĩo; nũndũ nĩwewie atĩ anaĩ mũwau, na nũvoete.</verse>
				<verse number="2">Na Esekia atana ũndũ wasyo, nake amon’ya nyũmba yĩ na syĩndũ syake syĩ vata mũno, vetha, na thaavu, na mĩtĩ ĩla ĩnyungaa nesa, na mauta me vata mũno, na nyũmba yonthe yĩ mĩio yake ya kaũ, na kyonthe kĩla kyoonekie mothwiinĩ make maie: vatyaĩ kĩndũ nyũmbanĩ yake, kana ũsumbĩnĩ wake w’onthe, kĩla Esekia ũtaamon’ya.</verse>
				<verse number="3">Nĩvo ĩndĩ mwathani Isaia wamũendeie mũsumbĩ Esekia, na amũkũlya, Andũ aa maisye ata? Na makyũka kwaku maumie va? Na Esekia asya, Nĩmanthokee maumĩte nthĩ yĩ kũasa, o kuma Mbaviloni.</verse>
				<verse number="4">Nĩvo ĩndĩ wakũlilye, Moonie kyaũ nyũmbanĩ yaku? Na Esekia asũngĩa, Kyonthe kĩla kĩ nyũmbanĩ yakwa nĩmonete: vati kĩndũ mothwiinĩ makwa maie kĩla ndaamon’ya.</verse>
				<verse number="5">Nĩvo ĩndĩ Isaia wamwĩie Esekia, Ĩthukĩĩsye ndeto ya Yeova wa nguthu:</verse>
				<verse number="6">Sisya, mĩthenya nĩyũkĩte, yĩla kyonthe kĩ nyũmbanĩ yaku, na kĩla aaĩthe maku maiĩte kũvika ũmũnthĩ, kĩkatwawa Mbaviloni: vati kĩndũ kĩkatiala, easya ũu Yeova.</verse>
				<verse number="7">Na amwe ma ana maku ala makauma nthĩnĩ waku, ala ũkasyaa, makamatwaa; na makeethĩwa me avakũe nyũmbanĩ nene mbanakavye ya mũsumbĩ wa Mbaviloni.</verse>
				<verse number="8">Nĩvo ĩndĩ Esekia wamwĩie Isaia, Ndeto ya Yeova ĩla waneena nĩ nzeo. Na aneena ĩngĩ, Kũkeethĩwa mũuo na w’o mĩthenyanĩ yakwa.</verse>
			</chapter>
			<chapter number="40">
				<verse number="1">Kiakisyai, kiakisyai andũ makwa, easya ũu Ngai wenyu.</verse>
				<verse number="2">Neenai na Yelusaleme ndeto sya ũkiakisyo; ĩtanai mũimwĩa, kana kũkita kwake nĩ kũthelu, na ũthũku wake nũeketwe, na nĩwosete kuma kw’okonĩ kwa Yeova kũndũ kwĩlĩ ũndũ wa naĩ syake syonthe.</verse>
				<verse number="3">Wasya wa mũndũ ũkĩneena mũno, Seũvyai nzĩa ya Yeova weũnĩ; seũvyai lelũ mũtindimalu yalatanĩ kwondũ wa Ngai waitũ.</verse>
				<verse number="4">Kĩla mwanda ũkookĩlw’a, na kĩla kĩĩma na kalĩma ikeananw’a na nthĩ; na kĩla vandũ vokĩlu vakatindimalw’a, na kũndũ kũthũku kũkatindimalw’a;</verse>
				<verse number="5">na ũtheu mũtisu wa Yeova ũkavuanw’a, na mĩĩ yonthe ĩkawona vamwe; nũndũ kanyw’a wa Yeova nũneenete ũu.</verse>
				<verse number="6">Wasya wa mũndũ ũkyasya, Neena mũno. Na ũngĩ akũlya, Nĩneene ata? Mĩĩ yonthe nĩ nyeki, na ũseo wayo w’onthe nĩ ta ĩlaa ya kĩsesinĩ.</verse>
				<verse number="7">Nyeki nĩyũmaa, na ĩlaa nĩyĩvovaa, nũndũ mĩthũmũ ya Yeova nĩyĩveveaa; vate ndĩi andũ nĩ nyeki.</verse>
				<verse number="8">Nyeki nĩyũmaa, na ĩlaa nĩyĩvovaa; ĩndĩ ndeto ya Ngai waitũ ĩkekala tene na tene.</verse>
				<verse number="9">We ũla ũtavasya Saioni maũvoo maseo, ambata kĩĩmanĩ kĩtũlu; we ũla ũtavasya Yelusaleme maũvoo maseo, ũkĩlya wasya waku na vinya; wũkĩlye, ndũkakĩe; tavya ndũa sya Yuta, Sisyai, Ngai wenyu!</verse>
				<verse number="10">Sisya, Mwĩaĩi Yeova akooka ta ũla wĩ ũtonyi, na kw’oko kwake kũkamũsumbĩkĩthya: Sisya, ĩtuvi yake yĩ vamwe nake, na mũthĩnzĩo wake wĩ mbee wake.</verse>
				<verse number="11">Akaĩthya ĩĩthya yake ta mũĩthi, akoomban’ya tũtena twa malondu mokonĩ make, na akatũkua na kĩthũi kyake, na akatongoeasya mbola ala mekwongya.</verse>
				<verse number="12">Nũũ ũla ũthimĩte iw’ũ na kĩtaa kya kw’oko kwake, na kũthima ĩtu na ĩkwata ya kĩtaa, na kũthima kĩtoo kya nthĩ na kĩthimi, na kũthima iĩma na latili, na tũlĩma na kĩthimi?</verse>
				<verse number="13">Nũũ ũla watongoesye Veva wa Yeova, kana wamũmanyĩĩsye ethĩwe mũtai wake?</verse>
				<verse number="14">We akũlanilye naũ, na nũũ ũla wamũmanyĩsye, na kũmũmanyĩsya nzĩa ya kũsila katĩ, na kũmũmanyĩsya ũĩ, na kũmwon’ya nzĩa ya ũmanyi?</verse>
				<verse number="15">Sisya, mbaĩ nĩ ta kavoloto ke ndoonĩ, na nitalawa ta kĩtoo kĩvinyu kĩthiminĩ: sisya, nĩwũkĩlasya ithama ta kĩndũ kĩnini mũno.</verse>
				<verse number="16">Na Levanoni kĩtyĩanĩsya ngũ sya kũvĩvya, kana nyamũ syakyo kwĩanĩsya nthembo ya kũvĩvw’a.</verse>
				<verse number="17">Mbai syonthe ti kĩndũ mbee wake; nitalawa nĩwe ta kĩndũ kĩte vata nongi, na sya mana.</verse>
				<verse number="18">Mwĩelekan’ya Ngai naũ? Kana nĩ mũvw’anano wĩva mũelekan’ya nake?</verse>
				<verse number="19">Ndũĩka nĩtwekethetye mũvw’anano, na mũtwii wa thaavu nĩwũvw’ĩkaa thaavu, na kũtuĩa mĩnyoo ya vetha.</verse>
				<verse number="20">Ũla ngya ũtatonya nthembo nũnyuvaa mũtĩ ũtakoa; na nũkwĩmanthĩa mũtethya wa wĩa mũĩ aũngamye mũvw’anano mwasũvye, ũla ũtakathingithĩka.</verse>
				<verse number="21">Mũtyaamanya? Mũtyaaĩw’a? Mũtyaatavw’a kuma wambĩlĩlyonĩ? Mũtyaamanya kuma myambĩlĩlyonĩ ya nthĩ?</verse>
				<verse number="22">Nĩwe ũla wĩkalaa ĩũlũ wa kilinge kya nthĩ, na ala mamĩtwĩe mailyĩ ta itooli; ũla ũtambũũkasya matu ta suka, na ũmalanasya ta ĩeema ya kũtũawa;</verse>
				<verse number="23">ũla ũtw’ĩkĩthasya anene me mbee ũsumbĩnĩ ta ti kĩndũ; ũla ũtumaa asili ma nthĩ methĩwa ma mana.</verse>
				<verse number="24">Ĩĩ, matyaavandwa; ĩĩ, matyaavuĩwa; ĩĩ, kĩtina kyoo kĩtyaatambũũkya mĩi nthĩ: o na ĩngĩ amaveveea, maivova, na kĩlingi kĩimatwaa ta mavuthĩ.</verse>
				<verse number="25">Na ĩndĩ mũkangelekan’ya naũ, nĩthĩwe nĩanene nake? Ekũlya ũu Ũla Mũtheu.</verse>
				<verse number="26">Ũkĩlyai metho menyu ĩũlũ, mũsisye ũla wombie ii, ũla wumĩlasya nguthu yasyo kwa kũtala; nũsyĩtaa syonthe na masyĩtwa; kwondũ wa ũnene wa vinya wake, na nũndũ e na vinya ũtonyinĩ, vati ĩmwe ĩte vo.</verse>
				<verse number="27">Nĩkĩ ũkwasya, we Yakovo, na ũneenaa, we Isilaeli, Nzĩa yakwa nĩvithĩtwe Yeova ndakamyone, na ũsili wa katĩ ũla naĩlwe nĩw’o ndũsiananw’a nĩ Ngai wakwa?</verse>
				<verse number="28">Ndwaamanya? Ndwaaĩw’a? Ngai wa tene na tene, Yeova, Mũmbi wa itulu sya nthĩ, ndatevaa, o na ndanoaa; ũmanyi wake ndũmanyĩka.</verse>
				<verse number="29">Nũmanengae vinya ala meũnyala; nũmwongelaa vinya ũla ũte vinya.</verse>
				<verse number="30">O na masanga makanyala na kũnoa, na anake makavalũka vyũ:</verse>
				<verse number="31">ĩndĩ ala mamweteelaa Yeova makeeũvw’a vinya woo; makambata na nthwau ta ndiũ; makasemba, na maikanoa; makatambũka, na maikanyala.</verse>
			</chapter>
			<chapter number="41">
				<verse number="1">Vindyai mbee wakwa, inyw’ĩ ĩthama; na ekai ngo sya andũ syeũvw’e vinya wasyo: ithengeee; na ĩndĩ ineene; tũthengeee vamwe ũsilĩlonĩ.</verse>
				<verse number="2">Nũũ wũkĩlĩtye ũmwe kuma wumĩlonĩ wa syũa, ũla ũmwĩtaa ũlũngalunĩ oke kũũnĩ kwake? Nũnenganae i mbaĩ kwake, na kũmũsumbĩkya ĩũlũ wa asumbĩ: nĩwinenganae ta kĩtoo ũvyũnĩ wake iũlũkaw’a nĩ ũta wake o ta mavuthĩ.</verse>
				<verse number="3">Nĩwiatĩĩaa, na kũvĩta vate mũisyo, o nzĩanĩ ĩla ũtaamĩendela na maũũ make.</verse>
				<verse number="4">Nũũ ũla wekie na kũseũvya ũndũ ũsu, akĩsyĩta nzyawa kuma wambĩlĩlyonĩ? Nyie, Yeova, ũla wa mbee, na wa mũminũkĩlyo, ninyie we.</verse>
				<verse number="5">Ithama nĩsyonete, na kũkĩa; itulu sya nthĩ nitetemaa; nithengeeaa, na nĩsyũkaa.</verse>
				<verse number="6">Nĩmatethanasya kĩla ũmwe na mũtũi wake; na kĩla ũmwe nũmwĩaa mwana‐a‐inyia, Ĩthĩwa na ũkũmbaũ mũnene.</verse>
				<verse number="7">Kwondũ wa ũu mũseũvya wa mbwaũ nũmwĩkĩaa vinya mũtwii wa thaavu, na ũla ũtendeasya na kĩiva nũmwĩkĩaa vinya ũla ũkũnaa kĩtuĩo, akyasya ũndũ wa kũkwatan’ya na ĩvulũ, Nĩ kũkwatan’ya kũseo; na nũkũathĩa na mĩsumaa, ndũkathingithĩke.</verse>
				<verse number="8">Ĩndĩ we, Isilaeli, mũthũkũmi wakwa, Yakovo ũla nĩnyuvĩte, ũsyao wa mũnyanyawa Avalaamu,</verse>
				<verse number="9">we ũla nakũkwatie ũkumya itulunĩ sya nthĩ, na kũkwĩta wume ikotonĩ syayo, na ũkwĩa, We wĩ mũthũkũmi wakwa, nĩngũnyuvĩte na ndyaakwĩkya ũtee;</verse>
				<verse number="10">ndũkakĩe, nũndũ nĩ vamwe naku; ndũkateve, nũndũ nyie nĩ Ngai waku; ngakwĩkĩa vinya; ĩĩ, ngakũtethya; ĩĩ, ngakũũngamya na kw’oko kwa aũme kwa ũlũngalu wakwa.</verse>
				<verse number="11">Sisya, onthe ala makũthatĩe makasonokw’a na kũthokoanw’a; ala makĩlanasya vinya naku makeethĩwa ti kĩndũ, na makaa.</verse>
				<verse number="12">Ũkamamantha, na ndũkamona, o asu ala makĩlanasya vinya naku: ala mokitaa naku makeethĩwa ma mana, na ta kĩndũ kĩte vata.</verse>
				<verse number="13">Nũndũ nyie, Yeova Ngai waku, ngakũkwata kw’oko kwaku kwa aũme, ngĩkwĩa, Ndũkakĩe; ngakũtethya.</verse>
				<verse number="14">Ndũkakĩe, we kĩinyũ Yakovo, na inyw’ĩ andũ ma Isilaeli; ngakũtethya, easya ũu Yeova, na Mwovosya waku nĩ Ũla Mũtheu wa Isilaeli.</verse>
				<verse number="15">Sisya, nĩnĩkũtw’ĩkĩthĩtye kĩvũi kyeũ kyũĩ kĩ maeo; ũkavũa iĩma, na kwikũna syĩthĩwe nini, na ũkatw’ĩkĩthya tũlĩma ta wewa.</verse>
				<verse number="16">Ũkaiũlũkya, na kĩseve kĩkaitwaa, na kĩlingi kĩkainyaĩĩkya; naku ũkatana nthĩnĩ wa Yeova, ũkeekathĩĩa nthĩnĩ wa Ũla Mũtheu wa Isilaeli.</verse>
				<verse number="17">Ngya na ala athĩni nĩmamanthaa manzĩ, na vatiĩ, na nĩmĩ syoo nĩ nyiau nũndũ wa waũni; nyie, Yeova, ngamasũngĩa, nyie, Ngai wa Isilaeli, ndikamatia.</verse>
				<verse number="18">Ngavingũa mbũsĩ kũndũ kũtũlu kũthei, na nthongo myandanĩ katĩ; ngatw’ĩkĩthya weũ ndia ya manzĩ, na nthĩ nyũmũ mbuluti sya manzĩ.</verse>
				<verse number="19">Ngamesya weũnĩ mũkũũ, na mũea, na mũandasi, na mwaĩki; ngavanda yalatanĩ mũsonovali, na mũtindali, na mũvuena vamwe:</verse>
				<verse number="20">nĩ kana mone, na kũmanya, na kũsũanĩa, na kwĩmanyĩsya vamwe, atĩ nĩ kw’oko kwa Yeova kwĩkĩte ũu, na Ũla Mũtheu wa Isilaeli nĩwũtw’ĩkĩthĩtye.</verse>
				<verse number="21">Etei ndeto syenyu, easya ũu Yeova; umĩlyai itumi syenyu syĩ vinya, easya ũu Mũsumbĩ wa Yakovo.</verse>
				<verse number="22">Masyumĩlye, na kũtũtavya ũndũ wĩĩkĩka: tavan’yai maũndũ mavĩtu, nĩ meva, nĩ kana tũmasũanĩe, na kũmanya mũminũkĩlyo wamo; kana twon’yei maũndũ ala mokĩte.</verse>
				<verse number="23">Tavan’yai maũndũ ala mokĩte ĩtina, nĩ kana tũmanye mwĩ ngai; ĩĩ, ĩkai ũseo, kana ĩkai ũthũku, nĩ kana tũteve, na kũsisya ũu vamwe.</verse>
				<verse number="24">Sisyai, mwĩ ma mana, na wĩa wenyu nĩ wa mana; ũla ũmũnyuvaa nĩ ũthatyo.</verse>
				<verse number="25">Nĩnũkĩlĩtye ũmwe kuma ngalĩ ya ĩũlũ, nake nĩ mũku; kuma vala syũa yumĩlaa ũmwe ũla wĩkaĩlaa syĩtwa yakwa: nake akooka ĩũlũ wa asumbĩki ta kũka ĩũlũ wa ndaka, na tondũ mũmbi ũkinyangaa yũmba.</verse>
				<verse number="26">Nũũ ũla wathanie kuma wambĩlĩlyonĩ, nĩ kana tũmanye? Na ĩvinda yĩtanavika, nĩ kana twasye, Nake aneena w’o? Ĩĩ, vatiĩ o na ũmwe wathanaa, ĩĩ, vatiĩ o na ũmwe wonanasya, ĩĩ, vatiĩ o na ũmwe wĩw’aa ndeto syenyu.</verse>
				<verse number="27">Nyie nĩ wa mbee wa kũtavya Saioni, Sisya, nĩmo aa; na nganenga Yelusaleme ũmwe ũla ũetae maũvoo maseo.</verse>
				<verse number="28">Na yĩla ngũsisya, vati mũndũ; o katĩ wamo vati mũtai, ũla ũtonya kũnzũngĩa ũndũ yĩla nĩmakũlya.</verse>
				<verse number="29">Sisya, asu onthe, mawĩa moo nĩ mana na ti kĩndũ; mĩvw’anano yoo ĩla maseũvisye na syĩndũ ila matwekethetye nĩ kĩseve na kĩthokoan’yo.</verse>
			</chapter>
			<chapter number="42">
				<verse number="1">Sisya, mũthũkũmi wakwa, ũla nĩmũũngamĩtye; mũnyuvwa wakwa, ũla ngoo yakwa ĩtanaw’a nĩwe: nĩnĩmwĩkĩĩte Veva wakwa; akamaetee Andũ‐ma‐mbaĩ‐ingĩ ũsili wa katĩ.</verse>
				<verse number="2">Ndakaĩa, o na ndakokĩlya wasya wake, o na ndakatuma wĩw’ĩka nzĩanĩ nene.</verse>
				<verse number="3">Mũangi mũkanyange ndakatũla, na ũtambi ũtoaa syũki ndakavosya: akaumasya sila wa katĩ nthĩnĩ wa w’o.</verse>
				<verse number="4">Ndakaleela o na ndakayĩtũka, kũvika aia sila wa katĩ kũũ nthĩ; na ithama ikeeteela mĩao yake.</verse>
				<verse number="5">Ũũ nĩw’o Ngai Yeova ũnũũneena, we ũla wombie matu, na kũmatambũũkya; ũla walanilye nthĩ, na kĩla kyumaa nthĩnĩ wayo; ũla ũnengae andũ ala mamĩtũaa mĩthũmũ, na veva ala mamĩkinyaa:</verse>
				<verse number="6">nyie, Yeova, nĩnĩkwĩtĩte ũlũngalunĩ, na ngakwata kw’oko kwaku, na ngakũsũvĩa, na ngakũnengane wĩthĩwe ũtianĩo wa andũ, wĩthĩwe kyeni kya Andũ‐ma‐mbaĩ‐ingĩ;</verse>
				<verse number="7">ũsalukye metho ma ililinda, wumye ala ove kasũmbanĩ ke nthĩnĩ wa nthĩ, na wumye nyũmbanĩ ya kolokolo ala mekalĩte kĩvindunĩ.</verse>
				<verse number="8">Ninyie Yeova, nĩyo syĩtwa yakwa; na ũnene wakwa ndikanenga ũngĩ, kana ndaĩa yakwa kũmĩnenga mĩvw’anano myasũvye.</verse>
				<verse number="9">Sisya, maũndũ ma mbee nĩmekĩkĩte, na nĩngũtavan’ya maũndũ meũ; matanamba kumĩla nĩngũmũtavya ũndũ wamo.</verse>
				<verse number="10">Mwinĩei Yeova wathi weũ, na ndaĩa yake kuma kĩtulu kya nthĩ; inyw’ĩ ala mũtheeaa mũende na ũkanga, na kyonthe kĩla kĩ nthĩnĩ waw’o, ithama, na ala maitwĩe.</verse>
				<verse number="11">Weũ na ndũa syaw’o nĩsyũkĩlye wasya wasyo, mĩsyĩ ĩla andũ ma Ketali mamĩtũaa; ala matwĩe Sela maine, mokĩlye wasya mũnene kuma iĩmanĩ ĩũlũ.</verse>
				<verse number="12">Mamũnenevye Yeova, na kũtavan’ya ndaĩa yake ithamanĩ.</verse>
				<verse number="13">Yeova akaumaala ta ngũmbaũ; akakan’ya kĩwĩu kyake ta mũndũ wa kaũ: akaĩa, ĩĩ, akookĩlya wasya mũnene; akameka amaitha make maũndũ me vinya.</verse>
				<verse number="14">Nĩnĩvindĩtye ĩvinda ĩasa; nĩnĩkilĩtye, na kwĩsiĩĩa: yu nĩngũĩa na wasya mũnene ta mũndũ mũka akyaũnya; ngavevũũka na kũvevaveva ĩmwe.</verse>
				<verse number="15">Ngaananga iĩma na tũlĩma, na ngoomya nyũnyi syasyo syonthe; na ngatw’ĩkĩthya mbũsĩ ithama, na ngang’alya ndia.</verse>
				<verse number="16">Na ngatwaa ililinda nzĩanĩ ĩla itesi; ngaitongoesya nzĩanĩ ila itesĩ; ngatw’ĩkĩthya kĩvindu kyeni mbee wasyo, na kũndũ kũthyoeku kwĩthĩwe kũlũngalu. Maũndũ asu ngeeka, na ndikamaeka.</verse>
				<verse number="17">Makatũngwa, makasonokw’a vyũ, ala mekwatasya mĩvw’anano myasũvye, ala matavasya mĩvw’anano mĩseũvye ya syĩndũ ila matwekethisye, Inyw’ĩ mwĩ ngai sitũ.</verse>
				<verse number="18">Ĩthukĩĩsyei, inyw’ĩ au matũ; na sisyai, inyw’ĩ ililinda, mwone.</verse>
				<verse number="19">Nũũ kĩlilinda, ate o mũthũkũmi wakwa? Kana mwau matũ, ta mũtũmwa wakwa? Nũũ kĩlilinda ta ũla wĩ na mũuo nakwa, na kĩlilinda ta mũthũkũmi wa Yeova?</verse>
				<verse number="20">Nĩwonaa maũndũ maingĩ, ĩndĩ ndũmasũvĩaa; nũteete matũ make, ĩndĩ ndew’aa.</verse>
				<verse number="21">Yeova kwondũ wa ũlũngalu wake nĩwendeeiw’e nĩ kũnenevya mĩao, na kũmĩtw’ĩkĩthya yĩ ndaĩa.</verse>
				<verse number="22">Ĩndĩ aa nĩ andũ mavutĩtwe na kũtavĩwa; onthe nĩmakwatĩtwe nĩ itei maimanĩ, na nĩmavithĩtwe nyũmbanĩ sya kolokolo: nao nĩ mũtavo, na vai wovoasya; nĩ kũvutwa, na vai wasya, Tũnga.</verse>
				<verse number="23">Nũũ katĩ wenyu wĩtea kũtũ ũndũnĩ ũũ? Ũla wĩthukĩĩsya na kwĩw’a ũndũ wa ĩvinda yũkĩte?</verse>
				<verse number="24">Nũũ wanenganie Yakovo atavwe, na Isilaeli kwa avutani? Ti Yeova? We ũla twamũvĩtanĩsye, we ũla maleile kũkinyaa nzĩanĩ syake, o na matyaaĩw’a mĩao yake.</verse>
				<verse number="25">Kwondũ wa ũu nĩwamwonoisye wai wa ũthatu wake, na vinya wa kaũ; na nĩwamũkwatisye mwaki ngalĩ syonthe, ĩndĩ ndaamanya; naw’o wamũvĩvya, ĩndĩ ndaaĩkĩa ngoonĩ.</verse>
			</chapter>
			<chapter number="43">
				<verse number="1">Ĩndĩ yu Yeova ũla wakũmbie, we Yakovo, na ũla wakũmbie, we Isilaeli, easya atĩĩ: Ndũkakĩe, nũndũ nĩnĩkwovoetye; nĩnĩkwĩtĩte na syĩtwa yaku, wĩ wakwa.</verse>
				<verse number="2">Yĩla wĩvĩtĩla manzĩnĩ, ngeethĩwa vamwe naku; na yĩla wĩvĩtĩla mbũsĩnĩ, itikakũvw’ĩka: yĩla wĩvĩtĩla mwakinĩ, ndũkavya, o na ũmũĩ ndũkakana ĩũlũ waku.</verse>
				<verse number="3">Nũndũ nyie nĩ Yeova Ngai waku, Ũla Mũtheu wa Isilaeli, Mũtangĩĩi waku; nĩnĩnenganĩte Misili yĩthĩwe mbovosya yaku, Ethiovia na Seva vandũ vaku.</verse>
				<verse number="4">Nĩkwĩthĩwa waĩ vata mũno methonĩ makwa, na waĩ na ndaĩa, na nĩnĩkwendete; kwondũ wa ũu nganengane andũ vandũ vaku, na ngo sya andũ vandũ va thayũ waku.</verse>
				<verse number="5">Ndũkakĩe; nũndũ nĩ vamwe naku: ngaete ũsyao waku kuma wumĩlonĩ wa syũa, na ũkũmban’ya kuma ũthũĩlonĩ wa syũa;</verse>
				<verse number="6">ngatavya ngalĩ ya ĩũlũ, Umya; na ngalĩ ya ĩtheo, Ndũkasiĩĩe; ete ana makwa kuma kũasa, na eĩtu makwa kuma kĩtulunĩ kya nthĩ;</verse>
				<verse number="7">kĩla ũmwe wĩtanĩaw’a na syĩtwa yakwa, na ũla noombie ethĩwe wa kũndaĩa, ũla noombie, ĩĩ, ũla namũtw’ĩkĩthisye.</verse>
				<verse number="8">Etei ililinda syĩ metho, na ala au matũ me matũ.</verse>
				<verse number="9">Mbaĩ syonthe syũmbanw’e vamwe, na ngo sya andũ syũmbanw’e: nũũ katĩ woo ũtonya kũtavan’ya ũu, na kũtwon’ya maũndũ mavĩtu? Nĩmaete ngũsĩ syoo, nĩ kana matalwe alũngalu; kana mew’e, na kwasya, Nĩ w’o.</verse>
				<verse number="10">Inyw’ĩ mwĩ ngũsĩ syakwa, easya ũu Yeova, na mũthũkũmi wakwa ũla namũnyuvie; nĩ kana mũmanye na mũmbĩtĩkĩle, na kũmanya ninyie we: vatyaĩ Ngai wombiwe mbee wakwa, o na kũikethĩwa ĩtina wakwa.</verse>
				<verse number="11">Nyie, o nyie, nĩ Yeova; na nde vo vati mũtangĩĩi.</verse>
				<verse number="12">Nĩnĩneenete, na nĩnĩtangĩĩĩte, na nĩnonetye; na vatyaĩ ngai ngeni katĩ wenyu; kwondũ wa ũu mwĩ ngũsĩ syakwa, easya ũu Yeova, na ninyie Ngai.</verse>
				<verse number="13">Ĩĩ, kuma o yĩla kwambĩlilye mũthenya no nyie we; na vati ũmwe ũtonya kumya kw’okonĩ kwakwa: ngatethya wĩa, na nũũ ũla ũtonya kũsiĩĩa?</verse>
				<verse number="14">Ũũ nĩw’o Yeova, Mwovosya wenyu, Ũla Mũtheu wa Isilaeli, ũnũkwasya: Kwondũ wenyu nĩnĩtũmanĩte ku Mbaviloni, na ngamaete asu onthe ta akĩi, o Akalitei, ngalawanĩ ila matanĩaa,</verse>
				<verse number="15">Ninyie Yeova, Ũla Mũtheu wenyu, Mũmbi wa Isilaeli, Mũsumbi wenyu.</verse>
				<verse number="16">Ũũ nĩw’o Yeova ũnũkwasya, ũla ũseũvasya nzĩa ũkanganĩ, na nzĩa manzĩnĩ maingĩ:</verse>
				<verse number="17">ũla umaalasya ĩkasya na mbalasi, ita na ala me ũtonyi (nĩmakomaa vamwe, matikokĩla; nĩ athelu, nĩmavoetw’e ta ũtambi):</verse>
				<verse number="18">Mũtikalilikane maũndũ mavĩtu, o na mũtikasũanĩe maũndũ ma tene.</verse>
				<verse number="19">Sisya, ngeeka ũndũ weũ; oyu ũkaumĩla; mũtikomanya? O na ngaseũvya nzĩa weũnĩ, na mbũsĩ yalatanĩ.</verse>
				<verse number="20">Nyamũ sya kĩthekanĩ ikandaĩa, mbĩwa na nyaa; nĩkwĩthĩwa numasya manzĩ weũnĩ, na mbũsĩ yalatanĩ, nĩmanyw’ĩthye andũ makwa, ala anyuve makwa,</verse>
				<verse number="21">andũ ala namombie kwondũ wakwa mwene, nĩ kana monan’ye ndaĩa yakwa.</verse>
				<verse number="22">Ĩndĩ ndwaambĩkaĩla, we Yakovo; ĩndĩ nĩwangolile, we Isilaeli.</verse>
				<verse number="23">Ndwaandetee malondu maku methĩwe nthembo sya kũvĩvw’a; o na ndwaandaĩa na nthembo syaku sya kũtonywa. Ndyaaũthĩn’ya ũndũ wa nthembo, o na ndyaakũnosya ũndũ wa ũvumba.</verse>
				<verse number="24">Ndwaanthooea ithua na mbesa, o na ndwaambũn’ya na mathunya ma nthembo syaku: ĩndĩ nĩwanthĩnisye na naĩ syaku, nĩwanoisye na mothũku maku.</verse>
				<verse number="25">Nyie, o nyie, ninyie ũla ũvutaa mavĩtyo maku kwondũ wakwa mwene; na ndikalilikana naĩ syaku.</verse>
				<verse number="26">Ndilikan’ya; tũneenan’ye vamwe; umĩlya ũvoo waku, nĩ kana ũtalwe mũlũngalu.</verse>
				<verse number="27">Ĩthe waku wa mbee nĩwavĩtisye, na amanyĩsya maku nĩmambĩtanĩsye.</verse>
				<verse number="28">Kwondũ wa ũu ngavukya atongoi ma vala vandũ vatheu; na ngatw’ĩkĩthya Yakovo kĩumo, na Isilaeli wa kumangwa.</verse>
			</chapter>
			<chapter number="44">
				<verse number="1">Ĩndĩ yu ĩw’a, we Yakovo mũthũkũmi wakwa, na Isilaeli, ũla nĩnyuvĩte:</verse>
				<verse number="2">Ũũ nĩw’o Yeova ũnũkwasya ũla wakũtw’ĩkĩthisye, na ũkũmbĩa ĩvunĩ, ũla ũkakũtethya: Ndũkakĩe, we Yakovo mũthũkũmi wakwa; na we Yesuluni, ũla nĩnyuvĩte.</verse>
				<verse number="3">Ngamwĩtĩkĩsya manzĩ ũla wĩ na waũni, na ngoonosya tũlũsĩ nthĩ nyũmũ; ngatulũla Veva wakwa ĩũlũ wa ũsyao waku, na ũathimo wakwa syananĩ syaku:</verse>
				<verse number="4">na ikathandĩkangĩla nyekinĩ, ta mĩtĩ ĩla ĩmeaa vakuvĩ na mbũsĩ.</verse>
				<verse number="5">Ũmwe akasya, Nyie nĩ wa Yeova; na ũngĩ akeeyĩtanĩsya na syĩtwa ya Yakovo; na ũngĩ akaandĩka kw’okonĩ kwake atĩ nĩ wa Yeova, na akeenenga syĩtwa yĩngĩ ya Isilaeli.</verse>
				<verse number="6">Yeova, Mũsumbĩ wa Isilaeli, ũla Mwovosya wake, Yeova wa nguthu, easya atĩĩ: Ninyie wa mbee, na ninyie wa mũminũkĩlyo; na vati Ngai ate o nyie.</verse>
				<verse number="7">Na nũũ, takwa, ũketana, na kũtavan’ya ũu, na kũseũvya ũndũ wakwa, kuma yĩla naiie andũ ma tene tene? O na maũndũ ala mokĩte, na ala makethĩwa, nĩmatavan’ye.</verse>
				<verse number="8">Mũtikakĩe, o na mũtikethĩwe na w’ĩa: ndyaakũtavya kuma tene, na kwonan’ya ũu? Na inyw’ĩ mwĩ ngũsĩ syakwa. Ve Ngai ate nyie? Ĩĩ, vati Ĩvia; ndyĩsĩ ũngĩ.</verse>
				<verse number="9">Nao onthe ala maseũvasya mũvw’anano mwasũvye nĩ ma mana; na maũndũ ala mamatanĩaa matikauna kĩndũ; na ngũsĩ syoo ene ityonaa, o na itimanyaa: nĩ kana masonokw’e.</verse>
				<verse number="10">Nũũ ũla waseũvisye ngai ĩmwe, kana watwekethisye syĩndũ sya kũseũvya mũvw’anano ũla ũtaunaa kĩndũ?</verse>
				<verse number="11">Sisya, atindan’ya make onthe makasonokw’a; na ndũĩka, nasyo no sya andũ: onthe mombanw’e vamwe, nĩmaũngame; makakĩa, makasonokw’a vamwe.</verse>
				<verse number="12">Mũtwii nũtuaa ĩthoka, na kũtethya wĩa na makaa, na kũyĩseũvya na syĩiva, na kũyũmba na kw’oko kwake kwĩ vinya: ĩĩ, nĩwĩw’aa nzaa, na vinya wake nũũthela; ndanyusaa manzĩ, na nũnũũnyala.</verse>
				<verse number="13">Mũseũvya wa mbwaũ nũtambũũkasya ũlii; nũkululaa na kĩandĩki; nũseũvasya na landa, na nũkululaa na kambasi, na nĩwũmbaa ta mũvw’anano wa mũndũ, kwĩanana na mũmbĩlw’e mũseo wa mũndũ, wĩkale nyũmbanĩ.</verse>
				<verse number="14">Nĩwĩtemeaa mĩkũũ na nĩwosaa mũtĩ wa mũtilisa na wa mwaloni, na kwĩsavĩĩa mũtĩ ũmwe katĩ wa mĩtĩ ya mũtitũ kwondũ wake mwene; nũvandaa mũsonovali, na mbua nĩyũnyithasya.</verse>
				<verse number="15">Nĩvo ĩndĩ ũkethĩwa wa kũvĩvw’a nĩ mũndũ; nake nĩwosaa kĩlungu kyaw’o, na aikyota; ĩĩ, nũkyakanasya, na kũua kĩmũtũ: ĩĩ, nũseũvasya ngai, na kũmĩthaitha; nũkĩtw’ĩkĩthasya mũvw’anano mwasũvye, na aivalũka mbee waw’o.</verse>
				<verse number="16">Nũvĩvasya kĩlungu kyaw’o na mwaki; nũĩsaa nyama na kĩlungu kyaw’o; nũkaangaa nyama, na aivũna; ĩĩ, nũkyota aiasya, Aa! Nĩngwĩw’a muutĩa, nĩnonete mwaki.</verse>
				<verse number="17">Na kĩlungu kĩla kyatiala nũkĩseũvasya ngai, o mũvw’anano wake mwasũvye; nũvalũkaa mbee waw’o na kũthaitha, na kũvoya, na aiasya, Ndangĩĩa, nũndũ nue Ngai wakwa.</verse>
				<verse number="18">Matyĩsĩ, o na matiũsũanĩa: nũndũ nũlalĩtye metho moo, ũndũ matatonya kwona; na ngoo syoo, ũndũ matatonya kũmanya.</verse>
				<verse number="19">Na vai ũla ũlilikanasya, o na vai ũĩ kana ũmanyi wa kwasya, Nĩnĩvĩvĩtye kĩlungu kyaw’o na mwaki; ĩĩ, o na nĩnĩuĩte kĩmũtũ na makaa maw’o; nĩnĩkaangĩte nyama na ngamĩya: na ngatw’ĩkĩthya kĩlungu kĩla kyatiala ũthatyo? Ngavalũka mbee wa ĩtina ya mũtĩ?</verse>
				<verse number="20">Nũĩsaa mũu; ngoo ĩkengetwe nĩnĩmwathũkĩtye; na ndatonya kũtangĩĩa thayũ wake, kana kũkũlya, Vati ũvũngũ kw’okonĩ kwakwa kwa aũme?</verse>
				<verse number="21">Lilikana maũndũ aa, we Yakovo, na Isilaeli; nũndũ wĩ mũthũkũmi wakwa: nĩnakũmbie; wĩ mũthũkũmi wakwa: we Isilaeli, ndikolwa nue.</verse>
				<verse number="22">Nĩnĩvutĩte mavĩtyo maku ta ĩthweo ĩkamu, na ta ĩthweo, naĩ syaku: nzyokea; nũndũ nĩngwovoetye.</verse>
				<verse number="23">Inai, inyw’ĩ matu, nũndũ Yeova nĩwĩkĩte ũu; ũkĩlyai wasya mũnene, inyw’ĩ kũndũ kwĩ nthĩnĩ wa nthĩ; ambĩlĩlyai kwina, inyw’ĩ iĩma, we mũtitũ, na kĩla mũtĩ wĩ nthĩnĩ: nũndũ Yeova nũmwovoetye Yakovo, na akeetaĩa nthĩnĩ wa Isilaeli.</verse>
				<verse number="24">Yeova, Mwovosya waku, ũla wakũmbĩe ĩvunĩ easya atĩĩ: Ninyie Yeova, ũla ũseũvasya syĩndũ syonthe; ũla ũtambũũkasya matu nĩ nyioka; ũla walanasya nthĩ (nũũ wĩ nakwa?);</verse>
				<verse number="25">Ũla ũtw’ĩkĩthasya sya mana syama sya aneeni ma ũvũngũ, na kũmaũũkĩthya ala maaũasya; ũla ũtũngaa na ĩtina andũ oĩ, na kũtw’ĩkĩthya ũmanyi woo ũtumanu;</verse>
				<verse number="26">ũla ũlũlũmĩlasya ndeto ya mũthũkũmi wake, na kwĩanĩsya ũtao wa atũmwa make; ũla ũneenaa ũndũ wa Yelusaleme atĩĩ, Ĩkatũwa nĩ andũ; na ũndũ wa ndũa sya Yuta, Ikaakwa, na ngookĩlya kũndũ kwanangĩku kwasyo;</verse>
				<verse number="27">ũla ũtavasya manzĩ maliku, Ng’ala, nakwa nĩngũng’alĩthya mbũsĩ syaku;</verse>
				<verse number="28">ũla ũneenaa ũndũ wa Kulusi, Nĩ mũĩthi wakwa, na akeeka kwenda kwakwa kw’onthe, o na akĩneena ũndũ wa Yelusaleme, Ĩkaakwa; na ũndũ wa ĩkalũ, Wambĩlĩlyo waku ũkakwatw’a.</verse>
			</chapter>
			<chapter number="45">
				<verse number="1">Ũũ nĩw’o Yeova ũnũũmũtavya Kulusi mwĩtĩkĩw’a mauta wake, ũla nĩkwatĩte kw’oko kwake kwa aũme, nĩkĩlasye mbaĩ vinya ũndũ wake, na ngaleelya inyunyu sya asumbĩ; nĩvingũae mĩomo mbee wake, na mbingĩlo itikavingwa:</verse>
				<verse number="2">ngathi mbee waku, na ngatw’ĩkĩthya kũndũ kũthũku kũtindimalu; ngatilanga ilungu mĩomo ya ũthuku, na ngatilanga ivingi sya iaa;</verse>
				<verse number="3">na ngakũnenga syĩndũ syĩ vata mũno syĩ kĩvindunĩ, na mothwii mavithe ma kũndũ kũtesĩkĩwe, nĩ kana ũmanye atĩ ninyie Yeova, ũla ũkwĩtaa na syĩtwa yaku, o Ngai wa Isilaeli.</verse>
				<verse number="4">Kwondũ wa Yakovo mũthũkũmi wakwa, na Isilaeli mũnyuvwa wakwa, nĩnĩkwĩtĩte na syĩtwa yaku: nĩngũnengete syĩtwa yĩngĩ, o na kau ndũnambĩsĩ.</verse>
				<verse number="5">Ninyie Yeova, na vati ũngĩ; nde vo vati Ngai. Ngakũvotoa, o na kau ndũnambĩsĩ;</verse>
				<verse number="6">nĩ kana mamanye kuma vala syũa yumĩlaa, oa kuma ũthũĩlonĩ wa syũa kana vati ũngĩ ate o nyie: ninyie Yeova, na vati ũngĩ.</verse>
				<verse number="7">Nĩngũseũvya kyeni, na ngyũmba kĩvindu; nĩngũseũvya mũuo, na ngyũmba ũthũku; ninyie Yeova, ũla wĩkaa maũndũ asu onthe.</verse>
				<verse number="8">Volotangai, inyw’ĩ matu, kuma ĩũlũ, na mathweo metĩkye ũlũngalu: nthĩ ĩvingũke, nĩ kana ĩetae ũtangĩĩo, na yumĩlye ũlũngalu vamwe; nyie, Yeova, nĩnĩmĩtw’ĩkĩthĩtye.</verse>
				<verse number="9">Woo nĩ wa ũla ũkĩlanasya vinya na Mũmbĩ wake! Kĩlĩo katĩ wa ilĩo sya nthĩ! Yũmba yĩkakũlya ũla wayũmbie, Wĩũmba kyaũ? Kana wĩa waku ũkasya, Nde moko?</verse>
				<verse number="10">Woo nĩ wa ũla ũkũlasya ĩthe, Wĩsyaa kyaũ? Kana mũndũ mũka, Wĩaũnya kyaũ?</verse>
				<verse number="11">Yeova, Ũla Mũtheu wa Isilaeli, na nĩwe Mũmbi wake, easya atĩĩ: Ngũlyai ũndũ wa maũndũ ala mokĩte; ĩndaĩei ũndũ wa ana makwa, na ũndũ wa wĩa wa moko makwa.</verse>
				<verse number="12">Nĩnĩtw’ĩkĩthĩtye nthĩ, na nĩnũmbĩte mũndũ ĩũlũ wayo: nyie, o moko makwa, nĩnĩtambũũkĩtye matu; na nguthu yamo yonthe nĩnĩmĩaĩĩte.</verse>
				<verse number="13">Nĩnĩmũkĩlĩtye nthĩnĩ wa ũlũngalu, na ngalũngalya nzĩa syake syonthe: akaaka ndũa yakwa, na akathasya makwa ala malũngilw’e kwoo, ti ũndũ wa kũĩvwa kana kũnengwa mbesa, easya ũu Yeova wa nguthu.</verse>
				<verse number="14">Ũũ nĩw’o Yeova ũnũkwasya, Wĩa wa Misili, na mĩio ya kũthoosya ya Ethiovia, na Aseva, andũ aasa mũno, makooka ngalĩ yaku, na makeethĩwa maku; makakũatĩĩa; makooka me ove na mĩnyololo; na makavalũka nthĩ mbee waku, makakwĩsũva, makyasya, Vate ndĩĩ Ngai e nthĩnĩ waku; na vati ũngĩ, vati Ngai ũngĩ.</verse>
				<verse number="15">Nĩ w’o nue Ngai ũla wĩvithaa, ame Ngai wa Isilaeli, Mũtangĩĩi.</verse>
				<verse number="16">Makasonokw’a, ĩĩ, makathokoanw’a, asu onthe; ala maseũvasya mĩvw’anano makalika kĩthokoonĩ vamwe.</verse>
				<verse number="17">Ĩndĩ Isilaeli akatangĩĩwa nĩ Yeova na ũtangĩĩo wa tene na tene: mũtikasonokw’a kana kũthokoanw’a kũvika tene na tene.</verse>
				<verse number="18">Nũndũ Yeova ũla watw’ĩkĩthisye matu, Ngai ũla watw’ĩkĩthisye nthĩ na kũmyũmba, ũla wamĩlũlũmĩlye na ndaamyũmba yĩ nthei, ũla wamyũmbie yĩthĩwe ya kũtũa andũ, easya atĩĩ: Ninyie Yeova; na vati ũngĩ.</verse>
				<verse number="19">Ndyaaneenea kĩmbithĩnĩ, vandũ va nthĩ ve kĩvindu; ndyaatavya ũsyao wa Yakovo, Manthai nyie mana: nyie, Yeova, nĩneenaa ũlũngalu, nĩtavanasya maũndũ ma w’o.</verse>
				<verse number="20">Ĩyũmban’yei na mũyũka; thengeeai vamwe, inyw’ĩ ala mwavonokie ma i mbai: mati na ũmanyi ala makuaa mũvw’anano woo mwasũvye wa mũtĩ, na kũvoya ngai ĩla ĩtatonya kũtangĩĩa.</verse>
				<verse number="21">Tavan’yai, ũmyai ũvoo; ĩĩ, masũanĩe vamwe: nũũ ũla wonanisye ũu kuma tene tene? Nũũ ũla watavanisye ũu kuma tene? Ti nyie Yeova? Na vati Ngai ũngĩ ate nyie, Ngai mũlũngalu na Mũtangĩĩi; vati ũngi ate o nyie.</verse>
				<verse number="22">Nzisyai, mũtangĩĩwe, itulu syonthe sya nthĩ; nũndũ ninyie Ngai, na vati ũngĩ.</verse>
				<verse number="23">Nĩnĩavĩte nakwa mwene, ndeto nĩyumĩte kanyw’anĩ wakwa nthĩnĩ wa ũlũngalu, na ndĩkasyoka, atĩ kĩla ĩu yĩkatulya ndu mbee wakwa, kĩla ũĩmĩ ũkeevĩta.</verse>
				<verse number="24">Nĩkũneenetwe ũndũ wakwa, No nthĩnĩ wa Yeova ve ũlũngalu na vinya; andũ makooka vala ũĩ; na onthe ala mamũthatĩe makasonokw’a.</verse>
				<verse number="25">Ũsyao w’onthe wa Isilaeli ũkatalwa mũlũngalu, na kwĩkathĩĩa nthĩnĩ wa Yeova.</verse>
			</chapter>
			<chapter number="46">
				<verse number="1">Veli nĩkũtulya ndu, Nevo nĩkwĩkunamya; mĩvw’anano yasyo yĩ ĩũlũ wa nyamũ, na ĩũlũ wa indo: syĩndũ ila mwangangie mũkuĩte nĩsyatw’ĩkie mũio, mũio wa kũnosya nyamũ ĩla ĩkuĩte.</verse>
				<verse number="2">Nasyo nikwĩkunamya, nikũtulya ndu vamwe; ityaatonya kũmĩvonokya, ĩndĩ syo nĩ nendu syĩ ndave.</verse>
				<verse number="3">Mbĩthukĩĩsya, we nyũmba ya Yakovo, na ũtialo w’onthe wa nyũmba ya Isilaeli, inyw’ĩ ala mwakuiwe ninyie kuma kũsyawa kwenyu, o ala mwakuiwe ninyie mwauma ĩvunĩ;</verse>
				<verse number="4">o na kũvika mwatumĩa ninyie we, o na kũvika nzw’ĩĩ syĩ mbuĩ, ngamũkua: nĩnoombie na ngakua; ĩĩ, ngakua, na ngavonokya.</verse>
				<verse number="5">Mũkangelekan’ya nyie naũ, na kũmbĩanan’ya, na kũngelekan’ya, nĩ kana twĩthĩwe tũvw’anene?</verse>
				<verse number="6">Ala maumasya thaavu mũvukonĩ, na kũthima vetha kĩthiminĩ, nĩmamũtuvaa mũtwii wa thaavu, nake nũseũvasya ngai; nĩmavalũkaa, ĩĩ, nĩmathaithaa.</verse>
				<verse number="7">Nĩmamĩkuaa kĩtuonĩ, maimĩkua, na kũmĩũngamya vandũ vayo, nayo nĩũngamaa; ndĩkauma vandũ vayo: ĩĩ, mũndũ nũtonya kũmĩkaĩla, ĩndĩ ndĩtonya kũsũngĩa, kana kũmũtangĩĩa thĩnanĩ wake.</verse>
				<verse number="8">Lilikanai ũu, na mũkyonan’ya mwĩ aũme; lilikanai ĩngĩ, ĩnyw’ĩ avĩtan’ya.</verse>
				<verse number="9">Lilikanai maũndũ mavĩtu ma tene: nũndũ ninyie Ngai, na vati ũngĩ; ninyie Ngai, na vati ũngĩ takwa;</verse>
				<verse number="10">ngĩtavan’ya mũminũkĩlyo kuma mwambĩlĩlyonĩ, na kuma tene tene maũndũ ala matanamba kwĩkwa; ngyasya, Ũtao wakwa ũkaũngama, na ngeeka kwenda kwakwa kw’onthe;</verse>
				<verse number="11">ngĩta nyũnyi mbai kuma ngalĩ ya wumĩlonĩ wa syũa, mũndũ wa ũtao wakwa kuma nthĩ ndasa; ĩĩ, nĩnĩneenete, na ngawĩanĩsya; nĩnĩsũanĩĩte, na ngawĩka.</verse>
				<verse number="12">Mbĩthukĩĩsyai, inyw’ĩ mwĩ ngoo nyũmũ, ala mwĩ kũasa na ũlũngalu:</verse>
				<verse number="13">nĩngũthengeesya ũlũngalu wakwa, ndwĩĩthĩwa wĩ kũasa, na ũtangĩĩo wakwa ndũtĩa kũka; na ngaia ũtangĩĩo nthĩnĩ wa Saioni kwondũ wa Isilaeli ũtaĩo wakwa.</verse>
			</chapter>
			<chapter number="47">
				<verse number="1">Theea, wĩkale kĩtoonĩ, we mwĩĩtu mũtheu wa Mbaviloni; ĩkala nthĩ ũte na kĩvĩla kya ũsumbĩ, we mwĩĩtu wa Akalitei: nũndũ ndũketwa mwololo na mwanake ĩngĩ.</verse>
				<verse number="2">Osa mavia ma kũthia, ũthie mũtu; umya suka waku mũvũthũ ũthyũnĩ, umya ngũa ya mũnyelele, vua kũũ, vĩtĩla mbũsĩnĩ</verse>
				<verse number="3">Ũkavuwa woneke wĩ mũthei, ĩĩ, nthoni syaku ikooneka: ngeeĩvanĩsya, na ndikatia mũndũ o na wĩva.</verse>
				<verse number="4">Mwovosya waitũ, Yeova wa nguthu nĩyo syĩtwa yake, Ũla Mũtheu wa Isilaeli.</verse>
				<verse number="5">Ĩkala ũvindĩtye, na enda kĩvindunĩ, we mwĩĩtu wa Akalitei; nĩkwĩthĩwa ndũketwa ĩngĩ Vivi wa mosumbĩ.</verse>
				<verse number="6">Nĩnathilĩkĩle andũ makwa, nĩnavukisye ũtiĩwa wakwa, na nĩnamanenganie kw’okonĩ kwaku: naku ndwaamew’ĩa tei; nũmekĩĩte ala akũũ ĩsoki yaku na vinya.</verse>
				<verse number="7">Naku wasya, Ngeethĩwa vivi tene na tene; kwondũ wa ũu ndwaaia maũndũ aa ngoonĩ yaku, o na ndwaalilikana mũminũkĩlyo wamo.</verse>
				<verse number="8">Kwondũ wa ũu ĩw’a ũũ, we ũla wĩnenganĩte motanunĩ, ũla wĩkalaa ũlũmĩte, ũla ũkwasya ngoonĩ yaku, Ninyie, na vati ũngĩ ate o nyie; ndikekala ta mũndũ mũka ndiwa o na ndikamanya kũkw’ĩĩwa nĩ syana:</verse>
				<verse number="9">ĩndĩ maũndũ aa elĩ makakũkĩa na kĩthũlũmũko mũthenya ũmwe, kũkw’ĩĩwa nĩ syana na kwĩkala wĩ ndiwa; makakũkĩa na kĩthimi kĩanĩu, wĩ na wingĩ wa mooi maku, na wingĩ wa mowe maku.</verse>
				<verse number="10">Nĩwĩkwatĩtye ũthũku waku; nũneenete, Vai ũmbonaa; ũĩ waku na ũmanyi waku nũkwelelũkĩtye; na nũneenete ngoonĩ yaku, Ninyie, na vati ũngĩ ate o nyie.</verse>
				<verse number="11">Kwondũ wa ũu ũthũku ũkakũkĩa; ndũkamanya vala wumĩte: na ũthũku ũkakũvalũkĩla; ndũkatonya kũveta: na wanangĩko ũla ũtesĩ ũkakũkĩa na kĩthũlũmũko.</verse>
				<verse number="12">Ũngama yu wĩ na mowe maku, na mooi maku maingĩ, ala wathĩnĩe kuma wana waku; ethĩwa nũtonya kwĩuna, ethĩwa nũtonya kũkĩlya vinya.</verse>
				<verse number="13">Nũnoetwe nĩ motao maku maingĩ: na yu ala mathanaa na ndata, o ala masiasya ndata, ala mathanaa kĩla mwei, nĩmaũngame, makũtangĩĩe kuma maũndũnĩ ala meũka kwaku.</verse>
				<verse number="14">Sisya makeethĩwa ta mavuthĩ; mwaki ũkamavĩvya; matiketangĩĩa kuma vinyanĩ wa ũmũĩ: ndũkethĩwa ĩkaa ya kwota, o na mwaki wa kũthengeewa.</verse>
				<verse number="15">Maũndũ ala watethisye makeethĩwa mailyĩ ũu kwaku: ala matandĩthasya naku kuma wana waku makanyaĩĩka kĩla ũmwe na nzĩa yake; vatikethĩwa ũmwe wa ũkũtangĩĩa.</verse>
			</chapter>
			<chapter number="48">
				<verse number="1">Ĩw’ai ũũ, inyw’ĩ nyũmba ya Yakovo, ala mwĩtanĩaw’a na syĩtwa ya Isilaeli, na mumĩte kĩnyunyunĩ kya Yuta; ala mwĩvĩtaa na syĩtwa ya Yeova, na kũweta Ngai wa Isilaeli, ĩndĩ ti nthĩnĩ wa w’o, o na ti nthĩnĩ wa ũlũngalu</verse>
				<verse number="2">(nũndũ nĩmeyĩtaa ma ndũa ntheu, na kwĩtw’ĩĩka na Ngai wa Isilaeli; Yeova wa nguthu nĩyo syĩtwa yake):</verse>
				<verse number="3">nĩnĩtavanĩtye maũndũ mavitu kuma tene; ĩĩ, nĩmaumie kanyw’anĩ wakwa, na namonan’ya: nĩnamekie na kĩthũlũmũko, na meekĩka.</verse>
				<verse number="4">Nĩkwĩthĩwa nesĩ wĩ mũng’endu, na ngingo yaku nĩ ĩkono ya kĩaa, na kĩtulya kyaku nĩ ũthuku;</verse>
				<verse number="5">kwondũ wa ũu nĩnakũtavĩtye kuma tene; ũtanamba kwĩthĩwa nĩnakwonisye; ndũkese kwasya, Mũvw’anano wakwa nĩwĩkĩte ũu, na mũvw’anano wakwa mwasũvye, na mũvw’anano wakwa naseũvisye na syĩndũ natwekethisye, nĩyeeaie mekwe.</verse>
				<verse number="6">Nĩwĩw’ĩte ũu, sisya, ũndũ ũũ w’onthe; na inyw’ĩ mũtikatavan’ya ũu? Nĩngwonetye maũndũ meũ kuma ĩvinda yĩĩ, o maũndũ mavithe, ala ũtaamanya.</verse>
				<verse number="7">Nĩmombĩtwe yu, na ti kuma tene; ndwaamew’a ate o ũmũnthĩ; ndũkese kwasya, Sisya, nĩnamesĩ.</verse>
				<verse number="8">Ĩĩ, ndwaaĩw’a; ĩĩ, ndwaamanya; ĩĩ, kuma tene kũtũ kwaku kũtyaĩ kũvingũe: nũndũ nĩneesĩ kana nĩweekie ũseleke mũno, na weetiwe mũvĩtan’ya o kuma ĩvunĩ.</verse>
				<verse number="9">Kwondũ wa syĩtwa yakwa ngatĩsya kyathĩ kya ũthatu wakwa, na kwondũ wa ndaĩa yakwa ngeesiĩĩa ũndũ waku, ndikakũvete.</verse>
				<verse number="10">Sisya, nĩnĩkũtheetye, ĩndĩ ti ta vetha; nĩnĩkũtatĩe ikonĩ ĩnene ya thĩna.</verse>
				<verse number="11">Kwondũ wakwa mwene, kwondũ wakwa mwene, ngawĩka; nũndũ syĩtwa yakwa yĩtonya kũthũkw’a ata? Na ndaĩa yakwa ndikanenga ũngĩ.</verse>
				<verse number="12">Mbĩthukĩĩsya, we Yakovo, na Isilaeli mwĩtwa wakwa: ninyie we; ninyie mwambĩlĩlyo, o na ninyie mũninũkĩlyo.</verse>
				<verse number="13">Ĩĩ, kw’oko kwakwa nĩkwambĩlĩlye wambĩlĩlyo wa nthĩ, na kw’oko kwakwa kwa aũme nĩkũtambũũkĩtye matu: yĩla nzyĩtaa niũngamaa vamwe.</verse>
				<verse number="14">Ĩyũmban’yei, inyw’onthe, mwĩthukĩĩsye; nũũ katĩ woo ũtavanĩtye maũndũ aa? Ũla Yeova ũmwendete nĩwe ũkeanĩsya kwenda kwake ĩũlũ wa Mbaviloni, na kw’oko kwake kũkeethĩwa ĩũlũ wa Akalitei.</verse>
				<verse number="15">Nyie, o nyie, nĩnĩneenete; ĩĩ, nĩnĩmwĩtĩte; nĩnĩmũetete, na akaaĩlya nzĩa yake.</verse>
				<verse number="16">Thengeeai vakuvĩ nakwa, ĩw’ai ũũ; kuma wambĩlĩlyonĩ ndyaaneena na kĩmbithĩ; kuma ĩvinda yĩla ũũ wambĩlĩlw’e, naĩ vo: na yu Mwĩaĩĩ Yeova, vamwe na Veva wake, nũndũmĩte.</verse>
				<verse number="17">Ũũ nĩw’o Yeova, Mwovosya waku, Ũla Mũtheu wa Isilaeli, ũnũkwasya: Ninyie Yeova Ngai waku, ũla ũkũmanyĩasya kwaĩla, ũla ũkũtongoeasya nzĩanĩ ĩla waĩle kũthi nayo.</verse>
				<verse number="18">A! Kethĩwa wethukĩĩsye mĩao yakwa! Nĩvo ĩndĩ mũuo waku wĩthĩwa wailyĩ ta ũsĩ, na ũlũngalu waku ta itulumo sya ũkanga:</verse>
				<verse number="19">ũsyao waku wĩthĩwa wailyĩ kĩthangathĩ, na ũsyao wa ĩvu yaku ta mbeke syakyo: syĩtwa yake yĩtyĩthĩwa yĩ ĩvete kana kwanangwa kuma vala nĩĩ.</verse>
				<verse number="20">Umai Mbaviloni, kĩai mume vala ve Akalitei; tavan’yai na wasya wa kwina, tavan’yai ũndũ ũũ, nyaĩĩkyai o kũvika kĩtulu kya nthĩ: neenai atĩĩ, Yeova nũmwovoetye mũthũkũmi wake Yakovo.</verse>
				<verse number="21">Na matyaaĩw’a waũni yĩla wamatongoesye malatanĩ; nĩwamaumĩsye manzĩ yĩla ĩvianĩ; na ĩngĩ aatũa ĩvia, na manzĩ mauma na vinya.</verse>
				<verse number="22">Vati mũuo kwa athũku, easya ũu Yeova.</verse>
			</chapter>
			<chapter number="49">
				<verse number="1">Mbĩthukĩĩsyai, inyw’ĩ ithama; ĩw’ai, inyw’ĩ ngo sya andũ, ila syĩ kũasa: Yeova nĩwambĩtie o kuma ĩvunĩ; kuma nĩ nda kwa mwaitũ nĩwawetie syĩtwa yakwa:</verse>
				<verse number="2">na nũseũvĩtye kanyw’a wakwa wĩthĩwe ta ũvyũ mũĩ; nũmbithĩte muunyĩnĩ wa kw’oko kwake: na nũndw’ĩkĩthĩtye mũsyĩ mũtendeu mũno; nũmbithĩte thyakanĩ wake:</verse>
				<verse number="3">na ambĩa, Nue mũthũkũmi wakwa; Isilaeli, ũla ngataĩwa nthĩnĩ waku.</verse>
				<verse number="4">Ĩndĩ nasya, Nĩnĩtethetye wĩa mana, nĩnanangĩte vinya wakwa mana vate kĩndũ; ĩndĩ kũtw’ĩĩwa kwakwa kũmbaĩle kwĩ na Yeova, na kũĩvwa kwakwa kwĩ na Ngai wakwa.</verse>
				<verse number="5">Na yu Yeova easya, we ũla wambũmbĩe ĩvunĩ nĩthiwe mũthũkũmi wake, nĩmũtũnge Yakovo kwake ĩngĩ, na Isilaeli ombanw’e kwake (nũndũ nĩ na ndaĩa methonĩ ma Yeova, na Ngai wakwa nũtw’ĩkĩte vinya wakwa);</verse>
				<verse number="6">ĩĩ, easya, Nĩ ũndũ ũvũthũ mũno kwĩthĩwa mũthũkũmi wakwa wa kũkĩlya mbaĩ sya Yakovo, na kũtũnga ala masũvĩiwe ma Isilaeli: o na ĩngĩ ngakũnengane wĩthĩwe kyeni kya Andũ‐ma‐mbaĩ‐ingĩ, nĩ kana wĩthĩwe ũtangĩĩo wakwa kũvika kĩtulu kya nthĩ.</verse>
				<verse number="7">Yeova, Mwovosya wa Isilaeli, Ũla Mũtheu wake, emwĩa ũla ũvũthaw’a nĩ andũ, ũla ũthĩthawa nĩ mbaĩ, mũthũkũmi wa asumbĩki atĩĩ: Asumbĩ makoona na makookĩla; o na anene me mbee ũsumbĩnĩ, na makathaitha; ũndũ wa Yeova ũla wĩ na kĩthito, Ũla Mũtheu wa Isilaeli, ũla wakũnyuvie.</verse>
				<verse number="8">Ũũ nĩw’o Yeova ũnũkwasya, Nĩnakũsũngĩie ĩvinda yĩla yĩtĩkĩlĩtwe, na mũthenya wa ũtangĩĩo nĩnaũtethisye; na ngakũsũvĩa, na ũkũnengane wĩthĩwe ũtianĩo wa andũ, wũkĩlye nthĩ ĩno, ũtume matiĩwa motiĩo ala maeketwe:</verse>
				<verse number="9">ũkĩtavya ala ove, Umaalai; na ala me kĩvindunĩ, Ĩyonan’yei. Makaĩsĩaa nzĩanĩ, na kĩsesi kyoo kĩkeethĩwa kĩla vandũ vatũlu vathei.</verse>
				<verse number="10">Matikew’a nzaa kana waũni; o na ũvyũvu kana syũa itikamakũna: nũndũ ũla ũmew’ĩaa tei akamatongoesya, o na akamatongoesya vakuvĩ na mbuluti sya manzĩ.</verse>
				<verse number="11">Na ngatw’ĩkĩthya iĩma syakwa syonthe nzĩa, na malelũ makwa makataĩwa.</verse>
				<verse number="12">Sisya, aa makooka kuma kũasa; na, sisya, aa kuma ngalĩ ya ĩũlũ na kuma ũthũĩlonĩ wa syũa; na aa kuma nthĩ ya Sinimu.</verse>
				<verse number="13">Inai, inyw’ĩ matu; ĩthĩwa na ũtanu, we nthĩ; ambĩlĩlyai kwina, inyw’ĩ iĩma: nũndũ Yeova nũkiakiĩtye andũ make, na akamew’ĩa tei ala make ala mathĩnaw’a.</verse>
				<verse number="14">Ĩndĩ Saioni aisye, Yeova nũndiĩte, na Mwĩaĩi nĩwũlĩtwe ninyie.</verse>
				<verse number="15">Mũndũ mũka nũtonya kũlwa nĩ kana kake kala kekwonga, ndakew’ĩe tei mwana wa ĩvu yake? Ĩĩ, nĩmatonya kũlwa, ĩndĩ ndikolwa nue.</verse>
				<verse number="16">Sisya, nĩngũvanĩte itaanĩ sya moko makwa; maũvai maku me mbee wakwa mavinda onthe.</verse>
				<verse number="17">Syana syaku nikwĩkalaata; akwanangi na ala makũtw’ĩkĩthisye ĩanzo makauma nthĩnĩ waku.</verse>
				<verse number="18">Ũngalalya metho maku ngalĩ syonthe, wone: asu onthe nĩmekwĩyũmban’ya vamwe, na kũka vala ũĩ. O ũndũ nĩ thayũ, easya ũu Yeova, ũkamekĩa onthe ta wanake, na kũmevotoa, o ta mũtwawa.</verse>
				<verse number="19">Ĩndĩ, ũndũ wa kũndũ kwaku kwĩ maanzo na kũte andũ, na nthĩ yaku ĩla yanangĩtwe, vate ndĩi yu ũkeethĩwa wĩ mũtheke ũteanĩa ala makũtwĩe, na ala makũmelilye makeethĩwa kũasa.</verse>
				<verse number="20">Syana sya ũtiwa waku ikaneenea matũnĩ maku atĩĩ, Vandũ vaa nĩ vatheke vaimbĩanĩa; nenga vandũ nĩtũe.</verse>
				<verse number="21">Nĩvo ĩndĩ wĩneena ngoonĩ yaku, Nũũ ũla wanzyaĩe aa, nũndũ nĩnakw’ĩĩwe nĩ syana syakwa, na nĩtiĩtwe nĩ nyioka; nĩnĩthamĩtw’e, na nĩ mwangangi kũũ na kũũ? Na nũũ ũla ũeete ii? Sisya, nĩnatiiwe nĩ nyioka; ii, syaĩ na kũ?</verse>
				<verse number="22">Ũũ nĩw’o Mwĩaĩi Yeova ũnũkwasya, Sisya, ngookĩlĩlya i mbaĩ kw’oko kwakwa, na ngamaũngamĩsya ngo sya andũ kĩvevelo kyakwa; na makaete ana maku me kĩthũinĩ kyoo, na eĩtu maku makakuwa na ituo syoo.</verse>
				<verse number="23">Na asumbĩ makeethĩwa aaĩthe maku ma kũeaa syana, na iveti syoo ainyia maku ma kũeaa syana: makakũkunamĩa mothyũ moo melekele nthĩ, na makanyenya kĩtoo kĩ maũũnĩ maku; na ũkamanya kana minyie Yeova; na ala mambeteelaa maikasonokw’a.</verse>
				<verse number="24">Mũtavo ũkaumw’a mokonĩ ma ngũmbaũ, kana ala mataviwe ũndũ waĩle makavonokw’a?</verse>
				<verse number="25">Ĩndĩ ũũ nĩw’o Yeova ũnũkwasya, O na ala mataviwe nĩ ngũmbaũ makaumw’a, na mũtavo wa ala ma ũtĩsya ũkatangĩĩwa; nũndũ ngakĩlan’ya vinya na ũla ũkĩlanasya naku, na ngatangĩĩa syana syaku.</verse>
				<verse number="26">Na ala makũthĩnasya ngamaathĩsya nyama sya mĩĩ yoo ene; na makatoonwa nĩ nthakame yoo ene, o ta mbinyu yĩ mũyo: na mĩĩ yonthe ĩkamanya kana nyie, Yeova, nĩ Mũtangĩĩi waku, na Mwovosya waku, Ũla Mwene Vinya wa Yakovo.</verse>
			</chapter>
			<chapter number="50">
				<verse number="1">Ũũ nĩw’o Yeova ũnũkwasya, Valũa wa kũtaanĩsya wa mwenyu, ũla namũekie naw’o, ũĩva? Kana nũũ wa ala manandũaa ũla namũthooisye inyw’ĩ kwake? Sisya, nũndũ wa mothũku menyu nĩmwathooiw’e, na nũndũ wa mavĩtyo menyu mwenyu nĩwaekiwe.</verse>
				<verse number="2">Nũndũ wa kĩ vatyaĩ mũndũ yĩla nookie? Yĩla neetanie vatyaĩ ũmwe wa kwĩtĩka? Kw’oko kwakwa nĩ kũkuvĩvye o na vanini, ũndũ kũtatonya kwovosya? Kana ndi na vinya wa kũtangĩĩa? Sisya, nĩnĩng’alasya ũkanga kwondũ wa ũkan’yo wakwa, nĩnĩtw’ĩkĩthasya mbũsĩ weũ: makũyũ masyo nĩmanyungaa, ũndũ vati manzĩ, na nĩmakusaa ũndũ wa waũni.</verse>
				<verse number="3">Nĩnĩvw’ĩkaa matu na wiũ, na ngĩtw’a kya kwĩvw’ĩka kwamo makunia.</verse>
				<verse number="4">Mwĩaĩi Yeova nũnengete ũĩmĩ wa ala mamanyĩĩtw’e, nĩ kana nĩmanye nzĩa ya kũmũtetheesya na ndeto ũla wĩ na mĩnoo: nũamũkasya kĩoko na kĩoko, nũamũkasya kũtũ kwakwa nĩw’e, o ta ala mamanyĩĩtw’e.</verse>
				<verse number="5">Mwĩaĩi Yeova nũvingũĩte kũtũ kwakwa, na ndyaaĩthĩwa na ũng’endu, o na ndyaasyoka na ĩtina.</verse>
				<verse number="6">Nĩnamon’ya mũongo wakwa ala makũnaa, na matau makwa ala mangunyũasya kĩng’ew’a; ndyaavitha ũthyũ wakwa kũsonokw’a na kũtw’ĩlwa mata.</verse>
				<verse number="7">Nũndũ Mwĩaĩi Yeova akandethya; kwondũ wa ũu ndyaathokoana: kwondũ wa ũu nĩnĩlũmĩtye ũthyũ wakwa ta ĩvia yũmũ, na nĩnĩsĩ ndikasonokw’a.</verse>
				<verse number="8">Ũla ũndalaa mũlũngalu e vakuvĩ; nũũ ũla wĩtetan’ya nakwa? Tũũngamane: nthũ yakwa nũũ? Ĩnthengeee.</verse>
				<verse number="9">Sisya, Mwĩaĩi Yeova akandethya; nũũ ũla wĩndw’a mũvĩtan’ya? Sisya, asu onthe makakũa ta ngũa; lungulu ũkamaya.</verse>
				<verse number="10">Nũũ katĩ wenyu ũla ũmũkĩaa Yeova, ũla wĩw’aa wasya wa mũthũkũmi wake? Ũla ũkinyaa kĩvindunĩ na nde na kyeni, naĩkĩĩe syĩtwa ya Yeova na kwĩkwatya Ngai wake.</verse>
				<verse number="11">Sisyai, inyw’onthe ala mwakanasya mwaki, ala mwĩvotoaa isinga; kinyai ũmũĩnĩ wa mwaki wenyu, na katĩ wa isinga ila mwakanĩtye. Ũũ nĩw’o mũkethĩwa naw’o kuma kw’okonĩ kwakwa; mũkakoma mwĩ na kĩmako.</verse>
			</chapter>
			<chapter number="51">
				<verse number="1">Mbĩthukĩĩsyai, inyw’ĩ ala mũvikĩlaa ũlũngalu, inyw’ĩ ala mũmanthaa Yeova; sisyai ĩvia vala mwasũviw’e; na ĩima ĩliku vala mwenziwe.</verse>
				<verse number="2">Sisyai Avalaamu ĩthe wenyu na Sala ũla wamũsyaie ĩnyw’ĩ; nũndũ yĩla waĩ o ũmwe nĩnamwĩtie, na namũathima, na namũtw’ĩkĩthya aingĩ.</verse>
				<verse number="3">Nũndũ Yeova nũkiakiĩtye Saioni; nũkiakiĩtye kũndũ kwayo kw’onthe kwanangĩku, na nũtw’ĩkĩthĩtye weũ wayo ta Eteni, na yalata yayo ta mũũnda wa Yeova; ũtanu na mũyo ũkooneka nthĩnĩ wayo, na kũtũnga mũvea, na wasya mũseo.</verse>
				<verse number="4">Mbĩthukĩĩsyai, inyw’ĩ andũ makwa; ngunũĩai matũ, we mbaĩ yakwa: nũndũ mwĩao ũkauma kwakwa, na ngalũmya ũsili wakwa wa katĩ wĩthĩwe kyeni kya ngo sya andũ.</verse>
				<verse number="5">Ũlũngalu wakwa wĩ vakuvĩ, ũtangĩĩo wakwa nĩwumaalĩte, na moko makwa makasilĩla ngo sya andũ; ithama ikambeteela, na ikeekwatya kw’oko kwakwa.</verse>
				<verse number="6">Ũkĩlyai metho menyu mũsisye matu, na sisyai nthĩ ĩtheo; nũndũ matu makaaa ta syũki, na nthĩ ĩkakũa ta ngũa; na ala mamĩtwĩe makakw’a o ta ũu: ĩndĩ ũtangĩĩo wakwa ũkeethĩwa tene na tene, na ũlũngalu wakwa ndũkathela.</verse>
				<verse number="7">Mbĩthukĩĩsyai, inyw’ĩ ala mwĩsĩ ũlũngalu, andũ ala mwĩao wakwa wĩ ngoonĩ syenyu; mũtikakĩe kĩvũthya kya andũ, o na mũikateve ũndũ wa kũumana kwoo.</verse>
				<verse number="8">Nũndũ lungulu ũkamaya ta ngũa, na kĩinyu kĩkamaya ta w’ĩa wa ĩlondu; ĩndĩ ũlũngalu wakwa ũkeethĩwa tene na tene, na ũtangĩĩo wakwa kũvika nzyawa syonthe.</verse>
				<verse number="9">Amũka, amũka, ĩkĩa vinya, we kw’oko kwa Yeova, amũka, o ta mĩthenya ya tene, nzyawa sya tene tene. Tuue ũla watilangile Laavi ilungu, na ũla watonyie mũkũnga?</verse>
				<verse number="10">Tuue ũla wang’alilye ũkanga, manzĩ ma syũngũ nene; na ũla watw’ĩkĩthisye moliku ma ũkanga nzĩa ya ala moovoiw’e maingĩle?</verse>
				<verse number="11">Na ala ovosye ma Yeova makasyoka, na kuka Saioni makina; na ũtanu ũtathelaa ũkeethĩwa mĩtwenĩ yoo: makeethĩwa na mũyo na ũtanu; na kũmaka na kũvevũũka kũkakĩa.</verse>
				<verse number="12">Nyie, o nyie; ninyie ũla ũkũkiakiasya; nue ũũ, ũndũ ũkĩaa mũndũ ũla ũkakw’a, na mwana wa mũndũ ũla ũkatw’ĩkĩthw’a ta nyeki;</verse>
				<verse number="13">na nĩwũlĩtwe nĩ Yeova Mũmbi waku, ũla watambũũkisye matu, na wambĩlĩlye myambĩlĩlyo ya nthĩ; na nũkĩaa mũthenya w’onthe mavinda onthe nũndũ wa ũthatu mwai wa mũthĩn’ya, yĩla wĩyũmbanasyai anange? Na ũthatu mwai wa mũthĩn’ya ũĩva?</verse>
				<verse number="14">Mũndũ ũla ũtavĩtwe akalũngw’a kwake akathaw’a mĩtũkĩ; na ndakakw’a na kũtheea yĩla ĩimanĩ, o na lĩu wake ndũkanyiva.</verse>
				<verse number="15">Nũndũ ninyie Yeova Ngai waku, ũla wũkĩlangasya ũkanga, ũkethĩa itulumo syaw’o nĩlitũkaa: Yeova wa nguthu nĩyo syĩtwa yake.</verse>
				<verse number="16">Na nĩnĩkĩĩte ndeto syakwa kanyw’anĩ waku, na nĩnĩkũvw’ĩkĩte muunyĩnĩ wa kw’oko kwakwa, nĩ kana nĩlũmye matu, na kwambĩlĩlya myambĩlĩlyo ya nthĩ, na kũtavya Saioni, Nue andũ makwa.</verse>
				<verse number="17">Amũka, amũka, ũngama, we Yelusaleme, ũla ũnyw’ĩte kw’okonĩ kwa Yeova kĩkombe kya kũthilĩka kwake; we nũnyw’ĩte kĩkombe kĩnene kya kũlũsya, na ũkakĩmina.</verse>
				<verse number="18">Vati ũmwe katĩ wa ana make onthe ala wasyaie wa kũmũtongoesya; o na vati ũla ũmũkwataa kw’oko katĩ wa ana onthe ala waeie.</verse>
				<verse number="19">Maũndũ aa elĩ nĩmekĩkĩte kwaku; nũũ ũla wĩkũmetea? Wanango na wanangĩko, na yũa na ũvyũ; ngakũkiakisya ata?</verse>
				<verse number="20">Ana maku nĩmanyalile, nĩmakomete wambĩlĩlyonĩ wa nzĩa syonthe, ta ngondi kĩteinĩ; nĩmausũĩtw’e kũthilĩka kwa Yeova, ũkan’yo wa Ngai waku.</verse>
				<verse number="21">Kwondũ wa ũu yu ĩw’a ũũ, we ũla ũthĩnĩtw’e, na ũla ũmilĩtwe, ĩndĩ ti ũndũ wa mbinyu:</verse>
				<verse number="22">Mwĩaĩi waku Yeova na Ngai waku, ũla ũteteaa ũvoo wa andũ make, easya atĩĩ, Sisya, nĩnĩkyumĩtye kw’okonĩ kwaku kĩla kĩkombe kya kũlũsya, o kĩkombe kĩnene kya kũthilĩka kwakwa; ndũkakĩnyw’a ĩngĩ:</verse>
				<verse number="23">na ngakĩkĩa mokonĩ ma ala makũthĩnasya, ala matavĩtye thayũ waku, Kunama, nĩ kana tũvĩte; naku nĩwiĩte mũongo waku wĩthĩwe ta nthĩ, na wĩthĩwe ta nzĩa nene kwa ala mavĩtĩlaa vo.</verse>
			</chapter>
			<chapter number="52">
				<verse number="1">Amũka, amũka, ĩkĩa vinya waku, we Saioni; ĩkĩa ngũa syaku nzeo, we Yelusaleme, ndũa ntheu; nũndũ kuma yu ala mate aĩke na ala mate atheu matikalika nthĩnĩ waku.</verse>
				<verse number="2">Ĩvangũle kĩtoo; ũkĩla nokĩkala kĩvĩlanĩ kyaku kya ũsumbĩ, we Yelusaleme: ĩthasye syĩndũ ila wovetwe nasyo ngingonĩ yaku, we, mwĩĩtu mũtave wa Saioni.</verse>
				<verse number="3">Nũndũ ũũ nĩw’o Yeova ũnũkwasya, Nĩmwathooiw’e mana; na mũkoovow’a vate mbesa.</verse>
				<verse number="4">Nũndũ ũũ nĩw’o Mwĩaĩi Yeova ũnũkwasya, Mbee andũ makwa nĩmatheeie Misili mekale ũeni kw’o: na Mũasuli nũmathĩnĩtye vate kĩtumi.</verse>
				<verse number="5">Kwondũ wa ũu yu, nĩĩka ata vaa, easya ũu Yeova, nũndũ andũ makwa matwaĩtwe mana? Ala mamasumbĩkaa maneenaa na wasya mũnene, easya ũu Yeova, na syĩtwa yakwa nĩyĩumangawa mũthenya mũima ĩndĩ yonthe.</verse>
				<verse number="6">Kwondũ wa ũu andũ makwa makamanya syĩtwa yakwa: kwondũ wa ũu mũthenya ũsu makamanya kana ninyie ũla ũneenaa; sisya, ninyie.</verse>
				<verse number="7">Ko nĩ maseo iĩmanĩ maũũ ma ũla ũetae ũvoo mũseo, ũla ũnyaĩĩkasya ũvoo wa mũuo, ũla ũetae ũvoo mũseo wa maũndũ maseo, ũla ũtavanasya ũtangĩĩo, ũla ũtavasya Saioni, Ngai waku nũsumbĩkaa!</verse>
				<verse number="8">Wasya wa asyaĩĩsya maku! Nĩmokĩlasya wasya, nĩmainaa vamwe; nũndũ makoonana itho kwa itho, yĩla Yeova wĩsyoka Saioni.</verse>
				<verse number="9">Ambĩlĩlyai kũtana, inai vamwe, inyw’ĩ kũndũ kwanangĩku kwa Yelusaleme; nũndũ Yeova nũkiakiĩtye andũ make, nĩwovoetye Yelusaleme.</verse>
				<verse number="10">Yeova nũvuĩte kw’oko kwake kũtheu mbaĩ syonthe syene; na itulu syonthe sya nthĩ nĩsyonete ũtangĩĩo wa Ngai waitũ.</verse>
				<verse number="11">Endai, endai, umai ku, mũikakiite kĩndũ kĩvuku; umai katĩ wayo; ĩthesyei, inyw’ĩ ala mũkuaa mĩio ya Yeova.</verse>
				<verse number="12">Nũndũ mũtikauma mwĩkalaatĩte, o na mũtikaenda mũkĩĩte: nũndũ Yeova akaenda mbee wenyu; na Ngai wa Isilaeli akeethĩwa ĩtina wenyu.</verse>
				<verse number="13">Sisya, mũthũkũmi wakwa akeeka na ũĩ, akanenevw’a na kũkĩlw’a, na akeethĩwa e ĩũlũ mũno.</verse>
				<verse number="14">O tondũ aingĩ maseng’ie ũndũ waku (ũthyũ wake nĩwanangiwe kũvĩtũka mũndũ o na wĩva, na mũvw’ano wake kũvĩtũka ana ma andũ),</verse>
				<verse number="15">o ta ũu akaminzangĩsya mbaĩ nyingĩ; asumbĩ makatumya makanyw’a moo ũndũ wake: nĩkwĩthĩwa ũndũ ũla mataatavw’a makoona; na ũla mataaĩw’a makamanya.</verse>
			</chapter>
			<chapter number="53">
				<verse number="1">Nũũ ũla wetĩkĩlile ũvoo ũsu twaetie? Na kw’oko kwa Yeova kwavuanĩw’e ũũ?</verse>
				<verse number="2">Nũndũ nĩweanie mbee wake o ta mũtĩ mwololo, na ta mũĩ, ũla ũthongooeaa nthĩ nyũmũ: nde na mũvw’ano kana ũseo wa mwĩĩ; na yĩla tũũmwona, vati ũseo wa wũmbe o na wĩva ũtuma tũmwenda.</verse>
				<verse number="3">Nĩwavũthiw’e, na kũlewa nĩ andũ; aĩ mũndũ wa mawoo, na mũmanyi wa thĩna: na nĩwavũthiw’e ta ũmwe ũla andũ mamũvithaa mothyũ moo; naitũ tũtyaamũtw’a ta kĩndũ.</verse>
				<verse number="4">Nĩ w’o, we nĩwakuie mathĩna maitũ, na eeyaĩkya mawoo maitũ; na ũu w’onthe ithyĩ twamwona kwĩthĩwa nĩ mũkũne, kũkũnwa nĩ Ngai, na kũthĩnw’a.</verse>
				<verse number="5">Ĩndĩ nĩwatonyiwe kwondũ wa mavĩtyo maitũ, auauĩkw’a kwondũ wa mothũku maitũ; ũsilĩlo ũndũ wa mũuo witũ waĩ ĩũlũ wake; naitũ nĩtũvoetw’e kwondũ wa makũnwa make.</verse>
				<verse number="6">Ithyonthe ta malondu nĩtwaaĩte; nĩtweethyũũie kĩla ũmwe na kũatĩĩa nzĩa yake mwene; nake Yeova amwaĩkisye ũthũku witũ ithyonthe.</verse>
				<verse number="7">We nĩwathĩniw’e, ĩndĩ akĩthĩnw’a ndaathamya kanyw’a wake; o ta katena ka ĩlondu katongoew’e kũthi kũthĩnzwa, na ta ĩlondu yĩ mbee wa ala mayĩtilaa maw’ĩa yĩvindĩtye, o ta ũu we ndaathamya kanyw’a wake.</verse>
				<verse number="8">Nĩwaumiw’e kwondũ wa kũng’endewa na kũsilĩlwa; na nzyawanĩ yake, nũũ ũla wamũtalĩthisye kana nĩwavetiwe aume nthĩ ya ala me thayũ kwondũ wa ĩvĩtyo ya andũ makwa ala maĩ ma ũsilĩlwa?</verse>
				<verse number="9">Na nĩmamũseũvĩsye mbũa vamwe na ala athũku, o na vamwe na ũla mũthwii kĩkw’ũnĩ kyake; o na kau we ndaaĩka ũng’endu, o na vatyaĩ ũkengani kanyw’anĩ wake nongi.</verse>
				<verse number="10">Na ũu w’onthe Yeova nĩwendeew’e nĩ kũmũuauĩkya; nĩwamũthĩnisye: o yĩla wĩtw’ĩkĩthya thayũ wake wĩthĩwe nthembo kwondũ wa naĩ, akoona ũsyao wake, akongeleela matukũ make, na ũndũ ũla wendeeasya Yeova ũkaathimĩka kw’okonĩ kwake.</verse>
				<verse number="11">Akoona thĩna wa ngoo yake, nake akeanĩwa: kwondũ wa ũmanyi wake mwene ũsu mũthũkũmi wakwa mũlũngalu akatw’ĩkĩthya aingĩ methĩwe alũngalu; na akakua mothũku moo.</verse>
				<verse number="12">Kwondũ wa ũu ngamũaĩa kĩanda vamwe na ala anene, nake akaaana mũtavo vamwe na ala me na vinya; nĩkwĩthĩwa nĩwetĩkisye thayũ wake kũvika akw’a, nake nĩwatalanĩlw’e na avĩtan’ya: ĩndĩ nĩwakuie naĩ sya aingĩ, na amavoyea avĩtan’ya.</verse>
			</chapter>
			<chapter number="54">
				<verse number="1">Ina, we ngũngũ, we ũla ũtaasyaa; ambĩlĩlya kwina, noiũkĩlya wasya mũnene, we ũla ũtaaũnya: nũndũ syana sya ũla ũtwĩe e weka nĩ mbingĩ kũte syana sya mũndũ mũka mũtwae, easya ũu Yeova.</verse>
				<verse number="2">Nenevya vandũ va ĩeema yaku, na matambũũkye motũtũ ma ngũa ma mawĩkalo maku; ndũkaeke: asavya makanda maku, noiĩkĩa vinya syambo syaku.</verse>
				<verse number="3">Nũndũ ũkanyaĩĩka ngalĩ ya kw’oko kwa aũme na kw’oko kwa aka; na ũsyao waku ũkoosa mbaĩ syĩthĩwe syaw’o, na kũtuma ndũa syĩ maanzo itũwa.</verse>
				<verse number="4">Ndũkakĩe; nũndũ ndũkasonoka: o na ndũkathokoanw’e; nũndũ ndũkasonokw’a: nũndũ ũkoolwa nĩ nthoni sya wana waku; na kũvũthw’a nũndũ wĩ ndiwa ndũkakũlilikana ĩngĩ.</verse>
				<verse number="5">Nũndũ Mũmbi waku nĩwe mũemeu; Yeova wa nguthu nĩyo syĩtwa yake: na Ũla Mũtheu wa Isilaeli nĩ Mwovosya waku; akeetwa Ngai wa nthĩ yonthe.</verse>
				<verse number="6">Nũndũ Yeova nũkwĩtĩte ta kĩveti kĩeketwe na kwĩw’ĩthw’a woo vevanĩ, o kĩveti kya mũika, yĩla kĩeketwe, easya ũu Ngai waku.</verse>
				<verse number="7">Nĩnĩkũtiĩte kavinda kanini mũno; ĩndĩ ngakũmban’ya na matei maingĩ.</verse>
				<verse number="8">Yĩla kũthilĩka kwausũie nĩnakũvithie ũthyũ wakwa kavinda kanini; ĩndĩ ngakwĩw’ĩa tei nĩ na ũseo wĩ wendo ũtathelaa, easya ũu Yeova, Mwovosya waku.</verse>
				<verse number="9">Nũndũ ũu ũilyĩ kwakwa ta ala manzĩ ma Noa; o tondũ neevĩtie atĩ manzĩ ma Noa matikavw’ĩka nthĩ ĩngĩ, o ta ũu nĩnĩvĩtĩte ndikakũthilĩkĩla, o na ndikakũkan’ya.</verse>
				<verse number="10">Nũndũ iĩma nitonya kũthi, na tũlĩma tũtonya kũthamw’a; ĩndĩ ũseo wakwa wĩ wendo ndũkakũtia, o na ũtianĩo wakwa wa mũuo ndũkavetwa, easya ũu Yeova ũla ũkwĩw’ĩaa tei.</verse>
				<verse number="11">We ũla ũthĩnaw’a, wĩkangaw’a nĩ kĩuutani, na ũtakiakiaw’a, sisya, ngalũmanĩthya tũvila twaku iĩndĩnĩ syatw’o na langi mũseo, na ngakwatya myambĩlĩlyo yaku na tũvila twa savili.</verse>
				<verse number="12">Na ngaseũvya mĩthya yaku na tũvila twa maliani, na mbingĩlo syaku na alimasi ndune, na mũvaka waku w’onthe na tũvila twa thooa mũnene.</verse>
				<verse number="13">Na syana syaku syonthe ikamanyĩw’a nĩ Yeova; na mũuo wa syana syaku ũkeethĩwa mwingĩ.</verse>
				<verse number="14">We ũkalũlũmĩlw’a ũlũngalunĩ: ũkeethĩwa kũasa na kũthĩnw’a, nũndũ ndũkakĩa; na kũasa na kũtĩsw’a, nũndũ kũtikakũthengeea.</verse>
				<verse number="15">Sisya, matonya kũmbana, ĩndĩ ti kwondũ wakwa: o ũla ũkakũmbanĩa akavalũka nũndũ waku.</verse>
				<verse number="16">Sisya, nĩnũmbĩte mũtwii ũla ũvuvaa mwaki wa makaa, na aiumya mũio wa wĩa wake; na nĩnũmbĩte mwanangi wa kwananga.</verse>
				<verse number="17">Mũio o na wĩva ũla ũseũvĩtw’e ũkũkite ndũkaĩla; na kĩla ũĩmĩ ũla ũkakũkĩlĩla ũkũsilĩle ũkoosilĩla. Ũũ nĩw’o ũtiĩwa wa athũkũmi ma Yeova, na ũlũngalu woo ũla wumaa kwakwa, easya ũu Yeova.</verse>
			</chapter>
			<chapter number="55">
				<verse number="1">Inyw’ĩ, kĩla mũndũ wĩ na waũni, ũkai vala ve manzĩ, o na ũla ũte na mbesa; ũkai inyw’ĩ, thooa, mũye; ĩĩ, ũkai, mũthooe mbinyu na ĩia vate mbesa na vate kũĩvĩa.</verse>
				<verse number="2">Nũndũ wa kĩ mwanangaa mbesa na kĩla nakyo ti lĩu? Na kũtethya wĩa ũndũ wa kĩla kĩtavũnĩthasya? Mbĩthukĩĩsyai na kĩthing’ĩĩsyo, mũye kĩla kĩseo, na thayũ wenyu ũtanĩe ũnou.</verse>
				<verse number="3">Teai matũ, na mũimbũkĩa; ĩthukĩĩsyei, na ngoo syenyu ikeethĩwa thayũ: na ngatianĩa ũtianĩo nenyu wa tene na tene, o matei malũmu ma Ndaviti.</verse>
				<verse number="4">Sisya, nĩnĩmũnenganĩte ethĩwe ngũsĩ kwa ngo sya andũ, mũtongoi na mwĩaĩi wa ngo sya andũ.</verse>
				<verse number="5">Sisya, ũkeeta mbaĩ ĩla ũtamĩsĩ; na mbaĩ ĩtaakũmanya ĩkasemba vala ũĩ, nũndũ wa Yeova Ngai waku, na nũndũ wa Ũla Mũtheu wa Isilaeli; nũndũ nũkũtaĩĩthĩtye.</verse>
				<verse number="6">Manthai Yeova o yĩla ũtonya kwoneka; mwĩkaĩlei yĩla wĩ vakuvĩ:</verse>
				<verse number="7">ũla mũthũku natie mũendele wake, na mũndũ ũte mũlũngalu mosũanĩo make; na namũsyokee Yeova, na akamwĩw’ĩa tei; na Ngai waitũ, nũndũ akamũekea vyũ.</verse>
				<verse number="8">Nũndũ mosũanĩo makwa ti mosũanĩo menyu, o na nzĩa syenyu ti nzĩa syakwa, easya ũu Yeova.</verse>
				<verse number="9">O tondũ matu me ĩũlũ kwĩ nthĩ o ta ũu nzĩa syakwa syĩ ĩũlũ kwĩ nzĩa syenyu, na mosũanĩo makwa kwĩ mosũanĩo menyu.</verse>
				<verse number="10">O tondũ mbua yuaa na ĩa kuma ĩtunĩ, nasyo itisyokaa kw’o, ĩndĩ ninyithasya nthĩ, na nitumaa ĩmesya na kũthongoosya, na nĩmũnengae mbeũ ũla ũvuĩaa na lĩu ũla ũĩsaa;</verse>
				<verse number="11">ndeto yakwa ĩkeethĩwa ĩilyĩ o ta ũu ĩla yumaa kanyw’anĩ wakwa: ndĩkanzyokea mana, ĩndĩ ĩkeanĩsya ũndũ nendete, nayo ĩkaaĩla ũndũnĩ ũla namĩtũmĩe.</verse>
				<verse number="12">Nũndũ mũkaumaala na ũtanu, na mũkatongoew’a na mũuo: iĩma na tũlĩma ikambĩlĩlya kwina syĩ mbee wenyu; na mĩtĩ yonthe ya kĩsesinĩ ĩkakũnangan’ya mbĩ syayo.</verse>
				<verse number="13">Vandũ va mĩw’a kũkamea mũtĩ wa mũsonovali; na vandũ va mũtae wa kĩthekanĩ kũkamea mũtĩ wa mwandasi: na ũu ũkeethĩwa syĩtwa kwa Yeova, wonan’yo wa tene na tene ũla ũtakavetwa.</verse>
			</chapter>
			<chapter number="56">
				<verse number="1">Ũũ nĩw’o Yeova ũnũkwasya, Lũmyai sĩla wa katĩ, na kwĩka ũlũngalu; nũndũ ũtangĩĩo wakwa ũkilyĩ kũka, na ũlũngalu wakwa kwonanw’a.</verse>
				<verse number="2">Nĩ mũathime mũndũ ũla wĩkaa ũu, na mwana wa mũndũ ũla ũlũmanasya naw’o; ũla ũlilikanaa mũthenya wa savato ndakovukye, na ũla ũsiĩĩa kw’oko kwake kũtikeke ũthũku o na wĩva.</verse>
				<verse number="3">O na mũndũ wa nthĩ ĩngĩ, ũla ũlũmanĩtye na Yeova ndakaneene, akyasya, Nĩ w’o Yeova akambathan’ya na andũ make; o na mũvakũe ndakasye, Sisya, nyie nĩ mũtĩ mũmũ.</verse>
				<verse number="4">Nũndũ ũũ nĩw’o Yeova ũnũkwasya ũndũ wa avakũe ala malilikanaa masavato makwa, na manyuvaa maũndũ ala mambendeesyaa, na kũlũman’ya na ũtianĩo wakwa:</verse>
				<verse number="5">Nyũmbanĩ yakwa na maũvainĩ makwa ngamanenga ũlilikan’yo na syĩtwa ĩseo kwĩ ya ana na eĩtu; ngamanenga syĩtwa ya tene na tene, yĩla yĩtakavetwa.</verse>
				<verse number="6">O na andũ ma nthĩ ĩngĩ ala melũman’ya na Yeova, mamũthũkũme, na kwenda syĩtwa ya Yeova, methĩwe athũkũmi make, kĩla ũmwe ũla ũlilikanaa savato ndakovukye, na kũlũman’ya na ũtianĩo wakwa;</verse>
				<verse number="7">o asu ngamaete kĩĩmanĩ kyakwa kĩtheu, na kũmatanĩthĩsya nyũmbanĩ yakwa ya kũvoyea: nthembo syoo sya kũvĩvw’a na nthembo syoo sya kũtonywa ikeetĩkĩlwa kĩthembeonĩ kyakwa; nũndũ nyũmba yakwa ĩkeetwa nyũmba ya kũvoyea kwondũ wa andũ onthe.</verse>
				<verse number="8">Mwĩaĩi Yeova, ũla ũmbanasya alũngw’a ma Isilaeli, easya, Ngamũmbanĩsya angĩ, eka ala make ala mombanĩtw’e.</verse>
				<verse number="9">Inyw’ĩ nyamũ syonthe sya kĩthekanĩ, ũkai mũye, ĩĩ, inyw’ĩ nyamũ syonthe sya mũtitũnĩ.</verse>
				<verse number="10">Asyaĩĩsya make nĩ ililinda, onthe mati na ũĩ; onthe nĩ ngitĩ, matitonya kũkũma; makĩota, makĩkoma, makyenda kwombosya.</verse>
				<verse number="11">Ĩĩ, ngitĩ nĩ ndoonu, ititonya kũvũna nongi; na aa nĩ aĩthi matatonya kũmanya; onthe nĩmethyũũĩe nzĩa syoo ene, kĩla ũmwe ũtandĩthyonĩ wake, kuma kĩla ngalĩko.</verse>
				<verse number="12">Measya, Ũkai inyw’i, ngaete mbinyu, na tũkeeyusũsya na kĩla kĩtoonasya; na ũnĩ ũkeethĩwa ta ũmũnthĩ, mũthenya mũnene ũtathimĩka.</verse>
			</chapter>
			<chapter number="57">
				<verse number="1">Ũla mũlũngalu nũkwaa, na vati ũwiaa ũndũ ũsu ngoonĩ; na andũ me tei nĩmeũvetwa, vati ũmwe ũsũanĩaa kana mũlũngalu nũkũvetwe aume ũthũkunĩ ũla wũkĩte.</verse>
				<verse number="2">Nake nũlikaa mũuonĩ nĩmathũmũaa mokomonĩ moo, kĩla ũmwe ũla ũendaa ũlũngalunĩ wake.</verse>
				<verse number="3">Ĩndĩ thengeeai vaa, inyw’ĩ ana ma kĩveti kĩoi, ũsyao wa kĩlaalai na ĩlwaya.</verse>
				<verse number="4">Mwĩthaũkĩa ũũ? Na nũũ mũkwathamangĩsya makanyw’a, na kumĩlangĩlya nĩmĩ? Mũti syana sya ũvĩtyo, ũsyao wa ũvũngũ,</verse>
				<verse number="5">inyw’ĩ ala mũkwĩyakan’ya ene katĩ wa mĩtĩ ya myaloni, ĩtina wa kĩla mũtĩ mwĩũ; ala mũaĩaa syana myandanĩ, ungu wa mĩvatĩ ya mavia?</verse>
				<verse number="6">Kĩanda kyaku kĩ katĩ wa mavia matendeu me mwandanĩ; asu, nĩmo kĩanda kyaku; o asu nĩwametĩe nthembo ya kũnyuwa, nũthembete nthembo ya mũtu. Ngavoovw’a nĩ syĩndũ isu?</verse>
				<verse number="7">Nĩwiĩte ũkomo waku kĩĩmanĩ kĩtũlu na kĩnene; o na vau nĩvo wambatie kũthemba.</verse>
				<verse number="8">Na mbĩlĩlo wa mĩomo na ituĩ nũngamĩtye ũlilikan’yo waku: nĩwĩvuĩe ũngĩ na ti nyie, na nĩwambatĩte; nũnenevetye ũkomo waku, na kũtianĩa ũtianĩo nao: nĩwendie ũkomo woo vala wawonie.</verse>
				<verse number="9">Na niwaendie na mauta kwa mũsumbĩ, na waingĩvisye syĩndũ syaku ila inyungaa nesa, na watũma atũmwa maku kũasa, na weethũkya o na kũvika Seoli.</verse>
				<verse number="10">Waĩ ũnanow’a nĩ ũasa wa nzĩa yaku; ĩndĩ ndwaaasya, Nĩ mana: nĩwoonie vinya waku ũkyongelela: kwondũ wa ũu ndwaanyala.</verse>
				<verse number="11">Naku ũkĩĩte ũũ na kũkwatwa nĩ w’ĩa, kana ũneene ũvũngũ, na ndwaandilikana, kana kwia ũndũ ũsu ngoonĩ yaku? Ndyaavindya ĩvinda ĩasa, naku ndũngĩa?</verse>
				<verse number="12">Ngatavan’ya ũlũngalu waku; na ũndũ wa mawĩa maku, matikakũuna.</verse>
				<verse number="13">Yĩla wĩĩa, ala woombanisye nĩmakũtangĩĩe; ĩndĩ kĩseve kĩkamatwaa, mĩthũmũ ĩkamatwaa onthe: ĩndĩ ũla wĩĩvitha nthĩnĩ wakwa akamĩmesya ĩ nthĩ, na akatiĩwa kĩĩma kyakwa kĩtheu.</verse>
				<verse number="14">Na akasya, Ĩnzai, ĩnzai, seũvyai nzĩa, vetai ũlulutĩkyo nzĩanĩ ya andũ makwa.</verse>
				<verse number="15">Nũndũ Ũla wĩ ĩũlũ na wa ũtaĩwa mũno, ũla wĩkalaa tene na tene, ũla syĩtwa yake nĩ Mũtheu, easya atĩĩ: Nĩkalaa vandũ vatũlu na vatheu, vamwe na ũla wĩ na veva wa kwĩlila na kwĩnyivya, nĩvuũkye veva wa ũla wĩ na wĩnyivyo, na kũvuũkya ngoo ya ũla ũnũkwĩlila.</verse>
				<verse number="16">Nũndũ ndikakĩlan’ya vinya tene na tene, o na ndikethĩwa na kũthilĩka mavinda onthe; nũndũ ũ veva ũkeethĩwa ũiteva mbee wakwa, na syuu ila noombie.</verse>
				<verse number="17">Nĩnathilĩkile nũndũ wa ũthũku wa ĩtomo yake, na namũkũna; nĩnavithie ũthyũ wakwa na nathilĩka; nake aendeea kwathũka akĩatĩĩa mũendele wa ngoo yake.</verse>
				<verse number="18">Nĩnonete nzĩa syake na ngamũvosya; o na ngamũtongoeasya, na ngamũtũngĩanĩsya maũndũ ala mamwaĩle vamwe na ala mamũmeteaa.</verse>
				<verse number="19">Nyie nũmbaa ũsyao wa ilomo: Mũuo, mũuo, kwa ũla wĩ kũasa na kwa ũla wĩ vakuvĩ, easya ũu Yeova; na ngamũvosya.</verse>
				<verse number="20">Ĩndĩ ala athũku mailyĩ ta ũkanga ũkyũkĩlangw’a; nũndũ ndũtonya kũthũmũa, na manzĩ maw’o mekangasya ndaka na mũluũ.</verse>
				<verse number="21">Vati mũuo kwa ala athũku, easya ũu Ngai wakwa.</verse>
			</chapter>
			<chapter number="58">
				<verse number="1">Neena na wasya mũnene, ndũkaeke, ũkĩlya wasya waku ta soo, noitavya andũ makwa ĩvĩtyo yoo, na nyũmba ya Yakovo naĩ syayo.</verse>
				<verse number="2">Ĩndĩ nĩmamanthaa nyie kĩla mũthenya, na nĩmendeeaw’a nĩ kũmanya nzĩa syakwa: nĩmangũlasya mosilĩlo malũngalu, ta mbaĩ ĩla yekaa ũlũngalu, na ĩtaatia ũtw’ĩo wa Ngai wayo; nĩmatanĩaa kũmũthengeea Ngai.</verse>
				<verse number="3">Nĩmeũkũlya, Tũtĩĩaa kũya nĩkĩ, naku ndwonaa? Tũthĩnĩasya thayũ witũ kĩ, naku ndũũsisya? Sisyai, mũthenya wa kũtĩĩa ũya kwenyu nĩmũkwĩtanĩthya inyw’ĩ ene, na athũkũmi menyu onthe nĩmũmaingĩĩasya wĩa.</verse>
				<verse number="4">Sisyai, nĩmũtĩĩaa ũya na mũikananĩa na kũtetan’ya, na kũkũnangana ngundi sya ũthũku: mũtikũtĩĩa ũya ũmũnthĩ nĩ kana wasya wenyu wĩw’ĩke ĩũlũ.</verse>
				<verse number="5">Ku nĩkw’o kũtĩĩa ũya kũla nĩnyuvĩte? Mũthenya wa mũndũ kũthĩn’ya ngoo yake? Nĩ kũkunamya mũtwe wake ta malula, na kwalan’ya makunia na mũu ungu wake? Ũkeeta ku kũtĩĩa ũya, na mũthenya wĩtĩkĩlawa nĩ Yeova?</verse>
				<verse number="6">Kũtĩĩa ũya kũla nĩnyuvĩte ti kũũ: kũthasya syĩndũ sya kwovwa nasyo sya ũthũku, na kũthasya mĩkwa ya ĩsoki, na kũthasya ala mathĩnaw’a maende, na kũtũla kĩla ĩsoki?</verse>
				<verse number="7">Tĩ kũmanenga lĩu waku ala me na nzaa, na kũete nyũmbanĩ yaku ngya ila ilũngĩtw’e? Na yĩla wĩona ũla mũthei, ũmũvw’ĩke; na kũlea kwĩvitha ala ma nyũmba yaku?</verse>
				<verse number="8">Nĩvo ĩndĩ kyeni kyaku kĩkakenaa ta kĩoko, na kũvow’a kwaku kũkaumĩla mĩtũkĩ; na ũlũngalu waku ũkaendaa mbee waku; ndaĩa ya Yeova ĩkakũatĩĩaa ĩtina waku.</verse>
				<verse number="9">Nĩvo ĩndĩ wĩĩtana, na Yeova akĩtĩka; ũkamwĩkaĩla, nake akasya, Ninyioo. Ethĩwa ũkaveta katĩ waku ĩsoki, na kwolota na kyaa, na kũneena ũthũku;</verse>
				<verse number="10">na ethĩwa ũkaumya ngoo yaku ũmwĩw’ĩe tei ũla wĩ na nzaa, na kũvũn’ya ũla ũthĩnaw’a: nĩvo ĩndĩ kyeni kyaku kĩũkĩla kĩvindunĩ, na kĩvindu kyaku kĩkĩthĩwa ta mũthenya katĩ;</verse>
				<verse number="11">na Yeova akakũtongoeasya ĩndĩ yonthe, na akavũnĩsya thayũ waku kũndũ kũmũ, na kwĩkĩa mavĩndĩ maku vinya; na ũkeethĩwa ta mũũnda mũnyithye, na ta mbuluti ya manzĩ, ĩla manzĩ mayo matinyivaa o na indĩĩ.</verse>
				<verse number="12">Na ala makethĩwa kwaku makaaka kũndũ kwanangĩkie tene; ũkookĩlya myambĩlĩlyo ya nzyawa nyingĩ; naku ũkeetwa Mũseũvya wa vala vavũthũiwe, Mũtũngĩĩi wa nzĩa sya kwĩkalawa.</verse>
				<verse number="13">Ethĩwa ũkatũnga kũũ kwaku kũeke mũthenya wa savato, ũte kwĩka kwenda kwaku mũthenya wakwa mũtheu; na ĩndĩ ũkeeta savato wa kũtanĩthya, na mũthenya mũtheu wa Yeova wa kũtaĩwa; na ũkootaĩa, ũkĩlea nzĩa syaku, kana kũmantha ũtanu waku mwene, kana kũneena ndeto syaku mwene:</verse>
				<verse number="14">nĩvo ĩndĩ wĩĩtanĩthya nthĩnĩ wa Yeova; na ngakwambatya kũndũ kũtũlu kwa nthĩ; na ngakũĩthya na ũtiĩwa wa ĩthe waku Yakovo: nũndũ kanyw’a wa Yeova nũneenete ũu.</verse>
			</chapter>
			<chapter number="59">
				<verse number="1">Sisya, kw’oko kwa Yeova ti kũkuvĩvye, ũndũ kũtatonya kũtangĩĩa; o na kũtũ kwake ti kũito, ũndũ kũtatonya kwĩw’a:</verse>
				<verse number="2">ĩndĩ mothũku menyu nĩmamũtaanĩtye inyw’ĩ na Ngai wenyu, na naĩ syenyu nivithĩte ũthyũ wake kwenyu, ũndũ ũtew’a.</verse>
				<verse number="3">Nũndũ moko menyu nĩmavukĩtw’e nĩ nthakame, na syaa syenyu nĩ ũthũku; ilomo syenyu nineenete movũngũ, ũĩmĩ wenyu nũneenaa ũthũku.</verse>
				<verse number="4">Vati ũandũaa na ũlũngalu, na vati ũsilĩlaa na w’o: nĩmekwatasya vathei, na kũneena movũngũ; nĩmaitavaa ũthũku, na maisyaa naĩ.</verse>
				<verse number="5">Nĩmalĩkasya matumbĩ ma syĩmbuva, na matumaa ũlũalũĩ wa mbũambũĩ: ũla ũĩsaa matumbĩ masyo nũkusaa; na yĩla yakanyangwa yĩkyuma nzoka mbai.</verse>
				<verse number="6">Molũalũĩ moo matikatw’ĩka ngũa, o na matikevw’ĩka mawĩa moo: mawĩa moo nĩ mawĩa ma ũthũku, na wĩko wa ũng’endu wĩ mokonĩ moo.</verse>
				<verse number="7">Maũũ moo nĩmasembaa maatĩĩe ũthũku, nao mekalaataa metĩkye nthakame ĩte na ĩvĩtyo: mosũanĩo moo nĩ mosũanĩo ma ũthũku; wanango na wanangĩko syĩ nzĩanĩ syoo.</verse>
				<verse number="8">Ĩla nzĩa ya mũuo maimĩsĩ; na vati sila wa katĩ mĩendelenĩ yoo: nĩmeseũvĩsye nzĩa nthyoeku; o ũla ũendaa nasyo ndesĩ mũuo.</verse>
				<verse number="9">Kwondũ wa ũu sila wa katĩ wĩ kũasa naitũ, o na ũlũngalu ndũũtũwĩla: nĩtũmanthaa kyeni, ĩndĩ, kaĩ, no kĩvindu; na ũtisu, ĩndĩ tũkinyaa kĩvindunĩ.</verse>
				<verse number="10">Nĩtũvavataa ũvai ta kĩlilinda; ĩĩ, nĩtũvavataa ta ala mate metho: nĩtũlulũtĩkaa mũthenya katĩ o ta ũmololinĩ; katĩ wa ala me vinya tũilyĩ ta ala akw’ũ.</verse>
				<verse number="11">Ithyonthe nĩtũlumaa ta nduva, na kũamba mũno ta mavũĩ: nĩtũmanthaa sila wa katĩ ĩndĩ vatiĩ; na ũtangĩĩo, ĩndĩ wĩ kũasa naitũ.</verse>
				<verse number="12">Nũndũ mavĩtyo maitũ nĩmaingĩvie mbee waku, na naĩ sitũ nĩtũkũsĩĩaa; nũndũ mavĩtyo maitũ me vamwe naitũ, na ũndũ wa mothũku maitũ, nĩtũmesĩ:</verse>
				<verse number="13">kũmũvĩtanĩsya na kũmũkaĩa Yeova, na kwĩthyũũa na kũeka kũatĩĩa Ngai waitũ, kũneena na ũng’endu na ũlei, kũsũanĩa ndeto sya ũvũngũ na kwineena kuma ngoonĩ.</verse>
				<verse number="14">Na sila wa katĩ nũtũngĩtwe na ĩtina, na ũlũngalu nũũngeme wĩ kũasa; nũndũ w’o nũvalũkĩte nzĩanĩ nene, na ũlũngalu ndũtonya kũlika.</verse>
				<verse number="15">Ĩĩ, w’o nĩ mwau; na ũla ũtiaa ũthũku nũtw’ĩkaa mũsyĩmwa. Na Yeova nĩwonie ũu, na ndaaendeew’a nũndũ vatyaĩ sila wa katĩ.</verse>
				<verse number="16">Na oona kana vati mũndũ, na aseng’a nũndũ vati ũmwe wa kũvoyea; kwondũ wa ũu kw’oko kwake mwene nĩkwamũetee ũtangĩĩo; na ũlũngalu wake, nĩw’o wamũtw’ĩĩkie.</verse>
				<verse number="17">Nake eekĩa ũlũngalu ta ngao ya kĩthũi, na ngovia ya ũtangĩĩo mũtwenĩ wake; nake eevw’ĩka ũĩvanĩsyo wĩthĩwe ngũa syake, na eevw’ĩka kĩwĩu ta suka.</verse>
				<verse number="18">Kwĩanana na meko moo, now’o ũkeĩvanĩsya, ũthatu kwa nthũ syake, ũĩvanĩsyo kwa amaitha make; ila ithama akaĩvanĩsya ũndũ syeekie.</verse>
				<verse number="19">Kwondũ wa ũu makakĩa syĩtwa ya Yeova kuma ũthũĩlonĩ wa syũa, na ũnene wake kuma vala syũa yumĩlaa. Yĩla mũmaitha ũkoka ta kĩw’ũ kingĩ, Veva wa Yeova akamũkĩlĩlya kĩvevelo.</verse>
				<verse number="20">Na Mwovosya akooka Saioni, na kwa ala ma Yakovo ala methyũũaa makĩtia mavĩtyo, easya ũu Yeova.</verse>
				<verse number="21">Na ũndũ wakwa, ũũ nĩw’o ũtianĩo wakwa nao, easya ũu Yeova: Veva wakwa ũla wĩ ĩũlũ waku, na ndeto syakwa ila nĩkĩĩte kanyw’anĩ waku, itikauma kanyw’anĩ waku, kana kanyw’anĩ wa ũsyao waku, kana kanyw’anĩ wa ũsyao wa ũsyao waku, kuma yu na kũvika tene na tene, easya ũu Yeova.</verse>
			</chapter>
			<chapter number="60">
				<verse number="1">Ũkĩla, ũtisũke; nũndũ kyeni kyaku nĩ kyũku, na ũtheu mũtisu wa Yeova nĩwumĩlĩte ĩũlũ waku.</verse>
				<verse number="2">Nũndũ, sisya, kĩvindu kĩkavw’ĩka nthĩ, na kĩvindu kya ngokomi kĩkavw’ĩka ngo sya andũ; ĩndĩ Yeova akakumĩlĩla, na ũtheu mũtisu wake ũkooneka ĩũlũ waku.</verse>
				<verse number="3">Na mbaĩ ikooka kyeninĩ kyaku, na asumbĩ ũtisũkunĩ wa kumĩla kwaku.</verse>
				<verse number="4">Ũngalalya metho maku ngalĩ syonthe, wone: onthe nĩmekwĩyũmban’ya vamwe, nĩmekũka vala ũĩ; ana maku makooka kuma kũasa, na eitu maku makakuwa na moko.</verse>
				<verse number="5">Nĩvo ĩndĩ wĩona na kũtisa, na ngoo yaku nayo ĩkatana na kũneneva; nĩkwĩthĩwa wingĩ wa ũkanga ũkathyũũwa welekelw’e kwaku, ũthwii wa i mbaĩ ũkooka kwaku.</verse>
				<verse number="6">Wingĩ wa ngamĩle ũkakũvw’ĩka, ngamĩle sya mũika sya Mitaini na Evaa; onthe ma Sieva makooka; makaete thaavu na ũvumba, na makatavan’ya ndaĩa sya Yeova.</verse>
				<verse number="7">Ndĩthya syonthe sya mbũi na malondu sya Ketali ikoombanw’a vala ũĩ, ndũũme sya Nevaiothi ikakũthũkuma; ikambata kĩthembeonĩ kyakwa ikĩtĩkĩlwa; na ngaanakavya nyũmba ya ũtheu mũtisu wakwa.</verse>
				<verse number="8">Aa naaũ ala maũlũkaa ta ĩthweo, na ta mavũĩ mbũthinĩ syamo?</verse>
				<verse number="9">Nĩ w’o ithama ikambeteela, na ngalawa sya Talisisi ikeethĩwa sya mbee sya kũete ana maku kuma kũasa, vetha woo na thaavu woo vamwe nao, ũndũ wa syĩtwa ya Yeova Ngai waku, na ũndũ wa Ũla Mũtheu wa Isilaeli, nĩkwĩthĩwa nũkũnenevetye.</verse>
				<verse number="10">Na andũ ma nthĩ ĩngĩ makaaka maũvai maku, na asumbĩ moo makakũthũkũma: nũndũ nĩnakũkũnie nĩ mũthatu, ĩndĩ ũseonĩ wakwa nĩngwĩw’ĩĩte tei.</verse>
				<verse number="11">Mbingĩlo syaku ikeethĩwa mbingũe mavinda onthe; itikavingwa mũthenya kana ũtukũ; nĩ kana andũ makũetee ũthwii wa i mbaĩ, na asumbĩ moo me atave.</verse>
				<verse number="12">Nũndũ mbaĩ na ũsumbĩ ũla ũleaa ũkũthũkũma ũkaaa; ĩĩ, mbaĩ isu ĩkaanangwa vyũ.</verse>
				<verse number="13">Ndaĩa ya Levanoni ĩkooka vala ũĩ, mũtĩ wa mũsonovali, na mũtindali, na mũtĩ wa mũvuena vamwe, yanakavye vandũ vakwa vatheu; na ngaseũvya vandũ va maũũ makwa vethĩwe va ndaĩa.</verse>
				<verse number="14">Na ana ma ala makũthĩnisye makooka vala ũĩ makĩkwĩkunamĩsya; na onthe ala makũvũthisye makeekunamya nyaĩĩnĩ syaku; na makakwĩta, Ndũa ya Yeova, Saioni ya Ũla Mũtheu wa Isilaeli.</verse>
				<verse number="15">Nĩkwĩthĩwa nĩwatiĩtwe na kũmenwa, o na mũndũ o na wĩva ndaĩ avĩtĩla kwaku, ngakũtw’ĩkĩthya ũnene wa tene na tene, ũtanu wa nzyawa nyingĩ.</verse>
				<verse number="16">O na ũkoonga ĩia ya i mbaĩ, na kwonga nondo sya asumbĩ; na ũkamanya kana nyie, Yeova, nĩ Mũtangĩĩi waku, na Mwovosya waku, Ũla Mwene Vinya wa Yakovo.</verse>
				<verse number="17">Vandũ va ũthuku ngaete thaavu, na vandũ va kĩaa ngaete vetha, na vandũ va mĩtĩ, ũthuku, na vandũ va mavia, kĩaa. Na ĩngĩ ngatw’ĩkĩthya anene ma kwaku mũuo, na aũngamĩi maku, ũlũngalu.</verse>
				<verse number="18">Ũng’endu ndũkew’ĩka ĩngĩ nthĩ yaku, wanango kana wanangĩko mĩvakanĩ yaku; ĩndĩ ũkeeta maũvai maku Ũtangĩĩo, na mbingĩlo syaku Ndaĩa.</verse>
				<verse number="19">Syũa yĩtikethĩwa ĩngĩ kyeni kyaku ĩvinda ya mũthenya; o na ũtisũku wa mwei ndũkakumĩsya kyeni: ĩndĩ Yeova akeethĩwa kwaku kyeni kya tene na tene, na Ngai waku ndaĩa yaku.</verse>
				<verse number="20">Syũa yaku yĩtikathũa ĩngĩ, o na mwei waku ndũkakw’a; nũndũ Yeova akeethĩwa kyeni kyaku tene na tene, na mĩthenya ya kũmeta kwaku ĩkeethĩwa ĩ mĩthelu.</verse>
				<verse number="21">O na andũ maku onthe makeethĩwa alũngalu; makatiĩwa ĩ nthĩ tene na tene, ũvonge wa kũvanda kwakwa, wĩa wa moko makwa, nĩ kana nĩtaĩwe.</verse>
				<verse number="22">Ũla mũnini akatw’ĩka ngili, na ũla mũnini akeethĩwa mbaĩ yĩ vinya: nyie, Yeova, ngakalaata ũndũ ũsu ĩvinda yaw’o.</verse>
			</chapter>
			<chapter number="61">
				<verse number="1">Veva wa Mwiaiĩ Yeova e ĩũlũ wakwa; nũndũ Yeova nĩwambĩtĩkĩsye mauta nĩtavye ala auu ũvoo mũseo; nũndũmĩte nove ala me na ngoo ndũlĩku, na nĩtavan’ye ũthasyo kwa ala atave, na nĩmavingũĩe kolokolo ala movetwe;</verse>
				<verse number="2">na nĩtavan’ye mwaka wa ũseo wa Yeova, na mũthenya wa ũĩvanĩsyo wa Ngai waitũ; na nĩmakiakisye onthe ala mametaa;</verse>
				<verse number="3">na kũmaiĩa ala mameteaa ku Saioni, nĩmanenge ngovia ya ndaĩa vandũ va mũu, mauta ma ũtanu vandũ va kũmeta, ngũa ya ndaĩa vandũ va veva wa kũmaka; nĩ kana matonye kwĩtwa mĩtĩ ya ũlũngalu, ĩvandĩtwe nĩ Yeova, nĩ kana ataĩwe.</verse>
				<verse number="4">Na makaaka kũla kwaanangĩkie tene, makookĩlya kũla kwaekiwe mbee, na makatũngĩĩa ndũa ila syaĩ maanzo, kũla kwaekiwe nĩ nzyawa nyingĩ.</verse>
				<verse number="5">Na aeni makaũngamaa na kũĩthya ndĩthya syenyu sya mbũi na malondu, na andũ ma nthĩ ĩngĩ makeethĩwa andũ menyu ma kũima, na asei ma mĩsavivũ mĩũndanĩ yenyu.</verse>
				<verse number="6">Ĩndĩ inyw’ĩ mũkeetawa athembi ma Yeova; andũ makamwĩtaa athũkũmi ma Ngai waitũ: mũkaĩsaa ũthwii wa i mbaĩ, na mũkeekathĩĩaa ndaĩanĩ yoo.</verse>
				<verse number="7">Vandũ va nthoni syenyu kũndũ kwĩlĩ; na vandũ va kũtataĩwa makatanĩa kĩandanĩ kyoo: kwondũ wa ũu me nthĩ yoo makanengwa kũndũ kwĩlĩ; ũtanu ũtathelaa ũkeethĩwa woo.</verse>
				<verse number="8">Nũndũ nyie Yeova, nendaa sĩla wa katĩ, nĩmenaa ũng’ei vamwe na ũthũku; na ngamanenga ĩtuvi yoo na w’o, na ngatianĩa ũtianĩo wa tene na tene nao.</verse>
				<verse number="9">Na ũsyao woo ũkamanyĩka katĩ wa i mbaĩ, na ũsyao woo katĩ wa ngo sya andũ: onthe ala mamonaa makametĩkĩla, atĩ nĩmo ũsyao ũla ũathimĩtwe nĩ Yeova.</verse>
				<verse number="10">Ngatana mũno nthĩnĩ wa Yeova, ngoo yakwa ĩkeethĩwa na ũtanu nthĩnĩ wa Ngai wakwa; nũndũ nũmbw’ĩkĩte ngũa sya ũtangĩĩo, nũmbw’ĩkĩte ngũa ya ũlũngalu, o tondũ mũtwaani wĩyanakavasya na ngovia ya ndaĩa, na tondũ mũtwawa wĩyanakavasya na mĩio yake ya wanake.</verse>
				<verse number="11">O tondũ nthĩ ĩmeasya wenze wayo, na tondũ mũũnda ũmeasya mbeũ ila ivandĩtwe nthĩnĩ waw’o; o ta ũu Mwĩaĩi Yeova akaumĩlangya ũlũngalu na ndaĩa kwa mbaĩ syonthe.</verse>
			</chapter>
			<chapter number="62">
				<verse number="1">Kwondũ wa Saioni ndikavindya, na kwondũ wa Yelusaleme ndikathũmũa, kũvika ũlũngalu wake wumĩle ta kyeni, na ũtangĩĩo wake ta taa mwakanu.</verse>
				<verse number="2">Na i mbaĩ ikoona ũlũngalu waku, na asumbĩ onthe ndaĩa yaku; na ũkeetwa syĩtwa yeũ, yĩla kanyw’a wa Yeova ũketana</verse>
				<verse number="3">Na ĩngĩ ũkeethĩwa ngovia ya ũsumbĩ mbanakavu kw’okonĩ kwa Yeova, na kĩlemba kya kĩũsumbĩ kw’okonĩ kwa Ngai waku.</verse>
				<verse number="4">Ndũketwa ĩngĩ Mũtiwa; o na nthĩ yaku ndĩketwa ĩngĩ Nthei: ĩndĩ ũkeetwa Evisiva, na nthĩ yaku Mbeula; nũndũ Yeova nũtanĩthaw’a nue, na nthĩ yaku ĩkatwanĩthw’a</verse>
				<verse number="5">Nũndũ o tondũ mwanake ũtwaaa mwĩĩtu mũtheu, now’o ana maku makakũtwaa; na tondũ mũtwaani ũtanĩaa mũtwawa, now’o Ngai ũkakũtanĩaa.</verse>
				<verse number="6">Nĩnĩite asyaĩĩsya maũvainĩ maku, we Yelusaleme; matikavindya mũthenya kana ũtukũ: inyw’ĩ ala mũmũlilikanasya Yeova, mũikathũmũe,</verse>
				<verse number="7">na mũtikamũeke athũmũe, kũvika alũlũmĩlya, na atw’ĩkĩthya Yelusaleme ndaĩa kũũ nthĩ.</verse>
				<verse number="8">Yeova nĩwĩvĩtĩte na kw’oko kwake kwa aũme, o kw’oko kwake kwĩ vinya, atĩĩ, Vate ndiĩ ndikanengane ĩngĩ lĩu waku wa mbaa ngetha wĩthĩwe lĩu wa amaitha maku; na andũ ma nthĩ ĩngĩ matikanyw’a mbinyu yaku mbĩthĩ, ĩla watethisye wĩa kwondũ wayo:</verse>
				<verse number="9">ĩndĩ ala makethie nĩo makaya, na kũtaĩa Yeova; na ala moombanisye makanyw’a me nza sya vandũ vakwa vatheu.</verse>
				<verse number="10">Vĩtai, vĩtai mbingĩlonĩ; seũvyai nzĩa ya andũ; ĩnzai, ĩnzai lelũ; ũmyai mavia; ũkĩlyai kĩvevelo ũndũ wa ngo sya andũ.</verse>
				<verse number="11">Sisya, Yeova nũtavanĩtye kũvika kĩtulu kya nthĩ, Mwĩei mwĩĩtu wa Saioni, Sisya, ũtangĩĩo wake nĩwũkĩte; sisya, ĩtuvi yake yĩ vamwe nake, na ũĩvanĩsyo wake wĩ mbee wake.</verse>
				<verse number="12">Na makametaa Andũ atheu, Ala moovoiw’e nĩ Yeova: naku ũkeetwa Ũla wamanthiwe, Ndũa ĩtaaekwa.</verse>
			</chapter>
			<chapter number="63">
				<verse number="1">Ũũ nũũ ũla wũkĩte kuma Etomu, wĩkĩĩte ngũa syĩ langi mũtune mũno kuma Mbosila? Ũũ ũla wĩ na ngũa syake sya ndaĩa, ũendete ũnenenĩ wa vinya wake? Ninyie ũla ũneenaa na ũlũngalu, mũtonyi wa kũtangĩĩa.</verse>
				<verse number="2">Nũndũ wa kĩ ngũa syaku nĩ ndune, na ngũa syaku nĩ ta sya ũla ũkinyangaa nzavivũ kĩangĩonĩ?</verse>
				<verse number="3">Nyie nĩnĩkinyangĩte kĩangĩo kya nzavivũ nĩ nyioka; na katĩ wa ngo sya andũ kũtyaĩ mũndũ waĩ nakwa: ĩĩ, nĩnamakinyangie nĩ mũthatu, nĩnamaanganisye nĩ mũthilĩku; na nthakame ya thayũ woo nĩtalĩkangĩle ngũa syakwa, na nĩnĩthũkĩtye ngũa syakwa syonthe.</verse>
				<verse number="4">Nũndũ mũthenya wa kũĩvanĩsya waĩ ngoonĩ yakwa, na mwaka wa ovosye makwa nĩ mũku.</verse>
				<verse number="5">Nakwa nasisya, na vatyaĩ ũmwe wa kũtethya; na naseng’a nũndũ vatyaĩ ũmwe wa kũtw’ĩĩka: kwondũ wa ũu kw’oko kwakwa mwene nĩkwambonee ũtangĩĩo; na kũthilĩka kwakwa nĩkw’o kwandw’ĩĩkie.</verse>
				<verse number="6">Na nĩnakinyangie ngo sya andũ nĩ mũthatu, na nĩnamatoonethisye kũthilĩkanĩ kwakwa, na netĩkya nthĩ nthakame ya mathayũ moo.</verse>
				<verse number="7">Ngaweta moseo me wendo ma Yeova, na ndaĩa sya Yeova, kwĩanana na w’onthe ũla Yeova watũnengie, na ũseo mũnene ũla welekele nyũmba ya Isilaeli, ũla wamanengie kwĩanana na matei make, na kwĩanana na kwingĩva kwa moseo make me wendo.</verse>
				<verse number="8">Nũndũ aisye, Nĩ w’o, nĩ andũ makwa, syana ila iteĩka ũkengani: kwondũ wa ũu aĩ Mũtangĩĩi woo.</verse>
				<verse number="9">Thĩnanĩ woo w’onthe nake nĩwathĩnaw’a, na mũlaĩka wa ũthyũ wake amatangĩĩa: ũndũ wa wendo wake na tei wake amovosya; na amokilya, na amakua mĩthenya yonthe ya tene.</verse>
				<verse number="10">Ĩndĩ mang’enda na meew’ĩthya Veva wake mũtheu woo: kwondũ wa ũu eealyũla ethĩwe mũmaitha woo, nake mwene okita nao.</verse>
				<verse number="11">Nĩvo ĩndĩ walilikanile mĩthenya ya tene, Mose na andũ make, akyasya, Aĩva ũla wamaumisye ũkanganĩ vamwe na aĩthi ma ndĩthya yake ya mbũi na malondu? Aĩva ũla wekĩie Veva wake mũtheu katĩ woo?</verse>
				<verse number="12">Ũla watumie kw’oko kwake kũtheu kũtongoesya kw’oko kwa aũme kwa Mose, ũla wataanisye manzĩ mbee woo, eseũvĩsye mwene syĩtwa ya tene na tene?</verse>
				<verse number="13">Ũla wamatongoesye mavĩtĩle syũngũnĩ, ta mbalasi weũnĩ, matikalulutĩke?</verse>
				<verse number="14">O ta indo ila itheeaa mwandanĩ now’o Veva wa Yeova wamathũmũisye: now’o watongoeasya andũ maku, wĩseũvĩsye mwene syĩtwa ĩnene</verse>
				<verse number="15">Sisya wĩ ĩtunĩ, noisisya wĩ wĩkalonĩ wa ũtheu waku na wa ũnene waku: ũthangaau waku na meko maku ma vinya maĩva? Mea ma ngoo yaku na matei maku nĩmeũsiĩĩwa maikambikĩe.</verse>
				<verse number="16">Nũndũ nue Asa waitũ, o na kau Avalaamu ndeũtũmanya, na Isilaeli ndeũtwĩtĩkĩla: we, ame Yeova, wĩ Asa waitũ; syĩtwa yaku nĩ Mwovosya waitũ kuma tene tene.</verse>
				<verse number="17">Ame Yeova, wĩtũvĩtĩthya nzĩa syaku nũndũ wa kĩ, na kũmya ngoo sitũ ieke ũkũkĩa? Kwondũ wa athũkũmi maku tũnga mbaĩ sya ũtiĩwa waku.</verse>
				<verse number="18">Andũ maku atheu nĩmekalile naw’o ĩvinda ĩnini kĩ: nthũ sitũ nikinyangĩte vandũ vaku vatheu.</verse>
				<verse number="19">Nĩtũtw’ĩkĩte ta ala mataasumbĩkwa nue nongi, ta ala mataaĩtanĩw’a na syĩtwa yaku.</verse>
			</chapter>
			<chapter number="64">
				<verse number="1">A! Kethĩwa nũtembũa matu, kethĩwa nũtheea kũũ nthĩ, nĩ kana iĩma itetemee mbee waku,</verse>
				<verse number="2">o ta mwaki yĩla ũũvĩvya kĩtheka, na mwaki ũũtheũkya manzĩ; nĩ kana ũmanyĩthye nthũ syaku syĩtwa yaku, nĩ kana i mbaĩ itetemee mbee waku!</verse>
				<verse number="3">Yĩla weekie maũndũ ma ũtĩsya ala tũtaasũanĩa, nĩvo watheeie nthĩ, iĩma syatetemea mbee waku.</verse>
				<verse number="4">Nũndũ kuma tene andũ matyaaĩw’a, o na matyaakwata na kũtũ makamanya, o na itho yĩtyaaona Ngai ũngĩ ate o we, ũla ũtetheeasya ũla ũmweteelaa.</verse>
				<verse number="5">We nũthaũaa ũla ũtanaa na kwĩkaa ũlũngalu, ala makũlilikanaa nzĩanĩ syaku: sisya, waĩ mũthilĩku, naitũ nĩtwavĩtisye: nĩtwĩkalĩte nthĩnĩ wamo ĩvinda ĩasa; na ithyĩ tũkatangĩĩwa?</verse>
				<verse number="6">Nũndũ ithyonthe nĩtũtw’ĩkĩte ta ũmwe mũvuku, na molũngalu maitũ onthe mailyĩ ta ngũa mbuku mũno: na ithyonthe nĩtũvovaa ta ĩtũ; na mothũku maitũ nĩmeũtũtwaa ta kĩseve.</verse>
				<verse number="7">Na vati ũmwe wĩkaĩlaa syĩtwa yaku, ũla wĩvindũaa mwene akwĩkwatye; nũndũ nũtũvithĩte ũthyũ waku, na nũtũminĩte kwondũ wa mothũku maitũ.</verse>
				<verse number="8">Ĩndĩ yu, ame Yeova, nue Asa waitũ; ithyĩ twĩ yũmba, na nue mũmbi waitũ; na ithyonthe twĩ wĩa wa kw’oko kwaku.</verse>
				<verse number="9">Ndũkathilĩke mũno, ame Yeova, o na ndũkalilikane ũthũku tene na tene: sĩsya, ũketee, nĩtũũkwĩkaĩla, ithyonthe twĩ andũ maku.</verse>
				<verse number="10">Ndũa syaku ntheu nĩtw’ĩkĩte weũ, Saioni nĩtw’ĩkĩte weũ, na Yelusaleme ĩanzo.</verse>
				<verse number="11">Nyũmba yaitũ ntheu na mbanakavye, ĩla aaithe maitũ makũtaĩĩaa nthĩnĩ wayo nĩvĩvĩtw’e na mwaki; na kũndũ kwĩtũ kw’onthe kwa kwendeesya nĩkũtw’ĩkĩthĩtw’e kũthei.</verse>
				<verse number="12">Ukeesiĩĩa kwondũ wa maũndũ asu, ame Yeova ũkavindya ki, na kũtũthĩn’ya mũno?</verse>
			</chapter>
			<chapter number="65">
				<verse number="1">Nĩngwĩsũvĩka nĩ ala mataangũlya; nĩnonekete nĩ ala mataamantha: mbaĩ ĩla ĩtaaĩtanĩw’a na syĩtwa yakwa nĩnamĩtavisye, Nzisya, nzisya.</verse>
				<verse number="2">Nĩnĩmatambũũkĩsye andũ ang’endu moko makwa mũthenya mũima, ala maendaa mũendelenĩ ũte mũseo, makĩatĩĩa mosũanĩo moo ene;</verse>
				<verse number="3">andũ ala manthatasya ũthyũnĩ wakwa mavinda onthe, makĩthemba mĩũndanĩ, na kũtoeeesya ũvani ĩũlũ wa mavali;</verse>
				<verse number="4">ala mekalaa nthĩ katĩ wa mbũa, na kũkoma kũndũ kĩmbithĩnĩ; ala maĩsaa nyama sya ngũlũe, na mũsavũ wa syĩndũ imenetwe wĩ mĩionĩ yoo;</verse>
				<verse number="5">ala maasya, Ũngama weka, ndũkanthengeee, nũndũ nyie nĩ mũtheu kwĩ we. Asu nĩ syũki manyiũũnĩ makwa, mwaki ũla wakanaa mũthenya w’onthe.</verse>
				<verse number="6">Sisya, nĩkũandĩkĩtwe mbee wakwa: Ndikavindya, ĩndĩ ngaĩvanĩsya, ĩĩ, ngaĩvanĩsya kĩthũinĩ kyoo,</verse>
				<verse number="7">mothũku menyu ene na mothũku ma aaĩthe menyu vamwe, easya ũu Yeova, ala matoeeesye ũvani iĩmanĩ na kũnumĩa tũlĩmanĩ: kwondũ wa ũu ngamba kũthimĩa wĩa woo kĩthũinĩ kyoo.</verse>
				<verse number="8">Ũũ nĩw’o Yeova ũnũkwasya, O tondũ mbinyu mbĩthĩ yonekaa kĩtũngonĩ, na ũmwe easya, Ndũkakyanange, nũndũ ũathimo wĩ nthĩnĩ wakyo: now’o ngeka kwondũ wa athũkũmi makwa, nĩ kana ndikamanange onthe.</verse>
				<verse number="9">Na ngaumya ũsyao nthĩnĩ wa Yakovo, na mũtiĩwa wa iĩma syakwa kuma nthĩnĩ wa Yuta; na anyuve makwa makatiĩwa yo, na athũkũmi makwa makatũaa kw’o.</verse>
				<verse number="10">Na Saioni ĩkeethĩwa kĩsesi kya ndĩthya sya mbũi na malondu, na mwanda wa Akoli vandũ va ndĩthya sya ng’ombe kũtindiaa, kwondũ wa andũ makwa ala mamanthie nyie.</verse>
				<verse number="11">Ĩndĩ inyw’ĩ ala mũtiaa Yeova, ala mũlawa nĩ kĩĩma kyakwa kĩtheu, ala mwalanasya mesa kwondũ wa ngai yĩtawa Ũthwii, na ala musũasya mĩio mbinyu ĩvulanĩtw’e kwondũ wa ngai yĩtawa Ĩvuso;</verse>
				<verse number="12">ngamũtw’ĩĩa inyw’ĩ kũawa na ũvyũ, na inyw’onthe mũkakunama mũawe; nĩkwĩthĩwa yĩla neetanie, mũtyaaĩtĩka; yĩla naneenie, mũtyaaĩw’a; ĩndĩ nĩmweekie ũla nonaa wĩ ũthũku, na mwanyuva ũla ndaatanĩa.</verse>
				<verse number="13">Kwondũ wa ũu Mwĩaĩi Yeova easya atĩĩ, Sisya, athũkũmi makwa makaĩsaa, ĩndĩ inyw’ĩ mũkeethĩwa na nzaa; sisya, athũkũmi makwa makanyusaa ĩndĩ inyw’ĩ mũkeethĩwa na waũni: sisya, athũkũmi makwa makatanaa, ĩndĩ inyw’ĩ mũkasonokw’a;</verse>
				<verse number="14">sisya, athũkũmi makwa makainaa ũndũ wa ũtanu wa ngoo, ĩndĩ inyw’ĩ mũkaĩaa ũndũ wa kĩmako kya ngoo, na mũkakaya ũndũ wa woo wa veva.</verse>
				<verse number="15">Na mũkatia syĩtwa yenyu yĩthĩwe kĩumo kwa anyuve makwa; na Mwĩaĩi Yeova akakũaa; na akeeta athũkũmi syĩtwa yĩngĩ:</verse>
				<verse number="16">nĩ kana ũla wĩĩathimaa mwene kũũ nthĩ akeeathimaa nthĩnĩ wa Ngai wa w’o, na ũla wĩĩvĩtaa kũũ nthĩ, akeevĩtaa na Ngai wa w’o; nĩkwĩthĩwa mathĩna ma mbee nĩmolĩte, na nĩkwĩthĩwa nĩmavithĩtwe ũndũ ndatonya kũmona.</verse>
				<verse number="17">Nũndũ, sisya, nĩngũmba matu meũ na nthĩ nzaũ; na maũndũ ma mbee matikalilikanwa, o na matikalika kĩlilikanonĩ.</verse>
				<verse number="18">Ĩndĩ ĩthĩwai na mũyo na mũitanĩaa tene na tene kĩla nũmbaa; nũndũ, sisya, nĩngũmba Yelusaleme yĩthĩwe ya kũtanĩthya, na andũ mayo methĩwe ũtanu.</verse>
				<verse number="19">Na ngatanĩaa Yelusaleme, na kũtanĩaa andũ makwa; na kũtikew’ĩka nthĩnĩ wayo ĩngĩ wasya wa kũmeta na wasya wa kũĩa.</verse>
				<verse number="20">Kũtikethĩwa kw’o ĩngĩ kaũkenge ka mĩthenya, kana mũtumĩa ũla ũtaaĩanĩsya mĩthenya yake; nũndũ kana kakakusaa ke ka myaka ĩana, na mũndũ mwathe e wa myaka ĩana akw’a akethĩwa e mũumanĩe.</verse>
				<verse number="21">Na makaaka nyũmba, na kũtũa nthĩnĩ wasyo; na makavanda mĩũnda ya mĩsavivũ, na makaya ũsyao wayo.</verse>
				<verse number="22">Matikaka na ũngĩ aitũa; matikavanda na ũngĩ aiya; nũndũ o tondũ mũtĩ wĩan’ya mĩthenya now’o kũkethĩwa mĩthenya ya andũ makwa, na anyuve makwa makatanĩaa wĩa wa moko moo ĩvinda ĩasa.</verse>
				<verse number="23">Matikathĩnĩa wĩa mana, o na matikasyaĩa thĩna; nũndũ nĩ ũsyao wa ala aathime ma Yeova, na ũsyao woo vamwe nao.</verse>
				<verse number="24">Na kũkeethĩwa atĩ, matanamba kũmbĩkaĩla, ngeetĩka; na o yĩla meũneena, ngeew’a.</verse>
				<verse number="25">Nzũi na katena ka ĩlondu ikaya vamwe, na mũnyambũ ũkaya nyeki ta ng’ombe; na mũthanga ũkeethĩwa lĩu wa nzoka. Kũikew’anĩthw’a woo kana kwanangana kĩĩmanĩ kyakwa kyonthe kĩtheu, easya ũu Yeova.</verse>
			</chapter>
			<chapter number="66">
				<verse number="1">Ũũ nĩw’o Yeova ũnũkwasya, Ĩtu nĩ kĩvĩla kyakwa kya ũsumbĩ, na nthĩ nĩ kavĩla kakwa kya nyaĩĩ: mũkambakĩa nyũmba ĩilyĩ ata? Na nĩ va vakethĩwa vandũ vakwa va ũthũmũa?</verse>
				<verse number="2">Nũndũ kw’oko kwakwa nĩkũmbĩte syĩndũ ii syonthe, na kwondũ wa ũu syĩndũ ii syonthe syeethĩwa, easya ũu Yeova; ĩndĩ mũndũ ũũ nĩwe nĩsiasya, o ũla ngya na wĩ na veva wa kwĩlila, na ũla ũtetemaa ũndũ wa ndeto yakwa.</verse>
				<verse number="3">Ũla wũaaa ng’ombe ailyĩ ta ũla wũaaa mũndũ; ũla ũthembaa katena ka ĩlondu, ta ũla ũtũlaa ngingo ya ngitĩ; ũla ũthembaa nthembo ya mũtu, ta ũla ũthembaa nthakame ya ngũlũe; ũla ũtoeeasya ũvumba, ta ũla ũathimaa mũvw’anano. Ĩĩ, nĩmanyuvĩte nzĩa syoo, na thayũ woo nũtanĩaa mothatyo moo:</verse>
				<verse number="4">nakwa nganyuva o mokengani moo, na ngamaetee maũndũ ala makĩaa; nĩkwĩthĩwa yĩla neetanie, vai ũmwe waaĩtĩka; yĩla naneenie, matyaaĩw’a: ĩndĩ nĩmeekie ũla nonaa wĩ ũthũku, na manyuva ũla ndaatanĩa.</verse>
				<verse number="5">Ĩw’ai ndeto ya Yeova, inyw’ĩ ala mũtetemaa ũndũ wa ndeto yake: Ana‐a‐ĩthe menyu ala mamũmenaa, ala mamwĩkasya nza kwondũ wa syĩtwa yakwa, nĩmaĩtye, Yeova nataĩwe, nĩ kana twone ũtanu wenyu; ĩndĩ nĩmo makasonokw’a.</verse>
				<verse number="6">Wasya wa kĩtuu kuma ndũanĩ, wasya kuma ĩkalũnĩ, wasya wa Yeova ũla ũĩvaa amaitha make.</verse>
				<verse number="7">Atanamba kwaũnya asyaa, atanambĩlĩlya kwĩw’a woo, asyaa kana ka kavĩsĩ.</verse>
				<verse number="8">Nũũ wewie ũndũ ta ũsu? Nũũ wonie maũndũ ta asu? Nthĩ ĩkasyawa mũthenya ũmwe? Mbaĩ ĩkasyawa o ĩmwe? Nũndũ o yĩla Saioni waũnyie nĩwasyaie syana syake.</verse>
				<verse number="9">Ngavikya va kũsyaa, na ndituma kũsyawa? Easya ũu Yeova: nyie ũla ndumaa kũsyawa ngatuma kũtasyawa? Easya ũu Ngai waku.</verse>
				<verse number="10">Tanai vamwe na Yelusaleme, na ĩthĩwai na mũyo ũndũ wayo, inyw’onthe ala mũmyendaa: tanai vamwe nayo ũtanu mũnene, inyw’onthe ala mũmĩmeteaa;</verse>
				<verse number="11">nĩ kana mwonge nondo sya ũkiakisyo wayo na mwĩthĩwe mũvũnĩte; nĩ kana mũkame, na mũitanw’a nĩ wingĩ wa ndaĩa yayo.</verse>
				<verse number="12">Nũndũ ũũ nĩw’o Yeova ũnũkwasya, Sisya, ngamĩvikĩsya mũuo ta ũsĩ ũvingĩte ũkakĩla: na inyw’ĩ mũkoonga; mũkakuwa na ĩvava, na mũkathakĩw’a maunĩ.</verse>
				<verse number="13">Ta ũla ũkiakiaw’a nĩ nyinyia, now’o ngamũkiakisya; na mũkakiakiĩaw’a Yelusaleme.</verse>
				<verse number="14">Na mũkoona, na ngoo yenyu ĩkatana, na mavĩndĩ menyu makaneneva ta nyeki ya vuvĩ: na kw’oko kwa Yeova kũkamanyĩka kwa athũkũmi make; na akamathatĩa amaitha make.</verse>
				<verse number="15">Nũndũ, sisya, Yeova akooka e na mwaki, na makasya make makeethĩwa ta kĩlingi; aĩve na wai ũthatu wake, na ũkan’yo wake e na mũĩ sya mwaki.</verse>
				<verse number="16">Nũndũ Yeova akasilĩla mĩĩ yonthe na mwaki, na ũvyũ wake; na ala meũawa nĩ Yeova makeethĩwa aingĩ.</verse>
				<verse number="17">Ala mevathanasya na kwĩthesya ene malike mĩũndanĩ, ĩtina wa mũtĩ ũmwe wĩ katĩ, makĩya nyama sya ngũlũe, na kĩla kĩmenetwe. O na kavĩla, nao makaminwa vamwe, easya ũu Yeova.</verse>
				<verse number="18">Nũndũ nĩnĩsĩ mawĩa moo na mosũanĩo moo: ĩvinda nĩyũkĩte yĩla ngomban’ya mbaĩ syonthe na ithyomo syonthe; na ikooka na kwona ũtheu mũtisu wakwa.</verse>
				<verse number="19">Na ngaia ũvano katĩ wasyo, na ngatũma ala mevonoka katĩ wasyo maende mbaĩnĩ, ku Talisisi, na Vulu, na Luti, ila ikootaa ũta, maende ku Tuvali na Yavani, na ithamanĩ ila syĩ kũasa, ila itaaĩw’a nguma yakwa, o na itaaona ũtheu mũtisu wakwa; na makatavan’ya ũnene wakwa katĩ wa i mbaĩ.</verse>
				<verse number="20">Na makaete ana‐a‐ĩthe menyu onthe kũmaumya mbaĩnĩ syonthe methĩwe nthembo kwa Yeova, matũlĩte mbalasi, na makasya, na mĩsekeseke, na nyũmbũ, na ngamĩle sya mũika, mavike kĩĩmanĩ kyakwa kĩtheu Yelusaleme, easya ũu Yeova, o tondũ ana ma Isilaeli maetae nthembo yoo yĩ kĩndũnĩ kĩtheu nyũmbanĩ ya Yeova.</verse>
				<verse number="21">O na ngoosa katĩ woo andũ methĩwe athembi na Alivai, easya ũu Yeova.</verse>
				<verse number="22">O ũndũ matu meũ na nthĩ nzaũ ila ngomba ĩkekalaa mbee wakwa, now’o ũsyao wenyu na syĩtwa yenyu ikekalaa, easya ũu Yeova.</verse>
				<verse number="23">Na kũkeethĩwa, kuma mwei ũmwe watisa kũvika ũla ũngĩ, na kuma mũthenya ũmwe wa savato kũvika ũla ũngĩ, mĩĩ yonthe ĩkookaa kũthaitha mbee wakwa, easya ũu Yeova.</verse>
				<verse number="24">Na makaumaala, na kũsisya simba sya andũ ala mambĩtanĩsye: nũndũ kĩinyu kyoo kĩtikakw’a, o na mwaki woo ndũkavow’a; na makeethĩwa kĩthĩtha kwa mĩĩ yonthe.</verse>
			</chapter>
		</book>
		<book number="24">
			<chapter number="1">
				<verse number="1">Ndeto sya Yelemia mwana wa Ilikia, wa athembi ala maĩ Anathothi nthĩ ya Mbenyamini:</verse>
				<verse number="2">ũla wokĩwe nĩ ndeto ya Yeova mĩthenyanĩ ya Yosia mwana wa Amoni, mũsumbĩ wa Yuta, mwaka wa ĩkũmi na ĩtatũ wa kũsumbĩka kwake.</verse>
				<verse number="3">O na nĩyokie mĩthenya ya Yeoiakimu mwana wa Yosia, mũsumbĩ wa Yuta, kũvika mũminũkĩlyo wa mwaka wa ĩkũmi na ũmwe wa kũsumbĩka kwa Nzetekia, mwana wa Yosia, mũsumbĩ wa Yuta, kũvika kũtavwa kwa Yelusaleme mwei wa katano.</verse>
				<verse number="4">Na ndeto ya Yeova yambũkĩa, ĩkĩmbĩa,</verse>
				<verse number="5">Ndanamba ũkũmbĩa ĩvunĩ nĩnakwĩsĩ, na ũtanamba kuma ĩvunĩ nĩnakũvathie wĩthĩwe mũtheu; nĩnakwiie wĩthĩwe mwathani kwa ĩ mbaĩ.</verse>
				<verse number="6">Nĩvo ĩndĩ naisye, A! Mwĩaĩi Yeova! Sisya, ndiũmanya kũneena; nũndũ nyie nĩ kana.</verse>
				<verse number="7">Ĩndĩ Yeova ambĩa, Ndũkasye, Nyie nĩ kana; nũndũ ũkathi kwa o ũla nĩkũtũma, na o ũndũ nĩkwĩaĩa ũkaneena.</verse>
				<verse number="8">Ndũkakĩe nũndũ woo; nũndũ nĩ vamwe naku kũũvonokya, easya ũu Yeova.</verse>
				<verse number="9">Nĩvo ĩndĩ Yeova watambũũkisye kw’oko kwake, na akiita kanyw’a wakwa; na Yeova ambĩa, Sisya, nĩnĩkĩĩte ndeto syakwa kanyw’anĩ waku:</verse>
				<verse number="10">sisya, ũmũnthĩ nĩnakwia wĩthĩwe mũnene wa i mbaĩ na wa mosumbĩ, kũkũa na kũomboa na kwananga na kũng’uthũla, kwaka na kũvanda.</verse>
				<verse number="11">Na ĩngĩ ndeto ya Yeova yambũkĩa, ĩkĩngũlya, Yelemia, wĩona kyaũ? Nakwa nasya, Nĩngwona ndata ya mũtĩ wa mũlosi.</verse>
				<verse number="12">Na ĩndĩ Yeova ambĩa, Nĩwoona nesa: nũndũ nĩsyaĩĩsyaa ndeto yakwa nĩmĩanĩsye.</verse>
				<verse number="13">Na ndeto ya Yeova yambũkĩa ĩvinda ya kelĩ, ĩkĩngũlya, Wĩona kyaũ? Nakwa nasya, Nĩngwona kĩteve kĩkĩtheũka: nĩkyonanĩtye kanyw’a wakyo kuma ngalĩ ya ĩũlũ.</verse>
				<verse number="14">Nĩvo ĩndĩ Yeova wambĩie, Kuma ngalĩ ya ĩũlũ ũthũku ũkamaumĩlĩla onthe ala matũaa ĩ nthĩ.</verse>
				<verse number="15">Nũndũ, sisya, ngeeta mĩvĩa yonthe ya mosumbĩ ma ngalĩ ya ĩũlũ, easya ũu Yeova; na ĩkooka, na kĩla ũmwe wayo ũkaũngamya kĩvĩla kyaw’o kya ũsumbĩ vandũ va ũlikĩla mbingĩlonĩ sya Yelusaleme, na vakuvĩ na maũvai onthe mayo ngalĩ syonthe, na vakuvĩ na ndũa syonthe sya Yuta.</verse>
				<verse number="16">Na ngamatavya motw’ĩo makwa kwondũ wa ũthũku woo w’onthe, nũndũ nĩmandiĩte, na kwitoeesya ngai ingĩ ũvani, na kũthaitha mawĩa ma moko moo ene.</verse>
				<verse number="17">Kwondũ wa ũu ĩvotoe kĩnyunyu kyaku, noyũkĩla, ũneene nao w’onthe ũla ngũkwĩaĩa: ndũkatevw’e nĩmo, ndikese ũkũteaesya mbee woo.</verse>
				<verse number="18">Nũndũ, sisya, ũmũnthĩ nĩnakũtw’ĩkĩthya ndũa mbiie, na kĩtuĩ kya kĩaa, na maũvai ma ũthuku, ĩũlũ wa nthĩ yonthe, na ĩũlũ wa asumbĩ ma Yuta, na ĩũlũ wa anene mayo me mbee ũsumbĩnĩ, na ĩũlũ wa athembi mayo, na ĩũlũ wa andũ ma ĩ nthĩ.</verse>
				<verse number="19">Nao makokita naku; ĩndĩ maikakũtonya: nũndũ nyie nĩ vamwe naku kũũvonokya, easya ũu Yeova.</verse>
			</chapter>
			<chapter number="2">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Enda, ũneene na wasya mũnene matũnĩ ma Yelusaleme, ũkyasya, Ũũ nĩw’o Yeova ũnũkwasya, Nĩngũlilikana ũndũ waku ũseo wa wana waku, wendo wa kwĩvaw’a kwaku; ũndũ wangatĩĩie weũnĩ, nthĩ ĩla ĩtaĩ mbande.</verse>
				<verse number="3">Isilaeli aĩ mũtheu kwa Yeova, mosyao ma mbee ma wingĩvo wake: onthe ala makamũya makatalwa avĩtan’ya; ũthũku ũkamokĩa, easya ũu Yeova.</verse>
				<verse number="4">Ĩw’ai ndeto ya Yeova, inyw’ĩ nyũmba ya Yakovo, na mĩvĩa yonthe ya nyũmba ya Isilaeli:</verse>
				<verse number="5">Ũũ nĩw’o Yeova ũnũkwasya, Nĩ ũndũ wĩva ũla ũte ũlũngalu aaĩthe menyu moonie nthĩnĩ wakwa, ũndũ maendie kũasa nakwa, na kũatĩĩa maũndũ ma mana, na matw’ĩkĩte mate kĩĩĩ?</verse>
				<verse number="6">O na matyaakũlya, Aĩva Yeova ũla watumisye nthĩ ya Misili, ũla watũtongoesye weũnĩ, nthĩ yĩ malata na maima, nthĩ yĩ mũnyao na kyuu kya kĩkw’ũ, nthĩ ĩla ĩtavĩtĩlwa nĩ mũndũ, na ĩla ĩtatũwa nĩ andũ?</verse>
				<verse number="7">Nakwa namũete nthĩ yĩ lĩu mwingĩ, mũye ũsyao wayo na ũseo wayo; ĩndĩ yĩla mwalikile, mwamĩthũkya nthĩ yakwa, na mwatw’ĩkĩthya ũtiĩwa wakwa ũthatyo.</verse>
				<verse number="8">Athembi matyaakũlya, Yeova aĩva? Na ala mekalaa na ĩla mĩao matyambĩsĩ: na asumbĩki nao mambĩtanĩsya, na athani mathana na syĩtwa ya Mbaali, na maatĩĩa maũndũ ala mataunaa.</verse>
				<verse number="9">Kwondũ wa ũu ngatetan’ya nenyu, easya Yeova, na ngatetan’ya na esũkũũu.</verse>
				<verse number="10">Ĩndĩ ingai mũende ithama sya Kitimu, mwone; na tũmanai Ketali, mũkĩsũanĩa mũno; mũmanye ethĩwa kwaĩ ũndũ wailyĩ ũu.</verse>
				<verse number="11">Kwĩ mbaĩ yaakũan’ya ngai syayo, o na kaũ ti ngai? Ĩndĩ andũ makwa nĩmakũanisye ũtheu woo na kĩla kĩtauna.</verse>
				<verse number="12">Seng’ai, inyw’ĩ matu, kwondũ wa ũndũ ũsu, na kĩai mũno, valaanĩkai, easya ũu Yeova.</verse>
				<verse number="13">Nũndũ andũ makwa nĩmekĩte mothũku elĩ: nĩmandiĩte nyie, nthongo ya manzĩ ma thayũ, na nĩmeyakĩĩte ithima, ithima mbatũku, ĩla itatonya kwĩkalya manzĩ.</verse>
				<verse number="14">Isilaeli nĩ mũthũkũmi? Nĩ ngombo ĩla yasyaĩwe kwoo? Atw’ĩkĩte mũtavo nĩkĩ?</verse>
				<verse number="15">Mĩnyambũ ya mũika nĩyamũtundumĩe, na kĩlumo kĩnene; na nĩyanangĩte nthĩ yake: ndũa syake nĩ mbĩvye, iti mũndũ.</verse>
				<verse number="16">O na andũ ma ndũa sya Memivisi na Tavanesi nĩmakũnĩte lolotya wa mũtwe waku.</verse>
				<verse number="17">Tuue weeyĩkie ũndũ ũsu, nũndũ nĩwatiie Yeova Ngai waku, yĩla wakũtongoesye nzĩanĩ?</verse>
				<verse number="18">Na yu wĩĩka ata nzĩanĩ ĩsu yĩendete Misili, kũnyw’a manzĩ ma Sioli? Kana wĩĩka ata nzĩanĩ yĩendete Asuli, kũnyw’a manzĩ ma ũla Ũsĩ?</verse>
				<verse number="19">Ũthũku waku ũkakũsilĩla, na kũsyoka na ĩtina kwaku kũkakũkan’ya: manya ĩndĩ wone nĩ ũndũ ũthũku na wĩ ũũ, ũmũtiĩte Yeova Ngai waku, na kũngĩa kũi nthĩnĩ waku, easya ũu Mwĩaĩi, Yeova wa nguthu.</verse>
				<verse number="20">Nũndũ kuma tene nĩwatũlile ĩsoki yaku, na kũtw’a syĩndũ syaku sya kwovwa nasyo; na wasya, Ndikathũkũma; nũndũ kĩla kalĩmanĩ katũlu na ĩtina wa kĩla mũtĩ mwĩũ nĩweekunamisye, ũkĩka ũmalwaya.</verse>
				<verse number="21">Ĩndĩ nyie nakũvandie mũsavivũ mũseo, mbeũ ya w’o ki: ũalyũkĩte ata ĩndĩ ũtw’ĩke kwakwa mbonge ite nzeo sya mũsavivũ wa kũngĩ?</verse>
				<verse number="22">Nũndũ o na ethĩwa wĩthamba na ĩati, na kwosa savuni mwingĩ, ũthũku waku nũandĩkĩtwe mbee wakwa, easya ũu Mwĩaĩi Yeova.</verse>
				<verse number="23">Ũtonya ata kwasya, Ndivukĩtw’e, ndyaaatĩĩa Mbaalimu? Sisya nzĩa yaku mwandanĩ, ũmanye ũndũ wĩkĩte: wĩ ngamĩle ya mũika ĩendaa mĩtũkĩ ĩkĩenda nzĩanĩ syayo;</verse>
				<verse number="24">ĩng’oi ya kĩthekanĩ yĩsĩ weũ, ĩla yĩvũngaa kĩseve yĩla yĩ na mũmeo; ĩvinda yayo nũũ ũtonya kũyĩsiĩĩa? Onthe ala mayĩmanthaa maikenosya; mweinĩ wayo makayona.</verse>
				<verse number="25">Siĩĩa kũũ kwaku kũikalee kwĩthĩwa na kĩatũ, na mũmeo waku ndũkethĩwe na waũnĩ. Ĩndĩ we waisye, Nĩ mana; aiee, nũndũ nĩnĩmendete aeni, na ngamaatĩĩaa.</verse>
				<verse number="26">O tondũ kĩng’ei kĩsonokaa kyakwatwa, now’o nyũmba ya Isilaeli ĩsonokaa; mo, asumbĩ moo, anene moo me mbee ũsumbĩnĩ, na athembi moo, na athani moo;</verse>
				<verse number="27">ala matavasya kĩtina kya mũtĩ, Nue nau wakwa; na ĩvia, Nue wanzyaie: nũndũ nĩmambonetye mĩongo, na ti ũthyũ; ĩndĩ ĩvinda ya thĩna woo makasya, Ũkĩla, ũtũtangĩĩe.</verse>
				<verse number="28">Ĩndĩ ngai syaku ila weeseũvĩsye iĩva? Syũkĩle, ethĩwa nitonya ũkũtangĩĩa ĩvinda ya thĩna waku: nũndũ ngai syaku syĩanene na ũtalo wa ndũa syaku, we Yuta.</verse>
				<verse number="29">Mwĩtetan’ya nakwa nĩkĩ? Mũmbĩtanĩĩtye inyw’onthe, easya ũu Yeova.</verse>
				<verse number="30">Nĩkũnĩte syana syenyu mana; nũndũ ityaaĩtĩkĩla kũkanw’a: ũvyũ wenyu nũminĩte athani menyu, o tondũ mũnyambũ wanangaa.</verse>
				<verse number="31">We nzyawa, sisya ndeto ya Yeova. Nyie naĩ weũ kwa Isilaeli? Kana naĩ nthĩ yĩ kĩvindu kya ngokomi? Nũndũ wa kĩ andũ makwa mekwasya, Nĩtwatw’a mĩkwa; tũikakũsyokea ĩngĩ?</verse>
				<verse number="32">Mwĩitu mũtheu nũtonya kũlwa nĩ mawanake make, kana mũtwawa nĩ ngũa syake? Ĩndĩ andũ makwa nĩmolĩtwe ninyie mĩthenya ĩtatalĩka.</verse>
				<verse number="33">Ko nũseũvasya mũendele waku ũmanthe wendo! Kwondũ wa ũu o na aka athũku nũmamanyĩthĩtye mĩendele yaku.</verse>
				<verse number="34">O na ngũanĩ syaku nĩkwonekete nthakame ya andũ ngya mate na ĩvĩtyo: ndinamyona ũndũ wa kũmantha mũno; ĩndĩ o ĩũlũ wa ii syonthe.</verse>
				<verse number="35">Ĩndĩ naku wasya, Ndi na ĩvĩtyo; nĩ w’o ũthatu wake nũalyũlĩtwe kuma kwakwa. Sisya, ngakwatya sila naku, nũndũ nũkwasya, Ndinavĩtya.</verse>
				<verse number="36">Ũendaa kũũ na kũũ ũalyũle nzĩa yaku nĩkĩ? Ũkasonoka ũndũ wa Misili nayo, o tondũ wasonokie ũndũ wa Asuli.</verse>
				<verse number="37">Kuma kw’o ũkauma, wilĩĩle moko maku mũtwe: nũndũ Yeova nũleete ala wĩkwatasya, na ndũkaathimĩka wĩ namo.</verse>
			</chapter>
			<chapter number="3">
				<verse number="1">Nao measya, Ethĩwa mũndũ akaeka mũka wake, nake akauma kwake, na kũtwawa nĩ mũndũ ũngĩ, ũ mũndũ mũũme wa mbee akamũsyokea ĩngĩ? Nthĩ ĩsu ndĩkathũkwa mũno? Ĩndĩ we nĩwĩkĩte ũmalwaya na anyanyau aingĩ, na ĩndĩ nũnzyokea ĩngĩ, easya ũu Yeova.</verse>
				<verse number="2">Ũngalalya metho maku kũndũ kũtũlu kũthei, wone; nĩ va vala ũtakomewa nakũ? Wailyĩ ũtee wa nzĩa ũmeteele, ta Mwalavu weũnĩ; na nũthũkĩtye nthĩ na ũmalwaya waku na ũthũku waku.</verse>
				<verse number="3">Kwondũ wa ũu mĩono ya mbua yasiĩĩwa ndĩkaue, na vatyaĩ mbua yasiĩĩwa ndĩkaue, na vatyaĩ mbua ya uũa; ĩndĩ we waĩ na kĩtulya kya ĩlwaya, na walea kũsonoka.</verse>
				<verse number="4">Kuma yu ũkeengaĩla, ũkyasya, Nau wakwa, nue mũtongoi wa wana wakwa?</verse>
				<verse number="5">Akeethĩwa na ũthatu tene na tene? Akekala naw’o kũvika mũminũkĩlyo? Sisya, nũneenete na nĩwĩkĩte maũndũ mathũku, na nũvikĩlĩte nzĩa yaku mwene.</verse>
				<verse number="6">Na ĩngĩ Yeova angũlya mĩthenyanĩ ya mũsumbĩ Yosia, Nĩwoonie ũndũ Isilaeli ũla wasyokie na ĩtina wekie? Nĩwambatie ĩũlũ wa kĩla kĩĩma kĩtũlu na ĩtina wa kĩla mũtĩ mwĩũ, na ku nĩwekĩe ũmalwaya.</verse>
				<verse number="7">Aminĩte kwĩka maũndũ asu onthe, nyie nasya, Akanzyokea; ĩndĩ ndaasyoka: na mwĩĩtu‐a‐inyia Yuta ũla nzeleke oona ũndũ ũsu.</verse>
				<verse number="8">Nakwa noona, yĩla, kwondũ wa kĩtumi o kĩĩ kya atĩ Isilaeli ũla wasyokie na ĩtina nĩwĩkĩte ũlaalai, namũekie na kũmũnenga valũa wa kũtaanĩsya, Yuta mwĩĩtu‐a‐inyia ũla nzeleke ndaakĩa; ĩndĩ nake athi na eeka ũmalwaya.</verse>
				<verse number="9">Na kweethĩwa kwondũ wa ũvũthũ wake wa kwĩka ũlaalai, nthĩ yathũkw’a, nake eeka ũlaalai kwa kũatĩĩa mavia na matina ma mĩtĩ.</verse>
				<verse number="10">Ĩndĩ o na ũu w’onthe mwĩĩtu‐a‐inyia Yuta ũla nzeleke ndanamba kũnzyokea na ngoo yake yonthe, ĩndĩ no ũkengani, easya ũu Yeova.</verse>
				<verse number="11">Na Yeova ambĩa, Isilaeli ũla wasyokie na ĩtina nĩwĩyonanĩtye nĩ mũlũngalu kwĩ Yuta ũla nzeleke.</verse>
				<verse number="12">Enda, ũtavan’ye ndeto ii kwelekela ngalĩ ya ĩũlũ, ũiasya, Syoka, we Isilaeli ũla wasyokie na ĩtina, easya ũu Yeova; ndikakũsisya nĩ mũthatu; nũndũ nĩ wa tei, easya Yeova, ndikekala na ũthatu tene na tene.</verse>
				<verse number="13">Ĩndĩ umbũla ũthũku waku, kana nĩwamũvĩtanĩsye Yeova Ngai waku, na nĩwanyaĩĩkisye mĩendele yaku ũithi kwa aeni ĩtina wa kĩla mũtĩ mwĩũ na mũtyaaĩthukĩĩsya wasya wakwa, easya ũu Yeova.</verse>
				<verse number="14">Syokai, inyw’ĩ syana ila mwasyokie na ĩtina, easya ũu Yeova; nũndũ nĩ mũũme wenyu: na ngamwosa inyw’ĩ, ũmwe wa ndũa, na elĩ ma mũvĩa, na ngamũete Saioni</verse>
				<verse number="15">Na ngamũnenga aĩthi kwĩanana na ngoo yakwa, ala makamũĩthasya ũĩ na ũmanyi.</verse>
				<verse number="16">Na kũkeethĩwa, mwaingĩva na kwongeleka mwĩ nthĩ, mĩthenya ĩsu, easya Yeova, matikaneena ĩngĩ, Ĩsandũkũ ya ũtianĩo ya Yeova; o na yĩtikethĩwa mosũanĩonĩ; o na matikayĩlilikana; o na matikayĩendea; o na matikayĩseũvya ĩngĩ.</verse>
				<verse number="17">Ĩvinda yĩu makeeta Yelusaleme kĩvĩla kya ũsumbĩ kya Yeova; na mbaĩ syonthe ikoombanĩw’a vo Yelusaleme, kwondũ wa syĩtwa ya Yeova: o na matikaatĩĩa ĩngĩ ngũlũ sya ngoo yoo nthũku.</verse>
				<verse number="18">Mĩthenya ĩsu nyũmba ya Yuta ĩkaendan’ya na nyũmba ya Isilaeli, na makakomana kuma nthĩ yĩ ngalĩ ya ĩũlũ kũvika nthĩ ĩla namanengie aaĩthe menyu yĩthĩwe ũtiĩwa.</verse>
				<verse number="19">Ĩndĩ nasya, Ngakũlikya ata syananĩ, na ũkũnenga nthĩ ya kwendeesya, ũtiĩwa mũseo wa nguthu sya mbaĩ? Na ĩngĩ nasya, Mũkambĩta Nau Wakwa, na mũtikethyũũa na kũeka kũngatĩĩa.</verse>
				<verse number="20">Nĩ w’o o tondũ kĩveti nzeleke kĩmũtiaa mũũme, o ta ũu nĩmwambĩkie ũseleke, inyw’ĩ nyũmba ya Isilaeli, easya ũu Yeova.</verse>
				<verse number="21">Wasya nũkwĩw’ĩka kũndũ kũtũlu kũthei, iĩo na mawĩsũvano ma ana ma Isilaeli; nĩkwĩthĩwa nĩmelelũkĩtye mũendele woo, nĩmolĩtwe nĩ Yeova Ngai woo.</verse>
				<verse number="22">Syokai inyw’ĩ syana ila mwasyokie na ĩtina, ngavosya kũsyoka na ĩtina kwenyu. Sisya, nĩtwakũkĩa; nũndũ nue Yeova Ngai waitũ.</verse>
				<verse number="23">Nĩ w’o nĩ mana ũtethyo ũla weteelwe kuma tũlĩmanĩ, ĩkomano yĩkĩlonzan’ya yĩ iĩmanĩ: nĩ w’o ũtangĩĩo wa Isilaeli wĩ nthĩnĩ wa Yeova Ngai waitũ.</verse>
				<verse number="24">Ĩndĩ ũndũ ũsu wĩ nthoni nũminĩte wĩa wa aaĩthe maitũ, kuma wana witũ, ndĩthya syoo sya mbũi na malondu na ndĩthya syoo sya ng’ombe, ana moo na eĩtu moo.</verse>
				<verse number="25">Tũkomei nthoninĩ sitũ, na kĩthokoo kitũ kĩtũvw’ĩke; nũndũ nĩtwamũvĩtanĩsye Yeova Ngai waitũ, ithyĩ na aaĩthe maitũ, kuma wana witũ kũvika ũmũnthĩ; na tũtyaaĩthukĩĩsya wasya wa Yeova Ngai waitũ.</verse>
			</chapter>
			<chapter number="4">
				<verse number="1">Ethĩwa ũkasyoka, we Isilaeli, easya Yeova, ethĩwa ũkanzyokea, na ethĩwa ũkaveta mothatyo maku nĩeke ũmona; nĩvo ĩndĩ ndũkavetwa;</verse>
				<verse number="2">nĩvo ĩndĩ ũkevĩta na w’o, na sila wa katĩ, na ũlũngalu atĩĩ, O tondũ Yeova wĩ thayũ; na i mbaĩ ikeeathima nthĩnĩ wake, na nthĩnĩ wake ikeekathĩĩa.</verse>
				<verse number="3">Nũndũ ũũ nĩw’o Yeova ũnũũmea aũme ma Yuta na Yelusaleme, Ĩnzai maei menyu, na mũikavande mĩw’anĩ.</verse>
				<verse number="4">Ĩyaĩkei mwĩthĩwe ma Yeova, mumye ikonde sya ngoo syenyu, inyw’ĩ aũme ma Yuta na inyw’ĩ ala matwĩe Yelusaleme; ũthilĩku wakwa ndũkese kumĩla ta mwaki, na kwakana ũndũ mũndũ ũtatonya kũũvosya, nũndũ wa ũthũku wa meko menyu.</verse>
				<verse number="5">Tavan’yai nthĩ ya Yuta, na mũinyaĩĩkĩsya Yelusaleme; mũkyasya, Vuvai soo ĩũlũ wa nthĩ: ũkĩlyai wasya mũnene mũno, mũkyasya, Ũmbanai vamwe, na tũilika ndũanĩ mbiie.</verse>
				<verse number="6">Ũngamyai kĩvevelo kwelekela Saioni: kĩai mũvonoke, mũtiketeele; nũndũ ngaete ũthũku kuma ngalĩ ya ĩũlũ, na wanangĩko mũnene.</verse>
				<verse number="7">Mũnyambũ nĩwumĩte kĩthekanĩ kyaw’o, na mwanangi wa mbaĩ; e nzĩanĩ yake, nũminĩte kuma vandũ vake, atw’ĩkĩthye nthĩ yaku nthei, nĩ kana ndũa syaku syĩthĩwe maanzo, ite mũndũ witwĩe.</verse>
				<verse number="8">Kwondũ wa ũu ĩvotoe makunia, meta na kũkaya; nũndũ ũthatu mwai wa Yeova ndũnaalyũlwa wume kwitũ.</verse>
				<verse number="9">Na kũkethĩwa mũthenya ũsu, easya Yeova, kana ngoo ya mũsumbĩ ĩkakw’a, na ngoo sya anene me mbee ũsumbĩnĩ; na athembi makaseng’a, na athani makasaanĩw’a.</verse>
				<verse number="10">Nĩvo ĩndĩ naisye, A! Mwĩaĩi Yeova! Vate ndĩi nũmakengete mũno andũ aa na Yelusaleme, ũkĩmea, Mũkeethĩwa na mũno; ĩndĩ ũvyũ nũvikĩte thayũnĩ.</verse>
				<verse number="11">Ĩvinda yĩu andũ aa na Yelusaleme makatavw’a atĩĩ, Kĩseve kĩvyũ kuma kũndũ kũtũlu kũthei weũnĩ kwelekela mwĩĩtu wa andũ makwa, ti kya kũũlũkya. Kana kya kũthesya;</verse>
				<verse number="12">kĩseve kĩnene kuma kũndũ kũu kĩkooka kwondũ wakwa: yu ngamaumĩsya motw’ĩo.</verse>
				<verse number="13">Sisya, akookĩla ta mathweo, na makasya make ma kaũ makeethĩwa ta kĩlingi: mbalasi syake syĩ mĩtũkĩ kwĩ ndiũ. Woo nĩ witũ! Nũndũ nĩtwaanangwa.</verse>
				<verse number="14">We Yelusaleme, thambya ngoo yaku ũthũku wume, nĩ kana ũtangĩĩwe. Mosũanĩo maku mathũku makekala nthĩnĩ waku kũvika ĩndĩĩ?</verse>
				<verse number="15">Nũndũ wasya nũtavanasya kuma Ndani, na kũnyaĩĩkya ũthũku kuma tũlĩmanĩ twa Evalaimu.</verse>
				<verse number="16">Manyĩthyai i mbaĩ; sisyai, tavanĩsyai Yelusaleme, kana asyaĩĩsya nĩmokĩte kuma nthĩ yĩ kũasa, na kumya wasya woo ĩũlũ wa ndũa sya Yuta.</verse>
				<verse number="17">O ta asyaĩĩsya ma mũũnda nĩmathyũlũlũkĩte ngalĩ syonthe, nĩkwĩthĩwa nĩwang’endee, easya ũu Yeova.</verse>
				<verse number="18">Nzĩa yaku na meko maku nĩmakũetee maũndũ aa; ũsu nĩw’o ũthũku waku; nũndũ wĩ ũũ, nũndũ nĩvikĩte ngoonĩ yaku.</verse>
				<verse number="19">Woo wakwa, woo wakwa! Nĩngwalw’a ngoonĩ yakwa nthĩnĩ; ngoo yakwa nĩkũmbũavũan’ya; nditonya kũvindya; nũndũ nĩwĩw’ĩte, we thayũ wakwa wasya wa soo, mbu ya kaũ.</verse>
				<verse number="20">Wanangĩko ĩũlũ wa wanangĩko nũtavanaw’a; nũndũ nthĩ yonthe nĩtw’ĩkĩthĩtw’e nthei: maeema makwa nĩmanangĩtwe na kĩthũlũmũko, na ngũa syakwa sya kũtũta kavinda o kau.</verse>
				<verse number="21">Ngoona kĩvevelo, na kwĩw’a wasya wa soo kũvika ĩndĩĩ?</verse>
				<verse number="22">Nũndũ andũ makwa nĩ atumanu, matimbĩsĩ; nĩ syana ndumanu, na iti na ũmanyi; syĩ na ũĩ wa kwĩka ũthũku, ĩndĩ iti na ũmanyi wa kwĩka ũseo.</verse>
				<verse number="23">Nasisya nthĩ, na, kaĩ, yaĩ nthei na ndĩaĩ kĩndũ; na nasisya matu, na matyaĩ na kyeni.</verse>
				<verse number="24">Nasisya iĩma, na, kaĩ, syatetema, na tũlĩma tw’onthe twathingithanga kũũ na kũũ.</verse>
				<verse number="25">Nasisya, na, kaĩ, vatyaĩ mũndũ, na nyũnyi syonthe sya yayaya nĩsyakĩie.</verse>
				<verse number="26">Nasisya, na, kaĩ, mũũnda ũla waĩ na ũsyao watw’ĩkĩte ĩei, na ndũa syonthe syaw’o nĩsyaomboetwe mbee wa ũthyũ wa Yeova, na mbee wa ũthatu wake mwai.</verse>
				<verse number="27">Nũndũ ũũ nĩw’o Yeova ũnũkwasya, Nthĩ yonthe ĩkeethĩwa nthei; ĩndĩ ndikamamina vyũ.</verse>
				<verse number="28">Kwondũ wa ũu nthĩ ĩkameta, na matu ĩũlũ makeethĩwa maiũ; nĩkwĩthĩwa nĩneenete ũu, nĩtw’ĩte ũu, na ndinelila, o na ndikethyũũa na kũeka ũndũ ũsu.</verse>
				<verse number="29">Kĩla ndũa nĩkĩaa kwondũ wa kĩlonzo kya andũ matũlĩte mbalasi, na andũ me na mata; malikaa ithekanĩ, na kwambata ĩũlũ wa mavia: kĩla ndũa nĩ ndie, na vai mũndũ ũtwĩe nthĩnĩ wayo.</verse>
				<verse number="30">Naku, yĩla wĩtw’ĩkĩthw’a ĩei, ũkeeka ata? O na ethĩwa wĩĩvw’ĩka ngũa ndune mũno, o na ethĩwa wĩĩseũvya na mawanake ma thaavu, o na ethĩwa wĩnenevya metho maku na langi, nũkwĩseũvya mana; endwa maku nĩmeũkũvũthya, nĩmeũmantha thayũ waku.</verse>
				<verse number="31">Nũndũ nĩneewie wasya ũilyĩ wa mũndũ mũka akyaũnya, woo ũilyĩ wa ũla ũsyaa kana kake ka mbee, wasya wa mwĩĩtu wa Saioni, ũla ũvevũũkaa, na kũtambũũkya moko make, akyasya, Woo nĩ wakwa yu! Nũndũ thayũ wakwa nũũthelekelela mbee wa oaani.</verse>
			</chapter>
			<chapter number="5">
				<verse number="1">Sembai kũũ na kũũ nzĩanĩ nene sya Yelusaleme, mwone yu, na kũmanya, na kũmantha kũndũnĩ kũla kwaamu kwayo, ethĩwa mũtonya kwona mũndũ, ethĩwa ve ũmwe ũla wĩkaa ũlũngalu, ũla ũmanthaa w’o; na ngamĩeka.</verse>
				<verse number="2">O na ethĩwa measya, O tondũ Yeova wĩ thayũ; vate ndĩi meĩvĩta ũvũngũ.</verse>
				<verse number="3">Ame Yeova, metho maku matiũsisya ũ w’o? Nũmakũnĩte, ĩndĩ matyaaĩw’a woo; nũmanangĩte, ĩndĩ nĩmaleete kũkanw’a: nĩmomĩtye mothyũ moo kũvĩtũka ĩvia; nĩmaleete kũsyoka.</verse>
				<verse number="4">Nĩvo ĩndĩ naisye, Vate ndĩi aa nĩ ngya; nĩ atumanu; nũndũ matyĩsĩ nzĩa ya Yeova, kana mĩao ya Ngai woo:</verse>
				<verse number="5">ngathi vala ve andũ anene, na kũneena nao; nũndũ asu nĩmesĩ nzĩa ya Yeova, na mĩao ya Ngai woo. Ĩndĩ aa na ngoo ĩmwe nĩmatũlĩte ĩsoki, na kũtw’a syĩndũ movetwe nasyo.</verse>
				<verse number="6">Kwondũ wa ũu mũnyambũ ũla wĩuma mũtitũnĩ ũkamoaa, nzũi ĩla yũkaa mawĩoo ĩkamamina, ngo ĩkooveesya ndũanĩ syoo; kĩla mũndũ ũla wĩumaala akatilangwa ilungu; nĩkwĩthĩwa mavĩtyo moo nĩ maingĩ, na kũsyoka na ĩtina kwoo nĩkwongelekile.</verse>
				<verse number="7">Ndonya ata ũkũekea? Ana maku nĩmandiĩte, na kwĩvĩta na isu ite ngai. Yĩla namavũnĩthisye na lĩu, mekaa ũlaalai, na kũmbana vamwe nguthu nguthu nyũmbanĩ sya malwaya;</verse>
				<verse number="8">mailyĩ mbalasi iĩthĩtw’e ikavũna ikyanganga; kĩla ũmwe aimwanĩsya mũka wa mũtũi wake.</verse>
				<verse number="9">Ndikasilĩla nũndũ wa maũndũ asu? Easya ũu Yeova; na thayũ wakwa ndũkeĩvanĩsya mbaĩnĩ ĩilyĩ ĩno?</verse>
				<verse number="10">Ambatai maũvainĩ mayo, na kwananga; ĩndĩ mũikamĩmine vyũ: vetai mbonge syayo; nũndũ ti sya Yeova.</verse>
				<verse number="11">Nũndũ nyũmba ya Ĩsilaeli na nyũmba ya Yuta nĩsyambĩkie ũseleke, easya ũu Yeova.</verse>
				<verse number="12">Nĩmamũkaĩĩte Yeova, na kwasya, Ti we: o na ũthũku ndũkatũkĩa; o na tũikona ũvyũ kana yũa:</verse>
				<verse number="13">na athani makatw’ĩka kĩseve, na ndeto iti nthĩnĩ woo: ũu nĩw’o makekwa.</verse>
				<verse number="14">Kwondũ wa ũu Yeova Ngai wa nguthu, easya atĩĩ, Nũndũ nĩmũneenaa ndeto ĩno, sisya, ngatw’ĩkĩthya ndeto syakwa mwaki kanyw’anĩ waku, na andũ aa ngamatw’ĩkĩthya ngũ, na ũkamamina.</verse>
				<verse number="15">Sisya, ngamũetee mbaĩ kuma kũasa, inyw’ĩ nyũmba ya Isilaeli, easya ũu Yeova: nĩ mbaĩ yĩ vinya, nĩ mbaĩ ya tene, mbaĩ ĩla ũtesĩ kĩthyomo kyayo, o na ũtamanya ũndũ ĩkwasya.</verse>
				<verse number="16">Thyaka woo nĩ mbũa mbingũe, onthe nĩ ngũmbaũ.</verse>
				<verse number="17">Na makaya ngetha yaku, na lĩu waku, ũla ana maku na eĩtu maku maĩle kũya; makaya ndĩthya syaku sya mbũi na malondu na ndĩthya syaku sya ng’ombe; makaya mĩsavivũ yaku na mĩkũyũ yaku; makaomboanga na ũvyũ ndũa syaku mbiie, ila wĩkwatasya.</verse>
				<verse number="18">Ĩndĩ o na mĩthenya ĩsu ndikamũmina vyũ, easya ũu Yeova.</verse>
				<verse number="19">Na kũkeethĩwa, yĩla mwĩasya, Nũndũ wa kĩ Yeova Ngai waitũ watwĩkie maũndũ aa onthe? Nĩvo ũkamea, O tondũ mwandiie, na kũthũkũmĩa ngai ngeni nthĩ yenyu, o ta ũu mũkathũkũmĩa aeni nthĩ ĩte yenyu.</verse>
				<verse number="20">Tavan’yai ndeto ii nyũmbanĩ ya Yakovo, na mũinyaĩĩkya nthĩnĩ wa Yuta, mũkyasya,</verse>
				<verse number="21">Yu ĩw’ai ũu, inyw’ĩ andũ atumanu, mũte na ũmanyi; ala mwĩ na metho, na mũtyonaa; ala mwĩ na matũ na mũtyĩw’aa:</verse>
				<verse number="22">Mũtingĩa? Easya Yeova: mũtitetema mbee wakwa, nyie ũla naiie kĩthangathĩ kĩthĩwe mũvaka wa ũkanga, ũndũ ũtatonya kũkĩla, ũtw’ĩo wa tene na tene? O na ethĩwa itulumo syaw’o niĩyũkĩlangya, ititonya kũkĩlya vinya; o na ethĩwa niũlitũka ititonya kũkĩla.</verse>
				<verse number="23">Ĩndĩ andũ aa me na ngoo ya ũlei na ũng’endu; nĩmang’endeie na mathi.</verse>
				<verse number="24">O na matineenaa ngoonĩ syoo, Yu tũmũkĩe Yeova Ngai waitũ, ũla uasya mbua, ĩla ya nthwa na ya uũa, ĩvinda yayo; ũla wiaa kwondũ witũ syumwa ila itw’ĩtwe sya ngetha.</verse>
				<verse number="25">Mothũku menyu nĩmaalyũlĩte maũndũ asu, na naĩ syenyu nĩsyamũsiĩĩe ũseo.</verse>
				<verse number="26">Nũndũ andũnĩ makwa nĩvekwoneka andũ athũku: nĩmekwoveesya, o tondũ asyĩmi ma nyũnyi moveeasya; nĩmeũtea kĩtei, na maikwatya andũ.</verse>
				<verse number="27">O tondũ kyũũ kyusũawa nyũnyi, now’o nyũmba syoo syusũĩtw’e ũkengani: kwondũ wa ũu nĩmatw’ĩkĩte anene, namakathua.</verse>
				<verse number="28">Nĩmanoete mũno, na makatendea: ĩĩ, nĩmathonokete na kwĩka meko mathũku; maimateteaa ala makw’ĩĩwe nĩ aaĩthe, nĩ kana maunĩke; na maimatw’ĩĩaa ala athĩni ũndũ ũmaĩle.</verse>
				<verse number="29">Ndikasilĩla ũndũ wa maũndũ asu? Easya ũu Yeova; thayũ wakwa ndũkeĩvanĩsya mbaĩnĩ ĩilyĩ ĩno?</verse>
				<verse number="30">Ũndũ wa ũseng’ya na wa kũtĩsya nĩweekĩkie nthĩ ĩno:</verse>
				<verse number="31">athani nĩmathanaa ũvũngũ, na athembi nĩmasumbĩkaa me mokonĩ moo; na andũ makwa nĩmendaa ũu: na mũminũkĩlyo mũkeeka ata?</verse>
			</chapter>
			<chapter number="6">
				<verse number="1">Indũkai, inyw’ĩ syana sya Mbenyamini, mume Yelusaleme, na mũivuvĩa soo ndũanĩ ya Tekoa, na kũkĩlya kĩvevelo ĩũlũ wa Mbethi‐akelemu; nũndũ ũthũku nũũsisya kuma ngalĩ ya ĩũlũ, na wanangĩko mũnene.</verse>
				<verse number="2">Mwĩĩtu wa Saioni, ũla mũmbe nesa na mwanake, ngaveta.</verse>
				<verse number="3">Aĩthi me na ndĩthya syoo sya mbũi na malondu makooka vala ũĩ; makamba maeema moo makĩmũthyũlũlũka ngalĩ syonthe; makaĩsĩaa kĩla ũmwe vala ũĩ.</verse>
				<verse number="4">Ĩyũmbany’ei kũkita nake; ũkĩlai, twambate syũa yaũngama. Woo nĩ witũ! Nũndũ mũthenya nũũthela, nũndũ myuunyĩ ĩ ya wĩoo nĩyĩkootete.</verse>
				<verse number="5">Ũkĩlai twambate ũtukũ, tũkanange nyũmba syake mbanakavye.</verse>
				<verse number="6">Nũndũ ũũ nĩw’o Yeova wa nguthu ũneenete, Temai mĩtĩ, myũmbĩĩe Yelusaleme kĩvumbu: ĩsu nĩyo ndũa ya kũsilĩlwa; nĩyusũĩte mothĩn’yo ki nthĩnĩ wayo.</verse>
				<verse number="7">O tondũ kĩthima kyumasya manzĩ makyo, o ta ũu ndũa ĩsu nĩvulutasya ũthũku wayo: ũng’endu na wanangĩko nikwĩw’ĩka nthĩnĩ wayo; mowau na mawũkite me mbee wakwa mavinda onthe.</verse>
				<verse number="8">Manyĩw’a, we Yelusaleme, ngoo yakwa ndĩkese kũtaanĩsya naku; ndikese ũkũtw’ĩkĩthya nthi, nthĩ ĩtatwĩe andũ.</verse>
				<verse number="9">Ũũ nĩw’o Yeova wa nguthu ũnũkwasya, Makeethĩan’ya vyũ ũtialo wa Isilaeli ta mũsavivũ: tũnga kw’oko kwaku ikavũnĩ ta mũtwi wa nzavivũ.</verse>
				<verse number="10">Nganeena naũ na kumya ũkũsĩ, nĩ kana mew’e? Sisya, matũ moo ti maĩke, na maitonya kwĩw’a: sisya, ndeto ya Yeova nĩyatw’ĩkie kwoo ya kũvũthw’a; maiũmĩtanĩa.</verse>
				<verse number="11">Kwondũ wa ũu nĩnusũĩtwe nĩ ũthilĩku wa Yeova; nĩ na mĩnoo ũndũ wa kwĩsiĩĩa: wonosye syananĩ syĩ nzĩanĩ nene, na ũmbanonĩ wa anake me vamwe; nũndũ o na mũũme vamwe na mũka makooswa, ũla mũkũũ vamwe na ũla mũtumĩu mũno.</verse>
				<verse number="12">Na nyũmba syoo ikeethĩwa sya angĩ, mĩũnda yoo na iveti syoo vamwe; nũndũ ngamatambũũkĩsya andũ ala matwĩe ĩ nthĩ kw’oko kwakwa, easya ũu Yeova.</verse>
				<verse number="13">Nũndũ kuma ũla mũnini woo kũvika ũla mũnene woo kĩla ũmwe nũatĩĩaa ĩtomo; na kuma mwathani kũvika mũthembi kĩla ũmwe nũkenganaa.</verse>
				<verse number="14">Nĩmavoisye vanini ĩkũna ya andũ makwa, makyasya, Mũuo, mũuo; yĩla vate mũuo.</verse>
				<verse number="15">Nĩmasonokie yĩla meekie ũthatyo? Aiee, matyaasonoka nongi, o na nthoni sya mothyũ ityaoneka: kwondũ wa ũu makavalũka katĩ wa ala mavalũkaa; ĩvinda yĩla ngamasilĩla makavalũkw’a nthĩ, easya ũu Yeova.</verse>
				<verse number="16">Ũũ nĩw’o Yeova ũnũkwasya, Ũngamai nzĩanĩ mwone, na mũikũlya nzĩa sya tene, vala ve nzĩa nzeo; na mũienda nayo, na mũkoonea ngoo syenyu ũthũmũo: ĩndĩ masya, Tũtikaenda nayo.</verse>
				<verse number="17">Nakwa nĩnamwiĩe asyaĩĩsya, ngyasya, Ĩthukĩĩsyei wasya wa soo; ĩndĩ masya, Tũtikethukĩĩsya.</verse>
				<verse number="18">Kwondũ wa ũu ĩw’ai, inyw’ĩ mbaĩ, na mũimanya, inyw’ĩ ũmbano, kĩla kĩ katĩ woo.</verse>
				<verse number="19">Ĩw’a, we nthĩ: sisya, ngamaetee andũ aa ũthũku, o ũsyao wa mosũanĩo moo, nĩkwĩthĩwa matyaaĩthukĩĩsya ndeto syakwa; na mĩao yakwa nĩmamĩleile.</verse>
				<verse number="20">Nĩ ũndũ wa kĩ ũvumba nũũetwe kwakwa kuma Sieva, na ithua kuma nthĩ yĩ kũasa mũno? Nthembo syenyu sya kũvĩvw’a itikwĩtĩkĩlwa, o na nthembo syenyu sya kũtonywa itiũmbendeesya.</verse>
				<verse number="21">Kwondũ wa ũu Yeova easya atĩĩ, Sisya, ngaia molulutĩkyo mbee wa andũ aa; na aaĩthe na ana vamwe makalulutĩkw’a nĩmo; mũtũi na mũnyanyae makaaa.</verse>
				<verse number="22">Ũũ nĩw’o Yeova ũnũkwasya, Sisya, ũko wa andũ nĩwũkĩte kuma nthĩ ya ngalĩ ya ĩũlũ; na mbaĩ nene ĩkookĩlw’a kuma itulunĩ sya nthĩ.</verse>
				<verse number="23">Nao makwete mata na matumo; nĩ ai, na mati na tei; wasya woo nũlitũka ta ũkanga, na matũlĩte mbalasi, kĩla ũmwe nĩwĩtaũĩtye, ta mũndũ wa kaũ, kũkita naku, we mwĩĩtu wa Saioni.</verse>
				<verse number="24">Nĩtwĩw’ĩte ĩsyũ ya ũvoo ũsu; moko maitũ nĩmaleelete: thĩna nũtũkwete, na woo ta wa mũndũ mũka akyaũnya.</verse>
				<verse number="25">Mũtikaume mũende mũũndanĩ, kana kũtambũka nzĩanĩ; nũndũ ũvyũ wa mũmaitha, na motĩsyo, syĩ ngalĩ syonthe.</verse>
				<verse number="26">We mwĩĩtu wa andũ makwa, ĩvotoe makunia, na kwĩyalalya mũunĩ: meta ta ũũmetea mwana e ũmwe; kĩĩo kĩnene kĩ woo; nũndũ mwanangi akatũkĩa na kĩthũlũmũko.</verse>
				<verse number="27">Nĩngũtw’ĩte wĩthĩwe mwako mũtũlu wa mũnyoolo na ngome andũnĩ makwa; nĩ kana ũmanye na kũtata nzĩa yoo.</verse>
				<verse number="28">Asu onthe nĩ alei athũku, ala maendaa makĩsukana; nao nĩ ũthuku na kĩaa: onthe nĩmekaa ũthũku.</verse>
				<verse number="29">Mua nũuutaa na vinya; ĩvulũ nĩyĩvĩvaw’a na mwaki: nĩ mana kwoo kũendeea na wĩa wa kũthesya; nũndũ athũku matiũvetwa.</verse>
				<verse number="30">Andũ makameta masyũlyo ma vetha, nũndũ Yeova nũmaleete.</verse>
			</chapter>
			<chapter number="7">
				<verse number="1">Ndeto ĩla yamũkĩe Yelemia kuma kwa Yeova, ĩkĩmwĩa,</verse>
				<verse number="2">Ũngama mbingĩlonĩ ya nyũmba ya Yeova, ũtavanĩsye vo ndeto ĩno, wasye, Ĩw’ai ndeto ya Yeova, inyw’onthe ma Yuta, ala mũvotelaa mbingĩlonĩ ii mũthaithe Yeova.</verse>
				<verse number="3">Ũũ nĩw’o Yeova wa nguthu, Ngai wa Isilaeli, ũnũkwasya, Lũngalyai mĩendele yenyu o na meko menyu, na ngamwĩkalya vandũ vaa.</verse>
				<verse number="4">Mũtikaĩkĩĩe ndeto sya ũvũngũ, mũkyasya, Ĩkalũ ya Yeova, ĩkalũ ya Yeova, ĩkalũ ya Yeova, nĩ yĩĩ.</verse>
				<verse number="5">Nũndũ ethĩwa mũkalũngalya vyũ mĩendele yenyu o na meko menyu; ethĩwa mũkasilanasya w’o mũndũ na mũtũi wake,</verse>
				<verse number="6">ethĩwa mũtikathĩn’ya mwĩkali wa ũeninĩ, na ũla wakw’ĩĩwe nĩ ĩthe, na mũndũ mũka ndiwa, na mũtiketĩkya nthakame ĩte na ĩvĩtyo vandũ vaa, kana kũatĩĩa ngai ingĩ ila imũnengae wasyo:</verse>
				<verse number="7">nĩvo ĩndĩ ngamwĩkalya vandũ vaa, nthĩ ĩla namanengie aaĩthe menyu, kuma tene o na kũvika tene na tene.</verse>
				<verse number="8">Sisyai, nĩmwĩkwatĩtye ndeto sya ũvũngũ, ila itatonya kũuna.</verse>
				<verse number="9">Mũkooyaa, na kũaaa, na kũlaalaaa, na kwĩvĩtaa movũngũ, na kũmũtoeeasya Mbaali ũvani, na kũatĩĩaa ngaĩ ingĩ ila mũtaamanya,</verse>
				<verse number="10">na ĩndĩ mũyũka na kũũngama mbee wakwa nyũmbani ĩno, ĩla yĩtanĩaw’a na syĩtwa yakwa, na kwasya, Ithyĩ twĩ avonoku; nĩ kana mwĩke mothatyo aa onthe?</verse>
				<verse number="11">Nyũmba ĩno ĩla yĩtanĩaw’a na syĩtwa yakwa, nĩyatw’ĩkie ngunga ya avutani methonĩ menyu? Sisya, nyie, o nyie, nĩnonete ũu, easya ũu Yeova.</verse>
				<verse number="12">Ĩndĩ yu endai vandũ vakwa vala vaĩ kũu Silo, vala nekalilye syĩtwa yakwa mbee, mwone ũndũ navekie kwondũ wa ũthũku wa andũ makwa Isilaeli.</verse>
				<verse number="13">Na yu, nĩkwĩthĩwa nĩmwĩkĩte maũndũ aa onthe, easya Yeova, na naneena nenyu, ngyũkĩla tene na ngĩneena, ĩndĩ mũtyaaĩw’a; nanamwĩta, ĩndĩ mũtyaambĩtĩka:</verse>
				<verse number="14">kwondũ wa ũu, o tondũ neekie Silo now’o ngamĩka nyũmba ĩla yĩtanĩaw’a na syĩtwa yakwa, ĩla mwĩkwatĩtye, na vandũ vala namũnengie inyw’ĩ na aaĩthe menyu.</verse>
				<verse number="15">Na ngamũlũngya nĩeke ũmwona, o tondũ namalũngilye ana‐a‐au onthe, o ũsyao w’onthe wa Evalaimu.</verse>
				<verse number="16">Kwondũ wa ũu ndũkamavoyee andũ aa, o na ndũkaokĩlye kĩĩo kana mboya kwondũ woo, o na ndũkaambĩsũve; nũndũ ndikakwĩw’a.</verse>
				<verse number="17">Ndũkwona ũndũ mekaa ndũanĩ sya Yuta na nzĩanĩ nene sya Yelusaleme?</verse>
				<verse number="18">Syana niuna ngũ, na aaĩthe mavuva mwaki, na aka meũmba ngũmbwa, mamũseũvĩsye mũsumbĩ mũndũ mũka wa ĩtunĩ tũmũtũ, na kwĩtĩa ngai ingĩ nthembo sya kũnyuwa, nĩ kana manthatye.</verse>
				<verse number="19">Nĩmeũnthatya? Ekũlya ũu Yeova; matikwĩthatya ene, mothyũ moo methĩwe na nthonĩ?</verse>
				<verse number="20">Kwondũ wa ũu Mwĩaĩi Yeova easya atĩĩ: Sisya, ũthatu wakwa, na ũthilĩku wakwa ũkoonow’a vandũ vaa, andũnĩ, na nyamũnĩ, na mĩtĩnĩ ya mũũnda, na ũsyaonĩ wa nthĩ; na ũkakana, na ndũkavoeka.</verse>
				<verse number="21">Ũũ nĩw’o Yeova wa nguthu, Ngai wa Isilaeli, ũnũkwasya: Vulan’yai nthembo syenyu sya kũvĩvw’a vamwe na nthembo syenyu sya kũtonywa, mũye nyama.</verse>
				<verse number="22">Nũndũ ndyaaneena na aaĩthe menyu, kana kũmeaĩa mũthenya ũla namaumisye nthĩ ya Misili, ũndũ wa nthembo sya kũvĩvw’a kana nthembo sya kũtonywa:</verse>
				<verse number="23">ĩndĩ nameaĩe ũndũ ũũ, ngyasya, Ĩthukĩĩsyei wasya wakwa, na ngeethĩwa Ngai wenyu, na mũkeethĩwa andũ makwa; na kinyaai nzĩanĩ yonthe ĩla ngũmwĩaĩa, nĩ kana kwĩthĩwe ũseo kwenyu.</verse>
				<verse number="24">Ĩndĩ matyaaĩthukĩĩsya, kana kũtea matũ moo, ĩndĩ nĩmakinyaa motaonĩ moo ene, makĩatĩĩa ngũlũ sya ngoo syoo nthũku, na masyoka na ĩtina, na matyaaendeea mbee.</verse>
				<verse number="25">Kuma mũthenya ũla aaĩthe menyu maumie nthĩ ya Misili kũvika ũmũnthĩ, nĩnĩtũmĩte kwenyu athũkũmi makwa onthe athani, kĩla mũthenya ngyũkĩla tene ngĩmatũma:</verse>
				<verse number="26">ĩndĩ matyaambĩthukĩĩsya, kana kũtea matũ moo, ĩndĩ moomisye ngingo syoo: nĩmeekie naĩ kũvĩtũka aaĩthe moo.</verse>
				<verse number="27">Naku ũkamatavya ndeto ii syonthe; ĩndĩ matikakwĩthukĩĩsya: naku ũkameta; ĩndĩ matikakwĩtĩka.</verse>
				<verse number="28">Na ũkamatavya, Ĩno nĩyo mbaĩ ĩtaethukĩĩsya wasya wa Yeova Ngai wayo, kana kwĩtĩkĩla kũkanw’a: w’o nĩwaĩte, na nũvetetwe kũasa na kanyw’a wayo.</verse>
				<verse number="29">Enza nzw’ĩĩ syaku, we Yelusaleme, wĩkye ĩtheka, noyambĩlĩlya kĩĩo kũndũnĩ kũtũlu kũthei; nũndũ Yeova nũmĩleete na kũmĩtia nzyawa ĩmũthilĩkĩtye.</verse>
				<verse number="30">Nũndũ ana ma Yuta nĩmekĩte ũla nonaa wĩ ũthũku, easya ũu Yeova: nĩmekĩĩte mothatyo moo nyũmbanĩ ĩla yĩtanĩaw’a na syĩtwa yakwa, mamĩvukye.</verse>
				<verse number="31">Na nĩmakĩte kũndũ kũtũlu kwa Tovethi, mwandanĩ wa mwana wa Inomu, mavĩvye ana moo na eĩtu moo na mwaki, ũla ndaawĩaa, o na ndwaalika ngoonĩ yakwa.</verse>
				<verse number="32">Kwondũ wa ũu, sisya, mĩthenya nĩyũkĩte, easya Yeova, vatiketwa Tovethi ĩngĩ, kana Mwanda wa mwana wa Inomu, ĩndĩ vakeetwa Mwanda wa Kũaĩa: nũndũ makenzĩa andũ nthĩ kũu Tovethi, kũvika vathela vandũ va kwĩnzĩa nthĩ.</verse>
				<verse number="33">Na simba sya andũ aa ikethĩwa lĩu wa nyũnyi sya yayaya, na wa nyamũ sya nthĩ; na vaikethĩwa mũndũ wa kwilũngya.</verse>
				<verse number="34">Na ĩvinda yĩu ngaekethya wasya wa kũtheka na wasya wa ũtanu, wasya wa mũtwaani na wasya wa mũtwawa, ndũanĩ sya Yuta na nzĩanĩ nene sya Yelusaleme; nũndũ nthĩ ĩkaanangĩka.</verse>
			</chapter>
			<chapter number="8">
				<verse number="1">Ĩvinda yĩu, easya Yeova, makavukũa na kumya mbũanĩ syamo, mavĩndĩ ma asumbĩ ma Yuta, na mavĩndĩ ma anene make me mbee ũsumbĩnĩ, na mavĩndĩ ma athembi, na mavĩndĩ ma athani; na mavĩndĩ ma andũ matwĩe Yelusaleme;</verse>
				<verse number="2">na makamanĩkĩa syũa, na mwei, na mbee wa nguthu yonthe ya ĩtunĩ, ila mendete, na kwithũkũma, na kwiatĩĩa, na kwimantha, na kwĩthaitha: matikakolanw’a, kana kwĩnzĩwa nthĩ, makethĩwa ta vũũ ĩũlũ wa nthĩ.</verse>
				<verse number="3">Na kĩkw’ũ kũkanyuvwa kũte thayũ nĩ ũtialo w’onthe ũla wĩtiala wa mũvĩa ũũ mũthũku, ala metiala kũndũ kw’onthe kũla namalũngĩlĩĩlye, easya ũu Yeova wa nguthu.</verse>
				<verse number="4">Na ĩngĩ ũkamatavya, Ũũ nĩw’o Yeova ũnũkwasya: Andũ makavalũka, na maikokĩla ĩngĩ? Mũndũ akaathũka, na ndakasyoka?</verse>
				<verse number="5">Nũndũ wa kĩ ĩndĩ andũ aa ma Yelusaleme nĩmasyokete na ĩtina, na kũsyoka na ĩtina kwoo nĩ kwa tene na tene? Nĩmalũmasya ũkengani, nĩmaleaa kũsyoka.</verse>
				<verse number="6">Nethukĩĩsya na neew’a, ĩndĩ matyaaneena w’o: vai mũndũ wĩlila ũndũ wa ũthũku wake, akyasya, Nĩkĩte ata? Kĩla ũmwe nĩwĩthyũũĩe nzĩa yake, ta mbalasi ĩla ĩendaa na vinya kaũnĩ.</verse>
				<verse number="7">Ĩĩ, ĩsaũ ya yayaya nĩyĩsĩ mavinda mayo ala matw’ĩtwe; na ndumbũ na nthũngũlũlũ na kanyange nililikanaa ĩvinda ya kũsyoka kwasyo; ĩndĩ andũ makwa matyĩsĩ mĩao ya Yeova.</verse>
				<verse number="8">Mwĩasya ata, Twĩ oĩ, na mĩao ya Yeova yĩ vamwe naitũ? Ĩndĩ, sisya, kĩandĩki kya ũkengani kya ala aandĩki nĩkĩmĩalyũlĩte yĩthĩwe ũvũngũ.</verse>
				<verse number="9">Andũ oĩ nĩmeũsonokw’a, nĩmeũteva na kũkwatwa: sisya, nĩmaleete ndeto ya Yeova; na nĩ ũĩ mwaũ wĩ nthĩnĩ woo?</verse>
				<verse number="10">Kwondũ wa ũu nganenga angĩ iveti syoo, na mĩũnda yoo nganenga ala makamĩmesya: nũndũ kĩla mũndũ kuma ũla mũnini o na kũvika ũla mũnene mbee nũatĩĩaa kĩwĩu; kuma mwathani o na kũvika mũthembi kĩla ũmwe nũkenganaa.</verse>
				<verse number="11">Na nĩmavoisye vanini ĩkũna ya mwĩĩtu wa andũ makwa, makyasya, Mũuo, mũuo, yĩla vate mũuo.</verse>
				<verse number="12">Nĩmasonokie yĩla meekie ũthatyo? Aiee, matyaasonoka nongi, o na nthoni sya mothyũ ityaoneka: kwondũ wa ũu makavalũka katĩ wa ala mavalũkaa; ĩvinda ya kũsilĩlwa kwoo makavalũkw’a, easya ũu Yeova.</verse>
				<verse number="13">Ngamamina vyũ, easya ũu Yeova: vatikethĩwa nzavivũ mũsavivũnĩ, kana makũyũ mũkũyũnĩ, na ĩtũ yĩkavova; na syĩndũ ila nĩmanengete ikamaĩa.</verse>
				<verse number="14">Twĩkalaa tũvindĩtye nĩkĩ? Tũkomanei, tũlike ndũanĩ mbiie, na twĩkale tũvindĩtye kw’o; nũndũ Yeova Ngai waitũ nũtũvindĩthĩtye, na kũtũnenga manzĩ me ũũ ta nyongo tũnyw’e, nĩkwĩthĩwa nĩtũmũvĩtanĩsye Yeova.</verse>
				<verse number="15">Twamanthaa mũuo, ĩndĩ ũseo ndwaũka; na twamanthaa ĩvinda ya kũvow’a, na, kaĩ, nĩ kũteva!</verse>
				<verse number="16">Kũtiva kwa mbalasi syake nĩ kwĩw’ĩku kuma Ndani: nthĩ yonthe nĩnĩũtetemw’a nĩ wasya wa kwan’ya wa ila syake syĩ vinya; nũndũ nĩ oku, na nĩmanangĩte nthĩ na kyonthe kĩla kĩ nthĩnĩ wayo; ndũa na ala matwĩe nthĩnĩ wayo.</verse>
				<verse number="17">Nũndũ, sisya ngatũma nzoka sya syĩmbuva katĩ wenyu, ila itatonya kũvoovw’a; na ikamũũma, easya ũu Yeova.</verse>
				<verse number="18">A! Kethĩwa ndonya kwĩkiakisya ũndũ wa mawoo! Ngoo yakwa nĩ ndevu nthĩnĩ wakwa.</verse>
				<verse number="19">Sisya, wasya wa kũĩa kwa mwĩĩtu wa andũ makwa kuma nthĩ yĩ kũasa mũno: Yeova nde Saioni? Mũsumbĩ wayo nde vu nthĩnĩ? Nĩkĩ manthatisye na mĩvw’anano yoo myasũvye, na syĩndũ ngeni sya mana?</verse>
				<verse number="20">Ngetha nĩ mbĩtu, ĩvinda ya syũa nĩ ĩthelu, na ithyĩ tũtyaatangĩĩwa.</verse>
				<verse number="21">Kwondũ wa kũkũnwa kwa mwĩĩtu wa andũ makwa nyie nĩnakũniwe: nyie nĩngũmeta; mũtevo nũngwatĩte.</verse>
				<verse number="22">Vati seli vu Ngileati? Vati mũiiti kw’o? Nĩkĩ ĩndĩ kũitonyeka mwĩĩtu wa andũ makwa kũvoeka?</verse>
			</chapter>
			<chapter number="9">
				<verse number="1">A! Kethĩwa mũtwe wakwa nĩ manzĩ, na metho makwa nthongo ya methoi, nĩ kana nĩmaĩĩe mũthenya na ũtukũ ala moaaiwe ma mwĩĩtu wa andũ makwa!</verse>
				<verse number="2">A! Kethĩwa nĩ na vandũ weũnĩ va kũkomya andũ ala maendaa kyalo; nĩ kana ndonye kũtia andũ makwa, na kuma vala maĩ! Nũndũ onthe nĩ ilaalai, ũmbano wa andũ nzeleke.</verse>
				<verse number="3">Na nĩmeũkonza nĩmĩ syoo, o ta ũta woo, maneene ũvũngũ; nao nĩmatw’ĩkie me na vinya ĩ nthĩ, ĩndĩ ti kwondũ wa w’o: nũndũ nĩmaendeeaa kuma ũthũkunĩ kũendeea ũthũkunĩ, na matimbĩsĩ, easya ũu Yeova.</verse>
				<verse number="4">Ĩsũvĩei kĩla ũmwe na mũtũi wake, na mũtikamũĩkĩĩe mwana‐a‐asa o na wĩva; nũndũ kĩla mwana‐a‐asa akoosa vyũ vandũ va ũla ũngĩ, na kĩla mũtũi akaendaa kũũ na kũũ akĩsukana.</verse>
				<verse number="5">Na kĩla ũmwe akakenga mũtũi wake, na kũlea kũneena w’o: nĩmamanyĩĩtye nĩmĩ syoo kũneena movũngũ; nĩmekwĩnosya meke ũthũku.</verse>
				<verse number="6">Ũtũo waku wĩ ũkenganinĩ katĩ; kwondũ wa ũkengani nĩmeũlea kũmanya nyie, easya ũu Yeova.</verse>
				<verse number="7">Kwondũ wa ũu Yeova wa nguthu easya atĩĩ, Sisya, ngamatwekethya, na kũmatata; nũndũ naĩle kwĩka ũndũ ũngĩ wĩva, ũndũ wa mwĩĩtu wa andũ makwa?</verse>
				<verse number="8">Ũĩmĩ woo nĩ mũsyĩ wũaaa; nũneenaa ũkengani: mũndũ nũneenaa na mũuo na mũtũi wake na kanyw’a wake, ĩndĩ ngoonĩ yake nũmwoveeasya.</verse>
				<verse number="9">Ndikamasilĩla ũndũ wa maũndũ asu? Easya ũu Yeova; thayũ wakwa ndũkeĩvanĩsya mbaĩnĩ ĩilyĩ ĩno?</verse>
				<verse number="10">Ngambĩlĩlya kũĩĩa na kũmetea iĩma, na ngambĩlĩlya kĩĩo kwondũ wa isesi sya weũnĩ, nĩkwĩthĩwa nĩ mbĩvye, ũndũ vataendelwa nĩ mũndũ; o na andũ maitonya kwĩw’a wasya wa indo; nyũnyi sya yayaya, o na nyamũ, nikĩĩte, ikathi.</verse>
				<verse number="11">Na ngatw’ĩkĩthya Yelusaleme ivumbu, wĩkalo wa mbĩwa; na ngatw’ĩkĩthya ndũa sya Yuta maanzo, ite mũndũ witũa.</verse>
				<verse number="12">Mũndũ mũĩ nũũ, ũla ũtonya kũmanya ũndũ ũsu? Nake nũũ ũla kanyw’a wa Yeova ũneenete nake, nĩ kana otavan’ye? Nũndũ wa kĩ nthĩ yanangĩkĩte, na kũvĩvw’a ta weũ, ũkethĩa vati mũndũ ũmĩvĩtĩla?</verse>
				<verse number="13">Na Yeova easya, Nĩkwĩthĩwa nĩmatiie mĩao yakwa ĩla naiie mbee woo, na matyaaĩw’a wasya wakwa, o na matyaoatĩĩa,</verse>
				<verse number="14">ĩndĩ nĩmaatĩĩe ngũlũ sya ngoo syoo ene, na kũatĩĩa Mbaalimu, ala aaĩthe moo mamamanyĩisye;</verse>
				<verse number="15">kwondũ wa ũu Yeova wa nguthu, Ngai wa Isilaeli, easya atĩĩ, Sisya, namaathĩsya, o andũ aa, kĩndũ kĩ ũũ, na kũmanenga manzĩ me ũũ ta nyongo manyw’e.</verse>
				<verse number="16">O na ngamanyaĩĩkya mbaĩnĩ, ila mo kana aaĩthe moo mataaimanya; na ngatũma ũvyũ ũmaatĩĩe, kũvika namamina.</verse>
				<verse number="17">Ũũ nĩw’o Yeova wa nguthu ũnũkwasya, Sũanĩai, mũmete aka ma kũĩa, moke; na tũmanai aka ala oĩ, moke:</verse>
				<verse number="18">na mekalaate, na kwambĩlĩlya kĩĩo kwondũ witũ, nĩ kana metho maitũ metĩkye methoi, na ilomo sya metho maitũ syĩtĩkye manzĩ.</verse>
				<verse number="19">Nũndũ wasya wa kĩĩo nũkwĩw’ĩka kuma Saioni. A! Nĩtwanangĩtwe! Nĩtũthokoanĩtw’e mũno, nĩkwĩthĩwa nĩtũtiĩte nthĩ, nĩkwĩthĩwa nĩmaomboangĩte nyũmba sitũ.</verse>
				<verse number="20">Ĩndĩ ĩw’ai ndeto ya Yeova, inyw’ĩ aka, na matũ menyu nĩmose ndeto ya kanyw’a wake; na manyĩsyai eĩtu menyu kĩmeto, na kĩla ũmwe mũtũi wake kĩĩo.</verse>
				<verse number="21">Nũndũ kĩkw’ũ nĩkĩlikĩle mbũthinĩ sitũ, nĩkĩlikĩte nyũmbanĩ sitũ mbanakavye; kĩmine syana itikaumaale nza, na anake matikaumaale nzĩanĩ nene</verse>
				<verse number="22">Ũũ nĩw’o Yeova ũnũkwasya, Neena atĩĩ, Simba sya andũ ikavalũkaa ta vũũ weũnĩ, na ta ngundi ĩtina wa mũkethi; na kũtikethĩwa wa kũsyũmban’ya.</verse>
				<verse number="23">Ũũ nĩw’o Yeova ũnũkwasya, Mũndũ mũĩ ndakekathĩĩe ũĩnĩ wake, na ngũmbaũ ndĩkekathĩĩe ũtonyinĩ wayo, o na mũndũ mũthwii ndakekathĩĩe ũthwiinĩ wake;</verse>
				<verse number="24">ĩndĩ ũla wĩkathĩĩaa nĩekathĩĩe ũndũnĩ ũũ, atĩ e na ũmanyi, na nũmbĩsĩ nyie, kana ninyie Yeova ũla wonanasya ũseo wĩ wendo, na ũsili wa katĩ, na ũlũngalu, kũũ nthĩ: nũndũ nĩtanĩaa maũndũ asu, easya ũu Yeova.</verse>
				<verse number="25">Sisya, mĩthenya nĩyũkĩte, easya Yeova, ĩla ngasilĩla onthe ala aĩke nũndũ mo ti aĩke:</verse>
				<verse number="26">Misili, na Yuta, na Etomu, na ana ma Amimoni, na Moavi, na onthe ala menzawa ithũkũ mĩtwe yoo, ala matũaa weũnĩ; nũndũ mbaĩ syonthe ti mbaĩke, na nyũmba yonthe ya Isilaeli ti mbaĩke ngoonĩ.</verse>
			</chapter>
			<chapter number="10">
				<verse number="1">Ĩthukĩĩsyei ndeto ĩla Yeova ũnũũmũtavya inyw’ĩ, nyũmba ya Isilaeli:</verse>
				<verse number="2">Ũũ nĩw’o Yeova ũnũkwasya, Mũtikemanyĩsye mũendele wa i mbaĩ, na mũikateve nũndũ wa syama syĩ ĩtunĩ; nũndũ kwondũ wasyo i mbaĩ nitevaa.</verse>
				<verse number="3">Nũndũ mokũũ ma andũ nĩ mana; mũndũ ũmwe nũtemaa mũtĩ mũtitũnĩ, wĩa wa moko ma ndũĩka yĩ na ĩthoka.</verse>
				<verse number="4">Nĩmeũwanakavya na vetha na thaavu; na kũathĩa na mĩsumaa na syĩiva, ndũkathingithe.</verse>
				<verse number="5">Ĩilyĩ mĩtende, ya wĩa wa mwasũvya, ndĩneenaa: mũvaka ĩkuwe, nĩkwĩthĩwa ndĩtonya kũthi. Mũikamĩkĩe; nũndũ ndĩtonya kwĩka ũthũku, o na nthĩnĩ wayo kũti ũtonyi wa kwĩka ũseo.</verse>
				<verse number="6">Vai ũmwe taku, we Yeova; nue mũnene, na syĩtwa yaku nĩ ĩnene vinyanĩ.</verse>
				<verse number="7">Nũũ ũla ũtaĩle ũkũkĩa, we Mũsumbĩ wa mbaĩ? Nũndũ ũũ nĩwaĩle kwaku; nĩkwĩthĩwa katĩ wa andũ oĩ onthe ma i mbaĩ, na ũnenenĩ woo w’onthe wa kĩũsumbĩ, vai ũilyĩ taku.</verse>
				<verse number="8">Ĩndĩ onthe vamwe mailyĩ nyamũ na nĩ atumanu: ũmanyĩsyo wa mĩvw’anano! No mũtĩ ki.</verse>
				<verse number="9">Kwĩ vetha ũmandĩtwe ũkavũtha mũno, ũla ũetetwe kuma Talisisi, na thaavu kuma Uvasi, wĩa wa ndũĩka na wa moko ma mũtwii wa thaavu; ngũa syayo nĩ sya vuluu na ila itilyĩ ndune; yonthe nĩ wĩa wa andũ oĩ.</verse>
				<verse number="10">Ĩndĩ Yeova nĩ Ngai wa w’o; nake nĩ Ngai wĩ thayũ na Mũsumbĩ wa tene na tene: nthĩ nĩtetemaa kwondũ wa ũthilĩku wake, na mbaĩ ititonya kũmĩĩsya ũthatu wake.</verse>
				<verse number="11">Ũũ nĩw’o mwĩsyĩa, Ila ngai itaomba matu na nthĩ, isu ikathela nthĩ, na ĩtheo wa matu.</verse>
				<verse number="12">Nũtw’ĩkĩthĩtye nthĩ kwondũ wa vinya wake, nũlũmĩtye nthĩ kwondũ wa ũĩ wake, na nũtambũũkĩtye matu kwondũ wa ũmanyi wake.</verse>
				<verse number="13">Yĩla waumya wasya wake ve kĩlitũko kya manzĩ matunĩ, na nũtumaa mũki kwambata kuma itulunĩ sya nthĩ; nũseũvĩasya mbua motisi, na kumya kĩseve ũthwiinĩ wake.</verse>
				<verse number="14">Kĩla mũndũ nũtw’ĩkĩte ta nyamũ na nde na ũmanyi; kĩla mũtwii wa thaavu nũsonokaw’a nĩ mũvw’anano wake mwasũvye; nũndũ mũvw’anano wake ũla waseũvisye na syĩndũ ila watwekethisye nĩ wa ũvũngũ, na vai veva nthĩnĩ wayo.</verse>
				<verse number="15">Nayo nĩ mana, wĩa wa ũkengani: ĩvinda ya kũsiw’a kwayo ĩkaaa.</verse>
				<verse number="16">Kĩanda kya Yakovo ti ta ĩsu; nũndũ nĩwe mũmbi wa syĩndũ syonthe; na Isilaeli nĩ mbaĩ ya ũtiĩwa wake: Yeova wa nguthu nĩ syĩtwa yake.</verse>
				<verse number="17">Ũmban’ya syĩndũ syaku ũsyumye nthĩ ĩno, we ũla wĩkalaa ngomenĩ yĩ vinya.</verse>
				<verse number="18">Nũndũ ũũ nĩw’o Yeova ũnũkwasya, Sisya, ĩvinda yĩĩ ngamekya na vinya ala matwĩe nthĩ ĩno maume, na kũmathĩn’ya, nĩ kana mew’e.</verse>
				<verse number="19">Woo nĩ wakwa nũndũ wa kũkũnwa kwakwa! Wũkite wakwa nĩ mũnene: ĩndĩ nasya, Nĩ w’o ũũ nĩ woo wakwa, no mũvaka nĩwũmĩĩsye.</verse>
				<verse number="20">Ĩeema yakwa nĩ yanangĩku, na makanda makwa onthe nĩ matw’ĩkangu: syana syakwa nĩsyumĩte kwakwa na iti vo: vati wa kwamba ĩeema yakwa ĩngĩ, na kũkĩlya motũtũ makwa ma ngũa.</verse>
				<verse number="21">Nũndũ aĩthi nĩmatw’ĩkĩte ta nyamũ, na matyaakũlya Yeova: kwondũ wa ũu matyaaathimĩka, na ndĩthya syoo syonthe sya mbũi na malondu ninyaĩĩkĩte.</verse>
				<verse number="22">Sisya, wasya wa ũvoo nĩwũkĩte, na kĩtuu kĩnene kuma nthĩ ya ngalĩ ya ĩũlũ, kũtw’ĩkĩthya ndũa sya Yuta maanzo, wĩkalo wa mbĩwa.</verse>
				<verse number="23">Ame Yeova, nĩnĩsĩ kana nzĩa ya mũndũ ndĩ nthĩnĩ wake mwene; kũtongoesya matambya make kũti nthĩnĩ wa mũndũ ũla ũendaa.</verse>
				<verse number="24">Ame Yeova, ngan’ya, ĩndĩ ũthimĩte; ti ũthatunĩ waku, ndũkese kũmina nyie.</verse>
				<verse number="25">Onosya ũthilĩku waku mbaĩnĩ ila iteũkũmanya, na mĩvĩanĩ ĩla ĩtekaĩlaa syĩtwa yaku; nũndũ nĩmaĩte Yakovo, ĩĩ, nĩmamũĩte na kũmũnina, na kwananga wĩkalo wake.</verse>
			</chapter>
			<chapter number="11">
				<verse number="1">Ndeto ĩla yamũkĩe Yelemia kuma kwa Yeova, ĩkyasya,</verse>
				<verse number="2">Ĩthukĩĩsyei ndeto sya ũtianĩo ũũ, ũneene na andũ ma Yuta, na ala matwĩe Yelusaleme;</verse>
				<verse number="3">ũmatavye, Ũũ nĩw’o Yeova, Ngai wa Isilaeli, ũnũkwasya: Naumanĩwe mũndũ ũla ũtethukĩĩasya ndeto sya ũtianĩo ũũ,</verse>
				<verse number="4">ila nameaĩe aaĩthe menyu mũthenya ũla namaumisye nthĩ ya Misili, kũmaumya ikonĩ ĩnene ya kĩaa, ngyasya, Ĩw’ai wasya wakwa, na kũsyĩka kwĩanana na w’onthe ũla nĩmwĩaĩaa: na ĩndĩ mũkeethĩwa andũ makwa, nakwa ngeethĩwa Ngai wenyu;</verse>
				<verse number="5">nĩ kana nĩlũlũmĩlye wĩvĩto ũla namevĩtĩe aaĩthe menyu, kũmanenga nthĩ yusũĩte ĩia na ũkĩ wa nzũkĩ, o ũndũ kũilyĩ ũmũnthĩ. Na ĩndĩ nasũngĩa, nasya, Ameni, ame Yeova.</verse>
				<verse number="6">Na Yeova ambĩa, Tavan’ya ndeto ii syonthe ndũanĩ sya Yuta, na nzĩanĩ nene sya Yelusaleme, ũkyasya, Ĩthukĩĩsyei ndeto sya ũtianĩo ũũ, na mũisyĩka.</verse>
				<verse number="7">Nũndũ nĩnamakũsĩĩe mũno aaĩthe menyu mũthenya ũla namaumisye nthĩ ya Misili, o na kũvika ũmũnthĩ, ngyũkĩla tene ngĩkũsĩĩa, ngyasya, Ĩw’ai wasya wakwa.</verse>
				<verse number="8">Ĩndĩ matyaaĩw’a, o na kũtea matũ moo, ĩndĩ nĩmaatĩĩe kĩla ũmwe ngũlũ sya ngoo yake nthũku: kwondũ wa ũu namaetee ndeto syonthe sya ũtianĩo ũũ, ila nameaĩe meke, ĩndĩ matyaasyĩka.</verse>
				<verse number="9">Na Yeova ambĩa, Wĩw’ano mũthũku nĩwonekete andũnĩ ma Yuta, na andũnĩ ala matwĩe Yelusaleme.</verse>
				<verse number="10">Nĩmasyokete mothũkũnĩ ma aaũmae moo, ala maleile kwĩw’a ndeto syakwa; na nĩmaatĩĩie ngai ingĩ maithũkũme: nyũmba ya Isilaeli na nyũmba ya Yuta nĩsyanangĩte ũtianĩo wakwa ũla natianĩe na aaĩthe moo.</verse>
				<verse number="11">Kwondũ wa ũu Yeova easya atĩĩ, Sisya, ngaietee ũthũku, ũla itakatonya kũvonoka; na ikengaĩla, ĩndĩ ndikasyĩthukĩĩsya.</verse>
				<verse number="12">Nĩvo ĩndĩ ndũa sya Yuta na ala matwĩe Yelusaleme makathi na kwĩkaĩla ngai ila matoeeasya ũvani: ĩndĩ itikamatangĩĩa nongi ĩvinda ya thĩna woo.</verse>
				<verse number="13">Nũndũ o ũndũ ũtalo wa ndũa syaku wĩana, now’o ngai syaku syĩana, we Yuta; na kwĩanana na ũtalo wa nzĩa sya Yelusaleme nĩmaũngamĩsye kĩndũ kĩ nthoni ithembeo, o ithembeo sya kũtoeeasya Mbaali ũvani.</verse>
				<verse number="14">Kwondũ wa ũu ndũkamavoyee andũ aa, o na ndũkokĩlye kĩĩo kana mboya kwondũ woo; nũndũ ndikamew’a yĩla meĩngaĩla nũndũ wa thĩna woo.</verse>
				<verse number="15">Mwendwa wakwa e na ũndũ mwaũ nyũmbanĩ yakwa, nũndũ nĩwĩkĩte molaalai na aingĩ, na nyama ntheu nithelete kwaku? Yĩla ũkwĩka ũthũku nĩvo ũtanaa.</verse>
				<verse number="16">Yeova nĩwetie syĩtwa yaku, Mũthata mwĩũ, wa kwendeesya wĩ na ũsyao mũseo: nũkwatĩtye mwaki ĩũlũ waw’o na kĩlonzo kya kĩtuu kĩnene, na mbonge syaw’o nĩ ndũlĩku.</verse>
				<verse number="17">Nũndũ Yeova wa nguthu ũla wakũvandie, nũkũwetete ũthũku, nũndũ wa ũthũku wa nyũmba ya Isilaeli na wa nyũmba ya Yuta, ũla meyĩkĩte makĩnthatya kwondũ wa kũtoeeasya Mbaali ũvani.</verse>
				<verse number="18">Na Yeova amanyĩthya, na namanya: nĩvo ĩndĩ wambonisye meko moo.</verse>
				<verse number="19">Ĩndĩ nailyĩ ta katena kauu ka ĩlondu katwaĩtwe kĩthĩnzĩonĩ; na ndyaamanya kana nĩmanzũanĩĩĩte maũndũ, makyasya, Twanange mũtĩ vamwe na ũsyao waw’o, na tũmũvete nthĩ ya ala me thayũ, nĩ kana syĩtwa yake yĩtikalilikanwe ĩngĩ.</verse>
				<verse number="20">Ĩndĩ, ame Yeova wa nguthu, ũla ũtusaa katĩ, ũla ũoasya ngoo na mosũanĩo, ngoona ũĩvanĩsyo waku kwoo; nũndũ nĩnakwonisye ũvoo wakwa.</verse>
				<verse number="21">Kwondũ wa ũu Yeova eneena ũndũ wa ana ma Anathothi, ala mamanthaa thayũ waku, makyasya, Ndũkathane syĩtwanĩ ya Yeova, ndũkoawe nĩ moko maitũ;</verse>
				<verse number="22">kwondũ wa ũu Yeova wa nguthu easya atĩĩ, Sisya, ngamasilĩla: anake makooawa na ũvyũ; ana moo na eĩtu moo makooawa nĩ yũa;</verse>
				<verse number="23">na vatikethĩwa ũtialo kwoo; nũndũ ngamaetee aũme ma Anathothi ũthũku, mwaka wa kũsilĩlwa kwoo.</verse>
			</chapter>
			<chapter number="12">
				<verse number="1">Ame Yeova, wĩ mũlũngalu yĩla ngũkũlan’ya naku; ĩndĩ nĩngwenda tũneenan’ye ũndũ ũũ: nũndũ wa kĩ nzĩa ya athũku nĩnĩkwaĩla? Nũndũ wa kĩ onthe ala mekaa ũseleke mũno me na ũthũmũo?</verse>
				<verse number="2">We nĩwamavandie, ĩĩ, nĩmatambũũkĩtye mĩi; nĩmekwĩana, ĩĩ, nĩmekũsyaa mosyao: we wĩ vakuvĩ na makanyw’a moo, na wĩ kũasa na ngoo syoo.</verse>
				<verse number="3">Ĩndĩ we, ame Yeova, nũmbĩsĩ; nũmbonaa, na kũtata ngoo yakwa kana nĩkwelekele: makwate ta malondu ma kũthĩnzwa, ũmavathe ũndũ wa mũthenya wa kũawa.</verse>
				<verse number="4">Nthĩ ĩkameta, na nyũnyi ila imeaa nthĩ yonthe ikavova kũvika ĩndĩĩ? Nyamũ na nyũnyi nikũminwa kwondũ wa ũthũku wa ala mamĩtwĩe; nũndũ nĩmaisye, Ndakona mũminũkĩlyo witũ.</verse>
				<verse number="5">Ethĩwa nĩwasembanisye na ala maendaa na maũũ, na makũnosya, ũtonya ata ĩndĩ kũkĩlan’ya maũũ na mbalasi? O na ethĩwa ndwĩ na mũisyo yĩla wĩkalaa nthĩ yĩ mũuo, ũkeeka ata ĩndĩ kũvinganĩ kwa Yolotani?</verse>
				<verse number="6">Nũndũ o na ana‐a‐au, na nyũmba ya au, o asu nĩmakwĩkĩte ũseleke; o mo nĩmakũĩĩĩte ĩtina waku: ndũkametĩkĩle, o na makũtavya ndeto nzeo.</verse>
				<verse number="7">Nĩndiĩte nyũmba yakwa, nĩnĩvetete ũtiĩwa wakwa; nĩnĩnenganĩte mwendwa wa ngoo yakwa kw’okonĩ kwa amaitha make.</verse>
				<verse number="8">Ũtiĩwa wakwa nũtw’ĩkĩte kwakwa ta mũnyambũ mũtitũnĩ: nũmbũkĩlĩlye wasya wake; kwondũ wa ũu nĩnĩmũmenete.</verse>
				<verse number="9">Ũtiĩwa wakwa ũilyĩ kwakwa ta nyũnyi yĩ makwele ĩla ĩsyĩmaa? Nyũnyi ila isyĩmaa nimũkiita ngalĩ syonthe? Endai, mũmban’ye nyamũ syonthe sya kĩthekanĩ, mwiete iye.</verse>
				<verse number="10">Aĩthi aingĩ nĩmaanangie mũũnda wakwa wa mĩsavivũ, na kũkinyanga kĩlungu kyakwa, na kũtw’ĩkĩthya kĩlungu kyakwa kĩseo weũ mũthei.</verse>
				<verse number="11">Nĩmakĩtw’ĩkĩthĩtye kĩthei; nĩkĩkũndĩĩa kĩ kĩthei; nthĩ yonthe nĩtw’ĩkĩthĩtw’e nthei, nũndũ vati mũndũ wa ũmĩlilikana ngoonĩ yake.</verse>
				<verse number="12">Anangi nĩmambatĩte kũndũ kw’onthe kũtũlu kũthei weũnĩ; nũndũ ũvyũ wa Yeova nũminaa kuma ngalĩ ĩmwe ya nthĩ o na kũvika ngalĩ ĩla ĩngĩ ya nthĩ: vati mwĩĩ wĩ na mũuo.</verse>
				<verse number="13">Nĩmavuĩie nganũ, na maketha mĩw’a; nĩmeethĩnĩsye, na matyaaona ũunĩko: na inyw’ĩ mũkasonoka ũndũ wa mosyao menyu, nũndũ wa ũthatu mwai wa Yeova.</verse>
				<verse number="14">Ũũ nĩw’o Yeova ũnũũmaneenea atũi makwa onthe athũku, ala makiitaa ũtiĩwa ũla natumie andũ makwa Isilaeli matiĩwa: Sisya, ngamakũa maume nthĩ yoo, na kũkũa nyũmba ya Yuta yume katĩ woo.</verse>
				<verse number="15">Na kũkeethĩwa, namina kũmakũa, ngasyoka na kũmew’ĩa tei; na ngamaete ĩngĩ, kĩla mũndũ ũtiĩwani wake, na kĩla mũndũ nthĩ yake.</verse>
				<verse number="16">Na kũkeethĩwa, ethĩwa makeemanyĩsya na kĩthing’ĩĩsyo nzĩa sya andũ makwa, kwĩvĩta na syĩtwa yakwa atĩĩ, O tondũ Yeova wĩ thayũ; o tondũ mamanyĩisye andũ makwa kwĩvĩta na Mbaali; nĩvo ĩndĩ makaakwa katĩ wa andũ makwa.</verse>
				<verse number="17">Ĩndĩ ethĩwa nĩmeũlea kwĩthukĩĩsya, nĩvo ĩndĩ ngakũa mbaĩ ĩsu, ngĩkũa na ngĩmyananga, easya ũu Yeova.</verse>
			</chapter>
			<chapter number="13">
				<verse number="1">Ũũ nĩw’o Yeova wambĩie, Enda, wĩthooee mũsivi wa katane, na kwĩyova kĩnyunyunĩ kyaku, na ndũkawĩkĩe manzĩnĩ.</verse>
				<verse number="2">Kwondũ wa ũu nathooa mũsivi kwĩanana na ndeto ya Yeova, na neeyova kĩnyunyunĩ kyakwa.</verse>
				<verse number="3">Na ndeto ya Yeova yambũkĩa ya kelĩ, ĩkyasya,</verse>
				<verse number="4">Osa mũsivi ũla wathooie, ũla wĩyovete kĩnyunyunĩ kyaku, wũkĩle, ũende ũsĩnĩ wa Euvalati, noyũvitha ku mũvatĩnĩ wa ĩvia.</verse>
				<verse number="5">Kwondũ wa ũu nathi, na noovitha vakuvĩ na ũsĩ wa Euvalati, o tondũ Yeova wambĩaĩe.</verse>
				<verse number="6">Na kweethĩwa, mĩthenya mingĩ yathela, Yeova ambĩa, Ũkĩla, ũende ũsĩnĩ wa Euvalati, wumye mũsivi vu, ũla nakwĩaĩe ũvithe vo.</verse>
				<verse number="7">Nĩvo ĩndĩ naendie ũsĩnĩ wa Euvalati, na nenza, na naumya mũsivi vandũ vala noovithĩte; na, sisya, mũsivi waĩ mwanangĩku, ndwaĩ vata nongi.</verse>
				<verse number="8">Na ĩndĩ ndeto ya Yeova yambũkĩa, ĩkyasya,</verse>
				<verse number="9">Ũũ nĩw’o Yeova ũnũkwasya, O ta ũu ngaananga ngathĩĩo ya Yuta, na ngathĩĩo nene ya Yelusaleme.</verse>
				<verse number="10">Andũ aa athũku, ala maleaa kwĩw’a ndeto syakwa, ala maendaa makĩatĩĩa ngũlũ sya ngoo syoo, na kũatĩĩa ngai ingĩ maithũkũme, na kwithaitha, makeethĩwa o ta mũsivi ũũ, ũla ũte vata nongi.</verse>
				<verse number="11">Nũndũ o ũndũ mũsivi ũlũmanasya na kĩnyunyu kya mũndũ, o ta ũu nakwa natuma nyũmba yonthe ya Isilaeli na nyũmba yonthe ya Yuta ilũman’ya nakwa, easya ũũ Yeova; nĩ kana methĩwe kwakwa ũko wa andũ, na syĩtwa, na ngatho, na ndaĩa: ĩndĩ nĩmaleile kwĩw’a.</verse>
				<verse number="12">Kwondũ wa ũu wĩmatavya ndeto ĩno: Ũũ nĩw’o Yeova, Ngai wa Isilaeli, ũnũkwasya, Kĩla sũva ũkausũw’a mbinyu: nao makakũkũlya, Tũtyĩsĩ kana nĩw’o kĩla sũva ũkausũw’a mbinyu?</verse>
				<verse number="13">Nĩvo ĩndĩ wĩmea, Ũũ nĩw’o Yeova ũnũkwasya, Sisya, ngausũsya na ũthengi onthe ala matwĩe nthĩ ĩno, o asumbĩ ala mekalaa vandũ va Ndaviti kĩvĩlanĩ kyake kya ũsumbĩ, na athembi, na athani, na onthe ala matwĩe Yelusaleme.</verse>
				<verse number="14">Na ngamatinangan’ya kĩla mũndũ na ũla ũngĩ, o aaĩthe na ana vamwe, easya ũu Yeova: ndikew’ĩa tei, kana kũeka, kana kwĩthĩwa na ĩnee, ndikamanange.</verse>
				<verse number="15">Ĩthukĩĩsyei na kũtea matũ, mũtikekathĩĩe; nũndũ Yeova nũneenete.</verse>
				<verse number="16">Mũnengei Yeova Ngai wenyu ndaĩa, atanamba kũete kĩvindu, na maũũ menyu matanamba kũlulutĩka iĩmanĩ syĩ kĩvindu, na, yĩla mũũmantha kyeni, nake aikĩalyũla kĩthĩwe kyuu kya kĩkw’ũ, na kũkĩtw’ĩkĩthya kĩvindu kya ngokomĩ.</verse>
				<verse number="17">Ĩndĩ ethĩwa mwĩlea kwĩw’a, ngoo yakwa ĩkaĩa kĩmbithĩ ũndũ wa ngathĩĩo syenyu; na itho yakwa yĩkaĩa mũno, na kwĩtĩkya methoi, nũndũ ndĩthya ya Yeova nĩtavĩtwe.</verse>
				<verse number="18">Mũtavye mũsumbĩ na inyia wake, Ĩnyivyei, mwĩkale nthĩ; nũndũ tũkovila twenyu nĩ tũvalũku, o ngovia ya ũsumbi ya ndaĩa yenyu.</verse>
				<verse number="19">Ndũa sya ngalĩ ya Ĩtheo nĩ mbinge, na vati mũndũ wa kwivingũa: Yuta yonthe nĩtavĩtwe; nĩtwaĩtwe vyũ yĩ ndave.</verse>
				<verse number="20">Ũngalalyai metho menyu, mũsisye ala mokĩte kuma ngalĩ ya ĩũlũ: ndĩthya ĩla wanengiwe, ndĩthye yaku nzeo, ĩĩva?</verse>
				<verse number="21">Ũkasya ata, yĩla wĩmaia methĩwe atongoi maku asu ala we mwene wamamanyĩĩsye methĩwe anyanyau? Mawoo maikakũkwata, ta ma mũndũ mũka akyaũnya?</verse>
				<verse number="22">Na ethĩwa wĩasya ngoonĩ yaku, Maũndũ aa membũkĩa nũndũ wa kĩ? Nũndũ wa ũthũku waku kwingĩva nũvuĩtwe ngũa syaku, na itiinyo syaku nĩ ndine.</verse>
				<verse number="23">Mũethiovia nũtonya kũalyũla kĩkonde kyake, kana ngo maa mayo? Nĩvo ĩndĩ mũkatonya kwĩka nesa, ala mũkothaa kwĩka ũthũku.</verse>
				<verse number="24">Kwondũ wa ũu ngamanyaĩĩkya, o ta ũa ũvĩtaa ũũlũkĩtw’e nĩ kĩseve kya weũnĩ.</verse>
				<verse number="25">Kyu nĩ kĩanda kyaku, kĩlungu kĩla wathimĩwe ninyie, easya ũu Yeova; nũndũ nĩwũlĩtwe ninyie, na kũĩkĩĩa ũvũngũ.</verse>
				<verse number="26">Kwondũ wa ũu ngavua ngũa syaku nĩvikye ũthyũnĩ waku, na nthoni syaku ikooneka.</verse>
				<verse number="27">Nĩnonete mothatyo maku, o molaalai maku, na kwan’ya kwaku, wathe wa ũlwaya waku, wĩ iĩmanĩ syĩ weũnĩ. Woo nĩ waku, we Yelusaleme! Ndwĩtĩkĩla kũthew’a; kũkethĩwa ũu kũvika ĩndĩĩ?</verse>
			</chapter>
			<chapter number="14">
				<verse number="1">Ndeto ya Yeova ĩla yamũkĩe Yelemia ũndũ wa mũnyao.</verse>
				<verse number="2">Yuta nũnũkũmeta na mbingĩlo yake nĩnĩũleela, mailyĩ nthĩ mevw’ĩkĩte ngũa nziũ; na kĩĩo kya Yelusaleme nĩkyũkĩlĩte.</verse>
				<verse number="3">Na anene moo me ndaĩa matũma ala anini moo maende manzĩnĩ: mavika ithimanĩ, na mailea kwona manzĩ; nĩmasyokaa na ikuu syo syĩ nthei; nĩmasonokaa na kũthokoana, na kũvw’ĩka mĩtwe yoo.</verse>
				<verse number="4">Aĩmi nĩmasonokaa na kũvw’ĩka mĩtwe yoo, nĩkwĩthĩwa nthĩ nĩ mbatũkangu, nũndũ kũtyeethĩawa mbua nthĩ.</verse>
				<verse number="5">Ĩĩ, o na ndaatai nĩsyaĩaa weũnĩ, na kũtia ĩswii yayo, nĩkwĩthĩwa vati nyeki.</verse>
				<verse number="6">Na mang’oi ma kĩthekanĩ maũngamaa kũndũ kũtũlu kũthei makĩvevaveva ta mbĩwa; metho mamo makĩseekea, nũndũ vati kya ũya.</verse>
				<verse number="7">O na ethĩwa mothũku maitũ nĩmeũtũkũsĩĩa, tethya wĩa kwondũ wa syĩtwa yaku, ame Yeova; nũndũ kũsyoka na ĩtina kwitũ nĩ kwingĩ; nĩtwakũvĩtanĩsye.</verse>
				<verse number="8">We wĩkwatyo wa Isilaeli, Mũtangĩĩi wake ĩvinda ya thĩna, wĩĩthĩwa ta mũeni nthĩ nĩkĩ, na ta mũndũ wa kyalo ũla wathũkaa one vandũ va ũkoma ũtukũ?</verse>
				<verse number="9">Wĩĩthĩwa ta mũndũ mũtelemu nĩkĩ, ta ngũmbaũ ĩla ĩtatonya kũtangĩĩa? Ĩndĩ, ame Yeova, wĩ katĩ waitũ, na ithyĩ nĩtũkwĩtanĩw’a na syĩtwa yaku; ndũkatũtie.</verse>
				<verse number="10">Ũũ nĩw’o Yeova ũnũũmatavya andũ aa, Nĩmendaa kwanganga; matyaasiĩĩa maũũ moo: kwondũ wa ũu Yeova ndeũmetĩkĩla; yu akalilikana ũthũku woo, na kũsilĩla naĩ syoo.</verse>
				<verse number="11">Na Yeova ambĩa, Ndũkamavoyee andũ aa mone ũseo.</verse>
				<verse number="12">Matĩĩa ũya, ndikew’a kĩĩo kyoo; na mathemba nthembo ya kũvĩvw’a na nthembo ya mũtu, ndikasyĩtĩkĩla; ĩndĩ ngamamina na ũvyũ, na yũa, na mũimũ.</verse>
				<verse number="13">Nĩvo naisye, Ai! Mwĩaĩi Yeova! Sisya, athani mamatavasya, Mũtikona ũvyũ, o na mũtikethĩwa na yũa; ĩndĩ ngamũnengae mũuo wa w’o vandũ vaa.</verse>
				<verse number="14">Nĩvo ĩndĩ Yeova wandavisye, Athani mathanaa movũngũ syĩtwanĩ yakwa; ndyaamatũma, o na ndyaameaĩa, o na ndyaaneena nao: mamwathanĩaa woni wa ũvũngũ, na kũaũsya, na ũndũ wa mana, na ũkengani wa ngoo syoo ene.</verse>
				<verse number="15">Kwondũ wa ũu Yeova easya ũndũ wa athani ala mathanaa syĩtwanĩ yakwa, na ndyaamatũma, ĩndĩ measya, Ũvyũ na yũa itikethĩwa nthĩ ĩno: Athani asu makaminwa na ũvyũ na yũa.</verse>
				<verse number="16">Na andũ ala mamathanĩaa makekw’a nzĩanĩ nene sya Yelusaleme nũndũ wa yũa na ũvyũ; na matikethĩwa na mũndũ wa kũmenzĩa nthĩ — mo, kana iveti syoo, kana ana moo, kana eĩtu moo: nũndũ ngamonoesya ũthũku woo.</verse>
				<verse number="17">Naku wĩmatavya ndeto ĩno, Metho makwa nĩmetĩkye methoi ũtukũ na mũthenya, na matikaeke; nũndũ mwĩĩtu mũtheu wa andũ makwa nĩwanangĩtwe wanangĩko mũnene, na wũkite mũnene mũno.</verse>
				<verse number="18">Ethĩwa nĩngumaala nĩende weũnĩ, nĩvo, sisya, ala moaiwe na ũvyũ! Na ethĩwa nĩngũlika ndũanĩ, nĩvo, sisya, ala mang’ong’etw’e nĩ yũa! Nũndũ mwathani na mũthembi me elĩ mangangaa nthĩ kũũ na kũũ, na mati na ũmanyi.</verse>
				<verse number="19">Nũleete Yuta vyũ? Ngoo yaku nĩmenete Saioni? Nĩkĩ watũkũnie, na vati kũvoa kwitũ? Twamanthaa mũuo, ĩndĩ ũseo ndwaaũka; na twamanthaa ĩvinda ya kũvow’a, na, kaĩ, nĩ kũteva!</verse>
				<verse number="20">Ame Yeova, nĩtũkumbũla ũthũku witũ, na ũthũku wa aaĩthe maitũ; nũndũ nĩtwakũvĩtanĩsye.</verse>
				<verse number="21">Kwondũ wa syĩtwa yaku, ndũkatũthĩthe; ndũkasonokye kĩvĩla kya ũsumbĩ kya ũnene waku: lilikana, ndũkanange ũtianĩo waku naitũ.</verse>
				<verse number="22">Ve imwe sya syĩndũ sya mana sya mbaĩ itonya kusya mbua? Kana matu nĩmatonya kũete mĩono ya mbua? Tuue we, ame Yeova Ngai waitũ? Kwondũ wa ũu tũkakweteela; nũndũ nue waseũvisye syĩndũ isu syonthe.</verse>
			</chapter>
			<chapter number="15">
				<verse number="1">Nĩvo ĩndĩ Yeova wambĩie, O na kethĩwa Mose na Samueli nĩmaũngeme mbee wakwa, kĩlilikano kyakwa kĩikamelekela andũ aa: mekye nĩeke ũmona, maende.</verse>
				<verse number="2">Na kũkeethĩwa, yĩla mekũkũlya, Ithyĩ twĩenda va? Nĩvo ũkamatavya, Ũũ nĩw’o Yeova ũnũkwasya; Ala ma kĩkw’ũ, kĩkw’ũnĩ; na ala ma ũvyũ, ũvyũnĩ; na ala ma yũa, yũanĩ; na ala ma ũtavwa, mũtavonĩ.</verse>
				<verse number="3">Na Yeova easya, Ngamaiĩa mĩthemba ĩna: ũvyũ wa kũaa, na ngitĩ sya kũtembũanga, na nyũnyi sya yayaya, na nyamũ sya nthĩ, sya kũya na kwananga.</verse>
				<verse number="4">Nakwa ngamekangya kũũ na kũũ mosumbĩnĩ onthe ma nthĩ nũndũ wa Manase, mwana wa Esekia, mũsumbĩ wa Yuta, nũndũ wa ũndũ ũla wekie Yelusaleme.</verse>
				<verse number="5">Nũndũ nũũ ũla ũkakwĩw’ĩa tei, we Yelusaleme? Kana nũũ ũla ũkakũmetea? Kana nũũ ũla ũkathũka ũtee aũkũlye ũndũ ũilyĩ?</verse>
				<verse number="6">Nũndeete, easya Yeova, nũsyokete na ĩtina: kwondũ wa ũu nĩkũtambũũkĩĩtye kw’oko kwakwa, na kũkwananga; nĩnĩnoete nĩ kwĩlila.</verse>
				<verse number="7">Na nĩnĩmaũlũkĩlye na kĩũlũkya mbingĩlonĩ sya ĩ nthĩ; nĩnĩmakw’ĩĩthĩsye syana, nĩnĩmanangĩte andũ makwa; matyaasyoka kuma mĩendelenĩ yoo.</verse>
				<verse number="8">Aka moo ndiwa nĩmaingĩvie kwakwa kũvĩtũka kĩthangathĩ kya maũkanga; nĩnĩmaeteete mwanangi ĩũlũ wa aainyia ma anake mũthenya katĩ: nĩnĩtumĩte woo na motĩsyo mamavalũkĩla na kĩthũlũmũko.</verse>
				<verse number="9">Ũla ũsyaĩte mũonza nũnũkũthelelwa nĩ vinya; nĩwumĩtwe nĩ veva; syũa yake nĩyĩthũĩte kwĩ o mũthenya; nũsonoketw’e na kũthokoanw’a: na nganengane ũtialo woo wũawe na ũvyũ mbee wa amaitha moo, easya ũu Yeova.</verse>
				<verse number="10">Woo nĩ wakwa, mwaitũ, nũndũ nĩwanzyaie nyie mũndũ wa kũtetw’a na mũndũ wa kũkananĩaw’a nĩ nthĩ yonthe! Ndyaakovethya none ũtandĩthyo, o na andũ matyaangovethya mone ũtandĩthyo; ĩndĩ kĩla mũndũ woo nũkũnumanĩa.</verse>
				<verse number="11">Yeova aisye, Nĩ w’o ngakwĩkĩa vinya kwondũ wa ũseo; nĩ w’o ngatuma mũmaitha akwĩsũva ĩvinda ya ũthũku na ĩvinda ya thĩna.</verse>
				<verse number="12">Mũndũ nũtonya kũtũlan’ya kĩaa, o kĩaa na ũthuku syumĩte ngalĩ ya ĩũlũ?</verse>
				<verse number="13">Syĩndũ syaku na mothwii maku maie ngainengane syĩthĩwe mũtavo vate kũthoowa, na ũu nũndũ wa naĩ syaku syonthe, o mĩvakanĩ yaku yonthe.</verse>
				<verse number="14">Ngaivĩtĩlya syĩ na amaitha maku kũlika nthĩ ĩla ũtamanya; nũndũ mwaki nĩwakanĩtw’e ũthatunĩ wakwa, ũla ũkamũvĩvya.</verse>
				<verse number="15">Ame Yeova, we nĩwĩsĩ; ndilikana, na kũmbũkĩa, na kũndĩvanĩĩsya ala manthĩnasya; kwondũ wa wũmĩĩsyo waku, ndũkambete: manya kana nĩ kwondũ waku nĩnavũthiw’e.</verse>
				<verse number="16">Ndeto syaku nĩsyoonekie, nakwa naiya; na ndeto syaku kwakwa syaĩ mũyo na ũtanu wa ngoo yakwa: nũndũ nĩtanĩaw’a na syĩtwa yaku, ame Yeova, Ngai wa nguthu.</verse>
				<verse number="17">Ndyaaĩkala ũmbanonĩ wa ala mathekaa, kana kũtana; nekalaa nĩ nyioka nũndũ wa kw’oko kwaku; nũndũ nũmbusũĩtye na ũthatu.</verse>
				<verse number="18">Nĩkĩ kwalw’a kwakwa nĩ kwa mavinda onthe, na wũkite wakwa ũtivoeka, ũla ũleaa kũvow’a? Nĩ w’o ũkethĩwa kwakwa ta kalũsĩ kakenganaa, ta manzĩ ala mang’alaa?</verse>
				<verse number="19">Kwondũ wa ũu Yeova easya atĩĩ, Ethĩwa ũkasyoka, nĩvo ĩndĩ ngakũete ĩngĩ, nĩ kana ũũngame mbee wakwa; na ethĩwa ũkaumya kĩla kĩ vata nthĩnĩ wa kĩla kĩthũku, ũkeethĩwa kanyw’a wakwa: makakũsyokea, ĩndĩ ndũkamasyokea.</verse>
				<verse number="20">Na ngakũtw’ĩkĩthya ũvai mwiie wa ũthuku kwa andũ aa; na makokita naku, ĩndĩ matikakũkĩlya vinya; nũndũ nyie nĩ vamwe naku kũũtangĩĩa na kũũvonokya, easya ũu Yeova.</verse>
				<verse number="21">Na ngakũvonokya wume kw’okonĩ kwa athũku, na ngakwovosya wume kw’okonĩ kwa ala ma kũtĩsya.</verse>
			</chapter>
			<chapter number="16">
				<verse number="1">Na ĩngĩ ndeto ya Yeova yambũkĩa, ĩkyasya,</verse>
				<verse number="2">Ndũkaaĩtwaĩe mũka, kana kwĩthĩwa na ana kana eĩtu, vandũ vaa.</verse>
				<verse number="3">Nũndũ ũũ nĩw’o Yeova ũnũkwasya ũndũ wa ana na ũndũ wa eĩtu ala masyaĩwe vandũ vaa, na ũndũ wa aainyia moo ala mamasyaĩe, na ũndũ wa aaĩthe moo ala mamasyaĩe nthĩ ĩno:</verse>
				<verse number="4">Makakw’a ikw’ũ nthũku: maikametewa, o na maikenzĩwa nthĩ; makethĩwa ta vũũ ĩũlũ wa nthĩ; na makooawa na ũvyũ, na yũa; na simba syoo ikethĩwa lĩu wa nyũnyi sya yayaya, na wa nyamũ sya nthĩ.</verse>
				<verse number="5">Nũndũ ũũ nĩw’o Yeova ũnũkwasya, Ndũkalike nyũmbanĩ ya kũĩĩa, o na ndũkathi kũmeta, kana kũmaĩĩa; nĩnumĩtye mũuo wakwa kwa andũ aa, o ũseo wĩ wendo na tei mwololo, easya ũu Yeova.</verse>
				<verse number="6">Anene na anini makakw’ĩa nthĩ ĩno; matikenzĩwa nthĩ, o na andũ matikamaĩĩa, kana kwĩtemanga, kana kwĩyenza ũvaa kwondũ woo;</verse>
				<verse number="7">o na andũ matikatilan’ya kĩmũtũ kwondũ woo makĩĩa, mamakiakisye ũndũ wa akw’ũ; o na andũ matikamanenga kĩkombe kya ũkiakisyo manyw’e ũndũ wa ĩthe woo kana ũndũ wa inyia woo.</verse>
				<verse number="8">O na ndũkalike nyũmbanĩ ya kũvokea mboka wĩkale nao, kũya na kũnyw’a.</verse>
				<verse number="9">Nũndũ ũũ nĩw’o Yeova wa nguthu, Ngai wa Isilaeli, ũnũkwasya: Sisya, ngaekethya vandũ vaa wasya wa kũtheka na wasya wa ũtanu, wasya wa mũtwaani na wasya wa mũtwawa, mũsyaĩtye na metho menyu mĩthenyanĩ yenyu.</verse>
				<verse number="10">Na kũkeethĩwa, yĩla wĩmon’ya andũ aa ndeto ii syonthe, na makakũkũlya, Nũndũ wa kĩ Yeova ũtũneeneete ũthũku ũũ w’onthe? Kana ũthũku witũ nĩ mwaũ? Kana naĩ yaitũ ĩla twamũvĩtanĩsye Yeova Ngai waitũ nĩ myaũ?</verse>
				<verse number="11">Nĩvo ĩndĩ ũkamea, Yeova easya, Nĩkwĩthĩwa aaĩthe menyu nĩmandiĩte, na kũatĩĩa ngai ingĩ, na kwithũkũma, na kwithaitha, na kũndia, na matyaakwata mĩao yakwa;</verse>
				<verse number="12">na inyw’ĩ nĩmwĩkĩte ũthũku kũvĩtũka aaĩthe menyu; nũndũ, sisya, nĩmũendaa kĩla mũndũ akĩatĩĩa ngũlũ sya ngoo yake nthũku, kwondũ wa ũu mũimbĩthukĩĩasya:</verse>
				<verse number="13">kwondũ wa ũu ngamwĩkya mume nthĩ ĩno mũende nthĩ ĩla mũtaamanya, inyw’ĩ kana aaĩthe menyu; na kw’o mũkathũkũmĩa ngai ingĩ mũthenya na ũtukũ; nũndũ ndikamwon’ya ũseo.</verse>
				<verse number="14">Kwondũ wa ũu, sisya, mĩthenya nĩyũkĩte, easya Yeova, ĩla kũikaneenwa ĩngĩ, O tondũ Yeova wĩ thayũ, ũla waumisye ana ma Isilaeli Misili;</verse>
				<verse number="15">ĩndĩ, O tondũ Yeova wĩ thayũ, ũla waetie ana ma Isilaeli kũmaumya nthĩ yĩ ngalĩ ya ĩũlũ, na kuma nthĩ syonthe vala wamalũngĩlĩĩlye. Na ngamaete ĩngĩ nthĩ yoo ĩla nanengie aaĩthe moo.</verse>
				<verse number="16">Sisya, ngatũmana atei aingĩ na makamatea, easya ũu Yeova; na ĩtina ngatũmana asyĩmi aingĩ, na makamasyĩma maume kĩla kĩĩmanĩ, na kuma kĩla kalĩma, na kuma mĩvatĩnĩ ya mavia.</verse>
				<verse number="17">Nũndũ metho makwa nĩmasyaĩĩtye mĩendele yoo yonthe; ti mĩvithe ũthyũnĩ wakwa, o na ũthũku woo ti mũvithe ũndũ ndatonya kũwona.</verse>
				<verse number="18">Na ũndũ wa mbee ngaĩva ũthũku woo na naĩ syoo kũndũ kwĩlĩ, nũndũ nĩmathũkĩtye nthĩ yakwa na simba sya syĩndũ syoo imenetwe, na kusũsya ũtiĩwa wakwa na mothatyo moo.</verse>
				<verse number="19">Ame Yeova, vinya wakwa, na ngome yakwa yĩ vinya, na wĩvitho wakwa mũthenya wa thĩna, mbaĩ ikooka vala ũĩ kuma itulunĩ sya nthĩ, na ikasya, Aaĩthe maitũ matyaatiĩwa kĩndũ no movũngũ, o kĩndũ kya mana na syĩndũ ila ite na ũuno.</verse>
				<verse number="20">Mũndũ akeeseũvĩsya ngai, nasyo ti ngai?</verse>
				<verse number="21">Kwondũ wa ũu, sisya, ngamamanyĩthya, no ĩvinda yĩĩ yĩmwe ngamamanyĩthya kw’oko kwakwa na vinya wakwa; na makamanya kana syĩtwa yakwa nĩ Yeova.</verse>
			</chapter>
			<chapter number="17">
				<verse number="1">Naĩ ya Yuta nĩandĩkĩtwe na kĩandĩki kya kĩaa, na mũthya wa kavila ka salitonyi: nĩvanĩtwe masengeanĩ ma ngoo syoo, na mbyanĩ sya ithembeo syenyu;</verse>
				<verse number="2">yĩla syana syoo ililikanaa ithembeo syasyo na Aselimu yasyo vakuvĩ na mĩtĩ mĩũ tũlĩmanĩ tũtũlu.</verse>
				<verse number="3">We kĩĩma kyakwa kĩ mũũndanĩ, nganengane syĩthĩwe mũtavo syĩndũ syaku, na ũthwii waku w’onthe mwie, na kũndũ kwaku kũtũlu, nũndũ wa naĩ, mĩvakanĩ yaku yonthe.</verse>
				<verse number="4">Naku, o we mwene, ũkaeka ũtiĩwa waku ũla nakũnengie; na ngakũthũkũmĩthya amaitha maku wĩ nthĩ ĩla ũtesĩ: nũndũ nĩmwakanĩtye ũthatunĩ wakwa mwaki ũla ũkakanaa tene na tene.</verse>
				<verse number="5">Ũũ nĩw’o Yeova ũnũkwasya: Nũumanĩwe mũndũ ũla ũĩkĩĩaa mũndũ, na kwĩkwatya mwĩĩ wĩthĩwe kw’oko kwake, na ngoo yake ĩimũeka Yeova.</verse>
				<verse number="6">Nũndũ akeethĩwa ailyĩ ta mũtĩ weũnĩ mwĩtĩku matu, na ndakona yĩla ũseo wĩũka, ĩndĩ akekalaa kũndũ kwenzeku weũnĩ, nthĩ yĩ mũnyũ ĩtatwĩe andũ.</verse>
				<verse number="7">Nĩ mũathime mũndũ ũla ũmũĩkĩĩaa Yeova, na Yeova nĩwe wĩkwatyo wake.</verse>
				<verse number="8">Nũndũ akeethĩwa ta mũtĩ ũvandĩtwe ũtee wa manzĩ, ũla ũtambũũkasya mĩi yaw’o vakuvĩ na ũsĩ, na ndũkakĩa yĩla ũvyũvu wĩũka, ĩndĩ ĩtũ yaw’o yĩkeethĩwa yĩũ; na ndũkemakĩa mwaka wa mũnyao, kana kũeka kũsyaa ũsyao.</verse>
				<verse number="9">Ngoo nĩ ngengani kũvĩtũka syĩndũ syonthe, na nĩ nthũku ki: nũũ ũtonya kũmĩmanya?</verse>
				<verse number="10">Nyie, Yeova, nĩmanthaa kĩlilikanonĩ, na kũtataa ngoo, nĩnengae kĩla mũndũ o kwĩanana na mĩendele yake, kwĩanana na ũsyao wa meko make.</verse>
				<verse number="11">Ta ngwae ĩla ĩvw’ĩkĩaa matumbĩ ala ĩtaalekya, now’o ũilyĩ ũla wĩyũmbanĩasya mothwii, na ti nzĩanĩ yaĩle; mĩthenyanĩ yake katĩ makamũtia, na mũminũkĩlyo wake akeethĩwa ndia.</verse>
				<verse number="12">Kĩvĩla kya ũsumbĩ kya ndaĩa, kyũkĩlĩtw’e kuma mwambĩlĩlyonĩ, nĩkyo vandũ vatheu vaitũ.</verse>
				<verse number="13">We Yeova, wĩkwatyo wa Isilaeli, onthe ala makũtiaa makasonokw’a. Ala mandiaa nyie makaandĩkwa kũũ nthĩ, nĩkwĩthĩwa nĩmamũtiĩte Yeova, nthongo ya manzĩ ma thayũ.</verse>
				<verse number="14">Mbosya, ame Yeova, na ngavoeka; ndangĩĩa, na ngatangĩĩka: nũndũ nue ndaĩa yakwa.</verse>
				<verse number="15">Sisya, nĩmeũngũlya, Ndeto ya Yeova ĩĩva? Nĩyũke oyu.</verse>
				<verse number="16">Ngali ĩ yakwa ndyaaĩkalaata kwĩyumya wĩanĩ wa mũĩthi ngĩkũatĩĩa; o na ndyaenda mũthenya wa woo; naku nĩwĩsĩ: kĩla kyaumie ilomonĩ syakwa kyaĩ mbee wa ũthyũ waku.</verse>
				<verse number="17">Ndũkethĩwe ũtĩsyo kwakwa: nue wĩvitho wakwa mũthenya wa ũthũku.</verse>
				<verse number="18">Masonokw’e ala manthĩnasya, ĩndĩ ndikaasonokw’e: asu mateve, ĩndĩ ndikaateve; maetee mũthenya wa ũthũku, noimananga na wanangĩko kũndũ kwĩlĩ.</verse>
				<verse number="19">Ũũ nĩw’o Yeova wambĩie: Enda, ũũngame mbingĩlonĩ ya ana ma andũ, vala asumbĩ ma Yuta malikĩlaa, na kumaalĩla, o na mbingĩlonĩ syonthe sya Yelusaleme;</verse>
				<verse number="20">noimatavya, Ĩw’ai ndeto ya Yeova, inyw’ĩ asumbĩ ma Yuta, na Yuta yonthe, na onthe ala matwĩe Yelusaleme, ala mũlikĩlaa mbingĩlonĩ ii:</verse>
				<verse number="21">Ũũ nĩw’o Yeova ũnũkwasya, Ĩsũvĩei, mũikakue mũio mũthenya wa savato, o na kũlikĩlya mbingĩlonĩ sya Yelusaleme;</verse>
				<verse number="22">o na mũikaumaalye mũio nyũmbanĩ syenyu mũthenya wa savato, kana kũtethya wĩa o na wĩva: ĩndĩ vathan’yai mũthenya wa savato wĩthĩwe mũtheu, o tondũ nameaĩe aaĩthe menyu.</verse>
				<verse number="23">Ĩndĩ matyaaĩthukĩĩsya, kana kũtea kũtũ kwoo, ĩndĩ moomya ngingo syoo, matikew’e na kwosa ũmanyĩsyo.</verse>
				<verse number="24">Na kũkeethĩwa, easya Yeova, ethĩwa nĩmũmbĩthukĩĩasya mũno, atĩ mũtikatwae mũio o na wĩva na kũlikĩlya mbingĩlonĩ sya ndũa ĩno mũthenya wa savato, ĩndĩ kũvathan’ya mũthenya wa savato wĩthĩwe mũtheu, mũtekũtethya wĩa o na wĩva mũthenya ũsu;</verse>
				<verse number="25">nĩvo ĩndĩ kũkalikĩla mbingĩlonĩ sya ndũa ĩno asumbĩ na anene me mbee ũsumbĩnĩ makĩkala kĩvĩlanĩ kya ũsumbĩ kya Ndaviti, makuĩtwe nĩ makasya na matũlĩte mbalasi, mo, na anene moo me mbee ũsumbĩnĩ, aũme ma Yuta, na ala matwĩe Yelusaleme; na ndũa ino ĩkekalaa tene na tene.</verse>
				<verse number="26">Na makooka kuma ndũanĩ sya Yuta, na kuma ndeenĩ sya Yelusaleme, na kuma nthĩ ya Mbenyamini, na kuma nthĩ ndindimalu, na kuma nthĩ yĩ tũlĩma, na kuma ngalĩ ya Ĩtheo, makĩete nthembo sya kũvĩvw’a, na nthembo sya kũtonywa, na nthembo sya mũtu, na ũvumba, na makĩete nthembo sya mũvea, nyũmbanĩ ya Yeova.</verse>
				<verse number="27">Ĩndĩ ethĩwa mũkalea kũmbĩthukĩĩsya, atĩ mũvathan’ye mũthenya wa savato wĩthĩwe mũtheu, na mũtikakue mũio na kũlikĩlya mbingĩlonĩ sya Yelusaleme mũthenya wa savato; nĩvo ĩndĩ ngakan’ya mwaki mbingĩlonĩ syayo, na ũkavĩvya nyũmba nene mbanakavye sya Yelusaleme, na ndũkavoeka.</verse>
			</chapter>
			<chapter number="18">
				<verse number="1">Ndeto ĩla yamũkĩe Yelemia kuma kwa Yeova, ĩkyasya,</verse>
				<verse number="2">Ũkĩla, ũende nyũmbanĩ ya mũmbi, na ngakwĩw’ĩthĩsya ndeto syakwa vu.</verse>
				<verse number="3">Na ĩndĩ natheea nyũmbanĩ ya mũmbi, na, sisya, aĩ vo akĩtethya wĩa wake ndĩanĩ.</verse>
				<verse number="4">Na yĩla mbisũ ĩla wombie ya yũmba yanangĩkĩe kw’okonĩ kwa mũmbi, nĩwamyũmbie ĩngĩ yĩthĩwe mbisũ ĩngĩ, o tondũ mũmbi wonie nĩ ũseo kũmyũmba.</verse>
				<verse number="5">Na ĩndĩ ndeto ya Yeova yambũkĩa, ĩkyasya,</verse>
				<verse number="6">We nyũmba ya Isilaeli, nditonya kwĩka nenyu ta mũmbi ũũ? Easya ũu Yeova. Sisya, ta yũmba kw’okonĩ kwa mũmbi, now’o mũilyĩ kw’okonĩ kwakwa, inyw’ĩ nyũmba ya Isilaeli.</verse>
				<verse number="7">O kavinda kala nganeena ũvoo wa mbaĩ, na ũvoo wa ũsumbĩ, kũkũa, na kũomboa na kwananga;</verse>
				<verse number="8">ethĩwa mbaĩ ĩsu ĩla nĩneenete ũvoo wayo, ĩkeethyũũa na kũtia ũthũku wayo, ngeetũnga ũndũ wa ũthũku ũla nasũanĩe kũmĩka.</verse>
				<verse number="9">Na o kavinda kala nganeena ũvoo wa mbaĩ, na ũvoo wa ũsumbĩ, kũwaka na kũvanda;</verse>
				<verse number="10">ethĩwa makeeka ũla nonaa wĩ ũthũku, mateĩw’a wasya wakwa, nĩvo ĩndĩ ngeetũnga ũndũ wa ũseo ũla naisye ngameka.</verse>
				<verse number="11">Yu kwondũ wa ũu, neena na aũme ma Yuta, na ala matwĩe Yelusaleme, ũkĩmea, Ũũ nĩw’o Yeova ũnĩkwasya: Sisya, nĩngũseũvya ũthũku ĩũlũ wenyu, na kũmũsũanĩĩa ũndũ: syokai yu kĩla ũmwe kuma mũendelenĩ wake mũthũku, na kũlũngalya mĩendele yenyu o na meko menyu.</verse>
				<verse number="12">Ĩndĩ measya, Nĩ mana; nũndũ tũkaenda tũatĩĩe mũsũanĩo maitũ ene, na tũkeeka kĩla ũmwe aatĩĩe ngũlũ sya ngoo yake nthũku.</verse>
				<verse number="13">Kwondũ wa ũu Yeova easya atĩĩ: Yu kũlyai mbaĩnĩ, ũla wewie maũndũ mailyĩ aa; mwĩĩtu mũtheu wa Isilaeli nĩwĩkĩte ũndũ ũthũku mũno.</verse>
				<verse number="14">Ĩa ya Levanoni yĩkathela kuma ĩvianĩ yĩ mũũndanĩ? Kana manzĩ mathithu ala matheeaa kuma kũasa makang’ala?</verse>
				<verse number="15">Nũndũ andũ makwa nĩmolĩtwe ninyie, nĩmaitoeesye ngai sya ũvũngũ ũvani; na nĩmalulutĩkĩtw’e nzĩanĩ syoo, nzĩanĩ sya tene tene, maende na nzĩa sya myathũko, nzĩa ĩte nzeũvye;</verse>
				<verse number="16">kũtw’ĩkĩthya nthĩ yoo ũseng’yo, na ya kũtimbwa ĩndĩ yonthe; kĩla mũndũ wĩmĩvĩtĩla akaseng’a, na kũthingithya mũtwe wake.</verse>
				<verse number="17">Ngamanyaĩĩkya mbee wa mũmaitha o ta kũnyaĩĩkya na kĩseve kya wumĩlonĩ wa syũa; ngamon’ya mũongo, na ti ũthyũ, mũthenya wa wanangĩko woo.</verse>
				<verse number="18">Nĩvo ĩndĩ maisye, Ũkai, tũmũsamĩe Yelemia; nũndũ mĩao ndĩkaa kwa mũthembi, kana ũtao kwa ala oĩ, kana ndeto kwa mwathani. Ũkai, tũmũkũne na ũĩmĩ, na tũikethukĩĩsye ndeto syake o na syĩva.</verse>
				<verse number="19">Mbĩw’a, ame Yeova, noyĩthukĩĩsya wasya wa ala mekũtetan’ya nakwa.</verse>
				<verse number="20">Ũthũku ũkaĩvwa vandũ va ũseo? Nũndũ nĩmenzĩe thayũ wakwa ĩima. Lilikana ũndũ naũngamie mbee waku nĩneene ũseo kwondũ woo, nĩthyũũe ũthilĩku waku wume kwoo.</verse>
				<verse number="21">Kwondũ wa ũu nengane syana syoo yũanĩ, na kwinengane vinyanĩ wa ũvyũ; na iveti syoo syĩthĩwe ite na syana, na syĩthĩwe ndiwa; na aũme moo nĩmoawe nĩ kĩkw’ũ, na anake moo nĩmoawe na ũvyũ kaũnĩ.</verse>
				<verse number="22">Kĩĩo nĩkĩw’ĩke kuma nyũmbanĩ syoo, yĩla wĩmaetee nguthu na kĩthũlũmũko; nũndũ nĩmenzĩte ĩima mangwatye, na kũvitha itei ingwatye maũũ.</verse>
				<verse number="23">Ĩndĩ, Yeova, we nĩwĩsĩ kũsaman’ya kwoo kw’onthe ũndũ wa kũmbũaa; ndũkamaekee ũthũku woo, o na ndũkavute naĩ yoo ũeke kũmyona; ĩndĩ mavalũkw’e mbee waku; meke ũu ĩvinda ya ũthatu waku.</verse>
			</chapter>
			<chapter number="19">
				<verse number="1">Ũũ nĩw’o Yeova waisye, Enda ũthooe sũva wa yũmba wũmbĩtwe nĩ mũmbi, noyosa amwe ma atumĩa ma andũ, na ma atumĩa ma athembi;</verse>
				<verse number="2">na ũyumaala ũende mwandanĩ wa mwana wa Inomu, ũla wĩ vala valikĩlawa mbingĩlonĩ yĩtaw’a Alisithi, na kũtavanĩsya kw’o ndeto ila ngakũtavya:</verse>
				<verse number="3">na kwasya, Ĩthukĩĩsyei ndeto ya Yeova, inyw’ĩ asumbĩ ma Yuta, na ala mũtwĩe Yelusaleme: Ũũ nĩw’o Yeova wa nguthu, Ngai wa Isilaeli, ũnũkwasya, Sisya ngavaetee vandũ va ũthũku, o ũla ũkawĩw’a matũ make makasĩĩlĩla.</verse>
				<verse number="4">Nĩkwĩthĩwa nĩmandiĩte, na matw’ĩkĩthĩtye vandũ vaa va mũeni, na kwitoeesya vaa ngai ingĩ ũvani, ila mataamanya, mo na aaĩthe moo na asumbĩ ma Yuta, na kusũsya vandũ vaa na nthakame ya ala mate na ĩvĩtyo,</verse>
				<verse number="5">na nĩmakĩte kũndũ kũtũlu kwa Mbaali, mamũvĩvĩsye Mbaali ana moo mwakinĩ methĩwe nthembo sya kũvĩvw’a; ũndũ ũla ndaawĩaa, kana kũneena, o na ndwaalika kĩlilikanonĩ kyakwa;</verse>
				<verse number="6">kwondũ wa ũu, sisya, mĩthenya nĩyũkĩte, easya Yeova, ĩla vandũ vaa vatiketwa ĩngĩ Tovethi, kana Mwanda wa mwana wa Inomu, ĩndĩ vaketwa Mwanda wa Kũaĩa.</verse>
				<verse number="7">Na ngatw’ĩkĩthĩsya mosũanĩo ma Yuta na ma Yelusaleme ma mana vaa; na ngamavalũkya na ũvyũ mbee wa amaitha moo, na kwa moko ma ala mamanthaa mathayũ moo: na simba syoo nganengane syĩthĩwe lĩu wa nyũnyi sya yayaya, na wa nyamũ sya nthĩ.</verse>
				<verse number="8">Na ngatw’ĩkĩthya ndũa ĩno ũseng’yo, na ya kũtimbwa; kĩla mũndũ ũla wĩmĩvĩtĩla akaseng’a na kũmĩtimba nũndũ wa mothĩn’yo onthe mayo.</verse>
				<verse number="9">Na ngatuma maya nyama sya mĩĩ ya ana moo na eĩtu moo; na makaya kĩla ũmwe nyama sya mũnyanyae, kũtw’ĩkanĩw’anĩ na ũnyamaonĩ, ũla amaitha moo, na ala mamanthaa mathayũ moo, makamanyamasya naw’o.</verse>
				<verse number="10">Nĩvo ĩndĩ ũkoaa sũva ũsu atumĩa mene ala maendie vamwe naku,</verse>
				<verse number="11">na kũmatavya, Ũũ nĩw’o Yeova wa nguthu ũnũkwasya: O tondũ mũndũ wũaa kĩndũ kyũmbĩtwe nĩ mũmbi, kĩla kĩtatonya kũmbwa ĩngĩ kĩthĩwe kĩima, o ta ũu ngooaa andũ aa na ndũa ĩno; na makenzĩa andũ nthĩ kũu Tovethi, kũvika vathela vandũ va kwĩnzĩa nthĩ.</verse>
				<verse number="12">Ũũ nĩw’o ngaveka vandũ vaa, na ala matwĩe vo, o na kũtw’ĩkĩthya ndũa ĩno ta Tovethi, easya ũu Yeova:</verse>
				<verse number="13">na nyũmba sya Yelusaleme, na nyũmba sya asumbĩ ma Yuta, ila syavukiw’e, ikethĩwa ta vandũ va Tovethi, o nyũmba syonthe ila ialanĩ syasyo matoeesye nguthu yonthe ya ĩtunĩ ũvani, na kwĩtĩkĩsya ngai ingĩ nthembo sya kũnyuwa.</verse>
				<verse number="14">Na ĩndĩ Yelemia auma Tovethi, vala Yeova wamũtũmie athanĩe vo; na aũngama nza ya nyũmba ya Yeova, na amea andũ onthe:</verse>
				<verse number="15">Ũũ nĩw’o Yeova wa nguthu, Ngai wa Isilaeli, ũnũkwasya, Sisya, ngamĩetee ndũa ĩno na tũtũla twayo tw’onthe ũthũku w’onthe ũla natavanisye ĩũlũ wayo; nĩkwĩthĩwa nĩmoomisye ngingo syoo, matikew’e ndeto syakwa.</verse>
			</chapter>
			<chapter number="20">
				<verse number="1">Vasuli, mwana wa mũthembi Imeli, ũla waĩ mũnene nyũmbanĩ ya Yeova, eew’a Yelemia akyathana maũndũ asu.</verse>
				<verse number="2">Nĩvo ĩndĩ Vasuli wamũkũnie mwathani Yelemia, na amwoveea maũũ mĩtĩnĩ ĩla yaĩ mbingĩlonĩ ya ngalĩ ya ĩũlũ ya Mbenyamini, ĩla yaĩ nyũmbanĩ ya Yeova.</verse>
				<verse number="3">Na kweethĩwa ũnĩ ũsu, Vasuli amumya Yelemia mĩtĩnĩ ĩsu. Na ĩndĩ Yelemia amwĩa, Yeova ndaaĩta syĩtwa yaku Vasuli, ĩndĩ Makoli‐misavivu.</verse>
				<verse number="4">Nũndũ ũũ nĩw’o Yeova ũnũkwasya, Sisya, ngakũtw’ĩkĩthya ũtĩsyo kwaku mwene, na kwa anyanyau onthe; na makavalũkw’a na ũvyũ wa amaitha moo, na metho maku makoona ũu; na nganengane Yuta onthe kw’okonĩ kwa mũsumbĩ wa Mbaviloni, na akamatava amatwae Mbaviloni, na kũmoaa na ũvyũ.</verse>
				<verse number="5">O na ũndũ ũngĩ nganengane ũthwii w’onthe wa ndũa ĩno, na motandĩthyo onthe mayo, na syĩndũ syonthe syayo syĩ vata mũno, ĩĩ, mothwii onthe maie ma asumbĩ ma Yuta nganengane kw’okonĩ kwa amaitha moo; na makamatava mũtavo, na kũmatwaa, na kũenda nao Mbaviloni.</verse>
				<verse number="6">Naku, Vasuli, na onthe ala matwĩe nyũmbanĩ yaku mũkaenda mwĩ atave; na ũkavika Mbaviloni, na ũkakw’ĩa kw’o, na ũkenzĩwa nthĩ kw’o, we, na anyanyau onthe, ala wamathanĩe ũvũngũ.</verse>
				<verse number="7">Ame Yeova, nĩwambĩsũvie, nakwa neesũvĩka; wĩ vinya kwĩ nyie, naku nĩwakĩlya vinya: nĩnatw’ĩka wa kũthekeewa mũthenya w’onthe, kĩla mũndũ nũkũmbũĩa ngũĩ.</verse>
				<verse number="8">Nũndũ o yĩla ngũneena, nĩngũkĩlya wasya; nĩngwasya mũno, Ũng’endu na wanangĩko! Nĩkwĩthĩwa ndeto ya Yeova nĩtw’ĩkĩthaw’a kwakwa kĩvũthya na ntheko, mũthenya w’onthe.</verse>
				<verse number="9">Na ethĩwa nĩasya, Ndikamũweta, kana kũneena ĩngĩ syĩtwanĩ yake nĩvo ngoonĩ yakwa ve ta mwaki mwakanu ũvingĩĩtwe mavĩndĩnĩ makwa, na nĩ na mĩnoo ũndũ wa kũmĩĩsya, o na nditonya kwĩsiĩĩa.</verse>
				<verse number="10">Nũndũ nĩnĩw’ĩte nzukũ sya aingĩ, ũtĩsyo ngalĩ syonthe. Anyanyawa onthe ala twĩsene ala masiasya mone ũvalũko wakwa measya, Mwilĩĩlei, naitũ tũkamũneenea, nokwĩthĩwa akakusĩka, na tũkamũkĩlya vinya, na kwĩĩvanĩsya ũndũ wake.</verse>
				<verse number="11">Ĩndĩ Yeova e vamwe nakwa ta ũla wĩ vinya mũno na wa kũtĩsya: kwondũ wa ũu ala manthĩnasya makalulutĩka, na matikakĩlya vinya; makasonokw’a vyũ, nũndũ matyaaĩka na ũĩ, o kwanangĩwa ndaĩa tene na tene kũla kũtakola nongi.</verse>
				<verse number="12">Ĩndĩ, ame Yeova wa nguthu, ũla ũtataa ala alũngalu, ũla wonaa ngoo na kĩlilikano, none ũĩvanĩsya waku kwoo; nũndũ nĩnakwonisye ũvoo wakwa.</verse>
				<verse number="13">Mwinĩei Yeova, mũkathei Yeova; nũndũ nũvonoketye thayũ wa mũthĩni kũmumya kw’okonĩ kwa eki ma naĩ.</verse>
				<verse number="14">Nũumanĩwe mũthenya ũla nasyaiwe: mũthenya ũla mwaitũ wanzyaie ndũkaathimwe.</verse>
				<verse number="15">Naumanĩwe mũndũ ũla wamũtwaĩe nau ũvoo, akĩmwĩa, Nũsyaĩwe kavĩsĩ; akĩmũtanĩthya mũno.</verse>
				<verse number="16">Na mũndũ ũsu nĩethĩwe ta ndũa ila Yeova waing’uthũlile, na ndaalyũla: nake nĩew’e kĩĩo kĩoko, na mbu katambanga;</verse>
				<verse number="17">nĩkwĩthĩwa ndaambũaa nĩ ĩvunĩ; na nĩw’o ĩndĩ mwaitũ ethĩwa aĩ mbũa yakwa, na ĩvu yake yĩkekalaa.</verse>
				<verse number="18">Nũndũ wa kĩ naumie ĩvunĩ none thĩna na woo, nĩ kana mĩthenya yakwa yanangĩke na nthoni?</verse>
			</chapter>
			<chapter number="21">
				<verse number="1">Ndeto ĩla yamũkĩe Yelemia kuma kwa Yeova, yĩla mũsumbĩ Nzetekia watũmie kwake Vasuli mwana wa Malikiya, na Nzevania mwana wa mũthembi Maaseia, makĩmwĩa,</verse>
				<verse number="2">Nĩngũkwĩsũva ũtũkũlĩlye kwa Yeova; nũndũ Nevukatilesa mũsumbĩ wa Mbaviloni nũnũũkwatya kaũ naitũ: nokwĩthĩwa Yeova akatwĩka kwĩanana na mawĩa make onthe ma ũseng’ya, nĩ kana aende kuma kwitũ.</verse>
				<verse number="3">Nĩvo ĩndĩ Yelemia wameie, Ũũ nĩw’o mũkamwĩa Nzetekia:</verse>
				<verse number="4">Ũũ nĩw’o Yeova, Ngai wa Isilaeli, ũnũkwasya, Sisya, ngathyũũa mĩio ya kaũ ĩla yĩ mokonĩ menyu, ĩla mũkũkita mũsumbĩ wa Mbaviloni nayo, na Akalitei ala meũmũtwĩkanĩsya, me ũtee wa maũvai; na ngamyũmbanĩsya ndũanĩ katĩ.</verse>
				<verse number="5">Nakwa mwene ngokita nenyu na kw’oko kũtambũũku na kw’oko kwĩ vinya, nĩ na ũthatu, na ũthilĩku, na woo mwingĩ.</verse>
				<verse number="6">Na ngakũna andũ ala matwĩe ndũanĩ ĩno, mũndũ vamwe na nyamũ: makooawa nĩ mũimũ mũthũku.</verse>
				<verse number="7">Na Yeova easya, Ĩtina wa ũu nganengane Nzetekia mũsumbĩ wa Yuta, na athũkũmi make, na andũ, o ala metialw’a ndũanĩ ĩno nĩ mũimũ, na ũvyũ, na yũa, kw’okonĩ kwa Nevukatilesa mũsumbĩ wa Mbaviloni, na mokonĩ ma amaitha moo, na mokonĩ ma ala mamanthaa mathayũ moo: nake akamakũna kwa kũmatemanga na ũvyũ; ndakamaeka, kana kũmew’ĩa ĩnee kana teĩ.</verse>
				<verse number="8">Na ũkatavya andũ aa, Ũũ nĩw’o Yeova ũnũkwasya: Sisya, nĩngwia mbee wenyu nzĩa ya thayũ na nzĩa ya kĩkw’ũ.</verse>
				<verse number="9">Ũla wĩĩkala ndũanĩ ĩno akooawa na ũvyũ, na yũa, na mũimũ; ĩndĩ ũla wĩumaala na kwĩnengane kwa Akalitei ala meũmũtwĩkanĩsya, ũsu akekala thayũ, na thayũ wake ũkeethĩwa mũtavo wake.</verse>
				<verse number="10">Nũndũ nĩnamĩlutĩle ndũa ĩno ũthyũ wakwa nĩmĩke ũthũku, na ti ũseo, easya ũu Yeova: ĩkanenganwe kw’okonĩ kwa mũsumbĩ wa Mbaviloni, nake akamĩvĩvya na mwaki.</verse>
				<verse number="11">Na ĩw’ai ndeto ya Yeova ũndũ wa nyũmba ya mũsumbĩ wa Yuta:</verse>
				<verse number="12">Yeova easya atĩĩ, We nyũmba ya Ndaviti, silai ũsili wa katĩ kĩoko, na kũmumya ũla ũvutĩtwe kw’okonĩ kwa ũla ũthĩnasya, ũthilĩku wakwa ndũkese kumĩla ta mwaki, na kwakana ũndũ mũndũ o na wĩva ũtatonya kũvosya, nũndũ wa ũthũku wa meko menyu.</verse>
				<verse number="13">Sisya, nĩ ũndũ naku, we ũla wĩkalaa mwandanĩ, ĩvia yĩ ũiĩnĩ, easya ũu Yeova; inyw’ĩ ala mwĩasya, Nũũ ũla wĩtũtheeea ithyĩ? Kana nũũ wĩlika mawĩkalonĩ maitũ?</verse>
				<verse number="14">Na ngamũkũna kwĩanana na ũsyao wa meko menyu, easya ũu Yeova; na ngakan’ya mwaki mũtitũnĩ wake, naw’o ũkavĩvya kyonthe kĩla kĩthyũlũlũkĩte ngalĩ syonthe.</verse>
			</chapter>
			<chapter number="22">
				<verse number="1">Ũũ nĩw’o Yeova waisye: Theea nyũmbanĩ ya mũsumbĩ wa Yuta ũneenee ndeto ĩno vo,</verse>
				<verse number="2">na kwasya, Ĩthukĩĩsye ndeto ya Yeova, we mũsumbĩ wa Yuta, ũla wĩkalĩte kĩvĩlanĩ kya ũsumbĩ kya Ndaviti, we, na athũkũmi maku, na andũ maku ala mavotelaa mbingĩlonĩ ii.</verse>
				<verse number="3">Ũũ nĩw’o Yeova ũnũkwasya: Silai sila wa katĩ na mũlũngalu, na kũmumya ũla ũvutĩtwe kw’okonĩ kwa ũla ũthĩnasya: na ndũkamwĩke ũthũku, kana kũmũng’endea, mwĩkali wa ũeninĩ, kana ũla wakw’ĩĩwe nĩ ĩthe, kana mũndũ mũka ndiwa; o na ndũketĩkye nthakame ĩte na ĩvĩtyo vandũ vaa.</verse>
				<verse number="4">Nũndũ ethĩwa mwĩĩka ũndũ ũsu ki, nĩvo ĩndĩ kũkavotela mbingĩlonĩ sya nyũmba ĩno asumbĩ mekalĩle kĩvĩla kya ũsumbĩ kya Ndaviti, maikuwa nĩ makasya na matũlĩte mbalasi, we, na athũkũmi make, na andũ make.</verse>
				<verse number="5">Ĩndĩ ethĩwa nĩmũũlea kwĩthukĩĩsya ndeto ii, nyie mwene nĩngwĩvĩta kana nyũmba ĩno ĩkatw’ĩka ĩanzo, easya ũu Yeova.</verse>
				<verse number="6">Nũndũ ũũ nĩw’o Yeova ũnũkwasya kwondũ wa nyũmba ya mũsumbĩ wa Yuta: We wĩ Ngileati kwakwa, mũthya wa Levanoni; ĩndĩ vate ndĩi ngakũtw’ĩkĩthya weũ, ndũa ite andũ.</verse>
				<verse number="7">Nakwa ngaseũvya ala makakwanangaa, kĩla ũmwe na mĩio yake ya kaũ; na makatemanga mĩkũũ yaku mĩseo, na kũmĩkya mwakinĩ.</verse>
				<verse number="8">Na mbaĩ nyingĩ ikavĩtĩla ndũa ĩno, na makakũlan’ya kĩla ũmwe na mũtũi wake, Nũndũ wa kĩ Yeova wĩkĩte ndũa ĩno nene ũu?</verse>
				<verse number="9">Nĩvo ĩndĩ makasũngĩa, Nũndũ nĩmatiie ũtianĩo wa Yeova Ngai woo, na kũthaitha ngai ingĩ, na kwithũkũma.</verse>
				<verse number="10">Mũikaĩĩe ũla mũkw’ũ, kana kũmũmetea; ĩndĩ ĩai mũno kwondũ wa ũla wĩenda kũasa; nũndũ ndakasyoka ĩngĩ, kana kwona ĩngĩ nthĩ ĩla wasyaĩwe.</verse>
				<verse number="11">Nũndũ ũũ nĩw’o Yeova ũnũkwasya, ũndũ wa Salumu mwana wa Yosia, mũsumbĩ wa Yuta, ũla wasumbĩkie vandũ va Yosia ĩthe wake, ũla waumie vandũ vaa: Ndakasyoka vo ĩngĩ;</verse>
				<verse number="12">ĩndĩ vandũ vala mamũtwaie e mũtave, akakw’ĩa o vo, na ndakona nthĩ ĩno ĩngĩ.</verse>
				<verse number="13">Woo nĩ wake ũla wakaa nyũmba yake na nzĩa ĩte ndũngalu, na tũsũmba twake na nzĩa ĩte ya katĩ; ũla wĩtethasya na ũthũkũmi wa mũtũi wake mana, na ndeũmũnenga ĩtuvi yake;</verse>
				<verse number="14">ũla ũkwasya, Ngeeyakĩa nyũmba nthanthau na tũsũmba twĩ ũthei, na kwĩvũthũĩa mbũthi; nayo nĩ nzeũvye nthĩnĩ na mbwaũ sya mĩkũũ, na kũvakwa langi mũtune mũno.</verse>
				<verse number="15">Ũkasumbĩka, nũndũ nũkũtata na vinya kwĩvĩtũkya mbee na mbwaũ sya mĩkũũ? Au ndaaya na kũnyw’a, na kwĩka katĩ o na ũlũngalu? Nĩvo ĩndĩ kwaĩ ũseo kwake.</verse>
				<verse number="16">Nĩwasilanasya ngya na ala athĩni; nĩvo ĩndĩ kwaĩ ũseo. Ũũ tiw’o kũmanya nyie? Easya ũu Yeova.</verse>
				<verse number="17">Ĩndĩ metho maku na ngoo yaku ndĩ ũndũ yendaa ate o ĩtomo yaku, na kwĩtĩkya nthakame ĩte na ĩvĩtyo, na kũnyamasya, na kũng’endea, na kwĩkaa ũu.</verse>
				<verse number="18">Kwondũ wa ũu Yeova easya ũndũ wa Yeoiakimu mwana wa Yosia, mũsumbĩ wa Yuta: Matikamũmetea, makyasya, Aa mwana‐a‐ia! Kana, Aa mwĩĩtu‐a‐ia! Matikamũmetea, makyasya, Aa mwĩaĩi! Kana, Aa ũnene wake!</verse>
				<verse number="19">Akenzĩwa nthĩ tondũ ĩng’oi yĩnzĩawa nthĩ, kũkusw’a na kwĩkw’a ũtee wa mbingĩlo sya Yelusaleme.</verse>
				<verse number="20">Ambata ũende Levanoni, ũĩe; na ũkĩlya wasya waku ku Mbasani, na kũĩa wĩ Avalimu; nũndũ endwa maku onthe nĩ anangĩku.</verse>
				<verse number="21">Nĩnaneenie naku kwingĩvanĩ kwaku; ĩndĩ we wasya, Ndikethukĩĩsya. Ũũ nĩw’o mwĩkalĩle waku kuma wana waku, kana ndwĩthukĩĩasya wasya wakwa.</verse>
				<verse number="22">Kĩseve kĩkaya aĩthi maku onthe, na endwa maku makaenda me atave: nĩ w’o ĩndĩ ũkasonoka na kũthokoanw’a ũndũ wa ũthũku waku w’onthe.</verse>
				<verse number="23">We ũla ũtwĩe Levanoni, ũla wakaa ndala yaku mĩtĩnĩ ya mĩkũũ, ko ũkethĩwa wa kwĩw’ĩwa tei mũno yĩla woo ũkakũkĩa, woo ta wa mũndũ mũka akyaũnya!</verse>
				<verse number="24">Yeova easya, O tondũ nĩ thayũ, o na kethĩwa Konia mwana wa Yeoiakimu mũsumbĩ wa Yuta nĩ ngome ya ũvana ũsiĩlo kw’okonĩ kwakwa kwa aũme, ngakwĩkya kũasa;</verse>
				<verse number="25">na ngakũnengane kw’okonĩ kwa ala mamanthaa thayũ waku, na kw’okonĩ kwa ala ũmakĩaa, o kw’okonĩ kwa Nevukatilesa mũsumbĩ wa Mbaviloni, na kw’okonĩ kwa Akalitei.</verse>
				<verse number="26">Na ngakwĩkya ũtee, vamwe na mwenyu ũla wakũsyaie, nthĩ ĩngĩ, ĩla mũtaasyaĩwa; na mũkakw’ĩa kw’o.</verse>
				<verse number="27">Ĩndĩ nthĩ ĩla ngoo yoo yendaa kũmĩsyokea, ku maikasyoka.</verse>
				<verse number="28">Mũndũ ũsu Konia nĩ mũio mũvũthye ũla mwanangĩku? Nĩ mũio ũla ũte mũndũ wa kũtanĩa? Nũndũ wa kĩ mekĩtw’e nza, we na ũsyao wake, na kwĩkw’a nthĩ ĩla matesĩ?</verse>
				<verse number="29">We nthĩ, nthĩ, nthĩ, ĩthukĩĩsye ndeto ya Yeova.</verse>
				<verse number="30">Ũũ nĩw’o Yeova ũnũkwasya, Andĩkai mũndũ ũũ nde kana, mũndũ ũla ũtakaathimĩka mĩthenyanĩ yake; nũndũ vati mũndũ nongi wa ũsyao wake ũla ũkaathimĩka kwĩkala kĩvĩlanĩ kya Ndaviti, kana kũsumbĩka nthĩnĩ wa Yuta.</verse>
			</chapter>
			<chapter number="23">
				<verse number="1">Woo nĩ wa aĩthi ala manangaa na kũnyaĩĩkasya malondu ma kĩsesi kyakwa! Easya ũu Yeova.</verse>
				<verse number="2">Kwondũ wa ũu Yeova, Ngai wa Isilaeli, ũnũũmaneenea aĩthi ala maĩthasya andũ makwa atĩĩ: Nĩmwanyaĩĩkisye ndĩthya yakwa, na kũmĩlũngya, na mũtyaaenda kũmĩsisya; sisya, ngamũetee ũthũku wa meko menyu, easya ũu Yeova.</verse>
				<verse number="3">Na ngoomban’ya ala matialile ma ndĩthya yakwa kũmaumya nthĩ syonthe vala namalũngĩlĩĩlye, na kũmaete ĩngĩ syengonĩ syoo; na makasyaana na kwingĩva.</verse>
				<verse number="4">Na ngamaiĩa aĩthi, ala makamaĩthya; na matikakĩa ĩngĩ, kana kũteva, o na vai ũmwe ũkanyivĩwa, easya ũu Yeova.</verse>
				<verse number="5">Sisya, mĩthenya nĩyũkĩte, easya Yeova, ĩla ngamũkĩlĩlya Ndaviti Ũvonge mũlũngalu, na akasumbĩka e mũsumbĩ na kwĩka na ũĩ, na akasila sila wa katĩ na mũlũngalu e ĩ nthĩ.</verse>
				<verse number="6">Mĩthenyanĩ yake Yuta akatangĩĩwa, na Isilaeli akekala ate na mũisyo; na syĩtwa yake yĩla ũketwa nĩ yĩĩ: Yeova ũlũngalu witũ.</verse>
				<verse number="7">Yeova easya atĩĩ, Kwondũ wa ũu, sisya, mĩthenya nĩyũkĩte ĩla matakasya ĩngĩ, O tondũ Yeova wĩ thayũ, ũla waumisye ana ma Isilaeli nthĩ ya Misili;</verse>
				<verse number="8">ĩndĩ, O tondũ Yeova wĩ thayũ, ũla waetie na kũtongoesya ũsyao wa nyũmba ya Isilaeli kuma nthĩ yĩ ngalĩ ya ĩũlũ, na kuma nthĩ syonthe ila namalũngĩlĩĩlye. Na makatũa nthĩ yoo ene.</verse>
				<verse number="9">Ũndũ wa athani. Ngoo yakwa nĩtũlĩkĩle nthĩnĩ wakwa, mavĩndĩ makwa onthe nĩmeũthingithanga; nĩilyĩ ta mũndũ ũnyw’ĩte, na ta mũndũ ũla ũmilĩtwe nĩ mbinyu, nũndũ wa Yeova, na nũndũ wa ndeto syake ntheu.</verse>
				<verse number="10">Nũndũ nthĩ nĩyusũĩte ilaalai; nĩkwĩthĩwa nũndũ wa kĩumo nthĩ nĩmetaa; isesi sya weũ nĩsyũmĩte. Nzĩa yoo nĩ nthũku, na ũtonyi woo ti wa w’o;</verse>
				<verse number="11">nũndũ mwathani na mũthembi me elĩ nĩ avuku; ĩĩ, nĩnonete ũthũku woo nyũmbanĩ yakwa, easya ũu Yeova.</verse>
				<verse number="12">Kwondũ wa ũu nzĩa yoo ĩkeethĩwa kwoo ta kũndũ kũtendeu kĩvindunĩ: makalũngĩlĩĩlwa, na kũvalũka o kw’o; nũndũ ngamaetee ũthũku, o mwaka wa kũsilĩlwa kwoo, easya ũu Yeova.</verse>
				<verse number="13">Nakwa nĩnonete ũtumanu athaninĩ ma Samalia; nĩmathanie na syĩtwa ya Mbaali, na kũmavĩtĩthya andũ makwa Isilaeli.</verse>
				<verse number="14">Na ĩngĩ nĩnonete ũndũ wa ũtĩsya mũno athaninĩ ma Yelusaleme: nĩmekaa ũlaalai, na kũendaa na movũngũ; na nĩmekĩaa vinya moko ma eki ma naĩ, ũkethĩa vai ũmwe ũsyoka kuma ũthũkunĩ wake: nao onthe nĩmatw’ĩkĩte kwakwa ta Sotomo, na ala matwĩe kw’o ta Ngomola.</verse>
				<verse number="15">Kwondũ wa ũu Yeova wa nguthu easya ũndũ wa athani: Sisya, ngamaathĩsya kĩndũ kĩ ũũ, na kũmanyw’ĩthya manzĩ me ũũ ta nyongo; nũndũ kũlea kũkĩa Ngai nĩkumĩte athaninĩ ma Yelusaleme, kũkathi nthĩ yonthe.</verse>
				<verse number="16">Ũũ nĩw’o Yeova wa nguthu ũnũkwasya, Mũtikethukĩĩsye ndeto sya athani ala mamwathanĩaa inyw’ĩ; nĩmamũmanyĩasya maũndũ ma mana; nĩmaneenaa woni wa ngoo syoo ene, na ti kuma kanyw’anĩ wa Yeova.</verse>
				<verse number="17">Mavinda onthe nĩmamatavasya ala mambũthasya, Yeova nũneenete atĩĩ, Mũkeethĩwa na mũuo; na kĩla mũndũ ũla ũendaa akĩatĩĩa ngũlũ sya ngoo yake mwene mamũtavasya, Vai ũthũku ũkakũkwata.</verse>
				<verse number="18">Nũndũ nũũ ũla waũngamie nzamanĩ ya Yeova, amanye na kwĩw’a ndeto yake? Nũũ ũla wasũvĩie ndeto yakwa, na kũmĩthukĩĩsya?</verse>
				<verse number="19">Sisya, kĩuutani kya Yeova, nĩkyo ũthilĩku wake, nĩkyumĩte, ĩĩ, kĩuutani kya kĩlingi: kĩkatolekela mĩtwenĩ ya ala athũku.</verse>
				<verse number="20">Ũthatu wa Yeova ndũkasyoka, mũvaka amina kwĩka, na mũvaka amina kwĩanĩsya kwenda kwa ngoo yake: mĩthenya ya mũminũkĩlyo mũkamanya vyũ.</verse>
				<verse number="21">Ndyaatũma athani aa, ĩndĩ nĩmasembie: ndyaaneena nao, ĩndĩ nĩmathanie.</verse>
				<verse number="22">Ĩndĩ kethĩwa nĩmaũngamie nzamanĩ yakwa, nĩvo ĩndĩ methĩwa mamew’ĩthisye andũ makwa ndeto syakwa, na kũmaalyũla matie mũendele woo mũthũku, na ũthũku wa meko moo.</verse>
				<verse number="23">Yeova easya atĩĩ, Nyie nĩ Ngai wĩ vakuvĩ, na ti Ngai wĩ kũasa?</verse>
				<verse number="24">Mũndũ nũtonya kwĩvitha mawĩvithonĩ ũndũ ndamwona? Easya ũu Yeova. Nyie ndyusũĩte ĩtu na nthĩ? Easya ũu Yeova.</verse>
				<verse number="25">Nĩnĩw’ĩte ũndũ athani maneenete, ala mathanaa movũngũ syĩtwanĩ yakwa, makyasya, Nĩnĩotete ndoto, nĩnĩotete ndoto.</verse>
				<verse number="26">Ũũ ũkethĩwa ngoonĩ sya athani ala mathanaa movũngũ, o athani ma ũkengani wa ngoo syoo ene kũvika ĩndĩĩ?</verse>
				<verse number="27">Ala masũanĩaa kũlĩthya andũ makwa syĩtwa yakwa kwondũ wa ndoto syoo ila matavasya kĩla mũndũ mũtũi wake, o tondũ aaĩthe moo moolilwe nĩ syĩtwa yakwa kwondũ wa Mbaali.</verse>
				<verse number="28">Mwathani ũla wĩ na ndoto, natavan’ye ndoto; na ũla wĩ na ndeto yakwa, naneene ndeto yakwa na kĩthito. Ũa nĩ kĩndũ kyaũ vala ve nganũ? Ekũlya ũu Yeova.</verse>
				<verse number="29">Ndeto yakwa ndĩilyĩ ta mwaki? Ekũlya ũu Yeova; na ta kĩiva kĩla kĩkanyangaa ĩvia ilungu?</verse>
				<verse number="30">Kwondũ wa ũu, sisya, nĩ na ũndũ na athani ala moyaa ndeto syakwa kĩla ũmwe kwa mũtũi wake, easya ũu Yeova.</verse>
				<verse number="31">Sisya, nĩ na ũndũ na athani, easya Yeova, ala maneenaa na nĩmĩ syoo, na kwasya, We nũnũkwasya.</verse>
				<verse number="32">Sisya, nĩ na ũndũ na ala mathanaa wathani wa ndoto sya ũvũngũ, easya Yeova, na kwitavan’ya, na kũvĩtĩthya andũ makwa kwondũ wa movũngũ moo, na kwĩkathĩĩa kwoo kwa mana: ĩndĩ ndyaamatũma, kana kũmeaĩa; o nao matimaunaa andũ aa nongi, easya ũu Yeova.</verse>
				<verse number="33">Na yĩla andũ aa, kana mwathani, kana mũthembi, mekũkũlya, makyasya Mũio wa Yeova nĩ mwaũ? Nĩvo ĩndĩ wĩmea, Mũio wĩva! Ngamũveta vyũ, easya ũu Yeova.</verse>
				<verse number="34">Na ũndũ wa mwathani, na mũthembi, na andũ ala makasya, Mũio wa Yeova, ngasilĩla mũndũ ũsu vamwe na nyũmba yake.</verse>
				<verse number="35">Ũũ nĩw’o mũkaneena kĩla ũmwe na mũtũi wake, na kĩla ũmwe na mwana‐a‐ĩthe, Yeova asũngĩĩte ata? Na, Yeova, aneenete ata?</verse>
				<verse number="36">Na mũikawete mũio wa Yeova ĩngĩ: nũndũ ndeto ya kĩla mũndũ mwene ĩkeethĩwa mũio wake; nĩmwelelũkĩtye ndeto sya Ngai ũla wĩ thayũ, sya Yeova wa nguthu Ngai waitũ.</verse>
				<verse number="37">Ũũ nĩw’o wĩkũlya mwathani, Yeova akũsũngĩĩte ata? Na, Yeova aneenete ata?</verse>
				<verse number="38">Ĩndĩ ethĩwa mwĩasya, Mũio wa Yeova; kwondũ wa ũu Yeova easya atĩĩ: Nũndũ nĩmũneenaa ndeto ĩno, Mũio wa Yeova; nakwa nĩnĩtũmanĩte kwenyu, ngyasya, Mũtikaneene, Mũio wa Yeova;</verse>
				<verse number="39">kwondũ wa ũu, sisya, ngoolwa nĩ inyw’ĩ vyũ, na ngamũveta, vamwe na ndũa ĩla namũnengie inyw’ĩ na aaĩthe menyu, mume mbee wakwa:</verse>
				<verse number="40">na ngamũetee kũvũthw’a kwa tene na tene, na nthoni sya mavinda onthe, ĩla itakola.</verse>
			</chapter>
			<chapter number="24">
				<verse number="1">Yeova ambon’ya, na, sisya, ikavũ ilĩ sya makũyũ syiĩtwe mbee wa ĩkalũ ya Yeova, ĩtina wa Nevukatilesa mũsumbĩ wa Mbaviloni kũtava Yekonia mwana wa Yeoiakimu, mũsumbĩ wa Yuta, na anene me mbee ũsumbĩnĩ ma Yuta, vamwe na ndũĩka na atwii, kũmaumya Yelusaleme, na kũmatwaa Mbaviloni.</verse>
				<verse number="2">Kĩkavũ kĩmwe kyaĩ na makũyũ maseo mũno, ta makũyũ ala mambaa kwĩw’a; na kĩkavũ kĩla kĩngĩ kyaĩ na makũyũ mathũku mũno, ala mataĩka, nũndũ wa kũthũka kwamo.</verse>
				<verse number="3">Nĩvo ĩndĩ Yeova wangũlilye, Wĩona kyaũ, Yelemia? Nakwa nasya, Makũyũ; ala makũyũ maseo, maseo mũno; na ala mathũku, mathũku mũno, ala mataĩka, nũndũ wa kũthũka kwamo.</verse>
				<verse number="4">Na ndeto ya Yeova yambũkĩa, ĩkyasya,</verse>
				<verse number="5">Ũũ nĩw’o Yeova, Ngai wa Isilaeli, ũnũkwasya: Ta makũyũ aa maseo, now’o ngasisya kwondũ wa ũseo ala atave ma Yuta, ala namalũngilye maume vaa mathi nthĩ ya Akalitei.</verse>
				<verse number="6">Nũndũ ngamaketeea na metho makwa kwondũ wa ũseo, na ngamaete ĩngĩ nthĩ ĩno: na ngamaka, na ti kũmaomboa; na ngamavanda, na ti kũmakũa.</verse>
				<verse number="7">Na ngamanenga ngoo ya kũmanya nyie, atĩ ninyie Yeova: na makeethĩwa andũ makwa, na ngeethĩwa Ngai woo; nũndũ makanzyokea na ngoo yoo yonthe.</verse>
				<verse number="8">Ũũ nĩw’o Yeova ũnũkwasya, O tondũ ala makũyũ mathũku mataĩka nũndũ wa kũthũka kwamo, now’o nganengane Nzetekia mũsumbĩ wa Yuta, na anene make me mbee ũsumbĩnĩ, na ũtialo wa Yelusaleme, ala matialĩte nthĩ ĩno, na ala matwĩe nthĩ ya Misili,</verse>
				<verse number="9">ngamanengane kwondũ wa ũthũku mekangw’e kũũ na kũũ mosumbĩnĩ onthe ma nthĩ; methĩwe ũvũthyo na nthimo, ntheko na kĩumo, kũndũ kw’onthe kũla ngamalũngĩlĩĩlya.</verse>
				<verse number="10">Na ngatũma ũvyũ, na yũa, na mũimũ, katĩ woo, kũvika yĩla meanangwa kumw’a nthĩ ĩla namanengie mo na aaĩthe moo.</verse>
			</chapter>
			<chapter number="25">
				<verse number="1">Ndeto ĩla yamũkĩe Yelemia ũndũ wa andũ onthe ma Yuta, mwaka wa kana wa kũsumbĩka kwa Yeoiakimu mwana wa Yosia, mũsumbĩ wa Yuta (mwaka ũsu nĩw’o wa mbee wa kũsumbĩka kwa Nevukatilesa mũsumbĩ wa Mbaviloni),</verse>
				<verse number="2">ĩla mwathani Yelemia wamatavisye andũ onthe ma Yuta, na onthe ala matwĩe Yelusaleme, akyasya:</verse>
				<verse number="3">Kuma mwaka wa ĩkũmi na ĩtatũ wa Yosia mwana wa Amoni, mũsumbĩ wa Yuta, o na kũvika mũnthĩ ũũ, myaka ĩsu mĩongo ĩlĩ na ĩtatũ, ndeto ya Yeova nĩyambũkĩaa, nakwa naneenaa nenyu, ngyũkĩla tene na ngĩneena; ĩndĩ mũtyaaĩthukĩĩsya.</verse>
				<verse number="4">Na Yeova nũtũmĩte kwenyu athũkũmi make onthe athani, akyũkĩla tene na kũmatũma (ĩndĩ mũtyaaĩthukĩĩsya, kana kũtea matũ menyu mwĩw’e),</verse>
				<verse number="5">akyasya, Syokai yu kĩla ũmwe kuma mũendelenĩ wake mũthũku, na kuma ũthũkunĩ wa meko menyu, mwĩkalae nthĩ ĩla Yeova wamũnengie inyw’ĩ na aaĩthe menyu, kuma tene na kũvika tene na tene;</verse>
				<verse number="6">na mũikaatĩĩe ngai ingĩ mwithũkũme, na kwithaitha, na mũikanthatye na wĩa wa moko menyu, nakwa ndikamwĩka ũndũ ũthũku.</verse>
				<verse number="7">Ĩndĩ mũtyaambĩthukĩĩsya, easya ũu Yeova; nĩ kana mũnthatye na wĩa wa moko menyu na kwĩyĩka ũthũku.</verse>
				<verse number="8">Kwondũ wa ũu Yeova wa nguthu easya atĩĩ: Nĩkwĩthĩwa mũtyaaĩthukĩĩsya ndeto syakwa,</verse>
				<verse number="9">sisya, ngatũmana na kwosa mĩvĩa yonthe ya ngalĩ ya ĩũlũ, easya Yeova, na ngatũmana kwa Nevukatilesa mũsumbĩ wa Mbaviloni, mũthũkũmi wakwa, na kũmaete mokite na nthĩ ĩno, na ala mamĩtwĩe, na mbaĩ ii syonthe ithyũlũlũkĩte ngalĩ syonthe; na ngasyananga vyũ, na kwitw’ĩkĩthya ũseng’yo, na sya kũtimbwa, na mawanangĩko ma tene na tene.</verse>
				<verse number="10">O na ũndũ ũngĩ ngaumya kwoo wasya wa kũtheka na wasya wa ũtanu, wasya wa mũtwaani na wasya wa mũtwawa, wasya wa mavia ma kũthia, na kyeni kya taa.</verse>
				<verse number="11">Na nthĩ ĩno yonthe ĩkeethĩwa nthei, na ũseng’yo; na mbaĩ ii ikathũkũma mũsumbĩ wa Mbaviloni myaka mĩongo mũonza.</verse>
				<verse number="12">Na kũkeethĩwa, myaka mĩongo mũonza yathela, ngakũna mũsumbĩ wa Mbaviloni, na mbaĩ ĩsu, na nthĩ ya Akalitei, ũndũ wa ũthũku wayo, na ngamĩtw’ĩkĩthya nthei tene na tene, easya ũu Yeova.</verse>
				<verse number="13">Ngamĩetee nthĩ ĩsu ndeto syakwa syonthe ĩla naneenie ĩũlũ wayo, o ũndũ w’onthe ũla ũandĩkĩtwe ĩvukunĩ yĩĩ, ũla Yelemia wathanĩe mbaĩ syonthe,</verse>
				<verse number="14">Nũndũ mbaĩ nyingĩ na asumbĩ anene. Makamatw’ĩkĩthya ngombo, o mo; na ngamaĩva kwĩanana na meko moo, na kwĩanana na wĩa wa moko moo.</verse>
				<verse number="15">Nũndũ ũũ nĩw’o Yeova, Ngai wa Isilaeli, ũnũũmbĩa: Osa kĩkombe kĩĩ kya mbinyu ya ũthilĩku kĩ kw’okonĩ kwakwa, na kũnyw’ĩthya mbaĩ syonthe ila ngakũtũma kwasyo.</verse>
				<verse number="16">Na makanyw’a, na kũlũa kũũ na kũũ, na kwĩthĩwa na ndũũka, nũndũ wa ũvyũ ũla ngatũma katĩ woo.</verse>
				<verse number="17">Nĩvo ĩndĩ noosie kĩkombe kw’okonĩ kwa Yeova, na nainyw’ĩthya mbaĩ syonthe, ila Yeova wandũmie kwasyo:</verse>
				<verse number="18">nasyo nĩ, Yelusaleme, na ndũa sya Yuta, na asumbĩ masyo, na anene me mbee ũsumbĩnĩ masyo, kwitw’ĩkĩthya maanzo, na ũseng’yo, na sya kũtimbwa, na kĩumo, o ũndũ kũilyĩ ũmũnthĩ;</verse>
				<verse number="19">na Valao mũsumbĩ wa Misili, na athũkũmi make, na anene make me mbee ũsumbĩnĩ, na andũ make onthe;</verse>
				<verse number="20">na andũ onthe ala mavulanĩte, na asumbĩ onthe ma nthĩ ya Usi, na asumbĩ onthe ma nthĩ ya Avilisiti, na Asikeloni, na Ngasa, na Ekiloni, na ũtialo wa Asitoti;</verse>
				<verse number="21">na Etomu, na Moavi, na ana ma Amimoni;</verse>
				<verse number="22">na asumbĩ onthe ma Tile, na asumbĩ onthe ma Sitoni, na asumbĩ ma kĩthama kĩla kĩ mũingo wa ũkanga;</verse>
				<verse number="23">na Ndetani, na Tema, na Mbusi, na onthe ala menzetwe ithũkũ mĩtwe;</verse>
				<verse number="24">na asumbĩ onthe ma Alavia, na asumbĩ onthe ma andũ mavulanĩte ala matwĩe weũnĩ;</verse>
				<verse number="25">na asumbĩ onthe ma Nzimili, na asumbĩ onthe ma Elamu, na asumbĩ onthe ma Ametia;</verse>
				<verse number="26">na asumbĩ onthe ma ngalĩ ya ĩũlũ, kũasa na vakuvĩ, ũmwe na ũmwe; na mosumbĩ onthe ma nthĩ, ala me ĩũlũ wa nthĩ: na mũsumbĩ wa Sesaki akanyw’a ĩtina woo.</verse>
				<verse number="27">Na ũkamea, Ũũ nĩw’o Yeova wa nguthu, Ngai wa Isilaeli, ũnũkwasya: Nyw’ai, mũtoone, na kũtavĩka, na kũvalũka, na kũlea kũkĩla ĩngĩ, nũndũ wa ũvyũ ũla ngatũma katĩ wenyu.</verse>
				<verse number="28">Na kũkeethĩwa, malea kwosa kĩkombe kw’okonĩ kwaku manyw’e, nĩvo ĩndĩ wĩmea, Ũũ nĩw’o Yeova wa nguthu ũnũkwasya: No mũvaka mũnyw’e.</verse>
				<verse number="29">Nũndũ, sisya, nĩngwambĩlĩlya kwĩka ũthũku ndũanĩ ĩla yĩtanĩaw’a na syĩtwa yakwa; na inyw’ĩ mũkatĩa kũkũnwa? Mũtikaekwa mũte akũne; nũndũ ngeetĩsya andũ onthe ũvyũ ala matwĩe nthĩ, easya ũu Yeova wa nguthu.</verse>
				<verse number="30">Kwondũ wa ũu mathanĩe ndeto ii syonthe, na kũmea, Yeova akaluma e ĩũlũ, na kumya wasya wake wĩkalonĩ wake mũtheu; akalumĩla na vinya ĩĩthya yake; akamokĩlĩlya onthe ala matwĩe nthĩ wasya mũnene, o ta wa ala makinyangaa nzavivũ.</verse>
				<verse number="31">Kĩlonzo kĩkavika kĩtulu kya nthĩ; nũndũ Yeova e na ngananĩo na i mbaĩ; akasilĩla mĩĩ yonthe: na ũndũ wa ala athũku, akamanengane moawe na ũvyũ, easya ũu Yeova.</verse>
				<verse number="32">Ũũ nĩw’o Yeova wa nguthu ũnũkwasya, Sisya, ũthũku ũkaendaa kuma mbaĩnĩ kũvika mbaĩnĩ, na kĩuutani kĩnene kĩkookĩlw’a kuma itulunĩ sya nthĩ.</verse>
				<verse number="33">Na mũthenya ũsu ala oae ma Yeova makethĩwa kuma ngalĩ ĩmwe ya nthĩ kũvika ngalĩ ĩla ĩngĩ ya nthĩ: matikametewa, kana kũmbanw’a, kana kwĩnzĩwa nthĩ; makethĩwa ta vũũ ĩũlũ wa nthĩ.</verse>
				<verse number="34">Kayai, inyw’ĩ aĩthi, na kũĩa; ĩyalalyei mũunĩ, inyw’ĩ anene ma ndĩthya; nũndũ mĩthenya ya kũawa kwenyu na ya kũnyaĩĩkw’a kwenyu nĩ mĩviku ki, na mũkavalũka ta mũio mũseo.</verse>
				<verse number="35">Na aĩthi matikethĩwa na nzĩa ya kũkĩĩla, kana mũnene wa ndĩthya nzĩa ya kũvonokela.</verse>
				<verse number="36">Wasya wa kĩĩo kya aĩthi, na kũkaya kwa ũla mũnene wa ndĩthya! Nũndũ Yeova nũnũkwananga kĩsesi kyoo.</verse>
				<verse number="37">Na syengo syaĩ na mũuo nivindĩthĩtwe nũndũ wa ũthatu mwai wa Yeova.</verse>
				<verse number="38">Nũtiĩte kĩsumo kyake ta mũnyambũ; nũndũ nthĩ yoo nĩtw’ĩkĩte ũseng’yo nũndũ wa wai wa ũvyũ ũla ũthĩnasya, na nũndũ wa ũthatu wake mwai.</verse>
			</chapter>
			<chapter number="26">
				<verse number="1">Wambĩlĩlyo wa kũsumbĩka kwa Yeoiakimu mwana wa Yosia, mũsumbĩ wa Yuta, ndeto ĩno yaumie kwa Yeova, ĩkĩmbĩa,</verse>
				<verse number="2">Ũũ nĩw’o Yeova ũnũkwasya: Ũngama nza ya nyũmba ya Yeova, noineena na ndũa syonthe sya Yuta, ila syũkaa kũthaitha nyũmbanĩ ya Yeova, ndeto syonthe ila ngũkwĩaĩa witavye; ndũkatialye ndeto o na ĩmwe.</verse>
				<verse number="3">Nokwĩthĩwa makethukĩĩsya, na kĩla mũndũ kwĩthyũũa na kũtia mũendele wake mũthũku; nĩ kana nĩalyũle ũndũ wa ũthũku ũla nĩsũanĩĩte kũmeka nũndũ wa ũthũku wa meko moo.</verse>
				<verse number="4">Na wĩmea, Ũũ nĩw’o Yeova ũnũkwasya: Ethĩwa mũtikambĩthukĩĩsya, mũende mĩaonĩ yakwa, ĩla niĩte mbee wenyu.</verse>
				<verse number="5">Na kwĩthukĩĩsya ndeto sya athũkũmi makwa athani, ala nĩtũmaa kwenyu, ngyũkĩla tene na kũmatũma, ĩndĩ mũtyaaĩthukĩĩsya;</verse>
				<verse number="6">nĩvo ĩndĩ ngatw’ĩkĩthya nyũmba ĩno ta Silo, na kũtw’ĩkĩthya ndũa ĩno kĩumo kwa mbaĩ syonthe sya nthĩ.</verse>
				<verse number="7">Na athembi na athani na andũ onthe meew’a Yelemia aineenea ndeto isu nyũmbanĩ ya Yeova.</verse>
				<verse number="8">Na kweethĩwa, Yelemia amina ũneena syonthe ila Yeova wamwĩaĩe amatavye andũ onthe, athembi na athani na andũ onthe mamũkwata, makĩmwĩa, No mũvaka ũkw’e.</verse>
				<verse number="9">Nũndũ wa kĩ wathana syĩtwanĩ ya Yeova, ũkyasya, Nyũmba ĩno ĩkeethĩwa ta Silo, na ndũa ĩno ĩkeethĩwa ĩanzo, ĩte mũndũ ũmĩtũa? Na andũ onthe mamũmbanĩa Yelemia nyũmbanĩ ya Yeova.</verse>
				<verse number="10">Na anene me mbee ũsumbĩnĩ ma Yuta meew’a maũndũ asu, mauma nyũmbanĩ ya mũsumbĩ mambata nyũmbanĩ ya Yeova; na mekala vandũ va ũlikĩla mbingĩlonĩ nzaũ ya nyũmba ya Yeova.</verse>
				<verse number="11">Nĩvo ĩndĩ athembi na athani maneenie na anene me mbee ũsumbĩnĩ na andũ onthe, makyasya, Mũndũ ũũ nĩwaĩlwe nĩ kĩkw’ũ; nĩkwĩthĩwa nũmyathanĩe ndũa ĩno, o tondũ mwĩwie na matũ menyu.</verse>
				<verse number="12">Nĩvo ĩndĩ Yelemia waneenie na anene onthe me mbee ũsumbĩnĩ na andũ onthe, akyasya, Yeova nũndũmĩte nĩmyathanĩe nyũmba ĩno na ndũa ĩno ndeto syonthe ila mwĩwie.</verse>
				<verse number="13">Kwondũ wa ũu lũngalyai mĩendele yenyu o na meko menyu, na kwĩw’a wasya wa Yeova Ngai wenyu; na Yeova akeealyũla ũndũ wa ũthũku ũla ũneenete kũmwĩka.</verse>
				<verse number="14">Ĩndĩ ũndũ wakwa nyie, sisya, nĩ mokonĩ menyu: mbĩkai ũndũ mwĩona wĩ ũseo na wa katĩ.</verse>
				<verse number="15">Ĩndĩ manyai nesa kana, ethĩwa nĩmũũmbũaa, mwĩyĩetee ene na ndũa ĩno na ala mamĩtwĩe, nthakame ĩte ĩvĩtyo; nũndũ nĩ w’o Yeova nũndũmĩte kwenyu nĩneene ndeto isu syonthe matũnĩ menyu.</verse>
				<verse number="16">Nĩvo ĩndĩ anene me mbee ũsumbĩnĩ na andũ onthe matavisye athembi na athani: Mũndũ ũũ ndaĩlwe nĩ kĩkw’ũ; nũndũ nũneenete naitũ syĩtwanĩ ya Yeova Ngai waitũ.</verse>
				<verse number="17">Nĩvo ĩndĩ atumĩa amwe ma nthĩ mookĩlile na maneena na ĩkomano yonthe ya andũ, makyasya,</verse>
				<verse number="18">Mĩka ũla Mũmolasiti nĩwathanie mĩthenyanĩ ya Esekia mũsumbĩ wa Yuta; na aneena na andũ onthe ma Yuta, akyasya, Ũũ nĩw’o Yeova wa nguthu ũnũkwasya: Saioni ĩkenzwa ta mũũnda, na Yelusaleme ĩkatw’ĩka ivumbu, na kĩĩma kĩla kĩ ĩla nyũmba kĩkatw’ĩka ta kũndũ kũtũlu kwa mũtitũ.</verse>
				<verse number="19">Esekia mũsumbĩ wa Yuta na Yuta onthe nĩmamũaie? Ndaakĩa Yeova, na kũmwĩsũva Yeova onan’ye ũseo, na Yeova eealyũla ũndũ wa ũthũku ũla waneenie kũmeka? Tweka ũu tũkameka mathayũ maitũ ũthũku mũnene.</verse>
				<verse number="20">Na ĩngĩ kwaĩ mũndũ ũla wathanie syĩtwanĩ ya Yeova, Ũlia mwana wa Semaia wa ndũa ya Kiliathi‐yealimu; nake nĩwamyathanĩe ndũa ĩno na nthĩ ĩno kwĩanana na ndeto syonthe sya Yelemia.</verse>
				<verse number="21">Na yĩla mũsumbĩ Yeoiakimu, vamwe na ngũmbaũ syake syonthe, na anene onthe me mbee ũsumbĩnĩ, meewie ndeto syake, mũsumbĩ nĩwatatie kũmũaa; ĩndĩ Ulia eew’a ũu, akĩa, na aindũka, na athi Misili.</verse>
				<verse number="22">Na mũsumbĩ Yeoiakimu atũma andũ Misili, nao nĩ aa, Elinathani mwana wa Akivoli, na andũ amwe vamwe nake, na mathi Misili;</verse>
				<verse number="23">na mamumya Ulia Misili, na kũmũtwaa kwa mũsumbĩ Yeoiakimu, nake amũaa na ũvyũ, na ekya kimba kyake vala vaĩ mbũa sya andũ mate ndaĩa.</verse>
				<verse number="24">Ĩndĩ kw’oko kwa Aikamu mwana wa Savani kwaĩ vamwe na Yelemia, nĩ kana matikamũnengane kw’okonĩ kwa andũ mamũae.</verse>
			</chapter>
			<chapter number="27">
				<verse number="1">Wambĩlilyo wa kũsumbĩka kwa Yeoiakimu mwana wa Yosia, mũsumbĩ wa Yuta, ndeto ĩno yamũkĩa Yelemia kuma kwa Yeova, ĩkyasya,</verse>
				<verse number="2">Ũũ nĩw’o Yeova ũnũũmbĩa: Ĩseũvĩsye tũmĩkwa na masoki, na kwĩkĩa ngingonĩ yaku;</verse>
				<verse number="3">na mũtwaĩe mũsumbĩ wa Etomu, na mũsumbĩ wa Moavi, na mũsumbĩ wa ana ma Amimoni, na mũsumbĩ wa Tile, na mũsumbĩ wa Sitoni, na moko ma atũmwa ala mokaa Yelusaleme kwa Nzetekia mũsumbĩ wa Yuta:</verse>
				<verse number="4">na kũmanenga wĩaĩo makatavye mavwana moo, ũkyasya, Ũũ nĩw’o Yeova wa nguthu Ngai wa Isilaeli, ũnũkwasya, Matavyei mavwana menyu atĩĩ:</verse>
				<verse number="5">Nĩnoombie nthĩ, na andũ na nyamũ ila syĩ ĩũlũ wa nthĩ, kwondũ wa vinya wakwa mũnene na kwondũ wa kw’oko kwakwa kũtambũũku; na nĩnengae o ũla ngwona naĩle kũnenga.</verse>
				<verse number="6">Na yu nĩnĩnenganĩte nthĩ isu syonthe kw’okonĩ kwa Nevukatilesa mũsumbĩ wa Mbaviloni mũthũkũmi wakwa; o na nyamũ sya kĩtheka nĩnĩmũnengete imũthũkũme.</verse>
				<verse number="7">Na mbaĩ syonthe ikamũthũkũma we, na mwana wake, na mwĩsukũũe, mũvaka yĩla ĩvinda ya nthĩ yake mwene yĩvika: nĩvo ĩndĩ mbaĩ nyingĩ na asumbĩ anene makamũtw’ĩkĩthya ngombo yoo.</verse>
				<verse number="8">Na kũkeethĩwa, atĩ ũsumbĩ na mbaĩ ĩla ĩkalea kũthũkũma Nevukatilesa ũsu, mũsumbĩ wa Mbaviloni, na kũlea kwĩkĩa ngingo yayo ĩsokinĩ ya mũsumbĩ wa Mbaviloni, mbaĩ ĩsu ngamĩkũna na ũvyũ, na yũa, na mũimũ, kũvika namĩmina na kw’oko kwake, easya ũu Yeova.</verse>
				<verse number="9">Ĩndĩ ũndũ wenyu, mũtikethukĩĩsye athani menyu, kana menyu ala maaũasya, kana ndoto syenyu, kana ala mathanaa maũndũ, kana aoi menyu, ala maneenaa nenyu, makĩmwĩa, Mũtikathũkũma mũsumbĩ wa Mbaviloni:</verse>
				<verse number="10">nũndũ nĩmeũmwathanĩa ũvũngũ, mamumye kũasa na nthĩ yenyu, na nĩ kana nĩmũlũngye, mũkae.</verse>
				<verse number="11">Ĩndĩ mbaĩ ĩla ĩkekĩa ngingo yayo ĩsokinĩ ya mũsumbĩ wa Mbaviloni, na kũmũthũkũma, mbaĩ ĩsu ngamĩeka ĩkalae nthĩ yoo ene, na makamĩnza, na kwĩkala kw’o, easya ũu Yeova.</verse>
				<verse number="12">Na naneena na Nzetekia mũsumbĩ wa Yuta kwĩanana na ndeto ii syonthe, ngĩmwĩa, Ĩkĩai ngingo syenyu ĩsokinĩ ya mũsumbĩ wa Mbaviloni, na kũmũthũkũma we na andũ make, na kwĩkala thayũ.</verse>
				<verse number="13">Nĩkĩ mũkw’e, we na andũ maku, nũndũ wa ũvyũ, na yũa, na mũimũ, o tondũ Yeova ũneenete ũndũ wa mbaĩ ĩla ĩtakamũthũkũma mũsumbĩ wa Mbaviloni?</verse>
				<verse number="14">Na mũtikethukĩĩsye ndeto sya athani ala maneenaa nenyu, makĩmwĩa, Mũtikathũkũma mũsumbĩ wa Mbaviloni; nũndũ mamwathanĩaa ũvũngũ.</verse>
				<verse number="15">Nũndũ ndyaamatũma, easya Yeova, ĩndĩ nĩmathanaa ũvũngũ syĩtwanĩ yakwa; nĩ kana nĩmũlũngye, mwae, inyw’ĩ, na athani ala mamwathanĩaa.</verse>
				<verse number="16">Na ũndũ ũngĩ naneena na athembi na andũ aa onthe, ngĩmea, Ũũ nĩw’o Yeova ũnũkwasya: Mũtikethũkĩĩsye ndeto sya athani menyu ala mamwathanĩaa, makyasya, Sisya, mĩio ya nyũmba ya Yeova ĩkaetwe ĩngĩ mĩtũkĩ kuma Mbaviloni; nũndũ mamwathanĩaa ũvũngũ.</verse>
				<verse number="17">Mũikamethukĩĩsye; thũkũmai mũsumbĩ wa Mbaviloni, mwĩkale thayũ: ndũa ĩno yĩalyũlĩlwa ĩanzo kĩ?</verse>
				<verse number="18">Ĩndĩ ethĩwa nĩ athani, na ethĩwa ndeto ya Yeova yĩ nao, mamwĩsũve Yeova wa nguthu yu, kana mĩio ĩla ĩtialĩtw’e nyũmbanĩ ya Yeova, na nyũmbanĩ ya mũsumbĩ wa Yuta, na ku Yelusaleme, ndĩkatwawe Mbaviloni.</verse>
				<verse number="19">Nũndũ ũũ nĩw’o Yeova wa nguthu ũnũkwasya ũndũ wa ituĩ, na ũndũ wa ũla ũkanga, na ũndũ wa ala matina, na ũndũ wa mĩio ĩla ĩtialĩtw’e ndũanĩ ĩno,</verse>
				<verse number="20">ĩla Nevukatilesa mũsumbĩ wa Mbaviloni ũtaosa, yĩla wamũtavie Yekonia mwana wa Yeoiakimu, mũsumbĩ wa Yuta, kũmumya Yelusaleme kũthi Mbaviloni, o na anene onthe me ndaĩa ma Yuta na ma Yelusaleme;</verse>
				<verse number="21">ĩĩ, ũũ nĩw’o Yeova wa nguthu, Ngai wa Isilaeli, ũnũkwasya, ũndũ wa mĩio ĩla ĩtialĩtw’e nyũmbanĩ ya Yeova, na nyũmbanĩ ya mũsumbĩ wa Yuta, na ku Yelusaleme:</verse>
				<verse number="22">Ĩkatwawa Mbaviloni, nayo ĩkekala kw’o, kũvika mũthenya ũla ngamĩsĩsya, easya ũu Yeova; nĩvo ĩndĩ ngamyambatya, na kũmĩtũnga vaa.</verse>
			</chapter>
			<chapter number="28">
				<verse number="1">Na kweethĩwa mwaka o ũsu, wambĩlĩlyo wa kũsumbĩka kwa Nzetekia mũsumbĩ wa Yuta, mwaka wa kana, mwei wa katano, Aanania mwana wa mwathani Asulu, ũla waĩ wa ndũa ya Ngiveoni, aneenea nakwa nyũmbanĩ ya Yeova, athembi na andũ onthe me vo, akyasya,</verse>
				<verse number="2">Ũũ nĩw’o Yeova wa nguthu, Ngai wa Isilaeli, ũnũũneena, akyasya, Nĩndũlĩte ĩsoki ya mũsumbĩ wa Mbaviloni</verse>
				<verse number="3">Kũithela myaka ĩlĩ mĩima ngatũnga vaa mĩio yonthe ya nyũmba ya Yeova, ĩla Nevukatilesa mũsumbĩ wa Mbaviloni waumisye vaa, akĩtwaa Mbaviloni:</verse>
				<verse number="4">na ngamũete ĩngĩ vaa Yekonia mwana wa Yeoiakimu, mũsumbĩ wa Yuta, vamwe na onthe ala mataviwe ma Yuta, ala matwaiwe Mbaviloni; easya ũu Yeova; nũndũ ngatũla ĩsoki ya mũsumbĩ wa Mbaviloni.</verse>
				<verse number="5">Nĩvo ĩndĩ mwathani Yelemia wamwĩie mwathani Aanania athembi me vo, na andũ onthe ala maũngamaa nyũmbanĩ ya Yeova me vo,</verse>
				<verse number="6">o mwathani Yelemia asya, Ameni: Yeova eke ũu; Yeova eanĩsye ndeto syaku ila wathanie, kũete ĩngĩ kuma Mbaviloni kũvika vaa, mĩio ya nyũmba ya Yeova, na andũ onthe ala mataviwe.</verse>
				<verse number="7">Ĩndĩ yu ĩthukĩĩsye ndeto ĩno ĩla ngũneena matũnĩ maku, na matũnĩ ma andũ onthe:</verse>
				<verse number="8">Athani ala maĩ mbee wakwa na mbee waku kuma ĩvinda ya tene mathanĩe nthĩ nyingĩ, na mosumbĩ manene, kaũ, na ũthũku, na mũimũ.</verse>
				<verse number="9">Mwathani ũla wathanaa mũuo, yĩla ndeto ya mwathani ũsu ĩkeanĩw’a, nĩvo ĩndĩ mwathani ũkamanyĩka, atĩ nĩ w’o Yeova nũmũtũmĩte.</verse>
				<verse number="10">Nĩvo ĩndĩ mwathani Aanania waumisye ĩsoki ngingonĩ ya mwathani Yelemia, na ayĩtũla.</verse>
				<verse number="11">Na Aanania aneena andũ onthe me vo, akyasya, Ũũ nĩw’o Yeova ũnũkwasya: O ta ũu ngatũla ĩsoki ya Nevukatilesa mũsumbĩ wa Mbaviloni, kũyumya ngingonĩ ya mbaĩ syonthe, myaka ĩlĩ mĩima ĩkĩthela. Na mwathani Yelemia eeyĩendea.</verse>
				<verse number="12">Nĩvo ĩndĩ ndeto ya Yeova yamũkĩe Yelemia, ĩtina wa mwathani Aanania kũtũla ĩsoki kũyumya ngĩngonĩ ya mwathani Yelemia, ĩkĩmwĩa,</verse>
				<verse number="13">Enda, ũmũtavye Aanania, ũimwĩa, Ũũ nĩw’o Yeova ũnũkwasya: We nũtũlĩte masoki ma mĩtĩ; ĩndĩ vandũ vamo nũseũvĩtye masoki ma iaa.</verse>
				<verse number="14">Nũndũ ũũ nĩw’o Yeova wa nguthu, Ngai wa Isilaeli, ũnũkwasya: Nĩnĩkĩĩte ĩsoki ya kĩaa ngingonĩ sya mbaĩ ii syonthe, nĩ kana mathũkũme Nevukatilesa mũsumbĩ wa Mbaviloni; no mũvaka mamũthũkũme: o na nĩnĩmũnengete nyamũ sya kĩtheka nasyo.</verse>
				<verse number="15">Nĩvo ĩndĩ mwathani Yelemia wamwĩie mwathani Aanania, Ĩthukĩĩsye yu, Aanania: Yeova ndaakũtũma we; ĩndĩ naku wĩĩkĩĩthya andũ aa ũvũngũ.</verse>
				<verse number="16">Kwondũ wa ũu Yeova easya atĩĩ, Sisya, ngakũlũngya wume ĩũlũ wa nthĩ: mwaka ũũ nũũkw’a, nũndũ nũmũneeneete Yeova ũng’endu.</verse>
				<verse number="17">Kwondũ wa ũu mwathani Aanania nĩwakwie mwaka o ũsu mwei wa mũonza.</verse>
			</chapter>
			<chapter number="29">
				<verse number="1">Ii nĩsyo ndeto sya valũa ũla mwathani Yelemia e Yelusaleme watwaĩe ala matialile ma atumĩa ala mataviwe, na athembi, na athani, na andũ onthe, ala Nevukatilesa wamatwaie me atave kuma Yelusaleme kũthi Mbaviloni</verse>
				<verse number="2">(yĩla mũsumbĩ Yekonia, na inyia wake maminĩte kuma Yelusaleme vamwe na ala avakũe, na anene me mbee ũsumbĩnĩ ma Yuta na Yelusaleme, na ndũĩka, na atwii),</verse>
				<verse number="3">na kw’oko kwa Elasa mwana wa Savani, na Ngemalia mwana wa Ilikia (ũla Nzetekia mũsumbĩ wa Yuta wamũtũmie Mbaviloni kwa Nevukatilesa mũsumbĩ wa Mbaviloni), akyasya,</verse>
				<verse number="4">Ũũ nĩw’o Yeova wa nguthu, Ngai wa Isilaeli, ũnũũmea onthe ala mataviwe, ala namatwaĩthisye me atave kuma Yelusaleme kũthi Mbaviloni:</verse>
				<verse number="5">Akai nyũmba, mũsyĩkale; na vandai mĩũnda, mũye ũsyao wayo.</verse>
				<verse number="6">Twaai aka, mũsyae ivĩsĩ na eĩtu; na matwaĩei ana menyu aka, na nenganei eĩtu menyu, nĩ kana masyae ivĩsĩ na eĩtu: na ingĩvĩai kw’o, na mũikaoleke.</verse>
				<verse number="7">Na manthai mũuo wa ndũa vala namũtwaĩthisye mwĩ atave, na voyai Yeova kwondũ wayo; nũndũ mũuonĩ wayo inyw’ĩ mũkeethĩwa na mũuo</verse>
				<verse number="8">Nũndũ ũũ nĩw’o Yeova wa nguthu, Ngai wa Isilaeli, ũnũkwasya; Athani menyu ala me katĩ wenyu, na menyu ala maaũasya, matikamũkenge; o na mũikethukĩĩsye ndoto syenyu ila mũotaa.</verse>
				<verse number="9">Nũndũ nĩmamwathanĩaa movũngũ syĩtwanĩ yakwa: ndyaamatũma, easya ũu Yeova.</verse>
				<verse number="10">Nũndũ ũũ nĩw’o Yeova ũnũkwasya, Myaka mĩongo mũonza yeanĩa kwondũ wa Mbaviloni, ngamũkĩa, na kwĩanĩsya ndeto yakwa nzeo kwenyu ya kũtuma mũsyoka vaa.</verse>
				<verse number="11">Nũndũ nĩnĩsĩ mosũanĩo ala nĩsũanĩaa kwondũ wenyu, easya Yeova, mosũanĩo ma mũuo, na ti ma ũthũku, kũmũnenga wĩkwatyo mũminũkĩlyo wenyu.</verse>
				<verse number="12">Na mũkeengaĩla, na mũkathi kũmboya, na ngamwĩthukĩĩsya.</verse>
				<verse number="13">Na mũkamantha nyie, na kũmbona, yĩla mwĩmantha na ngoo yenyu yonthe.</verse>
				<verse number="14">Na ngooneka kwenyu, easya Yeova, na ngamũtũnga mume kũtavwanĩ kwenyu, na ngamũmban’ya kuma mbaĩnĩ syonthe na kũndũ kw’onthe kũla namũlũngĩlĩĩlye, easya ũu Yeova; na ngamũete ĩngĩ vandũ vala natumie mumw’a vo mũtwawe mwĩ atave.</verse>
				<verse number="15">Nĩkwĩthĩwa nĩmũneenete atĩĩ, Yeova nĩwatũkĩlĩlye athani ku Mbaviloni;</verse>
				<verse number="16">ũũ nĩw’o Yeova ũnũkwasya ũndũ wa mũsumbĩ ũla wĩkalĩte kĩvĩlanĩ kya ũsumbĩ kya Ndaviti, na ũndũ wa andũ onthe ala matwĩe ndũanĩ ĩno, ana‐a‐ĩthe menyu ala mataathi me atave vamwe nenyu;</verse>
				<verse number="17">ũũ nĩw’o Yeova wa nguthu ũnũkwasya: Sisya, ngamaetee ũvyũ, na yũa, na mũimũ, na ngamatw’ĩkĩthya ta makũyũ mathũku, ala matatonya kũĩka, nũndũ wa kũthũka kwamo.</verse>
				<verse number="18">Na ngamaatĩĩa na ũvyũ, na yũa, na mũimũ, na ngamanengane mekangw’e kũũ na kũũ mosumbĩnĩ onthe ma nthĩ, methĩwe kĩumo, na ũseng’yo, na ma kũtimbwa, na ma kũvũthĩĩw’a, mbaĩnĩ syonthe vala namalũngĩlĩĩlye;</verse>
				<verse number="19">nĩkwĩthĩwa matyaaĩthukĩĩsya ndeto syakwa, easya Yeova, ila natũmie athũkũmi makwa ala athani kwoo nasyo, ngyũkĩla tene, ngĩmatũma; ĩndĩ mũtyaaĩthukĩĩsya, easya ũu Yeova.</verse>
				<verse number="20">Ĩthukĩĩsyei ĩndĩ ndeto ya Yeova, inyw’onthe ala mwataviwe, ala namũlũngilye mume Yelusaleme kũthi Mbaviloni.</verse>
				<verse number="21">Ũũ nĩw’o Yeova wa nguthu, Ngai wa Isilaeli, ũnũkwasya, ũndũ wa Aavu mwana wa Kolaia, na ũndũ wa Nzetekia mwana wa Maaseia, ala mamwathanĩaa ũvũngũ syĩtwanĩ yakwa: Sisya, ngamanengane kw’okonĩ kwa Nevukatilesa mũsumbĩ wa Mbaviloni; na akamoaa mũmene na metho menyu;</verse>
				<verse number="22">na kwondũ woo kũkaneenwa kĩumo nĩ onthe ma Yuta ala mataviwe ala me Mbaviloni, makyasya, Yeova nakũtw’ĩkĩthye ta Nzetekia na ta Aavu, ala mũsumbĩ wa Mbaviloni wamavĩvisye na mwaki;</verse>
				<verse number="23">nĩkwĩthĩwa nĩmekĩte ũtumanu nthĩnĩ wa Isilaeli, na kwĩka ũlaalai na iveti sya atũi moo, na nĩmaneenete ndeto sya ũvũngũ syĩtwanĩ yakwa, ila ndaameaĩa; na ninyie ũla wĩsĩ, na nĩ ngũsĩ, easyu ũu Yeova.</verse>
				<verse number="24">Na ũndũ wa Semaia ũla Mũneelami ũkaneena, ũkyasya,</verse>
				<verse number="25">Ũũ nĩw’o Yeova wa nguthu, Ngai wa Isilaeli, ũnũũneena, akyasya, Nũndũ nũtwaĩte mavalũa syĩtwanĩ yaku mwene kwa andũ onthe ma Yelusaleme, na kwa Nzevania, mwana wa mũthembi Maaseia, na kwa athembi onthe, ũkyasya,</verse>
				<verse number="26">Yeova nũkũtw’ĩkĩthĩtye mũthembi vandũ va mũthembi Yeoiata, nĩ kana vethĩwe anene nyũmbanĩ ya Yeova, kwondũ wa kĩla mũndũ ũla ũkwetwe nĩ ndũũka, na kwĩtw’ĩkĩthya mwene mwathani, nĩ kana ũmwĩkĩe ĩla mĩtĩnĩ ya kwoveea maũũ na ĩla ya ngingo.</verse>
				<verse number="27">Kwondũ wa ũu, nũndũ wa kĩ ndwaamũkan’ya Yelemia wa Anathothi, ũla wĩtw’ĩte mwathani kwenyu,</verse>
				<verse number="28">nũndũ nũtũmanĩte kwitũ Mbaviloni, akyasya, Ĩvinda ya kũtavwa nĩ ĩasa: akai nyũmba, mũsyĩkale; na vandai mĩũnda, mũĩsae ũsyao wayo?</verse>
				<verse number="29">Na mũthembi Nzevania asoma valũa ũsu matũnĩ ma mwathani Yelemia.</verse>
				<verse number="30">Nĩvo ĩndĩ ndeto ya Yeova yamũkĩe Yelemia, ĩkĩmwĩa,</verse>
				<verse number="31">Tũmana kwa onthe ala mataviwe, ũkyasya, Ũũ nĩw’o Yeova ũnũkwasya ũndũ wa Semaia ũla Mũneelami: Nũndũ Semaia nĩwamwathanĩe, na ndyaamũtũma, na nũmũĩkĩĩthĩtye ũvũngũ;</verse>
				<verse number="32">kwondũ wa ũu Yeova easya atĩĩ, Sisya, ngakũna Semaia ũla Mũneelami, na ũsyao wake; ndakethĩwa na mũndũ mũũme wa kwĩkala andũnĩ aa, o na ndakona ũseo ũla ngameka andũ makwa, easya Yeova, nĩkwĩthĩwa nũneeneete Yeova ndeto sya ũng’endu.</verse>
			</chapter>
			<chapter number="30">
				<verse number="1">Ndeto ĩla yamũkĩe Yelemia kuma kwa Yeova, ĩkyasya,</verse>
				<verse number="2">Ũũ nĩw’o Yeova, Ngai wa Isilaeli, ũnũkwasya, akyasya, Andĩka ĩvukunĩ ndeto syonthe ila nakũtavisye.</verse>
				<verse number="3">Nũndũ, sisya, mĩthenya nĩyũkĩte, easya Yeova, ĩla ngamatũnga andũ makwa Isilaeli na Yuta maume kũtavwanĩ kwoo, easya ũu Yeova; na ngatuma masyoka nthĩ ĩla nanengie aaĩthe moo, na makamĩmesya.</verse>
				<verse number="4">Na ii nĩsyo ndeto ila Yeova waneenie ũndũ wa Isilaeli na ũndũ wa Yuta.</verse>
				<verse number="5">Nũndũ ũũ nĩw’o Yeova ũnũkwasya: Nĩtwĩw’ĩte wasya wa kũtetemya, wa kwĩw’ĩthya w’ĩa, na ti wa mũuo.</verse>
				<verse number="6">Kũlyai yu, mwone ethĩwa mũndũ mũũme e na woo wa kũsyaa: nũndũ wa kĩ ngwona kĩla mũndũ mũũme ekwete kĩnyunyu kyake na moko make, ta mũndũ mũka akyaũn’ya, na mothyũ onthe nĩ maalyũku?</verse>
				<verse number="7">A! Mũthenya ũsu nĩ mũnene, nũndũ vati ũilyĩ taw’o: naw’o nĩ ĩvinda ya thĩna wa Yakovo; ĩndĩ we akatangĩĩwa kumw’a nthĩnĩ waw’o.</verse>
				<verse number="8">Na kũkethĩwa mũthenya ũsu, easya Yeova wa nguthu, ngatũla ĩsoki yake yume ngingonĩ yaku, na kũtusanga syĩndũ ila wovetwe nasyo; na aeni matikamũtw’ĩkĩthya ngombo ĩngĩ;</verse>
				<verse number="9">ĩndĩ makathũkũma Yeova Ngai woo, na Ndaviti mũsumbĩ woo, ũla ngamokĩlĩlya.</verse>
				<verse number="10">Kwondũ wa ũu ndũkakĩe, we Yakovo mũthũkũmi wakwa, easya ũu Yeova; o na ndũkateve, we Isilaeli: nũndũ sisya, ngakũtangĩĩa wume kũasa, na ũsyao waku kuma nthĩ ĩla watwaiwe wĩ mũtave; na Yakovo akasyoka, na akausya na kũthũmũa, na vai ũla wĩmũtĩsya.</verse>
				<verse number="11">Nũndũ nyie nĩ vamwe naku, nĩkũtangĩĩe, easya ũu Yeova: nũndũ ngamina vyũ mbaĩ syonthe vala nakũnyaĩĩkisye, ĩndĩ ndikakũmina vyũ; ĩndĩ ngakũkan’ya nĩthimĩte, na ndikakũtia nongi ndaũkũnĩte.</verse>
				<verse number="12">Nũndũ ũũ nĩw’o Yeova ũnũkwasya: Kũkũnwa kwaku kũivoeka, na wũkite waku nĩ mũnene.</verse>
				<verse number="13">Vai ũmwe wa ũkũtetea, nĩ kana wovwe makũnwa maku: ndwĩ na mĩtĩ ya kũvosya.</verse>
				<verse number="14">Endwa maku onthe nĩmolĩtwe nue; maiũkũmantha: nũndũ nĩnakũkitie na wũkite wa mũmaitha, na ĩkũna ta ya ũla mwai, nũndũ wa ũthũku waku mwingĩ, nĩkwĩthĩwa naĩ syaku nĩsyongelekile.</verse>
				<verse number="15">Wĩĩa ũndũ wa ĩkũna yaku nĩkĩ? Kwalw’a kwaku kũivoeka: nĩngwĩkĩte maũndũ aa nũndũ wa ũnene wa ũthũku waku, nĩkwĩthĩwa naĩ syaku nĩsyongelekile.</verse>
				<verse number="16">Kwondũ wa ũu onthe ala makũĩsaa makaĩwa; na amaitha maku onthe, kĩla ũmwe, akaenda e mũtave; na ala makũtavaa makethĩwa mũtavo, na onthe ala makũsyĩmaa makethĩwa ma kũsyĩmwa.</verse>
				<verse number="17">Nũndũ ngakũtũngĩa mwĩĩ mũseo, na ngakũvosya mawũkite maku, easya ũu Yeova; nĩkwĩthĩwa nĩmakwĩtie mũlũngwa, makyasya, Nĩ Saioni, ũla mũndũ o na wĩva ũtalũnganaa nake.</verse>
				<verse number="18">Ũũ nĩw’o Yeova ũnũkwasya: Sisya, ngatũnga kuma kũtavwanĩ maeema ma Yakovo, na kwĩw’ĩa tei mawĩkalo make; na ndũa ĩkaakwa kalĩmanĩ o kayo, na nyũmba nene mbanakavye ĩkekalw’a kũatĩĩa mũthemba wayo.</verse>
				<verse number="19">Na kw’o kũkauma mũvea na wasya wa ala matanaa: na ngamaingĩvya, na matikethĩwa avũthũ; o na ngamanenevya, na matikethĩwa anini.</verse>
				<verse number="20">O na syana syoo ikethĩwa itilyĩ o ũndũ syailyĩ, na ũmbano woo ũkalũma mbee wakwa; na ngakũna onthe ala mamathĩnasya.</verse>
				<verse number="21">Na mũnene woo wĩ mbee ũsumbĩnĩ akeethĩwa mũndũ wa kwoo, na ũla ũkamasumbĩka akauma kwoo; na ngamũthengeesya, nake akanthengeea: nũndũ nũũ ũla waĩ na ũkũmbaũ wa kũnthengeea? Easya ũũ Yeova.</verse>
				<verse number="22">Nenyu mũkeethĩwa andũ makwa, nakwa ngeethĩwa Ngai wenyu.</verse>
				<verse number="23">Sisya, kĩuutani kya Yeova, nakyo nĩ ũthilĩku wake, nĩkyumĩte, kĩuutani kyai: kĩkatolekela mĩtwenĩ ya ala athũku.</verse>
				<verse number="24">Ũthatu mwai wa Yeova ndũkasyoka, mũvaka amina kwĩka, na mũvaka amina kwĩanĩsya kwenda kwa ngoo yake: mĩthenya ya mũminũkĩlyo mũkoomanya.</verse>
			</chapter>
			<chapter number="31">
				<verse number="1">Yeova easya, Ĩvinda yĩu ngeethĩwa Ngai wa mĩvĩa yonthe ya Isilaeli, nao makeethĩwa andũ makwa.</verse>
				<verse number="2">Ũũ nĩw’o Yeova ũnũkwasya, Andũ ala matialilw’e nĩ ũvyũ nĩmoonee tei weũnĩ; O Isilaeli, yĩla naendie kũmũthũmũsya.</verse>
				<verse number="3">Yeova anumĩlĩle tene, akĩmbĩa, Ĩĩ, nĩnakwendie na wendo ũtakathela: kwondũ wa ũu nĩnaũkusisye na ũseo wĩ wendo.</verse>
				<verse number="4">Ngakwaka ĩngĩ, naku ũkaakĩka, we mwĩĩtu mũtheu wa Isilaeli: na ũkeeyanakavya ĩngĩ na tũthembe twaku, na kũenda mbathinĩ sya ala matanaa.</verse>
				<verse number="5">Ũkavanda mĩũnda ya mĩsavivũ ĩngĩ iĩmanĩ sya Samalia; avandi makavanda, na makatanĩa ũsyao wayo.</verse>
				<verse number="6">Nũndũ kũkeethĩwa mũthenya, ũla asyaĩĩsya me iĩmanĩ sya Evalaimu makokĩlya wasya na kwasya, Ukĩlai, twambate Saioni vala ve Yeova Ngai waitũ.</verse>
				<verse number="7">Nũndũ ũũ nĩw’o Yeova ũnũkwasya: Mwinĩei Yakovo na ũtanu, na mũkĩlĩlyei mũnene wa mbaĩ wasya mũnene: tavan’yai, taĩai, na kwasya, Ame Yeova, tangĩĩa andũ maku, ũtialo wa Isilaeli.</verse>
				<verse number="8">Sisya, ngamaete kuma nthĩ yĩ ngalĩ ya ĩũlũ, na kũmomban’ya kuma itulu sya nthĩ, na vamwe nao ililinda na ala mathuaa, mũndũ mũka ũla wĩ ĩvu na ũla ũnũkwaũnya vamwe: makasyoka vaa me nguthu nene.</verse>
				<verse number="9">Makooka makĩĩa; na ngamatongoesya makĩngaĩla: ngamakinyĩlya ũtee wa mbũsĩ sya manzi, nzĩanĩ ndũngalu ĩla matakalulutĩkĩla; nũndũ nyie nĩ ĩthe wa Isilaeli, na Evalaimu nĩ ĩkithathi yakwa.</verse>
				<verse number="10">Inyw’ĩ mbaĩ, ĩthukĩĩsyei ndeto ya Yeova, mũmĩtavan’ye ithamanĩ ila syĩ kũasa; na kwasya, Ũla wanyaĩĩkisye Isilaeli akamũmban’ya, na kũmũsũvĩa, o tondũ mũĩthi ũsũvĩaa ndĩthya yake.</verse>
				<verse number="11">Nũndũ Yeova nĩumĩtye mbovosya ũndũ wa Yakovo, na kũmwovosya kũmumya kw’okonĩ kwa ũla waĩ vinya kwĩ we.</verse>
				<verse number="12">Na makooka na kwinĩa vandũ vatũlu va Saioni, na makaatĩanĩa vamwe makĩendea ũseo wa Yeova, lĩu wa mbaa ngetha, na mbinyu mbĩthĩ, na mauta, na tũtena twa mbũi na malondu na tũsaũ twa ng’ombe: na ngoo yoo ĩkethĩwa ta mũũnda mũnyithye; na matikethĩwa na kĩmako ĩngĩ nongi.</verse>
				<verse number="13">Nĩvo ĩndĩ mwĩĩtu mũtheu akatana wathinĩ, na anake na atumĩa vamwe; nũndũ ngaalyũla kũmeta kwoo kwĩthĩwe ũtanu, na kũmakiakisya, na kũmatanĩthya maeke kĩmako kyoo.</verse>
				<verse number="14">Na ngavũnĩthya mathayũ ma athembi na ũnou, na andũ makwa makavũnw’a na ũseo wakwa, easya ũu Yeova.</verse>
				<verse number="15">Ũũ nĩw’o Yeova ũnũkwasya: Wasya nũkwĩw’ĩka Lama, kĩĩo na kĩmeto kĩ woo, Lakeli akĩĩĩa syana syake; na ndakiakiĩka ũndũ wa syana syake, nĩkwĩthĩwa iti vaĩ.</verse>
				<verse number="16">Ũũ nĩw’o Yeova ũnũkwasya: Siĩĩa wasya waku ndũkaĩe, na metho maku matiketĩkye methoi; nũndũ wĩa waku ũkootuvĩwa, easya ũu Yeova; na makooka ĩngĩ kuma nthĩ ya mũmaitha.</verse>
				<verse number="17">Na ve wĩkwatyo mũminũkĩlyonĩ waku, easya ũu Yeova; na syana syaku ikooka ĩngĩ mũvakanĩ wasyo.</verse>
				<verse number="18">Nĩ w’o nĩnĩw’ĩte Evalaimu akĩmetea mwene, akyasya, Nĩwangũnie, nakwa nĩnakũnĩkie, ta kasaũ katamanyĩte ĩsoki: nthyũũa, nakwa ngathyũũĩka; nũndũ nue Yeova Ngai wakwa.</verse>
				<verse number="19">Nĩ w’o ĩtina wa kũalyũlwa kwakwa, nĩneelilile; na ĩtina wa kũmanyĩw’a, nakũna nthũnũ yakwa: nasonoka, ĩĩ, o na kũsoomana, nikwĩthĩwa nĩnakuie kũvũthw’a kwa wana wakwa.</verse>
				<verse number="20">Evalaimu nĩ mwana wakwa mwendwa? Nĩ mwana wendeeasya? Nũndũ o yĩla ngũmũneenea ndeto, nĩmũlilikanaa mũno: kwondũ wa ũu ngoo yakwa yĩ na mea nake: nditĩa kũmwĩw’ĩa tei, easya ũu Yeova.</verse>
				<verse number="21">Ĩũngamĩsye movano ma mĩtĩ nzĩanĩ, ĩseũvĩsye mbwaũ sya ũkwon’ya nzĩa; elekelya ngoo yaku lelũ, o lelũ ũla waendie naw’o: ĩthyũũe, we mwĩĩtu mũtheu wa Isilaeli, ĩthyũũĩe ndũa ii syaku.</verse>
				<verse number="22">Ũkaenda kũũ na kũũ kũvika ĩndĩĩ, we mwĩĩtu ũla ũsyokete na ĩtina? Nũndũ Yeova nĩwũmbĩte ũndũ mweũ kũũ nthĩ: mũndũ mũka akamwĩlingĩla mũndũ mũũme.</verse>
				<verse number="23">Ũũ nĩw’o Yeova wa nguthu, Ngai wa Isilaeli, ũnũkwasya, Makaneenea kĩneeno kĩĩ ĩngĩ me nthĩ ya Yuta na ndũanĩ syayo, yĩla ngamatũnga maume kũtavwanĩ kwoo: Yeova nakũathime, we wĩkalo wa ũlũngalu, we kĩĩma kya ũtheu.</verse>
				<verse number="24">Na Yuta na ndũa syonthe syake makekala vo vamwe, aĩmi, na ala mangangaa na ndĩthya sya mbũi na malondu.</verse>
				<verse number="25">Nũndũ nĩnĩvũnĩthĩtye ngoo ĩla yĩ na mĩnoo, na kĩla ngoo yĩ na kĩmako nĩnĩmyusũĩtye.</verse>
				<verse number="26">Na ĩndĩ naamũka, na noona; na too wakwa waĩ mũyo kwakwa.</verse>
				<verse number="27">Sisya, mĩthenya nĩyũkĩte, easya Yeova, ĩla ngavanda nyũmba ya Isilaeli na nyũmba ya Yuta ũsyao wa mũndũ na ũsyao wa nyamũ.</verse>
				<verse number="28">Na kũkeethĩwa atĩ o tondũ namasyaĩĩsye nĩ kana nĩkũe na kũomboa na kũng’uthũla na kwananga na kũthĩn’ya, now’o ngamasyaĩĩsya nĩ kana nake na kũvanda, easya ũu Yeova.</verse>
				<verse number="29">Mĩthenya ĩsu matikaneena ĩngĩ, Aaĩthe nĩmaĩe nzavivũ syĩ ngaati, na maeo ma syana maya nthithi.</verse>
				<verse number="30">Ĩndĩ kĩla mũndũ akakw’a ũndũ wa ũthũku wake mwene: kĩla mũndũ ũla ũĩsaa nzavivũ syĩ ngaati, maeo make makaya nthithi.</verse>
				<verse number="31">Sisya, mĩthenya nĩyũkĩte, easya Yeova, ĩla ngatianĩa ũtianĩo mweũ na nyũmba ya Isilaeli, na nyũmba ya Yuta:</verse>
				<verse number="32">ndũkethĩwa ũilyĩ ta ũtianĩo ũla natianĩe na aaĩthe moo mũthenya ũla namakwatie moko kũmaumya nthĩ ya Misili; ũtianĩo wakwa ũla maanangie, o na kau naĩ mwĩaĩi woo, easya ũu Yeova.</verse>
				<verse number="33">Indĩ ũũ nĩw’o ũtianĩo ũla ngatianĩa na nyũmba ya Isilaeli ĩtina wa mĩthenya ĩsu, easya ũu Yeova: Ngeekĩa mĩao yakwa nthĩnĩ woo, na ngamĩandĩka ngoonĩ syoo; na ngeethĩwa Ngai woo, nao makeethĩwa andũ makwa.</verse>
				<verse number="34">Na matikamanyĩan’ya ĩngĩ kĩla mũndũ na mũtũi wake, na kĩla mũndũ na mwana‐a‐inyia, makyasya, Mũmanye Yeova; nũndũ onthe makamanya nyie, kuma ũla mũnini woo kũvika ũla mũnene woo, easya ũu Yeova: nũndũ ngaekea ũthũku woo, na naĩ yoo ndikamĩlilikana ĩngĩ.</verse>
				<verse number="35">Ũũ nĩw’o Yeova ũnũkwasya, we ũla ũnenganae syũa yĩthĩwe kyeni kya mũthenya, na motw’ĩo ma mwei na ma ndata syĩthĩwe kyeni kya ũtukũ, ũla wũkĩlasya ũkanga, ũndũ itulumo syaw’o ilitũkaa; Yeova wa nguthu nĩ syĩtwa yake:</verse>
				<verse number="36">Ethĩwa motw’ĩo asu makauma mbee wakwa, easya Yeova, nĩvo ĩndĩ ũsyao wa Isilaeli naw’o ũkaeka kwĩthĩwa mbaĩ mbee wakwa tene na tene.</verse>
				<verse number="37">Ũũ nĩw’o Yeova ũnũkwasya: Ethĩwa ĩtu ĩũlũ nĩyĩtonya kũthimwa, na myambĩlĩlyo ya nthĩ kũmanthwa ĩtheo, nĩvo ĩndĩ ngekya kũasa ũsyao w’onthe naw’o wa Isilaeli nũndũ wa maũndũ onthe ala meekie, easya ũu Yeova.</verse>
				<verse number="38">Sisya, mĩthenya nĩyũkĩte, easya Yeova, ĩla ĩ ndũa ĩkakĩwa Yeova kuma mwako mũtũlu wa mũnyoolo wa Ananeli kũvika mbingĩlo yĩ kĩkotonĩ.</verse>
				<verse number="39">Na ĩkanda ya kũthima yĩkakootwa yĩlũngalĩte kũvika kĩĩma kya Ngalevu, na yĩkeelingĩla kũvika Ngoa.</verse>
				<verse number="40">Na mwanda w’onthe wĩ simba na mũu, na isesi syonthe kũvika kalũsĩ ka Kitiloni, kũvika kĩkoto kya mbingĩlo ya mbalasi kwelekela wumĩlonĩ wa syũa, ũkeethĩwa mũtheu kwa Yeova; ndĩkakũwa, kana kũng’uthũlwa ĩngĩ tene na tene.</verse>
			</chapter>
			<chapter number="32">
				<verse number="1">Ndeto ĩla yamũkĩe Yelemia kuma kwa Yeova mwaka wa ĩkũmi wa kũsumbĩka kwa Nzetekia mũsumbĩ wa Yuta, naw’o waĩ mwaka wa ĩkũmi na nyanya wa kũsumbĩka kwa Nevukatilesa.</verse>
				<verse number="2">Ĩvinda yĩu ita sya mũsumbĩ wa Mbaviloni nĩsyatwĩkanĩsye Yelusaleme; na mwathani Yelemia aĩ mwove nza ya kolokolo ũla waĩ nyũmbanĩ ya mũsumbĩ wa Yuta.</verse>
				<verse number="3">Nũndũ Nzetekia mũsumbĩ wa Yuta aĩ anamwova, akĩkũlya, Nũndũ wa kĩ wathanaa, na kwasya, Ũũ nĩw’o Yeova ũnũkwasya, Sisya, nganengane ndũa ĩno kw’okonĩ kwa mũsumbĩ wa Mbaviloni, nake akamyosa;</verse>
				<verse number="4">na Nzetekia mũsumbĩ wa Yuta ndakavonoka kuma mokonĩ ma Akalitei, ĩndĩ vate ndĩi akanenganwe kw’okonĩ kwa mũsumbĩ wa Mbaviloni, na akaneena nake kanyw’a kwa kanyw’a, na metho make makoona metho make;</verse>
				<verse number="5">na akamũtwaa Nzetekia Mbaviloni, na akeethĩwa kw’o kũvika yĩla ngamũendea, easya ũu Yeova: o na ethĩwa mũkokita na Akalitei, mũikaunĩka?</verse>
				<verse number="6">Na Yelemia asya, Ndeto ya Yeova yambũkĩa, ĩkyasya,</verse>
				<verse number="7">Sisya, Anameli mwana wa Salumu mwendw’a ĩthe waku akakũkĩa, akĩkwĩa, Thooa mũũnda wakwa, ũla wĩ ndũanĩ ya Anathothi; nĩkwĩthĩwa nĩ ũndũ waku kũthooa, ũwovosye.</verse>
				<verse number="8">Kwondũ wa ũu Anameli mwana wa mwendw’a asa ambũkĩa nĩ nza ya kolokolo kwĩanana na ndeto ya Yeova, na ambĩa, Nĩngũkwĩsũva, thooa mũũnda wakwa, ũla wĩ Anathothi, ĩla yĩ nthĩ ya Mbenyamini; nũndũ kĩanda kya ũtiĩwa nĩ kyaku, na kũwovosya nĩ kwaku; ĩthooee. Nĩvo ĩndĩ namanyie atĩ ĩsu nĩ ndeto ya Yeova.</verse>
				<verse number="9">Na namũthooea Anameli mwana wa mwendw’a asa mũũnda ũla waĩ Anathothi, na namũthimĩa mbesa, o sekeli ĩkũmi na mũonza sya vetha.</verse>
				<verse number="10">Nakwa naandĩka syĩtwa yakwa valũanĩ wa ũthooana, na kũwĩkĩa ũsiĩlo, na kũsyĩta ngũsĩ, na kũmũthimĩa ila mbesa kĩthiminĩ.</verse>
				<verse number="11">Na ĩndĩ noosa valũa wa kũthooana, ũla weekĩĩtwe ũsiĩlo, kwĩanana na mwĩao o na kĩthĩo, na ũla ũngĩ ũtaĩ ũsiĩlo, me elĩ:</verse>
				<verse number="12">na ũla valũa wa kũthooana namũnenga Mbaluku mwana wa Nelia, mwana wa Maaseia, Anameli mwana wa mwendw’a asa ene, na ngũsĩ ila syakũsĩĩe ũla valũa wa kũthooana syene, na Ayuti onthe ala mekalile nza ya kolokolo mene.</verse>
				<verse number="13">Na namwĩaĩa Mbaluku mbee wamo, ngyasya,</verse>
				<verse number="14">Ũũ nĩw’o Yeova wa nguthu, Ngai wa Isilaeli, ũnũkwasya: Osa mavalũa aa, valũa ũũ wa kũthooana ũla wĩ na ũsiĩlo, na valũa ũũ ũte ũsiĩlo, noimekĩa kĩndũnĩ kya yũmba; nĩ kana mekale mĩthenya mingĩ.</verse>
				<verse number="15">Nũndũ ũũ nĩw’o Yeova wa nguthu, Ngai wa Isilaeli, ũnũkwasya: Nyũmba na isesi na mĩũnda ya mĩsavivũ ikathoowa ĩngĩ nthĩ ĩno.</verse>
				<verse number="16">Ĩtina wa kũmũnenga Mbaluku mwana wa Nelia valũa ũsu wa kũthooana, namũvoya Yeova, ngyasya,</verse>
				<verse number="17">A! Mwĩaĩi Yeova! Sisya, nĩwoombie matu na nthĩ kwondũ wa vinya waku mũnene na kwondũ wa kw’oko kwaku kũtambũũku; vai ũndũ ũkũema,</verse>
				<verse number="18">ũla wonanasya ũseo wĩ wendo kwa ngili na ngili, na kũĩvanĩsya ũthũku wa aaĩthe kĩthũinĩ kya syana syoo ĩtina woo; Ngai mũnene mwene vinya, Yeova wa nguthu nĩ syĩtwa yake;</verse>
				<verse number="19">mũnene ũtaonĩ, na ũla wĩ ũtonyi wa kwĩka; ũla metho make masalukĩtye masyaĩtye mĩendele yonthe ya ana ma andũ, kũmũnenga kĩla mũndũ kwĩanana na mĩendele yake, na kwĩanana na ũsyao wa meko make;</verse>
				<verse number="20">ũla wekie syama na moseng’yo nthĩ ya Misili, o na kũvika ũmũnthĩ, katĩ wa Isilaeli o na katĩ wa andũ nao; na kwĩseũvĩsya syĩtwa, o ũndũ kũilyĩ ũmũnthĩ;</verse>
				<verse number="21">na waumya andũ maku Isilaeli nthĩ ya Misili na syama, na moseng’yo, na kw’oko kwĩ vinya, na kw’oko kũtambũũku, na ũtĩsyo mũnene;</verse>
				<verse number="22">na wamanenga nthĩ ĩno, ĩla wamevĩtĩe aaĩthe moo kũmanenga, nthĩ yusũĩte ĩia na ũkĩ wa nzũkĩ;</verse>
				<verse number="23">nao malika na mamĩmesya; ĩndĩ matyaaĩthukĩĩsya wasya waku, o na matyaaenda mĩaonĩ yaku; matyaaĩka ũndũ o na ũmwe wa onthe ala wameaĩa meke: kwondũ wa ũu nũmaetee ũthũku ũũ w’onthe.</verse>
				<verse number="24">Sisya, ivumbu, nĩmamyũkĩe ndũa ĩno kũmyosa; na ndũa nĩnenganĩtwe mokonĩ ma Akalitei ala meũmyũkita, nũndũ wa ũvyũ, na yũa, na mũimũ; na ũvoo ũla ũneenete nĩ mwĩanĩsye; na, sisya, naku nũkwona ũu.</verse>
				<verse number="25">Naku, ame Mwĩaĩi Yeova, nĩwambĩie, Ĩthooee ũla mũũnda na mbesa, noyĩta ngũsĩ; o na kau ndũa nĩnenganĩtwe mokonĩ ma Akalitei.</verse>
				<verse number="26">Nĩvo ĩndĩ ndeto ya Yeova yamũkĩe Yelemia, ĩkyasya,</verse>
				<verse number="27">Sisya, ninyie Yeova, Ngai wa mĩĩ yonthe: ve ũndũ ũnema?</verse>
				<verse number="28">Kwondũ wa ũu Yeova nũnũkwasya: Sisya, nganengane ndũa ĩno mokonĩ ma Akalitei, na kw’okonĩ kwa Nevukatilesa mũsumbĩ wa Mbaviloni, nake akamyosa:</verse>
				<verse number="29">na Akalitei, ala memyũkita ndũa ĩno, makooka na kũmĩkwatya ndũa ĩno mwaki, na kũmĩvĩvya, vamwe na nyũmba, ila matoeeasya Mbaali ũvani ialanĩ syasyo, na kwĩtĩa ngai ingĩ nthembo sya kũnyuwa, manthatye.</verse>
				<verse number="30">Nũndũ ana ma Isilaeli na ana ma Yuta nĩmeekie ũla nonaa wĩ ũthũku ki kuma wana woo; nũndũ ana ma Isilaeli nĩmanthatĩtye kwondũ wa wĩa wa moko moo, easya ũu Yeova.</verse>
				<verse number="31">Nũndũ ndũa ĩno nĩyatw’ĩkie kwakwa kĩtumi kya ũthatu wakwa na wa kũthilĩka kwakwa kuma mũthenya ũla mamyakie o na kũvika ũmũnthĩ; nĩ kana nĩmĩvete nĩeke kũmyona,</verse>
				<verse number="32">nũndũ wa ũthũku w’onthe wa ana ma Isilaeli na wa ana ma Yuta, ũla meekie manthatye, mo, na asumbĩ moo, na anene moo me mbee ũsumbĩnĩ, na athembi moo, na athani moo, na andũ ma Yuta, na ala matwĩe Yelusaleme.</verse>
				<verse number="33">Na nĩmambonetye mĩongo, na ti ũthyũ: o na kau nĩnamamanyĩisye, ngyũkĩla tene na ngĩmamanyĩsya, ĩndĩ matyaaĩthukĩĩsya mose ũmanyĩsyo.</verse>
				<verse number="34">Ĩndĩ nĩmaiie mothatyo moo nyũmbanĩ ĩla yĩtanĩaw’a na syĩtwa yakwa, mamithũkye.</verse>
				<verse number="35">Na nĩmaakie kũndũ kũtũlu kwa Mbaali, kũla kwĩ mwandanĩ wa mwana wa Inomu, mavĩtĩlye ana moo na eĩtu moo mwakinĩ kwondũ wa Moleki; ũndũ ũla ndaameaĩa, o na ndwaalika kĩlilikanonĩ kyakwa, kana meke ũthatyo ũsu, kũvĩtĩthya Yuta.</verse>
				<verse number="36">Na kwondũ wa ũu Yeova, Ngai wa Isilaeli, easya, ũndũ wa ndũa ĩno, ĩla inyw’ĩ mũũneena ũndũ wayo atĩĩ: Nĩnenganĩtwe kw’okonĩ kwa mũsumbĩ wa Mbaviloni kwondũ wa ũvyũ, na yũa, na mũimũ:</verse>
				<verse number="37">Sisya, ngamomban’ya kuma nthĩ syonthe, vala namalũngĩlĩĩlye ũthatunĩ wakwa, na kũthilĩkanĩ kwakwa, na woonĩ wakwa mwingĩ; na ngamaete ĩngĩ vaa, na ngamekalya mate na mũisyo.</verse>
				<verse number="38">Nao makeethĩwa andũ makwa, nakwa ngeethĩwa Ngai woo:</verse>
				<verse number="39">na ngamanenga ngoo ĩmwe na nzĩa ĩmwe, nĩ kana mangĩe tene na tene, mone ũseo, o na syana syoo ĩtina woo:</verse>
				<verse number="40">na ngatianĩa ũtianĩo nao wa tene na tene, atĩ ndikethyũũa na kũeka kũmaatĩĩa, nĩ kana nĩmeke ũseo; na ngeekĩa kũngĩa ngoonĩ syoo, nĩ kana maikandie.</verse>
				<verse number="41">Ĩĩ, ngamatanĩa nĩmeke nesa, na vate ndĩi ngamavanda nthĩ ĩno na ngoo yakwa yonthe na thayũ wakwa w’onthe.</verse>
				<verse number="42">Nũndũ ũũ nĩw’o Yeova ũnũkwasya: O tondũ namaetee andũ aa ũthũku ũũ w’onthe mũnene, now’o ngamaetee ũseo w’onthe ũla namathie.</verse>
				<verse number="43">Na mĩũnda ĩkathoowa nthĩ ĩno ĩla mũũneena ũndũ wayo, Nĩ ĩei, ĩte mũndũ kana nyamũ; nĩnenganĩtwe mokonĩ ma Akalitei.</verse>
				<verse number="44">Andũ makathooa mĩũnda na mbesa, na kũandĩka masyĩtwa moo mavalũanĩ ma kũthooana, na kũmekĩa ũsiĩlo, na kwĩta ngũsĩ, nthĩ ya Mbenyamini, na ku ndee sya Yelusaleme, na ndũanĩ sya Yuta, na ndũanĩ sya nthĩ yĩ tũlĩma, na ndũanĩ sya nthĩ ndindimalu, na ndũanĩ sya ngalĩ ya Ĩtheo: nũndũ ngamatũnga kuma kũtavwanĩ kwoo, easya ũu Yeova.</verse>
			</chapter>
			<chapter number="33">
				<verse number="1">Na ĩngĩ ndeto ya Yeova yamũkĩa Yelemia ĩvinda ya kelĩ, o yĩla waĩ mwove nza ya kolokolo, ĩkyasya,</verse>
				<verse number="2">Ũũ nĩw’o Yeova ũnũkwasya ũla ũwĩkaa, Yeova ũla ũseũvasya kana olũlũmĩlye; Yeova nĩ syĩtwa yake:</verse>
				<verse number="3">Mbĩkaĩla, na ngakũsũngĩa, na ngakwon’ya maũndũ manene, na me vinya, ũtamesĩ.</verse>
				<verse number="4">Nũndũ ũũ nĩw’o Yeova, Ngai wa Isilaeli, ũnũkwasya ũndũ wa nyũmba sya ndũa ĩno, na ũndũ wa nyũmba sya asumbĩ ma Yuta, ila iomboetwe syake syĩndũ sya kwĩlingan’ya nasyo ũndũ wa ivumbu na ũvyũ;</verse>
				<verse number="5">yĩla mookĩte kũkita na Akalitei, na kũsyusũsya na simba sya andũ, ala nooaie nĩ mũthatu na mũthilĩku, na ũndũ wa ũthũku wa onthe nĩnĩmĩvithĩte ndũa ĩno ũthyũ wakwa:</verse>
				<verse number="6">Sisya, ngamĩetee ũseo wa mwĩĩ na ũvosyo, na ngamavosya; na ngamon’ya wingĩ wa mũuo na w’o.</verse>
				<verse number="7">Na ngatũnga Yuta na Isilaeli maume kũtavwanĩ kwoo, na ngamatũngĩĩa, o ũndũ mailyĩ mbee.</verse>
				<verse number="8">Na ngamathesya ũthũku woo w’onthe, ũla mambĩtanĩsye; na ngamaekea mothũku moo onthe, ala mambĩtanĩsye, na ala mambĩkie.</verse>
				<verse number="9">Na ndũa ĩno ĩkeethĩwa kwakwa syĩtwa ya ũtanu, na ũtaĩo, na ũnene, mbaĩ syonthe sya nthĩ syene, ila ikew’a w’onthe ũla nĩmekaa, na ikakĩa na kũtetema nũndũ wa ũseo w’onthe na mũuo w’onthe ũla nĩmyonea.</verse>
				<verse number="10">Ũũ nĩw’o Yeova ũnũkwasya: o na ĩngĩ kũkeew’ĩka vandũ vaa, vala mwĩneena ũndũ wa vo, Nĩ ĩanzo, vate mũndũ na vate nyamũ, o na ndũanĩ sya Yuta, na nzĩanĩ nene sya Yelusaleme, ila syatiiwe, ite mũndũ, na ite andũ ma kwitũa, na ite nyamũ,</verse>
				<verse number="11">kũkeew’ĩka wasya wa kũtheka na wasya wa ũtanu, wasya wa mũtwaani na wasya wa mũtwawa, wasya wa ala mekwasya, Mũtũngĩei mũvea Yeova wa nguthu, nũndũ Yeova nĩ mũseo, nũndũ ũseo wake wĩ wendo nĩwĩkalaa tene na tene; na wasya wa ala maetae nthembo sya mũvea nyũmbanĩ ya Yeova. Nũndũ ngatũnga atavwa ma ĩ nthĩ ĩkale tondũ yailyĩ mbee, easya ũu Yeova.</verse>
				<verse number="12">Ũũ nĩw’o Yeova wa nguthu ũnũkwasya: o na ĩngĩ vandũ vaa, vala nĩ ĩanzo, vate mũndũ na vate nyamũ, na ndũanĩ syonthe sya vo, vakeethĩwa wĩkalo wa aĩthi ala matindiasya ndĩthya syoo sya mbũi na malondu.</verse>
				<verse number="13">Ndũanĩ sya nthĩ yĩ iĩma, na ndũanĩ sya nthĩ ndindimalu, na ndũanĩ sya ngalĩ ya Ĩtheo, na nthĩ ya Mbenyamini, na ku ndee sya Yelusaleme, na ndũanĩ sya Yuta, ndĩthya sya mbũi na malondu ikavĩtĩla ĩngĩ ungu wa moko ma ũla wĩtalaa, easya ũu Yeova.</verse>
				<verse number="14">Sisya, mĩthenya nĩyũkĩte, easya Yeova, ĩla ngeanĩsya ndeto nzeo ĩla nĩneenete ũndũ wa nyũmba ya Isilaeli na ũndũ wa nyũmba ya Yuta.</verse>
				<verse number="15">Mĩthenya ĩsu, na ĩvinda yĩu, ngathongoesya Ndaviti Ũvonge wa ũlũngalu; nake akasilaa sila wa katĩ na mũlũngalu e ĩ nthĩ.</verse>
				<verse number="16">Mĩthenya ĩsu Yuta ĩkatangĩĩwa, na Yelusaleme ĩkekala ĩte na mũisyo; na yĩĩ nĩyo syĩtwa yĩla ĩketwa nayo: Yeova ũlũngalu wĩtũ.</verse>
				<verse number="17">Nũndũ ũũ nĩw’o Yeova ũnũkwasya: Ndaviti ndakaĩwa nĩ mũndũ mũũme wa kwĩkalĩla kĩvĩla kya ũsumbĩ kya nyũmba ya Isilaeli;</verse>
				<verse number="18">o na athembi Alivai matikaĩwa nĩ mũndũ wa kũthemba nthembo sya kũvĩvw’a, na wa kũvivya nthembo sya mũtu, na kũthemba mavinda onthe mbee wakwa.</verse>
				<verse number="19">Na ndeto ya Yeova yamũkĩa Yelemia, ĩkyasya,</verse>
				<verse number="20">Ũũ nĩw’o Yeova ũnũkwasya: Ethĩwa mũtonya kwananga ũtianĩo wakwa wa mũthenya, na ũtianĩo wakwa wa ũtukũ, kũikethiwe mũthenya na ũtukũ ĩvinda yaw’o;</verse>
				<verse number="21">nĩvo ĩndĩ ũtianĩo wakwa naw’o ũtonya kwanangwa ũla natianĩe na Ndaviti mũthũkũmi wakwa, ndakethĩwe na mwana wa kũsumbĩka kĩvĩlanĩ kyake kya ũsumbĩ; o na ũla natianĩe na athembi Alivai, athũkũmi makwa.</verse>
				<verse number="22">O ũndũ nguthu sya ĩtunĩ itatonya kũtalĩka, kana kĩthangathĩ kya ũkanga kĩtatonya kũthimĩka; now’o ngaingĩvya ũsyao wa Ndaviti mũthũkũmi wakwa, na Alivai ala manthũkũmaa.</verse>
				<verse number="23">Na ndeto ya Yeova yamũkĩa Yelemia, ĩkĩmũkũlya,</verse>
				<verse number="24">Ndũũsũanĩa ũndũ andũ aa maneenete, makyasya, Mĩvĩa ĩlĩ ĩla Yeova wanyuvie, nake nũmĩkĩtye ũtee? Now’o mavũthasya andũ makwa, nĩ kana matikethĩwe mbaĩ mbee woo ĩngĩ.</verse>
				<verse number="25">Ũũ nĩw’o Yeova ũnũkwasya: Ethĩwa ũtianĩo wakwa wa mũthenya na ũtukũ ndũkethĩwa vo, ethĩwa nditw’ĩte motw’ĩo ma ĩtu na nthĩ;</verse>
				<verse number="26">nĩvo ĩndĩ ngekya ũtee ũsyao wa Yakovo, na wa Ndaviti mũthũkũmi wakwa, kana ndikose ma ũsyao wake methĩwa ma kũsumbĩka ũsyao wa Avalaamu, na Isaka, na Yakovo: nũndũ ngamatũnga maume kũtavwanĩ kwoo, na kũmew’ĩa tei.</verse>
			</chapter>
			<chapter number="34">
				<verse number="1">Ndeto ĩla yamũkĩe Yelemia kuma kwa Yeova, yĩla Nevukatilesa mũsumbi wa Mbaviloni, na ita syake syonthe, na mosumbĩ onthe ma nthĩ ala masumbĩkĩtwe nĩwe, na ngo syonthe sya andũ, mokitaa na Yelusaleme, na ndũa syonthe syayo, ĩkĩmwĩa,</verse>
				<verse number="2">Ũũ nĩw’o Yeova, Ngai wa Isilaeli, ũnũkwasya, Enda ũneene na Nzetekia mũsumbĩ wa Yuta, noimũtavya, Ũũ nĩw’o Yeova ũnũkwasya, Sisya, nganengane ndũa ĩno kw’okonĩ kwa mũsumbĩ wa Mbaviloni, nake akamĩvĩvya na mwaki:</verse>
				<verse number="3">naku ndũkavonoka kuma kw’okonĩ kwake, ĩndĩ ndũkatĩa kũkwatwa, na kũnenganwe kw’okonĩ kwake; na metho maku makoona metho ma mũsumbĩ wa Mbaviloni, na akaneena naku kanyw’a kwa kanyw’a, naku ũkathi Mbaviloni.</verse>
				<verse number="4">Ĩndĩ ĩw’a ndeto ya Yeova, we Nzetekia mũsumbĩ wa Yuta: Ũũ nĩw’o Yeova ũnũkwasya ũndũ waku, Ndũkoawa na ũvyũ;</verse>
				<verse number="5">ũkakw’a wĩ na mũuo; na makakũtoeesya o ũndũ matoeesye aaĩthe maku, o asumbĩ ma tene ala masumbĩkie mbee waku; na makakũmetea, makyasya, A! Mwĩaĩi! Nũndũ nĩnĩneenete ndeto ĩno, easya ũu Yeova.</verse>
				<verse number="6">Nĩvo ĩndĩ mwathani Yelemia wamũtavisye Nzetekia mũsumbĩ wa Yuta ndeto isu syonthe e Yelusaleme,</verse>
				<verse number="7">yĩla ita sya mũsumbĩ wa Mbaviloni syokitaa na Yelusaleme, na ndũa syonthe sya Yuta ila syatialile, Lakisi na Aseka; nũndũ isu syĩ syoka nĩsyatialile syĩ ndũa mbiie katĩ wa ndũa sya Yuta.</verse>
				<verse number="8">Ndeto ĩla yamũkĩe Yelemia kuma kwa Yeova, ĩtina wa mũsumbĩ Nzetekia kũtianĩa ũtianĩo na andũ onthe ala maĩ Yelusaleme, kũtavan’ya ũthasyo kwoo;</verse>
				<verse number="9">kana kĩla mũndũ nathasye mũthũkũmi wake mũndũ mũũme, na kĩla mũndũ mũthũkũmi wake mwĩĩtu, ethĩwa nĩ mũndũ mũũme Mũevelania kana mũndũ mũka Mũevelania; mũndũ ndakamũtw’ĩkĩthye ngombo, o Mũyuti mwana‐a‐ĩthe.</verse>
				<verse number="10">Na anene onthe me mbee ũsumbĩnĩ na andũ onthe meeka ũu, ala malikĩte ũtianĩonĩ, kana kĩla ũmwe nathasye mũthũkũmi wake mũndũ mũũme, na kĩla ũmwe mũthũkũmi wake mwĩĩtu, mũndũ o na wĩva ndakamatw’ĩkĩthye ngombo ĩngĩ; nĩmeewie na mamathasya:</verse>
				<verse number="11">ĩndĩ ĩtina maalyũka, na matũnga athũkũmi na athũkũmi eĩtu, ala mamathaĩtye, na mamaete ũkombonĩ methĩwe athũkũmi na athũkũmi eĩtu.</verse>
				<verse number="12">Kwondũ wa ũu ndeto ya Yeova yamũkia Yelemia kuma kwa Yeova, ĩkyasya,</verse>
				<verse number="13">Ũũ nĩw’o Yeova, Ngai wa Isilaeli, ũnũkwasya: Nĩnatianĩe ũtianĩo na aaĩthe menyu mũthenya ũla namaumisye nthĩ ya Misili, kuma nyũmbanĩ ya ũkombo, ngyasya,</verse>
				<verse number="14">Myaka mũonza yathela mwĩthaasya kĩla mũndũ mwana‐a‐ĩthe wake Mũevelania, ũla wathooiw’e kwaku, na nũkũthũkũmĩte myaka thanthatũ, ũkamũthasya aume kwaku: ĩndĩ aaĩthe menyu matyaambĩthukĩĩsya, kana kũtea matũ moo.</verse>
				<verse number="15">Na yu nĩmweealyũlĩte na kwĩka ũla nonaa wĩ ũseo, ũndũ wa kũtavan’ya ũthasyo kĩla mũndũ kwa mũtũi wake; na nĩmwatianĩĩte ũtianĩo mbee wakwa nyũmbanĩ ĩla yĩtanĩaw’a na syĩtwa yakwa:</verse>
				<verse number="16">ĩndĩ mwaalyũka na kũyĩuma syĩtwa yakwa, na mwatũnga kĩla mũndũ mũthũkũmi wake, na kĩla mũndũ mũthũkũmi wake mwĩĩtu, ala mwamathaĩtye maende o vala mekwenda; na mwamaete ũkombonĩ, methĩwe kwenyu athũkũmi na athũkũmi eĩtu.</verse>
				<verse number="17">Kwondũ wa ũu Yeova easya atĩĩ: Mũtyaambĩthukĩĩsya, mũtavan’ye ũthasyo, kĩla mũndũ kwa mwana‐a‐ĩthe, na kĩla mũndũ kwa mũtũĩ wake: sisya, nĩngũtavan’ya kwenyu ũthasyo wa ũvyũ, na mũimũ, na yũa, easya ũu Yeova; na ngatuma mwĩkangw’a kũũ na kũũ mosumbĩnĩ onthe ma nthĩ.</verse>
				<verse number="18">Na nganengane andũ ala mavĩtisye ũtianĩo wakwa, ala mataaĩanĩsya ndeto sya ũtianĩo ũla matianĩe nakwa, yĩla matũaanisye kala kasaũ myondo ĩlĩ na mavĩtĩla katĩ wa myondo yako;</verse>
				<verse number="19">anene me mbee ũsumbĩnĩ ma Yuta, na anene me mbee ũsumbĩnĩ ma Yelusaleme, na avakũe, na athembi, na andũ onthe ma ĩ nthĩ, ala mavĩtĩle katĩ wa myondo ya kala kasaũ;</verse>
				<verse number="20">ngamanengane mokonĩ ma amaitha moo, na mokonĩ ma ala mamanthaa mathayũ moo; na simba syoo ikethĩwa lĩu wa nyũnyi sya yayaya, na wa nyamũ sya nthĩ.</verse>
				<verse number="21">Na Nzetekia mũsumbĩ wa Yuta na anene make me mbee ũsumbĩnĩ ngamanengane mokonĩ ma amaitha moo, na mokonĩ ma ala mamanthaa mathayũ moo, na mokonĩ ma ita sya mũsumbĩ wa Mbaviloni, ala mambatie kuma kwenyu.</verse>
				<verse number="22">Sisya, ngeeaa, na kũmatũnga ndũanĩ ĩno, easya ũu Yeova; na makamyũkita na kũmyosa, na kũmĩvĩvya na mwaki: na ngatw’ĩkĩthya ndũa sya Yuta maanzo, ite mũndũ witũa.</verse>
			</chapter>
			<chapter number="35">
				<verse number="1">Ndeto ĩla yamũkĩe Yelemia kuma kwa Yeova mĩthenya ya Yeoiakimu mwana wa Yosia, mũsumbĩ wa Yuta, ĩkĩmwĩa.</verse>
				<verse number="2">Enda nyũmbanĩ ya Alekavi, ũneene nao, na kũmaete nyũmbanĩ ya Yeova, kasũmbanĩ kamwe ka nthĩnĩ, na kũmanenga mbinyu ya ũnyw’a.</verse>
				<verse number="3">Nĩvo ĩndĩ noosie Yaasania mwana wa Yelemia, mwana wa Avasinia, na ana‐a‐ĩthe make, na ana make onthe, na nyũmba yonthe ya Alekavi;</verse>
				<verse number="4">na namaete nyũmbanĩ ya Yeova, kasũmbanĩ ka ana ma Aananu mwana wa Ikitalia mũndũ wa Ngai, kala kaĩ vakuvĩ na kasũmba ka anene me mbee ũsumbĩnĩ, kala kaĩ ĩũlũ wa kasũmba ka Maaseia mwana wa Salumu, mũsũvĩi wa mwalyonĩ.</verse>
				<verse number="5">Nakwa naia mbee wa ana ma nyũmba ya Alekavi mbakũli syusĩe mbinyu, na ikombe; na namea, Nyw’ai mbinyu.</verse>
				<verse number="6">Ĩndĩ masya, Tũtikanyw’a mbinyu; nũndũ Yonatavu mwana wa Lekavi, asa waitũ, atwĩaĩe, akyasya, Mũtikaanyw’e mbinyu, inyw’ĩ, kana ana menyu, tene na tene:</verse>
				<verse number="7">o na mũtikaake nyũmba, kana kũvũĩa mbeũ, kana kũvanda mũũnda wa mĩsavivũ, kana kwĩthĩwa naw’o; ĩndĩ mĩthenya yenyu yonthe mũkatũaa maeemanĩ; nĩ kana mwĩkalae thayũ mĩthenya mingĩ nthĩ ĩla mũtũaa mwĩ aeni.</verse>
				<verse number="8">Na nĩtweewie wasya wa Yonatavu mwana wa Lekavi, asa waitũ, ũndũnĩ w’onthe ũla watwĩaĩe, atĩ tũtikaanyw’e mbinyu mĩthenya yaitũ yonthe, ithyĩ, kana iveti sitũ, kana ana maitũ, kana eĩtu maitũ;</verse>
				<verse number="9">kana kwaka nyũmba twĩkalae nthĩnĩ wasyo; o na tũti na mũũnda wa mĩsavivũ, kana mũũnda, kana mbeũ:</verse>
				<verse number="10">ĩndĩ nĩtwĩkalaa maeemanĩ, na kwĩw’aa, na kwĩkaa kwĩanana na w’onthe ũla Yonatavu asa waitũ watwĩaĩe.</verse>
				<verse number="11">Ĩndĩ kweethĩwa yĩla Nevukatilesa mũsumbĩ wa Mbaviloni wambatie na kũlika nthĩ ĩno, nĩvo twaisye, Ũkai, tũende Yelusaleme tũkĩĩte ita sya Akalitei, na tũkĩĩte ita sya Asilia; kwondũ wa ũu nĩtwĩkalaa Yelusaleme.</verse>
				<verse number="12">Nĩvo ĩndĩ ndeto ya Yeova yamũkĩe Yelemia, ĩkyasya,</verse>
				<verse number="13">Ũũ nĩw’o Yeova wa nguthu, Ngai wa Isilaeli, ũnũkwasya: Enda, ũmakũlye andũ ma Yuta na ala matwĩe Yelusaleme, Mũtikwenda kwosa ũmanyĩsyo mwĩthukĩĩsye ndeto syakwa? Easya ũu Yeova.</verse>
				<verse number="14">Ndeto sya Yonatavu mwana wa Lekavi, ila wameaĩe ana make, matikaanyw’e mbinyu, nikwĩanĩw’a; na kũvika mũnthĩ ũũ matinyusaa nongi, nũndũ nĩmew’aa mwĩano wa ĩthe woo. Ĩndĩ nĩnĩneenete nenyu, ngyũkĩla tene na ngĩneena; na mũtyaambĩthukĩĩsya.</verse>
				<verse number="15">O na nĩnĩtũmĩte kwenyu athũkũmi makwa onthe athani, ngyũkĩla tene na ngĩmatũma, ngyasya, Syokai yu kĩla mũndũ kuma mũendelenĩ wake mũthũku, mũlũngalye meko menyu, na mũtikaatĩĩe ngai ingĩ mwithũkũme, na mũkekalaa nthĩ ĩla namũnengie inyw’ĩ na aaĩthe menyu: ĩndĩ mũtyaatea matũ menyu, kana kũmbĩthukĩĩsya.</verse>
				<verse number="16">Nĩkwĩthĩwa ana ma Yonatavu mwana wa Lekavi nĩmeanĩsye mwĩao wa ĩthe woo ũla wameaĩe, ĩndĩ andũ aa matyaambĩthukĩĩsya;</verse>
				<verse number="17">kwondũ wa ũu Yeova, Ngai wa nguthu, Ngai wa Isilaeli, easya: Sisya, ngaetee Yũta na onthe ala matwĩe Yelusaleme ũthũku w’onthe ũla namaneenee; nũndũ nĩnĩneenete nao, ĩndĩ matyaaĩw’a; na nĩnĩmetĩte, ĩndĩ matyaaĩtĩka.</verse>
				<verse number="18">Na Yelemia atavya nyũmba ya Alekavi, Ũũ nĩw’o Yeova wa nguthu, Ngai wa Isilaeli, ũnũkwasya: Nĩkwĩthĩwa nĩmweewie mwĩao wa Yonatavu ĩthe wenyu, na kũkwata mawĩaĩo make onthe, na kwĩka kwĩanana na w’onthe ũla wamwĩaĩe;</verse>
				<verse number="19">kwondũ wa ũu Yeova wa nguthu, Ngai wa Isilaeli, easya: Yonatavu mwana wa Lekavi ndakaĩwa nĩ mũndũ mũũme wa kũũngama mbee wakwa tene na tene.</verse>
			</chapter>
			<chapter number="36">
				<verse number="1">Na kweethĩwa mwaka wa kana wa kũsumbĩka kwa Yeoiakimu mwana wa Yosĩa, mũsumbĩ wa Yuta, ndeto ĩno yamũkĩa Yelemia kuma kwa Yeova, ĩkĩmwĩa,</verse>
				<verse number="2">Ĩyose ĩvuku ĩkũnze, noiandĩka nthĩnĩ wayo ndeto syonthe ila nakũtavisye ngĩneenea Isilaeli, na Yuta, na mbaĩ syonthe, kuma mũthenya naneenie naku, kuma mĩthenya ya Yosia, o kũvika ũmũnthĩ.</verse>
				<verse number="3">Nokwĩthĩwa nyũmba ya Yuta ĩkeew’a ũthũku w’onthe ũla nĩsũanĩĩte kũmeka; matonye kũsyoka kĩla mũndũ kuma mũendelenĩ wake mũthũku; nĩ kana nĩmaekee ũthũku woo na naĩ yoo.</verse>
				<verse number="4">Nĩvo ĩndĩ Yelemia wamwĩtie Mbaluka mwana wa Nelia; na Mbaluku aandĩka kuma kanyw’anĩ wa Yelemia ĩvukunĩ ĩkũnze ndeto syonthe sya Yeova, ila wamũtavisye.</verse>
				<verse number="5">Na Yelemia amwĩaĩa Mbaluku, akyasya, Nĩ mwove; nditonya kũthi nyũmbanĩ ya Yeova;</verse>
				<verse number="6">kwondũ wa ũu enda, ũsome ĩvukunĩ ĩkũnze, yila ũandĩkĩte kuma kanyw’anĩ wakwa, ndeto sya Yeova matũnĩ ma andũ nyũmbanĩ ya Yeova mũthenya wa kũtĩĩa ũya; o na ũkaisoma matũnĩ ma Ayuta onthe ala maumaa ndũanĩ syoo.</verse>
				<verse number="7">Nokwĩthĩwa makaete mboya syoo mbee wa Yeova, na kũsyoka kĩla ũmwe kuma mũendelenĩ wake mũthũku; nũndũ ũthatu na kũthilĩka kũla Yeova ũmaneeneete andũ aa nĩ kũnene.</verse>
				<verse number="8">Na Mbaluku mwana wa Nelia eeka kwĩanana na w’onthe ũla mwathani Yelemia wamwĩaĩa, aisoma yĩla ĩvukunĩ ndeto sya Yeova nyũmbanĩ ya Yeova.</verse>
				<verse number="9">Na kweethĩwa mwaka wa katano wa kũsumbĩka kwa Yeoiakimu mwana wa Yosia, mũsumbĩ wa Yuta, mwei wa kenda, andũ onthe ma Yelusaleme, na andũ onthe ala mookie Yelusaleme kuma ndũanĩ sya Yuta, matavan’ya kũtĩĩa ũya mbee wa Yeova.</verse>
				<verse number="10">Nĩvo ĩndĩ Mbaluku wasomie yĩla ĩvukunĩ ndeto sya Yelemia e nyũmbanĩ ya Yeova, kasũmbanĩ ka Ngemalia mwana wa mũandĩki Savani, nza ya ĩũlũ, vandũ wa ũlikĩla mbingĩlonĩ nzaũ ya nyũmba ya Yeova, andũ onthe makĩw’a.</verse>
				<verse number="11">Na yĩla Mikaia mwana wa Ngemalia, mwana wa Savani, wewie ndeto syonthe sya Yeova kuma yĩla ĩvukunĩ,</verse>
				<verse number="12">atheea nyũmbanĩ ya mũsumbĩ, kasũmbanĩ ka mũandĩki: na, sisya, anene onthe me mbee ũsumbĩnĩ mekalĩte vo, nao nĩ aa; mũandĩki Elisama, na Ndelaia mwana wa Semaia, na Elinathani mwana wa Akivoli, na Ngemalia mwana wa Savani, na Nzetekia mwana wa Aanania, na anene onthe me mbee ũsumbĩnĩ.</verse>
				<verse number="13">Nĩvo ĩndĩ Mikaia wamatavisye ndeto syonthe ila wewie, yĩla Mbaluku wasomie yĩla ĩvuku matũnĩ ma andũ.</verse>
				<verse number="14">Kwondũ wa ũu anene onthe me mbee ũsumbĩnĩ matũma Yeuuti mwana wa Nethania, mwana wa Selemia, mwana wa Kusi, kwa Mbaluku, makĩmwĩa, Osa na kw’oko kwaku ivuku ĩkũnze yĩla wasomee matũnĩ ma andũ, noyũka. Kwondũ wa ũu Mbaluku mwana wa Nelia oosa ĩvuku na kw’oko kwake na athi vala maĩ.</verse>
				<verse number="15">Nao mamwĩa, Yu ĩkala nthĩ, noiyĩsoma matũnĩ maitũ. Na ĩndĩ Mbaluku ayĩsoma matũnĩ moo.</verse>
				<verse number="16">Na kweethĩwa, meew’a ndeto syonthe, masian’ya kĩla mũndũ na ũla ũngĩ na w’ĩa, na mamwĩa Mbaluku, Tũitĩa kũtavya mũsumbĩ ndeto ii syonthe.</verse>
				<verse number="17">Na mamũkũlya Mbaluku, makyasya, Tũtavye yu, Waandĩkie ndeto ii syonthe ata kuma kanyw’anĩ wake?</verse>
				<verse number="18">Nĩvo ĩndĩ Mbaluku wamasũngĩie, Nĩwawetie ndeto ii syonthe mbee wakwa na kanyw’a wake, nakwa naandĩka na ingi yĩla ĩvukunĩ.</verse>
				<verse number="19">Nĩvo ĩndĩ anene me mbee ũsumbĩnĩ mamwĩie Mbaluku, Enda wĩvithe, we na Yelemia; na mũndũ o na wĩva ndakamanye vala mũĩ.</verse>
				<verse number="20">Na malika nza kwa mũsumbĩ; ĩndĩ maĩ manaia ĩvuku ĩkũnze kasũmbanĩ ka mũandĩki Elisama; na maneena ndeto syonthe matũni ma mũsumbĩ.</verse>
				<verse number="21">Kwondũ wa ũu mũsumbĩ amũtũma Yeuuti alatye yĩla ĩvuku; na ayumya kasũmbanĩ ka mũandĩki Elisama. Na Yeuuti ayĩsoma matũnĩ ma mũsumbĩ, na matũnĩ ma anene onthe me mbee ũsumbĩnĩ ala maũngeme vakuvĩ na mũsumbĩ.</verse>
				<verse number="22">Na mũsumbĩ ekalĩte nyũmbanĩ ĩla ĩkalawa ĩvinda ya mbevo mwei wa kenda: na vaĩ mwaki wakanĩte kaikonĩ mbee wake.</verse>
				<verse number="23">Na kweethĩwa, yĩla Yeuuti waminie kũsoma ilungu itatũ kana inya, mũsumbĩ atila kĩlungu kyu na kavyũ, na kũkĩkya mwakinĩ ũla waĩ kaikonĩ, kũvika ĩvuku ĩkũnze yonthe yavĩvw’a na mwaki ũla waĩ kaikonĩ.</verse>
				<verse number="24">Na matyaakĩa, kana kũtembũanga ngũa syoo, o na mũsumbĩ, kana athũkũmi make o na meva ala meewie ndeto isu.</verse>
				<verse number="25">Na ũndũ ũngĩ Elinathani na Ndelaia na Ngemalia maĩ manamwĩsũva mũsumbĩ ndakavĩvye yĩla ĩvuku ĩkũnze; ĩndĩ ndaaĩtĩkĩla kũmew’a.</verse>
				<verse number="26">Na mũsumbĩ amwĩaĩa Yelameeli mwana wa mũsumbĩ, na Selaia mwana wa Anzilieli, na Selemia mwana wa Aviteeli, makwate mũandĩki Mbaluku na mwathani Yelemia; ĩndĩ Yeova amavitha.</verse>
				<verse number="27">Nĩvo ĩndĩ ndeto ya Yeova yamũkĩe Yelemia, ĩtina wa mũsumbĩ kũvĩvya ĩvuku ĩkũnze, na ndeto ila Mbaluku waandĩkie syaumĩte kanyw’anĩ wa Yelemia, ĩkĩmwĩa,</verse>
				<verse number="28">Osa ingĩ ĩvuku yĩngĩ ĩkũnze, noiandĩka nthĩnĩ wayo ndeto syonthe sya mbee ila syaĩ ĩvukunĩ ĩkũnze ya mbee, yĩla Yeoiakimu mũsumbĩ wa Yuta wavĩvisye.</verse>
				<verse number="29">Na ũndũ wa Yeoiakimu mũsumbĩ wa Yuta ũkasya, Ũũ nĩw’o Yeova ũnũkwasya: Nĩwavĩvisye ĩvuku yĩu, ũkyasya, Nũndũ wa kĩ waandĩkie nthĩnĩ wayo, ũkyasya, Mũsumbĩ wa Mbaviloni ndatĩa kũka na kwananga nthĩ ĩno, na kũmina kw’o andũ na nyamũ?</verse>
				<verse number="30">Kwondũ wa ũu Yeova easya ũndũ wa Yeoiakimu mũsumbĩ wa Yuta: Ndakethĩwa na mũndũ wa kwĩkalĩla kĩvĩla kya ũsumbĩ kya Ndaviti; na kimba kyake kĩkekw’a nza mũthenya kwĩ kũvyũ, na ũtukũ kwĩ ĩmwe yĩkamĩtw’e nĩ mbevo.</verse>
				<verse number="31">Na ngamũkũna we na ũsyao wake na athũkũmi make ũndũ wa ũthũku woo; na ngamaetee, na ala matwĩe Yelusaleme, na andũ ma Yuta, ũthũku w’onthe ũla namawetee, ĩndĩ matyaaĩthukĩĩsya.</verse>
				<verse number="32">Nĩvo ĩndĩ Yelemia wosie ĩvuku yĩngĩ ĩkũnze, na amũnenga mũandĩki Mbaluku, mwana wa Nelia, ũla waandĩkie nthĩnĩ wayo kuma kanyw’anĩ wa Yelemia ndeto syonthe sya ĩvuku yĩla Yeoiakimu mũsumbĩ wa Yuta wavĩvisye na mwaki; nasyo syongelelwa ndeto ingĩ mbingĩ iilyĩ tasyo.</verse>
			</chapter>
			<chapter number="37">
				<verse number="1">Na Nzetekia mwana wa Yosia nĩwasumbĩkie, vandũ va Konia mwana wa Yeoiakimu, ũla Nevukatilesa mũsumbĩ wa Mbaviloni wamũsumbĩkĩthisye nthĩ ya Yuta.</verse>
				<verse number="2">Ĩndĩ we, kana athũkũmi make, kana andũ ma nthĩ ĩsu, matyaaĩthukĩĩsya ndeto sya Yeova, ila waneenie na kanyw’a wa mwathani Yelemia.</verse>
				<verse number="3">Na mũsumbĩ Nzetekia atũma Yeukali mwana wa Selemia, na Nzevania mwana wa mũthembi Maaseia, mathi kwa mwathani Yelemia, akĩmwĩa, Mũvoye Yeova Ngai waitũ kwondũ witũ.</verse>
				<verse number="4">Yelemia nĩwalikaa na kumaalaa andũnĩ; nũndũ matyaĩ manamwĩkĩa kolokolonĩ.</verse>
				<verse number="5">Na ita sya Valao syaĩ inauma Misili; na Akalitei ala matwĩkanĩsye Yelusaleme meew’a ũvoo woo, mauma Yelusaleme mathi.</verse>
				<verse number="6">Nĩvo ĩndĩ ndeto ya Yeova yamũkĩe mwathani Yelemia, ĩkyasya,</verse>
				<verse number="7">Ũũ nĩw’o Yeova, Ngai wa Isilaeli, ũnũkwasya, Ũũ nĩw’o mũkamwĩa mũsumbĩ wa Yuta, ũla wamũtũmie kwakwa mũngũlye: Sisya, ita sya Valao, ila syũkĩte kũmũtethya, ikasyoka Misili nthĩ yoo ene.</verse>
				<verse number="8">Na Akalitei makooka ĩngĩ, na kũkita na ndũa ĩno; na makamĩkwata na kũmĩvĩvya na mwaki.</verse>
				<verse number="9">Ũũ nĩw’o Yeova ũnũkwasya, Mũikekenge, mũkyasya, Vate ndĩi Akalitei makatũeka; nũndũ matikamũtia.</verse>
				<verse number="10">Nũndũ o na ethĩwa nĩmwakũnĩte ita syonthe sya Akalitei ala mokitaa nenyu, na vakatiala no andũ okite katĩ woo, o asu makookĩla kĩla mũndũ ĩeemanĩ yake, na kũvĩvya ndũa ĩno na mwaki.</verse>
				<verse number="11">Na kweethĩwa, yĩla ita sya Akalitei syaumie Yelusaleme ũndũ wa ũkĩa ita sya Valao,</verse>
				<verse number="12">nĩvo ĩndĩ Yelemia waumie Yelusaleme aende nthĩ ya Mbenyamini, kwosa kĩanda kyake kw’o, katĩ wa andũ.</verse>
				<verse number="13">Na yĩla waĩ mbingilonĩ ya Mbenyamini, kavuteni wa asuvĩi aĩ vo, syĩtwa yake nĩ Iliya, mwana wa Selemia, mwana wa Aanania; nake amũkwata mwathani Yelemia, akĩmwĩa, Nũkwĩtila we ũende kwa Akalitei.</verse>
				<verse number="14">Nĩvo Yelemia waisye, Nĩ ũvũngũ; ndikwĩtila nĩende kwa Akalitei. Ĩndĩ ndaamwĩthukĩĩsya; kwondũ wa ũu Iliya amũkwata Yelemia, na amũtwaa vala vaĩ anene me mbee ũsumbĩnĩ.</verse>
				<verse number="15">Na anene asu mamũthilĩkĩla Yelemia, na mamũkũna, na mamwĩkĩa kolokolonĩ nyũmbanĩ ya mũandĩki Yonathani; nũndũ nĩmamĩtw’ĩkĩthĩtye kolokolo.</verse>
				<verse number="16">Yĩla Yelemia walikĩte nyũmbanĩ yĩ nthĩnĩ wa nthĩ, na tũsũmbanĩ twayo, na Yelemia aĩ anekala vu mĩthenya mingĩ;</verse>
				<verse number="17">nĩvo mũsumbĩ Nzetekia watũmanie, na kũmũete: na mũsumbĩ amũkũlĩlya na kĩmbithĩ nyũmbanĩ yake, na asya, Ve ndeto o na yĩva yumĩte kwa Yeova? Na Yelemia asya, Nĩvo ĩĩ. Na ĩngĩ asya, Ũkanenganwe kw’okonĩ kwa mũsumbĩ wa Mbaviloni.</verse>
				<verse number="18">Na ĩngĩ Yelemia amwĩa mũsumbĩ Nzetekia, Nakũvĩtanĩsye ũndũnĩ wĩva, kana athũkũmi maku, kana andũ aa, ũndũ mwambĩkĩie kolokolonĩ?</verse>
				<verse number="19">Yu maĩva athani menyu ala mamwathanĩe, makyasya, Mũsumbĩ wa Mbaviloni ndakoka kũkita nenyu, kana nthĩ ĩno?</verse>
				<verse number="20">Na yu ĩw’a, nĩngũkwĩsũva, ame mwĩaĩi wakwa mũsumbĩ: nĩngũkwĩsũva wĩsũvano wakwa wĩtĩkĩlwe mbee waku, atĩ ndũkandũnge nyũmbanĩ ya mũandĩki Yonathani, ndikese kũkw’ĩa vo.</verse>
				<verse number="21">Nĩvo ĩndĩ mũsumbĩ Nzetekia weaie, na mamwia Yelemia nza ya kolokolo; na mamũnengae o kĩla mũthenya mũkate ũmwe ũkyuma nzĩanĩ nene vala vekalaa aui ma mĩkate, kũvika mĩkate yonthe ĩla yaĩ ndũanĩ yathela. Ũũ nĩw’o Yelemia wekalile vu nza ya kolokolo.</verse>
			</chapter>
			<chapter number="38">
				<verse number="1">Na Sevatia mwana wa Matani, na Ngetalia mwana wa Vasuli, na Yukali mwana wa Selemia, na Vasuli mwana wa Malikiya, nĩmeewie ndeto ila Yelemia waneenie na andũ onthe, akyasya,</verse>
				<verse number="2">Ũũ nĩw’o Yeova ũnũkwasya, Ũla wĩĩkala ndũanĩ ĩno akooawa na ũvyũ, na yũa, na mũimũ; ĩndĩ ũla wĩuma aende na Akalitei akekala thayũ, na thayũ wake ũkethĩwa mũtavo wake, na akekala thayũ.</verse>
				<verse number="3">Ũũ nĩw’o Yeova ũnũkwasya, Ndũa ĩno ndĩtĩa kũnenganwe mokonĩ ma ita sya mũsumbĩ wa Mbaviloni, na akamyosa.</verse>
				<verse number="4">Nĩvo ĩndĩ anene me mbee ũsumbĩnĩ mamwĩie mũsumbĩ, Nĩtũũkwĩsũva, mũndũ ũũ oawe; nĩkwĩthĩwa nũnũkwonzethya moko ma aũme ma kaũ ala matialĩte ndũanĩ ĩno, o na moko ma andũ onthe, aimatavya ndeto iilyĩ ũu: nũndũ mũndũ ũũ ndeũmanthĩa andũ aa ũseo, ĩndĩ ũthũku.</verse>
				<verse number="5">Na mũsumbĩ Nzetekia asya, Sisya, e mokonĩ menyu; nũndũ mũsumbĩ tiwe ũla ũtonya kũmwĩkĩa inyw’ĩ ũndũ.</verse>
				<verse number="6">Nĩvo ĩndĩ mamwosie Yelemia, na kũmwĩkya yĩla ĩimanĩ ya Malikiya mwana wa mũsumbĩ, yĩla yaĩ nza ya kolokolo: na mamũtheesya Yelemia na makanda. Na ĩimanĩ yĩu vatyaĩ manzĩ, no ndaka; na Yelemia alika ndakanĩ.</verse>
				<verse number="7">Na yĩla Mũethiovia Eveti‐meleki, mũvakũe, ũla waĩ nyũmbanĩ ya mũsumbĩ, wewie atĩ nĩmamwĩkĩĩte Yelemia yĩla ĩimanĩ (ĩvinda yĩu mũsumbĩ ekalĩte mbingĩlonĩ ya Mbenyamini),</verse>
				<verse number="8">Eveti‐meleki aumaala nyũmbanĩ ya mũsumbĩ, na aneena na mũsumbĩ, akĩmwĩa,</verse>
				<verse number="9">Mwĩaĩi wakwa mũsumbĩ, andũ asu nĩmekĩte naĩ maũndũnĩ onthe ala mamwĩkie mwathani Yelemia, ũla mamwĩkisye yĩla ĩimanĩ; na ailyĩ ta ũnũkw’ĩa vala ũĩ, nũndũ wa yũa; nũndũ vati kĩmũtũ nongi ndũanĩ.</verse>
				<verse number="10">Nĩvo ĩndĩ mũsumbĩ wamwĩaĩe Mũethiovia Eveti‐meleki akĩmwĩa, Osa andũ mĩongo ĩtatũ kuma vaa ũende nao, na mũyumya mwathani Yelemia ĩimanĩ, atanakw’a.</verse>
				<verse number="11">Kwondũ wa ũu Eveti‐meleki aenda na ala andũ, na alika nyũmbanĩ ya mũsumbĩ ĩtheo wa vala vaiawa ũthwii, na oosa matani na ngũa ndwĩkangu, na aitheesya na makanda yĩla ĩimanĩ vala ve Yelemia.</verse>
				<verse number="12">Na Mũethiovia Eveti‐meleki amwĩa Yelemia, Yu ĩkĩa matani aa na ngũa ii ndwĩkangu nzakwathanĩ syaku ungu wa makanda. Na Yelemia eeka ũu.</verse>
				<verse number="13">Na ĩndĩ mambatya Yelemia na makanda, na kũmumya yĩla ĩimanĩ: na ũu nĩw’o Yelemia wekalile vu nza ya kolokolo.</verse>
				<verse number="14">Nĩvo ĩndĩ mũsumbĩ Nzetekia watũmanie, na kũmũete mwathani Yelemia vala waĩ vandũ va katatũ va kũlikĩla nyũmbanĩ ya Yeova: na mũsumbĩ amwĩa Yelemia, Nĩngũũkũlya kaũndũ; ndũkambithe ko.</verse>
				<verse number="15">Nĩvo ĩndĩ Yelemia wamũkũlilye Nzetekia, Ethĩwa ngakũvuanĩsya ko, nĩ w’o we ndwĩmbũaa? O na ethĩwa ngakũtaa, ndũkambĩthukĩĩsya.</verse>
				<verse number="16">Kwondũ wa ũu mũsumbĩ Nzetekia eevĩta kwa Yelemia na kĩmbithĩ, akyasya, O tondũ Yeova wĩ thayũ, ũla watũmbĩe thayũ ũũ, ndikakũaa, o na ndikakũnengane mokonĩ ma andũ aa ala mamanthaa thayũ waku.</verse>
				<verse number="17">Nĩvo ĩndĩ Yelemia wamwĩie Nzetekia, Ũũ nĩw’o Yeova, Ngai wa nguthu, Ngai wa Isilaeli, ũnũkwasya: Ethĩwa ũkaumaala na kũmaendea anene me mbee ũsumbĩnĩ ma mũsumbĩ wa Mbaviloni, nĩvo ĩndĩ ũkekala thayũ, na ndũa ĩno ndĩkavĩvw’a na mwaki; naku ũkeethĩwa thayũ, o na nyũmba yaku.</verse>
				<verse number="18">Ĩndĩ ethĩwa ndwĩumaala na kũmaendea anene asu ma mũsumbĩ wa Mbaviloni, nĩvo ĩndĩ ndũa ĩkanenganwe mokonĩ ma Akalitei, na makamĩvĩvya na mwaki, na ndũkavonoka kuma mokonĩ moo.</verse>
				<verse number="19">Na mũsumbĩ Nzetekia amwĩa Yelemia, Nĩngũkĩa Ayuti ala metilĩte maende na Akalitei, maikese kũnengane mokonĩ moo, nao makĩmbũthya.</verse>
				<verse number="20">Ĩndĩ Yelemia asya, Matikakũnengane. Nĩngũkwĩsũva, ĩw’a wasya wa Yeova, ũndũnĩ ũla ngũneena naku: na ĩndĩ kũkeethĩwa ũseo kwaku, na ũkekala thayũ.</verse>
				<verse number="21">Ĩndĩ ethĩwa nũũlea kumaala, ĩno nĩyo ndeto ĩla Yeova ũmbonetye:</verse>
				<verse number="22">Sisya, aka onthe ala matialile nyũmbanĩ ya mũsumbĩ wa Yuta makaumaalĩlw’a anene asu ma mũsumbĩ wa Mbaviloni, na aka asu makasya, Anyanyau ala mwĩsene nĩmaũkengete, na ũkũkĩlya vinya: yu maũũ maku malikĩte ndakanĩ, nĩmasyokete na ĩtina.</verse>
				<verse number="23">Nao makaumaalĩlya Akalitei aka maku onthe, na syana syaku; naku ndũkavonoka kuma mokonĩ moo, ĩndĩ ũkakwatwa na kw’oko kwa mũsumbĩ wa Mbaviloni: na ũkatuma ndũa ĩno ĩvĩvw’a na mwaki.</verse>
				<verse number="24">Nĩvo ĩndĩ Nzetekia wamwĩie Yelemia, Ndũkamanyĩthye mũndũ o na wĩva ndeto ii, na ndũkakw’a.</verse>
				<verse number="25">Ĩndĩ ethĩwa anene asu makeew’a kana nĩnĩneenete naku, na kũka kwaku na ũkwĩa, Tũtavye yu ũvoo ũla wamũtavisye mũsumbĩ; ndũkatũvithe, na tũikakũaa; o na ũvoo ũla mũsumbĩ wakũtavisye:</verse>
				<verse number="26">nĩvo ĩndĩ wĩmea, Nĩnamũvikĩsye mũsumbĩ wĩsũvano wakwa, atĩ ndakandũngĩthye nyũmbanĩ ya Yonathani, nĩkw’ĩe vo.</verse>
				<verse number="27">Nĩvo ĩndĩ anene asu onthe mamũkĩe Yelemia na kũmũkũlya; nake amasũngĩa kwĩanana na ndeto ii syonthe ila mũsumbĩ wamwĩaĩe. Na ĩndĩ maeka kũneena nake; nũndũ ũvoo ndwaamanyĩka.</verse>
				<verse number="28">Na ĩndĩ Yelemia ekala nza ya kolokolo kũvika mũthenya ũla Yelusaleme yosiwe.</verse>
			</chapter>
			<chapter number="39">
				<verse number="1">Na kweethĩwa yĩla Yelusaleme yosiwe (mwaka wa kenda wa kũsumbĩka kwa Nzetekia mũsumbĩ wa Yuta, mwei wa ĩkũmi, Nevukatilesa mũsumbĩ wa Mbaviloni na ita syake syonthe syoka kũkita na Yelusaleme, na syamĩtw’ĩkanĩsya;</verse>
				<verse number="2">na mwaka wa ĩkũmi na ũmwe wa kũsumbĩka kwa Nzetekia, mwei wa kana, mũthenya wa kenda wa mwei, ndũa ĩsu yavũthũwa),</verse>
				<verse number="3">na anene onthe me mbee ũsumbĩnĩ ma mũsumbĩ wa Mbaviloni malika, na mekala mbingĩlonĩ ĩla yaĩ katĩ, nao nĩ aa, Nelikali‐saleseli, na Samikali‐nevo, na Salisekimu, na Lavisalisi, na Nelikali‐saleseli, na Lavimaki, vamwe na anene ala angĩ onthe ma mũsumbĩ wa Mbaviloni.</verse>
				<verse number="4">Na kweethĩwa, Nzetekia mũsumbĩ wa Yuta na andũ onthe ma kaũ mamona, makĩa, na mauma ndũanĩ ũtukũ, na nzĩa ya mũũnda wa mũsumbĩ, makĩvĩtĩla mbingĩlonĩ ĩla yĩ katĩ wa maũvai elĩ; nake aenda elekele mwanda wa Alava.</verse>
				<verse number="5">Indĩ ita sya Akalitei syamaatĩĩa, na syamũvikĩlĩla Nzetekia ndiĩnĩ sya Yeliko: na syamũkwata, syamũtwaa kwa Nevukatilesa mũsumbĩ wa Mbaviloni ku Livila nthĩ ya Amathi; nake amũtw’ĩĩa sila.</verse>
				<verse number="6">Nĩvo ĩndĩ mũsumbĩ wa Mbaviloni wamoaĩe ana ma Nzetekia ku Livila ene na metho make; o na mũsumbĩ wa Mbaviloni ooaa anene onthe me ndaĩa ma Yuta.</verse>
				<verse number="7">Na ĩngĩ amũvũthũanga Nzetekia metho, na kũmwova na mbingũ, amũtwae Mbaviloni.</verse>
				<verse number="8">Na Akalitei mavĩvya nyũmba ya mũsumbĩ, na nyũmba sya andũ, na mwaki, na maomboa maũvai ma Yelusaleme.</verse>
				<verse number="9">Nĩvo ĩndĩ Nevusalatani kavuteni wa nguthu ya asũvĩi watwaie Mbaviloni me atave ũtialo wa andũ ala matialilw’e ndũanĩ, o na ala meetilĩle maende nake, na ũtialo wa andũ ala matialile.</verse>
				<verse number="10">Ĩndĩ Nevusalatani kavuteni wa nguthu ya asũvĩi nĩwatiie ala ngya ma andũ, ala mataĩ na kĩndũ, nthĩ ya Yuta, na amanenga mĩũnda ya mĩsavivũ na mĩũnda o ĩvinda yĩu.</verse>
				<verse number="11">Na Nevukatilesa mũsumbĩ wa Mbaviloni amwĩaĩa Nevusalatani kavuteni wa asũvĩi ũndũ wa Yelemia, akĩmwĩa,</verse>
				<verse number="12">Mwose, noimũsũvĩa nesa, na ndũkamwĩke ũthũku; ĩndĩ mwĩke o ũndũ ũkakwĩa.</verse>
				<verse number="13">Na ĩndĩ Nevusalatani kavuteni wa asũvĩi atũmana, o na Nevusasivani, na Lavisalisi, na Nelikali‐saleseli, na Lavimaki, na anene onthe ma mũsumbĩ wa Mbaviloni;</verse>
				<verse number="14">nao matũmana, na maumya Yelemia vu nza ya kolokolo, na mamũnengane mokonĩ ma Ngetalia mwana wa Aikamu, mwana wa Savani, amũtwae kwake. Kwondũ wa ũu ekala na andũ.</verse>
				<verse number="15">Na ĩndĩ ndeto ya Yeova yamũkĩa Yelemia, yĩla waĩ mwove nza ya kolokolo, ĩkĩmwĩa,</verse>
				<verse number="16">Enda, ũneene na Mũethiovia Eveti‐meleki, ũkĩmwĩa, Ũũ nĩw’o Yeova wa nguthu, Ngai wa Isilaeli, ũnũkwasya: Sisya, ngamĩetee ndũa ĩno ndeto syakwa nĩmĩke ũthũku, na ti kũmĩka ũseo; nasyo ikeanĩw’a mbee waku mũthenya ũsu.</verse>
				<verse number="17">Ĩndĩ ngakũvonokya mũthenya ũsu, easya ũu Yeova; na ndũkanenganwe mokonĩ ma andũ ala ũmakĩaa.</verse>
				<verse number="18">Nũndũ nditĩa ũkũtangĩĩa, na ndũkavalukw’a na ũvyũ, ĩndĩ thayũ waku ũkeethĩwa mũtavo waku; nĩkwĩthĩwa nĩwandĩkĩĩe, easya ũu Yeova.</verse>
			</chapter>
			<chapter number="40">
				<verse number="1">Ndeto ĩno yamũkĩe Yelemia kuma kwa Yeova, ĩtina wa Nevusalatani kavuteni wa nguthu ya asũvĩi kũmũlekya athi kuma Lama, yĩla waĩ anamũtwaa e mwove na mĩnyolo vamwe na onthe ala matwaiwe me Yelusaleme na Yuta, ala matwaiwe me atave kũvika Mbaviloni.</verse>
				<verse number="2">Na ũla kavuteni amwosa Yelemia, na amwĩa, Yeova Ngai waku nĩwaneenee vandũ vaa ũthũku ũũ;</verse>
				<verse number="3">na Yeova nũwũetete, na kwĩka kwĩanana na ũndũ waisye: nũndũ nĩmwamũvĩtanĩsye Yeova, na mũtyaaĩthukĩĩsya wasya wake, kwondũ wa ũu ũndũ ũsu nĩwĩkĩkĩte kwenyu.</verse>
				<verse number="4">Na yu, sisya, nĩngũũthasya ũmũnthĩ kuma mĩnyololonĩ ĩla yĩ mokonĩ maku. Ethĩwa nũkwona nĩ ũseo kũenda nakwa Mbaviloni, ũka, na ngakũsũvĩa nesa; ĩndĩ ethĩwa nũkwona nĩ ũthũku kũenda nakwa Mbaviloni, eka: sisya, nthĩ yonthe yĩ mbee waku; o vala wĩona ve vaseo na vaĩlu va kũthi, enda vo.</verse>
				<verse number="5">Na ĩndĩ atanamba kũsyoka, asya, Syoka ĩndĩ kwa Ngetalia mwana wa Aikamu, mwana wa Savani, ũla mũsumbĩ wa Mbaviloni ũmũtw’ĩkĩthĩtye ngavana wa ndũa sya Yuta, noyĩkala nake katĩ wa andũ; kana enda o vala wĩona ve vaseo va kũthi. Na ĩndĩ ũla kavuteni wa nguthu ya asũvĩi amũnenga lĩu na mũthĩnzĩo, na amũlekya athi.</verse>
				<verse number="6">Nĩvo ĩndĩ Yelemia athi kwa Ngetelia mwana wa Aikamu ku Misiva, na ekala nake katĩ wa andũ ala matialile nthĩ ĩsu.</verse>
				<verse number="7">Na yĩla makavuteni onthe ma asikalĩ ala maĩ weũnĩ, mo, na andũ moo, meewie kana mũsumbĩ wa Mbaviloni nũmũtw’ĩkĩthĩtye Ngetalia mwana wa Aikamu ngavana wa ĩ nthĩ, na kũmũnenga mokonĩ make aũme, na aka, na syana, na ala ngya mũno ma ĩ nthĩ, ma ala mataatwawa me atave Mbaviloni;</verse>
				<verse number="8">nĩvo ĩndĩ mamũkĩe Ngetalia ku Misiva, nao nĩ aa, Isumaeli mwana wa Nethania, na Yoanani na Yonathani ana ma Kalea, na Selaia mwana wa Tanumethi, na ana ma Evai Mũnetovathi, na Yesania mwana wa Mũmaaka, mo na andũ moo.</verse>
				<verse number="9">Na Ngetalia mwana wa Aikamu mwana wa Savani amevĩtĩa mo na andũ moo, akyasya, Mũtikakĩe kũthũkũma Akalitei: ĩkalai nthĩ ĩno, mũthũkũme mũsumbĩ wa Mbaviloni na kũkeethĩwa ũseo kwenyu.</verse>
				<verse number="10">Ũndũ wakwa nyie, sisya, ngekala Misiva, nĩũngame mbee wa Akalitei ala makatũkĩa: ĩndĩ inyw’ĩ, ũmban’yai mbinyu na mosyao ma ĩvinda ya syũa na mauta, na mũisyĩkĩa mĩionĩ yenyu, na kwĩkalaa ndũanĩ syenyu ila mwosete.</verse>
				<verse number="11">O ta ũu Ayuti onthe ala maĩ Moavi, na katĩ wa ana ma Amimoni, na Etomu, na nthĩ syonthe, meewie atĩ mũsumbĩ wa Mbaviloni nũtiĩte ũtialo wa Yuta, na kũmaiĩa Ngetalia mwana wa Aikamu, mwana wa Savani;</verse>
				<verse number="12">nĩvo ĩndĩ Ayuti onthe masyokie kuma kũndũ kw’onthe kũla malũngĩlĩĩlw’e, na mamũkĩa Ngetalia, nthĩ ya Yuta, kũvika Misiva, na moomban’ya mbinyu na mosyao maingĩ ma ĩvinda ya syũa.</verse>
				<verse number="13">Na ĩngĩ Yoanani mwana wa Kalea, na makavuteni onthe ma asikalĩ ala maĩ maweũnĩ, mamũkĩa Ngetalia ku Misiva,</verse>
				<verse number="14">na mamũkũlya, Nũũmanya kana Mbaalisi mũsumbĩ wa ana ma Amimoni nũtũmĩte Isumaeli mwana wa Nethania akũae? Ĩndĩ Ngetalia mwana wa Aikamu ndaamaĩkĩĩa.</verse>
				<verse number="15">Nĩvo ĩndĩ Yoanani mwana wa Kalea waneenie na Ngetalia na kĩmbithĩ ku Misiva, akĩmwĩa, Nĩngũkwĩsũva, ũnenge ũthei nĩende, na ngooaa Isumaeli mwana wa Nethania, na vai mũndũ ũkamanya: akakũaĩa kĩ, Ayuti onthe ala makũmbanĩe manyaĩĩkw’e, na ũtialo wa Yuta ũkyaa?</verse>
				<verse number="16">Ĩndĩ Ngetalia mwana wa Aikamu amwĩa Yoanani mwana wa Kalea, Ndũkeke ũndũ ũsu; nũndũ nũũneena ũvũngũ ũndũ wa Isumaeli.</verse>
			</chapter>
			<chapter number="41">
				<verse number="1">Na kweethĩwa mwei wa mũonza, Isumaeli mwana wa Nethania, mwana wa Elisama, wa ũsyao wa kĩũsumbĩ na ũmwe wa anene ma mũsumbĩ, na andũ ĩkũmi vamwe nake, mamũkĩa Ngetalia mwana wa Aikamu ku Misiva; na maĩa lĩu vamwe ku Misiva.</verse>
				<verse number="2">Nĩvo ĩndĩ Isumaeli mwana wa Nethania wokĩlile, vamwe na ala andũ ĩkũmi ala maĩ nake, na mamũkũna Ngetalia mwana wa Aikamu, mwana wa Savani na ũvyũ, na mamũaa, ũla mũsumbĩ wa Mbaviloni wamũtw’ĩkĩthĩtye ngavana wa nthĩ.</verse>
				<verse number="3">O na Isumaeli amoaa Ayuti onthe ala maĩ nake, nao nĩ ala maĩ na Ngetalia, ku Misiva, na Akalitei ala moonekie kw’o, andũ ma kaũ.</verse>
				<verse number="4">Na kweethĩwa mũthenya wa kelĩ ĩtina wa kũmũaa Ngetalia, na vatyaĩ mũndũ waamanya,</verse>
				<verse number="5">kwooka andũ kuma Sekemu, na Silo, na Samalia, o andũ mĩongo nyanya, menzete ing’ew’a syoo na matembũangĩte ngũa syoo, na metemangĩte mĩĩ, me na nthembo sya mũtu na ũvumba mokonĩ moo, maetete nyũmbanĩ ya Yeova.</verse>
				<verse number="6">Na Isumaeli mwana wa Nethania auma ku Misiva amathaũe, akĩĩa aendete: na kweethĩwa, akomana nao, amea, Ũkai vala ve Ngetalia mwana wa Aikamu.</verse>
				<verse number="7">Na kweethĩwa, malika ndũanĩ katĩ, Isumaeli mwana wa Nethania amoaa, na kũmekya nthĩnĩ wa yĩla ĩima, we, na andũ ala maĩ nake.</verse>
				<verse number="8">Ĩndĩ kwooneka katĩ woo andũ ĩkũmi ala mamwĩie Isumaeli, Ndũkatũae; nũndũ twĩ na mĩio ya nganũ, na ya mbaale, na ya mauta, na ya ũkĩ wa nzũkĩ, ĩvithĩtwe mũũndanĩ. Kwondũ wa ũu amaeka, na ndaamoaa vamwe na ana‐a‐ĩthe moo.</verse>
				<verse number="9">Na ĩima yĩla Isumaeli wekisye simba syonthe sya andũ ala wamoaie, vakuvĩ na Ngetalia, (nĩyo yĩla mũsumbĩ Asa wenzie ũndũ wa ũkĩa Mbaasa mũsumbĩ wa Isilaeli), Isumaeli mwana wa Nethania ayusũsya na ala mooaiwe.</verse>
				<verse number="10">Nĩvo ĩndĩ Isumaeli watwaie me atave ũtialo w’onthe wa andũ ala matialilw’e Misiva, o na eĩtu ma mũsumbĩ, na andũ onthe ala matialilw’e Misiva, ala Nevusalatani kavuteni wa nguthu ya asũvĩi wamatiie mokonĩ ma Ngetalia mwana wa Aikamu; Isumaeli mwana wa Nethania amatwaa me atave, na akũsya eendea ananĩ ma Amimoni.</verse>
				<verse number="11">Ĩndĩ yĩla Yoanani mwana wa Kalea, na makavuteni onthe ma asikalĩ ala maĩ nake, meewie ũthũku ũsu w’onthe ũla Isumaeli mwana wa Nethania wekie,</verse>
				<verse number="12">nĩvo ĩndĩ moosie andũ onthe, na mathi kũkita na Isumaeli mwana wa Nethania, na mamwĩthĩa ũtee wa manzĩ maingĩ ala me Ngiveoni.</verse>
				<verse number="13">Na kweethĩwa atĩ yĩla andũ onthe ala maĩ na Isumaeli moonie Yoanani mwana wa Kalea, na makavuteni onthe ma asikalĩ ala maĩ nake, matana.</verse>
				<verse number="14">Na kwondũ wa ũu andũ onthe ala Isumaeli wamatwaie me atave kuma Misiva meethyũũa na masyoka, na mathi vala ve Yoanani mwana wa Kalea.</verse>
				<verse number="15">Ĩndĩ Isumaeli mwana wa Nethania avonoka kuma mokonĩ ma Yoanani vamwe na andũ nyanya, na athi ananĩ ma Amimoni.</verse>
				<verse number="16">Nĩvo ĩndĩ Yoanani mwana wa Kalea, na makavuteni onthe ma asikalĩ ala maĩ nake, moosie ũtialo w’onthe wa andũ ala wamaumĩtye kwa Isumaeli mwana wa Nethania, kuma Misiva, ĩtina wa kũaa Ngetalia mwana wa Aikamu, nao nĩ aa, andũ ma kaũ, na aka, na syana, na avakũe, ala wamaetete kuma Ngiveoni.</verse>
				<verse number="17">Nao maenda, na matũa Ngeluthi Kimiamu, ĩla yĩ vakuvĩ na Mbethileemu, maende kũlika Misili,</verse>
				<verse number="18">nũndũ wa Akalitei; nũndũ nĩmamakĩaa, nũndũ Isumaeli mwana wa Nethania aĩ anamũaa Ngetalia mwana wa Aikamu, ũla mũsumbĩ wa Mbaviloni wamũtw’ĩkĩthĩtye ngavana wa ĩ nthĩ.</verse>
			</chapter>
			<chapter number="42">
				<verse number="1">Nĩvo ĩndĩ makavuteni onthe ma asikalĩ, na Yoanani mwana wa Kalea, na Yesania mwana wa Osaia, na andũ onthe kuma ũla mũnini kũvika ũla mũnene mbee, mathengeeie,</verse>
				<verse number="2">na mamwĩa mwathani Yelemia, Nĩtũũkwĩsũva, wĩsũvano witũ wĩtĩkĩlwe mbee waku, naku tũvoyee kwa Yeova Ngai waku, o kwondũ wa ũtialo ũũ w’onthe (nũndũ nĩtũtialĩtw’e twĩ avũthũ twaĩ aingĩ, o tondũ metho maku matwene),</verse>
				<verse number="3">kana Yeova Ngai waku atwon’ye nzĩa ĩla twaĩle kũthi nayo, na ũndũ ũla twaĩle kwĩka.</verse>
				<verse number="4">Nĩvo ĩndĩ mwathani Yelemia wameie, Nĩnĩmwĩw’ĩte; sisya, ngamũvoya Yeova Ngai wenyu kwĩanana na ndeto syenyu; na kũkeethĩwa o ũndũ ũla Yeova ũkamũsũngĩa, ngamũtavya; ndikatialya ũndũ o na wĩva.</verse>
				<verse number="5">Nĩvo ĩndĩ mamwĩie Yelemia, Yeova nĩethĩwe ngũsĩ ya w’o na yĩ kĩthito katĩ waitũ, ethĩwa tũtikeka kwĩanana na ndeto yonthe ĩla Yeova Ngai waku ũkakũtũma nayo kwitũ.</verse>
				<verse number="6">Ethĩwa nĩ nzeo, kana ethĩwa nĩ nthũku, tũkeew’a wasya wa Yeova Ngai waitũ, ũla tũũkũtũma kwake; nĩ kana kwĩthĩwe ũseo kwitũ, o yĩla twĩĩw’aa wasya wa Yeova Ngai waitũ.</verse>
				<verse number="7">Na kweethĩwa ĩtina wa mĩthenya ĩkũmi, ndeto ya Yeova yamũkĩa Yelemĩa.</verse>
				<verse number="8">Nĩvo ĩndĩ wamwĩtie Yoanani mwana wa Kalea, na makavuteni onthe ma asikalĩ ala maĩ nake, na andũ onthe kuma ũla mũnini kũvika ũla mũnene mbee,</verse>
				<verse number="9">na amea, Ũũ nĩw’o Yeova, Ngai wa Isilaeli, ũnũkwasya, ũla mwandũmie kwake nĩvikye wĩsũvano wenyu mbee wake:</verse>
				<verse number="10">Ethĩwa mũkekala nthĩ ĩno, nĩvo ĩndĩ ngamwaka, na ti kũmũomboa, na ngamũvanda, na ti kũmũkũa; nũndũ nĩngwĩalyũla ũndũ wa ũthũku ũla namwĩkie.</verse>
				<verse number="11">Mũtikakĩe mũsumbĩ wa Mbaviloni, ũla mũmũkĩaa; mũikamũkĩe, easya ũu Yeova; nũndũ nĩ vamwe nenyu nĩmũtangĩĩe, na kũmũvonokya kuma kw’okonĩ kwake.</verse>
				<verse number="12">Na ngamwon’ya tei, nĩ kana amwĩw’ĩe inyw’ĩ tei, na kũmũtũnga nthĩ yenyu.</verse>
				<verse number="13">Ĩndĩ ethĩwa mwĩasya, Tũtikekala nthĩ ĩno; mũtikew’e wasya wa Yeova Ngai wenyu,</verse>
				<verse number="14">mũkyasya, Aiee: ĩndĩ tũkaenda nthĩ ya Misili, vala tũtakona kaũ, kana kwĩw’a wasya wa soo, kana kwaĩwa nĩ lĩu; na tũkekala kw’o:</verse>
				<verse number="15">yu kwondũ wa ũu ĩw’ai ndeto ya Yeova, inyw’ĩ ũtialo wa Yuta: Ũũ nĩw’o Yeova wa nguthu, Ngai wa Isilaeli, ũnũkwasya, Ethĩwa nĩ w’o mwĩelekelya mothyũ menyu kũlika Misili, na kũthi kwĩkala ũeni kw’o;</verse>
				<verse number="16">nĩvo ĩndĩ kũkeethĩwa, ũvyũ ũla mũkĩaa, ũkamũvikĩla ku nthĩ ya Misili; na yũa yĩla mũkĩaa, yĩkamũatĩĩa na vinya ku Misili; na mũkakw’ĩa kw’o.</verse>
				<verse number="17">Ũũ ũkeethĩwa kwa andũ onthe ala makelekelya mothyũ moo maende Misili mekale ũeni kw’o: makooawa na ũvyũ, na yũa, na mũimũ; na vai ũmwe ũkatiala kana kũvonoka kuma ũthũkunĩ ũla ngamaetee.</verse>
				<verse number="18">Nũndũ ũũ nĩw’o Yeova wa nguthu, Ngai wa Isilaeli, ũnũkwasya: O tondũ ũthatu wakwa na kũthilĩka kwakwa nĩkwoonoew’e ala matwĩe Yelusaleme, now’o kũthilĩka kwakwa kũkonow’a ĩũlũ wenyu, yĩla mwĩlika Misili; na mũkeethĩwa ma kwĩvĩkwa, na ũseng’yo, na kĩumo, na ma kũvũthw’a; na mũtikona vandũ vaa ĩngĩ.</verse>
				<verse number="19">Yeova nũneenete ũndũ wenyu, inyw’ĩ ũtialo wa Yuta, Mũtikaende Misili: manyai nĩ w’o nĩnamũkũsĩĩa ũmũnthĩ.</verse>
				<verse number="20">Nũndũ nĩmũkengete mathayũ menyu; nũndũ nĩmwandũmie kwa Yeova Ngai wenyu, mũkyasya, Tũvoyee kwa Yeova Ngai waitũ; na kwĩanana na w’onthe ũla Yeova Ngai waitũ wĩneena, tũtavye o w’o, naitũ tũkawĩka.</verse>
				<verse number="21">Na ũmũnthĩ nĩnĩmũtavĩtye; ĩndĩ mũtikwĩthukĩĩsya wasya wa Yeova Ngai wenyu ũndũnĩ o na wĩva ũla wandũmie kwenyu naw’o.</verse>
				<verse number="22">Yu kwondũ wa ũu manyai ki mũkooaĩwa na ũvyũ, na yũa, na mũimũ, vandũ vala mwĩenda kũthi mwĩkale ũeni vo.</verse>
			</chapter>
			<chapter number="43">
				<verse number="1">Na kweethĩwa, yĩla Yelemia wamatavĩtye andũ onthe ndeto syonthe sya Yeova Ngai woo, ila Yeova Ngai woo wamũtũmie kwoo nasyo, o ndeto isu syonthe,</verse>
				<verse number="2">nĩvo Asalia mwana wa Osaia, na Yoanani mwana wa Kalea, na ekathĩĩi onthe, maneenie, makĩmwĩa Yelemia, Nũũneena ũvũngũ: Yeova Ngai waitũ ndakũtũmĩte kũneena atĩĩ, Mũtikaende Misili mwĩkale ũeni kw’o;</verse>
				<verse number="3">ĩndĩ Mbaluku mwana wa Nelia nĩwe ũnũũkũthing’ĩĩsya ĩũlũ waitũ, ũtũnengane mokonĩ ma Akalitei, matũae, na kũtũtwaa twĩ atave Mbaviloni.</verse>
				<verse number="4">Kwondũ wa ũu Yoanani mwana wa Kalea, na makavuteni onthe ma asikalĩ, na andũ onthe, matyaaĩthukĩĩsya wasya wa Yeova, matũe nthĩ ya Yuta.</verse>
				<verse number="5">Ĩndĩ Yoanani mwana wa Kalea, na makavuteni onthe ma asikalĩ, moosa ũtialo w’onthe wa Yuta, ala maĩ manasyoka kuma mbaĩnĩ syonthe vala malũngĩlĩĩlw’e, mekale ũeni nthĩ ya Yuta;</verse>
				<verse number="6">aũme, na aka, na syana, na eĩtu ma mũsumbĩ, na kĩla mũndũ ũla Nevusalatani kavuteni wa nguthu ya asũvĩi watiĩte kwa Ngetalia mwana wa Aikamu, mwana wa Savani; na mwathani Yelemia, na Mbaluku mwana wa Nelia.</verse>
				<verse number="7">Na malika nthĩ ya Misili; nũndũ matyaaĩw’a wasya wa Yeova: na mavika Tavanesi.</verse>
				<verse number="8">Nĩvo ĩndĩ ndeto ya Yeova yamũkĩe Yelemia ku Tavanesi, ĩkĩmwĩa,</verse>
				<verse number="9">Osa mavia manene kw’okonĩ kwaku, ũmavithe nthĩnĩ wa ndaka vala ve kyũmbĩo kya mavali, vala ve ũlikĩlo wa nyũmba ya Valao ku Tavanesi, andũ ma Yuta mene;</verse>
				<verse number="10">noimea, Ũũ nĩw’o Yeova wa nguthu, Ngai wa Isilaeli, ũnũkwasya: Sisya, ngatũmana na kwosa Nevukatilesa mũsumbĩ wa Mbaviloni, mũthũkũmi wakwa, na kũũngamya kĩvĩla kyake kya ũsumbĩ mavianĩ asu nĩvithĩte; nake akamba ĩeema yake ya kĩũsumbĩ ĩũlũ wamo.</verse>
				<verse number="11">Na akooka na kũkũna nthĩ ya Misili; ala ma kĩkw’ũ, kĩkw’ũnĩ; na ala ma kũtavwa mũtavonĩ, na ala ma ũvyũ, ũvyũnĩ.</verse>
				<verse number="12">Na ngakwatya mwaki nyũmba sya ngai sya Misili; nake akaivĩvya, na akaitava mũtavo: na akeevw’ĩka nthĩ ya Misili, o tondũ mũĩthi wĩvw’ĩkaa ngũa yake; na akauma kw’o na mũuo.</verse>
				<verse number="13">O na akaitũlanga ituĩ sya Mbethisemesi, ĩla yĩ nthĩ ya Misili; na nyũmba sya ngai sya Misili akavĩvya na mwaki.</verse>
			</chapter>
			<chapter number="44">
				<verse number="1">Ndeto ĩla yamũkĩe Yelemia ũndũ wa Ayuti onthe ala matwĩe nthĩ ya Misili, ala matwĩe Mikitoli, na Tavanesi, na Memivisi, na nthĩ ya Vathilosi, ĩkyasya,</verse>
				<verse number="2">Ũũ nĩw’o Yeova wa nguthu, Ngai wa Isilaeli, ũnũkwasya: Inyw’ĩ nĩmwonete ũthũku w’onthe ũla naeteie Yelusaleme, na ndũa syonthe sya Yuta; na, sisya, ũmũnthi nĩ maanzo, na vai mũndũ ũtwĩe nthĩnĩ wasyo.</verse>
				<verse number="3">Nũndũ wa ũthũku woo ũla meekie manthatye, ũndũ wa kũthi kũtoeesya ũvani, na kũthũkũma ngai ingĩ, ila mataamanya, mo, kana inyw’ĩ, kana aaĩthe menyu.</verse>
				<verse number="4">Ĩndĩ nĩnatũmie kwenyu athũkũmi makwa onthe athani, ngyũkĩla tene na ngĩmatũma, ngyasya, Ame, mũtikeke ũndũ ũũ wa ũthatyo ũla nĩmenaa.</verse>
				<verse number="5">Ĩndĩ matyaaĩthukĩĩsya, kana kũtea matũ moo methyũũe na kũtia ũthũku woo, matikatoeesye ngai ingĩ ũvani.</verse>
				<verse number="6">Kwondũ wa ũu kũthilĩka kwakwa na ũthatu wakwa syoonoiw’e, na kwakana ndũanĩ sya Yuta na nzĩanĩ nene sya Yelusaleme; nasyo nĩ mbanangĩku na ikatw’ĩka maanzo, o ũndũ kũilyĩ ũmũnthĩ.</verse>
				<verse number="7">Yu kwondũ wa ũu Yeova Ngai wa nguthu, Ngai wa Isilaeli, easya: Nũndũ wa kĩ mũkwĩka mathayũ menyu ũthũku ũũ mũnene, kũveta kwenyu mũndũ mũũme na mũndũ mũka, kana na kaũkenge, maumw’e katĩ wa Yuta, mũikatiwe na mũndũ o na ũmwe;</verse>
				<verse number="8">kwondũ wa ũnthatya na mawĩa ma moko menyu, mũkĩtoeesya ngai ingĩ ũvani nthĩ ya Misili, vala mwaendie kwĩkala ũeni; nĩ kana mũvetwe, na mwĩthĩwe kĩumo na ma kũvũthw’a katĩ wa mbaĩ syonthe sya nthĩ?</verse>
				<verse number="9">Nĩmũlĩtwe nĩ ũthũku wa aaĩthe menyu, na ũthũku wa asumbĩ ma Yuta, na ũthũku wa iveti syoo na ũthũku wenyu ene, na ũthũku wa iveti syenyu, ũla meekĩe nthĩ ya Yuta, na nzĩanĩ nene sya Yelusaleme?</verse>
				<verse number="10">Matyaaĩnyivya kũvika mũnthĩ ũũ, o na matyaakĩa, kana kũendaa mĩaonĩ yakwa, kana myamũlonĩ yakwa, ĩla naiie mbee wenyu na mbee wa aaĩthe menyu.</verse>
				<verse number="11">Kwondũ wa ũu Yeova wa nguthu, Ngai wa Isilaeli, ũnũkwasya: Sisya, ngamũlutĩla ũthyu wakwa nĩmwĩke ũthũku, o kũveta Yuta onthe.</verse>
				<verse number="12">Na ngoosa ũtialo wa Yuta, ala meelekelye mothyũ moo maende nthĩ ya Misili kwĩkala ũeni kw’o, na onthe makaminwa; makavalũka nthĩ ya Misili; makaminwa na ũvyũ, na yũa; makakw’a kuma ũla mũnini kũvika ũla mũnene mbee, makyũawa na ũvyũ na yũa; na makeethĩwa ma kwĩvĩkwa, na ũseng’yo, na kĩumo, na ma kũvũthw’a.</verse>
				<verse number="13">Nũndũ ngakũna ala matwĩe nthĩ ya Misili, o tondũ nakũnie Yelusaleme, na ũvyũ, na yũa, na mũimũ;</verse>
				<verse number="14">o na vai ũmwe wa ũtialo wa Yuta, ala maendie nthĩ ya Misili mekale ũeni kw’o, ũkavonoka kana kũtiala, asyoke nthĩ ya Yuta, ĩla me na mea ma kũmĩsyokea matũe kw’o: nũndũ vai ũmwe ũkasyoka ate o ala makavonoka.</verse>
				<verse number="15">Nĩvo ĩndĩ aũme onthe ala mesĩ iveti syoo nĩsyatoeesye ngai ingĩ ũvani, na aka onthe ala maũngamie vakuvĩ, ĩkomano ĩnene, o andũ onthe ala matwĩe nthĩ ya Misili, ku Vathilosi, mamũsũngĩie Yelemia, makyasya,</verse>
				<verse number="16">Ũndũ wa ndeto ĩla ũneenete naitũ syĩtwanĩ ya Yeova, tũtikakwĩthukĩĩsya.</verse>
				<verse number="17">Ĩndĩ tũitĩa kwĩanĩsya kĩla ndeto ĩla yumĩte makanyw’anĩ maitũ, kũmũtoeesya mũsumbĩ mũndũ mũka wa ĩtunĩ ũvani, na kũmwĩtĩa nthembo sya kũnyuwa, o tondũ tweekie, ithyĩ na aaĩthe maitũ, asumbĩ maitũ na anene maitũ me mbee ũsumbĩnĩ, ndũanĩ sya Yuta, na nzĩanĩ nene sya Yelusaleme; nũndũ ĩvinda yĩu twaĩ na lĩu mwingĩ, na twaĩ na mĩĩ mĩseo, na tũtyaaona ũthũku.</verse>
				<verse number="18">Ĩndĩ kuma twaeka kũtoeesya mũsumbĩ mũndũ mũka wa ĩtunĩ ũvani, na kũmwĩtĩa nthembo sya kũnyuwa, twaaĩwa nĩ syĩndũ syonthe, na kũminwa na ũvyũ na yũa.</verse>
				<verse number="19">Na yĩla twamũtoeesye mũsumbĩ mũndũ mũka wa ĩtunĩ ũvani, na kũmwĩtĩa nthembo sya kũnyuwa, nĩtwamũseũvĩsye tũmũtũ tũmũthaithe, na kũmwĩtĩa nthembo sya kũnyuwa, tũte na aũme maitũ?</verse>
				<verse number="20">Nĩvo ĩndĩ Yelemia wamatavisye andũ onthe, aũme na aka, o andũ onthe ala mamũsũngĩie ũu, akĩmakũlya,</verse>
				<verse number="21">Ũvani ũla mwatoeesye ndũanĩ sya Yuta, na nzĩanĩ nene sya Yelusaleme, inyw’ĩ na aaĩthe menyu, asumbĩ menyu na anene menyu me mbee ũsumbĩnĩ, na andũ ma ĩ nthĩ, Yeova ndaolilikana, na ndwaalika kĩlilikanonĩ kyake?</verse>
				<verse number="22">Ũndũ Yeova ũtatonya kũmĩangĩsya, nũndũ wa ũthũku wa meko menyu, na nũndũ wa mothatyo ala mwekĩte; kwondũ wa ũu nthĩ yenyu nĩtw’ĩkĩte nthei, na ũseng’yo, na kĩumo, ĩte mũndũ ũmĩtwĩe, o ũndũ ĩilyĩ ũmũnthĩ.</verse>
				<verse number="23">Nĩkwĩthĩwa nĩmwatoeesye ũvani, na nĩkwĩthĩwa nĩmwamũvĩtanĩsye Yeova, na mũtyaaĩthukĩĩsya wasya wa Yeova, kana kũendaa mĩaonĩ yake, kana myamũlonĩ yake, kana mokũsĩnĩ make; kwondũ wa ũu ũthũku ũũ nĩmũvikĩĩte, o ũndũ kũilyĩ ũmũnthĩ.</verse>
				<verse number="24">Na ĩngĩ Yelemia amea andũ onthe, na aka onthe, Ĩthukĩĩsyei ndeto ya Yeova, onthe ma Yuta mwĩ nthĩ ya Misili:</verse>
				<verse number="25">Ũũ nĩw’o Yeova wa nguthu, Ngai wa Isilaeli, ũnũkwasya, akĩmwĩa, Inyw’ĩ na iveti syenyu nĩmũneenete na makanyw’a menyu, na kwĩanĩsya na moko menyu, mũkyasya, Tũitĩa kwĩanĩsya mawĩvĩto maĩtũ ala tweevĩtie, tũtoeesye mũsumbĩ mũndũ mũka wa ĩtunĩ ũvani, na kũmwĩtĩa nthembo sya kũnyuwa: lũlũmĩlyai ĩndĩ mawĩvĩto menyu, na mũyĩanĩsya mawĩvĩto menyu.</verse>
				<verse number="26">Kwondũ wa ũu ĩthukĩĩsyei ndeto ya Yeova, onthe ma Yuta ala mũtwĩe nthĩ ya Misili: Sisya, nĩnĩvĩtĩte na syĩtwa yakwa ĩnene, easya Yeova, atĩ syĩtwa yakwa yitikawetwa ĩngĩ kanyw’anĩ wa mũndũ o na wĩva wa Yuta nthĩ yonthe ya Misili, akyasya, O tondũ Mwĩaĩi Yeova wĩ thayũ.</verse>
				<verse number="27">Sisya, nĩngũmasyaĩĩsya nĩmeke ũthũku, na ti kũmeka ũseo; na andũ onthe ma Yuta ala me nthĩ ya Misili makaminwa na ũvyũ na yũa, kũvika mathela vyũ.</verse>
				<verse number="28">Na ala mevonoka ũvyũnĩ makasyoka nthĩ ya Yuta kuma nthĩ ya Misili, me avũthũ mũno ũtalonĩ woo, na ũtialo w’onthe wa Yuta, ala maendie nthĩ ya Misili kwĩkala ũeni kw’o makamanya nĩ ndeto yaũ ĩla yĩungama, yakwa, kana yoo.</verse>
				<verse number="29">Na ũũ ũkeethĩwa ũvano kwenyu, easya Yeova, kana ngamũkũnĩa vandũ vaa mũmanye kana ndeto syakwa iitĩa kũũngama ĩũlũ wenyu ũndũ wa ũthũku:</verse>
				<verse number="30">Ũũ nĩw’o Yeova ũnũkwasya, Sisya, ngamũnengane Valao Ovila mũsumbĩ wa Misili mokonĩ ma amaitha make, na mokonĩ ma ala mamanthaa thayũ wake; o tondũ nanenganie Nzetekia mũsumbĩ wa Yuta kw’okonĩ kwa Nevukatilesa mũsumbĩ wa Mbaviloni, ũla waĩ mũmaitha wake, na nĩwamanthaa thayũ wake.</verse>
			</chapter>
			<chapter number="45">
				<verse number="1">Ndeto ĩla mwathani Yelemia watavisye Mbaluku mwana wa Nelia yĩla waandĩkie ndeto ii ĩvukunĩ kuma kanyw’anĩ wa Yelemia mwaka wa kana wa kũsumbĩka kwa Yeoiakimu mwana wa Yosia, mũsumbĩ wa Yuta, ĩkĩmwĩa,</verse>
				<verse number="2">Ũũ nĩw’o Yeova, Ngai wa Isilaeli, ũnũũkũtavya, we Mbaluku:</verse>
				<verse number="3">We nĩwaisye, Woo nĩ wakwa yu! Nũndũ Yeova nĩwongeleele kwalw’a kĩmako; nĩ na mĩnoo ũndũ wa kũluma kwakwa, na ndikwona ũthũmũo.</verse>
				<verse number="4">Ũkamwĩa atĩĩ, Ũũ nĩw’o Yeova ũnũkwasya: Sisya, kĩla nakĩte ngaomboa, na kĩla nĩvandĩte ngakũa; na ta ũu nthĩ yonthe.</verse>
				<verse number="5">Nũkwĩmanthĩa maũndũ manene? Ndũkamamanthe; nũndũ, sisya, ngatee mĩĩ yonthe ũthũku, easya ũu Yeova; ĩndĩ thayũ waku, ngakũnenga wĩthĩwe mũtavo kũndũ kw’onthe kũla wĩendaa.</verse>
			</chapter>
			<chapter number="46">
				<verse number="1">Ndeto ya Yeova ĩla yamũkĩe mwathani Yelemia ũndũ wa i mbaĩ.</verse>
				<verse number="2">Ũndũ wa Misili: ũndũ wa ita sya Valao‐neko mũsumbĩ wa Misili, ila syaĩ vakuvĩ na ũsĩ wa Euvalati ndũanĩ ya Kalikemisi, ĩla Nevukatilesa mũsumbĩ wa Mbaviloni wakũnie mwaka wa kana wa kũsumbĩka kwa Yoiakimu mwana wa Yosia, mũsumbĩ wa Yuta.</verse>
				<verse number="3">Seũvyai kakalo na ngao, na mũithengeea kaũnĩ.</verse>
				<verse number="4">Tandĩkai mbalasi, na mũitũla, inyw’ĩ aũme ala mũtũlaa mbalasi, na mũiũngama mwĩ na ngovia syenyu; kutai matumo, ĩkĩai tũkoti twa iaa.</verse>
				<verse number="5">Nĩonea ũndũ ũũ kĩ? Nĩmeũteva na kũsyoka na ĩtina; na ala moo me ũtonyi nĩmavalũkĩtw’e, nao makĩĩte mĩtũkĩ, na matiũsisya na ĩtina: ũtĩsyo wĩ ngalĩ syonthe, easya ũu Yeova.</verse>
				<verse number="6">Ũla wĩ mĩtũkĩ ya kũsemba ndakasembekye, kana ngũmbaũ ndĩkavonoke; nĩmalulutĩkile na kũvalũka ngalĩ ya ĩũlũ vakuvĩ na ũsĩ wa Euvalati.</verse>
				<verse number="7">Ũũ nũũ ũla wũkĩlaa ta ũsĩ wa Naelo, ũla manzĩ maw’o meyũkĩlangasya ta mbũsĩ?</verse>
				<verse number="8">Misili nĩyũkĩlaa ta Naelo, na manzĩ mayo nĩmeyũkĩlangasya ta mbũsĩ: nake easya, Ngookĩla, ngavw’ĩka nthĩ; ngaananga ndũa na ala maitwĩe.</verse>
				<verse number="9">Ambatai, inyw’ĩ mbalasi; na sembai ta mwĩ na ndũũka, inyw’ĩ makasya ma kaũ; na ngũmbaũ syume: Kusi na Vutu, ala makwataa ngao; na Aluti, ala makwataa na kũkoota ũta.</verse>
				<verse number="10">Nũndũ mũthenya ũsu nĩ mũthenya wa Mwĩaĩi, Yeova wa nguthu, mũthenya wa kwĩĩvanĩsya, nĩ kana eĩvanĩsye ũndũ wa nthũ syake: na ũvyũ ũkaya na kũvũna, na ũkanyw’a nthakame yoo ũkole; nũndũ Mwĩaĩi, Yeova wa nguthu, e na nthembo nthĩ yĩ ngalĩ ya ĩũlũ vakuvĩ na ũsĩ wa Euvalati.</verse>
				<verse number="11">Ambata ũende ku Ngileati, noyosa seli, we mwĩĩtu mũtheu wa Misili: nũkwĩtethya na mĩtĩ mingĩ mana; vati kũvow’a kwaku.</verse>
				<verse number="12">Mbaĩ nĩsyĩw’ĩte ũvoo wa nthoni syaku, na nthĩ nĩyusũĩte kĩĩo kyaku; nũndũ ngũmbaũ nĩlulutĩkĩle ngũmbaũ, nivalũkĩte syelĩ vamwe.</verse>
				<verse number="13">Ndeto ĩla Yeova wamũtavisye mwathani Yelemia, ũndũ Nevukatilesa mũsumbĩ wa Mbaviloni ũkoka na kũkũna nthĩ ya Misili.</verse>
				<verse number="14">Tavan’yai Misili, na mũinyaĩĩkya Mikitoli, na mũinyaĩĩkya Memivisi na Tavanesi: asyai, Ũngama, noyĩyũmban’ya; nũndũ ũvyũ nũĩte ngalĩ syaku syonthe.</verse>
				<verse number="15">Ala maku me vinya matwaĩtwe nĩkĩ? Matyaaũngama, nĩkwĩthĩwa Yeova nĩwamalũngilye.</verse>
				<verse number="16">Nĩwamalũlũtĩkilye aingĩ, ĩĩ, nĩmavalũkile ũmwe ĩũlũ wa ũla ũngĩ: nao masya, Ũkĩlai, tũende ĩngĩ kwa andũ maitũ, na nthĩ ĩla twasyaĩwe, tũkĩe ũvyũ ũla ũtũthĩnasya.</verse>
				<verse number="17">Nĩmaneenie na wasya mũnene kw’o, Valao mũsumbĩ wa Misili nĩ kĩlonzo kĩthei; nĩwaekie ĩvinda yĩtw’ĩtwe yĩvĩte.</verse>
				<verse number="18">O tondũ nĩ thayũ, easya Mũsumbĩ, ũla syĩtwa yake nĩ Yeova wa nguthu, vate ndĩi o ta Tavoli katĩ wa iĩma, na ta Kalimeli ũtee wa ũkanga, now’o ũkoka.</verse>
				<verse number="19">We mwĩĩtu ũla wĩkalaa Misili, ĩseũvĩsye mĩio ya kũthi nayo wĩ mũtave; nũndũ Memivisi ĩkatw’ĩka ĩanzo, ĩte mũndũ ũmĩtũa, na ĩkavĩvw’a.</verse>
				<verse number="20">Misili nĩ moi nzeo mũno; ĩndĩ wanangĩko wũmĩte ngalĩ ya ĩũlũ nĩ mũku, nĩ mũku.</verse>
				<verse number="21">O na andũ mayo ala matuvawa mailyĩ katĩ wayo ta tũsaũ twa kĩtũũ; nũndũ nao nĩmasyokete na ĩtina, nĩmakĩĩte vamwe, matyaaũngama: nũndũ mũthenya wa wanangĩko woo nũmavikĩe, ĩvinda ya kũsilĩlwa kwoo.</verse>
				<verse number="22">Wasya wayo ũkanyoloka ta nzoka; nũndũ makaenda na ita, na kũmyũkĩa na mathoka, ta ala maunaa ngũ.</verse>
				<verse number="23">Makatema mũtitũ wayo, easya Yeova, nũndũ ndũmanthĩka; nĩkwĩthĩwa nĩ aingĩ kwĩ ngie, maitalĩka.</verse>
				<verse number="24">Mwĩĩtu wa Misili akasonokw’a; akanenganwe mokonĩ ma andũ ma ngalĩ ya ĩũlũ.</verse>
				<verse number="25">Yeova wa nguthu, Ngai wa Isilaeli, easya: Sisya, ngakũna Amoni wa ndũa ya No, na Valao, na Misili, vamwe na ngai syayo, na asumbĩ mayo; o Valao, na ala mamwĩkwatasya:</verse>
				<verse number="26">na ngamanengane mokonĩ ma ala mamanthaa mathayũ moo, na kw’okonĩ kwa Nevukatilesa mũsumbĩ wa Mbaviloni, na kw’okonĩ kwa athũkũmi make; na ĩtina wa ũu ĩkatũwa nĩ andũ, o ta mĩthenya ya tene, easya ũu Yeova.</verse>
				<verse number="27">Ĩndĩ ndũkakĩe, we Yakovo mũthũkũmi wakwa, o na ndũkateve, Isilaeli: nũndũ, sisya, ngakũtangĩĩa wume kũasa, na ũsyao waku kuma nthĩ ĩla watwaiwe wĩ mũtave; na Yakovo akasyoka, na akausya na kũthũmũa, na vai ũla wĩmũtĩsya.</verse>
				<verse number="28">Ndũkakĩe, we Yakovo mũthũkũmi wakwa, easya ũu Yeova; nũndũ nĩ vamwe naku: nũndũ ngaimina vyũ mbaĩ syonthe vala nakũlũngĩlĩĩlye; ĩndĩ ndikakũmina vyũ, ĩndĩ ngakũkan’ya nĩthimĩte, na ndikatĩa ũkũkũna.</verse>
			</chapter>
			<chapter number="47">
				<verse number="1">Ndeto ya Yeova ĩla yamũkĩe mwathani Yelemia ũndũ wa Avilisiti, Valao atanamba kũkũna Ngasa.</verse>
				<verse number="2">Ũũ nĩw’o Yeova ũnũkwasya: Sisya, manzĩ nĩmekũkĩla ngalĩ ya ĩũlũ, na makatw’ĩka ũsĩ ũvingĩte ũkakĩla, na makavw’ĩka nthĩ na kyonthe kĩ nthĩ, ndũa na ala mamĩtũaa; na andũ makaĩa, na onthe ala matwĩe nthĩ makakaya.</verse>
				<verse number="3">Kwondũ wa matuu ma kũkinyanga kwa mavũngũ ma ila syake syĩ vinya, kwondũ wa kũsemba kwa makasya make, na kwondũ wa kĩlonzo kya ndĩa syamo, aaĩthe matĩũsisya ĩtina kũsisya syana syoo nũndũ moko moo mati vinya;</verse>
				<verse number="4">nũndũ wa mũthenya ũla wũkĩte wa kwananga Avilisiti onthe, kũveta kuma Tile na sitoni kĩla mũtethya ũtialĩtw’e: nũndũ Yeova akaananga Avilisiti, ũtialo wa kĩthama kya Kavitoli.</verse>
				<verse number="5">Ũvaa nĩwũkĩte ndũanĩ ya Ngasa; Asikeloni nĩ mbanangĩku vyũ, nayo nĩ ũtialo wa mwanda woo: ũkeetemanga kũvika ĩndĩĩ?</verse>
				<verse number="6">We ũvyũ wa Yeova, kũkeethĩwa ĩvinda yĩana ata kũvika yĩla wĩvindya? Ĩtũngĩe ndoonĩ yaku; thũmũa, noivindya.</verse>
				<verse number="7">Ũtonya kũvindya ata, nũndũ Yeova nũkũnengete wĩaĩo? Ĩũlũ wa Asikeloni, na ĩũlũ wa ũkanga ũtee, nĩ vo waũtw’ĩĩe.</verse>
			</chapter>
			<chapter number="48">
				<verse number="1">Ũvoo wa Moavi. Ũũ nĩw’o Yeova wa nguthu, Ngai wa Isilaeli, ũnũkwasya: Woo nĩ wa Nevo! Nũndũ nĩtw’ĩkĩthĩtw’e ĩanzo; Kiliathaimu nĩkũsonokw’a, nĩ ngwate; Misikavu nĩkũsonokw’a na kũombowa.</verse>
				<verse number="2">Ndaĩa ya Moavi vatiĩ, nthĩnĩ wa Esivoni nĩmasũanĩĩte kũmĩka ũthũku: Ũkai, tũmĩvete ndĩkethĩwe mbaĩ. O naku, we Matimeni, ũkavindĩthw’a; ũvyũ ũkakũatĩĩa.</verse>
				<verse number="3">Wasya wa kĩĩo kuma Olonaimu, wau na wanangĩko mũnene!</verse>
				<verse number="4">Moavi nĩ mbanangĩku; twana twayo tũnini nĩtwatumie kĩĩo kĩw’ĩka.</verse>
				<verse number="5">Nũndũ makambata kyambatonĩ kya Luithi makĩĩa mavinda onthe; nũndũ kĩtheeonĩ kya Olonaimu nĩmew’ĩte thĩna wa kĩĩo ũndũ wa wanangĩko.</verse>
				<verse number="6">Kĩai, tangĩĩai mathayũ menyu, na mũyĩthĩwa ta mũtĩ weũnĩ mwĩtĩku matũ.</verse>
				<verse number="7">Ĩndĩ, nĩkwĩthĩwa nĩweekwatisye mawĩa maku na ũthwii waku mwie, we naku ũkakwatwa: na ĩla ngai Kemosi ĩkatwawa ĩ ndave, athembi mayo na anene mayo vamwe.</verse>
				<verse number="8">Na mwanangi akamyũkĩa kĩla ndũa, na ndũa o na ĩmwe ndĩkavonoka; mwanda naw’o ũkaanangĩka, na ũiĩ ũkaanangwa; o tondũ Yeova ũneenete.</verse>
				<verse number="9">Nenga Moavi nthwau, nĩ kana aũlũke na kũthi kũasa: na ndũa syake ikatw’ĩka maanzo, ite mũndũ wa kwitũa.</verse>
				<verse number="10">Naumanĩwe ũla ũtethasya wĩa wa Yeova ate na kĩthito; na naumanĩwe ũla ũsiĩĩa ũvyũ wake ndũkethĩwe na nthakame.</verse>
				<verse number="11">Moavi nũthũmũĩte kuma wana wake, nĩwĩkalĩte kĩmongoyonĩ kyake, ndaakelwa kuma kĩndũnĩ kĩmwe kwĩkĩwa kĩndũnĩ kĩngĩ, o na ndaaenda e mũtave: kwondũ wa ũu ũsamo wake nĩwĩkalĩte nthĩnĩ wake, na mũuke wake ti mũalyũku.</verse>
				<verse number="12">Kwondũ wa ũu, sisya, mĩthenya nĩyũkĩte, easya Yeova, ĩla ngatũma kwake ala makelaa, na makamũkela; nao makatulũla mĩio yake, na kũaa masũva moo ilungu.</verse>
				<verse number="13">Na Moavi akasonoka nũndũ wa Kemosi, o tondũ nyũmba ya Isilaeli yasonokie ũndũ wa Mbethi‐eli, wĩkwatyo woo.</verse>
				<verse number="14">Mwĩasya ata, Ithyĩ twĩ andũ me ũtonyi na ngũmbaũ kwondũ wa kaũ?</verse>
				<verse number="15">Moavi nĩtw’ĩkĩthĩtw’e ĩei, na nĩmambatĩte ndũanĩ syake, na anake make anyuve nĩmatheeete kũawa, easya Mũsumbĩ, ũla syĩtwa yake nĩ Yeova wa nguthu.</verse>
				<verse number="16">Wanangĩko wa Moavi ũkĩlilye kũka, na ũnyamao wake nĩwĩkalaatĩte mũno.</verse>
				<verse number="17">Inyw’onthe ala mũmũthyũlũlũkĩte mũmeteei, na inyw’onthe ala mwĩsĩ syĩtwa yake; asyai, Ndata yĩ vinya ko nĩyatũlĩkaa, ndata nzeo mũno!</verse>
				<verse number="18">We mwĩĩtu ũla ũtwĩe Ndivoni, theea kuma ũnenenĩ waku, noiĩkala na waũni; nũndũ mwanangi wa Moavi nũkũkĩe, nĩwanangĩte ngome syaku syĩ vinya.</verse>
				<verse number="19">We ũla ũtwĩe Aloeli, ũngama ũtee wa nzĩa, noisyaĩĩsya: kũlya mũndũ mũũme ũla ũnũũsemba, na mũndũ mũka ũla ũnũũvonoka; asya, Kwĩkĩkie ata?</verse>
				<verse number="20">Moavi nĩkũsonoka; nũndũ nĩomboetwe: kayai na kũĩa; tavan’yai ku ũtee wa ũsĩ wa Alinoni, atĩ Moavi nĩyanangĩtwe.</verse>
				<verse number="21">Na ũsilĩlo nĩ mũku ĩũlũ wa nthĩ yĩ ũiĩ, ĩũlũ wa Oloni, na Yasa, na Mevaathi,</verse>
				<verse number="22">na Ndivoni, na Nevo, na Mbethindivilathaimu,</verse>
				<verse number="23">na Kiliathaimu, na Mbethi‐ngamuli, na Mbethi‐meoni,</verse>
				<verse number="24">na Keliothi, na Mbosila, na ndũa syonthe sya nthĩ ya Moavi, ila syĩ kũasa na ila syĩ vakuvĩ.</verse>
				<verse number="25">Ũvya wa Moavi nĩ mũtile, na kw’oko kwake nĩ kũtilĩku, easya ũu Yeova.</verse>
				<verse number="26">Mũtoonethyei; nũndũ nĩwenenevesye Yeova: na Moavi akeeyalalya matavĩkanĩ make, nake akathekeewa.</verse>
				<verse number="27">Nũndũ Isilaeli ndaĩ ntheko kwaku? Nĩwonekie katĩ wa ing’ei? Nũndũ o yĩla ũũmũweta, nũthingithasya mũtwe.</verse>
				<verse number="28">Inyw’ĩ ala mũtwĩe Moavi, umai ndũanĩ, mũtũe ĩvianĩ; ĩthĩwai ta ĩvũĩ yĩla yakaa ndala yayo ngũkanĩ ya ĩtw’ĩku.</verse>
				<verse number="29">Nĩtwĩw’ĩte ũvoo wa ngathĩĩo ya Moavi, atĩ e na ngathĩĩo mũno; kwĩyũkĩlya kwake, na ngathĩĩo yake, na wĩnenevyo wake, na wĩng’athĩlĩlyo wa ngoo yake.</verse>
				<verse number="30">Nĩnĩsĩ ũthilĩku wake, easya Yeova, kana ti kĩndũ; mĩtũlyo yake ndĩkĩte ũndũ nongi.</verse>
				<verse number="31">Kwondũ wa ũu ngametea Moavi; ĩĩ, ngaĩa ũndũ wa Moavi onthe: makametea andũ ma Kili‐elesi.</verse>
				<verse number="32">Ngakũĩĩa na kĩĩo kĩvĩtũkĩte kĩĩo kya Yaseli, we mũsavivũ wa Sivima: mbonge syaku nikĩlĩte ũkanga, syavika o ũkanganĩ wa Yaseli: mwanangi nũmavalũkĩle mosyao maku ma ĩvinda ya syũa na ngetha yaku ya nzavivũ.</verse>
				<verse number="33">Ũtanu na mũyo nĩsyumĩtw’e mũũndanĩ wĩ na ũsyao, o na nthĩ ya Moavi; na nĩnaekethya mbinyu iangionĩ sya nzavivũ; vai ũmwe ũkakinyanga na wasya mũnene; wasya mũnene ndũkethĩwa wĩ wasya mũnene.</verse>
				<verse number="34">Nĩmaumĩtye wasya woo kuma kĩĩonĩ kya Esivoni o kũvika Eleale, o kũvĩka Yaasa, kuma Nzoali kũvika Olonaimu, kũvika Ekilathi‐selisiya: nũndũ manzĩ namo ma Nimilimu makeethĩwa mang’alĩte.</verse>
				<verse number="35">Na ĩngĩ, easya Yeova, Ngamũekethya nthĩnĩ wa Moavi, ũla ũthembeaa kũndũ kũtũlu, na ũla ũtoeeasya ngai syake ũvani.</verse>
				<verse number="36">Kwondũ wa ũu ngoo yakwa nĩnĩkumya wasya ta mĩtũlilũ kwondũ wa Moavi, na ngoo yakwa nĩnĩkumya wasya ta mĩtũlilũ ũndũ wa andũ ma Kili‐elesi: kwondũ wa ũu wingĩ ũla weyũmbanĩsye nĩ mwau.</verse>
				<verse number="37">Nũndũ kĩla mũtwe wĩ ũvaa, na kĩla kĩng’ew’a nĩ kĩtile: na moko onthe nĩmatw’ĩtwe nthoo, na inyunyu nivotoetwe makunia.</verse>
				<verse number="38">Ĩũlũ wa nyũmba syonthe sya Moavi na nzĩanĩ nene syayo ve kĩĩo kĩla vandũ; nũndũ nĩnũaĩte Moavi ta mũio ũtatanĩwa nĩ mũndũ, easya ũu Yeova.</verse>
				<verse number="39">Ko nĩomboetwe! Ko nĩmekũmeta! Moavi ko nĩyonanĩtye mũongo nĩ nthoni! O ta ũu Moavi akatw’ĩka ntheko na ũtĩsyo kwa onthe ala mamĩthyũlũlũkĩte.</verse>
				<verse number="40">Nũndũ ũu nĩw’o Yeova ũnũkwasya: Sisya, akaũlũka ta ndiũ, na kũtambũũkĩsya Moavi nthwau syake.</verse>
				<verse number="41">Keliothi nĩ mbose, na ngome syĩ vinya nikwatĩtwe, na mũthenya ũsu ngoo sya ngũmbaũ sya Moavi ikethĩwa ta ngoo ya mũndũ mũka akyaũnya.</verse>
				<verse number="42">Na Moavi akaanangwa ndakethĩwe ũko wa andũ, nĩkwĩthĩwa nĩwamwĩnenevesye Yeova.</verse>
				<verse number="43">W’ĩa, na ĩima, na kĩtei, nĩkũkwatĩte, we ũla ũtwĩe Moavi, easya ũu Yeova.</verse>
				<verse number="44">Ũla ũsembaa akĩĩte w’ĩa ũsu akavalũka ĩimanĩ; na ũla wĩyumya ĩimanĩ akakwatw’a nĩ kĩtei: nũndũ ngamũetee, o Moavi, mwaka wa kũsilĩlwa kwoo, easya ũu Yeova.</verse>
				<verse number="45">Ala makĩie nĩmaũngeme mate vinya muunyĩnĩ wa Esivoni; nũndũ mwaki nĩwumĩte Esivoni, na ũlĩlĩnzĩ kuma Sioni katĩ, na nĩwanangĩte kĩkoto kya Moavi, na lolotya wa mũtwe wa ala meũlonzan’ya.</verse>
				<verse number="46">Woo nĩ waku, we Moavi! Andũ ma Kemosi nĩmaĩte; nũndũ ana maku nĩmatwaiwe me atave, o na eĩtu maku me o atave.</verse>
				<verse number="47">Ĩndĩ ngatũnga Moavi aume kũtavwanĩ mĩthenya ya mũminũkĩlyo, easya ũu Yeova. Kũvika vau nĩ ũsilĩlo wa Moavi.</verse>
			</chapter>
			<chapter number="49">
				<verse number="1">Ũvoo wa ana ma Amimoni. Ũũ nĩw’o Yeova ũnũkwasya: Isilaeli nde na ana? Nde na mũtiĩwa? Nũndũ wa kĩ ĩndĩ ĩla ngai Malikamu ĩnĩũtiĩwa Ngati, na andũ make matũaa ndũanĩ syayo?</verse>
				<verse number="2">Kwondũ wa ũu, sisya, mĩthenya nĩyũkĩte, easya Yeova, ĩla ngatuma mbu ya kaũ yĩw’ĩka ĩũlũ wa ndũa ya Lava ya ana ma Amimoni; na ĩkatw’ĩka kĩvumbu kĩthei, na eĩtu make makavĩvw’a na mwaki: nĩvo Isilaeli akamosa ala mamwosete, easya ũu Yeova.</verse>
				<verse number="3">Meta, we Esivoni, nũndũ Ai nĩtw’ĩkĩthĩtw’e ĩanzo; ĩai, inyw’ĩ eĩtu me Lava, ĩvotoei makunia: metai, noisemba kũũ na kũũ katĩ wa mbiio; nũndũ ĩla ngai Malikamu ĩkatwawa ĩ ndave, athembi mayo na anene mayo vamwe.</verse>
				<verse number="4">Nũndũ wa kĩ wĩkathĩĩa ũndũ wa myanda, mwanda waku ũla ũvĩtĩtye manzĩ, we mwĩĩtu ũla wasyokie na ĩtina? Ũla wekwatĩtye ũthwii wake mwie, akyasya, Nũũ ũla wĩmbũkĩa?</verse>
				<verse number="5">Sisya, ngakũetee w’ĩa, easya Mwĩaĩi, Yeova wa nguthu, kuma andũnĩ onthe ala makũthyũlũlũkĩte; na mũkalũngĩlĩĩlw’a kĩla mũndũ kũasa mũno, na vatikethĩwa mũndũ wa kũmban’ya akĩi.</verse>
				<verse number="6">Ĩndĩ ĩtina ngatũnga ana ma Amimoni maume kũtavwanĩ, easya ũu Yeova.</verse>
				<verse number="7">Ũvoo wa Etomu. Ũũ nĩw’o Yeova wa nguthu ũnũkwasya: Vati ũĩ ĩngĩ Temani? Ũtao nĩwaĩte kwa ala me kĩlĩko? Ũĩ woo nĩ mũthelu?</verse>
				<verse number="8">Kĩai, syokai, na mũyĩkala kũndũ kũliku mũno, inyw’ĩ ala mũtwĩe Ndetani; nũndũ ngamũetee wanangĩko wa Esau, ĩvinda yĩla ngamũsilĩla.</verse>
				<verse number="9">Ethĩwa atwi ma nzavivũ makakũkĩa maikatia nzavivũ sya kũthean’ya? Ethĩwa ing’ei ĩkakũkĩa ũtukũ, itikananga kũvika syavũna?</verse>
				<verse number="10">Ĩndĩ nĩnĩmũtw’ĩkĩthĩtye Esau mũthei, nĩnĩmũvũĩte kũndũ kwake kwa kĩmbithĩ, na ndakatonya kwĩvitha: ũsyao wake nĩ mwanangĩku, o na ana‐a‐ĩthe make, na atũi make; nake ndavaĩ.</verse>
				<verse number="11">Tia syana syaku ila syakw’ĩĩwe nĩ aaĩthe, nakwa ngaisũvĩa syĩkale thayũ; na aka maku ndiwa mandĩkĩĩe.</verse>
				<verse number="12">Nũndũ ũũ nĩw’o Yeova ũnũkwasya: Sisya, ala matatw’ĩĩwe kũnyw’a kĩkombe maitĩa kũnyw’a; na nue we ũla ũkatĩa ũkũnwa? Ndũkaekwa ũte mũkũne, ĩndĩ no mũvaka ũnyw’e.</verse>
				<verse number="13">Nũndũ nyie mwene nĩneevĩtie, easya Yeova, kana Mbosila ĩkatw’ĩka ũseng’yo, na ya kũvũthw’a, na ĩanzo, na kĩumo; na ndũa syonthe syayo ĩkeethĩwa maanzo ĩndĩ yonthe.</verse>
				<verse number="14">Nĩnĩw’ĩte maũvoo kuma kwa Yeova, na mũtũmwa nũtũmĩtwe katĩ wa mbaĩ, akyasya, Ĩyũmban’yei vamwe, mũmĩendee, ũkĩlai mũkite.</verse>
				<verse number="15">Nũndũ, sisya, nĩnĩkũtw’ĩkĩthĩtye mũnini katĩ wa mbaĩ, na kũvũthw’a katĩ wa andũ.</verse>
				<verse number="16">Ũvoonĩ wa ũtĩsyo waku mũnene, ngathĩĩo ya ngoo yaku nĩkũkengete, we ũla wĩkalaa mĩvatĩnĩ ya ĩvia, ũla ũkwete vandũ vatũlu va kĩĩma: o na ethĩwa ũkaaka ndala yaku ĩũlũ ta ndiũ, ngakũtheesya kuma vo, easya ũu Yeova.</verse>
				<verse number="17">Na Etomu ĩkatw’ĩka ũseng’yo: kĩla mũndũ wĩmĩvĩtĩla akaseng’a, na akamĩtĩmba ũndũ wa mothĩn’yo onthe mayo.</verse>
				<verse number="18">O tondũ kwailyĩ kũng’uthũlwanĩ kwa Sotomo na Ngomola na ndũa ila syaĩ vakuvĩ nasyo, now’o mũndũ o na wĩva ndakatũa kw’o, o na mwana wa mũndũ o na wĩva ndakekala ũeni kw’o, easya ũu Yeova.</verse>
				<verse number="19">Sisya, akookĩa wĩkalo wĩ vinya ta mũnyambũ ũindũkĩte kũvinganĩ kwa Yolotani: nũndũ ngamasembya kuma vo na kĩthũlũmũko; na ũla mũnyuve, nĩwe ngaia ĩũlũ wa vo: nũndũ nũũ ũilyĩ takwa? Na nũũ wĩndw’ĩĩa ĩvinda? Na mũĩthi nũũ ũla ũkaũngama mbee wakwa?</verse>
				<verse number="20">Kwondũ wa ũu ĩthukĩĩsyei ũtw’ĩo wa Yeova, ũla watw’ĩĩe Etomu; na mosũanĩo make ala ũsũanĩĩte kũmeka ala matwĩe Temani: Vate ndĩi makamaumya mamakusĩtye, o na anini ma ndĩthya; vate ndĩi akatw’ĩkĩthya wĩkalo woo ĩanzo vamwe nao.</verse>
				<verse number="21">Nthĩ nĩnĩkũtetema ũndũ wa kĩlonzo kya kũvalũka kwoo; ve kĩĩo, na kĩlonzo kyakyo nĩkĩkwĩw’ĩka Ũkanganĩ Mũtune.</verse>
				<verse number="22">Sisya, akambata na kũũlũka ta ndiũ, na kũtambũũkĩsya Mbosila nthwau syake; na mũthenya ũsu ngoo sya ngũmbaũ sya Etomu ikethĩwa ta ngoo ya mũndũ mũka akyaũnya.</verse>
				<verse number="23">Ũvoo wa Ndamasiku. Amathi nĩnĩũvũavũana, o na Alĩvati; nũndũ nĩsyĩw’ĩte maũvoo mathũku, nitwekete: ve kyeva ũkanganĩ; ndũtonya kũvindya.</verse>
				<verse number="24">Ndamasiku nĩyaĩte vinya, nĩnĩkwĩthyũũa ĩkĩe, na ĩkwatĩtwe nĩ kũtetema: woo na kyeva nimĩkwatĩte ta mũndũ mũka akyaũnya.</verse>
				<verse number="25">Ũũ nata ndũa ya ndaĩa ndĩaaekwa, ndũa ya ũtanu wakwa?</verse>
				<verse number="26">Kwondũ wa ũu anake mayo makavalũka nzĩanĩ syayo nene, na andũ onthe ma kaũ makavindĩthw’a mũthenya ũsu, easya ũu Yeova wa nguthu.</verse>
				<verse number="27">Nakwa ngakan’ya mwaki ũvainĩ wa Ndamasiku, na ũkavĩvya nyũmba mbanakavye sya Mbene‐aatati.</verse>
				<verse number="28">Ũvoo wa Ketali, na mosumbi ma Asoli, ala Nevukatilesa mũsumbĩ wa Mbaviloni wakũnie. Ũũ nĩw’o Yeova ũnũkwasya: Ũkĩlai, mwambate Ketali, na kwananga ana ma ngalĩ ya wumĩlonĩ wa syũa.</verse>
				<verse number="29">Makoosa maeema moo na ndĩthya syoo sya mbũi na malondu; makakua kwondũ woo ene ngũa syoo sya kũtũta, na mĩio yoo yonthe, na ngamĩle syoo; na makaneena na wasya mũnene, makĩmea, Ũtĩsyo ngalĩ syonthe!</verse>
				<verse number="30">Kĩai, na mũyanganga kũasa, na kwĩkala kũndũ kũliku, inyw’ĩ ala mũtwĩe Asoli, easya ũu Yeova; nũndũ Nevukatilesa mũsumbĩ wa Mbaviloni nũmũsamĩe, na nũmũsũanĩĩte ũndũ.</verse>
				<verse number="31">Ũkĩlai, mwambate vala ve mbaĩ ĩthũmũĩte, ĩla yĩkalaa ĩte na wĩmakĩo, easya ũu Yeova; ĩla ĩte na mbingĩlo kana ivingi, ila yĩkalaa yĩ yoka.</verse>
				<verse number="32">Na ngamĩle syoo ikeethĩwa mũtavo, na ĩndo syoo nyingĩ mũtavo: na ngamanyaĩĩkya isevenĩ syonthe ala menzetwe ithũkũ; na ngaete wanangĩko woo kuma ngalĩ syoo syonthe, easya ũu Yeova.</verse>
				<verse number="33">Na Asoli ĩkeethĩwa wĩkalo wa mbĩwa, ĩanzo tene na tene: mũndũ o na wĩva ndakatũa vo, o na mwana wa mũndũ o na wĩva ndakekala ũeni kw’o.</verse>
				<verse number="34">Ndeto ya Yeova ĩla yamũkĩe mwathani Yelemia ũndũ wa Elamu, wambĩlĩlyonĩ wa kũsumbĩka kwa Nzetekia mũsumbĩ wa Yuta, ĩkyasya,</verse>
				<verse number="35">Ũũ nĩw’o Yeova wa nguthu ũnũkwasya: Sisya, ngatũla ũta wa Elamu, mũnene wa vinya woo.</verse>
				<verse number="36">Na ngaetee Elamu iseve inya kuma ikotonĩ inya sya ĩtu, na ngamanyaĩĩkya melekele iseve isu syonthe; na vatikethĩwa mbaĩ o na yĩva ĩla alũngw’a ma Elamu matakathi kwayo.</verse>
				<verse number="37">Na ngatuma Aelamu mateva mbee wa amaitha moo, na mbee wa ala mamanthaa mathayũ moo; na ngamaetee ũthũku, o ũthatu wakwa mwai, easya ũu Yeova; na ngatũma ũvyũ ĩtina woo, kũvika nĩmamine vyũ:</verse>
				<verse number="38">na ngaũngamya kĩvĩla kyakwa kya ũsumbĩ ku Elamu, na ngamanangĩa kw’o asumbĩ na anene me mbee ũsumbĩnĩ, easya ũu Yeova.</verse>
				<verse number="39">Ĩndĩ kũkeethĩwa mĩthenya ya mũminũkĩlyo, ngatũnga Elamu aume kũtavwanĩ kwake, easya ũu Yeova.</verse>
			</chapter>
			<chapter number="50">
				<verse number="1">Ndeto ĩla Yeova waneenie ũndũ wa Mbaviloni, ũndũ wa nthĩ ya Akalitei, na kanyw’a wa mwathani Yelemia.</verse>
				<verse number="2">Tavan’yai katĩ wa mbaĩ na mũinyaĩĩkya, na kũũngamya kĩvevelo; nyaĩĩkyai na mũikavithe: asyai, Mbaviloni nĩ mbose, ĩla ngai Veli nĩsonoketw’e, Melotaki nĩtevete: mĩvw’anano yayo nĩnĩũsonokw’a, mĩvw’anano yayo nĩ myanangĩku.</verse>
				<verse number="3">Nũndũ kuma ngalĩ ya ĩũlũ mbaĩ nĩmyũkĩe, ĩla ĩkatw’ĩkĩthya nthĩ yayo nthei, na mũndũ o na wĩva ndakamĩtũa: nĩmakĩĩte, nĩmaendete, mũndũ vamwe na nyamũ.</verse>
				<verse number="4">Mĩthenya ĩsu, na ĩvinda yĩu, ana ma Isilaeli makooka, mo na ana ma Yuta vamwe, easya ũu Yeova; makathi nzĩanĩ yoo makĩĩa, na kũmantha Yeova Ngai woo.</verse>
				<verse number="5">Makakũlya ũndũ wa Saioni mothyũ moo melekele kw’o makyasya, Ũkai, mũkwatane na Yeova ũtianĩonĩ wa tene na tene ũla ũtakola.</verse>
				<verse number="6">Andũ makwa maĩ malondu mau: aĩthi moo nĩmamaĩtye: nĩmamalũlĩte maende iĩmanĩ; nĩmaendete kuma kĩĩmanĩ kũvika kalĩmanĩ; nĩmolĩtwe nĩ kũndũ kwoo kwa ũthũmũo.</verse>
				<verse number="7">Onthe ala mamonie nĩmamaĩte; na amaitha moo masya, Tũti avĩtan’ya, nĩkwĩthĩwa nĩmamũvĩtanĩsye Yeova, wĩkalo wa ũlũngalu, o Yeova, wĩkwatyo wa aaĩthe moo.</verse>
				<verse number="8">Kĩai mume katĩ wa Mbaviloni, na mũyuma nthĩ ya Akalitei, ĩthĩwaĩ ta nthenge mbee wa ndĩthya.</verse>
				<verse number="9">Nũndũ, sisya, ngookĩlya nguthu ya mbaĩ nene kuma nthĩ ya ngalĩ ya ĩũlũ nĩmyambatĩĩsye Mbaviloni: na ikeetaũsya syũkĩte nayo; ĩkooswa yume kw’o: mĩsyĩ yasyo ĩkeethĩwa ta ya ngũmbaũ mbũĩ; vati mũsyĩ ũkasyoka mana.</verse>
				<verse number="10">Na Kalitei ĩkeethĩwa mũtavo: onthe ala memĩtava makeanĩwa, easya ũu Yeova.</verse>
				<verse number="11">Nĩkwĩthĩwa mwĩ na mũyo, nĩkwĩthĩwa nĩmũtanaa, inyw’ĩ ala mũvutaa ũtiĩwa wakwa, nĩkwĩthĩwa nĩmũnoete ta moi ĩla ĩvũaa ngetha, na kwan’ya ta mbalasi syĩ vinya;</verse>
				<verse number="12">mwenyu akasonokw’a vyũ; ũla wakũsyaie akavũavũana: sisya, ĩkeethĩwa ĩla yĩ ĩtina katĩ wa mbaĩ syonthe, weũ, na nthĩ nyũmũ, na yalata.</verse>
				<verse number="13">Nũndũ wa ũthilĩku wa Yeova ndĩkatũwa nĩ andũ, ĩndĩ ĩkeethĩwa ĩei vyũ: kĩla mũndũ wĩvĩtĩla Mbaviloni akaseng’a na kũmĩtimba ũndũ wa mothĩn’yo mayo onthe.</verse>
				<verse number="14">Ĩtaũsyei mũkite na Mbaviloni mũkĩmĩthyũlũlũka ngalĩ syonthe, inyw’onthe ala mũkootaa ũta; mĩathei, mũikasũvĩe mĩsyĩ: nũndũ nĩyamũvĩtanĩsye Yeova.</verse>
				<verse number="15">Myũĩĩsyei ngemi ngalĩ syonthe: nĩyĩnenganĩte; ngome syayo nĩ mbalũku, maũvai mayo nĩmaomboetwe; nũndũ nĩ ũĩvanĩsyo wa Yeova: ĩĩvanĩsyei nayo; o ũndũ yekie mĩkei o w’o.</verse>
				<verse number="16">Vetai mũvũĩi aume Mbaviloni, na ũla ũkwataa kavyũ ke ngoto ĩvinda ya ngetha: makeethyũũa kĩla mũndũ aende andũnĩ make nũndũ wa kũkĩa ũvyũ ũla ũthĩnasya, na makakĩa na kũthi kĩla mũndũ nthĩ yake mwene.</verse>
				<verse number="17">Isilaeli nĩ ĩlondu yĩnyaĩĩkĩtw’e; mĩnyambũ nĩmũlũngĩtye: mbee, mũsumbĩ wa Asuli amũya; na yu mũminũkĩlyo Nevukatilesa mũsumbĩ wa Mbaviloni nũtũlĩte mavĩndĩ make.</verse>
				<verse number="18">Kwondũ wa ũu Yeova wa nguthu, Ngai wa Isilaeli, easya: Sisya, ngakũna mũsumbĩ wa Mbaviloni na nthĩ yake, o tondũ namũkũnie mũsumbĩ wa Asuli.</verse>
				<verse number="19">Na ngaete Isilaeli ĩngĩ kĩsesinĩ kyake, nake akaĩthw’a iĩmanĩ sya Kalimeli na Mbasani, na thayũ wake ũkavũnĩw’a iĩmanĩ sya Evalaimu na Ngileati.</verse>
				<verse number="20">Mĩthenya ĩsu, na ĩvinda yĩu, easya Yeova, ũthũku wa Isilaeli ũkamanthwa, ĩndĩ ndũkethĩwa vo; na naĩ sya Yuta ikamanthwa, ĩndĩ itikoneka: nũndũ ngamaekea ala nĩtialya methĩwe ũtialo.</verse>
				<verse number="21">Ambata ũkite na nthĩ ya Melathaimu, ũkite nayo, na ala matwĩe Vekoti: ũaa nokyananga vyũ ũsyao woo, na kwĩka kwĩanana na w’onthe ũla nakwĩaĩe, easya ũu Yeova.</verse>
				<verse number="22">Kĩtuu kya kaũ na kya wanangĩko mũnene kĩ ĩ nthĩ.</verse>
				<verse number="23">Kĩiva kya nthĩ nima ko nĩkyatũĩtwe na kũtũlwa! Mbaviloni ko nĩtw’ĩkĩte ĩei katĩ wa mbaĩ!</verse>
				<verse number="24">Nyie nĩngũteete, naku nũkwatĩtw’e, we Mbaviloni, na ndwaamanya: nĩwonekete, o na kũkwatw’a, nĩkwĩthĩwa nũkĩlanĩtye vinya na Yeova.</verse>
				<verse number="25">Yeova nũvingũĩte vandũ vake va kwia mĩio ya kaũ, na kumya mĩio ya ũthatu wake; nũndũ Mwĩaĩi, Yeova wa nguthu, e na wĩa wa kwĩka nthĩ ya Akalitei.</verse>
				<verse number="26">Mĩendeei kuma mũvaka wĩ mũminũkĩlyonĩ; vingũai makũmbĩ mayo; myũmban’yei ta ivumbu, na kũmyananga vyũ, mũikamĩtialye kĩndũ.</verse>
				<verse number="27">Ũaai tũsalũ twayo tw’onthe twa mũew’a: tũtheee kĩthĩnzĩonĩ: woo nĩ woo! Nũndũ mũthenya woo nĩ mũku, ĩvinda yoo ya kũsilĩlwa.</verse>
				<verse number="28">Wasya wa ala makĩaa na kũvonoka kuma nthĩ ya Mbaviloni, wa kũtavan’ya Saioni ũĩvanĩsyo wa Yeova Ngai waitũ, kũĩvanĩsya ũndũ wa ĩkalũ yake.</verse>
				<verse number="29">Mũmbanĩsyei Mbaviloni andũ ma mata, onthe ala makootaa ũta; ambai maeema menyu mũmũthyũlũlũkĩte; mũtikaeke ũmwe woo avonoke: mũĩvei kwĩanana na wĩa wake; kwĩanana na w’onthe ũla wekie, mwĩkei o w’o; nũndũ nĩwekathĩĩe kwĩthĩwa mũnene kwĩ Yeova, Ũla Mũtheu wa Isilaeli.</verse>
				<verse number="30">Kwondũ wa ũu anake make makavalũka nzĩanĩ syake nene, na andũ make onthe ma kaũ makavindĩthw’a mũthenya ũsu, easya ũu Yeova.</verse>
				<verse number="31">Sisya, nĩ na ũndũ naku, we mwĩkathĩĩi, easya ũu Mwĩaĩi, Yeova wa nguthu: nũndũ mũthenya waku nĩ mũku, ĩvinda yĩla ngaũsilĩla.</verse>
				<verse number="32">Na mwĩkathĩĩi akalulutĩka na kũvalũka, na vaikethĩwa wa ũmũkĩlya; na ngakan’ya mwaki ndũanĩ syake, naw’o ũkamina onthe ala mamũthyũlũlũkĩte.</verse>
				<verse number="33">Ũũ nĩw’o Yeova wa nguthu ũnũkwasya: Ana ma Isilaeli na ana ma Yuta nĩmeũthĩnw’a vamwe; na onthe ala mamatwaie me atave nĩmamalũmĩtye mũno; nĩmeũlea kũmalekya.</verse>
				<verse number="34">Mwovosya woo e vinya; Yeova wa nguthu nĩ syĩtwa yake: akamatetea mũno, nĩ kana amĩthũmũsye nthĩ, na kũmaũũyĩthya ala matwĩe Mbaviloni.</verse>
				<verse number="35">Ũvyũ nũmokĩe Akalitei, na ala matwĩe Mbaviloni, na anene make me mbee ũsumbĩnĩ, na andũ make oĩ, easya ũu Yeova.</verse>
				<verse number="36">Ũvyũ nũmokĩe ala mekathĩĩaa, na makatw’ĩka ndia; ũvyũ nũsyũkĩe ngũmbaũ syake, na ũkaitevya.</verse>
				<verse number="37">Ũvyũ nĩwũkĩe mbalasi syoo, na makasya moo ma kaũ, na andũ onthe ala mevulanĩtye me nthĩnĩ wake; na makatw’ĩka ta aka: ũvyũ nũmokĩe mothwii make maie, na makoswa.</verse>
				<verse number="38">Mũnyao nĩwũkĩe manzĩ make, na makang’ala; nũndũ nĩ nthĩ ya mĩvw’anano myasũvye, na nĩmakwatĩtwe nĩ ndũũka ũndũ wa mĩvw’anano.</verse>
				<verse number="39">Kwondũ wa ũu nyamũ mbai sya weũ vamwe na nzũi ikekala kw’o, na nyaa ikekala kw’o: na ndĩkatũwa ĩngĩ tene na tene; o na ndĩkekalwa nĩ mũndũ kuma nzyawa na nzyawa.</verse>
				<verse number="40">O ta yĩla Ngai wang’uthũlile Sotomo na Ngomola na ndũa ila syaĩ vakuvĩ nasyo, now’o mũndũ o na wĩva ndakatũa kw’o, kana mwana wa mũndũ o na wĩva ndakekala ũeni kw’o, easya ũu Yeova.</verse>
				<verse number="41">Sisya, ũko wa andũ nĩwũkĩte kuma ngalĩ ya ĩũlũ; na mbaĩ nene na asumbĩ aingĩ makookĩlw’a kuma itulunĩ sya nthĩ.</verse>
				<verse number="42">Nĩmakwete mata na matumo; nao nĩ ai, na mati na tei; wasya woo nũũlitũka ta ũkanga; na matũlĩte mbalasi, kĩla ũmwe nĩwĩtaũĩtye ta mũndũ wa kaũ, we mwĩĩtu wa Mbaviloni.</verse>
				<verse number="43">Mũsumbĩ wa Mbaviloni nĩwĩw’ĩte maũvoo moo, na moko moo nĩmekũleela: thĩna nũmũkwatĩte, na woo ta wa mũndũ mũka akyaũnya.</verse>
				<verse number="44">Sisya, mũmaitha akookĩa wĩkalo wĩ vinya wa mũnyambũ ũindũkĩte kũvinganĩ kwa Yolotani: nũndũ ngamasembya kuma vo na kĩthũlũmũko; na ũla mũnyuve, nĩwe ngaia ĩũlũ wa vo: nũndũ nũũ ũilyĩ takwa? Na nũũ wĩndw’ĩĩa ĩvinda? Na mũĩthi nũũ ũla ũtonya kũũngama mbee wakwa?</verse>
				<verse number="45">Kwondũ wa ũu ĩthukĩĩsyei ũtw’ĩo wa Yeova, ũla watw’ĩĩe Mbaviloni; na mosũanĩo make, ala ũsũanĩĩte kũmĩka nthĩ ya Akalitei: Vate ndĩi makamaumya mamakusĩtye, o anini ma ndĩthya; vate ndĩi akatw’ĩkĩthya wĩkalo woo ĩanzo o vamwe nao.</verse>
				<verse number="46">Nthĩ nĩnĩkũtetema ũndũ wa kĩlonzo kya kũkwata Mbaviloni, na kĩĩo nĩkĩkwĩw’ĩka katĩ wa i mbaĩ.</verse>
			</chapter>
			<chapter number="51">
				<verse number="1">Ũũ nĩw’o Yeova ũnũkwasya: Sisya, ngauutanĩthya Mbaviloni, na ala matwĩe Levi‐kamai, kĩseve kya kwananga.</verse>
				<verse number="2">Na ngatũma aeni Mbaviloni, ala makamĩũlũkya; na makatw’ĩkĩthya nthĩ yayo nthei; nũndũ mũthenya wa thĩna makamyũkĩa makĩmĩthyũlũlũka.</verse>
				<verse number="3">Mũkooti wa ũta mũathi namũkootee ũta wake, na ũla wenenevasya ekĩĩte kakoti kake ka iaa: na mũikatialye anake mayo; anangai vyũ nguthu yayo yonthe.</verse>
				<verse number="4">Na makavalũka me oae nthĩ ya Akalitei, matonyeetwe nzĩanĩ syake nene.</verse>
				<verse number="5">Nũndũ Isilaeli ndaaekwa, kana Yuta, nĩ Ngai wake, nĩ Yeova wa nguthu; o na kau nthĩ yoo nĩyusũĩte naĩ ila mamwĩkĩte Ũla Mũtheu wa Isilaeli.</verse>
				<verse number="6">Kĩai mume nthĩnĩ wa Mbaviloni, kĩla mũndũ natangĩĩe thayũ wake; mũĩkanangwe nĩ ũthũku wayo: nũndũ nĩ ĩvinda ya ũĩvanĩsyo wa Yeova; we akamĩĩva.</verse>
				<verse number="7">Mbaviloni yaĩ kĩkombe kya thaavu kw’okonĩ kwa Yeova, kĩla kyatoonisye nthĩ yonthe: mbaĩ nĩsyanywie mbinyu yayo; kwondũ wa ũu mbaĩ nikwatĩtwe nĩ ndũũka.</verse>
				<verse number="8">Mbaviloni nĩ mbalũku na kĩthũlũmũko na kwanangwa: mĩmeteei; mĩtwaĩei seli ũndũ wa kwalw’a kwayo, nokwĩthĩwa nĩtonya kũvoeka.</verse>
				<verse number="9">Nĩtwendaa kũvosya Mbaviloni, ĩndĩ ndĩnavoeka: mĩtiei, na tũithĩ kĩla mũndũ nthĩ yake mwene; nũndũ ũsilĩlo wayo nũvikĩte ĩtunĩ, na kũkĩlw’a o kũvika matunĩ.</verse>
				<verse number="10">Yeova nĩumĩlĩtye ũlũngalu wĩtũ: ũkai, tũtavan’ye Saioni wĩa wa Yeova Ngai waitũ.</verse>
				<verse number="11">Noai mauumu, kwatai mũlũmye ngao: Yeova nĩwũkĩlĩtye maveva ma asumbĩ ma Amitiani; nĩkwĩthĩwa ũsũanĩo wake wĩ ĩũlũ wa Mbaviloni, amyanange: nũndũ nĩ ũĩvanĩsyo wa Yeova, kũĩvanĩsya kwondũ wa ĩkalũ yake.</verse>
				<verse number="12">Ũngamĩsyai maũvai ma Mbaviloni kĩvevelo, mekĩei asũviĩ vinya, iai asyaĩĩsya, seũvyai kũla kwa kwoveesya; nũndũ Yeova nũsũanĩĩte na nĩwĩkĩte ũla wamaneenee ala matwĩe Mbaviloni.</verse>
				<verse number="13">We ũla wĩkalaa ĩũlũ wa manzĩ maingĩ, wĩ na ũthwii mwie mwingĩ, mũminũkĩlyo waku nĩ mũviku, kĩthimi kya ĩtomo yaku.</verse>
				<verse number="14">Yeova wa nguthu nĩwĩvĩtĩte nake mwene, akyasya, Vate ndĩi ngakusũsya na andũ, o ta mbandi; na makakũkĩlĩlya wasya mũnene.</verse>
				<verse number="15">Nũtw’ĩkĩthĩtye nthĩ kwondũ wa vinya wake, nũlũmĩtye nthĩ kwondũ wa ũĩ wake, na nũtambũũkĩtye matu kwondũ wa ũmanyi wake.</verse>
				<verse number="16">Yĩla waumya wasya wake ve kĩlitũko kya manzĩ matunĩ, na nũtumaa mũki kwambata kuma itulunĩ sya nthĩ; nũseũvĩasya mbua motisi, na kumya kĩseve ũthwiinĩ wake.</verse>
				<verse number="17">Kĩla mũndũ nũtw’ĩkĩte ta nyamũ na nde na ũmanyi; kĩla mũtwii wa thaavu nũsonokaw’a nĩ mũvw’anano wake; nũndũ mũvw’anano wake ũla waseũvisye na syĩndũ ila watwekethisye nĩ wa ũvũngu, na vai veva nthĩnĩ wayo.</verse>
				<verse number="18">Nayo nĩ mana, wĩa wa ũkengani: ĩvinda ya kũsiw’a kwayo ĩkaaa.</verse>
				<verse number="19">Kĩanda kya Yakovo ti ta ĩsu; nũndũ nĩwe mũmbi wa syĩndũ syonthe; na Isilaeli nĩ mbaĩ ya ũtiĩwa wake: Yeova wa nguthu nĩ syĩtwa yake.</verse>
				<verse number="20">We nue ĩthoka yakwa ya kũkita nayo na mĩio ya kaũ: na ngũkwete ngaitilanga ilungu i mbaĩ; na ngũkwete ngaananga mosumbĩ;</verse>
				<verse number="21">na ngũkwete ngatilanga ilungu mbalasi na ũla ũmĩtũlĩte;</verse>
				<verse number="22">na ngũkwete ngatilanga ilungu ĩkasya na ũla ũkuĩtwe nĩyo; na ngũkwete ngatilanga ilungu mũndũ mũũme na mũndũ mũka; na ngũkwete ngatilanga ilungu mũtumĩa na ũla mũnini; na ngũkwete ngatilanga ilungu mwanake na mwĩĩtu mũtheu;</verse>
				<verse number="23">na ngũkwete ngatilanga ilungu mũĩthi na ndĩthya yake; na ngũkwete ngatilanga ilungu mũĩmi na kyove kyake kya ng’ombe; na ngũkwete ngatilanga ilungu makavana na amũli.</verse>
				<verse number="24">Ngaĩvĩa kwa Mbaviloni na kwa onthe ala matwĩe Kalitei ũthũku woo w’onthe ũla meekie Saioni, mwene na metho menyu, easya ũu Yeova.</verse>
				<verse number="25">Sisya, nĩ na ũndũ naku, we kĩĩma kĩla kyanangaa, kĩla kyanangaa nthĩ yonthe, easya ũu Yeova; na ngakũtambũũkĩsya kw’oko kwakwa, na ũkũvingilitya kuma mavianĩ, na ũkũtw’ĩkĩthya kĩĩma kĩvĩvye.</verse>
				<verse number="26">Na matikosa kwaku ĩvia ya kĩkotonĩ, kana ĩvia ya myambĩlĩlyo; ĩndĩ ũkeethĩwa ĩei tene na tene, easya ũu Yeova.</verse>
				<verse number="27">Ũngamyai kĩvevelo ĩ nthĩ, vuvai soo katĩ wa i mbaĩ, vathai mbaĩ sya kũkita nake, metei mosumbĩ ma Alalati, na Mini, na Asikenasi mamũmbanĩe vamwe: mwiĩei kavuteni; ambatyai mbalasĩ ta mbandi yĩ w’ĩa.</verse>
				<verse number="28">Vathai i mbaĩ sya kũkita nake, asumbĩ ma Ametia, makavana ma vo, na amũli ma vo, na nthĩ yonthe ya ũsumbĩko woo.</verse>
				<verse number="29">Na nthĩ nĩnĩũtetema na kwalw’a; nũndũ mosũanĩo ma Yeova ũndũ wa Mbaviloni nĩmaũngeme, atw’ĩkĩthye nthĩ ya Mbaviloni nthei, ĩte mũndũ ũmĩtũa.</verse>
				<verse number="30">Ngũmbaũ sya Mbaviloni nĩsyaleile kũkita, nĩsyĩkalaa ngomenĩ syasyo syĩ vinya; ũtonyi wasyo nĩ mũthelu; nĩsyatw’ĩkĩte ta aka: mawĩkalo mayo nĩmakanĩte mwaki; ivingi syayo nĩ ndũlĩku.</verse>
				<verse number="31">Mũsembi ũmwe akasemba akomane na ũngĩ, na mũtũmwa ũmwe kũkomana na ũngĩ, kũmwon’ya mũsumbĩ wa Mbaviloni ndũa yake nĩyosetwe kĩla ngalĩko:</verse>
				<verse number="32">na masyũko nĩ makwate, na nĩmavĩvĩtye mĩangi na mwaki, na andũ ma kaũ nĩmakwatĩtwe nĩ w’ĩa.</verse>
				<verse number="33">Nũndũ ũũ nĩw’o Yeova wa nguthu, Ngai wa Isilaeli, ũnũkwasya: Mwĩĩtu wa Mbaviloni ailyĩ kĩvũĩo ĩvinda yĩla kĩũkinyangwa; no kavinda kanini, na ĩvinda ya ngetha yĩkamũkĩa.</verse>
				<verse number="34">Nevukatilesa mũsumbĩ wa Mbaviloni nũndĩte, nũnganyangĩte, nũndw’ĩkĩthĩtye mũio mũthei, nũmeletye nyie ta mũkũnga, nĩwusũĩtye ĩvu yake na syĩndũ syakwa syĩ mũyo; nũmbĩkĩtye nza.</verse>
				<verse number="35">Ũla ũtwĩe Saioni akasya, Ũthũku ũla neekiwe na weekwa mwĩĩ wakwa wĩthĩwe ĩũlũ wa Mbaviloni; na Yelusaleme ĩkasya, Nthakame yakwa yĩthĩwe ĩũlũ wa ala matwĩe Kalitei.</verse>
				<verse number="36">Kwondũ wa ũu Yeova easya: Sisya, ngakũtetea, na kũĩvanĩsya kwondũ waku; na ngang’alya ũkanga wake, na kũng’alya nthongo yake.</verse>
				<verse number="37">Na Mbaviloni ĩkatw’ĩka ivumbu, wĩkalo wa mbĩwa, na ũseng’yo, na ya kũtimbwa, ĩte mũndũ ũmĩtũa.</verse>
				<verse number="38">Makaluma vamwe ta mĩnyambũ ya mũika; makang’olota ta maswii ma mĩnyambũ.</verse>
				<verse number="39">Yĩla me na muutĩa ngamavokea mboka, na ngamatoonethya nĩ kana matane, na kũkoma too mavinda onthe, na kũlea kũamũka, easya ũu Yeova.</verse>
				<verse number="40">Ngamatheesya kĩthĩnzĩonĩ ta tũtena twa malondu, ta ndũũme vamwe na nthenge.</verse>
				<verse number="41">A! Sesaki nĩ mbose! Na ndaĩa ya nthĩ yonthe nĩ ngwate! Mbaviloni nĩtw’ĩkĩte ũseng’yo katĩ wa mbaĩ!</verse>
				<verse number="42">Ũkanga nĩwũkĩlĩte ĩũlũ wa Mbaviloni; nĩvw’ĩkĩtwe na wingĩ wa itulumo syaw’o.</verse>
				<verse number="43">Ndũa syayo nitw’ĩkĩte maanzo, nthĩ nyũmũ, na yalata, nthĩ ĩteũtũwa nĩ mũndũ, o na mwana wa mũndũ o na wĩva ndeũvĩtĩla kw’o.</verse>
				<verse number="44">Na ngasĩlĩla ĩla ngai Veli ku Mbaviloni, na ngaumya kanyw’anĩ wayo kĩla ĩmeletye; na mbaĩ itikamĩendea ĩngĩ; ĩĩ, ũvai wa Mbaviloni ũkavalũka.</verse>
				<verse number="45">Andũ makwa, umai katĩ wayo, mwĩtangĩĩe kĩla mũndũ kuma ũthatunĩ mwai wa Yeova.</verse>
				<verse number="46">Ngoo syenyu itikaleele, na mũikakĩe ũndũ wa maũvoo ala makew’ĩka ĩ nthĩ; nũndũ maũvoo makoka mwaka ũmwe, na ĩtina wa ũu mwaka ũngĩ, vakoka maũvoo, na ũng’endu ĩ nthĩ, mũsumbĩki akookĩlĩanĩla na mũsumbĩki.</verse>
				<verse number="47">Kwondũ wa ũu, sisya, mĩthenya nĩyũkĩte, ĩla ngasilĩla mĩvw’anano myasũvye ya Mbaviloni; na nthĩ yayo nima ĩkathokoanw’a; na oawa mayo onthe makavalũka katĩ wayo.</verse>
				<verse number="48">Nĩvo ĩndĩ matu na nthĩ, na syonthe ila syĩ nthĩnĩ wasyo, ikaina na ũtanu ĩũlũ wa Mbaviloni; nũndũ anangi makamyũkĩa kuma ngalĩ ya ĩũlũ, easya ũu Yeova.</verse>
				<verse number="49">O tondũ Mbaviloni wavalũkilye kwa kũaa ala ma Isilaeli, now’o ku Mbaviloni kũkavalũkw’a ala meũawa ma ĩ nthĩ yonthe.</verse>
				<verse number="50">Inyw’ĩ ala mwavonokete ũvyũ, endai, mũikaũngame: lilikanai Yeova mwĩ kũasa, na Yelusaleme nĩlike kĩlilikanonĩ kyenyu.</verse>
				<verse number="51">Nĩtũthokoanĩte, nĩkwĩthĩwa nĩtwĩw’ĩte kĩvũthyo; kĩthokoan’yo nĩkĩvw’ĩkĩte mothyũ maitũ: nũndũ aeni nĩmalikĩte kũndũ kũtheu kwa nyũmba ya Yeova.</verse>
				<verse number="52">Kwondũ wa ũu, sisya, mĩthenya nĩyũkĩte, easya Yeova, ĩla ngasilĩla mĩvw’anano yayo myasũvye; na nthĩ yayo yonthe ala okite makaluma.</verse>
				<verse number="53">O na ethĩwa Mbaviloni ĩkambata ĩtunĩ, na ethĩwa ĩkaiia vandũ vatũlu va vinya wayo, no mũvaka anangi mamĩendee kuma kwakwa, easya ũu Yeova.</verse>
				<verse number="54">Wasya wa kĩĩo kuma Mbaviloni, na wa wanangĩko mũnene kuma nthĩ ya Akalitei!</verse>
				<verse number="55">Nũndũ Yeova nũnũũtw’ĩkĩthya Mbaviloni nthei, na kwananga wasya mũnene nthĩnĩ wayo; na itulumo syoo nilitũkaa ta manzĩ maingĩ; kĩlonzo kya wasya woo nĩkyumĩtw’e:</verse>
				<verse number="56">nũndũ mwanangi nũmĩvikĩe, o Mbaviloni, na ngũmbaũ syayo nĩ ngwate, mata masyo nĩ matũlĩku ilungu; nũndũ Yeova nĩ Ngai wa kũĩva, ndatĩa kũĩvanĩsya.</verse>
				<verse number="57">Na ngatoonethya anene mayo me mbee ũsumbĩnĩ na andũ mayo oĩ, makavana mayo na amũli mayo, na ngũmbaũ syayo; na makakoma too wa mavinda onthe, na matikaamũka, easya ũu Mũsumbĩ, syĩtwa yake nĩ Yeova wa nguthu.</verse>
				<verse number="58">Ũũ nĩw’o Yeova wa nguthu ũnũkwasya: Maũvai mathanthau ma Mbaviloni makaombowa vyũ, na mbingĩlo syayo ndũlu ikavĩvw’a na mwaki; na ngo sya andũ ikathĩnĩa wĩa mana, na mbaĩ ikathĩn’ya wĩa kwondũ wa mwaki; na makanoa.</verse>
				<verse number="59">Ndeto ĩla mwathani Yelemia wamwĩaĩe Selaia mwana wa Nelia, mwana wa Maaseia, yĩla waendie Mbaviloni na Nzetekĩa mũsumbĩ wa Yuta mwaka wa kana wa kũsumbĩka kwake. Na Selaia aĩ mũsũvĩi mũnene.</verse>
				<verse number="60">Na Yelemia aandĩka ĩvukunĩ ũthũku w’onthe ũla wĩũka Mbaviloni, o ndeto ii syonthe ila iandĩkĩtwe ũndũ wa Mbaviloni.</verse>
				<verse number="61">Na Yelemia amwĩa Selaia, Yĩla wĩũka Mbaviloni, na kwona, na kũsoma ndeto ii syonthe,</verse>
				<verse number="62">nĩvo ĩndĩ ũkasya, Ame Yeova, nũneenete ũndũ wa vandũ vaa, kũvaveta, vaikethĩwa ũla ũtũa vo, mũndũ kana nyamũ, ĩndĩ vakeethĩwa vathei tene na tene.</verse>
				<verse number="63">Na kũkeethĩwa, wamina kũsoma ĩvuku yĩu, ũkayoveea ĩvia, na kũyĩkya ũsĩnĩ wa Euvalati katĩ:</verse>
				<verse number="64">na ũkasya, O ta ũu Mbaviloni ĩkathelekelya, na ndĩkokĩla ĩngĩ nũndũ wa ũthũku ũla ngamĩetee; nao makanoa. Ndeto sya Yelemia syavika vu.</verse>
			</chapter>
			<chapter number="52">
				<verse number="1">Nzetekia aĩ wa myaka mĩongo ĩlĩ na ũmwe yĩla wambĩlĩlye kũsumbĩka; na asumbĩka myaka ĩkũmi na ũmwe Yelusaleme: na syĩtwa ya inyia wake eetawa Amutali mwĩĩtu wa Yelemia wa ku Livina.</verse>
				<verse number="2">Nake eekaa ũndũ Yeova wonaa wĩ ũthũku, kwĩanana na w’onthe ũla Yeoiakimu wekaa.</verse>
				<verse number="3">Ĩndĩ ũndũ ũsu nĩwekĩkie Yelusaleme na Yuta kwondũ wa ũthatu wa Yeova, kũvika amalũngya kuma mbee wake. Na Nzetekĩa amũng’endea mũsumbĩ wa Mbaviloni.</verse>
				<verse number="4">Na kweethĩwa mwaka wa kenda wa kũsumbĩka kwake, mwei wa ĩkũmi, mũthenya wa ĩkũmi wa mwei, Nevukatilesa mũsumbĩ wa Mbaviloni ookĩa Yelusaleme, we na ita syake syonthe, na mamba maeema mamĩtaũĩĩe; na mamyakĩa ngome kũmĩthyũlũlũka ngalĩ syonthe.</verse>
				<verse number="5">O ta ũu ndũa yatw’ĩkanĩw’a kũvika mwaka wa ĩkũmi na ũmwe wa mũsumbĩ Nzetekia.</verse>
				<verse number="6">Mwei wa kana, mũthenya wa kenda wa mwei, nzaa yaĩ nene ndũanĩ, o na vatyaĩ lĩu kwondũ wa andũ ma nthĩ ĩsu.</verse>
				<verse number="7">Nĩvo ĩndĩ ndũa yavũthũiwe, na aũme onthe ma kaũ makĩa, na mauma ndũanĩ ũtukũ na nzĩa ya mbingĩlo ĩla yaĩ katĩ wa maũvai elĩ, ĩla yaĩ vakuvĩ na mũũnda wa mũsumbĩ (na Akalitei maĩ manathyũlũlũka ndũa ngalĩ syonthe); na maenda melekele mwanda wa Alava.</verse>
				<verse number="8">Ĩndĩ ita sya Akalitei syamũatĩĩa mũsumbĩ, na syamũkwatĩa Nzetekia ndiĩnĩ sya Yeliko; na ita syake syonthe syanyaĩĩkw’a kuma vala ũĩ.</verse>
				<verse number="9">Nĩvo ĩndĩ makwatie mũsumbĩ, na mamũtwaa vala ve mũsumbĩ wa Mbaviloni ku Livila nthĩ ya Amathi; nake amũtw’ĩa ũsilĩlo.</verse>
				<verse number="10">Na mũsumbĩ wa Mbaviloni ooaa ana ma Nzetekia ene na metho make; o na ooaa anene onthe me mbee ũsumbĩnĩ ma Yuta ku Livila.</verse>
				<verse number="11">Na amũvũthũanga Nzetekia metho; na mũsumbĩ wa Mbaviloni amwĩkĩa mbĩngũ, na amũtwaa Mbaviloni, na kũmwĩkĩa kolokolonĩ kũvika mũthenya wa kũkw’a kwake.</verse>
				<verse number="12">Na mwei wa katano, mũthenya ĩkũmi wa mwei, nĩw’o waĩ mwaka wa ĩkũmi na kenda wa kũsumbĩka kwa mũsumbĩ Nevukatilesa, mũsumbĩ wa Mbaviloni, Nevusalatani, kavuteni wa nguthu ya asũvĩi, ũla waũngamaa mbee wa mũsumbĩ wa Mbaviloni, wokie Yelusaleme.</verse>
				<verse number="13">Nake avĩvya nyũmba ya Yeova, na nyũmba ya mũsumbĩ; na nyũmba syonthe sya Yelusaleme, o kĩla nyũmba nene, avĩvya na mwaki.</verse>
				<verse number="14">Na ita syonthe sya Akalitei, ila syaĩ na kavuteni wa asũvĩi, syaomboanga maũvai onthe ma Yelusaleme ngalĩ syonthe.</verse>
				<verse number="15">Nĩvo ĩndĩ Nevusalatani kavuteni wa asũvĩi watwaie me atave ala ngya ki ma andũ, na ũtialo wa andũ ala matialilw’e ndũanĩ, na ala meetilĩte makaenda kwa mũsumbĩ wa Mbaviloni, na ũtialo wa andũ aingĩ.</verse>
				<verse number="16">Ĩndĩ Nevusalatani kavuteni wa asũvĩi atia amwe ma ala ngya ki ma nthĩ methĩwe ma kũsea mĩsavivũ na ma kũĩma.</verse>
				<verse number="17">Na ituĩ sya ũthuku ila syaĩ nyũmbanĩ ya Yeova, na ala matina na ũla ũkanga wa ũthuku ila syaĩ nyũmbanĩ ya Yeova, Akalitei nĩmaitũlangile ilungu, na kũtwaa ũthuku w’onthe wasyo Mbaviloni.</verse>
				<verse number="18">O na matwaa mbisũ, na mĩko, na mĩkasi, na masaani manene, na syĩko, na mĩio yonthe ya ũthuku ĩla mathũkũmaa nayo.</verse>
				<verse number="19">Na ikombe, na tũvũngũlyũ twa ũkua makaa, na masaani manene, na mbisũ, na syĩndũ ila syĩkĩawa mataa, na syĩko na mbakũli — kĩla kyaĩ kya thaavu, thaavunĩ, na kĩla kyaĩ kya vetha, vethanĩ, kavuteni wa asũvĩi atwaa.</verse>
				<verse number="20">Ituĩ ilĩ, na ũla ũkanga ũmwe, na nzaũ ĩkũmi na ilĩ sya ũthuku ila syaĩ ĩtheo wa matina, ila mũsumbĩ Solomoni waseũvisye kwondũ wa nyũmba ya Yeova — ũthuku wa mĩio ĩsu yonthe ndwaĩ ũthimĩka.</verse>
				<verse number="21">Na ũndũ wa ituĩ isu, ũtũlu wa kĩtuĩ kĩmwe waĩ mĩkono ĩkũmi na nyanya; na kũkĩthyũlũlũka nĩ mĩkono ĩkũmi na ĩlĩ; na kĩemo kyakyo kyaĩ kĩemo kya syaa inya: na kyaĩ ĩima nthĩnĩ.</verse>
				<verse number="22">Na ngovia ya ũthuku yaĩ ĩũlũ wakyo; na ũtũlu wa ngovia ĩmwe waĩ mĩkono ĩtano, yĩ na seng’eng’e na makũngũmanga kũthyũlũlũka ngovianĩ, syonthe sya ũthuku: na kĩtuĩ kya kelĩ nakyo kyaĩ na syĩndũ syailyĩ isu, na makũngũmanga.</verse>
				<verse number="23">Na kwaĩ makũngũmanga mĩongo kenda na thanthatũ ngalĩ syonthe; makũngũmanga onthe maĩ ĩana ĩũlũ wa seng’eng’e ngalĩ syonthe.</verse>
				<verse number="24">Na kavuteni wa nguthu ya asũvĩi oosa mũthembi mũnene Selaia, na Nzevania mũthembi wa kelĩ, na ala asũvĩi atatũ ma mwalyonĩ:</verse>
				<verse number="25">na ndũanĩ oosa mũnene ũmwe ũla waiĩtwe ĩũlũ wa andũ ma kaũ; na andũ mũonza moo ala moonaa ũthyũ wa mũsumbĩ, ala moonekie ndũanĩ; na mũandĩki wa kavuteni wa nguthu, ũla wombanasya andũ ma nthĩ: na andũ mĩongo thanthatũ ma andũ ma nthĩ ĩsu, ala moonekie vu ndũanĩ.</verse>
				<verse number="26">Na Nevusalatani kavuteni wa nguthu ya asũvĩi amosa, na amatwaa kwa mũsumbĩ wa Mbaviloni ku Livila.</verse>
				<verse number="27">Na mũsumbĩ wa Mbaviloni amakũna, na amoaĩa ku Livila nthĩ ya Amathi. Ũũ nĩw’o Yuta watwaiwe e mũtave kumw’a nthĩ yake.</verse>
				<verse number="28">Aa nĩo andũ ala Nevukatilesa wamatwaie me atave: mwaka wa mũonza Ayuti ngili itatũ na mĩongo ĩlĩ na atatũ;</verse>
				<verse number="29">mwaka wa ĩkũmi na nyanya wa kũsumbĩka kwa Nevukatilesa atwaa me atave andũ maana nyanya na mĩongo ĩtatũ na elĩ kuma Yelusaleme;</verse>
				<verse number="30">mwaka wa mĩongo ĩlĩ na ĩtatũ wa kũsumbĩka kwa Nevukatilesa, kavuteni wa nguthu ya asũvĩi Nevusalatani atwaa me atave Ayuti andũ maana mũonza na mĩongo ĩna na atano: andũ onthe maĩ ngili inya na maana thanthatũ.</verse>
				<verse number="31">Na kweethĩwa mwaka wa mĩongo ĩtatũ na mũonza wa kũtavwa kwa Yeoiakini mũsumbĩ wa Yuta, mwei wa ĩkũmi na ĩlĩ, mũthenya wa mĩongo ĩlĩ na ĩtano wa mwei, kana Evili‐melotaki mũsumbĩ wa Mbaviloni, mwaka wa mbee wa kũsumbĩka kwake, ookĩlya mũtwe wa Yeoiakini mũsumbĩ wa Yuta, na amumya kolokolonĩ;</verse>
				<verse number="32">na aneena nake nesa, na aia kĩvĩla kyake kya ũsumbĩ ĩũlũ wa kĩvĩla kya ũsumbĩ kya asumbĩ ala maĩ nake Mbaviloni,</verse>
				<verse number="33">na akũan’ya ngũa syake sya kolokolonĩ. Na Yeoiakini aĩsĩaa lĩu mbee wake mavinda onthe mĩthenya yonthe ya thayũ wake:</verse>
				<verse number="34">na ũndũ wa lĩu wake, kwaĩ lĩu wa mavinda onthe wanengawe nĩ mũsumbĩ wa Mbaviloni, kĩla mũthenya lĩu kũvika mũthenya wa kũkw’a kwake, mĩthenya yonthe ya thayũ wake.</verse>
			</chapter>
		</book>
		<book number="25">
			<chapter number="1">
				<verse number="1">Kaĩ ndũa nĩyĩkalaa yĩ nthei, ĩla yaĩ mbusũu andũ! Nĩtw’ĩkĩte ta mũndũ mũka ndiwa, ĩla yaĩ nene katĩ wa i mbaĩ! Yo ĩla yaĩ mwĩĩtu wa mũnene wĩ mbee ũsumbĩnĩ ilungunĩ nene sya nthĩ nĩtw’ĩkĩte ya kumya koti!</verse>
				<verse number="2">Nĩĩaa mũno ũtukũ, na methoi mayo me mataunĩ mayo; Katĩ wa endwa mayo onthe ndĩ na ũmwe wa kũmĩkiakisya: Anyanyae mayo onthe nĩmamĩkie ũseleke; nĩmatw’ĩkĩte amaitha mayo.</verse>
				<verse number="3">Yuta nĩ mũendu e mũtave nũndũ wa thĩna, na ũkombo wĩ vinya; Nĩwĩkalaa katĩ wa i mbaĩ, ndonaa ũthũmũo: Athĩn’ya make onthe mamũwĩla e vandũ va kũvivinyĩwa.</verse>
				<verse number="4">Nzĩa sya Saioni nikũĩa, nĩkwĩthĩwa vati ũmwe ũla wũkaa mbokanĩ ĩtw’ĩtwe: Mbingĩlo syayo syonthe nĩ nthei, athembi mayo nĩmavevũũkaa: Eĩtu atheu mayo nĩmathĩnaw’a, nayo o yo yĩ na ũũ.</verse>
				<verse number="5">Nthũ syayo nĩsyatw’ĩkie mũtwe, amaitha mayo nĩmeũunĩka; Nũndũ Yeova nũmĩthĩnĩtye ũndũ wa wingĩ wa mavĩtyo mayo: Syana syayo nini nitwaĩtwe syĩ mbee wa nthĩ syĩ ndave.</verse>
				<verse number="6">Ndaĩa yonthe ya mwĩĩtu wa Saioni nĩmumĩte; Anene mayo me mbee ũsumbĩnĩ nĩmatw’ĩkĩte ta ndaatai nzamba ila itonaa kya ũya, Na nĩmaendete mate na vinya mbee wa ũla ũmaatĩĩaa.</verse>
				<verse number="7">Mĩthenyanĩ ya monyamao mayo na ya thĩna wayo Yelusaleme nĩnĩũlilikana syĩndũ syayo syonthe sya kwendeesya ila syaĩ vo kuma mĩthenya ya tene: Yĩla andũ mayo mavalũkile mokonĩ ma nthũ, na vatyaĩ ũmwe wamĩtethisye, Nthũ nĩsyamyonie, na syathekeea na kĩvũthya mawanangĩko mayo.</verse>
				<verse number="8">Yelusaleme nĩyĩkĩte naĩ mũno; kwondũ wa ũu nĩtw’ĩkĩte ta kĩndũ kĩvuku; Onthe ala mamĩtaĩĩaa nĩmeũmĩvũthya, nĩkwĩthĩwa nĩmamyonete yĩ nthei: Ĩĩ, nĩnĩũvevũũka, na kũsyoka na ĩtina.</verse>
				<verse number="9">Ũvuku wayo waĩ ngũanĩ syayo; ndĩaalilikana mũminũkĩlyo wayo; Kwondũ wa ũu nĩtheeete ta ũseng’yo; ndĩ na mũkiakisya: Sisya, ame Yeova, thĩna wakwa; nũndũ mũmaitha nĩwĩnenevetye mwene.</verse>
				<verse number="10">Nthũ nĩtambũũkitye kw’oko kwayo ĩũlũ wa syĩndũ syonthe syayo sya kwendeesya: Nũndũ nĩyonete atĩ i mbaĩ nilikĩte vandũ vayo vatheu, Ila weeaie kwondũ wasyo itikaalike ũmbanonĩ waku.</verse>
				<verse number="11">Andũ mayo onthe nĩmeũvevũũka, nĩmeũmantha lĩu; Nĩmakũanĩtye syĩndũ syoo sya kwendeesya lĩu wa kũvuũkya thayũ: Ona, ame Yeova, noisisya; nũndũ nĩndw’ĩkĩte kĩndũ kĩte vata.</verse>
				<verse number="12">Ti ũndũ kwenyu, inyw’onthe ala mũvĩtaa? Sisyai, nokyona ethĩwa ve woo o na wĩva ũilyĩ woo wakwa, ũla ũetetwe ĩũlũ wakwa, Ũla Yeova ũnthĩnĩtye naw’o mũthenya wa ũthatu wake mwai.</verse>
				<verse number="13">Kuma ĩũlũ nũtumĩte mwaki mavĩndĩnĩ makwa, naw’o nũmakĩlasya vinya; Nĩwalanĩte kĩtei ũndũ wa maũũ makwa, nũndũngĩte na ĩtina: Nũmbĩkalĩtye nĩ na ĩvoũ na nĩ mũtevu mũthenya w’onthe.</verse>
				<verse number="14">Ĩsoki ya mavĩtyo makwa nĩyovetwe nĩ kw’oko kwake; Nĩmakwatanĩte vamwe, nĩmambatĩte ngingonĩ yakwa; nũtumĩte vinya wakwa waa: Mwĩaĩi nũnenganĩte mokonĩ moo, ala ndatonya kũũngama kũmasiĩĩa.</verse>
				<verse number="15">Mwĩaĩi nũtw’ĩkĩthĩtye sya mana ngũmbaũ syakwa syonthe katĩ wakwa; Nũmbũmbanĩsye ũmbano ũkilĩtye akanyange anake makwa: Mwĩaĩi nũkinyangĩte o ta kĩangĩonĩ mwĩĩtu mũtheu wa Yuta.</verse>
				<verse number="16">Nũndũ wa maũndũ asu nĩngũĩa; itho yakwa, itho yakwa nĩyĩkũnyũlũlũkya methoi; Nĩkwĩthĩwa mũkiakisya ũla waĩle kũvuũkya thayũ wakwa e kũasa nakwa: Syana syakwa syĩ na ĩvou, nũndũ mũmaitha nũkĩlĩtye vĩnya.</verse>
				<verse number="17">Saioni nĩnĩũtambũũkya moko mayo; na vati ũmwe wa kũmĩkiakisya; Yeova nĩwĩaĩte ũndũ wa Yakovo, atĩ ala mamũthyũlũlũkĩte makeethĩwa nthũ syake: Yelusaleme yĩ katĩ wamo ta kĩndũ kĩvuku.</verse>
				<verse number="18">Yeova nĩ mũlũngalu; nũndũ nĩnĩng’endee mwĩao wake: Ĩw’ai, nĩngũmwĩsũva, inyw’ĩ ngo syonthe sya andũ, na sisyai woo wakwa: Eĩtu makwa atheu na anake makwa nĩ aendu me atave.</verse>
				<verse number="19">Nĩneetie endwa makwa, ĩndĩ nĩmangengie: Athembi makwa na atumĩa makwa nĩmaumiwe nĩ veva me ndũanĩ, Makĩmantha lĩu wa kũvuũkya mathayũ moo.</verse>
				<verse number="20">Sisya, ame Yeova; nũndũ nĩ thĩnanĩ; ngoo yakwa nĩnĩkũũũya; Ngoo yakwa nĩnĩthyũũĩe nthĩnĩ wakwa; nũndũ nĩnĩng’endete mũno: Ũtee ũvyũ nũtuma kũkw’ĩĩwa, mũsyĩ kwĩ ta kĩkw’ũ.</verse>
				<verse number="21">Nĩmew’ĩte kana nĩnĩvevũũkaa; vati ũmwe wa kũngiakisya; Amaitha makwa onthe nĩmew’ĩte ũndũ wa thĩna wakwa; nĩmekwĩw’a mũyo nũndũ nĩwĩkĩte ũu: Ũkaete mũthenya ũla ũtavanĩtye, na makeethĩwa mailyĩ takwa.</verse>
				<verse number="22">Ũthũku woo w’onthe nũvike mbee waku; Naku ũmeke, o tondũ ũmbĩkĩte ũndũ wa mavĩtyo makwa onthe: Nũndũ mavevũũka makwa nĩ maingĩ, na ngoo yakwa nĩnĩũnyala.</verse>
			</chapter>
			<chapter number="2">
				<verse number="1">A! Mwĩaĩi nũvw’ĩkĩte mwĩĩtu wa Saioni na ĩthweo e mũthatu! Nĩwekisye nthĩ kuma ĩtunĩ wanake wa Isilaeli, Na ndalilikene kavĩla kake ka nyaĩĩ mũthenya wa ũthatu wake.</verse>
				<verse number="2">Mwĩaĩi nũmeletye motũo onthe ma Yakovo, na ndew’ĩĩte tei: Nũng’uthũlangĩte ngome syĩ vinya sya mwĩĩtu wa Yuta e mũthilĩku; Nĩwitheetye nthĩ; nũvukĩtye ũsumbĩ na anene me mbee ũsumbĩnĩ.</verse>
				<verse number="3">Nũvetete e na ũthatu mwai kĩla ũvya wa Isilaeli; Nũtũngĩte kw’oko kwake kwa aũme kumya mbee wa mũmaitha: Na nũvĩvĩtye Yakovo o ta mwaki mwakanu, ũla ũminaa ngalĩ syonthe.</verse>
				<verse number="4">Nũkootete ũta wake ta mũmaitha, nũũngamĩte kw’oko kwake kwa aũme kũilyĩ ta nthũ. Na nĩwũaĩte onthe ala maĩ ma kwendeesya itho: Ĩeemanĩ ya mwĩĩtu wa Saioni nĩwonoetye ũthilĩku wake ta mwaki.</verse>
				<verse number="5">Mwĩaĩi nũtw’ĩkĩte ta mũmaĩtha, nũmeletye Isilaelĩ; Nũmeletye nyũmba syake syonthe mbanakavye, nĩwanangĩte ngome syake syĩ vinya; Na nĩwingĩvĩtye kĩmeto na kĩĩo mwĩĩtunĩ wa Yuta.</verse>
				<verse number="6">Na nũvetete wĩkalo wake na vinya, o ta wa mũũnda; nĩwanangĩte vandũ vake va kũũmbana: Yeova nĩũlĩthĩtye mboka ĩtw’ĩtwe o na savato ku Saioni, Na nũvũthĩtye mũsumbĩ na mũthembi ũthilĩkunĩ wa ũthatu wake.</verse>
				<verse number="7">Mwĩaĩi nĩwĩkĩtye kũasa kĩthembeo kyake, nũthĩthĩte vandũ vake vatheu; Nũnenganĩte mokonĩ ma mũmaitha mawako ma nyũmba syake mbanakavye: Nĩmokĩlĩlye mawasya nyũmbanĩ ya Yeova, o ta mũthenya wa ũmbano ũkilĩtye.</verse>
				<verse number="8">Yeova nũtw’ĩte kwananga wako wa mwĩĩtu wa Saioni; Nũtambũũkĩtye ũlii, ndatũngĩte kw’oko kwake aeke kwananga: Na nũtumĩte wiio mũlũmu na wako imeta; nileelaa vamwe.</verse>
				<verse number="9">Mbingĩlo syake nithelele nthĩ; nĩwanangĩte na kũtũla ivĩngi syake: Mũsumbĩ wake na anene make me mbee ũsumbĩnĩ me katĩ wa i mbaĩ vala vate mĩao; Ĩĩ, athani make matyonaa woni kuma kwa Yeova.</verse>
				<verse number="10">Atumĩa ma mwĩĩtu wa Saioni nĩmekalaa nthĩ, maivindya; Nĩmekisye kĩtoo ĩũlũ wa mĩtwe yoo; nĩmevotoete makunia: Eĩtu atheu ma Yelusaleme nĩmakunamasya mĩtwe yoo kũvika nthĩ.</verse>
				<verse number="11">Metho makwa nĩmeũseekea ũndũ wa methoi, ngoo yakwa nĩnĩkũũũya; Ĩtema yakwa nĩ yĩtiku ĩũlũ wa nthĩ, nũndũ wa wanangĩko wa mwĩĩtu wa andũ makwa, Nĩkwĩthĩwa syana nini na tũũkenge nikũnyalĩla nzĩanĩ nene sya ndũa.</verse>
				<verse number="12">Nikũlasya aainyia masyo, Lĩu wa mbaa ngetha na mbinyu syĩva? Yĩla ĩũnyalĩla nzĩanĩ nene sya ndũa ta ala okite, Yĩla ngoo yasyo ĩnĩkwonow’a kĩthũinĩ kya aainyia masyo.</verse>
				<verse number="13">Ngakũkũsĩĩa ũndũ mwaũ? Ngakũelekan’ya na kyaũ, we mwĩĩtu mũtheu wa Yelusaleme? Ngeanan’ya kyaũ naku, nĩ kana ndonye ũkũkiakisya, we mwĩĩtu mũtheu wa Saioni? Nũndũ ũvũthũe waku nĩ mũnene ta ũkanga: ũla ũtonya ũkũvosya nũũ?</verse>
				<verse number="14">Athani maku nĩmakwonee mawoni ma ũvũngũ na ũtumanu; Na matyaavuũa ũthũku waku, makũtũnge wume kũtavwanĩ kwaku, Ĩndĩ nĩmakwonee mĩio ya ũvũngũ na maũndũ ma ũtuma ũlũngw’a.</verse>
				<verse number="15">Onthe ala mavĩtaa makũkũnangĩaa mbĩ; Nĩmekũtimba na kũmũthingithĩsya mũtwe mwĩĩtu wa Yelusaleme, makyasya, Ĩno nĩyo ndũa ĩla andũ mamĩtie Wĩanĩu wa wanake, Ũtanu wa nthĩ yonthe?</verse>
				<verse number="16">Amaitha maku onthe makwathamĩsye makanyw’a moo mũno; Nĩmatimba na kũvevetan’ya maeo; nĩmekwasya, Nĩtũmũmeletye; Vate ndĩi ũmũnthĩ nĩ mũthenya ũla tweteelete; nĩtũwĩlĩte, nĩtũwonete.</verse>
				<verse number="17">Yeova nĩwĩkĩte ũndũ watw’ĩte; nĩwĩanĩĩtye ndeto yake ĩla weaie mĩthenya ya tene; Nĩwekisye nthĩ, na ndaew’ĩa tei: Na nũtumĩte mũmaitha atana ĩũlũ waku; nũnenevetye ũvya wa nthũ syaku.</verse>
				<verse number="18">Ngoo syoo nĩsyamwĩkaĩlile Mwĩaĩi: We wako wa mwĩĩtu wa Saioni, methoi matheee ta ũsĩ mũthenya na ũtukũ; Ndũkeenenge ũthũmũo: ndũkaeke kyũma kya itho yaku kĩkilye.</verse>
				<verse number="19">Ũkila, kaya ũtukũ, wambĩlĩlyonĩ wa mosyaĩĩsyo; Onosya ngoo yaku ta kĩw’ũ mbee wa ũthyũ wa Yeova: Ũmũkĩlĩlye moko maku ũndũ wa thayũ wa syana syaku nini, ila ĩkũnyalĩla nĩ nzaa wambĩlĩlyonĩ wa kĩla nzĩa nene.</verse>
				<verse number="20">Ona, ame Yeova, na sisya ũla wamwĩkie ũu! Aka makaya ũsyao woo, o syana ila ithakaw’a mokonĩ? Mũthembi na mwathani makooaĩwa vandũ vatheu va Mwĩaĩi?</verse>
				<verse number="21">Ũla wa ĩika na mũtumĩa nĩmakomaa nthĩ nzĩanĩ nene; Eĩtu makwa atheu na anake makwa nĩmavalũkĩtw’e na ũvyũ: Nũmoaĩte mũthenya wa ũthatu waku; nĩwũaĩte, na ndwaew’ĩa tei.</verse>
				<verse number="22">Nũmbĩtĩe motĩsyo makwa maume ngalĩ syonthe, o ta mũthenya wa ũmbano ũkilĩtye; Na vatyaĩ ũmwe wavonokie kana kũtiala mũthenya wa ũthatu wa Yeova: Asu ala nathakasya na kũea mũmaitha wakwa nũmaminĩte.</verse>
			</chapter>
			<chapter number="3">
				<verse number="1">Ninyie mũndũ ũla wonete thĩna nũndũ wa ndata ya ũthilĩku wake.</verse>
				<verse number="2">Nĩwandongoesye na kũtuma nĩkinya kĩvindunĩ, na ti kyeninĩ.</verse>
				<verse number="3">Vate ndĩi nũnthyũũĩaa kw’oko kwake ĩngĩ na ĩngĩ mũthenya w’onthe.</verse>
				<verse number="4">Nyama yakwa na kĩkonde kyakwa nĩwitw’ĩkĩthĩtye ngũũ; nũtũlĩte mavĩndĩ makwa.</verse>
				<verse number="5">Nĩwambakĩĩe, na kũnthyũlũlũkya na nyongo na thĩna.</verse>
				<verse number="6">Nũmbĩkalĩtye kũndũ kwĩ kĩvindu, o ta ala makwie tene.</verse>
				<verse number="7">Nũnziĩĩĩte, ũkethĩa nditonya kumaala; nũtw’ĩkĩthĩtye mũnyololo wakwa mũito.</verse>
				<verse number="8">Ĩĩ, yĩla ngũkaya na kwĩtya ũtethyo, nũnũũsiĩĩa mboya yakwa.</verse>
				<verse number="9">Nũvingĩte nzĩa syakwa na mavia masũvye; nũthyoeketye nzĩa syakwa.</verse>
				<verse number="10">Ailyĩ kwakwa ta nduva ĩkyoveesya, ta mũnyambũ kũndũ kwa syĩmbithĩ.</verse>
				<verse number="11">Nĩwelelũkilye nzĩa syakwa, na kũndembũanga ilungu; nũndw’ĩkĩthĩtye mũthei.</verse>
				<verse number="12">Nũkootete ũta wake, na kũmbia ta ũvano wa kũathwa na mũsyĩ.</verse>
				<verse number="13">Nũtumĩte mĩsyĩ ya thyaka wake ilĩka kĩlilikanonĩ kyakwa.</verse>
				<verse number="14">Nĩnĩtw’ĩkĩte wa kũthekwa kwa andũ makwa onthe, na wathi woo mũthenya w’onthe.</verse>
				<verse number="15">Nũmbusũĩtye na ũũ, nũmbũnĩthĩtye vyũ na kĩndũ kĩ ũũ.</verse>
				<verse number="16">Nũtũlĩte maeo makwa na tũvila twa thaathai; nũmbakangĩte mũu.</verse>
				<verse number="17">Nũvetete ngoo yakwa kũasa na mũuo; noolwa nĩ ũunĩko.</verse>
				<verse number="18">Nakwa naisye, Vinya wakwa nĩwaĩte, o na wĩkwatyo wakwa vala ve Yeova.</verse>
				<verse number="19">Lilikana ũnyamao wakwa na thĩna wakwa, kĩndũ kĩ ũũ na nyongo.</verse>
				<verse number="20">Kũvika na yu ngoo yakwa nĩnĩkũmalilikana, na kwĩnyivĩsya nthĩnĩ wakwa.</verse>
				<verse number="21">Ũu nĩngũlilikana; kwondũ wa ũu nĩ na wĩkwatyo.</verse>
				<verse number="22">Nũndũ wa moseo me wendo ma Yeova tũtikũminwa, nĩkwĩthĩwa matei make matithelaa.</verse>
				<verse number="23">Nĩ meũ kĩla kĩoko; kĩthito kyaku nĩ kĩnene mũno.</verse>
				<verse number="24">Yeova nĩ kĩanda kyakwa, yĩasya ũu ngoo yakwa; kwondũ wa ũu ngamwĩkwatya.</verse>
				<verse number="25">Yeova nĩ mũseo kwa ala mamweteelaa, kwa ngoo ĩla ĩmũmanthaa.</verse>
				<verse number="26">Nĩ ũseo mũndũ ethĩwe na wĩkwatyo na kweteela na ũuu ũtangĩĩo wa Yeova.</verse>
				<verse number="27">Nĩ ũseo kwa mũndũ kũkua ĩsoki wananĩ wake.</verse>
				<verse number="28">Nĩekale e weka na kũvindya, nĩkwĩthĩwa nũmwilĩĩle yo.</verse>
				<verse number="29">Nĩekĩe kanyw’a wake kĩtoonĩ, ethĩwa nĩw’o kũtonya kwĩthĩwa wĩkwatyo.</verse>
				<verse number="30">Nanengane ĩtau yake kwa ũla ũnũũmũkũna; nausũwe ki nĩ kũvũthw’a.</verse>
				<verse number="31">Nũndũ Mwĩaĩi ndakekya ũtee tene na tene.</verse>
				<verse number="32">O na kau nũnũkwĩw’ĩthya woo, ĩndĩ akeew’ĩa tei kwĩanana na wingĩ wa moseo make me wendo.</verse>
				<verse number="33">Nũndũ ndathĩnasya na kwenda, kana kũmew’ĩthya woo ana ma andũ.</verse>
				<verse number="34">Kũkinyangĩa ala ove onthe ma nthĩ ungu wa maũũ,</verse>
				<verse number="35">Kwathũkya kĩanda kya mũndũ mbee wa ũthyũ wa Ũla Wĩ Ĩũlũ wa Onthe,</verse>
				<verse number="36">Kũmũvĩtĩthya mũndũ ũvoonĩ wake, Mwĩaĩi ndetĩkĩlaa.</verse>
				<verse number="37">Nũũ ũla ũneenaa, na ũkekĩka, yĩla Mwĩaĩi ũtanawĩaĩa?</verse>
				<verse number="38">Kuma kanyw’anĩ wa Ũla Wĩ Ĩũlũ wa Onthe kũtyumaa ũthũku na ũseo?</verse>
				<verse number="39">Nũndũ wa kĩ mũndũ wĩ thayũ nũnyungunyĩasya, o mũndũ nũndũ wa ũsilĩlo wa naĩ syake?</verse>
				<verse number="40">Tũthianei na kũtata nzĩa sitũ, na kũmwĩthyũũĩa Yeova ĩngĩ.</verse>
				<verse number="41">Tũmũkĩlĩlyei Ngai ũla wĩ matunĩ ngoo sitũ vamwe na moko maitũ.</verse>
				<verse number="42">Nĩtũvĩtĩtye o na kũng’enda; ndwaaekea.</verse>
				<verse number="43">Nĩwĩvw’ĩkĩte ũthatu na kũtũatĩĩa; nĩwũaĩte, ndwaew’ĩa tei.</verse>
				<verse number="44">Nĩwĩvw’ĩkĩte ĩthweo, ũkethĩwa mboya o na yĩva ndĩtonya kũvĩta.</verse>
				<verse number="45">Nũtũtw’ĩkĩthĩtye ũvaavao na mavutĩ katĩ wa ngo sya andũ.</verse>
				<verse number="46">Amaitha maitũ onthe nĩmatwathamĩsye kanyw’a woo mũno.</verse>
				<verse number="47">W’ĩa na yĩla ĩima nitũkĩe, o na kĩtuu na wanangĩko.</verse>
				<verse number="48">Itho yakwa nĩyĩkũnyũlũlũkya tũlũsĩ twa methoĩ, ũndũ wa wanangĩko wa mwĩĩtu wa andũ makwa.</verse>
				<verse number="49">Itho yakwa nĩyĩkonosya, na yĩtikũeka, vate kũtĩĩa,</verse>
				<verse number="50">Kũvika yĩla Yeova wĩsisya nthĩ, na kwona e ĩtunĩ.</verse>
				<verse number="51">Itho yakwa nĩyĩũthĩn’ya ngoo yakwa, nũndũ wa eĩtu onthe ma ndũa yakwa.</verse>
				<verse number="52">Nĩmanzyĩmĩte mũno ta nyũnyi, ala me amaitha makwa vate kĩtumi.</verse>
				<verse number="53">Nĩmavetete thayũ wakwa kasũmbanĩ ke nthĩnĩ wa nthĩ, na kwĩkya ĩvia ĩũlũ wakwa.</verse>
				<verse number="54">Manzĩ maingĩ nĩmavĩtĩle ĩũlũ wa mũtwe wakwa; naisye, Nyĩe nĩ mũvete.</verse>
				<verse number="55">Nĩneekaĩlile syĩtwa yaku, ame Yeova, nĩ kasũmbanĩ ke nthĩnĩ wa nthĩ mũno mbee.</verse>
				<verse number="56">Nĩweewie wasya wakwa: ndũkavithe kũtũ kwaku ũndũ wa kũveva kwakwa, ũndũ wa kũkaya kwakwa.</verse>
				<verse number="57">Nĩwathengeeie mũthenya ũla nakwĩkaĩlile; waisye, Ndũkakĩe.</verse>
				<verse number="58">Ame Mwĩaĩi, nĩwateteie maũndũ ma ngoo yakwa; nĩwoovoisye thayũ wakwa.</verse>
				<verse number="59">Ame Yeova, nĩwonete ũndũ nĩkĩtwe; sila ũvoo wakwa.</verse>
				<verse number="60">Nĩwonete kwĩĩvanĩsya kwoo kw’onthe na mosũanĩo moo onthe ĩũlũ wakwa.</verse>
				<verse number="61">Nĩwĩw’ĩte kĩvũthya kyoo, ame Yeova, na mosũanĩo moo onthe ĩũlũ wakwa,</verse>
				<verse number="62">Ilomo sya ala mambũkĩlĩle, na ũsũanĩo woo ĩũlũ wakwa mũthenya w’onthe.</verse>
				<verse number="63">Sisya kwĩkala nthĩ kwoo, na kũkĩla kwoo; ninyie wathi woo.</verse>
				<verse number="64">Ũkamatũngĩa wĩkũle, ame Yeova, kwĩanana na wĩa wa moko moo.</verse>
				<verse number="65">Ũkamanenga wũmũ wa ngoo, kĩumo kyaku kwoo.</verse>
				<verse number="66">Ũkamaatĩĩa wĩ mũthatu, na kũmananga maume ĩtheo wa matu ma Yeova.</verse>
			</chapter>
			<chapter number="4">
				<verse number="1">A! Thaavu nũvukĩte! Thaavu ũla mũtheu mbee kaĩ nũalyũkĩte! Mavia ma vala vandũ vatheu nĩmekwĩtwa wambĩlĩlyonĩ wa kĩla nzĩa.</verse>
				<verse number="2">Ana ma Saioni ala me vata mũno, meanene na thaavu mũseo mũno, Kaĩ nĩmatalawa ta itete sya yũmba, wĩa wa moko ma mũmbi!</verse>
				<verse number="3">O na mbĩwa nasyo nikusasya nondo, nĩsyongasya tũswii twasyo: Mwĩĩtu wa andũ makwa nũtw’ĩkĩte mwai, ta nyaa sya weũnĩ.</verse>
				<verse number="4">Ũĩmĩ wa kana kala kongaa nũlũmanasya na kaakaa wa kanyw’a wako nũndũ wa waũni: Syana nini nĩsyĩtasya imũtũ, na vati mũndũ winengae.</verse>
				<verse number="5">Ala maie liu mũseo, me ooka nzĩanĩ nene: Ale maeiwe mevw’ĩkĩte ngũa ndune mũno nĩmekwĩvĩtĩĩsya ũtũnda.</verse>
				<verse number="6">Nũndũ ũthũku wa mwĩĩtu wa andũ maku nĩ mũnene kwĩ naĩ sya Sotomo, Ĩla yang’uthũlilwe o kavinda kanini, na vatyaĩ moko mailĩĩlwe ĩũlũ wayo.</verse>
				<verse number="7">Anene make me ndaĩa maĩ atheu kũvitũka ĩa, maĩ eũ kwĩ ĩia; Maĩ atune mĩĩnĩ kwĩ tũvila twa maliani, kũtendea kwoo kwailyĩ ta kwa savili.</verse>
				<verse number="8">Mothyũ moo nĩ maiũ mũno kwĩ makaa; maimanyĩka me nzĩanĩ nene: Kĩkonde kyoo nĩkĩlũmanĩte na mavĩndĩ moo; nĩkyũmĩte, nĩkĩtw’ĩkĩte ta mũtĩ.</verse>
				<verse number="9">Ala mooaiwe nĩ ũvyũ me kavaa kwĩ ala mooaiwe nĩ nzaa; Nũndũ aa nĩmang’ong’aa, mang’ong’a vyũ, nũndũ wa kwaĩwa nĩ mosyao ma mũũndanĩ.</verse>
				<verse number="10">Moko ma aka me tei nĩmauĩte syana syoo ene; Nĩsyo syaĩ lĩu woo ĩvinda ya kwanangwa kwa mwĩĩtu wa andũ makwa.</verse>
				<verse number="11">Yeova nĩwĩanĩtye ũthilĩku wake, nĩwonoetye ũthatu wake mwai; Na nĩwakanĩtye mwaki Saioni, ũla ũminĩte myambĩlĩlyo yayo.</verse>
				<verse number="12">Asumbĩ ma nthĩ matyaaĩtĩkĩla, o na andũ onthe ala matwĩe nthĩ, Kana nthũ na mũmaitha nĩmakavota mbingĩlonĩ sya Yelusaleme.</verse>
				<verse number="13">Kĩtumi nĩ ũndũ wa naĩ sya athani mayo, na mothũku ma athembi mayo, Ala metĩkisye nthakame ya ala alũngalu nthĩnĩ wayo.</verse>
				<verse number="14">Nĩmangangaa ta ililinda nzĩanĩ nene, nĩmevukĩtye na nthakame, Ũkethĩa andũ matitonya kũkiita ngũa syoo.</verse>
				<verse number="15">Mamatavisye, Endai inyw’ĩ, Avuku! Endai, endai, mũikakiite! Yĩla makĩie na kwanganga, andũ maneenie katĩ wa i mbaĩ, Matikekala vaa ĩngĩ.</verse>
				<verse number="16">Ũthatu wa Yeova nũmanyaĩĩkĩtye; ndakamasyaĩĩsya ĩngĩ: Matyaataĩa athembi, matyaamenda atumĩa.</verse>
				<verse number="17">Metho maitũ o na yu nĩmeũseekea makĩsyaĩĩsya ũndũ wa ũtethyo witũ wa mana: Kweteelanĩ kwitũ nĩtweteelile mbaĩ ĩtatonya kũtangĩĩa.</verse>
				<verse number="18">Nĩmeũsyĩma matambya maitũ, na kwondũ wa ũu tũtitonya kũthi nzĩanĩ sitũ nene: Mũminũkĩlyo witũ wĩ vakuvĩ, mĩthenya yaitũ nĩ mĩanĩsye; nũndũ mũminũkĩlyo witũ nĩ mũku.</verse>
				<verse number="19">Ala matũatĩĩe maĩ mĩtũkĩ kwĩ ndiũ sya matunĩ: Nĩmatũvikĩlile iĩmanĩ, nĩmatwoveeisye weũnĩ.</verse>
				<verse number="20">Mĩthũmũ ya manyiũũ maitũ, mwĩtĩkĩw’a mauta wa Yeova, nĩwakwatĩwe maimanĩ moo; Ũla twaneenie ũndũ wake, Ungu wa muunyĩ wake tũkekalaa thayũ katĩ wa i mbaĩ.</verse>
				<verse number="21">Tana na kwĩw’a mũyo, we mwĩĩtu wa Etomu, ũla ũtũaa nthĩ yĩtawa Usi: Kĩkombe kĩkavĩtĩla kũvika vala ũĩ; ũkeethĩwa ũtoonetw’e, na kwĩtw’ĩkĩthya mwene mũthei.</verse>
				<verse number="22">Ũsilĩlo wa ũthũku waku nĩwĩanĩtw’e, we mwĩĩtu wa Saioni; ndakakũtwaa ĩngĩ wĩ mũtave: Akasilĩla ũthũku waku, we mwĩĩtu wa Etomu; akavuũa naĩ syaku.</verse>
			</chapter>
			<chapter number="5">
				<verse number="1">Lilikana, ame Yeova, ũndũ ũla wũkie ĩũlũ waitũ: Sisya, noiona kũvũthw’a kwitũ.</verse>
				<verse number="2">Ũtiĩwa witũ nũalyũlitwe wĩthĩwe wa aeni, Nyũmba sitũ syĩthĩwe sya andũ ma nthĩ ĩngĩ.</verse>
				<verse number="3">Twĩ atiwa ala makw’ĩĩwe nĩ aaĩthe; Aainyia maitũ no ta ndiwa.</verse>
				<verse number="4">Nĩtũnyw’ĩte manzĩ maitũ kwondũ wa mbesa; Ngũ sitũ nĩ sya thooa.</verse>
				<verse number="5">Ala matũatĩĩaa me ngingonĩ sitũ: Twĩ na mĩnoo, na tũti na ũthũmũo.</verse>
				<verse number="6">Nĩtũmanengete Amisili kw’oko, O na Aasuli, tũvũnw’e nĩ imũtũ.</verse>
				<verse number="7">Aaĩthe maitũ nĩmeekie naĩ, na ti vo maĩ; Na ithyĩ nĩtũkuĩte mothũku moo.</verse>
				<verse number="8">Athũkũmi nĩmatũsumbĩkaa: Vati ũmwe wa kũtũvonokya mokonĩ moo.</verse>
				<verse number="9">Nĩtũkwona lĩu witũ mũisyonĩ wa mathayũ maitũ, Nũndũ wa ũvyũ wa waũni.</verse>
				<verse number="10">Kĩkonde kitũ nĩ kiũ ta iko. Nũndũ wa ĩvyũvĩ ya muutĩa wa yũa.</verse>
				<verse number="11">Nĩmakindie aka ma Saioni, Eĩtu atheu ma ndũanĩ sya Yuta.</verse>
				<verse number="12">Anene me mbee ũsumbĩnĩ masũw’a na moko moo: Mothyũ ma atumĩa matyaataĩwa.</verse>
				<verse number="13">Anake nĩmakuĩe mavia ma ũthia; Na syana nĩsyalulutĩkile ĩkuĩte ngũ.</verse>
				<verse number="14">Atumia nĩmaekie kwĩkala mbingĩlonĩ, Na anake wini woo.</verse>
				<verse number="15">Ũtanu wa ngoo sitũ nũthelete; Kũsunga kwitũ nĩkũalyũkĩte kũtw’ĩke kũmeta.</verse>
				<verse number="16">Ngovia ya ũsumbĩ nĩ mbalũku kuma mũtwenĩ witũ: Woo nĩ witũ! Nũndũ nĩtwĩkĩte naĩ.</verse>
				<verse number="17">Nũndũ wa ũu ngoo sitũ nĩ ndevu; Nũndũ wa maũndũ asu metho maitũ me na mbindu;</verse>
				<verse number="18">Nũndũ wa kĩĩma kya Saioni, kĩla kĩthei: Mbĩwa nikinyaa ĩũlũ wakyo.</verse>
				<verse number="19">We, ame Yeova, nĩwĩkalaa tene na tene; Kĩvĩla kyaku kya ũsumbĩ nĩkĩkalaa kuma nzyawa na nzyawa.</verse>
				<verse number="20">Nũndũ wa kĩ woolilwe nĩ ithyĩ tene na tene, Na kũtũtia ĩvinda yĩasavĩte ũu?</verse>
				<verse number="21">Tũthyũũe ithyĩ kwaku, ame Yeova, na tũkathyũũĩka; Eũvya mĩthenya yaitũ o ta tene.</verse>
				<verse number="22">Ĩndĩ nũtũleete vyũ; Nũtũthilĩkĩle mũno.</verse>
			</chapter>
		</book>
		<book number="26">
			<chapter number="1">
				<verse number="1">Na kweethĩwa mwaka wa mĩongo ĩtatũ, mwei wa kana, mũthenya wa katano wa mwei, yĩla naĩ vamwe na ala atave vakuvĩ na ũsĩ wa Kevali, matu mavingũka, na noona mawoni ma Ngai.</verse>
				<verse number="2">Mũthenya wa katano wa mwei, naw’o waĩ mwaka wa katano wa kũtavwa kwa mũsumbĩ Yeoiakini,</verse>
				<verse number="3">mũthembĩ Esekieli, mwana wa Vusi, ookiwe nĩ ndeto ya Yeova ki, e nthĩ ya Akalitei vakuvĩ na ũsĩ wa Kevali; na kw’oko kwa Yeova kwaĩ ĩũlũ wake kw’o.</verse>
				<verse number="4">Na nonie, na, sisya, kĩseve kĩnene kyauma ngalĩ ya ĩũlũ, ĩthweo ĩnene, yĩ na mwaki wĩyakanĩtye, na ũtisu ũyĩthyũlũlũkĩte, na kuma katĩ waw’o kwaĩ kĩndũ kyailyĩ ũthuku wakakaa, kuma katĩ wa mwaki.</verse>
				<verse number="5">Na kuma katĩ waw’o kwookie mũvw’ano wa syũmbe inya syĩ thayũ. Na mũvw’anĩle wasyo nĩ ũũ: Syaĩ na mũvw’ano wa mũndũ;</verse>
				<verse number="6">na kĩla kĩmwe kyaĩ na mothyũ ana, na kĩla kĩmwe kyasyo kyaĩ na nthwau inya.</verse>
				<verse number="7">Na maũũ masyo maĩ malũngalu; na nyaĩĩ sya maũũ masyo syailyĩ ta ũnyaĩĩ wa kũũ kwa kasaũ; na syatisatisaa ta ũthuku mũkute.</verse>
				<verse number="8">Na syaĩ na moko ta ma mũndũ ungu wa nthwau syasyo mavavanĩ masyo ana; na isu inya syaĩ na mothyũ masyo na nthwau syasyo ta ũũ;</verse>
				<verse number="9">nthwau syasyo syakwatene ũmwe na ũla ũngĩ; ityeethyũũaa yĩla syaendaa; syaendaa kimwe na kĩmwe ilũngalĩte.</verse>
				<verse number="10">Ũndũ wa mũvw’ano wa mothyũ masyo, syaĩ na ũthyũ wa mũndũ; na isu inya syaĩ na ũthyũ wa mũnyambũ ngalĩ ya kw’oko kwa aũme; na isu inya syaĩ na ũthyũ wa ng’ombe ngalĩ ya kw’oko kwa aka; na isu inya nasyo syaĩ na ũthyũ wa ndiũ.</verse>
				<verse number="11">Na mothyũ masyo na nthwau syasyo nĩsyataanĩsye ngalĩ ya ĩũlũ; nthwau ilĩ sya kĩla kĩmwe nĩsyakwatene ũmwe na ũla ũngĩ, na ilĩ syavw’ĩkĩte mĩĩ yasyo.</verse>
				<verse number="12">Na syaendaa mbee kĩmwe na kĩmwe ilũngalĩte: o kũla veva wendaa ũthĩ, nasyo ikĩthi; ityeethyũũaa yĩla syaendaa.</verse>
				<verse number="13">Ũvoo wa mũvw’ano wa syũmbe isu inya syĩ thayũ, mũvw’anĩle wasyo wailyĩ ta makaa makanu ma mwaki, ta mũvw’anĩle wa maũmũĩ; mwaki waendaa kũũ na kũũ katĩ wa syũmbe isu syĩ thayũ; na mwaki waĩ na kyeni mũno, na mwakinĩ kwaumie ũtisi.</verse>
				<verse number="14">Na syũmbe isu syĩ thayũ syasembaa na kũsyoka ta kwoneka kwa ũtisi.</verse>
				<verse number="15">Na yĩla nasiasya syũmbe isu syĩ thayũ, sisya, ndĩa ĩmwe ĩkinyĩte nthĩ ũtee wa syũmbe isu syĩ thayũ, kwondũ wa kĩla ũthyũ wa mothyũ ana makyo.</verse>
				<verse number="16">Mũvw’anĩle wa ndĩa na mũseũvĩlw’e wasyo wailyĩ nzumalati ntheu: na isu inya syaĩ na mũvw’ano ũmwe; na mũvw’anĩle wasyo na mũseũvĩlw’e wasyo waĩ ta ndĩa nthĩni wa ndĩa.</verse>
				<verse number="17">Yĩla syaendaa, syaendaa ngalĩ syasyo inya: ityeethyũũaa yĩla syaendaa.</verse>
				<verse number="18">Undũ wa ndĩa syasyo, syaĩ ndũlu ũndũ itĩsya, na ila ndĩa inya syausũĩte metho ndĩanĩ syasyo ngalĩ syonthe.</verse>
				<verse number="19">Na yĩla syũmbe isu syĩ thayũ syaendaa, ndĩa nasyo nĩsyaendaa ũtee wasyo; na yĩla syũmbe isu syĩ thayũ syookĩlaw’a kuma nthĩ, ndĩa nasyo nĩsyookĩlaw’a.</verse>
				<verse number="20">O kũla veva wendaa kũthi, nĩkw’o syaendaa; kũla veva wendaa kũthi: na ndĩa syookĩlaw’a ũtee wasyo: nũndũ veva wa kyũmbe kĩ thayũ waĩ ndĩanĩ.</verse>
				<verse number="21">Yĩla isu syaendaa, o na ii nasyo ikĩenda; na yĩla isu syaũngamaa, ii nasyo ikĩũngama; na yĩla isu syookĩlaw’a kuma nthĩ, ndĩa nasyo ikyũkĩlw’a ũtee wasyo; nũndũ veva wa kyũmbe kĩ thavũ waĩ ndĩanĩ.</verse>
				<verse number="22">Na ĩũlũ wa mũtwe wa kyũmbe kĩ thayũ kwaĩ mũvw’ano wa yayaya, kwa kũsiwa, yailyĩ ta kĩsisyo kĩtisu kya ũtĩsya, yĩtambũũkĩtw’e ĩũlũ wa mĩtwe yasyo.</verse>
				<verse number="23">Na ungu wa ĩ yayaya nthwau syasyo nĩsyatambũũkĩtw’e, ũmwe welekele ũla ũngĩ: kĩla kĩmwe kyaĩ na ilĩ ila syavw’ĩkĩte mĩĩ yasyo ngalĩ ĩno, na kĩla kĩmwe kyaĩ na ilĩ ila syavw’ĩkĩte ngalĩ ĩla ĩngĩ.</verse>
				<verse number="24">Na yĩla syaendaa, newie kĩuumo kya nthwau syasyo ta kĩlitũko kya manzĩ maingĩ, ta wasya wa Mwene Vinya W’onthe, kĩlonzo kya kĩtuu ta kĩlonzo kya nguthu: yĩla syaũngamaa, syatheeasya nthwau syasyo.</verse>
				<verse number="25">Na kwaĩ wasya ĩũlũ wa yayaya yĩla yaĩ ĩũlũ wa mĩtwe yasyo: yĩla syaũngamaa, syatheeasya nthwau syasyo.</verse>
				<verse number="26">Na ĩũlũ wa yayaya yĩla yaĩ ĩũlũ wa mĩtwe yasyo kwaĩ mũvw’ano wa kĩvĩla kya ũsumbĩ, ta kwoneka kwa kavila ka savili; na ĩũlũ wa mũvw’ano wa kĩvĩla kyu kwaĩ mũvw’ano kwoneka kwaw’o wailyĩ ta mũndũ ĩũlũ wakyo.</verse>
				<verse number="27">Na noona kĩndũ kĩilyĩ ũthuku wakakaa, ta mũvw’anĩle wa mwaki nthĩnĩ waw’o ũthyũlũlũkĩte, kuma mũvw’anĩlenĩ wa kĩnyunyu kyake na kwambata; na kuma mũvw’anĩlenĩ wa kĩnyunyu kyake na kũtheea noona mũvw’anĩle wa mwaki, na kwaĩ ũtisu wamũthyũlũlũkĩte.</verse>
				<verse number="28">Ta mũvw’anĩle wa ũtaathi ĩthweonĩ mũthenya wa mbua, now’o wailyĩ mũvw’anĩle wa ũtisu ngalĩ syonthe. Ũũ nĩw’o wailyĩ mũvw’ano wa ũtheu mũtisu wa Yeova. Na yĩla namonie, navalũka na ũthyũ wakwa, na neew’a wasya wa ũmwe ũla waneenie.</verse>
			</chapter>
			<chapter number="2">
				<verse number="1">Na ambĩa, Mwana wa mũndũ, ũngama na maũũ maku, na nganeena naku.</verse>
				<verse number="2">Na Veva alika nthĩnĩ wakwa yĩla waneenie nakwa, na anũngamya na maũũ makwa; na neew’a ũla waneenie nakwa.</verse>
				<verse number="3">Na ambĩa, Mwana wa mũndũ, nĩngũũtũma kwa ana ma Isilaeli, kwa mbaĩ ila ng’endu, ila syambaie matũ: nao na aaĩthe moo nĩmambĩtanĩasya o na kũvika ũmũnthĩ.</verse>
				<verse number="4">Na ana asu me na mothyũ metu na ngoo nyũmũ: nĩngũũtũma kwoo; na ũkamatavya, Ũũ nĩw’o Mwĩaĩi Yeova ũnũkwasya.</verse>
				<verse number="5">Nao, ethĩwa makeew’a, kana matikew’a (nũndũ nĩ nyũmba ng’endu), nĩmakamanya kana kwaĩ mwathani katĩ woo.</verse>
				<verse number="6">Naku, mwana wa mũndũ, ndũkamakĩe, o na ndũkakĩe ndeto syoo, o na kau mĩtae na mĩw’a syĩ vamwe naku, naku nũtũaa katĩ wa ing’auũ; ndũkakĩe ndeto syoo, o na ndũkateve nũndũ wa mothyũ moo, o na kau nĩ nyũmba ng’endu.</verse>
				<verse number="7">Na ũkamatavya ndeto syakwa, ethĩwa makeew’a, kana matikew’a; nũndũ nĩ ang’endu ki.</verse>
				<verse number="8">Ĩndĩ we, mwana wa mũndũ, ĩthukĩĩsye ũndũ ngũkwĩa; ndũkethĩwe wĩ mũng’endu ta nyũmba ĩsu ng’endu: athamya kanyw’a waku, ũye kĩla ngũũnenga.</verse>
				<verse number="9">Na yĩla nasyaisye, sisya, kw’oko kũndambũũkĩe; na sisya, ĩvuku ĩkũnze yaĩ ũ kw’okonĩ;</verse>
				<verse number="10">na ayĩvuanĩsya mbee wakwa: na yaĩ ĩandĩke nthĩnĩ na ũtheinĩ; na kwaandĩkĩtwe nthĩnĩ wayo iĩo, na ĩmeto, na mawoo.</verse>
			</chapter>
			<chapter number="3">
				<verse number="1">Na ambĩa, Mwana wa mũndũ, ya kĩla wĩona; ya ĩvuku yĩĩ ĩkũnze, noithi, ũneene na nyũmba ya Isilaeli.</verse>
				<verse number="2">Kwondũ wa ũu naathamya kanyw’a wakwa, na atuma nĩyĩya yĩla ĩvuku ĩkũnze.</verse>
				<verse number="3">Na ambĩa, Mwana wa mũndũ, ĩthya ĩvu yaku, na vũnĩthya nda yaku na ĩvuku yĩĩ ĩkũnze yĩla ngũũnenga. Nĩvo ĩndĩ nayĩĩe; na kanyw’anĩ wakwa yaĩ mũyo ta ũkĩ wa nzũkĩ.</verse>
				<verse number="4">Na ambĩa, Mwana wa mũndũ, enda, ũthi kwa nyũmba ya Isilaeli, noineena nao na ndeto syakwa.</verse>
				<verse number="5">Nũndũ ndũtũmĩtwe kwa andũ ma kĩneeno kĩeni na kĩthyomo kĩ vinya, ĩndĩ kwa nyũmba ya Isilaeli;</verse>
				<verse number="6">ti kwa ngo mbingĩ sya andũ ila syĩ na kĩneeno kĩeni no kĩthyomo kĩ vinya, ila ũtatonya kũmanya ndeto syasyo. Vate ndĩi, kethĩwa nĩnakũtũmie kwoo, no kũkwĩthukĩĩsya.</verse>
				<verse number="7">Ĩndĩ nyũmba ya Isilaeli ndĩkakwĩthukĩĩsya; nũndũ matimbĩthukĩĩasya nyie: nũndũ nyũmba yonthe ya Isilaeli me na kĩtulya kyetu na ngoo nyũmũ.</verse>
				<verse number="8">Sisya, nĩnetetye ũthyũ waku welekele mothyũ moo, na nĩnetetye kĩtulya kyaku kyelekele itulya syoo.</verse>
				<verse number="9">Nĩnĩtw’ĩkĩthĩtye kĩtulya kyaku kyũmũ mũno kwĩ ĩvia yũmũ ya ũana: ndũkamakĩe, o na ndũkateve ũndũ wa mothyũ moo, o na kau nĩ nyũmba ng’endu.</verse>
				<verse number="10">Na ĩngĩ ambĩa, Mwana wa mũndũ, ndeto syakwa syonthe ila nganeena naku syosae ngoonĩ yaku, na syĩw’ae na matũ maku.</verse>
				<verse number="11">Na enda, ũthi vala ve ala matavĩtwe, vala ve ana ma andũ maku, ũneene nao, noimatavya, Ũũ nĩw’o Mwĩaĩi Yeova ũnũkwasya; ethĩwa makeew’a, kana matikew’a.</verse>
				<verse number="12">Nĩvo ĩndĩ Veva wambũkĩlilye, na neew’a ĩtina wakwa wasya wa kĩuumo kĩnene, ũkyasya, Ũtaĩwe ũtheu mũtisu wa Yeova, e o vala ũĩ.</verse>
				<verse number="13">Na neew’a kĩuumo kya nthwau sya syũmbe syĩ thayũ yĩla syakiitanganaa, na kĩuumo kya ndĩa ũtee wasyo, o kĩlonzo kya kĩuumo kĩnene.</verse>
				<verse number="14">Na ĩndĩ Veva ambũkĩlya, na andwaa vangĩ: na nathi nĩ na ũũ, ũthatunĩ wa veva wakwa; na kw’oko kwa Yeova kwaĩ na vinya ĩũlũ wakwa.</verse>
				<verse number="15">Na ĩndĩ nooka vala ve ala matavĩtwe ku Teli‐avivu, ala mekalĩte vakuvĩ na ũsĩ wa Kevali, vala matwĩe; na nekalile kw’o katĩ woo mĩthenya mũonza nĩsaanĩw’e.</verse>
				<verse number="16">Na kweethĩwa mĩthenya mũonza yathela, ndeto ya Yeova yambũkĩa, ĩkĩmbĩa.</verse>
				<verse number="17">Mwana wa mũndũ, nĩngũtw’ĩte mũsyaĩĩsya wa nyũmba ya Isilaeli: kwondũ wa ũu ĩw’a ndeto ya kanyw’a wakwa, noimataa na ũtao wakwa.</verse>
				<verse number="18">Yĩla ngwĩa ũla mũthũku, Ndwĩ ndĩi ya kũkw’a, naku ndũũmũtaa, kana kũneena ũimwon’ya ũla mũthũku aume mũendelenĩ wake mũthũku kana atangĩĩe thayũ wake; mũndũ ũsu mũthũku akakw’a e ũthũkunĩ wake; ĩndĩ nthakame yake ngamĩandũa kw’okonĩ kwaku.</verse>
				<verse number="19">Ĩndĩ ethĩwa ũkamwon’ya ũla mũthũku, na ndeĩthyũũa na kũtia ũthũku wake, kana mũendele wake mũthũku, akakw’a e ũthũkunĩ wake; ĩndĩ nũvonoketye thayũ waku.</verse>
				<verse number="20">Na ĩngĩ, yĩla mũndũ mũlũngalu ũkeethyũũa na kũtia ũlũngalu wake, na kwĩka ũthũku, na ngĩmwiĩa ũlulutĩkyo, akakw’a: nĩkwĩthĩwa ndwaamũtaa, akakw’a e naĩnĩ yake, na meko make malũngalu ala wekĩte matikalilikanwa; ĩndĩ nthakame yake ngamĩandũa kw’okonĩ kwaku.</verse>
				<verse number="21">Ĩndĩ ethĩwa ũkamwon’ya mũndũ mũlũngalu, nĩ kana ũsu mũlũngalu ndakavĩtye, nake akalea kũvĩtya, vate ndĩi akekala thayũ, nũndũ nĩwosie ũtao; naku nũvonoketye thayũ waku.</verse>
				<verse number="22">Na kw’oko kwa Yeova kwaĩ ĩũlũ wakwa nĩ kw’o; na ambĩa, Ũkĩla, ũende ũiĩnĩ, na nganeenea naku kw’o.</verse>
				<verse number="23">Na ĩndĩ nookĩla, na nathi ũiĩnĩ: na, sisya, ũtheu mũtisu wa Yeova waũngama vo, ta ũtheu mũtisu ũla noonie vakuvĩ na ũsĩ wa Kevali: na navalũka na ũthyũ wakwa.</verse>
				<verse number="24">Nĩvo ĩndĩ Veva walikile nthĩnĩ wakwa, na anũngamya na maũũ makwa; na aneena nakwa, na ambĩa, Enda, wĩvingĩe nyũmbanĩ yaku.</verse>
				<verse number="25">Ĩndĩ we, mwana wa mũndũ, sisya, makakwĩkĩa syĩndũ sya ũkwova, na makakwova nasyo, na ndũkaumaala vala maĩ;</verse>
				<verse number="26">na ngalũman’ya ũĩmĩ waku na kaakaa wa kanyw’a waku, nĩ kana wĩthĩwe ũtatonya kũneena, na ndũkethĩwa mũkan’ya woo; nũndũ mo nĩ nyũmba ng’endu.</verse>
				<verse number="27">Ĩndĩ yĩla nĩneenaa naku, ngaathamasya kanyw’a waku, na ũkamatavya, Ũũ nĩw’o Mwĩaĩi Yeova ũnũkwasya: Ũla wĩw’aa nĩew’e; na ũla ũtew’aa, ndakew’e: nũndũ mo nĩ nyũmba ng’endu.</verse>
			</chapter>
			<chapter number="4">
				<verse number="1">O naku, mwana wa mũndũ, ĩyosee ĩvali, noiyia mbee waku, ĩvane ĩũlũ wayo ndũa, o Yelusaleme:</verse>
				<verse number="2">na ũimĩtw’ĩkanĩsya, na kũmyakĩĩa ngome, na kũmyũmbĩĩa mbumbu; o na kũmyakĩĩa maeema, na ũyia mĩio ya kũvũthũa maũvai ngalĩ syonthe.</verse>
				<verse number="3">Na ĩyosee ĩtandaa ya kĩaa, noiyia yĩthĩwe ũvai wa kĩaa katĩ waku na ndũa; na ũimyelekelya ũthyũ waku, na ĩkatw’ĩkanĩw’a, naku ũkamĩtw’ĩkanĩsya. Ũu ũkethĩwa ũvano kwa nyũmba ya Isilaeli.</verse>
				<verse number="4">Na ũndũ ũngĩ koma na ĩvava yaku ya ngalĩ ya kw’oko kwa aka, noyĩa ũthũku wa nyũmba ya Isilaeli ĩũlũ wayo; kwĩanana na ũtalo wa mĩthenya ĩla ũkayĩkomea, ũkakua ũthũku woo.</verse>
				<verse number="5">Nũndũ nĩndw’ĩte myaka ya ũthũku woo yĩthĩwe kwaku ũtalo wa mĩthenya, o mĩthenya maana atatũ na nĩongo kenda: now’o ũkakua ũthũku wa nyũmba ya Isilaeli.</verse>
				<verse number="6">Na ĩngĩ, yĩla ũkethĩwa ũminĩte ĩsu, ũkakoma na ĩvava yaku ya ngalĩ ya kw’oko kwa aũme, na ũkakua ũthũku wa nyũmba ya Yuta: mĩthenya mĩongo ĩna, kĩla mũthenya vandũ va mwaka, nĩngũtw’ĩĩĩte.</verse>
				<verse number="7">Na ũkeelekelya ũthyũ waku kũtw’ĩkanĩw’anĩ kwa Yelusaleme, kw’oko kwaku kũte kũvw’ĩke; na ũkamyathanĩa.</verse>
				<verse number="8">Na, sisya, nĩngũkwĩkĩa syĩndũ sya ũkwova, na ndũkealyũla, kũvika yĩla ũkeanĩsya mĩthenya ya kũtw’ĩkanĩw’a kwaku.</verse>
				<verse number="9">O na ĩyosee nganũ, na mbaale, na mbooso, na ndengũ na mwee, na kusemethu, ũsyĩkĩe ĩsaaninĩ yĩmwe, noyiseũvĩsya kĩmũtũ nasyo; ũkakĩĩsaa kwĩanana na ũtalo wa mĩthenya ĩla ũkakoma na ĩvava yaku, o mĩthenya maana atatũ na mĩongo kenda.</verse>
				<verse number="10">Na lĩu waku ũla ũkaĩsaa ũkethĩawa wa kũthimwa, sekeli mĩongo ĩlĩ kĩla mũthenya: ũkooĩsaa kavinda na kavinda.</verse>
				<verse number="11">Na ũkanyusaa manzĩ ma kũthimwa, kĩlungu kya thanthatũ kya ini: ũkanyusaa kavinda na kavinda.</verse>
				<verse number="12">Na ũkooĩsaa ta tũmũtu twa mbaale, na ũkatũua mene ũivuvĩĩa na mai ma mũndũ.</verse>
				<verse number="13">Na Yeova asya, Now’o ana ma Isilaeli makaĩsaa kĩmũtũ kyoo me avuku, katĩ wa i mbaĩ kũla ngamalũngĩlĩĩlya.</verse>
				<verse number="14">Nĩvo ĩndĩ naisye, A! Mwĩaĩi Yeova! Sisya, thayũ wakwa ndwaavukw’a; nũndũ kuma wana wakwa o na kũvika yu ndyaaya kĩla kya kũkw’a, kana kĩlĩku; o na kũtyaalika nyama mbuku kanyw’anĩ wakwa.</verse>
				<verse number="15">Nĩvo ĩndĩ wambĩie, Sisya, nĩkũnengete kyaa kya ng’ombe vandũ va mai ma mũndũ, na ũkaseũvasya kĩmũtũ kyaku ũkĩvuvĩĩa nakyo.</verse>
				<verse number="16">Na ĩngĩ ambĩa, Mwana wa mũndũ, sisya, ngatũlĩla ndata ya kĩmũtũ ku Yelusaleme: na makĩsaa kĩmũtũ kya kũthimwa, me na w’ĩa; na makanyusaa manzĩ ma kũthimwa, maiteva:</verse>
				<verse number="17">nĩ kana mende kĩmũtũ na manzĩ, na kũteva ene kwa ene, na kũsonzomea ũthũkunĩ woo.</verse>
			</chapter>
			<chapter number="5">
				<verse number="1">Naku, mwana wa mũndũ, ĩyosee ũvyũ mũĩ; ta wenzi wa mwenzi ũkeeyosea, na ũkeenza mũtwe waku na kĩng’ew’a kyaku: nĩvo wĩosa kĩthimi kya kũthima nakyo, noiaan’ya nzw’ĩĩ.</verse>
				<verse number="2">Kĩlungu kya katatũ ũkavĩvĩsya na mwaki ndũanĩ katĩ, yĩla mĩthenya ya kũtw’ĩkanĩw’a yĩĩanĩw’a; na ũkoosa kĩlungu kĩngĩ, noikũnanga na ũvyũ ngalĩ syonthe syakyo; na kĩlungu kĩla kĩngĩ ũkanyaĩĩkya kĩsevenĩ, na ngamaatĩĩa nĩkũĩte ũvyũ.</verse>
				<verse number="3">Na ũkoosa imwe nini syasyo, na kũsyoveea mũthyanĩ wa ngũa syaku.</verse>
				<verse number="4">Na ĩndĩ ũkoosa imwe sya isu, na kũsyĩkya mwakinĩ katĩ, na kwivĩvya na mwakĩ; kuma vo mwaki ũkauma ũthi nyũmbani yonthe ya Isilaeli.</verse>
				<verse number="5">Ũũ nĩw’o Mwĩaĩi Yeova ũnũkwasya: Ĩno nĩ Yelusaleme; nĩnĩmiĩte katĩ wa i mbaĩ, na nthĩ nimĩthyũlũlũkĩte.</verse>
				<verse number="6">Na nĩng’endee motw’ĩo makwa ĩkĩka ũthũku kũthonoka i mbaĩ, na kũng’endea myamũlo yakwa kũthonoka nthĩ ila imĩthyũlũlũkĩte; nũndũ nĩmaleete motw’ĩo makwa, na ũndũ wa myamũlo yakwa, matyaaenda nthĩnĩ wayo.</verse>
				<verse number="7">Kwondũ wa ũu Mwĩaĩi Yeova easya: Nĩkwĩthĩwa mwĩ kĩthokoo kũvĩta mbaĩ ila imũthyũlũlũkĩte, na mũtyaaenda myamũlonĩ yakwa, o na mũtyaakwata motw’ĩo makwa, o na mũtyaaatĩĩa motw’ĩo ma mbaĩ ila imũthyũlũlũkĩte;</verse>
				<verse number="8">kwondũ wa ũu Mwĩaĩi Yeova easya: Sisya, nyie, o nyie, nĩ na ũndũ naku; na ngakũsilĩla mbaĩ syene.</verse>
				<verse number="9">Na ngeeka nthĩnĩ waku ũndũ ndaamba kwĩka, na ũla ndakeka ĩngĩ ũndũ ũilyĩ taw’o, nũndũ wa mothatyo maku onthe.</verse>
				<verse number="10">Kwondũ wa ũu aaĩthe makaya ana ala me kwaku, na ana makaya aaĩthe moo; na ngakũsilĩla; na ũtialo w’onthe waku ngoonyaĩĩkya isevenĩ syonthe.</verse>
				<verse number="11">Kwondũ wa ũu, o tondũ nĩ thayũ, easya Mwĩaĩi Yeova, vate ndĩi, nũndũ nũvukĩtye vala vandũ vakwa vatheu na syĩndũ syaku syonthe imenetwe, na mothatyo maku onthe, kwondũ wa ũu ngakũnyivya; o na ĩtho yakwa yĩtikaekea, o nakwa ndikew’ĩa tei.</verse>
				<verse number="12">Kĩlungu kya katatũ kyaku kĩkooawa nĩ mũimũ, na makaminĩwa nĩ yũa katĩ waku; na kĩlungu kĩngĩ kĩkavalũkw’a na ũvyũ kũũthyũlũlũka; na kĩlungu kĩla kĩngĩ nganyaĩĩkya isevenĩ syonthe, na ngamaatĩĩa nĩkũĩte ũvyũ.</verse>
				<verse number="13">Ũu nĩw’o ũthatu wakwa ũkeanĩw’a, na ngatuma ũthilĩku wakwa kwoo ũthela, na ngakiakiĩka: na makamanya kana nyie, Yeova, nĩnĩneenete kĩwĩunĩ kyakwa, yĩla nĩĩthĩwa nĩanĩsye ũthilĩku wakwa ĩũlũ woo.</verse>
				<verse number="14">O na ĩngĩ ngakũtw’ĩkĩthya ĩanzo na wa kũvũthĩĩw’a katĩ wa mbaĩ ila ikũthyũlũlũkĩte, metho ma onthe ala mavĩtaa makyona.</verse>
				<verse number="15">Kwondũ wa ũu ũndũ ũsu ũkeethĩwa kĩvũthya na ntheko, ũmanyĩsyo na ũseng’yo, kwa mbaĩ ila ikũthyũlũlũkĩte, yĩla ngakũsilĩla na ũthatu na kũthilĩka, na mokan’yo ma ũthilĩku (nyie, Yeova, nĩnĩneenete ũu);</verse>
				<verse number="16">yĩla ngamekĩsya mĩsyĩ mĩthũku ya yũa, ĩla ya kwananga, ĩla ngekya ĩmwanange. Na ngamwongeleela yũa, na ngatũla ndata yenyu ya kĩmũtũ;</verse>
				<verse number="17">na ngamũetee yũa na nyamũ mbai, na ikatuma ũkw’ĩĩwa; na mũimũ na nthakame ikavĩtĩla kwaku; na ngaete ũvyũ ĩũlũ waku; nyie, Yeova, nĩnĩneenete ũu.</verse>
			</chapter>
			<chapter number="6">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, lũlũmĩlya ũthyũ waku welekele iĩma sya Isilaeli, ũsyathanĩe,</verse>
				<verse number="3">ũkyasya, Inyw’ĩ iĩma sya Isilaeli, ĩthũkĩĩsyei ndeto ya Mwĩaĩi Yeova: Ũũ nĩw’o Mwĩaĩĩ Yeova ũnũũtavya iĩma na tũlĩma, mbũsĩ na myanda: Sisya, nyie, o nyie, ngaete ũvyũ ĩũlũ wenyu, na ngaananga kũndũ kwenyu kũtũlu.</verse>
				<verse number="4">Na ithembeo syenyu ikeethĩwa nthei, na mĩvw’anano yenyu ya syũa ĩkatũlangwa; na oawa menyu ngekya nthĩ mbee wa mĩvw’anano yenyu.</verse>
				<verse number="5">Na ngaia simba sya ana ma Isilaeli mbee wa mĩvw’anano yoo; na nganyaĩĩkya mavĩndĩ menyu kũthyũlũlũka ithembeo syenyu.</verse>
				<verse number="6">Motũonĩ menyu onthe ndũa ikatw’ĩka maanzo, na kũndũ kũtũlu kũkeethĩwa kwĩ kũthei; nĩ kana ithembeo syenyu syanangwe na kũtw’ĩkĩthw’a nthei, na mĩvw’anano yenyu ĩtũlangwe na kũekwa, na mĩvw’anano yenyu ya syũa ĩtilangwe, na mawĩa menyu manangwe vyũ.</verse>
				<verse number="7">Na oawa makavalũka katĩ wenyu, na mũkamanya ninyie Yeova.</verse>
				<verse number="8">Ĩndĩ ngatialya ũtialo, nũndũ mũkeethĩwa na amwe ala makavonoka ũvyũ me katĩ wa i mbaĩ, yĩla mũkanyaĩĩkĩw’a i nthĩ.</verse>
				<verse number="9">Na ala makavonoka ma inyw’ĩ makandilikanĩla me i mbaĩnĩ vala makatwawa me atave, ũndũ navevenzetwe ũndũ wa ngoo syoo mbathe, ila syandiie, na ũndũ wa metho moo, ala mekaa ũmalwaya makĩatĩĩa mĩvw’anano yoo: na makeekola methonĩ moo nũndũ wa mothũku ala meekie mothatyonĩ moo onthe.</verse>
				<verse number="10">Na makamanya ninyie Yeova. Ndyaaneena mana atĩ ngameka ũthũku ũsu.</verse>
				<verse number="11">Ũũ nĩw’o Mwĩaĩi Yeova ũnũkwasya: Kũnan’ya ũvĩ waku, na tua nthĩ na kũũ kwaku, noiasya, Ĩiaa! Nũndũ wa mothatyo onthe mathũku ma nyũmba ya Isilaeli; nũndũ makavalũkw’a na ũvyũ, na yũa, na mũimũ.</verse>
				<verse number="12">Ũla wĩ kũasa akooawa nĩ mũimũ; na ũla wĩ vakuvĩ akavalũkw’a na ũvyũ; na ũla wĩtiala na kũtw’ĩkanĩw’a akooawa nĩ yũa: ũu nĩw’o ngeanĩsya ũthilĩku wakwa kwoo.</verse>
				<verse number="13">Na mũkamanya ninyie Yeova, yĩla oawa moo makethĩwa katĩ wa mĩvw’anano yoo mathyũlũlũkĩte ithembeo syoo, ĩũlũ wa kĩla kalĩma katũlu, mĩtumbĩnĩ ya iĩma syonthe, na ĩtina wa kĩla mũtĩ mwĩũ, na ĩtina wa kĩla mũtĩ mũthungu wa mwaloni, kũndũ kũla mamĩtoeeasya mĩvw’anano yoo yonthe mũuke mũseo.</verse>
				<verse number="14">Na ngatambũũkya kw’oko kwakwa ĩũlũ woo, na kũtw’ĩkĩthya nthĩ nthei na mbanangĩku, kuma weũnĩ kwelekela Ndivila, o motũonĩ moo onthe; na makamanya ninyie Yeova.</verse>
			</chapter>
			<chapter number="7">
				<verse number="1">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="2">Naku, mwana wa mũndũ, ũũ nĩw’o Mwĩaĩi Yeova ũnũũtavya nthĩ ya Isilaeli, Mũminũkĩlyo: mũminũkĩlyo nũvikĩe ikotonĩ inya sya nthĩ.</verse>
				<verse number="3">Yu mũminũkĩlyo nũkũvikĩe, na nĩngũete ũthatu wakwa ĩũlũ waku, na nĩngũũsilĩla kwĩanana na mĩendele yaku; na nĩngũete mothatyo maku onthe ĩũlũ waku.</verse>
				<verse number="4">Na itho yakwa yĩtikakũekea, o na ndikew’ĩa tei; ĩndĩ ngaete mĩendele yaku ĩũlũ waku, na mothatyo maku makeethĩwa katĩ waku: na mũkamanya ninyie Yeova.</verse>
				<verse number="5">Ũũ nĩw’o Mwĩaĩi Yeova ũnũkwasya: Ũthũku, o ũthũku w’oka; sisya, nĩwũkĩte.</verse>
				<verse number="6">Mũminũkĩlyo nĩ mũviku, mũminũkĩlyo nĩ mũviku; nũkũamũkĩe; sisya, nĩwũkĩte.</verse>
				<verse number="7">Ĩvinda yaku ya kũsilĩlwa nĩyĩkũkĩe, we ũla ũtwĩe ĩ nthĩ: ĩvinda nĩ ĩviku, mũthenya nĩ mũthengeeu, mũthenya wa kĩtuu, na ti wasya wa ũtanu, iĩmanĩ ĩũlũ.</verse>
				<verse number="8">Yu mĩtũkĩ ngakwonoesya ũthilĩkũ wakwa, na kwĩanĩsya ũthatu wakwa ĩũlũ waku, na ngakũsilĩla kwĩanana na mĩendele yaku; na ngaete ĩũlũ waku, mothatyo maku onthe.</verse>
				<verse number="9">Na itho yakwa yĩtikaekea, o na ndikew’ĩa tei: ngaete ĩũlũ waku kwĩanana na mĩendele yaku; na mothatyo maku makeethĩwa katĩ waku; na mũkamanya nyie, Yeova, nĩngũnaa.</verse>
				<verse number="10">Sisya, ũla mũthenya, sisya, nĩwũkĩte: ĩvinda yaku ya kũsilĩlwa nĩyaumĩla; ndata nĩlaũkĩte, ngathĩĩo nĩthongooetye.</verse>
				<verse number="11">Ung’endu nĩwũkĩlĩte ũkatw’ĩka ndata ya ũthũku; vai ũmwe woo ũkatiala, kana wa wingĩ woo, kana wa ũthwii woo: o na kũikethĩwa kwĩtũlya katĩ woo.</verse>
				<verse number="12">Ĩvĩnda nĩ ĩviku, mũthenya nĩ mũthengeeu: mũthooi ndakatane, o na mũthoosya ndakaĩe; nũndũ ũthilĩku wĩ ĩũlũ wa wingĩ woo w’onthe.</verse>
				<verse number="13">Nũndũ mũthoosya ndakasyokea kĩla kyathooiw’e, o na ethĩwa me thayũ: nũndũ ũ woni nĩ ũndũ wa wingĩ woo w’onthe, vaĩ ũla ũkasyoka; o na vai ũla ũkeyĩkĩa vinya e ũthũkunĩ wa thayũ wake.</verse>
				<verse number="14">Nĩmavuvĩte soo, na nĩmombanĩtye onthe; ĩndĩ vai ũla ũendaa kaũnĩ; nũndũ ũthilĩku wakwa wĩ ĩũlũ wa wingĩ woo w’onthe.</verse>
				<verse number="15">Ũvyũ wĩ nza, na mũimũ na yũa syĩ nthĩnĩ: ũla wĩ mũũndanĩ akooawa na ũvyũ; na ũla wĩ ndũanĩ, akaminwa nĩ yũa na mũimũ.</verse>
				<verse number="16">Ĩndĩ andũ moo ala makathonoka, makathonoka, na makeethĩwa iĩmanĩ ta mavũĩ ma myandanĩ, onthe makĩkayaa, kĩla ũmwe e ũthũkunĩ wake.</verse>
				<verse number="17">Moko onthe makaleela, na mau onthe makeethĩwa mate vinya ta manzĩ.</verse>
				<verse number="18">O na makeevotoa makunĩa na w’ĩa mũnene ũkamavw’ĩka; na nthoni ĩkeethĩwa mothyũnĩ onthe, na maũvaa mĩtwenĩ yoo yonthe.</verse>
				<verse number="19">Makekangya vetha woo nzĩanĩ nene, na thaavu woo ũkeethĩwa ta kĩndũ kĩvuku; vetha woo na thaavu woo itikatonya kũmavonokya mũthenya wa ũthilĩku wa Yeova: itikavũn’ya mathayũ moo, kana kusũsya mavu moo; nĩkwĩthĩwa nĩsyo syamalulutĩkilye ũthũkunĩ woo.</verse>
				<verse number="20">Ũndũ wa ũseo wa wanake wake, nĩwawiĩe ndaĩa; ĩndĩ mĩnaseũvisye mĩvw’anano ya mothatyo moo na ya syĩndũ syoo imenetwe nthĩnĩ waw’o: kwondũ wa ũu nĩnũtw’ĩkĩthĩtye kwoo kĩndũ kĩvuku.</verse>
				<verse number="21">Na ngoonengane mokonĩ ma aeni wĩthĩwe mbuta, na kwa athũku ma nthĩ wĩthĩwe mũtavo; nao makoovukya.</verse>
				<verse number="22">O na ngathyũũa ũthyũ wakwa ndũkamelekele, na makavukya vandũ vakwa va kĩmbithĩ; na avutani makavalika na kũvavukya.</verse>
				<verse number="23">Seũvya mũnyololo; nũndũ nthĩ nĩyusũĩte mavĩtyo me nthakame, na ndũa yusĩe ũng’endu.</verse>
				<verse number="24">Kwondũ wa ũu ngaete ila nthũku mũno sya i mbaĩ, na ikoosa nyũmba syoo syĩthĩwe syasyo: o na ngatuma ngathĩĩo ya ala me vinya ĩthela; na kũndũ kwoo kũtheu kũkavukw’a.</verse>
				<verse number="25">Wanangĩko nĩwũkĩte; na makamantha mũuo, na kũikethĩwa.</verse>
				<verse number="26">Ũthũku ũkaatĩĩa ũthũku, na mawetango makaatĩĩa mawetango; na makamantha woni kwa mwathani; ĩndĩ mĩao ĩkaa kwa mũthembi, na ũtao kwa atumĩa.</verse>
				<verse number="27">Mũsumbĩ akameta, na mwana wa mũsumbĩ akavw’ĩkwa wanangĩko, na moko ma andũ ma ĩ nthĩ makathĩnw’a: ngameka o kwĩanana na mĩendele yoo, na ngamasilĩla kwĩanana na ũndũ ũmaĩle; na makamanya ninyie Yeova.</verse>
			</chapter>
			<chapter number="8">
				<verse number="1">Na kweethĩwa mwaka wa thanthatũ, mwei wa thanthatũ, mũthenya wa katano wa mwei, yĩla nekalĩte nyũmbanĩ yakwa, na atumĩa ma Yuta mekalĩte mbee wakwa, kw’oko kwa Mwĩaĩi Yeova kwambalũkĩla nĩ kw’o.</verse>
				<verse number="2">Na ĩndĩ noona, na, sisya, mũvw’ano kwoneka kwaw’o wailyĩ mwaki; kuma mũvw’anĩlenĩ wa kĩnyunyu kyake na kũtheea, kwailyĩ mwaki; na kũma kĩnyunyu kyake na kwambata, kũsiw’anĩ kwailyĩ ũtisu, o ta ũthuku wakakaa.</verse>
				<verse number="3">Na atambũũkya kĩndũ kĩilyĩ kw’oko, na angwata kĩthũkũ kĩmwe kya mũtwe wakwa; na Veva ambũkĩlya katĩ wa nthĩ na ĩtu, na andwaa mawoninĩ ma Ngai ku Yelusaleme, mũomonĩ wa mbingĩlo ya nza ya nthĩnĩ ila yelekele ngalĩ ya ĩũlũ; vala vaĩ wĩkalo wa mũvw’anano wa kĩwĩu, ũla wĩkĩaa kĩwĩu.</verse>
				<verse number="4">Na, sisya, ũtheu mũtisu wa Ngai wa Isilaeli waĩ vo, kwĩanana na woni ũla noonee ũiĩnĩ.</verse>
				<verse number="5">Nĩvo ĩndĩ wambĩie, Mwana wa mũndũ, yu ũngalalya metho maku ũsisye nzĩa ĩla yelekele ngalĩ ya ĩũlũ. Kwondũ wa ũu naũngalalya metho makwa nasisya nzĩa ĩla yelekele ngalĩ ya ĩũlũ, na sisya, ngalĩ ya ĩũlũ ya mbingĩlo ya kĩthembeo mũvw’anano ũsu wa kĩwĩu waĩ ũlikĩlonĩ.</verse>
				<verse number="6">Na ambĩa, Mwana wa mũndũ, nũkwona ũndũ mekwĩka? O mothatyo manene ala andũ ma nyũmba ya Isilaeli mekĩaa vaa, nĩ kana nĩende kũasa na vandũ vakwa vatheu? Ĩndĩ ũkoona ĩngĩ mothatyo angĩ manene.</verse>
				<verse number="7">Na andete mũomonĩ wa nza; na yĩla nasiisye, sisya, ĩima ũvainĩ.</verse>
				<verse number="8">Nĩvo ĩndĩ wambĩie, Mwana wa mũndũ yu vũthũa ũvai: na yĩla navũthũie ũvai, sisya, mũomo.</verse>
				<verse number="9">Na ambĩa, Lika, wone mothatyo mathũku ala mekĩaa vaa.</verse>
				<verse number="10">Kwondũ wa ũu nalika na noona; na sisya, kĩla mũvw’ano wa tũsamũ tũla tũtambũkaa, na nyamũ imene, na mĩvw’anano yonthe ya nyũmba ya Isilaeli, syavanĩtwe ũvainĩ, ngalĩ syonthe.</verse>
				<verse number="11">Na kwaũngama mbee wasyo aũme mĩongo mũonza ma atumĩa ma nyũmba ya Isilaeli; na Yaasania mwana wa Savani aũngama katĩ woo, kĩla mũndũ e na kĩtoeesya kyake kw’okonĩ kwake; na mũuke wa mũumbĩ wa ũvani wambata.</verse>
				<verse number="12">Nĩvo ĩndĩ wangũlilye, Mwana wa mũndũ, nĩwonete ũndũ atumĩa ma nyũmba ya Isilaeli mekĩaa kĩvindunĩ, kĩla mũndũ tũsũmbanĩ twake twa mĩvw’anano? Nũndũ measya, Yeova ndatwonaa; Yeova nũtiĩte ĩ nthĩ.</verse>
				<verse number="13">Na ĩngĩ ambĩa, Ũkoona ĩngĩ mothatyo angĩ manene ala mekaa.</verse>
				<verse number="14">Na ĩndĩ andete mũomonĩ wa mbingĩlo ya nyũmba ya Yeova ĩla yelekele ngalĩ ya ĩũlũ; na sisya, aka mekalĩte vo makĩĩĩa Tamusi.</verse>
				<verse number="15">Nĩvo ĩndĩ wangũlilye, Nĩwonete ũu, we mwana wa mũndũ? Ũkoona ĩngĩ mothatyo angĩ manene kũvĩtũka aa.</verse>
				<verse number="16">Na andete nza ya nthĩnĩ ya nyũmba ya Yeova; na sisya, nũomonĩ wa ĩkalũ ya Yeova, katĩ wa valasya na kĩthembeo, kwaĩ aũme ta mĩongo ĩlĩ na atano, mĩongo yoo yelekele ĩkalũ ya Yeova, na mothyũ moo melekele wumĩlonĩ wa syũa; na maĩ vo makĩthaitha syũa melekele wumĩlonĩ wa syũa.</verse>
				<verse number="17">Na ĩndĩ angũlya, Nĩwonete ũu, we mwana wa mũndũ? Nĩ ũndũ ũnini kwa nyũmba ya Yuta mekae mothatyo ala mekĩaa vaa? Nũndũ nĩmausũĩtye nthĩ ũng’endu, na nĩmethyũũĩte ĩngĩ manthatye: na, sisya, mathengeesyaa kaũvonge, manyiũũnĩ.</verse>
				<verse number="18">Kwondũ wa ũu nakwa ngeeka na ũthatu; itho yakwa yĩtikaekea, o na ndikew’ĩa tei; o na ethĩwa makaĩĩa matũnĩ makwa na wasya mũnene, ndikamew’a.</verse>
			</chapter>
			<chapter number="9">
				<verse number="1">Nĩvo ĩndĩ waneenie na wasya mũnene matũnĩ makwa, akĩmbĩa, Thengeesya ala me na wĩai ndũanĩ, kĩla mũndũ e na mũio wake wa kaũ wa kwananga kw’okonĩ kwake.</verse>
				<verse number="2">Na sisya, aũme thanthatũ mooka na nzĩa ya mbingĩlo ya ĩũlũ, ĩla yelekele ngalĩ ya ĩũlũ, kĩla mũndũ e na mũio wake wa kaũ wa kũaa kw’okonĩ kwake; na mũndũ ũmwe katĩ woo eevw’ĩkĩte ngũa ya katane, e na ũvya wa ingi wa mũandĩki kĩnyunyunĩ kyake. Na malika, na maũngama ũtee wa kĩthembeo kya ũthuku.</verse>
				<verse number="3">Na ũtheu mũtisu wa Ngai wa Isilaeli waĩ ũnambata kuma ĩũlũ wa mũkeluvi, vala wekalaa, kũvika mwalyonĩ wa mũomo wa nyũmba: na amwĩta mũndũ ũla wevw’ĩkĩte ngũa ya katane, ũla waĩ na ũvya wa ingi wa mũandĩki kĩnyunyunĩ kyake.</verse>
				<verse number="4">Na Yeova amwĩa, Vĩtĩla katĩ wa ndũa, katĩ wa Yelusaleme, noiĩkĩa ũvano itulyanĩ sya andũ ala mavevũũkaa na ala maĩaa nũndũ wa mothatyo onthe ala mekawa katĩ wayo.</verse>
				<verse number="5">Na amea ala angĩ ngĩw’a na matũ makwa, Vĩtĩlai ndũanĩ ĩtina wake, na mũikũna: itho yenyu yĩtĩkaekee, o na mũtikew’ĩe tei;</verse>
				<verse number="6">ũaai vyũ mũtumĩa, mwanake na mwĩĩtu mũtheu, na syana nini na aka; ĩndĩ mũtikathengeee mũndũ o na wĩva ũla wĩ na ũla ũvano: na ambĩlĩlyai vala vandũ vakwa vatheu. Na ĩndĩ mambĩlĩlya na atumĩa ala maĩ mbee wa ĩ nyũmba.</verse>
				<verse number="7">Na amea, Vukyai ĩ nyũmba, na mũyusũsya nza ala mooawa: umaalai. Na maumaala, na makũna ndũa.</verse>
				<verse number="8">Na kweethĩwa yĩla maĩ makĩkũna, nakwa nĩtiĩtwe, navalũka na ũthyũ wakwa, na naĩa, na nasya, A! Mwĩaĩi Yeova! Ũkaananga ũtĩalo w’onthe wa Isilaeli kwonosyanĩ kwaku kwa ũthilĩku waku ĩũlũ wa Yelusaleme?</verse>
				<verse number="9">Nĩvo ĩndĩ wambĩie, Ũthũku wa nyũmba ya Isilaeli na Yuta nĩ mũnene mũno, na nthĩ nĩyusũĩte nthakame, na ndũa ũng’endu: nũndũ measya, Yeova nũtiĩte ĩ nthĩ, na Yeova ndonaa.</verse>
				<verse number="10">Na ngalĩ ĩ yakwa, itho yakwa yĩtikaekea, o na ndikew’ĩa tei, ĩndĩ ngaete mĩendele yoo mĩtwenĩ yoo.</verse>
				<verse number="11">Na, sisya, ũla mũndũ wevw’ĩkĩte ngũa ya katane, ũla waĩ na ũvya wa ingĩ kĩnyunyunĩ kyake, atũnga ũvoo, akyasya, Nĩnĩkĩte o ũndũ wambĩaĩe.</verse>
			</chapter>
			<chapter number="10">
				<verse number="1">Na ĩndĩ noona, na, sisya, yayayanĩ yĩla yaĩ ĩũlũ wa mĩtwe ya akeluvi kwoonekie ĩũlũ woo kĩndũ kĩilyĩ kavila ka savili, ta mwonekele wa mũvw’ano wa kĩvĩla kya ũsumbĩ.</verse>
				<verse number="2">Na aneena na ũla mũndũ wevw’ĩkĩte ngũa ya katane, na amwĩa, Lika katĩ wa ndĩa ila ithyũlũlũkaa, o ungu wa mũkeluvi noyusũsya moko maku elĩ makaa ma mwaki kuma katĩ wa akeluvi, noimanyaĩĩkya ndũanĩ. Na alika nĩmwene.</verse>
				<verse number="3">Na akeluvi maũngama ngalĩ ya kw’oko kwa aũme kwa nyũmba, yĩla ũla mũndũ walikile; na ũla mũumbĩ wausũa nza ya nthĩnĩ.</verse>
				<verse number="4">Na ũtheu mũtisu wa Yeova wambata kuma mũkeluvinĩ, na waũngama mwalyonĩ wa mũomo wa nyũmba; na nyũmba yausũwa nĩ mũumbĩ, na nza yausũĩtwe nĩ ũtisũku wa ũtheu mũtisu wa Yeova.</verse>
				<verse number="5">Na kĩuumo kya nthwau sya akeluvi nĩkyeew’ĩkie kũvika nza yĩ ũtee, ta wasya wa Ngai Mwene Vinya W’onthe yĩla ũnũũneena.</verse>
				<verse number="6">Na kweethĩwa, yĩla weaĩe mũndũ ũla wevw’ĩkĩte ngũa ya katane, akĩmwĩa, Osa mwaki kuma katĩ wa ndĩa ila ithyũlũlũkaa, kuma katĩ wa akeluvi, alika, na aũngama ũtee wa ndĩa ĩmwe.</verse>
				<verse number="7">Na mũkeluvi atambũũkya kw’oko kwake kuma katĩ wa akeluvĩ kũvika mwakinĩ ũla waĩ katĩ wa akeluvi, na awosa, ne eekĩa mokonĩ ma ũla wevw’ĩkĩte ngũa ya katane, nake awosa na aumaala.</verse>
				<verse number="8">Na kwaumĩla akeluvinĩ mũvw’ano wa kw’oko kwa mũndũ ungu wa nthwau syoo.</verse>
				<verse number="9">Na noona, na sisya, ndĩa inya ũtee wa akeluvi, ndĩa ĩmwe ũtee wa mũkeluvi ũmwe, na ndĩa ĩngĩ ũtee wa mũkeluvi ũngĩ; na mũvw’anĩle wa ndĩa wailyĩ kavila ka nzumalati.</verse>
				<verse number="10">Na ũndũ wa mwonekele woo, asu ana maĩ na mũvw’ano ũmwe, ta ndĩa yaĩ nthĩnĩ wa ndĩa.</verse>
				<verse number="11">Yĩla maendaa, maendaa ngalĩ syoo inya: matyeethyũũaa makĩthi, ĩndĩ o vala mũtwe wasyaĩtye mayũvikĩla; matyeethyũũaa makĩthi.</verse>
				<verse number="12">Na mĩĩ yoo yonthe, na mĩongo yoo, na moko moo, na nthwau syoo, na ila ndĩa kwausũĩte metho ngalĩ syonthe, o ndĩa ila asu ana maĩ nasyo.</verse>
				<verse number="13">Ũndũ wa ndĩa isu, nĩsyeetiwe ngĩw’a na matũ makwa ndĩa ithyũlũlũkaa.</verse>
				<verse number="14">Na kĩla ũmwe aĩ na mothyũ ana: ũthyũ wa mbee waĩ ũthyũ wa mũkeluvi, na ũthyũ wa kelĩ waĩ ũthyũ wa mũndũ, na wa katatũ ũthyũ wa mũnyambũ, na wa kana ũthyũ wa ndiũ.</verse>
				<verse number="15">Na akeluvi mambata: kyu nĩkyo kyũmbe kĩ thayũ kĩla noonie vakuvĩ na ũsĩ wa Kevali.</verse>
				<verse number="16">Na yĩla akeluvi maendaa, ndĩa nĩsyaendaa ũtee woo; na yĩla akeluvi mookĩlilye nthwau syoo mambate kuma nthĩ, ndĩa nasyo ityaathyũũũka kũtaanĩsya namo.</verse>
				<verse number="17">Yĩla maũngamaa, isu nĩsyaũngamaa; na yĩla mambataa, isu nĩsyambataa vamwe namo: nũndũ veva wa kyũmbe kĩ thayũ waĩ nthĩnĩ wasyo.</verse>
				<verse number="18">Na ũtheu mũtisu wa Yeova waumaala kuma ĩũlũ wa mwalyo wa mũomo wa nyũmba, na waũngama ĩũlũ wa akeluvi.</verse>
				<verse number="19">Na akeluvi mookĩlya nthwau syoo, na mambata kuma nthĩ yĩla maumaalile nene na metho makwa, na ndĩa ũtee woo: na maũngama mũomonĩ wa mbingĩlo ya ngalĩ ya wumĩlonĩ wa syũa ya nyũmba ya Yeova; na ũtheu mũtisu wa Ngai wa Isilaeli waĩ ĩũlũ woo.</verse>
				<verse number="20">Kyu nĩkyo kyũmbe kĩ thayũ kĩla noonie ĩtheo wa Ngai wa Isilaeli vakuvĩ na ũsĩ wa Kevali; na namanya nĩ akeluvi.</verse>
				<verse number="21">Kĩla ũmwe aĩ na mothyũ ana, na kĩla ũmwe nthwau inya; na mũvw’ano wa moko ma mũndũ waĩ ungu wa nthwau syoo.</verse>
				<verse number="22">Na ũndũ wa mũvw’ano wa mothyũ moo, maĩ mothyũ ala noonie vakuvĩ na ũsĩ wa Kevali, mwonekelenĩ woo o namo; nĩmaendaa mbee ũmwe na ũmwe malũngalĩte.</verse>
			</chapter>
			<chapter number="11">
				<verse number="1">Na ĩngĩ Veva nĩwambũkĩlilye, na andete mbingĩlonĩ ya ngalĩ ya wumĩlonĩ wa syũa ya myũmba ya Yeova, ĩla yelekele wumĩlonĩ wa syũa: na sisya, mũomonĩ wa mbingĩlo aũme mĩongo ĩlĩ atano; na noona katĩ woo Yaasania mwana wa Asulu, na Velatia mwana wa Mbenaia, anene ma andũ.</verse>
				<verse number="2">Na ambĩa, Mwana wa mũndũ, aa nĩo andũ ala masũanĩaa ũthũku, na manenganae ũtao mũthũku ndũanĩ ĩno;</verse>
				<verse number="3">ala maasya, Ĩvinda ti ĩthengeeu ya kwaka nyũmba: ndũa ĩno nĩ kĩteve, na ithyĩ twĩ nyama.</verse>
				<verse number="4">Kwondũ wa ũu mathanĩe, athana, we mwana wa mũndũ.</verse>
				<verse number="5">Na Veva wa Yeova ambalũkĩla, na ambĩa, Neena, Ũũ nĩw’o Yeova ũnũkwasya: Ũũ nĩw’o ũla mũneenete, inyw’ĩ nyũmba ya Isilaeli; nũndũ nĩnĩsĩ maũndũ ala malikaa kĩlilikanonĩ kyenyu.</verse>
				<verse number="6">Nĩmwingĩvĩtye oawa menyu ndũanĩ ĩno, na nĩmusũĩtye nzĩa nene syayo ala moaĩtwe.</verse>
				<verse number="7">Kwondũ wa ũu Mwĩaĩi Yeova easya: Oawa menyu ala mwiĩte katĩ wayo, nĩmo nyama, na ndũa ĩno nĩyo kĩteve; ĩndĩ inyw’ĩ mũkaumwa nthĩnĩ wayo.</verse>
				<verse number="8">Nĩmũkĩĩte ũvyũ; na ngaete ũvyũ ĩũlũ wenyu, easya ũu Mwĩaĩi Yeova.</verse>
				<verse number="9">Na ngamumya nthĩnĩ wayo, na kũmũnengane mokonĩ ma aeni, na kũmũsilila.</verse>
				<verse number="10">Mũkavalũkw’a na ũvyũ; ngamũsilĩĩla mũvakanĩ wa Isilaeli; na mũkamanya ninyie Yeova.</verse>
				<verse number="11">Ndũa ĩno ndĩkethĩwa kĩteve kyenyu, o na inyw’ĩ mũtikethĩwa nyama nthĩnĩ wayo; ngamũsilĩĩla mũvakanĩ wa Isilaeli;</verse>
				<verse number="12">na mũkamanya ninyie Yeova; nũndũ mũtyaaenda myamũlonĩ yakwa, o na mũtyaaĩka motw’ĩo makwa, ĩndĩ nĩmwaatĩĩe motw’ĩo ma mbaĩ ila imũthyũlũlũkĩte.</verse>
				<verse number="13">Na kweethĩwa, yĩla nathanie, Velatia mwana wa Mbenaia akw’a. Nĩvo ĩndĩ navalũkile na ũthyũ wakwa, na naneena na wasya mũnene, na nasya, A! Mwĩaĩi Yeova! Ũkamina vyũ ũtialo wa Isilaeli?</verse>
				<verse number="14">Na ndeto ya Yeova yambũkĩa, ĩkĩmbĩa,</verse>
				<verse number="15">Mwana wa mũndũ, ana‐a‐ĩthe maku, o ana‐a‐ĩthe maku, andũ ma ũko waku, na andũ ma nyũmba yonthe ya Isilaeli, onthe, nĩmo ala mataviw’e nĩ andũ matwie Yelusaleme, Endai kũasa na Yeova; ithyĩ nĩtũnengetwe nthĩ ĩno yĩthĩwe ng’ũndũ yaitũ.</verse>
				<verse number="16">Kwondũ wa ũu neena, Ũũ nĩw’o Mwĩaĩi Yeova ũnũkwasya: O na kau nĩnĩmathamĩĩsye kũasa katĩ wa i mbaĩ, na nĩnĩmanyaĩĩkĩsye katĩ wa i nthĩ, ĩndĩ ngeethĩwa kwoo vandũ vavathan’ye kavinda kanini ku nthĩ ila mavikie.</verse>
				<verse number="17">Kwondũ wa ũu neena, Ũũ nĩw’o Mwĩaĩi Yeova ũnũkwasya: Ngamũmban’ya kuma ngonĩ sya andũ, na kũmũkomanĩsya vamwe kuma nthĩ kũla mwanyaĩĩkiw’e, na ngamũnenga nthĩ ya Isilaeli.</verse>
				<verse number="18">Nao makooka vo, na makaveta syĩndũ syonthe ila imenetwe sya vo na mothatyo onthe ma vo.</verse>
				<verse number="19">Na ngamanenga ngoo ĩmwe, na ngeekĩa veva mweũ nthĩnĩ wenyu; na ngaumya mwĩĩnĩ woo ngoo ya ĩvia, na ngamanenga ngoo ya nyama;</verse>
				<verse number="20">nĩ kana makinyae myamũlonĩ yakwa, na kũkwataa motw’ĩo makwa, na kũmekaa: nao makeethĩwa andũ makwa, nakwa ngeethĩwa Ngai woo.</verse>
				<verse number="21">Ĩndĩ ũndũ wa asu ala ngoo syoo iatĩĩaa ngoo ya syĩndũ syoo ila imenetwe na mothatyo moo, ngaete mĩendele yoo mĩtwenĩ yoo ene, easya ũu Mwĩaĩi Yeova.</verse>
				<verse number="22">Nĩvo ĩndĩ akeluvi mookĩlilye nthwau syoo, na ndĩa syaĩ ũtee woo; na ũtheu mũtisu wa Ngai wa Isilaeli waĩ ĩũlũ woo.</verse>
				<verse number="23">Na ũtheu mũtisu wa Yeova wambata kuma ndũanĩ katĩ, na waũngama kĩĩmanĩ kĩla kĩ ngalĩ ya wumĩlonĩ, wa syũa ya ndũa.</verse>
				<verse number="24">Na Veva ambũkĩlya, na andwaa nĩ woninĩ ũndũ wa vinya wa Veva wa Ngai ku Kalitei, kwa ala mataviwe. Naw’o woni ũla nonete wandia.</verse>
				<verse number="25">Nĩvo ĩndĩ namatavisye ala matavĩtwe maũndũ onthe ala Yeova wambonetye.</verse>
			</chapter>
			<chapter number="12">
				<verse number="1">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, nĩwĩkalaa katĩ wa nyũmba ng’endu, ala me na metho ma kwona, na matyonaa, ala me na matũ ma kwĩw’a na matyĩw’aa; nũndũ nĩ nyũmba ng’endu.</verse>
				<verse number="3">Kwondũ wa ũu, we mwana wa mũndũ, ũmban’ya mĩio ũndũ wa kũthama, noithama mũthenya mene; na ũkathame kuma vandũ vaku kũthi vandũ vangĩ mene: nokwĩthĩwa makasũanĩa, o na kau nĩ nyũmba ng’endu.</verse>
				<verse number="4">Na ũkaumaalye mĩio yaku mũthenya mene, ya mĩio ya mũthamo; na ũkaumaale we mwene wĩoo mene, o tondũ andũ maumaalaa mathamĩthĩtw’e.</verse>
				<verse number="5">Vũthũa ĩima ũvainĩ mene, noikuĩla mĩio vo.</verse>
				<verse number="6">Mene na metho moo ũkamĩkue na kĩtuo kyaku, na kũmĩkũĩla kĩvindunĩ; ũkavw’ĩke ũthyũ waku, nĩ kana ndũkone ĩ nthĩ: nũndũ nĩnĩkwiĩte wĩthĩwe wonan’yo kwa nyũmba ya Isilaeli.</verse>
				<verse number="7">Na neeka o tondũ neeaĩwe: naumaalya mĩio yakwa mũthenya, o ta mĩio ya mũthamo, na wĩoo navũthũa ũvainĩ na kw’oko kwakwa: namyumaalya kĩvindunĩ, na namĩkua na kĩtuo kyakwa mene.</verse>
				<verse number="8">Na kĩoko ndeto ya Yeova yambũkĩa, ĩkĩmbĩa.</verse>
				<verse number="9">Mwana wa mũndũ, nyũmba ya Isilaeli, nyũmba ng’endu, ndĩnekũkũlya, Wĩĩka ata?</verse>
				<verse number="10">Ũmatavye, Ũũ nĩw’o Mwĩaĩi Yeova ũnũkwasya: Ndeto ĩno ngito nĩ ũvoo wa mũnene wĩ mbee ũsumbĩnĩ wa Yelusaleme, na nyũmba yonthe ya Isilaeli ala me vo katĩ woo.</verse>
				<verse number="11">Neena, Nyie nĩ wonan’yo wenyu: o tondũ neeka, now’o makekwa; makathamĩthw’a, maende me atave.</verse>
				<verse number="12">Na mũnene ũsu ũla wĩ katĩ woo akakũĩla kĩvindunĩ na kĩtuo kyake, na akaumaala: makavũthũa ũvai makuĩle vo: akavw’ĩka ũthyũ wake, nũndũ ndakona ĩ nthĩ na metho make.</verse>
				<verse number="13">Ngalan’ya kĩtei kyakwa ĩũlũ wake, na akakwatw’a nĩ kĩtei kyakwa; na ngamũtwaa Mbaviloni nthĩ ya Akalitei; ĩndĩ ndakamyona, o na kau akakw’ĩa kw’o.</verse>
				<verse number="14">Na ngamanyaĩĩkya melekele kĩla kĩseve onthe ala mamũthyũlũlũkĩte mamũtethye, na nguthu syake syonthe; na ngamaatĩĩa nĩkũĩte ũvyũ.</verse>
				<verse number="15">Na makamanya ninyie Yeova, yĩla ngamanyaĩĩkya mbaĩnĩ, na kũmekangya kũũ na kũũ nthĩnĩ wa i nthĩ.</verse>
				<verse number="16">Ĩndĩ ngatialya andũ avũthũ moo mavonoke ũvyũ, na yũa, na mũimũ; nĩ kana matavanasye mothatyo moo onthe katĩ wa i mbaĩ kũla methi; na makamanya ninyie Yeova.</verse>
				<verse number="17">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="18">Mwana wa mũndũ, ya kĩmũtũ kyaku ũitelemanga, noinyw’a manzĩ maku na kũtelemanga na kũkĩa;</verse>
				<verse number="19">na matavye andũ ma ĩ nthĩ, Uũ nĩw’o Mwĩaĩĩ Yeova ũnũkwasya ũndũ wa ala matwĩe Yelusaleme, na nthĩ ya Isilaeli: Makaya kĩmũtũ kyoo na w’ĩa, na kũnyw’a manzĩ moo makĩteva, nũndũ nthĩ yake ĩkeethĩwa nthei, nĩ kũtavĩwa kyonthe kĩla kĩ nthĩnĩ wayo, nũndũ wa ũng’endu wa onthe ala mamĩtwĩe.</verse>
				<verse number="20">Na ndũa ila syĩ na andũ ikatw’ĩka maanzo, na nthĩ ĩkeethĩwa nthei; na mũkamanya ninyie Yeova.</verse>
				<verse number="21">Na ndeto ya Yeova yambũkĩa, ĩkĩmbĩa,</verse>
				<verse number="22">Mwana wa mũndũ, nthimo ĩno ĩla mwĩ nayo nthĩ ya Isilaeli nĩ myaũ, ĩkwasya, Mĩthenya nĩyongelekete, na kĩla woni ndũkwĩanĩw’a?</verse>
				<verse number="23">Kwondũ wa ũu matavye, Ũũ nĩw’o mwĩaĩi Yeova ũnũkwasya: Ngamina nthimo ĩsu, na matĩkamĩneena ĩngĩ ta nthimo nthĩnĩ wa Isilaeli; ĩndĩ matavye, Mĩthenya nĩ mĩthengeeu, na wĩanĩsyo wa kĩla woni.</verse>
				<verse number="24">Nũndũ kũtikethĩwa ĩngĩ woni wa ũvũngũ kana kũaũsya kwa ngathĩĩo nthĩnĩ wa nyũmba ya Isilaeli.</verse>
				<verse number="25">Nũndũ ninyie Yeova; nganeena, na ndeto ila nganeena ĩkeanĩw’a; ndĩkaselewa ĩngĩ: nũndũ mĩthenyanĩ yenyu, we nyũmba ng’endu, nganeena ĩla ndeto, na ngamĩanĩsya, easya ũu Mwĩaĩi Yeova.</verse>
				<verse number="26">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="27">Mwana wa mũndũ, sisya, ala ma nyũmba ya Isilaeli measya, Woni ũla ũnũkwona nĩ wa mĩthenya mingĩ yũkĩte, na nũnũkwathana ũvoo wa mavinda me kũasa.</verse>
				<verse number="28">Kwondũ wa ũu matavye, Ũũ nĩw’o Mwĩaĩi Yeova ũnũkwasya: Kũikaselewa ĩngĩ o na ĩmwe ya ndeto syakwa, ĩndĩ ndeto ĩla nganeena ĩkeanĩw’a, easya ũu Mwĩaĩi Yeova.</verse>
			</chapter>
			<chapter number="13">
				<verse number="1">Na ndeto ya Yeova yambũkĩa, ĩkĩmbĩa.</verse>
				<verse number="2">Mwana wa mũndũ, mathanĩe athani ma Isilaeli ala mathanaa, noimatavya ala mathanaa kuma ngoonĩ syoo ene, Ĩw’ai ndeto ya Yeova:</verse>
				<verse number="3">Ũũ nĩw’o Mwĩaĩi Yeova ũnũkwasya: Woo nĩ wa athani atumanu, ala maatĩĩaa veva woo ene, na matyaaona ũndũ!</verse>
				<verse number="4">We Isilaeli, athani maku methĩĩtwe ta mbĩwa syĩ kũndũ kwanangĩku.</verse>
				<verse number="5">Inyw’ĩ mũtyaambata movũthũeni, o na mũtyaaaka ũvai kwondũ wa nyũmba ya Isilaeli, nĩ kana mũũngame kaũnĩ mũthenya wa Yeova.</verse>
				<verse number="6">Nĩmonete maũndũ ma ũvũngũ, na ũvũngũ wa kũaũsya, ala maasya, Yeova easya; ĩndĩ Yeova ndaamatũma: na matuma andũ methĩwa na wĩkwatyo kana ndeto ĩkeanĩw’a.</verse>
				<verse number="7">Mũtyaaona woni wa ũvũngũ, na mũtyaaneena ũvũngũ wa kũaũsya, ũndũ mũkwasya, Yeova easya; nakwa ndyaaneena?</verse>
				<verse number="8">Kwondũ wa ũu Mwĩaĩi Yeova easya atĩĩ: Nĩkwĩthĩwa nĩmũneenete ũvũngũ, na mwonete movũngũ, kwondũ wa ũu sisyai, nĩ na ũndũ nenyu, easya ũu Mwĩaĩi Yeova.</verse>
				<verse number="9">Na kw’oko kwakwa kũkeethĩwa ĩũlũ wa athani ala monaa mawoni ma ũvũngũ, na maaũasya makengane; matikethĩwa nzamanĩ ya andũ makwa, o na matikaandĩkwa vala nyũmba ya Isilaeli ĩandĩkĩtwe, o na matikalika nthĩ ya Isilaeli; na mũkamanya ninyie Mwĩaĩi Yeova.</verse>
				<verse number="10">Nĩkwĩthĩwa, ĩĩ, nĩkwĩthĩwa nĩmavĩtĩthĩtye andũ makwa, makyasya, Mũuo; na vati mũuo; na yĩla ũmwe ũnũkwaka ũvai, sisya, nĩmekũvaka sokaa ũte mũlue nesa:</verse>
				<verse number="11">matavye ala meũvaka ũvai sokaa ũte mũlue nesa, ũkavalũka: kũkeethĩwa mbua ya mũono ĩtulĩtye; na inyw’ĩ, mavia manene ma mbua, mũkavalũka; na kĩseve kĩnene kĩkootembũa.</verse>
				<verse number="12">Sisya, yĩla ũvai wĩvalũka, mũikakũlw’a, Kũĩva kũvaka kũla mwĩũvakĩte?</verse>
				<verse number="13">Kwondũ wa ũu Mwĩaĩi Yeova easya atĩĩ: Ngootembũa na kĩseve kĩnene ũthilĩkunĩ wakwa; na kũkeethĩwa mbua ya mũono ĩtulĩtye ũthatunĩ wakwa, na mavia manene ma mbua ma kũmina ũvai ũthilĩkunĩ.</verse>
				<verse number="14">Now’o ngaomboa ũvai ũla mũvakĩte sokaa ũte mũlue nesa, na kũũvalũkya nthĩ, na ĩndĩ mwambĩlĩlyo waw’o ũkaumĩla; na ũkavalũka, na mũkaminĩwa vu: na mũkamanya ninyie Yeova.</verse>
				<verse number="15">O ta ũu ngeanĩsya ũthilĩku wakwa ũvainĩ, na andũnĩ ala movakĩte sokaa ũte mũlue nesa; na ngamwĩa. Ũvai ti vo ũĩ, o na ala movakie;</verse>
				<verse number="16">nao, nĩ athani ma Isilaeli ala mathanaa ũndũ wa Yelusaleme, ala monaa mawoni ma mũuo kwondũ wayo, na vati mũuo, easya ũu Mwĩaĩi Yeova.</verse>
				<verse number="17">Naku, mwana wa mũndũ, lutĩla eĩtu ma andũ maku ũthyũ waku, asu ala mathanaa kuma ngoonĩ syoo ene; noimathanĩa,</verse>
				<verse number="18">ũkyasya, Ũũ nĩw’o Mwĩaĩi Yeova ũnũkwasya: Woo nĩ wa aka ala matumĩaa mĩto ikokoa syonthe, na kũtuma itambaa sya mĩtwe ya andũ ma kĩla kĩũngamo matee mathayũ ma andũ! Mũkatea mathayũ ma andũ makwa, na kũtangĩĩa andũ mekale thayũ kwondũ wenyu?</verse>
				<verse number="19">Nĩmũmbukĩtye katĩ wa andũ makwa kwondũ wa mbĩ syusĩe mbaale na kwondũ wa ilungu sya imũtũ, mũae andũ mataĩle kũkw’a, na kũeka me thayũ ala mataĩle kwĩkala thayũ, ũndũ wa kũmatavya andũ makwa movũngũ ala methukĩĩasya movũngũ.</verse>
				<verse number="20">Kwondũ wa ũu Mwĩaĩi Yeova easya: Sisya, nĩ na ũndũ na mĩto yenyu, ĩla mũteaa mathayũ ma andũ nayo mũmaũlũkĩthye, na ngamĩtuka yume mokonĩ menyu; na ngaeka andũ mathi, o andũ ala mũmateaa mũmaũlũkye.</verse>
				<verse number="21">O na itambaa syenyu ngatembũanga, na kũvonokya andũ makwa kuma mokonĩ menyu, na matikethĩwa ĩngĩ mokonĩ menyu masyĩmwa; na mũkamanya ninyie Yeova.</verse>
				<verse number="22">Nikwĩthĩwa nĩmwĩw’ĩthĩtye woo na movũngũ ngoo ya alũngalu, ala ndaamew’ĩthya woo, na mwĩkĩĩte moko ma ũla mũthũku vinya, nĩ kana ndakasyoke kuma mũendelenĩ wake mũthũku, na kũtangĩĩwa ethĩwe thayũ;</verse>
				<verse number="23">kwondũ wa ũu mũtikona ĩngĩ mawoni ma ũvũngũ, kana kũaũsya: na ngavonokya andũ makwa kuma kw’okonĩ kwenyu; na mũkamanya ninyie Yeova.</verse>
			</chapter>
			<chapter number="14">
				<verse number="1">Nĩvo ĩndĩ nookĩwe nĩ amwe ma atumĩa ma Isilaeli, na mekala nthĩ mbee wakwa.</verse>
				<verse number="2">Na ndeto ya Yeova yambũkĩa, ĩkĩmbĩa,</verse>
				<verse number="3">Mwana wa mũndũ, andũ aa nĩmekĩĩte mĩvw’anano yoo ngoonĩ syoo, na maiĩte ũlulutĩkyo wa ũthũku woo mbee wa ũthyũ woo: nĩnaĩle kũkũlw’a nĩo ũndũ o na wĩva?</verse>
				<verse number="4">Kwondũ wa ũu neena nao, noimatavya, Ũũ nĩw’o Mwĩaĩi Yeova ũnũkwasya: Kĩla mũndũ wa nyũmba ya Isilaeli ũla wĩkĩĩte mĩvw’anano yake ngoonĩ yake, na kwia ũlulutĩkyo wa ũthũku wake mbee wa ũthyũ wake, na akyũka kwa mwathani; nyie Yeova ngamũsũngĩa ũndũnĩ ũsu kwĩanana na wingĩ wa mĩvw’anano yake;</verse>
				<verse number="5">nĩ kana nĩkwate nyũmba ya Isilaeli na ngoo syoo ene, nũndũ mo onthe nĩmataanĩsye nakwa kwondũ wa mĩvw’anano yoo.</verse>
				<verse number="6">Kwondũ wa ũu tavya nyũmba ya Isilaeli, Ũũ nĩw’o Mwĩaĩi Yeova ũnũkwasya: Syokai, na ĩthyũũei mũtie mĩvw’anano yenyu; na thyũũai mothyũ menyu matikasisye mothatyo menyu onthe.</verse>
				<verse number="7">Nũndũ kĩla ũmwe wa nyũmba ya Isilaeli, kana wa aeni ala mekalaa ũeni nthĩnĩ wa Isilaeli, ũla wĩtaanĩsya nakwa, na kwĩkĩa mĩvw’anano yake ngoonĩ yake, na kwia ũlulutĩkyo wa ũthũku wake mbee wa ũthyũ wake, na akyũka kwa mwathani ekũlĩlye kwakwa; nyie Yeova ngeesũngĩĩa:</verse>
				<verse number="8">na ngamũlutĩla mũndũ ũsu ũthyũ wakwa, na ngamũtw’ĩkĩthya ũseng’yo, ethĩwe wonan’yo na nthimo, na ngamũveta katĩ wa andũ makwa; na mũkamanya ninyie Yeova.</verse>
				<verse number="9">Na ethĩwa mwathani nũkengetwe na akaneena ndeto, nyie, Yeova, nĩnĩkengete mwathani ũsu, na ngamũtambũũkĩsya kw’oko kwakwa, na ngamwananga aume andũnĩ makwa Isilaeli.</verse>
				<verse number="10">Na makakua ũthũku woo: ũthũku wa mwathanĩ ũkethĩwa ta ũthũku wa ũla ũmũkũlasya;</verse>
				<verse number="11">nĩ kana nyũmba ya Isilaeli ndĩkaende ĩkyanganga ĩngĩ kũasa nakwa, kana kwĩthũkya ĩngĩ na movĩtyo moo onthe; ĩndĩ nĩ kana methĩwe andũ makwa, nakwa nĩthĩwe Ngai woo, easya ũu Mwĩaĩi Yeova.</verse>
				<verse number="12">Na ndeto ya Yeova yambũkĩa, ĩkĩmbĩa,</verse>
				<verse number="13">Mwana wa mũndũ, yĩla nthĩ ĩkambĩtanĩsya kwondũ wa kwĩka naĩ, nakwa ngamĩtambũũkĩsya kw’oko kwakwa, na kũtũla ndata ya kĩmũtũ kyayo, na kũmĩetee yũa, na kũveta kwayo mũndũ na nyamũ;</verse>
				<verse number="14">o na ethĩwa andũ aa atatũ, Noa, na Ndanieli, na Yovu, me kw’o, makavonokya no mathayũ moo ene kwondũ wa ũlũngalu woo, easya ũu Mwĩaĩi Yeova.</verse>
				<verse number="15">Ethĩwa ngavĩtĩlya nyamũ mbai ĩ nthĩ, na ĩkĩmyananga, na ĩkĩtw’ĩka nthei, ũkethĩa mũndũ o na wĩva ndatonya kũmĩvĩtĩla nũndũ wa nyamũ;</verse>
				<verse number="16">o na ethĩwa andũ asu atatũ me kw’o, o tondũ nĩ thayũ, easya Mwĩaĩi Yeova, matikavonokya ana kana eĩtu; o mo ene makavonoka, ĩndĩ ĩ nthĩ ĩkeethĩwa nthei.</verse>
				<verse number="17">Kana ethĩwa ngamĩetee nthĩ ĩsu ũvyũ, na ngasya, Ũvyũ, enda wangange ĩ nthĩ; nĩ kana nĩvete nthĩnĩ wayo mũndũ na nyamũ;</verse>
				<verse number="18">o na ethĩwa andũ asu atatũ me kw’o, o tondũ nĩ thayũ, matikavonokya ana kana eĩtu, ĩndĩ no mo ene makavonoka, easya ũu Mwĩaĩi Yeova.</verse>
				<verse number="19">Kana ethĩwa ngatũma mũimũ nthĩ ĩsu, na kũmyonoesya ũthilĩku wakwa wa kwĩtĩkya nthakame, nĩvete nthĩnĩ wayo mũndũ na nyamũ;</verse>
				<verse number="20">o na ethĩwa Noa, na Ndanieli, na Yovu, me kw’o, o tondũ nĩ thayũ, easya Mwĩaĩi Yeova, matikavonokya mwana kana mwĩĩtu; makavonokya no mathayũ moo ene kwondũ wa ũlũngalu woo.</verse>
				<verse number="21">Nũndũ ũũ nĩw’o Mwĩaĩi Yeova ũnũkwasya: Nĩ mbee veana ata yĩla ngaetee Yelusaleme mosilĩlo makwa ana mathũku, ũvyũ, na yũa, na nyamũ nthũku, na mũimũ, nĩvete nthĩnĩ wayo mũndũ na nyamũ!</verse>
				<verse number="22">Ĩndĩ, sisya, kũkatiala ũtialo nthĩnĩ wayo ũla ũkaumaalw’a, ana na eĩtu; sisya, makamumĩlĩla, na mũkoona mĩendele yoo na meko moo; na mũkakiakiw’a ũndũ wa ũthũku ũla nĩetete Yelusaleme, o w’onthe ũla nĩetete ĩũlũ wayo.</verse>
				<verse number="23">Na makamũkiakisya, yĩla mũkona mĩendele yoo na meko moo; na mũkamanya ndyaaĩka vate kĩtumi w’onthe ũla neekie nthĩnĩ wayo, easya ũu Mwĩaĩi Yeova.</verse>
			</chapter>
			<chapter number="15">
				<verse number="1">Na ndeto ya Yeova yambũkĩa, ĩkĩngũlya,</verse>
				<verse number="2">Mwana wa mũndũ, mũtĩ wa mũsavivũ ũvĩtũkĩte mĩtĩ ĩla ĩngĩ ũndũnĩ wĩva, ũvonge wa mũsavivũ ũla wĩ katĩ wa mĩtĩ ya mũtitũ?</verse>
				<verse number="3">Mũtĩ waw’o nĩwoswa ũkatethya wĩa o na wĩva? Kana andũ nĩmosa kyambo kyaw’o kya kwanĩka kĩndũ o na kĩva?</verse>
				<verse number="4">Sisya, nũkwĩkw’a mwakinĩ wĩthĩwe ngũ; mwaki nũvĩvĩtye mĩthya ĩli yaw’o, o na nũvĩvĩlw’e katĩ: nĩwaĩla wĩanĩ o na wĩva?</verse>
				<verse number="5">Sisya, yĩla waĩ mũima, ndwaĩ vata wĩanĩ o na wĩva: yu nĩ mbee mũno, yĩla mwaki ũminĩte kũwananga, na nũvĩvĩtw’e, kũtonya kũtethya wĩa o na wĩva!</verse>
				<verse number="6">Kwondũ wa ũu Mwĩaĩi Yeova easya: Ta mũtĩ wa mũsavivũ katĩ wa mĩtĩ ya mũtitũ, ũla nĩkĩĩte mwakinĩ wĩthĩwe ngũ, now’o nganengane ala matwĩe Yelusaleme.</verse>
				<verse number="7">Na ngamalutĩla ũthyũ wakwa; makauma mwakinĩ, ĩndĩ mwaki ũkamamina, na mũkamanya ninyie Yeova, yĩla nĩmalutĩla ũthyũ wakwa.</verse>
				<verse number="8">Na ngatw’ĩkĩthya nthĩ nthei, nũndũ nĩmavĩtĩtye, easya ũu Mwĩaĩi Yeova.</verse>
			</chapter>
			<chapter number="16">
				<verse number="1">Na ĩngĩ ndeto ya Yeova yambũkĩa, ĩkĩmbĩa.</verse>
				<verse number="2">Mwana wa mũndũ, manyĩthya Yelusaleme mothatyo mayo;</verse>
				<verse number="3">nokyasya, Ũũ nĩw’o Mwĩaĩi Yeova ũnũũtavya Yelusaleme: Wambĩlĩlyo waku na kũsyaĩwa kwaku nĩ nthĩ ya Mũkanaani; Mũamoli aĩ ĩthe waku, na inyia waku aĩ Mũĩtiti.</verse>
				<verse number="4">Na ũndũ wa kũsyawa kwaku, mũthenya ũla wasyaiwe mũkautĩ waku ndwaatilwa, o na ndwaathambw’a na manzĩ ũthee; ndwaavakwa mũnyũ, kana kũvw’ĩkwa ngũa ya ũkenge.</verse>
				<verse number="5">Vatyaĩ itho yakwĩw’ĩe tei yĩkwĩke ũndũ o na wĩva wa asu, ya ũkwĩw’ĩa tei; ĩndĩ wekiw’e weũnĩ, nũndũ thayũ waku nĩwameniwe, mũthenya ũla wasyaiwe.</verse>
				<verse number="6">Na yĩla navĩtĩle vala ũĩ, na nakwona wĩthokoanĩtye na nthakame yaku, nakwĩa, O na wĩ na nthakame yaku, ĩthĩwa thayũ; ĩĩ, nakwĩa, O na wĩ na nthakame yaku, ĩthĩwa thayũ.</verse>
				<verse number="7">Nĩnakwingĩvisye ta kĩla kĩmeaa mũũndanĩ, naku waingĩva na waendeea kũneneva, na wavikĩa kwanakava mũno; nondo syaku syaneneva, na nzw’ĩĩ syaku syeana; o na ũu w’onthe waĩ mũthei, ũte ngũa.</verse>
				<verse number="8">Na yĩla navĩtĩle vala ũĩ, na nakũsisya, sisya, ĩvinda yaku yaĩ ĩvinda ya kwendwa; na nakũvw’ĩka na mũthya wa ngũa yakwa, na nakũvw’ĩka wĩ mũthei: ĩĩ, nakwĩavĩa, na natianĩa ũtianĩo naku, na watw’ĩka wakwa, easya, ũu Mwĩaĩi Yeova.</verse>
				<verse number="9">Nĩvo ĩndĩ nakũthambisye na manzĩ; ĩĩ, nakũthambya nesa nthakame yaku yakuma, na nakũvaka mauta.</verse>
				<verse number="10">O na nakũvw’ĩka na ngũa itumĩĩwe wanake, na nakwĩkĩa iatũ sya mbũa sya vomboo, na nakũvotoa na katane nzeo, na nakũvw’ĩka na alili.</verse>
				<verse number="11">Na nakwanakavya na mawanake, na neekĩa itang’a mokonĩ maku, na mũnyoo ngingonĩ yaku.</verse>
				<verse number="12">Na neekĩa ngome ĩnyiũũnĩ yaku, na ngome sya matũ matũnĩ maku, na ngovia nzeo mũno ya ũsumbĩ mũtwenĩ waku.</verse>
				<verse number="13">Wanakavĩtw’e ta ũu na thaavu na vetha; na ngũa yaku yaĩ ya katane nzeo, na ya alili, na ĩtumĩĩwe wanake; waĩsaa mũtu mũvinyu, na ũkĩ wa nzũkĩ, na mauta, na waĩ mwanake mũno, na waathimĩka wavikĩa kĩanda kya kĩũsumbĩ.</verse>
				<verse number="14">Na nguma yaku yanyaĩĩka katĩ wa i mbaĩ nũndũ wa wanake waku; nũndũ waĩ mwĩanĩu, kwondũ wa ũnene wakwa ũla nakwĩkĩie, easya ũu Mwĩaĩi Yeova.</verse>
				<verse number="15">Ĩndĩ nĩwekwatisye wanake waku, na weeka ũmalwaya nũndũ wa nguma yaku, na woonosya ũmalwaya waku ĩũlũ wa kĩla ũmwe ũla wavĩtaa; waĩ wake.</verse>
				<verse number="16">Na woosa ngũa syaku, na weeseũvĩsya kũndũ kũtũlu kwanakavĩtw’e na langi wa mĩthemba mingĩ, na weekĩa ũmalwaya kw’o; maũndũ ta asu matikoka, o na kũikethĩwa ũu.</verse>
				<verse number="17">O na nĩwoosie mĩio yaku mĩseo ya wanake ya thaavu wakwa na vetha wakwa, ĩla nakũnengie, na weeseũvĩsya mĩvw’anano ya andũ aũme, na weeka ũmalwaya nayo;</verse>
				<verse number="18">na woosa ngũa syaku ila itumĩĩwe wanake, na wamĩvw’ĩka, na waia mauta makwa na ũvani wakwa mbee wayo.</verse>
				<verse number="19">O na kĩmũtũ kyakwa kĩla nakũnengie, kya mũtu mũvinyu, na mauta, na ũkĩ wa nzũkĩ, kĩla nakũathĩsye, o nakyo waia mbee wayo kĩthĩwe kĩndũ kĩla kĩnyungaa nesa; na kwailyĩ ũu, easya ũu Mwĩaĩi Yeova.</verse>
				<verse number="20">Na ĩngĩ nĩwosete ana maku na eĩtu maku, ala wanzyaĩe, na asu wamĩthembea maminwe. Ũmalwaya waku waĩ ũndũ ũnini,</verse>
				<verse number="21">kana ũae syana syakwa, na kwinengane, ũkivĩtĩlya mwakinĩ ũndũ wayo?</verse>
				<verse number="22">Na mothatyonĩ maku onthe na ũmalwayanĩ waku ndwaalilikana mĩthenya ya wana waku, yĩla waĩ mũthei ũte ngũa, na wathokoanĩte na nthakame yaku.</verse>
				<verse number="23">Na kwesa kwĩthĩwa ĩtina wa ũthũku waku w’onthe (woo, woo nĩ waku! Easya ũu Mwĩaĩi Yeova),</verse>
				<verse number="24">atĩ nĩwĩyakĩe vandũ va nguluĩ, na nĩweeseũvĩsye kũndũ kũtũlu nzĩanĩ nene syonthe.</verse>
				<verse number="25">Nĩwakĩte vandũ vaku vatũlu wambĩlĩlyonĩ wa kĩla nzĩa, na nũtw’ĩkĩthĩtye wanake waku ũthatyo, na nũtaanĩĩsye maũũ maku kĩla mũndũ ũla ũvĩtaa, na waingĩvya ũmalwaya waku.</verse>
				<verse number="26">O na nĩwĩkĩte ũmalwaya na Amisili, atũi maku, anene ma mwĩĩ; na nĩwingĩvĩtye ũmalwaya waku, ũnthatye.</verse>
				<verse number="27">Sisya kwondũ wa ũu, nĩnakũtambũũkĩsye kw’oko kwakwa, na nĩnĩolete lĩu waku wa mavinda onthe, na nĩnĩkũnenganĩte kwendanĩ kwa ala makũmenaa, eĩtu ma Avilisiti, ala meũsonoka ũndũ wa mũendele waku mwathe.</verse>
				<verse number="28">O na nĩwĩkĩte ũmalwaya na Aasulĩ, nũndũ ndwaakola; ĩĩ, nĩwĩkĩte ũmalwaya nao, ĩndĩ ndwaaĩanĩw’a.</verse>
				<verse number="29">O na ĩngĩ nĩwingĩvĩtye ũmalwaya waku nthĩ ya Kanaani, o na kũvika Kalitei; ĩndĩ ndwaaĩanĩw’a nĩw’o.</verse>
				<verse number="30">Ngoo yaku ko nĩ mbonzu, easya Mwĩaĩi Yeova, nũndũ nĩwĩkaa maũndũ asu onthe, wĩa wa ĩlwaya yĩte nthoni;</verse>
				<verse number="31">nũndũ nĩwakaa vandũ vaku va nguluĩ wambĩlĩlyonĩ wa kĩla nzĩa, na kũseũvya vandũ vaku vatũlu kĩla nzĩanĩ nene, na ndwailyĩ ta ĩlwaya, ũndũnĩ ũũ wa atĩ wavũthya kũtuvwa.</verse>
				<verse number="32">Kĩveti kĩla kĩlaalaa! Kĩla kyosaa aeni vandũ va mũũme wakyo!</verse>
				<verse number="33">Nĩmanengae malwaya onthe mĩthĩnzĩo; ĩndĩ we nũnengae endwa maku onthe mĩthĩnzĩo yaku, na kũmatuva, nĩ kana makũkĩe kĩla ngalĩko ũndũ wa ũmalwaya waku.</verse>
				<verse number="34">Na wĩ kĩvathũkan’yo na aka ala angĩ ũmalwayanĩ waku, nũndũ vai ũmwe ũla ũkũatĩĩaa eke ũmalwaya; na nũndũ nũtuvanaa, naku ndũtuvawa, kwondũ wa ũu wĩ kĩvathũkan’yo.</verse>
				<verse number="35">Kwondũ wa ũu, we ĩlwaya, ĩthukĩĩsye ndeto ya Yeova:</verse>
				<verse number="36">Ũũ nĩw’o Mwĩaĩi Yeova ũnũkwasya, Nĩkwĩthĩwa ũvuku waku nĩwonoetw’e, na nũvuĩtwe woneke wĩ mũthei nũndũ wa ũmalwaya waku na endwa maku; na nũndũ wa mĩvw’anano yonthe ya mothatyo maku, na kwondũ wa nthakame ya syana syaku, ila wamĩnengie;</verse>
				<verse number="37">kwondũ wa ũu sisya, ngoomban’ya endwa maku onthe, ala wamatanĩe, na onthe ala wamendie, vamwe na onthe ala wamenie; o na ngamomban’ya ĩũlũ waku ngalĩ syonthe, na ngakũvua woneke wĩ mũthei, nĩ kana mone wĩ mũthei vyũ.</verse>
				<verse number="38">Na ngakũsilĩla, o tondũ aka masilĩlawa ala manangaa ũtwaano na kwĩtĩkya nthakame; ngaete ĩũlũ waku nthakame ya ũthilĩku na kĩwĩu.</verse>
				<verse number="39">O na ngakũnengane kw’okonĩ kwoo, na makaomboa vandũ vaku va nguluĩ, na kũomboa kũndũ kwaku kũtũlu; na makakumya ngũa syaku, na kwosa mĩio yaku mĩseo ya wanake; na makakũtia wĩ mũthei ũte ngũa.</verse>
				<verse number="40">O na makaete nguthu yũkite naku, na makakũkimanga na mavia, na makakũtonyanga na mbyũ syoo.</verse>
				<verse number="41">Na makavĩvya nyũmba syaku na mwaki, na ũkũsilĩla aka aingĩ mene; na ngatuma ũeka kwĩka ũmalwaya, na ndũkatuvana ĩngĩ.</verse>
				<verse number="42">Now’o ngathũmũsya ũthilĩku wakwa kwaku, na kĩwĩu kyakwa kĩkauma vala ũĩ, na ngekala nĩuĩtye, na ndĩkathata ĩngĩ.</verse>
				<verse number="43">Nĩkwĩthĩwa ndwaalilikana mĩthenya ya wana waku, ĩndĩ nĩwanthilĩkile maũndũnĩ asu onthe; kwondũ wa ũu, sisya, ngaete mũendele waku mũtwenĩ waku, easya ũu Mwĩaĩi Yeova: na ndũkeka wathe ũsu vamwe na mothatyo maku onthe.</verse>
				<verse number="44">Sisya, kĩla ũmwe ũla ũneenaa nthimo akakũneenea nthimo ĩno, akyasya, O ũndũ inyia ũilyĩ, now’o mwĩĩtu wake ũilyĩ.</verse>
				<verse number="45">We wĩ mwĩĩtu wa mwenyu, ũla ũmenaa mũũme wake na syana syake; na wĩ mwĩĩtu‐a‐inyia wa eĩtu‐a‐inyia maku, ala mamenie aũme moo na syana syoo: inyia waku nĩ Mũititi, na au nĩ Mũamoli.</verse>
				<verse number="46">Na mwĩĩtu‐a‐nyukwe mũkũũ nĩwe Samalia, ũla ũtũaa ngalĩ ya kw’oko kwaku kwa aka, we na eĩtu make; na mwĩĩtu‐a‐nyukwe mũinau, ũla ũtũaa ngalĩ ya kw’oko kwaku kwa aũme, nĩwe Sotomo na eĩtu make.</verse>
				<verse number="47">Ĩndĩ ndwaaendela mĩendelenĩ yoo, kana kwĩka mothatyo moo; ĩndĩ, ta ethĩwa ũu waĩ ũndũ ũnini, waĩ mũthũku kwĩ mo mĩendelenĩ yaku yonthe.</verse>
				<verse number="48">O tondũ nĩ thayũ, easya Mwĩaĩi Yeova, Sotomo mwĩĩtu‐a‐inyia waku ndaaĩka, we kana eĩtu make, tondũ we weekie, we na eĩtu maku.</verse>
				<verse number="49">Sisya, ũũ waĩ ũthũku wa mwĩĩtu‐a‐nyukwe Sotomo: ngathĩĩo, kũvũnw’a na lĩu, ũthũmũo wa kũunĩka maĩ nthĩnĩ wake na eĩtu make; o na ndaaĩkĩa kw’oko kwa ngya na athĩni vinya.</verse>
				<verse number="50">Nao maĩ na wĩng’athĩlĩlyo, na meeka ũthatyo mbee wakwa: kwondũ wa ũu namaveta o tondũ noonie wĩ ũseo.</verse>
				<verse number="51">O na Samalia ndaaĩka nyunzu ya naĩ syaku; ĩndĩ nĩwingĩvĩtye mothatyo maku kwĩ mo, na nũtumĩte eĩtu‐a‐mwenyu matalwa alũngalu kwondũ wa mothatyo maku onthe ala wĩkĩte.</verse>
				<verse number="52">Naku we, ĩkuĩe nthoni syaku, ila ũsilĩlĩte eĩtu‐a‐mwenyu; kwondũ wa naĩ syaku ila weekie ila ithatasya kwĩ ĩ syoo, nao nĩ alũngalu kwĩ we: ĩĩ, naku soomanĩwa, na kua nthoni syaku, nũndũ nũtumĩte eĩtu‐a‐mwenyu matalwa alũngalu.</verse>
				<verse number="53">Na ngamatũnga maume kũtavwanĩ kwoo, kũtavwa kwa Sotomo na eĩtu make, na kũtavwa kwa Samalia na eĩtu make, na kũtavwa kwa atave maku ala me katĩ woo;</verse>
				<verse number="54">nĩ kana wĩkuĩe nthoni syaku, na kũsonoka nũndũ wa w’onthe ũla wĩkĩte, nũndũ wĩ ũkiakisyo kwoo.</verse>
				<verse number="55">Na eĩtu‐a‐mwenyu, Sotomo na eĩtu make, makasyokea mwĩkalĩle woo wa mbee; na Samalia na eĩtu make makasyokea mwĩkalĩle woo wa mbee; naku na eĩtu maku mũkasyokea mwĩkalĩle wenyu wa mbee.</verse>
				<verse number="56">Nũndũ mwĩĩtu‐a‐nyukwe Sotomo ndaawetwa nĩ kanyw’a waku mũthenyanĩ wa ngathĩĩo yaku,</verse>
				<verse number="57">ũthũku waku ũtanamba kũvuũwa, ta ĩvinda ya kũvũthya kwa eĩtu ma Silia, na onthe ala mamũthyũlũlũkĩte, eĩtu ma Avilisiti, ala makũvũthasya ngalĩ syonthe.</verse>
				<verse number="58">Nũkuĩte wathe waku na mothatyo maku, easya ũu Yeova.</verse>
				<verse number="59">Nũndũ ũũ nĩw’o Mwĩaĩi Yeova ũnũkwasya: Nakwa ngakwĩka o tondũ weekie, we ũla wavũthisye wĩvĩto ũkyananga ũtianĩo.</verse>
				<verse number="60">Ĩndĩ o na ũu w’onthe ngalilikana ũtianĩo wakwa ũla natianĩe naku mĩthenya ya wana waku, na ngakũlũlũmĩlĩlya ũtianĩo wa tene na tene.</verse>
				<verse number="61">Nĩvo ĩndĩ ũkalilikana mĩendele yaku, na kũsonoka, yĩla ũkosa eĩtu‐a‐mwenyu, eĩtu‐a‐mwenyu ala akũũ, na ainau; na ngakũnenga mo methĩwe eĩtu maku, ĩndĩ ti kwondũ wa ũtianĩo waku.</verse>
				<verse number="62">Na ngalũlũmĩlya ũtianĩo wakwa naku; ũkamanya ninyie Yeova;</verse>
				<verse number="63">nĩ kana ũtonye kũlilikana, na kũsoomanĩwa, ũte kwathamya kanyw’a waku o na ĩndĩĩ, nũndũ wa nthoni syaku, yĩla ngakũekea maũndũ asu onthe ala weekie, easya ũu Mwĩanĩi Yeova.</verse>
			</chapter>
			<chapter number="17">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, kwatan’ya ndaĩ, na tavya nyũmba ya Isilaeli ngelekan’yo;</verse>
				<verse number="3">nokyasya, Ũũ nĩw’o Mwĩaĩi Yeova ũnũkwasya: Ndiũ nene yĩ nthwau nene na nzĩa ndasa, i nthwau syusũĩte maw’ĩa, ala maĩ na langi wa mĩthemba mingĩ, yooka Levanoni, na yoosa mũthya wa ĩũlũ wa mũkũũ:</verse>
				<verse number="4">yatila kala kakolwa ka ĩũlũ mbee, na yakatwaa nthĩ ya kũtandĩthya; yavanda ndũanĩ ya atandĩthya.</verse>
				<verse number="5">O na yoosa mbeũ ya ĩ nthĩ, na yamĩvanda mũthanganĩ ũla ũsyaaa mũno; yamia ũtee wa manzĩ maingĩ; yamĩvanda ta mũtĩ ũla ũmeaa ũsĩnĩ.</verse>
				<verse number="6">Na yamea, na yatw’ĩka mũsavivũ mũtambu mũno wĩ mũkuvĩ, ũla ndĩso syaw’o nĩsyoosyookee, na mĩi yaw’o yaĩ ĩtheo yaw’o; ta ũu yatw’ĩka mũsavivũ, na watambya ndĩso, na kũete tũkolwa.</verse>
				<verse number="7">O na kwaĩ ndiũ ĩngĩ yaĩ na nthwau nene na maw’ĩa maingĩ: na, sisya, mũsavivũ, ũsu wathyũũa mĩi yaw’o wamyelekelya, na ndĩso syaw’o syathongooa imyelekele, kuma mĩtaũnĩ vala ũvandĩtwe, nĩ kana yũnyithye.</verse>
				<verse number="8">Wavandwa mũthanganĩ mũseo vakuvĩ na manzĩ maingĩ, nĩ kana ũthongoosye mbonge, na nĩ kana ũsyae ũsyao, nĩ kana wĩthĩwe mũsavivũ mũseo.</verse>
				<verse number="9">Neena atĩĩ, Ũũ nĩw’o Mwĩaĩi Yeova ũnũkwasya: Ũkaaĩla? Ndakakũa mĩi yaw’o, na kũtila usyao waw’o, nĩ kana ũvove; nĩ kana matũ maw’o onthe ala ũthongooetye ma wenze mavove? Na ti kwondũ wa kw’oko kwĩ vinya kana andũ aingĩ ũtonya kũkũanĩw’a na mĩi yaw’o.</verse>
				<verse number="10">Ĩĩ, sisya, wavandwa, ũkaaĩla? Ndũkavova vyũ, yĩla kĩseve kyumĩte wumĩlonĩ wa syũa kĩkaũuutanĩa? Ũkavovea mĩtaũnĩ vala wavandiwe.</verse>
				<verse number="11">O na ĩngĩ ndeto ya Yeova yambukĩa, ĩkĩmbĩa,</verse>
				<verse number="12">Mĩtavye ĩla nyũmba ng’endu, Mũtyĩsĩ ũalyũlo wa maũndũ aa? Matavye, Sisya, mũsumbĩ wa Mbaviloni nĩwokie Yelusaleme, na akwata mũsumbĩ wa kw’o, na anene me mbee ũsumbĩnĩ ma kw’o, na amatwaa kwake Mbaviloni.</verse>
				<verse number="13">Na oosa wa ũsyao wa kĩũsumbĩ, na atianĩa ũtianĩo nake; o na amũingĩĩsya evĩte, na atwaa ala me na ũtonyi ma ĩ nthi;</verse>
				<verse number="14">nĩ kana ũsumbĩ ũnyivw’e, ndũkeyũkĩlye, ĩndĩ ũndũ wa ũlũmya ũtianĩo wake nũtonya kũũngama.</verse>
				<verse number="15">Ĩndĩ nĩwamũng’endeie nũndũ wa ũtũma atũmwa make Misili, nĩ kana mamũnenge mbalasi na andũ aingĩ. Nake akaunĩka? Akavonoka ũla wĩkaa maũndu ta asu? Akaananga ũtianĩo, na ĩndĩ aivonoka?</verse>
				<verse number="16">O tondũ nĩ thayu, easya Mwĩaĩi Yeova, vate ndĩi vandũ vala mũsumbĩ wĩkalaa ũla wamũtw’ĩkĩthisye mũsumbĩ, ũla wavũthisye wĩvĩto wake, na ũla wanangie ũtianĩo wake, e nake ku Mbaviloni katĩ akakw’a.</verse>
				<verse number="17">O na Valao ndakamũtethya kaũnĩ na ĩta syake syĩ vinya na nguthu yake nene, yĩla makomba mbumbu na kwaka ngome, mavete andũ aingĩ.</verse>
				<verse number="18">Nũndũ nũvũthĩtye wĩvĩto kwondũ wa kwananga ũtianĩo; na sisya, nĩwanenganie kw’oko kwake, o na eekie maũndũ asu onthe; ndakavonoka.</verse>
				<verse number="19">Kwondũ wa ũu Mwĩaĩi Yeova easya atĩĩ: O tondũ nĩ thayũ, vate ndĩi wĩvĩto wakwa ũla wavũthisye, na ũtianĩo wakwa ũla wanangie, ngaete ĩũlũ wa mũtwe wake mwene.</verse>
				<verse number="20">Na ngalan’ya kĩtei kyakwa ĩũlũ wake, na akakwatw’a nĩ mũkwa wakwa, na ngamũete Mbaviloni, na ngamũsĩlĩĩla kw’o nũndũ wa ĩvĩtyo yake yĩla wambĩtanisye.</verse>
				<verse number="21">N akĩi make onthe nguthunĩ syake syonthe makavalũkw’a na ũvyũ, na ala metiwa makanyaĩĩkw’a melekele kĩla kĩseve: na mũkamanya kana nyie, Yeova, nĩnĩneenete ũu.</verse>
				<verse number="22">Ũũ nĩw’o Mwĩaĩi Yeova ũnũkwasya: O nakwa ngoosa mũthya wĩ ĩũlũ wa mũkũũ, na ngoovanda; ngatema katĩ wa tũkolwa twa ĩũlũ mũno kamwe kololo, na ngakavanda kĩĩmanĩ kĩtũlu na kĩnene:</verse>
				<verse number="23">kĩĩmanĩ kĩtũlu kya Isilaeli ngakavanda; na kakathongoosya mbonge, na kũsyaa ũsyao, na kwĩthĩwa mũkũũ mũseo: na nyũnyi syonthe sya kĩla mũthemba wa nthwau ikekala ĩtina waw’o; ikekala muunyĩnĩ wa mbonge syaw’o.</verse>
				<verse number="24">Na mĩtĩ yonthe ya kĩthekanĩ ĩkamanya kana nyie, Yeova, nĩnĩtheeetye mũtĩ mũasa, nĩnĩnenevetye mũtĩ mũkuvĩ, nĩnũmĩthĩtye mũtĩ mwĩũ, na nĩnĩthongooetye mũtĩ mũmũ: nyie, Yeova, nĩnĩneenete na nĩnĩkĩte ũu.</verse>
			</chapter>
			<chapter number="18">
				<verse number="1">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="2">Mwĩasya ata mũineena nthimo ĩno ũndũ wa nthĩ ya Isilaeli, mũkyasya, Aaĩthe nĩmaĩe nzavivũ syĩ ngaati, na maeo ma syana maya nthithi?</verse>
				<verse number="3">O tondũ nĩ thayũ, easya Maĩaĩi Yeova, mũtikethĩwa na kĩtumi kya kũneena nthimo ĩsu ĩngĩ nthĩnĩ wa Isilaeli.</verse>
				<verse number="4">Sisya, mathayũ onthe nĩ makwa; o tondũ thayũ wa ĩthe nĩ wakwa, now’o thayũ wa mwana nĩ wakwa: na mũndũ ũla wĩkaa naĩ, akakw’a.</verse>
				<verse number="5">Ĩndĩ ethĩwa mũndũ nĩ mũlũngalu na ekaa ũla wosanaa na mĩao na ũla wa w’o,</verse>
				<verse number="6">na ndaaĩa iĩmanĩ, o na ndaamyũkĩlĩlya mĩvw’anano ya nyũmba ya Isilaeli metho make, o na ndaavukya kĩveti kya mũtũi wake, o na ndaathengeea mũndũ mũka ũla wealũlĩte,</verse>
				<verse number="7">na ndaamwĩka mũndũ o na wĩva naĩ, ĩndĩ nũmũtũngĩĩte mũkovwa ngwatĩlĩlyo yake, ndaaosa kĩndũ na mbuta, nũnengete ala me na nzaa lĩu wake, na nũmavw’ĩkĩte ngũa ala athei;</verse>
				<verse number="8">ndaakovethya atũngĩwe ũtandĩthyo, o na ndaaosa wongeleko, nũtũngĩte kw’oko kwake ndakeke ũthũku, nũsilanĩtye mũndũ na mũndũ na sila wa katĩ,</verse>
				<verse number="9">nake nũendaa myamũlonĩ yakwa, na nũkwatĩte motw’ĩo makwa, ekae w’o; ũsu nĩ mũlũngalũ, ndatĩa kwĩkala thayũ, easya ũu Mwĩaĩi Yeova.</verse>
				<verse number="10">Ethĩwa akasyaa mwana mũvutani, mwĩtĩkya wa nthakame, na ũla wĩkaa ũmwe wa maũndũ asu,</verse>
				<verse number="11">na ndekaa ũmwe wa maũndũ asu ala waĩle kwĩka, ĩndĩ nake nĩwaĩĩe iĩmanĩ, na nũvukĩtye kĩvetĩ kya mũtũi wake,</verse>
				<verse number="12">nũmekĩte naĩ ngya na athĩni, nũvutanĩte, ndaatũnga ngwatĩlĩlyo, na nũmyũkĩlĩlye mĩvw’anano metho make, nĩwĩkĩte ũthatyo,</verse>
				<verse number="13">nũkovethetye aitũngĩwa ũtandĩthyo, na nĩwosete wongeleko; ũsu akekala thayu? Ndakekala thayũ: nĩwĩkĩte mothatyo asu onthe; ndatĩa ũkw’a; nthakame yake ĩkeethĩwa ĩũlũ wake.</verse>
				<verse number="14">Na, sisya, ethĩwa akasyaa mwana, ũla wonaa naĩ syonthe sya ĩthe wake, ila wekie, na nũkĩaa, na ndekaa naĩ ta isu;</verse>
				<verse number="15">ndaaĩa iĩmanĩ, o na ndaamyũkĩlĩlya mĩvw’anano ya nyũmba ya Isilaeli metho make, ndaavukya kĩveti kya mũtũi wake,</verse>
				<verse number="16">o na ndaamwĩka mũndũ o na wĩva naĩ, ndaaosa kĩndũ kĩthĩwe ngwatĩlĩlyo, o na ndaavutana, ĩndĩ nũnengete ala me na nzaa lĩu wake, na nũvw’ĩkĩte ngũa ala athei;</verse>
				<verse number="17">nũtũngĩte kw’oko kwake ndakathĩn’ye ngya, ndaakovethya atũngĩwe ũtandĩthyo kana wongeleko, nĩwĩkĩte motw’ĩo makwa, nũendete myamũlonĩ yakwa; ũsu ndakakw’a kwondũ wa ũthũku wa ĩthe wake, ndatĩa kwĩkala thayũ.</verse>
				<verse number="18">Ũndũ wa ĩthe wake, nĩkwĩthĩwa nĩwathĩnasya na thĩna mwai, aĩvuta mwana‐a‐ĩthe, na akĩka ũla ũte ũseo katĩ wa andũ make, sisya, akakw’a e ũthũkunĩ wake.</verse>
				<verse number="19">Ĩndĩ inyw’ĩ mwĩasya, Nũndũ wa kĩ mwana ndakuaa ũthũku wa ĩthe? Yĩla wĩkĩte ũla wosanaa na mĩao na ũla wa w’o nũkwatĩte myamũlo yakwa yonthe, na nũmĩkĩte, ndatĩa kwĩkala thayũ.</verse>
				<verse number="20">Mũndũ ũla wĩkaa naĩ, ndatĩa kũkw’a: mwana ndakakua ũthũku wa ĩthe, o na ĩthe ndakakua ũthũku wa mwana; ũlũngalu wa ũla mũlũngalu ũkekala ĩũlũ wake, na ũthũku wa ũla mũthũku ũkekala ĩũlũ wake.</verse>
				<verse number="21">Ĩndĩ ethĩwa ũla mũthũku akeethyũũa na kũtia naĩ syake syonthe ila wĩkĩte, na kũkwataa myamũlo yakwa yonthe, na kwĩkaa ũla wosanaa na mĩao na ũla wa w’o, ndatĩa kwĩkala thayũ, ndakakw’a.</verse>
				<verse number="22">Ĩvĩtyo o na yĩva ya mavĩtyo make ala wĩkĩte yĩtikalilikanwa ĩũlũ wake: ũlũngalunĩ wake ũla wĩkĩte akekala thayũ.</verse>
				<verse number="23">Nyie nĩndanĩthaw’a nĩ kĩkw’ũ kya ũla mũthũku? Ekũlya ũu Mwĩaĩi Yeova; na ti kavaa asyoke kũtia mũendele wake, na kwĩkala thayũ?</verse>
				<verse number="24">Ĩndĩ yĩla ũla mũlũngalu ũkethyũũa na kũtia ũlũngalu wake, na kwĩkaa ũthũku, na kwĩkaa kwĩanana na mothatyo onthe ala mũndũ mũthũku wĩkaa, ũsu akekala thayũ? O na ũmwe wa meko make malũngalu ala wekie ndũkalilikanwa: ĩvĩtyonĩ yake yĩla wavĩtisye, na naĩnĩ yake ĩla wekie, akakw’ĩa nthĩnĩ wasyo.</verse>
				<verse number="25">Ĩndĩ inyw’ĩ mwĩasya, Nzĩa ya Mwĩaĩi ndĩanene. Ĩthukĩĩsye, we nyũmba ya Isilaeli: Nzĩa yakwa ndĩanene? Nzĩa syenyu tisyo iteanene?</verse>
				<verse number="26">Yĩla mũndũ mũlũngalu ũkethyũũa na kũtia ũlũngalu wake, nayĩka ũthũku, na kũkw’ĩa nthĩnĩ waw’o; akakw’ĩa ũthũkunĩ wake ũla wekie.</verse>
				<verse number="27">Na ĩngĩ, yĩla mũndũ mũthũku ũkethyũũa na kũtia ũthũku wake ũla wekie, na kwĩkaa ũla wosanaa na mĩao na ũla wa w’o, akeetangĩĩa ekale thayu.</verse>
				<verse number="28">Nĩkwĩthĩwa nũsũanĩaa, na kwĩthyũũa na kũtĩa mavĩtyo make onthe ala wekie, ndatĩa kwĩkala thayũ, ndakakw’a.</verse>
				<verse number="29">Ĩndĩ nyũmba ya Isilaeli ĩasya, Nzĩa ya Mwĩaĩi ndĩanene. We nyũmba ya Isilaeli, nzĩa syakwa ityĩanene? Nzĩa syenyu tisyo iteanene?</verse>
				<verse number="30">Kwondũ wa ũu ngakũsilĩla, we nyũmba ya Isilaeli, kĩla ũmwe kwĩanana na mĩendele yake, easya ũu Mwĩaĩi Yeova. Syokai, na mũkĩthyũũa na kũtia mavĩtyo menyu enthe; na ĩndĩ ũthũku ndũkethĩwa wanangĩko wenyu.</verse>
				<verse number="31">Ĩkyai kũasa nenyu mavĩtyo menyu onthe, ala mwavĩtisye; ĩseũvĩsyei ngoo nzaũ na veva mweũ: nĩkĩ mũũkw’a, inyw’ĩ nyũmba ya Isilaeli?</verse>
				<verse number="32">Nũndũ ndi na ũtanu kĩkw’ũnĩ kya ũla ũnũũkw’a, easya ũu Mwĩaĩi Yeova: kwondũ wa ũu ĩthyũũei, na kwĩkala thayũ.</verse>
			</chapter>
			<chapter number="19">
				<verse number="1">Na ĩngĩ, ambĩlĩlya kĩĩo ũndũ wa anene me mbee ũsumbĩnĩ ma Isilaeli,</verse>
				<verse number="2">nokyasya, Ĩnyĩa waku aĩ mwaũ? Mũnyambũ mũka: nĩwamandĩkie katĩ wa mĩnyambũ, aĩthĩsye maswii make katĩ wa mĩnyambũ ya mũika.</verse>
				<verse number="3">Na aea yĩmwe ya maswii make; yatw’ĩka mũnyambũ wa mũika, na weemanyĩsya kũkwataa sya nzyĩma; naw’o waya andũ.</verse>
				<verse number="4">O na i mbaĩ nĩsyeewie ũvoo waw’o; naw’o wakwatĩw’a ĩimanĩ yasyo; na syooete na mboloi nthĩ ya Misili.</verse>
				<verse number="5">Na yĩla wonie nĩweteleete, na vati wĩkwatyo, nĩvo ĩndĩ wosie yĩngĩ ya maswii make, na ayĩtw’ĩkĩthya mũnyambu wa mũika.</verse>
				<verse number="6">Naw’o wanganga kũũ na kũũ katĩ wa mĩnyambũ; na watw’ĩka mũnyambũ wa mũika, na weemanyĩsya kũkwata sya nzyĩma; naw’o waya andũ.</verse>
				<verse number="7">Na wamanya nyũmba syasyo mbanakavye, na watw’ĩkĩthya ndũa syasyo maanzo; na nthĩ yaĩ nthei, na wusũu wayo, nũndũ wa kĩlonzo kya kũluma kwaw’o.</verse>
				<verse number="8">Nĩvo ĩndĩ i mbaĩ syawũkĩe ngalĩ syonthe kuma ilungunĩ nene sya nthĩ; na syalan’ya kĩtei kyasyo ĩũlũ waw’o; naw’o wakwatĩw’a ĩimanĩ yasyo.</verse>
				<verse number="9">Syawĩkĩa kyũũnĩ na mboloi, na syooete kwa mũsumbĩ wa Mbaviloni; mooete ngomenĩ syĩ vinya, wasya waw’o ndũkaaĩw’ĩke ĩngĩ iĩmanĩ sya Isilaeli.</verse>
				<verse number="10">Inyia waku ailyĩ mũsavivũ, nthakamenĩ yaku, ũvandĩtwe vakuvĩ na manzĩ: waĩ na ũsyao na wusũĩtwe mbonge nũndũ wa manzĩ kwingĩva.</verse>
				<verse number="11">Na waĩ na mbonge syĩ vinya kwondũ wa ndata sya ala masumbĩkaa, na kĩũngamo kyaw’o kyookĩla katĩ wa mbonge nthungu, na wooneka ũtũlunĩ waw’o vamwe na wingĩ wa mbonge syaw’o.</verse>
				<verse number="12">Ĩndĩ wakũwa ũthilĩkunĩ, wekw’a nthĩ, na kĩseve kyumĩte wumĩlonĩ wa syũa kyoomĩthya ũsyao waw’o: ndata syaw’o syĩ vinya syatũlangwa na syooma; na mwaki waivĩvya.</verse>
				<verse number="13">Na yu nũvandĩtwe weũnĩ, nthĩ nyũmũ na yĩ waũni.</verse>
				<verse number="14">Na mwaki nĩwũmĩte ndatanĩ sya mbonge syaw’o, nũminĩte ũsyao waw’o, kwondũ wa ũu nthĩnĩ waw’o vati ũvonge wĩ vinya kwondũ wa ndata ya kũsumbĩka. Kĩĩ nĩ kĩĩo, na kĩkeethĩwa nĩkyo kĩĩo.</verse>
			</chapter>
			<chapter number="20">
				<verse number="1">Na kweethĩwa mwaka wa mũonza, mwei wa katano, mũthenya wa ĩkũmi wa mwei, amwe ma atumĩa ma Isilaeli mooka makũlye Yeova, na mekala nthĩ mbee wakwa.</verse>
				<verse number="2">Na ndeto ya Yeova yambũkĩa, ĩkĩmbĩa,</verse>
				<verse number="3">Mwana wa mũndũ, neena na atumĩa ma Isilaeli, noimea, Ũũ nĩw’o Mwĩaĩi Yeova ũnũkwasya: Nĩmwooka kũngũlya nyie? O tondũ nĩ thayũ, easya Mwĩaĩi Yeova, ndĩkũlw’a nĩ inyw’ĩ.</verse>
				<verse number="4">Ukamasilĩla, mwana wa mũndũ, ũkamasilĩla? Mamanyĩthye mothatyo ma aaĩthe moo;</verse>
				<verse number="5">noimea, Ũũ nĩw’o Mwĩaĩi Yeova ũnũkwasya: Mũthenya ũla nanyuvie Isilaeli, na nawĩavĩe ũsyao wa nyũmba ya Yakovo, na neemanyĩthanisye kwoo ku nthĩ ya Misili, yĩla nameavie, ngyasya, Ninyie Yeova Ngai wenyu;</verse>
				<verse number="6">mũthenya o ũsu nameavĩa, kũmaumya nthĩ ya Misili kũvika nthĩ ĩla namathianĩe, yusũĩte ĩia na ũkĩ wa nzũkĩ, nayo yĩ ndaĩa kwa nthĩ yonthe.</verse>
				<verse number="7">Na namea, Ĩkyai kĩla mũndũ mothatyo ma metho, na mũĩkevukye na mĩvw’anano ya Misili; ninyie Yeova Ngai wenyu.</verse>
				<verse number="8">Ĩndĩ mang’endea, na malea kũmbĩthukĩĩsya; matyaaĩkya kũasa kĩla mũndũ mothatyo ma metho make, o na matyaatia mĩvw’anano ya Misili. Nĩvo ĩndĩ naisye ngamonoesya ũthilĩku wakwa, nĩanĩsye ũthatu wakwa ĩũlũ woo me nthĩ ya Misili.</verse>
				<verse number="9">Ĩndĩ nĩneekie kwondũ wa syĩtwa yakwa, yĩtikathũkw’e methonĩ ma i mbaĩ, ila maĩ katĩ wasyo, ila methonĩ masyo neemanyĩthanisye kwoo, ngĩmaumya nthĩ ya Misili.</verse>
				<verse number="10">Kwondũ wa ũu nĩnamaumisye nthĩ ya Misili, na namaete weũnĩ.</verse>
				<verse number="11">Na namanenga myamũlo yakwa, na namon’ya motw’ĩo makwa, ala ethĩwa mũndũ nũmekaa, akekala thayũ kwondũ wamo.</verse>
				<verse number="12">O na ĩngĩ namanenga masavato makwa, methĩwe ũvano katĩ wakwa nao, nĩ kana mamanye ninyie Yeova ũla ũmavathanasya methĩwe atheu.</verse>
				<verse number="13">Ĩndĩ nyũmba ya Isilaeli yang’endeea weũnĩ: matyaaenda myamũlonĩ yakwa, na malea motw’ĩo makwa, ala ethĩwa mũndũ nũmakwataa, akekala thayũ kwondũ wamo; na mavukya masavato makwa mũno. Nĩvo ĩndĩ naisye ngamonoesya ũthilĩku wakwa me weũnĩ, nĩmamine.</verse>
				<verse number="14">Ĩndĩ nĩneekie kwondũ wa syĩtwa yakwa, yĩtikavukw’e methonĩ ma i mbaĩ ila syoonie ngĩmaumya.</verse>
				<verse number="15">O na ĩngĩ nameavĩĩa weũnĩ, atĩ ndĩkamalikya nthĩnĩ wa nthĩ ĩla namanengie, yusũĩte ĩia na ũkĩ wa nzũkĩ, nayo yĩ ndaĩa kwa nthĩ syonthe;</verse>
				<verse number="16">nĩkwĩthĩwa nĩmaleile motw’ĩo makwa, na matyaaenda myamũlonĩ yakwa, na mavukya masavato makwa: nũndũ ngoo syoo nĩsyaatĩĩe mĩvw’anano yoo.</verse>
				<verse number="17">Ĩndĩ itho yakwa yamaekea, na ndyaamananga, o na ndyaamaminĩa vyũ weũnĩ.</verse>
				<verse number="18">Na naitavĩsya syana syoo weũnĩ, Mũtikaaende myamũlonĩ ya aaĩthe menyu, o na mũtĩkaakwate motw’ĩo moo, kana kwĩvukya na mĩvw’anano yoo.</verse>
				<verse number="19">Ninyie Yeova Ngai wenyu: endaai myamũlonĩ yakwa, na kwataai motw’ĩo makwa, na mũimekaa;</verse>
				<verse number="20">na vathan’yai masavato makwa methĩwe matheu; na makeethĩwa ũvano katĩ wakwa nenyu, nĩ kana mũmanye ninyie Yeova Ngai wenyu.</verse>
				<verse number="21">Ĩndĩ syana nĩsyang’endeie; ityaaenda myamũlonĩ yakwa, o na ityaakwata motw’ĩo makwa imeke, ala ethĩwa mũndũ nũmekaa, akekala thayũ kwondũ wamo; nĩsyavukisye masavato makwa. Nĩvo ĩndĩ naisye ngasyonoesya ũthilĩku wakwa, nĩanĩĩsye ũthatu wakwa kwasyo weũnĩ.</verse>
				<verse number="22">Ĩndĩ naveta kw’oko kwakwa, na neeka kwondũ wa syĩtwa yakwa, yĩtikavukw’e methonĩ ma i mbaĩ, ila syoonie ngĩmaumya.</verse>
				<verse number="23">Na ĩngĩ nameavĩĩa weũnĩ, kana ngamanyaĩĩkĩsya i mbaĩnĩ, na kũmanyaĩĩkĩsya katĩ wa i nthĩ;</verse>
				<verse number="24">nĩkwĩthĩwa matyaaĩka motw’ĩo makwa, ĩndĩ maleile myamũlo yakwa, na mavukisye masavato makwa, na metho moo maatĩĩe mĩvw’anano ya aaĩthe moo.</verse>
				<verse number="25">O na ĩngĩ namanenga myamũlo ĩla ĩtaĩ mĩseo, na motw’ĩo ala matatonya kwĩkala thayũ kwondũ wamo;</verse>
				<verse number="26">na namavukya mĩthĩnzĩonĩ yoo ene, nũndũ nĩmavĩtĩlye mwakinĩ onthe ala mambaa kuma ĩvunĩ, nĩ kana nĩmatw’ĩkĩthye athei, nĩ kana mamanye ninyie Yeova.</verse>
				<verse number="27">Kwondũ wa ũu, mwana wa mũndũ, neena na nyũmba ya Isilaeli, noimea, Ũũ nĩw’o Mwĩaĩi Yeova ũnũkwasya: Na ĩngĩ ũndũnĩ ũũ aaĩthe menyu nĩmanumĩthisye, nũndũ nĩmambĩtanĩsye.</verse>
				<verse number="28">Nũndũ yĩla naminie kũmaete ĩ nthĩ, ĩla nameavĩe nĩmanenge, nĩvo ĩndĩ moonie kĩla kalĩma katũlu, na kĩla mũtĩ mũthungu, na mathembea nthembo syoo kw’o, na maumĩsye ũla ũthatyo wa nthembo yoo kw’o; o na maumĩsya nthembo yoo yĩ mũuke mũseo kw’o, na metĩa nthembo syoo sya kũnyw’a kw’o.</verse>
				<verse number="29">Nĩvo ĩndĩ nameie, Nĩ kwa kĩ kũndũ kũtũlu kũla mũendaa? Kwondũ wa ũu syĩtwa ya kw’o yĩtawa Mbama kũvika ũmũnthĩ.</verse>
				<verse number="30">Kwondũ wa ũu mĩtavye nyũmba ya Isilaeli, Ũũ nĩw’o Mwĩaĩi Yeova ũnũkwasya: Nĩmwĩvukasya o tondũ aaĩthe menyu meekie? Na kwĩka ũmalwaya mũkĩatĩĩa mothatyo moo?</verse>
				<verse number="31">Na yĩla mumasya mĩthĩnzĩo yenyu, yĩla mũũmavĩtĩlya ana menyu mwakinĩ, nĩmwĩvukasya na mĩvw’anano yenyu yonthe kũvika ũmũnthĩ? Na ngakũlw’a nĩ inyw’ĩ, nyũmba ya Isilaeli? O tondũ nĩ thayũ, easya Mwĩaĩi Yeova, ndĩkakũlw’a nĩ inyw’ĩ;</verse>
				<verse number="32">na kĩla kĩlikaa kĩlilikanonĩ kyenyu kĩtikethĩwa nongi, nũndũ nĩmũkwasya, Tũkeethĩwa tũilyĩ ta i mbaĩ, ta mĩvĩa ya nthĩ isu, kũthũkũma mĩtĩ na mavia.</verse>
				<verse number="33">O tondũ nĩ thayũ, easya Mwĩaĩi Yeova, vate ndĩi ngamũsumbĩka na kw’oko kwĩ vinya, na kw’oko kũtambũũku, na ũthilĩkũ mwonosye.</verse>
				<verse number="34">Na ngamumya katĩ wa ngo sya andũ, na ngamũmban’ya kuma nthĩ kũla mwanyaĩĩkĩw’e, na kw’oko kwĩ vinya, na kw’oko kũtambũũku, an ũthilĩku mwonosye;</verse>
				<verse number="35">na ngamũete weũnĩ wa ngo sya andũ, na kw’o ngalika silanĩ nenyu ũthyũ kwa ũthyũ.</verse>
				<verse number="36">O tondũ nalikile silanĩ na aaĩthe menyu weũnĩ wa nthĩ ya Misili, now’o ngalika silanĩ nenyu, easya ũu Mwĩaĩi Yeova.</verse>
				<verse number="37">Ngamũvĩtĩlya ĩtheo wa ndata, na ngamũete wovonĩ wa ũtianĩo;</verse>
				<verse number="38">na ngamaindũa kwenyu ala ang’endu, na ala mambĩtanĩasya; ngamaumya nthĩ vala mekalaa ũeni, ĩndĩ matikalika nthĩ ya Isilaeli: na mũkamanya ninyie Yeova.</verse>
				<verse number="39">Ũndũ wenyu, inyw’ĩ nyũmba ya Isilaeli, ũũ nĩw’o Mwĩaĩi Yeova ũnũkwasya; Endai, mũthũkũme kĩla ũmwe mĩvw’anano yake, o na ĩvinda yĩla yũkĩte, ethĩwa mũtikambĩthukĩĩsya; ĩndĩ syĩtwa yakwa ĩtheu mũtikayĩvukye ĩngĩ na mĩthĩnzĩo yenyu, na mĩvw’anano yenyu.</verse>
				<verse number="40">Nũndũ kĩĩmanĩ kyakwa kĩtheu, kĩĩmanĩ kĩtũlu kya Isilaeli, easya Mwĩĩai Yeova, kw’o nyũmba yonthe ya Isilaeli, onthe mayo, makanthũkũma me ĩ nthĩ: ku nĩkw’o ngametĩkĩlĩla, na ku nĩkw’o ngamumĩthĩsya nthembo syenyu, na mosyao ma mbee ma nthembo syenyu, vamwe na syĩndũ syenyu syonthe ntheu.</verse>
				<verse number="41">Ngamwĩtĩkĩla ta kĩndũ kĩnyungaa nesa, yĩla ngamumya katĩ wa ngo sya andũ, na kũmumya nthĩ ila mwanyaĩĩkĩw’a nthĩnĩ wasyo; na ngeeyonan’ya kwenyu atĩ nĩ mũtheu i mbaĩ syene.</verse>
				<verse number="42">Na mũkamanya ninyie Yeova, yĩla nĩmũlikya nthĩ ya Isilaeli, nthĩ ĩla neeavĩe kũnenga aaĩthe menyu.</verse>
				<verse number="43">Na mũkalilikanĩla mĩendele yenyu kw’o, na meko menyu onthe, ala mwĩvukĩtye namo; na mũkeemena methonĩ menyu ene ũndũ wa mothũku menyu onthe ala mweekie.</verse>
				<verse number="44">Na mũkamanya ninyie Yeova, yĩla ngethĩwa nĩmwĩkĩte kwondũ wa syĩtwa yakwa, tĩ kwĩanana na mĩendele yenyu mĩthũku, kana kwĩanana na meko menyu mathũku, inyw’ĩ nyũmba ya Isilaeli, easya ũu Mwĩaĩi Yeova.</verse>
				<verse number="45">Na ndeto ya Yeova yambũkĩa, ĩkĩmbĩa.</verse>
				<verse number="46">Mwana wa mũndũ, elekelye ũthyũ waku ngalĩ ya ĩtheo, na neena ndeto yaku yelekele ngalĩ ya ĩtheo, noyathanĩa mũtitũ wa kĩsesi wa ngalĩ ya Ĩtheo;</verse>
				<verse number="47">noiwĩa mũtitũ wa ngalĩ ya Ĩtheo, Ĩthukĩĩsye ndeto ya Yeova: Ũũ nĩw’o Mwĩaĩi Yeova ũnũkwasya, Sisya, ngakan’ya mwaki nthĩnĩ waku, na ũkavĩvya kĩla mũtĩ mwĩũ wĩ nthĩnĩ waku, na kĩla mũtĩ mũmũ: ũmũĩ mwakanu ndũkavow’a, na mothyũ onthe kuma ngalĩ ya ĩtheo kũvika ngalĩ ya ĩũlũ makavĩvw’a nĩw’o.</verse>
				<verse number="48">Na mĩĩ yonthe ĩkoona kana nyie, Yeova, nĩnĩwakanĩtye; na ndũkavow’a.</verse>
				<verse number="49">Nĩvo ĩndĩ naisye, A! Mwĩaĩi Yeova! Nĩmekwasya ũndũ wakwa, We tĩ mũneeni wa ngelekan’yo?</verse>
			</chapter>
			<chapter number="21">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, elekelya ũthyũ waku Yelusaleme, na neena ndeto yaku yelekele kũndũ kũtheu, noimyathanĩa nthĩ ya Isilaeli;</verse>
				<verse number="3">noitavya nthĩ ya Isilaeli, Ũũ nĩw’o Yeova ũnũkwasya: Sisya, nĩ na ũndũ naku, na ngakũa ũvyũ wakwa kumya ndoonĩ yaw’o, na ngaveta kwaku alũngalu na athũku.</verse>
				<verse number="4">Na nũndũ ngaveta kwaku alũngalu na athũku, kwondũ wa ũu ũvyũ wakwa ũkauma ndoonĩ yaw’o ũkite na mĩĩ yonthe kuma ngalĩ ya ĩtheo kũvika ngalĩ ya ĩũlũ:</verse>
				<verse number="5">na mĩĩ yonthe ĩkamanya nyie, Yeova, nĩnĩkũĩte ũvyũ wakwa kumya ndoonĩ yaw’o; ndũkasyoka ĩngĩ.</verse>
				<verse number="6">Kwondũ wa ũu vevũũka, we mwana wa mũndũ; ũkavevũũka mene na metho moo ũndũ wa kũtũlĩka kwa kĩnyunyu kyaku na ũndũ wa woo.</verse>
				<verse number="7">Na kũkeethĩwa, yĩla mekũkũlya, Wĩvevũũkw’a nĩ kyaũ? Ũkasũngĩa, Nũndũ wa ũvoo, nũndũ nĩwũkĩte; na kĩla ngoo ĩkatweka, na moko onthe makaleela, na kĩla veva ũkateva, na mau onthe makeethĩwa mate vinya ta manzĩ: sisya, nĩwũkĩte, na ũkeekĩka, easya ũu Mwĩaĩi Yeova.</verse>
				<verse number="8">Na ndeto ya Yeova yambũkĩa, ĩkĩmbĩa,</verse>
				<verse number="9">Mwana wa mũndũ, athana, noyasya, Ũũ nĩw’o Yeova ũnũkwasya: Neena, Ũvyũ, ũvyũ, nĩ mũnoe, o na nĩ mũkute;</verse>
				<verse number="10">nũnoetwe nĩ kana wũae; nũkutĩtwe nĩ kana wĩthĩwe ta ũtisi: nĩtwaĩlwe nĩ kũtana? Ndata ya mwana wakwa, nĩvũthasya kĩla mũtĩ.</verse>
				<verse number="11">Na nũnenganĩtwe ũkutwe, nĩ kana ũkwatangwe: ũvyũ, nũnoetwe, ĩĩ, ũnenganwe kw’okonĩ kwa mũaani.</verse>
				<verse number="12">Ĩa noikaya mũno, mwana wa mũndũ; nũndũ ũvyũ wĩ ĩũlũ wa andũ makwa, wĩ ĩũlũ wa anene onthe ma Isilaeli ala me mbee ũsumbĩnĩ: nĩmanenganĩtwe ũvyũnĩ vamwe na andũ makwa; kwondũ wa ũu kũna waswa waku.</verse>
				<verse number="13">Nũndũ ve ũtatwa; na nata ethĩwa o na ndata ĩla ĩvũthasya ndĩkethĩwa vo ĩngĩ? Easya ũu Mwĩaĩi Yeova.</verse>
				<verse number="14">Kwondũ wa ũu, mwana wa mũndũ, athana, noikũnangan’ya mbĩ syaku; na ũvyũ wongelwe mavinda elĩ, o na mavinda atatũ, ũvyũ wa ala akũnange kũvikĩa kĩkw’ũ; nĩ ũvyũ wa ũla mũnene ũla ũkũnangĩtwe kũvikĩa kĩkw’ũ, ũla ũlikaa tũsũmbanĩ twoo twa nthĩnĩ.</verse>
				<verse number="15">Nĩniĩte ũvyũ wa kũtĩsya welekele mbingĩlo syoo syonthe, nĩ kana ngoo syoo itweke, na molulutĩkyo moo maingĩvwe: asi! Ũseũvĩtw’e ta ũtisi, nĩwĩkĩĩtwe mũthya wa kũaana.</verse>
				<verse number="16">Ĩyũmban’ye, enda ngalĩ ya kw’oko kwa aũme, ĩtaũsye ũkite, enda ngalĩ ya kw’oko kwa aka, o vala ũthyũ waku welekele.</verse>
				<verse number="17">Nakwa ngakũnangan’ya mbĩ syakwa, na ngathũmũsya ũthilĩkũ wakwa: nyie, Yeova nĩnĩneenete ũu.</verse>
				<verse number="18">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="19">Na ĩngĩ, we mwana wa mũndũ, ia nzĩa ilĩ, nĩ kana ũvyũ wa mũsumbĩ wa Mbaviloni wũke; isu syelĩ ikauma nthĩ ĩmwe: na vana vandũ, ũvane wambĩlĩlyonĩ wa nzĩa ĩla ĩendete ndũanĩ.</verse>
				<verse number="20">Ũkaia nzĩa ya ũvyũ ya kũka ndũa ya Lava ya ana ma Amimoni, na ya kũka Yuta ku Yelusaleme ndũa mbiie.</verse>
				<verse number="21">Nũndũ mũsumbĩ wa Mbaviloni aũngamie mataanĩsyonĩ ma nzĩa, wambĩlĩlyonĩ wa nzĩa isu ilĩ, nĩ kana aaũsye: athũngũthangya mĩsyĩ, akũlya mĩvw’anano yĩtawa telavimu, asisya ĩtema.</verse>
				<verse number="22">Kw’okonĩ kwake kwa aũme kwaĩ ĩaũ ya kũaũsya ya Yelusaleme, nĩ kana aie mĩio ya kũomboa vyũ, na kwathamya kanyw’a kũaanwe, na kũkĩlya wasya na kũlonzan’ya, na kwiĩa mbingĩlo mĩio ya kwiomboa, na kũmba mbumbu, na kwaka ngome.</verse>
				<verse number="23">Na kũkeethĩwa kwoo ũvũngũ wa kũaũsya methonĩ moo, ala mamevĩtĩe mawĩvĩto; ĩndĩ we nũmalilikanasya ũthũku, nĩ kana makwatwe.</verse>
				<verse number="24">Kwondũ wa ũu Mwĩaĩi Yeova easya atĩĩ: Nĩkwĩthĩwa nĩmwatumie ũthũku wenyu ũlilikanwa, nũndũ mavĩtyo menyu nĩ mavue, o kũvika naĩ syenyu nikwoneka mekonĩ menyu onthe; nũndũ nĩmwalilikanwa, mũkakwatwa na kw’oko.</verse>
				<verse number="25">Naku, mũthũku, ũla ũkũnangĩtwe kũvikĩa kĩkw’ũ, mũnene wĩ mbee ũsumbĩnĩ wa Isilaeli, ũla mũthenya waku nĩ mũku, ĩvinda ya ũthũku wa mũminũkĩlyo,</verse>
				<verse number="26">ũũ nĩw’o Mwĩaĩi Yeova ũnũkwasya: Umya ĩla ngutw’a, na umya ngovia ya mũsumbĩ; isu itikethĩwa itilyĩ ĩngĩ tondũ syailyĩ: nenevya kĩla kĩnyivu, noinyivya kĩla kĩtũlu.</verse>
				<verse number="27">Ngang’uthũla, ng’uthũle, nũng’uthũle: ũũ ndũkethĩwa ĩngĩ, kũvika yĩla wĩũka ũla kĩanda kĩ kyake; na ngamũnenga.</verse>
				<verse number="28">Naku, mwana wa mũndũ, athana, noyasya, Ũũ nĩw’o Mwĩaĩi Yeova ũnũkwasya ũndũ wa ana ma Amimoni, na ũndũ wa kũvũthw’a kwoo; na ũkyasya, Ũvyũ, ũvyũ nũkũĩtwe, nũkutĩtwe ũndũ wa kũaana, ũmine, nĩ kana wĩthĩwe ta ũtisi;</verse>
				<verse number="29">yĩla mekwona mawoni ma ũvũngũ ũndũ waku, yĩla meũkũathĩa movũngũ, makwie ngingonĩ sya athũku ala makũnangĩtwe kũvikĩa kĩkw’ũ, ala mũthenya woo nĩ mũku ĩvinda ya ũthũku wa mũminũkĩlyo.</verse>
				<verse number="30">Ũtũngĩe ndoonĩ yaw’o. Ngakũsilĩĩla vandũ vala woombĩwe, nthĩ ya kũsyaĩwa kwaku.</verse>
				<verse number="31">Na ngakwonoesya ũthatu wakwa; ngakũvuvĩĩa na mwaki wa ũthilĩku wakwa; na ngakũnengane kw’okonĩ kwa andũ mailyĩ ta nyamũ mbai, me na ũĩ wa kwananga.</verse>
				<verse number="32">Ũkeethĩwa ngũ sya mwaki; nthakame yaku ĩkeethĩwa ku ĩ nthĩ katĩ; ndũkalilikanwa ĩngĩ: nũndũ nyie, Yeova, nĩnĩneenete ũu.</verse>
			</chapter>
			<chapter number="22">
				<verse number="1">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="2">Naku, mwana wa mũndũ, ũkasilĩla, ũkasilĩla ndũa ya nthakame? Ĩndĩ ũmĩmanyĩthye mothatyo mayo onthe.</verse>
				<verse number="3">Na ũkasya, Ũũ nĩw’o Mwĩaĩi Yeova ũnũkwasya: Ndũa ĩla yĩtĩkasya nthakame katĩ wayo, nĩ kana ĩvinda yayo yũke, na ĩla yĩseũvĩasya mĩvw’anano ya kwĩvukya!</verse>
				<verse number="4">Nũtw’ĩkĩte mũvĩtan’ya nthakamenĩ yaku ĩla wetĩkisye na nĩwĩvukĩtye mĩvw’ananonĩ yaku ĩla waseũvisye; na nũtumĩte mĩthenya yaku ĩthengeea, o na nũvikĩe myaka yaku: kwondũ wa ũu nĩnakũtw’ĩkĩthisye wa kũvũthw’a kwa i mbaĩ, na kũvũĩwa ngũĩ kwa nthĩ syonthe.</verse>
				<verse number="5">Ala me vakuvĩ, na ala me kũasa naku, makakũvũĩa ngũĩ, we ũla mũthũku mũno na wusũĩte kĩtuu.</verse>
				<verse number="6">Sisya, anene me mbee ũsumbĩnĩ ma Isilaeli, kĩla ũmwe kwĩanana na vinya wake, maĩ nthĩnĩ waku metĩkye nthakame.</verse>
				<verse number="7">Nthĩnĩ waku nĩmavũthĩtye ĩthe na nyinyia; katĩ waku nĩmanyamaĩtye mwĩkali wa ũeninĩ; nthĩnĩ waku nĩmamekĩte naĩ ala makwĩĩwe nĩ aaĩthe na aka ndiwa.</verse>
				<verse number="8">Nũvũthĩtye syĩndũ syakwa ntheu, na nũvukĩtye masavato makwa.</verse>
				<verse number="9">Andũ ala masukanaa maĩ nthĩnĩ waku metĩkye nthakame; na nthĩnĩ waku nĩmaĩĩe lĩu iĩmanĩ ĩũlũ: nthĩnĩ waku nĩmekĩte wathe.</verse>
				<verse number="10">Nthĩnĩ waku nĩmavuĩte aaĩthe moo moneke me athei; nthĩnĩ waku nĩmamũthũkĩtye mũndũ mũka ũla wealũlĩte.</verse>
				<verse number="11">Na ũmwe nĩwĩkĩte ũthatyo na kĩveti kya mũtũi wake; na ũngĩ nũthũkĩtye mũka wa mwana na wathe; na nthĩnĩ waku ũngĩ nũthũkĩtye mwĩĩtu‐wa‐ĩthe.</verse>
				<verse number="12">Nthĩnĩ waku nĩmosete mavaki metĩkye nthakame; nũkovethetye ũtũngĩwe ũtandĩthyo na wongeleko, na nũtandĩthĩtye na ũtoonu atũinĩ maku ũndũ wa kũmathĩn’ya, na nĩwũlĩtwe ninyie, easya ũu Mwĩaĩi Yeova.</verse>
				<verse number="13">Sisya, kwondũ wa ũu, nĩngũnanganĩtye mbĩ syakwa nũndũ wa ũtandĩthyo waku wa ũkengani ũla watandĩthisye, na nũndũ wa nthakame yaku ĩla yaĩ nthĩnĩ waku.</verse>
				<verse number="14">Ngoo yaku nĩtonya kũmĩĩsya, kana moko maku nĩmatonya kwĩthĩwa na vinya, mĩthenya ĩla ngakũsilĩla? Nyie, Yeova, nĩnĩneenete ũu, na ngawĩka.</verse>
				<verse number="15">Na ngakũnyaĩĩkĩsya i mbaĩnĩ, na ũkũnyaĩĩkya katĩ wa i nthĩ; na ngamina ũvuku waku ũkũthele.</verse>
				<verse number="16">Na ũkavukw’a nthĩnĩ waku mwene, methonĩ ma i mbaĩ; na ũkamanya ninyie Yeova.</verse>
				<verse number="17">Na ndeto ya Yeova yambũkĩa, ĩkĩmbĩa,</verse>
				<verse number="18">Mwana wa mũndũ, nyũmba ya Isilaeli nĩtw’ĩkĩte makwaũ kwakwa: onthe mayo nĩ ũthuku na kĩaa kya ivava na kĩaa na ĩvulũ, nthĩnĩ wa iko ĩnene; nao nĩ makwaũ ma vetha.</verse>
				<verse number="19">Kwondũ wa ũu Mwĩaĩi Yeova easya atĩĩ: Nĩkwĩthĩwa inyw’onthe nĩmũtw’ĩkĩte makwaũ, kwondũ wa ũu, sisya, ngamũmban’ya Yelusaleme katĩ.</verse>
				<verse number="20">O tondũ mombanasya vetha na ũthuku na kĩaa na ĩvulũ na kĩaa kya ivava ikonĩ ĩnene, maivuvĩĩa mwaki, maitwekethye; o ta ũu ngamũmban’ya inyw’ĩ ũthatunĩ wakwa na kũthilĩkanĩ kwakwa, na ngamwia vo, na kũmũtwekethya.</verse>
				<verse number="21">Ĩĩ, ngamũmban’ya, na kũmũvuvĩĩa mwaki wa ũthilĩku wakwa, na mũkatwekethw’a nthĩnĩ wayo.</verse>
				<verse number="22">O tondũ vetha ũtwekethaw’a nthĩnĩ wa iko ĩnene, o ta ũu mũkatwekethw’a nthĩnĩ wayo; na mũkamanya kana nyie, Yeova, nĩnonoetye ũthilĩku wakwa ĩũlũ wenyu.</verse>
				<verse number="23">Na ndeto ya Yeova yambũkĩa, ĩkĩmbĩa,</verse>
				<verse number="24">Mwana wa mũndũ, mĩtavye, We wĩ nthĩ ĩte nthesye, o na ĩtaauĩwa mũthenya wa ũthatu.</verse>
				<verse number="25">Ve wĩw’ano mũthũku wa athani mayo katĩ wayo, ta mũnyambũ ũkũuuma ũkĩya sya nzyĩma: nĩmaminĩte andũ; nĩmosaa ũthwii mwie na syĩndũ syĩ vata mũno; nĩmatw’ĩkĩthĩtye aka aingĩ mayo ndiwa.</verse>
				<verse number="26">Athembi mayo nĩmang’endeete mĩao yakwa, na mavukĩtye syĩndũ syakwa ntheu: matyaavathũkan’ya kĩla kĩtheu na kĩla kĩte kĩtheu, o na matyaatuma andũ mavathũkan’ya kĩla kĩtheu na kĩla kĩte kĩtheu, na nĩmamavithĩte masavato makwa metho moo, na nyie nĩvukĩtwe katĩ woo.</verse>
				<verse number="27">Anene mayo me mbee ũsumbĩnĩ nthĩnĩ wayo mailyĩ nzũi ikĩya sya nzyĩma, metĩkye nthakame, na kwananga andũ, nĩ kana mose ũtandĩthyo wa ũkengani.</verse>
				<verse number="28">Na athani mayo mavakĩte sokaa ũte mũlue nesa kwondũ woo, makyona mawoni ma ũvũngũ, na maimathĩa movũngũ, makyasya, Ũũ nĩw’o Mwĩaĩi Yeova ũnũkwasya, yĩla Yeova ũtaneenete.</verse>
				<verse number="29">Andũ ma ĩ nthĩ nĩmathĩnĩtye, na nĩmavutanĩte, ĩĩ, nĩmathĩnĩtye ngya na ala athĩni, na manyamaĩtye mwĩkali wa ũeninĩ na nzĩa ĩte ndũngalu.</verse>
				<verse number="30">Na namantha mũndũ katĩ woo, ũla wĩaka ũvai, na kũũngama vandũ vaomboku mbee wakwa kwondũ wa ĩ nthĩ, ndikamyanange; ĩndĩ ndyaaona ũmwe.</verse>
				<verse number="31">Kwondũ wa ũu nĩnĩmonoesye ũthatu wakwa; nĩnĩmaminĩte na mwaki wa ũthilĩku wakwa: mũendele woo ene nĩnĩetete ĩũlũ wa mĩtwe yoo, easya ũu Mwĩaĩi Yeova.</verse>
			</chapter>
			<chapter number="23">
				<verse number="1">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="2">Mwana wa mũndũ, kwaĩ aka elĩ, eĩtu ma inyia ũmwe:</verse>
				<verse number="3">na meeka ũmalwaya nthĩ ya Misili; meeka ũmalwaya wĩĩtunĩ woo; nondo syoo nĩsyavivĩwe kw’o, na kĩthũi kya wĩĩtu woo kyakwatangĩwa kw’o.</verse>
				<verse number="4">Na masyĩtwa moo, ũla mũkũũ eetawa Oola, na mwĩĩtu‐a‐inyia Ooliva: na matw’ĩka makwa, na masyaa ana na eĩtu. Na ũndũ wa masyĩtwa moo, Samalia nĩ Oola, na Yelusaleme nĩ Ooliva.</verse>
				<verse number="5">Na Oola eeka ũmalwaya yĩla waĩ wakwa; na amenda mũno endwa make, nao nĩ Aasuli atũi make,</verse>
				<verse number="6">ala meevw’ĩkĩte ngũa sya vuluu, makavana na asumbĩki, onthe anake ma kwendwa, andũ maendaa makuĩtwe nĩ mbalasi.</verse>
				<verse number="7">Na eeka ũmalwaya wake nao, andũ onthe ala aseo mbee ma Asuli; na o ala wamendaa, nĩwevukisye na mĩvw’anano yoo yonthe.</verse>
				<verse number="8">O na ndaatia ũmalwaya wake kuma mĩthenya ya Misili; nũndũ yĩla waĩ wĩĩtunĩ wake nĩmakomaa nake, na makwatangaa kĩthũi kya wĩĩtu wake; na mamwĩtĩkĩsya ũmalwaya woo.</verse>
				<verse number="9">Kwondũ wa ũu namũnengane kw’okonĩ kwa endwa make, kw’okonĩ kwa Aasuli, ala wamendaa.</verse>
				<verse number="10">Asu mamũvua oneke e mũthei; moosa ana make na eĩtu make; na mamũaa na ũvyũ: na atw’ĩka wa kũvũthĩĩw’a akanĩ; nũndũ nĩmamũsilĩle.</verse>
				<verse number="11">Na mwĩĩtu‐a‐inyia Ooliva oona ũu, ĩndĩ nake aĩ mũthũku kwĩ we kwendanĩ kwake, na ũmalwayanĩ wake ũla waĩ mwingĩ kwĩ ũmalwaya wa mwĩĩtu‐a‐inyia.</verse>
				<verse number="12">Nĩwamendaa Aasuli, makavana na asumbĩki, atũi make, meevw’ĩkĩte ngũa mbanakavye, andũ maendaa makuĩtwe nĩ mbalasi, onthe anake ma kwendwa.</verse>
				<verse number="13">Na noona nĩwavukĩtw’e; asu elĩ nĩmaendaa na nzĩa ĩmwe.</verse>
				<verse number="14">Nake aingĩvya ũmalwaya wake; nũndũ nĩwonie aũme mavanĩtwe ũvainĩ, mĩvw’ano ya Akalitei mĩvane na langi mũtune mũno,</verse>
				<verse number="15">mavotoete inyunyu syoo mĩsivi, na mĩtwenĩ yoo mekĩĩte ngutw’a syĩkĩĩtwe langi, onthe anene me mbee ũsumbĩnĩ kwonekanĩ kwoo, kũatĩĩa mũvw’anĩle wa Ambaviloni nthĩ ya Kalitei, nthĩ ĩla masyaĩwe.</verse>
				<verse number="16">Na o yĩla wamonie amenda, na amatũmĩa atũmwa ku Kalitei.</verse>
				<verse number="17">Na Ambaviloni mathi vala ũĩ ũkomonĩ wa wendo, na mamũvukya na ũmalwaya woo, nake avukanĩw’a nao, na ngoo yake yataanĩsya nao.</verse>
				<verse number="18">Kwondũ wa ũu avua ũmalwaya wake, na eevua oneke e mũthei: nĩvo ĩndĩ ngoo yakwa yataanĩsya nake, o tondũ ngoo yakwa yataanĩsye na mwĩĩtu‐a‐inyia wake.</verse>
				<verse number="19">Ĩndĩ aingĩvya ũmalwaya wake, akĩlilikana mĩthenya ya wĩĩtu wake, yĩla wekie ũmalwaya e nthĩ ya Misili.</verse>
				<verse number="20">Na nĩwamendaa endwa moo, ala mĩĩ yoo ĩilyĩ mĩĩ ya mang’oi, na mũluo woo ũilyĩ mũluo wa mbalasi.</verse>
				<verse number="21">O ta ũu nũlilikanaa wathe wa wĩĩtu waku, ũndũ wa kũkwatangwa kĩthũi kyaku nĩ Amisli nũndũ wa nondo sya wĩĩtu waku.</verse>
				<verse number="22">Kwondũ wa ũu, we Ooliva, ũũ nĩw’o Mwĩaĩi Yeova ũnũkwasya: Sisya, ngakũkĩlĩlya endwa maku, ala ngoo yaku ĩtaanĩtw’e nao, na ngamaete mokite naku kĩla ngalĩko:</verse>
				<verse number="23">Ambaviloni na Akalitei onthe, Vekoti na Soa na Koa, na Aasuli onthe vamwe nao; anake ma kwendwa, onthe nĩ makavana na asumbĩki, anene me mbee ũsumbĩnĩ na andũ me ndaĩa, onthe makuĩtwe nĩ mbalasi.</verse>
				<verse number="24">Na makakũkĩa na mĩio ya kaũ, makasya ma kaũ, na makasya ma mĩio, na me na nguthu ya ngo sya andũ; makeeyũmban’ya mokite naku me na tũkalo na ngao na ngovia mathyũlũlũkĩte ngalĩ syonthe: na ngamanenga kũsila, na makakũsilĩla kwĩanana na mosilĩlo moo.</verse>
				<verse number="25">Na ngakwelekelya kĩwĩu kyakwa, na makakwĩka na ũthatu mwai; makaumya ĩnyiũũ yaku na matũ maku; na ũtialo waku ũkavalũkw’a na ũvyũ: na makoosa ana maku na eĩtu maku; na ũtialo waku ũkavĩvw’a na mwaki.</verse>
				<verse number="26">O na makakumya ngũa syaku, na makakũvuta mĩio yaku mĩseo ya wanake.</verse>
				<verse number="27">O ta ũu ngakũekethya wathe waku, o na ũmalwaya waku ũla waetie kuma nthĩ ya Misili; nĩ kana ndũkaawũkĩlĩlye metho maku, o na kũlilikana Misili ĩngĩ.</verse>
				<verse number="28">Nũndũ ũũ nĩw’o Mwĩaĩi Yeova ũnũkwasya: Sisya, ngakũnengane kw’okonĩ kwa ala ũmamenaa, kw’okonĩ kwa ala ngoo yaku yĩtaanĩsye nao;</verse>
				<verse number="29">na makakwĩka na kĩmena, na makaveta wĩa waku w’onthe, na makaũtia wĩ mũthei ũte ngũa; na ũthei wa ũmalwaya waku ũkavuũwa woneke wĩ mũthei, wathe waku na ũmalwaya waku syelĩ.</verse>
				<verse number="30">Ũkeekwa maũndũ asu, nũndũ nĩwĩkĩte ũmalwaya na i mbaĩ, na nũndũ nũvukĩtw’e nĩ mĩvw’anano yoo.</verse>
				<verse number="31">Nũkinyĩte mũendelenĩ wa mwĩĩtu‐a‐nyukwe; kwondũ wa ũu ngakũnenga kĩkombe kyake kw’okonĩ kwaku.</verse>
				<verse number="32">Ũũ nĩw’o Mwĩaĩi Yeova ũnũkwasya: Ũkanyw’a kĩkombe kya mwĩĩtu‐a‐nyukwe, kĩla kĩ kĩliku na kĩnene; ũkathekeewa mũno na kũvũthw’a; nĩ kyusĩe ki.</verse>
				<verse number="33">Ũkausũw’a ũthengi na woo, kĩkombe kya ũseng’ya na wanangĩko, kĩkombe kya mwĩĩtu‐a‐nyukwe Samalia.</verse>
				<verse number="34">Ũkakĩnyw’a na kũkĩng’ũlũlya, na ũkaveveta ilĩo syakyo, na ũkatembũanga nondo syaku; nũndũ nĩnĩneenete ũu, easya ũu Mwĩaĩi Yeova.</verse>
				<verse number="35">Kwondũ wa ũu Mwĩaĩi Yeova easya: Nũndũ nĩwũlĩtwe ninyie, na nũndũngĩte ĩtina waku, kwondũ wa ũu kua wathe waku na ũmalwaya waku.</verse>
				<verse number="36">Na ĩndĩ Yeova angũlya: Mwana wa mũndũ, ũkasilĩla Oola na Ooliva? Ĩndĩ matavye mothatyo moo.</verse>
				<verse number="37">Nũndũ nĩmekĩte ũlaalai, na nthakame yĩ mokonĩ moo; na nĩmekĩte ũlaalai na mĩvw’anano yoo; o na ana moo, ala manzyaĩe, mavĩtĩlya mwakinĩ kwondũ wayo mavĩvw’e.</verse>
				<verse number="38">Na ĩngĩ nĩmambĩkĩte ũũ: nĩmavukisye vandũ vakwa vatheu mũthenya o ũsu, na mavukĩtye masavato makwa.</verse>
				<verse number="39">Nũndũ yĩla mamyũaĩĩte mĩvw’anano yoo syana syoo, nĩvo ĩndĩ mookie o mũthenya ũsu vandũnĩ vakwa vatheu mavavukye; na, sisya, ũu nĩmeekĩe nyũmbanĩ yakwa nthĩnĩ.</verse>
				<verse number="40">Na ũndũ ũngĩ nĩmũtũmanĩte andũ maume kũasa, ala mũtũmwa watũmiwe kwoo, na, sisya, nĩmokie; na wathamba, na wavaka metho maku langi, na weeyanakavya na mĩio ya wanake kwondũ woo,</verse>
				<verse number="41">na wekalĩla ũkomo wa ndaĩa, na mesa yalanĩtw’e mbee waw’o, ĩla waiĩte ũvani wakwa na mauta makwa.</verse>
				<verse number="42">Na wasya wa andũ aingĩ ala mathũmũĩte waĩ nake: na vamwe na andũ mate ndaĩa nĩkwaetiwe athengi kuma weũnĩ; na mamekĩa asu elĩ itang’a mokonĩ moo, na ngovia sya ũsumbĩ nzeo mũno mĩtwenĩ yoo.</verse>
				<verse number="43">Nĩvo ĩndĩ naisye ũndũ wa ũla waĩ mũkũũ molaalainĩ, Yu makeeka ũmalwaya nake, nake nao.</verse>
				<verse number="44">Na malika vala waĩ, o tondũ malikaa kwa ĩlwaya: now’o malikaa kwa Oola na kwa Ooliva, aka athe.</verse>
				<verse number="45">Na andũ alũngalu makamasilĩla na ũsilĩlo wa ilaalai, na ũsilĩlo wa aka ala metĩkasya nthakame; nĩkwĩthĩwa nĩ ilaalai, na nthakame yĩ mokonĩ moo.</verse>
				<verse number="46">Nũndũ ũũ nĩw’o Mwĩaĩi Yeova ũnũkwasya: Ngamaetee nguthu, na ngamanengane mekangw’e kũũ na kũũ na kũvutwa.</verse>
				<verse number="47">Na nguthu ĩkamakimanga na mavia, na kũmoaa na mbyũ syoo; makooaa ana moo na eĩtu moo, na kũvĩvya nyũmba syoo na mwaki.</verse>
				<verse number="48">Ta ũu ngatuma wathe ũthela ĩ nthĩ, nĩ kana aka onthe mamanyĩw’e matikaatĩĩe wathe wenyu.</verse>
				<verse number="49">Na makamũĩva wathe wenyu, na mũkakua naĩ sya mĩvw’anano yenyu; na mũkamanya ninyie Mwĩaĩi Yeova.</verse>
			</chapter>
			<chapter number="24">
				<verse number="1">Ĩngĩ, mwaka wa kenda, mwei wa ĩkũmi, mũthenya wa ĩkũmi wa mwei, ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, andĩka syĩtwa ya mũthenya, o mũthenya ũũ: mũsumbĩ wa Mbaviloni nũthengeeie Yelusaleme mũthenya o ũũ.</verse>
				<verse number="3">Na tavya ĩla nyũmba ng’endu ngelekan’yo, noimea, Ũũ nĩw’o Mwĩaĩi Yeova ũnũkwasya, Tinĩsya kĩteve, kĩtinĩsye, o na ĩkĩa manzĩ nthĩnĩ wakyo:</verse>
				<verse number="4">osan’ya ilungu wĩkĩe nthĩnĩ wakyo, o kĩla kĩlungu kĩseo, kũũ, na kw’oko; kyusũsye mavĩndĩ ala maseo mbee.</verse>
				<verse number="5">Osa ila nzeo sya ndĩthya ya mbũi na malondu, o na ũmbanĩsya kĩvumbu kya mavĩndĩ ungu wakyo; noikĩtheũkya mũno; ĩĩ, mavĩndĩ makyo matheũkw’e me nthĩnĩ wakyo.</verse>
				<verse number="6">Kwondũ wa ũu Mwĩaĩi Yeova easya: Woo nĩ wa ndũa ya nthakame, na wa kĩteve kĩla ĩtheũko yakyo yĩ nthĩnĩ wakyo, na ĩtheũko yakyo yĩtinauma nthĩnĩ wakyo! Umya nthĩnĩ wakyo kĩlungu na kĩlungu; kũti mũlimano o na wĩva waavalũka ĩũlũ wayo.</verse>
				<verse number="7">Nũndũ nthakame yayo yĩ katĩ wayo; yamiie ĩũlũ wa ĩvia ĩthei; ndĩaamĩta ĩũlũ wa nthĩ, ĩmĩvw’ĩke na kĩtoo.</verse>
				<verse number="8">Nĩ kana ĩtume ũthilĩku wũkĩla wĩĩvanĩsye, nĩniĩte nthakame yayo ĩũlũ wa ĩvia ĩthei, ndĩkavw’ĩkwe.</verse>
				<verse number="9">Kwondũ wa ũu Mwĩaĩi Yeova easya: Woo nĩ wa ndũa ya nthakame! Nakwa nganenevya mbumbu ĩthĩwe nene.</verse>
				<verse number="10">Ĩkĩa ngũ mbingĩ, akan’ya mwaki, theũkya nyama mũno, noiseũvya mũsavũ mũkamu, na mavĩndĩ mavĩvw’e.</verse>
				<verse number="11">Na ĩndĩ kie kĩ kĩthei ĩũlũ wa makaa makyo, nĩ kana kĩthĩwe kĩ kĩvyũ, na ũthuku wakyo ũvĩvw’e, na nĩ kana ũvuku wakyo ũtwekee nthĩnĩ wakyo, nĩ kana yĩla ĩtheũko yakyo yĩthele.</verse>
				<verse number="12">Nĩkĩnoetye na wĩa; ĩndĩ ĩtheũko yakyo yingĩ yĩtyumaa nthĩnĩ wakyo; ĩtheũko yakyo yĩtyumaa kwondũ wa mwaki.</verse>
				<verse number="13">Ũvukunĩ waku ve wathe: nĩkwĩthĩwa nĩnĩkũtheetye na ndwaathea, ndũkathew’a ũvuku waku ĩngĩ, kũvika yĩla ngathũmũsya ũthilĩku wakwa kwaku.</verse>
				<verse number="14">Nyie, Yeova, nĩnĩneenete ũu: kũkeekĩka na ngawĩka; ndikasyoka ĩtina, o na ndikaekea, o na ndiketũnga; kwĩanana na mĩendele yaku, na kwĩanana na meko maku, makakũsilĩla, easya ũu Mwĩaĩi Yeova.</verse>
				<verse number="15">O na ndeto ya Yeova yambũkĩa, ĩkĩmbĩa,</verse>
				<verse number="16">Mwana wa mũndũ, sisya, nĩngumya kwaku na ĩkũna yĩmwe kĩla kyendetwe nĩ metho maku: ĩndĩ ndũkamete kana kũĩa, o na methoi maku maiketĩke.</verse>
				<verse number="17">Vevũũka, ũvindĩtye, ndũkametee ũla mũkw’ũ; ĩyove kakovila kaku, noyĩkĩa iatũ syaku maũũnĩ maku, na ndũkavw’ĩke ilomo syaku, o na ndũkaye lĩu wa andũ.</verse>
				<verse number="18">Na ĩndĩ naneena na andũ asu kĩoko; na wĩoo kĩveti kyakwa kyakw’a; na kĩoko neeka ũndũ neaĩwe.</verse>
				<verse number="19">Na andũ mangũlya, Ndwĩtũtavya maũndũ aa ũndũ mailyĩ kwitũ, kana wĩke ũu?</verse>
				<verse number="20">Nĩvo ĩndĩ namatavisye, Ndeto ya Yeova yambũkĩa, ĩkĩmbĩa,</verse>
				<verse number="21">Neena na nyũmba ya Isilaeli, Ũũ nĩw’o Mwĩaĩi Yeova ũnũkwasya: Sisya, ngavukya vandũ vakwa vatheu, ngathĩĩo ya vinya wenyu, kĩla kyendetwe nĩ metho menyu, na kĩla ngoo yenyu ĩkĩw’ĩa tei; na ana menyu na eĩtu menyu ala mwatiie ĩtina makavalũkw’a na ũvyũ.</verse>
				<verse number="22">Na mũkeeka o tondũ nĩkĩte: mũtikavw’ĩka ilomo syenyu, kana kũya lĩu wa andũ.</verse>
				<verse number="23">Na tũkovila twenyu tũkeethĩwa mĩtwenĩ yenyu, na iatũ syenyu maũũnĩ menyu: mũtikameta kana kũĩa; ĩndĩ mũkasonzomea ũthũkunĩ wenyu, na kũmalumanĩla ũmwe na ũla ũngĩ.</verse>
				<verse number="24">O ta ũu Esekieli akeethĩwa ũvano kwenyu; kwĩanana na w’onthe ũla wekie nĩw’o mũkeka: yĩla ũu wĩũka, nĩvo mũkamanya ninyie Mwĩaĩi Yeova.</verse>
				<verse number="25">Naku, mwana wa mũndũ, kũtikethĩwa mũthenya yĩla nĩmaumya vinya woo, ũtanu wa ndaĩa yoo, kĩla kyendetwe nĩ metho moo, na kĩla mend na ngoo yoo, ana moo na eĩtu moo,</verse>
				<verse number="26">kana mũthenya o ũsu ũla wĩvonoka akakũkĩa, atume wĩw’a ũu na matũ maku?</verse>
				<verse number="27">Mũthenya ũsu kanyw’a waku ũkaathamw’a kwa ũsu mũvonoku, na ũkaneena, na ndũkethĩwa ũtatonya kũneena ĩngĩ: o ta ũu ũkeethĩwa ũvano kwoo; nao makamanya ninyie Yeova.</verse>
			</chapter>
			<chapter number="25">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, elekelya ana ma Amimoni ũthyũ waku, noimathanĩa:</verse>
				<verse number="3">na matavye ana ma Amimoni, Ĩthukĩĩsyei ndeto ya Mwĩaĩi Yeova: Ũũ nĩw’o Mwĩaĩi Yeova ũnũkwasya, Nĩkwĩthĩwa waisye, Aa! Ĩũlũ wa vandũ vakwa vatheu, yĩla vavukiw’e; na ĩũlũ wa nthĩ ya Isilaeli, yĩla yatw’ĩwe nthei; na ĩũlũ wa nyũmba ya Yuta, yĩla maendie me atave:</verse>
				<verse number="4">kwondũ wa ũu, sisya, ngakũnengane kwa ana ma ngalĩ ya wumĩlonĩ wa syũa wĩthĩwe woo, na makamba myako yoo ya maeema nthĩnĩ waku, na kũseũvya mawĩkalo moo nthĩnĩ waku; makaĩsaa mosyao ma mĩtĩ yaku, na makanyusaa ĩia yaku.</verse>
				<verse number="5">Na ngatw’ĩkĩthya Lava nyũmba ya ngamĩle, na ana ma Amimoni vandũ va kũtindisya ndĩthya sya mbũi na malondu: na mũkamanya ninyie Yeova.</verse>
				<verse number="6">Nũndũ ũũ nĩw’o Mwĩaĩi Yeova ũnũkwasya: Nĩkwĩthĩwa nũkũnanganĩtye mbĩ syaku, na nũtuangĩĩte maũũ nthĩ, na nũtanĩte na kĩvũthya kyonthe kya ngoo yaku ĩũlũ wa nthĩ ya Isilaeli;</verse>
				<verse number="7">kwondũ wa ũu, sisya, nĩnĩkũtambũũkĩsye kw’oko kwakwa, na ngakũnengane wĩthĩwe mũtavo kwa i mbaĩ; na ngakũveta wume ngonĩ sya andũ, na ngatuma waa wume i nthĩ: ngakwananga; na ũkamanya ninyie Yeova.</verse>
				<verse number="8">Ũũ nĩw’o Mwĩaĩi Yeova ũnũkwasya: Nĩkwĩthĩwa Moavi na Seili ikwasya, Sisya, nyũmba ya Yuta ĩilyĩ ta mbaĩ syonthe;</verse>
				<verse number="9">kwondũ wa ũu, sisya, ngavingũa ngalĩko ya Moavi kuma ndũanĩ, kuma ndũanĩ syayo ila syĩ mĩvakanĩ yayo, ndaĩa ya ĩ nthĩ, Mbethi‐yesimothi, na Mbaali‐meoni, na Kiliathaimu,</verse>
				<verse number="10">kũvika ana ma wumĩlonĩ wa syũa, mũkite na ana ma Amimoni; na ngamanengane methĩwe menyu, nĩ kana ana ma Amimoni matikaalilikanwe katĩ wa i mbaĩ:</verse>
				<verse number="11">na ngasilĩla Moavi; an makamanya ninyie Yeova.</verse>
				<verse number="12">Ũũ nĩw’o Mwĩaĩi Yeova ũnukwasya: Nĩkwĩthĩwa Etomu nĩyĩkĩte nyũmba ya Yuta kwa kwĩĩvanĩsya, na nĩmĩvĩtanĩĩtye mũno, na nĩyĩĩvanĩĩtye kwoo;</verse>
				<verse number="13">kwondũ wa ũu Mwĩaĩi Yeova easya, Ngatambũũkĩsya Etomu kw’oko kwakwa, na ngaveta mũndũ na nyamũ nthĩnĩ wayo; na ngamĩtw’ĩkĩthya nthei kuma Temani; o na kũvika Ndetani makavalũkw’a na ũvyũ.</verse>
				<verse number="14">Na ngeeĩvanĩsya ĩũlũ wa Etomu na kw’oko kwa andũ makwa Isilaeli; na makeeka nthĩnĩ wa Etomu kwĩanana na ũthatu wakwa na kwĩanana na kũthilĩka kwakwa; na makamanya ũĩvanĩsyo wakwa, easya ũu Mwĩaĩi Yeova.</verse>
				<verse number="15">Ũũ nĩw’o Mwĩaĩi Yeova ũnũkwasya: Nĩkwĩthĩwa Avilisiti nĩmekĩte kwa kwĩĩvanĩsya, na nĩmeĩvanĩsye na kĩvũthya kya ngoo syoo manange na ũthũ ũtatw’ĩkanaa;</verse>
				<verse number="16">kwondũ wa ũu Mwĩaĩi Yeova ũnũkwasya, Sisya, ngamatambũũkĩsya Avilisiti kw’oko kwakwa, na ngaveta Akelethi, na kwananga ũtialo ũla wĩkalĩte ũtee wa ũkanga.</verse>
				<verse number="17">Na ngeeĩvanĩsya ĩũlũ woo na mokan’yo mai; na makamanya ninyie Yeova, yĩla ngeeĩvanĩsya ĩũlũ woo.</verse>
			</chapter>
			<chapter number="26">
				<verse number="1">Na kweethĩwa mwaka wa ĩkũmi na ũmwe, mũthenya wa mbee wa mwei, ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, nĩkwĩthĩwa Tile nĩneeneete Yelusaleme, Aa! Nake nũtũlĩtwe ũla waĩ mbingĩlo ya ngo sya andũ; nĩwĩnthyũũĩe; nakwa ngausũwa, nũndũ yu nũtw’ĩkĩthĩtw’e ĩanzo:</verse>
				<verse number="3">kwondũ wa ũu Mwĩaĩi Yeova ũnũkwasya, Sisya, nĩ na ũndũ naku, we Tile, na ngambatya mbaĩ mbingĩ syũke kũkita naku, o tondũ ũkanga wũkĩlanasya itulumo syaw’o.</verse>
				<verse number="4">Na ikaananga maũvai ma Tile, na kũomboa myako yayo mĩtũlu ya mĩnyoolo: o na ngavyaĩa kĩtoo kyayo, na ũmĩtw’ĩkĩthya ĩvia ĩthei.</verse>
				<verse number="5">Ĩkeethĩwa vandũ va kwalan’ya itei sya makũyũ ũkanganĩ katĩ; nũndũ nĩnĩneenete ũu, easya ũu Mwĩaĩi Yeova; na ĩkatw’ĩka mũtavo wa i mbaĩ.</verse>
				<verse number="6">Na eĩtu mayo ala me kĩsesinĩ makooawa na ũvyũ: na makamanya ninyie Yeova.</verse>
				<verse number="7">Nũndũ ũũ nĩw’o Mwĩaĩi Yeova ũnũkwasya: Sisya, ngaete ĩũlũ wa Tile Nevukatilesa mũsumbĩ wa Mbaviloni, mũsumbĩ wa asumbĩ, kuma ngalĩ ya ĩũlũ, e na mbalasi, na makasya ma kaũ, na andũ ma ũtũla mbalasi, na nguthu, na andũ aingĩ.</verse>
				<verse number="8">Akooaa na ũvyũ eĩtu maku me kĩsesinĩ; na akakwakĩĩa ngome, na kũkũmbĩĩa mbumbu, na ũkũkĩlĩlya kakalo.</verse>
				<verse number="9">Na akaiĩa maũvai maku mĩio yake ya kũmavũthũa, na akaomboa myako yaku mĩtũlu ya mĩnyoolo na mathoka make.</verse>
				<verse number="10">Nũndũ wa wingĩ wa mbalasi syake kĩtoo kyasyo kĩkakũvw’ĩka: maũvai maku makathingithanga ũndũ wa kĩlonzo kya ala matũlĩte mbalasi, na kya makasya ma mĩio, na makasya ma kaũ, yĩla wĩlika mbingĩlonĩ syaku, o tondũ andũ malikaa ndũanĩ ĩla yavũthũiwe.</verse>
				<verse number="11">Akakinyanga nzĩa syaku syonthe nene na mavũngũ ma mbalasi syake; akooaa andũ maku na ũvyũ; na itũĩ sya vinya waku ikavalũka nthĩ.</verse>
				<verse number="12">Na makatava ũthwii waku, na syĩndũ syaku sya kũthoosya ikeethĩwa mũtavo; na makaomboa maũvai maku, na kwananga nyũmba syaku sya kwendeesya; na makeekĩa mavia maku na mĩtĩ yaku na kĩtoo kyaku manzĩnĩ.</verse>
				<verse number="13">Ngavindĩthya kĩlonzo kya mbathi syaku; na wasya wa mbeve syaku ndũkew’ĩka ĩngĩ.</verse>
				<verse number="14">Na ngakũtw’ĩkĩthya ĩvia ĩthei; ũkeethĩwa vandũ va kwalan’ya itei sya makũyũ; ndũkakwa ĩngĩ: nũndũ nyie Yeova nĩnĩneenete ũu, easya ũu Mwĩaĩi Yeova.</verse>
				<verse number="15">Ũũ nĩw’o Mwĩaĩi Yeova ũnũũkũlya Tile: Ithama itikathingithanga ũndũ wa wasya wa kũvalũka kwaku, yĩla ala okite melumaa, yĩla ũaani ũkethĩwa kwaku?</verse>
				<verse number="16">Nĩvo ĩndĩ anene onthe me mbee ũsumbĩnĩ ma ũkanga makatheea kuma ivĩlanĩ syoo sya ũsumbĩ, na kwia nthĩ ngũa syoo ndasa, na kumya ngũa syoo itumĩĩwe wanake: makevw’ĩka kũtetema; makekala nthĩ, na makatetema kĩla kaven’ya, na kũseng’w’a nue.</verse>
				<verse number="17">Na makambĩlĩlya ũkũĩĩa, na ũkwĩa, Wanangĩkie ata, we ũla watwĩwe nĩ andũ ala maendaa ũkanganĩ, ndũa ya nguma, ĩla yaĩ na vinya ũkanganĩ, nake na ala make matwĩe kw’o, ala mamatĩsasya onthe ala matwĩe kw’o!</verse>
				<verse number="18">Yu ithama ikatetema mũthenya wa kũvalũka kwaku; ĩĩ, ithama syĩ ũkanganĩ ikateva ũndũ wa kũthela kwaku.</verse>
				<verse number="19">Nũndũ ũũ nĩw’o Mwĩaĩi Yeova ũnũkwasya: Yĩla ngakũtw’ĩkĩthya ndũa ya ĩanzo, ta ndũa ĩtatwĩwe; yĩla ngambatya manzĩ ma syũngũ nene ĩũlũ waku, na manzĩ maingĩ makakũvw’ĩka;</verse>
				<verse number="20">nĩvo ĩndĩ ngakũtheesya vamwe na ala matheeaa yĩla ĩimanĩ, vala ve andũ ma tene, na ngakwĩkalya kũndũ kwĩ nthĩnĩ wa nthĩ, kũndũ kũla kũthei kuma tene, vamwe na ala matheeaa yĩla ĩimanĩ, nĩ kana ndũkaatũwe nĩ andũ; na ngaia ndaĩa nthĩ ya ala me thayũ.</verse>
				<verse number="21">Ngakũtw’ĩkĩthya ũtĩsyo, na ndũkethĩwa ĩngĩ; o na ethĩwa ũkamanthwa, ndũkoneka ĩngĩ, easya ũu Mwĩaĩi Yeova.</verse>
			</chapter>
			<chapter number="27">
				<verse number="1">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="2">Naku, mwana wa mũndũ, ambĩlĩlya kĩĩo ũndũ wa Tile;</verse>
				<verse number="3">noitavya Tile, We ũla ũtwĩe ũlikĩlonĩ wa ũkanga, wĩ mũthoosya kwa ngoosya andũ kwondũ wa ithama nyingĩ, ũũ nĩw’o Mwĩaĩi Yeova ũnũkwasya: We, Tile, ũneenete, Nyie nĩ mwĩanĩu kwanakavanĩ.</verse>
				<verse number="4">Mĩvaka yaku yĩ nthĩnĩ wa maũkanga; aki maku nĩmeanĩĩtye kwanakava kwaku.</verse>
				<verse number="5">Nĩmaseũvĩtye mbwaũ syaku syonthe sya ngalawa sya mĩtĩ ya mĩsonovali kuma Senili; nĩmosete mũkũũ ku Levanoni makũseũvĩsye mũlingoti.</verse>
				<verse number="6">Nĩmaseũvĩtye mĩtĩ yaku ya ũkũtwaa ya mĩtĩ ya myaloni ya ku Mbasani; nĩmaseũvĩtye ivĩla syaku sya mĩtĩ ya mĩvuena ithũĩĩwe na tũlungu twa maeo ma nzou, kuma ithamanĩ sya Kitimu.</verse>
				<verse number="7">Ngũa yaku ĩla yĩkĩawa mũtĩnĩ ĩkwate kĩseve yaĩ ya katane nzeo yatumĩĩwe wanake ku Misili, nĩ kana yĩthĩwe kwaku kĩvevelo; kyandalua kyaku kyaĩ kya vuluu na kya langi wailyĩ mũtune kuma ithamanĩ sya Elisaa.</verse>
				<verse number="8">Ala matwĩe Sitoni na Alivati maĩ atwai maku: andũ maku oĩ, we Tile, maĩ nthĩnĩ waku, nĩmo maĩ atongoi maku.</verse>
				<verse number="9">Atumĩa ma Ngevali o na andũ oĩ ma vo nĩmo malindaa mbatũku syaku: ngalawa syonthe sya ũkanganĩ vamwe na andũ ala maendaa nasyo maĩ nthĩnĩ waku matandĩthye syĩndũnĩ syaku sya ũthoosya.</verse>
				<verse number="10">Andũ ma Velisia na Luti na Vutu maĩ itanĩ syaku, andũ maku ma kaũ: nĩmanĩkie ngao na ngovia nthĩnĩ waku; nĩmoonanisye ndaĩa yaku.</verse>
				<verse number="11">Andũ ma Alivati vamwe na ita syaku maĩ maũvainĩ maku ngalĩ syonthe, na andũ me na ũkũmbaũ maĩ myakonĩ yaku mĩtũlu ya mĩnyoolo; nĩmanĩkie ngao syoo maũvainĩ maku ngalĩ syonthe; nĩmeanĩĩtye kwanakava kwaku.</verse>
				<verse number="12">Talisisi yathooasya kwaku nũndũ wa wingĩ wa mĩthemba yonthe ya ũthwii; makũanasya vetha, na kĩaa, na kĩaa kya ivava, na ĩvulũ, na syĩndũ syaku sya ũthoosya.</verse>
				<verse number="13">Yavani, Tuvali, na Meseki, maĩ atandĩthya kwaku; makũanasya mathayũ ma andũ na mĩio ya ũthuku na syĩndũ syaku sya ũthoosya.</verse>
				<verse number="14">Ala ma nyũmba ya Tokalima maetae mbalasi na mbalasi sya kaũ na nyũmbũ makũan’ye na syĩndũ syaku sya ũthoosya.</verse>
				<verse number="15">Andũ ma Ndetani maĩ atandĩthya kwaku; ithama nyingĩ syaĩ ing’ang’a sya kw’oko kwaku: nĩmakũetee makũan’ye mbya sya maeo ma nzou na mũvĩngo,</verse>
				<verse number="16">Silia yathoosya kwaku kwondũ wa wingĩ wa mawĩa maku ma moko: maetae nzumalati, na langi ũilyĩ ta mũtune, na ngũa itumĩĩwe wanake, na katane nzeo, na tũvila twa vethaluka, na maliani, makũan’ye na syĩndũ syaku sya ũthoosya.</verse>
				<verse number="17">Yuta, na nthĩ ya Isilaeli, syaĩ atandĩthya kwaku: maetae nganũ kuma Minithi, na vanaka, na ũkĩ wa nzũkĩ, na mauta, na seli, makũan’ye na syĩndũ syaku sya ũthoosya.</verse>
				<verse number="18">Ndamasiku yathoosya kwaku kwondũ wa wingĩ wa mawĩa maku ma moko, nũndũ wa wingĩ wa mĩthemba yonthe ya ũthwii, maetae mbinyu kuma Elivoni, na w’ĩa mweũ wa malondu.</verse>
				<verse number="19">Vetani na Yavani makũanasya ndii na syĩndũ syaku sya ũthoosya: kĩaa kĩtue, na kalavuu, na ithua, syaĩ syĩndũnĩ syaku sya ũthoosya.</verse>
				<verse number="20">Ndetani yaĩ mũtandĩthya kwaku wa ngũa nzeo sya kwilĩĩla ĩũlũ wa mbalasi.</verse>
				<verse number="21">Alavia, na anene onthe me mbee ũsumbĩnĩ ma Ketali, mathooasya kw’okonĩ kwaku; tũtena twa malondũ na ndũũme, na mbũi, nĩsyo mathooasya kwaku.</verse>
				<verse number="22">Atandĩthya ma Sieva na Laama, maĩ atandĩthya kwaku; maetae mĩtĩ ĩla yĩ mũuke mũseo mbee, na tũvila tw’onthe twĩ thooa mũnene, na thaavu, makũan’ye na syĩndũ syaku sya ũthoosya.</verse>
				<verse number="23">Aalani na Kane na Eteni, atandĩthya ma Sieva, Asuli na Kilimati, maĩ atandĩthya kwaku.</verse>
				<verse number="24">Asu maĩ atandĩthya kwaku syĩndũnĩ nzeo, masuka ma vuluu matumĩĩwe wanake, na masandũkũ me ngũa nzeo mũno, movetwe na ndii, na matumĩtwe na mũkũũ, syĩndũnĩ syaku sya ũthoosya.</verse>
				<verse number="25">Ngalawa sya Talisisi syaĩ syaku sya ũkua syĩndũ syaku sya ũthoosya: naku wausũwa, na wataĩwa mũno katĩ wa maũkanga.</verse>
				<verse number="26">Ala atwai maku makũetie manzĩnĩ maingĩ: kĩseve kyumĩte wumĩlonĩ wa syũa nĩkĩkũtũĩlĩe katĩ wa maũkanga.</verse>
				<verse number="27">Mothwii maku, na mĩio yaku, syĩndũ syaku sya ũthoosya, na andũ maku ma ngalawa syaku, na atongoi maku, na maku ala malindaa mbatũku, na akũan’ya ma mĩio yaku, na andũ maku onthe ma kaũ, ala me nthĩnĩ waku, vamwe na nguthu yaku yonthe ĩla yĩ katĩ waku, makavalũka katĩ wa maũkanga mũthenya wa wanangĩko waku.</verse>
				<verse number="28">Syengo syĩ ndee ikathingithanga yĩla kwĩ kĩlonzo kya kĩĩo kya atongoi maku.</verse>
				<verse number="29">Na onthe ala makwataa mĩtĩ ya kũtwaa, andũ ma ngalawa, na atongoi onthe ma ũkanganĩ, makatheea maume ngalawanĩ syoo; makaũngama nthĩ,</verse>
				<verse number="30">na makakwĩw’ĩthya wasya woo, na makaĩa me na woo, na makekya kĩtoo mĩtwenĩ yoo; makeeyalalya mũunĩ:</verse>
				<verse number="31">na makeeyenza ũvaa kwondũ waku, na kwĩvotoa makunĩa, na makakũĩĩa me na woo ngoonĩ makĩmeta na woo.</verse>
				<verse number="32">Na makĩmeta makambĩlĩlya kĩĩo kwondũ waku, na makakũĩĩa, makyasya, Nũũ ũilyĩ ta Tile, ta ũla ũvindĩthĩtw’e katĩ wa ũkanga?</verse>
				<verse number="33">Yĩla syĩndũ syaku sya ũthoosya syaumaw’a maũkakanganĩ, wausũasya ngo mbingĩ sya andũ; wathuasya asumbĩ ma nthĩ na wingĩ wa mothwii maku na wa syĩndũ syaku sya ũthoosya.</verse>
				<verse number="34">Ĩvinda yĩla watũlilwe nĩ maũkanga syũngũnĩ sya manzĩ, syĩndũ syaku sya ũthoosya na nguthu yaku yonthe yavalũka katĩ waku.</verse>
				<verse number="35">Onthe ala matwĩe ithamanĩ nĩmeũseng’a ũndũ waku, na asumbĩ moo nĩmakĩĩte mũno; nĩmekũũũya mothyũnĩ moo.</verse>
				<verse number="36">Athoosya katĩ wa ngo sya andũ nĩmeũkũtimba; nũtw’ĩkĩte ũtĩsyo, na ndũkethĩwa ĩngĩ.</verse>
			</chapter>
			<chapter number="28">
				<verse number="1">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="2">Mwana wa mũndũ, mwĩe mũnene wĩ mbee ũsumbĩnĩ wa Tile, Ũũ nĩw’o Mwĩaĩi Yeova ũnũkwasya: Nĩkwĩthĩwa ngoo yaku nĩyĩtũlĩtye, naku nĩwaĩtye, Nyie nĩ ngai, nĩkalaa kĩvĩlanĩ kya Ngai, katĩ wa maũkanga; ĩndĩ wĩ mũndũ, na ndwĩ Ngai, o na kau nĩwaiie ngoo yaku ta ngoo ya Ngai;—</verse>
				<verse number="3">sisya, wĩ mũĩ kwĩ Ndanieli; vati nzama ĩvithĩte kwaku;</verse>
				<verse number="4">kwondũ wa ũĩ waku na ũmanyi waku nĩwĩyone ũthwii, na nĩwĩyosee thaavu na vetha ũilikya mothwiinĩ maku maie;</verse>
				<verse number="5">kwondũ wa ũĩ waku mwingĩ na kwondũ wa kũtandĩthya kwaku nĩwingĩvĩtye ũthwii waku, na ngoo yaku nĩyĩtũlĩtye ũndũ wa ũthwii waku;—</verse>
				<verse number="6">kwondũ wa ũu Mwĩaĩi Yeova easya: Nĩkwĩthĩwa nĩwiĩte ngoo yaku ta ngoo ya Ngai,</verse>
				<verse number="7">kwondũ wa ũu, sisya, ngaete aeni ĩũlũ waku, ala ma ũtĩsya ma i mbaĩ; na makakũĩa mbyũ syoo wanake wa ũĩ waku, na makavukya ũtisu waku.</verse>
				<verse number="8">Makakũtheesya ĩimanĩ; na ũkakw’a kĩkw’ũ kya ala mooaĩwe maũkanganĩ nthĩnĩ.</verse>
				<verse number="9">Ukaneena mbee wa ũla ũnũũkũaa, Nyie nĩ Ngai? Ĩndĩ we wĩ mũndũ, na ndwĩ Ngai, kw’okonĩ kwa ũla ũkũkitĩte.</verse>
				<verse number="10">Ukakw’a kĩkw’ũ kya ala mate aĩke kwondũ wa kw’oko kwa aeni: nũndũ nĩnĩneenete ũu, easya ũu Mwĩaĩi Yeova.</verse>
				<verse number="11">Na ĩndĩ ndeto ya Yeova yambũkĩa, ĩkĩmbĩa,</verse>
				<verse number="12">Mwana wa mũndũ, ambĩlĩlya kĩĩo ũndũ wa mũsumbĩ wa Tile, noimwĩa, Ũũ nĩw’o Mwĩaĩi Yeova ũnũkwasya: Nĩwĩkĩĩte wĩanĩu ũsiĩlo, wusũĩte ũĩ, na mwĩanĩu kwanakavanĩ.</verse>
				<verse number="13">Waĩ Eteni, mũũnda wa Ngai; kĩla kavila ke thooa mũnene kaĩ ka kwĩvw’ĩka kwaku, salitũ, tovasi, na salitonyi, nzumalati ntheu, nzumalati, na yasivi, sumalati, na alimasi ndune, na thaavu; wĩa wa tũthembe twaku na mĩtũlilũ yaku waĩ nthĩnĩ waku; mũthenya ũla woombiwe nĩsyaseũviw’e.</verse>
				<verse number="14">Waĩ mũkeluvi ũla wetĩkĩw’e mauta ũla wavw’ĩkaa: na nakwia, o na weethĩwa ĩũlũ wa kĩĩma kĩtheu kya Ngai; nĩwaendaa kũũ na kũũ katĩ wa mavia ma mwaki.</verse>
				<verse number="15">Waĩ mwĩanĩu mĩendelenĩ yaku kuma mũthenya ũla woombiwe, kũvika yĩla ũla ũte ũlũngalu woonekie nthĩnĩ waku.</verse>
				<verse number="16">Kwondũ wa wingĩ wa kũtandĩthya kwaku makusũsya nthĩnĩ ũng’endu, na nũvĩtĩtye: kwondũ wa ũu nĩnakwĩkisye ta wĩ mũvuku kũkumya kĩĩmanĩ kya Ngai; na nĩngwanangĩte, we mũkeluvi ũla wavw’ĩkaa, ngakumya katĩ wa mavia ma mwaki.</verse>
				<verse number="17">Ngoo yaku nĩyĩtũlĩtye nũndũ wa kwanakava kwaku; nũvukĩtye ũĩ waku nũndũ wa ũtisu waku: nĩngwĩkĩtye nthĩ; nĩngwiĩte mbee wa asumbĩ, nĩ kana makwone.</verse>
				<verse number="18">Kwondũ wa wingĩ wa mothũku maku, ũndũnĩ ũla ũte ũlũngalu wa kũtandĩthya kwaku, nũvukĩtye kũndũ kwaku kũtheu; kwondũ wa ũu nĩnumĩtye mwaki nthĩnĩ waku; naw’o nũkũvĩvĩtye, nakwa nĩnĩkũtw’ĩkĩthĩtye mũu ĩũlũ wa nthĩ mbee wa onthe ala makwonaa.</verse>
				<verse number="19">Onthe ala makwĩsĩ katĩ wa ngo sya andũ makaseng’a ũndũ waku: nũtw’ĩkĩte ũtĩsyo, na ndũkethĩwa ĩngĩ nongi.</verse>
				<verse number="20">Na ndeto ya Yeova yambũkĩa, ĩkĩmbĩa,</verse>
				<verse number="21">Mwana wa mũndũ, elekelya ũthyũ waku Sitoni, noimyathanĩa,</verse>
				<verse number="22">ũkyasya, Ũũ nĩw’o Mwĩaĩi Yeova ũnũkwasya: Sisya, nĩ na ũndũ naku, we Sitoni; na ngataĩwa nthĩnĩ waku; na makamanya ninyie Yeova, yĩla nĩĩthĩwa nĩminĩte kũmũsilĩla, na kwĩyonan’ya kwake atĩ nĩ mũtheu.</verse>
				<verse number="23">Nũndũ ngaete mũimũ nthĩnĩ wake, na nthakame nzĩanĩ nene syake; na ala mokitĩtwe makavalũka nthĩnĩ wake, ũvyũ wĩ ĩũlũ wake kĩla ngalĩko; na makamanya ninyie Yeova.</verse>
				<verse number="24">Na kũikethĩwa ĩngĩ mũtae wa kĩthekanĩ ũla ũtonyaa nyũmba ya Isilaeli, kana mwĩw’a ũla wĩw’ĩthasya woo ala mamathyũlũlũkĩte, ala mamavũthisye; na makamanya ninyie Mwĩaĩi Yeova.</verse>
				<verse number="25">Ũũ nĩw’o Mwĩaĩi Yeova ũnũkwasya: Yĩla ngethĩwa nũmbanĩtye nyũmba ya Isilaeli kũmaumya katĩ wa ngo sya andũ ila manyaĩĩkĩtw’e katĩ wasyo, na nĩyonanĩtye kwoo atĩ nĩ mũtheu i mbaĩ syene, nĩvo ĩndĩ makatũa nthĩ yoo ene ĩla namũnengie mũthũkũmi wakwa Yakovo.</verse>
				<verse number="26">Na makekalaa kw’o meyelele; ĩĩ, makaaka nyũmba, na kũvanda mĩũnda ya mĩsavivũ, na makekalaa meyelele, yĩla ngethĩwa nĩminĩte kũmasilĩla onthe ala mamavũthasya mamathyũlũlũkĩte; na makamanya kana ninyie Yeova Ngai woo.</verse>
			</chapter>
			<chapter number="29">
				<verse number="1">Mwaka wa ĩkũmi, mwei wa ĩkũmi, mũthenya wa ĩkũmi na ĩlĩ wa mwei, ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, elekelya Valao mũsumbĩ wa Misili ũthyũ waku, noimwathanĩa, o na Misili yonthe;</verse>
				<verse number="3">neena, noimwĩa, Ũũ nĩw’o Mwĩaĩi Yeova ũnũkwasya: Sisya, nĩ na ũndũ naku, we Valao mũsumbĩ wa Misili, mũkũnga mũnene ũla wĩkalaa mbũsĩnĩ syake, ũla waĩtye, Usĩ wakwa nĩ wakwa mwene, na nĩnzeũvĩtye kwondũ wakwa mwene.</verse>
				<verse number="4">Na ngeekĩa mboloi nene ngambuunĩ syaku, na ngatuma makũyũ ma mbũsĩ syaku malũman’ya na makwaũ maku; na ngakumya nthĩnĩ wa mbũsĩ syaku, vamwe na makũyũ onthe ma mbũsĩ syaku ala malũmanasya na makwaũ maku.</verse>
				<verse number="5">Na ngakwĩkya weũnĩ, we na makũyũ onthe ma mbũsĩ syaku: ũkavalũka weũnĩ; ndũkombanw’a vamwe, o na ndũkatũngĩanĩwa; nĩnĩkũnenganĩte wĩthĩwe lĩu wa nyamũ sya kũũ nthĩ na nyũnyi sya yayaya.</verse>
				<verse number="6">Na onthe ala matwĩe Misili makamanya ninyie Yeova, nĩkwĩthĩwa maĩ ndata ya mũangi kwa nyũmba ya Isilaeli.</verse>
				<verse number="7">Yĩla makũkwatie kw’oko kwaku, watũlĩka, na watembũa ituo syoo syonthe; na yĩla makwaĩĩe, watũlĩka, na watuma inyunyu syoo syonthe itetema.</verse>
				<verse number="8">Kwondũ wa ũu Mwĩaĩi Yeova nũnũkwasya: Sisya, ngaete ũvyũ ĩũlũ waku, na ngaveta kwaku mũndũ na nyamũ.</verse>
				<verse number="9">Na nthĩ ya Misili ĩkeethĩwa nthei na mbanangĩku; na makamanya ninyie Yeova. Nĩkwĩthĩwa nĩwaĩtye, Ũsĩ nĩ wakwa, ninyie nawũmbie;</verse>
				<verse number="10">kwondũ wa ũu, sisya, nĩ na ũndũ naku, na mbũsĩ syaku, na ngaananga vyũ nthĩ ya Misili na ĩkeethĩwa nthei, kuma mwako mũtũlu wa mũnyoolo wa Sevene o kũvika mũvaka wa Ethiovia.</verse>
				<verse number="11">Vati kũũ kwa mũndũ kũkamĩvĩtĩla, o na kũũ kwa nyamũ kũikamĩvĩtĩla, o na ndĩkatũwa myaka mĩongo ĩna.</verse>
				<verse number="12">Na ngatw’ĩkĩthya nthi ya Misili nthei katĩ wa nthĩ ila nthei; na ndũa syayo katĩ wa ndũa ila itw’ĩkĩthĩtw’e maanzo ikeethĩwa nthei myaka mĩongo ĩna; na nganyaĩĩkĩsya Amislili katĩ wa i mbaĩ, na kũmanyaĩĩkĩsya katĩ wa i nthĩ.</verse>
				<verse number="13">Nũndũ ũũ nĩw’o Mwĩaĩi Yeova ũnũkwasya: Myaka mĩongo ĩna yathela ngoomban’ya Amisili kuma ngonĩ sya andũ kũla manyaĩĩkĩw’e;</verse>
				<verse number="14">na ngatũnga Misili maume kũtavwanĩ, na ngatuma masyoka nthĩ ya Vathilosi, nthĩ ya kũsyaĩwa kwoo; na makeethĩwa kw’o ũsumbĩ ĩtheo vyũ.</verse>
				<verse number="15">Katĩ wa mosumbĩ ũkeethĩwa ĩtheo vyũ; o na ndũketũlya ĩngĩ ĩũlũ wa i mbai: na ngamanyivya, nĩ kana matikasumbĩke i mbaĩ ĩngĩ.</verse>
				<verse number="16">Na ndũkethĩwa wĩkwatyo wa nyũmba ya Isilaeli ĩngĩ, ũkĩete ũkilikan’yo wa ũthũku, yĩla makethyũũa kũmasisya: na makamanya ninyie Mwĩaĩi Yeova.</verse>
				<verse number="17">Na kweethĩwa mwaka wa mĩongo ĩlĩ na mũonza, mwei wa mbee, mũthenya wa mbee wa mwei, ndeto ya Yeova yambũkĩa, ĩkĩmbĩa,</verse>
				<verse number="18">Mwana wa mũndũ, Nevukatilesa mũsumbĩ wa Mbaviloni athũkũmĩthisye ita syake ũthũkũmi mũnene ĩũlũ wa Tile: kĩla mũtwe waya ũvaa, na kĩla kĩtuo kyasyũlĩka; ĩndĩ ndaĩ na ĩtuvi, o na ita syake, kuma Tile, nũndũ wa ũthũkũmi ũla wathũkũmie ĩũlũ wayo.</verse>
				<verse number="19">Kwondũ wa ũu Mwĩaĩi Yeova nũnũkwasya: Sisya, ngamũnenga Nevukatilesa mũsumbĩ wa Mbaviloni nthĩ ya Misili; na akatwaa wingĩ wa andũ mayo, na kwosa mũtavo wayo, na kwosa mbuta yayo; na ĩkeethĩwa ĩtuvi ya ita syake.</verse>
				<verse number="20">Nĩnĩmũnengete nthĩ ya Misili yĩthĩwe ĩtuvi yake yĩla wathũkũmĩe, nĩkwĩthĩwa nĩmanthũkũmie, easya ũu Mwĩaĩi Yeova.</verse>
				<verse number="21">Mũthenya ũsu ngathongoosya ũvya nyũmbanĩ ya Isilaeli, na ngakũnenga kwathamya kanyw’a waku katĩ woo; na makamanya ninyie Yeova.</verse>
			</chapter>
			<chapter number="30">
				<verse number="1">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="2">Mwana wa mũndũ, athana, nokyasya, Ũũ nĩw’o Mwĩaĩi Yeova ũnũkwasya: Ĩai, Ĩiaa! Nũndũ wa ũ mũthenya!</verse>
				<verse number="3">Nũndũ mũthenya nĩ mũthengeeu, o mũthenya wa Yeova nĩ mũthengeeu; ũkeethĩwa mũthenya wa matu, ĩvinda ya i mbaĩ.</verse>
				<verse number="4">Na ũvyũ ũkookĩa Misili, na woo mũnene ũkeethĩwa Ethiovia, yĩla oawa makavalũka ku Misili; na makaveta andũ aingĩ mayo, na myambĩlĩlyo yayo ĩkaombowa.</verse>
				<verse number="5">Ethiovia, na Vutu, na Luti, o na andũ onthe mavulanĩte, na Kuvu, na ana ma nthĩ ya ũtianĩo, makavalũkw’a na ũvyũ vamwe nao.</verse>
				<verse number="6">Ũũ nĩw’o Yeova ũnũkwasya: O nao ala meũlũman’ya na Misili makavalũka; na ngathĩĩo ũndũ wa vinya wayo ũkatheea: kuma mwakonĩ mũtũlu wa mũnyoolo wa Sevene makavalũkĩlw’a na ũvyũ nthĩnĩ wayo, easya ũu Mwĩaĩi Yeova.</verse>
				<verse number="7">Na makeethĩwa me athei katĩ wa nthĩ ila nthei; na ndũa syayo ikeethĩwa katĩ wa ndũa ila itw’ĩkĩte maanzo.</verse>
				<verse number="8">Na makamanya ninyie Yeova, yĩla nĩĩthĩwa nakanĩtye mwaki nthĩnĩ wa Misili, na atethya mayo onthe nĩmanangĩte.</verse>
				<verse number="9">Mũthenya ũsu atũmwa makauma kwakwa maende ngalawanĩ mamatĩsye Aethiovia ala mate kĩio; na kũkeethĩwa woo mũnene ĩũlũ woo, o ta mũthenyanĩ wa Misili; nũndũ, sisya, nĩwũkĩte.</verse>
				<verse number="10">Ũũ nĩw’o Mwĩaĩi Yeova ũnũkwasya: Ngamina wingĩ wa andũ ma Misili, na kw’oko kwa Nevukatilesa mũsumbĩ wa Mbaviloni.</verse>
				<verse number="11">We na andũ make vamwe nake, ala ma kũtĩsya ma i mbaĩ, makaetwe manange ĩ nthĩ; na makamĩkũĩa Misili mbyũ syoo, na kusũsya nthĩ ala mooaiwe.</verse>
				<verse number="12">Na ngang’alĩthya mbũsĩ, na ngathoosya ĩ nthĩ kw’okonĩ kwa andũ athũku; na ngatw’ĩkĩthya nthĩ ĩsu nthei, na kyonthe kĩla kĩ nthĩnĩ wayo, na kw’oko kwa aeni: nyie, Yeova, nĩnĩneenete ũu.</verse>
				<verse number="13">Ũũ nĩw’o Mwĩaĩi Yeova ũnũkwasya: O na ngaananga mĩvw’anano, na ngatuma mĩvw’anano ĩthela ku Memivisi; na kũikethĩwa ĩngĩ mũnene wĩ mbee ũsumbĩnĩ nthĩ ya Misili: na ngeekĩa w’ĩa nthĩ ya Misili.</verse>
				<verse number="14">Na ngamĩtw’ĩkĩthya Vathilosi nthei, na ngakan’ya mwaki Nzoani, na ngasilĩla ndũa ya No.</verse>
				<verse number="15">Na ngoonoesya ũthilĩku wakwa ĩũlũ wa Sini, ngome yĩ vinya ya Misili; na ngaveta wingĩ wa andũ ma No.</verse>
				<verse number="16">Na ngakan’ya mwaki Misili: Sini ĩkeethĩwa na woo mwingĩ, na No ĩkatũlangwa ilungu; na Memivisi ĩkeethĩwa na amaitha o mũthenya.</verse>
				<verse number="17">Anake ma Aveni na ma Vi‐vesethi makavalũkw’a na ũvyũ; na ndũa isu ikatavwa.</verse>
				<verse number="18">O na kũu Teaveneesi mũthenya ũkeethĩwa kĩvindu, yĩla ngatũlĩla masoki ma Misili kw’o, na ngathĩĩo ũndũ wa vinya wayo ĩkathela nthĩnĩ wayo: na ũndũ wayo, ĩthweo yĩkamĩvw’ĩka, na eĩtu mayo makaenda me atave.</verse>
				<verse number="19">Ũũ nĩw’o ngasilĩla Misili; na makamanya ninyie Yeova.</verse>
				<verse number="20">Na kweethĩwa mwaka wa ĩkũmi na ũmwe, mwei wa mbee, mũthenya wa mũonza wa mwei, ndeto ya Yeova yambũkĩa, ĩkĩmbĩa,</verse>
				<verse number="21">Mwana wa mũndũ, nĩnĩtũlĩte kw’oko kwa Valao mũsumbĩ wa Misili; na, sisya, kũtyaaovwa, kwĩkĩwe mĩtĩ ya ũvosya, kũlingĩlĩĩlwe kĩtambaa, nĩ kana kwĩthĩwe na vinya wa kũkwata ũvyũ.</verse>
				<verse number="22">Kwondũ wa ũu Mwĩaĩi Yeova nũnũkwasya: Sisya, nĩ na ũndũ na Valao mũsumbĩ wa Misili, na ngatũla moko make, kw’oko kwĩ vinya, na kũla kwaĩ kũtũlĩku; na ngatuma ũvyũ ũvalũka kuma kw’okonĩ kwake.</verse>
				<verse number="23">Na nganyaĩĩkĩsya Amisili mbaĩnĩ, na kũmanyaĩĩkĩsya katĩ wa i nthĩ.</verse>
				<verse number="24">Na ngamekĩa vinya moko ma mũsumbĩ wa Mbaviloni, na kwĩkĩa ũvyũ wakwa kw’okonĩ kwake: ĩndĩ ngatũla moko ma Valao, na akalumĩlaa mbee wake ta kĩlumo kya mũndũ ũkitĩtwe kũvikĩa kĩkw’ũ.</verse>
				<verse number="25">Na ngookĩlya moko ma mũsumbĩ wa Mbaviloni; na moko ma Valao makaniina; na makamanya ninyie Yeova, yĩla nĩĩkĩa ũvyũ wakwa kw’okonĩ kwa mũsumbĩ wa Mbaviloni, nake akakũtambũũkya ĩũlũ wa nthĩ ya Misili.</verse>
				<verse number="26">Na nganyaĩĩkĩsya Amisili i mbaĩnĩ, na kũmanyaĩĩkĩsya katĩ wa i nthĩ; na makamanya ninyie Yeova.</verse>
			</chapter>
			<chapter number="31">
				<verse number="1">Na kweethĩwa mwaka wa ĩkũmi na ũmwe, mwei wa katatũ, mũthenya wa mbee wa mwei, ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, mũkũlye Valao mũsumbĩ wa Misili, na nguthu yake: Ũilyĩ taũ ũnenenĩ waku?</verse>
				<verse number="3">Sisya, Mũasuli aĩ mũtĩ wa mũkũũ wĩ mbonge nzeo nthĩnĩ wa Levanoni, na wĩ muunyĩ wailyĩ wa mũtitũ, na wa kĩũngamo kĩasa; na mũthya waw’o waĩ katĩ wa mbonge nthungu.</verse>
				<verse number="4">Manzĩ moonyithya, manzĩ ma syũngũ moomesya: mbũsĩ syasyo syathyũlũlũka vala wavandiwe; na ikatwaĩa tũlũsĩ twasyo mĩtĩnĩ yonthe ya mũũnda.</verse>
				<verse number="5">Kwondũ wa ũu ũtũlu waw’o wambatw’a kwĩ mĩtĩ yonthe ya mũũnda; na mbonge syaw’o syongeleka, na mbonge syaw’o syaasava nũndũ wa manzĩ maingĩ, yĩla wathongooisye.</verse>
				<verse number="6">Nyũnyi syonthe sya yayaya syaakaa ndala syasyo mbongenĩ syaw’o; na nyamũ syonthe sya kĩthekanĩ syasyaĩaa maswii masyo ungu wa mbonge syaw’o; na mbaĩ syonthe nene syekalaa muunyĩnĩ waw’o.</verse>
				<verse number="7">Waseũvĩte o ta ũu ũnenenĩ waw’o, ũasanĩ wa mbonge syaw’o; nũndũ mũi waw’o waĩ vakuvĩ na manzĩ maingĩ.</verse>
				<verse number="8">Mĩkũũ mũũndanĩ wa Ngai ĩtyaatonya kũũvitha; mĩtĩ ya mĩsonovali ndĩailyĩ mbonge syaw’o, na mĩtĩ ya mĩalamoni ndĩailyĩ mbonge syaw’o; o na vatyaĩ mũtĩ o na wiva mũũndanĩ wa Ngai wailyĩ taw’o kwanakavanĩ kwaw’o.</verse>
				<verse number="9">Nĩnooseũvisye wĩthĩwe mũseo kwondũ wa wingĩ wa mbonge syaw’o, mũvaka mĩtĩ yonthe ya Eteni, ĩla yaĩ mũũndanĩ wa Ngai, yawĩw’ĩa kĩwĩu.</verse>
				<verse number="10">Kwondũ wa ũu Mwĩaĩi Yeova nũnũkwasya: Nĩkwĩthĩwa nũtũlĩtw’e ũasanĩ, na kwia mũthya wake katĩ wa mbonge nthungu, na ngoo yake nĩtũlĩtw’e ũasanĩ wake;</verse>
				<verse number="11">ngamũnengane kw’okonĩ kwa ũla wĩ ũtonyi wa i mbaĩ; vate ndĩĩ akatwaatwaana nake; nĩnĩmũlũngĩtye ũndũ wa ũthũku wake.</verse>
				<verse number="12">Na aeni, ala ma ũtĩsya ma i mbaĩ, nĩmamũvetete, na nĩmamũtiĩte: mbonge syake nivalũkĩte iĩmanĩ ĩũlũ na myandanĩ yonthe, na mbonge syake nitũlĩkĩte vakuvĩ na mbũsĩ syonthe sya ĩ nthĩ; na ngo syonthe sya andũ sya nthĩ nĩsyatheeie kuma muunyĩnĩ wake, na nĩsyamũtiie.</verse>
				<verse number="13">Nyũnyi syonthe sya yayaya ikekala wanangĩkonĩ wake, na nyamũ syonthe sya kĩthekanĩ ikeethĩwa mbongenĩ syake;</verse>
				<verse number="14">nĩ kana mĩtĩ yonthe yĩ vakuvĩ na manzĩ ndĩkenenevye ũasanĩ wayo, kana kwia mĩthya yayo katĩ wa mbonge nthungu, kana ĩla yĩ vinya katĩ wayo ĩũngame ũasanĩ wayo, o yonthe ĩla ĩnyusaa manzĩ: nũndũ onthe nĩmanenganĩte makw’e, kũvika kũndũ kwĩ nthĩnĩ wa nthĩ, katĩ wa ana ma andũ, vamwe na ala matheeaa yĩla ĩimanĩ.</verse>
				<verse number="15">Ũũ nĩw’o Mwĩaĩi Yeova ũnũkwasya: Mũthenya ũla watheeie Seoli nĩnatwie kũmetwe: navw’ĩka syũngũ nene kwondũ wake, na nasiĩĩa mbũsĩ sya vo; na ala manzĩ maingĩ masiĩĩwa; na natuma Levanoni ĩmũmetea, na mĩtĩ yonthe ya kĩthekanĩ yathelekela kwondũ wake.</verse>
				<verse number="16">Nathingithangya i mbaĩ ũndũ wa kĩuumo kya kũvalũka kwake, yĩla namwĩkisye Seoli vamwe na ala matheeaa yĩla ĩimanĩ; na mĩtĩ yonthe ya Eteni, ĩla mĩnyuve na mĩseo mbee ya Levanoni, yonthe ĩla ĩnyusaa kĩw’ũ, yakiakiĩw’a kũndũ kwĩ nthĩnĩ wa nthĩ.</verse>
				<verse number="17">Nao matheea Seoli vamwe nake vala vaĩ ala mooaiwe na ũvyũ; ĩĩ, ala maĩ kw’oko kwake, ala mekalile muunyĩnĩ wake katĩ wa i mbaĩ.</verse>
				<verse number="18">Ũilyĩ taũ ndaĩanĩ na ũnenenĩ katĩ wa mĩtĩ ya Eteni? Ĩndĩ ũkatheew’a vamwe na mĩtĩ ya Eteni kũvika kũndũ kwĩ nthĩnĩ wa nthĩ: ũkakoma katĩ wa ala mate aĩke, vamwe na ala mooaiwe na ũvyũ. Ũsu nĩ Valao na nguthu yake yonthe, easya ũu Mwĩaĩi Yeova.</verse>
			</chapter>
			<chapter number="32">
				<verse number="1">Na kweethĩwa mwaka wa ĩkũmi na ĩlĩ, mwei wa ĩkũmi na ĩlĩ, mũthenya wa mbee wa mwei, ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, ambĩlĩlya kĩĩo ĩũlũ wa Valao mũsumbĩ wa Misili, noimwĩa, Waelekanilw’e na mũnyambũ wa mũika wa i mbaĩ: ĩndĩ ũilyĩ mũkũnga mũnene maũkanganĩ; na waumĩla na vinya mbũsĩnĩ syaku, na wathokoan’ya manzĩ na maũũ maku, na wavukya mbũsĩ syoo.</verse>
				<verse number="3">Ũũ nĩw’o Mwĩaĩi Yeova ũnũkwasya: Ngalan’ya kĩtei kyakwa ĩũlũ waku kya ngo mbingĩ sya andũ; nao makakũkwatya na kĩtei kyakwa.</verse>
				<verse number="4">Na ngakũtia wĩ ĩũlũ wa nthĩ, ngakwĩkya weũnĩ, ngatuma nyũnyi syonthe sya yayaya ikũvũĩla, na ngavũnĩthya nyamũ sya nthĩ yonthe na nyama sya mwĩĩ waku.</verse>
				<verse number="5">Na ngaia nyama sya mwĩĩ waku ĩĩmanĩ, na kusũsya myanda ũtũlu waku.</verse>
				<verse number="6">O na nganyithya na nthakame yaku nthĩ ya kũthambĩa kwaku, o kũvika iĩmanĩ; na mbũsĩ ikausũwa nue.</verse>
				<verse number="7">Na yĩla ngakũvosya, ngavw’ĩka matu, na kwĩkĩa ndata kĩvindu; ngavw’ĩka syũa na ĩthweo, na mwei ndũkaumya kyeni kyaw’o.</verse>
				<verse number="8">Syeni syonthe sya ĩtunĩ ila itisaa ngaitw’ĩkĩthya kĩvindu ĩũlũ waku, na ngaia kĩvindu ĩũlũ wa nthĩ yaku, easya ũu Mwĩaĩi Yeova.</verse>
				<verse number="9">O na ngathĩn’ya ngoo sya ngo mbingĩ sya andũ, yĩla nĩete wanangĩko waku katĩ wa i mbaĩ, ũlike nthĩ ila ũtaaimanya.</verse>
				<verse number="10">Ĩĩ, ngatuma ngo mbingĩ sya andũ iseng’w’a nue, na asumbĩ moo makakĩa na w’ĩa mwai kwondũ waku, yĩla ngavyũlĩlya ũvyũ wakwa mbee woo; na makatetema kĩla kaven’ya, kĩla mũndũ kwondũ wa thayũ wake mwene, mũthenya wa kũvalũka kwaku.</verse>
				<verse number="11">Nũndũ ũũ nĩw’o Mwĩaĩi Yeova ũnũkwasya: Ũvyũ wa mũsumbĩ wa Mbaviloni ũkooka ĩũlũ waku.</verse>
				<verse number="12">Ngavalũkya aingĩ maku na mbyũ sya ala me na ũtonyi; asu onthe nĩo ala ma ũtĩsya ma i mbaĩ: na makatw’ĩkĩthya ngathĩĩo ya Misili ya mana, na wingĩ w’onthe wa andũ ma vo makaanangwa.</verse>
				<verse number="13">O na ngaananga nyamũ syonthe sya vo ila syĩ ũtee wa manzĩ maingĩ; o na kũũ kwa mũndũ kũikamauluan’ya ĩngĩ, kana mavũngũ ma nyamũ maikamauluan’ya.</verse>
				<verse number="14">Nĩvo ĩndĩ nĩkelemya manzĩ moo, na ngatwaĩthya mbũsĩ syoo iende ta mauta, easya ũu Mwĩaĩi Yeova.</verse>
				<verse number="15">Yĩla ngatw’ĩkĩthya nthĩ ya Misili nthei na ĩeketwe, nthĩ ĩthelelwe nĩ kusũa kwayo, yĩla ngakũna onthe ala mamĩtwĩe, nĩvo ĩndĩ makamanya ninyie Yeova.</verse>
				<verse number="16">Kĩĩ nĩkyo kĩĩo kĩla makaĩa nakyo; eĩtu ma i mbaĩ makaĩa nakyo; makamĩmetea Misili na wingĩ w’onthe wa andũ mayo nakyo, easya ũu Mwĩaĩi Yeova.</verse>
				<verse number="17">Na kweethĩwa mwaka wa ĩkũmi na ĩlĩ, mũthenya wa ĩkũmi na ĩtano wa mwei, ndeto ya Yeova yambũkĩa, ĩkĩmbĩa,</verse>
				<verse number="18">Mwana wa mũndũ, ĩa kwondũ wa wingĩ wa andũ ma Misili, noimekya nthĩ, o we, na eĩtu ma mbaĩ syĩ nguma, kũvika kũndũ kwĩ nthĩnĩ wa nthĩ, vamwe na ala matheeaa yĩla ĩimanĩ.</verse>
				<verse number="19">Ũvĩtũkĩte ũũ kwanakavanĩ? Theea, noyiwa vamwe na ala mate aĩke.</verse>
				<verse number="20">Makavalũka katĩ wa ala mooaiwe na ũvyũ: we nũnenganĩtwe ũvyũnĩ; mũkusye ũmũtwae vamwe na wingĩ wa andũ make.</verse>
				<verse number="21">Ala me vinya katĩ wa ala me na ũtonyi makaneena nake me Seoli vamwe na ala mamũtethasya: nĩmatheeete, nĩmakomaa ki, o ala mate aĩke, mooaiwe na ũvyũ.</verse>
				<verse number="22">Asuli e vo na nguthu yake yonthe; mbũa syake nimũthyũlũlũkĩte; onthe moaĩtwe, mavalũkĩtw’e na ũvyũ;</verse>
				<verse number="23">mbũa syoo siĩtwe kĩtulunĩ kya yĩla ĩima, na nguthu yake nĩthyũlũlũkĩte mbũa yake; onthe moaĩtwe, mavalũkĩtw’e na ũvyũ, ala matĩsasya me nthĩ ya ala me thayũ.</verse>
				<verse number="24">Elamu e vo, na wingĩ wa andũ make mathyũlũlũkĩte mbũa yake; onthe moaĩtwe, mavalũkĩtw’e na ũvyũ, ala matheeie mate aĩke kũndũ kwĩ nthĩnĩ wa nthĩ, ala matĩsasya me nthĩ ya ala me thayũ, na nĩmakuĩte nthoni syoo vamwe na ala matheeaa yĩla ĩimanĩ.</verse>
				<verse number="25">Nĩmamwiĩe ũkomo katĩ wa ala mooaiwe vamwe na wingĩ w’onthe wa andũ make; mbũa syake nimũthyũlũlũkĩte; onthe mate aĩke, moaĩtwe na ũvyũ; nũndũ ũtĩsyo woo watĩsasya me nthĩ ya ala me thayũ, na nĩmakuĩte nthoni syoo vamwe na ala matheeaa yĩla ĩimanĩ: nĩwiĩtwe katĩ wa ala moaiwe.</verse>
				<verse number="26">Meseki, Tuvali, na wingĩ w’onthe wa andũ moo me vo; mbũa syoo nimathyũlũlũkĩte; onthe mate aĩke, moaĩtwe na ũvyũ; nũndũ matĩsasya me nthĩ ya ala me thayũ.</verse>
				<verse number="27">Na matikakoma vamwe na ala me na ũtonyi ala mavalũkile ma ala mate aĩke, ala matheeie Seoli me na mĩio yoo ya kaũ, na maiĩte mbyũ syoo ungu wa mĩtwe yoo, na mothũku moo me ĩũlũ wa mavĩndĩ moo; nũndũ maĩ ũtĩsyo wa ala me na ũtonyi nthĩ ya ala me thayũ.</verse>
				<verse number="28">Ĩndĩ we ũkatũlĩlwa katĩ wa ala mate aĩke, na ũkakoma na ala mooaiwe na ũvyũ.</verse>
				<verse number="29">Etomu e vo, asumbĩ make na anene make onthe me mbee ũsumbĩnĩ, ala me na vinya woo makomiw’e vamwe na ala mooaiwe na ũvyũ: makakoma na ala mate aĩke, na vamwe na ala matheeaa yĩla ĩimanĩ.</verse>
				<verse number="30">Me vo anene me mbee ũsumbĩnĩ ma ngalĩ ya ĩũlũ, onthe, na Asitoni onthe, ala matheeie vamwe na ala oawa; nĩmeũsonokw’a ũtĩsyonĩ ũla meekie kwondũ wa vinya woo; na nĩmakomaa mate aĩke vamwe na ala mooaiwe na ũvyũ na nĩmakuaa nthoni syoo vamwe na ala matheeaa yĩla ĩimanĩ.</verse>
				<verse number="31">Valao akamona, na akakiakiw’a kwondũ wa wingĩ wa andũ make, o Valao na ita syake syonthe, moaĩtwe na ũvyũ, easya ũu Mwĩaĩi Yeova.</verse>
				<verse number="32">Nũndũ nĩnĩkĩĩte ũtĩsyo wake nthĩ ya andũ me thayũ; na akaiwa katĩ wa ala mate aĩke, vamwe na ala mooaiwe na ũvyũ, o Valao, na wingĩ w’onthe wa andũ make, easya ũu Mwĩaĩi Yeova.</verse>
			</chapter>
			<chapter number="33">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, neena na ana ma andũ maku, noimatavya, Yĩla nĩete ũvyũ ĩũlũ wa nthĩ, na andũ ma nthĩ ĩsu meumya mũndũ katĩ woo, na makĩmwĩa ethĩwa mũsyaĩĩsya woo;</verse>
				<verse number="3">ethĩwa, yĩla wĩona ũvyũ wũkĩte ĩ nthĩ, akavuva soo, na kũmon’ya andũ;</verse>
				<verse number="4">nĩvo ĩndĩ ũla ũkew’a wasya wa soo, na ailea wonan’yo ũsu; ethĩwa ũvyũ ũkooka, na kũmũveta, nthakame yake ĩkeethĩwa ĩũlũ wa mũtwe wake mwene.</verse>
				<verse number="5">Nĩwewie wasya wa soo, na akyũlea; nthakame yake ĩkeethĩwa ĩũlũ wake; ĩndĩ kethĩwa nĩwawĩtĩkĩlĩle, ethĩwa atangĩĩe thayũ wake.</verse>
				<verse number="6">Ĩndĩ ethĩwa mũsyaĩĩsya nũnũkwona ũvyũ wũkĩte, na ailea kũvuva soo, na andũ matĩkũmanyĩthw’a mũisyo, na ũvyũ ũkyũka, na kumya mũndũ o na wĩva katĩ woo; nũvetetwe e ũthũkũnĩ wake, ĩndĩ nthakame yake ngamĩandũa kw’okonĩ kwa mũsyaĩĩsya.</verse>
				<verse number="7">Naku, mwana wa mũndũ, nĩngwĩĩte wĩthĩwe mũsyaĩĩsya wa nyũmba ya Isilaeli; kwondũ wa ũu ĩw’a ndeto ya kanyw’a wakwa, noimataa na ũtao wakwa.</verse>
				<verse number="8">Yĩla ngwĩa ũla mũthũku, We mũndũ mũthũku, ndwĩ ndĩi ya ũlea ũkw’a, naku ndũũneena ũimwon’ya ũla mũthũku aume mũendelenĩ wake; mũndũ ũsu mũthũku akakw’a e ũthũkunĩ wake, ĩndĩ nthakame yake ngamĩandũa kw’okonĩ kwaku.</verse>
				<verse number="9">Ĩndĩ ethĩwa ũkamwon’ya ũla mũthũku ũndũ wa mũendele wake ethyũũe aũtie, na ndeĩthyũũa na kũtia mũendele wake; akakw’a e ũthũkunĩ wake, ĩndĩ we nũvonoketye thayũ waku.</verse>
				<verse number="10">Naku, mwana wa mũndũ, tavya nyũmba ya Isilaeli: Inyw’ĩ mũneenaa ũũ, mũkyasya, Mavĩtyo maitũ na naĩ sitũ syĩ ĩũlũ waitũ, na nĩtũũsonzomea nthĩnĩ wasyo; tũtonya ata ĩndĩ kwĩkala thayũ?</verse>
				<verse number="11">Matavye O, tondũ nĩ thayũ, easya ũu Mwĩaĩi Yeova, nditanĩthaw’a nĩ kĩkw’ũ kya mũthũku; ĩndĩ nĩ kana ũla mũthũku ethyũũe atie mũendele wake na kwĩkala thayũ: ĩthyũũei, ĩthyũũei mume mĩendelenĩ yenyu mĩthũku; nĩkĩ mũũkw’a, inyw’ĩ nyũmba ya Isilaeli?</verse>
				<verse number="12">Naku, mwana wa mũndũ, tavya ana ma andũ maku, Ũlũngalu wa ũla mũlũngalu ndũkamũvonokya mũthenya wa kũvĩtya kwake; na ũndũ wa ũthũku wa ũla mũthũku, ndakavalũka ũndũ waw’o mũthenya ũla ũkethyũũa atie ũthũku wake; o na ũla mũlũngalu ndakatonya kwĩkala thayũ kwondũ waw’o mũthenya ũla ũkeka naĩ.</verse>
				<verse number="13">Yĩla ngũmwĩa ũla mũlũngalu, ndatĩa kwĩkala thayũ; ethĩwa akaĩkĩĩa ũlũngalu wake, na kwĩka ũthũku, vai ũmwe wa meko make malũngalu ũkalilikanwa; ĩndĩ ũthũkunĩ wake ũla wekie, nĩvo wĩkw’ĩa.</verse>
				<verse number="14">Ĩngĩ, yĩla ngũmwĩa ũla mũthũku, Ndwĩ ndĩi ya ũlea ũkw’a; ethĩwa akeethyũũa na kũtia naĩ yake, na kwĩka ũla wosanaa na mĩao na ũla w’o;</verse>
				<verse number="15">ethĩwa ũla mũthũku akatũnga ngwatĩlĩlyo, na kũtũnga kĩla wosete na mbuta, na kũendaa myamũlonĩ ya thayũ, na kũlea kwĩka ũthũku; ndatĩa kwĩkala thayũ, ndakakw’a.</verse>
				<verse number="16">Naĩ syake ila wekie itikalilikanwa ĩũlũ wake o na ĩmwe yasyo: nĩwĩkĩte ũla wosanaa na mĩao na ũla wa w’o; ndatĩa kwĩkala thayũ.</verse>
				<verse number="17">Ĩndĩ ana ma andũ maku measya, Nzĩa ya Mwĩaĩi ndĩanene: ĩndĩ ũndũ woo, nzĩa yoo ndĩanene.</verse>
				<verse number="18">Yĩla mũlũngalu ũkethyũũa na kũtia ũlũngalu wake, na kwĩkaa ũthũku, akakw’ĩa nthĩnĩ waw’o.</verse>
				<verse number="19">Na yĩla ũla mũthũku ũkethyũũa na kũtia ũthũku wake, na kwĩkaa ũla wosanaa na mĩao na ũla wa w’o, akekala thayũ kwondũ waw’o.</verse>
				<verse number="20">Ĩndĩ inyw’ĩ mwĩasya, Nzĩa ya Mwĩaĩi ndĩanene. Inyw’ĩ nyũmba ya Isilaeli, ngamũsilĩla kĩla ũmwe kwĩanana na mĩendele yake.</verse>
				<verse number="21">Na kweethĩwa mwaka wa ĩkũmi na ĩlĩ wa kũtavwa kwitũ, mwei wa ĩkũmi, mũthenya wa katano wa mwei, ũmwe ũla wavonokie kuma Yelusaleme ambũkĩa, akĩmbĩa, Ndũa nĩ ngũne.</verse>
				<verse number="22">Na kw’oko kwa Yeova kũnaĩ ĩũlũ wakwa wĩoo, ũla ũvonokete atanoka; na eĩ anaathamya kanyw’a wakwa, kũvika yĩla wambũkĩe kĩoko; na kanyw’a wakwa waathamw’a, na ndyaaĩthĩwa ndatonya kũneena ĩngĩ.</verse>
				<verse number="23">Na ndeto ya Yeova yambũkĩa, ĩkĩmbĩa,</verse>
				<verse number="24">Mwana wa mũndũ, andũ ala matwĩe kũndũ kũu kwanangĩku nthĩ ya Isilaeli nĩmeũneena, makyasya, Avalaamu aĩ ũmwe, nake atĩĩwa nthĩ: ĩndĩ ithyĩ twĩ aingĩ; nĩtũnengetwe nthĩ yĩthĩwe ũtiĩwa.</verse>
				<verse number="25">Kwondũ wa ũu matavye, Ũũ nĩw’o Mwĩaĩi Yeova ũnũkwasya: Nĩmũĩsanĩasya na nthakame, na kũmyũkĩlĩlya mĩvw’anano yenyu metho menyu, na kwĩtĩkya nthakame: na mũkamĩmesya ĩ nthĩ?</verse>
				<verse number="26">Nĩmũũngamaa kwondũ wa ũvyũ wenyu, nĩmwĩkaa ũthatyo, na nĩmũvukasya kĩla ũmwe kĩveti kya mũtũi wake: na inyw’ĩ mũkamesya ĩ nthĩ?</verse>
				<verse number="27">Ũũ nĩw’o ũkamatavya, Mwĩaĩi Yeova easya atĩĩ: O tondũ nĩ thayũ, vate ndĩi ala me kũndũ kwanangĩku makavalũkw’a na ũvyũ; na ũla wĩ weũnĩ ngamũnengane alĩke nĩ nyamũ; na ala me ngomenĩ syĩ vinya na ngunganĩ makooawa nĩ mũimũ.</verse>
				<verse number="28">Na ngamĩtw’ĩkĩthya nthĩ nthei na ũseng’yo; na ngathĩĩo ũndũ wa vinya wayo ĩkathela; na iĩma sya Isilaeli ikeethĩwa nthei, ũkethĩa mũndũ ndakũvĩtĩla.</verse>
				<verse number="29">Nĩvo ĩndĩ makamanya ninyie Yeova, yĩla ngethĩwa nĩtw’ĩkĩthĩtye nthĩ nthei na ũseng’yo, nũndũ wa mothatyo moo onthe ala mekĩte.</verse>
				<verse number="30">Na ũndũ waku, mwana wa mũndũ, ana ma andũ maku nĩmeũneena ũndũ waku vakuvĩ na maũvai na mĩomonĩ ya nyũmba, na nĩmeũneenan’ya ene kwa ene, kĩla ũmwe na mwana‐a‐ĩthe, makyasya, Ũkai, nĩngũmwĩsũva, mwĩw’e ndeto ĩla yumaa kwa Yeova.</verse>
				<verse number="31">Na nĩmokaa kwaku o ũndũ andũ mokaa, na nĩmekalaa nthĩ mbee waku ta andũ makwa, na nĩmeĩthukĩĩasya ndeto syaku, ĩndĩ matisyĩkaa; nũndũ nĩmonanasya wendo mwingĩ na makanyw’a moo, ĩndĩ ngoo syoo nĩatĩĩaa ũtandĩthyo woo.</verse>
				<verse number="32">Na, sisya, ũilyĩ kwoo ta wathi mũseo mũno wa ũmwe ũla wĩ na wasya wendeeasya, na ũtonya kũinga nesa kĩndũ kya kĩnga; nũndũ nĩmew’aa ndeto syaku, ĩndĩ matisyĩkaa.</verse>
				<verse number="33">Na yĩla ũkekĩka (sisya, nĩwũkĩte), nĩvo ĩndĩ makamanya kana kwaĩ mwathanĩ katĩ woo.</verse>
			</chapter>
			<chapter number="34">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, athanĩa aĩthi ma Isilaeli, athana, noimea, o aĩthi, Ũũ nĩw’o Mwĩaĩi Yeova ũnũkwasya: Woo nĩ wa aĩthi ma Isilaeli ala meĩthasya! Aĩthi matyaĩle kũĩthya malondũ?</verse>
				<verse number="3">Nĩmũĩsaa mathunya, na nĩmwĩvw’ĩkaa w’ĩa wa malondu, nĩmũaaa ala manou; ĩndĩ mũtiĩthasya malondu.</verse>
				<verse number="4">Ala mawau mũtyaamekĩa vinya, o na mũtyaavosya yĩla ĩwau, o na mũtyaaoveea yĩla ĩtũlĩku, o na mũtyaatũnga yĩla yalũngilw’e, o na mũtyaamantha yĩla yau, ĩndĩ nĩmũmasumbĩkĩte na vinya na kũmathĩn’ya.</verse>
				<verse number="5">Na nĩmanyaĩĩkiw’e, nũndũ kũtyaĩ mũĩthi; na matw’ĩka lĩu wa nyamũ syonthe sya kĩthekanĩ, na manyaĩĩkw’a.</verse>
				<verse number="6">Malondu makwa nĩmangangaa iĩmanĩ syonthe, na ĩũlũ wa kĩla kalĩma katũlu: ĩĩ, malondu makwa manyaĩĩkw’a ĩũlũ wa nthĩ yonthe; na vatyaĩ ũmwe waakũlĩĩlya kana kũmamantha.</verse>
				<verse number="7">Kwondũ wa ũu, inyw’ĩ aĩthi, ĩthukĩĩsyei ndeto ya Yeova:</verse>
				<verse number="8">O tondũ nĩ thayũ, easya ũu Mwĩaĩi Yeova, nũndũ vate ndĩi malondu makwa nĩmataviwe, na malondu makwa matw’ĩka lĩu wa nyamũ syonthe sya kĩthekanĩ, nĩkwĩthĩwa kũtyaĩ mũĩthi, o na aĩthi makwa matyaamantha malondu makwa, ĩndĩ aĩthi nĩmeeĩthasya, na matyaaĩthya malondu makwa;</verse>
				<verse number="9">kwondũ wa ũu, inyw’ĩ aĩthi, ĩthukĩĩsyei ndeto ya Yeova:</verse>
				<verse number="10">Ũũ nĩw’o Mwĩaĩi Yeova ũnũkwasya, Sisya, nĩ na ũndũ na aĩthi; na ngaandũa malondu makwa kw’okonĩ kwoo, na ngamaekethya wĩa wa kũĩthya malondu; o na aĩthi matikeĩthya ĩngĩ; na ngavonokya malondu makwa kũmaumya kanyw’anĩ woo, matikethĩwe lĩu woo.</verse>
				<verse number="11">Nũndũ ũũ nĩw’o Mwĩaĩi Yeova ũnũkwasya: Sisya, nyie mwene, o nyie, ngakũlĩĩlya malondu makwa, na kũmamantha.</verse>
				<verse number="12">O tondũ mũĩthi ũmanthaa ndĩthya yake mũthenya ũla wĩ katĩ wa malondu make ala manyaĩĩku, now’o ngamantha malondu makwa; ngamaumya kũndũ kw’onthe kũla manyaĩĩkĩtw’e mũthenya wa matu na kĩvindu.</verse>
				<verse number="13">Na ngamaumya katĩ wa ngo sya andũ, na kũmomban’ya kuma i nthĩ, na ngamaete nthĩ yoo ene; na ngamaĩthya iĩmanĩ sya Isilaeli, vakuvĩ na mbũsĩ, na kũndũ kw’onthe kwa ĩ nthĩ kũla kũtwĩe andũ.</verse>
				<verse number="14">Ngamaĩthya kĩsesinĩ kĩseo; na iĩmanĩ ndũlu sya Isilaeli kũkeethĩwa kyengo kyoo: nĩkw’o makakoma kyengonĩ kĩseo; na makaĩthw’a kĩsesinĩ kĩnou iĩmanĩ sya Isilaeli.</verse>
				<verse number="15">Nyie mwene ngethĩwa mũĩthi wa malondu makwa, ngamatindisya, easya ũu Mwĩaĩi Yeova.</verse>
				<verse number="16">Ngamantha ũla waĩte, na ngatũnga ũla walũngilw’e, na ngooveea ũla watũlĩtwe, na ngeekĩa vinya ũla wawaie: ĩndĩ ala anou na me vinya ngaananga; ngamaĩthasya na sila mũlũngalu.</verse>
				<verse number="17">Na ũndũ wenyu, inyw’ĩ ndĩthya yakwa, ũũ nĩw’o Mwĩaĩi Yeova ũnũkwasya: Sisya, nĩsilan’ya malondu na malondu, ndũũme na nthenge.</verse>
				<verse number="18">Nĩmũkwona nĩ ũndũ ũnini mwaĩthw’a kĩsesinĩ kĩseo, ĩndĩ no mũvaka mũkinyange na maũũ menyu ũtialo wa kĩsesi kyenyu? Na mwanyw’a manzĩ makelemu, ĩndĩ no mũvaka mũluan’ye ala matialile na maũũ menyu?</verse>
				<verse number="19">Na ũndũ wa malondu makwa, nĩmaĩsaa kĩla mũkinyangĩte na maũũ menyu, na manyusaa kĩla muluanĩtye na maũũ menyu.</verse>
				<verse number="20">Kwondũ wa ũu, Mwĩaĩi Yeova nũnũũmea: Sisyai, nyie, o nyie, ngasilan’ya malondu manou na malondu mamosu.</verse>
				<verse number="21">Nũndũ nĩmũũtindĩkana na mbau na kĩtuo, na kũlumangya onthe awau na mbya syenyu, kũvika nĩmũmanyaĩĩkĩtye;</verse>
				<verse number="22">kwondũ wa ũu ngatangĩĩa ndĩthya yakwa, na matikethĩwa mũtavo ĩngĩ: na ngasilan’ya malondu na malondu.</verse>
				<verse number="23">Na ngamaiĩa mũĩthi ũmwe, na akamaĩthya, o mũthũkũmi wakwa Ndaviti; akamaĩthya, na akeethĩwa mũĩthi woo.</verse>
				<verse number="24">Na nyie, Yeova, ngeethĩwa Ngai woo, na mũthũkũmi wakwa Ndaviti mũnene wĩ mbee ũsumbĩnĩ katĩ woo; nyie, Yeova, nĩnĩneenete ũu.</verse>
				<verse number="25">Na ngatianĩa ũtianĩo wa mũuo nao, na ngatuma nyamũ mbai ithela ĩ nthĩ: na makatũaa meyelele weũnĩ, na kũkomaa mũtitũnĩ.</verse>
				<verse number="26">Na ngamatw’ĩkĩthya mo na kũndũ kũthyũkũlũkĩte kĩĩma kyakwa ũathimo; na ngausya mĩono ĩvinda yayo; kũkeethĩwa mĩono ya ũathimo.</verse>
				<verse number="27">Na mũtĩ wĩ mũũndanĩ ũkasyaaa ũsyao waw’o, na nthĩ ĩkasyaaa ũsyao wayo, na makekalaa nthĩ yoo meyelele; na makamanya ninyie Yeova, yĩla ngethĩwa ndũlĩte mĩtĩ ya ĩsoki yoo, na kũmaumya kw’okonĩ kwa ala mamatw’ĩkĩthisye ngombo.</verse>
				<verse number="28">Na matikethĩwa mũtavo ĩngĩ kwa i mbaĩ, o na nyamũ sya nthĩ itikamaya; ĩndĩ makekalaa meyelele, na vai ũla ũkamatĩsya.</verse>
				<verse number="29">Na ngamokĩlĩlya mũũnda wĩ nguma, na matikaminwa ĩngĩ nĩ yũa nthĩ ĩsu, o na matikakua, nthoni sya i mbaĩ ĩngĩ.</verse>
				<verse number="30">Na makamanya nyie, Yeova Ngai woo, nĩ vamwe nao, na kana nyũmba ya Isilaeli mo, nĩ andũ makwa, easya ũu Mwĩaĩi Yeova.</verse>
				<verse number="31">Na inyw’ĩ malondu makwa, malondu ma kĩsesi kyakwa, mwĩ andũ, na nyie nĩ Ngai wenyu, easya ũu Mwĩaĩi Yeova.</verse>
			</chapter>
			<chapter number="35">
				<verse number="1">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, lutĩla kĩĩma kya Seili ũthyũ waku, noikyathanĩa,</verse>
				<verse number="3">ũkĩtavye, Ũũ nĩw’o Mwĩaĩi Yeova ũnũkwasya: Sisya, nĩ na ũndũ naku, we kĩĩma kya Seili, na ngakũtambũũkĩsya kw’oko kwakwa, na ngakũtw’ĩkĩthya mũthei na ũseng’yo.</verse>
				<verse number="4">Ngatw’ĩkĩthya ndũa syaku maanzo, na ũkeethĩwa wĩ mũthei; na ũkamanya ninyie Yeova.</verse>
				<verse number="5">Nĩkwĩthĩwa waĩ na ũthũ mavinda onthe, na nĩwanenganie ana ma Isilaeli vinyanĩ wa ũvyũ ĩvinda ya wanangĩko woo mũnene, ĩvinda ya ũthũku wa mũminũkĩlyo;</verse>
				<verse number="6">kwondũ wa ũu, o tondũ nĩ thayũ, easya ũu Mwĩaĩi Yeova, ngakwia kũvikĩa nthakame, na nthakame ĩkakũatĩĩa: nũndũ ndwaamena nthakame, kwondũ wa ũu nthakame ĩkakũatĩĩa.</verse>
				<verse number="7">O ta ũu ngatw’ĩkĩthya kĩĩma kya Seili ũseng’yo na kĩthei; na ngamũvetanĩsya nakyo ũla ũkĩvĩtĩlaa na ũla ũkĩsyokelaa.</verse>
				<verse number="8">Na ngausũsya ĩima syakyo ala mooaiwe makyo: ala mooaiwe na ũvyũ makavalũka tũlĩmanĩ twaku na myandanĩ yaku na mbũsĩnĩ syaku syonthe.</verse>
				<verse number="9">Ngakũtw’ĩkĩthya mũthei mavinda onthe, na ndũa syaku itikatũwa; na mũkamanya ninyie Yeova.</verse>
				<verse number="10">Nũndũ nũneenete, Mbaĩ ii ilĩ na nthĩ ii ilĩ ikeethĩwa syakwa, na tũkaimesya; o na kau Yeova aĩ vo:</verse>
				<verse number="11">kwondũ wa ũu, o tondũ nĩ thayũ, easya ũu Yeova, ngeeka kwĩanana na ũthatu waku, na kwĩanana na kĩwĩu kyaku kĩla woonanisye kĩmenanĩ kyaku kĩla wamamenie; na ngeemanyĩthan’ya katĩ woo, yĩla ngakũsilĩla.</verse>
				<verse number="12">Na ũkamanya nyie, Yeova, nĩnĩw’ĩte kũumana kwaku kw’onthe kũla ũumĩte iĩma sya Isilaeli, ũkyasya, Nitiĩtwe nthei, nĩtũũnengetwe syo tũsyanange.</verse>
				<verse number="13">Na nĩmwambĩnenevesye na kanyw’a wenyu, na nĩmwambingĩvĩsye ndeto syenyu: nĩnĩw’ĩte ũu.</verse>
				<verse number="14">Ũũ nĩw’o Mwĩaĩi Yeova ũnũkwasya: Yĩla nthĩ yonthe yĩtanaa, ngakũtw’ĩkĩthya mũthei.</verse>
				<verse number="15">O tondũ watanĩe ũtiĩwa wa nyũmba ya Isilaeli, nũndũ yaĩ nthei, now’o ngakwĩka: ũkeethĩwa wĩ mũthei, we kĩĩma kya Seili, na Etomu yonthe, o yonthe vyũ; na makamanya ninyie Yeova.</verse>
			</chapter>
			<chapter number="36">
				<verse number="1">Naku, mwana wa mũndũ, athanĩa iĩma sya Isilaeli, nokyasya, Inyw’ĩ iĩma sya Isilaeli, ithukĩĩsyei ndeto ya Yeova.</verse>
				<verse number="2">Ũũ nĩw’o Mwĩaĩi Yeova ũnũkwasya: Nĩkwĩthĩwa mũmaitha nũmũneenee, Aa! Na, Kũndũ kũtũlu kwa tene nĩ kwitũ, ng’ũndũ sitũ;</verse>
				<verse number="3">kwondũ wa ũu athana, nokyasya, Ũũ nĩw’o Mwĩaĩi Yeova ũnũkwasya: Nĩkwĩthĩwa, o nĩkwĩthĩwa nĩmamũtw’ĩkĩthĩtye athei, na nĩmamũmeletye kĩla ngalĩko, nĩ kana mwĩthĩwe ng’ũndũ ya ala matialile ma i mbaĩ, na nĩmũwetawa ilomonĩ sya aneeni, na ũvoonĩ mũthũku wa andũ;</verse>
				<verse number="4">kwondũ wa ũu, inyw’ĩ iĩma sya Isilaeli, ĩthukĩĩsyei ndeto ya Mwĩaĩi Yeova: Ũũ nĩw’o Mwĩaĩi Yeova ũnũũtavya iĩma na tũlĩma, mbũsĩ na myanda, kũndũ kũthei kwanangĩku na ndũa ila itiĩtwe, ila itw’ĩkĩte mũtavo na ntheko kwa ala matialile ma i mbaĩ ila ithyũlũlũkĩte;</verse>
				<verse number="5">kwondũ wa ũu Mwĩaĩi Yeova easya atĩĩ: Vate ndĩi mwakinĩ wa kĩwĩu kyakwa nĩnĩneenete ĩũlũ wa ala matialile ma i mbaĩ, na Etomu yonthe, ala meyosee nthĩ yakwa yĩthĩwe ng’ũndũ yoo na ũtanu wa ngoo yoo yonthe, na kĩvũthya kya ngoo, mamĩkye yĩthĩwe mũtavo.</verse>
				<verse number="6">Kwondũ wa ũu athana ũndũ wa nthĩ ya Isilaeli, noitavya iĩma na tũlĩma, mbũsĩ na myanda, Ũũ nĩw’o Mwĩaĩi Yeova ũnũkwasya: Sisyai, nĩnĩneenete kĩwĩunĩ kyakwa na ũthilĩkunĩ wakwa, nĩkwĩthĩwa nĩmũkuĩte nthoni sya i mbaĩ:</verse>
				<verse number="7">kwondũ wa ũu Mwĩaĩi Yeova easya atĩĩ: Nĩnĩavĩte, ngyasya, Vate ndĩi mbaĩ ila imũthyũlũlũkĩte, ikakua nthonĩ syasyo.</verse>
				<verse number="8">Ĩndĩ inyw’ĩ, iĩma sya Isilaeli, mũkathongoosya mbonge syenyu, na kũsyaa ũsyao wenyu kwondũ wa andũ makwa Isilaeli; nũndũ nĩmathengeee kũka.</verse>
				<verse number="9">Nũndũ, sisya, nyie nĩ ngalĩ yenyu, na ngamwĩthyũũĩa, na mũkaĩmwa na kũvandwa;</verse>
				<verse number="10">na ngaingĩvya andũ kwenyu, nyũmba yonthe ya Isilaeli, o yo yonthe; na ndũa ikatũwa, na kũndũ kwanangĩku kũkaakwa;</verse>
				<verse number="11">na ngaingĩvya kwenyu mũndũ na nyamũ; na ikaingĩva na kũsyaa; na ngamũtũĩthya o ta tene, na ngamwĩka nesa kwĩ myambĩlĩyo yenyu: na mũkamanya ninyie Yeova.</verse>
				<verse number="12">Ĩĩ, ngatambũũkĩlya andũ ĩũlũ wenyu, o andũ makwa Isilaeli; na makaũmesya, na ũkeethĩwa ũtiĩwa woo, na kuma yu ndũkamakw’ĩĩthĩsya syana ĩngĩ.</verse>
				<verse number="13">Ũũ nĩw’o Mwĩaĩi Yeova ũnũkwasya: Nĩkwĩthĩwa nĩmeũmwĩa, We nthĩ wĩ mũyi wa andũ, na waĩ ũla wamĩkw’ĩĩthĩsye mbaĩ yaku;</verse>
				<verse number="14">kwondũ wa ũu ndũkaya andũ ĩngĩ, o na ndũkamĩkw’ĩĩthĩsya mbaĩ yaku ĩngĩ, easya ũu Mwĩaĩi Yeova;</verse>
				<verse number="15">o na ndikakũeka wĩw’e ĩngĩ nthoni sya i mbaĩ, o na ndũkakua kĩvũthya kya ngo sya andũ ĩngĩ, o na ndũkalulutĩkya mbaĩ yaku ĩngĩ, easya ũu Mwĩaĩi Yeova.</verse>
				<verse number="16">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="17">Mwana wa mũndũ, yĩla nyũmba ya Isilaeli yatwĩe nthĩ yoo ene, mamĩvukisye ũndũ wa mĩendele yoo na meko moo: mĩendele yoo mbee wakwa yailyĩ ũvuku wa mũndũ mũka ũla wealũlĩte.</verse>
				<verse number="18">Kwondũ wa ũu nĩnamonoesye ũthilĩku wakwa nũndũ wa nthakame ĩla metĩkisye nthĩ, na nũndũ nĩmamĩthũkisye na mĩvw’anano yoo;</verse>
				<verse number="19">na nĩnamanyaĩĩkisye katĩ wa i mbaĩ, na manyaĩĩkw’a katĩ wa i nthĩ: nĩnamasilĩle kwĩanana na mĩendele yoo na kwĩanana na meko moo.</verse>
				<verse number="20">Na yĩla mavikĩe i mbaĩ, kũla maendie, mavukya syĩtwa yakwa ĩtheu; kũvika andũ maneena ũndũ woo, Aa nĩ andũ ma Yeova, na nĩmaumĩte nthĩ yake.</verse>
				<verse number="21">Ĩndĩ nayĩw’ĩa tei syĩtwa yakwa ĩtheu, yĩla nyũmba ya Isilaeli yavukisye katĩ wa i mbaĩ, kũla maendie.</verse>
				<verse number="22">Kwondũ wa ũu tavya nyũmba ya Isilaeli, Ũũ nĩw’o Mwĩaĩi Yeova ũnũkwasya: Ndikwĩka ũu kwondũ wenyu, ĩnyw’ĩ nyũmba ya Isilaeli, ĩndĩ kwondũ wa syĩtwa yakwa ĩtheu, yĩla mũvukĩsye katĩ wa i mbaĩ, kũla mwaendie.</verse>
				<verse number="23">Na ngavathan’ya syĩtwa yakwa ĩnene, yĩla yavukĩwe katĩ wa i mbaĩ, yĩla ĩnyw’ĩ mwavukĩsye katĩ wasyo; na mbaĩ ikamanya ninyie Yeova, easya ũu Mwĩaĩi Yeova, yĩla ngeyonan’ya kwenyu mbee wa metho moo atĩ nĩ mũtheu.</verse>
				<verse number="24">Nũndũ ngamumya katĩ wa i mbaĩ, na kũmũmban’ya kuma nthĩ syonthe, na ngamũete nthĩ yenyu ene.</verse>
				<verse number="25">Na ngamũminzangĩsya manzĩ matheu, na mũkeethĩwa mwĩ atheu: ngamũthesya ũvuku wenyu w’onthe, mĩvw’anano yenyu yonthe.</verse>
				<verse number="26">O na ngamũnenga ngoo nzaũ, na ngeekĩa veva mweũ nthĩnĩ wenyu; na ngaumya ngoo ya ĩvia mĩĩnĩ yenyu, na ngamũnenga ngoo ya nyama.</verse>
				<verse number="27">Na ngeekĩa Veva wakwa nthĩnĩ wenyu, na ngamũkinyĩthasya myamũlonĩ yakwa, na mũkakwataa motw’ĩo makwa, na kũmeka.</verse>
				<verse number="28">Na mũkekalaa nthĩ ĩla nanengie aaĩthe menyu; na mũkeethĩwa andũ makwa, na ngeethĩwa Ngai wenyu.</verse>
				<verse number="29">Na ngamũtangĩĩa kuma ũvukunĩ wenyu w’onthe: na ngeeta lĩu wa mbaa ngetha, na ngawingĩvya, na ndikamwĩĩa yũa.</verse>
				<verse number="30">Na ngaingĩvya ũsyao wa mũtĩ, na wingĩvo wa mũũnda, nĩ kana mũtikaavũthw’e ĩngĩ ũndũ wa yũa katĩ wa i mbaĩ.</verse>
				<verse number="31">Nĩvo ĩndĩ mũkalilikana mĩendele yenyu mĩthũku, na meko menyu ala mataĩ maseo; na mũkeemena methonĩ menyu ene mũndũ wa mothũku menyu na nũndũ wa mothatyo menyu.</verse>
				<verse number="32">Nĩkũmanyĩke kwenyu ti kwondũ wenyu nĩkaa ũu, easya ũu Mwĩaĩi Yeova: sonokai na thokoanai nũndũ wa mĩendele yenyu, inyw’ĩ nyũmba ya Isilaeli.</verse>
				<verse number="33">Ũũ nĩw’o Mwĩaĩi Yeova ũnũkwasya: Mũthenya ũla nĩmũthesya mothũku menyu onthe, ngatuma ndũa itũwa na kũla kwanangĩku kũkaakwa.</verse>
				<verse number="34">Na nthĩ ĩla yaĩ nthei ĩkaĩmwa, ĩla yaĩ nthei ĩkyoneka nĩ onthe ala mamĩvĩtĩlaa.</verse>
				<verse number="35">Na makasya, Nthĩ ĩno ĩla yaĩ nthei nĩtw’ĩkĩte ta mũũnda wa Eteni; na ndũa ila syaĩ maanzo na nthei na nomboange nĩ mbiie na nitũĩtwe.</verse>
				<verse number="36">Nĩvo ĩndĩ mbaĩ ila itiĩtwe imũthyũlũlũkĩte ikamanya kana nyie, Yeova, nĩndũngĩĩĩte kũndũ kũomboku, na nĩnĩvandĩte kũla kwaĩ kũthei: nyie, Yeova, nĩnĩneenete ũu, na ngawĩka.</verse>
				<verse number="37">Ũũ nĩw’o Mwĩaĩi Yeova ũnũkwasya: O na ĩngĩ, ngakũlw’a ũndũ ũsu nĩ nyũmba ya Isilaeli, nĩwĩke kwondũ woo: ngamaingĩvya andũ methĩwe ta ndĩthya ya mbũi na malondu.</verse>
				<verse number="38">Ta ndĩthya kwondũ wa nthembo, ta ndĩthya ya Yelusaleme kwondũ wa mboka syayo ila itw’ĩtwe, o ta ũu ndũa ila syaĩ maanzo ikausũw’a ndĩthya sya andũ; na makamanya ninyie Yeova.</verse>
			</chapter>
			<chapter number="37">
				<verse number="1">Kw’oko kwa Yeova kwai ĩũlũ wakwa, na anumaalya nĩ Vevanĩ wa Yeova, na ambĩkalya nthĩ mwandanĩ katĩ; na waĩ mũsũu mavĩndĩ.</verse>
				<verse number="2">Na atuma nĩvĩta nĩmathyũlũlũkĩte: na, sisya, kwaĩ maingĩ mũno mwandanĩ ũtheinĩ; na, sisya, maĩ momũ mũno.</verse>
				<verse number="3">Na angũlya, Mwana wa mũndũ, mavĩndĩ aa nĩmatonya kwĩthĩwa thayũ? Na nasũngĩa, We Mwĩaĩi Yeova, nĩwĩsĩ.</verse>
				<verse number="4">Ĩngĩ ambĩa, Athana ĩũlũ wa mavĩndĩ aa, ũmatavye, Inyw’ĩ mavĩndĩ momũ, ĩthukĩĩsyei ndeto ya Yeova.</verse>
				<verse number="5">Ũũ nĩw’o Mwĩaĩi Yeova ũnũũmea mavĩndĩ aa: Sisyai, ngatuma veva ũlika nthĩnĩ wenyu, na mũkeethĩwa thayũ.</verse>
				<verse number="6">Na ngeekĩa malangũ ĩũlũ wenyu, na ngaete nyama ĩũlũ wenyu, na kũmũvw’ĩka kĩkonde, na kwĩkĩa veva nthĩnĩ wenyu, na mũkeethĩwa thayũ; na mũkamanya ninyie Yeova.</verse>
				<verse number="7">Na ĩndĩ nathana o tondũ neaĩwe: na ngyathana, kwaĩ kĩlonzo, na, sisya, kĩtetemo kya nthĩ; na mavĩndĩ mathengeeanĩa, ĩvĩndĩ na ĩvĩndĩ yayo.</verse>
				<verse number="8">Na noona, na, sisya, kwaĩ malangũ ĩũlũ wamo, na nyama yookĩla, na kĩkonde kyamavw’ĩka ĩũlũ; ĩndĩ vatyaĩ veva nthĩnĩ wamo.</verse>
				<verse number="9">Nĩvo ĩndĩ wambĩie, Athanĩa kĩseve, athana, mwana wa mũndũ, ũtavye kĩseve, Ũũ nĩw’o Mwĩaĩi Yeova ũnũkwasya: Ũka kuma isevenĩ inya, we veva, noiveveea aa mooaiwe, nĩ kana methĩwe thayũ.</verse>
				<verse number="10">Na ĩndĩ nathana o ũndũ wambĩaĩe, na veva wamalika, na maĩ na thayũ, na maũngama na maũũ noo, nguthu nene mũno ya kaũ.</verse>
				<verse number="11">Nĩvo ĩndĩ wambĩie, Mwana wa mũndũ, mavĩndĩ aa nĩ nyũmba yonthe ya Isilaeli: sisya, measya, Mavĩndĩ maitũ nĩ momũ, na wĩkwatyo witũ nĩ mwau; nĩtũvetetwe vyũ.</verse>
				<verse number="12">Kwondũ wa ũu athana, noimatavya, Ũũ nĩw’o Mwĩaĩi Yeova ũnũkwasya: Sisya, ngavingũa mbũa syenyu, na kũmumya mbũanĩ syenyu, inyw’ĩ andũ makwa; na ngamũlikya nthĩ ya Isilaeli.</verse>
				<verse number="13">Na mũkamanya ninyie Yeova, yĩla ngavingũa mbũa syenyu, na kũmumya mbũanĩ syenyu, inyw’ĩ andũ makwa.</verse>
				<verse number="14">Na ngeekĩa Veva wakwa nthĩnĩ wenyu, na mũkeethĩwa thayũ, na ngamwĩkalya nthĩ yenyu ene: na mũkamanya kana nyie, Yeova, nĩnĩneenete ũu na nĩnĩkĩte, easya ũu Yeova.</verse>
				<verse number="15">Ndeto ya Yeova yambũkĩa ĩngĩ, ĩkĩmbĩa,</verse>
				<verse number="16">Naku, mwana wa mũndũ, osa mũtĩ ũmwe, ũandĩke ĩũlũ waw’o, Kwa Yuta, na kwa ana ma Isilaeli atindan’ya make: na ĩndĩ osa mũtĩ ũngĩ, ũandĩke ĩũlũ waw’o, Kwa Yosevu, mũtĩ wa Evalaimu, na kwa nyũmba yonthe ya Isilaeli atindan’ya make:</verse>
				<verse number="17">noimĩkwatan’ya ũmwe na ũla ũngĩ yĩthĩwe mũtĩ ũmwe kwondũ waku, nĩ kana ĩtw’ĩke ũmwe kw’okonĩ kwaku.</verse>
				<verse number="18">Na yĩla ana ma andũ maku makaneena naku, makĩũkũlya, Ndwĩtwon’ya ũndũ ũkwasya na ĩno?</verse>
				<verse number="19">Matavye, Ũũ nĩw’o Mwĩaĩi Yeova ũnũkwasya: Sisya, ngoosa mũtĩ wa Yosevu, ũla wĩ kw’okonĩ kwa Evalaimu, na mbaĩ sya Isilaeli atindan’ya make; na ngamekĩa vamwe naw’o, o vamwe na mũtĩ wa Yuta, na ngamĩtw’ĩkĩthya mũtĩ ũmwe, na makeethĩwa ũmwe kw’okonĩ kwakwa.</verse>
				<verse number="20">Na mĩtĩ ĩla wĩmĩandĩka ĩkeethĩwa kw’okonĩ kwaku mbee wa metho moo.</verse>
				<verse number="21">Na matavye, Ũũ nĩw’o Mwĩaĩi Yeova ũnũkwasya: Sisya, ngaumya ana ma Isilaeli katĩ wa i mbaĩ, kũla maendie, na ngamomban’ya kĩla ngalĩko, na kũmalikya nthĩ yoo ene:</verse>
				<verse number="22">na ngamatw’ĩkĩthya mbaĩ ĩmwe nthĩnĩ wa ĩ nthĩ, ĩũlũ wa iĩma sya Isilaeli; na mũsumbĩ ũmwe akeethĩwa mũsumbĩ wa onthe; na matikethĩwa mbaĩ ilĩ ĩngĩ, o na matikataanĩw’a methĩwe mosumbĩ elĩ ĩngĩ o na ĩndĩĩ;</verse>
				<verse number="23">o na matikevukya ĩngĩ na mĩvw’anano yoo, kana na syĩndũ syoo imenetwe, kana o na yĩmwe ya mavĩtyo moo; ĩndĩ ngamatangĩĩa kuma motũonĩ moo onthe, kũla mavĩtĩsye, na ngamathesya: kwondũ wa ũu makeethĩwa andũ makwa, na ngeethĩwa Ngai woo.</verse>
				<verse number="24">Na mũthũkũmi wakwa Ndaviti akeethĩwa mũsumbĩ woo; nao onthe makeethĩwa na mũĩthĩ ũmwe: o na makaendaa motw’ĩonĩ makwa, na kũsũvĩa myamũlo yakwa na kũmĩkaa.</verse>
				<verse number="25">Na makekala nthĩ ĩla nĩmũnengete Yakovo mũthũkũmi wakwa, vala aaĩthe menyu matwĩe; na makekala vo, mo, na syana syoo, na nzũkũlũ syoo, tene na tene: na Ndaviti mũthũkũmi wakwa akeethĩwa mũnene woo wĩ mbee ũsumbĩnĩ tene na tene.</verse>
				<verse number="26">Na ĩngĩ ngatianĩa ũtianĩo wa mũuo nao, ũkeethĩwa ũtianĩo kwoo wa tene na tene; na ngamaia na, kũmaingĩvya, na ngaia vandũ vakwa vatheu katĩ woo tene na tene.</verse>
				<verse number="27">O na wĩkalo wakwa ũkeethĩwa vamwe nao; na ngeethĩwa Ngai woo, na makeethĩwa andũ makwa.</verse>
				<verse number="28">Na mbaĩ ĩkamanya ninyie Yeova ũla ũvathanasya Isilaeli methĩwe atheu, yĩla vandũ vakwa vatheu vakethĩwa katĩ woo tene na tene.</verse>
			</chapter>
			<chapter number="38">
				<verse number="1">Na ndeto ya Yeova yambũkĩa, ĩkĩmbĩa,</verse>
				<verse number="2">Mwana wa mũndũ, elekelye ũthyũ waku Ngoki, wa nthĩ ya Makoki, mũnene wĩ mbee ũsumbĩnĩ wa Losi, Meseki, na Tuvali, noimwathanĩa,</verse>
				<verse number="3">na asya, Ũũ nĩw’o Mwĩaĩi Yeova ũnũkwasya: Sisya, nĩ na ũndũ naku, we Ngoki, mũnene wĩ mbee ũsumbĩnĩ wa Losi, Meseki, na Tuvali:</verse>
				<verse number="4">na ngakũthyũũa, na kwĩkĩa mboloi ngambuunĩ syaku, na ngakumaalya, na ita syaku syonthe, mbalasi na ala matũlĩte mbalasi, onthe mekĩĩte mĩio yonthe ya kaũ, nguthu nene yĩ na kakalo na ngao, onthe makwete mbyũ:</verse>
				<verse number="5">Velisia, Kusi, na Vutu vamwe nao, onthe me na ngao na ngovia;</verse>
				<verse number="6">Ngomeli, na nguthu syake syonthe; nyũmba ya Tokalima itulunĩ sya ngalĩ ya ĩũlũ, na nguthu syake syonthe; o ngo mbingĩ sya andũ vamwe naku.</verse>
				<verse number="7">Ĩkala wĩyũmbanĩtye, ĩĩ, ĩyũmban’ye, we, na nguthu syaku syonthe ila ĩkũmbanĩe, na ĩthĩwa mũsũvĩi kwamo.</verse>
				<verse number="8">Ĩtina wa mĩthenya mingĩ ũkookĩwa: myaka ya mũminũkĩlyo ũkalika nthĩ ĩla ĩtũngĩtwe kuma ũvyũnĩ, ĩla yũmbanĩtw’e kuma ngonĩ mbingĩ sya andũ, iĩmanĩ sya Isilaeli, ila syekalaa mbanangĩku mavinda onthe; ĩndĩ nĩyumĩtwe nthĩnĩ wa ngo sya andũ, na makekala meyelele, onthe moo.</verse>
				<verse number="9">Na ũkambata, ũkooka ta kĩuutani, ũkeethĩwa ta ĩthweo ya kũvw’ĩka nthĩ, we, na nguthu syaku syonthe na ngo mbingĩ sya andũ vamwe naku.</verse>
				<verse number="10">Ũũ nĩw’o Mwĩaĩi Yeova ũnũkwasya: Kũkeethĩwa mũthenya ũsu, maũndũ makalika kĩlilikanonĩ kyaku, na ũkasũanĩa ũsũanĩo mũthũku:</verse>
				<verse number="11">na ũkasya, Ngambata nthĩ yĩ tũmĩsyĩ tũte twiie; ngathi kwa ala mathũmũĩte, ala mekalaa meyelele, onthe mekalĩte mate na maũvai, na mate na ivingi kana mbingĩlo;</verse>
				<verse number="12">nose mũtavo o na syĩndũ sya mbuta; nĩthyũũe kw’oko kwaku ĩũlũ wa kũndũ kũla kwaeketwe kũla yu kũtwĩwe nĩ andũ, na ĩũlũ wa andũ mombanĩtw’e kuma i mbaĩnĩ, ala me na indo na syĩndũ, ala matũaa nthĩ katĩ.</verse>
				<verse number="13">Sieva, na Ndetani, na athoosya ma Talisisi, vamwe na mĩnyambũ yonthe ya mũika ya vo, makakũkũlya, Nĩwooka kwosa mũtavo? Nĩwũmbanĩtye nguthu yaku wose syĩndũ sya mbuta? Ũkue vetha na thaavu, ũtwae indo na syĩndũ, ũtwae mũtavo mũnene?</verse>
				<verse number="14">Kwondũ wa ũu, mwana wa mũndũ, athana, ũtavye Ngoki, Ũũ nĩw’o Mwĩaĩi Yeova ũnũkwasya: Mũthenya ũsu yĩla andũ makwa Isilaeli makatũa meyelele, ndũkamanya ũu?</verse>
				<verse number="15">Na ũkauma vandũ vaku kuma itulunĩ sya ngalĩ ya ĩũlũ, we, na ngo mbingĩ sya andũ vamwe naku, onthe makuĩtwe nĩ mbalasi nguthu nene na ita syĩ ũtonyi;</verse>
				<verse number="16">na ũkamokĩa andũ makwa Isilaeli, ta ĩthweo ũvw’ĩke nthĩ: kũkeethĩwa mĩthenya ya mũminũkĩlyo, ngakũete ũkite na nthĩ yakwa, nĩ kana i mbaĩ imanye nyie, yĩla ngeyonan’ya kwaku, we Ngoki, atĩ nĩ mũtheu, mbee wa metho moo.</verse>
				<verse number="17">Ũũ nĩw’o Mwĩaĩi Yeova ũnũkwasya: Nue ũla naneenie ũndũ wake ĩvinda ya tene na makanyw’a ma athũkũmi makwa athani ma Isilaeli, ala mathanaa mĩthenya ĩsu vandũ va myaka mingĩ atĩ ngakũete ũkie nao?</verse>
				<verse number="18">Na kũkethĩwa mũthenya ũsu, yĩla Ngoki ĩkamyũkĩa nthĩ ya Isilaeli, easya ũu Mwĩaĩi Yeova, ũthilĩku wakwa ũkambata manyiũũnĩ makwa.</verse>
				<verse number="19">Nũndũ kĩwĩunĩ kyakwa na mwakinĩ wa ũthilĩku wakwa nĩnĩneenete, Vate ndĩi mũthenya ũsu kũkethĩwa kĩthingithyo kĩnene nthĩ ya Isilaeli;</verse>
				<verse number="20">o kũvika makũyũ ma ũkanganĩ, na nyũnyi sya yayaya, na nyamũ sya kĩthekanĩ, na tũsamũ tw’onthe tũla tũtambũkaa ĩũlũ wa nthĩ, na andũ onthe ala me ĩũlũ wa nthĩ, makatetemea mbee wakwa, na iĩma ikang’uthũlangwa nthĩ, na kũndũ kwĩ ilĩso kũkavalũka, na kĩla ũvai ũkavalũka nthĩ.</verse>
				<verse number="21">Na ngeetĩsya iĩma syakwa syonthe ũvyũ wa kũmũkita, easya ũu Mwĩaĩi Yeova: ũvyũ wa kĩla mũndũ ũkeethĩwa ĩũlũ wa mwana‐a‐inyia.</verse>
				<verse number="22">Na ngalika silanĩ nake na nzĩa ya mũimũ na nthakame; na ngausya ĩũlũ wake, na nguthu syake, na ngo mbingĩ sya andũ ala me vamwe nake, mbua ya mũono ĩtulĩtye, na mbua ya mavia manene, na mwaki, na mũvĩlĩtĩ.</verse>
				<verse number="23">Na ngeenenevya, na kwĩyonan’ya atĩ nĩ mũtheu, na ngeemanyĩthan’ya methonĩ ma mbaĩ mbingĩ; na ikamanya ninyie Yeova.</verse>
			</chapter>
			<chapter number="39">
				<verse number="1">Naku, mwana wa mũndũ, athanĩa Ngoki, noyasya, Ũũ nĩw’o Mwĩaĩi Yeova ũnũkwasya: Sisya, nĩ na ũndũ naku, we Ngoki, mũnene wĩ mbee ũsumbĩnĩ wa Losi, Meseki, na Tuvali:</verse>
				<verse number="2">na ngakũthyũũa, na ngakũtongoesya, na ngakũete kuma itulunĩ sya ngalĩ ya ĩũlũ; na ngakũete iĩmanĩ sya Isilaeli;</verse>
				<verse number="3">na ngakũna ũta waku wume kw’okonĩ kwaku kwa aka, na ngatuma mĩsyĩ yaku ĩvalũka kuma kw’okonĩ kwaku kwa aũme.</verse>
				<verse number="4">Ũkavalũka iĩmanĩ sya Isilaeli, we, na nguthu syaku syonthe, na ngo sya andũ ala me vamwe naku: ngakũnengane kwa nyũnyi mbai sya kĩla mũthemba, na kwa nyamũ sya kĩthekanĩ ũĩwe nĩsyo.</verse>
				<verse number="5">Ũkavalũka weũnĩ; nũndũ nĩnĩneenete ũu, easya ũu Mwĩaĩi Yeova.</verse>
				<verse number="6">Na ngatwaa mwaki ĩũlũ wa Makoki, o na ala mekalaa meyelele ithamanĩ; na makamanya ninyie Yeova.</verse>
				<verse number="7">Na ngamanyĩthan’ya syĩtwa yakwa ĩtheu katĩ wa andũ makwa Isilaeli; o na ndikaeka syĩtwa yakwa ĩtheu yĩvukw’e ĩngĩ: na i mbai ikamanya ninyie Yeova, Ũla Mũtheu wa Isilaeli.</verse>
				<verse number="8">Sisya, ũu nĩwũkĩte, na ũkeekwa, easya ũu Mwĩaĩi Yeova: ũũ nĩw’o mũthenya ũla nawetie.</verse>
				<verse number="9">Na ala mekalaa ndũanĩ sya Isilaeli makaumaala, na makavuvaa myaki na mĩio ya kaũ na kũmĩvĩvya, o ngao na tũkalo, mata na mĩsyĩ, na mĩsenge, na tũkalo, mata na mĩsyĩ, na mĩsenge, na matumo, na makavuvaa myaki nayo myaka mũonza;</verse>
				<verse number="10">o na matikauna ngũ kĩthekanĩ, kana kũkela ngũ mĩtitũnĩ; nũndũ makavuvaa myaki na mĩio ya kaũ; na makatava ala mamatavie, na makavuta ala mamavutie, easya ũu Mwĩaĩi Yeova.</verse>
				<verse number="11">Na kũkethĩwa mũthenya ũsu, nganenga Ngoki vandũ va kũthika andũ nthĩ ya Isilaeli, mwanda wa ala mavĩtĩlaa ngalĩ ya wumĩlonĩ wa syũa ya ũkanga; na vakasiĩĩaa ala mavĩtĩlaa vo: na ku nĩkw’o makenzĩa Ngoki nthĩ na wingĩ w’onthe wa andũ make; na makaveta Mwanda wa Aamoni‐ngoki.</verse>
				<verse number="12">Na andũ ma nyũmba ya Isilaeli makamenzĩa nthĩ myei mũonza, nĩ kana mathesye nthĩ.</verse>
				<verse number="13">Ĩĩ, andũ onthe ma ĩ nthĩ makamenzĩa nthĩ; na kũkeethĩwa nguma kwoo mũthenya ũla ngataĩwa, easya ũu Mwĩaĩi Yeova.</verse>
				<verse number="14">Na makanyuva andũ ma kũtethya wĩa ĩndĩ yonthe, ala mevĩtĩlaa ĩ nthĩ, makĩnzĩa nthĩ me na avĩti ala matialĩte ĩũlũ wa nthĩ, mamĩthesye: ĩtina wa myei mũonza makamantha.</verse>
				<verse number="15">Na ala avĩti mavĩtĩlaa ĩ nthĩ makavĩtĩlaa; yĩla ũmwe wona ĩvĩndĩ ya mũndũ, akaũngamya ũvano vakuvĩ nayo, kũvika yĩla ala menzĩaa nthĩ meyĩnzĩa nthĩ mwandanĩ wa Aamoni‐ngoki.</verse>
				<verse number="16">O na ĩngĩ syĩtwa ya Amona yĩkeethĩwa ya ndũa. Ũũ nĩw’o makathesya nthĩ.</verse>
				<verse number="17">Naku, mwana wa mũndũ, ũũ nĩw’o Mwĩaĩi Yeova ũnũkwasya: Neena na nyũnyi sya kĩla mũthemba, na kĩla nyamũ ya kĩthekanĩ, Ĩyũmban’yei, na mũkyũka; ĩyũmban’yei kĩla ngalĩko mũke nthembonĩ yakwa ĩla nĩthemba kwondũ wenyu, o nthembo nene iĩmanĩ sya Isilaeli, nĩ kana mũye nyama na kũnyw’a nthakame.</verse>
				<verse number="18">Mũkaya nyama sya mĩĩ ya ala me ũtonyi, na kũnyw’a nthakame ya anene me mbee mosumbĩnĩ ma nthĩ, ya ndũũme, ya tũtena twa malondu, ya mbũi, ya tũsalũ twa mũew’a, syonthe ila nou sya Mbasani.</verse>
				<verse number="19">Na mũkaya mathunya kũvika mwavũna, na kũnyw’a nthakame kũvika mwatoona, ya nthembo yakwa ĩla nĩthembete kwondũ wenyu.</verse>
				<verse number="20">Na mũkavũnĩthw’a mesanĩ yakwa nĩ mbalasi na makasya ma kaũ, na ngũmbaũ, na andũ onthe ma kaũ, easya ũu Mwĩaĩi Yeova.</verse>
				<verse number="21">Na ngaia ndaĩa yakwa katĩ wa i mbaĩ; na mbaĩ syonthe ikoona ũsilĩlo wakwa ũla nasilile, na kw’oko kwakwa kũla niĩte ĩũlũ woo.</verse>
				<verse number="22">Kwondũ wa ũu nyũmba ya Isilaeli makamanya ninyie Yeova Ngai woo, kuma mũthenya ũsu na kũendeea.</verse>
				<verse number="23">Na i mbaĩ ikamanya nyũmba ya Isilaeli nĩyaendie yĩ ndave nũndũ wa ũthũku wayo; nĩkwĩthĩwa nĩmambĩtanĩsye, na namavitha ũthyũ wakwa; kwondũ wa ũu namanenganie kw’okonĩ kwa amaitha moo, na onthe mavalũkw’a na ũvyũ.</verse>
				<verse number="24">Kwĩanana na ũvuku woo na kwĩanana na mavĩtyo moo now’o namekie; na namavitha ũthyũ wakwa.</verse>
				<verse number="25">Kwondũ wa ũu Mwĩaĩi Yeova easya atĩĩ: Yu ngatũnga Yakovo kuma kũtavwanĩ, na ngeew’ĩa tei nyũmba yonthe ya Isilaeli; na ngeethĩwa na kĩwĩu kwondũ wa syĩtwa yakwa ĩtheu.</verse>
				<verse number="26">Na makakua nthoni syoo, na mavĩtyo moo onthe ala mambĩtanĩsye, yĩla makatũa meyelele nthĩ yoo, na vai ũla ũkamatĩsya;</verse>
				<verse number="27">yĩla ngethĩwa nĩmatũngĩte kuma ngonĩ sya andũ, kũmomban’ya kũmaumya nthĩ sya amaitha moo, na nĩyonanĩtye kwoo atĩ nĩ mũtheu mbaĩ nyingĩ syene.</verse>
				<verse number="28">Na makamanya ninyie Yeova Ngai woo, nũndũ nĩnamatwaĩthisye me atave katĩ wa i mbaĩ, na nĩnĩmombanĩtye nthĩ yoo ene; na ndikatia ũmwe wamo kw’o ĩngĩ;</verse>
				<verse number="29">o na ndikamavitha ũthyũ wakwa ĩngĩ; nũndũ nĩnonoesye nyũmba ya Isilaeli Veva wakwa, easya ũu Mwĩaĩi Yeova.</verse>
			</chapter>
			<chapter number="40">
				<verse number="1">Mwaka wa mĩongo ĩlĩ na ĩtano wa kũtavwa kwitũ, wambĩlĩlyonĩ wa mwaka, mũthenya wa ĩkũmi wa mwei, mwaka wa ĩkũmi na ĩna ĩtina wa kũkũnwa kwa ndũa, mũthenya o ũsu, kw’oko kwa Yeova kwaĩ ĩũlũ wakwa, na andete kw’o.</verse>
				<verse number="2">Mawonĩnĩ ma Ngai andete nthĩ ya Isilaeli, na ambia nthĩ kĩĩmanĩ kĩtũlu mũno, na ĩũlũ wakyo kwaĩ mwakĩle wa ndũa ngalĩ ya ĩtheo.</verse>
				<verse number="3">Na andete kw’o, na, sisya, kwaĩ mũndũ, mũvw’anĩle wake waĩ ta mũvw’anĩle wa ũthuku, e na ũlii wa katane kw’okonĩ kwake, na mũangi wa kũthima naw’o; na aũngama mbingĩlonĩ.</verse>
				<verse number="4">Na ũ mũndũ ambĩa, Mwana wa mũndũ, sisya na metho maku, na ĩw’a na matũ maku, na enda mũno ngoonĩ yaku w’onthe ũla ngakwon’ya; nũndũ nũetetwe vaa, nĩ kana nĩkwon’ye; tavya nyũmba ya Isilaeli w’onthe ũla wĩona.</verse>
				<verse number="5">Na, sisya, ũvai ũtee wa nyũmba ũmĩthyũlũlũkĩte, na kw’okonĩ kwa ũ mũndũ mũangi wa ũthima ũasa waw’o mĩkono thanthatũ, ũasa wa kĩla ũmwe nĩ mũkono na ũthanthau wa kĩtaa kya kw’oko: ta ũu athima ũthanthau wa mwako, mũangi ũmwe; na ũtũlu, mũangi ũmwe.</verse>
				<verse number="6">Na ĩndĩ avika mbingĩlonĩ ĩla yelekele wumĩlonĩ wa syũa, na ambata mbasyanĩ syayo: na athima mwalyo wa mbingĩlo, ũthanthau waw’o mũangi ũmwe; na mwalyo ũla ũngĩ, ũthanthau waw’o mũangi ũmwe.</verse>
				<verse number="7">Na kĩla kasũmba ka mũsũvĩi ũasa wako waĩ mũangi ũmwe, na ũthanthau wako mũangi ũmwe; na ũthei katĩ wa tũsũmba waĩ mĩkono ĩtano; na mwalyo wa mbingĩlo vakuvĩ na valasya wa mbingĩlo kwelekela nyũmba waĩ mũangi ũmwe.</verse>
				<verse number="8">O na athima valasya wa mbingĩlonĩ ũla welekele nyũmba, mũangi ũmwe.</verse>
				<verse number="9">Na ĩndĩ athima valasya wa mbingĩlonĩ, mĩkono nyanya; na ituĩ syaw’o, mĩkono ĩlĩ; na valasya wa mbingĩlonĩ welekele nyũmba.</verse>
				<verse number="10">Na tũsũmba twa asũvĩi twa mbingĩlonĩ ngalĩ ya wumĩlonĩ wa syũa twaĩ tũtatũ ngalĩ ĩno, na tũtatũ ngalĩ ĩya; tũu tũtatũ twaĩ twa kĩthimo kĩmwe: na ituĩ syaĩ sya kĩthimo kĩmwe ngalĩ ĩno na ngalĩ ĩya.</verse>
				<verse number="11">Na athima ũthanthau wa vandũ va ũvotela mbingĩlonĩ, mĩkono ĩkũmi; na ũasa wa mbingĩlo, mĩkono ĩkũmi na ĩtatũ;</verse>
				<verse number="12">na mbee wa tũla tũsũmba vaĩ vandũ vaumĩlĩte nza, mũkono ũmwe ngalĩ ĩno, na vandũ vaumĩlĩte, mũkono ũmwe ngalĩ ĩya; na tũla tũsũmba, mĩkono thanthatũ ngalĩ ĩno, na mĩkono thanthatũ ngalĩ ĩya.</verse>
				<verse number="13">Na athima mbingĩlo kuma kĩalanĩ kya kasũmba kamwe kũvika kĩala kya kala kangĩ, ũthanthau wa mĩkono mĩongo ĩlĩ na ĩtano; mũomo welekele mũomo.</verse>
				<verse number="14">O na aseũvya ituĩ, mĩkono mĩongo thanthatũ; na nza yavikĩte ituĩnĩ, kũthyũlũlũka mbingĩlo.</verse>
				<verse number="15">Na kuma ngalĩ ya mbee ya mbingĩlo vala ve ũlikĩlo kũvika ngalĩ ya mbee ya valasya wa nthĩnĩ wa mbingĩlo nĩ mĩkono mĩongo ĩtano.</verse>
				<verse number="16">Na kwaĩ mbũthi ntheke sya tũsũmba, na sya ituĩ syatw’o nthĩnĩ wa mbingĩlo ithyũlũlũkĩte, na ĩngĩ sya ngulumbe; na mbũthi nĩsyathyũlũlũkĩte ngalĩ ya nthĩnĩ; na ĩũlũ wa kĩla kĩtuĩ kwaĩ mĩtĩ ya mĩtende.</verse>
				<verse number="17">Na ĩndĩ andwaa nza yĩ ũtee; na, sisya, kwaĩ tũsũmba na nthĩ nzeũvye na mavia malan’ye, vaseũvĩtwe kwondũ wa nza kũthyũlũlũka ngalĩ syonthe: tũsũmba mĩongo ĩtatũ twaĩ ĩũlũ wa nthĩ ĩsu nzeũvye.</verse>
				<verse number="18">Na nthĩ ĩsu yaĩ vakuvĩ na mbingĩlo, kũelekana na ũasa wa mbingĩlo, o nthĩ ĩsu nzeũvye ĩtheo.</verse>
				<verse number="19">Nĩvo ĩndĩ wathimie ũthanthau kuma ngalĩ ya mbee ya mbingĩlo ya ĩtheo kũvika ngalĩ ya mbee ya nza ya nthĩnĩ ngalĩ ya ũtee, mĩkono ĩana, ngalĩ ya wumĩlonĩ wa syũa, o na ngalĩ ya ĩũlũ.</verse>
				<verse number="20">Na mbingĩlo ya nza yĩ ũtee ĩla yelekele ngalĩ ya ĩũlũ, athima ũasa wayo na ũthanthau wayo.</verse>
				<verse number="21">Na tũsũmba twa asũviĩ twayo twaĩ tũtatũ ngalĩ ĩno na tũtatũ ngalĩ ĩya; na ituĩ syayo na ngulumbe syayo nĩsyeanene na kĩthimo kya mbingĩlo ya mbee: ũasa wayo waĩ mĩkono mĩongo ĩtano, na ũthanthau mĩkono mĩongo ĩlĩ na ĩtano.</verse>
				<verse number="22">Na mbũthi syayo, na ngulumbe syayo, na mĩtende yayo, nĩsyeanene na kĩthimo kya mbingĩlo ĩla yelekele wumĩlonĩ wa syũa; na mambata vo na matambya mũonza; na ngulumbe syayo syaĩ mbee wasyo.</verse>
				<verse number="23">Na kwaĩ mbingĩlo ya nza ya nthĩnĩ yelekele mbingĩlo ĩla ĩngĩ, ngalĩ ya ĩũlũ na ngalĩ ya wumĩlonĩ wa syũa; na athima kuma mbingĩlo kũvika mbingĩlo mĩkono ĩana.</verse>
				<verse number="24">Na andongoesya kwelekela ngalĩ ya ĩtheo; na, sisya, mbingĩlo yelekele ngalĩ ya ĩtheo: na athima ituĩ syayo na ngulumbe syayo kwĩanana na ithimo isu.</verse>
				<verse number="25">Na kwaĩ mbũthi nthĩnĩ wayo na nthĩnĩ wa ngulumbe syayo ngalĩ syonthe, syailyĩ mbũthi isu: ũasa waĩ mĩkono mĩongo ĩtano, na ũthanthau mĩkono mĩongo ĩlĩ na ĩtano.</verse>
				<verse number="26">Na kwaĩ matambya mũonza ma kwambata kwayo, na ngulumbe syayo syaĩ mbee wasyo; na yaĩ na mĩtĩ ya mĩtende, ũmwe ngalĩ ĩno, na ũngĩ ngalĩ ĩya, ĩũlũ wa ituĩ syayo.</verse>
				<verse number="27">Na kwaĩ mbingĩlo ya nza ya nthĩnĩ ngalĩ ya ĩtheo: na athima kuma mbingĩlo kũvika mbingĩlo kwelekela ngalĩ ya ĩtheo mĩkono ĩana.</verse>
				<verse number="28">Na ĩndĩ andwaa nza ya nthĩnĩ na mbingĩlo ya ngalĩ ya ĩtheo: na athima mbingĩlo ya ngalĩ ya ĩtheo kwĩanana na ithimo isu;</verse>
				<verse number="29">na tũsũmba twa asũvĩi twayo, na ituĩ syayo, na ngulumbe syayo, kwĩanana na ithimo isu: na kwaĩ mbũthi nthĩnĩ wayo na nthĩnĩ wa ngulumbe syayo ngalĩ syonthe; ũasa wayo waĩ mĩkono mĩongo ĩtano, na ũthanthau mĩkono mĩongo ĩlĩ na ĩtano.</verse>
				<verse number="30">Na kwaĩ ngulumbe ithyũlũlũkĩte ngalĩ syonthe, ũasa wa mĩkono mĩongo ĩlĩ na ĩtano, na ũthanthau mĩkono ĩtano.</verse>
				<verse number="31">Na ngulumbe syayo syelekele nza yĩ ũtee; na mĩtĩ ya mĩtende yaĩ ituĩnĩ syayo: na wambatĩlo wayo waĩ wa matambya nyanya.</verse>
				<verse number="32">Na andete nza ya nthĩnĩ kwelekela wumĩlonĩ wa syũa: na athima mbingĩlo kwĩanana na ithimo isu;</verse>
				<verse number="33">na tũsũmba twa asũvĩi twayo, na ituĩ syayo, na ngulumbe syayo, kwĩanana na ithimo isu: na kwaĩ mbũthi nthĩnĩ wayo na nthĩnĩ wa ngulumbe syayo ngalĩ syonthe; ũasa wayo waĩ mĩkono mĩongo ĩtano, na ũthanthau mĩkono mĩongo ĩlĩ na ĩtano.</verse>
				<verse number="34">Na ngulumbe syayo syelekele nza yĩ ũtee; na mĩtĩ ya mĩtende yaĩ ituĩnĩ syayo, ngalĩ ĩno, na ngalĩ ĩya: na wambatĩlo wayo waĩ wa matambya nyanya.</verse>
				<verse number="35">Na andete mbingĩlonĩ ya ngalĩ ya ĩũlũ: na amĩthima kwĩanana na ithimo isu;</verse>
				<verse number="36">tũsũmba twa asũvĩi twayo, ituĩ syayo, na ngulumbe syayo: na kwaĩ mbũthi nthĩnĩ wayo ngalĩ syonthe; ũasa waĩ mĩkono mĩongo ĩtano, na ũthanthau mĩkono mĩongo ĩlĩ na ĩtano.</verse>
				<verse number="37">Na ituĩ syayo syelekele nza yĩ ũtee; na mĩtĩ ya mĩtende yaĩ ĩũlũ wa ituĩ syayo, ngalĩ ĩno, na ngalĩ ĩya: na wambatĩlo wayo waĩ wa matambya nyanya.</verse>
				<verse number="38">Na kasũmba vamwe na mũomo wako kaĩ vakuvĩ na ituĩ mbingĩlonĩ; vau nĩmathambĩasya nthembo ya kũvĩvw’a.</verse>
				<verse number="39">Na valasyanĩ wa mbingĩlo kwaĩ mesa ilĩ ngalĩ ĩno, na mesa ilĩ ngalĩ ĩya, na ĩũlũ wasyo masyũaĩaa nthembo ya kũvĩvw’a na nthembo ya naĩ na nthembo ya mavĩtyo.</verse>
				<verse number="40">Na ngalĩ ĩmwe ũtee, vandũ va kwambatĩla ũlikĩlonĩ wa mbingĩlo kwelekela ngalĩ ya ĩũlũ, kwaĩ mesa ilĩ: na ngalĩ ĩla ĩngĩ, ĩla yaĩ ya valasya wa mbingĩlo, kwaĩ mesa ilĩ.</verse>
				<verse number="41">Mesa inya syaĩ ngalĩ ĩno, na mesa inya ngalĩ ĩya, vakuvĩ na mbingĩlo; mesa nyanya, ila mooaĩaa nthembo ĩũlũ wasyo.</verse>
				<verse number="42">Na kwaĩ mesa inya sya nthembo sya kũvĩvw’a, sya mavia masũvye, ũasa wa mũkono na nyunzu, na ũthanthau wa mũkono na nyunzu, na ũtũlu wa mũkono; ila mailĩĩlaa mĩio ĩla mooaaa nthembo ya kũvĩvw’a na nthembo ya kũtonywa nayo.</verse>
				<verse number="43">Na mboloi, ũasa wasyo waĩ kĩtaa kya kw’oko, syaathĩĩwe nthĩnĩ ngalĩ syonthe: na ĩũlũ wa mesa isu kwaĩ nyama sya nthembo.</verse>
				<verse number="44">Na ũtee wa mbingĩlo ya nthĩnĩ kwaĩ tũsũmba kwondũ wa aini nza ya nthĩnĩ, ĩla yaĩ vakuvĩ na mbingĩlo ya ngalĩ ya ĩũlũ; na twelekele ngalĩ ya ĩtheo; kamwe vakuvĩ mbingĩlo ya wumĩlonĩ wa syũa kelekele ngalĩ ya ĩũlũ.</verse>
				<verse number="45">Na ambĩa, Kasũmba kaa, kala kelekele ngalĩ ya ĩtheo, nĩ ka athembi, asũvĩi ma wĩaĩo wa nyũmba;</verse>
				<verse number="46">na kasũmba kala kelekele ngalĩ ya ĩũlũ nĩ ka athembi, asũvĩi ma wĩaĩo wa kĩthembeo: asu nĩ ana ma Nzatoki, ala kuma ananĩ ma Livai mathengeeaa Yeova mamũthũkũmae.</verse>
				<verse number="47">Na athima nza, ũasa wayo mĩkono ĩana, na ũthanthau wayo mĩkono ĩana, ngalĩ inya syĩanene; na kĩthembeo kyaĩ mbee wa nyũmba.</verse>
				<verse number="48">Na ĩndĩ andete valasyanĩ wa nyũmba, na athima kĩla kĩtuĩ kya valasya, mĩkono ĩtano ngalĩ ĩno, na mĩkono ĩtano ngalĩ ĩya: na ũthanthau wa mbingĩlo waĩ mĩkono ĩtatũ ngalĩ ĩno, na mĩkono ĩtatũ ngalĩ ĩya.</verse>
				<verse number="49">Ũasa wa valasya waĩ mĩkono mĩongo ĩlĩ, na ũthanthau mĩkono ĩkũmi na ũmwe; na mambataa vo na matambya asu: na kwaĩ ituĩ vakuvĩ na mĩtĩ yĩ ndee sya mũomo, kĩmwe ngalĩ ĩno, na kĩngĩ ngalĩ ĩya.</verse>
			</chapter>
			<chapter number="41">
				<verse number="1">Na andete ĩkalũnĩ, na athima ituĩ, mĩkono thanthatũ ũthanthau wa ngalĩ ĩmwe, na mĩkono thanthatũ wa ngalĩ ĩla ĩngĩ, naw’o waĩ ũthanthau wa yĩla ĩeema.</verse>
				<verse number="2">Na ũthanthau wa ũlikĩlo waĩ mĩkono ĩkũmi; na ndee sya ũlikĩlo syaĩ mĩkono ĩtano ngalĩ ĩmwe, na mĩkono ĩtano ngalĩ ĩla ĩngĩ: na athima ũasa wa vo, mĩkono mĩongo ĩna, na ũthanthau, mĩkono mĩongo ĩlĩ.</verse>
				<verse number="3">Nĩvo ĩndĩ walikile nthĩnĩ, na athima kĩla kĩtuĩ kya ũlikĩlonĩ, mĩkono ĩlĩ; na ũlikĩlo, mĩkono thanthatũ; na ũthanthau wa ũlikĩlo, mĩkono mũonza.</verse>
				<verse number="4">Na athima ũasa wa vo, mĩkono mĩongo ĩlĩ, na ũthanthau, mĩkono mĩongo ĩlĩ, na ũthanthau, mĩkono mĩongo ĩlĩ, ngalĩ ya mbee ya ĩkalũ: na ambĩa, Vaa nĩ vandũ vala vatheu mbee.</verse>
				<verse number="5">Na ĩndĩ athima wako wa nyũmba, mĩkono thanthatũ; na ũthanthau wa kĩla kasũmba ke ũtee, mĩkono ĩna, kũthyũlũlũka nyũmba kĩla ngalĩko.</verse>
				<verse number="6">Na tũsũmba tũla twaĩ ũtee twaĩ tũtatũ twilĩanĩlw’e, kamwe ĩũlũ wa kangĩ, na mĩongo ĩtatũ tũatĩanĩe; na twaakĩĩwe wakonĩ ũla wa nyũmba wĩthĩwe na tũsũmba twĩ ndee tũthyũlũlũkĩte, nĩ kana tũkwatane nthĩnĩ waw’o, na tũtyakwatene, na wako wa ĩ nyũmba.</verse>
				<verse number="7">Na tũsũmba twĩ ndee twaĩ tũthanthaangu tũkĩthyũlũlũka ĩũlũ na ĩũlũ: nũndũ kũthyũlũlũka kwa nyũmba kwambatie ĩũlũ na ĩũlũ ngalĩ syonthe sya nyũmba: kwondũ wa ũu ũthanthau wa nyũmba nĩwaendeee kũthanthaa kũvika ĩũlũ; na mũndũ ambataa ta ũu kuma kasũmba ka ĩtheo kũvika kasũmba ke ĩũlũ aivĩtĩla kasũmba ka katĩ.</verse>
				<verse number="8">O na ĩngĩ noona ĩ nyũmba yaĩ na wambĩlĩlyo ũkĩlĩĩlw’e ĩũlũ wa nthĩ ngalĩ syonthe: myambĩlĩlyo ya tũsũmba twĩ ndee yaĩ mũangi mwĩanĩu wa mĩkono thanthatũ mĩasa.</verse>
				<verse number="9">Kĩemo kya wako, ũla waĩ wa tũsũmba twĩ ndee, ngalĩ ya nza, kyaĩ mĩkono ĩtano: na ũthei ũla watialile waĩ vandũ va tũsũmba twĩ ndee tũla twa nyũmba.</verse>
				<verse number="10">Na katĩ wa tũsũmba kwaĩ ũthanthau wa mĩkono mĩongo ĩlĩ kũthyũlũlũka nyũmba ngalĩ syonthe.</verse>
				<verse number="11">Na mĩomo ya tũsũmba twĩ ndee yelekele vandũ vala vatialile, mũomo ũmwe welekele ngalĩ ya ĩũlũ, na mũomo ũngĩ welekele ngalĩ ya ĩtheo: na ũthanthau wa vandũ vau vatiele waĩ mĩkono ĩtano ngalĩ syonthe.</verse>
				<verse number="12">Na mwako ũla waĩ mbee wa vandũ vavathan’ye ngalĩ ĩla yelekele ũthũĩlonĩ wa syũa ũthanthau waw’o waĩ mĩkono mĩongo mũonza; na kĩemo kya wako wa mwako ũsu kyaĩ mĩkono ĩtano ngalĩ syonthe, na ũasa waw’o waĩ mĩkono mĩongo kenda.</verse>
				<verse number="13">O ta ũu athima nyũmba, ũasa wayo waĩ mĩkono ĩana; na vandũ vavathan’ye, na mwako, vamwe na mawako maw’o, ũasa nĩ mĩkono ĩana;</verse>
				<verse number="14">o na ũthanthau wa ngalĩ ya mbee ya nyũmba, na wa vandũ vavathan’ye kwelekela wumĩlonĩ wa syũa, nĩ mĩkono ĩana.</verse>
				<verse number="15">Na athima ũasa wa mwako mbee wa vandũ vavathan’ye vala vaĩ ĩtina waw’o, na mavalasya maw’o me ĩũlũ nthĩnĩ ngalĩ ĩmwe na ngalĩ ĩla ĩngĩ, mĩkono ĩana; na ĩkalũ ya nthĩnĩ, na mavalasya ma nza;</verse>
				<verse number="16">myalyo ya mĩomo, na mbũthi mbinge, na mavalasya me ĩũlũ nthĩnĩ mathyũlũlũkĩte tũsũmba tũũ tũtatũ, kamwe ĩũlũ wa kangĩ, kwelekela mwalyo wa mũomo, syaseũvw’a nthĩnĩ kw’onthe na mbwaũ, na kuma nthĩ kũvika mbũthi (na mbũthi syaĩ mbw’ĩke),</verse>
				<verse number="17">kũvika ũthei ũla wĩ ĩũlũ wa mũomo, o kũvika nyũmba ya nthĩnĩ, na ngalĩ ya nza, kũvikĩa wako w’onthe ũla ũthyũlũlũkĩte nthĩnĩ na ũtee, kwa kũthima.</verse>
				<verse number="18">Na waseũvw’a wĩ na akeluvi na mĩtĩ ya mĩtende; na kwaĩ mũtĩ wa mũtende katĩ wa mũkeluvi na mũkeluvi, na kĩla mũkeluvi aĩ na mothyũ elĩ;</verse>
				<verse number="19">o ta ũu kwaĩ ũthyũ wa mũndũ welekele mũtĩ wa mũtende ngalĩ ĩmwe, na ũthyũ wa mũnyambũ wa mũika welekele mũtĩ wa mũtende ngalĩ ĩla ĩngĩ. Kwaseũviw’e ta ũu nyũmbanĩ yonthe ngalĩ syonthe:</verse>
				<verse number="20">kuma nthĩ kũvika ĩũlũ wa mũomo kwaseũviw’e akeluvi na mĩtĩ ya mĩtende; wako wa ĩkalũ wailyĩ ta ũu.</verse>
				<verse number="21">Ũndũ wa ĩkalũ, mĩtĩ ĩla yĩ ndee sya mũomo yaseũvw’a yĩanene ngalĩ inya; na ũndũ wa ngalĩ ya mbee ya vala vandũ vatheu, mũvw’anĩle wa vo wailyĩ mũvw’anĩle wa ĩkalũ.</verse>
				<verse number="22">Kĩthembeo kyaĩ kya mĩtĩ, ũtũlu wakyo mĩkono ĩtatũ, na ũasa wakyo mĩkono ĩlĩ; na ĩkoto syakyo, na ũasa wakyo, na mavava makyo, maĩ ma mĩtĩ: na ambĩa, Ĩno nĩyo mesa ĩla yĩ mbee wa Yeova.</verse>
				<verse number="23">Na ĩkalũ na vala vandũ vatheu syaĩ na mĩomo ĩlĩ.</verse>
				<verse number="24">Na mĩomo yaĩ na mbwaũ ilĩ kĩla ũmwe, mbwaũ ilĩ ila ithyũlũlũkaa: mbwaũ ilĩ sya mũomo ũmwe, na mbwaũ ilĩ sya mũomo ũla ũngĩ.</verse>
				<verse number="25">Na kwavanĩĩw’a ĩũlũ wayo, mĩomonĩ ya ĩkalũ, akeluvi na mĩtĩ ya mĩtende, ta ila syavanĩĩw’e mawakonĩ; na kwaĩ mĩamba mĩnene mbee wa valasya ngalĩ ya nza.</verse>
				<verse number="26">Na kwaĩ mbũthi mbinge na mĩtĩ ya mĩtende ngalĩ ĩmwe na ngalĩ ĩla ĩngĩ, ndee sya valasya: tũsũmba twĩ ndee sya ĩla nyũmba na myalyo ya mĩomo syailyĩ ũu.</verse>
			</chapter>
			<chapter number="42">
				<verse number="1">Na ĩndĩ anumaalya nza yĩ ũtee, nzĩa ya kũthi ngalĩ ya ĩũlũ: na andete kasũmbanĩ kala kelekele vala vandũ vavathan’ye, na kelekele mwako ngalĩ ya ĩũlũ.</verse>
				<verse number="2">Mbee wa ũla ũasa wa mĩkono ĩana kwaĩ mũomo wa ngalĩ ya ĩũlũ, na ũthanthau waĩ mĩkono mĩongo ĩtano.</verse>
				<verse number="3">Kwelekela mĩkono mĩongo ĩlĩ ĩla ya nza ya nthĩnĩ, na kwelekela nthĩ nzeũvye na mavia ĩla ya nza yĩ ũtee, kwaĩ valasya wa ĩũlũ nthĩnĩ welekele valasya wa ĩũlũ nthĩnĩ kasũmbanĩ ka katatũ ka tũla twilĩanĩlw’e.</verse>
				<verse number="4">Na mbee wa tũsũmba kwaĩ nzĩa ya ũthanthau wa mĩkono ĩkũmi ya kũlika nthĩnĩ, nzĩa ya mũkono ũmwe; na mĩomo yatw’o yelekele ngalĩ ya ĩũlũ.</verse>
				<verse number="5">Tũsũmba twa ĩũlũ twaĩ tũkuvangĩ; nũndũ mavalasya ma ĩũlũ nĩmaolete tũsũmba tũu, kũvĩtũka ũndũ tũla twa ĩtheo na tũla twa katĩ twaoletwe, mwakonĩ ũsu.</verse>
				<verse number="6">Nũndũ twaĩ tũsũmba tũtatũ twilĩanĩlw’e, na tũtyaĩ na ituĩ, ta ituĩ sya nza: kwondũ wa ũu kala kaĩ ĩũlũ kaĩ katheke kwĩ kala ke ĩtheo na kala ke katĩ kuma nthĩ.</verse>
				<verse number="7">Na wako ũla waĩ ngalĩ ya nza ũtee wa tũsũmba, kwelekela nza yĩ ũtee ngalĩ ya mbee ya tũsũmba, ũasa waw’o waĩ mĩkono mĩongo ĩtano.</verse>
				<verse number="8">Nũndũ ũasa wa tũsũmba tũla twaĩ nza yĩ ũtee waĩ mĩkono mĩongo ĩtano: na, sisya, ngalĩ ya mbee ya ĩkalũ kwaĩ mĩkono ĩana.</verse>
				<verse number="9">Na kuma ĩtheo wa tũsũmba tũu kwaĩ ũlikĩlo ngalĩ ya wumĩlonĩ wa syũa, vala mũndũ ũvotelaa nthĩnĩ watw’o kuma nza yĩ ũtee.</verse>
				<verse number="10">Kĩemonĩ kya ũvai wa nza kwelekela wumĩlonĩ wa syũa, mbee wa vala vandũ vavathan’ye, na mbee wa mwako, kwaĩ tũsũmba.</verse>
				<verse number="11">Na nzĩa yĩ mbee watw’o yaĩ na mũvw’anĩle wa nzĩa ya tũsũmba tũla twelekele ngalĩ ya ĩũlũ; kwĩanana na ũasa watw’o now’o ũthanthau watw’o wailyĩ: na mawumaalĩlo onthe matw’o maĩ kwĩanana na moseũvĩlw’e matw’o, na kwĩanana na mĩomo yatw’o.</verse>
				<verse number="12">Na kwĩanana na mĩomo ya tũsũmba tũla twelekele ngalĩ ya ĩtheo kwaĩ mũomo wambĩlĩlyonĩ wa nzĩa, o nzĩa ĩla yaendele mbee wa ũvai yelekele ngalĩ ya wumĩlonĩ wa syũa, o vala mũndũ wavotelaa nthĩnĩ watw’o.</verse>
				<verse number="13">Nĩvo ĩndĩ wambĩĩe, Tũsũmba twa ngalĩ ya ĩũlũ na tũsũmba twa ngalĩ ya ĩtheo, tũla twĩ mbee wa vala vandũ vavathan’ye, tũu nĩtw’o tũsũmba tũtheu, vala athembi ala me vakuvĩ na Yeova makaĩsaa syĩndũ ila ntheu mũno: vau makaia syĩndũ ntheu mbee, na nthembo ya mũtu, na nthembo ya naĩ, na nthembo ya mavĩtyo; nũndũ vandũ vau nĩ vatheu.</verse>
				<verse number="14">Yĩla athembi malika, matikaumaalae kuma vala vandũ vatheu kũthi nza yĩ ũtee, ĩndĩ meiaa ngũa syoo vo ila methũkũmaa nasyo; nũndũ nĩ ntheu: na meĩkĩaa ngũa ingĩ, na makĩthengeea vala ve andũ.</verse>
				<verse number="15">Na yĩla waminie kũthima nyũmba ya nthĩnĩ, anumaalya na nzĩa ya mbingĩlo ĩla yelekele ngalĩ ya wumĩlonĩ wa syũa, na amĩthima ngalĩ syonthe.</verse>
				<verse number="16">Athima ngalĩ ya wumĩlonĩ wa syũa na mũangi wa kũthima mĩangi maana atano, na mũangi wa kũthima ngalĩ syonthe.</verse>
				<verse number="17">Athima ngalĩ ya ĩũlũ mĩangi maana atano na mũangi wa kũthima ngalĩ syonthe.</verse>
				<verse number="18">Athima ngalĩ ya ĩtheo mĩangi maana atano, na mũangi wa kũthima.</verse>
				<verse number="19">Eethyũũa ngalĩ ya ũthũĩlonĩ wa syũa, na athima mĩangi maana atano na mũangi wa kũthima.</verse>
				<verse number="20">Amĩthima ngalĩ inya: yaĩ na ũvai ũthyũlũlũkĩte, ũasa maana atano, na ũthanthau maana atano, wa kũvathan’ya vala vatheu na vala vate vatheu.</verse>
			</chapter>
			<chapter number="43">
				<verse number="1">Ĩtina wa ũu andete mbingĩlonĩ, o mbingĩlonĩ ĩla yelekele ngalĩ ya wumĩlonĩ wa syũa.</verse>
				<verse number="2">Na, sisya, ũtheu mũtisu wa Ngai wa Isilaeli wooka wumĩte ngalĩ ya wumĩlonĩ wa syũa: na wasya wake wailyĩ kĩuumo kya manzĩ maingĩ; na nthĩ yatisw’a nĩ ũtheu mũtisu wake.</verse>
				<verse number="3">Na mũvw’anĩle waw’o wailyĩ mũvw’anĩle wa woni ũla noonie, o kwĩanana na woni ũla noonie yĩla nookie kwananga ĩ ndũa; na mawoni mailyĩ woni ũla noonie vakuvĩ na ũsĩ wa Kevali; na navalũka na ũthyũ wakwa.</verse>
				<verse number="4">Na ũtheu mũtisu wa Yeova walika nyũmbanĩ na nzĩa ya mbingĩlo ĩla yelekele ngalĩ ya wumĩlonĩ wa syũa.</verse>
				<verse number="5">Na Veva ambũkĩlya, na andete nza ya nthĩnĩ; na, sisya, ũtheu mũtisu wa Yeova wausũa nyũmba.</verse>
				<verse number="6">Na neew’a ũmwe aineena nakwa e nyũmbanĩ; na mũndũ aũngama vakuvĩ nakwa.</verse>
				<verse number="7">Na ambĩa, Mwana wa mũndũ, vaa nĩ vandũ va kĩvĩla kyakwa kya ũsumbĩ, na vandũ va nyaĩĩ syakwa, vala ngatũaa katĩ wa ana ma Isilaeli tene na tene. Na nyũmba ya Isilaeli ndĩkavukya syĩtwa yakwa ĩtheu ĩngĩ, mo, kana asumbĩ moo, kwondũ wa ũmalwaya woo, na kwondũ wa simba sya asumbĩ moo syĩ kũndũ kwoo kũtũlu;</verse>
				<verse number="8">makia mwalyo woo wa mũomo vakuvĩ na mwalyo wakwa wa mũomo, na mũtĩ woo wĩ ũtee wa mũomo vakuvĩ na mũtĩ wakwa wĩ ũtee wa mũomo, na kwaĩ no ũvai katĩ wakwa nao; na nĩmavũkĩtye syĩtwa yakwa ĩtheu kwondũ wa mothatyo moo ala mekĩte: kwondũ wa ũu nĩnĩmaminĩte ũthatunĩ wakwa.</verse>
				<verse number="9">Yu nĩmavete kũasa nakwa ũmalwaya woo, na simba sya asumbĩ moo; na ngatũaa katĩ woo tene na tene.</verse>
				<verse number="10">Naku, mwana wa mũndũ, on’ya nyũmba ya Isilaeli ĩ nyũmba, nĩ kana masonoke nũndũ wa mothũku moo; na nĩmathime ngelekan’yo yayo.</verse>
				<verse number="11">Na ethĩwa makasonoka nũndũ wa maũndũ onthe ala meekie, mamanyĩthye mũvw’ano wa nyũmba, na mwakĩle wayo, na mawumaalĩlo mayo, na molilĩlo mayo, na mĩvw’ano yonthe yayo, na motw’ĩo onthe mayo, na mĩvw’ano yonthe yayo, na mĩao yonthe yayo; noiandĩka mene; nĩ kana masũvĩe mũvw’ano w’onthe wayo, na motw’ĩo onthe mayo, na kũmeka.</verse>
				<verse number="12">Mwĩao wa nyũmba nĩ ũũ: kĩĩmanĩ ĩũlũ mũvakanĩ w’onthe wakyo ngalĩ syonthe kĩkeethĩwa kĩtheu mũno. Sisya, ũũ nĩw’o mwĩao wa nyũmba.</verse>
				<verse number="13">Na ii nĩsyo ithimo sya kĩthembeo ikĩthimwa na mĩkono (mũkono nĩ mũkono na ũthanthau wa kĩtaa kya kw’oko): ĩtina yakyo yĩkeethĩwa mũkono, na ũthanthau mũkono, na ũengo wakyo vakuvĩ na ũtee wakyo kũthyũlũlũka nĩ ĩkwata yĩmwe ya kĩtaa; na yĩu yĩkeethĩwa ĩtina ya kĩthembeo.</verse>
				<verse number="14">Na kuma ĩtina yĩ nthĩ kũvika ũnyitĩku wa ĩtheo kũkeethĩwa mĩkono ĩlĩ, na ũthanthau mũkono ũmwe; na kuma ũnyitĩku mũnini kũvika ũnyitĩku mũnene kũkeethĩwa mĩkono ĩna, na ũthanthau mũkono ũmwe.</verse>
				<verse number="15">Na kĩthembeo kya ĩũlũ kĩkeethĩwa mĩkono ĩna; na kuma kaikonĩ ka kĩthembeo na kũthi ĩũlũ kũkeethĩwa mbya inya.</verse>
				<verse number="16">Na kaiko ka kĩthembeo kakeethĩwa mĩkono ĩkũmi na ĩlĩ ũasa wako, na ĩkũmi na ĩlĩ ũthanthau, ngalĩ inya syako syĩanene.</verse>
				<verse number="17">Na ũnyitĩku ũkeethĩwa mĩkono ĩkũmi na ĩna ũasa waw’o na ĩkũmi na ĩna ũthanthau waw’o ngalĩ inya syaw’o; na ũengo ũtee wakyo ũkeethĩwa nyunzu ya mũkono; na ĩtina yakyo yĩkeethĩwa mũkono ngalĩ syonthe; na kyambatĩlo kyakyo kĩkeelekela ngalĩ ya wumĩlonĩ wa syũa.</verse>
				<verse number="18">Na ambĩa, Mwana wa mũndũ, ũũ nĩw’o Mwĩaĩi Yeova ũnũkwasya: Aa nĩ motw’ĩo ma kĩthembeo mũthenya ũla makakĩseũvya, mathembe nthembo ya kũvĩvw’a ĩũlũ wakyo, na kũminzangĩsya nthakame ĩũlũ wakyo.</verse>
				<verse number="19">Athembi Alivai ala ma ũsyao wa Nzatoki, ala me vakuvĩ nakwa, manthũkũme, ũkamanenga kasalũ kamwe kethĩwe nthembo ya naĩ, easya ũu Mwĩaĩi Yeova.</verse>
				<verse number="20">Na ũkoosa nthakame yako, na kũmĩkĩa mbyanĩ inya syakyo, na ikotonĩ inya sya ũnyitĩku, na ũengonĩ ũthyũlũlũkĩte: ta ũu ũkakĩthesya na kumya nthembo ya wĩw’anĩthyo kwondũ wakyo.</verse>
				<verse number="21">O na ũkoosa kala kasalũ ka nthembo ya naĩ, na kakavĩvw’a vandũ vatw’e va ĩ nyũmba, ũtee wa vala vandũ vatheu.</verse>
				<verse number="22">Na mũthenya wa kelĩ ũkathemba nthenge ĩte kĩema ĩthĩwe nthembo ya naĩ; na makathesya kĩthembeo, o ũndũ makĩtheisye na kala kasalũ.</verse>
				<verse number="23">Na wamina ũkĩthesya, ũkathemba kasalũ kate kĩema, na ndũũme ya ndĩthya ĩte kĩema.</verse>
				<verse number="24">Na ũkaithengeesya mbee wa Yeova, na athembi makasyĩkĩa mũnyũ, na makaithembea Yeova syĩthĩwe nthembo ya kũvĩvw’a.</verse>
				<verse number="25">Mĩthenya mũonza o kĩla mũthenya ũkaseũvasya mbũi yĩthĩwe nthembo ya naĩ: o na makaseũvya kasalũ, na ndũũme ya ndĩthya, ite kĩema.</verse>
				<verse number="26">Mĩthenya mũonza makathembaa nthembo ya wĩw’anĩthyo kwondũ wa kĩthembeo na kũkĩthesya; makakĩvathanasya kĩthĩwe kĩtheu ta ũu.</verse>
				<verse number="27">Na yĩla meanĩsya mĩthenya, kũkeethĩwa atĩ mũthenya wa nyanya, na kũendeea mbee, athembi makaseũvya nthembo syenyu sya kũvĩvw’a kĩthembeonĩ, na nthembo syenyu sya mũuo; na ngamwĩtĩkĩla inyw’ĩ, easya ũu Mwĩaĩi Yeova.</verse>
			</chapter>
			<chapter number="44">
				<verse number="1">Na ĩndĩ nĩwandũngĩle nzĩanĩ ya mbingĩlo ya nza ya vala vandũ vatheu, ĩla yelekele ngalĩ ya wumĩlonĩ wa syũa; na yaĩ mbinge.</verse>
				<verse number="2">Na Yeova ambĩa, Mbingĩlo ĩno ĩkavingwa; na ndĩkavingũwa, na mũndũ o na wĩva ndakamĩvotela; nũndũ Yeova, Ngai wa Isilaeli, nũmĩvotele; kwondũ wa ũu ĩkavingwa.</verse>
				<verse number="3">Ũndũ wa mũnene wĩ mbee ũsumbĩnĩ, akekala nthĩnĩ wayo ta mũnene wĩ mbee ũsumbĩnĩ aĩe lĩu mee wa Yeova; akavota na nzĩa ya valasya wa mbingĩlo, na akaumaalĩla nzĩa o ĩsu.</verse>
				<verse number="4">Na ĩndĩ andete na nzĩa ya mbingĩlo yĩ ngalĩ ya ĩũlũ mbee wa nyũmba; na noona, na, sisya, ũtheu mũtisu wa Yeova wausũa nyũmba ya Yeova: na navalũka na ũthyũ wakwa.</verse>
				<verse number="5">Na Yeova ambĩa, Mwana wa mũndũ, sũvĩa nesa, wone na metho maku, na kwĩw’a na matũ maku w’onthe ũla ngũkwĩa ũndũ wa motw’ĩo onthe ma nyũmba ya Yeova, na mĩao yonthe yayo; na sũvĩa nesa ũlikĩlo wa nyũmba, na kĩla wumaalĩlo wa vala vandũ vatheu.</verse>
				<verse number="6">Na ũkamatavya ala ang’endu, o nyũmba ya Isilaeli, Ũũ nĩw’o Mwĩaĩi Yeova ũnũkwasya: Inyw’ĩ nyũmba ya Isilaeli, ĩanĩwai nũu mothatyonĩ menyu onthe,</verse>
				<verse number="7">nũndũ nĩmwaetie andũ ma nthĩ ingĩ, mate aĩke ngoonĩ, na mate aĩke mwĩĩnĩ, malike vala vandũ vakwa vatheu, mavavukye, o nyũmba yakwa, yĩla mũthembaa kĩmũtũ kyakwa, mathunya na nthakame, nao nĩmanangĩte ũtianĩo wakwa, mongeleele mothatyo menyu onthe.</verse>
				<verse number="8">Na inyw’ĩ mũtyaasũvĩa wĩaĩo wa syĩndũ syakwa ntheu; ĩndĩ nĩmwiĩte asũvĩi ma wĩaĩo wakwa ma vala vandũ vakwa vatheu kwondũ wenyu ene.</verse>
				<verse number="9">Ũũ nĩw’o Mwĩaĩi Yeova ũnũkwasya, Vai mũndũ wa nthĩ ĩngĩ o na wĩva, ũte mwaĩke ngoonĩ na ũte mwaĩke mwĩĩnĩ, ũkalika vala vandũ vakwa vatheu, wa andũ ma nthĩ ingĩ o na meva ala me katĩ wa ana ma Isilaeli.</verse>
				<verse number="10">Ĩndĩ Alivai ala maendie kũasa nakwa, ala mandiie makĩatĩĩa mĩvw’anano yoo, o yĩla Isilaeli maaĩte, makakua ũthũku woo.</verse>
				<verse number="11">Ĩndĩ makeethĩwa athũkũmi vala vandũ vakwa vatheu, me asyaĩĩsya mbingĩlonĩ sya nyũmba, na makĩthũkũma nyũmbanĩ: makooaa nthembo ya kũvĩvw’a na nthembo ya kũtonywa kwondũ wa andũ, na makaũngama mbee woo mamathũkũme.</verse>
				<verse number="12">Nĩkwĩthĩwa nĩmamathũkũmĩe vu mbee wa mĩvw’anano yoo, na matw’ĩka ũlulutĩkyo wa ũthũku kwa nyũmba ya Isilaeli; kwondũ wa ũu nĩnĩmokĩlĩlye kw’oko kwakwa, easya ũu Mwĩaĩi Yeova, na makakua ũthũku woo.</verse>
				<verse number="13">Na matikanthengeea, manthũkũme wĩanĩ wa ũthembi, kana kũthengeea kĩndũ o na kĩva kya syĩndũ syakwa ntheu, syĩndũ ila ntheu mbee; ĩndĩ makakua nthoni syoo, na mothatyo moo ala mekaa.</verse>
				<verse number="14">Ĩndĩ ngamatw’ĩkĩthya asũvĩi ma wĩaĩo wa nyũmba, kwondũ wa ũthũkũmi w’onthe wayo, na kwondũ wa w’onthe ũla ũkekwa nthĩnĩ wayo.</verse>
				<verse number="15">Ĩndĩ athembi Alivai, ana ma Nzatoki, ala masũvĩaa wĩaĩo wa vala vandũ vakwa vatheu yĩla ana ma Isilaeli mandiĩte, makanthengeea manthũkũme; na makaũngama mbee wakwa manthembee mathunya na nthakame, easya ũu Mwĩaĩi Yeova:</verse>
				<verse number="16">makalika vala vandũ vakwa vatheu, na makathengeea mesa yakwa, manthũkũme, na makasũvĩa wĩaĩo wakwa.</verse>
				<verse number="17">Na kũkeethĩwa, yĩla melika mbingĩlonĩ sya nza ya nthĩnĩ, makeethĩawa mekĩĩte ngũa sya katane; na maikekĩe ngũa ya w’ĩa wa ĩlondu, yĩla methũkũmaa mbingĩlonĩ sya nza yĩ nthĩnĩ, o na nthĩnĩ.</verse>
				<verse number="18">Makeethĩwa na tũkovila twa katane mĩtwenĩ yoo, na makeethĩwa na masulualĩ ma katane inyunyunĩ syoo; na matĩkevotoa kĩndũ o na kĩva kĩkĩa yuutĩa.</verse>
				<verse number="19">Na yĩla meumaala nza yĩ ũtee, o nza yĩ ũtee vala ve andũ, makaumya ngũa syoo ila mathũkũmaa nasyo, na kũsia tũsũmbanĩ tũtheu; na makeekĩa ngũa ingĩ, nĩ kana matikavathan’ye andũ methĩwe atheu kwondũ wa ngũa isu syoo.</verse>
				<verse number="20">O na matikenze mĩtwe yoo, kana kũeka nzw’ĩĩ syoo syĩane mũno; no kũtilangaa nzwiĩĩ sya mĩtwe yoo.</verse>
				<verse number="21">O na mũthembi o na wĩva ndakanyw’e mbinyu, yĩla melikaa nza ya nthĩnĩ.</verse>
				<verse number="22">O na matikatwae ndiwa syĩthĩwe iveti syoo, kana ũla ũeketwe; ĩndĩ makatwaa eitu atheu ma ũsyao wa nyũmba ya Isilaeli, kana ndĩwa ĩnaĩ mũka wa mũthembi.</verse>
				<verse number="23">Na makamanyĩsya andũ makwa kĩvathũkan’yo katĩ wa kĩla kĩtheu na kĩla kĩte kĩtheu, na kũtuma mavathũkan’ya katĩ wa kĩla kĩvuku na kĩla kĩtheu.</verse>
				<verse number="24">Na ngananĩonĩ makaũngama kũsila; makatusaa kwĩanana na motw’ĩo makwa: na makakwata mĩao yakwa na myamũlo yakwa mbokanĩ syakwa syonthe itw’ĩtwe; na makavathan’ya masavato makwa methĩwe matheu.</verse>
				<verse number="25">Na matikalika vala ve mũndũ mũkw’ũ mevukye; ĩndĩ kwondũ wa ĩthe, kana nyinyia, kana mwana, kana mwĩĩtu, kana mwana‐a‐inyia, kana mwĩĩtu‐a‐inyia ũla ũtaĩ na mũũme, nĩmatonya kwĩvukya.</verse>
				<verse number="26">Na amina kũthew’a, makamũtalĩla mĩthenya mũonza.</verse>
				<verse number="27">Na mũthenya ũla wĩlika vala vandũ vatheu, nza ya nthĩnĩ, athũkũmĩe vala vandũ vatheu, akathemba nthembo yake ya naĩ, easya ũu Mwĩaĩi Yeova.</verse>
				<verse number="28">Na makeethĩwa na ũtiĩwa: ninyie ũtiĩwa woo; na mũtikamanenga ng’ũndũ o na yĩva nthĩnĩ wa Isilaeli; ninyie ng’ũndũ yoo.</verse>
				<verse number="29">Makaĩsaa nthembo ya mũtu, na nthembo ya naĩ, na nthembo ya mavĩtyo; na kĩla kĩndũ kĩvathe nthĩnĩ wa Isilaeli kĩkethĩwa kyoo.</verse>
				<verse number="30">Na kĩla kya mbee kya mosyao onthe ma mbee ma kĩla kĩndũ, na kĩla nthembo ya kĩla kĩndũ, nthembonĩ syenyu syonthe, ikethĩwa sya mũthembi: o na mũkanenga athembi kĩla kya mbee kya mũtu wenyu, ũtume ũathimo wĩkala nyũmbanĩ yaku.</verse>
				<verse number="31">Athembi matikaya kĩndũ kya kũkw’a, kana kĩlĩku, ethĩwa nĩ nyũnyi kana nyamũ.</verse>
			</chapter>
			<chapter number="45">
				<verse number="1">Na ĩngĩ, yĩla mũkaaan’ya kwondũ wa kũlimana nthĩ yĩthĩwe ũtiĩwa, mũkamũthembea Yeova nthembo, kĩlungu kĩtheu kya nthĩ; ũasa ũkethĩwa ũasa wa mĩangi ngili mĩongo ĩlĩ na ĩtano, na ũthanthau ũkethĩwa ngili ĩkũmi: kĩkethĩwa kĩtheu mũvakanĩ w’onthe wakyo ngalĩ syonthe.</verse>
				<verse number="2">Nthĩnĩ wakyo kwondũ wa vala vandũ vatheu kũkethĩwa ũasa wa maana atano na ũthanthau wa maana atano, yĩanene ngalĩ syonthe; na mĩkono mĩongo ĩtano kwondũ wa syengo syakyo ngalĩ syonthe.</verse>
				<verse number="3">Na kĩthimonĩ kyu ũkathima ũasa wa ngili mĩongo ĩlĩ na ĩtano, na ũthanthau wa ngili ĩkũmi: na nthĩnĩ wa vo kũkeethĩwa vala vandũ vatheu, vala vatheu mbee.</verse>
				<verse number="4">Nĩ kĩlungu kĩheu kya ĩ nthĩ; kĩkethĩwa kya athembi, athũkũmi ma vala vandũ vatheu, ala mathengeeaa mamũthũkũmae Yeova; na kĩkethĩwa vandũ va nyũmba syoo, na vandũ vatheu va vala vandũ vatheu.</verse>
				<verse number="5">Na ũasa wa ngili mĩongo ĩlĩ na itano, na ũthanthau wa ngili ĩkũmi, kĩkethĩwa kya Alivai, athũkũmi ma ĩ nyũmba, kĩkethĩwa ng’ũndũ kwoo, kwondũ wa tũsũmba mĩongo ĩlĩ.</verse>
				<verse number="6">Na mũkatila kĩlungu kya ndũa ũthanthau ngili itano, na ũasa ngili mĩongo ĩlĩ na itano, kĩvakanĩte na nthembo ya kĩla kĩlungu kĩtheu: kĩkethĩwa kya nyũmba yonthe ya Isilaeli.</verse>
				<verse number="7">Na kĩlungu o na kĩva kwondũ wa mũnene wĩ mbee ũsumbĩnĩ kĩkethĩwa ngalĩ ĩmwe na ngalĩ ĩla ĩngĩ ya ĩla nthembo ntheu na ya kĩla kĩlungu kya ndũa, mbee wa ĩla nthembo ntheu na mbee wa kĩla kĩlungu kya ndũa, ngalĩ ya ũthũĩlonĩ wa syũa, na ngalĩ ya wumĩlonĩ wa syũa; na ũasa wakyo wĩanene na kĩlungu kĩmwe, kuma mũvaka wa ngalĩ ya ũthũĩlonĩ wa syũa kũvika mũvaka wa ngalĩ ya wumĩlonĩ wa syũa.</verse>
				<verse number="8">Ĩ nthĩ ĩkethĩwa kwake ũtiĩwa nthĩnĩ wa Isilaeli: na anene makwa me mbee ũsumbĩnĩ matikathĩn’ya andũ makwa ĩngĩ; makanenga nyũmba ya Isilaeli ĩ nthĩ kwĩanana na mbaĩ syayo.</verse>
				<verse number="9">Ũũ nĩw’o Mwĩaĩi Yeova ũnũkwasya: Ĩanĩwai nũu, inyw’ĩ anene me mbee ũsumbĩnĩ ma Isilaeli: vetai ũng’endu na kũtava mũtavo, noisila sila wa katĩ na mũlũngalu; vetai kwa andũ makwa kumĩthya kwenyu kwa vinya, easya ũu Mwĩaĩi Yeova.</verse>
				<verse number="10">Ĩthĩwai na ithimi sya w’o, na eva ya w’o, na vathi ya w’o.</verse>
				<verse number="11">Eva na vathi ikeethĩwa ũndũ ũmwe, nĩ kana vathi ĩthĩwe ya kĩlungu kya ĩkũmi kya omeli, na eva kĩlungu kya ĩkũmi kya omeli: omeli ĩkeethĩwa ya kwĩananĩthya ithimo.</verse>
				<verse number="12">Na sekeli ĩkeethĩwa ngela mĩongo ĩlĩ; sekeli mĩongo ĩlĩ, sekeli mĩongo ĩlĩ na itano, sekeli ĩkũmi na itano, ikeethĩwa kĩthimi kyenyu kĩtawa mane.</verse>
				<verse number="13">Ĩno nĩyo nthembo ĩla mũkathemba: kĩlungu kya thanthatũ kya eva kumya kĩthiminĩ kya omeli ya nganũ; na mũkanengane kĩlungu kya thanthatũ kya eva ya omeli ya mbaale;</verse>
				<verse number="14">na kĩlungu kitw’e kya mauta, kya vathi ya mauta, kĩlungu kya ĩkũmi kya vathi kumya kĩthiminĩ kya kolo, nayo nĩ vathi ĩkũmi, o omeli (nũndũ vathi ĩkũmi nĩ omeli);</verse>
				<verse number="15">na katena kamwe ka ĩlondu ka ndĩthya, kumya vala ve maana elĩ, kuma isesinĩ sya Isilaeli syĩ manzĩ maingĩ; — kwondũ wa nthembo ya mũtu, na nthembo ya kũvĩvw’a, na nthembo sya mũuo, kwondũ wa kwĩw’anĩthw’a kwoo, easya ũu Mwĩaĩi Yeova.</verse>
				<verse number="16">Andũ onthe ma ĩ nthĩ makanengane kwondũ w nthembo ĩsu kwondũ wa mũnene wĩ mbee ũsumbĩnĩ wa Isilaeli.</verse>
				<verse number="17">Na kĩkeethĩwa kĩanda kya mũnene ũsu kũnengane nthembo sya kũvĩvw’a, na nthembo sya mũtu, na nthembo sya kũnyuwa, mbokanĩ, na syathĩnĩ sya mĩtisonĩ ya myei, na masavatonĩ, mbokanĩ syonthe itw’ĩtwe sya nyũmba ya Isilaeli: akaseũvya nthembo ya naĩ, na nthembo ya mũtu, na nthembo ya kũvĩvw’a, na nthembo sya mũuo, syĩthĩwe nthembo ya wĩw’anĩthyo kwondũ wa nyũmba ya Isilaeli.</verse>
				<verse number="18">Ũũ nĩw’o Mwĩaĩi Yeova ũnũkwasya: Mwei wa mbee, mũthenya wa mbee wa mwei, ũkoosa kasalũ kate kĩema; na ũkathesya vala vandũ vatheu.</verse>
				<verse number="19">Na mũthembi akoosa nthakame ĩmwe ya nthembo ya naĩ, noivaka mĩtĩnĩ ĩla yĩ ndee sya mũomo, na ikotonĩ inya sya ũnyitĩku wa kĩthembeo, na mĩtĩnĩ yĩ ndee sya mbingĩlo ya nza ya nthĩnĩ.</verse>
				<verse number="20">Na now’o ũkeka mũthenya wa mũonza wa mwei kwondũ wa kĩla ũmwe ũla ũvĩtasya, na kwondũ wa ũla ũte na ũmanyi: ũu now’o mũkathemba nthembo ya wĩw’anĩthyo kwondũ wa ĩ nyũmba.</verse>
				<verse number="21">Mwei wa mbee, mũthenya wa ĩkũmi na ĩna wa mwei, mũkeethĩwa na vasaka, mboka ya mĩthenya mũonza; kĩmũtũ kĩte ĩlawa kĩkaĩwa.</verse>
				<verse number="22">Na mũthenya ũsu mũnene wĩ mbee ũsumbĩnĩ akaseũvya kwondũ wake mwene na kwondũ wa andũ onthe ma ĩ nthĩ kasalũ ka mũew’a kethĩwe nthembo ya naĩ.</verse>
				<verse number="23">Na mĩthenya ĩsu mũonza ya mboka akamũseũvĩsya Yeova nthembo ya kũvĩvw’a, tũsalũ mũonza twa mũew’a na ndũũme mũonza ite kĩema kĩla mũthenya mĩthenya ĩsu mũonza; na nthenge kĩla mũthenya yĩthĩwe nthembo ya naĩ.</verse>
				<verse number="24">Na akaseũvya nthembo ya mũtu, eva kwondũ wa kĩla kasalũ ka mũew’a, na eva kwondũ wa kĩla ndũũme, na ini ya mauta ũndũ wa kĩla eva.</verse>
				<verse number="25">Mwei wa mũonza, mũthenya wa ĩkũmi na ĩtano wa mwei, akeeka ũu mbokanĩ mĩthenya mũonza; kwĩanana na nthembo ya naĩ, kwĩanana na nthembo ya kũvĩvw’a, na kwĩanana na nthembo ya mũtu, na kwĩanana na mauta.</verse>
			</chapter>
			<chapter number="46">
				<verse number="1">Ũũ nĩw’o Mwĩaĩi Yeova ũnũkwasya: Mbingĩlo ya nza ya nthĩnĩ ĩla yelekele wumĩlonĩ wa syũa ĩkavingwa mĩthenya thanthatũ ya kũtethya wĩa; ĩndĩ mũthenya wa savato ĩkavingũwa, na mũthenya wa mũtiso wa mwei ĩkavingũwa.</verse>
				<verse number="2">Na mũnene wĩ mbee ũsumbĩnĩ akalika na nzĩa ya valasya wa mbingĩlo yĩ ũtee, na akaũngama vakuvĩ na mũtĩ wĩ ũtee wa mbingĩlo; na athembi makaseũvya nthembo yake ya kũvĩvw’a na nthembo syake sya mũuo, na akathaithĩa mwalyonĩ wa mbingĩlo: na ĩndĩ akaumaala; ĩndĩ mbingĩlo ndĩkavingwa mũvaka wĩoo.</verse>
				<verse number="3">Na andũ ma ĩ nthĩ makathaithĩa mũomonĩ wa mbingĩlo ĩsu mbee wa Yeova mĩthenya ya masavato na ya mĩtĩso ya myei.</verse>
				<verse number="4">Na nthembo ya kũvĩv’wa ĩla mũnene wĩ mbee ũsumbĩnĩ ũkamũthembea Yeova ĩkeethĩwa tũtena thanthatũ twa malondu tũte kĩema na ndũũme ĩte kĩema mũthenya wa savato;</verse>
				<verse number="5">na nthembo ya mũtu ĩkeethĩwa eva kwondũ wa ĩla ndũũme, na nthembo ya mũtu kwondũ wa tũla tũtena twa ĩlondu o ũndũ ũtonya kũnengane, na ini ya mauta kwondũ wa kĩla eva.</verse>
				<verse number="6">Na mũthenya wa mũtiso wa mwei ĩkeethĩwa kasalũ kate kĩema, na tũtena thanthatũ twa malondu, na ndũũme; ikeethĩwa ite na kĩema:</verse>
				<verse number="7">na akaseũvya nthembo ya mũtu, eva kwondũ wa kala kasalũ, na eva kwondũ wa ĩla ndũũme, na kwondũ wa tũla tũtena twa malondu kwĩanana na ũndũ ũtonya, na ini ya mauta kwondũ wa kĩla eva.</verse>
				<verse number="8">Na yĩla mũnene wĩ mbee ũsumbĩnĩ ũkalika, akalika na nzĩa ya valasya wa mbingĩlo, na akaumaala na nzĩa yaw’o.</verse>
				<verse number="9">Ĩndĩ yĩla andũ ma ĩ nthĩ makoka mbee wa Yeova mbokanĩ itw’ĩtwe, ũla ũlikaa na nzĩa ya mbingĩlo ya ngalĩ ya ĩũlũ athaithe akaumaalĩla nzĩanĩ ya mbingĩlo yĩ ngalĩ ya ĩtheo; na ũla ũlikaa na nzĩa ya mbingĩlo yĩ ngalĩ ya ĩtheo akaumaalĩla nzĩanĩ ya mbingĩlo ya ngalĩ ya ĩũlũ; ndakasyokela nzĩanĩ ya mbingĩlo ĩla walikĩle, ĩndĩ akaumaala alũngalĩte.</verse>
				<verse number="10">Na mũnene wĩ mbee ũsumbĩnĩ, yĩla malikaa, akalikaa e katĩ woo; na yĩla maumaalaa, makaumaala vamwe.</verse>
				<verse number="11">Na mbokanĩ, na mbokanĩ ila itw’ĩtwe, nthembo ya mũtu ĩkeethĩwa eva kwondũ wa kasalũ ka mũew’a, na eva kwondũ wa ndũũme, na kwondũ wa tũla tũtena twa malondu o ũndũ ũtonya kũnengane, na ini ya mauta kwondũ wa kĩla eva.</verse>
				<verse number="12">Na yĩla mũnene wĩ mbee ũsumbĩnĩ ũkaseũvya nthembo ya kũthemba na ngoo ya kwenda, nthembo ya kũvĩvw’a kana nthembo sya mũuo syĩthĩwe nthembo ya kũmũthembea Yeova na ngoo ya kwenda, mũndũ ũmwe ũkamũvingũĩa mbingĩlo ĩla yelekele wumĩlonĩ wa syũa; na akaseũvya nthembo yake ya kũvĩvw’a na nthembo syake sya mũuo, o tondũ wĩkaa mũthenya wa savato: na ĩndĩ akaumaala; na ĩtina wa kumaala kwake ũmwe akavinga mbingĩlo.</verse>
				<verse number="13">Na ũkaseũvasya katena ka ĩlondu ka mwaka ũmwe kate kĩema kethĩwe nthembo ya kũvĩvw’a ya kũthembea Yeova kĩla mũthenya: kĩoko na kĩoko ũkamĩseũvasya.</verse>
				<verse number="14">Na ũkaseũvasya nthembo ya mũtu vamwe nayo kĩoko na kĩoko, kĩlungu kya thanthatũ kya eva, na kĩlungu kya katatũ kya ini ya mauta, ma kũvulan’ya na mũtu mũvinyu; nthembo ya mũtu ĩtatw’ĩkanaa ya kũmũthembea Yeova kwondũ wa ũtw’ĩo wa tene na tene.</verse>
				<verse number="15">Ũu nĩw’o makaseũvasya katena ka ĩlondu, na nthembo ya mũtu, na mauta, kĩoko na kĩoko, syĩthĩwe nthembo ya kũvĩvw’a ĩtatw’ĩkanaa.</verse>
				<verse number="16">Ũũ nĩw’o Mwĩaĩi Yeova ũnũkwasya: Ethĩwa mũnene wĩ mbee ũsumbĩnĩ akanenga ũmwe o na wĩva wa ana make mũthĩnzĩo, nĩ ũtiĩwa wake, ũkeethĩwa wa ana make; nĩ ũtiĩwa woo wa kũtiĩwa.</verse>
				<verse number="17">Ĩndĩ ethĩwa akanenga ũmwe wa athũkũmi make mũthĩnzĩo kuma ũtiĩwanĩ wake, ũkeethĩwa wake kũvika mwaka wa ũthasyo; nĩvo ĩndĩ ũkamũsyokea ũla mũnene; ĩndĩ ũvoo wa ũtiĩwa wake, naw’o ũkeethĩwa wa ana make.</verse>
				<verse number="18">Na ĩngĩ mũnene wĩ mbee ũsumbĩnĩ ndakosa ũtiĩwa wa andũ, amaumya ũtiĩwanĩ woo; akanenga ana make ũtiĩwa kuma ũtiĩwanĩ wake mwene, nĩ kana andũ makwa matikanyaĩĩkw’e kĩla mũndũ kuma ũtiĩwanĩ wake.</verse>
				<verse number="19">Na ĩndĩ andikĩlya ũlikĩlonĩ, ũla waĩ ũtee wa mbingĩlo, andikya tũsũmbanĩ tũla tũtheu twa athembi, tũla twelekele ngalĩ ya ĩũlũ: na, sisya, kwaĩ vandũ kĩlungunĩ kĩ ĩtina ngalĩ ya ũthũĩlonĩ wa syũa.</verse>
				<verse number="20">Na ambĩa, Vaa nĩ vandũ vala athembi makauĩaa nthembo ya mavĩtyo na nthembo ya naĩ, na vala makakaangĩa nthembo ya mũtu; nĩ kana matikasyumaalye nza yĩ ũtee, mavathan’ye andũ methĩwe atheu.</verse>
				<verse number="21">Nĩvo ĩndĩ wanumaalilye nza yĩ ũtee, na ambĩtĩlya ikotonĩ inya sya nza; na, sisya, kĩla kĩkotonĩ kya nza kwaĩ nza.</verse>
				<verse number="22">Ikotonĩ inya sya nza kwaĩ nza mbiie, ũasa wa mĩkono mĩongo ĩna na ũthanthau mĩongo ĩtatũ: isu inya syĩ ikotonĩ syaĩ sya kĩthimi kĩmwe.</verse>
				<verse number="23">Na kwaĩ ũvai ũthyũlũlũkĩte nthĩnĩ wasyo, kũthyũlũlũka isu inya, na kũndũ kwa kũuĩa kwaseũvĩtw’e ungu wa maũvai ngalĩ syonthe.</verse>
				<verse number="24">Nĩvo ĩndĩ wambĩie, Ii nĩsyo nyũmba sya kũuĩa, vala athũkũmi ma ĩ nyũmba makauĩaa nthembo ya andũ.</verse>
			</chapter>
			<chapter number="47">
				<verse number="1">Na andũngĩla mũomonĩ wa nyũmba; na, sisya, manzĩ mauma ungu wa mwalyo wa nyũmba melekele ngalĩ ya wumĩlonĩ wa syũa (nũndũ ngalĩ ya mbee ya nyũmba yelekele wumĩlonĩ wa syũa); na manzĩ matheeie kuma ungu, kuma ngalĩ ya kw’oko kwa aũme kwa nyũmba, ngalĩ ya ĩtheo ya kĩthembeo.</verse>
				<verse number="2">Na ĩndĩ anumaalilye na nzĩa ya mbingĩlo yelekele ngalĩ ya ĩũlũ, na andongoesya nzĩanĩ yĩ ũtee kũvika mbingĩlo ya nza, na nzĩa ya mbingĩlo ĩla yelekele wumĩlonĩ wa syũa; na, sisya, manzĩ maumĩte ngalĩ ya kw’oko kwa aũme.</verse>
				<verse number="3">Yĩla ũ mũndũ waumaalile elekele wumĩlonĩ wa syũa e na ũlii kw’okonĩ kwake, athima mĩkono ngili, na ambĩtĩlya manzĩnĩ, manzĩ ala mavikĩte ngũlimũ.</verse>
				<verse number="4">Ĩngĩ athima ngili, an ambĩtĩlya manzĩnĩ, manzĩ mavikĩte mau. Ĩngĩ athima ngili, na ambĩtĩlya manzĩnĩ, manzĩ mavikĩte kĩnyunyu.</verse>
				<verse number="5">Ĩtina athima ngili; na kwaĩ ũsĩ ũla ndaatonya kũkĩlĩkya; nũndũ manzĩ nĩmookĩlanasya, manzĩ ma kũthambĩĩla nthĩnĩ wamo, ũsĩ ũtatonya kũkĩlĩka.</verse>
				<verse number="6">Na ambĩa, Mwana wa mũndũ, nĩwonete ũu? Nĩvo ĩndĩ wandwaie, na andũnga ngũkanĩ ya ũsĩ.</verse>
				<verse number="7">Na yĩla navikĩte, sisya, ngũkanĩ ya ũsĩ kwaĩ mĩtĩ mingĩ mũno ngalĩ ĩmwe na ngalĩ ĩla ĩngĩ.</verse>
				<verse number="8">Nĩvo ĩndĩ wambĩie, Manzĩ aa maumĩte maendete nthĩ ya ngalĩ ya wumĩlonĩ wa syũa, na makatheea maende mwandanĩ wa Alava; na makaenda melekele ũkanga; manzĩ ala maumĩlĩtw’e makathi ũkanganĩ; na manzĩ makavow’a.</verse>
				<verse number="9">Na kũkeethĩwa, kana kĩla kyũmbe kĩ thayũ kĩla kingĩvĩte, kĩla vandũ vala mbũsĩ syũkaa, kĩkekala thayũ; na kũkeethĩwa wingĩ mũno wa makũyũ; nũndũ manzĩ asu mavikĩte, vo na manzĩ ma ũkanga makavow’a, na kĩla kĩndũ kĩkekala thayũ o vala ũsĩ wĩvika.</verse>
				<verse number="10">Na kũkeethĩwa, atei ma makũyũ makaũngama ũtee waw’o: kuma Eni‐ngeti o kũvika Eni‐ekilaimu kũkeethĩwa vandũ va kwalan’ya itei; makũyũ moo o mĩthemba yamo, ta makũyũ ma ũkanga mũnene, maingĩ mũno.</verse>
				<verse number="11">Ĩndĩ kũndũ kwaw’o kwĩ ndaka, na isoo syaw’o, kũtikavow’a; kũkeethĩwa kwa mũnyũ.</verse>
				<verse number="12">Na ũtee wa ũsĩ ngũkanĩ yaw’o, ngalĩ ĩno na ngalĩ ĩya, kũkamea kĩla mũtĩ kwondũ wa lĩu, ĩtu yaw’o yĩtikavova, o na ũsyao waw’o ndũkanyiva: ũkasyaa ũsyao mweũ kĩla mwei, nũndũ manzĩ maw’o maumaa vala vandũ vatheu; na ũsyao waw’o ũkeethĩwa wa kũĩwa, na ĩtu yaw’o ya kũvosya.</verse>
				<verse number="13">Ũũ nĩw’o Mwĩaĩi Yeova ũnũkwasya: Ũũ ũkeethĩwa mũvaka, ũla mũkaan’ya nthĩ naw’o kwondũ wa ũtiĩwa kwĩanana na mbaĩ ĩkũmi na ilĩ sya Isilaeli: Yosevu akeethĩwa na ianda ilĩ.</verse>
				<verse number="14">Na mũkamĩtiĩwa, ũmwe ta ũla ũngĩ; nũndũ nĩnameavĩe aaĩthe menyu nĩmanenge: na nthĩ ĩno ĩkatw’ĩka yenyu yĩthĩwe ũtiĩwa.</verse>
				<verse number="15">Na ũũ ũkeethĩwa mũvaka wa ĩ nthĩ: Ngalĩ ya ĩũlũ, kuma ũkanga mũnene, kwa nzĩa ya kũthi Ethiloni, kũvika ũlikĩlonĩ wa Nzetati;</verse>
				<verse number="16">Amathi, Mbelotha, Sivilaimu, ĩla yĩ katĩ wa mũvaka wa Ndamasiku na mũvaka wa Amathi; Aseli‐atikoni, ĩla yĩ vakuvĩ na mũvaka wa Aulani.</verse>
				<verse number="17">Na mũvaka kuma ũkanganĩ, ũkeethĩwa Asali‐enani mũvakanĩ wa Ndamasiku; na ngalĩ ya ĩũlũ kwelekela ĩũlũ kwĩ mũvaka wa Amathi. Ĩsu nĩyo ngalĩ ya ĩũlũ.</verse>
				<verse number="18">Na ngalĩ ya wumĩlonĩ wa syũa, katĩ wa Aulani na Ndamasiku na Ngileati na nthĩ ya Isilaeli, kũkeethĩwa ũsĩ wa Yolotani; kuma mũvaka wa ngalĩ ya ĩũlũ, kũvika ũkanga wa ngalĩ ya wumĩlonĩ wa syũa mũkathima. Ĩsu nĩyo ngalĩ ya wumĩlonĩ wa syũa.</verse>
				<verse number="19">Na ngalĩ ya ĩtheo kwelekela ĩtheo ũkeethĩwa kuma Tamali kũvika manzĩ ma Meliva‐katesi, kũvĩka kalũsĩ ka Misili, o kũvika ũkanga mũnene. Ĩsu nĩyo ngalĩ ya ĩtheo kwelekela ĩtheo.</verse>
				<verse number="20">Na ngalĩ ya ũthũĩlonĩ wa syũa ũkeethĩwa ũkanganĩ mũnene, kuma mũvaka wa ngalĩ ya ĩtheo kũvika ũlikĩlonĩ wa Amathi. Ĩsu nĩyo ngalĩ ya ũthũĩlonĩ wa syũa.</verse>
				<verse number="21">Ũu nĩw’o mũkeaan’ya nthĩ ĩno kwĩanana na mbaĩ sya Isilaeli.</verse>
				<verse number="22">Na kũkeethĩwa, mũkamĩaan’ya na nzĩa ya kũlimana yĩthĩwe ũtiĩwa kwenyu na kwa aeni ala mekalaa ũeni kwenyu, ala makasyaa syana me katĩ wenyu; na makeethĩwa kwenyu ta ala masyaĩwe kwenyu katĩ wa ana ma Isilaeli; makeethĩwa na ũtiĩwa vamwe nenyu katĩ wa mbaĩ sya Isilaeli.</verse>
				<verse number="23">Na kũkeethĩwa, o mbaĩnĩ vala mũeni wĩkalaa ũeni, vo mũkamũnenga ũtiĩwa wake, easya ũu Mwĩaĩi Yeova.</verse>
			</chapter>
			<chapter number="48">
				<verse number="1">Aa nĩmo masyĩtwa ma i mbaĩ: Kuma mũthya wa ngalĩ ya ĩũlũ, ũtee wa nzĩa ya Ethiloni kũvika ũlikĩlonĩ wa Amathi, Asali‐enani mũvakanĩ wa Ndamasiku, kwelekela ngalĩ ya ĩũlũ vakuvĩ na Amathi (na makeethĩwa na ndee syoo ngalĩ ya wumĩlonĩ wa syũa na ngalĩ ya ũthũĩlonĩ wa syũa), Ndani, kĩanda kĩmwe.</verse>
				<verse number="2">Na ĩngĩ mũvakanĩ wa Ndani, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Aseli, kĩanda kĩmwe.</verse>
				<verse number="3">Na mũvakanĩ wa Aseli, kuma ngalĩ ya wumĩlonĩ wa syũa o kũvika ngalĩ ya ũthũĩlonĩ wa syũa, Navitali, kĩanda kĩmwe.</verse>
				<verse number="4">Na mũvakanĩ wa Navitali, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Manase, kĩanda kĩmwe.</verse>
				<verse number="5">Na mũvakanĩ wa Manase, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Evalaimu, kĩanda kĩmwe.</verse>
				<verse number="6">Na mũvakanĩ wa Evalaimu, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Leuveni, kĩanda kĩmwe.</verse>
				<verse number="7">Na ĩngĩ mũvakanĩ wa Leuveni, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Yuta, kĩanda kĩmwe.</verse>
				<verse number="8">Na mũvakanĩ wa Yuta, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, kũkeethĩwa ĩla nthembo ya nthĩ ĩla mũkathemba, ũthanthau wa mĩangi ngili mĩongo ĩlĩ na itano, na ũasa ta kĩanda kĩmwe, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa: na vala vandũ vatheu vakeethĩwa katĩ wakyo.</verse>
				<verse number="9">Nthembo ĩsu ĩla mũkamũthembea Yeova ĩkeethĩwa ũasa wa mĩangi ngili mĩongo ĩlĩ na itano, na ũthanthau wa ngili ĩkũmi.</verse>
				<verse number="10">Nthembo ĩsu ntheu ĩkeethĩwa kwondũ wa aa, o kwondũ wa athembi; kwelekela ngalĩ ya ĩũlũ ũasa wa ngili mĩongo ĩlĩ na itano, na kwelekela ngalĩ ya ũthũĩlonĩ wa syũa ũthanthau wa ngili ĩkũmi, na kwelekela ngalĩ ya wumĩlonĩ wa syũa ũthanthau wa ngili ĩkũmi, na kwelekela ngalĩ ya ĩtheo ũasa wa ngili mĩongo ĩli na itano: na vala vandũ vatheu va Yeova vakeethĩwa katĩ wakyo.</verse>
				<verse number="11">Kĩkeethĩwa kya athembi ala mavathĩtwe methĩwe atheu ma ana ma Nzatoki, ala masũvĩaa wĩaĩo wakwa, ala mataandia yĩla ana ma Isilaeli mandiĩte, o tondũ Alivai mandiie.</verse>
				<verse number="12">Na kĩkeethĩwa kwoo nthembo kuma nthembonĩ ya nthĩ, kĩndũ kĩtheu ki, mũvakanĩ wa Alivai.</verse>
				<verse number="13">Na kwĩanana na mũvaka wa athembi, Alivai makeethĩwa na kĩanda ũasa wa ngili mĩongo ĩlĩ na itano, na ũthanthau wa ngili ĩkũmi: ũasa w’onthe ũkeethĩwa ngili mĩongo ĩlĩ na itano, na ũthanthau ngili ĩkũmi.</verse>
				<verse number="14">Na matikathoosya kĩlungu kyakyo, kana kũkũan’ya, o na mosyao ma mbee ma nthĩ matikekwa ũndũ ũngĩ; nũndũ nĩ ntheu kwa Yeova.</verse>
				<verse number="15">Na ngili itano ila itialĩte sya ũthanthau, mbee wa ila ngili mĩongo ĩlĩ na itano, ikeethĩwa sya kũtethya onthe, kwondũ wa ndũa, kwondũ wa kũtũaa na kwondũ wa isesi; na ndũa ĩkeethĩwa vu katĩ.</verse>
				<verse number="16">Na ii ikeethĩwa ithimo sya vo: ngalĩ ya ĩũlũ ngili inya na maana atano, na ngalĩ ya ĩtheo ngili inya na maana atano, na ngalĩ ya wumĩlonĩ wa syũa ngili inya na maana atano, na ngalĩ ya ũthũĩlonĩ wa syũa ngili inya na maana atano.</verse>
				<verse number="17">Na ndũa ĩkeethĩwa na syengo: kwelekela ngalĩ ya ĩũlũ maana elĩ na mĩongo ĩtano, na kwelekela ngalĩ ya ĩtheo maana elĩ na mĩongo ĩtano, na kwelekela ngalĩ ya wumĩlonĩ wa syũa maana elĩ na mĩongo ĩtano, na kwelekela ngalĩ ya ũthũĩlonĩ wa syũa maana elĩ na mĩongo ĩtano.</verse>
				<verse number="18">Ũtialo wa ũasa, kwĩanana na ĩla nthembo ntheu, ũkeethĩwa ngili ĩkũmi kwelekela ngalĩ ya wumĩlonĩ wa syũa, na ngili ĩkũmi kwelekela ngalĩ ya ũthũĩlonĩ wa syũa; kwĩanana na ĩla nthembo ntheu; na wingĩvonĩ wa ũsyao waw’o kũkeethĩwa lĩu wa ala matethasya wĩa ndũanĩ.</verse>
				<verse number="19">Na ala matethasya wĩa ndũanĩ, kuma mbaĩnĩ syonthe sya Isilaeli, makamĩĩmaa.</verse>
				<verse number="20">Nthembo ĩsu yonthe ya nthĩ ĩkeethĩwa ngili mĩongo ĩlĩ na itano kwa ngili mĩongo ĩlĩ na itano: mũkathemba nthembo ntheu yĩanene ngalĩ inya, vamwe na kĩlungu kya ndũa.</verse>
				<verse number="21">Na ĩla ĩkatiala ĩkeethĩwa ya ũla mũnene wĩ mbee ũsumbĩnĩ, ngalĩ ĩmwe na ngalĩ ĩla ĩngĩ ya ĩla nthembo ntheu na kĩlungu kya ndũa; ngalĩ ya mbee ya ila ngili mĩongo ĩlĩ na itano ya ĩla nthembo kwelekela mũvaka wa ngalĩ ya wumĩlonĩ wa syũa, na kwelekela ngalĩ ya ũthũĩlonĩ wa syũa ngalĩ ya mbee ya ila ngili mĩongo ĩlĩ na itano kwelekela mũvaka wa ngalĩ ya ũthũĩlonĩ wa syũa, kwĩanana na ila ianda, vakeethĩwa va mũnene wĩ mbee ũsumbĩnĩ: na nthembo ntheu na vandũ vatheu va nyũmba vakeethĩwa vu katĩ.</verse>
				<verse number="22">Na ĩngĩ kuma ng’ũndũnĩ ya Alivai, na kuma kĩlungunĩ kya ndũa, nũndũ kĩ katĩ wa kĩla kya ũla mũnene wĩ mbee ũsumbĩnĩ, katĩ wa mũvaka wa Yuta na mũvaka wa Mbenyamini, kũkeethĩwa kya ũla mũnene.</verse>
				<verse number="23">Na ũndũ wa mbaĩ ila ingĩ: kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Mbenyamini, kĩanda kĩmwe.</verse>
				<verse number="24">Na ĩngĩ mũvakanĩ wa Mbenyamini, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Simeoni, kĩanda kĩmwe.</verse>
				<verse number="25">Na ĩngĩ mũvakanĩ wa Simeoni, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Isakali, kĩanda kĩmwe.</verse>
				<verse number="26">Na ĩngĩ mũvakanĩ wa Isakali, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Nzevuluni, kĩanda kĩmwe.</verse>
				<verse number="27">Na ĩngĩ mũvakanĩ wa Nzevuluni, kuma ngalĩ ya wumĩlonĩ wa syũa kũvika ngalĩ ya ũthũĩlonĩ wa syũa, Ngati, kĩanda kĩmwe.</verse>
				<verse number="28">Na ĩngĩ mũvakanĩ wa Ngati, ngalĩ ya ĩtheo kwelekela ĩtheo, mũvaka ũkeethĩwa kuma Tamali kũvika manzĩ ma Meliva‐katesi, kũvika kalũsĩ ka Misili, kũvika ũkanga mũnene.</verse>
				<verse number="29">Ĩsu nĩyo nthĩ ĩla mwĩaan’ya mbaĩnĩ sya Isilaeli na nzĩa ya kũlimana yĩthĩwe ũtiĩwa, na isu nĩsyo ianda syasyo, easya ũu Mwĩaĩi Yeova.</verse>
				<verse number="30">Na aa nĩmo mawumaalĩlo ma ndũa: Ngalĩ ya ĩũlũ mĩangi ngili inya na maana atano kwa kũthima;</verse>
				<verse number="31">na mbingĩlo sya ndũa ikeetanĩaw’a na masyĩtwa ma mbaĩ sya Isilaeli, mbingĩlo itatũ ngalĩ ya ĩũlũ: mbingĩlo ya Leuveni, ĩmwe; mbingĩlo ya Yuta, ĩmwe; mbingĩlo ya Livai, ĩmwe.</verse>
				<verse number="32">Na ngalĩ ya wumĩlonĩ wa syũa mĩangi ngili inya na maana atano, na mbingĩlo itatũ: o mbingĩlo ya Yosevu, ĩmwe; mbingĩlo ya Mbenyamini, ĩmwe; mbingĩlo ya Ndani, ĩmwe.</verse>
				<verse number="33">Na ngalĩ ya ĩtheo mĩangi ngili inya na maana atano kwa kũthima, na mbingĩlo itatũ: mbingĩlo ya Simeoni, ĩmwe; mbingĩlo ya Isakali, ĩmwe; mbingĩlo ya Nzevuluni, ĩmwe.</verse>
				<verse number="34">Ngalĩ ya ũthũĩlonĩ wa syũa, mĩangi ngili inya na maana atano, vamwe na mbingĩlo itatũ syoo: mbingĩlo ya Ngati, ĩmwe; mbingĩlo ya Aseli, ĩmwe: mbingĩlo ya Navitali, ĩmwe.</verse>
				<verse number="35">Ĩkeethĩwa mĩangi ngili ĩkũmi na nyanya kũthyũlũlũka ngalĩ syonthe: na syĩtwa ya ndũa kuma mũthenya ũsu yĩkeethĩwa, Yeova e vo.</verse>
			</chapter>
		</book>
		<book number="27">
			<chapter number="1">
				<verse number="1">Mwaka wa katatũ wa kũsumbĩka kwa Yeoiakimu mũsumbĩ wa Yuta, Nevukatilesa mũsumbĩ wa Mbaviloni nĩwokie Yelusaleme, na amĩthyũlũlũka amĩtw’ĩkanĩsya.</verse>
				<verse number="2">Na Mwĩaĩi anengane Yeoiakimu mũsumbĩ wa Yuta kw’okonĩ kwake, vamwe na kĩlungu kya mĩio ya nyũmba ya Ngai; nake amĩtwaa nthĩ ya Sinali nyũmbanĩ ya ngai yake: na aete mĩio nyũmbanĩ ya kwia ũthwii ya ngai yake.</verse>
				<verse number="3">Na mũsumbĩ amwĩa Asivenasi vwana wa avakũe make, aete ana amwe ma Isilaeli, o ma nzyawa sya kĩũsumbĩ na ma ala anene me ndaĩa;</verse>
				<verse number="4">imwana ila ite kĩema, ĩndĩ syĩthĩwe na wũmbe mũseo, na ũtũĩka uĩnĩ w’onthe, syĩ na ũmanyi, na kũmanya ũĩ wa wĩmanyĩso, na ila itonya kũũngama nyũmbanĩ nene mbanakavye ya mũsumbĩ; na aimanyĩsye momanyĩsyo na kĩthyomo kya Akalitei.</verse>
				<verse number="5">Na mũsumbĩ aitw’ĩa lĩu wa kĩla mũthenya wa kya ũya kĩseo kya mũsumbĩ, na mbinyu ĩla wanyusaa we mwene, iĩthw’e myaka ĩtatũ; nĩ kana mũminũkĩlyo wayo iũngame mbee wa mũsumbĩ.</verse>
				<verse number="6">Na ĩndĩ katĩ wa ii nĩvo syaĩ, sya ana ma Yuta, Ndanieli, na Aanania, na Misaeli, na Asalia.</verse>
				<verse number="7">Nake mũnene wa avakũe aitw’ĩĩa masyĩtwa: Ndanieli amwĩta syĩtwa yake Mbelitesasa; na Aanania, Satalaki; na Misaeli, Mesaki; na Asalia, Aveti‐neko.</verse>
				<verse number="8">Ĩndĩ Ndanieli nĩwetw’ĩĩe ngoonĩ yake kana ndakevukya na kĩla kya ũya kĩseo kya mũsumbĩ, kana na ĩla mbinyu ũnyusaa: kwondũ wa ũu avoya ũla mũnene wa avakũe ndakevukye.</verse>
				<verse number="9">Na ĩndĩ Ngai anenga Ndanieli kwona ũseo na ĩnee kwa mũnene wa avakũe.</verse>
				<verse number="10">Na mũnene wa avakũe amwĩa Ndanieli, Nĩngũkĩa mwĩaĩi wakwa mũsumbĩ, ũla wamũtw’ĩe lĩu wenyu na kya ũnyw’a kyenyu: nũndũ nĩkĩ wĩona mothyũ menyu mate maseo ta mothyũ ma imwana sya nthuke ĩmwe nenyu? Nĩvo mwĩĩkĩa mũtwe wakwa mũisyonĩ vala ve mũsumbĩ.</verse>
				<verse number="11">Na ĩndĩ Ndanieli amwĩa mũsyaĩĩsya ũla waiĩtwe nĩ mũnene wa avakũe ĩũlũ wa Ndanieli, na Aanania, na Misaeli, na Asalia:</verse>
				<verse number="12">Nĩngũkwĩsũva, tũtate ithyĩ athũkũmi maku matukũ ĩkũmi; na nĩmatũnenge isyo sya kũya, na manzĩ ma ũnyw’a.</verse>
				<verse number="13">Nĩvo ĩndĩ mothyũ maitũ mesyaĩw’a mbee waku, na mothyũ ma imwana ila iĩsaa kyaũya kĩseo kya mũsumbĩ; naku o ũndũ wĩona, wĩĩka athũkũmi maku ũu.</verse>
				<verse number="14">Na ĩndĩ asyĩthukĩĩsya ũndũnĩ ũsu, na aitata matukũ ĩkũmi.</verse>
				<verse number="15">Na mũminũkĩlyo wa matukũ ĩkũmi mothyũ moo mooneka me maseo, na maĩ anou, kwĩ imwana syonthe ila syaĩsaa kya ũya kĩseo kya mũsumbĩ.</verse>
				<verse number="16">Kwondũ wa ũu mũsyaĩĩsya aveta kya ũya kyoo kĩseo, na mbinyu ya ũnyuwa, na ainenga isyo.</verse>
				<verse number="17">Na ĩndĩ imwana isu inya, Ngai ainenga ũmanyi na ũtũĩka ũmanyĩsyonĩ w’onthe na ũĩnĩ: na Ndanieli aĩ na ũmanyi wa mawoni onthe na ndoto.</verse>
				<verse number="18">Na mũminũkĩlyo wa matukũ ala mũsumbĩ watwie ma kwiete, mũnene wa avakũe aiete vala ve Nevukatilesa.</verse>
				<verse number="19">Na mũsumbĩ aneenan’ya nasyo; na katĩ wa isu syonthe vaiaaoneka ingĩ itilyĩ ta Ndanieli, na Aanania, na Misaeli, na Asalia: na kwondũ wa ũu syaũngama mbee wa mũsumbĩ.</verse>
				<verse number="20">Na maũndũnĩ onthe ma ũĩ na ũmanyi, ala mũsumbĩ waikũlilye, asyona ivĩtũkĩte kũndũ ĩkũmi eki ma syama na awe onthe, ala maĩ ũsumbĩnĩ wake w’onthe.</verse>
				<verse number="21">Na Ndanieli ekala kũvika mwaka wa mbee wa kũsumbĩka kwa mũsumbĩ Kulusi.</verse>
			</chapter>
			<chapter number="2">
				<verse number="1">Na mwaka wa kelĩ wa kũsumbĩka kwa Nevukatilesa, Nevukatilesa nĩwaotie ndoto; na veva wake waũũya, na too wake wamwaĩa.</verse>
				<verse number="2">Nĩvo ĩndĩ mũsumbĩ weaie metwe eki ma syama, na awe, na aoi, na Akalitei, mon’ye mũsumbĩ ndoto syake. Na ĩndĩ mooka na maũngama mbee wa mũsumbĩ.</verse>
				<verse number="3">Na mũsumbĩ amea, Nĩnĩotie ndoto, na veva wakwa nũkũũũya nĩ kana nĩmanye ĩ ndoto.</verse>
				<verse number="4">Nĩvo ĩndĩ Akalitei matavisye mũsumbĩ na kĩthyomo kya Asilia, We mũsumbĩ, ĩkala tene na tene: tavya athũkũmi maku ĩ ndoto, naitũ nĩtũkwonan’ya ũalyũlo wayo.</verse>
				<verse number="5">Mũsumbĩ asũngĩa na amea Akalitei, Ũndũ ũsu nũkũmbaĩa: ethĩwa mũiũmanyĩthya ĩ ndoto na ũlayũlo wayo, mũkatilangwa ilungu, na nyũmba syenyu ikatw’ĩka maũtũnda ma syaa.</verse>
				<verse number="6">Ĩndĩ ethĩwa nĩmũkwonan’ya ĩ ndoto na ũalyũlo wayo, mũkanengwa ninyie mĩthĩnzĩo na matuvi na ndaĩa nene: kwondũ wa ũu mbon’yai ndoto na ũalyũlo wayo.</verse>
				<verse number="7">Masũngĩa ĩngĩ ya kelĩ na mamwĩa, Mũsumbĩ natũtavye ithyĩ athũkũmi make ĩ ndoto, naitũ nĩtũkwonan’ya ũalyũlo wayo.</verse>
				<verse number="8">Mũsumbĩ asũngĩa na amea, Nĩnĩsĩ vyũ nĩmũkwenda kũasavya ĩvinda, nũndũ nĩmũkwona ũndũ ũsu nũkũmbaĩa.</verse>
				<verse number="9">Ĩndĩ ethĩwa mũikũmanyĩthya ĩ ndoto, ve mwĩao ũmwe kwenyu tũ; nũndũ nĩmwĩyiĩe ndeto sya ũvũngũ na nthũku sya kũneena vala nĩĩ, kũvika ĩvinda yĩalyũlwe: kwondũ wa ũu ndavyai ĩ ndoto, nakwa nĩngũmanya kana nĩmũtonya kũmbon’ya ũalyũlo wayo.</verse>
				<verse number="10">Akalitei masũngĩa vala ve mũsumbĩ, na mamwĩa, Kũti mũndũ ĩũlũ wa nthĩ ũtonya kwonan’ya ũndũ ũsu wa mũsumbĩ, nũndũ kũti mũsumbĩ, o na mwĩaĩi, o na mũsumbĩki, waakũlya ũndũ ta ũsu kwa mwĩki wa syama, kana kwa mũndũ mũe, kana kwa Mũkalitei.</verse>
				<verse number="11">Na ũndũ ũsu wĩ vinya ũla mũsumbĩ ũnũkwenda, o na kũti ũngĩ ũtonya kũwonan’ya vala ve mũsumbĩ, ate o ngai, ila itekalaa na mwĩĩ.</verse>
				<verse number="12">Kwondũ wa ũu mũsumbĩ athata na aĩ na ũthatu mwai mũno, na eeaa andũ oĩ onthe ma Mbaviloni manangwe.</verse>
				<verse number="13">Na ĩndĩ ũtw’ĩo waumw’a, andũ oĩ moawe; na mamantha Ndanieli na atindan’ya make moawe.</verse>
				<verse number="14">Nĩvo ĩndĩ Ndanieli ũndũ wa kũsũanĩa na ũndũ wa kĩlĩko wasũngĩie Alioko kavuteni wa nguthu ya asũvĩi ma mũsumbĩ, ũla waĩ anaumaala oae andũ oĩ ma Mbaviloni:</verse>
				<verse number="15">asũngĩa na amwĩa Alioko kavuteni wa kwa mũsumbĩ, Nũndũ wa kĩ ũtw’ĩo waumw’a kwa mũsumbĩ na mĩtũkĩ ĩana ũu? Na ĩndĩ Alioko amanyĩthya Ndanieli ũla ũndũ.</verse>
				<verse number="16">Na Ndanieli avota, na enda mũsumbĩ amũnenge ũthei, nake akamanyĩthya mũsumbĩ ũalyũlo.</verse>
				<verse number="17">Nĩvo ĩndĩ Ndanieli waendie nyũmbanĩ kwake, na amanyĩthya Aanania, na Misaeli, na Asalia, atindan’ya make ũndũ ũsu:</verse>
				<verse number="18">nĩ kana metye matei kwa Ngai wa ĩtunĩ ũndũnĩ ũũ ũvithe; nĩ kana Ndanieli na atindan’ya make maikoawe vamwe na andũ oĩ angĩ ma Mbaviloni.</verse>
				<verse number="19">Nĩvo ĩndĩ ũndũ ũsu ũvithe wavuanĩw’e Ndanieli woninĩ wa ũtukũ. Na ĩndĩ Ndanieli ataĩa Ngai wa ĩtunĩ.</verse>
				<verse number="20">Ndanieli asũngĩa na asya, Syĩtwa ya Ngai yĩtaĩwe tene na tene; nũndũ ũĩ na vinya nĩ syake.</verse>
				<verse number="21">Nake nũalyũlaa mavinda na syathĩ; nũvetaa asumbĩ, na nĩwũkĩlasya asumbĩ; nũnengae ala oĩ ũĩ, na ũmanyi ala mekũmanya;</verse>
				<verse number="22">nũvuanasya maũndũ maliku na mavithe; nĩwĩsĩ ala me kĩvindunĩ, na kyeni nĩkĩkalaa nake.</verse>
				<verse number="23">Nĩngũũtũngĩa mũvea, na ũkũtaĩa, ame Ngai wa aasa makwa, nũndũ nũnengete ũĩ na vinya, na nĩwamanyĩthya oyu ũla tũkwendaa kwaku; nũndũ nĩwatũmanyĩthya ũla ũndũ wa mũsumbĩ.</verse>
				<verse number="24">Kwondũ wa ũu Ndanieli aenda kwa Alioko, ũla mũsumbĩ wamwiĩte anange andũ oĩ ma Mbaviloni; aenda na amwĩa atĩĩ: Ndũkanange andũ oĩ ma Mbaviloni; ũndwae vala ve mũsumbĩ, nakwa nĩngwon’ya mũsumbĩ ũalyũlo.</verse>
				<verse number="25">Nĩvo ĩndĩ Alioko wamũtwaie Ndanieli vala ve mũsumbĩ na mĩtũkĩ, na amwĩa atĩĩ, Nĩnoona mũndũ wa ana ma kũtavwa ma Yuta, ũla ũkũmanyĩthya mũsumbĩ ũalyũlo.</verse>
				<verse number="26">Mũsumbĩ asũngĩa na akũlya Ndanieli, ũla wetawa syĩtwa yake Mbelitesasa, Nũtonya kũmanyĩthya ndoto ĩla nĩnoonie, na ũalyũlo wayo?</verse>
				<verse number="27">Ndanieli asũngĩa vala ve mũsumbĩ, na amwĩa, Ũndũ ũvithe ũla mũsumbĩ ũkũlĩtye, andũ oĩ, o na awe, o na eki ma syama, o na ala mathanaa maũndũ, maitonya kwon’ya mũsumbĩ;</verse>
				<verse number="28">ĩndĩ ĩtunĩ ve Ngai ũvuanasya maũndũ mavithe, nake nũmanyĩthĩtye mũsumbĩ Nevukatilesa ũla ũkethĩwa mĩthenya ya mũminũkĩlyo. Ndoto yaku, na mawoni ma mũtwe waku wĩ ũkomonĩ waku, nĩmo aa:</verse>
				<verse number="29">ũndũ waku, we mũsumbĩ, malilikano maku manakũkĩe ũkomonĩ waku, ũndũ kũkethĩwa ĩtina, na ũla ũvuanasya maũndũ mavithe nũkũmanyĩthĩtye maũndũ ala makethĩwa.</verse>
				<verse number="30">Ĩndĩ ũndũ wakwa, ũndũ ũũ ũvithe ndũnavuanw’a kwakwa ũndũ wa kwĩthĩwa na ũĩ kwĩ ũngĩ wĩ thayũ, ĩndĩ nĩ kana mũsumbĩ amanyĩthw’e ũalyũlo, na nĩ kana ũmanye malilikano ma ngoo yaku.</verse>
				<verse number="31">Naku, we mũsumbĩ, nũnoonie, na sisya, mũvw’anano mũnene. Mũvw’anano ũsu, ũla ũnaĩ mũnene mũno, na kũtisa kwaw’o kũnaĩ kũseo mũno, ũnaĩ ũũngamĩte mbee waku; na kwoneka kwaw’o kũnaĩ kwa kũtĩsya.</verse>
				<verse number="32">Na ũndũ wa mũvw’anano ũsu, mũtwe waw’o ũnaĩ wa thaavu mũtheu, na kĩthũi kyaw’o na moko maw’o manaĩ ma vetha, na ĩvu yaw’o na mawaswa maw’o manaĩ ma ũthuku,</verse>
				<verse number="33">na maũũ maw’o manaĩ ma kĩaa, na nyaĩĩ syaw’o inaĩ nyunzu ya kĩaa, na nyunzu ya yũmba.</verse>
				<verse number="34">Naku woona mũvaka ĩvia yatilĩka vate moko, yĩla yĩnakũnie mũvw’anano nyaĩĩnĩ syaw’o ila sya kĩaa na yũmba, na yaitilanga ilungu.</verse>
				<verse number="35">Nĩvo ĩndĩ kĩaa, na yũmba, na ũthuku, na vetha, na thaavu, inatilanganilw’e ilungu vamwe, na syekala ta wewa wa ivũĩo sya ĩvinda ya syũa; na kĩseve kyaũlũkya, na vaineeoneka vandũ vasyo: na ĩvia yĩla yĩnakũnie mũvw’anano yatw’ĩka kĩĩma kĩnene, yausũa nthĩ yonthe.</verse>
				<verse number="36">Ĩsu nĩyo ndoto; na ithyĩ nĩtũũneena ũalyũlo wayo vala ve mũsumbĩ.</verse>
				<verse number="37">Naku, we mũsumbĩ, wĩ mũsumbĩ wa asumbĩ, ũla Ngai wa ĩtunĩ ũkũnengete ũsumbĩ, na ũtonyi, na vinya, na ndaĩa;</verse>
				<verse number="38">na kw’onthe o kũla kwĩkalaa ana ma andũ, nyamũ sya kĩtheka na nyũnyi sya yayaya nũnenganĩte kw’okonĩ kwaku, na nũkũsumbĩkĩthĩtye ĩũlũ wasyo syonthe: nue mũtwe ũsu wa thaavu.</verse>
				<verse number="39">Na ĩtina waku vakookĩla ũsumbĩ ũngĩ mũnyivu kwĩ we; na ũsumbĩ ũngĩ wa katatũ wa ũthuku, ũla ũkasumbĩka nthĩ yonthe.</verse>
				<verse number="40">Na ũsumbĩ wa kana ũkeethĩwa na vinya ta kĩaa, o tondũ kĩaa kĩtilangaa ilungu na kũkĩlya syĩndũ syonthe vinya; na ta kĩaa kĩla kĩkanyangaa ii syonthe, ũkatilanga na kũkanyanga.</verse>
				<verse number="41">Na o tondũ ũnoonie nyaĩĩ na syaa, nyunzu ya yũmba ya mũmbi, na nyunzu ya kĩaa, ũsumbĩ ũkaolekangana; ĩndĩ nthĩnĩ waw’o vakeethĩwa vinya wa kĩaa, o tondũ ũnoonie kĩaa kĩvulanĩte na yũmba yulue.</verse>
				<verse number="42">Na o ũndũ syaa sya nyaĩĩ inaĩ nyunzu kĩaa, na nyunzu yũmba, ũsumbĩ ũkeethĩwa nyunzu wĩ na vinya, na nyunzu mũtilĩkanganu o ta ũu.</verse>
				<verse number="43">Na o tondũ ũnoonie kĩaa kĩvulanĩtw’e na yũmba yulue, makeevulan’ya na ũsyao wa andũ; ĩndĩ maikalũman’ya ene kwa ene, o tondũ kĩaa kĩivulanaa na yũmba.</verse>
				<verse number="44">Na mĩthenya ya asumbĩ asu Ngai wa ĩtunĩ akaũngamya ũsumbĩ ũtakaanangĩka tene na tene, o na ũsumbĩki waw’o ndũkaatiĩwa ũko ũngĩ wa andũ; ĩndĩ ũkatilanga ilungu na kũmina mosumbĩ asu onthe, naw’o ũkekalaa tene na tene.</verse>
				<verse number="45">O tondũ ũnoonie ĩvia yatilĩka kĩĩmanĩ vate moko, na yatilanga ilungu kĩaa, na ũthuku, na yũmba, na vetha, na thaavu; Ngai ũla mũnene nũmanyĩthĩtye mũsumbĩ ũla ũkethĩwa ĩtina: na ndoto nĩ ya w’o, na ũalyũlo wayo nĩ wa kũĩkĩĩwa.</verse>
				<verse number="46">Nĩvo ĩndĩ mũsumbĩ Nevukatilesa wavalũkile nthĩ na ũthyũ wake, na athaitha Ndanieli, na eeaa mamũthembee nthembo na kĩla kĩnyungaa nesa.</verse>
				<verse number="47">Mũsumbĩ asũngĩa Ndanieli, na amwĩa, Nĩ w’o, Ngai wenyu nĩ Ngai wa ngai, na Mwĩaĩi wa asumbĩ, na mũvuan’ya wa maũndũ mavithe, nũndũ nĩwatonya kũvuan’ya ũndũ ũũ ũvithe.</verse>
				<verse number="48">Na ĩndĩ mũsumbĩ anenevya Ndanieli, na amũnenga mĩthĩnzĩo mingĩ mĩnene, na amũtw’a mũnene ĩũlũ wa kĩlungu kĩnene kyonthe kya nthĩ kĩtawa Mbaviloni, na ngavana wa mbee ĩũlũ wa andũ oĩ onthe ma Mbaviloni.</verse>
				<verse number="49">Na Ndanieli avoya mũsumbĩ, na aia Satalaki, na Mesaki, na Aveti‐neko ĩũlũ wa maũndũ ma kĩlungu kyu kĩnene kya nthĩ kĩtawa Mbaviloni: ĩndĩ Ndanieli ekalaa mbingĩlonĩ ya kwa mũsumbĩ.</verse>
			</chapter>
			<chapter number="3">
				<verse number="1">Mũsumbĩ Nevukatilesa aseũvĩthya mũvw’anano wa thaavu, ũtũlu waw’o waĩ wa mĩkono mĩongo thanthatũ, na ũthanthau waw’o mĩkono thanthatũ: awũũngamya ũiĩnĩ wa Ndula, kĩlungunĩ kĩnene kya nthĩ kĩtawa Mbaviloni.</verse>
				<verse number="2">Na ĩndĩ mũsumbĩ Nevukatilesa atũmana kũmbanw’e asumbĩ anini, na amũli, na makavana, na asili, na asũvĩi ma ũthwii, na atai, na asilan’ya, na asumbĩki onthe ma ilungu isu nene sya nthĩ, moke kwambĩlĩya ũthaithi wa mũvw’anano ũla mũsumbĩ Nevukatilesa waĩ anaũngamya.</verse>
				<verse number="3">Na ĩndĩ asumbĩ anini, na amũli, na makavana, na asili, na asũvĩi ma ũthwii, na atai, na asilan’ya, na asumbĩki onthe ma ilungu isu nene sya nthĩ, moombana kwambĩlĩlya ũthaithi wa mũvw’anano ũla mũsumbĩ Nevukatilesa waĩ anaũngamya; na maũngama mbee wa mũvw’anano ũla Nevukatilesa waĩ anaũngamya.</verse>
				<verse number="4">Nĩvo ĩndĩ mũtavan’ya waneenie na wasya mũnene, Nĩ inyw’ĩ mweeaĩwa, inyw’ĩ ngo sya andũ, na mbaĩ, na ithyomo,</verse>
				<verse number="5">ĩvinda yĩla mwĩĩw’a wasya wa soo mũkelemu, na nzumalĩ, na mbeve, na kaveve, na kĩnanda, na mũtũlilũ, na mĩthemba yonthe ya mbeve syĩ mawasya, mwĩvalũka nthĩ na kũthaitha mũvw’anano wa thaavu ũla mũsumbĩ Nevukatilesa ũnaũngamisye;</verse>
				<verse number="6">na ũla ũtevalũka nthĩ na kũthaitha saa o ũsu akekw’a nthĩnĩ wa iko yĩ mwaki mwakanu.</verse>
				<verse number="7">Na ĩndĩ ĩvinda yĩu, ngo syonthe sya andũ syeew’a wasya wa soo mũkelemu, na nzumalĩ, na mbeve, na kaveve, na kĩnanda, na mĩthemba yonthe ya mbeve syĩ mawasya, ngo syonthe sya andũ, na mbaĩ, na ithyomo, syavalũka nthĩ na syathaitha mũvw’anano wa thaavu ũla mũsumbĩ Nevukatilesa waĩ anaũngamya.</verse>
				<verse number="8">Kwondũ wa ũu ĩvinda yĩu Akalitei amwe mathengeea, na mavinganĩsya Ayuti.</verse>
				<verse number="9">Maneena na mamwĩa mũsumbĩ Nevukatilesa, We mũsumbĩ, ĩkala tene na tene.</verse>
				<verse number="10">Naku, we mũsumbĩ, nũtw’ĩte ũtw’ĩo, kana kĩla mũndũ wĩĩw’a wasya wa soo mũkelemu, na nzumalĩ, na mbeve, na kaveve, na kĩnanda, na mũtũlilũ, na mĩthemba yonthe ya mbeve syĩ mawasya, evalũka nthĩ na kũthaitha mũvw’anano ũsu wa thaavu;</verse>
				<verse number="11">na o ũla ũtevalũka nthĩ na kũthaitha, akekw’a nthĩnĩ iko yĩ mwaki mwakanu.</verse>
				<verse number="12">Ve Ayuti amwe ala waiie ĩũlũ wa maũndũ ma kĩlungu kĩnene kya nthĩ kĩtawa Mbaviloni: Satalaki, na Mesaki, na Aveti‐neko; andũ asu, we mũsumbĩ, mainakũkĩa: maithũkũmaa ngai syaku, o na maiũthaitha mũvw’anano wa thaavu ũla ũnaũngamisye.</verse>
				<verse number="13">Nĩvo ĩndĩ Nevukatilesa weaie, e na ũthilĩku na ũthatu mwai, kana Satalaki, na Mesaki, na Aveti‐neko maetwe. Na ĩndĩ maete andũ asu vala ve mũsumbĩ.</verse>
				<verse number="14">Nevukatilessa aneena na amea, Nĩ kwa kwĩtw’ĩĩa, inyw’ĩ Satalaki, na Mesaki, na Aveti‐neko, mũithũkũmaa ngai yakwa, o na mũiũthaitha mũvw’anano wa thaavu ũla nĩnaũngamisye?</verse>
				<verse number="15">Na ĩndĩ ethĩwa nĩmwĩyũmbanĩtye ĩvinda yĩla mwĩĩw’a wasya wa soo mũkelemu, na nzumalĩ, na mbeve, na kaveve, na kĩnanda, na mũtũlilũ, na mĩthemba yonthe ya mbeve syĩ mawasya, mwĩvalũka nthĩ na kũthaitha mũvw’anano ũla nĩnaseũvĩthisye, nĩ ũseo: ĩndĩ ethĩwa mũiũthaitha, mũkekw’a saa o ũsu nthĩnĩ wa iko yĩ mwaki mwakanu; na nũũ ngai ĩsu ĩkamumya mokonĩ makwa?</verse>
				<verse number="16">Satalaki, na Mesaki, na Aveti‐neko masũngĩa na mamwĩa mũsumbĩ, We Nevukatilesa, ithyĩ tũti na vata wa ũkũsũngĩa ũndũnĩ ũsu.</verse>
				<verse number="17">O na ethĩwa nĩ ũu, Ngai waitũ ũla tũthũkũmaa nũtonya kũtũtangĩĩa kuma ikonĩ yĩ mwaki mwakanu; nake akatũtangĩĩa kuma mokonĩ maku, we mũsumbĩ.</verse>
				<verse number="18">Ĩndĩ ethĩwa ti ũu, ũmanyĩke kwaku, we mũsumbĩ, tũtithũkũma ngai syaku, o na kũthaitha mũvw’anano wa thaavu ũla ũnaũngamisye.</verse>
				<verse number="19">Nĩvo ĩndĩ Nevukatilesa wausũiwe nĩ ũthatu mwai, na mũvw’ano wa ũthyũ wake wamaalyũkĩla Satalaki, na Mesaki, na Aveti‐neko; kwondũ wa ũu aneena, na eeaa mekĩe iko mwaki kũndũ mũonza mbee wa ũndũ yakothaa kwĩkĩwa mwaki.</verse>
				<verse number="20">Na eeaĩa ngũmbaũ imwe sya ita syake syove Satalaki, na Mesaki, na Aveti‐neko, na kũmekya nthĩnĩ wa iko yĩ mwaki mwakanu.</verse>
				<verse number="21">Nĩvo ĩndĩ andũ asu mooviwe me na makanzũ moo, na makoti moo, na masuka moo, na ngũa ingĩ syoo, na mekw’a nthĩnĩ wa iko yĩ mwaki mwakanu.</verse>
				<verse number="22">Na ĩndĩ nĩkwĩthĩwa mwĩao wa mũsumbĩ waĩ wa kũkalaata, na iko yakanĩte mwaki mũno, kĩtw’ĩki kya mwaki kyooaa andũ ala mamakwatie Satalaki, na Mesaki, na Aveti‐neko.</verse>
				<verse number="23">Na andũ asu atatũ, Satalaki, na Mesaki, na Aveti‐neko, mavalũka me ove nthĩni wa iko yĩ mwaki mwakanu.</verse>
				<verse number="24">Nĩvo ĩndĩ mũsumbĩ Nevukatilesa waseng’ie, na ookĩla na mĩtũkĩ: aneena na akũlya atai make, Tũinekya andũ atatũ me ove nthĩnĩ wa mwaki? Masũngĩa na mamwĩa mũsumbĩ, Nĩ w’o, we mũsumbĩ.</verse>
				<verse number="25">Asũngĩa na amea, Sisya, nĩngwona andũ ana athasye, maikinyĩla nthĩnĩ wa mwaki, nao mati na ũndũ; na mũvw’ano wa ũla wa kana nĩ ta mwana wa i ngai.</verse>
				<verse number="26">Nĩvo ĩndĩ Nevukatilesa wathengeeie vakuvĩ na mũomo wa iko yĩ mwaki mwakanu: aneena na asya, Satalaki, na Mesaki, na Aveti‐neko, inyw’ĩ athũkũmi ma Ngai Ũla Wĩ Ĩũlũ wa Onthe, umaalai, mũke kũũ. Na ĩndĩ Satalaki, na Mesaki, na Aveti‐neko mauma mwakinĩ nthĩnĩ.</verse>
				<verse number="27">Na asumbĩ anini, na amũli, na makavana, na atai ma mũsumbĩ, ala maĩ manoombana vamwe, moona andũ asu, kana mwaki ndwĩĩ na vinya mĩĩnĩ yoo, o na nzw’ĩĩ sya mĩtwe yoo itinavya, o na makanzũ moo matinaalyũka, o na mũuke wa mwaki ndũnamakwata.</verse>
				<verse number="28">Nevukatilesa aneena na asya, Nataĩwe Ngai wa Satalaki, na Mesaki, na Aveti‐neko, ũla ũtũmie mũlaĩka wake, na atangĩĩa athũkũmi make ala mamwĩkwatasya, na maalyũlĩte ndeto ya mũsumbĩ, na manengane mĩĩ yoo, maikathũkũme o na kũthaitha ngai o na yĩva, ate o Ngai woo ene.</verse>
				<verse number="29">Kwondũ wa ũu nĩngũtw’a ũtw’ĩo, kana kĩla ũko wa andũ, na mbaĩ, na yĩthyomo, ala makamũneenea ndeto ĩtaĩle Ngai wa Satalaki, na Mesaki, na Aveti‐neko, makatilangwa ilungu, na nyũmba syoo ikatw’ĩka maũtũnda ma syaa; nũndũ vati ngai ĩngĩ ĩtonya kũtangĩĩa ta ũu.</verse>
				<verse number="30">Nĩvo ĩndĩ mũsumbĩ wanenevisye Satalaki, na Mesaki, na Aveti‐neko kĩlungunĩ kyu kĩnene kya nthĩ kĩtawa Mbaviloni.</verse>
			</chapter>
			<chapter number="4">
				<verse number="1">Mũsumbĩ Nevukatilesa, kwa ngo syonthe sya andũ, na mbaĩ, na ithyomo, ila itwĩe nthĩ yonthe: Mũuo wingĩve kwenyu.</verse>
				<verse number="2">Nĩkwonekete ta nĩ ũseo kwakwa kwonan’ya mawonan’yo na moseng’yo ala Ngai Ũla Wĩ Ĩũlũ wa Onthe wekie kwakwa.</verse>
				<verse number="3">Mawonan’yo make ũndũ manenevete! Na moseng’yo make ũndũ mean’ya vinya! Ũsumbĩ wake nĩ ũsumbĩ wa tene na tene, na ũsumbĩko wake nĩ kuma nzyawa na nzyawa.</verse>
				<verse number="4">Nyie, Nevukatilesa, nathũmũĩte nyũmbanĩ yakwa, na kwingĩvĩwa nyũmbanĩ yakwa nene mbanakavye.</verse>
				<verse number="5">Nĩnoonie ndoto ĩla yambĩkĩie w’ĩa; na malilikano nĩ ũkomonĩ wakwa na mawoni ma mũtwe wakwa nĩmanthĩnisye.</verse>
				<verse number="6">Kwondũ wa ũu natw’a ũtw’ĩo andũ oĩ onthe ma Mbaviloni maetwe vala nĩĩ, mamanyĩthye ũalyũlo wa ndoto.</verse>
				<verse number="7">Nĩvo ĩndĩ mookie eki ma syama, na awe, na Akalitei, na ala mathanaa maũndũ; nakwa natavan’ya ĩ ndoto vala maĩ; ĩndĩ matyaamanyĩthya ũalyũlo wayo.</verse>
				<verse number="8">Ĩndĩ mũminũkĩlyo Ndanieli alika vala nĩĩ, ũla wetawa syĩtwa yake Mbelitesasa, o ta syĩtwa ya ngai yakwa, na ũla nthĩnĩ wake ve veva wa ila ngai ntheu: nakwa natavan’ya ndoto vala ũĩ, ngĩmwĩa,</verse>
				<verse number="9">We Mbelitesasa, vwana wa eki ma syama, nĩkwĩthĩwa nĩnĩsĩ veva wa ila ngai ntheu wĩ nthĩnĩ waku, na vati ũndũ ũvithe ũkũthĩn’ya, ndavya mawoni ma ndoto yakwa ala nĩnoonie, na ũalyũlo wamo.</verse>
				<verse number="10">Aa nĩo mawoni ma mũtwe wakwa nĩ ũkomonĩ wakwa: nĩnĩnoonie, na sisya, mũtĩ katĩ wa nthĩ; na ũtũlu waw’o ũnaĩ mũnene.</verse>
				<verse number="11">Mũtĩ weana, na ũnaĩ na vinya, na ũtũlu waw’o wavika ĩtunĩ, na kwoneka kwaw’o kwavika kĩtulunĩ kya nthĩ yonthe.</verse>
				<verse number="12">Matũ maw’o manaĩ maseo, na ũsyao waw’o mwingĩ, na nthĩnĩ waw’o vanaĩ lĩu wa onthe: nyamũ sya kĩtheka inaĩ na muunyĩ ĩtina waw’o, na nyũnyi sya yayaya inekalaa mbongenĩ syaw’o, na mĩĩ yonthe ĩnaĩthaw’a nĩw’o.</verse>
				<verse number="13">Noona mawoninĩ ma mũtwe wakwa nĩ ũkomonĩ wakwa, na, sisya, mũsyaĩĩsya, nake nĩ mũtheu, atheea kuma ĩtunĩ.</verse>
				<verse number="14">Aneena na wasya mũnene, na asya atĩĩ, Tema mũtĩ ũvalũke, na ũitilanga mbonge syaw’o, thingithya wĩtĩkye matũ maw’o, na ũinyaĩĩkya ũsyao waw’o: nyamũ syume ĩtina waw’o, na nyũnyi mbongenĩ syaw’o.</verse>
				<verse number="15">Ĩndĩ tia kĩtina kya mĩi kyaw’o nthĩnĩ wa nthĩ, o nyekinĩ nziũ sya kĩsesi, kĩ o na kĩtang’a kya kĩaa na ũthuku; na nĩkĩthĩawe na ũthithu wa ĩmwe ya ĩtunĩ: na kya ũya kyake nĩkĩthĩawe vamwe na nyamũ nyekinĩ sya nthĩ:</verse>
				<verse number="16">ngoo yake nĩalyũke ndĩkethĩwe ngoo ya mũndũ, na nanengwe ngoo ya nyamũ; na mavinda mũonza mavĩte ĩũlũ wake.</verse>
				<verse number="17">Ũsilĩlo ũsu nĩ ũndũ wa ũtw’ĩo wa asyaĩĩsya, na kwenda kũu nĩ kwondũ wa ndeto ya ala atheu; nĩ kana ala me thayũ mamanye Ũla Wĩ Ĩũlũ wa Onthe nũsũmbĩkaa ũsumbĩnĩ wa andũ, na nũmũnengae o ũla wendaa, na nũsumbĩkasya ĩũlũ waw’o ũla wĩ ĩtheo mũno andũnĩ.</verse>
				<verse number="18">Ndoto ĩsu nyie, mũsumbĩ Nevukatilesa, nĩnĩnoonie; naku, we Mbelitesasa, tavan’ya ũalyũlo wayo, nũndũ andũ oĩ onthe ma ũsumbĩ wakwa maitonya kũmanyĩthya ũalyũlo; ĩndĩ we nũtonya; nũndũ veva wa ila ngai ntheu wĩ nthĩnĩ waku.</verse>
				<verse number="19">Nĩvo ĩndĩ Ndanieli, ũla wetawa syĩtwa yake Mbelitesasa, ekala ataneenekya ĩvinda ĩnene, na malilikano make mamũthĩn’ya. Mũsumbĩ asũngĩa na amwĩa, Mbelitesasa, ĩ ndoto ndĩkakũthĩn’ye, o na ũalyũlo wayo. Mbelitesasa asũngĩa na amwĩa, Mwĩaĩi wakwa, ndoto ĩsu nĩyĩthĩwe kwa ala makũmenaa, na ũalyũlo wayo kwa nthũ syaku.</verse>
				<verse number="20">Mũtĩ ũla ũnoonie, ũla ũneanaa, na ũnaĩ na vinya, ũla ũtũlu waw’o ũnavikie ĩtunĩ, na kwoneka kwaw’o kwavika nthĩ yonthe;</verse>
				<verse number="21">ũla matũ maw’o manaĩ maseo, na ũsyao waw’o ũnaĩ mwingĩ, na nthĩnĩ waw’o vanaĩ lĩu wa onthe; ũla nyamũ sya kĩtheka inekalaa ĩtina waw’o, na nyũnyi sya yayaya inaĩ na wĩkalo wasyo mbongenĩ syaw’o:</verse>
				<verse number="22">nue, we mũsumbĩ, ũla weanie na waya vinya; nũndũ ũnene waku nĩweanie, na ũvikĩte ĩtunĩ, na ũsumbĩko waku wavika kĩtulunĩ kya nthĩ.</verse>
				<verse number="23">Na nĩkwĩthĩwa mũsumbĩ nũnoonie mũsyaĩĩsya, nake nĩ mũtheu, atheeete kuma ĩtunĩ, na akyasya, Tema mũtĩ ũvalũke, na ũiwananga; ĩndĩ tia kĩtina kya mĩi kyaw’o nthĩnĩ wa nthĩ, nyekinĩ nziũ sya kĩsesi, kĩ o na kĩtang’a kya kĩaa na ũthuku, na nĩkĩthĩawe na ũthithu wa ĩmwe ya ĩtunĩ; na kya ũya kyake nĩkĩthĩawe vamwe na nyamũ sya kĩtheka, mũvaka mavinda mũonza mavĩte ĩũlũ wake;</verse>
				<verse number="24">ũalyũlo nĩ ũũ, we mũsumbĩ, na nĩ ũtw’ĩo wa Ũla Wĩ Ĩũlũ wa Onthe, ũmũkĩe mwĩaĩi wakwa mũsumbĩ:</verse>
				<verse number="25">atĩ ũkalũngw’a wume andũnĩ, na ũtũo waku ũkethĩawa vamwe na nyamũ sya kĩtheka, naku mũvaka ũĩsae nyeki ya ng’ombe, na ũkethĩawa na ũthithu wa ĩmwe ya ĩtunĩ, na mavinda mũonza makavĩta ĩũlũ waku; kũvika yĩla ũkamanya atĩ Ũla Wĩ Ĩũlũ wa Onthe nĩwe ũsumbĩkaa ũsumbĩnĩ wa andũ, na nũnengae o ũla wendaa.</verse>
				<verse number="26">Na nĩkwĩthĩwa nĩmaneeaie kũtia kĩtina kya mĩi kya mũtĩ; ũsumbĩ waku ũkeethĩwa wĩ mũlũmu kwaku, ĩtina wa wamanya kana matu nĩmo masumbĩkaa.</verse>
				<verse number="27">Kwondũ wa ũu, we mũsumbĩ, ũtao wakwa nĩwĩtĩkĩlwe kwaku, na ũkĩĩva naĩ syaku na ũlũngalu, na mothũku maku na kũmew’ĩa ala ngya tei; ethĩwa nũtonyeka mũuo waku wongeleke.</verse>
				<verse number="28">Aa onthe mookĩa mũsumbĩ Nevukatilesa.</verse>
				<verse number="29">Myei ĩkũmi na ĩlĩ yathela, aanganga ĩũlũ wa nyũmba nene mbanakavye ya kĩũsumbĩ ya Mbaviloni.</verse>
				<verse number="30">Mũsumbĩ aneena na asya, Ĩno ti Mbaviloni nene, ũla naakie nyie na vinya mũnene wa ũtonyi wakwa na nũndũ wa ndaĩa ya ũnene wakwa, yĩthĩwe yĩ ũtũo wa kĩũsumbĩ?</verse>
				<verse number="31">Yĩla ndeto yaĩ kanyw’anĩ wa mũsumbĩ, kwatheea wasya kuma ĩtunĩ, ũkĩmwĩa, We mũsumbĩ Nevukatilesa, we nũũtavw’a: Ũsumbĩ nĩwauma kwaku:</verse>
				<verse number="32">naku ũkalũngw’a wume andũnĩ; na ũtũo waku ũkethĩawa vamwe na nyamũ sya kĩtheka; naku mũvaka ũĩsae nyeki ta ng’ombe; na mavinda mũonza makavĩta ĩũlũ waku; kũvika yĩla ũkamanya kana Ũla Wĩ Ĩũlũ wa Onthe nĩwe ũsumbĩkaa ũsumbĩnĩ wa andũ, na nũnengae o ũla wendaa.</verse>
				<verse number="33">Saa o ũsu ũla ũndũ weanĩw’a ĩũlũ wa Nevukatilesa: na alũngw’a aume andũnĩ, na aĩsaa nyeki ta ng’ombe, na mwĩĩ wake weethĩawa na ũthithu wa ĩmwe ya ĩtunĩ, kũvika nzw’ĩĩ syake syeethĩawa ta maw’ĩa ma ndiũ, na mbwaa syake ta mbwaa sya nyũnyi.</verse>
				<verse number="34">Na mũminũkĩlyo wa mĩthenya ĩsu nyie, Nevukatilesa, nang’elelya metho makwa ĩtunĩ, na ũmanyi wakwa wanzyokea, nakwa nataĩa Ũla Wĩ Ĩũlũ wa Onthe, na nataĩa na kũkatha ũla wĩkalaa tene na tene; nũndũ ũsumbĩko wake nĩ ũsumbĩko wa tene na tene, na ũsumbĩ wake nĩ kuma nzyawa na nzyawa;</verse>
				<verse number="35">na andũ onthe ala matwĩe nthĩ matalawa kwĩthĩwa ti kĩndũ; nake ekaa kwĩanana na kwenda kwake nguthunĩ ya kaũ ya matunĩ, na andũnĩ ala matwĩe nthĩ; o na vati ũmwe ũtonya kũsiĩĩa kw’oko kwake, kana kũmũkũlya, Wĩĩka ata?</verse>
				<verse number="36">Ĩvinda o yĩu ũmanyi wakwa wanzyokea; na kwondũ wa ndaĩa ya ũsumbĩ wakwa, ũnene wakwa na kũtisa kwakwa kwanzyokea; na atai makwa na eaĩi ma kwakwa mamantha makĩmbenda; nakwa nalũlũmĩlw’a ũsumbĩnĩ wakwa, na nongeleelwa ũnene mũseo mbee.</verse>
				<verse number="37">Na yu nyie, Nevukatilesa, nĩngũtaĩa na kũnenevya na kũkatha Mũsumbĩ wa ĩtunĩ; nũndũ mawĩa make onthe nĩ ma w’o, na mĩendele yake nĩ ya ũsili wa katĩ; na ala maendaa na wĩnenevyo nũtonya kũmanyivya.</verse>
			</chapter>
			<chapter number="5">
				<verse number="1">Mũsumbĩ Mbelisasa nĩwavokeie eaĩi ngili ma kwake mboka nene, nake anyw’ĩa mbinyu vu mbee wa asu ngili.</verse>
				<verse number="2">Mbelisasa, akĩsama ĩla mbinyu, eeaa maete mĩio ya thaavu na vetha ĩla ĩthe wake Nevukatilesa waumĩtye ĩkalũnĩ yĩla yaĩ Yelusaleme; nĩ kana mũsumbĩ na eaĩi ma kwake, na iveti syake na aka make ngombo, manyw’e nayo.</verse>
				<verse number="3">Na ĩndĩ maete mĩio ya thaavu ĩla yaumiwe ĩkalũnĩ ya nyũmba ya Ngai ĩla yaĩ Yelusaleme; na mũsumbĩ na eaĩi ma kwake, na iveti syake na aka make ngombo, manyw’a nayo.</verse>
				<verse number="4">Manyw’a mbinyu, na mataĩa ngai sya thaavu, na sya vetha, na sya ũthuku, na sya kĩaa, na sya mũtĩ, na sya ĩvia.</verse>
				<verse number="5">Saa o ũsu syaumĩla syaa sya kw’oko kwa mũndũ, na syaandĩka sokaanĩ wa wakonĩ wa nyũmba nene mbanakavye ya mũsumbĩ syelekele kĩndũ kĩla kĩkĩawa mataa: na mũsumbĩ oona kĩlungu kya kw’oko kĩla kyaandĩkaa.</verse>
				<verse number="6">Nĩvo ĩndĩ ũthyũ wa mũsumbĩ waalyũkile, na malilikano make mamũthĩn’ya; na maleenyu ma kĩnyunyu kyake maleela na mau make matinangana.</verse>
				<verse number="7">Mũsumbĩ aneena na wasya mũnene awe, na Akalitei, na ala mathanaa maũndũ maetwe. Mũsumbĩ aneena na amea andũ oĩ ma Mbaviloni, O ũla ũkũsoma ũandĩko ũũ, na kũmbon’ya ũalyũlo waw’o, akeekĩwa ngũa ĩtilyĩ ta ndune, na mũnyoo wa thaavu ngingonĩ yake, na akeethĩwa mũsumbĩki wa katatũ ũsumbĩnĩ.</verse>
				<verse number="8">Na ĩndĩ andũ oĩ onthe ma mũsumbĩ mooka; ĩndĩ maiaatonya kũsoma ũandĩko, o na kũmanyĩthya mũsumbĩ ũalyũlo waw’o.</verse>
				<verse number="9">Nĩvo ĩndĩ mũsumbĩ Mbelisasa waũũyie mũno, na ũthyũ wake waalyũka, na eaĩi ma kwake masũanĩwa.</verse>
				<verse number="10">Na ĩndĩ inyia wa mũsumbĩ nũndũ wa ndeto sya mũsumbĩ na eaĩi ma kwake ooka nyumbanĩ ya mboka: na inyia wa mũsumbĩ aneena na amwĩa, We mũsumbĩ, ĩkala tene na tene; malilikano maku maikakũthĩn’ye, o na ũthyũ waku ndũkaalyũke.</verse>
				<verse number="11">Ve mũndũ ũsumbĩnĩ waku, wĩ na veva wa ila ngai ntheu nthĩnĩ wake; na mĩthenya ya au waku kyeni na ũmanyi na ũĩ, ta ũĩ wa ila ngai, nĩmoonekie nthĩnĩ wake; na mũsumbĩ Nevukatilesa au waku, o ũsu mũsumbĩ, au waku, amũtw’ĩkĩthya vwana wa eki ma syama, na wa awe, na Akalitei, na ala mathanaa maũndũ;</verse>
				<verse number="12">nũndũ veva mũseo, na ũĩ, na ũmanyi, na ũalyũlo wa ndoto, na kũvuan’ya nthimo, na kũlingisũkan’ya maũndũ malingisanu, nĩmoonekie nthĩnĩ wa Ndanieli ũsu, ũla mũsumbĩ wamwĩtie Mbelitesasa. Na yu Ndanieli nĩetwe, nake nũnũkwonan’ya ũalyũlo.</verse>
				<verse number="13">Nĩvo ĩndĩ Ndanieli waetiwe vala ve mũsumbĩ. Mũsumbĩ aneena na akũlya Ndanieli, We nue Ndanieli ũsu wa ana ma ala matavĩtwe ma Yuta, ala mũsumbĩ, asa wakwa, wamaetie kuma Yuta?</verse>
				<verse number="14">Nyie nĩneew’a ũvoo waku, kana veva wa ila ngai wĩ nthĩnĩ waku, na ĩngĩ kyeni na ũmanyi na ũĩ mũseo nĩmonekete nthĩnĩ waku.</verse>
				<verse number="15">Na yu andũ oĩ, ala awe, nĩmaetiwe vala nĩĩ nĩ kana masome ũandĩko ũũ, na kũmanyĩthya ũalyũlo waw’o; ĩndĩ mainatonya kũmbon’ya ũalyũlo wa ũndũ ũũ.</verse>
				<verse number="16">Ĩndĩ nĩneew’a ũvoo waku, kana nũtonya kũalyũla, na kũlingisũkan’ya maũndũ malingisanu; ĩndĩ yu ethĩwa nũtonya kũsoma ũla ũandĩko, na kũmanyĩthya ũalyũlo waw’o, ũkeekĩwa ngũa ĩtilyĩ ta ndune, na mũnyoo wa thaavu ngingonĩ yaku, naku ũkeethĩwa mũsumbĩki wa katatũ ũsumbĩnĩ.</verse>
				<verse number="17">Nĩvo ĩndĩ Ndanieli wasũngĩie na aneenea vu mbee wa mũsumbĩ, Mĩthĩnzĩo yaku nĩyĩthĩwe yaku mwene, na ũĩnenga ũngĩ matuvi maku; ĩndĩ nakwa nĩngũsomea mũsumbĩ ũandĩko, na kũmũmanyĩthya ũalyũlo.</verse>
				<verse number="18">Naku, we mũsumbĩ, Ngai Ũla Wĩ Ĩũlũ wa Onthe nĩwanengie au waku Nevukatilesa ũsumbĩ, na ũnene, na ndaĩa, na ũkatho:</verse>
				<verse number="19">na nũndũ wa ũnene ũla wamũnengie, ngo syonthe sya andũ, na mbaĩ, na ithyomo nĩmatetemaa na kũkĩa mbee wake: ũla wendie kũmũaa aimũaa, na ũla wendie kũmũeka aimũeka e thayũ; ũla wendie kũmũkĩlya aimũkĩlya, na ũla wendie kũmũtheesya aimũtheesya.</verse>
				<verse number="20">Ĩndĩ yĩla ngoo yake yokĩlilw’e, na veva wake wooma kũvika eeka na ngathĩĩo, aumw’a kĩvĩlanĩ kyake kya ũsumbĩ, na mamũvena ndaĩa yake:</verse>
				<verse number="21">na alũngw’a auma ananĩ ma andũ na ngoo yake yatw’ĩkĩthw’a ta ya nyamũ, na ũtũo wake waĩ vamwe na mang’oi ma kĩthekanĩ; na aĩthaw’a nyeki ta ng’ombe, na mwĩĩ wake weethĩawa na ũthithu wa ĩmwe ya ĩtunĩ; kũvika yĩla wamanyie kana Ngai Ũla Wĩ Ĩũlũ wa Onthe nĩwe ũsumbĩkaa ũsumbĩnĩ wa andũ, na nĩwiaa ĩũlũ waw’o o ũla wendaa.</verse>
				<verse number="22">Naku mwanae, we Mbelisasa, ndwaanyivya ngoo yaku, o na wamanya maũndũ asu onthe,</verse>
				<verse number="23">ĩndĩ nĩweenenevesye Mwĩaĩi wa ĩtunĩ; nao maete mĩio ya nyũmba yake vala ũĩ, naku na eaĩi ma kwaku, na iveti syaku na aka maku ngombo, manyw’a mbinyu nayo; naku nũtaĩĩte ngai sya vetha na thaavu, na ũthuku, na kĩaa, na mũtĩ, na ĩvia, ila itonaa, o na kwĩw’a, o na kũmanya; na Ngai ũla mĩthũmũ yaku ĩ mokonĩ make, na nzĩa syaku syonthe nĩ syake, ndwaamũtaĩa.</verse>
				<verse number="24">Nĩvo ĩndĩ kĩlungu kya kw’oko kĩetiwe nĩwe, na ũandĩko ũũ waandĩkwa.</verse>
				<verse number="25">Na ũandĩko nĩ ũũ ũla ũandĩkiwe: MENE, MENE, TEKELI, UVALASINI.</verse>
				<verse number="26">Ũalyũlo waw’o nĩ ũũ: MENE; Ngai nũtalĩte ũsumbĩ waku, na kũwũmina.</verse>
				<verse number="27">TEKELI; nũthimĩtwe kĩthiminĩ, na nĩwonekete kwĩthĩwa nũtielye.</verse>
				<verse number="28">VELESI; ũsumbĩ waku nũaanĩtwe, na nũnengetwe Ametia na Avelisia.</verse>
				<verse number="29">Nĩvo ĩndĩ Mbelisasa weaie, na meekĩa Ndanieli ngũa ĩtilyĩ ta ndune, na mamwĩkĩa ngingonĩ yake mũnyoo wa thaavu, na matavan’ya ũvoo wake, ethĩwe mũsumbĩki wa katatũ ũsumbĩnĩ.</verse>
				<verse number="30">Ũtukũ ũsu Mbelisasa mũsumbĩ wa Akalitei ooawa.</verse>
				<verse number="31">Na Ndalio Mũmetia anengwa ũsumbĩ, e wa myaka ta mĩongo thanthatũ na ĩlĩ.</verse>
			</chapter>
			<chapter number="6">
				<verse number="1">Ndalio nĩwendeew’e nĩ kwia ĩũlũ wa ũsumbĩ asumbĩ anini ĩana na mĩongo ĩlĩ, methĩwe ĩũlũ wa ũsumbĩ w’onthe;</verse>
				<verse number="2">na ĩũlũ wa asu anene atatũ, ũmwe woo aĩ Ndanieli; nĩ kana asumbĩ asu anini maumasye ũtalo kwoo, na nĩ kana mũsumbĩ ndakethĩwe na wasyo.</verse>
				<verse number="3">Na ĩndĩ Ndanieli ũsu ataĩawa kwĩ anene asu na asumbĩ anini, nĩkwĩthĩwa veva mũseo waĩ nthĩnĩ wake; mũsumbĩ nake asũanĩaa kũmwia ĩũlũ wa ũsumbĩ w’onthe.</verse>
				<verse number="4">Nĩvo ĩndĩ anene asu na asumbĩ anini mamanthie ũndũ wa kwilĩĩla Ndanieli maũndũnĩ ma ũsumbĩ; ĩndĩ maiaaona ũndũ o na ĩvĩtyo, nĩkwĩthĩwa aĩ na kĩthito, o na kũiaaoneka kwake ĩvĩtyo kana ũndũ ũtaĩle.</verse>
				<verse number="5">Na ĩndĩ andũ asu masya, Tũikona ũndũ wa kwilĩĩla Ndanieli ũũ, ate o tũiona wa kũmwilĩĩla maũndũnĩ ma mĩao ya Ngai wake.</verse>
				<verse number="6">Nĩvo ĩndĩ anene asu na asumbĩ anini moombanĩe mũsumbĩ vamwe, na mamwĩa atĩĩ, Mũsumbĩ Ndalio, ĩkala tene na tene.</verse>
				<verse number="7">Anene onthe ma ũsumbĩ, o na amũli na asumbĩ anini, na atai na makavana, nĩmasũanĩĩte vamwe kwia mwamũlo wa kĩũsumbĩ, na kũtw’a ũtw’ĩo mũlũmu, kana o ũla wĩvoya ũndũ wa ngai o na yĩva kana kwa mũndũ ĩvinda ya matukũ mĩongo ĩtatũ, ate o kwaku, we mũsumbĩ, akekw’a ngunganĩ ya mĩnyambũ.</verse>
				<verse number="8">Na ĩndĩ, we mũsumbĩ, lũmya ũtw’ĩo, na ũkĩkĩa ũandĩko saii, ndũkaalyũlwe, kwĩanana na mwĩao wa Ametia na Avelisia, ũla ũtaalyũlĩka.</verse>
				<verse number="9">Kwondũ wa ũu mũsumbĩ Ndalio eekĩa ũandĩko na ũtw’ĩo saii.</verse>
				<verse number="10">Na yĩla Ndanieli wamanyie kana ũandĩko nĩweekĩwa saii, aenda nyũmbanĩ yake (na ĩndĩ mbũthi sya kasũmba kake syaĩ mbingũe kwelekela Yelusaleme); na atulasya ndu kĩla mũthenya katatũ, aivoya, na aitũngĩa mũvea vu mbee wa Ngai wake, o tondũ weekaa tene.</verse>
				<verse number="11">Nĩvo ĩndĩ andũ asu moombanie, na mamwona Ndanieli aivoya na akĩĩsũvanĩa vu mbee wa Ngai wake.</verse>
				<verse number="12">Na ĩndĩ mathengeea, na maneenea mbee wa mũsumbĩ ũndũ wa ũtw’ĩo wa mũsumbĩ: Ndũneekĩa ũtw’ĩo saii, kana kĩla mũndũ ũla wĩvoya ngai o na yĩva kana mũndũ ĩvinda ya matukũ mĩongo ĩtatũ, ate o kwaku, we mũsumbĩ, akekw’a ngunganĩ ya mĩnyambũ? Mũsumbĩ asũngĩa na amea, Ũndũ ũsu nĩ wa w’o, kwĩanana na mwĩao wa Ametia na Avelisia, ũla ũtaalyũlĩka.</verse>
				<verse number="13">Na ĩndĩ masũngĩa na maneenea vala ve mũsumbĩ, Ndanieli ũsu, wa ma ala matavĩtwe ma Yuta, ndeũkũkĩa, we mũsumbĩ, o na ũla ũtw’ĩo ũneekĩie saii, ĩndĩ nũvoyaa kĩla mũthenya katatũ.</verse>
				<verse number="14">Na ĩndĩ mũsumbĩ, eew’a ndeto isu, eew’a woo mũno, na eetw’ĩĩa ngoonĩ yake kũvonokya Ndanieli; nake athĩnĩa wĩa kũvika syũa yathũa amũtangĩĩe.</verse>
				<verse number="15">Nĩvo ĩndĩ andũ asu moombanĩe mũsumbĩ vamwe, na meea mũsumbĩ, Manya, we mũsumbĩ, kana nĩ mwĩao wa Ametia na Avelisia, kana ũtw’ĩo o na mwamũlo ũlũlũmĩlw’e nĩ mũsumbĩ ndũalyũlĩkaa.</verse>
				<verse number="16">Nĩvo ĩndĩ mũsumbĩ weaie, na maete Ndanieli, na mamwĩkya ngunganĩ ya mĩnyambũ. Mũsumbĩ aneena na amwĩa Ndanieli, Ngai waku ũla ũthũkũmaa mavinda onthe, nĩwe wĩkũtangĩĩa.</verse>
				<verse number="17">Na ĩvia yaetwe, na yaiwa mũomonĩ wa ngunga; na mũsumbĩ asiĩla na ngome yake mwene ya ũvana ũsiĩlo, na ngome ya ũvana ũsiĩlo ya eaĩi ma kwake; nĩ kana ũndũ o na wĩva ndũkaalyũlwe ũndũ wa Ndanieli.</verse>
				<verse number="18">Na ĩndĩ mũsumbĩ aenda nyũmbanĩ yake nene mbanakavye, na ũtukũ w’onthe atĩĩa ũya; o na syĩndũ sya kũinga ityaaetwe vala ũĩ: na too wake wamwaĩa.</verse>
				<verse number="19">Na ĩndĩ mũsumbĩ ookĩla kĩoko tene mũno, na aenda na mĩtũkĩ ngunganĩ ya mĩnyambũ.</verse>
				<verse number="20">Na yĩla wathengeeie ngunganĩ vala ve Ndanieli, aĩa na wasya wa woo; mũsumbĩ aneena na akũlya Ndanieli, We Ndanieli, mũthũkũmi wa Ngai ũla wĩ thayũ, Ngai waku ũla ũthũkũmaa mavinda onthe, nũtonya ũkũtangĩĩa mĩnyambũnĩ?</verse>
				<verse number="21">Nĩvo ĩndĩ Ndanieli wasũngĩie mũsumbĩ, We mũsumbĩ, ĩkala tene na tene.</verse>
				<verse number="22">Ngai wakwa nũtũmie mũlaĩka wake, na atumya makanyw’a ma mĩnyambũ, na ndĩnambĩka ũndũ: nũndũ mbee wake nĩnonekete nde na ĩvĩtyo; o na ĩngĩ mbee waku, we mũsumbĩ, ndineevĩtya.</verse>
				<verse number="23">Nĩvo ĩndĩ mũsumbĩ watanie mũno, na eeaa maumye Ndanieli ngunganĩ. Na ĩndĩ Ndanieli aumw’a ngunganĩ, na ũndũ o na wĩva ndwaaoneka mwĩĩnĩ wake, nũndũ nũmũĩkĩĩĩte Ngai wake.</verse>
				<verse number="24">Na mũsumbĩ eeaa, na maete andũ asu ala mamũvinganĩsye Ndanieli, mamekya ngunganĩ ya mĩnyambũ, mo, na syana syoo, na aka moo; na mĩnyambũ yamakĩlya vinya, na yatilanga tũlungu mavĩndĩ moo onthe, mbee wa matanavika nthĩ ngunganĩ.</verse>
				<verse number="25">Nĩvo ĩndĩ mũsumbĩ Ndalio waandĩkĩie ngo syonthe sya andũ, na mbaĩ, na ithyomo, ila syatwĩe nthĩ yonthe: Mũuo wingĩvwe kwenyu.</verse>
				<verse number="26">Nĩngũtw’a ũtw’ĩo, kana ũsumbĩkonĩ w’onthe wa ũsumbĩ wakwa andũ mateteme na kũkĩa vala ve Ngai wa Ndanieli; nĩkwĩthĩwa nĩwe Ngai ũla wĩ thayũ, na ũla wĩkalaa tene na tene, na ũsumbĩ wake nĩ ũla ũtakanangĩka; na ũsumbĩko wake ũkeethĩwa o na kũvika mũminũkĩlyonĩ.</verse>
				<verse number="27">Nũvonokasya na kũtangĩĩaa, na nĩwĩkaa mawonan’yo na moseng’yo ĩtunĩ na nthĩ, ũla ũtangĩĩe Ndanieli kuma vinyanĩ wa mĩnyambũ.</verse>
				<verse number="28">Na ĩndĩ Ndanieli ũsu aathimĩka kũsumbĩkanĩ kwa Ndalio, na kũsumbĩkanĩ kwa Kulusi Mũvelisia.</verse>
			</chapter>
			<chapter number="7">
				<verse number="1">Mwaka wa mbee wa kũsumbĩka kwa Mbelisasa mũsumbĩ wa Mbaviloni Ndanieli aĩ na ndoto na mawoni ma mũtwe wake e ũkomonĩ wake: na ĩndĩ aandĩka ndoto na aumya ũtalo wa maũndũ asu.</verse>
				<verse number="2">Ndanieli aneena na asya, Nĩnoonie woninĩ wakwa ũtukũ, na, sisya, iseve inya sya ĩtunĩ syauutana na vinya ĩũlũ wa ũkanga mũnene.</verse>
				<verse number="3">Na nyamũ inya nene syauma ũkanganĩ, itailyĩ ũndũ ũmwe.</verse>
				<verse number="4">Ya mbee yailyĩ ta mũnyambũ, na yaĩ na nthwau sya ndiũ: nasyaĩĩsya kũvika nthwau syayo syakũwa, na yookĩlw’a kuma nthĩ, na yaũngamw’a na maũũ elĩ ta mũndũ; na yanengwa ngoo ya mũndũ.</verse>
				<verse number="5">Na, sisya, nyamũ ĩngĩ, ya kelĩ, ĩtilyĩ ta nduva; nayo yeeyũkĩlya ngalĩ ĩmwe, na mbau itatũ syaĩ kanyw’anĩ wayo katĩ wa maeo mayo: na mamĩa atĩĩ, Ũkĩla, ũkaye nyama nyingĩ.</verse>
				<verse number="6">Ĩtina wa ũu noona, na, sisya, ĩngĩ, ĩtilyĩ ta ngo, ĩla yaĩ na nthwau inya sya nyũnyi mũongonĩ wayo; na ĩngĩ nyamũ ĩsu yaĩ na mĩtwe ĩna; na yanengwa ũsumbĩko.</verse>
				<verse number="7">Ĩtina wa ũu noona mawoninĩ ma ũtukũ, na, sisya, nyamũ ya kana, ya ũtĩsya na ya kwĩw’ĩthya w’ĩa, na ya vinya mũnene mũno; na yaĩ na maeo manene ma kĩaa; yamelya na yatũlanga ilungu, na yakinyanga matialyo na maũũ mayo: nayo ndĩailyĩ ta nyamũ syonthe sya mbee; na yaĩ na mbya ĩkũmi.</verse>
				<verse number="8">Naketeeaa ila mbya, na, sisya, wookĩla katĩ wasyo ũvya ũngĩ, mũnini, ũla mbee waw’o itatũ sya ila mbya sya mbee syakũiwe na mĩi: na, sisya, ũvyanĩ ũsu vaĩ metho ta metho ma mũndũ, na kanyw’a ũineena maũndũ manene.</verse>
				<verse number="9">Noona kũvika ivĩla sya ũsumbĩ syaiwa, na ũmwe ũla waĩ mũtumĩa wa matukũ ekalĩla: ngũa syake syaĩ nzaũ ta ĩa, na nzw’ĩĩ sya mũtwe wake ta w’ĩa mũtheu wa ĩlondu; kĩvĩla kyake kya ũsumbĩ kyaĩ itw’ĩki sya mwaki, na ndĩa syakyo syaĩ mwaki mwakanu.</verse>
				<verse number="10">Ũsĩ wa mwaki waumĩla wumĩte kwake: ngili kũndũ ngili mamũthũkũma, na ngili ĩkũmi kũndũ ngili ĩkũmi maũngama mbee wake: ũsilĩlo waiwa, na mavuku mavuanw’a.</verse>
				<verse number="11">Naketeea ĩvinda yĩu nũndũ wa wasya wa ndeto nene ila ũvya waneenie; naketeea kũvika nyamũ yooawa, na mwĩĩ wayo waanangwa, na wanenganwe ũvĩvw’e na mwaki.</verse>
				<verse number="12">Na ũndũ wa ila nyamũ syatialile, nĩsyaveniwe ũsumbĩko wasyo: ĩndĩ mathayũ masyo nĩsyongeleelwe kyathĩ na ĩvinda.</verse>
				<verse number="13">Noona mawoninĩ ma ũtukũ, na, sisya, kwooka na mathweo ma ĩtu ũmwe avw’anene na mwana wa mũndũ, o na ookĩa mũtumĩa wa matukũ, na mamũthengeesya vala ũĩ.</verse>
				<verse number="14">Na anengwa ũsumbĩko, na ndaĩa, na ũsumbĩ, nĩ kana ngo syonthe sya andũ, na mbaĩ, na ithyomo imũthũkũmae: ũsumbĩko wake nĩ ũsumbĩko wa tene na tene, ũla ũtakavĩta, na ũsumbĩ wake ũla ũtakanangĩka.</verse>
				<verse number="15">Ĩndĩ nyie, Ndanieli, nĩneewie woo vevanĩ wakwa katĩ wa mwĩĩ wakwa, na mawoni ma mũtwe wakwa manthĩn’ya.</verse>
				<verse number="16">Nathengeea ũmwe wa ala maũngyĩ vakuvĩ, na namũkũlya w’o wa ũndũ ũũ w’onthe. Na ĩndĩ andavya, na amanyĩthya ũalyũlo wa maũndũ asu.</verse>
				<verse number="17">Nyamũ isu nene, syĩ inya, nĩ asumbĩ ana, ala makokĩla kuma nthĩ.</verse>
				<verse number="18">Ĩndĩ atheu ma Ũla Wĩ Ĩũlũ wa Onthe nĩmakosa ũsumbĩ, na nĩmakasumbĩka tene na tene, o kũvika tene na tene.</verse>
				<verse number="19">Nĩvo ĩndĩ nendie kũmanya w’o ũndũ nyamũ ya kana yatilyĩ, ĩla ĩtailyĩ ta ila ĩngĩ syonthe, ya kũtĩsya mũno, ĩla maeo mayo maĩ ma kĩaa, na mbwaa syayo syaĩ sya ũthuku; ĩla yamelilye, na yatilanga ilungu, na yakinyanga matialyo na maũũ mayo;</verse>
				<verse number="20">na ũndũ wa mbya ĩkũmi ila syaĩ mũtwenĩ wayo, na ũvya ũngĩ ũla wookĩlile, na ũla mbee waw’o itatũ syavalũkile, o ũla ũvya waĩ na metho na kanyw’a ũla waneenaa maũndũ manene, na ũla ũthyũ waw’o waĩ vinya kwĩ ila ingĩ waĩ nasyo.</verse>
				<verse number="21">Naketeea, na ũvya o ũsu wokita na atheu, na wamakĩlya vinya;</verse>
				<verse number="22">kũvika yĩla mũtumĩa wa matukũ wokie, na atheu ma Ũla Wĩ Ĩũlũ wa Onthe manengwa ũsili, na ĩvinda yeanĩa yĩla atheu meethĩiwe na ũsumbĩ.</verse>
				<verse number="23">Ũũ nĩw’o waisye, Nyamũ ya kana nĩkethĩwa ũsumbĩ wa kana ĩũlũ wa nthĩ, ũla ũkethĩwa ũtailyĩ ta mosumbĩ onthe, na nũkamelya nthĩ yonthe, na kũmĩkinyanga, na kũmĩtilanga ilungu.</verse>
				<verse number="24">Na ũndũ wa mbya ĩkũmi, kuma ũsumbĩ ũsu asumbĩ ĩkũmi nĩmakokĩla: na ũngĩ nũkokĩla ĩtina woo; nake nũkethĩwa atailyĩ ta ũla wa mbee, nake nũkakĩlya asumbĩ atatũ vinya.</verse>
				<verse number="25">Na nũkamũneenea ndeto Ũla Wĩ Ĩũlũ wa Onthe, na nũkavinyĩthya atheu ma Ũla Wĩ Ĩũlũ wa Onthe; na nũkekwatya kũalyũla ĩvinda na mĩao; nao nĩmakanenganwe mokonĩ make kũvika ĩvinda na mavinda na nyunzu ya ĩvinda.</verse>
				<verse number="26">Ĩndĩ ũsili nũkekala, nao nĩmakamũvena ũsumbĩko wake, mominũkĩlye na kwananga kũvika mũminũkĩlyo.</verse>
				<verse number="27">Na ũsumbĩ na ũsumbĩko, na ũnene wa mosumbĩ ala me ungu wa ĩtu yonthe, nĩmakanengwa andũ ma atheu ma Ũla Wĩ Ĩũlũ wa Onthe: ũsumbĩ wake nĩ ũsumbĩ wa tene na tene, na mosumbĩko onthe nĩmakamũthũkũmaa we na kũmwĩw’aa.</verse>
				<verse number="28">Mũminũkĩlyo wa ũla ũndũ nĩ ũsu. Nakwa, Ndanieli, malilikano makwa manthĩn’ya mũno, na ũthyũ wakwa wangalyũkĩla: ĩndĩ nekalya ũndũ ũsu ngoonĩ yakwa.</verse>
			</chapter>
			<chapter number="8">
				<verse number="1">Mwaka wa katatũ wa kũsumbĩka kwa mũsumbĩ Mbelisasa woni wanumĩlĩla, o nyie Ndanieli, ĩtina wa ũla wanumĩlĩle mbee.</verse>
				<verse number="2">Nakwa noona woninĩ; na ĩndĩ kweethĩwa, ngyona, naĩ nyũmbanĩ nene mbanakavye ku Susani, ĩla yĩ kĩlungunĩ kĩnene kya nthĩ kĩtawa Elamu; nakwa noona woninĩ, na naĩ vakuvĩ na ũsĩ wa Ulai.</verse>
				<verse number="3">Nĩvo ĩndĩ nookĩlilye metho makwa, noona, na, sisya, kwaũngama ndũũme ũtee wa ũsĩ yĩ na mbya ilĩ: na ila mbya ilĩ syaĩ ndasa; ĩndĩ ũmwe waĩ mũasa kwĩ ũngĩ, na ũla mũasa wookĩla ĩtina.</verse>
				<verse number="4">Noona ndũũme ĩluutĩte kwelekela ũthũĩlonĩ wa syũa, na ngalĩ ya ĩũlũ, na ngalĩ ya ĩtheo; na nyamũ o na syĩva itayaatonya kũũngama mbee wayo, o na kũtyaĩ ũtonya kũtangĩĩa kw’okonĩ kwayo; ĩndĩ yeeka kwĩanana na kwenda kwayo, na yeenenevya.</verse>
				<verse number="5">Nakwa ngĩsũanĩa, sisya, nthenge yauma ũthũĩlonĩ wa syũa yavĩtĩla ĩũlũ wa nthĩ yonthe, na ndĩakiitĩte nthĩ: na ĩla nthenge yaĩ na ũvya wa ũseng’ya katĩ wa metho mayo.</verse>
				<verse number="6">Na yookĩa ndũũme ĩla yaĩ na mbya ilĩ, ĩla namyonie ĩũngeme ũtee wa ũsĩ, na yamĩsembea na ũthatu mwai wa ũtonyi wayo.</verse>
				<verse number="7">Nakwa noona yathengeea ndũũme, na yamĩthatĩa, na yakima ndũũme, na yatũla mbya ilĩ syayo; o na ndũũme ndyaĩ na ũtonyi wa kũũngama mbee wayo; ĩndĩ yamĩvalũkya nthĩ, na yamĩkinyanga; o na kũtyaĩ ũtonya kũtangĩĩa ndũũme kw’okonĩ kwayo.</verse>
				<verse number="8">Na ĩndĩ nthenge ĩsu yeenenevya mũno: na yĩla yaĩ na vinya, ũvya mũnene watũlĩka; na vandũ vaw’o syookĩla mbya inya sya ũseng’ya syelekele iseve inya sya ĩtu.</verse>
				<verse number="9">Na nthĩnĩ wa ũmwe wasyo wauma ũvya mũnini, ũla wanenevie mũno, kwelekela ngalĩ ya ĩtheo, na wumĩlonĩ wa syũa, na ngalĩ ya ĩla nthĩ nzeo mũno.</verse>
				<verse number="10">Na waneneva, o na kũvika nguthu ya ĩtunĩ; na wavalũkya nthĩ imwe sya ĩla nguthu na sya ndata, na waikinyanga.</verse>
				<verse number="11">Ĩĩ, weenenevya, o na kũvika mũnene wĩ mbee ũsumbĩnĩ wa ĩ nguthu; na wamũvena nthembo ya kũvĩvw’a ĩtatw’ĩkanaa, na vandũ va vala vatheu vake vavalũkw’a.</verse>
				<verse number="12">Na ĩla nguthu yaumw’a yawũnengwa kwondũ wa ĩvĩtyo vamwe na nthembo ya kũvĩvw’a ĩtatw’ĩkanaa; na wekya w’o kũvika nthĩ, na weeka ũndũ wendete na waunĩka.</verse>
				<verse number="13">Nĩvo ĩndĩ neewie mũtheu ũmwe aineena; na mũtheu ũngĩ amwĩa ũsu ũmwe ũla waneenaa, Nĩ kũvika ĩndĩĩ woni wa nthembo ya kũvĩvw’a ĩtatw’ĩkanaa, na ĩvĩtyo yanangaa, kũnengane vala vandũ vatheu na nguthu nayo ikinyangwe na nyaĩĩ?</verse>
				<verse number="14">Nake anzũngĩa, Kũvika mawĩoo na ioko ngili ilĩ na maana atatũ; nĩvo ĩndĩ vala vandũ vatheu vakathew’a.</verse>
				<verse number="15">Na kweethĩwa, nyie, o nyie Ndanieli, yĩla noonie woni, namantha kũwũmanya; na, sisya, kwaũngama mbee wakwa ta mũvw’ano wa mũndũ.</verse>
				<verse number="16">Nakwa neew’a wasya wa mũndũ katĩ wa ũsĩ wa Ulai, ũla weetanie, na wasya, Kavilieli, manyĩthya mũndũ ũũ ũla woni.</verse>
				<verse number="17">Na ĩndĩ athengeea vala naũngyĩ; na ooka, nakwatwa nĩ w’ĩa, na navalũka na ũthyũ wakwa: ĩndĩ ambĩa, Manya, we mwana wa mũndũ; nũndũ ũ woni nĩ wa ĩvinda ya mũminũkĩlyo.</verse>
				<verse number="18">Na ĩndĩ akĩneena nakwa, nakwatwa nĩ too mũnene ũthyũ wakwa welekele nthĩ; ĩndĩ angiita, na anũngamya vala naũngyĩ.</verse>
				<verse number="19">Nake ambĩa, Sisya, nĩngũũmanyĩthya ũndũ ũkethĩwa ĩvinda ya mũminũkĩlyo wa ũla ũthatu mũnene; nũndũ nĩ wa ĩvinda yatwiwe ya mũminũkĩlyo.</verse>
				<verse number="20">Ndũũme ĩla woonie, yĩ na mbya ilĩ, nĩsyo asumbĩ ma Metia na Velisia.</verse>
				<verse number="21">Nayo nthenge yĩ maw’ĩa maingĩ nĩ mũsumbĩ wa Ngiliki: na ũvya mũnene wĩ katĩ wa metho mayo nĩ mũsumbĩ wa mbee.</verse>
				<verse number="22">Na ũndũ wa ũvya ũla watũlĩkile, ũla vandũ vaw’o syaũngamie inya, mosumbĩ ana nĩmakaũngama kuma mbaĩnĩ ĩsu, ĩndĩ matikethĩwa na ũtonyi take.</verse>
				<verse number="23">Na ĩvinda ya mũminũkĩlyo wa ũsumbĩ woo, yĩla avĩtan’ya makeanĩa, mũsumbĩ wĩ ũthyũ mwai, na mũmanyi wa nthimo, nũkaũngama.</verse>
				<verse number="24">Na ũtonyi wake nũkethĩwa wĩ mũnene mũno, ĩndi ti kwa ũtonyi wake mwene; na nũkananga kũvika kũseng’ya, na nũkaunĩka na kwĩka kwenda kwake; na nũkananga ala me vinya mũno na ala andũ atheu.</verse>
				<verse number="25">Na kwondũ wa mwĩkĩle wake nũkaingĩvya ũkengani kw’okonĩ kwake; na nũkenenevya ngoonĩ yake, na nũkananga aingĩ meyelele: na ĩngĩ nũkaũngama kũsiĩĩa mũnene wa anene; ĩndĩ nũkatilĩka vate kw’oko.</verse>
				<verse number="26">Na woni wa mawĩoo na ioko ũla ũneenetwe nĩ wa w’o: ĩndĩ vingĩa woni; nũndũ nĩ wa matukũ maingĩ meũka.</verse>
				<verse number="27">Nakwa, Ndanieli, nanyala, na nawaa matũkũ amwe; nĩvo ĩndĩ nookĩlile, na natethya wĩa wa mũsumbĩ: na naseng’a nũndũ wa woni, ĩndĩ vati ũmwe waaũmanya.</verse>
			</chapter>
			<chapter number="9">
				<verse number="1">Mwaka wa mbee wa kũsumbĩka kwa Ndalio mwana wa Aasuelo, wa nzyawa sya Ametia, ũla waiiwe mũsumbĩ wa ũsumbĩko wa Akalitei,</verse>
				<verse number="2">mwaka wa mbee wa kũsumbĩka kwake nyie, Ndanieli, nĩnamanyĩiw’e nĩ mavuku ũtalo wa myaka, ĩla kwondũ wayo ndeto ya Yeova yookĩe mwathani Yelemia, kwondũ wa kwĩanĩsya mawanangĩko ma Yelusaleme, o myaka mĩongo mũonza.</verse>
				<verse number="3">Na nekalya ũthyũ wakwa welekele Mwĩaĩi Ngai ngĩmũmantha na mboya na mawĩsũvano, ngĩtĩĩa ũya na ngĩkĩa makunia na kwĩyũmba mũu.</verse>
				<verse number="4">Na navoya Yeova Ngai wakwa, na naumbũla, na nasya, Ame Mwĩaĩi, Ngai mũnene na wa kũkĩwa, ũla ũlilikanaa ũtianĩo na ũseo wĩ wendo kwa ala mamwendaa na kũkwataa mĩao yake,</verse>
				<verse number="5">nĩtuvĩtĩtye, na nĩtwĩkĩte naĩ, na nĩtwĩkĩte ũthũku, na nĩtũng’endete, o na kũvika kwathũkĩa mawĩaĩo maku na motw’ĩo maku;</verse>
				<verse number="6">o na tũtyaaĩthukĩĩsya athũkũmi maku athani, ala maneenie syĩtwanĩ yaku na asumbĩ maitũ, na anene maitũ me mbee ũsumbĩnĩ, na aasa maitũ, na andũ onthe ma nthĩ.</verse>
				<verse number="7">Ame Mwĩaĩi, ũlũngalu nĩ waku, ĩndĩ kwitũ nĩ kũsonoka ũthyũnĩ, o ta ũmũnthĩ; kwa andũ ma Yuta, na kwa ala matwĩe Yelusaleme, na kwa Isilaeli onthe, ala me vakuvĩ, na ala me kũasa, nthĩ syonthe ila wamalũngĩlĩĩlye, kwondũ wa ĩvĩtyo yoo yĩla makũvĩtanĩsye.</verse>
				<verse number="8">Ame Mwĩaĩi, kwitũ nĩ kũsonoka ũthyũnĩ, kwa asumbĩ maitũ, na kwa anene maitũ me mbee ũsumbĩnĩ, na kwa aasa maitũ, nũndũ nĩtwakũvĩtanĩsye.</verse>
				<verse number="9">Kwa Mwĩaĩi Ngai waitũ ve matei na ũekeo; nũndũ nĩtũmũng’endeete;</verse>
				<verse number="10">o na tũineew’ĩte wasya wa Yeova Ngai waitũ, nĩ kana tũendae mĩaonĩ yake, ĩla waiie mbee waitũ na athũkũmi make athani.</verse>
				<verse number="11">Ĩĩ, Isilaeli onthe nĩmavĩtĩtye mĩao yaku, kũvika kwathũka, matikew’e wasya waku: kwondũ wa ũu kĩumo nĩkyonoetwe ĩũlũ waitũ, na wĩvĩto ũla ũandĩkĩtw’e mĩaonĩ ya Mose mũthũkũmi wa Ngai; nũndũ nĩtũmũvĩtanĩsye.</verse>
				<verse number="12">Na nĩweanĩsye ndeto syake, ila watũneenee ithyĩ, na asili maitũ ala matũsilĩle, nĩ kũtũetee ũthũku mũnene; nũndũ ungu wa ĩtu yonthe kũiaaĩkĩka o tondũ kweekĩkie Yelusaleme.</verse>
				<verse number="13">O tondũ kũandĩkĩtwe mĩaonĩ ya Mose, ũthũku ũũ w’onthe ũnatũkĩe: ĩndĩ tũiaaĩsũva ĩnee ya Yeova Ngai waitũ, nĩ kana twĩthyũũe kuma mothũkunĩ maitũ. Kũmanya w’o waku.</verse>
				<verse number="14">Kwondũ wa ũu Yeova nũsyaĩĩasya ũla ũthũku, na akĩtũetee o w’o; nũndũ Yeova Ngai waitũ nĩ mũlũngalu mawĩanĩ make onthe ala wĩkaa, naitũ tũiaaĩw’a wasya wake.</verse>
				<verse number="15">Na yu, ame Mwĩaĩi Ngai waitũ, ũla waumisye andũ maku nthĩ ya Misili na kw’oko kwĩ vinya, na weeyosea ndaĩa, ta ũmũnthĩ; nĩtũvĩtĩtye, nĩtwĩkĩte ũthũku.</verse>
				<verse number="16">Ame Mwĩaĩi, kwĩanana na ũlũngalu waku w’onthe, nĩngũkũvoya, ũthatu waku na ũthilĩku waku ũthyũũwe kuma ndũa yaku Yelusaleme, kĩĩma kyaku kĩtheu; nĩkwĩthĩwa Yelusaleme na andũ maku matw’ĩkĩte kĩvũthya kwa onthe ala matũthyũlũlũkĩte ngalĩ sitũ syonthe, nũndũ wa naĩ sitũ, na nũndũ wa mothũku ma aasa maitũ.</verse>
				<verse number="17">Na yu ĩndĩ, ame Ngai waitũ, kwondũ wa Mwĩaĩi, ĩthukĩĩsye kũvoya kwa mũthũkũmi waku, na kwĩsũvana kwake, na ũitisasya ũthyũ waku ĩũlũ wa vala vandũ vatheu vaku vanangĩtwe.</verse>
				<verse number="18">Ame Ngai wakwa, tea kũtũ kwaku, wĩw’e; salukya metho maku, wone mawanangĩko maitũ, na ndũa ĩla ĩkwĩtanĩw’a na syĩtwa yaku: nĩkwĩthĩwa tũtiũete mboya sitũ vala ũĩ nũndũ wa ũlũngalu witũ, ĩndĩ nũndũ wa matei maku manene.</verse>
				<verse number="19">Ame Mwĩaĩi, ĩw’a; ame Mwĩaĩi, ekea; ame Mwĩaĩi, ĩthukĩĩsye, wĩke; kwondũ waku we, ndũketeele, ame Ngai wakwa, nũndũ ndũa yaku na andũ maku nĩmetanĩw’a na syĩtwa yaku.</verse>
				<verse number="20">Nakwa, ngĩneena, na ngĩvoya, na ngyumbũla naĩ yakwa na naĩ ya andũ makwa Isilaeli, na ngĩete wĩsũvano wakwa vala ve Yeova Ngai wakwa nũndũ wa kĩĩma kĩtheu kya Ngai wakwa;</verse>
				<verse number="21">ĩĩ, ngĩneena mboyete, mũndũ Kavilieli, ũla namwonie woninĩ wambĩlĩlyonĩ, akĩulũkĩthw’a mĩtũkĩ, angiita ta ĩvinda ya nthembo ya wĩoo.</verse>
				<verse number="22">Nake amanyĩthya, na aneena nakwa, na ambĩa, We Ndanieli, nĩnaumĩla oyu ngũnenge ũĩ na ũmanyi.</verse>
				<verse number="23">Wambĩlĩlyonĩ wa mawĩsũvano maku mwĩao nĩwaumiwe, nakwa nĩnooka kũkũtavya; nũndũ we nĩwendetwe mũno: kwondũ wa ũu sũanĩa ũndũ ũũ, na ũimanya woni.</verse>
				<verse number="24">Syumwa mĩongo mũonza nitw’ĩtwe ĩũlũ wa andũ maku na ĩũlũ wa ndũa yaku ntheu, sya kũminũkĩlya yĩla ĩvĩtyo, na kũvingĩa naĩ, na kwĩw’anĩthya kwondũ wa ũthũku, na kũete ũlũngalu wa tene na tene, na kũsiĩla woni na wathani, na kwĩtĩkĩsya mauta vala vandũ vatheu mbee.</verse>
				<verse number="25">Manya ĩndĩ ũvathũkan’ye, kana kuma mwĩao waumw’a wa kũtũngĩĩa na kwaka Yelusaleme kũvika ũla mwĩtĩkĩw’a mauta, ũla mũnene, kũkeethĩwa syumwa mũonza, na syumwa thanthatũ na ilĩ: nĩkakwa ĩngĩ, na nzĩa nene na ũvai mũlũmu, o mavindanĩ ma thĩna.</verse>
				<verse number="26">Na ĩtina wa syumwa mĩongo thanthatũ na ilĩ ũla mwĩtĩkĩw’a mauta nũkavetwa, o na nũkethĩwa ate na kĩndũ: na andũ ma mũnene ũla ũkoka nĩmakananga ndũa na vala vandũ vatheu; na mũminũkĩlyo waw’o nũkethĩwa na kĩw’ũ kingĩ, o na kũvika mũminũkĩlyo nĩkũkethĩwa kaũ; mawanangĩko nĩmatw’ĩtwe.</verse>
				<verse number="27">Nake nũkatianĩa ũtianĩo mũlũmu na aingĩ vandũ va kyumwa kĩmwe: na kyumwanĩ kyu katĩ nũkamina nthembo ya kũtonywa na nthembo ya mũtu; na nthwaunĩ sya mothatyo ũmwe ũla wĩkaa wanangĩko nũkoka; o na kũvika mũminũkĩlyo ki, naw’o nĩ ũla watwiwe, ũthilĩku nũkonow’a ĩũlũ wa mwene wanangĩko.</verse>
			</chapter>
			<chapter number="10">
				<verse number="1">Mwaka wa katatũ wa kũsumbĩka kwa Kulusi mũsumbĩ wa Velisia, Ndanieli, ũla wetawa syĩtwa yake Mbelitesasa, avuanĩw’a ũndũ; na ũndũ ũsu waĩ wa w’o, naw’o waĩ kaũ mũnene: nake amanya ũndũ ũsu, na aĩ na ũmanyi wa ũla woni.</verse>
				<verse number="2">Matukũ asu nyie, Ndanieli, neethĩiwe na kĩmako syumwa itatũ nima.</verse>
				<verse number="3">Ndyaaya lĩu mũseo, o na nyama o na mbinyu ityaalika kanyw’anĩ wakwa, o na ndyaaĩvaka mauta nongi, mũvaka syumwa itatũ nima syeanĩa.</verse>
				<verse number="4">Na mũthenya wa mĩongo ĩlĩ na ĩna wa mwei wa mbee, yĩla naĩ ũtee wa ũsĩ mũnene, nĩw’o Itekeli,</verse>
				<verse number="5">nookĩlya metho makwa, noona, na, sisya, mũndũ ũmwe ekĩĩte ngũa ya katane, na kĩnyunyu kyake kĩvotoetwe thaavu mũtheu wa Uvasi:</verse>
				<verse number="6">mwĩĩ wake naw’o watilyĩ ta nzumalati ntheu, na ũthyũ wake ta kwoneka kwa ũtisi, na metho make ta mũĩ syakanĩte mwaki, na moko make na maũũ make ta ũthuku mũkute, na wasya wa ndeto syake ta wasya wa wingĩ wa andũ.</verse>
				<verse number="7">Nakwa, Ndanieli, nĩ nyioka noona woni; nũndũ andũ ala maĩ nakwa maiaaona woni; ĩndĩ kũtetema kũnene kwamavalũkĩla, na makĩa mevithe.</verse>
				<verse number="8">Nakwa natiwa nyioka, na noona woni ũsu mũnene, o na vaiaatiala vinya nthĩnĩ wakwa; nũndũ ũseo wakwa waalyũkile nthĩnĩ wakwa weethĩwa ũthũku, o na ndyaaĩthĩwa na vinya.</verse>
				<verse number="9">Ĩndĩ neew’a wasya wa ndeto syake; nakwa yĩla newie wasya wa ndeto syake, nĩvo ĩndĩ nakwatiwe nĩ too mũnene nĩvalũkĩte na ũthyũ wakwa, ũthyũ wakwa welekele nthĩ.</verse>
				<verse number="10">Na, sisya, kw’oko kwangiita, kũla kwambiie ĩũlũ wa mau makwa na ĩũlũ wa itaa sya moko makwa.</verse>
				<verse number="11">Nake ambĩa, Ndanieli, we mũndũ wendetwe mũno, manya ndeto ila ngũũtavya, naku ũngama ũlũngele; nũndũ natũmwa kwaku oyu. Na ĩndĩ andavya ndeto ĩsu, naũngama ngĩtetema.</verse>
				<verse number="12">Nĩvo ĩndĩ wambĩie, Ndanieli, ndũkakĩe; nũndũ kuma mũthenya wa mbee ũla waiie ngoo yaku kũmanya, na kwĩnyivya vala ve Ngai waku, ndeto syaku nĩsyeew’ĩkie: nakwa nooka kwondũ wa ndeto syaku.</verse>
				<verse number="13">Ĩndĩ mũnene wĩ mbee ũsumbĩnĩ wa ũsumbĩ wa Velisia anziĩĩa mĩthenya mĩongo ĩlĩ na ũmwe; ĩndĩ, sisya, Mikaeli, ũmwe wa anene, ooka kũndethya: nakwa nekala vau na asumbĩ ma Velisia.</verse>
				<verse number="14">Yu nĩnooka ũkũmanyĩthya ũla ũkakwata andũ maku mĩthenya ya mũminũkĩlyo; nũndũ woni nĩ wa ĩtina wa matukũ maingĩ.</verse>
				<verse number="15">Nake aneena nakwa ndeto ta isu, neelekelya ũthyũ wakwa nthĩ, ndaneenekya.</verse>
				<verse number="16">Na, sisya, ũmwe ũla ũilyĩ mũvw’ano wa ana ma andũ angiita ilomo syakwa: na ĩndĩ naathamya kanyw’a wakwa, na naneena na namwĩa ũla waũngyĩ mbee wakwa, We mwĩaĩi wakwa, nũndũ wa ũla woni mawoo makwa nĩmangalyũkĩla, o na ndi na vinya.</verse>
				<verse number="17">Nũndũ mũthũkũmi wa mwĩaĩi ũũ wakwa atonya ata kũneena na mwĩaĩi ũũ wakwa? Nũndũ ngalĩ ĩ yakwa, oyu kũiaatiala vinya nthĩnĩ wakwa, o na mĩthũmũ ndĩaaĩkala nthĩnĩ wakwa.</verse>
				<verse number="18">Nĩvo ĩndĩ wangiitie ĩngĩ ũmwe ũilyĩ mũvw’ano wa mũndũ, nake ambĩkĩa vinya.</verse>
				<verse number="19">Na ambĩa, We mũndũ ũla wendetwe mũno, ndũkakĩe: mũuo nĩwĩthĩwe kwaku, ĩthĩwa na vinya, ĩĩ, wĩthĩwe na vinya. Na akĩneena nakwa, neekĩwa vinya, na namwĩa, Mwĩaĩi wakwa naneene; nũndũ nĩwambĩkĩa vinya.</verse>
				<verse number="20">Na ĩndĩ angũlya, Nĩwĩsĩ kĩla kyatuma nũka kwaku? Na yu nĩngũsyoka nũkite na mũnene wĩ mbee ũsumbĩnĩ wa Velisia: nakwa yĩla nĩuma kw’o, sisya, mũnene wĩ mbee ũsumbĩnĩ wa Ngiliki akooka.</verse>
				<verse number="21">Ĩndĩ nĩngũkũtavya ũla ũandĩkĩtwe maandĩkonĩ ma w’o: o na vati wĩyĩkĩa vinya vamwe nakwa kwondũ wa maũndũ aa, ate o Mikaeli mũnene wenyu.</verse>
			</chapter>
			<chapter number="11">
				<verse number="1">Nakwa nyie, mwaka wa mbee wa kũsumbĩka kwa Ndalio Mũmeti, naũngama kũmũlũlũmĩlya na kũmwĩkĩa vinya.</verse>
				<verse number="2">Na yu nĩngũkwon’ya ũla w’o. Sisya, makaũngama ĩtina asumbĩ atatũ kũu Velisia; na ũla wa kana akeethĩwa na ũthwii mwingĩ kũvĩta angĩ onthe: nake aya vinya kwondũ wa ũthwii wake, akaingĩanĩsya onthe mokite na ũsumbĩ wa Ngiliki.</verse>
				<verse number="3">Na mũsumbĩ wĩ vinya akaũngama, ũla wĩsumbĩka na ũsumbĩko mũnene, na kwĩka kwĩanana na kwenda kwake.</verse>
				<verse number="4">Na yĩla wĩũngama, ũsumbĩ wake ũkatilĩkana na ũkaaanw’a kwa iseve inya sya ĩtu, o na ti kwa mosyaanĩo make, o na ti kũatĩĩa ũsumbĩko wake ũla wasumbĩkĩte; nũndũ ũsumbĩ wake ũkakũwa, o na kwondũ wa angĩ eka asu.</verse>
				<verse number="5">Na mũsumbĩ wa ngalĩ ya ĩtheo akeethĩwa na vinya, na ũmwe wa anene make me mbee ũsumbĩnĩ; nake akeethĩwa na vinya kũmũvĩtũka, na akeethĩwa na ũsumbĩko; ũsumbĩko wake ũkeethĩwa wĩ ũsumbĩko mũnene.</verse>
				<verse number="6">Na mũminũkĩlyo wa myaka makalũman’ya; na mwĩĩtu wa mũsumbĩ wa ngalĩ ya ĩtheo akooka kwa mũsumbĩ wa ngalĩ ya ĩũlũ kwĩw’ana nake: ĩndĩ mwĩĩtu ndakaendeea na vinya wa kw’oko kwake; o na mũsumbĩ ndakaũngama, o na kw’oko kwake; ĩndĩ ũla mwĩĩtu akavetwa, o na ala mamũetie, o na ũla wamũsyaie, o na ũla wamwĩkĩie vinya mavinda asu.</verse>
				<verse number="7">Ĩndĩ kuma nthongoonĩ ya mĩi yake ũmwe akaũngama vandũ vake, ũla wĩũka na ita, na akalika ngomenĩ ya mũsumbĩ wa ngalĩ ya ĩũlũ, nake akameka maũndũ, na kũkĩlya vinya.</verse>
				<verse number="8">O na ngai syoo, vamwe na mĩvw’anano yoo ya syĩndũ itwekethetw’e, na mĩio yoo yĩ vata mũno ya vetha na thaavu, akatava atwae Misili; nake akaekana na mũsumbĩ wa ngalĩ ya ĩũlũ myaka ĩmwe.</verse>
				<verse number="9">Nake akalika ũsumbĩkonĩ wa mũsumbĩ wa ngalĩ ya ĩtheo, ĩndĩ akasyoka nthĩ yake mwene.</verse>
				<verse number="10">Na ana make makokita, na makoomban’ya wingĩ wa nguthu ila nene, ala meũka mateũtĩa, na kusũa, na kũvĩta mũkuthũ; namo makasyoka na kũkita, o na kũvika ngomenĩ yake.</verse>
				<verse number="11">Na mũsumbĩ wa ngalĩ ya ĩtheo akakwatwa nĩ ũthatu, na akaumaala na kũkita nake, o mũsumbĩ ũsu wa ngalĩ ya ĩũlũ; nake akaumya nguthu nene, na ĩla nguthu ĩkanenganwe kw’okonĩ kwake.</verse>
				<verse number="12">Na amina ũkũa ĩla nguthu, ngoo yake ĩkookĩlw’a; na akavalũkya ngili makũmi, ĩndĩ ndakakĩlya vinya.</verse>
				<verse number="13">Na mũsumbĩ wa ngalĩ ya ĩũlũ akasyoka, na akaumya nguthu nene kwĩ ĩla ya mbee; na akooka mũminũkĩlyonĩ wa mavinda, no myaka, e na ita nene na ũthwii mwingĩ.</verse>
				<verse number="14">Na mavindanĩ asu aingĩ makaũngama kũsiĩĩa mũsumbĩ wa ngalĩ ya ĩtheo: na ĩngĩ ana ma ang’endu katĩ wa andũ maku makeeyũkĩlya kũlũlũmĩlya ũla woni; ĩndĩ makavalũka.</verse>
				<verse number="15">Na ĩndĩ mũsumbĩ wa ngalĩ ya ĩũlũ akooka, na kũmba kĩvumbu, na kwosa ndũa mbiie nesa: o na okiti ma ngalĩ ya ĩtheo maikakĩlya vinya, o na andũ anyuve make, o na kũikethĩwa vinya wa kũkĩlya.</verse>
				<verse number="16">Ĩndĩ we ũla wũkĩte kũkita nake akeeka kwĩanana na kwenda kwake mwene, o na vati ũkaũngama mbee wake; nake akaũngama ĩla nthĩ nzeo, na kw’okonĩ kwake vakeethĩwa wanangĩko.</verse>
				<verse number="17">Na akeelekelya ũthyũ wake kũka na vinya wa ũsumbĩ wake w’onthe, na e na maũndũ ma ũlũngalu; nake akeeka ũu: nake akamũnenga mwĩĩtu wa aka, kũmwananga; ĩndĩ ndakaũngama, o na kwĩthĩwa ngalĩ yake.</verse>
				<verse number="18">Ĩtina wa ũu akathyũũa ũthyũ wake elekele ithama, na akoosa nyingĩ: ĩndĩ mũnene ũmwe wĩ mbee ũsumbĩnĩ akatuma kĩvũthya kĩla kyaetiwe nĩ ũsu kĩthela; ĩĩ, na ĩngĩ, akatuma kĩvũthya kyake kĩmũsyokea mwene.</verse>
				<verse number="19">Nĩvo ĩndĩ ũkathyũũa ũthyũ wake elekele ngome sya nthĩ yake mwene; ĩndĩ akatũlw’a na kũvalũka, na ndakoneka.</verse>
				<verse number="20">Nĩvo ĩndĩ ũmwe ũkaũngama vandũ vake ũla ũkavĩtĩlya mumya wa koti ndaĩanĩ ya ũsumbĩ; ĩndĩ ĩvinda ya matukũ mavũthũ akaanangĩka, ti kwondũ wa ũthatu, o na ti kwondũ wa kaũ.</verse>
				<verse number="21">Na vandũ vake mũndũ mũvũthye akaũngama, ũtaanengwa nĩmo ndaĩa ya ũsumbĩ: ĩndĩ akooka ĩvinda ya mũuo, na akoosa ũsumbĩ kwondũ wa kũkathĩĩanga.</verse>
				<verse number="22">Na nguthu ila ikĩlasya vinya ikakĩlw’a vinya mũno nĩwe, na ikatũlĩka; ĩĩ, o na mũnene wa ũtianĩo nake.</verse>
				<verse number="23">Na ĩtina wa kũseũvya wĩw’ano nake akeeka na ũkengani; nũndũ akambata na andũ avũthũ, na akeethĩwa na vinya.</verse>
				<verse number="24">Ĩvinda ya mũuo akooka o na kũvika kũla kũnou mbee kwa kĩlungu kyu kĩnene kya nthĩ; nake akeeka ũla aaĩthe make mataaĩka, o na aaĩthe ma aaĩthe make; akamaaan’ya syĩndũ sya mbuta, na mũtavo, na ũthwii: ĩĩ, akasũanĩa kwĩka ngome syĩ vinya maũndũ, kũvika ĩvinda.</verse>
				<verse number="25">Nake akakan’ya ũtonyi wake na ũnyiau wake elekele mũsumbĩ wa ngalĩ ya ĩtheo e na ita nene; nake mũsumbĩ wa ngalĩ ya ĩtheo akokita kaũ e na ita nene mũno, syĩ vinya; ĩndĩ ndakaũngama; nũndũ makamũsũanĩĩa maũndũ.</verse>
				<verse number="26">Ĩĩ, ala maĩsaa kya ũya kyake kĩseo makamwananga, na ita syake ikausũa itivũke; na aingĩ makavalũka me oae.</verse>
				<verse number="27">Na ũndũ wa asumbĩ asu elĩ, ngoo syoo ikeethĩwa sya kwĩka ũthũku, nao makaneena movũngũ me mesanĩ ĩmwe: ĩndĩ ndũkaathimĩka; nũndũ mũminũkĩlyo ũkeethĩwa wĩ o wa ĩvinda yĩla yatwiwe.</verse>
				<verse number="28">Nĩvo ĩndĩ ũkasyoka nthĩ yake na ũthwii mwingĩ; na ngoo yake ĩkeethĩwa yĩ na kĩmena na ũtianĩo mũtheu; na akeeka kwenda kwake, na kũsyoka nthĩ yake mwene.</verse>
				<verse number="29">Ĩvinda yĩla yatwiwe akasyoka, na kũvika ngalĩ ya ĩtheo; ĩndĩ ndũkethĩwa ĩvinda ya mũminũkĩlyo o tondũ weethĩiwe ĩvinda ya mbee.</verse>
				<verse number="30">Nũndũ ngalawa sya Kitimu nikoka kwake; nũndũ wa ũu akeew’ĩthw’a woo, na akasyoka, na akathilĩkĩa ũtianĩo mũtheu, na akeeka kwenda kwake: o na akasyoka, na kwĩthukĩĩsya ala matiĩte ũtianĩo mũtheu.</verse>
				<verse number="31">Na okiti makaũngama ngalĩ yake, nao makavukya vala vandũ vatheu, o na ngome, na makaveta nthembo ya kũvĩvw’a ĩtatw’ĩkanaa, na makaũngamya ũthatyo ũla wanangaa.</verse>
				<verse number="32">Na ala mekaa ũtianĩo naĩ akamasya na ndeto sya kũkathĩĩanga; ĩndĩ ala mesĩ Ngai woo makeethĩwa na vinya, na makeeka maũndũ manene.</verse>
				<verse number="33">Na ala me na ũĩ andũnĩ makamanyĩsya aingĩ; ĩndĩ makavalũkw’a mĩthenya mingĩ na ũvyũ na mwaki, na kũtavwa na kũvutwa.</verse>
				<verse number="34">Na ĩndĩ yĩla mevalũka, makatetheew’a na ũtethyo mũnini; ĩndĩ aingĩ makalũman’ya nao na ndeto sya kũkathĩĩana.</verse>
				<verse number="35">Na amwe ma ala oĩ makavalũka, matheethw’e, na kũthew’a, na kweũvw’a, o kũvika ĩvinda ya mũminũkĩlyo; nũndũ nĩ wa o yĩla ĩvinda yĩtw’ĩtwe.</verse>
				<verse number="36">Na mũsumbĩ akeeka kwĩanana na kwenda kwake; na akeetũlya, na kwĩnenevya ĩũlũ wa kĩla ngai, na akaneenea Ngai wa ngai maũndũ ma kũseng’ya; nake akaunĩka kũvika ũthilĩku wĩanĩw’e; nũndũ ũla watwiwe ũkeekwa.</verse>
				<verse number="37">O na ndakona ngai sya aaĩthe make ta kĩndũ, o na kwenda kwa aka, kana kwona ngai o na yĩva ta kĩndũ; nũndũ akeenenevya ĩũlũ wa syonthe.</verse>
				<verse number="38">Ĩndĩ vandũ vake akataĩa ngai ya i ngome; na ngai ĩla aaĩthe make matamĩsĩ akataĩa na thaavu, na vetha, na tũvila twĩ thooa mũnene na syĩndũ sya kwendeesya.</verse>
				<verse number="39">Na akatwaatwaana na ngome ila syĩ vinya mbee kwondũ wa ũtethyo wa ngai ngeni: o ũla wĩmwĩtĩkĩla akamwongela ndaĩa; na akamasumbĩkĩthya aingĩ, na akaaan’ya nthĩ kwondũ wa ĩtuvi.</verse>
				<verse number="40">Na ĩvinda ya mũminũkĩlyo mũsumbĩ wa ngalĩ ya ĩtheo nũkakĩlan’ya vinya nake; na mũsumbĩ wa ngalĩ ya ĩũlũ nũkoka ta kĩlingi okite nake, e na makasya ma kaũ, na ala matũlĩte mbalasi, na ngalawa nyingĩ; nake nũkavota nthĩ isu, na kusũa na kũvĩtĩla mũkuthũ.</verse>
				<verse number="41">Nake nũkavota ĩ nthĩ nzeo, na nthĩ nyingĩ nikakũlumanw’a; ĩndĩ ii nikatangĩĩwa kuma kw’okonĩ kwake: Etomu, na Moavi, na ala me mbee ma ana ma Amimoni.</verse>
				<verse number="42">Na ĩngĩ nũkatambũũkya kw’oko kwake ĩũlũ wa i nthĩ; na nthĩ ya Misili ndĩkavonoka.</verse>
				<verse number="43">Ĩndĩ nũkethĩwa na ũtonyi mothwiinĩ maie ma thaavu na ma vetha, na syĩndũnĩ syonthe syĩ vata sya Misili; na Alivia na Aethiovia nĩmakethĩwa makĩmũatĩĩa.</verse>
				<verse number="44">Ĩndĩ maũvoo ala makauma wumĩlonĩ wa syũa na ala makauma ngalĩ ya ĩũlũ nĩmakamũthĩn’ya; nake nũkauma athi na ũthilĩku mũnene kwananga na kũmaveta vyũ aingĩ.</verse>
				<verse number="45">Na nũkamba maeema ma nyũmba yake nene mbanakavye katĩ wa ũkanga na kĩla kĩĩma kĩseo kĩtheu; ĩndĩ nũkavika mũminũkĩlyo wake, na vati ũmwe ũkamũtethya.</verse>
			</chapter>
			<chapter number="12">
				<verse number="1">Na ĩvinda yĩu Mikaeli nũkaũngama, ũla mũnene wĩ mbee mũno ũsumbĩnĩ ũla ũũngamaa kwondũ wa ana ma andũ maku; na nĩkũkethĩwa ĩvinda ya thĩna, o tondũ ũtaaĩthĩwa kuma kweethĩwa mbaĩ kũvika ĩvinda o yĩu: na ĩvinda yĩu andũ maku nĩmakatangĩĩwa, kĩla ũmwe ũkoneka aandĩkĩtwe ĩvukunĩ.</verse>
				<verse number="2">Na aingĩ ma ala makomaa kĩtoonĩ kya nthĩ nĩmakaamũka, amwe kũvika thayũ ũtathela, na amwe kũvika kũsonoka na kũvũthw’a kũtakathela.</verse>
				<verse number="3">Na ala oĩ nĩmakatisa ta ũtisu wa yayaya; na ala maalyũlaa aingĩ methĩwe na ũlũngalu nĩmakatisa ta ndata tene na tene.</verse>
				<verse number="4">Ĩndĩ we, we Ndanieli, vingĩa ndeto, na siĩla ĩvuku, o kũvika ĩvinda ya mũminũkĩlyo: aingĩ makasemba kũũ na kũũ, na ũmanyi ũkongeleka.</verse>
				<verse number="5">Nĩvo ĩndĩ nyie, Ndanieli, noonie, na, sisya, angĩ elĩ maũngama, ũmwe ngũkanĩ ya ũsĩ mũingo ũũ, na ũngĩ ngũkanĩ ya ũsĩ mũingo ũya.</verse>
				<verse number="6">Na ũmwe amwĩa ũla wekĩĩte ngũa sya katane, ũla waĩ ĩũlũ wa manzĩ ma ũsĩ, Nĩ kũvika ĩndĩĩ mũminũkĩlyo wa moseng’ya aa?</verse>
				<verse number="7">Nakwa neew’a mũndũ ũla wekĩĩte ngũa sya katane, ũla waĩ ĩũlũ wa manzĩ ma ũsĩ, yĩla wokĩlilye kw’oko kwake kwa aũme na kw’oko kwake kwa aka elekelye ĩtunĩ, na eevĩta kwa ũla wĩkalaa tene na tene kana kũkeethĩwa ĩvinda, na mavinda, na nyunzu ya ĩvinda; namo mamina kwananga ũtonyi wa ala andũ atheu, maũndũ aa onthe nĩmakeanĩw’a.</verse>
				<verse number="8">Nakwa neew’a, ĩndĩ ndyaamanya: nĩvo ĩndĩ nakũlilye, We mwaĩaĩi wakwa, mũminũkĩlyo wa maũndũ aa nĩ mwaũ?</verse>
				<verse number="9">Nake asũngĩa, Ĩendee, we Ndanieli; nũndũ ndeto nĩsyavingĩwa na kũsiĩlwa kũvika ĩvinda ya mũminũkĩlyo.</verse>
				<verse number="10">Aingĩ makeethesya, na kwĩyeũvya, na kũtheethw’a; ĩndĩ athũku makeeka ũthũku; o na vati ũmwe wa ala athũku ũkamanya; ĩndĩ ala oĩ nĩmakamanya.</verse>
				<verse number="11">Na kuma ĩvinda yĩla nthembo ya kũvĩvw’a ĩtatw’ĩkanaa ĩkavetwa, na ũthatyo wĩkaa wanangĩko ũkaũngamwa, nĩkũkethĩwa nĩ mĩthenya ngili na maana elĩ na mĩongo kenda.</verse>
				<verse number="12">Nĩ mũathime ũla weteelaa, na kũvika mĩthenya ĩsu ngili na maana atatũ na mĩongo ĩtatũ na ĩtano.</verse>
				<verse number="13">Ĩndĩ ĩendee, we, kũvika mũminũkĩlyo; nũndũ nũkathũmũa, na kũũngama kĩandanĩ kyaku, mũminũkĩlyo wa mĩthenya.</verse>
			</chapter>
		</book>
		<book number="28">
			<chapter number="1">
				<verse number="1">Ndeto ya Yeova ĩla yamũkĩe Osea mwana wa Veeli, mĩthenya ya Usia, na Yothamu, na Aasu, na Esekia, asumbĩ ma Yuta, na mĩthenya ya Yelovoamu mwana wa Yoasi, mũsumbĩ wa Isilaeli.</verse>
				<verse number="2">Yĩla Yeova waneenie ĩ ya mbee na kanyw’a wa Osea, Yeova amwĩa Osea, Enda, wĩtwaĩe kĩveti ĩlwaya na syana sya ũmalwaya; nũndũ ĩ nthĩ nĩyĩkaa ũmalwaya mũno, ĩkĩmũtia Yeova.</verse>
				<verse number="3">Na ĩndĩ aenda na atwaa Ngomeli mwĩĩtu wa Ndivilaimu; nake aitava, na amũsyaĩa mwana.</verse>
				<verse number="4">Na Yeova amwĩa, Mwĩte syĩtwa yake Yesileeli; nũndũ no vandũ vanini, na ngaĩvanĩsya nthakame ya Yesileeli nyũmbanĩ ya Yeu, na ngatuma ũsumbĩ wa nyũmba ya Isilaeli ũthela.</verse>
				<verse number="5">Na kũkeethĩwa mũthenya ũsu, ngatũlĩla ũta wa Isilaeli mwandanĩ wa Yesileeli.</verse>
				<verse number="6">Na aitava ĩngĩ, na asyaa mwĩĩtu. Na Yeova amwĩa, Mwĩte syĩtwa yake Lo‐luama; nũndũ ndikambĩla kwĩw’ĩa nyũmba ya Isilaeli tei ĩngĩ, nĩmaekee kwondũ wa ũndũ o na wĩva.</verse>
				<verse number="7">Ĩndĩ ngeew’ĩa nyũmba ya Yuta tei, na ngamatangĩĩa na vinya wa Yeova Ngai woo, na ndikamatangĩĩa na ũta, kana ũvyũ, kana kaũ, kana mbalasi, kana ala matũlĩte mbalasi.</verse>
				<verse number="8">Na ĩndĩ yĩla wamũaĩisye Lo‐luama, aitava na asyaa mwana.</verse>
				<verse number="9">Na Yeova asya, Mwĩte syĩtwa yake Lo‐amimi; nũndũ inyw’ĩ mũti andũ makwa, na ndikethĩwa Ngai wenyu.</verse>
				<verse number="10">Ĩndĩ ũtalo wa ana ma Isilaeli ũkeethĩwa ta kĩthangathĩ kya ũkanga, kĩla kĩtathimĩka kana kũtalĩka; na kũkeethĩwa vala meeiwe, Mũti andũ makwa, makeewa, Mwĩ ana ma Ngai ũla wĩ thayũ.</verse>
				<verse number="11">Na ana ma Yuta na ana ma Isilaeli makoombanw’a vamwe, na makeeyiĩa mũtongoi ũmwe, na makambata kuma nthĩ ĩsu; nũndũ mũthenya wa Yesileeli ũkeethĩwa mũnene.</verse>
			</chapter>
			<chapter number="2">
				<verse number="1">Matavyei ana‐a‐ĩthe menyu, Amimi; na eĩtu‐a‐inyia menyu, Luama.</verse>
				<verse number="2">Tetan’yai na inyia wenyu, tetan’yai; nũndũ ti kĩveti kyakwa, o nakwa ndi mũũme wake; na navete ũmalwaya wake ũthyũnĩ wake, na maũlaalai make katĩ wa nondo syake;</verse>
				<verse number="3">ndikese ũmũvua ethĩwe mũthei, na kũmwĩkalya o ta mũthenya ũla wasyaiwe, na kũmũtw’ĩkĩthya ta weũ, na kũmwĩkalya ta nthĩ nyũmũ, na kũmũaa na waũni.</verse>
				<verse number="4">Ĩĩ, ndikew’ĩa syana syake tei; nũndũ nĩ syana sya ũmalwaya;</verse>
				<verse number="5">nũndũ inyia wasyo nĩwekie ũmalwaya; ũla waiitavie nĩwekie ũndũ wĩ nthoni; nũndũ aisye, Nĩngũatĩĩa endwa makwa, ala manengae lĩu wakwa na kĩw’ũ kyakwa, na w’ĩa wakwa wa ĩlondu, na katane yakwa, na mauta makwa na kya ũnyw’a kyakwa.</verse>
				<verse number="6">Kwondũ wa ũu, sisya, ngaiia nzĩa yaku na mĩw’a, na ngamwakĩĩa ũvai, nĩ kana ndakone nzĩa syake.</verse>
				<verse number="7">Na akaatĩĩa endwa make, ĩndĩ ndakamawĩla; na akamamantha, ĩndĩ ndakamona: nĩvo wĩasya, Nĩngũenda nĩsyokee mũũme wakwa wa mbee; nũndũ ĩvinda yĩu kwaĩ kavaa kwakwa kwĩ yu.</verse>
				<verse number="8">Nũndũ ndaamanya kana nĩnamũnengaa lĩu wa mbaa ngetha, na mbinyu mbĩthĩ, na mauta, na kũmwingĩvĩsya vetha na thaavu, ila maumĩasya Mbaali.</verse>
				<verse number="9">Kwondũ wa ũu ngatũnga lĩu wakwa wa mbaa ngetha ĩvinda yaw’o, na mbinyu yakwa mbĩthĩ ĩvinda yayo, na ngaveta w’ĩa wakwa wa ĩlondu na katane yakwa ĩla ĩnaĩ ya kũmũvw’ĩka e mũthei.</verse>
				<verse number="10">Nakwa yu ngamũvua kwake kwĩ nthoni endwa make mene, na kũti ũmwe wĩmũtangĩĩa kuma kw’okonĩ kwakwa.</verse>
				<verse number="11">O na ĩngĩ ngatuma ũtanu wake w’onthe ũthela, mboka syake, na mboka syake sya mĩtiso ya myei, na masavato make, na maũmbano make onthe matw’ĩtwe.</verse>
				<verse number="12">Na ngaananga mĩsavivũ yake na mĩkũyũ yake, ĩla kwondũ wayo ũneenete, Ĩno nĩyo ĩtuvi yakwa yĩla endwa makwa manengete; na ngamĩtw’ĩkĩthya mũtitũ, na nyamũ sya kĩtheka ikamĩya.</verse>
				<verse number="13">Na ngeeĩvanĩsya kwake mĩthenya ya Mbaalimu, ila watoeesye ũvani, yĩla weseũvĩsye mwene na ngome sya matũ, na mĩio yake ya wanake, na kũatĩĩa endwa make, na oolwa ninyie, easya ũu Yeova.</verse>
				<verse number="14">Kwondũ wa ũu, sisya, ngamũkusya na ũĩ, na kũmũtwaa weũnĩ, na kũneena nake na ndeto sya ũkiakisyo.</verse>
				<verse number="15">Na ngamũnenga mĩũnda yake ya mĩsavivũ kw’o, na mwanda wa Akoli ũtw’ĩke mũomo wa wĩkwatyo; na akeetika e kw’o, o ta mĩthenyanĩ ya wana wake, na ta mũthenya ũla wambatie kuma nthĩ ya Misili.</verse>
				<verse number="16">Na kũkeethĩwa mũthenya ũsu, ũkambĩta Isi, na ndũkambĩta ĩngĩ Vaali, easya ũu Yeova.</verse>
				<verse number="17">Nũndũ ngaveta masyĩtwa ma Mbaalimu kanyw’anĩ wake, na itikawetwa ĩngĩ na masyĩtwa masyo.</verse>
				<verse number="18">Na mũthenya ũsu ngatianĩa ũtianĩo na nyamũ sya kĩtheka kwondũ woo, na nyũnyi sya yayaya, o na tũsamũ twa nthĩ tũla tũtambũkaa; na ũta na ũvyũ na kaũ ngaitũla syume nthĩ, na ngatuma makoma vate mũisyo.</verse>
				<verse number="19">Na ngakwĩvasya wĩthĩwe wakwa tene na tene; ĩĩ, ngakwĩvasya na ũlũngalu, na ũsili wa katĩ, na ũseo wĩ wendo, na matei, wĩthĩwe wakwa.</verse>
				<verse number="20">O na ngakwĩvasya na kĩthito wĩthĩwe wakwa; na ũkamũmanya Yeova.</verse>
				<verse number="21">Na kũkeethĩwa mũthenya ũsu, ngasũngĩa, easya ũu Yeova, ngasũngĩa matu, namo makasũngĩa nthĩ;</verse>
				<verse number="22">na nthĩ ĩkasũngĩa lĩu wa mbaa ngetha, na mbinyu mbĩthĩ, na mauta; nasyo ikasũngĩa Yesileeli.</verse>
				<verse number="23">Na ngamũvanda nthĩ kwondũ wakwa; na ngamwĩw’ĩa tei ũla ũtaaĩw’ĩwa tei; na ngamea ala mataĩ andũ makwa, Mwĩ andũ makwa; na makasya, Wĩ Ngaĩ wakwa.</verse>
			</chapter>
			<chapter number="3">
				<verse number="1">Na Yeova ambĩa, Enda ĩngĩ, ũmwende mũndũ mũka, kĩlaalai, wendetwe nĩ mũnyanyae, o tondũ Yeova wendete ana ma Isilaeli, o na kau methyũũĩaa ngai ingĩ, na kwenda tũkũmbwa twa nzavivũ mbovu.</verse>
				<verse number="2">Na ĩndĩ namwĩthooee we na ilungu ĩkũmi na itano sya vetha, na omeli ya mbaale, na nyunzu ya omeli ya mbaale;</verse>
				<verse number="3">na namwĩa, Ukekala nũndũ wakwa mĩthenya mingĩ; ndũkeka ũmalwaya, na ndũkethĩwa kĩveti kya mũndũ ũngĩ: nakwa kwaku ngeethĩwa o ta ũu.</verse>
				<verse number="4">Nũndũ ana ma Isilaeli makekala mĩthenya mingĩ mate na mũsumbĩ, na mate na mũnene wa mbee ũsumbĩnĩ, na mate na nthembo, na mate na kĩtuĩ, na mate na evoti kana telavimu:</verse>
				<verse number="5">ĩtina wa ũu ana ma Isilaeli makasyoka, na kũmantha Yeova Ngai woo, na Ndaviti mũsumbĩ woo, na makooka kwa Yeova na ũseo wake me na kĩkĩo mĩthenyanĩ ya mũminũkĩlyo.</verse>
			</chapter>
			<chapter number="4">
				<verse number="1">Ĩw’ai ndeto ya Yeova, inyw’ĩ ana ma Isilaeli; nũndũ Yeova e na ngananĩo na ala matwĩe ĩ nthĩ, nũndũ kũti w’o, kana ũseo, kana ũmanyi wa Ngai ĩ nthĩ.</verse>
				<verse number="2">Kũti ũndũ ũngĩ no kwĩavaa, na kwanangaa wĩw’ano, na kũaaa, na kũyaa, na kwĩkaa ũlaalai; nĩmeyalĩlasya, na nthakame nikwataa nthakame.</verse>
				<verse number="3">Kwondũ wa ũu nthĩ ĩkameta, na kĩla ũmwe ũla ũmĩtwĩe akaaa vinya, vamwe na nyamũ sya kĩtheka na nyũnyi sya yayaya; ĩĩ, na makũyũ ma ũkanga nao makavetwa.</verse>
				<verse number="4">Ĩndĩ kũikethĩwe mũndũ kũtetan’ya, kana mũndũ o na wĩva kũkan’ya; nũndũ andũ maku nĩ ta ala matetanasya na mũthembi.</verse>
				<verse number="5">Naku ũkalulutĩka mũthenya, na mwathani nake akalulutĩka vamwe naku ũtukũ; nakwa ngaananga inyia waku.</verse>
				<verse number="6">Andũ makwa nĩmanangawa nĩ kwaa ũmanyi: nĩkwĩthĩwa nĩwaleile ũmanyi, o nakwa ngakũlea, nĩ kana ndũkethĩwe mũthembi kwakwa: nũndũ nĩwũlĩtwe nĩ mĩao ya Ngai waku, o nakwa ngoolwa nĩ syana syaku.</verse>
				<verse number="7">O tondũ maingĩvie, now’o mambĩtanĩsye: ngaalyũla ndaĩa yoo ĩtw’ĩke nthoni.</verse>
				<verse number="8">Maĩsaa naĩ ya andũ makwa, na kwenda mũno ngoonĩ syoo ũthũku woo.</verse>
				<verse number="9">Na kũkeethĩawa, o ũndũ andũ mailyĩ, now’o mũthembi; nakwa ngamasilĩla nũndũ wa mĩendele yoo, na ngamaĩva o meko moo.</verse>
				<verse number="10">Na makaya, na matikavũna; makeeka ũmalwaya, na matikongeleka; nĩkwĩthĩwa nĩmaekie kũmwĩw’a Yeova.</verse>
				<verse number="11">Ũmalwaya na mbinyu na mbinyu mbĩthĩ nivetaa ũmanyi.</verse>
				<verse number="12">Andũ makwa nĩmakũlasya kĩthukĩ kyoo ũtao, na ndata yoo nĩmavuanĩasya; nũndũ veva wa ũmalwaya nũmavĩtĩthasya, na nĩmekaa ũmalwaya, makyuma ungu wa Ngai woo.</verse>
				<verse number="13">Nĩmathembaa iĩmanĩ ĩũlũ, na kũtoeesya ũvani ĩũlũ wa tũlĩma, ĩtina wa mĩtĩ ya myaloni na mĩlivina na mĩelo, nĩkwĩthĩwa muunyĩ wayo nĩ mũseo: kwondũ wa ũu eĩtu menyu nĩmekaa ũmalwaya, na atwawa menyu nĩmekaa ũlaalai.</verse>
				<verse number="14">Ndikasilĩla eĩtu menyu meeka ũmalwaya, kana atwawa menyu meeka ũlaalai; nũndũ o namo ene maendaa mwathũko na malwaya, na makĩthemba me na malwaya; na andũ ala mate na ũmanyi makaanangwa.</verse>
				<verse number="15">O na kau we, Isilaeli, nĩwĩkaa ũmalwaya, ĩndĩ Yuta ndakavĩtye; na mũtikoke Ngilikali, o na mũtikambate Mbethi‐aveni, kana kwĩvĩta, mũkyasya, O tondũ Yeova wĩ thayũ.</verse>
				<verse number="16">Nũndũ Isilaeli nĩwekie ũng’endu, o ta moi ng’endu: yu Yeova akamaĩthya ta katena ka ĩlondu vandũ vaamu.</verse>
				<verse number="17">Evalaimu nũkwatene na mĩvw’anano; mũeke.</verse>
				<verse number="18">Kya ũnyw’a kyoo nĩkĩkaatĩte; nĩmekaa ũmalwaya ĩndĩ yonthe; asumbĩki make nĩmendaa mũno maũndũ me nthoni.</verse>
				<verse number="19">Kĩseve nĩkĩmũlingalingĩte nthwaunĩ syakyo; na makasonokw’a nũndũ wa nthembo syoo.</verse>
			</chapter>
			<chapter number="5">
				<verse number="1">Ĩw’ai ũũ, inyw’ĩ athembi, na ĩthukĩĩsye, nyũmba ya Isilaeli, na tea kũtũ, nyũmba ya mũsumbĩ; nũndũ ũsilĩlo nũmwelekele; nũndũ mũtw’ĩkĩte kĩtei ku Misiva, na kĩtei kyalanĩtw’e ĩũlũ wa Tavoli.</verse>
				<verse number="2">Na alei nĩmalikĩte mũno ũainĩ; ĩndĩ nyie nĩ mũkan’ya wa onthe.</verse>
				<verse number="3">Nĩnĩmwĩsĩ Evalaimu, na Isilaeli ndembithĩte; nũndũ yu, we Evalaimu, nĩwĩkĩte ũmalwaya, Isilaeli nũvukĩtw’e.</verse>
				<verse number="4">Meko moo maikamaeka methyũũĩe Ngai woo; nũndũ veva wa ũmalwaya wĩ nthĩnĩ woo, na maimwĩsĩ Yeova.</verse>
				<verse number="5">Na ngathĩĩo sya Isilaeli nĩkũsĩĩaa mbee wa ũthyũ wake: kwondũ wa ũu Isilaeli na Evalaimu makalulutĩka ũthũkunĩ woo; nake Yuta akalulutĩka vamwe nao.</verse>
				<verse number="6">Makaenda na ndĩthya syoo sya mbũi na malondu na ndĩthya syoo sya ng’ombe mamũmanthe Yeova; ĩndĩ matikamwona: nĩwĩvathanĩte nao.</verse>
				<verse number="7">Nĩmekĩte Yeova ũseleke; nũndũ nĩmasyaĩte syana ngeni: yu mwei mũtisu ũkamamina vamwe na mĩũnda yoo.</verse>
				<verse number="8">Vuvĩai soo mũkelemu Ngivea, na soo Lama: na mũivuvĩa soo wĩ wasya wa kũtĩsya Mbethi‐aveni; ĩtina waku, we Mbenyamini.</verse>
				<verse number="9">Evalaimu akatw’ĩka ĩanzo mũthenya wa ũkan’yo: katĩ wa mbaĩ sya Isilaeli nĩnĩtavanĩtye ũndũ wĩĩthĩwa vate ndĩi.</verse>
				<verse number="10">Anene me mbee ũsumbĩnĩ ma Yuta mailyĩ ta ala makũĩĩasya kyambo kya mũvaka: ngamonoesya kũthilĩka kwakwa ta kĩw’ũ.</verse>
				<verse number="11">Evalaimu nũthĩnĩtw’e, nũtumbĩĩwe ũsilĩlonĩ; nĩkwĩthĩwa nĩwendeew’e nĩ kũatĩĩa mwĩao wa mũndũ.</verse>
				<verse number="12">Kwondũ wa ũu nyie kwa Evalaimu nĩilyĩ lungulu, na kwa nyũmba ya Yuta nĩilyĩ wou.</verse>
				<verse number="13">Yĩla Evalaimu wonie ũwau wake, na Yuta wonie wũkite wake, nĩvo Evalaimu waendie Asuli, na atũmana kwa mũsumbĩ Yalevu: ĩndĩ ndatonya kũkũvosya, o na ndakakũvosya wũkite waku.</verse>
				<verse number="14">Nũndũ ngeethĩwa kwa Evalaimu nĩilyĩ mũnyambũ, na ta mũnyambũ wa mũika kwa nyũmba ya Yuta: nyie, o nyie, ngatembũanga na ngĩthi; ngakua ndwae, na kũikethĩwa wa kũtangĩĩa.</verse>
				<verse number="15">Ngaenda nĩsyoke vandũ vakwa, mũvaka meetĩkĩla ĩvĩtyo yoo, na kũmantha ũthyũ wakwa: thĩnanĩ woo makamantha na kĩthing’ĩĩsyo.</verse>
			</chapter>
			<chapter number="6">
				<verse number="1">Ũkai, na tũimũsyokea Yeova; nũndũ nũtũtembũĩte, na akatũvosya; nũtũkũnĩte, na akatwova.</verse>
				<verse number="2">Ĩtina wa mĩthenya ĩlĩ akatũvuũkya: mũthenya wa katatũ akatũkĩlya, na tũkeethĩwa thayũ mbee wake.</verse>
				<verse number="3">Na tũmanyei, ĩĩ, tũatĩĩei kũmũmanya Yeova: kumĩla kwake kũitĩa o ta kũkya; na akatũkĩa o ta mbua, ta mbua ya uũa ĩla ĩkolasya nthĩ.</verse>
				<verse number="4">We Evalaimu, nĩkwĩka ata? We Yuta, nĩkwĩka ata? Nũndũ ũseo wenyu nĩ ta ĩthweo ya kĩoko, na ta ĩmwe yĩla yĩtw’ĩkaa tene.</verse>
				<verse number="5">Kwondũ wa ũu nĩnamatemie na athani; nĩnamoaie na ndeto sya kanyw’a wakwa: na mosili maku nĩ ta kyeni kĩla kyumĩlaa.</verse>
				<verse number="6">Nũndũ nyie nendaa ũseo, na ti nthembo; na kũmanya Ngai kwĩ nthembo sya kũvĩvw’a.</verse>
				<verse number="7">Ĩndĩ nĩmavĩtĩtye ũtianĩo o ta Atamu: nĩvo mambĩkĩte ũseleke.</verse>
				<verse number="8">Ngileati nĩ ndũa ya ala mekaa ũthũku; nĩkwatangĩtw’e nthakame.</verse>
				<verse number="9">Na o tondũ nguthu sya avutani syoveesyaa mũndũ, now’o nguthu ya athembi moaĩaa nzĩanĩ kwelekela Sekemu; ĩĩ, nĩmekĩte wathe.</verse>
				<verse number="10">Nĩnonete ũndũ ũthũku nũmo nyũmbanĩ ya Isilaeli: nĩkwonekete ũmalwaya vu kwa Evalaimu, Isilaeli nũvukĩtw’e.</verse>
				<verse number="11">Na ĩngĩ, we Yuta, ve ngetha wiĩwe, yĩla nĩtũnga andũ makwa kuma kũtavwanĩ kwoo.</verse>
			</chapter>
			<chapter number="7">
				<verse number="1">Yĩla nenda kũvosya Isilaeli, nĩvo ũthũku wa Evalaimu ũkumĩla, na ũthũku wa Samalia; nũndũ nĩmekaa ũkengani, na kĩng’ei nĩkĩlikaa nthĩnĩ, na nguthu ya avutani ĩkyanangĩla nza.</verse>
				<verse number="2">Na matisũanĩaa ngoonĩ syoo kana nĩnĩlilikene ũthũku woo w’onthe: yu meko moo ene nĩmamathyũlũlũkĩte; me mbee wa ũthyũ wakwa.</verse>
				<verse number="3">Nĩmeũtanĩthya mũsumbĩ na ũthũku woo, na kũtanĩthya anene me mbee ũsumbĩnĩ na movũngũ moo.</verse>
				<verse number="4">Onthe nĩ ilaalai; mailyĩ ta iko yĩlaatĩkĩtw’e nĩ mũui wa mĩkate; aekaa kũkitĩanĩsya mwaki, kuma ailitya ngũmbwa, kũvika waimba.</verse>
				<verse number="5">Mũthenya wa mũsumbĩ waitũ anene me mbee ũsumbĩnĩ nĩmeewaisye na muutĩa wa mbinyu; atambũũkisye kw’oko kwake vamwe na akaakaan’ya.</verse>
				<verse number="6">Nũndũ nĩmaseũvĩtye ngoo syoo o ta iko, ĩvinda yĩla moveesye: mũui woo wa mĩkate nũkomaa ũtukũ mũima; na kĩoko yĩkyakana ta itw’ĩki sya mwaki.</verse>
				<verse number="7">Onthe nĩ avyũ ta iko, na maminaa asili moo; asumbĩ moo onthe nĩ avalũku: na vati ũmwe katĩ wamo wĩngaĩlaa.</verse>
				<verse number="8">Evalaimu, nake nũkwĩvulan’ya na ngo sya andũ; Evalaimu nĩ kamũtũ kate kaalyũle.</verse>
				<verse number="9">Aeni nĩmaminĩte vinya wake, na ndesĩ: ĩĩ, mbuĩ syĩ vaa na vaa kwake, na ndesĩ.</verse>
				<verse number="10">Na ngathĩĩo sya Isilaeli nikũsĩĩaa mbee wa ũthyũ wake: ĩndĩ o na ũu w’onthe matisyokete kwa Yeova Ngai woo, o na kũmũmantha.</verse>
				<verse number="11">Na Evalaimu ailyĩ ĩvũĩ ĩtumanu, yĩte na ũmanyi: nĩmekaĩlaa Misili, o na maendaa Asuli.</verse>
				<verse number="12">Yĩla methi, ngalan’ya kĩtei kyakwa ĩũlũ wamo; ngamatheesya nthĩ ta nyũnyi sya yayaya; ngamasilĩla, o tondũ ũmbano woo wĩw’ĩte.</verse>
				<verse number="13">Woo nĩ woo! Nũndũ nĩmandiie; wanangĩko nĩ woo! Nũndũ nĩmambĩtanĩsye: o na kau nĩnenda kũmovosya, ĩndĩ nĩmaneenee movũngũ.</verse>
				<verse number="14">Na matyaaĩngaĩla na ngoo syoo, ĩndĩ nĩmakayaa me mokomonĩ moo: nĩmombanaa kwondũ wa lĩu wa mbaa ngetha na mbinyu mbĩthĩ; nĩmang’endeeaa.</verse>
				<verse number="15">O na kau nĩnĩmamanyĩĩtye na ngekĩa moko moo vinya, ĩndĩ nĩmanzũanĩĩaa ũthũku.</verse>
				<verse number="16">Nĩmasyokaa, ĩndĩ ti kwa ũla wĩ ĩũlũ; mailyĩ ĩtati: anene moo me mbee ũsumbĩnĩ makavalũkw’a na ũvyũ nũndũ wa ũthatu mwai wa nĩmĩ syoo: ũu ũkeethĩwa kũthekeew’a kwoo me nthĩ ya Misili.</verse>
			</chapter>
			<chapter number="8">
				<verse number="1">Tinĩĩsya soo kanyw’anĩ waku. Nĩwũkĩle ĩũlũ wa nyũmba ya Yeova ta ndiũ, nĩkwĩthĩwa nĩmavĩtĩtye ũtianĩo wakwa, na kũvĩtan’ya mĩao yakwa.</verse>
				<verse number="2">Makeengaĩla, makyasya, Ngai wakwa, ithyĩ Isilaeli nĩtũkwĩsĩ.</verse>
				<verse number="3">Isilaeli nĩwekisye ũtee kĩla kĩseo: mũmaitha akamũatĩĩa.</verse>
				<verse number="4">Nĩmokĩlĩtye asumbĩ, ĩndĩ ti ũndũ wakwa; nĩmaiĩte anene me mbee ũsumbĩnĩ, na ndyaamanya: nĩmeeseũvĩsye mĩvw’anano na vetha na thaavu woo, nĩ kana mese kũvetwa.</verse>
				<verse number="5">Nake nĩwekisye kasaũ kaku ũtee, we Samalia; ũthatu wakwa nĩwakanĩtw’e ĩũlũ woo: kũkeethĩwa ĩvinda yĩana ata asu makĩvika vala mate na ĩvĩtyo?</verse>
				<verse number="6">Nũndũ o ko kaumie kwa Isilaeli: ndũĩka nĩkaseũvĩtye, nako ti Ngai; ĩĩ, kasaũ ka Samalia kakatilangwa tũlungu.</verse>
				<verse number="7">Nũndũ mavuĩaa kĩseve, na makaketha kĩlingi: nde na lĩu ũtũĩtye; mũmea ndũkasyaa lĩu; ethĩwa ũkasyaa, aeni makoomelya.</verse>
				<verse number="8">Isilaeli nĩ mũmelye: yu me katĩ wa i mbaĩ o ta mũio ũte mũndũ ũwenda.</verse>
				<verse number="9">Nũndũ nĩmambatie Asuli, ta ĩng’oi ya kĩthekanĩ yĩ yoka: Evalaimu nĩwethooee endwa.</verse>
				<verse number="10">Ĩĩ, o na kau mathooaa katĩ wa i mbaĩ, yu ngamomban’ya; na nĩmekwambĩlĩlya kũoleka nũndũ wa mũio wa mũsumbĩ wa anene me mbee ũsumbĩnĩ.</verse>
				<verse number="11">Nĩkwĩthĩwa Evalaimu nĩwaingĩvisye ithembeo ekae naĩ, ithembeo nitw’ĩkĩte kwake kũndũ kwa naĩ.</verse>
				<verse number="12">Namũandĩkĩe maũndũ ngili ĩkũmi ma mĩao yakwa; ĩndĩ nĩmatalĩtwe o ta kĩndũ kĩeni.</verse>
				<verse number="13">Ũvoonĩ wa kũthemba nthembo syakwa, nĩmathembaa nyama na makiya; ĩndĩ Yeova ndametĩkĩlaa: yu akalilikana ũthũku woo, na kũsilĩla naĩ syoo; makasyoka Misili.</verse>
				<verse number="14">Nũndũ Isilaeli nĩwũlĩtwe nĩ Mũmbi wake, na akaka nyũmba nene mbanakavye; na Yuta nĩwaingĩvisye ndũa mbiie; ĩndĩ ngaete mwaki ndũanĩ syake, na ũkamina nyũmba nene syĩ iemo syasyo.</verse>
			</chapter>
			<chapter number="9">
				<verse number="1">Ndũkatane, we Isilaeli, nũndũ wa mũyo, ta ngo sya andũ; nũndũ nĩwĩkĩte ũmalwaya, ũkĩmũtia Ngai waku; nĩwendete kwĩthooesyaa o kĩla kĩvũĩonĩ kya lĩu wa mbaa ngetha.</verse>
				<verse number="2">Kĩvũĩo na kĩangĩo kya nzavivũ itikamavũn’ya, na mbinyu mbĩthĩ ĩkamwaĩa.</verse>
				<verse number="3">Matikatũa nthĩ ya Yeova; ĩndĩ Evalaimu akasyoka Misili, na makaya lĩu mũvuku ku Asuli.</verse>
				<verse number="4">Matikatulũla nthembo sya mbinyu kwondũ wa Yeova, o na matikamwendeesya: nthembo syoo ikeethĩwa kwoo ta lĩu wa ala mametaa; onthe ala makaya nĩmakavukw’a; nũndũ lĩu woo ũkeethĩwa ũndũ wa kũmina nzaa yoo; ndũkalika nyũmbanĩ ya Yeova.</verse>
				<verse number="5">Inyw’ĩ mũkeeka ata mũthenya wa ũmbano ũtw’ĩtwe, na mũthenya wa mboka ya Yeova?</verse>
				<verse number="6">Nũndũ, sisya, nĩmaendie makĩa wanangĩko; ĩndĩ Misili ĩkamomban’ya, Memivisi ikamathika; syĩndũ syoo sya vetha sya kwendeesya, syĩnyeelya ikoosa syĩthĩwe syasyo; mĩw’a ĩkeethĩwa maeemanĩ moo.</verse>
				<verse number="7">Mĩthenya ya kũsilĩlwa nĩ myũku, mĩthenya ya kũĩvanĩsya nĩ myũku; Isilaeli akamanya ũndũ ũsu: mwathani nĩ mũtumanu, mũndũ ũla wĩ na ũ veva e na ndũũka, nũndũ wa ũthũku waku kwingĩva, na nĩkwĩthĩwa ũmaitha nĩ mũnene.</verse>
				<verse number="8">Evalaimu aĩ mũsyaĩĩsya vamwe na Ngai wakwa: na ũvoo wa mwathani, kĩtei kya mũtei wa nyũnyi kĩ nzĩanĩ syake syonthe, na ũmaitha nyũmbanĩ ya Ngai wake.</verse>
				<verse number="9">Nĩmeyanangĩte mũno, o ta mĩthenyanĩ ya Ngivea: akalilikana ũthũku woo, na akasilĩla naĩ syoo.</verse>
				<verse number="10">Noonie Isilaeli ailyĩ ta nzavivũ weũnĩ; noonie aaĩthe menyu o ta ĩkũyũ yambaa kwĩw’a mũkũyũnĩ ĩvinda ya kũsyaa kwaw’o kwa mbee: ĩndĩ maenda kwa Mbaali‐veoli, meenengane kwa kĩndũ kyu kĩ nthoni, na matw’ĩka kĩla kĩthatasya o ta kyu mendete.</verse>
				<verse number="11">Ũvoo wa Evalaimu, ndaĩa yoo ĩkaũlũka ta nyũnyi ĩthi: vaikethĩwa ũsyaa, kana wĩ ĩvu, kana kũitava.</verse>
				<verse number="12">O na maea syana syoo, ngatuma makw’ĩĩwa nĩsyo, nĩ kana vatikatiale mũndũ: ĩĩ, na ĩngĩ woo nĩ woo yĩla nĩmatia!</verse>
				<verse number="13">Evalaimu, o tondũ noonie Tile ĩilyĩ, nũvandĩtwe vandũ va kwendeesya: ĩndĩ Evalaimu akaumaalĩlya syana syake mũai.</verse>
				<verse number="14">Manenge, ame Yeova‐wĩmanenga kĩ? Manenge mavu ala metĩkaa na nondo ng’alu.</verse>
				<verse number="15">Ũthũku woo w’onthe wĩ Ngilikali; nũndũ nĩnamamenee kw’o: nũndũ wa ũthũku wa meko moo ngamalũngya maume nyũmbanĩ yakwa; o na ndikamenda ĩngĩ; anene moo me mbee ũsumbĩnĩ onthe nĩ alei.</verse>
				<verse number="16">Evalaimu nĩ mũkũne, kĩtina kyoo nĩkyũmĩte, maikasyaa ũsyao: ĩĩ, o na masyaa, ngooaa ũsyao ũla wendetwe wa ĩvu yoo.</verse>
				<verse number="17">Ngai wakwa akamekya kũasa, nĩkwĩthĩwa matyaamwĩthukĩĩsya; na makeethĩwa angangi katĩ wa i mbaĩ.</verse>
			</chapter>
			<chapter number="10">
				<verse number="1">Isilaeli nĩ mũsavivũ mũteku mũno, ũla ũsyaaa ũsyao wake: o kwĩanana na kwingĩva kwa ũsyao wake now’o wingĩvĩtye ithembeo syake; kwĩanana na ũseo wa nthĩ yoo nĩmaseũvĩtye ituĩ nzeo.</verse>
				<verse number="2">Ngoo syoo niaanĩtw’e; na yu makooneka kwĩthĩwa nĩ avĩtan’ya: we akakũna ithembeo syoo, na kwananga ituĩ syoo.</verse>
				<verse number="3">Vate ndĩi yu makaneena, Tũti na mũsumbĩ; nũndũ tũtiũkĩa Yeova; na mũsumbĩ, nake atonya kũtũtethya na ata?</verse>
				<verse number="4">Meneena ndeto sya mana, makĩvĩta ũvũngũ yĩla meũtianĩa motianĩo: kwondũ wa ũu ũsilĩlo nũkumĩla ta mũtĩ wĩ ũũ wĩ mĩkaonĩ ya mũũnda.</verse>
				<verse number="5">Ala matwĩe Samalia makaũũyĩa tũsaũ twa Mbethi‐aveni mũno; nũndũ andũ ma vo makakametea, o na athembi ma vo ala makatanĩaa, ũndũ wa ũtaĩo wako, nĩkwĩthĩwa nũkatiĩte.</verse>
				<verse number="6">O na ĩngĩ kakatwawa Asuli katw’ĩke mũthĩnzĩo kwa mũsumbĩ Yalevu: Evalaimu akasonokw’a, na Isilaeli akasonokea ũtao wake mwene.</verse>
				<verse number="7">Ũvoo wa Samalia, mũsumbĩ wayo nĩ mũvete, o ta ĩvuo ĩũlũ wa manzĩ.</verse>
				<verse number="8">Na ĩngĩ kũndũ kũtũlu kwa Aveni, nĩkw’o naĩ ya Isilaeli, kũkaanangwa: mĩw’a na thangila ikamea ĩũlũ wa ithembeo syoo; na makatavya iĩma, Tũvw’ĩkei; na tũlĩma, Tũvalũkĩlei.</verse>
				<verse number="9">We Isilaeli, nũvĩtĩtye kuma mĩthenya ya Ngivea: nĩkw’o maũngyĩ; kaũ ĩũlũ wa ana ma ũthũku ndwĩmakwatĩa Ngivea.</verse>
				<verse number="10">Yĩla nĩenda, ngamasilĩla; na ngo sya andũ ikamombanĩa, yĩla meovanw’a vamwe na mavĩtyo moo elĩ.</verse>
				<verse number="11">Na Evalaimu nĩ moi ĩla ĩmanyĩĩtw’e, ĩla yendete kũvũa lĩu wa mbaa ngetha; ĩndĩ nĩmbĩtĩle ĩũlũ wa ngingo yayo nzeo: ngaiĩa Evalaimu mũtũli; Yuta akenza, Yakovo akavukũlya mavali make.</verse>
				<verse number="12">Ĩvuĩĩei inyw’ĩ ene ũlũngalunĩ, kethai kwĩanana na ũseo; ĩnzai maei menyu; nũndũ nĩ ĩvinda ya kũmantha Yeova, kũvika ooka na kũmũĩsya mbua ya ũlũngalu.</verse>
				<verse number="13">Nĩmwĩnzĩte ũthũku, na nĩmũkethete ũthũku; nĩmũĩte ũsyao wa movũngũ: nũndũ weekwatisye nzĩa yaku, o wingĩ wa ngũmbaũ syaku.</verse>
				<verse number="14">Kwondũ wa ũu kĩtuu kĩkookĩla katĩ wa andũ maku, na ngome syonthe syaku ikaanangwa, tondũ Salimani wanangie Mbethi‐aliveli mũthenya wa kaũ: inyia ang’atanw’a atilĩkange tũlungu vamwe na syana syake.</verse>
				<verse number="15">Now’o Mbethi‐eli wĩkwĩka nũndũ wa ũthũku waku mũnene: o w’oa ũkĩtema mũsumbĩ wa Isilaeli akavetwa vyũ.</verse>
			</chapter>
			<chapter number="11">
				<verse number="1">Yĩla Isilaeli waĩ kana, nĩnamwendie, na namwĩta mwana wakwa aume Misili.</verse>
				<verse number="2">O ũndũ athani maendeea kũmeta, now’o namo maendeeaa kũmatia: mathembeaa Mbaalimu, na kũtoeeasya ũvani mĩvw’anano myaseũvye.</verse>
				<verse number="3">Ĩndĩ nĩnamanyĩisye Evalaimu kũkinya; na namakua na moko makwa; ĩndĩ maiaamanya kana nĩnamavoisye.</verse>
				<verse number="4">Nĩnamakusisye na ndii sya o mũndũ na mawovanu ma wendo; na nailyĩ kwoo o ta ala maumasya ĩsoki ngambuunĩ syoo; na namaetee lĩu.</verse>
				<verse number="5">Maikasyoka nthĩ ya Misili; ĩndĩ Mũasuli akeethĩwa mũsumbĩ woo, nĩkwĩthĩwa nĩmaleile kũnzyokea.</verse>
				<verse number="6">Na ũvyũ ũkavalũkĩla ndũa syoo, na kũmina ivingo syoo, na kũmaya, kwondũ wa mosũanĩo moo ene.</verse>
				<verse number="7">Na andũ makwa nĩmendaa kũsyoka na ĩtina mandie: o na kau nĩmeũmeta moke kwa ũla wĩ ĩũlũ, vati o na ũmwe ũkamũnenevya.</verse>
				<verse number="8">Ngakũeka ata we, Evalaimu? Ngakwĩkya ũtee ata we, Isilaeli? Ngakũtw’a ta Atima ata? Ngakwĩkalya ta Nzevoiimu ata? Ngoo yakwa nĩ ngalyũku nthĩnĩ wakwa, manee makwa nĩmakanĩte vamwe.</verse>
				<verse number="9">Ndikeka kwĩanana na wai wa ũthatu wakwa, ndikasyoka kwananga Evalaimu: mũndũ ninyie Ngai, na ndi mũndũ; Ũla Mũtheu katĩ waku; na ndikoka nĩ mũthilĩku.</verse>
				<verse number="10">Nĩmakamũvikĩla Yeova, ũla ũkaluma ta mũnyambũ; nũndũ nũkaluma, na syana nikoka kuma ũthũĩlonĩ wa syũa itetemete.</verse>
				<verse number="11">Nikoka kuma Misili itetemete ta nyũnyi, na ta ĩvũĩ syumĩte nthĩ ya Asuli; na nĩngatuma matũa nyũmbanĩ syoo, easya ũu Yeova.</verse>
				<verse number="12">Evalaimu ninthyũlũlũkĩte na ũvũngũ, na nyũmba ya Isilaeli na ũkengani; ĩndĩ Yuta nũsumbĩkĩte na Ngai kũvika yu, na e na kĩthito kwa Ũla Mũtheu.</verse>
			</chapter>
			<chapter number="12">
				<verse number="1">Evalaimu nũĩsaa kĩseve, na kũatĩĩa kĩesve kyumĩte wumĩlonĩ wa syũa: nake aendeeaa kwingĩvya movũngũ na wanangĩko; na nĩmeũtianĩa ũtianĩo na Asuli, na mauta nĩmatwaawa Misili.</verse>
				<verse number="2">O na ĩngĩ Yeova e na ngananĩo na Yuta, na akasilĩla Yakovo kwĩanana na mĩendele yake; kwĩanana na mĩkĩle yake akamũĩva.</verse>
				<verse number="3">E ĩvunĩ amũkwatie mwana‐ainyia kĩtiinyo; na e mũndũ mũima aĩ na ũtonyi kwa Ngai:</verse>
				<verse number="4">ĩĩ, aĩ na ũtonyi ĩũlũ wa mũlaĩka, na akĩlya vinya; aĩa, na amwĩsũva: amwĩthĩa Mbethi‐eli, na nĩvo waneenee naitũ,</verse>
				<verse number="5">o Yeova, Ngai wa nguthu; Yeova nĩ syĩtwa yake ya ũlilikan’yo.</verse>
				<verse number="6">Kwondũ wa ũu ĩthyũũĩe Ngai waku: sũvĩa ũseo na ũsili wa katĩ, na ũkyeteelaa Ngai waku mavinda onthe.</verse>
				<verse number="7">We nĩ mũtandĩthya, ithimi sya ũkengani syĩ kw’okonĩ kwake: endete kũthĩn’ya.</verse>
				<verse number="8">Na Evalaimu asya, Nĩ w’o, nĩndw’ĩkĩte mũthwii, nyie nĩnĩyoneete ũthwĩĩ: kũthĩnanĩ kwakwa kw’onthe kwa wĩa maikona ũthũku nthĩnĩ wakwa ũla wĩthĩwa naĩ.</verse>
				<verse number="9">Ĩndĩ ninyie Yeova Ngai waku o kuma nthĩ ya Misili; ngatuma ũtũa maeemanĩ o ĩngĩ, o ta mĩthenyanĩ ya mboka ĩtw’ĩtwe.</verse>
				<verse number="10">O na ĩngĩ nĩneenete na athani, na nĩningĩvĩtye mawoni; na kwondũ wa ũthũkũmi wa athani nĩnĩelekanĩtye na ngelekan’yo.</verse>
				<verse number="11">Ngileati nĩ ũthũku? Mo nĩ akengani vyũ; kũu Ngilikali nĩmeũthemba tũsalũ twa mũew’a; ĩĩ, ithembeo syoo nĩ ta mbumbu mĩkaonĩ ya mĩũnda.</verse>
				<verse number="12">Na Yakovo akĩa athi nthĩ ya Alamu, na Isilaeli athũkũma nĩ kana one kĩveti, na nĩ kana one kĩveti aĩthasya malondu.</verse>
				<verse number="13">Na Yeova amumya Isilaeli Misili na kw’oko kwa mwathani, o na nĩwasũvĩiwe na kw’oko kwa mwathani.</verse>
				<verse number="14">Evalaimu nũthatĩtye ũthatu wĩ woo mũno: kwondũ wa ũu nthakame yake ĩkatiwa ĩũlũ wake, na kĩvũthya kyake Mwĩaĩi wake akamũtũngĩa.</verse>
			</chapter>
			<chapter number="13">
				<verse number="1">Yĩla Evalaimu waneenie, kwaĩ kũtetema; eenenevya mwene nthĩnĩ wa Isilaeli; ĩndĩ yĩla wavĩtisye maũndũnĩ ma Mbaali, nĩwakwie.</verse>
				<verse number="2">Na yu nĩmekaa naĩ mbee na mbee, na meeseũvĩsye mĩvw’anano ya vetha woo matwekethetye, o mĩvw’anano kwĩanana na ũmanyi woo ene, yonthe wĩa wa ndũĩka: maneenaa ũndũ wayo, Andũ ala mathembaa nĩmamumunye tũsaũ.</verse>
				<verse number="3">Kwondũ wa ũu makeethĩwa ta ĩthweo ya kĩoko, na ta ĩmwe yĩla yĩtw’ĩkaa tene, ta wewa ũla ũtwaawa nĩ kĩlingi kuma kĩvũĩonĩ, na ta syũki yĩla yumaa mũtotenĩ.</verse>
				<verse number="4">Ĩndĩ ninyie Yeova Ngai waku o kuma nthĩ ya Misili; na ndũkaamanye ngai ĩngĩ ate o nyie, na nde vo nyie vati mũtangĩĩi.</verse>
				<verse number="5">Nyie nĩnakũmanyĩe weũnĩ, nthĩ yĩ mũnyao mũnene.</verse>
				<verse number="6">O kwĩanana na kĩsesi kyoo, now’o mavũnie; nĩmavũnie, na ngoo syoo syaneneva: kwondũ wa ũu nĩmolĩtwe ninyie.</verse>
				<verse number="7">Kwondũ wa ũu kwoo nĩilyĩ ta mũnyambũ; ngooveesya o ta ngo nzĩanĩ;</verse>
				<verse number="8">ngakomana namo ta nduva ĩvenetwe maswii mayo, na ngatembũa wambũ wa ngoo syoo; na ngamaĩa vu ta mũnyambũ mũka; nyamũ mbai ĩkamatembũanga.</verse>
				<verse number="9">Nĩ wanangĩko waku, we Isilaeli, nũndũ nũndeete, kũlea mũtethya waku.</verse>
				<verse number="10">Aĩva yu mũsumbĩ waku, nĩ kana akũtangĩĩe ndũanĩ syaku syonthe? Na asili maku, ala waneenie ũndũ wamo, Nenga mũsumbĩ na anene me mbee ũsumbĩnĩ?</verse>
				<verse number="11">Nĩnĩkũnengete mũsumbĩ ũthatunĩ wakwa, na namũveta kũthilĩkanĩ kwakwa.</verse>
				<verse number="12">Ũthũku wa Evalaimu nĩ mwove; naĩ yake nĩyiĩtwe.</verse>
				<verse number="13">Mawoo ma mũndũ mũka ũnũkwaũnya makamũkwata: nĩ mwana ũte mũĩ; nũndũ nĩ ĩvinda ũtaĩlwe nĩ kwĩkala vandũ va kũsyaĩwa syana.</verse>
				<verse number="14">Ngamovosya kuma vinyanĩ wa Seoli; ngamatangĩĩa kuma kĩkw’ũnĩ: we kĩkw’ũ, maĩva mothĩn’yo maku? We Seoli, ũĩva wanangi waku? Ũalyũlo wa ngoo ũkavithĩka methonĩ makwa.</verse>
				<verse number="15">O na akeethĩwa na ũsyao mwingĩ katĩ wa ana‐a‐ĩthe, kĩseve kĩkooka kyumĩte wumĩlonĩ wa syũa, mĩthũmũ ya Yeova ĩkyambata kuma weũnĩ; na mbuluti yake ĩkang’ala, na nthongo yake ĩkang’ala: akatava mũtavo wa ũthwii mwie wa mĩio yonthe mĩseo.</verse>
				<verse number="16">Samalia akakua ĩvĩtyo yake; nũndũ nĩwamũng’endee Ngai wake: makavalũkw’a na ũvyũ; tũũkenge twoo tũkang’atanganw’a tũtilĩkange tũlungu na aka moo aito makataũwa.</verse>
			</chapter>
			<chapter number="14">
				<verse number="1">Ame Isilaeli, syokea Yeova Ngai waku; nũndũ nũvalũkĩte nũndũ wa ũthũku waku.</verse>
				<verse number="2">Osai ndeto mũthi nasyo, na mũimũsyokea Yeova: mũmwĩe, Veta ũthũku w’onthe, na ũkĩtĩkĩla ũla ũseo: na ĩndĩ tũkathemba nthembo sya ilomo sitũ ta kũthemba tũsalũ twa mũew’a.</verse>
				<verse number="3">Asuli ndĩkatũtangĩĩa; tũikatũla mbalasi; o na tũikea wĩa wa moko maitũ ĩngĩ, Nĩ inyw’ĩ ngai sitũ; nũndũ ala makw’ĩĩwe nĩ aaĩthe monaa tei kwaku.</verse>
				<verse number="4">Ngavosya kũsyoka na ĩtina kwoo, ngamenda mũno; nũndũ ũthatu wakwa nũalyũkĩte kuma kwake.</verse>
				<verse number="5">Ngeethĩwa ta ĩmwe kwa Isilaeli; akalaũka ta ĩlaa ya lili, na akatambũũkya mĩi yake ta Levanoni.</verse>
				<verse number="6">Mbonge syake ikeenyasya, na wanake wake ũkeethĩwa ta mũthata, na mũuke wake ta Levanoni.</verse>
				<verse number="7">Ala matũaa ungu wa muunyĩ wake makasyoka; makathayũũka ta mbeke, na kũlaũka ta mũsavivũ: mũuke wake ũkeethĩwa ta mbinyu ya Levanoni.</verse>
				<verse number="8">Evalaimu akasya, Nĩ ũndũ ũngĩ mwaũ na mĩvw’anano? Nĩnzũngĩĩte, nakwa ngamũsyaĩĩsya: nĩilyĩ ta mũtĩ wa mũsonovali mũthithinĩu; vala nĩĩ ũsyao waku nĩwonekaa.</verse>
				<verse number="9">Nũũ ũla mũĩ, amanye maũndũ aa? Ũla wĩ kĩlĩko, kana amamanye? Nũndũ nzĩa sya Yeova nĩ ndũngalu, na ala alũngalu makaiendelaa; ĩndĩ avĩtan’ya makavalũkaa nthĩnĩ wasyo.</verse>
			</chapter>
		</book>
		<book number="29">
			<chapter number="1">
				<verse number="1">Ndeto ya Yeova ĩla yamũkĩe Yoeli mwana wa Vethueli.</verse>
				<verse number="2">Ĩw’ai ũũ, inyw’ĩ atumĩa, na teai kũtũ, inyw’onthe ala mũtwĩe ĩ nthĩ. Ũũ waaĩthĩwa mĩthenyanĩ yenyu, kana mĩthenyanĩ ya aaĩthe menyu?</verse>
				<verse number="3">Tavyai syana syenyu ũũ, na syana syenyu nitavye syana syoo, na syana syoo nzyawa ĩngĩ.</verse>
				<verse number="4">Kyu kĩla kyatialilw’e nĩ kĩtĩlĩ nĩkyalĩkile nĩ ngie; na kyu kĩla kyatialilw’e nĩ ngie nĩkyalĩkile nĩ mbandi; na kyu kĩla kyatialilw’e nĩ mbandi nĩkyalĩkile nĩ kĩthesa.</verse>
				<verse number="5">Amũkai, inyw’ĩ athengi, na ĩai; na kayai, inyw’onthe anywi ma mbinyu, kwondũ wa mbinyu ĩ mũyo; nũndũ nĩvetetwe makanyw’anĩ menyu.</verse>
				<verse number="6">Nũndũ mbaĩ nĩyambatĩĩa nthĩ yakwa, yĩ vinya, na ĩtatalĩka; maeo mayo nĩ maeo ma mũnyambũ, na yĩ na mbosela sya mũnyambũ mũka.</verse>
				<verse number="7">Nĩyanangĩte mũsavivũ wakwa, na yasyũlya mũkũyũ wakwa: yũsyũlĩtye ũkathea kw’ũ, na kũwĩkya kũasa; mbonge syaw’o syeeũva.</verse>
				<verse number="8">Ĩa ta mwĩĩtu mũtheu ũvotoetwe makunia nũndũ wa mũũme wamwĩvaĩtye.</verse>
				<verse number="9">Nthembo ya mũtu na nthembo ya kũnyuwa nivetetwe nyũmbanĩ ya Yeova; athembi, athũkũmi ma Yeova, nĩmeũmeta.</verse>
				<verse number="10">Mũũnda nĩ mwanange, nthĩ nĩnĩũmeta; nũndũ lĩu wa mbaa ngetha nĩ mwanange, na mbinyu mbĩthĩ nĩ ng’alu, na mauta nĩmekũnyiva.</verse>
				<verse number="11">Thokoanai, inyw’ĩ aĩmi, kayai, inyw’ĩ asũvĩi ma mĩsavivũ, nũndũ wa nganũ na nũndũ wa mbaale; nũndũ ngetha ya mĩũnda nĩyaĩte.</verse>
				<verse number="12">Mũsavivũ nĩwũmĩte, na mũkũyũ nũvovete; mũkũngũmanga, na mũtende naw’o, na mũevo, o mĩtĩ yonthe ya mĩũndanĩ nĩyũmĩte: nũndũ ũtanu nũthelete ananĩ ma andũ.</verse>
				<verse number="13">Ĩvotoei makunia na kũĩa, inyw’ĩ athembi; kayai, inyw’ĩ athũkũmi ma kĩthembeo; ũkai, mũkome ũtukũ mũima mwĩvw’ĩkĩte makunia, inyw’ĩ athũkũmi ma Ngai wakwa: nũndũ nthembo ya mũtu na nthembo ya kũnyuwa nisiĩĩwe itikethĩwe nyũmbanĩ ya Ngai wenyu.</verse>
				<verse number="14">Vathai ĩvinda ya kũtĩĩa kũya, mete mombane ũmbano ũkilĩtye, ũmban’yai atumĩa na onthe ala matwĩe ĩ nthĩ nyũmbanĩ ya Yeova Ngai wenyu, na mũkĩmwĩkaĩla Yeova.</verse>
				<verse number="15">Ĩiaa! Mũthenya ũsu! Nũndũ mũthenya wa Yeova nĩ mũthengeeu, na ũkooka ta wanango kuma kwa Mwene Vinya W’onthe.</verse>
				<verse number="16">Lĩu ti mũvete mbee wa metho maitũ, ĩĩ, ũtanu na mũyo kuma nyũmbanĩ ya Ngai waitũ?</verse>
				<verse number="17">Mbeũ nĩ syoee mavandanĩ kũla iĩ; makũmbĩ nĩ mathei, makũmbĩ manene nĩ manangĩku; nũndũ lĩu wa mbaa ngetha nĩwũmĩte.</verse>
				<verse number="18">A! Ũndũ nyamũ iũluma! Ndĩthya sya ng’ombe nisaanĩw’e, nĩkwĩthĩwa iti na ũĩthyo; ĩĩ, ndĩthya sya malondu nĩ nthĩnu.</verse>
				<verse number="19">Ame Yeova, nĩngũkwĩkaĩla; nũndũ mwaki nũminĩte isesi sya weũnĩ, na ũlĩlĩnzĩ nũvĩvĩtye mĩtĩ yonthe ya kĩsesinĩ.</verse>
				<verse number="20">Ĩĩ, nyamũ sya kĩthekanĩ niũkũvevavevea; nũndũ tũlũsĩ nĩ tũng’alu, na mwaki nũminĩte isesi sya weũnĩ.</verse>
			</chapter>
			<chapter number="2">
				<verse number="1">Vuvĩai soo Saioni, na vuvĩai soo wĩ wasya wa kũtĩsya kĩĩmanĩ kyakwa kĩtheu; onthe ala matwĩe ĩ nthĩ mateleme: nũndũ mũthenya wa Yeova nĩwũkĩte, nũndũ nũthengeee;</verse>
				<verse number="2">mũthenya wa kĩvindu na mũki mũnene, mũthenya wa matu na kĩvindu kya ngokomi, o tondũ w’oa ũtemaa ĩũlũ wa iĩma; andũ anene na me vinya; kũtyaaĩthĩwa o na ĩndĩĩ ala mailyĩ ũu, o na kũtikethĩwa angĩ ĩtina wamo, o na kũvika myaka ya nzyawa mbingĩ.</verse>
				<verse number="3">Mwaki nũvĩvasya mbee woo; na ĩtina woo ũlĩlĩnzĩ wa mwaki nĩwakene: nthĩ ĩilyĩ mũũnda wa Eteni mbee woo, na ĩtina woo nĩ weũ mũthei; ĩĩ, na kũiĩ waavonoka.</verse>
				<verse number="4">Mũvw’anĩle woo nĩ ta mũvw’anĩle wa mbalasi; na ta ala matũlĩte mbalasi, nĩw’o masembaa.</verse>
				<verse number="5">Nĩmatũlĩlaa ta makasya me kĩtuu me ĩũlũ wa iĩma, ta ũlĩlĩnzĩ wa mwaki wĩ kĩuumo ũla ũminaa ũa, ta andũ me vinya mataũĩw’e kaũ.</verse>
				<verse number="6">Me vo ngo sya andũ syĩthĩwaa na woo mũnene; na mothyũ onthe makĩalyũka.</verse>
				<verse number="7">Masembaa ta ngũmbaũ; na malĩsĩlaa ũvainĩ ta andũ ma kaũ; na maendaa kĩla ũmwe aeleele mbee, na mĩkwĩlĩnĩ yoo mativĩtavĩtanaa.</verse>
				<verse number="8">O na vati ũmwe ũnũkũtina ũngĩ; maendaa kĩla ũmwe aeleele mbee; na malĩlasya mĩionĩ ya kaũ, na matiũngamaa.</verse>
				<verse number="9">Mathaanyũkĩaa ndũa; masembaa ĩũlũ wa ũvai; malĩsaa nyũmbanĩ; malikĩlaa mbũthinĩ ta kĩng’ei.</verse>
				<verse number="10">Nthĩ nĩthingithaa mbee woo; matu nĩmatetemaa; syũa na mwei niĩsaa kĩvindu, na ndata niekaa kũtisa kwasyo.</verse>
				<verse number="11">Na Yeova nĩwumasya wasya wake mbee wa ita syake sya kaũ; nũndũ mwako wake wa maeema nĩ mũnene mũno; nũndũ e vinya ũla wĩanĩasya ndeto yake; nũndũ mũthenya wa Yeova nĩ mũnene na wa kũtĩsya mũno; na nũũ ũla ũtonya kũwũmĩĩsya?</verse>
				<verse number="12">Ĩndĩ o na yu, easya ũu Yeova, ĩnthyũũĩei nyie na ngoo syenyu syonthe, na kũtĩĩa kũya, na kũĩa, na kũmeta:</verse>
				<verse number="13">na mũkĩtembũa ngoo syenyu, na tĩ ngũa syenyu, na mũkĩmwĩthyũũĩa Yeova Ngai wenyu; nũndũ nĩ mũseo na e tei, mũmĩĩsya wa kũthata, na e na ũseo mwingĩ wĩ wendo, na etũngaa ndakeke ũla ũthũku.</verse>
				<verse number="14">Nũũ wĩsĩ ethĩwa ndeĩthyũũa na kwĩtũnga, na kũtia ũathimo ĩtina wake, o nthembo ya mũtu na nthembo ya kũnyuwa ya Yeova Ngai wenyu?</verse>
				<verse number="15">Vuvĩai soo Saioni, vathai ĩvinda ya kũtĩĩa kũya, mete mombane ũmbano ũkilĩtye;</verse>
				<verse number="16">ũmban’yai andũ, vathan’yai ũmbano wĩthĩwe mũtheu, ũmban’yai atumĩa, ũmban’yai syana, o na tũla twongaa; mũtwaani naume nyũmbanĩ yake ya nthĩnĩ, na mũtwawa naume nyũmbanĩ yake ya nthĩnĩ.</verse>
				<verse number="17">Athembi, athũkũmi ma Yeova, nĩmaĩe me katĩ wa valasya na kĩthembeo, na nĩmasye, Ekea andũ maku, ame Yeova, na ndũkanengane ũtiĩwa waku ũvũthĩĩw’e, kana i mbaĩ imasumbĩke: nĩ ũndũ wa kĩ kwĩse kũneenanw’a katĩ wa ngo sya andũ makyasya, Ngai woo aĩva?</verse>
				<verse number="18">Nĩvo ĩndĩ Yeova wewie kĩwĩu nũndũ wa nthĩ yake, na eew’ĩa andũ make ĩnee.</verse>
				<verse number="19">Na Yeova asũngĩa na amea andũ make, Sisyai, ngamũetee lĩu wa mbaa ngetha, na mbinyu mbĩthĩ, na mauta, na mũkeanĩwa nĩsyo; na ndikatuma mũvũthĩĩw’a ĩngĩ katĩ wa i mbaĩ;</verse>
				<verse number="20">ĩndĩ ngaveta ita sya kaũ sya ngalĩ ya ĩũlũ kũasa nenyu, na kwilũngĩlĩĩlya nthĩ nyũmũ na nthei, kĩlungu kya mbee kyasyo ũkanganĩ wa ngalĩ ya wumĩlonĩ wa syũa, na kĩlungu kya ĩtina ũkanganĩ wa ũthũĩlonĩ wa syũa; na mũnyungo wasyo mũthũku ũkataavũka, na mũuke wasyo mũthũku ũkataavũka, nĩkwĩthĩwa nĩsyĩkĩte maũndũ manene.</verse>
				<verse number="21">Ndũkakĩe, we nthĩ, tana na kwĩw’a mũyo; nũndũ Yeova nĩwĩkĩte maũndũ manene.</verse>
				<verse number="22">Mũikakĩe, inyw’ĩ nyamũ sya kĩthekanĩ; nũndũ isesi sya weũnĩ nithongooete, nũndũ mũtĩ nũsyaĩte ũsyao waw’o, mũkũyũ na mũsavivũ nĩyumĩlĩtye vinya wayo.</verse>
				<verse number="23">Tanai ĩndĩ, inyw’ĩ ana ma Saioni, na kwĩw’ĩa Yeova Ngai wenyu mũyo; nũndũ nũmũnengae mbua ya nthwa na kĩthimi kya w’o, na nũtumaa mbua yua nũndũ wenyu, mbua ya nthwa na mbua ya uũa mwei wa mbee.</verse>
				<verse number="24">Na ivũĩo ikausũwa nĩ nganũ, na maviva makausũa na kũng’okwa nĩ mbinyu mbĩthĩ na mauta.</verse>
				<verse number="25">Na ngamũtũngĩa myaka ĩla yalĩkile nĩ ngie, na mbandi, na kĩthesa, na kĩtĩlĩ, nguthu yakwa nene ya kaũ, ĩla ndũmĩte katĩ wenyu.</verse>
				<verse number="26">Na mũkaya mwĩanĩwe na kũvũna, na kũtaĩa syĩtwa ya Yeova Ngai wenyu, ũla ũmwĩkĩte maũndũ ma ũseng’ya; na andũ makwa matikasonokw’a o na ĩndĩĩ.</verse>
				<verse number="27">Na mũkamanya kana nyie nĩ katĩ wa Isilaeli, na kana ninyie Yeova Ngai wenyu, o na kũti ũngĩ; na andũ makwa matikasonokw’a o na ĩndĩĩ.</verse>
				<verse number="28">Na kũkeethĩwa ĩtina wa ũu, kana ngamĩtulũĩla mĩĩ yonthe Veva wakwa; na ana menyu na eĩtu menyu makathana, atumĩa menyu makaota ndoto, anake menyu makoona mawoni:</verse>
				<verse number="29">na ĩngĩ ngaitulũĩla ngombo, aũme na aka, Veva wakwa mĩthenyanĩ ĩsu.</verse>
				<verse number="30">Na ngoonan’ya moseng’yo matunĩ na nthĩ: nthakame, na mwaki, na ituĩ sya syũki.</verse>
				<verse number="31">Syũa yĩkaalyũkw’a yĩthĩwe kĩvindu, na mwei wĩthĩwe nthakame, mbee wa mũthenya mũnene na wa ũtĩsya wa Yeova ũtanoka.</verse>
				<verse number="32">Na kũkeethĩwa, o ũla ũkekaĩla syĩtwa ya Yeova nũkatangĩĩwa; nũndũ kĩĩmanĩ kya Saioni na Yelusaleme vakeethĩwa ala makavonoka, o tondũ Yeova waĩtye, na katĩ wa ũtialo vakeethĩwa ala Yeova ũketa.</verse>
			</chapter>
			<chapter number="3">
				<verse number="1">Nũndũ, sisya, mĩthenya ĩsu, na ĩvinda yĩu, yĩla ngatũnga Yuta na Yelusaleme maume kũtavwanĩ,</verse>
				<verse number="2">nĩngomban’ya mbaĩ syonthe, na ngaitheesya mwandanĩ wa Yeosavati; na ngaisilĩĩla o vo nũndũ wa andũ makwa na nũndũ wa ũtiĩwa wakwa Isilaeli, ala syanyaĩĩkisye katĩ wa mbaĩ i ingĩ: na syaaan’ya nthĩ yakwa,</verse>
				<verse number="3">na syalimana nũndũ wa andũ makwa, na syakũan’ya kĩvĩsĩ na ĩlwaya, na kũthoosya mwĩĩtu nũndũ wa mbinyu, nĩ kana manyw’e.</verse>
				<verse number="4">Ĩĩ, na inyw’ĩ, we Tile, na Sitoni, na nthĩ syonthe sya Vilisitia mwĩ kyaũ kwakwa? Mũkeetũngĩa mwĩkũle vala nĩĩ? Na ethĩwa mũkeekũlanĩlya kwakwa, mĩtũkĩ nzembete ngatũnga wĩkũlo wenyu ĩũlũ wa mũtwe wenyu.</verse>
				<verse number="5">Nĩkwĩthĩwa nĩmwosete vetha wakwa na thaavu wakwa, na mwatwaa makalũnĩ menyu syĩndũ syakwa nzeo syĩ vata mũno,</verse>
				<verse number="6">na nĩmũthooetye ana ma Yuta na ana ma Yelusaleme kwa ana ma Akiliki, nĩ kana mũmavete kũasa na mũvaka woo;</verse>
				<verse number="7">sisyai, ngamokĩlya kuma vala mwamathooisye, na ngatũnga wĩkũlo wenyu ĩũlũ wa mũtwe wenyu ene;</verse>
				<verse number="8">nakwa ngathoosya ana menyu na eĩtu menyu kw’okonĩ kwa ana ma Yuta, namo makamathoosya kwa andũ ma Sieva, kwa mbaĩ yĩ kũasa: nũndũ Yeova nũneenete ũu.</verse>
				<verse number="9">Tavan’yai ũndũ ũũ katĩ wa i mbaĩ; ĩyũmbanĩsyei kaũ; ũkĩlyai ngũmbaũ; andũ onthe ma kaũ nĩmathengeee, na nĩmambate.</verse>
				<verse number="10">Tusyai mĩthya ya maembe menyu ma ng’ombe ĩtw’ĩke mbyũ, na tũvyũ twĩ ngoto twa ũsea tũtw’ĩke matumo: ũla mwonzu nĩasye, Nĩ na vinya.</verse>
				<verse number="11">Ĩkalaatei, na mũkyũka, inyw’ĩ mbaĩ syonthe ila ithyũlũlũkĩte kw’onthe, na mũkyũmbana vamwe: tuma a me ũtonyi maku matheea kw’o, ame Yeova.</verse>
				<verse number="12">Eka mbaĩ syĩyũkĩlye, na kwambata mwandanĩ wa Yeosavati; nũndũ ngekala nthĩ kw’o nzilĩle mbaĩ syonthe ila ithyũlũlũkĩte kw’onthe.</verse>
				<verse number="13">Likyai kavyũ ke ngoto mũkethe; nũndũ ngetha nĩ mbĩu: ũkai, mũange; nũndũ kĩangĩo kya nzavivũ nĩ kyusũu, maviva nĩ mausĩe na kũng’okwa; nũndũ ũthũku woo nĩ mũnene.</verse>
				<verse number="14">Nguthu, nguthu mwandanĩ wa kũtw’ĩwa maũndũ! Nũndũ mũthenya wa Yeova wĩ vakuvĩ mwandanĩ wa kũtw’ĩwa maũndũ.</verse>
				<verse number="15">Syũa na mwei niĩsaa kĩvindu, na ndata niekaa kũtisa kwayo.</verse>
				<verse number="16">Na Yeova akaluma e Saioni, na kumya wasya wake e Yelusaleme; na matu na nthĩ ikathingitha: ĩndĩ Yeova akeethĩwa wĩvitho wa andũ make, na ngome yĩ vinya kwa ana ma Isilaeli.</verse>
				<verse number="17">Kwondũ wa ũu mũkamanya kana ninyie Yeova Ngai wenyu, ndwĩe Saioni kĩĩmanĩ kyakwa kĩtheu: nĩvo Yelusaleme ĩkethĩwa ntheu, na vatikethĩwa aeni mamĩvĩtĩla ĩngĩ.</verse>
				<verse number="18">Na kũkeethĩwa mũthenya ũsu, atĩ iĩma iketĩkya mbinyu ĩ mũyo, na tũlĩma tũkanyũlũlũkya ĩia, na tũlũsĩ tw’onthe twa Yuta tũkavĩtya manzĩ; na nthongo ĩkaumĩlĩla nyũmbanĩ ya Yeova, na ĩkanyithya mwanda wa Sitimu.</verse>
				<verse number="19">Misili ĩkeethĩwa nthei, na Etomu ĩkeethĩwa weũ mũthei, nũndũ wa ũng’endu ũla wĩkĩtwe ana ma Yuta, nĩkwĩthĩwa nĩmetĩkisye nthakame ĩte ĩvĩtyo nthĩ yoo.</verse>
				<verse number="20">Ĩndĩ Yuta akekalaa tene na tene, na Yelusaleme nzyawa na nzyawa.</verse>
				<verse number="21">Na ngathesya nthakame yoo, ĩla ndaathesya: nũndũ Yeova atwĩe Saioni.</verse>
			</chapter>
		</book>
		<book number="30">
			<chapter number="1">
				<verse number="1">Ndeto sya Amosi, ũla waĩ katĩ wa aĩthi ma Tekoa, ila wonie ũndũ wa Isilaeli mĩthenya ya Usia mũsumbĩ wa Yuta, na mĩthenya ya Yelovoamu mwana wa Yoasi mũsumbĩ wa Isilaeli, myaka ĩlĩ mbee wa kĩla kĩtetemo kya nthĩ.</verse>
				<verse number="2">Na asya, Yeova akaluma e Saioni, na kumĩlĩlya wasya wake e Yelusaleme; na isesi sya aĩthi ikameta, na mũthya wa kĩĩma kya Kalimeli ũkooma.</verse>
				<verse number="3">Ũũ nĩw’o Yeova ũnũkwasya: Nũndũ wa mavĩtyo atatũ ma Ndamasiku, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa nĩmavũĩte Ngileati na ivũi sya kĩaa.</verse>
				<verse number="4">Ĩndĩ ngaete mwaki nyũmbanĩ ya Aasaeli, na ũkamina nyũmba nene mbanakavye sya Mbeni‐aatati.</verse>
				<verse number="5">Na ngatũlan’ya kĩvingi kya Ndamasiku, na kũmũveta ũla ũtwĩe mwandanĩ wa Aveni, na ũla ũkwete ndata ya ũsumbĩ kuma nyũmbanĩ ya Eteni; na andũ ma Silia makaenda me atave kũvika Kili, easya ũu Yeova.</verse>
				<verse number="6">Ũũ nĩw’o Yeova ũnũkwasya: Nũndũ wa mavĩtyo atatũ ma Ngasa, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa nĩmatavie mbaĩ nima, nĩ kana mamanengane kwa Etomu.</verse>
				<verse number="7">Ĩndĩ ngaete mwaki ĩũlũ wa ũvai wa Ngasa, na ũkamina nyũmba nene mbanakavye syayo.</verse>
				<verse number="8">Na ngamũveta ũla ũtwĩe Asitoti, na ũla ũkwete ndata ya ũsumbĩ Asikeloni; na ngathyũũĩa Ekiloni kw’oko kwakwa; na ũtialo wa Avilisiti ũkaa, easya ũu Mwĩaĩi Yeova.</verse>
				<verse number="9">Ũũ nĩw’o Yeova ũnũkwasya: Nũndũ wa mavĩtyo atatũ ma Tile, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa manenganie mbaĩ nima kwa Etomu, na matyaalilikana ũtianĩo wa ana‐a‐ĩthe.</verse>
				<verse number="10">Ĩndĩ ngaete mwaki ĩũlũ wa ũvai wa Tile, na ũkamina nyũmba nene mbanakavye syayo.</verse>
				<verse number="11">Ũũ nĩw’o Yeova ũnũkwasya: Nũndũ wa mavĩtyo atatũ ma Etomu, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa amũatĩĩe mwana‐a‐ĩthe e na ũvyũ, na avetete ĩnee yonthe, na ũthatu wake watembũangaa mavinda onthe, na nĩwekalaa na ũthatu wake ĩndĩ yonthe.</verse>
				<verse number="12">Ĩndĩ ngaete mwaki ĩũlũ wa Temani, na ũkamina nyũmba nene mbanakavye sya Mbosila.</verse>
				<verse number="13">Ũũ nĩw’o Yeova ũnũkwasya: Nũndũ wa mavĩtyo atatũ ma ana ma Amimoni, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa mamataũie aka me aito ma Ngileati, nĩ kana makũĩĩsye mĩvaka yoo.</verse>
				<verse number="14">Ĩndĩ ngakwatya mwaki ũvainĩ wa Lava, na ũkamina nyũmba nene mbanakavye syayo, vamwe na kua mbu mũthenya wa kaũ, na kĩuutani mũthenya wa kĩlingĩ;</verse>
				<verse number="15">na mũsumbĩ woo akaenda e mũtave, we vamwe na anene make me mbee ũsumbĩnĩ, easya ũu Yeova.</verse>
			</chapter>
			<chapter number="2">
				<verse number="1">Ũũ nĩw’o Yeova ũnũkwasya: Nũndũ wa mavĩtyo atatũ ma Moavi, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa avĩvisye mavĩndĩ ma mũsumbĩ wa Etomu matw’ĩka sokaa.</verse>
				<verse number="2">Ĩndĩ ngaete mwaki ĩũlũ wa Moavi, na ũkamina nyũmba nene mbanakavye sya Keliothi; na Moavi ĩkakw’ĩa kĩtuunĩ, na mbu, na wasya wa soo;</verse>
				<verse number="3">na ngaveta mũsili aume katĩ wayo, na kũaa anene onthe mayo me mbee ũsumbĩnĩ vamwe nake, easya ũu Yeova.</verse>
				<verse number="4">Ũũ nĩw’o Yeova ũnũkwasya: Nũndũ wa mavĩtyo atatũ ma Yuta, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa nĩmaleete mĩao ya Yeova, na matyaasũvĩa myamũlo yake, na movũngũ moo nĩmamavĩtĩthĩtye, ala aaĩthe moo maatĩĩe.</verse>
				<verse number="5">Ĩndĩ ngaete mwaki ĩũlũ wa Yuta, na ũkamina nyũmba nene mbanakavye sya Yelusaleme.</verse>
				<verse number="6">Ũũ nĩw’o Yeova ũnũkwasya: Nũndũ wa mavĩtyo atatũ ma Isilaeli, ĩĩ, nũndũ wa ana, ndikathyũũa ũsilĩlo wayo; nĩkwĩthĩwa nĩmathooetye ala alũngalu vetha, na nĩmathooetye athĩni iatũ ilĩ—</verse>
				<verse number="7">o ala mendaa mũno kĩtoo kya nthĩ kĩthĩwe mĩtwenĩ ya ngya, na kwelelũkasya nzĩa ya ũla mũuu: na mũndũ na ĩthe makĩenda kwa mwĩĩtu ũmwe, mavukye syĩtwa yakwa ĩtheu:</verse>
				<verse number="8">na nĩmekomasya nthĩ ũtee wa kĩla kĩthembeo ĩũlũ wa ngũa syaiiwe ngwatĩlĩlyo; na nyũmbanĩ ya Ngai woo manyusĩaa mbinyu ya asu maumĩtw’e vaini.</verse>
				<verse number="9">Ĩndĩ nĩnaanangie Mũamoli mbee woo, ũla ũasa wake waĩ ta ũasa wa mĩtĩ ya mĩkũũ, na aĩ vinya ta mĩtĩ ya myaloni; ĩndĩ nĩnaanangie ũsyao wake kuma ĩũlũ, na mĩi yake kuma nthĩ.</verse>
				<verse number="10">Ĩngĩ nĩnamwambatisye kumumya nthĩ ya Misili, na namũtongoesya myaka mĩongo ĩna weũnĩ, mũmesye nthĩ ya Mũamoli.</verse>
				<verse number="11">Nakwa nookĩlilye athani ananĩ menyu, na Anasili anakenĩ menyu. Ti o ũu, inyw’ĩ ana ma Isilaeli? Ekũlya ũu Yeova.</verse>
				<verse number="12">Ĩndĩ nĩmwanengie Anasili mbinyu manyw’e, na mweeaĩa athani, mũkĩmea, Mũikathane.</verse>
				<verse number="13">Sisyai, ngamũvinyĩĩa vala mũĩ, o tondũ ĩkasya yĩvinyĩĩaa yusũĩtwe nĩ syove sya ngetha.</verse>
				<verse number="14">Na kũsemba kũkaaa kwa mũsembi; na ũla wĩ vinya ndakeyongeleela vinya; o na ũla wĩ ũtonyi ndaketangĩĩa mwene;</verse>
				<verse number="15">o na ũla wĩkalaa na ũta ndakaũngama; o na ũla wĩ maũũ mũno ndaketangĩĩa mwene; o na ũla ũtũlaa mbalasi ndaketangĩĩa mwene;</verse>
				<verse number="16">na ũla wĩ ũkũmbaũ katĩ wa ala me ũtonyi akakĩa e mũthei mũthenya ũsu, easya ũu Yeova.</verse>
			</chapter>
			<chapter number="3">
				<verse number="1">Ĩw’ai ndeto ĩno ĩla Yeova ũneenete ĩũlũ wenyu, inyw’ĩ ana ma Isilaeli, ĩũlũ wa mũvĩa mũima ũla nambatisye kuma nthĩ ya Misili, ngyasya,</verse>
				<verse number="2">No inyw’ĩ nĩsĩ katĩ wa mĩvĩa yonthe ya nthĩ: kwondũ wa ũu ngamũsilĩlaa ũndũ wa mothũku menyu onthe.</verse>
				<verse number="3">Elĩ makaendan’ya vamwe, matew’anĩte?</verse>
				<verse number="4">Mũnyambũ ũkaluma kĩthekanĩ yĩla ũtakwatĩte? Mũnyambũ wa mũika ũkakoomea kĩsumonĩ kyaw’o, ethĩwa ndũkwete kĩndũ?</verse>
				<verse number="5">Nyũnyi nĩtonya kũkwatw’a nĩ kĩtei ĩũlũ wa nthĩ, vala ĩtaseũvĩw’e kĩtei? Kĩtei kĩkavyanyũka nthĩ, kĩtakwatĩtye kĩndũ nongi?</verse>
				<verse number="6">Soo ũkavuvĩwa ndũanĩ, na andũ mailea ũkĩa? Ũthũku ũkakwata ndũa, na ti Yeova ũwĩkĩte?</verse>
				<verse number="7">Nĩ w’o, Mwĩaĩi Yeova ndakeka ũndũ, ateũvuanĩsya athũkũmi make athani nzama yake.</verse>
				<verse number="8">Mũnyambũ nũminĩte kũluma; nũũ ũteĩw’a w’ĩa? Mwĩaĩi Yeova nũneenete; nũũ ĩndĩ ũtonya kũlea kwathana?</verse>
				<verse number="9">Nyaĩĩkyai ũvoo nyũmbanĩ nene mbanakavye vu Asitoti, na nyũmbanĩ nene mbanakavye nthĩ ya Misili, na kwasya, Ũmbanĩai iĩmanĩ sya Samalia, na mũisisya ũndũ inenevete ituu ila syĩ vo nthĩnĩ, na ũndũ mathĩna manenevete katĩ wasyo.</verse>
				<verse number="10">Nũndũ matyĩsĩ kwĩka w’o, easya Yeova, ala meyiĩaa ũng’endu na ũvutani nyũmbanĩ nene syoo mbanakavye.</verse>
				<verse number="11">Kwondũ wa ũu Mwĩaĩi Yeova easya atĩĩ: Kũkeethĩwa mũmaitha, o na kũthyũlũlũka ĩ nthĩ; na akavalũkya vinya waku nthĩ wume kwaku, na nyũmba syaku nene mbanakavye ikeethĩwa syĩ ndave.</verse>
				<verse number="12">Ũũ nĩw’o Yeova ũnũkwasya: O tondũ mũĩthi ũvonokanasya maũũ elĩ kuma kanyw’anĩ wa mũnyambũ, kana kĩlungu kya kũtũ, o ta ũu ana ma Isilaeli makavonokanw’a mekalaa Samalia kĩkotonĩ kya ũkomo, na ĩũlũ wa mĩto ya alili ya ũkomo.</verse>
				<verse number="13">Ĩw’ai inyw’ĩ, na kũsĩĩai nyũmba ya Yakovo, easya ũu Mwĩaĩi Yeova, Ngai wa nguthu.</verse>
				<verse number="14">Nũndũ mũthenya ũla nĩsilĩla Isilaeli ũndũ wa mavĩtyo make, ngasilĩla ithembeo sya Mbethi‐eli nasyo; na mbya sya kĩthembeo ikatilwa, na kũvalũka nthĩ.</verse>
				<verse number="15">Na ngakũna nyũmba ya ĩvinda ya mbevo vamwe na nyũmba ya ĩvinda ya syũa; na nyũmba iseũvĩtw’e na maeo ma nzou ikaanangĩka, na nyũmba ila nene ikathela, easya ũu Yeova.</verse>
			</chapter>
			<chapter number="4">
				<verse number="1">Ĩw’ai ndeto ĩno, inyw’ĩ ng’ombe nga sya Mbasani, ila syĩ kĩĩmanĩ kya Samalia, ila ithĩnasya ngya, na kũvinyĩĩa athĩni, ila syĩaa eaĩi masyo, Etei, tũnyw’e.</verse>
				<verse number="2">Mwĩaĩi Yeova nĩwĩvĩtĩte na ũtheu wake, sisyai, mĩthenya nĩkamũkĩa, ĩla makamũtwaa na mboloi, na ũtialo wenyu na ngolya sya ũkwatya makũyũ.</verse>
				<verse number="3">Nenyu nĩmũkaumaalĩla vala ve movũthũe, kĩla ũmwe aeleele mbee wake; na mũkeeyĩkya inyw’ĩ ene Alimoni, easya ũu Yeova.</verse>
				<verse number="4">Ũkai Mbethi‐eli, mũvĩtye; ũkai Ngilikali, mwongeleele mavĩtyo; na etei nthembo syenyu kĩla kĩoko, na ilungu syenyu sya ĩkũmi ĩtina wa kĩla mĩthenya ĩtatũ;</verse>
				<verse number="5">na thembai nthembo ya mũvea ya kĩla kĩkĩĩtwe ĩlawa, na tavan’yai na kũnyaĩĩkya ũvoo wa nthembo sya kumya na ngoo ya kwenda: nũndũ ũu nũmwendeeasya, inyw’ĩ ana ma Isilaeli, easya ũu Mwĩaĩi Yeova.</verse>
				<verse number="6">O na ĩngĩ nakwa nĩnĩmũnengete maeo momũ ndũanĩ syenyu syonthe, na kwaĩwa nĩ kĩmũtũ kũndũ kwenyu kw’onthe; ĩndĩ mũtinzyokeete, easya ũu Yeova.</verse>
				<verse number="7">O na ĩngĩ nakwa nĩnĩmĩsiĩĩe mbua ndĩkaue kwenyu, yĩla vatiele myei ĩtatũ kũvikĩa ngetha; na namyusya ndũanĩ ĩmwe, na natuma ĩtaua ndũanĩ ĩngĩ: kĩlungu kĩmwe nĩkyauie, na kĩlungu kĩla kĩtaaua kyooma.</verse>
				<verse number="8">Na ĩndĩ ndũa ilĩ kana itatũ syanganga syathi ndũanĩ ĩmwe inyw’e kĩw’ũ, na ityaalaũka; ĩndĩ mũtinzyokeete, easya ũu Yeova.</verse>
				<verse number="9">Nĩnĩmũkũnĩte na wũmanĩlu na mbuka: wingĩ wa mĩũnda yenyu na mĩũnda yenyu ya mĩsavivũ na mĩkũyũ yenyu na mĩthata yenyu kĩtĩlĩ nĩkĩminĩte: ĩndĩ mũtinzyokeete, easya ũu Yeova.</verse>
				<verse number="10">Nĩnĩetete katĩ wenyu mũimũ o ta mũthemba ũla wa Misili: anake menyu nĩnĩmoaĩte na ũvyũ, na nĩndwaĩte mbalasi syenyu; na nĩndumĩte mũnyungo mũthũku wa mwakonĩ wa maeema wenyu wambata o na manyiũũnĩ menyu: ĩndĩ mũtinzyokeete, easya ũu Yeova.</verse>
				<verse number="11">Nĩnĩng’uthũlangĩte ndũa katĩ wenyu, o ta yĩla Ngai wang’uthũlangile Sotomo na Ngomola, na mwailyĩ kĩsinga kĩvulĩtw’e yekethenĩ: ĩndĩ mũtinzyokeete, easya ũu Yeova.</verse>
				<verse number="12">Kwondũ wa ũu ngakwĩka ũu, we Isilaeli; na nĩkwĩthĩwa ngakwĩka ũu, ĩyũmban’ye kũkomana na Ngai waku, we Isilaeli.</verse>
				<verse number="13">Nũndũ, sisya, ũsu wũmbaa iĩma, na wũmba kĩseve, na aivuanĩsya mũndũ ũla wĩ kĩlilikanonĩ kyake; ũla ũtusaa kĩoko kĩvindu, na kũkinyangaa kũndũ kũtũlu kwa nthĩ — Yeova, Ngai wa nguthu, nĩyo syĩtwa yake.</verse>
			</chapter>
			<chapter number="5">
				<verse number="1">Ĩw’ai, inyw’ĩ, ndeto ĩno ĩla ngũneena ĩtw’ĩke kĩĩo kya kũmũĩĩa, inyw’ĩ nyũmba ya Isilaeli.</verse>
				<verse number="2">Mwĩĩtu mũtheu wa Isilaeli nũvalũkĩte; ndakokĩla ĩngĩ: nĩwĩkĩtw’e nthĩ ĩũlũ wa nthĩ yake; vai ũmwe wa kũmũkĩlya.</verse>
				<verse number="3">Nũndũ ũũ nĩw’o Mwĩaĩi Yeova ũnũkwasya: Ndũa ĩla yaumaalile me ngili ĩkatiala ĩana, na ĩla yaumaalile me ĩana ĩkatiala ĩkũmi, ma nyũmba ya Isilaeli.</verse>
				<verse number="4">Nũndũ Yeova etavya nyũmba ya Isilaeli atĩĩ, Manthai nyie, na mũkeethĩwa thayũ;</verse>
				<verse number="5">ĩndĩ mũikamanthe Mbethi‐eli, o na mũikalike Ngilikali, na mũikavĩte mũthi Mbeeli‐sieva: nũndũ vate ndĩi Ngilikali ĩkaenda yĩ ndave, na Mbethi‐eli ĩkatw’ĩka mana.</verse>
				<verse number="6">Manthai Yeova, na mũkeethĩwa thayũ; ndakese kwakana ta mwaki nyũmbanĩ ya Yosevu, na kũmĩmina, na kũtikethĩwa wa kũvosya nthĩnĩ wa Mbethi‐eli.</verse>
				<verse number="7">Inyw’ĩ ala mũalyũlaa ũsili wa katĩ wĩthĩwe kĩndũ kĩ ũũ, na kwĩkya ũlũngalu nthĩ,</verse>
				<verse number="8">mũmanthei ũla ũseũvĩtye Kĩeemea na Olioni, na kũalyũla kyuu kya kĩkw’ũ kĩthĩwe kĩoko, na kũtw’ĩkĩthya mũthenya kĩvindu kwondũ wa kũtuka; ũla wĩtaa manzĩ ma ũkanga moke, na aimatulũla ĩũlũ wa nthĩ (Yeova nĩyo syĩtwa yake);</verse>
				<verse number="9">ũla ũetae wanangĩko wa kĩthũlũmũko ĩũlũ wa ala me na vinya, na kwondũ wa ũu wanangĩko nĩwũkĩaa ngome.</verse>
				<verse number="10">Nĩnamũmenaa ũla ũmakanĩasya mbingĩlonĩ, na kũmũthĩtha mũno ũla ũneenaa w’o.</verse>
				<verse number="11">Nĩkwĩthĩwa ĩndĩ mũkinyangaa ũla ngya, na kũmumĩthya nganũ na vinya: nĩmwakĩte nyũmba sya mavia masũvye, ĩndĩ mũikatũa nthĩnĩ wasyo; nĩmũvandĩte mĩũnda ya mĩsavivũ mĩseo, ĩndĩ mũikanyw’a mbinyu yayo.</verse>
				<verse number="12">Nũndũ nĩnĩsĩ mavĩtyo menyu ũndũ maingĩvĩte, na naĩ syenyu ũndũ inenevete — inyw’ĩ ala mũthĩnasya alũngalu, na kwosa ĩvaki, na kwathũkya athĩni ala me mbingĩlonĩ matikose kĩla kyoo.</verse>
				<verse number="13">Kwondũ wa ũu ũla wĩ kĩlĩko akakilya ĩvinda ta yĩu; nũndũ nĩ ĩvinda ĩthũku.</verse>
				<verse number="14">Manthai ũseo, na ti ũthũku, nĩ kana mwĩthĩwe thayũ; na ĩndĩ Yeova, Ngai wa nguthu, akeethĩwa nenyu, o tondũ mwaasya.</verse>
				<verse number="15">Menai ũla ũthũku, na mũkyenda ũla ũseo, na kũlũlũmĩlya ũsili wa katĩ mbingĩlonĩ: nokwĩthĩwa Yeova, Ngai wa nguthu, eĩka ũtialo wa Yosevu nesa.</verse>
				<verse number="16">Kwondũ wa ũu Yeova, Ngai wa nguthu, Mwĩaĩi, easya atĩĩ: Kĩĩo kĩkeethĩwa nzĩanĩ nthanthau syonthe; na makaĩĩaa nzĩanĩ nene syonthe, Ĩiaa! Ĩiaa! Na makeeta mũĩmi kĩmetonĩ, na ala ai kũĩanĩ maĩe.</verse>
				<verse number="17">Na mĩũndanĩ yonthe ya mĩsavivũ kũkeethĩwa kĩĩo; nũndũ ngavĩtĩla katĩ waku, easya ũu Yeova.</verse>
				<verse number="18">Woo nĩ wenyu ala mwendaa mũthenya ũsu wa Yeova! Nĩ ũndũ wa kĩ mũkwenda kwĩthĩwa na mũthenya wa Yeova? Nĩ kĩvindu, na ti kyeni.</verse>
				<verse number="19">No ta kethĩwa mũndũ akakĩa mũnyambũ, na nduva ĩkakomana nake; kana akĩenda nyũmba na kwaĩĩsya kw’oko kwake wakonĩ, na nzoka ĩkĩmũũma.</verse>
				<verse number="20">Mũthenya ũsu wa Yeova ndũkethĩwa kĩvindu, na ti kyeni? O kĩvindu kĩnene, na vate ũtisu nthĩnĩ waw’o?</verse>
				<verse number="21">Nĩngũmena, nĩngũvũthya mboka syenyu, o na nditanaw’a nĩ maũmbano menyu makilĩtye.</verse>
				<verse number="22">Ĩĩ, o na mwanthembea nthembo syenyu sya kũvĩvw’a na nthembo sya mũtu, ndikasyĩtĩkĩla; o na ndikasyĩtĩkĩla nthembo sya mũuo sya indo syenyu nou.</verse>
				<verse number="23">Veta wasya wa mbathi syaku vala nĩĩ; nũndũ ndikew’a wasya wa tũnanda twaku.</verse>
				<verse number="24">Ĩndĩ ũsili wa katĩ ũtheee ta manzĩ, na ũlũngalu ta ũsĩ mũnene.</verse>
				<verse number="25">Mwaandetee nthembo sya kũtonywa na nthembo sya mũtu weũnĩ myaka mĩongo ĩna, inyw’ĩ nyũmba ya Isilaeli?</verse>
				<verse number="26">Ĩĩ, nĩmwakuie kakalũ ka mũsumbĩ wenyu na kakalũ ka mĩvw’anano yenyu, ndata ya ngai yenyu, ila mweeseũvĩsye ene.</verse>
				<verse number="27">Kwondũ wa ũu ngatuma mũenda mwĩ atave mbee wa Ndamasiku, easya ũu Yeova, ũla syĩtwa yake nĩ Ngai wa nguthu.</verse>
			</chapter>
			<chapter number="6">
				<verse number="1">Woo nĩ wa ala methũmũĩtye Saioni, na wa ala mekalĩte meyelele kĩĩmanĩ kya Samalia, andũ me na nguma ma mbaĩ ĩla yĩ na ũnene, ala nyũmba ya Isilaeli ĩendaa kwoo!</verse>
				<verse number="2">Vĩtai mũende Kalene, na mũisisya; na kuma vo endai Amathi ĩla nene; na ĩndĩ theeai Ngathi ya Avilisiti: me kavaa kwĩ mosumbĩ asu? Kana mũvaka wamo nĩ mũnene kwĩ mũvaka wenyu?</verse>
				<verse number="3">Inyw’ĩ ala mũtwaangaa mũthenya Mũthũku kũasa, na kũtuma wĩkalo wa ũng’endu ũthengeea;</verse>
				<verse number="4">ala makomaa mokomonĩ ma maeo ma nzou, na kwĩkooteaa mokomonĩ moo, na kũĩsaa tũtena twa malondu maumĩtye ndĩthyanĩ, na tũsaũ maumĩtye kĩtũũnĩ;</verse>
				<verse number="5">ala mainaa mbathi sya mana na wasya wa kananda; ala meyambĩlĩlĩasya syĩndũ sya kũinga, o ta Ndaviti;</verse>
				<verse number="6">na ala manywĩaa mbinyu mbakũlinĩ, na kwĩvaka ene mauta ala maseo mbee; ĩndĩ ĩndĩ mati na woo nũndũ wa thĩna wa Yosevu.</verse>
				<verse number="7">Kwondũ wa ũu yu makaenda me atave vamwe na ala metavwa mbee; na kĩsekele kya ala meekootaa kĩkathela.</verse>
				<verse number="8">Mwĩaĩi Yeova nĩwevĩtie nake mwene, easya ũu Yeova, Ngai wa nguthu: Nĩngũthĩtha ũnene wa Yakovo, na nĩngũmena nyũmba nene syake mbanakavye; kwondũ wa ũu nganengane ĩ ndũa na syonthe ila syĩ nthĩnĩ wayo.</verse>
				<verse number="9">Na kũkeethĩwa, ethĩwa vakatiala andũ ĩkũmi nyũmbanĩ ĩmwe, makakw’a.</verse>
				<verse number="10">Na yĩla mwendw’a‐ĩthe wa mũndũ ũla mũkw’u wĩũkĩlya ĩ kimba, aumye mavĩndĩ nyũmbanĩ, o ũsu wĩkĩvĩvya, na akakũlya ũla wĩ kũndũ kwĩ nthĩnĩ kwa nyũmba, Ve o ũmwe wĩ naku? Nake akasũngĩa, Aiee; nĩvo ĩndĩ wĩasya, Kilya ki; nũndũ tũtitonya kũweta syĩtwa ya Yeova.</verse>
				<verse number="11">Nũndũ, sisya, Yeova nĩwaĩaĩte, na nyũmba ĩla nene ĩkakũnwa ĩye mawatũe, na nyũmba ĩla nini ĩye mawatũku.</verse>
				<verse number="12">Mbalasi ikasembela ĩvianĩ? Ve ũmwe wĩĩma vo na ng’ombe? Ũndũ inyw’ĩ mũalyũlĩte ũsili wa katĩ ũtw’ĩke nyongo, na ũsyao wa ũlũngalu ũtw’ĩke kĩndũ kĩ ũũ;</verse>
				<verse number="13">inyw’ĩ ala mũtanĩaa ũndũ wa mana, na kwasya, Tũtyĩyoseete mbya na vinya witũ ene?</verse>
				<verse number="14">Nũndũ, sisyai, ngamũkĩlĩlya mbaĩ, inyw’ĩ nyũmba ya Isilaeli, easya ũu Yeova, Ngai wa nguthu; na makamũthĩn’ya kuma ũlikĩlonĩ wa Amathi kũvika kalũsĩ ke Alava.</verse>
			</chapter>
			<chapter number="7">
				<verse number="1">Ũũ nĩw’o Mwĩaĩi Yeova wambonisye: na, sisya, oombie ngie mwambĩlĩlyonĩ wa kũthongooa kwa ĩthongooa ya ĩtina; na, sisya, ĩthongooa yĩu ya ĩtina yaĩ ĩtina wa mũsumbĩ eengethya nyeki sya ũĩthyo.</verse>
				<verse number="2">Na kweethĩwa, yĩla syaminũkĩlye kũya nyeki sya nthĩ, nĩvo naisye, Ame Mwĩaĩi Yeova, ekea, nĩngũkwĩsũva: Yakovo akaũngama ata? Nũndũ nĩ mũnini.</verse>
				<verse number="3">Yeova eetũnga ũndũ wa ũu: Ũũ ndũkethĩwa, easya ũu Yeova.</verse>
				<verse number="4">Ũũ nĩw’o Mwĩaĩi Yeova wambonisye: na, sisya, Mwĩaĩi Yeova eetie mokĩlan’yo ma mwaki; na wamina ala manzĩ ma syũngũ nene, na waĩ ũtonya kũya ĩ nthĩ.</verse>
				<verse number="5">Nĩvo naisye, Ame Mwĩaĩi Yeova, eka, nĩngũkwĩsũva: Yakovo akaũngama ata? Nũndũ nĩ mũnini.</verse>
				<verse number="6">Yeova eetũnga ũndũ wa ũu: O na ũũ ndũkethĩwa, easya ũu Yeova.</verse>
				<verse number="7">Ũũ nĩw’o wambonisye: na, sisya, Mwĩaĩi aũngama ũtee wa wako wakĩtwe wĩ mũthime na kavilũ, e na kavilũ kw’okonĩ kwake.</verse>
				<verse number="8">Na Yeova angũlya, Amosi, wĩona kyaũ? Nakwa nasya, Nĩ kavilũ. Nĩvo Mwĩaĩi waisye, Sisya, nĩngwia kavilũ katĩ wa andũ makwa Isilaeli; ndikamavĩta ĩngĩ o na ĩndĩĩ;</verse>
				<verse number="9">na kũla kũndũ kũtũlu kwa Isaka kũkeethĩwa kũthei, na kũla kũndũ kũtheu kwa Isilaeli kũkaanangwa; na ngookĩlĩla nyũmba ya Yelovoamu na ũvyũ.</verse>
				<verse number="10">Nĩvo Amasia mũthembi wa Mbethi‐eli watũmanie kwa Yelovoamu mũsumbĩ wa Isilaeli, akĩmwĩa, Amosi nũkũsamĩĩte katĩ wa nyũmba ya Isilaeli: nthĩ nĩemetwe nĩ kũmĩĩsya ndeto syake syonthe.</verse>
				<verse number="11">Nũndũ Amosi aasya atĩĩ, Yelovoamu akooawa na ũvyũ, na vate ndĩi Isilaeli akatavwa kumw’a nthĩ yake.</verse>
				<verse number="12">Na ĩngĩ Amasia amwĩa Amosi, We mwoni, kĩa, ũthi nthĩ ya Yuta, na ũkĩaa kĩmũtũ kw’o, na kwathanĩaa kw’o:</verse>
				<verse number="13">ĩndĩ ndũkathanĩe ĩngĩ o na ĩndĩĩ vaa Mbethi‐eli; nũndũ nĩ vala vandũ vatheu va mũsumbĩ, na nĩ nyũmba ya kĩũsumbĩ.</verse>
				<verse number="14">Nĩvo Amosi wasũngĩie, na amwĩa Amasia, Ndyaĩ mwathani, o na ndyaĩ mwana wa mwathani; ĩndĩ naĩ mũĩthi, na mũsĩvĩi wa mĩkũyũ:</verse>
				<verse number="15">na Yeova ambosa ngĩĩthya ndĩthya sya mbũi na malondu, na Yeova ambĩa, Enda, wathane andũnĩ makwa ma Isilaeli.</verse>
				<verse number="16">Na yu kwondũ wa ũu ĩw’a ndeto ya Yeova: We wĩmbĩa, Ndũkathanĩe Isilaeli, na ndũkaneenee nyũmba ya Isaka ndeto yaku;</verse>
				<verse number="17">kwondũ wa ũu Yeova easya atĩĩ: Kĩveti kyaku kĩkeethĩwa ĩlwaya ndũanĩ, na ana maku na eĩtu maku makavalũkw’a na ũvyũ, na nthĩ yaku ĩkaaanw’a na ũlii wa kũthima; naku mwene ũkakw’ĩa nthĩ mbuku, na Isilaeli vate ndĩi kũtavwa aumw’e nthĩ yake.</verse>
			</chapter>
			<chapter number="8">
				<verse number="1">Ũũ nĩw’o Mwĩaĩi Yeova wambonisye: na, sisya, kĩkavũ kĩ ũsyao wa ĩvinda ya syũa.</verse>
				<verse number="2">Nake akũlya, Amosi, wĩona kyaũ? Nakwa nasũngĩa, Kĩkavũ kĩ ũsyao wa ĩvinda ya syũa. Nĩvo Yeova wambĩie, Mũminũkĩlyo nĩwooka ĩũlũ wa andũ makwa Isilaeli; ndikamavĩta ĩngĩ o na ĩndĩĩ.</verse>
				<verse number="3">Na mbathi sya ĩkalũ ikatw’ĩka iĩo mũthenya ũsu, easya ũu Mwĩaĩi Yeova: simba ikeethĩwa nyingĩ; kĩla vandũ makasyĩkya nza mavindĩtye.</verse>
				<verse number="4">Ĩw’ai ũũ, inyw’ĩ ala mwendaa kũmelya athĩni, na kũtuma ngya sya nthĩ ithela,</verse>
				<verse number="5">mũkyasya, Mũtiso wa mwei ũkathela ĩndĩĩ, nĩ kana twĩthoosye lĩu wa mbaa ngetha? Na savato ũkathela ĩndĩĩ, nĩ kana tumĩlye nganũ, tũkĩnyivya eva, na tũkyongela sekeli, na kũkenga andũ na ithimi sya ũkengani;</verse>
				<verse number="6">nĩ kana tũthooe ngya na vetha, na kũthooa mũthĩni na iatũ ilĩ, na kũthoosya nganũ ĩla ĩte nzeo?</verse>
				<verse number="7">Yeova nĩwevĩtie na ũnene wa Yakovo, Vate ndĩi ndikolwa nongi nĩ wĩa woo o na ũmwe.</verse>
				<verse number="8">Nthĩ ndĩkatetema nũndũ wa ũu, na kĩla ũmwe ũmĩtwĩe ndakameta? Ĩĩ, ĩkookĩla vyũ ta ũla Ũsĩ; na ĩkathokoana na kũusya ĩngĩ, ta Ũsĩ wa Misili.</verse>
				<verse number="9">Na kũkeethĩwa mũthenya ũsu, ngathũsya syũa yĩ katambanga, na ngatulĩthya nthĩ kĩvindu kwĩ mũthenya kwĩsang’ũlĩtye, easya ũu Mwĩaĩi Yeova.</verse>
				<verse number="10">Na ngaalyũla mboka syenyu itw’ĩke kĩmeto, na mbathi syenyu syonthe itw’ĩke kĩĩo; na ngatuma inyunyu syonthe ivotowa makunia, na ũvaa ĩũlũ wa kĩla mũtwe; na ngakĩtw’ĩkĩthya ta kũĩĩwa kwa mwana e ũmwe, na mũminũkĩlyo wamo ta mũthenya wĩ ũũ.</verse>
				<verse number="11">Sisya, mĩthenya nĩyũkĩte, easya ũu Mwĩaĩi Yeova, ĩla ngaete yũa nthĩ, na ti yũa ya lĩu, o na waũni wa kĩw’ũ, ĩndĩ nĩ ya kwĩw’a ndeto sya Yeova.</verse>
				<verse number="12">Na makangangaa kuma ũkanga kũvika ũkanga, na kuma ngalĩ ya ĩũlũ o na kũvika ngalĩ ya wumĩlonĩ wa syũa; makasemba kũũ na kũũ mamanthe ndeto ya Yeova, na matikamyona.</verse>
				<verse number="13">Mũthenya ũsu eĩtu aseo atheu na anake makanyala nũndũ wa waũni.</verse>
				<verse number="14">Ala mevĩtaa na naĩ ya Samalia, na kwasya, O tondũ ngai yaku, we Ndani, ĩ thayũ; na, O tondũ mwĩkalĩle wa Mbeeli‐sieva wĩ thayũ; makavalũka, na matikokĩla ĩngĩ.</verse>
			</chapter>
			<chapter number="9">
				<verse number="1">Noonie Mwĩaĩi aũngeme ũtee wa kĩthembeo: na asya, Kũna mĩthya ya ituĩ, nĩ kana myalyo ya mĩomo ĩthingithe; noimĩtilangĩla ilungu mĩtwenĩ yoo yonthe; na ngooaa ũtialo woo na ũvyũ: vati ũmwe wamo ũkakĩa, na vati ũmwe wamo ũkavonoka.</verse>
				<verse number="2">O na makenza kũvika Seoli, kw’oko kwakwa kũkamaumya o vo; o na makambata ĩtunĩ, ngamatũnga nthĩ kuma vo.</verse>
				<verse number="3">O na makeevitha ene kĩĩmanĩ kya Kalimeli ĩũlũ, ngamantha na kũmaumya o vo; o na me avithe kyũngũnĩ kya ũkanga ndikamone, o vo ngeeaĩa nzoka, na ĩkamaũma.</verse>
				<verse number="4">O na makaenda mbee wa amaitha moo me atave, o vo ngeeaĩa ũvyũ, na ũkamoaa: na ngamaketeea na metho makwa nĩmeke naĩ, na ndimeka nesa.</verse>
				<verse number="5">Nũndũ Mwĩaĩi, Yeova wa nguthu, nĩwe ũla ũkiitaa nthĩ na ĩkĩtweka, na onthe ala mamĩtwĩe makameta; na ĩkookĩla vyũ ta ũla Ũsĩ, na ĩkalika ĩngĩ, ta Ũsĩ wa Misili;</verse>
				<verse number="6">nĩwe ũla wakaa nyũmba syake matunĩ, na kũlũlũmĩlya mwambĩlĩlyo wa ũtũo wake nthĩ; ũla wĩtaa manzĩ ma ũkanga moke, na akĩmatulũla ĩũlũ wa nthĩ; Yeova nĩyo syĩtwa yake.</verse>
				<verse number="7">Inyw’ĩ mũi ta ana ma Aethiovia kwakwa, inyw’ĩ ana ma Isilaeli? Ekũlya ũu Yeova. Ndyaambatya Isilaeli kuma nthĩ ya Misili, na Avilisiti kuma Kavitoli, na Asilia kuma Kili?</verse>
				<verse number="8">Sisyai, metho ma Mwĩaĩi Yeova me ĩũlũ wa ũsumbĩ mwathe, na ngawananga kuma ĩũlũ wa nthĩ; ate o ndikamyananga vyũ nyũmba ya Yakovo, easya ũu Yeova.</verse>
				<verse number="9">Nũndũ, sisyai, ngeeaĩa, na ngathũngũthangĩsya nyũmba ya Isilaeli katĩ wa mbaĩ syonthe, tondũ lĩu wa mbaa ngetha ũthũngũthangaw’a kĩsunginĩ, ĩndĩ kũikavalũka kaveke kamwe nthĩ.</verse>
				<verse number="10">Athe onthe na andũ makwa makooawa na ũvyũ, ala maasya, Ũla ũthũku ndũkatũkwata, o na kũkomana naitũ.</verse>
				<verse number="11">Mũthenya ũsu ngaũngamya wĩkalo wa Ndaviti ũla mũvalũku, na kũlinda mawatũe maw’o; na ngatũngĩĩa kũla waombokie, na ngootũngĩĩa o tondũ watilyĩ mĩthenya ya tene;</verse>
				<verse number="12">nĩ kana mamesye ũtialo wa Etomu, na mbaĩ syonthe ila syĩtanĩaw’a na syĩtwa yakwa, easya ũu Yeova ũla wĩkaa ũu.</verse>
				<verse number="13">Sisyai, mĩthenya nĩyũkĩte, yĩla mũĩmi wĩkwata mũkethi, na mũangi wa nzavivũ wĩkwata ũla ũvuĩaa mbeũ, easya ũu Yeova; na iĩma ikalovotangya mbinyu ĩ mũyo, na tũlĩma tw’onthe tũkatweka.</verse>
				<verse number="14">Na ngatũnga andũ makwa Isilaeli kuma kũtavwanĩ, na makatũngĩĩa ndũa ila syaĩ maanzo, na kwitũaa; na makavanda mĩũnda mĩsavivũ, na kũnyusaa mbinyu yayo; o na makaseũvya mĩũnda, na kũĩsaa ũsyao wayo.</verse>
				<verse number="15">Na ngamavanda nthĩ yoo, na maikakũwa nthĩ yoo ĩngĩ ĩla nĩmanengete, easya ũu Yeova Ngai waku.</verse>
			</chapter>
		</book>
		<book number="31">
			<chapter number="1">
				<verse number="1">Woni wa Ovatia. Ũũ nĩw’o Mwĩaĩi Yeova ũnũkwasya ũndũ wa Etomu: Nĩtwĩw’ĩte ũvoo kuma kwa Yeova, na mũtũmwa nũtũmĩtwe katĩ wa i mbaĩ, akyasya, Ũkĩlai inyw’ĩ, na tũkĩlei tũkwatye kaũ nake.</verse>
				<verse number="2">Sisya, nĩngũtw’ĩte mũnini katĩ wa i mbaĩ: nũvũthĩtw’e mũno.</verse>
				<verse number="3">Ngathĩĩo sya ngoo yaku nikũkengete, we ũla ũtwĩe mĩvatĩnĩ ya ĩvia, ũla ũtũo waku wĩ ĩũlũ; ũla waasya ngoonĩ yake, Nũũ ũla ũkantheesya nthĩ?</verse>
				<verse number="4">O na ũkambata ĩũlũ ta ndiũ, o na ũkaka ndala yaku katĩ wa ndata, ngakũtheesya nthĩ kuma vo, easya ũu Yeova.</verse>
				<verse number="5">Ethĩwa ing’ei ikakũkĩa, kana ethĩwa avutani makakũkĩa ũtukũ (wanangĩtwe ta kĩ!), Matikoya mũvaka meanĩwa? Ethĩwa atwi ma nzavivũ makakũkĩa, matikatialya nzavivũ imwe sya kũkolan’ya?</verse>
				<verse number="6">A! Ũndũ maũndũ ma Esau mamanthĩtwe! Ũndũ mothwii make mavithe maumbũĩtwe!</verse>
				<verse number="7">Andũ onthe ala mew’anĩte naku nĩmakumaaisye, o kũvika mũvakanĩ: andũ ala waĩ mũuo namo nĩmakũkengete, na makũkĩlya vinya; ala maĩsaa lĩu waku nĩmakũteaa na kĩtei ungu waku: vai ũmanyi nthĩnĩ wake.</verse>
				<verse number="8">Yeova ekũlya, Mũthenya ũsu ndikananga andũ oĩ ma Etomu, na ũmanyi wae kĩĩmanĩ kya Esau?</verse>
				<verse number="9">Na ngũmbaũ syaku, we Temani, ikateva, kũvika yĩla kĩla ũmwe wĩvetwa aume kĩĩmanĩ kya Esau kwondũ wa kũawa.</verse>
				<verse number="10">Nũndũ wa ũng’endu ũla wĩkĩtwe mwana‐a‐mwenyu Yakovo, nthoni ikakũvw’ĩka, na ũkavetwa tene na tene.</verse>
				<verse number="11">Mũthenya ũla waũngamĩte mũingo ũla ũngĩ, mũthenya ũla aeni matwaie syĩndũ syake, na andũ ma nthĩ ĩngĩ malikile mbingĩlonĩ syake, na kũlimana ũndũ wa Yelusaleme, o naku wailyĩ ta ũmwe wamo.</verse>
				<verse number="12">Ĩndĩ ndũkasisye mũthenya wa mwana‐a‐mwenyu mũthenya wa thĩna wake mũnene, na ndũkatane ĩũlũ wa ana ma Yuta mũthenya wa wanangĩko woo; o na ndũkaneene na ngathĩĩo mũthenya wa thĩna.</verse>
				<verse number="13">Ndũkalike mbingĩlonĩ ya andũ makwa mũthenya wa wanangĩko woo mũnene; ĩĩ, ndũkasisye kũnyamawa kwoo mũthenya wa wanangĩko woo mũnene, o na mũikaakwate syĩndũ syoo mũthenya wa wanangĩko woo mũnene.</verse>
				<verse number="14">Na ndũkaũngame mavĩtanĩonĩ ma nzĩa, kũmamina andũ make ala meũvonoka; na ndũkamanengane ala make meũtiala mũthenya ũsu wa thĩna.</verse>
				<verse number="15">Nũndũ mũthenya wa Yeova wĩ vakuvĩ ĩũlũ wa mbaĩ syonthe: o ũndũ weekie, ũkeekwa o w’o; kwĩka kwaku kũkasyoka ĩũlũ wa mũtwe waku mwene.</verse>
				<verse number="16">Nũndũ o tondũ mwanyw’ĩĩe kĩĩmanĩ kyakwa kĩtheu, o ta ũu mbaĩ syonthe ikanyusaa ĩndĩ yonthe; ĩĩ, ikanyw’a, na kũmelya, na ikeethĩwa o ta itaĩ vo.</verse>
				<verse number="17">Ĩndĩ kĩĩmanĩ kya Saioni kũkeethĩwa ala makavonoka, nakyo kĩkeethĩwa kĩtheu; na nyũmba ya Yakovo ĩkamesya ng’ũndũ syoo.</verse>
				<verse number="18">Na nyũmba ya Yakovo ĩkatw’ĩka mwaki, na nyũmba ya Yosevu ũlĩlĩnzĩ, na nyũmba ya Esau ĩkatw’ĩka mavuthĩ, na makakana katĩ woo, na kũmamina; na vaikatiala o na ũmwe nyũmbanĩ ya Esau; nũndũ Yeova nũneenete ũu.</verse>
				<verse number="19">Na ala ma ngalĩ ya Ĩtheo makamesya kĩĩma kya Esau, na ala ma nthĩ ndindimalu makamesya Avilisiti; na makamesya weũ wa Evalaimu, na weũ wa Samalia; na Mbenyamini akamesya Ngileati.</verse>
				<verse number="20">Na ala mataviwe ma nguthu ĩsu ya ana ma Isilaeli, ala me katĩ wa Akanaani, makamesya o kũvika Nzalevathi; na ala mataviwe ma Yelusaleme ala me Sevalati, makamesya ndũa sya ngalĩ ya ĩtheo.</verse>
				<verse number="21">Na atangĩĩi makambata kĩĩmanĩ kya Saioni makĩsilĩle kĩĩma kya Esau; na ũsumbĩ ũkeethĩwa wa Yeova.</verse>
			</chapter>
		</book>
		<book number="32">
			<chapter number="1">
				<verse number="1">Na ĩndĩ ndeto ya Yeova yamũkĩe Yona mwana wa Amitai, ĩkĩmwĩa,</verse>
				<verse number="2">Ũkĩla, ũende Nineva, ndũa ĩsu nene, na ũkĩmyũkĩlĩlya wasya; nũndũ ũthũku woo nĩ mwambatu vala nĩĩ.</verse>
				<verse number="3">Ĩndĩ Yona ookĩla akĩĩe Talisisi aume vala ve Yeova; na atheea Yova, na awĩla ngalawa ĩendete Talisisi: na ĩndĩ aĩva ĩtuvi yayo, na alika nthĩnĩ wayo, kũendan’ya namo Talisisi aume vala ve Yeova.</verse>
				<verse number="4">Ĩndĩ Yeova aete kĩseve kĩnene ĩũlũ wa ũkanga, na kwaĩ kĩuutani kĩ vinya ĩũlũ wa ũkanga, o na ngalawa yesaa kwanangwa.</verse>
				<verse number="5">Nĩvo ĩndĩ andũ ma ngalawa meewie w’ĩa, na meekaĩla kĩla mũndũ ngai yake; na mekangya syĩndũ ila syaĩ ngalawanĩ ũkanganĩ, nĩ kana yĩthĩwe mbũthũ kwamo. Ĩndĩ Yona nĩwalikĩte kũndũ kwĩ nthĩnĩ ngalawanĩ; na akakoma, akalĩkwa.</verse>
				<verse number="6">Na ĩndĩ mũnene wa ngalawa amũkĩa, na amũkũlya, Wĩ na kĩ, we mũkomi? Ũkĩla, wĩkaĩle Ngai waku, no kwĩthĩwa Ngai atũlilikana, tũtikae.</verse>
				<verse number="7">Na maneenan’ya kĩla mũndũ na ũla ũngĩ, Ũkai, tũlimane, nĩ kana tũmanye nĩ ũndũ waũ ũthũku ũũ wĩ ĩũlũ waitũ. Na ĩndĩ malimana, naw’o wamũvalũkĩla Yona.</verse>
				<verse number="8">Nĩvo ĩndĩ mamwĩie, Tũtavye, nĩtũũkwĩsũva, nũũ ũla ũtumie ũthũku ũũ wĩthĩwa ĩũlũ waitũ; wĩa waku nĩ mwaũ? Na wumĩte nakũ? Nthĩ yaku nĩ yĩkũ? Na wĩ mũmwaũ?</verse>
				<verse number="9">Nake amea, Nyie nĩ Mũevelania; na nĩngũkĩa Yeova, Ngai wa ĩtu, ũla wombie ũkanga na nthĩ nyũmũ.</verse>
				<verse number="10">Nĩvo ĩndĩ andũ meewie w’ĩa mũno, na mamũkũlya, Wĩkĩte ũndũ mwaũ? Nũndũ andũ nĩmamanyie kana nĩwakĩĩte kuma vala ve Yeova, nĩkwĩthĩwa nĩwamatavya.</verse>
				<verse number="11">Nĩvo ĩndĩ mamwĩie, Twĩkwĩka ata, nĩ kana ũkanga ũtũuĩsye? Nũndũ ũkanga wookĩlangilye itulumo mbee na mbee.</verse>
				<verse number="12">Nake amea, Mbũkĩlyai, na mũimbĩkya ũkanganĩ; na ĩndĩ ũkanga ũkamũuĩsya: nũndũ nĩnĩsĩ kana nũndũ wakwa kĩuutani kĩĩ kĩnene kĩ ĩũlũ wenyu.</verse>
				<verse number="13">Ĩndĩ andũ matwaa na vinya masyoke nthĩ; ĩndĩ matyaatonya; nũndũ ũkanga wamokĩlangĩlye itulumo mbee na mbee.</verse>
				<verse number="14">Kwondũ wa ũu mamwĩkaĩla Yeova, na masya, Nĩtũũkwĩsũva, ame Yeova, nĩtũũkwĩsũva, tũikae nũndũ wa thayũ wa mũndũ ũũ, na ndũkatũtalĩle nthakame ĩte ĩvĩtyo; nũndũ we, ame Yeova, nĩweeka ũla wakwendeesya.</verse>
				<verse number="15">Na ĩndĩ mamũkĩlya Yona, na mamwĩkya ũkanganĩ; na ũkanga waeka kũkĩlangan’ya.</verse>
				<verse number="16">Nĩvo ĩndĩ andũ makĩie Yeova mũno; na mathembea Yeova nthembo, na meava.</verse>
				<verse number="17">Na Yeova aseũvĩtye ĩkũyũ ya kũmũmelya Yona; na Yona aĩ ĩvunĩ ya ĩkũyũ mĩthenya ĩtatũ na matukũ atatũ.</verse>
			</chapter>
			<chapter number="2">
				<verse number="1">Nĩvo ĩndĩ Yona wavoyie Yeova Ngai wake e ĩvunĩ ya ĩkũyũ.</verse>
				<verse number="2">Nake asya, Nĩnĩkaĩlile Yeova kwondũ wa thĩna wakwa, Nake anzũngĩa; Nakaya nĩ nda ya Seoli, Naku weew’a wasya wakwa.</verse>
				<verse number="3">Nũndũ nũmbĩkĩtye kyũngũnĩ, katĩ wa maũkanga nthĩnĩ, Na kĩw’ũ kingĩ nĩkinthyũlũlũkĩte; Itulumo syaku syonthe, na mĩkĩndo yaku ya manzĩ nivĩtĩle ĩũlũ wakwa.</verse>
				<verse number="4">Nakwa nasya, Nĩmbetetwe mbee wa metho maku; Ĩndĩ ngasisya ĩngĩ kwelekela ĩkalu yaku ĩtheu.</verse>
				<verse number="5">Manzĩ nĩmanthyũlũlũkĩte ngalĩ syonthe, o na kũvika ngoonĩ; Manzĩ ma syũngũ nene nĩmanthyũlũlũkĩte; Malula nĩmendingĩlĩte mũtwe.</verse>
				<verse number="6">Nĩnĩlikĩte ĩtheo kũvika myambĩlĩlyo ya iĩma; Nthĩ nĩyĩĩmbingĩĩte na ivingo syayo tene na tene: Ĩndĩ nĩwumĩtye thayũ wakwa ĩimanĩ, ame Yeova Ngai wakwa.</verse>
				<verse number="7">Yĩla ngoo yakwa ĩnĩũthelekelaa nthĩnĩ wakwa, nĩnĩmũlilikanile Yeova; Na mboya yakwa nĩyũkie kwaku, ĩkalũnĩ yaku ĩtheu.</verse>
				<verse number="8">Ala mendaa maũndũ ma mana ma ũvũngũ Meimaa tei woo ene.</verse>
				<verse number="9">Ĩndĩ ngakũthembea vamwe na wasya wa mũvea; Ũndũ nĩvĩtĩte ngeanĩsya. Ũtangĩĩo nĩ wa Yeova.</verse>
				<verse number="10">Na Yeova aneena na ĩkũyũ, nayo yamũtavĩka Yona nthĩ nyũmũ.</verse>
			</chapter>
			<chapter number="3">
				<verse number="1">Na ndeto ya Yeova yamũkĩa Yona ĩvinda ya kelĩ, ĩkĩmwĩa,</verse>
				<verse number="2">Ũkĩla, ũende Nineva, ndũa ĩsu nene, na ũmĩtavye ũtavan’yo ũla ngũkwĩa.</verse>
				<verse number="3">Na ĩndĩ Yona ookĩla, na athi Nineva, kwĩanana na ndeto ya Yeova. Na Nineva yaĩ ndũa nene mũno, mũendo wa mĩthenya ĩtatũ.</verse>
				<verse number="4">Na Yona ambĩlĩlya kũlika ĩla ndũa mũendo wa mũthenya ũmwe, nake ookĩlya wasya, akyasya, Vatiele o matukũ mĩongo ĩna, na Nineva ĩkĩng’uthũlangwa.</verse>
				<verse number="5">Na andũ ma Nineva meetĩkĩla Ngai; na matavan’ya kũtĩĩa kũya, na meekĩa makunia, kuma ũla mũnene wamo o na kũvika ũla mũnini wamo.</verse>
				<verse number="6">Na ũvoo wavikĩa mũsumbĩ wa Nineva, nake ookĩla kuma kĩvĩlanĩ kyake kya ũsumbĩ, na aia ngũa yake ya ũsumbĩ, na eevw’ĩka makunia, na ekala mũunĩ.</verse>
				<verse number="7">Nake aumya ũtũmane na anyaĩĩkya Nineva kw’onthe kwa ũtw’ĩo wa mũsumbĩ na anene make me ndaĩa, akyasya, Kũtikasamwe kĩndũ o na kĩmwe nĩ mũndũ kana indo, ndĩthya ya ng’ombe kana ya mbũi na malondu; kũtikaĩwe, kana kũnyuwa kĩw’ũ;</verse>
				<verse number="8">ĩndĩ nĩkwĩvw’ĩkwe makunia, mũndũ o na indo, na nĩkwĩkaĩlwe Ngai na vinya: ĩĩ, nĩmethyũũe kĩla ũmwe kuma mũendelenĩ wake mũthũku, na kuma ũng’endunĩ ũla wĩ mokonĩ make.</verse>
				<verse number="9">Nũũ wĩsĩ ethĩwa Ngai ndeĩthyũũa na kwĩtũnga, na kwĩthyũũa aeke ũthatu wake mwai kana tũtikae?</verse>
				<verse number="10">Na Ngai oona mawĩa moo, kana nĩmeethyũũie kuma mũendelenĩ woo mũthũku; na Ngai eetũnga aeka ũthũku ũla waĩtye akameka; na ndaawĩka.</verse>
			</chapter>
			<chapter number="4">
				<verse number="1">Ĩndĩ ũndũ ũsu wamwĩw’ĩthya Yona woo mũno, na aĩ mũthatu.</verse>
				<verse number="2">Nake avoya Yeova, na asya, Nĩngũkũvoya, ame Yeova, ũndũ ũũ tiw’o naisye, o yĩla naĩ nthĩ yaitũ? Kwondũ wa ũu nĩneekalaatile kũkĩĩa Talisisi; nũndũ nĩneesĩ kana we wĩ Ngai mũseo, na wĩ tei, mũmĩĩsya wa kũthata, na wĩ na ũseo mwingĩ wĩ wendo, na wĩtũngaa ndũkeke ũla ũthũku.</verse>
				<verse number="3">Kwondũ wa ũu yu, ame Yeova, numya thayũ, nĩngũkwĩsũva; nũndũ nĩ kavaa kwakwa nĩkw’e kwĩ kwĩkala thayũ.</verse>
				<verse number="4">Na Yeova amũkũlya, Nũkwĩka nesa ũkĩthata?</verse>
				<verse number="5">Nĩvo ĩndĩ Yona waumie ndũanĩ, na ekala ũtee wa ndũa ngalĩ ya wumĩlonĩ wa syũa, na kũu eeyakĩa kalwanda, na ekala muunyĩnĩ wako, ambe kwona ũndũ ndũa ĩnĩkwĩkĩka.</verse>
				<verse number="6">Na Yeova Ngai aseũvya wũngũ, na atuma ũtamba ĩũlũ vala ve Yona, kana ũtw’ĩke muunyĩ ĩũlũ wa mũtwe wake, ũmũvonokye mwĩkalĩlenĩ wake mũthũku. Na ĩndĩ Yona aĩ mũtanu mũno nũndũ wa wũngũ.</verse>
				<verse number="7">Ĩndĩ Ngai aseũvya kĩinyũ kũikya ũnĩ ũsu, na kyaũma ũ wũngũ, na wooma.</verse>
				<verse number="8">Na kweethĩwa, yĩla syũa yaumie, Ngai aseũvya kĩseve kĩ ĩvyũvĩ kyumĩte wumĩlonĩ wa syũa; na syũa yavĩvya Yona mũtwe, na akwatwa nĩ mũnyalo, na eekũlĩlya nĩ kana akw’e, na asya, Nĩ kavaa kwakwa nĩkw’e kwĩ kwĩkala thayũ.</verse>
				<verse number="9">Na Ngai akũlya Yona, Nũkwĩka nesa ũkĩthata nũndũ wa wũngũ? Nake asũngĩa, Nĩngwĩka nesa kũthata, o na kũvikĩa kũkw’a.</verse>
				<verse number="10">Na Yeova amwĩa, We nĩwĩw’ĩe wũngũ tei, ũla ũtaaũthĩnĩa, o na ndwaatuma wĩana; ũla ũnameie ũtukũ na wanangĩka o ũtukũ:</verse>
				<verse number="11">nakwa ndyaĩlwe nĩ kwĩw’ĩa Nineva tei, ndũa ĩsu nene, ĩla nthĩnĩ wayo ve aingĩ kwĩ andũ ngili ĩana na mĩongo ĩlĩ ala matatonya kũvathũkan’ya katĩ wa kw’oko kwoo kwa aũme na kw’oko kwoo kwa aka; na ĩngĩ yĩ indo mbingĩ?</verse>
			</chapter>
		</book>
		<book number="33">
			<chapter number="1">
				<verse number="1">Ndeto ya Yeova ĩla yamũkĩe Mika Mũmolasiti mĩthenya ya Yothamu, na Aasu, na Esekia, asumbĩ ma Yuta, ĩla wonie ũndũ wa Samalia na Yelusaleme.</verse>
				<verse number="2">Ĩw’ai, inyw’ĩ ngo sya andũ, inyw’onthe; ĩthukĩĩsye, we nthĩ, na syonthe ila syĩ vo: na Mwĩaĩi Yeova namũkũsĩĩe, Mwĩaĩi e ĩkalũnĩ yake ĩtheu.</verse>
				<verse number="3">Nũndũ, sisya, Yeova, nũkumĩla aumĩte vandũ vake, na akatheea, na kũkinyanga kũndũ kũtũlu kwa nthĩ.</verse>
				<verse number="4">Na iĩma ikatweka ungu wake, na myanda ĩkaatũka, ta ĩseso vala ve mwaki, ta manzĩ mavaũũkĩle kĩvaũũkonĩ.</verse>
				<verse number="5">Nũndũ ũũ w’onthe nĩ ũndũ wa ĩvĩtyo ya Yakovo, na ũndũ wa naĩ sya nyũmba ya Isilaeli. Ĩvĩtyo ya Yakovo nĩ yĩva? Ti Samalia? Na kũndũ kũtũlu kwa Yuta nĩ kwĩkũ? Ti Yelusaleme?</verse>
				<verse number="6">Kwondũ wa ũu ngatw’ĩkĩthya Samalia ta kĩvumbu kĩ mũũndanĩ, na ta kũndũ kwa kũvanda mĩsavivũ; na ngekya mavia mayo kyandanĩ, na ngavukũa myambĩlĩlyo yayo.</verse>
				<verse number="7">Na mĩvw’anano yayo yonthe myasũvye ĩkakũnwa ĩtilĩkange tũlungu, na matuvi mayo onthe makavĩvw’a na mwaki, na mĩvw’anano yayo yonthe ngamyananga; nũndũ nĩyamyũmbanĩtye na ĩtuvi ya ũmalwaya, na ĩkatũngĩthw’a ĩtuvinĩ ya ũmalwaya.</verse>
				<verse number="8">Kwondũ wa ũu ngaĩa na kũkaya; ngathi nĩvuĩte na nĩ mũthei; ngaamba o ta mbĩwa, na kũĩa kĩĩo kĩilyĩ kya nyaa.</verse>
				<verse number="9">Nũndũ mawũkite make mativoeka; nũndũ nĩwũkĩte o na kũvika Yuta; nũvikĩte mbingĩlonĩ ya andũ makwa, o Yelusaleme.</verse>
				<verse number="10">Mũtikotavan’ye Ngathi, mũtikaĩe nongi: ku Mbethi‐le‐avila nĩnĩyalalĩtye kĩtoonĩ.</verse>
				<verse number="11">Vĩta, we ũla ũtwĩe Savili, wĩ mũthei na wĩ na nthoni: ũla ũtwĩe Nzaanani ndanamba kumĩla; kũkaya kwa Mbethi‐eseli kũkamũvena inyw’ĩ wĩkwatyo wavo.</verse>
				<verse number="12">Nũndũ ũla ũtwĩe Malothi eteele ũseo e na kĩũũyũ, nĩkwĩthĩwa ũthũku nĩ mũku kuma kwa Yeova kũvika mbingĩlonĩ ya Yelusaleme.</verse>
				<verse number="13">Ova mbalasi yĩ maũũ ĩkasyanĩ ya kaũ, we ũla ũtwĩe Lakisi: nĩyo mwambĩlĩlya wa naĩ kwa mwĩĩtu wa Saioni; nũndũ mavĩtyo ma Isilaeli nĩmoonekie nthĩnĩ waku.</verse>
				<verse number="14">Kwondũ wa ũu ũkanenga Molesethingathi mũthĩnzĩo wa kũtaanĩsya: nyũmba sya Akisivu ikeethĩwa kĩndũ kya ũkengana kwa asumbĩ ma Isilaeli.</verse>
				<verse number="15">We ũla ũtwĩe Malesa, ngesa ũkũetee ũla ũkakũsumbĩka: ũtaĩo wa Isilaeli ũkavika o na Atulamu.</verse>
				<verse number="16">Ĩyenze ũvaa, noitilanga nzw’ĩĩ syaku nũndũ wa syana ila ikũtanasya: nenevangya ũvaa waku ta ndiũ; nũndũ nĩ nendu syĩ ndave kuma kwaku.</verse>
			</chapter>
			<chapter number="2">
				<verse number="1">Woo nĩ wa ala masũanĩaa ũthũku na kwĩkĩa ũthũku mokomonĩ moo! Na kĩoko kũikya maiwĩka, nũndũ wĩ ũtonyinĩ wa kw’oko kwoo.</verse>
				<verse number="2">Na nĩmew’ĩaa mĩũnda ĩtomo, na kũmyosa; o na nyũmba, na maivenana: na nĩmathĩnasya mũndũ na nyũmba yake, o na mũndũ na ũtiĩwa wake.</verse>
				<verse number="3">Kwondũ wa ũu Yeova easya atĩĩ: Sisyai, mũvĩa ũũ nĩngũsũanĩĩa ũthũku, ũla mũtakeyumya ngingo syenyu vo, o na mũikathi na wĩng’athĩlĩlyo; nũndũ nĩ ĩvinda ĩthũku.</verse>
				<verse number="4">Mũthenya ũsu makamũtila ngelekan’yo, na kũĩa kĩĩo kĩ woo, na kwasya, Nĩtwanangĩtwe vyũ: nũnũkũalyũla kĩanda kya andũ makwa: a! Ũndũ ũnũkũkĩveta kwakwa! Nũnũkũaĩa ala ang’endu mĩũnda yaitũ.</verse>
				<verse number="5">Kwondũ wa ũu ĩkomanonĩ ya Yeova ndũkethĩwa na ũmwe ũla ũkekya ũlii wa kũthima na nzĩa ya kula.</verse>
				<verse number="6">Mũikathane, na mathanĩĩa. Matikamathanĩe: ivũthya itikathela.</verse>
				<verse number="7">Kũkaw’a, we nyũmba ya Yakovo, Veva wa Yeova nĩ mũoleku? Meko aa nĩ make? Ndeto syakwa itimwĩkaa nesa ũla ũendaa na mĩendele myaĩlu?</verse>
				<verse number="8">Ĩndĩ o ĩoo yĩthei andũ makwa manookĩlile ta mũmaitha: nĩmumasya na vinya ngũa ya ĩũlũ kuma ngũanĩ ya ala mavĩtaa meyelele ta andũ matekwenda kaũ.</verse>
				<verse number="9">Aka ma andũ makwa nĩmũmaumasya nyũmbanĩ syoo sya kwendeesya; syana syoo nini nĩmwivenaa ndaĩa yakwa tene na tene.</verse>
				<verse number="10">Ũkĩlai, na mũkĩthi; nũndũ vaa ti vandũ venyu va kũthũmũa; nũndũ wa ũvuku ũla wanangaa, ĩĩ, o na wanango mũnene mũno.</verse>
				<verse number="11">Ethĩwa mũndũ aendete nthĩnĩ wa veva wa ũvũngũ nũnũkengana, akyasya, Ngakwathanĩa ũndũ wa mbinyu na kĩla kĩtoonasya; o nake kaeethĩwa mwathani wa andũ aa.</verse>
				<verse number="12">Nditĩa kũmban’ya onthe a maku, we Yakovo; nditĩa kũmban’ya ũtialo wa Isilaeli; ngamomban’ya vamwe ta malondu ma Mbosila, ta ndĩthya ya mbũi na malondu katĩ wa kĩsesi kyayo; makookĩlya kĩuumo kĩnene nũndũ wa andũ kwingĩva.</verse>
				<verse number="13">Ũla mũvevenzi ambata mbee wamo; meevũthũĩa na mavĩta kũvika mbingĩlonĩ, na kumaalĩla vo; na mũsumbĩ woo atongosya mbee woo, na Yeova vu mbee.</verse>
			</chapter>
			<chapter number="3">
				<verse number="1">Na nasya, Ĩw’ai, nĩngũmwĩsũva, inyw’ĩ atongoi ma kwa Yakovo na asumbĩki ma nyũmba ya Isilaeli: ti ũndũ wenyu kũmanya ũsili wa katĩ?</verse>
				<verse number="2">Inyw’ĩ ala mũmenaa ũseo, na kwenda ũthũku; ala mũthĩnzaa kĩkonde kyoo, na nyama syoo kũsyumya mavĩndĩnĩ moo;</verse>
				<verse number="3">o na ĩngĩ ala mũĩsaa nyama sya mĩĩ ya andũ makwa, na kũmathĩnza kĩkonde kyoo, na kũtũlanga mavĩndĩ moo, na kũmatilanga tũlungu, ta tũkwĩkĩwa mbisũnĩ, na ta nyama kĩtevenĩ.</verse>
				<verse number="4">Nĩvo memwĩkaĩla Yeova, ĩndĩ ndakamasũngĩa; ĩĩ, akamavitha ũthyũ wake ĩvinda yĩu, kwĩanana na ũndũ meekie ũthũku mekonĩ moo.</verse>
				<verse number="5">Ũũ nĩw’o Yeova ũnũkwasya ũndũ wa athani ala mavĩtĩthasya andũ makwa; ala maũmaa na maeo moo, na kwaasya, Mũuo; na o ũla ũtekwĩkĩa kĩndũ makanyw’anĩ moo, no makwatasya kaũ nake:</verse>
				<verse number="6">Kwondũ wa ũu kũkeethĩwa ũtukũ kwenyu, nĩ kana mũtikethĩwe na woni; na kũkeethĩwa kĩvindu kwenyu, nĩ kana mũtikaaũsye; na syũa yĩkamathũĩa athani, na mũthenya ũkeethĩwa mwiũ kwoo.</verse>
				<verse number="7">Na oni makasonokw’a, na ala maaũasya makathokoana; ĩĩ, onthe makeevw’ĩka ilomo; nũndũ vati ũsũngĩo wa Ngai.</verse>
				<verse number="8">Ĩndĩ ngalĩ ĩ yakwa, kwondũ wa Veva wa Yeova, nĩnusũĩtw’e nĩ vinya, na ũsili, na ũtonyi, non’ye Yakovo ĩvĩtyo yake, na Isilaeli naĩ yake.</verse>
				<verse number="9">Ĩw’ai ũũ, nĩngũmwĩsũva, inyw’ĩ atongoi ma nyũmba ya Yakovo, na asumbĩki ma nyũmba ya Isilaeli, ala mũthĩthaa ũsili wa katĩ, na kwelelũkasya ũlũngalu w’onthe.</verse>
				<verse number="10">Meaka Saioni na nthakame, na Yelusaleme na ũthũku.</verse>
				<verse number="11">Atongoi mayo masilaa nũndũ wa mĩthĩnzĩo, na athembi mayo mamanyĩasya nũndũ wa kũtuvwa, na athani mayo maaũasya nũndũ wa mbesa: o na kau meĩkwatya Yeova, na kwasya, Yeova nde katĩ waitũ? Vati ũthũku ũkatũvikĩa.</verse>
				<verse number="12">Kwondũ wa ũu Saioni ĩkenzwa ta mũũnda kwondũ wenyu, na Yelusaleme ĩkatw’ĩka ivumbu, na kĩĩma kya ĩ nyũmba ta kũndũ kũtũlu kwa mũtitũ.</verse>
			</chapter>
			<chapter number="4">
				<verse number="1">Ĩndĩ mĩthenya ya mũminũkĩlyo kũkeethĩwa, kĩĩma kĩ nyũmba ya Yeova kĩkekalaa kĩ kĩtũlu kwĩ ila ingĩ, na kũkĩla ĩũlũ wa tũlĩma; na ngo sya andũ ikaendaa vo.</verse>
				<verse number="2">Na mbaĩ mbingĩ ikathi ikyasya, Ũkai, twambate kĩĩmanĩ kya Yeova, na nyũmbanĩ ya Ngai wa Yakovo; na akatũmanyĩasya mĩendele yake, na tũkaendaa nzĩanĩ syake. Nũndũ mĩao ĩkaumaa Saioni, na ndeto ya Yeova ĩkaumaa Yelusaleme;</verse>
				<verse number="3">na akasilanasya ngo mbingĩ sya andũ, na akatusĩaa mbaĩ syĩ vinya sya kũasa maũndũ: na makatusya mbyũ syoo itw’ĩke mĩthya ya maembe ma ng’ombe, na matumo moo tũvyũ twĩ ngoto twa ũsea; mbaĩ ndĩkokĩlĩlya mbaĩ ĩngĩ ũvyũ, o na itikemanyĩsya kaũ ĩngĩ.</verse>
				<verse number="4">Ĩndĩ makekalaa kĩla mũndũ ĩtina wa mũsavivũ wake na ĩtina wa mũkũyũ wake; na vati ũmwe ũkatuma makĩa: nũndũ kanyw’a wa Yeova wa nguthu nũneenete ũu.</verse>
				<verse number="5">Nũndũ ngo syonthe sya andũ iendaa kĩla ũmwe syĩtwanĩ ya ngai yake: na ithyĩ tũkaendaa syĩtwanĩ ya Yeova Ngai waitũ tene na tene.</verse>
				<verse number="6">Mũthenya ũsu, ngatũnga ũla ũthuaa, na ngatũnga ũla ũlũngĩtw’e, na ũla nĩthĩnĩtye, easya ũu Yeova;</verse>
				<verse number="7">na ngatw’a ũla wathuaa ũtialo, na ũla wekĩtw’e kũasa mbaĩ yĩ vinya: na Yeova akamasumbĩka kĩĩmanĩ kya Saioni kuma yu o na kũvika tene na tene.</verse>
				<verse number="8">Naku, we mwako mũtũlu wa mũnyoolo wa ndĩthya ya mbũi na malondu, kalĩma ka mwĩĩtu wa Saioni, kwaku ũkooka, ĩĩ, ũsumbĩko wa mbee ũkooka, ũsumbĩ wa mwĩĩtu wa Yelusaleme.</verse>
				<verse number="9">Na yu nĩkĩ ũkũkaya na wasya mũnene? No kwĩ mũsumbĩ nthĩnĩ waku, mũtai waku nĩwaĩte, ũndũ woo ũkũkwatĩte ta mũndũ mũka ũnũkwaũnya?</verse>
				<verse number="10">Ĩthĩwa na woo, na ũithĩna ũsyae, we mwĩĩtu wa Saioni, o ta mũndũ mũka ũnũkwaũnya; nũndũ yu ũkauma ndũanĩ, na ũkatũa weũnĩ, na ũkathi o kũvika Mbaviloni: nĩkw’o wĩtangĩĩĩwa; nĩkw’o Yeova wĩkwovoesya kuma kw’okonĩ kwa amaitha maku.</verse>
				<verse number="11">Na yu mbaĩ mbingĩ nikũmbanĩe, ila syaasya, Navukw’e, na metho maitũ nĩmone ũndũ tũkwenda ĩũlũ wa Saioni.</verse>
				<verse number="12">Ĩndĩ matyĩsĩ mosũanĩo ma Yeova, o na matiũmanya nzama yake; nũndũ nũmombanĩtye ta syove sya ngetha kĩvũĩonĩ.</verse>
				<verse number="13">Ũkĩla, we mwĩĩtu wa Saioni, ũvũe; nũndũ ngatw’ĩkĩthya ũvya waku kĩaa, na ngatw’ĩkĩthya mavũngũ maku ũthuku; na ũkakũna ngo mbingĩ sya andũ itw’ĩke tũlungu: na ngavathĩa Yeova ũtandĩthyo woo, na syĩndũ syoo Mwĩaĩi wa nthĩ yonthe.</verse>
			</chapter>
			<chapter number="5">
				<verse number="1">Yu ũkeeyũmban’ya nguthu nguthu, we mwĩĩtu wa nguthu; nũtũthyũlũlũkĩte atũtw’ĩkanĩsye; makakũna mũsili wa Isilaeli na ndata ĩtau.</verse>
				<verse number="2">Ĩndĩ we, Mbethi‐leemu ya Evilatha, ũla wĩ mũnini ũtatalwa katĩ wa ngili sya Yuta, kwaku kũkauma ũmwe ambũkĩe ũla wĩtw’ĩka mũsumbĩki kwa Isilaeli; ũla kumĩla kwake nĩ kuma ĩvinda ya tene, kuma tene tene.</verse>
				<verse number="3">Kwondũ wa ũu akaekana namo, kũvika ĩvinda yĩla ũla ũnũkwaũnya wĩĩthĩwa asyaĩte: nĩvo ĩndĩ ũtialo wa ana‐a‐ĩthe make wĩsyoka kwa ana ma Isilaeli.</verse>
				<verse number="4">Na akaũngama, na akaĩthya ĩĩthya yake vinyanĩ wa Yeova, ũnenenĩ wa syĩtwa ya Yeova Ngai wake: na makekala; nũndũ yu akeethĩwa e mũnene kũvika itulunĩ sya nthĩ.</verse>
				<verse number="5">Na mũndũ ũsu akeethĩwa mũuo witũ. Yĩla Mũasuli wĩũka nthĩ yaitũ, na aikinyanga nthĩnĩ wa nyũmba sitũ nene mbanakavye, nĩvo twĩmũkĩlĩlya aĩthi mũonza, na andũ anene nyanya.</verse>
				<verse number="6">Na makaananga nthĩ ya Asuli na ũvyũ, o na nthĩ ya Nimiloti molikĩlonĩ mayo: nake akatũtangĩĩa kuma kwa Mũasuli, yĩla wĩũka nthĩ yaitũ, na yĩla wĩkinyanga mũvakanĩ witũ.</verse>
				<verse number="7">Na ũtialo wa Yakovo ũkeethĩwa katĩ wa ngo mbingĩ sya andũ o ta ĩmwe kuma kwa Yeova, ta mĩono ya mbua nyekinĩ, ila itekalaa nũndũ wa mũndũ, o na kweteela ana ma andũ.</verse>
				<verse number="8">Na ũtialo wa Yakovo ũkeethĩwa katĩ wa i mbaĩ, o katĩ wa ngo mbingĩ sya andũ, ta mũnyambũ katĩ wa nyamũ sya mũtitũnĩ, ta mũnyambũ wa mũika katĩ wa ndĩthya sya malondu; ũla, ethĩwa wavĩtĩla vo, ũangĩaa nthĩ na kũtembũanga tũlungu, na kũti wa kũtangĩĩa.</verse>
				<verse number="9">Kw’oko kwaku nĩkũkĩlw’e ĩũlũ wa nthũ syaku, na amaitha maku onthe nĩmavetwe.</verse>
				<verse number="10">Na kũkeethĩwa mũthenya ũsu, ngaveta mbalasi syaku syume vala ũĩ, na ngaananga makasya maku ma kaũ, easya ũu Yeova:</verse>
				<verse number="11">na ngaveta ndũa sya nthĩ yaku, na ngang’uthũlanga ngome syaku syonthe syĩ vinya.</verse>
				<verse number="12">Na ngaveta mooi maume kw’okonĩ kwaku; na ndũkethĩwa na ala mathanaa maũndũ ĩngĩ:</verse>
				<verse number="13">na ngaveta mĩvw’anano yaku myasũvye na ituĩ syaku kuma vala ũĩ; na ndũkathaitha ĩngĩ wĩa wa moko maku;</verse>
				<verse number="14">na ngakũa Aselimu yaku yume vala ũĩ; na ngaananga ndũa syaku.</verse>
				<verse number="15">Na ngaĩvanĩsya kwa mbaĩ ingĩ ila iteew’aa nĩ mũthatu na mũthilĩku.</verse>
			</chapter>
			<chapter number="6">
				<verse number="1">Ĩw’ai yu ũndũ Yeova ũnũkwasya: Ũkĩla, ũkatetee mbee wa iĩma, na tũlĩma nĩtwĩw’e wasya waku.</verse>
				<verse number="2">Ĩw’ai, inyw’ĩ iĩma, ngananĩo ya Yeova, na inyw’ĩ myambĩlĩlyo ya nthĩ ĩla yĩkalaa; nũndũ Yeova e na ngananĩo na andũ make, na akatetan’ya na Isilaeli.</verse>
				<verse number="3">We ũko wakwa, nĩkwĩkĩte ata? Na nĩkũnoetye ũndũnĩ wĩva? Ngũsĩĩa.</verse>
				<verse number="4">Nũndũ nĩnakwambatisye kũkumya nthĩ ya Misili, na nakwovosya kuma nyũmbanĩ ya ũkombo; na natũma Mose, na Aluni, na Miliamu makũtongoesye.</verse>
				<verse number="5">Ame andũ makwa, lilikanai yu ũndũ Mbalaki mũsumbĩ wa Moavi wasũanĩie, na ũndũ Mbalaamu mwana wa Mbeoli wamũsũngĩie; lilikanai ũndũ kweekĩkie kuma Sitimu kũvika Ngilikali, nĩ kana mũmanye meko malũngalu ma Yeova.</verse>
				<verse number="6">Ngathengeea mbee wa Yeova na kyaũ, na kwĩkunamĩsya Ngai ũla wĩ ĩũlũ? Ngamũthengeea nĩ na nthembo sya kũvĩvw’a, na tũsaũ twa mwaka ũmwe?</verse>
				<verse number="7">Yeova akendeew’a nĩ ngili sya ndũũme, kana nĩ ngili makũmi sya mbũsĩ sya mauta? Nganengane ĩkithathi yakwa nũndũ wa ĩvĩtyo yakwa, ũsyao wa mwĩĩ wakwa nũndũ wa naĩ ya ngoo yakwa?</verse>
				<verse number="8">Nake nũkwonetye ũndũ ũseo, we mũndũ; na ũndũ ũla Yeova ũnũkũandũa kwaku nĩ mwaũ, ate o kwĩkaa ũlũngalu, na kwendaa ũseo, na kũendanasya na Ngai waku?</verse>
				<verse number="9">Wasya wa Yeova nũkwanĩĩsya ndũa, na mũndũ wĩ ũĩ akoona syĩtwa yaku: mĩw’ei ndata, na ũla ũmĩnyuvĩte.</verse>
				<verse number="10">Ve mothwii maie ma ũthũku o na yu nyũmbanĩ ya mũthũku, na kĩthimi kĩte kĩanĩu kĩla kĩthatasya?</verse>
				<verse number="11">Ngeethĩwa nĩ mũtheu nĩ na ithimi ila nthũku, na nĩ na mũvuko wĩ mavia ala mathimaa ma ũkenganĩ?</verse>
				<verse number="12">Nũndũ athwii mayo mausũĩtwe nĩ ũng’endu, na ala mamĩtwĩe nĩmaneenete movũngũ, na nĩmĩ syoo nĩ ngengani makanyw’anĩ moo.</verse>
				<verse number="13">Kwondũ wa ũu nakwa nĩngũkũnĩte ĩkũna yĩ woo; nĩngũtw’ĩte ĩanzo kwondũ wa naĩ syaku.</verse>
				<verse number="14">Ũkaya, ĩndĩ ndũkavũna; na kũnyivw’a kwaku ũkeethĩwa nakw’o: na ũkaia, ĩndĩ ndũkasũvĩĩkya; na kĩla wĩsũvĩa ngakĩnenga ũvyũ.</verse>
				<verse number="15">Ũkavuĩa, ĩndĩ ndũkaketha; ũkakinyanga mathata, ĩndĩ ndũkevaka a mauta; na ngetha ya mĩsavivũ, ĩndĩ ndũkanyw’a ĩ mbinyu.</verse>
				<verse number="16">Nũndũ myamũlo ya Omili nĩyakwatawa, na mawĩa onthe ma nyũmba ya Aavu, na nĩmũkinyaa motaonĩ moo; nĩ kana ngũtw’ĩkĩthye ĩanzo, na ala mavatwĩe ma kũtimbwa: na mũkakua kĩvũthya kya andũ makwa.</verse>
			</chapter>
			<chapter number="7">
				<verse number="1">Woo nĩ wakwa! Nũndũ nĩilyĩ ta yĩla mombanĩtye mosyao ma ĩvinda ya syũa, ta ũkolan’yo wa ngetha ya nzavivũ: vati kĩtũngo kya kũĩwa; ngoo yakwa nĩyendete ĩkũyũ yĩla yambaa kwĩw’a.</verse>
				<verse number="2">Mũkĩi wa Ngai nĩwaĩte kũũ nthĩ, na kũti ũmwe mũlũngalu katĩ wa andũ: onthe moveesyaa metĩkye nthakame; nĩmasyĩmaa kĩla mũndũ mwana‐a‐ĩthe na kĩtei.</verse>
				<verse number="3">Moko moo me ũndũnĩ ũla ũthũku kũwĩka na kĩthing’ĩĩsyo; mũnene wĩ mbee ũsumbĩnĩ nĩwĩtasya, na mũsili nĩwĩyũmbanĩtye kwosa mũthĩnzĩo; na mũndũ wĩ nguma, nũneenaa kwenda kũthũku kwa ngoo yake: o ta ũu nĩmatumaa ũndũ ũsu vamwe.</verse>
				<verse number="4">Ũla mũseo mbee katĩ woo ailyĩ mũtae wa kĩthekanĩ; ũla mũlũngalu mbee nĩ mũthũku kwĩ wiio wa mĩw’a: mũthenya wa asyaĩĩsya maku, o wa kũsiw’a kwaku, nĩ mũku; yu kũkeethĩwa kũsaanĩw’a kwoo.</verse>
				<verse number="5">Mũtikaĩkĩĩe mũtũi; mũtikekwatye mũnyanya; sũvĩa ilomo sya kanyw’a waku kwa mũndũ mũka ũla ũkomaa kĩthũinĩ kyaku.</verse>
				<verse number="6">Nũndũ mwana nĩwanangaa ndaĩa ya ĩthe, na mwĩĩtu nũng’endeaa inyia wake, na mũka‐a‐mwana nũng’endeaa inyia wa mũũme; amaitha ma mũndũ nĩ andũ ma nyũmba yake mwene.</verse>
				<verse number="7">Ĩndĩ ngalĩ ĩ yakwa, ngamũsisya Yeova; ngamweteela Ngai wa ũtangĩĩo wakwa: Ngai wakwa akambĩw’a.</verse>
				<verse number="8">Ndũkatane ĩũlũ wakwa, we mũmaitha wakwa: yĩla ngũvalũka, ngookĩla; yĩla ngwĩkala kĩvindunĩ, Yeova akeethĩwa kyeni kwakwa.</verse>
				<verse number="9">Ngakua kũthilĩka kwa Yeova, nũndũ nĩnĩmũvĩtanĩsye, kũvika andetea, na kũsilĩla ũndũ wakwa: akanumĩlya kyeninĩ, na ngoona ũlũngalu wake.</verse>
				<verse number="10">Nĩvo ĩndĩ mũmaitha wakwa wĩwona, na nthoni ikamwĩkunĩkĩlya ũla wambĩie, Aĩva Yeova Ngai waku? Metho makwa makoona ũndũ ngwenda ĩũlũ wake; yu akakinyangĩwa nthĩ ta ndaka syĩ nzĩanĩ nene.</verse>
				<verse number="11">A! Mũthenya wa kwaka maũvai maku! Mũthenya ũsu ũtw’ĩo ũkavetwa kũasa.</verse>
				<verse number="12">Mũthenya ũsu makooka kwaku kuma Asuli na ndũanĩ sya Misili, na kuma Misili o kũvika ũla Ũsĩ, na kuma ũkanga kũvika ũkanga, na kuma kĩĩma kũvika kĩĩma.</verse>
				<verse number="13">Ĩndĩ nthĩ ĩkeethĩwa nthei nũndũ wa ala mamĩtwĩe, kwondũ wa ũsyao wa meko moo.</verse>
				<verse number="14">Ĩthya andũ maku na ndata yaku, ĩĩthya ya ũtiĩwa waku, yĩla yĩtwĩe yĩ yoka mũtitũnĩ ku Kalimeli: yĩĩsae Mbasani na Ngileati, o ta mĩthenya ya tene.</verse>
				<verse number="15">Ngoonan’ya kwoo maũndũ ma ũseng’ya o ta mĩthenya ĩla waumie nthĩ ya Misili.</verse>
				<verse number="16">I mbaĩ ikoona na ikĩsonoka ũndũ wa ũtonyi wasyo w’onthe; ikakunĩka kanyw’a na kw’oko; matũ masyo makeethĩwa matew’a.</verse>
				<verse number="17">Ikanyenya kĩtoo ta nzoka; ikooka itetemete kuma mawĩvithonĩ masyo iilyĩ ta tũsamũ twa nthĩ tũla tũtambũkaa; ikooka syĩ na w’ĩa kwa Yeova Ngai waitũ, na nũndũ waku ikakĩa.</verse>
				<verse number="18">Nũũ Ngai ũilyĩ taku, ũla ũekeaa ũthũku, na kũkĩla naĩ ya ũtialo wa ũtiĩwa wake? Ndekalaa na ũthatu wake ĩndĩ yonthe, nĩkwĩthĩwa nĩwendeeaw’a nĩ ũseo wĩ wendo.</verse>
				<verse number="19">Akatwĩw’ĩa ĩnee ĩngĩ; akakinyanga mothũku maitũ na nyaĩĩ; na ũkekya naĩ syoo syonthe syũngũnĩ sya ũkanga.</verse>
				<verse number="20">We ũkeanĩsya ũla w’o kwa Yakovo, na ũseo wĩ wendo kwa Avalaamu, ũla weevĩtĩe aaĩthe maitũ kuma mĩthenya ya tene.</verse>
			</chapter>
		</book>
		<book number="34">
			<chapter number="1">
				<verse number="1">Ndeto ngito ũndũ wa Nineva. Ĩvuku ya woni wa Naumu Mũelikosi.</verse>
				<verse number="2">Yeova nĩ Ngai wĩ kĩwĩu na nũĩvanĩasya; Yeova nũĩvanĩasya na nĩwusũĩtwe nĩ ũthilĩku; Yeova nĩwĩĩvanĩasya kwa nthũ syake, na nĩwiaa ũthilĩku nũndũ wa amaitha make.</verse>
				<verse number="3">Yeova nĩ mũmĩĩsya wa kũthata, na mũnene ũtonyinĩ, na ndakamũtala o na ata mũvĩtan’ya ta ũte na ũndũ: Yeova e na nzĩa yake kĩlinginĩ na kĩuutaninĩ, na mathweo nĩ kĩtoo kya nyaĩĩ syake.</verse>
				<verse number="4">Nũkanasya ũkanga, na akong’alya, na kũng’alya mbũsĩ syonthe: Mbasani nĩkũleela, na Kalimeli; na ĩlaa ya Levanoni nĩyĩkũvova.</verse>
				<verse number="5">Iĩma nitetemaa nũndũ wake, na tũlĩma tũkĩtweka; na nthĩ nĩyũkĩlanĩtye mbee wake, ĩĩ, nthĩ, na syonthe ila imĩtwĩa.</verse>
				<verse number="6">Nũũ ũla ũtonya kũũngama mbee wa ũthilĩku wake? Na nũũ ũla ũtonya kwĩkala wainĩ wa ũthatu wake? Ũthilĩku wake nĩ mwonosye ta mwaki, na mavia manene nĩmatũanganĩtw’e nĩwe.</verse>
				<verse number="7">Yeova nĩ mũseo, ngome yĩ vinya mũthenya wa thĩna; na nũmesĩ ala mevithaa nthĩnĩ wake.</verse>
				<verse number="8">Ĩndĩ akaminũkĩlya vandũ vayo vyũ na kĩw’ũ kingĩ kĩvĩtĩte, na akamaatĩĩa amaitha make malike kĩvindũnĩ.</verse>
				<verse number="9">Mwĩsũanĩĩa Yeova ata? Akaminũkĩlya vyũ; thĩna ndũkokĩla ĩvinda ya kelĩ.</verse>
				<verse number="10">O na makwatanĩte ta mĩw’a, na matoonetw’e nĩ kũnyw’a kwoo, ĩndĩ nĩmaminĩtwe vyũ ta ũa wũmũ.</verse>
				<verse number="11">Kwĩ ũmwe wumĩte kwaku, ũla ũsũanĩĩaa Yeova ũthũku, ũla ũtaanaa ũtao mũthũku.</verse>
				<verse number="12">Ũũ nĩw’o Yeova ũnũkwasya: O na ethĩwa nĩmausũĩtwe nĩ vinya ki, o na ethĩwa nĩ aingĩ, ĩndĩ makatemangwa mavalũke nthĩ, na akavĩta athi. O na ethĩwa nĩngũthĩnĩtye, ndikakũthĩn’ya ĩngĩ.</verse>
				<verse number="13">Na yu ngatũla ĩsoki yake yume kwaku, na ngatilan’ya kĩla kĩkwovete.</verse>
				<verse number="14">Na Yeova nũnenganĩte mwĩao ũndũ waku, kana matikavuĩwa ĩngĩ o na ũmwe ala ma syĩtwa yaku: ngaveta mũvw’anano mwasũvye na mũvw’anano wa syĩndũ itwekethetw’e kuma nyũmbanĩ ya ngai syaku; ngenza va ũkũthika; nũndũ wĩ mũvuku.</verse>
				<verse number="15">Sisya, iĩmanĩ maũũ ma ũla ũetae ũvoo mũseo, ũla ũnyaĩĩkasya mũuo! Lilikana mboka syaku, we Yuta, ĩanĩsya mawĩvĩto maku; nũndũ ũla mũthũku ndakavĩtĩla kwaku ĩngĩ; nĩ mũvete vyũ.</verse>
			</chapter>
			<chapter number="2">
				<verse number="1">Ũla ũvevenzaa tũlungu nĩwakwambatĩĩa: sũvĩa ngome, syaĩĩsya nzĩa, ĩkia kĩnyunyu kyaku vinya, lũlũmĩlya ũtonyi waku mũno mũnene.</verse>
				<verse number="2">Nũndũ Yeova nũnũkũtũnga ũnene wa Yakovo, o ta ũnene wa Isilaeli; nũndũ amini nĩmamaminĩte, na kwananga mbonge syoo sya mĩsavivũ.</verse>
				<verse number="3">Ngao ya ngũmbaũ syake nĩ ndunĩvye, andũ me ũkũmbaũ mekĩĩte ngũa ndune mũno: makasya ma kaũ me iaa nĩmatisatisaa mũthenya wa kwĩyũmban’ya kwake, na matumo ma mĩtalakwe nĩmavyũlavyũlaw’a.</verse>
				<verse number="4">Makasya ma kaũ nĩmasembaa nzĩanĩ nene ta mekũũũka; nĩmaendaa mĩtũkĩ kũũ na kũũ nzĩanĩ nthanthau: mwonekele wamo ũilyĩ ta mĩmũĩ; nĩmasembaa o ta motisi.</verse>
				<verse number="5">Nũlilikanaa anene make me ndaĩa: nĩmalulutĩkaa mĩtambĩlyenĩ yoo; nĩmekalaatĩlaa ũvainĩ wayo, na kĩla kĩsiĩĩaa nĩkyũmbanaw’a.</verse>
				<verse number="6">Mbingĩlo sya mbũsĩ nĩ mbingũe, na nyũmba nene mbanakavye nĩ mbanangĩku.</verse>
				<verse number="7">Usavu nũvuĩtwe, nũtwaĩtwe kũasa; na athũkũmi make eĩtu nĩmang’ulasya ta wasya wa mavũĩ, makĩkũnanga ithũi syoo.</verse>
				<verse number="8">Ĩndĩ Nineva yatwĩe ĩtilyĩ ndia ya kĩw’ũ kuma tene: ĩndĩ nĩmeũkĩa. Mamanĩĩsyaa, Ũngamai, ũngamai; ĩndĩ vati ũsisya na ĩtina.</verse>
				<verse number="9">Tavai vetha, tavai thaavu; nũndũ vatĩ mũminũkĩlyo wa syĩndũ mbie, ũtaĩo wa mĩio mĩseo yonthe.</verse>
				<verse number="10">Ndĩ na kĩndũ, na nĩ nthei, na mbanange na ngoo nĩnĩũtweka, na mau kũkũnangana, na woo wĩ inyunyunĩ syonthe, na mothyũ moo onthe nĩ maalyũku.</verse>
				<verse number="11">Kĩĩva kĩsumo kya mĩnyambũ, na vala ĩĩthĩaw’a mĩnyambũ ya mũika, vala mũnyambũ na mũnyambũ mũka yangangaa, na ĩswii ya mũnyambũ, na vate wa kũmĩtelemya?</verse>
				<verse number="12">Mũnyambũ watembũangaa tũlungu twĩanĩu nũndũ wa tũswii twaw’o, na kwita nũndũ wa mĩnyambũ yaw’o mĩka, na kusũsya ngunga syaw’o na sya nzyĩma, na isumo syaw’o na kĩla ũtembũangĩte.</verse>
				<verse number="13">Sisya, nĩ ũndũ naku, easya ũu Yeova wa nguthu, na ngavĩvĩsya makasya make ma kaũ nthĩnĩ wa syũki, na ũvyũ ũkamina mĩnyambũ yaku ya mũika; na ngaveta sya nzyĩma syaku syume nthĩ, na wasya wa atũmwa maku ndũkew’ĩka ĩngĩ.</verse>
			</chapter>
			<chapter number="3">
				<verse number="1">Woo nĩ wa ndũa ya nthakame! Nĩyusũĩte movũngũ na ũvutani vyũ; mũtavo ndumaa.</verse>
				<verse number="2">Kĩtoleko kya mũsalisa na kĩlonzo kya ndĩa ikĩkayan’ya, na mbalasi itũlĩlangĩte, na makasya ma kaũ kũthakanga,</verse>
				<verse number="3">ũla ũtũlaa mbalasi akĩtũla, na ũvyũ ũkĩtisatisa, na ĩtumo yĩkĩtisatisa, na wingĩ wa oawa, na mbumbu nene ya simba, na vati mũminũkĩlyo wa simba; nĩmalulutĩkaa ĩũlũ wa simba syoo; —</verse>
				<verse number="4">nũndũ wa wingĩ wa ũmalwaya wa ĩlwaya yanake, ĩnene ya mooi, yĩla yĩthooasya mbaĩ kwondũ wa ũmalwaya wayo, na mĩvĩa kwondũ wa mooi mayo.</verse>
				<verse number="5">Sisya, nĩ na ũndũ naku, easya ũu Yeova wa nguthu, na ngakũvua ngũa syaku nĩvikye ũthyũnĩ waku; na ngoon’ya mbaĩ wĩ mũthei, na mosumbĩ nthoni syaku.</verse>
				<verse number="6">Na ngakwĩkĩsya ũvuku ũthatasya, na ũkũvukya, na ngakwĩkalya ta wĩ wa kukũnũĩwa metho.</verse>
				<verse number="7">Na kũkeethĩwa, atĩ onthe ala meũkũsisya makakĩa kuma vala ũĩ, na kwasya, Nineva nĩyanangĩtwe: nũũ wĩmĩmetea? Nĩkũmanthĩa akiakisya nakũ?</verse>
				<verse number="8">We wĩ kavaa kwĩ No‐amoni, ĩla yaĩ katĩ wa mbũsĩ, ĩla yathyũlũlũkĩtwe nĩ manzĩ; ĩla wiio mũlũmu wayo waĩ ũkanga, na ũvaĩ wayo waĩ o ũkanga?</verse>
				<verse number="9">Ethiovia na Misili nĩsyo syaĩ vinya wayo, na waĩ ũtathela; Vutu na Luvimu syaĩ atethya maku.</verse>
				<verse number="10">Ĩndĩ nĩwatwaiwe, nĩwaendie e mũtave; tũũkenge twake natw’o twang’atanganĩw’a twatilĩkangĩla tũlungu myambĩlĩlyonĩ ya nzĩa nene syonthe; na malimana ũndũ wa andũ make ala me ndaĩa, na andũ make onthe anene moovwa na mĩnyololo.</verse>
				<verse number="11">O naku ũkanyw’a ũmilwe; ũkavithwa; o na ĩngĩ ũkamantha ngome yĩ vinya nũndũ wa mũmaitha.</verse>
				<verse number="12">Ngome syaku syonthe ikeethĩwa ta mĩkũyũ ĩ na makũyũ mambaa kwĩwa: ethĩwa ĩkathingithw’a, nĩmeũvalũka kanyw’anĩ wa mũyi.</verse>
				<verse number="13">Sisya, andũ maku ala me katĩ waku nĩ iveti; mbingĩlo sya nthĩ yaku nĩ mbingũe vyũ kwa amaitha maku: mwaki nũminĩte ivingo syaku.</verse>
				<verse number="14">Ĩtavĩe kĩw’ũ kya yĩla wĩtw’ĩkanĩw’a; lũlũmĩlya ngome syaku; enda yũmbanĩ noianga ndaka; lũlũmĩlya kĩvĩvĩsyo kya mavali.</verse>
				<verse number="15">Mwaki ũkakũvĩvĩsya vo; ũvyũ ũkakũveta; ũkakũmina o tondũ mbandi iminaa: ĩyingĩvye o ta mbandi; ĩvingĩvye o ta ngie.</verse>
				<verse number="16">Nĩwingĩvĩtye athoosya maku kwĩ ndata sya ĩtu: mbandi nikwananga, na ikĩũlũka ikĩthi.</verse>
				<verse number="17">Anene maku me mbee ũsumbĩnĩ nĩ ta ngie, na anene maku nĩ ta mĩkũmbĩ ya ngie nene ila ikomaa wiionĩ mũthenya kwĩ mbevo, ĩndĩ syũa yaumĩla ikĩũlũka ikĩthi, na vala iĩ vakĩlea kũmanyĩka.</verse>
				<verse number="18">Aĩthi maku nĩmomboetye, we mũsumbĩ wa Asuli; anene maku me ndaĩa nĩmathũmũĩte; andũ maku nĩmanyaĩĩkĩte iĩmanĩ, na vatiĩ o na ũmwe wa kũmomban’ya.</verse>
				<verse number="19">Ĩkũnwa yaku yĩtivoeka; wũkite waku wĩ woo: onthe ala mew’aa ũvoo waku nĩmaũkũnangĩaa mbĩ; nũndũ nũũ ũthũku waku ũtavĩtĩlaa ĩũlũ wake ĩndĩ yonthe?</verse>
			</chapter>
		</book>
		<book number="35">
			<chapter number="1">
				<verse number="1">Ndeto ngito ĩla mwathani Avakuki wonie.</verse>
				<verse number="2">Ame Yeova, ngaĩa ĩvinda yĩana ata, naku ndũkwenda kwĩw’a? Nĩngũkwĩkaĩla ũndũ wa ũng’endu wĩ kw’o, na ndũkwenda kũtangĩĩa.</verse>
				<verse number="3">Nĩkĩ naku ũmbonasya ũthũku, na kũtuma nĩsiasya maũndũ ma ngũlũ? Nũndũ wanangĩko na ũng’endu me mbee wakwa; na ve ĩteta, na ngananĩo nikũkĩla.</verse>
				<verse number="4">Kwondũ wa ũu mĩao ndĩ na vinya, na sila wa katĩ ndumĩlaa nongi; nũndũ ala thũku nĩmathyũlũlũkĩte ala alũngalu; kwondũ wa ũu sila wa katĩ nĩwelelũkaw’a.</verse>
				<verse number="5">Sisyai, inyw’ĩ i mbaĩnĩ, na mũiketeea, na kũseng’a mũseng’eee; nũndũ nĩtethya wĩa mĩthenya yenyu, ũla mũtaketĩkĩla o na mwatavw’a.</verse>
				<verse number="6">Nũndũ, sisyai, nĩngũkĩlya Akalitei, mbaĩ yĩ wai na nthangaau, ala maendaa ũthanthaunĩ wa nthĩ, kwĩyosea motũo ala mate moo.</verse>
				<verse number="7">Nĩ ma kũtĩsya na kũtw’a nda; ũsilĩli woo na ũnene woo wumaa kwoo ene.</verse>
				<verse number="8">O na mbalasi syoo syĩ maũũ kwĩ ngo, na nĩ mbai kwĩ nzũi wĩoo; na atũli ma mbalasi moo maendaa na ngathĩĩo: ĩĩ, atũli ma mbalasi moo mokaa kuma kũasa; maũlũkaa ta ndiũ yĩkalaatĩle kũya.</verse>
				<verse number="9">Mokaa onthe kwondũ wa ũng’endu; mothyũ moo malũlũmĩle kwelekela mbee; na mombanasya atavwa o ta kĩthangathĩ.</verse>
				<verse number="10">Ĩĩ, nũvũthĩĩasya asumbĩ, na kũmathekeea anene me mbee ũsumbĩnĩ; nũthekeeaa kĩla ngome yĩ vinya; nũndũ nũmyũmbĩaa mũthanga, na akĩmyosa.</verse>
				<verse number="11">Nĩvo ĩndĩ wĩvĩta o ta kĩseve, na akĩvĩtũka, na akĩthĩwa mũvĩtan’ya, we ũla ũtonyi wake nĩ ngai yake.</verse>
				<verse number="12">We ndwĩ wa tene na tene, ame Yeova Ngai wakwa, Mũtheu wakwa? Tũikakw’a. Ame Yeova, we nĩwamwiie nũndũ wa ũsilĩlo; naku, ame Ĩvia, nĩwamũũngamisye nũndũ wa ũkan’yo wa mavĩtyo.</verse>
				<verse number="13">We ũla wĩ na metho matheu ũtasiasya ũthũku, na ũla ũtatonya kũsisya ngũlũ, nĩ ũndũ wa kĩ ũsiasya ala mekaa ũseleke, na ũyĩkilĩlya yĩla mũthũku ũnũkũmelya mũndũ ũla wĩ na ũlũngalu kũmũvĩtũka;</verse>
				<verse number="14">na aitw’ĩkĩthya andũ ta makũyũ ma ũkanganĩ, na ta tũsamũ tũla tũtambũkaa, tũte mũnene watw’o?</verse>
				<verse number="15">Nũmakwatasya onthe na ngolya, nũmakwatasya na kĩtei kyake, na aimomban’ya ĩkengenĩ yake: kwondũ wa ũu nũtanaa na kwĩw’a mũyo.</verse>
				<verse number="16">Kwondũ wa ũu nũthembeaa kĩtei kyake, na kũtoeesya ĩkenge yake ũvani; nũndũ kwondũ wasyo kĩanda kyake nĩ kĩnou, na lĩu wake nĩ mwingĩ.</verse>
				<verse number="17">Kwondũ wa ũu nũkaumya onthe ala me kĩteinĩ kyake, na aieka kũsyũaa mbaĩ ĩvinda yonthe?</verse>
			</chapter>
			<chapter number="2">
				<verse number="1">Ngaũngama ũsyaĩĩsyonĩ wakwa, na kwĩũngamya ĩũlũ wa mwako mũtũlu wa mũnyoolo, na ngasisya none ũndũ wĩneena nakwa, na ũndũ nĩsũngĩa ũndũ wa kũnyungunyĩsya kwakwa.</verse>
				<verse number="2">Na Yeova anzũngĩa, na ambĩa, Andĩka woni masengeanĩ, wumĩlye nesa, nĩ kana ũla ũsomaa atonye kũsemba.</verse>
				<verse number="3">Nũndũ woni no wa ĩvinda yĩla yatwiwe, na wĩkalaatĩle kwelekela mũminũkĩlyo, na ndwĩĩthĩwa ũvũngũ: o na wekala, wĩweteela; nĩkwĩthĩwa ndũtĩa kũka, ndũkekala.</verse>
				<verse number="4">Sisya, ngoo yake nĩĩyimbĩtye, ti ndũngalu nthĩnĩ wake; ĩndĩ ũla mũlũngalu akekala thayũ kwondũ wa mũĩkĩĩo wake.</verse>
				<verse number="5">Ĩĩ, o na mbee wa ũu, mbinyu nĩ ngengani, nĩyo mũndũ wĩ mĩtũlyo, ũla ũtekalaa kwake; ũla ũnenevasya kwenda kwake ta Seoli, nake nĩ ta kĩkw’ũ, na ndatonya kũvũnĩthw’a, ĩndĩ eyũmbanĩasya mbaĩ syonthe, na kwĩyũmbanĩsya ngo syonthe sya andũ.</verse>
				<verse number="6">Asu onthe matikamũtila ngelekan’yo, na kũmũkũlũla nthimo, makyasya, Woo nĩ wa ũla wongeleelaa kĩla kĩte kyake! Nĩ kũvika ĩndĩĩ? Na wa ũla wĩkuĩthasya mũio wa ngwatĩlĩlyo!</verse>
				<verse number="7">Maikokĩla na kĩthũlũmũko ala makakũũma, na kũamũka ala makakũthĩn’ya, naku ndũkethĩwa mũtavo kwoo?</verse>
				<verse number="8">Nĩkwĩthĩwa nũtavĩte mbaĩ mbingĩ, ũtialo w’onthe wa ngo sya andũ ũkakũtava, kwondũ wa nthakame ya andũ, na kwondũ wa ũng’endu ũla wĩkĩtwe nthĩ ĩsu, ndũa ĩsu na onthe ala matwie nthĩnĩ wayo.</verse>
				<verse number="9">Woo nĩ wa ũla ũtandĩthĩasya nyũmba yake ũtandĩthyo mũthũku, nĩ kana atũlye ndala yake ĩũlũ, kana atangĩĩwe kuma kw’okonĩ kwa ũthũku!</verse>
				<verse number="10">We nũmanthĩe nyũmba yaku nthoni, nũndũ wa kũveta ngo mbingĩ sya andũ, na nĩwĩyĩkĩte naĩ.</verse>
				<verse number="11">Nũndũ ĩvia yĩkalonzanĩlya wakonĩ, na mũamba wĩ mĩtĩnĩ ya mwako ũkayĩsũngĩa.</verse>
				<verse number="12">Woo nĩ wa ũla wakaa katũla na nthakame, na kũlũlũmĩlya ndũa na ũthũku!</verse>
				<verse number="13">Sisya, ti ũndũ wa Yeova wa nguthu ngo sya andũ syĩthĩnĩa wĩa ũvĩvw’e nĩ mwaki, na mbaĩ ikĩnosya mana?</verse>
				<verse number="14">Nũndũ nthĩ ĩkausũwa nĩ kũmanya ũnene wa Yeova, o tondũ manzĩ makunĩkĩlye ũkanga.</verse>
				<verse number="15">Woo nĩ wa ũla ũnengae mũtũi wake kya ũnyw’a, kwaku we, ũla wongelanasya kya ũmũtoon’ya kyaku, na ĩngĩ ũituma amilwa, nĩ kana ũtonye kũmasisya me athei!</verse>
				<verse number="16">Wusũĩtwe nĩ nthoni, na ti ndaĩa: nyw’a o naku, na ĩthĩwa o ta ũmwe ũte mwaĩke; kĩkombe kĩ kw’okonĩ kwa aũme kwa Yeova kĩkakũsyokea, na nthoni nthũku ikavw’ĩka ndaĩa yaku.</verse>
				<verse number="17">Nũndũ ũng’endu ũla weekiwe Levanoni, na wanango wa nyamũ, ũla watumie makĩa, ũkakũvw’ĩka; nũndũ wa nthakame sya andũ, na nũndũ wa ũng’endu ũla weekiwe nthĩ ĩsu, ndũa ĩsu na onthe ala matwĩe nthĩnĩ wayo.</verse>
				<verse number="18">Mũvw’anano mwasũvye ũunaa na kyaũ, kĩtuma mwaseũvya waw’o awasũvya; mũvw’anano mũseũvye wa syĩndũ itwekethetw’e, nĩw’o mũmanyĩsya wa movũngũ, ũunaa na kyaũ, kĩtuma ũla ũseũvasya mũmbĩle waw’o oĩkĩĩa, nĩ kana aseũvye mĩvw’anano ĩtaneenaa?</verse>
				<verse number="19">Woo nĩ wa ũla wĩaa mũtĩ, Amũka; na ĩvia yĩtaneenaa, Ũkĩla! Syĩndũ ii ikamanyĩsya? Sisya, nivw’ĩkĩtwe na thaavu na vetha, o na vai mĩvevo nongi nthĩnĩ wasyo.</verse>
				<verse number="20">Ĩndĩ Yeova e ĩkalũnĩ yake ĩtheu: nthĩ yonthe nĩvindye mbee wake.</verse>
			</chapter>
			<chapter number="3">
				<verse number="1">Mboya ya mwathani Avakuki, ya mwinĩle wa kũkaya.</verse>
				<verse number="2">Ame Yeova, nĩnĩw’ĩte ũvoo waku, na nĩngũkĩa; Ame Yeova, vuũkya wĩa waku katĩ wa myaka; Katĩ wa myaka tuma ũmanyĩka; Wathilĩka, lilikana tei.</verse>
				<verse number="3">Ngai nĩwokie kuma Temani, Na Ũla Mũtheu kuma kĩĩmanĩ kya Valani. Ũtheu mũtisu wake wavw’ĩka matu, Na nthĩ yausũwa nĩ ndaĩa yake.</verse>
				<verse number="4">Na ũtisu wake wailyĩ kyeni; Aĩ na syeni syumĩte kw’okonĩ kwake; Na vo vaĩ kĩmbithĩ kya ũtonyi wake.</verse>
				<verse number="5">Mbee wake kwatongosya mũimũ, Na makaa makanu maendela maũũnĩ make.</verse>
				<verse number="6">Aũngama, na athima nthĩ; Asisya, na alũngĩlĩĩlya i mbaĩ kũũ na kũũ; Na iĩma sya tene na tene syanyaĩĩkw’a; Mĩendele yake yailyĩ o ta ĩla ya tene.</verse>
				<verse number="7">Nonie maeema ma Kusani me thĩnanĩ; Motũtũ ma ngũa ma nthĩ ya Mitiani mathingitha.</verse>
				<verse number="8">Atĩ Yeova nĩwew’ĩthiwe’ woo nĩ mbũsĩ? Ũthatu waku waĩ ĩũlũ wa mbũsĩ, Kana ũthilĩku waku ĩũlũ wa ũkanga, Ũndũ waendete ũtũlĩte mbalasi syaku, Makasyanĩ maku ma ũtangĩĩo?</verse>
				<verse number="9">Ũta waku waĩ mumĩlye vyũ; Iavo i syeavĩwe mbaĩ syaĩ ndeto ya w’o. We nĩwaatũangie nthĩ na mbũsĩ.</verse>
				<verse number="10">Iĩma syakwona, na syeew’a w’ĩa; Kyũkĩlan’yo kya manzĩ maingĩ kyavĩta kyathi; Manzĩ ma syũngũ nene maumya wasya wamo, Na mookĩlya moko mamo ĩũlũ.</verse>
				<verse number="11">Syũa na mwei syaũngama ki ũtũonĩ wasyo, Kwondũ wa kyeni kya mĩsyĩ yaku ĩvĩtĩte, Kwondũ wa ũtisu wa ĩtumo yaku yĩkĩtisatisa.</verse>
				<verse number="12">Wavĩtĩle nthĩ wĩ mũthilĩku; We nĩwavũie i mbaĩ wĩ mũthatu.</verse>
				<verse number="13">We nĩwaumaalile ũndũ wa kũtangĩĩa andũ maku, Nũndũ wa ũtangĩĩo wa mwĩtĩkĩw’a mauta waku; We nĩwokitie mũtongoi wa nyũmba ya ũla mũndũ mwathe, Ũkĩvukũa mwambĩlĩlyo o na kũvika ngingonĩ.</verse>
				<verse number="14">Naku nĩwatonyie mũtongoi wa andũ make ma kaũ na mĩsenge yake mwene: Nĩmookie o ta kĩlingi manyaĩĩkye nyie; Kũtana kwoo kwaĩ ta kũya ngya kĩmbithĩ.</verse>
				<verse number="15">We nĩwakinyangie ũkanga na mbalasi syaku, Kĩvumbu kya manzĩ maingĩ.</verse>
				<verse number="16">Neew’a, na mwĩĩ wakwa watetema, Ilomo syakwa syathĩĩlĩa nũndũ wa ũla wasya; Wou nũkũlika mavĩndĩnĩ makwa, na nĩngũtetemea va nĩĩ; Nĩkwĩthĩwa no mũvaka meteele mũthenya wa ũnyamao nĩuĩtye, Kwambata kwa andũ ala metũvithũkĩa.</verse>
				<verse number="17">Nũndũ o na ethĩwa mũkũyũ ndũkalaũka, O na mĩsavivũ ndĩkasyaa; Wĩa wa mũthata ũkethĩwa wa mana; Na mĩũnda ndĩkasyaa lĩu; Ndĩthya sya mbũi na malondu ikavetwa kyengonĩ, Na vaikethĩwa ndĩthya sya ng’ombe itũũnĩ:</verse>
				<verse number="18">Ĩndĩ nyie ngatana nthĩnĩ wa Yeova, Ngatanĩa Ngai wa ũtangĩĩo wakwa.</verse>
				<verse number="19">Yeova, Mwĩaĩi, nĩ vinya wakwa; Na etw’a maũũ makwa ta maũũ ma ndaatai, Na akatuma nĩendela kũndũ kwakwa kũtũlu. Kwondũ wa Mũingi Ũla Mũnene, syĩndũnĩ syakwa sya kũinga syĩ mĩkunzu.</verse>
			</chapter>
		</book>
		<book number="36">
			<chapter number="1">
				<verse number="1">Ndeto ya Yeova ĩla yamũkĩe Nzevania mwana wa Kusi, mwana wa Ngetalia, mwana wa Amalia, mwana wa Esekia, mĩthenya ya Yosia mwana wa Amoni, mũsumbĩ wa Yuta.</verse>
				<verse number="2">Ngamina syĩndũ syonthe vyũ syume ĩũlũ wa nthĩ, easya ũu Yeova.</verse>
				<verse number="3">Ngamina mũndũ o na nyamũ; ngamina nyũnyi sya yayayanĩ, na makũyũ ma ũkanganĩ, na molulutĩkyo vamwe na ala athũku; na ngaveta mũndũ aume ĩũlũ wa nthĩ, easya ũu Yeova.</verse>
				<verse number="4">Na ngatambũũkya kw’oko kwakwa ĩũlũ wa Yuta, na ĩũlũ wa onthe ala matwĩe Yelusaleme; na ngaveta ũtialo wa Mbaali wume vandũ vaa, o na syĩtwa ya Kemalimu vamwe na athembi;</verse>
				<verse number="5">o na ala mathaithaa nguthu ya ĩtunĩ me nyũmbanĩ ĩũlũ; o na ala mathaithaa, ala mamwĩavĩaa Yeova na kwĩava na Malikamu;</verse>
				<verse number="6">o na ala methyũũĩte na ĩtina maeke kũmũvikĩla Yeova; na ala matamũmanthĩte Yeova, o na kũmũkũlya.</verse>
				<verse number="7">Ĩkilĩlye, Mwĩaĩi Yeova e vo; nũndũ mũthenya wa Yeova nũthengeee: nũndũ Yeova nũseũvĩtye nthembo, nũvathĩte aeni make.</verse>
				<verse number="8">Na kũkeethĩwa mũthenya wa nthembo ya Yeova, ngasilĩla anene me mbee ũsumbĩnĩ, na ana ma mũsumbĩ, na onthe ala mevw’ĩkaa ngũa ngeni.</verse>
				<verse number="9">Na mũthenya ũsu ngasilĩla onthe ala makĩlĩlaa mwalyonĩ wa mũomo, ala mausũasya nyũmba ya vwana woo ũng’endu na ũkengani.</verse>
				<verse number="10">Na mũthenya ũsu, easya ũu Yeova, kũkeethĩwa kĩlonzo kya kũkaya mbingĩlonĩ ya makũyũ, na kĩĩo kuma ũtũinĩ wa kelĩ, na kĩtuu kĩnene kuma iĩmanĩ.</verse>
				<verse number="11">Ĩai, inyw’ĩ mũtwĩe Maketesi; nũndũ andũ onthe ma Kanaani nĩ au vinya; onthe ala makuĩte mĩio ya vetha nĩmavetwa.</verse>
				<verse number="12">Na kũkeethĩwa ĩvinda yĩu, ngamantha nthĩnĩ wa Yelusaleme na mataa; na ngasilĩla andũ ala mekalĩte kĩmongoyonĩ kyoo, ala maasya ngoonĩ syoo, Yeova ndeĩka ũseo, o na ndeĩka ũthũku.</verse>
				<verse number="13">Na ũthwii woo ũkatavwa, na nyũmba syoo ikatiwa syĩ nthei: ĩĩ, makaaka nyũmba, ĩndĩ matikaitũa; na makavanda mĩũnda mĩsavivũ, ĩndĩ matikanyw’a mbinyu yayo.</verse>
				<verse number="14">Mũthenya mũnene wa Yeova wĩ vakuvĩ, wĩ vakuvĩ na nĩwĩkalaatĩte mũno, o wasya wa mũthenya wa Yeova; ngũmbaũ ĩĩĩaa vo kĩĩo kĩ woo.</verse>
				<verse number="15">Mũthenya ũsu nĩ mũthenya wa ũthilĩku, mũthenya wa ũnyamao na thĩna, mũthenya wa wanangĩko na ĩvou, mũthenya wa kĩvindu na mũki mũnene, mũthenya wa matu na kĩvindu kya ngokomi,</verse>
				<verse number="16">mũthenya wa soo na wa wasya wa kũtĩsya, ĩũlũ wa ila ndũa mbiie, na ĩũlũ wa ala maũvai matũlu mũno.</verse>
				<verse number="17">Na ngaete thĩna ĩũlũ wa andũ, nĩ kana maendae ta ililinda, nĩkwĩthĩwa nĩmamũvĩtanĩsye Yeova; na nthakame yoo ĩketwa nthĩ ta kĩtoo, na mĩĩ yoo ta kyaa.</verse>
				<verse number="18">O na vetha woo kana thaavu woo ndũkethĩwa ũtonya kũmavonokya mũthenya wa kũthilĩka kwa Yeova; ĩndĩ nthĩ yonthe ĩkaminwa nĩ mwaki wa kĩwĩu kyake: nũndũ akaminũkĩlya, ĩĩ, mũminũkĩlyo mwai, wa onthe ala matwĩe ĩ nthĩ.</verse>
			</chapter>
			<chapter number="2">
				<verse number="1">Ĩtũngĩanĩei vamwe, ĩĩ, ĩtũngĩanĩe, we mbaĩ ĩla ĩte na nthoni;</verse>
				<verse number="2">mbee wa ũtw’ĩo ũtanaumĩlya ũsyao, mbee wa mũthenya ũtanavĩta ta wewa, mbee wa ũthatu mwai wa Yeova ũtanoka ĩũlũ wenyu, mbee wa mũthenya wa ũthatu wa Yeova ũtanoka ĩũlũ wenyu.</verse>
				<verse number="3">Mũmanthei Yeova, inyw’onthe ala auu ma nthĩ, ala mũkwatĩte motw’ĩo make; manthai ũlũngalu, manthai ũuu: nokwĩthĩwa mũvithwa mũthenya wa ũthatu wa Yeova.</verse>
				<verse number="4">Nũndũ Ngasa ĩkatiwa, na Asikeloni ĩkeethĩwa ĩanzo; makalũngya Asitoti kwĩ mũthenya katĩ, na Ekiloni ĩkakũanĩw’a na mĩi.</verse>
				<verse number="5">Woo nĩ wa ala matwĩe ũtee wa ũkanga, mbaĩ ya Akelethi! Ndeto ya Yeova yĩ ĩũlũ waku, we Kanaani, nthĩ ya Avilisiti; ngakwananga nĩ kana vatikaaĩthĩwe wa ũtũa kwaku.</verse>
				<verse number="6">Na ũtee wa ũkanga kũkeethĩwa isesi, syĩ na tũsũmba twa aĩthi na syengo sya ndĩthya sya mbũi na malondu.</verse>
				<verse number="7">Na ũtee wa ũkanga ũkatw’ĩka wa ũtialo wa nyũmba ya Yuta; makaĩthasya ndĩthya syoo sya mbũi na malondu kũu; nyũmbanĩ sya Asikeloni nĩkw’o mekomaa wĩoo; nũndũ Yeova Ngaĩ woo akamokĩa, na akamatũnga kuma kũtavwanĩ.</verse>
				<verse number="8">Nĩnĩw’ĩte mbũthĩĩsya ya Moavi, na kũumana kwa ana ma Amimoni, kũla mavũthĩtye andũ makwa, na kwĩnenevya ene ĩũlũ wa mũvaka woo.</verse>
				<verse number="9">Kwondũ wa ũu o tondũ nyie nĩ thayũ, easya ũu Yeova wa nguthu, Ngai wa Isilaeli, Vate ndĩi Moavi ĩkeethĩwa ta Sotomo, na ana ma Amimoni ta Ngomola, wĩkalo wa syĩnyeelya, na maima ma mũnyũ, na ĩanzo tene na tene: na ũtialo wa andũ makwa ũkamatava mũtavo, na ũtialo wa mbaĩ yakwa ũkamatiĩwa.</verse>
				<verse number="10">Ũũ nĩw’o meĩthĩwa nũndũ wa ngathĩĩo syoo, nĩkwĩthĩwa nĩmavũthĩtye na kwĩtũlya ene ĩũlũ wa andũ ma Yeova wa nguthu.</verse>
				<verse number="11">Yeova akeethĩwa ũtĩsyo kwamo; nũndũ akaimosethya ngai syonthe sya nthĩ; na andũ makamũthaitha, kĩla mũndũ vala ũĩ, o ithama syonthe sya i mbaĩ.</verse>
				<verse number="12">O nenyu Aethiovia, mũkooawa na ũvyũ wakwa.</verse>
				<verse number="13">Na akatambũũkĩa ngalĩ ya ĩũlũ na kw’oko kwake, na akyananga Asuli, na akatw’ĩkĩthya Nineva ĩanzo, na nyũmũ ta weũ.</verse>
				<verse number="14">Na ndĩthya ikatindia katĩ wayo, nyamũ syonthe ila syĩ kwa i mbaĩ: ngunĩ na nzee ikekala mĩthyanĩ ya ituĩ syayo; wasya wasyo ũkeew’ĩkĩla mbũthinĩ; wanangĩko ũkeethĩwa myalyonĩ ya mĩomo: nũndũ nũvuĩte mbwaũ sya mĩtĩ ya mĩkũũ.</verse>
				<verse number="15">Ĩno nĩ ndũa ya ũtanu ĩla ĩtwĩe ĩte kĩio, ĩla yaisye ngoonĩ yayo, Ninyie, na vati ũngĩ ate o nyie: A! Ũndũ ĩtw’ĩkĩte ĩanzo, vandũ va kũtindia nyamũ! Kĩla ũmwe ũla ũmĩvĩtĩlaa akamĩtimba, na kwĩkangya kw’oko kwake.</verse>
			</chapter>
			<chapter number="3">
				<verse number="1">Woo nĩ wayo ng’endi na mbuku! Ndũa nthĩn’ya!</verse>
				<verse number="2">Ndĩaaĩthukĩĩsya ũla wasya; ndĩaakwata ũmanyĩsyo; ndĩaamũĩkĩĩa Yeova; ndĩaathengeea vakuvĩ na Ngai wayo.</verse>
				<verse number="3">Anene mayo me mbee ũsumbĩnĩ ala me nthĩnĩ wayo nĩ mĩnyambũ ĩnĩkũluma; asili mayo nĩ nzũi wĩoo; ititialasya kĩndũ kĩvike ũnĩ.</verse>
				<verse number="4">Athani mayo nĩ andũ mate vata na nĩ nzeleke; athembi mayo nĩmavukĩtye vala vandũ vatheu, nĩmang’endee ĩla mĩao.</verse>
				<verse number="5">Yeova ũla wĩ katĩ wayo nĩ mũlũngalu; ndakeka ũthũku; kĩla kĩoko aetae ũsili wake wa katĩ kyeninĩ, we ndatĩaa kwĩanĩsya; ĩndĩ ũla ũte mũlũngalu ndesĩ nthoni.</verse>
				<verse number="6">Nĩnĩvetete mbaĩ; maũvai moo matũlu nĩ mathei; nĩnĩtw’ĩkĩthĩtye nzĩa syoo nene mbanangĩku, ũndũ itavĩtĩlwa nĩ mũndũ; ndũa syoo nĩ mbanange, ũndũ itethĩwa mũndũ, ũndũ itatũwa.</verse>
				<verse number="7">Naasya, Ndũtĩa ũngĩa; ũketĩkĩla ũmanyĩsyo; kwondũ wa ũu ũtũo wake ndũkavetwa, o kwĩanana na w’onthe ũla natwie ũndũ wake: ĩndĩ mookĩla tene na mathũkya meko moo onthe.</verse>
				<verse number="8">Kwondũ wa ũu mbeteelai kũvika mũthenya ũla nĩũkĩla kũtava, easya ũu Yeova; nũndũ kũtw’a kwakwa nĩ kũmban’ya i mbaĩ, nĩ kana nĩkoman’ye mosumbĩ, nĩmonosye ũthilĩku wakwa, o ũthatu wakwa w’onthe mwai; nũndũ nthĩ yonthe ĩkaminwa nĩ mwaki wa kĩwĩu kyakwa.</verse>
				<verse number="9">Na ĩndĩ nĩvo nĩtũngĩa i ngo sya andũ kĩthyomo kĩtheu, nĩ kana onthe mekaĩle syĩtwa ya Yeova, mamũthũkũmae na ngoo ĩmwe.</verse>
				<verse number="10">Kuma mũingo ũya wa mbũsĩ sya Ethiovia avoyi makwa, o mwĩĩtu wa mũnyaĩĩkw’a wakwa, makandetee nthembo yakwa.</verse>
				<verse number="11">Mũthenya ũsu ndũkasonokw’a nũndũ wa meko maku onthe, ala wambĩtanĩsye; nũndũ nĩvo nĩumya kwaku ala maku metanĩthasya na ngathĩĩo, naku ndũkethĩwa na wĩng’athĩlĩlyo ĩngĩ kĩĩmanĩ kyakwa kĩtheu.</verse>
				<verse number="12">Ĩndĩ ngaeka kwaku ũko wa andũ ũla ũnyamaaw’a o na ngya, na makeevitha syĩtwanĩ ya Yeova.</verse>
				<verse number="13">Ũtialo wa Isilaeli ndũkeka ũthũku, kana kũneena movũngũ; o na ũĩmĩ ũkenganaa ndũkoneka kanyw’anĩ woo; nũndũ makaya na kũkoma nthĩ, na kũtikethĩwa ũkatuma makĩa.</verse>
				<verse number="14">Ina, we mwĩĩtu wa Saioni; ũkĩlya wasya, we Isilaeli; tana na kwĩw’a mũyo na ngoo yonthe, we mwĩĩtu wa Yelusaleme.</verse>
				<verse number="15">Yeova nũvetete mosilĩlo maku, nĩwĩkĩtye mũmaitha waku ũtee: Mũsumbĩ wa Isilaeli, o Yeova, e katĩ waku; ndũkakĩa ũthũku o na ĩndĩĩ.</verse>
				<verse number="16">Mũthenya ũsu Yelũsaleme ĩkatavw’a, Ndũkakĩe we; we Saioni, moko maku matikaleele.</verse>
				<verse number="17">Yeova Ngai waku e katĩ waku, mwene ũtonyi ũla wĩtangĩĩa; akakũtanĩa na mũyo; akathũmũa wendonĩ wake; akakũtanĩa akina.</verse>
				<verse number="18">Ngamomban’ya ala mew’aa woo nũndũ wa ũmbano ũtw’ĩtwe kwaa, ala maĩ maku; ala kũvũthw’a kwayo kwatw’ĩkie mũio kwoo.</verse>
				<verse number="19">Sisya, ĩvinda yĩu ngatwaatwaana na onthe ala makũthĩnasya; na ngatangĩĩa ũla ũthuaa, na ngĩtũnga ũla walũngĩtw’e; na ngamatw’a ngatho na syĩtwa, ala mekalĩte me na nthoni nthĩ yonthe.</verse>
				<verse number="20">Ĩvinda yĩu ngamũete nthĩnĩ, na ĩvinda yĩu ngamũmban’ya; nũndũ ngamũtw’a syĩtwa na ngatho katĩ wa ngo syonthe sya andũ sya nthĩ, yĩla nĩmũtũnga mume kũtavwanĩ kwenyu mũsyaĩtye, easya ũu Yeova.</verse>
			</chapter>
		</book>
		<book number="37">
			<chapter number="1">
				<verse number="1">Mwaka wa kelĩ wa kũsumbĩka kwa mũsumbĩ Ndalio, mwei wa thanthatũ, mũthenya wa mbee wa mwei, ndeto ya Yeova yamũkĩa Nzeluvaveli mwana wa Sealitieli, ngavana wa Yuta, na Yosua mwana wa Yeosataki, mũthembi mũnene, na kanyw’a mwathani Akai, ĩkĩmea,</verse>
				<verse number="2">Yeova wa nguthu eneena ũũ, akyasya, Andũ aa measya, Ĩvinda yĩtinamba kũvika, ĩvinda ya kwaka nyũmba ya Yeova.</verse>
				<verse number="3">Nĩvo ĩndĩ ndeto ya Yeova yookie na kanyw’a wa mwathani Akai, ĩkĩkũlya,</verse>
				<verse number="4">Nĩ ĩvinda yenyu ene kwĩkalaa nyũmbanĩ syenyu nzeũvye na mbwaũ nthĩnĩ, yĩla nyũmba ĩno ĩeketwe ĩ mbanangĩku?</verse>
				<verse number="5">Na yu kwondũ wa ũu Yeova wa nguthu easya atĩĩ: Sũanĩai mĩendele yenyu.</verse>
				<verse number="6">Inyw’ĩ mũvandĩte mbingĩ, na mũkĩketha nini; nĩmũĩsaa, ĩndĩ mũtivũnaa; nĩmũnyusaa, ĩndĩ mũtilaũkaa; nĩmwĩvw’ĩkaa, ĩndĩ vati wĩw’aa muutĩa, na ũla ũthũkũmaa atuvwe, athũkũmaa ĩtuvi na akĩkĩa ngusunĩ mbũthũkangu.</verse>
				<verse number="7">Ũũ nĩw’o Yeova wa nguthu ũnũkwasya: Sũanĩai mĩendele yenyu.</verse>
				<verse number="8">Ambatai kĩĩmanĩ, mũete mĩtĩ, na mũkyaka ĩla nyũmba; na ngendeew’a nĩyo, na ngataĩwa, easya ũu Yeova.</verse>
				<verse number="9">Mwaasya mũkoona nyingĩ, na, sisya, ikyoneka nini; na mwaiete mũsyĩ, ngivutũkya. Nĩkĩ? Ekũlya ũu Yeova wa nguthu. Nũndũ wa nyũmba yakwa kũekwa ĩ mbanangĩku, yĩla mũũsemba kĩla mũndũ nyũmbanĩ yake mwene.</verse>
				<verse number="10">Kwondũ wa ũu nũndũ wenyu matu nĩmaleaa kũete ĩmwe, na nthĩ nĩleaa kũete ũsyao wayo.</verse>
				<verse number="11">Na neeta mũnyao wũke ĩũlũ wa nthĩ, na ĩũlũ wa ĩĩma, na ĩũlũ wa lĩu wa mbaa ngetha, na ĩũlũ wa mbinyu nbĩthĩ, na ĩũlũ wa mauta, na ĩũlũ wa kĩla nthĩ ĩmeasya, na ĩũlũ wa andũ, na ĩũlũ wa indo, na ĩũlũ wa wĩa w’onthe wa moko.</verse>
				<verse number="12">Nĩvo ĩndĩ Nzeluvaveli mwana wa Sealitieli, na Yosua mwana wa Yeosataki, mũthembi mũnene, vamwe na ũtialo w’onthe wa andũ, meewie wasya wa Yeova Ngai woo, na ndeto sya mwathani Akai, o tondũ Yeova Ngai woo wamũtũmĩte; na andũ meew’a w’ĩa vala ve Yeova.</verse>
				<verse number="13">Nĩvo ĩndĩ Akai, mũtũmwa wa Yeova, waneenie ũtũme wa Yeova kwa andũ, akĩmea, Nĩ vamwe nenyu, easya ũu Yeova.</verse>
				<verse number="14">Na Yeova aamũkya veva wa Nzeluvaveli mwana wa Sealitieli, ngavana wa Yuta, na veva wa Yosua mwana wa Yeosataki, mũthembi mũnene, na veva wa ũtialo w’onthe wa andũ; na mooka na matethya wĩa nyũmbanĩ ya Yeova wa nguthu, Ngai woo,</verse>
				<verse number="15">mũthenya wa mĩongo ĩlĩ na ĩna, mwei wa thanthatũ, mwaka wa kelĩ wa kũsumbĩka kwa mũsumbĩ Ndalio.</verse>
			</chapter>
			<chapter number="2">
				<verse number="1">Mwei wa mũonza, mũthenya wa mĩongo ĩlĩ na ũmwe wa mwei, ndeto ya Yeova yooka na kanyw’a wa mwathani Akai, ĩkyasya,</verse>
				<verse number="2">Neena yu na Nzeluvaveli mwana wa Sealitieli ngavana wa Yuta, na Yosua mwana wa Yeosataki, mũthembi mũnene, na ũtialo wa andũ, ũmakũlye,</verse>
				<verse number="3">Nũũ ũtiele katĩ wenyu ũla wonie nyũmba ĩno yĩ na ũtheu wayo wa mbee? Na mwĩmyona ata yu? Ti ta mana methonĩ menyu?</verse>
				<verse number="4">Ĩndĩ yu ĩthĩwa na vinya, we Nzeluvaveli, easya ũu Yeova; na ĩthĩwa na vinya, we Yosua, mwana wa Yeosataki, mũthembi mũnene; na ĩthĩwai na vinya, inyw’ĩ andũ onthe ma nthĩ ĩno, na tethyai wĩa, easya ũu Yeova: nũndũ nĩ vamwe nenyu, easya ũu Yeova wa nguthu,</verse>
				<verse number="5">o kwĩanana na ndeto ĩla natianĩie nenyu yĩla mwaumie Misili, na Veva wakwa ekalaa katĩ wenyu; mũikakĩe.</verse>
				<verse number="6">Nũndũ ũu nĩw’o Yeova wa nguthu ũnũkwasya: No ĩmwe, o kavinda kanini, na ngathingithya matu, na nthĩ, na ũkanga, na nthĩ nyũmũ;</verse>
				<verse number="7">na ngathingithya mbaĩ syonthe; na ũla wendetwe nĩ mbaĩ syonthe ũkooka; na ngausũsya nyũmba ĩno ũtheu mũtisu, easya ũu Yeova wa nguthu.</verse>
				<verse number="8">Vetha nĩ wakwa, na thaavu nĩ wakwa, easya ũu Yeova wa nguthu.</verse>
				<verse number="9">Ũtheu wa ĩtina wa nyũmba ĩno ũkeethĩwa wĩ mũnene kwĩ ũla wa mbee, easya ũu Yeova wa nguthu; na nganenganĩa mũuo vandũ vaa, easya ũu Yeova wa nguthu.</verse>
				<verse number="10">Mũthenya wa mĩongo ĩlĩ na ĩna wa mwei wa kenda, mwaka wa kelĩ wa kũsumbĩka kwa Ndalio, ndeto ya Yeova yooka na kanyw’a wa mwathani Akai, ĩkyasya,</verse>
				<verse number="11">Ũũ nĩw’o Yeova wa nguthu ũnũkwasya: Kũlyai athembi yu ũndũ wa mĩao, mũkyasya,</verse>
				<verse number="12">Ethĩwa ũmwe akakua nyama ntheu ovee mũthyanĩ wa ngũa yake, na mũthya wa ngũa yake ũikiita kĩmũtũ, kana ũsũũ, kana mbinyu, kana mauta, kana lĩu o na wĩva, kĩkatw’ĩka kĩtheu? Na athembi masũngĩa na masya, Aiee.</verse>
				<verse number="13">Nĩvo ĩndĩ Akai wakũlilye, Ethĩwa ũmwe mũvuku nũndũ wa ũkiita kimba akakiita kĩndũ kĩmwe kya isu, kĩkeethĩwa kĩ kĩvuku? Na athembi masũngĩa na masya, Kĩkeethĩwa kĩ kĩvuku.</verse>
				<verse number="14">Nĩvo ĩndĩ Akai wasũngĩie na asya, Andũ aa mailyĩ ũu, na mbaĩ ĩno ĩilyĩ ũu mbee wakwa, easya ũu Yeova; na no ta ũu kĩla wĩa wa moko moo; na o kĩla mathembaa vo no kĩvuku.</verse>
				<verse number="15">Na yu, nĩngũmwĩsũva, sũanĩai mũthenya ũũ, na sũanĩai mĩthenya ĩla mĩthelu, mbee wa ĩvia yĩtanailĩĩlwa ĩũlũ wa ĩvia mwakonĩ wa ĩkalũ ya Yeova.</verse>
				<verse number="16">Kuma ĩvinda yĩu yonthe, yĩla ũmwe waenda mbumbunĩ yĩ ithimo mĩongo ĩlĩ, veethĩwa o ĩkũmi; yĩla ũmwe waenda ĩvivanĩ ya mbinyu kwosa itethi mĩongo ĩtano, veethĩwa o mĩongo ĩlĩ.</verse>
				<verse number="17">Nĩnamũkũnie na wũmanĩlu na mbuka na mbua ya mavia wĩanĩ w’onthe wa moko menyu; ĩndĩ mũtyaaĩnthyũũĩa, easya ũu Yeova.</verse>
				<verse number="18">Sũanĩai, nĩngũmwĩsũva, mũthenya ũũ, na sũanĩai mĩthenya ĩla mĩthelu, kuma mũthenya wa mĩongo ĩlĩ na ĩna wa mwei wa kenda, kuma mũthenya ũla mwambĩlĩlyo wa ĩkalũ ya Yeova wakwatiw’e, sũanĩai.</verse>
				<verse number="19">Mbeũ syĩ o ĩkũmbĩnĩ? Ĩĩ, mũsavivũ, na mũkũyũ, na mũkũngũmanga, na mũthata ndĩsyaĩte, kuma ũmũnthĩ nĩngũmũathima.</verse>
				<verse number="20">Na ndeto ya Yeova yamũkĩa Akai ĩvinda ya kelĩ mũthenya wa mĩongo ĩlĩ na ĩna wa mwei, ĩkĩmwĩa,</verse>
				<verse number="21">Neena na Nzeluvaveli, ngavana wa Yuta, ũkĩmwĩa, Ngathingithya matu na nthĩ;</verse>
				<verse number="22">na ngang’uthũla kĩvĩla kya ũsumbĩ kya mosumbĩ; na ngaananga vinya wa mosumbĩ ma mbaĩ; na ngang’uthũlanga makasya ma kaũ, na ala makuĩtwe nĩmo; na mbalasi na ala maitũlĩte makavalũkangan’ya nthĩ, nũndũ wa kũtemangana na mbyũ, kĩla mũndũ na mwana‐a‐ĩthe.</verse>
				<verse number="23">Mũthenya ũsu, easya Yeova wa nguthu, ngakwosa, we Nzeluvaveli, mũthũkũmi wakwa, mwana wa Sealitieli, easya ũu Yeova, na ngakũtw’a ta ngome ya ũvana ũsilĩlo; nũndũ nĩnakũnyuvie, easya ũu Yeova wa nguthu.</verse>
			</chapter>
		</book>
		<book number="38">
			<chapter number="1">
				<verse number="1">Mwei wa nyanya, mwaka wa kelĩ wa kũsumbĩka kwa Ndalio, ndeto ya Yeova yamũkĩa mwathani Nzekalia mwana wa Mbelekia, mwana wa Ito, ĩkĩmwĩa,</verse>
				<verse number="2">Yeova nĩwew’ĩthĩw’e woo nĩ aaĩthe menyu.</verse>
				<verse number="3">Kwondũ wa ũu matavye, Ũũ nĩw’o Yeova wa nguthu ũnũkwasya: Nzyokeai, easya ũu Yeova wa nguthu, nakwa ngamũsyokea, easya ũu Yeova wa nguthu.</verse>
				<verse number="4">Mũtikethĩwe ta aaĩthe menyu, ala manĩĩw’e nĩ athani ma tene, makyasya, Ũũ nĩw’o Yeova wa nguthu ũnũkwasya, Syokai yu kuma mĩendelenĩ yenyu mĩthũku, na kuma mekonĩ menyu mathũku: ĩndĩ matyaaĩw’a, kana kũmbĩthukĩĩsya, easya ũu Yeova.</verse>
				<verse number="5">Maĩva, aaĩthe menyu? Na athani, nĩmekalaa ĩndĩ yonthe?</verse>
				<verse number="6">Ĩndĩ ndeto syakwa na myamũlo yakwa, ila neeaĩe athũkũmi makwa athani, ityaamakwata aaĩthe menyu? Na masyoka na masya, O tondũ Yeova wa nguthu ũsũanĩĩte kũtwĩka, o kwĩanana na mĩendele yaitũ, na kwĩanana na meko maitũ, now’o ũtwĩkĩte.</verse>
				<verse number="7">Mũthenya wa mĩongo ĩlĩ na ĩna wa mwei wa ĩkũmi na ũmwe, nĩw’o mwei wa Sevati, mwaka wa kelĩ wa kũsumbĩka kwa Ndalio, ndeto ya Yeova yamũkĩa mwathani Nzekalia mwana wa Mbelekia, mwana wa Ito, ĩkĩmwĩa,</verse>
				<verse number="8">Ũtukũ nĩnoonie, na, sisya, mũndũ atũlĩte mbalasi ndune, na aũngama katĩ wa mĩtĩ ya mĩandasi ĩla yaĩ kaũlikunĩ; na ĩtina wake kwaĩ mbalasi, ndune, na ĩ mũkũyũ, na nzaũ.</verse>
				<verse number="9">Nĩvo naisye, We mwĩaĩi wakwa, ii nĩ myaũ? Na mũlaĩka ũla waneenaa nakwa ambĩa, Nĩngũkũmanyĩthya syo.</verse>
				<verse number="10">Na ũla mũndũ ũũngeme katĩ wa mĩandasi asũngĩa na asya, Ii nĩsyo Yeova ũtũmĩte syangange nthĩ kũũ na kũũ.</verse>
				<verse number="11">Na syasũngĩa mũlaĩka wa Yeova ũla waũngyĩ katĩ wa mĩandasi, na syasya, Nĩtwangangĩte nthĩ kũũ na kũũ, na, sisya, nthĩ yonthe ĩkalĩte ĩuĩtye, na ĩthũmũĩte.</verse>
				<verse number="12">Nĩvo mũlaĩka wa Yeova wasũngĩie na asya, Ame Yeova wa nguthu, nĩ veana ata ũtakew’ĩa Yelusaleme na ndũa sya Yuta tei, ila waithĩlĩkĩle myaka ĩno mĩongo mũonza?</verse>
				<verse number="13">Na Yeova asũngĩa mũlaĩka ũla waneenaa nakwa ndeto nzeo, o ndeto sya ũkiakisyo.</verse>
				<verse number="14">Na ĩndĩ mũlaĩka ũla waneenaa nakwa ambĩa, Anĩĩsya, ũkyasya, Ũũ nĩw’o Yeova wa nguthu ũnũkwasya: Nĩ na kĩwĩu nũndũ wa Yelusaleme na nũndũ wa Saioni o kĩwĩu kĩnene.</verse>
				<verse number="15">Na nĩngwĩw’ĩthw’a woo mũno nĩ mbaĩ ila ithũmũĩte; nũndũ neew’ĩthiw’e woo o vanini, na makalaata thĩna wũke.</verse>
				<verse number="16">Kwondũ wa ũu Yeova easya atĩĩ: Nĩnzyokete Yelusaleme nĩ na matei; nyũmba yakwa ĩkaakwa nthĩnĩ wayo, na ũlii wa kũthima ũkatambũũkw’a ũthime ku Yelusaleme, easya ũu Yeova wa nguthu.</verse>
				<verse number="17">Anĩĩsya ĩngĩ, ũkyasya, Ũũ nĩw’o Yeova wa nguthu ũnũkwasya: O na ndũa syakwa ikausũa ũathimo wĩtĩkange; o na Yeova akakiakisya Saioni, o na akanyuva Yelusaleme.</verse>
				<verse number="18">Na nookĩlya metho makwa, na noona, na, sisya, mbya inya.</verse>
				<verse number="19">Na namwĩa mũlaĩka ũla waneenaa nakwa, Ii nĩ myaũ? Na anzũngĩa, Ii nĩ mbya ila syanyaĩĩkisye Yuta, na Isilaeli, na Yelusaleme.</verse>
				<verse number="20">Na Yeova ambon’ya atwii ana.</verse>
				<verse number="21">Nĩvo naisye, Aa mooka kwĩka ata? Na anzũngĩa, ambĩa, Ii nĩ mbya ila syanyaĩĩkisye Yuta, mũvaka vatyaĩ mũndũ waaũkĩlya mũtwe; ĩndĩ ii nĩsyooka kũmatĩsya, kwĩkya mbya sya i mbaĩ nthĩ, ila syookĩlilye ũvya wasyo ĩũlũ wa nthĩ ya Yuta imĩnyaĩĩkye.</verse>
			</chapter>
			<chapter number="2">
				<verse number="1">Na nookĩlya metho makwa, na noona, na, sisya, mũndũ e na ũlii wa kũthima kw’okonĩ kwake.</verse>
				<verse number="2">Nĩvo naisye, Ũendete nakũ we? Nake ambĩa, Kũthima Yelusaleme, kũsisya ũthanthau wayo, na ũasa wayo.</verse>
				<verse number="3">Na, sisya, mũlaĩka ũla waneenaa nakwa athi, na mũlaĩka ũngĩ aumĩla akomane nake,</verse>
				<verse number="4">na amwĩa, Semba, neena na mwanake ũũ, ũkĩmwĩa, Yelusaleme ĩkatũwa ta mĩsyĩ ĩte maũvai, nũndũ wa andũ na indo syayo kwingĩva.</verse>
				<verse number="5">Nũndũ nyie, easya ũu Yeova, ngeethĩwa ũvai wayo wa mwaki ũthyũlũlũkĩte, na ngeethĩwa ndaĩa katĩ wayo.</verse>
				<verse number="6">Ae! Ae! Kĩai mume nthĩ ya ngalĩ ya ĩũlũ, easya ũu Yeova; nũndũ nĩnamũnyaĩĩkisye ta iseve inya sya matu, easya ũu Yeova.</verse>
				<verse number="7">Ae! Saioni, vonoka, we ũla ũtwĩe na mwĩĩtu wa Mbaviloni.</verse>
				<verse number="8">Nũndũ ũũ nĩw’o Yeova wa nguthu ũnũkwasya: Nĩwandũmie kwa i mbaĩ ila syakũvutie nĩ kana ndaĩa yumĩle; nũndũ ũla ũkũkiitaa akiitaa kyũma kya itho yake.</verse>
				<verse number="9">Nũndũ, sisya, ngamatukangĩa kw’oko kwakwa, na makatw’ĩka ma kũtavwa nĩ ala mamathũkũmie; na mũkamanya kana Yeova wa nguthu nĩwandũmie.</verse>
				<verse number="10">Ina na tana, we mwĩĩtu wa Saioni; nũndũ, sisya, ngooka, na ngatũa katĩ waku, easya ũu Yeova.</verse>
				<verse number="11">Na mbaĩ mbingĩ ikeelũman’ya na Yeova mũthenya ũsu, na kwĩthĩwa andũ makwa; na ngatũa katĩ waku, na ũkamanya kana Yeova wa nguthu nũndũmĩte kwaku.</verse>
				<verse number="12">Na Yeova akatiĩwa Yuta ta kĩanda kyake nthĩnĩ wa ĩla nthĩ ntheu, na akanyuva Yelusaleme ĩngĩ.</verse>
				<verse number="13">Vindyai, mĩĩ yonthe, mbee wa Yeova; nũndũ nĩwũkĩlĩte kuma ũtũonĩ wake mũtheu.</verse>
			</chapter>
			<chapter number="3">
				<verse number="1">Na ambon’ya Yosua mũthembi mũnene aũngamĩte mbee wa mũlaĩka wa Yeova, na Satani aũngamĩte ngalĩ ya kw’oko kwake kwa aũme ethĩwe nthũ yake.</verse>
				<verse number="2">Na Yeova amwĩa Satani, Yeova nakũkan’ye, we Satani; ĩĩ, Yeova ũla wanyuvie Yelusaleme nakũkan’ye: kĩĩ tĩ kĩsinga kĩvulĩtw’e mwakinĩ?</verse>
				<verse number="3">Na ĩndĩ Yosua eekĩĩte ngũa mbuku, na aũngamĩte mbee wa mũlaĩka.</verse>
				<verse number="4">Na asũngĩa akĩneena na ala maũngamĩte mbee wake, akyasya, Mumyei ngũa mbuku. Na amwĩa, Sisya, nĩnakũvetea ũthũku waku, na ngakwĩkĩa ngũa ya thooa mũnene.</verse>
				<verse number="5">Na nasya, Nĩmamwĩkĩe ngũtw’a ntheu mũtwe. Na ĩndĩ mamwĩkĩa ngutw’a ntheu mũtwe, na mamwĩkĩa ngũa; na mũlaĩka wa Yeova aũngamĩte ũtee.</verse>
				<verse number="6">Na mũlaĩka wa Yeova amũkũsĩĩa Yosua, akyasya,</verse>
				<verse number="7">Ũũ nĩw’o Yeova wa nguthu ũnũkwasya: Ethĩwa ũkakinyaa nzĩanĩ syakwa, na ethĩwa ũkasũvĩaa wĩaĩo wakwa, nĩvo o naku wĩsilĩla nyũmba yakwa, o na ĩngĩ ũkasũvĩaa nza syakwa, na ngakũnenga vandũ va ũlikĩlaa katĩ wa aa maũngamĩte ũtee.</verse>
				<verse number="8">Iw’a yu, we Yosua mũthembi mũnene, we na atindan’ya maku ala mekalaa nthĩ vala ũĩ; nũndũ andũ asu nĩmo wonan’yo: nũndũ, sisya, ngaumĩlya mũthũkũmi wakwa Ũvonge.</verse>
				<verse number="9">Nũndũ, sisya, ĩvia yĩla naia mbee wa Yosua; ĩũlũ wa ĩvia yĩmwe ve metho mũonza: sisya, ngavana movano mayo, na ngaveta ũthũku wa nthĩ ĩsu mũthenya ũmwe, easya ũu Yeova wa nguthu.</verse>
				<verse number="10">Mũthenya ũsu mũkathokanasya kĩla mũndũ na mũtũi wake ĩtina wa mũsavivũ na ĩtina wa mũkũyũ, easya ũu Yeova wa nguthu.</verse>
			</chapter>
			<chapter number="4">
				<verse number="1">Na mũlaĩka ũla waneenaa nakwa ooka ĩngĩ, na anamũkya, o ta mũndũ ũla ũamũkaw’a toonĩ wake.</verse>
				<verse number="2">Na ambĩa, Wĩona kyaũ? Nakwa nasya, Nĩnoona, na, sisya, kĩndũ kĩla kĩkĩawa mataa kya thaavu mũthei, kĩ na mbakũli yakyo ĩũlũ wakyo, na mataa makyo mũonza ĩũlũ wakyo; ve mĩtote mũonza ĩvikĩte kĩla taanĩ ũla wĩ ĩũlũ wakyo;</verse>
				<verse number="3">na mĩthata ĩlĩ ũtee wakyo, ũmwe ngalĩ ya kw’oko kwa aũme ya mbakũli, na ũla ũngĩ ngalĩ ya kw’oko kwa aka kwayo.</verse>
				<verse number="4">Na nasũngĩa ngĩneena na mũlaĩka ũla waneenaa nakwa, ngĩkũlya, Ii nĩ myaũ, mwĩaĩi wakwa?</verse>
				<verse number="5">Nĩvo mũlaĩka ũla waneenaa nakwa wasũngĩie na ambĩa, Ii ndũsyĩsĩ? Na nasya, Aiee, mwĩaĩi wakwa.</verse>
				<verse number="6">Nĩvo wasũngĩie akĩneena nakwa, akyasya, Ĩno nĩ ndeto ya Yeova kwa Nzeluvaveli, ĩkĩmwĩa, Ti kwondũ wa vinya mwingĩ, kana kwondũ wa ũtonyi, ĩndĩ nĩ kwondũ wa Veva wakwa, easya ũu Yeova wa nguthu.</verse>
				<verse number="7">Nue ũũ, we kĩĩma kĩnene? Mbee wa Nzeluvaveli ũkatw’ĩka ũiĩ; nake akayumĩlya ĩvia ya ĩũlũ mũthya akĩyũkĩlĩlya wasya mũnene, Mumo, mumo.</verse>
				<verse number="8">Na ĩngĩ ndeto ya Yeova yambũkĩa, ĩkĩmbĩa,</verse>
				<verse number="9">Moko ma Nzeluvaveli nĩmakwatisye mwambĩlĩlyo wa nyũmba ĩno; na ĩngĩ moko make makamĩmina; na ũkamanya kana Yeova wa nguthu nũndũmĩte kwenyu.</verse>
				<verse number="10">Nũndũ nũũ ũvũthĩtye mũthenya wa maũndũ manini? Nũndũ asu mũonza makatana, na makoona kavilũ ke kw’okonĩ kwa Nzeluvaveli; asu nĩ metho ma Yeova, ala masembaa kũũ na kũũ nthĩ yonthe.</verse>
				<verse number="11">Nĩvo nasũngĩie, na namũkũlya, Mĩthata ĩsu ĩlĩ ĩ ngalĩ ya kw’oko kwa aũme kwa kĩla kĩndũ kĩkĩawa mataa na ngalĩ ya kw’oko kwa aka nĩ myaũ?</verse>
				<verse number="12">Na nasũngĩa ĩvinda ya kelĩ, na namũkũlya, Mbonge ii ilĩ sya mũthata, ila syĩ ũtee wa mĩtote ĩlĩ ya thaavu, ĩla ĩyumasya mauta ma thaavu, nĩsyo kyaũ?</verse>
				<verse number="13">Na anzũngĩa na asya, Ii ndũsyĩsĩ? Na nasya, Aiee, mwĩaĩi wakwa.</verse>
				<verse number="14">Nĩvo waisye, Ii nĩsyo ala elĩ metĩkĩw’e mauta, ala maũngamaa ũtee wa Mwĩaĩi wa nthĩ yonthe.</verse>
			</chapter>
			<chapter number="5">
				<verse number="1">Na ĩndĩ nookĩlya metho makwa ĩngĩ, na noona, na, sisya, ĩvuku ĩkũnze yĩũlũkĩte.</verse>
				<verse number="2">Na angũlya, Wĩona kyaũ? Nakwa nasũngĩa, Nĩona ĩvuku ĩkũnze yĩũlũkĩte; ũasa wayo nĩ mĩkono mĩongo ĩlĩ, na ũthanthau wayo mĩkono ĩkũmi.</verse>
				<verse number="3">Nĩvo wambĩie, Kĩĩ nĩ kĩumo kĩla kyumite kĩthi ĩũlũ wa nthĩ yonthe: nũndũ kĩla ũmwe ũla wũyaa akavetwa aume ngalĩ ĩmwe kwĩanana na ũndũ kũandĩkĩtwe; na kĩla ũmwe wĩavaa akavetwa aume ngalĩ ĩla ĩngĩ kwĩanana na ũndũ kũandĩkĩwe.</verse>
				<verse number="4">Ngatuma kyuma kĩthi, na kĩkalika nyũmbanĩ ya kĩng’ei, na nyũmbanĩ ya ũla wĩvĩtaa ũvũngũ na syĩtwa yakwa, easya ũu Yeova wa nguthu; na kĩkekala katĩ wa nyũmba yake, na kĩkamĩmina vamwe na mĩtĩ yayo na mavia mayo.</verse>
				<verse number="5">Nĩvo mũlaĩka ũla waneenaa nakwa waumaalile, na ambĩa, Yu ũkĩlya metho maku, ũsisye kĩĩ nĩ kyaũ kyumĩte kĩthi.</verse>
				<verse number="6">Na nakũlya, Nĩkyo kyaũ? Nake asũngĩa, Ĩno nĩ eva yumĩte ĩthi. Ambĩa ĩngĩ, Ũu nĩw’o mailyĩ ĩ nthĩ yonthe</verse>
				<verse number="7">(na, sisya, vookĩlilw’e talendi ya ĩvulũ); na ũũ nĩ mũndũ mũka wĩkalĩte katĩ wa eva.</verse>
				<verse number="8">Na asya, Ũũ nĩ Ũthũku: na amũng’uthanĩa vu nthĩnĩ wa eva; na ekya yĩla ĩvulũ kanyw’anĩ wayo.</verse>
				<verse number="9">Nĩvo nookĩlilye metho makwa, na noona, na, sisya, kwaumĩlile aka elĩ, na kĩseve kyaĩ nthwaunĩ syoo; na ĩndĩ maĩ na nthwau ta nthwau sya ĩsaũ; na mookĩlya eva katĩ wa nthĩ na ĩtu.</verse>
				<verse number="10">Nĩvo neeie mũlaĩka ũla waneenaa nakwa. Aa makua eva meelya nakũ?</verse>
				<verse number="11">Nake anzũngĩa, Methi kũmwakĩa nyũmba nthĩ ya Sinali: na yamina kũseũvw’a, akekalw’a vo vandũ vake mwene.</verse>
			</chapter>
			<chapter number="6">
				<verse number="1">Na ĩngĩ nookĩlya metho makwa, na noona, na, sisya, kwooka makasya ana ma kaũ kuma katĩ wa iĩma ilĩ; na iĩma isu syaĩ iĩma sya ũthuku.</verse>
				<verse number="2">Ĩkasya ya mbee yaĩ na mbalasi ndune; na ĩkasya ya kelĩ mbalasi nziũ;</verse>
				<verse number="3">na ĩkasya ya katatũ mbalasi nzaũ; na ĩkasya ya kana mbalasi syĩ vinya syĩ iumbĩ.</verse>
				<verse number="4">Nĩvo nasũngĩie na neea mũlaĩka ũla waneenaa nakwa. Ii nĩ myaũ, mwĩaĩi wakwa?</verse>
				<verse number="5">Na mũlaĩka asũngĩa na ambĩa, Ii nĩ iseve inya sya ĩtu, ila iendaa syumĩte vala iũngamaa mbee wa Mwĩaĩi wa nthĩ yonthe.</verse>
				<verse number="6">Ĩkasya yĩla yĩ na mbalasi nziũ yumĩte yĩendete nthĩ ya ngalĩ ya ĩũlũ; na ila nzaũ syauma siatĩĩe; na ila syĩ ĩumbĩ syauma iendete nthĩ ya ngalĩ ya ĩtheo.</verse>
				<verse number="7">Na ila syĩ vinya syaumĩla, na syenda kũthi syangange nthĩ kũũ na kũũ: na asya, Umai vaa, mwangange nthĩ kũũ na kũũ. Na ĩndĩ syanganga nthĩ kũũ na kũũ.</verse>
				<verse number="8">Nĩvo wambanĩĩsye, na aneena nakwa, akyasya, Sisya, ila iendaa kwelekela nthĩ ya ngalĩ ya ĩũlũ nikilĩthĩtye veva wakwa ku nthĩ ya ngalĩ ya ĩũlũ.</verse>
				<verse number="9">Na ndeto ya Yeova yambũkĩa, ĩkĩmbĩa,</verse>
				<verse number="10">Osa kwa ala mataviwe, o kwa Elitai, na kwa Toviya, na kwa Yetaia; na ũkyũka mũthenya o ũsu, na ũivota nyũmbanĩ ya Yosia mwana wa Nzevania, ĩla malikile mauma Mbaviloni;</verse>
				<verse number="11">ĩĩ, osa kwamo vetha na thaavu, na ũiseũvya ngovia sya ũsumbĩ, na ũisyĩkĩa mũtwenĩ wa Yosua mwana wa Yeosataki, mũthembi mũnene;</verse>
				<verse number="12">na neena nake, ũkĩmwĩa, Ũũ nĩw’o Yeova wa nguthu ũnũũneena, akyasya, Sisya, mũndũ ũla wĩtawa syĩtwa yake Ũvonge: na akeana e o kwake; na akaaka ĩkalũ ya Yeova;</verse>
				<verse number="13">o we akaaka ĩkalũ ya Yeova; na akakua ndaĩa, na akekala kĩvĩlanĩ kyake kya ũsumbĩ na kũsumbĩka; na akeethĩwa mũthembi kĩvĩlanĩ kyake kya ũsumbĩ; na nzama ya mũuo ĩkeethĩwa katĩ woo elĩ.</verse>
				<verse number="14">Na ngovia sya ũsumbĩ ikeethĩwa ũlilikan’yo ĩkalũnĩ ya Yeova ũndũ wa Elemu, na Toviya, na Yetaia, na Eni mwana wa Nzevania.</verse>
				<verse number="15">Na ala me kũasa makooka na makyaka ĩkalũnĩ ya Yeova: na mũkamanya kana Yeova wa nguthu nũndũmĩte kwenyu. Na ũu ũkeethĩwa, ethĩwa mũkeew’aa na kĩthing’ĩĩsyo wasya wa Yeova Ngai wenyu.</verse>
			</chapter>
			<chapter number="7">
				<verse number="1">Na kweethĩwa mwaka wa kana wa kũsumbĩka kwa mũsumbĩ Ndalio, ndeto ya Yeova yamũkĩa Nzekalia mũthenya wa kana wa mwei wa kenda, wĩtawa Kiselevu.</verse>
				<verse number="2">Na yu ala ma Mbethi‐eli matũma Saleseli na Lekemimeleki, na andũ moo, kũvoya tei kwa Yeova,</verse>
				<verse number="3">na kũneena na athembi ma nyũmba ya Yeova wa nguthu, na athani, akĩkũlya, Nĩnaĩle kũĩa mwei wa katano, ngĩvatha mwene, o tondũ nĩkĩte myaka ĩsu yingĩvĩte ũu?</verse>
				<verse number="4">Nĩvo ndeto ya Yeova wa nguthu yambũkĩe, ĩkĩmbĩa,</verse>
				<verse number="5">Neena na andũ onthe ma ĩ nthĩ, na athembi, ũkĩkũlya, Yĩla mwatĩĩie kũya na mwameta mwei wa katano na wa mũonza, o myaka ĩsu mĩongo mũonza, mwaatĩĩa nongi kũya nũndũ wakwa, nyie?</verse>
				<verse number="6">Na yĩla mũĩsaa, na kũnyw’a, mũtiĩsaa nũndũ wenyu ene, na kũnyw’a nũndũ wenyu ene?</verse>
				<verse number="7">Mũtyaĩle kwĩw’a ndeto ila Yeova waneenie na kanyw’a wa athani ma tene, yĩla Yelusaleme yatwĩwe nĩ andũ na ĩkaĩla, na ndũa syayo imĩthyũlũlũkĩte, na ngalĩ ya ĩtheo na nthĩ ndindimalu syatwĩwe?</verse>
				<verse number="8">Na ndeto ya Yeova yamũkĩa Nzekalia, ĩkĩmwĩa,</verse>
				<verse number="9">Ũũ nĩw’o Yeova wa nguthu ũneenete, akyasya, Silaai sila wa katĩ, na kĩla mũndũ akyon’ya mwanaa‐ĩthe ũseo na ĩnee;</verse>
				<verse number="10">na mũtikathĩn’ye aka ndiwa, o na ala makw’ĩĩwe nĩ aaĩthe, o na mwĩkali wa ũeninĩ, o na ngya; na kũtikethĩwe ũmwe wenyu ũsũanĩĩa mwana‐a‐ĩthe ngoonĩ ũndũ ũthũku.</verse>
				<verse number="11">Ĩndĩ nĩmaleile kwĩw’a, na mambatĩsya ituo, na makunĩka matũ moo, nĩ kana matikew’e.</verse>
				<verse number="12">Ĩĩ, nĩmoomĩsye ngoo syoo ta ĩvia ya ũana, matikese kwĩw’a mĩao, na ndeto ila Yeova wa nguthu watwaie na Veva wake na kanyw’a wa athani tene: kwondũ wa ũu nĩkwaumie ũthilĩku mũnene kwa Yeova wa nguthu.</verse>
				<verse number="13">Na kwĩkĩkĩte atĩĩ, o tondũ wetanie, nao matyaaĩtĩkĩla kwĩw’a, nao makeetana o ta ũu, nakwa ndikew’a, easya ũu Yeova wa nguthu;</verse>
				<verse number="14">ĩndĩ ngamanyaĩĩkya na kĩlingi katĩ wa mbaĩ syonthe ila mataaimanya. O ta ũu ĩ nthĩ yatiiwe yĩ nthei itina woo, ũndũ vataĩ mũndũ waamĩvĩtĩla kana kũsyokela: nũndũ nĩmamĩtw’ĩkĩthĩtye nthĩ ya kwendeesya nthei.</verse>
			</chapter>
			<chapter number="8">
				<verse number="1">Na ndeto ya Yeova wa nguthu yambũkĩa, ĩkĩmbĩa,</verse>
				<verse number="2">Ũũ nĩw’o Yeova wa nguthu ũnũkwasya: Nĩ na kĩwĩu ũndũ wa Saioni o kĩwĩu kĩnene, na nĩ na kĩwĩu nũndũ wayo kĩ ũthilĩku mũnene.</verse>
				<verse number="3">Ũũ nĩw’o Yeova ũnũkwasya: Nĩnasyoka Saioni, na ngatũa Yelusaleme katĩ: na Yelusaleme ĩkeetawa Ndũa ya w’o; na kĩĩma kya Yeova wa nguthu kĩkeetawa Kĩĩma kĩtheu.</verse>
				<verse number="4">Ũũ nĩw’o Yeova wa nguthu ũnũkwasya: O na kũkeethĩwa atumĩa akũũ na iveti ngũũ mekalĩte nzĩanĩ nene sya Yelusaleme, kĩla mũndũ e na ndata yake kw’okonĩ kwake, nũndũ wa kũkũa mũno.</verse>
				<verse number="5">Na nzĩa nene sya ndũa ikausũwa nĩ ivĩsĩ na eĩtu makĩthaũka nzĩanĩ nene syayo.</verse>
				<verse number="6">Ũũ nĩw’o Yeova wa nguthu ũnũkwasya: Ethĩwa nĩ ũseng’yo methonĩ ma ũtialo wa andũ aa mĩthenya ĩsu, nĩwaĩle kwĩthĩwa ũseng’yo methonĩ makwa? Ekũlya ũu Yeova wa nguthu.</verse>
				<verse number="7">Ũũ nĩw’o Yeova wa nguthu ũnũkwasya: Sisya, ngatangĩĩa andũ makwa kuma nthĩ ya wumĩlonĩ wa syũa, na kuma nthĩ ya ũthũĩlonĩ wa syũa;</verse>
				<verse number="8">na ngamaete, na makatũa nthĩnĩ wa Yelusaleme; na makeethĩwa andũ makwa, na ngeethĩwa Ngai woo, nthĩnĩ wa w’o na nthĩnĩ wa ũlũngalu.</verse>
				<verse number="9">Ũũ nĩw’o Yeova wa nguthu ũnũkwasya: Moko menyu nĩmethĩwe na vinya, inyw’ĩ ala mũkwĩw’a mĩthenya ĩno ndeto ii kuma kanyw’anĩ wa athani ala maĩ vo mũthenya ũla mwambĩlĩlyo wa nyũmba ya Yeova wa nguthu wakwatiw’e, nayo nĩ ĩkalũ, nĩ kana yakwe.</verse>
				<verse number="10">Nũndũ mbee wa mĩthenya ĩsu kũtyaĩ ĩtuvĩ ya mũndũ kana ĩtuvi ya nyamũ; o na kũtyaĩ mũuo kwa ũla waumaalile kana ũla walikile, nũndũ wa nthũ: nũndũ nĩngũmaingĩanĩsya andũ onthe kĩla ũmwe na mũtũi wake.</verse>
				<verse number="11">Ĩndĩ yu kwa ũtialo wa andũ aa ndikethĩwa ta mĩthenya ya tene, easya ũu Yeova wa nguthu.</verse>
				<verse number="12">Nũndũ kũkeethĩwa ũsyao wa mũuo; mũsavivũ ũkasyaa ũsyao waw’o, na nthĩ ĩkaingĩvasya ũsyao wayo, na matu makaete ĩmwe yamo; na ngatuma ũtialo wa andũ aa ũtiĩwa maũndũ aa onthe.</verse>
				<verse number="13">Na kũkeethĩwa, o tondũ mwaĩ kĩumo katĩ wa i mbaĩ, inyw’ĩ nyũmba ya Yuta na nyũmba ya Isilaeli, o ta ũu ngamũtangĩĩa, na mũkeethĩwa ũathimo. Mũikakĩe, ĩndĩ moko menyu nĩmethĩwe na vinya.</verse>
				<verse number="14">Nũndũ ũũ nĩw’o Yeova wa nguthu ũnũkwasya: O tondũ nasũanĩĩte kũmwĩka ũthũku, yĩla aaĩthe menyu manthilĩkilye, easya ũu Yeova wa nguthu, na ndyaaĩtũnga;</verse>
				<verse number="15">o ta ũu nĩnzũanĩĩte ĩngĩ mĩthenya ĩno kwĩka Yelusaleme na nyũmba ya Yuta nesa: mũikakĩe.</verse>
				<verse number="16">Aa nĩmo maũndũ ala mwĩĩkaa: Neenaai w’o kĩla mũndũ na mũtũi wake; silĩlaai sila wa katĩ na wa mũuo mbingĩlonĩ syenyu;</verse>
				<verse number="17">na kũtikethĩwe ũmwe wenyu ũsũanĩĩa mũtũi wake ngoonĩ ũndũ ũthũku; na mũikende wĩvĩto wa ũvũngũ: nũndũ aa onthe nĩmo maũndũ ala nĩmenaa, easya ũu Yeova.</verse>
				<verse number="18">Na ndeto ya Yeova wa nguthu yambũkĩa, ĩkĩmbĩa,</verse>
				<verse number="19">Ũũ nĩw’o Yeova wa nguthu ũnũkwasya: Kũtĩĩa kũya kwa mwei wa kana na, kũtĩĩa kũya kwa mwei wa katano, na kũtĩĩa kũya kwa mwei wa mũonza, na kũtĩĩa kũya kwa mwei wa ĩkũmi, kũkeethĩwa kwa nyũmba ya Yuta ũtanu na mũyo, na mboka sya ũtanu; kwondũ wa ũu endai w’o na mũuo.</verse>
				<verse number="20">Ũũ nĩw’o Yeova wa nguthu ũnũkwasya: O na ĩngĩ kũkooka ngo sya andũ, o na ala matwĩe ndũanĩ mbingĩ;</verse>
				<verse number="21">na ala matwĩe ndũanĩ ĩmwe makathi ĩla ĩngĩ, makyasya, Tũendei mĩtũkĩ tũkesũve Yeova atwĩke nesa, na kũmantha Yeova wa nguthu: o nakwa nĩngũthi.</verse>
				<verse number="22">Ĩĩ, ngo mbingĩ sya andũ na mbaĩ syĩ vinya ikooka kũmantha Yeova wa nguthu Yelusaleme, na kwĩsũva Yeova asyĩke nesa.</verse>
				<verse number="23">Ũũ nĩw’o Yeova wa nguthu ũnũkwasya: Mĩthenya ĩsu kũkeethĩwa, atĩ andũ ĩkũmi, kuma ithyomonĩ syonthe sya i mbaĩ, makakwata, ĩĩ, makakwata mũthya wa ngũa ya mũndũ Mũyuti, makyasya, Nĩtũkũthi nenyu, nũndũ nĩtwĩw’ĩte kana Ngai e vamwe nenyu.</verse>
			</chapter>
			<chapter number="9">
				<verse number="1">Ũito wa ndeto ya Yeova ĩũlũ wa nthi ya Atilaki, nayo Ndamasiku ikeethĩwa vandũ vayo va kwĩkala (nũndũ itho ya mũndũ na ya mbaĩ syonthe sya Isilaeli yelekele Yeova);</verse>
				<verse number="2">o na Amathi, ĩla ĩvakanĩte nayo; o na Tile na Sitoni, nũndũ nĩ mbũĩ mũno.</verse>
				<verse number="3">Na Tile nĩĩyakĩe ngome yĩ vinya, na kũmban’ya vetha ta kĩtoo, na kũmban’ya thaavu mũtheu ta ndaka nzĩanĩ nene.</verse>
				<verse number="4">Sisya, Mwĩaĩi akamĩvuta, na akakũnĩa ũtonyi wayo ũkanganĩ; na ĩkaanangwa na mwaki.</verse>
				<verse number="5">Asikeloni ĩkoona ũu, na ĩkĩkĩa: na Ngasa o ta ũu, na ĩkeethĩwa na kyalya kĩnene; o na Ekiloni, nũndũ wĩkwatyo wayo ũkasonokw’a; na Ngasa ĩkaaa mũsumbĩ, na Asikeloni ndĩkatũwa.</verse>
				<verse number="6">Na mũndũ wasyaĩwe ũlaalainĩ akatũa Asitoti, na ngaveta ngathiĩo sya Avilisiti.</verse>
				<verse number="7">Na ngaveta kũnyw’a nthakame kanyw’anĩ wake, na mothatyo make maume maeonĩ make; o nake akeethĩwa ũtialo kwa Ngai waitũ; na akeethĩwa ta mũnene nthĩnĩ wa Yuta, na Ekiloni ta Mũyevusĩ.</verse>
				<verse number="8">Na ngamba maeema nĩthyũlũlũkĩtye nyũmba yakwa nĩsiĩĩe nguthu ya kaũ, nĩ kana kũtikethĩwe ũmwe wĩvĩta mũkuthũ kana kũsyoka; na kũtikavĩtĩla mũthĩn’ya katĩ wamo ĩngĩ: nũndũ yu nĩnonete na metho makwa.</verse>
				<verse number="9">Tana mũno, we mwĩĩtu wa Saioni; ũkĩlya wasya, we mwĩĩtu wa Yelusaleme: sisya, mũsumbĩ waku nĩwũkĩte kwaku; nĩ mũlũngalu, na e na ũtangĩĩo; e na wĩnyivyo, na atũlĩte ĩng’oĩ, o ndena, ndena ya ĩng’oi.</verse>
				<verse number="10">Na ngaveta ĩkasya ya kaũ kwa Evalaimu, na mbalasi Yelusaleme; na ũta wa kaũ ũkavetwa; na akaneena mũuo kwa ĩ mbaĩ: na ũsumbĩko wake ũkeethĩwa kuma ũkanga kũvika ũkanga, na kuma ũla Ũsĩ kũvika itulunĩ sya nthĩ.</verse>
				<verse number="11">O na ĩngĩ ũndũ waku, nũndũ wa nthakame ya ũtianĩo waku nĩnĩthaĩtye ovwa maku maume ĩimanĩ yĩla yĩte kĩw’ũ.</verse>
				<verse number="12">Syokai ĩla ngomenĩ yĩ vinya, inyw’ĩ ovwa me wĩkwatyo: o na ũmũnthĩ nĩngũtavan’ya kana nĩngũkũĩva kũndũ kwĩlĩ.</verse>
				<verse number="13">Nũndũ nĩngootete Yuta nũndũ wakwa ta ũta, nĩvakĩĩsye Evalaimu; ngaingĩanĩsya ana maku, we Saioni, na ana maku, we Ngiliki, na ngakũtw’ĩkĩthya ta ũvyũ wa ngũmbaũ.</verse>
				<verse number="14">Na Yeova akooneka ĩũlũ woo; na mũsyĩ wake ũkaumĩla ta ũtisi; na Mwĩaĩi Yeova akavuva soo, na akaendan’ya na ilingi sya ngalĩ ya ĩtheo.</verse>
				<verse number="15">Yeova wa nguthu akamasesea; na makaya, na makakinyangĩa mavia ma kĩkũtha nthĩ; na makanyw’a, na makalonzan’ya ta manyw’ĩte mbinyu; na makausũa ta mbakũli, na kũkola o ta ikoto sya kĩthembeo.</verse>
				<verse number="16">Na Yeova Ngai woo akamatangĩĩa mũthenya ũsu ta ĩĩthya ya andũ make; nũndũ makeethĩwa ta tũvila twa ngovia ya ũsumbĩ, tũkĩlĩtw’e mũno ĩũlũ wa nthĩ yake.</verse>
				<verse number="17">A! Ũndũ ũseo wake ũnenevete, na ũndũ wanakavu wake ũnenevete! Lĩu wa mbaa ngetha ũkatuma anake meana, na mbinyu mbĩthĩ eĩtu atheu.</verse>
			</chapter>
			<chapter number="10">
				<verse number="1">Ĩtyai Yeova mbua ĩvinda ya mbua ya uũa, o Yeova ũla ũseũvasya motisi; na akamanenga mĩono ya mbua, akanenga kĩla ũmwe nyeki kĩsesinĩ.</verse>
				<verse number="2">Nũndũ telavimu nĩneenete ndeto sya mana, na ala maaũasya nĩmonete ũvũngũ; na nĩmatavanĩtye ndoto ite sya w’o, nĩmakiakiasya mana: kwondũ wa ũu nĩmeyĩendeaa ta malondu, nĩmathĩnaw’a, nĩkwĩthĩwa vati mũĩthi.</verse>
				<verse number="3">Ũthatu wakwa nĩwakanĩe aĩthi, na ngasilĩla i nthenge; nũndũ Yeova wa nguthu nũsyaĩĩtye ĩĩthya yake, nyũmba ya Yuta, na akamatw’a o ta mbalasi yake nzeo kaũnĩ.</verse>
				<verse number="4">Vamwe, kwake kũkauma ĩvia ya kĩkoto, kwake kũkauma mũsumaa, kwake kũkauma ũta wa kaũ, kwake kũkauma kĩla mũsumbĩki.</verse>
				<verse number="5">Na makeethĩwa ta ngũmbaũ, maiangĩa amaitha moo nthĩ ndakanĩ sya nzĩa nene kaũnĩ; na makokita, nĩkwĩthĩwa Yeova e vamwe namo; na ala matũlĩte mbalasi makathokoanw’a.</verse>
				<verse number="6">Na ngeekĩa nyũmba ya Yuta vinya, na ngatangĩĩa nyũmba ya Yosevu, na ngamatũnga; nũndũ nĩ na tei kwoo; na makeethĩwa ta ndaamba kũmaveta: nũndũ ninyie Yeova Ngai woo, na ngamew’a.</verse>
				<verse number="7">Na ala ma Evalaimu makeethĩwa mailyĩ ngũmbaũ, na ngoo syoo ikatana o ta manyw’ĩte mbinyu; ĩĩ, syana syoo ikawona, na kwĩw’a mũyo; ngoo syoo ikatanĩa Yeova.</verse>
				<verse number="8">Ngamauĩsya kĩlũli, na kũmomban’ya; nũndũ nĩnĩmovoetye; na makaingĩva o tondũ maingĩvĩte.</verse>
				<verse number="9">Na ngamavuĩa katĩ wa ngo sya andũ; na makandilikanĩla nthĩ syĩ kũasa; na makekala thayũ na syana syoo, na makasyoka.</verse>
				<verse number="10">Ngamaete o ĩngĩ kuma nthĩ ya Misili, na kũmomban’ya kuma nthĩ ya Asuli; na ngamaete nthĩ ya Ngileati na Levanoni; na vatikoneka vandũ vameanĩe.</verse>
				<verse number="11">Na akavĩtĩla ũkanganĩ wa thĩna, na akakũna itulumo syĩ ũkanganĩ, na syũngũ syonthe sya Naelo ikang’ala; na ngathĩĩo sya Asuli ikatheew’a nthĩ, na ndata ya ũsumbĩ ya Misili ĩkathi.</verse>
				<verse number="12">Na ngamekĩa vinya nthĩnĩ wa Yeova; na makaenda kũũ na kũũ syĩtwanĩ yake, easya ũu Yeova.</verse>
			</chapter>
			<chapter number="11">
				<verse number="1">Vingũa mĩomo yaku, we Levanoni, nĩ kana mwaki ũvĩvye mĩtĩ yaku ya mĩkũũ.</verse>
				<verse number="2">Kaya, we mũtĩ wa mũsonovali, nũndũ mũkũũ nĩ mũvalũku, nĩkwĩthĩwa ĩla mĩseo nĩ myanangĩku: kayai, inyw’ĩ mĩtĩ ya myaloni yĩ Mbasani, nũndũ mũtitũ wĩ vinya nĩ mũvalũku nthĩ.</verse>
				<verse number="3">A! Wasya wa kũkaya kwa aĩthi! Nũndũ ndaĩa yoo nĩ mbanangĩku: a! Wasya wa kĩlumo kya mĩnyambũ ya mũika! Nũndũ ngathĩĩo sya Yolotani nĩsyanangĩtwe.</verse>
				<verse number="4">Ũũ nĩw’o Yeova Ngai wakwa waisye: Ĩthya ĩĩthya ya kũthĩnzwa;</verse>
				<verse number="5">yĩla ene mayo mayũaaa, na matyĩyonaa ene ta me na ĩvĩtyo; na ala mayĩthooasya maasya, Nataĩwe Yeova, nũndũ nyie nĩ mũthwii; na aĩthi mayo ene matiyĩw’ĩaa ĩnee.</verse>
				<verse number="6">Nũndũ ndikew’ĩa ala matwĩe ĩ nthĩ ĩnee ĩngĩ, easya ũu Yeova; ĩndĩ, sisya, ngamanengane andũ asu kĩla ũmwe kw’okonĩ kwa mũtũi wake, na kw’okonĩ kwa mũsumbĩ wake; na makamĩkũna ĩ nthĩ, na ndikamatangĩĩa kw’okonĩ kwoo.</verse>
				<verse number="7">Na ĩndĩ naĩthya ĩĩthya ya kũthĩnzwa, nĩ w’o, o ila mbonzu sya ĩĩthya. Na neeyosea ndata ilĩ; ĩmwe namĩta Ũseo, na ĩla ĩngĩ namĩta Mawĩw’ano; na naĩthya ĩĩthya.</verse>
				<verse number="8">Na naveta aĩthi atatũ mwei ũmwe; nũndũ ngoo yakwa nĩyanoetw’e nĩmo, na ngoo syoo nasyo nĩsyangolete.</verse>
				<verse number="9">Nĩvo naisye, Ndikamũĩthya: ũla ũnũũkw’a, nakw’e; na ũla ũnũkwaa, nĩae, na ala matiala nĩmaĩsane kĩla ũmwe na ũla ũngĩ.</verse>
				<verse number="10">Na noosa ndata yakwa ĩla ĩtawa Ũseo, na namĩtilan’ya, nĩ kana nanange ũtianĩo ũla natianĩe na ngo syonthe sya andũ.</verse>
				<verse number="11">Na waanangiwe mũthenya ũsu; na o ta ũu asu onzu ĩĩthyanĩ ala mambĩw’aa mamanya kana nĩ ndeto ya Yeova.</verse>
				<verse number="12">Na namea, Ethĩwa nĩmũkwona nĩ ũseo, nengai ĩtuvi yakwa; na ethĩwa ti w’o, ekai. Na ĩndĩ manthimĩa ĩtuvi yakwa ilungu mĩongo ĩtatũ sya vetha.</verse>
				<verse number="13">Na Yeova ambĩa, Mwĩkĩsye mũmbi wa mbisũ, thooa mũseo ũla natw’ĩĩwe nĩmo. Nakwa noosa ilungu isu mĩongo ĩtatũ sya vetha, na nasyĩkĩsya mũmbi, nyũmbanĩ ya Yeova.</verse>
				<verse number="14">Nĩvo natilanilye ndata ĩla ĩngĩ yakwa, o Mawĩw’ano, nĩ kana nanange ũ‐ana‐a‐ĩthe katĩ wa Yuta na Isilaeli.</verse>
				<verse number="15">Na Yeova ambĩa, Ĩyosee o ĩngĩ mĩio ya mũĩthi mũtumanu.</verse>
				<verse number="16">Nũndũ, sisya, ngookĩlya mũĩthi ĩ nthĩ, ũla ũtakaisisya ila mbete, o na ndakamantha ila inyaĩĩkĩtw’e, o na kũvosya ila ndũlĩkangu, o na kũĩthya ila nima; ĩndĩ akaĩsaa nyama sya malondu manou, na akatembũanga mavũngũ mamo tũlungu.</verse>
				<verse number="17">Woo nĩ wa mũĩthĩ ũte vata ũla ũtiaa ĩĩthya! Ũvyũ ũkeethĩwa ĩũlũ wa kw’oko kwake, na ĩũlũ wa itho yake ya ngalĩ ya kw’oko kwa aũme: kw’oko kwake kũkooma vyũ, na itho yake ya ngalĩ ya kw’oko kwa aũme yĩkatulya kĩvĩndu vyu.</verse>
			</chapter>
			<chapter number="12">
				<verse number="1">Ũito wa ndeto ya Yeova ũndũ wa Isilaeli. Ũũ nĩw’o Yeova ũnũkwasya, ũla ũtambũũkasya matu, na ũkwatasya mwambĩlĩlyo wa nthĩ, na wũmbaa veva wa mũndũ nthĩnĩ wake:</verse>
				<verse number="2">Sisya, nĩngũtw’ĩkĩthya Yelusaleme kĩkombe kya kũlũsya kwa ngo syonthe sya andũ ila imĩthyũlũlũkĩte, na ĩngĩ kĩkeethĩwa ĩũlũ wa Yuta kũtw’ĩkanĩw’anĩ kwa Yelusaleme.</verse>
				<verse number="3">Na kũkeethĩwa mũthenya ũsu, ngatw’ĩkĩthya Yelusaleme ĩvia ĩito kwa ngo syonthe sya andũ; onthe ala meĩyaĩkya yo makokitĩka mũno; na i mbaĩ syonthe sya nthĩ ikamĩlĩlĩĩla.</verse>
				<verse number="4">Mũthenya ũsu, ngakũna kĩla mbalasi na ũtĩsyo, na ũla ũmĩtũlĩte ngamũkũna na ndũũka, easya ũu Yeova; na ngasalukĩlya nyũmba ya Yuta metho makwa, na ngakũna kĩla mbalasi ya ngo sya andũ na mbindu.</verse>
				<verse number="5">Na anene ma Yuta makaasya ngoonĩ syoo, Ala matwĩe Yelusaleme nĩmo vinya wakwa nthĩnĩ wa Yeova wa nguthu Ngai woo.</verse>
				<verse number="6">Mũthenya ũsu ngatw’ĩkĩthya anene ma Yuta ta kĩlĩo kĩ mwaki katĩ wa ngũ, na ta ũmũĩ mwakanu katĩ wa syove sya ngetha; na makamina ngo syonthe sya andũ ila ithyũlũlũkĩte kw’onthe, ngalĩ ya kw’oko kwa aũme na kwa aka; na ala ma Yelusaleme makatũa o ĩngĩ kũndũ kwoo, o Yelusaleme.</verse>
				<verse number="7">Yeova nake akatangĩĩa maeema ma Yuta mbee, nĩ kana ndaĩa ya nyũmba ya Ndaviti na ndaĩa ya ala matwĩe Yelusaleme ndĩkanenevw’e kwĩ ya Yuta.</verse>
				<verse number="8">Mũthenya ũsu Yeova akamasesea ala matwĩe Yelusaleme; na mũthenya ũsu ũla mwonzu katĩ wamo akeethĩwa ta Ndaviti; na nyũmba ya Ndaviti ĩkeethĩwa ta Ngai, o ta mũlaĩka wa Yeova mbee wamo.</verse>
				<verse number="9">Na kũkeethĩwa mũthenya ũsu, ngamantha kwananga mbaĩ syonthe ila syĩũkĩa Yelusaleme.</verse>
				<verse number="10">Na ngatulũĩla nyũmba ya Ndaviti, na ala matwĩe Yelusaleme, veva wa mumo na wa kwĩsũvana; na makanzisya ũla matonyie, na makamũmetea, o tondũ mũndũ ũmeteaa mwana wake e ũmwe, na makeethĩwa na woo nũndũ wake, ta ũmwe wĩthĩwaa na woo nũndũ wa ĩkithathi yake.</verse>
				<verse number="11">Mũthenya ũsu kũkeethĩwa kĩmeto kĩnene Yelusaleme, ta kĩmeto kya Atatilimoni mwandanĩ wa Mekitoni.</verse>
				<verse number="12">Na ĩ nthĩ ĩkameta, kĩla mũvĩa w’oka; mũvĩa wa nyũmba ya Ndaviti w’oka, na iveti syoo syoka; mũvĩa wa nyũmba ya Nathani w’oka, na iveti syoo syoka;</verse>
				<verse number="13">mũvĩa wa nyũmba ya Livai w’oka, na iveti syoo syoka; mũvĩa wa Asimei w’oka, na iveti syoo syoka;</verse>
				<verse number="14">mĩvĩa yonthe ĩla yatialile, kĩla mũvĩa w’oka, na iveti syoo syoka.</verse>
			</chapter>
			<chapter number="13">
				<verse number="1">Mũthenya ũsu nthongo ĩkeethĩwa yĩ mbingũĩe nyũmba ya Ndaviti na ala matwĩe Yelusaleme, ũndũ wa naĩ na ũndũ wa ũvuku.</verse>
				<verse number="2">Na kũkeethĩwa mũthenya ũsu, easya ũu Yeova wa nguthu, ngaveta masyĩtwa ma mĩvw’anano kuma ĩ nthĩ, na ndĩkalilikanwa ĩngĩ; o na ĩngĩ athani na ũla veva mũvuku ngatuma mauma ĩ nthĩ.</verse>
				<verse number="3">Na kũkeethĩwa, o yĩla ũmwe wĩkwatya kwathana, nĩvo ĩthe na nyinyia ala mamũsyaie makamwĩa, Ndwĩĩkala thayũ we; nũndũ nũkũneena movũngũ syĩtwanĩ ya Yeova; na ĩthe na nyinyia ala mamũsyaie makamũtonya mũkuthũ yĩla wĩĩthĩwa akyathana.</verse>
				<verse number="4">Na kũkeethĩwa mũthenya ũsu, athani makasonoka kĩla ũmwe ũndũ wa woni wake, yĩla wĩathana; o na matikevw’ika ngũa ndasa yĩ w’ĩa makengane:</verse>
				<verse number="5">ĩndĩ akasya, Ndi mwathani nyie, nyie nĩ mũĩmi; nũndũ natw’ĩwe ngombo kuma wana wakwa.</verse>
				<verse number="6">Na ũmwe akamwĩa, Mawũkite aa me itaanĩ syaku nĩ ma kyaũ? Nĩvo wĩsũngĩa, Aa nĩ ala nokitĩwe nyũmbanĩ ya anyanyawa.</verse>
				<verse number="7">Amũka, we ũvyũ, ĩũlũ wa mũĩthi wakwa, na ĩũlũ wa mũndũ ũla mũtindan’ya wakwa, easya ũu Yeova wa nguthu: mũkũne mũĩthi, na malondu makanyaĩĩka; ngathyũũĩa tũla tũnini kw’oko kwakwa.</verse>
				<verse number="8">Na kũkeethĩwa, ĩ nthĩ yonthe, ilungu ilĩ syayo ikavetwa na kũkw’a, easya ũu Yeova; ĩndĩ kya katatũ kĩkatiwa nthĩnĩ wayo.</verse>
				<verse number="9">Na kĩlungu kya katatũ ngakĩete mwakinĩ, na ngamathesya o tondũ vetha ũtheaw’a, na ngamatata o tondũ thaavu ũtatawa. Makeekaĩla syĩtwa yakwa, na ngamew’a: ngasya, Nĩ andũ makwa; namo makasya, Yeova nĩ Ngai wakwa.</verse>
			</chapter>
			<chapter number="14">
				<verse number="1">Sisya, mũthenya wa Yeova nĩwũkĩte, yĩla mũtavo waku ũkaaanw’a katĩ waku.</verse>
				<verse number="2">Nũndũ ngoomban’ya mbaĩ syonthe ĩũlũ wa Yelusaleme syũkĩte; na ndũa ĩkooswa, na nyũmba ikatavwa mĩio, na aka makakindwa; na nyunzu ya ndũa ĩkatavwa, na ũtialo wa andũ ndũkavetwa ndũanĩ.</verse>
				<verse number="3">Nĩvo Yeova ũkaumĩla, na kũkita na mbaĩ ĩsu, ta yĩla wokitie mũthenya wa kaũ.</verse>
				<verse number="4">Na maũũ make makaũngama mũthenya ũsu ĩũlũ wa kĩla kĩĩma kya Mĩthata, kĩla kyelekele Yelusaleme ngalĩ ya wumĩlonĩ wa syũa: na kĩĩma kya Mĩthata kĩkaatũkanĩla katĩ kyelekele wumĩlonĩ wa syũa na kyelekele ũthũĩlonĩ wa syũa, na vakeethĩwa kyanda kĩnene mũno; na nyunzu ya kĩĩma ĩkathi yelekele ngalĩ ya ĩũlũ na nyunzu yakyo yelekele ngalĩ ya ĩtheo.</verse>
				<verse number="5">Na mũkakĩĩla kyandanĩ kya iĩma syakwa; nũndũ kyanda kya iĩma kĩkavika Aseli; ĩĩ, mũkakĩa, o tondũ mwakĩie kĩtetemo kya nthĩ mĩthenya ya Usia mũsumbĩ wa Yuta; na Yeova Ngai wakwa akooka, na atheu onthe vamwe naku.</verse>
				<verse number="6">Na kũkeethĩwa mũthenya ũsu, kũtikethĩwa kyeni; motisu makaoseea:</verse>
				<verse number="7">ĩndĩ ũkeethĩwa mũthenya ũmwe ũla wĩsĩkĩwe nĩ Yeova; ti mũthenya, na ti ũtukũ; ĩndĩ kũkeethĩwa, atĩ wĩoo kũkeethĩwa kyeni.</verse>
				<verse number="8">Na kũkeethĩwa mũthenya ũsu, atĩ manzĩ ma thayũ makaumĩla Yelusaleme; nyunzu yamo kwelekela ũkanganĩ wa wumĩlonĩ wa syũa, na nyunzu yamo kwelekela ũkanganĩ wa ũthũĩlonĩ wa syũa: kũkeethĩawa ũu ĩvinda ya syũa na ivĩnda ya mbevo.</verse>
				<verse number="9">Na Yeova akethĩwa Mũsumbĩ ĩũlũ wa nthĩ yonthe: mũthenya ũsu Yeova akeethĩwa o ũmwe, na syĩtwa yake o yĩmwe.</verse>
				<verse number="10">Ĩ nthĩ yonthe ĩkatw’ĩkĩthw’a ta Alava, kuma Ngeva kũvika Limoni ngalĩ ya ĩtheo ya Yelusaleme; nayo ĩkookĩlw’a, na kũtũa vandũ vayo, kuma mbingĩlonĩ ya Mbenyamini kũvika vandũ va mbingĩlo ya mbee, o kũvika mbingĩlo ya kĩkotonĩ, na kuma ũla mwako mũtũlu wa mũnyoolo wa Ananeli kũvika iangĩonĩ sya nzavivũ sya mũsumbĩ.</verse>
				<verse number="11">Na andũ makatũa vo, na kũikethĩwa kĩumo ĩngĩ; ĩndĩ Yelusaleme ĩkatũa ĩte mũisyo.</verse>
				<verse number="12">Na ũthĩn’yo ũla Yeova wĩkũna ngo syonthe sya andũ naw’o ila syũkitĩte na Yelusaleme ũkeethĩwa ũũ: mĩĩ yoo ĩkamomonyekaa o maũngyĩ na maũũ moo, na metho moo makaseekeaa me o maimanĩ mamo, na nĩmĩ syoo ikamomeonyekaa syĩ makanyw’anĩ moo.</verse>
				<verse number="13">Na kũkeethĩwa mũthenya ũsu, kĩtuu kĩnene kuma kwa Yeova kĩkeethĩwa katĩ wamo; na makakwatana kĩla ũmwe kw’oko na mũtũi wake, na kw’oko kwake kũkookĩlĩĩla kw’oko kwa mũtũi wake.</verse>
				<verse number="14">O na Yuta akokita ku Yelusaleme; na ũthwii wa mbaĩ syonthe ila ithyũlũlũkĩte kw’onthe ũkoombanw’a vamwe, thaavu, na vetha, na ngũa, mwingĩ mũno.</verse>
				<verse number="15">Na now’o kũkeethĩwa ũthĩn’yo wa mbalasi, na wa nyũmbũ, na wa ngamĩle, na wa ĩng’oi, na wa nyamũ syonthe ĩla ĩkethĩwa myakonĩ ĩsu ya maeema, ũthĩn’yo ta ũsu.</verse>
				<verse number="16">Na kũkeethĩwa, kĩla ũmwe ũtialĩte kwa mbaĩ syonthe ila syokĩlĩĩle Yelusaleme akambataa kĩla mwaka kũthaitha Mũsumbĩ, Yeova wa nguthu, na kũlilikana mboka ya malwanda.</verse>
				<verse number="17">Na kũkeethĩwa, kana o ũla ũtakambataa Yelusaleme wa mĩvĩa yonthe ya nthĩ athaithe Mũsumbĩ, Yeova wa nguthu, kwoo kũtikethĩwa mbua.</verse>
				<verse number="18">Na ethĩwa mũvĩa wa Misili ndũkambata, wũke, o na ndĩkaua kwoo; kũkeethĩwa ũthĩn’yo ũla Yeova wĩkũna i mbaĩ naw’o ila iteambata kũlilikana mboka ya malwanda.</verse>
				<verse number="19">Ũu nĩw’o wĩĩthĩwa ũsilĩlo wa Misili, na ũsilĩlo wa mbaĩ syonthe ila iteambata kũlilikana mboka ya malwanda.</verse>
				<verse number="20">Mũthenya ũsu kũkeethĩwa ndililinĩ sya mbalasi vaandĩkĩtwe, NTHEU KWA YEOVA; na mbisũ ila syĩ nyũmbanĩ ya Yeova ĩkeethĩwa itilyĩ ta mbakũli ila syĩ mbee wa kĩthembeo.</verse>
				<verse number="21">Ĩĩ, kĩla mbisũ nthĩnĩ wa Yelusaleme na nthĩnĩ wa Yuta ĩkeethĩwa ntheu kwa Yeova wa nguthu; na onthe ala mathembaa makooka na makyosa, na kũtheũkĩsya nthĩnĩ wasyo: na mũthenya ũsu kũikethĩwa Mũkanaani nthĩnĩ wa nyũmba ya Yeova wa nguthu.</verse>
			</chapter>
		</book>
		<book number="39">
			<chapter number="1">
				<verse number="1">Ũito wa ndeto ya Yeova kwa Isilaeli kwa kanyw’a wa Malaki.</verse>
				<verse number="2">Nĩnĩmwendete, easya ũu Yeova. Ĩndĩ inyw’ĩ mwĩkũlya, Ũtwendete ũndũnĩ wĩva? Esau ndaĩ mwana‐a‐inyia wa Yakovo? Ekũlya ũu Yeova: ĩndĩ nĩnamwendie Yakovo;</verse>
				<verse number="3">ĩndĩ Esau nĩnamũmenie, na natw’ĩkĩthya iĩma syake nthei, na nĩnanengie mbĩwa sya weũnĩ ũtiĩwa wake.</verse>
				<verse number="4">Vala Etomu ũnũkwasya, Twĩ avalũkye nthĩ, ĩndĩ nĩtũũsyoka na tũkyaka maanzonĩ; Yeova wa nguthu easya atĩĩ, Makaaka, ĩndĩ ngang’uthũlanga; na andũ makametaa Mũvaka wa ũthũku, na Andũ ala Yeova ũmathatĩe tene na tene.</verse>
				<verse number="5">Na metho menyu makoona, na mũkasya, Yeova nanenevw’e mũkĩlo wa mũvaka wa Isilaeli.</verse>
				<verse number="6">Mwana ataĩaa ĩthe, na mũthũkũmi vwana wake: ethĩwa ĩndĩ nyie nĩ ĩthe, kũtaĩwa kwakwa kũĩva? Na ethĩwa nyie nĩ vwana, kũkĩwa kwakwa kũĩva? Ĩnyw’ĩ athembi ala mũvũthasya syĩtwa yakwa, emũkũlya ũu Yeova wa nguthu. Na inyw’ĩ mwĩkũlya, Tũvũthĩtye syĩtwa yaku ũndũnĩ wĩva?</verse>
				<verse number="7">Nĩmũthembaa imũtũ mbuku kĩthembeonĩ kyakwa. Na inyw’ĩ mwĩkũlya, Tũkũvukĩtye ũndũnĩ wĩva? Nũndũ mwĩasya, Mesa ya Yeova nĩ mana.</verse>
				<verse number="8">Na yĩla mũũthemba ĩla ĩte metho, ti ũthũku! Na yĩla mũkũthemba ĩnĩkũthua na ĩla ndwau, ti ũthũku! Kwamũnenge ngavana waku yu; akendeew’a nue? Kana akakwĩtĩkĩla we? Ekũlya ũu Yeova wa nguthu.</verse>
				<verse number="9">Na yu, nĩngũmwĩsũva, mũvoye ũseo kwa Ngai, nĩ kana atonye kũtwĩka nesa: ũũ wĩthĩĩtwe kwondũ wenyu: akamwĩtĩkĩla inyw’ĩ o na ũmwe? Ekũlya ũu Yeova wa nguthu.</verse>
				<verse number="10">A! Kethĩwa ve ũmwe katĩ wenyu ũvinga mĩomo, nĩ kana mũikatonye kũvuva mwaki ĩũlũ wa kĩthembeo kyakwa mana! Ndikwendeew’a nĩ inyw’ĩ, o na ndiketĩkĩla nthembo i kw’okonĩ kwenyu, easya ũu Yeova wa nguthu.</verse>
				<verse number="11">Nũndũ kuma syũa yauma o na kũvika yathũa syĩtwa yakwa yĩthĩwaa ĩnene katĩ wa Andũ‐ma‐mbaĩ‐ingĩ; na kĩla vandũ ũvani na nthembo ntheu nithembeawa syĩtwa yakwa: nũndũ syĩtwa yakwa yĩthĩwaa ĩnene katĩ wa Andũ‐ma‐mbaĩ‐ingĩ, easya ũu Yeova wa nguthu.</verse>
				<verse number="12">Ĩndĩ nĩmũyĩvukasya, nũndũ mwĩasya, Mesa ya Yeova nĩvukĩtw’e, na ũsyao wayo, o na lĩu wayo, nĩ mana.</verse>
				<verse number="13">Na ĩngĩ mwĩasya, Sisyai, ũndũ ĩan’ya mĩnoo! Na nĩmũmĩtimbĩte, easya ũu Yeova wa nguthu; na inyw’ĩ mũetete ĩla yoosiwe na ũng’endu, na ĩla ĩnĩkũthua, na ĩla ndwau; o ta ũu nĩmũetae ĩla nthembo: nĩnaĩle kũmyosa mokonĩ menyu? Ekũlya ũu Yeova.</verse>
				<verse number="14">Ĩndĩ mũkengani naumanĩwe, ũla wĩavaa, na aithembea Mwĩaĩi ĩmwe yĩ na kĩema, e na nũme ndĩthyanĩ yake ya mbũi na malondu; nũndũ ninyie Mũsumbĩ mũnene, na syĩtwa yakwa nĩ ya ũkĩwa mũno katĩ wa Andũ‐ma‐mbaĩ‐ingĩ, easya ũu Yeova wa nguthu.</verse>
			</chapter>
			<chapter number="2">
				<verse number="1">Na yu, inyw’ĩ athembi, mwĩao ũũ nĩ kwondũ wenyu.</verse>
				<verse number="2">Mweethĩwa mũtikwĩw’a, na mweethĩwa mũtikwĩkĩa ũu ngoonĩ, mũnengae syĩtwa yakwa ndaĩa, nĩvo ĩndĩ nĩmũetee kĩumo, na ngamaumanĩa moathimo menyu, easya ũu Yeova wa nguthu; ĩĩ, nĩnĩminĩte kũmaumanĩa, nĩkwĩthĩwa mũtiwĩkĩaa ngoonĩ.</verse>
				<verse number="3">Sisyai, ngookan’ya ũsyao wenyu, na ngavakanga mũyoo mothyũnĩ menyu, o mũyoo wa nthembo syenyu; nenyu mũkavetanĩw’a naw’o.</verse>
				<verse number="4">Na mũkamanya kana nĩnaetie mwĩao ũũ kwenyu, nĩ kana ũtianĩo wakwa wĩthĩwe na Livai, easya ũu Yeova wa nguthu.</verse>
				<verse number="5">Ũtianĩo wakwa waĩ nake wa thayũ na mũuo; na nainenganie kwake nĩ kana akĩe; nake nĩwangĩaa, na kũkĩaa syĩtwa yakwa.</verse>
				<verse number="6">Mwĩao wa w’o waĩ kanyw’anĩ wake, na ũla ũte ũlũngalu ndwaaoneka ilomonĩ syake; aendanasya nakwa mũuonĩ na ũlũngalunĩ, na akĩalyũla aingĩ kuma ũthũkunĩ.</verse>
				<verse number="7">Nũndũ ilomo sya mũthembi nĩsyaĩle ũsũvĩaa ũmanyi, na andũ nĩmaĩle kũmanthaa mwĩao kanyw’anĩ wake; nũndũ nĩ mũtũmwa wa Yeova wa nguthu.</verse>
				<verse number="8">Ĩndĩ nĩmweelelũkile kuma nzĩanĩ; nĩmũtumĩte aingĩ malulutĩka mĩaonĩ; nĩmũthũkĩtye ũtianĩo wa Livai, easya ũu Yeova wa nguthu.</verse>
				<verse number="9">Kwondũ wa ũu nyie nakwa namũtwie ma mana na mwĩ ĩtheo mbee wa andũ onthe, o kwĩanana na ũndũ mũtaakwata nzĩa syakwa, ĩndĩ mweethĩwa na wendeesyo wa andũ mĩaonĩ.</verse>
				<verse number="10">Tũi ma ĩthe ũmwe ithyonthe? Ti o Ngai ũmwe ũ watũmbie? Twĩĩkana ũseleke nĩkĩ kĩla mũndũ na mwana‐a‐ĩthe, tũkĩvukya ũtianĩo wa aaĩthe maitũ?</verse>
				<verse number="11">Yuta nĩwĩkĩte ũseleke, na ũthatyo nĩwĩkĩtwe nthĩnĩ wa Isilaeli na Yelusaleme; nũndũ Yuta nũvukĩtye ũtheu wa Yeova ũla wendaa, na nũtwaĩte mwĩĩtu wa ngai ngeni.</verse>
				<verse number="12">Kwa mũndũ ũla wĩkaa ũu, Yeova akaveta kuma maeemanĩ ma Yakovo ũla wĩkalaa asalukĩtye na ũla ũsũngĩaa, na ũla ũthembeaa Yeova wa nguthu nthembo.</verse>
				<verse number="13">Na nĩmwĩkaa ũũ ĩngĩ: nĩmũvw’ĩkaa kĩthembeo kya Yeova na methoi, na kũĩa, na kũvevũũka, kwondũ wa ũu ndetĩkĩlaa nthembo nongi, o na ndamyosaa na kwenda kũseo kw’okonĩ kwenyu.</verse>
				<verse number="14">Ĩndĩ inyw’ĩ mwĩkũlya. Nĩ ũndũ wa kĩ? Nĩkwĩthĩwa Yeova nĩwĩthĩwaa ngũsĩ katĩ waku na mũka waku wa ũthoo, ũla ũmwĩkĩte ũseleke, o na kau nĩwatindaa nake, na nĩ mũka wa ũtianĩo waku.</verse>
				<verse number="15">Na ndaaũmba ũmwe, o na kau aĩ na ũtialo wa Veva? Na nĩ ũmwe nĩkĩ? Amanthaa ũsyao wa ũmũkĩaa Ngai. Kwondũ wa ũu sũvĩa veva waku, na mũndũ o na wĩva ndakeke mũka wake wa ũthoo ũseleke.</verse>
				<verse number="16">Nũndũ nĩnĩmenaa ũndũ ũsu wa mũleano, easya ũu Yeova, Ngai wa Isilaeli, o na ũla ũvw’ĩkaa ngũa yake ũng’endu, easya ũu Yeova wa nguthu: kwondũ wa ũu sũvĩai veva wenyu, nĩ kana mũikeke ũseleke.</verse>
				<verse number="17">Nĩmũnoetye Yeova na ndeto syenyu. Ĩndĩ mwĩkũlya, Tũmũnoetye ũndũnĩ wĩva? Nũndũ mwĩasya, Kĩla ũmwe wĩkaa ũthũku nĩ mũseo methonĩ ma Yeova, na nĩwendeeaw’a nĩmo; kana aĩva Ngai wĩ ũsili wa katĩ?</verse>
			</chapter>
			<chapter number="3">
				<verse number="1">Sisyai, nĩngũtũma mũtũmwa wakwa, na akaseũvya nzĩa mbee wakwa: na Mwĩaĩi, ũla mũmanthaa, akooka na kĩthũlũmũko ĩkalũnĩ yake; na mũtũmwa wa ũtianĩo, ũla mwendaa, sisyai, nĩwũkĩte, easya ũu Yeova wa nguthu.</verse>
				<verse number="2">Ĩndĩ nũũ ũtonya kũmĩĩsya mũthenya wa kũka kwake? Na nũũ wĩũngama yĩla wĩumĩla? Nũndũ ailyĩ mwaki wa mũui wa vetha, na ailyĩ savunĩ wa mũthambya wa ngũa:</verse>
				<verse number="3">na akekala nthĩ ta mũui na mũthesya wa vetha, na akathesya ana ma Livai, na kũmathesya ta thaavu na vetha; namo makathembea Yeova nthembo na ũlũngalu.</verse>
				<verse number="4">Nĩvo ĩndĩ nthembo ya Yuta na Yelusaleme yĩendeesya Yeova, o ta mĩthenya ya tene, na ta myaka ya tene mũno.</verse>
				<verse number="5">Na ngooka vakuvĩ nenyu kũsilĩla; na ngeethĩwa ngũsĩ yĩ mĩtũkĩ kwa aoi, na kwa ilaalai, na kwa ala mevĩtaa ũvũngũ, na kwa ala mavinyĩĩaa mũthũkũmi ũndũ wa ĩtuvi yake, na aka ndiwa, na ala makw’ĩĩwe nĩ aaĩthe, na kwa ala melelũkasya sila wa mwĩkali wa ũeninĩ ndakone kĩla kyake, mateũngĩa, easya ũu Yeova wa nguthu.</verse>
				<verse number="6">Nũndũ nyie, Yeova, ndialyũkaa; kwondũ wa ũu inyw’ĩ, inyw’ĩ ana ma Yakovo, mũiminawa.</verse>
				<verse number="7">Kuma mĩthenya ya aaĩthe menyu nĩmweelelũkile kuma motw’ĩonĩ makwa, na mũiaamasũvĩa. Nzyokeai, nakwa ngamũsyokea, easya ũu Yeova wa nguthu. Ĩndĩ inyw’ĩ mwĩkũlya, Twĩsyoka ũndũnĩ wĩva?</verse>
				<verse number="8">Mũndũ akamũyĩa Ngai? Ĩndĩ nĩmũmbũyaa. Ĩndĩ mwĩkũlya, Tũkũyĩe ũndũnĩ wĩva? Nĩ ilungunĩ sya ĩkũmi na nthembo.</verse>
				<verse number="9">Nĩmũumanĩwe; nũndũ nĩmũmbũyaa, o mbaĩ ĩno nima.</verse>
				<verse number="10">Etei kĩlungu kya ĩkũmi kyonthe ĩkũmbĩnĩ, nĩ kana vethĩwe lĩu nyũmbanĩ yakwa, na ndatai ũndũnĩ ũũ yu, ethĩwa ndimũvingũĩa mbũthi sya ĩtunĩ, na kũmũtulũĩla ũathimo, mũvaka vae ũthei wa kũwĩanĩa, easya ũu Yeova wa nguthu.</verse>
				<verse number="11">Na ngamũkan’ya mwanangi nũndũ wenyu, na ndakananga mosyao ma nthĩ yenyu; o na mĩsavivũ yenyu ndĩketĩkya ũsyao wayo mũũndanĩ ũtanavika, easya ũu Yeova wa nguthu.</verse>
				<verse number="12">Na mbaĩ syonthe ikamwĩtaa atanu; nũndũ mũkeethĩwa nthĩ ya kwendeesya, easya ũu Yeova wa nguthu.</verse>
				<verse number="13">Ndeto syenyu syĩkalĩte syĩ nyũmũ ĩũlũ wakwa, easya ũu Yeova. Ĩndĩ inyw’ĩ mwĩkũlya, Tũkũneenee ata?</verse>
				<verse number="14">Inyw’ĩ mwaĩtye, No mana kũthũkũma Ngai; ũndũ tũlũmĩtye wĩaĩo wake, ũndũ tũendaa twĩ na woo mbee wa Yeova wa nguthu, ũunĩko nĩ mwaũ?</verse>
				<verse number="15">Na yu twĩmeta ekathĩĩi atanu; ĩĩ, o ala mekaa ũthũku nĩmakawa; ĩĩ, nĩmatataa Ngai na makĩvonoka.</verse>
				<verse number="16">Nĩvo ĩndĩ ala makĩaa Yeova maneenanisye ene kwa ene; na Yeova eethukĩĩsya, na eew’a, na ĩvuku ya ũlilikan’yo yaandĩkwa e vo, nũndũ wa ala makĩaa Yeova, na ala malilikanaa syĩtwa yake.</verse>
				<verse number="17">Na makeethĩwa makwa, easya ũu Yeova wa nguthu, o makwa mwene ki, mũthenya ũla nĩtw’a; na ngamew’ĩa tei, o tondũ mũndũ wĩw’ĩaa mwana wake mwene tei ũla ũmũthũkũmaa.</verse>
				<verse number="18">Nĩvo ĩndĩ mũkasyoka na kũvathũkan’ya katĩ wa ala alũngalu na ala athũku, ũla ũthũkũmaa Ngai na ũla ũtamũthũkũmaa.</verse>
			</chapter>
			<chapter number="4">
				<verse number="1">Nundũ, sisyai, mũthenya nĩwũkĩte, wakanĩte ta iko ĩnene; na ekathĩĩi onthe, na onthe ala mekaa ũthũku, makeethĩwa ũa; na mũthenya ũla wũkĩte ũkamavĩvya vyũ, mũvaka ndũkamatialya mũi o na ũvonge, easya ũu Yeova wa nguthu.</verse>
				<verse number="2">Ĩndĩ kwa inyw’ĩ ala mũkĩaa syĩtwa yakwa syũa ya ũlũngalu yĩkauma yĩ na wovosyo nthwaunĩ syayo; nenyu mũkaumaala, na kũtũva ta tũsaũ twa kĩtũũnĩ.</verse>
				<verse number="3">Na mũkakinyangĩa ala athũku nthĩ; nũndũ makeethĩwa mũu ungu wa nyaĩĩ syenyu mũthenya ũla nĩtw’a, easya ũu Yeova wa nguthu.</verse>
				<verse number="4">Lilikanai, inyw’ĩ, mĩao ya Mose mũthũkũmi wakwa, ũla namwĩaĩe ku Olevu nũndũ wa Isilaeli onthe, o myamũlo na motw’ĩo.</verse>
				<verse number="5">Sisyai, ngatũma mwathani Eliya kwenyu mbee wa mũthenya mũnene na wa ũtĩsya wa Yeova ũtanoka.</verse>
				<verse number="6">Na akathyũũa ngoo sya aaĩthe syelekele syana, na ngoo sya syana syelekele aaĩthe masyo; ndikese kũka na kũmĩkũna nthĩ na kĩumo.</verse>
			</chapter>
		</book>
	</testament>
	<testament name="New">
		<book number="40">
			<chapter number="1">
				<verse number="1">Ĩvuku ya mosyaanĩo ma Yesũ Klĩsto, mwana wa Ndaviti, mwana wa Avalaamu.</verse>
				<verse number="2">Avalaamu asyaie Isaka; na Isaka asyaa Yakovo; na Yakovo asyaa Yuta na ana‐a‐ĩthe make;</verse>
				<verse number="3">na Yuta asyaĩwa Velesi na Nzela nĩ Tamalu; na Velesi asyaa Esiloni; na Esiloni asyaa Lamu;</verse>
				<verse number="4">na Lamu asyaa Aminatavu; na Aminatavu asyaa Nasoni; na Nasoni asyaa Salumoni;</verse>
				<verse number="5">na Salumoni asyaĩwa Mboasi nĩ Laavi; na Mboasi asyaĩwa Oveti nĩ Luthi; na Oveti asyaa Yese;</verse>
				<verse number="6">na Yese asyaa mũsumbĩ Ndaviti. Na Ndaviti asyaĩwa Solomoni nĩ mũka ũla waĩ wa Ulia;</verse>
				<verse number="7">na Solomoni asyaa Leovoamu; na Leovoamu asyaa Aviya; na Aviya asyaa Asa;</verse>
				<verse number="8">na Asa asyaa Yeosavati; na Yeosavati asyaa Yolamu; na Yolamu asyaa Usia;</verse>
				<verse number="9">na Usia asyaa Yothamu; na Yothamu asyaa Aasu; na Aasu asyaa Esekia;</verse>
				<verse number="10">na Esekia asyaa Manase; na Manase asyaa Amoni; na Amoni asyaa Yosia;</verse>
				<verse number="11">na Yosia asyaa Yekonia na ana‐a‐inyia make, ĩvinda ya kũthamĩĩw’a Mbaviloni.</verse>
				<verse number="12">Na ĩtina wa kũthamĩĩw’a Mbaviloni, Yekonia asyaa Sealitieli; na Sealitieli asyaa Nzeluvaveli;</verse>
				<verse number="13">na Nzeluvaveli asyaa Aviuti; na Aviuti asyaa Eliakimu; na Eliakimu asyaa Asoli;</verse>
				<verse number="14">na Asoli asyaa Satoki; na Satoki asyaa Akimu; na Akimu asyaa Eliuti;</verse>
				<verse number="15">na Eliuti asyaa Eleasali; na Eleasali asyaa Mathani; na Mathani asyaa Yakovo;</verse>
				<verse number="16">na Yakovo asyaa Yosevu mũũme wa Meli ũla wasyaie Yesũ, nake nĩwĩtawa Klĩsto.</verse>
				<verse number="17">Na ĩndĩ nzyawa syonthe kuma Avalaamu kũvika Ndaviti nĩ nzyawa ĩkũmi na inya; na kuma Ndaviti kũvika kũla kũthamĩĩw’a Mbaviloni nĩ nzyawa ĩkũmi na inya; na kuma kũthamĩĩw’a Mbaviloni kũvika Klĩsto nĩ nzyawa ĩkũmi na inya.</verse>
				<verse number="18">Na kũsyawa kwa Yesũ Klĩsto kwailyĩ ũũ: Yĩla Meli inyia wake wevaĩtw’e nĩ Yosevu, matambĩte kũtwaana, ooneka e na ĩvu ya Veva Mũtheu.</verse>
				<verse number="19">Na Yosevu mũũme wake, nĩkwĩthĩwa aĩ mũndũ mũlũngalu, na ndaenda kũmũsonokya mbee wa andũ, enda kũmũeka kĩmbithĩ.</verse>
				<verse number="20">Ĩndĩ akĩsũanĩa maũndũ asu, sisya, mũlaĩka wa Mwĩaĩi amumĩlĩla ndotonĩ, akyasya, Yosevu, we mwana wa Ndaviti, ndũkakĩe kũtwaa Meli mũka waku; nũndũ kũitava kwake nĩ kwa Veva Mũtheu.</verse>
				<verse number="21">Nake akasyaa kavĩsĩ; naku ũkaketa syĩtwa yako YESŨ; nũndũ nĩwe ũkatangĩĩa andũ make kuma naĩnĩ syoo.</verse>
				<verse number="22">Na ũu w’onthe ũtw’ĩkĩte, nĩ kana wĩanĩw’e ũla waneeniwe nĩ Mwĩaĩi na kanyw’a wa mwathani, akyasya,</verse>
				<verse number="23">Sisya, mwĩĩtu akethĩwa e ĩvu, na akasyaa kavĩsĩ, Nako syĩtwa yako makaketa Imanueli; na ũalyũlo wayo nĩ, Ngai vamwe naitũ.</verse>
				<verse number="24">Na Yosevu ookĩla kuma toonĩ, na eeka o tondũ wĩaĩwe nĩ mũlaĩka wa Mwĩaĩi, na atwaa mũka wake;</verse>
				<verse number="25">o na ndaamũmanya mũvaka asyaa kavĩsĩ: nake aketa syĩtwa yako YESŨ.</verse>
			</chapter>
			<chapter number="2">
				<verse number="1">Na Yesũ asaĩwe Mbethelemu nthĩ ya Yutia matukũ ma mũsumbĩ Elote, sisya, andũ oĩ kuma wumĩlonĩ wa syũa mooka Yelusaleme, makyasya,</verse>
				<verse number="2">Aĩva ũla wasyaiwe Mũsumbĩ wa Ayuti? Nũndũ nĩtwoonie ndata yake wumĩlonĩ wa syũa, na nĩtwooka kũmũthaitha.</verse>
				<verse number="3">Na ũla mũsumbĩ Elote eew’a ũu, aũũya, na Yelusaleme yonthe vamwe nake.</verse>
				<verse number="4">Na oomban’ya athembi anene onthe na aandĩki ma andũ, amakũlya vala Klĩsto wĩsyaĩwa.</verse>
				<verse number="5">Nao mamwĩa, Nthĩnĩ wa Mbethelemu nthĩ ya Yutia: nũndũ nĩw’o kũandĩkĩtwe nĩ mwathani,</verse>
				<verse number="6">Naku Mbethelemu, nthĩ ya Yuta, Ndwĩ mũnini nongi katĩ wa atongoi ma Yuta: Nũndũ kwaku we kũkauma ngavana, Ũla ũkaĩthya andũ makwa Isilaeli.</verse>
				<verse number="7">Nĩvo ĩndĩ Elote wametie ala andũ oĩ kĩmbithĩ, na amanyĩthw’a nĩo vyũ ĩvinda yĩla ndata ĩsu yonekie.</verse>
				<verse number="8">Na amatũma ku Mbethelemu, na asya, Endai mũkekuũe vyũ ũndũ wa kala kana; na mwakona mũndetee ũvoo, nĩ kana nyie nakwa nĩthi nĩkathaithe.</verse>
				<verse number="9">Nao, meew’a ndeto sya mũsumbĩ, makwata nzĩa mathi; na sisya, ndata ĩla moonie wumĩlonĩ wa syũa yamatongoesya, mũvaka yooka yalũma ĩũlũ wa vala ve kala kana.</verse>
				<verse number="10">Na moona ĩla ndata, matana ũtanu mũnene mũno.</verse>
				<verse number="11">Na malika nyũmba nthĩnĩ na moona kana vamwe na Meli inyia wako, na mavalũka nthĩ na makathaitha; na mathasya mĩio yoo yĩ vata mũno makanenga mĩthĩnzĩo, thaavu na ũvumba na manemane.</verse>
				<verse number="12">Nao mooniw’e nĩ Ngai ndotonĩ maikamũalũkĩle Elote, mathi kwoo na nzĩa ĩngĩ.</verse>
				<verse number="13">Na asu mathi, sisya, mũlaĩka wa Mwĩaĩi amumĩlĩla Yosevu ndotonĩ, akyasya, Ũkĩla wose kala kana na inyia wako, noikĩa ũthi Misili, ũkekale kw’o mũvaka yĩla ngaũtavya: nũndũ Elote nũkilĩlye kũmantha kala kana akoae.</verse>
				<verse number="14">Nake ookĩla oosa kala kana na inyia wako ũtukũ, athi kũvika Misili;</verse>
				<verse number="15">na ekala kw’o mũvaka Elote akw’a: nĩ kana kwĩanĩw’e ũla waneeniwe nĩ Mwĩaĩi na kanyw’a wa mwathani, akyasya, Kuma Misili nĩnamwĩtie mwana wakwa.</verse>
				<verse number="16">Na ĩndĩ Elote, oona kana nũnavũthiw’e nĩ ala andũ oĩ, athata mũno, na atũma andũ moae tũvĩsĩ tw’onthe tũla twaĩ Mbethelemu, na ndee syonthe syayo, tũla tũvikĩtye myaka ĩlĩ na ĩtina wa vau, kwĩanana na ĩvinda yĩla wamanyĩthiw’e vyũ nĩ ala andũ oĩ.</verse>
				<verse number="17">Nĩvo ĩndĩ weanĩiw’e ũla waneeniwe nĩ mwathani Yelemia, akyasya,</verse>
				<verse number="18">Wasya nĩweew’ĩkie Lama, Kĩĩo na kĩmeto kĩnene, Lakeli akĩĩĩa syana syake; Na ndetĩkĩla kũkiakiw’a, nĩkwĩthĩwa itivaĩ.</verse>
				<verse number="19">Ĩndĩ Elote akw’a, sisya, mũlaĩka wa Mwĩaĩi amumĩlĩla Yosevu ndotonĩ na ku Misili, akyasya,</verse>
				<verse number="20">Ũkĩla wose kana na inyia wako, ũthi nthĩ ya Isilaeli: nũndũ nĩ akw’ũ ala mamanthaa thayũ wa kana.</verse>
				<verse number="21">Nake ookĩla, oosa kana na inyia wako, na athi nthĩ ya Isilaeli.</verse>
				<verse number="22">Ĩndĩ eew’a kana Alikelau nũsumbĩkĩte ĩũlũ wa Yutia vandũ va Elote ĩthe wake, akĩa kũthi kw’o; na oonw’a nĩ Ngai ndotonĩ, eelelũka athi ngalĩ sya Kalilii,</verse>
				<verse number="23">na athi atũa ndũanĩ yĩtawa Nasaleti; nĩ kana kwĩanĩw’e ũla waneeniwe nĩ athani, kana we aketwa Mũnasaleti.</verse>
			</chapter>
			<chapter number="3">
				<verse number="1">Na matukũ asu Yoana Mũvatisi aumĩla, akĩtavan’ya weũnĩ wa Yutia, akyasya,</verse>
				<verse number="2">Alyũlai ngoo; nũndũ ũsumbĩ wa ĩtu nĩ mũthengeeu.</verse>
				<verse number="3">Nĩkwĩthĩwa ũũ nĩwe ũla wawetiwe nĩ mwathani Isaia, akyasya, Wasya wa mũndũ akĩneena mũno weũnĩ, Seũvyai nzĩa ya Mwĩaĩi, Lũngalyai moendelo make.</verse>
				<verse number="4">Na Yoana mwene aĩ na ngũa yake ya w’ĩa wa ngamĩle, na mũkwa kĩnyunyunĩ kyake; na kya ũya kyake kyaĩ ngie na ũkĩ wa nzũkĩ wa kĩthekanĩ.</verse>
				<verse number="5">Nĩvo Yelusaleme, na Yutia yonthe, na nthĩ yonthe ĩthyũlũlũkĩte Yolotani maendie vala ũĩ;</verse>
				<verse number="6">na mavatisĩwa nĩwe ũsĩnĩ wa Yolotani, makyumbũla naĩ syoo.</verse>
				<verse number="7">Ĩndĩ oona aingĩ ma Avalisi na Asatukaĩ makyũka ũvatisonĩ wake, amea, Inwy’ĩ ũsyao wa nzoka mbai, nũũ ũmwonetye kũkĩa ũthatu ũla wũkĩte?</verse>
				<verse number="8">Syaai ĩndĩ ũsyao ũla waĩle ũalyũlo wa ngoo:</verse>
				<verse number="9">na mũikalilikane kwasya nthĩnĩ wenyu, Twĩ na asa waitũ Avalaamu: nũndũ nĩngũmũtavya, kana Ngai nũtonya kũmũkĩlĩlya Avalaamu syana mavianĩ aa.</verse>
				<verse number="10">O na yu ĩthoka nĩyiĩtwe matinanĩ ma mĩtĩ: kĩla mũtĩ ĩndĩno ũtasyaaa ũsyao mũseo nũtemawa, na kwĩkw’a mwakinĩ.</verse>
				<verse number="11">Nĩ w’o nyie nĩmũvatisaa na manzĩ kũvikĩa ũalyũlo wa ngoo: ĩndĩ ũla wũkĩte ĩtina wakwa e na vinya kwĩ nyie, o na ndyĩanĩwe nĩ ũkua iatũ syake: ũsu akamũvatisaa na Veva Mũtheu na mwaki:</verse>
				<verse number="12">na kĩũlũkya kyake kĩ kw’okonĩ kwake, nake akathesya vyũ kĩvũĩo kyake; na akoomban’ya nganũ yake ĩkũmbĩnĩ, ĩndĩ wewa akavĩvya na mwaki ũtavoeka.</verse>
				<verse number="13">Nĩvo ĩndĩ Yesũ waumie Kalilii athi Yolotani kwa Yoana, nĩ kana avatiswe nĩwe.</verse>
				<verse number="14">Ĩndĩ Yoana enda kũmũsiĩĩa, akyasya, Nyie nĩ na vata wa kũvatiswa nue, naku wĩũka kwakwa?</verse>
				<verse number="15">Ĩndĩ Yesũ amũsũngĩa, amwĩa, Ĩtikĩla ũu yu, nũndũ nĩw’o ũtwaĩle kwĩanĩsya ũlũngalu w’onthe. Na ĩndĩ eetĩkĩla.</verse>
				<verse number="16">Na Yesũ, avatiswa, ambata oyu kuma manzĩnĩ: na sisya, matu mamũvingũkĩa, na oona Veva wa Ngai aitheea ta ĩvũĩ, na aimũvũĩla;</verse>
				<verse number="17">na sisya, wasya wauma matunĩ, ũkyasya, Ũũ nĩwe Mwana wakwa mwendwa, ũla nendeeaw’a nĩwe.</verse>
			</chapter>
			<chapter number="4">
				<verse number="1">Nĩvo Yesũ watongoew’e nĩ Veva weũnĩ nĩ kana atatwe nĩ ndevili.</verse>
				<verse number="2">Na atĩĩa ũya mĩthenya mĩongo ĩna na matukũ mĩongo ĩna, ĩtina eew’a nzaa.</verse>
				<verse number="3">Na ũla mũtati ooka amwĩa, Ethĩwa nue Mwana wa Ngai, ĩae kana mavia aa matw’ĩke kĩmũtũ.</verse>
				<verse number="4">Ĩndĩ asũngĩa, asya, Nĩkũandĩkĩtwe, Mũndũ ndekalaa thayũ kwondũ wa kĩmũtũ kyoka, ĩndĩ kwondũ wa kĩla ndeto yumaa kanyw’anĩ wa Ngai.</verse>
				<verse number="5">Na ĩndĩ ndevili amũtwaa nthĩnĩ wa ĩla ndũa ntheu; na amwĩkalya mũthyanĩ wa ĩkalũ,</verse>
				<verse number="6">na amwĩa, Ethĩwa nue Mwana wa Ngai, ĩyĩkye nthĩ: nũndũ nĩkũandĩkĩtwe, Akeeaĩa alaĩka make ũndũ waku: na ĩngĩ, Makakũkĩlya mokonĩ moo, Ndũkese kũtulw’a kũũ kwaku nĩ ĩvia.</verse>
				<verse number="7">Yesũ amwĩa, Na ĩngĩ nĩkũandĩkitwe, Ndũkamũtate Mwĩaĩi Ngai waku.</verse>
				<verse number="8">Na ĩngĩ, ndevili amũtwaa kĩĩmanĩ kĩtũlu mũno, na amwon’ya mosumbĩ onthe ma nthĩ, na ndaĩa syamo;</verse>
				<verse number="9">na amwĩa, Syĩndũ ii syonthe nĩngũũnenga, ethĩwa nũũndulĩlya ndu na kũnthaitha.</verse>
				<verse number="10">Nĩvo ĩndĩ Yesũ wamwĩie, Thi, Satani: nũndũ nĩkũandĩkĩtwe, Mũthaithae Mwĩaĩi Ngai waku, na mũthũkũmae we, e weka.</verse>
				<verse number="11">Na ĩndĩ ndevili amũtia, na sisya, alaĩka mooka mamũthũkũma.</verse>
				<verse number="12">Na Yesũ eew’a kana Yoana ekĩĩtwe kolokolonĩ, aenda Kalilii;</verse>
				<verse number="13">na auma Nasaleti, athi na atũa Kavelinaumi, ĩla yĩ ũtee wa ũkanga, mĩvakanĩ ya Nzevuluni na Navitali:</verse>
				<verse number="14">nĩ kana kwĩanĩw’e ũla waneeniwe nĩ mwathani Isaia, akyasya,</verse>
				<verse number="15">Nthĩ ya Nzevuluni na nthĩ ya Navitali, Kwelekela ũkanganĩ, mbee wa Yolotani, Kalilii ya Andũ‐ma‐mbaĩ‐ingĩ,</verse>
				<verse number="16">Andũ ala mekalile kĩvindunĩ Nĩmonete kyeni kĩnene, Na kwa ala mekalile nthĩ na kyuunĩ kya kĩkw’ũ, Kyeni nĩkĩmaumĩlĩle.</verse>
				<verse number="17">Kuma ĩvinda yĩu Yesũ ambĩlĩlya kũtavan’ya, na kwasya, Alyũlai ngoo; nũndũ ũsumbĩ wa ĩtu ni mũthengeeu.</verse>
				<verse number="18">Na Yesũ akĩtambũka ũtee wa ũkanga wa Kalilii, oona andũ elĩ ma inyia ũmwe, Simoni ũla wĩtawa Vetelo, na Andalea mwana‐a‐inyia, makĩkya kĩtei ũkanganĩ; nũndũ maĩ atei ma makũyũ.</verse>
				<verse number="19">Na amea, Ngatĩĩai, nakwa ngamũtw’a atei ma andũ.</verse>
				<verse number="20">Na oyu matia itei, na mamũatĩĩa.</verse>
				<verse number="21">Na akĩenda mbee kuma vau, oona andũ angĩ elĩ ma inyia ũmwe, Yakovo mwana wa Sevetii, na Yoana mwana‐a‐inyia, me ngalawanĩ vamwe na Sevetii ĩthe woo, makĩseũvya itei syoo; na ameta.</verse>
				<verse number="22">Na oyu matia ngalawa o na ĩthe woo, na mamũatĩĩa.</verse>
				<verse number="23">Na Yesũ anganga Kalilii yonthe, akĩmanyĩsya masinakokenĩ moo, na akĩtavan’ya ũvoo mũseo wa ũsumbĩ, na akĩvosya mowau ma mĩthemba yonthe na mawonzu ma mĩthemba yonthe katĩ wa andũ.</verse>
				<verse number="24">Na nguma yake yanyaĩĩka nthĩ yonthe ya Silia: na mamũetee onthe ala maĩ awau, ala makwatĩtwe nĩ mowau na mathĩna ma mĩthemba mingĩ, na ala makwatĩtwe nĩ ndaimoni, na ala maĩ na mũng’uthũko, na ala maaĩte mamutha; na amavosya.</verse>
				<verse number="25">Na makomano maingĩ mamũatĩĩa kuma Kalilii na Ndekavoli na Yelusaleme na Yutia na mũingo wa Yolotani.</verse>
			</chapter>
			<chapter number="5">
				<verse number="1">Nake akyona ala makomano, ambata kĩĩmanĩ: na ekala nthĩ, amanyĩw’a make mathi vala ũĩ:</verse>
				<verse number="2">na aathamya kanyw’a wake na amamanyĩsya, akyasya,</verse>
				<verse number="3">Nĩ aathime ala me na ũkya wa ngoo: nũndũ ũsumbĩ wa ĩtu nĩ woo.</verse>
				<verse number="4">Nĩ aathime ala me na kĩmeto: nũndũ nĩo makakiakiw’a.</verse>
				<verse number="5">Nĩ aathime ala auu: nũndũ nĩo makatiĩwa nthĩ.</verse>
				<verse number="6">Nĩ aathime ala me na nzaa na waũni wa ũlũngalu: nũndũ nĩo makausũw’a.</verse>
				<verse number="7">Nĩ aathime ala me na tei: nũndũ nĩo makew’ĩwa tei.</verse>
				<verse number="8">Nĩ aathime ala atheu ngoo: nũndũ nĩo makamwona Ngai.</verse>
				<verse number="9">Nĩ aathime ala mekaa mũuo: nũndũ nĩo maketwa ana ma Ngai.</verse>
				<verse number="10">Nĩ aathime ala mathĩniw’e kwondũ wa ũlũngalu: nũndũ ũsumbĩ wa ĩtu nĩ woo.</verse>
				<verse number="11">Mwĩ aathime inyw’ĩ yĩla andũ meũmũkava, na kũmũthĩn’ya na kũmũneenea kĩla ũndũ ũthũku wa ũvũngũ, kwondũ wakwa.</verse>
				<verse number="12">Tanai, na ĩthĩwai na mũyo mũnene: nĩkwĩthĩwa ĩtuvi yenyu nĩ ĩnene ĩtunĩ: nũndũ ũu nĩw’o mathĩnisye athani ala maĩ mbee wenyu.</verse>
				<verse number="13">Inyw’ĩ mwĩ mũnyũ wa nthĩ: ĩndĩ ũla mũnyũ wathela mũsamo waw’o, ũkasamĩthw’a mũnyũ na kyaũ? Ndwĩ vata ĩngĩ nongi, ate o kwĩkw’a ĩtheka na kũkinyangwa nĩ andũ.</verse>
				<verse number="14">Ĩnyw’i mwĩ kyeni kya nthĩ. Ndũa yĩ kĩĩmanĩ ĩũlũ ndĩvithĩka.</verse>
				<verse number="15">O na andũ maikwatasya taa, na kũwia ungu wa ĩmisi, ĩndĩ mawiaa vala vatũlu; naw’o nũmamulĩkĩlaa onthe me nyũmba.</verse>
				<verse number="16">No ta ũu kyeni kyenyu nĩkĩkenae mbee wa andũ, nĩ kana mone mawĩa menyu maseo, na kũmũtaĩa Ĩthe wenyu ũla wĩ ĩtunĩ.</verse>
				<verse number="17">Mũikasũanĩe kana nokie kwananga mĩao kana mavuku ma athani: ndyaaũka kwananga, ĩndĩ nĩ kwĩanĩsya.</verse>
				<verse number="18">Nũndũ nĩ w’o nĩngũmwĩa, Mũvaka yĩla ĩtu na nthĩ ikavĩta, kũikavĩta kaũandĩko kamwe kana kaũkenyũsyo kamwe mĩaonĩ, mũvaka onthe meanĩw’e.</verse>
				<verse number="19">Na ĩndĩ mũndũ o na wĩva ũla ũkananga mwĩao ũmwe wa ĩno ĩla mĩnini, na kũmanyĩsya andũ ũu, aketwa mũnini mbee ũsumbĩnĩ wa ĩtu: ĩndĩ o ũla ũkamĩka na kũmĩmanyĩsya, aketwa mũnene ũsumbĩnĩ wa ĩtu.</verse>
				<verse number="20">Nũndũ nĩngũmwĩa, Ũlũngalu wenyu walea kũvĩtũka ũlũngalu wa aandĩki na Avalisi, mũikalika nongi ũsumbĩnĩ wa ĩtu.</verse>
				<verse number="21">Nĩmwĩw’ĩte kana andũ ma tene meeĩwe, Ndũkoae; na o ũla ũkoaa akethĩwa mũndũ wa kũsilĩlwa:</verse>
				<verse number="22">ĩndĩ nyie nĩngũmwĩa, o ũla ũkamũthatĩa mwana‐a‐ĩthe vate kĩtumi akethĩwa mũndũ wa kũsilĩlwa; na o ũla ũkamũkava mwana‐a‐ĩthe akethĩwa mũndũ wa kũsilĩlwa ni nzama; na o ũla ũkasya, Wĩ ndia we, akethĩwa ũla waĩlwe nĩ mwaki wa Ngiena.</verse>
				<verse number="23">Ethĩwa ĩndĩ nũũnengane mũthĩnzĩo waku kĩthembeonĩ, na ũkĩlilikanĩla vu kana mwana‐a‐au e ũndũ naku,</verse>
				<verse number="24">tia mũthĩnzĩo waku vu mbee wa kĩthembeo, noithi, wambe kwĩw’ana na mwana‐a‐au na ĩndĩ ũkyũka ũnengane mũthĩnzĩo waku.</verse>
				<verse number="25">Ĩw’ana mĩtũkĩ na mũvinganĩsya waku, yĩla wĩ vamwe nake nzĩanĩ; ũla mũvinganĩsya ndakese ũkũtwaa kwa mũsili na mũsili aikũnengane kwa ĩkanga noyĩkĩwa kolokolonĩ.</verse>
				<verse number="26">Nĩ w’o nĩngũkwĩa, Ndũkauma vo nongi, mũvaka waĩva kũvika ĩsendi ya kũminũkĩlya.</verse>
				<verse number="27">Nĩmwĩw’ĩte kana nĩkwaneeniwe, Ndũkalaalae:</verse>
				<verse number="28">ĩndĩ nyie nĩngũmwĩa, kana kĩla mũndũ ũsyaasya mũndũ mũka na kũmwĩw’ĩa mũmeo nĩweka ũlaalai nake ngoonĩ yake.</verse>
				<verse number="29">Na ethĩwa itho yaku ya ngalĩ ya kw’oko kwa aũme nĩyĩũkũlulutĩkya, yumye, ũyĩkye kũasa naku: nũndũ nĩkwaĩle kwaku kwaĩwa nĩ mutha ũmwe waku, kwĩ mwĩĩ waku w’onthe kwĩkw’a Ngienanĩ.</verse>
				<verse number="30">Na ethĩwa kw’oko kwaku kwa aũme nĩkũũkũlulutĩkya, kũtile, ũkwĩkye kũasa naku: nũndũ nĩkwaĩle kwaku kwaĩwa nĩ mutha ũmwe, kwĩ mwĩĩ waku w’onthe kwĩkw’a Ngienanĩ.</verse>
				<verse number="31">Na ĩngĩ nĩkwaneeniwe, O ũla ũekaa mũka, namũnenge valũa wa kũtaanĩsya:</verse>
				<verse number="32">ĩndĩ nyie nĩngumwia, kana kĩla mũndũ ũekaa mũka wake, ate o kwondũ wa ũlaalai, nũnũũmũtw’ikĩthya kĩlaalai: na o ũla wĩmũtwaa ũsu ũeketwe nũnũũlaalaa.</verse>
				<verse number="33">Na ĩngĩ, nĩmwĩw’ĩte kana andũ ma tene meeiwe, Ndũkaaĩvĩte wĩvĩto wa ũvũngũ, ĩndĩ wĩkae mawĩvĩto maku kwa Mwĩaĩi:</verse>
				<verse number="34">ĩndĩ nyie nĩngũmwĩa, Mũikaaĩvĩte nongi; o na kwa ĩtu, nĩkwĩthĩwa nĩyo kĩvĩla kya ũsumbĩ kya Ngai;</verse>
				<verse number="35">o na kwa nthĩ, nĩkwĩthĩwa nĩyo kavĩla ka nyaĩĩ syake; o na kwa Yelusaleme, nĩkwĩthĩwa nĩyo ndũa ya Mũsumbĩ ũla mũnene.</verse>
				<verse number="36">O na ndũkaaĩvĩte na mũtwe waku, nĩkwĩthĩwa ndũtonya kũtuma ũsw’ĩĩ ũmwe weũva kana wia.</verse>
				<verse number="37">Ĩndĩ kũneena kwenyu kwĩthĩwe, Ĩĩ, ĩĩ; Aiee, aiee; na ũndũ o na wĩva ũla ũthonokete asu, nĩ wa ũla mũthũku.</verse>
				<verse number="38">Nĩmwĩw’ĩte kana nĩkwaneeniwe, Itho vandũ va itho, na ĩeo vandũ va ĩeo:</verse>
				<verse number="39">ĩndĩ nyie nĩngũmwĩa, Mũikakĩlan’ye vinya na mũndũ mũthũku; ĩndĩ o ũla ũnũũkũkũna ĩtau ya ngalĩ ya kw’oko kwa aũme, mũthyũũĩe yĩngĩ nayo.</verse>
				<verse number="40">Na ethĩwa mũndũ o na wĩva nũkwenda ũkũtwaa silanĩ, na kwosa kĩtonyeo kyaku, mũekee ngũa yaku ya ĩũlũ nayo.</verse>
				<verse number="41">Na o ũla ũkakũĩngĩĩsya kũthi nake mũendo wa nyunzu ya saa, endan’ya nake saa mũima.</verse>
				<verse number="42">Mũnenge ũla ũnũũkwĩtya; na ũla ũnũkwenda kũkova kwaku, ndũkamũvate.</verse>
				<verse number="43">Nĩmwĩw’ĩte kana nĩkwaneeniwe, Mwende mũtũi waku, na mũmene mũmaitha waku:</verse>
				<verse number="44">ĩndĩ nyie nĩngũmwĩa, Mendei amaitha menyu, na mavoyeaei ala mamũthĩnasya;</verse>
				<verse number="45">nĩ kana mwĩthĩwe ana ma Ĩthe wenyu ũla wĩ ĩtunĩ; nĩkwĩthĩwa we nũmaumĩasya syũa yake athũku na aseo, na kũmauĩsya mbua ala mekaa ũlũngalu na ala matekaa ũlũngalu.</verse>
				<verse number="46">Nũndũ mũkĩmenda ala mamwendaa, mwĩ na ĩtuvi yaũ? O na aumya ma koti matyĩkaa o ũu?</verse>
				<verse number="47">Na ethĩwa mwĩmakethya ana‐a‐ĩthe menyu oka, mũmavĩtũkaa va? O na Andũ‐ma‐mbaĩ‐ingĩ matyĩkaa o ũu?</verse>
				<verse number="48">Inyw’ĩ ĩndĩ ĩthĩwai eanĩu, tondũ Ĩthe wenyu wĩ ĩtuni nĩ mwĩanĩu.</verse>
			</chapter>
			<chapter number="6">
				<verse number="1">Ĩsũvĩei mũikekae ũlũngalu wenyu mbee wa andũ, nĩ kana mwoneke nĩo: nĩkwĩthĩwa mweeka ũu, mũi na ĩtuvi kwa Ĩthe wenyu ũla wĩ ĩtunĩ.</verse>
				<verse number="2">Yĩla ĩndĩ ũkũnengane motethyo, ndũkavuve soo mbee waku, tondũ angangan’ya mekaa masinakokenĩ na nzĩanĩ nene, nĩ kana makathĩĩwe nĩ andũ. Nĩ w’o nĩngũmwĩa, Nĩmosete ĩtuvi yoo.</verse>
				<verse number="3">Ĩndĩ yĩla ũũnengane motethyo, kw’oko kwaku kwa aka kũikamanye ũndũ kw’oko kwaku kwa aũme kũkwĩka:</verse>
				<verse number="4">nĩ kana motethyo maku methĩwe ma kĩmbithĩ: na Ĩthe waku ũla wonaa kĩmbithĩnĩ akakũĩva.</verse>
				<verse number="5">Na yĩla mũũvoya, mũtikethĩwe ta angangan’ya: nũndũ nĩmendaa kũvoya maũngeme masinakokenĩ na makomanĩonĩ ma nzĩa ila nene, nĩ kana moneke nĩ andũ. Nĩ w’o nĩngũmwĩa, Nĩmosete ĩtuvi yoo.</verse>
				<verse number="6">Ĩndĩ we, ũkĩvoya, vota nyũmba yaku ĩla ya nthĩnĩ, na wavinga mũomo, voya Ĩthe waku ũla wĩ kĩmbithĩnĩ, na Ĩthe waku ũla wonaa kĩmbithĩnĩ akakũĩva.</verse>
				<verse number="7">Na mũkĩvoya mũikatindĩe ndeto, o tondũ Andũ‐ma‐mbaĩ‐ingĩ mekaa: nũndũ mo matalĩlasya kana makeew’ĩka kwondũ wa ndeto syoo kwĩthĩwa nyingĩ.</verse>
				<verse number="8">Mũikethĩwe ĩndĩ mũilyĩ ta asu: nũndũ Ĩthe wenyu nĩwĩsĩ ila mwĩ na vata nasyo, mbee wa inyw’ĩ mũtanamũvoya.</verse>
				<verse number="9">Inyw’ĩ ĩndĩ voyaai atĩĩ: Asa waitũ ũla wĩ ĩtunĩ, syĩtwa yaku yĩtaĩwe.</verse>
				<verse number="10">Ũsumbĩ waku wũke. Kwenda kwaku kwĩke kũũ nthĩ o ta kũya ĩtunĩ</verse>
				<verse number="11">Tũnenge ũmũnthĩ lĩu witũ ũtwĩanĩe</verse>
				<verse number="12">Naku ũtũekee mathiĩ maitũ, o tondũ ithyĩ naitũ tũmaekeete ala me na thii naitũ.</verse>
				<verse number="13">Na ndũkatũtwaae ũtatwanĩ ĩndĩ ũtũtangĩĩe kwa ũla mũthũku. (Nũndũ ũsumbĩ na vinya na ndaĩa nĩ syaku tene na tene, Ameni.)</verse>
				<verse number="14">Nũndũ ethĩwa inyw’ĩ mũkamaekea andũ mavĩtyo moo, Ĩthe wenyu wa ĩtunĩ akamũekea inyw’ĩ.</verse>
				<verse number="15">Ĩndĩ mwalea kũmaekea andũ mavĩtyo moo, o na Ĩthe wenyu ndakamũekea inyw’ĩ mavĩtyo menyu.</verse>
				<verse number="16">O na ĩngĩ mwatĩĩa ũya, mũikatukye mothyũ menyu ta ala angangan’ya: nũndũ nĩmatukasya mothyũ moo, nĩ kana moneke nĩ andũ atĩ nĩmatĩĩĩte ũya. Nĩ w’o nĩngũmwĩa, Nĩmosete ĩtuvi yoo.</verse>
				<verse number="17">Ĩndĩ we watĩĩa ũya, vaka mũtwe waku mauta, noithambya ũthyũ waku;</verse>
				<verse number="18">nĩ kana ndũkoneke nĩ andũ kana nũtĩĩĩte ũya, ĩndĩ woneke nĩ Ĩthe waku ũla wĩ kĩmbithĩnĩ: na Ĩthe waku ũla wonaa kĩmbithĩnĩ akakũĩva.</verse>
				<verse number="19">Mũikeyiĩe ũthwii kũũ nthĩ vala lungulu na nganga syanangaa, na vala ing’ei ivũthũaa na kũya:</verse>
				<verse number="20">ĩndĩ ĩyiĩei ũthwii ĩtunĩ, vala lungulu na nganga itananga, na vala ing’ei itavũthũa kana kũya:</verse>
				<verse number="21">nũndũ vala ve ũthwii waku, nĩvo vethĩawa ngoo yaku nayo.</verse>
				<verse number="22">Taa wa mwĩĩ nĩ itho: ethĩwa ĩndĩ itho yaku nĩ ĩseo, mwĩĩ waku w’onthe ũkausũa kyeni.</verse>
				<verse number="23">Ĩndĩ ethĩwa itho yaku nĩ ĩthũku, mwĩĩ waku w’onthe ũkatulya kĩvindu. Ethĩwa ĩndĩ kyeni kĩ nthĩnĩ waku kyeethĩwa kĩvindu, kĩvindu kyu ko te kĩnene!</verse>
				<verse number="24">Kũi mũndũ ũtonya kũthũkũma mavwana elĩ: nũndũ akamũmena ũmwe, na akamwenda ũla ũngĩ; kana akalũman’ya na ũmwe, na akamũvũthya ũla ũngĩ. Mũitonya kũthũkũma Ngai o na ũthwii.</verse>
				<verse number="25">Kwondũ wa ũu nĩmwĩa, Mũikemakĩe ũndũ wa mathayũ menyu, kĩla mwĩya kana kĩla mwĩnyw’a; o na mĩĩ yenyu, kĩla mwĩĩvw’ika. Thayũ ndwĩ mbee wa kya ũya, na mwĩĩ mbee wa ngũa?</verse>
				<verse number="26">Sisyai nyũnyi sya yayaya, nĩkwĩthĩwa itivandaa, o na itikethaa, o na ityũmbanasya makũmbĩnĩ; na Ĩthe wenyu wa ĩtunĩ nĩwiĩthasya. Inyw’ĩ mũi vata mũno kwĩ syo?</verse>
				<verse number="27">Na nũũ kwenyu ũla ũtonya kwondũ wa kwĩmakĩa kwake kwĩyongeleela ũasa wake mũkono ũmwe?</verse>
				<verse number="28">Na nĩkĩ mũkwĩmakĩa ũndũ wa ngũa? Sũanĩai ũndũ wa malaa ma lili ma kĩthekanĩ, ũndũ mameaa; maitethasya wĩa, o na maiokothaa:</verse>
				<verse number="29">ĩndĩ nĩngũmwĩa, o na Solomoni ndaĩanĩ yake yonthe ndaaĩvw’ĩka ta yĩmwe yamo.</verse>
				<verse number="30">Ethĩwa ĩndĩ Ngai nũvw’ĩkaa nyeki ya kĩthekanĩ ta ũu, ĩla ĩnĩkwĩkala ũmũnthi, na ũnĩ ĩkekw’a ikonĩ, ndakamũvw’ĩka inyw’ĩ mbee mũno, inyw’ĩ ma mũĩkĩĩo mũnini?</verse>
				<verse number="31">Mũikemakĩe ĩndĩ, mũkyasya, Tũkaya kyaũ? Kana, Tũkanyw’a kyaũ? Kana, Tũkeevw’ĩka kĩ?</verse>
				<verse number="32">Nũndũ syĩndũ isu syonthe nimanthawa nĩ Andũ‐ma‐mbaĩ‐ingĩ; nĩkwĩthĩwa Ĩthe wenyu wa ĩtunĩ nĩwĩsĩ mwĩ na vata wa syĩndũ isu syonthe.</verse>
				<verse number="33">Ĩndĩ ambai ũmantha ũsumbĩ wake, na ũlũngalu wake; na isu syonthe nĩmũkongeleelwa.</verse>
				<verse number="34">Mũikemakĩe ĩndĩ ũndũ wa ũnĩ; nũndũ ũnĩ ũkeemakĩa e w’o. Mũthenya nĩwĩanĩwe nĩ ũthũku waw’o.</verse>
			</chapter>
			<chapter number="7">
				<verse number="1">Mũikasilĩle, nĩ kana mũikasilĩlwe.</verse>
				<verse number="2">Nũndũ ũsilĩlo ũla mũsilĩlaa, now’o mũkasilĩlwa: na kĩthimo kĩla mũthimaa, no kyo mũkathimĩwa.</verse>
				<verse number="3">Naku nĩkĩ ũũsisya kaũvavathĩ ke ithoni ya mwana‐a‐au, na ndũsũanĩa mũamba ũla wĩ ithonĩ yaku we?</verse>
				<verse number="4">Kana ũkamwĩa mwana‐a‐au ata, Ndeka nĩkumye kaũvavathĩ ke ithonĩ yaku; na sisya, mũamba wĩ ithonĩ yaku?</verse>
				<verse number="5">Mwangangan’ya we, amba kwĩyumya mũamba ũsu wĩ ithonĩ yaku; na ĩndĩ ũkoona nesa kumya kaũvavathĩ kala ke ithonĩ ya mwana‐a‐au.</verse>
				<verse number="6">Mũikanenge ngitĩ kĩla kĩtheu, o na mũikekye malũlũ menyu mbee wa ngũlũe, iikese kũmakinyanga na maũũ masyo, na ĩndĩ ikĩthyũũa na kũmũtembũanga.</verse>
				<verse number="7">Voyai, na mũkanengwa; manthai, na mũkoona; vingũsyai, na mũkavingũĩwa:</verse>
				<verse number="8">nũndũ ũla ũnũkũvoya nũnũũnengwa; na ũla ũnũũmantha nũnũkwona; na ũla ũnũũvingũsya nũnũũvingũĩwa.</verse>
				<verse number="9">Kana nũũ mũndũ wenyu, ũla, mwana wake amwĩtya kĩmũtũ, akamũnenga ĩvia?</verse>
				<verse number="10">Kana eetya ĩkũyũ, akamũnenga nzoka?</verse>
				<verse number="11">Ethĩwa inyw’ĩ ĩndĩ, ala mwĩ athũku, nĩmwĩsĩ kũnenga syana syenyu mĩthĩnzĩo mĩseo, ti mbee mũno Ĩthe wenyu ũla wĩ ĩtunĩ kũmanenga syĩndũ nzeo ala mamwĩtasya?</verse>
				<verse number="12">Maũndũ onthe ĩndĩno o na meva ala mũkwenda andũ mamwĩke inyw’ĩ, nenyu mekei o ta ũu: nũndũ ũu nĩw’o mĩao na athani.</verse>
				<verse number="13">Votai inyw’ĩ nthĩnĩ na mbingĩlo ĩla ntheke: nũndũ mbingĩlo nĩ nthanthau, na nzĩa nĩ mbaamu, ĩla ĩelete wanangĩkonĩ, nao nĩ aingĩ ala mavotelaa mbingĩlonĩ ĩsu.</verse>
				<verse number="14">Nũndũ mbingĩlo nĩ ntheke, na nzĩa nĩ nziĩĩe, ĩla ĩelete thayũnĩ, nao nĩ avũthũ ala mamyonaa.</verse>
				<verse number="15">Ĩsũvĩei athani ma ũvũngũ, ala mokaa kũla mũĩ mevw’ĩkĩte ngũa sya malondu, ĩndĩ nthĩnĩ nĩ nzũi mbai.</verse>
				<verse number="16">Mũkamamanya nĩ mosyao moo. Andũ nĩmatusaa nzavivũ mĩw’anĩ, kana makũyũ thangilanĩ?</verse>
				<verse number="17">No ta ũu kĩla mũtĩ mũseo nũsyaaa ũsyao mũseo; ĩndĩ mũtĩ mũthũku nũsyaaa ũsyao mũthũku.</verse>
				<verse number="18">Mũtĩ mũseo ndũtonya ũsyaa ũsyao mũthũku, o na mũtĩ mũthũku ndũtonya kũsyaa ũsyao mũseo.</verse>
				<verse number="19">Kĩla mũtĩ ũtasyaaa ũsyao mũseo nũtemawa, ũkekw’a mwakinĩ.</verse>
				<verse number="20">Kwondũ wa ũu nĩmũkamamanya nĩ mosyao moo.</verse>
				<verse number="21">Ti kĩla mũndũ ũmbĩtaa, Mwĩaĩi, Mwĩaĩi, ũkavota ũsumbĩnĩ wa ĩtu; ĩndĩ nĩ ũla wĩkaa wende wa Asa wakwa ũla wĩ ĩtunĩ.</verse>
				<verse number="22">Mũthenya ũsu nĩ aingĩ makambĩa, Mwĩaĩi, Mwĩaĩi, tũiaathana na syĩtwa yaku, na kumya ndaimoni na syĩtwa yaku, na kwĩka mavinya maingĩ na syĩtwa yaku?</verse>
				<verse number="23">Nĩvo ĩndĩ ngamatavya vyũ, Ndyaamũmanya o na ĩndĩĩ: umai vala nĩĩ, inyw’ĩ mwĩkaa mothũku.</verse>
				<verse number="24">Kĩla mũndũ ĩndĩ wĩw’aa ndeto ii syakwa, naisyĩkaa, akavw’ananwa na mũndũ mũĩ, ũla wakie nyũmba yake ĩvianĩ:</verse>
				<verse number="25">na mbua yaua, na mbũsĩ syooka, na iseve syauutana, syakima nyũmba ĩsu; na ndĩaavalũka: nũndũ wambĩlĩlyo wayo waakĩtwe ĩũlũ wa ĩvia.</verse>
				<verse number="26">Na kĩla mũndũ ũla wĩw’aa ndeto ii syakwa, na ndasyĩkaa, akavw’ananwa na mũndũ mũtumanu ũla wakie nyũmba yake kĩthangathĩnĩ;</verse>
				<verse number="27">na mbua yaua, na mbũsĩ syooka, na iseve syauutana syakima nyũmba ĩsu; nayo yavalũka: na ũvalũko wayo waĩ mũnene.</verse>
				<verse number="28">Na kweethĩwa Yesũ amina ũneena ndeto isu, ala makomano maseng’w’a nĩ ũmanyĩsyo wake:</verse>
				<verse number="29">nĩkwĩthĩwa amamanyĩasya ta ũla wĩ na ũkũmũ, na ti ta ala aandĩki moo.</verse>
			</chapter>
			<chapter number="8">
				<verse number="1">Na atheea kuma kĩĩmanĩ, makomano maingĩ mamũatĩĩa.</verse>
				<verse number="2">Na sisya, mũndũ ũwaĩte mangũ athi vala ũĩ na amũthaitha, akyasya, Mwĩaĩi, ethĩwa nũkwenda, nũtonya kũnthesya.</verse>
				<verse number="3">Nake atambũũkya kw’oko kwake, na amũkiita, akyasya, Nĩngwenda; ĩthĩwa mũtheu. Na oyu athea mangũ make.</verse>
				<verse number="4">Na Yesũ amwĩa, Sisya, ndũkatavye mũndũ; ĩndĩ thi, ũkeyonan’ye kwa mũthembi, noiumya mũthĩnzĩo ũla Mose weaie, wĩthĩwe ũkũsĩ kwoo.</verse>
				<verse number="5">Na avota Kavelinaumi, mũnene wa asikalĩ ĩana ooka vala ũĩ, aimwĩsũva,</verse>
				<verse number="6">akyasya, Mwĩaĩi, mũthũkũmi wakwa nũkomete nyũmba awaĩte ũwau wa kwaa mamutha, na nũnũũthĩna mũno.</verse>
				<verse number="7">Na amwĩa, Ngooka na ngĩmũvosya:</verse>
				<verse number="8">Na ũla mũnene wa asikalĩ ĩana amũsũngĩa, asya, Mwĩaĩi, ndyĩanĩwe nue kũlika ungu wa kĩala kyakwa; ĩndĩ neena ndeto tũ, na mũthũkũmi wakwa nũnũũvoa.</verse>
				<verse number="9">Nũndũ nyie nakwa nĩ mũndũ ũla wĩaĩawa, nĩ na asikalĩ makwa ĩtheo wakwa; na ngĩmwĩa ũmwe, Enda, na akĩthi; na ũngĩ, Ũka na akyũka; na ngombo yakwa, Ĩka ũna, na ĩkĩka.</verse>
				<verse number="10">Na Yesũ eew’a ũu, aseng’a, na amea ala mamũvikĩlĩte, Nĩw’onĩngũmwĩa, Ndyaaona mũĩkĩĩo mũnene ta ũu, aiee, o na nthĩnĩ wa Isilaeli.</verse>
				<verse number="11">Nakwa nĩngũmwĩa, kana aingĩ makooka kuma wumĩlonĩ wa syũa na ũthũĩlonĩ wa syũa, na makekala nthĩ vamwe na Avalaamu, na Isaka, na Yakovo ũsumbĩnĩ wa ĩtu:</verse>
				<verse number="12">ĩndĩ ana ma ũsumbĩ makekw’a kĩvindũnĩ kĩla kĩ nza: vo vakethĩwa kĩĩo na kũvevetan’ya maeo.</verse>
				<verse number="13">Na Yesũ amwĩa ũla mũnene wa asikalĩ ĩana Ĩendee; kwĩthĩwe kwaku o tondũ ũĩkĩĩe. Na ũla mũthũkũmi avow’a kavinda o kau.</verse>
				<verse number="14">Na Yesũ athi nyũmbanĩ ya Vetelo, oona inyia wa mũka wa Vetelo akomete awaĩte ndetema.</verse>
				<verse number="15">Nake amũkiita kw’oko, na ndetema yamũtia; nake ookĩla, amathũkũma.</verse>
				<verse number="16">Na kwavika wĩoo, mamũetee aingĩ makwetwe nĩ ndaimoni: na amaumya ndaimoni na ndeto, na avosya onthe ala maĩ awau:</verse>
				<verse number="17">nĩ kana kwĩanĩw’e ũla waneeniwe nĩ mwathani Isaia, akyasya, We mwene nĩwosie mawonzu maitũ na akua mowau maitũ.</verse>
				<verse number="18">Na Yesũ oona makomano manene mamũthyũlũlũkĩte, eeaa mathi mũingo ũla ũngi.</verse>
				<verse number="19">Na kwooka mũandĩki ũmwe, na amwĩa, Mũmanyĩsya, ngakũatĩĩa o kũla wĩthi.</verse>
				<verse number="20">Na Yesũ amwĩa, Mbĩwa syĩ na maima, na nyũnyi sya yayaya syĩ na ndala; ĩndĩ Mwana wa mũndũ nde na vandũ va ũkomya mũtwe wake.</verse>
				<verse number="21">Na ũngĩ wa amanyĩw’a amwĩa, Mwĩaĩĩ, nenga ũthei nambe ũthi kũmũthika nau.</verse>
				<verse number="22">Ĩndĩ Yesũ amwia, Mbikĩla; eka akw’ũ mathike akw’ũ moo.</verse>
				<verse number="23">Na alika ngalawanĩ, amanyĩw’a make mamũvikĩla.</verse>
				<verse number="24">Na sisya, kwookĩla kĩuutani kĩnene ũkanganĩ, mũvaka ngalawa yavw’ĩkwa nĩ itulumo: ĩndĩ we nĩwakomete.</verse>
				<verse number="25">Na mathi vala ũĩ mamũamũkya, makyasya, Mwĩaĩi tũtangĩĩe; nĩtũũkw’a.</verse>
				<verse number="26">Na amea, Nĩkĩ mwĩ na w’ĩa inyw’ĩ ma mũĩkĩĩo mũnini? Nĩvo ĩndĩ wokĩlile, akan’ya iseve na ũkanga; na kwaya ũuu mũnene.</verse>
				<verse number="27">Na ala andũ maseng’a, makyasya, Ailyĩ ata mũndũ ũũ, nũndũ o na iseve na ũkanga niũmwĩw’a?</verse>
				<verse number="28">Na avika mũingo ũla ũngĩ nthĩ ya Akatalene, andũ elĩ makwatĩtwe nĩ ndaimoni makomana nake, maumĩte mbũanĩ me ai mũno, ũndũ mũndũ o na wĩva ndaĩ atonya kũvĩtĩla nzĩanĩ ĩsu.</verse>
				<verse number="29">Na sisya makaya, makyasya, Ithyĩ twĩ ũndũ naku wa kĩ, we Mwana wa Ngai? Nĩwooka vaa kũtũthĩn’ya ĩvinda yĩte ĩviku?</verse>
				<verse number="30">Na ĩndĩ kwaĩ ĩĩthya ya ngũlũe nyingĩ vaasa nao yĩkĩya.</verse>
				<verse number="31">Na ila ndaimoni syamwĩsũva, ikyasya, Ethĩwa nũũtumya, tũeke tũende tũlike ĩĩthyanĩ ya ngũlũe.</verse>
				<verse number="32">Na asyĩa, Thii. Nasyo syauma, syalika ngũlũenĩ: na sisya, yĩla ĩĩthya yonthe ya ngũlũe yatheea kĩvaũũkonĩ yĩsembete, yalika ũkanganĩ, yakw’ĩa manzĩnĩ.</verse>
				<verse number="33">Na ala maĩthasya, mathi ndũanĩ, na matavan’ya ũvoo w’onthe, na ũndũ ũmakĩtĩkie ala meĩkwatĩtwe nĩ ndaimoni.</verse>
				<verse number="34">Na sisya, andũ ma ndũa nima maumaala kũmũthaũa Yesũ: na mamwona, mamwĩsũva aume mĩvakanĩ yoo athi.</verse>
			</chapter>
			<chapter number="9">
				<verse number="1">Na alika ngalawanĩ, ainga, athi ndũanĩ kwoo.</verse>
				<verse number="2">Na sisya, mamũetee mũndũ ũla waĩ na ũwau wa kwaa mamutha, akomete ũkomonĩ: na Yesũ oona mũĩkĩĩo woo amwĩa ũla waĩ na ũwau wa kwaa mamutha, Mwana, ĩthĩwa na ũnyĩau; naĩ syaku nĩsyaekwa.</verse>
				<verse number="3">Na sisya, amwe ma aandĩki maneena ngoonĩ syoo, Mũndũ ũũ nũkũumana.</verse>
				<verse number="4">Na Yesũ amanya malilikano moo, asya, Nĩ ũndũ wa kĩ mũũsũanĩa mothũku ngoonĩ syenyu?</verse>
				<verse number="5">Nũndũ ũla ũvũthũ nĩ wĩva, kwasya, Naĩ syaku nĩsyaekwa; kana kwasya, Ũkĩla, ũthi?</verse>
				<verse number="6">Ĩndĩ nĩ kana mũmanye atĩ Mwana wa mũndũ e na ũkũmũ kũũ nthĩ wa kũekea naĩ (nĩvo wamwĩie ũla waĩ na ũwau wa kwaa mamutha), Ũkĩla, ũkue ũkomo waku, wĩnũke.</verse>
				<verse number="7">Nake ookĩla, enũka.</verse>
				<verse number="8">Ĩndĩ makomano moona ũu, makwatwa nĩ w’ĩa, na mamũtaĩa Ngai, ũla ũnengete andũ ũkũmũ ta ũsu.</verse>
				<verse number="9">Na Yesũ akĩvĩta kuma vau, oona mũndũ, wetawa Mathayo, ekalĩte vala vaumĩaw’a koti: na amwĩa, Mbikĩla. Nake ookĩla, amũvikĩla.</verse>
				<verse number="10">Na kweethĩwa ekalĩte nyũmba akĩya lĩu, sisya, aumya ma koti na andũ athe aingĩ mooka na mekala nthĩ vamwe na Yesũ na amanyĩw’a make.</verse>
				<verse number="11">Na Avalisi moona ũu, mamea amanyĩw’a make, Nĩkĩ Mũmanyĩsya wenyu ũnũũya vamwe na aumya ma koti na andũ athe?</verse>
				<verse number="12">Nake eew’a ũu, amea, Ala mate awau mati vata wa mũiiti, ĩndĩ no ala awau.</verse>
				<verse number="13">Ĩndĩ endai mũkemanyĩsye ũndũ ũtilyĩ ũndũ ũũ, Nyie nendaa tei na ti nthembo: nĩkwĩthĩwa ndyaaũka kũmeta ala alũngalu, ĩndĩ nĩ ala athe.</verse>
				<verse number="14">Nĩvo ĩndĩ amanyĩw’a ma Yoana mookie, makyasya, Nĩkĩ ithyĩ na Avalisi tũtĩĩaa ũya mavinda maingĩ, ĩndĩ amanyĩw’a maku matitĩĩaa ũya?</verse>
				<verse number="15">Na Yesũ amakũlya, Ala metĩtwe mũtwaanonĩ nĩmatonya kũmeta ĩvinda yĩla mũtwaani wĩ vamwe nao? Ĩndĩ mĩthenya nĩyũkĩte, yĩla mũtwaani ũkaumw’a kwoo, nĩvo ĩndĩ makatĩĩa ũya.</verse>
				<verse number="16">Na vai mũndũ ũliaa kĩlio kya ngũa nzaũ ngũanĩ ngũũ; nũndũ kĩla kĩkĩawa vo nĩkyumasya kĩlungu kya ngũa ĩla ngũũ, na ũtembũku ũiendeea ũineneva.</verse>
				<verse number="17">O na andũ maiĩ-kĩaa mbinyu mbĩthĩ mathatwanĩ makũũ: nĩkwĩthĩwa mekĩa, ala mathatwa makatembũka, na mbinyu ĩkĩtĩka, na mathatwa makyanangĩka: ĩndĩ mekĩaa mbinyu mbĩthĩ mathatwanĩ meũ, na syelĩ ikĩkala.</verse>
				<verse number="18">Akĩneena maũndũ asu nao, sisya, kwooka mũndũ ũmwe mũnene, na amũthaitha, akyasya, Mwĩĩtu wakwa nĩwakw’a oyu: ĩndĩ ũka ũkamwilĩĩle kw’oko na nũnũkwĩthĩwa thayũ.</verse>
				<verse number="19">Na Yesũ ookĩla, amũvikĩla, vamwe na amanyĩw’a make.</verse>
				<verse number="20">Na sisya, mũndũ mũka, ũla waumawa nĩ nthakame ĩvinda ya myaka ĩkũmi na ĩlĩ ooka ĩtina wake, na akiita ũtiivo wa ngũa yake:</verse>
				<verse number="21">nũndũ aisye ngooni yake, Nakiita, o na ethiwa no ngũa yake, nĩngũvoa nĩthĩwe nĩ mũima.</verse>
				<verse number="22">Ĩndĩ Yesũ eethyũũa na amwona amwĩa, Mwĩĩtu, ĩthĩwa na ũtanu mũnene; mũĩkĩĩo waku nĩwakũvosya. Na ũla mũndũ mũka avoa, eethĩwa e mũima kuma kavinda o kau.</verse>
				<verse number="23">Na Yesũ alika nyũmbanĩ ya ũla mũnene, na oona avuvi ma nzumalĩ, na nguthu ya andũ maĩlonzan’ya,</verse>
				<verse number="24">asya, Umai vaa: nũndũ kelĩtu ti kakw’ũ, ĩndĩ nĩkakomete. Na mamũthekeea mũno.</verse>
				<verse number="25">Ĩndĩ ĩla nguthu yaumaalw’a nza, avota nthĩnĩ, na akakwata kw’oko; na kala kelitu kookĩla.</verse>
				<verse number="26">Na nguma ya ũndũ ũsu yanyaĩĩka nthĩ ĩsu yonthe.</verse>
				<verse number="27">Na Yesũ akĩvĩta kuma vo, ililinda ĩlĩ syamũatĩĩa, syaneena na mawasya manene, ikyasya, Twĩw’ĩe tei, we mwana wa Ndaviti.</verse>
				<verse number="28">Na avota nyũmba, ila ililinda syooka vala ũĩ: na Yesũ asyĩa, Nĩmũĩkĩĩe kana nĩndonya kwĩka ũndũ ũũ? Syamwĩa, Ĩĩ, Mwĩaĩi.</verse>
				<verse number="29">Nĩvo ĩndĩ wakiitie metho masyo, akyasya, O ta kũĩkĩĩa kwenyu nĩkwĩkwe kwenyu.</verse>
				<verse number="30">Na metho masyo masalukw’a. Na Yesũ amakindĩlĩla na vinya, akyasya, Sisyai mũndũ o na ũmwe ndakamanye.</verse>
				<verse number="31">Ĩndĩ mo mauma vo, na manyaĩĩkya nguma yake nthĩ ĩsu yonthe.</verse>
				<verse number="32">Na makyumaala, sisya, aetewe mũndũ ũtaneenaa, ũkwatĩtwe nĩ ndaimoni.</verse>
				<verse number="33">Na ndaimoni yaumwa, ũla ũtaneenaa, aneena: na makomano maseng’a, makyasya, Nthĩnĩ wa Isilaeli ũndũ ũsu ndwaamba kwoneka.</verse>
				<verse number="34">Ĩndĩ Avalisi masya, Aumasya ndaimoni na vinya wa mũnene wa ndaimoni.</verse>
				<verse number="35">Na Yesũ anganga ndũa syonthe na mĩsyĩ, aimanyĩsya masinakokenĩ moo, na aitavan’ya ũvoo mũseo wa ũsumbĩ, na aivosya mowau ma mĩthemba yonthe na kĩla wonzu.</verse>
				<verse number="36">Na amona makomano, amew’ĩa tei nĩkwĩthĩwa nĩmanyamaaw’a na kũnyaĩĩkw’a ta malondu mate na mũĩthi.</verse>
				<verse number="37">Na ĩndĩ amea amanyĩw’a make, Nĩ w’o ngetha nĩ nyingĩ, ĩndĩ akethi nĩ avũthũ.</verse>
				<verse number="38">Voyai ĩndĩ Mwĩaĩi wa ngetha, atũme akethi ngethanĩ yake.</verse>
			</chapter>
			<chapter number="10">
				<verse number="1">Na ameta amanyĩw’a make ĩkũmi na elĩ moke vala ũĩ, na amanenga ũkũmũ ĩũlũ wa maveva mavuku, mamaumye na kũvosya mowau ma mĩthemba yonthe na kĩla wonzu.</verse>
				<verse number="2">Na masyĩtwa ma ala atũmwa ĩkũmi na elĩ nĩ aa: Wa mbee nĩ Simoni ũla wĩtawa Vetelo, na Andalea mwana‐a‐inyia; Yakovo mwana wa Sevetii, na Yoana mwana‐a‐inyia;</verse>
				<verse number="3">Vilivu, na Valitholomayo; Thoma, na Mathayo ũla mumya wa koti; Yakovo mwana wa Alivaio, na Thatayo;</verse>
				<verse number="4">Simoni ũla Mũkanaani, na Yutasi Isikalioti ũla wamũvũnyanĩe</verse>
				<verse number="5">Yesũ amatũma asu ĩkũmi na elĩ aimeaĩa, akyasya, Nzĩa ya Andũ‐ma‐mbaĩ‐ingĩ o na yĩva mũikamĩendele, o na mũikavote ndũanĩ ya Asamalia o na yĩva:</verse>
				<verse number="6">ĩndĩ kavaa mũthi kwa malondu mau ma nyũmba ya Isilaeli.</verse>
				<verse number="7">Na mũendete, tavan’yai, mũkyasya, Ũsumbĩ wa ĩtu nĩ mũthengeeu.</verse>
				<verse number="8">Vosyai ala awau, thayũũkyai ala akw’ũ, thesyai ala mawaĩte mangũ, na umyai ndaimoni: nĩmwosete mana, nenganai mana.</verse>
				<verse number="9">Mũikakue thaavu, kana vetha, kana ũthuku ngusunĩ syenyu;</verse>
				<verse number="10">kana mũvuko wa nzĩanĩ, kana itonyeo ilĩ, kana iatũ, kana ndata: nũndũ mũtethya wa wĩa nĩwaĩlwe nĩ kya ũya kyake.</verse>
				<verse number="11">Na ndũa kana mũsyĩ o ũla mwĩvota, manthai vo mũndũ ũla mwaĩlu; na ĩkalai vo mũvaka yĩla mwĩvauma.</verse>
				<verse number="12">Na mũkĩlĩka nyũmba, mĩkethyei.</verse>
				<verse number="13">Na ethĩwa nyũmba nĩyaĩle, mũuo wenyu nũmĩtheee: ĩndĩ ethĩwa ndĩaĩle, mũuo wenyu nũmũsyokee.</verse>
				<verse number="14">Na o ũla ũteũmũthokya, o na kwĩw’a ndeto syenyu, mũkyuma nyũmba ĩsu kana ndũa ĩsu, tuangai kĩtoo kya maũũ menyu.</verse>
				<verse number="15">Nĩ w’o nĩngũmwĩa, Kũkethĩwa kavaa nthĩ ya Sotomo na Ngomola mũthenya wa sila, kwĩ ndũa ĩsu.</verse>
				<verse number="16">Sisyai, nĩngũmũtũma ta malondu katĩ wa nzũi: ĩthĩwai ĩndĩ mwĩ oĩ ta nzoka, na auu ta mavũĩ.</verse>
				<verse number="17">Ĩndĩ ĩsũvĩei na andũ: nũndũ makamũtwaa mbee wa nzama, na makamũvũĩa masinakokenĩ moo;</verse>
				<verse number="18">ĩĩ, na mũkatwawa mbee wa makavana na asumbĩ kwondũ wakwa, mwĩthĩwe mwĩ ngũsĩ kwamo na kwa Andũ‐ma‐mbaĩ‐ingĩ.</verse>
				<verse number="19">Ĩndĩ yila makamũtwaa kw’o, mũikavũavũane ũndũ mwĩasya kana ndeto ila mwĩneena: nũndũ kavinda kau mũkanengwa ũndũ wa ũneena.</verse>
				<verse number="20">Nĩkwĩthĩwa ti inyw’ĩ mwĩneena, ĩndĩ nĩ Veva wa Ĩthe wenyu ũla wĩneena nthĩnĩ wenyu.</verse>
				<verse number="21">Na mũndũ akanengane mwana‐a‐inyia oawe, na ĩthe mwana wake: na syana ikamokĩlĩla ala maisyaie, na kũmoaĩthya.</verse>
				<verse number="22">Na mũkamenwa nĩ andũ onthe kwondũ wa syĩtwa yakwa: ĩndĩ ũla wĩĩyũmĩĩsya kũvika mũminũkĩlyo, ũsu akatangĩĩwa.</verse>
				<verse number="23">Ĩndĩ mamũthĩn’ya ndũanĩ ĩno, kĩai mũthi ndũanĩ ĩngĩ: nũndũ nĩ w’o nĩngũmwĩa, Mũikethĩwa mũnatũngan’ya ndũa sya Isilaeli, Mwana wa mũndũ atanoka.</verse>
				<verse number="24">Mũmanyĩw’a ndethĩwa e ĩulũ wa mũmanyĩsya wake kana ngombo ĩũlũ wa vwana wayo.</verse>
				<verse number="25">Mũmanyĩw’a nĩwĩanĩwe nĩ kwĩthĩwa ta mũmanyĩsya wake, na ngombo ta vwana wayo. Ethĩwa nĩmamwĩtie mwene wa nyũmba syĩtwa ya Veelisevuli, ti mbee mũno kũmeta ũu ala ma nyũmba yake?</verse>
				<verse number="26">Mũikamakĩe ĩndĩ: nũndũ kũti ũndũ ũvw’ike, ũtakavuũwa; kana ũndũ ũvithe ũtakamanyĩka.</verse>
				<verse number="27">Ũla ngũmũtavĩsya kĩvindunĩ, neenai kyeninĩ; na ũla mũkwĩw’a na kũtũ, tavanĩsyai nyũmbanĩ ĩũlũ.</verse>
				<verse number="28">Mũikamakĩe ala moaa mwĩĩ matatonya kũaa thayũ: ĩndĩ kavaa mũmũkĩe we ũla ũtonya kwanangĩa thayũ na mwĩĩ naw’o Ngienanĩ.</verse>
				<verse number="29">Tũsũni twĩlĩ tũitewa ĩsendi yĩmwe? Na vai kamwe katw’o kakavalũka nthĩ Ĩthe wenyu atekwenda:</verse>
				<verse number="30">ĩndĩ o na nzw’ĩĩ syonthe sya mĩtwe yenyu nĩ ndale.</verse>
				<verse number="31">Mũikakĩe ĩndĩ; inyw’ĩ mwĩ vata kwĩ tũsũni twingĩ.</verse>
				<verse number="32">Kĩla mũndũ ĩndĩ ũla wĩmbumbũlaa mbee wa andũ, nakwa ngamumbũlaa mbee wa Asa wakwa ũla wĩ ĩtunĩ.</verse>
				<verse number="33">Ĩndĩ o ũla wĩngaĩaa mbee wa andũ nakwa ngamũkaĩaa mbee wa Asa wakwa ũla wĩ ĩtunĩ.</verse>
				<verse number="34">Mũikatalĩlye kana nokie kũete mũuo kũũ nthĩ: ndyaaũka kũete mũuo, ĩndĩ nĩ ũvyũ.</verse>
				<verse number="35">Nũndũ nokie kũthũan’ya mũndũ na ĩthe, na mwĩĩtu na nyinyia, na mũtwawa na inyia wa mũũme:</verse>
				<verse number="36">na amaitha ma mũndũ makethĩwa ala ma nyũmba yake.</verse>
				<verse number="37">Ũla ũmwendaa ĩthe kana nyinyia kwĩ nyie, ndambaĩle; na ũla ũmwendaa mwana kana mwĩĩtu wake kwĩ nyie, ndambaĩle.</verse>
				<verse number="38">Na ũla ũtosaa ngelan’yo yake na kũngatĩĩa, ndambaĩle.</verse>
				<verse number="39">Ũla wonaa thayũ wake akawasya; na ũla waasya thayũ wake kwondũ wakwa akawona.</verse>
				<verse number="40">Ũla ũmwosaa inyw’ĩ ambosaa nyie, na ũla ũmbosaa nyie amwosaa ũla wandũmie.</verse>
				<verse number="41">Ũla ũmwosaa mwathani syĩtwanĩ ya mwathani akoosa ĩtuvi ya mwathani; na ũla ũmwosaa mũndũ mũlũngalu syĩtwanĩ ya mũndũ mũlũngalu akoosa ĩtuvi ya mũndũ mũlũngalu.</verse>
				<verse number="42">Na o ũla ũkanenga ũmwe wa aa anini kĩkombe kya manzĩ mathithu kyoka, syĩtwanĩ ya mũmanyĩw’a, nĩ w’o nĩngũmwĩa, ĩtuvi yake yĩtikaa nongi.</verse>
			</chapter>
			<chapter number="11">
				<verse number="1">Na kweethĩwa Yesũ amina kwĩaĩa amanyĩw’a make ĩkũmi na elĩ, auma vo athi kũmanyĩsya na kũtavan’ya ũvoo mũseo ndũanĩ syoo.</verse>
				<verse number="2">Na Yoana, e kolokolonĩ eew’a ũvoo wa meko ma Klĩsto, atũma amanyĩw’a make, makamũkũlye,</verse>
				<verse number="3">We nue ũla wĩũka, kana tũmweteele ũngĩ?</verse>
				<verse number="4">Na Yesũ asũngĩa, amea, Endai mũkamũtavye Yoana maũndũ ala mwĩw’ĩte na kũmona:</verse>
				<verse number="5">ililinda nikwona, na ala mathuaa nĩmeũthi, na ala mawaĩte mangũ nĩmeũthew’a, na ala au matũ nĩmekwĩw’a, na ala akw’ũ nĩmeũthayũũkw’a, na ala ngya nĩmeũtavw’a ũvoo museo.</verse>
				<verse number="6">Na nĩ mũathime o ũla ũtakona ũndũ wa ũlulutĩkw’a nthĩnĩ wakwa.</verse>
				<verse number="7">Na asu mathi, Yesũ ambĩlĩlya kũneena na makomano ũndũ wa Yoana, Nĩ kyaũ kĩla mwaendaa kũsisya weũnĩ? Nĩ mũangi ũthingithangw’a nĩ kĩseve?</verse>
				<verse number="8">Ĩndĩ nĩ kyaũ kĩla mwaendaa kwona? Nĩ mũndũ wĩkĩe ngũa nduũku? Sisyai, ala mekĩaa ngũa nduũku me nyũmbanĩ sya asumbĩ.</verse>
				<verse number="9">Ĩndĩ mwaendaa kĩ? Kwona mwathani? Ĩĩ, nĩngũmũtavya, nĩ ũla ũvĩtũkĩte mũno mwathani.</verse>
				<verse number="10">Ũsu nĩwe ũla waandĩkĩwe atĩĩ, Sisya, nyie nĩngũtũma mũtũmwa wakwa mbee wa ũthyũ waku, Ũla ũkaseũvya nzĩa yaku mbee waku.</verse>
				<verse number="11">Nĩ w’o nĩngũmwĩa, Katĩ wa ala masyaawa nĩ aka kũiaaumĩla mũnene kũvĩta Yoana ũla Mũvatisi: o na kau ũla mũnini ũsumbĩnĩ wa ĩtu nĩ mũnene kwĩ we.</verse>
				<verse number="12">Na kuma matukũ ma Yoana ũla Mũvatisi kũvika yu ũsumbĩ wa ĩtu nũlikawa na vinya, na andũ me vinya nĩmawosaa na vinya.</verse>
				<verse number="13">Nĩkwĩthĩwa athani onthe na ĩla mĩao nĩmathanie kũvika ĩvinda ya Yoana.</verse>
				<verse number="14">Na ethĩwa nĩmũkwenda kwĩtĩkĩla, we nĩwe Eliya ũla wĩũka.</verse>
				<verse number="15">Ũla wĩ matũ ma kwĩw’a, nĩew’e.</verse>
				<verse number="16">Ĩndĩ nĩũelekan’ya na kyaũ ũsyao ũũ? Ũtilyĩ ta syana syĩkalĩte ing’ang’anĩ, ila syĩtaa syana ingĩ,</verse>
				<verse number="17">ikyasya, Twamũvuvĩa mũtũlilũ, na mũinasũnga; twamũmetea, na mũinakũna ithũi.</verse>
				<verse number="18">Nũndũ Yoana nĩwokie ateũya na ateũnyw’a, nao measya, E na ndaimoni.</verse>
				<verse number="19">Mwana wa mũndũ nĩwokie akĩya na akĩnyw’a, nao measya, Sisyai, mũyi na mũnywi, mũnyanyae wa aumya ma koti na andũ athe! Na ũĩ nũtalĩlawa ũlũngalu nĩ syana syaw’o.</verse>
				<verse number="20">Nĩvo wambĩlĩlye kũkan’ya mũno ndũa ila mavinya make maingĩ meekiwe nthĩnĩ wasyo, nĩkwĩthĩwa ityaalyũla ngoo.</verse>
				<verse number="21">Woo nĩ waku, Kolasini! Woo nĩ waku, Vethisaita! Nũndũ kethĩwa kweekiwe mavinya Tile na Sitoni ta ala meekiwe nthĩnĩ wenyu, andũ ma kw’o methĩwa maalyũlile ngoo tene makekĩa makunia na kwĩyũmba mũu.</verse>
				<verse number="22">Ĩndĩ nyie nĩngũmwĩa, Tile na Sitoni ikethĩwa syĩ kavaa mũthenya wa sila, kwĩ inyw’ĩ.</verse>
				<verse number="23">Naku Kavelinaumi, ũkookĩlw’a kũvika ĩtunĩ? Ũkatheew’a kũvika vala maveva ma akw’ũ mekalaa: nũndũ kethĩwa kweekiwe mavinya Sotomo ta ala meekiwe nthĩnĩ waku we, yĩthĩwa vo kũvika mũnthĩ ũũ.</verse>
				<verse number="24">Ĩndĩ nĩngũmwĩa, Sotomo ĩkethĩwa ĩ kavaa mũthenya wa sila, kwĩ we.</verse>
				<verse number="25">Ĩvinda yĩu Yesũ asũngĩa, asya, Nĩngũũtũngĩa mũvea, we Asa, Mwĩaĩi wa ĩtu na nthĩ, nĩkwĩthĩwa maũndũ asu nĩwamavithie ala me na ũĩ na ũmanyi, na watũvuanisye twana:</verse>
				<verse number="26">ĩĩ, Asa, nĩkwĩthĩwa nĩw’o wendeesye kwaku.</verse>
				<verse number="27">Nĩnĩnengetwe maũndũ onthe nĩ Asa wakwa: na vai mũndũ wĩsĩ Mwana, ate o Asa; o na vai mũndũ wĩsĩ Asa, ate o Mwana, na mũndũ o na wĩva ũla Mwana ũkwenda kũmũvuanĩsya.</verse>
				<verse number="28">Ũkai kwakwa, inyw’onthe ala mũthĩnĩaa wĩa na ala mwĩ na mĩio mĩito, nakwa nga mũthũmũsya.</verse>
				<verse number="29">Ĩyĩkĩei ĩsoki yakwa, na mũimanyĩw’a ninyie; nũndũ nyie nĩ mũuu na nĩ na wĩnyivyo ngoonĩ: nenyu mũkasyonea ngoo syenyu ũthũmũo.</verse>
				<verse number="30">Nũndũ ĩsoki yakwa yĩti vinya, na mũio wakwa naw’o nĩ mũvũthũ.</verse>
			</chapter>
			<chapter number="12">
				<verse number="1">Ĩvinda yĩu Yesũ nĩwaendie mũthenya wa savato, aivĩtĩla mĩũndanĩ ya nganũ; na amanyĩw’a make maĩ na nzaa na mambĩlĩlya ũtũla iia sya nganũ na kũya.</verse>
				<verse number="2">Ĩndĩ Avalisi moona ũu, mamwĩa, Sisya, amanyĩw’a maku nĩmekwĩka ũndũ ũtosana na ĩla mĩao ũkĩkwa mũthenya wa savato.</verse>
				<verse number="3">Ĩndĩ amea, Mũtyaasoma ũndũ Ndaviti wekie, yĩla waĩ na nzaa, we na ala maĩ nake;</verse>
				<verse number="4">ũndũ wavotie nyũmbanĩ ya Ngai, aya imũtũ ila syaiĩawa Ngai, naw’o ndwosana na ĩla mĩao akĩya we, o na ala maĩ nake, ate o athembi oka?</verse>
				<verse number="5">O na mũtyaasoma mĩaonĩ, ũndũ mũthenya wa savato ĩkalũnĩ athembi mavukasya savato, na matitalĩlawa ĩvĩtyo?</verse>
				<verse number="6">Ĩndĩ nĩngũmwĩa, kana vaa ve ũmwe mũnene kwĩ ĩkalũ.</verse>
				<verse number="7">Ĩndĩ kethĩwa nĩmwamanyie ũndũ ũtilyĩ ũndũ ũũ, Nendaa tei, na ti nthembo, mũiĩthĩwa mwasilĩla ala mate na ĩvĩtyo.</verse>
				<verse number="8">Nĩkwĩthĩwa Mwana wa mũndũ nĩ mwĩaĩi wa savato.</verse>
				<verse number="9">Na auma vau athi, na alika ĩsinakokenĩ yoo:</verse>
				<verse number="10">na sisya, kwaĩ mũndũ vo waĩ na kw’oko kwau. Na mamũkũlya, makyasya, Nĩkwosana na ĩla mĩao kũvosya andũ mũthenya wa savato? Nĩ kana mamũvinganĩsye.</verse>
				<verse number="11">Na mea, Nũũ kwenyu, ũla wĩthĩwa na ĩlondu yĩmwe, nayo yavalũka ĩimanĩ mũthenya wa savato, ndeyĩkwata ayumye?</verse>
				<verse number="12">Mũndũ ĩndĩ nde vata mũno kwĩ ĩlondu? Kwondũ wa ũu nĩkwosana na ĩla mĩao kwĩka nesa mũthenya wa savato.</verse>
				<verse number="13">Nĩvo ĩndĩ wamwĩie ũla mũndũ, Tambũũkya kw’oko kwaku. Nake atambũũkya; nakw’o kwavoa, kweethĩwa kũima ta kũla kũngĩ.</verse>
				<verse number="14">Ĩndĩ Avalisi maumaala, na mamũsamĩa ũndũ matonya kũmũaa.</verse>
				<verse number="15">Na Yesũ amanya ũu auma vau: na aingĩ mamũatĩĩa; na amavosya onthe,</verse>
				<verse number="16">na ameaĩa maikamũtavan’ye:</verse>
				<verse number="17">nĩ kana kwĩanĩw’e ũla waneeniwe nĩ mwathani Isaia, akyasya,</verse>
				<verse number="18">Sisya, mũthũkũmi wakwa ũla namũnyuvie; Mwendwa wakwa ũla ngoo yakwa yendeew’e nĩwe: Ngamwĩkĩa Veva wakwa, Nake akatavan’ya ũsilĩlo kwa Andũ‐ma‐mbaĩ‐ingĩ.</verse>
				<verse number="19">Ndakakananĩa, o na ndakokĩlya wasya; O na vai mũndũ ũkew’a wasya wake nzĩanĩ nene.</verse>
				<verse number="20">Mũangi mũkanyange ndakatũla, Na ũtambi ũtoaa syũki ndakavosya, Mũvaka yĩla wĩete ũsilĩlo kũvika ũkĩlyo.</verse>
				<verse number="21">Na Andũ‐ma‐mbaĩ‐ingĩ makeekwatya syĩtwa yake.</verse>
				<verse number="22">Nĩvo ĩndĩ waetewe mũndũ ũkwatĩtwe nĩ ndaimoni, ũtonaa na ũtaneenaa; na amũvosya, eethĩwa ũla ũtaneenaa aineena na kwona.</verse>
				<verse number="23">Na makomano onthe maseng’a, masya, Ũũ ti mwana wa Ndaviti?</verse>
				<verse number="24">Ĩndi Avalisi meew’a ũu, masya, Mũndũ ũũ ndaumasya ndaimoni, ate o na vinya wa Veelisevuli mũnene wa ndaimoni.</verse>
				<verse number="25">Na amanya mosũanĩo moo, amea, Kĩla ũsumbĩ wĩvathanĩtye nũetawe wanangĩkonĩ; na kĩla ndũa kana nyũmba ĩvathanĩtye ndĩkaũngama:</verse>
				<verse number="26">na ethĩwa Satani eumya Satani nĩwĩvathanĩtye; ũsumbĩ wake ĩndĩ ũkaũngama ata?</verse>
				<verse number="27">Nakwa ethĩwa numasya ndaimoni na vinya wa Veelisevuli, ana menyu masyumasya na vinya waũ? Kwondũ wa ũu mo makeethĩwa asilĩli menyu.</verse>
				<verse number="28">Ĩndĩ nyie ethĩwa numasya ndaimoni na Veva wa Ngai, nĩ w’o ĩndĩ ũsumbĩ wa Ngai nũmũkĩe.</verse>
				<verse number="29">Kana mũndũ atonya ata kũlika nyũmbanĩ ya mũndũ wĩ vinya, akamũvuta mĩio yake, atambĩte ũmwova ũla wĩ vinya? Na ĩndĩ aitava ila syĩ nyũmbanĩ yake.</verse>
				<verse number="30">Ũla ũte ngalĩ yakwa ũsu e ũndũ nakwa; na ũla ũtombanasya nakwa nũnyaĩĩkasya.</verse>
				<verse number="31">Kwondũ wa ũu nĩngũmwĩa, Kĩla naĩ na ũumano ikaekewa andũ; ĩndĩ ũumano wa kũmũuma ũla Veva ndũkaekewa andũ.</verse>
				<verse number="32">Na o ũla ũkamũneenea Mwana wa mũndũ ndeto, nũkaekewa; ĩndĩ o ũla ũkamũneenea Veva Mũtheu, ndakaekewa, o na nthĩ ĩno, o na ĩla ĩngĩ yũkĩte.</verse>
				<verse number="33">Seũvyai mũtĩ wĩthĩwe mũseo na ũsyao waw’o wĩthĩwe mũseo; kana seũvyai mũtĩ wĩthĩwe mũthũku na ũsyao waw’o wĩthĩwe mũthũku: nũndũ mũtĩ nũmanyĩkaa nĩ ũsyao waw’o.</verse>
				<verse number="34">Inyw’ĩ ũsyao wa nzoka mbai, mũtonya ata kũneena maũndũ maseo, mwĩ athũku? Nũndũ ũla wusũĩte ngoo nĩw’o kanyw’a ũneenaa.</verse>
				<verse number="35">Mũndũ mũseo nĩwumasya maũndũ maseo kyũmbanĩsyonĩ kyake kĩseo; na mũndũ mũthũku nĩwumasya maũndũ mathũku kyũmbanĩsyonĩ kyake kĩthũku.</verse>
				<verse number="36">Nakwa nĩngũmwĩa, kana kĩla ndeto ya mana ĩla andũ maneenaa, mũthenya wa sila makaumya ũtalo wayo.</verse>
				<verse number="37">Nũndũ kwa ndeto syaku ũkatalĩlwa ũlũngalu, na kwa ndeto syaku ũkethĩwa wĩ mũsilĩle.</verse>
				<verse number="38">Nĩvo amwe ma aandĩki na Avalisi mamũsũngĩie, makyasya, Mũmanyĩsya, nĩtũkwenda kwona kyama kwaku.</verse>
				<verse number="39">Ĩndĩ amasũngĩa, amea, Ũsyao mũthũku wa ũlaalai nũũmantha kyama; na ndwĩnengwa kyama ate o kyama kya mwathani Yona:</verse>
				<verse number="40">nũndũ o tondũ Yona waĩ nthĩnĩ wa ĩvu ya ĩkũyũ ĩnene mĩthenya ĩtatũ na matukũ atatũ; no ta ũu Mwana wa mũndũ akeethĩwa nthĩnĩ wa ngoo ya nthĩ mĩthenya ĩtatũ na matukũ atatũ.</verse>
				<verse number="41">Andũ ma Nineva makaũngama ũsilĩlonĩ vamwe na ũsyao ũũ, nao makoosilĩla: nũndũ nĩmaalyũlile ngoo ũtavan’yonĩ wa Yona; na sisyai, vaa ve ũla mũnene kwĩ Yona.</verse>
				<verse number="42">Mũsumbĩ, mũndũ mũka, wa ngalĩ ya ĩtheo nũkokĩla ũsilĩlonĩ vamwe na ũsyao ũũ, na akoosilĩla: nũndũ we nĩwokie kuma itulunĩ sya nthĩ nĩ kana ew’e ũĩ wa Solomoni; na sisyai, vaa ve ũla mũnene kwĩ Solomoni.</verse>
				<verse number="43">Ĩndĩ veva mũvuku wauma mũndũnĩ, ũvĩtĩlaa kũndũ kũte manzĩ, ũkĩmantha ũthũmũo, na ndũwonaa.</verse>
				<verse number="44">Na ĩndĩ ũkyasya, Nĩngũsyoka nyũmbanĩ yakwa ĩla naumie; naw’o wooka, weethĩa yĩ nthei, yĩ ndute, na yĩ mbanakavye.</verse>
				<verse number="45">Nĩvo ĩndĩ ũkĩthi, na ũkyosa vamwe naw’o maveva angĩ mũonza, mathũkũ kwĩ w’o, na mailika na kwĩkala vo: na mwĩkalĩle wa ĩtina wa mũndũ ũsu wĩtw’ĩka mũthũku kwĩ ũla wa mbee. No ta ũu naw’o kũkethĩwa kwa ũsyao ũũ mũthũku.</verse>
				<verse number="46">Akĩneena na ala makomano, sisya, inyia wake na ana‐a‐inyia, maũngama nza, makyenda kũneena nake.</verse>
				<verse number="47">Na mũndũ ũmwe amwĩa, Sisya, mwenyu na ana‐a‐mwenyu maũngeme nza, makyenda kũneena naku.</verse>
				<verse number="48">Asũngĩa, amwĩa ũla wamũtavya ũu, Mwaitũ nũũ? Na ana‐a‐ia naaũ?</verse>
				<verse number="49">Na amatambũũkĩsya amanyĩw’a make kw’oko, na asya, Sisyai, mwaitũ na ana‐a‐ia!</verse>
				<verse number="50">Nũndũ ũla wĩkaa kwenda kwa Asa wakwa ũla wĩ ĩtunĩ, ũsu nĩwe mwana‐a‐ia, na mwĩĩ‐tu‐a‐ia, na mwaitũ.</verse>
			</chapter>
			<chapter number="13">
				<verse number="1">Mũthenya ũsu Yesũ auma nyũmbanĩ, athi, ekala nthĩ ũtee wa ũkanga.</verse>
				<verse number="2">Na makomano manene mamũmbanĩa, kwa ũu avota ngalawanĩ, ekala vo; na yĩla ĩkomano yonthe yaũngama ũtee wa ũkanga.</verse>
				<verse number="3">Nake aneena nao maũndũ maingĩ na ngelekan’yo, akyasya, Sisyai, mũvuĩi nĩwaendie kũvuĩa;</verse>
				<verse number="4">na akĩvuĩa, mbeke imwe syavalũka ũtee wa nzĩa, na nyũnyi syooka syaiya;</verse>
				<verse number="5">na ĩngĩ syavalũka mavianĩ, vala ve mũthanga mũnini: na syamea na mĩtũkĩ, nĩkwĩthĩwa ityaĩ na mũthanga mũliku:</verse>
				<verse number="6">na syũa yaaa, syavova; na nĩkwĩthĩwa ityaĩ na mĩi, syooma.</verse>
				<verse number="7">Na ingi syavalũka mĩw’anĩ; na mĩw’a yeana na yainyita;</verse>
				<verse number="8">na ingĩ syavalũka mũthanganĩ mũseo, na syasyaa ũsyao, imwe ĩana, na imwe mĩongo, thanthatũ, na imwe mĩongo ĩtatũ.</verse>
				<verse number="9">Ũla wĩ matũ, nĩew’e.</verse>
				<verse number="10">Na amanyĩw’a mooka, mamwĩa, Nĩkĩ ũũneena nao na ngelekan’yo?</verse>
				<verse number="11">Nake asũngĩa, amea, Inyw’ĩ mũnengetwe kũmanya nzama sya ũsumbĩ wa ĩtu, ĩndĩ mo maiaanengwa.</verse>
				<verse number="12">Nũndũ o ũla wĩ na kĩndũ, akanengwa, nake akaingĩvĩwa: ĩndĩ ũla ũte na kĩndũ, akoosewa o na kĩla wĩ nakyo.</verse>
				<verse number="13">Kwondũ wa ũu nĩneenaa nao na ngelekan’yo; nĩkwĩthĩwa makĩsisya matikwona, na makĩw’a matikwĩw’a, o na maiũmanya.</verse>
				<verse number="14">Na wathani wa Isaia nĩweanĩiw’e kwoo, ũla waĩtye, Kwĩw’a mũkeew’a, o na mũikamanya nongi; Na kũsisya mũkasisya, o na mũikona nongi:</verse>
				<verse number="15">Nũndũ ngoo sya andũ aa nĩ nenevu, Na matũ moo mew’aa na vinya, Na metho moo nĩmalalĩtye; Maikese kwona na metho moo, Na kwĩw’a na matũ moo, Na kũmanya na ngoo syoo, Na kwĩalyũla, Na ngĩmavosya.</verse>
				<verse number="16">Ĩndĩ nĩ maathime metho menyu, nĩkwĩthĩwa nĩmekwona; na matũ menyu, nĩkwĩthĩwa nĩmekwĩw’a.</verse>
				<verse number="17">Nũndũ nĩ w’o nĩngũmwĩa, kana nĩ athani aingĩ na andũ alũngalu ala mendie kwona maũndũ ala mũkwona, na maiaamona; na kwĩw’a maũndũ ala mũkwĩw’a, na maiaamew’a.</verse>
				<verse number="18">Ĩthukĩĩsyei inyw’ĩ ĩndĩ ĩla ngelekan’yo ya mũvuĩi.</verse>
				<verse number="19">Mũndũ o na wĩva eew’a ndeto ya ũsumbĩ, na ndeũmĩmanya, nĩvo ĩndĩ wĩũka ũla mũthũku, akavulya kĩla kĩvuĩĩtwe ngoonĩ yake. Ũsu nĩwe ũla ũvuĩĩtwe ũtee wa nzĩa.</verse>
				<verse number="20">Na ũsu ũvuĩĩtwe mavianĩ, nĩwe ũla wĩw’aa ndeto, na aiosa oyu na ũtanu;</verse>
				<verse number="21">ĩndĩ nde na mĩi nthĩnĩ wake, ĩndĩ ekalanga ĩvinda ĩnini; na yĩla thĩna kana ũnyamao wookĩla kwondũ wa ĩla ndeto, oyu ailulutĩka.</verse>
				<verse number="22">Na ũla ũvuĩĩtwe miw’anĩ, ũsu nĩwe ũla wĩw’aa ĩla ndeto; na kwĩmakĩa kwa nthĩ, na ũkengani wa ũthwii, ũinyita ĩla ndeto, nake ailea ũsyaa.</verse>
				<verse number="23">Na ũla ũvuĩĩtwe mũthanganĩ mũseo, ũsu nĩwe ũla wĩw’aa ĩla ndeto, na aimĩmanya; ũsu nĩwe ũsyaa ũsyao, ũmwe aisyaa ĩana, na ũngĩ mĩongo thanthatũ, na ũngĩ mĩongo ĩtatũ.</verse>
				<verse number="24">Amatavya ngelekan’yo ĩngĩ, akyasya, Ũsumbi wa ĩtu ũilyĩ ta mũndũ ũla wavuĩie mbeũ nzeo mũũndanĩ wake:</verse>
				<verse number="25">ĩndĩ andũ makomete, mũmaitha wake ooka na avuĩĩa ĩthaaa nganũnĩ na athi.</verse>
				<verse number="26">Ĩndĩ syamea na syamesya mathangũ na syasyaa iia, nĩvo ĩndĩ ĩthaaa yoonekie nayo.</verse>
				<verse number="27">Na ngombo sya mwene nyũmba syathi na syamwĩa, Vwana, ndwaavuĩa mbeũ nzeo mũũndanĩ waku? Ĩthaaa ĩndĩ yumĩte va?</verse>
				<verse number="28">Na asyĩa, Nĩ mũmaitha wekie ũu. Na ngombo syamwĩa, Nũkwenda tũthi tũkũe?</verse>
				<verse number="29">Ĩndĩ asya, Aiee; mũikese ũkũanĩsya nganũ mũikũa ĩthaaa.</verse>
				<verse number="30">Iekei syelĩ syĩane kũvika ngethanĩ: na ĩvinda ya ngetha ngatavya akethi, Mbee ũmban’yai ĩthaaa, mwove mĩio nĩ kana mũvĩvye; ĩndĩ nganũ ũmbanĩsyai ikũmbĩnĩ yakwa.</verse>
				<verse number="31">Amatavya ngelekan’yo ĩngĩ, akyasya, Ũsumbĩ wa ĩtu ũtilyĩ ta mbeke ya kalatali, ĩla mũndũ wosie na aivanda mũũndanĩ wake:</verse>
				<verse number="32">nayo nĩ nini kwĩ mbeũ syonthe; ĩndĩ yeana, yĩthĩawa yĩ nene mbee wa nyũnyi syonthe, na ĩkĩtw’ĩka kĩtĩ, ũndũ nyũnyi sya yayaya syũkaa na kwĩkala mbongenĩ syakyo.</verse>
				<verse number="33">Amatavya ngelekan’yo ĩngĩ; Ũsumbĩ wa ĩtu ũilyĩ ta ĩlawa, yĩla mũndũ mũka wosie, na avitha mĩtanĩ ĩtatũ ya mũtu, na w’onthe wakaata.</verse>
				<verse number="34">Maũndũ asu onthe Yesu amatavisye makomano na ngelekan’yo; na vate ngelekan’yo ndaaneena nao:</verse>
				<verse number="35">nĩ kana kwĩanĩw’e ũla waneeniwe nĩ mwathani, akyasya, Ngaathamya kanyw’a wakwa na ngelekan’yo; Ngaweta maũndũ ala mavithiwe kuma nthĩ yoombwa.</verse>
				<verse number="36">Na ĩndĩ atia makomano, athi nyũmba: na amanyĩw’a make mathi vala ũĩ, makyasya, Twon’ye ithyĩ ĩla ngelekan’yo ya ĩthaaa ya mũũndanĩ.</verse>
				<verse number="37">Na asũngĩa, asya, Ũsu ũvuĩaa mbeũ ĩla nzeo nĩ Mwana wa mũndũ;</verse>
				<verse number="38">na ũla mũũnda nĩ nthĩ; na mbeũ ĩla nzeo nĩ ana ma ũsumbĩ; na ĩthaaa nĩyo ana ma ũla mũthũku;</verse>
				<verse number="39">na mũmaitha ũla waivuĩie nĩ ndevili: na ngetha nĩ wĩanĩu wa ĩvinda yĩĩ; na akethi nĩ alaĩka.</verse>
				<verse number="40">Na ĩndĩ o ũndũ ĩthaaa yũmbanaw’a na kũvĩvw’a na mwaki; nĩw’o kũkethĩwa wĩanĩu wa ĩvinda yĩĩ.</verse>
				<verse number="41">Mwana wa mũndũ akatũma alaĩka make, nao makoomban’ya molulutĩkyo onthe maumw’e ũsumbĩnĩ wake, na ala mekaa mothũku,</verse>
				<verse number="42">na makamekya ikonĩ ĩnene yĩ mwaki: vo vakethĩwa kĩĩo na kũvevetan’ya maeo.</verse>
				<verse number="43">Nĩvo ĩndĩ ala alũngalu makatisa ta syũa ũsumbĩnĩ wa Ĩthe woo. Ũla wĩ matũ, nĩew’e.</verse>
				<verse number="44">Ũsumbĩ wa ĩtu ũilyĩ ta ũthwii mwie ũvithĩtwe mũũndanĩ; ũla mũndũ wonie, na oovithĩĩa; na kwondũ wa ũtanu wake athi na athoosya syĩndũ syonthe ila waĩ nasyo, na athooa mũũnda ũsu.</verse>
				<verse number="45">Ĩngĩ, ũsumbĩ wa ĩtu ũilyĩ ta mũndũ mũtandĩthya, aimantha malũlũ maseo:</verse>
				<verse number="46">na oona lũlũ ũmwe wa thooa mũnene, athi athoosya syĩndũ syonthe ila waĩ nasyo, oothooa.</verse>
				<verse number="47">Ĩngĩ, ũsumbĩ wa ĩtu ũilyĩ ta kĩtei, kĩla kyekiw’e ũkanganĩ, na kyoomban’ya kĩla mũthemba:</verse>
				<verse number="48">nakyo kyausũa, makĩkusya ũtee wa ũkanga; na mekala nthĩ, manyuvĩĩa ĩla mĩseo mĩionĩ, ĩndĩ ĩla mĩthũku mekya ũtee.</verse>
				<verse number="49">Kũkeethĩwa ta ũu wĩanĩunĩ wa ĩvinda yĩĩ: alaĩka makooka, na makavathan’ya athũku na ala alũngalu,</verse>
				<verse number="50">na makamekya ikonĩ ĩnene yĩ mwaki: vo vakethĩwa kĩĩo na kũvevetan’ya maeo.</verse>
				<verse number="51">Nĩmwamanya maũndũ asu onthe? Mamwĩa, Ĩĩ.</verse>
				<verse number="52">Nake amea, Kwondũ wa ũu kĩla mũandĩki watw’ĩkĩthĩtw’e mũmanyĩw’a wa ũsumbĩ wa ĩtu ailyĩ ta mũndũ mwene wa nyũmba, ũla wumasya kyũmbanĩsyonĩ kyake syĩndũ nzaũ na ila ngũũ.</verse>
				<verse number="53">Na kweethĩwa, Yesũ amina ngelekan’yo isu, auma vo athi.</verse>
				<verse number="54">Na avika nthĩ ĩla yake amamanyĩsya ĩsinakokenĩ yoo, mũvaka maseng’a, na masya, Mũndũ ũũ aumĩtye va ũĩ ũũ, na mavinya aa?</verse>
				<verse number="55">Ũũ ti mwana wa mũseũvya wa mbwaũ? Inyia wake ndetawa Meli? Na ana‐a‐inyia ti Yakovo, na Yosevu, na Simoni, na Yutasi?</verse>
				<verse number="56">Na eĩtu‐a‐inyia, mati kwitũ onthe? Ĩndĩ ũũ aumĩtye va maũndũ aa onthe?</verse>
				<verse number="57">Na malulutĩkw’a nĩwe. Ĩndĩ Yesũ amea, Mwathani ndalea kwĩthĩwa na ndaĩa, ate o nthĩ yake mwene, na nyũmbanĩ yake mwene.</verse>
				<verse number="58">Na ndaaĩka mavinya maingĩ vo nũndũ wa kũlea kwĩtĩkĩla kwoo.</verse>
			</chapter>
			<chapter number="14">
				<verse number="1">Ĩvĩnda yĩu mũsumbĩ Elote eew’a ũvoo wa Yesũ,</verse>
				<verse number="2">na amea athũkũmi make, Ũsu nĩwe Yoana ũla Mũvatisi; nũthayũũkĩte kuma akw’ũnĩ; na kwondũ wa ũu mavinya aa metethya wĩa nthĩnĩ wake.</verse>
				<verse number="3">Nũndũ Elote aĩ anamũkwata Yoana, akamwova, na akamwĩkĩa kolokolonĩ kwondũ wa Elotia, mũka wa Vilivu mwana‐a‐inyia.</verse>
				<verse number="4">Nĩkwĩthĩwa Yoana amũtavisye, Kũtyosana na mĩao we kwĩthĩwa nake.</verse>
				<verse number="5">Na akyenda kũmũaa, akĩa nguthu ya andũ, nũndũ mamwonaa e mwathani</verse>
				<verse number="6">Ĩndĩ yĩla mũthenya wa kũsyawa kwa Elote wavikie, mwĩĩtu wa Elotia asũngĩa katĩ woo, na amwendeesya Elote.</verse>
				<verse number="7">Na ĩndĩ amwatha na wĩvĩto kũmũnenga kĩla wĩmwĩtya o na kĩva.</verse>
				<verse number="8">Nake, asilw’a nĩ nyinyia, asya, Nenga mũtwe wa Mũvatisi Yoana vaa ĩsaaninĩ.</verse>
				<verse number="9">Na ũla mũsumbĩ eew’a woo; ĩndĩ kwondũ wa mawĩvĩto make, na kwondũ wa ala mailyĩ lĩunĩ vamwe nake, eeaa anengwe;</verse>
				<verse number="10">na atũma mũndũ amũtila Yoana mũtwe e kolokolonĩ.</verse>
				<verse number="11">Na mũtwe wake waetwe wĩ ĩsaaninĩ, wanengwa ũla mwĩĩtu: nake amũtwaĩa nyinyia.</verse>
				<verse number="12">Na amanyĩw’a make mooka, moosa kimba, makĩthika; na mathi mamũtavya Yesũ.</verse>
				<verse number="13">Na Yesũ eew’a ũvoo ũsu, auma vau na ngalawa, athi e weka vandũ vate andũ: na makomano meew’a, mamũatĩĩa na nyaĩĩ kuma ndũanĩ syoo.</verse>
				<verse number="14">Na aumĩla, na oona ĩkomano ĩnene ya andũ, na amew’ĩa tei, na avosya awau moo.</verse>
				<verse number="15">Na kwavika wĩoo, amanyĩw’a mathi vala ũĩ, makyasya, Vaa tũĩ nĩ weũnĩ, na ĩngĩ o na yu ĩvinda nĩ ĩthelu; ĩmbũũkya, makomano mathi mĩsyĩ, makethooee lĩu.</verse>
				<verse number="16">Ĩndĩ Yesũ amea, Mati na vata wa kuma kũũ mathi; manengei lĩu e inyw’ĩ.</verse>
				<verse number="17">Nao mamwĩa, Vaa tũi na kĩndũ ate o imũtũ itano na makũyũ elĩ.</verse>
				<verse number="18">Na amea, Ndeteei isu vaa.</verse>
				<verse number="19">Na ameaĩa makomano mekale nthĩ nyekinĩ; na oosa ila imũtũ itano na ala makũyũ elĩ, na ang’elela ĩtunĩ, aiathima, na aĩtilanga, na anenga amanyĩw’a make ila imũtũ, na amanyĩw’a manenga makomano.</verse>
				<verse number="20">Na onthe maya, mavũna: na moosa ũtialo wa ilungu isu ndile, ikavũ ĩkũmi na ilĩ syausũa.</verse>
				<verse number="21">Na ala maĩe maĩ andũ ta ngili itano, eka aka na syana.</verse>
				<verse number="22">Na oyu amathing’ĩĩsya amanyĩw’a make malike ngalawanĩ, mathi mbee wake kũvika mũingo ũngĩ, mũvaka we amombũũkya makomano.</verse>
				<verse number="23">Na amombũũkya makomano, ambata kĩĩmanĩ e weka kũvoya: na kwavika wĩoo, e o vo e weka.</verse>
				<verse number="24">Ĩvĩnda yĩu ĩla ngalawa yaĩ ũkanganĩ katĩ, ĩkyũkĩlangw’a nĩ itulumo; nũndũ kĩseve nĩkyamathaũĩtye.</verse>
				<verse number="25">Na ũsyaĩĩsyo wa kana wa ũtukũ athi vala maĩ akinyĩle ũkanganĩ ĩũlũ.</verse>
				<verse number="26">Na amanyĩw’a mamwona akinyĩle ũkanganĩ ĩũlũ, maũũya, makyasya, Nĩ ĩimũ; na makaya nĩ w’ĩa.</verse>
				<verse number="27">Ĩndĩ oyu Yesũ aneena nao, akyasya, Ĩthĩwai na ũnyiau; ninyie; mũikakĩe.</verse>
				<verse number="28">Na Vetelo amũsũngĩa, asya, Mwĩaĩi, ethĩwa nue, mbĩa nũke vala ũĩ, nginyĩle manzĩnĩ ĩũlũ.</verse>
				<verse number="29">Na amwĩa, Ũka. Na Vetelo auma ngalawanĩ, na akinyĩla manzĩnĩ ĩũlũ, nĩ kana aende vala ve Yesũ.</verse>
				<verse number="30">Ĩndĩ oona kĩseve kingĩ, aya w’ĩa; na akyambĩlĩlya ũlika manzĩnĩ, akaya, akyasya, Mwĩaĩi, ndangĩĩa.</verse>
				<verse number="31">Na kavinda kau Yesũ atambũũkya kw’oko kwake, amũkwata, na amwĩa, We wa mũĩkĩĩo mũnini, nũndũ wa kĩ waya nzika?</verse>
				<verse number="32">Na mambata ngalawanĩ, kĩseve kyakilya.</verse>
				<verse number="33">Na ala maĩ ngalawanĩ mamũthaitha, makyasya, Nĩ w’o, we wĩ Mwana wa Ngai.</verse>
				<verse number="34">Na mainga, mavika nthĩ ya Kenesaleti.</verse>
				<verse number="35">Na aũme ma vandũ vau mamũmanya, matũma andũ nthĩ ĩsu yonthe, mamũetee onthe ala maĩ awau;</verse>
				<verse number="36">mamwĩsũva makiite o na ethĩwa no ũtiivo wa ngũa yake: na onthe ala makiitie mavow’a vyũ.</verse>
			</chapter>
			<chapter number="15">
				<verse number="1">Nĩvo Avalisi na aandĩki maumie Yelusaleme mathi vala ve Yesũ, makyasya,</verse>
				<verse number="2">Nĩ ũndũ wa kĩ amanyĩw’a maku mavĩtasya mokũũ ma atumĩa? Nũndũ makĩya matithambaa nzaa.</verse>
				<verse number="3">Nake asũngĩa, amea, Nĩkĩ inyw’ĩ nenyu mũvĩtasya mĩao ya Ngai nũndũ wa mokũũ menyu?</verse>
				<verse number="4">Nĩkwĩthĩwa Ngai nĩwaisye, Taĩa au na mwenyu: na, Ũla ũnũkũuma ĩthe kana nyinyia, nakw’e.</verse>
				<verse number="5">Ĩndĩ inyw’ĩ mwĩasya, O ũla ũkamwĩa ĩthe kana nyinyia, Kĩndũ o na kĩva kĩla naĩ ndonya ũkũnenga nĩkĩnengetwe Ngai;</verse>
				<verse number="6">ũsu ndeũtaĩa ĩthe. Na inyw’ĩ nĩmũmyanangĩte ndeto ya Ngai kwondũ wa mokũũ menyu.</verse>
				<verse number="7">Inyw’ĩ angangan’ya, Isaia nĩwathanie nesa ũndũ wenyu, akyasya,</verse>
				<verse number="8">Andũ aa nĩmandaĩaa na ilomo syoo; Ĩndĩ ngoo syoo syĩ kũasa nakwa.</verse>
				<verse number="9">Nao manthaithaa ũthaithi wa mana, Makĩmanyĩsya momanyĩsyo, nao nĩ mĩao ya andũ.</verse>
				<verse number="10">Na ayĩta ĩkomano yũke kwake, na ayĩa, Ĩthuskĩĩsyei, mũmanye:</verse>
				<verse number="11">ti kĩla kĩlikaa kanyw’anĩ kĩthũkasya mũndũ; ĩndĩ nĩ kĩla kyumaa kanyw’anĩ, nĩkyo kũthũkasya mũndũ.</verse>
				<verse number="12">Nĩvo amanyĩw’a make mookie, na mamwĩa, Nĩwĩsĩ kana Avalisi meew’a ũndũ ũsu nĩmalulutĩkilw’e?</verse>
				<verse number="13">Ĩndĩ asũngĩa, na asya, Kĩla kĩtavandĩtwe nĩ Asa wakwa wa ĩtunĩ, kĩkakũwa.</verse>
				<verse number="14">Maekei mo: nĩ atongoi mate metho. Na ethĩwa kĩlilinda kĩkatongoesya kĩlilinda kĩngĩ, ikavalũka ĩimanĩ syelĩ.</verse>
				<verse number="15">Na Vetelo asũngĩa, amwĩa, Tũmanyithye ngelekan’yo ĩsu.</verse>
				<verse number="16">Nake asya, Nenyu o na yu mũi na ũmanyi?</verse>
				<verse number="17">Mũtinamba ũmanya, kana kĩndũ o na kĩva kĩlikaa kanyw’anĩ nĩkĩvĩtĩlaa ĩvunĩ, na nĩkĩũmĩwa?</verse>
				<verse number="18">Ĩndĩ maũndũ ala maumaa kanyw’anĩ maumaa ngoonĩ; na nĩmo mathũkasya mũndũ.</verse>
				<verse number="19">Nũndũ ngoonĩ nĩvo vaumaa malilikano mathũku, maũaani, molaalai, mawathavu, mong’ei, ũkũsĩ wa ũvũngũ, moumano:</verse>
				<verse number="20">asu nĩo maũndũ ala mathũkasya mũndũ; ĩndĩ kũya na nzaa itathambĩtwe kũithũkasya mũndũ.</verse>
				<verse number="21">Na Yesũ auma vau, athi ngalĩ sya Tile na Sitoni.</verse>
				<verse number="22">Na sisya, mũndũ mũka Mũkanaani auma mĩvakanĩ ĩsu, na aneena na wasya mũnene, akyasya, Mbĩw’ĩa tei we, Mwĩaĩi, mwana wa Ndaviti; mwĩĩtu wakwa nũnũũthĩnw’a mũno nĩ ndaimoni.</verse>
				<verse number="23">Ĩndĩ we ndaamũsũngĩa ndeto. Na amanyĩw’a make mooka na mamwĩsũva, makyasya, Mũeke athi; nũndũ elonzanĩlya ĩtina waitũ.</verse>
				<verse number="24">Ĩndĩ we asũngia, asya, Ndyaatũmwa ate o kwa malondu mau ma nyũmba ya Isilaeli.</verse>
				<verse number="25">Ĩndĩ ooka amũthaitha, akyasya, Mwĩaĩi, ndethya.</verse>
				<verse number="26">Na asũngĩa, asya, Ti ũseo kwosa lĩu wa syana na kwĩkĩsya ngitĩ.</verse>
				<verse number="27">Ĩndĩ we asya, Ĩĩ, Mwĩaĩi: ĩndĩ o na ngitĩ niĩsaa tũlungu tũla tũvalũkaa kuma mesanĩ ya mavwana masyo.</verse>
				<verse number="28">Nĩvo Yesũ wasũngĩie, amwĩa, We mũndũ mũka, mũĩkĩĩo waku nĩ mũnene: nĩkwĩkĩke kwaku o ũndũ ũkwenda. Na mwĩĩtu wake avow’a kuma kavinda o kau.</verse>
				<verse number="29">Na Yesũ auma vau athi, na athengeea ũkanga wa Kalilii; na ambata kĩĩmanĩ, na ekala nthĩ vo.</verse>
				<verse number="30">Na makomano manene mooka vala ũĩ, me na syonze, na ililinda, na ala mataneenaa, na ala au mamutha, na angĩ aingĩ, mamaia maũũnĩ ma Yesũ; na amavosya:</verse>
				<verse number="31">mũvaka yĩla ĩkomano yaseng’a, yoona ala mataaneena maineena, na ala au mamutha me aima, na ila syonze iikinya, na ililinda ikyona: na mamũtaĩa Ngai wa Isilaeli.</verse>
				<verse number="32">Na Yesũ ameta amanyĩw’a make moke vala ũĩ, na asya, Nĩngũyĩw’ĩa ĩkomano tei, nĩkwĩthĩwa yu nĩ matukũ atatũ mekalĩte nakwa na mati na kĩndũ kya ũya: na ndikwenda kũmombũũkya me na nzaa, maikese ũnyalĩla nzĩanĩ.</verse>
				<verse number="33">Na amanyĩw’a mamũkũlya, Twĩumya va kũũ weũnĩ, imũtũ singĩvĩte ũu sya kũvũn’ya ĩkomano yĩnenevete ũu?</verse>
				<verse number="34">Na Yesũ amea, Mwĩ na imũtũ syĩana? Na masya, Mũonza, na tũmakũyũ tũvũthũ.</verse>
				<verse number="35">Na eeaĩe ĩkomano yĩkale nthĩ;</verse>
				<verse number="36">nake oosa ila imũtũ mũonza na tũla tũmakũyũ; na atũnga mũvea, na atilanga, na anenga amanyĩw’a, na amanyĩw’a manenga makomano.</verse>
				<verse number="37">Na onthe maya, mavũna: na moosa ũtialo wa ilungu ila ndile, ikavũ mũonza syausũa.</verse>
				<verse number="38">Na ala maĩe maĩ aũme ngili inya, eka aka na syana.</verse>
				<verse number="39">Na oombũũkya makomano, na alika ngalawanĩ, athi mĩvakanĩ ya Makatani.</verse>
			</chapter>
			<chapter number="16">
				<verse number="1">Na Avalisi na Asatukai mooka mamũvoya amon’ye kyama kyume ĩtunĩ, makĩmũtata.</verse>
				<verse number="2">Ĩndĩ asũngĩa na amea, Kũituka, inyw’ĩ mwĩasya, Kũkeethĩwa kwĩ kũseo: nũndũ ĩtu nĩ ĩtune.</verse>
				<verse number="3">Na kwĩ kĩoko mwĩasya, Kũkeethĩwa kwĩ kũthũku ũmũnthĩ: nĩkwĩthĩwa ĩtu nĩ ĩtune na nĩ ĩniinũkanu. Inyw’ĩ nĩmwĩsĩ kũmanya ũthyũ wa ĩtu; ĩndĩ syama sya mavinda aa mũitonya kwimanya.</verse>
				<verse number="4">Ũsyao mũthũku na wa ũlaalai wĩmantha kyama; ĩndĩ ndũkanengwa kyama, ate o kĩla kyama kya Yona. Na amatia, athi.</verse>
				<verse number="5">Na amanyĩw’a mathi mũingo ũla ũngĩ, na moolwa nĩ ũkua imũtũ.</verse>
				<verse number="6">Na Yesũ amea, Ĩmanyĩlĩlei na ĩsũvĩei yĩla ĩlawa ya Avalisi na Asatukai.</verse>
				<verse number="7">Na masũanĩa ene kwa ene, makyasya, Nĩkwĩthĩwa tũinakua imũtũ.</verse>
				<verse number="8">Na Yesũ amanya ũu asya, Ĩnyw’ĩ ma mũĩkĩĩo mũnini, nĩkĩ mũũsũanĩa inyw’ĩ kwa inyw’ĩ, nĩkwĩthĩwa mũi na imũtũ?</verse>
				<verse number="9">Mũinamba kũmanya, o na mũiũlilikana ila imũtũ itano sya ala ngili itano, na ũndũ ikavũ syeanaa ila mwoosie?</verse>
				<verse number="10">O na ila imũtũ mũonza sya ala ngili inya, na ũndũ ikavũ syeanaa ila mwoosie?</verse>
				<verse number="11">Kũilyĩ ata ĩndĩ, ũndũ mũteũmanya kana ndinaneena nenyu ũndũ wa imũtũ? Ĩndĩ ĩsũvĩei ĩlawa ya Avalisi na Asatukai.</verse>
				<verse number="12">Na ĩndĩ mamanya kana ndanamatavya mesũvĩe ĩlawa ya imũtũ, ĩndĩ nĩ ĩlawa ya ũmanyĩsyo wa Avalisi na Asatukai.</verse>
				<verse number="13">Na Yesũ alika kĩvalonĩ kya Kaisalea ya Vilivu, amakũlya amanyĩw’a make, akyasya, Andũ measya Mwana wa mũndũ nũũ?</verse>
				<verse number="14">Na masya, Amwe measya nĩ Mũvatisi Yoana; angĩ, nĩ Eliya; na angĩ, nĩ Yelemia, kana ũmwe wa athani.</verse>
				<verse number="15">Amea, Ĩndĩ inyw’ĩ mwĩasya nyie nĩ ũũ?</verse>
				<verse number="16">Na Simoni Vetelo asũngĩa na asya, We nue Klĩsto, Mwana wa Ngai ũla wĩ thayũ.</verse>
				<verse number="17">Na Yesũ asũngĩa na amwĩa, Wĩ mũathime we, Simoni mwana wa Yona: nĩkwĩthĩwa mwĩĩ na nthakame itikwonetye ũu, ĩndĩ nĩ Asa wakwa ũla wĩ ĩtunĩ.</verse>
				<verse number="18">Nakwa nĩngũkwĩa, kana nue Vetelo, na ĩvianĩ yĩĩ ngaaka ĩkanisa yakwa; na mbingĩlo sya vala maveva ma akw’ũ mekaala itikayĩkĩlya vinya.</verse>
				<verse number="19">Nakwa ngakũnenga we mbungũo sya ũsumbĩ wa ĩtu: na ũndũ o na wĩva ũla ũkova kũũ nthĩ, ũkethĩwa wĩ wove ĩtunĩ; na ũndũ o na wĩva ũla ũkathasya kũũ nthi, ũkethĩwa wĩ ũthasye ĩtunĩ.</verse>
				<verse number="20">Nĩvo wameaĩe amanyĩw’a make maikatavye mũndũ kana we nĩwe Klĩsto.</verse>
				<verse number="21">Kuma ĩvinda yĩu Yesũ ambĩlĩlya kũmon’ya amanyĩw’a make, kana ndatĩa ũthi Yelusaleme, na kũthĩnw’a na mathĩna maingĩ nĩ atumĩa na athembi anene na aandĩki, na kũawa, na kũthayũũkw’a mũthenya wa katatũ.</verse>
				<verse number="22">Na Vetelo amwosa, na ambĩlĩlya kũmũkan’ya, akyasya, Ũu nĩwĩthĩwe kũasa naku, Mwĩaĩi; ũu ndũkethĩwa kwaku o na ĩndĩĩ.</verse>
				<verse number="23">Ĩndĩ eethyũũa, na amwĩa Vetelo, Enda ĩtina wakwa, Satani: we wĩ ũlulutĩkyo kwakwa: nũndũ ndũũlilikana maũndũ ma Ngai, ĩndĩ nĩ ala ma andũ.</verse>
				<verse number="24">Nĩvo Yesũ wameie amanyĩw’a make, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake, na akĩmbikĩla.</verse>
				<verse number="25">Nũndũ o ũla ũnũkwenda kũvĩtya thayũ wake akawasya: na o ũla ũkawasya thayũ wake kwondũ wakwa akawona ĩngĩ.</verse>
				<verse number="26">Nũndũ mũndũ aunwa nĩ kyaũ, o na akosa nthĩ nima, na akyasya thayũ wake? Kana mũndũ akakũan’ya thayũ wake na kyaũ?</verse>
				<verse number="27">Nũndũ Mwana wa mũndũ akooka ũtheunĩ mũtisu wa Ĩthe wake vamwe na alaĩka make; na ĩvinda yĩu akamũĩva kĩla mũndũ kwĩanana na kwĩka kwake.</verse>
				<verse number="28">Nĩ w’o nĩngũmwĩa, Ve andũ amwe ma aa maũngeme vaa, ala matakasama kĩkw’ũ nongi, matanamba kwona Mwana wa mũndũ akyũka ũsumbĩnĩ wake.</verse>
			</chapter>
			<chapter number="17">
				<verse number="1">Na ĩtina wa matukũ thanthatũ Yesũ oosa Vetelo, na Yakovo, na Yoana mwana‐a‐inyia, ambata nao me oka kĩĩmanĩ kĩtũlu:</verse>
				<verse number="2">na mũvw’ano wake waalyũka mene; na ũthyũ wake watisa ta syũa, na ngũa syake syeeũva ta kyeni.</verse>
				<verse number="3">Na sisya, Mose na Eliya mamaumĩlĩla makĩneenan’ya nake.</verse>
				<verse number="4">Na Vetelo asũngĩa na amwĩa Yesũ, Mwĩaĩi, nĩ ũseo kwitũ kwĩthĩwa vaa: ethĩwa nũkwenda, nĩngwaka vaa malwanda atatũ; yĩmwe yaku, na yĩngĩ ya Mose, na yĩngĩ ya Eliya.</verse>
				<verse number="5">Akĩneena, sisya, ĩthweo ĩtisũku yamekĩa muunyĩ: na sisya, wasya wauma ĩthweonĩ, ũkyasya, Ũũ nĩwe Mwana wakwa mwendwa, ũla nendeew’e nĩwe; mwĩw’ei we.</verse>
				<verse number="6">Na amanyĩw’a mawĩw’a, mavalũka na mothyũ moo, na makĩa mũno.</verse>
				<verse number="7">Na Yesũ ooka amakiita, na asya, Ũkĩlai, mũikakĩe.</verse>
				<verse number="8">Na makyũkĩlya metho moo, maiaaona mũndũ ate o Yesũ weka.</verse>
				<verse number="9">Na makĩtheea kuma kĩĩmanĩ, Yesũ ameaĩa, akyasya, Mũikatavye mũndũ ũvoo wa woni ũsu, mũvaka Mwana wa mũndũ athayũũka kuma kwa akw’ũ.</verse>
				<verse number="10">Na amanyĩw’a make mamũkũlya, makyasya, Nĩkĩ ĩndĩ aandĩki mekwasya mũvaka Eliya ambe kũka?</verse>
				<verse number="11">Nake asũngĩa, amea, Nĩ w’o Eliya nĩwũkĩte, na kũtũnga maũndũ onthe kwĩthĩwa meũ:</verse>
				<verse number="12">ĩndĩ nĩngũmwĩa, kana Eliya nĩwokie, na maiaamũmanya, ĩndĩ mamwĩkie o ũndũ mendie. No ta ũu Mwana wa mũndũ nake akathĩnw’a nĩo.</verse>
				<verse number="13">Nĩvo ala amanyĩw’a mamanyie kana aneena nao ũndũ wa Yoana Mũvatisi.</verse>
				<verse number="14">Na mavika vala ve yĩla ĩkomano, mũndũ ooka amũtulĩlya ndu, akyasya,</verse>
				<verse number="15">Mwĩaĩi, mwĩw’ĩe mwana wakwa tei: nũndũ e na ũwau wa mũng’uthũko, nake enyamaw’a mũno; nũndũ mavinda maingĩ avalũkaa mwakinĩ, na mavinda maingĩ manzĩnĩ.</verse>
				<verse number="16">Nakwa namũete kwa amanyĩw’a maku, na mainatonya kũmũvosya.</verse>
				<verse number="17">Na Yesũ asũngĩa, asya, Ũsyao ũũ ũte na mũĩkĩĩo na mũemu, ngeethĩwa vamwe nenyu ĩvinda yĩana ata? Nĩmũmĩĩsya ĩvinda yĩana ata? Mũetei vaa nĩĩ.</verse>
				<verse number="18">Na Yesũ amĩkan’ya; na ĩla ndaimoni yauma: na kĩmwana kyavoa kuma ĩvinda yĩu.</verse>
				<verse number="19">Nĩvo ĩndĩ ala amanyĩw’a maendie vala ve Yesũ kasama, masya, Nĩkĩ ithyĩ tũinatonya kũmyumya?</verse>
				<verse number="20">Na amea, Nũndũ wa kũnyivĩwa nĩ mũĩkĩĩo: nũndũ nĩ w’o nĩngũmwĩa, Ethĩwa mwĩ na mũĩkĩĩo: wĩana kaveke ka kalatali, mũkatavya kĩĩma kĩĩ, Uma vau ũĩ ũthi vaya; nakyo kĩkathi; o na vai ũndũ ũtakatonyeka kwenyu.</verse>
				<verse number="21">Ĩndĩ mũthemba ũũ ndumaa ate ũndũ wa kũvoya na kũtĩĩa ũya.</verse>
				<verse number="22">Na yĩla mekalĩte Kalilii, Yesũ amea, Mwana wa mũndũ ethi kũnenganwe mokonĩ ma andũ;</verse>
				<verse number="23">nao makamũaa, na mũthenya wa katatũ akathayũũkw’a. Nao meew’a woo mũno.</verse>
				<verse number="24">Na mavika Kavelinaumi, ala maumasya koti wa nyunzu sekeli mathi kwa Vetelo, masya, Mũmanyĩsya wenyu ndaumasya ĩla nyunzu ya sekeli?</verse>
				<verse number="25">Asya, Ĩĩ. Na alika nyũmba, Yesũ amba ũmũkũlya, akyasya, Wĩona ata, Simoni? Asumbĩ ma nthĩ maumasya koti kana ũelo kwa aaũ? Kwa ana moo, kana kwa aenĩ?</verse>
				<verse number="26">Na asya, Kwa aeni. Yesũ amwĩa, Na ĩndĩ ana moo nĩ athasye.</verse>
				<verse number="27">Ĩndĩ, nĩ kana tuĩkese ũmalulutĩkya, enda ũkanganĩ, noyĩkya ndoano, na ĩkũyũ yĩla yĩamba ũkwatw’a yose; na wayathamũkan’ya kanyw’a, ũkoona sekeli: wose ũkamanenge kwondũ wakwa na kwondũ waku.</verse>
			</chapter>
			<chapter number="18">
				<verse number="1">Saa ũsu amanyĩw’a mooka vala ve Yesũ, makyasya, Nũũ ĩndĩ ũla mũnene ũsumbĩnĩ wa ĩtu?</verse>
				<verse number="2">Na eeta kana kanini, akaũngamya katĩ woo,</verse>
				<verse number="3">na asya, Nĩ w’o nĩngũmwĩa, Mwalea kũalyũka mwĩthĩwe ta syana nini, mũikalika nongi ũsumbĩnĩ wa ĩtu.</verse>
				<verse number="4">O ũla ĩndĩ ũkenyivya ta kana kaa kanini, ũsu nĩ mũnene ũsumbĩnĩ wa ĩtu.</verse>
				<verse number="5">Na o ũla ũkosa kana kamwe kanini kailyĩ kaa syĩtwanĩ yakwa embosa nyie:</verse>
				<verse number="6">ĩndĩ ũla ũkalulutĩkya kamwe ka tũũ tũnini tũla tũmbĩtĩkĩlaa, nĩwaĩle kwoveewa ngingo ĩvia ĩnene ya ũthia, na akĩkw’a kyũngũnĩ kya ũkanga.</verse>
				<verse number="7">Woo nĩ wa nthĩ kwondũ wa molulutĩkyo! Nũndũ molulutĩkyo maitĩa kũka; ĩndĩ woo nĩ wa mũndũ ũla ũtumaa ũlulutĩkyo wũka!</verse>
				<verse number="8">Na ethĩwa kw’oko kwaku kana kũũ kwaku nĩkũũkũlulutĩkya, kũtile, wĩkye kũasa naku: nĩ ũseo kwaku ũlike thayũnĩ na kĩthu kya kw’oko kana kya kũũ, kwĩ ũkĩkw’a wĩ na moko elĩ kana maũũ elĩ mwakinĩ wa tene na tene.</verse>
				<verse number="9">Na ethĩwa itho yaku nĩyĩũkũlulutĩkya, yumye, wĩkye kũasa naku: nĩ ũseo kwaku ũlike thayũnĩ wĩ nthongo, kwĩ ũkĩkw’a wĩ na metho elĩ nthĩnĩ wa Ngiena ya mwaki.</verse>
				<verse number="10">Sisyai mũikavũthye kamwe ka tũũ tũnini: nũndũ nĩngũmwĩa, kana alaĩka matw’o ĩtunĩ mavinda onthe monaa ũthyũ wa Asa wakwa ũla wĩ ĩtunĩ.</verse>
				<verse number="11">Nũndũ Mwana wa mũndũ nĩwokie kũtangĩĩa kĩla kyaĩte.</verse>
				<verse number="12">Mwĩona ata? Ethĩwa mũndũ o na wĩva e na malondu ĩana, na yĩmwe yamo yĩkyaa, ndeũtia ala mĩongo kenda na kenda, na akĩthi iĩmanĩ kũmantha yĩla yau?</verse>
				<verse number="13">Na ethĩwa nũnũũyona, nĩ w’o nĩngũmwĩa, nũnũũyĩtanĩa yĩu mbee wa ala mĩongo kenda na kenda mate mau.</verse>
				<verse number="14">No ta ũu ti kwenda kwa Ĩthe wenyu ũla wĩ ĩtunĩ, kamwe ka tũũ tũnini kae.</verse>
				<verse number="15">Na mwana‐a‐au akwĩka naĩ, thi, ũmwon’ye ĩvĩtyo yake wĩ nake mwĩ inyw’oka: akwĩw’a, nĩwamwona mwana‐a‐au.</verse>
				<verse number="16">Ĩndĩ alea ũkwĩw’a, osa ũngĩ ũmwe kana elĩ vamwe naku, nĩ kana kwa makanyw’a ma ngũsĩ ilĩ kana itatũ kĩla ndeto ĩlũme.</verse>
				<verse number="17">Na alea ũmew’a mo, yĩtavye ĩkanisa: na alea kwĩw’a ĩkanisa nayo, kwaku nĩethĩwe ta Mũndũ‐wambaĩ‐ingĩ na ta mumya wa koti.</verse>
				<verse number="18">Nĩ w’o nĩngũmwĩa, Maũndũ o na meva ala mũkova kũũ nthĩ makethĩwa me move ĩtunĩ; na maũndũ o na meva ala mũkathasya kũũ nthĩ makethĩwa me mathasye ĩtunĩ.</verse>
				<verse number="19">Ĩngĩ nĩngũmwĩa, ethĩwa elĩ ma inyw’ĩ makeew’ana kũũ nthĩ ũndũnĩ o na wĩva ũla makavoya, makeekwa ũndũ ũsu nĩ Asa wakwa ũla wĩ ĩtunĩ.</verse>
				<verse number="20">Nĩkwĩthĩwa vala ve elĩ kana atatũ mombene syĩtwanĩ yakwa, nyie nĩ vo katĩ woo.</verse>
				<verse number="21">Na ĩndĩ Vetelo athi, amwĩa, Mwĩaĩi, nĩ mavinda meana ata mwana‐a‐asa aimbĩka naĩ nĩmũekee? Kũvika ya mũonza?</verse>
				<verse number="22">Yesũ amwĩa, Ndiũkũtavya kũvika ya mũonza; ĩndĩ kũvika mũonza kũndũ mĩongo mũonza.</verse>
				<verse number="23">Kwondũ wa ũu ũsumbĩ wa ĩtu ũilyĩ ta mũsumbĩ ũmwe, ũla wendie ũtalo kwa ngombo syake.</verse>
				<verse number="24">Na ambĩlĩlya ũtala, aetewe ĩmwe ĩla yaĩ na thiĩ nake wa mbesa sya talendi ngili ĩkũmi.</verse>
				<verse number="25">Ĩndĩ nĩkwĩthĩwa ĩtyaĩ na kĩndũ kya ũĩva, vwana wayo eeaa ĩtewe, yo na kĩveti kyayo, na syana, na syonthe ila yaĩ nasyo, kũĩva ũla thiĩ.</verse>
				<verse number="26">Na ĩndĩ ĩla ngombo yavalũka nthĩ na yamũthaitha, ĩkyasya, Vwana, nandũa kavola, nakwa ngakũĩva syonthe.</verse>
				<verse number="27">Na vwana wa ngombo ĩsu amĩw’ĩa tei, na amĩthasya, na amĩekea ũla thiĩ.</verse>
				<verse number="28">Ĩndĩ ngombo ĩsu yaumaala, yoona ũmwe wa athũkũmi ala angĩ, ũla waĩ na thiĩ nayo wa silingi ĩana yĩmwe: amũkwata, na amũkwata mĩmeo, ĩkyasya, Ndĩva kĩla ngũũandũa.</verse>
				<verse number="29">Na ĩndĩ mũthũkũmi ũsu avalũka nthĩ na amwĩsũva, akyasya, Nandũa kavola, nakwa ngakũĩva.</verse>
				<verse number="30">Nayo ndĩaaĩtĩkĩla: ĩndĩ yathi yamwĩkĩa kolokolonĩ, mũvaka yĩla ũkaĩva ũla thiĩ.</verse>
				<verse number="31">Na ĩndĩ athũkũmi ala angĩ moona ũndũ weekwa, meew’a woo mũno, na mathi mamũtavya vwana woo w’onthe ũndũ kweekwa.</verse>
				<verse number="32">Na ĩndĩ vwana wayo amĩta kwake, na amĩtavya, We ngombo nthũku, ngũekeie thiĩ ũsu w’onthe, nũndũ nũmbĩsũvie:</verse>
				<verse number="33">naku ndwaĩlwe nĩ kũmwĩw’ĩa tei mũthũkũmi ũngĩ, tondũ nyie ngwĩw’ĩie tei?</verse>
				<verse number="34">Na vwana wayo athata, na amĩnengane kwa athĩn’ya, mũvaka yĩla ĩkaĩva thiĩ ũsu w’onthe.</verse>
				<verse number="35">Asa wakwa wa ĩtunĩ akamwĩka inyw’ĩ o ta ũu, mwalea kũekanĩa kĩla mũndũ na mwana‐a‐ĩthe kuma ngoonĩ syenyu.</verse>
			</chapter>
			<chapter number="19">
				<verse number="1">Na kweethĩwa Yesũ amina ndeto isu, auma Kalilii athi mĩvakanĩ ya Yutia, mũingo wa Yolotani;</verse>
				<verse number="2">na makomano manene mamũatĩĩa; na amavoesya ku.</verse>
				<verse number="3">Na Avalisi mooka vala ũĩ, makĩmũtata, makyasya, Nĩkwosana na ĩla mĩao mũndũ kũmũeka mũka kwondũ wa kĩla ũndũ?</verse>
				<verse number="4">Na asũngĩa, amakũlya, Mũtyaasoma kana we ũla wamombie mbee, amombie mũndũ mũũme na mũndũ mũka,</verse>
				<verse number="5">na asya, Kwondũ wa ũu mũndũ akatia ĩthe na nyinyia, na akalũman’ya na mũka wake; na me elĩ makeethĩwa mwĩĩ ũmwe?</verse>
				<verse number="6">O na matw’ĩkĩte ti elĩ ĩngĩ, ĩndĩ nĩ mwĩĩ ũmwe. Ala Ngai ũlũmanĩtye ĩndĩ, mũndũ ndakaamataan’ye.</verse>
				<verse number="7">Mamwĩa, Nĩkĩ ĩndĩ Mose weaie kũnengane valũa wa kũtaanĩsya, na kũmũeka?</verse>
				<verse number="8">Amea, Mose kwondũ wa wũmũ wa ngoo syenyu nĩwetĩkĩlile mũeke aka menyu: ĩndĩ kuma mwambĩlĩlyonĩ kũiailyĩ ũu.</verse>
				<verse number="9">Nakwa nĩngũmwĩa, O ũla ũkamũeka mũka wake, ate o kwondũ wa ũlaalai, na aitwaa ũngĩ, nũnũũlaalaa: na ũla wĩmũtwaa ũsu ũeketwe nũnũũlaalaa.</verse>
				<verse number="10">Amanyĩw’a make mamwĩa, Ethĩwa ũndũ wa mũndũ na mũka wake ũtilyĩ ũu, kũtwaana kũi vata.</verse>
				<verse number="11">Ĩndĩ we amea, Tĩ andũ onthe matonya kwosa ndeto ĩno, ĩndĩ no asu ala manengetwe.</verse>
				<verse number="12">Nũndũ kwĩ avakũe ala masyaiwe ũu kuma mavunĩ ma aanyinyia moo: na kwĩ avakũe ala mavakũiwe nĩ andũ: na kwĩ avakũe ala meevakũie kwondũ wa ũsumbĩ wa ĩtu. Ũla ũtonya kũmyosa, namyose.</verse>
				<verse number="13">Na ĩndĩ aetewe syana nini nĩ kana asilĩĩle moko, na kwivoyea: na amanyĩw’a mamakan’ya.</verse>
				<verse number="14">Ĩndĩ Yesũ asya, Iekei syana nini, na mũikaivate kũka kwakwa: nũndũ ũsumbĩ wa ĩtu nĩ wa ala mailyi ta isu.</verse>
				<verse number="15">Na asilĩĩla moko, na auma vau athi.</verse>
				<verse number="16">Na sisya, ũmwe ooka vala ũĩ amũkũlya, Mũmanyĩsya mũseo, nĩĩka ũndũ ũseo wiva nĩ kana nĩthĩwe na thayũ ũtathela?</verse>
				<verse number="17">Na amwĩa, Nĩkĩ ũũmbĩta mũseo? Ũla mũseo no Ũmwe: ĩndĩ ethĩwa nũkwenda kũvota thayũnĩ, kwata mĩao.</verse>
				<verse number="18">Nake amũkũlya, Yĩva? Na Yesũ amwĩa, Ndũkoae, Ndũkalaalae, Ndũkoye, Ndũkaneene ũkũsĩ wa ũvũngũ,</verse>
				<verse number="19">Taĩa au na mwenyu; na, Mwende mũtũi waku tondũ wĩyendete.</verse>
				<verse number="20">Ũla mwanake amwĩa, Maũndũ asu onthe nĩnĩmakwatie: nĩ ũndũ wĩva ũla ndielye?</verse>
				<verse number="21">Yesũ amwĩa, Ethĩwa nũkwenda kwĩthĩwa mwĩanĩu, thi, ũkathoosye ila wĩ nasyo, ũnenge ngya, naku ũkethĩwa na ũthwii ĩtunĩ: na ĩndĩ ũkyũka ũngatĩĩe.</verse>
				<verse number="22">Ĩndĩ ũla mwanake eew’a ndeto isu, athi na woo; nĩkwĩthĩwa aĩ na ũthwii mwingĩ.</verse>
				<verse number="23">Na Yesũ amea amanyĩw’a make, Nĩ w’o nĩngũmwĩa, Kũkeethĩwa ũndũ wĩ vinya mũndũ mũthwii kũlika ũsumbĩnĩ wa ĩtu.</verse>
				<verse number="24">Na ĩngĩ nĩngũmwĩa, Nĩ ũvũthũ ngamĩle kũvotela kalimanĩ ka singano, kwĩ mũndũ mũthwii kũvota ũsumbĩnĩ wa Ngai.</verse>
				<verse number="25">Na amanyĩw’a meew’a ũu maseng’a mũno, makyasya, Nũũ ĩndĩ ũtonya kũtangĩĩwa?</verse>
				<verse number="26">Na Yesũ amasisya, amea, Kwa andũ ũndũ ũũ ndũtonyeka; ĩndĩ kwa Ngai maũndũ onthe nĩmatonyeka.</verse>
				<verse number="27">Na ĩndĩ Vetelo asũngĩa, amwĩa, Sisya, ithyĩ nĩtũtiĩte syonthe na twakũatĩĩa; tũkosa kyaũ ĩndĩ?</verse>
				<verse number="28">Na Yesũ amea, Nĩ w’o nĩngũmwĩa, kana inyw’ĩ mũmbikĩlĩte, yĩla Mwana wa mũndũ ũkekalĩla kĩvĩla kya ũsumbĩ kya ũtheu wake mũtisu kũalyũkwanĩ kweũ, inyw’ĩ nenyu nĩmũkekalĩla ivĩla sya ũsumbĩ ĩkũmi na ilĩ, mũkĩsilĩla mbai ĩkũmi na ilĩ sya Isilaeli.</verse>
				<verse number="29">Na kĩla mũndũ ũla ũtiĩte nyũmba, kana ana‐a‐inyia, kana eĩtu‐a‐inyia, kana ĩthe, kana nyinyia, kana syana, kana mĩũnda, kwondũ wa syĩtwa yakwa, akoosaa vandũ va kĩmwe, ĩana, na akatiĩwa thayũ ũtathela.</verse>
				<verse number="30">Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.</verse>
			</chapter>
			<chapter number="20">
				<verse number="1">Nũndũ ũsumbĩ wa ĩtu ũilyĩ ta mũndũ mwene wa nyũmba, ũla waumaalile kĩoko tene kũandĩka atethya ma wĩa ma mũũnda wake wa mũsavivũ.</verse>
				<verse number="2">Na eeaanĩa na atethya ma wĩa kũmanenga mũthenya silingi ĩmwe, amatũma mũũndanĩ wake wa mĩsavivũ.</verse>
				<verse number="3">Na aumaala ta saa itatũ, na oona angĩ maũngeme kĩng’ang’anĩ mate na wĩa;</verse>
				<verse number="4">na asu amea, Nenyu endai mũũndani wa mĩsavivũ, na ngamũnenga kĩla kĩmwĩanĩe. Nao mathi.</verse>
				<verse number="5">Aumaala ĩngĩ ta syũa yaũngama na saa kenda, eeka o ta ũu.</verse>
				<verse number="6">Na ta saa ĩkũmi na ũmwe aumaala, na oona angĩ maũngeme; na amakũlya, Nĩkĩ mũũngamie vaa mũthenya mũima mũte na wĩa?</verse>
				<verse number="7">Mamwĩa, Nĩkwĩthĩwa vai mũndũ ũnatũandĩka. Amea, Endai nenyu mũũndanĩ wa mĩsavivũ.</verse>
				<verse number="8">Na kwavika wĩoo, ũla mwene wa mũũnda wa mĩsavivũ amwĩa mũũngamĩi wa kwake, Mete atethya ma wĩa, ũmanenge ĩtuvi yoo, wambĩlĩlye kuma ũla wa ĩtina kũvivika ũla wa mbee.</verse>
				<verse number="9">Na mooka ala maandĩkiwe ta saa ĩkũmi na ũmwe, manengwa kĩla mũndũ silingi ĩmwe.</verse>
				<verse number="10">Na ala ma mbee mooka, matalĩthya kana makoosa mbee; nao manengwa kĩla mũndũ silingi ĩmwe.</verse>
				<verse number="11">Na moosa, mamũnyungunyĩĩsya ũla mwene wa nyũmba,</verse>
				<verse number="12">makyasya, Aa ma ĩtina matethya wĩa saa o ũmwe, naku wameanan’ya naitũ ala tũmĩĩsye thĩna na ũvyũvu wa mũthenya mũima.</verse>
				<verse number="13">Ĩndĩ asũngĩa ũmwe woo, amwĩa, Mũnyanyawa ndinakwĩka naĩ: ndũneaanĩa nakwa silingi ĩmwe?</verse>
				<verse number="14">Osa kĩla kyaku, noithi; nĩ kwenda kwakwa kũmũnenga ũũ wa ĩtina o taku.</verse>
				<verse number="15">Kũiosana na mĩao nyie kwĩka ũndũ ngwenda na syĩndũ syakwa mwene? Kana itho yaku nĩ ĩthũku nĩkwĩthĩwa nyie nĩ mũseo?</verse>
				<verse number="16">No ta ũu ala me ĩtina makethĩwa me mbee, na ala me mbee makethĩwa me ĩtina.</verse>
				<verse number="17">Na Yesũ akyambata Yelusaleme, oosa ala amanyĩw’a ĩkũmi na elĩ nzama, na me nzĩanĩ amea,</verse>
				<verse number="18">Sisyai, nĩtũkwambata Yelusaleme; na Mwana wa mũndũ akanenganwe mokonĩ ma athembi anene na aandĩki; nao makamũsilĩla oawe,</verse>
				<verse number="19">na makamũnengane mokonĩ ma Andũ‐ma‐mbaĩ‐ingĩ mamũthekee na kĩvũthya, na kũmũvũa, na kũmwamba ngelan’yonĩ: na mũthenya wa katatũ akathayũũkw’a.</verse>
				<verse number="20">Nĩvo ĩndĩ inyia wa ana ma Sevetii wokie vala ũĩ vamwe na ana make, akĩmũthaitha, na akĩmũvoya ũndũ.</verse>
				<verse number="21">Na amũkũlya, Wĩenda kyaũ? Amwĩa, Ĩae kana ana aa elĩ makwa mekale, ũmwe ngalĩ ya kw’oko kwaku kwa aũme, na ũmwe ngalĩ ya kw’oko kwaku kwa aka, ũsumbĩnĩ waku.</verse>
				<verse number="22">Ĩndĩ Yesũ asũngĩa na asya, Mũiĩsĩ ũndũ mũũvoya. Nĩmũtonya kũnyw’a kĩkombe kĩla ngilĩlye ũnyw’a? Mamwĩa, Nĩtũtonya.</verse>
				<verse number="23">Amea, Kĩkombe kyakwa nĩ w’o mũkakĩnyw’a: ĩndĩ kwĩkala ngalĩ ya kw’oko kwakwa kwa aũme, na ngalĩ ya kw’oko kwakwa kwa aka, ti ũndũ wakwa kũnengane, ĩndĩ nĩmakanengwa ala maseũvĩw’e nĩ Asa wakwa.</verse>
				<verse number="24">Na ala ĩkũmi meew’a ũu, mamathatĩa asu elĩ ma inyia ũmwe.</verse>
				<verse number="25">Ĩndĩ Yesũ ameta moke vala ũĩ, na asya, Nĩmwĩsĩ kana asumbĩ ma Andũ‐ma‐mbaĩ‐ingĩ masumbĩkaa ĩũlũ woo, na anene moo nĩmameaĩaa.</verse>
				<verse number="26">Kũikethĩwe ũu katĩ wenyu: ĩndĩ o ũla ũkwenda kwĩthĩwa mũnene katĩ wenyu akeethĩwa e mũthũkũmi wenyu;</verse>
				<verse number="27">na o ũla ũkwenda kwĩthĩwa wa mbee katĩ wenyu akeethĩwa ngombo yenyu:</verse>
				<verse number="28">o tondũ Mwana wa mũndũ ndaaũka kũthũkũmwa, ĩndĩ nĩ kũthũkũma, na kũnengane thayũ wake wĩthĩwe wovosyo kwondũ wa aingĩ.</verse>
				<verse number="29">Na makyuma Yeliko ĩkomano ĩnene yamũatĩĩa.</verse>
				<verse number="30">Na sisya, andu elĩ ililinda mekalĩte ũtee wa nzĩa, nao meew’a kana Yesũ nũvĩtĩte, maneena na mawasya manene, makyasya, Mwĩaĩi, twĩw’ĩe tei, we mwana wa Ndaviti.</verse>
				<verse number="31">Na ĩkomano yamakan’ya nĩ kana mavindye: ĩndĩ maneena mũno mbee, makyasya, Mwĩaĩi, twĩw’ĩe tei, we mwana wa Ndaviti.</verse>
				<verse number="32">Na Yesũ aũngama, ameta, na asya, Mwĩenda nĩmwĩke ata?</verse>
				<verse number="33">Mamwĩa, Mwĩaĩi, twĩenda metho maitũ masalukw’e.</verse>
				<verse number="34">Na Yesũ, nũndũ wa kũmew’ĩa tei, amakiita metho; na oyu manengwa kwona, na mamũatĩĩa.</verse>
			</chapter>
			<chapter number="21">
				<verse number="1">Na yĩla mathengeeie Yelusaleme, na mavika Vethivake, kĩĩmanĩ kya Mĩthata, nĩvo Yesũ watũmie amanyĩw’a elĩ,</verse>
				<verse number="2">aimea, Endai mũsyĩ ũla ũmwelekele, na kavinda o kau nĩmũkwona ĩng’oi yovetwe, na ndena nayo: thasyai, mũndetee.</verse>
				<verse number="3">Na ethĩwa mũndũ o na wĩva akamwĩa ũndũ, asyai, Mwĩaĩi e vata nayo; na oyu nũnũũmũnenga yo.</verse>
				<verse number="4">Na ũu weethĩĩwe, nĩ kana kwĩanĩw’e ũla waneeniwe nĩ mwathani, akyasya,</verse>
				<verse number="5">Mũtavyei mwĩĩtu wa Saioni, Sisya Mũsumbĩ waku nĩwũkĩte kwaku, Nĩ mũuu, atũlĩte ĩng’oi, O ndena, ndena ya ĩng’oi.</verse>
				<verse number="6">Na ala amanyĩw’a mathi, meeka o tondũ Yesũ ũmeaĩe,</verse>
				<verse number="7">na maete ĩng’oi, na ndena, na mamailĩĩla ngũa syoo; na asyĩkalĩla.</verse>
				<verse number="8">Na ala aingĩ ma ĩkomano yĩu malan’ya ngũa syoo nzĩanĩ; na angĩ matema tũũvonge twa mĩtĩ, malan’ya nzĩanĩ.</verse>
				<verse number="9">Na makomano ala maendie mbee wake, na ala mamũatĩĩe, mookĩlya wasya mũnene, makyasya, Hosana, mwana wa Ndaviti: nĩ mũathime ũla wũkĩte syĩtwanĩ ya Mwĩaĩi; Hosana, ku ĩũlũ mũno.</verse>
				<verse number="10">Na alika Yelusaleme, ndũa yonthe yavũavũana, ĩkyasya, Ũũ nũũ?</verse>
				<verse number="11">Na ala makomano masya, Ũũ nĩwe Yesũ, ũla mwathani wa Nasaleti ya Kalilii.</verse>
				<verse number="12">Na Yesũ avota ĩkalũnĩ ya Ngai, amakuthũa onthe ala mathooasya na kũthooa ĩkalũnĩ, na ang’uthũlanga mesa sya ala meũvunzya mbesa, na ivĩla sya ala meũthoosya mavũĩ;</verse>
				<verse number="13">na amea, Nĩkũandĩkĩtwe, Nyũmba yakwa ĩkeetwa nyũmba ya kũvoyea: ĩndĩ inyw’ĩ mwĩmĩtw’a ngunga ya avutani.</verse>
				<verse number="14">Na ililinda na ala mathuaa mooka vala ũĩ ĩkalũnĩ; na amavosya.</verse>
				<verse number="15">Ĩndĩ athembi anene na aandĩki moona moseng’yo ala weka, na syana iineena na wasya mũnene ĩkalũnĩ, ikyasya, Hosana, mwana wa Ndaviti; mathata,</verse>
				<verse number="16">na mamwĩa, Nũkwĩw’a ũndũ aa mekwasya? Na Yesũ amea, Ĩĩ: mũtyaamba ũsoma, Kuma makanyw’anĩ ma syana na tũũkenge ndaĩa nĩyeanĩie?</verse>
				<verse number="17">Na amatia, na auma ndũanĩ ĩsu athi Vethania, na akoma kw’o.</verse>
				<verse number="18">Na kĩoko asyokete ĩla ndũanĩ, eew’a nzaa.</verse>
				<verse number="19">Na oona mũkũyũ ũtee wa nzĩa, athi vo, na eethĩa ndwĩ kĩndũ ate o matũ mathei; na awĩa, Kũikethĩwe ũsyao kwaku kuma yu o na tene na tene. Na oyu ũla mũkũyũ wooma.</verse>
				<verse number="20">Na ala amanyĩw’a moona ũu, maseng’a, makyasya, Mũkũyũ ũũ wooma ata oyuyu?</verse>
				<verse number="21">Na Yesũ asũngĩa, amea, Nĩ w’o nĩngũmwĩa, Ethĩwa mwĩ na mũĩkĩĩo, na mũikethĩwa na nzika, mũikeka ũndũ ũũ wa mũkũyũ w’oka, ĩndĩ o na ethĩwa mũkatavya kĩĩma kĩĩ, Kuwa nokĩkw’a ũkanganĩ, ũkeekwa.</verse>
				<verse number="22">Na maũndũ onthe, o ala mũketya mũkĩvoya, mũkĩtĩkĩla, mũkoosa.</verse>
				<verse number="23">Na avota ĩkalũnĩ, athembi anene na atumĩa ma andũ mooka vala ũĩ akĩmanyĩsya, na masya, Wĩkaa maũndũ aa na ũkũmũ wĩva? Na nũũ ũla ũkũnengete ũkũmũ ũũ?</verse>
				<verse number="24">Na Yesũ asũngĩa na amea, Nakwa nĩngũmũkũlya ũkũlyo ũmwe, na mwandavya, nakwa nĩngũmũtavya ũkũmũ ũla ũtumaa nĩka maũndũ aa.</verse>
				<verse number="25">Ũvatisi wa Yoana waumie va? Waumie ĩtunĩ kana waumie andũnĩ? Na masũanĩa ene kwa ene, makyasya, Ethĩwa nĩtũkwasya, Waumie ĩtunĩ; etwĩa, Nĩkĩ ĩndi mũtaamwĩtĩkĩla?</verse>
				<verse number="26">Ĩndĩ ethĩwa nĩtũkwasya, Waumie andũnĩ; nĩtũũkĩa ĩkomano; nũndũ andũ onthe nĩmeesĩ Yoana nĩ mwathani.</verse>
				<verse number="27">Na mamũsũngĩa Yesũ, masya, Tũtyĩsĩ. Nake amea, O nakwa ndimũtavya ũkũmũ ũla ũtumaa nĩka maũndũ aa.</verse>
				<verse number="28">Ĩndĩ mwĩona ata? Mũndũ ũmwe aĩ na ana elĩ; na athi vala ve ũla wa mbee, na asya, Mwana wakwa, thi ũmũnthĩ ũkatethye wĩa mũũndanĩ wa mĩsavivũ.</verse>
				<verse number="29">Na asũngĩa, asya, Ndithi: ĩndĩ ĩtina eelila, na athi.</verse>
				<verse number="30">Na athi vala ve ũla wa kelĩ, na asya o ta ũu. Nake asũngĩa, asya, Nĩngũthi vwana: na ndaathi.</verse>
				<verse number="31">Nĩ wĩva wa asu elĩ ũla wekie kwenda kwa ĩthe wake? Masya, Nĩ ũla wa mbee. Yesũ amea, Nĩ w’o nĩngũmwĩa, kana aumya ma koti na malwaya nĩmavotaa ũsumbĩnĩ wa Ngai mbee wenyu.</verse>
				<verse number="32">Nũndũ Yoana nĩwokie kwenyu na nzĩa ya ũlũngalu, na mũtyaamwĩtĩkĩla; ĩndĩ aumya ma koti na malwaya nĩmamwĩtĩkĩlile: nenyu mwoona ũu, o na ĩtina mũtyaaĩlila, nĩ kana mũmwĩtĩkĩle.</verse>
				<verse number="33">Ĩthukĩĩsyei ngelekan’yo ĩngĩ: Kwaĩ mũndũ mwene wa nyũmba, nake avandie mũũnda wa mĩsavivũ, na oothyũlũlũkya wiio, enza katĩ waw’o ĩima ya ũangĩa nzavivũ, na aaka mwako mũtũlu wa mũnyoolo, na oonenga aĩmi mamũĩmĩe, nake athi ũeni nthĩ ĩngĩ.</verse>
				<verse number="34">Na ĩvinda ya ũsyao, yathengeea, atũma ngombo syake kwa ala aĩmi, inengwe mosyao maw’o.</verse>
				<verse number="35">Na ala aĩmi makwata ngombo syake, na ĩmwe mamĩkũna, na ĩngĩ mamyũaa, na ĩngĩ mamĩkimanga na mavia.</verse>
				<verse number="36">Na atũma ĩngĩ ngombo ingĩ mbingĩ kwĩ ila sya mbee; na masyĩka o ta ũu.</verse>
				<verse number="37">Ĩndĩ ĩtina atũma mwana wake kwoo, akyasya, Makamũtaĩa mwana wakwa.</verse>
				<verse number="38">Ĩndĩ aĩmi moona ũla mwana, masya ene kwa ene, Ũũ nĩwe mũtiĩwa; ũkai tũmũae, twose ũtiĩwa wake.</verse>
				<verse number="39">Na mamũkwata, mamwĩkya ũtee wa mũũnda wa mĩsavivũ, na mamũaa.</verse>
				<verse number="40">Yĩla ĩndĩ mwene wa mũũnda wa mĩsavivũ ũkoka, akameka ata aĩmi asu?</verse>
				<verse number="41">Mamwĩa, Akamananga naĩ andũ asu athũku, na akanenga aĩmi angĩ mũũnda ũsu wa mĩsavivũ, ala makamũnenga mosyao ĩvindanĩ yamo.</verse>
				<verse number="42">Yesũ amea, Mũtyaamba ũsoma maandĩkonĩ, Ĩvia yĩla yaleilwe nĩ aki, Yĩu yatw’ĩkie yĩla ĩnene ya kĩkotonĩ; Ũu nĩwaumie kwa Mwĩaĩi, Naw’o nĩ ũseng’yo methonĩ maitũ?</verse>
				<verse number="43">Kwondũ wa ũu nĩngũmwĩa, Ũsumbĩ wa Ngai ũkaumw’a kwenyu, na ũkanengwa mbaĩ ĩsyaaa mosyao maw’o.</verse>
				<verse number="44">Na ũla wĩvalũka ĩũlũ wa ĩvia yĩĩ akavevenzeka: ĩndĩ o ũla yĩmũvalũkĩla, akatumbatumbĩka anyaĩĩke ta kĩtoo.</verse>
				<verse number="45">Na athembi anene na Avalisi meew’a ngelekan’yo syake, mamanya kana nĩmo meũwetwa.</verse>
				<verse number="46">Na makĩmantha kũmũkwata, makĩa makomano, nĩkwĩthĩwa mamwonaa e mwathani.</verse>
			</chapter>
			<chapter number="22">
				<verse number="1">Na Yesũ asũngĩa na aneena nao ĩngĩ na ngelekan’yo, akyasya,</verse>
				<verse number="2">Ũsumbĩ wa ĩtu ũilyĩ ta mũsumbĩ ũmwe, ũla wamũvokee mwana wake mboka ya mũtwaano,</verse>
				<verse number="3">na atũma ngombo syake kũmeta ala metĩtwe mbokanĩ ya mũtwaano moke: nao malea kũka.</verse>
				<verse number="4">Atũma ĩngĩ ngombo ingĩ, akyasya, Matavyei ala metĩtwe, Sisyai, nĩnzeũvisye mboka yakwa: ndewa syakwa na indo syakwa nou nĩsyũaiwe, na syĩndũ syonthe nĩsyũmbanĩtw’e: ũkai mbokanĩ ya mũtwaano.</verse>
				<verse number="5">Ĩndĩ malea kwona ta ũndũ, na meeendea, ũmwe mũũndanĩ wake, ũngĩ ũtandĩthyonĩ wake;</verse>
				<verse number="6">na ala matialile makwata ngombo syake, masyĩka naĩ, na masyũaa.</verse>
				<verse number="7">Ĩndĩ ũla mũsumbĩ athata; atũma ita syake, na aananga oaani asu, na avĩvya ndũa yoo.</verse>
				<verse number="8">Na ĩndĩ aitavya ngombo syake, Mboka ya mũtwaano nĩ nzeũvye, ĩndĩ ala meĩtĩtwe mainaĩla.</verse>
				<verse number="9">Endai ĩndĩ mataanĩsyonĩ ma malelũ, na onthe ala mũkwona, metei moke mũtwaanonĩ.</verse>
				<verse number="10">Na ngombo isu syaumaala syathi malelũnĩ, na syoomban’ya onthe ala syoonie, ala athũku o na ala aseo: na mũtwaano wausũa aeni.</verse>
				<verse number="11">Ĩndĩ ũla mũsumbĩ avota nthĩnĩ kũsisya aeni, oonie mũndũ vo ũtekĩĩte ngũa ya mũtwaano:</verse>
				<verse number="12">na amũkũlya, Mũnyanyawa, ũlikile vaa ata, naku ndwĩ na ngũa ya mũtwaano? Nake avindya ki.</verse>
				<verse number="13">Nĩvo ĩndĩ mũsumbĩ wameie athũkũmi, Mwovei moko na maũũ, mũmwĩkye kĩvindunĩ nza; vo vakethĩwa kĩĩo na kũvevetan’ya maeo.</verse>
				<verse number="14">Nĩkwĩthĩwa nĩ aingĩ ala metawa, ĩndĩ ala anyuve nĩ avũthũ.</verse>
				<verse number="15">Nĩvo ĩndĩ Avalisi maendie masũanĩa ũndũ matonya kũmũtea ndetonĩ syake.</verse>
				<verse number="16">Na matũma amanyĩw’a moo kwake, vamwe na ala ma Elote, makyasya, Mũmanyĩsya, nĩtwĩsĩ kana wĩ wa w’o, na nzĩa ya Ngai nũmanyĩasya w’o, na ndũkĩaa mũndũ o na wĩva: nũndũ ndũsiasya ũthyũ wa mũndũ.</verse>
				<verse number="17">Tũtavye ĩndĩ, Wĩona ata? Nĩkwosana na ĩla mĩao kũnenga Kaisali koti, kana ti w’o?</verse>
				<verse number="18">Ĩndĩ Yesũ amanya ũthũku woo, na asya, Nĩkĩ mũũndata, inyw’ĩ angangan’ya?</verse>
				<verse number="19">Mbon’yai mbesa ya koti. Na mamũetee silingi.</verse>
				<verse number="20">Na amea, Mũvw’ano ũũ na ũandĩko ũũ nĩ waũ?</verse>
				<verse number="21">Mamwĩa, Nĩ wa Kaisali. Na ĩndĩ amea, Mũnengei Kaisali syĩndũ sya Kaisali; na Ngai syĩndũ sya Ngai.</verse>
				<verse number="22">Na meew’a ũu, maseng’a, na mamũeka, mathi.</verse>
				<verse number="23">Mũthenya ũsu Asatukai mooka vala ũĩ, ala maasya kana kũi ũthayũũkyo; na mamũkũlya,</verse>
				<verse number="24">makyasya, Mũmanyĩsya, Mose nĩwaisye, Mũndũ akw’a ate na syana, mwana‐a‐inyia wake namwose mũka wake, amũũngamĩsye mwana‐a‐inyia mbeũ.</verse>
				<verse number="25">Yu ĩndĩ kwitũ kwaĩ aũme mũonza ma inyia ũmwe: na ũla wa mbee atwaa mũka na akw’a, na nĩkwĩthĩwa ndaĩ na mbeũ amũtiĩa mwana‐a‐inyia mũka wake;</verse>
				<verse number="26">no ta ũu ũla wa kelĩ nake, na wa katatũ, kũvika onthe me mũonza.</verse>
				<verse number="27">Na ĩtina wa onthe ũla mũndũ mũka akw’a.</verse>
				<verse number="28">Ũthayũũkyonĩ ĩndĩ akethĩwa e mũka wa wiva wa asu mũonza? Nũndũ onthe maĩ nake.</verse>
				<verse number="29">Ĩndĩ Yesũ asũngĩa na amea, Nĩmũkũvĩtya, nĩkwĩthĩwa mũtyĩsĩ maandĩko, o na vinya wa Ngai.</verse>
				<verse number="30">Nũndũ ũthayũũkyonĩ maitwaanaa, o na maitwaawa, ĩndĩ mailyĩ ta alaĩka ala me ĩtunĩ.</verse>
				<verse number="31">Ĩndĩ ũndũ wa ũthayũũkyo wa akw’ũ, mũtyaasoma ũndũ mwataviwe. Nĩ Ngai, akyasya,</verse>
				<verse number="32">Nyie nĩ Ngai wa Avalaamu, na Ngai wa Isaka, na Ngai wa Yakovo? Ngai ti Ngai wa ala akw’ũ, ĩndĩ nĩ wa ala me thayũ.</verse>
				<verse number="33">Na makomano meew’a ũu, maseng’w’a nĩ ũmanyĩsyo wake.</verse>
				<verse number="34">Ĩndĩ Avalisi meew’a kana nĩwakilĩthya Asatukai, meeyũmban’ya vamwe.</verse>
				<verse number="35">Na ũmwe woo, mũmanyĩsya wa mĩao, amũkũlya aimũtata:</verse>
				<verse number="36">Mũmanyĩsya, mĩaonĩ, mwĩao ũla mũnene nĩ wĩva?</verse>
				<verse number="37">Na amwĩa Mwende Mwĩaĩi Ngai waku na ngoo yaku yonthe, na thayũ waku w’onthe, na kĩlĩko kyaku kyonthe.</verse>
				<verse number="38">Ũu nĩw’o mwĩao ũla mũnene na wa mbee.</verse>
				<verse number="39">Na wa kelĩ ũvw’anene naw’o, nĩw’o ũũ, Mwende mũtũi waku o tondũ wĩyendete.</verse>
				<verse number="40">Mĩao ĩsu ĩlĩ nĩyũmbanĩtye ĩla mĩao yonthe na athani.</verse>
				<verse number="41">Na Avalisi mombene, Yesũ amakũlya,</verse>
				<verse number="42">asya, Mwĩona ata inyw’ĩ ũndũ wa Klĩsto? Nĩ mwana waũ? Mamwĩa, Nĩ wa Ndaviti.</verse>
				<verse number="43">Amea, Kũilyĩ ata ĩndĩ, Ndaviti e Vevanĩ kũmwĩta Mwĩaĩi, akyasya,</verse>
				<verse number="44">Mwĩaĩi amwĩie Mwĩaĩi wakwa, Ĩkala nthĩ ngalĩ ya kw’oko kwakwa kwa aũme, Mũvaka nie amaitha maku ungu wa nyaĩĩ syaku?</verse>
				<verse number="45">Ethĩwa ĩndĩ Ndaviti emwĩta Mwĩaĩi, nĩ mwana wake ata?</verse>
				<verse number="46">Na vai ũmwe waatonya kũmũsũngĩa ndeto, o na kuma mũthenya ũsu vai mũndũ waatata kũmũkũlya ũndũ ĩngĩ.</verse>
			</chapter>
			<chapter number="23">
				<verse number="1">Na ĩndĩ Yesũ aneena na ala makomano na amanyĩw’a make,</verse>
				<verse number="2">akyasya, Aandĩki na Avalisi nĩmekalĩte kĩvĩlanĩ kya Mose:</verse>
				<verse number="3">maũndũ onthe ĩndĩ o na meva ala mamwĩaĩaa, kwatai na kũmeka: ĩndĩ mĩkĩle yoo mũikamĩke; nũndũ nĩmaneenaa na matyĩkaa.</verse>
				<verse number="4">Ĩĩ, nĩmovaa mĩio mĩito ĩtakuĩka, na makĩmaĩkya andũ ituonĩ; ĩndĩ mo ene matyĩtĩkĩla kũmyũkĩlya na kyaa kyoo.</verse>
				<verse number="5">Ĩndĩ mawĩa moo onthe mekaa nĩ kana moneke nĩ andũ: nũndũ mathanthaasya iawa syoo, na manenevasya ndiivo sya ngũa syoo,</verse>
				<verse number="6">na nĩmendaa vandũ va mbee mbokanĩ, na ivĩla sya mbee masinakokenĩ,</verse>
				<verse number="7">na kũkethw’a ing’ang’anĩ, na kwĩtwa Lavai nĩ andũ.</verse>
				<verse number="8">Ĩndĩ inyw’ĩ mũiketwe Lavai: nũndũ mũmanyĩsya wenyu nĩ ũmwe, na inyw’onthe mwĩ ana ma ĩthe ũmwe.</verse>
				<verse number="9">Na mũikamwĩte mũndũ o na wĩva ĩthe wenyu kũũ nthĩ: nũndũ Ĩthe wenyu nĩ ũmwe, ũla wĩ ĩtunĩ.</verse>
				<verse number="10">O na mũiketwe eaĩi: nũndũ mwĩaĩi wenyu nĩ ũmwe, nĩwe Klisto.</verse>
				<verse number="11">Ĩndĩ ũla mũnene mbee katĩ wenyu akeethĩwa e mũthũkũmi wenyu.</verse>
				<verse number="12">Na o ũla ũkenenevya akanyiaw’a; na o ũla ũkenyivya akanenevw’a.</verse>
				<verse number="13">Ĩndĩ woo nĩ wenyu, aandĩki na Avalisi, angangan’ya! Nĩkwĩthĩwa nĩmũmavingĩaa andũ ũsumbĩ wa ĩtu: nũndũ inyw’ĩ ene mũtĩũvota, o na mũtiũmaeka ala meũvota, mavote.</verse>
				<verse number="14">Woo nĩ wenyu, aandĩki na Avalisi, angangan’ya! Nĩkwĩthĩwa nĩmũĩsaa nyũmba sya aka ndiwa, na nũndũ wa ũkengani nĩmũasavasya mboya: kwondũ wa ũu mũkona ũsilĩlo mũnene mbee.</verse>
				<verse number="15">Woo nĩ wenyu, aandĩki na Avalisi, angangan’ya! Nĩkwĩthĩwa mũthyũlũlũkaa ũkanga na nthĩ nĩ kana mwone mũvikĩli ũmwe; na ooneka, nĩmũũmũtw’ĩkĩthya mwana wa Ngiena kũthonoka inyw’ĩ ene kũndũ kwĩlĩ.</verse>
				<verse number="16">Woo nĩ wenyu, inyw’ĩ atongoi mũte metho, ala mwaasya, O ũla ũkevĩta na ĩkalũ, ti kĩndũ; ĩndĩ o ũla ũkevĩta na thaavu wa ĩkalũ, nĩwe wĩ na thiĩ.</verse>
				<verse number="17">Inyw’ĩ ndia na ililinda: nũndũ kĩla kĩnene nĩ kĩva, thaavu kana ĩkalũ yĩla yĩtheasya thaavu?</verse>
				<verse number="18">Na, O ũla ũkevĩta na kĩthembeo, ti kĩndũ; ĩndĩ o ũla ũkevĩta na nthembo ĩla yĩ ĩũlũ wakyo, nĩwe wĩ na thiĩ.</verse>
				<verse number="19">Inyw’ĩ ililinda: nũndũ kĩla kĩnene nĩ kĩva, nthembo, kana kĩthembeo kĩla kĩtheasya nthembo?</verse>
				<verse number="20">We ĩndĩ ũla wĩvĩtaa na kĩthembeo, nĩwĩvĩtaa nakyo, na syĩndũ syonthe ila syĩ ĩũlũ wakyo.</verse>
				<verse number="21">Na ũla wĩvĩtaa na ĩkalũ, nĩwĩvĩtaa nayo, na kwa ũla wĩkalaa nthĩnĩ wayo.</verse>
				<verse number="22">Na ũla wĩvĩtaa na ĩtu nĩwĩvĩtaa na kĩvĩla kya ũsumbĩ kya Ngai na kwa ũla ũkĩkalĩlaa.</verse>
				<verse number="23">Woo nĩ wenyu, aandĩki na Avalisi, angangan’ya! Nĩkwĩthĩwa nĩmumasya kĩlungu kya ĩkũmi kya mindi na anisi na kumini, na mũitia mũtekĩte maũndũ ala manene ma ĩla mĩao, ũsili wa katĩ, na tei, na mũĩkĩĩo: ĩndĩ asu nĩmwaĩlwe nĩ kũmeka, na ti kũtia asu angĩ mũtamekĩte.</verse>
				<verse number="24">Inyw’ĩ atongoi mũte metho, ala mũkelaa ũmuu, na mũimelya ngamĩle!</verse>
				<verse number="25">Woo nĩ wenyu, aandĩki na Avalisi, angangan’ya! Nĩkwĩthĩwa mũtheasya kĩkombe na ĩsaani ĩũlũ, ĩndĩ nthĩnĩ syusĩe ũvutani na wendi mũthonoku.</verse>
				<verse number="26">We Mũvalisi ũte metho, amba ũthesya nthĩnĩ wa kĩkombe na wa ĩsaani, nĩ kana yĩthĩwe yĩ ĩtheu ngalĩ ya ĩũlũ nayo.</verse>
				<verse number="27">Woo nĩ wenyu, aandĩki na Avalisi, angangan’ya! Nĩkwĩthĩwa mũilyĩ ta mbũa ivakĩtwe sokaa, ila syonekaa syĩ nzeo kũũ ĩũlũ, ĩndĩ nthĩnĩ syusĩe mavĩndĩ ma akw’ũ, na ũvuku w’onthe.</verse>
				<verse number="28">No ta ũu inyw’ĩ nenyu kũũ ĩũlũ mwonekaa nĩ andũ mwĩ alũngalu, ĩndĩ nthĩnĩ musũĩte wangangan’yo na ũthũku.</verse>
				<verse number="29">Woo nĩ wenyu, aandĩki na Avalisi, angangan’ya! Nĩkwĩthĩwa nĩmwakaa mbũa sya athani, na kwanakavya mbũa sya ala alũngalu,</verse>
				<verse number="30">na mũkyasya, Kethĩwa ithyĩ twaĩ kw’o ĩvinda ya aasa maitũ, tũiĩthĩwa twaĩ na mũamba nao nthakamenĩ ya athani.</verse>
				<verse number="31">Kwondũ wa ũu nĩmwĩkũsĩĩĩte, kana inyw’ĩ mwĩ ana ma ala mooaie athani.</verse>
				<verse number="32">Usũsyai ĩndĩ kĩthimi kya aaĩthe menyu.</verse>
				<verse number="33">Inyw’ĩ nzoka, ũsyao wa syĩko, mũkakĩa ata ũsilĩlo wa Ngiena?</verse>
				<verse number="34">Kwondũ wa ũu, sisyai, nyie nĩngũtũma kwenyu athani na andũ oĩ, na aandĩki: amwe moo mũkamoaa na kũmamba ngelan’yonĩ; na amwe moo mũkamavũĩa masinakokenĩ menyu, na kũmalũngya ndũa na ndũa:</verse>
				<verse number="35">nĩ kana yũke ĩũlũ wenyu nthakame yonthe ya alũngalu ĩla yetĩkie kũũ nthĩ, kuma nthakame ya Aveli ũla mũlũngalu kũvika nthakame ya Nzakalia mwana wa Valakia, ũla mwooaĩe katĩ wa vala vandũ vatheu na kĩthembeo.</verse>
				<verse number="36">Nĩ w’o nĩngũmwĩa, Maũndũ aa onthe makavikĩa ũsyao ũũ.</verse>
				<verse number="37">We Yelusaleme, Yelusaleme ũla wũaa athani, na kũmakimanga na mavia ala matũmiwe kwaku! Nĩ mavinda meana nendie kũmban’ya vamwe syana syaku, o ũndũ ngũkũ yũmbanasya tũswii twayo vamwe nthwaunĩ syayo, nenyu mũtyaaĩtĩkĩla!</verse>
				<verse number="38">Sisyai, nyũmba yenyu nĩtiĩtwe yĩ nthei.</verse>
				<verse number="39">Nũndũ nĩngũmwĩa, Mũikambona ĩngĩ nongi, mũvaka yĩla mũkasya, Nĩ mũathime ũla wũkĩte syĩtwanĩ ya Mwĩaĩi.</verse>
			</chapter>
			<chapter number="24">
				<verse number="1">Na Yesũ auma ĩkalũnĩ, na e nzĩanĩ aendete; na amanyĩw’a make mooka vala ũĩ nĩ kana mamwon’ye myako ya ĩkalũ.</verse>
				<verse number="2">Ĩndĩ asũngĩa, amea, Mũtikwona syĩndũ ii syonthe? Nĩ w’o nĩngũmwĩa, Vaa vaikatiwa ĩvia ĩũlũ wa yĩngĩ, yĩla yĩtakaombowa.</verse>
				<verse number="3">Na ekalĩte kĩĩmanĩ kya Mĩthata, amanyĩw’a mooka vala ũĩ nzama, makyasya, Tũtavye, maũndũ asu makethĩwa indĩĩ? Na wonan’yo nĩ wĩva wa kũka kwaku, na wa wĩanĩu wa ĩvinda yĩĩ?</verse>
				<verse number="4">Na Yesũ asũngĩa, amea, Ĩsũvĩei mũndũ ndakamwasye</verse>
				<verse number="5">Nũndũ aingĩ makooka na syĩtwa yakwa, makyasya, Ninyie Klĩsto; na makamasya aingĩ.</verse>
				<verse number="6">Na mũkeew’a ũvoo wa makaũ na mawetango ma makaũ; sisyai mũikaũũye: nũndũ maũndũ asu mati ndĩi ya ũlea kwĩkĩka; ĩndĩ mũminũkĩlyo ndũnamba ũvika.</verse>
				<verse number="7">Nũndũ mbaĩ ĩkookĩlĩla mbaĩ, na ũsumbĩ ũkookĩlĩla ũsumbĩ; na kũkeethĩwa mayũa na itetemo sya nthĩ kũũ na kũũ.</verse>
				<verse number="8">Ĩndĩ maũndũ asu onthe nĩ wambĩlĩlyo wa woo.</verse>
				<verse number="9">Nĩvo makamũnengane thĩnanĩ, na makamũaa; na mũkeethĩwa mũmenetwe nĩ mbaĩ syonthe kwondũ wa syĩtwa yakwa.</verse>
				<verse number="10">Nĩvo aingĩ makalulutĩka, na makenengane ene kwa ene amaithanĩ, na makamenana.</verse>
				<verse number="11">Na athani aingĩ ma ũvũngũ makookĩla, na makamasya aingĩ.</verse>
				<verse number="12">Na kwondũ wa ũthũku kwingĩva, wendo wa aingĩ ũkavoa.</verse>
				<verse number="13">Ĩndĩ ũla ũkomĩĩsya kũvika mũminũkĩlyo, ũsu akatangĩĩwa.</verse>
				<verse number="14">Na ũvoo ũũ mũseo wa ũsumbĩ ũkatavanw’a nthĩ yonthe wĩthĩwe ũkũsĩ kwa mbaĩ syonthe; na ĩndĩ mũminũkĩlyo ũkyũka.</verse>
				<verse number="15">Yĩla ĩndĩ mwĩona ũthatyo ũla wanangaa, ũla wawetiwe nĩ mwathani Ndanieli, ũũngeme vala vandũ vatheu (ũla ũsomaa namanye),</verse>
				<verse number="16">nĩvo ala me Yutia makĩe mathi iĩmanĩ:</verse>
				<verse number="17">na ũla wĩ ĩũlũ wa nyũmba ndakatheee aumye syĩndũ ila syĩ nyũmbanĩ kwake:</verse>
				<verse number="18">na ũla wĩ mũũndanĩ ndakasyoke ose ngũa yake ya ĩũlũ.</verse>
				<verse number="19">Ĩndĩ woo nĩ wa ala aito na ala mekwongya mĩthenya ĩsu!</verse>
				<verse number="20">Na voyai kũkĩa kwenyu kũikethĩwe ĩvinda ya mbevo, kana mũthenya wa savato:</verse>
				<verse number="21">nũndũ ĩvinda yĩu kũkethĩwa thĩna mũnene, ũndũ ũtaaĩthĩwa kuma mwambĩlĩlyo wa nthĩ kũvika yu, o na kũikethĩwa ũngĩ nongi.</verse>
				<verse number="22">Na kethĩwa matukũ asu matyaakuvĩvw’a, kũivĩta mwĩĩ o na wĩva: ĩndĩ kwondũ wa ala anyuve matukũ asu makakuvĩvw’a.</verse>
				<verse number="23">Na ĩvinda yĩu ethĩwa mũndũ o na wĩva akakwĩa, Sisya, Klĩsto e vaa, kana, e vaya; mũtiketĩkĩle.</verse>
				<verse number="24">Nũndũ makookĩla Maklĩsto ma ũvũngũ, na athani ma ũvũngũ, na makoonan’ya syama nene na moseng’yo; nĩ kana masye, o na anyuve, ethĩwa ũu nũtonyeka.</verse>
				<verse number="25">Sisyai, nĩnamũtavya inyw’ĩ mbee.</verse>
				<verse number="26">Ethĩwa ĩndĩ makamwĩa, Sisyai, e weũnĩ; mũikaumaale: Sisyai, e nyũmbanĩ sya nthĩnĩ; mũiketĩkĩle.</verse>
				<verse number="27">Nũndũ o ũndũ ũtisi ũtisaa wumĩlonĩ wa syũa, nokyoneka kũvika ũthũĩlonĩ; o ta ũu kũkeethĩwa kũka kwa Mwana wa mũndũ.</verse>
				<verse number="28">O vala vethĩawa kimba, nĩvo ndei syũmbanĩaa.</verse>
				<verse number="29">Ĩndĩ ĩtina wa thĩna wa matukũ asu, kavinda o kau, syũa yĩkĩya kĩvindu, na mwei ũilea kumya kyeni kyaw’o, na ndata ikĩvalũka kuma ĩtunĩ, na mavinya na matu makĩthingithangw’a:</verse>
				<verse number="30">na ĩndĩ kũkyoneka wonan’yo wa Mwana wa mũndũ ĩtunĩ: na ĩndĩ mbaĩ syonthe sya nthĩ ikameta, na makoona Mwana wa mũndũ okĩte ĩũlũ wa mathweo ma ĩtu na vinya na ũtheu mũnene mũtisu.</verse>
				<verse number="31">Nake akatũma alaĩka make na wasya mũnene wa soo, nao makoomban’ya ala anyuve make kuma ngalĩ inya sya iseve, kuma itulunĩ sya matu kũvika itulunĩ ila ingĩ syamo.</verse>
				<verse number="32">Na ĩndĩ ĩmanyĩsyei ngelekan’yo ya mũkũyũ: mbonge syololoa, na syathongoosya wenze, nĩmwĩsĩ kana mũniino nũthengeee;</verse>
				<verse number="33">no ta ũu nenyu, mũkyona maũndũ asu onthe, manyai kana e vakuvĩ, o ta mĩomonĩ.</verse>
				<verse number="34">Nĩ w’o nĩngũmwĩa, Ũsyao ũũ ndũkavĩta maũndũ asu onthe mateanĩw’e.</verse>
				<verse number="35">Ĩtu na nthĩ nikavĩta, ĩndĩ ndeto syakwa itikavĩta.</verse>
				<verse number="36">Ĩndĩ mũthenya ũsu na saa ũsu vai ũmwe wĩsĩ, o na alaĩka ma ĩtunĩ, o na Mwana, ĩndĩ no Asa weka.</verse>
				<verse number="37">Ĩndĩ o ũndũ kwailyĩ matukũ ma Noa, now’o kũkethĩwa kũilyĩ Mwana wa mũndũ akyũka.</verse>
				<verse number="38">Nũndũ o tondũ matukũnĩ asu ala maĩ mbee wa kĩla kĩw’ũ kingĩ, andũ meethĩiwe makĩya na makĩnyw’a, makĩtwaana na makĩtwawa, kũvika mũthenya ũla Noa walikile ngalawanĩ,</verse>
				<verse number="39">na matyeesĩ mũvaka kĩla kĩw’ũ kingĩ kyooka, kyamatwaa onthe; now’o kũkethĩwa kũilyĩ Mwana wa mũndũ akyũka.</verse>
				<verse number="40">Ĩvinda yĩu aũme elĩ makeethĩwa mũũndanĩ; ũmwe nũkwoswa, na ũla ũngĩ nũkatiwa:</verse>
				<verse number="41">aka elĩ makethĩwa maithianĩa ĩvianĩ yĩmwe; ũmwe nũkoswa, na ũla ũngĩ nũkatiwa.</verse>
				<verse number="42">Syaĩĩsyai ĩndĩ; nũndũ mũtyĩsĩ mũthenya ũla Mwĩaĩi wenyu wĩũka.</verse>
				<verse number="43">Ĩndĩ manyai ũndũ ũũ, kana kethĩwa mwene wa nyũmba nĩwesĩ ĩvinda yĩla kĩng’ei kĩkoka, ethĩwa asyaĩĩsye, o na ndaĩ aeka nyũmba yake ĩtũlwe.</verse>
				<verse number="44">Kwondũ wa ũu nenyu ĩkalai mwĩyũmbanĩtye; nũndũ saa ũla mũtataĩĩe nĩw’o wĩũka ũla Mwana wa mũndũ.</verse>
				<verse number="45">Nũũ ĩndĩ ngombo yĩ na kĩthito na mbũĩ, ĩla vwana wayo wamĩtwie mũnene ĩũlũ wa nyũmba yake, nĩ kana ĩmanenge ala angĩ lĩu ĩvinda yaw’o?</verse>
				<verse number="46">Nĩ ngathime ngombo ĩsu, ĩla vwana wayo ooka wĩmĩthĩa ĩkĩka ũu.</verse>
				<verse number="47">Nĩ w’o nĩngũmwĩa, akamĩtw’a mũnene ĩũlũ wa syonthe ila wĩ nasyo.</verse>
				<verse number="48">Ĩndĩ ethĩwa ngombo ĩla nthũku ĩkasya ngoonĩ yayo, Vwana wakwa nĩwĩkalĩte;</verse>
				<verse number="49">na ĩkyambĩlĩlya kũmakũna athũkũmi ala angĩ, na kũya na kũnyw’a vamwe na athengi;</verse>
				<verse number="50">vwana wa ngombo ĩsu akooka mũthenya ũla ĩtatalĩthye, na saa ũla ĩtawĩsĩ,</verse>
				<verse number="51">na akamĩvũa mũno, na kũmĩnenga kĩanda kyayo vamwe na angangan’ya: vo vakethĩwa kĩĩo na kũvevetan’ya maeo.</verse>
			</chapter>
			<chapter number="25">
				<verse number="1">Na ĩndĩ ũsumbĩ wa ĩtu ũkethĩwa ũilyĩ ta eĩtu ĩkũmi, ala moosie mataa moo, na maumaala mathi kũmũthaũa mũtwaani.</verse>
				<verse number="2">Na atano moo maĩ atumanu, na atano maĩ oĩ.</verse>
				<verse number="3">Nũndũ ala atumanu, yĩla moosie mataa moo, matyaakua mauta vamwe nao:</verse>
				<verse number="4">ĩndĩ ala oĩ nĩmakuie mauta mĩionĩ yoo vamwe na mataa moo.</verse>
				<verse number="5">Ĩndĩ mũtwaani ekalanga, onthe mombosya na makoma.</verse>
				<verse number="6">Ĩndĩ ũtukũ katĩ kwaĩ wasya mũnene, Sisyai, mũtwaani nĩwũkĩte! Umaalai mũmũthaũe.</verse>
				<verse number="7">Na ĩndĩ eĩtu asu onthe mookĩla, maseũvya mataa moo.</verse>
				<verse number="8">Na ala atumanu mamea ala oĩ, Tũnengei mauta amwe menyu; nũndũ mataa maitũ nĩmeũvoa.</verse>
				<verse number="9">Ĩndĩ ala oĩ masũngĩa, makyasya, Aiee, no kwĩthĩwa matetwĩanĩa ithyĩ nenyu: kavaa mũthi kwa ala mathooasya, mũkethooee ene.</verse>
				<verse number="10">Nao maendete kũthooa, mũtwaani ooka; na ala meyũmbanĩtye mavota vamwe nake mbokanĩ ya mũtwaano: na mũomo wavingwa.</verse>
				<verse number="11">Ĩtina eĩtu ala angĩ mooka, makyasya, Mwĩaĩi, Mwĩaĩi, tũvingũĩe.</verse>
				<verse number="12">Ĩndĩ asũngĩa, asya, Nĩ w’o nĩngũmwĩa, ndimwĩsĩ inyw’ĩ.</verse>
				<verse number="13">Syaĩĩsyai ĩndĩ, nũndũ mũtyĩsĩ mũthenya kana saa.</verse>
				<verse number="14">Nũndũ nĩ ta mũndũ akĩthi kyalo nthĩ ĩngĩ, ũla wetie ngombo syake mwene, na ainenga ũthwii wake.</verse>
				<verse number="15">Anenga ĩmwe mbesa sya talendi itano, na ĩngĩ sya talendi ilĩ, na ĩngĩ sya talendi ĩmwe; kĩla ĩmwe kwĩanana na ũtonyi wayo; na athi kyalo.</verse>
				<verse number="16">Oyu ĩla yosie talendi itano yathi yatethya wĩa nasyo, na yatandĩthya talendi ingĩ itano.</verse>
				<verse number="17">No ta ũu ĩla yosie ilĩ nayo yatandĩthya ingĩ ilĩ.</verse>
				<verse number="18">Ĩndĩ ĩla yosie ĩmwe yathi yenza nthĩ, yavitha mbesa sya vwana wayo.</verse>
				<verse number="19">Na ĩndĩ ĩtina wa ĩvinda ĩasa vwana wa ngombo isu ooka, na atalana nasyo.</verse>
				<verse number="20">Na ĩla yosie talendi itano yooka na yaetanĩsye na talendi ingĩ itano, ĩkyasya, Vwana, nĩwanengie talendi itano: sisya, nĩnĩtandĩthĩtye talendi ingĩ itano</verse>
				<verse number="21">Vwana wayo amĩtavya, Nĩwĩkĩte nesa, ngombo nzeo na ĩla yĩ na kĩthito: waĩ na kĩthito ĩũlũ wa syĩndũ mbũthũ, ngakwia ĩũlũ wa syĩndũ nyingĩ; lika ũtanunĩ wa vwana waku.</verse>
				<verse number="22">Na ĩla yosie talendi ilĩ yooka na yasya, Vwana, nĩwanengie talendi ilĩ: sisya, nĩnĩtandĩthĩtye talendi ingĩ ilĩ.</verse>
				<verse number="23">Vwana wayo amĩtavya, Nĩwĩkĩte nesa ngombo nzeo na ĩla yĩ na kĩthito: waĩ na kĩthito ĩũlũ wa syĩndũ mbũthũ, ngakwia ĩũlũ wa syĩndũ mbingĩ; lika ũtanunĩ wa vwana waku.</verse>
				<verse number="24">Na ĩla yosie talendi ĩmwe yooka na yasya, Vwana, nĩnakũmanyie kana wĩ mũndũ mũmũ, ũkethaa vala ũtaavuĩa, na wũmbanasya vala ũtaanyaĩĩkya;</verse>
				<verse number="25">nakwa nakĩa, nathi navitha talendi yaku nthĩ; sisya, wĩ na kĩla kyaku.</verse>
				<verse number="26">Ĩndĩ vwana wayo asũngĩa na amĩtavya, We ngombo nthũku na ndulu, nĩweesĩ kana nĩkethaa vala ndaavuĩa, na kũmban’ya vala ndaanyaĩĩkya;</verse>
				<verse number="27">nĩwaĩlwe ĩndĩ nĩ kũmatwaĩa ala ma vengi mbesa syakwa, na nooka ngyosa ila syakwa vamwe na ũtandĩthyo wasyo.</verse>
				<verse number="28">Osai ĩndĩ talendi yayo, mũmĩnenge ĩla yĩ na talendi ĩkũmi.</verse>
				<verse number="29">Nũndũ o ũla wĩ na kĩndũ akanengwa, na akaingĩvĩw’a: ĩndĩ ũla ũte na kĩndũ, akoosewa o na kĩla wĩ nakyo.</verse>
				<verse number="30">Na ngombo ĩno ĩtaĩle mĩkyei kĩvindunĩ nza: vo vakethĩwa kĩĩo na kũvevetan’ya maeo.</verse>
				<verse number="31">Ĩndĩ yĩla Mwana wa mũndũ ũkoka ũtheunĩ wake mũtisu, na alaĩka onthe vamwe nake, nĩvo ũkekalĩla kĩvĩla kya ũsumbĩ kya ũtheu wake mũtisu:</verse>
				<verse number="32">na mbee wake nikomban’wa mbaĩ syonthe: nake nũkamavathan’ya aa na aya, tondũ mũĩthi ũvathanasya malondu na mbũi;</verse>
				<verse number="33">na nũkaia malondu ngalĩ ya kw’oko kwake kwa aũme, ĩndĩ mbũi ngalĩ ya kw’oko kwake kwa aka.</verse>
				<verse number="34">Na ĩndĩ Mũsumbĩ nũkamea ala me ngalĩ ya kw’oko kwake kwa aũme, Ũkai inyw’ĩ mũathimĩtwe nĩ Asa wakwa, osai ũsumbĩ ũla mwaseũvĩw’e kuma mwambĩlĩlyo wa nthĩ:</verse>
				<verse number="35">nũndũ naĩ na nzaa, na mwanenga kya ũya; naĩ na waũni, na mwanenga kya ũnyw’a; naĩ mũeni, na mwanthokya;</verse>
				<verse number="36">naĩ mũthei, na mwambw’ĩka; naĩ mũwau, na mwooka ũnzisya; naĩ kolokolonĩ, na mwooka vala naĩ.</verse>
				<verse number="37">Nĩvo ala alũngalu makamũsũngĩa, makyasya, Mwĩaĩi, nĩ ĩndĩĩ twakwonie wĩ na nzaa, twaũnenga kya ũya? Kana wĩ na waũni, na twaũnenga kya ũnyw’a?</verse>
				<verse number="38">Na nĩ ĩndĩĩ twakwonie wĩ mũeni, na twakũthokya? Kana wĩ mũthei, na twakũvw’ĩka?</verse>
				<verse number="39">Na nĩ ĩndĩĩ twakwonie wĩ mũwau, kana wĩ kolokolonĩ, na twooka vala waĩ?</verse>
				<verse number="40">Na Mũsumbĩ akasũngĩa na kũmea, Nĩ w’o nĩngũmwĩa, O ũndũ mwamwĩkie ũmwe wa ana‐a‐asa aa makwa, o na ala anini, mwambĩkie nyie.</verse>
				<verse number="41">Nĩvo ũkamea asu nao ala me ngalĩ ya kw’oko kwake kwa aka, Umai vaa nĩĩ, inyw’ĩ mwaumanĩwe, mũthi mwakinĩ wa tene na tene ũla waseũvĩw’e Satani na alaĩka make:</verse>
				<verse number="42">nũndũ naĩ na nzaa, na mũtyaanenga kya ũya; naĩ na waũni, na mũtyaanenga kya ũnyw’a;</verse>
				<verse number="43">naĩ mũeni, na mũtyaanthokya; naĩ mũthei, na mũtyaambw’ĩka; naĩ mũwau, na naĩ kolokolonĩ, na mũtyaaũka kũnzisya.</verse>
				<verse number="44">Na ĩndĩ asu nao makasũngĩa, makyasya, Mwĩaĩi, nĩ ĩndĩĩ twakwonie wĩ na nzaa, kana wĩ na waũni, kana wĩ mũeni, kana wĩ mũthei, kana wĩ mũwau, kana wĩ kolokolonĩ, na twalea ũkũtethya?</verse>
				<verse number="45">Nĩvo ũkamasũngĩa, akyasya, Nĩ w’o nĩngũmwĩa, O ũndũ mũtaamwĩka ũmwe wa aa anini, mũtyaambĩka nyie.</verse>
				<verse number="46">Na asu makathi makalika thĩnanĩ wa tene wa tene; ĩndĩ ala alũngalu makalika thayũnĩ ũtathela.</verse>
			</chapter>
			<chapter number="26">
				<verse number="1">Na kweethĩwa, Yesũ amina ndeto isu syonthe, amea amanyĩw’a make,</verse>
				<verse number="2">Nĩmwĩsĩ kana ĩtina wa mĩthenya ĩlĩ kũkeethĩwa vasaka, na Mwana wa mũndũ akanenganwe nĩ kana ambwe ngelan’yonĩ.</verse>
				<verse number="3">Nĩvo athembi anene, na atumĩa ma andũ, mombanĩte nza ya nyũmba ya mũthembi mũnene wetawa Kaiava:</verse>
				<verse number="4">nao masaman’ya nĩ kana mamũkwate Yesũ na ũseleke, na kũmũaa.</verse>
				<verse number="5">Ĩndĩ masya, Ti ĩvinda ya mboka, kũikese kũkĩla kĩtuu andũnĩ.</verse>
				<verse number="6">Na yĩla Yesũ waĩ Vethania, nyũmbanĩ ya Simoni ũla ũwaĩte mangũ,</verse>
				<verse number="7">mũndũ mũka athi vala ũĩ e na sũva wa mauta, me vata mũnene mũno, nake amwĩtĩkĩsya mũtwenĩ wake, ailyĩ lĩunĩ.</verse>
				<verse number="8">Ĩndĩ amanyĩw’a moona ũu, maĩ na ũthatu, makyasya, Wanango ũũ nĩ wa kĩ?</verse>
				<verse number="9">Nũndũ mauta aa meĩ matonya kũtewa mbesa mbingĩ, ikanengwa ngya.</verse>
				<verse number="10">Ĩndĩ Yesũ eew’a ũu amea, Nĩkĩ mũũthĩn’ya mũndũ mũka? Nũndũ ambĩka wĩa mũseo.</verse>
				<verse number="11">Nĩkwĩthĩwa ngya mwĩ nasyo mavinda onthe; ĩndĩ nyie mũi nakwa mavinda onthe.</verse>
				<verse number="12">Nũndũ akĩmbĩtĩkĩsya mauta aa mwĩĩnĩ wakwa, eeka ũu kũnzeũvya ũndũ wa kũthikwa kwakwa.</verse>
				<verse number="13">Nĩ w’o nĩngũmwĩa, O kũla kũkatavanw’a ũvoo ũũ mũseo nthĩ yonthe, ũndũ ũũ naw’o weekwa nĩ mũndũ mũka ũũ ũkawetwa wĩthĩwe wa kũmũlilikana we.</verse>
				<verse number="14">Na ĩvinda yĩu ũmwe wa ala ĩkũmi na elĩ, ũla wetawa Yutasi Isikalioti, athi kwa athembi anene,</verse>
				<verse number="15">na amakũlya, Mwĩenda kũnenga kyaũ, nakwa ngamũnengane kwenyu? Na mamũthimĩa ilungu mĩongo ĩtatũ sya vetha.</verse>
				<verse number="16">Na kuma ĩvinda yĩu amantha mwanya wa kũmũnengane kwoo.</verse>
				<verse number="17">Na mũthenya wa mbee wa kĩmũtũ kĩte ĩlawa, amanyĩw’a mooka vala ve Yesũ, makyasya, Wĩenda tũkaũseũvĩsye va, ũye vasaka?</verse>
				<verse number="18">Na asya, Endai ndũanĩ kwa mũndũ mũna, mũkamwĩe, Mũmanyĩsya asya, Ĩvinda yakwa nĩyĩthengeee; ngaya vasaka nyũmbanĩ kwaku vamwe na amanyĩw’a makwa.</verse>
				<verse number="19">Na amanyĩw’a meeka ũndũ Yesũ wameaĩe; na maseũvya vasaka.</verse>
				<verse number="20">Na ĩndĩ kwavika wĩoo, ailyĩ lĩunĩ vamwe na ala ĩkũmi na elĩ;</verse>
				<verse number="21">na makĩya, asya, Nĩ w’o nĩngũmwĩa, kana ũmwe wenyu akambũnyanĩa.</verse>
				<verse number="22">Nao meew’a woo mũno, na mambĩlĩlya kũmũkũlya ũmwe na ũmwe, Mwĩaĩi, ninyie?</verse>
				<verse number="23">Na asũngĩa, asya, Ũla wekĩanĩa kw’oko ĩsaaninĩ vamwe nakwa, nĩwe wĩmbũnyanĩa.</verse>
				<verse number="24">Mwana wa mũndũ ethi o ũndũ waandĩkĩwe: ĩndĩ woo nĩ wa mũndũ ũsu ũla wĩmũvũnyanĩa Mwana wa mũndũ! Wĩthĩwa wĩ ũseo kwa mũndũ ũsu kethĩwa ndaasyawa.</verse>
				<verse number="25">Na Yutasi, ũla wĩmũvũnyanĩa, asũngĩa na asya, Lavai, ninyie? Amwĩa, We nĩwaneena.</verse>
				<verse number="26">Na makĩya, Yesũ oosa kĩmũtũ, akĩathima, na akĩtilanga; na anenga amanyĩw’a, na asya, Osai, mũye; kĩĩ nĩkyo mwĩĩ wakwa.</verse>
				<verse number="27">Na oosa kĩkombe, na atũnga mũvea, na amanenga, akyasya, Nyw’ai inyw’onthe;</verse>
				<verse number="28">nũndũ ĩno nĩyo nthakame yakwa ya ũtianĩo, ĩla ĩĩtĩkwa kwondũ wa aingĩ kwa ũekeo wa naĩ.</verse>
				<verse number="29">Ĩndĩ nĩngũmwĩa, Kuma yu ndikanyw’a ya ũsyao ũũ wa mũsavivũ, mũvaka mũthenya ũla ngamĩnyw’a yĩ nzaũ vamwe nenyu ũsumbĩnĩ wa Asa wakwa.</verse>
				<verse number="30">Na mamina kwina, maumaala nza mathi kĩĩmanĩ kya Mĩthata.</verse>
				<verse number="31">Nĩvo Yesũ wameie, Ũtukũ ũũ inyw’onthe nĩmũũlulutĩkw’a nũndũ wakwa: nũndũ nĩkũandĩkĩtwe, Ngakũna mũĩthi, na malondu ma ĩĩthya makanyaĩĩkw’a kũũ na kũũ.</verse>
				<verse number="32">Ĩndĩ ĩtina wa kũthayũũkw’a kwakwa, ngaenda mbee wenyu kũvika Kalilii.</verse>
				<verse number="33">Ĩndĩ Vetelo asũngĩa, amwĩa, Ethĩwa onthe makalulutĩkw’a nũndũ waku, nyie ndilulutĩkw’a nongi.</verse>
				<verse number="34">Yesũ amwĩa, Nĩ w’o nĩngũkwĩa, kana ũtukũ ũũ mbee wa nzamba ĩtanasya, ũkangaĩa katatũ.</verse>
				<verse number="35">Vetelo amwĩa, O na ethĩwa no mũvaka nĩkw’e naku, ndikakũkaĩa. Na amanyĩw’a onthe masya o ta ũu.</verse>
				<verse number="36">Na ĩndĩ Yesũ athi nao kũvika vandũ vetawa Ngesemanii, na amea amanyĩw’a make, Ĩkalai vaa, ĩvinda yĩla ngũthi vaya kũvoya.</verse>
				<verse number="37">Na athi e na Vetelo na ana elĩ ma Sevetii, na ambĩlĩlya kũmaka na kũũũya mũno.</verse>
				<verse number="38">Nĩvo ĩndĩ wameie, Ngoo yakwa nĩkũũũya mũno, o na kũvika kĩkw’ũ: ĩkalai vaa, mũsyaĩĩsye vamwe nakwa.</verse>
				<verse number="39">Nake aendanga mbee vanini, na avalũka na ũthyũ wake, na avoya, akyasya, Asa wakwa, ethĩwa ũũ nũtonyeka, kĩkombe kĩĩ nĩkĩnthonoke: ĩndĩ ti ũndũ ngwenda nyie, ĩndĩ ũndũ ũkwenda we.</verse>
				<verse number="40">Na athi vala ve amanyĩw’a make, na amethĩa makomete, na amwĩa Vetelo, Nĩkĩ, mũinatonya kũsyaĩĩsya vamwe nakwa o na saa ũmwe?</verse>
				<verse number="41">Syaĩĩsyai na voyai, nĩ kana mũikalike ũtatwanĩ: veva nĩw’o ũkwenda, ĩndĩ mwĩĩ ndwĩ na vinya.</verse>
				<verse number="42">Na ĩngĩ athi ĩvinda ya kelĩ, na avoya, akyasya, Asa wakwa, ethĩwa kĩkombe kĩĩ kĩitonya kũnthonoka ndanyw’ĩte, kwenda kwaku kwĩkwe.</verse>
				<verse number="43">Na athi ĩngĩ na amethĩa makomete, nũndũ metho moo maĩ na too.</verse>
				<verse number="44">Na amatia ĩngĩ, na athi, na avoya ya katatũ, aiasya o ĩla ndeto.</verse>
				<verse number="45">Na ĩndĩ athi vala ve ala amanyĩw’a, na amea, Komai yu, mũthũmũe: sisyai, saa nũthengeee, na Mwana wa mũndũ nũnũũnenganwe mokonĩ ma andũ athe.</verse>
				<verse number="46">Ũkĩlai, tũthi: sisyai, nũthengeee ũla ũnũũmbũnyanĩa.</verse>
				<verse number="47">Na akĩneena, sisya, Yutasi, ũmwe wa ala ĩkũmi na elĩ, ooka, na vamwe nake nguthu nene yĩ na mbyũ na mathimbũ, yumĩte kwa athembi anene na atumĩa ma andũ.</verse>
				<verse number="48">Na ũla ũmũvũnyanĩe amanengete wonan’yo, akyasya, O ũla nĩmũmumunya nĩwe ũsu: mũkwatei.</verse>
				<verse number="49">Na oyu ooka vala ve Yesũ, asya, Nũvoo, Lavai; na amũmumunya.</verse>
				<verse number="50">Na Yesũ amwĩa, Mũnyanyawa, ĩka ũndũ wakũete. Na ĩndĩ mooka matambũũkya moko, mamũkwata Yesũ.</verse>
				<verse number="51">Na sisya, ũmwe wa ala maĩ vamwe na Yesũ atambũũkya kw’oko kwake, akũa ũvyũ wake, na amĩtema ngombo ya mũthembi mũnene, amĩtila kũtũ.</verse>
				<verse number="52">Na ĩndĩ Yesũ amwĩa, Tũngĩa ũvyũ waku vandũ vaw’o: nũndũ onthe ala makwataa ũvyũ makaanangwa na ũvyũ.</verse>
				<verse number="53">Kana wĩasya nditonya kũmwĩsũva Asa wakwa, nake aindetee oyu nguthu sya alaĩka mbee wa ĩkũmi na ilĩ?</verse>
				<verse number="54">Ĩndĩ maandĩko ma atĩ nĩ mũvaka ũũ wĩthĩwe, makeanĩw’a ata?</verse>
				<verse number="55">Saa ũsu Yesũ amĩtavya nguthu, Nĩmwaumĩla tondũ mũvutani wumĩlĩlawa mwĩ na mbyũ na mathimbũ nĩ kana mũngwate? Kĩla mũthenya nekalaa ĩkalũnĩ ngĩmanyĩsya, na mũtyaangwata.</verse>
				<verse number="56">Ĩndĩ ũũ w’onthe ũtw’ikĩte, nĩ kana maandĩko ma athani meanĩw’e. Nĩvo ĩndĩ amanyĩw’a onthe mamũtiie, makĩa.</verse>
				<verse number="57">Na ala mamũkwatie Yesũ mamũtwaa kwa Kaiava mũthembi mũnene, vala aandĩki na atumĩa moombanĩte.</verse>
				<verse number="58">Ĩndĩ Vetelo amũatĩĩa e kũasa, kũvika nza kwa mũthembi mũnene, na avota nthĩnĩ, na ekala nthĩ vamwe na makanga, one mũminũkĩlyo.</verse>
				<verse number="59">Na ĩndĩ athembi anene na nzama yonthe mamũmanthĩa Yesũ ũkũsĩ wa ũvũngũ, nĩ kana mamũae;</verse>
				<verse number="60">na maiaawona, o na kau kwaumĩlile ngũsĩ nyingĩ sya ũvũngũ. Ĩndĩ ĩtina kwooka ilĩ,</verse>
				<verse number="61">na syasya, Mũndũ ũũ aisye, Nyie nĩndonya kwananga ĩkalũ ya Ngai, na ngĩyaka na matukũ atatũ.</verse>
				<verse number="62">Na mũthembi mũnene aũngama, na amwĩa, Ndũsũngĩa ũndũ? Aa makũkũsĩĩa ata?</verse>
				<verse number="63">Ĩndĩ Yesũ avindya. Na ũla mũthembi mũnene amwĩa, Nĩngũkwĩavĩthya kwa Ngai ũla wĩ thayũ, ũtũtavye kana nue Klĩsto, Mwana wa Ngai.</verse>
				<verse number="64">Yesũ amwĩa, We nĩwaneena: ĩndĩ nĩngũmwĩa, Kuma yu mũkamwona Mwana wa mũndũ ailyĩ ngalĩ ya kw’oko kwa aũme kwa Vinya, na akyũka e ĩũlũ wa mathweo ma ĩtu.</verse>
				<verse number="65">Na yu mũthembi mũnene atembũa ngũa syake, akyasya, Nĩwaumana: twĩ na vata ũngĩ mwaũ wa ngũsĩ? Sisyai, yu nĩmweew’a kũumana kwake:</verse>
				<verse number="66">mwĩona ata? Masũngĩa, masya, Aĩlwe nĩ kĩkw’ũ.</verse>
				<verse number="67">Na ĩndĩ mamũtw’ĩla mata ũthyũ, na mamũlumangya na ngundi: na amwe mamũmandũla,</verse>
				<verse number="68">makyasya, Twathanĩe, we Klĩsto, nũũ ũla wakũkũna?</verse>
				<verse number="69">Na Vetelo ailyĩ nza ku ũtee: na mwĩĩtu mũthũkũmi ooka vala ũĩ, akyasya, We naku ũnaĩ vamwe na Yesũ Mũkalilii.</verse>
				<verse number="70">Ĩndĩ akaĩa mbee wa onthe, akyasya, Ndyĩsĩ ũndũ ũkwasya.</verse>
				<verse number="71">Nake aumaala valasyanĩ, mwĩĩtu ũngĩ amwona, na amea ala maĩ vo, Mũndũ ũũ nake anaĩ vamwe na Yesũ wa Nasaleti.</verse>
				<verse number="72">Na akaĩa ĩngĩ na wĩvĩto, Ndimwĩsĩ mũndũ ũsu.</verse>
				<verse number="73">Na ĩtina vandũ vanini, ala maũngeme vakuvĩ, mathi na mamwĩa Vetelo, Nĩ w’o we wĩ ũmwe woo; nũndũ kĩthyomo kyaku nĩkĩũkumbũla.</verse>
				<verse number="74">Na ĩndĩ ambĩlĩlya kũumana na kwĩvĩta, akyasya, Nyie ndimwĩsĩ mũndũ ũsu. Na oyu nzamba yasya.</verse>
				<verse number="75">Na Vetelo alilikana ndeto ĩla ĩnaneeniwe nĩ Yesũ, Nzamba ĩtanamba kwasya, ũkangaĩa katatũ. Nake aumaala, na aĩa kĩĩo kĩ woo.</verse>
			</chapter>
			<chapter number="27">
				<verse number="1">Na kwakya, athembi onthe anene na atumĩa ma andũ mamũsamĩa Yesũ, nĩ kana mamũae:</verse>
				<verse number="2">na mamwova, mamũtwaa, na mamũnengane kwa ũla ngavana Vilato.</verse>
				<verse number="3">Na ĩndĩ Yutasi, ũla wamũvũnyanie, oona kana nĩwasilĩlwa, eelila, na amatũngĩa athembi anene na atumĩa ila ilungu mĩongo ĩtatũ sya vetha,</verse>
				<verse number="4">akyasya, Nĩnĩvĩtĩtye nũndũ nĩnĩmũvũnyanie ũla nthakame yake ĩte ĩvĩtyo. Ĩndĩ mo masya, Ũu nĩ ũndũ witũ ata? Sisya eue.</verse>
				<verse number="5">Nake ekya ila ilungu sya vetha nthĩnĩ wa vala vandũ vatheu, na aumaala; na athi eesũsya.</verse>
				<verse number="6">Na athembi anene moosa ilungu sya vetha na masya, Kũtyosana na ĩla mĩao kũsia vala vaiawa nthembo, nĩkwĩthĩwa nĩ thooa wa nthakame.</verse>
				<verse number="7">Na masũanĩa na mathooa kĩsesi kya mũmbi nasyo, kĩthĩwe vandũ va kũthikaa aeni.</verse>
				<verse number="8">Kwondũ wa ũu kĩsesi kyu kyeetwa, Kĩsesi kya nthakame, kũvika ũmũnthĩ.</verse>
				<verse number="9">Nĩvo weanĩw’e ũla waneeniwe nĩ Yelemia, akyasya, Na nĩmoosie ilungu mĩongo ĩtatũ sya vetha, thooa wa ũsu ũla watw’ĩĩwe thooa, ũla amwe ma ana ma Isilaeli mamũtw’ĩĩe thooa;</verse>
				<verse number="10">na mainengane kwondũ wa kĩsesi kya mũmbi o ũndũ Mwĩaĩi wambĩaĩe.</verse>
				<verse number="11">Na Yesũ aũngama mbee wa ngavana: na ngavana amũkũlya, akyasya, We nue Mũsumbĩ wa Ayuti? Na Yesũ amwĩa, We nĩwaneena.</verse>
				<verse number="12">Na avinganĩw’a nĩ athembi anene na atumĩa, ndaasũngĩa ũndũ.</verse>
				<verse number="13">Nĩvo ĩndĩ Vilato wamwĩie, Ndũkwĩw’a maũndũ ũndũ meana ala meũkũkũsĩĩa?</verse>
				<verse number="14">Nake ndaamũsũngĩa ndeto o na ĩmwe: mũvaka ngavana aseng’a mũno.</verse>
				<verse number="15">Na ĩndĩ ĩvinda ya mboka ngavana akothaa kũyĩthaĩsya ĩkomano mwovwa ũmwe, o ũla mekwenda.</verse>
				<verse number="16">Na ĩvinda yĩu maĩ na mwovwa ũmwe wesĩkĩwe, wetawa Valava.</verse>
				<verse number="17">Na ĩndĩno mombanĩte vamwe, Vilato amea, Mwĩenda nĩmũthaĩsye ũũ? Valava, kana Yesũ ũla wĩtawa Klĩsto?</verse>
				<verse number="18">Nũndũ nĩwesĩ kana mamũnenganie nũndũ wa kĩwĩu.</verse>
				<verse number="19">Na akĩkalĩla kĩvĩla kya sila, kĩveti kyake kyamũtwaĩa ũtũmane, kĩkyasya, Ndũkethĩwe na ũndũ na mũndũ ũsu mũlũngalu; nũndũ ũmũnthĩ nĩthĩniw’e nĩ maũndũ maingĩ ndotonĩ nũndũ wake.</verse>
				<verse number="20">Na ala athembi anene na atumĩa mamathinga’ĩĩsya makomano nĩ kana mamwĩtye Valava, na kũmũaa Yesũ.</verse>
				<verse number="21">Ĩndĩ ngavana asũngĩa na amea, Andũ aa elĩ, mwĩenda nĩmũthaĩsye wĩva? Nao masya, Valava.</verse>
				<verse number="22">Vilato amea, Nĩmwĩke ata ĩndĩ Yesũ ũla wĩtawa Klĩsto? Onthe masya, Nĩambwe.</verse>
				<verse number="23">Nake asya, Nĩkĩ, nĩ ũthũku mwaũ wĩkĩte? Ĩndĩ maneena na mawasya manene mũno, makyasya, Nĩambwe.</verse>
				<verse number="24">Na ĩndĩ Vilato oona kana ndatonya ũndũ, ĩndĩ kĩtuu nĩkĩkwingĩva, oosa manzĩ, na athambĩsya moko make mbee wa ĩkomano, akyasya, Nyie ndi na ĩvĩtyo nthakamenĩ ya mũndũ ũũ mũlũngalu; sisyai ũndũ ũsu e inyw’ĩ.</verse>
				<verse number="25">Na andũ onthe masũngĩa, masya, Nthakame yake yĩthĩwe ĩũlũ waitũ, na ĩũlũ wa syana sitũ.</verse>
				<verse number="26">Nĩvo ĩndĩ wamathaĩsye Valava; ĩndĩ amũkũna Yesũ na kĩvoko kyatũange, na amũnengane ambwe.</verse>
				<verse number="27">Nĩvo asikalĩ ma ngavana mamũtwaie Yesũ kĩsilĩlonĩ, na mamũmbanĩsya nguthu yonthe ya asikalĩ.</verse>
				<verse number="28">Na mamumya ngũa mamwĩkĩa ngũa ndune mũno.</verse>
				<verse number="29">Na mavĩlangan’ya ngovia ya mĩw’a na mamwĩkĩa mũtwe wake, na mamũkwatĩthya mũangi kw’okonĩ kwake kwa aũme; na matulya ndu mbee wake na mamũthekeea na kĩvũthya, makyasya, Nũvoo, Mũsumbĩ wa Ayuti!</verse>
				<verse number="30">Na mamũtw’ĩla mata, na moosa ũla mũangi na mamũkũna mũtwe.</verse>
				<verse number="31">Na mamina ũmũthekeea, mamumya ĩla ngũa, na mamwĩkĩa ngũa syake, mamũtwaa kũmwamba ngelan’yonĩ.</verse>
				<verse number="32">Na makyumaala, mamwĩthĩa mũndũ wa Kulene, wetawa Simoni: ũsu mamũkwata na vinya athi nao, nĩ kana amũkuĩe ngelan’yo yake.</verse>
				<verse number="33">Na mavika vandũ vetawa Kolokotha, ũalyũlo wayo nĩ, Vandũ va kĩng’ala,</verse>
				<verse number="34">mamũnenga mbinyu ĩvulanĩtw’e na nyongo: nake amĩsama, ndaaĩtĩkĩla kũnyw’a.</verse>
				<verse number="35">Na mamwamba, maan’ya ngũa syake makĩlimana; nĩ kana kwĩanĩw’e ũla waneeniwe nĩ mwathani, Nĩmaanisye ngũa syakwa katĩ woo, na kwondũ wa kĩtonyeo kyakwa kĩasa nĩmalimanile.</verse>
				<verse number="36">Na mekala nthĩ vo mamũsyaĩĩsye.</verse>
				<verse number="37">Na meekĩa ũvingan’yo ĩũlũ wa mũtwe wake, ũandĩkĩtwe, ŨŨ NĨWE YESŨ MŨSUMBĨ WA AYUTI.</verse>
				<verse number="38">Nĩvo avutani elĩ mambiwe vamwe nake, ũmwe ngalĩ ya kw’oko kwake kwa aũme, na ũngĩ ngalĩ ya kw’oko kwake kwa aka.</verse>
				<verse number="39">Na ala mavĩtaa nzĩanĩ mamũuma, makĩthingithya mĩtwe yoo,</verse>
				<verse number="40">makyasya, We ũla wanangaa ĩkalũ, nokĩyaka na mĩthenya ĩtatũ, ĩtangĩĩe mwene: ethĩwa nue Mwana wa Ngai, theea wume ngelan’yonĩ.</verse>
				<verse number="41">No ta ũu ala athembi anene makĩmũthekeea, vamwe na aandĩki na atumĩa, masya,</verse>
				<verse number="42">Nĩwatangĩĩe angĩ; ndatonya kwĩtangĩĩa mwene. Nĩ mũsumbĩ wa Isilaeli; natheee yu aume ngelan’yonĩ, naitũ nĩtũũmwĩtĩkĩla.</verse>
				<verse number="43">Nũmũĩkĩĩaa Ngai; namũvonokye yu, ethĩwa nũmwendete: nũndũ aisye, Nyie nĩ Mwana wa Ngai.</verse>
				<verse number="44">Na avutani nao ala mambĩtwe vamwe nake mamũneenea ndeto ta isu.</verse>
				<verse number="45">Na kuma syũa yaũngama kwatulya kĩvindu nthĩ yonthe kũvika saa kenda.</verse>
				<verse number="46">Na ta saa kenda Yesũ aneena na wasya mũnene, akyasya, Eli, Eli, lama, savakathani? Ũalyũlo wayo nĩ, Ngai wakwa, Ngai wakwa, ũndekee kĩ?</verse>
				<verse number="47">Na amwe ma ala maũngeme vo, meew’a ũu, masya, Mũndũ ũũ emwĩta Eliya.</verse>
				<verse number="48">Na oyu ũmwe woo asemba, na oosa sivanzi, anyw’ĩthya siki yakola, na amĩkĩa mũanginĩ, na amũnenga avivite.</verse>
				<verse number="49">Na ala angĩ masya, Ekai; tũsisye kana Eliya nũnũkũka kũmũtangĩĩa.</verse>
				<verse number="50">Na Yesũ aneena ĩngĩ na wasya mũnene, na aumya veva wake.</verse>
				<verse number="51">Na sisya, ngũa ya tũtũ ya ĩkalũ yatembũka ilungu ilĩ kuma ĩũlũ kũvika nthĩ; na nthĩ yatetema; na mavia manene maatũka;</verse>
				<verse number="52">na mbũa syavingũka; na mĩĩ mingĩ ya atheu ala maĩ manakoma yathayũũkw’a;</verse>
				<verse number="53">na makyuma mbũanĩ ĩtina wa kũthayũũka kwake, malika ĩla ndũanĩ ntheu na mamaumĩlĩla aingĩ.</verse>
				<verse number="54">Na ĩndĩ ũla mũnene wa asikalĩ ĩana, na ala maĩ nake makĩmũsyaĩĩsya Yesũ, moona kĩtetemo kya nthĩ, na maũndũ ala meekĩka, makĩa mũno, makyasya, Nĩ w’o ũũ eĩ Mwana wa Ngai.</verse>
				<verse number="55">Na aka aingĩ maĩ vo makĩsisya me kũasa, ala mamũatĩĩe Yesũ kuma Kalilii, makĩmũtethya:</verse>
				<verse number="56">na amwe moo maĩ Meli Makatalene, na Meli inyia wa Yakovo na Yose, na inyia wa ana ma Sevetii.</verse>
				<verse number="57">Na kwavika wĩoo, kwathi mũndũ mũthwii wa nthĩ ya Alimathia, wetawa Yosevu, nake mwene aĩ mũmanyĩw’a wa Yesũ:</verse>
				<verse number="58">mũndũ ũsu athi kwa Vilato, amwĩtya mwĩĩ wa Yesũ. Na ĩndĩ Vilato eeaa anengwe.</verse>
				<verse number="59">Na Yosevu oosa mwĩĩ, na oolingĩla ngũa ntheu ya katane,</verse>
				<verse number="60">na awia mbũanĩ yake nzaũ, ĩla wasĩte ĩvianĩ ĩnene: na avingilitya ĩvia ĩnene mũomonĩ wa mbũa, na athi.</verse>
				<verse number="61">Na Meli Makatalene aĩ vo, na Meli ũla ũngĩ, mailyĩ nthĩ melekele ĩla mbũa.</verse>
				<verse number="62">Na ũnĩ ũsu, naw’o nĩ mũthenya waatĩĩe ũla wa Ũseũvyo, athembi anene na Avalisi mamũmbanĩa Vilato,</verse>
				<verse number="63">makyasya, Vwana, nĩtũlilikene kana mũkengani ũsu yĩla waĩ thayũ aisye, Ĩtina wa matukũ atatũ ngathayũũka.</verse>
				<verse number="64">Ĩae ĩndĩ kana mbũa isũvĩwe mũno kũvika mũthenya wa katatũ, amanyĩw’a make maikese kũka mamũye, na kũmatavya andũ, Nũthayũũkĩte kuma kwa akw’ũ: na ũkengani wa ĩtina ũkeethĩwa wĩ mũnene kwĩ ũla wa mbee.</verse>
				<verse number="65">Vilato amea, Mwĩ na asũvĩi: endai mũkamĩlũlũmĩlye mũno o ũndũ mũtonya.</verse>
				<verse number="66">Nao mathi, malũlũmĩlya mbũa, makĩkĩa ĩvia ũsiĩlo, ala asũvĩi me vamwe nao.</verse>
			</chapter>
			<chapter number="28">
				<verse number="1">Na mũthenya wa savato wathela, kũiambĩlĩlya kũkya mũthenya wa mbee wa kyumwa, Meli Makatalene na Meli ũla ũngĩ mathi kũsisya mbũa.</verse>
				<verse number="2">Na sisya, kwaĩ kĩtetemo kĩnene kya nthĩ; nũndũ mũlaĩka wa Mwĩaĩi atheeie kuma ĩtunĩ, na athi na avingilitya yĩla ĩvia, na ayĩkalĩla.</verse>
				<verse number="3">Na mũvw’ano wake wailyĩ ta ũtisi, na ngũa syake syaĩ nzaũ ta ĩa:</verse>
				<verse number="4">na kwondũ wa ũmũkĩa asũvĩi matetema, na meethĩwa ta akw’ũ.</verse>
				<verse number="5">Na mũlaĩka asũngĩa, amea ala aka, Mũikakĩe inyw’ĩ; nũndũ nĩnĩsĩ mwĩmantha Yesũ ũla ũnambiwe.</verse>
				<verse number="6">Nde vaa; nũndũ nũthayũũkie o tondũ waisye. Ũkai, mwone vala Mwĩaĩi ũnakomete.</verse>
				<verse number="7">Na endai na mĩtũkĩ, mũkatavye amanyĩw’a make, Nũthayũũkĩte kuma kwa akw’ũ; na sisyai, etongosya mbee wenyu kũthi Kalilii; nĩkw’o mwĩmwona; sisyai, nĩnamũtavya.</verse>
				<verse number="8">Nao mauma mbũanĩ mĩtũkĩ me na w’ĩa na ũtanu mũnene, mathi masembete mamaetee amanyĩw’a make ũvoo.</verse>
				<verse number="9">Na sisya, Yesũ akomana nao, akyasya, Ĩthĩwai na ũtanu. Nao mathengeea mamũkwata maũũ, na mamũthaitha.</verse>
				<verse number="10">Na ĩndĩ Yesũ amea, Mũikakĩe: endai mũkamatavye ana‐a‐asa makwa mathi Kalilii, na nĩkw’o membona.</verse>
				<verse number="11">Na maendete, sisya, amwe ma asũvĩi mathi ndũanĩ, na mamatavya athembi anene maũndũ onthe ala mekiwe.</verse>
				<verse number="12">Na moombana na atumĩa na masũanĩa, manenga ala asikalĩ mbesa mbingĩ,</verse>
				<verse number="13">makyasya, Asyai, Amanyĩw’a make mokie ũtukũ mamũya yĩla twĩĩkomete.</verse>
				<verse number="14">Na ũndũ ũsu weew’ĩka kwa ngavana, ithyĩ tũkamũĩkĩĩthya, na kũmũvetea inyw’ĩ thĩna.</verse>
				<verse number="15">Na ĩndĩ moosa ila mbesa, meeka o ũndũ mamanyĩiw’e: na ũndũ ũsu wanyaĩĩkw’a kwa Ayuti kũvika ũmũnthĩ.</verse>
				<verse number="16">Ĩndĩ ala amanyĩw’a ĩkũmi na ũmwe mathi Kalilii, kũvika kĩĩmanĩ kĩla meeaĩwe nĩ Yesũ.</verse>
				<verse number="17">Nao mamwona mamũthaitha: ĩndĩ amwe maĩ na nzika.</verse>
				<verse number="18">Na Yesũ ooka vala maĩ, na aneena nao, akyasya, Nĩnĩnengetwe ũkũmũ w’onthe ĩtunĩ na kũũ nthĩ.</verse>
				<verse number="19">Endai ĩndĩ mũkatw’ĩkĩthye mbaĩ syonthe amanyĩw’a, mũkĩmavatisa syĩtwanĩ ya Asa na ya Mwana na ya Veva Mũtheu:</verse>
				<verse number="20">mũkĩmamanyĩsya kũkwata maũndũ onthe o na meva ala namwĩaĩe: na sisyai, nyie nĩ vamwe nenyu mĩthenya yonthe, kũvika wĩanĩu wa ĩvinda yĩĩ.</verse>
			</chapter>
		</book>
		<book number="41">
			<chapter number="1">
				<verse number="1">Wambĩlĩlyo wa ũvoo mũseo wa Yesũ Klĩsto, Mwana wa Ngaĩ.</verse>
				<verse number="2">O tondũ kũandĩkĩte ĩvukunĩ ya mwathani Isaia, Sisya, nyie nĩngũtũma mũtũmwa wakwa mbee wa ũthyũ waku, Ũla ũkaseũvya nzĩa yaku;</verse>
				<verse number="3">Wasya wa mũndũ akĩneena mũno weũnĩ, Seũvyai nzĩa ya Mwĩaĩi, Lũngalyai moendelo make;</verse>
				<verse number="4">Yoana nĩwokie, akĩvatisa weũnĩ na akĩtavan’ya ũvatiso wa ũalyũlo wa ngoo ũetae ũekeo wa naĩ.</verse>
				<verse number="5">Na nthĩ yonthe ya Yutia, na onthe ma Yelusaleme, mooka vala ũĩ; na mavatisĩwa nĩwe ũsĩnĩ wa Yolotanĩ, makyumbũla nai syoo.</verse>
				<verse number="6">Na Yoana eekĩĩte ngũa ya w’ĩa wa ngamĩle, na aĩ na mũkwa kĩnyunyunĩ kyake, na aĩsaa ngie na ũkĩ wa nzũkĩ wa kĩthekanĩ.</verse>
				<verse number="7">Na atavan’ya, akyasya, Ĩtina wakwa kũkĩte ũla wĩ vinya kwĩ nyie, o na ndyĩanĩwe nĩ ũkunama nĩthasye tũmĩkwa twa iatũ syake.</verse>
				<verse number="8">Nyie nĩnĩnamũvatĩsaa na manzĩ; ĩndĩ ũsu akamũvatisaa na Veva Mũtheu.</verse>
				<verse number="9">Na kweethĩwa matukũ asu, Yesũ ooka kuma Nasaleti ya Kalilii, na avatisĩwa nĩ Yoana ũsĩnĩ wa Yolotani.</verse>
				<verse number="10">Na oyu akyuma manzĩnĩ, oona matu mavingũka, na Veva ailyĩ ta ĩvũĩ aimũtheeea:</verse>
				<verse number="11">na wasya wauma ĩtunĩ, We nue Mwana wakwa mwendwa, nendeew’e nue.</verse>
				<verse number="12">Na oyu Veva amũtwaa na vinya weũnĩ.</verse>
				<verse number="13">Na aĩ ku weũnĩ matukũ mĩongo ĩna akĩtatwa nĩ Satani; na aĩ vamwe na nyamũ sya kĩthekanĩ; na alaĩka nĩmamũthũkũmaa.</verse>
				<verse number="14">Na ĩtina wa Yoana kwĩkĩwa kolokolonĩ, Yesũ aenda Kalilii akĩtavan’ya ũvoo mũseo wa Ngai,</verse>
				<verse number="15">akyasya, Ĩvinda nĩ ĩviku, na ũsumbĩ wa Ngai nũthengeee: alyũlai ngoo na mũkĩtĩkĩla ũvoo mũseo.</verse>
				<verse number="16">Na akĩvĩtĩla ũtee wa ũkanga wa Kalilii, oona Simoni na Andalea mwana‐a‐inyia makĩkya kĩtei ũkanganĩ; nũndũ maĩ atei ma makũyũ.</verse>
				<verse number="17">Na Yesũ amea, Ngatĩĩai, nakwa ngamũtw’a atei ma andũ.</verse>
				<verse number="18">Na oyu matia itei, na mamũatĩĩa.</verse>
				<verse number="19">Na aendanga mbee vanini na oona Yakovo mwana wa Sevetii, na Yoana mwana‐a‐inyia, nao maĩ ngalawanĩ makĩseũvya itei syoo.</verse>
				<verse number="20">Na oyu ameta: na matia ĩthe woo Sevetii ngalawanĩ vamwe na athũkũmi, na mamũatĩĩa.</verse>
				<verse number="21">Na mathi Kavelinaumi; na oyu mũthenya wa savato avota ĩsinakokenĩ na amanyĩsya.</verse>
				<verse number="22">Na maseng’w’a nĩ ũmanyĩsyo wake: nĩkwĩthĩwa amamanyĩsya ta ũla wĩ na ũkũmũ, o na ti ta aandĩki.</verse>
				<verse number="23">Na oyu ĩsinakokenĩ yoo kwaĩ mũndũ ũla wakwetwe nĩ veva mũvũku; na aneena na wasya mũnene,</verse>
				<verse number="24">akyasya, Twĩ ũndũ naku wa kyaũ, we Yesũ Mũnasaleti? Nĩwooka kũtwananga? Nĩngwĩsĩ we, wĩ ũla Mũtheũ wa Ngai.</verse>
				<verse number="25">Na Yesũ ookan’ya, akyasya, Tumya kanyw’a, noimuma.</verse>
				<verse number="26">Na ũla veva mũvuku, ũkĩmũthingithangya na kũkaya na wasya mũnene, wamuma.</verse>
				<verse number="27">Na onthe maseng’a, mũvaka makũlan’ya ene kwa ene, makyasya, Ũndũ ũũ nata? Ũmanyĩsyo mweũ! Nũkwĩaĩa na ũkũmũ o na maveva mavuku, na nĩmeũmwĩw’a.</verse>
				<verse number="28">Na oyu nguma yake yanyaĩĩka nthĩ yonthe ya Kalĩlii na ndee syayo.</verse>
				<verse number="29">Na oyu, mauma ĩsinakokenĩ, mavota nyũmbanĩ ya Simoni na Andalea, vamwe na Yakovo na Yoana.</verse>
				<verse number="30">Na ĩndĩ inyia wa mũka wa Simoni akomete awaĩte ndetema; na oyu mamũtavya ũvoo wake:</verse>
				<verse number="31">nake ooka na amũkwata kw’oko, amũkĩlya; na ndetema yamũtia, nake amathũkũma.</verse>
				<verse number="32">Na wĩoo, syũa yĩkĩthũa, mamũetee onthe ala maĩ awau, na ala makwetwe nĩ ndaimoni.</verse>
				<verse number="33">Na andũ ma ndũa yonthe moombana vamwe mũomonĩ.</verse>
				<verse number="34">Na avosya aingĩ ala mawaĩte mowau ma mĩthemba mingĩ, na aumya ndaimoni nyingĩ; na ndaaĩtĩkĩla ndaimoni ineene, nĩkwĩthĩwa nĩsyamwĩsĩ.</verse>
				<verse number="35">Na kĩoko tene, w’oa ũtanatema, ookĩla, aumaala, na athi vandũ vate andũ, na avoyea vo.</verse>
				<verse number="36">Na Simoni na ala maĩ nake mamũvikĩla;</verse>
				<verse number="37">na mamwona mamwĩa, Andũ onthe nĩmeũkũmantha.</verse>
				<verse number="38">Nake amea, Tũendei kũngĩ, kũvika tũtũla tũla twĩ mbee, nĩtavan’ye ku nakw’o; nũndũ nyie naetiwe nĩ ũu.</verse>
				<verse number="39">Na atavan’ya masinakokenĩ moo Kalilii kw’onthe, na aumya ndaimoni.</verse>
				<verse number="40">Na mũndũ ũwaĩte mangũ athi vala ũĩ, akĩmwĩsũva na kũmũtulĩlya ndu, na kũmwĩa, Ethĩwa nũkwenda, nũtonya kũnthesya.</verse>
				<verse number="41">Na Yesũ ũndũ wa kũmwĩw’ia ĩnee, atambũũkya kw’oko kwake, amũkiita, na amwĩa, Nĩngwenda; ĩthĩwa mũtheu.</verse>
				<verse number="42">Na oyu mangũ mavoa, na athea</verse>
				<verse number="43">Na amwĩaĩa na vinya, na amumaalya oyu, akĩmwĩa,</verse>
				<verse number="44">Sisya ndũkatavye mũndũ o na wĩva; ĩndĩ thi ũkeyonan’ye kwa mũthembi, nokyũmya nthembo ila Mose weaie kwondũ wa kũthew’a kwaku, syĩthĩwe ũkũsĩ kwoo.</verse>
				<verse number="45">Ĩndĩ aumaala, na ambĩlĩya kũtavan’ya mũno na kũnyaĩĩkya ũvoo ũsu, na kwondũ wa ũu Yesũ ndaatonya ĩngĩ kũvota ndũanĩ eyonanĩtye, ĩndĩ ekala ũtee kũndũ kũte andũ: na andũ mooka vala ũĩ kuma kĩla vandũ.</verse>
			</chapter>
			<chapter number="2">
				<verse number="1">Na matukũ amwe mathela, asyoka ĩngĩ Kavelinaumi, na kwatavanw’a kana e vo nyũmbanĩ.</verse>
				<verse number="2">Na aingĩ moombana vamwe, mũvaka vatyaatiala ũthei, aiee, o na mũomonĩ: nake amatavya ĩla ndeto.</verse>
				<verse number="3">Na mooka mamũtee mũndũ ũla waĩ na ũwau wa kwaa mamutha, akuĩtwe nĩ andũ ana.</verse>
				<verse number="4">Na meethĩa matitonya kũmũthengeea nũndũ wa mũvivinyano wa andũ, mathaĩlya kĩalanĩ vala waĩ: na mavũthũa, matheesya ũkomo ũla ũsu waĩ na ũwau wa kwaa mamutha ũkomee.</verse>
				<verse number="5">Na Yesũ oona mũĩkĩĩo woo, amwĩa ũla waĩ na ũwau wa kwaa mamutha, Mwana, naĩ syaku nĩsyaekwa.</verse>
				<verse number="6">Ĩndĩ vaĩ amwe ma aandĩki mekalĩte vo, makĩsũanĩa ngoonĩ syoo,</verse>
				<verse number="7">Nĩkĩ mũndũ ũũ ũnũũneeka ũu? Nũkũumana: nũũ ũtonya kũekea naĩ ate o ũmwe, nake nĩ Ngaĩ?</verse>
				<verse number="8">Na oyu Yesũ amanya vevanĩ wake kana nĩmeũsũanĩa ũu nthĩnĩ woo, amea, Nĩkĩ mũũsũanĩa maũndũ asu ngoonĩ syenyu?</verse>
				<verse number="9">Ũla ũvũthũ nĩ wĩva, kũtavya ũũ eĩ na ũwau wa kwaa mamutha, Naĩ syaku nĩsyaekwa; kana kwasya, Ũkĩla noyosa ũkomo waku ũende?</verse>
				<verse number="10">Ĩndĩ nĩ kana mũmanye atĩ Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha),</verse>
				<verse number="11">Nĩngũkwĩa, Ũkĩla, ũkue ũkomo waku, wĩnũke.</verse>
				<verse number="12">Nake ookĩla, na oyu akua ũkomo, aumaala onthe makyona; na kwondũ wa ũu onthe maseng’a, na mamũtaĩa Ngai, makyasya, Tũtyaaona ũndũ ta ũu ĩngĩ nongi.</verse>
				<verse number="13">Na aumaala ĩngĩ athi ũtee wa ũkanga; na ĩkomano yonthe yamũmbanĩa, nake amamanyĩsya.</verse>
				<verse number="14">Na avĩtĩte, oona Livai mwana wa Alivaio ekalĩte vala vaumĩaw’a koti, na amwĩa, Mbikĩla. Nake ookĩla amũvikĩla.</verse>
				<verse number="15">Na kweethĩwa ekalĩte nyũmba ya mũndũ ũsu akĩya lĩu, aumya ma koti na andũ athe aingĩ mekala nthĩ vamwe na Yesũ na amanyĩw’a make: nĩkwĩthĩwa maĩ aingĩ, na nĩmamũvikĩlĩte.</verse>
				<verse number="16">Na aandĩki ma Avalisi, mamwona akĩya vamwe na aumya ma koti na andũ athe, mamea amanyĩw’a make, Kũilyĩ ata ũũ ũnũkũya na kũnyw’a vamwe na aumya ma koti na andũ athe?</verse>
				<verse number="17">Na Yesũ eew’a ũũ amea, Ala mate awau mati vata wa mũiiti, ĩndĩ no ala awau: ndyaaũka kwĩta ala alũngalu ĩndĩ nĩ ala athe.</verse>
				<verse number="18">Na amanyĩw’a ma Yoana na ma Avalisi nĩmatĩĩaa ũya: nao mooka mamwĩa Yesũ, Nĩkĩ amanyĩw’a ma Yoana na amanyĩw’a ma Avalisi nĩmatĩĩaa ũya, ĩndĩ amanyĩw’a maku matitĩĩaa ũya?</verse>
				<verse number="19">Na Yesũ amakũlya, Ala metĩtwe mũtwaanonĩ nĩmatonya kũtĩĩa ũya ĩvinda yĩla mũtwaanĩ wĩ vamwe nao? Mũtwaani e vo vamwe nao maitonya kũtĩĩa ũya.</verse>
				<verse number="20">Ĩndĩ mĩthenya nĩyũkĩte, yĩla mũtwaani ũkaumw’a kwoo, na ĩndĩ makatĩĩa ũya mĩthenya ĩsu.</verse>
				<verse number="21">Na vai mũndũ ũliaa kĩlio kya ngũa nzaũ ngũanĩ ngũũ: nũndũ alia, kĩla kyeũ kĩkĩawa vo nĩkyumasya kĩlungu ngũanĩ ngũũ, na ũtembũku ũiendeea ũineneva.</verse>
				<verse number="22">O na vai mũndũ wĩkĩaa mbinyu mbĩthĩ mathatwanĩ makũũ; nũndũ eekĩa, ĩla mbinyu ĩkatembũa mathatwa, na mbinyu ĩkĩtĩka, na mathatwa makyanangĩka: ĩndĩ mekĩaa mbinyu mbĩthĩ mathatwanĩ meũ.</verse>
				<verse number="23">Na kweethĩwa, aendele mĩũndanĩ ya nganũ mũthenya wa savato, amanyĩw’a make mambĩlĩlya kũtũla iia sya nganũ, maendete.</verse>
				<verse number="24">Na Avalisi mamwĩa, Sisya, nĩkĩ mekwĩka mũthenya wa savato ũndũ ũtosana na ĩla mĩao?</verse>
				<verse number="25">Na amea, Mũtyaasoma nongĩ ũndũ Ndavĩtĩ wekie, yĩla waĩ na thĩna, na akĩw’a nzaa, we na ala maĩ nake?</verse>
				<verse number="26">Ũndũ wavotĩe nyũmbanĩ ya Ngai, yĩla Aviathalĩ waĩ mũthembi mũnene, na aya imũtũ ila syaiĩawa Ngai, naw’o ndwosana na ĩla mĩao kũĩwa nĩ mũndũ ate o athembi na anenga ala maĩ nake nao?</verse>
				<verse number="27">Na amea, Savato watwiwe nũndũ wa mũndũ, na ti mũndũ nũndũ wa savato:</verse>
				<verse number="28">kwondũ wa ũu Mwana wa mũndũ nĩ Mwĩaĩi o na wa savato.</verse>
			</chapter>
			<chapter number="3">
				<verse number="1">Na alika ĩngĩ ĩsinakokenĩ; na kwaĩ mũndũ vo waĩ na kw’oko kwau.</verse>
				<verse number="2">Na mamũsyaĩĩsya, kana nũnũũmũvosya mũthenya wa savato: nĩ kana mamũvinganĩsye.</verse>
				<verse number="3">Na amwĩa ũla mũndũ waĩ na kw’oko kwau, Ũngama katĩ.</verse>
				<verse number="4">Na amakũlya, Nĩkwosana na ĩla mĩao kwĩka nesa mũthenya wa savato, kana kwĩka ũthũku? Kũtangĩĩa thayũ kana kũaa? Indĩ mavindya.</verse>
				<verse number="5">Na amasiangya na ũthatu, akĩw’a woo nũndũ wa wũmũ wa ngoo syoo, amwĩa ũla mũndũ, Tambũũkya kw’oko kwaku. Na atambũũkya; na kw’oko kwake kwavoa kwethĩwa kũima.</verse>
				<verse number="6">Na Avalisi maumaala, na oyu mambĩlĩlya kũsaman’ya vamwe na ala ma Elote ũndũ matonya kũmũaa.</verse>
				<verse number="7">Na Yesũ eesomola vau, we na amanyĩw’a make, athi ũkanganĩ: na ĩkomano ĩnene kuma Kalilii yamũatĩĩa: o na kuma Yutia,</verse>
				<verse number="8">na kuma Yelusaleme, na kuma Itumea, na mbee was Yolotani, na ngalĩ sya Tile na Sitoni, ĩkomano ĩnene, ya ala meew’a maũndũ manene ala wĩkaa, mooka vala ũĩ.</verse>
				<verse number="9">Na atavya amanyĩw’a make kana kakalawa kekale vakuvĩ nake nũndũ wa ĩkomano, yĩikese kũmũvivinya;</verse>
				<verse number="10">nũndũ nũvoetye aingĩ; na onthe ala maĩ na mothĩn’yo mamũvivinyanĩa nĩ kana mamũkiite.</verse>
				<verse number="11">Na maveva mavuku, o yĩla mamwona, mavalũka nthĩ mbee wake, na kũneena na wasya mũnene, makyasya, We nue Mwana wa Ngai.</verse>
				<verse number="12">Na amakindĩlĩla mũno maikamumbũle.</verse>
				<verse number="13">Na ambata kĩĩmanĩ, na ameta o ala wendete we mwene moke kwake; nao mooka vala ũĩ.</verse>
				<verse number="14">Na anyuva ĩkũmi na elĩ kana methĩwae vamwe nake, na nĩ kana amatũme kũtavan’ya,</verse>
				<verse number="15">na kwĩthĩwa na ũkũmũ wa kũvosya mowau na kumya ndaimoni;</verse>
				<verse number="16">na amũtw’ĩĩa Simoni syĩtwa yĩngĩ, Vetelo;</verse>
				<verse number="17">na Yakovo mwana was Sevetii, na Yoana mwana‐a‐inyia wa Yakovo; namo amatw’ĩĩa syĩtwa yĩngĩ, Voaneliki, nayo nĩ, Ana ma kĩtundumo:</verse>
				<verse number="18">na Andalea, na Vilivu, na Valitholomayo, na Mathayo, na Thoma, na Yakovo mwana wa Aluvaio, na Thatayo na Simoni Mũkanaani,</verse>
				<verse number="19">na Yutasi Isikalioti, ũla wamũvũnyanĩe. Na mathi nyũmbanĩ.</verse>
				<verse number="20">Na yĩla ĩkomano yoombana ĩngĩ, ũndũ mo mataatonya ũndũ o na kũya lĩu.</verse>
				<verse number="21">Na andũ ma kwoo meew’a ũu, maumaala mamũkwate: nũndũ masya, E na ndũũka.</verse>
				<verse number="22">Na aandĩki ala matheeie kuma Yelusaleme masya, E na Veelisevuli, na eumya ndaimoni na vinya wa mũnene wa ndaimoni.</verse>
				<verse number="23">Na ameta moke vala ũĩ, na amatavya na ngelekan’yo, Satani atonya ata kumya Satani?</verse>
				<verse number="24">Na ethĩwa ũsumbĩ nĩwĩvathanĩtye, ũsumbĩ ũsu ndũtonya kũũngama.</verse>
				<verse number="25">Na ethĩwa nyũmba nĩyĩvathanĩtye, nyũmba ĩsu ndĩtonya kũũngama.</verse>
				<verse number="26">Na ethĩwa Satanĩ nũkwĩyũkita mwene, na kwĩvathan’ya, ndakaũngama, ĩndĩ e na mũminũkĩlyo.</verse>
				<verse number="27">Ĩndĩ vai mũndũ ũtonya kũvota nyũmbanĩ ya ũla wĩ vinya, akamũvuta mĩio yake, atambĩte kũmwova ũla wĩ vinya; na ĩndĩ aitava ila syĩ nyũmbanĩ yake.</verse>
				<verse number="28">Nĩ w’o nĩngũmwĩa, Naĩ syonthe ĩkaekewa ana ma andũ, na moumano moo ala maumanaa namo:</verse>
				<verse number="29">ĩndĩ o ũla wĩmũuma Veva Mũtheu nde ĩndĩ ũkaekewa, ĩndĩ e na ĩvĩtyo ya tene na tene;</verse>
				<verse number="30">nũndũ masya, E na veva mũvuku.</verse>
				<verse number="31">Na inyia wake na ana‐a‐inyia make mooka; na maũngama nza, na mamũtũmana maimwĩta.</verse>
				<verse number="32">Na ikomano yekala nthĩ yĩmũthyũlũlũkĩte; na mamwĩa, Sisya, mwenyu na ana‐a‐mwenyu me nza na nĩmeũkũmantha.</verse>
				<verse number="33">Na amasũngĩa, na asya, Mwaitũ na ana‐a‐ia naaũ?</verse>
				<verse number="34">Na amasiangya ala mekalĩte nthĩ mamũthyũlũlũkite, na asya, Sisyai, mwaitũ na ana‐a‐ia!</verse>
				<verse number="35">Nĩkwĩthĩwa o ũla wĩkaa kwenda kwa Ngai, ũsu nĩwe mwana‐a‐ia, na mwĩĩtu‐a‐ia, na mwaitũ.</verse>
			</chapter>
			<chapter number="4">
				<verse number="1">Na ambĩlĩlya ĩngĩ kũmanyĩsya e ũtee wa ũkanga. Na ĩkomano ĩnene mũno yamũmbanĩa, na ũndũ wa ũu alika ngalawanĩ, na ekala vu ũkanganĩ; na ĩkomano yonthe yekala nthĩ yĩ ũtee wa ũkanga.</verse>
				<verse number="2">Na amamanyĩsya maũndũ maingi na ngelekan’yo, na ũmanyĩsyonĩ wake amea,</verse>
				<verse number="3">Ĩthukĩĩsyei: mũvuĩi nĩwaendie kũvuĩa:</verse>
				<verse number="4">na kweethĩwa akĩvuĩa, mbeke imwe syavalũka ũtee wa nzĩa, na nyũnyi syooka syaiya.</verse>
				<verse number="5">Na ingĩ syavalũka mavianĩ, vala ve mũthanga mũnini; na oyu syamea, nĩkwĩthĩwa ityaĩ na mũthanga mũliku:</verse>
				<verse number="6">na syũa yaaa, syavova; na nĩkwĩthĩwa ityaĩ na mĩi, syooma.</verse>
				<verse number="7">Na ingĩ syavalũka mĩw’anĩ, na mĩw’a yeana na yainyita, na syaaa mũsyaĩe.</verse>
				<verse number="8">Na ingĩ syavalũka mũthanganĩ mũseo, na syasyaa, ikĩmea na kwĩana; na syasyaa, imwe mĩongo ĩtatũ, na imwe mĩongo thanthatũ, na imwe ĩana.</verse>
				<verse number="9">Na asya, Ũla wĩ matũ ma kwĩw’a, nĩew’e.</verse>
				<verse number="10">Na yĩla waĩ weka, ala mamũthyũlũlũkĩte, vamwe na ala ĩkũmi na elĩ, mamũkũlya ũndũ wa ĩla ngelekan’yo.</verse>
				<verse number="11">Na amea, Inyw’ĩ mũnengetwe kũmanya nzama ya ũsumbĩ wa Ngai: ĩndĩ kwa ala me ũtee, maũndũ onthe nĩmekawa na ngelekan’yo;</verse>
				<verse number="12">kana kũsisya nĩmeũsisya, na matikwona, na kwĩw’a nĩmekwĩw’a, na matiũmanya; maikese kwĩalyũla, na makĩekewa.</verse>
				<verse number="13">Na amakũlya, Mũtyĩsĩ ngelekan’yo ĩno? Mũkamanya ata ĩndĩ ngelekan’yo syonthe?</verse>
				<verse number="14">Ũla mũvũĩi avuĩaa ndeto.</verse>
				<verse number="15">Aa nĩo ala me ũtee wa nzĩa, vala ndeto yavuĩiwe; nao meew’a, oyu Satani akyũka na akyumya ĩla ndeto ĩvuĩiwe ngooni syoo.</verse>
				<verse number="16">Na ala mavuĩiwe mavianĩ no ta ũu, ala, yĩla meew’a ĩla ndeto, nĩmeũmyosa oyu na ũtanu;</verse>
				<verse number="17">na mati na mĩi nthĩnĩ woo, ĩndĩ mekala ĩvinda ĩnini; na ĩtina, yĩla thĩna kana ũnyamao wookĩla kwondũ wa ĩla ndeto, oyu mailulutĩka.</verse>
				<verse number="18">Na angĩ ala mavuĩiwe mĩw’anĩ, nĩ ala meew’a ĩla ndeto,</verse>
				<verse number="19">na mawĩmakĩo ma nthĩ, na ũkengani wa ũthwii, na ĩtomo ya syĩndũ ingĩ makĩlika, na kũnyita ĩla ndeto, na ĩilea ũsyaa.</verse>
				<verse number="20">Na asu ala mavuĩiwe mũthanganĩ mũseo nĩ ala mekwĩw’a ĩla ndeto, na makimyosa, na makĩsyaa, amwe mĩongo ĩtatũ, na angĩ mĩongo thanthatũ, na angĩ ĩana.</verse>
				<verse number="21">Na amakũlya, Taa nũetawe nĩ kana wiwe ungu wa ĩmisi, kana ungu wa ũkomo? Ti kana wiwe vala vatũlu?</verse>
				<verse number="22">Nĩkwĩthĩwa kũti ũndũ ũvithe, ũtakavuanw’a; o na kũti kĩmbithĩ, kĩtakaumbũka ũtheinĩ.</verse>
				<verse number="23">Ethĩwa ve mũndũ wĩ matũ ma kwĩw’a, nĩew’e.</verse>
				<verse number="24">Na amea, Ĩsũvĩei ũndũ mũkwĩw’a: kĩthimo kĩla mũthimaa no kyo mũkathimĩwa; na nĩmũkongeleelwa.</verse>
				<verse number="25">Nũndũ ũla wĩ na kĩndũ, ũsu akanengwa; na ũla ũtaĩ, ũsu akavenwa o na kĩla wĩ nakyo.</verse>
				<verse number="26">Na amea, Ũsumbĩ wa Ngai nĩ ta ũũ, ta mũndũ wavandie mbeũ mũthanganĩ;</verse>
				<verse number="27">na akĩkoma na akĩamũka, ũtukũ na mũthenya, na ila mbeũ ikamea na kwĩana ũndũ ũtesi.</verse>
				<verse number="28">Nthĩ ĩsyaaa ũndũ wayo; mbee nĩ ĩtũ, na mũatĩĩa nĩ kĩia, na mũminũkĩlyo nĩ mbeke mbusũu kĩianĩ.</verse>
				<verse number="29">Ĩndĩ lĩu wooma, oyu akyosa kavyũ, nũndũ ngetha nĩ mbiku.</verse>
				<verse number="30">Nake asya, Twĩũvw’anan’ya na kyaũ ũsumbĩ wa Ngai? Kana twĩũelekan’ya na kĩ?</verse>
				<verse number="31">Ũilyĩ ta mbeke ya kalatali ĩla yavandwa nthĩ, o na kau nĩ nini kwĩ mbeũ syonthe sya nthĩ,</verse>
				<verse number="32">ĩndĩ yavandwa nĩyĩanaa, ĩkethĩwa nene mbee wa nyũnyi syonthe, na kũasavya mbonge nene; ũndũ nyũnyi sya yayaya itonya kwĩkala muunyĩnĩ wayo.</verse>
				<verse number="33">Na amatavasya ĩla ndeto na ngelekan’yo nyingĩ ta isu, o tondũ maĩ matonya kũmĩw’a;</verse>
				<verse number="34">na vate ngelekan’yo ndaaneena nao: ĩndĩ amamanyĩasya amanyĩw’a make maũndũ onthe me nzama.</verse>
				<verse number="35">Na mũthenya ũsu, kwavika wĩoo, amea, Tũingei mũingo ũla ũngĩ.</verse>
				<verse number="36">Na matia ĩkomano, athi nake, e o ngalawanĩ ĩsu. Na ngalawa ingĩ syaĩ vamwe nake.</verse>
				<verse number="37">Na kwookĩla kĩuutani kĩnene kya kĩseve, na itulumo syakũnanga ngalawa, o na ngalawa yambĩlĩlya kusũa manzĩ.</verse>
				<verse number="38">Nake mwene aĩ ĩtina akomete mũtonĩ: na mamũamũkya, mamwĩa, Mũmanyĩsya, ndwĩ na ũndũ tũkyaa?</verse>
				<verse number="39">Na aamũka, na akan’ya kĩseve, na atavya ũkanga, Usya, kilya. Na kĩseve kyausya, na kwaya ũuu mũnene.</verse>
				<verse number="40">Na amakũlya, Nĩkĩ mwĩ na w’ĩa? Mũtinamba kwĩthĩwa na mũĩkĩĩo?</verse>
				<verse number="41">Na makwatwa nĩ w’ĩa mũnene, na maneenan’ya ene kwa ene, Ũũ nũũ ĩndĩ, ũndũ o na kĩseve na ũkanga niũmwĩw’a?</verse>
			</chapter>
			<chapter number="5">
				<verse number="1">Na mainga mũingo ũla ũngi wa ũkanga, mavika nthĩ ya Akelasene.</verse>
				<verse number="2">Na auma ngalawanĩ, oyu mũndũ akomana nake, aumite mbũanĩ, e na veva mũvuku,</verse>
				<verse number="3">ũla waĩ na wĩkalo mbũanĩ: na vatyaĩ mũndũ waatonya kũmwova, aiee, o na mũnyololo;</verse>
				<verse number="4">nĩkwĩthĩwa nĩwovawa mavinda maingĩ na mbĩngũ na mĩnyololo, na mĩnyololo nĩyatusangawa nĩwe, na mbĩngũ nĩsyatũlangawa ilungu, na vatyaĩ mũndũ waĩ na vinya wa kũmũvoovya.</verse>
				<verse number="5">Na mavinda onthe, mũthenya na ũtukũ, mbũanĩ na iĩmanĩ, ekalaa akĩlonzan’ya na kwĩtemanga na mavia.</verse>
				<verse number="6">Na amwona Yesũ e kũasa, asemba na amũthaitha;</verse>
				<verse number="7">na aneena na wasya mũnene, akyasya, Nĩ ũndũ naku wa kĩ, we Yesũ, Mwana wa Ngai Ula Wĩ Ĩũlũ wa Onthe? Nĩngũkwĩavĩthya kwa Ngai, ndũkanyamasye.</verse>
				<verse number="8">Nũndũ amwĩie, Uma we, veva mũvuku, mũndũnĩ ũũ.</verse>
				<verse number="9">Nake amũkũlya, Syĩtwa yaku nue ata? Amwĩa, Syĩtwa yakwa, ninyie Nguthu; nũndũ twi aingĩ.</verse>
				<verse number="10">Na amwĩsũva mũno ndakamalũngye maume nthĩ ĩsu.</verse>
				<verse number="11">Na vau nguumo wa kĩĩma kwaĩ ĩĩthya ya ngũlũe nyingĩ ikĩya.</verse>
				<verse number="12">Nao mamwĩsũva, makyasya, Twĩe tũende ĩĩthyanĩ ya ngũlũe, tũlike nthĩnĩ wasyo.</verse>
				<verse number="13">Na amanenga ũthei. Na ala maveva mavuku mauma na malika ngũlũenĩ: na yĩla ĩĩthya ya ngũlũe yatheea kĩvaũũkonĩ yĩsembete, yalika ũkanganĩ, ũtalo wasyo nĩ ta ngili ilĩ; na syakw’ĩa ũkanganĩ.</verse>
				<verse number="14">Na ala maĩthasya makĩa, na matavan’ya ũvoo ndũanĩ na ndee. Na andũ mauma mone ũndũ ũla wĩkĩkie.</verse>
				<verse number="15">Na mooka vala ve Yesũ, na moona ũla eĩkwatĩtwe nĩ ndaimoni ailyĩ nthĩ, evw’ĩkĩte ngũa, e na kĩlĩko, nake nĩwe ũla eĩ na ila nguthu: na makĩa.</verse>
				<verse number="16">Na ala moonie ũndũ ũsu, mamatavya ũndũ wĩkiwe ũsu ũla eĩkwatĩtwe nĩ ndaimoni, na ũvoo wa ila ngũlũe.</verse>
				<verse number="17">Na mambĩlĩlya kũmwĩsũva Yesũ aume mĩvakanĩ yoo.</verse>
				<verse number="18">Na ailika ngalawanĩ, ũla eĩkwatĩtwe nĩ ndaimonĩ amwĩsũva ekalan’ye nake.</verse>
				<verse number="19">Na Yesũ amũvata, ĩndĩ amwĩa, Enda nyũmba kwaku kwa andũ maku, ũkamatavye maũndũ ũndũ manenevete ala Mwĩaĩi ũkwĩkie, na ũndũ ũkwĩw’ĩie tei.</verse>
				<verse number="20">Na akwata nzĩa athi, na ambĩlĩya kũtavan’ya ku Ndekavoli maũndũ ũndũ manenevete ala Yesũ ũmwĩkie: na andũ onthe maseng’a</verse>
				<verse number="21">Na Yesũ ainganĩsya ĩngĩ na ngalawa kũvika mũingo ũla ũngĩ, ĩkomano ĩnene yoombana vala ũĩ; nake aĩ ũtee wa ũkanga.</verse>
				<verse number="22">Na kwooka ũmwe wa anene ma ĩsinakoke, syĩtwa yake eetawa Yailu; na amwona, avalũka maũũnĩ make,</verse>
				<verse number="23">na amwĩsũva mũno, akyasya, Kelitu kakwa nĩkeũkw’a: nĩngũũvoya wũke ũkakailĩĩle moko maku, kavoe kethĩwe thayũ.</verse>
				<verse number="24">Na aendan’ya nake: na ikomano ĩnene yamũatĩĩa na yamũvivinya.</verse>
				<verse number="25">Na kwai mũndũ mũka ũla waumawa nĩ nthakame ĩvinda ya myaka ĩkũmi na ĩlĩ,</verse>
				<verse number="26">na anyamaaw’a mũno nĩ aiiti aingĩ, na aanangĩte syonthe ila waĩ nasyo, na ndaĩ kavaa o na vanini, ĩndĩ aendeea na kũwaa,</verse>
				<verse number="27">na eew’a ũvoo wa Yesũ, alikĩla nguthunĩ e ĩtina, na akiita ngua yake.</verse>
				<verse number="28">Nũndũ aisye, Nakiita o na ethĩwa no ngũa syake, nĩngũvoa nĩthĩwe nĩ mũima.</verse>
				<verse number="29">Na oyu nthongo ya nthakame yake yang’ala; na eew’a mwĩĩnĩ wake kana nĩwavoa ũthĩn’yo ũsu wake.</verse>
				<verse number="30">Na oyu Yesũ amanya nthĩnĩ wake kana vinya nĩwauma kwake, eethyũũa e nguthunĩ, na akũlya, Nũũ ũla wangiita ngũa syakwa?</verse>
				<verse number="31">Na amanyĩw’a make mamwĩa, Nũkwona ũndũ ĩkomano yĩũkũvivinya, naku wikũlya, Nũũ ũla wangiita?</verse>
				<verse number="32">Na asisya ngalĩ syonthe nĩ kana one ũla weka ũndũ ũsu.</verse>
				<verse number="33">Na ũla mũndũ mũka aĩkĩa na kũtetema, amanya ũndũ wekwa, ooka na avalũka nthĩ mbee wake, na amũtavya w’o w’onthe.</verse>
				<verse number="34">Nake amwĩa, Mwĩĩtu, mũĩkĩĩo waku nĩwakũvosya; thi na ũvoo, wĩthĩwe wĩ mũima, ũte na ũthĩn’yo waku.</verse>
				<verse number="35">Akĩneena, kwooka andũ kuma kwa mũnene wa ĩsinakoke, makyasya, Mwĩĩtu waku nĩwakw’a: yu wĩnyamaĩsya Mũmanyĩsya kĩ?</verse>
				<verse number="36">Indĩ Yesũ eew’a ndeto ĩla yaneenwa, amwia ũla mũnene wa ĩsinakoke, Ndũkakĩe, ĩkĩĩa tũ.</verse>
				<verse number="37">Na ndaaĩtĩkĩla mũndũ aendan’ye nake, ate o Vetelo, na Yakovo, na Yoana mwana‐a‐inyia wa Yakovo.</verse>
				<verse number="38">Na mavika nyũmba ya ũla mũnene wa ĩsinakoke; na oona kĩtuu kĩnene, na andũ aingĩ makĩĩa na kũmeta mũno.</verse>
				<verse number="39">Na avota nthĩnĩ, amakũlya, Nĩkĩ mũũlonzan’ya na kũĩa? Kana ti kakw’ũ ĩndĩ nĩkakomete.</verse>
				<verse number="40">Nao mamũthekeea mũno. Indĩ we, amaumaalya onthe nza, athi na ĩthe wa kala kana na inyia wako, na ala maĩ vamwe nake, avota namo nthĩnĩ vala ve kala kana.</verse>
				<verse number="41">Na akwata kana kw’oko, akea, Talĩtha kumi; ũalyũlo wa ndeto nĩ, Kelĩtu, nĩkwĩa, Ũkĩla.</verse>
				<verse number="42">Na oyu kala kelĩtu kaũngama, kathi na maũũ: nũndũ kaĩ ka myaka ĩkũmi na ĩlĩ. Na oyu maseng’a na ũseng’yo mũnene.</verse>
				<verse number="43">Na amavata mũno mũndũ ndakamanye ũndũ ũsu: na eeaa kanengwe kya ũya.</verse>
			</chapter>
			<chapter number="6">
				<verse number="1">Na auma vo; na athi nthĩ ĩla ya kwoo; na amanyĩw’a make mamũvikĩla.</verse>
				<verse number="2">Na mũthenya wa savato wavĩka, ambĩlĩlya kũmanyĩsya ĩsinakokenĩ: na aingĩ makĩmwĩw’a maseng’a, makyasya, Mũndũ ũũ aumĩtye maũndũ aa va? Na, Ũĩ ũũ nĩ mwaũ ũla ũnengetwe mũndũ ũũ, o na mavinya aa mekwĩkwa na moko make?</verse>
				<verse number="3">Ũũ ti ũla mũseũvya wa mbwaũ, mwana wa Meli, na mwana‐a‐inyia wa Yakovo, na Yose, na Yutasi, na Simoni? Na eĩtu‐a‐inyia mati kũũ kwitũ? Na malulutĩkw’a nĩwe.</verse>
				<verse number="4">Na Yesũ amea, Mwathani ndalea kwĩthĩwa na ndaĩa, ate o nthĩ yake mwene, na mbaĩnĩ yake, na nyũmbanĩ yake.</verse>
				<verse number="5">Na ndaatonya kwĩka wĩko wĩ vinya vo, ate o kũmailĩĩla moko make andũ awau avũthũ, na kũmavosya.</verse>
				<verse number="6">Na aseng’a nũndũ wa kũlea kwĩtĩkĩla kwoo. Na anganga mĩsyĩ akĩmanyĩsya.</verse>
				<verse number="7">Na ameta kwake ala ĩkũmi na elĩ, na ambĩlĩlya kũmatũma elĩ na elĩ; na amanenga ũkũmũ ĩũlũ wa maveva mavuku;</verse>
				<verse number="8">na ameaĩa maikakue kĩndũ kya nzĩanĩ, ate o ndata yoka; vate kĩmũtũ, kana mũvuko, kana mbesa ngusunĩ syoo;</verse>
				<verse number="9">ĩndĩ mekĩe iatũ: na asya, Mũikekĩe itonyeo ilĩ.</verse>
				<verse number="10">Na amea, O vala mwĩvota nyũmba, mwĩĩkala vo kũvika o yĩla mwĩvauma.</verse>
				<verse number="11">Na o ũla ũteũmũthokya na kũmwĩw’a, mũkyũma vo, tuangai kĩtoo kĩla kĩ maũũnĩ menyũ wĩthĩwe ũkũsĩ kwoo.</verse>
				<verse number="12">Na maumaala mathi, na matavan’ya kana andũ maalyũle ngoo.</verse>
				<verse number="13">Na maumya ndaimoni nyingĩ, na makiitya andũ aingĩ mauta ala maĩ awau, na mamavosya.</verse>
				<verse number="14">Na mũsumbĩ Elote eew’a ũvoo ũsu; nũndũ syĩtwa ya Yesũ nĩyeesĩkĩwe: na asya, Yoana ũla Mũvatisi nũthayũũkĩte kuma akw’ũnĩ, na kwondũ wa ũu mavinya aa metethya wĩa nthĩnĩ wake.</verse>
				<verse number="15">Ĩndĩ angĩ masya, Nĩ Eliya. Na angĩ masya, Nĩ mwathanĩ, o ta ũmwe wa athani.</verse>
				<verse number="16">Ĩndĩ Elote eew’a asya, Yoana ũla namũtilile mũtwe, nĩwe ũthayũũkĩte.</verse>
				<verse number="17">Nũndũ Elote mwene aĩ anatũma andũ na akamũkwata Yoana, akamwova kolokolonĩ kwondũ wa Elotia, mũka wa mwana‐a‐inyia wake Vilivu; nũndũ nĩwamũtwaĩte.</verse>
				<verse number="18">Nũndũ Yoana amũtavisye Elote, Kũtyosana na mĩao we kwĩthĩwa na mũka wa mwana‐a‐mwenyu.</verse>
				<verse number="19">Na ĩndĩ Elotia aĩ na ũthũ nake, na nĩwendaa kũmũaa; na ndaatonya;</verse>
				<verse number="20">nũndũ Elote nĩwamũkĩaa Yoana, nĩkwĩthĩwa nĩwesĩ kana nĩ mũndũ mũlũngalũ na mũtheu, na nĩwamũsũvĩaa. Na amwĩw’a nĩwasaanĩaw’a nĩ maũndũ maingĩ; ĩndĩ amwĩthukĩĩasya na mũyo.</verse>
				<verse number="21">Na mũthenya waĩle wavika, Elote amavokea mboka ya mũthenya wa kũsyawa kwake, na ameta eaĩi ma kwake, na maovisa ma asikalĩ, na andũ me nguma ma Kalilii;</verse>
				<verse number="22">na mwĩĩtu wa Elotia ũsu alika na asũnga, amwendeesya Elote na ala mailyĩ lĩunĩ vamwe nake; na mũsumbĩ amwĩa ũla mwĩĩtu, Mbĩtya o kĩla ũkwenda na nĩngũũnenga.</verse>
				<verse number="23">Nake eevĩta, amwĩa, O kĩla wĩmbĩtya ngakũnenga, kũvika nyunzu ya ũsumbĩ wakwa.</verse>
				<verse number="24">Na aumaala, amũkũlya inyia wake, Nĩmwĩtya kyaũ? Na asya, Mũtwe wa Yoana ũla Mũvatisi.</verse>
				<verse number="25">Na oyu alika na mĩtũkĩ vala ve mũsumbĩ, amwĩtya, akyasya, Nĩngwenda ũnenge oyu mũtwe wa Yoana ũla Mũvatisi, wĩ ĩsaaninĩ.</verse>
				<verse number="26">Na mũsumbĩ eew’a woo mũno; ĩndĩ kwondũ wa mawĩvĩto make, na kwondũ wa ala mailyĩ lĩunĩ, ndaaĩtĩkĩla kũmũvata.</verse>
				<verse number="27">Na oyu mũsũmbĩ atũma mũsikalĩ ũmwe wa asũvĩi make, na eeaa mũtwe wake ũetwe: na athi amũtila mũtwe, e kolokolonĩ,</verse>
				<verse number="28">na aete mũtwe wake wĩ ĩsaaninĩ, oonenga ũla mwĩĩtu; na mwĩĩtu anenga inyia wake.</verse>
				<verse number="29">Na amanyĩw’a ma Yoana meew’a ũvoo, mooka moosa kimba kyake, mathika mbũanĩ.</verse>
				<verse number="30">Na atũmwa mamũmbanĩa Yesũ; na mamũtavya maũndũ onthe, o ala meekie, na ala mamanyĩisye.</verse>
				<verse number="31">Na amea, Ũkai inyw’ĩ mwĩ inyw’oka vandũ vate andũ, mũthũmũe vanini. Nũndũ kwaĩ aingĩ mokĩte na maendete, na matyaĩ na ũthei o na wa kũya.</verse>
				<verse number="32">Na mathi ngalawanĩ me oka vandũ vate andũ,</verse>
				<verse number="33">Na andũ mamona maendete, na aingĩ mamamanya, na masemba vo na nyaĩĩ maũmĩte ndũanĩ syonthe, na mamba ũvika.</verse>
				<verse number="34">Na Yesũ aũma ngalawanĩ oona ĩkomano ĩnene, na amew’ĩa andũ tei, nĩkwĩthĩwa mailyi ta malondũ mate na mũĩthi: na ambĩlĩlya kũmamanyĩsya maũndũ maingĩ.</verse>
				<verse number="35">Na yĩla kwatwie kũtuka, amanyĩw’a make mooka vala ũĩ, mamwĩa, Vaa tũĩ nĩ weũnĩ, na nĩkũtwie kũtuka;</verse>
				<verse number="36">ũmbũũkya aa, nĩ kana mathi ndee na mĩsyĩ kũũ na kũũ makethooee liu.</verse>
				<verse number="37">Indĩ asũngĩa, amea, Manengei lĩu e inyw’ĩ. Na mamũkũlya, Tũende tũkathooe imũtũ sya silingi maana elĩ, tũkamanenge maye?</verse>
				<verse number="38">Na amasũngĩa, Mwĩ na imũtũ syĩana? Endai mũsisye. Na mamanya masya, Nĩ itano, na makũyũ elĩ.</verse>
				<verse number="39">Na ameaĩa mekalye onthe nthĩ nyekinĩ nziũ, ngũthũ na nguthu.</verse>
				<verse number="40">Na mekala nthĩ mĩkw’ĩlĩ, kũmwe ĩana na kũngĩ mĩongo ĩtano.</verse>
				<verse number="41">Na oosa ila imũtũ itano na ala makũyũ elĩ, na ang’elela ĩtunĩ aithima na aitilanga ila imũtũ; na anenga amanyĩw’a mamaaĩe; na ala makũyũ elĩ amaaĩa onthe.</verse>
				<verse number="42">Na onthe maya mavũna.</verse>
				<verse number="43">Na moosa ilungu ila ndile, ikavũ ĩkũmi an ilĩ syausũa, na sya makũyũ namo.</verse>
				<verse number="44">Na ala maĩe ila imũtũ maĩ aũme ngili itano.</verse>
				<verse number="45">Na oyu amathing’ĩĩsya amanyĩw’a make malike ngalawanĩ, mambe kũinganĩsya mũingo ũla ũngĩ, kũvika Vethisaita, ĩvinda yĩla we mwene ũnũkũmbũũkya makomano.</verse>
				<verse number="46">Na amatiĩa ũvoo athi kĩĩmanĩ kũvoya.</verse>
				<verse number="47">Na kwavika wĩoo ĩla ngalawa yaĩ ũkanganĩ katĩ, nake aĩ weka ku mwaĩo.</verse>
				<verse number="48">Na amona makĩthĩna nĩ ũtwaa ngalawa, nũndũ kĩseve nĩkyamathaũĩtye, ta ũsyaĩĩsyo wa kana wa ũtũkũ athi vala maĩ, akinyĩle ũkanganĩ ĩũlũ; na enda kũmavĩta:</verse>
				<verse number="49">ĩndĩ mo mamwona akinyĩle ũkanganĩ ĩũlũ, matalĩthya kana nĩ ĩimũ, na makaya;</verse>
				<verse number="50">nũndũ onthe nĩmamwonie, na maũũya. Ĩndĩ oyu aneena nao, na amea, Ĩthĩwai na ũnyiau: ninyie; mũikakĩe.</verse>
				<verse number="51">Na ambata vala maĩ ngalawanĩ; na kĩseve kyakilya: na maseng’a mũno nthĩnĩ woo;</verse>
				<verse number="52">nũndũ maiaamanya ũndũ wa ila imũtũ, ĩndĩ ngoo syoo syaĩ nyũmũ.</verse>
				<verse number="53">Na mainga mavika nthĩ ya Kenesaleti, na moova ngalawa ũtee wa ũkanga.</verse>
				<verse number="54">Na mauma ngalawanĩ, oyu andũ mamũmanya,</verse>
				<verse number="55">na masemba makoman’ya nthĩ ĩsu yonthe, na mambĩlĩlya kũkua na mokomo moo ala maĩ awau, mamaete vala meewie ũĩ.</verse>
				<verse number="56">Na kw’onthe kũla wavotie, mĩsyĩ, kana ndũanĩ kana ndee, mamaia ala awau ing’ang’anĩ, na mamwĩsũva makiite o na ethĩwa no ũtiivo wa ngũa yaye; nao onthe ala mamũkiitie mavow’a vyũ.</verse>
			</chapter>
			<chapter number="7">
				<verse number="1">Na Avalisi na amwe ma aandĩki ala maumĩte Yelusaleme mamũmbanĩa,</verse>
				<verse number="2">na moona amwe ma amanyĩw’a make makĩya lĩu woo na nzaa mbuku, nasyo nĩ ila ite nthambye.</verse>
				<verse number="3">(Nũndũ Avalisi na Ayuti onthe, makĩkwata mokũũ ma atumĩa, matiĩsaa matathambĩte nzaa mũno;</verse>
				<verse number="4">na mauma kĩng’ang’anĩ, matathambĩte matiya; na ve maũndũ angĩ maingĩ ala makothaa kũkwata, ta kũthambya ikombe, na mbisũ, na mĩio ya ũthũku.)</verse>
				<verse number="5">Na ĩndĩ ala Avalisi na aandĩki mamũkũlya, Nĩkĩ amanyĩw’a maku matikinyaa kwĩanana na mokũũ ma atumĩa, ĩndĩ nĩmaĩsaa lĩu woo na nzaa mbuku?</verse>
				<verse number="6">Na amea, Isaia nĩwathanie nesa ũndũ wenyu angangan’ya, o ũndũ kũandĩkĩtwe, Andũ aa nĩmandaĩaa na ilomo syoo, Ĩndĩ ngoo syoo syĩ kũasa nakwa. Ĩndĩ manthaithaa ũthaithi wa mana,</verse>
				<verse number="7">Makĩmanyĩsya momanyĩsyo, nao nĩ mawĩaĩo ma andũ.</verse>
				<verse number="8">Nĩmũtiaa mĩao ya Ngai, na kũkwataa mũno mokũũ ma andũ, ta kũthambya mbisũ na ikombe: na maũndũ maingĩ ta asu nĩmwĩkaa.</verse>
				<verse number="9">Na amea, Nĩmũleaa vyũ ĩla mĩao ya Ngai nĩ kana mwĩkalae na mokũũ menyu,</verse>
				<verse number="10">Nũndũ Mose aisye, Taĩa au na mwenyu; na, Ũla ũnũkũuma ĩthe kana nyinyia, nakw’e:</verse>
				<verse number="11">ĩndĩ inyw’ĩ mwĩasya, Ethĩwa mũndũ akamwĩa ĩthe kana nyinyia, Kĩndũ o na kĩva kĩla naĩ ndonya ũkũnenga nĩ Kolivani, naw’o nĩ kwasya, Nĩkĩnengetwe Ngai;</verse>
				<verse number="12">inyw’ĩ mũtiĩtĩkĩla ĩngĩ akamũtethya ĩthe kana nyinyia na ũndũ;</verse>
				<verse number="13">nĩmũkwananga ndeto ya Ngai kwondũ wa mokũũ menyu, ala mũtianĩaa: na maũndũ maingĩ ta asũ nĩmwĩkaa.</verse>
				<verse number="14">Na ayĩta ĩkomano yũke vala ũi ĩngĩ, na ayĩa, Mbĩthukĩĩsyai inyw’onthe, mũmanye:</verse>
				<verse number="15">vai kĩndũ kĩ ũtee wa mũndũ kĩla kĩkĩlika nthĩni wake kĩtonya kũmũvukya; ĩndĩ maũndũ ala maumaa nthĩnĩ wake, nĩmo mamũvukasya ũla mũndũ.</verse>
				<verse number="16">(Ethĩwa mũndũ e na matũ ma kwĩw’a, nĩew’e.)</verse>
				<verse number="17">Na atia ĩkomano, alika nyũmba, amanyĩw’a make mamũkũlya ũndũ wa ĩla ngelekan’yo.</verse>
				<verse number="18">Na amea, Inyw’ĩ nenyu mũti na ũmanyi? Mũtiũmanya kana o kĩla kĩ ũtee wa mũndũ kyamũlika mũndũ, kĩitonya kũmũvukya;</verse>
				<verse number="19">nũndũ kĩivotaa ngoonĩ, ĩndĩ ĩvunĩ yake, na nĩkĩũmĩwa? Asya ũu, atheisye sya ũya syonthe.</verse>
				<verse number="20">Na asya, Ũndũ ũla wumaa nthĩnĩ wa mũndũ, nĩw’o ũvukasya mũndũ.</verse>
				<verse number="21">Nũndũ kuma nthĩnĩ, ngoonĩ sya andũ, nĩkw’o kumaa malilikano mathũku, mawathavu, mong’ei, maũaani, molaalaĩ,</verse>
				<verse number="22">mawendi, mothũku, mokengani, mĩmeo mĩthũku, itho ĩthũku, kũumana, wĩyĩan’yo, ũtumanu:</verse>
				<verse number="23">maũndũ asu onthe mathũku maumaa nthĩnĩ, na nĩmo mavũkasya mũndũ.</verse>
				<verse number="24">Na auma vo, athi mĩvakanĩ ya Tile na Sitoni. Na avota nyũmba na ndendaa ũmanyĩke nĩ mũndũ; na ndaatonya kwĩvitha.</verse>
				<verse number="25">Ĩndĩ oyu mũndũ mũka, ũla kelĩtu kake kaĩ na veva mũvuku, eew’a ũvoo wake, ooka na amũvalũkĩla maũũnĩ make.</verse>
				<verse number="26">Na ũla mũndũ mũka aĩ Mũkiliki ũko wa Silovonike. Na amwĩsũva amumĩsye mwĩĩtu wake ĩla ndaimoni.</verse>
				<verse number="27">Na amwĩa, Ieke syana syambe ũvũna: nũndũ ti ũseo kwosa lĩu wa syana na kũwĩkĩsya ngitĩ.</verse>
				<verse number="28">Ĩndĩ we asũngĩa, amwĩa, Ĩĩ, Mwĩaĩi; ĩndĩ o na ngitĩ syĩ ungu wa mesa niĩsaa tũlungu tũla tũũvalũkangw’a nĩ syana.</verse>
				<verse number="29">Na amwĩa, Kwondũ wa ndeto ii enda; ndaimoni nĩyumie mwĩĩtunĩ waku.</verse>
				<verse number="30">Na enũka, na amwĩthĩa mwana akomete ũkomonĩ, na ĩla ndaimoni nĩyumie.</verse>
				<verse number="31">Na ĩngĩ auma mĩvakanĩ ya Tile, avĩtĩla Sitoni, athi kũvika ũkanga wa Kalilii, avĩtĩle katĩ wa mĩvaka ya Ndekavoli.</verse>
				<verse number="32">Na mamũetee ũmwe mwau matũ, na wavũvũtaa; na mamwĩsuva amwilĩĩle kw’oko kwake.</verse>
				<verse number="33">Na amwosa e weka amũvanthan’ya na ĩkomano, na amwĩkĩa syaa syake matũnĩ make, na atw’ĩla mata, na akiita ũĩmĩ wake;</verse>
				<verse number="34">na ang’elela ĩtunĩ avevũũka, na amwĩa, Evavatha, ũalyũlo nĩ, Vingũka.</verse>
				<verse number="35">Na matũ make mavingũka, na kĩla kyoovete ũĩmĩ wake kyathaw’a, na aneena nesa.</verse>
				<verse number="36">Na ameaĩa maikatavye mũndũ: ĩndĩ o ũndũ wongeleele kũmeaĩa, now’o mongeleele mũno kũtavan’ya.</verse>
				<verse number="37">Na maseng’a ũndũ ũtathimĩka, makyasya, Nĩwĩkĩte maũndũ onthe nesa; nũtumaa o na ala au matũ mew’a, na ala mataaneena maneena.</verse>
			</chapter>
			<chapter number="8">
				<verse number="1">Na ĩngĩ matukũ asu, yĩla kwaĩ ĩkomano ĩnene, nayo yĩtyaĩ na kya ũya, ameta amanyĩw’a make, na amea,</verse>
				<verse number="2">Nĩngũyĩw’ĩa ĩkomano tei, nĩkwĩthĩwa yu nĩ matukũ atatũ mekalĩte nakwa, na mati na kya ũya:</verse>
				<verse number="3">na ethĩwa nĩngũmombũũkya maende kwoo me na nzaa, makanyalĩla nzĩanĩ; na amwe moo maumĩte kũasa.</verse>
				<verse number="4">Na amanyĩw’a make mamũsũngĩa, Mũndũ atonya ata kũvũnĩthya andũ aa na imũtũ kũũ weũnĩ?</verse>
				<verse number="5">Na amakũlya, Mwĩ na imũtũ syĩana? Na masya, Nĩ mũonza.</verse>
				<verse number="6">Na ayĩaĩa ĩkomano yĩkale nthĩ: nake oosa ila imũtũ mũonza, na atũnga mũvea, na atilanga, na anenga amanyĩw’a make, mamaaĩe; na mayĩaĩa ĩkomano.</verse>
				<verse number="7">Na maĩ na tũmakũyũ tũvũthũ: na atũathima, na eeaa kana mayĩaĩe tũu natw’o.</verse>
				<verse number="8">Na maya, mavũna: na moosa ũtialo wa ilungu ila ndile, ikavũ mũonza.</verse>
				<verse number="9">Na ala maĩe maĩ ta ngili inya: na amombũũkya.</verse>
				<verse number="10">Na oyu alika ngalawanĩ vamwe na amanyĩw’a make, na athi ngalĩ sya Ndalimanutha.</verse>
				<verse number="11">Na Avalisi maumĩla, na mambĩlĩlya kũkũlan’ya nake, makĩmantha kyama kuma ĩtunĩ, makĩmũtata.</verse>
				<verse number="12">Na avevũũka mũno vevanĩ wake na asya, Nĩkĩ ũsyao ũũ ũkũmantha kyama? Nĩ w’o nĩngũmwĩa, Ũsyao ũũ ndũkanengwa kyama.</verse>
				<verse number="13">Na amatia, na avota ĩngĩ ngalawanĩ, ainga mũingo ũla ũngĩ.</verse>
				<verse number="14">Na nĩmoolĩtwe nĩ ũkua imũtũ; ate o kĩmũtũ kĩmwe maĩ nakyo ngalawani.</verse>
				<verse number="15">Na ameaĩa, akyasya, Ĩmanyĩlĩlei, ĩsũvĩei yĩla ĩlawa ya Avalisi na ya Elote.</verse>
				<verse number="16">Na masũanĩa ene kwa ene, makyasya, Nĩkwĩthĩwa tũi na imũtũ.</verse>
				<verse number="17">Na Yesũ amanya ũu amea, Nĩkĩ mũũsũanĩa nũndũ mũi na imũtũ? Mũinamba kwona o na kũmanya? Ngoo syenyu ko nyũmũ?</verse>
				<verse number="18">Mwĩ na metho, na mũtikwona? Na mwĩ na matũ, na mũtikwĩw’a? O na mũtiũlilikana?</verse>
				<verse number="19">Yĩla namatilangĩle andũ ngili itano ila imũtũ itano, mwoosie ikavũ syĩana syusũĩte ilungu ila ndile? Mamwĩa, Nĩ ĩkũmi na ilĩ.</verse>
				<verse number="20">Na ĩvinda yĩla nĩnamatilangĩle andũ ngili inya imũtũ mũonza, mwoosie ikavũ syĩana sya ilungu ila ndile? Na mamwĩa, Nĩ mũonza.</verse>
				<verse number="21">Na amea, O na yu mũtinamba ũmanya?</verse>
				<verse number="22">Na mavika Vethisaita. Na mamũetee kĩlilinda, mamwĩsũva akĩkiite.</verse>
				<verse number="23">Na akwata kĩla kĩlilinda kw’oko, akĩtwaa ũtee wa mũsyĩ; na akĩtw’ĩla mata metho, na akilĩĩla moko, akĩkũlya, Nũkwona kĩndũ?</verse>
				<verse number="24">Na kyookĩlya metho, kyasya, Nĩngwona andũ; nũndũ nĩngũmona ta mĩtĩ, maendete.</verse>
				<verse number="25">Na akilĩĩla moko ĩngĩ methonĩ; na kyaketeea mũno, nakyo kyavow’a, na kyoona syĩndũ syonthe nesa.</verse>
				<verse number="26">Na amwĩa enũke kwoo, akyasya, O na mũsyĩ ũũ ndũkavote vo.</verse>
				<verse number="27">Na Yesũ na amanyĩw’a make mauma vo, mathi mĩsyĩ ya Kaisalea ya Vilivu: na me nzĩanĩ maendete amakũlya amanyĩw’a make, akysaya, Andũ measya nyie nĩ ũũ?</verse>
				<verse number="28">Na mamũtavya, makyasya, Wĩ Yoana ũla Mũvatisi; na angĩ, Wĩ Eliya; ĩndĩ angĩ, Wĩ ũmwe wa athani.</verse>
				<verse number="29">Na amakũlya, Ĩndĩ inyw’ĩ mwĩasya nyie nĩ ũũ? Vetelo asũngĩa, amwĩa, We nue Klĩsto.</verse>
				<verse number="30">Na ameaĩa maikatavye mũndũ ũndũ wake.</verse>
				<verse number="31">Na ambĩlĩlya kũmamanyĩsya kana Mwana wa mũndũ ndatĩa ũthĩnw’a na mathĩna maingĩ, na kũlewa nĩ atumĩa, na athembi anene, na aandĩki, na kũawa, na mĩthenya ĩtatũ yathela akathayũũka ĩngĩ.</verse>
				<verse number="32">Na aneena ndeto isu ateũvitha. Na Vetelo amwosa, ambĩlĩlya kũmũkan’ya.</verse>
				<verse number="33">Ĩndĩ we eethyũũa, na amasisya amanyĩw’a make, amũkan’ya Vetelo, akyasya, Syoka ĩtina wakwa, Satani; nũndũ ndũũlilikana maũndũ ma Ngai, ĩndĩ nĩ ala ma andũ.</verse>
				<verse number="34">Na ayĩta ĩkomano na amanyĩw’a make nao, na amea, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake, na akĩmbikĩla.</verse>
				<verse number="35">Nũndũ o ũla ũnũkwenda kũvĩtya thayũ wake akawasya; na o ũla ũkawasya thayũ wake kwondũ wakwa na kwondũ wa ũvoo mũseo, ũsu akoovĩtya.</verse>
				<verse number="36">Nũndũ mũndũ aunwa nĩ kyaũ o na akosa nthĩ nima na akyasya thayũ wake?</verse>
				<verse number="37">Nũndũ mũndũ akakũan’ya thayũ wake na kyaũ?</verse>
				<verse number="38">Nũndũ o ũla ũkambĩw’ĩa nthoni nyie kana ndeto syakwa ũsyaonĩ ũũ wa ũlaalai na wa naĩ, nake Mwana wa mũndũ nũkamwĩw’ĩa nthoni, yĩla ũkoka ũtheunĩ mũtisu wa Ĩthe wake vamwe na alaĩka atheu.</verse>
			</chapter>
			<chapter number="9">
				<verse number="1">Na amea, Nĩ w’o nĩngũmwĩa, Ve andũ amwe ma aa maũngeme vaa, ala matakasama kĩkw’ũ nongi, matanamba kwona ũsumbĩ wa Ngai wũkĩte na vinya.</verse>
				<verse number="2">Na matukũ thanthatũ mathela Yesũ oosa Vetelo, na Yakovo, na Yoana, ambata nao kĩĩmanĩ kĩtũlu me oka: na mũvw’ano wake waalyũka mene;</verse>
				<verse number="3">na ngũa syake syakaka, syeeũva kw’ũ, ũndũ mũthambya o na wĩva kũũ nthĩ ũtatonya kweũvya.</verse>
				<verse number="4">Na Eliya vamwe na Mose mamaumĩlĩa: nao nĩmaneenanasya na Yesũ.</verse>
				<verse number="5">Na Vetelo asũngĩa na amwĩa Yesũ, Lavai, nĩ ũseo kwitũ kwĩthĩwa vaa: na twake malwanda atatũ; yĩmwe yĩthĩwe yaku, na yĩmwe ya Mose, na yĩmwe ya Eliya.</verse>
				<verse number="6">Nũndũ ndaamanya ũndũ wa kũneena; nĩkwĩthĩwa nĩmalikilwe nĩ w’ĩa mũnene.</verse>
				<verse number="7">Na kwooka ĩthweo yamekĩa muunyĩ: na wasya wauma ĩthweonĩ, ũkyasya, Ũũ nĩwe Mwana wakwa mwendwa: mwĩw’ei we.</verse>
				<verse number="8">Na mĩtũkĩ masisya kũũ na kũũ, na matyaona mũndũ ĩngĩ, ate o Yesũ weka vamwe nao.</verse>
				<verse number="9">Na makĩtheea kuma kĩĩmanĩ, ameaĩa maikatavye mũndũ maũndũ ala monie, mũvaka o yĩla Mwana wa mũndũ ũkathayũũka kuma kwa akw’ũ.</verse>
				<verse number="10">Na masũvĩa ĩla ndeto, maikũlan’ya ene kwa ene ũndũ kũthayũũka kuma kwa akw’ũ kũilyĩ.</verse>
				<verse number="11">Na mamũkũlya, makyasya, Nĩkĩ ĩndĩ aandĩki mekwasya mũvaka Eliya ambe kũka?</verse>
				<verse number="12">Na amea, Nĩ w’o Eliya nĩwũkĩte mbee, na kũtũnga maũndũ onthe kwĩthĩwa meũ: ĩndĩ kũandĩkĩtwe ata ũndũ wa Mwana wa mũndũ, kana akathĩnw’a na mathĩna maingĩ na kũlewa?</verse>
				<verse number="13">Ĩndĩ nĩngũmwĩa kana Eliya nĩwokie, nao mamwĩkie o ũndũ mendie, o ũndũ waandĩkĩwe.</verse>
				<verse number="14">Na mavika vala ve amanyĩw’a, moona ĩkomano ĩnene yĩmathyũlũlũkĩte, na aandĩki maikũlangan’ya nao.</verse>
				<verse number="15">Na oyu ĩkomano yonthe yamwona, yaseng’a mũno, na yasemba vala ũĩ yamũkethya.</verse>
				<verse number="16">Na amakũlya ala aandĩki, Mwĩkũlan’ya nao ata?</verse>
				<verse number="17">Na ũmwe wa ĩkomano amũsũngĩa, Mũmanyĩsya, nĩnakũetee mwana wakwa wĩ na veva ũtaneenaa;</verse>
				<verse number="18">na o vala ũmũtwaaa nũũmũlumangan’ya na nthĩ: na ĩvũyũ nĩyĩũmuma, na nũnũkũvevetan’ya maeo, na nũnũkũsonzoma: na namatavya amanyĩw’a maku mawumye; na maemwa.</verse>
				<verse number="19">Na amasũngĩa asya, Ũsyao ũũ ũte na mũĩkĩĩo, ngeethĩwa nenyu ĩvinda yĩana ata? Nĩmũmĩĩsya ĩvinda yĩana ata? Mũetei vaa nĩĩ.</verse>
				<verse number="20">Na mamũete vala ũĩ: na amwona, oyu ũla veva wamũthingithangya mũno; na avalũka nthĩ, na eeyalalya akyumwa nĩ ĩvũyũ.</verse>
				<verse number="21">Na akũlya ĩthe, Nĩ kuma ĩvinda yĩva akwatwa nĩ ũndũ ũũ? Na amwĩa, Kuma e mũnini.</verse>
				<verse number="22">Na mavinda maingĩ nũmwĩkasya mwakinĩ, o na manzĩnĩ, ũmwanange: ĩndĩ ethĩwa nũtonya ũndũ, utwĩw’ĩe tei, noitũtethya.</verse>
				<verse number="23">Na Yesũ amwĩa, Ethĩwa we nũtonya! Maũndũ onthe nĩmatonyeka kwa ũla ũnũkũĩkĩĩa.</verse>
				<verse number="24">Na oyu ĩthe wa ũla mwana aneena na wasya mũnene, asya, Nĩngũĩkĩĩa; ndethya vala ndekũĩkĩĩa.</verse>
				<verse number="25">Na yĩla Yesũ wonie kana ĩkomano yooka yĩsembete vamwe, akan’ya ũla veva mũvuku akĩwĩa, We veva ũtaneenaa na ũtew’aa, nĩngũkwĩaĩa, mume, na ndũkaamũlike ĩngĩ.</verse>
				<verse number="26">Na wakaya, na wamũthingithangya mũno, wamuma: na ũla mwana eethĩwa ta wak’wa; mũvaka ala aingĩ masya, Nĩwakw’a.</verse>
				<verse number="27">Ĩndĩ Yesũ amũkwata kw’oko amũkĩlya; nake aũngama.</verse>
				<verse number="28">Na Yesũ avota nyũmba, amanyĩw’a make mamũkũlya me nzama, Nĩkĩ ithyĩ tũinatonya kũwumya?</verse>
				<verse number="29">Na amea, Mũthemba ũũ ndumĩka kwa ũndũ o na wĩva, ate o kwa kũvoya na kũtĩĩa ũya.</verse>
				<verse number="30">Na mauma vo, mavĩtĩla katĩ wa nthĩ ya Kalilii; nake ndendaa mũndũ o na wĩva amanye ũu.</verse>
				<verse number="31">Nũndũ amamanyĩasya amanyĩw’a make, na kũmea, Mwana wa mũndũ nũnũkũnenganwe mokonĩ ma andũ, na makamũaa; na mamũaa, ĩtina wa matukũ atatũ akathayũũka.</verse>
				<verse number="32">Ĩndĩ maiaamanya ndeto ĩsu na makĩa kũmũkũlya.</verse>
				<verse number="33">Na mavika Kavelinaumi: na yĩla waĩ nyũmba amakũlya, Mwĩsũanĩaa ata mwĩ nzĩanĩ?</verse>
				<verse number="34">Ĩndĩ mavindya: nũndũ nĩmakananĩaa ene kwa ene me nzĩanĩ, nũũ ũla mũnene.</verse>
				<verse number="35">Na ekala nthĩ, na ameta ala ĩkũmi na elĩ; na amea, Ethĩwa mũndũ nũkwenda kwĩthĩwa wa mbee, akeethĩwa e ĩtina kwĩ onthe, na mũthũkũmi wa onthe.</verse>
				<verse number="36">Na oosa kana kanini, akekalya katĩ woo: na akavĩtĩĩsya moko, amea,</verse>
				<verse number="37">O ũla ũkosa kamwe ka syana nini iilyĩ kaa syĩtwanĩ yakwa, embosa nyie: na o ũla ũnũũmbosa nyie, ndeũmbosa nyie, ĩndĩ nĩ ũla wandũmie.</verse>
				<verse number="38">Yoana amwĩa, Mũmanyĩsya, nĩtũnoonie mũndũ akyumya ndaimoni na syĩtwa yaku; na twamũvata, nĩkwĩthĩwa ndeũtũvikĩla.</verse>
				<verse number="39">Ĩndĩ Yesũ asya, Mũĩkamũvate: nĩkwithĩwa vai mũndũ ũla ũkeka wĩa wĩ vinya na syĩtwa yakwa, na oyu mĩtũkĩ akaneenea naĩ.</verse>
				<verse number="40">Nũndũ ũla ũte na ũndũ naitũ e ngalĩ ĩ yaitũ.</verse>
				<verse number="41">Nũndũ o ũla ũkamũnenga kĩkombe kya manzĩ mũnyw’e, nĩkwĩthĩwa mwĩ ma Klĩsto, nĩ w’o nĩngũmwĩa ndakaĩwa nĩ ĩtuvi yake.</verse>
				<verse number="42">Na o ũla ũkalulutĩkya kamwe ka tũũ tũnini tũla tũmbĩtĩkĩlaa, nĩ kavaa kwake kwoveewa ngingo ĩvia ĩnene ya kũthia, na akĩkw’a ũkanganĩ.</verse>
				<verse number="43">Na ethĩwa kw’oko kwaku nĩkũũkũlulutĩkya, kũtile: nĩ ũseo kwaku ũlike thayũnĩ na kĩthu kya kw’oko, kwĩ kũthi Ngienanĩ wĩ na moko elĩ, mwakinĩ ũla ũte ĩndĩ ũkavoa;</verse>
				<verse number="44">(vala kĩinyũ kyoo kĩtakw’a, na vala mwaki ũtavoa).</verse>
				<verse number="45">Na ethĩwa kũũ kwaku nĩkũũkũlulutĩkya, kũtile: nĩ ũseo kwaku ũlike thayũnĩ na kĩthu kya kũũ, kwĩ ũkĩkw’a Ngienanĩ wĩ maũũ elĩ, mwakinĩ ũte ĩndĩ ũkavoa:</verse>
				<verse number="46">(vala kĩinyũ kyoo kĩtakw’a, na vala mwaki ũtavoa).</verse>
				<verse number="47">Na ethĩwa itho yaku nĩyĩũkũlulutĩkya, yumye: nĩ ũseo kwaku ũlike ũsumbĩnĩ wa Ngai wĩ na nthongo, kwĩ ũkĩkw’a Ngienanĩ wĩ na metho elĩ:</verse>
				<verse number="48">vala kĩinyũ kyoo kĩtakw’a, na vala mwaki ũtavoa.</verse>
				<verse number="49">Nũndũ kĩla mũndũ akekĩwa mũnyũ nĩ mwaki, na kĩla nthembo ĩkasamĩthw’a mũnyũ nĩ mũnyũ.</verse>
				<verse number="50">Mũnyũ nĩ mũseo: ĩndĩ mũnyũ wathela mũsamo waw’o, mũkasamĩthya na kyaũ? Ĩthĩwai na mũnyũ nthĩnĩ wenyu, na ĩkalai na mũuo inyw’ĩ kwa inyw’ĩ.</verse>
			</chapter>
			<chapter number="10">
				<verse number="1">Na ookĩla auma vo, athi mĩvakanĩ ya Yutia, na mũingo wa Yolotani: na makomano mamũkomanĩa ĩngĩ; na amamanyĩsya ĩngĩ, o ũndũ wakothaa kwĩka.</verse>
				<verse number="2">Na Avalisi mooka vala ũĩ, mamũkũlya, makĩmũtata, Nĩkwosana na ĩla mĩao mũndũ kũmũeka mũka wake?</verse>
				<verse number="3">Nake asũngĩa, na amea, Mose amwĩaĩe ata?</verse>
				<verse number="4">Masya, Mose nĩwetĩkĩlile valũa wa kũtaanĩsya ũandĩkwe, na kũmũeka.</verse>
				<verse number="5">Ĩndĩ Yesũ amea, Nĩ kwondũ wa wũmũ wa ngoo syenyu wamũandĩkĩe mwĩao ũsu.</verse>
				<verse number="6">Ĩndĩ kuma mwambĩlĩlyonĩ wa syĩndũ kũmbwa, Ngai oombie mũũme na mũka.</verse>
				<verse number="7">Kwondũ wa ũu mũndũ akatia ĩthe na nyinyia, na akalũman’ya na mũka wake;</verse>
				<verse number="8">namo elĩ makeethĩwa mwĩĩ ũmwe: o na maikethĩwa me elĩ ĩngĩ, ĩndĩ nĩ mwĩĩ ũmwe.</verse>
				<verse number="9">Ĩndĩ ala Ngai ũlũmanĩtye, mũndũ ndakamataan’ye.</verse>
				<verse number="10">Na me nyũmbanĩ amanyĩw’a mamũkũlya ĩngĩ ũvoo ũsu.</verse>
				<verse number="11">Na amea, O ũla ũkamũeka mũka wake, na aitwaa ũngĩ, nĩwamũvĩtanĩsya mũka kwa kwĩka ũlaalai:</verse>
				<verse number="12">na ethĩwa mũka ewe akamũeka mũũme, na aitwawa nĩ ũngĩ, nũnũũlaalaa.</verse>
				<verse number="13">Na mamũteee syana nini nĩ kana aikiite; na amanyĩw’a mamakan’ya.</verse>
				<verse number="14">Ĩndĩ Yesũ oona ũu, athatw’a, na amea, Iekeĩ syana nini syũke kwakwa; mũikaivate: nũndũ ũsumbi wa Ngai nĩ wa ala mailyĩ ta isu.</verse>
				<verse number="15">Nĩ w’o nĩngũmwĩa, O ũla ũtosaa ũsumbĩ wa Ngai ta kana kanini, ndakalika vo nongi.</verse>
				<verse number="16">Na aivĩtĩĩsya moko make, na aiathima, akĩsilĩĩla moko ĩũlũ wasyo.</verse>
				<verse number="17">Na akĩthi na nzĩa, mũndũ ũmwe ooka vala ũĩ asembete, na amũtulĩlya ndu, amũkũlya, Mũmanyĩsya mũseo, nĩke ũndũ wĩva nĩ kana nĩtiĩwe thayũ ũtathela?</verse>
				<verse number="18">Na Yesũ amũkũlya, Nĩkĩ ũũmbĩta mũseo? Kũi mũseo ate o ũmwe, nake nĩ Ngai.</verse>
				<verse number="19">Nũmĩsĩ ĩla mĩao, Ndũkoae, Ndũkalaalae, Ndũkoye, Ndũkaneene ũkũsĩ wa ũvũngũ, Ndũkavutane, Taĩa au na mwenyu.</verse>
				<verse number="20">Nake amwĩa, Mũmanyĩsya, maũndũ asu onthe nĩnamakwatie kuma nĩ mũnini.</verse>
				<verse number="21">Na Yesũ aimũsisya amwenda, na amwĩa, Ve ũndũ ũmwe ũtiele: thi, ũkathoosye o ila wĩ nasyo, ũnenge ngya, na ũkethĩwa na ũthwii ĩtunĩ: na ĩndĩ ũkyũka, ũngatĩĩe.</verse>
				<verse number="22">Ĩndĩ ũthyũ wake waalyũka eew’a ndeto ĩsu, nake athi na woo: nĩkwĩthĩwa aĩ na ũthwii mwingĩ.</verse>
				<verse number="23">Na Yesũ asisya ngalĩ syonthe, na amea amanyĩw’a make, Ko nĩ vinya ala athwii kũlika ũsumbĩnĩ wa Ngai!</verse>
				<verse number="24">Na amanyĩw’a make maseng’a nũndũ wa ndeto syake. Indĩ Yesũ asũngĩa ĩngĩ, amea, Syana, ko nĩ ũndũ wĩ vinya ala mekũĩkĩĩa ũthwii makĩlika ũsumbĩnĩ wa Ngai!</verse>
				<verse number="25">Nĩ ũvũthũ ngamĩle kũvotela kalimanĩ ka singano, kwĩ mũndũ mũthwii kũvota ũsumbĩnĩ wa Ngai.</verse>
				<verse number="26">Na maseng’a mũno mũnene, makĩmwĩa, Nũũ ĩndĩ ũtonya kũtangĩĩwa?</verse>
				<verse number="27">Na Yesũ amasisya, amea, Kwa andũ ndũtonyeka, ĩndĩ kwa Ngai ti ũu: nũndũ maũndũ onthe nĩmatonyeka kwa Ngai.</verse>
				<verse number="28">Vetelo ambĩlĩlya kũmwĩa, Sisya, ithyĩ nĩtũtiĩte syonthe na twakũatĩĩa.</verse>
				<verse number="29">Yesũ asya, Nĩ w’o nĩngũmwĩa, Kũi mũndũ waatia nyũmba, kana ana‐a‐inyia, kana eĩtu‐a‐inyia, kana nyinyia, kana ĩthe, kana syana, kana mĩũnda, kwondũ wakwa, na kwondũ wa ũvoo mũseo,</verse>
				<verse number="30">ũtakosa yu ĩvinda yĩĩ vandũ va kĩmwe ĩana, nyũmba, na ana‐a‐inyia, na eĩtu‐a‐inyia, na aanyinyia, na syana, na mĩũnda, vamwe na mathĩna; na ĩvinda yĩla yũkĩte thayũ ũtathela.</verse>
				<verse number="31">Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.</verse>
				<verse number="32">Na me nzĩanĩ, mambatĩte Yelũsaleme, Yesũ eethĩwa amatongoesye: na maseng’a; na mamũatĩĩa me na w’ĩa. Na oosa ĩngĩ ala ĩkũmi na elĩ, n ambĩlĩlya kũmatavya maũndũ ala makamũkĩtĩkĩa,</verse>
				<verse number="33">akyasya, Sisyai, nĩtũkwambata Yelusaleme; na Mwana wa mũndũ akanenganwe mokonĩ ma athembi anene na aandĩki; nao makamũsilĩla oawe, na makamũnengane mokonĩ ma Andũ‐ma‐mbaĩ‐ingĩ;</verse>
				<verse number="34">na makamũthekeea na kĩvũthya, na kũmũtw’ĩlanga mata, na kũmũvũa, na kũmũaa; na ĩtina wa matukũ atatũ akathayũũka.</verse>
				<verse number="35">Na Yakovo na Yoana, ana ma Sevetii, mamũthengeea, makĩmwĩa, Mũmanyĩsya, nĩtũkwenda ũtwĩke o ũla tũũkũvoya.</verse>
				<verse number="36">Na amakũlya, Mwĩenda nĩmwĩke ata?</verse>
				<verse number="37">Nao mamwĩa, Tũnenge ithyĩ kwĩkala, ũmwe ngalĩ ya kw’oko kwaku kwa aũme, na ũmwe ngalĩ ya kw’oko kwaku kwa aka, ũtheunĩ waku mũtisu.</verse>
				<verse number="38">Ĩndĩ Yesũ amea, Mũtyĩsĩ ũndũ mũũvoya. Nĩmũtonya kũnyw’a kĩkombe kĩla nĩnyw’a nyie, kana kũvatiswa na ũvatiso ũla nĩvatiswa naw’o?</verse>
				<verse number="39">Na mamwĩa, Nĩtũtonya. Na Yesũ amea, Kĩkombe kĩla nĩnyw’a mũkanyw’a; na ũvatiso ũla nĩvatiswa naw’o mũkavatiswa naw’o:</verse>
				<verse number="40">ĩndĩ kwĩkala ngalĩ ya kw’oko kwakwa aũme, kana ngalĩ ya kw’oko kwakwa kwa aka, ti ũndũ wakwa kũnengane; ĩndĩ nĩ kwa ala maseũvĩw’e.</verse>
				<verse number="41">Na ala ĩkũmi meew’a ũu, mambĩlĩlya kũmathatĩa Yakovo na Yoana.</verse>
				<verse number="42">Na Yesũ ameta moke vala ũĩ, na amea, Nĩmwĩsĩ kana ala matalawa kwĩthĩwa anene ĩũlũ wa Andũ‐ma‐mbaĩ‐ingĩ, nĩmasumbĩkaa ĩũlũ woo; na anene moo nĩmameaĩaa.</verse>
				<verse number="43">Ĩndĩ ũu tiw’o katĩ wenyu: ĩndĩ o ũla ũkwenda kwĩthĩwa e mũnene katĩ wenyu, akeethĩwa e mũthũkũmi wenyu;</verse>
				<verse number="44">na o ũla ũkwenda kwĩthĩwa wa mbee katĩ wenyu, akeethĩwa e ngombo ya onthe.</verse>
				<verse number="45">Nũndũ o na Mwana wa mũndũ nake ndaaũka kũthũkũmwa, ĩndĩ nĩ kũthũkũma, na kũnengane thayũ wake wĩthĩwe wovosyo kwondũ wa aingĩ.</verse>
				<verse number="46">Na mavika Yeliko: na akyuma Yeliko, vamwe na amanyĩw’a make na ĩkomano inene, Valitimeo, mwana wa Timeo, mũvoyi kĩlilinda, ailyĩ ũtee wa nzĩa.</verse>
				<verse number="47">Na eew’a kana nĩ Yesũ Mũnasaleti, ambĩlĩlya kũneena na wasya mũnene, na kwasya, Yesũ, mwana wa Ndaviti, mbĩw’ĩa tei.</verse>
				<verse number="48">Na aingĩ mamũkan’ya, nĩ kana avindye: ĩndĩ ookĩlya wasya mũno mũnene mbee, We mwana wa Ndaviti, mbĩw’ĩa tei.</verse>
				<verse number="49">Na Yesũ aũngama, na asya, Mwĩtei. Na mamwĩta mũvoyi ũla kĩlilinda, mamũtavya, Ĩthĩwa na ũtanu: ũkĩla, nũnũũkwĩta.</verse>
				<verse number="50">Nake alekya ngũa yake nthĩ, athaanyũka, na ooka vala ve Yesũ.</verse>
				<verse number="51">Na Yesũ amũsũngĩa, asya, Wĩenda ngwĩke ata? Na ũsu kĩlilinda amwĩa, Lavai, nĩenda kwona.</verse>
				<verse number="52">Na Yesũ amwĩa, Enda; mũĩkĩĩo wakũ nĩwakũvosya. Na oyu anengwa kwona, na amũatĩĩa Yesũ nzĩanĩ.</verse>
			</chapter>
			<chapter number="11">
				<verse number="1">Na yĩla mathengeeie Yelusaleme, kũvika Vethivake na Vethania, kĩĩmanĩ kya Mĩthata, atũma elĩ ma amanyĩw’a make,</verse>
				<verse number="2">na amea, Endai mũsyĩ ũla ũmwelekele: na oyu mwavota nthĩnĩ waw’o, mũkoona ndena ya ĩng’oi yovetwe, ĩtaamba ũkũa mũndũ; mĩthasyei, mũmĩete.</verse>
				<verse number="3">Na ethĩwa mũndũ o na wĩva akamũkũlya, Mwĩĩka ũu nĩkĩ? Asyai, Mwĩaĩi e vata nayo; na akamĩtũnga mĩtũkĩ.</verse>
				<verse number="4">Na mathi, moona ndena ya ĩng’oi yovetwe mũomonĩ nza, nzĩanĩ nene; na mamĩthasya.</verse>
				<verse number="5">Na amwe ma ala maũngeme vo mamakũlya, Mwĩĩka ata, mũkĩthasya ndena ya ĩng’oi?</verse>
				<verse number="6">Na mamea o tondũ Yesũ waisye: na mamaeka mathi.</verse>
				<verse number="7">Na mamũetee Yesũ ĩla ndena, na mamilĩĩla ngũa syoo; nake amĩtũla.</verse>
				<verse number="8">Na aingĩ malan’ya ngũa syoo nzĩanĩ; na angĩ malan’ya tũũvonge twa mĩtĩ, tũla matemete mĩũndanĩ.</verse>
				<verse number="9">Na ala maendie mbee, na ala maĩ ĩtina, mookĩlya wasya mũnene, makyasya, Hosana; nĩ mũathime ũla wũkĩte syĩtwanĩ ya Mwĩaĩi:</verse>
				<verse number="10">Nĩ mũathime ũsumbĩ ũla wũkĩte, ũsumbĩ wa asa waitũ Ndaviti: Hosana, ku ĩũlũ mũno.</verse>
				<verse number="11">Na avota Yelusaleme na alika ĩkalũnĩ; na asyaangya syĩndũ syonthe ngalĩ syonthe, nũndũ kwaĩ ĩvinda ya wĩoo, aumaala athi Vethania vamwe na ala ikũmi na elĩ.</verse>
				<verse number="12">Na ũnĩ ũsu, mauma Vethania, eew’a nzaa.</verse>
				<verse number="13">Na oona mũkũyũ wĩ matũ wĩ kũasa, athi kũsisya kana nĩwĩthĩa wĩ na kĩndũ: na avika vo ndaaona kĩndũ ate o matũ; nũndũ kũtyaĩ ĩvinda ya makũyũ.</verse>
				<verse number="14">Na asũngĩa, awĩa, Kuma ũmũnthĩ vati mũndũ ũkaya ũsyao waku o na tene na tene. Naamanyĩw’a make meew’a ũu.</verse>
				<verse number="15">Na mavika Yelusaleme: nake avota ĩkalũnĩ, na ambĩlĩlya kũmakuthũa ala mathooasya na ala mathooaa ĩkalũnĩ, na ang’uthũlanga mesa sya ala meũvunzya mbesa, na ivĩla sya ala meũthoosya mavũĩ;</verse>
				<verse number="16">na ndaaĩtĩkĩla mũndũ o na wĩva avĩtĩlye mũio ĩkalũnĩ.</verse>
				<verse number="17">Na amamanyĩsya aimea, Kũiandĩkĩtwe, Nyũmba yakwa ĩkeetwa nyũmba ya ũvoyea nĩ mbaĩ syonthe? Ĩndĩ inyw’ĩ mũmĩtw’ĩte ngunga ya avutani.</verse>
				<verse number="18">Na athembi anene na aandĩki meew’a ũu, mamantha ũndũ matonya kũmũaa: nũndũ nĩmamũkĩie, nĩkwĩthĩwa ĩkomano yonthe yaseng’iw’e nĩ ũmanyĩsyo wake.</verse>
				<verse number="19">Na kĩla mũthenya kwavika wĩoo aumaa ndũanĩ.</verse>
				<verse number="20">Na kĩoko mavĩtĩte moona ũla mũkũyũ wũmĩte kuma mĩĩnĩ.</verse>
				<verse number="21">Na Vetelo alilikana, amwĩa, Lavai, sisya, mũkũyũ ũla ũnawĩvĩkie nĩwũmie.</verse>
				<verse number="22">Na Yesũ asũngĩa, amea, Ĩthĩwai na mũĩkĩĩo wa Ngai.</verse>
				<verse number="23">Nĩ w’o nĩngũmwĩa. O ũla ũkatavya kĩĩma kĩĩ, Kuwa nokĩkw’a ũkanganĩ; o na ndakethĩwa na nzika ngoonĩ yake, ĩndĩ akĩtĩkĩla kana ũndũ ũnũkwasya nũkwĩkwa; ũsu akeekwa ũu.</verse>
				<verse number="24">Kwondũ wa ũu nĩngũmwĩa, Maũndũ onthe o ala mũkwĩtya mũkĩvoya, ĩtĩkĩlai kana nĩmũũmosa na mũkeethĩwa mwĩ namo.</verse>
				<verse number="25">Na o yĩla mũkũũngama, mũkĩvoya, mũekeei, ethĩwa mwĩ ũndũ na mũndũ; nĩ kana Ĩthe wenyu ũla wĩ ĩtunĩ amũekee inyw’ĩ mavĩtyo menyu.</verse>
				<verse number="26">(Ĩndĩ mwalea kũekea angĩ mavĩtyo, o na Ĩthe wenyu ũla wiĩtũndakamũekea inywĩ mavĩtyo menyu.)</verse>
				<verse number="27">Na mooka ĩngĩ Yelusaleme: na aitambũka ĩkalũnĩ, athembi anene, na aandĩki, na atumĩa mooka vala ũĩ,</verse>
				<verse number="28">na mamũkũlya, Wĩkaa maũndũ aa na ũkũmũ wĩva? Kana nũũ ũkũnengete ũkũmũ kwĩka maũndũ aa?</verse>
				<verse number="29">Na Yesũ amea, Nakwa nĩngũmũkũlya ũkũlyo ũmwe, nenyu nzũngĩai, nakwa nĩngũmũtavya ũkũmũ ũla ũtumaa nĩka maũndũ aa.</verse>
				<verse number="30">Ũvatisi wa Yoana waumie ĩtunĩ kana waumie andũnĩ? Nzũngĩai.</verse>
				<verse number="31">Na masũanĩa ene kwa ene, makyasya, Ethĩwa nĩtũkwasya, Waumie ĩtunĩ; nake akasya, Nĩkĩ ĩndĩ mũtaamwĩtĩkĩla?</verse>
				<verse number="32">Ĩndĩ ethĩwa nĩtũkwasya, Waumie andũnĩ — nĩmakĩaa andũ: nũndũ andũ onthe nĩmeesĩ Yoana nĩ mwathani wa w’o.</verse>
				<verse number="33">Na mamũsũngĩa Yesũ masya, Tũtyĩsĩ. Na Yesũ amea, O nakwa ndimũtavya ũkũmũ ũla ũtumaa nĩka maũndũ aa.</verse>
			</chapter>
			<chapter number="12">
				<verse number="1">Na ambĩlĩlya kũneena nao na ngelekan’yo. Mũndũ avandie mũũnda wa mĩsavivũ, na oothyũlũlũkya wiio, na enza ĩima ya ũangĩa nzavivũ, na aaka mwako mũtũlu wa mũnyoolo, na oonenga aĩmi mamũĩmĩe, nake athi ũenĩ nthĩ ĩngĩ.</verse>
				<verse number="2">Na ĩvinda yavĩka atũma ngombo kwa ala aĩmi nĩ kana yose kwa aĩmi mosyao amwe ma mũũnda wa mĩsavivũ.</verse>
				<verse number="3">Na mamĩkwata, na mamĩkũna, na mamĩlũngya ĩte na kĩndũ.</verse>
				<verse number="4">Na ĩngĩ atũma ngombo ĩngĩ kwoo; na ĩsũ mamĩuauĩkya mũtwe na mamĩsonokya.</verse>
				<verse number="5">Na amĩtũma ĩngĩ; na ĩsu mamyũaa: na atũma ingĩ mbingĩ; na makĩkũna imwe, na makyũaa ingĩ.</verse>
				<verse number="6">Na eethĩwa atialĩte na ũmwe, nake nĩ mwana ũla wendete: ũsu amũtũma kwamo ĩtina, akyasya, Makamũtaĩa mwana wakwa.</verse>
				<verse number="7">Indĩ aĩmi asu masya ene kwa ene, Ũũ nĩwe mũtiĩwa; ũkai, tũmũae, na ũtiĩwa ũkeethĩwa witũ.</verse>
				<verse number="8">Na mamũkwata, mamũaa, na mamwĩkya ũtee wa mũũnda wa mĩsavivũ.</verse>
				<verse number="9">Na yu ĩndĩ ũla mwene wa mũũnda ũsu wa mĩsavivũ akeeka ata? Akooka na akaananga ala aĩmi, na akanenga angĩ mũũnda ũsu wa mĩsavivũ.</verse>
				<verse number="10">O na mũtyaamba ũsoma ũandĩko ũũ: Ĩvia yĩla yaleilwe nĩ aki, Yĩu yatw’ikie yĩla ĩnene ya kĩkotonĩ;</verse>
				<verse number="11">Ũu nĩwaumie kwa Mwĩaĩi, Naw’o nĩ ũseng’yo methonĩ maitũ?</verse>
				<verse number="12">Na mamantha kũmũkwata; na makĩa ĩkomano; nũndũ nĩmamanyie kana ngelekan’yo ĩsu aneena ũndũ woo: na mamũeka, na mathi.</verse>
				<verse number="13">Na matũma amwe ma Avalisi na ma Elote vala ũĩ, nĩ kana mamũtee ndetonĩ syake.</verse>
				<verse number="14">Na mooka, mamwĩa, Mũmanyĩsya, nĩtwĩsĩ wĩ wa w’o, na ndũkĩaa mũndũ o na wĩva; nũndũ ndũsiasya ũthyũ wa mũndũ, ĩndĩ nũmanyĩasya w’o nzĩa ya Ngai: Nĩkwosana na ĩla mĩao kũnenga Kaisali koti, kana ti w’o?</verse>
				<verse number="15">Tũmũnenge, kana tũikamũnenge? Ĩndĩ we, esĩ wangangan’yo woo, amea, Nĩkĩ mũũndata? Ndeteei silingi none.</verse>
				<verse number="16">Na mamũetee. Na amakũlya, Mũvw’ano ũũ na ũandĩko ũũ nĩ waũ? Na mamwĩa, Nĩ wa Kaisali.</verse>
				<verse number="17">Na Yesũ amea, Mũnengei Kaisali syĩndũ sya Kaisali, na Ngai syĩndũ sya Ngai. Na maseng’ie mũno nĩwe.</verse>
				<verse number="18">Na Asatukai mooka vala ũĩ, ala maasya kana kũi ũthayũũkyo; na mamũkũlya, makyasya,</verse>
				<verse number="19">Mũmanyĩsya, Mose nĩwatũandĩkĩe, atĩ ethĩwa mwana‐a‐inyia wa mũndũ nĩwakw’a, na atia mũka wake, na ndaatia kana, mwana‐a‐inyia wake namwose ũ mũndũ mũka, amũũngamĩsye mwana‐a‐inyia mbeũ.</verse>
				<verse number="20">Kwaĩ aũme mũonza ma inyia ũmwe: na ũla wa mbee atwaa mũka, na akw’a atatiĩte mbeũ;</verse>
				<verse number="21">na wa kelĩ nake amwosa, na akw’a atatiĩte mbeũ; na wa katatũ o ta ũu;</verse>
				<verse number="22">na asu mũonza maiaatia mbeũ. Ĩtina wa onthe ũla mũndũ mũka nake akw’a.</verse>
				<verse number="23">Ũthayũũkyonĩ ĩndĩ akethĩwa e mũka wa wĩva wa asu? Nũndũ onthe mũonza nĩmamũtwaĩte.</verse>
				<verse number="24">Yesũ amea, Kĩla kĩũtuma mũvĩtya, tĩ kwĩthĩwa mũtyĩsĩ ala maandĩko, o na vinya wa Ngai?</verse>
				<verse number="25">Nũndũ yĩla makathayũũka kuma akw’ũnĩ, maikatwaana, o na maikatwaawa; ĩndĩ makethĩwa mailyĩ ta alaĩka ala me ĩtunĩ.</verse>
				<verse number="26">Ĩndĩ ũndũ wa akw’ũ, kana makathayũũkw’a; mũiaasoma ĩvukunĩ ya Mose, vala vaandĩkĩtwe ũvoo wa kala Kakuthu, ũndũ Ngai waneenie nake, akyasya, Nyie nĩ Ngai wa Avalaamu, na Ngai wa Isaka, na Ngai wa Yakovo?</verse>
				<verse number="27">We ti Ngai wa ala akw’ũ, indĩ nĩ wa ala me thayũ: nĩmũũvĩtya mũno.</verse>
				<verse number="28">Na ũmwe wa aandĩki ooka, na eew’a maineenan’ya nake, na esĩ kana amasũngĩa nesa, amũkũlya, Nĩ mwĩao wĩva ũla wĩ mbee wa yonthe?</verse>
				<verse number="29">Yesũ amũsũngĩa, Wa mbee nĩ ũũ, Ĩw’a Isilaeli; Mwĩaĩi Ngai waitũ nĩ Mwĩaĩi ũmwe:</verse>
				<verse number="30">mwende Mwĩaĩi Ngai waku na ngoo yaku yonthe, na thayũ waku w’onthe, na kĩlĩko kyaku kyonthe, na vinya waku w’onthe.</verse>
				<verse number="31">Na wa kelĩ nĩw’o ũũ, Mwende mũtũĩ waku o tondũ wĩyendete mwene. Vai mwĩao ũngĩ mũnene kwĩ ĩsu.</verse>
				<verse number="32">Na ũla mũandĩki amwĩa, Nĩ w’o, Mũmanyĩsya, nĩwaneena w’o kana Ngai nĩ ũmwe; na vai ũngĩ ate o we:</verse>
				<verse number="33">na kũmwenda na ngoo yonthe, na ũmanyi w’onthe, na vinya w’onthe, na kũmwenda mũndũ ũngĩ o tondũ wĩyendete mwene, nĩkũthonokete mũno nthembo nima syonthe sya ũvĩvw’a, o na nthembo sya kũtonywa.</verse>
				<verse number="34">Na Yesũ oona kana asũngĩa na ũmanyi, amwĩa, We ndwĩ kũasa na ũsumbĩ wa Ngai. Na ĩtina wa ũu vai mũndũ waatata kũmũkũlya ũndũ ĩngĩ.</verse>
				<verse number="35">Na Yesũ akĩmanyĩsya ĩkalũnĩ asũngĩa, asya, Aandĩki measya ata kana Klĩsto nĩ mwana wa Ndaviti?</verse>
				<verse number="36">Ndaviti mwene e nthĩnĩ wa Veva Mũtheu aisye, Mwĩaĩi amwĩie Mwĩaĩi wakwa, Ĩkala nthĩ ngalĩ ya kw’oko kwakwa kwa aũme, Mũvaka nat’wa amaitha maku kavĩla ka nyaĩĩ syaku.</verse>
				<verse number="37">Ndaviti mwene emwĩta Mwĩaĩi; na ĩndĩ nĩ mwana wake ata? Na yĩla ĩkomano ĩnene yamwĩthukĩĩsya na ũtanu.</verse>
				<verse number="38">Na ũmanyĩsyonĩ wake asya, Ĩsũvĩei aandĩki, ala mendaa kũtambũka mekĩe ngũa ndasa, na kũkethw’a ing’ang’anĩ,</verse>
				<verse number="39">na ivĩla sya mbee masinakokenĩ, na kũndũ kwa mbee mbokanĩ:</verse>
				<verse number="40">ala maĩsaa nyũmba sya aka ndiwa, na nũndũ wa ũkengani nĩmaasavasya mboya; asu nĩmo ala makona ũsilĩlo mũnene mbee.</verse>
				<verse number="41">Na ekala nthĩ elekele vala valekelaw’a nthembo, na oona ũndũ ĩkomano yĩũlekya mbesa vala valekelaw’a: na aingĩ ala maĩ athwii meekĩa nyingĩ.</verse>
				<verse number="42">Na kwooka mũndũ mũka ndiwa ngya, eekĩa tũwela twĩlĩ, nat’wo nĩ ĩsendi yĩmwe.</verse>
				<verse number="43">Na ameta amanyĩw’a make, amea, Nĩ w’o nĩngũmwĩa, Ndiwa ĩno ngya nĩyekĩa nyingĩ kwĩ onthe ala mekwĩkĩa vala valekelaw’a:</verse>
				<verse number="44">nũndũ aa onthe meekĩa nũndũ wa kwingĩvĩwa kwoo; ĩndĩ ũũ kuma ũkyanĩ wake eekĩa syonthe ila wĩ nasyo, nĩsyo wĩkwatyo wake w’onthe wa thayũ.</verse>
			</chapter>
			<chapter number="13">
				<verse number="1">Na akyuma ĩkalũnĩ, ũmwe wa amanyĩw’a make amwĩa, Mũmanyĩsya, sisya, ũndũ mavia aa mailyĩ, na ũndũ myako ĩno ĩtilyĩ.</verse>
				<verse number="2">Na Yesũ amwĩa, Nũkwona myako ĩno mĩnene? Vaa vaikatiwa ĩvia ĩũlũ wa yĩngĩ, yĩla yĩtakaombowa.</verse>
				<verse number="3">Na ekalĩte kĩĩmanĩ kya Mĩthata kwelekela ĩkalũ, Vetelo na Yakovo na Yoana na Andalea mamũkũlya me nzama,</verse>
				<verse number="4">Tũtavye, maũndũ asu makethĩwa ĩndĩĩ? Na wonan’yo nĩ wĩva yĩla maũndũ asu onthe makathengeea kwĩanĩw’a?</verse>
				<verse number="5">Na Yesũ ambĩlĩlya kũmatavya, Ĩsũvĩei mũndũ ndakamwasye.</verse>
				<verse number="6">Aingĩ makooka na syĩtwa yakwa, makyasya, Ninyie we; na makamasya aingĩ.</verse>
				<verse number="7">Na yĩla mũkew’a ũvoo wa makaũ na mawetango ma makaũ, mũikaũũye: maũndũ asu mati ndĩi ya ũlea kwĩkĩka; ĩndĩ mũminũkĩlyo ndũnamba ũvika.</verse>
				<verse number="8">Nũndũ mbaĩ ĩkookĩlĩla mbaĩ, na ũsumbĩ ũkookĩlĩla ũsumbĩ; kũkeethĩwa itetemo sya nthĩ kũũ na kũũ; na kũkeethĩwa mayũa; maũndũ asu nĩ wambĩlĩlyo wa woo.</verse>
				<verse number="9">Ĩndĩ inyw’ĩ ĩsũvĩei: nũndũ makamũnengane nzamanĩ; na mũkakũnĩwa masinakokenĩ; na mũkaũngama mbee wa makavana na asumbĩ kwondũ wakwa, mwĩthĩwe ngũsĩ kwamo.</verse>
				<verse number="10">Na ĩngĩ mũvaka ũvoo mũseo wambe ũtavanw’a mbaĩnĩ syonthe.</verse>
				<verse number="11">Na yĩla memũtwaa na kũmũnengane mokonĩ ma andũ, mũikambe kũũũya ũndũ mwĩneena: ĩndĩ o ũla mwĩnengwa saa ũsu, ũneenei: nĩkwĩthĩwa ti ĩnyw’ĩ mwĩneena, ĩndĩ nĩ Veva Mũtheu.</verse>
				<verse number="12">Na mũndũ akanengane mwana‐a‐inyia oawe, na ĩthe mwana wake; na syana ikamokĩlĩla ala maisyaie, na kũmoaĩthya.</verse>
				<verse number="13">Na inyw’ĩ mũkamenwa nĩ andũ onthe kwondũ wa syĩtwa yakwa: ĩndĩ ũla wĩũmĩĩsya kũvika mũminũkĩlyo, ũsu akatangĩĩwa.</verse>
				<verse number="14">Ĩndĩ yĩla mwĩona ũthatyo ũla wanangaa ũũngeme vandũ ũtaĩle kũũngama (ũla ũsomaa namanye), ĩvinda yĩu ala me Yutia makĩe mathi iĩmanĩ:</verse>
				<verse number="15">na ũla wĩ ĩũlũ wa nyũmba ndakatheee, o na ndakavote nthĩnĩ, kumya kĩndũ o na kĩva kĩla kĩ nyũmbanĩ kwake:</verse>
				<verse number="16">na ũla wĩ mũũndanĩ ndakasyoke ose ngũa yake ya ĩũlũ.</verse>
				<verse number="17">Ĩndĩ woo nĩ wa ala aito na ala mekwongya mĩthenya ĩsu!</verse>
				<verse number="18">Na voyai ũndũ ũsu ndũkethĩwe ĩvinda ya mbevo.</verse>
				<verse number="19">Nũndũ matukũ asu kũkethĩwa thĩna ũndũ ũtaaĩthĩwa kuma mwambĩlĩlyo wa kũmbwa kwa syĩndũ ila Ngai wombie kũvika na yu, o na kũikethĩwa ũngĩ nongi.</verse>
				<verse number="20">Na kethĩwa Ngai ndaakuvĩvya matukũ asu, kũivĩta mwĩĩ o na wĩva; ĩndĩ kwondũ wa anyuve, ala wanyuvie, akuvĩvya matukũ asu.</verse>
				<verse number="21">Na ĩvinda yĩu ethĩwa mũndũ o na wĩva akamwĩa, Sisyai, Klĩsto e vaa; kana, Sisyaĩ, e vaya; mũiketĩkĩle;</verse>
				<verse number="22">nũndũ makookĩla Maklĩsto ma ũvũngũ na athani ma ũvũngũ, na makoonan’ya syama na moseng’yo, nĩ kana masye o na anyuve, ethĩwa ũu nũtonyeka.</verse>
				<verse number="23">Ĩndĩ inyw’ĩ ĩsũvĩei: sisyai, nĩnamũtavya maũndũ onthe mbee.</verse>
				<verse number="24">Ĩndĩ matukũ asu, ĩtina wa ũla thĩna, syũa yĩkaya kĩvindu, na mwei ndũkaumya kyeni kyaw’o,</verse>
				<verse number="25">na ndata ikethĩwa ikĩvalũkanga kuma ĩtunĩ, na mavinya ala me ĩtunĩ makathingithangwa.</verse>
				<verse number="26">Na nĩvo meona Mwana wa mũndũ okĩte mathweonĩ na vinya mũnene na ũtheu mũtisu.</verse>
				<verse number="27">Na nĩvo wĩtũma alaĩka momban’ye anyuve make kuma ngalĩ inya sya ĩseve, na kuma kĩtulu kya nthĩ kũvika kĩtulu kya ĩtu.</verse>
				<verse number="28">Na ĩndĩ ĩmanyĩsyei ngelekan’yo ya mũkũyũ: mbonge syaw’o syololoa, na syathongoosya wenze, nĩmwĩsĩ kana mũniino nũthengeee;</verse>
				<verse number="29">no ta ũu nenyu, mũkyona maũndũ asu makĩkĩka manyai kana e vakũvĩ, o ta mĩomonĩ.</verse>
				<verse number="30">Nĩ w’o nĩngũmwĩa, Ũsyao ũũ ndũkavĩta, maũndũ asu onthe mateanĩw’e.</verse>
				<verse number="31">Ĩtu na nthĩ nikavĩta: ĩndĩ ndeto syakwa itikavĩta.</verse>
				<verse number="32">Ĩndĩ mũthenya ũsu na saa ũsu vai ũmwe wĩsĩ, o na alaĩka me ĩtunĩ, o na Mwana, ĩndĩ no Asa.</verse>
				<verse number="33">Ĩsũvĩei, syaĩĩsyai, na voyai: nũndũ mũtyĩsĩ ĩvinda yĩu nĩ ĩndĩĩ.</verse>
				<verse number="34">Nĩ ta mũndũ akĩthi kyalo nthĩ ĩngĩ, atiĩte nyũmba yake, ainengete ngombo syake ũkũmũ, na kĩla ĩmwe wĩa wayo, na aimwĩaĩa mũsũvĩi nasyaĩĩsye.</verse>
				<verse number="35">Syaĩĩsyaĩ ĩndĩ; nũndũ mũtyĩsĩ yĩla mwene wa nyũmba wĩũka, ethĩwa nĩ wĩoo, kana ũtukũ katĩ, kana nzamba syasya, kana kĩoko;</verse>
				<verse number="36">ndakese kũka na mĩtũkĩ mũtesĩ na aimwĩthĩa mũkomete.</verse>
				<verse number="37">Na ũu ngũmũtavya inyw’ĩ, nĩmatavya onthe, Syaĩĩsyai.</verse>
			</chapter>
			<chapter number="14">
				<verse number="1">Na ĩtina wa mĩthenya ĩlĩ kwaĩ mboka ya vasaka na kĩmũtũ kĩte ĩlawa: na athembi anene na aandĩki mamantha ũndũ matonya kũmũkwata na ũseleke na kũmũaa:</verse>
				<verse number="2">nũndũ maasya, Tũikaamũkwate ĩvinda ya mboka, kũikese kwĩthĩwa kĩtuu andũnĩ.</verse>
				<verse number="3">Na yĩla waĩ Vethania nyũmbanĩ ya Simoni ũla ũwaĩte mangũ, ailyĩ lĩunĩ, kwooka mũndũ mũka e na sũva wa mauta matheu, me thooa mũnene mũno; na ooaa sũva amwĩtĩkĩsye mũtwenĩ wake.</verse>
				<verse number="4">Ĩndĩ kwaĩ amwe mathatie ngoonĩ syoo, makyasya, Wanango ũũ wa mauta nĩ wa kĩ?</verse>
				<verse number="5">Nũndũ mauta aa meĩ matonya kũtewa mbee wa silingi maana atatũ, ikanengwa ngya. Na mamũnyungunyĩĩsya ũla mũndũ mũka.</verse>
				<verse number="6">Ĩndĩ Yesũ asya, Ekanai nake; nĩkĩ mũũmũthĩn’ya? Ambĩka wĩa mũseo.</verse>
				<verse number="7">Nĩkwĩthĩwa ngya mwĩ nasyo mavinda onthe, na yĩla mũkwenda nĩmũtonya kũmeka nesa; ĩndĩ nyie mũi nakwa mavinda onthe.</verse>
				<verse number="8">Nĩweka ũla ũtonya; amba ũmbĩtĩkĩsya mwĩĩ wakwa mauta kwondũ wa kũthikwa kwakwa.</verse>
				<verse number="9">Na nĩ w’o nĩngũmwĩa, O kũla kũkatavanw’a ũvoo mũseo nthĩ yonthe ũndũ ũũ naw’o weekwa nĩ mũndũ mũka ũũ ũkawetwa wĩthĩwe wa kũmũlilikana we.</verse>
				<verse number="10">Na Yutasi Isikalioti, ũmwe wa ala ĩkũmi na elĩ, athi kwa athembi anene, ni kana amũnengane kwoo.</verse>
				<verse number="11">Nao, meew’a ũu, matana, na mamwatha kũmũnenga mbesa. Na amantha ũndũ ũtonya na ũvũthũ kũmũnengane kwoo.</verse>
				<verse number="12">Na mũthenya wa mbee wa kĩmũtũ kĩte ĩlawa, yĩla mooaie katena ka vasaka, amanyĩw’a make mamũkũlya, Wĩenda tũende tũkaũseũvisye va ũye vasaka?</verse>
				<verse number="13">Na atũma elĩ ma amanyĩw’a make, amea, Endai ndũanĩ, na mũndũ ũkuĩte kĩkuu kya manzĩ ekomana nenyu: mũvikĩlei ũsu;</verse>
				<verse number="14">na o vala wĩlika, tavyai mwene wa nyũmba, Mũmanyĩsya akũlya, Ĩĩva nyũmba yakwa ya aeni, vala ngũĩa vasaka vamwe na amanyĩw’a makwa?</verse>
				<verse number="15">Nake mwene akamwon’ya nyũmba nene ya ĩũlũ, nzeũvye yĩ na mĩio: mũtũseũvĩsye vo.</verse>
				<verse number="16">Na amanyĩw’a maũmaala, mathi ndũanĩ, na moona o ũndũ ũmatavisye: na maseũvya vasaka.</verse>
				<verse number="17">Na kwavika wĩoo ooka vamwe na ala ĩkũmi na elĩ.</verse>
				<verse number="18">Na mailyĩ makĩya, Yesũ asya, Nĩ w’o nĩngũmwĩa, Ũmwe wenyu akambũnyanĩa, nake nũnũũya vamwe nakwa.</verse>
				<verse number="19">Mambĩlĩlya kwĩw’a woo na kũmũkũlya ũmwe na ũmwe, Ninyie?</verse>
				<verse number="20">Na amea, Nĩ ũmwe wa ala ĩkũmi na elĩ, ũla ũnũkwĩkĩanĩa kw’oko ĩsaaninĩ vamwe nakwa.</verse>
				<verse number="21">Nũndũ Mwana wa mũndũ ethi, o ũndũ waandĩkĩwe: ĩndĩ woo nĩ wa mũndũ ũsu ũla wĩmũvũnyanĩa Mwana wa mũndũ! Wĩthĩwa wi ũseo kwa mũndũ ũsu kethĩwa ndaasyawa.</verse>
				<verse number="22">Na makĩya, oosa kĩmũtũ, na akĩathima, akĩtilanga, na amanenga, amea, Osai: kĩĩ nĩkyo mwĩĩ wakwa.</verse>
				<verse number="23">Na oosa kĩkombe, na atũnga mũvea, amanenga: na onthe manyw’a yakyo.</verse>
				<verse number="24">Na amea, Ĩno nĩyo nthakame yakwa ya ũtianĩo mweũ, ĩla ĩĩtĩkwa kwondũ wa andũ aingĩ.</verse>
				<verse number="25">Nĩw’o nĩngũmwĩa, Ndikanyw’a ĩngĩ ya ũsayo wa mũsavivũ, mũvaka mũthenya ũla ngamĩnyw’a yĩ nzaũ ũsumbĩnĩ wa Ngai.</verse>
				<verse number="26">Na maina wathi, maumaala mathi kĩĩmanĩ kya Mĩthata.</verse>
				<verse number="27">Na Yesũ amea, Inyw’onthe nĩmũũlulutĩkw’a nũndũ wakwa: nũndũ nĩkũandikĩtwe, Ngakũna mũĩthi na malondũ makanyaĩĩkw’a.</verse>
				<verse number="28">Ĩndĩ ĩtina wa kũthayũũka kwakwa, ngaenda mbee wenyu kũvika Kalilii.</verse>
				<verse number="29">Ĩndĩ Vetelo amwĩa, O na ethĩwa onthe makalulutĩkw’a, nyie ndilulutĩkw’a nongi.</verse>
				<verse number="30">Na Yesũ amwĩa, Nĩ w’o nĩngũkwĩa, kana we ũtukũ ũũ wa ũmũnthĩ, mbee wa nzamba ĩtanasya kelĩ, ũkangaĩa katatũ.</verse>
				<verse number="31">Ĩndĩ ongeleka kũneena na vinya, O na ethĩwa no mũvaka nĩkw’e naku ndikakũkaĩa. Na onthe masya o ta ũu.</verse>
				<verse number="32">Na mavika vandũ vetawa Ngesemanii: na amea amanyĩw’a make, Ĩkalai vaa ĩvinda yĩla ngũvoya.</verse>
				<verse number="33">Na athi e na Vetelo na Yakovo na Yoana, na ambĩlĩlya kũmaka na kũũũya mũno.</verse>
				<verse number="34">Na amea, Ngoo yakwa nĩkũũũya mũno o na kũvika kĩkw’ũ: ĩkalai vaa, mũsyaĩĩsye.</verse>
				<verse number="35">Nake aendanga mbee vanini, na eevalũkya nthĩ, na avoya kana ethĩwa ũũ nũtonyeka, saa ũsu ũmũthonoke.</verse>
				<verse number="36">Na asya, Nau, Asa, maũndũ onthe nĩmatonyeka kwaku; mbĩtĩthya kĩkombe kĩĩ: ĩndĩ ti ũndũ ngwenda nyie, ĩndĩ ũndũ ũkwenda we.</verse>
				<verse number="37">Na ooka amethĩa makomete, na amũkũlya Vetelo, Simoni, kaĩ nũkomete? Ndũnatonya kũsyaĩĩsya o na saa ũmwe?</verse>
				<verse number="38">Syaĩĩsyai na voyai, nĩ kana mũikalike ũtatwanĩ: veva nĩ w’o ũkwenda, ĩndĩ mwĩĩ ndwĩ na vinya.</verse>
				<verse number="39">Na athi ĩngĩ, avoya, akyasya o ila ndeto.</verse>
				<verse number="40">Na ooka ĩngĩ na amethĩa makomete, nũndũ metho moo maĩ na too mũno; na maiaamanya ũndũ wa ũmũsũngĩa.</verse>
				<verse number="41">Na ooka ya katatũ na amea, Komai yu, mũthũmũe: nũu; ũla saa nĩ mũviku; sisyai, Mwana wa mũndũ nũnũũnenganwe mokonĩ ma andũ athe.</verse>
				<verse number="42">Ũkĩlai, tũthi: sisyai, ũla ũnũũmbũnyanĩa nũthengee.</verse>
				<verse number="43">Na oyu akĩneena, Yutasi, ũmwe wa ala ĩkũmi na elĩ, ooka, vamwe na ĩkomano yĩ na mbyũ na mathimbũ, maumĩte kwa athembi anene na aandĩki na atumĩa.</verse>
				<verse number="44">Na ũla ũmũvũnyanĩe amanengete wonan’yo, akyasya, O ũla nĩmũmumunya, nĩwe ũsu; mũkwatei, mũmũtwae mũmũsũvĩe.</verse>
				<verse number="45">Nake ooka, oyu athi vala ũĩ, na amwĩa, Lavai; na amũmumunya.</verse>
				<verse number="46">Na matambũũkya moko moo, na mamũkwata.</verse>
				<verse number="47">Ĩndĩ ũmwe wa ala maũngeme vo akũa ũvyũ wake, na amĩtema ngombo ya mũthembi mũnene, amĩtila kũtũ.</verse>
				<verse number="48">Na Yesũ asũngĩa, amea, Nĩmwaumĩla mwĩ na mbyũ na mathimbũ, na mwoka kũngwata ta nĩ mũvutani?</verse>
				<verse number="49">Kĩla mũthenya naĩ nenyu ĩkalũnĩ ngĩmanyĩsya, na mũiaangwata: ĩndũ ũu nĩwĩkiwe nĩ kana maandĩko meanĩw’e.</verse>
				<verse number="50">Na onthe mamũtia, makĩa.</verse>
				<verse number="51">Na mwanake ũmwe amũatĩĩa, evw’ĩkĩte ngũa ya katane mwĩĩ wake: na mamũkwata;</verse>
				<verse number="52">ĩndĩ atia ngũa ya katane, akĩa e mũthei</verse>
				<verse number="53">Na mamũtwaa Yesũ kwa mũthembi ũla mũnene: na mamũmbanĩa vo athembi onthe anene, na atumĩa, na aandĩki.</verse>
				<verse number="54">Na Vetelo amũatĩĩa e kũasa, o na nthĩnĩ, ku nza kwa mũthembi mũnene; na ekala nthĩ vamwe na makanga, makyota mwaki.</verse>
				<verse number="55">Na ĩndĩ athembĩ anene na nzama yonthe mamũmanthĩa Yesũ ũkũsĩ nĩ kana mamũae; na maiaawona.</verse>
				<verse number="56">Nũndũ aingĩ mamũkũsĩĩa ũvũngũ, na ũkũsĩ woo ndwaosana.</verse>
				<verse number="57">Na amwe maũngama mamũkũsĩĩa ũvũngũ, makyasya,</verse>
				<verse number="58">Ithyĩ nĩtũneewie akyasya, Ngaananga ĩkalũ yĩĩ yĩla yaakiwe na moko, na matukũ atatũ ngaaka yĩngĩ yĩtekwakwa na moko.</verse>
				<verse number="59">O na ũu, ũkũsĩ woo ndwaosana.</verse>
				<verse number="60">Na ũla mũthembi mũnene aũngama katĩ, amũkũlya Yesũ, akyasya, Ndũsũngĩa ũndũ? Aa makũkũsĩĩa ata?</verse>
				<verse number="61">Ĩndĩ avindya, o na ndaasũngĩa ũndũ. Na mũthembi mũnene amũkũlya ĩngĩ, amwĩa, We nue Klĩsto Mwana wa Mũtaĩwa?</verse>
				<verse number="62">Na Yesũ asya, Ninyie we: na mũkamwona Mwana wa mũndũ ailyĩ ngalĩ ya kw’oko kwa aũme kwa Vinya, akyũka na mathweo ma ĩtu.</verse>
				<verse number="63">Na mũthembi mũnene atembũanga ngũa syake, akyasya, Twĩ na vata ũngĩ mwaũ wa ngũsĩ?</verse>
				<verse number="64">Nĩmweew’a kũumana kwake; mwĩona ata? Na onthe matw’a kana aĩlwe nĩ kĩkw’ũ.</verse>
				<verse number="65">Na amwe mambĩlĩlya kũmũtw’ĩla mata, na kũmũvw’ĩka ũthyũ, na kũmũlumangya, na kũmwĩa, Athana: na ala makanga mamũmandũla.</verse>
				<verse number="66">Na Vetelo e ĩtheo ku nza, kwooka ũmwe wa eĩtu athũkũmi ma mũthembi mũnene;</verse>
				<verse number="67">na oona Vetelo akyota mwaki, amũsisya, na asya, We naku wĩĩ vamwe na ũla Mũnasaleti, Yesũ.</verse>
				<verse number="68">Ĩndĩ akaĩa, akyasya, Ndyĩsĩ, o na ndiũmanya ũndũ ũkwasya; na aumaala nza valasyanĩ, na nzamba yasya.</verse>
				<verse number="69">Na ũla mwĩĩtu mũthũkũmi amwona ĩngĩ, na ambĩlĩlya kũmea ala maũngeme vakuvĩ, Ũũ nĩ ũmwe woo.</verse>
				<verse number="70">Ĩndĩ akaĩa ĩngĩ. Na ĩtina vandũ vanini, ala maũngeme vakuvĩ mamwĩa Vetelo, Nĩw’o wĩ ũmwe woo; nĩkwĩthĩwa wĩ Mũkalilii.</verse>
				<verse number="71">Ĩndĩ ambĩlĩlya kũumana, na kwĩvĩta, Ndimwĩsĩ mũndũ ũsu mũũweta.</verse>
				<verse number="72">Na oyu, nzamba yasya ya kelĩ. Na Vetelo alilikana ndeto ila ũtaviw’e nĩ Yesũ, Nzamba ĩtanasya kelĩ, ũkangaĩa katatũ. Na aililikana, aĩa.</verse>
			</chapter>
			<chapter number="15">
				<verse number="1">Na oyu kĩoko athembi anene vamwe na atumĩa na aandĩki, na nzama yonthe, masũanĩa ene kwa ene, na mamwova Yesũ, na mamũtwaa, na mamũnengane kwa Vilato.</verse>
				<verse number="2">Na Vilato amũkũlya, We nue Mũsumbĩ wa Ayuti? Na asũngĩa, amwĩa, We nĩwaneena.</verse>
				<verse number="3">Na athembi anene mamũvinganĩsya na maũndũ maingĩ.</verse>
				<verse number="4">Na Vilato amũkũlya ĩngĩ, akyasya, Ndũsũngĩa ũndũ? Sisya maũndũ ũndũ meana ala meũkũvinganĩsya namo.</verse>
				<verse number="5">Ĩndĩ Yesũ ndaasũngĩa ũndũ ĩngĩ; na Vilato aseng’a.</verse>
				<verse number="6">Na ĩndĩ ĩvinda ya mboka akothaa kũmathaĩsya mwovwa ũmwe, o ũla mamwĩtasya.</verse>
				<verse number="7">Na vaĩ mũndũ ũmwe wetawa Valava wovetwe vamwe na ala mang’endie, andũ ala mooaie angĩ ũng’endũnĩ ũsu.</verse>
				<verse number="8">Na yĩla ĩkomano yambata yambĩlĩlya kũmũvoya eke o tondũ wakothaa kũyĩka.</verse>
				<verse number="9">Na Vilato amasũngĩa, akyasya, Mwĩenda nĩmũthaĩsya Mũsumbĩ wa Ayuti?</verse>
				<verse number="10">Nũndũ amanyie kana athembi anene manamũnenganie nũndũ wa kĩwĩu.</verse>
				<verse number="11">Ĩndĩ athembi anene mathing’ĩĩsya ĩkomano yĩneene atĩ nĩ kavaa amathaĩsye Valava.</verse>
				<verse number="12">Na Vilato asũngĩa ĩngĩ amea, Nĩmwĩke ata ĩndĩ ũũ mũũmwĩta Mũsumbĩ wa Ayuti?</verse>
				<verse number="13">Nao maneena ĩngĩ na mawasya manene, Mwambe.</verse>
				<verse number="14">Na Vilato amakũlya, Nĩkĩ, nĩ ũthũku mwaũ wĩkĩte? Ĩndĩ maneena na mawasya manene mũno, Mwambe.</verse>
				<verse number="15">Na Vilato akyenda kũyendeesya ĩkomano, ayĩthaĩsya Valava, na amũkũna Yesũ na kĩvoko kyatũange, amũnengane ambwe.</verse>
				<verse number="16">Na asikalĩ mamũtwaa Yesũ nthĩnĩ wa nza, na vo nĩ kĩsilĩlonĩ, na moomban’ya nguthu yonthe ya asikalĩ.</verse>
				<verse number="17">Na mamwĩkĩa ngũa ĩilyĩ ta ndune, na mavĩlangan’ya ngovia ya mĩw’a, mamwĩkĩa mũtwe wake;</verse>
				<verse number="18">na mambĩlĩlya kũmũkethya, Nũvoo, Mũsumbĩ wa Ayuti!</verse>
				<verse number="19">Na mamũkũna mũtwe na mũangi, na mamũtw’ĩla mata, na matulya ndu mamũthaitha.</verse>
				<verse number="20">Na mamina ũmũthekeea na kĩvũthya, mamumya ĩla ngũa ĩilyĩ ta ndune, mamwĩkĩa ngũa syake. Na mamumaalya mamwambe.</verse>
				<verse number="21">Na mamũkwata mũndũ avĩtĩte, aumĩte ũtee wa ndũa, wetawa Simoni Mũkulene, ĩthe wa Alesanda na Luvusi, athi nao, nĩ kana amũkuĩe ngelan’yo yake.</verse>
				<verse number="22">Na mamũtwaa vandũ vetwa Kolokotha, ũalyũlo wayo nĩ, Vandũ va kĩng’ala.</verse>
				<verse number="23">Na mamũnenga mbinyu ĩvũlanĩtw’e na manemane: ĩndĩ ndaaosa.</verse>
				<verse number="24">Na mamwamba, na maaan’ya ngũa syake, makĩlimana, ũndũ kĩla mũndũ wĩosa.</verse>
				<verse number="25">Na kwaĩ saa itatũ, na mamwamba.</verse>
				<verse number="26">Na ũandĩko wa kũvinganĩw’a kwake nĩwaandĩkiwe ĩũlũ, MŨSUMBĨ WA AYUTI.</verse>
				<verse number="27">Na mamwamba vamwe na avutani elĩ; ũmwe ngalĩ ya kw’oko kwake kwa aũme, na ũmwe ngalĩ ya kw’oko kwake kwa aka.</verse>
				<verse number="28">Na ũandĩko weanĩw’a ũla waĩtye, Akatalwa vamwe na avĩtan’ya.</verse>
				<verse number="29">Na ala mavĩtaa nzĩanĩ mamũuma, makĩthingithya mĩtwe yoo, makyasya, A! We ũla wanangaa ĩkalũ, noiyaka na mĩthenya ĩtatũ,</verse>
				<verse number="30">ĩtangĩĩe mwene, noitheea wume ngelan’yonĩ.</verse>
				<verse number="31">No ta ũu ala athembi anene makĩmũthekeea na kĩvũthya ene kwa ene, vamwe na aandĩki, masya, Nĩwatangĩĩe angĩ; ndatonya kwĩtangĩĩa mwene.</verse>
				<verse number="32">Klĩsto, Mũsumbĩ wa Isilaeli, natheee yu aume ngelan’yonĩ, nĩ kana twone na kwĩtĩkĩla. Na ala mambiwe vamwe nake mamũvũthya.</verse>
				<verse number="33">Na syũa yaũngama, kwatulya kĩvindu nthĩ yonthe kũvika saa kenda.</verse>
				<verse number="34">Na saa kenda Yesũ aneena na wasya mũnene, Eloi, Eloi, lama savakathani? Ũalyũlo wayo nĩ, Ngai wakwa, Ngai wakwa, ũndekee kĩ?</verse>
				<verse number="35">Na amwe ma ala maũngeme vakuvĩ, meew’a ũu, masya, Sisyai, emwĩta Eliya.</verse>
				<verse number="36">Na ũmwe asemba, na anyw’ĩthya sivanzi siki yakola, na amĩkĩa mũanginĩ, na amũnenga avivite, akyasya, Ekai; tũsisye kana Eliya nũnũkũka kũmumya.</verse>
				<verse number="37">Na Yesũ aneena na wasya mũnene, na aumya veva.</verse>
				<verse number="38">Na ngũa ya tũtũ ya ĩkalũ yatembũka ilungu ilĩ kuma ĩũlũ kũvika nthĩ.</verse>
				<verse number="39">Na ũla mũnene wa asikalĩ ĩana, ũla waũngeme amwelekele, oona kana nĩwaumya veva ta ũũ, asya, Nĩ w’o mũndũ ũũ eĩ Mwana wa Ngai.</verse>
				<verse number="40">Na vaĩ aka nao makĩsisya me kũasa: na amwe moo maĩ Meli Makatalene, na Meli, inyĩa wa Yakovo ũla mũnini na wa Yose, na Salome;</verse>
				<verse number="41">asu mamũatĩĩaa yĩla waĩ Kalilii na kũmũthũkũmaa; na aka angĩ aingĩ ala mambatie vamwe nake kũvika Yelusaleme.</verse>
				<verse number="42">Na kwavika wĩoo, nĩkwĩthĩwa nĩ Ũseũvyo, nĩw’o mũthenya ũla ũatĩĩwe nĩ savato,</verse>
				<verse number="43">kwathi Yosevu wa Alimathia, mũndũ wa nzama wĩ ndaĩa, nake mwene nĩweteele ũsumbĩ wa Ngai; na athi na ũnyiaukwa Vilato, amwĩtya mwĩĩ wa Yesũ.</verse>
				<verse number="44">Na Vilato aseng’a ethĩwa nũminie kũkw’a: na amwĩta ũla mũnene wa asikalĩ ĩana, amũkũlya kana nũkwie tene.</verse>
				<verse number="45">Na amanyĩthw’a nĩ ũla mũnene wa asikalĩ ĩana, amũnenga Yosevu ũla mwĩĩ.</verse>
				<verse number="46">Na athooa ngũa ya katane, na amumya nthĩ, na amũlingĩla ĩla ngũa ya katane, na amwia mbũanĩ ĩla yasĩtwe ĩvianĩ ĩnene; na avingilitya ĩvia mũomonĩ wa mbũa.</verse>
				<verse number="47">Na Meli Makatalene na Meli inyia wa Yose moona vala waiiwe.</verse>
			</chapter>
			<chapter number="16">
				<verse number="1">Na mũthenya wa savato wathela, Meli Makatalene, na Meli inyia wa Yakovo, na Salome, mathooa mĩtĩ yĩ mũuke mũseo, nĩ kana maende mamũvake.</verse>
				<verse number="2">Na kĩoko tene, mũthenya wa mbee wa kyumwa, mathi mavika mbũanĩ syũa yĩkyuma.</verse>
				<verse number="3">Na maneenan’ya ene kwa ene, Nũũ ũla ũnũũtũvingilitĩlya ĩvia yume mũomonĩ wa mbũa?</verse>
				<verse number="4">Na mookĩlya metho, moona kana ĩvia nĩyĩvingilitilw’e: nũndũ yaĩ ĩnene mũno.</verse>
				<verse number="5">Na makĩlika mbũanĩ, moona mwanake ailyĩ ngalĩ ya kw’oko kwa aũme, ekĩĩte ngũa nzaũ ndasa; na maseng’a.</verse>
				<verse number="6">Na amea, Mũikaseng’e; mwĩmantha Yesũ Mũnasaleti, ũla ũnambiwe; nũthayũũkĩte; nde vaa: sisyai, vandũ vala manamwiĩte!</verse>
				<verse number="7">Ĩndĩ endai, mũkamatavye amanyĩw’a make na Vetelo, atĩĩ, Etongosya mbee wenyu kũthi Kalilii: nĩkw’o mũkamwona, o tondũ wamũtavisye.</verse>
				<verse number="8">Na maumaala mbũanĩ, masemba; nũndũ makwatiwe nĩ kũtetema na kũseng’a: o na matyaatavya mũndũ ũndũ; nũndũ nĩmakĩaa.</verse>
				<verse number="9">Na Yesũ athayũũka kĩoko tene, mũthenya wa mbee wa kyumwa, amba ũmumĩlĩla Meli Makatalene, ũla waumiw’e nĩwe ndaimoni mũonza.</verse>
				<verse number="10">Nake athi amatavya ala maĩ vamwe nake ũvoo, me na kĩmeto na kĩĩo.</verse>
				<verse number="11">Nao meew’a kana e thayũ, na nĩwoniwe nĩwe, malea kwĩtĩkĩla.</verse>
				<verse number="12">Na ĩtina wa maũndũ asu amaumĩlĩla andũ elĩ moo, e na mũvw’ano ũngĩ, maendete na nzĩa makĩthi na ku ndee.</verse>
				<verse number="13">Nao mathi na matavya ala angĩ: o na asu mainametĩkĩla.</verse>
				<verse number="14">Na ĩtina amaumĩlĩla ala ĩkũmi na ũmwe mailyĩ makĩya; na amakan’ya nũndũ wa kũlea kwĩtĩkĩla kwoo na nũndũ wa wũmũ wa ngoo syoo, nũndũ mainametĩkĩla ala mamwonie ĩtina wa kũthayũũka kwake.</verse>
				<verse number="15">Na amea, Endai inyw’ĩ nthĩ yonthe, mũkaitavye syũmbe syonthe ũvoo mũseo.</verse>
				<verse number="16">Ũla ũnũkwĩtĩkĩla na kũvatiswa akatangĩĩwa; ĩndĩ ũla ũtekwĩtĩkĩla akasilĩlwa.</verse>
				<verse number="17">Na syama ii ikamaatĩĩa ala meĩtĩkĩla: syĩtwanĩ yakwa makaumya ndaimoni; makaneena na ithyomo nzaũ;</verse>
				<verse number="18">makakwata nzoka, na ethĩwa makanyw’a kĩndũ kyũaa, kĩĩkamathũkya nongi; makamailĩĩla moko ala awau, na makavoa.</verse>
				<verse number="19">Na ĩndĩ Mwĩaĩi Yesũ amina kũneena nao, atwawa ĩũlũ ĩtunĩ, na ekala nthĩ ngalĩ ya kw’oko kwa aũme kwa Ngai.</verse>
				<verse number="20">Nao mathi, matavan’ya ũvoo mũseo kũndũ kw’onthe, Mwĩaĩi akĩtethya wĩa vamwe nao, na akĩlũlũmĩlya ĩla ndeto na syama ila syaendanasya nayo. Ameni.</verse>
			</chapter>
		</book>
		<book number="42">
			<chapter number="1">
				<verse number="1">Nĩkwĩthĩwa andũ aingĩ nĩmatatie kũandĩka ũvoo wa maũndũ ala meanĩiw’e katĩ waitũ,</verse>
				<verse number="2">na matũnengie ithyĩ, nũndũ maĩ ngũsĩ sya kwona na metho, na athũkũmi ma ĩ ndeto kuma mwambĩlĩlyonĩ,</verse>
				<verse number="3">na nĩkwĩthĩwa nĩneekuũĩte nesa vala maũndũ asu onthe maumie, nĩnonete nĩ ũseo nyie ngũandĩkĩe nĩatĩanĩsye, Theovilo mũtaĩwa;</verse>
				<verse number="4">nĩ kana ũmanye w’o wa maũndũ ala wamanyĩiw’e.</verse>
				<verse number="5">Tene, ĩvinda ya Elote mũsumbĩ wa Yutia, kwaĩ mũthembĩ ũmwe ũla wetawa Nzakalia, wa nguthu ya Aviya: na mũka wake aĩ wa mbaĩ ya Aluni, na syĩtwa yake eetawa Elisavethi.</verse>
				<verse number="6">Nao elĩ maĩ alũngalu mbee wa Ngai, makĩendeea mĩaonĩ yonthe na motw’ĩonĩ onthe ma Mwĩaĩi matyaailĩĩlĩka ũthũku.</verse>
				<verse number="7">Nao matyaĩ na kana, nũndũ Elisavethi aĩ ngũngũ, na me elĩ maĩ akũu.</verse>
				<verse number="8">Na ĩndĩ kweethĩwa, yĩla watethasya wĩa wa ũthembi mbee wa Ngai kũatĩanĩa na nguthu yake,</verse>
				<verse number="9">o ũndũ kwĩkawa wĩanĩ wa ũthembi, malimana, na atw’ĩka wa kũlika ĩkalũnĩ ya Mwĩaĩi atoeesye ũvani.</verse>
				<verse number="10">Na ĩkomano yonthe yekalĩte nza yĩkĩvoya ĩvinda ya kũtoeesya ũvani.</verse>
				<verse number="11">Na aumĩlĩlwa nĩ mũlaĩka wa Mwĩaĩi, mũlaĩka aũngeme ngalĩ ya kw’oko kwa aũme kwa kĩthembeo kya kũtoeesya ũvani.</verse>
				<verse number="12">Na Nzakalia amwona aũũya, na akwatwa nĩ w’ĩa.</verse>
				<verse number="13">Ĩndĩ ũla mũlaĩka amwĩa, Ndũkakĩe, Nzakalia: nĩkwĩthĩwa kũvoya kwaku nĩkwĩw’ĩkĩte, na mũka waku Elisavethi akakũsyaĩa kana kavĩsĩ, na ũkaketa syĩtwa yako Yoana.</verse>
				<verse number="14">Naku ũkeethĩwa na ũtanu na mũyo; na aingĩ makeew’a mũyo nũndũ wa kũsyawa kwako.</verse>
				<verse number="15">Nĩkwĩthĩwa akethĩwa e mũnene methonĩ ma Mwĩaĩi, na mbinyu kana kĩla kĩtoonasya ndakanyw’a; o na kuma ĩvunĩ ya nyinyia akeethĩwa ausũĩtwe nĩ Veva Mũtheu.</verse>
				<verse number="16">Na akamaalyũla aingĩ ma ana ma Isilaeli melekele Mwĩaĩi Ngai woo.</verse>
				<verse number="17">Nake akatongosya mbee wake na veva na vinya wa Eliya, athyũũe ngoo sya aaĩthe syelekele syana, na alei mathi nthĩnĩ wa ũĩ wa ala alũngalu; kũmũmbanĩsya Mwĩaĩi andũ ala mamũseũvĩw’e.</verse>
				<verse number="18">Na Nzakalia amũkũlya mũlaĩka, Ngamanya ata ũndũ ũũ? Nĩkwĩthĩwa nĩ mũkũu nyie, na mũka wakwa nĩ mũkũu.</verse>
				<verse number="19">Na mũlaĩka amũsũngĩa, amwĩa, Ninyie Kavilieli, ũla ũũngamaa mbee wa Ngai; nakwa ndũmiwe nũke kũneena naku, na ngũetee ũvoo ũũ mũseo.</verse>
				<verse number="20">Na sisya, nũkũkilya na ndwĩtonya kũneena, kũvika mũthenya ũla maũndũ asu makekĩka, nũndũ ndũnaĩkĩĩa ndeto syakwa, ila ikeanĩw’a ĩvinda yasyo.</verse>
				<verse number="21">Na andũ mamweteela Nzakalia, na maseng’a nũndũ wa kwĩkala kwake ĩkalũnĩ.</verse>
				<verse number="22">Nake yĩla waumaalile, ndaatonya kũneena nao: na mamanya nĩwona woni ĩkalũnĩ: na aneena namo na moko, na ekala atatonya kũneena.</verse>
				<verse number="23">Na kweethĩwa, yĩla matukũ meanĩie ma ũthũkũmi wake, athi nyũmba kwake.</verse>
				<verse number="24">Na ĩtina wa matukũ asu Elisavethi mũka wake aitava; na eevitha myei ĩtano, akyasya,</verse>
				<verse number="25">Ũũ nĩw’o Mwĩaĩi ũmbĩkĩte mĩthenya ĩla wanzyaĩĩsye, ambetee ntheko yakwa andũnĩ.</verse>
				<verse number="26">Na mwei wa thanthatũ mũlaĩka Kavilieli atũmwa nĩ Ngai ndũa ya Kalilii, ĩla yĩtawa Nasaleti,</verse>
				<verse number="27">kwa mwĩĩtu ũla wevaĩtw’e nĩ mũndũ wetawa Yosevu, wa mbaĩ ya Ndaviti; na syĩtwa ya mwĩĩtu ũsu nĩ Meli.</verse>
				<verse number="28">Na mũlaĩka athi vala waĩ, na amwĩa, Wakya, ũla wonew’e ũseo mũno, Mwĩaĩi e vamwe naku.</verse>
				<verse number="29">Nake aũũya mũno nũndũ wa ndeto isu, na asũanĩa ũndũ ngethi ĩsu ĩtilyĩ.</verse>
				<verse number="30">Na mũlaĩka amwĩa, Eka ũkĩa, Meli: nũndũ nĩwonew’e ũseo kwa Ngai.</verse>
				<verse number="31">Na sisya, ũkaitava, na ũkasyaa kana kavĩsĩ, na ũkaketa syĩtwa yako Yesũ.</verse>
				<verse number="32">Nake akethĩwa e mũnene, na aketawa Mwana wa Ũla Wĩ Ĩũlũ wa Onthe: na Mwĩaĩi Ngai nũkamũnenga kĩvĩla kya ũsumbĩ kya ĩthe wake Ndaviti:</verse>
				<verse number="33">nake nũkasumbĩka mbaĩ ya Yakovo tene na tene; na ũsumbĩ wake ndũkethĩwa na mũminũkĩlyo.</verse>
				<verse number="34">Na Meli amũkũlya mũlaĩka, Ũndũ ũũ ũkeekĩka ata, nakwa ndyĩsĩ mũndũ mũũme?</verse>
				<verse number="35">Na mũlaĩka amũsũngĩa, amwĩa, Veva Mũtheu akooka ĩũlũ waku, na vinya wa Ũla Wĩ Ĩũlũ wa Onthe akakwĩkĩa muunyĩ: kwondũ wa ũu kĩla kĩtheu kĩsyawa kĩketawa Mwana wa Ngai.</verse>
				<verse number="36">Na sisya, Elisavethi ũla wa mbaĩ yaku, nũitavĩte kavĩsĩ nake nĩ mũkũu; na ũũ nĩ mwei wa thanthatũ wake ũla wetawa ngũngũ.</verse>
				<verse number="37">Nĩkwĩthĩwa kwa Ngai vai ũndũ ũtatonyeka.</verse>
				<verse number="38">Na Meli asya, Sisya, nyie nĩ ngombo ya Mwĩaĩi; nĩwĩthĩwe kwakwa o ta ndeto syaku. Na mũlaĩka amũtia athi.</verse>
				<verse number="39">Na matukũ asu Meli ookĩla athi mĩtũkĩ nthĩ ĩla yĩ iĩma, ndũanĩ ĩmwe ya Yutia;</verse>
				<verse number="40">na avota nyũmbanĩ ya Nzakalia amũkethya Elisavethi.</verse>
				<verse number="41">Na kweethĩwa, yĩla Elisavethi wewie ngethi ya Meli, kana kathaka ĩvunĩ yake; na Elisavethi ausũwa nĩ Veva Mũtheu;</verse>
				<verse number="42">na ookĩlya wasya wake aneena mũno, akyasya, Nũathimĩtwe we katĩ wa aka, na ũsyao wa ĩvu yaku nũathimĩtwe.</verse>
				<verse number="43">Ũndũ ũũ nata kwakwa, kana inyia wa Mwĩaĩi wakwa ambũkĩe?</verse>
				<verse number="44">Nũndũ sisya, yĩla ngethi yaku yalika matũnĩ makwa, kana nĩkathaka nĩ mũyo ĩvunĩ yakwa.</verse>
				<verse number="45">Na kũathimwa nĩ ũsu ũla wetĩkĩlile; nũndũ maũndũ ala wataviw’e nĩ Mwĩaĩi makeanĩw’a.</verse>
				<verse number="46">Na Meli asya atĩĩ, Ngoo yakwa nĩnĩũmũtaĩa Mwĩaĩi,</verse>
				<verse number="47">Na veva wakwa nũmũtanĩe Ngai, Mũtangĩĩi wakwa.</verse>
				<verse number="48">Nĩkwĩthĩwa asyaĩtye ũnini wa ngombo yake: Nũndũ sisya, kuma yu nzyawa syonthe ikambĩtaa mũathime.</verse>
				<verse number="49">Nĩkwĩthĩwa ũla wĩ vinya nũmbĩkĩte maũndũ manene; Na syĩtwa yake nĩ ĩtheu.</verse>
				<verse number="50">Na tei wake nũkwoneka nĩ nzyawa na nzyawa Kwa ala mamũkĩaa.</verse>
				<verse number="51">Nĩwonanĩtye vinya na kw’oko kwake; Na nũmanyaĩĩkĩtye ala mekwĩng’athĩlĩlya mavindyonĩ ma ngoo syoo.</verse>
				<verse number="52">Ala anene nũmaumĩtye ivĩlanĩ sya ũsumbĩ, Na nũmanenevetye ala anini.</verse>
				<verse number="53">Ala me na nzaa nũmavũnĩtye na maũndũ maseo; Na ala athwii nũmalũngĩtye me athei.</verse>
				<verse number="54">Nũmatethetye Isilaeli, mũthũkũmi wake, Nĩ kana alilikane kũmwĩw’ĩa tei</verse>
				<verse number="55">Avalaamu na ũsyao wake tene na tene (O tondũ waneenie na aaĩthe maitũ).</verse>
				<verse number="56">Na Meli ekala nake ta myei ĩtatũ, na asyoka kwoo.</verse>
				<verse number="57">Na matukũ ma Elisavethi meanĩa ma ũsyaa; na asyaa kana kavĩsĩ.</verse>
				<verse number="58">Na atũi make na andũ ma mbaĩ yake meew’a ũndũ Mwĩaĩi wamwingĩvĩsye tei; matana vamwe nake.</verse>
				<verse number="59">Na ĩndĩ kweethĩwa mũthenya wa nyanya, mooka kwaĩka kana; na menda kũketa Nzakalia, ta syĩtwa ya ĩthe wako.</verse>
				<verse number="60">Ĩndĩ inyia wako asũngĩa, akyasya, Aiee, ti w’o; nĩketwe Yoana.</verse>
				<verse number="61">Na mamwĩa, Kwa mbaa au vai wĩ na syĩtwa yĩu.</verse>
				<verse number="62">Na mamũneen’ya ĩthe wako na moko, amon’ye ũndũ ũnũkwenda ketwe.</verse>
				<verse number="63">Nake ametya kĩndũ kya ũandĩka, na aandĩka, Syĩtwa yako nĩ Yoana. Na onthe maseng’a.</verse>
				<verse number="64">Na oyu kanyw’a wake wavingũwa, na ũĩmĩ wake wathaw’a, nake aneena, akĩmũkatha Ngai.</verse>
				<verse number="65">Na onthe ala maĩ ũtũinĩ makwatwa nĩ w’ĩa na maũndũ asu manyaĩĩkw’a nthĩ yonthe ya Yutia ĩla yĩ iĩma.</verse>
				<verse number="66">Na onthe ala meewie maũndũ asu mamaia ngoonĩ syoo, makyasya, Kana kau kakethĩwa kailyĩ ata? Nũndũ kw’oko kwa Mwĩaĩi kwaĩ vamwe nako.</verse>
				<verse number="67">Na Nzakalia ĩthe wako ausũwa nĩ Veva Mũtheu, na athana, akyasya,</verse>
				<verse number="68">Mwĩaĩi, Ngai wa Isilaeli, nakathwe; Nũndũ nũmokĩe andũ make na kũmovosya,</verse>
				<verse number="69">Na nũtũkĩlĩlye ũvya wa ũtangĩĩo Nyũmbanĩ ya Ndaviti, mũthũkũmi wake</verse>
				<verse number="70">(Tondũ waneenie na makanyw’a ma athani make atheu ala maĩ kw’o kuma tene),</verse>
				<verse number="71">Ũtangĩĩo kuma amaithanĩ maitũ, o na mokonĩ ma onthe ala matũmenaa;</verse>
				<verse number="72">Amon’ye aasa maitũ tei, Na kũlilikana ũtianĩo wake mũtheu;</verse>
				<verse number="73">Wĩvĩto ũla wevĩtĩe asa waitũ Avalaamu,</verse>
				<verse number="74">Kana, twavonoka mokonĩ ma amaitha maitũ, akatũnenga ithyĩ Kũmũthũkũma tũte na w’ĩa,</verse>
				<verse number="75">Twĩ na ũtheu na ũlũngalu kwake mĩthenya yaitũ yonthe.</verse>
				<verse number="76">Naku we, kana, ũkeetawa mwathani wa Ũla Wĩ Ĩũlũ wa Onthe: Nũndũ ũkatongosya mbee wa Mwĩaĩi ũmũseũvĩsye nzĩa syake;</verse>
				<verse number="77">Na kũnenga andũ make ũmanyi wa ũtangĩĩo Kwondũ wa kũekewa naĩ syoo,</verse>
				<verse number="78">Nũndũ wa ĩnee ĩnene ya Ngai waitũ, Yĩla kwondũ wayo kyeni kya kũikya kyumĩte ĩũlũ nĩkĩtũvikĩe,</verse>
				<verse number="79">Kĩmamulĩke ala mekalaa kĩvindunĩ na kyuunĩ kya kikw’ũ; Kĩtũtongoesye maũũ maitũ nzĩanĩ ya mũuo.</verse>
				<verse number="80">Na kana kaneneva, kakyongelwa vinya vevanĩ, na kekalaa kũla kũte andũ kũvika mũthenya wa kumĩla kwake kwa Isilaeli.</verse>
			</chapter>
			<chapter number="2">
				<verse number="1">Na kweethĩwa matukũ asu mwĩao waumie kwa Kaisali Aukusito, nĩ kana andũ onthe maandĩkwe.</verse>
				<verse number="2">Na kũandĩka kũu kwaĩ kwa mbee yĩla Kwilinio waĩ ngavana wa Silia.</verse>
				<verse number="3">Na onthe mathi kũandĩkwa, kĩla mũndũ ndũanĩ yoo.</verse>
				<verse number="4">Na Yosevu nake ambata kuma Nasaleti, ndũa ĩmwe ya Kalilii, athi Yutia, avika ndũanĩ ya Ndaviti, ĩla yĩtawa Mbethelemu, nũndũ we aĩ wa nyũmba ya mũvĩa wa Ndaviti;</verse>
				<verse number="5">ni kana aandĩkwe vamwe na Meli, ũla wevaĩtye, nake aĩ mũito.</verse>
				<verse number="6">Na kweethĩwa, yĩla maĩ kw’o, matukũ make mavika ma ũsyaa.</verse>
				<verse number="7">Na asyaa kana kavĩsĩ ka mbee; na akavw’ĩka ngũa sya ũkenge, na akakomya mũvalatĩnĩ, nũndũ nyũmbanĩ ya aeni vaiaĩ ũthei woo.</verse>
				<verse number="8">Na nthĩ ĩsu kwaĩ aĩthi mekalaa weũnĩ, maisyaĩĩsya indo syoo ũtukũ.</verse>
				<verse number="9">Nao maumĩlĩlwa nĩ mũlaĩka wa Mwĩaĩi, na ũtheu mũtisu wa Mwĩaĩi wamamulĩka; nao makĩa mũno.</verse>
				<verse number="10">Na mũlaĩka amea, Ekai ũkĩa; nũndũ sisyai, nyie nĩnamũetee ũvoo mũseo wa ũtanu mũnene ũla ũkethĩwa wa andũ onthe:</verse>
				<verse number="11">nũndũ ũmũnthĩ, ndũanĩ ya Ndaviti, nĩmũsyaĩwe Mũtangĩĩi, nake nĩ Klĩsto ũla Mwĩaĩi.</verse>
				<verse number="12">Na wonan’yo kwenyu nĩ atĩĩ: Mũkoona kana kavw’ĩkĩtwe ngũa sya ũkenge, kamamĩtw’e mũvalatĩnĩ.</verse>
				<verse number="13">Na o kavinda kau, kwethĩwa vamwe na ũla mũlaĩka aingĩ ma nguthu ya ĩtunĩ, makĩmũkumya Ngai, makyasya,</verse>
				<verse number="14">Ngai nataĩwe ku ĩũĩũ mũno, Na mũuo wĩthĩwe kũũ nthĩ andũnĩ ala wendeeaw’a nĩmo.</verse>
				<verse number="15">Na kweethĩwa, yĩla alaĩka mamatiie makĩthi ĩtuni, aĩthi maneenan’ya ene kwa ene, Tũendei yu Mbethelemu, tũsisye ũndũ ũũ ũla weekĩka, ũla Mwĩaĩi watũmanyĩthya.</verse>
				<verse number="16">Na mathi mĩtũkĩ, na meethĩa Meli na Yosevu, na kala kaũkenge kamamĩtw’e mũvalatĩnĩ.</verse>
				<verse number="17">Na makona, matavan’ya ndeto ila mataviw’e ũndũ wa kala kana.</verse>
				<verse number="18">Na onthe ala meewie maseng’a kwondũ wa maũndũ ala mataviw’e nĩ aĩthi.</verse>
				<verse number="19">Ĩndĩ Meli ekalya ndeto isu syonthe ngoonĩ yake, akĩsũanĩa.</verse>
				<verse number="20">Na aĩthi masyoka, maimũtaĩa na maimũkumya Ngai ũndũ wa maũndũ onthe ala meewie na moonie, o tondũ mataviw’e.</verse>
				<verse number="21">Na matukũ nyanya mavika ma kũkaĩka, syĩtwa yako keetwa Yesũ, o tondũ keetiwe nĩ mũlaĩka katanamba kũitavwa.</verse>
				<verse number="22">Na matukũ meanĩa ma kwĩthesya kwoo kwĩanana na mĩao ya Mose, mambata nako Yelusaleme, kakanenganwe kwa Mwĩaĩi</verse>
				<verse number="23">(o tondũ kũandĩkĩtwe mĩaonĩ ya Mwĩaĩi, Kala kaũme kakasyawa mbee kaketawa katheu ka Mwĩaĩi),</verse>
				<verse number="24">na nĩ kana maumye nthembo o tondũ kwaĩtw’e mĩaonĩ ya Mwĩaĩi, Ndumbũ ilĩ, kana maswii elĩ ma mavũĩ.</verse>
				<verse number="25">Na ĩndĩ Yelusaleme kwaĩ mũndũ wetawa Simeoni; nake aĩ mũlũngalu na aĩ mũkĩi wa Ngai, akyeteela ũkiakisyo wa Isilaeli: na Veva Mũtheu aĩ ĩũlũ wake.</verse>
				<verse number="26">Nake nĩwonetw’e nĩ Veva Mũtheu, kana ndakona kĩkw’ũ, atanona ũla Klĩsto wa Mwĩaĩi.</verse>
				<verse number="27">Nake ooka ĩkalũnĩ atongoew’e nĩ Veva: na ĩthe na inyia mavota na kala kana Yesũ, nĩ kana meke nako tondũ wĩaĩtwe mĩaonĩ,</verse>
				<verse number="28">nake ĩndĩ akosa kana mokonĩ make, na amũkatha Ngai, akyasya,</verse>
				<verse number="29">Yu ĩndĩ, Mwĩaĩi, ngombo yaku nĩthi na mũuo, Tondũ waneenie;</verse>
				<verse number="30">Nĩkwĩthĩwa metho makwa nĩmoona ũtangĩĩo waku,</verse>
				<verse number="31">Ũla ũseũvĩtye mbee wa andũ onthe;</verse>
				<verse number="32">Kyeni kya kũmavuanĩsya Andũ‐ma‐mbaĩ‐ingĩ, Na ũtaĩo wa andũ maku Isilaeli.</verse>
				<verse number="33">Na ĩthe na inyia wako maseng’a ũndũ wa maũndũ ala maneeniwe ũndũ wako;</verse>
				<verse number="34">na Simeoni amaathima, na amwĩa Meli inyia wako, Nĩwene, kana kaa kaiĩtwe kethĩwe ũvalũko na wũkĩlo wa aingĩ ma Isilaeli; na wonan’yo ũla ũkakananĩw’a mũno;</verse>
				<verse number="35">ĩĩ, na ũvyũ ũkatonya ngoo yaku; nĩ kana mosũanĩo ma ngoo nyingĩ mavuanw’e.</verse>
				<verse number="36">Na vo vaĩ mwathani mũndũ mũka, ũla wetawa Ana, mwĩĩtu wa Vanueli, wa mbaĩ ya Aseli (nake aĩ mũkũu mũno, na nĩwekalĩte myaka mũonza na mũũme wake ĩtina wa wĩĩtu wake,</verse>
				<verse number="37">nake aĩ ndiwa myaka mĩongo nyanya na ĩna), o na ndaumaa ĩkalũnĩ, akĩthaitha na kũtĩĩa kũya na kwĩsũvana ũtukũ na mũthenya.</verse>
				<verse number="38">Nake ooka kavinda kau amũtũngĩa Ngai mũvea, na amatavya onthe ala meteele wovosyo wa Yelusaleme ũvoo wako.</verse>
				<verse number="39">Na mamina kwĩanĩsya maũndũ onthe ala meeaĩtwe mĩaonĩ ya Mwĩaĩi, masyoka Kalilii, na mathi ndũanĩ yoo Nasaleti.</verse>
				<verse number="40">Na kana kaneneva, na keethĩwa na vinya, na kausũwa nĩ ũĩ: na mumo wa Ngai waĩ ĩũlũ wako.</verse>
				<verse number="41">Na kĩla mwaka ĩthe na inyia wako maendaa Yelusaleme ĩvinda ya mboka ya vasaka.</verse>
				<verse number="42">Na kavikya myaka ĩkũmi na ĩlĩ, mambata o tondũ kweekawa ĩvinda ya mboka ĩsu;</verse>
				<verse number="43">na matukũ meanĩa, masyoka, na kĩvĩsĩ Yesũ kyatiwa Yelusaleme; ĩndĩ ĩthe na inyia wakyo maiaamanya ũu;</verse>
				<verse number="44">ĩndĩ matalĩthasya kĩ o vamwe namo nguthunĩ, na mathi mũendo wa syũa ĩima; na mambĩlĩlya ũkĩmantha andũnĩ ma mbaĩ yoo na andũnĩ ala meesene namo;</verse>
				<verse number="45">na malea ũkyona, masyoka Yelusaleme, maikĩmantha.</verse>
				<verse number="46">Na kweethĩwa, matukũ atatũ mathela makyona ĩkalũnĩ, kĩilyĩ katĩ wa amanyĩsya ma mĩao, kĩimethukĩĩsya, na kĩimakũlya mokũlyo:</verse>
				<verse number="47">na onthe ala makĩwie maseng’a ũndũ wa ũmnayi wakyo na mosũngĩo makyo.</verse>
				<verse number="48">Nao makyona, maseng’a; na inyia wakyo akĩkũlya, Mwana wakwa, ũtwĩkie ũu nĩkĩ? Nĩwene, au waku nakwa tũkũmanthie na kyeva.</verse>
				<verse number="49">Nakyo kyamea, Mwĩmanthĩaa kĩ? Mũiĩsĩ kana nĩnaĩlwe kwithĩwa wĩanĩ wa Asa wakwa?</verse>
				<verse number="50">Nao maiaamanya kĩtina kya ndeto ila kyamatavya.</verse>
				<verse number="51">Nakyo kyatheea nao, kũvika Nasaleti: na kyamenyivĩsya; na inyia wakyo aia maũndũ asu onthe ngoonĩ yake.</verse>
				<verse number="52">Na Yesũ aendeea akyũĩva na akĩana, e mwaĩlu kwa Ngai na kwa andũ.</verse>
			</chapter>
			<chapter number="3">
				<verse number="1">Mwaka wa ĩkũmi na katano wa kũsumbĩka kwa Tivelio Kaisali, yĩla Vondio Vilato waĩ ngavana wa Yutia, na Elote waĩ mũsumbĩ wa Kalilii, na mwana‐a‐inyia wake Vilivu mũsumbĩ wa nthĩ ya Itulea na Takakoniti, na Lisania mũsumbĩ wa Avilene,</verse>
				<verse number="2">na yĩla Anasi na Kaiava maĩ athembi anene, ndeto ya Ngai yamũkie Yoana mwana wa Nzakalia e weũnĩ.</verse>
				<verse number="3">Nake athi nthĩ yonthe ĩla yĩ ũtee wa ũsĩ wa Yolotani, akĩtavan’ya ũvatiso wa ũalyũlo wa ngoo ũetae ũekeo wa naĩ;</verse>
				<verse number="4">o tondũ kũandĩkĩtwe ĩvukunĩ ya ndeto sya mwathani Isaia, Wasya wa mũndũ akĩneena mũno weũnĩ, Seũvyai nzĩa ya Mwĩaĩi, Lũngalyai moendelo make.</verse>
				<verse number="5">Syanda syonthe ikalindwa, Na iĩma na tũlĩma tw’onthe ikeananw’a na nthi; Na ila nthyoeku ikalũngalw’a, Na nzĩa ila nthũku ikatindimalw’a;</verse>
				<verse number="6">Na mĩĩ yonthe ĩkoona ũtangĩĩo wa Ngai.</verse>
				<verse number="7">Na ĩndĩ amea makomano ala mookaa kũvatiswa nĩwe, Inyw’ĩ ũsyao wa nzoka mbai, nũũ ũla ũmwonetye kũkĩa ũthatu ũla wũkĩte?</verse>
				<verse number="8">Syaai ĩndĩ ũsyao ũla waĩle ũalyũlo wa ngoo, na mũtikambĩlĩlye kwasya nthĩnĩ wenyu, Twĩ na asa waitũ Avalaamu: nũndũ nĩngũmwĩa, kana Ngai nũtonya kũmũkĩlĩlya Avalaamu syana mavianĩ aa.</verse>
				<verse number="9">O na yu ĩthoka nĩyiĩtwe matinanĩ ma mĩtĩ: kwondũ wa ũu kĩla mũtĩ ũtasyaaa ũsyao mũseo nũtemawa, na kwĩkw’a mwakinĩ.</verse>
				<verse number="10">Na makomano mamũkũlya makyasya, Twaĩlwe nĩ kwĩka ata ĩndĩ?</verse>
				<verse number="11">Amasũngĩa, amea, Ũla wĩ na itonyeo ilĩ, namũaĩe ũla ũtaĩ; na ũla wĩ na lĩu, eke o ũu.</verse>
				<verse number="12">Na aumya ma koti mooka kũvatiswa, nao mamũkũlya atĩĩ, Mũmanyĩsya, naitũ twaĩlwe nĩ kwĩka ata?</verse>
				<verse number="13">Nake amea, Mũĩkaumĩthye mbee wa ũndũ mwĩaĩwe.</verse>
				<verse number="14">Na asikalĩ namo mamũkũlya, makyasya, Naitũ twaĩlwe nĩ kwĩka ata? Na amasũngĩa, Manyai kũmũvena mũndũ kĩndũ na vinya, kana kũmũvinganĩsya ũndũ ũte wa w’o; na ĩanĩwai nĩ ĩtuvi yenyu.</verse>
				<verse number="15">Na yĩla andũ mekalĩte makĩsyaĩĩsya, na andũ onthe makĩsũanĩa ngoonĩ syoo ũvoo wa Yoana, kana nokwĩthĩwa nĩwe Klĩsto;</verse>
				<verse number="16">Yoana asũngĩa, na amea onthe, Nĩ w’o nyie nĩmũvatisaa na manzĩ; ĩndĩ nĩkũkĩte ũla wĩ vinya kũte nyie, nakwa ndyĩanĩwe nĩ kũthasya tũmĩkwa twa iatũ syake: ũsu akamũvatisaa na Veva Mũtheu na mwaki:</verse>
				<verse number="17">na kĩũlũkya kyake kĩ kw’okoni kwake, nake akathesya vyũ kĩvũĩo kyake, na akoomban’ya nganũ yake ĩkũmbĩnĩ yake; ĩndĩ wewa akavĩvya na mwaki ũtavoeka.</verse>
				<verse number="18">Nake nĩwamatavasya andũ ũla ũvoo mũseo vamwe na matao angĩ maingĩ;</verse>
				<verse number="19">ĩndĩ mũsumbĩ Elote, akĩkanw’a nĩwe ũndũ wa Elotia mũka wa mwana‐a‐inyia, na ũndũ wa maũndũ onthe mathũku ala Elote wekĩte,</verse>
				<verse number="20">ongela ũthũku ũngĩ ĩũlũ wa ala wekĩte, amũvingĩa Yoana kolokolonĩ.</verse>
				<verse number="21">Na kweethĩwa andũ onthe mavatiswa, nake Yesũ avatiswa, na akĩvoya, ĩtu yavingũka,</verse>
				<verse number="22">na Veva Mũtheu amũtheea e na mwĩĩ ũvw’ana ta wa ĩvũĩ, amũvũĩla, na wasya wauma ĩtunĩ, We nue Mwana wakwa mwendwa; nendeaaw’a nue.</verse>
				<verse number="23">Na Yesũ mwene, akyambĩlĩlya kũmanyĩsya, aĩ ta myaka mĩongo ĩtatũ, nake atalĩthaw’a kwĩthĩwa mwana wa Yosevu wa Eli,</verse>
				<verse number="24">wa Mathati, wa Livai, wa Meliki, wa Yanai, wa Yosevu,</verse>
				<verse number="25">wa Matathia, wa Amosi, wa Naumu, wa Esili, wa Nakai,</verse>
				<verse number="26">wa Maathi, wa Matathia, wa Semei, wa Yoseki, wa Yota,</verse>
				<verse number="27">wa Yoanani, wa Lesa, wa Nzeluvaveli, wa Sealitieli, wa Neli,</verse>
				<verse number="28">wa Meliki, wa Ati, wa Kosamu, wa Elimatamu, wa Eeli,</verse>
				<verse number="29">wa Yesua, wa Elieseli, wa Yolimu, wa Mathati, wa Livai,</verse>
				<verse number="30">wa Simeoni, wa Yutasi, wa Yosevu, wa Yonamu, wa Eliakimu,</verse>
				<verse number="31">wa Melea, wa Mena, wa Matatha, wa Nathani, wa Ndaviti,</verse>
				<verse number="32">wa Yese, wa Oveti, wa Mboasi, wa Salumoni, wa Nasoni,</verse>
				<verse number="33">wa Aminatavu, wa Alamu, wa Esiloni, wa Velesi, wa Yuta,</verse>
				<verse number="34">wa Yakovo, wa Isaka, wa Avalaamu, wa Tela, wa Naoli,</verse>
				<verse number="35">wa Seluki, wa Leu, wa Veleki, wa Eveli, wa Siela,</verse>
				<verse number="36">wa Kenani, wa Alivakasati, wa Semu, wa Noa, wa Lameki,</verse>
				<verse number="37">wa Methusela, wa Enoko, wa Yaleti, wa Maalaleli, wa Kenani,</verse>
				<verse number="38">wa Enosi, wa Sethi, wa Atamu, wa Ngai.</verse>
			</chapter>
			<chapter number="4">
				<verse number="1">Na Yesũ, ausũĩtwe nĩ Veva Mũtheu, asyoka auma Yolotani, na atongoew’a nĩ Veva weũnĩ.</verse>
				<verse number="2">Akĩtatwa nĩ ndevili ĩvinda ya matukũ mĩongo ĩna. Na matukũ asu ndaĩsaa kĩndũ: na mathela, eew’a nzaa.</verse>
				<verse number="3">Na ndevili amwĩa atĩĩ, Ethĩwa nue Mwana wa Ngai, ĩaĩe ĩvia yĩĩ yĩtw’ĩke kĩmũtũ.</verse>
				<verse number="4">Na Yesũ amũsũngĩa, Nĩkũandĩkĩtwe, Mũndũ ndekalaa thayũ kwondũ na kĩmũtũ kyoka.</verse>
				<verse number="5">Na amũtongoesya kĩĩmanĩ ĩũlũ, na amwon’ya mosumbĩ onthe ma nthĩ kwa kaven’ya.</verse>
				<verse number="6">Na ndevili amwĩa atĩĩ, Nĩngũũnenga ũkũmũ ũũ w’onthe, na ndaĩa syamo: nũndũ nĩnanengiwe; nakwa nĩngũmũnenga o ũla ngwenda.</verse>
				<verse number="7">Ĩndĩ we ethĩwa nũũnthaitha, ũũ w’onthe ũkeethĩwa waku.</verse>
				<verse number="8">Yesũ amũsũngĩa, amwĩa, Nĩkũandĩkĩtwe, Mũthaithae Mwĩaĩi Ngai waku, na mũthũkũmae we, e weka.</verse>
				<verse number="9">Na amũtwaa Yelusaleme, amwĩkalya mũthyanĩ wa ĩkalũ, na amwĩa, Ethĩwa nue Mwana wa Ngai, ĩyĩkye nthĩ:</verse>
				<verse number="10">nũndũ nĩkũandĩkĩtwe, Akeeaĩa alaĩka make ũndũ waku, makũsũvĩe:</verse>
				<verse number="11">na ĩngĩ, Makakũkĩlya mokonĩ moo, Ndũkese kũtũlwa kũũ kwaku nĩ ĩvia.</verse>
				<verse number="12">Na Yesũ amũsũngia, amwĩa, Nĩkũneenetwe, Ndũkamũtate Mwĩaĩi Ngai waku.</verse>
				<verse number="13">Na ndevili amina matatwa onthe, athi amũtia ĩvinda.</verse>
				<verse number="14">Na Yesũ asyoka Kalilii vinyanĩ wa Veva: na nguma yake yausũa ndee syonthe sya nthĩ ĩsu.</verse>
				<verse number="15">Nake amanyĩsya masinakokenĩ moo, aikathwa nĩ andũ onthe.</verse>
				<verse number="16">Nake athi Nasaleti, vala waeewe: na alika ĩsinakokenĩ mũthenya wa savato, tondũ wekaa, na aũngama asome.</verse>
				<verse number="17">Anengwa ĩvuku ya mwathani Isaia. Na avuũa ĩvuku, oona vala vaandĩkĩtwe atĩĩ,</verse>
				<verse number="18">Veva wa Ngai e ĩũlũ wakwa, Nũndũ nĩwambĩtĩkĩsye mauta nĩtavye ngya ũvoo mũseo: Nũndũmĩte kũtavan’ya ũthasyo kwa ala atave, Na kũsalukw’a ililinda, Na kũthasya ala mavivinyĩtwe,</verse>
				<verse number="19">Na kũtavan’ya mwaka wa Mwĩaĩi ũla wĩtĩkĩlawa.</verse>
				<verse number="20">Na akũnza yĩla ĩvuku, anenga ũla mũthũkũmi, na ekala nthĩ: na onthe ala maĩ vo ĩsinakokenĩ mamũketeea.</verse>
				<verse number="21">Na ambĩlĩlya kũmea atĩĩ, Ũmũnthĩ ũandĩko ũũ nĩweanĩw’a matũnĩ menyu.</verse>
				<verse number="22">Na onthe mamũkũsĩaa, na maseng’a nũndũ wa ndeto sya mumo ila syaumie kanyw’anĩ wake: nao masya, Ũũ ti mwana wa Yosevu?</verse>
				<verse number="23">Nake amea atĩĩ, Vate ngananĩo mũkandavya nthimo ĩno, Mũiiti, ĩvosye mwene: ũndũ o na wĩva ũla tũneewie wĩkĩte Kavelinaumi, ĩka vaa nthĩ ĩ yaku.</verse>
				<verse number="24">Nake asya, Nĩ w’o nĩngũmwĩa, Vati mwathani ũla wĩtĩkĩlawa nthĩ ĩ yake.</verse>
				<verse number="25">Ĩndĩ nĩngũmũtavya w’o, Nthĩ ya Aisilaeli kwaĩ aka aingĩ ndiwa matukũ ma Eliya, yĩla ĩtu yavingĩtwe myaka ĩtatũ na myei thanthatũ, yĩla kwaĩ yũa ĩnene nthĩ ĩsu yonthe;</verse>
				<verse number="26">na Eliya ndaatũmwa kwa ũmwe wamo, ĩndĩ atũmiwe kwa ndiwa ĩmwe ya ndũa ya Nzalevathi, ya nthĩ ya Sitoni.</verse>
				<verse number="27">Na nthĩ ya Aisilaeli kwaĩ andũ aingĩ ala maĩ na mangũ ĩvinda ya mwathani Elisa; na vai ũmwe wamo waathew’a ate o Naamani, ũla Mũsilia.</verse>
				<verse number="28">Na onthe ala maĩ ĩsinakokenĩ, meew’a maũndũ asu mausũwa nĩ ũthilĩku;</verse>
				<verse number="29">na mookĩla, mamumya ndũanĩ, na mamũtwaa kũvika ĩũlũ wa kĩĩma kĩla kyakĩtwe ndũa yoo, nĩ kana makamwĩkĩlye vo akulumene.</verse>
				<verse number="30">Ĩndĩ avĩtĩla katĩ wamo, athi.</verse>
				<verse number="31">Na atheea athi Kavelinaumi, ndũa ĩmwe ya Kalilii. Nake amamanyĩsya mũthenya wa savato:</verse>
				<verse number="32">nao maseng’a ũndũ wa ũmanyĩsyo wake; nĩkwĩthĩwa ndeto syake syaĩ na ũkũmũ.</verse>
				<verse number="33">Na vau ĩsinakokenĩ vaĩ mũndũ ũla wakwetwe nĩ veva wa ndaimoni mbuku; nake aneena na wasya mũnene, akyasya,</verse>
				<verse number="34">Iĩ! Twĩ ũndũ naku wa kyaũ, Yesũ Mũnasaleti? Nĩwooka kũtwananga? Nĩngwĩsĩ we, wĩ Ũla Mũtheu wa Ngai.</verse>
				<verse number="35">Na Yesũ amĩkan’ya, akyasya, Tumya kanyw’a, noimuma. Na ĩla ndaimoni yamũvalũkya katĩ woo, yamuma, ĩtamwĩkĩte ũndũ.</verse>
				<verse number="36">Na onthe maseng’a, na maneenan’ya ene kwa ene, makyasya, Ndeto ĩno ĩtilyĩ ata? Nũndũ nũkwĩaĩa maveva mavuku na ũkũmũ na vinya, nao makyuma.</verse>
				<verse number="37">Na ũvoo wake wanyaĩĩka ndee syonthe, kĩla vandũ.</verse>
				<verse number="38">Nake aumaala ĩsinakokenĩ, avota nyũmbanĩ ya Simoni. Na inyia wa mũka wa Simoni aĩ na ndetema nyingĩ; na mamũvoya ũndũ wake.</verse>
				<verse number="39">Nake aũngama vakuvĩ nake, na akan’ya ndetema; nayo yamũtia: na o ĩvinda yĩu ookĩla amathũkũma.</verse>
				<verse number="40">Na syũa yĩkĩthũa, ala mawaĩtye andũ mowau ma mĩthemba mingĩ mamũetee; nake amailĩĩla kĩla mũndũ moko, na amavosya.</verse>
				<verse number="41">Na andũ aingĩ maumiw’e ndaimoni, iikaya, ikyasya, We wĩ Mwana wa Ngai. Nake aikan’ya, na aivata kũneena, nĩkwĩthĩwa nasyo nĩsyeesĩ nĩwe Klĩsto.</verse>
				<verse number="42">Na kwakya, auma vo athi vandũ vate andũ: na makomano mamũmantha, na mooka vala ũĩ, na menda kũmũsiĩĩa ndakamatie.</verse>
				<verse number="43">Ĩndĩ amea atĩĩ, Mũvaka nĩtavan’ye ũvoo mũseo wa ũsumbĩ wa Ngai ndũanĩ ila ingĩ nasyo: nũndũ natũmiwe nũndũ wa ũu.</verse>
				<verse number="44">Nake atavanasya masinakokenĩ ma Kalilii.</verse>
			</chapter>
			<chapter number="5">
				<verse number="1">Na kweethĩwa, yĩla ĩkomano yĩkĩmũtindĩka yĩw’e ndeto ya Ngai, aũngeme ũtee wa ĩia ya Kenesaleti;</verse>
				<verse number="2">na oona ngalawa ilĩ ũtee wa ĩia; ĩndĩ atei ma makũyũ meethĩwa maumĩte, makĩthambya itei syoo.</verse>
				<verse number="3">Nake alika ngalawanĩ ĩmwe, ĩla ya Simoni, amũkũlya atwaange aumye ngũkanĩ vandũ vanini. Na ekala vo ngalawanĩ aimanyĩsya makomano.</verse>
				<verse number="4">Na amina ũneena, amwĩa Simoni, Twaa ngalawa vala ve kyũngũ, mũlikye itei syenyu nĩ kana mũkwatye.</verse>
				<verse number="5">Na Simoni amũsũngia, amwĩa, Mwĩaĩi, tũtethisye wĩa ũtukũ w’onthe, na tũinakwatya kĩndũ: ĩndĩ ũndũ wa ndeto syaku nĩngũlikya itei.</verse>
				<verse number="6">Na meeka ũu, makwatya makũyũ maingĩ; na itei syoo syambĩlĩlya kũtw’ĩkanga;</verse>
				<verse number="7">na mamavenesya ala maĩ ngwatanĩo nao ngalawanĩ ĩla ĩngĩ, moke kũmatethya. Nao mooka, na mausũsya ngalawa isu syelĩ, mũvaka syambĩlĩlya kũlika manzĩnĩ.</verse>
				<verse number="8">Ĩndĩ Simoni Vetelo, oona ũu, avalũka maunĩ ma Yesũ, akyasya, Uma vaa nĩĩ; nũndũ nyie nĩ mũndũ mwathe, Mwĩaĩi.</verse>
				<verse number="9">Nũndũ nĩwaseng’ie, na onthe ala maĩ nake, ũndũ wa wingĩ wa makũyũ ala makwatisye;</verse>
				<verse number="10">na Yakovo na Yoana, ana ma Sevetii, namo o ta ũu, ala maĩ ngwatanĩo na Simoni. Na Yesũ amwĩa Simoni, Manya ũkĩa; kuma yu ũkakwatasya andũ.</verse>
				<verse number="11">Na maete ngalawa syoo ngũkanĩ, matia syĩndũ syonthe, na mamũvikĩla.</verse>
				<verse number="12">Na kweethĩwa, yĩla waĩ ndũanĩ ĩmwe, sisya, kwaĩ mũndũ ũmwe ũmbĩtwe nĩ mangũ: na amwona Yesũ, eevalũkya nthĩ na ũthyũ, amwĩsũva, akyasya, Mwĩaĩi, ethĩwa nũkwenda, nũtonya kũnthesya.</verse>
				<verse number="13">Na atambũũkya kw’oko kwake, amũkiita, akyasya, Nĩngwenda; ĩthĩwa mũtheu. Na oyu mangũ mavoa.</verse>
				<verse number="14">Na amwĩaĩa ndakatavye mũndũ: ĩndĩ amwĩa, Thi ũkeyonan’ye kwa mũthembi, nokyumya nthembo ya kũthew’a kwaku, tondũ Mose weaie, yĩthĩwe ũkũsĩ kwoo.</verse>
				<verse number="15">Ĩndĩ ũvoo wake waingĩva mũno mbee: na andũ aingĩ makomana mamwĩw’e, na kũvow’a mowau moo.</verse>
				<verse number="16">Ĩndĩ we eeyathũkya athi vandũ vate andũ, avoye.</verse>
				<verse number="17">Na kweethĩwa mũthenya ũmwe yĩla wamanyĩasya, vaĩ Avalisi na amanyĩsya ma mĩao mailyĩ vo, ala maumĩte mĩsyĩ yonthe ya Kalilii, na ya Yutia, o na Yelusaleme: na vinya wa Mwĩaĩi wa kũvosya waĩ vamwe nake.</verse>
				<verse number="18">Na ĩndĩ aũme mooka makuĩte na ũkomo mũndũ waĩ na ũwau wa kwaa mamutha: na mamantha kũmũtwaa nthĩnĩ, na kũmwia mbee wake.</verse>
				<verse number="19">Nao malea kwona vandũ va ũmũtwaĩla nthĩnĩ nũndũ wa ĩkomano, malĩsa nyũmba ĩũlũ, mathaĩlya kĩalanĩ, mamũtheesya na ũkomo wake katĩ wa andũ vala ve Yesũ.</verse>
				<verse number="20">Nake oona mũĩkĩĩo woo, asya, Mũndũ we, naĩ syaku nĩsyaekwa.</verse>
				<verse number="21">Na aandĩki na Avalisi mambĩlĩlya kũsũanĩa, makyasya, Ũũ nũũ ũla ũnũũneena moumano? Nũũ ũtonya kũekea naĩ, ate o Ngai e weka?</verse>
				<verse number="22">Ĩndĩ Yesũ amanya mosũanĩo moo, asũngĩa na amea, Nĩkĩ mũũsũanĩa ũũ ngoonĩ syenyu?</verse>
				<verse number="23">Ũla ũvũthũ nĩ wĩva, nĩ kwasya, Naĩ syaku nĩsyaekwa; kana nĩ kwasya, Ũkĩla ũthi?</verse>
				<verse number="24">Ĩndĩ nĩ kana mũmanye Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha), Nĩngũkwĩa, Ũkĩla, nokyosa ũkomo waku, wĩnũke.</verse>
				<verse number="25">Na kavinda o kau ookĩla e mbee woo, na oosa kĩla wakomeaa, enũka, akĩmũkatha Ngai.</verse>
				<verse number="26">Na onthe maseng’a, na mamũkatha Ngai; na malikwa nĩ w’ĩa, makyasya, Ũmũnthĩ nĩtwonie maũndũ ma ũseng’ya.</verse>
				<verse number="27">Ĩtina wa maũndũ asu aumaala, na amwona mumya wa koti, ũla wetawa Livai, ekalĩte vala vaumĩaw’a koti, na amwĩa, Mbikĩla.</verse>
				<verse number="28">Nake atia syĩndũ syonthe, na ookĩla amũvikĩla.</verse>
				<verse number="29">Na Livai amũvokea mboka nene nyũmbanĩ kwake: na vaĩ aingĩ ma aumya ma koti na andũ angĩ mailyĩ nao makĩya lĩu.</verse>
				<verse number="30">Na Avalisi na aandĩki moo mamanyungunyĩĩsya amanyĩw’a make, makyasya, Nĩ ũndũ wa kĩ mũkũya na kũnyw’a vamwe na aumya ma koti na andũ athe?</verse>
				<verse number="31">Na Yesũ amasũngĩa, amea, Ala mate awau mati vata wa mũiiti; ĩndĩ no ala awau.</verse>
				<verse number="32">Ndyaaũka kwĩta ala alũngalu, ĩndĩ no ala athe maalyũle ngoo.</verse>
				<verse number="33">Nao mamwĩa, Amanyĩw’a ma Yoana nĩmatĩĩaa kũya mavinda maingi, makĩvoya; na ala ma Avalisi ta ũu; ĩndĩ aa maku nĩmeũya na kũnyw’a.</verse>
				<verse number="34">Na Yesũ amakũlya, Nĩmũtonya kũtuma ala metĩtwe mũtwaanonĩ matĩĩa kũya, yĩla mũtwaani wĩ vamwe nao?</verse>
				<verse number="35">Ĩndĩ mĩthenya nĩyũkĩte, yĩla mũtwaani ũkaumw’a kwoo, na nĩvo ĩndĩ makatĩĩa kũya mĩthenya ĩsu.</verse>
				<verse number="36">Ĩngĩ aneena na ngelekan’yo amatavya: Mũndũ ndatilaa kĩlio kya ngũa nzaũ alie ngũa ngũũ; nĩkwĩthĩwa eeka ũu nũkũtembũa ĩla nzaũ, na kĩlio kyu kyeũ kĩtyosana na ĩla ngũũ.</verse>
				<verse number="37">Na vai mũndũ wĩkĩaa mbinyu mbĩthĩ mathatwanĩ makũũ; nĩkwĩthĩwa eekĩa, mbinyu mbĩthĩ ĩkatembũa mathatwa asu, na ĩkĩtĩka, na mathatwa makyanangĩka.</verse>
				<verse number="38">Ĩndĩ mbinyu mbĩthĩ yaĩlwe nĩ kwĩkĩwa mathatwanĩ meũ.</verse>
				<verse number="39">Na vai mũndũ ũla waanyw’a mbinyu ngũũ ũnũkwenda ĩla mbĩthĩ; nũndũ easya, ĩla ngũũ nĩyo nzeo.</verse>
			</chapter>
			<chapter number="6">
				<verse number="1">Na kweethĩwa mũthenya ũmwe wa savato, aendele mĩũndani ya nganũ, amanyĩw’a make matũla iia sya nganũ, maikiitha na nzaa, makĩya.</verse>
				<verse number="2">Na amwe ma Avalisi mamwĩa, Nũndũ wa kĩ mũkwĩka ũndũ ũtosana na ĩla mĩao ũkĩkwa mũthenya wa savato?</verse>
				<verse number="3">Yesũ amasũngĩa, amea, Mũiaasoma ũndũ Ndaviti wekie, yĩla waĩ na nzaa, we na ala maĩ nake;</verse>
				<verse number="4">ũndũ wavotie nyũmbanĩ ya Ngai, na oosa imũtũ ila syaiĩawa Ngai, na aya, na anenga ala maĩ nake; naw’o ndwosana na ĩla mĩao kũĩwa nĩ mũndũ ate o athembi oka?</verse>
				<verse number="5">Nake amea, Mwana wa mũndũ nĩ mwĩaĩi wa savato.</verse>
				<verse number="6">Na kweethĩwa mũthenya ũngĩ wa savato, avota ĩsinakokenĩ amanyĩsye: na vo vaĩ mũndũ waĩ na kw’oko kwa aũme kwau.</verse>
				<verse number="7">Na ala aandĩki na Avalisi mamũsyaĩĩsya, kana nũnũũvosya mũthenya wa savato; nĩ kana mone ũndũ wa kũmũvinganĩsya naw’o.</verse>
				<verse number="8">Nake nĩwesĩ mosũanĩo moo; na amwĩa ũla waĩ na kw’oko kwau, Ũkĩla ũũngame vaa katĩ. Nake ookĩla aũngama katĩ.</verse>
				<verse number="9">Na Yesũ amea, Nĩngũmũkũlya atĩĩ, Nĩkwosana na ĩla mĩao kwĩka nesa mũthenya wa savato, kana kwĩka ũthũku? Kũtangĩĩa thayũ, kana kũwananga?</verse>
				<verse number="10">Nake amasiangya onthe, na amwĩa ũla mũndũ, Tambũũkya kw’oko kwaku. Nake eeka ũu: na kw’oko kwavoa.</verse>
				<verse number="11">Ĩndĩ onthe mausũwa nĩ ũthatu ta me na ndũũka; na maneenan’ya makĩmantha ũndũ matonya kũmwĩka Yesũ.</verse>
				<verse number="12">Na kweethĩwa matukũ asu, ookĩla athi kĩĩmanĩ akavoye; na ekala ũtukũ w’onthe akĩvoya Ngai.</verse>
				<verse number="13">Na kwakya, ameta amanyĩw’a make; na anyuva ĩkũmi na elĩ katĩ woo, na asu ameta atũmwa:</verse>
				<verse number="14">Simoni, ũla wamũtw’ĩĩe syĩtwa ya kelĩ Vetelo, na mwana‐a‐inyia Andalea, na Yakovo na Yoana, na Vilivu na Valitholomayo,</verse>
				<verse number="15">na Mathayo na Thoma, na Yakovo wa Alivaio, na Simoni ũla wetawa Nzelote,</verse>
				<verse number="16">na Yutasi wa Yakovo, na Yutasi Isikalioti, ũla wesie kũmũvũnyanĩa;</verse>
				<verse number="17">na atheea nao, na aũngama vandũ vatindimalu, na ĩkomano ĩnene ya amanyĩw’a make, na andũ aingĩ ma Yutia kw’onthe na Yelusaleme, na ma nthĩ ya Tile na Sitoni ila syĩ ũtee wa ũkanga, ala mookie kũmwĩthukĩĩsya, na kũvow’a mowau moo:</verse>
				<verse number="18">na ala manyamaĩtw’e nĩ maveva mavuku mavow’a.</verse>
				<verse number="19">Na onthe ma ĩkomano mamantha kũmũkiita; nũndũ vinya waumie nthĩnĩ wake, na wamavosya onthe.</verse>
				<verse number="20">Nake ookĩlya metho make amasisya amanyĩw’a make, na asya atĩĩ, Mwĩ aathime inyw’ĩ ngya: nũndũ ũsumbĩ wa Ngai nĩ wenyu.</verse>
				<verse number="21">Mwĩ aathime inyw’ĩ ala mwĩ na nzaa yu: nũndũ mũkavũnw’a. Mwĩ aathime inyw’ĩ ala mũkũĩa yu: nũndũ mũkatheka.</verse>
				<verse number="22">Mwĩ aathime inyw’ĩ, yĩla andũ meũmũmena, na yĩla mekwĩvathana nenyu, na kũmũvũthya, na kũveta masyĩtwa menyu ta mathũku, kwondũ wa Mwana wa mũndũ.</verse>
				<verse number="23">Tanai mũthenya ũsu, mũtũlĩlange na ũtanu; nũndũ alĩlĩĩ, ĩtuvi yenyu nĩ ĩnene ĩtunĩ; now’o aaĩthe moo meekaa athani.</verse>
				<verse number="24">Ĩndĩ mwĩthĩwe na woo inyw’i athwii! Nĩkwĩthĩwa nĩmwoosie ũkiakisyo wenyu.</verse>
				<verse number="25">Mwĩthĩwe na woo, inyw’ĩ ala mũvũn’ye yu! Nũndũ nĩmũkew’a nzaa. Mwĩthĩwe na woo, inyw’ĩ ala mũũtheka yu! Nũndũ nĩmũkameta na kũĩa.</verse>
				<verse number="26">Mwĩthĩwe na woo inyw’ĩ, yĩla andũ onthe meũmũneenea nesa! Nĩkwĩthĩwa o ta ũu now’o aaĩthe moo mamekaa athani ma ũvũngũ.</verse>
				<verse number="27">Ĩndĩ inyw’ĩ ala mũkwĩw’a nĩngũmũtavya atĩĩ, Mendei amaitha menyu, mekei nesa ala meũmũmena,</verse>
				<verse number="28">maathimei ala mamwĩvĩkaa, mavoyeei ala mamũthĩnasya.</verse>
				<verse number="29">Ũla ũnũũkũkũna ũthĩa ũmwe mũthyũũĩe ũla ũngi; na ũla ũnũũkũvena ngũa yaku ya ĩũlũ manya ũmũvata kĩtonyeo kyaku.</verse>
				<verse number="30">Mũnenge ũla ũnũkwĩtya; na ũla unũũkũvena syĩndũ syaku ndũkamũkũlye.</verse>
				<verse number="31">Na ũndũ ũla mũkwenda kwĩkwa nĩ andũ, o ta ũu mekei o w’o.</verse>
				<verse number="32">Mũkĩmenda ala mamwendaa inyw’ĩ, mwĩ na ũseo wa kyaũ? O na ala athe no mendete ala mamendaa.</verse>
				<verse number="33">Na mũkĩmeka nesa ala mamwĩkaa inyw’ĩ nesa, mwĩ na ũseo wa kyaũ? O na athe no mekanaa ũu.</verse>
				<verse number="34">Na mũkĩmakovethya ala mũkwasya makamũĩva, mwĩ na ũseo wa kyaũ? O na athe no makovanaa, makĩtũngĩanĩa.</verse>
				<verse number="35">Ĩndĩ inyw’ĩ mendei amaitha menyu, mũmekae nesa, makovethyei, na mũiketeele mamũtũngĩe; na ĩtuvi yenyu yĩkethĩwa yĩ ĩnene, nenyu mũkethĩwa mwĩ ana ma Ũla Wĩ Ĩũlũ wa Onthe: nĩkwĩthĩwa nĩwe mũseo kwa ala mate mũvea na ala athũku.</verse>
				<verse number="36">Ĩthĩwai na tei, o ũndũ Ĩthe wenyu wĩ na tei.</verse>
				<verse number="37">Manyai ũsilĩla, na inywĩ mũikasilĩlwa: manyai kũtw’a, nenyu mũikatw’ĩĩwa: ekanĩai, nenyu mũkaekewa:</verse>
				<verse number="38">nenganei, nenyu mũkanengwa; kĩthimi kĩseo, kĩlate, kĩthingithye, na kĩtĩkĩlĩlye, makamũnenga kĩthũinĩ kwenyu. Nĩkwĩthĩwa kĩthimo kĩla mũthimaa, nokyo mũkathimĩwa.</verse>
				<verse number="39">Na Yesũ amatavya ngelekan’yo, Kĩlilinda nĩkĩtonya kũtongoesya kĩlilinda kĩngĩ? Syelĩ itivalũke ĩimanĩ?</verse>
				<verse number="40">Mũmanĩw’a ndethĩwa e ĩũlũ wa mũmanyĩsya wake: ĩndĩ kĩla mũndũ ũminĩte kũmanyĩw’a akeethĩwa ta mũmanyĩsya wake.</verse>
				<verse number="41">Naku nĩkĩ ũkũsisya kaũvavathĩ ke ithonĩ ya mwana‐a‐au, na ndũsũanĩa mũamba ũla wĩ ithonĩ yaku we?</verse>
				<verse number="42">Kana ũtonya ata kũmwĩa mwana‐a‐au, Any’a, mwana‐a‐asa, ndeka nĩkumye kaũvavathĩ ke ithonĩ yaku, na mũamba ũla wĩ ithonĩ yaku ndũũwona? Mwangangan’ya we, amba kwĩyumya mũamba ũsu wĩ ithoni kwaku, na ĩndĩ ũkoona nesa kumya kaũvavathĩ ke ithonĩ ya mwana‐a‐au.</verse>
				<verse number="43">Vai mũtĩ mũseo ũsyaa ũsyao mũthũku; kana mũtĩ mũthũku ũsyaa ũsyao mũseo.</verse>
				<verse number="44">Nũndũ kĩla mũtĩ nũmanyĩkaa nĩ ũsyao waw’o. Nũndũ mĩw’anĩ andũ maitusaa makũyũ, kana mĩtaenĩ maitusaa nzavivũ.</verse>
				<verse number="45">Mũndũ mũseo nĩwumasya ũndũ ũseo kyũmbanĩsyonĩ kĩseo kya ngoo yake; na mũndũ mũthũku nĩwumasya ũndũ ũthũku kyũmbanĩsyonĩ kĩthũku kya ngoo yake: nũndũ ũla wusũĩte ngoo nĩw’o kanyw’a ũneenaa.</verse>
				<verse number="46">Mũmbĩtaa Mwĩaĩi, Mwĩaĩi, nĩkĩ, na mũtyĩkaa maũndũ ala nĩmũtavasya?</verse>
				<verse number="47">Kĩla mũndũ wũkaa kwakwa, na kwĩw’a ndeto syakwa, naisyĩkaa, nĩngũmwon’ya ũndũ ũilyĩ:</verse>
				<verse number="48">ailyĩ ta mũndũ ũla wakie nyũmba, ũla wenzie mũkao mũliku, na aakie wambĩlĩlyo wayo ĩũlũ wa ĩvia: na kĩw’ũ kingĩ kyookie, kyakima nyũmba ĩsu, na kyaemwa nĩ ũthingithya: nũndũ yaakĩtwe ĩvianĩ.</verse>
				<verse number="49">Ĩndĩ ũla wewie, na ndaaĩka, ailyĩ ta mũndũ ũla wakie nyũmba mũthanganĩ vate wambĩlĩlyo, na kĩw’ũ kingĩ kyamĩkima, na oyu yavalũka; na ũvalũko wa nyũmba ĩsu waĩ mũnene.</verse>
			</chapter>
			<chapter number="7">
				<verse number="1">Na Yesũ amina kũneena ndeto syake syonthe ĩkĩw’ika nĩ andũ, alika Kavelinaumi.</verse>
				<verse number="2">Na mũnene ũmwe wa asikali ĩana aĩ na ngombo ndwau, yakilĩlye kũkw’a, nake nĩwamyendete mũno.</verse>
				<verse number="3">Na eew’a ũvoo wa Yesũ, atũma atumĩa ma Ayuti vala ũĩ makamwĩsũve oke kũmĩvoesya ngombo yake.</verse>
				<verse number="4">Nao, mavika vala ve Yesũ, mamwĩsũva mũno, makyasya, Ũsu nĩwaĩlwe nĩ kwĩkwa ũu;</verse>
				<verse number="5">nũndũ nĩwendete mbaitũ, na ĩsinakoke yitũ nĩwatwakĩe.</verse>
				<verse number="6">Na Yesũ athi nao. Na avika vakuvĩ na nyũmba, ũla mũndũ atũma anyanyae vala ũĩ, mamwĩe, Mwĩaĩi, manya kwĩnyamasya; nũndũ ndyĩanĩwe nue ũlika ungu wa kĩala kyakwa:</verse>
				<verse number="7">na ta ũu nĩnasya ndyĩanĩwe nĩ kũka kwaku: ĩndĩ neena ndeto tũ, na mũthũkũmi wakwa nũnũũvoa.</verse>
				<verse number="8">Nĩkwĩthĩwa nyie nĩ mũndũ ũla wĩaĩawa, na nĩ na asikalĩ makwa ĩtheo wakwa: na nĩngũmwĩa ũmwe, Thi, na akĩthi; na ũngĩ, Ũka, na akyũka; na ngombo yakwa, Ĩka ũna, nayo ĩkĩka.</verse>
				<verse number="9">Na Yesũ eew’a maũndũ asu, aseng’a ũndũ wake, na eethyũũa na amea andũ ala mamũvikĩlĩte, Nĩmwĩa atĩĩ, ndyaaona mũĩkĩĩo mũnene ta ũũ, aiee, o na nthĩnĩ wa Isilaeli.</verse>
				<verse number="10">Na ala matũmiwe, masyoka nyũmba, meethĩa ĩla ngombo ĩnavoa.</verse>
				<verse number="11">Na kweethĩwa ĩvinda ĩnini yathela, athi ndũanĩ ĩla yĩtawa Naini; na amanyĩw’a make, na andũ angĩ aingĩ, maendan’ya nake.</verse>
				<verse number="12">Na athengeea mbingĩlonĩ ya ndũa, sisya, nĩkwaumaalĩtw’e mũndũ mũkw’ũ, aĩ mwana e weka, na inyia aĩ ndiwa: na andũ aingĩ ma ndũa maĩ vamwe nake.</verse>
				<verse number="13">Na Mwĩaĩi amwona, amwĩw’ĩa ĩnee, na amwĩa, Eka kũĩa.</verse>
				<verse number="14">Na athengeea akiita mũsekeseke: na ala makuĩte maũngama. Nake asya, Mwanake, nĩngũũtavya, Ũkĩla.</verse>
				<verse number="15">Na ũla waĩ mũkw’ũ ekala nthĩ, na ambĩlĩlya ũneena. Na Yesũ amũnenga inyia wake.</verse>
				<verse number="16">Na onthe makwatwa nĩ w’ĩa: na mamũkatha Ngai, makyasya, Kũũ kwitũ nĩkumbũkie mwathani mũnene: na, Ngai nũmokĩe andũ make.</verse>
				<verse number="17">Na ũvoo ũsu wake wanyaĩĩka nthĩ yonthe ya Yutia, na nthĩ ila syamĩthyũlũlũkĩte.</verse>
				<verse number="18">Na amanyĩw’a ma Yoana mamũtavya maũndũ asu onthe.</verse>
				<verse number="19">Na Yoana ameta elĩ ma amanyĩw’a make na amatũma kwa Mwĩaĩi, makamũkũlye, Nue ũla wĩũka, kana tũmweteele ũngĩ?</verse>
				<verse number="20">Na yĩla aũme asu mavikie vala ũĩ, mamwĩa, Yoana Mũvatisi nĩwatũtũma vala ũĩ, nake asya, Nue ũla wĩũka, kana tũmweteele ũngĩ?</verse>
				<verse number="21">Na saa ũsu avosya andũ aingĩ mowau na mothĩn’yo na maveva mathũku; na ililinda nyingĩ syasalukw’a metho.</verse>
				<verse number="22">Na ĩndĩ asũngĩa amea, Endai, mũkamũtavye Yoana maũndũ asu ala mwonete na ala mwĩw’ĩte; ililinda nikwona, ala mathuaa nĩmeũthi, ala mawaĩte mangũ nĩmeũthew’a, ala au matũ nĩmekwĩw’a, ala akw’ũ nĩmeũthayũũkw’a, na ala ngya nĩmeũtavw’a ũvoo mũseo.</verse>
				<verse number="23">Nĩ mũathime o ũla ũtakona ũndũ wa ũlulutĩkw’a nthĩnĩ wakwa.</verse>
				<verse number="24">Na ala matũmiwe nĩ Yoana mamina ũthi, ambĩlĩlya kũneena na makomano ũndũ wa Yoana, akyasya, Mũnaendaa kũsisya kyaũ weũnĩ? Nĩ mũangi ũla ũthingithangw’a nĩ kĩseve?</verse>
				<verse number="25">Ĩndĩ mũnaendaa kwona kyaũ? Nĩ mũndũ wĩkĩe ngũa nduũku? Nĩmwenei, ala mekĩaa ngũa nzeo mbee, na me na lĩu mũseo, mekalaa kwa asumbĩ.</verse>
				<verse number="26">Ĩndĩ mũnaendaa kũsisya kyaũ? Nĩ mwathani? Ĩĩ, nĩngũmũtavya, nĩ ũla ũvĩtũkĩte mũno mwathani.</verse>
				<verse number="27">Ũsu nĩwe ũla waandĩkĩwe atĩĩ, Sisya, nĩngũtũma mũtũmwa wakwa mbee wa ũthyũ waku, Ũla ũkaseũvya nzĩa yaku mbee waku.</verse>
				<verse number="28">Nĩngũmũtavya atĩĩ, Katĩ wa ala masyaawa nĩ aka vai ũmwe ũvĩtũkĩte Yoana: o na kau ũla mũnini ũsumbĩnĩ wa Ngai nĩ mũnene kwĩ we.</verse>
				<verse number="29">Na andũ onthe, o na aumya ma koti, meew’a, mamũtala Ngai mũlũngalu, nũndũ mavatisĩtwe na ũvatisi wa Yoana.</verse>
				<verse number="30">Ĩndĩ Avalisi na amamyisya ma mĩao malea motw’io ma Ngai, kwa kũtavatiswa nĩwe.</verse>
				<verse number="31">Na Mwĩaĩi asya, Nĩelekan’ya na kyaũ andũ ma ũsyao ũũ, nao mavw’anene na kyaũ?</verse>
				<verse number="32">Mavw’anene na syana ila syĩkalaa kĩng’ang’anĩ, ila syĩtanaa; ikyasya, Twamũvuvĩa mũtũlilũ, nenyu mũinasũnga; twamũmetea, nenyu mũinaĩa.</verse>
				<verse number="33">Nũndũ Yoana Mũvatisi nĩwũkĩte ateũya kĩmũtũ na ateũnyw’a mbinyu; na inyw’ĩ mwĩasya, E na ndaimoni.</verse>
				<verse number="34">Mwana wa mũndũ nĩwũkĩte akĩya na akĩnyw’a; na inyw’ĩ mwĩasya, Sisyai, mũyi, na mũnywi, mũnyanyae wa aumya ma koti na andũ athe!</verse>
				<verse number="35">Ũĩ nũtalĩlawa ũlũngalu nĩ syana syaw’o syonthe.</verse>
				<verse number="36">Na ũmwe wa Avalisi enda aye lĩu nake. Na alika nyũmba ya Mũvalisi, na ekala nthĩ aye.</verse>
				<verse number="37">Na sisya, mũndũ mũka wa ndũa ĩsu, ũla waĩ mwathe, yĩla wamanyie kana nũnũũya lĩu nyũmanĩ ya Mũvalisi, aete sũva wa mauta,</verse>
				<verse number="38">na aũngama ĩtina vakuvĩ na maũũ make, akĩĩa, na ambĩlĩlya kũmwĩtĩkĩsya methoi maũũ make, na kũmanyasya na nzw’ĩĩ sya mũtwe wake, na kũmamumunyanga maũũ make, akĩmavaka ala mauta.</verse>
				<verse number="39">Na Mũvalisi ũla wamwĩtĩte oona ũu, avindya ngoonĩ yake, akyasya, Kethĩwa mũndũ ũũ nĩ mwathani, eethĩwa amanyie mũndũ mũka ũũ nũũ, na nĩ mũndũ mũka ũilyĩ ata ũla ũnũũmũkiita, atĩ nĩ mwathe.</verse>
				<verse number="40">Na Yesu amũsũngĩa amwĩa, Simoni, nĩ na kaũndũ ngwenda ũkũtavya. Nake asya, Mũmanyĩsya, neena.</verse>
				<verse number="41">Yesũ amwĩa Mũndũ ũmwe, mũkovethya, aĩ na andũ elĩ maĩ na thiĩ nake: ũmwe thiĩ wake waĩ silingi maana atano, na ũla ũngĩ mĩongo ĩtano.</verse>
				<verse number="42">Nao meethĩwa mate na kĩndũ kya ũmũĩva, amaekea thiĩ woo me elĩ. Nĩ wĩva ĩndĩ wa asu elĩ ũla wĩmwenda mbee?</verse>
				<verse number="43">Simoni amũsũngĩa, asya, Nĩngwasya nĩ ũla waekewe nyingĩ. Nake amwĩa, Watw’a nesa we.</verse>
				<verse number="44">Nake eethyũũĩa ũ mũndũ mũka, aimwĩa Simoni, Nĩwene mũndũ mũka ũũ? Nĩvotie nyũmba yaku, na ndũnanenga manzĩ ma ũthambya maũũ makwa: ĩndĩ ũyũ nĩwamathambya na methoi make, na nĩwamanyasya na nzw’ĩĩ syake.</verse>
				<verse number="45">Ndũnamumunya: ĩndĩ ũyũ yĩla nĩvotie, ndanaeka kũmamumunyanga maũũ makwa.</verse>
				<verse number="46">Ndũnambaka mũtwe wakwa mauta: ĩndĩ ũyũ nĩwambaka maũũ makwa mauta.</verse>
				<verse number="47">Kwondũ wa ũu nĩngũkũtavya, Naĩ syake, o na syĩ nyingĩ, nĩsyaekwa; nũndũ e wendo mwingĩ: ĩndĩ ũla ũekewe ũndũ ũnini, ũsu e wendo mũnini.</verse>
				<verse number="48">Nake amwĩa ũla mũndũ mũka, Naĩ syaku nĩsyaekwa.</verse>
				<verse number="49">Na ala mailyĩ nthĩ nake makĩya lĩu mambĩlĩlya kũvindya ngoonĩ syoo, Ũũ nũũ ũnũkũekea naĩ?</verse>
				<verse number="50">Nake amwĩa mũndũ mũka, Mũĩkĩĩo waku nĩwakũtangĩĩa; thi na mũuo.</verse>
			</chapter>
			<chapter number="8">
				<verse number="1">Na kweethĩwa ĩvinda ĩnini yathela, athi angangĩla ndũanĩ na mĩsyĩ, akĩtavan’ya na kũnyaĩĩkya ũvoo mũseo wa ũsumbĩ wa Ngai, na ala ĩkũmi na elĩ maĩ vamwe nake,</verse>
				<verse number="2">na aka amwe ala mavoiw’e maveva mathũkũ na mowau: ũmwe nĩ Meli ũla wetwa Makatalene, ũla waumiw’e ndaimoni mũonza,</verse>
				<verse number="3">na Yoena, mũka wa Kusi, mũsyaĩĩsya wa syĩndũ sya Elote, na Susana, na angĩ aingĩ ala mamũtetheasya na isamũ syoo.</verse>
				<verse number="4">Na yĩla ĩkomano ĩnene yoombanie, na andũ ma kĩla ndũa mooka vala ũĩ, aneena na ngelekan’yo:</verse>
				<verse number="5">Mũvuĩi nĩwaendie kũvuĩa mbeũ syake: na akĩvuĩa, imwe syavalũka ũtee wa nzĩa; na syakinyangwa, ikĩĩwa nĩ nyũnyi sya yayaya.</verse>
				<verse number="6">Ingĩ syavalũka ĩvianĩ; na syamea na syooma, nũndũ vatyaĩ kĩmeu.</verse>
				<verse number="7">Na ingĩ syavalũka mĩw’anĩ; na mĩw’a yameanĩsya vamwe nasyo, na yainyita.</verse>
				<verse number="8">Na ingĩ syavalũka mũthanganĩ mũseo, na syamea, na syasyaa imwe ĩana. Amina kũneena ũu, aneena na wasya mũnene, Ũla wĩ matũ ma kwĩw’a, nĩew’e.</verse>
				<verse number="9">Na amanyĩw’a make mamũkũlya, Ngelekan’yo ĩno nĩ myaũ?</verse>
				<verse number="10">Nake asya, Inyw’ĩ mũnengetwe kũmanya nzama sya ũsumbĩ wa Ngai: ĩndĩ ala angĩ mamanyĩaw’a na ngelekan’yo; nĩ kana makyona matikone, na makĩw’a maikamanye.</verse>
				<verse number="11">Na ngelekan’yo nĩyo ĩno: Mbeũ nĩ ndeto ya Ngai.</verse>
				<verse number="12">Ala me ũtee wa nzĩa nĩmo ala mew’aa; na ĩndĩ ndevili akyũka, akyumya ndeto ngoonĩ syoo, maikese kwĩtĩkĩla matangĩĩwe.</verse>
				<verse number="13">Ala me ĩvianĩ nĩmo ala mew’aa, makĩkwata ndeto na ũtanu; ĩndĩ mati na mĩi, na nĩmo mekwĩtĩkĩla kavinda kanini, ĩndĩ ĩvinda ya kũtatwa nĩmeũtia.</verse>
				<verse number="14">Na ila syavalũkile mĩw’anĩ, nĩmo ala mew’aa, na maithi mainyitwa nĩ mawĩmakĩo na ũthwii na motanu ma thayũ ũũ, nao matisyaa ũsyao ũkavika.</verse>
				<verse number="15">Ĩndĩ ila syĩ mũthanganĩ mũseo, nĩ ala mew’aa ndeto na ngoo nzeo na ya w’o, mailũmya, na maisyaa ũsyao, me na wũmĩĩsyo.</verse>
				<verse number="16">Vai mũndũ ũkwatasya taa na akokunĩkĩlya kĩndũ, kana kwia ungu wa ũkomo; ĩndĩ nũnũkwia vala vatũlu, nĩ kana ala meũvota mone kyeni.</verse>
				<verse number="17">Nũndũ vai ũndũ ũvithe, ũla ũtakavuanw’a, kana kĩmbithĩ, kĩtakamanyĩka na kumbũka ũtheinĩ.</verse>
				<verse number="18">Ĩsũvĩei ĩndĩ ũndũ mũkwĩw’a; nũndũ ũla wĩ na kĩndũ, ũsu akanengwa; na ũla ũtaĩ, akavenwa kĩla ũkwasya e nakyo.</verse>
				<verse number="19">Na ĩndĩ inyia na ana‐a‐inyia make mooka vala ũĩ, na maaĩwa nĩ mwanya ũmũthengeea ũndũ wa ĩkomano.</verse>
				<verse number="20">Nake atavw’a, Mwenyu na ana‐a‐mwenyu maũngeme nza, nao nĩmekwenda ũkwona.</verse>
				<verse number="21">Ĩndĩ asũngĩa na amea, Mwaitũ na ana‐a‐ia makwa nĩ ala mew’aa na kwĩkaa ndeto ya Ngai.</verse>
				<verse number="22">Na kweethĩwa mũthenya ũmwe wa matukũ asu, alika ngalawanĩ, we na amanyĩw’a make; na amea, Tũingei mũingo ũya wa ĩia; na makũsya.</verse>
				<verse number="23">Na makĩthi na ngalawa akoma: na kĩuutani kĩnene kyatheea ĩianĩ; na manzĩ mavota ngalawanĩ, nao meethĩwa na mũisyo.</verse>
				<verse number="24">Na mathi vala ũĩ, mamũamũkya, maimwĩa, Mwĩaĩi, Mwĩaĩi, nĩtũũkw’a. Nake aamũka, na akan’ya kĩseve na itulumo; nasyo syausya, na kwaya ũuu.</verse>
				<verse number="25">Nake amakũlya, Mũĩkĩĩo wenyu ũĩva? Nao makĩa na maseng’a, makĩneenan’ya, Ũũ nũũ ĩndĩ, nũndũ nũnũkwĩaĩa o na iseve na manzĩ, na ikamwĩw’a?</verse>
				<verse number="26">Na mavika nthĩ ya Akelasene, ĩla yelekanĩle na Kalilii.</verse>
				<verse number="27">Na yĩla waumie akinya nthĩ, akomana na mũndũ ũmwe aumĩte ndũanĩ ĩsu, ũla waĩ na ndaimoni; na ĩvinda ĩasa ndeevw’ĩkaa ngũa, kana kwĩkalaa nyũmbanĩ, ĩndĩ ekalaa mbũanĩ.</verse>
				<verse number="28">Nake amwona Yesũ, akaya, na avalũka nthĩ mbee wake, na aneena na wasya mũnene, akyasya, Nĩ ũndũ naku wa kĩ we, Yesũ, Mwana wa Ngai Ũla Wĩ Ĩũlũ wa Onthe? Nĩngũkwĩsũva ndũkanyamasye.</verse>
				<verse number="29">Nũndũ nĩwawĩaĩe veva mũvuku wume mũndũnĩ ũsu. Nĩkwĩthĩwa mavinda maingĩ nĩwakwatawa nĩw’o: nake avingĩawa, na kwovwa na mĩnyololo na mbĩngũ; na aitusanga syonthe, alũngĩlĩlaw’a weũnĩ nĩ ndaimoni.</verse>
				<verse number="30">Na Yesũ amũkũlya, Syĩtwa yaku nue ata? Nake amũsũngĩa, Ninyie Nguthu, nĩkwĩthĩwa nĩwalikĩtwe nĩ ndaimoni nyingĩ.</verse>
				<verse number="31">Na ila ndaimoni syamwĩsũva mũno ndakasyĩe ithi ĩimanĩ yĩte kĩtulu.</verse>
				<verse number="32">Na vo vaĩ ĩĩthya ya ngũlũe nyingĩ ikĩya kĩĩmanĩ: na ndaimoni syamwĩsũva inengwe ũthei wa kwilika syo. Nake ainenga ũthei.</verse>
				<verse number="33">Na ndaimoni syauma mũndũnĩ, na syavota ngũlũenĩ: na ĩĩthya yatheea kĩvaũũkonĩ yĩsembete, yalika ĩianĩ, na yakw’ĩa vo.</verse>
				<verse number="34">Na ala maĩthasya ngũlũe moona ũndũ ũsu ũla weekĩka, makĩa, na matavan’ya ndũanĩ o na ndee.</verse>
				<verse number="35">Na andũ maumaala mathi ũsisya ũndũ ũla wĩkĩkie; na mathi vala ve Yesũ, na mamwona mũndũ ũla ũnaumiw’e ndaimoni, ailyĩ nthĩ maũũnĩ ma Yesũ, evw’ĩkĩte ngũa, e na kĩlĩko: na meew’a w’ĩa mũno.</verse>
				<verse number="36">Na ala moonie ũndũ ũsu mamatavya ũndũ ũnavoiw’e ũla waĩ na ndaimoni.</verse>
				<verse number="37">Na andũ onthe ma nthĩ ya Akelasene ngalĩ syonthe mamwĩsũva aume kwoo; nũndũ makwatiwe nĩ w’ĩa mwingĩ; nake alika ngalawanĩ, na asyoka.</verse>
				<verse number="38">Ĩndĩ ũla mũndũ ũnaumiw’e ndaimoni amwĩsũva ekalan’ye nake: ĩndĩ amũeka athi, aimwĩa,</verse>
				<verse number="39">Syoka nyũmba kwaku, ũkatavan’ye maũndũ ũndũ manenevete ala Ngai ũkwĩkie. Na athi, atavan’ya ndũanĩ yonthe maũndũ ũndũ manenevete ala Yesũ ũnamwĩkie.</verse>
				<verse number="40">Na Yesũ asyoka, ĩkomano yamũthaũa na ũtanu; nũndũ onthe nĩmamweteele.</verse>
				<verse number="41">Na sisya, kwooka mũndũ wetawa Yailu, ũla waĩ mũnene wa ĩsinakoke: nake avalũka maũũnĩ ma Yesũ, na amwĩsũva athi kwake;</verse>
				<verse number="42">nũndũ aĩ na mwĩĩtu wake o ũmwe, wa myaka ĩkũmi na ĩlĩ, nake aĩ vakuvĩ na kũkw’a. Na aendete avivinyw’a nĩ ĩkomano ya andũ.</verse>
				<verse number="43">Na mũndũ mũka ũla waumawa nĩ nthakame myaka ĩkũmi na ĩlĩ, na nĩwanangĩe ũthwii wake w’onthe kwa aiiti, na ndaaona ũmwe wa ũmũvosya,</verse>
				<verse number="44">athi ĩtina wake, akiita ũtiivo wa ngũa yake; na o ĩmwe nthakame yatuma.</verse>
				<verse number="45">Na Yesũ akũlya, Nũũ ũla wangiita? Na onthe makaĩa, na Vetelo na ala maĩ nake mamwĩa, Mwĩaĩi, andũ nĩmeũkũtindĩka na kũkũvivinya.</verse>
				<verse number="46">Ĩndĩ Yesũ asya, No nakiitwa; nũndũ nĩngwĩw’a vinya wauma kwakwa.</verse>
				<verse number="47">Na mũndũ mũka oona kana ndevithĩte, ooka aitetema, na avalũka mbee wake, na atavan’ya onthe makĩw’a ũndũ ũla ũtumie amũkiita, na ũndũ wavoa kavinda kau.</verse>
				<verse number="48">Nake amwĩa, Mwĩĩtu, mũĩkĩĩo waku nĩwakũvosya; enda na mũuo.</verse>
				<verse number="49">Atanamba ũmina ũneena, mũndũ ooka auma nyũmba ya mũnene wa ĩsinakoke, akyasya, Mwĩĩtu waku nĩwakw’a; manya kũnyamasya Mũmanyĩsya.</verse>
				<verse number="50">Ĩndĩ Yesũ eew’a ũu, amũsũngĩa, Ndũkakĩe: ĩkĩĩa, tũ, nake nũnũũvow’a.</verse>
				<verse number="51">Avika nyũmba, ndaaĩtĩkĩla mũndũ alike nake, ate o Vetelo, na Yoana, na Yakovo, na ĩthe na inyia wa kelĩtu.</verse>
				<verse number="52">Na onthe meethĩwa makĩĩa na kũkũnanga ithũi: ĩndĩ nake amea, Ekai kũĩa; nũndũ ti kakw’ũ, ĩndĩ nĩkakomete.</verse>
				<verse number="53">Nao mamũthekeea mũno, nũndũ nĩmeesĩ nĩ kakw’ũ.</verse>
				<verse number="54">Nake, akwata kw’oko kwako, aketa, akyasya, Kelĩtu, ũkila.</verse>
				<verse number="55">Na veva wako wasyoka, na kookĩla oyu: na eeaa kanengwe kya ũya.</verse>
				<verse number="56">Na asyai mako maseng’a mũno: ĩndĩ amea matikatavye mũndũ ũla weekĩka.</verse>
			</chapter>
			<chapter number="9">
				<verse number="1">Nake ameta ala ĩkũmi na elĩ, amanenga vinya na ũkũmũ ĩũlũ wa ndaimoni syonthe, na wa kũvosya mowau.</verse>
				<verse number="2">Na amatũma kũtavan’ya ũvoo wa ũsumbĩ wa Ngai, na kũvosya awau.</verse>
				<verse number="3">Nake amea, Manyai ũkua kĩndũ kya nzĩanĩ, ndata, kana mũvuko, kana kĩmũtũ, kana mbesa; na mũndũ ndakethĩwe na itonyeo ilĩ.</verse>
				<verse number="4">Na nyũmba o na yĩva ĩla mwĩvota, mwĩĩkala vo, mwĩuma o vo mũkĩthi.</verse>
				<verse number="5">Na ala mateũmũthokya, mũkyuma ndũanĩ ĩsu, tuangai kĩtoo maũũnĩ menyu nĩ kana wĩthĩwe ũkũsĩ kwoo.</verse>
				<verse number="6">Nao mathi, na manganga mĩsyĩ, makĩtavan’ya ũla ũvoo mũseo, na makĩvosya awau kũndũ kw’onthe.</verse>
				<verse number="7">Na mũsumbĩ Elote eew’a maũndũ asu onthe ala meekiwe: nake asũanĩwa mũno, nĩkwĩthĩwa amwe nĩmaneenie kana Yoana nũthayũũkĩte kuma akw’ũnĩ;</verse>
				<verse number="8">na angĩ, kana Eliya nĩwumĩlĩte; na angĩ, kana ũmwe wa athani ma tene nũthayũũkĩte.</verse>
				<verse number="9">Ĩndĩ Elote asya, Yoana nĩnamũtilile mũtwe: ĩndĩ ũsu nũũ, ũla ngwĩw’a maũndũ asu ũndũ wake? Nake nĩwendaa kũmwona.</verse>
				<verse number="10">Na atũmwa yĩla masyokie mamũtavya maũndũ onthe ala meekie. Nake athi nao nzama, vakuvĩ na ndũa ĩla yĩtawa Vethisaita.</verse>
				<verse number="11">Na andũ ma makomano mamanya, ũu, mamũvikĩla kw’o: nake amosa na mũyo, na amatavya ũvoo wa ũsumbĩ wa Ngai, na amavosya ala maĩ na vata wa kũvow’a.</verse>
				<verse number="12">Na syũa yambĩlĩlya ũthũa; na ala ĩkũmi na elĩ mooka, na mamwĩa, Ũmbũũkya ĩkomano, nĩ kana yĩnyaĩĩkĩe mĩsyĩ na nthĩ ila syĩ ndee, mamanthe vandũ va ũkoma na lĩu; nũndũ vaa tũĩ, nĩ weũnĩ.</verse>
				<verse number="13">Ĩndĩ amea, Manengei lĩu e inyw’ĩ. Na masya, Twĩ na imũtũ itano na makũyũ elĩ ki; ate o tũithi kũthooa lĩu wa andũ aa onthe.</verse>
				<verse number="14">Nũndũ maĩ andũ aũme ta ngili itano. Nake amea amanyĩw’a make, Mekalyei nthĩ nguthu na nguthu, kĩla nguthu yĩ na andũ ta mĩongo ĩtano.</verse>
				<verse number="15">Nao meeka ũu, na mamekalya onthe nthĩ.</verse>
				<verse number="16">Nake oosa ila imũtũ itano na makũyũ elĩ, na ang’elela ĩtunĩ, aiathima na aitilanga; na anenga amanyĩw’a matwaĩe ĩkomano.</verse>
				<verse number="17">Na maya, na onthe mavũna: na kwooswa ikavũ ĩkũmi na ilĩ sya ilungu isu ndile ila syamatialĩle.</verse>
				<verse number="18">Na kweethĩwa, akĩvoya e weka, amanyĩw’a maĩ vamwe nake: na amakũlya, akyasya, Makomano measya nyie nĩ ũũ?</verse>
				<verse number="19">Mamũsũngĩa, makyasya, Amwe measya, Yoana ũla Mũvatisi; ĩndĩ angĩ measya, Eliya; na angĩ kana wĩ ũmwe wa athani ma tene ũthayũũkĩte.</verse>
				<verse number="20">Nake amea, Ĩndĩ inyw’ĩ mwĩasya nyie nĩ ũũ? Vetelo asũngĩa, asya, We nue Klĩsto wa Ngai.</verse>
				<verse number="21">Ĩndĩ amatavya, ameaĩa matikatavye mũndũ ũndũ ũsu;</verse>
				<verse number="22">akyasya, Mwana wa mũndũ ndatĩa kũthĩnw’a na mathĩna maingĩ, na kũlewa nĩ atumĩa na athembi anene na aandĩki, na kũawa, na kũthayũũkw’a mũthenya wa katatũ.</verse>
				<verse number="23">Na ĩndĩ amea onthe, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake kĩla mũthenya, na akĩmbikĩla.</verse>
				<verse number="24">Nĩkwĩthĩwa o ũla ũnũkwenda kũvĩtya thayũ wake akawasya; na o ũla ũkwasya thayũ wake kwondũ wakwa, ũsu akoovĩtya.</verse>
				<verse number="25">Nũndũ mũndũ aunwa nĩ kyaũ, o na akosa nthĩ nima, akĩyananga, kana akĩyasya mwene?</verse>
				<verse number="26">Nũndũ o ũla ũkambĩw’ĩa nthoni nyie na ndeto syakwa, nũkew’ĩwa nthoni nĩ Mwana wa mũndũ, yĩla ũkoka ũtheunĩ wake mũtisu, na wa Ĩthe, na wa alaĩka atheu.</verse>
				<verse number="27">Ĩndĩ nĩngũmũtavya w’o, Katĩ wa aa maũngeme vaa, ve amwe matakasama kĩkw’ũ nongi, matanamba kwona ũsumbĩ wa Ngai.</verse>
				<verse number="28">Na kweethĩwa ĩtina wa ndeto isu o ta vandũ va mĩthenya nyanya, oosa Vetelo na Yoana na Yakovo, ambata kĩĩmanĩ kũvoya.</verse>
				<verse number="29">Na akĩvoya, mũvw’ano wa ũthyũ wake waalyũka, na ngũa syake syeeũva kw’ũ, na syakaka.</verse>
				<verse number="30">Na sisya, andũ elĩ meethĩwa makĩneenan’ya nake, nao nĩ Mose na Eliya;</verse>
				<verse number="31">ala mamaumĩlĩle na ũtheu mũtisu, makĩneenan’ya ũvoo wa kĩkw’ũ kyake kĩla ũkilĩlye kwĩanĩĩsya ku Yelusaleme.</verse>
				<verse number="32">Ĩndĩ Vetelo na ala maĩ nake makwatwa nĩ too mũnene: na mavindũka, moona ũtheu wake mũtisu, na ala aũme elĩ maũngeme nake.</verse>
				<verse number="33">Na kweethĩwa yĩla mataanĩsye nake, Vetelo amwĩa Yesũ, Mwĩaĩi, nĩ ũseo kwitũ kwĩthĩwa vaa: twake malwanda atatũ; yĩmwe yaku, na yĩngĩ ya Mose, na yĩngĩ ya Eliya: nake ndaamanya ũndũ ũnũkwasya.</verse>
				<verse number="34">Na akĩneena ũu, kwooka ĩthweo, yamekĩa muunyĩ: na meew’a w’ĩa nũndũ wa ũlika ĩthweonĩ.</verse>
				<verse number="35">Na wasya wauma ĩthweonĩ, ũkyasya, Ũũ nĩwe Mwana wakwa, mũnyuve wakwa: mwĩw’ei.</verse>
				<verse number="36">Na wasya waneena ũu, Yesũ ooneka e weka. Nao mavindya, na matukũ asu maiaatavya mũndũ maũndũ ala manoonie.</verse>
				<verse number="37">Na kweethĩwa ũnĩ ũsu, mauma kĩĩmanĩ matheea, ĩkomano ĩnene yamũthaũa.</verse>
				<verse number="38">Na ĩndĩ, mũndũ ũmwe wa ĩkomano aneena na wasya mũnene, akyasya, Mũmanyĩsya, nĩngũkwĩsũva ũkasisye mwana wakwa; nũndũ nowe wakwa e ũmwe:</verse>
				<verse number="39">nake nũkwatawa nĩ veva, na mĩtũkĩ nũnũũkaya; na nũnũũthingithangw’a ĩvũyũ yĩkauma, na ũimuma na vinya ũkĩmũvinyĩthya mũno.</verse>
				<verse number="40">Nakwa namesũva amanyĩw’a maku mawumye; na maemwa nĩw’o.</verse>
				<verse number="41">Yesũ asũngĩa na asya, Ũsyao ũũ ũte na mũĩkĩĩo na mũemu, ngeethĩwa nenyu na nĩmũmĩĩsya ĩvinda yĩana ata? Mũete mwana waku vaa.</verse>
				<verse number="42">Na kĩmwana kyũkĩte, kyavalũkw’a nĩ ĩla ndaimoni, kyathingithangw’a nĩyo. Ĩndĩ Yesũ akan’ya veva ũsu mũvuku, na akĩvosya kĩla kĩmwana, akĩnenga ĩthe.</verse>
				<verse number="43">Na onthe maseng’a ũndũ wa ũnene wa Ngai. Na yĩla onthe maseng’ete nũndũ wa maũndũ onthe ala meekiwe nĩ Yesũ, amea amanyĩw’a make atĩĩ,</verse>
				<verse number="44">Ndeto ii ilike matũni menyu: nũndũ Mwana wa mũndũ nũkanenganwe mokonĩ ma andũ.</verse>
				<verse number="45">Ĩndĩ maiaamanya ndeto isu, nũndũ syavithĩtwe kwoo, matikaimanye; nao makĩa kũmũkũlya ũndũ wasyo.</verse>
				<verse number="46">Na ngananĩo yookĩla katĩ woo, ũndũ wa ũla wĩthĩwa mũnene.</verse>
				<verse number="47">Ĩndĩ Yesũ amanya mosũanĩo ma ngoo syoo, oosa kana kanini, akaũngamya ĩvavanĩ yake,</verse>
				<verse number="48">na amea, O ũla ũkosa kana kaa kanini syĩtwanĩ yakwa embosa nyie: na o ũla ũkambosa nyie eosa ũla wandũmie: nũndũ ũla mũnini katĩ wenyu, ũsu nĩwe mũnene.</verse>
				<verse number="49">Na Yoana asũngĩa na asya, Mwĩaĩi, nĩtũnoonie mũndũ akyumya ndaimoni na syĩtwa yaku; na twamũvata, nũndũ ndaatĩanĩe naitũ.</verse>
				<verse number="50">Ĩndĩ Yesũ amwĩa, Mũikamũvate: nũndũ ũla ũte na ũndũ nenyu e ngalĩ ĩ yenyu.</verse>
				<verse number="51">Na kweethĩwa, mĩthenya yathengeea ambatw’e, alũlũmĩlya ũthyũ wake elekelye kũthi Yelusaleme,</verse>
				<verse number="52">na atũma andũ mathi mbee wake: nao mathi, na mavota mũsyĩ ũmwe wa Asamalia, mamũseũvĩsye vandũ.</verse>
				<verse number="53">Nao matyaamũthokya, nũndũ ũthyũ wake weelekele ta ũnũũthi Yelusaleme.</verse>
				<verse number="54">Na amanyĩw’a make, Yakovo na Yoana, moona ũu, masya, Mwĩaĩi, nũkwenda tũwĩe mwaki wume ĩtunĩ, ũmavĩvye?</verse>
				<verse number="55">Ĩndĩ eethyũũa, amakan’ya.</verse>
				<verse number="56">Na mathi mũsyĩ ũngĩ.</verse>
				<verse number="57">Na makĩthi nzĩanĩ, mũndũ ũmwe amwĩa, Ngakũvikĩla o kũla wĩthi.</verse>
				<verse number="58">Na Yesũ amwĩa, Mbĩwa syĩ na maima, na nyũnyi sya yayaya syĩ na ndala; ĩndĩ Mwana wa mũndũ nde na vandũ va ũkomya mũtwe wake.</verse>
				<verse number="59">Na amwĩa ũngĩ, Mbikĩla. Ĩndĩ nake asya, Mwĩaĩi, nenga ũthei nambe ũthi kũmũthika asa wakwa.</verse>
				<verse number="60">Ĩndĩ amwĩa, Eka akw’ũ mathike akw’ũ moo; ĩndĩ we enda ũkatavan’ye ũsumbĩ wa Ngai.</verse>
				<verse number="61">Na ũngĩ asya, Ngakũvikĩla, Mwĩaĩi; ĩndĩ nenga ũthei nambe ũthi kwatiĩa ũvoo ala ma nyũmba yakwa.</verse>
				<verse number="62">Ĩndĩ Yesũ amwĩa, Mũndũ akwata mĩtĩ ya ĩembe ya ng’ombe, aisisya na ĩtina, ndeanĩwe nĩ ũsumbĩ wa Ngai.</verse>
			</chapter>
			<chapter number="10">
				<verse number="1">Ĩtina wa maũndũ asu Mwĩaĩi anyuva angĩ mĩongo mũonza, na amatũma elĩ na elĩ, mathi mbee wake kĩla ndũa na vandũ, vala wakilĩlye kũthi.</verse>
				<verse number="2">Na amea atĩĩ, Nĩw’o ngetha nĩ mbingĩ, ĩndĩ akethi nĩ avũthũ: kwondũ wa ũu voyai Mwĩaĩi wa ngetha, atũme akethi ngethanĩ yake.</verse>
				<verse number="3">Endai; na lĩlĩi, nĩngũmũtũma ta tũtena twa malondu katĩ wa nzũi.</verse>
				<verse number="4">Manyai ũkua ngusu ya mbesa, kana mũvuko, kana iatũ; na manyai ũkethya mũndũ nzĩanĩ.</verse>
				<verse number="5">Na o nyũmba ĩĩa mwĩlikaa, ambaai kwasya, Mũuo wĩthĩwe nyũmbanĩ ĩno.</verse>
				<verse number="6">Na ethĩwa vo ve mwana wa mũuo, mũuo wenyu ũkekala nake: ĩndĩ ethĩwa nde vo, ũkamũsyokea.</verse>
				<verse number="7">Na ĩkalai nyũmbanĩ ĩsu, mũkĩya na mũkĩnyw’a o kĩla memũnengae: nũndũ mũtethya wa wĩa nĩwaĩlwe nĩ ĩtuvi yake. Manyai kumaalanga mũkĩvotanga nyũmba ĩno na ĩno.</verse>
				<verse number="8">Na ndũa o na yĩva ĩla mwĩvotaa, na mamũthokya, ĩsaai syĩndũ ila syĩetawe mbee wenyu:</verse>
				<verse number="9">vosyai awau ala me vo, mũkĩmatavya, Nĩmũthengeewe nĩ ũsumbĩ wa Ngai.</verse>
				<verse number="10">Ĩndĩ ndũa o na yĩva ĩla mwĩvotaa, na malea kũmũthokya, endai nzĩanĩ syayo, mũkyasya,</verse>
				<verse number="11">O na kĩtoo kya ndũa yenyu, kĩla kĩkwatĩte nyaĩĩ sitũ, nĩtũũmũvangũlĩla: ĩndĩ manyai ũũ, ũsumbĩ wa Ngai nũmũthengee.</verse>
				<verse number="12">Na ĩndĩ nĩngũmũtavya, Sotomo ĩkethĩwa yĩ kavaa mũthenya ũsu, kwĩ ndũa ĩsu.</verse>
				<verse number="13">Woo nĩ waku, Kolasini! Woo nĩ waku, Vethisaita! Nũndũ kethĩwa mavinya ala mekĩtwe kwenyu, meekiwe Tile na Sitoni, andũ ma kw’o methĩwa maalyũlile ngoo tene, makĩkala nthĩ mekĩĩte makunia na kwĩyũmba mũu.</verse>
				<verse number="14">Ĩndĩ Tile na Sitoni kũkethĩwa kwĩ kavaa ũsilĩlonĩ, kũte inyw’ĩ.</verse>
				<verse number="15">Naku Kavelinaumi, ũkookĩlw’a kũvika ĩutnĩ? Ũkatheew’a kũvika vala maveva ma akw’ũ mekalaa.</verse>
				<verse number="16">Ũla ũmwĩw’aa inyw’ĩ, nũmbĩw’aa nyie; na ũla ũmũleaa inyw’ĩ, nũndeaa nyie; na ũla ũndeaa nyie, nũmũleaa ũla wandũmie.</verse>
				<verse number="17">Na ala mĩongo mũonza masyoka me atanu, makyasya, Mwĩaĩi, o na ndaimoni niũtwĩnyivĩsya syĩtwanĩ yaku.</verse>
				<verse number="18">Nake amea, Nĩnoonaa Satani avalũka kuma ĩtunĩ ta ũtisi.</verse>
				<verse number="19">Nĩmwenei, nĩnamũnenga ũkũmũ wa ũkinya ĩũlũ wa nzoka na ing’auũ, na ĩũlũ wa vinya w’onthe wa mũmaitha: na mũtikona ũndũ ũthũku nongi.</verse>
				<verse number="20">Ĩndĩ manyai ũtana nũndũ ndaimoni niũmwĩnyivĩsya; ĩndĩ tanai nũndũ masyĩtwa menyu nĩmaandĩkĩtwe ĩtunĩ.</verse>
				<verse number="21">Na saa ũsu Yesũ atana nthĩnĩ wa Veva Mũtheu, na asya, Nĩngũũkatha, Asa, Mwĩaĩi wa ĩtu na nthĩ, nũndũ maũndũ asu nĩwamavithie andũ oĩ na ala me na ũmanyi, na wavuanĩsye twana tũnini: ĩĩ, Asa; nĩkwĩthĩwa nĩw’o wendeesye kwaku.</verse>
				<verse number="22">Nĩnĩnengetwe maũndũ onthe nĩ Asa wakwa: na vai mũndũ wĩsĩ Mwana nũũ, ate o Asa; kana Asa nũũ, ate o Mwana, na mũndũ o na wĩva ũla Mwana ũkwenda ũmũvuanĩsya.</verse>
				<verse number="23">Na eethyũũĩa amanyĩw’a, na amea me nzama, Nĩ maathime metho ala mekwona maũndũ ala mũkwona:</verse>
				<verse number="24">nũndũ nĩngũmũtavya, athani na asumbĩ aingĩ mendie kwona maũndũ ala mũkwona, na maiaamona; na kwĩw’a maũndũ ala mũkwĩw’a, na maiaamew’a.</verse>
				<verse number="25">Na ĩndĩ, mũmanyĩsya ũmwe wa mĩao ookĩla amũtate, akyasya, Mũmanyĩsya, nĩĩka ata kana nĩtiĩwe thayũ ũtathela?</verse>
				<verse number="26">Nake amwĩa, Mĩaonĩ kũandĩkĩtwe ata? Ũsomaa ata?</verse>
				<verse number="27">Asũngĩa, amwĩa, Mwende Mwĩaĩi Ngai waku na ngoo yaku yonthe, na thayũ waku w’onthe, na vinya waku w’onthe, na kĩlĩko kyaku kyonthe; na mwende mũtũi waku o tondũ wĩyendete mwene.</verse>
				<verse number="28">Nake amwĩa, Wasũngĩa w’o; ĩka ũu, na ũkeethĩwa na thayũ.</verse>
				<verse number="29">Ĩndĩ we, akyenda kwĩnenga mwene ũlũngalu, amũkũlya Yesũ, Na mũtũi wakwa nũũ?</verse>
				<verse number="30">Yesũ amũsũngĩa na amwĩa, Mũndũ ũmwe nĩwaumie Yelusaleme atheee Yeliko; nake akwatwa nĩ avutani, ala mamũvutie ngũa na mamũkũnanga, na mathi, mamũtia akilĩlye kũkw’a.</verse>
				<verse number="31">Na kweethĩwa mũthembi ũmwe atheea na nzĩa ĩsu: na amwona, aathũkĩla ũtee wake.</verse>
				<verse number="32">Na Mũlivai ũmwe ta ũu, avika vala vandũ, na amwona, nake aathũkĩla ũtee.</verse>
				<verse number="33">Ĩndĩ Mũsamalia ũmwe, akĩthi kyalo, avika vala waĩ: na yĩla wamwonie, amwĩw’ĩa ĩnee,</verse>
				<verse number="34">na athi vala ũĩ, amwova kũla wakũnangĩtwe, aikwĩtĩkĩsya mauta na mbinyu; na amũtũlya nyamũnĩ yake ĩla yamũkuĩte amũtwaa nyũmbanĩ ya aeni, akamũwaĩsye vo.</verse>
				<verse number="35">Na ũnĩ ũsu aumya silingi ilĩ, amũnenga mwene wa nyũmba ĩsu, na amwĩa, Mũwasye nesa; na wavĩtũkya ii, ngakũtũngĩa ngĩsyoka.</verse>
				<verse number="36">Wĩasya nĩ wĩva wa asu atatũ, ũla wonanisye aĩ mũtũi wa ũla wakwatiwe nĩ avutani?</verse>
				<verse number="37">Nake asya, Nĩ ũla wamwĩw’ĩe tei. Na Yesũ amwĩa, Naku thi, wĩke ta ũu.</verse>
				<verse number="38">Na yu makĩthi na nzĩa, avota mũsyĩ ũmwe: na mũndũ mũka ũmwe ũla wetawa Matha amũthokya nyũmbanĩ yake.</verse>
				<verse number="39">Nake aĩ na mwĩĩtu‐a‐inyia wetawa Meli, nake ekala nthĩ maũũnĩ ma Yesũ, akĩthukĩĩsya ndeto syake.</verse>
				<verse number="40">Ĩndĩ Matha athĩniw’e nĩ wĩa; na athi vala ũĩ, na amwĩa, Mwĩaĩi, ndũkwona ũndũ mwĩĩtu‐a‐ia ũndekanĩsye na wĩa nĩtethye nĩ nyioka? Mwĩe andetheesye.</verse>
				<verse number="41">Ĩndĩ Mwĩaĩi amũsũngĩa, amwĩa, Matha, Matha, nũkwĩnyamasya na kwĩthĩn’ya na maũndũ maingĩ:</verse>
				<verse number="42">ĩndĩ no ũndũ ũmwe wĩ vata: nũndũ Meli nũnyuvie kĩlungu kĩseo, kĩla ũtakavenwa.</verse>
			</chapter>
			<chapter number="11">
				<verse number="1">Na kweethĩwa, ailyĩ vandũ akĩvoya, na amina, ũmwe wa amanyĩw’a make amwĩa, Mwĩaĩi, tũmanyĩsye kũvoya, tondũ Yoana wamamanyĩisye amanyĩw’a make.</verse>
				<verse number="2">Nake amea, Mũkĩvoya aasyai atũ, Asa, syĩtwa yaku yĩtaĩwe. Ũsumbĩ waku wũke.</verse>
				<verse number="3">Tũnenge kĩla mũthenya lĩu witũ ũtwĩanĩe.</verse>
				<verse number="4">Naku ũtũekee naĩ sitũ; nũndũ ithyĩ nĩtũũmũekea kĩla ũmwe ũla wĩ thiĩ naitũ. Na ndũkatũtwaae ũtatwanĩ.</verse>
				<verse number="5">Nake amakũlya, Nĩ wĩva wenyu ũla wĩ na mũnyanyae, nake aithi kwake ũtukũ katĩ, aimwĩa, Mũnyanyawa, ngovethya imũtũ itatũ;</verse>
				<verse number="6">nũndũ mũnyanyawa nĩwoka auma kyalo, na ndi na kĩndũ kya kũmũathĩsya?</verse>
				<verse number="7">Na ũla wĩ nthĩnĩ akamũsũngĩa, akyasya, Eka kũnyamasya: nũndũ nĩnĩvingie mũomo, na nĩngomete na syana syakwa; nditonya kũkĩla ngũnenge.</verse>
				<verse number="8">Nĩngũmwĩa, O na ethĩwa ndokĩla amũnenge nũndũ nĩ mũnyanyae, ĩndĩ ũndũ wa kĩthing’ĩĩsyo kyake akookĩla amũnenge o ila wĩ vata nasyo.</verse>
				<verse number="9">Nakwa nĩngũmũtavya, Voyai, na mũkanengwa; manthai, na mũkoona vingũsyai, na mũkavingũĩwa.</verse>
				<verse number="10">Nũndũ ũla ũnũkũvoya nũnũũnengwa; na ũla unũũmantha nũnũkwona; na ũla ũnũũvingũsya nũnũũvingũĩwa.</verse>
				<verse number="11">Nĩ wĩva wenyu, ĩthe wa mwana, eetw’a kĩmũtũ nĩ mwana wake, nũmũnenga ĩvia? Kana eetw’a ĩkũyũ, vandũ va ĩkũyũ nũmũnenga nzoka?</verse>
				<verse number="12">Kana eetw’a ĩtumbĩ, nũmũnenga kĩng’auũ?</verse>
				<verse number="13">Ethĩwa inyw’ĩ ĩndĩ, ala mwĩ athũku, nĩmwĩsĩ kũnenga syana syenyu mĩthĩnzĩo mĩseo, ti mbee mũno Ĩthe wenyu ũla wa ĩtunĩ kũmanenga Veva Mũtheu ala mamwĩtasya?</verse>
				<verse number="14">Nake aumya ndaimoni ĩla ĩtaneenaa. Na kweethĩwa, yĩla ndaimoni yauma, ũla mũndũ ũtaneenaa, aneena; na andũ ma ĩkomano maseng’a.</verse>
				<verse number="15">Ĩndĩ amwe masya, Nũnũkumya ndaimoni na vinya wa Veelisevuli, mũnene wa ndaimoni.</verse>
				<verse number="16">Na angĩ mamũtata, makyenda aumye kyama ĩtunĩ.</verse>
				<verse number="17">Ĩndĩ nake, akĩmanya mosũanĩo moo, amea, Kĩla ũsumbĩ wĩvathanĩtye nũetae wanangĩkonĩ; na nyũmba yatilĩkangana na ĩngĩ nĩvalũkaa.</verse>
				<verse number="18">Na ethĩwa Satani nĩwĩvathanĩtye ũu, ũsumbĩ wake ũkaũngama ata? Nũndũ nĩmũkwasya nĩngumya ndaimoni na vinya wa Veelisevuli.</verse>
				<verse number="19">Nakwa ethĩwa numasya ndaimoni na vinya wa Veelisevuli, ana menyu masyumasya na vinya waũ? Kwondũ wa ũu makeethĩwa me asilĩli menyu.</verse>
				<verse number="20">Ĩndĩ ethĩwa nyie numasya ndaimoni na kyaa kya Ngai, nĩ w’o ĩndĩ ũsumbĩ wa Ngai nũmũkĩe inyw’ĩ.</verse>
				<verse number="21">Mũndũ wĩ vinya ũla ũkuĩte mĩio ya kaũ asũvĩaa nyũmba yake, syĩndũ syake syĩkalaa syĩ mboo:</verse>
				<verse number="22">ĩndĩ yĩla ũla wĩ vinya kwĩ we wĩũka, na kũmũkĩlya vinya, ũsu akamũvena mĩio yake yonthe ya kaũ ĩla wĩkwetye, akĩaan’ya mũtavo wake.</verse>
				<verse number="23">Ũla ũte ngalĩ yakwa ũsu e ũndũ nakwa; na ũla ũtombanasya nakwa nũnyaĩĩkasya.</verse>
				<verse number="24">Veva mũvuku wauma mũndũnĩ, ũvĩtĩlaa kũndũ kũte manzĩ, ũkĩmantha ũthũmũo, na walea kwona, ũkyasya, Nĩngũsyoka nyũmbanĩ yakwa ĩla naumie.</verse>
				<verse number="25">Naw’o wooka, weethĩa yĩ ndute, na yĩ mbanakavye.</verse>
				<verse number="26">Nĩvo ĩndĩ ũithi, ũkyosa maveva angĩ mũonza mathũku kũte w’o; na mailika na kwĩkala vo: na mwĩkalĩle wa ĩtina wa mũndũ ũsu wĩtw’ĩka mũthũku kũte ũla wa mbee.</verse>
				<verse number="27">Na kweethĩwa, akĩneena maũndũ asu, mũndũ mũka ũmwe wa ĩkomano ookĩlya wasya, na amwĩa, Nĩ ĩathime ĩvu yĩla yaũkuie, na nondo ila woongie.</verse>
				<verse number="28">Nake asya, Ĩĩ, ĩndĩ, nĩ aathime mbee, ala mew’aa ndeto ya Ngai, makĩmĩkwata.</verse>
				<verse number="29">Na yila andũ aingĩ mambĩlĩlye kũmũmbanĩa, ambĩlĩlya ũneena, Ũsyao ũũ nĩ ũsyao mũthũku: nũũmantha kyama; na ndwĩnengwa kyama ate o kyama kya Yona.</verse>
				<verse number="30">Nũndũ o tondũ Yona watw’ĩkie wonan’yo kwa Anineva, no ta ũu Mwana wa mũndũ akeethĩwa kwa ũsyao ũũ.</verse>
				<verse number="31">Na ũla mũsumbĩ mũndũ mũka wa ngalĩ ya ĩtheo, nũkokĩla ũsilĩlonĩ vamwe na andũ ma ũsyao ũũ, na akamasilĩla: nũndũ we nĩwokie kuma itulunĩ sya nthĩ nĩ kana ew’e ũĩ wa Solomoni; na sisyai, vaa ve ũla mũnene kwĩ Solomoni.</verse>
				<verse number="32">Andũ ma Nineva makaũngama ũsilĩlonĩ vamwe na ũsyao ũũ, na makoosilĩla: nũndũ nĩmaalyũlile ngoo ũtavan’yonĩ wa Yona; na sisyai, vaa ve ũla mũnene kwĩ Yona.</verse>
				<verse number="33">Vai mũndũ ũnũũkwatya taa na kũvitha ĩimanĩ, kana ungu wa ĩmisi, ĩndĩ nũnũũwia vala vatũlu, nĩ kana ala meũvota mone kyeni.</verse>
				<verse number="34">Taa wa mwĩĩ waku nĩ itho yaku: yĩla itho yaku yĩ ĩseo, mwĩĩ waku w’onthe nĩwusũĩtwe nĩ kyeni; ĩndĩ yĩla yĩ ĩthũku, mwĩĩ waku naw’o nũtulĩtye kĩvindu.</verse>
				<verse number="35">Ĩsũvĩe ĩndĩ, kana kyeni kĩla kĩ nthĩnĩ waku kĩtikethĩwe kĩvindu.</verse>
				<verse number="36">Kwondũ wa ũu ethĩwa mwĩĩ waku w’onthe nĩwusũĩtwe nĩ kyeni, ũte vandũ ve kĩvindu, ũkeethĩwa usũĩtwe nĩ kyeni ki, o tondũ taa ũkũmulĩka na kyeni kyaw’o yĩla wakanĩte nesa.</verse>
				<verse number="37">Akĩneena ũu, Mũvalisi ũmwe amwĩta oke aye lĩu kwake: na avota, ekala nthĩ aye.</verse>
				<verse number="38">Na Mũvalisi oona ũu, aseng’a nũndũ ndaathamba atanamba kũya.</verse>
				<verse number="39">Na Mwĩaĩi amwĩa, Inyw’ĩ Avalisi nĩmũtheasya kĩkombe na ĩsaani ĩũlũ; ĩndĩ nthĩnĩ nĩmusũĩtwe nĩ ũvutani na ũthũku.</verse>
				<verse number="40">Inyw’ĩ atumanu, ũla wombie ĩũlũ tiwe wombie nthĩnĩ?</verse>
				<verse number="41">Ĩndĩ nenganei motethyo ma syĩndũ ila mwĩ nasyo, na sisyai, syĩndũ syonthe ikeethĩwa syĩ ntheu kwenyu.</verse>
				<verse number="42">Woo nĩ wenyu Avalisi! Nũndũ nĩmumasya kĩlungu kya ĩkũmi kya mindi na laũ na syĩndĩ ingĩ sya ũvanda, mũkĩtia ũsili wa katĩ na wendo wa Ngai: ĩndĩ asu nĩmwaĩlwe nĩ kũmeka, na ti kũtia asu angĩ mũtamekĩte.</verse>
				<verse number="43">Woo nĩ wenyu Avalisi! Nũndũ nĩmwendaa ivĩla sya mbee masinakokenĩ, na ngethi sya andũ ing’ang’anĩ.</verse>
				<verse number="44">Woo nĩ wenyu! Nũndũ mũtilyĩ ta mbũa itonekaa, na ala makũnĩlaa ĩũlũ wasyo matyĩsĩ kana syĩ kw’o.</verse>
				<verse number="45">Na ũmwe wa amanyĩsya ma mĩao amwĩa, Mũmanyĩsya, ũkyasya ũu nũũtũneenea o naitũ naĩ.</verse>
				<verse number="46">Nake asya, O nenyu amanyĩsya ma mĩao, woo nĩ wenyu! Nũndũ nĩmũmaĩkasya andũ mĩio mĩito ĩtakuĩka, nenyu mũtiĩtĩkĩla kũmĩkiita mĩio ĩsu, o na kyaa kĩmwe.</verse>
				<verse number="47">Woo nĩ wenyu! Nũndũ inyw’ĩ nĩmwakaa mbũa sya athani, na aaĩthe menyu nĩmo mamoaie.</verse>
				<verse number="48">Ũu nĩw’o mũkũsĩĩa meko ma aaĩthe menyu na kũmetĩkĩla: nũndũ nĩmo mamoaie, nenyu nĩmũkwaka mbũa syoo.</verse>
				<verse number="49">Kwondũ wa ũũ ũĩ wa Ngai nĩwaneenie, Ngamatũmĩa athani na atũmwa; na amwe moo makamoaa na kũmathĩn’ya;</verse>
				<verse number="50">nĩ kana nthakame ya athani onthe, ĩla yetĩkiw’e nthĩ kuma mwambĩlĩlyonĩ wa nthĩ, ĩandũwe kwa ũsyao ũũ;</verse>
				<verse number="51">kuma nthakame ya Aveli kũvika nthakame ya Nzakalia, ũla woaĩwe katĩ wa kĩthembeo na vala vatheu: ĩĩ, nĩngũmwĩa, ĩkaandũwa kwa ũsyao ũũ.</verse>
				<verse number="52">Woo nĩ wenyu, inyw’ĩ amanyĩsya ma mĩao! Nũndũ nĩmwoosie ũvungũo wa ũmanyi: inyw’ĩ ene mũiaavota, na ala mavotaa asu nĩmwamasiĩĩaa.</verse>
				<verse number="53">Na auma kw’o, aandĩki na Avalisi mathing’ĩĩsya mũno kũmũkũlya, maitata kũtuma aneena maũndũ maingĩ;</verse>
				<verse number="54">makĩmantha ũndũ wumĩte kanyw’anĩ wake mamũvinganĩsye naw’o.</verse>
			</chapter>
			<chapter number="12">
				<verse number="1">Na ĩndĩ ĩvinda yĩu, andũ ngili nyingĩ moombana, mũvaka makinyangana, nĩvo ĩndĩ wambĩlĩlye kũmea amanyĩw’a make, Ĩsũvĩei ĩlawa ya Avalisi, nayo nĩ wangangan’yo.</verse>
				<verse number="2">Ĩndĩ vai ũndũ ũvw’ĩke, ũtakavuũwa; kana ũndũ ũvithe, ũtakamanyĩka.</verse>
				<verse number="3">Kwondũ wa ũu o ũla mwaneenee kĩvindunĩ ũkeew’ĩka kyeninĩ; na ũla mwaneenee na kĩwe tũsũmbanĩ twa nthĩnĩ ũkatavanĩw’a nyũmbanĩ ĩũlũ.</verse>
				<verse number="4">Nakwa nĩngũmũtavya anyanyawa makwa, Manyai ũmakĩa ala moaa mwĩĩ, na ĩtina maitonya ũndũ ũngĩ.</verse>
				<verse number="5">Ĩndĩ nĩngũmũtavya ũla mwaĩle kũmũkĩa: Mũkĩei ũla ĩtina wa kũaa wĩ na vinya wa kwĩkĩa Ngienanĩ; ĩĩ, nĩngũmũtavya, Mũkĩei ũsu.</verse>
				<verse number="6">Tũsũni tũtano tũithoow’a masendi elĩ? Na Ngai ndolwa nĩ kamwe katw’o.</verse>
				<verse number="7">O na nzw’ĩĩ syonthe sya mĩtwe yenyu nĩ ndale. Manyai ũkĩa ĩndĩ: inyw’ĩ mwĩ vata kwĩ tũsũni twingĩ.</verse>
				<verse number="8">Nakwa nĩngũmwĩa, Kĩla mũndũ ũla wĩmbumbũlaa mbee wa andũ, Mwana wa mũndũ akamumbũlaa mbee wa alaĩka ma Ngai:</verse>
				<verse number="9">ĩndĩ ũla wĩngaĩaa mbee wa andũ akakaĩawa mbee wa alaĩka ma Ngai.</verse>
				<verse number="10">Na ũla wĩmũneenea Mwana wa mũndũ ndeto, akaekewa: ĩndĩ ũla wĩmũuma Veva Mũtheu ndakaekewa.</verse>
				<verse number="11">Na yĩla makamũtwaa mbee wa ala ma masinakoke, na asumbĩki, na ala me na ũkũmũ wa kũsilĩla, mũikavũavũane ũndũ mwĩmasũngĩa kana ũndũ mwĩneena:</verse>
				<verse number="12">nũndũ Veva Mũtheu akamũmanyĩsya saa o ũsu ũndũ ũla mwaĩlwe nĩ kũneena.</verse>
				<verse number="13">Na ũmwe wa ĩkomano amwĩa, Mũmanyĩsya, mũtavye mwana‐a‐ia andaĩe ũtiĩwa.</verse>
				<verse number="14">Ĩndĩ amwĩa, Mũndũ we, nũũ ũla ũndw’ĩte mũsili kana mũaan’ya ĩũlũ wenyu?</verse>
				<verse number="15">Nake amea, Ĩmanyĩlĩlei na ĩsũvĩei wendi w’onthe: nũndũ thayũ wa mũndũ ndumaa syĩndũnĩ syake, o na syĩ nyingĩ ata.</verse>
				<verse number="16">Na amatavya ngelekan’yo, akyasya, Mũũnda wa mũndũ mũthwii ũmwe wasyaĩte mũno:</verse>
				<verse number="17">na avindya ngoonĩ yake, akyasya, Nĩĩka ata, nũndũ ndi na vandũ va kũtuĩsya isyo syakwa?</verse>
				<verse number="18">Na asya, Ngeeka ũũ: ngathasya makũmbĩ makwa, nake angĩ manene; na vau ngatuĩsya isyo syakwa na isamũ syakwa syonthe.</verse>
				<verse number="19">Na ĩndĩ ngatavya ngoo yakwa, Ngoo, isamũ wĩ nasyo sya myaka mingĩ; thũmũa, ũkĩĩsaa na ũkĩnyusaa, wĩw’e mũyo.</verse>
				<verse number="20">Ĩndĩ Ngai amwĩa, Wĩ ndia we, ũtukũ ũũ thayũ waku nũkwoswa; isamũ isu wĩyũmbanĩsye, ikatw’ĩka syaũ?</verse>
				<verse number="21">Nĩw’o ũilyĩ mũndũ ũla wĩyũmbanĩasya isamũ, na ti mũthwii kwa Ngai.</verse>
				<verse number="22">Amea amanyĩw’a make, Kwondũ wa ũu nĩmwĩa, Mũikemakĩe ũndũ wa mathayũ menyu, kĩla mwĩya, kana ũndũ wa mĩĩ yenyu, kĩla mwĩĩvw’ĩka.</verse>
				<verse number="23">Nũndũ thayũ ũvĩtũkĩte lĩu, na mwĩĩ ũvĩtũkĩte ngũa.</verse>
				<verse number="24">Sũanĩai ũvoo wa ngũngũũ, nĩkwĩthĩwa itivandaa, na itikethaa; na iti na vandũ va kũmbanĩsya kana ĩkũmbĩ; na Ngai nĩwiĩthasya: inyw’ĩ mũi vata mũno kwĩ nyũnyi?</verse>
				<verse number="25">Na kwenyu aĩva ũla ũtonya kwĩyongeleela ũasa wake mũkono ũmwe kwondũ wa kwĩmakĩa?</verse>
				<verse number="26">Ĩndĩ ethĩwa mũtitonya kwĩka ũndũ ũla ũnini, mwĩĩmakĩa nĩkĩ ũndũ wa maũndũ ala angĩ?</verse>
				<verse number="27">Sũanĩai ũvoo wa malaa ma lili, ũndũ mameaa: maitethasya wĩa, na maiokothaa; ĩndĩ nĩngũmũtavya, O na Solomoni ndaĩanĩ yake yonthe ndaaĩvw’ĩka ta yĩmwe yamo.</verse>
				<verse number="28">Ĩndĩ ethĩwa Ngai nũvw’ĩkaa nyeki ya kĩthekanĩ ta ũu, ĩla ĩnĩkwĩkala ũmũnthĩ, na ũnĩ ĩkekw’a ikonĩ; ndakamũvw’ĩka inyw’ĩ mbee mũno, inyw’ĩ ma mũĩkĩĩo mũnini?</verse>
				<verse number="29">Nenyu manyai ũmantha kĩla mwĩya, na kĩla mwĩnyw’a, o na mũikethĩwe na nzika.</verse>
				<verse number="30">Nũndũ syĩndũ isu syonthe nimanthawa nĩ mbaĩ sya nthĩ: ĩndĩ Ĩthe wenyu nĩwĩsĩ mwĩ na vata wa syĩndũ isu.</verse>
				<verse number="31">Ĩndĩ inyw’ĩ manthai ũsumbĩ wa Ngai, na syĩndũ isu nĩmũkongeleelwa.</verse>
				<verse number="32">Manyai ũkĩa, inyw’ĩ ĩĩthya ĩnini; nũndũ Ĩthe wenyu nĩwendeew’e nĩ kũmũnenga ũsumbĩ.</verse>
				<verse number="33">Tai ila mwĩ nasyo mũnengane motethyo; tumai ngusu itakũaa, ũthwii wĩ ĩtunĩ ũtanyivaa, vala kĩng’ei kĩtathengeaa, o na lungulu ũtananga.</verse>
				<verse number="34">Nũndũ vala ve ũthwii wenyu, nĩvo vethĩawa ngoo syenyu nasyo.</verse>
				<verse number="35">Mwĩthĩwe mwĩvotoete inyunyunĩ, na mataa menyu makanĩte;</verse>
				<verse number="36">nenyu mwĩthĩwe ta andũ ala meteele vwana woo, yĩla wĩsyoka kuma mũtwaanonĩ; nĩ kana akyũka na kũvingũsya, mamũvingũĩe mĩtũkĩ.</verse>
				<verse number="37">Nĩ ngathime ngombo ila ikethĩwa isyaĩĩsye vwana wasyo akyũka: nĩ w’o nĩngũmũtavya, akeevotoa na kũsyĩkalya nthĩ iye, na akooka kwithũkũma.</verse>
				<verse number="38">Na ethĩwa akooka ũsyaĩĩsyonĩ wa kelĩ, kana wa katatũ, na asyĩthĩa ta ũu, nĩ ngathime ngombo isu.</verse>
				<verse number="39">Ĩndĩ manyai ũũ, kethĩwa mwene wa nyũmba nĩwesĩ saa ũla kĩng’ei kĩkoka, ethĩwa asyaĩĩsye, o na ndaĩ aeka nyũmba yake ĩtũlwe.</verse>
				<verse number="40">Nenyu ĩkalai mwĩyũmbanĩtye: nĩkwĩthĩwa Mwana wa mũndũ akooka saa ũla mũtataĩĩe.</verse>
				<verse number="41">Na Vetelo akũlya, Mwĩaĩi, ngelekan’yo ĩno watũtavya ithyĩ, kana nĩ ya andũ onthe?</verse>
				<verse number="42">Mwĩaĩi asya, Mũsyaĩĩsya wa syĩndũ wĩ kĩthito na mũĩ nũũ, ũla ũkaiwa nĩ vwana wake ĩũlũ wa andũ make onthe, amanenge lĩu woo ĩvinda yaw’o?</verse>
				<verse number="43">Nĩ ngathime ngombo ĩla ĩkethĩwa ĩkĩka ta ũu, yĩla vwana wayo wĩũka.</verse>
				<verse number="44">Nĩ w’o nĩngũmwĩa, akamĩtw’a mũnene ĩũlũ wa isamũ syake syonthe.</verse>
				<verse number="45">Ĩndĩ ethĩwa ngombo ĩsu ĩkasya ngoonĩ yayo, Vwana wakwa nĩwĩkalĩte atekũka; na ĩkyambĩlĩlya kwakũnanga athũkũmi, aũme na aka, ĩkĩya, ĩkĩnyw’a, na ĩkĩtoona;</verse>
				<verse number="46">vwana wa ngombo ĩsu akooka mũthenya ũla ĩtataĩĩe, na saa ũla ĩtesĩ, nake akamĩkũna mũno, na akamĩnenga kĩanda kyayo vamwe na ala mate kĩthito.</verse>
				<verse number="47">Na ngombo ĩla yesĩ ũndũ vwana wayo ũnũkwenda, ĩndĩ ndĩaaĩyũmban’ya na ndĩaĩĩka kwenda kwake, ĩsu ĩkakũnwa makũna maingĩ;</verse>
				<verse number="48">ĩndĩ ĩla ĩtesĩ, na yekie maũndũ ala meanĩwe nĩ ũkũnwa, ĩsu ĩkakũnwa makũna manini. Na ũla ũnũũnengwa nyingĩ, nũketw’a nyingĩ: na ũla makamũnenga syĩndũ nyingĩ, ũsu makamwĩtya nyingĩ mbee.</verse>
				<verse number="49">Nĩnookie kwĩkya mwaki nthĩ; na ethĩwa nĩwakaniw’e nĩenda ata mbee?</verse>
				<verse number="50">Nĩ na ũvatiso wa kũvatiswa naw’o; na nĩngũthingaatwa mũno kũvikĩa ũndũ ũsu wĩanĩw’e!</verse>
				<verse number="51">Inywĩ’ mwĩasya nĩnookie kũete mũuo nthĩ? Nĩngũmũtavya, Ti w’o; ĩndĩ nĩ ũtilĩkangano:</verse>
				<verse number="52">nũndũ kuma yu vakeethĩwa andũ atano nyũmba ĩmwe makatanĩsya, andũ atatũ na elĩ, na elĩ na atatũ.</verse>
				<verse number="53">Makeethĩwa makĩtaanganĩsya, ĩthe na mwana, na mwana na ĩthe; inyia na mwĩĩtu wake, na mwĩĩtu na inyia wake; inyia wa mũũme na mũka wa mwana, na mũka wa mwana na inyia wa mũũme.</verse>
				<verse number="54">Nake amea andũ ma ĩkomano, Yĩla mũkwona ĩthweo yĩkyũkĩla ũthũĩlonĩ wa syũa, mĩtũkĩ nĩmũkwasya, Mĩono ya mbua nĩyũkĩte; na kũkĩkĩka ũu.</verse>
				<verse number="55">Na yĩla mũkwona kĩseve kĩkyuma ngalĩ ya ĩtheo nĩmũkwasya, Kũkavyũva mũno; na kũkĩkĩka ũu.</verse>
				<verse number="56">Inyw’ĩ angangan’ya, nĩmwĩsĩ kũvathũkan’ya maũndũ ma nthĩ na ma ĩtu; kũilyĩ ata ĩndĩ mũtesĩ kũvathũkan’ya ĩvinda yĩĩ?</verse>
				<verse number="57">Na nĩkĩ inyw’ĩ ene mũtisilaa katĩ?</verse>
				<verse number="58">Na yĩla ũendete na mũvinganĩsya waku kwa mũsili, mwĩ nzĩanĩ tata mũno wĩw’ane nake; nĩ kana ndakese ũkũtwaa kwa mũsili, na mũsili ũsu aikũnengane kwa ĩkanga, na ĩkanga yĩikwĩkĩa kolokolonĩ.</verse>
				<verse number="59">Nĩngũkwĩa, Ndũkauma vo nongi mũvaka waĩva kũvika kawela ka mũminũkĩlyo.</verse>
			</chapter>
			<chapter number="13">
				<verse number="1">Na ĩvinda yĩu kwaĩ amwe vo ala mamũtavisye ũvoo wa Akalilii, ala Vilato wavulanilye nthakame yoo vamwe na nthembo syoo.</verse>
				<verse number="2">Nake amasũngĩa amea, Mwĩasya Akalilii asu maĩ athe kũvĩtũka Akalilii onthe, nũndũ maĩ na mathĩna ta asu?</verse>
				<verse number="3">Nĩngũmũtavya, Ti w’o: ĩndĩ mwalea kũalyũla ngoo, inyw’onthe mũkaanangĩka o ta ũu.</verse>
				<verse number="4">Kana mwĩasya ala ĩkũmi na nyanya ala matumbiwe nĩ nyũmba kũya Siloami, yamoaa, maĩ athe kũvĩtũka andũ onthe ala matwĩe Yelusaleme?</verse>
				<verse number="5">Nĩngũmũtavya, Ti w’o: ĩndĩ mwalea kũalyũla ngoo inyw’onthe mũkaanangĩka o ta ũu.</verse>
				<verse number="6">Nake aneena ngelekan’yo ĩno; Mũndũ ũmwe aĩ na mũkũyũ ũvandĩtwe mũũndanĩ wake wa mĩsavivũ; nake ooka akĩmantha makũyũ mũkũyũnĩ ũsu, na ndaamona.</verse>
				<verse number="7">Na amwĩa mũĩmi wa mĩsavivũ, Sisya, myaka ĩno ĩtatũ nũkaa kũmantha makũyũ mũkũyũnĩ ũũ, na ndyaamona: ũteme; wĩanangĩa nthĩ kĩ?</verse>
				<verse number="8">Nake asũngĩa, amwia, Vwana, ekana naw’o mwaka ũũ, nambe kũĩmĩa na kwĩkĩa vũũ:</verse>
				<verse number="9">na ĩndĩ wasyaa, nĩ ũseo; na walea ũsyaa, ũkatema.</verse>
				<verse number="10">Na mũthenya wa savato ekala ĩsinakokenĩ yĩmwe akĩmanyĩsya.</verse>
				<verse number="11">Na sisya, nĩvo vaĩ mũndũ mũka ũla waĩ na veva wa wonzu ĩvinda ya myaka ĩkũmi na nyanya; na nĩwakungulele, na ndaĩ atonya kũũngalala nongi.</verse>
				<verse number="12">Yesũ amwona, amwĩta, na amwĩa, Mũndũ mũka, nĩwathaw’a wonzu waku.</verse>
				<verse number="13">Na amwilĩĩla moko make: na kavinda kau aũngalala, na amũkatha Ngai.</verse>
				<verse number="14">Na mũnene wa ĩsinakoke athata nũndũ Yesũ wavosya mũthenya wa savato, na asũngĩa na ayĩa ĩkomano, Kwĩ mĩthenya thanthatũ ĩla andũ maĩlwe nĩ kũtethya wĩa: mĩthenya ĩsu ũkai mũvow’e, ĩndĩ ti mũthenya wa savato.</verse>
				<verse number="15">Ĩndĩ Mwĩaĩi amũsũngĩa, amwĩa, Inyw’ĩ angangan’ya, kĩla mũndũ wenyu ndathaasya ng’ombe kana ĩng’oi yake vala yovetwe mũthenya wa savato, akatwaa kũnyithya?</verse>
				<verse number="16">Na mũndũ mũka ũũ, mwĩĩtu wa Avalaamu, ũla wovetwe nĩ Satani myaka ĩno ĩkũmi na nyanya, ndaĩlwe nĩ kũthaw’a kuma wovonĩ ũũ mũthenya wa savato?</verse>
				<verse number="17">Na akĩneena maũndũ asu nthũ syake syonthe syasonoka; na ĩkomano yonthe yatana ũndũ wa maũndũ asu onthe maseo ala meekiwe nĩwe.</verse>
				<verse number="18">Na ĩndĩ asya, Ũsumbĩ wa Ngai ũtilyĩ ata? Na nĩũelekan’ya na kyaũ?</verse>
				<verse number="19">Ũtilyĩ ta mbeke ya kalatali, ĩla yosiwe nĩ mũndũ, avanda mũũndanĩ wake; nayo yeana, yatwĩ’ka kĩtĩ; na nyũnyi sya yayaya nĩsyekalaa mbongenĩ syakyo.</verse>
				<verse number="20">Na ĩngĩ asya, Nĩũelekan’ya ũsumbĩ wa Ngai na kyaũ?</verse>
				<verse number="21">Ũilyĩ ta ĩlawa, yĩla mũndũ mũka wosie avitha mĩtanĩ ĩtatũ ya mũtu na w’onthe wakaata.</verse>
				<verse number="22">Nake aenda akyanganga ndũanĩ na mĩsyĩ, akĩmanyĩsya, akĩthi elekele Yelusaleme.</verse>
				<verse number="23">Na mũndũ ũmwe amũkũlya, Mwĩaĩi, ũtalo wa ala meũtangĩĩwa nĩ mũnini? Nake amea,</verse>
				<verse number="24">Thetheesyai kũvotela mũomonĩ mũtheke: nũndũ nĩngũmũtavya, aingĩ nĩmakenda kũvota, na matikatonya.</verse>
				<verse number="25">Yĩla mwene wa nyũmba wĩũkĩla na kũvinga mũomo, nenyu mũkambĩlĩlya kũũngama nza, mũkĩvingũsya mũomonĩ, mũkyasya, Mwĩaĩi, tũvingũĩe; nake akamũsũngĩa na kũmwĩa, Ndimwĩsĩ kũla mumĩte;</verse>
				<verse number="26">nĩvo mũkambĩlĩlya kwasya, No tũnaĩsanĩaa na no tũnanyusanĩaa naku, no wamanyĩasya nzĩanĩ kwitũ;</verse>
				<verse number="27">nake akasya, Nĩngũmũtavya, Ndimwĩsĩ kũla mumie; ĩvetei kũasa nakwa, inyw’onthe eki ma naĩ.</verse>
				<verse number="28">Vo vakethĩwa kĩĩo na kũvevetan’ya maeo yĩla mũkona Avalaamu, na Isaka, na Yakovo, na athani onthe, ũsumbĩnĩ wa Ngai, nenyu mũkĩkw’a nza.</verse>
				<verse number="29">Na nĩmakoka kuma wumĩlonĩ wa syũa na ũthũĩlonĩ wayo, na kuma ngalĩ ya ĩũlũ na ngalĩ ya ĩtheo, makekala nthĩ ũsumbĩnĩ wa Ngai.</verse>
				<verse number="30">Na sisyai, ve ala me ĩtina makethĩwa me mbee, na ve ala me mbee makethĩwa me ĩtina.</verse>
				<verse number="31">Na saa o ũsu Avalisi amwe mathi vala ũĩ, maimwĩa, Uma kũũ, ũthi: nũndũ Elote nũnũkwenda akũae.</verse>
				<verse number="32">Nake amea, Endai mũkatavye mbĩwa ĩsu, Sisya, nĩngumya ndaimoni na kũvosya ũmũnthĩ na ũnĩ, na mũthenya wa katatũ ngaminũkĩlya.</verse>
				<verse number="33">Ĩndĩ nĩnaĩlwe nĩ kwĩthĩwa nzĩanĩ nĩendete ũmũnthĩ na ũnĩ na aũke: nũndũ ndũtonyeka mwathani kũaĩwa kũngĩ ate o Yelusaleme.</verse>
				<verse number="34">Yelusaleme, Yelusaleme, ũla wũaa athani, na kũmakimanga na mavia ala matũmiwe kwaku! Nĩ mavinda meana nendie kũmban’ya syana syaku, o ũndũ ngũkũ yũmbanasya tũswii twayo nthwaunĩ syayo ĩndĩ nenyu mũtyaaĩtĩkĩla!</verse>
				<verse number="35">Nĩmwenei, nyũmba yenyu nĩtiĩtwe yĩ nthei: nakwa nĩngũmũtavya, Mũtikambona ĩngĩ mũvaka yĩla mũkasya, Nĩ mũathime ũla wũkĩte syĩtwanĩ ya Mwĩaĩi.</verse>
			</chapter>
			<chapter number="14">
				<verse number="1">Na kweethĩwa mũthenya ũmwe wa savato yĩla wavotie nyũmbanĩ ya ũmwe wa anene ma Avalisi aye lĩu, mekala makĩmũsyĩma.</verse>
				<verse number="2">Na sisya, nĩvo vaĩ mũndũ ũmwe ũwaĩte wimbu, wekalĩte mbee wake.</verse>
				<verse number="3">Na Yesũ amasũngĩa amanyĩsya ma mĩao na Avalisi, amakũlya, Nĩkwosana na ĩla mĩao kũvosya mũthenya wa savato, kana ti w’o?</verse>
				<verse number="4">Ĩndĩ mekala makilĩtye. Nake amwosa ũ mũndũ, amũvosya, na amũeka athi.</verse>
				<verse number="5">Na amakũlya, Nũũ kwenyu ũla wĩ na ng’ombe kana ĩng’oi yĩvalũkĩte ĩimanĩ, na ndakayumya na mĩtũkĩ mũthenya wa savato?</verse>
				<verse number="6">Nao maiaatonya kũmũsũngĩa maũndũ asu.</verse>
				<verse number="7">Nake amatavya ngelekan’yo ala meetiwe, yĩla wonie ũndũ manyuvie ivĩla sya mbee; akĩmea,</verse>
				<verse number="8">Weetwa nĩ mũndũ mũtwaanonĩ, ndũkekale kĩvĩla kya mbee; vatikethĩwe ũla wĩ ndaĩa kwĩ we wĩtĩtwe nĩwe,</verse>
				<verse number="9">na ũla wamwĩtĩe inyw’ĩ elĩ akooka na ũkwĩa, Mwathũkĩe mũndũ ũũ; naku ũkookĩla na nthoni ũkekale vandũ va ĩtina.</verse>
				<verse number="10">Ĩndĩ weetwa, enda wĩkale kĩvĩlanĩ kya ĩtina; nĩ kana ũla wakwĩtie ooka, akũtavye, Mũnyanyawa, ambata kũũ mbee: nĩvo ĩndĩ wĩĩthĩwa na ndaĩa methonĩ ma onthe ala mekalĩte makĩya naku.</verse>
				<verse number="11">Nũndũ ũla wĩnenevasya mwene nũkanyivw’a: na ũla wĩnyivasya mwene nũkanenevw’a.</verse>
				<verse number="12">Na amwĩa ũla wamwĩtie, Waua lĩu wa mũthenya kana wa wĩoo, manya ũmeta anyanyau, kana ana‐a‐inyia maku, kana mbaĩ yaku, kana atũi maku ala athwii; ũndũ matesa ũkwĩta makũĩve.</verse>
				<verse number="13">Ĩndĩ wavoka mboka, mete ala ngya, na ala me ithu, na ala mathuaa, na ililinda:</verse>
				<verse number="14">naku ũkeethĩwa mũathime; nũndũ mati na kĩndũ kya ũkũĩva: nũndũ ũkaĩvwa ũthayũũkyonĩ wa ala alũngalu.</verse>
				<verse number="15">Na ũmwe ũla wekalĩte nake makĩya lĩu, eew’a maũndũ asu, amwĩa, Nĩ mũathime ũla ũkaya kĩmũtũ ũsumbĩnĩ wa Ngai.</verse>
				<verse number="16">Ĩndĩ we amwĩa, Mũndũ ũmwe nĩwavokie mboka nene; na ameta aingĩ:</verse>
				<verse number="17">na saa wa kũya mboka wavika atũma ngombo yake ĩmatavye ala meetiwe, Ũkai; syĩndũ syonthe nĩsyũmbanĩtw’e.</verse>
				<verse number="18">Na onthe mambĩlĩlya kwĩmilanga na ngoo ĩmwe. Ũla wa mbee asya, Nĩnthooete mũũnda, na nĩnaĩlwe nĩ kũthi kũoa; ame naku, ndeka nĩthi.</verse>
				<verse number="19">Na ũngĩ asya, Nĩnthooete ndewa ĩkũmi sya wĩa, na nĩngũthi kwitata; ame naku, ndeka nĩthi.</verse>
				<verse number="20">Na ũngĩ asya, Nĩndwaĩte mũka, na ũndũ wa ũu nditonya kũka.</verse>
				<verse number="21">Na ngombo yooka, yamũtavya vwana wayo maũndũ asu. Na ĩndĩ mwene wa nyũmba athata, na amĩtavya ngombo yake, Umaala mĩtũkĩ, ũthi nzĩanĩ nene na tũsĩlanĩ twa ndũa, ũete vaa ala ngya, na ala me ithu, na ililinda, na ala mathuaa.</verse>
				<verse number="22">Na ngombo yamwĩa, Vwana, ũndũ ũla wĩaie nĩwĩkiwe, ĩndĩ no vatiele ũthei.</verse>
				<verse number="23">Na vwana eea ĩ ngombo, Umaala, ũthi na malelũ na mĩvakanĩ, ũmaingĩĩsye moke, nĩ kana nyũmba yakwa yusũe.</verse>
				<verse number="24">Nũndũ nĩngũmũtavya, wa ala meetiwe vai ũmwe ũkasama lĩu wakwa.</verse>
				<verse number="25">Na makomano manene maendan’ya nake: na eethyũũa, amea,</verse>
				<verse number="26">Mũndũ akyũka kwakwa atamenete ĩthe wake, na inyia, na mũka, na syana syake, na ana‐a‐inyia na eĩtu‐a‐inyia, ĩĩ, o na thayũ wake, ndatonya kwĩthĩwa e mũmanyĩw’a wakwa.</verse>
				<verse number="27">O ũla ũtakuaa ngelan’yo yake, aingatĩĩa, ndatonya kwĩthĩwa e mũmanyĩw’a wakwa.</verse>
				<verse number="28">Nũũ kwenyu, akyenda kwaka nyũmba yĩ mũnyoolo ũtambaa kwĩkala nthĩ na kũtala mbesa sya kũmyakĩthya, nĩ kana amanye ethĩwa e nasyo sya kũmĩmina?</verse>
				<verse number="29">Ndakese kwĩthĩa aaka wambĩlĩlyo, na ndatonya kũmĩmina, onthe ala monaa mambĩlĩlye ũmũthekeea,</verse>
				<verse number="30">makyasya, Mũndũ ũũ nĩwambĩlĩlye kwaka, na nĩwaemiwe nĩ ũminũkĩlya.</verse>
				<verse number="31">Kana nĩ mũsumbĩ wĩva akĩthi kũkita na mũsumbĩ ũngĩ ũtambaa kwĩkala nthĩ na kũsũanĩa kana we, e na andũ ngili ĩkũmi, nũtonya kũkomana na ũla ũmũkĩe wĩ na andũ ngili mĩongo ĩlĩ?</verse>
				<verse number="32">Ethĩwa ti ũu, nũnũũtũmana, yĩla ũsu wĩ kũasa, amũkũlye ũndũ matonya kwĩthĩwa na mũuo.</verse>
				<verse number="33">Kwondũ wa ũu kĩla ũmwe wenyu ũla ũteũekana na syonthe ila wĩ nasyo, ndatonya kwĩthĩwa mũmanyĩw’a wakwa.</verse>
				<verse number="34">Mũnyũ nĩ mũseo: ĩndĩ ethĩwa nũthelete mũsamo waw’o, ũkasamĩthw’a ĩngĩ na kyaũ?</verse>
				<verse number="35">Ti mũseo wa kwĩkĩa mũũndanĩ kana vũũnĩ: ĩndĩ ũkekw’a ĩtheka. Ũla wĩ matũ ma kwĩw’a, nĩew’e.</verse>
			</chapter>
			<chapter number="15">
				<verse number="1">Na aumya ma koti onthe na ala athe mamũthengeea kũmwĩthukĩĩsya.</verse>
				<verse number="2">Na Avalisi na aandĩki manyungunyĩsya, makyasya, Mũndũ ũũ nũnũkwosa ala athe na kũĩsanĩa nao.</verse>
				<verse number="3">Na amatavya ngelekan’yo ĩno, akyasya,</verse>
				<verse number="4">Nĩ mũndũ wĩva kwenyu, ũla wĩ na malondu ĩana, na akyasya yĩmwe, ũtatia ala mĩongo kenda na kenda weũnĩ, akamanthe yĩla yaie, mũvaka ayona?</verse>
				<verse number="5">Na ayona, akĩyilĩĩla ituonĩ syake, akĩw’a mũyo.</verse>
				<verse number="6">Na avika kwake, aimeta anyanyae na atũi make, akĩmea, Tanai vamwe nakwa, nũndu nĩnoona ĩlondu yakwa yĩla yĩĩ yau.</verse>
				<verse number="7">Nĩngũmũtavya, ta ũu vakeethĩwa ũtanu ĩtunĩ nũndũ wa ũmwe mwathe akĩalyũla ngoo, kwĩ ala alũngalu mĩongo kenda na kenda, ala mate vata wa kũalyũla ngoo.</verse>
				<verse number="8">Kana mũndũ mũka nĩ wĩva ũla wĩ na silingi ĩkũmi, akyasya ĩmwe, ũtakwatya taa, na kũtuta nyũmba, akĩmantha na kĩthing’ĩĩsyo mũvaka amyona?</verse>
				<verse number="9">Na amyona, aimeta anyanyae na atũi make, akyasya, Tanai vamwe nakwa, nĩkwĩthĩwa nĩnoona ĩla silingi nĩnaaĩtye.</verse>
				<verse number="10">O ta ũu, nĩngũmwĩa, ve ũtanu kwa alaĩka ma Ngai ũndũ wa ũmwe mwathe akĩalyũla ngoo.</verse>
				<verse number="11">Nake asya, Mũndũ ũmwe aĩ na ana elĩ:</verse>
				<verse number="12">na ĩlumaita yamwĩa ĩthe, Asa, nenga kĩlungu kya ũthwii kĩla kĩkethĩwa kĩ kyakwa. Na amaan’ya syĩndũ syake.</verse>
				<verse number="13">Na matũkũ manini mavĩta, ĩlumaita yoomban’ya mĩio yayo yonthe yathi nthĩ ĩngĩ yĩ kũasa; na nĩkw’o yaanangĩe syĩndũ syayo na mothũku onthe.</verse>
				<verse number="14">Na yamina kwananga syonthe, nĩw’o kwookie yũa ĩnene nthĩ ĩsu; nayo yambĩlĩlya kũthĩna.</verse>
				<verse number="15">Na yathi kwĩkala kwa mũndũ ũmwe wa nthĩ ĩsu; nake ayĩnenga wĩa wa kũĩthya ngũlũe isesinĩ syake.</verse>
				<verse number="16">Na kweethĩwa nĩyendaa kũvũnw’a nĩ mosyao ma mũtĩ wa mũkalavi ala ngũlũe syaĩsaa: ĩndĩ vaiaĩ mũndũ waayĩnenga.</verse>
				<verse number="17">Na yĩla yavindũkie yasya, Nĩ athũkũmi meana ata ma asa wakwa ala me na lĩu ũla matatonya ũmina, nakwa nĩngũkw’ĩa kũũ nĩ nzaa!</verse>
				<verse number="18">Nĩngũkĩla nĩthi kwa asa wakwa, na ngĩmwĩa, Asa, nĩnĩvĩtĩtye ĩtunĩ, na mbee waku:</verse>
				<verse number="19">na yu ndyaĩlĩtwe nĩ kwĩtwa mwana waku: mbĩkalya ta ũmwe wa athũkũmi maku.</verse>
				<verse number="20">Na yookĩla yathi kwa ĩthe. Ĩndĩ yĩ kũasa, ĩthe wayo ayona, na eew’a ĩnee, asemba, ayĩkwatĩla ngingonĩ, ayĩmumunya.</verse>
				<verse number="21">Na ũla mwana amwĩa, Asa, nĩnĩvĩtĩtye ĩtunĩ, na mbee waku: na ndyaĩlĩtwe nĩ kwĩtwa mwana waku ĩngĩ.</verse>
				<verse number="22">Ĩndĩ ĩthe asyĩa ngombo syake, Latyai mĩtũkĩ ngũa ĩla nzeo, mũmwĩkĩe; na mwĩkĩei ngome kyaa, na iatũ maũũ:</verse>
				<verse number="23">na etei kasalũ kala kanou, mũae, tũye, tũtane:</verse>
				<verse number="24">nĩkwĩthĩwa mwana ũũ wakwa aĩ mũkw’ũ, na nĩwathayũũka; aĩ mwau, na nĩwaumbũka. Na mambĩlĩlya kũtana.</verse>
				<verse number="25">Ĩndĩ mwana wake ũla mũkũũ aĩ mũũndanĩ: nake athengeea nyũmba, eew’a wathi ũkinwa.</verse>
				<verse number="26">Na amwĩta ũmwe wa athũkũmi, amũkũlya kĩtumi kya maũndũ asu.</verse>
				<verse number="27">Nake amwĩa, Mũinau nĩwoka; na au ooaa kasalũ kala kanou, nũndũ nĩwamwona e mũima.</verse>
				<verse number="28">Ĩndĩ athata, na alea kũvota: na ĩthe wake aumaala amwĩsũva.</verse>
				<verse number="29">Ĩndĩ amũsũngĩa, amwĩa ĩthe, Sisya, myaka ĩsu mingĩ nĩngũthũkũmaa, na ndyaavĩtan’ya mwĩao ũmwe waku; ĩndĩ ndwaanenga katena ka mbũi, ngatana vamwe na anyanyawa:</verse>
				<verse number="30">ĩndĩ yĩla mwana ũũ waku woka, ũla, wanangie syĩndũ syaku syonthe na malwaya, nĩwamũaĩa kasalũ kala kanou.</verse>
				<verse number="31">Nake amwĩa, Mwana wakwa, matukũ onthe wĩ nakwa, na ila nĩ nasyo syonthe nĩ syaku.</verse>
				<verse number="32">Ĩndĩ nĩtwaĩlĩtwe nĩ kũtana na kwĩw’a mũyo: nũndũ mũinau ũũ aĩ mũkw’ũ, na nĩwathayũũka: aĩ mwau, na nĩwaumbũka.</verse>
			</chapter>
			<chapter number="16">
				<verse number="1">Na amea amanyĩw’a make, Kwaĩ mũndũ mũthwii waĩ na mũsyaĩĩsya wa syĩndũ syake; na ũsu avinganĩw’a kwake kana nĩwaĩtye syĩndũ syake.</verse>
				<verse number="2">Nake amwĩta, amwĩa, Ũvoo ũla ngwĩw’a wĩkaa nĩ mwaũ? Umya ũtalo wa ũsyaĩĩsyo waku; nũndũ ndũtonya kwĩthĩwa mũsyaĩĩsya ĩngĩ.</verse>
				<verse number="3">Na ũla mũsyaĩĩsya aneena nthĩnĩ wake, Nĩĩka ata nũndũ vwana wakwa nũnũũmbumya ũsyaĩĩsyonĩ wakwa? Ndi na vinya wa kũĩma; na nĩngũsonoka kũvoya andũ syĩndũ.</verse>
				<verse number="4">Nĩnĩsĩ ũndũ ngwĩka, kana yĩla nĩumw’a ũsyaĩĩsyonĩ, menthokya nyũmbanĩ syoo.</verse>
				<verse number="5">Na amwĩta kĩla mũndũ waĩ na thiĩ na vwana wake, na amwĩa ũla wa mbee, Thiĩ ũla wĩ naw’o na vwana wakwa wĩana ata?</verse>
				<verse number="6">Nake asya, Ithimi ĩana sya mauta. Amwĩa, Osa valũa wa thiĩ waku, wĩkale nthĩ mĩtũkĩ ũandĩke mĩongo ĩtano.</verse>
				<verse number="7">Na amwĩa ũngĩ, Thiĩ waku wĩana ata? Nake asya, Ithimi ĩana sya nganũ. Amwĩa, Osa valũa wa thiĩ waku, ũandĩke mĩongo nyanya</verse>
				<verse number="8">Na vwana wake akatha mũsyaĩĩsya ũla ũte mũlũngalu nũndũ nĩwĩkĩte na ũĩ: nũndũ ana ma nthĩ ĩno nĩ oĩ ũsyaonĩ woo kũte ana ma kyeni.</verse>
				<verse number="9">Nakwa nĩngũmwĩa, Ĩmanthĩei anyanya na ũthwii ũla ũte wa ũlũngalu; nĩ kana yĩla wĩthela, mamwose inyw’ĩ mawĩkalonĩ ma tene na tene.</verse>
				<verse number="10">Ũla wĩ na kĩthito ũndũnĩ ũnini mũno, e kĩthito maũndũnĩ manene: na ũla ũte mũlũngalu ũndũnĩ ũnini, nake ti mũlũngalu maũndũnĩ manene.</verse>
				<verse number="11">Kwondũ wa ũu ethĩwa mũtyaaĩthĩwa na kĩthito na ũthwii ũla ũte wa ũlũngalu, nũũ ũla ũkamũĩkĩĩa na ũthwii ũla wa w’o?</verse>
				<verse number="12">Na ethĩwa mũtyaĩ na kĩthito na syĩndũ sya mũndũ ũngĩ, nũũ ũla ũkamũnenga syĩndũ syenyu ene?</verse>
				<verse number="13">Vai mũthũkũmi ũtonya kũthũkũma mavwana elĩ; nũndũ akamena ũmwe, na akĩmwenda ũla ũngĩ; kana akalũman’ya na ũmwe, na akĩmũvũthya ũla ũngĩ. Mũtitonya kũmũthũkũma Ngai na ũthwii.</verse>
				<verse number="14">Na Avalisi, ala mendaa mbesa, meew’a maũndũ asu onthe; na mamũvũthya.</verse>
				<verse number="15">Nake amea, Inyw’ĩ mwĩ ala mwĩtusaa ene alũngalu kwa andũ; ĩndĩ Ngai nĩwĩsĩ ngoo syenyu: nũndũ ũndũ ũla ũnenevaw’a nĩ andũ nũmenetwe mũno nĩ Ngai.</verse>
				<verse number="16">Ĩla mĩao na athani maĩ kw’o kũvika Yoana: na kuma ĩvinda yĩu ũvoo mũseo wa ũsumbĩ wa Ngai nũtavanaw’a, na kĩla mũndũ nũvotaa na vinya.</verse>
				<verse number="17">Ĩndĩ nĩ ũvũthũ ĩtu na nthĩ kũvĩta, kwĩ kaũkenyũsyo kamwe ka ĩla mĩao kũvalũka mana.</verse>
				<verse number="18">O ũla ũekaa mũka wake, na aitwaa ũngĩ, nũnũũlaalaa: na o ũla wĩmũtwaa ũsu ũeketwe nĩ mũũme nũnũũlaalaa.</verse>
				<verse number="19">Kwaĩ mũndũ mũthwii ũmwe wekĩaa ngũa ĩilyĩ ta ndune na ya katane nzeo, nake ekalaa akĩtana atekwaĩwa nĩ kĩndũ mĩthenya yonthe:</verse>
				<verse number="20">na kwaĩ mũndũ mũvoyi wa syĩndũ wetawa Lasalo, waĩawa mbingĩlonĩ yake, wausũĩtwe nĩ itau,</verse>
				<verse number="21">nake endaa kũathĩw’a tũlungu tũla twavalũkangaa ũla mũthwii akĩya; o na ngitĩ nĩsyookaa kũmũnyenya itau syake.</verse>
				<verse number="22">Na kweethĩwa, ũla mũvoyi akw’a, na atwawa nĩ alaĩka mamwia kĩthũinĩ kya Avalaamu: na ũla mũndũ mũthwii nake akw’a, na enzĩwa nthĩ.</verse>
				<verse number="23">Na e vala maveva ma akw’ũ mekalaa ookĩlya metho make, e kĩnyamaĩonĩ, na oona Avalaamu e kũasa, na Lasalo kĩthũinĩ kyake.</verse>
				<verse number="24">Nake ookĩlya wasya, akyasya, Asa Avalaamu, mbĩw’ĩa tei, noitũma Lasalo, atole manzĩ na mũthya wa kyaa kyake na kũnthithya ũĩmĩ wakwa; nũndũ nĩngũthĩnĩa vaa mwakinĩ ũũ.</verse>
				<verse number="25">Ĩndĩ Avalaamu asya, Mwana wakwa, lilikana nĩwanengiwe moseo maku yĩla waĩ thayũ, na ta ũu Lasalo maũndũ mathũku: na yu nũnũũkiakiĩw’a vaa, naku nũkũnyamaw’a.</verse>
				<verse number="26">Na vamwe na ũu w’onthe, katĩ wenyu naitũ nĩvekĩĩtwe ĩtw’ĩku ĩnene, nĩ kana ala mendaa kuma vaa mainganĩsye vau matikatonye, na ala me kũu maikainge kũka vala tũĩ.</verse>
				<verse number="27">Nake asya, Ĩndĩ, asa, nĩngũũvoya ũmũtũme nyũmba kwa asa wakwa;</verse>
				<verse number="28">nũndũ nĩna ana‐a‐ia makwa atano; nĩ kana amanenge ũkũsĩ, matikoke vaa vandũ va kĩnyamaĩo.</verse>
				<verse number="29">Ĩndĩ Avalaamu asya, Me na Mose na athani; mamethukĩĩsye mo.</verse>
				<verse number="30">Nake asya, Aiee, asa Avalaamu: ĩndĩ ũmwe auma akw’ũnĩ athi vala maĩ, makaalyũla ngoo.</verse>
				<verse number="31">Nake amwia, Malea kwĩthukĩĩsya Mose na athani, o na mũndũ auma akw’ũnĩ, matiketĩkĩla.</verse>
			</chapter>
			<chapter number="17">
				<verse number="1">Nake amea amanyĩw’a make, Kũitĩa kũka molulutĩkyo; ĩndĩ woo nĩ wa ũla ũtumaa molulutĩkyo moka!</verse>
				<verse number="2">Nĩ ũseo kwake kwoveewa ngingo ĩvia ya ũthia, akekw’a ũkanganĩ, kwĩ kũlulutĩkya kamwe ka tũũ tũnini.</verse>
				<verse number="3">Ĩsũvĩei ene: ethĩwa mwana‐a‐au eeka naĩ, mũkan’ye; na ethĩwa nũnũkũalyũla ngoo, mũekee.</verse>
				<verse number="4">Na akũvĩtanĩsya mavinda mũonza mũthenya ũmwe, na ooka moka mũonza, akyasya, Nĩnĩalyũlile ngoo; mũekee.</verse>
				<verse number="5">Atũmwa mamwĩa Mwĩaĩi, Twingĩvĩsye mũĩkĩĩo witũ.</verse>
				<verse number="6">Na Mwĩaĩi asya, Kethĩwa mwĩ na mũĩkĩĩo wĩana kaveke kamwe ka kalatali, no kũwĩa mũtĩ ũũ wa mũvolosati, Kũwa ũkavandwe ũkanganĩ; na no kũmwĩw’a.</verse>
				<verse number="7">Ĩndĩ kwenyu aĩva ũla wĩ na ngombo ĩla ĩnĩkwĩnza, kana kũĩthya malondu, na yĩla yoka kuma mũũndanĩ akĩmĩtavya, Ũka mĩtũkĩ, wĩkale nthĩ ũye?</verse>
				<verse number="8">Kaĩ ndakamĩtavya, Nzeũvĩsya lĩu nĩye, na ĩndĩ ũyĩvotoa, ũnthũkũme mũvaka nambe kũya na kũnyw’a; na ĩtina naku ũkĩya na kũnyw’a?</verse>
				<verse number="9">Nake nũmĩtũngĩaa ngombo mũvea nũndũ nĩyĩkie maũndũ ala yĩaĩwe?</verse>
				<verse number="10">Nenyu no ta ũu, mweeka maũndũ onthe ala mwĩaĩwe, aasyai, Twĩ ngombo ite ũtandĩthyo; nĩtwĩkĩte maũndũ ala twaĩlĩtwe nĩ kwĩka.</verse>
				<verse number="11">Na kweethĩwa yĩla maĩ nzĩanĩ makĩthi Yelusaleme, avĩtĩla katĩ wa Samalia na Kalilii.</verse>
				<verse number="12">Na aivota mũsyĩ ũmwe, akomana na aũme ĩkũmi ala mawaĩte mangũ, na maũngama me kũasa:</verse>
				<verse number="13">na mookĩlya mawasya moo, makyasya, Yesũ, Mwĩaĩi, twĩw’ĩe tei.</verse>
				<verse number="14">Na amona, amea, Endai mũkeyonan’ye kwa athembi. Na kweethĩwa, maendete, mathew’a.</verse>
				<verse number="15">Na ũmwe wamo, oona kana nĩwavow’a, asyoka, aimũkatha Ngai na wasya mũnene;</verse>
				<verse number="16">na avalũka na ũthyũ maũũnĩ ma Yesũ, akĩmũtũngĩa mũvea: nake aĩ Mũsamalia.</verse>
				<verse number="17">Na Yesũ asũngĩa, asya, Ala mathew’a ti ĩkũmi? Ala kenda maĩva?</verse>
				<verse number="18">Kũtinoneka angĩ meũsyoka kũtaĩa Ngai, ate o mũeni ũũ?</verse>
				<verse number="19">Na amwĩa, Ũkĩla ũthi: mũĩkĩĩo waku nĩwakũvosya.</verse>
				<verse number="20">Na akũlw’a nĩ Avalisi yĩla ũsumbĩ wa Ngai wĩũka, amasũngĩa na amea, Ũsumbĩ wa Ngai ndũkaa ũndũ wa kũsyaĩĩw’a:</verse>
				<verse number="21">o na matikasya, Sisyai, kũũ! Kana, Kũya! Nũndũ ũsumbĩ wa Ngai wĩ katĩ wenyu.</verse>
				<verse number="22">Nake amea amanyĩw’a, Mĩthenya nĩkoka yĩla mũkenda kwona ũmwe wa mĩthenya ya Mwana wa mũndũ, na mũtikawona.</verse>
				<verse number="23">Na makamwĩa, Sisyai, kũya! Sisyai, kũũ! Manyai kuma vala mũĩ, kana kũmavikĩla:</verse>
				<verse number="24">nũndũ o tondũ ũtisi ũtisaa ngalĩ ĩmwe ya ĩtu, na ũikena ngalĩ ĩla ĩngĩ ya ĩtu; Mwana wa mũndũ akethĩwa ailyĩ ũu mũthenyanĩ wake.</verse>
				<verse number="25">Ĩndĩ mbee wa maũndũ asu ndatĩa kũthĩnw’a na mathĩna maingĩ na kũlewa nĩ ũsyao ũũ.</verse>
				<verse number="26">Na o tondũ kweethĩiwe matukũ ma Noa, now’o kũkethĩwa kũilyĩ matukũ ma Mwana wa mũndũ.</verse>
				<verse number="27">Nĩmaĩsaa, nĩmanyusaa, nĩmatwaanaa, nĩmatwaawa, kũvika mũthenya ũla Noa wavotie ngalawanĩ, na kĩla kĩw’ũ kingĩ kyooka, na kyamananga onthe.</verse>
				<verse number="28">Now’o kweethĩiwe matukũ ma Loto: nĩmaĩsaa, nĩmanyusaa, nĩmathooaa, nĩmathooasya, nĩmavandaa, nĩmaakaa;</verse>
				<verse number="29">ĩndĩ mũthenya ũla Loto waumie Sotomo kwauie mwaki na mũvĩlĩtĩ kuma ĩtunĩ, wamananga onthe:</verse>
				<verse number="30">ũu now’o kũkethĩwa mũthenya ũla Mwana wa mũndũ ũkavuanw’a.</verse>
				<verse number="31">Mũthenya ũsu ũla ũkethĩwa nyũmbanĩ ĩũlũ, na syĩndũ syake syĩ nyũmbanĩ nthĩnĩ, ndakaatheee kũsyosa: no ta ũu ũla wĩ mũũndanĩ ndakaasyoke.</verse>
				<verse number="32">Lilikanai mũka wa Loto.</verse>
				<verse number="33">O ũla ũkenda ũvĩtya thayũ wake akawasya: ĩndĩ o ũla ũkasya thayũ wake akoovĩtya.</verse>
				<verse number="34">Nĩngũmwĩa, Ũtukũ ũsu kũkethĩwa aũme elĩ ũkomonĩ ũmwe; ũmwe nũkoswa, na ũla ũngĩ nũkatiwa.</verse>
				<verse number="35">Kũkethĩwa aka elĩ maithianĩa; ũmwe nũkoswa, na ũla ũngĩ nũkatiwa.</verse>
				<verse number="36">Andũ elĩ makethĩwa mũũndanĩ; ũmwe nũkoswa, na ũla ũngĩ nũkatiwa.</verse>
				<verse number="37">Na masũngĩa, mamũkũlya, Nĩ va Mwĩaĩi? Nake amea, O vala vethĩawa kimba, nĩvo ndei syũmbanĩaa.</verse>
			</chapter>
			<chapter number="18">
				<verse number="1">Amatavya ngelekan’yo mamanye nĩmaĩlwe nĩ kũvoya mĩthenya yonthe, mateũleela;</verse>
				<verse number="2">akyasya, Kwaĩ mũsili ndũanĩ ĩmwe, ũla ũtakĩaa Ngai, o na ndoonaa mũndũ ta mũndũ:</verse>
				<verse number="3">Na ndũanĩ ĩsu kwaĩ mũndũ mũka ũmwe ndiwa; nĩwaendangaa kaingĩ vala ũĩ aimwĩa, Ndĩvanĩsya kwa nthũ yakwa.</verse>
				<verse number="4">Nake alea ĩvinda: na ĩtina wa ũu asya ngoonĩ yake atĩĩ, O na ethĩwa ndimũkia Ngai, o na ndyonaa mũndũ ta mũndũ;</verse>
				<verse number="5">ĩndĩ nũndũ mũndũ mũka ũũ ndiwa nũnũũnyamasya, nĩngũmũĩvanĩsya, ndakanosye akĩndokeanga mĩthenya yonthe.</verse>
				<verse number="6">Na Mwĩaĩi asya, Ĩw’ai ũndũ ũla mũsili ũte mũlũngalu ũnũkwasya.</verse>
				<verse number="7">Na Ngai ndakamaĩvanĩsya anyuve make, ala mamũĩĩa mũthenya na ũtukũ, o na amomĩĩsya?</verse>
				<verse number="8">Nĩngũmũtavya, akamaĩvanĩsya mĩtũkĩ. Ĩndĩ yĩla Mwana wa mũndũ ũkoka nũkethĩa mũĩkĩĩo nthĩ?</verse>
				<verse number="9">Amatavya ngelekan’yo ĩno nao ala metusaa ene alũngalu, makĩvũthya angĩ:</verse>
				<verse number="10">Andũ elĩ nĩmambatie ĩkalũnĩ kũvoya; ũmwe nĩ Mũvalisi, na ũngĩ nĩ mumya wa koti.</verse>
				<verse number="11">Ũla Mũvalisi aũngama avoya ngooni yake, Ngai, nĩngũũtũngĩa mũvea, nũndũ nditilyĩ ta andũ ala angĩ, avutani, ala mate alũngalu, ilaalai, kana o na ta mumya wa koti ũũ.</verse>
				<verse number="12">Kyumwa kĩmwe nĩndĩĩaa ũya kelĩ; na nĩnumasya kĩlungu kya ĩkũmi kya kĩla kĩndũ nĩ nakyo.</verse>
				<verse number="13">Ĩndĩ mumya wa koti aũngamĩte kũasa, na ndaaũngalalya metho make kũsisya ĩtunĩ, ĩndĩ eekũnanga kĩthũi, akyasya, Ngai, mbĩw’ĩa tei, nĩ mwathe nyie.</verse>
				<verse number="14">Nĩngũmũtavya, Mũndũ ũsu atheeie kwake atalĩlwe ũlũngalu kũte ũla ũngĩ: nĩkwĩthĩwa ũla wĩnenevasya mwene nũkanyivw’a; ĩndĩ ũla wĩnyivasya mwene nũkanenevw’a.</verse>
				<verse number="15">Na mamũetee twana twoo tũnini, atũkiite: na amanyĩw’a moona ũu, mamakan’ya.</verse>
				<verse number="16">Ĩndĩ Yesũ atwĩta tũke, kwake, akyasya, Tũekei twana tũnini tũke kwakwa, mũtikatũvate: nũndũ ũsumbĩ wa Ngai nĩ wa ala mailyĩ tatw’o.</verse>
				<verse number="17">Nĩ w’o nĩngũmwĩa, Ũla ũtosaa ũsumbĩ wa Ngai ta kana kanini ndakavota vo nongi.</verse>
				<verse number="18">Na mũnene ũmwe amũkũlya, akyasya, Mũmanyĩsya mũseo, nĩĩka ata kana nĩtiĩwe thayũ ũtathela?</verse>
				<verse number="19">Na Yesũ amwia, Nĩkĩ ũũmbĩta mũseo? Vai mũseo ate o ũmwe, nake nĩ Ngai.</verse>
				<verse number="20">Nũmĩsĩ ĩla mĩao, Ndũkalaalae, Ndũkoae, Ndũkoye, Ndũkaneene ũkũsĩ wa ũvũngũ, Taĩa au na mwenyu.</verse>
				<verse number="21">Nake asya, Maũndũ asu onthe nĩnamakwatie kuma nĩ mũnini.</verse>
				<verse number="22">Yesũ eew’a ũu, amwĩa, Ve ũndũ ũmwe ũtielye: Thoosya syĩndũ syonthe ila wĩ nasyo, ũnenge ngya, na ũkethĩwa na ũthwii ĩtunĩ: na ĩndĩ ũkyũka ũngatĩĩe.</verse>
				<verse number="23">Na eew’a ndeto isu, eew’a woo mũno; nũndũ aĩ mũthwii mũno.</verse>
				<verse number="24">Na Yesũ amũketeea na asya, Ko nĩ vinya ala athwii kũvota ũsumbĩnĩ wa Ngai!</verse>
				<verse number="25">Nũndũ nĩ ũvũthũ ngamĩle kũvotela kalimanĩ ka singano, kũte mũndũ mũthwii kũvota ũsumbĩnĩ wa Ngai.</verse>
				<verse number="26">Na ala meewie masya, Nũũ ĩndĩ ũtonya kũtangĩĩwa?</verse>
				<verse number="27">Nake asya, Maũndũ ala matatonyeka kwa andũ nĩmatonyeka kwa Ngai.</verse>
				<verse number="28">Nĩvo Vetelo waisye, Sisya, ithyĩ nĩtũtiĩte syĩndũ sitũ twakũatĩĩa.</verse>
				<verse number="29">Nake amea, Nĩ w’o nĩngũmwĩa, Vai mũndũ ũla waatia nyũmba, kana mũka, kana ana‐a‐inyia, kana asyai make, kana syana, kwondũ wa ũsumbĩ wa Ngai,</verse>
				<verse number="30">ũtakosa vandũ va kĩmwe nyingĩ ĩvindanĩ yĩĩ twĩ nayo, na ĩvinda yĩla yũkĩte thayũ ũtathela.</verse>
				<verse number="31">Na amomban’ya vala ũĩ ala ĩkũmi na elĩ, na amea, Sisyai, nĩtũkwambata Yelusaleme, na maũndũ onthe ala maandĩkiwe nĩ athani makeanĩwa kwa Mwana wa mũndũ.</verse>
				<verse number="32">Nĩkwĩthĩwa akanenganwe mokonĩ ma Andũ‐ma‐mbaĩ‐ingĩ, akathekeewa na kĩvũthya, na kũthĩnw’a mũno, na kũtw’ĩlangwa mata:</verse>
				<verse number="33">na makamũvũa na kũmũaa: na mũthenya wa katatũ akathayũũka.</verse>
				<verse number="34">Na maiaamanya, o na vanini, maũndũ asu; na ndeto isu nĩsyavithĩtwe kwoo, na maiaamanya ũla waneeniwe.</verse>
				<verse number="35">Na kweethĩwa, aithengeea Yeliko, kwaĩ kĩlilinda kyekalĩte ũtee wa nzĩa kĩivoya syĩndũ:</verse>
				<verse number="36">nakyo kyeew’a ĩkomano yĩvĩtĩte, kyakũlya nĩ ũndũ mwaũ.</verse>
				<verse number="37">Nao makĩtavya nĩ Yesũ wa Nasaleti ũvĩtĩte.</verse>
				<verse number="38">Nakyo kyookĩlya wasya, kĩkyasya, Yesũ Mwana wa Ndaviti, mbĩw’ĩa tei.</verse>
				<verse number="39">Na ala matongoetye makĩkan’ya, kĩkilye: ĩndĩ kyookĩlya wasya mũno mbee, Mwana wa Ndaviti, mbĩw’ĩa tei.</verse>
				<verse number="40">Na Yesũ aũngama, ameaĩa kĩetwe vala ũĩ: na kyathengeea, akĩkũlya,</verse>
				<verse number="41">Wĩenda ngwĩke ata? Na kyasya, Mwĩaĩi, nĩenda kwona nthĩ.</verse>
				<verse number="42">Na Yesũ akĩtavya, Ona nthĩ: mũĩkĩĩo waku nĩwakũvosya.</verse>
				<verse number="43">Na kavinda o kau kyanengwa kwona, na kyamũvikĩla, kĩimũkatha Ngai: na andũ onthe, moona ũu, mamũtaĩa Ngai.</verse>
			</chapter>
			<chapter number="19">
				<verse number="1">Nake avota Yeliko avĩtĩla vo.</verse>
				<verse number="2">Na sisya, nĩvo vaĩ mũndũ wetawa Sakayo; nake aĩ mũnene wa aumya ma koti, na aĩ mũthwii.</verse>
				<verse number="3">Nake nĩwendaa kũmwona Yesũ amanye nũũ; na aaĩwa nũndũ wa ĩkomano, nũndũ aĩ mũkuvĩ.</verse>
				<verse number="4">Nake asemba mbee, alĩsa mũkũyũnĩ nĩ kana amwone: nũndũ nĩwokĩte avĩtĩle nzĩanĩ ĩsu.</verse>
				<verse number="5">Yesu avika vala vandũ, ang’elela ĩũlũ, amwĩa, Sakayo, theea nthĩ mĩtũkĩ; nũndũ ũmũnthi nditĩa kũtinda nyũmba kwaku.</verse>
				<verse number="6">Nake atheea nthĩ mĩtũkĩ, amũthokya kwake na mũyo.</verse>
				<verse number="7">Na moona ũu, onthe manyungunyĩsya, makyasya, Nĩwathi kwĩkala kwa mũndũ mwathe.</verse>
				<verse number="8">Na Sakayo aũngama, na amwĩa Mwĩaĩi, Sisya, Mwĩaĩi, nyunzu ya syĩndũ syakwa nĩngũnenga ngya; na ethĩwa nĩnĩvenete mũndũ kĩndũ na nzĩa ya ũkengani, nĩngũmũtũngĩa kũndũ kũna.</verse>
				<verse number="9">Yesũ amwĩa, Ũmũnthĩ ũtangĩĩo nĩwooka nyũmbanĩ ĩno, nũndũ ũũ nake nĩ mwana wa Avalaamu.</verse>
				<verse number="10">Nũndũ Mwana mũndũ nĩwokie kũmantha na kũtangĩĩa kĩla kyaaie.</verse>
				<verse number="11">Nao meew’a maũndũ asu, ongeleela kũneena ngelekan’yo, nũndũ nĩwathengeee Yelusaleme, na nũndũ nĩmatalĩthasya kana ũsumbĩ wa Ngai ũkilĩlye kwoneka.</verse>
				<verse number="12">Kwondũ wa ũu asya, Mũndũ mũnene ũmwe nĩwaendie nthĩ yĩ kũasa anengwe ũsumbĩ, na akĩsyoka.</verse>
				<verse number="13">Asyĩta ngombo syake ĩkũmi, aiaan’ya latili ĩkũmi sya vetha, asyĩa, Tandĩthyai nasyo mũvaka naalũka.</verse>
				<verse number="14">Ĩndĩ andũ make mamũmena, na matũma andũ mamũatĩĩe, makyasya, Tũtikwenda mũndũ ũũ atũsumbĩke.</verse>
				<verse number="15">Na kweethĩwa, asyoka, anengetwe ũsumbĩ, aumya mwĩao kana ngombo ila wanengie mbesa syĩtwe, nĩ kana amanye ũndũ itandĩthĩtye nasyo.</verse>
				<verse number="16">Na ĩla ya mbee yooka, yasya, Vwana, latili yaku nĩtandĩthĩtye latili ingĩ ĩkũmi.</verse>
				<verse number="17">Na amĩtavya, Nĩwĩkĩte nesa, we ngombo nzeo: nũndũ waĩ na kĩthito na kĩndũ kĩnini, ĩthĩwa na ũkũmũ ĩũlũ wa ndũa ĩkũmi.</verse>
				<verse number="18">Na ĩla ya kelĩ yooka, yasya, Vwana, latili yaku nĩtandĩthĩtye latili itano.</verse>
				<verse number="19">Nake amĩtavya o ta ĩla ĩngĩ, Ĩthĩwa ĩũlũ wa ndũa itano.</verse>
				<verse number="20">Na ĩngĩ yooka, yasya, Vwana, latili yaku, nĩ ĩno, nĩnaiie noveee kĩtambaanĩ:</verse>
				<verse number="21">nũndũ nĩnakũkĩie, nĩkwĩthĩwa wĩ mũndũ mwai: nĩwosaa kĩla ũtaiĩte, na nũkethaa kĩla ũtaavuĩa.</verse>
				<verse number="22">Amĩtavya, Ngombo nthũku we, nĩngũkũsilĩla na ndeto sya kanyw’a waku, Nĩweesĩ kana nĩ mũndũ mwai, nosaa kĩla ndaaia, na ngethaa kĩla ndaavuĩa;</verse>
				<verse number="23">nũndũ wa kĩ ĩndĩ waleile kwia mbesa syakwa venginĩ, kana nooka nĩnengwe mbesa syakwa vamwe na ũtandithyo wasyo?</verse>
				<verse number="24">Na ĩndĩ amea ala maũngamĩte vo, Mĩvenei latili ĩla ĩ nayo, mĩnenge ĩla ĩ na latili ĩkũmi.</verse>
				<verse number="25">Nao mamwĩa, Vwana, ĩ na latili ĩkũmi.</verse>
				<verse number="26">Nĩngũmũtavya kana kĩla mũndũ ũkwete kĩndũ akanengwa; ĩndĩ ũla ũte na kĩndũ, o na kĩla wĩ nakyo akavenwa.</verse>
				<verse number="27">Ĩndĩ amaitha aa makwa ala matendaa nĩmasumbĩke, maetei vaa, mũmoaĩe mbee wakwa.</verse>
				<verse number="28">Na amina kũneena maũndũ asu, aendaa mbee, ambatĩte Yelusaleme.</verse>
				<verse number="29">Na kweethĩwa, athengeea Vethivake na Vethania, vala ve kĩĩma kĩla kĩtawa Oliveti, atũma elĩ ma amanyĩw’a make,</verse>
				<verse number="30">akyasya, Endai mũsyĩ ũla ũmwelekele; na mwavota mũkoona ndena ya ĩng’oi yovetwe, ĩla ĩtaamba kũkua mũndũ: mĩthasyei, mũmĩete vaa.</verse>
				<verse number="31">Na mwakũlw’a nĩ mũndũ, Mwĩmĩthaĩsya kĩ? Asyai, Mwĩaĩi e na vata nayo.</verse>
				<verse number="32">Na ala matũmiwe mathi, na meethĩa o tondũ mataviw’e.</verse>
				<verse number="33">Na makĩthasya ĩla ndena, ene mayo mamakũlya, Mwĩmĩthaĩsya ndena kĩ?</verse>
				<verse number="34">Na masya, Mwĩaĩi e na vata nayo.</verse>
				<verse number="35">Nao mamĩtwaa kwa Yesũ: na mailĩĩla ngũa syoo ĩũlũ wa ndena, na mamũtũlya Yesũ ĩũlũ wayo.</verse>
				<verse number="36">Na akĩthi, mamwalanĩlya ngũa syoo nzĩanĩ.</verse>
				<verse number="37">Na athengeea, e kĩtheeonĩ kya kĩĩma kya Mĩthata, ĩkomano yonthe ya amanyĩw’a mambĩlĩlya kũtana na kũmũkumya Ngai na wasya mũnene, ũndũ wa mavinya ala moonie;</verse>
				<verse number="38">makyasya, Nĩ mũathime Mũsumbĩ ũla wũkĩte syĩtwanĩ ya Mwĩaĩi: mũuo wĩthĩwe ĩtunĩ, na ndaĩa yĩthĩwe ku ĩũlũ mũno.</verse>
				<verse number="39">Na Avalisi amwe ala maĩ ĩkomanonĩ mamwĩa, Mũmanyĩsya, makan’ye amanyĩw’a maku.</verse>
				<verse number="40">Nake asũngĩa, akyasya, Nĩngũmũtavya, ethĩwa aa makavindya, mavia makalonzan’ya.</verse>
				<verse number="41">Na avika vakuvĩ, amyona ĩla ndũa na aĩa nũndũ wayo,</verse>
				<verse number="42">akyasya, Kethĩwa nĩweesĩ we mũthenya ũũ wa ũmũnthĩ, maũndũ ma mũuo waku ũndũ mailyĩ! Ĩndĩ yu nĩmavithĩtwe methonĩ maku.</verse>
				<verse number="43">Ĩndĩ mĩthenya nĩyũkĩte kwaku, yĩla amaitha maku makakũthyũlũlũkĩlya wiio, na kũkwĩlingĩla, na kũkũsiĩĩa ngalĩ syonthe,</verse>
				<verse number="44">na makakũvalũkya nthĩ, syana syaku syĩ nthĩnĩ waku; na matikatia nthĩnĩ waku ĩvia yĩmwe ĩũlũ wa yĩngĩ; nĩkwĩthĩwa ndwaamanya ĩvinda ya kũsiw’a kwaku.</verse>
				<verse number="45">Nake avota ĩkalũnĩ, na ambĩlĩlya kũmakuthũa ala mathooanĩasya,</verse>
				<verse number="46">akĩmea, Nĩkũandĩkĩtwe, Nyũmba yakwa ĩkethĩwa nyũmba ya kũvoyea: ĩndĩ inywĩ mũmĩtw’ĩte ngunga ya avutani.</verse>
				<verse number="47">Na amanyĩasya ĩkalũnĩ kĩla mũthenya. Ĩndĩ athembi anene na aandĩki na ala anene andũnĩ mamantha kũmũaa:</verse>
				<verse number="48">na maaĩw’a nĩ ũndũ wa kwĩka; nũndũ andũ onthe nĩmateete matũ, makĩmwĩthukĩĩsya.</verse>
			</chapter>
			<chapter number="20">
				<verse number="1">Na kweethĩwa mũthenya ũmwe, akĩmanyĩsya andũ ĩkalũnĩ, na akĩtavan’ya ũla ũvoo mũseo, athembi anene na aandĩki vamwe na atumĩa mamũwĩla;</verse>
				<verse number="2">na maneena nake, makĩmwĩa, Tũtavye: Wĩkaa maũndũ aa na ũkũmũ wĩva? Kana nũũ ũkũnengete ũkũmũ ũũ?</verse>
				<verse number="3">Nake asũngĩa na amea, Nakwa nĩngũmũkũlya ũkũlyo; ndavyai:</verse>
				<verse number="4">Ũvatisi wa Yoana waumie ĩtunĩ kana waumie andũnĩ?</verse>
				<verse number="5">Na masũanĩa ene kwa ene, makyasya, Ethĩwa nĩtũkwasya, Waumie ĩtunĩ; akasya, Nĩkĩ ĩndĩ mũtaamwĩtĩkĩla?</verse>
				<verse number="6">Ĩndĩ ethĩwa nĩtũkwasya, Waumie andũnĩ; andũ onthe makatũkima na mavia: nũndũ nĩmeetĩkĩlĩte kana Yoana aĩ mwathani.</verse>
				<verse number="7">Na masũngĩa kana matyĩsĩ kũla waumie.</verse>
				<verse number="8">Na Yesũ amea, O nakwa ndimũtavya ũkũmũ ũla ũtumaa nĩka maũndũ aa.</verse>
				<verse number="9">Na ambĩlĩlya kũmatavya andũ ngelekan’yo ĩno: Mũndũ nĩwavandie mũũnda wa mĩsavivũ, na oonenga aĩmi mamũĩmĩe, nake athi nthĩ ĩngĩ na ekala ĩvinda ĩasa.</verse>
				<verse number="10">Na ĩvinda yavika atũma ngombo kwa ala aĩmi, mamĩnenge ũsyao ũmwe wa mũũnda ũsu wa mĩsavivũ: ĩndĩ aĩmi mamĩkũna, mamĩlũngya ĩte na kĩndũ.</verse>
				<verse number="11">Na atũma ngombo ĩngĩ: nayo mamĩkũna, mamĩsonokya, mamĩlũngya ĩte na kĩndũ.</verse>
				<verse number="12">Na atũma ĩngĩ ya katatũ: na mamĩuauĩkya, na mamĩkya ũtee wa mũũnda.</verse>
				<verse number="13">Na ĩndĩ mwene wa mũũnda asya, Nĩĩka ata? Ngatũma mwana wakwa mwendwa; nokwĩthĩwa makamũtaĩa.</verse>
				<verse number="14">Ĩndĩ aĩmi mamwona, maneenan’ya, makyasya, Ũũ nĩwe mũtiĩwa; tũmũaei, nĩ kana ũtiĩwa ũtw’ĩke witũ.</verse>
				<verse number="15">Na mamwĩkya ũtee wa mũũnda wa mĩsavivũ, na mamũaa. Na ĩndĩ mwene mũũnda ũsu akameka ata?</verse>
				<verse number="16">Akooka na akaananga aĩmĩ asu, na akamanenga angĩ mũũnda wa mĩsavivũ. Nao meew’a ũu, masya, Ũkwa, ũndũ ũũ ndũkaaĩkĩke.</verse>
				<verse number="17">Ĩndĩ amaketeea, na asya, Nata ĩndĩ ndeto ii ila syaandĩkiwe, Ĩvia yĩla yaleilwe nĩ aki, Yĩu yatw’ĩkie yĩla ĩnene ya kĩkotonĩ?</verse>
				<verse number="18">Mũndũ ũla wĩvalũka ĩũlũ wa ĩvia yĩu akavevenzeka; ĩndĩ o ũla yĩmũvalũkĩla, akatumbatumbĩka anyaĩĩke ta kĩtoo.</verse>
				<verse number="19">Na aandĩki na athembi anene mamantha kũmũkwata o saa ũsu; na makĩa andũ: nĩkwĩthĩwa nĩmamanyie kana ĩla ngelekan’yo aneena nũndũ woo.</verse>
				<verse number="20">Na mamwoveesya, na matũma athiani, ala meetwie ene ta alũngalu, nĩ kana mamũtee ndetonĩ syake, na kũmũnengane ũnenenĩ na ũkũmũnĩ wa ngavana.</verse>
				<verse number="21">Na mamũkũlya, makyasya, Mũmanyĩsya, nĩtwĩsĩ nũneenaa na kũmanyĩsya katĩ, na ndwendeeaw’a nĩ wũmbe wa mũndũ, ĩndĩ nzĩa ya Ngai nũmanyĩasya w’o:</verse>
				<verse number="22">Nĩkwosana na ĩla mĩao kũnenga Kaisali koti, kana ti w’o?</verse>
				<verse number="23">Nake amanya ũseleke woo, na amea,</verse>
				<verse number="24">Kwa mbon’yai silingi. Ĩ na mũvw’ano na ũandĩko waũ? Mamũsũngĩa, Nĩ wa Kaisali.</verse>
				<verse number="25">Nake amea, Mũnengei Kaisali syĩndũ sya Kaisali, na Ngai syĩndũ sya Ngai.</verse>
				<verse number="26">Na maiaatonya kũmũkwata na ndeto ila waneenee mbee wa andũ: na maseng’a ũndũ wa ũsũngĩo wake, na mavindya.</verse>
				<verse number="27">Na ĩndĩ ookĩwa nĩ amwe ma Asatukai, ala maasya kũi ũthayũũkyo;</verse>
				<verse number="28">na mamũkũlya, makyasya, Mũmanyĩsya, Mose nĩwatũandĩkĩe, atĩ ethĩwa mwana‐a‐inya wa mũndũ nĩwakw’a, e mũka, na ndaatia kana, mwana‐a‐inyia wake namwose ũ mũndũ mũka, na amũũngamĩsye mwana‐a‐inyia mbeũ.</verse>
				<verse number="29">Kwaĩ aũme mũonza ma inyia ũmwe: na ũla wa mbee atwaa mũka, na akw’a atasyaĩte kana;</verse>
				<verse number="30">nake ũla wa kelĩ amwosa ũ mũndũ mũka:</verse>
				<verse number="31">na ũla wa katatũ nake amwosa; no ta ũu onthe mũonza maiaatia kana, na makw’a.</verse>
				<verse number="32">Na ĩtina ũla mũndũ mũka nake akw’a.</verse>
				<verse number="33">Uthayũũkyonĩ ĩndĩ akethĩwa e mũka wa wĩva wa asu? Nĩkwĩthĩwa onthe mũonza nĩmamũtwaĩte.</verse>
				<verse number="34">Na Yesũ amea, Ana ma nthĩ ĩno nĩmatwaanaa, na nĩmatwaawa:</verse>
				<verse number="35">ĩndĩ ala matalĩtwe nĩmaĩlĩtwe nĩ ũvika nthĩ ĩya, na ũthayũũkyo wa akw’ũ, maitwaanaa, o na maitwaawa:</verse>
				<verse number="36">nĩkwĩthĩwa maitonya kũkw’a ĩngĩ: nũndũ mailyĩ o ta alaĩka; na nĩ ana ma Ngai, nũndũ nĩ ana ma ũthayũũkyo.</verse>
				<verse number="37">Ĩndĩ ũndũ wa akw’ũ kana makathayũũkw’a, o na Mose nake nĩwonanisye vala vaandĩkĩtwe ũvoo wa kala Kakuthu, yĩla wetie Mwĩaĩi, Ngai wa Avalaamu, na Ngai wa Isaka, na Ngai wa Yakovo.</verse>
				<verse number="38">We ti Ngai wa ala akw’ũ, ĩndĩ nĩ wa ala me thayũ: nĩkwĩthĩwa onthe me thayũ kwake.</verse>
				<verse number="39">Na amwe maaandĩki masũngĩa, makyasya, Mũmanyĩsya, nĩwaneena nesa.</verse>
				<verse number="40">Nũndũ vai ũmwe wamo waatata kũmũkũlya mokũlyo angĩ.</verse>
				<verse number="41">Nake amakũlya, Andũ measya ata kana Klĩsto nĩ mwana wa Ndaviti?</verse>
				<verse number="42">Nũndũ Ndaviti mwene easya ĩvukunĩ ya Savuli, Mwĩaĩi amwĩie Mwĩaĩi wakwa, Ĩkala nthĩ ngalĩ ya kw’oko kwakwa kwa aũme,</verse>
				<verse number="43">Mũvaka natw’a amaitha maku kavĩla ka nyaĩĩ syaku.</verse>
				<verse number="44">Ndaviti emwĩta Mwĩaĩi, na ĩndĩ nĩ mwana wake ata?</verse>
				<verse number="45">Na andũ onthe makĩthukĩĩsya amea amanyĩw’a make,</verse>
				<verse number="46">Ĩsũvĩei aandĩki, ala mendaa kũtambũka mekĩe ngũa ndasa, na mendaa kũkethw’a ing’ang’anĩ, na ivĩla sya mbee masinakokenĩ, na kũndũ kwa mbee mbokanĩ;</verse>
				<verse number="47">ala maĩsaa nyũmba sya aka ndiwa, na nũndũ wa ũkengani nĩmaasavasya mboya: asu nĩmo ala makona ũsilĩlo mũnene mbee.</verse>
			</chapter>
			<chapter number="21">
				<verse number="1">Nake ookĩlya metho, na oona ala athwii makĩlekya nthembo syoo vala valekelaw’a.</verse>
				<verse number="2">Na oona mũndũ mũka ndiwa, ũla, waĩ ngya akĩkĩa tũwela twĩlĩ.</verse>
				<verse number="3">Na asya, Nĩ w’o nĩngũmwĩa, Ndiwa ĩno ngya nĩyekĩa nyingĩ kwĩ onthe:</verse>
				<verse number="4">nũndũ aa onthe meekĩa nthembo syoo nũndũ wa kwingĩvĩwa kwoo; ĩndĩ ũũ kuma ũkyanĩ wake eekĩa wĩkwatyo w’onthe wa thayũ ũla eĩ naw’o.</verse>
				<verse number="5">Na amwe makĩneena ũvoo wa ĩkalũ, ũndũ yanakavĩtw’e na mavia maseo na maelo ma andũ, nake asya,</verse>
				<verse number="6">Ũndũ wa syĩndũ ii ila mũkwona, mĩthenya nĩyũkĩte, yĩla vaa vatakatiwa ĩvia ĩũlũ wa yĩngĩ, yĩla yĩtakaombowa.</verse>
				<verse number="7">Na mamũkũlya, makyasya, Mũmanyĩsya, maũndũ asu makethĩwa ĩndĩĩ? Na wonan’yo nĩ wĩva yĩla maũndũ asu makathengeea kwĩanĩw’a?</verse>
				<verse number="8">Na asya, Ĩsũvĩei mũtikaaw’e! Nũndũ aingĩ makooka na syĩtwa yakwa, makyasya, Ninyie we; na, Ĩvinda nĩ ĩthengeeu: manyai kũmaatĩĩa.</verse>
				<verse number="9">Na yĩla mũkew’a ũvoo wa makaũ na ithokoo, manyai kũtw’ĩka nda: nũndũ maũndũ asu mati ndĩi ya ũlea kwĩkĩka mbee; ĩndĩ mũminũkĩlyo ndũnavika.</verse>
				<verse number="10">Na ĩndĩ amea, Mbaĩ ĩkookĩlĩla mbaĩ, na ũsumbĩ ũkookĩlĩla ũsumbĩ;</verse>
				<verse number="11">na kũkeethĩwa itetemo nene sya nthĩ, na mayũa na mĩimũ kũũ na kũũ; na kũkeethĩwa motĩsyo na mawonan’yo manene makyuma ĩtunĩ.</verse>
				<verse number="12">Ĩndĩ mbee wa maũndũ asu onthe, makamũkwata, na kũmũthĩn’ya na kũmũnengane mũtwawe masinakokenĩ na makolokolonĩ, na makĩmũtwaa mbee wa asumbĩ na makavana kwondũ wa syĩtwa yakwa.</verse>
				<verse number="13">Na maũndũ aa makeethĩwa ũkũsĩ wenyu.</verse>
				<verse number="14">Kwondũ wa ũu ĩtw’ĩĩei ngoonĩ syenyu mũikasũanĩe mbee ũla mũkasũngĩa:</verse>
				<verse number="15">nũndũ nyie ngamũnenga kanyw’a na ũĩ, ũla nthũ syenyu syonthe itakatonya kũlea kana kũkananĩa.</verse>
				<verse number="16">Ĩndĩ mũkanenganwe nĩ asyai menyu, na ana‐a‐inyia menyu, na mbaĩ yenyu, na anyanyae menyu; na amwe menyu nĩmakamũaĩthya.</verse>
				<verse number="17">Na nĩmũkamenwa nĩ andũ onthe kwondũ wa syĩtwa yakwa.</verse>
				<verse number="18">Ĩndĩ ũswĩĩ ũmwe wa mĩtwe yenyu ndũkaa.</verse>
				<verse number="19">Kwondũ wa wũmĩĩsyo wenyu mũkavonokya mathayũ menyu.</verse>
				<verse number="20">Ĩndĩ yĩla mwĩona Yelusaleme yeelingĩlwa nĩ ita, manyai kana wanangĩko wayo wĩ vakuvĩ.</verse>
				<verse number="21">Ĩvinda yĩu ala me Yutia makie mathi iĩmanĩ; na ala me nthĩnĩ wayo maume vo; na ala me ndee matikavote vo.</verse>
				<verse number="22">Nũndũ matukũ asu nĩ ma ũĩvanĩsyo, nĩ kana maũndũ onthe ala maandĩkĩtwe meanĩw’e.</verse>
				<verse number="23">Woo nĩ wa ala aito na wa ala mekwongya mĩthenya ĩsu! Nũndũ kũkethĩwa ũnyamao mũnene nthĩ, na ũthilĩku ĩũlũ wa andũ aa.</verse>
				<verse number="24">Nao makavalũkw’a kwa kũtemangwa na ũvyũ, na makatwawa me atave mbaĩnĩ syonthe: na Yelusaleme ũkakinyangw’a nĩ Andũ‐ma‐mbaĩ‐ingĩ, mũvaka mavinda ma Andũ‐ma‐mbaĩ‐ingĩ meanĩw’e.</verse>
				<verse number="25">Na kũkethĩwa mawonan’yo syũanĩ na mweinĩ na ndatanĩ; na kũũ nthĩ kũkethĩwa ũnyamao wa mbaĩ, ikĩsũanĩwa nũndũ wa kĩlitũko kya ũkanga na itulumo syaw’o;</verse>
				<verse number="26">andũ nĩmakatw’ĩka nda nĩ w’ĩa, na ũndũ wa kweteela maũndũ ala mokĩte ĩũlũ wa nthĩ: nũndũ mavinya ma ĩtu nĩmakathingithangw’a.</verse>
				<verse number="27">Ĩvinda yĩu nĩmakamwona Mwana wa mũndũ okĩte ĩthweonĩ na vinya na ũtheu mũnene mũtisu.</verse>
				<verse number="28">Ĩndĩ yĩla maũndũ asu makambĩlĩlya kwĩkĩka, sisyai ĩũlũ, na ũkĩlyai mĩtwe yenyu; nũndũ wovosyo wenyu nĩ mũthengeeu.</verse>
				<verse number="29">Na amatavya ngelekan’yo: Sisyai mũkũyũ, na mĩtĩ yonthe:</verse>
				<verse number="30">yĩla yambĩlĩlya kũthongoosya wenze, nĩmũkwona na kũmanya inyw’ĩ ene kana mũniino nũthengeee.</verse>
				<verse number="31">No ta ũu nenyu, mũkyona maũndũ asu makĩkĩka, manyai kana ũsumbĩ wa Ngai wĩ vakuvĩ.</verse>
				<verse number="32">Nĩ w’o nĩngũmwĩa, Ũsyao ũũ ndũkavĩta, maũndũ asu onthe mateanĩw’e.</verse>
				<verse number="33">Ĩtu na nthĩ nikavĩta: ĩndĩ ndeto syakwa itikavĩta.</verse>
				<verse number="34">Ĩndĩ ĩsũvĩei, ngoo syenyu itikese kũemewa nĩ kũya mũno, na ũthengi, na mawĩmakĩo ma thayũ ũũ, na mũthenya ũsu kũmũvikĩa na kĩthũlũmũko ta kĩtei:</verse>
				<verse number="35">nũndũ o ta ũu, nĩw’o ũkamokĩa andũ onthe ala me ĩũlũ wa nthĩ yonthe.</verse>
				<verse number="36">Ĩndĩ ĩkalai mũsyaĩĩsye matukũ onthe, mũkĩvoya, nĩ kana mũnengwe kũvonoka maũndũ asu onthe ala makoka, na kũũngama mbee wa Mwana wa mũndũ.</verse>
				<verse number="37">Na kĩla mũthenya amanyĩasya ĩkalũnĩ; na kĩla ũtukũ nĩwaumaa, akaenda kwĩkala kĩĩmanĩ kĩla kĩtawa Oliveti.</verse>
				<verse number="38">Na andũ onthe mamũokeaa ĩkalũnĩ kĩoko tene, mamwĩthukĩĩsye.</verse>
			</chapter>
			<chapter number="22">
				<verse number="1">Na mboka ya kĩmũtũ kĩte ĩlawa yathengeea, ĩla yĩtawa Vasaka.</verse>
				<verse number="2">Na athembi anene na aandĩki mamantha nzĩa ya kũmũaa; nũndũ nĩmakĩaa andũ.</verse>
				<verse number="3">Na Satani alika nthĩnĩ wa Yutasi ũla wetawa Isikalioti, nake aĩ ũmwe wa ala ĩkũmi na elĩ.</verse>
				<verse number="4">Nake athi, na aneenan’ya na athembi anene na makavuteni ma asikalĩ, ũndũ ũtonya kũmũnengane kwoo.</verse>
				<verse number="5">Nao matana, na meew’ana nake mamũnenge mbesa.</verse>
				<verse number="6">Nake eetĩkĩla, na amantha mwanya wa kũmũnengane kwoo ĩkomano yĩte vo.</verse>
				<verse number="7">Na mũthenya wa kĩmũtũ kĩte ĩlawa wavika, yĩla katena ka vasaka kaaĩlaa kũawa.</verse>
				<verse number="8">Na atũma Vetelo na Yoana, akyasya, Endai mũkatũseũvĩsye vasaka, nĩ kana tũye.</verse>
				<verse number="9">Na mamwĩa, Wĩenda tũkaseũvĩsye va?</verse>
				<verse number="10">Nake amea, Sisyai, mwavota ndũanĩ, mũkakomana na mũndũ ũkuĩte kĩkuu kya manzĩ; mũvikĩlei nyũmbanĩ o vala wĩlika.</verse>
				<verse number="11">Na mũkamwie mwene nyũmba, Mũmanyĩsya aũkũlya, Nyũmba ya aeni ĩĩva vala ngũĩa vasaka na amanyĩw’a makwa?</verse>
				<verse number="12">Nake akamwon’ya nyũmba nene ya iũlũ yĩ na mĩio; seũvĩsyai vo.</verse>
				<verse number="13">Na mathi na moona o ũndũ ũmatavisye: na maseũvya vasaka.</verse>
				<verse number="14">Na saa wavika, ekala nthĩ vamwe na atũmwa.</verse>
				<verse number="15">Na amea, Nĩnendaa mũno kũĩsanĩa nenyu vasaka ũũ ndanamba kũnyamaw’a:</verse>
				<verse number="16">nũndũ nĩngũmũtavya, Ndikaya w’o ĩngĩ, kũvika yĩla ũkeanĩw’a ũsumbĩnĩ wa Ngai.</verse>
				<verse number="17">Nake oosa kĩkombe, na amina kũtũnga mũvea, asya, Osai kĩĩ, mũolane inyw’onthe:</verse>
				<verse number="18">nũndũ nĩngũmwĩa, Kuma yu ndikanyw’a ĩngĩ ya ũsyao wa mũsavivũ, mũvaka ũsumbĩ wa Ngai wooka.</verse>
				<verse number="19">Nake oosa kĩmũtũ, na amina kũtũnga mũvea, atilanga, na amanenga, akyasya, Kĩĩ nĩkyo mwĩĩ wakwa ũla wanenganiwe nũndũ wenyu: ĩkaai ũu ũndũ wa kũndilikana.</verse>
				<verse number="20">Na mamina kũya, oosa kĩkombe eeka o ũu, akyasya, Kĩkombe kĩĩ nĩ ũtianĩo mweũ nthĩnĩ wa nthakame yakwa, ĩla ĩĩtĩkwa kwondũ wenyu.</verse>
				<verse number="21">Ĩndĩ sisyai, kw’oko kwa ũla ũnũkũmbũnyanĩa kwĩ vamwe nakwa vaa mesanĩ.</verse>
				<verse number="22">Nũndũ nĩ w’o Mwana wa mũndũ ethi, o tondũ kweeaiwe: ĩndĩ woo ni wa mũndũ ũla wĩmũvũnyanĩa!</verse>
				<verse number="23">Nao mambĩlĩlya kũkũlan’ya ene kwa ene, nĩ wĩva katĩ woo ũla wĩĩka ũndũ ũsu.</verse>
				<verse number="24">Na veethĩwa ngananĩo katĩ woo, nũũ ũla ũtalawa kwĩthĩwa nĩ mũnene.</verse>
				<verse number="25">Nake amea, Andũ‐ma‐mbaĩ‐ingĩ nĩmasumbĩkawa nĩ asumbĩ moo; na ala me ũkũmũ ĩũlũ woo metawa Eki‐ma‐nesa.</verse>
				<verse number="26">Ĩndĩ inyw’ĩ mũtikethĩwe mũily ũu: ĩndĩ ũla mũnene katĩ wenyu, nĩethĩwe ta ũla mũnini; na ũla wĩ mbee, nĩethĩwe ta ũla ũthũkũmaa.</verse>
				<verse number="27">Nũndũ mũnene nĩ wĩva, ũla wĩkalaa nthĩ akĩya, kana nĩ ũla ũthũkũmaa? Ti ũla ũilyĩ nthĩ akĩya? Ĩndĩ nyie katĩ wenyu nĩilyĩ ta ũla ũthũkũmaa.</verse>
				<verse number="28">Ĩndĩ inyw’ĩ mwĩ ala mwĩkalanĩtye nakwa matatwanĩ makwa;</verse>
				<verse number="29">nakwa nĩngũmwiĩa ũsumbĩ, o tondũ Asa wakwa wambiĩe,</verse>
				<verse number="30">nĩ kana mũkaĩsaa na kũnyusaa mesanĩ yakwa ũsumbĩnĩ wakwa; na nĩmũkekalĩla ivĩla sya ũsumbĩ mũkĩsilĩla mbaĩ ĩkũmi na ilĩ sya Isilaeli.</verse>
				<verse number="31">Simoni, Simoni, sisya, Satani nũkũlĩtye anengwe inyw’ĩ, nĩ kana amũthũngũthangye tondũ nganũ ithũngũthangaw’a:</verse>
				<verse number="32">ĩndĩ nĩnakũvoyea, kana mũĩkĩĩo waku ndũkathele; naku wasyoka, lũlũmĩlya ana‐a‐au.</verse>
				<verse number="33">Na amwĩa, Mwĩaĩi, nĩnĩyũmbanĩtye kũendan’ya naku kolokolonĩ na kĩkw’ũnĩ.</verse>
				<verse number="34">Na asya, Nĩngũkwĩa, Vetelo, ũtũkũ ũũ nzamba ndĩkasya, ũtakaĩĩte katatũ atĩ ndũmbĩsĩ.</verse>
				<verse number="35">Na amakũlya, Yĩla namũtũmie mũte na ngusu ya mbesa, kana mũvuko, kana iatũ, nĩmwaaĩwe nĩ kĩndũ? Na masya, Aiee, tũtyaaĩwa.</verse>
				<verse number="36">Nake amea, Ĩndi yu, ũla wĩ na ngusu ya mbesa, nakue, na mũvuko o ta ũu; na ũla ũte na ũvyũ, athoosye ngũa yake ya ĩũlũ, athooe.</verse>
				<verse number="37">Nũndũ nĩngũmwĩa, ũũ ũla ũandĩkĩtwe ndwĩ ndĩi ya ũlea kwĩanĩw’a nthĩnĩ wakwa atĩĩ, Nake atalilwe vamwe na avĩtan’ya: nĩkwĩthĩwa maũndũ ala maandĩkĩtwe kwondũ wakwa makeanĩw’a.</verse>
				<verse number="38">Na masya, Mwĩaĩi, sisya, vaa ve mbyũ ilĩ. Na amea, Nũu.</verse>
				<verse number="39">Na aumaala, na athi kĩĩmanĩ kya Mĩthata, o tondũ wekaa; na avikĩlwa nĩ amanyĩw’a.</verse>
				<verse number="40">Na avika vo, amea, Voyai mũtikalike matatwani.</verse>
				<verse number="41">Nake ataanĩsya nao o ta vandũ va kwĩkya ĩvia; na atulya ndu avoya,</verse>
				<verse number="42">akyasya, Asa, ethĩwa nũkwenda, mbathũkĩsya kĩkombe kĩĩ: ĩndĩ ti ũndũ ngwenda nyie, ĩndĩ nĩwĩkĩke ũla ũkwenda we.</verse>
				<verse number="43">Na aumĩlĩlwa nĩ mũlaĩka kuma ĩtunĩ, amwĩkĩa vinya.</verse>
				<verse number="44">Nake kwa kwĩthĩwa aĩ na thĩna mũnene, ongelela kũvoya na kĩthing’ĩĩsyo; na yuutĩa yake yatw’ĩka ta mavoloto manene ma nthakame, maivolotanga nthĩ.</verse>
				<verse number="45">Na yĩla wokĩlile kuma kũvoyanĩ kwake, athi vala ve amanyĩw’a make, amethĩa makomete nĩ too wa kĩmako,</verse>
				<verse number="46">na amea, Nĩkĩ mũkomie? Ũkĩlai mũvoye, mũikalike ũtatwanĩ.</verse>
				<verse number="47">Na aineena, sisya, ĩkomano yaumĩla, na ũla wetawa Yutasi, ũmwe wa ala ĩkũmi na eli, amatongoesye; na amũthengeea Yesũ nĩ kana amũmumunye.</verse>
				<verse number="48">Ĩndĩ Yesũ amwĩa, Yutasi, nũũmũvũnyanĩa Mwana wa mũndũ na kũmũmumunya?</verse>
				<verse number="49">Na yĩla ala maĩ nake moonie ũndũ ũla ũkwĩkwa masya, Mwĩaĩi, nĩtũmateme na ũvyũ?</verse>
				<verse number="50">Na ũmwe woo amĩtema ngombo ya mũthembi mũnene, amĩtila kũtũ kwa ngalĩ ya kw’oko kwa aũme.</verse>
				<verse number="51">Ĩndĩ Yesũ asũngĩa na asya, Ekai, nũu. Na akiita kũtũ kwayo, na amĩvosya.</verse>
				<verse number="52">Na Yesũ amea athembi anene, na ala anene ma ĩkalũ, na atumĩa, ala mookĩte mamũkwate, Nĩmwaumĩla, tondũ mũvutani wumĩlĩlawa, mwĩ na mbyũ na mathimbũ?</verse>
				<verse number="53">Mũiaambũkĩlĩlya moko yĩla naĩ nenyu kĩla mũthenya ĩkalũnĩ: ĩndĩ ũũ nĩw’o saa wenyu, na ũkũmũ wa kĩvindu.</verse>
				<verse number="54">Namo mamũkwata, na mamũtongoesya, mamũtwaa nyũmbanĩ ya mũthembi mũnene. Ĩndĩ Vetelo amũatĩĩa e kũasa.</verse>
				<verse number="55">Na mavuva mwaki nza, na mekala nthĩ vamwe, na Vetelo ekala katĩ woo.</verse>
				<verse number="56">Na mwĩĩtu mũthũkũmi amwona ailyĩ kyeninĩ amũketeea, na asya, Mũndũ ũũ eĩ vamwe nake.</verse>
				<verse number="57">Ĩndĩ akaĩa, akyasya, Mũndũ mũka, ndimwĩsĩ.</verse>
				<verse number="58">Na ĩtina vandũ vanini mũndũ ũngĩ amwona, na asya, Naku wĩ ũmwe wa asu. Ĩndĩ Vetelo asya, Mũndũ we, ndi ũmwe.</verse>
				<verse number="59">Na ĩtina ta vandũ va saa ũmwe mũndũ ũngĩ athetheesya kũneena, akyasya, Nĩ w’o ki mũndũ ũũ eĩ vamwe nake; nũndũ we nĩ Mũkalilii.</verse>
				<verse number="60">Ĩndĩ Vetelo asya, Mũndũ we, ndimanya ũndũ ũkwasya. Na kavinda kau, yĩla waneenaa ũu, nzamba yasya.</verse>
				<verse number="61">Na Mwĩaĩi eethyũũa, na amũsisya Vetelo. Na Vetelo alilikana ndeto sya Mwiaĩi, ila wamwĩie, Ũmũnthĩ nzamba ĩtanamba kwasya ũkangaĩa katatũ.</verse>
				<verse number="62">Nake aumaala, na aĩa kĩĩo kĩ woo.</verse>
				<verse number="63">Na andũ ala mamũkwete Yesũ mamũthekeea na kĩvũthya, na mamũkũna.</verse>
				<verse number="64">Na mamũvw’ĩka metho, na mamũkũlya, makyasya, Athana: nũũ ũla wakũkũna?</verse>
				<verse number="65">Na mamũneenea maũndũ angĩ maingĩ, makĩmũumanga.</verse>
				<verse number="66">Na kwakya, nzama ya atumĩa ma andũ yoombana, o athembi anene na aandĩki; na mamũtwaa nzamanĩ yoo, makyasya,</verse>
				<verse number="67">Ethĩwa nue Klĩsto, tũtavye. Ĩndĩ amea. O na ethĩwa nĩngũmũtavya, mũtyĩtĩkĩla:</verse>
				<verse number="68">o na ethĩwa nĩngũmũkũlya, mũinzũngĩa.</verse>
				<verse number="69">Ĩndĩ kuma yu Mwana wa mũndũ akeethĩwa ailyĩ kw’okonĩ kwa aũme kwa vinya wa Ngai.</verse>
				<verse number="70">Na onthe masya, Ĩndĩ we nue Mwana wa Ngai? Nake amea, Inyw’ĩ nĩmũkwasya ninyie we.</verse>
				<verse number="71">Na masya, Twĩ na vata ũngĩ mwaũ wa ũkũsĩ? Nũndũ ithyĩ ene nĩtweew’a kuma kanyw’anĩ wake.</verse>
			</chapter>
			<chapter number="23">
				<verse number="1">Na ĩkomano yonthe yookĩla, yamũtwaa kwa Vilato.</verse>
				<verse number="2">Na yambĩlĩlya kũmũvinganĩsya, ĩkyasya, Nĩtũmwonete mũndũ ũũ aiasya, mbaitũ, aimavata kũmũnenga Kaisali koti, akyasya we mwene nĩ Klĩsto, mũsumbi.</verse>
				<verse number="3">Na Vilato amũkũlya, akyasya, Nue mũsumbĩ wa Ayuti? Na amũsũngĩa, amwĩa, Nĩwaneena we.</verse>
				<verse number="4">Na Vilato amea athembi anene na makomano, Ndiona ũndũ ũtaĩle mũndũnĩ ũũ.</verse>
				<verse number="5">Ĩndĩ mathetheesya kũneena, makyasya, Ũũ nũnũũthokoan’ya andũ, akĩmanyĩsya Yutia yonthe, kwambĩlĩlya Kalilii kũvika o vaa.</verse>
				<verse number="6">Na Vilato eew’a ũu, akũlya kana mũndũ ũũ nĩ Mũkalilii.</verse>
				<verse number="7">Na amanya kana nĩ wa kũla Elote ũsumbĩkĩte, amũtwaĩthya kwa Elote, nũndũ aĩ Yelusaleme matukũ asu.</verse>
				<verse number="8">Na yĩla Elote wamwonie Yesũ, eew’a mũyo mũno: nĩkwĩthĩwa nĩ ĩvinda ĩasa wendie kũmwona, nũndũ nĩwewie ũvoo wake; na endaa kwona kyama kĩkĩkwa nĩwe.</verse>
				<verse number="9">Na amũkũlya ndeto nyingĩ; ĩndĩ ndaamũsũngĩa ũndũ.</verse>
				<verse number="10">Na athembi anene na aandĩki maũngama, na makatĩĩa mũno kũmũvinganĩsya.</verse>
				<verse number="11">Na Elote vamwe na asikalĩ make mamũvũthya na mamũthekeea, na makĩmũvw’ĩka ngũa mbanakavye mamũtũnga kwa Vilato.</verse>
				<verse number="12">Na mũthenya ũsu Elote na Vilato matuma ndũũ: nũndũ mbee nĩmamenene.</verse>
				<verse number="13">Na Vilato oomban’ya athembi anene, na asumbĩki, vamwe na andũ,</verse>
				<verse number="14">na amea, Inyw’ĩ nĩmwandetee mũndũ ũũ, ta ũla ũnũkwasya andũ: na sisyai, nĩnamũkũlya mwĩ vo, na ndinona ũndũ ũtaĩle wa mũndũ ũũ maũndũnĩ asu ala mũmũvinganĩsye namo:</verse>
				<verse number="15">aiee, o na Elote ndanona: nũndũ nĩwamũtũnga kwitũ; na sisyai, vai ũndũ wĩkĩtwe nĩwe ũla ũtuma oawa.</verse>
				<verse number="16">Kwondũ wa ũu nĩngũmũkũna, na ngĩmũthasya.</verse>
				<verse number="17">Nũndũ no mũvaka amathaĩsye ũmwe ĩvinda ya mboka.</verse>
				<verse number="18">Na onthe mookĩlya wasya vamwe, makyasya, Mũvete mũndũ ũũ, noitũthaĩsya Valava:</verse>
				<verse number="19">nake nĩ ũla wekĩiwe kolokolonĩ nũndũ wa ũng’endu ndũanĩ, na ũndũ wa ũaani.</verse>
				<verse number="20">Na Vilato aneena nao ĩngĩ, akyenda kũmũthasya Yesũ;</verse>
				<verse number="21">ĩndĩ mookĩlya mawasya, makyasya, Mwambe, mwambe.</verse>
				<verse number="22">Nake amatavya ĩngĩ ya katatũ, Nĩkĩ, nĩ ũthũku mwaũ mũndũ ũũ wĩkĩte? Ndinona ũndũ kwake ũtuma oawa: nũndu wa ũu nĩngũmũkũna na ngĩmũthasya.</verse>
				<verse number="23">Ĩndĩ makatĩĩa ũneena na mawasya manene, makyenda ambwe. Na mawasya moo makĩlya vinya.</verse>
				<verse number="24">Na Vilato atw’a wĩkwe tondũ mekwenda.</verse>
				<verse number="25">Na amũthasya ũla wekĩiwe kolokolonĩ nũndũ wa ũng’endu na ũaani, ũla meetisye; ĩndĩ Yesũ anenganwe mamwĩke tondũ mendaa.</verse>
				<verse number="26">Na mamũtwaĩte, makwata mũndũ ũmwe wetawa Simoni, Mũkulene, wokĩte akyuma ũtee wa ndũa, na mamwilĩĩla ngelan’yo, nĩ kana amĩkue ĩtina wa Yesũ.</verse>
				<verse number="27">Na avikĩlĩtwe nĩ ĩkomano ĩnene ya andũ, na aka ala mekũnangaa ithũi na kũmũĩĩa.</verse>
				<verse number="28">Ĩndĩ Yesũ amethyũũĩa amea, Eĩtu ma Yelusaleme, ekai kũndĩĩa nyie, ĩndĩ ĩai kwondũ wenyu ene na syana syenyu.</verse>
				<verse number="29">Nũndũ sisyai, mĩthenya nĩyũkĩte, yĩla makasya, Nĩ aathime ala ngũngũ, na mavu ala mataasyaa, na nondo itaaongwa.</verse>
				<verse number="30">Nĩvo ĩndĩ makambĩlĩlya kũtavya iĩma, Tũvalũkĩlei; na tũlĩma, Tũvw’ĩkei.</verse>
				<verse number="31">Nũndũ ethĩwa nĩmekwĩka maũndũ aa mũtĩnĩ mwĩũ, mũtĩnĩ mũmũ kũkekwa ata?</verse>
				<verse number="32">Na vaĩ angĩ elĩ, andũ athe, matwaĩtwe vamwe nake, moawe.</verse>
				<verse number="33">Na mavika vandũ vetawa Kĩng’ala, mamwamba vo, vamwe na ala athe, ũmwe ngalĩ ya kw’oko kwa aũme na ũla ũngĩ ngalĩ ya kw’oko kwa aka.</verse>
				<verse number="34">Na Yesũ asya, Asa, maekee; nĩkwĩthĩwa matimanya ũndũ mekwĩka. Na maaan’ya ngũa syake, makĩlimana.</verse>
				<verse number="35">Na andũ maũngeme makĩloela. Na asumbĩki mamũthekeea, makyasya, Nĩwatangĩĩe angĩ; nĩetangĩĩe mwene, ethĩwa ũũ nĩ Klĩsto wa Ngai, ũla, mũnyuve wake.</verse>
				<verse number="36">Na asikalĩ mamũthekeea o ta ũu, makĩthi vala ũĩ, makĩmũnenga siki,</verse>
				<verse number="37">makĩmwĩa, Ethĩwa wĩ mũsumbĩ wa Ayuti, ĩtangĩĩe mwene.</verse>
				<verse number="38">Na vaandĩkĩtwe ũandĩko ĩũlũ wake, atĩĩ, ŨŨ NĨWE MŨSUMBĨ WA AYUTI.</verse>
				<verse number="39">Na ũmwe wa asu athe ala mambĩtwe vamwe nake amũuma, akyasya, We tuue Klĩsto? Ĩtangĩĩe mwene, naitũ.</verse>
				<verse number="40">Ĩndĩ ũla ũngĩ asũngĩa, aimũkan’ya, akyasya, Ndũmũkĩa Ngai we, nũndũ wĩ mũsilĩle ũndũ ũmwe nake?</verse>
				<verse number="41">Naitũ nĩtũsilĩlwe sila wa katĩ; nũndũ nĩtũkũĩvwa kwĩanana na meko maitũ: ĩndĩ mũndũ ũũ ndaaĩka ũndũ ũtaĩle.</verse>
				<verse number="42">Na amwĩa, Yesũ, wĩndilikana yĩla wĩvika ũsumbĩnĩ waku.</verse>
				<verse number="43">Yesũ amwĩa, Nĩ w’o nĩngũkwĩa, Ũmũnthĩ ũkeethĩwa vamwe nakwa Ũseonĩ.</verse>
				<verse number="44">Na yu kwaĩ ta syũa yĩkĩũngama, na kwaya kĩvindu nthĩ yonthe kũvika saa kenda,</verse>
				<verse number="45">kyeni kya syũa kyaaa: na ngũa ya tũtũ ya ĩkalũ yatembũkanĩla katĩ.</verse>
				<verse number="46">Na Yesũ ookĩlya wasya mũnene, na asya, Asa, veva wakwa nĩngũwia mokonĩ maku: na amina kũneena uũ, aumya veva wake.</verse>
				<verse number="47">Na ũla mũnene wa asikalĩ ĩana oona ũndũ kweekĩka, amũkatha Ngai, akyasya, Nĩ w’o mũndũ ũũ eĩ mũlũngalu.</verse>
				<verse number="48">Na makomano onthe ala mombanĩte kwĩloela maũndũ asu, yĩla moonie maũndũ ala meekĩka, masyoka makĩkũnanga ithũi syoo.</verse>
				<verse number="49">Na onthe ala meesene nake, na aka ala mamũvikĩlĩte kuma Kalilii, maũngeme kũasa, makĩloela maũndũ asu.</verse>
				<verse number="50">Na ĩndĩ, kwaĩ mũndũ wetawa Yosevu, waĩ wa nzama, nake aĩ mũndũ mũseo na mũlũngalu,</verse>
				<verse number="51">(ndaaĩkĩanĩa namo ũtw’ĩonĩ woo na ũndũnĩ ũla meekie), mũndũ wa Alimathia, ndũa ĩmwe ya Ayuti, ũla weteele ũsumbĩ wa Ngai:</verse>
				<verse number="52">mũndũ ũsu athi kwa Vilato, na amwĩtya mwĩĩ wa Yesũ.</verse>
				<verse number="53">Nake awumya nthĩ, na oolingĩla ngũa ya katane, na awia mbũanĩ ĩla yasĩtwe ĩvianĩ, ĩla ĩtaamba kwiwa mũndũ.</verse>
				<verse number="54">Na mũthenya ũsu waĩ mũthenya wa Ũseũvyo, naw’o mũthenya wa savato wakilĩlye kũvika.</verse>
				<verse number="55">Na aka, ala maumĩte nake Kalilii, mathi ĩtina, na moona mbũa ĩsu, ũndũ mwĩĩ wake waiĩtwe.</verse>
				<verse number="56">Na masyoka, maseũvya mĩtĩ yĩ mũuke mũseo, na mauta. Na mathũmũa mũthenya wa savato o ũndũ kwĩaĩtwe.</verse>
			</chapter>
			<chapter number="24">
				<verse number="1">Ĩndĩ mũthenya wa mbee wa kyumwa, ũiambĩlĩlya kũkya, mathi mbũanĩ, makuĩte mĩtĩ ĩsu yĩ mũuke mũseo ĩla maseũvĩtye.</verse>
				<verse number="2">Na meethĩa ĩvia yĩvingilitangĩtw’e kuma mbũanĩ.</verse>
				<verse number="3">Na mavota nthĩnĩ, na maiaona mwĩĩ wa Mwĩaĩi Yesũ.</verse>
				<verse number="4">Na kweethĩwa, makĩsũanĩwa nĩ ũu, sisya, aũme elĩ maũngama vakuvĩ nao, mevw’ĩkĩte ngũa ikũtisatisa:</verse>
				<verse number="5">na aka asu makwatwa nĩ w’ĩa, na makunamĩa nthĩ, makũlw’a, Nĩkĩ mũmũmantha ũla wĩ thayũ katĩ wa ala akw’ũ?</verse>
				<verse number="6">Nde vaa, nũthayũũkĩte: lilikanai ũndũ wamũtavisye yĩla waĩ Kalilii,</verse>
				<verse number="7">akyasya, Mwana wa mũndũ nde ndĩi ya kũlea kũnenganwe mokonĩ ma ala athe, na kwambwa, na kũthayũũka mũthenya wa katatũ.</verse>
				<verse number="8">Nao malilikana ndeto syake,</verse>
				<verse number="9">na masyoka kuma mbũanĩ, na mamatavya ala ĩkũmi na ũmwe, na ala angĩ onthe, maũndũ asu onthe.</verse>
				<verse number="10">Ala mamatavisye atũmwa maũndũ asu nĩ Meli Makatalene, na Yoena, na Meli inyia wa Yakovo, na aka angĩ ala maĩ vamwe nao.</verse>
				<verse number="11">Na moona ndeto isu ta sya mana; na malea kũsyĩtĩkĩla.</verse>
				<verse number="12">Ĩndĩ Vetelo ookĩla, asemba athi mbũanĩ; akunama na asisya nthĩnĩ, na oona itambaa sya katane siĩtwe syĩ syoka; na asyoka kwake, aseng’ete ũndũ wa ũndũ ũsu wĩkiwe.</verse>
				<verse number="13">Na mũthenya o ũsu elĩ moo maendete mũsyĩ wĩtawa Emau, ũla waĩ kũasa na Yelusaleme ta maĩli mũonza na nyunzu.</verse>
				<verse number="14">Na maneenan’ya ũndũ wa maũndũ asu onthe ala mekĩkĩte.</verse>
				<verse number="15">Na kweethĩwa, yĩla maneenanasya na kũkũlan’ya, Yesũ mwene athengeea, na aendan’ya nao.</verse>
				<verse number="16">Ĩndĩ metho moo masiĩĩwa matikamũmanye.</verse>
				<verse number="17">Na amea, Nĩ maũndũ maũ mũkũneenan’ya mũendete? Na maũngama, matukĩtye mothyũ.</verse>
				<verse number="18">Na ũmwe, ũla wetawa Kileova, amũsũngĩa, amwĩa, Wĩkalĩte Yelusaleme wĩ weka atĩ ndũmanya maũndũ ala mekĩtwe kw’o mĩthenye ĩno?</verse>
				<verse number="19">Nake amakũlya, Nĩ maũndũ maũ? Nao mamwĩa, Nĩ maũndũ ma Yesũ Mũnasaleti, ũla ũnaĩ mwathani wĩ vinya wa kwĩka, na wa kũneena mbee wa Ngai na mbee wa andũ onthe:</verse>
				<verse number="20">na ũndũ athembi anene na asumbĩki maitũ mamũnenganie atw’ĩĩwe kũawa, na mamwamba.</verse>
				<verse number="21">Ĩndĩ ithyĩ tũneekwetye kana nĩwe ũkovosya Isilaeli. Ĩĩ, na vamwe na ũu w’onthe, ũmũnthĩ nĩ mũthenya wa katatũ kuma maũndũ asu meekwa.</verse>
				<verse number="22">Na ĩngĩ aka amwe ma nguthu yaitũ nĩmatũseng’isye, ala maendie mbũanĩ kĩoko tene;</verse>
				<verse number="23">na malea kwona mwĩĩ wake, mooka makyasya kana nĩmaumĩlĩlwa nĩ alaĩka, ala mamatavisye e thayũ.</verse>
				<verse number="24">Na amwe ala maĩ vamwe naitũ mathi mbũanĩ, na moona o ũndũ aka maisye: ĩndĩ we mwene mainamwona.</verse>
				<verse number="25">Nake amea, Inyw’ĩ andũ atumanu, na ene ngoo syĩtĩkĩlaa mbola maũndũ onthe ala maneeniwe nĩ athani!</verse>
				<verse number="26">Klĩsto ndaaĩlwe nĩ kũnyamaw’a nĩ maũndũ asu, na kũlika ũtheunĩ wake mũtisu?</verse>
				<verse number="27">Na ambĩlĩlya na Mose na athani onthe, amavuanĩsya maandĩkonĩ onthe maũndũ ala maandĩkiwe ũndũ wake.</verse>
				<verse number="28">Na mathengeea mũsyĩ ũla meũendaa: nake eeka ta ũnũũvĩta.</verse>
				<verse number="29">Na mamũingĩĩsya, makyasya, Ĩkala naitũ; nũndũ kũkilĩlye kũtuka, na syũa nĩ ta ĩthũu. Na alika ekale nao.</verse>
				<verse number="30">Na kweethĩwa, yĩla wailyĩ nao maiya lĩu, oosa kĩmũtũ na akĩathima, na akĩtilanga, na amanenga.</verse>
				<verse number="31">Na metho moo masalukw’a, na mamũmanya; nake aaa.</verse>
				<verse number="32">Nao maneenan’ya ene kwa ene, Ngoo sitũ itinew’a muutĩa yĩla ũnũũneenaa naitũ nzĩanĩ, aitũvuanĩsya maandĩko?</verse>
				<verse number="33">Na mookĩla saa o ũsu, masyoka Yelusaleme, na meethĩa ala ĩkũmi na ũmwe mombanĩte, na ala maĩ vamwe nao,</verse>
				<verse number="34">makyasya, Nĩ w’o Mwĩaĩi nũthayũũkie, na nũmumĩlĩle Simoni.</verse>
				<verse number="35">Na mamatavya maũndũ ma nzĩanĩ, na ũndũ ũmanyĩkie nĩmo yĩla ũnũũtilangaa kĩmũtũ.</verse>
				<verse number="36">Na makĩneena maũndũ asu, Yesũ mwene aũngama katĩ woo, na amea, Mũuo nĩwĩthĩwe nenyu.</verse>
				<verse number="37">Ĩndĩ matw’ika nda na makwatwa nĩ w’ĩa, makĩtalĩthya kana meona veva.</verse>
				<verse number="38">Na amea, Nĩkĩ mũkũũũya? Na nũndũ wa kĩ mosũanĩo meũkĩla ngoonĩ syenyu?</verse>
				<verse number="39">Sisyai moko makwa na maũũ makwa, kana ninyie mwene; ngwatangai, mũnzisye; nĩkwĩthĩwa veva ndwĩ nyama na mavĩndĩ, tondũ mũmbona nĩ nasyo.</verse>
				<verse number="40">Na amina kũneena ũu, amon’ya moko make na maũũ make.</verse>
				<verse number="41">Nao kavinda kau makĩlea kũĩkĩĩa nũndũ wa ũtanu, na kũseng’a, amea, Mwĩ na kĩndũ kya ũya vaa?</verse>
				<verse number="42">Na mamũnenga kĩlungu kya ĩkũyũ ĩvĩvye.</verse>
				<verse number="43">Nake oosa, na aya mene.</verse>
				<verse number="44">Na amea, Ii nĩsyo ndeto syakwa ila namũtavisye yĩla naĩ nenyu, atĩ mũvaka maũndũ onthe meanĩw’e ala maandĩkĩtwe ũndũ wakwa mĩaonĩ ya Mose, na mavukunĩ ma athani, na ĩvukunĩ ya Savuli.</verse>
				<verse number="45">Na ĩndĩ avindũa ilĩko syoo, nĩ kana mamanye maandĩko;</verse>
				<verse number="46">na amea, Ũu nĩw’o kũandĩkĩtwe, kana Klĩsto akanyamaw’a, na kũthayũũka mũthenya wa katatũ kuma akw’ũni:</verse>
				<verse number="47">na kana ũalyũlo wa ngoo na kũekewa naĩ kũtavanw’e syĩtwanĩ yake mbaĩnĩ syonthe, kwambĩlĩlya Yelusaleme.</verse>
				<verse number="48">Nenyu mwĩ ngũsĩ sya maũndũ asu.</verse>
				<verse number="49">Na sisyai, nĩngũmũtũmĩa watho wa Asa wakwa; ĩndĩ ĩkalai ĩ ndũanĩ, mũvaka mũvw’ĩkwe na vinya kuma ĩũlũ.</verse>
				<verse number="50">Na amatongoesya kũvika Vethania; na ookĩlya moko make, na amaathima.</verse>
				<verse number="51">Na kweethĩwa akĩmaathima, ataanĩsya nao, na ambatw’a ĩtunĩ.</verse>
				<verse number="52">Na mamũthaitha, na masyoka Yelusaleme na ũtanu mũnene:</verse>
				<verse number="53">na mekalaa ĩkalũnĩ mavinda onthe, makĩmũkatha Ngai.</verse>
			</chapter>
		</book>
		<book number="43">
			<chapter number="1">
				<verse number="1">Mwambĩlĩlyonĩ kwaĩ Ndeto, na ĩla Ndeto yaĩ vamwe na Ngai, na ĩla Ndeto yaĩ Ngai.</verse>
				<verse number="2">Na nĩwe waĩ mwambĩlĩlyonĩ vamwe na Ngaĩ.</verse>
				<verse number="3">Syĩndũ syonthe nĩsyatw’ĩkĩthiw’e nĩwe; na ate vo vati kĩndũ o na kĩmwe kyaatw’ĩkĩthw’a katĩ wa ila syatw’ĩkĩthĩw’e</verse>
				<verse number="4">Nthĩnĩ wake vaĩ thayũ; na ũla thayũ waĩ kyeni kya andũ.</verse>
				<verse number="5">Na kĩla kyeni kĩkenaa kĩvindunĩ; na kĩvindu kĩinakĩkĩlya vinya.</verse>
				<verse number="6">Kwookie mũndũ atũmĩtwe kuma kwa Ngai, wetawa Yoana.</verse>
				<verse number="7">Ũsu ookie nũndũ wa ũkũsi, nĩ kana akũsĩĩe kĩla kyeni, andũ onthe metĩkĩle nũndũ wake.</verse>
				<verse number="8">Ndaĩ kyeni we, ĩndĩ ookie akũsĩĩe kĩla kyenĩ.</verse>
				<verse number="9">Kyaĩ kyeni kya w’o, kĩla kĩmulĩkaa o mũndũ ũla wũkaa nthĩ.</verse>
				<verse number="10">Aĩ kũũ nthĩ, na ĩ nthĩ yatw’ĩkĩthiw’e nĩwe, na nthĩ ndĩamwĩsĩ.</verse>
				<verse number="11">Ookĩe kwake mwene, na ala maĩ make maiaamwosa.</verse>
				<verse number="12">Ĩndĩ onthe ala mamwosie, amanenga ũkũmũ wa ũtw’ĩka syana sya Ngai, o ala metĩkĩlaa syĩtwa yake:</verse>
				<verse number="13">ala mataasyawa nĩ nthakame, kana kwenda kwa mwĩĩ, kana kwenda kwa mũndũ, ĩndĩ nĩ Ngai.</verse>
				<verse number="14">Na ĩla Ndeto yatw’ĩka mwĩĩ, na yatũa katĩ waitũ (na ithyĩ twoona ũtheu mũtisu wake, ũtheu mũtisu ta wa ũla wasyaiwe weka auma kwa Asa), ausũĩte mumo na w’o.</verse>
				<verse number="15">Yoana amukũsĩĩa, na aneena na wasya mũnene, akyasya, Ũũ nĩwe ũla nawetie atĩĩ, Ũla wũkĩte ĩtina wakwa e mbee wakwa: nũndũ aĩ mbee wakwa.</verse>
				<verse number="16">Nũndũ kuma wusũunĩ wake ithyonthe nĩtwoosie, na mumo ĩũlũ wa mumo.</verse>
				<verse number="17">Nũndũ ĩla mĩao yanenganĩwe kwa Mose; mumo na w’o maetiwe ni Yesũ Klĩsto.</verse>
				<verse number="18">Na vai mũndũ waamwona Ngai o na ĩndĩĩ; ũla Mwana mũsyawa weka, ũla wĩ kĩthũinĩ kya Asa, nĩwe wamumĩlilye.</verse>
				<verse number="19">Na ũũ nĩw’o ũkũsĩ wa Yoana, yĩla Ayuti matũmie athembi na Alivai kwake kuma Yelusaleme kũmũkũlya, Nue ũũ?</verse>
				<verse number="20">Nake aumbũla, na ndaakaĩa; ĩndĩ aumbũla, asya, Tii nyie Klĩsto.</verse>
				<verse number="21">Na mamũkũlya, Nata ĩndĩ? Nue Eliya? Na amea, Tii nyie we. Wĩ ũla mwathani? Na amasũngĩa, Aiee.</verse>
				<verse number="22">Na ĩndĩ mamũkũlya, Nue ũũ ĩndĩ? Kana tũkamasũngĩe ala matũtũmie. Wĩasya ata ũndũ waku?</verse>
				<verse number="23">Asya, Ninyie wasya wa mũndũ akĩneena mũno weũnĩ, Lũngalyai ũendelo wa Mwĩaĩi, o ũndũ mwathani Isaia waisye.</verse>
				<verse number="24">Na ala matũmiwe maumie kwa Avalisi.</verse>
				<verse number="25">Na mamũkũlya, na mamwĩa, Wĩvatisĩa kĩ ĩndĩ, ethĩwa tuue Klĩsto, kana Eliya, kana ũla mwathani?</verse>
				<verse number="26">Yoana amasũngĩa, akyasya, Nyie nĩvatisaa na manzĩ: katĩ wenyu vaũngamĩte ũmwe ũla mũtesĩ,</verse>
				<verse number="27">nĩwe ũla wũkĩte ĩtina wakwa, na ndyĩanĩwe nĩ ũthasya kamũkwa ka kĩatũ kyake.</verse>
				<verse number="28">Maũndũ asu nĩmeekĩwe Vethania mbee wa Yolotani, vala Yoana wavtisĩaa.</verse>
				<verse number="29">Na ũnĩ ũsu Yoana amwona Yesũ okĩte vala ũĩ, na asya, Sisyai, Katena ka ĩlondu ka Ngai, kala keumya naĩ ya nthĩ!</verse>
				<verse number="30">Ũũ nĩwe ũla naneenie ũndũ wake, Ĩtina wakwa vokĩte mũndũ ũla wĩ mbee wakwa: nũndũ aĩ mbee wakwa.</verse>
				<verse number="31">Na ndyamwĩsĩ; ĩndĩ nĩ kana onanw’e kwa Isilaelĩ, kwondũ wa ũu nĩnookie ngĩvatisa na manzĩ.</verse>
				<verse number="32">Na Yoana aumya ũkũsĩ, akyasya, Nĩnoonie ũla Veva aitheea kuma ĩtunĩ ta ĩvũĩ; na amũvũĩla.</verse>
				<verse number="33">Nakwa ndyamwĩsĩ: ĩndĩ ũla wandũmie kũvatisaa na manzĩ, nĩwe wambĩie, Ũla ũkona Veva aimũtheeea, na aimũvũĩla, ũsu nĩwe wĩvatisaa na Veva Mũtheu.</verse>
				<verse number="34">Nakwa ninoonie, na nĩnĩkũsĩĩe kana ũũ nĩ Mwana wa Ngai.</verse>
				<verse number="35">Na ũnĩ ũsu Yoana aũngeme ĩngĩ, e na elĩ ma amanyĩw’a make;</verse>
				<verse number="36">na amũsyaĩĩsya Yesũ aendete, na asya, Sisyai, Katena ka ĩlondu ka Ngai!</verse>
				<verse number="37">Na ala amanyĩw’a elĩ mamwĩw’a aineena, na mamũatĩĩa Yesũ.</verse>
				<verse number="38">Na Yesũ eethyũũa, na amona mamũvikĩlĩte, na amakũlya, Mwĩmantha kĩ? Na mamwĩa, Lavai (ũalyũlo wayo nĩ, Mũmanyĩsya), ũtwĩe va?</verse>
				<verse number="39">Na amea, Ũkai na mũkoona. Na mooka na moona vala ũtwĩe, na mekala nake mũthenya ũsu: na kwaĩ vakũvĩ saa ĩkũmi.</verse>
				<verse number="40">Ũmwe wa asu elĩ ala meewie Yoana aineena, na mamũatĩĩa, nĩ Andalea, mwana‐a‐inyia wa Simoni Vetelo.</verse>
				<verse number="41">Nake amba ũmwona mwana‐a‐inyia Simoni, na amwĩa, Nĩtwamwona ũla Masia (ũalyũlo wayo nĩ, Klĩsto).</verse>
				<verse number="42">Nake amũete vala ve Yesũ. Na Yesũ amwona, na amwĩa, Nue Simoni, mwana wa Yona: ũkeetawa Keva (ũalyũlo wayo nĩ, Vetelo).</verse>
				<verse number="43">Na ũnĩ ũsu Yesũ enda kũthi akavike Kalilii, na amwona Vilivu, na Yesũ amwĩa, Mbikĩla.</verse>
				<verse number="44">Na Vilivũ aĩ wa Vethisaita, ndũa ya Andalea na Vetelo.</verse>
				<verse number="45">Vilivu amũmantha Nathanaeli, na amwĩa, Nĩtwamwona ũla waandĩkiwe nĩ Mose mĩaonĩ, na ũla waandĩkiwe nĩ athani, nake nĩ Yesũ wa ndũa ya Nasaleti, mwana wa Yosevu.</verse>
				<verse number="46">Na Nathanaeli amwĩa, Nasaleti nĩvatonya kuma kĩndũ kĩseo? Vilivu amwĩa, Ũka ũkone.</verse>
				<verse number="47">Yesũ amwona Nathanaeli aiũka vala ũĩ, na aneena ũndũ wake, Onai, Mũisilaeli ki, ũte ũsekele!</verse>
				<verse number="48">Nathanaeli amwĩa, Ũmbĩsĩ ata? Yesũ amũsũngĩa, amwĩa, Vilivu atanamba ũkwĩta, yĩla wĩĩ ĩtina wa mũkũyũ, nĩngwonie.</verse>
				<verse number="49">Nathanaeli amũsũngĩa, Lavai, nue Mwana wa Ngai; na nue Mũsumbĩ wa Isilaeli.</verse>
				<verse number="50">Yesũ amũsũngĩa, amwĩa, Wĩĩkĩĩa nũndũ nakwĩa, Nĩngwonie ĩtina wa mũkũyũ? Ũkoona maũndũ manene kũvĩta aa.</verse>
				<verse number="51">Na amwĩa, Nĩ w’o, nĩ w’o, nĩngũmwĩa, Mũkoona ĩtu yĩkĩvingũka, na alaĩka ma Ngai makyambata na maimũtheeea Mwana wa mũndũ.</verse>
			</chapter>
			<chapter number="2">
				<verse number="1">Na mũthenya wa katatũ kwaĩ mũtwaano ndũanĩ yĩtawa Kena, nthĩ ya Kalilii; na inyia wa Yesũ aĩ vo:</verse>
				<verse number="2">na Yesũ vamwe na amanyĩw’a make nĩmeetĩtwe mũtwaanonĩ.</verse>
				<verse number="3">Na mbinyu yamanyivĩa, inyia wa Yesũ amwĩa, Mati na mbinyu.</verse>
				<verse number="4">Na Yesũ amwĩa, Nĩ ũndũ naku wa kĩ, kĩveti? Saa wakwa ndũnamba ũvika.</verse>
				<verse number="5">Na inyia wake amea athũkũmi, O ũndũ wĩmũtavya, wĩkei.</verse>
				<verse number="6">Na vo vaĩ mbisũ thanthatũ sya mavia sya kwĩkĩa manzĩ, o ũndũ kwĩkawa kwa kwĩthesya kwa Ayuti, na ĩmwe yeanĩe mĩta ĩlĩ kana ĩtatũ ya kĩkuu kĩnene.</verse>
				<verse number="7">Yesũ amea, Usũsyai mbisũ manzĩ. Na masyusũsya ki.</verse>
				<verse number="8">Na amea, Tavai yu mũmũtwaĩe mũnene wa mboka. Na mamũtwaĩa.</verse>
				<verse number="9">Na mũnene wa mboka asama ala manzĩ maalyũlĩtwe mbinyu, na ndeesĩ vala yauma (ĩndĩ athũkũmi ala matavie manzĩ nĩmo meesĩ), mũnene wa mboka amwĩta mũtwaani,</verse>
				<verse number="10">na amwĩa, Kĩla mũndũ mbee aetae mbinyu ĩla nzeo; na andũ manyw’a mũno, nĩvo ĩndĩ ũetae ĩla ĩte nzeo mũno: ĩndĩ we, nĩwĩkalilye mbinyu ĩla nzeo kũvika yu.</verse>
				<verse number="11">Na Yesũ eekie kyama kyu kya mbee ndũanĩ ya Kena, nthĩ ya Kalilii, na oonan’ya ũnene wake; na amanyĩw’a make mamwĩtĩkĩla.</verse>
				<verse number="12">Ĩtina wa ũu atheea Kavelinaumi, we, na inyia wake, na ana‐a‐inyia, na amanyĩw’a make; na mekala kw’o matukũ mavũthũ.</verse>
				<verse number="13">Na vasaka wa Ayuti wathengeea ũvika, na Yesũ ambata Yelusaleme.</verse>
				<verse number="14">Na oona ĩkalũnĩ andũ makĩthoosya ng’ombe na malondu na mavũĩ, na ala meũvunzya mbesa mailyĩ nthĩ:</verse>
				<verse number="15">na aesũvya mũsalisa wa ndii, na amalũngya onthe ĩkalũnĩ, vamwe na malondu moo na ng’ombe; na mbesa sya ala meũvunzya atulũla, na mesa syoo akuluman’ya;</verse>
				<verse number="16">na amea ala mathooasya mavũĩ, Umaalyai syĩndũ ii; ekai ũmĩtw’ĩkĩthya nyũmba ya Asa nyũmba ya ũthooesya syĩndũ.</verse>
				<verse number="17">Na amanyĩw’a make malilikana ũndũ kũandĩkĩtwe, Kĩwĩu kya nyũmba yaku kĩkandya.</verse>
				<verse number="18">Na ĩndĩ Ayuti mamũsũngĩa na mamwĩa, Wĩtwon’ya wonan’yo mwaũ, ũkĩka maũndũ aa?</verse>
				<verse number="19">Yesũ amasũngĩa, amea, Anangai ĩkalũ yĩĩ, na mĩthenya ĩtatũ ngayĩũngamya.</verse>
				<verse number="20">Na ĩndĩ mamwĩa, Ĩkalũ yĩĩ yaminie myaka mĩongo ĩna na thanthatũ yĩkyakwa, naku ũkayĩũngamya na mĩthenya ĩtatũ?</verse>
				<verse number="21">Ĩndĩ we awetie ĩkalũ ya mwĩĩ wake.</verse>
				<verse number="22">Na ĩndĩ yĩla wathayũũkiw’e kuma akw’ũnĩ, amanyĩw’a make malilikana kana amatavisye ũu; na meetĩkĩla ũla ũandĩko, na ĩla ndeto yaneeniwe nĩ Yesũ.</verse>
				<verse number="23">Na yĩla waĩ Yelusaleme ĩvinda ya vasaka, mbokanĩ, aingĩ meetĩkĩla syĩtwa yake, moona syama syake ila wekie.</verse>
				<verse number="24">Ĩndĩ Yesũ ndaayĩĩkĩĩthya kwamo, nũndũ nĩwesĩ andũ onthe,</verse>
				<verse number="25">na nũndũ ndaĩ na vata wa mũndũ kũmũtavya ũndũ wa mũndũ; nũndũ we mwene nĩwesĩ ũndũ wĩ nthĩnĩ wa mũndũ.</verse>
			</chapter>
			<chapter number="3">
				<verse number="1">Kwaĩ mũndũ wa Avalisi, wetawa Nikotemo, na aĩ mũnene ũmwe wa Ayuti:</verse>
				<verse number="2">ũsu ookie kwa Yesũ na ũtukũ, na amwĩa, Lavai, nĩtwĩsĩ kana wĩ mũmanyĩsya ũla wumĩte kwa Ngai; nũndũ kũi mũndũ ũtonya kwĩka syama ii ila wĩkaa, Ngai ate vamwe nake.</verse>
				<verse number="3">Yesũ amũsũngĩa, amwĩa, Nĩ w’o, nĩ w’o, nĩngũkwĩa, Keka mũndũ ũsyawa kuma ĩũlũ, ndatonya kwona ũsumbĩ wa Ngai.</verse>
				<verse number="4">Nikotemo amwĩa, Mũndũ atonya ata kũsyawa e mũkũũ? Nũtonya kũvota ĩngĩ ya kelĩ ĩvunĩ ya nyinyia, akasyawa?</verse>
				<verse number="5">Yesũ amũsũngĩa, Nĩ w’o, nĩ w’o, nĩngũkwĩa, Keka mũndũ ũsyawa nĩ manzĩ na Veva, ndatonya ũvota ũsumbĩnĩ wa Ngai.</verse>
				<verse number="6">Kĩla kĩsyaĩtwe nĩ mwĩĩ nĩ mwĩĩ; na kĩla kĩsyaĩtwe nĩ Veva nĩ veva.</verse>
				<verse number="7">Ndũkaseng’e nũndũ nakwĩa, Mũvaka mũsyawe kuma ĩũlũ.</verse>
				<verse number="8">Kĩseve nĩkĩuutanaa o kũla kĩkwenda, naku nĩwĩw’aa wasya wakyo, ĩndĩ ndwĩsĩ kũla kyumaa, na kũla kĩendaa: nĩw’o wĩthĩawa ũla ũsyaĩtwe nĩ Veva.</verse>
				<verse number="9">Nikotemo amũsũngĩa, amwĩa, Maũndũ aa mekĩkaa ata?</verse>
				<verse number="10">Yesũ amũsũngĩa, amwĩa, We wĩ mũmanyĩsya wa Isilaeli, na ndwĩsĩ maũndũ aa?</verse>
				<verse number="11">Nĩ w’o, nĩ w’o, nĩngũkwĩa, Ithyĩ nĩtũneenaa ũndũ ũla twĩsĩ, na nĩtũkũsĩĩaa ũla twoonie; na mũtikwĩtĩkĩla ũkũsĩ witũ.</verse>
				<verse number="12">Ethĩwa namũtavya maũndũ ma nthĩ na mũtiũmetĩkĩla mũkeetĩkĩla ata ngĩmũtavya maũndũ ma ĩtunĩ?</verse>
				<verse number="13">Na vai mũndũ waambata ĩtunĩ, no ũla watheeie kuma ĩtunĩ, nake nĩ Mwana wa mũndũ, ũla wĩ ĩtunĩ.</verse>
				<verse number="14">Na o tondũ Mose wokĩlilye ĩla nzoka weũnĩ, mũvaka Mwana wa mũndũ okĩlw’e ta ũu:</verse>
				<verse number="15">nĩ kana o ũla ũmwĩtĩkĩlaa ethĩwe na thayũ ũtathela.</verse>
				<verse number="16">Nũndũ Ngai nĩwendete nthĩ, nĩwanenganie Mwana wake e ũmwe, nĩ kana o ũla ũmwĩtĩkĩlaa ndakae, ĩndĩ ethĩwe na thayũ ũtathela.</verse>
				<verse number="17">Nũndũ Ngai ndaamũtũma Mwana wake kũũ nthĩ asilĩle nthĩ; ĩndĩ nĩ kana nthĩ ĩtangĩĩwe nĩwe.</verse>
				<verse number="18">Ũla ũmwĩtĩkĩlaa ti mũsilĩle: ĩndĩ ũla ũteũmwĩtĩkĩla nĩ mũsilĩle o na yu, nũndũ ndanetĩkĩla syĩtwa ya Mwana wa Ngai ũla wasyaiwe e weka.</verse>
				<verse number="19">Na ũũ nĩw’o ũsilĩlo, nũndũ kyeni nĩ kyũku kĩkalika kũũ nthĩ, na andũ nĩmendie kĩvindu kũte kyeni; nũndũ mawĩa moo maĩ mathũku.</verse>
				<verse number="20">Nũndũ kĩla mũndũ wĩkaa naĩ amenaa kyeni, na ndokaa kyeninĩ, mawĩa make maikakanw’e.</verse>
				<verse number="21">Ĩndĩ ũla wĩkaa w’o okaa kyeninĩ, mawĩa make monanw’e, kana mekĩtwe nthĩnĩ wa Ngai.</verse>
				<verse number="22">Ĩtina wa maũndũ aa Yesũ na amanyĩw’a make maendie nthĩ ya Yutia; na nĩkw’o wekalile vamwe nao, akĩvatisa.</verse>
				<verse number="23">Na Yoana nake nĩwavatisĩaa vandũ vetawa Ainoni vakuvĩ na Salimu, nũndũ vaĩ manzĩ maingĩ vo: na andũ maendaa vo, makavatiswa.</verse>
				<verse number="24">Nũndũ Yoana ndaĩ aneekĩwa kolokolonĩ.</verse>
				<verse number="25">Nĩvo ĩndĩ kwookĩla ngananĩo sya amanyĩw’a ma Yoana na Mũyuti ũmwe ũndũ wa wĩthesyo.</verse>
				<verse number="26">Na mathi kwa Yoana, na mamwĩa, Lavai, ũla waĩ naku mũingo ũya wa Yolotani, ũla wamũkũsĩĩaa, sisya, nake nũvatisaa, na andũ onthe maendaa kũla ũĩ.</verse>
				<verse number="27">Yoana asũngĩa, asya Mũndũ ndatonya kwosa ũndũ, atanengetwe kuma ĩtunĩ.</verse>
				<verse number="28">Inyw’ĩ ene nĩmũngũsĩĩaa, kana naisye, Tii nyie Klĩsto, ĩndĩ nĩtũmĩtwe mbee wake.</verse>
				<verse number="29">Ũla wĩ na mũtwawa nĩwe mũtwaani: ĩndĩ mũnyanyae wa mũtwaani, ũla ũũngeme na kũmwĩthukĩĩsya, nũtanaa mũno nũndũ wa wasya wa mũtwaani: kwondũ wa ũu ũtanu wakwa nĩwusũĩte.</verse>
				<verse number="30">Mũvaka we aneneve, nakwa nĩnyive.</verse>
				<verse number="31">Ũla ũnũkũka kuma ĩũlũ e ĩũlũ wa onthe: ũla wa nthĩ, ũsu nĩ mũndũ wa nthĩ, na aneenaa maũndũ ma nthĩ; ũla ũnũkũka kuma ĩtunĩ, ũsu e ĩũlũ wa onthe.</verse>
				<verse number="32">Na maũndũ ala wonie na wewie nĩmo ũkũsĩĩaa; na vai mũndũ wosaa ũkũsĩ wake.</verse>
				<verse number="33">Ũla wosete ũkũsĩ wake, ũsu ekĩĩte ũsiĩlo wake atĩ Ngai nĩ wa w’o.</verse>
				<verse number="34">Nũndũ ũla ũtũmĩtwe nĩ Ngai, ũsu aneenaa ndeto sya Ngai: nũndũ Ngai ndanenganae ũla Veva kwa ũthima.</verse>
				<verse number="35">Ũla Asa nũmwendete Mwana, na nĩwamũnengie maũndũ onthe kw’okonĩ kwake.</verse>
				<verse number="36">Ũla wĩtĩkĩlaa ũ Mwana e na thayũ ũtathela; ĩndĩ ũla ũtamwĩtĩkĩlaa Mwana ndakona thayũ, ĩndĩ ũthatu wa Ngai wĩkalaa ĩũlũ wake.</verse>
			</chapter>
			<chapter number="4">
				<verse number="1">Na ĩndĩ yĩla Mwĩaĩi wamanyie kana Avalisi nĩmewie ũndũ Yesũ wamatw’ĩkĩthasya andũ amanyĩw’a na kũvatisa aingĩ kũvĩta Yoana.</verse>
				<verse number="2">(Ĩndĩ ti Yesũ mwene wavatisaa, ĩndĩ nĩ amanyĩw’a make),</verse>
				<verse number="3">auma Yutia, na athi ĩngĩ Kalilii.</verse>
				<verse number="4">Nake ndaatĩa kũvĩtĩla Samalĩa.</verse>
				<verse number="5">Nĩvo ĩndĩ wakinyĩle ndũa ĩmwe ya Samalia, yĩtawa Saikale, vakũvĩ na kĩlungu kya nthĩ kĩla Yakovo wamũnengie mwana wake Yosevu:</verse>
				<verse number="6">na kĩthima kya Yakovo kyaĩ vo. Na ĩndĩ Yesũ, aĩ ananoa nĩ ũthi, ekala kĩthimanĩ. Na kwaĩ ta mũthenya katĩ.</verse>
				<verse number="7">Na mũndũ mũka wa Samalia ooka atave manzĩ: Yesũ amwĩa, Nenga nĩnyw’e.</verse>
				<verse number="8">Nũndũ amanyĩw’a make maĩ manathi ndũanĩ mathooe lĩu.</verse>
				<verse number="9">Ũla mũndũ mũka Mũsamalia amũkũlya, Kũilyĩ ata, we, wĩ Mũyuti, ũũmbĩtya manzĩ ma ũnyw’a, nakwa nĩ mũndũ mũka Mũsamalia? (Nũndũ Ayuti na ala ma Samalia maivulanaa.)</verse>
				<verse number="10">Yesũ amũsũngĩa na amwĩa. Kethĩwa nĩwĩsĩ mũthĩnzĩo wa Ngai, na ũla ũnũũkwĩa, Nenga nĩnyw’e; kethĩwa nĩwamwĩtya we, nake ethĩwa akũnenga manzĩ ma thayũ.</verse>
				<verse number="11">Mũndũ mũka amwĩa, Mwĩaĩi, ndwĩ na kya ũtava nakyo, na kĩthima nĩ kĩliku: ĩndĩ wumĩtye va manzĩ asu ma thayũ?</verse>
				<verse number="12">We, wĩ mũnene mbee wa asa waitũ Yakovo, ũla watũnengie kĩthima kĩĩ, na anyusaa makyo, we, na ana make, na indo syake?</verse>
				<verse number="13">Yesũ asũngĩa na amwĩa, O mũndũ ũla ũnyusaa manzĩ aa akeew’a waũni ĩngĩ:</verse>
				<verse number="14">ĩndĩ o ũla ũnũũnyw’a manzĩ ala nĩmũnenga ndakew’a waũni ĩngĩ o na ĩndĩĩ; ĩndĩ ala manzi nĩmũnenga makatw’ĩka kĩthima kya manzĩ nthĩnĩ wake, makĩvulutya ngoonĩ kũvika thayũ ũtathela.</verse>
				<verse number="15">Ũla mũndũ mũka amwĩa, Mwĩaĩi, nenga manzĩ asu, kana ndikew’e waũni ĩngĩ, o na ndikoke kũũ kũtava.</verse>
				<verse number="16">Yesũ amwĩa, Enda, ũkamwĩte mũemeu, wũke nake vaa.</verse>
				<verse number="17">Mũndũ mũka asũngĩa na amwĩa, Ndi mũũme. Yesũ amwĩa, Waneena w’o, Ndi mũũme:</verse>
				<verse number="18">nũndũ aũme ala waĩ namo maĩ atano; na ũla wĩ nake yu ti mũemeu: ũu waneena w’o.</verse>
				<verse number="19">Mũndũ mũka amwĩa, Mwĩaĩi, nĩngwona wĩ mwathani.</verse>
				<verse number="20">Aaĩthe maitũ mathaithĩaa kĩĩmanĩ kĩĩ; na inyw’ĩ mwĩasya kana Yelusaleme nĩvo vaĩle kũthaithĩwa.</verse>
				<verse number="21">Yesũ amwĩa, Mbĩtĩkĩla, kĩveti, saa nĩwũkĩte, yĩla inyw’ĩ mũtakathaithĩa Asa kĩĩmanĩ kĩĩ, o na Yelusaleme.</verse>
				<verse number="22">Inyw’ĩ mũthaithaa kĩla mũtesĩ: ithyĩ tũthaithaa kĩla twĩsĩ; nũndũ ũtangĩĩo wumaa kwa Ayuti.</verse>
				<verse number="23">Ĩndĩ saa nĩwũkĩte, na wĩ vo yu, yĩla athaithi ala ma w’o makamũthaitha Asa nthĩnĩ wa veva, na nthĩnĩ wa w’o: nũndũ Asa emantha ta asu mamũthaithae.</verse>
				<verse number="24">Ngai nĩ Veva: na ala mamũthaithaa mũvaka mamũthaithae nthĩnĩ wa veva na nthĩnĩ wa w’o.</verse>
				<verse number="25">Ũla mũndũ mũka amwĩa, Nĩnĩsĩ kana Masia nĩwũkĩte (ũla wĩtawa Klĩsto): nake ooka, akatũtavya maũndũ onthe.</verse>
				<verse number="26">Yesũ amwĩa, Ninyie we ũla ũnũũneena naku.</verse>
				<verse number="27">Na kavinda kau amanyĩw’a make mooka; na maseng’a nũndũ nũnũũneena na mũndũ mũka; ĩndĩ vaiaĩ ũmwe waamwĩa, Wĩmantha kyaũ? Kana, Wĩneenea nake kĩ?</verse>
				<verse number="28">Na ĩndĩ mũndũ mũka atia kĩkuu, kyake na aenda ndũanĩ, na amea andũ,</verse>
				<verse number="29">Ũkai, mwone mũndũ wandavya maũndũ onthe ala neekie: ũsu tiwe Klĩsto?</verse>
				<verse number="30">Na ĩndĩ mauma ndũanĩ, maendete vala ũĩ.</verse>
				<verse number="31">Na ĩvinda yĩu amanyĩw’a make mamũingĩĩsya, maimwĩa, Lavai, ya.</verse>
				<verse number="32">Ĩndĩ nake amea, Lĩu nĩ naw’o wa ũya ũla mũtawĩsĩ.</verse>
				<verse number="33">Na amanyĩw’a make mambĩlĩlya ũkũlan’ya ene kwa ene, No kwĩthĩwa mũndũ amũetee lĩũ?</verse>
				<verse number="34">Yesũ amea, Lĩu wakwa nĩ kwĩka kwenda kwa ũla wandũmie, na kũminũkĩlya wĩa wake.</verse>
				<verse number="35">Inyw’ĩ mũtyaasya, Kũtiele myei ĩna, na ngetha ĩivika? Sisyai, nĩngũmwĩa, Ũngalalyai metho menyu, mũsisye mĩũnda, kana nĩ mĩathĩku kũvika ũkethwa o na yu.</verse>
				<verse number="36">Ũla ũkethaa nĩwosaa ĩtuvi, na akyũmban’ya ũsyao kũvika thayũ ũtathela; nĩ kana ũla ũvuĩaa na ũla ũkethaa matane vamwe.</verse>
				<verse number="37">Na kwa ũu ndeto ĩtw’ĩkĩte ya w’o Ũmwe nũvũĩaa, na ũngĩ aiketha.</verse>
				<verse number="38">Nĩnamũtũmie mũkakethe kũla mũtaatethya wĩa: ala matethisye nĩ angĩ, na inyw’i mwavota mĩnoonĩ yoo.</verse>
				<verse number="39">Na Asamalia aingĩ ma ndũa ĩsu mamwĩtĩkĩla nũndũ wa ndeto sya mũndũ mũka kũmatavya, Andavisye maũndũ onthe ala neekie.</verse>
				<verse number="40">Na Asamalia mathĩ vala ũĩ, mamũingĩĩsya ekale nao: na ekala kw’o mĩthenya ĩlĩ.</verse>
				<verse number="41">Na angĩ aingĩ meetĩkĩla nũndũ wa ndeto syake;</verse>
				<verse number="42">na mamwĩa ũla mũndũ mũka, Yu nĩtũkwĩtĩkĩla, na ti ũndũ wa kũneena kwaku: nũndũ nĩtwĩyĩw’ĩe ene, na twanamya w’o kana ũũ nĩwe Mũtangĩĩi wa nthĩ.</verse>
				<verse number="43">Na matukũ elĩ mathela auma kw’o, athĩ Kalilii.</verse>
				<verse number="44">Nũndũ Yesũ mwene aisye kana mwathani ndataĩawa nthĩ ĩla yoo.</verse>
				<verse number="45">Na avika Kalilii, Akalilii mamwosa, nĩkwĩthĩwa nĩmoonete maũndũ onthe ala wekie Yelusaleme mbokanĩ: nũndũ nao nĩmaendie mbokanĩ.</verse>
				<verse number="46">Na ĩndĩ athi ĩngĩ Kena, nthĩ ya Kalilii, kũla waalyũlile manzĩ mbinyu. Na Kavelinaumi kwaĩ mũnene ũmwe, wawaĩtye mwana.</verse>
				<verse number="47">Na eew’a kana Yesũ nĩwumĩte Yutia akoka Kalilii, aenda vala ũĩ, na amwĩsũva kana atheee kwake, akamũvosye mwana wake; nũndũ aĩ vakuvĩ kũkw’a.</verse>
				<verse number="48">Na ĩndĩ Yesũ amwĩa, Keka mũkwona syama na moseng’yo mũtyĩtĩkĩla nongi.</verse>
				<verse number="49">Ũla mũnene amwĩa, Mwĩaĩi, theea, mwana wakwa atanakw’a.</verse>
				<verse number="50">Yesũ amwĩa. Thi; mwana waku e thayũ. Na ũla mũndũ eetĩkĩla ndeto ĩla Yesũ wamũtavya, na aenda.</verse>
				<verse number="51">Na atheeete, ngombo syake syamũthaũa, na syamũtavya kana mwana wake e thayũ.</verse>
				<verse number="52">Na ĩndĩ aikũlya saa ũla ũnambĩlĩlye ũvoa. Na syamwĩa, Ĩoo saa mũonza ndetema ĩnamũtiie.</verse>
				<verse number="53">Na ĩthe amanya kana nĩ saa ũla Yesũ ũnamwĩie, Mwana waku e thayũ: nake eetĩkĩla, na onthe ala ma nyũmba yake.</verse>
				<verse number="54">Na kyama kyu nĩkyo kya kelĩ, kĩla Yesũ wekie aumĩte Yutia, aithi Kalilii.</verse>
			</chapter>
			<chapter number="5">
				<verse number="1">Na ĩtina wa maũndũ asu kwaĩ mboka ya Ayuti; na Yesũ ambata Yelusaleme.</verse>
				<verse number="2">Na Yelusaleme, vakuvĩ na mbingĩlo ya malondu, ve ndia, Kĩevelania yĩtawa Vethesita, yĩ na mavalasya atano.</verse>
				<verse number="3">Na nthĩnĩ wamo yekalaa nguthu nene ya andũ awau, ililinda, na ala mathuaa, na ala au mamutha, makyeteela manzĩ makwaithangw’e.</verse>
				<verse number="4">Nũndũ kyathĩ kyavika, mũlaĩka atheea ndianĩ ĩsu, na aikwaithangya manzĩ: na manzĩ makwaithangw’a o mũndũ ũla wambie ũvota ndianĩ aivow’a ũwau ũla wawaĩte.</verse>
				<verse number="5">Na vaĩ mũndũ ũmwe vo, wawaĩte ĩvinda ya myaka mĩongo ĩtatũ na nyanya.</verse>
				<verse number="6">Na Yesũ amwona amamĩte, nake nĩwesĩ kana ailyũ ũu ĩvinda ĩasa, amũkũlya, Nũkwenda ũvow’e?</verse>
				<verse number="7">Na ũla mũwau amũsũngĩa, Mwĩaĩi, ndi mũndũ wa ũndikya ndianĩ yĩla manzĩ meũkwaithangw’a: ĩndĩ yĩla ngũtheea nyie, mũndũ ũngĩ eĩthwa anamba ũlika kwĩ nyie.</verse>
				<verse number="8">Yesũ amwĩa, Ũkĩla, nokyosa ũkomo waku ũthi.</verse>
				<verse number="9">Na kavinda o kau, ũla mũndũ avow’a vyũ, na oosa ũkomo wake, na athi. Na mũthenya ũsu waĩ wa savato.</verse>
				<verse number="10">Na ĩndĩno Ayuti mamwĩa ũla ũvoiw’e, Mũnthĩ ũũ nĩ wa savato, na ndwosana na ĩla mĩao kũkua ũkomo waku.</verse>
				<verse number="11">Nake amea, Ũsu wambosya, nĩwe wambĩa, Kua ũkomo waku, ũthi.</verse>
				<verse number="12">Na mamũkũlya, Mũndũ ũsu nũũ ũla wakwĩa, Kua ũkomo waku, ũthi?</verse>
				<verse number="13">Na ũla wavoiw’e ndeesĩ ũla ũmũvoisye; nũndũ Yesũ nĩwevetie vau, nũndũ vaĩ nguthu nene.</verse>
				<verse number="14">Na ĩtina Yesũ amũwĩla ĩkalũnĩ, na amwĩa, Sisya, nũnavoiw’e: ndũkeke naĩ ĩngĩ, ũndũ ũthũku kwĩ ũũ ndũkaũkwate.</verse>
				<verse number="15">Na ũla mũndũ athi, na amea ala Ayuti kana nĩ Yesũ ũla ũnamũvoisye.</verse>
				<verse number="16">Na kwondũ wa ũu Ayuti mamũthĩn’ya Yesũ, nũndũ nũneekie maũndũ asu mũthenya wa savato.</verse>
				<verse number="17">Ĩndĩ Yesũ amasũngĩa, Kũvika na yu Asa wakwa nũtethasya wĩa, nakwa nĩngũtethya.</verse>
				<verse number="18">Kwondũ wa ũu Ayuti mathĩng’ĩĩsya kũmantha ũmũaa, nũndũ ndaananga savato w’oka, ĩndĩ eetie Ngai Ĩthe wake, ethĩwe eyĩanen’ye na Ngai.</verse>
				<verse number="19">Nĩvo ĩndĩ Yesũ wamasũngĩie, amea, Nĩ w’o nĩ w’o, nĩngũmwĩa, Ũla Mwana ndatonya kwĩka ũndũ e we mwene, ate o ũla wonaa Ĩthe akĩka: nũndũ maũndũ o na meva ala wĩkaa we, nĩmo Mwana wĩkaa o ta ũu.</verse>
				<verse number="20">Nũndũ Ĩthe nũmwendete ũ Mwana, na amwonasya maũndũ onthe ala wĩkaa: na akamwon’ya mawĩa manene kwĩ aa, nĩ kana mũseng’e.</verse>
				<verse number="21">Nũndũ o ũndũ Ĩthe nũthayũũkasya akw’ũ akamanenga thayũ, no ta ũu Mwana nake nũmanengae thayũ o ala ũnũkwenda.</verse>
				<verse number="22">Nũndũ Ĩthe ndasilĩlaa mũndũ, ĩndĩ anengete Mwana ũsili w’onthe;</verse>
				<verse number="23">nĩ kana onthe mamũtaĩae Mwana, o ũndũ mamũtaĩaa Ĩthe. Ũla ũtamũtaĩaa ũla Mwana, ũsu ndataĩaa Ĩthe ũla wamũtũmie.</verse>
				<verse number="24">Nĩ w’o, nĩ w’o, nĩngũmwĩa, Ũla wĩw’aa ndeto yakwa, na ũmwĩtĩkĩlaa ũla wandũmie, e na thayũ ũtathela, na ndakalika ũsilĩlonĩ; ĩndĩ nũvĩtĩte kuma kĩkw’ũnĩ na kũlika thayũnĩ.</verse>
				<verse number="25">Nĩ w’o, nĩ w’o, nĩngũmwĩa, Saa nĩwũkĩte, o na yu nĩ mũviku, yĩla akw’ũ makew’a wasya wa Mwana wa Ngai; na ala mekwĩw’a makeethĩwa na thayũ.</verse>
				<verse number="26">O ũndũ Ĩthe wĩ na thayũ nthĩnĩ wake mwene, nĩw’o ũnengete ũla Mwana ethĩwe na thayũ nthĩnĩ wake mwene:</verse>
				<verse number="27">na amũnengete ũkũmũ wa ũsilĩla, nũndũ nĩwe Mwana wa mũndũ.</verse>
				<verse number="28">Mũikaseng’e kwondũ wa ũu: nũndũ saa nĩwũkĩte, yĩla onthe ala me mbũanĩ makew’a wasya wake,</verse>
				<verse number="29">namo makauma; ala meekie moseo, kwa ũthayũũkyo wa thayũ; na ala meekie mothũku, kwa ũthayũũkyo wa ũsilĩlo.</verse>
				<verse number="30">Nyie nĩ nyioka nditonya kwĩka ũndũ: ũndũ ũla nĩw’aa, nĩw’o ngũsila: na kũtw’a kwakwa nĩ kwa katĩ; nũndũ ndimanthaa kwenda kwakwa, no kwenda kwa ũla wandũmie.</verse>
				<verse number="31">Ethĩwa nĩngwĩkũsĩĩa mwene, ũkũsĩ wakwa ti wa w’o.</verse>
				<verse number="32">Nĩ ũngĩ ũla ũngũsĩĩaa; na nĩnĩsĩ kana ũkũsĩ ũla ũngũsĩĩaa nĩ wa w’o.</verse>
				<verse number="33">Nĩmwatũmanie kwa Yoana, nake akũsĩĩa ũla w’o.</verse>
				<verse number="34">Ĩndĩ ũkũsĩ ũla nosaa ti kuma kwa mũndũ: ĩndĩ nĩngũneena maũndũ aa, nĩ kana mũtangĩĩwe.</verse>
				<verse number="35">Nĩwe waĩ taa mwakanu ũla wakenaa; na inyw’ĩ mweetĩkĩla kũtanĩa nthĩnĩ wa kyeni kyake kavinda kanini.</verse>
				<verse number="36">Ĩndĩ ũkũsĩ ũla nĩ naw’o nĩ mũnene kũvĩta ũla wa Yoana; nũndũ mawĩa ala Asa ũnengete nimamine, mawĩa o asu ala ngwĩka, nĩmo mangũsĩĩaa, kana Asa nũndũmĩte.</verse>
				<verse number="37">Na Asa ũla wandũmie, nĩwangũsĩĩe. Inyw’ĩ mũtyaawĩw’a wasya wake o na ĩndĩĩ kana kwona mũvw’ano wake.</verse>
				<verse number="38">Na mũi na ndeto yake ĩtwĩe nthĩnĩ wenyu: nũndũ ũla ũtũmĩtwe nĩwe, mũtiũmwĩtĩkĩla.</verse>
				<verse number="39">Mwĩmantha maandĩkonĩ, nũndũ mwĩasya mwĩ na thayũ ũtathela nthĩnĩ wamo; na nĩmo mangũsĩĩaa;</verse>
				<verse number="40">na mũtyĩtĩkĩla kũka vala nĩĩ, mũnengwe thayũ.</verse>
				<verse number="41">Ndyosaa ndaĩa kwa andũ.</verse>
				<verse number="42">Ĩndĩ nĩnĩmwĩsĩ inyw’ĩ kana mũi na wendo wa Ngai nthĩnĩ wenyu.</verse>
				<verse number="43">Nũkĩte syĩtwanĩ ya Asa, na mũĩũmbosa: ethĩwa ũngĩ akooka syĩtwanĩ yake mwene, mũkamwosa.</verse>
				<verse number="44">Mũtonya kwĩtĩkĩla ata, inyw’ĩ ala mwosaniaa ndaĩa ene kwa ene, na ndaĩa ĩla yumaa kwa Ngai ũla ũmwe mũtiũmĩmantha?</verse>
				<verse number="45">Mũikasye atĩ ngamũvinganĩsya kwa Asa: ve ũla ũmũvinganĩasya inyw’ĩ, nake nĩ Mose, ũla mwĩkwatasya.</verse>
				<verse number="46">Nũndũ kethĩwa nĩmwamwĩtĩkĩlile Mose, mwĩthĩwa mũmbĩtĩkĩlĩte nyie; nũndũ nĩwaandĩkie ũvoo wakwa.</verse>
				<verse number="47">Ĩndĩ ethĩwa mũtyĩtĩkĩla maandĩko make, mũkeetĩkĩla ndeto syakwa ata?</verse>
			</chapter>
			<chapter number="6">
				<verse number="1">Ĩtina wa maũndũ asu Yesũ athi mũingo ũla ũngĩ wa ũkanga wa Kalilii, naw’o nĩ ũkanga wa Tivelia.</verse>
				<verse number="2">Na avikĩlwa nĩ andũ nguthu nene, nũndũ nĩmoonie syama ila wekaa ala maĩ awau.</verse>
				<verse number="3">Na Yesũ ambata kĩĩmanĩ, na ekala vo na amanyĩw’a make.</verse>
				<verse number="4">Na vasaka, ĩla mboka ya Ayuti, yaĩ vakuvĩ.</verse>
				<verse number="5">Na ĩndĩ Yesũ ookĩlya metho make, oona nguthu nene ĩkyũka vala ũĩ, amwĩa Vilivu, Twĩthooa imũtũ va, kana aa maye?</verse>
				<verse number="6">Aneenaa ũu aimũtata: nũndũ we mwene nĩwesĩ ũndũ ũkilĩlye kwĩka.</verse>
				<verse number="7">Vilivu amũsũngĩa, Imũtũ sya silingi maana elĩ itimeanĩa, o na ethĩwa kĩla mũndũ akosa Kanini.</verse>
				<verse number="8">Ũmwe wa amanyĩw’a make, Andalea, mwana‐a‐inyia wa Simoni Vetelo, amwĩa,</verse>
				<verse number="9">Vaa ve kavĩsĩ, ke na imũtũ itano sya mbaale na makũyũ elĩ: ĩndĩ isu nĩ syĩndũ myaũ vala ve andũ meanou?</verse>
				<verse number="10">Yesũ asya, Ĩkalyai andũ nthĩ. Na vaĩ nyeki mbingĩ vala maĩ. Na ĩndĩ aũme mekala nthĩ, ũtalo woo waĩ ta ngili itano.</verse>
				<verse number="11">Na ĩndĩ Yesũ oosa ila imũtũ; na atũnga mũvea, amaaĩa andũ ala mailyĩ nthĩ; na makũyũ o ta ũu o ũndũ mendie.</verse>
				<verse number="12">Na mavũna, amea amanyĩw’a make, Ũmban’yai motialo ma ilungu ila ndile, vatikae kindũ.</verse>
				<verse number="13">Na kwondũ wa ũu moomban’ya, na mausũsya ikavũ ĩkũmi na ilĩ na ilungu ila ndile sya imũtũ itano sya mbaale, ila syamatialĩle ala maĩe.</verse>
				<verse number="14">Na ĩndĩ andũ moona kyama kyu Yesũ weka, masya, Nĩ w’o, ũũ nĩ mwathani ũla wũkĩte kũũ nthĩ.</verse>
				<verse number="15">Na ĩndĩ Yesũ amanya kana makilyĩ kũka mamũtwae na vinya, makamũtw’ĩkĩthye mũsumbĩ, eeveta aenda ĩngĩ kĩĩmanĩ e weka.</verse>
				<verse number="16">Ĩndĩ kwavika wĩoo. Amanyĩw’a make matheea ũkanganĩ;</verse>
				<verse number="17">na malika ngalawanĩ, mainganĩsye ũkanga mathi Kavelinaumi. Na kwaĩ kũnatuka, na Yesũ ndaĩ anamba ũvika vala maĩ.</verse>
				<verse number="18">Na ũkanga waĩ ũkyũkilangw’a nũndũ wa kĩseve kĩnene kĩiuutana.</verse>
				<verse number="19">Na maĩ manatwaa ngalawa maĩli atatũ kana ana, moona Yesũ akinyĩle ũkanganĩ ĩũlũ, akĩthengeea ngalawanĩ: na makwatwa nĩ w’ĩa mũnene.</verse>
				<verse number="20">Nake amea, Ninyie; mũikakĩe.</verse>
				<verse number="21">Na kwa ũu meetĩkĩla alike ngalawanĩ: na ĩvinda yĩu ngalawa yavika nthĩ ĩla maendaa.</verse>
				<verse number="22">Na ũnĩ ũsu ĩkomano yĩũngamĩte mũingo ũla ũngĩ wa ũkanga yoonie kana kũi kakalawa kangĩ, ate o kamwe, na Yesũ ndaneelika na amanyĩw’a make ngalawanĩ, ĩndĩ amanyĩw’a manalikile me oka</verse>
				<verse number="23">(ĩndĩ kwookie tũkalawa tũngĩ tũmĩte Tivelia vakuvĩ na vala manaĩĩe imũtũ ĩtina wa Mwĩaĩi atũnga mũvea):</verse>
				<verse number="24">na ĩndĩ andũ ma ĩkomano moona kana Yesũ nde vo, o na amanyĩw’a make, namo malika tũkalawanĩ, na mathi Kavelinaumi makĩmũmantha Yesũ.</verse>
				<verse number="25">Na mamwona e mũingo ũngĩ wa ũkanga, mamwĩa, Lavai, wũkie vaa ĩndĩĩ?</verse>
				<verse number="26">Yesũ amasũngĩa, amea, Nĩ w’o, nĩ w’o, ningũmũtavya, Mũiũmantha nũndũ mũnoonie syama, ĩndĩ nũndũ mũnaĩe imũtũ, mũnavũna.</verse>
				<verse number="27">Mũikathũkũmĩae lĩu ũla wanangĩkaa, ĩndĩ lĩu ũla wĩkalaa kũvika thayũ ũtathela, ũla Mwana wa mũndũ wĩmũnenga: nũndũ we ekĩĩtwe ũsiĩlo nĩ Ngai Asa.</verse>
				<verse number="28">Na kwondũ wa ũu mamwĩa, Twĩĩka ata ĩndĩ, kana twĩkae mawĩa ma Ngai?</verse>
				<verse number="29">Yesũ amasũngĩa, amea, Ũũ nĩw’o wĩa wa Ngai, mũmwĩtĩkĩle ũla watũmiwe nĩwe.</verse>
				<verse number="30">Na ĩndĩ mamwĩa, Wĩĩka kyama kĩva, nĩ kana twone, tũkwĩtĩkĩle? Wĩĩka ũndũ mwaũ?</verse>
				<verse number="31">Aasa maitũ nĩmaĩe lĩu wĩtawa mana weũnĩ; o ũndũ kũandĩkĩtwe, Amanengie imũtũ syumĩte ĩtunĩ maye.</verse>
				<verse number="32">Yesũ amea, Nĩ w’o, nĩ w’o, nĩngũmwĩa, Ti Mose wamũnengie imũtũ syumĩte ĩtunĩ; ĩndĩ Asa wakwa nĩwe ũmũnengae kĩmũtũ kĩla kya w’o kyumĩte ĩtunĩ.</verse>
				<verse number="33">Nũndũ kĩmũtũ kya Ngai nĩ kĩla kĩtheeaa kuma ĩtunĩ, na kĩnengae nthĩ thayũ.</verse>
				<verse number="34">Na ĩndĩ mamwĩa, Mwĩaĩi, mavinda onthe tũnengae kĩmũtũ kyu.</verse>
				<verse number="35">Yesũ amea, Nyie, ninyie kĩmũtũ kya thayũ: ũla wũkaa kwakwa ndakew’a nzaa, na ũla ũmbĩtĩkĩlaa ndakew’a waũni o na ĩndĩĩ.</verse>
				<verse number="36">Ĩndĩ namwĩa, nĩmũmbonete na mũtiĩtĩkĩla.</verse>
				<verse number="37">Kyonthe kĩla Asa ũnengae nĩkyũkaa kwakwa; na ũla wũkaa kwakwa ndikamwĩkya nza nongi.</verse>
				<verse number="38">Nũndũ ndyaatheea kuma ĩtunĩ nĩke kwenda kwakwa, ĩndĩ no kwenda kwa ũla wandũmie.</verse>
				<verse number="39">Na kũũ nĩkw’o kwenda kwa ũla wandũmie, nĩ kana kyonthe kĩla wanengie ndikaasye kĩndũ o na kĩmwe, ĩndĩ ngakĩthayũũkya mũthenya wa mũmĩnũkĩlyo.</verse>
				<verse number="40">Nũndũ kũũ nĩkw’o kwenda kwa Asa wakwa, kana kĩla mũndũ ũmũsiasya Mwana, na ũmwĩtĩkĩlaa, ethĩwe na thayũ ũtathela; nakwa ngamũthayũũkya mũthenya wa mũminũkĩlyo.</verse>
				<verse number="41">Kwondũ wa ũu Ayuti mamũnyungunyĩĩsya, nũndũ aisye, Nyie, ninyie kĩmũtũ kĩla kyatheeie kuma ĩtunĩ.</verse>
				<verse number="42">Namo masya, Ũũ ti Yesũ, mwana wa Yosevu, na ĩthe na nyinyia tũimesĩ? Easya ata yu, Nĩnatheeie kuma ĩtunĩ?</verse>
				<verse number="43">Yesũ amasũngĩa, amea, Ekai ũnyungunyĩsya katĩ wenyu.</verse>
				<verse number="44">Vai mũndũ ũtonya kũka kwakwa, ateũkusw’a nĩ Asa ũla wandũmie: nakwa ngamũthayũũkya mũthenya wa mũminũkĩlyo.</verse>
				<verse number="45">Nĩkũandĩkĩtwe maandĩkonĩ ma athani, Namo onthe makamanyĩw’a nĩ Ngai. Kĩla mũndũ wewie kuma kwa Asa, na akemanyĩsya, ũsu okaa kwakwa.</verse>
				<verse number="46">Ti atĩ ve mũndũ waamwona Asa, ate o ũla waumie kwa Ngai, nĩwe wamwonie Asa.</verse>
				<verse number="47">Nĩ w’o, nĩ w’o, nĩngũmwĩa, Ũla wĩtĩkĩlaa e na thayũ ũtathela.</verse>
				<verse number="48">Nyie, ninyie kĩmũtũ kya thayũ.</verse>
				<verse number="49">Aaĩthe menyu mĩmaĩe lĩu ũla wĩtawa mana me weũnĩ, na makw’a.</verse>
				<verse number="50">Kĩĩ nĩkyo kĩmũtũ kĩla kĩtheeete kuma ĩtunĩ, kya mũndũ kũya, na ndakw’a.</verse>
				<verse number="51">Nyie, ninyie kĩmũtũ kĩ thayũ kĩla kyatheeie kuma ĩtunĩ: ethĩwa mũndũ o na wĩva nũnũũya kĩmũtũ kyu, akeethĩwa na thayũ tene na tene: ĩĩ, na kĩmũtũ kĩla nganengane nĩ nyama ya mwĩĩ wakwa, kwondũ wa thayũ wa nthĩ.</verse>
				<verse number="52">Na ĩndĩ Ayuti makananĩa ene kwa ene, makyasya, Mũndũ ũũ atonya ata kũtũnenga nyama ya mwĩĩ wake tũkaya?</verse>
				<verse number="53">Nĩvo ĩndĩ Yesũ wameie, Nĩ w’o, nĩ w’o, nĩngũmwĩa, Mũteũya nyama ya mwĩĩ wa Mwana wa mũndũ na kũmĩnyw’a nthakame yake, mũi na thayũ nthĩnĩ wenyu.</verse>
				<verse number="54">Ũla ũnũũya nyama yakwa na kũnyw’a nthakame yakwa e na thayũ ũtathela; nakwa ngamũthayũũkya mũthenya wa mũminũkĩlyo.</verse>
				<verse number="55">Nũndũ nyama ya mwĩĩ wakwa nĩ lĩu wa w’o, na nthakame yakwa nĩ kya ũnyw’a kya w’o.</verse>
				<verse number="56">Ũla ũnũũya nyama ya mwĩĩ wakwa na kũnyw’a nthakame yakwa, ũsũ ekalaa nthĩnĩ wakwa, nakwa nthĩnĩ wake.</verse>
				<verse number="57">O tondũ Asa ũla wĩ thayũ wandũmie, na nikalaa thayũ kwondũ wa Asa; o ta ũu ũla ũnũũndya akekalaa thayũ kwondũ wakwa.</verse>
				<verse number="58">Kĩĩ nĩkyo kĩmũtũ kĩla kyatheeie kuma ĩtunĩ: ti tondũ aaĩthe menyu maĩe, na makw’a; ũla ũnũũya kĩmũtũ kĩĩ akekala thayũ tene na tene.</verse>
				<verse number="59">Ndeto ii aneenee ĩsinakokenĩ, akĩmanyĩsya Kavelinaumi.</verse>
				<verse number="60">Na ĩndĩ aingĩ ma amanyĩw’a make meew’a ũu, masya, Ndeto ĩno nĩ nyũmũ; ũla ũtonya ũmĩw’a nũũ?</verse>
				<verse number="61">Ĩndĩ Yesũ amanya nthĩnĩ wake kana amanyĩw’a make nĩmeũnyungunyĩsya kwondũ wayo, amakũlya, Ndeto ĩno nĩnĩũmũlulutĩkya?</verse>
				<verse number="62">Nata ĩndĩ ethĩwa mũkoona Mwana wa mũndũ akyambata kũla waĩ mbee?</verse>
				<verse number="63">Na veva ũla ũnengae thayũ; mwĩĩ ndũtandĩthya kĩndũ: ndeto ila nĩneenete nenyu nĩsyo veva, na nĩsyo thayũ.</verse>
				<verse number="64">Ĩndĩ katĩ wenyu kwĩ amwe matekwĩtĩkĩla, Nũndũ kuma mwambĩlĩlyonĩ Yesũ nĩwesĩ ala matekwĩtĩkĩla, na ũla ũkamũvũnyanĩa.</verse>
				<verse number="65">Na amea, Kwondũ wa ũu namwĩa, kana kũi mũndũ ũtonya kũka kwakwa, atanengetwe nĩ Asa.</verse>
				<verse number="66">Kwondũ wa ũu amanyĩw’a make aingĩ masyoka na ĩtina, na matyaathi nake ĩngĩ.</verse>
				<verse number="67">Na ĩndĩ Yesũ amakũlya aia ikũmi na elĩ, Nenyu nĩmũkwenda ũthi?</verse>
				<verse number="68">Simoni Vetelo amũsũngĩa, Mwĩaĩi, tũende kwaũ? Nue wĩ na ndeto sya thayũ ũtathela.</verse>
				<verse number="69">Naitũ nĩtwĩtĩkĩlĩte na nĩtwisĩ kana wĩ Ũla Mũtheu wa Ngai.</verse>
				<verse number="70">Yesũ amasũngia, Ndyaamũnyuva inyw’ĩ ĩkũmi na elĩ, na ũmwe wenyu nĩ wa Satani?</verse>
				<verse number="71">Amũwetaa Yutasi, mwana wa Simoni Isikalioti, nũndũ nĩwe ũkamũvũnyanĩa, nake aĩ ũmwe wa ala ĩkũmi na elĩ.</verse>
			</chapter>
			<chapter number="7">
				<verse number="1">Na ĩtina wa maũndũ asu Yesũ angangaa Kalilii: nũndũ ndendaa kwanganga Yutia, nũndũ Ayuti nĩmamanthaa kũmũaa.</verse>
				<verse number="2">Na mboka ya Ayuti, ĩla ya kwaka malwanda, yaĩ vakuvĩ.</verse>
				<verse number="3">Na ana‐a‐inyia mamwĩa, Uma vaa ũthi Yũtia, nĩ kana amanyĩw’a maku nao mone mawĩa maku ala wĩkaa.</verse>
				<verse number="4">Nũndũ kũi mũndũ wĩkaa ũndũ avithĩte, akyenda amanyĩke nĩ andũ. Ethĩwa nũkwika mawĩa aa, iyonan’ye kwa nthi.</verse>
				<verse number="5">Nũndũ o na ana‐a‐inyia make maiamwĩtĩkĩlĩte.</verse>
				<verse number="6">Kwondũ wa ũu Yesũ amea, Ĩvinda yakwa yĩinamba ũvika; indi ĩvinda yenyu ni ĩviku mavinda onthe.</verse>
				<verse number="7">Nthĩ nditonya ũmũmena inyw’i; ĩndĩ nyie ninĩũmena, nũndũ nyie nĩnĩmĩkũsĩiaa, kana mawĩa mayo nĩ mathe.</verse>
				<verse number="8">Ambataiinyw’i mũthi mbokanĩ: ndikwambata oyu mbokanĩ ĩno; nũndũ ĩvinda yakwa yĩinamba kwĩanĩa.</verse>
				<verse number="9">Na amatavya maũndũ asu, ekalanga Kalilii.</verse>
				<verse number="10">Ĩndĩ yĩla ana‐a‐inyia maĩ manambata mbokanĩ, o nake ambata, ti kwa kwĩyumĩlya, ĩndĩ kwa kĩmbithĩ.</verse>
				<verse number="11">Na Ayuti meethĩwa makĩmũmantha mbokanĩ, makyasya, Aĩva we?</verse>
				<verse number="12">Na kwaĩ mũnyungunyĩsyo mũnene katĩ wa makomano nũndũ wake: amwe masya, Nĩ mũndũ mũseo; na angĩ masya, Ti w’o, nũnũkwasya andũ aingĩ.</verse>
				<verse number="13">Ĩndĩ vai mũndũ waneenaa ũvoo wake aumĩlĩtye vyũ nĩ kũmakia Ayuti.</verse>
				<verse number="14">Na ĩvinda ya mboka yavika katĩ, Yesũ ambata avota ĩkalũnĩ, na amanyĩsya.</verse>
				<verse number="15">Na Ayuti maseng’a, makyasya, Mũndũ ũũ esĩ ata maũndũ ma mavuku, na ndaamanyĩw’a?</verse>
				<verse number="16">Kwa ũu Yesũ amasũngĩa, amea, Ũmanyĩsyo wakwa tĩ wakwa, ĩndĩ nĩ wa ũla wandũmie.</verse>
				<verse number="17">Ethĩwa mũndũ o na wĩva nĩwendaa kwĩka kwenda kwake, akamanya ũmanyĩsyo, ethĩwa nĩ wa Ngai, kana ethĩwa nĩneenaa kwondũ wakwa mwene.</verse>
				<verse number="18">Ũla ũneenaa ũndũ wake mwene emanthĩaa ndaĩa: ĩndĩ ũla ũmanthaa ndaĩa ya ũla wamũtũmie, ũsu nĩ wa w’o, na nthĩnĩ wake vaĩ ũndũ ũte ũlũngalu.</verse>
				<verse number="19">Ũla wamũnengie ĩla mĩao ti Mose? O na vai ũmwe wenyu ũla ũmĩkwataa ĩla mĩao. Nĩkĩ mũũmantha ũmbũaa?</verse>
				<verse number="20">Na yĩla ĩkomano yamũsũngĩa, Wĩ na ndaimoni we: nũũ ũla ũnũũmantha ũkũaa?</verse>
				<verse number="21">Yesũ asũngĩa, amea, Nĩnĩneekie wia ũmwe, na inyw’onthe nĩmũũseng’w’a niw’o.</verse>
				<verse number="22">Mose amũnengie nzaĩko (tĩ atĩ yaumie kwa Mose, ĩndĩ kwa aaĩthe); na inyw’ĩ nĩmũkwaĩka mũndũ mũthenya wa savato.</verse>
				<verse number="23">Ethĩwa mũndũ nũkwaĩkwa mũthenya wa savato, kana mĩao ya Mose ndĩkanangwe; mwĩnthatĩa nũndũ nĩnavoisye mũndũ aneethĩwa e mũima vyũ mũthenya wa savato?</verse>
				<verse number="24">Mũikasile mũkĩtalĩlya, ĩndĩ sĩlai sĩla wa katĩ.</verse>
				<verse number="25">Na ĩndĩ amwe ma Yelusaleme masya, Ũũ tiwe ũla meũmantha ũmũaa?</verse>
				<verse number="26">Indi sisyai, eneena ateũvitha, o na maiũmwĩa ũndũ. No kwĩthĩwa anene mesi vyũ kana ũũ nĩ Klĩsto?</verse>
				<verse number="27">Ĩndĩ nĩtwĩsĩ kũla mũndũ ũũ wumĩte: ĩndĩ yila Klĩsto ũkoka, vai ũkamanya kũla wumĩte.</verse>
				<verse number="28">Ĩndĩ Yesũ ookĩlya wasya e ĩkalũnĩ, akĩmanyĩsya na asya, Nĩmũmbĩsĩ, na ĩngĩ nĩmwĩsĩ vala naumie; na ndyaaũka kwondũ wakwa, ĩndĩ ũla wandũmie nĩ wa w’o, ũla mũtamwĩsĩ.</verse>
				<verse number="29">Nyie nĩnĩmwĩsĩ; nĩkwĩthĩwa naumie kwake, na nĩwe wandũmie.</verse>
				<verse number="30">Na ĩndĩ mamantha ũmũkwata: ĩndĩ vai mũndũ waamũtambũũkĩsya kw’oko, nũndũ saa wake ndwaĩ ũnamba ũvika.</verse>
				<verse number="31">Ĩndĩ andũ aingĩ ma ĩkomano mamwĩtĩkĩla; na masya, Yĩla Klĩsto ũkoka, nũkeka syama nyingĩ kũthonoka ila syĩkĩtwe nĩ mũndũ ũũ?</verse>
				<verse number="32">Na Avalisi meew’a andũ ma ĩkomano mainyungunyĩĩsya maũndũ asu nũndũ wake; na ala athembi anene na Avalisi matũma makanga nĩ kana mamũkwate.</verse>
				<verse number="33">Kwondũ wa ũu Yesũ asya, Vatiele ĩvĩnda ĩnini nĩ vamwe nenyu, na ngĩthi kwa ũla wandũmie.</verse>
				<verse number="34">Mũkamantha, na mũikambona: na vala nĩĩ, mũtitonya kũka.</verse>
				<verse number="35">Na kwondũ wa ũu Ayuti maneena ene kwa ene, Mũndũ ũũ akathi na kũ kũla tũtatonya kũmwona? Akathi kwa ala ma Ũnyaĩĩko ma Akiliki, amanyĩsye Akiliki?</verse>
				<verse number="36">Ũu nata ũkwasya, Mũkamantha, na mũikambona; na vala nĩĩ, mũtitonya kũka?</verse>
				<verse number="37">Na ĩndĩ mũthenya wa kũmina, mũthenya ũla mũnene wa mboka, Yesũ aũngama na aneena na wasya mũnene, akyasya, Ethĩwa mũndũ o na wĩva e na waũni, nĩoke kwakwa anyw’e.</verse>
				<verse number="38">Ũla ũnũũmbĩtĩkĩla, o ũndũ maandĩko maĩtye, nthĩnĩ wake kũkauma mbũsĩ sya manzĩ ma thayũ.</verse>
				<verse number="39">Na aneenaa ũu kwondũ wa ũla Veva, ũla makilĩlye kũnengwa ala mamwĩtkĩlĩte: nũndũ Veva ndaĩ anamba kũnenganwe; nũndũ Yesũ ndaĩ anamba kũtaĩwa.</verse>
				<verse number="40">Na amwe ma ĩkomano meew’a ndeto isu, masya, Nĩ w’o, ũũ nĩwe ũla mwathani.</verse>
				<verse number="41">Na angĩ masya, Ũũ nĩwe Klĩsto. Ĩndĩ angĩ masya, Ai! Klĩsto euma Kalilii?</verse>
				<verse number="42">Maandĩko maiaasya Klĩsto akauma ũsyaonĩ wa Ndaviti, na kuma ndũanĩ ya Mbethelemu, vala Ndaviti wekalaa?</verse>
				<verse number="43">Na kwa ũu kwaya ũtilĩkangano ĩkomanonĩ nũndũ wake.</verse>
				<verse number="44">Na amwe menda kũmũkwata; ĩndĩ vai mũndũ waamũtambũũkĩsya moko.</verse>
				<verse number="45">Nĩvo ala makanga mamaalũkĩla athembi anene na ala Avalisi; namo mamakũlya, Nĩkĩ mũtinamũete?</verse>
				<verse number="46">Na ala makanga mamasũngĩa, Vai mũndũ ũngĩ nongi waaneena ta ũsu.</verse>
				<verse number="47">Na ĩndĩ Avalisi mamasũngĩa, O nenyu ko mwaĩtw’e?</verse>
				<verse number="48">Ve ũmwe wa ala anene, kana wa Avalisi ũmwĩtĩkĩlĩte?</verse>
				<verse number="49">Ĩndĩ ĩkomano yĩĩ yĩtesĩ ĩla mĩao nĩumanĩe.</verse>
				<verse number="50">Nikotemo (nĩ ũla waendie kwake ĩngĩ, na no ũmwe wamo) amakũlya,</verse>
				<verse number="51">Mĩao yaitũ nĩsĩlĩlaa mũndũ, ĩtanamba ũmwĩw’a na kũmanya ũndũ wĩkaa?</verse>
				<verse number="52">Na mamũsũngĩa, mamwĩa, O naku wĩ wa Kalilii? Mantha, wone kana vaiuma mwathani Kalilii.</verse>
				<verse number="53">(Na menũka kĩla mũndũ nyũmbanĩ kwake:</verse>
			</chapter>
			<chapter number="8">
				<verse number="1">ĩndi Yesũ athi kĩĩmanĩ kya Mĩthata.</verse>
				<verse number="2">Na kĩoko tene avota ĩngĩ ĩkalũnĩ, na andũ onthe mathi vala ũĩ; nake ekala nthĩ, na amamanyĩsya.</verse>
				<verse number="3">Na aandĩki na Avalisi mamũetee mũndũ mũka wakwatiwe ũlaalaini; na mamũũngamya katĩ woo,</verse>
				<verse number="4">mamwĩa, Mũmanyĩsya, mũndũ mũka ũũ akitw’a akĩka ũlaalai.</verse>
				<verse number="5">Na mĩaonĩ Mose atwĩaĩe kũaa ta ũyũ na mavia: wĩasya ata ĩndĩ, we, ũndũ wake?</verse>
				<verse number="6">Na waasya ũu, makĩmũtata, mone ũndũ wa ũmũvinganĩsya naw’o. Ĩndĩ Yesũ akunama, na aandĩka nthĩ na kyaa kyake.</verse>
				<verse number="7">Na mathing’ĩĩsya kũmũkũlya, aũngalala, na amea, Ũla ũte na nai katĩ wenyu nĩambe kũmwĩkya ĩvia.</verse>
				<verse number="8">Na akunama ĩngĩ, na aandĩka nthĩ na kyaa kyake.</verse>
				<verse number="9">Namo, meew’a ũu, maumaala ũmwe na ũmwe, kwambĩlĩlya ala akũũ, kũvika, ala ma mũminũkĩlyo: na Yesũ atiwa e weka, na ũla mũndũ vala eĩĩ katĩ.</verse>
				<verse number="10">Na Yesũ aũngalala, na amwĩa, Mũndũ mũka, maĩva ala? Vai ũmwe ũnaũsilĩla?</verse>
				<verse number="11">Na amwĩa, Vai ũmwe, Mwĩaĩi. Na Yesũ amwĩa, O nakwa ndiũkũsilĩla: enda; na kuma yu ndũkaaĩke naĩ ĩngĩ.)</verse>
				<verse number="12">Na ĩndĩ Yesũ aneena namo ĩngĩ, akyasya, Nyie, ninyie kyeni kya nthĩ: ũla ũmbikĩlaa ndakakinya kĩvindunĩ, ĩndĩ akeethĩwa na kyeni kya thayũ.</verse>
				<verse number="13">Na ĩndĩ Avalisi mamwĩa, Nũkwĩkũsĩĩa mwene; ũkũsĩ waku ti wa w’o.</verse>
				<verse number="14">Yesũ amaswũngĩa na amea, O na ethĩwa nĩngwĩkũsĩĩa mwene, ũkũsĩ wakwa nĩ wa w’o; nũndũ nĩnĩsĩ kũla naumie, na kũla nĩthi: ĩndĩ inyw’ĩ mũtyĩsĩ kũla naumie, kana kũla nĩthi.</verse>
				<verse number="15">Inyw’ĩ mũsila kĩmwĩi; nyie ndisilĩlaa mũndũ.</verse>
				<verse number="16">Na ethĩwa nĩngũsila, kũsila kwakwa nĩ kwa w’o; nũndũ ndi nyioka, ĩndĩ nyie na Asa ũla wandũmie.</verse>
				<verse number="17">Na mĩaonĩ yenyu nĩkũandĩkĩtwe kana ũmũsĩ wa andũ elĩ nĩ wa w’o.</verse>
				<verse number="18">Nyie nĩngwĩkũsĩĩa mwene, na Asa ũla wandũmie, nake nũnũngũsĩĩa.</verse>
				<verse number="19">Na kwondũ wa ũu mamũkũlya, Au aĩva? Yesũ amasũngĩa, Mũimbĩsĩa, o na Asa mũimwĩsĩ: kethĩwa, nĩmũmbĩsĩ, nake Asa mwĩthĩw mũmwĩsĩ.</verse>
				<verse number="20">Ndeto ii aneenie e vala valekelaw’a mbesa, akĩmanyĩsya ĩkalũnĩ: na vai mũndũ waamũkwata; nũndũ saa wake ndwaĩ ũnamba ũvika.</verse>
				<verse number="21">Na ĩndĩ amatavya ĩngĩ Nyie nĩngũthi, nenyu mũkamantha, na mũkakw’a naĩnĩ yenyu: kũla nĩthi, mũtitonya kũka.</verse>
				<verse number="22">Na ĩndĩ Ayuti masya, Akeeyũaa mwene, nũndũ easya, Kũla nĩthi, mũtitonya kũka?</verse>
				<verse number="23">Na amea, Inyw’ĩ mwĩ ma ĩtheo; nyie nĩ wa ĩũlũ: inyw’ĩ mwĩ ma nthĩ ĩno; nyie ndi wa thaĩ ĩno.</verse>
				<verse number="24">Nũndũ wa ũu namwĩa, kana mũkakw’a naĩnĩ syenyu: nũndũ mwalea kwĩtĩkĩla kana ninyie we mũkakw’a naĩni syenyu.</verse>
				<verse number="25">Na ĩndĩ mamũkulya, We nue ũũ? Yesũ amea, No ũla namũtavasya kuma mwambĩlĩlyonĩ.</verse>
				<verse number="26">Nĩ na maũndũ maingĩ ma ũneena na ma ũsila ũndũ wenyu: ĩndĩ ũla wandũmie nĩ wa w’o; na maũndu ala neewie kwake, nĩmo nĩmĩtavasya nthĩ.</verse>
				<verse number="27">Natyaamanya kana emawetea Asa.</verse>
				<verse number="28">Na ĩndĩ Yesũ asya, Yĩla mwĩmũkĩlya ũla Mwana wa mũndũ, nĩw’o mũkamanya kana ninyie we, na ndyĩkaa ũndũ nũndũ wakwa, ĩndĩ no ũndũ Asa wamanyĩisye, nĩw’o nĩneenaa.</verse>
				<verse number="29">Na ũla wandũmie e wamwe nakwa; ndaandia nĩ nyioka; nũndũ mavinda onthe nĩkaa maũndũ ala mamwendeeasya.</verse>
				<verse number="30">Akĩneena ndeto isu, andũ angĩ mamwĩtĩkĩla.</verse>
				<verse number="31">Nĩvo ĩndĩ Yesũ wameie Ayuti ala Ethĩwa inyw’ĩ mũkekalaa w’o;</verse>
				<verse number="32">na mũkamanya ũla w’o, na ũla w’o ũkamũthasya.</verse>
				<verse number="33">Namo mamũsũngĩa, Twĩ ũsyao wa Avalaamu, tũiaamba kwĩthĩwa ngombo sya mũndũ o na wĩva: wĩasya ata ĩndĩ, aĩ, Mũkathaw’a?</verse>
				<verse number="34">Yesũ amasũngĩa, Nĩ w’o, nĩ w’o, nĩngũmwĩa, Kĩla mũndũ wĩkaa naĩ nĩ ngombo ya naĩ.</verse>
				<verse number="35">Na ngombo ndĩkalaa nyũmbanĩ mavinda onthe: mwana ekalaa mavind onthe.</verse>
				<verse number="36">Ethĩwa ũla Mwana akamũthasya, mũkethĩwa mwĩ athasye w’o.</verse>
				<verse number="37">Nĩnĩsĩ kana mwĩ ũsyao wa Avalaamu; ĩndĩ mwĩmantha ũmbũaa, nũndũ ndeto yakwa ndĩ na ũthei nthĩnĩ wenyu.</verse>
				<verse number="38">Nĩneenaa maũndũ ala noonie kwa Asa: o nenyu nĩmwĩkaa maũndũ ala mweewie kwa ĩthe wenyu.</verse>
				<verse number="39">Mamũsũngĩa na mamwĩa, Asa waitũ nĩ Avalaamũ. Yesũ amea, Kethĩwa mwĩ syana sya Avalaamu, mwĩthĩwa mũkĩka, mawĩa ma Avalaamu.</verse>
				<verse number="40">Ĩndĩ yu nĩmũũmantha kũmbũaa, mũndũ ũla ũmũtavĩtye w’o, ũla neewie kwa Ngai: Avalaamu ndaaĩka ũu.</verse>
				<verse number="41">Nĩmwĩkaa mawĩa ma ĩthe wenyu. Na mamwĩa, Ithyĩ tũtyaasyaĩwa ũlaalaini; twĩ na Asa ũmwe, nake nĩ Ngai.</verse>
				<verse number="42">Yesũ amea, Kethĩwa Ngai nĩ Ĩthe wenyu, mwithĩwa mũkĩmbenda: nũndũ naumie kwa Ngai na nooka; na ndyaaũka kwondũ wakwa, ĩndĩ nĩwe wandũmie.</verse>
				<verse number="43">Nĩ ũndũ wa kĩ mũteũmanya ũndũ ngũneena? Nũndũ mũtitonya kwĩw’a ndeto yakwa.</verse>
				<verse number="44">Ĩnyw’ĩ, mwĩ ma ĩthe wenyu ndevili, na wendi wa ĩthe wenyu nĩw’o mwendaa kwĩka. Aĩ mũaani kuma mwambĩlĩlyonĩ, na ndaaĩkala nthĩnĩ wa w’o, nũndũ nthinĩ wake vati w’o. Yĩla ũnũũneena ũvũngũ, eneena ũndũ wĩ naw’o: nũndũ nĩ mũneeni wa ũvũngũ, na nĩ ĩthe wa ũvũngũ.</verse>
				<verse number="45">Ĩndĩ nũndũ nĩneenaa w’o, mũtiũmbitikila.</verse>
				<verse number="46">Nũũ wenyu ũla ũkũsĩĩa ki kana nyie nĩ mwĩki wa naĩ? Ethĩwa nĩneenaa w’o, nĩkĩ mũtiũmbĩtĩkila?</verse>
				<verse number="47">Ũla wa Ngai nĩwĩw’aa ndeto sya Ngai: na kwondũ wa ũu mũtyĩw’aa, nũndũ mũi ma Ngai.</verse>
				<verse number="48">Ayuti mamũsũngĩa, mamwĩa, Tũtinaneena o w’o kana wĩ Mũsamalia, na wĩ na ndaimonĩ?</verse>
				<verse number="49">Yesũ amasũngĩa, Ndi na ndaimoni; ĩndĩ nĩmũtaĩa Asa wakwa, na inyw’ĩ mũiũndaĩa.</verse>
				<verse number="50">Nakwa ndĩĩmantha ndaĩa yakwa mwene: kwĩ ũmwe ũla ũkumantha na nowe ũtusaa.</verse>
				<verse number="51">Nĩ w’o, nĩw’o, nĩngũmwĩa. Ethĩwa mũndũ nũkwataa ndeto yakwa, ndakona kĩkw’ũ o na ĩndĩĩ.</verse>
				<verse number="52">Ayuti mamwĩa, Yu nĩtwamanya kana wĩ na ndaimoni. Avalaamu nĩwakwie, na athani; naku wĩasya, Ethĩwa mũndũ nũkwataa ndeto yakwa, ndakasama kĩkw’ũ o na ĩndĩĩ.</verse>
				<verse number="53">We, wĩ mũnene kwĩ asa waitũ Avalaamu, nake nĩwakwie? Na athani nĩmakwie: wĩĩtw’a ũũ?</verse>
				<verse number="54">Yesũ asũngĩa, Ethĩwa nĩĩtaĩa mwene, ndaĩa yakwa ti kĩndũ: nĩ Asa wakwa ũla ũnũũndaĩa; ũla inyw’ĩ mũkwasya, nĩ Ngai wenyu;</verse>
				<verse number="55">na inyw’ĩ mũiaamũmanya: ĩndĩ nĩnĩmwĩsĩ; na ethĩwa ngasya, Ndĩmwĩsĩ, ngeethĩwa mũneeni wa ũvũngũ tenyu: ĩndĩ nĩnĩmwĩsĩ na nĩngwataa ndeeya yake.</verse>
				<verse number="56">Ĩthe wenyu, Avalaamu, nĩwatanie nũndũ wa kwona mũthenya wakwa; na nĩwawonie, na atana.</verse>
				<verse number="57">Ĩndĩ Ayuti mamwĩa, Ndũnamba ũvikya myaka mĩongo ĩtano, na nĩwamwonie Avalaamũ?</verse>
				<verse number="58">Yesũ amatavya, Nĩ w’o, nĩ w’o, nĩngũmwĩa, Nĩ kw’o naĩ, Avalaamuatanamba ũsyawa.</verse>
				<verse number="59">Nĩvo ĩndĩ moosie mavia mamũkime: ĩndĩ Yesũ eevitha, na auma ĩkalũnĩ.</verse>
			</chapter>
			<chapter number="9">
				<verse number="1">Na avĩtĩte, oona mũndũ e kĩlilinda kuma asyawa.</verse>
				<verse number="2">Na amanyĩw’a make mamũkũlya, makyasya, Lavai, ũla wekie naĩ nũũ, nĩ mũndũ ũũ, kana nĩ asyai make, kana asyawe kĩlilinda?</verse>
				<verse number="3">Yesũ amasũngĩa, Ũũ ndaaĩka naĩ, kana asyai make: ĩndĩ nĩ kana mawĩa ma Ngai monanw’e nthĩnĩ wake.</verse>
				<verse number="4">Mũvaka tũtethye mawĩa ma ũla wandũmie, kwĩ mũthenya: ũtukũ nĩwũkĩte, yĩla mũndũ ũtatonya kũtethya wĩa.</verse>
				<verse number="5">Ĩvinda yĩla nĩ kũũ nthĩ, nyie nĩ kyeni kya nthĩ.</verse>
				<verse number="6">Na aneena ũu, atw’ĩla mata nthĩ, na aulua kataka na mata, na amũvaka kala kataka metho,</verse>
				<verse number="7">na amwĩa, Thi, ũkathambe ndianĩ ya Siloami (ũalyũlo wayo nĩ, Kũtũmwa). Na ĩndĩ athi, athamba, na ooka akyona.</verse>
				<verse number="8">Na kwondũ wa ũu atũi, na ala mamwonaa tene, yĩla waĩ mũvoyi wa syĩndũ, masya, Ũũ ti ũla wekalaa nthĩ akĩvoya syĩndũ?</verse>
				<verse number="9">Angĩ masya, Nĩwe: na angĩ masya, Aiee, ĩndĩ avw’anene nake. Nake asya, Ninyie.</verse>
				<verse number="10">Na ĩndĩ mamũkũlya, Ũsalukilw’e ata metho maku?</verse>
				<verse number="11">Amasũngĩa, Mũndũ ũla wĩtawa Yesũ aulua kataka, na avaka metho makwa, na ambĩa, Enda ũkathambe Siloami: nakwa nathi nathamba, na nanengwa kwona.</verse>
				<verse number="12">Na mamũkũlya, Aĩva mũndũ ũsu? Asya, Ndyĩsĩ.</verse>
				<verse number="13">Na mamũtwaa kwa Avalisi ũsu waĩ kĩlilinda tene.</verse>
				<verse number="14">Na mũthenya ũsu waĩ wa savato yĩla Yesũ wauluile kataka, na amũsalukya metho.</verse>
				<verse number="15">Na kwondũ wa ũu Avalisi mamũkũlya ĩngĩ ũndũ wanengwa kwona. Na amea, Ambĩkĩie kataka metho, na nathamba, na nĩngwona.</verse>
				<verse number="16">Na ĩndĩ amwe ma Avalisi masya, Mũndũ ũũ ndaauma kwa Ngaĩ, nũndũ ndalilikanaa savato. Ĩndĩ angĩ masya, Mũndũ mwathe atonya ata kwĩka syama ta isu? Na kwaya ũtilĩkangano katĩ wamo.</verse>
				<verse number="17">Na ĩndĩ mamwĩa ĩngĩ ũla waĩ kĩlilinda, Wĩasya ata we ũndũ wake, nũndũ nũnaũsalukilye metho? Nake asya, Nĩ mwathani.</verse>
				<verse number="18">Ĩndĩ Ayuti maiaaĩtĩkĩla ũvoo wake, kana aĩ kĩlilinda, na anegwa kwona, mũvaka makũlya asyai ma ũla ũnanengiwe kwona,</verse>
				<verse number="19">na mamakũlya, makyasya, Ũũ nĩwe mwana wenyu, ũla mwaasya asyaiwe e kĩlinda? Eona ata ĩndĩ yu?</verse>
				<verse number="20">Asyai make masũngĩa, masya Nĩtwĩsĩ kana ũũ nĩ mwana waitũ, na asyaiwe e kĩlilinda:</verse>
				<verse number="21">ĩndĩ kĩla kĩtumaa ona yu, tũtikĩsĩ; na tũiĩsĩ ũla ũnamũsalukilye metho: mũkũlyei we; nĩ mũndũ mũima, akeneenea.</verse>
				<verse number="22">Asyai make maisye ũu, nũndũ nĩmakĩaa Ayuti: nũndũ Ayuti maĩ mananeena makew’ana, kana ethĩwa mũndũ akasya nĩwe Klisto, ũsu akalũngw’a ĩsinakokenĩ.</verse>
				<verse number="23">Kwondũ wa ũu asyai make masya, Nĩ mũima: mũkũlyei we.</verse>
				<verse number="24">Na ĩndĩ mamwĩta ũla mũndũ wai kĩlilinda, ĩngĩ ya kelĩ, na mamwĩa, Mũnenge Ngai ndaĩa: nĩtwĩsĩ kana mũndũ ũsu nĩ mwathe.</verse>
				<verse number="25">Ĩndĩ nake asũngĩa, Ethĩwa nĩ mwathe, ndyĩsĩ: nĩsĩ ũndũ o ũmwe, kana nyie naĩ kĩlilinda, ĩndĩ yu nĩngwona.</verse>
				<verse number="26">Na ĩndĩ mamũkũlya, Anakwĩkie ata? Anakũsalukilye metho ata?</verse>
				<verse number="27">Amasũngĩa, Namũtavya oyu, na mũinew’a; nũndũ wa kĩ mũkwenda kwĩw’a ĩngĩ? O nenyu nĩmũkwenda kũtw’ĩka amanyĩw’a make?</verse>
				<verse number="28">Na ĩndĩ mamũuma, makyasya, We, wĩ mũmanyĩw’a wake; ĩndĩ ithyĩ twĩ amanyĩw’a ma Mose.</verse>
				<verse number="29">Nĩtwĩsĩ kana Ngai nĩwaneenie na Mose: ĩndĩ tũtyisi vala mũndũ ũũ wumite.</verse>
				<verse number="30">Ũla mũndũ amasũngĩa, amea, Ai! Ũndũ ũũ nĩ ũseng’yo, atĩ mũtyĩsĩ kũla wumĩte, na nĩwe ũnzalukilye metho makwa.</verse>
				<verse number="31">Nĩtwĩsĩ kana Ngai ndamew’aa andũ athe: ethĩwa mũndũ o na wĩva ni mũthaithi wa Ngai, na aiĩkaa kwenda kwake, ũsu nũmwĩw’aa.</verse>
				<verse number="32">Kuma mwambĩlĩlyonĩ kũiaaĩw’ĩka kana ve mũndũ waasalukya ũngĩ metho, asyaĩtwe e kĩlilinda.</verse>
				<verse number="33">Kethĩwa ũsu ndaumĩte kwa Ngai, ndanaĩ atonya kwĩka ũndũ.</verse>
				<verse number="34">Na mamũsũngĩa, mamwĩa, We wasyaĩwe naĩnĩ ki, na nũũtũmanyĩsya ithyĩ? Na mamwĩkya nza.</verse>
				<verse number="35">Na Yesũ eew’a kana nĩmamwĩkisye nza; na amwona, asya, Nũmwĩtĩkĩla Mwana wa Ngai?</verse>
				<verse number="36">Amũsũngĩa, asya, Nake nũũ, Mwĩaĩi, nĩ kana nĩmwĩtĩkĩle?</verse>
				<verse number="37">Yesũ amwĩa, Nĩwamwona, na nĩwe ũũ ũla ũnũũneena naku.</verse>
				<verse number="38">Na asya, Mwĩaĩi, nĩngwĩtĩkĩla. Na amũthaitha.</verse>
				<verse number="39">Na Yesũ asya, Ninookie kũũ nthĩ kwondũ wa ũsilĩlo, nĩ kana ala matonaa mone; na ala monaa matw’ĩke ililinda.</verse>
				<verse number="40">Na amwe ma Avalisi ala maĩ nake meew’a ndeto isu, na mamũkũlya, O naitũ twĩ ililanda?</verse>
				<verse number="41">Yesũ amea, Kethĩwa mwĩ ililinda, mũthĩwĩi na naĩ: Indĩ yu mwĩasya, Nĩtũkwona: naĩ yenyu mwĩ nayo.</verse>
			</chapter>
			<chapter number="10">
				<verse number="1">Nĩ w’o, nĩ w’o, nĩngũmwĩa, Ũla ũtavotelaa mũomonĩ wa vala malondu mekalaa, ĩndĩ aikĩlĩla vangi, ũsu nĩ kĩng’ei na mũvutani.</verse>
				<verse number="2">Ĩndĩ ũla ũvotelaa mũomonĩ nĩwe mũĩthi wa malondu.</verse>
				<verse number="3">Mũsũvĩi wa mũomonĩ nũmũvĩngũĩaa ũsu; na malondunĩmew’aa wasya wake: kĩla ilondu na syĩtwa yayo, na nũmatongoeasya, nza.</verse>
				<verse number="4">Na amaumaalya onthe ala make, nũmatongoeasya na malondu makĩmũvikĩla: nũndũ nĩmesĩ wasya wake.</verse>
				<verse number="5">Na maivikĩlaa mũeni, nĩ maimũkĩa: nĩkwĩthĩwa matyĩsĩ wasya wa aeni.</verse>
				<verse number="6">Yesũ amaelekanĩlya na ngelekan’yo ĩno: ĩndĩ maiaamanya maũndũ ala wamatavya.</verse>
				<verse number="7">Na ĩndĩ Yesũ amea ĩngĩ, Nĩ w’o, nĩ w’o, nĩngũmwĩa, Nyie, ninyie mũomo wa malondu.</verse>
				<verse number="8">Onhe ala mambie kũka mbee wakwa nĩ ing’ei na nĩ avutani: ĩndĩ malondu maiaamew’a.</verse>
				<verse number="9">Nyie, ninyie mũomo; ũla ũnũũvotela vala nĩĩ, ũsu akatangĩĩwa, na akavota nthĩnĩ na akaumaala, na akoona kya ũya.</verse>
				<verse number="10">Kĩng’ei kĩtyũkaa, ate o kana kyũye, na kũaa, na kwananga: nyie nĩnookie kana methĩwe na thayũ, na ĩngĩ methĩwe naw’o mwingĩ.</verse>
				<verse number="11">Nyie, ninyie mũithi ũla mũseo: mũĩthi mũseo nũnũũwia thayũ wake nthĩ ũndũ wa malondu.</verse>
				<verse number="12">Mũndũ wa ũtuvwa, na tiwe mũĩthĩ, na malondut i make, oona nzũi yũkĩte, nũtiaa malondu, akakĩa, na nzũi ĩkĩmakwata, na ĩkĩmanyaĩĩkya:</verse>
				<verse number="13">akĩaa nũndũ nĩ mũndũ wa ũtuvwa, na ndeũsũanĩa malondu.</verse>
				<verse number="14">Nyie, ninyie mũĩthi ũla mũseo; na ala makwa mwene nĩnĩmesĩ, na nĩmambĩsĩ ala makwa mwene,</verse>
				<verse number="15">o ũndũ Asa ũmbĩsĩ, nakwa nĩnĩmwĩsĩ Asa; na nĩngwia thayũ wakwa nthĩ ũndũ wa malondu.</verse>
				<verse number="16">Nakwa nĩ na malondu angĩ mate ma ĩĩthya yĩĩ: asu namo nditĩa ũmaete, na makew’a wasya wakwa; na makatw’ĩka ma ĩĩthya yĩmwe, na mũĩthi ũmwe.</verse>
				<verse number="17">Kwondũ wa ũu Asa nũmbendete, nũndũ nĩngwia thayũ wakwa nthĩ, nĩ kana nĩwose ĩngĩ.</verse>
				<verse number="18">Vai mũndũ ũnũũmbena thayũ, ĩndĩ no nyie ngũwia nthĩ. Nĩ na ũkũmũ wa kũwia nthĩ, na nĩ na ũkũmũ wa kũwosa ĩngĩ. Mwĩao ũũ noosie kwa Asa wakwa.</verse>
				<verse number="19">Na kwookĩla ĩngĩ ũtilĩkangano katĩ wa Ayuti nũndũ wa ndeto isu.</verse>
				<verse number="20">Na aingĩ moo masya, E na ndaimoni, na nũnũkũũũka; mwĩmwĩw’ĩa kĩ?</verse>
				<verse number="21">Angĩ masya, Ndeto isu ti sya mũndũ wĩ na ndaimoni. Ndaimoni nĩtonya kũsalukya ililinda metho?</verse>
				<verse number="22">Na kwaĩ mboka ya kũlilikana ũthesyo wa ĩkalu, kũya Yelusaleme: na yaĩ ĩvinda ya mbevo;</verse>
				<verse number="23">na Yesũ angangaa ĩkalũnĩ valasyanĩ wa Solomoni.</verse>
				<verse number="24">Na ĩndĩ Ayuti mamũthyũlũlũka, na mamwĩa, Wĩtũsaanĩsya ĩvinda yĩana ata? Ethĩwa nue Klĩsto tũtavye nesa.</verse>
				<verse number="25">Yesũ amasũngĩa, Nĩnamũtavisye, na mũtikwĩtĩkĩla: mawĩa ala nĩkaa syĩtwanĩ ya Asa, nimo mangũsĩĩaa.</verse>
				<verse number="26">Ĩndĩ mũtikwĩtĩkĩla, nũndũ mũi ma malondu makwa.</verse>
				<verse number="27">Malondu makwa nĩmew’aa wasya wakwa, nakwa nĩnĩmesĩ, nao nĩmeũmbikĩla:</verse>
				<verse number="28">nakwa nĩngũmanenga thayũ ũthathela; na maĩkaa o na ĩndĩĩ, na kũi mũndũ ũkambena kw’okonĩ kwakwa.</verse>
				<verse number="29">Asa wakwa, ũla wanengie, nĩ mũnene mbee wa onthe; na kũ mũndũ ũtonya kũmavenana maume kw’okonĩ kwa Asa.</verse>
				<verse number="30">Nyie na Asa twĩ ũmwe.</verse>
				<verse number="31">Na Ayuti moosa mavia ĩngĩ mamũkime.</verse>
				<verse number="32">Yesũ amasũngĩa, Nimwonetye mawĩa maseo maingĩ kũma kwa Asa; nũndũ wa wĩva wa asu ũla mũũngimĩa na mavia?</verse>
				<verse number="33">Ayuti mamũsũngĩa, Tũiũkũkima na mavia nũndũ wa wĩa mũseo, ĩndĩ nũndu ũkuuma Ngai; na nũndũ we, wĩ mũndũ, wĩĩtw’ĩkĩthya Ngai.</verse>
				<verse number="34">Yesũ amasũngĩa, Kũiandĩkĩtwe mĩanoĩ yenyi, Nyie naisye, Mwĩ nagĩ?</verse>
				<verse number="35">Ethĩwa nĩwametie ngai, ala maetewe ndeto ya Ngai (na maandĩko maitonya kũtũlwa),</verse>
				<verse number="36">mwĩneenea ũla wavathaniw’e na watũmiwe kũũ nthĩ nĩ Ĩthe, Nũkũumana; nũndũ nĩnaisye, Nĩ Mwana wa Ngai?</verse>
				<verse number="37">Ethĩwa ndyĩkaa mawĩa ma Asa wakwa, mũikambĩtĩkĩle.</verse>
				<verse number="38">Ĩndĩ ethĩwa nĩngũmeka, o na ethĩwa mũtiũmbĩtĩkĩla, metĩkĩlei mawĩa: nĩ kana mũmanya na mũmanyae vyũ kana Asa e nthĩni wakwa, nakwa nĩ nthĩnĩ wa Asa.</verse>
				<verse number="39">Na meethĩwa makĩmantha ĩngĩ kũmũkwata: na auma mokonĩ moo.</verse>
				<verse number="40">Na athi ĩngĩ mũingo wa ũsĩ wa Yolotani vala Yoana wavatisĩaa ĩvinda ya mbee; na ekala vo.</verse>
				<verse number="41">Na aingĩ mathi vala ũĩ, maĩasya, Yoana ndaaĩka kyama: ĩndĩ maũndũ onthe ala maneeniwe nĩ Yoana ũndu wa mũndu ũũ maĩ ma w’o.</verse>
				<verse number="42">Na aingĩ mamwĩtĩkĩlĩla kũu.</verse>
			</chapter>
			<chapter number="11">
				<verse number="1">Kwaĩ mũndũ ũmwe mũwau, wetawa Lasalo, wa mũsyĩ wa Vethania, vala Meli na mwĩĩtu‐a‐inyia Matha matwĩe.</verse>
				<verse number="2">Nĩ Meli ũsu ũla wamũvakie Mwĩaĩi mauta me mũuke mũseo, na aimũnyasya maũũ make na nzw’ĩĩ syake, na nĩ mwana‐a‐inyia wake Lasalo ũla waĩ mũwau.</verse>
				<verse number="3">Nũndũ wa ũu eĩtũ‐a‐inyia mamũtũmana, makyasya, Mwĩaĩi, sisya, ũla wendete nĩ mũwau.</verse>
				<verse number="4">Na Yesũ eew’a ũu, asya, Ũwau ũsu ti wa kĩkw’ũ, ĩndĩ nĩ kana Ngai ataĩwe na nĩ kana Mwana wa Ngai ataĩwe nũndũ waw’o.</verse>
				<verse number="5">Na Yesũ nĩwamwendete Matha, na mwĩĩtu‐a‐inyia, na Lasalo.</verse>
				<verse number="6">Na eew’a kana nĩ mũwau, amba kwĩkala vo vala waĩ mĩthenya ĩngĩ ĩlĩ.</verse>
				<verse number="7">Nĩvo ĩndĩ ĩtina wa ũu wameie amanyĩw’a, Tũthii ĩngĩ Yutia.</verse>
				<verse number="8">Amanyĩw’a manwĩa, Lavai, oyu mĩtũkĩ Ayuti nĩmanamanthaa kũũkima na mavia; na wĩthi kw’o ĩngĩ?</verse>
				<verse number="9">Yesũ asũngĩa, Masaa ma mũthenya ti ĩkũmi na elĩ? Ethĩwa mũndũ ethi na mũthenya, ndatulw’a, nũndũ niwene kyeni kya nthĩ ĩno.</verse>
				<verse number="10">Ĩndĩ ethĩwa mũndũ ethi na ũtukũ, nũnũũtulw’a, nũndũ kyeni kĩi nthĩnĩ wake.</verse>
				<verse number="11">Aneena maũndũ asu: na ĩtina amea, Lasalo ũla mũnyanyae waitũ nũkomete; ĩndĩ nĩngũthi ngamũamũkye.</verse>
				<verse number="12">Na ĩndĩ amanyĩw’a make mamwĩa, Mwĩaĩi, ethĩwa nũkomete, akavoa.</verse>
				<verse number="13">Ĩndĩ Yesũ aneenaa ũndũ wa kikw’ũ kyake: ĩndĩ nĩmaisye eneena ũndũ wa kũkoma too.</verse>
				<verse number="14">Nĩvo ĩndĩ Yesũ wamatavya vyũ, Lasalo nĩ mũkw’ũ.</verse>
				<verse number="15">Na nĩngũtana kwondũ wenyu nũndũ ndinaĩ vo, nĩ kana mwĩtĩkĩle; ĩndĩ tũthii vala ũĩ.</verse>
				<verse number="16">Na ĩndĩ Thomas, ũla wetawa Ĩvatha, wameie amanyĩw’a ala angĩ, Tũthii naitũ, tũkw’e vamwe nake.</verse>
				<verse number="17">Na Yesũ avika, ethĩa nũminĩte matukũ ana e mbũanĩ.</verse>
				<verse number="18">Na Vethania vaĩ vakuvĩ na Yelusaleme, ta maĩli elĩ;</verse>
				<verse number="19">na aingĩ ma Ayuti nĩmookie kwa Matha na Meli, kũmakiakisya nũndũ wa mwana‐a‐inyia woo.</verse>
				<verse number="20">Na ĩndĩ Matha, yĩla wewie kana Yesũ nĩwũkĩte, athi ũmũthaũa: ĩndĩ Meli ailyĩ nyũmba.</verse>
				<verse number="21">Na ĩndĩ Matha amwĩa Yesũ, Mwĩaĩi, kethĩwa ũnaĩ kũũ, mwana‐a‐ia ndakw’a.</verse>
				<verse number="22">Na nĩnĩsĩ o na yu kana ũndũ o na wĩva ũla wĩmwĩtya Ngai, Ngai akakũnenga.</verse>
				<verse number="23">Yesũ amwĩa, Mwana‐a‐inyia waku akathayũũka.</verse>
				<verse number="24">Matha amwĩa, Nĩnĩsĩ akathayũũka ũthayũũkyonĩ wa mũthenya wa mũminũkĩlyo.</verse>
				<verse number="25">Yesũ amwĩa, Ninyie ũthayũũkyo, na ninyie thayũ: ũla ũmbĩtĩkĩlaa, o na ethĩwa nũnũũkw’a, akeethĩwa na thayũ;</verse>
				<verse number="26">na o ũla wĩ na thayũ na ũmbĩtĩkĩlaa ndakakw’a o na ĩndĩĩ. Nũkwĩtĩkĩla ũu?</verse>
				<verse number="27">Nake amwĩa, Ĩĩ, Mwĩaĩi: nĩnĩtĩkĩlĩte kana nue Klĩsto, Mwana wa Ngai, ũla wĩũka kũũ nthĩ.</verse>
				<verse number="28">Na asya ũu, athi, amwĩta Meli mwĩĩtũ‐a‐inyia nzama, akyasya, Mũmanyĩsya e vaa, na nũnũũkwĩta.</verse>
				<verse number="29">Nake eew’a ũu, ookĩla na mĩtũkĩ, na athi vala ũĩ.</verse>
				<verse number="30">(Ĩndĩ Yesũ ndaĩ anamba ũvota mũsyi, ĩndĩ aĩ o vala Matha wakomanĩe nake.)</verse>
				<verse number="31">Nĩvo Ayuti ala maĩ nake nyũmbanĩ makĩmũkiakisya, moona Meli, ũndu wokĩla na mĩtũkĩ na aũmaala, mamũatĩĩie, makĩsũanĩa ũendete mbũanĩ akaĩĩe vo.</verse>
				<verse number="32">Na Meli, ooka vala ve Yesũ, na amwona, eevalũkya maũũnĩ make, akĩmwĩa, Mwĩaĩi, kethĩwa ũnaĩ kũũ, mwana‐a‐ia ndakw’a.</verse>
				<verse number="33">Na Yesũ oona akĩĩa, na Ayũti ala mookanisye nake makĩĩa, eew’a woo vevanĩ, na aũũya,</verse>
				<verse number="34">na asya, Mũnamwiie va? Mamwĩa, Mwĩaĩi, ũka ũkone.</verse>
				<verse number="35">Yesũ aĩa.</verse>
				<verse number="36">Na ĩndĩ Ayuti masya, Kwa sisyai ũndũ ũnamwendete!</verse>
				<verse number="37">Ĩndĩ amwe moo masya, Ũũ wasalukilye kĩlilinda metho, ndanaĩ atonya kũtuma mũndũ ũũ ũtakw’a?</verse>
				<verse number="38">Na ĩndĩ Yesũ eew’a woo ĩngĩ nthĩnĩ wake avika mbũanĩ. Nayo yaĩ ngunga, na yakunĩkĩlw’e na ĩvia.</verse>
				<verse number="39">Na Yesũ asya, Vetai ĩvia. Matha, mwĩĩtu‐a‐inyia wa ũla mũkw’ũ, amwia, Mwĩaĩi, yuyu nũnũũnyunga; nũndũ ũmũnthĩ nĩ wa kana, akw’a.</verse>
				<verse number="40">Yesũ amwia, Ndinakwĩa, kana, ethĩwa nũkwĩtĩkĩla, nũkwona ũnene wa Ngai?</verse>
				<verse number="41">Na ĩndĩ maveta yĩla ĩvia. Na Yesũ aũngalalya metho, na asya, Asa, nĩngũũtũngĩa mũvea nũndũ nĩwambĩw’a.</verse>
				<verse number="42">Nakwa nĩnĩsĩ kana mavinda onthe nũmbĩw’aa: ĩndĩ nũndũ wa ĩkomano yĩĩ yĩũngeme yĩnthyũlũlũkĩte naneena ũu, matonye kwĩtĩkĩla kana nue wandũmie.</verse>
				<verse number="43">Na aneena maũndũ asu, aneena na wasya mũnene, Lasalo, umaala.</verse>
				<verse number="44">Ũla eĩ mũkw’ũ aumaala, alingĩlĩtwe ngũa ya mathiko maũũ na moko; na ũthyũ wake wovetwe na kĩtambaa. Yesũ amea, Mũthasyei, na mũekei athi.</verse>
				<verse number="45">Na ĩndĩ aingĩ ma Ayuti, ala mookie kwa Meli na moona ũndũ ũla wĩkie, mamwĩtĩkĩla.</verse>
				<verse number="46">Ĩndĩ amwe moo mathi kwa Avalisi mamatavya maũndũ ala Yesũ wĩkie.</verse>
				<verse number="47">Na ĩndĩ athembi ala anene na Avalisi moomban’ya nzama, na masya, Twĩĩka ata? Nũndũ mũndũ ũũ ekaa syama mbingĩ.</verse>
				<verse number="48">Ethĩwa twĩmũeka ũu, andũ onthe makamwĩtĩkĩla: na Alomi makooka mose kũũ kwitũ na mbaĩ yaitũ.</verse>
				<verse number="49">Ĩndĩ ũmwe wamo, ũla wetawa Kaiava, ũla waĩ mũthembi mũnene mwaka ũsu, amatavya, Mũi ũndũ mwĩsĩ,</verse>
				<verse number="50">na mũtiũsũanĩa nĩkwaĩle inyw’ĩ, mũndũ ũmwe akw’e nũndũ wa andũ, nĩ kana mbaĩ yonthe ndĩkae.</verse>
				<verse number="51">Na ndaaneena ũu kwondũ wake: ĩndĩ nũndũ nĩwe waĩ mũthembi mũnene mwaka ũsu, athana kana Yesũ akamĩkw’ĩĩa mbaĩ;</verse>
				<verse number="52">na ti ũndũ wa mbaĩ yoka ĩndĩ nĩ kana atonye kũmban’ya syana sya Ngai ila itwĩe inyaĩĩkĩtw’e syĩthĩwe ũmwe.</verse>
				<verse number="53">Na ĩndĩ kuma mũthenya ũsu masaman’ya nĩ kana matonye kũmũaa.</verse>
				<verse number="54">Na kwondũ wa ũu Yesũ ndaambĩla kwanganga eyumĩlĩtye katĩ wa Ayuti, ĩndĩ auma kw’o na athi nthĩ ĩla ĩthengeee weũnĩ, ndũanĩ yĩtawa Evalaimũ; na ekala vo vamwe na amanyĩw’a make.</verse>
				<verse number="55">Na mboka ya vasaka yaĩ vakuvĩ ũvĩka: na aingĩ maumie nthĩ ĩsu mambatie Yelusaleme vasaka ũtanamba ũvika, nĩ kana methesye.</verse>
				<verse number="56">Na mamantha Yesũ, na maneenan’ya ene kwa ene, maũngamĩte ĩkalũnĩ, Mwĩona ata? Mwĩasya ndeũka mbokanĩ?</verse>
				<verse number="57">Na ĩndĩ athembi anene na Avalisi maumisye mwĩao, kana, ethĩwa mũndũ nĩwĩsĩ vala ũĩ, aete ũvoo, nĩ kana mamũkwate.</verse>
			</chapter>
			<chapter number="12">
				<verse number="1">Na vatiele mĩthenya thanthatũ vasaka ũvike, Yesũ athi Vethania, vala Lasalo watwĩe, ũla wathayũũkiw’e nĩ Yesũ kuma kwa akw’ũ.</verse>
				<verse number="2">Na mamũseũvĩsya lĩu kw’o: na Matha nĩwe wanenganae lĩu; ĩndĩ Lasalo aĩ ũmwe wa ala mailyĩ nthĩ makĩya nake.</verse>
				<verse number="3">Na ĩndĩ Meli oosa latili ũmwe wa mauta matheu, me vata mũnene mũno, na amũvaka Yesũ maũũ, na amanyasya maũũ make na nzw’ĩĩ syake: na nyũmba yausũa mũuke wa ala mauta.</verse>
				<verse number="4">Ĩndĩ mũmanyĩw’a ũmwe wake, wetawa Yutasi Isikalioti, ũla wĩmũvũnyanĩa, asya,</verse>
				<verse number="5">Nĩkĩ mauta mateĩ matewa silingi maana atatũ, ikanengwa ngya?</verse>
				<verse number="6">Ndaasya ũũ, nũndũ wa kũsyĩw’ĩa ngya tei; ĩndĩ nũndũ aĩ kĩng’ei, na aĩ mũkui wa ngusu, na akyũya kĩla kyeekĩawa vo.</verse>
				<verse number="7">Na ĩndĩ Yesũ asya, Mũekei: ambĩka ũu ũndũ wa mũthenya ũla nĩthikwa.</verse>
				<verse number="8">Nũndũ ngya mwĩ nasyo mavinda onthe; ĩndĩ nyie mũi nakwa mavinda onthe.</verse>
				<verse number="9">Na ĩndĩ nguthu ya Ayuti yamanya kana e kw’o, yooka, na ti ũndũ wa Yesũ weka, ĩndĩ nĩ kana ĩmwone Lasalo nake, ũla wathayũũkiw’e nĩ Yesũ kuma akw’ũnĩ.</verse>
				<verse number="10">Ĩndĩ athembi anene masaman’ya mamũae Lasalo nake;</verse>
				<verse number="11">nũndũ andũ aingĩ maumie kwa Ayuti kwondũ wake, mamwĩtĩkĩla Yesũ.</verse>
				<verse number="12">Na ũnĩ ũsu nguthu nene ĩla yaĩ ĩnavika mbokanĩ, yeew’a kana Yesũ nũnũkũka Yelusaleme,</verse>
				<verse number="13">yoosa matũ ma makĩndũ, na yathi ũmũthaũa, na yookĩlya mawasya mũno, ĩkyasya, Hosana: Nĩ mũathime ũla wũkĩte syĩtwanĩ ya Mwĩaĩi, nĩwe Musumbĩ wa Isilaeli.</verse>
				<verse number="14">Na Yesũ oona ndena ya ĩng’oi, na amĩtũla; o ũndũ kũandĩkĩtwe,</verse>
				<verse number="15">Ndũkakĩe, mwĩĩtu wa Saioni: sisya, Mũsũmbĩ waku mwũkĩte, atũlĩte ndena ya ĩng’oi.</verse>
				<verse number="16">Maũndũ asu amanyĩw’a make maiaamanya mbee: ĩndĩ yĩla Yesũ wesie kũtaĩwa, nĩvo malilikanile kana maũndũ asu nĩmaandĩkĩtwe ũndũ wake, na mamwĩkie o maũndũ asu.</verse>
				<verse number="17">Na indĩ nguthu ĩla yaĩ nake yĩla wamwĩtie Lasalo aume mbũanĩ na amũthayũũkya kwa akw’ũ, nĩyakũsĩĩaa.</verse>
				<verse number="18">Na kwondũ wa ũu nguthu yaendie kũmũthaũa, nũndũ nĩyeewie kana nũneekie kyama kyu.</verse>
				<verse number="19">Na ĩndĩ Avalisi masya ene kwa ene, Sisyai mũti ũndũ mũtonya; onai, nthĩ nĩendete ĩmũatĩĩe.</verse>
				<verse number="20">Na kwaĩ Akiliki amwe katĩ wa ala mambatie kũthaitha mbokanĩ:</verse>
				<verse number="21">namo mathi vala ve Vilivu, ũla ũtwĩe Vethisaita, nthĩ ya Kalilii, na mamũkũlya, makyasya, Vwana, nĩtũkwenda kũmwona Yesũ.</verse>
				<verse number="22">Na Vilivu athi amũtavya Andalea: na Andalea athi. E na Vilivu, na mamũtavya Yesũ.</verse>
				<verse number="23">Na Yesũ amasũngĩa, akyasya, Saa nĩ mũviku yu Mwana wa mũndũ kũtaĩwa.</verse>
				<verse number="24">Nĩ w’o, nĩ w’o, nĩngũmwĩa, Keka mbeke ya nganũ ĩnĩũvalũka mũthanganĩ na ĩikw’a, ĩkalaa ĩyoka; ĩndĩ yakw’a, ĩsyaaa ũsyao mwingĩ.</verse>
				<verse number="25">Ũla wendaa thayũ wake nũnũkũwasya; na ũla ũmenaa thayũ wake e kũũ nthĩ akoosũvia kũvika thayũ ũtathela.</verse>
				<verse number="26">Ethiwa mũndũ o na wiva nũnũũnthũkũma, nambikĩle; na vala nĩĩ, nĩvo mũthũkũmi wakwa nake ũkethĩwa: ethĩwa mũndũ o na wĩva akanthũkũma, akataĩwa nĩ Asa.</verse>
				<verse number="27">Na yu ngoo yakwa nĩnĩkũũũya; na nĩasya ata? Asa, ndangĩĩa kuma saanĩ ũũ. Ĩndĩ kwondũ wa ũu nĩnookie kũvĩkĩa saa ũũ.</verse>
				<verse number="28">Asa, taĩa syĩtwa yaku. Na ĩndĩ kwauma wasya ĩtunĩ, ũkyasya, Nĩnayĩtaĩa, na ngayĩtaĩa ĩngĩ.</verse>
				<verse number="29">Na ĩndĩ nguthu ĩla yaũngeme vo, yeew’a, yasya kana nĩkwatunduma: angĩ masya, Nĩ mũlaĩka waneena nake.</verse>
				<verse number="30">Yesũ asũngĩa na asya. Wasya ũsu ndũnoka kwondũ wakwa, ĩndĩ nũndũ wenyu.</verse>
				<verse number="31">Oyu ũsililo wa nthĩ ĩno wĩ kw’o: oyu mũnene wa nthĩ ĩno akekw’a nza.</verse>
				<verse number="32">Nakwa, nookĩlw’a ĩũlũ wa nthĩ, ngakusya andũ onthe kwakwa.</verse>
				<verse number="33">Aasya ũu, akyonan’ya kĩkw’ũ kĩla wĩkw’a.</verse>
				<verse number="34">Ĩkomano yamũsũngĩa, Ĩthyĩ nĩtwĩw’ĩte mĩaonĩ kana Klĩsto ekalaa tene na tene: naku wĩasya ata, Ũla Mwana wa mũndũ mũvaka okĩlw’e? Mwana ũsu wa mũndũ nũũ?</verse>
				<verse number="35">Na ĩndĩ Yesũ amea, Kũtiele ĩvinda ĩnini kyeni kĩ katĩ wenyu. Endai ĩvinda yĩla mwĩ na kyeni, nĩ kana kĩvindu kĩikamũkitye: na ũla ũendelaa kĩvindunĩ ndesĩ kũla ũnũũthi.</verse>
				<verse number="36">Yĩla mwĩ na kyeni, ĩtĩkĩlai kyeni nĩ kana mwĩthĩwe ana ma kyeni. Yesũ aneena maũndũ asu, na athi amevitha.</verse>
				<verse number="37">O na kau nĩwekie syama mbingĩ mbee wamo, ĩndĩ matyaamwĩtĩkĩla:</verse>
				<verse number="38">nĩ kana ndeto yĩanĩw’e, ĩla yaneeniwe nĩ mwathani Isaia, akyasya, Mwĩaĩi, nũũ ũla wetĩkĩlile ũvoo ũla twaetie? Na kw’oko kwa Mwĩaĩi kwavuanĩw’e ũũ?</verse>
				<verse number="39">Na nũndu wa ũu maiaatonya kwĩtĩkĩla, nũndũ Isaia nĩwaneenie ĩngĩ, akyasya,</verse>
				<verse number="40">Nĩwamatw’ĩkĩthisye ililinda, na amomya ngoo syoo; Maikese kwona na metho moo, na kũmanya na ngoo syoo, Makaelyũla, Nakwa ngamavosya.</verse>
				<verse number="41">Isaia aneenie maũndũ asu, nũndũ nĩwonie ũtheu mũtisu wake: na aneena ũndũ wake.</verse>
				<verse number="42">Ĩndĩ o na aingĩ ma anene nĩmamwĩtĩkĩlile; ĩndĩ kwondũ wa Avalisi maiaamumbũla, maikalũngw’e ĩsinakokenĩ;</verse>
				<verse number="43">nũndũ nĩmendaa ndaĩa ya andũ mbee wa ndaĩa ya Ngai</verse>
				<verse number="44">Yesũ ookĩlya wasya mũnene na asya, Ũla ũmbĩtĩkĩlaa, tii nyie wĩtĩkĩlĩte, ĩndĩ nĩ ũla wandũmie.</verse>
				<verse number="45">Na ũla ũnzyaasya nyie amũsyasya ũla wandũmie.</verse>
				<verse number="46">Nĩnũkĩte kũũ nthĩ ni kyeni, ni kana ũla ũmbĩtĩkĩlaa ndakekale kĩvindunĩ.</verse>
				<verse number="47">Na ethĩwa mũndũ o na wĩva nũkwĩw’a ndeto syakwa, na ndekwikwata, ndiũmũsilĩla: nũndũ ndyaaũka nĩsilĩle nthĩ, ĩndĩ nĩ kana nĩtangĩĩe nthĩ.</verse>
				<verse number="48">Ũla ũnũũndea, na ndeũkwata ndeto syakwa, e na ũla ũnũũmũsilĩla: ndeto ila naneena, nĩyo ĩkamũsilĩla mũthenya wa mũminũkĩlyo.</verse>
				<verse number="49">Nũndũ ndyaaneena ũndũ wumĩte kwakwa mwene; ĩndĩ Asa ũla wandũmie, nĩwendaĩe, ũndũ ngasya, na ũndũ nganeena.</verse>
				<verse number="50">Nakwa nĩnĩsĩ kana mwĩao wake nĩ thayũ ũtathela; na kwondũ wa ũu maũndũ ala ngũneena, o ũndũ Asa wambĩie, nĩw’o nĩneenaa.</verse>
			</chapter>
			<chapter number="13">
				<verse number="1">Na mboka ya vasaka ĩtanavika, Yesũ nĩwesĩ kana saa wake nĩ mũviku aume kũũ nthĩ athi kwa Asa, na kwa kwĩthĩwa nĩwamendie ala make me kũũ nthĩ, amendie kũvika mũminũkĩlyo.</verse>
				<verse number="2">Na makĩya lĩu wa wĩoo, ndevili amina kwĩkĩa ngoonĩ ya Yutasi Isikalioti, mwana wa Simoni, kũmũvũnyanĩa,</verse>
				<verse number="3">na Yesũ nĩwesĩ kana Ĩthe nĩwamũnengie maũndũ onthe mokonĩ make, na kana nĩwaumie kwa Ngai, na ethi kwa Ngai,</verse>
				<verse number="4">ookĩla lĩunĩ, na aia ngũa syake ũtee; na oosa kĩtambaa, na eevotoa.</verse>
				<verse number="5">Na ĩndĩ eekĩa manzĩ ĩsaaninĩ ĩnene, na ambĩlĩlya kũmathambya amanyĩw’a make maũũ, na amanyasya na kĩtambaa kĩla wevotoete.</verse>
				<verse number="6">Na avika vala ve Simoni Vetelo. Na amwĩa, Mwĩaĩi, wĩnthambya maũũ makwa?</verse>
				<verse number="7">Yesũ amũsũngĩa na amwĩa, Ũndũ ngwĩka ndũũmanya yu; ĩndĩ ũkamanya ĩtina.</verse>
				<verse number="8">Vetelo amwĩa, Ndwĩnthambya maũũ makwa o na ĩndĩĩ. Na Yesũ amũsũngĩa, Ethĩwa ndiũthambya, ndwĩ na kĩanda nakwa.</verse>
				<verse number="9">Simoni Vetelo amwĩa Mwĩaĩi, ti maũũ oka, ĩndĩ nthambya o na moko na mũtwe.</verse>
				<verse number="10">Yesũ amwĩa, Ũla ũthambĩte nde na vata ate o kũthambya maũũ, ĩndĩ ni mũtheu kw’onthe: na inyw’ĩ mwĩ atheu, ĩndĩ ti inyw’onthe.</verse>
				<verse number="11">Nũndũ nĩwesĩ ũla ũnũũmũvũnyanĩa; na nũndũ wa ũu aisye, Mũi atheu inyw’onthe.</verse>
				<verse number="12">Na ĩndĩ amathambya maũũ, oosa ngũa syake, na ekala nthĩ, amea Nĩmwĩsĩ ũndũ namwĩka?</verse>
				<verse number="13">Inyw’i mwĩmbĩta, Mũmanyisya, na Mwĩaĩi: na mwĩasya nesa; nũndũ nĩw’o ninyie.</verse>
				<verse number="14">Ĩndĩ ethĩwa nyie, Mwĩaĩi na mũmanyĩsya, namũthambya maũũ menyu, inyw’ĩ nenyu, nĩmwaĩlwe nĩ kũthamban’ya maũũ.</verse>
				<verse number="15">Nũndũ nĩnamwon’ya ngelekan’yo, nĩ kana ũndũ namwĩka nenyu mwĩkanae o ta ũu.</verse>
				<verse number="16">Nĩ w’o, nĩ w’o, nĩngũmwĩa, Ngombo ti nene kwĩ vwana wayo; o na ũla ũtũmĩtwe ti mũnene kwĩ ũla ũmũtũmĩte.</verse>
				<verse number="17">Ethĩwa nĩmwĩsĩ maũndũ aa, mwĩ aathime ethĩwa nĩmũũmeka.</verse>
				<verse number="18">Ndiũmũweta inyw’onthe: nĩnĩsĩ ala nanyuvie: ĩndĩ nĩ kana maandĩko meanĩw’e, Ũla ũnũũya lĩu nakwa nũnũũmbũkĩlĩlya kĩtiinyo kyake ĩũlũ wakwa.</verse>
				<verse number="19">Kuma yu nĩmũtavya mbee wa ũtanekĩka, ni kana weekĩka, mwĩthiwe o mwĩtĩkĩle kana ninyie we.</verse>
				<verse number="20">Ni w’o, nĩ w’o, nĩngũmwĩa, Ũla ũmwosaa ũla ndũmaa embosa nyie; na ũla ũmbosaa nyie emwosa ũla wandũmie.</verse>
				<verse number="21">Na Yesũ amina ũneena ũu, aũũya vevanĩ, na akũsĩĩa, asya, Ni w’o, ni w’o, nĩngũmwĩa, kana ũmwe wenyu akambũnyanĩa.</verse>
				<verse number="22">Na ĩndĩ amanyĩw’a make masyaan’ya, me na nzika mateũmanya ũla ũnũũwetwa.</verse>
				<verse number="23">Na mesanĩ kwaĩ ũmwe wa amanyĩw’a make, ũla wendetwe nĩ Yesũ, aĩĩe kithũini kya Yesũ.</verse>
				<verse number="24">Na kwondũ wa ũu Simoni Vetelo amwon’ya na kw’oko, amwĩa, Tũtavye nũũ ũla ũnũũweta.</verse>
				<verse number="25">Nake amwaĩĩe Yesũ kĩthũinĩ, o ũndũ wailyi, amũkũlya, Mwĩaĩi, nũũ?</verse>
				<verse number="26">Yesũ amũsũngĩa, Ũla ngũindĩa kyenyũ kya kĩmũtũ, na kũmũnenga, nĩ ũsu. Na ainda, amũnenga Yutasi, mwana wa Simoni Isikalioti.</verse>
				<verse number="27">Na ĩtina wa kwosa kĩla kĩlungu, avotwa nĩ Satani. Na ĩndĩ Yesũ amwĩa, Ũndũ ula ũkwĩka, ĩka mĩtũkĩ.</verse>
				<verse number="28">Na vaiaĩ mũndũ wa ala mailyĩ mesanĩ waamanya nũndũ wa kĩ waneena nake ũu.</verse>
				<verse number="29">Nĩkwĩthĩwa Yutasi akuaa mũvuko, amwe masũanĩa kana Yesũ amwia, Thooa syĩndũ ila twĩ vata nasyo sya mboka; kana anenge ngya kĩndũ.</verse>
				<verse number="30">Nake oosa kĩla kĩlũngu kya kĩmũtũ aumaala kavinda o kau: na kwaĩ ũtukũ.</verse>
				<verse number="31">Na ĩndĩ ũsu aumaala, Yesũ asya, Yu Mwana wa mũndũ nũnũũtaĩwa, na Ngai nũnũũtaĩwa nthĩnĩ wake;</verse>
				<verse number="32">na Ngai akamũtaĩa nthĩnĩ wake mwene, na akamũtaĩa mĩtũkĩ.</verse>
				<verse number="33">Syana nini, vatiele ĩvinda ĩnini nĩ vamwe nenyu. Mũkamantha: na tondũ nameie Ayuti, Kũla nĩthi, mũtitonya kũka; ta ũu yu nĩngũmwĩa inyw’ĩ.</verse>
				<verse number="34">Nĩngũmũnenga mwĩao mweũ, atĩ mwendane inyw’ĩ kwa inyw’ĩ; o ũndũ namwendie, nenyu mwĩthĩwe mũkyendana o w’o.</verse>
				<verse number="35">Na kwondũ wa ũu andũ onthe makamanya kana mwĩ amanyĩw’a makwa, ethĩwa mwĩthĩwa na wendo ĩnyw’ĩ kwa inyw’ĩ.</verse>
				<verse number="36">Simoni Vetelo amũkũlya, Mwĩaĩi, wĩthi kũ? Yesũ amũsũngĩa, Kũla ngũthi, ndũtonya ũmbikĩla yu; ĩndĩ ũkambikĩla ĩtina.</verse>
				<verse number="37">Vetelo amwĩa, Mwĩaĩi, nditonya ũkũvikĩla oyu nĩkĩ? Thayũ wakwa nĩngũwia nthĩ kwondũ waku.</verse>
				<verse number="38">Yesũ amũsũngĩa, Ũkaia thayũ waku nthĩ kwondũ wakwa? Nĩ w’o, nĩ w’o, nĩngũkwĩa, Nzamba ĩtanamba kwasya ũkangaĩa katatũ.</verse>
			</chapter>
			<chapter number="14">
				<verse number="1">Ngoo syenyu itikaũũye: mũĩkĩĩei Ngai, na mũindĩkĩĩa nyie.</verse>
				<verse number="2">Nthĩnĩ wa nyũmba ya Asa kwĩ mawĩkalo maingĩ; na kethĩwa ti ũu, nĩthĩwa namũtavisye; nũndũ nĩngũthi ũmũseũvĩsya vandũ.</verse>
				<verse number="3">Nakwa nathi ũmũseũvĩsya vandũ, ngooka ĩngĩ, na ngamwosa inyw’ĩ mwĩthĩwe kwakwa; nĩ kana vala nĩĩ, nenyu mwĩthĩwe vo.</verse>
				<verse number="4">Na kũla nĩthi, nĩmwĩsĩ nzĩa.</verse>
				<verse number="5">Thoma amwĩa, Mwĩaĩi, tũtesĩkũla wĩthi; twĩsĩ nzĩa ata?</verse>
				<verse number="6">Yesũ amwĩa, Nyie ninyie nzĩa, na ninyie w’o, na ninyie thayũ: vai mũndũ wũkaa kwa Asa, atesĩle kwakwa.</verse>
				<verse number="7">Kethĩwa nĩmwamanyie nyie, mwĩthĩwa mwamũmanyie Asa nake: na kuma yu nĩmũmwĩsĩ, na nĩmũwonete.</verse>
				<verse number="8">Vilivu amwĩa, Mwĩaĩi, twon’ye Asa, na nĩw’o twĩĩanĩwa.</verse>
				<verse number="9">Yesũ amwĩa, Nai vamwe nenyu ĩvinda yĩu yonthe, na ndũmbĩsĩ, Vilivu? Ũla wambonie nĩwamwonie Asa; wĩasya ata ĩndĩ, Twon’ye Asa?</verse>
				<verse number="10">Ndwĩtĩkĩlĩte kana nyie nĩ nthĩnĩ wa Asa, na Asa e nthĩnĩ wakwa? Ndeto ila ngũmũtavya ndiũneena kuma kwakwa: ĩndĩ Asa ũla ũtwie nthĩnĩ wakwa, nĩwe ũtethasya mawĩa make.</verse>
				<verse number="11">Mbĩtĩkĩlai kana nyie nĩ nthĩnĩ wa Asa, na Asa e nthĩnĩ wakwa: kana ethĩwa ti ũu, mbĩtĩkĩlai kwondũ wa ala mawĩa e mo.</verse>
				<verse number="12">Nĩ w’o, nĩ w’o, nĩngũmwĩa, Ũla ũmbĩtĩkĩlaa, mawĩa ala ngwĩka nyie, nake akameka; na akeeka mawĩa manene kũvĩta aa; nũndũ nĩngũthi kwa Asa.</verse>
				<verse number="13">Na ũndũ o na wĩva w’onthe ũla mwĩvoya syĩtwanĩ yakwa, ngawĩka, nĩ kana Asa ataĩwe nthĩnĩ wa Mwana.</verse>
				<verse number="14">Ethĩwa mũkavoya ũndũ o na wĩva syĩtwanĩ yakwa, ngawĩka.</verse>
				<verse number="15">Ethĩwa nĩmũmbendete, mũkakwataa mĩao yakwa.</verse>
				<verse number="16">Nakwa ngamũvoya Asa, nake akamũnenga Mũtetheesya ũngĩ, ethĩwe nenyu mavinda onthe,</verse>
				<verse number="17">nake nĩwe Veva wa w’o: ũla nthĩ ĩtatonya kũmwosa; nũndũ ndĩmwonaa, o na ndĩmwĩsĩ: ĩndĩ inyw’ĩ nĩmũmwĩsĩ; nũndũ ekalaa nenyu, na akeethĩwa e nthĩnĩ wenyu.</verse>
				<verse number="18">Ndikamũtia ta syana ndiwa: ngooka vala mũĩ.</verse>
				<verse number="19">Kũtiele ĩvinda ĩnini, na nthĩ ndĩkambona ĩngĩ; ĩndĩ inyw’ĩ nimũũmbona: nũndũ nyie nĩ thayũ, ĩnyw’ĩ nenyu mũkeethĩwa mwĩ thayũ.</verse>
				<verse number="20">Mũthenya ũsu mũkamanya kana nyie nĩ nthĩnĩ wa Asa, na inyw’ĩ mwĩ nthĩnĩ wakwa, nakwa nĩ nthĩnĩ wenyu.</verse>
				<verse number="21">Ũla wĩ na mĩao yakwa, na ũmĩkwataa, ũsu nĩwe ũmbendete: na ũla ũmbendete akendwa nĩ Asa, nakwa ngamwenda na ngeeyonan’ya kwake.</verse>
				<verse number="22">Yutasi (eka Isikalioti) amwĩa, mwĩaĩi, kũilyĩ ata ũkwĩyonan’ya kwitũ, ũtekwĩyonan’ya kwa nthĩ?</verse>
				<verse number="23">Yesũ asũngĩa na amwĩa, Ethĩwa mũndũ nũmbendaa, akakwataa ndeto yakwa: na Asa wakwa akamwenda, naitũ tũkooka vala ũĩ, tũtũae kwake.</verse>
				<verse number="24">Ũla ũtambendaa ndakwataa ndeto syakwa; na ndeto ĩla mũkwĩw’a ti yakwa, ĩndĩ nĩ ya Asa ũla wandũmie.</verse>
				<verse number="25">Maũndũ aa namũtavya, ĩvinda yĩĩ nĩilyĩ nenyu.</verse>
				<verse number="26">Ĩndĩ ũla Mũtetheesya, nake nĩ Veva Mũtheu, ũla Asa wĩmũtũma syĩtwanĩ yakwa, akamũmanyĩsya maũndũ onthe, na akamũlilikan’ya maũndũ onthe ala namũtavisye.</verse>
				<verse number="27">Nĩmũtiĩa mũuo; mũuo wakwa nĩmũnenga inyw’ĩ: ndiũmũnenga ũndũ nthĩ ĩnenganae. Ngoo syenyu itikaũũye, o na itikethĩwe na w’ĩa.</verse>
				<verse number="28">Nimweewie ũndũ namwĩie, Nĩngũthi, na ngooka vala mũĩ. Kethĩwa nĩmwambendie, mwĩthĩwa mwatana, nũndũ nĩngũthi kwa Asa: nũndũ Asa nĩ mũnene kwĩ nyie.</verse>
				<verse number="29">Na yu namũtavya ũtanamba kwĩkĩka, nĩ kana wekĩka, mwĩĩtĩkĩla.</verse>
				<verse number="30">Na kuma yu ndikaneena nenyu mũno, nũndũ mũnene wa nthĩ nũnũkũka: na nde na ũndũ nthĩnĩ wakwa;</verse>
				<verse number="31">ĩndĩ nĩ kana nthĩ ĩmanye kana nĩnĩmwendete Asa, na ũndũ Asa wendaĩe, nĩw’o nĩkaa. Ũkĩlai, tũthi.</verse>
			</chapter>
			<chapter number="15">
				<verse number="1">Nyie, ninyie mũsavivũ ũla wa w’o, na Asa nĩwe mũĩmi.</verse>
				<verse number="2">Kĩla kaũvonge ke nthĩnĩ wakwa katasyaaa, nũkavetaa: na kĩla kaũvonge kasyaaa, nũkatheasya, nĩ kana kongeleke ũsyaa.</verse>
				<verse number="3">O na yu inyw’ĩ mwĩ atheũ nũndũ wa ndeto ĩla nĩmũtavĩtye.</verse>
				<verse number="4">Ĩkalai nthĩnĩ wakwa, nakwa nthĩnĩ wenyu. Ũndũ kaũvonge katatonya kũsyaa ke koka, ate o kakĩkala mũsavivũnĩ; ta ũu o nenyu mũtitonya, mũtekwĩkala nthĩnĩ wakwa.</verse>
				<verse number="5">Nyie, ninyie mũsavivũ, nenyu mwĩ tũũvonge: ũla wĩkalaa nthĩnĩ wakwa, nakwa nĩ nthĩnĩ wake, ũsu asyaaa ũsyao mwingĩ: nũndũ nde vo nyie, mũtĩtonya kwĩka ũndũ nongi.</verse>
				<verse number="6">Mũndũ atekwĩkala nthĩnĩ wakwa, ekaw’a ũtee tondũ kaũvonge kekaw’a, na kakoma; na andũ nĩmatũmbanasya, na maitwĩkya mwakinĩ, na tũivya.</verse>
				<verse number="7">Mũkĩkala nthĩnĩ wakwa, na ndeto syakwa ikĩkala nthĩnĩ wenyu, voyai ũla mũkwenda w’onthe, na mũkeekwa.</verse>
				<verse number="8">Asa wakwa nũtaĩawa ũndũnĩ ũũ wa inyw’ĩ kũsyaa ũsyao mwingĩ; na kwĩthĩwa amanyĩw’a makwa.</verse>
				<verse number="9">O ũndũ Asa ũmbendete, nakwa nĩmwendete inyw’ĩ o w’o: ĩkaalai wendonĩ wakwa.</verse>
				<verse number="10">Ethĩwa nĩmũkwataa mĩao yakwa, mũkekalaa wendonĩ wakwa; o ũndũ nyie nakwataa mĩao ya Asa wakwa, na nĩkalaa wendonĩ wake.</verse>
				<verse number="11">Nĩnamũtavya maũndũ aa, nĩ kana ũtanu wakwa wĩthĩwe nthĩnĩ wenyu, na ũtanu wenyu wĩthĩwe wĩ musũu.</verse>
				<verse number="12">Ũũ nĩw’o mwĩao wakwa, nĩ kana mwendane inyw’ĩ kwa inyw’ĩ, o ũndũ namwendie.</verse>
				<verse number="13">Vai mũndũ wĩ wendo mwingĩ ũvĩtũkĩte ũũ, wa mũndũ kũwia thayũ wake nthĩ nũndũ wa anyanyae.</verse>
				<verse number="14">Inyw’ĩ mwĩ anyanyawa, ethĩwa nĩmwĩkaa maũndũ ala nĩmwĩaĩaa.</verse>
				<verse number="15">Kuma yu ndiũmwĩta ngombo ĩngĩ: nũndũ ngombo ndĩmanya ũndũ vwana wayo wĩkaa: ĩndĩ inyw’ĩ namwĩta anyanyawa; nũndũ maũndũ onthe ala neewĩie kwa Asa nĩmo nĩmũmanyĩthĩtye.</verse>
				<verse number="16">Ti inyw’ĩ mwanyuvie, ĩndĩ ninyie namũnyuvie, na namwia, nĩ kana mũendae mũisyaa, na ũsyao wenyu wĩkale: nĩ kana o ũla mwĩvoyaa Asa syĩtwanĩ yakwa, amũnengae.</verse>
				<verse number="17">Maũndũ aa nĩngũmwĩaĩa, nĩ kana mwendane inyw’ĩ kwa inyw’ĩ.</verse>
				<verse number="18">Ethĩwa nthĩ nĩnĩũmũmena, nĩmwĩsĩ kana nĩyamenie nyie ĩtanamba kũmũmena inyw’ĩ.</verse>
				<verse number="19">Kethĩwa mwĩ ma nthĩ, nthĩ ĩthĩwa ĩkyenda ala mayo: ĩndĩ nũndũ mũti ma nthĩ, ĩndĩ namũnyuvie kuma kwa ala ma nthĩ, kwondũ wa ũu nthĩ nĩnĩũmũmena.</verse>
				<verse number="20">Lilikanai ndeto ĩla namũtavisye, ngombo ti nene kwĩ vwana wayo. Ethĩwa nĩmanthĩnisye, o nenyu makamũthĩn’ya; ethĩwa nĩmakwatie ndeto yakwa, yenyu nayo makamĩkwata.</verse>
				<verse number="21">Ĩndĩ maũndũ aa onthe nĩmakamwĩka nũndũ wa syĩtwa yakwa, nũndũ maimwĩsĩ ũla wandũmie.</verse>
				<verse number="22">Kethĩwa ndyaaũka na nganeena namo, maiĩthĩwa na naĩ: ĩndĩ yu maitonya kwĩmila kwondũ wa naĩ yoo.</verse>
				<verse number="23">Ũla ũmenaa nyie amenaa Asa wakwa nake.</verse>
				<verse number="24">Kethĩwa ndyĩkĩte katĩ woo mawĩa ala mataaĩkwa nĩ mũndũ ũngĩ, maĩĩthĩwa na naĩ: ĩndĩ nĩmambonete na nĩmamenete vamwe na Asa wakwa.</verse>
				<verse number="25">Ĩndĩ nĩ kana ĩla ndeto yĩanĩw’e ĩla ĩandĩkĩtwe ĩla mĩaonĩ yoo, Nĩmamenie vate kĩtumi.</verse>
				<verse number="26">Ĩndĩ yĩla Mũtetheesya wĩũka, ũla nĩmũtũma kũla mũĩ kũma kwa Asa, nake nĩ ũla Veva wa w’o, ũla wĩuma kwa Asa, we akangũsĩĩa:</verse>
				<verse number="27">o nenyu nĩmũũkũsĩĩa, nũndũ nĩmwĩkalanĩtye nakwa kuma mwambĩlĩyonĩ.</verse>
			</chapter>
			<chapter number="16">
				<verse number="1">Maũndũ asu namũtavya, nĩ kana mũikese kũlulutĩkw’a.</verse>
				<verse number="2">Nĩmakamũlũngya masinakokenĩ: ĩĩ, na ĩngĩ saa nĩwũkĩte, ũla ũnũũmũaa akatalĩlya kana emũthũkũma Ngai.</verse>
				<verse number="3">Na makeeka maũndũ asu, nũndũ maimwĩsĩ Asa, kana nyie.</verse>
				<verse number="4">Ĩndĩ maũndũ aa namũtavya, nĩ kana saa wamo wavika, mũkamalilikana, ũndũ namũtavisye. Na maũndũ asu ndyaamũtavya mwambĩlĩlyonĩ, nũndũ naĩ vamwe nenyu.</verse>
				<verse number="5">Ĩndĩ yu nĩngũthi kwa ũla wandũmie; na vai ũmwe wenyu ũngũlya, Wĩthi kũ</verse>
				<verse number="6">Ĩndĩ kwondũ wa kũmũtavya maũndũ aa, ngoo syenyu syausũwa nĩ kĩmako.</verse>
				<verse number="7">Ĩndĩ nĩmũtavya w’o: Nĩkũmwaĩle nyie nĩthi; nũndũ ethĩwa ndithi, ũla Mũtetheesya ndakoka vala mũĩ; ĩndĩ ethĩwa nĩngũthi, ngamũtũma vala mũĩ.</verse>
				<verse number="8">Nake, yĩla wĩũka, akamĩĩkĩĩthya nthĩ ũndũ wa naĩ, na ũlũngalu, na ũsilĩlo:</verse>
				<verse number="9">ũndũ wa naĩ, nũndũ maiũmbĩtĩkĩla;</verse>
				<verse number="10">ũndũ wa ũlũngalu, nũndũ nĩngũthi kwa Asa, na mũimbona ingĩ;</verse>
				<verse number="11">ũndũ wa ũsilĩlo, nũndũ mũnene wa nthĩ ĩno nĩ mũsilĩle.</verse>
				<verse number="12">Nĩndialĩtye maũndũ maingĩ ma ũmũtavya, ĩndĩ mũtitonya kũmomĩĩsya yu.</verse>
				<verse number="13">Ĩndĩ yĩla wĩũka, ũla Veva wa w’o, akamũtongoeasya amwonelelasye w’o w’onthe: nũndũ ndakaneena kuma kwake mwene; ĩndĩ maũndũ onthe ala ũkew’aa nĩmo ũkaneena: na akamũtavya maũndũ ala makoka.</verse>
				<verse number="14">Akandaĩa nyie: nũndũ akoosa maũndũ makwa, na akamũvuanĩsya inyw’ĩ.</verse>
				<verse number="15">Maũndũ onthe o na meva ala Asa wĩ namo nĩ makwa: kwondũ wa ũu namwĩa kana nĩwosaa maũndũ makwa, na akamũvuanĩsya.</verse>
				<verse number="16">Kũtiele ĩvinda ĩnini, na mũtimbona ĩngĩ; na ĩvinda yĩngĩ ĩnini, na mũkambona, nũndũ nĩngũthi kwa Asa.</verse>
				<verse number="17">Na ĩndĩ amanyĩw’a amwe maneenan’ya. Ũndũ ũũ watwĩa nata, Kwĩ ĩvinda ĩnini, na mũtĩmbona; na ĩvinda yĩngĩ ĩnini, na mũkambona: na, Nũndũ nĩngũthi kwa Asa?</verse>
				<verse number="18">Na indĩ masya, Nata ũu ũnũkwasya, Ĩvinda ĩnini? Tũtyĩsĩ ũndũ ũnũkwasya.</verse>
				<verse number="19">Na Yesũ amanya kana menda ũmũkũlya, na amea, Mwĩkũlan’ya ũndũ namwĩa, Kwĩ ĩvinda ĩnini, na mũtimbona, na ĩvinda yĩngĩ ĩnini, na mũkambona?</verse>
				<verse number="20">Nĩ w’o, nĩ w’o, nĩngũmwĩa, Inyw’ĩ mũkaĩa na kũmeta, ĩndĩ nthĩ ĩkatana: inyw’ĩ mũkeethĩwa na kĩmako, ĩndĩ kĩmako kyenyu kĩkaalyũlwa ũtanu.</verse>
				<verse number="21">Kĩveti kĩkyaũnya kĩthĩawa na woo, nũndũ saa wakyo nĩ mũviku: ĩndĩ kyasyaa kana, kĩililikanaa woo ĩngĩ, ĩndĩ no kũtana nũndũ wa mũndũ asyawa kũũ nthĩ.</verse>
				<verse number="22">Nenyu yu mwĩ na kĩmako: ĩndĩ ngamwona ingĩ, na ngoo syenyu ikatana, na ũtanu wenyu vai mũndũ wĩmũvena.</verse>
				<verse number="23">Na mũthenya ũsu mũtikangũlya ũndũ. Nĩ w’o, nĩ w’o, nĩngũmwĩa, O ũla mũkavoya Asa syĩtwanĩ yakwa, akamũnenga.</verse>
				<verse number="24">Kũvika yu mũiaavoya ũndũ syĩtwanĩ yakwa: voyai, na mũkanengwa, kana ũtanu wenyu wusũe.</verse>
				<verse number="25">Maũndũ asu naneena nenyu na nthimo: saa nĩwũkĩte, yĩla ndakaneena nenyu na nthimo, ĩndĩ ngamũtavya ũvoo wa Asa vyũ.</verse>
				<verse number="26">Mũthenya ũsu mũkavoya syĩtwanĩ yakwa: na ndiũmũtavya kana ngamũvoya Asa nũndũ wenyu;</verse>
				<verse number="27">nũndũ Asa we mwene nũmwendete, nĩkwĩthĩwa nĩmwambendie, na kwĩtĩkĩla kana naumie kwa Asa.</verse>
				<verse number="28">Naumie kwa Asa, nooka kũũ nthĩ: na ĩngĩ, nĩnguma kũũ nthĩ, nĩthi kwa Asa.</verse>
				<verse number="29">Amanyĩw’a make mamwĩa, Sisya, yu nũũtũtavya ũtheinĩ, o na ndũũneena na nthimo.</verse>
				<verse number="30">Yu nĩtwĩsĩ kana nĩwĩsĩ maũndũ onthe, o na ndwĩ vata wa ũkũlw’a nĩ mũndũ: na kwondũ wa ũu nĩtweetĩkĩla kana waumie kwa Ngaĩ.</verse>
				<verse number="31">Yesũ amakũlya, Yu nĩmũkwĩtĩkĩla?</verse>
				<verse number="32">Nĩmwenei, saa nĩwũkĩte, ĩĩ na nĩ mũviku, yĩla mwĩnyaĩĩkw’a, kĩla mũndũ kwake, mũndie nyioka: na ĩngi ndi nyioka, nũndũ Asa e vamwe nakwa.</verse>
				<verse number="33">Maũndũ aa namũtavya, nĩ kana nthĩnĩ wakwa mwĩthĩwe na mũuo. Kũũ nthĩ mwĩ na thĩna: ĩndĩ ĩthĩwai na ũnyiau; nyie, nĩngĩlĩtye nthĩ vinya.</verse>
			</chapter>
			<chapter number="17">
				<verse number="1">Maũndũ asu Yesũ aneena; na ang’elelya metho make ĩtunĩ, na asya, Asa, saa nĩ mũviku; taĩa Mwana waku, nĩ kana ũ Mwana akũtaĩe;</verse>
				<verse number="2">o ũndũ wamũnengie ũkũmũ wa kwĩaĩa andũ onthe, nĩ kana onthe ala wamũnengĩe, amanenge thayũ ũtathela.</verse>
				<verse number="3">Na thayũ ũtathela nĩw’o ũũ, nĩ kana makũmanye we Ngai ũla wa w’o weka, na ũla wamũtũmie, nake nĩ Yesũ Klĩsto.</verse>
				<verse number="4">Ninĩkũtaĩĩte kũũ nthĩ, nũndũ nĩnĩminĩte kwĩka wĩa ũla wanengie nĩke.</verse>
				<verse number="5">Na yu, Asa, ndaĩĩthya vamwe naku, na ũtaĩo ũla naĩ naw’o vamwe naku nthĩ ĩtanamba ũtw’ĩkĩthw’a.</verse>
				<verse number="6">Nĩnamaumĩlĩlye syĩtwa yaku andũ ala wanengie kuma kwa ala ma nthĩ: maĩ maku, naku wanenga mo; na nĩmakwatiend to yaku.</verse>
				<verse number="7">Na yu nĩmesĩ kana maũndũ onthe ala wanengie maumaa kwaku:</verse>
				<verse number="8">nũndũ ndeto ila wanengie nĩnĩmanengete; na nĩmasyosie, na nĩmamanyie w’o kana naumie kwakũ, na meetĩkĩla, aĩ, nue wandũmie.</verse>
				<verse number="9">Nĩngũmavoyea: ndiũmĩvoyea nthĩ, ĩndĩ nĩ ala wanengie; nũndũ nĩ maku:</verse>
				<verse number="10">na syĩndũ syonthe ila syakwa nĩ syaku, na ila syaku nĩ syakwa: nakwa nĩndaĩawa nthĩnĩ wasyo.</verse>
				<verse number="11">Na ndi kũũ nthĩ ĩngĩ, ĩndĩ aa me kũũ nthĩ, na nĩngũka kwaku. Asa Mũtheu, masũvĩe syĩtwanĩ yaku yĩla wanengie, nĩ kana methĩwe me ũmwe, o taitũ.</verse>
				<verse number="12">Ĩvinda yĩla naĩ vamwe nao, nĩnamasũvĩaa syĩtwanĩ yaku yĩla wanengie: na nĩnamasyaĩĩasya, na vai ũmwe waaa ate o ũla mwana wa wanangĩko; nĩ kana maandĩko meanĩw’e.</verse>
				<verse number="13">Na yu nĩngũka kwaku; na maũndũ aa nĩneena kũu nthĩ, nĩ kana methĩwe na ũtanu wakwa wusũe, nthĩnĩ wamo.</verse>
				<verse number="14">Nĩnĩmanengete ndeto yaku; na nthĩ nĩyamamenie, nũndũ mo ti ma nthĩ, o ũndũ nyie ndi wa nthĩ.</verse>
				<verse number="15">Ndiũvoya nĩ kana ũmaumye kũũ nthĩ, ĩndĩ nĩ kana ũmasũvĩe kwa ũsu mũthũku.</verse>
				<verse number="16">Namo ti ma nthĩ, o ũndũ nyie ndi wa nthĩ.</verse>
				<verse number="17">Mavahe methĩwe atheu nthĩnĩ wa ũla w’o: ndeto yaku nĩyo w’o.</verse>
				<verse number="18">Tondũ wandũmie kũũ nthĩ, o ta ũu nakwa nĩnamatũmie kũũ nthĩ.</verse>
				<verse number="19">Na kwondũ wamo nĩngwĩvatha, nĩ kana namo mavathanw’e methĩwe atheu nthĩnĩ wa ũla w’o.</verse>
				<verse number="20">O na ti asu oka ngũvoyea, ĩndĩ nĩmavoyea ala makambĩtĩkĩla nũndũ wa ndeto yoo;</verse>
				<verse number="21">nĩ kana onthe methĩwe me ũmwe; o ũndũ we, Asa, wĩ nthĩnĩ wakwa, nakwa nĩ nthĩnĩ waku, kana namo methĩwe me nthĩnĩ waitũ: nĩ kana nthĩ yĩtĩkĩle kana nĩwandũmie.</verse>
				<verse number="22">Na ũtaĩo ũla wanengie nĩnĩmanengete w’o; nĩ kana methĩwe me ũmwe, o ũndũ ithyĩ twĩ ũmwe;</verse>
				<verse number="23">nyie nthĩnĩ woo, naku nthĩnĩ wakwa, kana methĩwe eanĩu nthĩnĩ wa ũmwe; nĩ kana nthĩ ĩmanye, aĩ, nĩwandũmie, na nĩwamendie o ũndũ wambendie.</verse>
				<verse number="24">Asa, nĩngwenda asu ala wanengie methĩwe vamwe nakwa vala nĩĩ, kana monage ũtheu mũtisu wakwa, ũla wanengie: nũndũ nĩwambendie mbee wa nthĩ ĩtanambĩlĩlw’a.</verse>
				<verse number="25">Ĩĩ, Asa mũĩũngalu, nthĩ ndĩaakũmanya, ĩndĩ nĩnakũmanyie; na aa nĩmamanyie kana natũmiwe nue:</verse>
				<verse number="26">na nĩnĩmamanyithĩtye syĩtwa yaku, na ngatũma yimanyĩka; nĩ kana wendo ũla ũmbendete naw’o wĩthĩwe nthĩnĩ woo, nakwa nĩthĩwe nĩ nthĩnĩ woo.</verse>
			</chapter>
			<chapter number="18">
				<verse number="1">Na yĩla Yesũ waminie kũneena ndeto ii, aumaala e na amanyiw’a make mainga kalũsĩ kala ketawa Kitiloni, vala vaĩ mũũnda, na avota vo, e na amanyiw’a make.</verse>
				<verse number="2">Nake Yutasi, ũla ũnũũmũvũnyanĩa, nĩwesĩ vandũ vau: nũndũ Yesũ niwaendaa vo kaingĩ na amanyĩw’a make.</verse>
				<verse number="3">Na ĩndĩ Yutasi amina ũnengwa nguthu ya asikalĩ, na makanga kuma kwa athembi anene na Avalisi, mooka vo makuĩte mataa na mũĩ na mĩio ya kaũ.</verse>
				<verse number="4">Ĩndĩ Yesũ, esĩ maũndũ onthe ala memũkwata, aumĩla, na amakũlya, Mwĩmantha ũũ?</verse>
				<verse number="5">Mamũsũngĩa Yesũ wa Nasaleti. Yesũ amea, Ninyie. Nake Yutasi, ũla ũnũũmũvũnyanĩa, aũngeme namo.</verse>
				<verse number="6">Na ĩndĩ yĩla wameie, Ninyie, masyoka na kyamũtete, na mavalũka nthĩ.</verse>
				<verse number="7">Na ĩndĩ amakũlya ĩngĩ, Mwĩmantha ũũ? Na masya, Yesũ wa Nasaleti.</verse>
				<verse number="8">Yesũ amasũngĩa, Nĩnamũtavya ninyie; ethĩwa ĩndĩ ninyie mũũmantha, maekei aa mathi:</verse>
				<verse number="9">nĩ kana ĩla ndeto waneenie yĩanĩw’e, ya atĩĩ, Ala ũnengete ndyaasya o na ũmwe.</verse>
				<verse number="10">Na Simoni Vetelo ai na ũvyũ, na akũa, na amĩtema ngombo ya mũthembi mũnene, na amĩtila kũtũ kwa ngalĩ ya kw’oko kwa aũme. Na ĩla ngombo yetawa Malikusi.</verse>
				<verse number="11">Na ĩndĩ Yesũ amwĩa Vetelo, Tũngĩa ũvyũ ndoonĩ yaw’o: kĩkombe kĩla Asa ũnengete, ngalea kũnyw’a?</verse>
				<verse number="12">Nĩvo ĩndĩ ĩla nguthu na mũnene woo, na makanga ma Ayuti, mamũkwatie Yesũ na mamwova,</verse>
				<verse number="13">na mbee mamũtwaa kwa Anasi; nũndũ aĩ mũthoni wa Kaiava, ũla waĩ mũthembi mũnene mwake ũsu.</verse>
				<verse number="14">Na Kaiava nĩwe wamataie Ayuti, asya nĩkwaĩle mũndũ ũmwe akw’e kwondũ wa andũ.</verse>
				<verse number="15">Na Simoni Vetelo amũatĩĩe Yesũ, e na mũmanyĩw’a ũngĩ. Na mũmanyĩw’a ũsu nĩwesĩkĩwe nĩ mũthembi mũnene, na avota vamwe na Yesũ nza kwa mũthembi mũnene;</verse>
				<verse number="16">ĩndĩ Vetelo aũngama mũomonĩ nza. Na ĩndĩ mũmanyĩw’a ũla ũngĩ, ũla wesikĩwe nĩ mũthembĩ mũnene, aumaala na aneena na mũsũvĩi wa mũomonĩ, na amũtwaa Vetelo nthĩnĩ.</verse>
				<verse number="17">Na ĩndĩ mwĩĩtu ũla mũsũvĩi wa mũomonĩ amũkũlya Vetelo, O naku wĩ ũmwe wa amanyĩw’a ma mũndũ ũũ? Asya, Ndi ũmwe.</verse>
				<verse number="18">Na ngombo na makanga maũngamĩte, mavuvĩte mwaki wa makaa; nũndũ kwaĩ mbevo; na motaa mwaki: na Vetelo nake aĩ vamwe nao, aũngeme akyota mwaki.</verse>
				<verse number="19">Na ĩndĩ ũla mũthembi mũnene amũkũlya Yesũ ũndũ wa amanyĩw’a make, na ũndũ wa ũmanyĩsyo wake.</verse>
				<verse number="20">Yesũ amũsũngĩa, Nyie, nĩneenete ũtheinĩ na nthĩ; na namanyĩasya masinakokenĩ, na ĩkalũnĩ, kũla Ayuti onthe mombanĩaa; na ndyaaneena ndeto ya mbitha.</verse>
				<verse number="21">Wĩngũlĩlya kĩ? Makũlye ala meewie, ũndũ naneenie namo: sisya, aa nimesĩ maũndũ ala naisye.</verse>
				<verse number="22">Na aneena ũu, ũmwe wa makanga aũngamĩte ũtee amũmandũla Yesũ, akyasya, Wĩmũsũngĩa mũthembi mũnene ũu?</verse>
				<verse number="23">Yesũ amũsũngĩa, Ethĩwa nĩnaneena naĩ, kũsĩĩa naĩ ĩsu: ĩndĩ ethĩwa nĩnaneena nesa, wĩngũnĩa kĩ?</verse>
				<verse number="24">Na ĩndĩ Anasi amũtwaa e mwove kwa ũla mũthembi mũnene, Kaiava.</verse>
				<verse number="25">Na Samoni Vetelo aũngeme aiota mwaki. Na ĩndĩ mamwĩa, Naku wĩ ũmwe wa amanyĩw’a make? Akaĩa, asya, Ndi ũmwe.</verse>
				<verse number="26">Na imwe ya ngombo sya mũthembi mũnene, ya mbaĩ ya ĩla yatililwe kũtũ nĩ Vetelo, yasya. Ndinakwona wĩ nake mũũndanĩ?</verse>
				<verse number="27">Na ĩndĩ Vetelo akaĩa ĩngĩ: na kavinda o kaũ nzamba yasya.</verse>
				<verse number="28">Na ĩndĩ mamumaalya Yesũ kwa Kaiava mamũtwaa kĩsilĩlonĩ: na kwaĩ masangya; ĩndĩ mo ene maiaavota kĩsilĩloni, maikavukw’e nĩ kana maye vasaka.</verse>
				<verse number="29">Na Vilato aumaala nza kũla mai, na amakũlya, Mũmũvinganĩĩsye mũndũ ũũ kyaũ?</verse>
				<verse number="30">Mamũsũngĩa, mamwĩa, Kethĩwa mũndũ ũũ ti mwĩk wa naĩ, tũiĩthĩwa twamũete kwaku.</verse>
				<verse number="31">Vilato amatavya, Mwosei inyw’ĩ, mũkamũsilĩle kwĩanana na mĩao yenyu. Na Ayuti mamwĩa, Ndwosana na ĩla mĩao thyĩ kũaa mũndũ:</verse>
				<verse number="32">nĩ kana ndeto ya Yesũ yĩanĩw’e. Ĩla waneenie, aionan’ya kĩkw’ũ kĩla wĩkw’a.</verse>
				<verse number="33">Na ĩndĩ Vilato avota ĩngĩ kĩsilĩlonĩ, na amwĩta Yesũ na amũkũlya. We nue Mũsumbi wa Ayuti?</verse>
				<verse number="34">Yesũ asũngĩa, akyasya. Wĩneena ũu ũndũ waku kana nũtavitw’e nĩ andũ angĩ ũndũ wakwa?</verse>
				<verse number="35">Vilato amũkũlya, Nyie nĩ Mũyuti? Mbaĩ yaku na athembi anene nĩmo makũete kwakwa: wĩkĩte ata?</verse>
				<verse number="36">Yesũ asũngĩa, Ũsumbi wakwa tĩ wa nthĩ ĩno, kethĩwa ũsumbĩ wakwa nĩ wa nthi ĩno, makanga makwa methĩwa makyũkita, nĩ kana ndikanenganwe kwa Ayuti: ĩndĩ yu ũsumbĩ wakwa ti wa kũũ.</verse>
				<verse number="37">Na ĩndĩ Vilato amwĩa, Ĩndĩ, we, ko wĩ mũsumbĩ? Yesũ amũsũngĩa, We nũũneena kana nĩ mũsumbĩ. Nyie nasyaiwe kwondũ wa ũu, na ĩngĩ nĩ kwondũ wa ũu nokie kũũ nthĩ, ni kana ndw’ĩke ngũsĩ ya ũla w’o. Kĩla mũndũ wĩ ngalĩ ya ũla w’o nĩwĩw’aa wasya wakwa.</verse>
				<verse number="38">Vilato amũkũlya W’o nĩ kyaũ? Na aneena ũu, aumaala ĩngĩ nza vala ve Ayuti, na amea, Nyie ndikwona ĩvityo yake.</verse>
				<verse number="39">Ĩndĩ mwi na ũndũ wĩkawa, ĩvinda ya vasaka nĩmũthaĩasya mũndũ: mwĩenda nĩmũthaisye Mũsumbĩ wa Ayuti?</verse>
				<verse number="40">Na ĩndĩ maneena ĩngĩ na wasya mũnene, makyasya, Ndũkathasye mũndũ ũũ, thasya Valava. Na Valava ai mũvũtani.</verse>
			</chapter>
			<chapter number="19">
				<verse number="1">Na ĩndĩ Vilato amwosa Yesũ, na amũvũa.</verse>
				<verse number="2">Na asikalĩ mavĩlangan’ya ngovia ya miw’a, na mamwĩkĩa mũtwe, na mamũvw’ika ngũa ĩilyĩ ta ndune;</verse>
				<verse number="3">na mathi vala ũĩ, maimwĩa, Nũvoo, Mũsumbĩ wa Ayuti! Na mamũmandũla.</verse>
				<verse number="4">Na Vilato aumaala ĩngi, na amea, Sisyai, nĩnamumaalĩlya ũũ, nĩ kana mũmanye ndikwona ĩvĩtyo o na yĩva yake.</verse>
				<verse number="5">Na ĩndĩ Yesũ aumaala, ekĩĩtwe ngovia ya mĩw’a na ngũa ĩla ĩilyĩ ta ndune. Na Vilato amea, Sisyai, mũndũ nĩwe ũũ!</verse>
				<verse number="6">Na ĩndĩ athembi anene na makanga mamwona, mookĩlya mawasya, makyasya, Mwambe! Mwambe! Vilato amea, Mwosei inyw’ĩ ene, mũkamwambe: nũndũ nyie ndikwona ĩvĩtyo o na yĩva yake.</verse>
				<verse number="7">Na Ayuti mamũsũngĩa, mamwĩa, Ithyĩ twĩ na mwĩao, na ũndũ wa mwĩao ũsu nĩwaĩle kũkw’a, nũndũ etw’ĩte Mwana wa Ngai.</verse>
				<verse number="8">Na ĩndĩ Vĩlato eew’a ndeto isũ, eew’a w’ĩa mũnene kwĩ ũla waĩ naw’o;</verse>
				<verse number="9">na avota ĩngĩ kĩsilĩlonĩ, na amũkũlya Yesũ, Wumĩte va, we? Indĩ Yesũ ndaamũsũngĩa.</verse>
				<verse number="10">Na ĩndĩ Vilato amwĩa. Ndũneena nakwa? We ndwĩsĩ kana nĩ na ũkũmũ wa ũkũthasya, na nĩ na ũkũmũ wa ũkwamba?</verse>
				<verse number="11">Yesũ amũsũngĩa, O na ndwĩthĩwa na ũkũmũ ĩũlũ wakwa, keka ũnengetwe kuma iũlũ: na kwondũ wa ũũ ũla wĩkĩte naĩ ĩla nene nĩ ũla ũnenganĩte mokonĩ maku.</verse>
				<verse number="12">Kuma vau Vilato amantha nzĩa ya kũmũthasya: ĩndĩ Ayutĩ mookĩlya mawasya, makyasya, Ethĩwa nũũmũthasya mũndũ ũũ, ndwĩ, mũnyanyae wa Kaisali: o mũndũ ũla wĩtusaa mũsumbĩ elea Kaisali.</verse>
				<verse number="13">Na Vilato eew’a ndeto isu, amumaalya Yesũ, na ekala kĩvĩlanĩ kya sila, syĩtwa ya vo nĩ Maviamalan’ye, ĩndĩ Kĩevelania vetawa Kavatha.</verse>
				<verse number="14">Na kwaĩ Ũseũvyo wa vasaka: na kwaĩ ta saa wa thanthatũ. Na amea Ayuti, Sisya, Mũsumbĩ wenyu!</verse>
				<verse number="15">Na kwa ũu mookĩlya mawasya, makyasya, Mũvete! Mũvete! Mwambe! Vilato amakũlya, Nĩmwambe Mũsumbĩ wenyu? Na athembi anene masũngĩa, Tũi na mĩsumbĩ ate o Kaisali.</verse>
				<verse number="16">Na ĩndĩ amũnengane mokonĩ moo ambwe.</verse>
				<verse number="17">Na ĩndĩ mamũtwaa Yesũ: na aumaala, ekuĩe ngelan’yo yake, kũvika vala vetwa Vandũ va kĩng’ala, na Kĩevelania vetawa Kolokotha:</verse>
				<verse number="18">na mamwamba vau, na vamwe nake andũ angĩ elĩ, ngalĩ ĩmwe ũmwe, na ngalĩ ĩngĩ ũmwe, na Yesũ vu katĩ.</verse>
				<verse number="19">Na ĩngĩ Vilato aandĩka ũandĩko, awĩkĩa ngelan’yonĩ. Naw’o waandĩkĩtwe, YESŨ MŨNASALETI, MŨSUMBĨ WA AYUTI.</verse>
				<verse number="20">Na ũandiko ũsu wasomwa nĩ Ayuti aĩngĩ, nũndũ vala Yesũ wambiwe vaĩ vakuvĩ na ndũa: na nĩwaandĩkĩtwe Kĩevelania, na Kĩlatini, na Kikiliki.</verse>
				<verse number="21">Na kwondũ wa ũũ athembi anene ma Ayuti mamwĩa Vilato, Ndũkaandĩke, Mũsumbĩ wa Ayuti, ĩndĩ, andĩka kana aisye, Ninyie Mũsumbĩ wa Ayuti.</verse>
				<verse number="22">Vilato amasũngĩa, Ũla naandĩka nĩnamina kũandĩka.</verse>
				<verse number="23">Na ĩndĩ asikalĩ mamina ũmwamba Yesũ, moosa ngũa syake na maaan’ya ianda inya, kĩla mũsikalĩ kĩanda kyake; o na ngũa yake ya ĩũlũ: ngũa ĩsu ndyaĩ nduman’ye, yaĩ o ĩmwe kuma mũthya kũvika yonthe.</verse>
				<verse number="24">Na kwondũ wa ũu maisye, Tũikatembũe, ĩndĩ tũlimane, tũmanye ũla ĩnĩkũtw’ĩka yake: nĩ kana maandĩko meanĩw’e, ala maĩtye, Nĩmaaanisye ngũa syakwa katĩ woo, Na kwondũ wa kĩtonyeo kyakwa nĩmakĩlimanĩle.</verse>
				<verse number="25">Ũu nĩw’o asikalĩ meekie. Na vu ngelan’yonĩ ya Yesũ vaũngeme inyia wake, na mwĩĩtũ‐a‐inyia wa nyinyia, Meli kĩveti kya Kilova, na Meli Makatelene.</verse>
				<verse number="26">Na ĩndĩ Yesũ amwona nyinyia, na mũmanyĩw’a ũla wendetwe nĩwe maũngeme vakuvĩ, amwĩa inyia wake, Kĩveti, sisya, ũũ nĩwe mwana waku!</verse>
				<verse number="27">Na amwĩa ũla mũmanyĩw’a, Sisya, ũũ nĩwe inyia waku! Na kuma saa ũsu ũla mũmanyĩw’a amwosa amwĩkalya kwake.</verse>
				<verse number="28">Na ĩtina wa ũu Yesũ amanya kana maũndũ onthe nĩmathelile, nĩ kana maandĩko meanĩw’e, asya, Nĩ na waũni.</verse>
				<verse number="29">Na vaiĩtwe nzele vo yausũĩtwe siki: na manyw’ĩthya sivanzi siki yakola, mamĩkĩa ĩsevenĩ ya mũtĩ wa ĩsovo na matwaa kanyw’anĩ wake.</verse>
				<verse number="30">Na Yesũ avivita ũla siki, asya, Nĩwathela: na enamya mũtwe, na aumya veva wake.</verse>
				<verse number="31">Na ĩndĩ Ayuti, nũndũ kwaĩ Ũseũvyo, kana simba itikekale ngelan’yonĩ mũthenya wa savato (nũndũ savato ũsu waĩ mũthenya mũnene), mamũvoya Vilato maũũ moo matũlwe, nĩ kana simba ivetwe.</verse>
				<verse number="32">Na ĩndĩ asikalĩ mooka, matũla ũla wa mbee maũũ, na ũla ũngi wambiwe nake:</verse>
				<verse number="33">ĩndĩ mavika vala ve Yesũ, na meethĩa nũkwie, maiaamũtũla maũũ:</verse>
				<verse number="34">ate o mũsikalĩ ũmwe wamũtonyie mbaunĩ na ĩtumo, na oyu vauma nthakame na manzĩ.</verse>
				<verse number="35">Na ũla wonie nĩwe ngũsĩ, na ũkũsĩ wake nĩ wa w’o: nake nĩwĩsĩ kana eneena w’o, nĩ kana nenyu mwĩtĩkĩle.</verse>
				<verse number="36">Maũndũ aa meekiwe, kana maandĩko meanĩw’e ala maĩtye, Vai ĩvĩndĩ yake yĩkatũlwa.</verse>
				<verse number="37">Na maandĩko angĩ maĩtye, Makamũsisya ũla matonyie.</verse>
				<verse number="38">Na ĩtina wa maũndũ asu Yosevu, mũndũ wa ndũa ya Alimathia, nake aĩ mũmanyĩw’a wa Yesũ, ĩndĩ kwa kĩmbithĩ nũndũ wa ũkĩa Ayuti, amũvoya Vilato anengwe ũthei wa kwosa mwĩĩ wa Yesũ: na Vilato eetĩkĩla. Nake athi oosa mwĩĩ wake.</verse>
				<verse number="39">Na Nikotemo nake ũla waendie mbee kwa Yesũ na ũtukũ, athi akuĩte mũvulan’yo wa manemane na uuti, ũvikya latili ĩana.</verse>
				<verse number="40">Namo moosa mwĩĩ wa Yesũ, na moolingĩla ngũa sya katane vamwe na ũla mũvulan’yo wa mĩtĩ ĩla ĩnyungaa nesa, o ũndũ Ayuti mekaa makĩnzĩa nthĩ.</verse>
				<verse number="41">Na vakuvĩ na vala wambiwe vaĩ mũũnda; na mũũndanĩ vaĩ mbũa nzaũ, ĩla ĩtaamba kwiwa mũndũ.</verse>
				<verse number="42">Vandũ vau nũndũ wa Ũseũvyo wa Ayuti (nũndũ mbũa yaĩ vakuvĩ) nĩvo mamwiie Yesũ.</verse>
			</chapter>
			<chapter number="20">
				<verse number="1">Na mũthenya wa mbee wa kyumwa Meli Makatelene athi mbũanĩ tene, kwĩ kĩvindũ, na oona ĩvia yĩ ĩvete mbũanĩ.</verse>
				<verse number="2">Na kwondũ wa ũu athi asembete vala ve Simoni Vetelo, na mũmanyĩw’a ũngĩ ũla wendetwe nĩ Yesũ, na amea, Nĩmaumisye Mwĩaĩi mbũanĩ mamũtwaa, na tũtyĩsĩ vala mamwĩĩte.</verse>
				<verse number="3">Na ĩndĩ Vetelo aumaala, e na mũmanyĩw’a ũla ũngĩ, na mathi maelete mbũanĩ.</verse>
				<verse number="4">Na masemba me elĩ: ĩndĩ mũmanyĩw’a ũla ũngĩ akĩlya Vetelo maũũ, na amba ũvika mbũanĩ:</verse>
				<verse number="5">na akunĩkĩla, na oona ngũa sya katane ila walingĩlwe syĩ nthĩ; ĩndĩ ndaavota nthĩnĩ.</verse>
				<verse number="6">Na ĩndĩ Simoni Vetelo nake ooka, amũvikĩlĩte, na avota mbũanĩ nthĩnĩ; nake oona ila ngũa sya katane syĩ nthĩ,</verse>
				<verse number="7">na kĩtambaa, kĩla kĩnaĩ mũtwe wake, kĩte na ila ngũa sya katane, ĩndĩ kĩkũnzĩtwe kĩ vandũ vakyo.</verse>
				<verse number="8">Na ĩndĩ mũmanyĩw’a ũla wambie ũvika mbũanĩ avota, nake oona, na eetĩkĩla.</verse>
				<verse number="9">Nũndũ maiaĩ manamba ũmanya maandĩko, kana ndatĩa kũthayũũka kuma akw’ũnĩ.</verse>
				<verse number="10">Na ĩndĩ amanyĩw’a asu menũka.</verse>
				<verse number="11">Ĩndĩ Meli aũngeme mbũanĩ nza akĩĩa: na akĩĩa, akunĩkĩla mbũanĩ nthĩnĩ;</verse>
				<verse number="12">na oona alaĩka elĩ mekĩe ngũa nzaũ mailyĩ, ũmwe ngalĩ ya mũtwe, na ũmwe ngalĩ ya maũũ, vala mwĩĩ wa Yesũ ũnaiĩtwe.</verse>
				<verse number="13">Na mamũkũlya, Mũndũ mũka, wĩĩw’a nĩ kyaũ? Amea, Nũndũ nĩmatwaie Mwĩaĩi wakwa, na ndyĩsĩ vala mamwiie.</verse>
				<verse number="14">Na ĩndĩ aneena ũu, eethyũũa, na oona Yesũ aũngeme, na ndeesĩ kana nĩ Yesũ.</verse>
				<verse number="15">Yesũ amũkũlya, Mũndũ mũka, wĩĩw’a nĩ kyau? Wĩmantha ũũ? Nake, atalĩlya kana nĩ mũsũvĩi wa mũũnda, na amwĩa, Vwana, ethĩwa nue ũmumisye vaa, ndavya vala ũmwiie, na nĩngũmwosa.</verse>
				<verse number="16">Yesũ amwĩa, Meli. Nake eethyũũa, na aneena Kĩevelania, Lavoni: ũalyũlo nĩ, Mũmanyĩsya.</verse>
				<verse number="17">Yesũ amwĩa, Manya ũngiita; nũndũ ndinamba kwambata kwa Asa: ĩndĩ thi kwa ana‐a‐asa makwa, noimatavya, Nyie nĩngwambata kwa Asa wakwa, na nĩwe Ĩthe wenyu, na kwa Ngai wakwa, na nĩwe Ngai wenyu.</verse>
				<verse number="18">Na Meli Makatelene athĩ amatavya amanyĩw’a ũndũ wamwona Mwĩaĩi; na ũndũ wamũtavya maũndũ asu.</verse>
				<verse number="19">Na mũthenya o ũsu wa mbee wa kyumwa, kwatuka, na mĩomo ĩvingĩtwe vala amanyĩw’a maĩ, nũndũ wa kũkĩa Ayuti, Yesũ ooka aũngama katĩ woo, na amea, Ĩthĩwai na mũuo.</verse>
				<verse number="20">Na asya ũu, amon’ya itaa syake na mbaunĩ kwake. Na kwondũ wa ũu amanyĩw’a matana, mamwona Mwĩaĩi.</verse>
				<verse number="21">Na ĩndĩ Yesũ amea ĩngĩ, Ĩthĩwai na mũuo: o ũndũ Asa wandũmie, nĩw’o ngũmũtũma.</verse>
				<verse number="22">Na asya ũu, amavevea, na amea, Osai Veva Mũtheu:</verse>
				<verse number="23">O ala mũũekea naĩ syoo, namo nĩmekũekewa; na ala mũtekũekea naĩ syoo, matikũekewa.</verse>
				<verse number="24">Ĩndĩ Thoma, ũmwe wa ala ĩkũmi na elĩ, wetawa Ĩvatha, ndaĩ vamwe na ala angĩ yĩla Yesũ wokie.</verse>
				<verse number="25">Ĩndĩ amanyĩw’a ala angĩ mamwĩa, Nĩtwamwona Mwĩaĩi. Ĩndĩ we amea, Ndanona matonya ma mĩsumaa itaanĩ syake, na ngekĩa kyaa kyakwa matonyanĩ ma mĩsumaa, na ngekĩa kw’oko kwakwa mbaunĩ kwake, ndiketĩkĩla nongi.</verse>
				<verse number="26">Na matukũ nyanya mathela amanyĩw’a make maĩ nyũmbanĩ nthĩnĩ ĩngĩ, na Thoma aĩ vamwe nao. Na Yesũ ooka, mĩomo ĩ mĩvinge, na aũngama katĩ wamo, na asya, Ĩthĩwai na mũuo.</verse>
				<verse number="27">Na ĩndĩ amwĩa Thoma, Ete kyaa kyaku vaa, noiona itaa syakwa; na ete kw’oko kwaku, wĩkĩe mbaunĩ kwakwa: na ndũkethĩwe ũtetĩkĩlĩte, ĩndĩ wĩthĩwe wĩtĩkĩlĩte.</verse>
				<verse number="28">Thoma amũsũngĩa amwĩa, Mwĩaĩi wakwa na Ngai wakwa!</verse>
				<verse number="29">Yesũ amwĩa, Wetĩkĩla nũndũ wambona: nĩ aathime ala matonete na nĩmetĩkĩlĩte.</verse>
				<verse number="30">Na kwĩ syama ingĩ mbingĩ ila Yesũ wekie amanyĩw’a make me vo, ĩtaandĩkĩtwe ĩvukunĩ yũ:</verse>
				<verse number="31">ĩndĩ ii niandĩkĩtwe, nĩ kana mwĩtĩkĩle atĩ Yesũ nĩwe Klĩsto, Mwana wa Ngai; na ũndũ wa kwĩtĩkĩla kwenyu mwĩthĩwe na thayũ syĩtwanĩ yake.</verse>
			</chapter>
			<chapter number="21">
				<verse number="1">Ĩtina wa maũndũ aa Yesũ eeyonan’ya ĩngĩ kwa amanyĩw’a make ũtee wa ũkanga wa Tivelia; na kwĩyonan’ya kwake kwailyĩ ũũ.</verse>
				<verse number="2">Simoni Vetelo, na Thoma ũla wetawa Ĩvatha, na Nathanaeli wa ndũa yĩtawa Kena ya Kalilii, na ala ana ma Sevetii, na angĩ elĩ ma amanyĩw’a make maĩ vamwe.</verse>
				<verse number="3">Simoni Vetelo amea, Nĩngũthi kũtea makũyũ. Namo mamwĩa, O naitũ nĩtũũthi naku. Na maumaala mathi malika ngalawanĩ; na ũtukũ ũsu maiaakwatya kĩndũ.</verse>
				<verse number="4">Na kũikya. Yesũ aũngama ũtee wa ũkanga: ĩndĩ amanyĩw’a maieesĩ kana nĩ Yesũ.</verse>
				<verse number="5">Na ĩndĩ Yesũ amea, Syana, mwĩ na kya ũya? Mamũsũngĩa, Aiee.</verse>
				<verse number="6">Na amea, Ĩkyai kĩtei ngalĩ ya kw’oko aũme kwa ngalawa, na nĩmũkwona. Na ĩndĩ mekya, na yu maemwa nĩ ũkusya nũndũ wa makũyũ kwingĩva.</verse>
				<verse number="7">Na ĩndĩ mũmanyĩw’a ũla wendetwe nĩ Yesũ amwĩa Vetelo, Nĩ Mwĩaĩi. Na Simoni Vetelo eew’a kana nĩ Mwĩaĩi, oosa ngũa yake eevotoa (nũndũ aĩ mũthei), na eeyĩkya ũkanganĩ.</verse>
				<verse number="8">Ĩndĩ amanyĩw’a ala angĩ mookie na kakalawa kala kanini (nũndũ maiaĩ kũasa na ũtee, no vandũ va mĩkono maana elĩ), makĩkusya kĩtei kyusũĩte makũyũ.</verse>
				<verse number="9">Na maumĩla nthĩ, moona mwaki wa makaa vo, na ĩkũyũ yiĩtwe ĩũlũ, na kĩmũtũ.</verse>
				<verse number="10">Yesũ amea, Etei makũyũ amwe ma ala mwakwatya oyu.</verse>
				<verse number="11">Na ĩndĩ Simoni Vetelo alika ngalawanĩ, na akusya kĩtei ũtee, nakyo kyausũĩte makũyũ manene, ĩana yĩnwe na mĩongo ĩtano na atatũ: o na makũyũ maingĩvĩte ũu, kĩtei kĩtyaatembũka.</verse>
				<verse number="12">Yesũ amea, Ũkai mwĩtw’a ĩta. Na vai ũmwe wa amanyĩw’a waatata kũmũkũlya, We, nue ũũ? Nũndũ nĩmeesĩ kana nĩ Mwĩaĩi.</verse>
				<verse number="13">Yesũ athi, na oosa kĩmũtũ, na amanenga, na makũyũ ta ũu.</verse>
				<verse number="14">Na ĩvinda yĩu nĩ ya katatũ Yesũ akĩyonan’ya kwa amanyĩw’a make, ĩtina wa athayũũka kuma kwa akw’ũ.</verse>
				<verse number="15">Na ĩndĩ meetw’a ĩta, Yesũ amũkũlya Simoni Vetelo, Simoni, mwana wa Yona, nũmbendete mbee wa aa? Amũsũngĩa, Ĩĩ, Mwĩaĩi; we nĩwĩsĩ kana nĩngwendete. Amwĩa, Ĩthya tũlondu twakwa.</verse>
				<verse number="16">Na amũkũlya ĩngĩ ya kelĩ, Simoni, mwana wa Yona, nũmbendete? Amwĩa, Ĩĩ, Mwĩaĩi; we nĩwĩsĩ kana nĩngwendete. Amwĩa, Ĩthya malondu makwa.</verse>
				<verse number="17">Na amũkũlya ĩngĩ ya katatũ, Simoni, mwana wa Yona, nũmbendete? Na Vetelo amaka nũndũ wamũkũlya katatũ, Nũmbendete? Na amwĩa, Mwĩaĩi, nĩwĩsĩ maũndũ onthe; nĩwĩsĩ kana nĩngwendete. Yesũ amwĩa, Ĩthya malondu makwa.</verse>
				<verse number="18">Nĩ w’o, nĩ w’o, nĩngũkwĩa, Yĩla waĩ mwanake, weevotoaa, ũkathi kũla ũkwenda: ĩndĩ yĩla wĩtumĩa, ũkatambũũkya moko maku, na ũngĩ akakũvotoa, na kũkũtwaa kũla ũtekwenda.</verse>
				<verse number="19">Na aneenie ũu, akyonan’ya kĩkw’ũ kĩla ũkamũtaĩa Ngai nakyo. Na amina ũneena ũu, amwĩa, Mbikĩla.</verse>
				<verse number="20">Na Vetelo, eethyũũa, amwona ũla mũmanyĩw’a wendetwe nĩ Yesũ aimaatĩĩa; nake nĩwe ũla wamwaĩĩe Yesũ kĩthũinĩ makĩya lĩu wa wĩoo, aimũkũlya, Mwĩaĩi, nũũ ũsu wĩkũvũnyanĩa?</verse>
				<verse number="21">Na ĩndĩ Vetelo amwona ũsu amũkũlya Yesũ, Mwĩaĩi, mũndũ ũũ nake, akeka ata?</verse>
				<verse number="22">Yesũ amwĩa, Ethĩwa nĩngwenda ekale mũvaka yĩ ngoka, wĩ ũndũ wa kĩ? We mbikĩla.</verse>
				<verse number="23">Na ĩndĩ ndeto ĩno yanyaĩĩka katĩ wa ana‐a‐ithe, kana mũmanyĩw’a ũsu ndakakw’a: o na tiw’o Yesũ waisye kana ndakakw’a; ĩndĩ, Ethĩwa ngenda ekale mũvaka yĩ ngoka, wĩ ũndũ wa kĩ?</verse>
				<verse number="24">Ũũ nĩwe mũmanyĩw’a ũla ũkũsĩĩaa maũndũ aa, na nĩwe ũandĩkĩte maũndũ aa: na ũkũsĩ wake nĩtwĩsĩ ni wa w’o.</verse>
				<verse number="25">Na kwĩ maũndũ angĩ maingĩ ala Yesũ wekie, nao makaandĩkwa, ũmwe na ũmwe, nĩasya nthĩ nima ndĩanĩa mavuku ala maandĩkwa.</verse>
			</chapter>
		</book>
		<book number="44">
			<chapter number="1">
				<verse number="1">Theovilo, naandĩkie ũvoo wa mbee wa maũndũ onthe ala Yesũ wambĩlĩlye kwĩka na kũmanyĩsya,</verse>
				<verse number="2">kũvika mũthenya ũla wosiwe ĩũlũ, amina kũmatiĩa atũmwa ala wanyuvie mĩao e nthĩnĩ wa Veva Mũtheu:</verse>
				<verse number="3">na nĩweyonanisye mwene kwamo na mawonan’yo maingĩ ma w’o, e thayũ, ĩtina wa kũnyamaa kwake, akĩmaumĩlĩla ĩvinda ya mĩthenya mĩongo ĩna, na aineena maũndũ ma ũsumbĩ wa Ngai:</verse>
				<verse number="4">na ombanĩte nao, ameaĩa maikaume Yelusaleme, ĩndĩ meteele watho wa Asa, ũla mweewie nakwa:</verse>
				<verse number="5">nũndũ nĩ w’o Yoana nĩwavatisie na kĩw’ũ; ĩndĩ inyw’ĩ mũkavatiswa na Veva Mũtheu ĩtina wa mĩthenya mĩvũthũ.</verse>
				<verse number="6">Na indĩ, yĩla moombanĩte vamwe, mamũkũlya, maiasya, Mwĩaĩĩ, ũkatũngĩa Isilaeli ũsumbĩ ĩvinda yĩĩ twĩ nayo?</verse>
				<verse number="7">Nake amea, Ti ũndũ wenyu kũmanya syathĩ na mavinda, ala Asa wiĩte ũkũmũnĩ wake mwene.</verse>
				<verse number="8">Ĩndĩ mũkoosa vinya, yĩla Veva Mũtheu wĩũka ĩũlũ wenyu: na mũkeethĩwa mwĩ ngũsĩ syakwa Yelusaleme, na Yutia yonthe, na Samalia, na kũvika itulu sya nthĩ.</verse>
				<verse number="9">Na amina kũneena maũndũ asu, ambatw’a ĩũlũ masyaĩtye; na ĩthweo yamwosa auma methonĩ moo.</verse>
				<verse number="10">Na maketee mũno ĩtunĩ eyĩendee, sisya, aũme elĩ maũngama nao mekĩĩte ngũa nzaũ;</verse>
				<verse number="11">nao masya, Inyw’ĩ andũ ma Kalilii, nĩkĩ mũkũũngama mũkĩsisya ĩtunĩ? Yesũ ũsu, ũla woswa ĩũlũ ĩtunĩ kuma vala mũĩ, akooka o ta ũu, o ũndũ mwamwona aithi ĩtunĩ.</verse>
				<verse number="12">Na indĩ maalũka Yelusaleme mauma kĩĩma kĩtawa Oliveti, kĩla kĩ vakuvĩ na Yelusaleme, mũendo wa mũthenya wa savato.</verse>
				<verse number="13">Na malika nthĩnĩ, mambata mavota nyũmbanĩ ya ĩũlũ, vala mekalaa; Vetelo na Yoana na Yakovo na Andalea, Vilivu na Thoma, Valitholomayo na Mathayo, Yakovo wa Alivaio, na Simoni Nzelote, na Yutasi wa Yakovo.</verse>
				<verse number="14">Asu onthe mekalaa na ngoo ĩmwe makĩvoya na kĩthing’ĩĩsyo, vamwe na ala aka, na Meli, inyia wa Yesũ, na ana‐a‐inyia make.</verse>
				<verse number="15">Na mĩthenya ĩsu Vetelo aũngamie kati wa ana‐a‐ĩthe, na asya, (na maĩ aingĩ mombanĩte vamwe, ũtalo woo waĩ ta ĩana na mĩongo ĩlĩ),</verse>
				<verse number="16">Ana‐a‐asa, nĩkwaĩle ũla ũandĩko wĩanĩw’e, ũla Veva Mũtheu wambie ũneena na kanyw’a wa Ndaviti ũndũ wa Yutasi, ũla waĩ mũtongoi wa ala mamũkwatie Yesũ.</verse>
				<verse number="17">Nĩkwĩthiwa atalĩlanaw’a naitũ, na nĩwosie kĩanda kyake ũthũkũminĩ ũũ.</verse>
				<verse number="18">(Na ĩndĩ mũndũ ũsu athooie mũũnda na ĩtuvi ya ũthũku wake; na avalũka na ĩvu, aatũkanĩla katĩ, na maa make onthe metĩka.</verse>
				<verse number="19">Na ũndũ ũsu wamanyĩkie nĩ onthe ala matwĩe Yelusaleme; na ũu watumie mũũnda ũsu wĩtwa kĩthyomonĩ kyoo Akelitama, na ũalyũlo wayo nĩ, Mũũnda wa nthakame.)</verse>
				<verse number="20">Nũndũ nĩkũandĩkĩtwe ĩvukunĩ ya Savuli, Ũtũo wake nĩwĩthĩwe mũthei, Na mũndũ o na wĩva ndakaaũtũe: na, Ũsyaĩĩsyo wake nĩwoswe nĩ ũngĩ.</verse>
				<verse number="21">Kwondũ wa ũu, nĩkwaĩle mũndũ ũmwe wa asu ala maatĩanĩe naitũ mĩthenya yonthe ĩla Mwĩaĩi Yesũ wavotaa na kuma katĩ waitũ,</verse>
				<verse number="22">kuma ũvatiso wa Yoana, kũvika mũthenya ũla wosiwe ĩũlũ kuma vala tũĩ, ethĩwe ngũsĩ ya kũthayũũka kwake, vamwe naitũ.</verse>
				<verse number="23">Na maia andũ elĩ, Yosevu wetawa Valisava, ũla waĩ na syĩtwa yĩngĩ Yusito, na Mathia.</verse>
				<verse number="24">Na mavoya, maiasya, We, Mwĩaĩi, ũla wĩsĩ ngoo sya andũ onthe, twon’ye ũla ũnyuvĩte wa aa elĩ,</verse>
				<verse number="25">ose ũthũkũmi na ũtũme ũũ, ũla waumiwe nĩ Yutasi nĩ kana aende vandũ vake mwene.</verse>
				<verse number="26">Nao malimana na wamũvalũkĩla Mathia; nake atalanĩlwa vamwe na ala atũmwa ĩkũmi na ũmwe.</verse>
			</chapter>
			<chapter number="2">
				<verse number="1">Na mũthenya wa Vendekosito wavika, meethĩwa mombanĩte onthe vandũ vamwe.</verse>
				<verse number="2">Na oyu, o ĩmwe, kwauma kĩuumo ĩtunĩ ta kĩseve kĩnene kĩiuutana, nakyo kyausũa nyũmba yonthe vala mekalĩte.</verse>
				<verse number="3">Na maumĩlĩlwa nĩ nĩmĩ sya mwaki syĩaanĩtye; na kwĩkalĩla kĩla mũndũ.</verse>
				<verse number="4">Na onthe mausũwa nĩ Veva Mũtheu, na mambĩlĩlya ũneena na ithyomo ingĩ, o ũndũ Veva wamanengie ũneeni.</verse>
				<verse number="5">Na Yelusaleme kwekalĩte Ayuti, akĩi ma Ngai, ala maumĩte mbaĩnĩ syonthe sya andũ ĩtheo wa ĩtu.</verse>
				<verse number="6">Na wasya ũsu weew’ĩka, ĩkomano yakomana, na yasaanĩw’a, nĩkwĩthĩwa kĩla mũndũ nĩwamewie maineena na kĩthyomo kyake mwene.</verse>
				<verse number="7">Na onthe maseng’a na masũanĩwa, maiasya, Sisyai, andũ aa onthe meũneena ti Akalilii?</verse>
				<verse number="8">Na twĩĩw’a ata ithyĩ, kĩla mũndũ na kĩthyomo kyake mwene, kĩla wasyaiwe nakyo?</verse>
				<verse number="9">Avathiani na Ametia na Aelamu, na andũ ala matwĩe Mesovotamia na Yutia na Kavatosia na Vondo na Asia,</verse>
				<verse number="10">na Velikia na Vambilia, na Misili na ngalĩ sya Livia vakuvĩ na Kulene, na ekali ma ũeninĩ maumĩte Lomi, Ayuti na avikĩli moo,</verse>
				<verse number="11">na Akilete na Alavu, nĩtũkũmew’a aa maineena na ithyomo sitũ maũndũ manene ma Ngai.</verse>
				<verse number="12">Na onthe maseng’a, na masũanĩwa, maiasya ene kwa ene, Ũndũ ũũ wĩonan’ya ata?</verse>
				<verse number="13">Ĩndĩ angĩ masya, maivũthya, Aa nĩmatoonetw’e nĩ mbinyu mbĩthĩ.</verse>
				<verse number="14">Ĩndĩ Vetelo, aũngeme na ala ĩkũmi na ũmwe, atũlya wasya wake, na aneena namo, aiasya, Inyw’ĩ aũme ma Yutia, na inyw’onthe ala mũtwĩe Yelusaleme, ũndũ ũũ nũmanyĩke kwenyu, na ĩthukĩĩsyei ndeto syakwa.</verse>
				<verse number="15">Nĩkwĩthĩwa andũ aa ti atoon’ye, ũndũ mũũtalĩlya; nũndũ no saa itatũ sya mũthenya;</verse>
				<verse number="16">ĩndĩ ũndũ ũũ nĩ ũla waneeniwe nĩ mwathani Yoeli:</verse>
				<verse number="17">Na kũkeethĩwa mĩthenyanĩ ya mũminũkĩlyo, easya ũu Ngai, Ngamĩtulũĩla mĩĩ yonthe Veva wakwa: Na ana menyu na eĩtu menyu makathana, Na anake menyu makoona mawoni, Na atumĩa menyu makaota ndoto:</verse>
				<verse number="18">Ĩĩ, ĩũlũ wa ngombo syakwa aũme na aka mĩthenyanĩ ĩsu Ngatulũla Veva wakwa; nasyo ikathana.</verse>
				<verse number="19">Na ngoonan’ya moseng’yo ĩũlũ ĩtunĩ, Na syama ĩtheo nthĩ; Nthakame, na mwaki, na ũtoi wa syũki:</verse>
				<verse number="20">Syũa yĩkaalyũkw’a yĩthĩwe kĩvindu, Na mwei wĩthĩwe nthakame, Mbee wa mũthenya wa Mwĩaĩĩ ũtanoka, Mũthenya ũla mũnene na mwonan’ye:</verse>
				<verse number="21">Na kũkeethĩwa, o ũla ũkekaĩla. Syĩtwa ya Mwĩaĩi nũkatangĩĩwa.</verse>
				<verse number="22">Inyw’ĩaũme ma Isilaeli, ĩthukĩĩsyei ndeto ii: Yesũ wa Nasaleti, ũla wonaniw’e nĩ Ngai kwenyu na mavinya na momakyo na syama ila Ngai wekie nake katĩ wenyu, o ũndũ inyw’ĩ ene mwĩsĩ;</verse>
				<verse number="23">we, anenganiwe o tondũ Ngai watwie na wamanyĩte kuma tene, inyw’i mwamwambie na kũmũaa na moko ma ala ang’endu:</verse>
				<verse number="24">ũla Ngai wamũthayũũkisye, athaĩtye mawoo ma kĩkw’ũ: nĩkwĩthĩwa kũiaatonyeka alũmw’e nĩkyo.</verse>
				<verse number="25">Nũndũ Ndaviti aneenie ũvoo wake, aiasya, Nĩnoonie Mwĩaĩi mbee wa ũthyũ wakwa mavinda onthe; Nĩkwĩthĩwa we e ngalĩ ya kw’oko kwakwa kwa aũme, nĩ kana ndikathingithangw’e:</verse>
				<verse number="26">Kwondũ wa ũu ngoo yakwa yaĩ na ũtanu, na ũĩmĩ wakwa watana; O na ĩngĩ mwĩĩ wakwa ũkatũaa wĩkwatyonĩ:</verse>
				<verse number="27">Nũndũ we ndũkatia veva wakwa vala maveva ma akw’ũ mekalaa, O na ndũkanengane Mũtheu waku one wanangĩko.</verse>
				<verse number="28">We, nĩwamanyĩthye nzĩa sya thayũ; We, ũkambusũasya ũtanu na ũthyũ waku.</verse>
				<verse number="29">Ana‐a‐asa, nĩtonya kũneena nenyu vyũ, ũvoo wa mũtũmĩa Ndaviti, kana nĩwakwie na akĩnzĩwa nthĩ, na vala wenzĩĩwe ve o kwitũ kũvika mũthenya ũũ wa ũmũnthĩ.</verse>
				<verse number="30">Nũndũ aĩ mwathani na amanya kana Ngai nĩwevĩtie kwake na wĩvĩto, atĩ kuma ũsyaonĩ wa kĩnyunyu kyake, akamwĩkalya ũmwe kĩvĩlanĩ kyake kya ũsumbĩ;</verse>
				<verse number="31">we, onete ũndũ ũsu mbee, aneena ũvoo wa kũthayũũka kwa Klĩsto, kana ndaatiwa vala maveva ma akw’ũ mekalaa, o na mwĩĩ wake ndwaaona wanangĩko.</verse>
				<verse number="32">Yesũ ũsu Ngai nĩwamũthayũũkisye, naitũ ithyonthe twĩ ngũsĩ sya ũũ.</verse>
				<verse number="33">Ĩndĩ nĩkwĩthĩwa nĩwaneneviw’e kw’okonĩ kwa aũme kwa Ngai, na oosete kwa Ĩthe ũla watho wa Veva Mũtheu, nĩwonoisye ũndũ ũũ, ũla mũkwona na kwĩw’a.</verse>
				<verse number="34">Nũndũ Ndaviti ndaaambata ĩtunĩ: ĩndĩ we mwene easya, Mwĩaĩi amwĩie Mwĩaĩi wakwa, Ĩkala nthĩ ngalĩ ya kw’oko kwakwa kwa aũme,</verse>
				<verse number="35">Mũvaka natw’a amaitha maku kavĩla ka nyaĩĩ syaku.</verse>
				<verse number="36">Kwondũ wa ũu nyũmba yonthe ya Isilaeli ĩmanye vyũ, kana Yesũ ũsu ũla inyw’ĩ mwamwambie, Ngai nũmũtw’ĩte ethĩwe Mwĩaĩi, na ĩngĩ ethĩwe Klĩsto.</verse>
				<verse number="37">Na meew’a ndeto isu syamatonya ngoonĩ syoo, na mamwĩa Vetelo na atũmwa ala angĩ, Ana‐a‐asa, twĩĩka ata?</verse>
				<verse number="38">Na Vetelo amea, Alyũlai ngoo, na mũivatiswa kĩla mũndũ syĩtwanĩ ya Yesũ Klĩsto, mwone ũekeo wa naĩ syenyu; na mũkoosa mũthĩnzĩo wa Veva Mũtheu.</verse>
				<verse number="39">Nũndũ watho ũsu nĩ kwondũ wenyu, na kwondũ wa syana syenyu, na kwondũ wa onthe ala me kũasa mũno, o ala maketwa nĩ Mwĩaĩi Ngai waitũ, moke kwake.</verse>
				<verse number="40">Na akũsĩĩa na ndeto ingĩ nyingĩ, na amataa, aiasya, Ĩtangĩĩei na ũsyao ũũ mũthyoeku.</verse>
				<verse number="41">Na ĩndĩ ala moosie ndeto yake mavatiswa: na mũthenya ũsu mongeleka andũ ta ngili itatũ.</verse>
				<verse number="42">Na mekalaa malũlũmĩle momanyĩsyonĩ ma atũmwa, na mũambanĩ, na kũtila kĩmũtũ, na mboya.</verse>
				<verse number="43">Na w’ĩa wamũlika kĩla mũndũ: na momakyo maingĩ na syama nyingĩ syeekwa nĩ atũmwa.</verse>
				<verse number="44">Na onthe ala meetĩkĩlile maĩ vandũ vamwe, na meethĩwa na mũamba wa syĩndũ syoo syonthe;</verse>
				<verse number="45">na mathoosya syĩndũ syoo ila maĩ nasyo, na maaana onthe, kĩla mũndũ o ũndũ waĩ na vata wĩana.</verse>
				<verse number="46">Na kĩla mũthenya mekalaa ĩkalũnĩ na ngoo ĩmwe, na makĩtila kĩmũtũ nyũmbanĩ kwoo, nĩmaĩsaa lĩu woo na mũyo na ngoo ĩmwe,</verse>
				<verse number="47">makĩmũkumya Ngai, na makyaĩla kwa andũ onthe. Mwĩaĩi, nake, amongelelaa mũthenya na mũthenya ala matangĩĩawa.</verse>
			</chapter>
			<chapter number="3">
				<verse number="1">Na ĩndĩ Vetelo na Yoana mambatie ĩkalũnĩ ĩvinda ya kũvoya, saa kenda.</verse>
				<verse number="2">Na kwaĩ mũndũ ũmwe wasyaiwe e kyonze, nake akuawa, akaiwa kĩla mũthenya mũomonĩ wa ĩkalũ ũla wĩtawa Mwanakavye, avoye ũtethyo kwa ala mavotaa ĩkalũnĩ;</verse>
				<verse number="3">nake oona Vetelo na Yoana makĩlika ĩkalũnĩ, amavoya anengwe ũtethyo.</verse>
				<verse number="4">Na Vetelo, aimũketeea, vamwe na Yoana, asya, Tũsisye.</verse>
				<verse number="5">Na amasisya, akyasya nũnũũnengwa kĩndũ nĩmo.</verse>
				<verse number="6">Ĩndĩ Vetelo amwĩa, Ndi na vetha kana thaavu; ĩndĩ kĩla nĩ nakyo, nĩkyo ngũũnenga. Syĩtwanĩ ya Yesũ Klĩsto wa Nasaleti, ĩkinyie.</verse>
				<verse number="7">Na amũkwata kw’oko kwa aũme kwake amũkĩlya: na kavinda kau nyaĩĩ syake na maleenyũ ma ngũlimũ syake meekĩwa vinya.</verse>
				<verse number="8">Na ookĩla na aũngama, na ambĩlĩlya ũkinya; na avota ĩkalũnĩ vamwe nao, aikinya, na aithaanyũkanga, na amũkumya Ngai.</verse>
				<verse number="9">Na andũ onthe mamwona aikinya na aimũkumya Ngai:</verse>
				<verse number="10">na mamũmanya, kana niwe ũnekalaa aivoya ũtethyo Mũomonĩ Mwanakavye wa ĩkalũ; mausũwa nĩ kũsaanĩw’a na kũseng’a kwondũ wa ũndũ ũsu wamũkĩtĩkĩa.</verse>
				<verse number="11">Na amakwete Vetelo na Yoana, andũ onthe mamombania masembete valasyanĩ ũla wĩtawa wa Solomoni, maiseng’a mũno.</verse>
				<verse number="12">Na Vetelo oona ũndũ ũsu, amatavya ala andũ, Ĩnyw’ĩ aũme ma Isilaeli, nĩki mũũseng’a nũndũ wa mũndũ ũũ? Kana nĩkĩ mũtũketeea na metho menyu, ta ithyĩ kwa vinya witũ kana ũseo witũ twatuma ũũ ekinyia?</verse>
				<verse number="13">Ngai wa Avalaamu, na wa Isaka, na wa Yakovo, Ngai wa aasa maitũ, nũmũtaĩĩte Mũthũkũmi wake Yesũ; ũla inyw’i mwamũnenganie, na kũmũleela mbee wa Vilato, yĩla we watw’ĩte athaw’e.</verse>
				<verse number="14">Ĩndĩ inyw’i mwamũleile Ũla Mũtheu na Mũlũngalu, na mweetya mũnengwe mũaani,</verse>
				<verse number="15">na mwamũaa ũsu Mũnene wa thayũ; nake Ngai nĩwamũthayũũkisye kũmumya kwa akw’ũ; naitũ twĩ ngũsĩ sya ũndũ ũsu.</verse>
				<verse number="16">Na kwondũ wa mũĩkĩĩo syĩtwanĩ yake, syĩtwa yake nĩyamũnenga mũndũ ũũ vinya, ũũ mũmwene na mũmwĩsĩ: ĩĩ, mũĩkĩĩo ũsu ũla wĩ kwondũ wake, nĩwamũnenga ũũ wĩanĩu ũũ mũima mũwene inyw’onthe.</verse>
				<verse number="17">Na yu, ana‐a‐asa, nĩona kana nĩmweekie ũu kwa kũlea kũmanya, na asumbĩki menyu no ta ũu.</verse>
				<verse number="18">Ĩndĩ maũndũ ala Ngai wonanisye mbee na makanyw’a ma athani onthe, kana Klĩsto wake akathĩnw’a, nĩweanĩisye ũu.</verse>
				<verse number="19">Alyũlai ngoo, ĩndĩ, mwĩthyũũe, naĩ syenyu syanangwe, nĩ kana kũtonye kũka mavinda ma ũvuũkyo kuma ũthyũnĩ wa Mwĩaĩi;</verse>
				<verse number="20">na ĩngĩ kana atonye kũmũtũma Klĩsto ũla waiĩtwe kwondũ wenyu, nake nĩwe Yesũ:</verse>
				<verse number="21">ũla ĩtu yĩnaaĩlwe nĩ ũmwosa kũvika mavinda ma ũtũnga syĩndũ syonthe syĩthĩwe nzaũ, ala Ngai waneenie na makanyw’a ma athani make atheu, ala mai kw’o kuma tene.</verse>
				<verse number="22">Nĩ w’o Mose nĩwaneenie aiasya, Mwĩaĩi Ngai akamũkĩlĩlya mwathani kuma kwa ana‐a‐ĩthe menyu, ũilyĩ takwa; mwĩw’ei maũndũnĩ onthe ala ũkaneena nenyu.</verse>
				<verse number="23">Na kũkeethĩwa, kana kĩla mũndũ ũtakamwĩthukĩĩsya mwathani ũsu, akaanangwa vyũ na kumw’a katĩ wa andũ.</verse>
				<verse number="24">Ĩĩ, na athani onthe kuma Samueli na ala mamũatĩĩe ĩtina, o ũndũ maneenie meana, nao nĩmatavanisye ũvoo wa mĩthenya ĩno.</verse>
				<verse number="25">Inyw’i mwĩ ana ma athani, na ma ũtianĩo ũla Ngai watianĩe na aaĩthe menyu, aimwĩa Avalaamu atĩĩ, Ũsyaonĩ waku mĩvĩa yonthe ya andũ ĩkaathimwa.</verse>
				<verse number="26">Ngai, amina kũthayũũkya Mũthũkũmi wake, ambie kũmũtũma amũathime inyw’ĩ, aimũthyũũa kĩla ũmwe wenyu mũtie mothũku menyu.</verse>
			</chapter>
			<chapter number="4">
				<verse number="1">Na makĩneena na andũ, athembi anene na mũnene wa ĩkalũ na Asatukai mamaumĩlĩla,</verse>
				<verse number="2">makĩw’a woo mũno nũndũ wamo kũmamanyĩsya andũ, na kũtavan’ya ũthayũũkyo wa akw’ũ nthĩnĩ wa Yesũ.</verse>
				<verse number="3">Na mamakwata na mamekĩa kolokolonĩ kũvika ũnĩ: nĩkwĩthĩwa kwaĩ kũnavika wĩoo.</verse>
				<verse number="4">Ĩndĩ aingĩ ma ala meewie ndeto meetĩkĩlile; na ũtalo wa aũme weethĩwa ta ngili itano.</verse>
				<verse number="5">Na ũnĩ ũsu, anene moo na atumĩa na aandĩki meethĩwa mombanĩte vamwe Yelusaleme;</verse>
				<verse number="6">na Anasi mũthembi mũnene aĩ vo, na Kaiava na Yoana, na Alesanda, na angĩ o ala maĩ ma mbaĩ ya mũthembi mũnene.</verse>
				<verse number="7">Na mamaia katĩ woo, mamakũlya, Undũ ũsu mũneekie kwa vinya wiva, kana kwa syĩtwa yĩva?</verse>
				<verse number="8">Nĩvo ĩndĩ Vetelo, ausũĩtwe nĩ Veva Mũtheu, wamasũngĩie, aiasya, Inyw’ĩ asumbĩki ma andũ, na atumĩa,</verse>
				<verse number="9">ethĩwa nĩtũũkũlw’a ũmũnthĩ ũndũ wa wĩko mũseo ũla ũneekiwe mũndũ kyonze, ũndũ ũnavoiw’e;</verse>
				<verse number="10">nĩkũmanyĩke kwa inyw’onthe, na kwa andũ onthe ma Isilaeli, kana nĩ kwondũ wa syĩtwa ya Yesũ Klĩsto wa Nasaleti, ũla inyw’ĩ mwamwambie, na Ngai nĩwamũthayũũkisye kũmumya kwa akw’ũ, no kwondũ wa ũsu mũndũ ũũ nũũngeme mbee wenyu e mũima.</verse>
				<verse number="11">Ũsu nĩwe yĩla ĩvia yavũthiwe nĩ inyw’ĩ aki, nayo yatw’ĩka yĩla ĩnene ya kĩkotonĩ.</verse>
				<verse number="12">O na kũti ũtangĩĩo kwa ũngĩ o na wĩva w’onthe: nũndũ kũti syĩtwa yĩngĩ ĩtheo wa ĩtu, yĩnengetwe andũ, yĩtwaĩle ithyĩ kũtangĩĩwa nayo.</verse>
				<verse number="13">Na moona ũnyiau wa Vetelo na Yoana, na mamanya kana nĩ andũ matamanyĩĩtw’e, na mate na ũmanyi, maseng’a; na mamamanya kana maneethĩawa vamwe na Yesũ.</verse>
				<verse number="14">Na makyona ũla mũndũ ũnavoiw’e aũngeme vamwe nao, maiaatonya kũsũngĩa ũndũ ũsu.</verse>
				<verse number="15">Ĩndĩ mamatavya maumaale nza kuma nzamanĩ, makũlan’ya ene kwa ene,</verse>
				<verse number="16">maiasya, Twĩmeka ata andũ aa? Nĩkwĩthĩwa nĩwenekee kwa onthe ala matwĩe Yelusaleme kana kyama kĩnene nĩkĩneekiwe kwondũ wamo; na ithyĩ tũtitonya kũkaĩa.</verse>
				<verse number="17">Ĩndĩ nĩ kana ũndũ ũũ ndũkanyaĩĩke mbee wa vau andũnĩ, tũmatĩsye, kana maikaneene ĩngĩ na mũndũ syĩtwanĩ yĩu.</verse>
				<verse number="18">Na mameta, na mameaĩa maikaaneene ĩngĩ nongĩ kana kũmanyĩsya syĩtwanĩ ya Yesũ.</verse>
				<verse number="19">Ĩndĩ Vetelo na Yoana mamasũngĩa, mamea, Ethĩwa nĩ wa w’o mbee wa Ngai kũmwĩthukĩĩsya inyw’ĩ kwĩ kũmwĩthukĩĩsya Ngai, silai inyw’ĩ:</verse>
				<verse number="20">nũndũ ithyĩ tũitonya ate o kũneena maũndũ ala twoonie na kwĩw’a.</verse>
				<verse number="21">Namo, mamatĩsya ĩngĩ, mamalekya, matene ũndũ matonya kũmasilĩla, nũndũ wa andũ; nĩkwĩthĩwa andũ onthe mamũtaĩaa Ngai kwondũ wa ũndũ ũsu ũneekiwe,</verse>
				<verse number="22">Nũndũ mũndũ ũsu ũla ũneekiwe kyama kyu kya ũvow’a, avikĩtye myaka mbee wa mĩongo ĩna.</verse>
				<verse number="23">Na mathaw’a, mathi vala ve ala angĩ moo, na mamatavya maũndũ onthe ala mataviw’e nĩ athembi anene na atumĩa.</verse>
				<verse number="24">Namo, meew’a ũu, mamũkĩlĩlya Ngai mawasya moo na ngoo ĩmwe, maiasya, Ame Mwĩaĩi, nue woombie ĩtu na nthĩ na ũkanga, na syĩndũ syonthe ila syĩ nthĩnĩ wasyo:</verse>
				<verse number="25">we, ũla waneenie kwondũ wa Veva Mũtheu, na kanyw’a wa asa waitũ Ndaviti, mũthũkũmi waku, ũkyasya, Andũ‐ma‐mbaĩ‐ingĩ malonzanĩlye kĩ, Na andũ kũsũanĩa maũndũ ma mana?</verse>
				<verse number="26">Asumbĩ ma nthĩ nĩmetaũĩtye, Na asumbĩki nĩmoombanie vamwe, Ĩũlũ wa Mwĩaĩi, na ĩũlũ wa Mwĩtĩkĩw’a mauta wake:</verse>
				<verse number="27">nũndũ nĩ w’o ndũanĩ ĩno, Elote na Vondio Vilato vamwe na Andũ‐ma‐mbaĩ‐ingĩ na andũ ma Isilaeli nĩmoombanie vamwe, ĩũlũ wa Mũthũkũmi waku mũtheu Yesũ, ũla wamwĩtĩkĩsye mauta,</verse>
				<verse number="28">meke o ala kw’oko kwaku na ũtw’ĩo waku watwie mbee kana methĩwe.</verse>
				<verse number="29">Na yu, Mwĩaĩi, sisya motĩsyo moo: noinenga ngombo syaku ineene ndeto yaku na ũnyiau w’onthe,</verse>
				<verse number="30">naku wĩthĩwe ũitambũũkya kw’oko kwaku kũvosya; nĩ kana syama na momakyo mekwe kwondũ wa syĩtwa ya Mũthũkũmi waku mũtheu Yesũ.</verse>
				<verse number="31">Na mavoya, vala moombanĩte vathingithangw’a; nao mausũwa onthe nĩ Veva Mũtheu, na maneena ndeto ya Ngai na ũnyiau.</verse>
				<verse number="32">Na nguthu ya ala meetĩkĩlĩte maĩ na ngoo ĩmwe na veva ũmwe: na vai ũmwe waasya kĩndũ o na kĩmwe kya ila waĩ nasyo nĩ kyake mwene; ĩndĩ maĩ na mũamba wa syĩndũ syonthe.</verse>
				<verse number="33">Na atũmwa maumya ũkũsĩ woo wa kũthayũũka kwa Mwĩaĩi Yesũ na vinya mũnene: na mumo mũnene waĩ ĩũlũ wa onthe.</verse>
				<verse number="34">Nũndũ vaiaaĩthĩwa ũmwe wamo waanyivĩwa nĩ kĩndũ: nĩkwĩthĩwa ala maĩ na nthĩ kana nyũmba syoo nĩmathooisye, na maete thooa wa syĩndũ ila ithooetw’e,</verse>
				<verse number="35">mawia maũũnĩ ma atũmwa: na maana kĩla mũndũ, o ũndũ vata wake weanaa.</verse>
				<verse number="36">Na Yosevu, ũla wanengiwe syĩtwa ya kelĩ nĩ ala atũmwa, ya Valanava (nayo ũalyũlo wayo nĩ, Mwana wa ũtao), aĩ Mũlivai, ĩndĩ kũsyaĩwa kwake nĩ Kuvolo,</verse>
				<verse number="37">aĩ na mũũnda, na oothoosya, na aete thooa waw’o aia maũũnĩ ma atũmwa.</verse>
			</chapter>
			<chapter number="5">
				<verse number="1">Ĩndĩ mũndũ ũmwe wetawa Anania, vamwe na Savaila mũka wake, athooisye kĩlungu kyake kya nthĩ,</verse>
				<verse number="2">na avitha kĩlungu kĩmwe kya thooa wayo, na mũka wake nĩwesĩ, na aete kĩlungu kĩmwe na akia maũũnĩ ma atũmwa.</verse>
				<verse number="3">Ĩndĩ Vetelo amũkũlya, Anania, nĩkĩ wausũwa ngoo yaku nĩ Satani ũmũtavye Veva Mũtheu ũvũngũ, na kũsiĩĩa ũvithĩte kĩlungu kya thooa wa nthĩ?</verse>
				<verse number="4">Yĩla waĩ nayo ndĩaĩ yaku mwene? Na yathoow’a, ndĩaĩ ũtonyinĩ waku mwene? Kũilyĩ ata ĩndĩ kwĩkĩa ũndũ ũũ ngoonĩ yaku? Ti andũ watavya ũvũngũ, ĩndĩ wamũtavya Ngai.</verse>
				<verse number="5">Na Anania eew’a ndeto isu avalũka nthĩ na aumwa nĩ veva: na w’ĩa mũnene wooka ĩũlũ wa onthe ala meewĩe.</verse>
				<verse number="6">Na anake mookĩla mamũlingĩla ngũa, mamumaalya nza na mamwĩnzĩa nthĩ.</verse>
				<verse number="7">Na ĩtina ĩvinda ya masaa atatũ, mũka wake ooka atesĩ ũndũ kweekwa, na alika.</verse>
				<verse number="8">Na Vetelo amwia, Ndavya, mũnathooisye nthĩ thooa o ũsu? Nake amũsũngĩa, Ĩĩ, thooa o ũsu.</verse>
				<verse number="9">Ĩndĩ Vetelo amwĩa, Kũilyĩ ata inyw’ĩ kwĩw’ana kũmũtata ũla Veva wa Mwĩaĩi? Sisya, nyaĩĩ sya ala mamwinzia mũemeu nthĩ syĩ mũomoni, nao nĩmeũkũkua we.</verse>
				<verse number="10">Nake avalũka oyu maũũnĩ ma Vetelo, na aumwa nĩ veva: na ala anake mavota meethĩa e mũkw’ũ, na mamumaalya nza na mamwĩnzĩa nthĩ ũtee wa mũũme wake.</verse>
				<verse number="11">Na w’ĩa mũnene wooka ĩũlũ wa ĩkanisa yonthe, na ĩũlũ wa onthe ala meewie maũndũ asu.</verse>
				<verse number="12">Na syama nyingĩ na momakyo meekiwe andũnĩ na moko ma atũmwa: na onthe maĩ na ngoo imwe valasyanĩ wa Solomoni.</verse>
				<verse number="13">Ĩndĩ ma ala angĩ vai mũndũ waatata kwĩkwatan’ya nao: ĩndĩ andũ mamataĩaa mũno;</verse>
				<verse number="14">na etĩkĩli aingĩ mongeleka ngalĩ ya Mwĩaĩi, nguthu nene sya andũ, aũme na aka:</verse>
				<verse number="15">o na kweethĩwa maimaumaalya awau moo kũmatwaa nzĩanĩ nene, na kũmaia mokomonĩ na mĩkekanĩ, nĩ kana Vetelo aivĩta, nongo kyuu kyake kĩtonye kũkiita ũmwe wamo.</verse>
				<verse number="16">Na ĩngĩ kwoombana nguthu nene ya andũ ma ndũa ila ithyũlũlũkĩte Yelusaleme, makĩete andũ awau, na ala mathĩnaw’a nĩ maveva mavuku: nao mavow’a onthe.</verse>
				<verse number="17">Ĩ ndĩ mũthembi mũnene ookĩla, na onthe ala maĩ nake (namo nĩ kĩthemba kya Asatukai), nao mausũwa nĩ kĩwĩu,</verse>
				<verse number="18">na mamakwata atũmwa, mamekĩa kolokolonĩ.</verse>
				<verse number="19">Ĩndĩ mũlaĩka wa Mwĩaĩi avingũa mĩomo ya kolokolo na ũtukũ, na amaumaalya nza, amea,</verse>
				<verse number="20">Endai, mũkaũngame ĩkalũnĩ, na mũitavya andũ ndeto syonthe sya Thayũ ũũ.</verse>
				<verse number="21">Na meew’a ũu mavota ĩkalũnĩ kwĩ masangya, na kũmanyĩsya. Ĩndĩ mũthembi mũnene ooka, na ala maĩ nake, na moomban’ya andũ ma nzama, na atumĩa onthe ma Isilaeli, na matũma andũ mathi kolokolonĩ mamaete.</verse>
				<verse number="22">Ĩndĩ makanga ala maendie matyaamethĩa kolokolonĩ; na maalũka, matavan’ya ũvoo,</verse>
				<verse number="23">maiasya, Nyũmba ya kolokolo tweethĩa ĩvingĩtwe, nayo ndĩ na ũndũ, na asũvĩi maũngeme mĩomonĩ: ĩndĩ twavingũa, tũinamwĩthĩa mũndũ nthĩnĩ.</verse>
				<verse number="24">Na mũnene wa ĩkalũ na athembi anene meew’a ndeto isu, masũanĩwa mũno nĩsyo, na vala ũvoo ũsu wĩvika.</verse>
				<verse number="25">Na kwooka mũndũ ũmwe amatavya, Sisyai, andũ ala mũneekĩie kolokolonĩ me ĩkalũnĩ maũngeme maimanyĩsya andũ.</verse>
				<verse number="26">Na ĩndĩ ũla mũnene athi vamwe na makanga na mamaete, ĩndĩ ti kwa vinya; nũndũ nĩmakĩaa andũ maikamakime na mavia.</verse>
				<verse number="27">Na mamaete, mamaũngamya mbee wa nzama. Na mũthembi mũnene amakũlya,</verse>
				<verse number="28">aiasya, Tũtineemũvata mũno na vinya kũmanyisya syĩtwanĩ yĩu? Na sisyai, nĩmũsũĩtye Yelusaleme momanyĩsyo menyu, mũkyenda kũete nthakame ya mũndũ ũsu ĩũlũ waitũ.</verse>
				<verse number="29">Ĩndĩ Vetelo na atũmwa ala angĩ masũngĩa, maiasya, Mũvaka tũmwĩw’e Ngai mbee wa kũmew’a andũ.</verse>
				<verse number="30">Ngai wa asaa maitũ nĩwamũthayũũkisye Yesũ, ũla inyw’ĩ mwamũaie, mũimwamba mũtĩnĩ.</verse>
				<verse number="31">Ĩndĩ we Ngai nũmũnenevetye kw’okonĩ kwake kwa aũme, ethĩwe Mũnene na Mũtangĩĩi, amanenge Isilaeli ũalyũlo wa ngoo, na ũekeo wa naĩ.</verse>
				<verse number="32">Na ithyĩ twĩ ngũsĩ sya maũndũ asu; na Veva Mũtheu nake no ta ũu, ũla Ngai ũnengete ala mamwĩw’aa.</verse>
				<verse number="33">Namo meew’a ũu matemwa ngoonĩ, na menda kũmoaa.</verse>
				<verse number="34">Ĩndĩ mũndũ ũmwe Mũvalisi, wetawa Kamalieli, mũmanyĩsya mũnene wa mĩao, ũla wataĩawa nĩ andũ onthe, aũngama nzamanĩ, na atw’a mamaumaalye andũ asu nza kavinda kanini.</verse>
				<verse number="35">Nake amea, Inyw’ĩ aũme ma Isilaeli, ĩsũvĩei ene ũndũ wa andũ aa, ũndũ mũkilĩlye kwĩka.</verse>
				<verse number="36">Nikwĩthĩwa mbee wa mĩthenya ĩno Theutasi nũnookĩlile, aimatavya andũ nĩwe ĩkũ; na andũ aingĩ mamũatĩĩa, ũtalo woo wavikĩte ta maana ana: nake nĩwoaiwe; na onthe ala mamwĩw’aa manyaĩĩkw’a, meethĩwa ti kĩndũ.</verse>
				<verse number="37">Ĩtina wa mũndũ ũsu, anookĩla Yutasi, mũndũ wa Kalilii, mĩthenya ĩsu ya kũandĩkwa, nake akusya andũ amwe mamũatĩĩa: nake aaa; na onthe, o ala mamwĩw’aa, manyaĩĩkw’a.</verse>
				<verse number="38">Yu nĩmwĩa inyw’ĩ, Isiĩĩei na andũ aa, nũmaeke: nũndũ ethĩwa nzama ĩno kana wĩa ũũ nĩ wa andũ, ũkaanangwa:</verse>
				<verse number="39">ĩndĩ ethĩwa nĩ wa Ngai, mũtikatonya kũmananga; mũikese kwoneka mũkyũkita na Ngai.</verse>
				<verse number="40">Na meew’a ndeto syake; na mameta atũmwa mbee woo, mamakũna na mameaĩa maikaneene syĩtwanĩ ya Yesũ, na mamaeka mathi.</verse>
				<verse number="41">Namo ĩndĩno mauma mbee wa nzama, maitana nũndũ nĩmatalĩlwe kwĩthĩwa nĩmaĩlwe nĩ kwanangĩwa ndaĩa nũndũ wa Syĩtwa yĩu.</verse>
				<verse number="42">Na mĩthenya yonthe, ĩkalũnĩ na nyũmbanĩ kwoo, maiaaeka kũmanyĩsya na kũtavan’ya ũvoo mũseo wa Yesũ kana nĩwe Klĩsto.</verse>
			</chapter>
			<chapter number="6">
				<verse number="1">Na mĩthenya ĩsu, yĩla ũtalo wa amanyĩw’a waĩ ũkingĩva, kwookĩla mũnyungunyĩsyo wa Ayuti ma Ũkiliki ĩũlũ wa Aevelania, nũndũ wa aka moo ndiwa kũlea kũnengwa nesa ũtethyo ũla wanenganawe kĩla mũthenya.</verse>
				<verse number="2">Na ala ĩkũmi na elĩ mameta nguthu ya amanyĩw’a moke kwamo, na mamea, Kũtiaĩle ithyĩ kũtia ndeto ya Ngai, na kũthũkũma maũndũnĩ ma mesa.</verse>
				<verse number="3">Kwondũ wa ũu, ana‐a‐asa, nyuvai katĩ wenyu aũme mũonza me na nguma nzeo, mausũĩtwe nĩ Veva na ũĩ, ala tũtonya kũmaia kwondũ wa wĩa ũũ.</verse>
				<verse number="4">Ĩndĩ ithyĩ tũkekalaa tũlũlũmĩle mboyanĩ na ũthũkũminĩ wa ĩla ndeto.</verse>
				<verse number="5">Na ndeto ĩsu yendeesya ĩla nguthu yonthe: na mamũnyuva Sitivini, mũndũ wusũĩte mũĩkĩĩo na Veva Mũtheu, na Vilivu, na Volokolo, na Nikanoli, na Timona, na Valimena, na Nikola mũvikĩli wa Kĩyuti wa Andiokia:</verse>
				<verse number="6">na asu mamaia mbee wa atũmwa: na mavoya, mamailĩĩla moko.</verse>
				<verse number="7">Na ndeto ya Ngai yeana; na ũtalo wa amanyĩw’a waingĩvw’a mũno Yelusaleme; na nguthu nene ya athembi yalika ũla mũĩkĩĩonĩ.</verse>
				<verse number="8">Na Sitivini, ausũĩte mumo na vinya, eeka momakyo manene na mawonan’yo andũnĩ.</verse>
				<verse number="9">Ĩndĩ kwookĩla amwe ala maĩ ma ĩsinakoke yĩla yĩtawa ya Alivelitino, na ya Akulene, na ya Aalesandalia, na ya ala ma Silisia na Asia, maikananĩa na Sitivini.</verse>
				<verse number="10">Na matyaatonya kũsiĩĩa ũĩ wake na Veva ũla waneenie naw’o.</verse>
				<verse number="11">Na ĩndĩ mew’ana na maisye, Nĩtwĩw’ĩte ũsu aineenea Mose na Ngai ndeto sya ũumano.</verse>
				<verse number="12">Na mamaingĩanĩsya andũ, na atumĩa, na aandĩki, na mamũkĩlĩla, mamũkwata, na mamũete nzamanĩ,</verse>
				<verse number="13">na mamũũngamĩsya ngũsĩ sya ũvũngũ, ila syaisye, Mũndũ ũũ ndaekaa ũneenea vandũ vaa vatheu na ĩla mĩao ndeto:</verse>
				<verse number="14">nũndũ nĩtwĩw’ĩte aiasya kana Yesũ ũsu wa Nasaleti akaananga vandũ vaa, na kũalyũla syĩthĩo ila twanengiwe nĩ Mose.</verse>
				<verse number="15">Na onthe ala mekalĩte nzamanĩ, maimũketeea na metho moo, moona ũthyũ wake ũilyĩ ta ũthyũ wa mũlaĩka.</verse>
			</chapter>
			<chapter number="7">
				<verse number="1">Na mũthembi mũnene amũkũlya Sitivini, Nĩw’o mailyĩ maũndũ asu?</verse>
				<verse number="2">Na asũngĩa, Ana‐a‐asa na aasa, ĩthukĩĩsyei: Ngai ũla ũtaĩawa amumĩlĩle asa waitũ Avalaamu, yĩla watwĩe nthĩ ya Mesovotamĩa, atanamba ũtũa nthĩ ya Aalani,</verse>
				<verse number="3">na amwĩa, Uma nthĩ ĩno yaku, ũtie andũ maku, ũthi nthĩ ĩla ngakwon’ya.</verse>
				<verse number="4">Na ĩndĩ auma nthĩ ya Akalitei, na atũa nthĩ ya Aalani: na yĩla ĩthe wake wakwie, Ngai amũthamya amũete nthĩ ĩno, ĩla mũtwĩe yu:</verse>
				<verse number="5">na ndaamũnenga ũtiĩwa wayo, aiee, o na veana kwia ũnyaĩĩ wake: na amwatha kana akamũnenga nthĩ ĩno yĩthĩwe ng’ũndũ yake, na ya ũsyao wake ĩtina wake, yĩla ũtaĩ mwana.</verse>
				<verse number="6">Na Ngai aneena ũu, kana ũsyao, wake ũkekala ũeni nthĩ ngeni, na kana makatuwa ngombo syoo, na kwĩkwa naĩ, ĩvinda ya myaka maana ana.</verse>
				<verse number="7">Na mbaĩ ĩla makethĩwa ngombo syayo ngamĩsilĩla, aisye ũu Ngai: na ĩtina wa ũu makauma nthĩ ĩsu, na kũnthũkũmĩa vaa.</verse>
				<verse number="8">Na amũnenga ũtianĩo wa nzaĩko: na ĩndĩ Avalaamu amũsyaa Isaka, na amwaĩka mũthenya wa nyanya; na Isaka amũsyaa Yakovo, na Yakovo amasyaa ala atumĩa maitũ ĩkũmi na elĩ.</verse>
				<verse number="9">Na atumĩa asu mamwĩw’ĩe Yosevu kĩwĩu, na mamũthoosya athi Misili: na Ngai aĩ nake,</verse>
				<verse number="10">na amumya mathĩnanĩ make onthe, na amũnenga waĩlu na ũĩ mbee wa Valao, mũsumbĩ wa Misili; na amũtw’a ngavana ĩũlũ wa Misili na ĩũlũ wa nyũmba yake yonthe.</verse>
				<verse number="11">Na kwooka yũa ĩũlũ wa nthĩ yonthe ya Misili na ya Kanaani, na ũnyamao mũnene: na aasa maitũ maiaaona syĩndũ sya ũmavũn’ya.</verse>
				<verse number="12">Ĩndĩ Yakovo eew’a kana lĩu wĩ Misili, amatũma aasa maitũ, ya mbee.</verse>
				<verse number="13">Na ya kelĩ Yosevu eeyumbũla kwa ana‐a‐ĩthe make; na mbaĩ ya Yosevu yamanyĩka kwa Valao.</verse>
				<verse number="14">Na Yosevu atũmana Yakovo ĩthe wake, amwĩta oke kwake na andũ make onthe, andũ mĩongo muonza na atano.</verse>
				<verse number="15">Na Yakovo atheea alika Misili; na akw’a, we na aasa maitũ;</verse>
				<verse number="16">nao makuwa matwawa Sekemu, na maiwa mbũanĩ ĩla Avalaamu wathooie na thooa wa vetha kwa ana ma Amolu nthĩ ya Sekemu.</verse>
				<verse number="17">Ĩndĩ ĩvinda ya watho ũla Ngai wamũnengie Avalaamu yathengeea, andũ asu meana na maingĩva nthĩ ya Misili,</verse>
				<verse number="18">mũvaka kwookĩla mũsumbĩ ũngĩ ĩũlũ wa Misili, ũtaamwĩsĩ Yosevu.</verse>
				<verse number="19">Ũsu amĩkĩe mbaitũ ũseleke, na kũmeka naĩ aasa maitũ, kana mekye tũũkenge twoo ĩtheka tũikethĩwe thayũ.</verse>
				<verse number="20">Na ivĩnda yĩu Mose asyawa, nako kaĩ kanake mũno; na kaeewa nyũmbanĩ ya ĩthe myei ĩtatũ:</verse>
				<verse number="21">na kekw’a ĩtheka, mwĩĩtu wa Valao akosa, akaea akatw’a mwana wake.</verse>
				<verse number="22">Na Mose amanyĩiw’e ũĩ w’onthe wa Amisili; nake aĩ mwai ndetonĩ syake na mekonĩ make.</verse>
				<verse number="23">Ĩndĩ avikya myaka yake mĩongo ĩna, kwamũlika ngoonĩ yake kũenda kũmasisya ana‐a‐ĩthe make, ana ma Isilaeli.</verse>
				<verse number="24">Na akyona ũmwe wamo akĩnyamaw’a, amũtetheesya, na amũĩvanĩĩsya ũsu wanyamaaw’a, na amũaa ũla Mũmisili:</verse>
				<verse number="25">nake atalĩlya kana ana‐a‐ĩthe nimamanyite kana Ngai nũmanengete wovosyo na kw’oko kwake; ĩndĩ matyaamanya.</verse>
				<verse number="26">Na ũnĩ ũsu amaumĩlĩla maiũkita, nake enda ũmew’anĩthya ĩngĩ, aimea, Mavwana, mwĩ ma ĩthe ũmwe; nikĩ mũkwĩkana nai?</verse>
				<verse number="27">Ĩndĩ ũla ũmwĩkĩte ũngĩ naĩ amũluuta, aisya, Ũtw’ĩtwe mũnene na mũsili ĩũlũ waitũ nũũ?</verse>
				<verse number="28">Wĩenda ũmbũaa, ũndũ ũnamũaie Mũmisili ĩoo?</verse>
				<verse number="29">Na Mose akĩa nũndũ wa ndeto isu, na atw’ĩka mwĩkali wa ũeninĩ nthĩ ya Mitiani, na asyaĩa ana elĩ kw’o.</verse>
				<verse number="30">Na avikya myaka mĩongo ĩna e kw’o, aumĩlĩlwa nĩ mũlaĩka ũmũĩnĩ wa mwaki wĩ kakuthunĩ, weũnĩ wa kĩĩma kya Sinai.</verse>
				<verse number="31">Na Mose awona, aseng’w’a nĩ woni ũsu: na akĩthengeea asisye, kwooka wasya wa Mwĩaĩi, ũiasya,</verse>
				<verse number="32">Nyie nĩ Ngai wa aaĩthe maku, Ngai wa Avalaamu, na wa Isaka, na wa Yakovo. Na Mose atetema, na akĩa kũsisya.</verse>
				<verse number="33">Na Mwĩaĩi amwĩa, Umya iatũ maũũnĩ maku: nũndũ vandũ vau ũũngeme nĩ nthĩ ntheu.</verse>
				<verse number="34">Nyie nĩnonete nesa monyamao ma andũ makwa me Misili, na nĩnĩw’ĩte kũluma kwo, nakwa natheea kũmatangĩĩa: na yu ũka, nĩngũũtũma Misili.</verse>
				<verse number="35">Mose ũsu ũla maleile, maiasya, Ũtw’ĩtwe mũnene na mũsili nũũ? Nĩwe watũmiwe nĩ Ngai ethĩwe mũnene, na ĩngĩ ethĩwe mwovosya kwondũ wa kw’oko kwa mũlaĩka ũla wamumĩlĩle kakuthunĩ.</verse>
				<verse number="36">Mũndũ ũsu amatongoesye, akĩka momakyo na syama nthĩ ya Misili, na Ukanganĩ Mũtune, na weũni, ĩvinda ya myaka mĩongo ĩna.</verse>
				<verse number="37">Mose ũsu nĩwe ũla wamatavisye ana ma Isilaeli, Ngai akamũkĩlĩlya mwathani kuma kwa ana‐a‐ĩthe menyu, ũilyĩ takwa.</verse>
				<verse number="38">Ũsu nĩwe ũla waĩ ũmbanonĩ weũnĩ, vamwe na mũlaĩka ũla waneenie nake kĩĩmanĩ kya Sinai, na vamwe na aasa maitũ: ũla wosie ndeto syĩ thayũ atũnenge ithyĩ:</verse>
				<verse number="39">na aasa maitũ maiaaĩtĩkĩla kũmwĩw’a, ĩndĩ mamũluuta kũasa, na ngoonĩ syoo maalũka Misili,</verse>
				<verse number="40">Aluni, Tũseũvĩsye ngai ila syĩtũtongoeasya: nũndũ Mose ũsu, ũla watumisye nthĩ ya Misili, tũtyĩsĩ ũndũ ũmũkwatĩte.</verse>
				<verse number="41">Na mĩthenya ĩsu maseũvya mũvw’anano wa kasaũ ka ng’ombe, na mootwaĩa mũvw’anano ũsu nthembo, na kũtanĩa mawĩa ma moko moo.</verse>
				<verse number="42">Ĩndĩ Ngai eethyũũa, na aekana nao mathũkũme nguthu ya ĩtunĩ; o ũndũ kũandĩkĩtwe ĩvukunĩ ya athani, atĩĩ, Mwaandetee nyie indo mbũae na nthembo sya kũtonywa Ĩvinda ya myaka mĩongo ĩna weũnĩ, inyw’ĩ nyũmba ya Isilaeli?</verse>
				<verse number="43">Na inyw’ĩ mwakuĩte kakalũ ka Moleki, Na ndata ya ĩla ngai yetawa Levani, Mĩvw’anano ĩla mwaseũvisye mũmĩthaithe: Nakwa ngatuma mũenda mwĩ atave kũasa kũvĩta Mbaviloni.</verse>
				<verse number="44">Aasa maitũ maĩ na ũla wĩkalo wa ũkũsĩ weũnĩ, o ũndũ Mose weaĩwe nĩ ũla waneenie nake, kana ayĩseũvye kwĩanana na ngelekan’yo ĩla wonie.</verse>
				<verse number="45">Naw’o aasa maitũ nĩmookuanasya, na kũete me na Yosua, yĩla malikile kũmĩmeesya nthĩ sya i mbai ila Ngai walũngilye mbee wa mothyũ ma aasa maitũ kũvika mĩthenya ya Ndaviti;</verse>
				<verse number="46">ũla wonie waĩlo vala ve Ngai, nake nĩwendie kũmwonea Ngaĩ wa Yakovo wĩkalo.</verse>
				<verse number="47">Ĩndĩ Solomoni amwakĩa nyũmba.</verse>
				<verse number="48">Ĩndĩ Ũla Wĩ lũlũ wa Onthe ndekalaa nthĩnĩ wa nyũmba syakĩtwe na moko; o ũndũ mwathani waitye,</verse>
				<verse number="49">Ĩtu nĩ kĩvĩla kyakwa kya ũsumbĩ, Na nthĩ nĩ kavila kakwa ka nyaĩĩ syakwa; Mwĩaĩĩ easya, Mũkambakĩa nyũmba ĩilyĩ ata? Kana nĩ vandũ vailyĩ ata vala ngathũmũa?</verse>
				<verse number="50">Ti kw’oko kwakwa kwoombie syĩndũ ii syonthe?</verse>
				<verse number="51">Inyw’ĩ mwĩ na ngingo nyũmũ, na ngoo syenyu na matũ menyu mate maike, mĩthenya yonthe nĩmũmũsiĩĩaa Veva Mũtheu: o ũndũ aaĩthe menyu meekie, nĩw’o inyw’ĩ mwĩkaa.</verse>
				<verse number="52">Nĩ mwathani wĩva ũla aaĩthe menyu mataamũthĩn’ya? Na ĩngĩ nĩmamoaie ala mambie ũmwon’ya kũka kwa Ũla Mũlũngalu; na ũsu inyw’ĩ yu nĩmũtw’ĩkĩte amũvũnyanĩi na amũai;</verse>
				<verse number="53">inyw’ĩ ala mwoosie ĩla mĩao ũndũ kwatwiwe nĩ alaĩka, na mũtyaamĩkwata.</verse>
				<verse number="54">Na meew’a maũndũ asu, matemwa ngoonĩ syoo, na mamũvevetanĩsye maeo moo.</verse>
				<verse number="55">Ĩndĩ ausũĩtwe nĩ Veva Mũtheu, ang’elela aketee ĩtuni, na oona ũtheu mũtisu wa Ngai, na Yesũ aũngeme ngalĩ ya kw’oko kwa aũme kwa Ngai,</verse>
				<verse number="56">na asya, Sisya, nĩngwona ĩtu yĩvingũkĩte, na ũla Mwana wa mũndũ aũngeme ngalĩ ya kw’oko kwa aũme kwa Ngai.</verse>
				<verse number="57">Ĩndĩ makaya na wasya mũnene, na malinda matũ moo, mamũthaanyũkĩa na ngoo ĩmwe;</verse>
				<verse number="58">mamũkusũlan’ya mamũtwaa ũtee wa ndũa, na mamũkimanga na mavia: na ila ngũsĩ syaia ngũa syoo maũũnĩ ma mwanake wĩtawa Saulo.</verse>
				<verse number="59">Na mamũkimanga Sitivini, aimwĩkaĩla Mwĩaĩi, ayasya, Mwĩaĩi Yesũ, osa veva wakwa.</verse>
				<verse number="60">Nake atulya ndu, na aneena na wasya mũnene, Mwĩaĩi, ndũkamatalĩle naĩ ĩno. Na amina ũneena ũu, akoma.</verse>
			</chapter>
			<chapter number="8">
				<verse number="1">Na Saulo oona nĩ ũseo kũawa kwake. Na mũthenya ũsu kwambĩlĩlya ũnyamao mũnene ĩũlũ wa ĩkanisa yĩla yaĩ Yelusaleme; na manyaĩĩkw’a onthe ivalonĩ sya Yutia na Samalia, ate o ala atũmwa.</verse>
				<verse number="2">Na andũ ala mamũkĩaa Ngai mamwĩnzĩa Sitivini nthĩ, na mamũĩĩa mũno.</verse>
				<verse number="3">Ĩndĩ Saulo aananga ĩkanisa mũno, aivota kĩla nyũmba, aimakusũlan’ya aũme na aka aimekĩa kolokolonĩ.</verse>
				<verse number="4">Kwondũ wa ũu asu ala manyaĩĩkĩtw’e maendaa maitavan’ya ũla ũvoo mũseo.</verse>
				<verse number="5">Na Vilivu atheea alika ndũanĩ ya Samalia, na amũtavan’ya Klisto kw’o.</verse>
				<verse number="6">Na makomano meethukĩĩsye na ngoo ĩmwe maũndũ ala maneeniwe nĩ Vilivu, yĩla meewie, na moonie mawonan’yo ala wekie.</verse>
				<verse number="7">Nĩkwĩthĩwa maveva mavuku nĩmamaumie aingi ala maĩ namo, maikaya na wasya mũnene: na aingi maaĩte mamutha, na ala mathuaa, mavow’a.</verse>
				<verse number="8">Na kweethĩwa ũtanu mũnene ndũanĩ ĩsu.</verse>
				<verse number="9">Ĩndĩ kwaĩ mũndũ ũmwe, syĩtwa yake wetawa Simoni, ũla tene wekaa ũoi ndũanĩ ĩsu, aimaseng’ya andũ ma Samalia, akĩyĩta mwene mũndũ mũnene:</verse>
				<verse number="10">na onthe mamwĩthukĩĩasya kuma ũla mũnini kũvika ũla mũnene mbee, maiasya, Mũndũ ũũ nĩwe ũla ũtonyi wa Ngai ũla wĩtawa Mũnene.</verse>
				<verse number="11">Na mamwĩthukĩĩasya, nũndũ amaseng’etye na mooi make ĩvinda ĩasa.</verse>
				<verse number="12">Ĩndĩ meetĩkĩla Vilivu aitavan’ya ũla ũvoo mũseo wa ũsumbĩ wa Ngai na syĩtwa ya Yesũ Klĩsto, mavatiswa, aũme na aka.</verse>
				<verse number="13">Na Simoni nake mwene nĩwetĩkĩlile: na avatiswa ekalaa vamwe na Vilivu; na akyona syama na mavinya manene ala meekiwe aseng’a.</verse>
				<verse number="14">Na atũmwa ala maĩ Yelusaleme meew’a kana Samalia nĩmosete ndeto ya Ngai, mamatũma Vetelo na Yoana kw’o:</verse>
				<verse number="15">nao, matheea kw’o, mamavoyea, nĩ kana mose Veva Mũtheu:</verse>
				<verse number="16">nĩkwĩthĩwa ndaĩ anamba ũmatheeea o na ũmwe woo: ate o nĩmavatisĩtwe syĩtwanĩ ya Mwĩaĩi Yesũ.</verse>
				<verse number="17">Na ĩndĩ mamailĩĩla moko moo, na moosa Veva Mũtheu.</verse>
				<verse number="18">Na Simoni oona kana Veva Mũtheu anenganwe ũndũ wa kwilĩĩlwa moko ma atũmwa, amaetee mbesa,</verse>
				<verse number="19">aiasya, Nengai nakwa vinya ũũ, nĩ kana o ũla nĩilĩĩla moko makwa ose Veva Mũtheu.</verse>
				<verse number="20">Ĩndĩ Vetelo amwĩa, Mbesa syaku nĩsyae vamwe naku, nũndũ wĩasya ũkoosa mũthĩnzĩo wa Ngai ũndũ wa mbesa.</verse>
				<verse number="21">Ndwĩ na kĩlungu kana kĩanda ũndũnĩ ũũ: nĩkwĩthĩwa ngoo yaku ndĩaĩlĩte mbee wa Ngai.</verse>
				<verse number="22">Alyũla ngoo ĩndĩno ũndũ wa ũthũku ũũ waku, noimũvoya Mwĩaĩi, no kwĩthĩwa akakũekea ũlilikano ũsu wa ngoo yaku.</verse>
				<verse number="23">Nũndũ nĩngwona wĩ ũũ ta nyongo na wĩ wovonĩ wa ũthũkũ.</verse>
				<verse number="24">Na Simoni asũngĩa, asya, Mboyeai inyw’ĩ kwa Mwĩaĩi, nĩ kana maũndũ asu mwasya maikangwate, o na ũmwe.</verse>
				<verse number="25">Namo ĩndĩ, maumĩlya ũkũsĩ na kũneena ndeto ya Mwĩaii, maalũka Yelusaleme, na matavan’ya ũvoo mũseo mĩsyĩ mingĩ ya Asamalia.</verse>
				<verse number="26">Ĩndĩ mũlaĩka wa Mwĩaĩi aneena na Vilivu, aiasya, Ũkĩla, ũthi ngalĩ ya itheo kũvika nzĩa ĩla yumĩte Yelusaleme kũvika Ngasa: na kw’o nĩ weũ.</verse>
				<verse number="27">Nake ookĩla, athi: na sisya, mũndũ wa Ethiovia, mũndũ mũvakũe ũla waĩ na ũkũmũ mũnene ĩtheo wa Kandake, mũsumbĩ mũndũ mũka, wa Aethiovia, nake nĩwe ũla waiĩtwe ĩũlũ wa syĩndũ syake syonthe, ũla wokĩte Yelusaleme ũndũ wa kũthaitha;</verse>
				<verse number="28">na aalũkĩte ailyĩ ngalĩnĩ yake, aisoma ĩvuku ya mwathani Isaia.</verse>
				<verse number="29">Na Veva amwĩa Vilivu, Thengeea vakuvĩ, ũendan’ye na ngalĩ ĩsu.</verse>
				<verse number="30">Na Vilivu asemba vala ũĩ, na eew’a aisoma ĩvuku ya mwathani Isaia, na amũkũlya, Nũũmanya ũu ũũsoma?</verse>
				<verse number="31">Nake amũsũngĩa, Nĩmanya ata ndeũtongoew’a nĩ mũndũ? Na amwĩsũva Vilivu ambate ekale nake.</verse>
				<verse number="32">Na kĩlungu kya maandĩko kĩla wasomaa nĩ kĩĩ, Atongoew’e kũthi kũthĩnzwa ta ĩlondu; Na ta katena ka ĩlondu kavindĩtye mbee wa ũla ũkatilaa maw’ĩa, Nake no ta ũu, ndaathamũkan’ya kanyw’a wake:</verse>
				<verse number="33">Wĩnyivyonĩ wake kũsilĩlwa katĩ kwavetwa: Nũũ ũla ũkonan’ya ũsyao wake? Nĩkwĩthĩwa thayũ wake nũvetetwe nthĩ.</verse>
				<verse number="34">Na ũla mũndũ mũvakũe amũsũngĩa Vilivu, amwĩa, Nĩngũũvoya, mwathani ũsu eneena ndeto ii nũndũ waũ? Nĩ ũvoo wake mwene, kana nĩ mũndũ ũngi?</verse>
				<verse number="35">Na Vilivu aathamya kanyw’a wake, na amũtavya ũvoo mũseo wa Yesũ, akyambĩlĩlya na maandĩko asu.</verse>
				<verse number="36">Na maendete nzĩani, mavika vandũ ve manzĩ; na mũndũ ũsu mũvakũe asya, Sisya, manzĩ ti aa; nĩ ũndũ wĩva ũnziĩĩa ndikavatiswe?</verse>
				<verse number="37">(Vilivu asũngĩa, amwĩa, Ethĩwa nĩwĩtĩkĩlĩte na ngoo yaku yonthe, nũtonya. Nake amũsũngĩa, amwĩa, Nĩngwĩtĩkĩla kana Yesũ Klĩsto nĩ Mwana wa Ngai.)</verse>
				<verse number="38">Na eeaa ngalĩ iũngame: na matheea me elĩ manzĩnĩ, Vilivu na ũla mũvakũe; na Vilivu amũvatisa.</verse>
				<verse number="39">Na mauma manzĩnĩ, Veva wa Mwĩaĩi amũvulya Vilivu; na ũla mũndũ mũvakũe ndaamwona ĩngĩ, nĩkwĩthĩwa aendie na nzĩa yake akĩtana.</verse>
				<verse number="40">Ĩndĩ Vilivu ooneka Asoto: na avĩtĩle ku nĩwatavanasya ũla ũvoo mũseo ndũanĩ syonthe, mũvaka avika Kaisalea.</verse>
			</chapter>
			<chapter number="9">
				<verse number="1">Ĩndĩ Saulo nake, kũveva kwake kwaĩ kũmakan’ya na kũmoaa amanyĩw’a ma Mwĩaĩi, aenda kwa mũthembi mũnene,</verse>
				<verse number="2">na amwĩtya mavalũa ma ũthi nao Ndamasiku masinakokenĩ, nĩ kana oona andũ ma ĩla Nzĩa, o na ethĩwa nĩ aũme kana aka, amaete me ove Yelusaleme.</verse>
				<verse number="3">Nake aendete na nzĩa, kweethĩwa aithengeea vakuvĩ na Ndamasiku: na oyu, o ĩmwe, kyeni kyauma ĩtunĩ kyakena ngalĩ syake syonthe:</verse>
				<verse number="4">nake avalũka nthĩ, na eew’a wasya ũineena nake, Saulo, Saulo, nĩkĩ ũũnthĩn’ya?</verse>
				<verse number="5">Nake akũlya, Nue ũũ, Mwĩaĩi? Nake amũsũngĩa, Ninyie Yesũ ũla ũũthĩn’ya: (nĩ vinya kwaku kũtheela mũsenge.</verse>
				<verse number="6">Nake aitelema na kũseng’a, asya, Mwĩaĩi, wĩenda nĩke ata?) Amwĩa, Ũkĩla, ũvote ndũanĩ, na ũkatavw’a ũndũ waĩle kwĩka.</verse>
				<verse number="7">Na andũ ala maendanĩtye nake maũngama makilĩtye ki, makĩw’a wasya, ĩngĩ maiaaona mũndũ.</verse>
				<verse number="8">Na Saulo ookĩla nthĩ; na asalukya metho make, ndaaona kĩndũ; na mamũtongoesya mamũkwete kw’oko, na mamũtwaa Ndamasiku.</verse>
				<verse number="9">Nake ekala mĩthenya ĩtatũ atekwona, na ateũya kana kũnyw’a.</verse>
				<verse number="10">Na kwaĩ mũmanyĩw’a ũmwe Ndamasiku, wetawa Anania; na Mwĩaĩi aneena nake woninĩ, amwĩta, Anania. Nake eetĩka, Sisya, ninyioo Mwĩaĩi.</verse>
				<verse number="11">Na Mwĩaĩi amwĩa, Ũkila, ũthi nzĩanĩ ĩla yĩtawa Ndũngalu, noikũlya nyũmbanĩ ya Yutasi mũndũ ũmwe wĩtawa Saulo, mũndũ wa Taliso: nũndũ sisya, nũnũũvoya;</verse>
				<verse number="12">na nĩwonete mũndũ wĩtawa Anania aivota, na akilĩĩla moko ĩũlũ wake, nĩ kana atonye kũnengwa kwona.</verse>
				<verse number="13">Ĩndĩ Anania amũsũngĩa, Mwĩaĩi, nĩnĩw’ĩte na andũ aingĩ ũvoo wa mũndũ ũsu, ũndũ wĩkĩte atheu maku kũya Yelusaleme mothũku maingĩ:</verse>
				<verse number="14">na vaa e na ũkũmũ wumĩte kwa athembi anene amove onthe ala mawetaa syĩtwa yaku.</verse>
				<verse number="15">Ĩndĩ Mwĩaiĩ amwia, Enda: nĩkwĩthĩwa we nĩ mũio mũnyuve kwakwa, wa ũkua syĩtwa yakwa kwa Andũ‐ma‐mbaĩ‐ingĩ, na asumbĩ, na andũ ma mbaĩ ya Isilaeli:</verse>
				<verse number="16">nũndũ nyie, ngamwon’ya maũndũ ũndũ meana, ala matatĩa ũmũkwata kwondũ wa syĩtwa yakwa.</verse>
				<verse number="17">Na Anania athi, na alika nyũmba; na aimwilĩĩla moko make asya, Mwana‐a‐asa Saulo, ũla Mwĩaĩi nĩwandũma, nake nĩwe Yesũ, ũnakumĩlĩle nzĩanĩ ĩla ũnookĩte nayo, nĩ kana ũtonye kũnengwa kwona na kusũwa nĩ Veva Mũtheu.</verse>
				<verse number="18">Na oyuyu kwavalũka syĩndũ kuma methonĩ make ta makwaũ, nake anengwa kwona; na ookĩla na avatiswa;</verse>
				<verse number="19">na ĩndĩ aya lĩu na eethĩwa na vinya. Nake ekala vamwe na amanyĩw’a ala maĩ Ndamasiku mĩthenya ĩmwe.</verse>
				<verse number="20">Na oyu masinakokenĩ amũtavan’ya Yesũ kana nĩwe Mwana wa Ngai.</verse>
				<verse number="21">Na onthe ala mamwĩwie maseng’a, na masya, Ũũ tiwe ũla ũnamanangaa ala manayĩkaĩlaa syĩtwa yĩĩ Yelusaleme? Nake anookĩte vaa kwondũ wa ũu, nĩ kana amatwae me ove kwa athembi anene.</verse>
				<verse number="22">Ĩndĩ Saulo ongeleka kũya vinya, na aimakĩlya ũĩ Ayuti ala matwĩe Ndamasiku, akyonan’ya kana ũsu nĩwe Klĩsto.</verse>
				<verse number="23">Na mĩthenya mingĩ yavĩta, Ayuti masaman’ya vamwe, mamũae:</verse>
				<verse number="24">ĩndĩ nzama yoo yamanyĩka nĩ Saulo. Nao mamwoveesya mbingĩlonĩ mũthenya na ũtukũ, kana matonye kũmũaa:</verse>
				<verse number="25">ĩndĩ amanyĩw’a mamwosa na ũtukũ na mamũtheelelya ũvainĩ e kĩkavũnĩ.</verse>
				<verse number="26">Na avika Yelusaleme, atata kwĩyosan’ya na amanyĩw’a: na onthe nĩmamũkĩaa, matekwĩtĩkĩla kana we nĩ mũmanyĩw’a.</verse>
				<verse number="27">Ĩndĩ Valanava amwosa, na amũete kwa atũmwa, na amatavya ũndũ wamwonie Mwĩaĩi nzĩanĩ, na ũndũ waneenie nake, na ũndũ watavanisye na ũkũmbaũ syĩtwanĩ ya Yesũ ku Ndamasiku.</verse>
				<verse number="28">Na aĩ vamwe nao akĩlika na akyumaala Yelusaleme,</verse>
				<verse number="29">akĩtavan’ya na ũkũmbaũ syĩtwanĩ ya Mwĩaĩi: na aneena na aikananĩa na Ayuti ma Ũkiliki; ĩndĩ mamantha ũmũaa.</verse>
				<verse number="30">Na ana‐a‐ĩthe mamanya mamũtheesya Kaisalea, na mamwĩa athi Taliso.</verse>
				<verse number="31">Na ĩndĩ ĩkanisa ya nthĩ yonthe ya Yutia na Kalilii na Samalia yaĩ na mũuo, na kwakĩka, na kũendeea kũmũkĩa Mwĩaĩi, na ũkiakisyonĩ wa Veva Mũtheu, na yaingĩva.</verse>
				<verse number="32">Na kweethĩwa, Vetelo aianganga ku kw’onthe, atheea kwa atheu ala matwĩe Lita.</verse>
				<verse number="33">Na ku oona mũndũ, syĩtwa yake Ainea, ũla wamamĩte ũkomonĩ wake myaka nyanya; nĩkwĩthĩwa aĩ mwau mamutha.</verse>
				<verse number="34">Na Vetelo amwĩa, Ainea, Yesũ Klĩsto nũnũũkũvosya: ũkĩla walan’ye ũkomo waku. Na oyu ookĩla</verse>
				<verse number="35">Na onthe ala matwĩe Lita na Saloni mamwona, na mamwĩthyũũĩa Mwĩaĩi.</verse>
				<verse number="36">Na Yova kwaĩ mũmanyĩw’a ũmwe wetawa Tavitha, ũalyũlo wayo nĩ, Ndolokasi: mũndũ mũka ũsu ausũĩte meko maseo ala wekaa vamwe na kumya motethyo.</verse>
				<verse number="37">Na mĩthenya ĩsu akwatwa nĩ ũwau, na akw’a: na mamũthambya, mamwia nyũmbanĩ ya ĩũlũ.</verse>
				<verse number="38">Na nĩkwĩthĩwa ndũa ya Lita yaĩ vakuvĩ na Yova, ala amanyĩw’a meew’a kana Vetelo e kw’o, mamatũma andũ elĩ kwake, maimwĩsũva, makyasya, Ndũkekale, ũka kwĩtũ.</verse>
				<verse number="39">Na Vetelo ookĩla na aendan’ya nao. Na avika, mambata nake nyũmbanĩ ĩla ya ĩũlũ: na aka ndiwa onthe maũngama nake makĩĩa, na maimwon’ya itonyeo na ngũa syonthe ila Ndolokasi watumĩte, yĩla waĩ vamwe nao.</verse>
				<verse number="40">Ĩndĩ Vetelo amaumaalya onthe, na atulya ndu, avoya; na eethyũũa elekela kimba, asya, Tavitha, ũkĩla. Nake asalukya metho; na amwona Vetelo, ookĩla ekala nthĩ.</verse>
				<verse number="41">Nake amũnenga kw’oko kwake, amũkĩlya; na ĩndĩ ameta atheu na aka ndiwa, amanenga we, e thayũ.</verse>
				<verse number="42">Na ũndũ ũsu wamanyĩka ndũa yonthe ya Yova: na aingĩ mamwĩtĩkĩla Mwĩaĩi.</verse>
				<verse number="43">Na Vetelo ekala vo Yova mĩthenya mingĩ kwa mũndũ wetawa Simoni, mũseũvya wa ithuma.</verse>
			</chapter>
			<chapter number="10">
				<verse number="1">Na kwaĩ mũndũ ũmwe Kaisalea, wetawa Kolinelio, mũnene wa nguthu ya asikalĩ ĩana yetawa nguthu ya Italia,</verse>
				<verse number="2">mũthaithi mũnene, wakĩaa Ngai vamwe na nyũmba yake yonthe, nake nĩwanengae andũ motethyo maingĩ, na amũvoyaa Ngai mĩthenya yonthe.</verse>
				<verse number="3">Ũsu nĩwonie woninĩ ki, mũthenya ta saa kenda, mũlaĩka wa Ngai akyũka vala ũĩ, na aneena, Kolinelio.</verse>
				<verse number="4">Nake, akĩmũketeea, e na w’ĩa, asya, Nĩ kyaũ, Mwĩaĩi? Nake amwĩa, Mboya syaku na motethyo maku nĩmavikĩte ĩũlũ, matw’ĩkĩte ũlilikan’yo kwa Ngai.</verse>
				<verse number="5">Na yu tũma andũ mathi Yova, malatye mũndũ wĩtawa Simoni, ũla wĩ na syĩtwa ya kelĩ, Vetelo:</verse>
				<verse number="6">nake nĩ mũeni kwa mũndũ wĩtawa Simoni, mũseũvya wa ithuma, nyũmba yake ĩ ũtee wa ũkanga.</verse>
				<verse number="7">Na ũla mũlaĩka ũnũũneenaa nake athi, Kolinelio ameta athũkũmi elĩ ma nyũmba, na mũsikalĩ ũmwe ũkĩaa Ngai wa ala mamũthũkũmaa mĩthenya yonthe;</verse>
				<verse number="8">na amatavya maũndũ onthe, amatũma mathi Yova.</verse>
				<verse number="9">Na ũnĩ ũsu, maendete, makĩthengeea ndũa, Vetelo ambata nyũmbanĩ ĩũlũ avoye, syũa yĩkĩũngama:</verse>
				<verse number="10">na eew’a nzaa, na enda ũya: ĩndĩ maiseũvya lĩu, akwatwa nĩ too ũilyĩ ta kĩkw’ũ;</verse>
				<verse number="11">na oona ĩtu yĩkĩvingũka, na kĩndũ kĩitheea ta ngũa nene, ĩkĩtheew’a nthĩ na mĩthya ĩna yayo:</verse>
				<verse number="12">nayo nthĩnĩ wayo vaĩ nyamũ syĩ maũũ ana sya mĩthemba yonthe, na tũsamũ twa nthĩ tũla tũtambũkaa, na syĩndũ ila iũlũkaa yayayanĩ.</verse>
				<verse number="13">Na kwooka wasya vala ũĩ, ũkyasya, Ũkĩla, Vetelo; wũae, ũye.</verse>
				<verse number="14">Ĩndĩ Vetelo asya, Aiee, Mwĩaĩi; ndyaamba ũya kĩndũ o na kĩva kĩvuku kana kĩte kĩtheu.</verse>
				<verse number="15">Na wasya wooka vala ũĩ ĩngĩ ya kelĩ ũkyasya, Ila itheetw’e nĩ Ngai ndũkaitw’e mbuku.</verse>
				<verse number="16">Na ũndũ ũsu weekwa katatũ: na oyu kĩla kĩndũ kyambatw’a ĩtunĩ.</verse>
				<verse number="17">Na Vetelo aisũanĩwa mũno nthĩnĩ wake ũndũ ũilyĩ woni ũsu ũla wonie, sisya, andũ ala manatũmiwe nĩ Kolinelio, makũlilye nyũmba ya Simoni, maũngama mbingĩlonĩ,</verse>
				<verse number="18">na meetana makũlya ethĩwa Simoni, ũla wĩ na syĩtwa ya kelĩ, Vetelo, ekalĩte vo.</verse>
				<verse number="19">Na Vetelo aisũanĩa ũndũ wa woni, Veva amwĩa, Sisya, ve andũ atatũ meũkũmantha.</verse>
				<verse number="20">Ĩndĩ ũkĩla, ũtheee ũendan’ye nao ũte na nzika: nũndũ ninyie nĩmatũmĩte.</verse>
				<verse number="21">Na Vetelo atheea vala ve ala andũ, na amea, Sisya, ninyie ũla mũũmantha: mwooka nũndũ wa kĩ?</verse>
				<verse number="22">Nao mamwĩa, Kolinelio mũnene wa asikalĩ ĩana, mũndũ mũlũngalu na ũkĩaa Ngaĩ, ũla wĩ na nguma nzeo kwa mbaĩ yonthe ya Ayuti, oniw’e nĩ mũlaĩka mũtheu akũtũmane ũthi nyũmba kwake nĩ kana ethukĩĩsye ndeto syaku.</verse>
				<verse number="23">Na ĩndĩ amea malike nyũmba na amon’ya mokomo. Na ũnĩ ũsu ookĩla na aendan’ya nao, na ana‐a‐ĩthe amwe ma ndũa ya Yova mathi nake.</verse>
				<verse number="24">Na ũnĩ ũsu malika Kaisalea. Na Kolinelio nĩwameteele, ombanĩtye andũ ma mũvĩa wake na anyanyae anene.</verse>
				<verse number="25">Na Vetelo ailika, Kolinelio amũthaũa, na avalũka maũũnĩ make, amũthaitha.</verse>
				<verse number="26">Ĩndĩ Vetelo amũkĩlya, akyasya, Ũngama; nyie nakwa nĩ mũndũ.</verse>
				<verse number="27">Na akĩneena nake, avota, na eethĩa andũ aingĩ mombene:</verse>
				<verse number="28">na amea, Inyw’ĩ ene nĩmwisĩ kana nĩ ũndũ ũvatanĩtwe nĩ mĩao mũndũ Mũyuti kwĩvulan’ya, kana kũlika kwa mũndũ wa mbaĩ ĩngĩ; ĩndĩ Ngai nũmbonetye ndikete mũndũ o na wĩva mũvuku kana ũte mũtheu:</verse>
				<verse number="29">kwondũ wa ũu nĩnooka vate ngananĩo, natũmanwa. Kwondũ wa ũu nĩmũkũlya indĩ ũndũ ũla mũnandũmanĩe.</verse>
				<verse number="30">Na Kolinelio amũsũngĩa, Yu nĩ mĩthenya ĩna ĩnathela, kũvika saa ũũ, naĩ nyũmbanĩ yakwa ngĩvoya Ngai saa kenda; na sisya, mũndũ aũngama mbee wakwa evw’ikĩte ngũa ndisu,</verse>
				<verse number="31">nake asya, Kolinelio, kũvoya kwaku nĩkwĩw’ĩkĩte, na motethyo maku nĩmalilikenwe kwa Ngai.</verse>
				<verse number="32">Tũmana ĩndĩ Yova ũmwĩte Simoni, ũla wĩ na syĩtwa ya kelĩ, Vetelo, oke kwaku; athokete nyũmbanĩ ya Simoni, mũseũvya wa ithuma, nayo ĩ ũtee wa ũkanga.</verse>
				<verse number="33">Na ĩndĩ o kavinda kau nĩnakũtũmana; naku weka nesa wooka. Na ĩndĩ yu twĩ vaa ithyonthe mbee wa Ngai, nĩ kana twĩw’e maũndũ onthe ala weeaĩwe nĩ Mwĩaĩi.</verse>
				<verse number="34">Na Vetelo aathamya kanyw’a wake, asya, Nĩ w’o, nĩngũmanya kana Ngai ti mwendeesya wa andũ;</verse>
				<verse number="35">ĩndĩ mbaĩnĩ syonthe ũla ũmũkĩaa we, na kwĩka ũlũngalu, nĩwĩtĩkĩlawa nĩwe.</verse>
				<verse number="36">Ndeto ila watwaĩe ana ma Isilaeli, aitavan’ya ũla ũvoo mũseo wa mũuo kwondũ wa Yesũ Klĩsto (we nĩ Mwĩaĩi wa onthe)—</verse>
				<verse number="37">ndeto isu inyw’i nenyu nĩmwĩsĩ, ĩla yatavaniw’e nthĩ yonthe ya Yutia, ĩkyambĩlĩlw’a Kalilii, ĩtina wa ũvatisi ũla watavaniw’e nĩ Yoana;</verse>
				<verse number="38">ũvoo wa Yesũ wa Nasaleti, o ũndũ Ngai wamwĩtĩkĩsye Veva Mũtheu, o na vinya: ũla waendaa aiĩka nesa, na aimavosya onthe ala manyamaaw’a nĩ ndevili; nĩkwĩthĩwa Ngai aĩ vamwe nake.</verse>
				<verse number="39">Na ithyĩ twĩ ngũsĩ sya maũndũ asu onthe ala wekie nthĩ ya Ayuti, na Yelusaleme nayo; nake nĩmamũaie makĩmwamba mũtĩnĩ.</verse>
				<verse number="40">Mũndũ ũsu Ngai nĩwamũthayũũkisye mũthenya wa katatũ na amumĩlya onanw’e,</verse>
				<verse number="41">ti kwa andũ onthe, indĩ kwa ngũsĩ ila Ngai wambie ũnyuva, nasyo nĩ ithyĩ, ala twaĩe na kũnyw’a vamwe nake ĩtina wa kũthayũũka kwake kuma kwa akw’ũ.</verse>
				<verse number="42">Nake atwĩaĩe tũtavan’ye kwa andũ, na kũneena ũkũsĩ kana ũsu nĩwe wiĩtwe nĩ Ngai ethĩwe Mũsili wa ala me thayũ na wa ala akw’ũ.</verse>
				<verse number="43">Athani onthe nĩmeũmũkũsĩĩa kana kwondũ wa syitwa yake kĩla mũndũ ũmwĩtĩkĩlaa akoosa ũekeo wa naĩ.</verse>
				<verse number="44">Na Vetelo aineena ndeto isu, Veva Mũtheu amatheeea onthe ala methukĩĩsye ĩla ndeto.</verse>
				<verse number="45">Na ala ma nzaĩko metĩkĩlĩte, ala mookanĩtye na Vetelo, maseng’a nũndũ mũthĩnzĩo wa Veva Mũtheu watulũĩlwe Andũ‐ma‐mbaĩ‐ĩngĩ nao.</verse>
				<verse number="46">Nũndũ nĩmeewie maineena na ithyomo, na kũmũtaĩa Ngai. Na ĩndĩ Vetelo asũngĩa,</verse>
				<verse number="47">Ve mũndũ ũtonya kũmavata aa manzĩ, maikavatiswe, ala mosete Veva Mũtheu o taitũ?</verse>
				<verse number="48">Na atw’a mavatiswe syĩtwanĩ ya Yesũ Klĩsto. Na ĩndĩ mamwĩsũva ekale nao mĩthenya ĩmwe.</verse>
			</chapter>
			<chapter number="11">
				<verse number="1">Na atũmwa na ana‐a‐ĩthe ala maĩ Yutia meew’a kana Andũ‐ma‐mbaĩ‐ĩngĩ nao nĩmosete ndeto ya Ngai.</verse>
				<verse number="2">Na Vetelo ambata Yelusaleme, ala maĩ ma nzaĩko makananĩa nake,</verse>
				<verse number="3">makĩmwĩa, We, nĩwalikile kwa andũ mataĩkawa, na waya nao.</verse>
				<verse number="4">Ĩndĩ Vetelo ambĩlĩlya kũmon’ya nesa ũndũ ũsu, aatĩanĩsye, aiasya,</verse>
				<verse number="5">Naĩ ndũanĩ ya Yova ngĩvoya: na nĩ toonĩ ũilyĩ ta kĩkw’ũ noona woni, kĩndũ kĩitheea, ta ngũa nene ĩkĩtheew’a kuma ĩtunĩ, ĩkwetwe mĩthya ĩna; nakyo kyooka vala nĩĩ:</verse>
				<verse number="6">na ngĩketeea mũno, na kũsũanĩa, noona nthĩnĩ wakyo nyamũ sya nthĩ ila syĩ maũũ ana, na nyamũ ila mbai, na tũsamũ tũla tũtambũkaa, na syĩndũ ila iũlũkaa.</verse>
				<verse number="7">Na neew’a naw’o wasya ũkĩmbĩa, Ũkĩla, Vetelo; wũae, ũye.</verse>
				<verse number="8">Ĩndĩ nyie nasya, Aiee, Mwĩaĩi; nĩkwĩthĩwa kĩndũ kĩvuku kana kĩte kĩtheu kĩtyaamba kũlika kanyw’anĩ wakwa nongi.</verse>
				<verse number="9">Ĩndĩ wasya wanzũngĩa ya kelĩ kuma ĩtunĩ, Ila itheetw’e nĩ Ngai ndũkaitw’e mbuku.</verse>
				<verse number="10">Na ũndũ ũsu weekwa katatũ: na kyonthe kyakusw’a kyambatw’a ĩtunĩ.</verse>
				<verse number="11">Na sisya, oyu kwaũngama andũ atatũ mbee wa nyũmba ĩla twaĩ, matũmĩtwe kũla nĩĩ kuma Kaĩsalea.</verse>
				<verse number="12">Na Veva ambĩa nĩthi nao, nde na kĩvathũkan’yo. Na ana‐a‐asa aa thanthatũ maendan’ya nakwa; na twavota nyũmbanĩ ya ũla mũndũ:</verse>
				<verse number="13">nake atũtavya ũndũ ũnoonie mũlaĩka aũngeme nthĩnĩ wa nyũmba yake, aiasya, Tũma andũ mathi Yova, mamũlatye Simoni, ũla wĩ na syitwa yĩngĩ ya kelĩ, Vetelo;</verse>
				<verse number="14">ũla wĩkũtavya ndeto ila syĩkũtangĩĩa, we na nyũmba yaku yonthe.</verse>
				<verse number="15">Na kweethĩwa ngyambĩlĩlya ũneena nao, Veva Mũtheu amatheeea, o ũndũ watũtheeie ithyĩ mwambĩlĩlyonĩ.</verse>
				<verse number="16">Na indĩ nalilikana ndeto ya Mwĩaĩi, ũndũ waisye, Nĩ w’o, Yoana nĩwavatisie na kĩw’ũ; ĩndĩ inyw’ĩ mũkavatiswa nĩ Veva Mũtheu.</verse>
				<verse number="17">Ethĩwa ĩndĩ Ngai nũmanengete mũthĩnzĩo o ũla watũnengie ithyĩ, twamwĩtĩkĩla Mwĩaĩi Yesũ Klĩsto, nyie nai ũũ, kana nĩtonye kũmũsiĩĩa Ngai?</verse>
				<verse number="18">Namo meew’a maũndũ asu, mavindya ki, na mamũtaĩa Ngai, maiasya, O na Andũ‐ma‐mbaĩ‐ingĩ Ngai nũmanengete ũalyũlo wa ngoo ũetae thayũ.</verse>
				<verse number="19">Na ĩndĩ ala manyaĩĩkĩtw’e nũndũ wa ũnyamao ũla wookĩlile kwondũ wa Sitivini, mathi mavika Voenike, na Kuvolo, na Andiokia, mateũneena ĩla ndeto kwa mũndũ ate o kwa Ayuti oka.</verse>
				<verse number="20">Ĩndĩ kwaĩ amwe moo, aũme ma Kuvolo na Kulene, ala, yĩla mavikie Andiokia, mamatavisye Akiliki nao, maitavan’ya Mwĩaĩi Yesũ.</verse>
				<verse number="21">Na kw’oko kwa Mwĩaĩi kwaĩ vamwe nao: na andũ aingĩ meetĩkĩla na mamwĩthyũũĩa Mwĩaĩi.</verse>
				<verse number="22">Na ũvoo woo wavika matũnĩ ma ĩkanisa yĩla yaĩ Yelusaleme: nao mamũtũma Valanava avike Andiokia:</verse>
				<verse number="23">nake yĩla wavikie, na kwona mũmo wa Ngai, atana; na amataa onthe, nĩ kana malũman’ye na Mwĩaĩi na kwenda kwa ngoo:</verse>
				<verse number="24">nĩkwĩthĩwa we aĩ mũndũ mũseo, na kusũwa nĩ Veva Mũtheu na mũĩkĩĩo. Na andũ aingĩ mongeleka ngalĩ ya Mwĩaĩi.</verse>
				<verse number="25">Na ĩndĩ athi Taliso kũmũmantha Saulo;</verse>
				<verse number="26">na amwona, amũete Andiokia. Na meethiwa makyũmbana na ĩkanisa ĩvinda ya mwaka mũima, na mamanyĩsya andũ aingĩ; na ala amanyĩw’a mambĩlĩlya kwĩtwa Aklĩsto ndũanĩ ĩsu ya Andiokia.</verse>
				<verse number="27">Na mĩthenya isu kwatheeie athani kuma Yelusaleme maithi Andiokia.</verse>
				<verse number="28">Na ũmwe woo wetawa Akavo aũngama, na oonan’ya kwa Veva kana kũkooka yũa ĩnene ĩũlũ wa nthĩ yonthe: nayo yooka mĩthenya ya Kilautiosi Kaisali.</verse>
				<verse number="29">Na ala amanyĩw’a, kĩla mũndũ kwĩanana na ũtonyi wake, masũanĩa, matw’a kũmatwaĩa ũtethyo ana‐a‐ĩthe moo ala matwie Yutia:</verse>
				<verse number="30">nao meeka ũu, mamatwaĩa atumĩa na moko ma Valanava na Saulo.</verse>
			</chapter>
			<chapter number="12">
				<verse number="1">Na ta ĩvinda yĩu mũsumbĩ Elote atambũũkya moko make amathĩn’ye andũ amwe ma ĩkanisa.</verse>
				<verse number="2">Na amũaa Yakovo mwana‐a‐inyia wa Yoana na ũvyũ.</verse>
				<verse number="3">Na oona kana Ayuti mendeew’a nĩ ũu, aendeea naw’o na amũkwata Vetelo nake. Na mĩthenya ĩsu yaĩ mĩthenya ya kĩmũtũ kĩte ĩlawa.</verse>
				<verse number="4">Na amũkwata amwĩkĩa kolokolonĩ, na amũnengane kwa asikalĩ, ana, ana, kũndũ kũna, mamũsũvĩe; akyenda ĩtina wa Vasaka kũmumya na kũmwia mbee wa andũ.</verse>
				<verse number="5">Na Vetelo ĩndĩno asũvĩwa kolokolonĩ: ĩndĩ ĩkanisa yamũvoya Ngai na ũthangaau kwondũ wake.</verse>
				<verse number="6">Na yĩla Elote wendie kũmumaalya, ũtukũ o ũsu Vetelo akomete katĩ wa asikalĩ elĩ, ovetwe na mĩnyololo ĩlĩ: na asũvĩi ma mũomonĩ maisũvĩa kolokolo.</verse>
				<verse number="7">Na sisya, mũlaĩka wa Mwĩaĩi aũngama ũtee wake, na kyeni kyakena kasũmbanĩ kala waĩ: na amũkũna Vetelo mbaunĩ, amũamũkya, akyasya, Ũkĩla mĩtũki. Na ĩla mĩnyololo yavalũka yauma mokonĩ make.</verse>
				<verse number="8">Na mũlaĩka amwĩa, Ĩvotoe noiĩkĩa iatũ syaku. Nake eeka ũu. Na amwĩa, Ĩvw’ĩke ngũa yaku noimbikĩla.</verse>
				<verse number="9">Nake aumaala nza, amũvikĩla; na ndeesĩ kana nĩ w’o ũla weekwa nĩ mũlaĩka, ĩndĩ aasya nĩwona woni.</verse>
				<verse number="10">Na mavĩtũka ũsũvĩo wa mbee na wa kelĩ, mavika mbingĩlonĩ ya kĩaa ĩla ĩendaa ndũanĩ; nayo yamevingũĩa e yo: na maumaala, na mavĩta maienda na mbee na nzĩa ĩmwe nene na oyu mũlaĩka athi amũtia.</verse>
				<verse number="11">Na Vetelo avindũka, asya, Yu nĩnamanya vyũ kana Mwĩaĩi nĩwatũma mũlaĩka wake na anumya kw’okonĩ kwa Elote na weteelonĩ w’onthe wa andũ ma Ayuti.</verse>
				<verse number="12">Na aisũanĩa ũndũ ũsu, avika nyũmbanĩ ya Meli nyinyia wa Yoana ũla waĩ na syĩtwa yĩngĩ ya Maliko; vala andũ aingĩ mombanĩte makĩvoya.</verse>
				<verse number="13">Na aivingũsya mũomonĩ wa mbingĩlo, mwĩĩtu ooka kwĩthukĩĩsya, eetawa Lota.</verse>
				<verse number="14">Na amanya wasya wa Vetelo, ndaavingũa mbingĩlo kwondũ wa kũtana, ĩndĩ asemba nthĩnĩ, na amatavya andũ kana Vetelo aũngeme mbee wa mbingĩlo.</verse>
				<verse number="15">Nao mamwĩa. Wĩ na ndũũka we. Ĩndĩ alũlũmĩlya mũno, akyasya kana nĩ w’o. Namo masya, Nĩ mũlaĩka wake.</verse>
				<verse number="16">Ĩndĩ Vetelo ekala aivingũsya: na mamũvingũĩa, mamwona, na maseng’a.</verse>
				<verse number="17">Ĩndĩ we amavindĩthya na kw’oko, na amatavya ũndũ Mwĩaĩi wamumya kolokolonĩ. Na amea, Mũtavyei Yakovo na ana‐a‐asa maũndũ asu. Na aumaala, aenda vandũ vangĩ.</verse>
				<verse number="18">Na kwakya kwaya kĩthokoan’yo kĩnene kya asikalĩ atĩ Vetelo aangie ata.</verse>
				<verse number="19">Na Elote amũmantha, na alea ũmwona, amakũlya ala asũvĩi, na indĩ atw’a moawe. Na ĩtina atheea kuma Yutia athi Kaisalea, na ekala kw’o.</verse>
				<verse number="20">Nake amathatĩa mũno andũ ma Tile na Sitoni: na maenda kwake na ngoo ĩmwe, na matuma ndũũ na Vilasito ũla waĩ mũsũviĩ wa nyũmba ĩla mũsumbĩ Elote wakomaa, mamũvoya methĩwe na mũuo, nũndũ nthĩ yoo yonaa lĩu ũndũ wa nthĩ ya mũsumbĩ.</verse>
				<verse number="21">Na mũthenya ũmwe ũla watw’ĩtwe, Elote eevw’ĩka ngũa sya kĩũsumbĩ, na ekalĩla kĩvĩla kya ũsumbĩ, na atavan’ya ndeto nzeũvye mbee wamo.</verse>
				<verse number="22">Na yĩla ĩkomano yaneena mũno, yĩkyasya, Nĩ wasya wa ngai, ti wasya wa mũndũ.</verse>
				<verse number="23">Na kavinda kau mũlaĩka wa Mwĩaĩi amũkũna, nĩkwĩthĩwa ndaamũnenga Ngai ndaĩa: nake aĩwa nĩ iinyũ, na aumwa nĩ veva.</verse>
				<verse number="24">Ĩndĩ ndeto ya Ngai yeana na yaingĩva.</verse>
				<verse number="25">Na Valanava na Saulo mamina kwĩanĩsya ũthũkũmi woo mauma Yelusaleme, me na Yoana ũla waĩ na syĩtwa yĩngĩ ya Maliko.</verse>
			</chapter>
			<chapter number="13">
				<verse number="1">Na ĩkanisanĩ yĩla yaĩ Andiokia, kwaĩ athani na amanyĩsya, Valanava, na Simeoni ũla wetawa Nikeli, na Lukio wa Kulene, na Manaene ũla waeanĩwe na Elote ũla wai mũsumbĩ ĩndĩ maiaasyaanĩw’a, na Saulo.</verse>
				<verse number="2">Na makĩmũthũkũma Mwiaĩi, na kwĩkala mateũya, Veva Mũtheu asya, Mbathĩai Valanava na Saũlo kwondũ wa ũla wĩa nametĩe.</verse>
				<verse number="3">Na ĩndĩ mamina kũtĩĩa ũya na kũvoya na kũmailĩĩla moko moo, mamatũma mathi.</verse>
				<verse number="4">Nao ĩndĩ, matũmwa nĩ Veva Mũtheu, matheea mathi Seleusi; na kuma vau mathi na ngalawa Kuvolo.</verse>
				<verse number="5">Na yĩla maĩ Salamisi, matavan’ya ĩla ndeto ya Ngai masinakokenĩ ma Ayuti: na maĩ na Yoana nake aĩ mũtethya woo.</verse>
				<verse number="6">Na matvĩtĩla kĩthamanĩ kyonthe mavika Vavo, moona mũndũ mũe ũmwe, mwathani wa ũvũngĩ, Mũyuti, syĩtwa yake nĩyo Vali‐Yesũ;</verse>
				<verse number="7">nake aĩ vamwe na mũnene wetawa Selikio Vaulo, mũndũ mũmanyi. Ũsu ameta Valanava na Saulo moke kwake, akyenda kwĩw’a ndeto ya Ngai.</verse>
				<verse number="8">Ĩndi Elumo ũla mũndũ mũe (nũndũ nĩw’o ũilyĩ ũalyũlo wa syĩtwa yake) amakananĩsya, aimantha kũmwathũkya ũla mũnene kũmumya mũĩkĩĩonĩ.</verse>
				<verse number="9">Ĩndi Saulo, nake nĩwĩtawa Vaulo, ausũĩtwe nĩ Veva Mũtheu, amũketeea na metho make,</verse>
				<verse number="10">na asya, We, usũĩte ũkengani na wai w’onthe, we, mwana wa ndevili, na mũmaitha wa ũlũngalu w’onthe, ndũkaeka kwathũkya nzĩa ndũngalu sya Mwĩaĩi?</verse>
				<verse number="11">Na yu, sisya, kw’oko kwa Ngai kwĩ ĩũlũ waku, naku ũkeethĩwa kĩlilinda, ũtona syũa kwa ĩvinda. Na oyu kwamũtheea wiki na kĩvindu; na aenda aivavata aimantha mũndũ amũkwate kw’oko amũtongoesye.</verse>
				<verse number="12">Na ĩndĩ ũla mũnene, oona ũndũ kweekwa, eetĩkĩla, aiseng’w’a nĩ ũmanyĩsyo wa Mwĩaĩi.</verse>
				<verse number="13">Na ĩndĩ Vaulo na ala maĩ nake mauma Vavo mathi na ngalawa, na mavika Velika nthĩ ya Vambilia: na Yoana ataanĩĩsya namo vo asyoka Yelusaleme.</verse>
				<verse number="14">Ĩndĩ mo, mavĩta mauma Velika, mavika Andiokia nthĩ ya Visitia; nao mathi ĩsinakokenĩ mũthenya wa savato na mekala nthĩ.</verse>
				<verse number="15">Na ĩtina wa kũsoma mĩao na mavuku ma athani, anene ma ĩsinakoke matũma mũndũ kwamo, amea, Ana‐a‐asa, ethĩwa mwĩ na ndeto ya ũtao ya ũmatavya andũ aa, neenai.</verse>
				<verse number="16">Na Vaulo aũngama, na amokĩlĩlya kw’oko, asya, Aũme ma Isilaeli, na inyw’ĩ ala mũkĩaa Ngai, ithukĩĩsyei:</verse>
				<verse number="17">Ngai wa andũ asu ma Isilaeli nĩwamanyuvie aaĩthe maitũ, na amanenevya andũ asu yĩla matwĩe ũeni nthĩ ya Misili, na amatongoesya na kũmaumya nthĩ ĩsu na kw’oko kwĩ vinya.</verse>
				<verse number="18">Na ĩvinda ya myaka mĩongo ina amakua na kũmĩĩsya meko moo weũnĩ.</verse>
				<verse number="19">Na aananga mbaĩ mũonza nthĩ ya Kanaani, amanenga nthĩ syasyo syĩthĩwe ũtiĩwa woo, ĩvinda ya myaka maana ana na mĩongo ĩtano:</verse>
				<verse number="20">na ĩtina wa maũndũ asu amanenga asili kũvika mwathani Samueli.</verse>
				<verse number="21">Na ĩtina mamũvoya manengwe mũsumbĩ: na Ngai amanenga Saulo, mwana wa Kisi, mũndũ wa mbaĩ ya Mbenyamini, ĩvinda ya myaka mĩongo ĩna.</verse>
				<verse number="22">Na amũveta ũsu, amũkĩlya Ndaviti ethĩwe mũsumbĩ woo; nake nĩwamũkũsĩĩe, aiasya, Nĩnamwona Ndaviti, mwana wa Yese, mũndũ wendeeasya ngoo yakwa, ũla ũkeka kwenda kwakwa kw’onthe.</verse>
				<verse number="23">Na ũsyaonĩ wa mũndũ ũsu kwĩanana na watho wake, Ngai amaetee Isilaeli Mũtangĩĩi Yesũ;</verse>
				<verse number="24">Yoana aĩ anamba ũtavan’ya ũvatiso wa ũalyũlo wa ngoo kwa andũ onthe ma Isilaeli, mbee wa kũka kwake.</verse>
				<verse number="25">Na Yoana akĩminũkĩlya mũendo wake, nĩwaisye, Mwĩndalĩlya ninyie ũũ? Tii nyie we. Ĩndĩ sisyai, nĩkũkĩte ũmwe ĩtina wakwa ũla ndyĩaniwe nĩ ũthasya iatũ sya maũũ make.</verse>
				<verse number="26">Ana‐a‐asa, ana ma ũsyao wa Avalaamu, na ala me katĩ wenyu ala mũkĩaa Ngai, ndeto ya ũtangĩĩo ũũ nĩtũmĩtwe kwitũ.</verse>
				<verse number="27">Nĩkwĩthĩwa ala matwĩe Yelusaleme, vamwe na anene moo, nũndũ maiaamũmanya, o na mawasya ma athani ala masomawa kĩla mũthenya wa savato, mameanĩsye kwa ũmũsilĩla.</verse>
				<verse number="28">O na kau maiaaona ũndũ ũtuma mamũaa, ĩndĩ mamũvoya Vilato kana oawe.</verse>
				<verse number="29">Na mamina kwĩanĩsya maũndũ onthe ala maandĩkiwe kwondũ wake, mamwambũa mũtĩnĩ, na mamwia mbũanĩ.</verse>
				<verse number="30">Ĩndĩ Ngai amũthayũũkya amumya kwa akw’ũ:</verse>
				<verse number="31">nake nĩwonekie matukũ maingĩ nĩ ala mambatie nake Yelusaleme kuma Kalilii, namo nĩo ngũsĩ syake yu mbee wa andũ.</verse>
				<verse number="32">Na nĩtũmũetee ũvoo mũseo wa ũla watho wanengiwe aasa,</verse>
				<verse number="33">ũndũ Ngai wawĩanĩsye kwa syana sitũ, kwondũ wa kũmũthayũũkya Yesũ; o ũndũ kũandĩkĩtwe Savuli kĩlungu kya keli, Nue mwana wakwa, ũmũnthĩ nĩnaũsyaa.</verse>
				<verse number="34">Na kwa kwĩthĩwa nĩwamũthayũũkisye kũmumya kwa akw’ũ, atekũsyoka wanangĩkonĩ ĩngĩ, aneenete atĩĩ, Ngamũnenga inyw’ĩ moathimo ma Ndaviti ala matheu na ala maĩkĩĩĩka.</verse>
				<verse number="35">Nũndũ nĩwaisye naw’o, Savuli vandũ vangĩ, Ndũkanengane Mũtheu waku one wanangĩko.</verse>
				<verse number="36">Nĩkwĩthĩwa Ndaviti, athũkũmĩte ũtw’ĩo wa Ngai ũsyaonĩ wa ĩvinda yake, nĩwakomie, na aiwa na aaĩthe make, na oona wanangĩko:</verse>
				<verse number="37">ĩndĩ ũla wokĩlilw’e nĩ Ngai ndaaona wanangĩko.</verse>
				<verse number="38">Ĩndĩ ũndũ ũũ nũmanyĩke kwenyu, ana‐a‐asa maitũ, kana kwondũ wa mũndũ ũũ nĩkũũtavanw’a kwa inyw’ĩ ũekeo wa naĩ:</verse>
				<verse number="39">na kwondũ wake kĩla mũndũ ũla ũmwĩtĩkĩlaa nũtalĩlawa ũlũngalu maũndũnĩ onthe, ala kwondũ wa mĩao ya Mose mũtaatonya kũtalĩlwa ũlũngalu.</verse>
				<verse number="40">Ĩsũvĩei ĩndĩ, ũla waneeniwe mavukunĩ ma athani ndũkese ũmũvikĩa:</verse>
				<verse number="41">Sisyai, inyw’ĩ avũthya, seng’ai, na anangĩkai; Nũndũ nĩtethya wĩa mĩthenya yenyu, Wĩa ũla mũtaketĩkĩla nongi, o na ethĩwa mũndũ akamũtavya.</verse>
				<verse number="42">Na makyumaala, mamwĩsũva matavw’e ndeto isu savato ũla wũkĩte.</verse>
				<verse number="43">Na andũ ala maĩ ĩsinakokenĩ mataanĩsya, aingĩ ma Ayuti na avikĩlĩ ma Kĩyuti makĩaa Ngai mamaatĩĩa Vaulo na Valanava; nao maineena nao mamathing’ĩĩsya mekalae mumonĩ wa Ngai.</verse>
				<verse number="44">Na savato ũsu ũngĩ, meethĩwa mombanĩte ta ndũa nima methukĩĩsye ndeto ya Ngai.</verse>
				<verse number="45">Ĩndĩ Ayuti moona makomano, mausũwa nĩ kĩwĩu, na makananĩsya ndeto ila syaneeniwe nĩ Vaulo makĩumana.</verse>
				<verse number="46">Na Vaulo na Valanava maneena na ũkũmbaũ maiasya, No mũvaka ndeto ya Ngai ĩneenwe mbee kwenyu. Ĩndĩ kwa kwĩthĩwa nĩmwamĩluutile yume kwenyu, na kwĩtw’ĩĩa ene kana mũiaĩlwe nĩ thayũ wa tene na tene, sisyai, nĩtũũalyũka twelekele Andũ‐ma‐mbaĩ‐ingi.</verse>
				<verse number="47">Nũndũ niw’o tweeaĩwe nĩ Mwĩaĩi, aiasya, Nĩkwiĩte we wĩthĩwe kyeni kya Andũ‐ma‐mbaĩ‐ingĩ, Ni kana wĩthĩwe ũtangĩĩo kũvika itulunĩ syonthe sya nthĩ.</verse>
				<verse number="48">Na Andũ‐ma‐mbaĩ‐ingĩ meew’a ũu, matana, na mataia ndeto ya Ngai: na ũndũ meanaa ala manyuvĩtwe kwĩthĩwa na thayũ ũtathela nĩmeetĩkĩlile.</verse>
				<verse number="49">Na ndeto ya Mwĩaĩi yanyaiĩkw’a nthĩ isu yonthe.</verse>
				<verse number="50">Ĩndĩ Ayuti nĩmamaingĩanĩsye aka me nguma, athaithi anene, na atumĩa anene ma ndũa, na mamokĩlĩlya Vaulo na Valanava thĩna mũnene, na mamalũngya maume mĩvakanĩ yoo.</verse>
				<verse number="51">Ĩndĩ mamatuangĩa kĩtoo kya nyaĩĩ syoo, na mathi Ikonio.</verse>
				<verse number="52">Na amanyĩw’a mausũĩtwe nĩ ũtanu na Veva Mũtheu.</verse>
			</chapter>
			<chapter number="14">
				<verse number="1">Na kweethĩwa malika vamwe ĩsĩnakokenĩ ya Ayuti ndũanĩ ya Ikonio, na maneenie ũndũ nguthu nene ya Ayuti na ya Akiliki yeetĩkĩla.</verse>
				<verse number="2">Ĩndĩ Ayuti ala matetĩkĩlĩte mathokoan’ya ngoo sya Andũ‐ma‐mbaĩ‐ingĩ, na mamendethya ũthũku ĩũlũ wa ana‐a‐asa.</verse>
				<verse number="3">Na kwa ũu mekala vo matukũ maingĩ makĩneena na ũkũmbaũ nthĩnĩ wa Mwĩaĩi, ũla wakũsĩĩe ĩla ndeto ya mumo wake, aimanenga syama na momakyo mekwe na moko moo.</verse>
				<verse number="4">Ĩndĩ ĩkomano ya andũ ma ndũa yavathũkana; amwe maĩ ngalĩ ya Ayuti, na amwe maĩ ngalĩ ya atũmwa.</verse>
				<verse number="5">Ĩndĩ Andũ‐ma‐mbaĩ‐ingi na Ayuti na anene moo menda kũmavithũkĩa, mameke nai na ũmakima na mavia,</verse>
				<verse number="6">mamanya, na makia mathi ndũanĩ sya nthĩ ya Laikonia, Lisitela na Ndelive, na ivaloni ila syĩ ndee:</verse>
				<verse number="7">na matavan’ya ũla ũvoo mũseo kw’o.</verse>
				<verse number="8">Na Lisitela kwaĩ mũndũ ũmwe waĩ mwau maũũ, kyonze kuma asyawa, ũtaakinya nongi.</verse>
				<verse number="9">Ũsu amwĩthukĩĩsya Vaulo aineena: na Vaulo amũketeea, na akyona kana e na mũĩkĩĩo wa kũvow’a,</verse>
				<verse number="10">amũtavya na wasya mũnene, Ũngama vyũ na maũũ maku. Nake ookĩla aithaka na eekinyie.</verse>
				<verse number="11">Na ĩkomano yoona ũndũ Vaulo weka, mookĩlya mawasya moo, maiasya na kĩthyomo kya Laikonia, Ila ngai nĩsyatũtheeea ivw’anene na andũ.</verse>
				<verse number="12">Na Valanava mamwĩta Yuvita; na Vaulo mamwĩta Mekyuli, nĩkwĩthĩwa aĩ mũneeni mũno.</verse>
				<verse number="13">Na mũthembi wa Yuvita, nayo ĩkalũ yayo yaĩ ngalĩ ya mbee ya ndũa, aete ng’ombe na mĩsonzo ya malaa mbingĩlonĩ, akyenda kũthemba vamwe na makomano.</verse>
				<verse number="14">Ĩndĩ atũmwa, Valanava na Vaulo, meew’a ũvoo ũsu, matembũanga ngũa syoo, na matũlĩla mathi ĩkomanonĩ, mokĩlĩtye mawasya,</verse>
				<verse number="15">maiasya, Aũme, nĩkĩ mũkwĩka maũndũ aa? Ithyĩ naitũ twĩ andũ tũilyĩ tenyu, na nĩtũmũetee ũvoo mũseo, nĩ kana mwĩthyũũe na kũekana na maũndũ aa ma mana, mũmwelekele Ngai ũla wĩ thayũ, ũla wombie ĩtu na nthĩ na ũkanga, na syĩndũ syonthe ila syĩ nthĩnĩ wasyo:</verse>
				<verse number="16">ũla waekie mbaĩ syonthe mavinda ala mavĩtie ithi na nzĩa syasyo ene.</verse>
				<verse number="17">Ĩndĩ vamwe na ũu ndaaĩtia vate ũkũsĩ, nĩkwĩthĩwa eekie nesa aimũnenga mbua kuma ĩtunĩ, na mavinda ma ũketha, aimusũĩsya lĩu na ũtanu ngoonĩ syenyu.</verse>
				<verse number="18">Na vamwe na ndeto ii vatiele vanini maemwe kũsiĩĩa ĩkomano kũmathembea.</verse>
				<verse number="19">Ĩndĩ kwooka Ayuti kw’o kuma Andiokia na Ikonio: na mamaingĩĩsya makomano, mamũkimanga Vaulo na mavia, na mamũkusya mamumya ndũanĩ, maitalĩlya kana nĩ mũkw’ũ.</verse>
				<verse number="20">Ĩndĩ amanyĩw’a maũngeme mamũthyũlũlũkĩte, ookĩla, na avota ndũanĩ: na ũnĩ ũsu aumaala vamwe na Valanava mathi Ndelive.</verse>
				<verse number="21">Na matavan’ya ũvoo mũseo ndũanĩ ĩsu, na matw’ikĩthya andũ aingĩ amanyĩw’a, maalũka Lisitela, na Ikonio, na Andiokia,</verse>
				<verse number="22">makĩlũlũmĩlya ngoo sya amanyĩw’a, makĩmataa mekalae ũla mũĩkĩĩonĩ, na maimon’ya kana tũitĩa kũvĩtĩla mathĩnanĩ maingĩ tũilika ũsumbĩnĩ wa Ngai.</verse>
				<verse number="23">Na mamaiĩa atumĩa kĩla ĩkanisa, na mavoya Ngai mateũya, mamanengane kwa Mwĩaĩi ũla metĩkĩlĩte.</verse>
				<verse number="24">Na mavĩtĩla Visitia, na mooka Vambilia.</verse>
				<verse number="25">Na maneena ĩla ndeto Velika, matheea Atalia;</verse>
				<verse number="26">na kuma vo mathi na ngalawa Andiokia, vala manenganĩwe mumonĩ wa Ngai kwondũ wa wĩa ũla meanĩsye.</verse>
				<verse number="27">Nao mavika, na moomban’ya ĩkanisa vamwe, mayĩtavya maũndũ onthe ala Ngai wĩkĩte namo, na ũndũ ũmavingũĩe Andũ‐ma‐mbaĩ‐ingĩ mũomo wa mũĩkĩĩo.</verse>
				<verse number="28">Nao mekala na amanyĩw’a ĩvinda ĩasa.</verse>
			</chapter>
			<chapter number="15">
				<verse number="1">Na andũ amwe matheea kuma Yutia na mamanyĩsya ala ana‐a‐asa, maiasya, Mwalea kwaĩkwa kũatĩĩa kĩthĩo kya Mose, mũitonya kũtangĩĩwa.</verse>
				<verse number="2">Na Vaulo na Valanava maĩ manakananĩa na ũkũlan’ya nao mũno, ala ana‐a‐asa matw’a kana Vaulo na Valanava, na angĩ amwe mamo, mambate mathi Yelusaleme kwa atũmwa na atumĩa kwondũ wa ũkũlyo ũsu.</verse>
				<verse number="3">Namo ĩndĩ, maumaaw’a nĩ ĩkanisa, mavĩtĩla Voenike na Samalia, maitavan’ya kwĩthyũũĩa Ngai kwa Andũ‐ma‐mbaĩ‐ingĩ: na matan’ya ana‐a‐asa na ũtanu mũnene.</verse>
				<verse number="4">Na mavika Yelusaleme, mooswa nĩ ĩkanisa na atũmwa na atumĩa, na mamatavya maũndũ onthe ala Ngai wĩkĩte namo.</verse>
				<verse number="5">Ĩndĩ mookĩla amwe meetĩkĩlĩte, ma kĩthemba kya Avalisĩ, masya, Nĩmaĩlwe nĩ kwaĩkwa, na kwĩaĩwa makwate mĩao ya Mose.</verse>
				<verse number="6">Na ala atũmwa na atumĩa moombana vamwe kũsũanĩa ũndũ ũsũ.</verse>
				<verse number="7">Na maĩ manakũlan’ya mũno, Vetelo aũngama, amea, Ana‐a‐asa, nĩmwĩsĩ kana tene Ngai nĩwanyuvie kwenyu, kana Andũ‐ma‐mbaĩ‐ingĩ mew’e na kanyw’a wakwa ndeto ya ũla ũvoo mũseo, na kwĩtĩkĩla.</verse>
				<verse number="8">Na Ngai, ũla wĩsĩ ngoo, amakũsĩĩa, aimanenga Veva Mũtheu, o ũndũ watũnengie ithyĩ;</verse>
				<verse number="9">na ndaaĩkĩa kĩvathũkan’yo katĩ waitũ nao, aimathesya ngoo syoo nũndũ wa kũĩkĩĩa.</verse>
				<verse number="10">Na ĩndĩ nĩkĩ yu mũũmũtata Ngai, mũimekĩa amanyĩw’a ngingonĩ ĩsoki yĩla aasa maitũ o naitũ twaemiwe nĩ ũkua?</verse>
				<verse number="11">Ĩndĩ nĩtwĩtĩkĩle kana ithyĩ tũkatangĩĩwa nũndũ wa mumo wa Mwĩaĩi Yesũ o tamo.</verse>
				<verse number="12">Na ĩkomano yonthe yavindya ki; na yeethukĩĩsya Valanava na Vaulo maimatavya ũvoo wa syama na momakyo ala Ngai wĩkĩte kwa Andũ‐ma‐mbaĩ‐ingĩ namo.</verse>
				<verse number="13">Nao mamina ũneena, Yakovo asũngĩa, aiasya, Ana‐a‐asa, mbĩthukĩĩsyai:</verse>
				<verse number="14">Simoni nĩwatũngĩlĩla ũndũ Ngai wambie kũmokĩa Andũ‐ma‐mbaĩ‐ingĩ, nĩ kana aumye andũ katĩ wamo kwondũ wa syĩtwa yake.</verse>
				<verse number="15">Na ndeto sya athani syosanaa na ũu; ũndũ kũandĩkĩtwe,</verse>
				<verse number="16">Ĩtina wa maũndũ aa ngaalũka, Nakwa ngaaka wĩkalo wa Ndaviti, ũla mũvalũku; Na ngatũngĩĩa kũla waombokie, Na ngawũũngamya:</verse>
				<verse number="17">Nĩ kana ũtialo wa andũ ũmũmanthe Mwĩaĩi, Na Andũ‐ma‐mbaĩ‐ingĩ onthe, ala syĩtwa yakwa yĩũwetwa ĩũlũ woo,</verse>
				<verse number="18">Easya ũu Mwĩaĩi, ũla ũtumaa maũndũ aa mamanyĩka kuma tene.</verse>
				<verse number="19">Kwondũ wa ũu, nĩtw’a atĩ tũikamanyamasye Andũ‐ma‐mbaĩ‐ingĩ ala meĩthyũũa na ũmwelekela Ngai;</verse>
				<verse number="20">ĩndĩ nĩtũmaandĩkĩe, mevathane na movukyo na mĩvw’anano, na ũlaalai, na syĩndũ ila sitĩtwe, o na nthakame.</verse>
				<verse number="21">Nũndũ kuma mavinda ma tene kĩla ndũanĩ Mose e na ala matavanasya ũvoo wake, ũkĩsomeawa masinakokenĩ mĩthenya yonthe ya savato.</verse>
				<verse number="22">Na ĩndĩ atũmwa na atumĩa, vamwe na ĩkanisa yonthe, moona nĩ ũseo kũnyuva andũ amwe moo, na kũmatũma Andiokia vamwe na Vaulo na Valanava; namo nĩ aa, Yutasi wĩtawa syĩtwa yĩngĩ Valisava, na Sila, andũ me na nguma katĩ wa ana‐a‐asa:</verse>
				<verse number="23">na maandĩka na ũmatwaĩa namo, Atũmwa na atumĩa, ana‐a‐asa, valũa ũũ witũ ũmavikĩe ana‐a‐asa ma Andũ‐ma‐mbaĩ‐ingĩ ala me Andiokia na Silia na Silisia, nũvoo:</verse>
				<verse number="24">Nĩkwĩthĩwa nĩtwĩw’ĩte kana andũ amwe ala maumie kwitũ nĩmamũthĩnitye na ndeto syoo, na kũthyũũa ngoo syenyu; nao tũiaameaĩa;</verse>
				<verse number="25">naitũ twonete nĩ ũseo, nĩkwĩthĩwa twĩw’anĩte na ngoo ĩmwe, kũnyuva andũ na kũmatũma kwenyu vamwe na endwa maitũ Valanava na Vaulo,</verse>
				<verse number="26">andũ ala malikĩtye mathayũ moo mũisyonĩ kwondũ wa syĩtwa ya Mwĩaĩi waitũ Yesũ Klĩsto.</verse>
				<verse number="27">Ĩndĩ twatũma Yutasi na Sila, nao ene makamũtavya ndeto isu na makanyw’a moo.</verse>
				<verse number="28">Nĩkwĩthĩwa Veva Mũtheu onie nĩ ũseo, naitũ no ta ũu, tũikamwaĩkye inyw’ĩ mũio ũthonokete maũndũ aa me na vata wa kwĩthĩwa:</verse>
				<verse number="29">nao nĩ aa, kana mwĩvathane na syĩndũ ila syũaĩawa mĩvw’anano, na nthakame, na syĩndũ ila sitĩtwe, na ũlaalai; mweesũvĩa maũndũ asu, kũkeethĩwa ũseo kwenyu. Ĩkalai na ũvoo.</verse>
				<verse number="30">Namo, mamina kũnengwa ũthei, matheea Andiokia; na moomban’ya ikomano yonthe vamwe, mamanenga ũla valũa.</verse>
				<verse number="31">Nao moosoma, matana nũndũ wa ũkiakisyo ũsu.</verse>
				<verse number="32">Na Yutasi na Sila, kwa kwĩthĩwa maĩ athani, mamataa ana‐a‐asa na ndeto nyingĩ, na ũmalũlũmĩlya.</verse>
				<verse number="33">Nao mekala vo ĩvinda ĩasa, meew’a mathi na mũuo, nao mauma kwa ana‐a‐asa masyoka kwa ala mamatũmie. (</verse>
				<verse number="34">Ĩndi Sila nĩwendie kwĩkalanga kw’o.)</verse>
				<verse number="35">Ĩndĩ Vaulo na Valanava mekala Andiokia, makĩmanyĩsya na kũtavan’ya ndeto ya Mwĩaĩi, me na andũ angĩ aingĩ.</verse>
				<verse number="36">Na mithenya ĩmwe yavĩta Vaulo amwĩa Valanava, Tũalũke ĩndĩ yu tũmasisye ana‐a‐asa ala me ndũanĩ syonthe kũla twatavanisye ndeto ya Mwĩaĩi, ũndũ mailyĩ.</verse>
				<verse number="37">Na Valanava endie Yoana aendan’ye nao, ũla wetawa syĩtwa yĩngĩ Maliko.</verse>
				<verse number="38">Ĩndĩ Vaulo oona ti ũseo kũthi na ũsu ũla wamatiie Vambilia, alea ũlika ũla wĩanĩ vamwe namo.</verse>
				<verse number="39">Na ĩndĩ kwookĩla ĩteta yai, na mataanĩsya ũmwe na ũla ũngĩ, na Valanava oosa Maliko aendan’ya nake, na athi na ngalawa Kuvolo:</verse>
				<verse number="40">ĩndĩ Vaulo amũnyuva Sila, nake aumaala, anenganwe mumonĩ wa Mwĩaĩi nĩ ana‐a‐asa.</verse>
				<verse number="41">Nake avĩtĩla Silia na Silisia aimalũlũmĩlya makanisa.</verse>
			</chapter>
			<chapter number="16">
				<verse number="1">Na ĩndĩ avika Ndelive na Lisitela: na sisya, vaĩ mũmanyĩw’a ũmwe vo, wetawa Timotheo, mwana wa mũndũ mũka Mũyuti wetĩkĩlĩte; ĩndĩ ĩthe aĩ Mũkiliki.</verse>
				<verse number="2">Ũsu awetawa nesa nĩ ana‐a‐asa ala matwĩe Lisitela na Ikonio.</verse>
				<verse number="3">Nake Vaulo endie ũsu aendan’ye nake; na amwosa na amwaĩka nũndũ wa Ayuti ala maĩ ngalĩ isu: nĩkwĩthĩwa onthe nĩmeesĩ kana ĩthe aĩ Mũkiliki.</verse>
				<verse number="4">Nao makyanganga ndũanĩ, mamanenga ala motw’ĩo matw’ĩtwe nĩ atũmwa na atumĩa ala maĩ Yelusaleme mamasũvĩe.</verse>
				<verse number="5">Na kwondũ wa ũu makanisa malũlũmĩlw’a mũĩkĩĩonĩ, na ũtalo woo waingĩvaa mĩthenya yonthe.</verse>
				<verse number="6">Na mavĩtĩla nthĩ ya Velikia na Kalatia, nĩkwĩthĩwa nĩmavatiwe nĩ Veva Mũtheu kũneena ĩla ndeto nthĩ ya Asia;</verse>
				<verse number="7">na mavika mũvakanĩ wa Misia, matata kũthi Vithinia; na Veva wa Yesũ ndaamanenga ũthei;</verse>
				<verse number="8">na mavĩta Misia, matheea Teloa.</verse>
				<verse number="9">Na Vaulo aumĩlĩlwa nĩ woni ũtukũ: oona mũndũ wa Masetonia aũngeme, aimwĩsũva, na aimwĩa, Inga wũke Masetonia, ũtũtethye ithyĩ.</verse>
				<verse number="10">Na oona ũla woni, oyu twamantha kũthi Masetonia, twamanya kana Ngai nũtwĩtie tũmatavye ũla ũvoo mũseo.</verse>
				<verse number="11">Na ĩndĩ twauma Teloa na ngalawa, twathi tũlũngalĩte twelekele Samothelake, na ũnĩ ũsu twavika Neavoli;</verse>
				<verse number="12">na kuma vau twavika Vilivi, nayo nĩ ndũa ya Masetonia, ĩla nene ya nthĩ ĩsu, vala Alomi matwĩe: na twaĩ vo ndũanĩ ĩsu twĩkalĩte mĩthenya ĩmwe.</verse>
				<verse number="13">Na mũthenya wa savato twaumaala mbingĩlonĩ nza ũtee wa ũsĩ, vala twatalĩlasya kana ve vandũ va ũvoyea; na twekala nthĩ, twaneena na aka ala mombanĩte.</verse>
				<verse number="14">Na mũndũ mũka ũmwe wetawa Litia, mũthoosya wa langi ũla ũilyĩ ta mũtune, ũla wa mũsyĩ wa Thiatila, ũla wathaithaa Ngai, atwĩw’a: na Mwĩaĩi amũvingũa ngoo yake, nĩ kana amethukĩĩsye maũndũ ala maneeniwe nĩ Vaulo.</verse>
				<verse number="15">Na avatiswa, vamwe na ala ma nyũmba yake, atwĩsũva, akyasya, Ethĩwa nĩmũmbonete nĩ kĩthito kwa Mwĩaĩi, ũkai nyũmbanĩ kwakwa, mwĩkale vo. Na atũthing’ĩĩsya.</verse>
				<verse number="16">Na kweethĩwa, tũendete vala vandũ va ũvoyea, mwĩĩtu ũmwe ũla waĩ na veva wa kũaũsya akomana naitũ, nake amoneaa mavwana make ũtandĩthyo mũnene nũndũ wa kũaũsya kwake.</verse>
				<verse number="17">Ũsu akĩtũatĩĩa twĩ na Vaulo, atũlya wasya, akyasya, Aũme aa nĩ ngombo sya Ngai Ũla Wĩ Ĩũlũ wa Onthe, nao nĩmeũmũtavya inyw’ĩ nzĩa ya ũtangĩĩo.</verse>
				<verse number="18">Na eekie ũu mĩthenya mingĩ. Ĩndĩ Vaulo akĩw’a woo mũno, eethyũũa na ootavya ũla veva, Nĩkwĩaĩa syĩtwanĩ ya Yesũ Klĩsto, uma nthĩni wake. Naw’o wamuma saa o ũsu.</verse>
				<verse number="19">Ĩndĩ mavwana make moona kana wĩkwatyo wa ũtandĩthyo woo nĩwaaa, mamakwata Vaulo na Sila, na mamakusya mathi nao kĩng’ang’anĩ mbee wa asili,</verse>
				<verse number="20">na mamaete mbee wa asili, masya, Andũ aa, kwa kwĩthĩwa nĩ Ayuti, nĩmeũthokoan’ya mũno ndũa yaitũ,</verse>
				<verse number="21">na kwonan’ya syĩthĩo ila itosana na mĩao yaitũ kũsyosa kana kwiatĩĩa, nĩkwĩthĩwa twĩ Alomi.</verse>
				<verse number="22">Na ĩkomano yamokĩlĩla vamwe: na asili mamatembũangĩa ngũa syoo makĩsyumya, na matw’a makũnwe na ndata.</verse>
				<verse number="23">Nao mamakũna makũna maingĩ, mamekya kolokolonĩ na mamwĩaĩa mũnene wa kolokolo amasũvĩe mũno:</verse>
				<verse number="24">nake, anengwa mwĩao ta ũsu, amekya kasũmbanĩ ka kolokolo kala ke nthĩnĩ mũno, na amovea maũũ moo mĩtĩnĩ.</verse>
				<verse number="25">Ĩndĩ ta ũtukũ katĩ Vaulo na Sila meethĩwa maimũvoya Ngai na ũmwinĩa mbathi sya ũmũkatha, na ovwa ala angĩ nĩmamethukĩĩsye;</verse>
				<verse number="26">na oyu, o ĩmwe, kwaya kĩtetemo kĩnene kya nthĩ, ũndũ myambĩlĩlyo ya kolokolo yathingithangiw’e: na oyu mĩomo yonthe yavingũka; na syĩndũ ila syoovete asu onthe syathalĩka.</verse>
				<verse number="27">Na mũnene wa kolokolo aamũka kuma toonĩ, na oona mĩomo ya kolokolo ĩ mĩvingũku, akũa ũvyũ wake akilĩlye kwĩyũaa, aitalĩlya kana ovwa onthe nĩmakĩie.</verse>
				<verse number="28">Ĩndĩ Vaulo aneena na wasya mũnene aiasya, Ndũkeyĩke ũndũ ũthũku: nũndũ ithyonthe twĩ o vaa.</verse>
				<verse number="29">Na ĩndĩ eetya mataa, na athaanyũka avota nthĩnĩ, na aitetemwa nĩ w’ĩa, avalũka nthĩ mbee wa Vaulo na Sila,</verse>
				<verse number="30">na amaumaalya nza, asya, Mavwana, nĩĩka ata kana ndangĩĩwe?</verse>
				<verse number="31">Nao mamwĩa, Mwĩtĩkĩle Mwĩaĩi Yesũ, na nũũtangĩĩwa we, na nyũmba yaku.</verse>
				<verse number="32">Na mamũtavya ndeto ya Mwĩaĩi vamwe na onthe ala maĩ nyũmba kwake.</verse>
				<verse number="33">Na amosa o saa ũsu wa ũtukũ, na amathambya makũnwa moo; na avatiswa oyu, we na andũ make onthe.</verse>
				<verse number="34">Na amambatya amatwaa nyũmbanĩ kwake nthĩnĩ, na aia lĩu mbee wamo, na atana mũno, we na onthe ma nyũmba yake, nũndũ wa kwĩtĩkĩla Ngai.</verse>
				<verse number="35">Ĩndĩ kwakya, asili matũma anene ma asikalĩ, maiasya, Thasyai ala andũ mathi.</verse>
				<verse number="36">Na mũnene wa kolokolo amũtavya Vaulo ndeto syoo, aiasya, Ala asili matũmana mũthaw’e: yu ĩndĩ umaalai, na mũithi na ũvoo.</verse>
				<verse number="37">Ĩndĩ Vaulo amea, Nĩmanatũkũnĩe mbee wa andũ, na tũineesilĩlwa, na ithyĩ twĩ Alomi, na manatwĩkisye kolokolonĩ; na yu nĩmeũtwĩkya nza na kĩmbithĩ? Aiee, ti w’o; ĩndĩ nĩmoke e mo ene matumye.</verse>
				<verse number="38">Na anene ma asikalĩ mamatavya asili ndeto isu: namo meew’a kana nĩ Alomi, makĩa;</verse>
				<verse number="39">na mooka mamesũva; na mamaumaalya nza, mamavoya maume ndũanĩ yoo.</verse>
				<verse number="40">Na mauma kolokolonĩ, malika nyũmbani ya Litia: na moona ana‐a‐asa, mamakiakisya na ĩndĩ mathi.</verse>
			</chapter>
			<chapter number="17">
				<verse number="1">Na mavĩtĩla Amimbivoli na Avolonia, mavika Thesalonika, vala vaĩ ĩsinakoke ya Ayuti:</verse>
				<verse number="2">na Vaulo, o ũndũ wakothaa kwĩka, avota kwamo, na vandũ va mĩthenya ĩtatũ ya savato asũanĩa nao ũvoo kuma maandĩkonĩ,</verse>
				<verse number="3">aiumĩlya na kwonan’ya kana kwaĩ na vata wa Klĩsto kũthĩna, na kũthayũũka kuma kwa akw’ũ; na ĩngĩ kana Yesũ ũsu, ũla ngũmũtavya inyw’ĩ, nĩwe Klĩsto.</verse>
				<verse number="4">Na amwe moo meetĩkĩla, na maatĩanĩa na Vaulo na Sila; na ma ala makĩaa Ngai ma Akiliki nguthu nene, na aka aingĩ me nguma.</verse>
				<verse number="5">Ĩndĩ Ayuti, mausũwa nĩ kĩwĩu, meeyosea andũ amwe athũku ma nguthu sya imaamai, na moomban’ya nguthu, meekĩa ndũa kĩthokoan’yo; na mathi nyũmbanĩ ya Yasoni maimantha kũmaumaalya na ũmanengane mokonĩ ma andũ.</verse>
				<verse number="6">Na malea ũmona, mamũkusya Yasoni o na ana‐a‐asa amwe amwe mbee wa anene ma ndũa, maiasya, Aa makulumanĩtye nthĩ nĩmokĩte vaa navo;</verse>
				<verse number="7">na Yasoni amosa: na aa onthe mekaa maũndũ mavĩtanĩte na motw’ĩo ma Kaisali, maiasya kana kwĩ mũsumbĩ ũngĩ wĩtawa Yesũ.</verse>
				<verse number="8">Na maũũyĩthya ĩkomano na anene ma ndũa, meew’a maũndũ asu.</verse>
				<verse number="9">Na Yasoni na ala angĩ maumw’a ngwatĩlĩlyo, na mamalekya mathi.</verse>
				<verse number="10">Na oyu ala ana‐a‐asa mamea Vaulo na Sila mathi Velia na ũtukũ: nao mavika kw’o malika ĩsinakokenĩ ya Ayuti.</verse>
				<verse number="11">Na andũ asu maĩ na ngoo nzeo mbee wa ala ma Thesalonika nĩkwĩthĩwa nĩmeetĩkĩlile ĩla ndeto na ũthalĩku w’onthe wa ngoo, maimantha maandĩkonĩ mĩthenya yonthe, kana maũndũ asu nĩw’o mailyĩ.</verse>
				<verse number="12">Kwondũ wa ũu aingĩ moo meetĩkĩla; vamwe na aka ma Akiliki me nguma, na aũme aingĩ.</verse>
				<verse number="13">Ĩndĩ Ayuti ma Thesalonika mesa ũmanya kana ndeto ya Ngai nĩtavanĩtw’e nĩ Vaulo kũu Velia nakw’o, mathi kw’o mamathokoan’ya na kũmaũũyĩthya makomano.</verse>
				<verse number="14">Na ĩndĩ oyu ana‐a‐asa mamwĩa Vaulo athi avike ũtee wa ũkanga: na Sila na Timotheo matiwa vo.</verse>
				<verse number="15">Ĩndĩ ala maendie na Vaulo mamũvikya Athene: na meeaĩwa nĩwe makamatavye Sila na Timotheo mamũatĩĩe na mĩtũkĩ, mathi.</verse>
				<verse number="16">Na Vaulo akĩmeteela Athene, veva wake wathilĩka nthĩnĩ wake, aiona ndũa yusũĩte mĩvw’anano.</verse>
				<verse number="17">Na kwa ũu asũanĩa na Ayuti na ala makĩaa Ngai ĩsinakokenĩ, na ala makomanaa nake kĩng’ang’anĩ, kĩla mũthenya.</verse>
				<verse number="18">Na andũ oĩ amwe ma Evikuleo na Sitoiko mamũwĩla. Na amwe masya, Mũthelya ũũ wa tũmaũndũ enda kwasya ata? Angĩ masya, Eoneka ta mũndũ mwonan’ya wa ngai ngeni: nũndũ nĩwatavanasya Yesũ na ũthayũũkyo.</verse>
				<verse number="19">Na mamũkwata, mamũtwaa Aleovako, maiasya, Momanyĩsyo aa ala ũmanyĩasya we, nĩtũtonya kũmanya ũndũ mailyĩ?</verse>
				<verse number="20">Nĩkwĩthĩwa we ũetete maũndĩ meũ matesĩkĩwe matũnĩ maitũ: ĩndĩ nĩtũkwenda kũmanya ũndũ mailyĩ maũndũ aa.</verse>
				<verse number="21">(Na Aathene na aeni ala mekalaa ũeni kw’o maiaĩ na ũthei wa ũndũ ũngĩ, ate o kũneenan’ya kana kwĩthukĩĩsya ũvoo wa ũndũ weũ.)</verse>
				<verse number="22">Na vaulo aũngama Aleovako katĩ, na asya, Inyw’ĩ aũme ma Athene, maũndũnĩ onthe nĩona kana mwĩ na maũndũ ma ũthaithi mwingĩ.</verse>
				<verse number="23">Nũndũ ngĩvĩtĩla nzĩanĩ, na ngĩsisya mũno syĩndũ sya ũthaithi wenyu, nonie kĩthembeo nakyo kĩkĩĩtwe ũandĩko ũũ, KWA NGAI ŨLA ŨTESĨKĨWE. Ũla inyw’ĩ ĩndĩ mũthaithaa kwa ũlea ũmanya, nĩwe ngũmwon’ya inyw’ĩ.</verse>
				<verse number="24">Ngai ũla wombie nthĩ na syĩndũ syonthe ila syĩ vo, we, Mwĩaĩi wa itũ na nthĩ, ndekalaa nyũmbanĩ syakĩtwe na moko;</verse>
				<verse number="25">o na ndathũkũmawa nĩ moko ma andũ, ta wĩ na vata wa kĩndũ, nĩkwithĩwa nĩwe ũnengae onthe thayũ, na mĩthũmũ, na syĩndũ syonthe;</verse>
				<verse number="26">na oombie mbaĩ syonthe sya andũ kuma mũndũnĩ ũmwe, matũae ĩũlũ wa nthĩ yonthe, atw’ĩte mavinda moo ala wambie ũtw’a, na mĩvaka ya mawĩkalo moo;</verse>
				<verse number="27">nĩ kana mamũmanthe Ngai, o na ethĩwa nĩmatonya ũmũmantha maimũvavata mamwone, o na kau nde kũasa na kĩla ũmwe waitũ:</verse>
				<verse number="28">nũndũ twĩ thayũ, na nĩtũũthi, na twĩ na mwĩkalĩle witũ nthĩnĩ wake; o tondũ atili amwe menyu ma mbathi maisye, Nũndũ ithyi naitũ twĩ ũsyao wake.</verse>
				<verse number="29">Ĩndĩ kwa kwĩthĩwa twĩ ũsyao wa Ngai, tũiaĩlwe nĩ ũtalĩlya kana Ũ‐Ngai ũvw’anene na thaavu, kana vetha, kana ĩvia, ila syasũvĩtwe na ũtũĩka na ũĩ wa mũndũ.</verse>
				<verse number="30">Ĩndĩ mavinda ma ũlea ũmanya, Ngai etw’a ta ũteona; ĩndĩ yu emeaĩa andũ onthe kũndũ kw’onthe maalyũle ngoo:</verse>
				<verse number="31">nĩkwĩthĩwa nĩwiĩte mũthenya ũla ũkasilĩla nthĩ yonthe na ũlũngalu, kwa mũndũ ũla wanyuvie; nake amanengete andũ onthe kũmanya, kwondũ wa kũmũthayũũkya kũmumya kwa akw’ũ.</verse>
				<verse number="32">Namo meew’a ũvoo wa ũthayũũkyo wa akw’ũ, amwe moovũĩa ngũĩ; ĩndĩ angĩ masya, Tũkakwĩthukĩĩsya ĩngĩ ũvoonĩ ũũ.</verse>
				<verse number="33">Na kũilyĩ ũu Vaulo auma vo amatia.</verse>
				<verse number="34">Ĩndĩ amwe malũman’ya nake, na meetĩkĩla: na amwe ma asu nĩ Ndionisio ũla Mũaleovako, na mũndũ mũka wetawa Ndamali, na angĩ vamwe nao.</verse>
			</chapter>
			<chapter number="18">
				<verse number="1">Ĩtina wa maũndũ asu Vaulo auma Athene, na avika Kolintho.</verse>
				<verse number="2">Na amwona Mũyuti ũmwe wetawa Akwila, mũndũ wasyaĩwe Vondo, ũla ũnaumie Italia mĩtũkĩ, vamwe na mũka wake Vilisila, nũndũ Kilautiosi atw’ĩte Ayuti onthe maume Lomi: nake avika kwoo;</verse>
				<verse number="3">na nũndũ aĩ wa wĩa ũmwe nao, ekala namo, maitethya wĩa; nũndũ maĩ atumi ma maeema.</verse>
				<verse number="4">Na Vaulo asũanĩa ĩsinakokenĩ mĩthenya yonthe ya savato, aimantha kũmetĩkĩlĩthya Ayuti na Akiliki.</verse>
				<verse number="5">Ĩndĩ yĩla Sila na Timotheo matheeie kuma Masetonia, Vaulo athangaaw’a mũno nĩ ĩla ndeto, aineena ũkũsĩ kwa Ayuti kana Yesũ nĩwe Klĩsto.</verse>
				<verse number="6">Ĩndĩ makananĩsya, na kũmũumanga Ngai, avuunza ngũa syake, na amea, Nthakame yenyu yĩthĩwe ĩũlũ wa mĩtwe yenyu ene; nyie nĩ mũtheu: kuma yu nĩthi kwa Andũ‐ma‐mbaĩ‐ingĩ.</verse>
				<verse number="7">Na auma vau, aenda nyũmbanĩ ya mũndũ ũmwe wetawa Tito Yusito, ũmwe ũla wathaithaa Ngai, na nyũmba yake yakwatene na ĩsinakoke.</verse>
				<verse number="8">Na Kilisivo, mũnene wa ĩsinakoke, nĩwamwĩtĩkĩlile Mwĩaĩi vamwe na nyũmba yake yonthe; na aingi ma Akolintho meew’a meetĩkĩla, na mavatiswa.</verse>
				<verse number="9">Na Mwĩaĩi amũtavya Vaulo ũtukũ woninĩ, Ndũkakĩe, ĩndĩ neena, ndũkavindye:</verse>
				<verse number="10">nũndũ nĩ vamwe naku, na vai mũndũ ũkoka vala ũĩ akwĩke nai: nĩkwĩthĩwa nyie nĩ na andũ aingĩ ndũanĩ ĩno.</verse>
				<verse number="11">Nake ekala kw’o mwaka na myei thanthatũ, akĩmanyĩsya ndeto ya Ngai kwoo.</verse>
				<verse number="12">Ĩndĩ ĩvinda yĩla Kalio waĩ mũnene wa Akaia, Ayuti mamũkĩlĩla Vaulo na ngoo ĩmwe, na mamũete kĩvĩlanĩ kya sila,</verse>
				<verse number="13">makyasya, Mũndũ ũũ emetĩkĩlĩthya andũ kũmũthaitha Ngai ũndũ ũvĩtanĩte na ĩla mĩao.</verse>
				<verse number="14">Ĩndĩ Vaulo akilĩlye kwathamya kanyw’a wake, Kalio amea ala Ayuti, Kethĩwa ve ũndũ ũthũku, kana ũng’endu mwĩai inyw’ĩ Ayuti, nĩkwaĩle kwakwa kũmũmĩĩsya:</verse>
				<verse number="15">ĩndĩ ethĩwa nĩ mokũlyo ma ndeto na masyĩtwa na mĩao ĩ yenyu, sisyai inyw’ĩ ene ũndũ ũsu: nyie ndikwenda nĩthĩwe mũsili wa maũndũ asu.</verse>
				<verse number="16">Na amalũngya maume kĩvĩlanĩ kya sila.</verse>
				<verse number="17">Na onthe mamũkwata Sosithene, ũla mũnene wa ĩsinakoke, na mamũkũnĩa mbee wa kĩvĩla kya sila. Na Kalio ndaamona maũndũ asu ta ũndũ.</verse>
				<verse number="18">Na Vaulo, ekalile mĩthenya mingĩ ĩtina wa ũndũ ũsu, ataanĩsya na ana‐a‐asa na athi na ngalawa Silia, na Vilisila na Akwila mathi vamwe nake: eenzewe mũtwe wake ku Kengelea; nĩkwĩthĩwa aĩ na wĩvĩto.</verse>
				<verse number="19">Na mavika Eveso, amatia kw’o: ĩndĩ we mwene alika ĩsinakokenĩ, na asũanĩa na Ayuti.</verse>
				<verse number="20">Na mamwĩa ekale ĩvinda ĩasanga, nake ndaaĩtĩkĩla;</verse>
				<verse number="21">ĩndĩ eeaanĩa nao, amea, Ngamũalũkĩla ĩngĩ, Ngai enda, na athi na ngalawa kuma Eveso.</verse>
				<verse number="22">Nake aumĩa Kaisalea ambata amakethya andũ ma ĩkanisa, na ĩndĩ atheea Andiokia.</verse>
				<verse number="23">Na ekala kw’o mĩthenya ĩmwe, athi, na avĩtĩla nthĩ ya Kalatia na Velikia, aatĩanĩsye, aimalũlũmilya amanyĩw’a onthe.</verse>
				<verse number="24">Na Mũyutĩ ũmwe wetawa Avolo, wasyaiwe Ũalesandalia, mũndũ wa ũmanyi, ooka Eveso; nake amanyaa mũno maandiko.</verse>
				<verse number="25">Mũndũ ũsu nĩwamanyĩĩtw’e nzĩa ya Mwĩaĩi; na nĩkwĩthĩwa aĩ mũthangaau vevanĩ wake, nĩwaneenie na kũmanyĩsya nesa maũndũ ma Yesũ, ĩndĩ eesĩ ũvatisi wa Yoana w’oka:</verse>
				<verse number="26">nake ambĩlĩlya ũneena na ũkũmbaũ ĩsinakokenĩ. Ĩndĩ Vilisila na Akwila mamwĩw’a, mamũtwaa kwoo, na mamũvuanĩsya nzĩa ya Ngai nesa mbee wa vala wesĩ.</verse>
				<verse number="27">Nake enda kũinga kũthi Akaia, ala ana‐a‐asa mamũkũmbaĩthya, na mamaandĩkĩa ala amanyiw’a kana mamwose: na avika amatethya mũno ala meetĩkĩlĩte nũndũ wa mumo:</verse>
				<verse number="28">nũndũ amakĩlĩlye Ayuti ũĩ, mbee wa andũ, aionan’ya na maandĩko kana Yesũ nĩ Klĩsto.</verse>
			</chapter>
			<chapter number="19">
				<verse number="1">Na kweethĩwa, ĩvinda yĩla Avolo waĩ Kolintho, Vaulo avĩtĩla nthi ya ngalĩ ya iũlũ avika Eveso, na ku oona amanyĩw’a amwe:</verse>
				<verse number="2">na amakũlya, Nĩmwoosie Veva Mũtheu mweetĩkĩla? Na mamũsũngĩa, Aiee, o na tũiaaĩw’a kana kwĩ Veva Mũtheu.</verse>
				<verse number="3">Na ĩndĩ amakũlya, Mwavatisiwe ũvatisinĩ mwaũ ĩndĩ? Na mamũsũngĩa, Twavatisiwe ũvatisinĩ wa Yoana.</verse>
				<verse number="4">Na Vaulo amea, Yoana nĩwavatisaa na ũvatiso wa ũalyũlo wa ngoo, aimatavya andũ nĩmamwĩtĩkĩle ũla wĩũka ĩtina wake, nake nĩ Yesũ.</verse>
				<verse number="5">Nao meew’a ũu, mavatiswa syitwani ya Mwĩaĩi Yesũ.</verse>
				<verse number="6">Na Vaulo amailĩĩla moko make, Veva Mũtheu amatheeea; na maneena na ithyomo, na mathana.</verse>
				<verse number="7">Na onthe maĩ andũ aũme ta ĩkũmi na elĩ.</verse>
				<verse number="8">Nake alika ĩsinakokenĩ, na aneena na ũkũmbaũ ĩvinda ya myei ĩtatũ, aisũanĩa na andũ na kũmetĩkĩlĩthya maũndũ ma ũsumbĩ wa Ngai.</verse>
				<verse number="9">Ĩndĩ amwe meeyũmanĩlya, malea kwĩw’a, maimĩneenea ĩla Nzĩa naĩ mbee wa ĩkomano, aumaala amatia, na amavatha amanyĩw’a, na amamanyĩasya maineenan’ya mĩthenya yonthe kĩsomonĩ kya Tilano.</verse>
				<verse number="10">Na maũndũ asu maendeea ĩvinda ya myaka ĩlĩ; ũndũ onthe ala matwĩe nthĩ ya Asia meewie ndeto ya Mwĩaĩi, Ayuti na Akiliki nao.</verse>
				<verse number="11">Na Ngai eeka mavinya mataaĩkwa nĩ mũndũ na moko ma Vaulo:</verse>
				<verse number="12">ũndũ o na awau maetewe ngũa na itambaa syumĩte mwĩĩnĩ wake, nao mavoa mowau moo, na maveva mathũku mamauma.</verse>
				<verse number="13">Ĩndĩ Ayuti amwe, angangi, alũngya ma maveva, meenenga ene kũneena syĩtwa ya Mwĩaĩi Yesũ ĩũlũ wa ala maĩ na maveva mathũkũ, maiasya, Nĩmũavĩthya na Yesũ ũla ũtavanaw’a nĩ Vaulo.</verse>
				<verse number="14">Na kw’o kwaĩ aũme mũonza, ana ma Mũyuti wetawa Sikiva, mũthembi mũnene, ala mekaa ũu.</verse>
				<verse number="15">Na ũla veva mũthũku wamasũngĩa, wamea, Yesũ nĩnĩmwĩsĩ, na Vaulo nĩngũmũmanya; ĩndĩ inyw’ĩ mwĩ aaũ?</verse>
				<verse number="16">Na mũndũ ũla waĩ na ũla veva mũthũku amathaanyũkĩa, amakũa elĩ, na kũmakĩlya vinya, na makĩa mauma nyũmba ĩsu me athei na okite.</verse>
				<verse number="17">Na ũndũ ũsu wamanyĩka kwa Ayuti onthe na Akiliki ala matwĩe Eveso; na w’ĩa mũnene wamavalũkĩla onthe, na syĩtwa ya Mwĩaĩi Yesũ yataĩwa mũno.</verse>
				<verse number="18">Na aingĩ nao ma ala meetĩkĩlile mooka, makyumbũla, na makyonan’ya meko moo.</verse>
				<verse number="19">Na andũ aingĩ ala meekaa maũndũ ma ũwe maete mavuku moo na moomban’ya vamwe, na mamavĩvĩsya mbee wa andũ onthe; na matala thooa wamo na meethĩa nĩ ilungu sya vetha ngili mĩongo ĩtano.</verse>
				<verse number="20">Ũu nĩw’o ndeto ya Ngai yeanie na ũkilya vinya.</verse>
				<verse number="21">Na ĩtina wa maũndũ asu mathela, Vaulo atw’a vevanĩ wake, kũvĩtĩla Masetonia na Akaia, na akĩthi Yelusaleme, aiasya, Ĩtina wa kwĩthĩwa kw’o, mũvaka none Lomi nakw’o.</verse>
				<verse number="22">Na atũma elĩ ma ala mamũthũkũmaa mathi Masetonia, nao nĩ Timotheo na Elasito, nake mwene ekalanga Asia ĩvinda.</verse>
				<verse number="23">Na ta ĩvinda yĩu kwookĩla kĩthokoan’yo kĩte kĩnini ũndũ wa ĩla Nzia.</verse>
				<verse number="24">Nũndũ mũndũ ũmwe wetawa Ndemetelio, mũtwii wa vetha, ũla waseũvasya tũkalũ twa Ndiana, amaeteae andũ ndũĩka ũtandĩthyo ũte mũnini;</verse>
				<verse number="25">nake amomban’ya, vamwe na ala angĩ maĩ na wĩa ta ũsu, na amea, Mavwana, inyw’ĩ nĩmwĩsĩ kana ithyĩ nĩtwonaa ũthwii nũndũ wa wĩa ũũ.</verse>
				<verse number="26">Na nĩmũkwona na ĩngĩ nĩmũkwĩw’a, kana ti vaa Eveso voka, ĩndĩ no ta kw’onthe Asia, Vaulo ũsu ametĩkĩlĩthĩtye andũ aingĩ na kũmaalyũla, akyasya kana ti syo ngai, ila iseũvĩtw’e na moko:</verse>
				<verse number="27">na ti kwa kwĩthĩwa wĩa ũũ witũ wĩ na mũisyo na kũwetwa naĩ wĩ w’oka; ĩndĩ yĩla ĩkalũ ya ngai nga nene Ndiana yĩtalĩtwe ti kĩndũ, o na kũmyumya ndaĩanĩ yayo, ĩla ĩthaithawa nĩ Asia yonthe na nthĩ yonthe.</verse>
				<verse number="28">Namo meew’a ũu mausũwa nĩ ũthatu, na maua mbu, maiasya, Ndiana ĩla ya Aeveso nĩyo nene.</verse>
				<verse number="29">Na ndũa yausũwa nĩ kĩthokoo: na mathi na ngoo ĩmwe masembete, malika nyũmbanĩ ya ĩthaũ, mamakwete Kaio na Alisitaliko, andũ ma Masetonia, ala maendaa vamwe na Vaulo.</verse>
				<verse number="30">Na Vaulo akyenda kũlika yĩla ĩkomanonĩ, ala amanyĩw’a mamũvata ndakalike vo.</verse>
				<verse number="31">Na anene amwe ma Asia, ala maĩ anyanyae make, matũma andũ kwake na mamwĩsũva ndakatate kwĩlikya nyũmbanĩ ĩsu ya ĩthaũ.</verse>
				<verse number="32">Amwe ĩndĩ maneena ũndũ ũmwe, na angĩ ũndũ ũngĩ: nũndũ ũmbano waĩ na kĩthokoo; na ala aingĩ maiaamanya ũndũ ũla ũkũmbanĩawa.</verse>
				<verse number="33">Na mamumya Alesanda ĩkomanonĩ, Ayuti mamwia mbee wa andũ. Na Alesanda amakilĩthya na kw’oko, akyenda kũmasũngĩa.</verse>
				<verse number="34">Ĩndĩ mamanya kana nĩ Mũyuti, onthe maua mbu na wasya ũmwe vandũ va masaa elĩ, maiasya, Ndiana ĩla ya Aeveso nĩyo nene.</verse>
				<verse number="35">Ĩndĩ mũandĩki wa ndũa ayĩkilĩthya yĩla ĩkomano, asya, Inyw’ĩ aũme ma Eveso, nĩ mũndũ wĩva ũla ũtesĩ kana ndũa ya Eveso nĩyo isũvĩaa ĩkalũ ya Ndiana nene, na mũvw’anano ũla watheeie kuma ĩtunĩ?</verse>
				<verse number="36">Ĩndĩ nũndũ maũndũ aa maitonya ũkaĩwa, nĩmwaĩle kũkilya, na kũlea kwĩka ũndũ na mĩtũkĩ.</verse>
				<verse number="37">Nũndũ mwaete andũ aa vaa, nao ti ing’ei sya mĩio ya makalũ, o na ti aumi ma ngai nga yaitũ.</verse>
				<verse number="38">Ethĩwa ĩndĩ Ndemetelio, na andũ ndũĩka vamwe nake, meethĩwa na ũndũ ĩũlũ wa mũndũ o na wĩva, mĩthenya ya sila ĩ kw’o, na asili me kw’o: nĩmasitakane.</verse>
				<verse number="39">Ĩndĩ ethĩwa mwĩmantha ũndũ o na wĩva maũndũnĩ angĩ, ũkatw’ĩwa nzamanĩ ĩla yaĩle.</verse>
				<verse number="40">Nũndũ o naitũ twĩ na mũisyo wa kũsitakwa ũndũ wa kĩthokoo kya mũthenya ũũ, na nĩ kya mana: na kwondũ wa ũu, tũikatonya kũneena ũndũ wa ũmbano ũũ.</verse>
				<verse number="41">Na amina ũneena ũu ayũmbũũkya ĩkomano.</verse>
			</chapter>
			<chapter number="20">
				<verse number="1">Na kĩtuu kyu kyakilya, Vaulo amatũmana ala amanyĩw’a na amataa, eeaanĩa nao, na ĩndĩ athi Masetonia.</verse>
				<verse number="2">Nake avĩtĩla ngalĩ isu, na ũmanenga ũtao mwingĩ, athĩ Ũkiliki.</verse>
				<verse number="3">Na ekalĩte kw’o myei ĩtatũ, Ayuti mamũsamĩa mamũae akilĩlye ũthi na ngalawa avike Silia, nake atw’a kũalũka avĩtĩle Masetonia.</verse>
				<verse number="4">Na andũ aa nĩmo maendanisye nake kũvika Asia, Sovatele mũndũ wa Velia, mwana wa Vilo; na ma Athesalonika, Alisitaliko na Sekundo; na Kaio mũndũ wa Ndelive, na Timotheo; na ma Asia, Tikiko na Telovimo.</verse>
				<verse number="5">Ĩndĩ andũ asu maĩ manathi mbee, nao matweteela Teloa.</verse>
				<verse number="6">Naitũ twaumie Vilivi na ngalawa, ĩtina wa mĩthenya ya kĩmũtũ kĩte ĩlawa, na mĩthenya ĩtano yathela twamavikĩa ala maĩ Teloa; na twekala kw’o mĩthenya mũonza.</verse>
				<verse number="7">Na mũthenya wa mbee wa kyumwa, twombanĩte vamwe kũtila kĩmũtũ, Vaulo aneena nao, akyenda ũthi ũnĩ ũsu: na aasavya ũtavan’yo wake kũvika ũtukũ katĩ.</verse>
				<verse number="8">Na kwaĩ mataa maingĩ nyũmbanĩ ya ĩũlũ ĩla twoombanĩte.</verse>
				<verse number="9">Na mũndũ ũmwe, mwanake wetawa Eutikusi, ailyĩ mbũthinĩ, akwatwa nĩ too mũno; na Vaulo aiendeea mũno na kũtavan’ya kwake, na nĩkwĩthĩwa ausũĩtwe nĩ too wake avalũka kuma nyũmba ya katatũ kũvika nthĩ, na ooswa e mũkw’ũ.</verse>
				<verse number="10">Na Vaulo atheea, na amũmamĩa, na amũvĩvĩtĩĩsya, asya, Mũikekĩe kĩtuu; nũndũ thayũ wake wĩ o nthĩnĩ wake.</verse>
				<verse number="11">Na ambata ĩũlũ, na atila kĩla kĩmũtũ, na aya, na aneena nao ĩvinda ĩasa, o na kũvika kũikya, na ĩndĩ athi.</verse>
				<verse number="12">Na mamũete ũla mwanake e thayũ, na makiakiw’a ũndũ ũtee ũnini.</verse>
				<verse number="13">Ĩndĩ ithyĩ, twambie ũthi mbee na ngalawa, twakũsya tũende Asoso, navo twenda ũmũlikya Vaulo: nũndũ nĩw’o watwie, akyenda e we mwene ũthi na nyaĩĩ.</verse>
				<verse number="14">Na twavika Asoso, akomana naitũ, na twamũlikya ngalawanĩ, na twathi Mitilene.</verse>
				<verse number="15">Na twakũsya kw’o, na mũthenya wa kelĩ twavika vakuvĩ na Kiosi; na mũthenya wa katatũ twavika Samo; na mũthenya wa kana twavika Mileto.</verse>
				<verse number="16">Nũndũ Vaulo atw’ĩte kũvĩta Eveso, nĩ kana ndakekale Asia; nũndũ nĩwekalaatĩte, ethĩwa ũu nũtonyeka, we ethĩwe Yelusaleme mũthenya wa Vendekosito.</verse>
				<verse number="17">Na atũma andũ kuma Mileto maende Eveso kũmeta atumĩa ma ĩkanisa moke kwake.</verse>
				<verse number="18">Nao mooka, amea, Inyw’ĩ ene nĩmwĩsĩ, kuma mũthenya ũla nambie ũkinya nthĩ ĩno ya Asia, ũndũ nekalĩte nenyu ĩvinda yĩu yonthe,</verse>
				<verse number="19">ngĩmũthũkũma Mwĩaĩi na wĩnyivyo w’onthe wa ngoo, na methoi, na monyamao ala mangwatie kwa kũsyimwa nĩ Ayuti;</verse>
				<verse number="20">ũndũ ndaatundua kũmũtavya inyw’ĩ ndeto o na yĩva ĩmwaĩle, na ngĩmũmanyĩĩsya andũnĩ, nyũmba na nyũmba,</verse>
				<verse number="21">ngĩkũsĩĩa kwa Ayuti na Akiliki nao, ualyũlo wa ngoo ũmwelekele Ngai, na mũĩkĩĩo ũmwelekele Mwĩaĩi waitũ Yesũ Klĩsto.</verse>
				<verse number="22">Na yu, sisyai, nĩngũthi Yelusaleme nĩ mwove vevanĩ, ndesĩ maũndũ ala mengwatĩa kw’o:</verse>
				<verse number="23">ate o Veva Mũtheu kũngũsĩĩa ndũanĩ syonthe, aiasya kana syĩndũ sya kwovwa nasyo na monyamao nimbeteele.</verse>
				<verse number="24">Ĩndĩ ndiũtala thayũ wakwa ta kĩndũ kwakwa, nĩ kana nĩtonye kwĩanĩsya mũendo wakwa, na ũthũkũmi ũla noosie kwa Mwĩaĩi Yesũ, kũkũsĩĩa ũla ũvoo mũseo wa mumo wa Ngai.</verse>
				<verse number="25">Na yu, sisyai, nĩnĩsĩ kana inyw’onthe, ala nangangĩte katĩ wenyu ngĩtavan’ya ũsumbĩ wa Ngai, mũikambona ĩngĩ ũthyũ wakwa.</verse>
				<verse number="26">Kwondũ wa ũu nĩmũkũsĩĩa ũmũnthĩ, kana ndikakũlw’a nyie nthakame ya mũndũ o na wĩva.</verse>
				<verse number="27">Nũndũ ndyaatundua kũmũtavya inyw’ĩ ũtw’ĩo w’onthe wa Ngai.</verse>
				<verse number="28">Ĩsũvĩei inyw’ĩ ene, na mũisũvĩa ĩĩthya yonthe yĩla Veva Mũtheu ũmũtw’ĩte inyw’ĩ mwĩthĩwe asyaĩĩsya nĩ kana mũĩthye ĩkanisa ya Mwĩaĩi yĩla ũthooete na nthakame yake mwene.</verse>
				<verse number="29">Nĩnĩsĩ kana ĩtina wa kũthi kwakwa nzũi mbai ikalika katĩ wenyu, iteũyĩw’ĩa yĩla ĩĩthya tei;</verse>
				<verse number="30">na andũ aingĩ makookĩla kuma katĩ wenyu, makĩneena ndeto sya ngũlũ, maimakusya amanyĩw’a mamaatĩĩe mo.</verse>
				<verse number="31">Kwondũ wa ũũ syaĩĩsyai, mũkĩlilikana kana ĩvinda ya myaka ĩtatũ ndyaaeka kũmũtaa kĩla mũndũ na kwĩtĩkya methoi mũthenya na ũtukũ.</verse>
				<verse number="32">Na yu nĩmũnengane kwa Ngai, na kwa ndeto ya mumo wake, ĩla ĩtonya kũmwaka, na kũmũnenga inyw’ĩ ũtiĩwa katĩ wa onthe ala mavathĩwe Ngai.</verse>
				<verse number="33">Ndyaawĩw’ĩa ĩtomo vetha wa mũndũ o na wĩva, kana thaavu, kana ngũa.</verse>
				<verse number="34">Inyw’ĩ ene nĩmwĩsĩ kana moko aa makwa matethisye wĩa kwondũ wa mavata makwa mwene na ma ala maĩ nakwa.</verse>
				<verse number="35">Maũndũnĩ onthe namũnengie ngelekan’yo, kana nĩmwaĩlwe nĩ ũtethya o ũu, kũmatethya ala onzu, na kũlilikana ndeto sya Mwĩaĩi Yesũ, ũndũ we mwene waisye, Kwĩ mũyo kũnengane kwĩ kwosa.</verse>
				<verse number="36">Na aneena ũu, atulya ndu na avoya vamwe namo onthe.</verse>
				<verse number="37">Na onthe maĩa mũno, na mamũvalũkĩla Vaulo ngingonĩ na mamũmumunya,</verse>
				<verse number="38">makĩmaka mũno nũndũ wa ndeto ĩla waneenie, kana maikamwona ũthyũ wake ĩngĩ. Na mamumaasya mamũvikya ngalawanĩ.</verse>
			</chapter>
			<chapter number="21">
				<verse number="1">Na kweethĩwa twamina kũtaanĩsya nao na twakũsya na ngalawa, twathi tũlũngalĩte twavika Kosi, na ũnĩ ũsu twavika Lote, na kuma vau twathi Vatala:</verse>
				<verse number="2">na twoona ngalawa ĩnĩkũinga ĩvike Voenike twamĩlika, na twakũsya.</verse>
				<verse number="3">Na twoona kĩthama kya Kuvolo, twakĩtia ngalĩ ya kw’oko kwa aka, twathi Silia, na twaumĩa Tile; nũndũ ngalawa ĩsu yaumĩw’e mĩio yayo vo.</verse>
				<verse number="4">Na twoona ala amanyĩw’a, twekala vo mĩthenya mũonza: na asu mamũtavya Vaulo me nthĩni wa Veva Mũtheu, kana ndakakinye Yelusaleme.</verse>
				<verse number="5">Na kweethĩwa tweanĩsya mĩthenya yaitũ twookĩla twathi; namo onthe, vamwe na aka moo na syana syoo, matumaasya matũvikya ũtee wa ndũa: na twatulya ndu ũtee wa ũkanga, twavoya, na twatianĩa ũvoo;</verse>
				<verse number="6">na twavota ngalawanĩ, nao maalũka kwoo.</verse>
				<verse number="7">Na twamina mũendo ũsu wa ngalawa kuma Tile, twavika Vetolemai; na twakethya ana‐a‐asa, twekala nao mũthenya ũmwe.</verse>
				<verse number="8">Na ũnĩ ũsu twathi, na twavika Kaisalea: na twavota nyũmbanĩ ya Vilivu ũla mũtavan’ya wa ũvoo mũseo, ũla waĩ ũmwe wa ala mũonza, twekala kwake.</verse>
				<verse number="9">Na mũndũ ũsu aĩ na eĩtu ana atheu, ala mathanaa.</verse>
				<verse number="10">Na tũkĩkala vo mĩthenya ĩmwe, kwatheeie mwathani ũmwe kuma Yutia, wetawa Akavo.</verse>
				<verse number="11">Nake ooka vala tũĩ, oosa mũkwa wa Vaulo eeyova e we mwene maũũ na moko, na asya, Ũũ nĩw’o ũnũkwasya Veva Mũtheu, Ayuti ala me Yelusaleme makoova mũndũ ũla mwene wa mũkwa ũũ ta ũu, na makamũnengane mokonĩ ma Andũ‐ma‐mbaĩ‐ingĩ.</verse>
				<verse number="12">Na tweew’a maũndũ asu, ithyĩ o na andũ ma vandũ vau, twamwĩsũva ndakambate Yelusaleme.</verse>
				<verse number="13">Na nĩvo Vaulo wasũngĩie, Mwĩĩka ata, mũkĩĩa na ũndũla ngoo yakwa? Nũndũ nyie nĩnĩyũmbanĩtye, ti kwovwa kw’oka, o na kũaĩwa Yelusaleme kwondũ wa syĩtwa ya Mwĩaĩi Yesu.</verse>
				<verse number="14">Na alea kũtwĩw’a, twamũeka, tũiasya, Kwenda kwa Mwĩaĩi nĩkwĩkwe.</verse>
				<verse number="15">Na ĩtina wa mĩthenya ĩsu twoomban’ya mĩio yaitũ, na twakũsya twambata Yelusaleme.</verse>
				<verse number="16">Na amwe ma amanyĩw’a ma ndũa ya Kaisalea mathi vamwe naitũ, me na Masoni mũndũ wa Kuvolo, mũmanyĩw’a wa tene, nake nĩwe twĩĩkalaa kwake.</verse>
				<verse number="17">Na twavika Yelusaleme, ala ana‐a‐asa matwosa na mũyo.</verse>
				<verse number="18">Na mũthenya ũla waatĩĩe ũsu, Vaulo aenda naitũ kwa Yakovo; na atumĩa onthe nĩ vo maĩ.</verse>
				<verse number="19">Na amakethya, amatavya maũndũ onthe, ũmwe na ũmwe, ala Ngai wĩkĩte kwondũ wa ũthũkũmi wake katĩ wa Andũ‐ma‐mbaĩ‐ingĩ.</verse>
				<verse number="20">Namo, meew’a mamũtaĩa Ngai; na mamwĩa, Nũkwona, mwana‐a‐asa, kana nĩ vo maĩ ngili mbingĩ ma Ayuti ala metĩkĩlĩte; namo onthe me na kĩwĩu ũndũ wa ĩla mĩao:</verse>
				<verse number="21">namo nĩmatavĩtw’e ũvoo waku, kana ũmanyĩĩtye Ayuti onthe ala matwĩe katĩ wa Andũ‐ma‐mbaĩ‐ingĩ matie Mose, ũimatavya maikaĩke syana syoo, na maikaatĩĩe syĩthĩo sya Ayuti.</verse>
				<verse number="22">Ĩndĩ nĩ ata? Maitĩa kwĩw’a kana nĩwũkite.</verse>
				<verse number="23">Ĩka ĩndĩ ũndũ ũla tũũkũtavya: Twĩ na aũme ana ala me na wĩvĩto ĩũlũ woo;</verse>
				<verse number="24">osana na asu, nokĩthesya mwene vamwe nao, nokyumya syĩndũ nũndũ wamo, nĩ kana matonye kwenza mĩtwe yoo: na ĩndĩ onthe makamanya kana ti ma w’o maũndũ ala matavĩtw’e ũndũ waku; ĩndĩ kana we mwene ũendaa nesa, na ũsũvĩaa ĩla mĩao.</verse>
				<verse number="25">Ĩndĩ ũndũ wa Andũ‐ma‐mbaĩ‐ingĩ ala metĩkĩlĩte, nĩtwaandĩkie na twamatavya, kana mevathane na syĩndũ ila syũaĩwe mĩvw’anano, na maikanyw’e nthakame, o na kĩndũ kitĩtwe, na kwĩvathana na ũlaalai.</verse>
				<verse number="26">Na ĩndĩ Vaulo oosana na ala andũ, na mũthenya ũla waatĩĩe ũsu eethesya mwene vamwe namo, avota ĩkalũnĩ, aitavan’ya kana mĩthenya ya ũthesyo nĩ mĩanĩu, mũvaka nthembo yathembwa kwondũ wa kĩla ũmwe wamo.</verse>
				<verse number="27">Na ĩla mĩthenya mũonza ĩkilĩlye ũthela, Ayuti ala maumie Asia, moona Vaulo ĩkalũnĩ, maingĩanĩsya ĩkomano yonthe na mamũkwata,</verse>
				<verse number="28">makyũkĩlya mawasya, makyasya, Aũme ma Isilaeli, tũtethyei: Mũndũ nĩwe ũũ ũla ũmanyĩasya andũ onthe kũndũ kw’onthe, aineenea andũ naĩ, na ĩla mĩao, o na vandũ vaa; na mbee wa ũu nĩwaetie Akiliki nao ĩkalũnĩ, nake nũvukĩtye vandũ vaa vatheu.</verse>
				<verse number="29">Nũndũ maĩ manamwona ndũanĩ e na Telovimo, mũndũ wa Eveso, namo nĩmatalĩlasya kana Vaulo nũmũetete ĩkalũnĩ.</verse>
				<verse number="30">Na ndũa yonthe yaya kĩtuu, na andũ moombana masembete; na mamũkwata Vaulo, mamũkusũlan’ya na kũmumaalya ũtee wa ĩkalũ: na oyu mĩomo yavingwa.</verse>
				<verse number="31">Na makĩmantha kũmũaa, ũvoo wamũvikĩa ũla mũnene wa nguthu ya asikalĩ ngili, kana Yelusaleme kw’onthe nĩkũlikile kĩtuu.</verse>
				<verse number="32">Na oyu oosa asikaiĩ na anene ma asikalĩ ĩana ĩana, na amatheeea asembete: nao, moona ũla mũnene na asikalĩ, maeka kũmũlumangya Vaulo.</verse>
				<verse number="33">Na ĩndĩ ũla mũnene athengeea, na amũkwata Vaulo, na eeaa nĩovwe na mĩnyololo ĩlĩ; na akũlya ũndũ wĩtawa na ũndũ wĩkĩte.</verse>
				<verse number="34">Na amwe manĩĩsya ũndũ ũmwe, na angĩ katĩ wa nguthu manĩĩsya ũndũ ũngi: na alea ũmanya nesa nũndũ wa kĩtuu, eeaa aetwe ngomenĩ.</verse>
				<verse number="35">Na avika mbasyanĩ, akuwa nĩ asikalĩ nũndũ wa ũng’endu wa ĩla nguthu ya andũ;</verse>
				<verse number="36">nũndũ ĩkomano ya andũ yamũvikĩlĩte, yĩkyasya na wasya mũnene, Mũvete ũsu.</verse>
				<verse number="37">Na Vaulo akilĩlye ũlikwa ngomenĩ nthĩnĩ, amwĩa ũla mũnene wa asikalĩ, Nĩ na ũthei nyie kũkũtavya ũndũ? Nake amũkũlya, Nĩwĩsĩ Kĩkiliki?</verse>
				<verse number="38">Tuue ũla Mũmisili, ũla mbee wa mĩthenya ĩno wamang’endethisye andũ ngili inya ala metawa Oaani na wamatongoesya weũnĩ?</verse>
				<verse number="39">Ĩndĩ Vaulo amũsũngĩa, Nyie nĩ Mũyuti, mũndũ wa Taliso, ndũa ya Silisia, mũndũ wa ndũa ĩte mbũthũ: na nĩngũkwĩsũva ũnenge ũthei nĩneene na andũ aa.</verse>
				<verse number="40">Na amũnenga ũthei, Vaulo, aũngeme mbasyanĩ, amavindĩthya andũ na kw’oko; na mavindya ki, aneena namo na Kĩevelania, aiasya,</verse>
			</chapter>
			<chapter number="22">
				<verse number="1">Ana‐a‐asa makwa na aasa, ĩthukĩĩsyei ũsũngĩo wakwa ũla ngũsũngĩa mbee wenyu oyu.</verse>
				<verse number="2">Na meew’a kana eneena nao na Kĩevelania, mavindĩĩsya mũno: nake asya,</verse>
				<verse number="3">Nyie nĩ Mũyuti, nasyaĩwe Taliso, ndũa ya Silisia, ĩndĩ neanĩe ndũanĩ ĩno, na ũmanyĩĩw’a maũũnĩ ma Kamalieli, kwĩanana na wĩanĩu wa ĩla mĩao ya aasa maitũ, na neethĩwa na ũthangaau kwa Ngai, o ũndũ inyw’ĩ mũilyĩ ũmũnthĩ:</verse>
				<verse number="4">nakwa nathĩnasya ala ma Nzĩa ĩno o na ũmoaa, na ngĩmova na kũmekya kolokolonĩ aũme na aka.</verse>
				<verse number="5">O ũndũ mũthembi mũnene e na ũkũsĩ wakwa, na atumĩa onthe: ala noosie mavalũa kwoo nĩmaetee ala ana‐a‐asa, na nathi kyalo Ndamasiku, ngamaete ala maĩ kw’o me ove Yelusaleme, masilĩlwe.</verse>
				<verse number="6">Na kweethĩwa yĩla naendete kyalo, ngĩthengeea Ndamasiku, ta mũthenya katĩ, oyu, o ĩmwe, kyeni kĩnene kyaumie ĩtunĩ kyatisa ngalĩ syakwa syonthe.</verse>
				<verse number="7">Nakwa navalũka nthĩ, na neew’a wasya ũineena nakwa, ũiasya, Saulo, Saulo, nĩkĩ ũũnthĩn’ya?</verse>
				<verse number="8">Nakwa nasũngĩa, Nue ũũ, Mwĩaĩi? Nake ambĩa, Ninyie Yesũ wa Nasaleti, ũla ũũthĩn’ya.</verse>
				<verse number="9">Na ala maĩ nakwa nĩmoonie kyeni kyu, ĩndĩ maiaaĩw’a wasya wa ũla ũnũũneena nakwa.</verse>
				<verse number="10">Nakwa nasya, Nĩĩka ata, Mwĩaĩi? Na Mwĩaĩi ambĩa, Ũkĩla, ũthi Ndamasiku nthĩnĩ; na kw’o ũkatavĩw’a ũvoo wa maũndũ onthe ala meaĩtwe wĩke.</verse>
				<verse number="11">Na ĩndĩ neethĩwa ndekwona nthĩ nũndũ wa ũtheu mũtisu wa kĩla kyeni, natongoew’a nĩ ala maĩ nakwa mangwete kw’oko, nalika Ndamasiku.</verse>
				<verse number="12">Na mũndũ ũmwe wĩtawa Anania, mũthaithi mũnene wa Ngai kwĩanana na ĩla mĩao, ũla ũwetawa nesa nĩ Ayuti onthe ala matwĩe kw’o,</verse>
				<verse number="13">ooka vala nĩĩ, na aũngama ũtee wakwa ambĩa, Mwana‐a‐asa Saulo, nengwa kwona. Nakwa mamũũngalalĩlya metho makwa saa o ũsu.</verse>
				<verse number="14">Nake asya, Ngai wa aasa maitũ nũkũnyuvĩte we ũmanye kwenda kwake, na kũmwona Ũla Mũlũngalu, na kwĩw’a wasya ũla wumaa kanyw’anĩ wake.</verse>
				<verse number="15">Nũndũ ũkeethĩwa ngũsĩ kwondũ wake kwa andũ onthe ya maũndũ ala ũnoonie na kwĩw’a.</verse>
				<verse number="16">Na yu weteele kyaũ? Ũkĩla, ũvatiswe, ũthambw’e naĩ syaku, ũkĩkaĩla syĩtwa yake.</verse>
				<verse number="17">Na kweethĩwa, naalũka Yelusaleme, ngĩvoya ĩkalũnĩ, nakwatwa nĩ too ũilyĩ ta kĩkw’ũ,</verse>
				<verse number="18">na namwona aimbĩa, Ĩkalaate nokyuma Yelusaleme mĩtũkĩ; nĩkwĩthĩwa maikosa ũkũsĩ waku kwondũ wakwa.</verse>
				<verse number="19">Nakwa nasũngĩa, Mwĩaĩi, o ene nĩmesĩ kana nyie nĩnamovie kolokolonĩ na ngĩmakũnĩa masinakokenĩ ala makwĩtĩkĩlĩte:</verse>
				<verse number="20">na yĩla nthakame ya ngũsĩ yaku Sitivini yetĩkaw’a, nyie naũngeme ũtee woo, na neetĩkĩla oawe, nĩsũvĩĩte ngũa sya ala mamũaie.</verse>
				<verse number="21">Nake ambĩa, Thi: nũndũ ngaũtũma ũthi kũasa kwa Andũ‐ma‐mbaĩ‐ingĩ.</verse>
				<verse number="22">Na mamwĩthukĩĩsya kũvika ndeto ĩsu: na mookĩlya mawasya moo, na masya, Mũvetei mũndũ ta ũsu kũũ nthĩ: nũndũ ndaĩle kwĩkala thayũ.</verse>
				<verse number="23">Na makĩlonzan’ya, na kwĩkya ngũa syoo, na kwĩkya mũthanga na ĩũlũ,</verse>
				<verse number="24">ũla mũnene wa asikalĩ eeaa nalikw’e nthĩnĩ wa ĩla ngome, aiasya kana akũlw’e kwa ũkũnwa, nĩ kana atonye ũmanya ũndũ ũũtuma malonzan’ya ũu ĩũlũ wake.</verse>
				<verse number="25">Na mamwovete na mĩkwa, Vaulo amũkũlya mũnene wa asikalĩ ĩana ũla ũũngeme ũtee wake, Nĩkwosana na mĩao kwenyu kũmũkũna mũndũ Mũlomi, o na ti mũsilĩle?</verse>
				<verse number="26">Na ũla mũnene eew’a ũu, aenda kwa ũla mũnene wa asikalĩ ngili, amũkũlya, aiasya, Ũkilĩlye kwĩka ata? Nũndũ mũndũ ũsu nĩ Mũlomi.</verse>
				<verse number="27">Na ũla mũnene wa asikalĩ ngili ooka, amwĩa, Ndavya, we wĩ Mũlomi? Na amwĩa Ĩĩ.</verse>
				<verse number="28">Na ĩndĩ mũnene ũsu asya Nyie nĩnengetwe kwĩtwa Mũlomi ngĩthooa na mbesa nyingĩ. Na Vaulo amwĩa, Ĩndĩ nyie nĩ Mũlomi kwa kũsyawa.</verse>
				<verse number="29">Ĩndĩ ala makilĩlye kũmũkũlya mamũtia, mathi: na mũnene ũsu akĩa amanya kana nĩ Mũlomi, na nũndũ nũmwovie.</verse>
				<verse number="30">Ĩndĩ ũnĩ ũsu, aienda kũmanya vyũ ũndũ ũnavinganĩw’e nĩ Ayuti, amũthasya, na ameaĩa athembi anene na nzama yonthe mombane vamwe, na amũtheesya Vaulo amwia mbee woo.</verse>
			</chapter>
			<chapter number="23">
				<verse number="1">Na Vaulo, aimĩketeea ĩla nzama, asya, Ana‐a‐asa, nĩnekalĩtye thayũ wakwa mbee wa Ngai na wasya wa ngoo mũtheu kũvika ũmũnthĩ.</verse>
				<verse number="2">Na mũthembi mũnene Anania ameaĩa ala maũngeme na Vaulo mamũkũne kanyw’a.</verse>
				<verse number="3">Na ĩndĩ Vaulo amwĩa, Ngai nũkilĩlye ũkũkũna we, ũvai ũvakĩtwe ĩa: naku wĩkalĩte kũnzilĩla nyie kwĩanana na ĩla mĩao, naku wĩtw’a kana nĩkũnwe ũndũ ũvĩtanĩte na ĩla mĩao?</verse>
				<verse number="4">Na ala maũngyĩ ũtee masya, Wĩmũuma mũthembi mũnene wa Ngai?</verse>
				<verse number="5">Na Vaũlo asya, Ndyĩĩsĩ, ana‐a‐asa, kana we nĩ mũthembi mũnene: nũndũ nĩkũaandĩkĩtwe, Ndũkanenee mũnene wa andũ maku naĩ.</verse>
				<verse number="6">Ĩndĩ Vaulo oona kana kĩlungu kĩmwe kya nzama nĩ Asatukai, na kĩla kĩngĩ nĩ Avalisi, aneena mũno katĩ wa nzama, aiasya, Ana‐a‐asa, nyie nĩ Mũvalisi, na nĩ mwana wa Mũvalisi: kwondũ wa wĩkwatyo wa ũthayũũkyo wa akw’ũ nyie nĩngũsilĩlwa.</verse>
				<verse number="7">Na asya ũu, kwookĩla ngananĩo katĩ wa Avalisi na Asatukai; na nzama yatilĩkana.</verse>
				<verse number="8">Nũndũ Asatukai maasya kũi ũthayũũkyo, o na mũlaĩka, o na veva; ĩndĩ Avalisi nĩmalĩkĩlaa asu elĩ.</verse>
				<verse number="9">Na kwookĩla kĩlonzo kĩnene: na aandĩki amwe ma kĩlungu kya Avalisi maũngama na mateta mũno, maiasya, Tũtikwona ũthũku wa mũndũ ũũ: na ethĩwa veva waneena nake, kana mũlaĩka, kwĩ kĩ?</verse>
				<verse number="10">Na kwookĩla ngananĩo nene, ũla mũnene wa asikalĩ ngili aikĩa Vaulo ndakese ũkavũlangw’a nĩo, ameaĩa asikalĩ matheee mamumya Vaulo katĩ woo na vinya, na kũmũete ngomenĩ.</verse>
				<verse number="11">Na ũtukũ o ũsu Mwĩaĩi aũngama ũtee wake, na asya, Ĩthĩwa, na ũnyiau: nũndũ o tondũ waneenie ũkũsĩ ũndũ wakwa Yelusaleme, o ta ũu mũvaka ũneene ũkũsĩ Lomi.</verse>
				<verse number="12">Na kwakya, Ayuti moombana vamwe, na malũman’ya na kũya muma, maiasya kana maiya o na kũnyw’a matamũaĩte Vaulo.</verse>
				<verse number="13">Na ala meevĩtie ũu maĩ andũ mathonokete mĩongo ĩna.</verse>
				<verse number="14">Namo mooka kwa athembi anene na atumĩa, na mamatavya, Nĩtwĩvĩtie twaya muma mbai, tũikasame kĩndũ o na kĩva, tũtamũaĩte Vaulo.</verse>
				<verse number="15">Na ĩndĩ inyw’ĩ vamwe na nzama yonthe mũkamũtavye ũla mũnene wa asikalĩ ngili amũtheesye Vaulo oke mbee wenyu, mũkeke ta mũkwenda kũmanya nesa mbee ũndũ wake: naitũ nĩtwĩyũmbanĩtye kũmũaa atanamba ũthengeea.</verse>
				<verse number="16">Ĩndĩ mwĩvae wa Vaulo eew’a ũndũ memwoveesya, athi ngomenĩ na amũtavya Vaulo.</verse>
				<verse number="17">Na Vaulo amwĩta mũnene ũmwe wa asikalĩ ĩana, amwĩa, Mũtwae mwanake ũũ kwa ũla mũnene wa asikalĩ ngili; nũndũ e na ũndũ wa ũmũtavya.</verse>
				<verse number="18">Nake amwosa, na amũete kwa mũnene ũsu, na asya, Vaulo ũla mwove ambĩta kwake, enda nĩkũetee mwanake ũũ, nake e na ũndũ wa ũkũtavya.</verse>
				<verse number="19">Na mũnene ũsu amũkwata kw’oko, athi nake ũtee me nzama na amũkũlya, Nĩ ũndũ mwaũ ũla ũũndavya?</verse>
				<verse number="20">Nake amwĩa, Ayuti nĩmew’anĩte kũũvoya we ũmũtheesye Vaulo ũmwie mbee wa nzama ũnĩ, ta ũkwenda kũmanya ũvoo wake nesa mbee.</verse>
				<verse number="21">Naku ĩndĩ ndũketĩkĩle ũndũ ũsu woo: nũndũ andũ mathonoka mĩongo ĩna nĩmamwoveesye, nao nĩmaĩe muma, maikaye kana kũnyw’a matamũaĩte Vaulo: na yu nĩmeyũmbanĩtye, meteele watho waku.</verse>
				<verse number="22">Na ĩndĩ mũnene ũsu amũeka ũla mwanake athi, aimwĩaĩa atĩĩ, Ndũkatavye mũndũ o na wĩva kana nũmbonetye maũndũ aa.</verse>
				<verse number="23">Na ameta anene elĩ ma asikalĩ ĩana moke kwake, na amea, Ũmban’yai asikalĩ maana elĩ ma ũthi Kaisalea, na andũ mĩongo mũonza ala matũlĩte mbalasi, na ala me na matumo nao, maana elĩ, mathi saa itatũ sya ũtukũ:</verse>
				<verse number="24">na mbalasi nasyo mũseũvye, nĩ kana mũtonye kũmũtũlya Vaulo, na ũmũtwaa kwa Velike ũla ngavana, mũmũsũvĩĩte.</verse>
				<verse number="25">Nake aandĩka valũa ũilyĩ ũũ:</verse>
				<verse number="26">Kilautiosi Lisiasi, valũa ũũ wakwa ũmũvikĩe Velĩke, ngavana mũtaĩwa, nũvoo.</verse>
				<verse number="27">Mũndũ ũũ nĩwakwatiwe nĩ Ayuti, na makilĩlye kũmũaa, nakwa namatheeea nĩ na asikalĩ na namũtangĩĩa, namanya kana nĩ Mũlomi.</verse>
				<verse number="28">Na ngĩmantha kĩla mamũvinganĩĩsye, namũtheesya namũtwaa mbee wa nzama yoo:</verse>
				<verse number="29">nakwa noonie kana evinganĩĩw’a nũndũ wa mokũlyo ma mĩao yoo, ĩndĩ kũiaĩ ũndũ ĩũlũ wake ũtuma oawa kana kwovwa.</verse>
				<verse number="30">Nakwa nonetwe kana mũndũ ũũ akooveew’a, namũete kwaku oyu, ngĩmeaĩa ala mamũvinganĩsye nao, moke maneene mbee waku ũla me naw’o ĩũlũ wake. Ĩkala na ũvoo.</verse>
				<verse number="31">Na ĩndĩ, ala asikalĩ mamwosa Vaulo, o ũndũ meaĩwe, na mamũvikya Andivatili na ũtukũ.</verse>
				<verse number="32">Ĩndĩ ũnĩ ũsu masyoka ngomenĩ, mamatia ala matũlĩte mbalasi mathi nake:</verse>
				<verse number="33">nao mavika Kaisalea, mamũnenga ngavana ũla valũa, na mamwia Vaulo mbee wake.</verse>
				<verse number="34">Nake asoma, amakũlya nĩ mũndũ wa nthĩ yĩva; na amanya kana nĩ mũndũ wa Silisia,</verse>
				<verse number="35">asya, Ngakwĩthukĩĩsya vyũ yĩla meũka nao ala makũvinganĩsye: na eeaa asũvĩĩwe nyũmbanĩ ya sila ya Elote.</verse>
			</chapter>
			<chapter number="24">
				<verse number="1">Na ĩtina wa mĩthenya ĩtano ũla mũthembi mũnene Anania atheea na amwe ma atumĩa, na mũneeni ũmwe wetawa Telitulo; nao mamũtavya ngavana ũvoo wa Vaulo.</verse>
				<verse number="2">Na Vaulo eetwa, Telitulo ambĩlĩlya ũmũvinganĩsya aiasya, Nĩkwĩthĩwa ithyĩ twonaa mũuo mũnene nũndũ waku, we, Velike mũtaĩwa, na kwa ũsũvĩo waku maũndũ mathũku nĩmaseũvaw’a nthĩnĩ wa mbaĩ ĩno,</verse>
				<verse number="3">nĩtũwosaa na nzĩa syonthe, na kũndũ kw’onthe, na mũvea w’onthe.</verse>
				<verse number="4">Ĩndĩ ndikakwĩkalye vaa mũno, nĩngũkwĩsũva ũtwĩw’ĩe ndeto mbũthũ nũndũ wa ĩnee yaku.</verse>
				<verse number="5">Nũndũ nĩtwonete mũndũ ũũ, e mũndũ wĩ kolokolo, mwene kwambĩlĩlya mong’endu katĩ wa Ayuti onthe kũũ kw’onthe nthĩ, nake nĩ mũtongoi wa kĩthemba kya Anasali:</verse>
				<verse number="6">ũla watatie naw’o mbee wa ũu kũvukya ĩkalũ: na twamũkwata: (tũkyenda kũmũsilĩla kwĩanana na mĩao yaitũ.</verse>
				<verse number="7">Ĩndĩ ũla mũnene wa asikalĩ ngili wĩtawa Lisiasi ooka, na amumya mokonĩ maitũ na vinva mũnene,</verse>
				<verse number="8">aimeaĩa avinganĩsya make moke mbee waku.) Nũtonya, kwa ũmũkũlya mwene, kũmanya maũndũ onthe ala tũũmũvinganĩĩsya.</verse>
				<verse number="9">Na Ayuti nao maatĩĩa ũvingan’yo ũsu, makyasya, kana maũndũ asu nĩ ma w’o.</verse>
				<verse number="10">Na ngavana amũkĩlĩlya kw’oko, nĩ kana aneene, Vaulo asũngĩa, Nĩkwĩthĩwa nĩnĩsĩ kana we wĩ mũsili wa mbaĩ ĩno myaka mingĩ, nyie nĩngumya ũsũngĩo wakwa na mũyo;</verse>
				<verse number="11">nĩkwithĩwa nũtonya kũmanya vyũ, kana kuma yĩla naendie Yelusaleme kũthaitha, ndĩvĩtũka mĩthenya ĩkũmi na ĩli:</verse>
				<verse number="12">na maiaambona ngĩkananĩa na mũndũ ĩkalũnĩ kana ngĩthokoan’ya nguthu, o na masinakokenĩ, o na ndũanĩ.</verse>
				<verse number="13">O na maitonya kwonan’ya vyũ kana maũndũ asu ala meũmbinganĩĩsya kwaku nĩ ma w’o.</verse>
				<verse number="14">Ĩndĩ nĩngũlĩkĩla ũndũ ũũ ũmwe mbee waku, kana kũatĩĩa ĩla Nzĩa ĩla mamĩtaa kĩthemba kya ũvũngũ, nĩw’o nĩmũthũkũmaa Ngai wa aasa maitũ, ngĩtĩkĩla maũndũ onthe ala mosana na ĩla mĩao, na onthe ala maandĩkĩtwe mavukunĩ ma athani:</verse>
				<verse number="15">nĩ na wĩkwatyo kwa Ngai, ũla aa namo ene meteele, kana kũkeethĩwa ũthayũũkyo wa ala alũngalu, na ala mate alũngalu nao.</verse>
				<verse number="16">Na kwa ũu nĩngwĩmanyĩsya mwene nĩthĩwe na wasya wa ngoo ũte na ũthũkyo kwa Ngai na kwa andũ mĩthenya yonthe.</verse>
				<verse number="17">Na ĩtina wa myaka ĩmwe nĩnookie kũetee mbaĩ yakwa ũtethyo na nthembo:</verse>
				<verse number="18">na ngĩka ũu mambonie nĩ mũthesye ĩkalũnĩ, nde na nguthu, kana kĩthokoan’yo: ĩndĩ kwaĩ Ayuti amwe maumie Asia—</verse>
				<verse number="19">nao nĩmaĩlwe nĩ kwĩthĩwa vaa mbee waku, na kũmbinganĩsya, ethĩwa me na ũndũ ĩũlũ wakwa.</verse>
				<verse number="20">Kana andũ aa ene nĩmaneene ũndũ ũtaĩle wakwa ũla moonie yĩla naũngamie mbee wa nzama,</verse>
				<verse number="21">ate o kwondũ wa wasya ũmwe, ũla naneenie nĩũngeme katĩ wamo, ngyasya, Kwondũ wa kũthayũũkw’a kwa akw’ũ nĩngũsilĩlwa ũmũnthĩ mbee wenyu.</verse>
				<verse number="22">Ĩndĩ Velike, nĩkwĩthĩwa nĩwesĩ nesa ũndũ wa ĩla Nzĩa, amatĩsya, aiasya, O yĩla Lisiasi ũla mũnene wa asikalĩ ngili wĩtheea, ngatw’a ũndũ wenyu.</verse>
				<verse number="23">Nake eeaia ũla mũnene wa asikalĩ ĩana kana Vaulo asũvĩwe, ĩndĩ nĩethĩwe na ũthei; na anyanyae make maikavatwe kũmũtethya.</verse>
				<verse number="24">Ĩndĩ ĩtina wa mĩthenya ĩmwe, Velike ooka na mũka wake Ndilusila, nake aĩ Mũyutĩ, na amũtũmana Vaulo, na amwĩthukĩĩsya ũvoonĩ wa mũĩkĩĩo ũla wĩ nthĩnĩ wa Klĩsto Yesũ.</verse>
				<verse number="25">Na akĩneena ũndũ wa ũlũngalu, na wĩting’o, na ũsilĩlo ũla ũkoka, Velike akwatwa nĩ w’ĩa, na amũsũngĩa, Enda yu; na yĩla nĩona ũthei, ngakwĩta ũke kwakwa.</verse>
				<verse number="26">Nake vamwe na ũu, aĩ na wĩkwatyo wa ũnengwa mbesa nĩ Vaulo: na kwondũ wa ũu amwĩtangaa kaingĩ, na ũneena nake.</verse>
				<verse number="27">Ĩndĩ myaka ĩlĩ yathela. Velike alivũlwa nĩ Volikio Vesito; na akyenda kwendeesya Ayuti, amũeka Vaulo e o mwove.</verse>
			</chapter>
			<chapter number="25">
				<verse number="1">Na ĩndĩno Vesito alika nthĩ yake, na mĩthenya ĩtatũ yathela ambata Yelusaleme kuma Kaisalea.</verse>
				<verse number="2">Na athemb anene na andũ ala anene ma Ayuti mamũtavya ũvoo wa Vaulo; na mamwĩsũva,</verse>
				<verse number="3">ameke nesa ũndũ wa Vaulo, kana amũtũmane aetwe Yelusaleme; nĩ kana matonye kũmwoveesya nzĩanĩ mamũae okĩte.</verse>
				<verse number="4">Ĩndĩ Vesito amasũngĩa, kana Vaulo esũvĩĩwa Kaisalea, na ĩngĩ kana we mwene nũkilĩlye kũthi kw’o mĩtũkĩ.</verse>
				<verse number="5">Na ĩngĩ asya, Kwondũ wa ũu, ala me na ũtonyi katĩ wenyu, nĩmatheee vamwe nakwa, na ethĩwa ve ũndũ ũtaĩle mũndũnĩ ũsu, nĩmamũvinganĩsye.</verse>
				<verse number="6">Na ekala kw’o mĩthenya ĩtathonokete nyanya kana ĩkũmi, atheea Kaisalea; na ũnĩ ũsu ekala kĩvĩlanĩ kya sila, na eeaa Vaulo aetwe.</verse>
				<verse number="7">Nake ooka, Ayuti ala manatheeie kuma Yelusaleme maũngama mamũthyũlũlũkĩte, makĩete movingan’yo maingĩ na maito ĩũlũ wake, nao matyaatonya kwonan’ya kana nĩ ma w’o;</verse>
				<verse number="8">ĩndĩ Vaulo aumya ũsũngĩo wake, aiasya, Ndyaavĩtya nongo ĩũlũ wa ĩla mĩao ya Ayuti, o na ĩũlũ wa ĩkalũ, o na ĩũlũ wa Kaisali.</verse>
				<verse number="9">Ĩndĩ Vesito, akyenda kwendeesya Ayuti, amũsũngĩa Vaulo aimwĩa, Nũkwenda kwambata Yelusaleme, ũkasilĩĩlwe kw’o mbee wakwa ũndũ wa maũndũ asu?</verse>
				<verse number="10">Ĩndĩ Vaulo asya, Nĩũngeme mbee wa kĩvĩla kya sila kya Kaisali, vala naĩlwe nĩ kũsilĩĩlwa: Ayuti ndimekĩte ũndũ ũthũku, o ũndũ we wĩsĩ mũno.</verse>
				<verse number="11">Ethĩwa ĩndĩ nĩ mwĩki wa naĩ, na ethĩwa nĩnĩkĩte ũndũ waĩle kĩkw’ũ, ndiũlea kũkw’a; ĩndĩ ethĩwa maũndũ asu ti ma w’o ala aa meũmbinganĩĩsya, vai mũndũ ũtonya kũnumya na kũnengane kwa mo. Nĩmwĩkaĩla Kaisali.</verse>
				<verse number="12">Na ĩndĩ Vesito amina kũneena na nzama, amũsũngĩa, Nĩwamwĩkaĩla Kaisali: ũkathi kwa Kaisali.</verse>
				<verse number="13">Na mĩthenya ĩmwe yavĩta, mũsumbĩ Akiliva na Velinike mavika Kaisalea, mamũkethya Vesito.</verse>
				<verse number="14">Na makĩkala kw’o mĩthenya mingĩ, Vesito amũtavya ũla mũsũmbĩ ũvoo wa Vaulo, aiasya, Kwĩ mũndũ ũmwe vaa watiiwe e mwove nĩ Velike;</verse>
				<verse number="15">nakwa, yĩla naĩ Yelusaleme, athembi anene na atumĩa ma Ayuti nĩmandavisye ũvoo wake, makĩngũlya nĩmũtw’ĩĩe.</verse>
				<verse number="16">Nakwa namasũngĩa, kana ti kĩthĩo kya Alomi kũnengane mũndũ o na wĩva, mũvinganĩw’a atanamba kwonana na ala mamũvinganĩsye, ũthyũ kwa ũthyũ, one ũthei wa kwĩneenea ũndũ ũla ũvinganĩĩw’e.</verse>
				<verse number="17">Na ĩndĩ moombana vaa, ndyaaĩkala, ĩndĩ ũnĩ ũsu nekalile kĩvĩlanĩ kya sila, na neeaa kana mũndũ ũsu aetwe.</verse>
				<verse number="18">Na ala mamũvinganĩsye maũngama, matyaaete ũndũ ũthũku nongo iũlũ wake tondũ natalĩlasya meũete;</verse>
				<verse number="19">ĩndĩ maĩ na mokũlyo amwe ĩũlũ wake ũndũ wa ũthaithi woo ene, na ũndũ wa mũndũ ũmwe Yesũ, ũla waĩ anakw’a, ũla Vaulo walũlũmĩlaa mũno kwasya e thayũ.</verse>
				<verse number="20">Nakwa, nasũanĩwa ũndũ ngũkũlya maũndũ asu, namũkũlya kana nũnũkwenda kũthi Yelusaleme, akasilĩlwe kw’o ũndũ wa maũndũ asu.</verse>
				<verse number="21">Ĩndĩ Vaulo enda asũvĩwe akasilĩlwe nĩ Kaisali, neeaa asũvĩwe mũvaka yĩla nĩmũtwaa kwa Kaisali.</verse>
				<verse number="22">Akiliva amwĩa Vesito, Nyie o nakwa nĩnendaa kwĩthukĩĩsya ũ mũndũ. Amwĩa, Ũkamwĩthukĩĩsya ũnĩ.</verse>
				<verse number="23">Na ĩndĩ ũnĩ ũsu, Akiliva ooka, na Velinike, na ũsũng’wa mũnene, na mavota vandũ va kwĩthukĩĩsya vamwe na anene ma asikali ngili, na andũ anene ma ndũa, Vesito eeaa Vaulo naetwe.</verse>
				<verse number="24">Na Vesito asya, Mũsumbĩ Akiliva, na andũ aa onthe ala mwĩ vaa vamwe naitũ, nĩmũkwona mũndũ ũũ, ũla ĩkomano yonthe ya Ayuti, Yelusaleme o na kũũ, nĩmamboyete kwondũ wake, maineena mũno, maiasya, kana ndaĩle kwĩthĩwa thayũ.</verse>
				<verse number="25">Ĩndĩ nyie noonie kana ndaaĩka ũndũ o na wĩva ũtuma oawa: na kwa kwĩthĩwa we mwene nĩwamwĩkaĩlile Kaisali natw’a kũmũtwaa kw’o.</verse>
				<verse number="26">Nakwa ndi na ũndũ wa w’o wa ũmũandĩkĩa mwĩaĩi wakwa kwondũ wake. Kwondũ wa ũu namũete vaa mbee wenyu, na mũno mbee waku, mũsumbĩ Akiliva, nĩ kana akũlangw’a, ĩtina none nongo ũndũ wa kũandĩka.</verse>
				<verse number="27">Nũndũ nĩngwona nĩ ũndũ ũtaĩle kũtwaa mwovwa, na kũlea kwonan’ya movingan’yo ala ũvinganĩw’e namo.</verse>
			</chapter>
			<chapter number="26">
				<verse number="1">Na Akiliva amwĩa Vaulo, Wĩ na ũthei wa kwĩneenea mwene. Na ĩndĩ Vaulo atambũũkya kw’oko kwake, na eeneenea mwene:</verse>
				<verse number="2">Nĩngwĩtala mwene kwĩthĩwa na ũtanu, mũsumbĩ Akiliva, nĩkwĩthĩwa nĩnanengwa kwĩneenea mbee waku ũmũnthĩ ũndũ wa maũndũ onthe ala nĩvinganĩĩw’e nĩ Ayuti:</verse>
				<verse number="3">na mbee nũndũ we wĩ mũmanyi mũĩ wa syĩthĩo syonthe na mokũlyo onthe ma Ayuti: kwondu wa ũu nĩngũkwĩsũva ũmbĩthukĩĩsye na wũmĩĩsyo.</verse>
				<verse number="4">Ayuti onthe nĩmesĩ, mwĩkalĩle wa thayũ wakwa kuma nĩ kavĩsĩ, kuma mwambĩlĩlyonĩ katĩ wa mbaĩ yakwa, na ku Yelusaleme;</verse>
				<verse number="5">nĩmambĩsĩ mũno kuma tene ethĩwa nĩmekwenda kũneena ũkũsĩ, kana nyie naĩ Mũvalisi kũatĩĩa na kwĩanĩsya kĩthemba kya ũthaithi witũ ũla mũmũ mbee.</verse>
				<verse number="6">Na yu nĩngũũngama vaa nĩsilĩlwe kwondũ wa wĩkwatyo wa watho ũla Ngai wamathie aasa maitũ;</verse>
				<verse number="7">na kwaw’o mbaĩ sitũ ĩkũmi na ilĩ nĩsyĩkwatasya kwĩthĩwa ikavikĩa, ikĩmũthũkũma Ngai na ũthangaau ũtukũ na mũthenya. Na ũndũ wa wĩkwatyo ũũ, mũsumbĩ, nĩngũvinganĩw’a nĩ Ayuti!</verse>
				<verse number="8">Nĩkĩ mũkwona nĩ ũndũ ũtetĩkĩlĩka, kana Ngai athayũũkasya akw’ũ?</verse>
				<verse number="9">Nĩ w’o nyie mwene nĩnoonie kana nĩnaĩlwe nĩ kwĩka maũndũ maingĩ mavĩtanĩte na syĩtwa ya Yesũ wa Nasaleti.</verse>
				<verse number="10">Nakwa nĩneekie ũu Yelusaleme: na namavingie aingĩ ma ala atheu makolokolonĩ, nosete ũkũmũ kwa athembi anene, na maiũawa wasya wakwa waĩ vo ĩũlũ woo.</verse>
				<verse number="11">Na ngĩmathĩn’ya kaingĩ masinakokenĩ onthe, natatie kũmaumĩthya Ngai; na kwa kwĩthĩwa namathatĩe mũno, namathĩn’ya o na kũvika ndũa sya ũeninĩ.</verse>
				<verse number="12">Na ngĩka maũndũ asu, yĩla naendete Ndamasiku nĩ na ũkũmũ na ũtũme wa athembi anene,</verse>
				<verse number="13">mũthenya katĩ, mũsumbĩ, nonie nzĩanĩ kyeni kuma ĩtunĩ, kĩthonokete ũtisu wa syũa kĩikena ngalĩ syonthe syakwa na sya ala maendete vamwe nakwa.</verse>
				<verse number="14">Na twavalũka nthĩ ithyonthe, newie wasya ũineena nakwa kĩthyomonĩ kya Kĩevelania, ũiasya, Saulo, Saulo, nĩkĩ ũũnthĩn’ya? Nĩ vinya kwaku kũtheela mũsenge.</verse>
				<verse number="15">Nakwa nasya, Nue ũũ, Mwĩaĩi? Na Mwĩaĩi anzũngia, Ninyie Yesũ ũla ũũthĩn’ya.</verse>
				<verse number="16">Ĩndĩ ũkĩla, ũũngame na maũũ maku: nũndũ nakumĩlĩla kwondũ wa ũndũ ũũ, kũkwia we wĩthĩwe mũthũkũmi na ngũsĩ ya maũndũ asu ala wambona nyie nĩ nthĩnĩ wamo, na ya maũndũ ala nthĩnĩ wamo ngakumĩlĩla:</verse>
				<verse number="17">ngiũtangĩĩa kwa andũ ma mbaĩ yaku, na kwa Andũ‐ma‐mbaĩ‐ingĩ, ala ngũũtũma kwamo,</verse>
				<verse number="18">kũmasalukya metho moo, nĩ kana methyũũe na kũkĩtia kĩvindu makyelekele kyeni, na kũeka ũkũmũ wa Satani na ũmwelekela Ngai, nĩ kana mose ũekeo wa naĩ, na ũtiĩwa vamwe na onthe ala mavathanĩtw’e kwondũ wa mũĩkĩĩo ũla wĩ kwakwa.</verse>
				<verse number="19">Nĩvo ĩndĩ, mũsumbĩ Akiliva, ndyaatw’ika mũlei wa ũla woni waumie ĩtunĩ:</verse>
				<verse number="20">ĩndĩ mbee natavanisye kwa ala ma Ndamasiku, na Yelusaleme, na ku kw’onthe nthĩ ya Yutia, na kwa Andũ‐ma‐mbaĩ‐ingĩ nao, kana mealyũle na ũmwelekela Ngai, mekae meko mosanĩte na kũalyũla ngoo kwoo.</verse>
				<verse number="21">Kwondũ wa ũu Ayuti mangwatĩa ĩkalũnĩ na menda ũmbũaa.</verse>
				<verse number="22">Ĩndĩ nĩkwĩthĩwa nosete ũtethyo ũla wumaa kwa Ngai, nĩũngeme kũvika ũmũnthĩ ngĩnenga ũkũsĩ anene na anini nao, o na ndiũneena ũndũ, ate o ũla athani na Mose maisye ũkoka:</verse>
				<verse number="23">wa atĩ ũndũ Klĩsto nde ndĩi ya ũlea kũthĩnw’a, na ũndũ we ũkamba kũthayũũkw’a kwa akw’ũ na kũtavan’ya kyeni kwa andũ ma mbaĩ yaitũ na kwa Andũ‐ma‐mbaĩ‐ingĩ.</verse>
				<verse number="24">Na akĩneena ũu, Vesito amwĩa na wasya mũnene, Vaulo, wĩ na ndũũka; kũsoma waku kwingĩ nĩkũũkũalyũkĩla ndũũka.</verse>
				<verse number="25">Ĩndĩ Vaulo asũngĩa, Nyie ndi na ndũũka, we Vesito mũtaĩwa, ĩndĩ nĩneena ndeto sya w’o na sya kĩlĩko.</verse>
				<verse number="26">Nũndũ mũsumbĩ nĩwĩsĩ ũvoo wa maũndũ asu, nakwa nĩneena nake vyũ: nũndũ nĩnĩsĩ mũno kana kũi ũmwe wa maũndũ asu ũvithĩtwe kwake; nũndũ ũndũ ũũ ndwĩkĩtwe ũtee kĩmbithĩnĩ.</verse>
				<verse number="27">Mũsumbĩ Akiliva, nĩwĩtĩkĩlaa athani? Nĩnĩsĩ kana nũmetĩkĩlaa.</verse>
				<verse number="28">Na Akiliva amũtavya Vaulo, Vatiele vanini ũngalyũle ndw’ĩke Mũklĩsto.</verse>
				<verse number="29">Na Vaulo asya, Nĩngũvoya Ngai, ethĩwa nĩ vanini kana ethĩwa nĩ vanene, tuue weka, ĩndĩ o na onthe ala meũmbĩw’a ũmũnthĩ, methĩwe mailyĩ takwa, ate o mĩnyololo ĩno.</verse>
				<verse number="30">Na mũsumbĩ ookĩla, na ngavana, na Velinike, na ala mekalĩte vamwe nao;</verse>
				<verse number="31">na maumaala ũtee, maneenan’ya, maiasya, Mũndũ ũsu nde na ũndũ waĩle kĩkw’ũ kana kwovwa.</verse>
				<verse number="32">Na Akiliva amwĩa Vesito, Kethĩwa ndaamwĩkaĩla Kaisali, ethĩwa athaw’a.</verse>
			</chapter>
			<chapter number="27">
				<verse number="1">Na kwatw’ĩtwe kana tũende na ngalawa Italia, mamũnengane Vaulo na ovwa angĩ amwe kwa mũnene wa asikalĩ ĩana wetawa Yuliusi, wa nguthu ya Aukusito.</verse>
				<verse number="2">Na twavota ngalawanĩ ya ku Atilamitio, ĩla yakilĩlye ũkũsya ĩthi kũndũ kwingĩ ũtee wa nthi ya Asia, na twathi na ũkanga, na Alisitaliko, mũndũ wa Masetonia wa ndũa ya Thesalonika, eethĩwa vamwe naitũ.</verse>
				<verse number="3">Na mũthenya wa kelĩ twavika Sitoni: na Yuliusi amwĩka Vaulo nesa, na amũnenga ũthei athi kwa anyanyae nĩ kana evuũkye.</verse>
				<verse number="4">Na twathi ĩngĩ na ũkanga kuma kw’o, twaenda na ũtee ũla ũkilĩtye wa kĩthama kya Kuvolo, nũndũ iseve syaumie na mbee.</verse>
				<verse number="5">Na twakĩla ũkanga ũla wĩ ngalĩ ya Silisia na Vambilia, twavika Mila, ndũa ya Lisia.</verse>
				<verse number="6">Na ku ũla mũnene wa asikalĩ ĩana oona nga awa ya Ũalesandalia ĩendete Italia; na atũlikya vo.</verse>
				<verse number="7">Na twathi kavola kavola mĩthenya mingĩ, twathi na vinya twesa ũthengeea Kinito, na kĩseve kyatũsiĩĩa, twathi ũtee ũla ũkilĩtye wa Kilete, twelekele Salimone;</verse>
				<verse number="8">na twathi na vinya ũtee wakyo twavika vandũ vetawa Ũthũmũo Mũseo; na vakuvĩ na vo vaĩ ndũa yĩtawa Lasea.</verse>
				<verse number="9">Na ĩvinda ĩasa yavĩta, na kũthi na ngalawa ĩvinda yĩu kwaĩ na mũisyo, nĩkwĩthĩwa o na ĩvinda ya kũtĩĩa kũya yaĩ yĩnavĩta, Vaulo amataa,</verse>
				<verse number="10">aimea, Mavwana, nĩngwona kana mũendo ũũ ũkeethĩwa wa ũnyamao na wasyo mwingĩ, na ti mũisyo wa mĩio na ngalawa syoka, ĩndĩ wa mathayũ maitũ namo.</verse>
				<verse number="11">Ĩndĩ ũla mũnene wa asikalĩ ĩana nĩwamethũkĩĩsye mũtwai na mwene wa ngalawa, mbee wa maũndũ ala maneeniwe nĩ Vaulo.</verse>
				<verse number="12">Na nĩkwĩthĩwa kĩthũmũo kĩtiaĩ kĩnene kya kwĩkala myei ya mbevo, ala aingĩ moo masya mathi na ũkanga kuma kw’o, nongo mavike Vinisi, mekale kw’o myei ya mbevo; nakyo nĩ kĩthũmũo kya Kilete, ngalĩ ya ĩũlũ kwelekela wumĩlonĩ wa syũa, na ngalĩ ya ĩtheo kwelekela wumĩlonĩ wa syũa.</verse>
				<verse number="13">Na kĩseve kya ngalĩ ya ĩtheo kyauutana kavola, matalĩlya ta moona ũndũ mekwenda, mambatya nanga na makũsya maikyamana na Kilete, vakuvĩ na ũtee wa ũkanga.</verse>
				<verse number="14">Ĩndĩ ĩtina wa ĩvinda yĩte ĩasa, kyamatheeea kĩseve kyai mũno, kĩla kĩtawa Eulakulo;</verse>
				<verse number="15">na ngalawa yakwatwa nĩ kĩseve, na yaemwa nĩ ũkyelekela, twamĩeka, na twatwawa nĩkyo.</verse>
				<verse number="16">Na tũitwawa twavika ũtee ũla ũkilĩtye wa kĩthama kĩnini kĩtawa Kauta, nĩtwoonie vinya kũlũmya kakalawa:</verse>
				<verse number="17">na makatũlya ĩũlũ, malũlũmĩlya ngalawa, kwa ũvĩtĩlya makanda ungu wayo; na maikĩa maikalũme kĩthangathĩni kĩtawa Siliti, matheesya ngũa sya ngalawa sya ũkwata kĩseve, na ũu matwawa nĩ kĩseve o kũla kĩkwenda.</verse>
				<verse number="18">Naitũ tũkĩnyamaw’a mũno nĩ kĩuutani mũthenya wa kelĩ mambĩlĩlya kwĩkya mĩio ĩla makuĩte ũkanganĩ;</verse>
				<verse number="19">na mũthenya wa katatũ mekya syĩndũ sya ngalawa na moko moo ene.</verse>
				<verse number="20">Na syũa na ndata ityaatũkenea mĩthenya mingĩ, na ũndũ kĩuutani kyaĩ kĩnene ĩũlũ waitũ, kwavetwa wĩkwatyo w’onthe wa ũvĩta.</verse>
				<verse number="21">Na mekalĩte ĩvinda ĩasa mateũya lĩu, nĩvo ĩndĩ Vaulo waũngamie katĩ woo, na asya, Mavwana, nĩmwaaĩlwe nĩ ũmbĩw’a, na kũlea kuma Kilete, mũikoneke nĩ ũnyamao ũũ na wasyo.</verse>
				<verse number="22">Na yu nĩmũtaa mwĩthĩwe mwĩ kwa ũmwe anyiau; nũndũ kũikethĩwa kwaa thayũ kwa ũmwe katĩ wenyu, ate o ngalawa yoka.</verse>
				<verse number="23">Nũndũ ũtukũ ũũ wa ũmũnthĩ mũlaĩka wa Ngai ũla nĩ wake, na ũla nĩthũkũmaa, nũũngamie ũtee wakwa,</verse>
				<verse number="24">aiasya, Ndũkakĩe, Vaulo; ndũtĩa kũũngama mbee wa Kaisali: na sisya, Ngai nũkũnengete onthe ala maendete vamwe naku.</verse>
				<verse number="25">Kwondũ wa ũu, mavwana, ĩthĩwai na ũnyiau: nũndũ nĩngũmwĩtĩkĩla Ngai, kana kũkeethĩwa o ũndũ nĩiwe.</verse>
				<verse number="26">Ĩndĩ tũitĩa kwĩkw’a kĩthamanĩ kĩmwe.</verse>
				<verse number="27">Ĩndĩ ũtukũ wa ĩkũmi na kana wavika, tũkĩtwawa kũũ na kũũ ũkanganĩ wa Atilia, ta ũtukũ katĩ atwai ma ngalawa matalĩlya kana nĩmeũthengeea nthĩ ĩmwe:</verse>
				<verse number="28">na mathima ũliku wa manzĩ, meethĩa nĩ mĩkono mĩongo nyanya; na ĩtina vandũ vanini, mathima ĩngĩ, meethĩa nĩ mĩkono mĩongo thanthatũ.</verse>
				<verse number="29">Na tũikĩa tũikekw’e ngoongonĩ sya mavia, mekya nanga inya sya ĩtina wa ngalawa, na mambĩlĩlya kũvoya kũkye.</verse>
				<verse number="30">Na atwai ma ngalawa makyenda kũkĩa kuma ngalawanĩ, matheetye kakalawa ũkanganĩ, ta mekwĩkya nanga sya mbee sya ngalawa,</verse>
				<verse number="31">Vaulo amwĩa ũla mũnene wa asikalĩ ĩana na asikalĩ, Ethĩwa aa matikwĩkala ngalawanĩ, inyw’ĩ nenyu mũitonya kũvĩta.</verse>
				<verse number="32">Na ĩndĩ asikalĩ matila makanda ma kakalawa, na makaeka kavalũka.</verse>
				<verse number="33">Na kũikya, Vaulo amesũva onthe kana maye lĩu, aiasya, Ũmũnthĩ nĩ wa ĩkũmi na kana mweteele na kũlea ũya, o na mũiaaya kĩndũ o na kĩva.</verse>
				<verse number="34">Na kwa ũu nĩngũmwĩsũva mũye: nũndũ ũu nĩ kwondũ wa ũtangĩĩo wa mĩĩ yenyu: nũndũ vai ũsw’ĩĩ ũmwe wa mũtwe wa ũmwe wenyu o na wĩva wĩaa.</verse>
				<verse number="35">Na aneena ũu, oosa kĩmũtũ, amũtũngĩĩa Ngai mũvea onthe mene; na akĩtila, na ambĩlĩlya ũya.</verse>
				<verse number="36">Na ĩndĩ onthe matana, namo moosa kya ũya kyoo ene.</verse>
				<verse number="37">Naitũ ithyonthe ala twaĩ ngalawanĩ ũtalo witũ wavikĩte andũ maana elĩ na mĩongo mũonza na thanthatũ.</verse>
				<verse number="38">Nao maya mavũna, manyivya mĩio ya ngalawa, makĩkya nganũ ũkanganĩ.</verse>
				<verse number="39">Na kwakya, maiaamanya, nthĩ ĩsu: ĩndĩ moona kyoko kĩmwe kĩ na kĩvũngĩĩo, na masũanĩa ethĩwa nĩmatonya kũmĩete ngalwa nesa ĩũlũ wakyo.</verse>
				<verse number="40">Na matila ila nanga, maitia ũkanganĩ, na ĩvinda o yĩu mathasya makanda ala movete sukani; na mambatya ngũa ya mbee ĩkwate kĩseve, mathi maelete kivũngĩĩonĩ.</verse>
				<verse number="41">Ĩndĩ mavika vala vakomanĩe maũkanga elĩ, maaĩĩsya ngalawa mũthanganĩ; na mũthya wa ngalawa walũma wekala ũteũthingithanga, ĩndĩ mũthya wa ĩtina wamunda ũtũlangw’a nĩ vinya wa itulumo.</verse>
				<verse number="42">Na kũsũanĩa kwa asikalĩ kwaĩ kũaa ovwa onthe, maikathambĩe, makĩe.</verse>
				<verse number="43">Ĩndĩ ũla mũnene wa asikalĩ ĩana, akyenda kũmũtangĩĩa Vaulo, amasiĩĩa maikeke ũndũ mendaa; na ameaĩa kana ala matonya kũthambĩa meyĩkye ũkanganĩ, mambe ũvika mũthanganĩ;</verse>
				<verse number="44">na ala angĩ, amwe mbwaũnĩ, na angĩ syĩndũnĩ ingĩ sya ngalawa. Na kwa ũu, onthe mavonoka mavika mũthanganĩ.</verse>
			</chapter>
			<chapter number="28">
				<verse number="1">Na twavonoka, nĩvo ĩndĩ twamanyie kana nĩ kĩthama kĩla kĩtawa Melita.</verse>
				<verse number="2">Na ene ma kw’o matwon’ya ũseo mũnene: nĩkwĩthĩwa nĩmavuvie mwakĩ, na matwosa ithyonthe, nũndũ wa mbua ĩla yauie, na mbevo ĩla yai kw’o.</verse>
				<verse number="3">Ĩndĩ Vaulo aunĩte mũio wa ngũ na ekya mwakinĩ, nzoka mbai yauma ila ngũnĩ nũndũ wa muutĩa, yamũũma kw’oko.</verse>
				<verse number="4">Na andũ ma kw’o moona ĩla nzoka ĩniinĩte kw’okonĩ kwake, masya ene kwa ene Nĩ w’o mũndũ ũsu nĩ mũaani, nake, o na kau avĩta ũkanganĩ, Ũla ũsilaa katĩ ndanetĩkĩla ekale thayũ.</verse>
				<verse number="5">Ĩndĩ we amĩvuunzĩa ĩla nzoka mwakinĩ, na ndaaona ũthũkyo.</verse>
				<verse number="6">Ĩndĩ mo meeteela aimbe kana kũvalũka nthĩ mĩtũkĩ, o ĩmwe, e mũkw’ũ: ĩndĩ meeteela ĩvinda ĩasa, na malea kwona ũndũ ũthũku ũimũkwata, maalyũla ililikano syoo masya kana we nĩ ngai.</verse>
				<verse number="7">Na vakuvĩ na vandũ vau vaĩ mĩũnda ya mũndũ mũnene wa kĩthama wetawa Vuvilio; ũla watwosie, na atũthokya na ngoo ya ũnyanya, mĩthenya ĩtatũ.</verse>
				<verse number="8">Na kweethĩwa, ĩthe wa Vuvilio aĩ mũwau mũno ndetema na kwĩtũũa nthakame: na Vaulo alika kwake, na avoya, na amwilĩĩla moko make amũvosya.</verse>
				<verse number="9">Na kweekwa ũu, angĩ nao ma kĩthama kyu ala maĩ na mowau mooka, na mavow’a:</verse>
				<verse number="10">namo matũtaĩa na ndaĩa nyingĩ; na tũikũsya, matwĩkĩĩa ngalawanĩ syĩndũ ila twaĩ vata nasyo.</verse>
				<verse number="11">Na ĩtina wa myei ĩtatũ twakũsya twĩ ngalawanĩ ya Ũalesandalia ĩla yekalĩte kĩthamanĩ kyu myei ya mbevo, nayo syĩtwa yayo nĩ Ndiosikuli.</verse>
				<verse number="12">Na twavika Silakuse, twekala kw’o mĩthenya ĩtatũ.</verse>
				<verse number="13">Na kuma vau twathyũlũlũka twavika Lekio: na ĩtina wa mũthenya ũmwe kiseve kyookĩla kuma ngalĩ ya ĩtheo, na mũthenya wa kelĩ twavika Vutiolo:</verse>
				<verse number="14">na vau twoona ana‐a‐asa, nao matwĩsũva twĩkale nao mĩthenya mũonza: na twavika Lomi ta ũu.</verse>
				<verse number="15">Na ana‐a‐asa ma vo, meew’a kana nĩtũkĩte kw’o, mooka ũtũthaũa kũvika kĩng’ang’a kya Aivu, na Mĩkawa Ĩtatũ; nake Vaulo amona, amũtũngĩa Ngai mũvea, na ngoo yalũlũmĩla.</verse>
				<verse number="16">Na twalika Lomi, ũla mũnene wa asikalĩ ĩana amanengane ovwa mokonĩ ma mũnene wa nguthu ya asũvĩi; ĩndĩ Vaulo nĩwanengiwe ũthei wa kwĩkala vandũ vake mwene vamwe na mũsikalĩ ũla wamũsũvĩaa.</verse>
				<verse number="17">Na kweethĩwa, ĩtina wa mĩthenya ĩtatũ ameta ala maĩ anene ma Ayuti mombane: na moombana, amea, Nyie, ana‐a‐asa, o na kau ndyaaĩka ũndũ ĩũlũ wa andũ maitũ, kana ũndũ ũtosana na syĩthĩo sya aasa maitũ, ĩndĩ nanenganiwe mokonĩ ma Alomi nĩ mwove kuma Yelusaleme:</verse>
				<verse number="18">nao, mamina ũngũlya, menda ũnthasya nĩkwĩthĩwa kũiaaoneka ũndũ kwakwa ũtuma nũawa.</verse>
				<verse number="19">Ĩndĩ yĩla Ayuti makananĩsye makĩlea, nething’ĩĩsye kũmwĩkaĩla Kaisali; ti atĩ naĩ na ũndũ wa ũmĩvinganĩsya mbaĩ yakwa naw’o.</verse>
				<verse number="20">Kwondũ wa ũu ĩndĩ, nĩnamwĩtie nĩmwone na kũneena nenyu: nũndũ nyie novetwe na mũnyololo ũũ kwondũ wa wĩkwatyo wa Isilaeli.</verse>
				<verse number="21">Nao mamwĩa, Tũiaaosa mavalũa ma ũvoo waku kuma Yutia, o na kũiaaũka o na ũmwe wa ana‐a‐asa vaa, aetete ũvoo waku kana kũneena ndeto nthũku ĩũlũ waku.</verse>
				<verse number="22">Ĩndĩ nĩtũkwenda kwĩw’a kuma kwaku ũndũ ũkwasya: nũndũ kĩthemba kyu nĩkĩsĩkĩwe kwitũ kana nĩkĩwetawa naĩ kũndũ kw’onthe.</verse>
				<verse number="23">Na matianĩa kyathĩ nake, mathi nyũmba ĩla wekalĩte andũ aingĩ mũno; amavuanĩsya na kumya ũkũsĩ wa maũndũ ma ũsumbĩ wa Ngai, na aimathing’ĩĩsya ũvoo wa Yesũ, kuma mĩaonĩ ya Mose na mavukunĩ ma athani, kuma kĩoko kũvika wĩoo.</verse>
				<verse number="24">Na amwe nĩmeetĩkĩlile maũndũ ala maneeniwe, na angĩ maiaaĩtĩkĩla.</verse>
				<verse number="25">Na meethĩwa matekwĩw’ana ene kwa ene, maithi Vaulo amatavya ndeto ĩno ĩmwe, Veva Mũtheu nĩwaneenie nesa na aaĩthe menyu, na kanyw’a wa mwathani Isaia,</verse>
				<verse number="26">akyasya, Enda kwa andũ aa, ũkasye, Kwĩw’a mũkeew’a, o na mũikamanya nongi; Na kũsisya mũkasisya, o na mũikona nongi:</verse>
				<verse number="27">Nũndũ ngoo sya andũ aa nĩ nenevu, Na matũ moo nĩmew’aa na vinya, Na metho moo nĩmalalĩtye; Maikese kwona na metho moo, Na kwĩw’a na matũ moo, Na kũmanya na ngoo syoo, Na kwĩalyũla, Na ngamavosya.</verse>
				<verse number="28">Na ĩndĩ nĩkũmanyĩke kwenyu, kana ũtangĩĩo ũũ wa Ngai nũtwaĩtwe kwa Andũ‐ma‐mbaĩ‐ingĩ: namo makawĩw’a.</verse>
				<verse number="29">Na aneena ndeto isu, Ayuti maumaala, me na ngananĩo nyingĩ ene kwa ene.</verse>
				<verse number="30">Nake ekala myaka ĩlĩ mĩima nyũmbanĩ yake mwene ĩla wathooete wikalo, na amosa onthe ala mavotaa kwake,</verse>
				<verse number="31">aitavan’ya ũvoo wa ũsumbi wa Ngai, na kũmanyĩsya maũndũ ma Mwĩaĩi Yesũ Klĩsto na ũnyiau w’onthe, ateũvatwa nĩ mũndũ.</verse>
			</chapter>
		</book>
		<book number="45">
			<chapter number="1">
				<verse number="1">Vaulo, ngombo ya Yesũ Klĩsto, wetiwe ethĩwe mũtũmwa, ũvathanĩtw’e kwondũ wa ũvoo mũseo wa Ngai,</verse>
				<verse number="2">ũla Ngai wambie kwatha tene na athani make nthĩnĩ wa maandĩko matheu,</verse>
				<verse number="3">ũvoo wa Mwana wake, ũla wasyaiwe wa ũsyao wa Ndaviti kwondũ wa mwĩĩ,</verse>
				<verse number="4">ũla watavaniw’e kwĩthĩwa nĩ Mwana wa Ngai na vinya, kwondũ wa veva wa ũtheu, nĩ kũthayũũkw’a kuma kwa akw’ũ; Yesũ Klĩsto Mwĩaĩi waitũ,</verse>
				<verse number="5">ũla kwondũ wake twosete mumo na ũtũmwa, nĩ kana andũ ma mbaĩ syonthe matw’ĩke ewi wĩtĩkĩlonĩ, kwondũ wa syĩtwa yake;</verse>
				<verse number="6">o nenyu katĩ wasyo, nĩmwĩtĩtwe mwĩthĩwe ma Yesũ Klĩsto:</verse>
				<verse number="7">valũa ũũ wakwa ũmavikĩe onthe ala me Lomi, endwa ma Ngai, ala meetiwe methĩwe atheu: Mumo nĩwĩthĩwe kwenyu na mũuo kuma kwa Ngai Asa waitũ na kwa Mwĩaĩi Yesũ Klĩsto.</verse>
				<verse number="8">Mbee, nĩmũtũngĩa Ngai mũvea nthĩnĩ wa Yesũ Klĩsto ũndũ wenyu inyw’onthe nũndũ mũĩkĩĩo wenyu nũtavanaw’a nthĩ yonthe.</verse>
				<verse number="9">Nũndũ Ngai nĩwe ngũsĩ yakwa, ũla nĩthaithaa vevanĩ wakwa ũvoonĩ mũseo wa Mwana wake, ũndũ nĩmũwetaa vate kũeka, mavinda onthe mboyanĩ syakwa</verse>
				<verse number="10">nĩngũvoya nũke kwenyu mĩthenya ĩno Ngai enda, aaĩlya kyalo kyakwa.</verse>
				<verse number="11">Nũndũ nĩ na mea ma kũmwona, kana nĩmũolele mũthĩnzĩo ũmwe wa veva, nĩ kana mũlũlũmĩlw’e;</verse>
				<verse number="12">naw’o, nĩ kana nyie vamwe nenyu tũkiakian’ye, kĩla ũmwe wa ithyĩ ũndũ wa mũĩkĩĩo wa ũla ũngĩ, wenyu na wakwa.</verse>
				<verse number="13">Ndikwenda mũlee ũmanya, ana‐a‐asa makwa, kana mavinda maingĩ nendaa kũka kwenyu (nakwa nĩnziĩĩĩtwe kũvika o na yu), nĩ kana nĩtonye kwĩthĩwa na ũsyao kwenyu nenyu, o ũndũ nĩ naw’o kwa Andũ‐ma‐mbaĩ‐ila‐ingĩ.</verse>
				<verse number="14">Nĩ na thiĩ na Akiliki na ala mate Akiliki, kwa ala me na ũmanyi na kwa ala atumanu.</verse>
				<verse number="15">Kwondũ wa ũu nĩnĩyũmbanĩtye kũtavan’ya ũvoo mũseo kwa inyw’i ala mwĩ Lomi, o ũndũ ndonya.</verse>
				<verse number="16">Nũndũ ndiwĩw’ĩaa nthoni ũla ũvoo mũseo: nũndũ nĩ vinya wa Ngai ũla ũtangĩĩaa o ũla wĩtĩkĩlaa; mbee nĩ Mũyuti, na ĩtina Mũkiliki.</verse>
				<verse number="17">Nũndũ ũlũngalu wa Ngai nĩwumĩlĩtw’e vo, kuma kũĩkĩĩa kũendeea na kũĩkĩĩa: tondũ kũandĩkĩtwe, Ĩndĩ ũla mũlũngalu akekala thayũ kwondũ wa kũĩkĩĩa.</verse>
				<verse number="18">Nũndũ ũthatu wa Ngai nĩwumĩlĩtw’e kuma ĩtunĩ ĩũlũ wa kĩla ũndũ ũte wa kũmũkĩa Ngai, na kĩla ũndũ ũte ũlũngalu wa andũ, ala masiĩĩaa ũla w’o ũndũnĩ ũte ũlũngalu;</verse>
				<verse number="19">nĩkwĩthĩwa maũndũ ma Ngai ala mamanyĩkaa nĩ monan’ye nthĩnĩ woo; nũndũ Ngai nĩwamonisye.</verse>
				<verse number="20">Nũndũ syĩndũ syake ila itonekaa kuma nthĩ yoombwa nikwoneka nesa, ikĩmanyĩka ũndũ wa ila syoombiwe, nasyo nĩ vinya wake wa tene na tene na Ũ Ngai wake; nĩ kana methĩwe mate na wĩmilo:</verse>
				<verse number="21">nĩkwĩthĩwa, yĩla mamwĩsi Ngai, matyaamũtaĩa ta nĩwe Ngai, o na matyaamũtũngĩa mũvea; ĩndĩ matw’ika ma mana mosũanĩonĩ moo, na ngoo syoo ndumanu syeekĩwa kĩvindu.</verse>
				<verse number="22">Kwĩyĩta amanyi, nĩmatw’ĩkĩte ndia,</verse>
				<verse number="23">na makũan’ya ũtheu mũtisu wa Ngai ũla ũtanangĩkaa na mũvw’anano wa mũndũ ũla wanangĩkaa, na wa syĩndũ ila iũlũkaa, na wa nyamũ ila syĩ na maũũ ana, na tũsamũ tũla tũtambũkaa.</verse>
				<verse number="24">Kwondũ wa ũu Ngai amalekya mĩmeonĩ mĩthũku ya ngoo syoo kũatĩĩa ũvuku, nĩ kana mĩĩ yoo mamyanangĩe ndaĩa ene kwa ene:</verse>
				<verse number="25">nũndũ nĩmakũanĩtye ũla w’o wa Ngai na ũvũngũ, na kũthaitha na kũthũkũma kyũmbe vandũ va Mũmbi, ũla ũkathawa tene na tene. Ameni.</verse>
				<verse number="26">Kwondũ wa ũu Ngai amalekya mĩmeonĩ mĩthũku ĩla yĩ nthoni: nĩkwĩthĩwa o na aka moo makũanisye mũtuo wa mũsyawa na mũtuo ũngĩ ũtosana na ũsu:</verse>
				<verse number="27">na aũme moo no ta ũu, maitia ũndũ ũla kwĩkawa kwa aka, makana mĩmeonĩ yoo ene kwa ene, aũme kwa aũme maĩĩka maũndũ mataĩle, na makyona nthĩnĩ woo ĩtuvi ya kũvĩtya kwoo yĩla yĩmaĩle.</verse>
				<verse number="28">Na o tondũ maleile kwĩthĩwa na Ngai ũmanyinĩ woo, Ngai amalekya methĩwe na kĩlĩko kĩtaĩle nongi, meke maũndũ asu mataĩle;</verse>
				<verse number="29">makyusũwa nĩ ũla ũte ũlũngalu w’onthe, na ũthũku, na ĩtomo, na wai; makyusũwa nĩ kĩwĩu, na ũaani, na ĩteta, na ũkenganĩ, na ũng’endu; aneeni ma kĩwe;</verse>
				<verse number="30">ailĩanĩli, ameni ma Ngai, avũthya, etaĩi, ekathĩĩi, ambĩlĩlya ma maũndũ mathe, matamew’aa ala mamasyaie,</verse>
				<verse number="31">mate na ũmanyi, anangi ma ũtianĩo, mate na wendo waĩle, mate na tei:</verse>
				<verse number="32">nao, o na mesĩ ũtw’ĩo wa Ngai, kana ala mekaa maũndũ ta asu nĩmaĩlwe nĩ kĩkw’ũ, nĩmekaa maũndũ asu, na ti ũu w’oka, ĩndĩ nĩmew’anaa na ala mamekaa.</verse>
			</chapter>
			<chapter number="2">
				<verse number="1">Kwondũ wa ũu naku ndwĩ na wĩmilo, we mũndũ, ũla ũsilĩlaa ũngĩ: nũndũ maũndũnĩ ala ũsilĩlaa ũngĩ, wĩsilĩlaa mwene kana wĩ mũvĩtan’ya; nĩkwĩthĩwa we ũla ũsilĩlaa wĩkaa maũndũ o asu.</verse>
				<verse number="2">Naitũ nĩtwĩsĩ kana ũsilĩlo wa Ngai nĩ kwĩanana na w’o ĩũlũ wa ala mekaa maũndũ ta asu.</verse>
				<verse number="3">Naku mũndũ, ũla ũsilĩlaa ala mavikĩlaa maũndũ ta asu, naku mwene nũmekaa, wĩtalĩlya kana we ũkavonoka ũsilĩlo wa Ngai?</verse>
				<verse number="4">Kana we wĩvũthya wingĩ wa ũseo wake na wĩtũngi na wũmĩĩsyo, ũteũmanya kana ũseo wa Ngai ũkũtongoeasya ũalyũloni wa ngoo?</verse>
				<verse number="5">Ĩndĩ kũatĩĩa wũmũ waku na ngoo yaku ĩte na wĩlilo wĩyiĩaa ũthatu wa mũthenya wa ũthatu na wa wonan’yo wa ũsilĩlo mũlũngalu wa Ngai:</verse>
				<verse number="6">ũla ũkamũnenga kĩla mũndũ kwĩanana na meko make:</verse>
				<verse number="7">kwa asu ala mekwĩyũmĩĩsya kwĩkaa nesa mamanthaa ndaĩa na nguma na maũndũ matanangĩkaa, akamanenga thayũ ũtathela:</verse>
				<verse number="8">ĩndĩ kwa ala maetae ngananĩo, na matew’aa ũla w’o, ĩndĩ nĩmew’aa ũndũ ũte ũlũngalu, kũkeethĩwa ũthilĩku na ũthatu,</verse>
				<verse number="9">thĩna na ũnyamao, ĩũlũ wa kĩla mũndũ ũla wĩkaa nai, wa Mũyuti mbee, na wa Mũkiliki nake;</verse>
				<verse number="10">ĩndĩ ndaĩa na nguma na mũuo kwa kĩla mũndũ ũla wĩkaa nesa, Mũyuti mbee, na Mũkiliki nake:</verse>
				<verse number="11">nũndũ Ngai ti mwendeesya wa andũ.</verse>
				<verse number="12">Nũndũ onthe ala meekie nai ĩla mĩao ĩte vo makaaa vate ĩla mĩao; na asu onthe ala meekie nai me na ĩla mĩao makasilĩlwa na ĩla mĩao;</verse>
				<verse number="13">nũndũ ti ewi ma ĩla mĩao alũngalu mbee wa Ngai, ĩndĩ nĩ eki ma mĩao makatalĩlwa ũlũngalu;</verse>
				<verse number="14">(nũndũ yĩla Andũ‐ma‐mbaĩ‐ingĩ mate na ĩla mĩao mekaa maũndũ ala me nthĩnĩ wa mĩao kwa mũtuo woo, andũ asu, mate na mĩao, no mo mĩao ene;</verse>
				<verse number="15">nũndũ maũndũnĩ asu meonan’ya wĩa wa ĩla mĩao ũandĩkĩtwe ngoonĩ syoo, wasya wa ngoo woo ũkĩkũsĩĩa, na malilikano moo ene kwa ene maimon’ya mavĩtyo kana kũmaekea;)</verse>
				<verse number="16">mũthenya ũla Ngai ũkasilĩla syĩmbithĩ sya andũ, kwa nzĩa ya Yesũ Klĩsto, kwĩanana na ũvoo mũseo wakwa.</verse>
				<verse number="17">Ĩndĩ ethĩwa we nĩwĩtawa Mũyuti na kwĩlingya ĩla mĩao, na kwĩkathĩĩa nthĩnĩ wa Ngai,</verse>
				<verse number="18">na kũmanya kwenda kwake, na kũmakũnĩa kĩthalũ maũndũ ala maseo mbee, ũmanyĩĩtw’e ĩla mĩaonĩ.</verse>
				<verse number="19">Na kũmanya nesa vyũ kana we mwene wĩ mũtongoi wa ililinda, na kyeni kya ala me kĩvindunĩ,</verse>
				<verse number="20">mũtai wa ala atumanu, na mũmanyĩsya wa tũũkenge, na wĩ na mũvw’ano wa ũmanyi na wa ũla w’o mĩaonĩ:</verse>
				<verse number="21">kwondũ wa ũu we ũla ũmanyĩasya ũngĩ, ndwĩmanyĩasya mwene? We ũla ũtavanasya kana mũndũ ndakoye, nĩwũyaa?</verse>
				<verse number="22">We ũla waasya mũndũ ndakalaalae, nũlaalaaa? We ũla ũmenaa mĩvw’anano, nĩwũyaa makalũnĩ mayo?</verse>
				<verse number="23">We ũla wĩkathĩĩaa nthĩnĩ wa ĩla mĩao, kwondũ wa kũvĩtya ĩla mĩao ndũkwanangĩa Ngai ndaĩa?</verse>
				<verse number="24">Nũndũ syĩtwa ya Ngai yĩumawa Andũnĩ‐mambaĩ‐ingĩ nũndũ wenyu, o tondũ kũandĩkĩtwe.</verse>
				<verse number="25">Nũndũ nĩ w’o nzaĩko yĩ vata, ethĩwa wĩ mwĩki wa ĩla mĩao: ĩndĩ ethĩwa wĩ mũvĩtan’ya wa ĩla mĩao, nzaĩko yaku ĩtw’ĩkĩte ti nzaĩko.</verse>
				<verse number="26">Ĩndĩ ethĩwa ũla ũtaĩkawa akwataa motw’io ma ĩla mĩao, kũtaĩkwa kwake kũikatalwa kwĩthĩwa nĩ nzaĩko?</verse>
				<verse number="27">Na ethĩwa ũla wa mũtuo wa kũlea kwaĩkwa, nũkwĩanĩsya ĩla mĩao, ndakaũsilĩla we, ũla wĩ na maandĩko na nzaĩko, na wĩ mũvĩtan’ya wa ĩla mĩao?</verse>
				<verse number="28">Nũndũ we ti Mũyuti ũla wĩ Mũyuti kwa ũvano wa ũtheinĩ: o na nzaĩko ti ĩla yĩ ũtheinĩ mwĩĩnĩ:</verse>
				<verse number="29">ĩndĩ we nĩ Mũyuti, ũla wĩ Mũyuti nthĩnĩ; na nzaĩko nĩ ĩla ya ngoo, vevanĩ na ti nthĩnĩ wa maandĩko; na ndaĩa yake ndyumaa andũnĩ, ĩndĩ yumaa kwa Ngai.</verse>
			</chapter>
			<chapter number="3">
				<verse number="1">Mũyuti ĩndĩ akĩlanĩtye kyau? Kana kũuna kwa nzaĩko nĩ kwaũ?</verse>
				<verse number="2">Yĩ vata mũno na nzĩa syonthe: mbee nĩ kũĩkĩĩĩka na ndeto ila syaneeniwe nĩ Ngai.</verse>
				<verse number="3">Nata ĩndĩ o na ethĩwa amwe matyaĩ na mũĩkĩĩo? Kũlea kwĩtĩkĩla kwoo kũkatw’ĩkĩthya kĩthito kya Ngai ta kĩte na ũtonyi?</verse>
				<verse number="4">Aiee, kũikethĩwe ũu: nĩkũmanyĩke Ngai nĩ wa w’o, ĩndĩ kĩla mũndũ nĩ mũkengani; o tondũ kũandĩkĩtwe, Kana we ũtonye kwĩthĩwa mũlũngalu ndetonĩ syaku, Na ũtonye ũkĩlya yĩla wĩlika silanĩ.</verse>
				<verse number="5">Ĩndĩ ethĩwa ũte ũlũngalu witũ nĩwonanasya ũlũngalu wa Ngai, twĩasya ata? Ngai nĩ ũla ũte mũlũngalu ũla ũsilĩlaa na ũthatu? (Nĩngũneena ũndũ andũ maneenaa.)</verse>
				<verse number="6">Aiee, kũikethĩwe ũu: nũndũ ethĩwa nĩ ũu Ngai akatonya ata kũmĩsilĩla nthĩ?</verse>
				<verse number="7">Ĩndĩ ethĩwa ũla w’o wa Ngai nĩwingĩvaa kũvikĩa kũtaĩwa kwake kwondũ wa ũvũngũ wakwa, nĩkĩ ngũsilĩlwa ta nĩ mwathe?</verse>
				<verse number="8">Na nĩkĩ tũikwasya, Twike naĩ nĩ kana ũseo wũke? (O tondũ tũsukawa, na tondũ amwe malũlũmĩlasya kwasya kana tũneenaa ũu,) ũsilĩlo woo kwĩthĩwa nĩ avĩtan’ya nĩ wa katĩ.</verse>
				<verse number="9">Nĩkĩ ĩndĩ? Twĩ aseo kũvĩta ala angĩ? Aiee, o na vanini: nũndũ nĩtwambie kwonan’ya kana Ayuti na Akiliki onthe me ungu wa naĩ;</verse>
				<verse number="10">o tondũ kũandĩkĩtwe, Kũi mũlũngalu, aiee, o na ũmwe;</verse>
				<verse number="11">Kũi ũla wĩ na ũmanyi, Kũĩ ũla ũmũmanthaa Ngai;</verse>
				<verse number="12">Onthe nĩmathũkĩte ũtee, matw’ĩkĩte mataĩle vamwe; Kũi ũla wĩkaa nesa, aiee, o na ũmwe:</verse>
				<verse number="13">Mĩmeo yoo nĩ mbũa mbingũe; Nĩmaneenie ũkengani na nĩmĩ syoo: Ũoi wa syĩko wĩ ilomonĩ syoo:</verse>
				<verse number="14">Makanyw’a moo nĩmausũĩte kĩumo na ũũ:</verse>
				<verse number="15">Maũũ moo me mĩtũkĩ kwĩtĩkya nthakame;</verse>
				<verse number="16">Wanangĩko na ũnyamao me moendelonĩ moo;</verse>
				<verse number="17">Na nzĩa ya mũuo matyaamĩmanya:</verse>
				<verse number="18">Kũmũkĩa Ngai kũi methonĩ moo.</verse>
				<verse number="19">Na nĩtwĩsĩ maũndũ o na meva ala maneenawa nĩ ĩla mĩao, ĩmatavasya ala me mĩaonĩ; nĩ kana kĩla kanyw’a ũtumw’e, na nthĩ yonthe ĩetwe ũsilĩloni wa Ngai:</verse>
				<verse number="20">nũndũ kwondũ wa meko ma ĩla mĩao vai mũndũ ũkatalĩlwa ũlũngalu mbee wake; nũndũ ũmanyi wa naĩ wũkaa kwondũ wa ĩla mĩao.</verse>
				<verse number="21">Ĩndĩ yu ũlũngalu wa Ngai nĩwumĩlĩtw’e vate mĩao, naw’o ũkũsĩĩwe nĩ ĩla mĩao na athani;</verse>
				<verse number="22">naw’o nĩ ũlũngalu wa Ngai ũla wosawa ũndũ wa kũĩkĩĩa Yesũ Klĩsto kwa onthe ala metĩkĩlaa; nũndũ kũi kĩvathũkan’yo;</verse>
				<verse number="23">nũndũ onthe nĩmeekie naĩ, na maivikĩaa ũtaĩo wa Ngai;</verse>
				<verse number="24">nĩ kũtalĩlwa ũlũngalu mana nĩ mumo wake kwondũ wa wovosyo ũla wĩ nthĩnĩ wa Klĩsto Yesũ:</verse>
				<verse number="25">ũla Ngai wambie ũmwia ethĩwe nthembo ya wĩw’anĩthyo, kwondũ wa mũĩkĩĩo nthakamenĩ yake, kwonan’ya ũlũngalu wake nũndũ wa kũkĩla naĩ ila syeekiwe tene, nũndũ wa wũmĩĩsyo wa Ngai;</verse>
				<verse number="26">kwa kwonan’ya ũlũngalu wake ĩvinda yĩĩ: nĩ kana ethĩwe mũlũngalu we mwene, na ĩngĩ ethĩwe mũnengani wa ũlũngalu kwa ũla ũmwĩtĩkĩlaa Yesũ.</verse>
				<verse number="27">Kwĩkathĩĩa kũĩva ĩndĩ? Nĩ kũvingĩe nza. Kwondũ wa mwĩao wa mũthemba mwaũ? Wa meko? Aiee: ĩndĩ nũndũ wa mwĩao wa mũĩkĩĩo.</verse>
				<verse number="28">Nĩtũkwona ĩndĩ kana mũndũ atalĩlwa ũlũngalu kwondũ wa kũĩkĩĩa vate meko ma ĩla mĩao.</verse>
				<verse number="29">Kana Ngai nĩ Ngai wa Ayuti oka? Ti Ngai wa Andũ‐ma‐mbaĩ‐ingĩ nao? Ĩĩ, nĩ wa Andũ‐ma‐mbaĩ‐ingĩ nao:</verse>
				<verse number="30">ethĩwa nĩ w’o Ngai nĩ ũmwe, na akamatalĩla ũlũngalu ala ma nzaĩko kwondũ wa kũĩkĩĩa, na ala mate ma nzaĩko kwondũ wa ũla mũĩkĩĩo.</verse>
				<verse number="31">Na ĩndĩ nĩtũkũtw’ĩkĩthya ĩla mĩao ta ĩte na ũtonyĩ kwondũ wa mũĩkĩĩo? Aiee, kũikethĩwe ũu: aiee, nĩtũũlũlũmĩlya ĩla miao.</verse>
			</chapter>
			<chapter number="4">
				<verse number="1">Twĩasya ata ĩndĩ ũndũ wa asa waitũ, Avalaamu, kwondũ wa mwĩĩ oonie kyau?</verse>
				<verse number="2">Nũndũ ethĩwa Avalaamu atalĩlwe ũlũngalu kwondũ wa meko make, nũtonya, kwĩkathĩĩa; ĩndĩ ti vala ve Ngai.</verse>
				<verse number="3">Nũndũ maandĩko measya ata? Na Avalaamu nĩwetĩkĩlile Ngai, na kwatalilwe kwake kwĩthĩwa ũlũngalu.</verse>
				<verse number="4">Na ũla ũtethasya wĩa, ĩtuvi yake yĩitalawa ta ya mumo, ĩndĩ yĩtalawa ya thiĩ.</verse>
				<verse number="5">Ĩndĩ ũla ũtatethasya wĩa, ĩndĩ nĩwĩtĩkĩlaa ũla ũmũtalĩlaa ũlũngalu ũla ũtakĩaa Ngai, mũĩkĩĩo wake nũtalawa kwĩthĩwa nĩ ũlũngalu.</verse>
				<verse number="6">O tondũ Ndaviti wawetie ũathimo kwa mũndũ, ũla ũtalĩlawa ũlũngalu nĩ Ngai vate meko,</verse>
				<verse number="7">aiasya, Nĩ aathime ala maekeawa mothũkũ moo, Na ala naĩ syoo ivw’ĩkĩtwe.</verse>
				<verse number="8">Nĩ mũathime mũndũ ũtatalĩlawa naĩ nĩ Mwĩaĩi.</verse>
				<verse number="9">Ũathimo ũsu nũwetawa kwa ala ma nzaĩko, kana o na kwa ala mate ma nzaĩko nao? Nũndũ twĩasya, Mũĩkĩĩo wa Avalaamu watalilwe kwĩthĩwa nĩ ũlũngalu kwake.</verse>
				<verse number="10">Watalilwe ata? Yĩla waĩ mwaĩke, kana yĩla ũtaĩ mwaĩke? Ti yĩla waĩ mwaĩke, ĩndĩ nĩ yĩla ũtaĩ mwaĩke:</verse>
				<verse number="11">na nĩwosie ũla ũvano wa kwaĩkwa, ũsiĩlo wa ũlũngalu wa mũĩkĩĩo ũla waĩ naw’o yĩla ũtaĩ mwaĩke: nĩ kana ethĩwe ĩthe wa onthe ala metĩkĩlaa, o na ethĩwa ti aĩke, nĩ kana matalwe kwĩthĩwa na ũlũngalu;</verse>
				<verse number="12">na ethĩwe ĩthe wa nzaĩko tĩ wa ala maĩkawa oka, ĩndĩ o na wa ala makinyaa nyaĩĩnĩ sya ũla mũĩkĩĩo wa asa waitũ Avalaamu ũla waĩ naw’o yĩla ũtaĩ mwaĩke.</verse>
				<verse number="13">Nũndũ ũla watho Avalaamu wanengiwe na ũsyao wake atĩ akeethĩwa mũtiĩwa wa nthĩ ndwaĩ kwondũ wa ĩla mĩao, ĩndĩ nĩ kwondũ wa ũlũngalu wa mũĩkĩĩo.</verse>
				<verse number="14">Nũndũ ethĩwa ala ma ĩla mĩao nĩmo atiĩwa, mũĩkĩĩo nũtw’ĩkĩte wa mana, na ũla watho nũalyũkĩte kwĩthĩwa ti watho:</verse>
				<verse number="15">nũndũ ĩla mĩao ĩetae ũthatu; ĩndĩ vala vate mĩao, vai ĩvĩtyo.</verse>
				<verse number="16">Kwondũ wa ũu nĩ wa kũĩkĩĩa, nĩ kana ũtonye kwĩthĩwa wa mumo; nĩ kana ũla watho wĩthĩwe mũlũmu ũsyaonĩ w’onthe; ti kwa ala me na ĩla mĩao oka, ĩndĩ naw’o kwa ala me na mũĩkĩĩo wa Avalaamu, nake nĩ ĩthe wa ithyonthe</verse>
				<verse number="17">(o tondũ kũandĩkĩtwe, Nakũtw’a we ĩthe wa mbaĩ mbingĩ) mbee wake ũla Avalaamu wamwĩtĩkĩlile, nake nĩ Ngai, ũla ũthayũũkasya akw’ũ, na ĩngĩ awetaa syĩndũ ite kw’o, ta syĩ kw’o.</verse>
				<verse number="18">Ũla weyĩtũkĩte wĩkwatyo nĩwetĩkĩlile na wĩkwatyo, nĩ kana atw’ĩke ĩthe wa mbaĩ mbingĩ, kwĩanana na ũndũ ũla waneenĩwe, Ũsyao waku ũkeethĩwa o ta ũu.</verse>
				<verse number="19">Nake ndaĩ mwonzu mũĩkĩĩonĩ wake, aililikana mwĩĩ wake ta mũkw’ũ (yĩla myaka yake yaĩ ta ĩana), na wũmũ wa ĩvu ya Sala;</verse>
				<verse number="20">aisyaĩĩsya ũla watho wa Ngai, ndaaya nzĩka kwa kũlea kwitĩkĩla, ĩndĩ ongeleelwa vinya nĩ mũĩkĩĩo wake, aimũnenga Ngai ndaĩa,</verse>
				<verse number="21">na nĩwamanyĩthĩtw’e vyũ, kana ũla wathaniwe nĩ Ngai nũtonya kũwĩka.</verse>
				<verse number="22">Kwondũ wa ũu naw’o nĩwatalilwe kwake kwĩthĩwa nĩ ũlũngalu.</verse>
				<verse number="23">Kũiaandĩkĩtwe kwondũ wake weka, kana nĩwatalĩlwe kwake ũu;</verse>
				<verse number="24">ĩndĩ kwondũ witũ naitũ, ala tũkatalĩlwa o ta ũu, ithyĩ ala tũmwĩtĩkĩlaa ũla wamũthayũũkisye Yesũ Mwĩaĩi waitũ kũmumya kwa akw’ũ,</verse>
				<verse number="25">ũla wanenganiwe kwondũ wa mavĩtyo maitũ, na athayũũkw’a nĩ kana tũtalĩlwe ũlũngalu.</verse>
			</chapter>
			<chapter number="5">
				<verse number="1">Ĩndĩ twatalĩlwa ũlũngalu nũndũ wa mũĩkĩĩo, twĩ an mũuo na Ngai kwondũ wa Mwĩaĩi waitũ Yesũ Klĩsto;</verse>
				<verse number="2">na kwondũ wake nĩtwonete kwondũ wa kũĩkĩĩa ũthei wa kũvota nthĩnĩ wa mumo ũũ ũla tũũngeme nthĩnĩ waw’o; na nĩtũtanaa wĩkwatyonĩ wa ũtheu mũtisu wa Ngai.</verse>
				<verse number="3">Na ti ũu w’oka, ĩndĩ nĩtũtanaa mathĩnanĩ maitũ namo: twĩsĩ kana mathĩna maetae wũmĩĩsyo;</verse>
				<verse number="4">na wũmĩĩsyo ũetae ũlũmu; na ũlũmu ũetae wĩkwatyo;</verse>
				<verse number="5">na wĩkwatyo ndũsonokasya; nũndũ wendo wa Ngai nĩwonoetwe ngoonĩ sitũ nĩ Veva Mũtheu ũla tũnengetwe.</verse>
				<verse number="6">Nũndũ yĩla twaĩ onzu, ĩvinda yeanĩa Klĩsto amakw’ĩĩa ala matakĩaa Ngai.</verse>
				<verse number="7">Nũndũ nĩ vinya mũndũ kũkw’a kwondũ wa mũndũ mũlũngalu: ĩndĩ no kwĩthĩwa ve ũmwe ũtonya kũkw’a kwondũ wa mũndũ mũseo.</verse>
				<verse number="8">Ĩndĩ Ngai nĩwonanisye wendo wake mwene kwitũ, atĩ yĩla twaĩ athe, Klĩsto akw’a kwondũ witũ.</verse>
				<verse number="9">Ĩndĩ mbee mũno, yu tũtalĩlwe ũlũngalu nũndũ wa nthakame yake, tũkatangĩĩwa nĩwe kuma ũthatunĩ wa Ngai.</verse>
				<verse number="10">Nũndũ ethĩwa, yĩla twaĩ amaitha, twew’anĩthw’e na Ngai kwondũ wa kĩkw’ũ kya Mwana wake, mbee mũno ĩtina wa kwĩw’anĩthw’a, tũkatangĩĩwa nĩ thayũ wake;</verse>
				<verse number="11">na ti ũu w’oka, ĩndĩ nĩtũtanaa nthĩnĩ wa Ngai nũndũ wa Mwĩaĩi waitũ Yesũ Klĩsto, ũla kwondũ wake yu nĩtwosete ũla wĩw’anĩthyo.</verse>
				<verse number="12">Kwondũ wa ũu, nũndũ wa mũndũ ũmwe naĩ yalikile kũũ nthĩ, na kĩkw’ũ kwondũ wa naĩ; na kwa ũu kĩkw’ũ kyavikĩa andũ onthe, nĩkwĩthĩwa onthe nĩmeekie naĩ:—</verse>
				<verse number="13">nũndũ ĩla mĩao ĩtanoka naĩ yaĩ kũũ nthĩ; ĩndĩ naĩ ndĩtalawa mĩao ĩte vo.</verse>
				<verse number="14">Ĩndĩ kĩkw’ũ kyasumbikie kuma Atamu kũvika Mose, o na ĩũlũ wa ala matekĩte naĩ ya mũthemba wa ĩvĩtyo ya Atamu, nake nĩ ngelekan’yo ya ũla ũkoka.</verse>
				<verse number="15">Ĩndĩ ũla mũthĩnzĩo ndũilyĩ ta yĩla ĩvĩtyo. Nũndũ ethĩwa aingĩ makwie nĩ ĩvĩtyo ya ũmwe, mbee mũno mumo wa Ngai, na ũla mũthĩnzĩo nũndũ wa mumo wa mũndũ o ũmwe, Yesũ Klĩsto, waingĩva kwa aingĩ.</verse>
				<verse number="16">Na ũla mũthĩnzĩo ndũilyĩ ta ũndũ ũla waumie ĩvĩtyonĩ ya mũndũ ũmwe ũla wavĩtisye: nũndũ ũsilĩlo waumie kwa ũmwe waete ũsilĩlo ũtw’ĩtwe, ĩndĩ ũla mũthĩnzĩo nĩwookie kwondũ wa mavĩtyo maingĩ waete kũtalĩlwa ũlũngalu.</verse>
				<verse number="17">Nũndũ ethĩwa kwondu wa ĩvĩtyo ya ũla ũmwe, kĩkw’ũ kyasumbĩkie ũndũ wa ũmwe; mbee mũno ala mosaa wingĩ wa mumo na wa mũthĩnzĩo wa ũlũngalu makasumbĩka thayũnĩ kwondũ wa ũmwe, Yesũ Klĩsto.</verse>
				<verse number="18">Ĩndĩ o tondũ ũsilĩlo ũtw’ĩtwe wookie ĩũlũ wa andũ onthe kwondũ wa ĩvĩtyo yĩmwe; o ta ũu kwondũ wa wĩko ũmwe wa ũlũngalu ũla mũthĩnzĩo wookie kwa andũ onthe, waete kũtalĩlwa ũlũngalu wa thayũ.</verse>
				<verse number="19">Nũndũ wa kũlea kwĩw’a kwa mũndũ ũmwe aingĩ matwiwe athe, o ta ũu kwondũ wa kwĩw’a kwa ũmwe, aingĩ makatuwa alũngalu.</verse>
				<verse number="20">Na ila mĩao nayo nĩyalikile, nĩ kana yĩla ĩvĩtyo yingĩvw’e; ĩndĩ yĩla naĩ yaingĩvie, mumo waingĩvie mũno mbee:</verse>
				<verse number="21">nĩ kana, o tondũ naĩ yasumbĩkie kũvikĩa kĩkw’ũ, o ta ũu mumo ũsumbĩke kwondũ wa ũlũngalu kũvikĩa thayũ ũtathela kwondũ wa Yesũ Klĩsto Mwĩaĩi waitũ.</verse>
			</chapter>
			<chapter number="6">
				<verse number="1">Twĩasya ata ĩndĩ, Twĩkale naĩnĩ nĩ kana mumo wingĩve?</verse>
				<verse number="2">Aiee, kũikethĩwe ũu. Ithyĩ ala twakwie kwa naĩ, tũkekala vo ĩngĩ ata?</verse>
				<verse number="3">Kana mũiĩsĩ, ithyonthe ala twavatisiwe kũlikwa nthĩnĩ wa Klĩsto Yesũ, nĩtwavatisiwe kũlikwa nthĩnĩ wa kĩkw’ũ kyake?</verse>
				<verse number="4">Twathikiwe ĩndĩ vamwe nake na nzĩa ya ũvatiso nthĩnĩ wa kĩkw’ũ kyake: nĩ kana o tondũ Klĩsto wathayũũkiw’e kuma kwa akw’ũ nũndũ wa ndaĩa ya Ĩthe, naitũ no ta ũu tũkinyae na thayũ mweũ.</verse>
				<verse number="5">Nũndũ ethĩwa tũkwatanĩtw’e nake mũvw’anĩlenĩ wa kĩkwũ kyake, tũkeethĩwa o ta ũu mũvw’anĩlenĩ wa ũthayũũkyo wake;</verse>
				<verse number="6">twĩsĩ ũũ, kana mũndũ mũkũũ waitũ nĩwambiwe vamwe nake, nĩ kana mwĩĩ wa naĩ wanangwe, nĩ kana tũikekale ĩngĩ ũkombonĩ wa naĩ;</verse>
				<verse number="7">nũndũ ũla wakwie nũtalĩtwe ta ũte na naĩ.</verse>
				<verse number="8">Ĩndĩ ethĩwa twakwie vamwe na Klĩsto, nĩtũkwĩtĩkĩla tũkeethĩwa thayũ vamwe nake;</verse>
				<verse number="9">twĩsĩ Klĩsto nĩwathayũũkiw’e kuma kwa akw’ũ ndakakw’a ĩngĩ; kĩkw’ũ kĩikamũsumbĩka ĩngĩ.</verse>
				<verse number="10">Nũndũ kĩkw’ũ kĩla wakwie akwie kwa naĩ o ĩmwe tũ: ĩndĩ thayũ ũla wĩ naw’o, e naw’o kwa Ngai.</verse>
				<verse number="11">O ta ũu nenyu ĩtalei ene kwĩthĩwa mwĩ akw’ũ kwa naĩ, ĩndĩ mwĩ thayũ kwa Ngai nthĩnĩ wa Klĩsto Yesũ.</verse>
				<verse number="12">Mũiketĩkĩle ĩndĩ nai ĩsumbĩke mĩĩnĩ yenyu ĩla ĩkusaa, kũvikĩa kwĩw’a mĩmeo yayo:</verse>
				<verse number="13">o na mũikanengane mamutha menyu kwĩka naĩ, methĩwe mĩio, ya ũte ũlũngalu; ĩndĩ ĩnenganei ene kwa Ngai, ta ala me thayu maumite kikw’ũnĩ, na mamutha menyu methĩwe mĩio ya ũlũngalu kwa Ngai.</verse>
				<verse number="14">Nũndũ naĩ ndĩkamũsumbĩka: nũndũ mũi ungu wa mĩao, ĩndĩ mwĩ ungu wa mumo.</verse>
				<verse number="15">Nata ĩndĩ? Twĩke nai, nũndũ tũi ũngũ wa ĩla mĩao, ĩndĩ twĩ ungu wa mumo? Aiee, kũikethĩwe ũu.</verse>
				<verse number="16">Mũiĩsĩ, kana kwa ũla mwĩnenganĩte ene mwĩthĩwe ngombo syake sya kwĩw’a, mwĩ ngombo syake ũla mũmwĩw’aa; ethĩwa nĩ ũkombo wa naĩ ũetae kĩkw’ũ, kana ethĩwa nĩ ũkombo wa kwĩw’a ũetae ũlũngalu?</verse>
				<verse number="17">Ĩndĩ mũvea wĩthĩwe kwa Ngai, nũndũ, yĩla mwaĩ ngombo sya naĩ, nimweewie kuma ngoonĩ mũthemba wa momanyĩsyo asu ala mweekĩiwe nthĩnĩ wamo;</verse>
				<verse number="18">na mũthaĩtw’e kuma nainĩ, mwatw’ĩka ngombo sya ũlũngalu.</verse>
				<verse number="19">Nĩneena o tondũ andũ maneenaa nũndũ wa ũvũthũ wa mĩĩ yenyu: o ũndũ mweenenganie mamutha menyu methĩwe ngombo sya kwĩka ũvuku na ũthũku kũendeea ũthũkunĩ, o ta ũu yu, ĩnenganei mamutha menyu methĩwe ngombo sya ũlũngalu kũvika kũvathĩka.</verse>
				<verse number="20">Nũndũ yĩla mwaĩ ngombo sya naĩ, mwaĩ athasye ngalĩ ĩla ya ũlũngalu.</verse>
				<verse number="21">Mwaĩ na ũsyao mwaũ ĩvinda yĩu maũndũnĩ asu ala mũmew’ĩaa nthoni yu? Nũndũ mũminũkĩlyo wa maũndũ asu nĩ kĩkw’ũ.</verse>
				<verse number="22">Ĩndĩ yu nĩmũthaĩtw’e kuma naĩnĩ, na mwatw’ĩka athũkũmi ma Ngai, mwĩ na ũsyao wenyu kũvika kũvathĩka, na mũminũkĩlyo nĩ thayũ ũtathela.</verse>
				<verse number="23">Nũndũ ĩtuvi ya naĩ nĩ kĩkw’ũ; ĩndĩ mũthĩnzĩo wa Ngai nĩ thayũ ũtathela nthĩnĩ wa Klĩsto Yesũ Mwĩaĩi waitũ.</verse>
			</chapter>
			<chapter number="7">
				<verse number="1">Kana mũiĩsĩ, ana‐a‐asa makwa (nũndũ nĩngũneena na ala mesĩ ĩla mĩao), kana mĩao ĩsumbĩkĩte mũndũ ĩvinda yĩla wĩ thayũ?</verse>
				<verse number="2">Nũndũ mũndũ mũka ũla wĩ na mũũme nĩwovetwe nĩ mĩao kwa mũũme ĩvinda yĩla mũũme wĩ thayũ; ĩndĩ ethĩwa mũũme akakw’a, nĩwathaw’a kuma mwĩaonĩ wa mũũme.</verse>
				<verse number="3">O ta ũu ethĩwa ĩvinda yĩla mũũme wĩ thayũ, akatwawa nĩ mũndũ ũngĩ, akeetwa kĩlaalai: indĩ ethĩwa mũũme nĩwakw’a, nũthaĩtw’e mwĩaonĩ, nake we ti kĩlaalai, o na atwawa nĩ mũndũ ũngĩ.</verse>
				<verse number="4">Kwondũ wa ũu, ana‐a‐asa makwa, nĩmwatwiwe akw’ũ kwa ĩla mĩao nũndũ wa mwĩĩ wa Klisto; nĩ kana mũtwawe nĩ ũngĩ, na nĩwe ũla wathayũũkiw’e kuma kwa akw’ũ, nĩ kana tũtonye kũmũsyaĩaa Ngai ũsyao.</verse>
				<verse number="5">Nũndũ yĩla twaĩ maũndũnĩ ma mwĩĩ, mimeo ya naĩ ĩla yaĩ kwondũ wa ĩla mĩao yeekaa mamuthanĩ maitũ kũvika kũsyaĩaa kĩkw’ũ ũsyao.</verse>
				<verse number="6">Ĩndĩ yu nĩtwaumiw’e mĩaonĩ, tũkw’ĩte kwa ũsu watũlũmitye; nĩ kana tũthũkũmae mwĩkalĩlenĩ mweũ wa veva, na ti mwĩkalĩlenĩ wa tene wa maandĩko.</verse>
				<verse number="7">Twĩasya ata ĩndĩ? Ĩla mĩao nĩ naĩ? Aiee, kũikethĩwe ũu. Ĩndĩ, ndyaĩ nĩmanya naĩ, ate o kwondũ wa ĩla mĩao: nũndũ ndyaĩ nĩmanya ĩtomo, ate o ĩla mĩao kwasya, Ndũkew’e ĩtomo:</verse>
				<verse number="8">ĩndĩ naĩ, yoona ũthei, yeeka nthĩnĩ wakwa mĩthemba yonthe ya itomo kwondũ wa ũla mwĩao: nũndũ vate mĩao naĩ nĩ ngw’ũ.</verse>
				<verse number="9">Nakwa naĩ thayũ tene ĩla mĩao ĩte vo: ĩndĩ ũla mwĩao wooka, naĩ yookĩla ĩngĩ, na nyie nakw’a:</verse>
				<verse number="10">na mwĩao, ũla waĩ wa kũete thayũ, ũsu nawona nĩ wa kĩkw’ũ:</verse>
				<verse number="11">nũndũ yĩla naĩ yonie ũthei, kwondũ wa ũla mwĩao, nĩyanzesengie, na kwondũ waw’o yambũaa.</verse>
				<verse number="12">Na kwondũ wa ũu ila mĩao nĩ mĩtheu, na ũla mwĩao nĩ mũtheu, na nĩ mũlũngalu, na nĩ mũseo.</verse>
				<verse number="13">Ĩndĩ ũla ũseo nĩwatw’ĩkie kĩkw’ũ kwakwa? Aiee, kũikethĩwe ũu. Ĩndĩ naĩ, nĩ kana yoneke kwĩthĩwa nĩ naĩ, nĩyatethisye wĩa wa kĩkw’ũ nthĩnĩ wakwa kwondũ wa ũla ũseo; nĩ kana kwondũ wa ũla mwĩao naĩ ĩtw’ĩke nthũku mũno.</verse>
				<verse number="14">Nũndũ nĩtwĩsĩ kana ĩla mĩao nĩ ya veva: ĩndĩ nyie nĩ wa mwĩĩ, nĩ mũthoosye naĩnĩ.</verse>
				<verse number="15">Nũndũ ũla nĩkaa ndimanyaa: nĩkwĩthĩwa ũla nendaa, ũsu ndiwĩkaa; ĩndĩ ũla nĩmenaa, ũsu nĩw’o nĩkaa.</verse>
				<verse number="16">Ĩndĩ ethĩwa nĩkaa ũla ndendaa, nĩĩtĩkĩla ĩla mĩao nĩ mĩseo.</verse>
				<verse number="17">Ĩndĩ yu ti nyie ĩngĩ nĩkaa, ĩndĩ nĩ naĩ ĩla ĩtwĩe nthĩni wakwa nĩyo yĩkaa.</verse>
				<verse number="18">Nũndũ nĩnĩsi nthĩnĩ wakwa, naw’o nĩ nthĩnĩ wa mwĩĩ wakwa, vaitwĩe ũndũ ũseo: nũndũ kwenda kwĩ vo, ĩndĩ kwĩka ũla ũseo kũivaĩ.</verse>
				<verse number="19">Nũndũ ũseo ũla ngwenda ndiwĩkaa; ĩndĩ ũthũku ũla ndendaa, nĩw’o nĩkaa.</verse>
				<verse number="20">Ĩndĩ ethĩwa nĩkaa ũla ndendaa, tii nyie ĩngĩ nĩkaa, ĩndĩ nĩ naĩ ĩla ĩtwĩe nthĩnĩ wakwa.</verse>
				<verse number="21">Nonete ĩndĩ mwĩao ũũ, kana, kwakwa ngyenda kwĩka nesa, ũthũku wĩ o vo.</verse>
				<verse number="22">Nũndũ nĩtanĩaa ĩla mĩao ya Ngai mũndũnĩ wa nthĩnĩ:</verse>
				<verse number="23">ĩndĩ nĩona mwĩao wa mũthemba ũngĩ mamuthanĩ makwa, ũla wũkitaa na ũla mwĩao wĩ kĩlilikanonĩ kyakwa, na nũndavĩte ũkambĩkĩa mwĩaonĩ wa naĩ ũla wĩ mamuthanĩ makwa.</verse>
				<verse number="24">Mũndũ mũthĩni ninyie! Nũũ ũla ũtonya kũndangĩĩa kuma mwĩĩnĩ wa kĩkw’ũ kĩĩ?</verse>
				<verse number="25">Nĩmũtũngĩa Ngai mũvea nĩ ũndũ wa Yesũ Klĩsto Mwĩaĩi waitũ. Kwondũ wa ũu nyie mwene nĩthũkũmaa ĩla mĩao ya Ngai na kĩlilikano kyakwa: ĩndĩ mwĩĩnĩ wakwa nĩthũkũmaa ũla mwĩao wa naĩ.</verse>
			</chapter>
			<chapter number="8">
				<verse number="1">Ĩndĩ yu, kwondũ wa ũu, kũi ũsilĩlo nongi ĩũlũ wa ala me nthĩnĩ wa Klĩsto Yesũ.</verse>
				<verse number="2">Nũndũ mwĩao wa Veva wa thayũ ũla wĩ nthĩnĩ wa Klĩsto Yesũ nũnthaĩtye kuma mwĩaonĩ wa naĩ na wa kĩkw’ũ.</verse>
				<verse number="3">Nĩkwĩthĩwa ũndũ ũla ũtaatonya kwĩkwa nĩ ĩla mĩao, kwa kwĩthĩwa yaĩ mĩvũthũ kwondũ wa mwĩĩ, Ngai, ũndũ wa ũmũtũma Mwana wake mwene na mũvw’ano wa mwĩĩ wa naĩ, na kwondũ wa naĩ, nĩwasilĩle naĩ mwĩĩnĩ:</verse>
				<verse number="4">nĩ kana ũtw’ĩo wa ĩla mĩao ũtonye kwĩanĩw’a nthĩnĩ waitũ, ithyĩ ala tũtavikĩlaa maũndũ ma mwĩĩ, ĩndĩ nĩtũvikĩlaa maũndũ ma Veva.</verse>
				<verse number="5">Nũndũ ala mavikĩlaa mwĩĩ malilikanaa maũndũ ma mwĩĩ; ĩndĩ ala mavikĩlaa Veva malilikanaa maũndũ ma Veva.</verse>
				<verse number="6">Nũndũ kũlilikana kwa mwĩĩ nĩ kĩkw’ũ; ĩndĩ kũlilikana kwa Veva nĩ thayũ na mũuo:</verse>
				<verse number="7">nĩkwĩthĩwa kũlilikana kwa mwĩĩ nĩ ũmaitha na Ngai; nũndũ kũikwĩnyivya mĩaonĩ ya Ngai, o na ĩngĩ kũitonyeka:</verse>
				<verse number="8">na ala ma mwĩĩ maitonya kũmwendeesya Ngai.</verse>
				<verse number="9">Ĩndĩ inyw’ĩ mũi ma mwĩĩ, ĩndĩ mwĩ ma Veva, ethĩwa nĩ w’o kana Veva wa Ngai atwĩe nthĩnĩ wenyu. Ĩndĩ ethĩwa mũndũ o na wĩva nde na Veva wa Klĩsto, ũsu ti wake nongi.</verse>
				<verse number="10">Na ethĩwa Klĩsto e nthĩnĩ wenyu, mwĩĩ nĩ mũkw’ũ kwondũ wa naĩ; ĩndĩ veva wĩ thayũ kwondũ wa ũlũngalu.</verse>
				<verse number="11">Ĩndĩ ethĩwa Veva wa ũla wamũthayũũkisye Yesũ kũmumya akw’ũnĩ nũtwĩe nthĩnĩ wenyu, ũla wamũthayũũkisye Klĩsto Yesũ kũmumya akw’ũnĩ akamĩnenga thayũ mĩĩ yenyu ĩla ĩkusaa, kwondũ wa Veva wake ũla ũtwie nthĩnĩ wenyu.</verse>
				<verse number="12">Kwondũ wa ũu ĩndĩ, ana‐a‐asa makwa, twĩ na thiĩ, ti wa mwĩĩ, kwĩkalya mathayũ maitũ kũatĩĩa maũndũ ma mwĩĩ:</verse>
				<verse number="13">nũndũ ethĩwa mwĩkala kũatĩĩa maũndũ ma mwĩĩ, mũitĩa kũkw’a; ĩndĩ ethĩwa kwondũ wa Veva mũkooaa meko ma mwĩĩ, mũkeethĩwa thayũ.</verse>
				<verse number="14">Nũndũ onthe ala matongoeaw’a nĩ Veva wa Ngai, asu nĩ o ana ma Ngai.</verse>
				<verse number="15">Nũndũ mũiaaosa veva wa ũkombo ĩngĩ ũetae w’ĩa; ĩndĩ nĩmwoosie veva wa kũtuwa ana, kwondũ wa ũu nĩtwĩkaĩlaa, tũkyasya, Nau, Asa.</verse>
				<verse number="16">Ũla Veva mwene akũsĩĩaa vamwe na maveva maitũ, kana ithyĩ twĩ syana sya Ngai:</verse>
				<verse number="17">na ethĩwa twĩ syana, twĩ atiĩwa; atiĩwa ma Ngai na atiĩwa vamwe na Klĩsto; ethĩwa nĩw’o kana tũkanyamaaw’a vamwe nake, nĩ kana tũtonye naw’o kũtaĩwa vamwe nake.</verse>
				<verse number="18">Nũndũ nĩtalaa mathĩna ma ĩvinda yĩĩ matiaĩle kũvw’ananw’a na ũtheu mũtisu ũla tũkavuanĩw’a ithyĩ.</verse>
				<verse number="19">Nũndũ syũmbe syonthe isyaĩĩsyaa mũno ikyeteela ana ma Ngai monanw’e.</verse>
				<verse number="20">Nũndũ syũmbe isumbĩkĩtwe nĩ wanangĩko, ti kwa kwenda kwasyo, ĩndĩ nĩ kwondũ wa ũla waitw’ĩĩe ũu, wĩkwatyonĩ:</verse>
				<verse number="21">nĩkwĩthĩwa syũmbe nasyo ikathaw’a kuma ũkombonĩ wa wanangiko, kũlika ũthasyonĩ wa ũtaĩo wa syana sya Ngai.</verse>
				<verse number="22">Nũndũ nĩtwĩsĩ kana syũmbe syonthe ilumaa na kwaũnyw’a nĩ woo vamwe kũvika o na yu.</verse>
				<verse number="23">Na ti ũu w’oka, ĩndĩ ithyĩ naitũ ala twĩ na mosyao ma mbee ma Veva, o naitũ ene nĩtũlumaa nthĩnĩ waitũ, tũkyeteela kũtuwa ana, nakw’o nĩ wovosyo wa mĩĩ yaitũ.</verse>
				<verse number="24">Nũndũ wĩkwatyonĩ nĩtwatangĩĩwe: ĩndĩ wĩkwatyo wenekee ti wĩkwatyo: nũndũ nũũ wĩkwatasya kĩla wene?</verse>
				<verse number="25">Ĩndĩ ethĩwa twĩĩkwatya kĩla tũtene, nĩvo ĩndĩ tũkyeteelaa na wũmĩĩsyo.</verse>
				<verse number="26">Na ĩngĩ o ta ũu ũla Veva nũtũtetheeasya wonzunĩ wĩtũ: nũndũ tũtyĩsĩ kũvoya tondũ twaĩlwe; ĩndĩ ũla Veva mwene nũtũvoyeaa na kũluma kũtaweteka;</verse>
				<verse number="27">nake ũla ũmanthaa ngoonĩ nĩwĩsĩ kwenda kwa Veva ũndũ kũilyĩ, nĩkwĩthĩwa avoyeaa atheu kwĩanana na kwenda kwa Ngai.</verse>
				<verse number="28">Naitũ nĩtwĩsĩ maũndũ onthe mekaa vamwe na kũete moseo kwa ala mamwendaa Ngai, kwa ala meetiwe kwĩanana na kwenda kwake.</verse>
				<verse number="29">Nĩkwĩthĩwa ala wesĩ kuma tene, asu nĩo wanyuvie kuma tene nĩ kana mavw’ananw’e na mũvw’ano wa Mwana wake, nĩ kana we ethĩwe mũsyawa wa mbee katĩ wa ana‐a‐asa aingĩ:</verse>
				<verse number="30">na ala wanyuvie kuma tene, asu nĩo wametie: na ala wetie, asu nĩo wamatalĩle ũlũngalu: na ala wamatalĩle ũlũngalu, asu nĩo wamataĩe.</verse>
				<verse number="31">Twĩasya ata ĩndĩ maũndũnĩ asu? Ethĩwa Ngai e ngalĩ ĩla yaitũ, nũũ ũla ũtwĩka ũndũ?</verse>
				<verse number="32">We ũla ũtaamwĩw’ĩa tei Mwana wake mwene, ĩndĩ amumisye kwondũ witũ ithyonthe, akaeka ata kũtũnenga mana syĩndũ syonthe nthĩnĩ wake?</verse>
				<verse number="33">Nũũ ũla wĩmavinganĩasya anyuve ma Ngai? Ngai nĩwe ũmatalĩlaa ũlũngalu.</verse>
				<verse number="34">Nũũ ũla wimasilĩlaa? Klĩsto Yesũ nĩwe wakwie, ĩĩ na kũvĩtũka ũu, nĩwathayũũkiw’e kuma akw’ũnĩ, na e ngalĩ ya kw’oko kwa aũme kwa Ngai, na ĩngĩ nĩwe ũtũvoyeaa.</verse>
				<verse number="35">Nũũ ũla witũvathanasya na wendo wa Klĩsto? Nĩ monyamao, kana woo, kana thĩna, kana yũa, kana ndwĩkĩwa, kana mũisyo, kana ũvyũ?</verse>
				<verse number="36">O ũndũ kũandĩkĩtwe. Kwondũ waku twĩũawa mũthenya w’onthe; Nĩtũtalawa kwĩthĩwa malondu ma kũawa.</verse>
				<verse number="37">Aiee, maũndũnĩ asu onthe nĩtũkĩlya vinya mũno kwondũ wa ũla watwendie.</verse>
				<verse number="38">Nũndũ nĩnĩsĩ vyũ, kana kĩkw’ũ, o na thayũ, o na alaĩka, o na monene, o na maũndũ ma yu, o na ala makoka, o na mavinya,</verse>
				<verse number="39">o na ũtũlu, o na ũliku, o na kĩla kyoombiwe kyonthe, kĩtitonya kũtũtaan’ya na wendo wa Ngai, ũla wĩ nthĩnĩ wa Klĩsto Yesũ Mwĩaĩi waitũ.</verse>
			</chapter>
			<chapter number="9">
				<verse number="1">Nĩneenaa w’o nthĩnĩ wa Klĩsto, ndiũneena ũvũngũ, wasya wa ngoo wakwa nũũkũsĩĩa vamwe nakwa nthĩnĩ wa Veva Mũtheu,</verse>
				<verse number="2">kana nĩ na kyeva kĩnene na woo ũtathela ngoonĩ yakwa.</verse>
				<verse number="3">Nũndũ nenda nyie mwene nĩthĩwe nĩ mũumanĩe na kũvetwa nthĩnĩ wa Klĩsto kwondũ wa ana‐a‐asa makwa, mbaĩ yakwa kwa mwĩĩ:</verse>
				<verse number="4">nao nĩ Aisilaeli; kũtuwa ana nĩ kwoo, o na ĩla ndaĩa na motianĩo, na kũnengwa ĩla mĩao, na ũthũkũmi wa Ngai, na ala matho;</verse>
				<verse number="5">nao, ala aasa nĩ moo, na Klĩsto aumie kwoo kwondũ wa mwĩĩ, ũla wĩ ĩũlũ wa onthe, ũtaĩĩtwe nĩ Ngai tene na tene. Ameni.</verse>
				<verse number="6">Ĩndĩ ti kwĩthĩwa ndeto ya Ngai nĩyaemiwe. Nũndũ onthe ala masyaiwe nĩ Isilaeli, ti onthe Isilaeli:</verse>
				<verse number="7">o na onthe ti syana, ala ma ũsyao wa Avalaamu: ĩndĩ, Nthĩnĩ wa Isaka ũsyao waku ũketwa.</verse>
				<verse number="8">Kũilyĩ ati syana sya mwĩĩ ti syo syana sya Ngai: ĩndĩ o syana sya ũla watho italawa kwĩthĩwa nĩ ũsyao.</verse>
				<verse number="9">Nũndũ ĩno nĩyo ndeto ya watho, Ĩvinda ta yĩĩ nĩngoka, na Sala akethĩwa na mwana.</verse>
				<verse number="10">Na ti ũu w’oka; ĩndĩ Leveka aya ĩvu ya ũmwe, nake nĩ mũũme wake, asa waitũ Isaka,—</verse>
				<verse number="11">na syana itanamba ũsyawa, o na itanamba kwĩka ũndũ ũseo kana ũthũku, nĩ kana kwenda kwa Ngai kwĩanana na kũnyuva kwake kwĩkale, ti kwa meko, ĩndĩ nĩ kwa ũla wĩtanaa,</verse>
				<verse number="12">Leveka nĩwataviw’e, Ũla mũkũũ nũkathũkũma mũinae.</verse>
				<verse number="13">O ũndũ kũandĩkĩtwe, Yakovo nĩnamwendie, ĩndĩ Esau nĩnamũmenie.</verse>
				<verse number="14">Twĩasya ata ĩndĩ? Kwĩ ũte ũlũngalu kwa Ngai? Aiee, kũikethĩwe ũu.</verse>
				<verse number="15">Nũndũ nĩwamwĩie Mose, Ngamwĩw’ĩa tei ũla nĩmwĩw’ĩaa, na ngamwĩw’ĩa ĩnee ũla nĩmwĩw’ĩaa.</verse>
				<verse number="16">Na kwa ũu ti wa ũla wendaa, kana wa ũla ũsembaa, ĩndĩ nĩ wa Ngai ũla wĩw’ĩaa tei.</verse>
				<verse number="17">Nũndũ maandĩko memwĩa Valao, Kwondũ wa ũu nĩnakũũngamisye, nĩ kana nonan’ye vinya wakwa nthĩnĩ waku, na nĩ kana syĩtwa yakwa yĩtavanw’e nthĩ yonthe.</verse>
				<verse number="18">Kwa ũu amwĩw’ĩaa tei ũla ũkwenda kũmwĩw’ĩa, na ũla ũkwenda kũmya aiũmya.</verse>
				<verse number="19">Ĩndĩ ũkambĩa Kũilyĩ ata kwĩkalaa aitwona na mavĩtyo? Nũndũ nũũ ũla wĩsiĩĩa kwenda kwake?</verse>
				<verse number="20">Aiee, ĩndĩ we mũndũ, nue ũũ ũla ũmũkananĩsya Ngai? Kĩndũ kĩla kyoombiwe nĩkĩtonya kũmũtavya ũla wakyũmbie, Wambũmbĩe ũu kĩ?</verse>
				<verse number="21">Kana mũmbi nde na vinya ĩũlũ wa yũmba, kuma mũndonĩ ũmwe, kĩlungu kĩmwe kũmba mũio wĩthĩwe na ndaĩa, na kilungu kĩngĩ kumba mũio ũte wa ndaĩa?</verse>
				<verse number="22">Nata ethĩwa Ngai, akyenda kwonan’ya ũthatu wake, na kũmanyĩthan’ya vinya wake, nĩwomĩĩsye na wũmĩĩsyo mwingĩ mĩio ya ũthatu ĩla yombiwe ya wanangĩko:</verse>
				<verse number="23">nĩ kana amanyĩthan’ye wĩngĩ wa ndaĩa yake ĩũlũ wa mĩio ya tei, ĩla waseũvisye mbee yĩthĩwe ya ũtaĩo,</verse>
				<verse number="24">nayo nĩ ithyi, ala watwĩtie, ti kuma kwa Ayuti oka, ĩndĩ kuma kwa Andũ‐ma‐mbaĩ‐ingĩ nao?</verse>
				<verse number="25">O ũndũ waisye ĩvukunĩ ya Osea, Ngameta asu andũ makwa, ala mataĩ andũ makwa; Na ngamwĩta mwendwa, ũla ũtaĩ mwendwa.</verse>
				<verse number="26">Na kũkeethĩwa, vala meeiwe, Inyw’ĩ mũi andũ makwa, Vau makeetwa ana ma Ngai ũla wĩ thayũ.</verse>
				<verse number="27">Na Isaia eumya wasya wake kwondũ wa Isilaeli, Ethiwa ũtalo wa syana sya Isilaeli ũkethiwa ta kĩthangathi kya ũkanga, nĩ ũtialo ũla ũkatangĩĩwa:</verse>
				<verse number="28">nũndũ Mwĩaĩi akeanĩsya ndeto yake ĩũlũ wa nthĩ, aimĩminũkĩlya na kũmĩtila nguvi.</verse>
				<verse number="29">Na, tondũ Isaia wambie ũneena, Keka Mwĩaĩi wa Savaothi watũtiĩe ũsyao, Twĩthiwa twatw’ĩkie ta Sotomo, na tũkavw’ananw’a na Ngomola.</verse>
				<verse number="30">Twĩasya ata ĩndĩ? Kana Andũ‐ma‐mbaĩ‐ĩngĩ, ala mataaatĩĩa ũlũngalu, nĩmoonie ũlũngalu, naw’o nĩ ũlũngalu, ũla wa mũĩkĩĩo:</verse>
				<verse number="31">ĩndĩ Isilaeli, maatĩĩa mwĩao wa ũlũngalu, matyaavikĩa mwĩao ũsu.</verse>
				<verse number="32">Nĩ ũndũ wa kĩ? Nũndũ matyaamantha kwa kũĩkĩĩa, ĩndĩ kwa kwĩka. Nĩmalulutĩkilw’e nĩ yĩla ĩvia yĩlulutĩkasya;</verse>
				<verse number="33">o tondũ kũandĩkĩtwe, Sisyai, nĩngwia nthĩnĩ wa Saioni ĩvia ya kũtulya na ĩvia ĩnene ya kũlulutĩkya: Na ũla ũmwĩtĩkĩlaa ndakasonokw’a.</verse>
			</chapter>
			<chapter number="10">
				<verse number="1">Ana‐a‐asa makwa, kwenda kwa ngoo yakwa na kũvoya kwakwa kwa Ngai nĩ kwondũ woo, nĩ kana matangĩĩwe.</verse>
				<verse number="2">Nũndũ nĩngũmakũsĩĩa kana me na ũthangaau mũnene kwa Ngai, ĩndĩ ti kwĩanana na ũmanyi.</verse>
				<verse number="3">Nũndũ wa kwĩthĩwa matyaamanya ũlũngalu wa Ngai, na makĩmantha kũlũlũmĩlya ũlũngalu woo ene, malea kwĩnyivĩsya ũlũngalu wa Ngai.</verse>
				<verse number="4">Nũndũ Klĩsto nĩ mũminũkĩlyo wa ĩla mĩao nĩ kana o ũla wĩtĩkĩlaa ethĩwe na ũlũngalu.</verse>
				<verse number="5">Nũndũ Mose eandĩka kana mũndũ ũla wĩkaa, ũlũngalu ũla wonekaa ĩla mĩaonĩ akekala thayũ nthĩnĩ waw’o.</verse>
				<verse number="6">Ĩndĩ ũlungalu ũla wonekaa mũĩkĩĩonĩ wĩneena atĩĩ, Ndũkasye ngooni yaku, Nũũ ũla ũkambata ĩtunĩ? (Naw’o, nĩ kũmũtheesya Klĩsto kũũ nthĩ:)</verse>
				<verse number="7">kana, Nũũ ũla ũkatheea ĩimanĩ yĩte kĩtulu? (Naw’o, nĩ kũmũkĩlya Klisto kũmumya akw’ũnĩ.)</verse>
				<verse number="8">Ĩndĩ maandĩko measya ata? Ĩla ndeto yĩ vakuvĩ naku, kanyw’anĩ waku na ngoonĩ yaku: nayo nĩ ĩla ndeto ya mũĩkĩĩo, ĩla ithyĩ tũtavanasya:</verse>
				<verse number="9">nĩkwĩthĩwa ethĩwa ũkamumbũla Yesũ na kanyw’a waku kana nĩwe Mwĩaĩi, na ũkeetĩkĩla ngoonĩ yaku kana Ngai nĩwamũthayũũkisye kũmumya akw’ũnĩ, ũkatangĩĩwa:</verse>
				<verse number="10">nũndũ mũndũ nĩwĩtĩkĩlaa na ngoo kũvikĩa ũlũngalu; na nĩwumbũlaa na kanyw’a kũvikĩa ũtangĩĩo.</verse>
				<verse number="11">Nũndũ maandĩko measya, O ũla ũkamwĩtĩkĩla ndakaasonokw’a.</verse>
				<verse number="12">Nũndũ kũi kĩvathũkan’yo kati wa Mũyuti na Mũkiliki: nũndũ Mwĩaii o ũsu ũmwe nĩ Mwĩaĩĩ wa onthe, na ni mũthwii kwa onthe ala mamwĩkaĩlaa:</verse>
				<verse number="13">nũndũ, O ũla ũkekaĩla syĩtwa ya Mwĩaĩi, nũkatangĩĩwa.</verse>
				<verse number="14">Ĩndĩ makamwĩkaĩla ata ũla matamwĩtĩkĩlĩte? Na makamwĩtĩkĩla ata we ũla mataamwĩw’a? Na makeew’a ata vate mũtavan’ya?</verse>
				<verse number="15">Na makatavan’ya ata mate atũme? O ũndũ kũandĩkitwe. A! Kote maseo maũũ ala maetae ũvoo wĩ mũyo wa maũndũ maseo!</verse>
				<verse number="16">Ĩndĩ ti onthe meewie ũla ũvoo mũseo. Nũndũ Isaia easya, Mwĩaĩi, ũla wetĩkĩlile ũvoo witũ nũũ?</verse>
				<verse number="17">Kwa ũu mũĩkĩĩo wũkaa kwondũ wa kwĩw’a, na kwĩw’a kũkaa kwondũ wa ndeto ya Klĩsto.</verse>
				<verse number="18">Ĩndĩ nĩngũkũlya, Matyaawĩw’a? Ĩĩ, nĩ w’o, Wasya woo nĩwatũnganie nthĩ yonthe, Na ndeto syoo syavika itulunĩ sya nthĩ.</verse>
				<verse number="19">Ĩndĩ ningũkũlya, Isilaeli matyaamanya? Mbee Mose easya, Ngamwĩw’ĩthya kĩwĩu na asu mate mbaĩ, Ngamũthatya na mbaĩ ĩte na ũmanyi,</verse>
				<verse number="20">Na Isaia nĩ ngũmbaũ nene, na easya, Nonekie nĩ andũ mataamantha; Naumila kwa ala mataangũlya.</verse>
				<verse number="21">Ĩndĩ kwondũ wa Isilaeli easya, Mũthenya mũima natambũũkĩsye moko makwa andũ matekwĩw’a, ala me na ngananĩo.</verse>
			</chapter>
			<chapter number="11">
				<verse number="1">Nĩngũkũlya indĩ, Ngai nĩwamavetie andũ make? Aiee, kũĩkethĩwe ũu. Nũndũ nyie nakwa nĩ Mũisilaeli, wa ũsyao wa Avalaamu, wa mbaĩ ya Mbenyamini.</verse>
				<verse number="2">Ngai ndaamaveta andũ make ala wesĩ kuma tene. Kana mũiĩsĩ ũndũ maandĩko measya ũndũ wa Eliya? Ũndũ emwĩsũva Ngai aivinganĩsya Isilaeli, aiasya:</verse>
				<verse number="3">Mwĩaĩi, nĩmooaie athani maku, nĩmaomboie ithembeo syaku; nakwa ndiele nĩ nyioka, nao memantha thayũ wakwa.</verse>
				<verse number="4">Ĩndĩ ũsũngĩo wa Ngai wĩmwĩa ata? Nĩtialĩlye andũ ngili. Mũonza, ala mataatulĩlya Mbaali ndu.</verse>
				<verse number="5">O na yu ĩvindanĩ yĩĩ kwĩ ũtialo kwĩanana na kũnyuvwa kwa mumo.</verse>
				<verse number="6">Ĩndĩ ethĩwa nĩ ũndũ wa mumo ti ũndũ wa meko ĩngĩ: ethĩwa ti ũu mumo nũtw’ĩkĩte ti mumo.</verse>
				<verse number="7">Kũilyĩ ata ĩndĩ? Kĩla Isilaeli wamanthaa, ndaakyona; ĩndĩ ala anyuve nĩmakyonie, na ala angĩ nĩmoomiw’e:</verse>
				<verse number="8">o ũndũ kũandĩkĩtwe, Ngai nĩwamanengie veva wa too, metho maikone, na matũ maikew’e, kũvika mũthenya ũũ wa ũmũnthĩ.</verse>
				<verse number="9">Na Ndaviti easya, Mesa yoo yĩthĩwe mũkwa na kĩtei, Na yĩthĩwe yĩ ũlulutĩkyo, na ũĩvo kwoo:</verse>
				<verse number="10">Metho moo maye mbindu, kana maikone, Noimakunamya mũongo woo matukũ onthe.</verse>
				<verse number="11">Ĩndĩ nĩngũkũlya, Malulutĩkile mavalũke? Aiee, kũikethiwe ũu: ĩndĩ ũndũ wa kũvalũka kwoo ũtangĩĩo nũvikĩe Andũ‐ma‐mbaĩ‐ingĩ, nĩ kana nao mekĩwe kĩwĩu.</verse>
				<verse number="12">Na ethĩwa kũvalũka kwoo nĩ ũthwii kwa nthĩ, na wasyo woo nĩ ũthwii kwa Andũ‐ma‐mbaĩ‐ingĩ; nĩ mbee veanata wĩanĩu woo?</verse>
				<verse number="13">Ĩndĩ nĩngũneena nenyu Andũ‐ma‐mbaĩ‐ingĩ. O ũndũ nyie nĩ mũtũmwa kwa Andũ‐ma‐mbaĩ‐ingĩ, nĩtaĩa ũthũkũmi wakwa;</verse>
				<verse number="14">nĩ kana ndonye kwa ũndũ o na wĩva kũmew’ithya kĩwĩu ala ma mbai yakwa, na kũtangĩĩa amwe moo.</verse>
				<verse number="15">Nũndũ ethĩwa kũvetwa kwoo nĩ kwiw’anithw’a kwa nthĩ. Kwĩtĩkĩlwa kwoo kũkethĩwa nĩ ata, ate o thayũ kuma kikw’ũnĩ?</verse>
				<verse number="16">Na ethĩwa mũtuo wa ũsyao wa mbee nĩ mũtheu, no ta ũu mũndo w’onthe naw’o: na ethĩwa kĩtina nĩ kĩtheu, mbonge nasyo no ta ũu.</verse>
				<verse number="17">Ĩndĩ ethĩwa mbonge imwe nĩsyatũlilwe, naku, yĩla waĩ mũthata wa kĩthekanĩ, wasamaniw’e katĩ wasyo, na watw’ĩkie mwosi vamwe nasyo wa kĩla kĩtina na ũnou wa ũla mũthata;</verse>
				<verse number="18">ndũkekathĩie ĩũlũ wa ila mbonge: ĩndĩ ethĩwa nũkwĩkathĩĩa, tuue ũkuaa kĩtina, ĩndĩ nĩ kĩtina kĩũkuaa we.</verse>
				<verse number="19">Ĩndĩ ũkasya, Mbonge nĩsyatũlilwe, nĩ kana nĩsamanw’e vo.</verse>
				<verse number="20">Ni w’o; kwa kũlea kwĩtĩkĩla kwoo nĩmatũlilwe, naku ũũngeme ũndũ wa kũĩkĩĩa kwaku. Ndũkethĩwe na kĩlĩko kĩ mĩtũlyo, ĩndĩ ĩthĩwa na w’ĩa:</verse>
				<verse number="21">nũndũ ethĩwa Ngai ndaaekana na mbonge ila syai vo, o naku ndakakũeka.</verse>
				<verse number="22">Sisya ĩndĩ ũseo na wai wa Ngai: kwa ala mavalũkile, wai; ĩndĩ kwaku, ũseo wa Ngai, ethĩwa ũkekalaa ũseonĩ wake: na ethiwa ti ũu o naku ũkatilwa.</verse>
				<verse number="23">Na asu nao, ethĩwa maikekala na kũlea kwĩtĩkĩla kwoo, makasamanw’a: nũndũ Ngai nũtonya kũmasaman’ya ĩngĩ.</verse>
				<verse number="24">Nũndũ ethĩwa we nĩwatililwe waumw’a mũthatanĩ, mũthata wa mũtuo wa kĩthekanĩ, na wasamaniw’e ũndũ ũtekawa nthĩnĩ wa mũthata mũseo; ti mbee mũno asu, ala maĩ mbonge kwa mũtuo woo, kũsamanw’a mũthatanĩ ũla woo ene?</verse>
				<verse number="25">Nũndũ ndikwenda, ana‐a‐asa, mũlee ũmanya nzama ĩno, nĩ kana mũĩkeyone ta mwĩ oĩ, atĩ wũmũ wa kilungu nĩwamakwatie Isilaeli, kũvika wĩanĩu wa Andũ‐ma‐mbaĩ‐ingĩ wĩvika;</verse>
				<verse number="26">na ta ũu Isilaeli onthe makatangĩĩwa: o ũndũ kũandĩkĩtwe, Ũla Mwovosya akooka kũma Saionĩ: Akaathũkya ũndũ ũte wa ũmũkĩa Ngai wume kwa Yakovo:</verse>
				<verse number="27">Na ũu nĩw’o ũtianĩo wakwa nao, Yĩla ngamavetea naĩ syoo.</verse>
				<verse number="28">Ngalĩ ya ũvoo mũseo, matw’ĩkĩte amaitha kwondũ wenyu: ĩndĩ ngalĩ ya kũnyuvwa, matw’ĩkĩte endwa kwondũ wa ala aasa.</verse>
				<verse number="29">Nũndũ mĩthĩnzĩo na wĩtano wa Ngai itialyũlawa.</verse>
				<verse number="30">O tondũ inyw’ĩ tene mũtaamwĩw’a Ngai, ĩndĩ yu nĩmwĩw’ĩwe tei nũndu wa kũlea kwĩw’a kwoo,</verse>
				<verse number="31">o ta ũu, nao yu matw’ĩkĩte mate ewi, nĩ kana kwondũ wa tei ũla mweew’ĩwe, nao matonye kwĩw’iwa tei.</verse>
				<verse number="32">Nũndũ Ngai nũmavingĩĩte onthe vamwe kũvikĩa kũlea kwĩw’a, nĩ kana atonye kũmew’ĩa onthe tei.</verse>
				<verse number="33">A! Kyũngũ kya ũthwii wa ũĩ na ũmanyi wa Ngai! Motw’ĩo make matamanyĩka, na nzĩa syake itamanthĩka!</verse>
				<verse number="34">Nũndũ nũũ ũla wamanyie kĩlilikano kya Mwĩaĩi? Kana nũũ ũla waĩ mũtai wake?</verse>
				<verse number="35">Kana nũũ ũla wambie ũmũnenga kĩndũ, na kũĩvwa ĩngĩ o kyo?</verse>
				<verse number="36">Nũndũ syĩndĩ syonthe syumaa kwake, na ĩngĩ syĩ kwondũ wake, na ialũkaa kwake. Ndaĩa nĩ yake tene na tene. Ameni.</verse>
			</chapter>
			<chapter number="12">
				<verse number="1">Nĩmwĩsũva ĩndĩno, ana‐a‐asa makwa, kwondũ wa matei ma Ngai, mwĩnengane mĩĩ yenyu ĩthĩwe nthembo ĩ thayũ, ntheu, ya kũmwendeesya Ngai, naw’o nĩ ũthaithi wenyu waĩlaa.</verse>
				<verse number="2">Mũikavw’ananw’e na nthĩ ĩno: ĩndĩ mũalyũkw’e mũtũngwe eũ ilĩkonĩ syenyu, nĩ kana mwĩkuũe ũndũ kũilyĩ kwenda kwa Ngai kũla kũseo na kũla kwĩtĩkĩlĩka na kũla kwĩanĩu.</verse>
				<verse number="3">Nũndũ nĩngũneena, kwondũ wa mumo ũla nanengiwe, kana kĩla mũndũ wenyu ndakalilikane mwene ta mũnene mbee wa vala vamwaĩle kũlilikana; ĩndĩ nalilikane eanĩsye, kwĩanana na ũndũ Ngai wamũaĩe kĩla mũndũ mũĩkĩĩo ũndũ wĩana.</verse>
				<verse number="4">Nũndũ o tondũ twĩ na mamutha maingĩ mwĩĩnĩ ũmwe, na mamutha onthe mati na wĩa ũmwe:</verse>
				<verse number="5">no ta ũu ithyĩ, o na twĩ aingĩ, twĩ mwĩĩ ũmwe nthĩnĩ wa Klĩsto, na ithyonthe twĩ mamutha kĩla ũmwe na ũla ũngĩ.</verse>
				<verse number="6">Na twĩ na mĩthĩnzĩo ya mĩthemba mingĩ kwĩanana na ũla mumo twanengiwe, ethĩwa nĩ kwathana, twathane kwĩanana na ũndũ mũĩkĩĩo witũ wĩana:</verse>
				<verse number="7">kana ethĩwa nĩ ũthũkũmi, twĩnengane ene ũthũkũminĩ witũ; kana ũla ũmanyĩasya, kũmanyĩsyanĩ kwake;</verse>
				<verse number="8">kana ũla ũtaaa, kwa ũtao wake: ũla ũnenganae, nanenganae na ũlau; ũla walanasya, nĩalanasye na kĩthito; ũla ũmwĩw’ĩaa ũngĩ teĩ, namwĩw’ĩae na ũtanu.</verse>
				<verse number="9">Wendo ndũkethĩwe na wangangan’yo. Menai kĩla ũthũku; lũmyai ũndũ ũseo.</verse>
				<verse number="10">Wendonĩ wa ana‐a‐asa, ĩthĩwai na wendo mũuu ene kwa ene; ndaĩanĩ, mataĩei ala angĩ mbee;</verse>
				<verse number="11">ũthangaaunĩ, mũte aleelu; mũvyũvĩte mavevanĩ menyu; mũkĩmũthũkũma Mwĩaĩi;</verse>
				<verse number="12">mũkĩtana wĩkwatyonĩ; mũkyũmĩĩsya mathĩnanĩ; mũkĩkala na ũlũmu mboyanĩ;</verse>
				<verse number="13">mũkĩnengane kwondũ wa mavata ma atheu; mũkĩthokya aeni na ũlau.</verse>
				<verse number="14">Maathimei ala mamũthĩnasya; athimai, o na mũikaumanĩe.</verse>
				<verse number="15">Tanai vamwe na ala meũtana; ĩai na ala mekũĩa.</verse>
				<verse number="16">Ĩthĩwai na kĩlilikano kĩmwe ene kwa ene. Mũikalilikane maũndũ ma mĩtũlyo, ĩndĩ ĩtheesyei maũndũnĩ ala ma wĩnyivyo. Mũiketale ene ta mwĩ oĩ.</verse>
				<verse number="17">Mũikekũle kwa mũndũ o na wĩva. Lilikanaai maũndũ ala maseo mbee wa metho ma andũ onthe.</verse>
				<verse number="18">Ethĩwa nũtonyeka, kwa ngalĩ ĩla yenyu, mwĩthĩwe na mũuo na andũ onthe.</verse>
				<verse number="19">Mũikeĩvanĩsye, endwa makwa, ĩndĩ ekeaĩ ũthatu wa Ngai ũthei; nũndũ nĩkũandĩkĩtwe, Ũĩvanĩsyo nĩ wakwa; ngaĩvanĩsya, easya ũu Ngai.</verse>
				<verse number="20">Ĩndĩ ethĩwa mũmaitha waku e na nzaa, mũathĩsye; ethĩwa e na waũni, mũnenge kya ũnyw’a; nũndũ kwa kwĩka ũu ũkamũmbĩĩa makaa ma mwaki mũtwenĩ wake.</verse>
				<verse number="21">Mũikakĩlw’e vinya nĩ ũthũku, ĩndĩ kĩlyai ũthũku vinya na ũseo.</verse>
			</chapter>
			<chapter number="13">
				<verse number="1">Kĩla mũndũ nĩethĩwe e mwĩwi wa ala me na ũkũmũ: nũndũ kũi ũkũmũ ũtaumite kwa Ngai; na mokũmũ ala me kw’o nĩmatwiwe nĩ Ngai.</verse>
				<verse number="2">Kwondũ wa ũu ũla ũleaa kwĩw’a ũkũmũ ũsu, aleaa kwĩw’a ũtw’ĩo wa Ngai: na ala maleaa kwĩw’a makeeyoseaa ũsilĩlo ene.</verse>
				<verse number="3">Nũndũ ala masumbĩkĩte maitĩsasya andũ kwondũ wa meko maseo, ĩndĩ no kwondũ wa meko mathũku. Na nũkwenda kwĩkala ũte na w’ĩa kwa ũla wĩ na ũkũmũ? Ĩkaa ũseo, na ũkoosaa nguma kuma kwake:</verse>
				<verse number="4">nũndũ nĩ mũthũkũmi wa Ngai kwaku kwondũ wa ũseo. Ĩndĩ ethĩwa wĩkaa maũndũ ala mathũku, ĩthĩwa na w’ĩa; nũndũ ndakuaa ũvyũ mana: nũndũ nĩ mũthũkũmi wa Ngai mũĩvanĩsya wa ũthatu kwa ũla wĩkaa naĩ.</verse>
				<verse number="5">Kwondũ wa ũu, mũvaka mwĩthĩwe ewi, ti ũndũ wa ũthatu w’oka, ĩndĩ naw’o kwondũ wa wasya wa ngoo.</verse>
				<verse number="6">Nũndũ kwondũ wa ũu nĩmumasya kotĩ; nũndũ nĩ athũkũmi ma Ngai, mekalaa mavinda onthe ũndũnĩ o ũsu.</verse>
				<verse number="7">Nengai onthe kĩla kyaĩle: koti kwa ũla waĩlwe nĩ kũmĩw’a kotĩ: kumya mũvothi kwa ũla waĩlwe nĩ kumĩw’a mũvothi; w’ĩa kwa ũla waĩlwe nĩ kũkĩwa; ndaĩa kwa ũla waĩlwe nĩ kũtaĩwa.</verse>
				<verse number="8">Mũĩkethĩwe mwi thiĩ na mũndũ wa kĩndũ o na kĩva kyonthe, ate o kwendana inyw’ĩ kwa inyw’ĩ: nũndũ ũla ũmwendaa ũngĩ nĩwĩanĩsye ĩla mĩao.</verse>
				<verse number="9">Kwondũ wa ũu, Ndũkalaalae, Ndũkoae, Ndũkoye, Ndũkakĩw’ĩe kĩndũ kya ũngĩ ĩtomo, na ethĩwa kwĩ mwĩao ũngĩ, ũtalanĩlwe ndetonĩ ĩno, Mwende ũngĩ ũndũ wĩyendete mwene.</verse>
				<verse number="10">Wendo ndwĩkaa naĩ kwa ũngĩ; kwondũ wa ũu wendo nĩ wĩanĩsyo wa ĩla mĩao.</verse>
				<verse number="11">Na ũu, tũkĩmanya ĩvinda, kana yuyu kyathĩ nĩ kĩviku kya kũamũka kuma toonĩ: nũndũ yu ũtangĩĩo wĩ vakuvĩ naitũ kwĩ yĩla tweetĩkĩlile mbee.</verse>
				<verse number="12">Utukũ nĩ mũendu mũno, mũthenya nũthengeee: tumye ĩndĩ twĩkye kũasa mawĩa ma kĩvindu, na twĩkĩe mĩio ya kaũ ya kyeni.</verse>
				<verse number="13">Tũkinyae ũndũ kwaĩle, ta twĩ mũthenya; ti mbokanĩ itaĩle na ũthenginĩ, ti mĩmeonĩ mĩthũku na ũlaalainĩ, ti kũtetanĩ na kĩwĩunĩ.</verse>
				<verse number="14">Ĩndĩ ĩvw’ĩkei Mwĩaĩi Yesũ Klĩsto, na ũndũ wa mwĩĩ, mũikese kũlilikana kwĩka mawendi maw’o.</verse>
			</chapter>
			<chapter number="14">
				<verse number="1">Ĩndĩ we ũla wĩ na mũĩkĩĩo mũnini mwĩtĩkĩlei, ĩndĩ ti kwa kũkananĩa maũndũ ala me nzika.</verse>
				<verse number="2">Mũndũ ũmwe e na mũĩkĩĩo wa kũya lĩu wa mĩthemba yonthe: ĩndĩ ũla mũvũthũ aĩsaa lĩu wa mũũndanĩ w’oka.</verse>
				<verse number="3">Ũla ũĩsaa ndakamũvũthye ũla ũtaĩsaa; na ũla ũtaĩsaa nake ndakamũsilĩle ũsu ũĩsaa: nũndũ Ngai nũmwĩtĩkĩlĩte.</verse>
				<verse number="4">We wĩ ũũ ũsilĩlaa mũthũkũmi wa ũngĩ? Kwa vwana wake mwene nũnũkũũngama kana nũnũũvalũka. Ni w’o, akaũngamw’a; nũndũ Mwĩaĩi e na vinya wa kũmũũngamya.</verse>
				<verse number="5">Mũndũ ũmwe nũtaĩaa mũthenya ũmwe kwi ũngĩ: mũndũ ũngĩ ataĩaa mĩthenya yonthe ũndũ ũmwe. Kĩla mũndũ namanyĩthw’e vyũ kĩlĩkonĩ kyake mwene.</verse>
				<verse number="6">Ũla ũsũvĩaa mũthenya, asũvĩaa kwondũ wa Mwĩaĩi: na ũla ũĩsaa, aĩsaa kwa Mwĩaĩi, nũndũ nũmũtũngĩaa Ngai mũvea; na ũla ũlea kũya, kwa Mwĩaĩi ndaĩsaa, na amũnengae Ngai mũvea.</verse>
				<verse number="7">Nũndũ vai ũmwe wa ithyĩ wĩkalaa thayũ kwondũ wake mwene, o na vai ũla ũkusaa kwondũ wake mwene.</verse>
				<verse number="8">Nũndũ ethĩwa nĩtũkwĩkala thayũ, twĩĩkala kwondũ wa Mwĩaĩi; kana ethĩwa nĩtũũkw’a, twĩkw’a kwondũ wa Mwĩaĩi: kwondũ wa ũu ethĩwa twĩĩkala thayũ, kana ethĩwa nĩ kũkw’a, twĩ ma Mwĩaĩi.</verse>
				<verse number="9">Nũndũ kwondũ wa ũu Klĩsto nĩwakwie na eethĩwa thayũ ĩngĩ, nĩ kana ethĩwe Mwĩaĩi wa ala akw’ũ na wa ala me thayũ.</verse>
				<verse number="10">Ĩndĩ we, wĩsilĩla mwana‐a‐au nũndũ wa ki? Kana ĩngĩ we, wĩvũthĩsya mwana‐a‐au kĩ? Nũndũ ithyonthe tũkaũngama mbee wa kĩvĩla kya sila kya Ngai.</verse>
				<verse number="11">Nũndũ nĩkũandĩkĩtwe, O ũndũ nĩ thayũ nyie, easya ũu Mwĩaĩi, mbee wakwa kĩla ĩu yĩkatulya ndu, Na kĩla ũĩmĩ ũkaumbũla mbee wa Ngai.</verse>
				<verse number="12">Kwa ũu ĩndĩ kĩla ũmwe waitũ akaumya ũvoo wake mbee wa Ngai.</verse>
				<verse number="13">Kwondũ wa ũu ĩndĩ kũikethĩwe ĩngĩ kũsilĩlana ithyĩ kwa ithyĩ: ĩndĩ nĩkwaĩle mũsile ũũ, kana mũndũ ndakamwiĩe mwana‐a‐ĩthe kya ũmũlulutĩkya, kana kya ũmũvalũkya.</verse>
				<verse number="14">Nĩnĩsĩ, na ndi na nzika nthĩnĩ wa Mwĩaĩi Yesũ, kana vai kĩndũ kĩvuku ũndũ wakyo kyoka: ate o kwa ũla wonaa kĩndũ nĩ kĩvuku, kwa ũsu kĩndũ kyu nĩ kĩvuku.</verse>
				<verse number="15">Nũndũ mwana‐a‐au eew’a woo kwondũ wa lĩu waku, ndũendaa ĩngĩ wendonĩ. Ndũkamwanange na lĩu waku ũla Klĩsto wakwie kwondũ wake.</verse>
				<verse number="16">Ndũkatume ĩndĩ ũseo waku ũwetwa naĩ:</verse>
				<verse number="17">nũndũ ũsumbĩ wa Ngai ti kũya na ti kũnyw’a, ĩndĩ nĩ ũlũngalu na mũuo na ũtanu nthĩnĩ wa Veva Mũtheu.</verse>
				<verse number="18">Nũndũ ũla ũmũthũkũmaa Klĩsto maũndũnĩ aa nũmwendeeasya Ngai, na nĩwĩtĩkĩlawa nĩ andũ.</verse>
				<verse number="19">Kwondũ wa ũu ĩndĩ, tũatĩĩe maũndũ ala ma mũuo, na maũndũ ala matumaa kĩla ũmwe aka ũngĩ.</verse>
				<verse number="20">Mũikanange wĩa wa Ngai kwondũ wa lĩu. Nĩ w’o syĩndũ syonthe nĩ ntheu; ĩndĩ nĩ ũthũku kwa ũsu ũĩsaa na ũlulutĩkyo.</verse>
				<verse number="21">Nĩ ũseo kũlea kũya nyama, kana kũnyw’a mbinyu, kana kwĩka ũndũ o na wĩva ũtuma mwana‐a‐au alulutĩka.</verse>
				<verse number="22">Mũĩkĩĩo ũla wĩ naw’o ĩthĩwa naw’o kwondũ waku mwene mbee wa Ngai. Nĩ mũtanu ũsu ũla ũtesilĩla mwene ũndũnĩ ũsu ũwĩtĩkĩlĩte.</verse>
				<verse number="23">Ĩndĩ ethĩwa mũndũ eya e na nzika nĩmũsilĩle kwĩthĩwa nĩ mũvĩtan’ya, nũndũ eya ate na mũĩkĩĩo; na ũndũ o na wĩva ũtaumaa mũĩkĩĩonĩ nĩ naĩ.</verse>
			</chapter>
			<chapter number="15">
				<verse number="1">Ĩndĩ ithyĩ ala twĩ na vinya nĩtwaĩlwe nĩ kũkua mawonzu ma ala mate na vinya, na tũikeyendeesye ene.</verse>
				<verse number="2">Kĩla ũmwe wa ithyĩ namwendeesye ũngĩ kwa ũla ũseo, kwondũ wa kwakwa.</verse>
				<verse number="3">Nũndũ Klĩsto nake ndaaĩyendeesya mwene; ĩndĩ, tondũ kũandĩkĩtwe, Ivũthya sya ala makũvũthisye nĩsyambalũkile.</verse>
				<verse number="4">Nũndũ maũndũ o na meva ala mambie kũandĩkwa, nĩmaandĩkiwe nũndũ wa kũtũmanyĩasya, nĩ kana ũndũ wa wũmĩĩsyo na ũkiakisyo wa maandĩko twĩthĩwe na wĩkwatyo.</verse>
				<verse number="5">Na Ngai wa wũmĩĩsyo na wa ũkiakisyo namũnenge kwĩthĩwa na kĩlilikano kĩmwe kwondũ wa Klĩsto Yesũ:</verse>
				<verse number="6">nĩ kana kwa ngoo ĩmwe na kanyw’a ũmwe mũtonye kũmũtaĩa Ngai, Ĩthe wa Mwĩaĩi waitũ Yesũ Klĩsto.</verse>
				<verse number="7">Kwondũ wa ũu ĩtĩkĩlanai ene kwa ene, o ũndũ Klĩsto nake wamwĩtĩkĩlile inyw’ĩ, nĩ kana Ngai ataĩwe.</verse>
				<verse number="8">Nũndũ nĩneena atĩ Klĩsto nĩwatwiwe mũthũkũmi wa nzaĩko kwondũ wa ũla w’o wa Ngai, nĩ kana alũlũmĩlye ala matho manengiwe aasa,</verse>
				<verse number="9">na nĩ kana Andũ‐ma‐mbaĩ‐ingĩ mamũkathe Ngai nũndũ wa tei wake; o ũndũ kũandĩkĩtwe, Kwondũ wa ũu ngakũtaĩa we kwa Andũ‐ma‐mbaĩ‐ingĩ, Na ngakumya syĩtwa yaku.</verse>
				<verse number="10">Na ĩngĩ easya, Tanai, inyw’ĩ Andũ‐ma‐mbaĩ‐ingĩ, vamwe na andũ make.</verse>
				<verse number="11">Na ĩngĩ, Mũkumyei Mwĩaĩi, inyw’onthe Andũ‐ma‐mbaĩ‐ingĩ; Na ngo syonthe sya andũ nimũtaĩe.</verse>
				<verse number="12">Na ĩngĩ, Isaia easya, Kũkeethĩwa kĩtina kya Yese, Nake ũla wĩũkĩla kũsumbĩka Andũ‐ma‐mbaĩ‐ingĩ; Nĩwe Andũ‐ma‐mbaĩ‐ingĩ makamwĩkwatya.</verse>
				<verse number="13">Na Ngai wa wĩkwatyo namusũsye inyw’ĩ na ũtanu w’onthe na mũuo kwondũ wa kwĩtĩkĩla, nĩ kana mwĩthĩwe na wĩkwatyo mwingĩ, vinyanĩ wa Veva Mũtheu.</verse>
				<verse number="14">Nakwa mwene, ana‐a‐asa makwa, nĩniĩkũthĩtw’e ũvoo wenyu, kana inyw’ĩ ene mũsiwe nĩ ũseo, na musũĩtwe nĩ ũmanyi w’onthe, na ĩngĩ nĩmũtonya kũtaana ene kwa ene.</verse>
				<verse number="15">Ĩndĩ namũandĩkĩa inywĩ na ũnyiau mũnene ilungunĩ ĩmwe sya valũa ũũ, ta kũmũlilikan’ya ĩngĩ, nũndũ wa mumo ũla nanengiwe nĩ Ngai,</verse>
				<verse number="16">kana nĩthĩwe mũthũkũmi wa Klĩsto Yesũ kwa Andũ‐ma‐mbaĩ‐ingĩ, ngĩthũkũma ũla ũvoo mũseo wa Ngai wĩa wa ũthembi, nĩ kana kũthembwa kwa Andũ‐ma‐mbaĩ‐ingĩ kwĩtĩkĩlĩke, kwa kũvathanw’a nĩ Veva Mũtheu.</verse>
				<verse number="17">Ĩndĩ nĩ na wĩkathĩĩi wakwa nthĩnĩ wa Klĩsto Yesũ maũndũnĩ ma Ngai.</verse>
				<verse number="18">Nũndũ nditata kũneena ũvoo wa maũndũ o na meva onthe ate o ala Klĩsto wekĩle vala nĩĩ, kũtuma Andũ‐ma‐mbaĩ‐ingĩ methĩwa ewi kwondũ wa ndeto o na meko,</verse>
				<verse number="19">vinyanĩ wa syama na moseng’yo, vinyanĩ wa Veva Mũtheu; o ũndũ kuma Yelusaleme, na kũũ ndee kũvika o na Iluliko, nĩtavanĩtye kw’onthe vyũ ũvoo mũseo wa Klĩsto;</verse>
				<verse number="20">ĩĩ, nĩngwĩthangaasya kũtavan’ya ũla ũvoo mũseo, ti vala syĩtwa ya Klĩsto yambie kũtavanw’a, nĩ kana ndikake ĩũlũ wa wambĩlĩlyo wa wako wa mũndũ ũngi;</verse>
				<verse number="21">ĩndĩ, o tondũ kũandĩkĩtwe, Nĩmakona, asu ala mataatavw’a ũvoo wake, Na asu ala mataaĩw’a nĩmakamanya.</verse>
				<verse number="22">Maũndũ asu nĩmo manziĩĩe mavinda maingĩ ndikoke kwenyu:</verse>
				<verse number="23">ĩndĩ yu, nũndũ vati ũtheĩ ũngĩ nthĩ ĩno, na kwa kwĩthĩwa myaka mingĩ nĩnaĩ na mea ma kũka kwenyu,</verse>
				<verse number="24">ĩvinda o na yĩva yĩla ngathĩ Sivania (nũndũ nĩngwĩkwatya kũmwona inyw’ĩ kyalonĩ kyakwa, na kumaaw’a nĩ inyw’ĩ, namina kũya mea nenyu)—</verse>
				<verse number="25">ĩndĩ yuyu nĩngũthi Yelusaleme, ngithũkũma ala atheu.</verse>
				<verse number="26">Nũndũ andũ ma Masetonia na Akaia nĩmendeew’e nĩ kumya ũelo kwondũ wa atheu me Yelusaleme ala ngya.</verse>
				<verse number="27">Ĩĩ, nĩmendeew’e; na ĩngĩ me thiĩ nao. Nũndũ ethĩwa Andũ‐ma‐mbaĩ‐ingĩ matw’ĩtwe osi vamwe nao ma syĩndũ syoo sya veva, me thiĩ nao kũmatethya syĩndũni ĩla sya mwĩĩ.</verse>
				<verse number="28">Ĩndĩ yĩla nĩanĩsya ũndũ ũsu, namina kũtwaa mĩthinzĩo ĩla yaumĩtw’e ĩmavikĩe nesa, ngauma kw’o na ngavĩtĩla kwenyu nĩthĩ Sivania.</verse>
				<verse number="29">Na nĩnĩsĩ kana, yĩla nĩũka kwenyu, ngooka na wĩanĩu wa ũathimo wa Klĩsto.</verse>
				<verse number="30">Ĩndĩ nĩmwĩsũva mũno, ana‐a‐asa, kwondũ wa Mwĩaĩi waitũ Yesũ Klĩsto, na kwondũ wa wendo wa ũla Veva, kana mwĩthing’ĩĩsye vamwe nakwa mboyanĩ syenyu kwa Ngai kwondũ wakwa;</verse>
				<verse number="31">kana ndangĩĩwe nyie kwa ala matew’aa ma Yutia, na nĩ kana ũthũkũmi wakwa ũla nĩ naw’o Yelusaleme wĩtĩkĩlĩke kwa atheu;</verse>
				<verse number="32">nĩ kana nĩũka kwenyu na ũtanu kwondũ wa kwenda kwa Ngai, na kwona ũthũmũo vamwe nenyu.</verse>
				<verse number="33">Na Ngai wa mũuo nĩethĩwe vamwe nenyu inyw’onthe. Ameni.</verse>
			</chapter>
			<chapter number="16">
				<verse number="1">Nĩngũmũĩkĩĩthya kwenyu Voevi mwĩĩtu‐a‐asa waitũ, nake nĩ mũthũkũmi wa ĩkanisa yĩla yĩ Kengalea:</verse>
				<verse number="2">nĩ kana mũmwose nthĩnĩ wa Mwĩaĩi, o ũndũ atheu maĩlwe, na ĩngĩ mũmũtethye ũndũnĩ o na wĩva ũla wĩĩthĩwa e na vata naw’o kwenyu: nũndũ nake mwene aĩ mũtethya wa aingĩ, o na wakwa mwene.</verse>
				<verse number="3">Ngethesyai Vilisika na Akwila atethya ma wĩa vamwe nakwa nthĩnĩ wa Klĩsto Yesũ,</verse>
				<verse number="4">nao nĩmeeyũmbanĩtye kũtilwa mĩtwe yoo kwondũ wa thayũ wakwa; nĩ na mũvea kwoo, na tii nyie nyioka, ĩndĩ makanisa onthe ma Andũ‐ma‐mbaĩ‐ingĩ vamwe nakwa:</verse>
				<verse number="5">na ngethesyai ĩkanisa yĩla yĩ nyũmba kwoo. Ngethesyai Evaeneto mwendwa wakwa, nake nĩ ũsyao wa mbee wa nthĩ ya Asia kwa Klĩsto.</verse>
				<verse number="6">Ngethesyai Meli, ũla watethisye wĩa mwingĩ kwondũ wenyu.</verse>
				<verse number="7">Ngethesyai Andeloniko na Yunia, andũ ma mbaĩ yakwa, nao maĩ ove vamwe nakwa, nao nĩmawetawa nesa nĩ atũmwa, o na ĩngĩ maĩ nthĩnĩ wa Klĩsto mbee wakwa.</verse>
				<verse number="8">Ngethesyai Ambiliato, mwendwa wakwa nthĩnĩ wa Mwĩaĩi.</verse>
				<verse number="9">Ngethesyai Ulivano, mũtethya wa wĩa vamwe naitũ nthĩnĩ wa Klĩsto, na Sitakisi mwendwa wakwa.</verse>
				<verse number="10">Ngethesyai Avele ũla mwĩtĩkĩle nthĩnĩ wa Klĩsto. Ngethesyai ala ma nyũmba ya Alisitovulo.</verse>
				<verse number="11">Ngethesyai Elotioni wa mbaĩ yakwa. Ngethesyai ala ma nyũmba ya Nalikiso, asu ala me nthĩnĩ wa Mwĩaĩi.</verse>
				<verse number="12">Ngethesyai Tilivena na Tilivosa, ala matethasya wĩa wa Mwĩaĩi. Ngethesyai Velisi mwendwa, ũla watethisye wĩa mũno nthĩnĩ wa Mwĩaĩi.</verse>
				<verse number="13">Ngethesyai Luvusi, mũnyuve nthĩnĩ wa Mwĩaĩi, na inyia wake, nake nĩ mwaitũ.</verse>
				<verse number="14">Ngethesyai Asingilito, Velekona, Elime, Vatelova, Elima, na ana‐a‐asa ala me vamwe nao.</verse>
				<verse number="15">Ngethesyai Viloloko na Yulĩa, Neleo na mwĩĩtu‐a‐inyia, na Olimba, na atheu onthe ala me vamwe nao.</verse>
				<verse number="16">Kethan’yai ene kwa ene na ũmumunyano mũtheu. Makanisa onthe ma Klĩsto nĩmamũkethya.</verse>
				<verse number="17">Ĩndĩ nĩmwĩsũva mũno, ana‐a‐asa, maketeeei asu ala maetae motaanĩsyo na molulutĩkyo, matosana na ũmanyĩsyo ũla mwamanyĩiw’e: na ĩthyũũei na kũmatia.</verse>
				<verse number="18">Nũndũ ala mailyĩ ta asu maimũthũkũmaa Mwĩaĩi waitũ Klĩsto, ĩndĩ no mavu moo ene; na ĩngĩ kwondũ wa ndeto syoo nduu na sya kwendeesya nĩmakengaa andũ ala mate na ũthũku.</verse>
				<verse number="19">Nũndũ wĩwi wenyu nũũtũnganĩte kwa andũ onthe. Na kwondũ wa ũu nĩtanaa nũndũ wenyu: ĩndĩ nĩngwenda mwĩthĩwe mwĩ oĩ kwa maũndũ ala maseo, na mwĩthĩwe mũte na ũmanyi kwa ala mathũku.</verse>
				<verse number="20">Na Ngai wa mũuo akamũtumba Satani ungu wa nyaĩĩ syenyu mĩtũkĩ. Mumo wa Mwĩaĩi waitũ Yesũ Klĩsto nĩwĩthĩwe nenyu.</verse>
				<verse number="21">Timotheo mũtethya wa wĩa vamwe nakwa nĩwamũkethya; na Lukio na Yasoni na Sosiveteli ma mbaĩ yakwa.</verse>
				<verse number="22">Nyie Telitio, ũla waandĩka valũa ũũ, nĩngũmũkethya nthĩnĩ wa Mwĩatĩ.</verse>
				<verse number="23">Kaio mũthokya wakwa, na wa ĩkanisa yonthe, nĩwamũkethya. Elasito, ũla mũsũvĩi wa mbesa sya ndũa, nĩwamũkethya, na Kwalito mwana‐a‐asa.</verse>
				<verse number="24">(Mumo wa Mwĩaĩi waitũ Yesũ Klĩsto nĩwĩthĩwe na inyw’onthe. Ameni.)</verse>
				<verse number="25">Na yu kwa ũla ũtonya ũmũlũlũmĩlya, kwĩanana na ũvoo mũseo wakwa na ũtavan’yo wa Yesũ Klĩsto, kwĩanana na ũvuan’yo wa ĩla nzama yavithĩtwe vyũ mavindanĩ ma tene tene,</verse>
				<verse number="26">ĩndĩ ĩvinda yĩĩ nĩyonanĩtw’e maandĩkonĩ ma athani, kwĩanana na mwĩao wa Ngai wa tene na tene, nĩmanyĩthĩtw’e mbaĩ syonthe kũvikĩa wĩwi wa mũĩkĩĩo:</verse>
				<verse number="27">kwa Ngai ũla mũĩ weka, nthĩnĩ wa Yesũ Klĩsto, kwake kwĩthĩwe ndaĩa tene na tene. Ameni.</verse>
			</chapter>
		</book>
		<book number="46">
			<chapter number="1">
				<verse number="1">Vaulo, ũla wetiwe ethĩwe mũtũmwa wa Yesũ Klĩsto kwondũ wa kwenda kwa Ngai, na Sosithene mwana‐a‐asa waitũ,</verse>
				<verse number="2">valũa ũũ witũ ũyĩvikĩe ĩkanisa ya Ngai yĩla yĩ Kolintho, asũ mavathanĩtw’e nthĩnĩ wa Klĩsto Yesũ, meetiwe methĩwe atheu, vamwe na onthe ma kĩla vandũ ala mekaĩlaa syĩtwa ya Mwĩaĩi waitũ Yesũ Klĩsto, Mwĩaĩi woo na waitũ:</verse>
				<verse number="3">Mumo nĩwĩthĩwe nenyu na mũuo kuma kwa Ngai Asa waitũ na kwa Mwĩaĩi Yesũ Klĩsto.</verse>
				<verse number="4">Nĩmũtũngĩaa Ngai wakwa mũvea matukũ onthe kwondũ wenyu, nũndũ wa mumo wa Ngai ũla mwanengiwe nthĩnĩ wa Klĩsto Yesũ;</verse>
				<verse number="5">nĩkwĩthĩwa maũndũnĩ onthe nĩmũthuĩtw’e nthĩnĩ wake, ndetonĩ syonthe na ũmanyinĩ w’onthe;</verse>
				<verse number="6">o tondũ ũkũsĩ wa Klĩsto walũlũmĩlw’e nthĩnĩ wenyu:</verse>
				<verse number="7">ũkethĩa mũtiũnyivw’a nĩ mũthĩnzĩo o na wĩva w’onthe; mũkyeteela kwonanw’a kwa Mwĩaĩi waitũ Yesũ Klĩsto;</verse>
				<verse number="8">nake nĩwe ũkamũlũlũmilya kũvĩka mũminũkĩlyo, nĩ kana mwĩthĩwe mũtavinganĩĩka mũthenya wa Mwĩaĩi waitũ Yesũ Klĩsto.</verse>
				<verse number="9">Ngai e kĩthito, ũla nthĩnĩ wake mweetiwe mũlike mũambanĩ wa Mwana wake Yesũ Klĩsto, Mwĩaĩi waitũ.</verse>
				<verse number="10">Na yu nĩmwĩsũva, ana‐a‐asa, syĩtwanĩ ya Mwĩaĩi waitũ Yesũ Klĩsto, nĩ kana inyw’onthe mũneene ũndũ o ũmwe, na nĩ kana kũikethĩwe ũtilĩkangano katĩ wenyu; ĩndĩ nĩ kana mũlũmanw’e vamwe kĩsũanĩonĩ kĩmwe na mũĩkĩanĩonĩ ũmwe.</verse>
				<verse number="11">Nũndũ nĩnĩmanyĩthĩtw’e ũndũ wenyu, ana‐a‐asa, nĩ ala ma nyũmba ya Kiloe, kana kwĩ mateta katĩ wenyu.</verse>
				<verse number="12">Na yu ũla ngũneena nĩ atĩ kĩla mũndũ wenyu easya, Nyie nĩ wa Vaulo; nakwa nĩ wa Avolo; nakwa nĩ wa Keva; nakwa nĩ wa Klĩsto.</verse>
				<verse number="13">Klĩsto nĩ mũaan’ye? Vaulo nĩwe wambiwe kwondũ wenyu? Kana nĩmwavatisĩwe syĩtwanĩ ya Vaulo?</verse>
				<verse number="14">Nĩmũtũngĩa Ngai mũvea nĩkwĩthĩwa ndyaavatĩsa ũmwe wenyu, ate o Kilisivo na Kaio;</verse>
				<verse number="15">nĩ kana mũndũ o na wĩva ndakasye kana mwavatisiwe syĩtwanĩ yakwa.</verse>
				<verse number="16">Na ĩngĩ navatĩsie ala me nyũmba ya Sitevana: eka asu, ndyĩsĩ ethĩwa nĩnavatisie ũngĩ.</verse>
				<verse number="17">Nũndũ Klĩsto ndaandũma kũvatisa, ĩndĩ nĩ kana nĩtavan’ye ũla ũvoo mũseo: ti ũini wa ndeto, nĩ kana ngelan’yo ya Klĩsto ndĩkatuwe ya mana.</verse>
				<verse number="18">Nũndũ ndeto ya ĩla ngelan’yo nĩ ũtumanu kwa ala maaa; ĩndĩ kwa ithyĩ ala atangĩĩe, nĩ vinya wa Ngai.</verse>
				<verse number="19">Nũndũ nĩkũandĩkĩtwe, Ngaananga ũĩ wa ala oĩ, Na ũmanyi wa ala me na kĩlĩko, ngoolea.</verse>
				<verse number="20">Aĩva ũla mũĩ? Aĩva mũandĩkĩ? Aĩva ũla mũkananĩi wa ĩvinda yĩĩ? Ngai ndaatw’ĩkĩthya ũĩ wa nthĩ ũtumanũ?</verse>
				<verse number="21">Nĩkwĩthĩwa ũĩnĩ wa Ngai, nthĩ, kwondũ wa ũĩ wayo, ndĩaamũmanya Ngai, Ngai endie kũmatangĩĩa asu metĩkĩlaa kwondũ wa ũtumanu wa ũvoo ũla ũtavanaw’a.</verse>
				<verse number="22">Nĩkwĩthĩwa Ayutĩ mendaa syama, na Akilili mamanthaa ũĩ:</verse>
				<verse number="23">ĩndĩ ithyĩ tũtavanasya Klĩsto ũla wambiwe, kwa Ayuti nĩ ũndũ wa ũlulutĩkya, na kwa Andũ‐ma‐mbaĩ‐ĩngĩ nĩ ũtumanũ;</verse>
				<verse number="24">ĩndĩ kwa ala metawa, ethĩwa nĩ Ayuti kana Akiliki, nĩ Klĩsto vinya wa Ngai na ũi wa Ngai.</verse>
				<verse number="25">Nĩkwĩthĩwa ũtumanu wa Ngai wĩ ũĩ kwĩ andũ; na wonzu wa Ngai wĩ vinya kwĩ andũ.</verse>
				<verse number="26">Nũndũ sisyai kwĩtwa kwenyu, ana‐a‐asa, kana ti aingĩ ala me na ũĩ wa mwĩĩ, ti aingĩ me na vinya, ti aingĩ me nguma, metawa:</verse>
				<verse number="27">ĩndĩ Ngaĩ nĩwanyuvie maũndũ ma ũtumanu ma nthĩ, nĩ kana atonye kũmasonokya asu oĩ; na Ngai nĩwanyuvie syĩndũ mbonzu sya nthĩ, nĩ kana atonye kwisonokya syĩndũ ila syĩ vinya;</verse>
				<verse number="28">na syĩndũ sya nthĩ ite ndaĩa, na syĩndũ ila ivũthaw’a, nĩsyo Ngai wanyuvie, ĩĩ, na syĩndũ ila ite vo, nĩ kana atonye kwitw’ĩkĩthya sya mana syĩndũ ila syĩ vo:</verse>
				<verse number="29">kũikethĩwe ũla wĩ na mwĩĩ o na wĩva w’onthe kwĩkathĩĩa mbee wa Ngai.</verse>
				<verse number="30">Ĩndĩ nũndũ wake inyw’ĩ mũnengetwe kwĩthĩwa nthĩnĩ wa Klĩsto Yesũ, ũla ũtw’ĩtwe kwitũ ũĩ ũla wumaa kwa Ngai, na ũlũngalu, na kũvathanw’a, na wovosyo:</verse>
				<verse number="31">nĩ kana, o tondũ kũandĩkĩtwe, Ũla wĩkathĩĩaa, nĩekathĩĩe nthĩnĩ wa Mwĩaĩĩ.</verse>
			</chapter>
			<chapter number="2">
				<verse number="1">Nakwa nyie, nooka kwenyu, ana‐a‐asa, ndyaaũka kũmũtavya nzama ya Ngai na ũseo mũnene wa ũneeni, kana ũĩ.</verse>
				<verse number="2">Nũndũ neetw’ĩĩe ndikamanye ũndũ o na wĩva katĩ wenyu, ate o Yesũ Klĩsto, nake nĩ ũla wambiwe.</verse>
				<verse number="3">Nakwa naĩ nenyu nĩ na wonzu, na w’ĩa, na kũtetema kwingĩ.</verse>
				<verse number="4">Na kũneena kwakwa na kũtavan’ya kwakwa kũtyaĩ na ndeto sya ũĩ wa kũthing’ĩĩsya, ĩndĩ kwaĩ nthĩnĩ wa kwonan’ya kwa Veva na kwa vinya:</verse>
				<verse number="5">nĩ kana mũĩkĩĩo wenyu ndũkethĩwe ũĩnĩ wa mũndũ, ĩndĩ wĩthĩwe vinyanĩ wa Ngai.</verse>
				<verse number="6">Ĩndĩ, o na ũu, tũneenaa ũĩ kwa ala meanĩe: ĩndĩ ti ũĩ wa nthĩ ĩno, kana wa anene ma nthĩ ĩno, ala makatuwa ma mana:</verse>
				<verse number="7">ĩndĩ tũneenaa ũĩ wa Ngai na nzama, naw’o nĩ ũla wavithĩtwe, ũla Ngai watwie tene mbee wa mavinda aa ũndũ wa ũtaĩo witũ:</verse>
				<verse number="8">naw’o ũĩ ũsu vatyaĩ ũmwe wa anene ma nthĩ ĩno wawĩsĩ: nũndũ kethĩwa nĩmoomanyie, matyaĩ mamwamba Mwĩaĩi ũla ũtaĩawa:</verse>
				<verse number="9">ĩndĩ o tondũ kũandĩkĩtwe, Maũndũ ala itho yĩtaamona, na kũtũ kũtaamew’a, Na ala mataalika ngoonĩ ya mũndũ, Maũndũ o na meva ala Ngai wamaseũvĩsye ala mamwendaa.</verse>
				<verse number="10">Ĩndĩ Ngai nĩwatũvuanĩsye ithyĩ kwa nzĩa ya Veva: nũndũ Veva amanthaa maũndũ onthe, ĩĩ, o na maũndũ maliku ma Ngai.</verse>
				<verse number="11">Nũndũ nũũ wa andũ ũmanyaa maũndũ ma mũndũ, ate o veva wa mũndũ ũla wĩ nthĩnĩ wake? No ta ũu maũndũ ma Ngai vai ũmamanya, ate o Veva wa Ngai.</verse>
				<verse number="12">Ĩndĩ ithyĩ tũiaaosa veva wa maũndũ ma nthĩ, ĩndĩ nĩtwosete Veva ũla wumaa kwa Ngai; nĩ kana tũmanye maũndũ ala tũnengetwe mana nĩ Ngai.</verse>
				<verse number="13">Maũndũ asu namo nĩtũũmaneena, na ti na ndeto imanyĩaw’a nĩ ũĩ wa andũ, ĩndĩ nĩ ila Veva ũmanyĩasya; tũkĩthiman’ya maũndũ ma veva na ala ma veva.</verse>
				<verse number="14">Mũndũ wa mwĩkalĩle wa ki‐mũndũ ndosaa maũndũ ma Veva wa Ngai: nũndũ nĩ ũtumanu kwake: nake ndatonya kũmamanya nũndũ nĩmekuũawa nĩ veva.</verse>
				<verse number="15">Ĩndĩ we ũla wa mwĩkalĩle wa veva ekuũaa maũndũ onthe, ĩndĩ we mwene ndekuũawa nĩ mũndũ o na wĩva.</verse>
				<verse number="16">Nũndũ nũũ ũla ũmanyĩte kĩlilikano kya Mwĩaĩi, nĩ kana amũmanyĩsye? Ĩndĩ ithyĩ twĩ na kĩlĩlĩkano kya Klĩsto.</verse>
			</chapter>
			<chapter number="3">
				<verse number="1">Nakwa, ana‐a‐asa, ndyaatonya ũneena nenyu ta mwĩ ma mwĩkalĩle wa veva, ĩndĩ ta mwĩ ma mwĩkalĩle wa mwĩĩ, ta mwĩ tũũkenge nthĩnĩ wa Klĩsto.</verse>
				<verse number="2">Nĩmũnengete ĩia ndimũnengete lĩu; nũndũ mũtyaĩ mũũtonya: aiee, o na yu mũinamba kũũtonya;</verse>
				<verse number="3">nũndũ mwĩ ma mwĩkalĩle wa mwĩĩ o na yu: nũndũ mwĩ na kĩwĩu na ĩteta katĩ wenyu, mũi ma mwĩkalĩle wa mwĩĩ, na mũiendaa o ũndũ andũ maendaa?</verse>
				<verse number="4">Nũndũ yĩla ũmwe ũnũkwasya, Nyie nĩ wa Vaulo; na ũngĩ easya, Nyie nĩ wa Avolo; inyw’ĩ mũi o andũ?</verse>
				<verse number="5">Ĩndĩ Avolo nũũ? Na Vaulo nũũ? Nĩ athũkũmi, ala kwondũ wamo mwĩtĩkĩlĩte; na kĩla mũndũ o tondũ Mwĩaĩi wamũnengie.</verse>
				<verse number="6">Nyie nĩnavandie, na Avolo nĩwanyithisye; ĩndĩ nĩ Ngai wĩanĩtye.</verse>
				<verse number="7">Na kwondũ wa ũu, ũla ũvandaa ti kĩndũ, o na ũla ũnyithasya; ĩndĩ nĩ Ngai ũla wĩanasya.</verse>
				<verse number="8">Na ĩndĩ ũla ũvandaa na ũla ũnyithasya nĩ ũndũ ũmwe: ĩndĩ kĩla mũndũ akoosa ĩtuvi yake mwene kwĩanana na kũthĩnĩa wĩa kwake.</verse>
				<verse number="9">Nũndũ twĩ atethya ma wĩa vamwe na Ngai: inyw’ĩ mwĩ mũũnda wa Ngai, na wako wa Ngai.</verse>
				<verse number="10">Kwĩanana na mumo wa Ngai nanengiwe, ta mũnene wa aki, mũĩ, nĩnambĩlĩlye wabĩlĩlyo; na ũngĩ eaka ĩũlũ waw’o. Ĩndĩ kĩla mũndũ nĩesisye ũndũ ũnũkwaka ĩũlũ waw’o.</verse>
				<verse number="11">Nũndũ vai mũndũ ũtonya kwambĩlĩlya wambĩlĩlyo ũngĩ ate o ũla wambĩlĩlw’e, naw’o nĩ Yesũ Klĩsto.</verse>
				<verse number="12">Ĩndĩethĩwa mũndũ o na wĩva eaka ĩũlũ wa wambĩlĩlĩlyo ũsu thaavu, kana vetha, kana mavia me thooa mũnene, kana mĩtĩ, kana nyeki, kana ũa;</verse>
				<verse number="13">wĩa wa kĩla mũndũ nũkonanw’a: nũndũ mũthenya ũsu nũkawonan’ya, nĩkwĩthĩwa nũkavuanw’a nĩ mwaki; na ũla mwaki e w’o nũkatata wĩa wa kĩla mũndũ ũndũ ũilyi.</verse>
				<verse number="14">Ethĩwa wĩa wa mũndũ o na wĩva ũla wakie ĩũlũ wa wambĩlĩlyo ũsu ũkekala, ũsu akoosa ĩtuvi.</verse>
				<verse number="15">Ethĩwa wĩa wa mũndũ o na wĩva ũkavya, akoona wasyo; ĩndĩ we mwene akatangĩĩwa; ĩndĩ no ta kũvĩtĩla mwakinĩ.</verse>
				<verse number="16">Mũtyĩsĩ kana mwĩ ĩkalũ ya Ngai, na kana Veva wa Ngai ekalaa nthĩnĩ wenyu?</verse>
				<verse number="17">Ethĩwa mũndũ eananga ĩkalũ ya Ngai, we akaanangwa nĩ Ngai; nũndũ ĩkalũ ya Ngai nĩ ĩtheu, na ĩkalũ yĩu nĩ inyw’ĩ.</verse>
				<verse number="18">Mũndũ ndakekenge mwene. Ethĩwa mũndũ o na wĩva eĩtalĩlya nĩ mũĩ katĩ wenyu ĩvindanĩ yĩĩ, natw’ĩke mũtumanu, nĩ kana atonye ũtw’ĩka mũĩ.</verse>
				<verse number="19">Nũndũ ũĩ wa nthĩ ĩno nĩ ũtumanu kwa Ngai. Nũndũ nĩkũandĩkĩtwe, Ũla ũmakwataa ala oĩ ũselekenĩ woo:</verse>
				<verse number="20">na ĩngĩ, Mwĩaĩi nĩwĩsĩ mosũanĩo ma ala oĩ, kana nĩ ma mana.</verse>
				<verse number="21">Kwondũ wa ũu, mũndũ ndakekathĩĩe ũndũ wa andũ. Nũndũ syĩndũ syonthe nĩ syenyu;</verse>
				<verse number="22">ethĩwa nĩ Vaulo, kana Avolo, kana Keva, kana nthĩ, kana thayũ, kana kĩkw’ũ, kana syĩndũ ila syĩ kw’o, kana ila ĩkethĩwa kw’o; syonthe nĩ syenyu;</verse>
				<verse number="23">na inyw’i mwĩ ma Klĩsto; na Klĩsto nĩ wa Ngai.</verse>
			</chapter>
			<chapter number="4">
				<verse number="1">Mũndũ o na wĩva natũtale ithyĩ kwĩthĩwa twĩ athũkũmi ma Klĩsto, na asũvĩi ma nzama sya Ngai.</verse>
				<verse number="2">Na ũndũ ũngĩ, veendwa asũvĩinĩ, mũndũ oneke e kĩthito.</verse>
				<verse number="3">Ĩndĩ kwakwa nyie, ti kĩndũ ngĩkuũwa nĩ inyw’ĩ, kana mũthenya wa sila wa mũndũ; ĩĩ, o na ndyĩkuũaa mwene.</verse>
				<verse number="4">Nũndũ ndyĩsĩ ũndũ ĩũlũ wakwa; ĩndĩ kwondũ wa ũu nditalawa kwĩthĩwa nĩ mũlũngalu: ĩndĩ ũla ũmbĩkuũaa nĩ Mwĩaĩi.</verse>
				<verse number="5">Kwondũ wa ũu mũikasilĩle ũndũ ĩvinda yaw’o yĩtanavika, mũvaka yĩla Mwĩaĩi wĩũka, nake akaete kyeninĩ maũndũ mavithe ma kĩvindu, na kwonan’ya mosũanĩo ma ngoo; na ĩndĩ kĩla mũndũ akeethĩwa na ndaĩa yake yumĩte kwa Ngai.</verse>
				<verse number="6">Maũndũ aa, ana‐a‐asa, naneena na ngelekan’yo ũndũ wakwa na Avolo kwondũ wenyu; nĩ kana ũndũ witũ mũtonye kwĩmanyĩsya mũtikavĩtũke mbee wa maũndũ ala maandĩkĩtwe; nĩ kana kũikethĩwe ũmwe wenyu kũkathĩĩa ũmwe kũte ũla ũngĩ.</verse>
				<verse number="7">Nũndũ nũũ, ũla ũkũvathũkanĩtye we? Na ĩngĩ, wĩ na kyaũ ũtaaosa? Ethĩwa ĩndĩ we nĩwosete, wĩĩkathĩĩa kĩ, ta ũtosete?</verse>
				<verse number="8">O na yu nĩmũvũnĩte, o na yu mũtw’ĩkĩte athwii, nĩmũsumbĩkĩte tũte vo ithyĩ: ĩĩ, nĩenda mwĩthĩwe mũsumbĩkĩte, nĩ kana naitũ tũsumbĩke vamwe nenyu.</verse>
				<verse number="9">Nũndũ, nĩasya, Ngai nũtũtw’ĩte ithyĩ atũmwa twĩthĩwe ĩtina wa onthe, ta andũ masilĩlwe kũawa: nũndũ tũtw’ĩkĩte asyaĩĩw’a kwa nthĩ yonthe, kwa alaĩka, na kwa andũ nao.</verse>
				<verse number="10">Ithyĩ twĩ atumanu kwondũ wa Klĩsto, ĩndĩ inyw’ĩ mwĩ oĩ nthĩni wa Klĩsto; ithyĩ twĩ onzu, ĩndĩ inyw’ĩ mwĩ na vinya: ĩnyw’ĩ mwĩ na nguma, ĩndĩ ithyĩ tũti na nguma.</verse>
				<verse number="11">O na kũvika saa ũũ twĩ na nzaa, na waũni, na ũtw’ĩkĩwa, na kũlumangw’a, na tũi na ũtũo;</verse>
				<verse number="12">na nĩtũũthĩnaa tũkĩtethya wĩa na moko maitũ ene: twaumangwa, nĩtũathimaa; twanyamaw’a, nĩtũmĩĩasya;</verse>
				<verse number="13">twawetwa naĩ, nĩtwĩsũvanaa: tũtw’ĩtwe ta mavuthĩ ma nthĩ, ũvavao wa syĩndũ syonthe, kũvika o na yu.</verse>
				<verse number="14">Ndiũandĩka maũndũ aa nĩmũsonokye, ĩndĩ nĩ kũmũtaa ta syana, endwa makwa.</verse>
				<verse number="15">Nũndũ o na mũkethĩwa mwĩ na amanyĩsya ngili ĩkũmi nthĩnĩ wa Klĩsto, mũi na aaĩthe aingĩ: nũndũ nthĩnĩ wa Klĩsto Yesũ, ninyie namũsyaie kwa nzĩa ya ũla ũvoo mũseo.</verse>
				<verse number="16">Ĩndĩ nĩmwĩsũva mwĩthĩwe mũkĩelekan’ya nakwa.</verse>
				<verse number="17">Kwondũ wa ũu nĩnamũtũmie Timotheo oke kwenyu, nake nĩ mwana wakwa mwendwa wĩ kĩthito nthĩnĩ wa Mwĩaĩi, ũla wĩmũlilikan’ya ũvoo wa mĩendele yakwa ĩla ĩ nthĩnĩ wa Klĩsto, o tondũ nĩmanyĩasya kũndũ kw’onthe nthĩnĩ wa kĩla ĩkanisa.</verse>
				<verse number="18">Yu amwe nĩmekwĩkathĩĩa, ta ndeũka kwenyu.</verse>
				<verse number="19">Ĩndĩ ngooka kwenyu mĩtũkĩ, Mwĩaĩi enda; nakwa ngamanya ti ndeto ya asu mekathĩĩaa, ĩndĩ nĩ vinya woo.</verse>
				<verse number="20">Nũndũ ũsumbĩ wa Ngai ndwĩ ndetonĩ, ĩndĩ wĩ vinyanĩ.</verse>
				<verse number="21">Mwĩenda ata? Nũke kwenyu na ndata, kana na wendo na veva wa ũuu?</verse>
			</chapter>
			<chapter number="5">
				<verse number="1">Nĩ w’o, ũvoo nĩ mũnyaĩĩku kana kwĩ ũlaalai katĩ wenyu, na nĩ ũlaalai ũla ũte kwa Andũ‐ma‐mbaĩ‐ingĩ, kana ũmwe wenyu e na mũka wa ĩthe.</verse>
				<verse number="2">Nenyu nĩmwĩkathĩĩe: o na mũinew’a woo, nĩ kana ũsu wĩkĩte ũndũ ũsu, avetwe katĩ wenyu.</verse>
				<verse number="3">Nũndũ nĩ w’o, o na ethĩwa ndi vo na mwĩĩ, ĩndĩ vevanĩ nĩ vo, nyie nĩnĩminĩte kũmũsilĩla ũsu wĩkĩte ũndũ ũsu, ta nĩnaĩ kw’o mwene,</verse>
				<verse number="4">syĩtwanĩ ya Mwĩaĩi waitũ Yesũ, inyw’ĩ mweethĩwa mũmbanĩte vamwe, o na vamwe na veva wakwa, na vinya wa Mwĩaĩi waitũ Yesũ,</verse>
				<verse number="5">kũmumya mũndũ ũilyĩ ũu na kũmũnengane kwa Satani mwĩĩ wanangwe, nĩ kana veva ũtangĩĩwe mũthenya wa Mwĩaĩi Yesũ.</verse>
				<verse number="6">Kwĩkathĩĩa kwenyu ti kũseo. Mũtyĩsĩ kana ĩlawa ĩnini nĩyĩkaatasya kĩmũtũ kyonthe?</verse>
				<verse number="7">Ĩthesyei vyũ mũkyumya yĩla ĩlawa ya tene, mwĩthĩwe mũndo mweũ ki, o ta mũtekĩwe ĩlawa. Nũndũ vasaka witũ nũthembetwe, naw’o nĩ Klĩsto:</verse>
				<verse number="8">kwondũ wa ũu, tũvokae mboka, ti na ĩlawa ĩkũũ, o na ti na ĩlawa ya ũmaitha na ũthũku; ĩndĩ na kĩmũtũ kĩte ĩlawa, kĩtheu na kya w’o.</verse>
				<verse number="9">Namũandĩkĩe valũanĩ wakwa kana mũĩkavulane na ilaalai;</verse>
				<verse number="10">ndikwasya o na vanini kana nĩ ilaalai sya nthĩ ĩno, kana ala me na ĩtomo, na avutani, kana athaithi ma mĩvw’anano; nũndũ ethĩwa nũu, mũvaka mume kũũ nthĩ:</verse>
				<verse number="11">ĩndĩ nĩmũandĩkĩe mũikavulane na mũndũ ũnũkwĩtwa mwana‐a‐asa ethĩwa nĩ kĩlaalai, kana wĩ ĩtomo, kana mũthaithĩ wa mĩvw’anano, kana mũumani, kana mũnywi, kana mũvutani; mũndũ ũilyĩ ũu, mũikavulane nake, aiee, o na mũikaye nake.</verse>
				<verse number="12">Nũndũ nĩ ũndũ mwaũ kũmasilĩla ala me ũtee? Mũtiũmasilĩla asu me nthĩnĩ?</verse>
				<verse number="13">Ĩndĩ asu me ũtee Ngai nũmasilĩlaa. Mũvetei ĩndĩ ũsu mwathe, aume katĩ wenyu.</verse>
			</chapter>
			<chapter number="6">
				<verse number="1">Mũndũ o na wĩva wa inyw’ĩ, e na ũndũ na ũngĩ, nũtonya ũmũvinganĩsya mbee wa ala mate alũngalu, na ti mbee wa atheu?</verse>
				<verse number="2">Kana mũtyĩsĩ kana atheu nĩmakasilĩla nthĩ? Na ethĩwa nthĩ nĩkasilĩlwa nĩ inyw’ĩ, mũtyaĩle kũsilaa maũndũ ala manini?</verse>
				<verse number="3">Mũtyĩsĩ kana ithyĩ nĩtũkasilĩla alaĩka? Nĩ mbee veana ata, maũndũ ma thayũ ũũ?</verse>
				<verse number="4">Ethĩwa ĩndĩ nĩ ũndũ wenyu kũsilaa maũndũ ma thayũ ũũ, mwĩmaia asu ala mate na ũtalo ĩkanisanĩ kũsilaa?</verse>
				<verse number="5">Nĩneena ũu ndonye kũmũsonokya. Ũu nĩ w’o, kũioneka kwenyu mũndũ ũmwe mũĩ ũla ũtonya kũtw’a sila katĩ wa ana‐a‐ĩthe,</verse>
				<verse number="6">ĩndĩ mũndũ nũsitakanaa na mwana‐a‐ĩthe, na ĩngĩ nĩ mbee wa ala matetĩkĩlĩte?</verse>
				<verse number="7">Aiee, o na yu nũtw’ĩkĩte wasyo kwenyu, kwĩthĩwa na makoani inyw’ĩ kwa inyw’ĩ. Nĩkĩ ti kavaa kũmĩĩsya ũthũku? Nĩkĩ ti kavaa kũvutwa?</verse>
				<verse number="8">Ĩndĩ inyw’ĩ ene nĩmwĩkaa naĩ, na mũivũtana, na ĩngĩ nĩ kwa ana‐a‐ĩthe menyu.</verse>
				<verse number="9">Kana mũtyĩsĩ kana ala mate na ũlũngalu matikatiĩwa ũsumbĩ wa Ngai? Mũikakengeke: eki ma naĩ na eĩtu, o na athaithi ma mĩvw’anano, o na ilaalai, o na ala metusaa ta aka, o na ala meyĩkaa naĩ na aũme,</verse>
				<verse number="10">o na ing’ei, o na ala me na ĩtomo, o na anywi, o na aumani, o na avutani, maĩkatiĩwa ũsumbĩ wa Ngai.</verse>
				<verse number="11">Na amwe menyu mwailyĩ ũu: ĩndĩ nĩmũthambĩtw’e, ĩndĩ nĩmũvathĩtw’e mwĩthĩwe atheu, ĩndĩ nĩmũtalĩlwe ũlũngalu syĩtwanĩ ya Mwĩaĩi Yesũ Klĩsto, na nthĩnĩ wa Veva wa Ngai waitũ.</verse>
				<verse number="12">Maũndũ onthe kwakwa nĩmatonyeka; ĩndĩ ti onthe mailaa. Maũndũ onthe kwakwa nĩmatonyeka; ĩndĩ nyie ndikalikw’a ũkũmũnĩ wa ũmwe o na wĩva.</verse>
				<verse number="13">Sya ũya nĩ sya ĩvu, na ĩvu nĩ ya sya ũya: ĩndĩ Ngaĩ akaitw’ĩkĩthya sya mana ĩvu na sya ũya syelĩ. Ĩndĩ mwĩĩ ti wa kwĩka ũlaalai, ĩndĩ nĩ wa Mwĩaĩi; nake Mwĩaĩi nĩ wa mwĩĩ:</verse>
				<verse number="14">na Ngai nake nĩwamũthayũũkisye Mwĩaĩi, na ĩngĩ akatũthayũũkya ithyĩ na vinya wake.</verse>
				<verse number="15">Mũtyĩsĩ kana mĩĩ yenyu nĩ mamutha ma Klĩsto? Nose ĩndĩ mamutha ma Klĩsto, na kũmatw’a mamutha ma ĩlwaya? Aiee, kũikethĩwe ũu.</verse>
				<verse number="16">Kana mũtyĩsĩ atĩ ũla ũnũũkoma na ĩlwaya nĩ mwĩĩ ũmwe nayo? Nũndũ aĩtye, Asu elĩ makethĩwa mwĩĩ ũmwe.</verse>
				<verse number="17">Ĩndĩ ũla ũnũũthalanw’a na Mwĩaĩi nĩ veva ũmwe.</verse>
				<verse number="18">Kĩai ũlaalai. Kĩla ũthũku mũndũ wĩkaa wĩ ũtee wa mwĩĩ wake; ĩndĩ ũla wĩkaa ũlaalai eyĩkaa mwĩĩ wake mwene naĩ.</verse>
				<verse number="19">O na mũtyĩsĩ kana mwĩĩ wenyu nĩ ĩkalũ ya Veva Mũtheu, ũla wĩ nthĩnĩ wenyu, ũla mwĩ nake kuma kwa Ngai? Na mũi menyu ene;</verse>
				<verse number="20">nũndũ nĩmũthooetwe na thooa mũnene: mũtaĩei Ngai ĩndĩ mĩĩnĩ yenyu.</verse>
			</chapter>
			<chapter number="7">
				<verse number="1">Ĩndĩ yu nĩtũsisye maũndũ ala mũnanandĩkĩe: Nĩ ũseo mũndũ ndakakiite mũndũ mũka.</verse>
				<verse number="2">Ĩndĩ, nũndũ wa molaalai, kĩla mũndũ nĩethĩwe na kĩveti kyake mwene, na kĩla mũndũ mũka nake nĩethĩwe na mũũme wake mwene.</verse>
				<verse number="3">Mũndũ mũũme namũnenge mũka wake ũla ũmwaĩle: na ta ũu, mũndũ mũka nake namũnenge mũũme wake ũla ũmwaĩle.</verse>
				<verse number="4">Mũndũ mũka nde na ũkũmũ ĩũlũ wa mwĩĩ wake mwene, ĩndĩ nĩ mũũme: na no ta ũu mũũme nake nde na ũkũmũ ĩũlũ wa mwĩĩ wake mwene, ĩndĩ nĩ mũka.</verse>
				<verse number="5">Mũikavatane ene kwa ene, ate o yĩla mwĩw’anĩte kwĩka ũu ĩvinda, nĩ kana mũtonye kwĩnengane ene kũvoya, na ĩtina kwĩthĩwa vamwe ĩngĩ, Satani ndakamũtate kwondũ wa kũlea kwĩyũmĩĩsya.</verse>
				<verse number="6">Ĩndĩ nĩneena ũndũ ngwona, na tĩ ũndũ wa kwĩaa.</verse>
				<verse number="7">Ĩndĩ nĩenda andũ onthe mekale takwa ũndũ ndilyĩ. Ĩndĩ kĩla mũndũ e na mũthĩnzĩo wake mwene wanengiwe nĩ Ngai, ũmwe ũndũ wake, na ũngĩ ũndũ wake.</verse>
				<verse number="8">Ĩndĩ nĩmea ala matatwaanĩte, na aka ndiwa, atĩĩ, Nĩ ũseo mekale takwa o ũndũ ndilyĩ.</verse>
				<verse number="9">Ĩndĩ ethĩwa maitonya kwĩyũmĩĩsya, nĩmatwaane: nũndũ nĩ ũseo kũtwaana kwĩ kwakana mwaki.</verse>
				<verse number="10">Ĩndĩ kwa ala matwaanĩte nĩngwĩaa, o na tii nyie, ĩndĩ nĩ Mwĩaĩi, kana mũndũ mũka ndakamũlee mũũme,</verse>
				<verse number="11">(ĩndĩ ethĩwa nũnũũthi, nĩeyĩkalye ate mũtwae, kana ethĩwa ti ũu, ew’ane na mũũme wake;) na mũũme ndakamũlee mũka wake.</verse>
				<verse number="12">Ĩndĩ kwa angĩ nĩneena nyie, ti Mwĩaĩi: Ethĩwa mwana‐asa o na wĩva e na mũndũ mũka ũtetĩkĩlĩte, nake mũndũ mũka eenda kwĩkala nake, ndakamũlee.</verse>
				<verse number="13">Na mũndũ mũka wĩ na mũũme ũtetĩkĩlĩte, nake mũũme enda kwĩkala nake, ndakamũlee mũũme.</verse>
				<verse number="14">Nũndũ mũũme ũla ũtetĩkĩlĩte nũvathĩkĩte nũndũ wa mũka, na mũka ũtetĩkĩlĩte nũvathĩkĩte nũndũ wa mũũme: kethĩwa ti ũu syana syenyu syĩthĩwa syĩ mbuku; ĩndĩ yu nĩ ntheu.</verse>
				<verse number="15">Ĩndĩ ethĩwa ũla ũtetĩkĩlĩte nũnũũthi, nathi: mwana‐a‐asa kana mwĩĩtũ‐a‐asa ti ngombo maũndũnĩ mailyĩ ũu: ĩndĩ Ngai nũtwĩtĩte twĩkalae na mũuo.</verse>
				<verse number="16">Nũndũ wĩsĩ ata we, kĩveti, kana ũkatangĩĩa mũemeu? Kana wĩsĩ ata we, mũũme, kana ũkatangĩĩa mũkau?</verse>
				<verse number="17">Ĩndĩ tondũ Mwĩaĩi wamũaĩe kĩla mũndũ, na tondũ Ngai wamwĩtie kĩla mũndũ, naende o ũu. Nakwa nĩaa o ũu makanisanĩ onthe.</verse>
				<verse number="18">Mũndũ o na wĩva eetiwe e mwaĩke? Ndakatw’ĩke ũte mwaĩke. Ve mũndũ o na wĩva wetiwe ate mwaĩke? Ndakaĩkwe.</verse>
				<verse number="19">Nzaĩko ti kĩndũ, na kũlea kwaĩkwa ti kĩndũ; ĩndĩ kũatĩĩa mĩao ya Ngai.</verse>
				<verse number="20">Kĩla mũndũ nĩekale ũndũ wailyĩ aiĩtwa.</verse>
				<verse number="21">Wetiwe wĩ ngombo? Ndũkone ta ũndũ; ĩndĩ ethĩwa nũtonyeka kwaku kuma ũkombonĩ, kavaa wume.</verse>
				<verse number="22">Nũndũ ũla wetiwe nthĩnĩ wa Mwĩaĩi, e ngombo, nĩ mũthasye wa Mwĩaĩi: na no ta ũu ũla wetiwe ate ngombo, ũsu nĩ ngombo ya Klĩsto.</verse>
				<verse number="23">Nĩmwathooiwe na thooa; mũikatw’ĩke ngombo sya andũ.</verse>
				<verse number="24">O ũndũ mũndũ wailyĩ yĩla wetiwe, ana‐a‐asa, nĩekale ũndũnĩ o ũsu, vamwe na Ngai.</verse>
				<verse number="25">Ĩndĩ ũndũ wa eĩtu ndi na mwĩao wa Mwĩaĩi: ĩndĩ nĩmũtavya ũndũ ngwona, ta ũmwe ũla wosete tei wa Mwĩaĩi ethĩwe mũĩkĩĩwa.</verse>
				<verse number="26">Ĩndĩ nĩona ũndũ ũũ ta ũseo kwondũ wa thĩna ũla twi naw’o, kana nĩ ũseo mũndũ ekale o ũndũ ũilyĩ.</verse>
				<verse number="27">Nĩwovanĩtw’e na mũndũ mũka? Ndũkamanthe kũthaw’a. Nũthaanĩtwe na mũndũ mũka? Ndũkamanthe mũndũ mũka.</verse>
				<verse number="28">Ĩndĩ, o na ethĩwa ũkatwaana, ndũkwĩka naĩ; na mwĩĩtũ aitwawa, ndekwĩka naĩ. Ĩndĩ ala mailyĩ ũu maitĩa kwĩthĩwa na mathĩna mwĩĩnĩ: nakwa nĩenda kũmũvonokya.</verse>
				<verse number="29">Ĩndĩ nĩneena ũu, ana‐a‐asa, ĩvinda nĩ ĩkũvĩvye mũno, kana kũma yu, ala me na aka nĩmethĩwe ta mataĩ;</verse>
				<verse number="30">na ala maĩaa, nĩmethĩwe ta mataĩaa; na ala matanaa, nĩmethĩwe ta matatanaa; na ala mathooaa, nĩmethĩwe ta mate na kĩndũ;</verse>
				<verse number="31">na ala metethasya na syĩndũ sya nthĩ, nĩmethĩwe ta matasyĩkwatasya mũno: nũndũ mwĩkalĩle wa nthĩ ĩno nũũvita.</verse>
				<verse number="32">Ĩndĩ nĩenda kana mũikaũũye. We, ũla ũtatwaanĩte, alilikanaa mũno maũndũ ma Mwiaĩi, ũndũ wĩmwendeeasya Mwĩaĩi:</verse>
				<verse number="33">ĩndĩ ũla ũtwaanite alilikanaa mũno maũndũ ma nthĩ, ũndũ wĩmwendeeasya mũka.</verse>
				<verse number="34">Na ĩngĩ kwĩ kĩvathũkan’yo kya mũndũ mũka na mwĩĩtu. Ũla ũte mũtwae alilikanaa mũno maũndũ ma Mwĩaĩi, nĩ kana atonye kwĩthĩwa mũtheu mwĩĩnĩ na vevanĩ: ĩndĩ ũla ũtwaĩtwe alilikanaa mũno maũndũ ma nthĩ, na ũndũ wĩmwendeeasya mũũme.</verse>
				<verse number="35">Ĩndĩ ũu nĩneena kwondũ wa kũmũtethya; ti ũndũ wa kũmũtea, ĩndĩ nũndũ wa ũla waĩle, na ĩngĩ kana mũtonye kũmũthũkũma Mwĩaĩi mũtekũvũavũanw’a.</verse>
				<verse number="36">Ĩndĩ ethĩwa mũndũ o na wĩva onaa ta ũtamwĩkaa mwĩĩtu wake ũndũ waĩle, na ethiwa nĩwavĩta ũseo wa wana wake, na ethĩwa kwĩ vata wa ũu, nĩeke ũndũ ũnũkwenda; ndekwĩka naĩ; nĩmatwaane.</verse>
				<verse number="37">Ĩndĩ ũla ũũngeme na ũlũmu ngoonĩ yake, ateũingĩĩw’a, ĩndĩ e na vinya kwendanĩ kwake, na nĩwetw’ĩĩte ũndũ ũũ ngoonĩ yake, atũae na mwĩĩtu wake, ekaa nesa.</verse>
				<verse number="38">Na kwondu wa ũu, ũla ũnũũmũtwaanĩthya mwĩĩtu wake eĩka nesa; na ũla ũteũmũtwaanĩthya mwĩĩtu wake eĩka nesa mbee.</verse>
				<verse number="39">Mũndũ mũka nĩ mwove ĩvinda yĩla mũũme wĩ thayũ; ĩndĩ ethĩwa mũũme nũkw’ĩte, yu nũthaĩtw’e, na nũtonya kũtwawa nĩ ũla ũnũkwenda; ĩndĩ no nthĩnĩ wa Mwĩaĩi.</verse>
				<verse number="40">Ĩndĩ nĩ ũseo mbee kwĩkalaa o ũndũ ũilyĩ, ũndũ ngwona: na ĩngĩ nĩasya nyie nĩ na Veva wa Ngai.</verse>
			</chapter>
			<chapter number="8">
				<verse number="1">Na yu, ũndũ wa syĩndũ ila ithembeawa mĩvw’anano: Nĩtwĩsĩ kana ithyonthe twĩ na ũmanyi. Ũmanyi ũetae ngathĩĩo, ĩndĩ wendo nĩwakaa.</verse>
				<verse number="2">Ethĩwa mũndũ eyonaa ta wĩsĩ ũndũ o na wĩva, ndanamba kũmanya ũndũ waĩle ũmanya;</verse>
				<verse number="3">ĩndĩ ethĩwa mũndũ o na wĩva nũmwendete Ngai, ũsu nĩwĩsĩkĩwe nĩwe.</verse>
				<verse number="4">Ĩndĩ ũndũ wa ũvoo ũũ wa kũya syĩndũ ithembeawa mivw’anano, nĩtwĩsĩ kana mũvw’anano ti kĩndũ kũũ nthĩ, na atĩ kũi Ngai ũngĩ ate o ũmwe weka.</verse>
				<verse number="5">Nũndũ o na kwethĩwa kwĩ ingĩ syĩtawa ngai, syethĩwa syĩ ĩtunĩ, o na syethĩwa syĩ nthĩ; o ũndũ kwĩ ngai nyingĩ, na eaii aingĩ;</verse>
				<verse number="6">ĩndĩ kwitũ kwĩ Ngai o ũmwe, nake nĩwe Asa, ũla syĩndũ syonthe syumaa kwake, na ithyĩ twi make; na kwĩ Mwĩaĩi ũmwe, Yesũ Klĩsto, na syĩndũ syonthe nĩ kwondũ wake, na ithyĩ twi kwondũ wake.</verse>
				<verse number="7">Ĩndĩ ũmanyi ũsu ndwĩ nthĩnĩ wa andũ onthe: ĩndĩ amwe, mamanyĩie maũndũ ma mĩvw’anano kũvika na yu, maĩsaa ta kĩndũ kĩthembewe mũvw’anano; na wasya wa ngoo woo nĩkwĩthĩwa nĩ mwonzu nũvukaa.</verse>
				<verse number="8">Ĩndĩ kya ũya kĩitwĩtĩkĩlĩthya kwa Ngai: o na ethĩwa tũtiũya, tũtiũnyivĩwa nĩ kĩndũ; na ethĩwa nĩtũũya tũtingĩvĩwa nĩ kĩndũ.</verse>
				<verse number="9">Ĩndĩ sũvĩai kũthaw’a ku kwenyu kũikethĩwe ũlulutĩkyo kwa ala onzu.</verse>
				<verse number="10">Nũndũ ethĩwa mũndũ ekwona we, wĩ na ũmanyi, ũilyĩ lĩunĩ ĩkalũnĩ ya mũvw’anano; nake ethĩwa nĩ mwonzu, wasya wa ngoo wake ndũkongeleelwa ũkũmbaũ wa ũya syĩndũ ithembeawa mĩvw’anano?</verse>
				<verse number="11">Nũndũ kwondũ wa ũmanyi waku ũla mwonzu nũnũkwaa, nake nĩ mwana‐a‐au, ũla Klĩsto wakwie kwondũ wake.</verse>
				<verse number="12">Na kwondũ wa ũu, mũkimeka ana‐a‐au naĩ, na kũmakũna wasya wa ngoo woo ũte vinya, mwĩmwĩka Klĩsto naĩ.</verse>
				<verse number="13">Kwondũ wa ũu, ethĩwa lĩu nũũmũlulutĩkya mwana‐a‐asa, ndikaya nyama kũvika tene na tene, nĩ kana ndikamũlulutĩkye mwana‐a‐asa.</verse>
			</chapter>
			<chapter number="9">
				<verse number="1">Nyie, ndi mũthaw’a? Ndi mũtũmwa nyie? Ndimwonete Yesũ Mwĩaĩi waitũ? Inyw’ĩ mũi wĩa wakwa nthĩnĩ wa Mwĩaĩi?</verse>
				<verse number="2">Ethĩwa ndi mũtũmwa kwa angĩ, nĩ mũtũmwa kwenyu: nũndũ inyw’ĩ mwĩ ũsiĩlo wa ũtũmwa wakwa nthĩnĩ wa Mwĩaĩi.</verse>
				<verse number="3">Ũsũngĩo wakwa nĩ ũũ, kwa ala mandoasya.</verse>
				<verse number="4">Ithyĩ tũtitonya kũya na kũnyw’a?</verse>
				<verse number="5">Ithyĩ tũtitonya kĩla mũndũ kũendan’ya na mũka wake wĩtĩkĩlĩte, o ta atũmwa ala angĩ na ana‐a‐inyia ma Mwĩaĩi, na Keva?</verse>
				<verse number="6">Kana no nyie na Valanava tũtatonya kũeka kũtethya wĩa?</verse>
				<verse number="7">Nĩ mũsikalĩ wĩva ũla ũthũkũmaa na syĩndũ syake mwene, o na ĩndĩĩ? Nũũ ũla ũvandaa mũũnda wa mĩsavivũ, na ndaĩsaa ũsyao waw’o? Kana nũũ ũla ũĩthasya ndĩthya ya indo, na ndanyusaa ĩia yasyo?</verse>
				<verse number="8">Nĩneena maũndũ aa o tondũ andũ maneenaa? Kana ĩla mĩao ndĩneenete ũu, nayo?</verse>
				<verse number="9">Nũndũ nĩkũandĩkĩtwe mĩaonĩ ya Mose, Ndũkamyove ng’ombe kanyw’a ĩkĩvũa isyo. No ng’ombe Ngai ũlilikanaa?</verse>
				<verse number="10">Kana eneena ũu kwondũ witũ ki? Ĩĩ, nĩkũandĩkĩtwe kwondũ witũ: nũndũ we ũla wĩnzaa, nĩwaĩlwe nĩ kwĩnza na wĩkwatyo, na ũla ũvũaa, avũe na wĩkwatyo wa kwosa kĩlungu.</verse>
				<verse number="11">Ethĩwa ithyĩ twamũvandie inyw’ĩ syĩndũ sya veva, nĩ ũndũ ũnene ethĩwa tũkaketha syĩndũ syenyu sya mwĩĩ?</verse>
				<verse number="12">Ethĩwa angĩ me na ũkũmũ ĩũlũ wenyu, ithyĩ ti mbee? Ĩndĩ tũtyaaiyosea ũkũmũ ũsu; ĩndĩ nĩtũmĩĩasya maũndũ onthe, nĩ kana tũikasiĩĩe ũvoo mũseo wa Klĩsto na ũndũ o na wĩva.</verse>
				<verse number="13">Mũtyĩsĩ kana ala mathũkũmaa maũndũnĩ ma ĩkalũ nĩmaĩsaa syĩndũ sya ĩkalũ, kana ala mathũkũmaa kĩthembeonĩ me na kĩanda kyoo vamwe nakyo?</verse>
				<verse number="14">No ta ũu Mwĩaĩi eaie kana ala matavanasya ũla ũvoo mũseo makoona sya kwĩtethasya kwondũ wa ũvoo mũseo.</verse>
				<verse number="15">Ĩndĩ nyie ndyaaosa syĩndũ isu o na kĩmwe: na ndiũandĩka maũndũ aa kana mekwe kwakwa; nũndũ kwakwa nĩ kavaa kũkw’a, kwĩ mũndũ o na wĩva kũekethya kwĩkathĩĩa kwakwa.</verse>
				<verse number="16">Nũndũ, o na kau, nĩtavan’ya ũla ũvoo mũseo, ndi na ũndũ wa kwĩkathĩĩa; nĩkwĩthĩwa nĩnthingaatĩtwe; na woo nĩ wakwa, ethĩwa ndiũtavany’a ũvoo mũseo.</verse>
				<verse number="17">Nũndũ neeka ũu ũndũ wa kwenda kwakwa mwene, nĩ na ĩtuvi: ĩndĩ ethĩwa ti ũndũ wa kwenda kwakwa mwene, nĩnĩĩkĩĩwe kũsyaĩĩsyanĩ.</verse>
				<verse number="18">Ĩndĩ ĩtuvĩ yakwa nĩ kyaũ? Nĩ yĩĩ, kana ngĩtavan’ya ũvoo mũseo, ũvoo ũsu wĩthĩwe ũte wa thooa, ndekwĩanĩsya ũkũmũ wakwa ũvoonĩ mũseo.</verse>
				<verse number="19">Nũndũ o na kau ndyaĩ ngombo ya mũndũ ona wĩva, nĩyiĩte mwene nĩthĩwe ũkombonĩ kwa onthe, nĩ kana ndonye kwona aingĩ mbee.</verse>
				<verse number="20">Na kwa Ayuti neethĩwa ta Mũyuti, nĩ kana nĩmone Ayuti; na kwa ala me mĩaonĩ, neethĩwa ta nĩ mĩaonĩ, nde mĩaoni nyie, nĩ kana nĩmone ala me mĩaonĩ;</verse>
				<verse number="21">na kwa ala mate na mĩao, neethĩwa ta nde na mĩao, tĩ atĩndyaĩ na mĩao kwa Ngai, ĩndĩ naĩ mĩaonĩ kwa Klĩsto, nĩ kana nĩmone asu mate na mĩao.</verse>
				<verse number="22">Na kwa syonze neethĩwa ta kyonze, nĩ kana nĩsyone syonze: nĩtw’ĩkĩte maũndũ onthe kwa andũ onthe, nĩ kana kwa nzĩa syonthe nĩtonye kũmatangĩĩa amwe.</verse>
				<verse number="23">Nakwa nĩkaa maũndũ aa onthe kwondũ wa ũla ũvoo mũseo, nĩ kana nĩthĩwe nĩ mwosi ũmwe waw’o vamwe na angĩ.</verse>
				<verse number="24">Mũtyĩsĩ kana ala masembaa makĩlan’yonĩ ma maũũ, masembaa onthe, ĩndĩ no ũmwe wosaa kĩndũ? O ta ũu sembai, nĩ kana mwose.</verse>
				<verse number="25">Na kĩla mũndũ ũkĩlanasya mathaũnĩ, esiĩĩaa maũndũnĩ onthe. Ĩndĩ asu mekaa ũu nĩ kana manengwe ngovia ya ũsumbĩ yanangĩkaa; ĩndĩ ithyĩ nĩ kana tũnengwe ĩla ĩtanangĩkaa.</verse>
				<verse number="26">Kwondũ wa ũu, nyie nĩsembaa, nde na nzika; nĩkasya ngundi, ndeũkũna vathei:</verse>
				<verse number="27">ĩndĩ nĩkanyangaa mwĩĩ wakwa na kũete ũkombonĩ: nĩ kana kũikethĩwe ũndũ o na wĩva w’onthe, ĩtĩna wa kũtavya angĩ, nyie mwene nĩkw’e ũtee.</verse>
			</chapter>
			<chapter number="10">
				<verse number="1">Nũndũ ndikwenda, ana‐a‐asa, mũlee ũmanya, ũndũ aasa maitũ onthe maĩ ungu wa ũla mũumbĩ, na onthe mavĩtĩle ũkanganĩ;</verse>
				<verse number="2">na onthe mavatĩswa mũumbĩnĩ na ũkanganĩ methĩwe ma Mose;</verse>
				<verse number="3">na onthe maya kya ũya kya veva o kĩmwe;</verse>
				<verse number="4">na onthe manyw’a kya ũnyw’a kya veva o kĩmwe: nũndũ nĩmanywie kya ĩvia ya veva yĩla yamavikĩlile; na ĩvia yĩu yaĩ Klĩsto.</verse>
				<verse number="5">Ĩndĩ aingĩ moo, Ngai ndaaendeew’a nĩo: nũndũ nĩmavalũkangilw’e weũnĩ.</verse>
				<verse number="6">Na yu maũndũ asu maĩ ngelekan’yo kwitũ, nĩ kana ithyĩ tũikasyende syĩndũ nthũku, o tondũ asu nao mendie.</verse>
				<verse number="7">O na mũikethĩwe athaithĩ ma mĩvw’anano, o ta amwe moo; o tondũ kũandĩkĩtwe, Andũ mekalile nthĩ kũya na kũnyw’a, na mookĩla mathaũke.</verse>
				<verse number="8">O na tũikalaalae, tondũ amwe moo malaalaile, na mavalũka mũthenya ũmwe andũ ngili mĩongo ĩlĩ na itatũ.</verse>
				<verse number="9">O na tũikamũtate Mwĩaĩi, tondũ amwe moo mamũtatie, na moawa nĩ ila nzoka.</verse>
				<verse number="10">O na mũikanyungunyĩsye, tondũ amwe moo manyungunyĩisye, na moawa nĩ ũla mũai.</verse>
				<verse number="11">Maũndũ asu mamakĩtĩkĩe methĩwe ngelekan’yo; na maandĩkiwe kwondũ wa ũtũtaa ithyĩ, ala tũvikĩwe nĩ mũminũkĩlyo wa mavĩnda.</verse>
				<verse number="12">Kwondũ wa ũu ũla ũnũkwona e mũũngamu, nĩesũvĩe ndakavalũke.</verse>
				<verse number="13">Mũtyaakwatwa inyw’ĩ nĩ matatwa ate o ala mũndũ ũtonya kũmomĩĩsya: ĩndĩ Ngai e kĩthito, na ndakamũeka mũtatwe kũvĩtũka vinya wenyu; ĩndĩ vamwe na kũtatwa akamantha nzĩa ya kũthonoka, nĩ kana mũtonye kũmomĩĩsya.</verse>
				<verse number="14">Kwondũ wa ũu, endwa makwa, kĩai kũthaitha mĩvw’anano.</verse>
				<verse number="15">Nĩneena ta ngũneena na andũ oĩ; osyai maũndũ asu ngwasya.</verse>
				<verse number="16">Kĩkombe kya ũathimo kĩla tũathimaa, ti mũamba wa nthakame ya Klĩsto? Kĩmũtũ kĩla tũtilaa, nakyo, ti mũamba wa mwĩĩ wa Klĩsto?</verse>
				<verse number="17">Nĩkwĩthĩwa ithyĩ ala twĩ aingĩ, twĩ kĩmũtũ kĩmwe, mwĩĩ ũmwe; nũndũ ithyonthe twĩ osi ma kĩmũtũ o kĩmwe.</verse>
				<verse number="18">Sisyai Isilaeli ũndũ mailyĩ kwa kũsyawa: asu maĩsaa nthembo mati na mũamba na kĩthembeo?</verse>
				<verse number="19">Nĩasya ata ĩndĩ? Kĩndũ kĩthembeawa mĩvw’anano nĩ kĩndũ, o na mũw’anano nĩ kĩndũ?</verse>
				<verse number="20">Ĩndĩ nĩasya, kana syĩndũ ila Andũ‐ma‐mbaĩ‐ingĩ mathembaa, mathembeaa ndaimoni, matĩthembeaa Ngai: nakwa ndikwenda mwĩthĩwe na mũamba na ndaimoni.</verse>
				<verse number="21">Mũtitonya kũnyw’a kĩkombe kya Mwĩaĩi, na kĩkombe kya ndaimoni: mũtitonya kũĩsanĩa mesanĩ ya Mwĩaĩi, na mesanĩ ya ndaimoni.</verse>
				<verse number="22">Kana twĩmwĩw’ĩthya Mwĩaĩi kĩwĩu? Twĩ na vĩnya kwĩ we?</verse>
				<verse number="23">Maũndũ onthe nĩmatonyeka; ĩndĩ ti onthe maĩlaa. Maũndũ onthe nĩmatonyeka; ĩndĩ ti onthe makaa.</verse>
				<verse number="24">Mũndũ o na wĩva ndakamanthe kwĩuna mwene, ĩndĩ kĩla mũndũ namanthe kũuna ũngĩ.</verse>
				<verse number="25">Kĩla kĩthooaw’a kĩthĩnzĩonĩ, yai, mũteũkũlya ũkũlyo kwondũ wa wasya wa ngoo;</verse>
				<verse number="26">nũndũ nthĩ nĩ ya Mwĩaĩi, na syĩndũ syonthe ila imyusĩe.</verse>
				<verse number="27">Ethĩwa ũmwe wa ala matetĩkĩlĩte emwĩta mbokanĩ, na mwĩenda ũthi; yai o kĩla kĩiwa mbee wenyu, mũteũkũlya ũkũlyo kwondũ wa wasya wa ngoo.</verse>
				<verse number="28">Ĩndĩ ethĩwa mũndũ akamũtavya, Kĩĩ nĩkĩthembewe mũvw’anano, mũikaye, kwondũ wa ũsu watavan’ya, na kwondũ wa wasya wa ngoo:</verse>
				<verse number="29">nĩasya wasya wa ngoo, ti wasya wa ngoo waku, ĩndĩ wa ũsu ũngĩ; nũndũ kũthaw’a kwakwa kũsilĩĩlwa kĩ nĩ wasya wa ngoo wa ũngĩ?</verse>
				<verse number="30">Ethĩwa nyie ngĩtũnga mũvea, nĩkĩ ngũwetwa naĩ nũndũ wa kĩla natũngĩa mũvea?</verse>
				<verse number="31">Ethĩwa ĩndĩ nĩmũũya, kana kũnyw’a, kana o ũndũ mũkwĩka o na wĩva w’onthe, ĩkai maũndũ onthe kwa kũtaĩa Ngai.</verse>
				<verse number="32">Mũikaete molulutĩkyo kwa Ayuti, o na kwa Akiliki, o na kwa ĩkanisa ya Ngai:</verse>
				<verse number="33">o tondũ nyie nakwa nendeeasya andũ onthe maũndũnĩ onthe, ndeũmantha kwĩuna mwene, ĩndĩ nĩmanthaa kũuna aingĩ, nĩ kana matangĩĩwe.</verse>
			</chapter>
			<chapter number="11">
				<verse number="1">Ĩthĩwai mũkĩelekan’ya nakwa, o ũndũ nyie nakwa nĩelekanasya na Klĩsto.</verse>
				<verse number="2">Na yu nĩngũmũkatha nĩkwĩthĩwa nĩmũndilikanaa maũndũnĩ onthe, na ĩngĩ nĩmũkwataa mũno momanyĩsyo asu, o ũndũ namũnengie.</verse>
				<verse number="3">Ĩndĩ nĩenda mũmanye, kana mũtwe wa kila mũndũ mũũme nĩ Klĩsto; na mũtwe wa mũndũ mũka nĩ mũũme; na mũtwe wa Klĩsto nĩ Ngai.</verse>
				<verse number="4">Kĩla mũndũ mũũme aivoya kana aiathana, evw’ĩkĩte mũtwe wake, nũsonokasya mũtwe wake.</verse>
				<verse number="5">Ĩndĩ kĩla mũndũ mũka aivoya aiathana atevw’ĩkĩte mũtwe wake nũsonokasya mũtwe wake; nũndũ nĩ ũndũ ũmwe ki na kwenzwa.</verse>
				<verse number="6">Nũndũ ethĩwa mũndũ mũka ndeũvw’ĩka mũtwe wake, natilwe nzw’ĩĩ nasyo: ĩndĩ ethĩwa nĩ nthoni kwa mũndũ mũka kũtilwa nzw’ĩĩ kana kwenzwa, navw’ĩke mũtwe.</verse>
				<verse number="7">Nũndũ mũndũ mũũme ndaĩlwe nĩ kũvw’ĩka mũtwe wake, nũndũ we nĩ mũvw’ano na ũtaĩo wa Ngai; ĩndĩ mũndũ mũka nĩ ũtaĩo wa mũũme.</verse>
				<verse number="8">Nũndũ mũndũ mũũme ndaauma kwa mũndũ mũka; ĩndĩ mũndũ mũka aumie kwa mũndũ mũũme:</verse>
				<verse number="9">o na mũndũ mũũme ndaaũmbwa kwondũ wa mũndũ mũka; ĩndĩ nĩ mũndũ mũka wombiwe kwondũ wa mũndũ mũũme:</verse>
				<verse number="10">kwondũ wa ũu nĩkwaĩle mũndũ mũka ethĩwe na wonan’yo wa wĩnyivyo wake mũtwenĩ wake, nũndũ wa alaĩka.</verse>
				<verse number="11">Ĩndĩ vamwe na ũu, o na mũndũ mũka ndethĩwa vate mũndũ mũũme, o na mũndũ mũũme ndethĩwa vate mũndũ mũka, nthĩnĩ wa Mwĩaĩi.</verse>
				<verse number="12">Nũndũ o ũndũ mũndũ mũka waumie kwa mũndũ mũũme, no ta ũu mũndũ mũũme nũsyaawa nĩ mũndũ mũka; ĩndĩ maũndũ onthe maumaa kwa Ngai.</verse>
				<verse number="13">Osyai inyw’ĩ ene: nĩkwaĩle mũndũ mũka kũmũvoya Ngai atevw’ĩkĩte mũtwe?</verse>
				<verse number="14">O na mũtuo e w’o ndũũmũmanyĩsya, kana, ethĩwa mũndũ mũũme e na nzw’ĩĩ ndasa, nĩ nthoni kwake?</verse>
				<verse number="15">Ĩndĩ ethĩwa mũndũ mũka e na nzw’ĩĩ ndasa, nĩ ũtaĩo kwake: nũndũ nzw’ĩĩ syake anengiwe syĩthĩwe sya kũmũvw’ĩkaa.</verse>
				<verse number="16">Ĩndĩ ethĩwa mũndũ o na wĩva ailyĩ ta wĩ na ngananĩo, ithyĩ tũti na ũndũ ũsu, o na makanisa ma Ngai.</verse>
				<verse number="17">Ĩndĩ ngĩmwĩaĩa mĩao ĩno, ndĩũmũkathĩĩa, nĩkwĩthĩwa nĩmũkũmbana, na ti kwondũ wa ũseo, ĩndĩ kwondũ wa ũthũku.</verse>
				<verse number="18">Nũndũ mbee wa maũndũ angĩ, yĩla mũmbanaa ĩkanisanĩ, nĩw’aa kana motĩlĩkangano me katĩ wenyu; nakwa nĩngwĩtĩkĩla ũvoo ũsu vanini.</verse>
				<verse number="19">Nũndũ vaitĩa kwĩthĩwa ũvathũkan’yo katĩ wenyu, nĩ kana asu metĩkĩlĩtwe matonye ũmanyĩka kwenyu.</verse>
				<verse number="20">Ĩndĩ yĩla mũmbanaa vamwe, mũitonya ũya kya ũya kya mesa ya Mwĩaĩi:</verse>
				<verse number="21">nũndũ mũkĩya, kĩla ũmwe ambaa kũya kya ũya kyake mwene mbee wa ũngĩ; na ũmwe e na nzaa, na ũngĩ nũnyw’ĩte.</verse>
				<verse number="22">Nĩkĩ, mũti na nyũmba syenyu sya kũya lĩu na kũnyw’a? Kana mwĩvũthya ĩkanisa ya Ngai, na kũmasonokya asu mate kĩndũ? Nĩmwĩa ata? Nĩmũkathĩĩe kwondũ wa ũu? Aiee, ndiũmũkathĩĩa.</verse>
				<verse number="23">Nũndũ nyie noosie kwa Mwĩaĩi kyu kĩla namũnengie inyw’ĩ, kana Mwĩaĩi Yesu, ũtũku ũla wavũnyanĩiwe oosie kĩmũtũ;</verse>
				<verse number="24">na atũnga mũvea, atilan’ya na asya, Kĩĩ nĩkyo mwĩĩ wakwa, naw’o nĩ kwondũ wenyu: ĩkaai ũu ũndũ wa kũndilikana.</verse>
				<verse number="25">No ta ũu oosie kĩkombe nakyo, ĩtina wa kũya, aiasya, Kĩkombe kĩĩ nĩ ũtianio mweũ nthakamenĩ yakwa: ĩkaai ũu, yĩla mũũnyw’a, ũndũ wa kũndilikana.</verse>
				<verse number="26">Nũndũ o yĩla mũũya kĩmũtũ kĩĩ, na kũnyw’a kĩkombe kĩĩ, mwionan’ya kĩkw’ũ kya Mwĩaĩi kũvika yĩla wĩũka.</verse>
				<verse number="27">Kwondũ wa ũu o mũndũ ũla wĩya kĩmũtũ kana kũnyw’a kĩkombe kya Mwĩaĩi ũndũ ũtaĩle, eĩyosea ũsilĩlo wa ũla mwĩĩ na ĩla nthakame ya Mwĩaĩi.</verse>
				<verse number="28">Ĩndĩ mũndũ nĩeosye, na ĩndĩ naye kĩmũtũ, na ainyw’a kĩkombe.</verse>
				<verse number="29">Nũndũ ũla ũĩsaa na kũnyw’a ateũvathũkan’ya ũla mwĩĩ, aĩsaa na kũnyw’a ũsilĩlo wake mwene.</verse>
				<verse number="30">Kwondũ wa ũu aingĩ kwenyu nĩ syonze na awau, na ala makomete ti avũthũ.</verse>
				<verse number="31">Ĩndĩ ethĩwa nĩtũkwĩsilĩla ene, tũisilĩlwa.</verse>
				<verse number="32">Ĩndĩ tũkĩsilĩlwa, nĩtũũkanw’a nĩ Mwĩaĩi, nĩ kana tũikasilĩlwe vamwe na nthĩ.</verse>
				<verse number="33">Kwondũ wa ũu, ana‐a‐asa makwa, mwoombana vamwe kũya, eteelanai inyw’ĩ kwa ĩnyw’ĩ.</verse>
				<verse number="34">Ethĩwa mũndũ e na nzaa, naye nyũmbanĩ kwake; nĩ kana kũmbana kwenyu kũikethĩwe kwa kũvĩkĩa ũsilĩlo. Na maũndũ ala matiele ngaseũvya nooka.</verse>
			</chapter>
			<chapter number="12">
				<verse number="1">Na yu, ana‐a‐asa, ndikwenda mũlee ũmanya ũndũ wa mĩthĩnzĩo ya veva.</verse>
				<verse number="2">Nĩmwĩsĩ kana yĩla mwaĩ Andũ‐mambaĩ‐ingĩ nĩmwaaĩtw’e na kũvikĩla mĩvw’anano ĩla ĩtaneenaa, o ũndũ mwatongoew’e.</verse>
				<verse number="3">Kwondũ wa ũu nĩmũmanyĩthya, kana vai mũndũ ũneenaa nthĩnĩ wa Veva wa Ngai waasya, Yesũ nĩ anathema (ũalyũlo wayo nĩ, nũumanĩwe); na vai mũndũ ũtonya kwasya, Yesũ nĩ Mwĩaĩi, ate o nthĩnĩ wa Veva Mũtheu.</verse>
				<verse number="4">Na ĩndĩ kwĩ ivathũkan’yo sya mĩthĩnzĩo, ĩndĩ Veva no ũmwe.</verse>
				<verse number="5">Na kwĩ ivathũkan’yo sya mothũkũmi, na Mwĩaĩi no ũmwe.</verse>
				<verse number="6">Na kwĩ ivathũkan’yo sya kwĩka, ĩndĩ nĩ Ngai o ũmwe, ũla wĩkaa maũndũ onthe nthĩnĩ wa onthe.</verse>
				<verse number="7">Ĩndĩ kĩla mũndũ anengawe wonan’yo wa Veva kwondũ wa kwaĩlan’ya.</verse>
				<verse number="8">Nũndũ ũmwe anengawe ndeto ya ũĩ nĩ Veva; na ũngĩ anengawe ndeto ya ũmanyĩ, nĩ Veva o ũsu ũmwe;</verse>
				<verse number="9">na ũngĩ anengawe mũĩkĩĩo, nĩ Veva o ũsu ũmwe; na ũngĩ anengawe mĩthĩnzĩo ya ũvosya mowau, nĩ Veva o ũsu ũmwe;</verse>
				<verse number="10">na ũngĩ anengawe kwĩka mavinya; na ũngĩ anengawe kwathana; na ũngĩ kũvathũkan’ya maveva; na ũngĩ mĩthemba ya ithyomo; na ũngĩ kũalyũla ĩthyomo:</verse>
				<verse number="11">ĩndĩ Veva o ũsu ũmwe nĩwĩkaa maũndũ aa onthe na kũmũaĩa kĩla mũndũ, ũndũ Veva ũnũkwenda.</verse>
				<verse number="12">Nũndũ o tondũ mwĩĩ nĩ ũmwe, na wĩ na mamutha maingĩ, na mamutha onthe ma mwĩĩ, me maingĩ, nĩ mwĩĩ ũmwe; Klĩsto nake ailyĩ o ta ũu.</verse>
				<verse number="13">Nũndũ nthĩnĩ wa Veva ũmwe nĩtwavatisiwe ithyonthe kũlikwa mwĩĩnĩ ũmwe, o na ethĩwa twĩ Ayuti kana twĩ Akiliki, kana ethĩwa twĩ ngombo, kana tũti ngombo; naitũ ithyonthe twanyw’ĩthw’e Veva o ũmwe.</verse>
				<verse number="14">Nũndũ mwĩĩ ti mutha ũmwe, ĩndĩ nĩ mamutha maingĩ.</verse>
				<verse number="15">Ethĩwa kũũ kũkasya, Nũndũ tii nyie kw’oko, nyie ndi wa mwĩĩ; tiw’o ũtuma kũtethĩwa kwa mwĩĩ.</verse>
				<verse number="16">Na ethĩwa kũtũ kũkasya, Nĩkwĩthĩwa tii nyie itho, nyie ndi wa mwĩĩ; ti ũu ũtuma kũtethĩwa mwĩĩ.</verse>
				<verse number="17">Ethĩwa mwĩĩ w’onthe nĩ itho, kũĩva kwĩw’a? Ethĩwa mwĩĩ w’onthe nĩ kwĩw’a, kũĩva kũnyungĩa?</verse>
				<verse number="18">Ĩndĩ yu Ngai eekĩie kĩla mutha mwĩĩnĩ, o ũndũ wendie.</verse>
				<verse number="19">Na ethĩwa mamutha onthe nĩ mutha ũmwe, mwĩĩ ũĩva?</verse>
				<verse number="20">Ĩndĩ yu nĩ mamutha maingĩ, ĩndĩ mwĩĩ no ũmwe.</verse>
				<verse number="21">Na itho yĩtitonya kũtavya kw’oko, Ndi vata naku we: o na mũtwe ndũtonya kũtavya maũũ, Ndi vata nenyu.</verse>
				<verse number="22">Ĩndĩ mbee mũno, mamutha asu ma mwĩĩ ala matalawa ta monzu mbee, me na vata mũno:</verse>
				<verse number="23">na mamutha ma mwĩĩ, ala tũmatalĩlasya nĩ manyivu ndaĩa, nĩtũmataĩaa asu mũno mbee; na mamutha maitũ mate na ũseo, me na ũseo mbee mũno;</verse>
				<verse number="24">nĩkwĩthĩwa mamutha maitũ me na ndaĩa mati na vata; ĩndĩ Ngai nĩwathalanilye mwĩĩ, na kũũnenga ndaĩa mbee mutha ũla ũnyivĩw’e;</verse>
				<verse number="25">nĩ kana kũikethĩwe ũtilĩkangano mwĩĩnĩ; ĩndĩ nĩ kana mamutha onthe masũvĩanae.</verse>
				<verse number="26">Na ethĩwa mutha ũmwe nũũkwatwa nĩ woo, aa angĩ onthe mathĩnaa vamwe naw’o; kana mutha ũmwe nũũtaĩwa, aa angĩ onthe nĩmatanaa vamwe naw’o.</verse>
				<verse number="27">Na ĩndĩ inyw’ĩ mwĩ mwĩĩ wa Klĩsto, na ũmwe na ũmwe mwĩ mamutha maw’o.</verse>
				<verse number="28">Na Ngai aiĩte amwe ĩkanisanĩ, mbee nĩ atũmwa, kelĩ athanĩ, katatũ amanyĩsya, na ĩtina mavinya, na ĩndĩ mĩthĩnzĩo ya kũvosya mowau, na motethan’yo, na motao moĩ, na mĩthemba ya ithyomo,</verse>
				<verse number="29">Onthe nĩ atũmwa? Kana onthe nĩ athani? Kana onthe nĩ amanyĩsya? Kana onthe nĩ eki ma mavinya?</verse>
				<verse number="30">Kana onthe me na mĩthĩnzĩo ya kũvosya mowau? Kana onthe nĩmaneena na ithyomo ingĩ? Kana onthe nĩmaalyũlaa ithyomo?</verse>
				<verse number="31">Ĩndĩ endai mũno mĩthĩnzĩo ĩla mĩseo. Na ĩngĩ nĩmwon’ya nzĩa nzeo mbee.</verse>
			</chapter>
			<chapter number="13">
				<verse number="1">O na nganeena na ithyomo sya andũ na sya alaĩka, nakwa ndi na wendo, ndwĩkĩte kĩndũ kĩtuĩtwe kya ũthuku kĩambaa, kana kĩla kĩkayaa.</verse>
				<verse number="2">O na ngethĩwa na wathani, na kũmanya nzama syonthe na ũmanyi w’onthe; o na ngethĩwa na mũĩkĩĩo w’onthe, o na wa kũthamya iĩma, na ndi na wendo, nyie tĩ kĩndũ.</verse>
				<verse number="3">O na ngaumya syĩndũ syakwa syonthe kũĩthya ngya, na nganengane mwĩĩ wakwa ũvĩvw’e na mwaki, nde na wendo, ndũndandĩthĩsya kĩndũ, nongi.</verse>
				<verse number="4">Wendo nĩwũmĩĩasya, na nĩwĩkaa moseo; wendo ndwĩ na kĩwĩu; wendo ndwĩtũlasya, o na ndwĩkathĩĩaa,</verse>
				<verse number="5">o na ndwĩkaa ũndũ ũtaĩle, o na ndwĩmanthĩaa syĩndũ, o na ndũthataa, na ndũtalĩlaa ũthũku;</verse>
				<verse number="6">ndũtanĩaa ũndũnĩ ũte ũlũngalu, ĩndĩ ũtanaa vamwe na ũla w’o;</verse>
				<verse number="7">nũvw’ĩkaa maũndũ onthe, nĩwĩtĩkĩlaa maũndũ onthe, nĩwĩkwatasya maũndũ onthe, nĩwũmĩĩasya maũndũ onthe.</verse>
				<verse number="8">Wendo ndũnyivaa o na ĩndĩĩ; ĩndĩ kwethĩwa kwĩ mawathanĩ, makavetwa; kwethĩwa kwĩ ithyomo, ikathela; kwethĩwa kwĩ ũmanyi, ũkavetwa.</verse>
				<verse number="9">Nũndũ nĩtũmanyaa kũvũthũ, na nĩtwathanaa kũvũthũ:</verse>
				<verse number="10">ĩndĩ yĩla kĩũka kĩla kĩanĩu, kĩla kĩvũthũ kĩkavetwa.</verse>
				<verse number="11">Yĩla naĩ kana, naneenaa ta kana, namanyaa ta kana, nasũanĩaa ta kana: ĩndĩ yu nĩtw’ĩkĩte mũndũ mũima, nĩnĩvetete maũndũ ma wana.</verse>
				<verse number="12">Nũndũ ĩvinda yĩĩ twĩona ta kĩsisyonĩ kĩ menyenyi; ĩndĩ ĩvinda yĩu tũkoona ũthyũ kwa ũthyũ: yu nĩnĩsĩ kũvũthũ; ĩndĩ ĩvinda yĩu ngamanya vyũ, o ũndũ nakwa neesĩkĩwe vyũ.</verse>
				<verse number="13">Ĩndĩ yu kwĩkalĩte mũĩkĩĩo, na wĩkwatyo, na wendo, asu atatũ; na mũnene wa asu nĩ wendo.</verse>
			</chapter>
			<chapter number="14">
				<verse number="1">Atĩĩai wendo; na endai mũno mĩthĩnzĩo ya veva, ĩndĩ mbee nĩ kana mũtonye kwathana.</verse>
				<verse number="2">Nũndũ ũla ũneenaa na kĩthyomo ndeũneena na andũ, ĩndĩ aneenaa na Ngai; nũndũ vai mũndũ ũnũkwĩw’a; ĩndĩ nthĩnĩ wa veva wake aneenaa nzama.</verse>
				<verse number="3">Ĩndĩ ũla wathanaa aneenaa na andũ maũndũ ma kũmakaa, na kũmataa, na kũmakiakisya.</verse>
				<verse number="4">Ũla ũneenaa na kĩthyomo eyakaa mwene; ĩndĩ ũsu wathanaa akaa ĩkanisa.</verse>
				<verse number="5">Na nĩenda inyw’onthe mũneene na ithyomo, ĩndĩ mbee, nĩ kavaa mwathane: na ũsu wathanaa nĩ mũnene kwĩ ũla ũneenaa na ithyomo, ate o akĩalyũla, nĩ kana ĩkanisa yĩtonye kwakwa.</verse>
				<verse number="6">Ĩndĩ, ana‐a‐asa, ethĩwa nĩũka kwenyu ngĩneena na ithyomo, ngamũuna na kyaũ, ndeũneena nenyu na ũvuan’yo, kana na ũmanyi, kana na wathani, kana na kũmanyĩsya?</verse>
				<verse number="7">O na syĩndũ ite na thayũ ila syĩ wasya, ethĩwa nĩ mũtũlilũ kana mbeve, ite mawasya me kĩvathũkan’yo, ũkamanyĩka ata wasya ũla ũkũvuvwa kana ũla ũkũingwa?</verse>
				<verse number="8">Nũndũ ethĩwa soo ũkavuvwa wasya ũtesĩkĩe, nũũ ũla wĩyũmban’ya kũkita?</verse>
				<verse number="9">Nenyu no ta ũu, mũteũneena na ũĩmĩ ndeto itonya ũmanyĩka na mĩtũkĩ, ũkamanyĩka ata ũndũ ũla ũũneenwa? Kũndũ mũkeethĩwa mũineena mana.</verse>
				<verse number="10">Nĩkũtonya kwĩthĩwa ithyomo nyingĩ kũũ nthĩ, na kũi kĩmwe kĩte na ũvoo wakyo.</verse>
				<verse number="11">Ĩndĩ ethĩwa ndyĩsĩ ũalyũlo wa wasya wa ũla ũnũũneena, ngeethĩwa nĩ ta mũndũ wa kĩthyomo kĩngĩ vala ũĩ, na ngĩneena nyie akeethĩwa ta mũndũ wa kĩthyomo kĩngĩ vala nĩĩ.</verse>
				<verse number="12">O ta ũu inyw’ĩ, kwa kwĩthĩwa nĩmũkwenda mũno kwĩthĩwa na mĩthĩnzĩo ya veva, manthai nĩ kana mũtonye kwingĩvĩw’a kwondũ wa kwaka ĩkanisa.</verse>
				<verse number="13">Kwondũ wa ũu ũla ũneenaa na kĩthyomo, navoye nĩ kana atonye kũkĩalyũla.</verse>
				<verse number="14">Nũndũ ethĩwa nĩvoya na kĩthyomo, veva wakwa nũũvoya, ĩndĩ kũmanya kwakwa kũti ũsyao.</verse>
				<verse number="15">Nĩ kyaũ ĩndĩ? Ngavoya na veva, na ngavoya na ũmanyi naw’o: ngaina na veva, na ngaina na ũmanyi naw’o.</verse>
				<verse number="16">Na ĩngĩ ethĩwa wĩtaĩa na veva, ũsu ũtwĩe ataamanyĩw’a, akasya Amenĩ ata, kwondũ wa kũtũnga mũvea kwaku, nĩkwĩthiwa ndesi ũndũ ũkwasya?</verse>
				<verse number="17">Nũndũ nĩ w’o nũtũngaa mũvea nesa, ĩndĩ ũsu ũngĩ ndekwakwa.</verse>
				<verse number="18">Nĩmũtungĩa Ngai mũvea, nũndũ nĩneenaa na ithyomo kwĩ inyw’onthe:</verse>
				<verse number="19">ĩndĩ ĩkanisanĩ nĩenda kũneena ndeto itano na ũmanyi wakwa, nĩ kana ndonye ũmanyĩsya angĩ nao, kwĩ kũneena ndeto ngili ĩkũmi na kĩthyomo.</verse>
				<verse number="20">Ana‐a‐asa, mũikethĩwe syana ilĩkonĩ syenyu: ĩndĩ kũla kwĩ ũthũkũ ĩthĩwaĩ tũũkenge, ĩndĩ kĩlĩkonĩ ĩthĩwai mwĩ aima.</verse>
				<verse number="21">Mĩaonĩ nĩkũandĩkĩtwe, Nganeena na andũ aa na andũ me na ithyomo ĩtesĩkĩwe, na ilomo sya aenĩ; ĩndĩ o na neeka ũu, maikambĩw’a, eneena ũu Ngai.</verse>
				<verse number="22">Kwondũ wa ũu ithyomo nĩ kwondũ wa wonan’yo, na ti kwondũ wa ala metĩkĩlĩte, ĩndĩ nĩ kwondũ wa ala matetĩkĩlĩte; ĩndĩ kwathana ti kwondũ wa ala matetĩkĩlĩte, ĩndĩ nĩ kwondũ wa ala metĩkĩlĩte.</verse>
				<verse number="23">Ĩndĩ ethĩwa ĩkanisa yonthe nĩyũmbanĩte vamwe, na onthe maĩneena na ithyomo, na vaiũka vo andũ mataamanyĩw’a kana ala matetĩkĩlĩte, matiasya kana mwĩ na ndũũka?</verse>
				<verse number="24">Ĩndĩ ethĩwa onthe nĩmekwathana, na vailika mũndũ ũtetĩkĩlĩte kana ũtaamanyĩw’a, nũnũũkanw’a nĩ onthe, na kũsilĩlwa nĩ onthe;</verse>
				<verse number="25">maũndũ mavithe ma ngoo yake nĩmonanĩtw’e; na kwondũ wa ũu akavalũka na ũthyũ na kũmũthaitha Ngai na kũtavan’ya kana nĩ w’o Ngai e katĩ wenyu.</verse>
				<verse number="26">Nĩ kyaũ ĩndĩ, ana‐a‐asa? Mwoombana vamwe, kĩla mũndũ e na wathi wa savuli, e na ũmanyĩsyo, e na ũvuan’yo, e na kĩthyomo, e na ũalyũli. Maũndũ onthe nĩmekwe kwondũ wa kwaka.</verse>
				<verse number="27">Ethĩwa mũndũ o na wĩva eneena na kĩthyomo, nĩkwĩthĩwe elĩ, kũikathonoke atatũ, na asu nao makĩatĩanĩa; na ũmwe naalyũle:</verse>
				<verse number="28">ĩndĩ ethĩwa kũi mũalyũli, navindye ĩkanisanĩ; naneena na ngoo yake mwene, na Ngai.</verse>
				<verse number="29">Na athani nĩmaneene elĩ kana atatũ, na ala angĩ nĩmavathũkan’ye.</verse>
				<verse number="30">Ĩndĩ ethĩwa ũngĩ ũilyĩ nthĩ nũnũũvuanĩw’a ũndũ, ũsu wa mbee navindye.</verse>
				<verse number="31">Nũndũ nĩmũtonya kwathana inyw’onthe, na ũmwe, nĩ kana onthe memanyĩsye, na ĩngĩ kana onthe matawe;</verse>
				<verse number="32">na maveva ma athani nĩmew’aa athani;</verse>
				<verse number="33">nũndũ Ngai ti Ngai wa kĩthokoan’yo, ĩndĩ nĩ wa mũuo. O ũndũ kũilyĩ makanisanĩ onthe ma atheu,</verse>
				<verse number="34">aka nĩmekale mavindĩtye ĩkanisanĩ: nũndũ mati na ũthei wa kũneena; ĩndĩ nĩmenyivye, o ũndũ mĩao ĩnĩkwasya nayo.</verse>
				<verse number="35">Na ethĩwa nĩmekwenda ũmanya ũndũ o na wĩva, nĩmakũlye aũme moo ene nyũmbanĩ kwoo: nũndũ nĩ nthoni mũndũ mũka kũneena ĩkanisanĩ.</verse>
				<verse number="36">Nĩ kyaũ? Ndeto ya Ngai yaumie kwenyu? Kana yamũvikĩe inyw’oka?</verse>
				<verse number="37">Ethĩwa mũndũ o na wĩva eĩtalĩlya mwene kwĩthĩwa nĩ mwathanĩ, kana nĩ wa vevanĩ, namanye nesa maũndũ asu ngũmũandĩkĩa, kana nĩ mwĩao wa Mwĩaĩi.</verse>
				<verse number="38">Ĩndĩ ethĩwa mũndũ o na wĩva nde na ũmanyi, nĩethĩwe ate na ũmanyi.</verse>
				<verse number="39">Kwondũ wa ũu, ana‐a‐asa, endai mũno kwathana, na mũikavatane kũneena na ithyomo.</verse>
				<verse number="40">Ĩndĩ maũndũ onthe nĩmekwe ũndũ kwaĩle, maatĩanĩe.</verse>
			</chapter>
			<chapter number="15">
				<verse number="1">Na yu, ana‐a‐asa, nĩmũmanyĩthya ũla ũvoo mũseo ũla namũtavisye, ũla naw’o mwoosie, na ũla nthĩnĩ waw’o mũũngeme,</verse>
				<verse number="2">na kwondũ waw’o nĩmũũtangĩĩwa, ethĩwa mwĩlũmya ndeto ĩla namũtavisye, ateo o mweetĩkĩlile mana.</verse>
				<verse number="3">Nũndũ mbee namũtavisye o ũla noosie nakwa: atĩ Klĩsto nĩwakwie kwondũ wa naĩ sitũ kwĩanana na maandĩko;</verse>
				<verse number="4">na nĩwathikiwe; na kana nĩwathayũũkiw’e mũthenya wa katatũ kwĩanana na maandĩko;</verse>
				<verse number="5">na nĩwamumĩlĩle Keva; na amaumĩlĩla ala ĩkũmi na elĩ;</verse>
				<verse number="6">na ĩtina amaumĩlĩla ana‐a‐asa, andũ mbee wa maana atano, ĩvinda o yĩmwe, na aingĩ moo me o kw’o kũvika o na yu, ĩndĩ amwe nĩmakomete;</verse>
				<verse number="7">na ĩtina wa ũu nĩwamumĩlĩle Yakovo; na ĩndĩ amaumĩlĩla atũmwa onthe;</verse>
				<verse number="8">na ĩtina wa onthe anumĩlĩla nyie, ta ũmwe ũsyaĩtwe ĩvĩnda yĩte ya w’o.</verse>
				<verse number="9">Nũndũ nyie nĩ mũnini kwĩ atũmwa onthe, ũla ũtaĩle kwĩtwa mũtũmwa, nĩkwĩthĩwa nathĩnisye ĩkanisa ya Ngai.</verse>
				<verse number="10">Ĩndĩ kwondũ wa mũmo wa Ngai nĩilyĩ o ũndũ ndilyĩ: na mũmo wake nanengiwe ndwaĩ wa mana; ĩndĩ nathĩnĩe wĩa mbee wa asu angĩ onthe; ĩndĩ ti nyie, nĩ mumo wa Ngai ũla waĩ vamwe nakwa.</verse>
				<verse number="11">Ĩndĩ ethĩwa nĩnyie kana nĩo, nĩw’o tũtavanasya, na nĩw’o mweetĩkĩlile.</verse>
				<verse number="12">Na ethĩwa Klĩsto nũtavanaw’a kana nĩwathayũũkiw’e kuma kwa akw’ũ, amwe katĩ wenyu measya ata kana kũi kũthayũũkw’a kwa akw’ũ?</verse>
				<verse number="13">Ĩndĩ ethĩwa kũi kũthayũũkw’a kwa akw’ũ, o na Klĩsto ndaathayũũkw’a:</verse>
				<verse number="14">na ethĩwa Klĩsto ndaathayũũkw’a, kũtavan’ya kwitũ nĩ mana, na mũĩkĩĩo wenyu naw’o nĩ mana.</verse>
				<verse number="15">Ĩĩ, o naitũ twonekete kwĩthĩwa ngũsĩ sya ũvũngũ sya Ngai; nĩkwĩthĩwa twaĩ ngũsĩ sya Ngai atĩ nĩwamũthayũũkisye Klĩsto: nake ndaamũthayũũkya, ethĩwa nĩ w’o kana akw’ũ maithayũũkaw’a.</verse>
				<verse number="16">Nũndũ ethĩwa akw’ũ maithayũũkaw’a, o na Klĩsto ndaathayũũkw’a:</verse>
				<verse number="17">na ethĩwa Klĩsto ndaathayũũkw’a, mũĩkĩĩo wenyu nĩ mana; na kũvika na yu mwĩ o naĩnĩ syenyu.</verse>
				<verse number="18">Na ĩndĩ asu nao ala makomete nthĩnĩ wa Klĩsto nĩ au.</verse>
				<verse number="19">Ethĩwa ithyĩ tũtw’ĩkĩte twĩkwatĩtye Klĩsto ũndũ wa thayũ ũũ w’oka, twĩ ma kwĩw’ĩwa tei mbee wa andũ angĩ onthe.</verse>
				<verse number="20">Ĩndĩ yuyu Klĩsto nĩwathayũũkiw’e kuma kwa akw’ũ, ũsyao wa mbee wa ala makomete.</verse>
				<verse number="21">Nũndũ nĩkwĩthĩwa kĩkw’ũ nĩkyookie kwondũ wa mũndũ, kũthayũũka kwa akw’ũ nakw’o nĩkwookie kwondũ wa mũndũ.</verse>
				<verse number="22">Nũndũ o ũndũ onthe makusaa nthĩnĩ wa Atamu, o ta ũu nthĩnĩ wa Klĩsto onthe makeethĩwa thayũ.</verse>
				<verse number="23">Ĩndĩ nĩ kĩla mũndũ vandũ vake mwene: Klĩsto ũsyao wa mbee; na ĩtina nĩ ala ma Klĩsto, yĩla wĩũka.</verse>
				<verse number="24">Na ĩndĩ mũminũkĩlyo ũkyũka, yĩla Klĩsto ũkamũnenga Ngai, nake nĩwe Asa, ũla ũsumbĩ; yĩla ũkethĩwa avetete kĩla ũnene na kĩla ũkũmũ na vinya.</verse>
				<verse number="25">Nũndũ mũvaka asumbĩke e we, kũvika yĩla ũkamaia amaitha make onthe ungu wa nyaĩĩ syake.</verse>
				<verse number="26">Mũmaitha wa mũminũkĩlyo ũla ũkanangwa nĩ kĩkw’ũ.</verse>
				<verse number="27">Nũndũ, aiie syĩndũ syonthe syĩthĩwe wĩnyivyonĩ ungu wa nyaĩĩ syake. Ĩndĩ yĩla ũnũkwasya, Syĩndũ syonthe siĩtwe wĩnyivyonĩ, nĩkwenekee kana nde vo we ũla waiie syĩndũ syonthe wĩnyivyonĩ kwake.</verse>
				<verse number="28">Na syĩndũ syonthe syaiwa wĩnyivyonĩ kwake, nĩvo ĩndĩ Mwana nake ũkaiwa wĩnyivyonĩ kwa ũla wiĩte syĩndũ syonthe ũnyivyonĩ kwake, nĩ kana Ngai ethĩwe syonthe nthĩnĩ wa syonthe.</verse>
				<verse number="29">Kana makeeka ata ala mavatisawa kwondũ wa akw’ũ? Ethĩwa akw’ũ maithayũũkw’a nongi, mavatisawa kwondũ wa akw’ũ nũndũ wa kĩ?</verse>
				<verse number="30">Na ithyĩ twĩ mũisyonĩ kĩla saa nũndũ wa kĩ?</verse>
				<verse number="31">Ĩĩ, kwondũ wa kwĩkathĩĩa kũla nĩ nakw’o kwondũ wenyu nthĩnĩ wa Klĩsto Yesũ, Mwĩaĩi waitũ, ana‐a‐asa, nĩngusaa kĩla mũthenya.</verse>
				<verse number="32">Ethĩwa nokitie na nyamũ sya kĩthekanĩ na ku Eveso, o tondũ andũ mekaa, ngaunwa nĩ kyaũ? Ethĩwa akw’ũ matithayũũkw’a, tũye na tũinyw’a, nĩkwĩthĩwa ũnĩ tũkakw’a.</verse>
				<verse number="33">Mũikakengeke: Itindo nthũkũ nĩsyanangaa mwĩkalĩle mũseo.</verse>
				<verse number="34">Amũkai mwĩke nesa, na mũikeke naĩ; nũndũ amwe matiũmũmanya Ngai: nĩneena ũu nĩmũsonokye.</verse>
				<verse number="35">Ĩndĩ kũkeethĩwa ũmwe wĩasya, Akw’ũ mathayũũkaw’a ata? Nao mokaa na mwĩĩ ũilyĩ ata?</verse>
				<verse number="36">Wĩ mũtumanu, we; kĩla ũvuĩaa kĩinengawe thayũ kĩtanakw’a:</verse>
				<verse number="37">na kĩla ũvuĩaa, ndũvuĩaa mwĩĩ ũla ũkethĩwa vo, ĩndĩ no mbeke nthei, o na yethĩwa nĩ ya nganũ, kana ya mũthemba ũngĩ;</verse>
				<verse number="38">ĩndĩ Ngai amĩnengae mwĩĩ o tondũ wendaa, na kĩla mbeke mwĩĩ wayo,</verse>
				<verse number="39">Nyama syonthe ti nyama ĩmwe: ĩndĩ ve nyama ĩmwe ya andũ, na ve nyama ĩngĩ ya nyamũ, na nyama ĩngĩ ya nyũnyi, na ĩngĩ ya makũyũ.</verse>
				<verse number="40">Na ĩngĩ kwĩ mĩĩ ya ĩtunĩ, na mĩĩ ya nthĩ: ĩndĩ ũtheu mũtisu wa ĩla ya ĩtũnĩ nĩ ũmwe, na ũtheu mũtisu wa ĩla ya nthĩ nĩ ũngĩ.</verse>
				<verse number="41">Kwĩ ũtheu mũtisu ũmwe wa syũa, na ũngĩ wa mwei, na ũngĩ wa ndata; nũndũ kwĩ kĩvathũkan’yo kya ũtheu mũtisu ndatanĩ ĩmwe na ĩla ĩngĩ.</verse>
				<verse number="42">Kũthayũũkw’a kwa akw’ũ no ta ũu. Mwĩĩ nũvandawa ũla woaa; nũthayũũkaw’a na mwĩkalĩle ũte wa kwoa:</verse>
				<verse number="43">nũvandawa ũte na ndaĩa; nũthayũũkaw’a wĩ na ndaĩa: nũvandawa wĩ mwonzu; nũthayũũkaw’a wĩ na vinya:</verse>
				<verse number="44">nũvandawa mwĩĩ wa kĩ‐mũndũ; nũthayũũkaw’a mwĩĩ wa veva. Ethĩwa kwĩ mwĩĩ wa kĩ‐mũndũ, kwĩ mwĩĩ wa veva naw’o.</verse>
				<verse number="45">O ta ũu naw’o nĩkũandĩkĩtwe, Mũndũ wa mbee, Atamu, atw’ĩka mũndũ wĩ thayũ, Atamũ wa mũminũkĩlyo atw’ĩka veva ũnenganae thayũ.</verse>
				<verse number="46">Ĩndĩ ũla wa mbee tiw’o wa veva, ĩndĩ nĩ ũla wa kĩ‐mũndũ; na ĩtina ũla wa veva.</verse>
				<verse number="47">Nũndũ mũndũ wa mbee aumie mũthanganĩ, na nĩ wa nthĩ: mũndũ wa kelĩ aumie ĩtunĩ.</verse>
				<verse number="48">O tondũ ũilyĩ ũsu wa nthĩ, asu ma nthĩ nao mailyĩ o ũu: na o tondũ ũilyĩ ũsu wa ĩtunĩ, asu ma ĩtũnĩ nao mailyĩ o ũu.</verse>
				<verse number="49">Na tondũ twaĩ na mũvw’ano wa ũsu wa nthĩ, o ta ũu tũkeethĩwa na mũvw’ano wa ũsu wa itunĩ.</verse>
				<verse number="50">Na ĩndĩ ũla ngwasya nĩ ũũ, ana‐a‐asa, kana nyama na nthakame ititonya kũtiĩwa ũsumbĩ wa Ngai; o na kĩla kyanangĩkaa kĩtitonya kũtiĩwa kĩla kĩtanangĩkaa.</verse>
				<verse number="51">Sisyai, nĩngũmũtavya nzama: Tũikakoma ithyĩ ithyonthe, ĩndĩ ithyonthe tũkaalyũkw’a,</verse>
				<verse number="52">kavinda kanini, kũven’ya na kũsalukya, ũivuvwa soo wa mũminũkĩlyo: nũndũ soo ũkauuma, na akw’ũ makathayũũkw’a na wũmbe ũtanangĩkaa, naitũ tũkaalyũkw’a.</verse>
				<verse number="53">Nũndũ mũvaka wũmbe ũũ wanangĩkaa ũvw’ĩkwe ũla ũtanangĩkaa, na ũũ ũkusaa ũvw’ikwe ũla ũtakusaa.</verse>
				<verse number="54">Ĩndĩ yĩla ũũ wanangĩkaa ũkavw’ĩkwa ũla ũtanangĩkaa, na ũũ ũkusaa ũkavw’ĩkwa ũla ũtakusaa, nĩvo ĩkakĩtĩka ĩla ndeto ĩandĩkĩtwe, Kĩkw’ũ nĩkĩmeletw’e nĩ kũkĩlw’a vinya.</verse>
				<verse number="55">Kũĩva, kĩkw’ũ, kũkĩlya vinya kwakũ? Ũĩva, kĩkw’ũ, ũmoa waku?</verse>
				<verse number="56">Ũmoa wa kĩkw’ũ nĩ naĩ; na vinya wa naĩ nĩ mwĩao:</verse>
				<verse number="57">ĩndĩ mũvea nĩwĩthĩwe kwa Ngai, ũla ũtũnengae kũkĩlya kwondũ wa Mwĩaĩi waitũ Yesũ Klĩsto.</verse>
				<verse number="58">Kwondũ wa ũu, ana‐a‐asa endwa, ĩlũlũmĩlyei, mũteũthingithĩka, mũkĩthangaaa mũno mavinda onthe wĩanĩ wa Mwĩaĩi, nĩkwĩthĩwa nĩmwĩsĩ kana kũthĩnĩa wĩa kwenyu ti kwa mana nthĩnĩ wa Mwĩaĩi.</verse>
			</chapter>
			<chapter number="16">
				<verse number="1">Na yu ũndũ wa ũelo wenyu kwondũ wa atheu, o tondũ neaĩe makanisa ma Kalatia, inyw’ĩ nenyu ĩkai o ta ũu.</verse>
				<verse number="2">Mũthenya wa mbee wa kyumwa, kĩla mũndu wa inyw’ĩ nĩethĩwe akia, o ũndũ ũnengetwe, nĩ kana kũikethĩwe kũela o yĩla nĩũka.</verse>
				<verse number="3">Na nooka, ngatũma o ala mwĩnyuva na ũmanenga mavalũa, matwae ũelo wenyu Yelusaleme:</verse>
				<verse number="4">na ethĩwa nakwa nĩnaĩlwe nĩ ũthi, makaendan’ya nakwa.</verse>
				<verse number="5">Ĩndĩ ngooka kwenyu, yĩla nĩĩsĩla Masetonia; nũndũ ngesĩla Masetonia;</verse>
				<verse number="6">na nĩasya no kwĩthĩwa ngekalanga kwenyu, o na ĩvinda ya mbevo, nĩ kana inyw’ĩ mũnumaasye o kũla nĩthi.</verse>
				<verse number="7">Nũndũ ndikwenda kwonana nenyu yu mbĩtĩte; nĩkwĩthĩwa nĩĩkwatya kwĩkalanga ĩvinda nenyu, Mwĩaĩi anenga ũthei.</verse>
				<verse number="8">Ĩndĩ ngekala Eveso kũvika Vendekosito;</verse>
				<verse number="9">nũndũ nĩvingũĩwe mũomo mũnene ũla waĩlĩte wa wĩa, na kwĩ nthũ nyingĩ.</verse>
				<verse number="10">Na ethĩwa Timotheo akooka, sisyai kana ethĩwe nenyu ate kũkĩa; nũndũ etethya wĩa wa Mwĩaĩi, o ũndũ nyie nakwa nĩtethasya:</verse>
				<verse number="11">kũikethĩwe ĩndĩ mũndũ kũmũvũthya. Ĩndĩ mumaasyeĩ na mũuo, nĩ kana oke vala nĩĩ: nũndũ nĩmweteele oke na ala ana‐a‐asa.</verse>
				<verse number="12">Ĩndĩ ũndũ wa Avolo mwana‐a‐asa, namwĩsũvie kaingĩ oke kwenyu vamwe na ana‐a‐asa: nake ndanenda kũka oyu; ĩndĩ akooka yĩla wĩona ũthei.</verse>
				<verse number="13">Syaĩĩsyai, ũngamai mwĩ alũmu mũĩkĩĩonĩ, ĩthĩwai aũme, ongelekai vinya.</verse>
				<verse number="14">Maũndũ onthe ala mwĩkaa mekaei na wendano.</verse>
				<verse number="15">Na yũ nĩmwĩsũva, ana‐a‐asa (nĩmwĩsĩ ĩla nyũmba ya Sitevana, kana nĩ ũsyao wa mbee wa Akaia, namo meyiĩte ene kũmathũkũma atheu,)</verse>
				<verse number="16">nĩ kana ĩnyw’ĩ nenyu mwĩnyivye ene kwa ala mailyĩ ũu, na kwa kĩla mũndũ ũtethasya ũla wĩa na kũũthĩnĩa.</verse>
				<verse number="17">Nakwa nĩngũtana kwondũ wa kũka kwa Sitevana na Volitunato na Akaiko: nĩkwĩthĩwa nĩmeanĩsye ũla mũtaaĩanĩsya.</verse>
				<verse number="18">Nũndũ nĩmambuũkĩtye veva wakwa o na maveva menyu: mamanyei ala mailyĩ ũu.</verse>
				<verse number="19">Makanisa ma Asia nĩmamũkethya. Akwila na Vilisika mamũkethya mũno nthĩnĩ wa Mwĩaĩi, vamwe na ĩkanisa yĩla yĩ myũmbanĩ yoo.</verse>
				<verse number="20">Ana‐a‐asa onthe nĩmamũkethya. Kethan’yai inyw’ĩ kwa inyw’ĩ na ũmumunyano mũtheu.</verse>
				<verse number="21">Nĩ ngethi yakwa, nyie Vaulo, na kw’oko kwakwa mwene.</verse>
				<verse number="22">Ethĩwa mũndũ o na wĩva w’onthe ndeũmwenda Mwĩaĩi, nĩethĩwe anathema (ũalyũlo wayo nĩ, mũumanĩe). Malanatha (ũalyũlo wayo nĩ, Mwĩaĩi waitũ akilĩlye kũka).</verse>
				<verse number="23">Mumo wa Mwĩaĩi Yesũ Klĩsto nĩwĩthĩwe vamwe nenyu.</verse>
				<verse number="24">Wendo wakwa nĩwĩthĩwe vamwe nenyu inyw’onthe nthĩnĩ wa Klĩsto Yesũ. Ameni.</verse>
			</chapter>
		</book>
		<book number="47">
			<chapter number="1">
				<verse number="1">Vaulo, mũtũmwa wa Klĩsto Yesũ kwondũ wa kwenda kwa Ngai, na Timotheo mwana‐a‐asa waitũ, valũa ũũ witũ ũyĩvikĩe ĩkanisa ya Ngai yĩla yĩ Kolintho, vamwe na ala atheu onthe, ala me nthĩ yonthe ya Akaia:</verse>
				<verse number="2">Mumo na mũuo nĩmethĩwe nenyu kuma kwa Ngai Asa waitũ na kwa Mwĩaĩi Yesũ Klĩsto.</verse>
				<verse number="3">Nataĩwe Ngai, Ĩthe wa Mwĩaĩi waitũ Yesũ Klĩsto, Ĩthe wa matei na Ngai wa ũkiakisyo w’onthe;</verse>
				<verse number="4">ũla ũtũkiakiasya mathĩnanĩ maitũ onthe, nĩ kana ithyĩ tũtonye kũmakiakisya ala me thĩnanĩ o na wĩva, na ũkiakisyo ũla ithyĩ naitũ tũkiakiaw’a naw’o nĩ Ngai.</verse>
				<verse number="5">Nĩkwĩthĩwa o tondũ mathĩna ma Klĩsto mausũĩte ki kwitũ, o ta ũu ũkiakisyo witũ naw’o nĩwusũĩte ki kwondũ wa Klĩsto.</verse>
				<verse number="6">Ĩndĩ ethĩwa nĩtũthĩnaw’a, nĩ ũndũ wa ũkiakisyo na ũtangĩĩo wenyu; kana ethĩwa nĩtũkiakiaw’a, nĩ ũndũ wa ũkiakisyo wenyu, ũla ũtethasya wĩa wa kũmĩĩsya mathĩna o ala naitũ tũthĩnaw’a nĩo:</verse>
				<verse number="7">na wĩkwatyo witũ kwondũ wenyu nĩ mũlũmu, twĩsĩ kana o tondũ mwĩ osi ma mathĩna, o ta ũu mwĩ osi ma mokiakisyo.</verse>
				<verse number="8">O na tũikwenda, ana‐a‐asa, mũlee ũmanya mathĩna ala matũkwatĩe nthĩ ya Asia, kana twaitavĩwe mũno, kũvĩta vinya witũ, o na twayĩtũka kwĩthĩwa thayũ:</verse>
				<verse number="9">ĩĩ, ithyĩ ene nthĩnĩ waitũ tweewie ta tũte ndĩi ya kũlea ũkw’a, nĩ kana tũikeĩkĩĩe ithyĩ ene, ĩndĩ tũmũĩkĩĩe Ngai ũla ũthayũũkasya akw’ũ:</verse>
				<verse number="10">ũla watwovoisye kũtumya kĩkw’ũnĩ kĩnene ta kyu, nake akatwovosya: we ũla tũmwĩkwatĩtye kana akatwovoasya:</verse>
				<verse number="11">inyw’ĩ nenyu mũkĩtetheanĩsya kũvoya kwondũ witũ; nĩ kana, kwondũ wa mũthĩnzĩo ũla twanengiwe ithyĩ nũndũ wa andũ aingĩ, aingĩ matonye kũtũnga mũvea kwondũ witũ.</verse>
				<verse number="12">Nũndũ kwĩkathĩĩa kwitũ nĩ kũũ, ũkũsĩ wa wasya wa ngoo witũ, kana twekalile kũũ nthĩ, na mbee mũno nĩ kwenyu, twĩ na ũtheu na w’o wa ngoo wumĩte kwa Ngai, na ti na ũĩ wa mwĩĩ ĩndĩ mumonĩ wa Ngai.</verse>
				<verse number="13">Nũndũ tũiũmũandĩkĩa maũndũ angĩ, no ala mũsomaa na kũmalĩkĩla, nakwa nĩnĩkwatĩtye kana mũkalĩkĩla kũvika mũminũkĩlyo:</verse>
				<verse number="14">o tondũ nenyu mwatũlĩkĩle ithyĩ kũmwe, kana kĩtumi kya kwĩkathĩĩa kwenyu nĩ ithyĩ, o tondũ nenyu mwĩĩthĩwa kĩtumi kya kwĩkathĩĩa kwitũ, mũthenya wa Mwĩaĩi waitũ Yesũ.</verse>
				<verse number="15">Na ngĩkwatya ũu, nenda kũka kwenyu mbee, nĩ kana mwone ũtethyo wa kelĩ;</verse>
				<verse number="16">na ngĩvĩtĩla kwenyu kũvika nthĩ ya Masetonia, na ĩngĩ kuma Masetonia kũsyoka kwenyu, na ngyumaaw’a ĩngĩ nĩ inyw’ĩ kũthi Yutia.</verse>
				<verse number="17">Ĩndĩ yĩla nasũanĩaa ũu, naĩ na mĩtwe ĩlĩ? Kana maũndũ ala nĩsũanĩaa, nĩsũanĩaa kwĩanana na mwĩĩ, kana kwakwa kwĩthĩwe ĩĩ na ĩĩ, na aiee na aiee?</verse>
				<verse number="18">Ĩndĩ o tondũ Ngai wĩ kĩthito, ndeto yaitũ ĩla twamũtavisye ti ĩĩ na aiee.</verse>
				<verse number="19">Nũndũ Mwana wa Ngai, Yesũ Klĩsto, ũla watavaniw’e kwenyu nĩ ithyĩ, nyie na Silivano na Timotheo, ndaĩ na ĩĩ na aiee, ĩndĩ nthĩnĩ wake nĩ ĩĩ.</verse>
				<verse number="20">Nũndũ o ũndũ matho ma Ngai meana, nthĩnĩ wake nĩ ĩĩ: nayo Ameni nĩ kwondũ wake, nĩ kana Ngai ataĩwe kwondũ witũ.</verse>
				<verse number="21">Ĩndĩ we ũla ũtũlũlũmĩlasya vamwe nenyu nthĩnĩ wa Klĩsto, na watwĩtĩkĩĩsye mauta, nĩ Ngai;</verse>
				<verse number="22">nake nĩwe watũsiĩlile, na watũnengie ngwatĩlĩlyo, nayo nĩ Veva ngooni sitũ.</verse>
				<verse number="23">Ĩndĩ nyie nĩngũmũweta Ngai akũsĩĩe ngoo yakwa, kana naleile kũka Kolintho nũndũ wa ũmwĩw’ĩa tei.</verse>
				<verse number="24">Ti ati twĩsumbĩkĩtye mũĩkĩĩonĩ wenyu, ĩndĩ twĩ atethya ma ũtanu wenyu; nũndũ nĩmũũngeme na ũlũmu kwondũ wa mũĩkĩĩo.</verse>
			</chapter>
			<chapter number="2">
				<verse number="1">Ĩndĩ nĩnatwie ũu nyie mwene, kana ndikoke kwenyu ĩngĩ nĩ na woo.</verse>
				<verse number="2">Nũndũ ethĩwa nyie ngamwĩw’ĩthya woo, nũũ ũla ũkambĩw’ĩthya mũyo ate o ũla wĩw’ĩthĩtw’e woo nĩ nyie?</verse>
				<verse number="3">Na nĩnaandĩkie ũndũ ũũ naw’o, nĩ kana, nooka, ndikew’ĩthw’e woo nĩ ala naĩle nĩ ũmatanĩa; ngĩmũĩkĩĩa inyw’onthe, kana ũtanu wakwa nĩ ũtanu wenyu inyw’onthe.</verse>
				<verse number="4">Nũndũ namũandĩkĩe na methoi maingĩ nĩ na thĩna mwingĩ na kũũũya kwa ngoo; ti kana inyw’ĩ mwĩw’ĩthw’e woo, ĩndĩ nĩ kana mũmanye wendo ũla nĩ naw’o, ũndũ wingĩvĩte kwenyu.</verse>
				<verse number="5">Ĩndĩ ethĩwa ve ũmwe o na wĩva wew’ĩthanĩtye woo, ndaambĩw’ĩthya woo nyie, ĩndĩ ũndũ ũnini amwĩw’ĩthĩtye woo inyw’onthe (nĩ kana ndikamũvivinye mũno).</verse>
				<verse number="6">Nĩwĩanĩe kwa mũndũ ta ũsu ũkan’yo ũla ũkanĩtw’e nĩ aingĩ;</verse>
				<verse number="7">na inyw’ĩ ĩndĩ kavaa mũmũekee na kũmũkiakisya, nĩ kana mũndũ ũsu ndakaemelelwe kwondũ wa kwingĩvĩwa nĩ woo wake.</verse>
				<verse number="8">Kwondũ wa ũu nĩngũmwĩsũva mũlũlũmĩlye wendo wenyu kwa ũsu.</verse>
				<verse number="9">Nũndũ namũandĩkĩe kwondũ wa ũu, nĩ kana nĩmanye mwĩkalĩle wenyu, kana mwĩ ewi maũndũnĩ onthe.</verse>
				<verse number="10">Ĩndĩ ũla mũmũekee ũndũ o na wĩva, nyie nakwa nĩngũmũekea: nũndũ ũla naekeie nyie, ethĩwa naekeie ũndũ o na wĩva, nĩnaekeie kwondũ wenyu mbee wa Klĩsto;</verse>
				<verse number="11">nĩ kana tũikasesengwe nĩ Satani: nũndũ tũti ala matesĩ mosũanĩo make.</verse>
				<verse number="12">Na yĩla navikie Teloa kwondũ wa ũvoo mũseo wa Klĩsto, na yĩla navingũĩwe mũomo nthĩnĩ wa Mwĩaĩi,</verse>
				<verse number="13">veva wakwa ndwaausya nũndũ ndyaamwona Tito mwana‐a‐asa wakwa: ĩndĩ neanĩe nao, nauma nathi Masetonia.</verse>
				<verse number="14">Ĩndĩ Ngai nakathwe, ũla ũtũtongoeasya mavinda onthe ũkĩlan’yonĩ nthĩnĩ wa Klĩsto, na ũla wonanĩlasya nthĩnĩ waitũ mũuke wa ũmanyi wake kũndũ kw’onthe.</verse>
				<verse number="15">Nũndũ twi mũuke mũseo wa Klĩsto kwa Ngai, kũla kwĩ ala meũtangĩĩwa, na kũla kwĩ ala mekwaa;</verse>
				<verse number="16">kwa amwe nĩ mũuke wumĩte kĩkw’ũnĩ kũthi kĩkw’ũnĩ; na kwa angĩ nĩ mũuke wumĩte thayũnĩ kũthi thayũnĩ. Na nũũ ũtonya kwĩanĩsya maũndũ aa?</verse>
				<verse number="17">Nũndũ ithyĩ tũtiilyĩ ta aingĩ ala mathũkasya ndeto ya Ngai: ĩndĩ, twĩ ala ma w’o, ala matũmĩtwe nĩ Ngai, tũneenaa mbee wa Ngai nthĩnĩ wa Klĩsto.</verse>
			</chapter>
			<chapter number="3">
				<verse number="1">Nĩtũkwambĩlĩlya ĩngĩ kwĩĩkĩĩthya ithyĩ ene? Kana twĩ vata na mavalũa ma kũtũĩkĩĩthya maetwe kwenyu kana maume kwenyu tondũ amwe mekaa?</verse>
				<verse number="2">Valũa witũ nĩ inyw’ĩ, ũandĩkĩtwe ngoonĩ sitũ, ũla wĩsĩkĩwe na ũsomawa nĩ andũ onthe;</verse>
				<verse number="3">mũkyonanw’a kana mwĩ valũa wa Klĩsto, ũthũkũmĩtwe nĩ ithyĩ, ũla ũtaandĩkĩtwe na ingi, ĩndĩ na Veva wa Ngai ũla wĩ thayũ; na ti masengeanĩ ma mavia, ĩndĩ nĩ masengeanĩ ma ngoo sya nyama.</verse>
				<verse number="4">Na wĩkwatyo ũsu twĩ naw’o ũmwelekele Ngai kwondũ wa Klĩsto:</verse>
				<verse number="5">ti atĩ nĩtwĩanĩsye ĩthyĩ ene kũsũanĩa ũndũ o na wĩva ta wumĩte kwitũ; ĩndĩ wĩanĩsyo witũ wumaa kwa Ngai;</verse>
				<verse number="6">ũla nake watwĩanĩsye twĩthĩwe athũkũmi ma ũtianĩo mweũ; ti wa ũandĩko, ĩndĩ nĩ wa veva; nũndũ ũandĩko nĩwũaa, ĩndĩ veva ũetae thayũ.</verse>
				<verse number="7">Ĩndĩ ethĩwa ũla ũthũkũmi wa kĩkw’ũ, waandĩkĩtwe ũvanĩtwe masengeanĩ ma mavia, wookie na ũtheu mũtisu, ũndũ ana ma Isilaeli matyaatonya kũketeea ũthyũ wa Mose kwondũ wa ũtheu mũtisu waw’o; na nĩ ũtheu mũtisu ũla wavĩtĩte:</verse>
				<verse number="8">nĩ mbee veana ata ũthũkũmi wa veva kwĩthĩwa wĩ na ũtheu mũtisu kwĩ ũsu?</verse>
				<verse number="9">Nũndũ ethĩwa ũthũkũmi wa ũsilĩlo wĩ na ũtheu mũtisu, ũthũkũmi wa ũlũngalu wĩ na ũtheu mũtisu kũvĩtũka mũno mbee.</verse>
				<verse number="10">Nũndũ nĩ w’o ũla wataĩiwe ndwaĩ ũtaĩo ũndũnĩ ũũ, nũndũ wa ũtaĩo ũvĩtũkĩte mũno.</verse>
				<verse number="11">Nũndũ ethĩwa ũla ũvĩtĩte waĩ na ũtaĩo, ũla wĩkalaa nũvĩtũkĩte mũno mbee.</verse>
				<verse number="12">Kwondũ wa kwĩthĩwa twĩ na wĩkwatyo ta ũsu, twĩneena na ũkũmbaũ mũnene,</verse>
				<verse number="13">na tũtitilyĩ ta Mose, ũla wavw’ĩkie ũthyũ wake suka mũvũthũ, nĩ kana ana ma Isilaeli maikaketeee mũminũkĩlyo wa ũndũ wavĩtĩte:</verse>
				<verse number="14">ĩndĩ mosũanĩo moo maĩ momũ: na kũvika mũnthĩ ũũ, ũtianĩo wa tene ũkĩsomwa, suka ũsu wĩ o vo, ndwaavetwa; ĩndĩ nũvetawa nthĩnĩ wa Klĩsto.</verse>
				<verse number="15">Ĩndĩ kũvika ũmũnthĩ, o yĩla mavuku ma Mose meũsomwa, suka ũsu nũvw’ĩkĩte ngoo syoo.</verse>
				<verse number="16">Ĩndĩ ĩvinda o yĩla mũndũ wĩmwĩthyũũĩa Mwĩaĩi, suka ũsu nũvetawa.</verse>
				<verse number="17">Ĩndĩ Mwĩaĩi nĩwe Veva; na vala ve Veva wa Mwĩaĩi, nĩvo ve ũthasyo.</verse>
				<verse number="18">Ĩndĩ ithyonthe, na mothyũ mate mavw’ĩke tũkyona ũtheu mũtisu wa Ngai ta kĩsisyonĩ, nĩtũũalyũlwa na kwosa mũvw’ano ũsu, kuma ũtheu mũtisu kũvĩkĩa ũtheu mũtisu, o ta kuma kwa Mwĩaĩi, nake nĩwe Veva.</verse>
			</chapter>
			<chapter number="4">
				<verse number="1">Kwondũ wa ũu, nĩkwĩthĩwa twĩ na ũthũkũmi ũũ, o ũndũ twĩw’ĩwe tei, tũtiũteva:</verse>
				<verse number="2">ĩndĩ nĩtũleete maũndũ mavithe ma nthoni, na tũtiendaa na ũseleke, kana kũvulan’ya ndeto ya Ngai na ũkengani: ĩndĩ na kwonan’ya ũla w’o, nĩtũkwĩĩkĩĩthya ene wasyanĩ wa ngoo wa kĩla mũndũ mbee wa Ngai.</verse>
				<verse number="3">Ĩndĩ o na ethĩwa ũvoo mũseo witũ nĩ mũvw’ĩke, nĩ mũvw’ĩke kwa ala mekwaa:</verse>
				<verse number="4">ala nthĩnĩ woo ila ngai ya nthĩ ĩno nĩyaĩtye mosũanĩo ma ala matetĩkĩlaa, nĩ kana kyeni kya ũtheu mũtisu wa ũvoo mũseo wa Klĩsto, nake nĩwe mũvw’ano wa Ngai, kĩikamaumĩlĩle.</verse>
				<verse number="5">Nũndũ tũikwĩtavan’ya ithyĩ ene, ĩndĩ twĩtavan’ya Klĩsto Yesũ kana nĩwe Mwĩaĩi, na ithyĩ ene ta ngombo syenyu kwondũ wa Yesũ.</verse>
				<verse number="6">Nĩkwĩthĩwa nĩ Ngai ũla waisye, Kyeni kĩkakena kuma kĩvindunĩ, nake nĩwakenie ngoonĩ sitũ, kũtũnenga kyeni kya ũmanyi wa ũtheu mũtisu wa Ngai ũthyũnĩ wa Yesũ Klĩsto.</verse>
				<verse number="7">Ĩndĩ twĩ na ũthwĩĩ ũsu mĩionĩ ya mũthanga, nĩ kana vinya ũsu mũnene ũvĩtũkĩte wĩthĩwe wĩ wa Ngai, na ti kuma kwitũ;</verse>
				<verse number="8">nĩtũlĩlĩĩlawa ngalĩ syonthe, ĩndĩ ti kũthyũlũlũkwa; nĩtũsũanĩawa, ĩndĩ ti kwĩyĩtũka:</verse>
				<verse number="9">nĩtũatĩĩawa, ĩndĩ tũtiũtiwa; nĩtũvalũkawa nthĩ, ĩndĩ tũikwanangwa;</verse>
				<verse number="10">mavinda onthe nĩtũkuaa kũawa kwa Yesũ mĩĩnĩ yaitũ nĩ kana thayũ wa Yesũ naw’o wonanw’e mĩĩnĩ yaitũ.</verse>
				<verse number="11">Nũndũ ithyĩ ala twĩ thayũ tũnenganawe tũkw’e mavinda onthe kwondũ wa Yesũ, nĩ kana thayũ wa Yesũ naw’o wonanw’e mĩĩnĩ yaitũ ĩla ĩkusaa.</verse>
				<verse number="12">Kwa ũu ĩndĩ, kĩkw’ũ nĩkĩtethasya wĩa nthĩnĩ waitũ, ĩndĩ nthĩnĩ wenyu nĩ thayũ.</verse>
				<verse number="13">Ĩndĩ nũndũ twĩ na veva wa ũla mũĩkĩĩo, kwĩanana na ũndũ kũandĩkĩtwe, Nĩneetĩkĩlile, na kwondũ wa ũu nĩnaneenie; naitũ nĩtũkwĩtĩkĩla, na kwondũ wa ũu naitũ nĩtũneenaa;</verse>
				<verse number="14">twĩsĩ kana we ũla wamũthayũũkisye Mwĩaĩi Yesũ akatũthayũũkya ithyĩ naitũ vamwe na Yesũ, na kũtũnengane vamwe nenyu.</verse>
				<verse number="15">Nũndũ maũndũ onthe nĩ kwondũ wenyu, nĩ kana mumo, ũkingĩvw’a kwondũ wa aingĩ, ũtume mũvea wingĩvw’a nĩ kana Ngai ataĩwe.</verse>
				<verse number="16">Kwondũ wa ũu tũtiũteva; ĩndĩ o na ethĩwa mũndũ ũũ waitũ wa mwĩĩ nũnũkwoa, ĩndĩ mũndũ waitũ wa nthĩnĩ nĩweũvaw’a kĩla mũthenya.</verse>
				<verse number="17">Nũndũ thĩna ũũ witũ mũvũthũ, ũla wa kavinda kanini, nũtethasya wĩa mbee na mbee mũno wa utũetee ũtaĩo ũtathimĩka wa tene na tene;</verse>
				<verse number="18">tũteũsyaĩĩsya syĩndũ ila syonekaa, ĩndĩ tũkĩsyaĩĩsya syĩndũ ila itonekaa: nũndũ syĩndũ ila syonekaa no sya kavinda; ĩndĩ syĩndũ ila itonekaa nĩ sya tene na tene.</verse>
			</chapter>
			<chapter number="5">
				<verse number="1">Nũndũ nĩtwĩsĩ kana ethĩwa wĩkalo ũũ witũ wa ĩeema wa kũũ nthĩ ũkaanangĩka, twĩ na mwako ũngĩ wumaa kwa Ngai, nyũmba ĩtakĩtwe na moko, ya tene na tene, ĩtunĩ.</verse>
				<verse number="2">Nũndũ nĩ w’o, wĩkalonĩ ũũ nĩtũlumaa, tũkyenda mũno mbee kũvw’ĩkwa wĩkalo ũla wumaa ĩtunĩ:</verse>
				<verse number="3">nĩ kana twavw’ĩkwa tũtikoneka twĩ athei.</verse>
				<verse number="4">Nũndũ nĩ w’o, ithyĩ ala twĩ wĩkalonĩ ũũ nĩtũlumaa, naw’o nĩ kũitavĩwa; ti kwĩthĩwa nĩtũkwenda kũvuũwa, ĩndĩ twĩenda mũno kũvw’ĩkwa, nĩ kana ũsu ũkusaa ũmelw’e nĩ thayũ.</verse>
				<verse number="5">Na ũla watũseũvisye kwondũ wa ũndũ ũsu nĩ Ngai, ũla watũnengie ngwatĩlĩlyo, nayo nĩ Veva.</verse>
				<verse number="6">Na ĩndĩ nĩkwĩthĩwa matukũ onthe twĩ na ũkũmbaũ, na kũmanya kana, yĩla twĩ vaa nthĩnĩ wa mwĩĩ, tũti kwa Mwĩaĩi:</verse>
				<verse number="7">(nũndũ tũkinyaa kwa kũĩkĩĩa, ti kwa kwona;)</verse>
				<verse number="8">nĩngwasya twĩ na ũkũmbaũ mũnene, naitũ nĩtwĩtĩkĩle kavaa tũikethĩwe vo nthĩnĩ wa mwĩĩ, twĩthĩwe vamwe na Mwĩaĩi.</verse>
				<verse number="9">Kwondũ wa ũu naitũ nĩtũkwĩthangaasya, ethĩwa twi mwĩĩnĩ kana ethĩwa tũti nthĩnĩ waw’o, twĩthĩwe twĩ andũ ma kũmwendeeasya we.</verse>
				<verse number="10">Nũndũ ithyĩ ithyonthe nĩtũkaumĩlw’a mbee wa kĩvĩla kya sila kya Klĩsto; nĩ kana kĩla mũndũ ose maũndũ ala meekiwe e nthĩnĩ wa mwĩĩ, kwĩanana na ũndũ wekie, o na ethĩwa nĩ ũseo kana ũthũku.</verse>
				<verse number="11">Ĩndĩ tũkĩmanya kũmũkĩa Mwĩaĩi, twĩmanzanza andũ, ĩndĩ nĩtwonanĩtw’e kwa Ngai; nakwa nĩnĩkwatĩtye kana nĩtwonanĩtw’e naw’o nthĩnĩ wa mawasya ma ngoo menyu.</verse>
				<verse number="12">Tũikwĩĩkĩĩthya ene ĩngĩ mbee wenyu, ĩndĩ nĩtũũmũnenga ũthei wa kwĩkathĩĩa kwondũ witũ, nĩ kana mwĩthĩwe na ũndũ wa ũmasũngĩa ala mekwĩkathĩĩa maũndũnĩ ala monekaa nĩ andũ, na ti ala ma ngoonĩ.</verse>
				<verse number="13">Nũndũ o na ethĩwa kĩlĩko kitũ nĩkyaĩte, nĩ kwondũ wa Ngai; kana ethĩwa twĩ nakyo, nĩ kwondũ wenyu.</verse>
				<verse number="14">Nũndũ wendo wa Klĩsto nũũtũthing’ĩĩsya; nĩkwĩthĩwa twĩona atĩ ũmwe nĩwakwie kwondũ wa onthe, kwondũ wa ũu onthe nĩmakwie;</verse>
				<verse number="15">nake nĩwamakwĩĩe onthe, nĩ kana ala me thayũ maikethĩwe naw’o ĩngĩ kwondũ woo ene, ĩndĩ no kwondũ wake ũla wakwie na athayũũka ĩngĩ kwondũ woo.</verse>
				<verse number="16">Na kwa ũu kuma yu tũimwĩsĩ mũndũ kĩ‐mwĩĩ: o na ethĩwa nĩtwamũmanyĩte Klĩsto kĩ‐mwĩĩ, ĩndĩ yu tũtiũmũmanya ũu ĩngĩ.</verse>
				<verse number="17">Na kwa ũu ethĩwa mũndũ o na wĩva e nthĩnĩ wa Klĩsto, nĩ kyũmbe kyeũ: maũndũ ala makũũ nĩ mavĩtu; sisyai, nĩmatw’ĩkĩte meũ.</verse>
				<verse number="18">Ĩndĩ maũndũ onthe nĩ ma Ngai, ũla watwĩw’anĩthye nake mwene kwondũ wa Klisto, na watũnengie ũthũkũmi wa wĩw’anĩthyo;</verse>
				<verse number="19">naw’o nĩ ũũ, Ngai aĩ nthĩnĩ wa Klĩsto, aimĩw’anĩthya nthĩ nake Klĩsto, aimĩw’anĩthya nthĩ nake mwene, ateũmatalĩla andũ mavĩtyo moo, na nũtwĩkĩĩte nthĩnĩ waitũ ĩla ndeto ya kwĩw’anĩthya.</verse>
				<verse number="20">Na ĩndĩno twĩ atũmwa kwondũ wa Klĩsto, o ta Ngai ũnũkwĩsũvanĩla kwitũ: nitũũmwĩsũva kwondũ wa Klisto, mwĩw’anithw’e na Ngai.</verse>
				<verse number="21">Ũla ũtaamanya naĩ amũtwie kwĩthĩwa naĩ kwondũ witũ; nĩ kana ithyĩ tũtw’ĩke ũlũngalu wa Ngai nthĩnĩ wake.</verse>
			</chapter>
			<chapter number="6">
				<verse number="1">Na ĩndĩ tũkĩtethan’ya vamwe nake twĩmwĩsũva mũikose mumo wa Ngai mana</verse>
				<verse number="2">(nũndũ we easya, Nĩnakwĩwie ĩvinda yĩla yĩtĩkĩlĩtwe, Na mũthenya wa ũtangĩĩo nĩnaũtethisye: sisyai, yĩĩ nĩyo ĩvinda yĩtĩkĩlĩtwe; sisyai, mũthenya wa ũtangĩĩo no yu):</verse>
				<verse number="3">mũteũete ũndũ o na wĩva wa ũlulutĩkya, nĩ kana ũthũkũmi ũũ witũ ndũkawetwe naĩ;</verse>
				<verse number="4">ĩndĩ maũndũnĩ onthe nĩtũkwĩĩkĩĩthya, ta athũkũmi ma Ngai, nthĩnĩ wa wũmĩĩsyo mwingĩ, na mathĩna, na mavata, na monyamao,</verse>
				<verse number="5">na makũnwa, na kwovwa kolokolonĩ, na ituu, na thĩna wa mawĩa, na kũsyaĩĩsya, na kũtĩĩa kũya;</verse>
				<verse number="6">na ũtheu, na ũmanyi, na wũmĩĩsyo, na ũseo, na nthĩnĩ wa Veva Mũtheu, na wendo ũte na wangangan’yo,</verse>
				<verse number="7">na ndeto ya w’o, na vinya wa Ngai; kwondũ wa mĩio ya kaũ ya ũlũngalu kw’okonĩ kwa aũme na kw’okonĩ kwa aka.</verse>
				<verse number="8">Ethĩwa nĩtũũtaĩwa kana kũtataĩwa, kũwetwa naĩ kana nesa; ta twĩ akengani, na kaĩ twĩ ma w’o;</verse>
				<verse number="9">ta twĩ ala matesĩkĩwe, na kai twĩsĩkĩwe mũno; ta tũkusaa, na kaĩ twĩ thayũ; ta tũkũnawa, na kaĩ tũtyũawa;</verse>
				<verse number="10">ta twi na kĩmako, na kaĩ tũtanaa mavinda onthe; ta twĩ ngya, na kaĩ tũmathuasya aingĩ; ta tũte kĩndũ, na kaĩ twĩ na syĩndũ syonthe.</verse>
				<verse number="11">Makanyw’a maitũ nĩmwathamĩwe, inyw’ĩ Akolintho, ngoo sitũ ninenevetw’e.</verse>
				<verse number="12">Ti inyw’ĩ mwaĩte va kwendelwa ngoonĩ sitũ, ĩndĩ ngoo syenyu nĩsyo syaĩte va kwendanĩla.</verse>
				<verse number="13">Ĩndĩ nenevai ngoonĩ syenyu mũtũĩve kĩthemba o kyu (nĩneena ta ngũneena na syana syakwa).</verse>
				<verse number="14">Mũtikovanĩw’e ĩsoki yĩmwe na ala mate etĩkĩli: nũndũ ũlũngalu na ũthũku wĩ mũamba mwaũ? Kana kyeni kĩ na mũamba mwaũ na kĩvindu?</verse>
				<verse number="15">Na Klĩsto e na mũamba mwaũ na Veliali? Na ũla wĩtĩkĩlĩte e na kĩanda kyaũ vamwe na ũla ũtetĩkĩlĩte?</verse>
				<verse number="16">Na ĩkalũ ya Ngai yĩ na wĩw’ano mwaũ na mĩvw’anano? Nũndũ ithyĩ twĩ ĩkalu ya Ngai ũla wĩ thayũ; o tondũ Ngai waisye, Ngekalaa nthĩnĩ woo, na kũendaa nthĩnĩ woo; na ngeethĩwa Ngai woo, namo makeethĩwa andũ makwa.</verse>
				<verse number="17">Kwondũ wa ũu Umai katĩ woo, na mwĩthĩwe mwĩvathanĩte nao, eneena ũu Mwĩaĩi, Na mũikakiite kĩndũ kĩvuku; Nakwa ngamwosa,</verse>
				<verse number="18">Na ngeethĩwa ĩthe wenyu, Na inyw’ĩ mũkeethĩwa ana makwa, aũme na eĩtu, eneena ũu Mwĩaĩi, Mwene Vinya W’onthe.</verse>
			</chapter>
			<chapter number="7">
				<verse number="1">Kwondũ wa kwĩthĩwa twĩ na matho aa, endwa, twĩthesye ene ũvuku w’onthe wa mwĩĩ na wa ngoo, tũkĩanĩsya ũtheu nthĩnĩ wa kũmũkĩa Ngai.</verse>
				<verse number="2">Tũvingũĩei ngoo syenyu: tũimwĩkite mũndũ naĩ, tũiaathũkya mũndũ, tũiaasesenga mũndũ.</verse>
				<verse number="3">Ndiũneena ũu nĩmũsilĩle inyw’ĩ: nũndũ nambie ũneena, kana mwĩ nthĩnĩ wa ngoo sitũ tũkw’e vamwe na twĩthĩwe thayũ vamwe.</verse>
				<verse number="4">Kũneena kwakwa nenyu kwĩ na ũkũmbaũ mũnene, kwĩkathĩĩa kwakwa kwondũ wenyu nĩ kũnene: nusũĩtwe nĩ ũkiakisyo, na thĩnanĩ witũ w’onthe nusũĩtwe nĩ ũtanu ki, ũketĩka.</verse>
				<verse number="5">Nũndũ o yĩla twavikie Masetonia mĩĩ yaitũ ndĩaĩ na ũthũmũo, ĩndĩ nĩtwathĩnaw’a ngalĩ syonthe; ũtee kwaĩ kaũ, na nthĩnĩ kwaĩ w’ĩa.</verse>
				<verse number="6">Ĩndĩ vamwe na ũu Ngai, ũla ũkiakiasya, ala mavinyĩwe, nĩwe watũkiakiisye nũndũ wa Tito kũka;</verse>
				<verse number="7">na ti ũndũ wa kũka kwake kw’oka, ĩndĩ ũndũ wa ũkiakisyo naw’o ũla ũkiakiĩtw’e nĩ inyw’ĩ, akĩtũtavya ũndũ wa mea menyu maingĩ, na kĩĩo, na kĩthing’ĩĩsyo kyenyu kwondũ wakwa; nakwa neethĩwa ngĩtana mũno mbee.</verse>
				<verse number="8">Nũndũ o na ethĩwa namwĩw’ĩthisye woo na valũa wakwa, ndikwĩlila: o na ethĩwa nĩneelilile (nũndũ nĩngwona kana valũa ũsu nĩwamwĩw’ĩthisye woo, o na kau no kavinda),</verse>
				<verse number="9">yu nĩngũtana, ti ũndũ mweew’ĩthiw’e woo, ĩndĩ nũndũ mwew’ĩthĩw’e woo kũvika ũalyũlo wa ngoo; nũndũ mwew’ĩthiw’e woo ũla Ngai wendete, nĩ kana mũikone wasyo kwondũ witũ ũndũnĩ o na wĩva.</verse>
				<verse number="10">Nũndũ woo ũla Ngai wendete ũetae ũalyũlo wa ngoo kũvika ũtangĩĩo, naw’o nĩ ũalyũlo ũtaetae kwĩlila: ĩndĩ woo wa nthĩ ũetae kĩkw’ũ.</verse>
				<verse number="11">Nũndũ sisyai ũndũ ũũ, kwĩw’ĩthw’a woo kũla Ngai wendete, ũndũ kwaetie kwĩsũvĩa kũnene nthĩnĩ wenyu, ĩĩ, na kwĩkaĩĩa, ĩĩ, na kũthata, ĩĩ, na kũkĩa, ĩĩ, na mea, ĩĩ, na kwĩthing’ĩĩsya, ĩĩ, na kũĩvanĩsya! Kĩla ũndũnĩ nĩmwĩyonanĩtye kwĩthĩwa mwĩ atheu ũndũnĩ ũsu.</verse>
				<verse number="12">Na ĩndĩ o na ethĩwa nĩnamũandĩkĩe, ndyaamũandĩkĩa kwondũ wa ũsu wekĩte naĩ, o na ti ũndũ wa ũla wekĩtwe naĩ, ĩndĩ nĩ kana kĩthing’ĩĩsyo kyenyu kwondũ witũ kyoneke kwenyu mbee wa Ngai.</verse>
				<verse number="13">Kwondũ wa ũu nĩtwakiakiiw’e: na kũkiakiw’anĩ kwitũ twatanie mũno mbee kwondũ wa ũtanu wa Tito, nũndũ veva wake nũvuũkĩtw’e nĩ inyw’ĩ inyw’onthe.</verse>
				<verse number="14">Nũndũ ethĩwa nĩneekathĩĩe kwake ũndũnĩ ũmwe kwondũ wenyu, ndyaasonokw’a; ĩndĩ o ũndũ twamũtavisye maũndũ onthe w’o, o ta ũu kwĩkathĩĩa kwitũ nakw’o kũla nakathĩĩaa mbee wa Tito kwoonekie nĩ kwa w’o.</verse>
				<verse number="15">Na wendo wake wa ngoo wingĩvĩte mũno kwenyu, yĩla ũnũũlilikana wĩwi wenyu inyw’onthe, ũndũ mwamwosie na w’ĩa na kũtetema.</verse>
				<verse number="16">Nĩngũtana nũndũ maũndũnĩ onthe nĩ na ũnyiau mwingĩ kwondũ wenyu.</verse>
			</chapter>
			<chapter number="8">
				<verse number="1">O na ĩngĩ, ana‐a‐asa, twĩmũtavya mumo wa Ngai ũla ũnenganĩtwe makanisanĩ ma Masetonia;</verse>
				<verse number="2">ũndũ wa kũtatwa na monyamao maingĩ, wingĩ wa ũtanu woo na ũkya woo mũnene waingĩvie mũno kũvika ũthwii wa ũlau woo.</verse>
				<verse number="3">Nũndũ nĩngũmakũsĩĩa, kana kwĩanana na ũndũ maĩ matonya, ĩĩ, na mbee wa kũtonya kwoo, nĩmanenganie na kwenda kwa ngoo syoo ene,</verse>
				<verse number="4">makĩtũthing’ĩĩsya vamwe na kũtwĩsũva mũno ũndũ wa mumo ũũ na mũamba wa ũthũkũmi ũũ kwa atheu:</verse>
				<verse number="5">na ti tondũ twaasya, ĩndĩ mbee nĩmeenenganie ene kwa Mwĩaĩi, na kwitũ, o tondũ Ngai wendete.</verse>
				<verse number="6">Kwa ũu twamũtaie Tito, kana o ũndũ wambĩlĩlye mbee, o ta ũu eanĩsye nthĩnĩ wenyu mumo ũũ naw’o.</verse>
				<verse number="7">Ĩndĩ o tondũ mwingĩvĩwe mũno maũndũnĩ onthe, mũĩkĩĩonĩ, na kũneenanĩ, na ũmanyinĩ, na kĩthing’ĩĩsyonĩ kyonthe, na wendonĩ wenyu kwa ithyĩ, sisyai kana mwingĩvĩwe mumonĩ ũũ naw’o.</verse>
				<verse number="8">Ndiũneena na kwĩaa, ĩndĩ nĩngũtata w’o wa wendo wenyu kwa kĩthing’ĩĩsyo kya angĩ.</verse>
				<verse number="9">Nũndũ nĩmũũmanya mumo wa Mwĩaĩi waitũ Yesũ Klĩsto, kana, o na kau aĩ mũthwii, atw’ĩka ngya kwondũ wenyu, nĩ kana inyw’ĩ kwondũ wa ũkya wake mũtonye ũtw’ĩka athwii.</verse>
				<verse number="10">Na ũndũnĩ ũu nĩmũtavya ũndũ ngwona: nũndũ ũũ nũmwaĩle inyw’ĩ, ala mwambĩlĩlye mbee, yu mũminĩte mwaka, na ti kwĩka kw’oka, ĩndĩ nĩ kwĩka na kwenda nakw’o.</verse>
				<verse number="11">Ĩndĩ yu ĩanĩsyai kwĩka nakw’o; nĩ kana ũndũ mweeyũmbanĩtye kwenda, o ta ũu mwĩanĩsye kwĩka kwĩanana na ũndũ mũtonya.</verse>
				<verse number="12">Nũndũ kweethĩwa kwĩ ngoo ĩyũmbanĩtye, nĩkwĩtĩkĩlawa kwĩanana na kĩla mũndũ wĩ nakyo, ti kwĩanana na kĩla mũndũ ũte nakyo.</verse>
				<verse number="13">Nũndũ ndikwasya ũu kana angĩ mathũmũe na inyw’ĩ mũthĩne:</verse>
				<verse number="14">ĩndĩ nĩkwĩthĩwe kwĩanan’ya: ĩvinda yĩĩ kusũa kwenyu kũtethye kũnyivĩwa kwoo, nĩ kana kusũa kwoo kũtethye kũnyivĩwa kwenyu: nĩ kana mwĩanan’ye:</verse>
				<verse number="15">o ũndũ kũandĩkĩtwe, Ũla wombanisye mwingĩ ndaatialya; na ũla wombanisye mũnini ndaanyivĩwa.</verse>
				<verse number="16">Ĩndĩ Ngai nataĩwe, ũla wĩkĩaa kĩthing’iĩsyo kyu kwondũ wenyu ngoonĩ ya Tito.</verse>
				<verse number="17">Nũndũ nĩwosie ũtao witũ; ĩndĩ nĩkwĩthĩwa we mwene aĩ na kĩthing’ĩĩsyo kingĩ mũno, ooka kwenyu kwa kwenda kwake mwene.</verse>
				<verse number="18">Naitũ tũmũtũmanĩsye na mwana‐a‐asa ũsu, ũla nguma yake ũvoonĩ mũseo ĩnyaĩĩkĩte makanisanĩ onthe</verse>
				<verse number="19">o na ti ũu w’oka, ĩndĩ anyuvĩtwe nĩ makanisa asu athi vamwe naitũ ũthũkũminĩ wa moelo nĩ kana Mwĩaĩi ataĩwe, na kwonan’ya kwĩyũmban’ya kwitũ;</verse>
				<verse number="20">tũkĩsũvĩa, mũndũ o na wĩva ndakatwilĩĩle mavĩtyo ũlaunĩ ũũ ũthũkũmawa nĩ ithyĩ:</verse>
				<verse number="21">nũndũ twĩsũanĩa maũndũ ala maĩlu, ti mbee wa Ngai weka, ĩndĩ o na mbee wa andũ.</verse>
				<verse number="22">Naitũ tũmũtũmĩte mwana‐a‐asa waitũ vamwe nao, ũla tũmwonete kaingĩ e kĩthing’ĩĩsyo maũndũni maingĩ, ĩndĩ yu e kĩthing’ĩĩsyo mũno mbee, nũndũ wa kũĩkĩĩa kũnene kũla ũmũĩkĩĩe inyw’ĩ.</verse>
				<verse number="23">Na ethĩwa mũndũ nũnũũkũlya ũndũ wa Tito, we e mũamba nakwa na nĩ mũtethya wa wĩa vamwe nakwa kwondũ wenyu; na ethĩwa mũndũ nũnũũkũlya ũndũ wa ana‐a‐asa maitũ, nao nĩ atũmwa ma makanisa, na nĩmo matumaa Klĩsto ataĩwa.</verse>
				<verse number="24">Kwondũ wa ũu monesyei mbee wa makanisa w’o wa wendo wenyu na wa kwĩkathĩĩa kwitũ kwondũ wenyu.</verse>
			</chapter>
			<chapter number="9">
				<verse number="1">Nũndũ ũndũ wa ũthũkũmi kwondũ wa ala atheu, ndi na vata wa ũmũandĩkĩa:</verse>
				<verse number="2">nũndũ nĩnĩsĩ kwĩyũmban’ya kwenyu, kũla ngwĩkathĩĩa nũndũ wakw’o ngalĩ ĩla yenyu kwa ala ma Masetonia, kana andũ ma Akaia nĩmeyũmbanĩtye mwaka mũima; na ũthangaau wenyu nũthangaaĩtye aingĩ mũno moo.</verse>
				<verse number="3">Ĩndĩ namatũma ana‐a‐asa, nĩ kana kwĩkathĩĩa kwitũ kwondũ wenyu kũtikatw’ĩke kwa mana ũndũnĩ ũũ; nĩ kana mwĩthĩwe mwĩyũmbanĩtye, o ũndũ naisye:</verse>
				<verse number="4">nĩ kana kũikethĩwe kwa ũndũ o na wĩva, ethĩwa andũ ma Masetonia makookan’ya nakwa na kũmwona mũteyũmbanĩtye, ithyĩ tũsonoke ũndũ wa kũĩkĩĩa kũla twamũĩkĩĩe (tũikwasya nĩ inyw’ĩ mwĩsonoka).</verse>
				<verse number="5">Ĩndĩ nonie nĩnaĩlwe nĩ kũmesũva ana‐a‐asa asu, nĩ kana maendae mbee kũvika kwenyu, na kũmban’ya ũla mũthĩnzĩo wenyu wathanĩtwe, nĩ kana wĩthĩwe wũmbanĩtw’e ũndũ waĩle mũthĩnzĩo, na ti kumw’a na vinya.</verse>
				<verse number="6">Ĩndĩ nĩneena ndeto ii, Ũla ũvuĩaa nini akethaa nini; na ũla ũvuĩaa nyingĩ akethaa nyingĩ.</verse>
				<verse number="7">Kĩla mũndũ nĩeke o tondũ utw’ĩte ngoonĩ yake: ti kwa kulea kwenda, kana kwa kũingĩĩw’a: nũndũ Ngai endete mũndũ ũnenganae na ũtanu.</verse>
				<verse number="8">Na Ngai nũtonya kwingĩvya mumo w’onthe kwa inyw’ĩ; nĩ kana inyw’ĩ, mwĩanĩwe vyũ mavinda onthe maũndũnĩ onthe, mwingĩve kĩla wĩanĩ mũseo:</verse>
				<verse number="9">o tondũ kũandĩkĩtwe, Nũvuĩĩte, nũnengete ngya; Ũlũngalu wake nĩwĩkalaa tene na tene.</verse>
				<verse number="10">Na ũla ũnengae mũvuĩi mbeũ na kĩmũtũ kya kũya, akamũnenga na kwingĩvya mbeũ syenyu sya ũvuĩaa, na akaingĩvya mosyao ma ũlũngalu wenyu:</verse>
				<verse number="11">mwĩthĩwe mũthuĩtw’e maũndũnĩ onthe kũvika ũlau w’onthe, ũla kwondũ wa wĩa witũ ũtumaa Ngai atũngĩwa mũvea.</verse>
				<verse number="12">Nũndũ kwĩka kwa ũthũkũmi ũũ kũtyĩanĩasya mavata ma ala atheu kw’oka, ĩndĩ nakw’o nĩkwingĩvasya mĩvea kwa Ngai:</verse>
				<verse number="13">nũndũ makĩmũosya na ũthũkũmi ũũ mamũtaĩaa Ngai kwondũ wa wĩwi wa kumbũla kwenyu kwa ũvoo mũseo wa Klĩsto, na kwondũ wa ũlau wa ũelo wenyu kwamo na kwa andũ onthe;</verse>
				<verse number="14">nao ene, makĩsũvana kwondũ wenyu, me na mea nenyu mũno nũndũ wa mumo wa Ngai ũla wingĩvĩte mũno nthĩnĩ wenyu.</verse>
				<verse number="15">Ngai natũngĩwe mũvea kwondũ wa mũthĩnzĩo wake ũtaweteka.</verse>
			</chapter>
			<chapter number="10">
				<verse number="1">Na yu, nyie Vaulo mwene, nĩngũmwĩsũva na wĩnyivyo na ũuu wa Klĩsto, nyie ũla nĩ na wĩnyivyo yĩla nĩ vamwe nenyu, ĩndĩ neethĩwa nĩ kũasa nenyu nĩ na ũkũmbaũ mwingĩ kwenyu:</verse>
				<verse number="2">ĩĩ, nĩngũmwĩsũva, nĩ kana yĩla nĩĩthĩwa vamwe nenyu ndikethĩwe ngyonan’ya ũkũmbaũ mũnene ũla ngũtala kũmakũmbaĩa amwe, ala matũtalaa ta tũendaa kĩ‐mwĩĩ.</verse>
				<verse number="3">Nũndũ o na kau twĩkinya na mwĩĩ, tũikũkita kwĩanana na mwĩĩ</verse>
				<verse number="4">(nũndũ mĩio ya kaũ ya kũkita kwitũ ti ya mwĩĩ, ĩndĩ yĩ na vinya kwa Ngai wa kũomboa ngome syĩ vinya);</verse>
				<verse number="5">tũkĩomboa malilikano, na kĩla kĩndũ kĩtũlu kĩtũlĩtye kĩlee ũmanyi wa Ngai, na tũkĩete kĩla kĩsũanĩo ũkombonĩ wa kũmwĩw’a Klĩsto;</verse>
				<verse number="6">na tũkĩthĩwa twĩyũmbanĩtye kũivanĩsya kũlea kwĩw’a kw’onthe, o yĩla kwĩwa kwenyu kũkeanĩw’a.</verse>
				<verse number="7">Mwĩsisya maũndũ ala me mbee wa mothyũ menyu. Ethĩwa mũndũ o na wĩva nũkwĩĩkĩĩa mwene kana nĩ wa Klĩsto, nasũanĩe ĩngĩ nthĩnĩ wake, kana, o ũndũ we nĩ wa Klĩsto, naitũ no ta ũu.</verse>
				<verse number="8">Nũndũ o na ngekathĩĩa mũnango kwondũ wa ũkũmũ witũ (ũla Ngai watũnengie wa kũmwaka, na ti wa kũmũomboa), ndikasonoka:</verse>
				<verse number="9">ndikesa kwoneka ta ngũmũtĩsya na mavalũa makwa.</verse>
				<verse number="10">Nĩkwĩthĩwa measya, Mavalũa make nĩ maito na me vinya; ĩndĩ yĩla wĩ vo mwĩĩnĩ nĩ kyonze, na ũneeni wake ndwĩ ũndũ ũtonya.</verse>
				<verse number="11">Ũla uilyĩ ũu nasũanĩe ũũ, kana, o ũndũ tũilyĩ ndetonĩ sya mavalũa tũte vo, nĩw’o tũilyĩ kwa meko twĩ vo.</verse>
				<verse number="12">Nũndũ tũti na ũkũmbaũ wa kwĩtala kana kwĩelekan’ya na asu ala mekwĩkathĩĩa ene: ĩndĩ nao ene, makĩthima ene kwa ene, na kwĩelekan’ya ene kwa ene, mati na ũmanyi.</verse>
				<verse number="13">Ĩndĩ ithyĩ tũikekathĩĩa kũvita vala tũthimĩwe, ĩndĩ o kwĩanana na kĩthimo kĩla Ngai watũthimĩe, nĩ kana tũvike o na kwenyu.</verse>
				<verse number="14">Nũndũ tũtiũvĩtũka vala tũthimĩwe, ta tũteũvika kwenyu: nũndũ twambie kũvika o na kwenyu tũkĩtavan’ya ũvoo mũseo wa Klĩsto:</verse>
				<verse number="15">o na ti kwĩkathĩĩa kũvĩtũka vala tũthimĩwe, ta kwĩkathĩĩa mawĩanĩ ma andũ angĩ; ĩndĩ tũkĩkwatya kana ũndũ mũĩkĩĩo wenyu wĩanaa, tũkataĩwa kwenyu mũno kwĩanana na vala tũthimĩwe,</verse>
				<verse number="16">nĩ kana tũtonye kũtavan’ya ũla ũvoo mũseo kũvika nthĩ ila syĩ mbee wa kwenyu, tũtekwĩkathĩĩa wĩanĩ wa mũndũ ũngĩ maũndũnĩ ala maminĩtwe kũseũvw’a.</verse>
				<verse number="17">Ĩndĩ ũla ũnũkwĩkathĩĩa, nĩekathĩĩe nthĩnĩ wa Mwĩaĩi.</verse>
				<verse number="18">Nũndũ ti ũla ũnũkwĩkathĩĩa mwene wĩtĩkĩlawa, ĩndĩ no ũla Mwĩaĩi ũnũũmũkathĩĩa.</verse>
			</chapter>
			<chapter number="11">
				<verse number="1">Nĩ ũseo ethĩwa nĩmutonya kũmĩĩsya ũtũmanu wakwa mũnini: ĩĩ, mbũmĩĩsyai.</verse>
				<verse number="2">Nũndũ nĩmwĩw’ĩaa kĩwĩu, ĩĩ, kĩwĩu kya Ngai: nũndũ nyie nĩmwĩvaĩsye mũũme ũmwe, nĩtonye ũmũnenga Klĩsto ta mwĩĩtu mũtheu.</verse>
				<verse number="3">Ĩndĩ nĩngũkĩa kũikethĩwe kwa ũndũ o na wĩva, o tondũ ĩla nzoka yamũkengie Eva na ũseleke wayo, mosũanĩo menyu manangwe na kũtia ũlũngalu na ũtheu ũla welekele Klĩsto.</verse>
				<verse number="4">Nũndũ ethĩwa ũla wĩũka emũtavya ũvoo wa Yesũ ũngĩ, ũla tũtaamũtavya, kana ethĩwa mwĩosa veva ũngĩ, ũla mũtaaosa, kana ũvoo mũseo ũngĩ, ũla mũtaawĩtĩkĩla, nĩ ũseo mũmĩĩsye.</verse>
				<verse number="5">Nũndũ nĩngũtala kana ndi ĩtina o na vanini wa atũmwa ala anene mbee.</verse>
				<verse number="6">Ĩndĩ o na ngethĩwa nĩ mũndũ ũtesĩ ũneena, ĩndĩ ũmanyinĩ tiw’o ndilyĩ; ĩndĩ maũndũnĩ onthe kwa nzĩa syonthe nĩtũmwonetye ũu.</verse>
				<verse number="7">Kana nĩneekie naĩ ngĩnyivya nĩ kana inyw’ĩ mũtũlw’e, nũndũ namũtavisye ũvoo mũseo wa Ngai vate ĩtuvi?</verse>
				<verse number="8">Navutie makanisa angĩ, ngyosa ĩtuvi kwoo nĩ kana nĩmũthũkũme inywĩ;</verse>
				<verse number="9">na yĩla naĩ vamwe nenyu na naĩ mũnyivĩe, ndyaĩ mũio kwa mũndũ o na wĩva; nũndũ ana‐a‐asa, mooka kuma Masetonia, nĩmo mambusũisye kũnyivĩwa kwakwa; na maũndũnĩ onthe nesũvĩie ndikethĩwe nĩ mũio kwenyu, na ngeesũvĩaa o ũu.</verse>
				<verse number="10">O ũndũ w’o wa Klĩsto wĩ nthĩnĩ wakwa, vai mũndũ wĩnziĩĩa kwĩkathĩĩa kwakwa nĩ nthĩ sya Akaia.</verse>
				<verse number="11">Nũndũ wa kĩ? Nĩkwĩthĩwa ndiũmwenda? Ngai nĩwĩsĩ.</verse>
				<verse number="12">Ĩndĩ ũla ngwĩka, nĩw’o ngeka, nĩ kana nĩmaĩsye ũthei asu mekwenda ũthei; nĩ kana moneke taitũ, ũndũnĩ ũsu mekwĩkathĩia.</verse>
				<verse number="13">Nũndũ andũ ta asu nĩ atũmwa ma ũvũngũ, atethya ma wĩa na ũseleke, makĩalyũla ene methĩwe ta atũmwa ma Klĩsto.</verse>
				<verse number="14">Na ti ũndũ wa useng’ya; nũndũ o na Satani nake nĩwĩalyũlaa mwene ethĩwe ta mũlaĩka wa kyeni.</verse>
				<verse number="15">Na kwondũ wa ũu ti ũndũ ũnene athũkũmi make kwĩalyũla methĩwe ta athũkũmi ma ũlũngalu; namo mũminũkilyo woo ũkeethĩwa ta mawĩa moo.</verse>
				<verse number="16">Nĩmũtavya ĩngĩ, Mũndũ ndakasye nĩ mũtumanu; ĩndĩ ethĩwa no ũu, mbosai ta mũtumanu, nĩ kana nyie nakwa nĩkathĩĩe vanini.</verse>
				<verse number="17">Ũu ngũneena, ndiũneena ta wumĩte kwa Mwĩaĩi, ĩndĩ ta kwa ũtumanu, wĩkwatyonĩ ũũ wa kwĩkathĩĩa.</verse>
				<verse number="18">Nĩkwĩthĩwa aingĩ mekathĩĩaa maũndũni ma mwĩĩ, nakwa ngeekathĩĩa.</verse>
				<verse number="19">Nũndũ nĩmũmĩĩasya ala atumanu na ũtanu, nĩkwĩthĩwa mwĩ oĩ.</verse>
				<verse number="20">Nũndũ nĩmũmĩĩasya mũndũ, akĩmũlikya ũkombonĩ, aimũya, aimũtava, akĩnenevya, aimũkũna ũthyũ.</verse>
				<verse number="21">Nĩneena na kwĩvũthĩĩsya, ta twaĩ onzu ithyĩ. Ĩndĩ ũndũnĩ o na wĩva ve ngũmbaũ (nĩneena na ũtumanu), nyie nakwa nĩ ngũmbaũ.</verse>
				<verse number="22">Nĩ Ayuti mo? O nakwa. Nĩ Aisilaeli mo? O nakwa. Nĩ ũsyao wa Avalaamu mo? O nakwa.</verse>
				<verse number="23">Nĩ athũkũmi ma Klĩsto? (Nĩneena ta ũla wĩ na ndũũka) nyie nĩ mbee; mathĩnanĩ ma wĩa nyie nĩ mbee mũno, naĩ kolokolonĩ kaingĩ muno, kũkũnwa nĩ kaingĩ mbee, na kĩkw’ũnĩ nĩ kaingĩ.</verse>
				<verse number="24">Kwa Ayuti nĩnakũniwe mavinda atano ivoko mĩongo ĩna kũoleka kĩmwe.</verse>
				<verse number="25">Nĩkũnangĩtwe na ndata mavinda atatũ, nĩkimangĩtwe na mavia ĩvinda yĩmwe, ngalawa syaanangĩkie mavinda atatũ nĩ kyalonĩ, naĩ ũkanganĩ ũtukũ ũmwe na mũthenya ũmwe;</verse>
				<verse number="26">naĩ syalonĩ kaingĩ, mĩisyonĩ ya mbũsĩ, mĩisyo ya ing’ei, mĩisyo ya andũ ma mbaitũ, mĩisyo ya Andũ‐ma‐mbaĩ‐ingĩ, mĩisyo ya ndũanĩ, mĩisyo ya weũnĩ, mĩisyo ya ũkanganĩ, mĩisyo ya ana‐a‐asa ma ũvũngũ;</verse>
				<verse number="27">thĩnanĩ wa mawĩa na woonĩ, kũsyaĩĩsya nĩ kaingĩ, kwĩw’a nzaa na waũni, kũtĩĩa kũya nĩ kaingĩ, mbevonĩ na kũtwĩkĩwa.</verse>
				<verse number="28">Na eka maũndũ ala ndanaweta, ve ũla ũmbivinyaa matukũ onthe, kũũũyĩa makanisa onthe.</verse>
				<verse number="29">Nũũ ũla mwonzu, nakwa ndi mwonzũ? Nũũ ũla ũnũũlulutĩkw’a, na ndikũvya nĩ woo?</verse>
				<verse number="30">Ethĩwa no mũvaka nĩkathĩĩe, ngeekathĩĩa maũndũnĩ asu ma wonzu wakwa.</verse>
				<verse number="31">Ngai, Ĩthe wa Mwĩaĩi waitũ Yesũ, ũla ũtaĩawa kũvika tene na tene nĩwĩsĩ kana ndiũneena ũvũngũ.</verse>
				<verse number="32">Ndũanĩ ya Ndamasiku, ngavana ũla waĩ ĩtheo wa mũsumbĩ Aleta nĩwasũvĩie ndũa ĩsu ya Andamasiku, nĩ kana angwate:</verse>
				<verse number="33">na natonyelw’e mbũthinĩ natheelelw’a ũvainĩ nĩ kĩkavũnĩ nthĩnĩ, na natbonoka mokonĩ make.</verse>
			</chapter>
			<chapter number="12">
				<verse number="1">Mũvaka nĩkathĩĩe, o na kau ti ũndũ waĩle; ĩndĩ ngaweta mawoni na movuan’yo ma Mwĩaĩi.</verse>
				<verse number="2">Nĩnĩsĩ mũndũ nthĩnĩ wa Klĩsto, yu nĩvĩtĩte myaka ĩkumi na ĩna (ethĩwa aĩ nthĩnĩ wa mwĩĩ, ndyĩsĩ; kana ethĩwa ndaĩ nthĩnĩ wa mwĩĩ, ndyĩsĩ; Ngai nĩwĩsĩ), ũsu ambatiw’e kũvika ĩtunĩ ya katatũ.</verse>
				<verse number="3">Nakwa nĩnĩmwĩsĩ mũndũ ũsu (ethĩwa aĩ nthĩnĩ wa mwĩĩ, kana ndaĩ nthĩnĩ wa mwĩĩ, ndyĩsĩ; Ngai nĩwĩsĩ),</verse>
				<verse number="4">ũndũ wambatiw’e alikw’a Ũseonĩ, na eew’a ndeto ila itaweteka, na ila itaĩle mũndũ kwineena.</verse>
				<verse number="5">Kwondũ wa mũndũ ũtilyĩ ta ũsu ngeekathĩĩa; ĩndĩ kwondũ wakwa ndiĩkathĩĩa, ate o mawonzunĩ makwa.</verse>
				<verse number="6">Nũndũ o na ngethĩwa ngyenda kwĩkathĩĩa, ndikethĩwa nĩ mũtumanu; nũndũ nganeena w’o: ĩndĩ nĩngũeka, nĩ kana mũndũ o na wĩva ndakandalĩle mbee wa ũndũ wonaa niilyĩ, kana ũla wĩw’aa kuma kwakwa.</verse>
				<verse number="7">Na kwondũ wa movuan’yo asu manene mũno mavĩtũku, nĩ kana ndikethĩwe ngĩnenevya mbee wa ũndũ naĩlwe, nanengiwe mwĩw’a mwĩĩnĩ wakwa, mũtũmwa wa Satani wa kũnumangya, nĩ kana ndikenenevye mbee wa ũndũ naĩlwe.</verse>
				<verse number="8">Kwondũ wa kindũ kyu navoya Ngai katatũ, ni kana kyume kwakwa.</verse>
				<verse number="9">Nake ambĩa, Mumo wakwa nũkwĩanĩe: nĩkwĩthĩwa vinya wakwa wĩanĩe vala ve wonzu. Ngeekathĩĩa ĩndĩ wonzunĩ wakwa na ũtanu mwingĩ, nĩ kana vinya wa Klĩsto wĩkalae ĩũlũ wakwa.</verse>
				<verse number="10">Kwondũ wa ũu nĩtanaa mawonzunĩ, na mbũthyanĩ, na mavatanĩ, na mathĩnanĩ, na monyamaonĩ, kwondũ wa Klĩsto: nĩkwĩthĩwa yĩla nĩ mwonzu, nĩvo nĩ na vinya.</verse>
				<verse number="11">Nĩtw’ĩkĩte mũtumanu: nĩ inyw’ĩ mwatumie nĩka ũu; nũndũ nyie naĩle kũkathwa nĩ inyw’ĩ: nũndũ ndyaĩ ĩtina wa atũmwa ala me mbee kwa ũndũ o na ũmwe, o na kau nyie ti kĩndũ.</verse>
				<verse number="12">Nĩ w’o, maũndũ ala monanasya mũtũmwa nĩmeekiwe kwenyu na wũmĩĩsyo w’onthe, na syama na maũndũ ma ũseng’ya na mavinya.</verse>
				<verse number="13">Nũndũ nĩ ũndũnĩ mwaũ mũnyivĩwe kwĩ makanisa ala angĩ, ate o kana nyie ndyaĩ mũio kwenyu? Ndekeai ĩvĩtyo yĩu.</verse>
				<verse number="14">Sisyai, yĩĩ nĩ ya katatũ nĩyũmbanĩtye kũka kwenyu; na ndikethĩwa nĩ mũio kwenyu: nũndũ ndiũmantha syĩndũ syenyu, ĩndĩ nĩ inyw’ĩ: nũndũ syana ityaĩlwe nĩ kũmbanĩsya asyai, ĩndĩ asyai nĩmaĩlwe nĩ kũmbanĩsya syana.</verse>
				<verse number="15">Nakwa nyie nganengane na ũtanu mwingi na kwĩnengane vyũ kwondũ wenyu. Ethĩwa nyie nĩmwendaa mũno mbee, nĩw’o ũtuma mũnyivya kũmbenda?</verse>
				<verse number="16">Ĩndĩ o na ethĩwa nĩ ũu, nyie mwene ndyaamwilĩĩla mũio; ĩndĩ kwa kwĩthĩwa nĩ mũĩ, namũkwatie na ũseleke.</verse>
				<verse number="17">Nĩmũsesengetwe nĩ ũmwe o na wĩva wa ala natũmie kwenyu?</verse>
				<verse number="18">Namũtaie Tito, na natũmie ũla mwana‐a‐asa vamwe nake. Tito nĩwamũsesengie? Tũiaendaa na Veva o ũmwe? Na matambya o amwe?</verse>
				<verse number="19">Na ĩvinda yĩĩ yonthe mwaasya kana nĩtũkwĩmila kwenyu. Mbee wa Ngai tũneenaa nthĩnĩ wa Klĩsto. Ĩndĩ maũndũ onthe, endwa, nĩ kwondũ wa kũmwaka.</verse>
				<verse number="20">Nũndũ nĩngũkĩa, kũikethĩwe kwa ũndũ o na wĩva, yĩla nĩũka, nĩmwone mũilyĩ ũndũ ndekwenda, nakwa mwene noneke nĩ inyw’ĩ nĩilyĩ ũndũ mũtekwenda; kũikethĩwe kwa undũ o na wĩva ĩteta, na kĩwĩu, na mothiliku, na ngananĩo, na nzukũ, na kũwetana na kĩwe, na mĩyimbyo na ituu;</verse>
				<verse number="21">nakwa yĩla nĩũka ĩngĩ Ngai wakwa ndakese kũnyivya mbee wenyu, nise kwĩthĩwa na kĩmako ũndũ wa aingĩ ala meekie naĩ, na matyaalyũla ngoo ũndũ wa ũvuku na ũlaalai na mĩmeo mĩthũku ala meekie.</verse>
			</chapter>
			<chapter number="13">
				<verse number="1">Yũka yĩĩ niũka kwenyu nĩ ya katatũ. Ũndũ wa makanyw’a ma ngũsĩ ili kana itatũ kĩla ũndũ ũkalũlũmĩlw’a.</verse>
				<verse number="2">Nambie kũneena na nĩngũneena ĩngĩ nde vo, o tondũ namũtavisye yĩla naĩ nenyu ĩvinda ya kelĩ, no ta ũu yu, kana ala meekie naĩ na vu tene na ala angĩ onthe, ethĩwa nĩngũka ĩngĩ, ndiĩw’ĩa tei;</verse>
				<verse number="3">nũndũ nĩmũkũmantha ũndũ wa kũmũmanyĩthya kana Klĩsto nĩwe ũneenaa nthĩnĩ wakwa; ũla ũte mwonzu kwenyu, ĩndĩ e na vinya nthĩnĩ wenyu:</verse>
				<verse number="4">nũndũ ambiwe kwondũ wa wonzu, ĩndĩ e thayũ kwondũ wa vinya wa Ngai. Nũndũ ithyĩ naitũ twĩ onzu nthĩnĩ wake, ĩndĩ tũkeethĩwa thayũ vamwe nake kwondũ wa vinya Ngai ũla welekele kwenyu.</verse>
				<verse number="5">Ĩthimei inyw’ĩ ene, kana mwĩ ũla mũĩkĩĩonĩ; iosyei inyw’ĩ ene. Kana mũtyĩsĩ ũndũ wenyu, atĩ Yesũ Klĩsto e nthĩnĩ wenyu? Ate ũu mwĩthĩwa mũleetwe.</verse>
				<verse number="6">Ĩndĩ nĩngwĩkwatya kana mũkamanya kana ithyĩ tũtileetwe.</verse>
				<verse number="7">Na yu twĩmũvoya Ngai kana mũikeke naĩ; ti kana ithyĩ twoneke twĩtĩkĩlwe, ĩndĩ nĩ kana inyw’ĩ mwĩke ũla waĩle, o na kau nĩ ta tũleetwe.</verse>
				<verse number="8">Nũndũ tũtitonya kwĩka ũndũ o na wĩva wa ũsiĩĩa ũla w’o, ĩndĩ no kwa ngalĩ ya ũla w’o.</verse>
				<verse number="9">Nũndũ nĩtũtanaa, yĩla ithyĩ twĩ onzu, na inyw’ĩ mwĩ na vinya: na ĩngĩ nĩtũvoyeaa ũndũ ũũ naw’o, nĩ kana mwĩanĩe.</verse>
				<verse number="10">Kwondũ wa ũu nĩandĩka maũndũ aa nde vo, nĩ kana yĩla nĩĩthĩwa vo ndikeke ũndũ na ũkandĩa, kwĩanana na ũkũmũ ũla Mwĩaĩi wanengie kwondũ wa kwaka, na ti kũomboa.</verse>
				<verse number="11">Na kũminũkĩlya, ana‐a‐asa, ĩkalai na ũvoo. Ianĩai; kiakiw’ai; ĩthĩwai na kĩlilikano kĩmwe; ĩkalai mũuonĩ: na Ngai wa wendo na mũuo akeethĩwa nenyu.</verse>
				<verse number="12">Kethan’yai na ũmumunyano mũtheu.</verse>
				<verse number="13">Atheu onthe nĩmamũkethya.</verse>
				<verse number="14">Mumo wa Mwĩaĩi Yesũ Klĩsto, na wendo wa Ngai, na mũamba wa Veva Mũtheu, nĩmethĩwe nenyu inyw’onthe.</verse>
			</chapter>
		</book>
		<book number="48">
			<chapter number="1">
				<verse number="1">Vaulo, mũtũmwa (ti kuma kwa andũ kana kwondũ wa mũndũ, ĩndĩ nĩ kwondũ wa Yesũ Klĩsto, na Ngai Asa, ũla wamũthayũũkisye kũmumya kwa akw’ũ),</verse>
				<verse number="2">na ana‐a‐asa onthe ala me vamwe nakwa, valũa ũũ witũ ũmavikĩe makanisa ma Kalatia:</verse>
				<verse number="3">Mumo nĩwĩthĩwe kwenyu na mũuo kuma kwa Ngai Asa, na kwa Mwĩaĩi waitũ Yesũ Klĩsto,</verse>
				<verse number="4">ũla wenenganie mwene kwondũ wa naĩ sitũ, nĩ kana atũtangĩĩe tume nthĩ ĩno nthũku ya ĩvinda yĩĩ, kwĩanana na kwenda kwa Ngai, Asa waitũ:</verse>
				<verse number="5">ndaĩa nĩyĩthĩwe kwake tene na tene, Ameni.</verse>
				<verse number="6">Nĩngũseng’a nũndũ nĩmũũthamw’a na mĩtũkĩ ta ũu na kũmũtia ũla wamwĩtie nthĩnĩ wa mumo wa Klĩsto na kũkwata ũvoo mũseo ũngĩ;</verse>
				<verse number="7">naw’o ti ũvoo mũseo ũngĩ: ĩndĩ kwĩ amwe ala meũmũthĩn’ya, nao meenda kũalyũla ũvoo mũseo wa Klĩsto.</verse>
				<verse number="8">Ĩndĩ o na ethĩwa nĩ ithyĩ, kana mũlaĩka wumĩte ĩtunĩ, ũnũũtavan’ya kwenyu ũvoo mũseo ũngĩ o na wĩva eka ũla twamũtavisye, ũsu nĩethĩwe anathema (ũalyũlo wayo nĩ, mũumanĩe).</verse>
				<verse number="9">O tondũ twamba ũneena, nĩw’o ngũneena ĩngĩ yu, Ethĩwa mũndũ o na wĩva w’onthe emũtavya ũvoo mũseo ũngĩ eka ũla mwosete, ũsu nĩethĩwe anathema (ũalyũlo wayo nĩ, mũumanĩe).</verse>
				<verse number="10">Nũndũ yu nĩmantha kwĩtĩkĩlwa nĩ andũ, kana nĩ Ngai? Kana nĩĩthing’ĩĩsya kwendeesya andũ? Ethĩwa kũvika o na yu nĩendeesya andũ, ndyĩthĩwa nĩ ngombo ya Klĩsto.</verse>
				<verse number="11">Nũndũ nĩngũmũmanyĩthya, ana‐a‐asa, ũndũ wa ũla ũvoo mũseo namũtavisye, kana ũvoo ũsu ti wa mũndũ.</verse>
				<verse number="12">Nũndũ ndyaawosa kwa mũndũ, na ndyaaũmanyĩw’a, ĩndĩ nĩwookie kwakwa nũndũ wa ũvuan’yo wa Yesũ Klĩsto.</verse>
				<verse number="13">Nũndũ nĩmwĩw’ĩte ũvoo wa mwĩkalĩle wakwa wa tene mũthaithĩlenĩ wa Ayuti, ũndũ nathĩnisye ĩkanisa ya Ngai kũthonoka kũthima, na kũyananga:</verse>
				<verse number="14">nakwa naendeee ũla mũthaithĩlenĩ wa Ayuti kũvĩta aingĩ ma mbaĩ yakwa ala maĩ ĩika yĩmwe nakwa, kwa kwĩthĩwa naĩ na ũthangaau mũnene nũndũ wa mokũũ ma aasa makwa.</verse>
				<verse number="15">Ĩndĩ yĩla Ngai wonie nĩ ũseo, ũla wambathũkanisye, o na kuma ĩvunĩ ya mwaitũ, na ambĩta kwondũ wa mumo wake,</verse>
				<verse number="16">kwonan’ya Mwana wake nthĩnĩ wakwa, kana nĩmũtavan’ye kwa Andũ‐ma‐mbaĩ‐ingĩ; yu ndyaasũanĩa na andũ me na mwĩĩ na nthakame:</verse>
				<verse number="17">o na ndyaambata Yelusaleme kwa ala mai atũmwa mbee wakwa: ĩndĩ naendie nthĩ ya Alavu; na ĩngi naalũka Ndamasiku.</verse>
				<verse number="18">Ĩndĩ ĩtina wa myaka ĩtatũ nambatie Yelusaleme kũmanyana na Keva, na nekala nake matukũ ĩkũmi na atano.</verse>
				<verse number="19">Ĩndĩ ndyaamona atũmwa ala angĩ, ate o Yakovo mwana‐a‐inyia wa Mwĩaĩi.</verse>
				<verse number="20">Na ũvoo wa maũndũ ala ngũmũandĩkĩa, sisyai, mbee wa Ngai, ndiũneena ũvũngũ.</verse>
				<verse number="21">Na ĩtina naendie nthĩ ya Silia na Silisia.</verse>
				<verse number="22">Na ĩvinda yĩu ndyeesĩkĩwe ũthyũ wakwa nĩ makanisa ma Yutia ala maĩ nthĩnĩ wa Klĩsto:</verse>
				<verse number="23">ĩndĩ meew’ĩte kũineenwa tũ, Ũla watũthĩnasya tene, yu nũtavanasya mũĩkiĩo ũla wanangaa tene;</verse>
				<verse number="24">nao mataĩa Ngai kwondũ wakwa.</verse>
			</chapter>
			<chapter number="2">
				<verse number="1">Na ĩndĩ ĩtina wa myaka ĩkũmi na ina, nambatie ĩngĩ Yelusaleme nyie na Valanava, na Tito naĩ nake.</verse>
				<verse number="2">Nakwa nambatie nũndũ nĩnavuanĩw’e; na nĩnamonisye ũvoo mũseo ũla nĩtavanasya kwa Andũ‐ma‐mbaĩ‐ingĩ, ĩndĩ nĩnamatavisye ala maĩ na nguma me oka, nĩ kana kwa ũndũ o na wĩva ndikethĩwe ngĩsemba mana, kana nasembie mana.</verse>
				<verse number="3">Ĩndĩ o na Tito ũla waĩ vamwe nakwa, nake aĩ Mũkiliki, ndaathing’ĩĩw’a kwaĩkwa:</verse>
				<verse number="4">na ũu nĩ kwondũ wa ana‐a‐asa ma ũvũngũ ala malikilw’e nthĩnĩ na kĩmbithĩ, ala mavotie na kĩmbithĩ mathiane kũthaw’a kwitũ kũla twĩ nakw’o nthĩnĩ wa Klĩsto Yesũ, nĩ kana matũtwae ũkombonĩ:</verse>
				<verse number="5">nao tũtyaamanenga ũthei ta kũmenyivĩsya, aiee, o na saa ũmwe; nĩ kana ũla w’o wa ũvoo mũseo wikale nenyu.</verse>
				<verse number="6">Ĩndĩ kwa asu ala maĩ na nguma ya kwĩthĩwa nĩ anene (ũndũ mekalile, vai ũndũ kwakwa: Ngai ndendeeaw’a nĩ wũmbe wa mũndũ) — nao, nĩasya, ala maĩ na nguma matyaambongeleela ũndũ:</verse>
				<verse number="7">ĩndĩ ngalĩ ĩla, ĩngĩ, yĩla moonie kana nĩwaiiwe kwakwa ũvoo mũseo nĩtavan’ye kwa ala mate aĩke, o ũndũ Vetelo waĩ na ũvoo mũseo aitavan’ya kwa ala aĩke</verse>
				<verse number="8">(nũndũ ũla wamũtonyethisye Vetelo kwĩthĩwa mũtũmwa kwa asu aĩke wandonyethisye nĩtw’ĩke mũtũmwa kwa Andũ‐ma‐mbaĩ‐ingĩ);</verse>
				<verse number="9">na yĩla mamanyie ũla mumo nanengiwe, Yakovo na Keva na Yoana, ala matalawa kwĩthĩwa nĩmo ituĩ, manengie nyie vamwe na Valanava moko ma aũme ma mũamba, nĩ kana ithyĩ tũthi kwa Andũ‐ma‐mbaĩ‐ingĩ, nao mathi kwa ala maĩkawa;</verse>
				<verse number="10">ĩndĩ no ũndũ ũmwe mendie nĩ kana tũmalilikane ala ngya; naw’o ũndũ ũsu naĩ na ũthangaau kũwĩka.</verse>
				<verse number="11">Ĩndĩ yĩla Keva wokie Andiokia, nĩnamũkananĩsye twenene, nũndũ aĩ mũsilĩle kwĩthĩwa nĩ mũvĩtan’ya.</verse>
				<verse number="12">Nũndũ mbee wa andũ amwe matanauma kwa Yakovo, aĩsaa lĩu na Andũ‐ma‐mbaĩ‐ingĩ; ĩndĩ yĩla mookie, atundua na eevathana nao, aimakĩa asu ala maĩkawa.</verse>
				<verse number="13">Na Ayuti ala angĩ meealyũlile vamwe nake; o na Valanava nĩwaiwe nĩ wangangan’yo woo.</verse>
				<verse number="14">Ĩndĩ yila noonie kana maiendaa na mĩendele myaĩlu kwĩanana na ũla w’o wa ũvoo mũseo, namũtavĩsye Keva mbee wamo onthe, Ethĩwa we, wĩ Mũyuti, ũvikĩlaa maũndũ ma Andũ‐ma‐mbaĩ‐ingĩ, na ti ala ma Ayuti, kũilyĩ ata we kũingĩĩsya Andũ‐ma‐mbaĩ‐ingĩ kũvikĩlaa maũndũ ma Ayuti?</verse>
				<verse number="15">Ithyĩ ala twĩ Ayuti kwa mũtuo witũ, na ti andũ athe ma Andũ‐ma‐mbaĩĩngi,</verse>
				<verse number="16">ĩndĩ twĩsĩ mũndũ ndatalĩlawa ũlũngalu kwondũ wa meko ma ĩla mĩao ĩndĩ nĩ kwondũ wa kũĩkĩĩa Yesũ Klĩsto, o naitũ nĩtwĩtĩkĩlĩte Klĩsto Yesũ, nĩ kana tũtalĩlwe ũlũngalu nũndũ wa kũmũĩkĩĩa Klĩsto, na ti kwa meko ma ĩla mĩao: nĩkwĩthĩwa kwondũ wa meko ma ĩla miao vai mwĩĩ ũtonya kũtalĩlwa ũlũngalu.</verse>
				<verse number="17">Ĩndĩ ethĩwa, yĩla twamanthie kũtalwa kwĩthĩwa alũngalu nthĩnĩ wa Klĩsto, ithyĩ naitũ twonekie twĩ andũ athe, Klĩsto nĩ mũthũkũmi wa naĩ? Aiee, kũikethĩwe ũu.</verse>
				<verse number="18">Nũndũ ethĩwa nĩngwaka ĩngĩ maũndũ asu ala naanangie, nĩngwĩyonan’ya kana nĩ mũvĩtan’ya.</verse>
				<verse number="19">Nũndũ kwa nzĩa ya ĩla mĩao nĩnakwie kwa ĩla mĩao, nĩ kana nĩthĩwe thayũ kwa Ngai.</verse>
				<verse number="20">Nĩnambiwe ngelan’yonĩ vamwe na Klĩsto; na tii nyie nĩ thayũ ĩngĩ, ĩndĩ no Klĩsto wĩ thayũ nthĩnĩ wakwa: na thayũ ũũ nĩ naw’o yu mwĩĩnĩ nĩngwĩkala naw’o mũĩkĩĩonĩ, mũĩkĩĩo ũla wĩ nthĩnĩ wa Mwana wa Ngai, ũla wambendie, na eenengane kwondũ wakwa.</verse>
				<verse number="21">Ndiũvetanga mumo wa Ngai: nũndũ ethĩwa ũlũngalu wonekaa kwondũ wa ĩla mĩao, Klĩsto akeethĩwa ta wakwie mana.</verse>
			</chapter>
			<chapter number="3">
				<verse number="1">Inyw’ĩ Akalatia mũte na kĩlĩko, nũũ, ũla ũmũalyũlĩte inyw’ĩ ala Yesũ Klĩsto wonanĩtw’e nesa mbee wa metho menyu ambĩtwe?</verse>
				<verse number="2">Nĩngwenda kũmanya ũndũ ũũ ũmwe kwenyu, Mwosete ũla Veva nũndũ wa meko ma ĩla mĩao, kana nũndũ wa kwĩw’a kumĩte mũĩkĩĩonĩ?</verse>
				<verse number="3">Kaĩ, mũtumanĩte ũũ? Mwambĩlĩlye Vevanĩ, na yu mwĩĩanĩw’a mwĩĩnĩ?</verse>
				<verse number="4">Nĩmwathĩnie mathĩna maingĩ meana ũu mana? Ethĩwa nĩ w’o ni mana.</verse>
				<verse number="5">Ĩndĩ we ũla ũmũnengae ũla Veva, na kwĩka mavinya katĩ wenyu, nĩwĩkaa kwondũ wa meko ma ĩla mĩao, kana nũndũ wa kwĩw’a kumĩte mũĩkĩĩonĩ?</verse>
				<verse number="6">O ũndũ Avalaamu wetĩkĩlile Ngai, na nĩkwatalilwe kwake kwĩthĩwa ũlũngalu.</verse>
				<verse number="7">Manyai ĩndĩ kana ala me na mũĩkĩĩo, asu nĩo ana ma Avalaamu.</verse>
				<verse number="8">Na ũandĩko, woonie mbee kana Ngai akamatalĩla Andũ‐ma‐mbaĩ‐ingĩ ũlũngalu kwondũ wa mũĩkĩĩo, watavisye Avalaamu ũvoo mũseo tene, ũkyasya, Nthĩnĩ waku mbaĩ syonthe nikaathimwa.</verse>
				<verse number="9">Na kwondũ wa ũu ala ma mũĩkĩĩo nĩmaathimĩtwe vamwe na Avalaamu ũla waĩ mũĩkĩĩi.</verse>
				<verse number="10">Nũndũ onthe ala ma meko ma ĩla mĩao me ungu wa kĩumo: nũndũ nĩkũandĩkĩtwe, Nũumanĩwe kĩla mũndũ ũtekalaa aiĩkaa maũndũ onthe ala maandĩkĩtwe ĩvukunĩ ya mĩao.</verse>
				<verse number="11">Ĩndĩ nĩkwonekete kana vai mũndũ ũtalĩlawa ũlũngalu kwa Ngai kwondũ wa ĩla mĩao: nũndũ, Ũla mũlũngalu akekala thayũ kwondũ wa mũĩkĩĩo;</verse>
				<verse number="12">na ĩla mĩao ti ya mũĩkĩĩo; ĩndĩ, Ũla wĩkaa maũndũ ma ĩla mĩao akekala thayũ nthĩnĩ wayo.</verse>
				<verse number="13">Klĩsto atwovoisye kuma kĩumonĩ kya ĩla mĩao, nũndũ nĩwatw’ĩkie kĩumo kwondũ witũ; nĩkwĩthĩwa nĩkũandĩkĩtwe, Nũumanĩwe, kĩla mũndũ ũsũaw’a mũtĩnĩ ĩũlũ:</verse>
				<verse number="14">nĩ kana ũathimo wa Avalaamu nthĩnĩ wa Klĩsto Yesũ ũtonye ũmavikĩa Andũ‐ma‐mbaĩ‐ingĩ; nĩ kana ithyĩ tũtonye kwosa watho wa Veva kwondũ wa mũĩkĩĩo.</verse>
				<verse number="15">Ana‐a‐asa, nĩngũneena o tondũ andũ makothaa kũneena: O na ethĩwa no ũtianĩo wa mũndũ, ĩndĩ yĩla ũlũlũmĩlw’e, vai mũndũ ũkoveta, kana kũwongela ũndũ.</verse>
				<verse number="16">Na ĩndĩ Avalaamu nĩwe wataviw’e matho, na ũsyao wake. Ndaasya, Kwa mosyao, ta andũ aingĩ; ĩndĩ ta mũndũ ũmwe, Kwa ũsyao waku, naw’o nĩ Klĩsto.</verse>
				<verse number="17">Ĩndĩ nĩngũneena ũũ: Ũtianĩo walũlũmĩlw’e mbee nĩ Ngai, ĩla mĩao, ĩla yokie ĩtina wa myaka maana ana na mĩongo ĩtatũ, ndyaananga, ta kũtw’ĩkĩthya watho ta wa mana.</verse>
				<verse number="18">Nũndũ ethĩwa ũtiĩwa nĩ kwondũ wa ĩla mĩao, ti wa watho ĩngĩ: ĩndĩ Ngai amũnengie Avalaamu nũndũ wa watho.</verse>
				<verse number="19">Ĩndĩ ĩla mĩao nĩ myaũ? Yongeleelwe nũndũ wa mavĩtyo, kũvika yĩla ũsyao ũkoka ũla wathiwe watho; na yatwiwe nĩ alaĩka ĩnenganĩtwe na kw’oko kwa mwĩw’anĩthya.</verse>
				<verse number="20">Ĩndĩ mwĩw’anĩthya ndethĩawa mwĩw’anĩthya wa ũmwe; ĩndĩ Ngai ni ũmwe.</verse>
				<verse number="21">Ĩndĩ mĩao ko ĩkananĩsye matho ma Ngai? Aiee: kũikethĩwe ũu: nũndũ ethĩwa kwaĩ mwĩao wanenganiwe ũla ũtonya kũnenga andũ thayũ, nĩ w’o ũlũngalu wĩthĩwa waĩ wa ĩla mĩao.</verse>
				<verse number="22">Ĩndĩ maandĩko nĩmavingĩĩte maũndũ onthe ungu wa naĩ, nĩ kana watho kwondũ wa mũĩkĩĩo nthĩnĩ wa Yesũ Klĩsto, ũtonye ũnengwa ala metĩkĩlaa.</verse>
				<verse number="23">Ĩndĩ mbee wa mũĩkĩĩo ũtanoka, twekalĩte twovetwe ungu wa mĩao, tũvingĩĩtwe kũvika ũla mũĩkĩĩo ũkonanw’a.</verse>
				<verse number="24">Kwondũ wa ũu ĩla mĩao yatw’ikie mũmanyĩsya waitũ kũtũete kwa Klĩsto, nĩ kana tũtonye kũtalĩlwa ũlũngalu kwondũ wa mũĩkĩĩo.</verse>
				<verse number="25">Ĩndĩ yu, mũĩkĩĩo wooka, tũi ungu wa mũmanyĩsya ĩngĩ.</verse>
				<verse number="26">Nũndũ inyw’onthe mwĩ ana ma Ngai, kwondũ wa mũĩkĩĩo, nthĩnĩ wa Klĩsto Yesũ.</verse>
				<verse number="27">Nũndũ inyw’ĩ o ala mwavatisiwe kũlikw’a nthĩnĩ wa Klĩsto nĩmwĩvw’ĩkĩte Klĩsto.</verse>
				<verse number="28">Kũitonya kwĩthĩwa Mũyuti o na Mũkiliki, na kũitonya kwĩthĩwa mwove na ũte mwove, na kũitonya kwĩthĩwa mũndũ mũũme na mũndũ mũka; nũndũ inyw’onthe mwĩ ũmwe nthĩnĩ wa Klĩsto Yesũ.</verse>
				<verse number="29">Na ethĩwa mwĩ ma Klĩsto, mwĩ ũsyao wa Avalaamu, na atiĩwa kwĩanana na watho.</verse>
			</chapter>
			<chapter number="4">
				<verse number="1">Ĩndĩ nĩneena kana ĩvinda ya mũtiĩwa e kana, nde kĩvathũkan’yo na ngombo, o na kau nĩ mwene wa syĩndũ syonthe;</verse>
				<verse number="2">ĩndĩ ke ungu wa asũvĩi na asyaĩĩsya ma syĩndũ syako, kũvika ũla mũthenya watwiwe nĩ ĩthe.</verse>
				<verse number="3">Naitũ no ta ũu, yĩla twaĩ syana, twalũlũmĩlw’e ũkombonĩ momanyĩsyonĩ ma kwambĩlĩlya ma nthĩ:</verse>
				<verse number="4">ĩndĩ wianĩu wa ĩvinda wooka, Ngai atũma Mwana wake, wasyaiwe nĩ mũndũ mũka, wasyaiwe ungu wa ĩla mĩao,</verse>
				<verse number="5">nĩ kana amovosye asu ala maĩ ungu wa ĩla mĩao, nĩ kana tũtuwe ana.</verse>
				<verse number="6">Na kwa kwĩthĩwa mwĩ ana, Ngai atũmie Veva wa Mwana wake alike ngoonĩ sitũ, akĩtanaa, akyasya, Nau, Asa.</verse>
				<verse number="7">Na yu ndwĩ ngombo ĩngĩ, ĩndĩ wĩ mwana; na ethĩwa wĩ mwana, wĩ mũtiĩwa ĩndĩ kwondũ wa Ngai.</verse>
				<verse number="8">Ĩndĩ ĩvinda yĩu, kwa kwĩthĩwa mũtyamwĩsĩ Ngai, mwatwĩe mwĩ ngombo sya ngai ila kwa mũtuo wasyo ti ngai:</verse>
				<verse number="9">ĩndĩ yu mwamũmanya Ngai, kana kavaa kwasya nĩmwĩsĩkĩwe nĩ Ngai, mũtonya ata kwĩthyũũa na kũsyokea ĩngĩ momanyĩsyo ma kwambĩlĩlya ala monzu na ala mate vata, ala kwondũ wamo nĩmũkwenda kũsyoka ũkombonĩ ĩngĩ?</verse>
				<verse number="10">Nĩmũsũvĩaa mĩthenya, na myei, na mavinda, na myaka.</verse>
				<verse number="11">Nĩngũkĩa nũndũ wenyu, no kwĩthĩwa nathĩnĩe wĩa kwondũ wenyu mana.</verse>
				<verse number="12">Nĩngũmwĩsũva, ana‐a‐asa, ĩthĩwai tondũ nĩilyĩ, nĩkwĩthĩwa nyie nĩilyĩ tondũ inyw’ĩ mũilyĩ. Mũtyaambĩka naĩ:</verse>
				<verse number="13">ĩndĩ nĩmwĩsĩ kana nũndũ wa wonzu wa mwĩĩ ĩvinda ya mbee nĩnatavanisye ũvoo mũseo kwenyu:</verse>
				<verse number="14">na ũndũ ũla waĩ ũtatwa kwenyu mwĩĩnĩ wakwa mũtyaavũthya, kana kũlea; ĩndĩ mwambosa ta mũlaĩka wa Ngai, o ta Klĩsto Yesũ.</verse>
				<verse number="15">Kũĩva ĩndĩ kwĩyĩta aathime? Nũndũ nĩngũmũkũsĩĩa, kana, kethĩwa nĩ ũndũ ũla waĩ ũtonyeka, mwĩthĩwa mwanumĩsye metho menyu mũkanenga.</verse>
				<verse number="16">Na ĩndĩ yu nĩtw’ĩkĩte mũmaitha wenyu, nũndũ wa kũmũtavya ũla w’o?</verse>
				<verse number="17">Nĩmeũmũmantha na ũthangaau, ĩndĩ ti kwa ũseo; aiee, nĩmekwenda kũmũvingĩa nza, nĩ kana inyw’ĩ mũmamanthe.</verse>
				<verse number="18">Ĩndĩ nĩ ũseo kũmanthawa na ũthangaau ũndũnĩ ũseo mavinda onthe, na ti o yĩla nĩ vamwe nenyu.</verse>
				<verse number="19">Syana syakwa nini, ĩla ngwaũnyĩa ĩngĩ mũvaka Klĩsto ombĩke nthĩnĩ wenyu,</verse>
				<verse number="20">ĩĩ, nenda nĩthĩwe vamwe nenyu oyu, na kũalyũla wasya wakwa; nũndũ nĩngũsaanĩw’a nĩ inyw’ĩ.</verse>
				<verse number="21">Ndavyaĩ, inyw’ĩ ala mũkwenda kwĩthĩwa ungu wa mĩao, mũtimĩw’aa ĩla mĩao?</verse>
				<verse number="22">Nũndũ nĩkũandĩkĩtwe, kana Avalaamu aĩ na ana elĩ aũme, ũmwe asyaĩtwe nĩ ngombo, na ũngĩ asyaĩtwe nĩ mũndũ mũka ũtaĩ ngombo.</verse>
				<verse number="23">Ĩndĩ mwana ũla wasyaiwe nĩ ngombo asyaiwe kwondũ wa mwĩĩ; na mwana ũla wasyaiwe nĩ mũndĩ mũka ũtaĩ ngombo asyaiwe kwondũ wa watho.</verse>
				<verse number="24">Maũndũ asu me na ngelekan’yo: nũndũ aka asu nĩ motianĩo elĩ; ũmwe waumie kĩĩmanĩ kya Sinai, ũla ũsyaaa syana sya ũkombo, naw’o nĩ Akali.</verse>
				<verse number="25">Na Akali ũsu nĩ kĩĩma kya Sinai kĩla kĩ nthĩ ya Alavu, na kĩvw’anene na Yelusaleme ya ĩvinda yĩĩ: nũndũ ĩ ũkombonĩ vamwe na syana syayo.</verse>
				<verse number="26">Ĩndĩ Yelusaleme ĩla yĩ ĩũlũ nĩ nthasye, nayo nĩ inyia waitũ.</verse>
				<verse number="27">Nũndũ nĩkũandĩkĩtwe, Tana, we ngũngũ ũtaasyaa; Ũkĩlya wasya ũsĩĩlĩle, we ũla ũtaaũnya: Nũndũ syana sya ũla ũtwĩe e weka nĩ mbingĩ kũte sya ũla wĩ na mũũme.</verse>
				<verse number="28">Ĩndĩ ithyĩ, ana‐a‐asa, twĩ syana sya watho, o ta Isaka.</verse>
				<verse number="29">Ĩndĩ o ta ĩvinda yĩu, ũla wasyaiwe kwondũ wa mwĩĩ athĩnisye ũsu wasyaiwe kwondũ wa veva, na ĩvinda yĩĩ no ta ũu.</verse>
				<verse number="30">Ĩndĩ maandĩko measya ata? Mũlũngye mũndũ mũka ngombo na mwana wake: nũndũ mwana wa ngombo ndakatiĩwa vamwe na mwana wa ũla ũte ngombo.</verse>
				<verse number="31">Kwondũ wa ũu, ana‐a‐asa, ithyĩ tũi syana sya ngombo, ĩndĩ twĩ syana sya mũndũ mũka ũte ngombo.</verse>
			</chapter>
			<chapter number="5">
				<verse number="1">Kwa kũthaw’a, Klĩsto nũtũthaĩtye: kwondũ wa ũu ũngamai na ũlũmu, mũikalingisane ĩngĩ kwovwanĩ kwa ũkombo.</verse>
				<verse number="2">Sisyai, nyie Vaulo nĩmwĩa, mwaĩkwa, Klĩsto ndakamũuna na ũndũ nongi.</verse>
				<verse number="3">Ĩĩ, nĩngũkũsĩĩa ĩngĩ kĩla mũndũ ũla waĩkawa, kana e na thiĩ wa kwĩka ĩla mĩao yonthe.</verse>
				<verse number="4">Nĩmũtaanĩtw’e na Klĩsto, inyw’ĩ ala mũkwenda kũtalĩlwa ũlũngalu kwondũ wa ĩla mĩao; nĩmwavalũkĩte kuma mumonĩ.</verse>
				<verse number="5">Nũndũ ithyĩ kwondũ wa ũla Veva nĩtweteelaa wĩkwatyo wa ũlũngalu kwa nzĩa ya mũĩkĩĩo.</verse>
				<verse number="6">Nũndũ nthĩnĩ wa Klĩsto Yesũ kwaĩkwa kũiaĩlya ũndũ, kana kũlea kwaĩkwa; ĩndĩ mũĩkĩĩo ũla ũtethasya wĩa kwondũ wa wendo.</verse>
				<verse number="7">Mwasembete nesa; nũũ ũla wamũsiĩĩe mũikawĩw’e ũla w’o?</verse>
				<verse number="8">Kũsesengwa ku kũtyumĩte kwa ũla ũmwĩtaa.</verse>
				<verse number="9">Ĩlawa ĩnini nĩyĩkaatasya kĩmũtũ kyonthe.</verse>
				<verse number="10">Nĩngũmũĩkĩĩa inyw’ĩ mũno nthĩnĩ wa Mwĩaĩi, kana mũikethĩwa na kĩlilikano kĩngĩ: ĩndĩ ũla ũmũthĩnasya akakua ũsilĩlo wake mwene, o na ethĩwa nũũ.</verse>
				<verse number="11">Ĩndĩ nyie, ana‐a‐asa, ethĩwa nĩtavan’ya nzaĩko kũvika o na yu, nĩthĩnĩaw’a kĩ? Ethĩwa ũu nĩ w’o ũlulutĩkyo wa ngelan’yo nũvetetwe.</verse>
				<verse number="12">Nenda asu meũmũthingithya maketile e mo ene.</verse>
				<verse number="13">Nũndũ inyw’ĩ, ana‐a‐asa, mwetiwe mwĩthĩwe mwĩ athasye; ĩndĩ kũthaw’a kwenyu kũikethĩwe ũthei wa kwendeesya mwĩĩ, ĩndĩ thũkũmanai ene kwa ene kwondũ wa wendo.</verse>
				<verse number="14">Nũndũ ĩla mĩao yonthe ĩanĩw’e ndetonĩ ĩmwe, nayo nĩ ĩno: Mwende mũtũi waku o ũndũ wĩyendete mwene.</verse>
				<verse number="15">Ĩndĩ ethĩwa nĩmũkũumana na kũĩsana inyw’ĩ kwa inyw’ĩ, ĩsũviei mũikaminane inyw’ĩ kwa inyw’ĩ.</verse>
				<verse number="16">Ĩndĩ nĩneena, Kinyaai mũtongoew’e nĩ Veva, na mũikeanĩsya mĩmeo ya mwĩĩ.</verse>
				<verse number="17">Nũndũ mwĩĩ nĩwendaa ũkĩlan’ya vinya na ũla Veva, na Veva ũkĩlan’ya na mwĩĩ; nũndũ asu elĩ me na kaũ ene kwa ene; nĩ kana mũikatonye kwĩka maũndũ ala mũkwenda.</verse>
				<verse number="18">Ĩndĩ ethĩwa nĩmũtongoeaw’a nĩ Veva, mũi ungu wa mĩao.</verse>
				<verse number="19">Na yu mawĩa ma mwĩĩ nĩ moneku, nĩmo aa: ũlaalai, ũvuku, mĩmeo mĩthũku,</verse>
				<verse number="20">kũthaitha mĩvw’anano, ũoi, ũmaitha, ĩteta kĩwĩu, mothilĩku, ngananĩo, ũtaanĩsyo, momanyĩsyo ma ũvũngũ,</verse>
				<verse number="21">mawendi, ũthengi, mboka itaĩle, na maũndũ angĩ mailyĩ ta asu; kũla kwi maũndũ asu nĩmũtaa mbee, o ũndũ namũtaie, kana ala mekaa maũndũ ta asu maikatiĩwa ũsumbĩ wa Ngai.</verse>
				<verse number="22">Ĩndĩ ũsyao wa Veva nĩ wendo, ũtanu, mũuo, wũmĩĩsyo, kwĩka angĩ nesa, ũseo, kĩthito,</verse>
				<verse number="23">ũuu, wĩting’o; kũĩ mwĩao kwa maũndũ ala mavw’anene na asu.</verse>
				<verse number="24">Na ala ma Klĩsto Yesũ nĩmambĩte mwĩĩ vamwe na mĩmeo na mawendi maw’o.</verse>
				<verse number="25">Ethĩwa twĩĩkala thayũ kwondũ wa ũla Veva, o ta ũu tũendae kwondũ wa Veva.</verse>
				<verse number="26">Tũikekathĩĩe mana, tũikathatan’ye, na kwĩw’anĩa kĩwĩu.</verse>
			</chapter>
			<chapter number="6">
				<verse number="1">Ana‐a‐asa, o na ethĩwa mũndũ ekwatwa nĩ ĩvĩtyo o na yĩva, inyw’ĩ ala mwĩ ma Veva, mũtũngĩĩei ta ũsu na veva wa ũuu; ũkĩsyaĩĩsya mwene, ndũkatatwe.</verse>
				<verse number="2">Kuan’yai mĩio ene kwa ene, na ũu mũkeanĩsya mwĩao wa Klĩsto.</verse>
				<verse number="3">Nũndũ ethĩwa mũndũ eĩtalĩlya kwĩthĩwa kĩndũ, nake ti kĩndũ, eĩkenga mwene.</verse>
				<verse number="4">Ĩndĩ kĩla mũndũ aosye wĩa wake mwene, na nĩvo ĩndĩ wĩĩthĩwa na ũndũ wa kwĩkathĩĩa e we mwene, na ti kwĩelekan’ya na ũngĩ ũndũ wĩkaa.</verse>
				<verse number="5">Kwa kwĩthĩwa kĩla mũndũ akakua mũio wake mwene.</verse>
				<verse number="6">Ĩndĩ mũmanyĩw’a wa ĩla ndeto namũaĩe mũmanyĩsya syĩndũ syake syonthe nzeo.</verse>
				<verse number="7">Mũikakengeke; Ngai ndavũĩawa ngũĩ: nũndũ o kĩla mũndũ ũvuĩaa, nokyo ũkaketha.</verse>
				<verse number="8">Nũndũ ũla ũvuĩĩaa mwĩĩ wake, kwa mwĩĩ wake akaketha wanangĩko; ĩndĩ ũla ũvuĩĩaa ũla Veva, kwa Veva akaketha thayũ ũtathela.</verse>
				<verse number="9">Na tũikanoe nĩ kwĩka nesa: nũndũ kyathĩ kyavika tũkaketha, ethĩwa tũileela.</verse>
				<verse number="10">Kwondũ wa ũu, o ũndũ twĩĩthĩwa na ũthei, twĩkei andũ onthe nesa, ĩndĩ mũno ala ma nyũmba ya mũĩkĩĩo.</verse>
				<verse number="11">Sisyai ũndũ maandĩko manenevete aa ngũmũandĩkĩa na kw’oko kwakwa mwene.</verse>
				<verse number="12">Onthe ala mekwenda kwoneka me aseo mwĩĩnĩ, nĩmeũmũthing’ĩĩsya mwaĩkwe; no kana maikathĩnw’e nũndũ wa ngelan’yo ya Klĩsto.</verse>
				<verse number="13">Nũndũ o na asu ala maĩkawa nao ene matikwataa ĩla mĩao; ĩndĩ nĩmekwenda inyw’ĩ mwaĩkwe, nĩ kana mone ũndũ wa kwĩkathĩĩa mĩĩnĩ yenyu.</verse>
				<verse number="14">Ĩndĩ kũikethĩwe nyie kwĩkathĩĩa, ate o ngelan’yonĩ ya Mwĩaĩi waitũ Yesũ Klĩsto, nayo kwondũ wayo nthĩ nĩyambĩtwe kwakwa, nakwa kwa nthĩ.</verse>
				<verse number="15">Nũndũ kwaĩkwa ti ũndũ, o na kũlea kwaĩkwa, ĩndĩ nĩ kyũmbe kyeũ.</verse>
				<verse number="16">Na onthe ala makaendaa maatĩĩe kĩeleelo kĩĩ, mũuo nĩwĩthĩwe kwamo, na tei, o na kwa Isilaeli ma Ngai.</verse>
				<verse number="17">Kuma yu mũndũ o na wĩva ndakanyamasye; nũndũ nĩngũkua movano ma Yesũ mwĩĩnĩ wakwa.</verse>
				<verse number="18">Mumo wa Mwĩaĩi waitũ Yesũ Klĩsto nĩwĩthĩwe vamwe na maveva menyu, ana‐a‐asa. Ameni.</verse>
			</chapter>
		</book>
		<book number="49">
			<chapter number="1">
				<verse number="1">Vaulo, mũtũmwa wa Klĩsto Yesũ kwondũ wa kwenda kwa Ngai, valũa ũũ wakwa ũmavikĩe atheu ala me Eveso, na ala me na kĩthito nthĩnĩ wa Klĩsto Yesũ:</verse>
				<verse number="2">Mumo nĩwĩthĩwe nenyu na mũuo kuma kwa Ngai Asa waitũ na Mwĩaĩi Yesũ Klĩsto.</verse>
				<verse number="3">Nakathwe Ngai, Ĩthe wa Mwĩaĩi waitũ Yesũ Klĩsto, ũla ũtũathimĩte na kĩla ũathimo wa veva nthĩnĩ wa Klĩsto ĩtunĩ:</verse>
				<verse number="4">o ũndũ watũnyuvie nthĩnĩ wake nthĩ ĩtanambĩlĩlw’a, nĩ kana twĩthĩwe atheu tũte na ũndũ ũtaĩle mbee wake nthĩnĩ wa wendo:</verse>
				<verse number="5">ũndũ watũnyuvie kuma tene tũtuwe ana kwake kwondũ wa Yesũ Klĩsto, kwĩanana na ũndũ wendie na kwenda kwake,</verse>
				<verse number="6">nĩ kana ũtheu mũtisu wa mumo wake ũkathwe, ũla watũnengie mana nthĩnĩ wa ũla Mwendwa:</verse>
				<verse number="7">nake nthĩnĩ wake twĩ na wovosyo witũ kwondũ wa nthakame yake, ũekeo wa mavĩtyo maitũ, kwĩanana na ũthwii wa mumo wake,</verse>
				<verse number="8">naw’o atwingĩvĩsye na ũĩ w’onthe na ũmanyi,</verse>
				<verse number="9">akĩtũmanyĩthya nzama ya kwenda kwake, kwĩanana na kwenda kwake kũseo kũla watwie nthĩnĩ wake</verse>
				<verse number="10">kũvika walanyonĩ wa wĩanĩu wa mavinda, atũngĩanĩe syĩndũ syonthe nthĩnĩ wa Klĩsto, syĩndũ syi ĩtunĩ, na syĩndũ syĩ kũũ nthĩ; ĩĩ, nthĩnĩ wake we,</verse>
				<verse number="11">na ingĩ nthĩnĩ wake ithyĩ nĩtwatwiwe ũtiĩwa wake, nĩkwĩthĩwa nĩtwanyuviwe kuma tene kwĩanana na kwenda kwake we ũla wĩkaa maũndũ onthe kwa ũtw’ĩo wa kwenda kwake;</verse>
				<verse number="12">nĩ kana ithyĩ twĩthĩwe ma kũtuma ũtheu wake mũtisu ũkathwa, ithyĩ ala twambie kwĩkwatya Klĩsto;</verse>
				<verse number="13">na nthĩnĩ wake o nenyu, mweew’a ndeto ya ũla w’o, nayo nĩ ũvoo mũseo wa ũtangĩĩo wenyu, — nake, mwamwĩtĩkĩla, nĩmwekĩiwe ũsiĩlo, naw’o nĩ Veva Mũtheu ũla wathaniwe,</verse>
				<verse number="14">nake nĩ ngwatĩlĩlyo ya ũtiĩwa witũ, kũvika wovosyo wa ala make mwene ala wathooie, nĩ kana ũtheu wake mũtisu ũkathwe.</verse>
				<verse number="15">Kwondũ wa ũu o nakwa, neew’a ũvoo wa mũĩkĩĩo ũla mwĩ naw’o nthĩnĩ wa Mwĩaĩi Yesũ, na wendo ũla mwonanasya kwa atheu onthe,</verse>
				<verse number="16">ndiekaa kũtũnga mũvea kwondũ wenyu, ngĩmũweta mboyanĩ syakwa;</verse>
				<verse number="17">kwa Ngai wa Mwĩaĩi waitũ Yesũ Klĩsto, Asa wa ũtheu mũtisu, amũnenge veva wa ũĩ na ũvuan’yo wa kũmũmanya we;</verse>
				<verse number="18">metho ma ngoo syenyu mekĩwe kyeni, nĩ kana mũmanye ũndũ ũilyĩ wĩkwatyo wa wĩtano wake, na ũndũ ũilyĩ wingĩ wa ndaĩa wa ũtiĩwa wake nthĩnĩ wa atheu,</verse>
				<verse number="19">na ũndũ ũilyĩ ũnene mũvĩtũku wa vinya wake kwondũ witũ ala twĩtĩkĩlaa, kwĩanana na kwĩka kwa vinya wa ũtonyi wake</verse>
				<verse number="20">ũla wekie nthĩnĩ wa Klĩsto, yĩla wamũthayũũkisye kũmumya kwa akw’ũ, na kũmwĩkalya kw’okonĩ kwa aũme kwake kwake ĩtunĩ,</verse>
				<verse number="21">ĩũlũ mũno mbee wa ũnene w’onthe, na ũkũmũ, na vinya, na ũsumbĩko, na kĩla syĩtwa yĩwetawa, ti ĩvinda yĩĩ yoka, ĩndĩ o na ĩvinda yĩla yĩkoka:</verse>
				<verse number="22">na nĩwaiie syĩndũ syonthe ungu wa nyaĩĩ syake aisumbĩke, na amwia ethĩwe mũtwe ĩũlũ wa maũndũ onthe kwondũ wa ĩkanisa,</verse>
				<verse number="23">nayo nĩ mwĩĩ wake, wĩanĩu wake ũla wusũasya maũndũ onthe nthĩnĩ wa onthe.</verse>
			</chapter>
			<chapter number="2">
				<verse number="1">Nake nĩwamũthayũũkisye inyw’ĩ, yĩla mwai akw’ũ kwondũ wa mavĩtyo menyu na naĩ syenyu,</verse>
				<verse number="2">ila mwaendie nthĩni wasyoĩvinda ya tene kwĩanana na mĩendele ya nthĩ ĩno, kwĩanana na mũnene wa mavinya ma yayaya, wa veva ũla wĩkaa wĩa yu nthĩnĩ wa ana ma ũlei;</verse>
				<verse number="3">o naitũ ithyonthe tene twekalile katĩ woo mĩmeonĩ ya mĩĩ yaitũ, tũkĩka mawendi ma mĩĩ na ma mosũanĩo, na nũndu wa mwĩkalĩle witũ twaĩ syana sya ũthatu, o ta ala angĩ:—</verse>
				<verse number="4">ĩndĩ Ngai, nĩkwĩthĩwa aĩ na tei mwingĩ, nũndũ wa wendo wake mũnene ũla watwendie naw’o,</verse>
				<verse number="5">o na yĩla twaĩ akw’ũ kwondũ wa mavĩtyo maitũ, atũnengie thayũ vamwe na Klĩsto (nĩmũtangĩĩĩtwe nĩ mumo),</verse>
				<verse number="6">naitũ nthĩnĩ wa Klĩsto Yesũ nĩwatũthayũũkisye vamwe nake, na kũtwĩkalya nthĩ vamwe nake ĩtunĩ:</verse>
				<verse number="7">nĩ kana mavinda ala mokĩte atonye kwonan’ya ũthwii mwingĩ wa mumo wake kwondũ wa ũseo wake kwitũ nthĩnĩ wa Klĩsto Yesũ:</verse>
				<verse number="8">nũndũ nĩmũtangĩĩĩtwe na mumo kwondũ wa mũĩkĩĩo; naw’o ndumĩte kwa inyw’ĩ ene, nĩ mũthĩnzĩo wa Ngai;</verse>
				<verse number="9">ti ũndũ wa meko, kana kũikethĩwe mũndũ o na wĩva kwĩkathĩĩa.</verse>
				<verse number="10">Nũndũ ithyĩ twĩ wĩa wake, twombiwe nthĩnĩ wa Klĩsto Yesũ twĩkae meko maseo, ala Ngai waseũvisye mbee nĩ kana tũendae nthĩnĩ wamo.</verse>
				<verse number="11">Kwondũ wa ũu lilikanai, kana ĩvinda ya tene inyw’ĩ, Andũ‐ma‐mbaĩ‐ingĩ kwa mwĩĩ, ala mwĩtawa Mũtaĩkawa nĩ ala metawa Maĩkawa, nayo nĩ nzaĩko ya mwĩĩ, ĩla yaĩkawa na moko;</verse>
				<verse number="12">kana inyw’ĩ ĩvinda yĩu mũtyaĩ na Klĩsto, mwavathũkenw’e na mbaĩ ya Isilaeli, na mwaĩ aeni, andũ mate na motianĩo ma ũla watho, mũtaĩ na wĩkwatyo na mũtaĩ na Ngai kũũ nthĩ.</verse>
				<verse number="13">Ĩndĩ yu nthĩnĩ wa Klĩsto Yesũ inyw’ĩ ala mwaĩ kũasa nĩmũthengeew’e nĩ nthakame ya Klĩsto.</verse>
				<verse number="14">Nũndũ nĩwe mũuo witũ, ũla watumie ithyelĩ tũtw’ika ũmwe, na nĩwaomboie ũvai wa mũvaka ũla waĩ katĩ,</verse>
				<verse number="15">avetete na mwĩĩ wake ũla ũmaitha, naw’o nĩ ĩla mĩao ya wiaĩi yaandĩkĩtwe motw’ĩonĩ; nĩ kana ombe wa asu elĩ mũndũ ũmwe mweũ nthĩnĩ wake mwene, na kwondũ wa ũu aete mũuo;</verse>
				<verse number="16">na nĩ kana amew’anĩthye na Ngai me elĩ mwĩĩnĩ ũmwe kwondũ wa ngelan’yo, oaĩte ũla ũmaitha nayo:</verse>
				<verse number="17">nake ooka na atavan’ya ũvoo mũseo wa mũuo kwa inyw’ĩ ala mwaĩ kũasa, na mũuo kwa ala maĩ vakuvĩ:</verse>
				<verse number="18">nũndũ kwondũ wake ithyelĩ twĩ na ũthei witũ wa kũthengeea mbee wa Asa nthĩnĩ wa Veva ũmwe.</verse>
				<verse number="19">Na kwondũ wa ũu mũti aeni na avĩti ĩngĩ, ĩndĩ mwĩ andũ ma kĩĩndĩ vamwe na atheu, na andũ ma nyũmba ya Ngai,</verse>
				<verse number="20">nũndũ nĩmwakĩtwe ĩũlũ wa wambĩlĩlyo, naw’o nĩ atũmwa na athani, Klĩsto Yesũ mwene nĩwe yĩla ĩvia ĩnene ya kĩkotonĩ;</verse>
				<verse number="21">na nthĩnĩ wake kĩla wako, ũithalanw’a nesa, nĩwĩanaa ũkethĩwa ĩkalũ nthĩnĩ wa Mwĩaĩi;</verse>
				<verse number="22">na nthĩnĩ wake nĩmwakĩtwe vamwe mwĩthĩwe wĩkalo wa Ngai nthĩnĩ wa Veva.</verse>
			</chapter>
			<chapter number="3">
				<verse number="1">Kwondũ wa ũu nyie Vaulo, mwovwa wa Klĩsto Yesũ kwondũ wenyu Andũ‐ma‐mbaĩ‐ingĩ,—</verse>
				<verse number="2">ethĩwa nĩmwĩw’ĩte ũvoo wa walan’yo wa mumo wa Ngai ũla nanengiwe kwondũ wenyu;</verse>
				<verse number="3">kana kwondũ wa kũvuanĩw’a nĩnamanyĩthiw’e ĩla nzama, o tondũ nambie kũandĩka na ndeto mbũthũ,</verse>
				<verse number="4">na kwondũ wa ũu, yĩla mũũsoma, mũkoona ũmanyi wakwa wa ĩla nzama ya Klĩsto;</verse>
				<verse number="5">nayo ndyaamanyĩthw’a ana ma andũ ma nzyawa ĩngĩ, o ũndũ atũmwa make atheu na athani mavuanĩw’e yu nthĩnĩ wa Veva;</verse>
				<verse number="6">atĩ Andũ‐ma‐mbaĩ‐ingĩ nĩ atiĩwa vamwe naitũ, na mamutha ma ũla mwĩĩ vamwe naitũ, na osi vamwe naitũ ma watho ũla wĩ nthĩnĩ wa Klĩsto Yesũ kwondũ wa ũvoo mũseo,</verse>
				<verse number="7">ũla nyie natwiwe mũthũkũmi waw’o, kwĩanana na mũthĩnzĩo wa mumo wa Ngai ũla nanengiwe kwĩanana wa kwĩka kwa vinya wake.</verse>
				<verse number="8">Nyie ũla nĩ mũnini kwĩ ũla mũnini mbee kati wa atheu onthe, nĩnanengiwe mumo ũũ, kũtavan’ya kwa Andũ‐ma‐mbaĩ‐ingĩ ũthwii wa Klĩsto ũla ũtatalĩka;</verse>
				<verse number="9">na kũtuma andũ onthe mamanya ũndũ ũilyĩ ũla walan’yo wa nzama ĩla kuma tene tene yavithiwe nthĩnĩ wa Ngai ũla wombie syĩndũ syonthe;</verse>
				<verse number="10">nĩ kana yu kwa nzĩa ya ĩkanisa, ũĩ wa Ngai wa mĩthemba mingĩ ũmanyĩke kwa monene na mokũmũ ma ĩtunĩ,</verse>
				<verse number="11">kwĩanana na ũtw’ĩo wa tene na tene ũla watwie nthĩnĩ wa Klĩsto Yesũ Mwĩaĩi waitũ:</verse>
				<verse number="12">na nthĩnĩ wake twĩ na ũkũmbaũ na ũthei wa kũthengeea na wĩkwatyo, kwondũ wa mũĩkĩĩo witũ nthĩnĩ wake.</verse>
				<verse number="13">Kwondũ wa ũu nĩngũmwĩsũva mũikaleele nũndũ wa mathĩna makwa kwondũ wenyu, namo nĩ ũtaĩo wenyu.</verse>
				<verse number="14">Kwondũ wa ũu nĩtulya ndu mbee wa Asa,</verse>
				<verse number="15">o ũla mĩvĩa yonthe ya ĩtunĩ na ya nthĩ nĩyĩtanĩawa nake.</verse>
				<verse number="16">Nĩ kana amũnenge inyw’ĩ, kwĩanana na wingi wa ndaĩa yake, kana mwongeleelwe vinya mũndũ wa nthĩnĩ kwondũ wa Veva wake;</verse>
				<verse number="17">nĩ kana Klĩsto ekalae ngoonĩ syenyu kwondũ wa mũĩkĩĩo; nĩ kana inyw’ĩ mũtambũũkĩtye mĩi na kũlũlũmĩlw’a nthĩnĩ wa wendo.</verse>
				<verse number="18">Mwĩthĩwe na vinya wa ũkwata vamwe na atheu onthe ũndũ ũilyĩ ũthanthau na ũasa na ũtũlu na ũliku,</verse>
				<verse number="19">na kũmanya wendo wa Klĩsto ũla ũvĩtũkĩte ũmanyi, nĩ kana mũtonye kusũwa kũvikĩa wusũu w’onthe wa Ngai.</verse>
				<verse number="20">Na yu we ũla ũtonya kwĩka mũno mbee kũvĩta onthe ala tũvoyaa kana kũlilikana, kwĩanana na vinya ũla wĩkaa nthĩnĩ waitũ,</verse>
				<verse number="21">ndaĩa nĩyĩthĩwe yake ĩkanisanĩ na nthĩnĩ wa Klĩsto Yesũ nzyawanĩ syonthe tene na tene. Ameni.</verse>
			</chapter>
			<chapter number="4">
				<verse number="1">Na kwondũ wa ũu nyie, mwovwa nthĩnĩ wa Mwĩaĩi, nĩngũmwĩsũva mũendae o ũndũ waĩle wĩtano ũla mweetiwe naw’o,</verse>
				<verse number="2">na wĩnyivyo w’onthe na ũuu, na wũmĩĩsyo, mũkyũmĩanĩsya inyw’ĩ kwa inyw’ĩ nthĩnĩ wa wendo;</verse>
				<verse number="3">mũkĩthing’ĩĩsya kũsũvĩa wĩw’ano ũmwe wa Veva wovanonĩ wa mũuo.</verse>
				<verse number="4">Mwĩĩ nĩ ũmwe, na Veva nĩ ũmwe, o ũndũ mweetiwe wĩkwatyonĩ ũmwe wa wĩtano wenyu;</verse>
				<verse number="5">Mwĩaĩi ũmwe, mũĩkĩĩo ũmwe, ũvatiso ũmwe,</verse>
				<verse number="6">Ngai ũmwe, nake ni Ĩthe wa onthe, ũla wĩ ĩũlũ wa onthe, na kũtũngana kwa onthe, na nthĩni wa onthe.</verse>
				<verse number="7">Ĩndĩ kĩla ũmwe waitũ nũnengetwe ũla mumo kwĩanana na kĩthimo kya mũthĩnzio wa Klĩsto.</verse>
				<verse number="8">Kwondũ wa ũu easya, Yĩla wambatie ĩũlũ, nĩwatavie mũtavo, Na anenga andũ mĩthĩnzĩo.</verse>
				<verse number="9">(Na ndeto ĩno, Nĩwambatie, nata ate o kwasya kana nĩwatheeie alike kũndũ kũliku kwa nthĩ?</verse>
				<verse number="10">Ũla watheeie niwe ũsu wambatie ĩũlũ mũno mbee wa matu onthe, nĩ kana ausũsye syĩndũ syonthe.)</verse>
				<verse number="11">Nake anengie andũ amwe methĩwe atũmwa; na angĩ, athani; na angĩ, atavan’ya ma ũla ũvoo mũseo; na angi, aĩthi, na amanyisya;</verse>
				<verse number="12">nĩ kana atheu meanĩwe, ũndũ wa wĩa wa kũthũkũma, nĩ kana mwĩĩ wa Klĩsto wakwe:</verse>
				<verse number="13">mũvaka ithyonthe tũvikĩe wĩw’ano ũmwe wa mũĩkĩĩo, na wa kũmũmanya Mwana wa Ngai, kũvikĩa mũndũ mwĩanĩu, kũvikĩa kĩthimo kya ũtũlu wa wĩanĩu wa Klĩsto;</verse>
				<verse number="14">nĩ kana kuma yu tũikethĩwe syana nini, tũkĩluutangwa kũũ na kũũ na kũkuwa nĩ kĩla kĩseve kya ũmanyĩsyo, na maũĩ ma andũ, na ũsesengano, kũatĩĩa nzĩa ya ũkengani wa kwasya andũ;</verse>
				<verse number="15">ĩndĩ tũkĩneena w’o nthĩnĩ wa wendo, twĩane maũndũnĩ onthe tũmũvikie we, nake nĩwe mũtwe, Klĩsto;</verse>
				<verse number="16">na kuma kwake mwĩĩ w’onthe, ũikomanw’a nesa na kũkwatanw’a, nĩwĩanaa nũndũ wa ũtethyo wa kĩla ũleenyũ, kwĩanana na kĩthimo kya wĩa wa kĩla mutha, ũmwe na ũmwe, ũkiyaka e w’o wendonĩ.</verse>
				<verse number="17">Na ĩndĩ nĩneena ũu, na kũkũsĩĩa nthĩnĩ wa Mwĩaĩi, kana kuma yu inyw’ĩ mũikaende ũndũ Andũ‐ma‐mbaĩ‐ingĩ maendaa, na ũtumanu wa ilĩko syoo,</verse>
				<verse number="18">nũndũ ũmanyi woo nĩwĩkĩĩtwe kĩvindu, mavathĩtwe kũasa na thayũ wa Ngai, nũndũ wa kũlea kũmanya kũla kwĩ nthĩnĩ woo, nũndũ wa wũmũ wa ngoo syoo;</verse>
				<verse number="19">nao mavĩtũkĩte kwĩw’a, meenenganie mĩmeonĩ mĩthũku, meke ũvuku w’onthe na wendi.</verse>
				<verse number="20">Ĩndĩ inyw’ĩ tiw’o mweemanyĩsye Klĩsto;</verse>
				<verse number="21">ethĩwa nĩw’o nĩmwamwĩwie, na kũmanyĩw’a nthĩnĩ wake, o ũndũ w’o ũilyĩ nthĩnĩ wa Yesũ:</verse>
				<verse number="22">ũndũ wa mwĩkalĩle wenyu wa tene, mumyei mwĩkye kũasa mũndũ wa tene, ũla wanangĩkaa kwa ũvikĩlaa mĩmeo ya ũkengani;</verse>
				<verse number="23">mũtw’ĩkithw’e eũ vevani wa ilĩko syenyu.</verse>
				<verse number="24">Na mwĩvw’ĩke mũndũ mweũ, ũla wombiwe na mũvw’ano wa Ngai nthĩnĩ wa ũlũngalu na ũtheu wa w’o.</verse>
				<verse number="25">Kwondũ wa ũu, mũkĩveta ũvũngũ, neenai w’o kila mũndũ na ũla ũngĩ: nĩkwĩthiwa twĩ mamutha ene kwa ene.</verse>
				<verse number="26">Thatai, na mũikeke naĩ: mũikaeke syũa vĩthũe mwi na ũthilĩku:</verse>
				<verse number="27">o na mũikamũnenge Satani ũthei.</verse>
				<verse number="28">Ũla woyie ndakoye ingi: ĩndĩ kavaa atethye wĩa, akĩkaa na moko make ũndũ waĩlĩte, ni kana ethĩwe na kĩndũ kya ũmũnenga ũla wi na vata.</verse>
				<verse number="29">Ndeto nthũku itikaume makanyw’anĩ menyu, ĩndĩ no ila nzeo sya kwaka o ũndũ vata wĩana, nĩ kana imanenge mumo ala mekwiw’a.</verse>
				<verse number="30">Na mũikew’ĩthye Veva Mũtheu wa Ngai woo, nake nthĩnĩ wake mwĩkĩĩtwe ũsiĩlo kũvika mũthenya wa wovosyo.</verse>
				<verse number="31">Ĩndĩ ũũ, na ũthilĩku, na ũthatu, na ĩteta, na moumano, mavetwe kwenyu, vamwe na kĩla ũthũku:</verse>
				<verse number="32">na mwĩthĩwe mũkyaĩlan’ya ene kwa ene, mũkĩw’anĩa tei, mũkĩekanĩa inyw’ĩ kwa inyw’ĩ, o ũndũ Ngai nake wamũekeie inyw’ĩ nthĩnĩ wa Klĩsto.</verse>
			</chapter>
			<chapter number="5">
				<verse number="1">Nũndũ wa ũu, ĩthĩwai mũkĩelekan’ya na Ngai, ta twana twendetwe;</verse>
				<verse number="2">na mũkĩendaa nthinĩ wa wendo, o ũndũ Klĩsto nake wamwendie inyw’ĩ, na eeyumya mwene kwondũ witũ, mũthĩnzĩo na nthembo kwa Ngai, yi na mũuke mũseo.</verse>
				<verse number="3">Ĩndĩ ũlaalai, na ũvuku w’onthe, na wendi, maikawetwe kati wenyu, o ũndũ kwaĩle atheu;</verse>
				<verse number="4">o na ũla wĩ nthoni, o na kũneena na ũtumanu, kana kũvũa ngũĩ, maũndũ asu mataĩle: ĩndĩ kavaa ni kũtũnga mũvea.</verse>
				<verse number="5">Nũndũ nĩmwĩsĩ ũũ vyũ, atĩ kĩlaalai, kana mũndũ mũvuku, kana mũndũ wĩ na wendi, nake ni mũthaithi wa mĩvw’anano, asu mati na ũtiĩwa o na wiva ũsumbĩnĩ wa Klĩsto na Ngai.</verse>
				<verse number="6">Mũndũ ndakamũkenge na ndeto sya mana: nũndũ kwondũ wa maũndũ aa ũthatu wa Ngai nũmokiaa ana ma ũlei.</verse>
				<verse number="7">Mũikethĩwe mwĩ mũamba nao;</verse>
				<verse number="8">nũndũ inyw’ĩ tene mwai kĩvindu, ĩndĩ yu mwĩ kyeni nthĩni wa Mwĩaĩi: endaai ta syana sya kyeni</verse>
				<verse number="9">(nũndũ ũsyao wa kyeni wĩ nthĩnĩ wa ũseo w’onthe na ũlũngalu na w’o),</verse>
				<verse number="10">mũkĩthima maũndũ ala mamwendeeasya Mwĩaĩi;</verse>
				<verse number="11">na mũikethĩwe na mũamba na mawĩa ma kĩvindu mate na ũsyao, ĩndĩ kavaa nĩ kũmakan’ya;</verse>
				<verse number="12">nũndũ maũndũ ala mekawa nĩmo kĩmbithĩ nĩ nthoni o na kũmaweta.</verse>
				<verse number="13">Ĩndĩ maũndũ onthe makanw’a nĩmonananw’a nĩ kyeni: nũndũ kĩla ũndũ wonanĩtw’e no kyeni.</verse>
				<verse number="14">Kwondũ wa ũu easya, Amũka, we ũla ũkomete, noithayũũka kuma kwa akw’ũ, na Klĩsto akakũtisĩa.</verse>
				<verse number="15">Ĩsũvĩei ĩndĩ nesa ũndũ mũendaa, ti ta ala mate na ũĩ, ĩndĩ ta ala oĩ;</verse>
				<verse number="16">mũkĩtangĩĩa ĩvinda, nĩkwĩthĩwa mĩthenya nĩ myathe.</verse>
				<verse number="17">Kwondũ wa ũu mũikethĩwe atumanu, ĩndĩ manyai kwenda kwa Mwĩaĩi ũndũ kũilyĩ.</verse>
				<verse number="18">Na mũikatoonw’e nĩ mbinyu, nayo ĩ mĩkwa mĩthũku, ĩndĩ usũwai nĩ Veva;</verse>
				<verse number="19">mũkĩneena ene kwa ene na savuli na mbathi sya kũmũkumya Ngai na mbathi sya veva, mũkĩmwinĩa Mwĩaĩi na kũmũtaia ngoonĩ syenyu;</verse>
				<verse number="20">mũkĩmũtũngĩa Ngai Asa mũvea, mavinda onthe kwondũ wa maũndũ onthe, syĩtwanĩ ya Mwĩaĩi waitũ Yesũ Klĩsto;</verse>
				<verse number="21">mũkĩnyivanĩsya ene kwa ene nũndũ wa kũmũkĩa Klĩsto.</verse>
				<verse number="22">Inyw’i iveti, ĩnyivĩsyei aũme menyu ta mwinyivĩsye Mwĩaĩi.</verse>
				<verse number="23">Nũndũ mũndũ mũũme nĩ mũtwe wa kĩveti, o tondũ Klĩsto nake nĩ mũtwe wa ikanisa, nake nĩ mũtangĩĩi wa mwĩĩ.</verse>
				<verse number="24">Ĩndĩ o ũndũ ikanisa yimwinyivĩasya Klĩsto, o ta ũu iveti nasyo nĩsyinyiviasye aũme masyo maũndũni onthe.</verse>
				<verse number="25">Aũme, endai iveti syenyu, o ũndũ Klĩsto wendie ĩkanisa, na enengane mwene kwondũ wayo;</verse>
				<verse number="26">nĩ kana ayĩvathan’ye, ayĩtheetye ũndũ wa kũthambya na manzĩ nthinĩ wa ndeto,</verse>
				<verse number="27">nĩ kana atonye kwĩnenga mwene ĩkanisa ĩtaie, yĩte na ilanga kana ũkũnzanu kana ũndũ ũngĩ ta asu; ĩndĩ nĩ kana yĩthĩwe itheu yĩte na ũndũ ũtaĩle.</verse>
				<verse number="28">O ta ũu aũme namo nĩmaĩlwe nĩ kũsyenda iveti syoo o ũndũ mendete mĩĩ yoo ene. Ũla wendaa kĩveti kyake eyendaa mwene:</verse>
				<verse number="29">nũndũ vai mũndũ waamena mwĩĩ wake o na ĩndĩĩ; ĩndi nĩwũnengae lĩu na kũũsũvĩa, o tondũ Klĩsto ũyĩsũvĩaa ikanisa;</verse>
				<verse number="30">nũndũ twĩ mamutha ma mwĩĩ wake.</verse>
				<verse number="31">Kwondũ wa ũu mũndũ akatia ĩthe na inyia, na akalũman’ya na kĩveti kyake; na me elĩ makatw’ĩka mwĩĩ ũmwe.</verse>
				<verse number="32">Nzama ino nĩ nene: ĩndĩ nĩneena ũvoo wa Klĩsto na ĩkanisa.</verse>
				<verse number="33">Ĩndĩ kĩla mũndũ wenyu nakyende kĩveti kyake o ũndũ wĩyendete mwene; na kĩveti nĩkĩmũkĩe mũũme.</verse>
			</chapter>
			<chapter number="6">
				<verse number="1">Syana, mew’ei ala mamũsyaie nthĩnĩ wa Mwĩaĩi: nũndũ ũu nĩw’o waĩle.</verse>
				<verse number="2">Taĩa au na mwenyu (naw’o nĩ mwĩao wa mbee wĩ na watho),</verse>
				<verse number="3">nĩ kana kwĩthĩwe ũseo kwaku, na wĩkale mũno kũũ nthĩ.</verse>
				<verse number="4">Na, inyw’ĩ aaĩthe, mũikathatye syana syenyu: ĩndĩ ieei na mosilĩlo na motao ma Mwĩaĩi.</verse>
				<verse number="5">Ngombo, mew’ei mavwana menyu kwondũ wa mwĩĩ, na w’ĩa na kũtetema, na ũthalĩku wa ngoo syenyu, ta kũmwĩw’a Klĩsto;</verse>
				<verse number="6">ti kwa ũthũkũmi wa kũsyaĩĩw’a, ta endeesya ma andũ; ĩndĩ ta ngombo sya Klĩsto, mũkĩka na ngoo ũndũ wendetwe nĩ Ngai;</verse>
				<verse number="7">mũkĩthũkũma na kwenda kũseo, ta mũũthũkũma Mwĩaĩi, na ti andũ:</verse>
				<verse number="8">mũkĩmanya kana ũndũ ũseo o na wĩva ũla mũndũ wĩkaa, akoosa o w’o ĩngi kuma kwa Mwĩaĩi, e ngombo, kana ate ngombo.</verse>
				<verse number="9">Na inyw’ĩ mavwana, mekei maũndũ o asu, na ekai kũmakandĩa: mũkĩmanya kana Vwana woo, nowe wenyu, e ĩtunĩ, na kwake kũi wendeesyo wa andũ.</verse>
				<verse number="10">Kũminũkĩlya, ithiwai na vinya nthĩnĩ wa Mwĩaĩi, na vinyani wa ũtonyi wake.</verse>
				<verse number="11">Ĩkĩai mĩio yonthe ya kaũ ya Ngai, nĩ kana mũtonye kũsiĩĩa maũĩ ma Satani.</verse>
				<verse number="12">Nũndũ kũkĩlan’ya vinya kwitũ ti kũkĩlan’ya na mwĩĩ na nthakame, ĩndĩ ni kũkĩlan’ya na monene, na mokũmũ, na ala masumbĩkĩte kĩvindunĩ kĩĩ, na nguthu sya maveva ma ũthũku ĩtunĩ.</verse>
				<verse number="13">Kwondũ wa ũu osai mĩio yonthe ya kaũ ya Ngai, nĩ kana mũtonye kũkĩlya vinya mũthenya ũla mũthũku, na, mweeka ũu w’onthe, kũũngama.</verse>
				<verse number="14">Ũngamai ĩndĩ, mwĩvotoete inyunyunĩ syenyu na w’o, na mwĩkĩĩte ngao ya kĩthũi ya ũlũngalu,</verse>
				<verse number="15">na maũũnĩ menyu mwĩkĩĩte iatũ sya kwĩyũmban’ya sya ũvoo mũseo wa mũuo;</verse>
				<verse number="16">na vamwe na mĩio ĩsu yonthe mũkyosa ngao ya mũĩkĩĩo, ĩla kwondũ wayo mũkatonya kũvosya mĩsyĩ yonthe yĩ na mwaki ya ũla mũthũku.</verse>
				<verse number="17">Na osai ngovia ya ũtangĩĩo, na ũvyũ wa Veva, naw’o nĩ ndeto ya Ngai:</verse>
				<verse number="18">mũkĩvoya nthĩnĩ wa Veva mavinda onthe na mboya syonthe na kwĩsũva, na mũkĩsyaĩisya ũndũni ũsu na kĩthing’ĩĩsyo na kwĩsũvana kw’onthe kwondũ wa atheu onthe,</verse>
				<verse number="19">na kwondũ wakwa nyie, nĩ kana nĩnengwe kũneena, nathamye kanyw’a wakwa na ũkũmbaũ, nonan’ye nzama ya ũvoo mũseo,</verse>
				<verse number="20">ũla kwondũ waw’o nĩ mũtũmwa mĩnyololonĩ; nĩ kana nthĩnĩ waw’o nĩneene na ũkũmbaũ, o ũndũ naĩlwe nĩ kũneena.</verse>
				<verse number="21">Ĩndĩ nĩ kana nenyu mũmanye maũndũ makwa, ũndũ ndilyĩ, Tikiko, ũla mwana‐a‐asa mwendwa, na mũthũkũmi wĩ kĩthito nthinĩ wa Mwĩaĩi, akamũtavya maũndũ onthe:</verse>
				<verse number="22">ũla nĩmũtũmĩte kwenyu kwondũ wa kĩtumi kĩĩ, kana mũmanye ũndũ tũilyĩ, na nĩ kana akiakisye ngoo syenyu.</verse>
				<verse number="23">Mũuo nĩwĩthĩwe na ana‐a‐asa, na wendo vamwe na mũĩkĩĩo, kuma kwa Ngai Asa na Mwĩaĩi Yesũ Klĩsto.</verse>
				<verse number="24">Mumo nĩwĩthĩwe na onthe ala mamwendaa Mwĩaĩi waitũ Yesũ Klĩsto na wendo ũtanangĩkaa.</verse>
			</chapter>
		</book>
		<book number="50">
			<chapter number="1">
				<verse number="1">Vaulo na Timotheo, ngombo sya Klĩsto Yesũ, valũa ũũ witũ ũmavikĩe atheu onthe nthĩnĩ wa Klĩsto Yesũ ala me Vilivi, vamwe na asyaĩĩsya na athũkũmi:</verse>
				<verse number="2">Mumo nĩwĩthĩwe nenyu na mũuo kuma kwa Ngai Asa waitũ na Mwĩaĩi Yesũ Klĩsto.</verse>
				<verse number="3">Nĩmũtũngĩa Ngai wakwa mũvea o yĩla ngũmũlilikana,</verse>
				<verse number="4">mavinda onthe kwĩsũvananĩ kwakwa kw’onthe kwondũ wenyu inyw’onthe ngĩsũvana na ũtanu,</verse>
				<verse number="5">nũndũ wa mũamba wenyu nthĩnĩ wa kũnyaĩĩkya ũla ũvoo mũseo, kuma mũthenya wa mbee kũvika o na yu;</verse>
				<verse number="6">nĩnĩsĩ vyũ ũndũ ũũ, kana we ũla wambĩlĩlye wĩa mũseo nthĩnĩ wenyu akawĩanĩsya kũvika mũthenya wa Yesũ Klĩsto:</verse>
				<verse number="7">o ũndũ kwaĩlĩte kwakwa kũlilikana ũu kwondũ wenyu ĩinyw’onthe, nĩkwĩthĩwa mwĩ ngoonĩ yakwa, nũndũ inyw’onthe mwĩ osi ma mumo vamwe nakwa, kwovwanĩ kwakwa, o na nthĩnĩ wa kũwũkitĩa na kũlũlũmĩlya ũla ũvoo mũseo.</verse>
				<verse number="8">Nũndũ Ngai nĩ ngũsĩ yakwa, ũndũ nĩmwendaa inyw’onthe na matei mololo ma Klĩsto Yesũ.</verse>
				<verse number="9">ũũ nĩw’o nĩvoyaa, kana wendo wenyu wingĩve mũno mbee nthĩnĩ wa ũmanyi na ũĩ w’onthe;</verse>
				<verse number="10">nĩ kana mũmetĩkĩle maũndũ ala maseo mbee; nĩ kana mwĩthĩwe ma w’o na mũte na molulutĩkyo kũvika mũthenya wa Klĩsto;</verse>
				<verse number="11">mũkyusũwa nĩ mosyao ma ũlũngalu, ala me kwondũ wa Yesũ Klĩsto, nĩ kana Ngai ataĩwe na akathwe.</verse>
				<verse number="12">Ĩndĩ, ana‐a‐asa, nĩngwenda mũmanye, kana maũndũ ala mangwatie nĩmo matumĩte ũla ũvoo mũseo ũendeea na mbee;</verse>
				<verse number="13">ũkethĩa o na kwovwa kwakwa nĩkũmanyĩkĩte vyũ nĩ asikalĩ onthe ala masũvĩaa nyũmba ya mũsumbĩ, na ala angĩ onthe, kana nĩ kwondũ wa Klĩsto;</verse>
				<verse number="14">na vakuvĩ onthe ma ana‐a‐asa nthĩnĩ wa Mwĩaĩi, makyongelwa vinya kwondũ wa kwovwa kwakwa, me na ũkũmbaũ mũno wa kũneena ndeto ya Ngai vate w’ĩa.</verse>
				<verse number="15">Amwe nĩ w’o memũtavan’ya Klĩsto nũndũ wa kĩwĩu na motetan’yo; na angĩ nao kwondũ wa kwenda kũseo:</verse>
				<verse number="16">amwe mekaa ũu kwondũ wa wendo, makĩmanya kana niĩtwe kwondũ wa kũwũkitĩa ũla ũvoo mũseo:</verse>
				<verse number="17">ĩndĩ asu angĩ memũtavan’ya Klĩsto na ngananĩo, na ti ũndũ wa w’o, makĩsũanĩa kũmbũkĩlĩlya thĩna kwovwanĩ kwakwa.</verse>
				<verse number="18">Nata ĩndĩ? Ate o nzĩanĩ syonthe, ethĩwa nĩ nthĩnĩ wa wangangan’yo kana nĩ nthĩnĩ wa w’o, Klĩsto nũtavanaw’a; na kwondũ wa ũu nĩngũtana, ĩĩ, na ngatana.</verse>
				<verse number="19">Nũndũ nĩnĩsĩ kana ũndũ ũũ ũkangalyũkĩla kwĩthĩwa nĩ ũtangĩĩo wakwa, ũndũ wa kũvoya kwenyu na kũtethw’a nĩ Veva wa Yesũ Klĩsto,</verse>
				<verse number="20">kwĩanana na kũsyaĩĩsya mũno na kwĩkwatya kwakwa, kana ũndũnĩ o na wĩva ndikasonokw’a, ĩndĩ na ũkũmbaũ w’onthe, ta mavinda onthe, no ta ũu yu Klĩsto akanenevw’a mwĩĩnĩ wakwa, ethĩwa nĩ kwĩkala na thayũ, kana nĩ kũkw’a.</verse>
				<verse number="21">Nũndũ kwakwa nyie kwĩkala thayũ no Klĩsto, na kũkw’a nĩ ũunĩko.</verse>
				<verse number="22">Ĩndĩ ethĩwa kwĩkala thayũ mwĩĩnĩ,— ethĩwa ũu nĩw’o ũsyao wa wĩa wakwa, ndiũmanya ũla nĩnyuva.</verse>
				<verse number="23">Mbivinyĩtwe nĩ maũndũ asu elĩ, nĩ na mea ma kũthi nĩthĩwe vamwe na Klĩsto; nũndũ ũu nĩ ũseo mũno mbee:</verse>
				<verse number="24">ĩndĩ kwĩkala mwĩĩnĩ kwĩ vata mũno kwondũ wenyu.</verse>
				<verse number="25">Na ngĩkwatya ũu, nĩnĩsĩ ngekala, ĩĩ, na ngekalan’ya nenyu inyw’onthe, kwondũ wa kũendeea kwenyu na ũtanu wenyu nthĩnĩ wa mũĩkĩĩo;</verse>
				<verse number="26">nĩ kana kwĩtaĩa kwenyu kwingĩve nthĩnĩ wa Klĩsto Yesũ kwondũ wakwa kwĩthĩwa nenyu ĩngĩ.</verse>
				<verse number="27">Ĩndĩ mwĩkalĩle wa thayũ wenyu wĩthĩwe waĩle ũvoo mũseo wa Klĩsto: kana, nooka na kũmwona inyw’ĩ kana o na neethĩwa nde vo, nĩĩw’a ũvoo wenyu, kana mũũngamĩte na ũlũmu vevanĩ ũmwe, mũkyũkitĩa na ngoo ĩmwe mũĩkĩĩo wa ũla ũvoo mũseo;</verse>
				<verse number="28">na mũikatĩsw’e nĩ amaitha ũndũnĩ o na wĩva; naw’o kwoo nĩ wonan’yo vyũ wa kwaa, ĩndĩ kwenyu nĩ wa ũtangĩĩo, naw’o wumĩte kwa Ngai;</verse>
				<verse number="29">nĩkwĩthĩwa nĩmũnengetwe kwondũ wa Klĩsto, ti kũmwĩtĩkĩla kw’oka, ĩndĩ o na kũthĩnw’a nakw’o kwondũ wake:</verse>
				<verse number="30">mũkyũkitaa kaũ o ũmwe ũla mwambonie nĩ naw’o, na nĩmwĩw’aa o na yu nĩ o naw’o.</verse>
			</chapter>
			<chapter number="2">
				<verse number="1">Ethĩwa ĩndĩ kwĩ ũtao o na wĩva nthĩnĩ wa Klĩsto, ethĩwa kwĩ ũkiakisyo o na wĩva wa wendo, ethĩwa kwĩ mũamba o na wĩva wa Veva, ethĩwa kwĩ matei mololo na kwĩw’anĩa manee o na meva,</verse>
				<verse number="2">wusũsyei ũtanu wakwa, kana mwĩthĩwe na kĩlilikano o kĩmwe, mwĩ na wendo ũmwe, mwĩ na ngoo ĩmwe, mũkĩlilikana ũndũ ũmwe;</verse>
				<verse number="3">mũikeke ũndũ o na wĩva na ngananĩo kana kwĩkathĩĩa kwa mana, ĩndĩ na wĩnyivyo kĩla mũndũ namũtale ũla ũngĩ mũseo kwĩ we mwene;</verse>
				<verse number="4">kĩla mũndũ wenyu ndakasũvĩe syĩndũ syake mwene, ĩndĩ kĩla ũmwe wenyu nasũvĩe syĩndũ sya ala angĩ nasyo.</verse>
				<verse number="5">Ĩthĩwai na kĩlilikano kĩĩ nthĩnĩ wenyu, o kĩla kyaĩ nthĩnĩ wa Klĩsto Yesũ:</verse>
				<verse number="6">nake, yĩla waĩ na mũvw’ano wa Ngai, ndaatala kwĩanana na Ngai ta nĩ ũndũ wa kũkwatwa,</verse>
				<verse number="7">ĩndĩ eeyĩkalya e mũthei, aiosa mũvw’ano wa ngombo, eethĩwa ailyĩ ũndũ ũmwe na mũndũ;</verse>
				<verse number="8">na ooneka e na wũmbe wa mũndũ, eenyivya mwene, atw’ĩka mwĩwi, o na kũvika kĩkw’ũ, ĩĩ, kĩkw’ũ kya ngelan’yo.</verse>
				<verse number="9">Kwondũ wa ũu Ngai amũnenevya mũno, na amũnenga syĩtwa yĩla yĩ mbee wa masyĩtwa onthe;</verse>
				<verse number="10">nĩ kana kwa syĩtwa ya Yesũ kĩla ĩu yĩtulya ndu, ya ala me ĩtunĩ na ala me nthĩ na ala me ungu wa nthĩ,</verse>
				<verse number="11">na nĩ kana kĩla ũĩmĩ wĩumbũla kana Yesũ Klĩsto nĩ Mwĩaĩi, kwa ndaĩa ya Ngai Asa.</verse>
				<verse number="12">Kwondũ wa ũu ĩndĩ, endwa makwa, o ũndũ mwaĩ ewi mavinda onthe, ti yĩla naĩ vo yoka, ĩndĩ yu mbee mũno nde vo, ĩanĩsyai ũtangĩĩo wenyu na kĩkĩo na kĩtetemo;</verse>
				<verse number="13">nũndũ nĩ Ngai ũla wĩkaa nthĩnĩ wenyu akĩtuma mwendaa na kwĩkaa kwenda kwake kũseo.</verse>
				<verse number="14">Ĩkai maũndũ onthe mũtekũnyungunyĩsya na kũkananĩa;</verse>
				<verse number="15">nĩ kana mwĩthĩwe mũtailĩĩlĩka ũthũku na mwĩ auu, syana sya Ngai ite na ũndũ ũtaĩle katĩ wa ũsyao mũthũku na mũemu, naw’o nthĩnĩ waw’o nĩmwonekaa ta syeni kũũ nthĩ,</verse>
				<verse number="16">mũkĩlĩtye ndeto ya thayũ; nĩ kana nĩthĩwe na ũndũ wa kwĩkathĩĩa mũthenya wa Klĩsto, kana ndyaasemba mana kana kũtethya wĩa mana.</verse>
				<verse number="17">Ĩĩ, na ethĩwa nĩtulũlwa ĩũlũ wa nthembo na ũthũkũmi wa mũĩkĩĩo wenyu, nĩngwĩw’a mũyo, na kũtana vamwe nenyu inyw’onthe:</verse>
				<verse number="18">na inyw’ĩ o ta ũu tanai, na ĩthiwai na mũyo vamwe nakwa.</verse>
				<verse number="19">Ĩndĩ nĩngwĩkwatya nthĩnĩ wa Mwĩaĩi Yesũ kũmũtũma Timotheo kwenyu mĩtũkĩ, nĩ kana nyie nĩtonye kũkiakiw’a, namanya ũndũ mũilyĩ.</verse>
				<verse number="20">Nũndũ ndi na mũndũ ũngĩ ũla ũlilikanaa ũndũ ũmwe nakwa, ũla ũtonya kũsisya w’o mwĩkalĩle wenyu.</verse>
				<verse number="21">Nũndũ onthe nĩmeũmantha maũndũ moo ene, ti maũndũ ma Yesũ Klĩsto.</verse>
				<verse number="22">Ĩndĩ nĩmwĩsĩ ũndũ wake, kana nĩwatethisye wĩa vamwe nakwa kwondũ wa ũnyaĩĩkya ũla ũvoo mũseo, o ũndũ mwana ũtethasya ĩthe wake.</verse>
				<verse number="23">Ĩndĩ nĩngwĩkwatya kũtũma ũsu mĩtũkĩ, o yĩla nĩmanya ũndũ nĩĩkwa:</verse>
				<verse number="24">ĩndĩ nĩngũĩkĩĩa Mwĩaĩi kana nyie mwene ngooka mĩtũkĩ.</verse>
				<verse number="25">Ĩndĩ nona no mũvaka nĩmũtũme Evavilotito kwenyu, mwana‐a‐asa wakwa na mũtethya wa wĩa vamwe nakwa na mũsikalĩ vamwe nakwa, nake nĩ mũtũmwa wenyu na mũthũkũmi wa vata wakwa;</verse>
				<verse number="26">nĩkwĩthĩwa aĩ na mea nenyu inyw’onthe, na aũũyaa ngoonĩ, nũndũ mwewie kana aĩ mũwau:</verse>
				<verse number="27">nũndũ nĩ w’o, aĩ mũwau mũno, vakuvĩ kũkw’a: ĩndĩ Ngai nĩwamwĩwĩie tei; na ti we weka, ĩndĩ o na nyie nakwa, nĩ kana ndikethĩwe na woo ĩũlũ wa woo.</verse>
				<verse number="28">Kwondũ wa ũu neethĩwa na kĩthing’ĩĩsyo kingĩ kya ũmũtũma, nĩ kana, mwamwona ĩngĩ, mũtonye kũtana, nakwa nĩnyivĩwe nĩ woo.</verse>
				<verse number="29">Mwosei ĩndĩ nthĩnĩ wa Mwĩaĩi na ũtanu w’onthe; na mataĩei ala mailyĩ take:</verse>
				<verse number="30">nĩkwĩthĩwa kwondũ wa wĩa wa Klĩsto aĩ vakuvĩ kũkw’a, na ndaasũvĩa thayũ wake nĩ kana eanĩsye kĩla kyatialĩte kwenyu kya ũndethya.</verse>
			</chapter>
			<chapter number="3">
				<verse number="1">Kũminũkĩlya, ana‐a‐asa, tanai nthĩnĩ wa Mwĩaĩi. Kũmũandĩkĩa inyw’ĩ maũndũ o asu ĩngĩ, ndiũnoa, ĩndĩ kwenyu ni ũsũvĩo.</verse>
				<verse number="2">Ĩsũvĩei ila ngitĩ, ĩsũvĩei ala atethya ma mawĩa mathũkũ, ĩsũvĩei ala metemaa:</verse>
				<verse number="3">nũndũ ithyĩ twĩ ala maĩkawa, ala tũthaithaa ũndũ wa Veva wa Ngai, na twĩkathĩĩaa nthĩnĩ wa Klĩsto Yesũ, na tũtiĩkĩĩaa mwĩĩ:</verse>
				<verse number="4">o na kau nyie mwene nĩndonya kũĩkĩĩa mwĩĩ: ethĩwa mũndũ ũngĩ o na wĩva eona e na ũndũ wa kũĩkĩĩa mwĩĩ, nyie nĩ mbee:</verse>
				<verse number="5">naĩkiwe mũthenya wa nyanya, nĩ wa mbaĩ ya Isilaeli, wa mũvĩa wa Mbenyamini, Mũevelania wa Aevelania; ũndũ wa ĩla mĩao, naĩ Mũvalisi;</verse>
				<verse number="6">ũndũ wa ũthangaau mũnene, nathĩnisye ĩkanisa; na ũndũ wa ũlũngalu ũla wĩ mĩaonĩ, ndyaailĩĩlĩka ũndũ.</verse>
				<verse number="7">Ĩndĩ maũndũ ala maĩ ma nguna, nĩmo natalile kwĩthĩwa nĩ wasyo kwondũ wa Klĩsto.</verse>
				<verse number="8">Ĩĩ nĩ w’o, na nĩtalaa syĩndũ syonthe kwĩthĩwa nĩ wasyo ũndũ wa ũseo mũnene wa ũmũmanya Klĩsto Yesũ Mwĩaii wakwa: we ũla kwondũ wake naaisye syindũ syonthe, na kwitala kwĩthĩwa nĩ mavuthĩ, nĩ kana nĩmwone Klĩsto,</verse>
				<verse number="9">nakwa noneke nthĩnĩ wake, nde na ũlũngalu wakwa mwene, naw’o ti ũla wonekaa ĩla maĩonĩ, ĩndĩ ũla wonekaa kwondũ wa kũikĩĩa Klĩsto, ũlũngalu ũla wumaa kwa Ngai kwondũ wa mũĩkĩĩo:</verse>
				<verse number="10">nĩ kana nĩmũmanye we, na vinya wa kũthayũũka kwake, na mũamba wa mathĩna make, ngĩvw’ananw’a na kikw’ũ kyake;</verse>
				<verse number="11">nĩ kana kwa ũndũ o na wĩva w’onthe nĩtonye kũvikĩa ũthayũũkyo kuma kwa akw’ũ.</verse>
				<verse number="12">Ti atĩ nĩnĩvikĩte, kana ngethĩwa mwĩanĩu: ĩndĩ nĩngwĩthĩng’iĩsya kũthi na mbee, nĩ kana nĩtonye kũkikwata kĩla kwondũ wakyo nakwatiwe nĩ Klĩsto Yesũ.</verse>
				<verse number="13">Ana‐a‐asa, ndikwĩtala mwene ta nĩkwatĩte: ĩndĩ ũndũ ũũ ũmwe nĩngwĩka, ngyũlwa nĩ maũndũ ala me ĩtina, na ngikoota nĩvĩkĩe maũndũ ala me mbee,</verse>
				<verse number="14">nĩngwĩthĩng’iĩsya kũthi nĩvikĩe ngoolu kwondũ wa mũthĩnzĩo ũla neetiwe ĩũlũ nĩ Ngai nthĩnĩ wa Klĩsto Yesũ.</verse>
				<verse number="15">Ithyĩ ĩndĩ ala eanĩu tũlilikane ũu: na ethĩwa nĩmũũlilikana ũndũ ũngĩ, ũndũnĩ o na wĩva, Ngai akamũvuanĩsya ũndũ ũsu naw’o:</verse>
				<verse number="16">ĩndĩ o vala tũvikĩte tũendeei ũndũnĩ o ũsu.</verse>
				<verse number="17">Ana‐a‐asa, inyw’onthe ĩthĩwai mũkĩelekan’ya nakwa, na masisyei ala maendaa na kũatĩĩa ngelekan’yo ĩla twamũnengie.</verse>
				<verse number="18">Nũndũ aingĩ nĩmaendaa, ala nĩmũtavasya ũvoo woo kaingĩ, na yu nĩngũmũtavya o ngĩtĩkya methoi, kana nĩ amaitha ma ngelan’yo ya Klĩsto:</verse>
				<verse number="19">na mũminũkĩlyo woo nĩ wanangĩko, na ngai yoo nĩ ĩvu, na kwĩtaĩa kwoo kwĩ maũndũnĩ ma nthoni syoo, na malilikanaa maũndũ ma nthĩ.</verse>
				<verse number="20">Nũndũ kwitũ nĩ ĩtunĩ; naitũ nĩtweteelaa Mũtangĩĩi ũla wĩuma vo, nake nĩ Mwĩaĩi Yesũ Klĩsto:</verse>
				<verse number="21">ũla ũkaalyũla mwĩĩ ũũ wa ũnyivu witũ, wĩthĩwe ũvw’anene na mwĩĩ wa ũtaĩo wake, kwĩanana na kwĩka kũla ũtonya o na kũnyivya syĩndũ syonthe syĩthĩwe ĩtheo wake mwene.</verse>
			</chapter>
			<chapter number="4">
				<verse number="1">Kwondũ wa ũu, ana‐a‐asa makwa ala nendete mũno na ala nĩ na mea ma kũmwona, ũtanu wakwa na ngovia ya ũsumbĩ, ũngamai na ũlũmu nthĩnĩ wa Mwĩaĩi, endwa makwa.</verse>
				<verse number="2">Nĩmwĩsũva Euotia, na nĩmwĩsũva Sinitike nake, methĩwe na kĩlilikano kimwe nthĩnĩ wa Mwĩaĩi.</verse>
				<verse number="3">Ĩĩ, na nĩngũkwisũva we, mwovanĩw’a wa w’o vamwe nakwa wĩanĩ, ũmatethye aka asu, nũndũ nĩmatethisye wĩa vamwe nakwa ũla ũvoonĩ mũseo, vamwe na Kilemendi nake, na ala angĩ atethya ma wĩa vamwe nakwa. Nao masyĩtwa moo me ĩvukunĩ ya thayũ.</verse>
				<verse number="4">Tanaai nthĩnĩ wa Mwĩaĩi mavinda onthe: na ĩngĩ nĩngwasya Tanaai.</verse>
				<verse number="5">Wũmĩĩsyo wenyu ũmanyĩke nĩ andũ onthe, Mwĩaĩi e vakuvĩ.</verse>
				<verse number="6">Mũikemakĩe kwa ũndũ o na wĩva; ĩndĩ kĩla ũndũnĩ mavata menyu nĩmatavanw’e kwa Ngai na kũvoya na kwĩsũva vamwe na kũtũnga mũvea.</verse>
				<verse number="7">Na mũuo wa Ngai, ũla ũvĩtũkĩte ũmanyi w’onthe, ũkasũvĩaa ngoo syenyu na mosũanĩo menyu nthĩnĩ wa Klĩsto Yesũ.</verse>
				<verse number="8">Kũminũkĩlya, ana‐a‐asa, maũndũ o na meva ala ma w’o, maũndũ o na meva ala me na ndaĩa, maũndũ o na meva ala malũngalu, maũndũ o na meva ala matheu, maũndũ o na meva ala ma kwendeesya, maũndũ o na meva ala me na nguma nzeo; ethĩwa ve ũseo o na wĩva w’onthe, na ethĩwa ve ndaĩa o na yĩva yonthe, malilikanei maũndũ asu.</verse>
				<verse number="9">Maũndũ ala mweemanyĩisye kwakwa na kũmosa na kũmew’a na kũmona, mekei maũndũ asu: na Ngai wa mũuo akeethĩwa vamwe nenyu.</verse>
				<verse number="10">Ĩndĩ nĩtana mũno nthĩnĩ wa Mwĩaĩi, atĩ yu nĩmwambĩlĩlye ĩngĩ kũndilikana; na nĩmwandilikene w’o, ĩndĩ mũtyaaona ũthei.</verse>
				<verse number="11">Ti atĩ nĩneena ũu nũndũ nĩ na vata: nũndũ nĩneemanyĩisye, ũndũnĩ o na wĩva ũla nĩ naw’o, kwĩthĩwa ndi na ũndũ.</verse>
				<verse number="12">Nĩnĩsĩ ũndũ kũilyĩ kũnyivĩwa, na nĩnĩsĩ ũndũ kũilyĩ kwingĩvĩwa nakw’o: kĩla ũndũnĩ na maũndũnĩ onthe nĩnĩmanyĩĩtye kũvũna o na kwĩw’a nzaa, kwĩthĩwa na nyingĩ na kũnyivĩwa.</verse>
				<verse number="13">Nĩndonya maũndũ onthe nthĩnĩ wake ũla ũndonyethasya.</verse>
				<verse number="14">Ĩndĩ mwekie nesa mũno mweethĩwa na mũamba nakwa mathinanĩ makwa.</verse>
				<verse number="15">Nenyu ene nĩmwĩsĩ, inyw’ĩ Avilivi, kana wambĩlĩlyonĩ wa ũla ũvoo mũseo, yĩla naumie Masetonia, vaiai ĩkanisa yaĩ na mũamba nakwa ũndũnĩ ũũ wa kũnengane na kwosa, ate o inyw’ĩ inyw’oka;</verse>
				<verse number="16">nĩkwĩthĩwa o na kũu Thesalonika nĩmwandetee ũtethyo kwondũ wa vata wakwa, o na ti ĩvinda yĩmwe.</verse>
				<verse number="17">Ti kwĩthĩwa nĩngũwenda ũla mũthĩnzĩo; ĩndĩ nĩngwenda ũsyao ũla wingĩvaa ũtalonĩ wenyu.</verse>
				<verse number="18">Ĩndĩ nĩ na syĩndũ syonthe, na nĩningĩvĩwe: na ĩngĩ nĩnusũĩte, nũndũ nĩnĩsyosete mokonĩ ma Evavilotito syĩndũ ila syumĩte kwenyu, nĩ mũuke mũseo, nĩ nthembo ĩtĩkĩlawa, ĩla ĩmwendeeasya Ngai.</verse>
				<verse number="19">Na Ngai wakwa akawĩanĩsya kĩla vata wenyu kwĩanana na ũthwii wake ndaĩanĩ nthĩnĩ wa Klĩsto Yesũ.</verse>
				<verse number="20">Na yu Ngai, Asa waitũ, nataĩwe tene na tene. Ameni.</verse>
				<verse number="21">Ngethesyai kĩla mũtheu nthĩnĩ wa Klĩsto Yesũ. Ana‐a‐asa ala me nakwa nĩmamũkethya.</verse>
				<verse number="22">Atheu onthe nĩmamũkethya, na mũno nĩ ala ma nyũmba ya Kaisali.</verse>
				<verse number="23">Mumo wa Mwĩaĩi Yesũ Klĩsto nĩwĩthĩwe na maveva menyu.</verse>
			</chapter>
		</book>
		<book number="51">
			<chapter number="1">
				<verse number="1">Vaulo mũtũmwa wa Klĩsto Yesũ kwondũ wa kwenda kwa Ngai, na Timotheo mwana‐a‐asa waitũ,</verse>
				<verse number="2">valũa ũũ witũ ũmavikĩe atheu na ana‐a‐asa nthĩnĩ wa Klĩsto ala me na kĩthito, ala me Kolosai: Mumo nĩwĩthĩwe kwenyu na mũuo kuma kwa Ngai Asa waitũ.</verse>
				<verse number="3">Nĩtũũtũngĩa Ngai mũvea, Ĩthe wa Mwĩaĩi waitũ Yesũ Klĩsto, tũkĩmũvoyea mavinda onthe,</verse>
				<verse number="4">nũndũ nĩtwĩw’ĩte ũvoo wa mũĩkĩĩo wenyu nthĩnĩ wa Klĩsto Yesũ, na wendo ũla mũmendaa atheu onthe naw’o,</verse>
				<verse number="5">nũndũ wa wĩkwatyo ũla mwaiĩwe ĩtunĩ, naw’o nĩmweew’ĩte tene ũvoo waw’o ndetonĩ ya ũla w’o wa ũvoo mũseo,</verse>
				<verse number="6">ũla wamũvikĩe; o tondũ ũilyĩ nthĩ yonthe ũisyaa ũsyao na kwongeleka, o ũndũ ũilyĩ nthĩnĩ wenyu, kuma mũthenya ũla mweewie na mwamanya ũla mumo wa Ngai katĩ wa w’o;</verse>
				<verse number="7">o tondũ mũmanyĩĩtw’e nĩ Evavila mwendwa, mũtethya wa wĩa vamwe naitũ, nake nĩ mũthũkũmi wĩ kĩthito wa Klĩsto kwondũ witũ,</verse>
				<verse number="8">nake nĩwatũtavisye wendo wenyu nthĩnĩ wa Veva.</verse>
				<verse number="9">Kwondũ wa ũu ithyĩ naitũ, kuma mũthenya ũla tweewie, tũtiekaa kũvoya na kũmũvoyeaa, nĩ kana musũe ũmanyi wa kwenda kwake nthĩnĩ wa ũĩ w’onthe na kũmanya kwa veva,</verse>
				<verse number="10">mũkinyae ũndũ waĩle Mwĩaĩi kũvikĩa kũmwendeesya vyũ, mũkĩsyaa ũsyao kĩla wĩanĩ mũseo, na kwongeleka kũmũmanya Ngai;</verse>
				<verse number="11">mũkitonyethw’a na ũtonyi w’onthe, kwĩanana na vinya wa ũtheu wake mũtisu, kũvikĩa kwĩlũĩũmĩlya kw’onthe na kũmĩĩsya mũtanĩte;</verse>
				<verse number="12">mũkĩmũtũngĩa Asa mũvea, ũla watũtwie aĩlu twĩthĩwe osi ma ũtiĩwa wa atheu nthĩnĩ wa kyeni;</verse>
				<verse number="13">ũla watũtangĩĩe kuma vinyanĩ wa kĩvindu na kũtũthamya na kũtũlikya ũsumbĩnĩ wa Mwana wake mwendwa;</verse>
				<verse number="14">nake nthĩnĩ wake twĩ na wovosyo witũ, ũekeo wa naĩ sitũ:</verse>
				<verse number="15">nake nĩ mũvw’ano wa Ngai ũtonekaa, mũsyawa ũla wĩ mbee wa syũmbe syonthe;</verse>
				<verse number="16">nĩkwĩthĩwa nthĩnĩ wake syĩndũ syonthe nĩsyoombiwe, sya ĩtunĩ na sya kũũ nthĩ, syĩndũ ila syonekaa na ila itonekaa, ethĩwa nĩ ivĩla sya ũsumbĩ, o na mosumbĩ, o na monene, o na mokũmũ; syĩndũ syonthe nĩsyoombiwe nĩwe, syĩthĩwe syake;</verse>
				<verse number="17">nake e mbee wa syĩndũ syonthe, na nthĩnĩ wake syĩndũ syonthe nikwatene.</verse>
				<verse number="18">Nake nĩwe mũtwe wa mwĩĩ, naw’o nĩ ĩkanisa: nake nĩ mwambĩlĩlyo, na mũsyawa wa mbee kuma akw’ũnĩ; nĩ kana maũndũnĩ onthe ethĩwe e mbee.</verse>
				<verse number="19">Nĩkwĩthĩwa kwaĩ kwenda kũseo kwa Ĩthe atĩ wĩanĩu w’onthe wĩkalae nthĩnĩ wake;</verse>
				<verse number="20">na kwondũ wake kũsyĩw’anĩthya syĩndũ syonthe nake mwene, aetete mũuo kwondũ wa nthakame ya ngelan’yo yake; kwondũ wake, ethĩwa nĩ syĩndũ sya kũũ nthĩ, kana syĩndũ syĩ ĩtunĩ.</verse>
				<verse number="21">Na inyw’ĩ, mwekalĩte ĩvinda ya tene mũte na wĩw’ano na mwĩ amaitha ilĩkonĩ syenyu na mĩkĩlenĩ yenyu mĩthũku,</verse>
				<verse number="22">ĩndĩ yu nũmwĩw’ĩthanĩtye na mwĩĩ wake wa nyama kwondũ wa kũkw’a, nĩ kana amũete inyw’ĩ mbee wake, mwĩ atheu, mũte na ũndũ ũtaĩle na mũtavinganĩĩka:</verse>
				<verse number="23">ethĩwa nĩ w’o mũkekala mũĩkĩĩonĩ, mwĩ ĩũlũ wa wambĩlĩlyo na mwĩ alũmu, na mũte kũthamwa kũtia wĩkwatyo wa ũvoo mũseo ũla mweewie, ũla watavaniw’e syũmbenĩ syonthe syĩ ĩtheo wa ĩtu; naw’o nyie Vaulo natwĩwe mũthũkũmi waw’o.</verse>
				<verse number="24">Na yu nĩngũtana mathĩnanĩ makwa kwondũ wenyu, na nĩĩanĩsya mwĩĩnĩ wakwa mathĩna ala matialĩte ma Klĩsto kwondũ wa mwĩĩ wake, naw’o nĩ ĩkanisa;</verse>
				<verse number="25">nayo nyie natwiwe mũthũkũmi wayo, kwĩanana na walan’yo wa Ngai ũla nanengiwe kwa ngalĩ ĩla yenyu, kwĩanĩsya ndeto ya Ngai,</verse>
				<verse number="26">nayo nĩ ĩla nzama ĩvithĩtwe kuma tene tene na ĩvithĩtwe nzyawa syonthe: ĩndĩ yu nĩvuanĩtw’e kwa atheu make,</verse>
				<verse number="27">namo Ngai endeew’e nĩ kũmamanyĩthya ũndũ ũtilyĩ wingĩ wa ndaĩa ya nzama ĩno kwa Andũ‐ma‐mbaĩ‐ĩngĩ, nayo nĩ Klĩsto nthĩnĩ wenyu, wĩkwatyo wa ũtheu mũtisu:</verse>
				<verse number="28">na nĩwe ũla ithyĩ tũũmũtavan’ya, tũimũtaa kĩla mũndũ na tũkĩmũmanyĩsya kĩla mũndũ na ũĩ w’onthe, nĩ kana tũtonye kũete kĩla mũndũ e mwĩanĩu nthĩnĩ wa Klĩsto;</verse>
				<verse number="29">nakwa nĩtethasya wĩa nũndũ wa ũu, ngĩthing’ĩĩsya kwĩanana na kwĩka kwake, ũla ũtethasya nthĩnĩ wakwa na vinya.</verse>
			</chapter>
			<chapter number="2">
				<verse number="1">Nũndũ nĩenda mũmanye kĩthing’ĩĩsyo kĩla nĩ nakyo kwondũ wenyu, na kwondũ wa ala me Laotisia, na kwondũ wa ala mataawona ũthyũ wakwa wa mwĩĩ;</verse>
				<verse number="2">nĩ kana ngoo syoo ikiakiw’e, makwatanĩtw’e nĩ wendo, mavikĩe ũthwii w’onthe wa wĩanĩu wa ũmanyi, nĩ kana mamanye ĩla nzama ya Ngai, nayo nĩ Klĩsto,</verse>
				<verse number="3">ũla nthĩnĩ wake ũthwii w’onthe wa ũĩ na ũmanyi nũvithitwe.</verse>
				<verse number="4">Nĩneena ũu, nĩ kana mũndũ o na wĩva ndakamũkenge na ndeto nzeũvye.</verse>
				<verse number="5">Nũndũ o na ethĩwa ndi vamwe nenyu kwa mwĩĩ, kwa veva nĩ vamwe nenyu, ngĩtana na kwona mũseũvĩlye wa maũndũ menyu, na ũlũmu wa mũĩkĩĩo wenyu nthĩnĩ wa Klĩsto.</verse>
				<verse number="6">Ĩndĩ o tondũ mwamwosie Klĩsto Yesũ Mwĩaĩi, endaai o ũu nthĩnĩ wake,</verse>
				<verse number="7">mwĩ na mĩi mĩlũmu, na kwakwa nthĩnĩ wake, na kũlũlũmĩlw’a mũĩkĩĩonĩ wenyu, o ũndũ mwamanyĩiw’e, mũkingĩva kũtũnga mũvea.</verse>
				<verse number="8">Ĩsũvĩei mũndũ o na wĩva ndakamũtave na ũĩ na ũkengani wake wa mana, kũatĩĩa mokũũ ma andũ, na momanyĩsyo ma kwambĩlĩlya ma nthĩ, na ti kũmũatĩĩa Klĩsto:</verse>
				<verse number="9">nũndũ wĩanĩu w’onthe wa Ũ‐Ngai ũtwĩe nthĩnĩ wake e o na mwĩĩ,</verse>
				<verse number="10">na inyw’ĩ nĩmwĩanĩw’e nthĩnĩ wake, nake nĩ mũtwe wa monene na mokũmũ onthe:</verse>
				<verse number="11">na nthĩnĩ wake nĩmwaĩkĩtwe na nzaĩko ĩtaĩkawa na moko, ũndũ wa kũveta mwĩĩ wa nyama, nthĩnĩ wa nzaĩko ya Klĩsto;</verse>
				<verse number="12">nĩmwathikiwe vamwe nake ũvatisonĩ, na nthĩnĩ waw’o nĩmwathayũũkiw’e vamwe nake kwondũ wa mũĩkĩĩo nthĩnĩ wa kwĩka kwa Ngai, ũla wamũthayũũkisye kũmumya kwa akw’ũ.</verse>
				<verse number="13">Nenyu yĩla mwaĩ akw’ũ kwondũ wa mavĩtyo menyu na kũlea kwaĩkwa kwa mĩĩ yenyu, inyw’ĩ, nĩwamũtw’ĩkĩthisye kwĩthĩwa thayũ vamwe nake, atũekeete mavĩtyo maitũ onthe;</verse>
				<verse number="14">amina kwananga ũandĩko ũla waandĩkĩtwe motw’ĩonĩ ũla waĩ ĩũlũ waitũ, ũla waĩ na ũmaitha kwitũ: na ooveta, aiwamba ngelan’yonĩ yake;</verse>
				<verse number="15">eevetea monene na mokũmũ amaumĩlya ũtheinĩ, akimakĩlya vinya nũndũ wa ngelan’yo ĩsu.</verse>
				<verse number="16">Kwondũ wa ũu mũndũ o na wĩva ndakamũsilĩle ũndũ wa kya ũya, kana kya ũnyw’a, kana kwondũ wa mũthenya wa mboka, kana mwei mũtisu, kana mũthenya wa savato:</verse>
				<verse number="17">maũndũ asu nĩ kyuu kya maũndũ ala makoka; ĩndĩ mwĩĩ nĩ wa Klĩsto.</verse>
				<verse number="18">Mũndũ o na wĩva ndakamũvute mũthĩnzĩo wenyu kwondũ wa kwĩnyivya kwa kwenda kwake mwene, na kũthaitha alaĩka, na kwĩlikya maũndũnĩ ala ũtaamona, akĩkathĩĩa mana kwondũ wa kĩlĩko kyake kya mwĩĩ,</verse>
				<verse number="19">na ndeũlũmya ũla Mũtwe, ũla kuma kwake mwĩĩ w’onthe, ũinengwa vinya na ũithalanw’a na maleenyũ na malangũ, nĩwĩanaa ũndũ Ngai wianasya.</verse>
				<verse number="20">Ethĩwa mwakwie vamwe na Klĩsto kwa momanyĩsyo ma kwambĩlĩlya ma nthĩ, nĩkĩ mũsumbĩkĩtwe nĩ motw’ĩo ta mwĩ thayũ kũũ nthĩ,</verse>
				<verse number="21">atĩĩ, Mũikakwate, kana kũsama, kana kũkiita</verse>
				<verse number="22">(syĩndũ isu syonthe ila ikanangĩka ĩvinda ya kwĩkaa ũndũ nasyo), kũatĩĩa motao na momanyĩsyo ma andũ?</verse>
				<verse number="23">Maũndũ asu nĩ w’o me na wonan’yo wa ũĩ kwa kũthaitha kwĩanana na kwenda kwa mũndũ, na wĩnyivyo, na kũthĩn’ya mwĩĩ; ĩndĩ maũndũ asu maitonya kũsiĩĩa mawendi ma mwĩĩ.</verse>
			</chapter>
			<chapter number="3">
				<verse number="1">Ethĩwa ĩndĩ mwathayũũkiw’e vamwe na Klĩsto, manthai maũndũ ala me ĩũlũ, vala Klĩsto ũĩ, ailyi nthĩ ngalĩ ya kw’oko kwa aũme kwa Ngai.</verse>
				<verse number="2">Mosũanĩo menyu malũme maũndũnĩ ala me ĩũlũ, na ti maũndũnĩ ala me nthĩ.</verse>
				<verse number="3">Nĩkwĩthĩwa nĩmwakwie, na thayũ wenyu ũvithĩtwe vamwe na Klĩsto nthĩnĩ wa Ngai.</verse>
				<verse number="4">Yĩla Klĩsto ũkonanw’a, nake nĩwe thayũ witũ, nĩvo ĩndĩ nenyu mũkonanw’a vamwe nake ũtheunĩ mũtisu.</verse>
				<verse number="5">Kwondũ wa ũu, ũaai mamutha menyu ala me kũũ nthĩ: ũlaalai, na ũvuku, na mĩmeo mĩthũku, na kwenda maũndũ mathũku, na ĩtomo, nayo nĩ kũthaitha mĩvw’anano;</verse>
				<verse number="6">kwondũ wa maũndũ asu ũthatu wa Ngai wũkaa kwa ana ala matew’aa:</verse>
				<verse number="7">nenyu tene mwaendaa nthĩnĩ wamo, yĩla mwatwĩe maũndũnĩ asu;</verse>
				<verse number="8">ĩndĩ yu vetai kũasa nenyu maũndũ asu onthe: ũthatu, na ũthilĩku, na kĩmena, na kũumana, ndeto mbathe itikethĩwe makanyw’anĩ menyu:</verse>
				<verse number="9">mũikaneene ũvũngũ ene kwa ene; nĩkwĩthĩwa nĩmumĩtye mũndũ ũla wa tene na meko make,</verse>
				<verse number="10">na nĩmwĩvw’ĩkĩte mũndũ mweũ, ũla ũtũngawa mweũ kũvikĩa ũmanyi kũatĩĩa mũvw’ano wa ũla wamũmbie:</verse>
				<verse number="11">vala vatatonyeka kwĩthĩwa Mũkiliki kana Mũyuti, kwaĩkwa kana kũlea kwaĩkwa, ũla ũte na ũmanyi kana Mũsithiani, ngombo kana ũla ũte ngombo; ĩndĩ Klĩsto nĩ onthe, na e nthĩnĩ wa onthe.</verse>
				<verse number="12">Ĩndĩ tondũ mwĩ anyuve ma Ngai, atheu na endwa, ĩvw’ĩkei ngoo yĩ na ĩnee ya kwĩw’anĩa tei, wĩnyivyo, ũuu, wũmĩĩsyo;</verse>
				<verse number="13">kũmĩĩasya ũmwe kwa ũla ũngĩ, na kũekeanĩa ene kwa ene, ethĩwa mũndũ o na wĩva e na ũndũ na ũngĩ; o tondu Mwĩaĩi wamũekeie, inyw’ĩ nenyu ĩkaai o ta ũu:</verse>
				<verse number="14">na mbee wa maũndũ aa onthe ĩvw’ĩkei wendo, naw’o nĩ wovano wa wĩanĩu.</verse>
				<verse number="15">Na mũuo wa Klĩsto ũsumbĩke ngoonĩ syenyu, ũla kwondũ waw’o nenyu mweetiwe nthĩnĩ wa mwĩĩ ũmwe; na ĩthĩwai na mũvea.</verse>
				<verse number="16">Ndeto ya Klĩsto yĩkalae na ũthwii mwingĩ nthĩnĩ wenyu; nthĩnĩ wa ũĩ w’onthe mũimanyĩan’ya na kũtaana inyw’ĩ kwa inyw’ĩ na savuli na mbathi sya kũmũkumya Ngai na mbathi sya veva, mũkĩmwinĩa Ngai na mumo ngoonĩ syenyu.</verse>
				<verse number="17">Na ũndũ o na wĩva mwĩkaa, kwa ndeto kana kwa meko, ĩkaai w’onthe syĩtwanĩ ya Mwĩaĩi Yesũ, mũimũnenga Ngai Asa mũvea kwondũ wake.</verse>
				<verse number="18">Iveti, ĩnyivĩsyei aũme menyu ũndũ waĩle nthĩnĩ wa Mwĩaĩi.</verse>
				<verse number="19">Aũme, endai iveti syenyu, na mũikasyĩw’ĩe woo.</verse>
				<verse number="20">Syana mew’ei asyai menyu maũndũnĩ onthe, nũndũ ũu nĩwendeeasya nthĩn ĩ wa Mwĩaĩi.</verse>
				<verse number="21">Aasa, mũikathatye syana syenyu, itikakw’e ngoo.</verse>
				<verse number="22">Ngombo, mew’ei mavwana menyu kwondũ wa mwĩĩ maũndũnĩ onthe; ti na ũthũkũmi wa kũsyaĩĩwa, ta endeesya ma andũ, ĩndĩ na ũthalĩku wa ngoo, mũkĩmũkĩa Mwĩaĩi:</verse>
				<verse number="23">ũndũ mũkwĩka o na wĩva, wĩkei kuma ngoonĩ, ta kũmũthũkũma Mwĩaĩi, na ti andũ:</verse>
				<verse number="24">mwĩsĩ kana mũkoosa kuma kwa Mwĩaĩi ĩtuvi ya ũla ũtiĩwa: nũndũ nĩmũthũkũmaa Mwĩaĩi Klĩsto.</verse>
				<verse number="25">Nũndũ ũla wĩkaa ũthũku akoosa ĩngĩ kwondũ wa ũthũku ũla wekie: na kũi wendeesyo wa andũ.</verse>
			</chapter>
			<chapter number="4">
				<verse number="1">Mavwana, nengai ngombo syenyu kĩla kyaĩle na kĩla kya katĩ; mwĩsĩ kana inyw’ĩ nenyu mwĩna Vwana ĩtunĩ.</verse>
				<verse number="2">Ĩkalai mũlũlũmĩle mboyanĩ, voyai mũkĩsyaĩĩsya vamwe na kũtũnga mũvea;</verse>
				<verse number="3">na vamwe na ũu mũkĩtũvoyea ithyĩ, nĩ kana Ngai atũvingũĩe mũomo kwondũ wa ĩla ndeto, kũneena nzama ya Klĩsto, nayo kwondũ wayo nĩ mwove;</verse>
				<verse number="4">nĩ kana nĩmyonan’ye, o tondũ naĩlwe nĩ kũneena.</verse>
				<verse number="5">Endaai na ũĩ kwa ala me ũtee, mũkĩtangĩĩa ĩvinda.</verse>
				<verse number="6">Ndeto syenyu syĩthĩwe na mumo mavinda onthe, isamae mũnyũ, nĩ kana mũmanye ũndũ mwaĩlwe nĩ ũsũngĩa kĩla mũndũ.</verse>
				<verse number="7">Maũndũ makwa onthe Tikiko akamũmanyĩthya, nake nĩ mwana‐a‐asa mwendwa, na mũthũkũmi wĩ na kĩthito, na ngombo vamwe nakwa nthĩnĩ wa Mwĩaĩi:</verse>
				<verse number="8">nake nĩmũtũmĩte oke kwenyu kwondũ wa ũndũ o ũsu, nĩ kana mũmanye ũndũ tũilyĩ, na nĩ kana amũkiakisye ngoo syenyu;</verse>
				<verse number="9">vamwe na Onesimo, ũla mwana‐a‐asa wĩ na kĩthito na mwendwa, nake nĩ ũmwe wenyu. Makamũtavya maũndũ onthe ala mekawa kũũ.</verse>
				<verse number="10">Alisitaliko mwovwa vamwe nakwa nĩmwamũkethya, na Maliko, mwĩvae wa Valanava (ũla mwoosie mĩao ũndũ wake; ethĩwa akooka kwenyu mũthokyei),</verse>
				<verse number="11">na Yesũ, ũla wĩtawa Yusito, nao nĩ andũ ala maĩkawa: asu me oka nĩ atethya ma wĩa vamwe nakwa kwondũ wa ũsumbĩ wa Ngai, andũ ala mangiakiisye.</verse>
				<verse number="12">Evavila, nake nĩ ũmwe wenyu, ngombo ya Klĩsto Yesũ, nĩwamũkethya, aithetheesya kũvoya kwondũ wenyu mavinda onthe, nĩ kana mũũngame mwĩ ethĩanu na mwĩthĩwe mũte na nzika nongi kwendanĩ kw’onthe kwa Ngai.</verse>
				<verse number="13">Nũndũ nĩngũmũkũsĩĩa, e na wĩa mwingĩ kwondũ wenyu, na kwondũ wa ala ma Laotisia, na kwondũ wa ala ma Ielavoli.</verse>
				<verse number="14">Luka, mũiiti ũla mwendwa, na Ndema nĩmamũkethya.</verse>
				<verse number="15">Ngethesyai ana‐a‐asa ala me Laotisia, na kethyai Nimba, na ĩkanisa yĩla yĩ nyũmbanĩ yake.</verse>
				<verse number="16">Na valũa ũũ wasomwa kwenyu, twaai ũsomwe naw’o ĩkanisanĩ ya Alaotisia; na inyw’ĩ nenyu mwĩsoma valũa ũla wĩuma Laotisia.</verse>
				<verse number="17">Na mwĩe Alikivo atĩĩ, Sũvĩa mũno ũthũkũmi ũla wosete nthĩnĩ wa Mwĩaĩi, nĩ kana ũwĩanĩsye.</verse>
				<verse number="18">Ngethi yakwa, nyie Vaulo nĩngũandĩka na kw’oko kwakwa mwene. Lilikanai kwovwa kwakwa. Mumo nĩwĩthĩwe nenyu.</verse>
			</chapter>
		</book>
		<book number="52">
			<chapter number="1">
				<verse number="1">Vaulo, na Silivano, na Timotheo, valũa ũũ witũ ũyĩvikĩe ĩkanisa ya Athesalonika yĩla yĩ nthĩnĩ wa Ngai Asa na Mwĩaĩi Yesũ Klĩsto: Mumo nĩwĩthĩwe nenyu na mũuo.</verse>
				<verse number="2">Nĩtũũmũtũngĩa Ngai mũvea mavinda onthe kwondũ wenyu inyw’onthe, tũkĩmũweta mboyanĩ sitũ;</verse>
				<verse number="3">tũkĩlilikana tũteũeka wĩa wenyu wa mũĩkĩĩo, na kũthĩnĩa wĩa kwenyu kwa wendo, na wũmĩĩsyo wenyu wa wikwatyo nthĩnĩ wa Mwĩaĩi waitũ Yesũ Klĩsto, mbee wa Ngai Asa waitũ:</verse>
				<verse number="4">tũkĩmanya, ana‐a‐asa, endwa ma Ngai, kũnyuvwa kwenyu,</verse>
				<verse number="5">nĩkwĩthĩwa ũvoo mũseo witũ ndwaamũvikia na ndeto syoka, ĩndĩ na vinya, na nthĩnĩ wa Veva Mũtheu, na wĩanĩu wa ũmanyi; o tondũ mwĩsĩ ũndũ mwĩkalile witũ wailyĩ mbee wenyu kwondũ wenyu.</verse>
				<verse number="6">Nenyu mwatw’ĩka eelekan’ya maitũ, na ma Mwĩaĩi, mwosete ĩla ndeto na ũnyamao mwingĩ, vamwe na ũtanu wa Veva Mũtheu;</verse>
				<verse number="7">na nũndũ wa ũu mũtw’ĩkĩte ngelekan’yo kwa andũ onthe ala metĩkĩlaa Masetonia na Akaia.</verse>
				<verse number="8">Nũndũ isyũ ya ndeto ya Mwĩaĩi nĩyĩw’ĩkĩte yumĩte kwenyu, na ti Masetonia na Akaia kw’oka, ĩndĩ kĩla vandũ mũĩkĩĩo wenyu ũla mwi naw’o kwa Ngai nũtũnganĩte; na nũndũ wa ũu tũi na vata wa kũneena ũndũ.</verse>
				<verse number="9">Nũndũ mo ene nĩmeũtavan’ya ũvoo witũ ũndũ kwailyĩ kũlika kwitũ kwenyu; na ũndũ mweethyũũie kũmweiekela Ngai na kũtia mĩvw’anano, nĩ kana mũthũkũme Ngai ũla wĩ thayũ na ũla wa w’o.</verse>
				<verse number="10">Na kũmweteela Mwana wake kuma ĩtunĩ, ũla wamũthayũũkisye kũmumya kwa akw’ũ, nake nĩ Yesũ, Mũtũtangiĩi kwa ũthatu ũla wũkĩte.</verse>
			</chapter>
			<chapter number="2">
				<verse number="1">Nũndũ inyw’ĩ ene, ana‐a‐asa, nĩmwĩsĩ kũlika kwitũ kwenyu, kana kũiaaĩthĩwa kwa mana:</verse>
				<verse number="2">ĩndĩ nũndũ nĩtwathĩniw’e mbee na kwĩkwa maũndũ mathũku ndũanĩ ya Vilivi, o ũndũ inyw’ĩ mwĩsĩ, nĩtwongelekile ũkũmbaũ nthĩnĩ wa Ngai waitũ wa kũneena nenyu ũla ũvoo mũseo wa Ngai o na tũkĩsiiĩwa mũno.</verse>
				<verse number="3">Nũndũ ũtao witũ ti wa kwasya andũ, kana wa ũvuku, kana nthĩnĩ wa ũĩ wa ũkengani:</verse>
				<verse number="4">ĩndĩ o ũndũ tweetĩkĩlilwe nĩ Ngai tũsũvĩe ũla ũvoo mũseo, nĩw’o tũũneena; ti kwondũ wa kũmendeesya andũ, ĩndĩ nĩ kũmwendeesya Ngai ũla ũoasya ngoo sitũ.</verse>
				<verse number="5">Nũndũ tũtyaaoneka o na ĩvinda yĩva tũkĩneena ndeto sya kũkathĩĩa andũ, o ũndũ mwĩsĩ, kana kũvw’ĩka wendi wa syĩndũ, Ngai nĩwe ngũsĩ;</verse>
				<verse number="6">o na tũtyaamantha ndaĩa kuma kwa andũ, o na inyw’ĩ kana andũ angĩ, o na kau twaĩ tũtonya kwĩthĩwa mũio mũito kwenyu nũndũ twaĩ atũmwa ma Klĩsto.</verse>
				<verse number="7">Ĩndĩ twaĩ auu katĩ wenyu, o tondũ mũei ũsũvĩaa syana syake mwene:</verse>
				<verse number="8">o ta ũu, tũkĩmwenda na wendo mwingĩ, nĩtweewie mũyo mũno kũmũnenga inyw’ĩ ti ũla ũvoo mũseo wa Ngai w’oka, ĩndĩ o na mathayũ maitũ, nĩkwĩthiwa mũtw’ĩkĩte endwa maitũ.</verse>
				<verse number="9">Nũndũ nĩmũũlilikana, ana‐a‐asa, kũthĩnĩa wĩa kwitũ na ũnyamao witũ; tũkĩtethya wĩa ũtukũ na mũthenya, nĩ kana tũikethĩwe mũio kwa mũndũ o na wĩva wenyu, twamũtavisye ũla ũvoo mũseo wa Ngai.</verse>
				<verse number="10">Inyw’ĩ mwi ngũsĩ, o na Ngai nake, ũndũ twekalile kwenyu inyw’ĩ ala mwĩtĩkĩlaa twĩ na mwĩkalĩle wa ũtheu na ũlũngalu na tũtyailĩĩlĩka ũthũku:</verse>
				<verse number="11">o tondũ mwĩsĩ ũndũ twamwĩkĩe kĩla ũmwe wenyu, ta ũndũ ĩthe wĩkaa syana syake mwene, tũkĩmũtaa, na kũmwĩkĩa vinya ngoonĩ, na kũkũsĩĩa,</verse>
				<verse number="12">nĩ kana mũendae ũndũ kwaĩle kwa Ngai, ũla ũmwĩtaa mũlike ũsumbĩnĩ na ũtheunĩ wake mũtisu.</verse>
				<verse number="13">Na kwondũ wa ũu ithyĩ nĩtũmũtũngĩaa Ngai mũvea tũtekũeka, nũndũ yĩla mwoosie kwitũ ĩla ndeto ya ũtũmane wa Ngai, mũtyaamyosa ta ndeto ya andũ, ĩndĩ, o ũndũ ĩtilyĩ w’o, ndeto ya Ngai, ĩla nayo ĩtethasya wĩa nthĩnĩ wenyu ala mwĩtĩkĩlaa.</verse>
				<verse number="14">Nũndũ inyw’ĩ, ana‐a‐asa, nĩmũtw’ĩkĩte eelekan’ya ma makanisa ma Ngai ala me Yutia nthĩnĩ wa Klĩsto Yesũ: nĩkwĩthĩwa inyw’ĩ nĩmwathĩniw’e nĩ andũ ma nthĩ yenyu, o mathĩna ala mathĩniw’e namo nĩ Ayuti;</verse>
				<verse number="15">ala mamũaie Mwĩaĩi Yesũ na athani, na matũlũngya ithyĩ, na maimwendeeasya Ngai, na nĩmakananĩasya andũ onthe;</verse>
				<verse number="16">makĩtũvata kũneena na Andũ‐ma‐mbaĩ‐ingĩ matangĩĩwe: nĩ kana meanĩsye naĩ syoo mavinda onthe: ĩndĩ ũthatu nũmavikĩe kũvika ũminũkĩlyo.</verse>
				<verse number="17">Ĩndĩ ithyĩ, ana‐a‐asa, twataanĩsya nenyu ĩvinda ĩnini, kwa mwĩĩ na ti ngoonĩ, nĩtwatatie mũno na kwenda kũnene kwona mothyũ menyu:</verse>
				<verse number="18">nĩkwĩthĩwa nĩtwendie kũka kwenyu, nyie Vaulo ti ĩvinda yĩmwe; na Satani atũsiĩĩa.</verse>
				<verse number="19">Nũndũ wĩkwatyo witũ, kana ũtanu witũ, kana ngovia ya ũsumbĩ yaitũ ya kwĩkathĩĩa kwitũ nĩ kyaũ? Ti o inyw’ĩ, mbee wa Mwĩaĩi waitũ Yesũ ĩvinda ya kũka kwake?</verse>
				<verse number="20">Nũndũ inyw’ĩ mwĩ ũtaĩo witũ na ũtanu witũ.</verse>
			</chapter>
			<chapter number="3">
				<verse number="1">Kwondũ wa ũu yĩla twaĩ tũtatonya kũmĩĩsya mbee wa ũu, nĩtwoonie nĩ ũseo tũtiwe Athene ithyoka;</verse>
				<verse number="2">na twamũtũma Timotheo, mwana‐a‐asa waitũ na mũthũkũmi wa Ngai ũvoonĩ mũseo wa Klĩsto, amũlũlũmĩlye, na kũmũkiakisya mũĩkĩĩonĩ wenyu;</verse>
				<verse number="3">nĩ kana kũikethĩwe mũndũ o na wĩva kũthingithangw’a nĩ mathĩna aa; nĩkwĩthĩwa inyw’ĩ ene nĩmwĩsĩ nĩmo twiĩwe.</verse>
				<verse number="4">Nũndũ nĩ w’o, yĩla twaĩ nenyu, nĩtwamũtavisye mbee kana tũkathĩnw’a; o tondũ kweekĩkie, nenyu nĩmwĩsĩ.</verse>
				<verse number="5">Kwondũ wa ũu nyie nakwa, yĩla ndaĩ ndonya kũmĩĩasya ĩngĩ, natũmanie nĩ kana nĩmanye mũĩkĩĩo wenyu, kana ũla mũtati nĩwĩthĩwa amũtatie inyw’ĩ na ũndũ o na wĩva, na wĩa witũ ũla twathĩnĩaa ũkethĩwa wĩ wa mana.</verse>
				<verse number="6">Ĩndĩ yu yĩla Timotheo woka kwitũ kuma kwenyu, na atũetee ũvoo mũseo wa mũĩkĩĩo wenyu na wendo, na ĩngĩ kana mũtũlilikanaa nesa mavinda onthe, mwĩ na mea ma kũtwona, o ũndũ naitũ twĩ na mea ma kũmwona;</verse>
				<verse number="7">kwondũ wa ũu, ana‐a‐asa, nĩtũkiakiiw’e kwondũ wenyu thĩnanĩ na ũnyamaonĩ witũ w’onthe kwondũ wa mũĩkĩĩo wenyu:</verse>
				<verse number="8">nũndũ yu twĩ thayũ ethĩwa inyw’ĩ nĩmũkũũngama na ũlũmu nthĩnĩ wa Mwĩaĩi.</verse>
				<verse number="9">Nũndũ nĩ mũvea wĩva ũla tũtonya kũmũtũngĩa Ngai kwondũ wenyu, nũndũ wa ũtanu w’onthe ũla tũtanaa kwondũ wenyu mbee wa Ngai waitũ;</verse>
				<verse number="10">tũkĩvoya mũno ũtukũ na mũthenya nĩ kana tũtonye kwona mothyũ menyu, na kwĩanĩsya kĩla kĩtiele mũĩkĩĩonĩ wenyu?</verse>
				<verse number="11">Na yu Ngai mwene Asa waitũ, na Mwĩaĩi waitũ Yesũ, natũtongoesye nzĩanĩ yaitũ tũvike kwenyu;</verse>
				<verse number="12">na Mwĩaĩi namwongeleele na kũmwingĩvĩsya wendo inyw’ĩ kwa inyw’ĩ, na kwa andũ onthe, o ũndũ naitũ tũilyĩ kwenyu;</verse>
				<verse number="13">nĩ kana atonye kũlũlũmĩlya ngoo syenyu syĩkalae itailĩĩlĩka ũthũku ũtheunĩ mbee wa Ngai Asa waitũ, ĩvinda ya kũka kwa Mwĩaĩi Yesũ vamwe na atheu make onthe.</verse>
			</chapter>
			<chapter number="4">
				<verse number="1">Kũminũkĩlya ĩndĩ, ana‐a‐asa, nĩtũũmwĩsũva na kũmũtaa nthĩnĩ wa Mwĩaĩi Yesũ, kana, o ũndũ mwoosie kwitũ ũndũ mwaĩlwe nĩ kũendaa na kũmwendeesya Ngai, o ũndũ mũendaa, kana mwongeleele ũu mũno mbee.</verse>
				<verse number="2">Nũndũ nĩmwĩsĩ mĩao ĩla twamũnengie kwondũ wa Mwĩaĩi Yesũ.</verse>
				<verse number="3">Nũndũ ũũ nĩw’o ũla wendetwe nĩ Ngai, naw’o nĩ kũvathwa kwenyu mwĩthĩwe atheu, nĩ kana mwĩvathane na ũlaalai;</verse>
				<verse number="4">kana kĩla ũmwe wenyu amanye ũndũ wa kwĩkalya mwĩĩ wake mwene kũvathwanĩ na ndaĩanĩ,</verse>
				<verse number="5">ti nthĩnĩ wa wendi mũthũku, o ta Andũ‐ma‐mbaĩ‐ingĩ ala matamwĩsĩ Ngai;</verse>
				<verse number="6">nĩ kana mũndũ o na wĩva ndakavĩtye, na kũmwĩka mwana‐a‐ĩthe naĩ ũndũnĩ ũsu: nĩkwĩthĩwa Mwĩaĩi nĩ mũĩvanĩsya maũndũnĩ asu onthe, o ũndũ twamwonisye mbee na twakũsĩĩa.</verse>
				<verse number="7">Nĩkwĩthĩwa Ngai ndaatwĩtĩa ũvuku, ĩndĩ nĩ kũvathwa.</verse>
				<verse number="8">Kwondũ wa ũu ũla ũnũũlea, ndeũmũlea mũndũ, ĩndĩ emũlea Ngai, ũla ũmũnengae inyw’ĩ Veva Mũtheu wake.</verse>
				<verse number="9">Ĩndĩ ũndũ wa wendano wa ana‐a‐asa mũi na vata wa mũndũ kũmũandĩkĩa: nũndũ inyw’ĩ ene nĩmũmanyĩaw’a nĩ Ngai kwendana ene kwa ene;</verse>
				<verse number="10">nũndũ nĩ w’o nĩmwĩkaa ũndũ ũũ kwa ana‐a‐asa onthe ala me Masetonia kw’onthe. Ĩndĩ nĩtũũmwĩsũva, ana‐a‐asa, nĩ kana mwongeleele ũu mũno mbee;</verse>
				<verse number="11">na nĩ kana mwĩmanyĩsye kwĩthĩwa na ũuu, na kwĩka maũndũ menyu ene, na kũtethya wĩa na moko menyu, o ũndũ twamwĩaĩe;</verse>
				<verse number="12">nĩ kana mũendae ũndũ waĩle mbee wa ala me ũtee, na ĩngĩ mũikethĩwe na vata wa kĩndũ o na kĩva.</verse>
				<verse number="13">Ĩndĩ, ana‐a‐asa, tũikwenda mũlee kũmanya ũvoo wa ala makomaa; nĩ kana mũtikethĩwe na kĩmako, ta ala angĩ mate na wĩkwatyo.</verse>
				<verse number="14">Nũndũ ethĩwa nĩtũkwĩtĩkĩla kana Yesũ nĩwakwie na athayũũka ĩngĩ, o ta ũu nao ala makomete nthĩnĩ wa Yesũ, Ngai akamaete vamwe nake.</verse>
				<verse number="15">Nũndũ ũũ nĩtũũmũtavya kwondũ wa ndeto ya Mwĩaĩi, kana ithyĩ ala twĩ thayũ, ala tũkatiala kũvika kũka kwa Mwĩaĩi, tũikamatongoesya nongi ala makomie.</verse>
				<verse number="16">Nĩkwĩthĩwa Mwĩaĩi mwene akatheea kuma ĩtunĩ, na wasya mũtũlu, na wasya wa mũlaĩka mũnene, na soo wa Ngai: na ala makwie nthĩnĩ wa Klĩsto makathayũũka mbee;</verse>
				<verse number="17">na ĩndĩ ĩtina ithyĩ ala twĩ thayũ ala twatialile, tũkavulw’a vamwe nao mathweonĩ, kũmũthaũa Mwĩaĩi yayayanĩ: na ũu tũkeethĩwa vamwe na Mwĩaĩi tene na tene.</verse>
				<verse number="18">Kwondũ wa ũu kiakianasyai na ndeto ii.</verse>
			</chapter>
			<chapter number="5">
				<verse number="1">Ĩndĩ ũndũ wa mavinda na syathĩ, ana‐a‐asa, mũi na vata kũandĩkiwa ũndũ.</verse>
				<verse number="2">Nũndũ inyw’ĩ ene nĩmwĩsi vyũ kana mũthenya wa Mwĩaĩi wĩũka o ũndũ kĩng’ei kyũkaa ũtukũ.</verse>
				<verse number="3">Ĩvinda yĩla mekwasya, Kwĩ mũuo na vai mũisyo, o ĩvinda yĩu nĩw’o wanangĩko wĩũka ĩũlũ woo mĩtũkĩ, o tondũ woo wa kwaũnya ũkwataa mũndũ mũka wĩ ĩvu; na maikavonoka nongi.</verse>
				<verse number="4">Ĩndĩ inyw’ĩ, ana‐a‐asa, mũi kĩvindunĩ, ũndũ mũthenya ũsu ũmũvikĩa ta kĩng’ei:</verse>
				<verse number="5">nũndũ inyw’onthe mwĩ ana ma kyeni, na ana ma mũthenya: ithyĩ tũi ma ũtukũ kana ma kĩvindu;</verse>
				<verse number="6">nũndũ wa ũu tũikakome, ta ala angĩ, ĩndĩ tũsyaĩĩsye na kwĩthĩwa na wĩting’o.</verse>
				<verse number="7">Nũndũ ala makomaa, makomaa ũtukũ; na ala matoonaa, matoonaa ũtukũ.</verse>
				<verse number="8">Ndĩ ithyĩ, nũndũ twĩ ma mũthenya, twĩthĩwe na wĩting’o, tũkĩkĩa ngao ya kĩthũi ya mũĩkĩĩo na wendo; na ngovia yĩthĩwe nĩyo wĩkwatyo wa ũtangĩĩo.</verse>
				<verse number="9">Nũndũ Ngai ndaatwia twĩthĩwe ma kũthatĩwa, ĩndĩ ma kwosa ũtangĩĩo kwondũ wa Mwĩaĩi waitũ Yesũ Klĩsto,</verse>
				<verse number="10">ũla wakwie nũndũ witũ, nĩ kana, ethĩwa nĩtũamũkĩte kana kũkoma, twĩthĩwe thayũ vamwe nake.</verse>
				<verse number="11">Kwondũ wa ũu kiakian’yai, na kĩla mũndũ akyaka ũla ũngĩ, o ũndũ mwĩkaa.</verse>
				<verse number="12">Ĩndĩ nĩtũũmwĩsũva, ana‐a‐asa, mũmanye ala mathĩnĩaa wĩa katĩ wenyu, na me ĩũlũ wenyu nthĩnĩ wa Mwĩaĩi, na mamũtaaa inyw’ĩ;</verse>
				<verse number="13">na kũmataĩa mũno nthĩnĩ wa wendo kwondũ wa wĩa woo. Ĩthĩwai na mũuo inyw’ĩ kwa inyw’ĩ.</verse>
				<verse number="14">Na nĩtũũmũtaa, ana‐a‐asa, mataaei ala matekalaa nesa, mekĩaei vinya ala me na ngoo mbũthũ, tw’ĩĩkaai ala onzu, ũmĩanĩasyai na andũ onthe.</verse>
				<verse number="15">Sisyai kana mũndũ o na wĩva ndakekũle kwa ũngĩ; ĩndĩ mavinda onthe atĩĩaai ũla ũseo, ene kwa ene, na kwa onthe.</verse>
				<verse number="16">Tanaai mavinda onthe;</verse>
				<verse number="17">voyaai mũtekũeka;</verse>
				<verse number="18">tũngaai mũvea kĩla ũndũnĩ: nũndũ ũu nĩw’o Ngai wendaa nthĩnĩ wa Klĩsto Yesũ ngalĩ ĩ yenyu.</verse>
				<verse number="19">Mũikamũvosye Veva;</verse>
				<verse number="20">mũikavũthye mawathani;</verse>
				<verse number="21">oasyai maũndũ onthe; lũmasyai ũla ũseo;</verse>
				<verse number="22">ĩvathanaei na kĩla mũthemba wa ũthũku.</verse>
				<verse number="23">Na Ngai wa mũuo mwene namũvathan’ye mwĩthĩwe atheu vyũ; veva na ngoo na mwĩĩ syĩthĩwe syĩ nima, itailĩĩlĩka ũthũku akyũka Mwĩaĩi waitũ Yesũ Klĩsto.</verse>
				<verse number="24">E na kĩthito ũla ũmwĩtaa inyw’ĩ, nake akeeka ũu.</verse>
				<verse number="25">Ana‐a‐asa, tũvoyeei.</verse>
				<verse number="26">Kethyai ana‐a‐asa onthe na ũmumunyano mũtheu.</verse>
				<verse number="27">Nĩngũmwĩavĩthya kwa Mwĩaĩi nĩ kana valũa ũũ ũsomewe ana‐a‐asa onthe.</verse>
				<verse number="28">Mumo wa Mwĩaĩi waitũ Yesũ Klĩsto nĩwĩthĩwe vamwe nenyu.</verse>
			</chapter>
		</book>
		<book number="53">
			<chapter number="1">
				<verse number="1">Vaulo, na Silivano, na Timotheo, valũa ũũ witũ ũyĩvikĩe ĩkanisa ya Athesalonika yĩla yĩ nthĩnĩ wa Ngai Asa waitũ na Mwĩaĩi Yesũ Klĩsto;</verse>
				<verse number="2">Mumo nĩwĩthiwe nenyu na mũuo kuma kwa Ngai Asa na Mwĩaĩi Yesũ Klĩsto.</verse>
				<verse number="3">Nĩtwaĩlwe nĩ kũmũtũngĩa Ngai mũvea mavinda onthe kwondũ wenyu, ana‐a‐asa, o tondũ kwaĩle nĩkwĩthĩwa mũĩkĩĩo wenyu nũkwĩana mũno, na wendo wa kĩla ũmwe wenyu kwa ala angĩ nũkwingĩva;</verse>
				<verse number="4">ũndũ ithyĩ ene nĩtũkwĩkathĩĩa ũndũ wenyu makanisanĩ ma Ngai, kwondũ wa wũmĩĩsyo wenyu na mũĩkĩĩo monyamaonĩ menyu onthe na mathĩnanĩ ala mũmĩĩasya;</verse>
				<verse number="5">naw’o nĩ wonan’yo wa ũsilĩlo mũlũngalu wa Ngai; ni kana inyw’ĩ mũtonye kũtalĩlwa kwĩthĩwa mwaĩle ũsumbĩ wa Ngai, ũla kwondũ waw’o mũthĩnaw’a:</verse>
				<verse number="6">nũndũ nĩ ũlũngalu kwa Ngai kũmaĩva mathĩna ala mamũthĩnasya inyw’ĩ,</verse>
				<verse number="7">na kũmũnenga inyw’ĩ ala mũthĩnaw’a ũthũmũo vamwe naitũ, ĩvinda yĩla Mwĩaĩi Yesũ ũkavuanw’a kuma ĩtunĩ vamwe na alaĩka ma vinya wake ũlĩlĩnzĩnĩ wa mwaki,</verse>
				<verse number="8">akĩĩvanĩsya kwa ala matamwĩsĩ Ngai, na ala matawiw’aa ũvoo mũseo wa Mwĩaĩi waitũ Yesũ:</verse>
				<verse number="9">ala makona ũsilĩlo, naw’o ni wanangĩko ũtakathela, kũvetwe ũthyũni wa Mwĩaĩi na ũtheuni mũtisu wa vinya wake,</verse>
				<verse number="10">yĩla ũkoka kũtaĩĩwa nthĩnĩ wa atheu make na kũseng’ewa mũthenya ũsu nthĩnĩ wa onthe ala metĩkĩlĩte (nĩkwĩthĩwa ũkũsĩ witũ kwenyu nĩweetĩkililwe).</verse>
				<verse number="11">Na kwondũ wa ũu nĩtũmũvoyeaa inyw’ĩ mavinda onthe, kana Ngai waitũ amũtale mwaĩle kwĩtwa kwenyu, na kwĩanĩsya na vinya wake kĩla kwenda kwa ũseo na kĩla wĩa wa mũĩkĩĩo;</verse>
				<verse number="12">nĩ kana syitwa ya Mwĩaĩi waitũ Yesũ yĩtaĩwe nthĩni wenyu, nenyu nthĩnĩ wake, kwĩanana na mumo wa Ngai waitũ na Mwĩaĩi Yesũ Klĩsto.</verse>
			</chapter>
			<chapter number="2">
				<verse number="1">Ĩndĩ nĩtũũmwĩsũva, ana‐a‐asa, ũndũ wa ũvoo wa kũka kwa Mwĩaĩi waitũ Yesũ Klĩsto, na kũmbanĩa kwitũ mbee wake;</verse>
				<verse number="2">nĩ kana mũikathingithw’e na mĩtũkĩ ilĩkonĩ syenyu, kana mũikaũũye, o na ethĩwa nĩ kwondũ wa veva, o na ndeto, o na valũa ũũtalwa ta wumĩte kwitũ ta mũthenya wa Mwĩaĩi nĩ mũviku;</verse>
				<verse number="3">mũndũ o na wĩva ndakamũkenge na ũndũ o na wĩva: nũndũ mũthenya ũsu ndũkoka, ũalyũko ũtambĩte kũka, na ũla mũndũ wa naĩ kũvuanw’a, mwana wa wanangĩko,</verse>
				<verse number="4">ũla wĩsiĩĩa na kwĩnenevya mwene ĩũlũ wa kyonthe kĩla kĩtawa Ngai kana kĩla kĩthaithawa; ũndũ wĩĩkalaa ĩkalũnĩ ya Ngai, akĩyonan’ya ta nĩwe Ngai.</verse>
				<verse number="5">Mũtiũlilikana, kana, yĩla naĩ nenyu, namũtavisye maũndũ asu?</verse>
				<verse number="6">Na yu nĩmwĩsĩ kĩla kĩsiĩĩaa, nĩ kana atonye kũvuanw’a ĩvinda yake mwene.</verse>
				<verse number="7">Nĩkwĩthĩwa ĩla nzama ya ũng’endu yu nĩnĩũtethya wĩa: ĩndĩ kwĩ ũmwe ũla ũsiĩĩaa yu, kũvika yĩla ũkathũkw’a nzĩanĩ.</verse>
				<verse number="8">Nĩvo ĩndĩ ũla mũng’endu ũkavuanw’a, ũla Mwĩaĩi Yesũ wĩmũaa na mĩthũmũ ya kanyw’a wake, na kũmwananga na ũvuan’yo wa kũka kwake;</verse>
				<verse number="9">ũla kũka kwake nĩ kwĩanana na kwĩka kwa Satani na vinya w’onthe na syama na moseng’yo ma ũvũngũ,</verse>
				<verse number="10">na ũkengani w’onthe wa ũla ũte ũlũngalu kwa ala maaa; nĩkwĩthĩwa matyaaosa wendo wa ũla w’o, nĩ kana matangĩĩwe.</verse>
				<verse number="11">Na kwondũ wa ũu Ngai nũmaeteae vinya wa kũmasya, nĩ kana metĩkĩle ũvũngũ:</verse>
				<verse number="12">nĩ kana onthe masilĩlwe ala maleile kwĩtĩkĩla ũla w’o, ĩndĩ nĩmatanĩe ũla ũte ũlũngalu.</verse>
				<verse number="13">Ĩndĩ nĩtwaĩlwe nĩ kũmũtũngĩa Ngai mũvea mavinda onthe kwondũ wenyu, ana‐a‐asa, endwa ma Mwĩaĩi, nĩkwĩthĩwa Ngai nĩwamũnyuvie inyw’ĩ kuma mwambĩlĩlyonĩ mwone ũtangĩĩo kwondũ wa kũvathwa nĩ Veva na kwĩtĩkĩla ũla w’o:</verse>
				<verse number="14">nake amwĩtĩe ũndũ ũsu kwondũ wa ũvoo mũseo witũ, mwose ũtheu mũtisu wa Mwĩaĩi waitũ Yesũ Klĩsto.</verse>
				<verse number="15">Kwondũ wa ũu ĩndĩ, ana‐a‐asa, ũngamai na ũlũmu, na kũkwata momanyĩsyo ala mũmanyĩĩtw’e, ethĩwa nĩ ndeto, kana nĩ valũa witũ.</verse>
				<verse number="16">Na yu Mwĩaĩi waitũ Yesũ Klĩsto mwene, na Ngai Asa waitũ ũla watwendie na kũtũnenga ũkiakisyo ũtathela na wĩkwatyo mũseo kwondũ wa mumo,</verse>
				<verse number="17">nakiakisye ngoo syenyu na kwilũlũmĩlya nthĩnĩ wa kĩla wĩa mũseo na ndeto.</verse>
			</chapter>
			<chapter number="3">
				<verse number="1">Kũminũkĩlya, ana‐a‐asa, tũvoyeei, kana ndeto ya Mwĩaĩi ĩtonye ũthi ĩsembete na kũtaĩwa, o ũndũ ĩtilyĩ kwenyu;</verse>
				<verse number="2">na kana tũtangĩĩwe kwa andũ mbaa matũ na andũ athe; nũndũ ti andũ onthe me na mũĩkĩĩo.</verse>
				<verse number="3">Ĩndĩ Mwĩaĩi e na kĩthito, nake akamũlũlũmĩlya, na kũmũsũvĩa kwa ũla mũthũku.</verse>
				<verse number="4">Na nĩtũũmũĩkĩĩa Mwĩaĩi kwondũ wenyu, kana nĩmũkwĩka maũndũ ala tũmwĩaĩaa na mũkamekaa.</verse>
				<verse number="5">Na Mwĩaĩi natongoesye ngoo syenyu ilike wendonĩ wa Ngai, na wũmĩĩsyonĩ wa Klĩsto.</verse>
				<verse number="6">Nĩtũũmwĩaĩa, ana‐a‐asa, syĩtwanĩ ya Mwĩaĩi waitũ Yesũ Klĩsto, kana mwĩvathane na kĩla mwana‐a‐asa ũla ũvikĩlaa maũndũ mataĩle, na ti kũvikĩla ũmanyĩsyo ũla mwoosie kwitũ.</verse>
				<verse number="7">Nũndũ inyw’ĩ ene nĩmwĩsĩ ũndũ mwaĩlwe nĩ kwĩelekan’ya naitũ: nĩkwĩthĩwa tũtyaavikĩla maũndũ mataĩle yĩla twaĩ kwenyu:</verse>
				<verse number="8">o na tũtyaaya lĩu wa mũndũ o na wĩva mana, ĩndĩ wĩanĩ wĩ vinya na ũnyamaonĩ, ũtukũ na mũthenya twatethisye wĩa, nĩ kana tũikamũtw’ĩkĩe mũio mũndũ o na wĩva kwenyu:</verse>
				<verse number="9">ti kwĩthĩwa tũti na ũkũmũ, ĩndĩ nĩ kana twĩtw’ĩkĩthye ngelekan’yo kwenyu, nĩ kana inyw’ĩ mwĩelekanasye naitũ.</verse>
				<verse number="10">Nũndũ o yĩla twaĩ nenyu, nĩtwamwĩaĩe ũũ. Ethĩwa mũndũ o na wĩva ndekwenda kũtethya wĩa, o na kũya, ndakaye.</verse>
				<verse number="11">Nũndũ nĩtũkwĩw’a ũvoo wa andũ amwe ala maendaa katĩ wenyu ũndũ ũtaĩle, ala matatethasya wĩa nongi, ĩndĩ nĩ elikya maũndũnĩ ma andũ angĩ.</verse>
				<verse number="12">Na ala mailyĩ ũu nĩtũũmeaĩa na kũmataa nthĩnĩ wa Mwĩaĩi Yesũ Klĩsto, kana matethye wĩa mauĩtye, na kũya lĩu woo ene.</verse>
				<verse number="13">Ĩndĩ inyw’ĩ, ana‐a‐asa, mũikanoe nĩ kwĩka nesa.</verse>
				<verse number="14">Na ethĩwa mũndũ o na wĩva ndew’aa ndeto yaitũ ya valũa ũũ, mũsisyei mũndũ ũsu, mũikavulane nake, nĩ kana asonoke.</verse>
				<verse number="15">Ĩndĩ mũikamũtale kwĩthĩwa nĩ mũmaitha, ĩndĩ mũtaei ta mwana‐a‐asa.</verse>
				<verse number="16">Na yu Mwĩaĩi wa mũuo we mwene namũnenge mũuo mavinda onthe maũndũnĩ onthe. Mwĩaĩi nĩethĩwe vamwe nenyu inyw’onthe.</verse>
				<verse number="17">Ngethi yakwa, nyie Vaulo, na kw’oko kwakwa mwene, naw’o nĩ ũvano kĩla valũanĩ; ũu nĩw’o nĩandĩkaa.</verse>
				<verse number="18">Mumo wa Mwĩaĩi waitũ Yesũ Klĩsto nĩwĩthĩwe vamwe nenyu inyw’onthe.</verse>
			</chapter>
		</book>
		<book number="54">
			<chapter number="1">
				<verse number="1">Vaulo, mũtũmwa wa Klĩsto Yesũ kwĩanana na mwĩao wa Ngai Mũtangĩĩi waitũ, na Klĩsto Yesũ wĩkwatyo witũ;</verse>
				<verse number="2">valũa ũũ wakwa ũmũvikĩe Timotheo, mwana wakwa wa w’o nthĩnĩ wa mũĩkĩĩo: Mũmo, na tei, na mũuo, kuma kwa Ngai Asa na Klĩsto Yesũ Mwĩaĩi waitũ.</verse>
				<verse number="3">O tondũ nakwĩsũvie wĩkale Eveso, yĩla naendete Masetonia, nĩ kana ũtonye kwĩaĩa andũ amwe maikamanyĩsye ũmanyĩsyo wa mũthemba ũngĩ,</verse>
				<verse number="4">o na maikethukĩĩsye mbano na ũsyaanĩo ũte na mũminũkĩlyo, namo maetae mokũlangyo, na ti walan’yo wa Ngai ũla wĩ kwondũ wa mũĩkĩĩo; na yu nĩkwĩaĩa o ũũ.</verse>
				<verse number="5">Ĩndĩ mũminũkĩlyo wa wĩaĩi ũsu nĩ wendo ũla wumaa ngoonĩ ntheu na wasyanĩ mũseo wa ngoo na mũĩkĩĩo ũte na wangangan’yo:</verse>
				<verse number="6">na amwe makĩvĩtya maũndũnĩ asu nĩmathũkĩte ũtee kũvika kũneena mana;</verse>
				<verse number="7">makyenda kwĩthĩwa amanyĩsya ma ĩla mĩao, o na kau maiũmanya maũndũ asu ala maneenaa, o na kĩtina kya maũndũ ala maneenaa ta mamesĩ vyũ.</verse>
				<verse number="8">Ĩndĩ ithyĩ nĩtwĩsĩ kana ĩla mĩao nĩ mĩseo, ethĩwa mũndũ ekaa nayo ũndũ ũmyaĩle.</verse>
				<verse number="9">Akĩmanya ũũ, kana ĩla mĩao ti kwondũ wa mũndũ mũlũngalu, ĩndĩ nĩ kwondũ wa ala maleaa mĩao na ala ang’endu, nũndũ wa ala mateũmũkĩa Ngai na ala athe, nũndũ wa ala mate atheu na ala avuku, nũndũ wa ala moaa aaĩthe na ala moaa aainyia, na nũndũ wa oai,</verse>
				<verse number="10">nũndũ wa ilaalai, na aũme ala mekaa naĩ na aũme angĩ, nũndũ wa ala moyaa andũ, nũndũ wa aneeni ma ũvũngũ, nũndũ wa ala mevĩtaa ũvũngũ, na ethĩwa ve ũndũ ũngĩ ũtosana na momanyĩsyo ala ma w’o;</verse>
				<verse number="11">kwĩanana na ũvoo mũseo wa ũtheu mũtisu wa Ngai ũla mũtaĩwa, ũvoo ũla naĩkĩĩiwe nĩsũvĩe.</verse>
				<verse number="12">Nĩmũtũngĩa mũvea ũla wandonyethisye, nake nĩ Klĩsto Yesũ Mwĩaĩi waitũ, nũndũ nĩwandalile kwĩthĩwa na kĩthito akĩndw’a wa kũmũthũkũma;</verse>
				<verse number="13">o na kau na vu tene naĩ mũumi wa Ngai, na mũthĩn’ya wa andũ, na kũmeka naĩ: ĩndĩ nĩneew’ĩwe tei, nũndũ nĩneekie ndesĩ ndanamba kwĩtĩkĩla;</verse>
				<verse number="14">na mumo wa Mwĩaĩi waitũ waingĩvie mũno vamwe na mũĩkĩĩo na wendo ũla wĩ nthĩnĩ wa Klĩsto Yesũ.</verse>
				<verse number="15">Nĩ ndeto ya kũĩkĩĩwa, na nĩyaĩlwe nĩ kwĩtĩkĩlwa nĩ andũ onthe, kana Klĩsto Yesũ ookie kũũ nthĩ kũmatangĩĩa andũ athe; na ũla wa mbee woo, ninyie:</verse>
				<verse number="16">ĩndĩ kwondũ wa ũu nĩneew’ĩwe tei, kana nthĩnĩ wakwa, nyie ũla mũthũku mbee, Yesũ Klĩsto atonye kumĩlya wũmĩĩsyo wake w’onthe, kwondũ wa ngelekan’yo kwa ala makamwĩtĩkĩla ĩtina methĩwe na thayũ ũtathela.</verse>
				<verse number="17">Na yu kwa Mũsumbĩ wa tene na tene, ũla ũtanangĩkaa, na ũtonekaa, Ngai ũla wĩ weka, kwĩthĩwe nguma na ndaĩa tene na tene. Ameni.</verse>
				<verse number="18">Wĩaĩi ũũ nĩngũtia naku, mwana wakwa Timotheo, kwianana na ndeto sya athani ila syatongoisye mbee waku, nĩ kana kwondũ wasyo ũtonye kũkita kaũ ũla mũseo;</verse>
				<verse number="19">ũikwata mũĩkĩĩo na wasya mũseo wa ngoo; ũla amwe maluutĩte kũasa namo na makaa mũĩkĩĩonĩ woo, tondũ andũ maaa ngalawa yaanangĩka:</verse>
				<verse number="20">amwe ma asu nĩ Aimenaio na Alesanda; nao namũnengie Satani, nĩ kana mamanyĩw’e maikamũume Ngai.</verse>
			</chapter>
			<chapter number="2">
				<verse number="1">Ĩndĩ, mbee wa maũndũ onthe, nĩngwĩsũva kana kwĩsũvana, na kũvoya, na kũvoyea, na kũtũnga mũvea, kwĩkawe kwondũ wa andũ onthe;</verse>
				<verse number="2">kwondũ wa asumbĩ na onthe me na ũnene; nĩ kana twĩthĩwe na thayũ mũuu na mũuo katĩ wa kũmũkĩa Ngai kw’onthe na mwĩkalo mũseo.</verse>
				<verse number="3">Ũndũ ũũ nĩ ũseo na nĩwĩtĩkĩlawa kwa Ngai Mũtangĩĩi waitũ;</verse>
				<verse number="4">ũla wendaa andũ onthe matangĩĩwe, na moke mamanye ũla w’o.</verse>
				<verse number="5">Nũndũ Ngai no ũmwe, na mwĩw’anĩthya katĩ wa Ngai na andũ no ũmwe, nake nĩ mũndũ, Klĩsto Yesũ,</verse>
				<verse number="6">ũla wenenganie ethĩwe mbovosya ya andũ onthe; ũkũsĩ ũkaumĩlwa mavindanĩ maw’o;</verse>
				<verse number="7">naw’o kwondũ waw’o nyie niĩtwe nĩthĩwe mũtavan’ya na mũtũmwa (nĩneena w’o, ndiũneena ũvũngũ), mũmanyĩsya wa Andũ‐ma‐mbaĩ‐ingĩ nthĩnĩ wa mũĩkĩĩo na wa ũla w’o.</verse>
				<verse number="8">Kwondũ wa ũu, nĩenda aũme mavoyae kĩla vandũ, makyũkĩlya moko matheu, vate ũthatu na ngananĩo.</verse>
				<verse number="9">Na aka no ta ũu, meyanakavye na kwĩvw’ĩka ngũa imaĩle, vamwe na wĩnyivyo na kĩlĩko; ti na nzw’ĩĩ mbokothe, na thaavu kana lũlũ kana ngũa sya thooa mũnene;</verse>
				<verse number="10">ĩndĩ mevw’ĩke meko maseo (o ũndũ ũmaĩle aka ala maumbũlaa kũmũkĩa Ngai).</verse>
				<verse number="11">Mũndũ mũka emanyĩsye auĩtye na wĩnyivyo w’onthe.</verse>
				<verse number="12">Ĩndĩ ndĩũmũnenga mũndũ mũka ũthei wa kũmanyĩsya, kana kũsumbĩka mũndũ mũũme, ĩndĩ nĩethĩwe auĩtye.</verse>
				<verse number="13">Nũndũ Atamu oombiwe mbee, na Eva ĩtina;</verse>
				<verse number="14">na Atamu ndaakengwa, ĩndĩ mũka akengwa nĩwavalũkile ĩvĩtyonĩ:</verse>
				<verse number="15">ĩndĩ akatangĩĩwa aisyaa syana, ethĩwa makekala mũĩkĩĩonĩ na wendonĩ na ũtheunĩ vamwe na kilĩko.</verse>
			</chapter>
			<chapter number="3">
				<verse number="1">Ndeto nĩ ya kwĩtĩkĩlwa, Ethĩwa mũndũ eenda wĩa wa mũsyaĩĩsya wa ĩkanisa, eenda wĩa mũseo.</verse>
				<verse number="2">Mũsyaĩĩsya ĩndĩ mũvaka ethĩwe ataweteka ũthũku, mũũme wa kĩveti o kĩmwe, mwĩting’u, wĩ na kĩlĩko, mwaĩlu, mũthokya wa aeni, wĩ na ũtonyi wa kũmanyĩsya;</verse>
				<verse number="3">ndakethiwe mũnywi wa ũkĩ, kana mũkũni wa andũ; ĩndĩ ethĩwe e mũuu, ti mũndũ wa kũtetan’ya, na ti mwendi wa mbesa;</verse>
				<verse number="4">mũndũ ũla ũũngamĩaa nyũmba yake nesa, mũndũ wĩ na syana syĩ na winyivyo vamwe na kĩkĩo kyonthe;</verse>
				<verse number="5">(ĩndĩ ethĩwa mũndũ ndesĩ kũũngamĩa nyũmba yake, akasũvĩa ata ĩkanisa ya Ngai?)</verse>
				<verse number="6">Ti mũndũ ũla wĩtĩkĩlĩte mĩtũkĩ, nĩkwĩthiwa eekathĩĩa akavalũka ũsilĩlonĩ wa Satani.</verse>
				<verse number="7">Na ĩngĩ mũvaka ala me ũtee methĩwe na ũkũsĩ kana nĩ mũseo; ndakavalũke na kũwetwa ũthũku na kũlika mũkwanĩ wa Satani.</verse>
				<verse number="8">No ta ũu athũkũmi mũvaka methĩwe andũ me kĩkĩo, ti andũ me na nĩmĩ ilĩ, ti anywi ma mbinyu mbingĩ, ti mwendi wa kũunwa nĩ syĩndũ itamwaĩle;</verse>
				<verse number="9">nĩmethĩwe makĩkwata nzama ya ũla mũĩkĩĩo na wasya mũtheu wa ngoo.</verse>
				<verse number="10">Na asu nao mambe kũow’a; na ĩtina nĩmathũkũme, ethĩwa matiũweteka ũthũku.</verse>
				<verse number="11">Aka nao, no ta ũu, methĩwe na kĩkĩo, na ti ailĩanĩli, ĩndĩ eting’u, ala me na kĩthito maũndũnĩ onthe.</verse>
				<verse number="12">Athũkũmi methĩwe kĩla ũmwe mũũme wa kĩveti o kĩmwe, maiũngamĩa syana syoo na nyũmba syoo nesa.</verse>
				<verse number="13">Nũndũ ala mathũkũmĩte nesa, wĩa wa ũtumĩa wa ĩkanisa, meyoneaa nguma nzeo, na ũkũmbaũ mũnene mũĩkĩĩonĩ ũla wĩ nthĩnĩ wa Klĩsto Yesũ.</verse>
				<verse number="14">Nakũandĩkĩa maũndũ aa, ngĩkwatya kũka kwaku mĩtũkĩ;</verse>
				<verse number="15">ĩndĩ ethĩwa nĩĩkala mũno, naandĩka nĩ kana ũmanye ũndũ andũ maĩle kwĩyĩkalya nyũmbanĩ ya Ngai, nayo nĩ ĩkanisa ya Ngai ũla wĩ thayũ, kĩtuĩ na wambĩlĩlyo wa ũla w’o.</verse>
				<verse number="16">Na vate ngananĩo nzama ya kũmũkĩa Ngai nĩ nene; We ũla wonaniw’e e na mwĩĩ, Atalĩlwa ũlũngalu vevanĩ, Ooneka nĩ alaĩka, Atavanw’a kwa Andũ‐ma‐mbaĩ‐ingĩ, Eetĩkĩlwa kũũ nthĩ Atwawa ĩũlũ ũtheunĩ mũtisu.</verse>
			</chapter>
			<chapter number="4">
				<verse number="1">Ĩndĩ Veva eneena vyũ, kana mavinda ma mũminũkĩlyo amwe makatia ũla mũikĩio, makĩthukĩĩsya maveva ala makenganaa, na momanyĩsyo ma ndaimoni.</verse>
				<verse number="2">Nũndũ wa wangangan’yo wa andũ ala maneenaa movũngũ, wasya woo wa ngoo ene ũkyowa ta kwowa na kyoo kyauma mwakinĩ;</verse>
				<verse number="3">maivata andũ kũtwaana, na kũmeaĩa mevathane na lĩu, ũla Ngai wombie wosawe na mũvea nĩ ala metĩkĩlaa na mesĩ ũla w’o.</verse>
				<verse number="4">Nũndũ kĩla kyũmbe kya Ngai nĩ kĩseo, na vai kya ũlewa, kethĩwa kĩkooswa na mũvea:</verse>
				<verse number="5">nũndũ nĩ kĩvathan’ye kĩthĩwe kĩtheu kwondũ wa ndeto ya Ngai na kũvoya.</verse>
				<verse number="6">Ethĩwa ũkamalilikan’ya ana‐a‐asa maũndũ asu, ũkeethĩwa wĩ mũthũkũmi mũseo wa Klĩsto Yesũ, wĩkĩĩtwe vinya ndetonĩ sya ũla mũĩkĩĩo, na momanyĩsyonĩ maseo ala ũatĩĩaa:</verse>
				<verse number="7">ĩndĩ lea mbano mbuku na sya iveti ngũũ. Ĩthangaasye mwene kũmũkĩa Ngai:</verse>
				<verse number="8">nũndũ kwĩthangaasya kwa mwĩĩ kwaĩlaa vanini; ĩndĩ kũmũkĩa Ngai kwaĩlaa maũndũnĩ onthe, kwĩ na watho wa thayũ wa ĩvinda yĩĩ, na wa ũla ũkoka.</verse>
				<verse number="9">Ndeto nĩ ya kũĩkĩĩwa, na nĩyaĩle kwĩtĩkĩlwa.</verse>
				<verse number="10">Kwondũ wa ũu nĩtũũtethya wĩa na kwĩthing’ĩĩsya, nĩkwĩthĩwa twiĩte wĩkwatyo wĩtũ kwa Ngai ũla wĩ thayũ, nake nĩ Mũtangĩĩi wa andũ onthe, na mbee mũno wa ala metĩkĩlaa.</verse>
				<verse number="11">Maũndũ aa meaĩe na mamanyĩsye.</verse>
				<verse number="12">Mũndũ o na wĩva ndakavũthye wana waku; ĩndĩ ĩthĩwa wĩ ngelekan’yo kwa ala metĩkĩlaa, nthĩnĩ wa ndeto, na mwĩkalĩle wa thayũ, na wendo, na mũĩkĩĩo, na ũtheu.</verse>
				<verse number="13">Ĩthĩwa wĩ mũthangaau kũsoma, kũtaa, na kũmanyĩsya, mũvaka nooka.</verse>
				<verse number="14">Ndũkethĩwe ũteũsũvĩa mũthĩnzĩo ũla wĩ nthĩnĩ waku, ũla wanengiwe kwondũ wa wathani, vamwe na kwilĩĩlwa moko ma atumĩa.</verse>
				<verse number="15">Ĩthĩwa na ũthangaau maũndũnĩ aa; ĩnengane kwamo vyũ; nĩ kana kũendeea na mbee kwaku kwĩthĩwe kwĩ kwoneku kwa onthe.</verse>
				<verse number="16">Ĩsũvĩe mwene, vamwe na momanyĩsyo maku. Ĩkalaa maũndũnĩ asu; nũndũ kwa kwĩka ũu ũkeetangĩĩa mwene na asu nao ala makakwĩw’aa.</verse>
			</chapter>
			<chapter number="5">
				<verse number="1">Ndũkakan’ye mũtumĩa, ĩndĩ mũtae ta au; na aũme mate akũũ ta ana‐a‐au:</verse>
				<verse number="2">aka akũũ ta amwenyu; na ala anini ma mũika ta eĩtu‐a‐mwenyu, na ũtheu w’onthe.</verse>
				<verse number="3">Taĩa iveti ndiwa, ila ndiwa sya w’o.</verse>
				<verse number="4">Ĩndĩ ethĩwa ndiwa yĩ na syana kana nzũkũlũ, syĩmanyĩsye mbee kwĩka maũndũ maĩle kwa andũ ma nyũmba yoo ene, na kũmaiva asyai moo: nũndũ ũũ nĩwendeeasya mbee wa Ngai.</verse>
				<verse number="5">Na ĩndĩ we ũla ndiwa w’o, na e weka, ekwatasya Ngai, na ekalaa akĩsũva na kũvoya ũtukũ na mũthenya.</verse>
				<verse number="6">Ĩndĩ ndiwa ĩla ĩnenganae kwĩka mawendi mayo nĩ ngw’ũ ĩ o thayũ.</verse>
				<verse number="7">Maũndũ asu nao ĩae, nĩ kana methĩwe mataweteka ũthũku.</verse>
				<verse number="8">Ĩndĩ mũndũ o na wĩva ũtamasũvĩaa ala make, na mbee mũno ala ma nyũmba yake, nũkaĩĩte ũla mũĩkĩĩo, na nĩ mũthũku mbee wa ũla ũtetĩkilĩte.</verse>
				<verse number="9">Ndiwa ndĩkaandĩkwe ĩtavikĩtye myaka mĩongo thanthatũ, yaĩ mũndũ mũka wa mũũme o ũmwe,</verse>
				<verse number="10">ũwetawa kwĩthĩwa na meko maseo; ethĩwa nĩwaeie syana, ethĩwa nĩwathokisye aeni, ethĩwa nĩwathambisye maũũ ma ala atheu, ethĩwa nĩwamatethisye ala mathĩnaa, ethĩwa nĩwaatĩĩe kĩla wĩa mũseo na ũthangaau.</verse>
				<verse number="11">Ĩndĩ ndiwa sya mũika mũnini ndũkaiandĩke: nũndũ yĩla syĩkwatwa nĩ mĩmeo ya ũmũtia Klĩsto, ikenda kũtwawa;</verse>
				<verse number="12">nasyo syĩ na ũsilĩlo, nũndũ nĩsyaekie mũĩkĩĩo wasyo wa mbee.</verse>
				<verse number="13">Na vamwe na ũu nĩsyĩmanyĩasya ũtulu, na kwanganga nyũmba na nyũmba; nasyo ti kũtula kw’oka, ĩndĩ nĩ aei ma ngewa na kwĩlikya maũndũnĩ ma andũ angĩ, ikĩneena ndeto itaĩle kũneenwa.</verse>
				<verse number="14">Nĩngwenda ĩndĩ ndiwa sya mũika mũnini itwawe, isyaae syana, iũngamĩe nyũmba syoo, itikamũnenge mũmaitha ũthei kwiweta naĩ:</verse>
				<verse number="15">nũndũ o na yu imwe nĩsyathũkĩte kũmũatĩĩa Satani.</verse>
				<verse number="16">Ethiwa mũndũ mũka wĩtĩkĩlĩte e na aka ndiwa, naitethye, ĩkanisa yĩtikakue mũio ũsu; nĩ kana yĩtethye ndiwa ila sya w’o.</verse>
				<verse number="17">Atumĩa ala masilaa nesa nĩmatalwe kwĩthĩwa maĩle kũnengwa ndaĩa nene, na mbee mũno nĩ asu ala matethasya wĩa wa ĩla ndeto na wa kũmanyĩsya.</verse>
				<verse number="18">Nũndũ maandĩko maĩtye atĩĩ, Ndũkamyove ng’ombe kanyw’a ĩkĩvũa isyo. Na, Mũtethya wa wĩa nĩwaĩlwe nĩ ĩtuvi yake.</verse>
				<verse number="19">Ndũketĩkĩle ũvingan’yo iũlũ wa mũtumĩa, vate ngũsĩ itĩ kana itatũ.</verse>
				<verse number="20">Ala mekaa naĩ makanĩasye mbee wa andũ onthe, nĩ kana ala angĩ nao methĩwe na w’ĩa.</verse>
				<verse number="21">Nĩkwĩaĩa mbee wa Ngai, na Klĩsto Yesũ, na alaĩka anyuve, nĩ kana wĩkae maũndũ asu onthe ũtekũtw’a na mĩtũkĩ, ndũkeke ũndũ na wendeesyo.</verse>
				<verse number="22">Ndũkailĩĩle mũndũ o na wĩva moko na mĩtũkĩ, o na ndũkethĩwe na mũamba na nai sya andũ angĩ: ĩyĩkalye mwene wĩ mũtheu.</verse>
				<verse number="23">Kuma yu ndũkanyusae manzĩ me oka, ĩndĩ nyusaa mbinyu nini nũndũ wa ĩvu yaku na nũndũ wa mowau ala maũkwataa mavinda maingĩ.</verse>
				<verse number="24">Naĩ sya andũ amwe nĩsyenekee, syĩmatongoesye kũvika ũsilĩlonĩ; na andũ amwe naĩ syoo imavikĩlaa ĩtina.</verse>
				<verse number="25">No ta ũu kwĩ mawĩa maseo ala menekee; na ala mate maseo maitonyeka kũvithwa.</verse>
			</chapter>
			<chapter number="6">
				<verse number="1">Ngombo o na syĩva ila syĩ ĩsokinĩ nitale mavwana masyo nĩmaĩle ndaĩa yonthe, nĩ kana syĩtwa ya Ngai na ũla ũmanyĩsyo maikaumwe.</verse>
				<verse number="2">Na ala me na mavwana metĩkĩlĩte, maikamavũthye, nũndũ nĩ ana‐a‐ĩthe; ĩndĩ kavaa mamathũkũme, nũndũ ala monaa ũtethyo wa wĩa woo nĩ etĩkĩli na endwa. Maũndũ aa manyĩsya, noitaa.</verse>
				<verse number="3">Ethĩwa mũndũ o na wĩva amanyĩasya ũmanyĩsyo ũngĩ, na ndeũsyĩtĩkĩla ndeto syĩ na waĩlo, nasyo nĩ ndeto sya Mwĩaĩi waitũ Yesũ Klĩsto, na ũmanyĩsyo wĩanene na kũmũkĩa Ngai;</verse>
				<verse number="4">e na ngathĩĩo, na nde ũndũ wĩsĩ, ĩndĩ mwĩkalo wake nĩ wa ũwau wa kũkũlangya na kũkananĩa ndeto, vala vaumaa kĩwĩu, na ĩteta, na kũumana, na kũtalĩlya ũthũku,</verse>
				<verse number="5">na motũngĩthan’yo ma andũ ala manangĩkĩte kĩlĩkonĩ kyoo, na ala mevetee ũla w’o, makĩtalĩlya kũmũkĩa Ngai nĩ nzĩa ya kwona ũtandĩthyo.</verse>
				<verse number="6">Ĩndĩ kũmũkĩa Ngai vamwe na kwĩanĩwa nĩ kĩla twĩ nakyo nĩ ũtandĩthyo mũnene:</verse>
				<verse number="7">nũndũ tũtyaaũka kũũ nthĩ twĩ na kĩndũ, o na tũitonya kuma na kĩndũ;</verse>
				<verse number="8">ĩndĩ tweethĩwa na kya ũya na kya kwĩvw’ika, syĩndũ isu ikatwĩanĩa.</verse>
				<verse number="9">Ĩndĩ ala mekwenda kwĩthĩwa athwii nĩmavalũkaa na kũlika kũtatwanĩ na mũkwanĩ na mĩmeonĩ mingĩ ya ũtumanu na ya kũthũkya, ta ĩla ĩthikaa andũ makaa na kwanangĩka.</verse>
				<verse number="10">Nũndũ wendi wa mbesa nĩ kĩtina kya mĩthemba yonthe ya ũthũku: namo andũ amwe makĩsyenda mũno, nĩmaĩtw’e na kũtia ũla mũĩkĩĩo, na kwĩtonya ene na mawoo maingĩ.</verse>
				<verse number="11">Ĩndĩ we, mũndũ wa Ngai, kĩa maũndũ asu; noiatĩĩa ũlũngalu, na kũmũkĩa Ngai, na mũĩkĩĩo, na wendo, na wũmĩĩsyo, na ũuu.</verse>
				<verse number="12">Ĩlũlũmĩlye kũkita kaũ ũla mũseo wa ũla mũĩkĩĩo, lũmya ũla thayũ wa tene na tene, ũla weetĩwe wĩthĩwe naw’o, na wakũsĩĩe ũkũsĩ mũseo ngũsĩ nyingĩ syene.</verse>
				<verse number="13">Nĩngũkwĩaĩa mbee wa Ngai, ũla ũnengae syĩndũ syonthe thayũ, na mbee wa Klĩsto Yesũ, ũla wakũsĩĩe ũkũsĩ mũseo yĩla waĩ mbee wa Vondio Vilato;</verse>
				<verse number="14">kana ũsũvĩae mwĩao ũũ, ũte ĩlanga, ũtaweteka ũthũku, kũvika kumĩla kwa Mwĩaĩi waitũ Yesũ Klĩsto:</verse>
				<verse number="15">mavindanĩ makw’o we mwene nũkonan’ya, ũla Mũtonyi mũtaĩwa e weka, Mũsumbĩ wa asumbĩ, na Mwĩaĩi wa eaĩi;</verse>
				<verse number="16">ũla e we weka ũtakwatawa nĩ kĩkw’ũ, ũtwĩe kyeninĩ kĩtathengeeka; o na vai mũndũ waamwona, o na ndatonya ũmwona; nĩwe mwene ndaĩa na vinya tene na tene. Ameni.</verse>
				<verse number="17">Meaĩe ala me na ũthwii wa nthĩ ĩno, maikekathĩĩe, o na maikekwatye ũthwii ũla wanangĩkaa, ĩndĩ mekwatye Ngai, ũla ũtũnengae syĩndũ syonthe na wingĩ, tũtanaw’e nĩsyo;</verse>
				<verse number="18">kana mekae nesa, kana methĩwe athwii ma kwĩkaa nesa, methĩwe meyũmbanĩtye kumya syĩndũ syoo, methĩwe me na mũamba wa ngoo na ala angĩ;</verse>
				<verse number="19">meyiĩe ene mwambĩlĩlyo mũseo wa ĩvinda yĩla yũkite, nĩ kana makwate ũla thayũ wa tene na tene, naw’o nĩ thayũ wa w’o.</verse>
				<verse number="20">Naku Timotheo, sũvĩa kĩla kyaiiwe kwaku, wĩvathane na ndeto sya mana na sya ngananĩo sya kĩla kĩtwa ũmanyi na tiw’o;</verse>
				<verse number="21">amwe nĩmekwitĩkĩla ũu na nĩmavĩtĩtye ũla mũĩkĩĩo. Mumo nĩwĩthĩwe naku.</verse>
			</chapter>
		</book>
		<book number="55">
			<chapter number="1">
				<verse number="1">Vaulo, mũtũmwa wa Klĩsto Yesũ kwondũ wa kwenda kwa Ngai, kwĩanana na watho wa thayũ ũla wĩ nthĩnĩ wa Klĩsto Yesũ,</verse>
				<verse number="2">valũa ũũ wakwa ũmũvikĩe Timotheo, mwana wakwa mwendwa: Mumo, na tei, na mũuo, kuma kwa Ngai Asa na Klĩsto Yesũ Mwĩaĩi waitũ.</verse>
				<verse number="3">Nĩmũtũngĩa Ngai mũvea, ũla nĩmũthũkũmaa na wasya wa ngoo mũtheu o ta aaũmae makwa, ũndũ ngũlilikanaa vate kũeka mboyanĩ syakwa, ũtukũ na mũthenya;</verse>
				<verse number="4">ngĩlilikana methoi maku, nĩ na mea ma ũkwona, nĩ kana ũtanu wakwa wusũe;</verse>
				<verse number="5">nũndũ nĩlilikanĩte mũĩkĩĩo ũte na wangangan’yo ũla wĩ naw’o; ũla tene waĩ na ũsũe waku Loisi, na waĩ na mwenyu Eunike; na nĩnĩtĩkĩlĩte vyũ, kana naku wĩ naw’o.</verse>
				<verse number="6">Kwondũ wa ũu nĩngũũlilikan’ya wakan’ye ũla mũthĩnzĩo wa Ngai wĩ naw’o kwondũ wa kwilĩĩlwa moko makwa.</verse>
				<verse number="7">Nũndũ Ngai ndaatũnenga veva wa w’ĩa; ĩndĩ atũnengie veva wa vinya na wa wendo na wa kĩlĩko kĩanĩu.</verse>
				<verse number="8">Kwondũ wa ũu ndũkawĩw’ĩe nthoni ũkũsĩ wa Mwĩaĩi waitũ, o na ndũkambĩw’ĩe nthonĩ nyie mwovwa wake; ĩndĩ ũmĩĩasya maũndũ maito vamwe na ũvoo mũseo kwĩanana na vinya wa Ngai;</verse>
				<verse number="9">ũla watũtangĩĩe, na kũtwĩta na wĩtano mũtheu, ti kwĩanana na meko maitũ tondũ mailyĩ, ĩndĩ kwĩanana na kwenda kwake mwene na mumo ũla twanengiwe nthĩnĩ wa Klĩsto Yesũ mbee wa mavinda ma tene tene,</verse>
				<verse number="10">ĩndĩ yu nĩwonanĩtw’e kwondũ wa kumĩla kwa Mũtangĩĩi waitũ Klĩsto Yesũ, ũla wanangie kĩkw’ũ, na kumĩlya thayũ na kũveta wanangĩko kwondũ wa ũvoo mũseo,</verse>
				<verse number="11">naw’o kwondũ waw’o nyie naiiwe mũtavan’ya, na mũtũmwa, na mũmanyĩsya.</verse>
				<verse number="12">Kwondũ wa ũu nĩngũthĩnw’a nĩ maũndũ aa nao: ĩndĩ ndiũsonoka; nũndũ nĩnĩmwĩsĩ we ũla nĩtĩkĩlĩte, na ĩngĩ nĩnĩsĩ vyũ kana we nũtonya kũsũvĩaa kĩla niĩte kwake kũvika mũthenya ũsu.</verse>
				<verse number="13">Kwata kĩeleelo kya ndeto ila syaĩle ila weewie kwakwa, na mũĩkĩĩo na wendo ũla wĩ nthĩnĩ wa Klĩsto Yesũ.</verse>
				<verse number="14">Ũndũ ũsu mũseo ũla wiĩtwe kwaku ũsũvĩe kwa nzĩa ya Veva Mũtheu ũla ũtwĩe nthĩnĩ waitũ.</verse>
				<verse number="15">Nĩwĩsĩ ũũ, kana onthe ala me Asia nĩmaalũkile na mandia; na amwe mao nĩ Vikelo na Elimakane.</verse>
				<verse number="16">Mwĩaĩi namew’ĩe tei ala ma nyũmba ya Onesivolo: nũndũ nĩwambuũkisye kaingĩ, na ndaawĩw’ĩa nthoni ũla mũnyololo wakwa;</verse>
				<verse number="17">ĩndĩ, yĩla waĩ Lomi, amanthie na ũthangaau, na ambona</verse>
				<verse number="18">(Mwĩaĩi namũnenge kwona tei wa Mwĩaĩi mũthenya ũsu); we nĩwĩsĩ nesa nĩ maũndũ meana ata wanthũkũmie namo Eveso.</verse>
			</chapter>
			<chapter number="2">
				<verse number="1">We ĩndĩ, mwana wakwa, ĩthĩwa ũkyongeleelwa vinya mumonĩ ũla wĩ nthĩnĩ wa Klĩsto Yesũ.</verse>
				<verse number="2">Na maũndũ ala weewie kwakwa na ngũsĩ nyingĩ, asu maie kwa andũ me na kĩthito, ala makatonya kũmanyĩsya angĩ nao.</verse>
				<verse number="3">Ũmĩĩsya maũndũ maito vamwe nakwa, ta mũsikalĩ mũseo wa Klĩsto Yesũ.</verse>
				<verse number="4">Vai mũsikalĩ e kaũnĩ ũvĩndanĩw’a na maũndũ ma thayũ ũũ; nĩ kana amwendeesye ũla wamũandĩkie ethĩwe mũsikalĩ.</verse>
				<verse number="5">Na ĩngĩ ethĩwa mũndũ etata mathaũnĩ, ndanengawe ngovĩa, ate o akakĩlan’ya ũndũ weeaiwe.</verse>
				<verse number="6">Nĩkwaĩle mũĩmi ũla watethisye wĩa ethĩwe wa mbee kwosa mosyao.</verse>
				<verse number="7">Sũanĩa ũndũ ũla ngwasya; nũndũ Mwĩaĩi akakũnenga ũmanyi maũndũnĩ onthe.</verse>
				<verse number="8">Mũlilikane Yesũ Klĩsto, ũla wathayũũkie kuma akw’ũnĩ, ũla waĩ wa ũsyao wa Ndaviti, kwĩanana na ũvoo mũseo wakwa:</verse>
				<verse number="9">ũla kwondũ waw’o nĩthĩnaw’a kũvika kwovwa, ta mwĩki wa naĩ; ĩndĩ ndeto ya Ngai ndyovawa.</verse>
				<verse number="10">Kwondũ wa ũu nũmĩĩasya maũndũ onthe nũndũ wa ala anyuve, nĩ kana nao mose ũtangĩĩo ũla wĩ nthĩnĩ wa Klĩsto Yesũ vamwe na ũtaĩo wa tene na tene.</verse>
				<verse number="11">Nĩ ndeto ya kũĩkĩĩwa: Nũndũ ethĩwa twakwie vamwe nake, tũkeethĩwa thayũ naw’o vamwe nake;</verse>
				<verse number="12">Ethĩwa nĩtũkũmĩĩsya, tũkasumbĩka vamwe nake: Ethĩwa tũkamũkaĩa we, nake akatũkaĩa ithyĩ:</verse>
				<verse number="13">Ethĩwa tũti na kĩthito, we ekalaa na kĩthito; nũndũ ndatonya kwĩkaĩa mwene.</verse>
				<verse number="14">Malilikan’ye maũndũ asu, ũkĩmeaĩa mbee wa Mwĩaĩi, maikethĩwe na ngananĩo sya ndeto, ila ite na kĩndũ imoneaa, na imaasya ala mew’aa.</verse>
				<verse number="15">Thangaa kwĩnengane mwene wĩtĩkĩlĩlwe nĩ Ngai, mũtethya wa wĩa ũtasonokw’a, ũivathũkan’ya ũndũ waĩle ndeto ya ũla w’o.</verse>
				<verse number="16">Ĩndĩ ĩvathane na ndeto sya mana: nũndũ ikaendeea na mbee ũndũnĩ wa kũlea kũmũkĩa Ngai,</verse>
				<verse number="17">na ndeto yoo ĩkeethĩwa ĩkĩya ta kĩtau kya yaso: asu amwe nĩ Aimenaio na Vileto;</verse>
				<verse number="18">andũ ala mavĩtĩtye ũla w’o, makyasya kana ũthayũũkyo nĩ mũvĩtu o na yu, na maing’uthũla mũĩkĩĩo wa amwe.</verse>
				<verse number="19">Ĩndĩ wambĩlĩlyo mũlũmu wa Ngai nũũngeme, wĩ na ũsiĩlo ũũ, Mwĩaĩi nũmesĩ ala make: na, Kĩla mũndũ ũwetaa syĩtwa ya Mwĩaĩi natie ũndũ ũte ũlũngalu.</verse>
				<verse number="20">Na nyũmbanĩ nene vaiĩthĩawa mĩio ya thaavu na vetha yoka, ĩndĩ o na ya mĩtĩ na ya yũmba; na ĩmwe yĩ na ndaĩa na ĩngĩ ĩte na ndaĩa.</verse>
				<verse number="21">Ethĩwa ĩndĩ mũndũ etheasya kwa asu, akeethĩwa e mũio wa kwona ndaĩa, ũvathĩtwe ethĩwe mũtheu, waĩle wĩa wa Mwĩaĩi, ũseũvĩtw’e kwa kĩla wĩa mũseo.</verse>
				<verse number="22">Ĩndĩ kĩa mĩmeo ya wana, na ũkĩatĩĩa ũlũngalu, na mũĩkũo, na wendo, na mũuo, vamwe na ala mamwĩkaĩlaa Mwĩaĩi na ngoo ntheu.</verse>
				<verse number="23">Ĩndĩ lea mokũlyo ma ũtumanu na ala mate na ũmanyi, ũkĩmanya kana maetae ngandanĩo.</verse>
				<verse number="24">Na ngombo ya Mwĩaĩi ndyaĩlwe nĩ ũkandanĩa, ĩndĩ nĩyaĩle kwĩthĩwa ĩ nduu kwa andũ onthe, ĩ na ũtonyi wa kũmanyĩsya, ĩ na wũmĩĩsyo:</verse>
				<verse number="25">ĩkĩmataa na ũuu ala akananĩi; no kwĩthĩwa Ngai emanenga ũalyũlo wa ngoo kũvika ũmanyi wa ũla w’o,</verse>
				<verse number="26">matonye ũvindũka na kuma mũkwanĩ wa ndevili matavĩtwe nĩ mũthũkũmi wa Mwĩaĩi, kũvika kwĩka kwenda kwa Ngai.</verse>
			</chapter>
			<chapter number="3">
				<verse number="1">Ĩndĩ manya ũũ, kana mĩthenyanĩ ya mũminũkĩlyo kũkeethĩwa mavinda ma mũisyo.</verse>
				<verse number="2">Nũndũ andũ makeethĩwa makĩyenda ene, makyenda mbesa, makĩkathĩĩa, na kwĩtaĩa, na kũumana, matew’aa asyai, mate mũvea, mate atheu,</verse>
				<verse number="3">mate na wendo waĩle, mate na wĩw’ano, ailĩanĩli, mate na wĩting’o, ai, matendete ũseo,</verse>
				<verse number="4">akaĩi, me na ngũlũ, me na mĩyimbyo, endi ma motanu ma nthĩ mbee wa kũmwenda Ngai;</verse>
				<verse number="5">me na mũvw’ano wa kĩkĩo kwa Ngai, ĩndĩ nĩmakaĩĩte vinya wakyo: ĩvathane na asu nao.</verse>
				<verse number="6">Nũndũ andũnĩ asu ve ala melikasya nyũmbanĩ sya andũ na kũtava aka atumanu ala makuaa mũio ya naĩ, matongoew’e nĩ mĩmeo ya mĩthemba mingĩ,</verse>
				<verse number="7">memanyĩasya mĩthenya yonthe, na maitonya o na ĩndĩĩ kũvikĩa ũmanyi wa ũla w’o.</verse>
				<verse number="8">Na o tondũ Yane na Yambale mamũsiĩĩe Mose, no ta ũu aa nao nĩmasiĩĩaa ũla w’o; andũ mavukĩtwe ilĩkoni syoo, matetĩkĩlĩka mũĩkĩĩoni.</verse>
				<verse number="9">Ĩndĩ maikaendeea na mbee: nũndũ ũtumanu woo ũkeethĩwa wenekee kwa andũ onthe, o tondũ wa asu woonekie.</verse>
				<verse number="10">Ĩndĩ we nĩwavikĩlile ũmanyĩsyo wakwa, na mũendele, na kwenda kwakwa, na mũĩkĩĩo, na wũmĩĩsyo, na wendo, na wĩlũlũmĩlyo,</verse>
				<verse number="11">na monyamao, na mathĩna; na maũndũ ala mangwatĩe Andiokia, na Ikonio, na Lisitela; monyamao ala neeyũmĩĩsye: na Mwĩaĩi andangĩĩa na kũnumya maũndũnĩ asu onthe.</verse>
				<verse number="12">Ĩĩ, na onthe ala mendaa kwĩkalya thayũ woo kũmũkĩa Ngai nthĩnĩ wa Klĩsto Yesũ makathĩnw’a.</verse>
				<verse number="13">Ĩndĩ andũ athe na akengani makaendeea na kwongeleka kũthũka, makĩkengana na kũkengwa.</verse>
				<verse number="14">Ĩndĩ we, ĩkala maũndũnĩ ala wamanyĩiw’e na ala wamanyie vyũ, nĩkwĩthĩwa nĩwĩsĩ andũ ala weemanyĩisye kwamo;</verse>
				<verse number="15">na ĩngĩ kuma wĩ kana kanini nĩweesĩ maandĩko matheu, ala matonya ũkũĩvya kũvika ũtangĩĩo ũla wĩ kwondũ wa mũĩkĩĩo wĩ nthĩnĩ wa Klĩsto Yesũ.</verse>
				<verse number="16">Kĩla Ũandĩko nĩwaveveewe nĩ Ngai, naw’o nĩwaĩle wa kũmanyĩsya, na kũĩkĩĩthya andũ mavĩtyo, na kũmatũngĩĩa, na kũsilĩla kwa ũlũngalu:</verse>
				<verse number="17">nĩ kana mũndũ wa Ngai atonye kwĩthĩwa e mwĩanĩu, eanĩe kũtethya kĩla wĩa mũseo.</verse>
			</chapter>
			<chapter number="4">
				<verse number="1">Nĩkwĩaĩa mbee wa Ngai, na mbee wa Klĩsto Yesũ, ũla ũkasilĩla ala me thayũ na ala akw’ũ, o na ĩngĩ ũndũ wa kumĩla kwake na ũsumbĩ wake:</verse>
				<verse number="2">tavan’ya ĩla ndeto; ĩthĩwa wĩ mũthangaau ĩvinda yaĩle, na yĩla yĩtaĩle; onan’ya mavĩtyo, kan’ya, taa, na wũmĩĩsyo w’onthe na kũmanyĩsya.</verse>
				<verse number="3">Nũndũ ĩvinda yĩkooka yĩla mataketĩkĩla kũtavw’a momanyisyo ma w’o; ĩndĩ, nĩkwĩthĩwa me na matũ meũmanyeea, makeeyũmbanĩsya amanyĩsya o kwĩanana na mĩmeo yoo;</verse>
				<verse number="4">nao makathyũũa matũ moo maikew’e ũla w’o, na kwathũka kwĩthukĩĩsya mbano.</verse>
				<verse number="5">Ĩndĩ ĩthĩwa wĩ na kĩlĩko maũndũnĩ onthe, ũmĩĩsya maũndũ maito, tethya wĩa wa mũtavan’ya wa ũvoo mũseo ĩanĩsya ũthũkũmi waku.</verse>
				<verse number="6">Nũndũ o na yu nĩngũtulũlwa ta nthembo, na ĩvinda yakwa ya kũthi nĩ ĩviku.</verse>
				<verse number="7">Nĩnũkitĩte kaũ ũla mũseo, nĩnĩminĩte mũendo, nĩnĩsũvĩĩte ũla mũĩkĩĩo:</verse>
				<verse number="8">kuma yu nĩniĩwe ngovia ya ũsumbĩ ya ũlũngalu, nayo Mwĩaĩi, mũsili ũla mũlũngalu, akanenga mũthenya ũsu; na ti nyie nyioka, ĩndĩ andũ onthe nao ala mendaa kumĩlw’a kwake.</verse>
				<verse number="9">Thangaaa kũka kwakwa na mĩtũkĩ:</verse>
				<verse number="10">nũndũ Ndema nĩwandiie, endie nthĩ ĩno ya ĩvinda yĩĩ, na anaendie Thesalonika; na Keliseke anaendie Kalatia, na Tito anaendie Ndalamatia.</verse>
				<verse number="11">No Luka e weka nĩ nake. Mwose Maliko wũke nake kũũ; nũndũ nĩ na vata nake wianĩ wa ũthũkũmi.</verse>
				<verse number="12">Ĩndĩ Tikiko nĩnamũtũmie Eveso.</verse>
				<verse number="13">Ngũa ya ĩũlũ ĩla natiie na Kalivo nthĩ ya Teloa, wĩete ũyũka, vamwe na ala mavuku, na mũno mbee ũka na ala ma mbũa.</verse>
				<verse number="14">Alesanda ũla mũtwii wa ũthuku nĩwambĩkie ũthũku mwingĩ: Mwĩaĩi akamũĩva kwĩanana na mawĩa make:</verse>
				<verse number="15">naku mwĩsũvĩe mũno; nũndũ nĩwasiĩĩe mũno ndeto sitũ.</verse>
				<verse number="16">Ũsũngĩo wakwa wa mbee vai mũndũ waũngamie vamwe nakwa, ĩndĩ onthe nĩmandiie; maikaatalĩlwe ũndũ ũsu.</verse>
				<verse number="17">Ĩndĩ Mwĩaĩi nĩwaũngamie vamwe nakwa, na anenga vinya; nĩ kana kwondũ wakwa ũla ũtũmane ũtonye kũtavanw’a vyũ, na nĩ kana Andũ‐ma‐mbaĩ‐ingi onthe mew’e: nakwa natangĩĩwe kumw’a kanyw’anĩ wa ũla mũnyambũ.</verse>
				<verse number="18">Mwĩaĩi akandangĩĩa kĩla ũndũ ũthũku, na akanzũvĩa kũvika ũsumbĩ wake wa ĩtunĩ: ndaĩa nĩyĩthĩwe yake kũvika tene na tene. Ameni.</verse>
				<verse number="19">Ngethesya Vilisika na Akwila, na nyũmba ya Onesivolo.</verse>
				<verse number="20">Elasito ekalile Kolintho: ĩndĩ Telovimo namũtiie Mileto e mũwau.</verse>
				<verse number="21">Thangaa kũka ĩvinda ya mbevo yĩtanavika. Euvulo nĩwaũkethya, na Vuteni, na Leno, na Kilautia, na ana‐a‐asa onthe.</verse>
				<verse number="22">Mwĩaĩi nĩethĩwe vamwe na veva waku. Mumo nĩwĩthĩwe nenyu.</verse>
			</chapter>
		</book>
		<book number="56">
			<chapter number="1">
				<verse number="1">Vaũlo, ngombo ya Ngai, na mũtũmwa wa Yesũ Klĩsto kwĩanana na mũĩkĩĩo wa anyuve ma Ngai, na ũmanyi wa ũla w’o ũla wĩanene na kũmũkĩa Ngai,</verse>
				<verse number="2">nthĩnĩ wa wĩkwatyo wa thayũ ũtathela, ũla Ngai wathie mbee wa mavinda ma tene tene, nake ndatonya kũneena ũvũngũ;</verse>
				<verse number="3">ĩndĩ mavindanĩ make nĩwavuanisye ndeto yake nthĩnĩ wa ũtũmane, ũla nyie naĩkĩĩwe nĩthĩwe naw’o kwondũ wa mwĩao wa Ngai Mũtangĩĩi waitũ;</verse>
				<verse number="4">valũa ũũ wakwa ũmũvikĩe Tito, mwana wakwa wa w’o nũndũ wa mũĩkĩĩo ũmwe ũla twĩ naw’o: Mumo na mũuo kuma kwa Ngai Asa na Klĩsto Yesũ Mũtangĩĩi waitũ.</verse>
				<verse number="5">Kwondũ wa ũndũ ũũ nakũtiie Kilete, nĩ kana maũndũ ala matiele kwikwa ũmaseũvye, na kwia atumĩa kĩla ndũa, o tondũ nakwĩaĩe;</verse>
				<verse number="6">ethĩwa mũndũ ndaweteka ũndũ ũthũku, na nĩ mũũme wa kiveti o kimwe, ũla wĩ na syana syĩtikĩlaa, itavinganĩw’a kwĩthĩwa na ngũlũ na wau wa matũ.</verse>
				<verse number="7">Nũndũ mũsyaĩĩsya nĩwaĩle kwĩthĩwa ataweteka ũndũ ũthũku, ta mũsũvĩi maũndũnĩ ma Ngai; na ndakethĩwe na mĩtavyo, kana kũthata mitũkĩ, ndakethiwe mũnywi wa ũki, kana mũkũni wa andũ, ndakethiwe mwendi wa kũunwa nĩ syĩndũ itamwaĩle;</verse>
				<verse number="8">ĩndĩ ethĩwe mũthokya wa aeni, na mwendi wa ũseo, ũla wĩ na kĩlĩko, mũndũ mũlũngalu, mũndũ mũtheu, na mwĩting’u;</verse>
				<verse number="9">ailũmya ndeto ĩla ya kĩthito ĩla yĩanene na ũla ũmanyĩsyo, nĩ kana atonye kũtaa ũmanyĩsyonĩ ũla wa w’o, vamwe na kũmaĩkĩĩthya akananĩi mavĩtyo.</verse>
				<verse number="10">Nũndũ kwi mbaa matũ mbingĩ, aneenĩ ma ndeto sya mana na akengani, na mũno nĩ ma ala maĩkawa,</verse>
				<verse number="11">namo mũvaka makanyw’a moo mavindĩthw’e; andũ ala makulumanasya nyũmba nĩma sya andũ, makimanyĩsya maũndũ mataĩle, kwondũ wa kwenda kũunwa nĩ syĩndũ itamaĩle.</verse>
				<verse number="12">Mũndũ ũmwe wamo, mwathanĩ woo, aisye, Akilete nĩ aneeni ma ũvũngũ mavinda onthe, nyamũ nthũku, ayi matatethasya wĩa.</verse>
				<verse number="13">Ũkũsĩ ũsu nĩ wa w’o. Kwondũ wa ũu makan’ye na ndeto sya vinya, nĩ kana methĩwe aima mũĩkĩĩonĩ,</verse>
				<verse number="14">mateũatĩĩa mbano sya Ayuti, na mĩao ya andũ ala mathũkĩaa ũla w’o.</verse>
				<verse number="15">Kwa atheu maũndũ onthe nĩ matheu; ĩndĩ kwa ala avuku na matetĩkĩlĩte vai kĩndũ kĩtheu; ĩndĩ ĩlĩko syoo vamwe na wasya wa ngoo woo nĩvũkĩtw’e.</verse>
				<verse number="16">Maasya kana nĩmesĩ Ngai; ĩndĩ mekonĩ moo nĩmeũmũkaĩa, nao nĩmathatasya na matew’aa, na wĩanĩ mũseo o na wĩva maiĩtĩkĩlĩka.</verse>
			</chapter>
			<chapter number="2">
				<verse number="1">Ĩndĩ we, neena maũndũ ala maĩle ũmanyĩsyo ũla wa w’o;</verse>
				<verse number="2">atĩ atumĩa akũũ methĩwe na wĩting’o, na kĩkĩo, na kĩlĩko, methĩwe aima mũĩkĩĩonĩ, na wendonĩ, na wũmĩĩsyonĩ:</verse>
				<verse number="3">na ivetĩ ngũũ nasyo no ta ũu syĩthĩwe na mwĩkalĩle wa ũtheu, ite nzũkani kana ngombo sya mbinyu mbingĩ, syĩthĩwe amanyĩsya ma maũndũ ala maseo;</verse>
				<verse number="4">nĩ kana imanyĩasye aka ma mũika kwenda aũme moo, na kũsyenda syana syoo,</verse>
				<verse number="5">methĩwe na kĩlĩko, mate na wathe, atethya ma wĩa mĩsyĩ kwoo, kwĩka angĩ nesa, na kwĩnyivya kwa aũme moo ene, nĩ kana ndeto ya Ngai ndĩkaumwe:</verse>
				<verse number="6">aũme mate akũũ nao mataae methĩwe na kĩlĩko:</verse>
				<verse number="7">maũndũnĩ onthe ũkĩyonan’ya mwene wĩ ngelekan’yo ya meko maseo; ũmanyĩsyonĩ waku ũkyonan’ya ũndũ ũla ũtatonya kũthũkya, na kĩkĩo,</verse>
				<verse number="8">na ndeto syaĩle itatonya kũsilĩlwa; nĩ kana ũla ũkwenda ũkũvinganĩsya atonye kũsonoka, nũndũ ndakethĩwa na ndeto sya kũtũneenea.</verse>
				<verse number="9">Ngombo syĩnyivye kwa mavwana masyo, na syĩthĩwe ĩkĩmendeesya maũndũnĩ onthe; itikatũngĩthasya;</verse>
				<verse number="10">na itikethĩwe osangi ma syĩndũ, ĩndĩ ikyonan’ya kĩthito kĩseo kyonthe; nĩ kana syanakavye maũndũnĩ onthe ũmanyĩsyo wa Ngai Mũtangĩĩi waitũ.</verse>
				<verse number="11">Nũndũ mumo wa Ngai nĩwumĩlĩte, ũkĩetee andũ onthe ũtangĩĩo,</verse>
				<verse number="12">ũkĩtũmanyĩsya atĩ tũlee maũndũ onthe mate ma kũmũkĩa Ngai na mawendi onthe ma nthĩ, twĩkalasye mathayũ maitũ na kĩlĩko kĩanĩu na ũlũngalu na kũmũkĩa Ngai ĩvindanĩ yĩĩ tũĩ;</verse>
				<verse number="13">tũkĩsyaĩĩsya wĩkwatyo ũla wĩ na ũathimo na kumĩla kwa ũtheu mũtisu wa Ngai ũla mũnene na Mũtangĩĩi waĩtũ Yesũ Klĩsto;</verse>
				<verse number="14">ũla wenenganie mwene kwondũ witũ, nĩ kana atwovosye kũtumya mothũkunĩ onthe, na kwĩtheesya andũ methĩwe make mwene, me na ũthangaau mawĩanĩ ala maseo.</verse>
				<verse number="15">Maũndũ aa neena, noitaa, noikan’ya, na ũkũmũ w’onthe. Mũndũ ndakakũvũthye.</verse>
			</chapter>
			<chapter number="3">
				<verse number="1">Malilikan’ye kwĩnyivĩasya anene, na ala me na ũkũmũ, na kũmew’a, methĩwe meyũmbanĩte kĩla wĩanĩ mũseo,</verse>
				<verse number="2">maikaneenee mũndũ o na wĩva naĩ, kana kũtetan’ya, methĩwe me avoo, makyonan’ya ũuu w’onthe kwa andũ onthe.</verse>
				<verse number="3">Nĩkwĩthĩwa ithyĩ naitũ tene twaĩ atũmanu, tũtyaĩ ewi, twaĩ akenge, tũkĩthũkũma mawendi na motanu ma nthĩ ma mĩthemba mingĩ, tũkĩkalya mathayũ maitũ maũndũnĩ mai, na kwĩw’anĩa iwĩu, tũkimeneka, na kũmenana ithyĩ kwa ithyĩ.</verse>
				<verse number="4">Ĩndĩ yĩla ũseo wa Ngai Mũtangĩĩi waitũ, na wendo wake welekele andũ, waumilile,</verse>
				<verse number="5">ti kwondũ wa meko ma ũlũngalu, ala ithyĩ tweekie, ĩndĩ kwĩanana na tei wake nĩwatũtangĩĩe, kwondũ wa kũthambw’a kwa kũsyawa ĩngĩ, na kũtw’ĩkĩthw’a eũ nĩ Veva Mũtheu,</verse>
				<verse number="6">ũla watwonoesye kwa wingĩ, kwondũ wa Yesũ Klĩsto Mũtangĩĩi waitũ;</verse>
				<verse number="7">nĩ kana, ũndũ wa kũtalĩlwa ũlũngalu kwondũ wa mumo wake, tũtonye kũtuwa atiĩwa kwĩanana na wĩkwatyo wa thayũ ũtathela.</verse>
				<verse number="8">Ndeto nĩ ya kũĩkĩĩwa, na kwondũ wa maũndũ aa nĩngwenda ũneene na vinya, nĩ kana ala metĩkĩlĩte Ngai mesũvĩe mũno mekae meko maseo. Maũndũ aa nĩ maseo na me na ũtandĩthyo andũnĩ:</verse>
				<verse number="9">ĩndĩ mokũlyo ma ũtumanu, na mosyaanĩo, na mateta, na kũkita ũndũ wa ĩla mĩao, ĩvete maũndũnĩ asu; nũndũ mati na ũtandĩthyo na nĩ ma mana.</verse>
				<verse number="10">Mũndũ ũla ũetae kĩvathũkangano, ĩtina wa kũmũtaa ya mbee na ya kelĩ, mũlee;</verse>
				<verse number="11">ũkĩmanya kana mũndũ ũilyĩ ũsu nũalyũkĩte, na ekaa naĩ, nĩwĩsilĩlĩte mwene kwĩthĩwa nĩ mũvĩtan’ya.</verse>
				<verse number="12">Yĩla nĩtũma Alitema kwaku, kana Tikiko, ĩthangaasye kũka Nikovoli vala nĩĩ: nĩkwĩthĩwa nĩnĩminĩte kũtw’a kwĩkala kw’o ĩvinda ya mbevo.</verse>
				<verse number="13">Matethye mũno Nzena ũla mũmanyĩsya wa mĩao na Avolo kyalonĩ kyoo, matikanyivĩwe nĩ kĩndũ o na kĩmwe.</verse>
				<verse number="14">Na andũ maitũ nao memanyĩsye kwĩyĩkalya mawĩanĩ maseo kwondũ wa kwĩanĩsya mavata, nĩ kana matikethĩwe mate na ũsyao.</verse>
				<verse number="15">Andũ onthe ala me vamwe nakwa nĩmaũkethya. Tũkethesye ala matwendaa nthĩnĩ wa ũla mũĩkĩĩo. Mumo nĩwĩthĩwe nenyu inyw’onthe.</verse>
			</chapter>
		</book>
		<book number="57">
			<chapter number="1">
				<verse number="1">Vaulo, mwovwa wa Klĩsto Yesũ, na Timotheo mwana‐a‐asa waitũ, valũa ũũ witũ ũmũvikĩe Vilemona mwendwa waitũ na mũtethya wa wĩa vamwe naitũ,</verse>
				<verse number="2">na Avia mwĩĩtũ‐wa‐asa waitũ, na Alikivo mũsikalĩ vamwe naitũ, na ikanisa yĩla yĩ nyũmbanĩ yaku:</verse>
				<verse number="3">Mumo nĩwĩthĩwe nenyu na mũuo kuma kwa Ngai Asa waitũ na kwa Mwĩaĩi Yesũ Klĩsto.</verse>
				<verse number="4">Nĩmũtũngĩa Ngai wakwa mũvea mavinda onthe, ngĩũweta mboyanĩ syakwa,</verse>
				<verse number="5">ngĩw’a ũvoo wa wendo waku, na mũĩkĩĩo ũla wĩ naw’o ũmwelekele Mwĩaĩi Yesũ, na atheu onthe:</verse>
				<verse number="6">nĩ kana mũamba wa mũĩkĩĩo waku wĩthĩwe ũitethya wĩa wa w’o, ũmanyinĩ wa kĩla ũndũ ũseo wĩ nthĩnĩ wenyu, kwondũ wa Klĩsto.</verse>
				<verse number="7">Nũndũ nai na ũtanu mwingĩ na ũkiakisyo kwondũ wa wendo waku, nĩkwĩthĩwa ngoo sya atheu nivuũkĩtw’e nue, mwana‐a‐asa.</verse>
				<verse number="8">Kwondũ wa ũu, o na kau nĩ na ũnyiau w’onthe nthĩnĩ wa Klĩsto kũkwĩaĩa wĩke ũndũ waile,</verse>
				<verse number="9">ĩndĩ kwondũ wa wendo nĩ kavaa nĩkwĩsũve, nĩkwĩthĩwa nyie Vaulo nĩ mũkũũ, na yu nĩ mwovwa wa Klĩsto Yesũ:</verse>
				<verse number="10">10 nĩkwĩsũva ũndũ wa mwana wakwa, ũla nĩsyaĩte nĩ o mwove, nake nĩ Onesimo,</verse>
				<verse number="11">ũla tene ũtaĩ ũuno kwaku, ĩndĩ yu e ũuno kwaku o na kwakwa:</verse>
				<verse number="12">nake namũtũma we mwene asyoke kwaku, nake nĩ ngoo yakwa ki:</verse>
				<verse number="13">ũla nendie ekale nakwa, nĩ kana anthũkũmae vandũ vaku wovwanĩ wa ũla ũvoo mũseo:</verse>
				<verse number="14">ĩndĩ ndinenda kwĩka ũndũ vate ũtw’ĩo waku; nĩ kana ũseo waku ndũkethĩwe ta wa kũĩngĩĩw’a, ĩndĩ wĩthĩwe wa kwenda kwaku.</verse>
				<verse number="15">Nũndũ no kwĩthĩwa nĩ kwondũ wa ũu ataaniw’e naku kavinda, nĩ kana wĩthĩwe nake tene na tene;</verse>
				<verse number="16">kuma yu ti ta ngombo, ĩndĩ nĩ mbee wa ngombo, nĩ mwana‐a‐asa mwendwa; nyie nĩnĩmwendete mũno, ĩndĩ kwaku nĩ mbee mũno, nthĩnĩ wa mwĩĩ o na nthĩnĩ wa Mwĩaĩi.</verse>
				<verse number="17">Ethĩwa ĩndĩ wĩona nyie nĩ ngwatanĩo vamwe naku, mwĩtĩkĩle we o takwa mwene.</verse>
				<verse number="18">Ĩndĩ ethĩwa nĩwakũvĩtanĩsye ũndũ, kana e thiĩ naku wa kindũ, andĩka ĩũlũ wakwa;</verse>
				<verse number="19">nyie Vaulo niandĩka ũu na kw’oko kwakwa mwene, nyie ngaĩva: o na ndiũkwĩa kana wĩ thiĩ nakwa wa thayũ waku mwene.</verse>
				<verse number="20">Ĩĩ, mwana‐a‐asa, nĩthĩwe na ũtanu kwondũ waku nthĩnĩ wa Mwĩaĩi: vuũkya ngoo yakwa nthĩnĩ wa Klĩsto.</verse>
				<verse number="21">Ngĩĩkĩĩa mũno wĩwi waku nĩngũkũandĩkĩa, ngĩmanya kana ũkeeka o na kũthonoka ũndũ ngwasya.</verse>
				<verse number="22">Ĩndĩ vamwe na ũu nzeũvĩsya vandũ va kwĩkala: nũndũ nĩĩkwatya kwondũ wa mboya syenyu nganengwa kũka kwenyu.</verse>
				<verse number="23">Evavila, mwovwa vamwe nakwa nthinĩ wa Klĩsto Yesũ, nĩwaũkethya;</verse>
				<verse number="24">na ta ũu Maliko, na Alisitaliko, na Ndema, na Luka, atethya ma wĩa vamwe nakwa.</verse>
				<verse number="25">Mumo wa Mwĩaĩi waĩtũ Klĩsto nĩwĩthĩwe na maveva menyu. Ameni.</verse>
			</chapter>
		</book>
		<book number="58">
			<chapter number="1">
				<verse number="1">Ngai, ũla waneenie na aasa tene nthĩnĩ wa athani na ilungu nyingĩ na nzĩa nyingĩ,</verse>
				<verse number="2">mũminũkĩlyo wa mĩthenya ĩno nũneenete naitũ nthĩnĩ wa Mwana wake, ũla wamwiie ethĩwe mũtiĩwa wa syĩndũ syonthe, na kwondũ wake oombie nthĩ syonthe;</verse>
				<verse number="3">nake nĩkwĩthĩwa nĩ kyeni kya ũtheu wake mũtisu, na mũvw’ano ki wa mũvw’anĩle wake, na nĩwĩkalasya syĩndũ syonthe na ndeto ya vĩnya wake, amina ũthesyo wa naĩ, ekala ngalĩ ya kw’oko kwa aũme kwa Ũnene ĩũlũ;</verse>
				<verse number="4">nĩkwĩthĩwa nũtw’ĩkĩte mũseo mũno kũvĩtũka alaĩka, o tondũ syĩtwa yake ya ũtiĩwa yĩvĩtũkĩte mũno masyĩtwa moo.</verse>
				<verse number="5">Nũndũ nĩ wĩva wa alaĩka ũla, o na ĩvinda yĩva, weiwe, We, nue Mwana wakwa, Ũmũnthĩ nĩnaũsyaa? Na ĩngĩ, Ngeethĩwa Ĩthe wake, Nake akeethĩwa Mwana wakwa?</verse>
				<verse number="6">Na aimũete ĩngĩ mũsyawa wa mbee kũũ nthĩ easya, Na alaĩka onthe ma Ngai nĩmamũthaithae.</verse>
				<verse number="7">Na ũvoo wa alaĩka easya, Ũla ũtusaa alaĩka make iseve, Na athũkũmi make kĩtw’ĩki kya mwaki:</verse>
				<verse number="8">ĩndĩ ũvoo wa Mwana easya, Kĩvĩla kyaku kya ũsumbĩ, we Ngai, nĩ kya tene na tene; Na ndata ya ũsumbĩ ya ũlũngalu nĩyo ndata ya ũsumbĩ waku.</verse>
				<verse number="9">We, nĩwendete ũlũngalu, na kũmena ũthũku; Kwondũ wa ũu Ngai, Ngai waku, nĩwakwĩtĩkĩsye mauta, Namo nĩ mauta ma ũtanu, kũvĩta atindan’ya maku.</verse>
				<verse number="10">Na ĩngĩ, We, Mwĩaĩi, mwambĩlĩlyonĩ nĩwakwatisye wambĩlĩlyo wa nthĩ, Na matu nĩ mawĩa ma moko maku:</verse>
				<verse number="11">Syo ikanangĩka; ĩndĩ we nĩwĩkalaa: Na syonthe ikakũa o ta ngũa;</verse>
				<verse number="12">Na ũkaikũnza ta ngũa ya ĩũlũ, Nasyo ikaalyũka ta ngũa: Ĩndĩ we nue ũla wĩkalaa o ũndũ ũmwe, Na myaka yaku ndĩkathela.</verse>
				<verse number="13">Ĩndĩ nĩ wĩva wa alaĩka ũla, o na ĩvinda yĩva, weiwe, Ĩkala ngalĩ ya kw’oko kwakwa kwa aũme, Mũvaka natw’a amaitha maku kavĩla ka nyaĩĩ syaku?</verse>
				<verse number="14">Asũ onthe ti maveva ma ũthũkũmi, ala matũmitwe kũthũkũma kwondũ wa ala makatiĩwa ũtangĩĩo?</verse>
			</chapter>
			<chapter number="2">
				<verse number="1">Kwondũ wa ũu nĩtwaĩle kũmasũvĩaa mũno maũndũ ala mew’ĩtwe, tũikese kũmatia.</verse>
				<verse number="2">Nũndũ ethĩwa ndeto ĩla yaneeniwe nĩ alaika yai nũmu, na kĩla ĩvĩtyo na kũlea kwĩw’a syoosie itũvi yasyo ilũngalu;</verse>
				<verse number="3">ithyĩ tũkavonoka ata, twavũthya ũtangĩĩo ũnenevete ũu? Ũla wambie ũneenwa nĩ Mwĩaĩi, na walũlũmĩlw’e kwitũ na ala meewie;</verse>
				<verse number="4">Ngai nake akĩkũsĩĩa vamwe nao, na syama na moseng’yo na mavinya ma mĩthemba mingĩ, na mĩthĩnzĩo ya Veva Mũtheu, kwĩanana na kwenda kwake.</verse>
				<verse number="5">Nũndũ ndaaia nthĩ ĩla yũkĩte ĩtheo wa alaĩka, ĩla tũũneena ũvoo wayo.</verse>
				<verse number="6">Ĩndĩ mũndũ ũmwe aĩ na ũkũsĩ vandũ vamwe, akyasya, Mũndũ nĩ kyaũ, ũndũ ũmũlilikana? Kana mwana wa mũndũ, ũndũ ũthi vala ũĩ?</verse>
				<verse number="7">Nĩwamũtwie mũnini ĩvinda kwĩ alaĩka. Nĩwamwĩkĩie ngovia ya ũsumbĩ ya ndaĩa na nguma, Na wamwia ĩũlũ wa mawĩa ma moko maku:</verse>
				<verse number="8">Nĩwamwiĩe syĩndũ syonthe wĩnyivyonĩ ungu wa nyaĩĩ syake. Nũndũ akia syĩndũ syonthe ĩtheo wake, ndaatialya kĩndũ kĩmwe kĩtaiĩtwe ĩtheo wake. Ĩndĩ yu tũinamba kwona syĩndũ syonthe siĩtwe ĩtheo wake.</verse>
				<verse number="9">Ĩndĩ nĩtũũmwona Yesũ ũla waniniwiv’e ĩvinda kwĩ alaĩka, kwondũ wa mathĩna ma kĩkw’ũ ekĩĩtwe ngovia ya ũsumbĩ ya ndaĩa na nguma, nĩ kana kwondũ wa mumo wa Ngai asame kĩkw’ũ vandũ va kĩla mũndũ.</verse>
				<verse number="10">Nũndũ nĩwaĩlwe we, ũla kwondũ wake, na kwondũ wa wĩa wake syĩndũ syonthe syĩ vo, amina kũete ana aingĩ ndaĩanĩ yake, kũmwĩanĩsya mũnene wa ũtangĩĩo woo kwondũ wa mathĩna.</verse>
				<verse number="11">Nĩkwĩthĩwa ũla ũvathanasya na ala mavathanaw’a, onthe maumaa nthĩnĩ wa ũmwe: kwondũ wa ũu ndew’aa nthoni kũmeta ana‐a‐ĩthe,</verse>
				<verse number="12">akyasya, Ngatavan’ya syĩtwa yaku kwa ana‐a‐asa makwa, Ngakũtaĩĩa ũmbanonĩ.</verse>
				<verse number="13">Na ĩngĩ, Ngamwĩkwatya we. Na ĩngĩ, Sisya, nyie na syana ila Ngai ũnengete.</verse>
				<verse number="14">Ĩndĩ nĩkwĩthĩwa syana nĩsyosaa mwĩĩ na nthakame, we nake mwene nĩwosie o ta ũu; nĩ kana kwondũ wa kĩkw’ũ amwasye vinya ũla wai na vinya wa kĩkw’ũ, nake nĩ ndevili;</verse>
				<verse number="15">na amathasya onthe ala kwondũ wa w’ĩa wa kĩkw’ũ maĩ ũkombonĩ thayũ woo w’onthe.</verse>
				<verse number="16">Nũndũ nĩ w’o ndeũmatethya alaĩka, ĩndĩ ematethya ala ma ũsyao wa Avalaamu.</verse>
				<verse number="17">Kwondũ wa ũu nĩwaĩlwe we nĩ kũvw’ananw’a maũndũni onthe na ana‐a‐ĩthe make, nĩ kana ethĩwe mũthembi mũnene wĩ tei na kĩthito maũndũnĩ ala melekele Ngai, nĩ kana ethĩwe nthembo ya wĩw’anĩthyo kwondũ wa naĩ sya andũ.</verse>
				<verse number="18">Nĩkwĩthĩwa we mwene nĩwathĩniw’e aitatwa, nũtonya kũmatetheesya ala matatawa.</verse>
			</chapter>
			<chapter number="3">
				<verse number="1">Kwondũ wa ũu, ana‐a‐asa atheu, osi ma wĩtano wa ĩtunĩ, sũanĩai mũno ũla Mũtũmwa na Mũthembi Mũnene wa kumbũla kwitũ, nake nĩ Yesũ;</verse>
				<verse number="2">ũla waĩ na kĩthito kwa ũla wamwiie, o tondũ Mose nake wailyĩ nyũmbanĩ yake yonthe.</verse>
				<verse number="3">Nũndũ we nĩwatalilwe nĩwaĩlwe nĩ ũtaĩo mwingĩ kwĩ Mose, o tondũ ũla wakĩte nyũmba wĩ na ndaĩa nyingĩ kwĩ ĩ nyũmba.</verse>
				<verse number="4">Nĩkwĩthĩwa kĩla nyũmba yakĩtwe nĩ mũndũ: ĩndĩ ũla ũseũvĩtye syĩndũ syonthe nĩ Ngai.</verse>
				<verse number="5">Na nĩ w’o Mose aĩ na kĩthito nyũmbanĩ yake yonthe ta mũthũkũmi, ethĩwe na ũkũsĩ wa maũndũ asu ala makaneenwa ĩtina;</verse>
				<verse number="6">ĩndĩ Klĩsto ta mwana, ĩũlũ wa nyũmba ya Ngai; nayo nyũmba yake nĩ ithyĩ, ethĩwa nĩtũũlũmya mũno ũkũmbaũ witũ na kwĩkathĩĩa kwa wĩkwatyo witũ kũvika mũminũkĩlyo.</verse>
				<verse number="7">Kwondũ wa ũu, o tondũ Veva Mũtheu ũnũũneena, Ũmũnthĩ ethĩwa nĩmũkwĩw’a wasya wake,</verse>
				<verse number="8">Mũikomye ngoo syenyu, ta yĩla ĩvinda ya kũthatya, Ta mũthenya wa kũtatwa weũnĩ,</verse>
				<verse number="9">Vala aaĩthe menyu mandatĩe ũndũ wa kwĩnguũa, Na moona mawĩa makwa myaka mĩongo ĩna.</verse>
				<verse number="10">Kwondũ wa ũu new’ĩthiw’e woo nĩ ũsyao ũũ, Na nasya, Nĩmavĩtasya mavinda onthe ngoonĩ syoo: Ĩndĩ matyaamanya nzĩa syakwa;</verse>
				<verse number="11">O ũndũ neevĩtie ũthilĩkunĩ wakwa, Matikalika ũthũmũonĩ wakwa.</verse>
				<verse number="12">Ĩsũvĩei, ana‐a‐asa, kũikese kwĩthĩwa ũmwe wenyu wĩ na ngoo mbathe ya ũlea kwĩtĩkĩla, na kwĩvathana na Ngai ũla wĩ thayũ:</verse>
				<verse number="13">ĩndĩ taanai kĩla mũndũ na ũla ũngĩ mĩthenya yonthe, o ĩvinda yĩla yĩtawa Ũmũnthĩ; nĩ kana kũikethĩwe ũmwe wenyu ũtw’ĩka mũmũ kwondũ wa ũkengani wa naĩ:</verse>
				<verse number="14">nũndũ nĩtũw’ĩkĩte osi vamwe na Klĩsto, ethĩwa nĩtũkwataa wambĩlĩlyo wa kũĩkĩĩa kwitũ tũkĩlũmya kũvika mũminũkĩlyo:</verse>
				<verse number="15">yĩla kũũneenwa, Ũmũnthĩ ethĩwa nĩmũkwĩw’a wasya wake, Mũikomye ngoo syenyu, ta yĩla ĩvinda ya kũthatya.</verse>
				<verse number="16">Nũndũ naaũ ala mathatisye yĩla meewie? Ti o asu onthe ala maumie Misili makĩtongoew’a nĩ Mose?</verse>
				<verse number="17">Na naaũ ala mamwĩw’ĩthisye woo myaka mĩongo ĩna? Ti o asu ala mavĩtisye, ala simba syoo syavalũkile weũnĩ?</verse>
				<verse number="18">Na ĩngĩ naaũ ala wevĩtie kana maikalika ũthũmũonĩ wake, ate o asu ala mataaĩw’a?</verse>
				<verse number="19">Na ithyĩ nĩtũkwona kana matyaatonya kũlika kwondũ wa kũlea kwĩtĩkĩla.</verse>
			</chapter>
			<chapter number="4">
				<verse number="1">Nĩkwĩthĩwa watho nĩvo ũĩ wa kũlika ũthũmũonĩ wake, twĩthĩwe ĩndĩ na w’ĩa, kũikethĩwe mũndũ o na wĩva katĩ wenyu ũla ũnũkwoneka ta waemiwe nĩ kũvikĩa.</verse>
				<verse number="2">Nũndũ nĩ w’o ithyĩ nĩtwataviw’e ũla ũvoo mũseo, o tamo: ĩndĩ ĩla ndeto yew’ĩkie ndĩaamauna nĩkwĩthĩwa ndyaavulanw’a na mũĩkĩĩo kwa ala mamĩwie.</verse>
				<verse number="3">Nũndũ ithyĩ ala twĩtĩkĩlĩte nĩtũvotaa ũthũmũonĩ ũsu; o tondũ waisye, O ũndũ neevĩtie ũthilĩkunĩ wakwa, Matikalika ũthũmũonĩ wakwa: o na kau mawĩa nĩmaminiwe kuma mwambĩlĩlyo wa nthĩ.</verse>
				<verse number="4">Nũndũ nũneenete vandũ vamwe ũvoo wa mũthenya wa mũonza ta ũũ, Na Ngai nĩwathũmũie mũthenya wa mũonza ũndũ wa mawĩa make onthe;</verse>
				<verse number="5">na vaa navo, Matikalika ũthũmũonĩ wakwa.</verse>
				<verse number="6">Ĩndĩ nĩkũtialĩte amwe makalika nthĩnĩ waw’o, na ala mambie ũtavw’a ũla ũvoo mũseo maiaalika nũndũ wa kũlea kwĩw’a,</verse>
				<verse number="7">nĩwiĩte ĩngĩ mũthenya ũmwe, Ũmũnthĩ, akyasya nthĩnĩ wa Ndaviti ĩtina wa ĩvinda ĩasa (o tondũ kwaneeniwe mbee), Ũmũnthĩ ethĩwa nĩmũkwĩw’a wasya wake, Mũikomye ngoo syenyu.</verse>
				<verse number="8">Nũndũ kethĩwa Yosua amanengie ũthũmũo, ndethĩwa aaneena ĩtina ũvoo wa mũthenya ũngĩ.</verse>
				<verse number="9">Nĩvatialĩte ĩndĩ ũthũmũo wa savato ũndũ wa andũ ma Ngai.</verse>
				<verse number="10">Nũndũ ũla ũlikĩte ũthũmũonĩ wake nũthũmũĩte mwene ũndũ wa mawĩa make, o ũndũ Ngai wathũmũie ũndũ wa mawĩa make.</verse>
				<verse number="11">Twĩthing’ĩĩsye ĩndĩ kũvota ũthũmũoni ũsu, nĩ kana mũndũ o na wĩva ndakavalũke kwondũ wa kũatĩĩa ngelekan’yo ĩsu ya kũlea kwĩw’a.</verse>
				<verse number="12">Nĩkwĩthĩwa ndeto ya Ngai ĩ thayũ, na nĩ nthangaau, na nĩ mbũĩ kwĩ ũvyũ ũla mũĩ ngalĩ syelĩ, nayo ĩtonyaa kũvika kũaan’ya thayũ na veva, na maleenyũ na mũthungo, na ĩ mĩtũkĩ ya kũmanya mosũanĩo na kwenda kwa ngoo.</verse>
				<verse number="13">Na vai kĩndũ kyũmbe kĩtaumĩlĩte mbee wake: ĩndĩ syĩndũ syonthe nĩ nthei na kumĩlw’a methonĩ ma ũla wĩ na maũndũ maitũ.</verse>
				<verse number="14">Ĩndĩ nĩkwĩthĩwa twĩ na mũthembi mũnene mbee, ũla walikile ĩtunĩ, Yesũ Mwana wa Ngai, tũkwate mũno kumbũla kwitũ.</verse>
				<verse number="15">Nũndũ tũi na mũthembi mũnene ũla ũtatonya kũtwĩw’ĩa tei mawonzunĩ maitũ; ĩndĩ nĩ ũmwe watatiwe maũndũnĩ onthe o tondũ tũtatawa, ate na naĩ.</verse>
				<verse number="16">Nĩtũthengeee ĩndĩ na ũkũmbaũ kĩla kĩvĩla kya ũsumbĩ kya mumo, nĩ kana twose ĩnee, na kwona mumo wa kũtũtethya ĩvinda ya vata.</verse>
			</chapter>
			<chapter number="5">
				<verse number="1">Nũndũ kĩla mũthembi mũnene, aumĩtw’e katĩ wa andũ, aiĩtwe kwondũ wa andũ maũndũnĩ ala melekele Ngai, nĩ kana athembe mĩthĩnzĩo na nthembo kwondũ wa naĩ:</verse>
				<verse number="2">ũla ũtonya kũmĩĩsya e mũuu kwa ala mate na ũmanyi na ala mavĩtasya, nũndũ we mwene nũthyũlũlũkĩtwe nĩ wonzu;</verse>
				<verse number="3">na kwondũ wa ũu nĩwaĩlwe nĩ kũthemba kwondũ wa naĩ, ũndũ wa naĩ sya andũ o na syake mwene.</verse>
				<verse number="4">Na vai mũndũ ũkwĩyosea mwene ndaĩa ĩsu, no ũla wĩĩtwa nĩ Ngai, o ta Aluni.</verse>
				<verse number="5">Ta ũu Klĩsto nake ndaaĩnenevya mwene atuwe mũthembi mũnene, ĩndĩ nĩ ũla waneenie nake, We nue Mwana wakwa, Ũmũnthĩ nĩnaũsyaa:</verse>
				<verse number="6">o tondũ easya vandũ vangĩ, We wĩ mũthembi wa tene na tene O ta ũndũ Melikiseteki wailyĩ.</verse>
				<verse number="7">Ũla, matukũ ma mwĩĩ wake, wamũvoyie ũla waĩ atonya kũmũtangĩĩa kũmumya kĩkw’ũnĩ, na mboya na mawĩsũvano vamwe na kũĩa mũno na methoi, na eethukĩĩw’a nũndũ wa kũmũkĩa Ngai,</verse>
				<verse number="8">o na kau aĩ Mwana, eemanyĩsya kwĩw’aa ũndũ wa mathĩna ala mamũkwatie;</verse>
				<verse number="9">na eanĩw’a, atw’ĩka mwambĩlĩlya wa ũtangĩĩo wa tene na tene kwa onthe ala mamwĩw’aa;</verse>
				<verse number="10">ũla wetiwe nĩ Ngai ethĩwe mũthembi mũnene o ta ũndũ Melikiseteki wailyĩ.</verse>
				<verse number="11">Twĩ na maũndũ maingĩ ma ũneena ũvoonĩ wake, namo nĩ vinya kũmavuan’ya nũndũ mũtw’ĩkĩte andũ ala matew’aa nesa.</verse>
				<verse number="12">Nũndũ wa ĩvinda ĩasa yĩvĩtĩte mwaĩle kwĩthĩwa mwĩ amanyĩsya, ĩndĩ mwĩ na vata wa mũndũ kũmũmanyĩsya ĩngĩ momanyĩsyo ma mbee ma ndeto ila syaneeniwe nĩ Ngai; na mũtw’ĩkĩte ala me na vata wa ĩia, na ti lĩu mũmũ.</verse>
				<verse number="13">Nũndũ kĩla mũndũ ũnyusaa ĩia ndesĩ mũno ndeto ya ũlũngalu; nũndũ nĩ kana kanini.</verse>
				<verse number="14">Ĩndĩ lĩu mũmũ nĩ wa andũ aima, ala, nũndũ wa kwĩmanyĩsya, ilĩko syoo nimanyĩĩtw’e kũvathũkan’ya ũseo na ũthũku.</verse>
			</chapter>
			<chapter number="6">
				<verse number="1">Kwondũ wa ũu tũkĩtia momanyĩsyo ma maũndũ ma mbee ma Klĩsto, twĩthing’ĩĩsye kũendeea mbee kũvikĩa wĩanĩu; tũte kwia ĩngĩ wambĩlĩlyo wa ũalyũlo wa ngoo kuma mawĩanĩ ala makw’ũ, na wa kũĩkĩĩa Ngai,</verse>
				<verse number="2">na wa momanyĩsyo ma movatiso, na wa kwilĩĩlwa moko, na wa kũthayũũkw’a kwa akw’ũ, na wa ũsilĩlo wa tene na tene.</verse>
				<verse number="3">Na ũu tũkeeka ethĩwa Ngai akatũtethya.</verse>
				<verse number="4">Na ũndũ wa ala maminĩte kũnengwa kyeni na kũsama ũla mũthĩnzĩo wa ĩtunĩ, na kũtuwa osi ma Veva Mũtheu,</verse>
				<verse number="5">na kũsama ndeto nzeo ya Ngai, na mavinya ma ĩvinda yĩla yũkĩte,</verse>
				<verse number="6">na ĩndĩ makĩalyũka na kũtia, kũtitonyeka kũmatũnga eũ ĩngĩ kũvikĩa ũalyũlo wa ngoo; nĩkwĩthĩwa memwambĩthya ĩngĩ Mwana wa Ngai kwa o ene, na kũmũsonokya ũtheinĩ.</verse>
				<verse number="7">Nũndũ nthĩ ĩla ĩnyw’ĩte mbua ĩla ĩmyuĩaa mavinda maingĩ, na ĩimesya nyũnyi ĩmaĩle ala ĩĩmawa kwondũ wamo, yosaa ũathimo kuma kwa Ngai:</verse>
				<verse number="8">ĩndĩ ethĩwa nĩnĩkũmesya mĩw’a na thangila, nĩleawa na ĩ vakuvĩ na kũumanĩwa; na mũminũkĩlyo wayo nĩ kũvĩvw’a.</verse>
				<verse number="9">Ĩndĩ, endwa, o na ethĩwa nĩtũũneena ũu, nĩtwĩtĩkĩlĩte maũndũ maseo mbee kwenyu, na maũndũ ala makwatene na ũtangĩĩo:</verse>
				<verse number="10">nĩkwĩthĩwa Ngai ti ũla ũte mũlũngalu ũndũ ũtonya kũlwa nĩ wĩa wenyu na wendo ũla mwonanĩtye kwondũ wa syĩtwa yake, nĩkwĩthĩwa nĩmwamathũkũmie ala atheu, o na yu nĩmũmathũkũmaa.</verse>
				<verse number="11">Na nĩtũkwenda kĩla ũmwe wenyu onanasye kĩthing’ĩĩsyo kyu kũvikĩa wĩanĩu wa wĩkwatyo o na kũvika mũminũkĩlyo:</verse>
				<verse number="12">nĩ kana mũikethĩwe atulu, ĩndĩ mũkĩelekan’ya na ala meũtiĩwa matho kwondũ wa mũĩkĩĩo na wũmĩĩsyo.</verse>
				<verse number="13">Nũndũ yĩla Ngai wamwathie Avalaamu, nĩkwĩthĩwa ndaatonya kwĩvĩta na ũngĩ mũnene mbee, nĩwevĩtie we mwene,</verse>
				<verse number="14">akyasya, Nĩ w’o kũũathima ngakũathima, na kwingĩvya ngakwingĩvya.</verse>
				<verse number="15">Na kwondũ wa ũu, ĩtina wa kũmĩĩsya kwake, nĩwosie ũla watho.</verse>
				<verse number="16">Nũndũ andũ mevĩtaa na ũla mũnene: na nthĩnĩ wa ngananĩo syoo syonthe wĩvĩto nĩw’o ũminaa ũvoo ũlũme.</verse>
				<verse number="17">Nthĩnĩ wa ũvoo ũsu Ngai, akyenda kũmon’ya mũno mbee atiĩwa ma ũla watho ũndũ ũtw’ĩo wake ũtatonya kũalyũka, nĩwekĩie wĩvĩto katĩ wake namo;</verse>
				<verse number="18">nĩ kana kwondũ wa maũndũ elĩ ala mataalyũlĩka, nao nthĩnĩ wamo kũitonyeka Ngai kũneena ũvũngũ, twĩthĩwe na ũkiakisyo wĩ na vinya, ithyĩ ala twakũkie twone wĩvitho tũkwate wĩkwatyo ũla wiĩtwe mbee waitũ:</verse>
				<verse number="19">ũla twĩ naw’o ta nanga ya ngoo, wĩkwatyo wĩ na ũlũmu na ũtakũĩka, ũlikaa nthĩnĩ wa vala ve ũla tũtũ;</verse>
				<verse number="20">vala Yesũ ta mũtongoesya walikile kwondũ witũ, atw’ĩkĩte mũthembi mũnene wa tene na tene o ta ũndũ Melikiseteki wailyĩ.</verse>
			</chapter>
			<chapter number="7">
				<verse number="1">Nũndũ Melikiseteki ũsu, mũsumbĩ wa Saleme, mũthembi wa Ngai Ũla Wĩ Ĩũlũ wa Onthe, ũla wakomanie na Avalaamu asyokete kuma kũmoaa asumbĩ, na amũathima,</verse>
				<verse number="2">na ũla Avalaamu wamũaĩe kĩlungu kya ĩkũmi kya syĩndũ syonthe (mbee, ũalyũlo wa syĩtwa yĩu nĩ, Mũsũmbĩ wa ũlũngalu, na ĩngĩ, Mũsumbĩ wa Saleme, ũalyũlo wayo nĩ, Mũsumbĩ wa mũuo;</verse>
				<verse number="3">ũte ĩthe, ũte nyinyia, ũte mosyaanĩo ma mbaĩ yake, ũte wambĩlĩlyo wa mĩthenya yake kana mũminũkĩlyo wa thayũ wake, ĩndĩ avw’ananw’a na Mwana wa Ngai), ekalaa e mũthembi tene na tene.</verse>
				<verse number="4">Sũanĩaĩ ĩndĩ ũndũ mũndũ ũsu wanenevete, ũla Avalaamu, ĩthe waitũ mũnene, wamũnengie kĩlungu kya ĩkũmi kya syĩndũ ila syaĩ nzeo mbee sya mũtavo.</verse>
				<verse number="5">Na nĩ w’o ala ma ana ma Livaĩ ala mosaa ũthembi me na mwĩao wa kwosa ilungu sya ĩkũmi sya andũ kwĩanana na ĩla mĩao, na ũu nĩ kwa ana‐a‐ĩthe moo, o na kau asu maumĩte kĩnyunyunĩ kya Avalaamu:</verse>
				<verse number="6">ĩndĩ we, ũla mosyaanĩo make matatalawa kuma kwa asu, nĩwosie ilungu sya ĩkũmi sya Avalaamu, na amũathima ũsu waĩ na ala matho.</verse>
				<verse number="7">Ĩndĩ vate ngananĩo ũla mũnini nũathimawa nĩ ũla mũnene.</verse>
				<verse number="8">Na vaa andũ ala makusaa nĩmosaa ilungu sya ĩkũmi; ĩndĩ ku kwaĩ ũmwe wosie, ũla ũkũsĩĩawa kana e thayũ.</verse>
				<verse number="9">Na nĩkũtonya kũneenwa, kana kwa nzĩa ya Avalaamu, o na Livai, ũla wosaa ilungu sya ĩkũmi, nake nĩwaumisye ilungu sya ĩkũmi;</verse>
				<verse number="10">nũndũ we aĩ kĩnyunyunĩ kya ĩthe wake Avalaamu, o yĩla Melikiseteki wakomanie nake.</verse>
				<verse number="11">Ĩndĩ ethĩwa kwaĩ wĩanĩu kwondũ wa ũthembi wa Alivai (nĩkwĩthĩwa andũ nĩmoosie ĩla mĩao kwondũ waw’o), kwaĩ vata ũngĩ wa kyaũ kana mũthembi ũngĩ okĩle ũilyĩ ta Melikiseteki, na ndakatalwa ta ũndũ Aluni wailyĩ?</verse>
				<verse number="12">Nĩkwĩthĩwa ũthembi waalyũka, no mũvaka ĩla mĩao nayo ĩalyũke.</verse>
				<verse number="13">Nũndũ ũla ũneeneawa maũndũ asu nĩ wa mbaĩ ĩngĩ, na kuma nthĩnĩ wayo vai mũndũ ũla wathũkũmie kĩthembeonĩ.</verse>
				<verse number="14">Nĩkwĩthĩwa nĩwenekee vyũ kana Mwĩaĩi waitũ aumie mbaĩnĩ ya Yuta; na Mose ndaaneena ũvoo wa athembi mbaĩnĩ ĩsu.</verse>
				<verse number="15">Na ũndũ ũla tũũneena nĩwenekee mũno mbee, ethĩwa mũthembi ũngĩ akookĩla ũilyĩ ta Melikiseteki,</verse>
				<verse number="16">ũla watwiwe mũthembi, ti kwondũ wa ũtw’ĩo wa mwĩao ũla wĩ kwondũ wa mwĩĩ, ĩndĩ kwondũ wa vinya wa thayu ũtathela:</verse>
				<verse number="17">nũndũ nĩwakũsĩĩwe, We wĩ mũthembi wa tene na tene O ta ũndũ Melikiseteki wailyĩ.</verse>
				<verse number="18">Nũndũ kwĩ kũveta kwa ũla mwĩao ũla waĩ mbee nũndũ ndwĩ vinya na ndwĩ vata</verse>
				<verse number="19">(nũndũ ĩla mĩao ndyaaĩanĩsya ũndũ), na kwĩ kũete wĩkwatyo mũseo mbee, ũla kwondũ waw’o tũmũthengeeaa Ngai.</verse>
				<verse number="20">Na nĩkwĩthĩwa ũndũ ũsu ndwaaĩkwa vate wĩvĩto</verse>
				<verse number="21">(nũndũ nĩ w’o asu matwiwe athembi vate wĩvĩto; ĩndĩ we nĩwatwiwe na wĩvĩto nĩ ũla wamwĩie, Mwĩaĩi nĩwevĩtie na ndakealyũla, We wĩ mũthembi wa tene na tene);</verse>
				<verse number="22">kwĩanana na ũndũ o ũsu Yesũ atw’ĩkĩte mũĩkĩĩwa wa ũtianĩo mũseo mbee.</verse>
				<verse number="23">Na nĩ w’o nĩmatwiwe athembi aingĩ, nĩkwĩthĩwa kwondũ wa kĩkw’ũ nĩmeũsiĩĩwa kwĩkalaa:</verse>
				<verse number="24">ĩndĩ we, nĩkwĩthĩwa ekalaa kũvika tene na tene, e na ũthembi wake ũla ũtatwĩkanaa.</verse>
				<verse number="25">Kwondũ wa ũu nake nũtonya kũmatangĩĩa vyũ ala mamũthengeeaa Ngai mavĩtĩle kwake, nũndũ e thayũ mĩthenya yonthe kũmavoyeaa.</verse>
				<verse number="26">Nĩkwĩthĩwa mũthembi mũnene ta ũsu nĩwatwaĩle ithyĩ, ũla mũtheu, ũtaĩ na ũkengani, ũtaĩ na ũvuku, ũla wavathanĩtw’e na andũ athe, na watũlilw’e ĩũlũ wa matu;</verse>
				<verse number="27">ũla ũte vata kĩla mĩthenya, ta athembi asu anene, kumya nthembo, mbee kwondũ wa nai syake mwene, na ĩndĩ kwondũ wa naĩ sya andũ; nũndũ nĩwekie ũu o ĩmwe, yĩla weyumisye mwene.</verse>
				<verse number="28">Nũndũ ĩla mĩao ĩmaiaa andũ me na wonzu methĩwe athembi anene; ĩndĩ ndeto ya wĩvĩto, ũla wookie ĩtina wa ĩla mĩao, yamwiie Mwana ũla wĩanĩe kũvika tene na tene.</verse>
			</chapter>
			<chapter number="8">
				<verse number="1">Ĩndĩ maũndũnĩ ala tũũneena ũndũ wa mbee nĩ atiĩ: Twĩ na mũthembi mũnene ũilyĩ ũu, ũla wekalile ngalĩ ya kw’oko kwa aũme kwa kĩvĩla kya ũsumbĩ kya ũla Ũnene matunĩ,</verse>
				<verse number="2">mũthũkũmi wa vandũ vatheu, na wa ĩeema yĩla ya w’o, yĩla yaakiwe nĩ Mwĩaĩi, na ti mũndũ.</verse>
				<verse number="3">Nũndũ kĩla mũthembi mũnene aiawa nĩ kana athembe mĩthĩnzĩo na nthembo ya kũtonywa: kwondũ wa ũu nĩkwaĩle kana mũthembi ũũ mũnene ethĩwe na kĩndũ kya ũthemba.</verse>
				<verse number="4">Ĩndĩ kethĩwa e kũũ nthĩ, ndethĩwa e mũthembi nongi, nĩkwĩthĩwa kwĩ ala mathembaa mĩthĩnzĩo kwĩanana na ĩla mĩao;</verse>
				<verse number="5">ala mathũkũmaa ngelekan’yo na kyuu kya syĩndũ sya ĩtunĩ, o tondũ Mose wataiwe nĩ Ngai weyũmbanĩtye kwaka yĩla ĩeema: nũndũ easya, Sisya kana ũseũvye syĩndũ syonthe o ta ngelekan’yo ĩla woonew’e kĩĩmanĩ.</verse>
				<verse number="6">Ĩndĩ yu nĩwosete ũthũkũmi ũla mũseo mbee, kwĩanana na ũndũ we nake nĩ mwĩw’anĩthya wa ũtianĩo mũseo mbee, ũla watwiwe ĩũlũ wa matho maseo mbee.</verse>
				<verse number="7">Nũndũ kethĩwa ũtianĩo wa mbee, waĩ mwĩanĩu, vaiĩthĩwa na ũthei wa kũmantha ũngĩ wa kelĩ.</verse>
				<verse number="8">Nũndũ aimonea mavĩtyo, easya, Sisyai, mĩthenya nĩyũkĩte, easya ũu Mwĩaĩi, Yĩla ngatianĩa ũtianĩo mweũ na nyũmba ya Isilaeli na nyũmba ya Yũta;</verse>
				<verse number="9">Ndũkethĩwa ũilyĩ ta ũtianĩo ũla natianĩe na aaĩthe moo Mũthenya ũla namakwatie moko kũmatongoesya kũmaumya nthĩ ya Misili; Nũndũ matyaaĩkala ũtianĩonĩ wakwa, Nakwa ndyaamona ta kĩndũ, easya ũu Mwĩaĩi.</verse>
				<verse number="10">Nũndũ ũũ nĩw’o ũtianĩo ũla ngatianĩa na nyũmba ya Isilaeli Ĩtina wa mĩthenya ĩsu, easya ũu Mwĩaĩi; Ngeekĩa mĩao yakwa ilĩkonĩ syoo, Na ngamĩandĩka ngoonĩ syoo: Na ngeethĩwa Ngai woo, Nao makeethĩwa andũ makwa:</verse>
				<verse number="11">Na matĩkamanyĩan’ya kĩla mũndũ na mũtũi wake, Na kĩla mũndũ na mwana‐a‐inyia wake, makyasya, Mũmanye Mwĩaĩi: Nĩkwĩthĩwa onthe makamanya nyie, Kuma ũla mũnini woo kũvika ũla mũnene woo.</verse>
				<verse number="12">Nũndũ ngeew’ĩaa tei mothũkũ moo, Na naĩ syoo ndikaililikana ĩngĩ.</verse>
				<verse number="13">We, kwondũ wa kũneena, Ũtianĩo mweũ, nĩwatwie ũla wa mbee mũkũũ. Ĩndĩ kĩla kyambĩlĩlya ũkũa na kwanangĩka nĩ vakuvĩ kĩthele vyũ.</verse>
			</chapter>
			<chapter number="9">
				<verse number="1">Ĩndĩ o na ũla ũtianĩo wa mbee waĩ na motw’io ma kũthaitha Ngai, na vandũ vatheu vaw’o vaĩ va nthĩ ĩno.</verse>
				<verse number="2">Nũndũ nĩkwaseũvitw’e ĩeema, yĩla ya mbee, nthĩnĩ wayo kwaĩ kĩndũ kĩla kyeekĩawa mataa, na mesa, na imũtũ ila syaiĩawa Ngai; vala veetawa Vandũ Vatheu.</verse>
				<verse number="3">Na ĩtina wa tũtũ wa kelĩ, yĩla ĩeema yeetawa Vandũ Vatheu mbee;</verse>
				<verse number="4">na vo vaĩ kĩtoeesya kya thaavu kya kũtoeesya ũvani, na ĩsandũkũ ya ũtianĩo yavw’ĩkĩtwe thaavu ngalĩ syonthe ĩũlũ na nthĩnĩ, na nthĩnĩ wayo vaĩ kavisũ ka thaavu kala kaĩ na lĩu wĩtawa mana, na ndata ya Aluni ĩla yathongooie, na masengea ma mavia ma ũla ũtianĩo;</verse>
				<verse number="5">na ĩũlũ wayo vaĩ akeluvi ma ũtheu mũtisu mekĩae muunyĩ wĩkalonĩ wa tei; tũitonya kũneena yu ũvoo wa syĩndũ ĩsu kĩmwe na kĩmwe.</verse>
				<verse number="6">Ĩndĩ syĩndũ isu iminĩtwe kũseũvw’a ũu, athembi nĩmalikaa ĩeemanĩ ya mbee mĩthenya yonthe, makĩanĩsya ũthaithi woo;</verse>
				<verse number="7">ĩndĩ vala va kelĩ mũthembi mũnene avotaa weka, o ĩmwe kĩla mwaka, ĩndĩ ndalikaa vate nthakame, ĩla wathembaa kwondũ wake mwene, na kwondũ wa mavĩtyo ma andũ:</verse>
				<verse number="8">Veva Mũtheu akyonan’ya kana nzĩa ya kũlika vandũ vatheu ndĩnamba kwonanw’a, yĩla ĩeema ya mbee yĩũngeme;</verse>
				<verse number="9">na ũndũ ũũ naw’o nĩ ngelekan’yo ya ĩvinda yĩĩ twĩ nayo; na kwĩanana nayo mĩthĩnzĩo na nthembo sya kũtonywa nithembawa ila itatonya kũmwĩanĩsya ũsu ũthaithaa ũndũ wa wasya wa ngoo,</verse>
				<verse number="10">nĩkwĩthĩwa nĩ motw’ĩo ma maũndũ ma mwĩĩ ki, sya ũya na sya ũnyw’a na kũthesya kwa mĩthemba mingĩ, ala maiiwe kũvika ĩvinda yĩkoka yĩla maũndũ makaseũvw’a methĩwe meũ.</verse>
				<verse number="11">Ĩndĩ Klĩsto ooka mũthembi mũnene wa maũndũ maseo ala makethĩwa kwondũ wa ieema ĩnene na yĩanĩu mbee, yĩtaseũvĩtw’e na moko, na ũu nĩ kwasya, ti ya wũmbe ũũ,</verse>
				<verse number="12">o na ti kwondũ wa nthakame ya mbũi na tũsaũ, ĩndĩ kwondũ wa nthakame yake mwene, nĩwavotie vala vandũ o ĩmwe tũ, osete wovosyo wa tene na tene.</verse>
				<verse number="13">Nũndũ ethĩwa nthakame ya mbũi na nzaũ, na kwĩtĩkya mũu wa moi ĩũlũ wa ala mavukĩtw’e, nitheasya kũvika kũthesya mwĩĩ:</verse>
				<verse number="14">nĩ mbee veana ata nthakame ya Klĩsto, ũla kwondũ wa Veva wa tene na tene wenenganie mwene kwa Ngai ate kĩema, kũtheasya wasya wa ngoo wenyu mume mawĩanĩ makw’ũ mũthũkũme Ngai ũla wĩ thayũ?</verse>
				<verse number="15">Na kwondũ wa ũu nĩ mwĩw’anĩthya wa ũtianĩo mweũ, kana kĩkw’ũ kyamina kwĩthĩwa kw’o ũndũ wa wovosyo wa mavĩtyo ala meekĩtwe ĩvinda ya ũtianĩo wa mbee, ala meetiwe mose ũla watho wa ũtiĩwa wa tene na tene.</verse>
				<verse number="16">Nũndũ vala ve ũtianĩo, mũvaka vethĩwe kĩkw’ũ kya ũla watianĩa.</verse>
				<verse number="17">Nũndũ ũtianĩo wĩ na vinya vala ve kĩkw’ũ: nũndũ ndwĩ na vinya o na ĩndĩĩ yĩla ũla watianĩa wĩ thayũ.</verse>
				<verse number="18">Kwondũ wa ũu o na ũtianĩo wa mbee ndwaambĩlĩlw’a vate nthakame.</verse>
				<verse number="19">Nũndũ Mose amina kũneena na andũ onthe kĩla mwĩao o tondũ kweeaiwe ĩla mĩaonĩ, oosaa nthakame ya tũsaũ na mbũi, vamwe na manzĩ na w’ĩa mũtune wa ĩlondu na ĩseve ya mũtĩ wa ĩsovo, na aminzangĩsya ĩvuku e yo na andũ onthe,</verse>
				<verse number="20">akyasya, Ĩno nĩyo nthakame ya ũtĩanĩo ũla Ngai wamwĩaĩe.</verse>
				<verse number="21">Na ĩngĩ ĩeema na mĩio yonthe ya ũthaithĩ aminzangĩsya nthakame o ta ũu.</verse>
				<verse number="22">Na kwĩanana na ĩla mĩao, vakuvĩ syĩndũ syonthe nitheaw’a na nthakame, na vate kwĩtĩka nthakame ũekeo ndwoneka.</verse>
				<verse number="23">Ĩndĩ mũvaka ngelekan’yo sya syĩndũ syĩ ĩtũnĩ ithew’e na nthembo isu; ĩndĩ syindũ sya itunĩ syo ithew’e na nthembo sya kũtonywa nzeo kwĩ isu.</verse>
				<verse number="24">Nũndũ Klĩsto ndaalika vandũ vatheu vaseũvĩtw’e na moko, ngelekan’yo ya vala va w’o; ĩndĩ alikile ĩtunĩ e yo, nĩ kana onekae yu mbee wa ũthyũ wa Ngai kwondũ witũ:</verse>
				<verse number="25">o na ti kana eyumye mwene mavinda maingĩ, o ũndũ mũthembĩ mũnene ũlikaa vala vandũ vatheu kĩla mwaka na nthakame ĩte yake mwene;</verse>
				<verse number="26">kethĩwa nĩ ũu, ethĩwa athĩniw’e mavinda maingĩ kuma mwambĩlĩlyo wa nthĩ: ĩndĩ yu o ĩmwe tũ ĩvinda ya mũminũkĩlyo wa mavinda nĩwonaniw’e nĩ kana avete naĩ aithembwa e we mwene.</verse>
				<verse number="27">Na o ũndũ andũ matw’ĩĩwe maiiwe kũkw’a o ĩmwe, na ĩtina wa kũkw’a ũsilĩlo;</verse>
				<verse number="28">o ta ũu Klĩsto, aumw’a o ĩmwe akue naĩ sya aingĩ, akaumĩla ĩvinda ya kelĩ, ate na ũvoo wa naĩ, kwa ala mamweteelaa kũvikĩa ũtangĩĩo.</verse>
			</chapter>
			<chapter number="10">
				<verse number="1">Nĩkwĩthĩwa ĩla mĩao yaĩ kyuu kya syĩndũ nzeo ĩla ikoka, na ti mũvw’ano vyũ wa syĩndũ isu, ndĩtonya o na ĩndĩĩ na nthembo isu ila maumasya kĩla mwaka, kũmeanĩsya ala mathengeeaa.</verse>
				<verse number="2">Kethĩwa nitonya itiekwa kũthembwa? Nĩkwĩthĩwa athaithi, mamina kũthew’a ĩvinda yĩmwe, matyĩyona ĩngĩ me na nai.</verse>
				<verse number="3">Ĩndĩ nthembonĩ isu kwĩ kũlilikanw’a naĩ kĩla mwaka.</verse>
				<verse number="4">Nũndũ ndũtonyeka nthakame ya nzaũ na mbũi kũveta naĩ.</verse>
				<verse number="5">Kwondũ wa ũu akyũka kũũ nthĩ, easya, Nthembo ya kũtonywa na syĩndũ ila syumaw’a ndwaasyenda, Ĩndĩ wanzeũvĩsye mwĩĩ;</verse>
				<verse number="6">Ndwaaendeew’a nĩ ila nthembo nima sya kũvĩvw’a na nthembo kwondũ wa naĩ:</verse>
				<verse number="7">Nĩvo naisye, Sisya, nĩnooka (Ĩvukunĩ ĩkũnze nĩkũandĩkĩtwe ũndũ wakwa) Kwĩka kwenda kwaku, we Ngai.</verse>
				<verse number="8">Aneenete mbee, Nthembo sya kũtonywa na syĩndũ ila syumaw’a na nthembo nima sya kũvĩvw’a na nthembo kwondũ wa naĩ ndwaasyenda, o na ndwaaendeew’a nĩsyo (ila ithembawa kwĩanana na ĩla mĩao),</verse>
				<verse number="9">nĩvo ĩndĩ waisye, Sisya, nĩnooka kwĩka kwenda kwaku. Avetete ũla wa mbee, nĩ kana alũlũmĩlye ũla wa kelĩ.</verse>
				<verse number="10">Na nũndũ wa kwenda kwake nĩtwavathiwe twĩthĩwe atheu kwondũ wa kũthembwa kwa mwĩĩ wa Yesũ Klĩsto o ĩmwe tũ.</verse>
				<verse number="11">Na kĩla mũthembi aũngamaa kĩla mũthenya aithũkũma na kũthemba nthembo o isu mavinda maingĩ, ila itaatonya o na ĩndĩĩ kũveta naĩ:</verse>
				<verse number="12">ĩndĩ we, athemba nthembo o ĩmwe kwondũ wa naĩ kũvika tene ne tene, ekala nthĩ ngalĩ ya kw’oko kwa aũme kwa Ngai;</verse>
				<verse number="13">kuma ĩvinda yĩu eteelaa amaitha make matwiwe kavĩla ka nyaĩĩ syake.</verse>
				<verse number="14">Nũndũ kwondũ wa nthembo o ĩmwe nĩwameanĩsye kũvika tene na tene ala mavathanĩtw’e.</verse>
				<verse number="15">Na Veva Mũtheu nake nũtũkũsĩĩaa; nũndũ ĩtina wa kũneena,</verse>
				<verse number="16">Ũu nĩw’o ũtianĩo ũla ngatianĩa nao Ĩtina wa mĩthenya ĩsu, easya ũu Mwĩaĩi: Ngeekĩa mĩao ngoonĩ syoo, Na ngamĩandĩka ilĩkonĩ syoo; nĩvo ĩndĩ easya,</verse>
				<verse number="17">Na naĩ syoo na mothũku moo, ndikamalilikana ĩngĩ.</verse>
				<verse number="18">Na vala ve ũekeo wa asu, kũi nthembo ĩngĩ kwondũ wa naĩ.</verse>
				<verse number="19">Na ĩndĩ, ana‐a‐asa, kwa kwĩthĩwa twĩ na ũkũmbaũ wa kũlika nthĩnĩ wa vala vandũ vatheu kwondũ wa nthakame ya Yesũ,</verse>
				<verse number="20">na nzĩa ĩla watũvingũĩe, nzĩa nzaũ na yĩ na thayũ, kwa nazĩ ya tũtũ, naw’o nĩ mwĩĩ wake;</verse>
				<verse number="21">na nĩkwĩthĩwa twĩ na mũthembi mũnene ĩũlũ wa nyũmba ya Ngai;</verse>
				<verse number="22">nĩtũthengeee na ngoo ya w’o wĩanĩunĩ wa mũĩkĩĩo, ngoo sitũ iminzangĩw’e tũeke wasya mwathe wa ngoo: na mĩĩ yaitũ kũthambw’a na manzĩ matheu,</verse>
				<verse number="23">nĩtũlũmye kumbũla kwa wĩkwatyo witũ ndũkathingithange; nũndũ we ũla wathanie e kĩthito:</verse>
				<verse number="24">na nĩtũlilikanan’ye ithyĩ kwa ithyĩ kũthangaan’ya wendonĩ na mawĩanĩ maseo;</verse>
				<verse number="25">tũtekũeka kũmbana kwitũ vamwe, o tondũ amwe mekaa, ĩndĩ tũkĩtaana; na mbee mũno, mũkyona mũthenya ũsu ũkĩthengeea.</verse>
				<verse number="26">Nũndũ ethĩwa twĩkaa naĩ na ngũlũ ĩtina wa kwosa ũmanyi wa ũla w’o, kũitiele nthembo ĩngĩ kwondũ wa naĩ,</verse>
				<verse number="27">ĩndĩ kwĩ kweteela ũsilĩlo wa ũkĩwa, na wai wa mwaki ũla ũkamelya nthũ.</verse>
				<verse number="28">Mũndũ ũla wavũthisye mĩao ya Mose akusaa vate tei kwondũ wa ndeto ya ngũsĩ ilĩ kana itatũ:</verse>
				<verse number="29">mwĩona aĩlĩtwe nĩ ũsilĩlo mũnene wĩana ata, ũla ũmũkinyangĩte Mwana wa Ngai, na watalile nthakame ya ũtianĩo ĩla ũtheetw’e nayo kĩndũ kĩte kĩtheu, na wamũvũthisye vyũ Veva wa mumo?</verse>
				<verse number="30">Nũndũ nĩtũmwĩsĩ ũla waisye, Ũĩvanĩsyo nĩ wakwa, nyie ngaĩvanĩsya. Na ĩngĩ, Mwĩaĩi nũkaslĩla andũ make.</verse>
				<verse number="31">Nĩ ũndũ wa kũkĩwa mũno kũvalũka mokonĩ ma Ngai ũla wĩ thayũ.</verse>
				<verse number="32">Ĩndĩ lilikanai mĩthenya ĩla mĩvitu, ĩla nthĩnĩ wayo mwamina kwĩkĩwa kyeni, mwoomĩĩsye ũkĩlan’yonĩ mũnene wa mathĩna;</verse>
				<verse number="33">mavĩnda amwe, mũtw’ĩkĩte ma kũkũnũĩwa metho kwondũ wa kĩvũthya na mathĩna; na mavinda angĩ, mũtw’ĩkĩte osi vamwe ma ala meekiwe o ta ũu.</verse>
				<verse number="34">Nũndũ nĩmwamew’ĩie tei ala maĩ ove, na ĩngĩ mweetĩkĩla na ũtanu kũvũtwa syĩndũ syenyu, mũkĩmanya kana nthĩnĩ wenyu ene mwĩ na ũthwii mũseo mbee na ũla wĩkalaa.</verse>
				<verse number="35">Ĩndĩ mũikekye ũtee ũkũmbaũ wenyu, ũla wĩ na ĩtuvi ĩnene.</verse>
				<verse number="36">Nũndũ mwĩ na vata wa wũmĩĩsyo, kana, mwĩkĩte kwenda kwa Ngai, mũtonye kwosa ũla watho.</verse>
				<verse number="37">Nũndũ vatiele kavinda kanini mũno, Ũla wũkĩte oke, na ndeĩkala.</verse>
				<verse number="38">Ĩndĩ ũla mũlũngalu wakwa akekala thayũ kwondũ wa mũĩkĩĩo: Na ethĩwa akatundua, ngoo yakwa ndĩtanwa nĩwe.</verse>
				<verse number="39">Ĩndĩ ithyĩ tũti ma ala matunduaa kũvikĩa kwaa; ĩndĩ twĩ ma ala me na mũĩkĩĩo kũvikĩa ũtangĩĩo wa thayũ.</verse>
			</chapter>
			<chapter number="11">
				<verse number="1">Na ĩndĩ mũĩkĩĩo nĩ kĩla kĩmanyĩthasya vyũ maũndũ ala mekwatĩtw’e, na nĩ kĩla kĩĩkĩĩthasya maũndũ ala matonekaa.</verse>
				<verse number="2">Nũndũ kwondũ waw’o atumĩa ma tene nĩmakũsĩĩwe.</verse>
				<verse number="3">Kwondũ wa mũĩkĩĩo nĩtũũmanya kana nthĩ nĩsyoombiwe na ndeto ya Ngai, na syĩndũ ila syonekaa ĩtyaaũmbwa kuma syĩndũnĩ syenekee.</verse>
				<verse number="4">Kwondũ wa mũĩkĩĩo Aveli nĩwamũthembeie Ngai nthembo nzeo kũvĩta ĩla ya Kaini, na kwondũ wayo nĩwakũsĩĩwe atĩ aĩ mũlũngalu, Ngai aikũsĩĩa mĩthĩnzĩo yake: na kwondũ waw’o o na kau nũkw’ĩte aneenaa kũvika o na yu.</verse>
				<verse number="5">Kwondũ wa mũikĩĩo Enoku nĩwambatiw’e ndakone kĩkw’ũ; na ndaoneka, nũndũ Ngai nĩwamwambatisye: nũndũ mbee wa kwambatw’a kwake nĩwakũsĩĩwe kana nĩwamwendeeasya Ngai:</verse>
				<verse number="6">na vate mũĩkĩĩo kũitonyeka kũmwendeesya; nũndũ ũla wũkaa kwa Ngai mũvaka etĩkĩle kana e vo, na ĩngĩ kana nũmanengae ĩtuvi ala mamũmanthaa.</verse>
				<verse number="7">Kwondũ wa mũĩkĩĩo Noa, ooniw’e nĩ Ngai ũvoo wa maũndũ ala matanamba kwoneka, ũndũ wa kũmũkĩa Ngai, nĩwaseũvisye ngalawa avĩtye nyũmba yake; na kwondũ waw’o asilĩla nthĩ, na atw’ĩka mũtiĩwa wa ũlũngalu ũla wonekaa kwondũ wa mũĩkĩĩo.</verse>
				<verse number="8">Kwondũ wa mũĩkĩĩo Avalaamu, eetwa, eew’a, na auma athi vandũ vala wĩnengwa ũtiĩwa; na auma, atesi vala ũnũũthi.</verse>
				<verse number="9">Kwondũ wa mũĩkĩĩo atw’ĩka mwĩkali wa ũeninĩ nthĩ ĩla ya watho, ta nthĩ ĩte yake, akĩkala maeemanĩ vamwe na Isaka na Yakovo, atiĩwa vamwe nake ma watho o ũsu:</verse>
				<verse number="10">nũndũ nĩweteelaa onw’e ndũa ĩla yĩ na myambĩlĩlyo, na mwambĩlĩlya na mwaki wayo nĩ Ngai.</verse>
				<verse number="11">Kwondũ wa mũĩkĩĩo o na Sala anengiwe vinya wa kũitava yĩla weyĩtũkĩte, nũndũ nĩwamwonie e kĩthito ũla wamwathie:</verse>
				<verse number="12">kwondũ wa ũu masyaiwe nĩ ũmwe, nake aĩ ta mũkw’ũ, andũ aingĩ o tondũ ndata sya ĩtunĩ singĩvĩte, na ta kĩthangathĩ kĩla kĩ ũtee wa ũkanga kĩtatalĩka.</verse>
				<verse number="13">Asu onthe nĩmakwie mũĩkĩĩonĩ, matosete matho, ĩndĩ mamonete me kũasa na kũmatanĩa, na makĩtĩkĩla kana maĩ aeni na aendĩ ma kyalo ĩũlũ wa nthĩ.</verse>
				<verse number="14">Nũndũ ala maneenaa ndeto ta isu meonan’ya vyũ kana memantha nthĩ yoo ene.</verse>
				<verse number="15">Na kethĩwa nĩmalilikanile nthĩ ĩla maumie, methĩwa maĩ na ũthei wa kũalũka.</verse>
				<verse number="16">Ĩndĩ yu mendaa nthĩ nzeo mbee, nayo nĩ ĩtunĩ: kwondũ wa ũu Ngai ndeũsonoka kwondũ wamo kwĩtwa Ngai woo, nĩkwĩthĩwa nũmaseũvĩsye ndũa.</verse>
				<verse number="17">Kwondũ wa mũĩkĩĩo Avalaamu, atatwa, aumya Isaka ethĩwe nthembo: ĩĩ, we ũla wosete na ũtanu ala matho aĩ anathemba mwana wake ũla wasyaiwe e weka;</verse>
				<verse number="18">we, ũla weiwe, Ũsyao waku ũkeetwa nthĩnĩ wa Isaka:</verse>
				<verse number="19">aitala kana Ngai nũtonya kũmũthayũũkya o na kũmumya akw’ũnĩ; na kuma vo amwosa ĩngĩ kwa ngelekan’yo.</verse>
				<verse number="20">Kwondũ wa mũĩkĩĩo Isaka amaathima Yakovo na Esau, o na ũvoonĩ wa maũndũ ala makoka.</verse>
				<verse number="21">Kwondũ wa mũĩkĩĩo Yakovo, yĩla wakussa, aathima ana elĩ ma Yosevu; na athaitha, etw’ĩĩkĩte na mũthya wa ndata yake.</verse>
				<verse number="22">Kwondũ wa mũĩkĩĩo Yosevu, yĩla mũminũkĩlyo wake waĩ vakuvĩ, aweta ũvoo wa kuma kwa ana ma Isilaeli; na eeaa ũndũ wa mavĩndĩ make.</verse>
				<verse number="23">Kwondũ wa mũĩkĩĩo Mose, asyawa, avithwa myei ĩtatũ ni ala mamũsyaie, nũndũ moonie e kana kaseo; na matyaakĩa mwĩao wa mũsumbĩ.</verse>
				<verse number="24">Kwondũ wa mũĩkĩĩo Mose, yĩla waĩ aneana, nĩwaleile kwĩtwa mwana wa mwĩĩtu wa Valao;</verse>
				<verse number="25">akĩnyuva kavaa kũthĩnw’a vamwe na andũ ma Ngai, kwi kũtana maũndũnĩ ma naĩ ĩvinda;</verse>
				<verse number="26">aitala kũvũthw’a kwa Klĩsto nĩ ũthwii mwingi kũvĩta ũthwii wa Misili, nũndũ nĩwasyaisye ituvi yĩla yĩkanenganwe.</verse>
				<verse number="27">Kwondũ wa mũĩkĩĩo niwaumie Misili: ateũkĩa ũthatu wa mũsumbĩ: nũndũ nĩwomĩisye ta ũmwonaa ũla ũtonekaa.</verse>
				<verse number="28">Kwondũ wa mũĩkĩĩo nĩwalilikanile Vasaka na aminzangisya nthakame, nĩ kana ũla mwanangi wa ala masyaiwe mbee ndakamakiite.</verse>
				<verse number="29">Kwondũ wa mũĩkĩĩo nĩmavĩtĩle Ũkanganĩ Mũtune katĩ, ta kũvĩtĩla nthĩ nyũmũ: na Amisili matata kwĩka ũu mamelw’a.</verse>
				<verse number="30">Kwondũ wa mũĩkĩĩo maũvai ma Yeliko mavalũka, ĩtina wa kũthyũlũlũkwa mĩthenya mũonza.</verse>
				<verse number="31">Kwondũ wa mũĩkĩĩo Laavi yĩla ĩlwaya ndaanangwa vamwe na ala maleile kwĩw’a, nũndũ athokisye athiani na mũuo.</verse>
				<verse number="32">Na nĩneena ũndũ ũngĩ wĩva? Nũndũ ĩvinda yĩimbĩanĩa ethĩwa nĩngũweta ũvoo wa Ngiteonĩ, na Mbalaka, na Samusoni, na Yevitha; na wa Ndaviti na Samueli na athani:</verse>
				<verse number="33">ala kwondũ wa mũĩkĩĩo makĩlilye mosumbĩ vinya, meekie ũlũngalu, moosie matho, matumisye makanyw’a ma mĩnyambũ,</verse>
				<verse number="34">mavoisye vinya wa mwaki, mavonokie ũĩ wa ũvyũ, yĩla maĩ onzu meekĩiwe vinya, maĩ ai kaũnĩ, malũngilye ita sya aeni</verse>
				<verse number="35">Aka nĩmoosie akw’ũ moo ala mathayũũkiw’e: na angĩ mathĩniw’e na mathĩna mai, matekwĩtĩkĩla kũthaw’a; nĩ kana mone ũthayũũkyo mũseo kwĩ ũsu:</verse>
				<verse number="36">na angĩ maĩ na matatwa ma kũvũthw’a na kũkũnwa mũno, ĩĩ, o na kwovwa na kwĩkĩwa kolokolonĩ:</verse>
				<verse number="37">nĩmakimiwe na mavia, nĩmatililwe na mang’weli, nĩmatatiwe, nĩmooaiwe na ũvyũ: mangangie makĩvw’ĩka mbũa sya malondu na sya mbũi; matyaĩ na kĩndũ, maĩ na monyamao, meekiwe naĩ</verse>
				<verse number="38">(andũ ala nthĩ ĩtaĩle kwĩthĩwa nao), mangangie maweũnĩ na iĩmanĩ na ngunganĩ, na maimanĩ ma nthĩ.</verse>
				<verse number="39">Na asu onthe makũsĩĩwe kwondũ wa mũĩkĩĩo woo, matyaaosa ũla watho,</verse>
				<verse number="40">nĩkwĩthĩwa Ngai nĩwatũseũvĩsye kĩndũ kĩseo mbee, nĩ kana asu matikethĩwe meanĩwe ithyĩ tũte vo.</verse>
			</chapter>
			<chapter number="12">
				<verse number="1">Kwondũ wa ũu ithyĩ naitũ, nĩkwĩthĩwa nitũthyũlũlũkĩtwe nĩ mũumbĩ mũnene wĩana ũu wa ngũsĩ, nĩtwie ũtee kĩla kĩũtũvata kũthi kyonthe, na naĩ ĩla ĩtũsiĩiaa na ũvũthũ, na tũsembe na wũmĩĩsyo ũkĩlan’yonĩ ũla wiĩtwe mbee waĩtũ,</verse>
				<verse number="2">tũkĩmũsisya Yesũ, mwambĩlĩlya na mwĩanisya wa mũĩkĩĩo witũ, ũla kwondũ wa ũtanu ũla waiiwe mbee wake oomĩĩsya ĩla ngelan’yo, aivũthya nthoni, na nĩwekalile nthĩ ngalĩ ya kw’oko kwa aũme kwa kĩvĩla kya ũsumbĩ kya Ngai.</verse>
				<verse number="3">Sũanĩai mũno ũla womĩĩsye mosiĩĩo mailyĩ ũu ma ala athe, nĩ kana mũikanoe, mũkĩteva ngoonĩ syenyu.</verse>
				<verse number="4">Mũinamba kũkita kũvika kwĩtĩkya nthakame, mũkyũkita na naĩ:</verse>
				<verse number="5">na nĩmũlĩtwe nĩ ũtao ũla ũmũtaa inyw’ĩ ta mwĩ ana, Mwana wakwa, ndũkone ta ũndũ ũnini kũsilĩlwa nĩ Mwĩaĩi, Kana ndũkateve yĩla ũkũkanw’a nĩwe;</verse>
				<verse number="6">Nũndũ ũla Mwĩaĩi ũmwendaa nũmũsilĩlaa, Na kũvũa kĩla mwana ũla wosaa.</verse>
				<verse number="7">Nĩ kwondũ wa kũsilĩlwa mũmĩĩasya; Ngai amwĩkaa ta ana; nũndũ nĩ mwana wĩva ũla ũtasilĩlawa nĩ ĩthe?</verse>
				<verse number="8">Ĩndĩ ethĩwa mũtiũsilĩlwa, ũndũ onthe mekawa, mwi ana ma ũlaalainĩ, na ti ana ma w’o.</verse>
				<verse number="9">Na vamwe na ũu, twaĩ na aaĩthe maitũ ma mwĩĩ matũsilĩlaa, na nĩtwamataĩaa: ti kavaa mũno kũmwĩnyivĩsya Asa wa maveva maitũ, na kwĩthĩwa thayũ?</verse>
				<verse number="10">Nũndũ nĩ w’o asu vandũ va matukũ manini matũsilĩlaa o ũndũ moonaa ta ũseo; ĩndĩ we kwondũ wa kũtũuna, nĩ kana twĩthĩwe osi ma ũtheu wake.</verse>
				<verse number="11">Kũsilĩlwa kw’onthe ĩvinda yĩĩ kũioneka ta ũndũ wa ũtanu ĩndĩ ta ũndũ wa woo; ĩndĩ ĩtina nĩkũmaeteae ala mamanyĩĩtw’e nĩkw’o ũsyao wa mũuo naw’o nĩ ũsyao wa ũlũngalu.</verse>
				<verse number="12">Kwondũ wa ũu ũkĩlyai moko ala maleelu, na maũũ ala monzu;</verse>
				<verse number="13">na seũvĩsyai nyaĩĩ syenyu nzĩa ndũngalu, nĩ kana mutha ũla ũthuaa ndũkavĩtĩthw’e, ĩndĩ kavaa ũvow’e.</verse>
				<verse number="14">Manthai kwĩthiwa na mũuo na andũ onthe, na kũvathwa mwĩthĩwe atheu kũla mũndũ ate nakw’o ndakamwona Mwĩaĩi:</verse>
				<verse number="15">mũkĩsisya mũno mũndũ o na wĩva ndakatiale kũvikĩa ũla mumo wa Ngai; kĩtina kya ũũ kĩikathongooe na kũmũthĩn’ya, na kwondũ wakyo aingĩ kũvukw’a;</verse>
				<verse number="16">kũikethĩwe kĩlaalai, kana ũla ũtamũkĩaa Ngai, ta Esau, ũla nũndũ wa kya ũya kĩmwe wathooisye ũtiĩwa wa ũkithathi wake.</verse>
				<verse number="17">Nũndũ nĩmwĩsĩ kana o na ĩtina yĩla wendie kũtiĩwa ũla ũathimo, nĩwaleilwe; nũndũ ndaaona ũthei wa kwĩalyũla, o na kau nĩwomanthie mũno na methoi.</verse>
				<verse number="18">Nũndũ mũtyaavikĩa kĩĩma kĩla kĩtonya ũkiitwa, na kĩla kyakanie mwaki, o na wiũ, na kĩvindu, na kĩuutani,</verse>
				<verse number="19">na wasya wa soo, na wasya wa ndeto; na ala meewie wasya ũsu meesũvana maikatavw’e ndeto ĩngĩ;</verse>
				<verse number="20">nũndũ matyaatonya kũmĩĩsya ũndũ weeaiwe, atĩĩ, Ethĩwa o na nyamũ ĩkakiita kĩĩma kyu, ĩkooawa na mavia;</verse>
				<verse number="21">ũndũ ũsu woonekie waĩ wa kwĩw’ĩthya w’ĩa mũno, o ũndũ Mose waisye, Nĩnalikwa nĩ w’ĩa mũno na kũtetema:</verse>
				<verse number="22">ĩndĩ inyw’ĩ mũvikĩe kĩĩma kya Saioni, na mũsyĩ wa Ngai ũla wĩ thayũ, Yelusaleme wa itunĩ, na nguthu sya alaĩka ngili nyingĩ,</verse>
				<verse number="23">na ũmbano mũnene, naw’o nĩ ĩkanisa ya ala masyaiwe mbee ala maandĩkiwe ĩtunĩ, na kwa Ngai Mũsili wa andũ onthe, na maveva ma andũ alũngalu ala meanĩwe,</verse>
				<verse number="24">na kwa Yesũ mwĩw’anĩthya wa ũtianĩo mweũ, na nthakame ya kũminzangisya ĩla ĩneena nesa kwĩ ĩla ya Aveli.</verse>
				<verse number="25">Sisyai mũikamũlee ũla ũneenaa. Nũndũ ethĩwa asu matyaavonoka ala mamũleile ũla wamataĩe kũũ nthĩ, mbee mũno ithyĩ tũikavonoka twamwĩthyũũĩa na kũmũtia ũla ũtũ taa e ĩtunĩ:</verse>
				<verse number="26">ũla wasya wake wathingithisye nthĩ: ĩndĩ yu nĩwathanĩte, akyasya, No ĩngĩ ĩmwe ngathingithya, tĩ nthĩ yoka, ĩndĩ o na itu nayo.</verse>
				<verse number="27">Na ndeto ĩno, No ĩngĩ ĩmwe, nĩyonanasya kũvetwa kwa syindũ ila itonya kũthingithw’a, ta syĩndũ ila syoombiwe, ni kana syĩndũ ila itatonya kũthingithw’a itonye kwĩkala.</verse>
				<verse number="28">Kwondũ wa ũu, tũkyosa ũsumbi ũla ũtatonya kũthingithw’a, nĩtwĩthĩwe na mumo, naw’o kwondũ waw’o tũtonya kũmũnenga Ngai ũthũkũmi ũla wĩmwendeesya vamwe na ũtaĩo na kũmũkĩa:</verse>
				<verse number="29">nũndũ Ngai waitũ nĩ mwaki ũĩsaa.</verse>
			</chapter>
			<chapter number="13">
				<verse number="1">Wendano wa ana‐a‐asa nĩwĩkalae.</verse>
				<verse number="2">Mũikolwe nĩ kũmon’ya aenĩ wendo: nũndũ kwa nzĩa ĩsu amwe nĩmathokisye alaĩka matesĩ.</verse>
				<verse number="3">Malilikanei ala ove, ta mwovetwe vamwe nao; na ala mekawa naĩ, nĩkwĩthĩwa inyw’i nenyu mwĩ o na mwĩĩ.</verse>
				<verse number="4">Mũtwaano nũtaĩwe nĩ andũ onthe, na ũkomo wĩthĩwe ũte mũvukye: nũndũ mathaaa na ilaalai Ngai akamasilĩla.</verse>
				<verse number="5">Mũikethĩwe na wendi wa mbesa; ĩanĩwai nĩ syĩndũ ila mwĩ nasyo: nũndũ we mwene nĩwaisye, Ndikakũnyivĩa o na ata, na ndikakũtia o na ĩndĩĩ.</verse>
				<verse number="6">Kwondũ wa ũu nĩtũkwasya na ũnyiau, Mwĩaĩi nĩ mũtetheesya wakwa; ndikakĩa: Mũndũ akambĩka ata?</verse>
				<verse number="7">Malilikanei ala maĩ na ũtongoi ĩũlũ wenyu, ala mamũtavisye ndeto ya Ngai; na mũkĩsũanĩa mũno mũminũkĩlyo wa mathayũ moo, ĩelekan’yei na mũĩkĩĩo woo.</verse>
				<verse number="8">Yesũ Klĩsto no ũndũ ũmwe ĩoo na ũmũnthĩ, ĩĩ, o na kũvika tene na tene.</verse>
				<verse number="9">Mũikaw’e nĩ momanyĩsyo ma mĩthemba mingĩ na ala meũ: nũndũ nĩ ũseo ngoo ĩlũlũmĩlw’e nĩ mumo; ti ũndũ wa sya ũya, nasyo ityaamauna ala maendeee nasyo.</verse>
				<verse number="10">Twĩ na kĩthembeo, na ala mathũkũmaa yĩla ĩeemanĩ mati na ũthei wa kũĩsaa vo.</verse>
				<verse number="11">Nũndũ indo isu ila nthakame yasyo yaetawe nthĩnĩ wa vala vandũ vatheu nĩ mũthembi mũnene kwondũ wa naĩ, mĩĩ yasyo nĩyavĩvĩaw’a ũtee wa mwako wa maeema.</verse>
				<verse number="12">Kwondũ wa ũu Yesũ nake, nĩ kana avathan’ye andũ na nthakame yake mwene methĩwe atheu, nĩwanyamaie ngalĩ ya nza ya mbingĩlo.</verse>
				<verse number="13">Kwondũ wa ũu nĩtumaale vala ũĩ ũtee wa mwako wa maeema, tũkĩkua kũvũthw’a kwake.</verse>
				<verse number="14">Nũndũ vaa tũi na ndũa yĩkalaa, ĩndĩ nĩtũũmantha ĩla ĩkoka.</verse>
				<verse number="15">Kwondũ wake ĩndĩ tũmũthembeae Ngai nthembo ya ndaĩa mavinda onthe, nayo, nĩ ũsyao wa ilomo sitũ ila syumbũlaa syĩtwa yake.</verse>
				<verse number="16">Ĩndĩ mũikolwe nĩ kwĩka nesa na kũolanĩla: nũndũ Ngai nĩwendeeaw’a nĩ nthembo ta isu.</verse>
				<verse number="17">Mew’ei ala me na ũtongoi ĩũlũ wenyu, na ĩnyivyei kwamo: nũndũ nĩmeũsyaĩĩsya ũndũ wa mathayũ menyu, ta ala makaumya ũtalo; nĩ kana meke ũu na mũyo, na ti na woo: nĩkwĩthĩwa ũu ndũmũuna inyw’ĩ.</verse>
				<verse number="18">Tũvoyeei: nũndũ nĩtwĩtĩkĩlĩte ki kana twĩ na wasya mũseo wa ngoo, tũkyenda kwĩkalaa na mĩendele mĩseo maũndũnĩ onthe.</verse>
				<verse number="19">Na nĩmwĩsũva mũno mbee mwĩke ũu nĩ kana nĩtũngwe kwenyu mĩtũkĩ.</verse>
				<verse number="20">Na yu Ngai wa mũuo, ũla wamũetie kũmumya kwa akw’ũ ũla mũĩthi mũnene wa malondu ũndũ wa nthakame ya ũtianĩo wa tene na tene, nake nĩ Mwĩaĩi waitũ Yesũ,</verse>
				<verse number="21">namwĩanĩsye kĩla ũndũnĩ ũseo mwĩkae kwenda kwake, aiĩka nthĩnĩ waitũ ũla wendeeasya mbee wake, kwondũ wa Yesũ Klĩsto, ndaĩa nĩ yake tene na tene. Ameni.</verse>
				<verse number="22">Ĩndĩ nĩngũmwĩsũva, ana‐a‐asa, mũmĩĩsye ndeto ya ũtao: nũndũ namũandĩkia ndeto mbũthũ.</verse>
				<verse number="23">Manyai kana mwana‐a‐asa waitũ Timotheo nũthaĩtw’e; nake ethĩwa akooka mĩtũkĩ, ngoonana nenyu vamwe nake.</verse>
				<verse number="24">Ngethesyai onthe ala me na ũtongoi ĩũlũ wenyu, na atheu onthe. Ala me Italia nĩmamũkethya.</verse>
				<verse number="25">Mumo nĩwĩthĩwe nenyu inyw’onthe. Ameni.</verse>
			</chapter>
		</book>
		<book number="59">
			<chapter number="1">
				<verse number="1">Yakovo, ngombo ya Ngai na ya Mwĩaĩi Yesũ Klĩsto, valũa ũũ wakwa wivikĩe ila mbaĩ ĩkũmi na ili syi Ũnyaĩĩkyonĩ, nĩ ngethi.</verse>
				<verse number="2">Ana‐a‐asa makwa ĩtalĩlei kwĩthĩwa nĩ ũtanu mũthei, yila mũũlika matatwanĩ ma mĩthemba mingĩ;</verse>
				<verse number="3">mũkĩmanya atĩ kũtatwa kwa mũĩkĩĩo wenyu kũetae wũmĩĩsyo.</verse>
				<verse number="4">Na wũmĩĩsyo nĩwĩthĩwe na wĩa waw’o mwĩanĩũ, nĩ kana inyw’ĩ mũtw’ĩke eanĩu na aima, mũtatielye ũndũni o na wĩva.</verse>
				<verse number="5">Ĩndĩ ethĩwa ũmwe wenyu nũtielye ũĩ, namũvoye Ngai, ũla ũnengae andũ onthe na ũlau na ndeũkan’ya; nake akanengwa.</verse>
				<verse number="6">Ĩndĩ navoye na mũĩkĩĩo, ate nzika nongi: nũndũ ũla ũĩsaa nzika ailyĩ ta kĩtũlũmo kya ũkanga kĩkyũkĩlangw’a nĩ kĩseve na kũtwawa kũũ na kũũ.</verse>
				<verse number="7">Nũndũ mũndũ ũsu ndakatalĩlye kana akanengwa kĩndũ o na kĩva nĩ Mwĩaĩi;</verse>
				<verse number="8">mũndũ wĩ na mĩtwe ĩlĩ, ũtalũmaa nzĩanĩ syake syonthe.</verse>
				<verse number="9">Ĩndĩ mwana‐a‐asa ũla ũte ndaĩa natane ũndũ wa kũnenevw’a kwake:</verse>
				<verse number="10">na ũla mũthwii, ũndũ wa kũnyivĩw’a kwake: nĩkwĩthĩwa o ta ĩlaa ya nyeki akavĩta.</verse>
				<verse number="11">Nũndũ syũa nĩyumaa vamwe na kĩseve kĩla kĩvĩvasya, na kũmya nyeki; na ĩlaa yasyo nĩyĩtĩkaa, na ũseo wa wũmbĩle wayo nĩwaaa: o ta ũu nake mũthwii akaaĩa mĩendelenĩ yake.</verse>
				<verse number="12">Nĩ mũathime mũndũ ũla wũmĩĩasya matatwa; nũndũ eetĩkĩlwa, akanengwa ngovia ya ũsumbĩ ya thayũ, ĩla Mwĩaĩi wamathie ala mamwendaa.</verse>
				<verse number="13">Mũndũ o na wĩva atatwa ndakasye, Nĩngũtatwa nĩ Ngai; nũndũ Ngai ndatonya kũtatwa nĩ ũthũku, o nake mwene ndatataa mũndũ:</verse>
				<verse number="14">ĩndĩ kĩla mundũ atatawa akĩkusw’a na kũkengwa nĩ ĩtomo yake mwene.</verse>
				<verse number="15">Na ĩndĩ ĩtomo yaya ĩvu, yĩsyaaa naĩ: na ĩla naĩ yeana, ĩsyaaa kĩkw’ũ.</verse>
				<verse number="16">Mũikakengwe, ana‐a‐asa makwa endwa.</verse>
				<verse number="17">Kĩla kũnengwa kũseo na kĩla kũnengwa kwĩthĩanu nikumaa ĩũlũ, kũtheeaa kuma kwa Ĩthe wa syeni, na kwake kũitonyeka kwĩthĩwa kũalyũkĩka, kana kyuu kya kũalyũka.</verse>
				<verse number="18">Kwondũ wa kwenda kwake nũtũsyaĩte na ndeto ya ũla w’o, nĩ kana twĩthĩwe twĩ mosyao ma mbe ma syũmbe syake.</verse>
				<verse number="19">Nĩmwĩsĩ ũu, ana‐a‐asa makwa endwa. Ĩndĩ kĩla mũndũ nĩethĩwe mwiwi wa mĩtũki, na kũlea kũneena mĩtũkĩ, na kũlea kũthata mĩtũkĩ:</verse>
				<verse number="20">nũndũ ũthilĩku wa mũndũ ndwĩkaa ũlũngalu wa Ngai.</verse>
				<verse number="21">Kwondũ wa ũu ĩndĩ vetai kũasa nenyu ũvukyo w’onthe na wingĩ wa ũthũku, mũkyosa na ũuu ndeto ĩla ĩvandĩtwe, ĩla ĩtonya kũtangĩĩa mathayũ menyu,</verse>
				<verse number="22">Ĩndĩ ĩthĩwai mwĩ eki ma ndeto, na ti ewi oka, mũkĩkenga ene.</verse>
				<verse number="23">Nũndũ ethĩwa mũndũ ni mwĩwi wa ndeto na ti mwĩki, ailyi mũndũ ũla ũsyaasya ũthyũ wake, ũla wasyaiwe naw’o, kĩsisyonĩ:</verse>
				<verse number="24">nũndũ esisya mwene, na aithi, oyu niwũlawa ũndũ eĩĩlyi.</verse>
				<verse number="25">Ĩndĩ ũla ũsyaasya nthĩnĩ wa mwĩao mwĩthĩanu, naw’o nĩ mwĩao wa ũthasyo, na ekalaa vo, na akĩthĩwa ti mwĩwi ũla wũlawa ĩndĩ nĩ mwĩki ũla wĩkaa, mũndũ ũsu akaathimwa mawĩanĩ ala wĩkaa.</verse>
				<verse number="26">Ethĩwa mũndũ o na wĩva eyonaa mwene ta ũmũkĩaa Ngai, na ndeũsiĩĩa ũĩmĩ wake ĩndĩ ekenga ngoo yake, kũmũkĩa Ngai kwa mũndũ ũsũ nĩ kwa mana.</verse>
				<verse number="27">Kũmũkĩa Ngai kũla kũtheu na kũte na ũthũku mbee wa Ngai Asa waitũ nĩ kũũ, kũthi, kũsisya syana ila ikw’ĩĩwe nĩ aaĩthe na aka ndiwa thĩnanĩ woo, na kwĩsũvĩa mwene ndakavukw’e nĩ maũndũ ma nthĩ.</verse>
			</chapter>
			<chapter number="2">
				<verse number="1">Ana‐a‐asa makwa, mũĩkakwatanĩsye mũĩkiĩo wa Mwĩaii waitũ Yesũ Klĩsto, Mwĩaii ũla ũtaĩawa, na wendeesyo wa andũ.</verse>
				<verse number="2">Nũndũ ethĩwa vakooka ũmbanonĩ wenyu mũndũ wĩ na ngome ya thaavu, wĩkĩĩte ngũa nzeo, na vakooka mũndũ ũngĩ ngya wĩkĩĩte ngũa nthũku;</verse>
				<verse number="3">na inyw’ĩ mũkĩmũtaĩa ũla wĩkĩĩte ngũa nzeo mũkĩmwĩa, Ĩkala nthĩ vaa vandũ vaseo; na mũkĩmwĩa ũla ngya, Naku ũngama vaya, kana ĩkala nthi maũũnĩ makwa;</verse>
				<verse number="4">mũtikwĩvathan’ya inyw’ĩ, na kũtw’ĩka asili me na malilikano mathũku?</verse>
				<verse number="5">Ĩthukĩĩsyei, ana‐a‐asa endwa; Ngai ndaamanyuva ala ngya ma kũũ nthĩ methĩwe athwii mũĩkĩĩonĩ, na atiĩwa ma ũsumbĩ ũla wamathie ala mamwendaa?</verse>
				<verse number="6">Ĩndĩ inyw’ĩ nĩmwanangĩe ndaĩa ũla ngya. Ala athwii maiũmũthĩn’ya, na kũmũtwaa na vinya mbee wa ivĩla sya sila?</verse>
				<verse number="7">Matiũyiuma syĩtwa yĩ ndaĩa yĩla mwĩtanĩaw’a nayo.</verse>
				<verse number="8">Ĩndĩ ethiwa mũkeanĩsya mwiao ũla ũkĩlĩte ĩla ĩngĩ yonthe, kwĩanana na maandĩko, Mwende ũngĩ o tondũ wiyendete mwene, mmwĩkaa nesa:</verse>
				<verse number="9">ĩndĩ ethiwa mwĩendeesya andũ, nĩmũkwĩka nai na nĩmũũsilĩlwa nĩ ĩla mĩao kwĩthĩwa avĩtan’ya.</verse>
				<verse number="10">Nĩkwĩthĩwa mũndũ o na wĩva asũvĩa ĩla mĩao yonthe, na avĩtya kamwe kayo, atw’ĩkĩte avĩtĩtye yonthe.</verse>
				<verse number="11">Nũndũ ũla waisye, Ndũkalaalae, nowe waisye, Ndũkoae. Ĩndĩ walea kwĩka ũlaalai, ĩndĩ nũkũaa, nũtw’ĩkĩte mũvĩtan’ya wa ĩla mĩao.</verse>
				<verse number="12">Neenaaĩ na ĩkaai ta andũ ala makasilĩlwa nĩ mwĩao wa ũthasyo.</verse>
				<verse number="13">Nũndũ ũsilĩlo ndwĩ na tei kwa ũla ũleaa kwĩw’ĩa angĩ tei: tei wĩtaiaa ĩũlũ wa ũsilĩlo.</verse>
				<verse number="14">Kũuna kyaũ, ana‐a‐asa makwa, ethĩwa mũndũ easya e na mũĩkĩĩo, ĩndĩ nde na meko? Mũĩkĩĩo ũsu nũtonya kũmũtangĩĩa?</verse>
				<verse number="15">Ethĩwa mwana‐a‐asa kana mwĩĩtu‐a‐asa nde na ngũa na aĩwe nĩ kya ũya.</verse>
				<verse number="16">Na ũmwe wenyu aimea, Endai na ũvoo, mũkote mwaki na kũvũna; ĩndĩ mũiũmanenga syĩndũ syĩ vata sya mwĩĩ; kũuna kyaũ?</verse>
				<verse number="17">O ta ũu mũĩkĩĩo, ethĩwa ndwĩ na meko, nĩ mũkw’u naw’o.</verse>
				<verse number="18">Ĩĩ, mũndũ nũtonya kwasya, We, wĩ na mũĩkĩĩo, nakwa nĩ na meko: mbon’ya mũĩkĩĩo waku ute na meko, nakwa nĩngũkwon’ya mũĩkĩĩo wakwa na meko makwa.</verse>
				<verse number="19">We wĩtĩkĩlaa, atĩ Ngai nĩ ũmwe; wĩkaa nesa: ndaimoni nasyo nĩsyĩtĩkĩlaa, na kũtetema.</verse>
				<verse number="20">Ĩndĩ nũkwenda kũmanya, we mũndũ wa mana, kana mũĩkĩĩo ũte na meko ndwĩ na ũsyao?</verse>
				<verse number="21">Avalaamu, ĩthe waitũ, ndaatalĩlwa ũlũngalu ũndũ wa meko, yĩla wathembie Isaka mwana wake kĩthembeonĩ?</verse>
				<verse number="22">Nũkwona ũndũ mũĩkĩĩo watethanisye na meko make, na kwondũ wa meko mũĩkĩĩo nĩweanĩw’e;</verse>
				<verse number="23">na maandĩko nĩmeanĩw’e ala maĩtye, Na Avalaamũ nĩwetĩkĩlĩle Ngai, na kwatalilwe kwake nĩ ũlũngalu; na nĩwetiwe mũnyanyae wa Ngai.</verse>
				<verse number="24">Nĩmũkwona ũndũ mũndũ ũtalĩlawa ũlũngalu kwondũ wa meko, na ti kwondũ wa mũĩkĩĩo wi w’oka.</verse>
				<verse number="25">No ta ũu Laavi, yĩla ĩlwaya, ndaatalĩlwa ũlũngalu kwondũ wa meko, amathokya ala matũmĩtwe, na amaumaalya mathi na nzĩa ĩngĩ?</verse>
				<verse number="26">Nũndũ o tondũ mwĩĩ ũte na veva nĩ mũkw’ũ, no ta ũu mũĩkĩĩo ũte na meko nĩ mũkw’ũ.</verse>
			</chapter>
			<chapter number="3">
				<verse number="1">Mũikethĩwe amanyĩsya aingĩ, ana‐a‐asa makwa, mũkĩmanya kana ithyĩ tũkasilĩlwa na ũsilĩlo mũnene kũvĩta ala angĩ.</verse>
				<verse number="2">Nũndũ maũndũnĩ maingĩ ithyonthe nĩtũlulutĩkaa. Ethĩwa mũndũ ndalulutĩkaa ndetonĩ, ũsu nĩ mũndũ mwĩanĩu, ũtonya kũvota o na mwĩĩ wake w’onthe.</verse>
				<verse number="3">Na ethĩwa nĩtwĩkĩaa mĩkwa na itanga makanyw’anĩ ma mbalasi nĩ kana itwĩw’e, nĩtũthyũũaa mĩĩ yasyo yonthe.</verse>
				<verse number="4">Sisyai, ngalawa nasyo, o na kau inenevete ũu, na kũtwawa nĩ kĩseve kyai, nithyũũawa nĩ sukani nini mũno, o kũla mũtwai ũnũkwenda.</verse>
				<verse number="5">O ta ũu ũĩmĩ nĩ mutha mũnini, naw’o wĩkathĩĩaa na maũndũ manene. Sisyai, ũndũ mwaki mũnini ũvĩvasya kĩtheka kĩnene mũno!</verse>
				<verse number="6">Na ũĩmĩ nĩ mwaki: nthĩ ya ũthũku mamuthanĩ maitũ nĩ ũĩmĩ ũla ũvukasya mwĩĩ w’onthe, na nũkwatasya mwaki mosyaanĩo onthe, naw’o nĩwakanaw’a mwaki nĩ Ngiena.</verse>
				<verse number="7">Nũndũ kĩla mũthemba wa nyamũ na wa nyũnyi, na wa tũsamũ tũla tũtambũkaa o na nyamũ syĩ ũkanganĩ, nivoovaw’a, o na nĩsyavooviw’e nĩ andũ:</verse>
				<verse number="8">ĩndĩ vai mũndũ ũtonya kũvoovya ũĩmĩ; nĩ ũthũku ũtauasya, wusũĩte ũoi ũetae kĩkw’ũ.</verse>
				<verse number="9">Nĩtũmũtaĩaa Mwĩaĩi Asa waitũ naw’o; na nĩtũmevĩkaa andũ naw’o, ala moombiwe na mũvw’ano wa Ngai:</verse>
				<verse number="10">kanyw’anĩ o ũmwe kumaa ndaĩa na kĩumo. Ana‐a‐asa makwa, maũndũ asu matyaĩle kwĩthĩwa ũu.</verse>
				<verse number="11">Manzĩ me mũyo na manzĩ me ũũ nĩmatonya kuma nthongonĩ ĩmwe?</verse>
				<verse number="12">Ana‐a‐asa makwa, mũkũyũ nũtonya kũsyaa mathata, kana mũ savivũ kũsyaa makũyũ? No ta ũu vai nthongo itonya kumya manzĩ me mũnyũ na manzĩ me mũyo.</verse>
				<verse number="13">Nũũ wenyu mũĩ na wĩ na ũmanyi? Nĩonan’ye mawĩa make kwondũ wa mũendele wake mũseo nthĩnĩ wa ũuu wa ũĩ.</verse>
				<verse number="14">Ĩndĩ ethĩwa mwĩ na kĩwĩu kyai na ngananĩo ngoonĩ syenyu, mũikekathĩĩe na mũikanenee ũla w’o ũvũngũ.</verse>
				<verse number="15">Ũsu ti ũĩ ũla ũtheeaa kuma ĩũlũ, ĩndĩ nĩ wa nthĩ, nĩ wa kĩ‐mũndũ, na nĩ wa ndaimoni.</verse>
				<verse number="16">Nũndũ vala ve kĩwĩu na ngananĩo, nĩvo ve kĩthokoo na kĩla wĩa mũthũku.</verse>
				<verse number="17">Ĩndĩ ũĩ ũla wumaa ĩũlũ, mbee nĩ mũtheu, na ĩndĩ nĩ wa mũuo, nĩ mũuu, nĩwĩsũvĩkaa na ũvũthũ, wusũĩte tei na mosyao maseo, ũte na wendeesyo kana wangangan’yo.</verse>
				<verse number="18">Na ũsyao wa ũlũngalu nũvuĩawa nthĩnĩ wa mũuo nĩ ala maetae mũuo.</verse>
			</chapter>
			<chapter number="4">
				<verse number="1">Kaũ na kũkita kwĩ katĩ wenyu kumaa va? Kũtyumaa vau mĩmeonĩ mĩthũku yenyu ĩla yũkitaa mamuthanĩ menyu?</verse>
				<verse number="2">Nĩmwendaa, na mũti na kĩndũ: nĩmũaa, na kwĩw’ĩaa kĩwĩu, na mũtitonya kwosa; nĩmũkwatasya kaũ na kũkita; na mũi na kĩndũ nũndũ mũivoyaa.</verse>
				<verse number="3">Nĩmũvoyaa, na mũtĩunengwa nũndũ nĩmũvoyaa naĩ, nĩ kana mwanange motanunĩ menyu.</verse>
				<verse number="4">Inyw’ĩ ilaalai, mũiĩsĩ kana ũnyanya wa nthĩ nĩ ũmaitha na Ngai? Kwondũ wa ũu o ũla ũkwenda kwĩthĩwa e mũnyanyae wa nthĩ nũtw’ĩkĩte mũmaitha wa Ngai.</verse>
				<verse number="5">Kana mwĩtalĩlya maandĩko meneena mana? Veva ũla ũtwĩe nthĩnĩ waitũ nĩwendaa kũvika kwĩw’ĩa kĩwĩũ?</verse>
				<verse number="6">Ĩndĩ nũtũnengae mumo mwingĩ mbee. Kwondũ wa ũu maandĩko maĩtye, Ngai nũmasiĩĩaa ala me na wing’athĩlĩlyo, ĩndĩ nũmanengae mumo ala me na wĩnyivyo.</verse>
				<verse number="7">Ĩnyivyei ĩndĩ kwa Ngai; ĩndĩ mũsiĩĩei ndevili, nake akamũkĩa.</verse>
				<verse number="8">Mũthengeei Ngai, nake akamũthengeea inyw’ĩ. Thambyai moko menyu, inyw’ĩ athe; na mũithesya ngoo syenyu, inyw’ĩ mwĩ na mĩtwe ĩlĩ.</verse>
				<verse number="9">Ĩthĩn’yei, na kũmeta, na kũĩa: kũtheka kwenyu nikũalyũlwe kĩmeto, na ũtanu wenyu ũalyũlwe kĩmako.</verse>
				<verse number="10">Ĩnyivyei mbee wa Mwĩaĩi, nake akamũnenevya.</verse>
				<verse number="11">Mũikailĩanĩle, ana‐a‐asa. Ũla ũmwilĩĩlaa mwana‐a‐ĩthe, kana kũmũsilĩla, amilĩĩlaa ĩla mĩao, na amĩsilaa ĩla miao: ĩndĩ ethĩwa ũsilĩlaa ĩla mĩao, nũtw’ĩkĩte ndwĩ mwĩki wa ĩla mĩao, ĩndĩ wĩ mũsili.</verse>
				<verse number="12">Mũnengani wa mĩao na mũsili no ũmwe, nake nĩ ũla ũtonya kũtangĩĩa na kwananga: ĩndĩ we wĩ ũũ ũla ũsilĩlaa ũngĩ?</verse>
				<verse number="13">Ĩndĩ yu, ala mũkwasya, Ũmũnthĩ kana ũnĩ tũkathi ndũanĩ ĩno, na kwĩkala vo mwaka, tũkĩtandĩthya, na kwona ũtandĩthyo:</verse>
				<verse number="14">na ĩndĩ mũiĩsĩ maũndũ ũndũ meĩthĩwa ũnĩ. Thayũ wenyu nĩ kyaũ? Nũndũ mwĩ mĩthũmũ ĩla yonekaa kavinda kanini, na ĩkyaa.</verse>
				<verse number="15">Nĩkwĩthĩwa ũndũ mwaĩle kwasya nĩ atĩĩ, Ethĩwa nĩ kwenda kwa Ngai tũkeethĩwa thayũ, na kwĩka ũna na ũna.</verse>
				<verse number="16">Ĩndĩ yu mwĩĩkathĩĩa wĩnenevyonĩ wenyu: kwĩkathĩĩa kw’onthe kũilyĩ ũu nĩ kũthũku.</verse>
				<verse number="17">Ũla wĩsĩ kwĩka nesa, na ndekaa, kwa ũsu nĩ naĩ.</verse>
			</chapter>
			<chapter number="5">
				<verse number="1">Ĩndĩ yu, inyw’ĩ athwii, ĩai na kũkaya nũndũ wa mathĩna ala mokĩte ĩũlũ wenyu.</verse>
				<verse number="2">Mothwii menyu nĩmoete, na ngũa syenyu nilĩkĩte nĩ lungulu.</verse>
				<verse number="3">Thaavu wenyu na vetha wenyu niĩte nganga; na nganga yasyo ĩkamũkũsĩĩa, nayo ĩkaĩsaa mĩĩ yenyu ta mwaki. Nĩmwĩyiĩe ũthwii wenyu mĩthenya ya mũminũkĩlyo.</verse>
				<verse number="4">Sisyai, ĩtuvi ya atethya ma wĩa ala makethie mĩũndanĩ yenyu, yĩla mwaleile ũmanenga kwondũ wa ũkengani, nĩyĩũlonzan’ya mũno: na iĩo sya ala akethĩ nilikĩte matũnĩ ma Mwĩaĩi wa Savaothi.</verse>
				<verse number="5">Inyw’ĩ nĩmwaatĩĩe kwĩyendeesya ene kũũ nthĩ, na kwĩtan’ya ene; na mwaiĩthasya ngoo syenyu mũthenya wa kũawa.</verse>
				<verse number="6">Nĩmwamũsilĩle na kũmũaa ũla mũlũngalu; nake ndakĩlanasya nenyu.</verse>
				<verse number="7">Ũmĩĩsyai ĩndĩ, ana‐a‐asa, kũvika kũka kwa Mwĩaĩi. Sisyai, mũĩmi nĩweteelaa ũsyao wa nthĩ ũla wĩ vata akyũmĩĩsya ũndũ waw’o, kũvika oona mbua ya nthwa na ya uũa.</verse>
				<verse number="8">Inyw’ĩ nenyu ũmĩĩsyai; lũlũmĩlyai ngoo syenyu: nũndũ kũka kwa Mwĩaĩi kwĩ vakuvĩ.</verse>
				<verse number="9">Mũikanyungunyĩanĩsye inyw’ĩ kwa inyw’ĩ, ana‐a‐asa, nĩ kana mũikasilĩlwe: sisyai, mũsili nũũngeme mĩomonĩ.</verse>
				<verse number="10">Ana‐a‐asa, mosei athani ala maneenie syĩtwanĩ ya Mwĩaĩi, methĩwe ngelekan’yo kwenyu ya kũthĩna na ya kũmĩĩsya.</verse>
				<verse number="11">Sisyai, nĩtũmetaa aathimwa ala moomĩĩsye: nĩmweewie ũvoo wa wũmĩĩsyo wa Yovu, na ĩngĩ nĩmwoonie mũminũkĩlyo wa Mwĩaĩi, ũndũ Mwĩaĩi wusũĩte ĩnee na tei.</verse>
				<verse number="12">Ĩndĩ mbee wa maũndũ onthe, ana‐a‐asa makwa, mũikevĩte na ĩtũ, o na nthĩ, kana na wĩvĩto ũngĩ: ĩndĩ ĩĩ wenyu nĩwĩthĩwe ĩĩ, na aiee wenyu nĩwĩthĩwe aiee; nĩ kana mũikavalũke ũsilĩlonĩ.</verse>
				<verse number="13">Ve mũndũ katĩ wenyu ũla ũnũũthĩna? Navoye. Ve ũla wĩ na ũtanu? Naine mbathi sya ndaĩa.</verse>
				<verse number="14">Ve ũla ũwaĩte katĩ wenyu? Namete atumĩa ma ĩkanisa; mamũvoyee, makĩmũvaka mauta syĩtwanĩ ya Mwĩaĩi:</verse>
				<verse number="15">na kũvoya kwa mũĩkĩĩo kũkatangĩĩa ũsu mũwau, na Mwĩaĩi akamũvosya; na ethĩwa ekĩte naĩ, akaekewa.</verse>
				<verse number="16">Kwondũ wa ũu ũmbũlanĩlai naĩ syenyu inyw’ĩ kwa inyw’ĩ, na mũivoyanĩa inyw’ĩ kwa inyw’ĩ, nĩ kana mũvow’e. Kwĩsũvana kwa mũndũ mũlũngalu nĩkũvotaa mũno akĩvoya na kĩthetheesyo.</verse>
				<verse number="17">Eliya aĩ mũndũ wa mwĩkalĩle ũmwe naitũ, na avoya na kĩthing’ĩĩsyo mbua ndĩ kaue; na mbua ndyaaua ĩũlũ wa nthĩ ĩvinda ya myaka ĩtatũ na myei thanthatũ.</verse>
				<verse number="18">Na avoya ĩngĩ; na ĩtu yausya mbua, na nthĩ yamesya ũsyao wayo.</verse>
				<verse number="19">Ana‐a‐asa makwa, ethĩwa ve mũndũ wenyu ũvĩtĩtye nzĩa ya ũla w’o, na ũngĩ aimũalyũla;</verse>
				<verse number="20">ũsu namanye, kana ũla wamũalyũla mũndũ mwathe aume nzĩanĩ ĩla ũvĩtĩtye nayo akatangĩĩa mũndũ kuma kĩkw’ũnĩ, na akavw’ĩka naĩ nyingĩ.</verse>
			</chapter>
		</book>
		<book number="60">
			<chapter number="1">
				<verse number="1">Vetelo, mũtũmwa wa Yesũ Klĩsto, valũa ũũ wakwa ũmavikĩe anyuve ala me Ũnyaĩĩkyonĩ, matwĩe ũeninĩ nthĩ sya Vondo, Kalatia, Kavatosia, Asĩa, na Vithinia,</verse>
				<verse number="2">kwĩanana na ũndũ Ngai Asa wamanyie kuma tene, kwondũ wa kũvathanw’a nĩ Veva kwĩthĩwe atheu kũvika kwĩw’a na kũminzangĩw’a nthakame ya Yesũ Klĩsto: Mumo nĩwĩthĩwe nenyu na mũuo nĩwingĩvw’e.</verse>
				<verse number="3">Nakathwe Ngai, Ĩthe wa Mwĩaĩi waitũ Yesũ Klĩsto, ũla kwĩanana na tei wake mwingĩ watũsyaie ĩngĩ twĩthĩwe na wĩkwatyo wĩ thayũ kwondũ wa kũthayũũka kwa Yesũ Klĩsto kuma akw’ũnĩ,</verse>
				<verse number="4">twĩthĩwe na ũtiĩwa ũtanangĩkaa, na ũtavukaa, na ũtathelaa, wiĩtwe ĩtunĩ kwondũ wenyu,</verse>
				<verse number="5">ala mũsũvĩawa nĩ vinya wa Ngai ũndũ wa mũĩkĩĩo mwĩthĩwe na ũtangĩĩo wũmbanĩtw’e kwonanw’a ĩvinda ya mũminũkĩlyo.</verse>
				<verse number="6">Mwĩtana mũno maũndũnĩ asu, o na kau yu kavinda kanini, ethĩwa kwĩ vata, nĩmwĩw’ĩthaw’a woo nĩ matatwa ma mĩthemba mingĩ,</verse>
				<verse number="7">nĩ kana kũtatwa kwa mũĩkĩĩo wenyu, nakw’o kwĩ vata mũno kwĩ thaavu ũla wanangĩkaa o na watatwa na mwaki, kũtonye kũete ngatho na ndaĩa na nguma ĩvinda ya kwonanw’a kwa Yesũ Klĩsto:</verse>
				<verse number="8">ũla mũmwendaa o na kau mũiaamwona; o na mũtiũmwona yu, ĩndĩ mũkĩmwĩtĩkĩla, mwĩtana mũno na ũtanu ũtaneeneka na wusũĩtwe nĩ ndaĩa:</verse>
				<verse number="9">mũkyosa mũminũkĩlyo wa mũĩkĩĩo wenyu, naw’o nĩ ũtangĩĩo wa mathayũ menyu.</verse>
				<verse number="10">Na athani makũlilye na kũmantha mũno ũvoo wa ũtangĩĩo ũsu, namo nĩmathanie ũndũ wa mumo ũla ũkoka kwenyu:</verse>
				<verse number="11">makĩmantha nĩ ĩvinda yĩva kana nĩ ĩvinda yĩilyĩ ata yĩla yoonaniw’e nĩ Veva wa Klĩsto ũla waĩ nthĩnĩ woo, yĩla wambie ũkũsĩĩa mathĩna ma Klĩsto, na ndaia ila ikethĩwa ĩtina wamo.</verse>
				<verse number="12">Nao nĩmooniw’e, kana ti kwondũ woo ene, ĩndĩ nĩ kwondũ wenyu, mathũkũmie maũndũ asu, ala matavaniw’e kwenyu nĩ andũ ala mamũtavisye ũvoo mũseo nthĩnĩ wa Veva Mũtheu ũla watũmiwe kuma ĩtunĩ; maũndũ asu alaĩka mendaa ũkunĩkĩla.</verse>
				<verse number="13">Kwondũ wa ũu ĩvotoei ilĩkonĩ syenyu, na ĩthĩwai na kĩlĩko mũkĩkwatya vyũ mumo ũla mwĩetewe ũv uan’yonĩ wa Yesũ Klĩsto;</verse>
				<verse number="14">ta syana mbĩwi, mũtekwĩvw’anan’ya na mĩmeo yenyu mĩthũku ya tene ĩvinda yĩla mũteesĩ:</verse>
				<verse number="15">ĩndĩ o tondũ ũla wamwĩtie nĩ mũtheu, o ta ũu ĩthĩwai atheu mwĩkalĩlenĩ wenyũ w’onthe wa thayũ;</verse>
				<verse number="16">nĩkwĩthĩwa nikũandĩkĩtwe, Ĩthĩwai atheu; nũndũ nyie nĩ mũtheu.</verse>
				<verse number="17">Na ethĩwa nĩmũmwĩkaĩlaa Asa, we ũla ũsilĩlaa kĩla mũndũ kwĩanana na wĩa wake vate wendeesyo, ĩkalai na w’ĩa ĩvinda yenyu yĩla mwĩ vaa ũeninĩ:</verse>
				<verse number="18">mũkũmanya kana nĩmwoovoiw’e mume mwĩkalĩlenĩ wenyu wa mana ũla mwoosie kuma kwa aaũmae menyu, na mũiaaovow’a na syĩndũ ila syanangĩkaa, ta vetha kana thaavu;</verse>
				<verse number="19">ĩndĩ mwovoetw’e na nthakame yĩ vata mũno, ta ya katena ka ĩlondu kate kawathe kana kaũndũ nongi, nayo nĩ nthakame ya Klĩsto;</verse>
				<verse number="20">ũla wambie ũmanyĩka w’o mbee wa nthĩ itanambĩlĩlw’a, ĩndĩ nĩwumĩlĩtw’e mũminũkĩlyo wa mavinda kwondũ wenyu,</verse>
				<verse number="21">inyw’ĩ ala kwondũ wake mwĩtĩkĩlĩte Ngai, ũla wamũthayũũkisye kũmumya kwa akw’ũ, na kũmũnenga ndaĩa; nĩ kana mũĩkĩĩo wenyu na wĩkwatyo wenyu wĩthĩwe nthĩnĩ wa Ngai.</verse>
				<verse number="22">Nũndũ nĩmũtheetye ngoo syenyu kwondũ wa kwĩw’a kwenyu kwa ũla w’o kũvika kwenda ana‐a‐asa kũte wangangan’yo, endanai na wendo mũvyũ kuma ngoonĩ:</verse>
				<verse number="23">nũndũ mũsyaĩtwe ingĩ, na ti kwa mbeũ ĩla yanangĩkaa, ĩndĩ nĩ ĩla ĩtanangĩkaa, ũndũ wa ndeto ya Ngai, ĩla yĩ thayũ na yĩkalaa.</verse>
				<verse number="24">Nũndũ, Mĩĩ yonthe nĩ ta nyeki, Na ndaĩa yonthe yayo nĩ ta ĩlaa ya nyekĩ. Nyeki nĩyũmaa, na ĩlaa nĩyĩtĩkaa:</verse>
				<verse number="25">Ĩndĩ ndeto ya Mwĩaĩi nĩyĩkalaa tene na tene. Na ndeto ĩno nĩ ndeto ya ũla ũvoo mũseo ũla watavaniw’e kwenyu.</verse>
			</chapter>
			<chapter number="2">
				<verse number="1">Mũkĩveta ĩndĩ ũthũku w’onthe, na ũĩ wa ũkengani w’onthe, na myangangan’yo, na iwĩu, na kwilĩanĩla kw’onthe,</verse>
				<verse number="2">ta tũũkenge tũsyaĩtwe mĩtũkĩ, endaĩ mũno ĩia ya kĩlĩko yĩte ĩthũkye, nĩ kana mwĩane ũtangĩĩonĩ kwondũ wayo;</verse>
				<verse number="3">ethĩwa nĩmũsamĩte kana Mwĩaĩi nĩ mũseo:</verse>
				<verse number="4">mũkĩmũendea we, ĩvia yĩla yĩ thayũ, yaleilwe ki nĩ andũ, ĩndĩ nĩyĩnyuvĩtwe nĩ Ngai, yĩ vata mũno,</verse>
				<verse number="5">inyw’ĩ nenyũ, ta mavia me thayũ, nĩmwakawa mwĩthĩwe nyũmba ya veva, ũthembi mũtheu, mũthembae nthembo sya veva, ila syĩtĩkĩlawa nĩ Ngai kwondũ wa Yesũ Klĩsto.</verse>
				<verse number="6">Nĩkwĩthĩwa ndeto ii syĩ vo maandĩkonĩ, Sisya, nĩngwia nthĩnĩ wa Saioni ĩvia ĩnene ya kĩkotonĩ, ĩnyuve, yĩ vata mũno: Na ũla ũmwĩtĩkĩlaa ndakasonoka.</verse>
				<verse number="7">Kwenyu inyw’ĩ ala mwĩtĩkĩlaa e vata mũno: ĩndĩ kwa ala matetĩkĩlaa, Ĩvia yĩla aki maleile, Nĩyo yatw’ĩkie ĩnene ya kĩkotonĩ;</verse>
				<verse number="8">na ĩngĩ, Ĩvia ya ũtulya, na ĩvia ĩnene ya ũlulutĩkya; nũndũ nĩmalulutĩkaa nĩ ĩla ndeto, makĩmĩlea, nao maiĩwe ũndũ ũsu.</verse>
				<verse number="9">Ĩndĩ ĩnyw’ĩ mwĩ ũsyao mũnyuve, ũthembi wa kĩũsumbĩ, mbaĩ ntheu, andũ make ki, nĩ kana mwonan’ye moseo manene ma ũla wamwĩ tie mume kĩvindunĩ mũlike kyeninĩ kyake kya ũseng’ya:</verse>
				<verse number="10">inyw’ĩ ala tene mũtaĩ andũ, ĩndĩ yu mwĩ andũ ma Ngai: ala mũteew’ĩwe tei, ĩndĩ yu nĩmwĩw’ĩwe tei.</verse>
				<verse number="11">Endwa, nĩngũmwĩsũva ta mwĩ ekali ma ũeninĩ na aendi ma kyalo, mwĩvathane na mĩmeo mĩthũku ya mwĩĩ, ĩla yũkitaa na ngoo;</verse>
				<verse number="12">mwĩthĩwe na mwĩkalĩle waĩle kwa Andũ‐ma‐mbaĩ‐ingĩ; nĩ kana o na vala mamwilĩĩlaa ta mwĩ eki ma naĩ, yĩla meona meko menyu maseo, mamũtaĩe Ngai mũthenya wa kũsiw’a nĩwe.</verse>
				<verse number="13">Ĩnyivĩsyei kĩla ũtw’ĩo wa mũndũ kwondũ wa Mwĩaĩi: ethĩwa nĩ wa mũsumbĩ, ta mũnene mbee;</verse>
				<verse number="14">kana wa makavana, tao matũmĩtwe nĩwe kũmasilĩla ala mekaa naĩ na kũtaĩa ala mekaa nesa.</verse>
				<verse number="15">Nĩkwĩthĩwa ũu nĩw’o kwenda kwa Ngai, nĩ kana kwondũ wa kwĩka nesa mũtonye ũvindĩthya kũtamanya kwa andũ atumanu:</verse>
				<verse number="16">ta mwĩ athaw’a, na kũthaw’a kwenyu kũikethĩwe ũthei wa kũvw’ĩka ũthũku, ĩndĩ ta mwĩ ngombo sya Ngai.</verse>
				<verse number="17">Taĩai andũ onthe. Endai ana‐a‐asa. Mũkĩei Ngai. Mũtaĩei mũsumbĩ.</verse>
				<verse number="18">Athũkũmi, ĩnyivĩsyei mavwana menyu na kũkĩa kwingĩ; ti ala aseo na auu oka, ĩndĩ o na ala ai.</verse>
				<verse number="19">Nũndũ ũu nĩ ũseo mũno, ethĩwa kwondũ wa wasya wa ngoo ũla welekele Ngaĩ, mũndũ nĩwũmĩĩasya mawoo akĩnyamaw’a ũndũ ũte wa w’o.</verse>
				<verse number="20">Nũndũ nĩ ũtaĩo mwaũ, ethĩwa yĩla mũkwĩka naĩ, na mũikũnwa, nĩmũkũmĩĩsya? ĩndĩ ethĩwa yĩla mũkwĩka nesa, na mũithĩnw’a nĩmũkũmĩĩsya, ũu nĩw’o ũseo mũno mbee wa Ngai.</verse>
				<verse number="21">Nũndũ mweetĩwe ũndũ ũsu: nĩkwĩthĩwa Klĩsto nake nĩwathĩniw’e kwondũ wenyu, aimũtiĩa ngelekan’yo, nĩ kana mũatĩĩae nyaĩĩ syake:</verse>
				<verse number="22">we ũla ũtaaĩka naĩ, o na ũseleke ndwaaoneka kanyw’anĩ wake:</verse>
				<verse number="23">we ũla, aumwa, ndaaĩumĩa; athĩnw’a, ndaakanda; ĩndĩ eeyia mwene kwa ũla ũsilaa w’o;</verse>
				<verse number="24">nake mwene akua naĩ sitũ mwĩĩnĩ wake mũtĩnĩ ĩũlũ, nĩ kana ithyĩ, tũkw’ĩte kwa naĩ, twĩthĩwe thayũ kwa ũlũngalu; na kwondũ wa makũnwa make nĩmwavoiw’e.</verse>
				<verse number="25">Nũndũ mwaendaa mwaĩte ta malondu; ĩndĩ yu nĩmũmũsyokee Mũĩthi na Mũsyaĩĩsya wa ngoo syenyu.</verse>
			</chapter>
			<chapter number="3">
				<verse number="1">O ta ũu, inyw’ĩ iveti, ĩnyivĩsyei aũme menyu; nĩ kana ethĩwa ve amwe mate ewi ma ĩla ndeto, matonye kwonw’a nĩ mwĩkalĩle wa iveti syoo vate ĩla ndeto;</verse>
				<verse number="2">makyona mwĩkalĩle wenyu mũtheu wĩ na w’ĩa.</verse>
				<verse number="3">Kwĩseũvya kwenyu kũikethĩwe kwĩseũvya kwa ũtheinĩ kwa kwokotha nzw’ĩĩ, na kwĩkĩa mĩio ya wanake ya thaavu, kana kwĩkĩa ngũa;</verse>
				<verse number="4">ĩndĩ nĩkwĩthĩwe mũndũ ũla ũtonekaa wa ngoo, kwĩvw’ĩkanĩ kũla kũtanangĩkaa kwa veva wa wĩnyivyo na wa ũuu, ũla wĩ vata mũno mbee wa Ngai.</verse>
				<verse number="5">Nũndũ ũu nĩw’o aka atheu ma tene ala mekwatĩtye Ngai meeseũvisye, makĩnyivĩsya aũme moo:</verse>
				<verse number="6">o tondũ Sala wamwĩw’aa Avalaamu, akĩmwĩta vwana: nenyu mwĩ syana syake, ethĩwa mwĩkaa nesa, mũteũtĩsw’a nĩ w’ĩa o na wĩva.</verse>
				<verse number="7">O ta ũu, inyw’ĩ aũme, ĩkalai na iveti syenyu kwĩanana na ũmanyi, mũkĩmũnenga mũndũ mũka ndaĩa, ta mũio ũte na vinya, ta mwĩ atiĩwa vamwe ma mumo wa thayũ; nĩ kana mboya syenyu itikaisĩĩwe.</verse>
				<verse number="8">Kũminũkĩlya, inyw’onthe ĩthĩwai na kĩlilikano o kĩmwe, mwĩw’anĩe tei, mwendene ta ana‐a‐asa, mwĩ na ngoo yĩ ĩnee, mwĩ na wĩnyivyo:</verse>
				<verse number="9">mũikekũle, kana kwĩumĩa mwaumwa; ĩndĩ athimaai; nũndũ mweetĩwe ũndũ ũũ, nĩ kana mũtiĩwe ũathimo.</verse>
				<verse number="10">Nũndũ, Ũla wĩenda thayũ, Na kwona matukũ maseo, Nasiĩĩe ũĩmĩ wake ndũkaneene ũthũku, Na ilomo syake itikaneene na ũseleke:</verse>
				<verse number="11">Nĩevathane na naĩ, naiĩka ũseo; Namanthe mũuo, naiũatĩĩa.</verse>
				<verse number="12">Nũndũ metho ma Mwĩaĩi masyaasya ala alũngalu, Na matũ make nĩmethukĩĩasya mboya syoo: Ĩndĩ ũthyũ wa Mwĩaĩi wĩ ĩũlũ wa ala mekaa naĩ.</verse>
				<verse number="13">Nũũ ũla wĩmwĩka naĩ, ethĩwa mwĩthangaaĩa ũndũ ũseo?</verse>
				<verse number="14">Ĩndĩ o na ethĩwa mũkathĩnw’a kwondũ wa ũlũngalũ, mwĩ aathime; na mũikakĩe kũtĩsya kwoo, o na mũikaũũye;</verse>
				<verse number="15">ĩndĩ mũtw’ei Klĩsto ethĩwe Mwĩaĩi ngoonĩ syenyu: ĩthĩwai mwĩyũmbanĩtye mavĩnda onthe kũmũsũngĩa kĩla mũndũ ũnũũmũkũlya ũndũ ũtumaa mwĩthĩwa na wĩkwatyo ũla wĩ nthĩnĩ wenyu ĩndĩ ũu nĩwĩkwe na ũuu na w’ĩa:</verse>
				<verse number="16">mwĩ na wasya mũseo wa ngoo: nĩ kana, ũndũnĩ ũla mũkwilĩĩlwa, masonokw’e ala mekũumanga mwĩkalĩle wenyu mũseo nthĩnĩ wa Klĩsto.</verse>
				<verse number="17">Nũndũ nĩ ũseo mbee, kũthĩnw’a kwondũ wa kwĩka nesa kwĩ kũthĩnw’a kwondũ wa kwĩka naĩ, ethĩwa nĩw’o kwenda kwa Ngai.</verse>
				<verse number="18">Nũndũ Klĩsto nake nĩwathĩniw’e kwondũ wa naĩ ĩvinda o yĩmwe, ũla mũlũngalu vandũ va ala mate alũngalu, nĩ kana atũete kwa Ngai; akyũawa mwĩĩ, ĩndĩ akĩkĩwa thayũ vevanĩ;</verse>
				<verse number="19">na e nthĩnĩ waw’o athi atavan’ya kwa maveva ala me kolokolonĩ,</verse>
				<verse number="20">ala maleile kwĩw’a tene, yĩla wũmĩĩsyo wa Ngai weteelile matukũ ma Noa, yĩla ngalawa yakawa, na nthĩnĩ wayo andũ anini, namo nĩ nyanya, matangĩĩwe ũndũ wa manzĩ;</verse>
				<verse number="21">ala memũtangĩĩa inyw’ĩ yu ta ngelekan’yo ya w’o, nayo nĩ ũvatiso, na ti kũveta ĩko ya mwĩĩ, ĩndĩ nĩ ũsũngĩo wa wasya mũseo wa ngoo mbee wa Ngai, ũndũ wa ũthayũũkyo wa Yesũ Klĩsto;</verse>
				<verse number="22">ũla waendie ĩtunĩ na e ngalĩ ya kw’oko kwa aũme kwa Ngai: alaĩka na mokũmũ na mavinya manyivĩtw’e kwake.</verse>
			</chapter>
			<chapter number="4">
				<verse number="1">Ĩndĩ nĩkwĩthĩwa Klĩsto nĩwathĩniw’e e na mwĩĩ, nenyu o ta ũu ĩkĩai miio ya kau ya kĩlilikano kyu; nĩkwĩthĩwa ũla wathĩniw’e e na mwĩĩ nũekanĩte na naĩ;</verse>
				<verse number="2">nĩ kana kuma yu, ĩvinda yenyu yĩla yĩtiele mwĩ mwĩĩnĩ, mũikekalae mĩmeonĩ ya andũ, ĩndĩ kwendanĩ kwa Nagi.</verse>
				<verse number="3">Nũndũ ĩvinda yĩla ĩvitu nĩyeanĩe kwĩka ũndũ Andũ‐ma‐mbaĩ‐ingĩ mendaa, na kũkinya maũndũnĩ ma ũlaalai, na mĩmeo mĩthũku, na ũthengi, na mboka itaĩle, na ũnywi, na ũthaithi wa mĩvw’anano ũtosana na mĩao:</verse>
				<verse number="4">nao monaa nĩ ũseng’yo inyw’ĩ kũlea kũsemba vamwe nao kũendeeaa naĩnĩ isũ vate kwĩsiĩĩa, makĩmũneenea naĩ:</verse>
				<verse number="5">na nĩmakamũnenga ũtalo we ũla wĩyũmbanĩtye kũsilĩla ala me thayũ na ala akw’ũ.</verse>
				<verse number="6">Nũndũ wa ũu ũla ũvoo mũseo nĩwataviw’e ala makwie, nĩ kana masilĩlwe o tondũ andũ me na mwĩĩ masilĩlawa, ĩndĩ methĩwe thayũ vevanĩ o tondũ Ngai ũnũkwenda.</verse>
				<verse number="7">Ĩndĩ mũminũkĩlyo wa maũndũ onthe nĩ mũthengeeu: kwondũ wa ũu ĩthĩwai na kĩlĩko kĩanu, na mũkĩsyaĩĩsya kũvoyanĩ:</verse>
				<verse number="8">na mbee wa maũndũ onthe ĩthĩwai mũkyendana mũno na wendo mũvyũ inyw’ĩ kwa inyw’ĩ; nũndũ wendo nũvw’ĩkaa wingĩ wa naĩ:</verse>
				<verse number="9">mũkĩthokan’ya ene kwa ene mũtekũnyungunyĩsya:</verse>
				<verse number="10">kwĩanana na ũndũ kĩla mũndũ wosie mũthĩnzĩo, thũkũmanai ene kwa ene, ta asuvĩi aseo ma mumo wa Ngai wa mĩthemba mingĩ;</verse>
				<verse number="11">ethĩwa mũndũ nũkũneena, naneene o ta ndeto syaneeniwe nĩ Ngai; ethĩwa mũndũ nũkũthũkũma, nathũkũme na vinya ũla ũnengetwe nĩ Ngai: nĩ kana maũndũnĩ onthe Ngai ataĩwe ũndũ wa Yesũ Klĩsto, ũtaĩo na ũsumbĩko nĩ wake tene na tene. Ameni.</verse>
				<verse number="12">Endwa, mũikone ta ũndũ wa ũseng’ya ũtatwa ũilyĩ ta mwaki ũla wĩ kwenyu, ũla ũmũvikĩaa ũmũtate, ta ũndũ weũ wamũkwata:</verse>
				<verse number="13">ĩndĩ o ũndũ mwĩ osi ma mathĩna ma Klĩsto, tanai; nĩ kana mũtane ũtanu mũnene mũno ĩvinda ya ũvuan’yo wa ũtheu wake mũtisu.</verse>
				<verse number="14">Ethĩwa mwĩvũthw’a kwondũ wa syĩtwa ya Klĩsto, mwĩ aathime: nĩkwĩthĩwa Veva wa ũtaĩo, o Veva wa Ngai, ekalaa ĩũlũ wenyu.</verse>
				<verse number="15">Kũikethĩwe ũmwe wenyu kũthĩnw’a nĩkwĩthĩwa nĩ mũaani, kana kĩng’ei, kana mwĩki wa naĩ, kana mwĩlikya maũndũnĩ ma andũ angĩ:</verse>
				<verse number="16">ĩndĩ ethĩwa mũndũ nũthĩnaw’a nĩkwĩthĩwa nĩ Mũklĩsto, ndakasonoke; ĩndĩ namũkathe Ngai syĩtwanĩ yĩũ.</verse>
				<verse number="17">Nũndũ ĩvinda nĩ ĩviku ya ũsilĩlo kwambĩlĩlw’a nyũmbanĩ ya Ngai: na ethĩwa wĩambĩlĩlw’a kwa ithyĩ, mũminũkĩlyo wa ala matew’aa ũvoo mũseo wa Ngai ũkeethĩwa ata?</verse>
				<verse number="18">Na ethĩwa mũndũ mũlũngalu evonoka na vinya, ũla ũtakĩaa Ngai na ũla mwathe akooneka va?</verse>
				<verse number="19">Kwondũ wa ũu nao ala mathĩnaw’a kwĩanana na kwenda kwa Ngai nĩmamwiĩe Mũmbi ũla wĩ kĩthito ngoo syoo, makĩka nesa.</verse>
			</chapter>
			<chapter number="5">
				<verse number="1">Ĩndĩ nĩngũtaa atumĩa ala me kwenyu, nakwa nĩ mũtumĩa o tao, na nĩ ngũsĩ ya mathĩna ma Klĩsto, o na nĩ mwosi wa ũtheu mũtisu ũla ũkonanw’a:</verse>
				<verse number="2">sũvĩai ĩĩthya ya Ngai yĩla yĩ kwenyu, mũkĩyĩsisya, ti ũndũ wa kũingĩĩw’a, ĩndĩ na kwenda, o na ti ũndũ wa kũunwa nĩ syĩndũ itaĩle, ĩndĩ na kĩlĩko kĩyũmbanĩtye;</verse>
				<verse number="3">o na ti kwĩsumbĩkya kĩandanĩ kĩla mũnengetwe, ĩndĩ mũkĩtw’ĩkĩthya ene ngelekan’yo sya yĩla ĩĩthya.</verse>
				<verse number="4">Na yĩla Mũĩthi mũnene ũkaumĩla, mũkoosa ngovia ya ũsumbĩ ya ũtheu mũtisu ĩla ĩtaalyũkaa.</verse>
				<verse number="5">O ta ũu, inyw’ĩ ma mũika mũninangi, ĩnyivĩsyei atumĩa. Ĩĩ, inyw’onthe ĩvotoei wĩnyivyo, mũtethan’ye inyw’ĩ kwa inyw’ĩ: nĩkwĩthĩwa Ngai nũsiĩĩaa ala mekwĩnenevya, ĩndĩ amanengae mumo ala menyivasya.</verse>
				<verse number="6">Ĩnyivyei ĩndĩ ungu wa kw’oko kwa Ngai kwĩ na vinya, nĩ kana amũnenevye ĩvinda yeanĩa;</verse>
				<verse number="7">mũkĩmwiĩa kwĩmakĩa kwenyu kw’onthe, nũndũ nĩwe ũmũsũvĩaa.</verse>
				<verse number="8">Ĩthĩwai na kĩlĩko, syaĩĩsyai: mũvinganĩsya wenyu ndevili angangaa kũũ na kũũ ta mũnyambũ ũkũluma, aimantha mũndũ aye:</verse>
				<verse number="9">nake mũsiĩĩei mũlũmite mũĩkĩĩonĩ wenyu mũkĩmanya kana mathĩna o asu meanĩaw’a nthĩnĩ wa ana‐a‐ĩthe menyu ala me kũũ nthĩ.</verse>
				<verse number="10">Na Ngai wa mumo w’onthe, ũla wamwĩtie inyw’ĩ mũlike ndaĩanĩ yake ya tene na tene nthĩnĩ wa Klĩsto, mwamina kũthĩnw’a ĩvinda ĩnini, we mwene akamwĩanĩsya, na ũmũlũlũmĩlya, na ũmwĩkĩa vinya.</verse>
				<verse number="11">Ũsumbĩko nĩ wake tene na tene. Ameni.</verse>
				<verse number="12">Namũandĩkĩa ndeto mbũthũ na kũmũetee na kw’oko kwa Silivano, mwana‐a‐asa waitũ wĩ kĩthito, o tondũ nĩtalaa, ngĩmũtaa, na kũkũsĩĩa kana ũũ nĩ mumo wa w’o wa Ngai: ũngamai na ũlũmu nthĩnĩ waw’o.</verse>
				<verse number="13">Ũla mũnyuve tenyu, ũla wĩ Mbaviloni, nĩwamũkethya; na Maliko mwana wakwa nĩwamũkethya.</verse>
				<verse number="14">Kethan’yai na ũmumunyano wa wendo. Mũuo nĩwĩthĩwe na inyw’onthe ala mwĩ nthĩnĩ wa Klĩsto.</verse>
			</chapter>
		</book>
		<book number="61">
			<chapter number="1">
				<verse number="1">Simoni Vetelo, ngombo na mũtũmwa wa Yesũ Klĩsto, valũa ũũ wakwa ũmavikĩe ala moosie vamwe naitũ mũĩkĩĩo o ũsu ũmwe ũla wĩ vata mũnene nthĩnĩ wa ũlũngalu wa Ngai waitũ na Mũtangĩĩi waitũ Yesũ Klĩsto:</verse>
				<verse number="2">Mumo nĩwĩthĩwe nenyu na mũuo wingĩvw’e nthĩnĩ wa ũmũmanya Ngai na Yesũ Mwĩaĩi waitũ.</verse>
				<verse number="3">Nĩkwĩthĩwa vinya wake wa Ũ‐Ngai nũtũnengete maũndũ onthe me vata ma thayũ na ma kũtuma tũmũkĩa Ngai, kwondũ wa ũmũmanya we ũla watwĩtie ũndũ wa ndaĩa yake mwene na ũseo wake;</verse>
				<verse number="4">na kwondũ wa maũndũ asu nũtũnengete mawatho make manene mũno ala me vata mũnene; nĩ kana kwondũ wamo mũtw’ĩke osi ma mũtuo wa Ngai, mũvonokete wanangĩko ũla wĩ kũũ nthĩ kwondũ wa mĩmeo.</verse>
				<verse number="5">Ĩĩ, na kwondũ wa ũũ mũkyongeleela ũthangaau w’onthe ngalĩ yenyu, mũĩkĩĩonĩ wenyu ĩkĩai ũseo; na ũseonĩ wenyu ũmanyi;</verse>
				<verse number="6">na ũmanyinĩ wenyu wĩting’o; na wĩting’onĩ wenyu wũmĩĩsyo; na wũmĩĩsyonĩ wenyu kũmũkĩa Ngai;</verse>
				<verse number="7">na nthĩnĩ wa kũmũkĩa Ngai kwenyu wendano wa ana‐a‐asa; na wendanonĩ wenyu wa ana‐a‐asa wendo.</verse>
				<verse number="8">Nũndũ maũndũ asu methĩwa nĩ menyu na kũmusũa ki, nĩmeũtuma mwĩthĩwa mũte atulu o na mũtiĩthĩwa mũte na ũsyao mũkĩmanya Mwĩaĩi waitũ Yesũ Klĩsto.</verse>
				<verse number="9">Nũndũ ũla ũte na maũndũ asu nĩ kĩlilinda, akyona kĩla kĩ vakuvĩ kyoka, akyũlwa nĩ kũthew’a kwa naĩ syake sya tene.</verse>
				<verse number="10">Kwondũ wa ũu, ana‐a‐asa, thangaai mũno mũlũlũmĩlye kwĩtwa kwenyu na kũnyuvwa kwenyu: nũndũ ethĩwa nĩmũkwĩka maũndũ asu, muikalulutĩka o na ĩndĩĩ:</verse>
				<verse number="11">nũndũ o ũu mukanengwa na ũlau kũlika ũsumbinĩ wa tene na tene wa Mwĩaĩi waitũ na Mũtangĩĩi Yesũ Klĩsto.</verse>
				<verse number="12">Kwondũ wa ũu ngeethĩawa nĩyũmbanĩtye mavinda onthe kũmũlilikanasya maũndũ aa, o na kau nĩmũmesĩ, na kũlũlũmĩlw’a nthĩnĩ wa ũla w’o mwĩ naw’o.</verse>
				<verse number="13">Nakwa nĩona nĩ ũseo, ĩvinda yĩla ngwĩkala ĩeemanĩ, yĩĩ, kũmũvindũa ũndũ wa kũmũlilikan’ya;</verse>
				<verse number="14">ngĩmanya kana kũveta ĩeema yakwa kwĩũka mĩtũkĩ, o ũndũ Mwĩaĩi waitũ Yesũ Klĩsto wambonisye.</verse>
				<verse number="15">Ĩĩ, nĩngũthangaaa nĩ kana mavinda onthe ĩtina wa kũkw’a kwakwa mũtonye ũlilikana maũndũ aa.</verse>
				<verse number="16">Nũndũ tũtyaaatĩĩa mbano itilĩtwe na ũĩ, yila twamũmanyĩthisye vinya wake na kũka kwa Mwĩaĩi waitũ Yesũ Klĩsto, ĩndĩ twaĩ ngũsĩ sya ũtheu mũtisu wake sya kwona na metho.</verse>
				<verse number="17">Nũndũ nĩwosie kuma kwa Ngai Asa ndaĩa na ũtheu mũtisu, yĩla wavikĩwe nĩ wasya waumie ũtheuni mũnene mũtisu, ũkyasya, Ũũ nĩwe Mwana wakwa mwendwa, ũla nenendeeaw’a nĩwe:</verse>
				<verse number="18">na ithyĩ nĩtweewie wasya ũsu ũiuma ĩtunĩ, yĩla twaĩ vamwe nake kĩĩmanĩ kĩla kĩtheu.</verse>
				<verse number="19">Na twĩ na ndeto ya wathani ĩlũlũmĩlw’e mũno; nayo mwĩĩka nesa mũimĩkwata, ta taa ũkenaa vala ve kĩvundu mũvaka kwakya, na ĩla ndata ya kĩoko ĩkyũkĩla ngoonĩ syenyu:</verse>
				<verse number="20">mũkĩmanya ũũ mbee, kana vai wathani maandĩkonĩ wĩ na ũalyũlo wa mũndũ mwene.</verse>
				<verse number="21">Nũndũ wathani o na wĩva ndwaaetwe nĩ kwenda kwa mũndũ: ĩndĩ andũ maneenie ndeto syaumie kwa Ngai, maitongoew’a nĩ Veva Mũtheu.</verse>
			</chapter>
			<chapter number="2">
				<verse number="1">Ĩndĩ kwookĩlile athani ma ũvũngũ katĩ wa andũ, o tondũ kũkeethĩwa amanyĩsya ma ũvũngũ katĩ wenyu, ala melikya na ũĩ ũmanyĩsyo wa kwasya, makĩmũkaĩa o na Mwĩaĩi ũla wamathooie, makĩyĩetee wanangĩko wa mĩtũkĩ.</verse>
				<verse number="2">Na aingĩ makaatĩĩa meko moo ma mĩmeo mĩthũku; na kwondũ wamo nzĩa ya ũla w’o ĩkawetawa naĩ.</verse>
				<verse number="3">Na nthĩnĩ wa wendĩ woo makeyonea ũtandĩthyo kwenyu ũndũ wa ndeto sya ũkengani: ũsilĩlo woo ũla watwiwe kuma tene ndwĩĩkala, na kwanangwa kwoo kũtikakoma.</verse>
				<verse number="4">Nũndũ ethĩwa Ngai ndaamaeka alaĩka ala mavĩtisye, ĩndĩ amekya Ngienani, na ũmalikya maimanĩ manene me kĩvindu, masũvĩwe kũvika ũsilĩlo wũke;</verse>
				<verse number="5">na ndaamĩeka nthĩ ya tene, ĩndĩ amũvĩtya Noa, mũtavan’ya wa ũlũngalu, vamwe na angĩ mũonza, yĩla waetie kĩw’ũ kingĩ ĩũlũ wa nthĩ ya ala matamũkĩaa Ngai;</verse>
				<verse number="6">na kwitw’ĩkĩthya mũu ndũa sya Sotomo na Ngomola aisilĩla na kwing’uthũla akitw’ĩkĩthya ngelekan’yo kwa ala matakamũkĩa Ngai;</verse>
				<verse number="7">na amũvĩtya Loto ũla waĩ mũlũngalu, anyamaĩtw’e nĩ mwĩkalĩle wa mĩmeo mĩthũku ya ala athe</verse>
				<verse number="8">(nũndũ mũndũ ũsu mũlũngalu, aiĩkala katĩ woo, akyona na kwĩw’a, athĩn’ya ngoo yake ndũngalu kĩla mũthenya na meko moo ma ũng’endu):</verse>
				<verse number="9">Mwĩaĩi nĩwĩsĩ nzĩa ya kũmavonokya ala mamũkĩaa Ngai maume matatwanĩ, na kwĩkalya ala mate alũngalu kũvika mũthenya wa ũsilĩlo masilĩlwe;</verse>
				<verse number="10">ĩndĩ mũno nĩ ala maatĩĩaa mwĩĩ mĩmeonĩ ya ũvuku, na kũvũthya ũsumbĩko. Aemi, eyĩaĩi, mateũtetema makĩumanga monene:</verse>
				<verse number="11">ĩndĩ alaĩka o na kau nĩ anene kwĩ o ũtonyinĩ na vinyanĩ, matietae ũvingan’yo mũthũku ĩũlũ woo mbee wa Mwĩaĩi.</verse>
				<verse number="12">Ĩndĩ asu, ta nyamũ ite ilĩko, masyaiwe nyamũ ki sya ũkwatwa na kwanangwa, makĩneena ndeto nthũku maũndũnĩ ala mateũmanya, nthĩnĩ wa kwananga kwoo makaanangwa w’o,</verse>
				<verse number="13">makĩkwatwa nĩ thĩna o ĩtuvi ya kwĩka naĩ; matalaa nĩ mũyo kwĩthĩwa na mboka ĩtaĩle mũthenya, matw’ĩkĩte malanga na mawathe, makĩvikĩla maũndũ ma mboka syoo sya ũkengani na makĩsyoka kũĩsanĩa vamwe nenyu;</verse>
				<verse number="14">me na metho mausũĩte ũlaalai, ala mataekaa kwĩka naĩ; makĩkusya andũ mate alũmu; me na ngoo imanyĩĩtw’e nthĩnĩ wa wendi; syana sya kĩumo;</verse>
				<verse number="15">makĩtia nzĩa ndũngalu, maaa, makĩatĩĩa nzĩa ya Mbalaamu mwana wa Mbeoli, ũla wendie ĩtuvi ya kwĩka naĩ;</verse>
				<verse number="16">ĩndĩ nĩwakaniw’e ũndũ wa ĩvĩtyo yake mwene: ĩng’oi yĩtaneenaa yaneena na wasya wa mũndũ na yasiĩĩa ndũũka ya mwathani ũsu.</verse>
				<verse number="17">Asu nĩ mbuluti ite manzĩ, na nundu isisivaa iitwawa nĩ kĩuutani; nao nĩmaiĩwe wiũ wa kĩvindu.</verse>
				<verse number="18">Nũndũ, makĩneena ndeto nene mũno sya kwĩkathĩĩa, kwondũ wa mĩmeo ya mwĩĩ na maũndũ mathavu makusasya ala meũthonoka yu kuma katĩ wa ala mekalaa ũmamyĩsyonĩ wa ũvũngũ;</verse>
				<verse number="19">makĩmantha kũthaw’a, o yĩla mo ene me ngombo sya wanangĩko; nũndũ, mũndũ akĩlw’a vinya nĩ ũngĩ, alikaw’a ũkombonĩ wa ũsu wamũkĩlya vinya.</verse>
				<verse number="20">Nũndũ ethĩwa, ĩtina wa kũvonoka movukyo ma nthĩ ũndũ wa kũmũmanya Mwĩaĩi na Mũtangĩĩi Yesũ Klĩsto, maikwatwa ĩngĩ nĩo na ũkĩlw’a vinya, mwĩkalĩle woo wa mũminũkĩlyo nĩ mũthũku kũvĩta ũla wa mbee.</verse>
				<verse number="21">Nũndũ nĩ kavaa kwoo kethĩwa maiaamanya nzĩa ya ũlũngalu, kwĩ kũmĩmanya na ĩtina kũalũka na kũtia mwĩao mũtheu ũla manengiwe.</verse>
				<verse number="22">Nĩkwatw’ĩkĩkie kwamo kwĩanana na nthimo ya w’o, Ngitĩ kũalũkĩla ĩngĩ matavĩka mayo, na ngũlũe ĩla ithambĩtw’e kwĩyalalya ĩngĩ ndakanĩ.</verse>
			</chapter>
			<chapter number="3">
				<verse number="1">Endwa, valũa ũũ nĩ wa kelĩ namũandĩkĩa; na nthĩnĩ wamo elĩ nĩvindũa ilĩko syenyu sya w’o kwondũ wa ũmũlilikan’ya;</verse>
				<verse number="2">nĩ kana mũlilikane ndeto ila syaneeniwe tene nĩ athani atheu, na mwĩao wa Mwĩaĩi na Mũtangĩĩi ũla waetiwe nĩ atũmwa menyu:</verse>
				<verse number="3">mũkĩmanya ũũ mbee, atĩ mĩthenya ya mũminũkĩlyo akaakaan’ya makooka na ũkaakaasya, makĩatĩĩa mĩmeo yoo mĩthũkũ,</verse>
				<verse number="4">na makyasya, Ũla watho wa kũka kwa Klĩsto ũĩva? nũndũ, kuma ĩvinda yĩla aaũmae maitũ makomie, syĩndũ syonthe iilyĩ o ũndũ syailyĩ kuma mwambĩlĩlyo wasyo kũmbwa.</verse>
				<verse number="5">Kwondũ wa kwenda kwoo ene nĩmolawa nĩ ũũ kana kwaĩ matu kuma tene, na nthĩ ĩkwatene ũtee wa manzĩ na nthinĩ wa manzĩ, ũndũ wa ndeto ya Ngai;</verse>
				<verse number="6">na kwondũ wa ũu nthĩ ĩla yaĩ vo yaaa, ĩkĩvwĩkwa nĩ manzĩ:</verse>
				<verse number="7">ĩndĩ matu ala me vo yu, na nthĩ, sĩĩwe mwaki ũndũ wa ndeto o ĩsu, ikĩsũvĩwa kũvika mũthenya wa ũsilĩlo na kwanangwa kwa andũ ala matamũkĩaa Ngai.</verse>
				<verse number="8">Ĩndĩ mũikolwe nĩ ũndũ ũũ ũmwe, endwa, kana mũthenya ũmwe kwa Mwĩaĩi nĩ ta myaka ngili, na myaka ngili no ta mũthenya ũmwe.</verse>
				<verse number="9">Mwĩaĩi nde kĩkono ũndũ wa kwĩanĩsya watho wake, tondũ amwe matalaa kĩkono; ĩndĩ nũnũkũmĩĩsya ũndũ wenyu, atekwenda ũmwe o na wĩva ae, ĩndĩ endaa onthe mavikĩe ũalyũlonĩ wa ngoo.</verse>
				<verse number="10">Ĩndĩ mũthenya wa Mwĩaĩi ũkooka ta kĩng’ei; na mũthenya ũsu matu makavĩta na kĩlituko kĩnene, na syĩndũ sya ĩtũnĩ ikanyaĩĩkw’a nĩ mwaki mwai, na nthĩ na mawĩa ala me nthĩnĩ wayo makavĩvw’a.</verse>
				<verse number="11">Nĩkwĩthĩwa syĩndũ isu syonthe nikanyaĩĩkw’a ũu, inyw’ĩ mwaĩle kwĩthĩwa andũ mailyĩ ata mwĩkalĩlenĩ mũtheu wa thayũ na kũmũkĩa Ngai,</verse>
				<verse number="12">mũkyeteela na kwenda mũno kũka kwa mũthenya wa Ngai, na kwondũ wakw’o matu makanyaĩĩkw’a nĩ kwakana mwaki, na syĩndũ sya ĩtunĩ ikatheũka nĩ mwaki mwai?</verse>
				<verse number="13">Ĩndĩ, kwĩanana na watho wake, tweteele matu meũ na nthĩ nzaũ, naw’o ũlũngalu ũtwĩe nthĩnĩ wayo.</verse>
				<verse number="14">Kwondũ wa ũu, endwa, nĩkwĩthĩwa mweteele maũndũ asu, thangaai kana mwoneke mũuonĩ, mũte na ĩlanga na mũtekwilĩĩlĩka mbee wake.</verse>
				<verse number="15">Na talai kana wũmĩĩsyo wa Mwĩaĩi waitũ nĩ ũtangĩĩo; o ũndũ mwana‐a‐asa waitũ Vaulo, ũla tũmwendete mũno, wamũandĩkĩe kwĩanana na ũĩ ũla wanengiwe;</verse>
				<verse number="16">mavalũanĩ make onthe nao aiweta maũndũ aa; na nthĩnĩ wamo ve maũndũ amwe me vinya kũmanya, ala andũ matamanyĩĩtw’e na mate alũmu mathyoekasya, o ũndũ mekaa na maandĩko ala angĩ, makĩyĩetee wanangĩko woo ene.</verse>
				<verse number="17">Inyw’ĩ ĩndĩ, endwa, nũndũ nĩmwĩsĩ maũndũ aa mbee, ĩsũvĩei mũikavalũke kuma ũlũmunĩ wenyu nũndũ wa kwaw’a nĩ ũmanyĩsyo wa ũvũngũ wa andũ athe.</verse>
				<verse number="18">Ĩndĩ ĩanaai mumonĩ na ũmanyinĩ wa Mwĩaĩi waitũ na Mũtangĩĩi Yesũ Klĩsto. Ũtaĩo nĩ wake yu na tene na tene. Ameni.</verse>
			</chapter>
		</book>
		<book number="62">
			<chapter number="1">
				<verse number="1">Ũla waĩ kuma mwambĩlĩlyonĩ, ũla tweewie, na ũla twoonie na metho maitũ, ũla twasyaisye, na ũla twavavatie na moko maitũ, ũndũ wa ĩla Ndeto ya thayũ</verse>
				<verse number="2">(na thayũ ũsu nĩwoonaniw’e na ithyĩ nĩtwonete, na nĩtũũkũsĩĩa, na nĩtũũmũtavya inyw’ĩ thayũ, ũla thayũ ũtathela, ũla waĩ vamwe an Asa, na woonaniw’e kwitũ);</verse>
				<verse number="3">ũla twoonie na kũwĩw’a nĩw’o tũũmũtavya inyw’ĩ, nĩ kana inyw’ĩ nenyu mwĩthĩwe na mũamba naitũ: ĩĩ, na mũamba witũ nĩ ũmwe na Asa na Mwana wake Yesũ Klĩsto:</verse>
				<verse number="4">na maũndũ asu nĩtũũmũandĩkĩa nĩ kana ũtanu witũ wusũe.</verse>
				<verse number="5">Na ũtũmane nĩ ũũ ũla tweewie kwake na twĩmũtavya inyw’ĩ, kana Ngai nĩ kyeni, na nthĩnĩ wake vai kĩvindu nongi.</verse>
				<verse number="6">Ethĩwa twĩasya kana twĩ mũamba nake na tũendaa na kĩvindu, twĩneena ũvũngũ, na tũtyĩkaa ũla w’o:</verse>
				<verse number="7">ĩndĩ ethĩwa tũendaa na kyeni, tondũ we wĩ kyeninĩ, twĩ na mũamba ene kwa ene, na nthakame ya Yesũ Mwana wake nĩtũtheasya naĩ syonthe.</verse>
				<verse number="8">Ethĩwa twĩasya tũi na naĩ, nĩtũkwĩkenga ene, na ũla w’o ndwĩ nthĩnĩ waitũ.</verse>
				<verse number="9">Ethĩwa nĩtũkumbũla naĩ sitũ, we e kĩthito, na nĩ mũlũngalu wa utũekea naĩ sitũ, na kũtũthesya ũndũ ũte ũlũngalu w’onthe.</verse>
				<verse number="10">Ethĩwa twĩasya tũtyĩkĩte naĩ, twĩmũtw’a e ũvũngũ, na ndeto yake ndĩ nthĩnĩ waitũ.</verse>
			</chapter>
			<chapter number="2">
				<verse number="1">Syana syakwa nini, maũndũ aa nĩmũandĩkĩa nĩ kana mũikeke naĩ. Na ethĩwa mũndũ akeeka naĩ, twĩ na Mũtũvoyei kwa Asa, Yesũ Klĩsto ũla mũlũngalu:</verse>
				<verse number="2">nake nĩwe nthembo ya wĩw’anĩthyo kwondũ wa naĩ sitũ; na ti sitũ syoka, ĩndĩ nũndũ wa naĩ sya nthĩ yonthe.</verse>
				<verse number="3">Na ũndũnĩ ũũ nĩtwĩsĩ kana nĩtũmũmanyĩte, ethĩwa nĩtũkwataa mĩao yake.</verse>
				<verse number="4">Ũla waasya, Nyie nĩnĩmwĩsĩ, na ndakwataa mĩao yake, ũsu e ũvũngũ, na ũla w’o ndwĩ nthĩnĩ wake;</verse>
				<verse number="5">ĩndĩ ũla ũkwataa ndeto yake, nthĩnĩ wake wendo wa Ngai nĩwĩanĩw’e ki. Kwa ũu nĩtũũmanya kana twĩ nthĩnĩ wake:</verse>
				<verse number="6">ũla waasya atwĩe nthĩnĩ wake nĩwaĩle mwene kũendaa o ũndũ we waendaa.</verse>
				<verse number="7">Endwa, ndiũmũandĩkĩa mwĩao mweũ, ĩndĩ nĩ mwĩao wa tene ũla mwaĩ naw’o kuma mwambĩlĩlyonĩ: na mwĩao ũsu wa tene nĩ ndeto ĩla mweewie.</verse>
				<verse number="8">Na ĩngĩ, nĩmũandĩkĩa mwĩao mweũ, naw’o nĩ wa w’o nthĩnĩ wake na nthĩnĩ wenyu; nĩkwĩthĩwa kĩvĩndu nĩkĩũvĩta na kyeni kya w’o nĩkĩkenaa o na yu.</verse>
				<verse number="9">Ũla waasya e kyeninĩ na amenaa mwana‐a‐ĩthe, ũsu e kĩvindunĩ kũvika yu.</verse>
				<verse number="10">Ũla ũmwendaa mwana‐a‐ĩthe atwĩe kyeninĩ, na nthĩnĩ wake vai ũlulutĩkyo.</verse>
				<verse number="11">Ĩndĩ ũla ũmenaa mwana‐a‐ĩthe e kĩvindunĩ, na aendaa kĩvindunĩ, na ndesĩ kũla ũnũũthi, nũndũ kĩvindu nĩkĩmwaĩtye metho.</verse>
				<verse number="12">Nĩmũandĩkĩa inyw’ĩ, syana syakwa nini, nũndũ nĩmũekewe naĩ syenyu kwondũ wa syĩtwa yake.</verse>
				<verse number="13">Nĩmũandĩkĩa inyw’ĩ, aasa, nĩkwĩthĩwa nĩmũmwĩsĩ we ũla wĩ kuma mwambĩlĩlyonĩ. Nĩmũandĩkĩa inyw’ĩ, anake, nĩkwĩthĩwa nĩmwakĩlilye ũla mũthũku vinya. Nĩnamũandĩkĩa inyw’ĩ, syana nini, nũndũ nĩmũmwĩsĩ Asa.</verse>
				<verse number="14">Nĩnamũandĩkĩa inyw’ĩ, aasa, nũndũ nĩmũmwĩsĩ we ũla wĩ kuma mwabĩlĩlyonĩ. Nĩnamũandĩkĩa inyw’ĩ, anake, nũndũ mwĩ na vinya, na ndeto ya Ngai ĩtwĩe nthĩnĩ wenyu, na nĩmwakĩlilye ũla mũthũku vinya.</verse>
				<verse number="15">Mũikamyende nthĩ, o na syĩndũ sya nthĩ. Ethĩwa mũndũ o na wĩva nũnũũmyenda nthĩ, wendo wa Asa ndwĩ nthĩnĩ wake.</verse>
				<verse number="16">Nĩkwĩthĩwa kĩla kĩ kũũ nthĩ, wendi wa mwĩĩ na wendi wa metho na wĩyĩan’yo wa thayũ ityumaa kwa Asa, ĩndĩ nĩ sya nthĩ.</verse>
				<verse number="17">Na nthĩ nĩnĩũvĩta, na wendi wayo: ĩndĩ ũla wĩkaa kwenda kwa Ngai ekalaa tene na tene.</verse>
				<verse number="18">Syana nini, nĩ saa wa mũminũkĩlyo: na tondũ mweewie kana nthũ ya Klĩsto nĩnĩkũka, o na yu nthũ sya Klĩsto nĩsyaingĩvie; na ũndũ wa ũu nĩtwĩsĩ kana nĩ saa wa mũminũkĩlyo.</verse>
				<verse number="19">Nĩmeeyumisye kwitũ, ĩndĩ matyaĩ maitũ; nũndũ kethĩwa maĩ maitũ, methĩwa makĩkala vamwe naitũ: ĩndĩ nĩmeeyumisye, nĩ kana monanw’e atĩ asu onthe ti maitũ.</verse>
				<verse number="20">Nenyu mwĩ amenesye mauta kuma kwa ũla Mũtheu, na nĩmwĩsĩ maũndũ onthe.</verse>
				<verse number="21">Ndinamũandĩkĩa nũndũ mũtyĩsĩ ũla w’o, ĩndĩ nũndũ nĩmũwĩsĩ, na vai ũvũngũ o na wĩva wumaa nthĩnĩ wa ũla w’o.</verse>
				<verse number="22">Ũla wĩ ũvũngũ nũũ, ate o ũla ũnũũlea kana Yesũ nĩwe Klĩsto? Ũsu nĩwe nthũ ya Klĩsto, ũla ũkaĩaa Asa na Mwana.</verse>
				<verse number="23">O ũla ũnũũmũkaĩa Mwana, ũsu nde na Asa: ũla ũnũũmumbũla Mwana e na Asa nake.</verse>
				<verse number="24">Ĩndĩ inyw’ĩ, ũekei wĩkale nthĩnĩ wenyu ũvoo ũla mweewie kuma mwambĩlĩlyonĩ. Ethĩwa ũvoo ũsu mweewie kuma mwambĩlĩlyonĩ wĩkalaa nthĩnĩ wenyu, mũkekalaa nthĩnĩ wa Mwana, na nthĩnĩ wa Asa.</verse>
				<verse number="25">Na ũũ nĩw’o watho ũla watwathie ithyĩ, naw’o nĩ ũla thayũ ũtathela.</verse>
				<verse number="26">Maũndũ aa namũandĩkĩa ũndũ wa ala mekwenda kũmwasya.</verse>
				<verse number="27">Nenyu, kũmenew’a mauta kũla mwanengiwe nĩwe nĩkwĩkalĩte nthĩnĩ wenyu na mũi na vata wa kũmanyĩw’a nĩ mũndũ; ĩndĩ nũndũ kũmenew’a mauta kũla kumaa kwake nĩkũmũmanyĩasya maũndũ onthe, na nĩ kwa w’o, na ti ũvũngũ, na o ũndũ kwamũmanyĩisye, ĩkalai nthĩnĩ wake.</verse>
				<verse number="28">Na yu, syana syakwa nini, ĩkalai nthĩnĩ wake; nĩ kana yĩla wĩonanw’a twĩthĩwe na ũnyiau, na tũtikasonoke mbee wake, ooka.</verse>
				<verse number="29">Ethĩwa nĩmwĩsĩ kana we nĩ mũlũngalu, manyai kana kĩla mũndũ wĩkaa ũlũngalu nũsyaĩtwe nĩwe.</verse>
			</chapter>
			<chapter number="3">
				<verse number="1">Sisyai ũndũ wendo wa Asa ũilyĩ ũla ũtwendete naw’o, kana twĩtwe syana sya Ngai; na nĩ w’o twĩ syo. Ũndũ wa ũu nthĩ ndĩtwĩsĩ, nĩkwĩthĩwa ndyaamũmanya we.</verse>
				<verse number="2">Endwa, yu twĩ syana sya Ngai, na ndũnamba kwonanw’a ũndũ tũkethĩwa tũilyĩ. Nĩtwĩsĩ kana, yĩla wĩonanw’a, tũkavw’anana nake; nũndũ tũkamwona we o ũndũ ũilyĩ.</verse>
				<verse number="3">Na kĩla mũndũ wĩ na wĩkwatyo ũũ nĩwĩtheasya mwene, o tondũ nake nĩ mũtheu.</verse>
				<verse number="4">Kĩla mũndũ wĩkaa naĩ ekaa ũng’endu; na naĩ nĩ ũng’endu.</verse>
				<verse number="5">Nenyu nĩmwĩsĩ kana nĩwonaniw’e avete naĩ; na nthĩnĩ wake vai naĩ.</verse>
				<verse number="6">O mũndũ ũla ũtwĩe nthĩnĩ wake ndekaa naĩ: ũla wĩkaa naĩ ndaamwona, o na ndamwĩsĩ.</verse>
				<verse number="7">Syana syakwa nini, mũiketĩkĩle mũndũ amwasye: ũla wĩkaa ũlũngalu nĩ mũlũngalu, o ũndũ we nĩ mũlũngalu:</verse>
				<verse number="8">ũla wĩkaa naĩ nĩ wa ndevili; nũndũ ndevili atwĩe ekaa naĩ kuma mwambĩlĩlyonĩ. Kwondũ wa ũu Mwana wa Nagi nĩwonaniw’e, nĩ kana anange mawĩa ma ndevili.</verse>
				<verse number="9">O mũndũ ũla ũsyaĩtwe nĩ Ngai ndekaa naĩ, nĩkwĩthĩwa mbeũ yake ĩtwĩe nthĩnĩ wake: na ndatonya kwĩkaa naĩ, nĩkwĩthĩwa nũsyaĩtwe nĩ Ngai.</verse>
				<verse number="10">Ũndũnĩ ũũ syana sya Ngai nikwonanw’a, o na syana sya ndevili: o mũndũ ũla ũtekaa ũlũngalu ti wa Ngai, o na ũla ũtamwendaa mwana‐a‐ĩthe.</verse>
				<verse number="11">Nũndũ ũtũmane ũla mweewie kuma mwambĩlĩlyonĩ nĩ ũũ, twendane ene kwa ene:</verse>
				<verse number="12">na ti ta Kaini ũla waĩ wa ũla mũthũku, na ooaa mwana‐a‐ĩnyia. Na amũaie nũndũ wa kĩ? Nũndũ mawĩa make maĩ mathũku, na ma mwana‐a‐inyia maĩ malũngalu.</verse>
				<verse number="13">Mũikaseng’e, ana‐asa, ethĩwa nthĩ nĩnĩũmũmena.</verse>
				<verse number="14">Nĩtwĩsĩ kana nĩtũvĩtĩte twauma kĩkw’ũnĩ twavota thayũnĩ, nĩkwĩthĩwa nĩtũmendaa ana‐a‐asa. Ũla ũtendanaa atwĩe kĩkw’ũni.</verse>
				<verse number="15">O mũndũ ũla ũmenaa mwana‐a‐ĩthe nĩ mũaani: nenyu nĩmwĩsĩ kana vai mũaani wĩ na thayũ ũtathela ũtwĩe nthĩnĩ wake.</verse>
				<verse number="16">Ũndũnĩ ũũ nĩtũũmanya wendo, nũndũ we anenganie thayũ wake kwondũ witũ; naitũ nĩtwaĩle kũnengane mathayũ maitũ kwondũ wa ana‐a‐asa.</verse>
				<verse number="17">Ĩndĩ o ũla wĩ na syĩndũ sya kũũ nthĩ, nake aimwona mwana‐a‐ĩthe e na vata, na ailea ũmwĩw’ĩa tei, wendo wa Ngai ũtwĩe nthĩnĩ wake ata?</verse>
				<verse number="18">Syana syakwa nini, tũikendane na ndeto, kana na ũĩmĩ; ĩndĩ twendane na kwĩka, na twendane w’o.</verse>
				<verse number="19">Kwondũ wa ũu nĩtũũmanya kana twĩ ma ũla w’o, na nĩtũtonya kũvindĩthya ngoo sitũ, twĩ mbee wake:</verse>
				<verse number="20">nũndũ ethĩwa ngoo sitũ niũtũsilĩla, Ngaĩ nĩ mũnene kwĩ ngoo sitũ, na nĩwĩsĩ maũndũ onthe.</verse>
				<verse number="21">Endwa, ethĩwa ngoo sitũ itiũtũsilĩla, twĩ na ũnyiau vala ve Ngai;</verse>
				<verse number="22">na o ũndũ ũla tũũvoya nĩtũũnengwa nĩwe, nĩkwĩthĩwa nĩtũkwataa mĩao yake na nĩtwĩkaa maũndũ ala mamwendeeasya.</verse>
				<verse number="23">Na mwĩao wake nĩ ũũ, kana twĩtĩkĩle syĩtwa ya Mwana wake Yesũ Klĩsto, na kwendana, o ũndũ watwĩaĩe.</verse>
				<verse number="24">Na ũla ũkwataa mĩao yake ũsu atwĩe nthĩnĩ wake, nake atwĩe nthĩnĩ wake. Na ũndũnĩ ũũ nĩtwĩsĩ kana nũtwĩe nthĩnĩ waitũ, nũndũ wa Veva ũla watũnengie.</verse>
			</chapter>
			<chapter number="4">
				<verse number="1">Endwa, mũiketĩkĩle kĩla veva, ĩndĩ ĩkuũei maveva, kana nĩ ma Ngai; nũndũ athani aingĩ ma ũvũngũ nĩmanyaĩĩkie kũũ nthĩ.</verse>
				<verse number="2">Ũndũnĩ ũũ nĩmũũmanya Veva wa Ngai: kĩla veva wumbũlaa kana Yesũ Klĩsto nĩwokie e na mwĩĩ nĩ wa Ngai:</verse>
				<verse number="3">na kĩla veva ũtaumbũlaa Yesũ, ti wa Ngai: na ũsu nĩw’o veva wa ĩla nthũ ya Klĩsto, ũndũ mweewie kana ũkooka; o na yu wĩ kũũ nthĩ.</verse>
				<verse number="4">Inyw’ĩ, syana syakwa nini, mwĩ ma Ngai, na nĩmũmakĩlĩtye vinya: nĩkwĩthĩwa ũla wĩ nthĩnĩ wenyu nĩ mũnene kwĩ ũla wĩ kũũ nthĩ.</verse>
				<verse number="5">Asu nĩ ma nthĩ: na kwondũ wa ũu maneenaa ta ma nthĩ, na nthĩ nĩmew’aa.</verse>
				<verse number="6">Ithyĩ twĩ ma Ngai: ũla ũmwĩsĩ Ngai nũtwĩw’aa; ũla ũte wa Ngai ndatwĩw’aa. Kwondũ wa ũu nĩtũũmanya veva wa ũla w’o, na veva wa kwasya.</verse>
				<verse number="7">Endwa, twendanei ene kwa ene: nũndũ wendo nĩ wa Ngai; na kĩla mũndũ wendanaa nũsyaĩtwe nĩ Ngai, na nũmwĩsĩ Ngai.</verse>
				<verse number="8">Ũla ũtendanaa ndamwĩsĩ Ngai; nũndũ Ngai nĩ wendo.</verse>
				<verse number="9">Ũndũnĩ ũũ wendo wa Ngai nĩwonanĩtw’e kwitũ, nũndũ Ngai nĩwamũtũmie Mwana wake kũũ nthĩ, ũla wasyaiwe e ũmwe, nĩ kana twĩthĩwe na thayũ kwondũ wake.</verse>
				<verse number="10">Ũũ nĩw’o wendo, ti ithyĩ twamwendie Ngai, ĩndĩ nĩwe watwendie ithyĩ, na atũma Mwana wake ethĩwe nthembo ya wĩw’anĩthyo kwondũ wa naĩ sitũ.</verse>
				<verse number="11">Endwa, ethĩwa Ngai nĩwatwendie ũu, naitũ nĩtwaĩlwe nĩ kwendana.</verse>
				<verse number="12">Vai mũndũ waamwona Ngai o na ĩndĩĩ: ethĩwa nĩtũkwendana, Ngai nũtwĩe nthĩnĩ waitũ, na wendo wake nĩwĩanĩw’e nthĩnĩ waitũ;</verse>
				<verse number="13">ũndũnĩ ũũ nĩtũũmanya kana tũtwĩe nthĩnĩ wake nake nthĩnĩ waitũ, nũndũ nũtũnengete Veva wake.</verse>
				<verse number="14">Naitũ nĩtwonete na twĩ na ũkũsĩ kana Asa nĩwatũmie Mwana ethĩwe Mũtangĩĩi wa nthĩ.</verse>
				<verse number="15">O ũla wumbũlaa kana Yesũ nĩ Mwana wa Ngai, Ngai nũtwĩe nthĩnĩ wake, nake atwĩe nthĩnĩ wa Ngai.</verse>
				<verse number="16">Naitũ nĩtwĩsĩ na nĩtwĩkĩlĩte wendo ũla Ngai wĩ naw’o nthĩnĩ waitũ. Ngai nĩ wendo; na ũla wĩkalaa wendonĩ ekalaa nthĩnĩ wa Ngai, na Ngai ekalaa nthĩnĩ wake.</verse>
				<verse number="17">Kwondũ wa ũu wendo, nĩwĩanĩw’e kwitũ, nĩ kana twĩĩthĩwa na ũnyiau mũthenya wa ũsilĩlo; nũndũ ũndũ ũilyĩ we, nĩw’o ithyĩ tũilyĩ kũũ nthĩ.</verse>
				<verse number="18">Vai w’ĩa nthĩnĩ wa wendo: ĩndĩ wendo mwĩanĩu nĩwĩkasya w’ĩa ũtee, nũndũ w’ĩa wĩ thĩna; na ũla wĩ na w’ĩa ti mwĩanĩu wendonĩ.</verse>
				<verse number="19">Ithyĩ nĩtwendanaa nĩkwĩthĩwa nĩwambie ũtwenda.</verse>
				<verse number="20">Ethĩwa mũndũ easya, Nyie nĩnĩmwendete Ngai, na emena mwana‐a‐ĩthe, nĩ mũneeni wa ũvũngũ: nũndũ ũla ũtamwendaa mwana‐a‐ĩthe ũla wonaa, ndatonya kũmwenda Ngai ũla ũtaamwona.</verse>
				<verse number="21">Naitũ twĩ na mwĩao ũũ kuma kwake, kana ũla ũmwendaa Ngai namwende mwana‐a‐ĩthe nake.</verse>
			</chapter>
			<chapter number="5">
				<verse number="1">O mũndũ ũla wĩtĩkĩlaa atĩ Yesũ nĩwe Klĩsto ũsu nũsyaĩtwe nĩ Ngai: na o ũla ũmwendaa ũla wamũsyaie nĩwendaa ũla ũsyaĩtwe nĩwe.</verse>
				<verse number="2">Ũndũnĩ ũũ nĩtũũmanya kana nĩtũsyendete syana sya Ngai, tũkĩmwenda Ngai na kwĩka mĩao yake.</verse>
				<verse number="3">Nũndũ kũmwenda Ngai nĩ kũũ, tũkwatae mĩao yake: na mĩao yake ti mĩito.</verse>
				<verse number="4">Nũndũ o kĩla kĩsyaĩtwe nĩ Ngai nĩkĩkĩlasya nthĩ vinya: na kĩla kĩkĩlasya nthĩ vinya, nĩ mũĩkĩĩo witũ.</verse>
				<verse number="5">Na ũla ũkĩlasya nthĩ vinya nũũ, ate o ũla wĩtĩkĩlaa kana Yesũ nĩ Mwana wa Ngai?</verse>
				<verse number="6">Ũũ nĩ ũla wokie kwa manzĩ na nthakame, nake nĩwe Yesũ Klĩsto; ndaaũka ũndũ wa manzĩ oka, ĩndĩ nĩwokie ũndũ wa manzĩ vamwe na nthakame.</verse>
				<verse number="7">Na nĩ Veva ũla ũkũsĩĩaa, nĩkwĩthĩwa Veva nĩwe w’o.</verse>
				<verse number="8">Nũndũ nĩ atatũ ala makũsĩĩaa, ũla Veva, na manzĩ, na nthakame: na asu atatũ nĩmew’anaa ũndũ ũmwe.</verse>
				<verse number="9">Ethĩwa nĩtwĩtĩkĩlaa ũkũsĩ wa andũ, ũkũsĩ wa Ngai nĩ mũnene mbee: nũndũ ũkũsĩ wa Ngaĩ nĩw’o ũũ, nĩwakũsĩĩe Mwana wake.</verse>
				<verse number="10">Ula ũmwĩtĩkĩlaa Mwana wa Ngai ũsu e na ũkũsĩ nthĩnĩ wake: na ũla ũtamwĩtĩkĩla Ngai emũtw’a e ũvũngũ; nĩkwĩthĩwa ndaaĩtĩkĩla ũkũsĩ ũla Ngai wanenganie ũndũ wa Mwana wake.</verse>
				<verse number="11">Na ũkũsĩ nĩw’o ũũ, kana Ngai nĩwatũnengie thayũ wa tene na tene, na thayũ ũsu wĩ nthĩnĩ wa Mwana wake.</verse>
				<verse number="12">Ũla wĩ na Mwana e na thayũ ũsu; na ũla ũte na Mwana wa Ngai nde na thayũ ũsu.</verse>
				<verse number="13">Maũndũ asu namũandĩkĩa, nĩ kana mũmanye mwĩ na thayũ wa tene na tene, inyw’ĩ ala mwĩtĩkĩlaa syĩtwa ya Mwana wa Ngai.</verse>
				<verse number="14">Na ũũ nĩw’o ũnyiau ũla twĩ naw’o vala ũĩ, ethĩwa tũkavoya ũndũ kwĩanana na kwenda kwake, nũtwĩw’aa:</verse>
				<verse number="15">na ethĩwa nĩtwĩsĩ kana nũtwĩw’aa o ũndũ tũũvoya, nĩtwĩsĩ kana maũndũ ala twavoya twĩ namo.</verse>
				<verse number="16">Ethĩwa mũndũ eona mwana‐a‐ĩthe aiĩka naĩ ĩte ya ũvikĩa kĩkw’ũ, navoye, na Ngai akamũnenga thayũ o na ala mekwĩka naĩ ĩte ya ũvikĩa kĩkw’ũ. Kwĩ naĩ ya ũvikĩa kĩkw’ũ: na ndikwasya navoye kwondũ wa ĩsu.</verse>
				<verse number="17">Ũndũ w’onthe ũte ũlũngalu nĩ naĩ: na kwĩ naĩ ĩte ya ũvikĩa kĩkw’ũ.</verse>
				<verse number="18">1 Yoa 3.9; Yoa 17.15. Nĩtwĩsĩ kana o mũndũ ũla ũsyaĩtwe nĩ Ngai ndekaa naĩ; ĩndĩ ũla ũsyaĩtwe nĩ Ngai nĩwĩsũvĩaa mwene, na ũla mũthũku ndamũkiita.</verse>
				<verse number="19">Nĩtwĩsĩ kana twĩ ma Ngai, na nthĩ yonthe ĩtwĩe nthĩnĩ wa ũla mũthũku.</verse>
				<verse number="20">Na nĩtwĩsĩ kana Mwana wa Ngai nĩwokie, na nũtũnengete ũmanyi, nĩ kana tũmũmanye we ũla wa w’o, naitũ twĩ nthĩnĩ wa ũsu ũla wa w’o, nthĩnĩ wa Mwana wake Yesũ Klĩsto. Ũũ nĩwe Ngai wa w’o, na thayũ wa tene na tene.</verse>
				<verse number="21">Syana syakwa nini, isũvĩei mĩvw’anano.</verse>
			</chapter>
		</book>
		<book number="63">
			<chapter number="1">
				<verse number="1">Nyie, ũla mũtumĩa, valũa ũũ wakwa ũkĩvikĩe kĩveti kĩla kĩnyuve na syana syakyo, ala nĩmendete w’o; na tii nyie nyioka, ĩndĩ o na onthe ala mesĩ ũla w’o;</verse>
				<verse number="2">kwondũ wa ũla w’o ũtwĩe nthĩnĩ waitũ, naw’o ũkeethĩwa naitũ kũvika tene na tene:</verse>
				<verse number="3">Mumo, na tei, na mũuo makeethĩwa naitũ, kuma kwa Ngai Asa, na kwa Yesũ Klĩsto, ũla Mwana wa Asa, nthĩnĩ wa w’o na wendo.</verse>
				<verse number="4">Nĩngũtana mũno nũndũ nĩneethĩe syana syaku imwe iendete nthĩnĩ wa ũla w’o, o ũndũ tweeaĩwe nĩ Asa.</verse>
				<verse number="5">Na yu, kĩveti, nĩngũkwĩsũva, ti atĩ nĩ mwĩao mweũ ngũkũandĩkĩa, ĩndĩ no ũla twaĩ naw’o kuma mwambĩlĩlyonĩ, atĩ twendane.</verse>
				<verse number="6">Na ũũ nĩw’o wendo, tũendae tũatĩĩe mĩao yake. Ũũ nĩw’o mwĩaĩo, o ũndũ mweewie kuma mwambĩlĩlyonĩ, mũendae nthĩnĩ wa wendo.</verse>
				<verse number="7">Nĩkwĩthĩwa akengani aingĩ nĩmaumĩlĩte kũũ nthĩ, na nĩ ala mataumbũlaa kana Yesũ Klĩsto nĩwokie na mwĩĩ. Ũsu nĩ mũkengani na nthũ ya Klisto.</verse>
				<verse number="8">Ĩsũvĩei mũtikasye mawĩa ala mũtethetye, ĩndĩ mwose ĩtuvi yĩanĩu.</verse>
				<verse number="9">O mũndũ ũla wĩvĩtũkasya mbee na ndekalaa ũmanyĩsyonĩ wa Klĩsto, nde na Ngai: ĩndĩ ũla wĩkalaa ũmanyĩsyonĩ, ũsu e na Asa na Mwana.</verse>
				<verse number="10">Ethĩwa mũndũ o na wĩva akooka kwenyu, na ndeũete ũmanyĩsyo ũũ, mũtikamũthokye nyũmba kwenyu, o na mũikamũkethye:</verse>
				<verse number="11">nũndũ ũla ũmũkethasya e mũamba nake mawĩanĩ make mathũku.</verse>
				<verse number="12">O na kau nĩ na maũndũ maingĩ ma ũmũandĩkĩa, ndikwenda kũmaandĩka ĩkalatasinĩ na ingi: ĩndĩ nĩngwĩkwatya kũka kwenyu, tũneena’nye twenene, nĩ kana ũtanu wenyu wusũe.</verse>
				<verse number="13">Syana sya mwĩĩtu‐a‐mwenyu ũla mũnyuve nĩsyaũkethya.</verse>
			</chapter>
		</book>
		<book number="64">
			<chapter number="1">
				<verse number="1">Nyie, ũla mũtumĩa, valũa ũũ wakwa ũmũvikĩe Kaio mwendwa, ũla nĩmwendaa w’o.</verse>
				<verse number="2">Mwendwa, nĩngũvoya nĩ kana ũathimĩke maũndũnĩ onthe na wĩthĩwe na mwĩĩ mũseo, o ũndũ ngoo yaku ĩathimĩkĩte.</verse>
				<verse number="3">Nũndũ natanie mũno, yĩla ana‐a‐asa mookie maikũsĩĩa w’o waku, o ũndũ ũendaa nthĩnĩ wa ũla w’o.</verse>
				<verse number="4">Ndi na ũtanu ũngĩ mũnene ũvĩtũkĩte ũũ, ngĩw’a ũvoo wa syana syakwa ũndũ iendaa nthĩnĩ wa ũla w’o.</verse>
				<verse number="5">Mwendwa, wĩkaa kĩla wĩa na kĩthito ũkĩmatethya ana‐a‐asa, o na aeni;</verse>
				<verse number="6">nao nĩmakũsĩĩe wendo waku ĩkanisanĩ: naku ũkeeka nesa ũkĩmaumasaya kyalonĩ kyoo ũndũ waĩle kwa Ngai:</verse>
				<verse number="7">nĩkwĩthĩwa nĩmaumie kwoo nũndũ wa yĩla Syĩtwa, matekwosa kĩndũ kwa Andũ‐ma‐mbaĩ‐ingĩ.</verse>
				<verse number="8">Kwondũ wa ũu nĩtwaĩle kũthokya andũ ta asu, nĩ kana twĩthĩwe atethan’ya ma wĩa ma ũla w’o.</verse>
				<verse number="9">Naandĩkĩe ĩkanisa ũvoo: ĩndĩ Ndioteleve, ũla wendete kwĩthĩwa e mũnene katĩ wamo, ndaatwĩtĩkĩla.</verse>
				<verse number="10">Kwondũ wa ũu, ethĩwa ngooka, ngalilikana mawĩa make ala wĩkaa, aitũvulũkila ndeto mbathe: na ndeĩanĩwa nĩ ũu, ĩndĩ we mwene ndamathokya ana‐a‐asa, o na ala menda kũmathokya nũnũũmavata na kũmalũngya ĩkanisanĩ.</verse>
				<verse number="11">Mwendwa, ndũkeelekan’ye na ũndũ ũthũku, ĩndĩ ĩelekanasye na ũla ũseo. Ũla wĩkaa nesa nĩ wa Ngai: ũla wĩkaa naĩ ndaamwona Ngai.</verse>
				<verse number="12">Ndemetelio nũkũsĩĩwe nĩ andũ onthe, vamwe na ũla w’o: ĩĩ, o na ithyĩ nĩtũũkũsĩĩa; na nĩwĩsĩ ũkũsĩ witũ nĩ wa w’o.</verse>
				<verse number="13">Naĩ na maũndũ maingĩ ma ũkũandĩkĩa, ĩndĩ ndikwenda kũmaandĩka na ingi na kĩandĩki:</verse>
				<verse number="14">ĩndĩ nĩngwĩkwatya ngakwona mĩtũkĩ, na ĩndĩ tũkaneenan’ya twenene.</verse>
				<verse number="15">Mũuo nĩwĩthĩwe naku. Anyanyae maitũ nĩmakũkethya. Ngethesya ala anyanyawa, kĩla mũndũ na syĩtwa yake.</verse>
			</chapter>
		</book>
		<book number="65">
			<chapter number="1">
				<verse number="1">Yuta, ngombo ya Yesũ Klĩsto, na mwana‐a‐inyia wa Yakovo, valũa ũũ wakwa ũmavikĩe ala meetiwe, endwa nthĩnĩ wa Ngai Asa, na asũvĩwa ũndũ wa Yesũ Klĩsto:</verse>
				<verse number="2">Tei na mũuo na wendo nĩmaingĩv’we kwenyu.</verse>
				<verse number="3">Endwa, yĩla neeyũmbanĩtye kũmũandĩkĩa inyw’ĩ ũvoo wa ũtangĩĩo witũ ithyonthe, naingĩĩw’e kũmũandĩkĩa inyw’ĩ ngimũtaa mũkitĩe ũla mũĩkĩĩo wanengiwe atheu ĩvinda o yĩmwe tũ.</verse>
				<verse number="4">Nũndũ kwĩ andũ amwe melikĩtye na kĩmbithĩ, andũ ala maandĩkĩwe tene ũsilĩlo ũũ, Andũ matamũkĩaa Ngai, makĩalyũla mumo wa Ngai waitũ wĩthĩwe ũthei wa kwĩka mĩmeo mĩthũku, na kũmũkaĩa Mwamũli na Mwĩaĩi waitũ, nĩwe ũmwe e weka, Yesũ Klĩsto.</verse>
				<verse number="5">Na yu nĩngwenda kũmũlilikan’ya, o na kau nĩmũminĩte kũmanya maũndũ onthe, ũndũ Mwĩaĩi wambie kũtangĩĩa andũ kũmaumya nthĩ ya Misili, na ĩtina nĩwamanangie ala mataaĩtĩkĩla.</verse>
				<verse number="6">Na alaĩka ala mataasũvĩa ũnene woo ene, ĩndĩ matiie ũtũo woo ũla wamaĩle, amekalilye me ove na mbĩngũ sya tene na tene kĩvindunĩ kũvika ũsilĩlo wa mũthenya ũla mũnene.</verse>
				<verse number="7">O tondũ Sotomo na Ngomola, na ndũa ila ingĩ syaĩ ndee, meenenganĩte ene, o ta asu, kwĩka ũlaalai, na kũatĩĩa maũndũ ma mwĩĩ matekawa, nĩmaumĩlilw’e methĩwe ngelekan’yo ya kũthĩna ũsilĩlonĩ wa mwaki wa tene na tene.</verse>
				<verse number="8">No ta ũu asu nao nĩmavukasya mwĩĩ na maũndũ me namo ta mekũota, mailea ũsumbĩko, na makĩumanga monene.</verse>
				<verse number="9">Ĩndĩ Mikaeli ũla mũlaĩka mũnene, yĩla wakandanĩe na ndevili na ũkananĩa nake ũndũ wa mwĩĩ wa Mose, ndaatata kũmũvinganĩsya ta kũmũuma, ĩndĩ aisye, Mwĩaĩi nakũkan’ye.</verse>
				<verse number="10">Ĩndĩ andũ aa nĩmaumaa maũndũ matesĩ: na maũndũ ala mamanyaa na ũĩ wa mwĩĩ, maũndũnĩ asu nĩmeyanangaa, o ta nyamũ ite na kĩlĩko.</verse>
				<verse number="11">Woo nĩ woo! Nũndũ nĩmaendie nzĩanĩ ya Kaini, na kũatĩĩa ĩvĩtyo ya Mbalaamu vate kwĩsiĩĩa ene nĩ kana mose ũtandĩthyo, nao maanangwa katĩ wa ngananĩo ya Kola.</verse>
				<verse number="12">Andũ asu nĩmo mavia matonekaa mbokanĩ syenyu sya wendo yĩla meũya vamwe nenyu, aĩthi meĩthasya ene vate w’ĩa; mĩumbĩ ĩte na manzĩ, ĩkĩtwawa nĩ iseve; nĩ mĩtĩ ĩvinda yĩla ya kwĩtĩkya matũ ĩte na ũsyao, yũmite kelĩ, ĩkũĩtwe na mĩi vyũ;</verse>
				<verse number="13">nĩ itulumo sya ũkanga ila itasiĩĩkaa, makyumya nthoni syoo ta ĩvuo; nao nĩ ndata ila syangangaa, na maiĩwe wiũ wa kĩvindu kũvika tene na tene.</verse>
				<verse number="14">Nake Enoko, ũla waĩ wa mũonza kũtala kuma Atamu, athanie, akyasya, Sisyai, Mwĩai nĩwokie vamwe na atheu make, nguthu ĩtatalĩka,</verse>
				<verse number="15">kũmasilĩla andũ onthe, na kũmaĩkĩĩthya onthe ala matamũkĩaa Ngai ũndũ wa meko moo onthe ma kũlea kũmũkĩaa Ngai ala meekie, na nũndũ wa ndeto syoo syonthe nyũmũ ila asu athe matamũkĩaa Ngai mamũneeneete.</verse>
				<verse number="16">Asu nĩo anyungunyĩsya, andũ ma kĩnyinginyi, maatĩĩaa mĩmeo yoo mĩthũku (na makanyw’a moo maneenaa maũndũ manene ma kwĩkathĩĩa), makĩmendeesya andũ ũndũ wa kũnengwa syĩndũ nĩmo.</verse>
				<verse number="17">Ĩndĩ inyw’ĩ, endwa, lilikanai ndeto ila syambie ũneenwa nĩ atũmwa ma Mwĩaĩi waitũ Yesũ Klĩsto;</verse>
				<verse number="18">nĩkwĩthĩwa mamwĩie atĩĩ, Ĩvinda ya mũminũkĩlyo kũkeethĩwa avũthya, makĩatĩĩa mĩmeo mĩthũku yoo ya kũlea kũmũkĩa Ngai.</verse>
				<verse number="19">Asu nĩo ala metilaa, andũ ma mwĩkalĩle wa kĩ‐mũndũ, mate na ũla Veva.</verse>
				<verse number="20">Ĩndĩ inyw’ĩ, endwa, mũkĩyaka ĩũlũ wa mũĩkĩĩo wenyu ũla mũtheu mũno, mũkĩvoya nthĩnĩ wa Veva Mũtheu,</verse>
				<verse number="21">ĩyĩkalyei ene wendonĩ wa Ngai, mũkyeteela tei wa Mwĩaĩi waitũ Yesũ Klĩsto kũvika thayũ ũtathela.</verse>
				<verse number="22">Mew’ĩei tei andũ amwe ala me na nzika;</verse>
				<verse number="23">na amwe matangĩĩei, mũkĩmavulya kũmaumya mwakinĩ, na angĩ mew’ĩei tei vamwe na w’ĩa; mũkĩmena o na ngũa ĩthũkĩtwe nĩ maũndũ ma mwĩĩ.</verse>
				<verse number="24">Na ĩndĩ kwa ũla ũtonya kũmũsũvĩa mũikalulutĩke, na kũmwia mbee wa ũtheu wake mũtisu mũte na ũndũ ũtaĩle na mwĩ na ũtanu mũthonoku,</verse>
				<verse number="25">we nĩwe Ngai weka Mũtangĩĩi waitũ, kwondũ wa Yesũ Klĩsto Mwĩaĩi waitũ, kwake kwĩthĩwe ndaĩa, na ũnene, na ũtonyi, na ũkũmũ, mbee wa tene w’onthe, na yu, na kũvika tene tene. Ameni.</verse>
			</chapter>
		</book>
		<book number="66">
			<chapter number="1">
				<verse number="1">Ũvuan’yo wa Yesũ Klĩsto, ũla Ngai wamũnengie nĩ kana asyon’ye ngombo syake maũndũ ala matatĩa kwĩkĩka mĩtũkĩ; na atũma mũlaĩka wake amyon’ye ngombo yake Yoana;</verse>
				<verse number="2">ũla wakũsĩĩe ndeto ya Ngai, na ũkũsĩ wa Yesũ Klĩsto, o na maũndũ onthe ala wonie.</verse>
				<verse number="3">Nĩ mũathime ũla ũsomaa, na ala mew’aa ndeto sya wathani ũũ, na kũsũvĩa maũndũ ala maandĩkĩtwe vo: nũndũ ĩvinda nĩ ĩthengeeu.</verse>
				<verse number="4">Yoana, valũa wakwa ũmavikĩe makanisa asu mũonza ale me nthĩ ya Asia: Mumo nĩwĩthĩwe nenyu na mũuo, kuma kwa ũla wĩ vo na ũla waĩ vo na ũla ũkoka; na kuma kwa ala Maveva mũonza ala me mbee wa kĩvĩla kya ũsumbĩ kyake;</verse>
				<verse number="5">na kuma kwa Yesũ Klĩsto, ngũsĩ yĩ kĩthito, na mũsyawa wa mbee wa akw’ũ, na mũnene wa asumbĩ ma nthĩ. Kwa ũsu ũtwendete, na kũtũthasya na nthakame yake tume naĩnĩ sitũ;</verse>
				<verse number="6">na atũtwie ũsumbĩ, twĩthĩwe athembi ma Ngai, Ĩthe wake; ndaĩa na ũtonyi nĩ syake kũvika tene na tene. Ameni.</verse>
				<verse number="7">Sisyai, nĩwũkĩte na mathweo; na kĩla itho yĩkamwona, na ala mamũtonyie; na mbaĩ syonthe sya nthĩ ikaĩa kwondũ wake. Ĩĩ, Ameni.</verse>
				<verse number="8">Nyie nĩ Aliva na Omeka, mwambĩlĩlyo na mũminũkĩlyo, easya ũu Mwĩaĩi Ngai, ũla wĩ vo na ũla waĩ vo na ũla ũkoka, Mwene Vinya W’onthe.</verse>
				<verse number="9">Nyie Yoana, mwana‐a‐ĩthe wenyu na mwosi ũmwe nenyu wa mathĩna na ũsumbĩ na wũmĩĩsyo ala me nthĩnĩ wa Yesũ, naĩ kĩthamanĩ kĩtawa Vatimo, nũndũ wa ndeto ya Ngai na ũkũsĩ wa Yesũ.</verse>
				<verse number="10">Naĩ nthĩnĩ wa Veva mũthenya wa Mwĩaĩi, na neew’a wasya mũnene ĩtina wakwa, ta wa soo,</verse>
				<verse number="11">ũkyasya, Ũla ũkwona, andĩka ĩvukunĩ noĩmatwaĩa ala makanisa mũonza ala me nthĩ ya Asia: Eveso, na Simulina, na Velikamo, na Thiatila, na Salite, na Vilatelivia, na Laotisia.</verse>
				<verse number="12">Na neethyũũa none wasya ũla waneena nakwa. Na neethyũũa noona syĩndũ mũonza sya thaavu ila syĩkĩawa mataa;</verse>
				<verse number="13">na katĩ wa syĩndũ isu noona ũmwe ũilyĩ mwana wa mũndũ, ekĩĩte ngũa ĩvikĩte maũũnĩ make, na eevotoele ndavũ ya thaavu nondonĩ.</verse>
				<verse number="14">Na mũtwe wake na nzw’ĩĩ syake syaĩ nzaũ ta w’ĩa mweũ wa ilondu, nzaũ ta ĩa; na metho make mailyĩ ũmũĩ wa mwaki;</verse>
				<verse number="15">na nyaĩĩ syake syailyĩ ũthuku mũkute mũno ta ũtheew’e ikonĩ ĩnene yĩ mwaki; na wasya wake waĩ ta wasya wa iw’ũ nyingĩ.</verse>
				<verse number="16">Nake aĩ na ndata mũonza kw’okonĩ kwake kwa aũme: na ũvyũ mũĩ ngalĩ syelĩ wauma kanyw’anĩ wake: na ũthyũ wake wailyĩ syũa yĩkĩtisa na vinya wayo.</verse>
				<verse number="17">Na namwona, navalũka maũũnĩ make ta ũmwe mũkw’ũ. Nake ambilĩĩla kw’oko kwake kwa aũme, akyasya, Ndũkakĩe; ninyie mwambĩlĩlyo na mũminũkĩlyo,</verse>
				<verse number="18">na nĩ Ũla wĩ thayũ; nakwa naĩ mũkw’ũ, na sisya, nĩ thayũ kũvika tene na tene, na nĩ na mbungũo sya kĩkw’ũ na sya vala maveva ma akw’ũ mekalaa.</verse>
				<verse number="19">Andĩka ĩndĩ maũndũ ala wonie, na ala me vo, na maũndũ ala makekĩka ĩtina;</verse>
				<verse number="20">na nzama ya ndata mũonza ila wonie kw’okonĩ kwakwa kwa aũme, na syĩndũ mũonza sya thaavu syĩkĩawa mataa. Ndata isu mũonza nĩ alaĩka ma ala makanisa mũonza: na ila syĩndũ mũonza nĩ makanisa mũonza.</verse>
			</chapter>
			<chapter number="2">
				<verse number="1">Mũandĩkĩe mũlaĩka wa ĩkanisa yĩla yĩ Eveso atĩĩ: Maũndũ aa easya ũla ũkwataa ila ndata mũonza kw’okonĩ kwake kwa aũme, ũla ũendaa katĩ wa ila syĩndũ mũonza sya thaavu syĩkĩawa mataa:</verse>
				<verse number="2">Nĩnĩmesĩ mawĩa maku, na thĩna wa wĩa waku, na wũmĩĩsyo waku, na kana ndũtonya kũmĩanĩsya na andũ athũku, na ĩngĩ nũmatatĩte asu mekwĩyĩta atũmwa, na ti w’o, na wamonie me akengani;</verse>
				<verse number="3">nĩweelũlũmĩlye na nĩwũmĩĩsye kwondũ wa syĩtwa yakwa, na ndwaanoa.</verse>
				<verse number="4">Ĩndĩ nĩ na ũndũ naku, nũndũ nũtiĩte wendo waku wa mbee.</verse>
				<verse number="5">Lilikana ĩndĩ vala waumie ũkĩvalũka, na alyũla ngoo na ĩka mawĩa ala ma mbee; kana ethĩwa ndũkwĩka ũu ngooka kwaku, na ngaveta kĩndũ kyaku kya taa vandũ vakyo, walea kũalyũla ngoo.</verse>
				<verse number="6">Ĩndĩ ũndũ ũũ wĩ naw’o, atĩ ũmenaa mawĩa ma Anikolai, ala nĩmenaa nakwa.</verse>
				<verse number="7">Ũla wĩ na kũtũ, nĩew’e ũndũ Veva ũnũũtavya makanisa. Ũla ũkĩlasya, ngamũnenga we aye ũsyao wa mũtĩ wa thayũ, ũla wĩ mũũndanĩ wa Ngai.</verse>
				<verse number="8">Na mũandĩkĩe mũlaĩka wa ĩkanisa yĩla yĩ Simulina atĩĩ: Maũndũ aa easya ũla wa mbee na ũla wa mũminũkĩlyo, ũla waĩ mũkw’ũ, na eethĩwa thayũ ĩngĩ:</verse>
				<verse number="9">Nĩnĩsĩ ũnyamao waku, na ũkya waku (ĩndĩ wĩ mũthwii), na nĩnĩsĩ kũumana kwa asu meyĩtaa Ayuti, na ti w’o, ĩndĩ nĩ ĩsinakoke ya Satani.</verse>
				<verse number="10">Ndũkakĩe maũndũ ala ũkilĩlye kũthĩnw’a nĩmo: sisya, ndevili nũkilĩlye kwĩkya amwe ma inyw’ĩ kolokolonĩ, nĩ kana mũtatwe; nenyu mũkeethĩwa na ũnyamao matukũ ĩkũmi. Ĩthĩwa wĩ na kĩthito kũvikĩa kĩkw’ũ, nakwa ngakũnenga ngovia ya ũsumbĩ ya thayũ.</verse>
				<verse number="11">Ũla wĩ na kũtũ, nĩew’e ũndũ Veva ũnũũtavya makanisa. Ũla ũkĩlasya ndakakwatwa nĩ woo wa kĩkw’ũ kya kelĩ.</verse>
				<verse number="12">Na mũandĩkĩe mũlaĩka wa ĩkanisa yĩla yĩ Velikamo atĩĩ: Maũndũ aa easya ũla wĩ na ũvyũ mũĩ ngalĩ syelĩ:</verse>
				<verse number="13">Nĩnĩsĩ vala ũtwĩe, navo nĩ vala ve kĩvĩla kya ũsumbĩ kya Satani: naku ũyĩkwete mũno syĩtwa yakwa, o na ndwaakaĩa mũĩkĩĩo wakwa, o na ĩvinda ya Andiva ngũsĩ yakwa yĩ kĩthito, ũla woaĩwe kwenyu, vala Satani ũtwĩe.</verse>
				<verse number="14">Ĩndĩ nĩ na maũndũ mavũthũ naku, nũndũ wĩ na amwe vu ala makwataa momanyĩsyo ma Mbalaamu, ũla wamũmanyĩsye Mbalaki kwĩkya ũlulutĩkyo mbee wa ana ma Isilaeli, nĩ kana maye syĩndũ ila syathembewe mĩvw’anano, na kũlaalaa.</verse>
				<verse number="15">O ta ũu naku wĩ na andũ amwe ala makwataa momanyĩsyo ma Anikolai.</verse>
				<verse number="16">Alyũla ngoo ĩndĩ; ethĩwa ndũkwĩka ũu ngooka kwaku mĩtũkĩ, na ngakwatya kaũ nao na ũvyũ wa kanyw’a wakwa.</verse>
				<verse number="17">Ũla wĩ na kũtũ, nĩew’e ũndũ Veva ũnũũtavya makanisa. Ũla ũkĩlasya, ngamũnenga kũya lĩu wĩtawa mana ũla mũvithe, na ngamũnenga ĩvia yeũ, na ĩũlũ wa ĩvia yĩu vaandĩkĩtwe syĩtwa yeũ, yĩtesĩkĩwe nĩ mũndũ ate o ũla ũnũũyosa.</verse>
				<verse number="18">Na mũandĩkĩe mũlaĩka wa ĩkanisa yĩla yĩ Thiatila atĩĩ: Maũndũ aa easya Mwana wa Ngai, ũla wĩ na metho mailyĩ ũmũĩ wa mwaki, na nyaĩĩ syake itilyĩ ũthuku mũkute mũno:</verse>
				<verse number="19">Nĩnĩsĩ mawĩa maku, na wendo waku na mũĩkĩĩo na ũthũkũmi na wũmĩĩsyo, na kana mawĩa maku ma mũminũkĩlyo nĩmathonokete ala ma mbee.</verse>
				<verse number="20">Ĩndĩ nĩ na ũndũ naku, atĩ nũmwĩtĩkĩlaa ũla mũndũ mũka Yeseveli, ũla wĩyĩtaa mwathani; na amanyĩasya na kwasya ngombo syakwa kana ilaalae, na kũya syĩndũ ithembeawa mĩvw’anano.</verse>
				<verse number="21">Nakwa namũnengie ĩvinda kana alyũle ngoo; nake ndekwenda kwĩalyũla na kũeka ũlaalai wake.</verse>
				<verse number="22">Sisya, nĩmwĩkya ũkomonĩ, na asu mekaa ũlaalai nake ũnyamaonĩ mũnene, ethĩwa maikwĩalyũla na kũeka mawĩa make.</verse>
				<verse number="23">Nakwa ngooaa syana syake na kĩkw’ũ; na makanisa onthe makamanya kana ninyie nĩoasya malilikano na ngoo: na ngamũnenga kĩla mũndũ wa kwenyu kwĩanana na mawĩa menyu.</verse>
				<verse number="24">Ĩndĩ nĩmũtavya inyw’ĩ ala mũtiele Thiatila, o ũndũ mwĩana ala mũte na ũmanyĩsyo ũsu, ala mũtesĩ maũndũ maliku ma Satani, o tondũ mekwasya; Nyie ndiũmwilĩĩla mũio ũngĩ.</verse>
				<verse number="25">Ĩndĩ ũla mwĩ naw’o, lũmyai mũvaka yĩla nĩũka.</verse>
				<verse number="26">Na ũla ũkĩlasya, na we ũla ũsũvĩaa mawĩa makwa kũvĩka mũminũkĩlyo, ngamũnenga ũsu ũkũmũ ĩũlũ wa Andũ‐ma‐mbaĩ‐ingĩ:</verse>
				<verse number="27">nake akasumbĩka ĩũlũ woo na ndata ya kĩaa, ta mĩio ya mũmbi yanangawa vyũ; otondũ nyie nakwa noosie kwa Asa wakwa:</verse>
				<verse number="28">na ngamũnenga ĩla ndata ya kĩoko.</verse>
				<verse number="29">Ũla wĩ na kũtũ, nĩew’e ũndũ Veva ũnũũtavya makanisa.</verse>
			</chapter>
			<chapter number="3">
				<verse number="1">Na mũandĩkĩe mũlaĩka wa ĩkanisa yĩla yĩ Salite atĩĩ: Maũndũ aa easya ũla wĩ na Maveva mũonza ma Ngai na ila ndata mũonza: Nĩnĩsĩ mawĩa maku, kana wĩ na syĩtwa ya kwĩthĩwa thayũ, na wĩ mũkw’ũ.</verse>
				<verse number="2">Ĩthĩwa ũisyaĩĩsya, noimalũlũmĩlya maũndũ ala matiele, ala makilyĩ ũkw’a: nĩkwĩthĩwa ndyaaona mawĩa maku meanĩe mbee wa Ngai wakwa.</verse>
				<verse number="3">Lilikana ĩndĩ ũndũ wosete na ũndũ wĩw’ĩte; noisũvĩa, na kũalyũla ngoo. Ethĩwa ĩndĩ ndũkasyaĩĩsya, ngooka ta kĩng’ei, na ndũkamanya saa ũla nĩũka kwaku.</verse>
				<verse number="4">Ĩndĩ wĩ na masyĩtwa amwe mavũthũ ku Salite ala mataavukya ngũa syoo: nao makaendanasya nakwa mekĩĩte ngũa nzaũ; nũndũ nĩmaĩle.</verse>
				<verse number="5">Ũla ũkĩlasya, o ta ũu akavw’ĩkwa ngũa nzaũ; na ndikananga nongi syĩtwa yake ĩvukunĩ ya thayũ, na ngayumbũla syĩtwa yake mbee wa Asa wakwa, na mbee wa alaĩka make.</verse>
				<verse number="6">Ũla wĩ na kũtũ, nĩew’e ũndũ Veva ũnũũtavya makanisa.</verse>
				<verse number="7">Na mũandĩkĩe mũlaĩka wa ĩkanisa yĩla yĩ Vilatelivĩa atĩĩ: Maũndũ aa easya ũla mũtheu, na ũla wa w’o, ũla wĩ na ũvungũo wa Ndaviti, ũla ũvingũaa na kũi ũvinga, na ũla ũvingaa na kũi ũvingũa:</verse>
				<verse number="8">Nĩnĩsĩ mawĩa maku (sisya, nĩnaia mbee waku mũomo mũvingũe, naw’o kũi ũtonya kũvinga), nĩnĩsĩ kana wĩ na vinya mũnini, naku nĩwasũvĩie ndeto yakwa, na ndwaayĩkaĩa syĩtwa yakwa.</verse>
				<verse number="9">Sisya, nĩmanengane ala ma ĩsinakoke ya Satani, ala maasya nĩ Ayuti, na ti w’o, ĩndĩ meneena ũvũngũ; sisya, ngatuma moka mathaithe mbee wa maũũ maku, na kũmanya kana nyie nĩngwendete.</verse>
				<verse number="10">Nĩkwĩthĩwa nĩwasũvĩie ndeto ya wũmĩĩsyo wakwa, nakwa ngakũsũvĩa wume ĩvindanĩ yĩu ya ũtatwa, yĩla yĩũka nthĩ yonthe, kũmatata ala matwĩe nthĩ.</verse>
				<verse number="11">Ngooka mĩtũkĩ: lũmya ũla wĩ naw’o, nĩ kana mũndũ o na wĩva ndakose ngovia yaku ya ũsumbĩ.</verse>
				<verse number="12">Ũla ũkĩlasya, ngamũtw’a kĩtuĩ ĩkalũnĩ ya Ngai wakwa, na ndakaumaala ĩngĩ nongi: na ngaandĩka ĩũlũ wake syĩtwa ya Ngai wakwa, na syĩtwa ya mũsyĩ wa Ngai wakwa, ũla Yelusaleme mweũ, ũla ũtheeaa kuma ĩtunĩ kwa Ngai wakwa, na ngaandĩka ĩũlũ wake syĩtwa yakwa mwene yĩla yeũ.</verse>
				<verse number="13">Ũla wĩ na kũtũ, nĩew’e ũndũ Veva ũnũũtavya makanisa.</verse>
				<verse number="14">Na mũandĩkĩe mũlaĩka wa ĩkanisa yĩla yĩ Laotisia atĩĩ: Maũndũ aa easya ũla Ameni, ngũsĩ yĩ kĩthito na ya w’o, mwambĩlĩlya wa wũmbi wa Ngai:</verse>
				<verse number="15">Nĩnĩsĩ mawĩa maku, kana ndwĩ mũthithu o na ndwĩ mũvyũ: nĩenda wĩthĩwe wĩ mũthithu kana wĩ mũvyũ.</verse>
				<verse number="16">Na ĩndĩ nĩkwĩthĩwa wĩ kamulutĩla, o na ndwĩ mũvyũ na ndwĩ mũthithu, ngaũtwĩla wume kanyw’anĩ wakwa.</verse>
				<verse number="17">Nũndũ, wĩasya, Nyie nĩ mũthwii, na nĩnĩthuĩtye, na ndi vata wa kĩndũ; na ndwĩsĩ kana we wĩ mũnyamai na mwonzu na ngya na kĩlilinda na mũthei:</verse>
				<verse number="18">nĩngũũtaa kana ũthooe kwakwa thaavu ũla ũtheetw’e na mwaki, nĩ kana ũtonye ũtw’ĩka mũthwii; na ngũa nzaũ, nĩ kana ũtonye kwĩvw’ĩka, nthoni syaku sya kwĩthĩwa mũthei itikoneke; na mũti wa metho wa ũvaka metho maku, nĩ kana ũtonye kwona.</verse>
				<verse number="19">O asu ala nĩmendaa, nĩnĩmakanasya na kũmakũna: ĩthĩwa na ũthangaau ĩndĩ, noialyũla ngoo,</verse>
				<verse number="20">Sisya, nĩũngeme mũomonĩ na kũvingũsya: ethĩwa mũndũ o na wĩva akeew’a wasya wakwa na kũmbingũĩa mũomo, ngalika kwake, na ngaĩsanĩa nake, nake akaĩsanĩa nakwa.</verse>
				<verse number="21">Ũla ũkĩlasya, ngamũnenga kwĩkala vamwe nakwa kĩvĩlanĩ kyakwa kya ũsumbĩ, o ũndũ nakwa nakĩlilye, na kwĩkala vamwe na Asa wakwa kĩvĩlanĩ kyake kya ũsumbĩ.</verse>
				<verse number="22">Ũla wĩ na kũtũ, nĩew’e ũndũ Veva ũnũũtavya makanisa.</verse>
			</chapter>
			<chapter number="4">
				<verse number="1">Ĩtina wa maũndũ aa nĩnoonie, na sisya, mũomo ũvingũkĩte ĩtunĩ, na wasya wa mbee ũla neewie, ta wasya wa soo ũineena nakwa, ũmwe akyasya, Ambata kũũ, nakwa ngakwon’ya maũndũ ala mate ndĩi kwĩkĩka ĩtina.</verse>
				<verse number="2">Na oyu naĩ nthĩnĩ wa Veva: na sisya, kwaĩ kĩvĩla kya ũsumbĩ kiĩtwe ĩtunĩ, na ũmwe ekalile kĩla kĩvĩla;</verse>
				<verse number="3">na ũla wakĩkalĩle, ũkĩmũsisya ailyĩ kavila ka yasivi na ka salitũ; na kwaĩ ũtaathi ũthyũlũlũkĩte kĩvĩla kyu, ũisisya ũilyĩ kavila ka sumalatai.</verse>
				<verse number="4">Na kwaĩ ivĩla sya ũsumbĩ mĩongo ĩlĩ na inya ithyũlũlũkĩte kĩla kĩvĩla kya ũsumbĩ: na ivĩlanĩ isu nĩnoonie atumĩa mĩongo ĩlĩ na ana masyĩkalĩle, mekĩe ngũa nzaũ; na mĩtwenĩ yoo kwaĩ ngovia sya ũsumbĩ sya thaavu.</verse>
				<verse number="5">Na kĩvĩlanĩ kyu kwauma motisi na mawasya na itundumo. Na kwaĩ mataa mũonza ma mwaki makanĩte mbee wa kĩvĩla kyu kya ũsumbĩ, nao nĩ ala Maveva mũonza ma Ngai;</verse>
				<verse number="6">na mbee wa kĩvĩla, kwaĩ kĩndũ kĩilyĩ ũkanga wa kĩsisyo kĩtisu; na kĩvĩlanĩ kyu katĩ, na kũthyũlũlũka kĩvĩla, kwaĩ syũmbe inya syĩ thayũ syusĩe metho mbee na ĩtina.</verse>
				<verse number="7">Na kyũmbe kya mbee kyailyĩ mũnyambũ, na kya kelĩ ta kasaũ, na kya katatũ kyaĩ na ũthyũ ta wa mũndũ, na kĩla kya kana kyailyĩ ndiũ ĩũlũkĩte.</verse>
				<verse number="8">Na syũmbe isu inya syĩ thayũ, kĩla kĩmwe kyethĩwa na nthwau thanthatũ, syusũĩte metho ndee syonthe na nthĩnĩ; nasyo itithũmũaa mũthenya na ũtukũ, ikyasya, Mũtheu, mũtheu, mũtheu, nĩ Mwĩaĩi Ngai, Mwene Vinya W’onthe, ũla waĩ vo, na ũla wĩ vo, na ũla wĩũka.</verse>
				<verse number="9">Na yĩla ila syũmbe syĩ thayũ syĩmũnenga ndaĩa na nguma na mũvea ũla wĩkalaa kĩvĩlanĩ kya ũsumbĩ, ũla wĩ thayũ kũvika tene na tene,</verse>
				<verse number="10">ala atũmĩa mĩongo ĩlĩ na ana makavalũka mbee wa ũla wĩkalĩte kĩvĩlanĩ kya ũsumbĩ, na makamũthaitha ũla wĩ thayũ kũvika tene na tene, na makekya ngovia syoo sya ũsumbĩ mbee wa kĩvĩla kya ũsumbĩ, makyasya,</verse>
				<verse number="11">Nĩwaĩle we, Mwĩaĩi waitũ na Ngai waitũ, kwosa ndaĩa na nguma na vinya: nĩkwĩthĩwa nĩwoombie syĩndũ syonthe, na kwondũ wa kwenda kwaku syaĩ kw’o, na ĩngĩ syoombwa.</verse>
			</chapter>
			<chapter number="5">
				<verse number="1">Na nĩnoonie kw’okonĩ kwa aũme kwa ũla wekalĩte kĩvĩlanĩ kya ũsumbĩ ĩvuku yĩandĩkĩtwe nthĩnĩ na ngalĩ ya ĩũlũ, yĩsiĩlĩtwe vyũ na masiĩlo mũonza.</verse>
				<verse number="2">Na noona mũlaĩka wĩ na vinya aitavan’ya na wasya mũnene, Nũũ ũla waĩle kũvuũa ĩvuku, na kũmbũa mosiĩlo mayo?</verse>
				<verse number="3">Na vaiaĩ mũndũ ũmwe o na wĩva ĩtunĩ, kana nthĩ, kana ungu wa nthĩ, waĩ atonya kũvũua ĩvuku yĩu, kana kũyĩsisya.</verse>
				<verse number="4">Nakwa naĩa mũno, nĩkwĩthĩwa kũaiaaoneka ũmwe waĩlĩte kũvuũa ĩvuku yĩu, kana kũyĩsisya:</verse>
				<verse number="5">na ũmwe wa atumĩa ambĩa, Ndũkaĩe; sisya, Mũnyambũ ũla wa mbaĩ ya Yuta, Kĩtina kya Ndaviti, nũkĩlĩtye atonye kũvuũa yĩla ĩvuku na kumbũa mosiĩlo mũonza mayo.</verse>
				<verse number="6">Na noona katĩ wa kĩvĩla kyu kya ũsumbĩ na ila syũmbe inya syĩ thayũ, na katĩ wa ala atumĩa, Katena ka ĩlondu kaũngeme, kailyĩ ta koaĩtwe, ke na mbya mũonza, na metho mũonza, nao nĩ ala Maveva mũonza ma Ngai, ala matũmĩtwe mathi nthĩ yonthe.</verse>
				<verse number="7">Nake ooka, na oosa yĩla ĩvuku kw’okonĩ kwa aũme kwa ũla wekalĩte kĩvĩlanĩ kya ũsumbĩ.</verse>
				<verse number="8">Na oosa yĩla ĩvuku, ila syũmbe inya syĩ thayũ na ala atumĩa mĩongo ĩlĩ na ana mavalũka mbee wa kala Katena, na kĩla ũmwe woo aĩ na mbeve, na mbakũli sya thaavu syusũĩte ũvani, naw’o nĩ mboya sya ala atheu.</verse>
				<verse number="9">Nao meina wathi weũ, makyasya, Nĩwaĩle we kwosa yĩla ĩvuku, na kũmbũa mosiĩlo mayo: nĩkwĩthĩwa nĩwooaiwe, na kũmũthooea Ngai na nthakame yaku andũ ma kĩla mbaĩ, na kĩthyomo, na ũko, na mĩthemba,</verse>
				<verse number="10">na wamatwie ũsumbĩ na athembi kwa Ngai waitũ; nao nĩmasumbĩkĩte nthĩ.</verse>
				<verse number="11">Nakwa noona, na neew’a wasya wa alaĩka aingĩ ndee syonthe sya kĩvĩla kyu kya ũsumbĩ na sya ila syũmbe syĩ thayũ na sya ala atumĩa; na ũtalo wamo waĩ ngili ĩkũmi kũndũ ngili ĩkũmi, na ngili kũndũ ngili;</verse>
				<verse number="12">makyasya na wasya mũnene, Katena kala kooaiwe nĩwaĩle kwosa vinya, na ũthwii, na ũĩ, na ũtonyi, na nguma, na ndaĩa, na ũathimo.</verse>
				<verse number="13">Na kĩla kyoombiwe kyonthe kĩla kĩ ĩtunĩ, na kĩla kĩ nthĩ, na kĩla kĩ ungu wa nthĩ, na kĩla kĩ ũkanganĩ ĩũlũ, na syĩndũ syonthe ila syĩ nthĩnĩ wasyo, neewie ikyasya, Ũathimo, na nguma, na ndaĩa, na ũtonyi, nĩ sya ũla wĩkalĩte kĩvĩlanĩ kya ũsumbi, na wa Katena, kũvika tene na tene.</verse>
				<verse number="14">Na ila syũmbe inya syĩ thayũ syasya, Ameni. Na ala atumĩa mavalũka nthĩ, mathaitha.</verse>
			</chapter>
			<chapter number="6">
				<verse number="1">Na noona Katena akyũmbũa ũmwe wa ala mosiĩlo mũonza, na neew’a kĩmwe kya ila syũmbe inya syĩ thayũ kĩkyasya na wasya ta wa kĩtundumo, Ũka.</verse>
				<verse number="2">Na noona, na sisya, mbalasi nzaũ, na ũla ũmĩtũlĩte aĩ na ũta; na anengwa ngovia ya ũsumbĩ: na aumaala aikĩlan’ya, na nĩ kana akĩlan’ye.</verse>
				<verse number="3">Na oombũa ũsiĩlo wa kelĩ, neew’a kyũmbe kya kelĩ kĩla kĩ thayũ kĩkyasya, Ũka.</verse>
				<verse number="4">Na mbalasi ĩngĩ ndune yaumaala: na ũla ũmĩtũlĩte anengwa kũveta mũuo kũũ nthĩ, nĩ kana moaane ene kwa ene: na anengwa ũvyũ mũnene.</verse>
				<verse number="5">Na oombũa ũsiĩlo wa katatũ, neew’a kyũmbe kya katatũ kĩla kĩ thayũ kĩkyasya Ũka. Na noona, na sisya, mbalasi nziũ; na ũla ũmĩtũlĩte aĩ na kĩthimi kw’okonĩ kwake.</verse>
				<verse number="6">Na neew’a ta wasya katĩ wa ila syũmbe inya syĩ thayũ ũkyasya, Kĩvava kya nganũ nĩ silingi, na ivava itatũ sya mbaale nĩ silingi na mauta na mbinyu ndũkaithũkye.</verse>
				<verse number="7">Na oombũa ũsiĩlo wa kana, neew’a wasya wa kyũmbe kya kana kĩ thayũ kĩkyasya, Ũka.</verse>
				<verse number="8">Na noona, na sisya, mbalasi yĩ mũkũyũ: na ũla ũmĩtũlĩte, syĩtwa yake nĩ kĩkw’ũ; na vala maveva ma akw’ũ mekalaa vaatĩanĩa nake. Nao manengwa ũkũmũ ĩũlũ wa kĩlungu kya kana kya nthĩ, moae na ũvyũ, na yũa, na kĩkw’ũ, na nyamũ mbai sya nthĩ.</verse>
				<verse number="9">Na oombũa ũsiĩlo wa katano, noona ungu wa kĩthembeo mathayũ ma ala mooaiwe kwondũ wa ndeto ya Ngai, na kwondũ wa ũkũsĩ ũla maĩ naw’o:</verse>
				<verse number="10">nao manĩĩsya, makyasya, Nĩ kũvika ĩndĩĩ, ame Mwĩaĩĩ, ũla mũtheu na wa w’o, ũteũsila na kũĩvanĩsya nthakame yaitũ kwa ala matwĩe nthĩ?</verse>
				<verse number="11">Nao manengwa kĩla ũmwe ngũa nzaũ ndasa; na matavw’a mathũmũange kavinda kanini, kũvika yĩla atethya ma wĩa vamwe nao na ana‐a‐asa moo, ala meũawa o ũndũ mo mooaiwe, methĩwe meanĩtye ũtalo woo.</verse>
				<verse number="12">Na noona akyũmbũa ũsiĩlo wa thanthatũ, na kwaĩ kĩtetemo kĩnene kya nthĩ; na syũa yatw’ĩka yiũ ta ĩkunia ya w’ĩa, na mwei w’onthe watw’ĩka ta nthakame;</verse>
				<verse number="13">na ndata sya ĩtunĩ syavalũka nthĩ, o tondũ kĩkũyũ kĩtĩkasya makũyũ makyo mate maviku yĩla kĩũthingithangw’a nĩ kĩseve kĩnene.</verse>
				<verse number="14">Na ĩtu yavetwa ta ũa wa ũsomwa ũilingwa; na iĩma syonthe na ithama syonthe syaumw’a vandũ vasyo.</verse>
				<verse number="15">Na asumbĩ ma nthĩ, na anene me mbee ũsumbĩnĩ, na anene ma asikalĩ ngili, na athwii, na ala me vinya, na ngombo syonthe na ala mate ngombo, meevitha ngunganĩ na mbainĩ sya iĩma;</verse>
				<verse number="16">na maitavya iĩma na mbai, makyasya, Tũvalũkĩlei, na mũitũvitha ũthyũ wa ũla wĩkalĩte kĩvĩlanĩ kya ũsumbĩ, na ũthatu wa kala Katena:</verse>
				<verse number="17">nũndũ mũthenya mũnene wa ũthatu woo nĩ mũku; na nũũ ũla ũtonya kũũngama?</verse>
			</chapter>
			<chapter number="7">
				<verse number="1">Ĩtina wa ũu nĩnoonie alaĩka ana maũngeme ikotonĩ inya sya nthĩ, makĩkwata iseve inya sya nthĩ, nĩ kana kĩseve kĩikauutane nthĩ, kana ũkanganĩ, kana mũtĩnĩ o na wĩva.</verse>
				<verse number="2">Na noona mũlaĩka ũngĩ akyambata kuma wumĩlonĩ wa syũa, e na ũsiĩlo wa Ngai ũla wĩ thayũ: na anĩĩsya alaĩka asu ana ala manengetwe kũmĩthũkya nthĩ na ũkanga,</verse>
				<verse number="3">akyasya, Mũikathũkye nthĩ, kana ũkanga, kana mĩtĩ, kũvika twamba ũsyĩkĩa ngombo sya Ngai waitũ, ũsiĩlo itulyanĩ syasyo.</verse>
				<verse number="4">Na neew’a ũtalo wa ala meekĩĩtwe ũsiĩlo, ngĩlĩ ĩana na mĩongo ĩna na inya, ala meekĩĩtwe ũsiĩlo kuma mbaĩnĩ syonthe sya ana ma Isilaeli:</verse>
				<verse number="5">Ma mbaĩ ya Yuta ngili ĩkũmi na ilĩ ala meekĩĩtwe ũsiĩlo; Ma mbaĩ ya Leuveni ngili ĩkũmĩ na ilĩ; Ma mbaĩ ya Ngati ngili ĩkũmi na ilĩ;</verse>
				<verse number="6">Ma mbaĩ ya Aseli ngili ĩkũmi na ilĩ; Ma mbaĩ ya Navitali ngili ĩkũmĩ na ilĩ; Ma mbaĩ ya Manase ngili ĩkũmi na ilĩ;</verse>
				<verse number="7">Ma mbaĩ ya Simeoni ngili ĩkũmi na ilĩ; Ma mbaĩ ya Livai ngili ĩkũmi na ilĩ; Ma mbaĩ ya Isakali ngili ĩkũmi na ilĩ;</verse>
				<verse number="8">Ma mbaĩ ya Nzevuluni ngili ĩkũmi na ilĩ; Ma mbaĩ ya Yosevu ngili ĩkũmi na ilĩ; Ma mbaĩ ya Mbenyamini ngili ĩkũmi na ilĩ ala meekĩĩtwe ũsiĩlo.</verse>
				<verse number="9">Ĩtĩna wa maũndũ asu noona, na sisya, ĩkomano ĩnene ya andũ, yĩla mũndũ o na wĩva ũtatonya ũyĩtalĩkya, kuma andũnĩ ma kĩla mũthemba na mbaĩ na ngo na ithyomo, maũngeme mbee wa kĩla kĩvĩla kya ũsumbĩ na mbee wa kala Katena, mekie ngũa nzaũ ndasa, na makuĩte makindũ na moko;</verse>
				<verse number="10">na manĩĩsya, makyasya, Ũtangĩĩo nĩ wa, Ngai waitũ ũla wĩkalĩle kĩvĩla kya ũsumbĩ, na wa kala Katena.</verse>
				<verse number="11">Na alaĩka onthe meethĩwa maũngeme ndee syonthe sya kĩvĩla kyu kya ũsumbĩ, na ndee sya ala atumĩa na sya ila syũmbe inya syĩ thayũ; na mavalũka mbee wa kĩvĩla kya ũsumbĩ na mothyũ, na mamũthaitha Ngai,</verse>
				<verse number="12">makyasya, Amenĩ: Ũathimo, na ndaĩa, na ũĩ, na mũvea, na nguma, na vinya, na ũtonyĩ, nĩ ma Ngai waitũ, kũvika tene na tene. Ameni.</verse>
				<verse number="13">Na ũmwe wa atumĩa asũngĩa, aimbĩa, Aa mekĩe ngũa nzaũ ndasa naaũ, na maumie va?</verse>
				<verse number="14">Nakwa namwĩa, Vwana wakwa, we nĩwĩsĩ. Na ambĩa, Aa nĩo ala maumĩte thĩnanĩ ũla mũnene, na nĩmathambisye ngũa syoo, na maitw’ĩkĩthya nzaũ nthakamenĩ ya kala Katena.</verse>
				<verse number="15">Kwondũ wa ũu me mbee wa kĩvĩla kya ũsumbĩ kya Ngai; na nĩmamũthũkũmaa mũthenya na ũtukũ ĩkalũnĩ yake: na ũla wĩkalĩle kĩvĩla kya ũsumbĩ akatambũũkya ĩeema yake ĩũlũ woo.</verse>
				<verse number="16">Maikew’a nzaa ĩngĩ, o na maikew’a waũni ĩngĩ; o na syũa yĩikamavikĩa, kana ũvyũvu o na wĩva:</verse>
				<verse number="17">nũndũ Katena ũla wĩ katĩ wa kĩvĩla kya ũsumbĩ akeethĩwa mũĩthi woo, na akamatongoesya na kũmavikya kũla kwĩ nthongo sya manzĩ ma thayũ: na Ngai akavyaĩa methoi onthe methonĩ moo.</verse>
			</chapter>
			<chapter number="8">
				<verse number="1">Na akyũmbũa ũsiĩlo wa mũonza, kwakilya ki ĩtunĩ ĩvinda ya nyunzu ya saa.</verse>
				<verse number="2">Na noona alaĩka mũonza ala maũngamaa mbee wa Ngai; nao manengwa masoo mũonza.</verse>
				<verse number="3">Na mũlaĩka ũngĩ aumĩla, na aũngama mbee wa kĩthembeo, akuĩte kĩtoeesya kya thaavu; na anengwa ũvani mwingĩ, nĩ kana awongele mboyanĩ sya atheu onthe ĩũlũ wa kĩthembeo kya thaavu kĩla kyaĩ mbee wa kĩvĩla kya ũsumbĩ.</verse>
				<verse number="4">Na syũki ya ũla ũvani, vamwe na mboya sya atheu, syambata kwa Ngai kuma kw’okonĩ kwa mũlaĩka ũsu.</verse>
				<verse number="5">Na mũlaĩka oosa kĩtoeesya; na akyusũsya mwaki wa kĩthembeo, na akĩkya nthĩ: na ĩtina kweethĩwa itundumo, na mawasya, na motisi, na kĩtetemo kya nthĩ.</verse>
				<verse number="6">Na alaĩka asu mũonza ala maĩ na masoo mũonza meeyũmban’ya nĩ kana mavuve.</verse>
				<verse number="7">Na ũla wa mbee avuva soo, na kweethĩwa mbua ya mavia na mwaki, ivulene na nthakame, nasyo syekw’a nthĩ: na kĩlungu kya katatũ kya nthĩ kyavya, na kĩlungu kya katatũ kya mĩtĩ kyavya, na nyeki syonthe nziũ syavya.</verse>
				<verse number="8">Na mũlaĩka wa kelĩ avuva soo, na kweethĩwa kĩndũ kĩilyĩ kĩĩma kĩnene kyakene mwaki kyekw’a ũkanganĩ: na kĩlungu kya katatũ kya ũkanga kyatw’ĩka nthakame;</verse>
				<verse number="9">na nyamũ syakw’a, kĩlungu kya katatũ kya ila syaĩ ũkanganĩ, o ila syaĩ thayũ; na kĩlungu kya katatũ kya ngalawa kyaanangĩka.</verse>
				<verse number="10">Na mũlaĩka wa katatũ avuva soo, na ndata nene yavalũka kuma ĩtunĩ, yakene ta ũmũĩ, nayo yavalũkĩla kĩlungu kya katatũ kya mbũsĩ, na nthongo sya manzĩ;</verse>
				<verse number="11">na syĩtwa ya ndata ĩsu nĩ Avisintho: na kĩlungu kya katatũ kya manzĩ kyeekĩwa ũũ; na andũ aingĩ makw’a nĩ manzĩ asu, nĩkwĩthĩwa maĩ na ũũ mũno.</verse>
				<verse number="12">Na mũlaĩka wa kana avuva soo, na kĩlungu kya katatũ kya syũa kyakũnwa, na kĩlungu kya katatũ kya mwei, na kĩlungu kya katatũ kya ndata; nĩ kana kĩlungu kya katatũ kyasyo kĩkĩwe kĩvindu, na nĩ kana kũikethĩwe kyeni kĩlungu kya katatũ kya mũthenya, na ũtukũ no ta ũu.</verse>
				<verse number="13">Na noona, na neew’a ndiũ ĩmwe, ĩkĩũlũka ĩtunĩ katĩ, ĩkyasya na wasya mũnene, Woo, woo, woo, kwa ala matwĩe nthĩ, nũndũ wa mawasya ala matiele ma masoo ma alaĩka atatũ, ala mevuva masoo ĩtina.</verse>
			</chapter>
			<chapter number="9">
				<verse number="1">Na mũlaĩka wa katano avuva soo, na noona ndata yumĩte ĩtunĩ ĩvalũkĩte nthĩ: nake anengwa ũvungũo wa yĩla ĩima yĩte kĩtulu.</verse>
				<verse number="2">Na ayĩvingũa yĩla ĩima yĩte kĩtulu; na syũki yambata kuma ĩimanĩ, ta syũki ya iko ĩnene mũno; na syũa na yayaya syeekĩwa kĩvindu nũndũ wa syũki yĩu ya yĩla ĩima.</verse>
				<verse number="3">Na ngie syauma syũkinĩ yĩu syathi ĩũlũ wa nthĩ; nasyo syanengwa ũkũmũ, o ta ing’auũ sya nthĩ syĩ ũkũmũ.</verse>
				<verse number="4">Na syatavw’a itikathũkye nyeki sya nthĩ, kana kĩndũ kiũ o na kĩva, kana mũtĩ o na wĩva, ĩndĩ no andũ asu ala mate na ũsiĩlo wa Ngai itulyanĩ syoo.</verse>
				<verse number="5">Na syatw’ĩĩwa itikamoae, ĩndĩ nĩ kana imathĩn’ye myei ĩtano: na kũthĩn’ya kwasyo kwaĩ ta kũthĩn’ya kwa kĩng’auũ kĩũmĩte mũndũ.</verse>
				<verse number="6">Na mĩthenya ĩsu andũ makamantha kĩkw’ũ, na maikakyona nongi; na makenda kũkw’a, ĩndĩ kĩkw’ũ kĩkamakĩa.</verse>
				<verse number="7">Na mũmbĩlwe wa ngie wailyĩ mbalasi iseũvĩw’e kaũ; na mĩtwenĩ yasyo kwaĩ ta ngovia sya ũsumbĩ iilyĩ thaavu, na mothyũ masyo mailyĩ mothyũ ma andũ.</verse>
				<verse number="8">Na syaĩ na nzw’ĩĩ sya aka, na maeo masyo mailyĩ maeo ma mĩnyambũ.</verse>
				<verse number="9">Na syaĩ na ngao ithũinĩ, ta ngao sya iaa, na kĩuumo kya nthwau syasyo kyaĩ ta kĩuumo kya ngalĩ, na mbalasi mbingĩ isembete kaũnĩ.</verse>
				<verse number="10">Na syĩ na isithe ta ila sya ing’auũ, na moa; na vinya wa ũmew’ĩthya andũ woo myei ĩtano wĩ isithenĩ syasyo.</verse>
				<verse number="11">Na syĩ na mũsumbĩ ĩũlũ wasyo, ũla mũlaĩka wa yĩla ĩima yĩte kĩtulu: syĩtwa yake Kĩevelania nĩ Avatoni, na Kĩkiliki nĩ Avolioni.</verse>
				<verse number="12">Woo wa mbee nĩwavĩta: sisya, nĩmokĩte Mawoo angĩ elĩ ĩtina.</verse>
				<verse number="13">Na mũlaĩka wa thanthatũ avuva soo, na neew’a wasya ũmwe wumĩte mbyanĩ sya kĩthembeo kya thaavu kĩla kĩ mbee wa Ngai,</verse>
				<verse number="14">ũmwe aimwĩa mũlaĩka ũsu wa thanthatũ ũla waĩ na soo, akyasya, Thasya ala alaĩka ana ala movetwe ũsĩnĩ ũnene ũla wĩtawa Euvalati.</verse>
				<verse number="15">Na alaĩka asu ana mathaw’a ala maseũvĩtw’e kwondũ wa saa na mũthenya na mwei na mwaka, nĩ kana moae kĩlungu kya katatũ kya andũ.</verse>
				<verse number="16">Na ũtalo wa ita sya ala matũlĩte mbalasi wai ngili mĩongo ĩlĩ kũndũ ngili ĩkũmi: nĩneewie ũtalo woo.</verse>
				<verse number="17">Na ta ũu noona mbalasi woninĩ, na ala maitũlĩte, me na ngao ithũinĩ iilyĩ ta sya mwaki na sya samawi na sya mũvĩlĩtĩ: na mĩtwe ya mbalasi ĩilyĩ ta mĩtwe ya mĩnyambũ; na makanyw’a masyo maumawa nĩ mwaki na syũki na mũvĩlĩtĩ.</verse>
				<verse number="18">Kĩlungu kya katatũ kya andũ kyooaiwe na mothĩn’yo asu atatũ, mwaki na syũki na mũvĩlĩtĩ, ila syaumie makanyw’anĩ masyo.</verse>
				<verse number="19">Nũndũ vinya wa mbalasi wĩ makanyw’anĩ masyo, na isithenĩ syasyo; nũndũ isithe iilyĩ nzoka, na syĩ na mĩtwe; na nĩsyĩw’ĩthasya woo nasyo.</verse>
				<verse number="20">Na ala matialĩte ma andũ, ala mataaũawa nĩ mothĩn’yo asu, matyaalyũla ngoo ũndũ wa mawĩa ma moko moo, maikathaithe ndaimoni, na mivw’anano ya thaavu, na ya vetha, na ya ũthuku, na ya ĩvia, na ya mũtĩ; ĩla ĩtatonya kwona, o na kwĩw’a, o na kũkinya:</verse>
				<verse number="21">o na matyaaĩalyũla ũndũ wa maũaani moo, kana ũndũ wa maũoi moo, kana ũndũ wa ũlaalai woo, kana ũndũ wa mong’ei moo.</verse>
			</chapter>
			<chapter number="10">
				<verse number="1">Na noona mũlaĩka ũngĩ wĩ na vinya aitheea kuma ĩtunĩ, evw’ĩkĩte ĩthweo; na ũtaathi waĩ mũtwenĩ wake, na ũthyũ wake wailyĩ syũa, na nyaĩĩ syake syailyĩ ituĩ sya mwaki;</verse>
				<verse number="2">na kw’okonĩ kwake aĩ na kavuku kanini kavuan’ye: nake akinya na kũũ kwake kwa aũme ũkanganĩ, na kũla kwa aka akinya nthĩ;</verse>
				<verse number="3">na akũthũka, o ũndũ mũnyambũ ũlumaa: na akũthũka, itundumo mũonza syaumya mawasya masyo.</verse>
				<verse number="4">Na itundumo mũonza syaumya mawasya masyo, nakilĩlye kũandĩka: na neew’a wasya ũkyuma ĩtunĩ ũkyasya, Siĩla maũndũ asu maneenwa nĩ itundumo mũonza, na ndũkamaandĩke.</verse>
				<verse number="5">Na mũlaĩka ũla noonie aũngeme ũkanganĩ na nthĩ ookĩlya kw’oko kwake kwa aũme elekelye ĩtunĩ,</verse>
				<verse number="6">na eevĩta na ũla wĩ thayũ kũvika tene na tene, ũla wombie ĩtu na syĩndũ ila syĩ vo, na nthĩ na syĩndũ ila syĩ vo, na ũkanga na syĩndũ ila syĩ vo, kana kũikethĩwa kweteela ĩngĩ:</verse>
				<verse number="7">ĩndĩ mĩthenya ya wasya wa mũlaĩka ũsu wa mũonza, o yĩla wĩvuva soo, nĩvo nzama ya Ngai ĩkeanĩw’a, kwĩanana na ũvoo mũseo ũla watavisye ngombo syake athani.</verse>
				<verse number="8">Na wasya ũla neewie kuma ĩtunĩ, neew’a ũineena nakwa ĩngĩ, ũkyasya, Enda, wose ĩvuku yĩla ĩvuan’ye kw’okonĩ kwa mũlaĩka ũla ũũngeme ũkanganĩ na nthĩ.</verse>
				<verse number="9">Nakwa naendie kwa mũlaĩka, namwĩa nanenge kala kavuku. Na ambĩa, Kose, ũkaye; na kakeekĩa ĩvu yaku ũũ, ĩndĩ kanyw’anĩ waku kakeethĩwa ke mũyo ta ũkĩ wa nzũkĩ.</verse>
				<verse number="10">Na noosa kala kavuku kanini kw’okonĩ kwa mũlaĩka ũsu, nakaya; na kanyw’anĩ wakwa kaĩ mũyo ta ũkĩ wa nzũkĩ: na nakaya, ĩvu yakwa yeekĩwa ũũ.</verse>
				<verse number="11">Nao mambĩa, Mũvaka wathane ĩngĩ ũndũ wa ngo nyingĩ sya andũ na mbaĩ na ithyomo na asumbĩ.</verse>
			</chapter>
			<chapter number="11">
				<verse number="1">Na nanengiwe mũangi ũilyĩ ndata: na ũmwe ambĩa, Ũkĩla, ũthime ĩkalũ ya Ngai, na kĩthembeo, na ala mathaithaa vo.</verse>
				<verse number="2">Na nza ĩla yĩ ũtee wa ĩkalũ mĩtie ũtee, ndũkamĩthime; nĩkwĩthĩwa ĩnengetwe Andũ‐ma‐mbaĩ‐ingĩ; na makakinyanga ndũa ĩla ntheu myei mĩongo ĩna na ĩlĩ.</verse>
				<verse number="3">Nakwa nganenga ngũsĩ syakwa ilĩ kwathana, na makathana mĩthenya ngili na maana elĩ na mĩongo thanthatũ, mevw’ĩkĩte ngũa sya makunia.</verse>
				<verse number="4">Asu nĩo mĩthata ĩlĩ na nĩo ila syĩndũ ilĩ syĩkĩawa mataa ila iũngeme mbee wa Mwĩaĩi wa nthĩ.</verse>
				<verse number="5">Na ethĩwa mũndũ o na wĩva nũnũkwenda kũmeka naĩ, mwaki nĩwumaa makanyw’anĩ moo, na ũimina amaitha moo; na ethĩwa mũndũ o na wĩva nũnũkwenda kũmeka naĩ, mũvaka oawe ũu.</verse>
				<verse number="6">Asu me na ũkũmũ wa kũvinga ĩtu, mbua ndĩkaue mĩthenyanĩ ya wathani woo: na me na ũkũmũ ĩũlũ wa iw’ũ kwialyũla syĩthĩwe nthakame, na kũmĩkũna nthĩ na kĩla ũthĩn’yo, o ũndũ mekwanda.</verse>
				<verse number="7">Na yĩla makethĩwa maminĩte ũkũsĩ woo, ĩla nyamũ yumaa ĩimanĩ yĩte kĩtulu ĩkakwatya kaũ nao, nayo ĩkamakĩlya vinya, na kũmoaa.</verse>
				<verse number="8">Na simba syoo ikeethĩwa nzĩanĩ ya ndũa ĩsu nene, ĩla yĩtawa Sotomo na Misili mĩneenelenĩ ya veva, navo nĩ vala Mwĩaĩi woo wambiwe.</verse>
				<verse number="9">Na ala maumaa katĩ wa ngo sya andũ na mbaĩ na ithyomo na mĩthemba ya andũ makasisya simba syoo mĩthenya ĩtatũ na nyunzu, na maiketĩkĩla simba syoo syĩnzĩwe nthĩ.</verse>
				<verse number="10">Na ala matwĩe nthĩ makatana nũndũ woo, na kwĩw’a mũyo; na makatwaanĩa mĩthĩnzĩo ene kwa ene; nĩkwĩthĩwa athani asu elĩ nĩmanathĩnĩtye ala matwĩe nthĩ.</verse>
				<verse number="11">Na ĩtina wa mĩthenya ĩsu ĩtatũ na nyunzu veva wa thayũ kuma kwa Ngai wamalika nthĩnĩ, na maũngama na maũũ moo; na w’ĩa mũnene wamakwata ala mamasyaasya.</verse>
				<verse number="12">Nao meew’a wasya mũnene kuma ĩtunĩ ũkĩmea, Ambatai kũũ. Na mambata me ĩthweonĩ malika ĩtunĩ; na amaitha moo mamasyaĩĩsya.</verse>
				<verse number="13">Na ĩvinda yĩu kwaĩ kĩtetemo kĩnene kya nthĩ, na kĩlungu kya ĩkũmi kya ĩla ndũa kyavalũka; na andũ ngili mũonza mooaiwe nĩ kĩtetemo kyu kya nthĩ: na ala matialile malikwa nĩ w’ĩa, na mamũtaĩa Ngai wa ĩtunĩ.</verse>
				<verse number="14">Woo wa kelĩ nĩwavĩta: sisya, Woo wa katatũ nĩwũkĩte mĩtũkĩ.</verse>
				<verse number="15">Na mũlaĩka wa mũonza avuva soo; na kweethĩwa mawasya manene ĩtunĩ, nao masya, Ũsumbĩ wa nthĩ nũtw’ĩkĩte ũsumbĩ wa Mwĩaĩi waitũ, na wa Klisto wake: nake akasumbĩka kũvika tene na tene.</verse>
				<verse number="16">Na ala atumĩa mĩongo ĩlĩ na ana, ala mekalaa mbee wa Ngai ivĩlanĩ syoo sya ũsumbĩ, mavalũka na mothyũ moo na mamũthaitha Ngai,</verse>
				<verse number="17">makyasya, Nĩtũũkũtũngĩa mũvea, we Mwĩaĩi Ngai, Mwene Vinya W’onthe, ũla wĩ vo, na ũla waĩ vo, nĩkwĩthĩwa nĩwosete vinya waku mũnene, na kũsumbĩka.</verse>
				<verse number="18">Na mbaĩ syaĩ nthilĩku, na ũthilĩku waku wooka, na ĩvinda ya ũsilĩla akw’ũ, na ĩvinda ya kũnenga ĩtuvi ngombo syaku athani, na ala atheu, na ala makĩaa syĩtwa yaku, anini na anene; na kũmananga ala manangaa nthĩ.</verse>
				<verse number="19">Na ĩkalũ ya Ngai yĩla yĩ ĩtunĩ yavingũwa; na kwooneka ĩkalũnĩ yake ĩsandũkũ ya ũtianĩo wake; na kweethĩwa motisi, na mawasya, na itundumo, na kĩtetemo kya nthĩ, na mbua nene ya mavia.</verse>
			</chapter>
			<chapter number="12">
				<verse number="1">Na kwooneka kyama kĩnene ĩtunĩ; mũndũ mũka evw’ĩkĩte syũa, na mwei waĩ ungu wa nyaĩĩ syake, na mũtwenĩ wake kwaĩ ngovia ya ũsumbĩ yĩ ndata ĩkũmi na ilĩ;</verse>
				<verse number="2">nake aĩ ĩvu: na akaya, akyaũnya nĩ woo wa ũsyaa.</verse>
				<verse number="3">Na kwooneka kyama kĩngĩ ĩtunĩ; na sisya, mũkũnga mũnene mũtune wĩ na mĩtwe mũonza na mbya ĩkũmi, na mĩtweni yaw’o ngovia sya ũsumbĩ mũonza.</verse>
				<verse number="4">Na kĩsithe kyaw’o kyakusya kĩlungu kya katatũ kya ndata sya ĩtunĩ, na kyasyĩkya nthĩ: na mũkũnga ũsu mũnene waũngama mbee wa mũndũ mũka ũsu wakilĩlye ũsyaa, nĩ kana asyaa, ũtonye kũmelya kana kake.</verse>
				<verse number="5">Nake asyaa mwana, mũndũ mũũme, ũla ũkasumbĩka mbaĩ syonthe na ndata ya kĩaa: na kana kake kavulw’a kũvika kwa Ngai, na kĩvĩlanĩ kyake kya ũsumbĩ.</verse>
				<verse number="6">Na mũndũ mũka akĩa na athi weũnĩ, vandũ vala waseũvĩw’e nĩ Ngai, nĩ kana mamũĩthĩsye vo mĩthenya ngili na maana elĩ na mĩongo thanthatũ.</verse>
				<verse number="7">Na kwaĩ kaũ ĩtunĩ: Mikaeli na alaĩka make maithi kũkita na ũla mũkũnga mũnene; na mũkũnga ũsu na alaĩka maw’o mokita;</verse>
				<verse number="8">nao maiaakĩlya vinya, o na vaiaaoneka vandũ voo ĩtunĩ ĩngĩ.</verse>
				<verse number="9">Na mũkũnga ũsu mũnene wekw’a nthĩ, naw’o nĩ nzoka ĩla ngũũ, yĩtawa Ndevili, na ĩngĩ Satani, mũkengani wa nthĩ yonthe; ekw’a nthĩ, na alaĩka make mekw’a nthĩ vamwe nake.</verse>
				<verse number="10">Na neew’a wasya mũnene ĩtunĩ, ũkyasya, Yu ve ũtangĩĩo, na vinya, na ũsumbĩ wa Ngai waitũ, na ũkũmũ wa Klĩsto wake: nũndũ mũvinganĩsya wa ana‐a‐asa maitũ nĩwekw’a nthĩ, ũla ũmavinganĩasya mbee wa Ngai waitũ mũthenya na ũtukũ.</verse>
				<verse number="11">Nao mamũkĩlya vinya nũndũ wa nthakame ya kala Katena ka ĩlondu na nũndũ wa ndeto ya ũkũsĩ woo; na matyaamenda mathayũ moo o na kũvika kĩkw’ũ.</verse>
				<verse number="12">Kwondũ wa ũu tanai, inyw’ĩ matu, na inyw’ĩ ala mũtwĩe nthĩnĩ wamo. Woo nĩ wanthĩ na wa ũkanga: nũndũ ndevili nĩwamũtheeea inyw’ĩ, e na ũthilĩku mũnene, akĩmanya kana e na kavinda o kanini.</verse>
				<verse number="13">Na ũla mũkũnga mũnene woona kana nĩwekw’a nthĩ, wathĩnisye mũndũ mũka ũla wasyaie ũla mwana mũũme.</verse>
				<verse number="14">Na mũndũ mũka anengwa nthwau ilĩ sya ndiũ ĩla nene, nĩ kana aũlũke avike kwake weũnĩ, vala ũĩthĩaw’a ĩvinda, na mavinda, na nyunzu, ya ĩvinda, aume mbee wa nzoka ĩsu.</verse>
				<verse number="15">Na ĩla nzoka nene yaumya kĩw’ũ ta ũsĩ kanyw’anĩ wayo yaatĩĩsya mũndũ mũka, nĩ kana atwawe nĩ ũsĩ.</verse>
				<verse number="16">Na nthĩ yamũtetheesya mũndũ mũka, na nthĩ yaathamya kanyw’a wayo, na yamelya ũsĩ ũla mũkũnga mũnene waumya kanyw’anĩ waw’o.</verse>
				<verse number="17">Na ũla mũkũnga mũnene wamũthatĩa mũndũ mũka mũno, na wathi wũkite na ũtialo wa ũsyao wake, ũla ũkwataa mĩao ya Ngai, na kũlũmya ũkũsĩ wa Yesũ: naw’o waũngama kĩthangathĩnĩ kya ũkanga.</verse>
			</chapter>
			<chapter number="13">
				<verse number="1">Na noona nyamũ ĩkyuma ũkanganĩ, ĩ na mbya ĩkũmi na mĩtwe mũonza na mbyanĩ syayo kwaĩ ngovia sya ũsumbĩ ĩkũmi, na mĩtwenĩ yayo masyĩtwa ma kuũmana.</verse>
				<verse number="2">Na nyamũ ĩla noonie yailyĩ ngo, na maũũ mayo maĩ ta ma nduva, na kanyw’a wayo waĩ ta kanyw’a wa mũnyambũ: na ũla mũkũnga mũnene wamĩnenga vinya waw’o, na kĩvĩla kya ũsumbĩ kyaw’o, na ũkũmũ mũnene.</verse>
				<verse number="3">Na noona mũtwe ũmwe wayo ta ũkũnĩtwe kũvika kĩkw’ũ; na ĩkũnwa yayo ya kĩkw’ũ yavow’a: na nthĩ yonthe yaseng’a ĩatĩĩe ĩla nyamũ;</verse>
				<verse number="4">na mathaitha ũla mũkũnga mũnene, nũndũ nũmĩnengete ĩla nyamũ ũkũmũ waw’o; na mamĩthaitha ĩla nyamũ, makyasya, Nũũ ũla ũvw’anene na nyamũ ĩno? Na nũũ ũla ũtonya kũkita nayo?</verse>
				<verse number="5">Nayo yanengwa kanyw’a wa ũneena maũndũ manene na kũumana; na yanengwa ũkũmũ wa kwĩka maũndũ mayo myei mĩongo ĩna na ĩlĩ.</verse>
				<verse number="6">Na yaathamya kanyw’a wayo ĩmũume Ngai, kũyĩuma syĩtwa yake, na ĩeema yake, o na ala matwĩe ĩtunĩ.</verse>
				<verse number="7">Nayo yanengwa kũkita na ala atheu, na kũmakĩlya vinya: nayo yanengwa ũkũmũ ĩũlũ wa kĩla mũthemba wa andũ na ũko wa andũ na kĩthyomo na mbaĩ.</verse>
				<verse number="8">Na onthe ala matwĩe nthĩ makamĩthaitha, kĩla mũndũ ũla syĩtwa yake yĩtaandĩkwa ĩvukunĩ ya thayũ ya Katena ka ĩlondu kooaiwe kuma mwambĩlĩlyo wa nthĩ.</verse>
				<verse number="9">Ethĩwa mũndũ e na kũtũ, nĩew’e.</verse>
				<verse number="10">Ethĩwa mũndũ o na wĩva akatava, akatavwa: ethĩwa mũndũ o na wĩva akooaana na ũvyũ, mũvaka we oawe na ũvyũ. Vaa nĩvo ve wũmĩĩsyo na mũĩkĩĩo wa ala atheu.</verse>
				<verse number="11">Na noona nyamũ ĩngĩ ĩkyuma nthĩnĩ wa nthĩ; nayo yaĩ na mbya ilĩ iilyĩ sya katena ka ĩlondu, na yaneena ta mũkũnga.</verse>
				<verse number="12">Nayo yĩkaa na ũkũmũ w’onthe wa ĩla nyamũ ya mbee ĩsyaĩtye. Na ĩtumaa nthĩ na ala matwĩe ĩũlũ wayo mathaitha nyamũ ĩla ya mbee, ĩla yavoiw’e ĩkũnwa yayo ya kĩkw’ũ.</verse>
				<verse number="13">Nayo yeeka syama nene, o na kũtuma mwaki wuma ĩtunĩ ũkavika nthĩ, andũ mene.</verse>
				<verse number="14">Na yamakenga ala matwĩe nthĩ nũndũ wa syama ĩnengetwe kwĩka o nyamũ ĩsu yene; ĩkĩmatavya ala matwĩe nthĩ, kana maseũvye mũvw’anano wa ĩla nyamũ, ĩla ĩ na ĩkũnwa ya ũvyũ na yavoa.</verse>
				<verse number="15">Na yanengwa kwĩkĩa mũvw’anano ũsu wa nyamũ mĩthũmũ, nĩ kana mũvw’anano wa nyamũ ũneene, o na ũtume onthe ala matethaitha mũvw’anano ũsu wa nyamũ moawa.</verse>
				<verse number="16">Na yatuma onthe, anini na anene, athwii na ngya, ala mate ngombo na ngombo, mekĩwa ũvano kw’okonĩ kwa aũme kwoo, kana itulyanĩ syoo;</verse>
				<verse number="17">na nĩ kana mũndũ o na wĩva ndakatonye kũthooa kana kũthoosya, ate ũla wĩ na ũvano ũsu, naw’o nĩ syĩtwa ya nyamũ kana namba ya syĩtwa yayo.</verse>
				<verse number="18">Vaa nĩvo ve ũĩ. Ũla wĩ na ũmanyi, natale namba ya nyamũ ĩsu; nũndũ nĩ namba ya mũndũ: na namba yake nĩ Maana thanthatũ na mĩongo thanthatũ na thanthatũ.</verse>
			</chapter>
			<chapter number="14">
				<verse number="1">Na noona, na sisya, kala Katena ka ĩlondu aũngeme kĩĩmanĩ kya Saioni, na vamwe nake andũ ngili ĩana na mĩongo ĩna na inya, me na syĩtwa yake, na syĩtwa ya Ĩthe wake, maandĩkĩtwe itulyanĩ syoo.</verse>
				<verse number="2">Na neew’a wasya ũkyuma ĩtunĩ, ta wasya wa iw’ũ nyingĩ, na wasya wa kĩtundumo kĩnene: na wasya ũla neewie waĩ ta wasya wa aingi ma mbeve makĩinga mbeve syoo:</verse>
				<verse number="3">na maina wathi weũ mbee wa kĩvĩla kya ũsumbĩ, na mbee wa ila syũmbe inya syĩ thayũ na ala atumĩa: na vai mũndũ waatonya kwĩmanyĩsya wathi ũsu, ate o ala ngili ĩana na mĩongo ĩna na inya, ala methooetwe kumw’a nthĩ.</verse>
				<verse number="4">Aa nĩo ala matavukĩt’we nĩ aka; nũndũ nĩ atheu vyũ. Asu nĩo ala mavikĩlaa Katena ka ĩlondu o vala ũendaa. Aa mathooetwe kumw’a andũnĩ, methĩwe ũsyao wa mbee kwa Ngai na kwa kala Katena.</verse>
				<verse number="5">Na makanyw’anĩ moo vaiaaoneka ũvũngũ: mati na ũndũ ũtaĩle.</verse>
				<verse number="6">Na noona mũlaĩka ũngĩ akĩũlũka ĩtunĩ katĩ, e na ũvoo mũseo wa tene na tene wa ũtavan’ya kwa ala matwĩe nthĩ, na kwa kĩla mũthemba na mbaĩ na kĩthyomo na ũko wa andũ;</verse>
				<verse number="7">na aneena na wasya mũnene, Kĩai Ngai, na mũtaĩei; nũndũ saa wa kũsilĩla kwake nĩ mũku: na mũthaithei ũla wombie ĩtu na nthĩ na ũkanga na nthongo sya manzĩ.</verse>
				<verse number="8">Na mũlaĩka ũngĩ, wa kelĩ, aatĩĩa, akyasya, Nĩ mbalũku, nĩ mbalũkũ Mbaviloni ĩla ndũa nene, ĩla yatumie mbaĩ syonthe inyw’a mbinyu ya ũthilĩku wa ũlaalai wayo.</verse>
				<verse number="9">Na mũlaĩka ũngĩ, wa katatũ, aatĩĩa asu, akyasya na wasya mũnene, Ethĩwa mũndũ o na wĩva nũnũũthaitha nyamũ ĩsu na mũvw’anano wayo, na akĩtĩkĩla kwĩkĩwa ũvano kĩtulyanĩ kyake, kana kw’okonĩ kwake,</verse>
				<verse number="10">akanyw’a mbinyu ya ũthilĩku wa Ngai, ĩla ĩseũvĩtw’e ĩtavulenw’e kĩkombenĩ kya ũthatu wake; na akathĩnĩw’a na mwaki na mũvĩlĩtĩ mbee wa alaĩka atheu na mbee wa kala Katena:</verse>
				<verse number="11">na syũki ya thĩna woo yambataa kũvika tene na tene; na maithũmũaa mũthenya na ũtukũ, asu mathaithaa ĩla nyamũ na mũvw’anano wayo, na o ũla wĩtĩkĩlaa kwĩkĩwa ũvano wa syĩtwa yayo.</verse>
				<verse number="12">Vaa nĩvo ve wũmĩĩsyo wa atheu, ala makwataa mĩao ya Ngai, na mũĩkĩĩo wa Yesũ.</verse>
				<verse number="13">Na neew’a wasya ũkyuma ĩtunĩ ũiasya, Andĩka, Nĩ aathime akw’ũ ala makusaa nthĩnĩ wa Mwĩaĩi kuma yu: ĩĩ, easya ũu Veva, kana mathũmũĩe mawĩa moo maito; nũndũ mawĩa moo nĩmaatĩanĩe nao.</verse>
				<verse number="14">Na noona, na sisya, ĩthweo yeũ; na ĩũlũ wa ĩthweo noona ũmwe ailyĩ nthĩ ũtilyĩ mwana wa mũndũ, e na ngovia ya ũsumbĩ ya thaavu mũtwenĩ wake, na kw’okonĩ kwake e na kavyũ koĩ ke ngoto.</verse>
				<verse number="15">Na mũlaĩka ũngĩ auma ĩkalũnĩ, akyanĩĩsya ũla ũilyĩ ĩũlũ wa ĩthweo, akĩmwĩa, Likya kavyũ kaku, ũkethe: nũndũ saa wa ũketha nĩ mũviku; nũndũ ngetha ya nthĩ nĩminĩte kũma.</verse>
				<verse number="16">Na ũla wailyĩ ĩũlũ wa ĩthweo ekya nthĩ kavyũ kake; na nthĩ yakethwa.</verse>
				<verse number="17">Na mũlaĩka ũngĩ auma ĩkalũnĩ yĩla yĩ ĩtunĩ, o nake e na kavyũ koĩ ke ngoto.</verse>
				<verse number="18">Na mũlaĩka ũngĩ auma kĩthembeonĩ, ũla wĩ na vinya ĩũlũ wa mwaki; na anĩĩsya ũla wĩ na kala kavyũ koĩ, akyasya, Likya kavyũ kaku ũtile itũngo sya mũsavivũ wa nthĩ; nĩkwĩthĩwa nzavivũ syaw’o nĩ mbĩu ki.</verse>
				<verse number="19">Na mũlaĩka ekya kavyũ nthĩ, na aketha ũsyao wa mũsavivũ wa nthĩ, na awĩkya kĩangĩonĩ, kĩangĩo kĩla kĩnene kya ũthilĩku wa Ngai.</verse>
				<verse number="20">Na kĩangĩo kyangĩwa ũtee wa ndũa, na nthakame yauma kĩangĩonĩ, o na kũvika mĩkwa ya mĩtwe ya mbalasi, kũvika maĩli maana elĩ.</verse>
			</chapter>
			<chapter number="15">
				<verse number="1">Na noona kyama kĩngĩ ĩtunĩ, kĩnene na kya ũseng’ya, alaĩka mũonza makuĩte mothĩn’yo mũonza, nao nĩ ma mũminũkĩlyo, nĩkwĩthĩwa nthĩnĩ wamo ũthilĩku wa Ngai nũkwĩanĩa.</verse>
				<verse number="2">Na noona kĩndũ kĩilyĩ ũkanga wa kĩsisyo ũvulene na mwaki; na ala makĩlĩtye vinya na kwĩyumya vala ve ĩla nyamũ, na mũvw’anano wayo, na namba ya syĩtwa yayo, maũngeme ũtee wa ũkanga wa kĩsisyo, me na mbeve sya Ngai.</verse>
				<verse number="3">Nao meina wathi wa Mose ngombo ya Ngai, na wathi wa kala Katena, makyasya, Mawĩa maku nĩ manene na ma ũseng’ya, Mwĩaĩi Ngai, Mwene Vinya W’onthe; moendelo maku nĩ malũngalu na ma w’o, we Mũsumbĩ wa tene tene.</verse>
				<verse number="4">Nũũ ũtakakĩa, Mwĩaĩi, na kũtaĩa syĩtwa yaku? Nũndũ nue weka mũtheu; nĩkwĩthĩwa mbaĩ syonthe ikooka na kũthaitha mbee waku; nũndũ meko maku ma ũlũngalu nĩmonanĩtw’e.</verse>
				<verse number="5">Na ĩtina wa maũndũ asu noona, na ĩkalũ ya ĩeema ya ũkũsĩ ĩtunĩ yavingũwa:</verse>
				<verse number="6">na ala alaĩka mũonza ala me na mothĩn’yo mũonza mauma ĩkalũnĩ, mevw’ĩkĩte mavia me thooa mũnene, matheu na matisu, na meevotoele nondonĩ syoo ndavũ sya thaavu.</verse>
				<verse number="7">Na kĩmwe kya ila syũmbe inya syĩ thayũ kyamanenga alaĩka asu mũonza mbakũli mũonza sya thaavu syusĩe ũthilĩku wa Ngai, ũla wĩ thayũ kũvika tene na tene.</verse>
				<verse number="8">Na ĩkalũ yausũa syũki yumĩte ũtheunĩ mũtisu wa Ngai, na vinyanĩ wake; na vaiaĩ mũndũ waatonya kũvota ĩkalũnĩ mũvaka mothĩn’yo mũonza ma alaĩka asu mũonza mathela.</verse>
			</chapter>
			<chapter number="16">
				<verse number="1">Na neew’a wasya mũnene ũiuma ĩkalũnĩ, ũimatavya ala alaĩka mũonza atĩĩ, Endai, na mũiĩta ila mbakũli mũonza sya ũthilĩku wa Ngai nthĩ.</verse>
				<verse number="2">Na ũla wa mbee aenda, na eta mbakũli yake nthĩ; na kweethĩwa itau nthũku mũno na syĩ na woo mũnene andũnĩ ala me na ũvano wa ĩla nyamũ, na ala mathaithaa mũvw’anano wayo.</verse>
				<verse number="3">Na ũla wa kelĩ eta mbakũli yake ũkanganĩ; naw’o watw’ĩka nthakame ta ya mũndũ mũkw’ũ; na kyonthe kĩ thayũ kyakw’a, kya ila syĩ ũkanganĩ.</verse>
				<verse number="4">Na ũla wa katatũ eta mbakũli yake mbũsĩnĩ na nthongonĩ sya manzĩ; nasyo syatw’ĩka nthakame.</verse>
				<verse number="5">Na neew’a mũlaĩka wa manzĩ aiasya, We wĩ mũlũngalu, ũla wĩ vo na ũla waĩ vo, we Ũla Mũtheu, nĩkwĩthĩwa nĩwasilĩla ũu:</verse>
				<verse number="6">nũndũ nĩmetĩkisye nthakame ya atheu na athani, naku wamanenga nthakame manyw’e: nĩmaĩlwe.</verse>
				<verse number="7">Na neew’a kĩthembeo kĩiasya, Ĩĩ, we Mwĩaĩi Ngai, Mwene Vinya W’onthe, motw’ĩo maku nĩ ma w’o na nĩ malũngalu.</verse>
				<verse number="8">Na ũla wa kana eta mbakũli yake ĩũlũ wa syũa; na yanengwa kũvĩvya andũ na mwaki.</verse>
				<verse number="9">Na andũ mavĩvw’a na ũvyũvu mũnene: na mayĩuma syĩtwa ya Ngai ũla wĩ na ũkũmũ ĩũlũ wa mothĩn’yo asu; na matyaalyũla ngoo na kũmũnenga ndaĩa.</verse>
				<verse number="10">Na ũla wa katano eta mbakũli yake kĩvĩlanĩ kya ũsumbĩ kya ĩla nyamũ; na ũsumbĩ wayo weekĩwa kĩvindu; na matanyũka nĩmĩ syoo nũndũ wa woo,</verse>
				<verse number="11">na mamũuma Ngai wa ĩtunĩ nũndũ wa mawoo moo na itau syoo; na matyaaalyũla ngoo ũndũ wa mawĩa moo.</verse>
				<verse number="12">Na ũla wa thanthatũ eta mbakũli yake ĩũlũ wa ũla ũsĩ mũnene, wĩtawa Euvalati; na manzĩ maw’o mang’ala, nĩ kana nzĩa ĩseũvĩw’e asumbi ala meũka kuma wumĩlonĩ wa syũa.</verse>
				<verse number="13">Na noona maveva atatũ mavuku, mailyĩ syoa, maiuma kanyw’anĩ wa ũla mũkũnga, na kanyw’anĩ wa ĩla nyamũ, na kanyw’anĩ wa mwathani wa ũvũngũ:</verse>
				<verse number="14">nĩkwĩthĩwa nĩ maveva ma ndaimoni, mekaa syama; ala meuma mathi kwa asumbĩ ma nthĩ yonthe kũmomban’ya kaũnĩ wa mũthenya mũnene wa Ngai, Mwene Vinya W’onthe.</verse>
				<verse number="15">(Sisya, nĩũka ta kĩng’ei. Nĩ mũathime ũla ũsyaĩĩasya na kũsũvĩa ngũa syake, ndakathi e mũthei, na makona nthoni syake.)</verse>
				<verse number="16">Na mamomban’ya vamwe vala vetawa Kĩevelania Ali‐Maketoni.</verse>
				<verse number="17">Na ũla wa mũonza eta mbakũli yake ĩũlũ wa yayaya; na wasya mũnene wauma ĩkalũnĩ kuma kĩvĩlanĩ kya ũsumbĩ, ũkyasya, Nĩ kwĩke:</verse>
				<verse number="18">na kwaĩ motisi, na mawasya, na itundumo; na kwaĩ kĩtetemo kĩnene kya nthĩ, o na kũiaaithĩwa kĩngĩ takyo kuma andũ meethĩwa kũũ nthĩ, kĩtetemo kĩnenevete ũu, kĩan’ya vinya ũu.</verse>
				<verse number="19">Na ĩla ndũa nene yaanw’a ilungu itatũ, na ndũa sya i mbaĩ syavalũka: na Mbaviloni ĩla ndũa nene yalilikanwa mbee wa Ngai, ĩnengwe kĩkombe kya mbinyu ya wai wa ũthilĩku wake.</verse>
				<verse number="20">Na ithama syonthe syakĩa, na iĩma nasyo ityaaoneka ĩngĩ.</verse>
				<verse number="21">Na mbua nene ya mavia, kĩla ĩvia ũito wayo waĩ ta talendi ĩmwe, yamatheeea andũ kuma ĩtunĩ: na andũ mamũuma Ngai nũndũ wa ũthĩn’yo ũsu wa mbua ya mavia; nĩkwĩthĩwa ũthĩn’yo wayo nĩ mũnene mũno.</verse>
			</chapter>
			<chapter number="17">
				<verse number="1">Na kwookie ũmwe wa alaĩka asu mũonza ala maĩ na mbakũli mũonza, aneena nakwa, akyasya, Ũka vaa, nĩngũkwon’ya ũsilĩlo wa yĩla ĩlwaya ĩnene yĩla yĩkalaa ĩũlũ wa iw’ũ nyingĩ;</verse>
				<verse number="2">yĩla asumbĩ ma nthĩ malaalaile nayo, na ala matwĩe nthĩ matoonw’a nĩ mbinyu ya ũiaalai wayo.</verse>
				<verse number="3">Nake angua nĩ Vevanĩ kũvika weũnĩ: na noona mũndũ mũka ekalĩle nyamũ ndune mũno, yusũĩte masyĩtwa ma kũumana, ĩ na mĩtwe mũonza na mbya ĩkũmi.</verse>
				<verse number="4">Na ũ mũndũ mũka eevw’ĩkĩte ngũa ĩilyĩ ta ndune na ĩngĩ ndune mũno, na aseũvĩtw’e na thaavu na tũvila twĩ thooa mũnene na malũlũ, na kw’okonĩ kwake aĩ na kĩkombe kya thaavu kyusĩwe nĩ mothatyo, nao nĩ maũndũ mavuku ma ũlaalai wake,</verse>
				<verse number="5">na kĩtulyanĩ kyake vaandĩkĩtwe syĩtwa, NZAMA, MBAVILONI ĨLA NENE, INYIA WA MALWAYA NA WA MOTHATYO MA NTHĨ.</verse>
				<verse number="6">Na noona mũndũ mũka ũsu aitoonw’a nĩ nthakame ya atheu, na nthakame ya ngũsĩ sya Yesũ. Namwona, naseng’a na ũseng’yo mũnene.</verse>
				<verse number="7">Na ũla mũlaĩka angũlya, Nĩ kyaũ kĩũkũseng’ya? Nĩngũũtavya nzama ya mũndũ mũka ũũ, na ya nyamũ ĩla ĩmũkuĩte, ĩla ĩ na mĩtwe mũonza na mbya ĩkũmi.</verse>
				<verse number="8">Nyamũ ĩla woona yaĩ vo, na yu ndĩ vo; na nĩkilĩlye kwambata kuma yĩla ĩimanĩ yĩte kĩtulu, na kũthi wanangĩkonĩ. Na ala matwĩe nthĩ makaseng’a, ala masyĩtwa moo mataaandĩkwa ĩvukunĩ ya thayũ kuma mwambĩlĩlyo wa nthĩ, moona ĩla nyamũ, ũndũ yaĩ vo, na yu ndĩ vo, na ĩkeethĩwa vo.</verse>
				<verse number="9">Vaa nĩvo ve kĩlĩko kĩ na ũĩ. Mĩtwe ĩsu mũonza nĩ iĩma mũonza, ila mũndũ mũka wĩkalĩle:</verse>
				<verse number="10">nasyo nĩ asumbĩ mũonza; atano nĩ avalũku, ũmwe e vo, na ũla ũngĩ ndanamba kũka; nake ooka, mũvaka ekale kavinda kanini.</verse>
				<verse number="11">Na nyamũ ĩla yaĩ vo, na yu ndĩ vo, nayo nĩyo ya nyanya, na nĩ ya ila mũonza; nayo ĩthi wanangĩkonĩ.</verse>
				<verse number="12">Na mbya ĩkũmi ila wonie nĩ asumbĩ ĩkũmi, ala matanamba kwosa ũsumbĩ; ĩndĩ meosa ũkũmũ ta asumbĩ, vamwe na nyamũ ĩsu, ĩvinda ya saa ũmwe.</verse>
				<verse number="13">Asu me na kĩlilikano kĩmwe, na memĩnenga nyamũ ĩsu vinya na ũkũmũ woo.</verse>
				<verse number="14">Asu makokita na kala Katena ka ĩlondu, nake Katena akamakĩlya vinya, nĩkwĩthĩwa we nĩ Mwĩaĩi wa eaĩi na Mũsumbĩ wa asumbĩ; na ala me nake, ala meetiwe, anyuve na me na kĩthito, makakĩlya vinya.</verse>
				<verse number="15">Nake ambĩa, Iw’ũ ila wonie, vala yĩla ĩlwaya yĩkalaa, nĩ ngo sya andũ, na makomano, na mbaĩ, na ithyomo.</verse>
				<verse number="16">Na mbya ĩkũmi ila wonie na ĩla nyamũ, asu makamena yĩla ĩlwaya, na makayĩtia yoka, na yĩ ĩthei, na makaya nyama syayo, na makayĩvĩvya vyũ na mwaki.</verse>
				<verse number="17">Nũndũ Ngai ekĩĩte ngoonĩ syoo kwĩka kwenda kwake, na kwĩtĩkĩla ũndũ ũmwe, na kũmĩnenga ĩla nyamũ ũsumbĩ woo, mũvaka ndeto sya Ngai syĩanĩe.</verse>
				<verse number="18">Na mũndũ mũka ũla wonie nĩwe ĩla ndũa nene, ĩla ĩsumbĩkaa ĩũlũ wa asumbĩ ma nthĩ.</verse>
			</chapter>
			<chapter number="18">
				<verse number="1">Na ĩtina wa maũndũ asu noona mũlaĩka ũngĩ aitheea kuma ĩtunĩ, e na ũkũmũ mũnene; na nthĩ yeekĩiwe kyeni nĩ ũtheu wake mũtisu.</verse>
				<verse number="2">Nake aneena na wasya wĩ vinya mũno, aiasya, Nĩ mbalũku, nĩ mbalũku, Mbaviloni ĩla ndũa nene, na nĩtw’ĩkĩte ũtũo wa ndaimoni, na kolokolo wa kĩla veva mũvuku, na kolokolo wa kĩla nyũnyi, mbuku na mene.</verse>
				<verse number="3">Nĩkwĩthĩwa mbaĩ syonthe nĩ mbalũku nũndũ wa mbinyu ya ũthatu wa ũlaalai wake; na asumbĩ ma nthĩ nĩmalaalaile nake, na atandĩthya ma nthĩ nĩmathuiw’e nĩ wingĩ wa wanango wake.</verse>
				<verse number="4">Na neew’a wasya ũngĩ ũkyuma ĩtunĩ, ũiasya, Umai nthĩnĩ wake, andũ makwa, nĩ kana mũikethĩwe na mũamba na naĩ syake, na mũikose mothĩn’yo make:</verse>
				<verse number="5">nũndũ naĩ syake nivikĩte o na ĩtunĩ, na Ngai nũlilikanĩte mothũku make.</verse>
				<verse number="6">Mũĩvanĩsyei o ũndũ waĩvanĩasya, na mũimũĩvanĩsya kũndũ kwĩlĩ kwĩanana na meko make: kĩkombenĩ kĩla wavulanilye, mũvulanĩlyei kũndũ kwĩlĩ.</verse>
				<verse number="7">O ũndũ we wetaĩe, na kwĩkala motanunĩ ma mwĩĩ, mũnenge mathĩna na kĩmeto o ta ũu: nĩkwĩthĩwa easya ngoonĩ yake, Nĩilyĩ nthi nĩ mũsumbĩ mũndũ mũka, na ndi ndiwa na ndikethĩwa na kĩmeto nongi.</verse>
				<verse number="8">Kwondũ wa ũu mũthenya o ũmwe mothĩn’yo make makooka, kĩkw’ũ, na kĩmeto, na yũa; nake akavĩvw’a vyũ na mwaki; nĩkwĩthĩwa Mwĩaĩi Ngai ũla wamũsilĩle e na vinya.</verse>
				<verse number="9">Na asumbĩ ma nthĩ, ala malaalaile nake na kwĩkala motanunĩ ma mwĩĩ vamwe nake, makamũĩĩa na kũmeta masisya syũki ya kũvya kwake,</verse>
				<verse number="10">makĩũngama kũasa nũndũ wa w’ĩa wa thĩna wake, makyasya, Woo, woo, ndũa nene, Mbaviloni, ndũa ĩla yĩ vinya! Nĩkwĩthĩwa saa ũmwe ũsilĩlo waku nĩwooka.</verse>
				<verse number="11">Na atandĩthya ma nthĩ nĩmeũmũĩĩa na kũmeta, nĩkwĩthĩwa vai mũndũ ũthooaa mĩio yoo ĩngĩ;</verse>
				<verse number="12">mĩio ya thaavu, na vetha, na tũvila twĩ thooa mũnene, na malũlũ, na ngũa sya katane nzeo, na ila itilyĩ ta ndune, na sya alili, na ila ndune mũno; na mĩtĩ yonthe ĩla ĩnyungaa nesa, na mĩio yonthe ĩseũvĩtw’e na maeo ma nzou, na mĩio yonthe ĩseũvĩtw’e na mĩtĩ ĩ thooa mũnene, na ya ũthuku, na kĩaa, na mavia maseo;</verse>
				<verse number="13">na mũtalasini, na ĩliki, na ũvani, na manukato, na ũvumba, na mbinyu, na mauta ma mũthata, na mũtu mũvinyu, na nganũ, na ng’ombe, na malondu, na mbalasi, na ngalĩ, na ngombo, na mathayũ ma andũ.</verse>
				<verse number="14">Na mosyao ala ngoo yaku yendie nĩmakũtiie, na syĩndũ syonthe ila syaĩ nou na nzeo mũno nikwaĩe, na andũ maikasyona ĩngĩ nongi.</verse>
				<verse number="15">Na atandĩthya ma mĩio ĩsu, ala mathuiw’e nĩwe, makaũngama kũasa mũno nũndũ wa w’ĩa wa thĩna wake, makĩĩa na kũmeta;</verse>
				<verse number="16">makyasya, Woo, woo, ndũa nene, ĩla ĩneevw’ĩkĩte ngũa sya katane nzeo na ila itilyĩ ta ndune na ila ndune mũno, na kwanakavw’a na thaavu na tũvila twĩ thooa mũnene na lũlũ!</verse>
				<verse number="17">Nũndũ saa ũmwe ũthwii wĩana ũu nĩwaminwa. Na kĩla mũnene wa ngalawa, na kĩla mũndũ ũendaa ũkanganĩ o na va, na atwai ma ngalawa, na onthe ala matwĩw’e nĩ wĩa wa ũkanganĩ, maũngama kũasa,</verse>
				<verse number="18">na maneena na wasya mũnene makĩsisya syũki ya kũvya kwayo, makyasya, Nĩ ndũa yĩva ĩtilyĩ ndũa ĩsu nene?</verse>
				<verse number="19">Na mekya kĩtoo mĩtwenĩ yoo, na maneena na wasya mũnene, makĩĩa na kũmeta, makyasya, Woo, woo, ĩla ndũa nene, ĩla ntnĩnĩ wayo onthe ala maĩ na ngalawa syoo ũkanganĩ mathuĩtw’e nũndũ wayo kũnenevya thooa! Nũndũ saa ũmwe nĩyatw’ĩka ĩanzo.</verse>
				<verse number="20">Tanai ĩũlũ wayo, we ĩtu, na inyw’ĩ atheu, na inyw’ĩ atũmwa, na inyw’ĩ athani; nĩkwĩthĩwa Ngai nũsilĩlĩte ũsilĩlo wenyu ĩũlũ wayo.</verse>
				<verse number="21">Na mũlaĩka wĩ vinya ookĩlya ĩvia yailyĩ ĩvia ĩnene ya ũthia na ayĩkya ũkanganĩ, aiasya, O ta ũu Mbaviloni, ĩla ndũa nene, ĩkekw’a nthĩ na ũvalũko mũnene, na ndĩkoneka ĩngĩ nongi.</verse>
				<verse number="22">Na mawasya ma aingi ma mbeve na aini ma mbathi na avuvi ma nzumalĩ na avuvi ma masoo maikew’ĩka nthĩnĩ waku nongi; na vai ndũĩka, o na yĩva, ĩkoneka nthĩnĩ waku ĩngĩ nongi; na wasya wa ĩvia ya ũthia ndũkew’ĩka nthĩnĩ waku nongi;</verse>
				<verse number="23">na kyeni kya taa kĩikakena nthini waku nongi: na wasya wa mũtwaani na wa mũtwawa ndũkew’ĩka nthĩnĩ waku ĩngĩ nongi: nĩkwĩthĩwa atandĩthya maku maĩ anene ma nthĩ; nũndũ mbaĩ syonthe nĩsyakengiwe nĩ ũoi waku.</verse>
				<verse number="24">Na nthĩnĩ wayo kwoonekie nthakame ya athani na ala atheu, na ya onthe ala mooaiwe nthĩ.</verse>
			</chapter>
			<chapter number="19">
				<verse number="1">Ĩtina wa maũndũ asu neew’a wasya mũnene wa nguthu nene ĩtunĩ, ũiasya, Aleluya; Ũtangĩĩo, na ndaĩa, na vinya, nĩ sya Ngai waitũ:</verse>
				<verse number="2">nũndũ motw’ĩo make nĩ ma w’o na nĩ malũngalu; nũndũ nũsilĩle yĩla ĩlwaya ĩnene, yĩla yathũkisye nthĩ na ũlaalai wayo, nake nĩwaĩvanĩsye nthakame ya ngombo syake kw’okonĩ kwayo.</verse>
				<verse number="3">Na masya ĩvinda ya kelĩ, Aleluya. Na syũki yayo yambataa kũvika tene na tene.</verse>
				<verse number="4">Na ala atumĩa mĩongo ĩlĩ na ana na ila syũmbe inya syĩ thayũ mavalũka nthĩ na mamũthaitha Ngai ũla wĩkalaa kĩvĩlanĩ kya ũsumbĩ, maiasya, Ameni: Aleluya.</verse>
				<verse number="5">Na wasya wauma kĩvĩlanĩ kya ũsumbĩ, ũiasya, Mũkumyei Ngaĩ waitũ, inyw’onthe ngombo syake, inyw’ĩ ala mũmũkĩaa, anini na anene.</verse>
				<verse number="6">Na neew’a ta wasya wa nguthu nene, na ta wasya wa iw’ũ nyingĩ, na ta wasya wa itundumo ila syĩ vinya mũno, ũiasya, Aleluya: nĩkwĩthĩwa Mwĩaĩi Ngai waitũ, Mwene Vinya W’onthe, nũsumbĩkĩte.</verse>
				<verse number="7">Tũtanei na kwĩw’a mũyo mũno, na tũimũnenga we ndaĩa: nĩkwĩthĩwa mũtwaano wa kala Katena nĩ mũviku, na mũka wake nĩwĩseũvĩtye.</verse>
				<verse number="8">Nake anengwa kwĩkĩa ngũa ya katane nzeo, ndisu na ntheu: nũndũ ngũa ĩsu ya katane nzeo nĩ meko malũngalu ma atheu.</verse>
				<verse number="9">Na ambĩa, Andĩka, Nĩ aathime ala metĩtwe mbokanĩ ya mũtwaano ya kala Katena. Na ambĩa, Ii nĩ ndeto sya w’o sya Ngai.</verse>
				<verse number="10">Nakwa navalũka maũũnĩ make nĩmũthaithe. Nake ambĩa, Sisya, ndũkeke ũu: nyie nĩ ngombo vamwe naku na vamwe na ana‐a‐ĩthe maku ala makwataa ũkũsĩ wa Yesũ; thaitha Ngai: nũndũ ũkũsĩ wa Yesũ nĩw’o veva wa wathani.</verse>
				<verse number="11">Na noona ĩtu yĩvingũkĩte; na sisya, mbalasi nzaũ, na ũla ũmĩtũlĩte, eetawa Mũkĩthito na Mũw’o; na asilaa na ũkwatya kaũ na ũlũngalu.</verse>
				<verse number="12">Na metho make nĩ ũmũĩ wa mwaki, na mũtwenĩ wake ve ngovia nyingĩ sya ũsumbĩ; nake e na syĩtwa yĩandĩkĩtwe, yĩla yĩtesĩkĩwe nĩ mũndũ o na wĩva ate o we mwene.</verse>
				<verse number="13">Nake eevw’ĩkĩte ngũa ĩminzangĩw’e nthakame: na syĩtwa yake eetawa Ndeto ya Ngai.</verse>
				<verse number="14">Na ita ila syĩ ĩtunĩ syamũatĩĩa itũlĩte mbalasi nzaũ, syĩvw’ĩkĩte katane nzeo, nzaũ na ntheu.</verse>
				<verse number="15">Na ũvyũ mũĩ wauma kanyw’anĩ wake, nĩ kana akũne mbaĩ naw’o: na akaisumbĩka na ndata ya kĩaa: nake ekinyangĩa kĩangĩonĩ kya mbinyu ya wai wa ũthilĩku wa Ngai, Mwene Vinya W’onthe.</verse>
				<verse number="16">Na ngũanĩ yake na nthũnũnĩ yake e na syĩtwa yĩandĩkĩtwe, MŨSUMBĨ WA ASUMBĨ NA MWĨAĨI WA EAĨI.</verse>
				<verse number="17">Na noona mũlaĩka ũmwe aũngeme syũanĩ; na aneena na wasya mũnene, aitavya nyũnyi syonthe ila ilũlũkaa ĩtunĩ katĩ, Ũkai mũmbane vamwe mbokanĩ ĩla nene ya Ngai;</verse>
				<verse number="18">nĩ kana mũye nyama sya asumbĩ, na nyama sya anene ma asikalĩ ngili, na nyama sya andũ ala me na vinya, na nyama sya mbalasi na sya ala masyĩkalĩlaa, na nyama sya andũ onthe, ala mate ngombo na ngombo, anini na anene.</verse>
				<verse number="19">Na noona ĩla nyamũ, na asumbĩ ma nthĩ, na ita syoo, mombanĩte makwatye kaũ na ũla wĩkalĩle ĩla mbalasi, na ita syake.</verse>
				<verse number="20">Na ĩla nyamũ yakwatwa, na vamwe nayo ũla mwathani wa ũvũngũ ũla wekie syama mbee wayo, na kwondũ wasyo wamakengie ala mosete ũvano wa ĩla nyamũ na ala mathaithie mũvw’anano wayo: me elĩ mekiw’e me thayũ ĩianĩ ya mwaki ũla wakanaa na mũvĩlĩtĩ:</verse>
				<verse number="21">na ala matialile mooaiwe na ũvyũ wa ũla wekalĩle ĩla mbalasi, naw’o nĩ ũvyũ ũla waumie kanyw’anĩ wake: na nyũnyi syonthe syavũnw’a nĩ nyama syoo.</verse>
			</chapter>
			<chapter number="20">
				<verse number="1">Na noona mũlaĩka aitheea kuma ĩtunĩ, e na ũvungũo wa yĩla ĩima yĩte kĩtulu na mũnyololo mũnene kw’okonĩ kwake.</verse>
				<verse number="2">Nake akwata ũla mũkũnga, nzoka ngũũ, nayo nĩ Ndevili na nĩwe Satani, na amwova myaka ngili,</verse>
				<verse number="3">na amwĩkya ĩimanĩ yĩte kĩtulu na ayĩvinga, na asyĩsiĩla ĩũlũ wake, nĩ kana ndakakenge mbaĩ ĩngĩ, mũvaka ĩla myaka ngili ĩthele: ĩtina wa ũu mũvaka athaw’e kavinda kanini.</verse>
				<verse number="4">Na noona ivĩla sya ũsumbĩ, namo mekala ĩũlũ wasyo, na manengwa kũsila: na noona mathayũ ma ala matililwe mĩtwe kwondũ wa ũkũsĩ wa Yesũ, na ndeto ya Ngai, na ala mataathaitha ĩla nyamũ, kana mũvw’anano wayo, na ala mataaosa ũvano itulyanĩ syoo na mokonĩ moo; nao meethĩwa thayũ, na masumbĩka vamwe na Klĩsto myaka ngili.</verse>
				<verse number="5">Akw’ũ ala matialile matyaaĩthĩwa thayũ mũvaka myaka ĩsu ngili ĩthele. Ũu nĩw’o ũthayũũkyo wa mbee.</verse>
				<verse number="6">Nĩ mũathime na nĩ mũtheu ũla wĩ na kĩanda ũthayũũkyonĩ wa mbee: ĩũlũ wa asu kĩkw’ũ kya kelĩ kĩti na ũkũmũ; ĩndĩ makeethĩwa athembi ma Ngai ma Klĩsto, na makasumbĩka vamwe nake myaka ngili.</verse>
				<verse number="7">Na myaka ĩsu ngili yathela, Satani akathaw’a kuma kolokolonĩ wake,</verse>
				<verse number="8">na akauma akenge mbaĩ ila syĩ ikotonĩ inya sya nthĩ, Ngoki na Makoki, kũmomban’ya vamwe kaũnĩ: ũtalo wamo nĩ ta kĩthangathĩ kya ũkanganĩ.</verse>
				<verse number="9">Nao mambata ĩũlũ wa ũthanthau wa nthĩ, na mathyũlũlũka mwako wa maeema wa atheu, na ndũa ĩla yendetwe; na mwaki watheea kuma ĩtunĩ, na wamamina.</verse>
				<verse number="10">Na ndevili ũla wamakengie ekw’a ĩianĩ ya mwaki na mũvĩlĩtĩ, nĩvo ve ĩla nyamũ na ũla mwathani wa ũvũngũ; namo makanyamaw’a mũthenya ya ũtukũ tene na tene.</verse>
				<verse number="11">Na noona kĩvĩla kĩnene kyeũ kya ũsumbĩ, na ũla wĩkalĩte ĩũlũ wakyo, nthĩ na ĩtu syakĩa ũthyũ wake; na vaiaaoneka vandũ vasyo.</verse>
				<verse number="12">Na noona akw’ũ, anene na anini, maũngeme mbee wa kĩvĩla kya kyeũ; na mavuku mavuanw’a: na ĩvuku yĩngĩ yavuanw’a, nayo nĩ ĩvuku ya thayũ: na ala akw’ũ masilĩlwa na maũndũ ala maandĩkĩtwe mavukunĩ asu, kwĩanana na meko moo.</verse>
				<verse number="13">Na ũkanga waumya akw’ũ ala maĩ nthĩnĩ waw’o; na kĩkw’ũ na vandũ vala maveva ma akw’ũ mekalaa syaumya akw’ũ ala maĩ nthĩnĩ wasyo: na masilĩlwe kĩla mũndũ kwĩanana na meko make.</verse>
				<verse number="14">Na kĩkw’ũ na vala maveva ma ala akw’ũ mekalaa syekw’a ĩianĩ ya mwaki. Kĩĩ nĩkyo kĩkw’ũ kya kelĩ, nakyo nĩ ĩia ya mwaki.</verse>
				<verse number="15">Na ethĩwa mũndũ o na wĩva alea kwoneka aaĩndĩkĩtwe ĩvukunĩ ya thayũ, nĩwekiw’e ĩianĩ ya mwaki.</verse>
			</chapter>
			<chapter number="21">
				<verse number="1">Na noona ĩtu yeũ na nthĩ nzaũ: nĩkwĩthĩwa ĩtu ya mbee na nthĩ ya mbee nĩ mbĩtu; na ũkanga ndwĩ vo ĩngĩ.</verse>
				<verse number="2">Na noona ũla mũsyĩ mũtheu, Yelusaleme mweũ, ũitheea kuma ĩtunĩ kwa Ngai, ũmbanĩtw’e ta mũtwawa ũseũvĩw’e mũũme.</verse>
				<verse number="3">Na neew’a wasya mũnene kuma kĩvĩlanĩ kya ũsumbĩ, ũiasya, Sisya, ĩeema ya Ngai yĩ vamwe na andũ, nake akatũa vamwe nao, namo makeethĩwa andũ make, na Ngai mwene akeethĩwa vamwe nao, Ngai woo:</verse>
				<verse number="4">na akavyaĩa methoi onthe methonĩ moo; na kĩkw’ũ kĩikethĩwa vo ĩngĩ; o na kũikethĩwa ĩngĩ kũmeta, kana kũĩa, kana woo: maũndũ ma mbee nĩ mavĩtu.</verse>
				<verse number="5">Na ũla wĩkalĩte kĩvĩlanĩ kya ũsumbĩ asya, Sisya, nĩngũtw’a maũndũ onthe meũ. Na asya, Andĩka: nĩkwĩthĩwa ndeto ii nĩ sya kĩthito na nĩ sya w’o.</verse>
				<verse number="6">Na ambĩa, Nĩ kwĩke. Nyie nĩ Aliva na Omeka, mwambĩlĩyo na mũminũkĩlyo. Ngamũnenga ũla wĩ na waũni manzĩ ma nthongo ya manzĩ ma thayũ mana.</verse>
				<verse number="7">Ũla ũkĩlasya akatiĩwa maũndũ asu; nakwa ngeethĩwa Ngai wake, nake akeethĩwa mwana wakwa.</verse>
				<verse number="8">Ĩndĩ ala makĩaa, na ala matetĩkĩlaa, na ala mathatasya, na oaani, na ilaalai, na aoi, na athaithi ma mĩvw’anano, na onthe ala maneenaa ũvũngũ, kĩanda kyoo kĩkeethĩwa ĩianĩ yĩla yakanaa mwaki na mũvĩlĩtĩ; nayo nĩa kĩkw’ũ kya kelĩ.</verse>
				<verse number="9">Na kwooka ũmwe wa alaĩka asu mũonza ala maĩ na mbakũli mũonza, ala makuĩte mothĩn’yo mũonza ma mũminũkĩlyo; na aneena nakwa, aiasya, Ũka vaa, nĩngũkwon’ya mũtwawa, mũka wa kala Katena.</verse>
				<verse number="10">Na angua nĩ Vevanĩ kũvika kĩĩmanĩ kĩnene na kĩtũlu, na ambon’ya mũsyĩ ũla mũtheu Yelusaleme, ũitheea kuma ĩtunĩ kwa Ngai,</verse>
				<verse number="11">wĩ na ũtheu mũtisu wa Ngai: kyeni kyaw’o kyailyĩ kavila ka thooa mũnene, ta kavila ketawa yasivi, katheu ta kĩsisyo:</verse>
				<verse number="12">wĩ na ũvai mũnene na mũtũlu; wĩ na mbingĩlo ĩkũmi na ilĩ, na mbingĩlonĩ alaĩka ĩkũmi na elĩ; na masyĩtwa maandĩkĩtwe mbingĩlonĩ, nao nĩ masyĩtwa ma mbaĩ ĩkũmi na ilĩ sya ana ma Isilaeli:</verse>
				<verse number="13">ngalĩ ya wumĩlonĩ wa syũa kwaĩ mbingĩlo itatũ; na ngalĩ ya ĩũlũ mbingĩlo itatũ; na ngalĩ ya ĩtheo mbingĩlo itatũ; na ngalĩ ya ũthũĩlonĩ wa syũa mbingĩlo itatũ.</verse>
				<verse number="14">Na ũvai wa mũsyĩ waĩ na myambĩlĩlyo ĩkũmi na ĩlĩ, na ĩũlũ wayo masyĩtwa ĩkũmi na elĩ ma ala atũmwa ĩkũmi na elĩ ma kala Katena.</verse>
				<verse number="15">Na ũla waneenie nakwa aĩ na kĩthimi kya mũangi wa thaavu nĩ kana athime mũsyĩ, na mbingĩlo syaw’o, na ũvai waw’o.</verse>
				<verse number="16">Na mũsyĩ ũsu wĩanene ngalĩ inya, ũasa waw’o wĩanene na ũthanthau waw’o: na athima mũsyĩ na mũangi ũsu, na eethĩa nĩ maĩli ngili ĩmwe na maana atano: ũasa na ũthanthau na ũtũlu waw’o nĩsyĩanene.</verse>
				<verse number="17">Na athima ũvai waw’o, mĩkono ĩana na mĩongo ĩna na ĩna, kũthima kwa mũndũ, nakw’o nĩ kwa mũlaĩka.</verse>
				<verse number="18">Na ũvai waw’o waakĩtwe na yasivi: na mũsyĩ waĩ wa thaavu mũtheu, ta kĩsisyo kĩtheu.</verse>
				<verse number="19">Myambĩlĩlyo ya ũvai wa mũsyĩ yanakavĩtw’e na mĩthemba yonthe ya tũvila twĩ thooa mũnene. Mwambĩlĩlyo wa mbee waĩ wa yasivi; wa kelĩ, savili; wa katatũ, kasitoni; wa kana, sumalatĩ;</verse>
				<verse number="20">wa katano, salitonyi; wa thanthatũ, salitũ; wa mũonza, savaliyati; wa nyanya, nzamalati ntheu; wa kenda, tovasi; wa ĩkũmi, kilisovilise; wa ĩkũmi na ũmwe, samawi; na wa ĩkũmi na ĩlĩ, amethusito.</verse>
				<verse number="21">Na mbingĩlo ĩkũmi na ilĩ syaĩ sya malũlũ ĩkũmi na elĩ; kĩla mbingĩlo yaĩ ya lũlũ ũmwe: na nzĩa ya mũsyĩ yaĩ thaavu mũtheu, ta kĩsisyo kĩtheu.</verse>
				<verse number="22">Na ndyaaona ĩkalũ nthĩnĩ waw’o: nĩkwĩthĩwa Mwĩaĩi Ngai Mwene Vinya W’onthe, na kala Katena, nĩo ĩkalũ yaw’o.</verse>
				<verse number="23">Na mũsyĩ ũsu ndwĩ vata wa syũa, kana mwei, kũkena ĩũlũ waw’o: nũndũ ũtheu mũtisu wa Ngai ũwĩkĩaa kyeni, na taa waw’o nĩ kala Katena.</verse>
				<verse number="24">Na mbaĩ ikaendaa na kyeni kyaw’o: na asumbĩ ma nthĩ makaete ndaĩa yoo nthĩnĩ waw’o.</verse>
				<verse number="25">Na mbingĩlo syaw’o itikavingwa o na ĩndĩĩ mũthenya (nũndũ kũikethĩwa ũtukũ kw’o):</verse>
				<verse number="26">na makaete ndaĩa na nguma sya mbaĩ nthĩnĩ waw’o:</verse>
				<verse number="27">na nthĩnĩ waw’o vaikavota nongi kĩndũ kĩvuku, kana ũla wĩkaa ũthũku na ũvũngũ; ĩndĩ no ala maandĩkĩtwe ĩvukunĩ ya thayũ ya kala Katena.</verse>
			</chapter>
			<chapter number="22">
				<verse number="1">Nake ambon’ya ũsĩ wa manzĩ ma thayũ, mũtisu ta kĩsisyo, wumĩte kĩvĩlanĩ kya ũsumbĩ kya Ngai na kya kala Katena,</verse>
				<verse number="2">wĩ katĩ wa nzĩa nene yaw’o. Na mũingo ũũ wa ũsĩ o na mũingo ũya vaĩ mũtĩ wa thayũ, ũsyaĩte mĩthemba ĩkũmi na ĩlĩ ya mosyao, ũsyaaa mosyao maw’o kĩla mwei: na matũ ma mũtĩ ũsu nĩ ma kũvosya mbaĩ.</verse>
				<verse number="3">Na kũikethĩwa kĩumo ĩngĩ: na kĩvĩla kya ũsumbĩ kya Ngai na kya Katena kĩkeethĩwa nthĩnĩ waw’o: na ngombo syake ikamũthũkũmaa;</verse>
				<verse number="4">na ikoonaa ũthyũ wake; na syĩtwa yake yĩkeethĩwa itulyanĩ syasyo.</verse>
				<verse number="5">Na kũikethĩwa ũtukũ ĩngĩ; na mati vata wa kyeni kya taa, kana kyeni kya syũa; nĩkwĩthĩwa Mwĩaĩi Ngai akamanenga kyeni: nao makasumbĩka tene na tene.</verse>
				<verse number="6">Na ambĩa, Ndeto ii nĩ sya kĩthito na nĩ sya w’o: na Mwĩaĩi, Ngai wa maveva ma athani, atũma mũlaĩka wake asyon’ye ngombo syake maũndũ ala matatĩa kwĩthĩwa mĩtũkĩ.</verse>
				<verse number="7">Na sisya, nyie ngooka mĩtũkĩ. Nĩ mũathime ũla ũkwataa ndeto sya wathani wa ĩvuku yĩĩ.</verse>
				<verse number="8">Nakwa Yoana ninyie neewie na kwona maũndũ asu. Na yĩla neewie na kwona, navalũka nĩthaithĩe maũũnĩ ma mũlaĩka ũla wambonisye maũndũ asu.</verse>
				<verse number="9">Nake ambĩa, Sisya, ndũkeke ũu: nyie nĩ ngombo vamwe naku na vamwe na ana‐a‐ĩthe maku athani, na vamwe na ala makwataa ndeto sya ĩvuku yĩĩ: thaitha Ngai.</verse>
				<verse number="10">Na ambĩa, Ndũkaisiĩle ndeto sya wathani wa ĩvuku yĩĩ; nĩkwĩthĩwa ĩvinda nĩ ĩthengeeu.</verse>
				<verse number="11">Ũla ũte mũlũngalu, naendeeae na ũla ũte ũlũngalu: na ũla mũvuku, naendeeae na kũvukw’a: na ũla mũlũngalu, naendeeae na ũlũngalu: na ũla mũtheu, naendeeae na kũthew’a.</verse>
				<verse number="12">Sisya, ngooka mĩtũkĩ; na ĩtuvi yakwa yĩ vamwe nakwa, kũmũtuva kĩla mũndũ kwĩanana na wĩa wake ũndũ ũilyĩ.</verse>
				<verse number="13">Nyie nĩ Aliva na Omeka, wa mbee na wa ĩtina, mwambĩlĩlyo na mũminũkĩlyo.</verse>
				<verse number="14">Nĩ aathime ala mathambasya ngũa syoo, nĩ kana methĩwe na ũkũmũ wa kũvika mũtĩnĩ wa thayũ, na mesĩle mbingĩlonĩ malike mũsyĩ.</verse>
				<verse number="15">Ũtee ve ngitĩ, na aoi, na ilaalai, na oaani, na ala mathaithaa mĩvw’anano, na kĩla mũndũ wenda ũvũngũ na kũwĩka.</verse>
				<verse number="16">Nyie Yesũ nĩnamũtũmie mũlaĩka amũkũsĩĩe inyw’ĩ maũndũ aa kwondũ wa makanisa. Ninyie kĩtina na ũsyao wa Ndaviti, ndata ĩla ĩtisaa, ĩla ya kĩoko.</verse>
				<verse number="17">Na Veva na mũtwawa measya, Ũka. Na ũla wĩw’aa nĩasye, Ũka. Na ũla wĩ na waũni, nĩoke: o ũla ũnũkwenda, nĩose manzĩ ma thayũ mana.</verse>
				<verse number="18">Nĩmũkũsĩĩa kĩla mũndũ ũla wĩw’aa ndeto sya wathani wa ĩvuku yĩĩ, Ethĩwa mũndũ o na wĩva akasyongeleela, Ngaĩ akamwongeleela mothĩn’yo ala maandĩkĩtwe ĩvukunĩ yĩĩ:</verse>
				<verse number="19">na ethĩwa mũndũ o na wĩva akaola ndeto sya ĩvuku ya wathani ũũ, Ngai akaveta kĩanda kyake ũla mũtĩnĩ wa thayũ, na nthĩnĩ wa mũsyĩ ũla mũtheu, o ila iandĩkĩtwe ĩvukunĩ yĩĩ.</verse>
				<verse number="20">Ũla ũnũũkũsĩĩa maũndũ aa easya, Ĩĩ: ngooka mĩtũkĩ. Ameni: ũka, Mwĩaĩi Yesũ.</verse>
				<verse number="21">Mumo wa Mwĩaĩi Yesũ nĩwĩthĩwe na atheu. Ameni.</verse>
			</chapter>
		</book>
	</testament>
</bible>